Skip links

قصة : نور الياسين ج43

 32,226 عدد مشاهداات

🦋نور_الياسين(976)#فرصة_ثانيةsana mina🐺🦋

واقفة متكية على دراعو مابقات تسوقات لا واش تسامح ليه ولا شكون هو اصلا بغات غير علاش تكا وتحس بالرااحة ووالو مالقاتهاش الانقباضات رجعات مدة الفرق بين انقباضة وانقباضة متقاربة بزاااف حتى صافي مبقاتش كتصبر عاطياها غير لبكا وتعض فكمايمها …

يسرى”جايا كتعقد فلطابلية ” : صفية بنتي …

صفية”شدات ليها فكمايمها وكمشات عليهم عينيها طابو بالبكا بداك الحر ديال الوجع حتى صوتها بح ليها من الامس وهي كتوجع ” : عااااافاك ديري ليا حل عااافاك راني تقهرت تقهرت اهى ااهى

ايساف”كيجر ليها راسها يبوسو ويحك ليها ورا ضهرها كيف كتوصيه” : ششش “ماعرف ميقول”

يسرى”شافتو كيحك ليها ورا ضهرها” : ايساف شنو وصيتك ؟ ماتحكش ليها باش ميهمدش الوجع …

ايساف”غوت” : واشنو تبقى هاكا ؟؟؟ حتى لين …

يسرى”خنزرات فيه ” : ايساف !!! مالنا ؟

ايساف”حدر عينيه ” : سمحي ليا غير تعصبت…

يسرى: جيب كرسي وجيبها عندي نقلبها وتهدن شد فراسك ..يلاه تحرك ورايا …

معاودهاش معاها ميقدرش يهز العين دار ركب صفية فالكرسي وتم غادي بيها حتى بغا يضرب الدورة لعند يسرى المكتب وهو يتصاطح مع بنية صغيييرة كتمشى وتجري تضحك وتغوت وصوت شخص من وراها تابعها كانت شهيبة عينيها زرقيييين …تا شافت فيها صفية وهي تبتاسم وسط وجعها…يلاه بغا يهزها وهي تجي مها هز عينو فيها وهو يغوبش …

ريم “خرجات عينيها تا بدات تكحب” : ا ايساف كحكح كح …

ايساف”حدر عينو كنوع من غض البصر وحط ايدو على كتف صفية كيدلكو ليها” : ختي ريم لباس عليك …

ريم : هااا “ريم صاحبة ايساف اللولة الي كان كيبغي” احم بيخير “شافت صفية الي حدارة راسها وكتبكي وتدلك ورا ضهرها” مراتك ؟

ايساف “حرك راسو” : كلشي فحياتي ” وجر الكرسي بصفية وتخطاها وزاد كانها معمرها عرفاتو ولا عرفها كانه عمرو عاش معاها علاقة حب وغرام وكانو ناويين زواج …ساعاك تمشي المكاتيب بارادة الله ..كان واحد البياص فيه فين تحطي رجليك باش يتقلشو …هزها بين دراعو …حطها…

يسرى: هزي رجليك هنا بنتي”عاونتها تاهزاتهم حيدات ليها سروال البيجامة ونزلات ليها الكيلوط وغطاتها بايزار تا بدات تقلب فيها دارت ليگانت وزدات صباعها زوج وخشاتهم ليها لتحت تا قفزات …

يسرى : الوالدة مزال ماتحلات مزيان …

ايساف : وشنو دابا ؟

يسرى “مجاوباتوش مشات جابت واحد القويلب فحال شكل الزاج دارتو بين صبعانها زوج ودخلاتو ليها مزيااان بقات دايراه تا طلع وجمعات ليها رجليها ” : سيري وجي ابنتي تنشوفو …”خلاتها كتنوض كان همد عليها الوجع شوي كيعاونوها الممرضات..ومشات جيهة المكتب تبعها ايساف ”

ايساف : شنو اخر حل ؟

يسرى : ههههه نفسك ديقة يا ولدي …مادام سقية ما طرطقاتش مادام الجنين مابيه والو نتسناو الوالدة تحل سي نو الى وقعو مضاعفات غادي نضطر لسيزاغيان …

ايساف”خرج عينيه” : وايلي …”بدا يقفقف لاول مرة يحس براسو فاااشل انه يدير شي حاجة لاول مرة حس براسو ان العذاب الي كيدوز منو هو الشخص الوحيدة الي هي صفية …حس بحلقو نشف حتى كان غايفشل وهي تشدو يسرى مشات كبات ليه كاس الما …

يسرى : بسم الله عليك …اولدي ماتخافش عاطياك العاهد اولدي راني مدوزة ودايرة من هادشي دير املك فالله وحده هو القادر على كلشي الله يرضي عليك…”دخلات عليها راوية ”

راوية : امضرا ايسرى …

يسرى”كتشرح لراوية خلاها ايساف ومشا دخل لعند صفية لقاها كاسرة دنيا بالغوات واقفة كتمشي وتجي بغات تفشل تا مشا كيجري لعندها شدها”

صفية “عاضة فطرف كمايمها” : اععععععععنننمممممممممممننمممممم واااااااااااااااربي ربي ربييييييييييي اهى اهى اخى واااااااااااربييييييييييي الحبيب كون معايا يااااربيييييي”كتحس بالنفس تقطعت كتشهق ” …يلاه غايعنقها وهي تغوت واحد الفرملية ”

الفرملية : المااا نااازل …عيطي لدكتور يسرى دابا سقية طرطقات”طل ايساف لقا سروالو ولا مرطب وهي فشلات بالغوات” ….

صفية”مكمشششة على عينيها بغات روحها تخرج ” : اعممنممممم اهى اهى واااااااااااعمنممممممممرىاربييييييييييييييي واربي ربييييييييييييي ياااااااربي ياااربي

ايساف”قرب عندها وشد فايدها كيبوس ويهضر تالف” : اشنو شنو ندير شنووو عافاك شدي فراسك وياااك ضعفي …

صفية : اهى اهى واااعووووو الخير الي دير عطيني تيسااااااااااااع اهى اهى خرجتي عليا خرجتي عليا حسبي الله ونعم الوكييييييييل اممممممممممنننمن…

ايساف : اويلي اش درت …

صفية : نتا سبابي فهادشي نتاااا…تا حملتيني …

ايساف : اهاااه نهار قلشتي رجليك تال زدو رو كنتي توحوحي وضاحكة وتلواي تختي مني دابا خرجت عليك يااااك قلتي ولدك بوحدك تولديه راسك ودابا لاش لصقتيه فيا”خرج عينيه تا بغاو يطيحو لارض وتزيررر جمع رجليه …كانت هي بالدعقة بغات ضربو ضرباتو لمعلم تا زوا وزراااق” انننننن ااااننننننن

صفية : بعد مني اهى اهى …

ايساف : ينعااااال لق…ق قااااوديييي …اففففف “تطوا بغا يحك حجرو دخلا يسرى كتجري وتغوت على الفرامليات يجيبو يجيبو بياص باش يذيوها

يسرى”ضارت عند ايساف” : مالك اويلي …

ايساف”كمدها بزز منو وناض وهو عوج” : مممم م مماليش احمخ …شنو غاديري الما شي حاجة نزلات منها …

يسرى : ايساف وگض راسك ووقف وشد فراسك دابا غادي ندخلها دير سيزاغيان …

سيزاغيان سيزاغيان سيزاغيان كلمة ماحسش براسو والا وهي مصمكة ليه الودني دايرة ليه طنين كلمة كيتردد صداعا فراسو حتى توقف عالحركة وهو يدير🦋نور_الياسين(977)#فرصة_ثانيةsana mina🐺🦋

واقفة كتشوف فالشهلة خاشية ايديها فجيابها حتى جا حداها اسامة …

اسامة : وصلو

نوار”ضارت شافت فيه” : وصلو البارح بالليل …

اسامة : توحشتيه ولا ههههه

نوار”ضحكات وضرباتو بكتفها” : اسامة ههههه ضروري نتوحشو هذا سؤال ههههه

اسامة”تكا ايديه مربعهم فوق السور كيشوف فالشهلة واقفة وعاطية بوجهها…شير ليها براسو ليها” : معرفت مالها تاهي …

نوار”كتشوف فيها بحزن” : معرفت مالها مسكينة عزات عليا الى مرضات غايقدر ياسين يدير داك الحل الي يموت ميديرو …

اسامة”كمش عينيه باسف” : يقتلها …تت ميقدرش والله ميقدر مشا مهموم من جيهتها…

نوار : انا وضراتني فخاطري ..”عينها دمعت ونزلات بلا ماتحس تا حسات بقلبها واحد لحضة ضرب بجهد كان غايسكت تا شدات جيهتو”

اسامة : مالك ؟

نوار”هزات كتافها” : مماليش…انا نمشي جيهتها…

اسامة : ردي بالك منها…

نوار : كاين الخدام حداها…”صونا تيليفونها هزاتو بانت ليها ♥️Yassine …” الووو …

ياسين”متكي مسرح فوق ناموسية وحط ايدو جيهة بلاصتها” : شهلة العياني …

نوار”تبسمات تا عضات شفايفها” : شهلة ديالك حدا شهلة العياني …

ياسين : نتي ديالي ميحيدك ليا حد …

نوار : حتى نتا “عضات صبعها بخجل”

ياسين”ضار جيهة بلاصتها…مسرح عريان من فوق كان عاد فايق كيحك عينيه..نطق بصوت مدعدع كيكمي فالگارو مع داك صبيح ” : بلاصتك خاوية بجنبي …

نوار: كون ديتيني معاك نعمرها ليك …

ياسين : دغيا بلغك الوحش ؟

نوار”بحزن” : خليتيني وحدي وخا اسامة ودراري وخا فداري خليتيني وحدك بلاصتك وحدها كتمشي كنحس براسي خاوية ممعايا حد …

ياسين”ضراتو فخاطرو تا عض فمو” : الله …

نوار : ههههه بصح اياسين والله…

ياسين : عاودي سميتي بطريقتك ؟

نوار”حدرات عينيها ” : يسوني …هههه

ياسين”حك صدرو” : من بين شفايفك خرجتي حروفها ضربتي فلحن عشقي ليك حتى بان الحق ..نتي بعيدة عليا دابا ب 400km شنو ندير؟

نوار : را قلت ليك مديتينيش …

ياسين”دار طفا الكارو فالطفاية وحط راسو هازو لفوووق” : يوم حسبيه داز غذا بالليل راسي حدا راسك نركعو لاشراق عاودي ليا كيذازو ايامك بلا بيا وانا نشكي عليك …

نوار : ان شاء الله …

ياسين : العادة ؟

نوار”باسف كانت متوقعة تحمل وتفرحو وتفرح لكن للقدر راي اخر…نطقات بحروف مذبذبة كيعزفو الحان الحزن ممزوج بامل ..” : فياا …

ياسين”كمش عينيه” : ماعليش مزال ايام الله طويلة نسيتي داك العام شهور ونتي معايا تشاركنا الفراش عاد حملتي وبالمانع …

نوار : واييه داكشي …

ياسين”تنهد” : الله يبلغ المراد ويرزقنا الذرية الصالحة …”قالت امين بقا معاها شوي تا قطع التيليفون بحجة انه غادي يلبس باش يهبط عند باه…”

ضارت لقات شهلة واقفة ومشات جيهتها كتقيص فيها وهي تهز فيها شهلة عينيها شافت نوار الحزن فيهم شفارها ذابلين وعينيها دابلين وحالتها باينة عليها…كدور وجهها لهيه وترجع تشوف فيها وتحرك فالحوافر ديالها وتضرب فلارض وتعاود تقولي فيها الحر والالم تقولي مقهورة وحزينة ومصيومة بجهد تقولي بغات تغوت تقول ليهم ولكن هي حيوان لا ينطق حيوان الي كيحس والي كيعرف والي كيغضب ويتقلق ويغير لكن باش يعبر بالكلام لا يستطيع …

كيدور حداها الادهم المسمى بالفحم …واقف اسامة كيشوف مع عبدو فديك جويجة ديال االصربة الي وصاه ياسين يجربها كانو واقفين لهيه …هز واحد الحديدة على شكل عصا رقييييقة كيدخل فيها القرطاس فحال الفحم فالمكحلة كيضغط عليها …ويهز لسما يبغي يطلق والو معكسة …

اسامة : والو معكسة يصحبي …

عبدو : وشور نشوفو مالها عكسية كي مولاها ههههه

اسامة : يسمعك يعكسنا بجوج ههههه فين سالم …

سالم”جاي ” : هاني …مضرا(امضرا) باقيا معكسة ؟

عبدو : وااا “كيكرز ملاح ديالو باش يضغط ووالو” ويضهر ليا واحل ليها داك السلك تما صبر …

اشرف “مربع ايديه كيشوف” : عنداك تغفلك تشرشم لينا راس اصحبي …

علي : اهيا عنداك ترزيني فراسي ميمتي غواتة نواحة الوليد غايولي غادي بلور رميساء دير عرس مشا الفاقصها …

اسامة : تا شور بلاتي رد بالك …ماتوجههاش لهيه بقا موجهها لسما تا لا غفلتنا ضرب فالسما …

سالم : شوف را كتلعب فالخطر اعبدو حيدها عليك تايجي الفحم يعرف ليها…

عبدو ويضهر ليا داكشي الي ساير ندير”

يلاه بغا يجمعها وهو يبرك على زناد كان موجه نيشان لواحد الاتجاه والي نهى عليه سالم هو الي صدق واقع …تضغط وتضرب الزناد وهي تسمع طلقة صماكت الودني تا اشرف تحنى لارض وعلي طار ونزل ولا غادي يجري ماعرف اش وقع كانت طلقة صوتها تسمع فالفيرما كاملة حتى خرجو الخدامة …هزو راسهم وهما يشهقو عبدو عينيه خرجو واسامة تدهشر تصدم عينيه مرمشوش …كيشوفو فالادهم تهز تااالسما برجليه الاماميييين بالحر كيصهل ويصهل بصوت عااااالي …مع طلقة جات فيه نيشان كان حدا الشهلة الي طار عليها دم ديال الرقبة ديالو الي تصابت جات فيها هي ونوار بزوجات ترشو بدم ديال الادهم وداك الخير رااا ربي الي عالم بيه …الدم الي طار على نوار والشهلة هو دم الفحم نفس الصورة واللقطة الي شاف ياسين الفرق انه مشافش الادهم معاهم…

فهاد اللحضة ياسين خرج من البيت غادي صحة سلام حتى معرف اش وقع تعكل واحد التعكيلة تا كان غاينقز يطيح فالدروج كون ما شد فراسو وصدرو حس بقلبو بغا يخرج منو واحد اللحضة …

ياسين”شد فصدرو” : اعوذ بالله من الشيطان الرجيم …

#تصبحن_على_خير….والله مات🦋نور_الياسين(978)#فرصة_ثانيةsana mina🐺🦋

الشهلة الي غير سمعات صوت الضربة بدون تمهيد بدات كتهز حتى كتبغي توقف وحوافرها الاماميين كيتهزو تالفوووق …وتصهل …حتى جا اسامة كيجريييي جر نوار من حداها والخدام الي كان شادها فقد السيطرة على انه يتحكم فيها …اما سالم دار راسو بين ليديه واشرف غوت وجا كيجرييي هو وعلي الي ما فهمو والو …..

سالم : اسااامة “بالغوات” دخل مرت الفحم لدار لداخل دخلهااا…

اسامة”عنق نوار الي بقات حالا فمها مدهشرة ومصدومة من شنو وقع دابا…درعها وخشا ليها راسها تحت باطو باش متشوفش وتم غادي بيها وهي مزال الصدمة ماثرة عليها”

اما سالم مشا كيجريييي لعند الفحم الي طاح بدمو من طلقة الي جاتو فالرقبة نيشان كيهز رجليه ويضرب ويحك فلارض بالحوافر لورانييين …الشهلة عيط سالم على الخدامة بالغوات وجاو كيجريو تحكمو فيها بزز ودخلوها البيت لداخل مشا واحد طار من تما عيط لطبيب الي كان غير حداهم داير بالو بطلب من ياسين باش يكون قريب على قبل الشهلة هاهو غايصدق جاي على قبل الغحم الي مكانش كاع فالبال غاتوقع ليه شي حاجة…

نوار”دخلات لداخل جلسها اسامة هكاك مدهشرة غير كتشوف حتى مشا كيجري عند نعيمة عطاتو كاس الما وجا عندها كيعطيها تشرب وهي ماهناش حتى حركها من كتافها ”

اسامة : نوااار ترگضي توگضي شربي هذا وطلعي بدلي عليك هاد الحوايج…

نوار”كتبغي تهضر حلقها نشف” : ي الفحم لففففحم …اويلي اهى اهى…

اسامة : مغايوقع والو طبيب مشا ليه ان شاء الله يكون الخير غير بردي واخا ؟ متقولي والو لياسين دابا تنشوفو با اش غايقول وطبيب …عافاك تهدني …”شد ليها حناكها” ششش نوار ختي عافاك …ششش”كتشوف فيه كيحرك ليها راسو وعينيه فعينيها وكينطق ديك شش وغادي وكينقص من وتيرة صوته باش تهدن” ششش صافي…

نوار”نزلات ليها دمعة…حركات ليه راسها”

ناض باس ليها راسها وهدنها وعيط لنعيمة مشات داتهت طلعاتها لفوق تبدل حوايجها وتحيد دوك المرشوشين بالدم …ومشا هو ضار جيهة الاسطبل لقا دنيا مرونة تما طبيب محني عالفحم كيقلب ليه جرحة …

سالم”ضار عند عبدو وصرخ عليه بجهد مشربن عليه حيث حدرو يحيدها ماسمعش” : طيييير عليا الخرا من هنا دي زمر بلاصتها…

ضار عند الطبيب الي امر باش تجي نقالة ديك ساعة جابوها ليه وجاب سالم سيارة سوزوكي عندها صندوق كبير لور تعاونو كاملين تا هزو العود ومشا اسامة ودراري طارو ورا الطوموبيل عند الكابيني ديال البيطري اختصاصي فالخيول …

مصطفى”كيشوف فالطريق مكمش عينيه حاضي اسامة وسالم وعلي وعبدو جالسين فطرف السيارة فالصندوق اللور مغطيين الخيل الي ضرب ليه طبيب مخدر ديك ساعة باش يتهدن وعطاه شوكة باش يتختر ليه دم ويحبس النزيف …” ياااربي السلامة …”كيحرك راسو مابغاش يقولها ولكن…”: الى عاش معذب غادي نقتلوه ومابغيناهاشاي …

علي : الله اكبر…”زاد كسيرا تابع سوزوكي …

فهاد اللحضة هبط ياسين ديك ساعة ومشا جيهة المطبخ دخل كب ليه كاس الما وحادر عينيه حيث كاينات الخدامات تما حتى دخلات عايه يامنة كتزرب …

يامنة : ولدي خارج ولا ،

ياسين : طالع لفاس علاش مالك ؟

يامنة : عاافا ولدي يلاه ديني لسبيطار مرت ايساف دخلوها تولد بالفتيح مالقيناش الي يدينا عمامك ففاس وفؤاد خارج ويسرى را معاها والحبيب فالشركة تاهو مخلاش لهاجر طوموبيل …

ياسين : هي دابا…

عنقها وخرجو لقا سارة لابسة نزلات هاجر تاهي ونجود مشاو معاه ركبات نجود حداه ولور هاجر يامنة وسارة …وكسيرا بيهم فاتجاه الكلينيك الي حاليا واقفة راوية فوق شي كراسا محطوطين ملاصقين قراب لبلوك فين دخلو صفية …جا ايلاف ومعاه حتى جاد الي شدو العطلة واحد سيمانة وجا عندهم …حتى جلسو حداها …

ايلاف : ايساف ؟

راوية”هزات فيه راسها” : دخل معاها ..”تبسمات بجنب” ماشي را سخف ههههه

جاد : ارسول الله …ياكما تشقات ارض سبيطار

راوية : الله يمسخك نتا جيتي …

جاد : لا مزال فالطريق غا وقفت تانسلم عليكم ..

ايلاف : ايش بيه ؟

راوية : ماكلاش يومين مدايق النعمة الحمار وقاليك بغا يوقف معاها را عطيتو مياكل عطاتو واحد الكبسولات ديال القرة شربهم وناض عندها قاليك والو يدخل معاها دخلاتو يسرى…فففف..

#في_البلوك…

عطاتو يسرى واحد لباس ودار طاقية طبية على شعرو بالكامل مخلاش زغبة تبان فيه…حتى دخل تبع الفرملية لداخل لقا صفية جالسة فوق البياص ملبسينها لباس العملية معقم كيتعقد من اللور ومعريين ليها ضهرها …

يسرى”شافت فصفية” : بنتي سمي الله وصبري واخا…

صفية”فشلانة كانت كتعبر ليها الفرملية ضغط حدها حركات ليها راسها”

ايساف مكمش ليها فايدها واحد اللحضة زيرات ليه على ايدو ورجع كيطبطب عليها…جابو معقمات بدات تذهن ليها منطقة الضهر لتحت شوي على حسب باش دير ليها بنج موضعي او التخدير النخاعي spinal…حسات بالمعقمات باااردين فضهرها تا قفزت شوي …وقادات شوكة غير ضربتها ليها حسات بوخز…

صفية”غمزات بعينها” : ءءء…”واحد شوي بدات كتحس برجليها كينملو وفحال رعشة كهربائية كتضرب فيها…ممنوع تحرك حتى تكمل ما فالشوكة لان اي حزكة هكا ولا هاكا تقدر تدير عواقب جد وخيمة…”

يسرى: باش كتحسي …

صفية”بصوت ضعيف” : رجليا مبقيتش كنحس بيهم…

يسرى “ضارت عند الفر🦋نور_الياسين(979)#فرصة_ثانيةsana mina🐺🦋

جات يامنة وياسين وسارة ونجود لعند راوية تجمعو حداها كاملين …حتى جا فؤاد لعند ايلاف ملي ساق الخبار كان جاي عندو تا عرفو جا لعندو…

يامنة : امضرا ؟

راوية”كتدوز على عينيها” : مزال عاد شي نص ساعة باش دخلو…

يامنة : الله يفكها على خير ياربي…

سارة : راوية حوايج الوليد وحوايجها عطيتيهم ليسرى ؟

راوية”خرجات عينيها” : ويليييييي نسيتهم فشومبر ديالها را صاك فيه بيض وصفر فيه حوايجها وحوايج البيبي وداكشي ذيالها…”نغزات جاد” سير نتا جيبهم را الشومبر فلتحت رقم ستة وعشرين ..”ناض جاد مشا يجيبهم وهما رجعو كيتسناو عيط لحبيب لياسين سولو على ايساف قاليه فالبلوك …هز ياسين تيليفونو رسل لنوار ميساج فيه اشنو كاين …كان غادي لفاس صدق ماجلها حتى تولد…

اما فالبلوك كيف خدرو ليها النصف التحتي ديالها بحكم يسرى حاصلة حتى على ديبلوم التخدير والانعاش …كان معاها تا طبيب التخدير الي غايراقب فحالة الى كانت غايضطرو غايزيدوها تخدير فقط تحساب ومراقبة وحتى انه عاونها باش حددو الكمية ديال البنج الموضعي او ماديسمى بالتخدير النخاعي…تكات وبدات يسرى كتباشر فالعملية عقمات ليها تحت كرشها مباشرة فوق الفرج ديالها دارت بيطادين بكترة مزيان وعاودت مدات ليها الفرملية مشرط باش تبدا …

يسرى : يا بسم الله يارب…”واقف لهيه اختصاصي التخدير كيراقب وواقفة ممرضة كتراقب الضغط اما صفية دارو ليها واحد الحاجز بينها وبين كرشها المنتفخة جدا…

صفية : ايساف”بصوت ضعيف مرعود “عافاك شوف واش مزال …

ايساف “دوز ليها على شعرها باسها فجنب راسها وحدر راسو كيهضر فوذنيها” : مزال يلاه بدات تهدني وصبري وشدي فراسك باش يخرج لينا البرهوش دغيا …

صفية”غوبشات” : ايسااااف”وركات عليها”

ايساف : انا البرهوش غا تهناي …

يسرى شدات المشرط ودوزات تدويزة وحدة شقات ليها اول طبقة الي هي طبقات الجلد عاد دارت تاني شقة وحدة شقات بيها طبقة الي تحت الجلد عاد شقات عضلات البطن حتى وصلات لجدار الرحم…

يسرى : يلاه شدو هنا …

جابو واحد الملقاط شدو بيه جناب ودوروه تا فيكساوه باش بقات الفتحة محلولة مزيان مشرعة …خشات ايدها تحت مزيااان ودورات وخرجت بشوي …الفرملية كتمسح ليها جبهتها وهي مضاربة …خرجات قزيزيبة الوليد …عاودت حبسات والفرملية

كترش فالدم كتنقي دنيا وتمسح …عاودت تاني خشات ايدها وضوراتها بجنب كتجبد شوي بشوي …حتى خشاتها مزيااان وجبدااتو هزاتو خرجاتو من كرشها بمصرانتو فالبوط جات هاد اللقطة نيشان فعينين ايساف الي خرج عينيه وشهق واحد شهقة حس بقلبو كيزدح يزدح يزدح تا غرغرو عينيه…

ايساف : هييييي ولدييييي…

صفية”هزات فيه عينيها بغات طل” : فينهو فيييين اهى اهى …

يسرى : شش صفية تهدني…”قلبات الوليد على راسو مطلي بالدم والما ديال المشيمة وعينيه منفوووخيييين ومسدودين ضرباتو بخفة لقزيبتو حتى طلقها بغوتة صمك ليهم داك البلوك …

يسرى : هاااحناااااا ههههههه

صفية”كتبكيييييييي تبكي وتبكي ” : وااااااواااو اريه اريه …اهى اهى…

هزاتو يسرى قطعات ليه البوط ولصقات ليه مقبط صفر فيه وجابتو حطاتو ليها فوق صدرها كيبكي والفك ديالو كيترعد حلف لا هو بغا يسكت تا شهقات كتشوف ديك الكتلة صغيرة فوق صدرها اما ايساف عينيه مرمشوش كيشوف فيه شعر هابط ليه على عويناتو كحلللل …

صفية”مدات ايدها شدات ليه ايديتو وطلعتها باستها اما الوليد حلف لا هو بغا يسكت” : ماما مامااا…

ايساف”مد ايدو ليه بغا يقبط ايديه وشدها كيبغي يمدها وكيخاف حتى قبطو وهو يكمش ليه فصبعو ” : اووووو…

يسرى : اريه يشوفو البيدياتخي ونوزنوه يمسحو ليه ويلبسوه وديك ساعة شديه كيف بغيتي …”هزاتو من عندها الفرملية اما يسرى رجعات من بعد ما نقات ليها كرشها …خيطات جدار الرحم بغرزة قاصحة كتبقا مدة طويلة عاد بقية الطبقات …سدات ليها الشق الي فالجلد بواحد دبابيس معدنية عاد دارت ليها پونصمون(الضمادة )

كملو ليها وهزو الىليد عبروه وشافو طبيب الاطفال دار ليه اللازم عاد مسحو ليه مزيان دارو ليه الكوشة ولبسوه ضوني بيض عاد لبيسة موبرا فالازرق ملكي كاملة وطاقيتها فنفس اللون وتقيشرات ديالها لواوه فمانطقة شيبية وفيها البيض عاد هزوه داوه جيهة دراري زيادة …

جالسين كيتسناو وياسين واقف حدا باه كيهضرو حتى خرج ايساف عندهم عينيه حمرين وقفات راوية عندو …

راوية : امضرا …

ايساف “مسح عينيه” : ولداات …هههههه ولدات اميمتي وليد …

راوية”حسات بتبوريشة ” : الله على سلامتها ياربي …هههههه فينها فين الوليد ؟

ايساف : راه فالشومبر ديال زيادات…فففف

ايلاف”تسالم معاه بعناق” : الف مبروك يابي الف مبروك ..

ايساف : الله يبارك فيك يابي …

يامنة : على سلامتك اولدي على سلامتها…

ياسين”قرب ليه وربت ليه على كتافو بجهد” : زيادة الخير ورزق …

ايساف”حدر راسو كيضحك” : الله يسلمك الخو…

فؤاد : على سلامتك ولدي…

ايساف”باس ليه ايدو وراسو” : الله يسلمك خالي ويحفضك …

ناضو العيالات مشاو لحقو على صفية فين كاينة العملية القيصرية كتستغرق من 30 حتى ل 40 دقيقة ما ان كملات بقات مدة تحت المراقبة حتى حولوها لغرفتها الي لحقو عليها فيها تما …حتى دخلو عليهم الوليد الي حل🦋نور_الياسين(980)#فرصة_ثانيةsana mina🐺🦋

فاش طلعات نوار لفوق طلعات معاها حليمة بتوصية من اسامة لانها ممكن طيح تصرع تاني يعني تجيها لاكريز بذيك الصدمة والتوتر وخا ولات كتشرب دوا زايدة ليه لادوز الي خرج ليها طبيب مؤخرا من بعد اخر نوبة صرع وقعات ليها فالعرس …ولكن رغم ذلك نعيمة واسامة ودار كاملين رادين معاها البال …حيدات حوايجها وعينيها على دمعة رجع عليها داكشي بالبكا ورعدة …حتى دخلات لدوش ودخلات معاها نعيمة …

نوار : ماتخافيش اخالتي والله ..”كتسمح دموعها”

نعيمة : غير خليني منهناش ابنتي وجهك هارب منو لون …انا نعاونك راني فحال ميمتك ماعليش …

نوار”مافيها ميزيد يهضر استسلمات ليها”

نعيمة : انا نبقى هنا تادوشي …

حركات ليها راسها ودخلات حيدات حوايجها طلات على الفوطة صحية لقات غير دم قهوية مع بيوضة حيدات الويز جمعاتها ودارتها فبلاستيكة ورماتها ودخلات تشللات تا رخات عضامها عاد خرجات لابسة بينوار …حتى صونا ليها تيليفون كان اسامة مشات جاوبت ديك ساعة ملهوفة …

نوار : امضرا…

اسامة : تنفستي شوي بعدا ؟

نوار : مزيانة مزيانة …

اسامة : دخلوه لداخل قالينا طبيب غايبقا تحت المراقبة تيشوف حالتو واش غايدوز منها ولا. لا مهم نتي وياك تعلمي ياسين حتى يجي ويعرف ديك ساعة مهم را بعدا قال مستقرة الحالة …”طمنها عاد تنفسات وقطع معاها ”

اسامة”ضار شاف فعلي” : بففففف

علي : شنو غايديرو ؟

مصطفى ؛ ديار ديار الله اولدي هادشي مكتاب الى بقا مابراش بقا يتعذب غادي نقتلوه ماعندنا منديرو نوقفو فوجه مكتوب الله ؟

علي : ونعم بالله …

لبسات حوايج جداد ونشفات شعرها دارت فوطك صحية اخرا ولبساتهم لداخل عاد خرجات عند نعيمة وصل موعد دوا ديالها شرباتو عاد وصلها ميساج من ياسين قراتو بلغها بالي صفية تفكات يلاه غاتجاوبو وهو يصوني …

نوار”صرطات ريقها بزز كتحاول تكحب باش تنضف حلقها وتعرف تجاوبو بدون ميحس” : يا سييين …

ياسين : نوارتو…شنو كديري ؟

نوار : والو كنوجدو احم الغذا ودابا طلعت توضيت باش نصلي الصهر احم…

ياسين”كمش حجبانو” : بيك شي حاجة ؟

نوار : لا غير توحشتك “هزات عينيها لفوووق مدمعين”

ياسين”قوس حجبانو” : وحشك كتر من جيهتي نوارتي”بصوت حنين”

نوار : هي الى جيتي دغيا ياسين”قلبها كيحرقها”

ياسين : عيانة !!

نوار : لا لا غير بقيت بوحدي ههههه

ياسين : نوار ديما نخليك وحدك بنهار شنو تبدل …

نوار : بنهار راك حدايا وخا فمراكش عارفاك غاتجي مع ربعة العشية دخل تحنحن تعلمني بالي جيتي نتلقا ليك عند الباب تسلم عليا ونعطيك اتاي ديالك باش تكمي بيه الكارو وتنغم هههه عارفاك غاتمشي طل على شهلة وال”تزيرات” والفحم

وتضرب دويرة فالفيرما تشوف الحسابات ديال اخر نهار تغيب شي ساعتين وزيادة عاد تدخل لدار تاكل شي حاجة تطلع دوش وتنزل ونوجد العشا وبزاااف …”تنهدات” جي دغيا ياسين ههههه

ياسين : القضية عندك وصلات لرباط على هاد الحساب…واخا كاندي نقضي غراضي وبالليل نشد طريق بقاي

#تتمة_البارت_980_نورالياسين_فرصة_ثانية…

 

نوار”بفرحة” : هي صباح تكون هنا هههه ان شاء الله صافي …احم انا شوي نهضر مع ايساف وصفية الى قدرات نبارك لجن …

ياسين : ان شاء الله …”

في هاد الاثناء من بعد ما صفية تطلقو رجليها وتاكدات يسرى انها كتحركهم لا يوقع مضاعفات اي ممكن يكون شلل مصاحب هاد التخدير الموضعي نزلوها وخلاوها فغرفتها حتى تنفس ماربما الليلة ما ربما غذا …

يامنة”باستو فايديتو وهو حتى كيسكت ويرجع تاني يغوت مابغاش يسكت ليهم ” : عطيه يرضع …

راوية : حتى توگض شوية …

نجود : هزي الولد نتي وجبدي ليها صدرها وعطيه يرضع خاصو يرضع ابنتي اللبا هو لول …يلاه بغات تهزو دق الباب كان ياسين

يامنة : دخل اولدي …

ياسين”دخل حادر عينيه حنحن ولقا سلام حتى وقف مقابل مع صفية شادين ليها راسها بزيف حازمينو ليها وملبسينها بيجامة دافية فالغوز بيبي…” : على سلامتك اختي زيادة الخير…

صفية”بصوت تعبان” : الله يبارك فيك ربي يخليك اخويا خيرك منساهش ..

ياسين : وايلي الله اودي…

نجود : واش ودن ليه ايلاف ؟

صفية “حنحنات” : لا طلبتو يخليه بغيت “شافت فياسين” بغيت ياسين خويا ياذن ليه ..

يامنة : الله ههههه

راوية “مشات هزات الوليد بين دراعها فك ديالو كيترعد” : اش قلتي اياسين ؟

ياسين”هز حجبانو مصدوم” : ايه ايه مرحبا …”شاف فيامنة” الحنانة ترجعي ولا بلاتي ؟

يامنة : انبقا شوي نمشي مع باك غير سير نتا الى بغيتي…

ياسين”حرك ليها راسو وتوجهات عندو راوية كتصحك وتبوس الوليد رحيتو تحمق حطاتو ليه بين دراعو غير حطو وهو يسكت ” الله …

راوية : شوفي الجن شوفي هههه

ياسين”قربو لحضنو باس ليه جبهتو وحنكو وهبط لودنيه” : ماااشاء الرحمن سبحان من صور هذا الوجه جعله من الذرية الصالحة وبار بوالديه ياارب….”بدا يهمس” الله اكبر الله اكبر”بداك صوت رطبو وبقا مدعدع” الله اكبر …بقا حتى اذن ليه …”هز عينيه” شنو سميتو …

راوية : شكون عرف اش غاتسميه…

صفية”نقزات” : ياسين ياااسين…

نجود : ههههههه ياسين ولد ايساف الله ياربي…

ياسين”خرج عينيه مصدوم تا صار شاف فمو غمزاتو دايرة ايديها تحت ذقنها مشوكية من المنضر ياسين هاز كتلة صغيرة بين احضانو تخيلات وليدو ولا بنتو بين ايديه ”

يامنة”بينها وبين نفسها” :ياااربي يرزقك درية صالحة يااربي…

ياسين”تحنى تاني نطق فوذنيه ماقال والو بالعكس فرح انها بغات تسميه على سميتو حتى انه تصدم ” : الله اكبر الله اكبر انت اسمك ياسين اسمك ياااسين ودين محمد صلى الله عليه وسلم هو دينك وديننا الاسلام …ياسين ابو جودة ….”باس ليه راسو وداه حطو جبد من بزطامو كمشة ديال الفلوس حطها ليه عند راسو دوز ليه على جبهتو وخشا صبعو وسط كف ايديتو صغيورة حتى زير عليه واحد تزيييرة ماحيد ياسين 🦋نور_الياسين(981)#فرصة_ثانيةsana mina🐺🦋

خرج من عندها من شومبر لقا ايساف جاي هو وباه هاز فايدو كاس ديال قهوة كحلة عاد كان كيكمي تاهو مع باه برا …تسالم معاه بارك ليه وتوادع معاه على امل غايرجع هو ونوار باش يحضرو لسبوع …وصل عند باب الطوموبيل حتى صونا ليه اركان …

ياسين : الخبار ؟

اركان : هو هذاك اسميتو المختار ولد رويسي عندو خمسة وعشرين عام وتابع المراكشي …..والي بغينا ففاس الجديد …يعني القضية تما قاصحة العشير ..

ياسين : نعلم رجال الوليد…

اركان : علم باك …اجي علاش تعلمهم مابقاتش عليك الحماية ؟

ياسين : تت حيدتها عليا…مابقا خوف عليا علاش كان دايرها حيدتو…عندي مرتي وجوج نفوس بعد غذا ولادي ها نفوس كترت لازمني نتحمل مسؤليتهم غير هما الي عندي من بعد الله والواليدين…

اركان : علم الوليد هو يتكلف حطو بالصورة …

ياسين : احسن …

قطع معاه ومشا ركب ديمارا طموبيل وكسيرا من تما اما لداخل جا فؤاد جايب معاه صهيب ويوسف الي عاد وصلو تاهما والياس تاهو والحبيب هضر معاه جاي فالطريق تاهو …

بقاو يضحكو حتى خرجو من عندها خلاو راوية والعيالات معاها كيعاونوها بغات ترضعو حيث ملي خرج ياسين وهو يبكي ملي تزاد وهو يغوت ماعرفوه مالو …فؤاد طلع لفوق يدوش …

يامنة”طلعات عندو لقاتو كلبس ” : خارج ؟

فؤاد : عندي منقضي …”صونا ليه التيليفون ” هشام ولدي …

اركان “عقلو بغا يخرج” : الو الول…

فؤاد : شنو ؟؟” اركان بلغو فين مشا ياسين وعاود ليه كلشي …

فؤاد”خرج عينيه ” : كيفاش؟؟ فين هو دابا ،

اركان : مشا لتما مخلانيش لحق عليه ماعرفتش قولبني قوليني الوليذ …

قطع ديك ساعة مشا كيجري لماريو جبد منو الفردي وخرج كيزرب مخلي يامنة كتعيط ماعرفاتو مالو مشا وجهو بيض عيط فالتيليفون هضر زوج كلمات وقطع ركب فالسيارة كسيرا تا تسمعات فارجاء الفيلا كلشي ضار يشوف الي لداخل …

يوسف : ياربي السلامة “بانت ليه يامنة نازلة وجهها صفر” اش واقع…

يامنة : والله اخويا ماعرفت صونا ليه تيليفون خرج عينيه كان شوي ويطيح حتى نزل كيجري خلاني نعيط ليه …”شدات قلبها” يااااربي تلطف ياااربي…

مشا فؤاد مكسيري كيدوز فالتيليفونات لرجالو ويعيط تيليفون ياسين كيصوني يصوني ماجاوبوش …عيط لرجالو بقا يغوت ويسب فيهم وكشاشكشو خارجة …

الحبيب : الوليد !! يااااربي السلامة ياربي …

فؤاد”مع اركان فالتيليفون” : الحي ؟؟

اركان : فاس جديد بالضبط انا مفراسيش حيدتي الحراسة ومفراسيش يالي معلمكش غفلني غفلني كيمشي لخطر برجليه انا كنتسنى باش نمشيو …

قطع معاه وزاد كسيرا بقا مكسيري تا قرب يدخل لفاس بمسافة الطريق عيط لرجالو يتاكد بلغوه بالي وصلو لدرب هما واركان …عاد دخل لفاس لقا طوموبيل كحلة كانو فيها شي رجالو قادوه لفاس جديد ودخلو تمو داخلين حتى وصلو لواحد البلاصة لقاو قوم ربي العالمين مجوقين تما وقف السيارة عينيه خرجو …

نزل من السيارة وراه رجالو كيسمع الناس كيهضرو…

الناس : الله ياربي باقي غير شاب الله …الله ياربي الله يرحمو ياربي …

هاد الهضرة مشات لمسامع ديالو دنيا مطوقة بناس مالقاش كيف يدير يدخل وصوت الهضرة كتسمع فودنيه فحال سم كينزل عليه ماعرف كي يدير جبد الفردي من وراه وطلق زوج طلقات بجهد تا بعدو ناس ومشا كيدخل وسطهم ورجالو يبعدو حتى بانت ليه جوقة ثانية هز عينيه لقا اركان جالس لارض ومسرح رجليه كيغوت لربي الي خلقو جاهل بالجهالة عقلو بغا يخرج تا قطع القميجة …

اركان “هاز راسو لسما ويغوت بلحوحتو خرجات” : وااااااااااااااااااربي صاااااااااااحبااااااااااااااي واااااااااخويا خوياااااااااااااااااااا رزاوك ليا فشبابك لاااااااااااااديرها يا خويا بيا”كيجر لقميجة تا كتقعط بداك الحر …

فؤاد”حل فمو حلقو نشف حس بالشعطة طلعات معاه العافية تا نزلات عليه شي برودة حس بسطل ثلج تخوا عليه …كيتم غادي كيجري حتى كيولي بطييييئ يرجع يدفع فناس وغادي وكيهبط حتى قرب لاركان طل حداه بانو ليه رجالو شادين زوج دراري هازين زوج سيوفة كبار عامرين دم وكيتركلو وجاههم مشمكرة وحناكهم مشرطة ومصديين حالتهم كيتركلو وشادينهم عاصرينهم…طل بعيينيه حتى بانت ليه كسدة مجبدة مغطينها بايزار بيض شي حد من الي تما فالدرب غطاه وداك ليزار جنابو بزوج مطليين بالدم نازل خط حتى لعند ليد طل عليها بانت ليه ايدو ايد الحنييييين ايد النور ديالو ياسين بكرو فيها ساعتو وصباعو مطويين بشوي…تا قرب لعندو وتحنى على ركابيه…

فؤاد”حيد ليزار من عليه بانو ليه عينيه شبه مغمضين مدد نضر ديالو تال عند رجليه وحدة مطوية وتانية مسرحة ….رحع شاف فيه ” : وو وو بكرييييي واااا بكريييييي وااابكرييييي”حس بحريق فصدرو …هز راسو لسما وطلقها حاااااااااااااااارة”واااااااااااااااااااااابكري بكري بكريييييييييي من خيبها تجبيدة فيييييييييييك …ومزال حنة عرسك ما نشفاااات”القميجة بالحر تفزرات لفؤاد من الكتاف…تحنى حط جبهتو على جبهة ياسين ونزلات دمعة حااارة قطرات على عين ياسين تا رمشات وحبسات ” : الدم المغدور ..

#تصبحن_على_خير….نهاية #الفصل_الثالث نلتقي يوم العيد نبداو اول بارتات الفصل الرابع مع فلاش باك …رمضان كريييييم ♥️صبعو غير بزز…

#يتبع….

 

ليا على خاطرك ؟

#يتبع…..ف لا هو بغا يسكت من الغوات…

#يتبع…

مليات” : يلاه بسم الله…

#يتبع….

زدااااف طاح على طولته ا….

#يتبع…

Leave a comment

  1. W9tax atkml l9issa dual nour el yassine??