Skip links

قصة نور الياسين ج 4

 29,692 عدد مشاهداات

🦋🐺نور_الياسين (41)sana mina🐺

🦋

غييي خرج طلعات مينة عند نوار هبطاتها لعندهم وخا هكاك باقي عيانة مزال فيها دوخة سخانة الي هلكاتها هاديك اليومين …غسلات حالتها بغات تبدل بيجامتها …

نوار “غا مكَوْنة ” : عطيني غييير الي كان …

مينة : لبسي تيشرت وسروال كارويات فحال بيجامتي …عندك وحدة فالغوز بيبي وسروالها كارويات …

نوار : واخا انا لبسها ونتبعك …

مينة : يلاه… وشوفي فيا حسن بقاي تجلسي وخا كاين متهضريش نتي كاع تخشاي فيا ولا فابابا هكا شوي بشوي غا تدي عليه وسمعي هضرتي الي ديما كنقولها ليك راه مخاصش بابا يعيق بيك وحيدي منك ياسين راه غاتعلقي فين تفلقي …

نوار “الصمت ” ….

تنهدات مينة وخرجات خلاتها تتبدل وهبطات حتى جلبسات وجمعات شعرها كعكة …ودارت مرطب لشفايفها الي قشرتهم سخانة والمرض وذهنات وجهها باش ترجع فيه لون ورطوبية …رشات بارفان خفيييف ولبسات بانطوفتها وهبطات لتحت باست باها الي كان غادي خارج هو وصهيب لخدمة مشاو عاد دخلات يسرى ….

يسرى : مامي شوية ؟

نوار “عنقات ماماها تنخشات فيها وبدات تفشفش ” : ما شويااااش خلاوني مريضة وتاحد مداها فيا “كتجمع فمها باش متغلبش عليها ضحكة “…

اشرف : هااااااا العالي داااااي ها سلوگيات غايبداو تاني ….وااااااا ميييمتي رواحية روااحية …

مينة : ناااري كتديك لبحر وترجعك عطشانة …

اشرف : النووي الملاوي نعماس … راه تديك البحر وتغطسك ثتقلك بحجرة وترجع …

يسرى : ممزيانينش ولاد الهم …زعما باك يرد ليك البال ولا ؟ مااعليش امامي حتى يجي ونتفاهم معاه …

نوار “دوزات وجهها فحضن يسرى ” : اننم فيا جوع …

يسرى : اجي نفطرو انا وياك ا بنتي عاد دخلت تانا فيا جوع …”شافت فمينة ” فين نجوى ويامنة وسارة ؟

مينة : خالاتي نجوى ويامنة فكوزينة وخالتي سارة نسيتي راه مشات تشوف دارهم العروبية فمراكش …

يسرى : ايييييه نسيييت …وخا اجي نفطرو حنا محد فطور كاين سيري جلسي نسلم عليهم ونجي ….

تحل باب الفيلا الصغيرة ديال عائلة راوية وايلاف …الي حلو ليه ايساف بنفسو كان لابس ومقاد غايمشي لخدمتو حتى عرف بالي ياسين جاي عندهم وبقا حتى يشوفو وخا سلم عليه فاش جا ….حتى دخل وبلاصة وخرج من سيارة …

ايساف : مرحبااا نورتيييينا اخويا …

ياسين : بيك ….

ايساف “تمو غادين داخلين ” : تغذا معانا ليوم ولا …

ياسين : مرة جايا …عندي منقضي “وقف” …عرفتي شي حاجة نتا ؟

ايساف : المشكيل انا ومحمد الحبيب فاش كنجيو نقلبو ليه حوايجو مكلقاوهاش …ومكنعرفوش امتا دارها عند بالنا غي كالة عادية ولكن ولا كيغبر بزاااف ولا ميباتش فدار كاع وغادي ويتكفس …غير يامنة كطاكي عليه ….

ياسين : دابا يتحد هادشي …ماعليش كمل تانت ومعاك الحبيب ….

ايساف : كون هاني …باش مكان عشية معروضين عندكم لعشا غانجيبو نيت الميمة بغات ترجع

دخل هو وياه لداخل لقاو نجود وراوية جالسين كيشربو فاتاي سلم على جداه الي مربية باه وعمامو وحتى الحفايد تزادو على ايديها وكانت قابلاتو تاهو واحد وقيتات ….بقا معاهم شوي حتى شرب اتاي ديالو جاه عالگانة خرج كملو برا معاه ايساف حتى كما ليه سيجارة وخرج هو وايس🦋🐺نور_الياسين (42)sana mina🐺

🦋

بمدينة فاس العاصمة العلمية العتييقة …كيف وصل خذا طريق نيشان لمقاطعة جنان الورد بالضبط فحي باب الفتوح …غير وصل لواحد البلاصة وعيط ليه …

اركان : فين نتا دابا ؟

ياسين “قاليه فيه ” : متعطلش …

اركان : انا لبس غير صباطي وهاني عندك شوف سير جيهة شرقية طريق الي كتدي ل سيدي حرازم وبعد شوي تسناني …بزربة …

ياسين : طلقني …

هاد البلاصة خطيرة فيها غي الشمكارة وناس الي قاطعين ايديهم من رحمة الله …ولكن البلاصة فين قاليه يبعد باش ميكونش قريب لدوك جوايه وزاد بعد شوي ….خذا اركان طاكسي ولحق عليه ….

مشا فين قاليه وبلاصا فجنب …بينما يجي هبط تكا على باب السيارة وجبد كارو من تما وبريكة شعلو بدا يكمي ويحك بصبعو لحيتو …حتى قرب يكملو عاد سمع تصفيرة اركان ….اركان صديق ياسين من ثانوية فمراكش تخرج فالباك بشعبة اقتصاد هو وياسين ….ياسين كمل فامريكا و اركان كمل غي فلافاك تما خذا الاجازة ودوز امتحان الاساتذة وتعين ف بركان

عاد من بعد اعوام تعين ف فاس فاحدى الثانويات التاهيلية استاذ مادة الاقتصاد …

اركان : سمح ليا خو تعطلت عليك …

ياسين : ياك بعدا …

ياسين : عندمن بايت ؟ كنعرفك مساكنش هنا ؟

اركان : ماشي هكاك راني كنت عند واحد الاستاذ عشيري دارهم هنا عندنا تصحيح امتحانات وتوجاد لامتحان الباك وطني …راه خليت نص الوراق فداري ف champ de course …

ياسين : تحرك “ضار حل الباب ودخل …وتبعو اركان جيهة لاخرا تاهو ركب وانطالقو نيشان ل بلاصة فين كاين الشخص الي كيقلبو عليه …الا وهو شخص تحت اسم المراكشي ….

ياسين “مد ايديه وحل واحد المجر جبد منو فردي …هز قميجتو لور وخشاه وراه ورجع دخلها …شاف فاركان كيشوف فيه حال فمو ” : سد داك الفم ولا نسدو ليك ….

اركان : الااا هاني نسدو وخا مكاين لاش اخو غادي يتجبد صداع …

ياسين ضار شاف فيه ورجع شاف فطريق حتى شدوها طوالة ل بلاصة فين ساكن هذاك الشخص المدعو بالمراكشي …بلاصا طوموبيل بعيييد وهبط هو واركان ضربوها على رجليهم …

حتى وصلو لبلاصة وسولو عليه ….

اركان : كاين هو ؟

الرجل ؛ شكون نتوما ؟

ياسين : طلقنا فين ساكن ؟

الرجل : مكاينش دابا فدارو …الي كيسول عليه كيطلعوه ويهبطوه وشوف تشوف انا غا قلت ليكم …نتوما ولاد ناس مكاين لاش تسولو عليه اولد منضركم مديال تعرفو المراكشي

اركان : عندك الصح اصحبي حنا بغينا غير نتاكدو من شي حاجة …

الراجل : داكشي لاش بغيتو تاكدو راه معروف بيه هاد سيد اولدي …انا نقوليكم راه معروف عليه والبوليس مقدروش عليه كيخل لحبس ويخرجوه عادي فحال موقع والو ….

ياسين : عطينا النفيد ومن هضرتك عارفنا لاش بغينا نوصلو ….

الراجل : كيبيع الممنوعات اولدي هادشي باش معروف …بغيتي نصيحتي غا عطيه تيساع لا دخل فخاديك الطريق …”يحساب ليه بغاو يشريو ” الي سول عليه باسم المراكشي يعني راه بغا يتعامل معاه …

اركان : اااش اودي حنا بغينا غيير نق…مخلاهش ياسين يكمل …

ياسين : الله يعفو علينا ويهدينا اشريف دعي معانا وكان …”اركان خرج عينيه ” …عطينا فين كاين دابا …

الرجل : هاد وقيتة كيكون فواحد النايت ديالو …معروف …”عطاهم سميتو ” …سير عندو والله يعفو عليكم ….”مشا ” ….

ياسين “ضرب دورة وتبعو اركان كيحسبن ” …

اركان : اش غاتمشي تما ؟

ياسين : الى خفتي الولية سير رجع فحالك …

اركان : اشور يا اش هاد الهضرة العود …مشا تبعو على سعدو ووعدو حتى وصلو لسيارة وركبو فيها وطااارو نيشان لداك نايت ….

مسافة طريق حتى كانو فداك النايت …مع دخلة وقفهم الكارد ….

اركان : رسلنا واحد سيد نتلاقاو ب سي المراكشي …”عطاه سمية …عاد تنحى ودخلو …ياسين داخل باغي غير يعرف خوه اشنو كيتعاطى مباغي والو ….دخلو لقاوه جالس كان نايت خاوي مع نهار …وتحضيرات لامسيات خدامة على قدم وساق ….”

المراكشي”رجل فخمسينيات من عمره غلض شويش وداير لحية كثيفة كلها شايبة لاس تريكو بيض وفوقو فيستة بسروالها بلومارين ” : اهلااااااا وسهلا بولد فؤاد رمسيس …

اركان : المراكشي ؟

المراكشي : ا سييييك المراكشي …

ياسين “حك لحيتو وتقابل معاه ” : الزاام** المراكشي مزيانة ؟

المراكشي : هههههه سبع كتر من باك …

ياسين : بلا تقح*** عطيني المفيد راك عارف علاش جيت …

مراكشي : داكشي كبير عليك اولدي خليه لباك الي عزيز عليه تخلويض ….

غااااا ذكر ليه حس باه وهو عارف باه اش كيسوى ويا وييييل الي ذكر فؤاد رمسيس …ما شعرش حتى دفع اركان جا مسكين لارض وتلاح على المراكشي نطحو براسو ح🦋🐺نور_الياسين (43)sana mina🐺

🦋

غي جبد ليه حس باه دفع اركان وتلاح عليه جبدها معاه بروسية نطحو حتى داخ وجا الارض خرجو البوديكارد وقفو ليهم عند راسهم هازين سلاحهم المرخص على راس ياسين ….

ياسين”جبد الفردي من وراه تا خربق القميجة وحطو على راس هذاك عاد تراجعو شوي ” : القواد المخير فقبيلتكم يقرب ويسخن عليه راااااااسو ….هضر مع زواملك يتقودو من هنا ….مخنزر عروق ايديه خرجو ووجهو تعرق من نواضرو وعينيه بياضو …هبط على داك المراكشي عاود عطاه بروسية حتى هز صباعو وشير لبوديكارد يمشيو ….

اركان “دار راسو بين ايديه ” : ياااربي سلامة

ياسين : طلقني طلاااااااقني …”غوت بصوته حتى زنزن ديك البلاصة ”

المراكشي : اش بغيتي ت تعرف ….اولدي هادشي واعر عليك مالك متمشي لخطر برجليك

اركان : هذاك مكيعرفش اشناهو الخطر غا عطينا اش بغينا اشريف …

المراكشي : من شابه اباه فما ضلم …

ياسين “ورك عالزناد ” ….

المراكشي : هاني غانقوليك …نتا

بغيتي تعرف اش كيتعاطى خوك …

ياسين : مزيان ملي عارف ….

المراكشي : اش وصلني لخوك انا …الناس عارفاني فاش كنخدم …داكشي الي عارف هو الي كاين ….جيتي لعنوان غلاط انا الي عليا كنبيع وناخذ ….لمن كيتفرقو شغلهم هذاك ….شي معلومة اخرى داكشي كبير كيعرفو ليه ماليه ….

اركان : ولمن كيتفرقو ؟

المراكشي : كيمشيو لمؤسسات تعليمية اكثر وخاصة الجامعات هنا فضهر المهراز …مكانش عليك تجي عندي سول غير فالجامعة يعطيوك الخبار….

ياسين : نقطعو راس الكبيرة نمشيو حنا لمصدر الكبير معنديش مع البراهش

المراكشي : هههههه وشكون قاليك انا راس الكبيرة ؟ هانتا قتلتيني كاين ما كبر مني …هانتا قتلتي الي كبر مني كاين ما كبر منو نهههه راه داكشي متسلسل ومتعرفش شكون الكبير فينا …سول باك “ضربو ياسين بقنت تاع الفردي لمنخرو تا طوش دمو ”

ياسين “غوت ” : شرييييف على عدو ربك ( على باه ) …

اركان : واخا واخا ياسين تهدن الله يخليك اخويا …

المراكشي “شد منخرو كيمسح فدم ” : اولدي راه كتلعب بالخطر لقيتيني انا ساهل راه يسيق ليك الي كبر مني كتبقشش متلوم غا راسك …”

ياسين : شكوووووون هذا الي كبر منك ؟

اركان : واش بغيتي تعرف واش كيتعاطى خوك ولا كتتقلب على الخطر غا لراسك يهديك الله …

ياسين “فاش قاليه اركان هكاك فحال قاليه زيد سول هههههه عكسي صافي ” : شكوووون الي كبر منك “ضغط بالفردي …شد ليه فكو وضغط عليه تا بغا يطرطقو ليه ” ….طلااااااااق …

اركان : وليني عكسي هادااااا …يلاطيف …

المراكشي : وخا غا تهدن …الي كبر مني اسمو عيسى المنصوري …وخا تبغيه مغاتوصلوش …

ياسين “غزز شفايفو حيث عرفو شكون عيسى المنصور ” : زااام** …عدووووووو ربووووووووووو ….”غزز سنااانو حيث عرفو مزيااان وفحال حس بالي ممكن يكون دارها لخوه ضد فييه ؟ …..اعععععععععععععععع “غوت لربي الي خلقو ”

اركان : شيييييييت على حمار فين وصل ؟ …عيسى الي كان كيقرى معانا ؟ ….

كان كيقرى معاهم ودم سنان عيسى ه#تتمة_البارت_43_نور_الياسين_sanamina🦋

طلق منو ودفعو برجلو وناض من فوقو حيث كان طالع فوقو وحاكمو جن جنووونو فاش سمع سمية عيسى …ولكن واش فعلا خوه كيتعاطى …هادشي الي غايتاكد منو ….يلاه غايتحرك حتى ناض المراكشي وغمز هادوك رجال ….ضارو جيهة اركان وياسين هزو عليهم الفرادا ….

ياسين “ضور راسو جيهتهم مخنزر …” …

المراكشي : كيحساب ليك ساهل نعطيك معلومة وتخرج عادي اولدي هههههههه ….

ياسين : جرب ؟ …

المراكشي : تكلفو بيه …يلاه غا يضغطو عالزناد حتى جبد ياسين الفردي وبدا يتيري فيهم بزربة ماعرف اركان تا كيف دار ليها حتى ضار عليهم نص دغيا تيرا فيهم فرجليهم ونص لاخور يلاه غايضربو دفع اركان تلاح لارض ومشا ليهم كانو ربعة البوديكارد جوج تضربو ولاخرين يلاه غاينوض ومعاهم صمكة حتى دخلو ثلاث بوديكارد معرفوهمش منين دخلو ضربو هادوك خلاو كلشي منشور ….المراكشي هز ايديه فوق راسو ”

المراكشي : صافي صافي هاني هاني كنستسلم ..،

ياسين “خنزر فهادوك ” : شكون نتوما ؟

مجاوبوهش جرو المراكشي ومشاو خلاو ياسين غير كيشوف ….

اركان : شكون هادو …

ياسين “جامع فمو معصب حجبانو عاقدين حداش هزهز راسو ” : من جييييهة الولييييد …

ياسين بخلاصة عزيز عليه بلاصة الخطر والى حدرتيه من شي بلاصة هي الي يمشي ليها بغيتي ولا كرهتي …ماتنصحو ماتحذرو ما تآمرو ههههه …وخا يعرف راه ديك البلاصة غاتدي ليه عمرو يمشي ليها ….غيييير ربي كيجي من جيهتو ورضاة الوليدين ويكذب عليك الكذاب يقوليك راه وعوريتو وقوته الي مكتخليهش يموت ….القوي هو الله سبحانه وتعالى 🦋🐺نور_الياسين (44)sana mina🐺

🦋

خرج هو واركان هاد الاخير الي مسكين بغا يسجد حيث كتب ليه ربي عمر جديد ههههه …غادي ويبرگم ويحمد الله …

اركان : الله ياربي حمدتك وشكرتك …

ياسين “ضار شاف فيه ورجع مشا سبقو مخليه يعربط عا وحدو ” …

اركان : نتا اخويا ساخي عليك عمرك انا ماااااالي مااااالي …مالي شايط عليا ؟ ماشفت ماتشوفت عاد ناوي فالدنيا الحلال وندير داري ودخلتي ووليداتي ونتا عينك ديرهم فلاخرا مع الحور العين ….مصيييييييييبة كااااريتة ….قلبي كنحس بيه قلبو كيضرب …ياربي غانموت فمي ولا بيض ….سير اسي فؤاد رمسيس …كي نقدتينا لهلا يرزيك فالي عزيز عليك …..

بقا يولول حتى وصل عليه لطوموبيل وركبو كسيرا باقصى سرعة ….

اركان : شوووووف انقوليك غانسول ليك فلافاك باليل نعطيك الخبار كاين من يعطيني معلومة …

ياسين : متعطلش …باغي نحد هاد الق*** دغيا …

اركان : تهنى …

كسيرا وصلو لدارو ورجع هو ادراجو نوعا ما مقلق مباغيش باه يكون حاضيه وعلاش هادوك دخلو عليهم عرفهم من جيهة باه …وفضل حتى يمشي لفيلا ويعرف منو ….مسافة طريق حتى كانت العشية قريب يليل الليل …بدل ملامح وجهو ودخل الفيلا لقا الاغلبية مجموعين فالجردة ….نوار “غير بان ليها ولا قلبها كيضرب فتسعين تخشات فيسرى وضورات عينيها صباعها بداو يعرقو وحناكها توردو …” …

ياسين “وقف عليهم قلب على باه مبانش ليه ….”: الحنانة فين الوليد ؟

يامنة : مزال مجاش كنتسناو فيه على ود العشا …

ياسين “مشا جيهة يوسف هز سروالو شوي باش قدر يجلس وفرق رجليه ….مشافش جيهة نوار الي كيحساب ليها غايشوف فيها …وانوضي اشريفة كاع ممسالي ليك ….” : مزيان ….فين اسامة الحبيب ؟

محمد الحبيب : كيحفض اسيدي …

ياسين : ايييه مزيان ….

يامنة “فرحانة مسكينة مجايبة خبار ” : هههه الله يرضي عليه شد طريق القراية ميضيعش هاد العام …

ياسين : هذا مرادنا الحنانة “حك لحيتو …”

شوي حتى اتاصل فؤاد بيامنة وقاليهم يتعشاو حيث معطل ….ليه ايام وهو كيغيب بزاف وكيتعطل وتيليفونات عليه عالجهد ….داكشي الي كان ياسين مبقاش حاشاها لنوار يحساب ليه مكتبغيش تسلم ولا عندها شي مشكيل وهو من عادتو مكيتسوقش عندك افلان مشكيل معايا قولو ولا قود عليا ….طلع هو بدل عليه ولبس تيشرت وسروال سورفيت وتقاشر ديييما فرجليه فاش كينعس كيحيدهم ….هبط لعندهم لقاهم مجموعين فجوج طبالي فجردة وضواو شاعلين مزينين لابيسين بضواو منضر واااعر بجهد ….وتحط العشا ….

يسرى : هي ناوي تمشي تشوف جدك ؟

ياسين : بحول الله نسالي شي امور هنا ….”شاف فيوسف ” …هادوك العروض باقين ؟

يوسف : اييييوى نتا مبغيتيهمش …

ياسين : نفكر ونرد عليك …

يوسف : خاااطرك اولدي …

صهيب : عروض مزيانين اولد خويا مدير احد اكبر البنوك تبارك الله …

يسرى : ماشاء الله …

يامنة “الفرحة بغات تخرج ليها على ولادها بزوج رجال لولا طيش الصغير كان تاهو غايكون فحالهم ” : الحمد لله الله يرضي عليه …

ياسين “باس ايديها ” : رضاك هو الي وصلنا هنا …

بداو كيتعشاو فجو حميمي بيناتهم فرحانين باللمة الي جامعاهم العشا هاد المرة من تحت ايدين نجوى مرات الياس …الطباخة الحادگة عندهم …الي مكتخسرش لتاحد خاطرو مسالمة فحال يامنة وخا موگضة عليها …

اشرف “نغز مينة ” : مدي ليا هذيك صوص الجيغيان راه حدا ياسين …

مينة : قولها ليه اويلي ههههه

اشرف : بناااقص …”حتى طار ونزل من صوت ياسين ” …

ياسين : شنو بغيتي ؟

اشرف : هاااا ا مبغتش بغيت …”شاف صوص الجيغيان هزها ايساف ” ولااااا ….

ياسين “تهزت هز قرعة الحرور كيحساب ليه بغاها ومدها ليه ” …

اشرف : هااا اه ههههههه

مينة : راه بغا “نغزها اشرف ”

اشرف : لا عنداك اكتكذب عليك بغيت هادي شكرااا …

ياسين “حدر راسو رافع حاجبو ” : قضي قضي …وزغبو الله مسكين مع الخلعة غا سولو ياسين (هاد قضية الخلعة هادي انا مع خويا الكبير ) واش كياكل الحار تدعق وقاليه اه …وبغا يبين بالي راه يقدر على كلشي حيث كبير عههه ….ايييوى كالو وتزير تزير ولا اله الا الله …

اشرف : ححححوووو حخععع احم …

ايساف : اتا مالك ؟ ياكما بغيتي الما ؟

اشرف : تسسس ححححححعععع حخخخخ …اعررررر الااا اخويا بنيييين …

وجهو مسكين تسيق بالدموع ومناخرو دازو …

اشرف : كب ليا داك العصيرررررر رررعععع …

الياس : قول الما …

صهيب : دابا معرفناهش واش تزنگ ولا لا …

ياسين “دار ايديه على ذقنو حاضييييه …”

اشرف “شاف فياسين حاضيه وكمدها بدعقة ولا غا تيدربز … ” : ح🦋🐺#تتمة_البارت_نور_الياسين (44)sana mina🐺

🦋

صونا تيليفون ياسين جبدو من جيبو لقاه اركان ….ناض من حداهم تم غادي حتى شد ليه سيور شورط بجنب فكرسي نوار ….

ياسين : تتت ….

تحدر كلو باش وصل لكرسي كان شعرو قريب ليها …بدات تفيبري خصووووصا فاش شمات ريحتو الي دوختها وخلات النمل سرح فيها حتى بانت عليها ….

يوسف : نوار مالك ابنتي …

نوار ؛ انااااا اممم ممم ماليش …”غي احم …ملقات غيير واحد الكاس تاع عصير تكات عليه ”

يوسف : ارسول الله بشوية عليك …

ياسين كان فك سيور ومشااا مداهاش في اش كيقولو ….مشا بعد لورا الفيلا ….

ياسين : هضر …

اركان “عيا يجمع فالهضرة فلاخر ضروري ولابد ميقولها ليه …” : فعلا كيبيعو الكالة والي وصل ليا قاليا كيديرو فيها مخدر الهيروين …كيتباع بثمن وغييييير قريعة صغييييرة مفعولها كياثر …و و اسامة بدا كيتعاطاها ستة شهور هادي يعني دخلات ليه فذاتو وكيخصو مثحة فين يتعالج ولا غاتدي ليه عمرو ولا ضيعو ….ومشكيل بالعبار خاص يكون دقيق ….

ياسين “حس بغصة فقلبو وسخونية بدات كطلع معاه كيتسناه غييير يكمل ” …

اركان : ومشكيل ماشي هنا …

ياسين : اش باقي ثاني ؟

اركان : ياسين …اسامة راه ضاع ليه العام كلو مكاين بو قراية مع الاسف …الله يخليك اصاحبي تهدن وياك دير ليه شي حاجة را عينيك كيتغمضو …

مزال كيقوليه فيها حتى قطع عليه وتشارجا تشارجا تشاااااااارجا وجهو العرق بدا يكب فيه وصدرو كيطلع ويهبط موووررررك عالتيليفون حتى بغا يخرج ليه من ايدو ….ضرب ضورة وداز من حداهم كي العجاج ….

يامنة “وقفات ” : م مااالو ….

هما كيشوفو فيه حتى سمعو صوت سيارة دخلات مجهدة ديال فؤاد فرانا واحد الفران تا سدو وذنييييهم وسمعو اسامة من البيت ….خرج فؤاد وجهو مكيتفسرش ….واحد الملامح ديال ملك الموت ….

دخل لدار لداخل هو وولدو وصل عند دروج غوتو بجوج غوتة وحدة تا تزعزعو الحيوط

ياسين وفؤاد : اسااااااااااااااااامااااااااااااااا

اسامة غا سمعهم عيطو بجوج فشلو ليه ركابي تا طاح فوق ناموسية بجلستو ….

لوخرين مشاو يتجاراو يطلو كلهم الا مينة خشات نوار فيها قلبها بغا يسكت ….

اشرف “بالخلعة تخشا تحت الطابلة ” : سييييحت السيكس ….

#ت🦋🐺نور_الياسين (45)sana mina🐺

🦋

حتى واحد مكيلقاها كيف بغاها فهاد الحياة …تاحاجة مكتكون مقادة فحياتنا ضرووري متكون شي حاجة عوجة او ثقب كيعيق لينا …اسامة هو اصغر ولد عند فؤاد من بعد محمد الحبيب …وديما داك الصغير اخر العنقود كيكون مدلل ومفشش …ونتا وزهرك يا يخرج مقاد وشاد طريق يا عوج يا طايش يا يا ….المشكيل هنا كتجي فالواليدين هما الي كيتضررو نفسيا ومعنويا وحتى ماديا على حسب اشنو جاي ….اغلب الواليدين بدون استثناء كيتمناو ولادهم يكونو فاجمل صورة واجمل مستقبل وحاضر واجمل ماضي …لكن بعض الابناء كيحطمو ويهرسو هاد صورة ويضربو ليهم احلامهم ومتمنياتهم فعرض الحائط ….وهادشي الي وقع لاسامة كيعانيو منو بعض العائلات والواليدين وخاصة الناس الي وضعهم المادي جيد جدا …كيكونو موفرين ليهم كاع الي يحتاجوهم والي حلوها عليها فمهم كيلقاوها وبزيادة …ورغم ذلك مكيحمدوش الله وكيمشيو لحاجة الي مكتكونش ليهم والي اصلا مخاصهاش تكون ومحرمة من الفوق وبزاااف ميتقال ….

فؤاد الواضح هنا انه بحث حتى هو على ولدو وخاصة فالاونة الاخيرة ملي شافو خرج على السيطرة تحرك ودار خطوته الي عرف من خلالها وضع ولد اسامة …ميمكنش يهمل ولدو وخا جا خوه الكبير وخاصة الى كان الموضوع بهاد الوضع ….وتصادف انهم بزوج دقة وحدة عرفو وياااا ويل ويلو ويطيح فايديهم …..

غوتو بجوج دقة وحدة تا تزعزعو الحيوط وجاو لاخرين كيجريو….

صهيب : يااااربي سلامة …

يامنة “مشات كتجري وصلات عندهم واقفين فدروج فؤاد وجهو ميبشرش بالخير فحال الى كيكابر فالوقفة …وياسين هذاك العروق تنفخو ليه فايديه وعرقو حتى لصق زغبهم على بعضياتو اما وجهو غا سلاامة….

يامنة : مم م مالو “شادة قلبها وكتشوف في فؤاد ” ا اش دار ا فؤاد …

فؤاد “بعدها من عليه “: خرجو عليا كلكم كاااااااااااااالكم اسااااااااااااااماااااا ….

ياسين “مداهاش فياه الي وراه محسش حتى تم طالع فالدروج كينقص ثلاثة درجات وزيد ” …

يامنة : ياسييييييييين لاااااا اولد ولدي ولدي اش داااااااااااار ….

فؤاد تاهو طلع تبعو لبيت اسامة لقاه كيدق عليه بجهد الباب قرب يخشي فيه ايدو ….

ياسين “مكيهضرش غي كيخبط ….حتى لحق عليه فؤاد ” ….

والو اسامة واش جاوبهم …ويامنة وراهم تبعتهم شالها مسكينة كلو تخربق وشعرها خرج بينوار بيجامتها تحل والحالة متبغيها لعدوك قلبها بغا يسكت ….اما لاخرين مكيقدروش يقربو بين فؤاد وولادو ….

يامنة : الله يخليكم مديرو ليه والو الله يخليك اياسين ….

ياسين “مسمعهاش غا كيخبط فلاخر كحز باه وبعد ضرب برجلو الباب تا تلاح وغوتات يامنة لربي الي خلقها …”

يامنة : ولااااااااااااااااااااا اهى اهى الا لا لا ولدي غايموووووت …

دخلو بجوج ملقاوهش …لقاو البيت خاوي وشرجم محلول هو والبالكون ….مشاو كيجريو

فؤاد : اسااااااامة …”مع البيت عالي شوي قال راه لاح راسو ….عينيه خرجو “….

يامنة “عاد كحالت عليها تاهي حتى طاحت جلست وجهها ولا بيض ” : اسامة🦋🐺نور_الياسين (46)sana mina🐺

🦋

ياسين باقي البصيرة معمية ليه محسش براسو …هاد نوع مكيبقاش يشوف الى صعر وتعصب غا حيدي من قدامو وخا يشوفك كتركلي ….مشا كيقلب ودخل لدوش قلب فيه قال راه دارها بلعاني باش نهبطو …ساعاك ملقاهش مشا لبالكون كيطل عاد بان ليه شاد فحديدة البالكون لتحت شوي يفلت ويجي لارض ….

ياسين : حماااااااااااار طير طير طيح بين ايدي …

اسامة “كيتفتف وخاصة من جا قباض الرواح ياسين مزال فؤاد يشوفو هاكا يتخلع مع الكبدة صعيبة اري ليه قلب الحجر معقلش على حياة مو بان ليه غايطيح وباقي كيتحلف عليه ” : ياسين خويا خخو يا …

ياسين”شدو من ايدو ومع مولف هادشي فجبال دغيا تحنى تحذر شدو من المعصم ديال هاد ليد والمعصم لاخور وجرو صدرو وكرشو كلهم دردبو مع الحديد …حتى جرو وحيدو من تما عاد فؤاد غمض عينيه تنفس وصدرو تفش لكن سرعان ما عض شفايفو وتم غادي ليه حتى حبسو ياسين بايدو ” : الوليد “هز ايدو وقفو ” ….مني ليه …

فؤاد : وقف “قرب لاسامة هز ايدو تا هزها وعطاه ربعة طرشات ياااا خوتي بضهر ايدو تا تزعزع راس اسامة وتجرح ليه واحد شوي فحنكو …”الي بان ليك ديرو هزيت ايدي …مبغيتش نسخط عليه ونذي ذنب تانا معاه مربيتوش …الله فوق العباد ولكل فعلة حكمة من عندو …”ضور وجهو على اسامة لجيهة لاخرى ” ….تكلف بيه ….

ياسين معطلوش تم غادي بيه كيتعكل حتى طاح ومرحموووووش دوزو من حدا يامنة الي ناضت وقفات ومشات قدام وجه ياسين وحبساتو….

يامنة : ياااااااسيييييييين والله والله وتعذبو تانغصب عليك اهى اهى ،.،،

ياسين ؛ بربي ومتحيدي اميمتي تانخليه ونغبر عمر وجهي متشوفيه …اختاري….

طاحت مسكينة لارض معرفات مادير …متعذبوش ارخف عليه الله يرضي عليك اهى اهى …..

ياسين فواحد اللحضة عزات عليه لكن غمض عينيه عصرهم وتم غادي بيه جارو هي غا شافتو هكاك وهي تغمض عينيها حتى جا فؤاد تحنا وخشاها فيه …الوحيد الي غايقادو مع طريق هو ياسين وعن تجربة عارفينو علاش قاد وهادشي علاش فؤاد باغي يسلم ليه زمام امور خوتو …

تم غادي بيه هكاك مجرور ….تيشرت الي لابس طلع كتبان كرشو ورجليه حفيانين لابس شورط وغادي ويتمرمر كاع دروج هبطهم منهم هكاك والله محن فيه ولو قطرة ….غادي صاعر حتى دوزو من حداهم هكاك ….

اسامة : ولااااااا اععععععععع ياسين خويا الله يخليك وااااععععععععععع …..

ياسين”الصمت ” ….

يوسف : بففففف ياااربي سلامة ياربي

الياس : متهضرش معاه …ناري غادي يمرمدو شوف وجهو اصحبي ….

يوسف”وقف الياس بصبعو ” : مااااشي سوقنا بوووه وخلاه حنا معندنا منديرو حتى متكونش عارف ياسين عاد دوي ….

صهيب : والله الى من جيهتي سرو خاصو يتقاد ويترجل ….ياسين يتفاهم معاه ا الياس مغاديش توصل بيه درجة يقتلو والى قتلو سرو ….ااااش خاصو عائلة عندو ….واليدين عندو خوت عندو مجموعين ديما ولله الحمد لي خصاتو كتحضر اااش خاصو ؟ يتعاطى ؟ كيحساب ليه غايوصل نازا

يوسف : غادي غير يضيع ويضيع واليديه وصحة باه وخا يكونو لفلوس الى ضاع مغاينفعوهش …اللهم ينجرو باش يترجل ويتوگض لحياتو تا واحد مدايم ليه ….

تم غادي جارو حتى خرجو وهو مجرور ايد ياسين ماتت على معصم اسامة …جاي مجرجو ….

نوار “شافت المنضر وهي تخشي وجهها فختها وزيرت ليها على دراعها تا حفرتا ص🦋🐺نور_الياسين (47)sana mina🐺

🦋

تم غادي بيه كاع وجهو تحرد داز على بيست ومرحمووووش غادي بيه كي شي ميكة ولا شي لعبة جارها …صعر عليه مزيان ….حتى دخلو لواحد البيت ( الي قراو يامنة يعرفوه هو نيييت فين تسلخ الياس بشكل اسامك غا الياس سكر وجا تصادف بفؤاد كاي وضربو قتلة الكلاب ….) بيت فيه ماترييل لاصال فين كيدربو ….غير دخلو وسد عليه

محمد الحبيب طلع كيجري لعند واليديه لقا مو كتبكي معنقة فؤاد وترعد ….

محمد الحبيب : الوليد دخلها لبيت …ميمتي غاتصبري حيث هادشي خاصو يوقع انا را شحفت وضربتو وعطيتو ومحشمش عارفني حنين فيه …الوليد عارف ياسين علاش قاد راه وخا يوصل فين يوصل راه مغاديش يقتلو ….

فؤاد “باس ليها ايدها وهي كتنخصص ” : بغيتي اغزالي التربية الزينة صبري بغيتي الزين والعسا صبري لقريص نحل …

يامنة : اهى اهى ….صحتك افؤاد صحتك …

فؤاد : صحتي هي نتي وليتي لباس وجمعتي راسك راني جامعو مصبرتيش تانا منصبرش …

محمد الحبيب “باس ليها راسها ” : نوضي لبيتك وخليه منو ليه اميمتي ….

نوضها فؤاد وداها لبيتهم ومحمد الحبيب هبط لقاهم جالسين لداخل وايساف برا مشا حداه …

ايساف : سد عليه هو وياه …

محمد الحبيب : عبر عليه …

ايساف : عيطت لاركان قاليا راه عام ضاع ليه وستة شهور باش كيتعاطا وهادشي عرفو فؤاد وياسين دقة وحدة …

محمد الحبيب “عض شفايفو ” : ولد ل ….بففف ولد لحرااااااام غفلني …معرفتش فين كنت انا فيييين

ايساف : تانتا عندك مشاغيلك اصحبي شحال قدك تحضي هاهو جا ليه الي ينجرو …شوف دابا خاص يتعالج بعدا من ورا هاد طحنة الي كياكل دابا ….

ايييييه طحنة واشمن طحنة خدااام ليه ….جرو لاحو هكاك وجهو كلو تحرد من حناكو بلايص بان فيهم دم وبلايص حمريييين …كلو تجرتل …

ياسين : اااااااااااشنو خاصك ااااااا ؟؟؟؟ ااااش ؟؟؟

اسامة يلاه كيبغي يهضر ويجمعها معاه بجوج طرشات حتى فمو ولا سنانو مغطيين بدم ….وفوق حنكو منفوخ واحد العين غاديا وتننفخ ….

ياسين “تحنى لعندو كان مغط مقااادرش يتحرك وخصوصا ياسين قدامو عارف الى تحرك يزدح مو مع الحايط ….” : اش خاصك ؟ كلشي موفر ليك كلشي حداك ….اش خاصك ؟ “جمعها معاه بطرشة كانت قاصحة على الي قبل ” …

دوزت فحياتي تا دوزت ضرت سافرت وخرجت العجب غا بقصوحية راااااسي والعكس الي فيا وعمري شديت ضد على الحراااام….عمر نقطة الحرام (الشراب ) متحطت ف فمي ….عمري التفكير مفكرت نديرها لااافات الگارو الله يهديني عليه …..

وتجي نتا الزاااام*** العطاي تدوز على المراحل كلها ومن فوووووووق هادشي مضيع قرايتك ؟ علااااااش اش دارو ليك هادوك جوج الي جابوك وشافو عليك الويل الكحل ؟ اااا ؟

اسامة “مهضررررش متكلم حادر راس كيمسح فدم فمو وذاتو كتزدح بضرب ومزااال العاطي يعطي ” …

ياسين : عندك واليدين يحلفو بيهم الناس ويحليو بيهم فامهم وماااحمدتييييش الله….هذاك ولد الناس داك دري ….الي تربى وسطنا متمني يكونو عندو بلاصتك ومخرجش لطريق ومقالش انا ندير الي بغيت حيث معندي واليدين ….يتيم الحيين والميتيين ….غيرك بغاو بلاصتك مالقاوها

غيرك بغاو الي يجمعهم ومالقاوه وترجلو جمعو راسهم ….”مبقاش ياسين زاد هضر عطاه هاد الكلام ومشا ضار دخل لدوش الي كاين تما وتم خارج جايب معاه طوندوز باش كيحسنو ….العسكر نعماااس والتجنيد #تتمة_البارت_47_نور_الياسين_sanamina

غيييي شافو جايبها خرج عينيه …

اسامة : لا لا لا خويا الله يخلي ليك ما عز عليك “هادي نقطة ضعف اسامة عزيييز عليه شعرو ولحية والاهتمام براسو …” الا هادي لا لااااا

عطاه بركلة لكرشو حتى تزوا وتطوى …مشا مشا جاب قنب من قنانب ماترييل لاصال وربطو من ايديه بلور ….ورجليه وتحنى خدم طوندوز وضرب ليه الراس ولحية خلاه كلو ملط ….وهادي باش تكون بداية جديدة لتاااراجلييت فنما يبغي يدير شي فعلة يتفكرها …كاع داك شعر القوي حسنو ليه واللحية ….خلاه قرع …

خلا عقلو بغا يخرج بالغوات …وناض بقا يعطيه يعطيه فالدق وجهو كلو تنفخ والعصا الي كلا ما كلاها حد بقا ينزل عليه سمطة ضرب طرش حتى عينيه تسدو وغيب …مشا جاب سطل ديال الما وهز ليه راسو خشاه فالسطل

اسامة”شهق” : هييييييييه كحكح قغغغغ …

ياسين : تفكر هادشي مزياااااان …”عاود خشاه وخلاه تا بغا يتخنق ” …باش تعرف بحق النعمة الي عندك وحق الواليدين ….”عاود خشا ليه راسو تاني ” ….باش تعرف بالي هاد طريق ممسلكااااش ….

حيدو من تما وخلاه مربوط حيث عارف اتوصل الوقيتة يبغي جرعة ديالو ويقدر يدير شي عجب فراسو ….خلاه كلو مجرتل ومنضر متشوفيييش فيه العين تنفخت وتسدت وزراقت والجوه كلو تسلخ …

ياسين : نخياب حتى نعيا وطريق الحرام هي الي منشدش ولو فيها راسي والموت …اعديم النفس وتربية …”دفل عليه ومشا خرج صدرو كيطلع وينزل …سد عليه الباب وخلا عندو ساروت وزاد من حداهم كي البرد سخووووون عروقاتو تكب ووجهو مزييرررر ….مهضر معاه حد ما قرب وصل تال نص فالدار وغوت تا قفزو ” ….شي حد شييييييييييي حااااااد يسخن عليه راس يحل عليه ميلووووم راسو ….”مشا طلع لفوق لبيتو دخل لدوش

وطلق ما باااارد عليه باش يتنفس ويبرد وكل مكيتفكر وجه فؤاد كيضرو خاطرو حس براسو شمت ليه باه الي مادوزش عليه وميدوزها عليه حد بقا فيه وبقا فيه كيفاش خلاه ليه حيث عارف غاتغلبو مشاعر الابوة الي ميقد عليها حد فالسيطرة🤷🏻‍♀️

🦋🐺نور_الياسين (48)sana mina🐺

🦋

بقا حتى برد وغسل حالتو وخرج نشف راسو ولبس سورفيت بلومارين خشا رجليه فكلاكيط وهز باكية الكارو وبريكة وهبط هكاك شعرو مخربق بالما وهابط عليه ….داز من حدا بيت باه ومو تا وقف وهو يبان ليه باه خرج من عندها …

ياسين”بصوت غليض بح ليه بالغوات ” : الحنانة ؟

فؤاد : ناعسة …

ياسين : الوليد متهز هم لتاحاجة من جيهتو هنتي عليه الي عليا نقادو ليك غير ريح ليا خاطرك وبالك ميخصني خير “قرب باس ليه. راسو ”

فؤاد “ضرب ليه فكتفو ” : عندي جبل ميهزو ريح هاني عليه وعارف من تحت ايديه يخرجو رجال الله يرضي عليك ….منك ليه …

ياسين “هز ليه راسو ومشا هبط لتحت ….لقا راوية دات نجود معاها تاني على ود صداع تا تبرد الوقت مشاو مع ايلاف بقا غي ايساف الي جلس مع يوسف و صهيب والياس ومحمد الحبيب والبنات بجوج بنات يوسف …

يوسف “شافو وهو يعيط ليه ” : ياسيين

ياسين “وقف ونطق مشافش فيه ” : يوسف ماشي دابا …ومشا ضار لجيهة لاخرا …حتى لحق عليه يوسف ووقف حداه كيكمي ….

يوسف : ياسين سمع ليا …

ياسين “ضور غير نص وجهو وجاوب بايدو زعما شنو ”

يوسف : خاصك تعرف بالي راه مدمن دابا يعني خاصو مصحة اولدي وخاص يحيد منو داك السم عاد شوف شنو دير معاه ….

ياسين “مجاوبو حتى كما وكما وكما …طلق دخان لفووووق وهز راسو شحال عاد نطق وداك صوت مبحوح ..” : عااارف …قبل منجي كانت حاط هاد الاحتمال …وفاش جيت سولت وحطيت كلشي قدامي ….

يوسف : كنتي متوقع ؟

ياسين : عيطت لصاحبي طبيب نفسي عطاني معلومات ووجد معايا كلشي لهاد الاحتمال …تافق مع صاحبو اختصاصي فواحد المصحة فمراكشي …

يوسف : غاتديه لمصحة تما ؟

ياسين : لا….خاصو حتى يبغي هو وفحالتو مباغيش حيث فات واحد المدة وخا يبغي ميقدرش …

يوسف : شنو غادير ليه ؟

ياسين : غايمشي معايا لفيرما تما فين نعالجو انا وسيد المختص غايجي على قبلو ….حتى يوقف على رجليه ….

يوسف : ومن بعد مايتعالج ….

ياسين : غانسد عليه فواحد الكوري خاوي تما يحيد منو السم …كوري كبيييير ارا ميضور فيه ويخبط على مقاليا الاختصاصي خاصو متسع غانبطنوه ليه على حسب مينطحش راسو مع الحايط ويغوت براحتو …منها يترجل نيت ….فاش يتعالج غادي يخدم تما ….

يوسف : اش غايخدم تما اولدي رجعو يقرا …

ياسين : حتى يعرف بحق المسؤلية والنعمة عاد هو راسو يقرر يقرا ….غايخدم خماس مع المعلمية تما ….وبزاف عليه…..

يوسف : ارسول الله

واااهيا ربي ….هههههه مريم راجلك غايولي خماس يااا هلا بالعروبية تاني واجوائها قريييبا ع🦋🐺نور_الياسين (49)sana mina🐺

🦋

ليلة دازت مشحونة بلا قياس داز فيها الويل تاحاجة مكتكون مقادة العشا الي تجمعو فيه هاهو تشتت …كيقوليك ماتمشي غييير فين مشاك الله .،..تااااحد مقدر يدخل فيهم حتى نجود الكبيرة البركة ديال دار مقدرات تهضر حيث عارفة فالتربية مااا لازم الواحد يدخل …رجعات مع راوية تتبرد الوقت وتهضر مع ياسين بالعقل وتنصحو بالحكمة وبالعقل وتهديه على خوه وتوصي كيف العادة ….

مشا يوسف من حداه وخلاه يكمي ويتنفس على خاطرو ودخل هو ودراري كل فين زاد مع مرتو …بقات غير مينة ومحمد الحبيب و ايساف واشرف الي بقا كيغزل مسكين هههه

ايساف : مينة طلعو تنعسو ….

مينة : غاتبات هنا ؟

ايساف : لا انا غادي دابا …صباح يكون خير …استاذن منهم ومشا بقا محمد الحبيب حاضي خوه من بعييييد ونوار تاهي مخشية فختها وكتشووووف فداك الصنديد الوحش الي بغاه قلبها وهو بعيد وزاد اعجابها بيه من شافتو وتصرفاتها الي كدير معاه ماهي الا تصرفات الحب …والخجل كيغلب عليها ….

نوضاتها مينة ونوضات اشرف يطلعو لفوق وطلعو جميع محمد الحبيب بقا شوي فلاخر ولا تاهو طلع مخلي خوه على خاطرو ….

بقا واقف كيكمي حتى تهدن شوي …

كانت الساعة غاديا لوحدة دليل صونا ليه تيليفون ….شكون غايعيط فهاد الوقيتة ….جبدو لقاه رقم من امريكا معرفوش ديالمن ….وقطع …عاود صونا وعاود قطع صونا ثاني حتى طفاه هو كاع والله ومعرفو شكون لا جاوبو ….

توجه لجليسة الي دايرين بفوطويات وجلس حط راسو تكاااه ….

من قبيلة وهي طل عليه من شرجمها طافية ضو ومخبية ورا الخوامي …من فاش كيكمي وكيفاش واقف مبندر مقابل مع لابيسين وكيفاش كيمشي ويجي ويحك فلحيتو ورقبتو بعصبية ويكدد في فمو وعض شفايفو كاع تفاصيل دقيقة حاضياها فيه من بعيد ….بقات تشوف وتفكر فهضرة اختها ….كتعيقيش وتخليه يعيق بيك تصرفي عادي وحاولي

تماشاي وتولفي على انه غايكون وديري فبالك مغاديش يكون ليك …ان التاريخ يعاود نفسو تزوجي بيه مغاديش يكون وتصرفي ولا نتي الي غادي تعلقي فين تفلقي …سلمي عليه عادي بوسيه كانه خوك وسلمتي عليه ولا غادي تفرشي وبابا الي غايتقلق منك ….”نوار حياتها هو باها ” ….بقا هو جالس متكي حتى مشااات بيه عينو ونعااااس ….

تمشات بخطواتها الناعمة كيف مشيشة حسها ميتسمعش ….نوعا ما حسات بيه مقهور على خوه وواليديه على مكيعاودو ليها واليديه بدرجة لولة ويموت ميبغي الي يقلقهم وخا هو كيقلقهم لكن مكيبغيش الي يقلل منهم ….حسات بيه مازم كتر من خوه

ممكن فعلا صدق احساسها او ممكن حبها ليه خلا قلبها يعز عليها ويبقا فيها ….بان ليها نعس وهي تمشي لكوزينة ولقات البريق ديال ضو الي فيه اتاي ديالو غامق شعلاتو وتسنات تا تبخ وخواتو في كاس ديال اتاي ….هزاتو بين

ايديداتها وتمشات كتسحت حتى قربات وحطاتو ا بشوييييي بلا مدير الحس …لابسة بيجامة فوق ركبة وبونضو حمر فيه بايونات فشعرها….يلاه ضارت وهي تسمع صوته الي زعزعها تا طارت ونزلت وهي تغوت ….

ياسين : اش كديري هنا ؟؟؟

نوار “بالذعقة بغات تقول جبت ليك اتاي يهدنك وتفكرات سلمي عليه على وخا بوسيه من حناك عادي فحال خوك يا تخربقو ليها سلوكة بالخلعة وطبزت ليها العين ودربزتها وكووون غااا سكتت بالهبيييلة ” : جيت نبوسك ….اااا ….

ياسين “رفع حاجبو ” : شنوووو ؟

#تصب🦋🐺نور_الياسين (50)sana mina🐺

🦋

حنا فاش كيكون التفكير شي مرات طاغي علينا اكثر كنساو وكنسهاو حتى كنطقو بداكشي باش كنفكرو يعني فحال كنقولو كنفكرو بصوت مسموع ….الي وقع مع نوار مع دعقة والتلفة وخافت تفيقو واول مرة تزعم ودير مبادرة تصلح بيها شنو وقع معاه خاصة هو عاونها فاش طاحت وبقا يسول عليها ….والقفزة الي قفزت من صوته والخلعة ودعقة انه الشخص الي عندو بلاصة فقلبها وبنات عليه احلام من طفولة قدامها والتفكير خلاها غا كدبز ….

ياسين “رفع حاجبو مصدوم تاهو ” : شنووو ؟؟؟

نوار “كون لقات لارض تشق وتبلعها تزنزنات مسكينة واااحد لمدة وهي مكوانسيا وهو تگعد كيتسناها تهضر …”

ضورت راسها يلاه بغات تعيط لسكرتح وهي تنسا راسها تمات غاديا كتجري مع ملابساش صبيبيطها وكتعرج تلوات ليها رجلها وهي تجي لارض حتى ناض قفز طار لعندها ….

نوار “عضات فايدها ” : اععععع اهى اهى…..

ياسين “تحنى عندها نسا شنو قالت ولا باغي غير يعاونها تنوض ”

نوار : امممم اهى ….

ياسين : شش صافي سكتي موقع والو نووضي …

نوار : ابشوية اهى

ياسين “باش متبقاش تبكي وتفيقهم هزها دغيا عاونها وقربها ل بلاصة فين كان جالس وجلسها …تقابل معاها كانت شادة رجيلاها ولات حمرة ” : تلوات ليك ؟

نوار “جاوباتو براسها مكتشوفش فيه الطيحة سلكتها والبكية معاوناها وقلبها بغا يسكت مسيكينة …والكراش قدامها وتناااكت هههه ” …

ياسين : تسناي …”عاقد حجبانو حيد ليها بانطوفتها …كيقيص ليها فرجلها ” …ششش سكتي من البكا …تسناي هنا متحركيش …”هز فيها عينو وتحلف بصبعو ” مااتحركيييش ….

مشا بزربة دخل لكوزينة حل الثلاجة وجبد من فريگو مكعبات تلج ضار هنا وهنا بانو ليها شيفونات محطوطين مرتبين فبلاصتهم فوق بوطاجي هز واحد سرحو دار فيه ثلجات وجمعهم وخرج لقاها كتدلك فرجلها ودميعاتها دايزين ….حيد ليها ايدها وحط ثلج عليها وهي تغمض عينيها

نوار : اععععع …ففففف

ياسين “حادر راسو ” : صبريي …

نوار : ضرني …

ياسين : صبري …

نوار : هاااني …اععع صافي براكة …اهى …

ياسين : حطي ايدك هنا وبقاي مخلياه تما متحيديهش تانقوليك …

خلاها حاطاه عليها وتلاج جلس مقابل ليها …

نوار ” في نفسها والاااا ولااا متقابلش معايا بغيتي تقتلنييي …” : احم انوض نمشي

ياسين : قلتها ليك ؟

نوار: هنن ؟

ياسين : تسناي توصل الوقت فين تحيدي ثلج وطلعي فحالك …غير قضي مكاين الي شاف فيك …

نوار “خلعها جوابو تقولي قرا افكارها هههع ” : شنييي …

#تتمة_بارت_50_نور_الياسين_sanamina

باش متبقاش محرجة قاليها قضي قضي بمعنى كملي داكشي الي قلت ليك ديري فرجليك يعني بدل الموضوع بهاد مفهوم …

ديييما البدية كنقولو واعرة …كيقوليك واعرة غالبدية هي ديال نوار …كان خاصها تدير مبادرة وتعايش على انه معاها فدار ممكن تصادفو فاي وقت ممكن يجمعهم عشا غذا نفس السقف فالدر زعما …ممكن تلاقا بيه في اي زمان ومكان …والى بقات تفاداه غايعيقو بيه ويوقع ما لا تحمد عقباه وتكبر المشاكل وبزااف ميوقع عالاقل سوء التفاهم غايوقع باستمرار …

وهادشي الي بغات توصل ليها اختها مينة بهاد المفهوم …ويوسف الى فات تا عرف وهو تاهو لا يستهان بيه واعر يقدر يدير تصرف وينوض الخصام وادمشاكل فالدار ….وهو متمني متعاودش فكرة زواج ولاد العم …الا الى الله كتب معندو هروب ولكن باش يعاون كيف دار باه مع فؤاد لا هو لا فؤاد رافضين الفكرة حتى مع خوه لاخور الياس ….

بقات حاطا هذاك الثلج على رجيلتها وحادرة راسها وتاهو عرفها حشمانة عاونها ناض من حداها حتى كما حدا لابيسين ورجع عندها …

ياسين “مربع ايديه كيشوف فيها ” : علاش جريتي بيها ؟

نوار : ماعرفتش …نسيت …

ياسين : كتلبسي شي حاجة لرجلك ؟ عارفة عندك مشكيل عاوني راسك …او لا …

نوار “جاوبات براسها ” : اه بانطوفتي الميديكال ملبستهاش مبغيتش ندير لحس فاش جبت ليك اتاي حتى انت مبغيتش نفيقك غيير بغيت نعاون وصافي “هزات كتفها ” …

ياسين : الى جريتي كتلوى ليك ؟

نوار : اه الى مكنتش لابسة صباطي حييث حيث “دلات شنايفها وهزات كتافها ” …حييث التفاوت الي فرجلي ممعاونش …

ياسين : مفاوتة بزاف على لاخرى ؟…

نوار : اه لدرجة كنعرج مزيان ماشي شوية …والى ملبستش صباطي كضرني مع الوقت …

ياسين : حيدي هذاك صافي وطلعي تنعسي …

حيداتو بزربة بغات غا تفك وتهرب كي حطاتو ناضت …وتمات غادا كتزرب …حتى وقفها بصوته وهي تفراني …

ياسين : بلاتي …سيري بشوية متعاوديش نفس الغلطة …ومتبقايش تحشمي من هادشي …تواحد فينا فهاد دنيا مكامل الى مانقصش من لحمو نقصو ربي من جيهة اخرى …هادشي الي فيك عادي …

نوار ” ابتاسمت وهي ضور عندو ” : شكرا …

ياسين “غمض عينيه وحلهم زعما العفو ”

حتى تماااات غاديا وهي تحبس فيها واحد القاعدة خاصها تسول وطارت معزة …

نوار : علاش غا معصب وطالع ليك دم …

ياسين “طلع حجبانو وخرج عينيه ” : كيفاش …

نوار “غا شافت وجهو وملامحو مبقاتش تلفتت زادت خلاتو واقف غ🦋🐺نور_الياسين (51)sana mina🐺

🦋

طلعات مبقاتش تلفتاات شدتها طوالة تال بيتها ههههه وخلاتو واقف غااا كيشوف هاد البنت الي ديما طلع ليه فخنشوشو ماعرف مالو جاتو غريبة لا فتصادفاتهم لا فتصرفاتها معاه مافهم والو …سرعان ما ساس التفكير ديالو حيث دغيا رجع ليه اشنو وقع هاد الليلة …وقع ليه مع نوار فحال وتحد الاستراحة من تفكير متعب وارهاق وتعب اليوم كلو ….بان ليه داك كويس ديال اتاي مشا ليه كمل بيه گاروه …ومشا دخلو حطو فكوزينة وطلع تاهو لبيتو

شوف شنو يدير واش ينعس ولا يبقى يفكر فحريرة خوه ولا المنضر ديال باه وهو مازم من جيهة ولدو الي حس بيه كسرو وتشمت فيه …والي زاد صعرو اكثر هو داك السيد عيسى المنصور الشاب الي كان كيقرا معاه زمان وعمرهم تحاملو او بالاصح عيسى كان دم سنانو ياسين والسبب الغيرة ان ياسين كيقرا ودراعو ديال رجال ومخلاش باه يعاونو فقط الاسم وانه ولد فؤاد رمسيس خلات الكل يهابو ناهيك على الهيبة الي فياسين شخصيا

الشي الي خلاه غير نجح فالباك تاهو تبع طريق المافيا باحث على السلطة والهيبة الي عند ياسين وباه ومعندوش ….

اما نوار كيف دخلات تخشات تحت مانطاها رجلها حبسات عليها من صداع …بقات متكية عاضة فالمانطا وفينما تفكر كلمة نبوسك تخربق شعرها حتى كتبغي تبكي …

نوار ؛ اويلي ااااااويلي حي اويلي اش قلت اهى …وااا فمي خاصو تاهو يولي عرج ماشي غا رجلي …بففففف …دابا يحساب ليه ممزياناش ولا فمي خاسر …وراه غا فمي الي ممربيش ماشي انا …”عضات ايدها بالفقصة…بقات هكاك كدي وتجيب وتفصل وتخيط حتى غفات بلا متحس ”

قبل ما ياذن الفجر …فالبيت فين محبوس ومكتف باش من تجيه رغبة بجرعة بمعنى اصح ميديرش شي تصرف يقدر ياذيه …هكا توصيات طبيب لياسين معاه ريتما يجيبو لعندو لمراكش …

اسامة “كاااع وجهو تنفخ وتسلخ وعينو تسدات واحد الايد كلها تسلخات وزراقت …ذاتو كتزدح ولكن ماااشي هادشي بدا كيطغا عليه رغبة …وبدا ينين ” : حلووووو علياااااااا ….وااا ميمتي حليييي علياااا غانموت بجوووع والبرررد ….

وااالو تاحد مسمعو مسدود عليه وداك البيت بعيد مكيسمعش …. بقا شي ساعتين ولا اكثر حتى وذن الفجر ….

اسامة : وااااا عتقوووووني عمري نعاود عمرييييي ….وااغيييييير ضحكت تا ضعت ….واااغيييير تحديت اخويا غييير تحديتهم حتى ضعت اخويا ماشي بايدي …وعاونووونييييي ….واااااااا ميمتييييييي الحنيييييييييية …..وااااحنااانتنااااااا…غاا عاونوني ….والولييييد مبغيتش نشمتك مبغييييتش …..ولحمييييييييييي ……

حلات يامنة عينيها نيشان مع سقف …وطلقت اااه كبيييرة حست بقلبها مزيرر ….

من بعد نعسة حسات بيها عميييييقة طويلة وخا غا سويعات هما الي نعست حست بيهم نهار …ضورات وجهها كان فؤاد مكاينش …هزات لفون لقات ميساج منو بالي عند ايلاف غايبات عند ختو تما ….بغا يبعد من صداع حتى يتنفس ….ناضت جلسات جمعات شعرها وناضت لبسات عليها شي حاجة طويلة ولاحت شالها وخرجات ….

كان فبيتو ناعس عريان غير بشورط ناعس على شهرو وحاط ايديه على كرشو …ورجل فوق رجل كيشوف فسقف نعاس حلف ميجي لجفونو …حتى سمع الباب ديال بيتو تحل …عقد حجبانو مستغرب حول نضرته لجيهة الباب

حتى بانت ليه جايا لعندو بشوية يحساب ليها ناعس حتى لقاتو شعل ضو الفيوز …وناض جلس

ياسين : الوليدة !!! مالك بيك شي حاجة ؟

يامنة “وقفات عليه وحطات ايدها على حنكو ” : ديني نشوفو …

ياسين : الوليدة مكاين لاش الله يخليك خليني مني ليه

يامنة “هبطات باست ليه راسو بغات تبوس ليه ايدو من كفوفها وهو يحيدها ”

ياسين : اعوذ بالله …الحنانة متقلقينيش مااتقلقينييش …

يامنة : غيييير نطل عليه والله ماندير شي حاجة الله يخليك ويحفضك ويحفضني ليييك دير ليا خاطري غييير نطل عليه صافي راه منتهناش عينيا غايطيبو اولدي الله يخليك اهى اهى …

ياسين “كون لقا ينطح راسو مبغاااهاش طلبو ومتشوفوش غادي تحن ويقدر تصرف وتفكو …” : تت …

ناض هز تيشرت ديالو لبسو عليه وهز شي ميكة من لمجر خشاها فجيبو ….ولبس صندالتو وعنقها بجنبو حايزها ليه كي الكميشة …وخرج هبط هو وياها لجردة لبيت فين🦋🐺نور_الياسين (52)sana mina🐺

🦋

وقفو عند باب الدار فين كاين البيت واحد الملحق كامل فيه دويرة تما فيها لبيت الي فيه لاصال ….حل باب الدار ودخلات تابعاه عينيها مدمعين …ودخل حط ودنو عند الباب سمع الانين ديالو ….

ياسين : طلي عليه ورجعي نعسي …

يامنة : صافي واخا …

تنهد كيكبت العصبية باش ميشوفوش تاني ويرجع يشتف عليه …حل الباب …دخلي انا هنا …

دخلات مسكينة تقلب عليه بقلبها ماشي بعينيها …ماكحالت عليها حتى بان ليها مكتف ووجهو وحالت ولو قلبك صخر يرطاااب …واحد المنضر تقشعر له الابدان ….كيفيييبري بالبرد ووجهو ولا زرق وفمو بيض …ويهتهت ….

اسامة : انننن ع عتقوووني البرد …فيا جوووع جوووع …مييييمتي مييييمتي ….

يامنة “شدات على قلبها وهي تنطق بصوت منغصص مسروط ” : ا سااااامة …اهى اهى …

اسامة “هز عينيه غير عين باش كيشوف مسكين لاخرا تسدات …عينيه دايزين بدموع وفمو دايز بالما …” : حنانتنا …مييييييييمتيييييي عتقيييييني عنقييييني غانمووووووت اااااااعععع

يامنة “مشات ودموعها كيسرسرو وقلبها كيتنخصص …كانت غاطيح غاشدات فراسها وقربات ليه تحنات عليه ” : ولدييييي اهى اهى احنينتي ولااااش وصلتي راسك لهنا لااااش اهى اهى …

اسامة “قرب كيكحز تال عند ايديها يبووووس فيهم ورجليها يهبط راسو يبوووس فيهم ” : وااااا ميمتي ماشي بيدي بغيت غانضحك والله ما بيدي …ااااااااااا ….سمحي ليا سمحي ليا غاا عتقيني عطيني ناكل وحبسو عليا صداااااع …

يامنة “طاحت لارض كتنخصص حتى جا ياسين هزها بين ايديه وخرجها لبرا كتبكي وتقول مابكيت قلبها تعصر عليه …ودخل لعندو …جبد قرعة ديال لما من ثلاجة شربو حتى قنع وتروى وعروقاتو تكب …جبد من جيبو لكالة مصاوبة فيها جرعة لادوز ديالها اخف من الي كياخذ اسامة وناقصة عليها …ديجا عندو وديجا من تعليمات طبيب يعطيها ليه وكل مرة ينقصو ليه باش جسمو يبقى يتعود على نقص شوي بشوي ميحيدوهاش دقة وحدة حيث ممكن تقتلو ولا يقتل راسو …حتى يتعالج وريتما يجيبو نيت لعندو فين غايشرف عليه شخصيا ……

ياسين “شد ليه وجهو بقج ليه حناكو بجهد تا حل فمو وخشاها ليه بنترة وسد ليه فمو” : حااااااسك منسمعوش زمو عليا يلااااه ….

خرج وسد عليه خلاه بدا كيتكالما غيي شوي ماشي كيف ولف مهم يسكت من نواح والغوات …وخا هكاك لازمو تدخل ورعاية الاختصاصي ….

خرج لقاها كضور مسكينة وتلالي فحال شي وحدة ميت ليها شي حد ..تلالي وتلالي وتبكيييي ….

يامنة : انننننن اهى اهى ياربي مبغيتهاااااش ياربي راني غا درويشة …اميييييييمتي ولدي ميضيعش ليا وندير الي بغيتي اهى …

ياسين ” غا كيشوفها هكاك كيتعصب قلبو كيتهرس كتقهرو …مشعرش حتى مشا ليها جرها وخشاها فيه معنقاه ومكمممشة فيه ودموعها دايزين حلقها طاب وراسها سخن”

يامنة : خوووك اولدي خووووك امانة رجعو ليا الله “طولتها ” الله يرضي عليك وعمرك تخيييب اولدي رجعو ليا سالم ولا نموووت راه كبدتي صغيرة هاديك معارف والو …

ياسين “كمش عليها وزاد ضغط عليها …باسها فراسها ” : ششش …ماتخافي عليه والو هنيتي عليه من جيهتي …لا بغا الله وسهل من عندو يرجع ليك راجل يحلفو بيه رجال الحنانة …هنيتي عل🦋🐺نور_الياسين (53)sana mina🐺

🦋

بقا مسايس معاها تا تنفست ومشا معاها لبيت عطاها دوا مهدئ شرباتو حيدت شالها وبينوار وتكاها غطاها باس ليها راسها تا نعسات وتهنى عليها عاد مشا هو يرتاح فبيتو …

صبح الصباح او نقولو بدات شمس كتبين ملامحها …واقف قدام المراية كيقاد ف حوايجو فالفاليز ويقاد فداكشي الي تقدا لجدو الي خاصو والي غايخصو والي كيعجبو باش يرضيه على تعطيلة والغبرة الي غبر عليه هاد المدة والاعوام وخلاه مقابل فيرما غا وحدو مواقف معاه حد من غير دراري لا جاو ….قاد

الحاجيات ضرورية ديالو الي مهم وسد الفاليز حطها ولبس سبرديلة كحلة مع السفر غايشد طريق بسيارة الي خلا ليه باه حيث سيارته باعها فاش بغا يمشي لامريكا ….اكتفى غير بسورفيت …قاد شعرو بجيل …خلا جاكيط سورفيت وبقا غير ب تيشرت ديالها حتى يبغي يمشي عاد يلبسها وخرج من البيت ريحتو دوخ …

هبط لقاهم فصالون لداخل الجو فشكل …حتى كان غايمشي عندهم قلب جيابو على تيليفون ملقاهش ورجع ادراجو باش يجيبو حتى تلاقا بيها جايا هابطة طالقة شعرها وكتهبط درجة بدرجة …لابسة كسيوة بيج تحت ركبة مع ليبا كحلين وصبيبيطها بيج دايرة ليه سوميلة باش تقاد ليها الفرق ….ريحتها خفيفة ديال فاني عزيزة عليها …وهازا صاكها بجنب …وجهها مافيه تا نقطة ماكياج …وفعنقها سنيسلة فحالها عند ختها دارها ليهم باهم فاش تزادو بجوجات …كل بسميتها ….مكتوبة فيها نوار بخط عربي ….هزات راسها فيه ورجعات حدراتو ….

نوار “مكتشوفش فيه ” : سلام صباح الخير …تمات غاديا حتى وقفها …

ياسين : رجلك شوية ؟

نوار : اه شوية مزيانة …

ياسين : مزيان …باقي كتقراو فهاد الوقت …

نوار : لا غير غادية عند المجموعة الي كنحفض معاهم حيث سيمانة جايا عندي امتحان باساج …

ياسين : مزيان …”حك نيفو شحال ” …تسناي عندي منقضي فالمدينة نوصلك معايا …

نوار “هزات فيه عينيها ” : اويلي على توصلني …

ياسين “رفع حاجبو ” : كيفاش ؟؟؟

نوار”فمها ما ديالهاش ” : الا امبغيتش نعذبك …بابا يوصلني …

ياسين : سيري سيري انا جاي …تت …”طلع وخلاها تتبرق …اااالحاجة من قلتي ليه لا تما فين غايوصلك لاش تتقاشحي معاه …” …

جاب تيليفون ديالو حتى صونا ليه فايدو ثاني نفس الرقم وكيقطع …وخا يطير لسما لا جاوب شي رقم مكيعرفوش …الى غايعرف على نفسو خاص يرسل رسالة يقول فيها شكون هو ولا بقا تما ….ونزل لتحت يفطر معاهم وخا الجو مرييييض ….

في هاد اللحضة دخلات نفس البنت ديال ديك المرة هاد مرة لابسة كسيوة بيضة وطالقة شعرها حالتها مقادة ومصايبة ومنقية حالتها …شعرها كحل وعينيها مايلين لخضورة وحجبانها شبه ملاقيين ومقادين …وباين عليها مزال مكتعرفش بحق اللبس كما يجب ….دخلات وقفات حتى لحق عليها يوسف ….

يوسف : تفضلي ابنتي شنو مشكيلتك مع دار رمسيس الي هما ماليها ….

صفية “حدرت راسها وتكلمات …” : ولدكم ت ت ت عدى عليا وضيعني فشرفي اهى اهى

يوسف “خرج عينيه ” : شنووو ؟ اعوذ بالله ….اش كتخربقي ابنتي من نيتك ؟

صفية : اهى اهى ….اه وعندي دليل شهر وانا ناعسة فسبيطار غير شي ناس عاونوني وعطاوني منلبس “كتمسح عينيها من دموع …وحادرة راسها حشمانة منو وفنفس الوقت خايفة ميتيقوهاش ….”

يوسف “ربع ايديه وعوج راسو فيها ” : وشكون هاد مول الفعلة ياك ما انا ابنتي وتخالطو ليك العرارم

صفية “حركات راسها ب لا ” : اهى اهى عينيه خضرين …و و اسم م ميتو اسميتو ايساااااف اهى اهى “دارت ايديها على وجهها وانهارت بالبكا حتى تلفاتو معرف اش يدير بقا غير يضور تم ”

#ت🦋🐺نور_الياسين (54)sana mina🐺

🦋

نفس البنت الي جات سولات على عائلة رمسيس قبل ايام ولقاها شيفور وبلغ يوسف هي هادي نفسها الي جات من بعد ما غبرات وعاودت رجعات واشتقبلها يوسف …الضجة واقعة لداخل جوج مشحون على الي وقع مع اسامة …فا بعدها بعيد شوية عليهم …

يوسف “ربع ايديه وقوس حجبانو فيها ” : وشكون مول هاد لفعلة …

صفية “دارت ايديها على وجهها كتبكييي ” : اهى اهى …عينيه خضرين وطويل انا عرفت غير اسميتو بالصورة الي شفت قالو ليا اسميتو ايساف …

يوسف : ععههههه تعدى عليك ومعرفتي تا سميتو ….

صفية : هو اهى فالحقيقة ماشي اغتاصبني …انا نعاود ليك …

فواحد الليلة شي شهرين دابا تقريبا …كنت فالغابة هنا كنبدل حوايجي حيث مكانش عندي فين نسكن جيت من مراكش معنديش عائلة معندي حد جيت باش نخدم هنا وخا معنديش مؤهلات ولكن ضروف ملقيتش تا خدمك واضطريت نبقى هنا كناكل غيير من داكشي الي كيعطيوني ناس …

يوسف : واش جابك لهنا ؟ شكون قاليك ازرو فيها خدمة ؟

صفية : غير واحد سيد عندو بيكوب كيجيب تفاح من هنا ويديه لمراكش …قلت نجرب حضي نمشي معاه عالله وعسى نخدم داني معاه كيحساب ليا غايخدمني ولكن كيف وصلني كان غايتكرفص عليا فنص طريق …حتى دافعت على راسي ضربتو بحجرة لراسو كان غايموت …خليتو وهربت وبقيت كنتلاوح من هنا وهنا

حتى وليت عايشة غير فزنقة تاحد مبغا يعاوني بغيت نخدم فديور مثاقوش فيا حيث منضر ديالي موسخ مخليت كيف درت والو …عام هذا باش جيت من مراكش ووقع ليا داكشي مع مول بيكوب وشهرين فواحد ليلة كنت كنبدل وفيا موت ديال جوع سخفانة ملقيت منااكل ( قالتها مغنغنة ) …حتى وقف هو بطموبيلتو شوية حتى بان ليا جاي معرفتوش شنو كان كيدير يمكن كان كيقضي حاجتو …حتى وقع الي وقع …(عاودات ليه بالي حتى هي استسلمات ليه )

يوسف “حك شعرو وتاففف بجهد ” : بلاتي يعني كتعرفيه وعطيتيه راسك بخاطرك …

صفية “جاوبات ب اه ” : من تما غيبت معقلتش حتى لقيت راسي فسبيطار عمومي وعند راسي واحد سيدة هي وراجلها هما الي بقاو معايا حتى بريت كانت عندي نزيف ديك ساعة …ومن بعد خرجوني داوني عندهم بدلت ليا مرتو وغسلات ليا وعطاتني حوايج وفلوس ….

يوسف : وباقا معاهم …

صفية : حيث هما اساتذة تضغطو بتوجاد امتحانات عطاوني فلوس وهما الي وراوني فين ساكنين وشكون نتوما انا وريتهم غير شكون هو وفين كنشوفو …

يوسف : ااهاه اذن كتعرفيه ويعرفك ؟

صفية : لا اهى… مكيعرفنيش انا الي كنعرفو تلاقيتو شحال من مرة كيدوز من بلاصة فين كنعس حدا البانكة فين كيجبد الفلوس كيوقف بكاتكات ديالو كحلة …شحال من مرة صدق عليا لفلوس …

فديك الوقت سولت عليه قالو ليا من عائلة رمسيس …وسميتو ماعرفتها حتى وراوني تصاور ولادكم ف انترنيت …

يوسف : ايساف ولد ختي هي الي من عائلة رمسيس …هممم وشنو الي يخليني نتيق بهادشي ؟ اشمن دليل عندك ؟

صفية “دلات شنايفها صدرها كيطلع وينزل حدرات راسها “: الدليل الي عندي هو سولو على الليلة الي كان فيها سكران وهي نفس الليلة فين جابوني لسبيطار والوراق هاهما “جبدتهم ليه من صاك ملف تحاليل والتشخيص والتاريخ الي ذكرت هو الي فيه ” ….

دابا السؤال شنو غايكون رد فعل ايساف فهادشي واش غاياكد و🦋🐺نور_الياسين (55)sana mina🐺

🦋

يوسف خذا الملف عندو وقراه كلشي الي قالت صحيح ومفيه تا غلط لكن واش ايساف فهاد الحالة خاص طرف الاخر تاهو يهضر ….

يوسف : اممم يعني هادشي برضاك كان ؟ يعني مغصبك ماضربك ماوالو ؟ وبغيتيه يسترك ؟

صفية : انا مكذبت فواالو …غرني شيطان على سخفانة بجوع مكانتش عندي طاقة باش نقاوم اهى اهى والله مكانت عندي طااقة عااارفة غالطين بجوج ويمكن انا اكثر …وعااارفة من حقو الى مبغانيش …وعارفة جيت وقلت ليك هو مول الفعلة ….انا غير جيت مخلوعة …عالاقل غير يسترني ومن بعد يطلقني …

يوسف : اوووو شوري دغيا رسمتي طريقك …هاد الملف عندك نسخة منو ؟

صفية : اه عندي …هادي الي عطيتك نسخة

يوسف : هذا خليه عندي …دابا بنتي سيري فين كنتي وعطيني فين ساكنة ورقم ديالك دابا الوقت هنا مخالطة دنيا مرونة …واقعين مشاكيل مغاديش تكون فصالحك …ايساف خليه عليا تنسولو ونتاكد منو ونعيط ليك نواجهكم

صفية : غادي تنساوني وميديرش معايا حل …

يوسف : قلتي بنفسك اشريفة بالي غالطين بجوج ونتي كتر …وعلى ما شرحتي مغصبك ماضربك يخرج منها يخرج ومعارفاش معامن كتهضري نتي …نقلعوك الابرة وسط الملاين …دليلك ضعيف وحنا ناس كنتعاملو بشرف مافيناش دغل ولا نضحكو على شي حد ….بغيتي تصلحي مشكيلتك تسناي وصبري مبغيتيش المخير فقبيلتك جيبيه …”قصح ملامحو تا تخلعت ” ….

صفية : وخا نتسنى …

يوسف : تيسري فحالك تادوز وقيتة وديك ساعة نحلو المشكيل …

كمشات فصاكها وضربات ضورة وخرجات حادرة راسها مخلياه غييي كيشوف شد داك الملف وطواه ودخل دخلو لمكتب ديالو سد عليه وهبط ….

فهاد الاثناء رجع هو وفطرو جميع لداخل واخا اغلبية معندهم نفس …

ياسين “وقف ساس حوايجو وحنحن ”

يامنة “وقفات ” : صافي غاتمشيو …

ياسين : لا عندي منقضي فالمدينة وراجع عاد نمشيو لا بغا الله …”شاف فنوار ” …نوار

نوار”كانت تتشرب فقهوة وهي تهز راسها بجهد ” : هممم اه …نعام

ياسين : تحركي

مينة “ضارت شافت فنوار كتحرك فحجبانها زعما فين ”

يوسف : فين غادي ليا ببنتي …

ياسين “شاف فتيليفونو الي كيصوني بلا ميشوف فيه ” : فين بغا الله …

نوار”حادرة راسها ” : بابا بغيت نمشي نراجع داكشي الي بقا وقاليا نوصلك والله …

يوسف : لاش كتحلفي ابنتي سيري معاه فين بغيتي …خوك الكبير هذا فحالي فحالو فحال عمك فؤاد …

ياسين : بطبيعة الحال …

نوار “كمشات ايدها وزيرات ….

مطلقت حتى شافتو سبق وقاليه🦋🐺نور_الياسين (56)sana mina🐺

🦋

هزات صاكها سلمات عليهم ومشات تبعاتو لقاتو مخلي ليها الباب محلول وراكب هو بلاصتو ركبات بشويييية طلعات بالقاعدة مكتشوووفش فيه ههههه …تقادت وسدات الباب …

ياسين : ديري سمطة …

نوار : اه واخا …

حطت صويكها قدامها وضارت جبدات سانتيغ وضورتها عليها ولات تبان كي تمنيتون هههههه …جات بغات تخشيها تسدها بدعقة تقبة قدامها وهي كتفاوت عليها …ياسين مداهاش فيها مدهي مع ايمايلات ديالو فتيليفون …

نوار : تت فففف …اممم …

ياسين “كمل تقلاب وسد تيليفون خشاه فجييبو بغا يضور الكونطاكت حتى ضار لقاها مضاربة شعرها هبط وهي محدورة باغا تخشي وتهنهن وحالتها حالة ..” : شنو مالك ؟

حدر عينيه لقاها باقي مخشاتها …حط ايدو على ايدها صربها صو مسكينة وجمدت عينيها مبقاتش رمشتهم ولات تصرط فريق وفمها محلول …هز ايديهم بجوج وخشاها بلاا حتى تعنفيج بسلاااسة …

ياسين : بشوية عليك …

ضور ساروت وديمارا طوموبيل وكسيرا حتى نقزت طموبيل وسكتت …

نوار : اااا…حتى طاح دفتارها ….

ياسين : موقع والو …

بحكم هز رجلو من لومبرياج بزربة داكشي باش دارت هاكا …الي مقبلات عالسياقة فاش توركو عالومبرياج ودوزو لفيتاس هزو رجليكم بشويييي ماشي دقة وحدة حيث اتمشي وتجي طوموبيل وتسكت ….

عاود خدمها وكسيرا وزاد …انطالقو هو غادي مركز مع طريق وهي مرة مرة كتبغي تخطف شوفة فيه ومكتقدرش …كتخاف يحصلها ولا يقرا افكارها تاني ههههههه …مسالة انه داااك شخص الي بغاتو من صغرها وبنات عليه احلامها تكون معاه اسرة عرس و حتى ولاد حلمات بيهم معاه فخيالها رسماتهم دابا هو حداها وتبااارك الله احسن من الصور الي شافت والوصف الي عطاوها …وخا شافتو فصغر لكن عاقلة غير على لقطات صافي ….حداها وهي حداه وهما بجوج فسيارة قلبها كيفرفر حتى سهات وعضات شفايفها وضورات وجهها لجيهة لاخرا كتشوف فطريق باش تسوس الافكار الخويسرة ….

موقف بيها حتى لواحد قهوة فيها لفوق فين كيراجعو ….

ياسين : هنا ؟

نوار : اه هنا شكرا …

ياسين “قشع دفتر ” : بلاتي …”هز دفتر ولقا فيه مواد كان كيقراهم منهم مادة” الماركوتينغ ”

نيشان في خطها وكان خطها فشكل رقييق وزويييين ومنضم دفتر بالوان زوينة انثوية ….عوج فمو باعجاب ومدو ليها ….” : زوين خطك

نوار “ابتاسمت بخجل حطات صبعها جنب فمها حركة كديرها كتحبس بيها الرجفة الي كتجي شفايفها فاش كتكون حشمانة ” : احم ش شكرا …

ياسين : نزلي …

نزلات …. كضور بجنابها حتى قشعاتها وصال صاحبتها جايا وبانت ليها السيارة صغرات عينيها يلاه قشعات جنب وجهو مع كان عاطي بجنب وهي تنوض من وسطهم وتمات نازلة دار نضاضرو وضار حتى شافها دخلات عاد كسيرا وزاد مع زاد وقفات وصال عليها كتلهث …

وصال : يااا حسك شكون هذاك لبوكوص من جنب ؟

نوار : وصال وصااااال …

وصال : اااااااشن …

نوار : علاش كتسولي ؟ كتعرفيه ؟

وصال : ولااا ازمرة وتبارك الله كيبان مگضر غير جالس ومن جنب عساك من يضور …

نوار : وصال ميغركش شحال من واحد كيبان من جنب بوكوص وغير يضور خاااايب …

وصال : وصراحة والله كتوقع …واش ولد عمك هذاك ؟

نوار : لا هذاك غي صاحب ولد عمي جا البارح ومشا ليوم فحالو هاديك مشيتو مبقاش غايرجع كاع جا غير مرك وغايمشي بمرة …غير نسايه راه مزوج …

وصال : بصح ؟ تانتي غيير عجبني من جنب وصافي وبنتي ليا جايا وجيت عندك …يلاه طلعي طلعي نكملو قرايتنا …ولكن بغيتي صراحة متمنية يرجع داك زين جنب ههههخخخ

نوار “عوجات راسها 🤷🏻‍♀️ ” : مزوووج …

وصال 🦋🐺نور_الياسين (57)sana mina🐺

🦋

كيف حطها وتاكد انها دخلات زاد نيشان لكلينيك فين كاينة يسرى امها تما فين داير معاها …حتى وقف وهز لفون عيط ليها ونعتات ليه فين يطلع ويلقها …سكت طوموبيل تما فالبارك ونزل دخل وطلع نيشان تبع النعت حتى وصل لواحد البيرو دق وناضت حلات ليه …

يسرى : ولدي ياسين …دخل

ياسين “دخل وجلس فالكرسي حتى جات تقابلت معاه …” : واجد ؟

يسرى “جبدات واحد لوغدونونص عطاتها ليه وجبدات واحد باكية فيها قرعة فيها كبسولات منومة ” : هاهما ها لوغدونونص عطاها ليك طبيب مختص هنا الي تواصل مع طبيب الي قلتي ليا غايتابع حالتو فمراكش مهم هههه هادشي تواصل الاطباء متفهموش الي مهم هاهي …عطيه غير حبة وحدة راه ينعس ميجيب خبار حتى يلقا راسو تما …

ياسين “خدا من عندها داكشي ” : لهلا يخطيك …”ناض وقف ” الله المعين …

يسرى : صافي غاتديه ؟

ياسين : كيما زربنا كيما حسن …

يسرى : بغيت نقوليك رخف عليه ولكن حسن باش ياخذ درس الله المعين اولدي ومزيان من فكرتي انك تنعسو …مسالة انه يهرب ليك ولا يوقع مشكيل تفاداه احسن ….

باس ليها راسها واستاذن منها وخرج هبط ركب فسيارة ومشا نيشان لفيلا الي فهاد الوقيتة جالس يوسف وصهيب والياس ومعاهم اشرف الي بقا وحدو وسطهم شاد تيليفون تيلعب ف بابجي ويوسف بغا يفتح الحديث ….الا يامنة الي طلعات تعيط لفؤاد فتيليفون وتسول عليه …

يوسف : اشرف

اشرف : العميييم …

يوسف : نوض اكهرباء صيانة شوف داك المشكيل الي ف الموطور ديال البير الي لور …

اشرف : مالو اش وقع ليه بضبط العميم …حيث خاصني الماترييل معندي هاد ساعة …

يوسف : غا قضي تناخذ ليك كاع الي خاصك راه العساس عندو

اشرف : راه معندوش ماترييل ديال ضو العميم الى قستو غانعيط لسادات وعايشة البحرية …

يوسف : ويني مشطبة هادي …تا نوض تگعد يضربك ضو بغيت نشوفك منور وتشرق علينا شمش …

اشرف : انجيك صراحة انا يلاه عام لول كااع مكنعرف نقاد سلوكة …

الياس : واش كتعرف دير بسلامة …

اشرف : كنعرف ا لاقي سلوكة خههخخ

يوسف “تم نايض جايه وهو ينوض اشرف نقز حتاها بجرية لكن لسوء الحض لقاتو الكوطية ديال سدادر ياااااا وخوتي تهز تا لسما وتشقلب جا على راسو ….

الياس : ارسوووول الله ارسووول الله

صهيب : ااااا شمس العشية ههههه ياكما تهرستي …

يوسف : تضربتي يا ولدي من عند الله …نوض ينوضو عليك جنابك …

اشرف “تشتت مسكين رجل هنا ورجل لهيه كيشوف فسقف ” : واااااا ضهري ضهريييي اعمامي …

يوسف : يااكما تقصحتي امسخوط نوووض تگعد نشوفك مالك ؟

اشرف : وتخوني مراتي ويغدرني صاحبي ومتغدزني الطيحة اخوتي الغدر الحقيقي هو هذا …

يوسف : وانوض نوض الله يمسخك نوض سير شوف داك ضو يوگضك …

ناض مسكين على وعدو وسعدو تا ناض الياس نوضو غادي وشاد ضهرو كي شي مراة حاملة حتى وصل عند الباب ديال برا ….

اشرف : لبارح كنت عزيز و اليوم صبحت براني أنا نهضر بالمعاني ونتا بقا تعاني العزيز يتحب و الرخيص يتسب اخوتي انا خرجت ليا القرعة فالربحة وهاني ج🦋🐺نور_الياسين (58)sana mina🐺

🦋

قبل ميجي ياسين دخل ايساف وفؤاد وراه دخلو دقة وحدة …نزلو مشا فؤاد طلع لبيتو عند يامنة قبل ميجي ياسين باش يسلم عليه قبل ميمشي ويزگي معاه …دخل ايساف لقا محمد الحبيب كيقاد فصدايف ايدين القميجة كحلة وكيتسنى تاهو ياسين باش يسلمو عليه قبل ميتيسرو لخدمتهم …

ايساف : وييين يا زلمي …

محمد الحبيب : كنتسناو جنابك اعشيري …جيتي تسلم على ياسين ولا …

ايساف : وايه …غايدوز يسلم على الوليدة والميمة عاد يجي لهنا …انا قلت نجي نجيبك معايا …

خرج يوسف الي كان لداخل حتى لقاهم …

يوسف : اه اه اه سي ايساف هنا تا لباس اولد ختي …

ايساف “سلم عليه ” : نحمدو الله الخويل (الخال زعما ) …

يوسف : جابك الله نسولك …

ايساف : خبار الخير …

يوسف : مناويش تزوج نتا ؟

ايساف “كحز ضربو بكتفو وقرب ليه لوذنيه ” : لقيتي ليا شي بنت الناس ؟

يوسف : لقيت ليك جنة العاشقة جات تسول عليك …”تيطنز ” …

ايساف : بسم الله الرحمن الرحيم …لااش هاد سؤال اصلا …انت عارفني كنعرف بنت الناس كنتسناو غي تقاد الامور ونخطبوها لا بغا مولانا …

محمد الحبيب : مزياان الله يسر امضحكش عليها وكان تعلقها معاك …

ايساف : نتا عارف فيا هاد سيدي فعايل ابن خالي …

يوسف : اييييوى لا تكون ضاحك بنت ناس نعلقها فيك …كي شتي راه بنات ناس ماشي لعبة …ياك بعدا حياتك صافية مفيك دغل اولد ختي ما ضاحك على شي وحدة اخرى وكاان …

ايساف : المعنى الخال …

يوسف : لا تكون معدي على شي بنت الناس وناسي غاا ضحكنا معاك …

ايساف “عصبو تا نسا راسو ولا يخصر فالهضرة ” : تا مالي اخالي ا شايط عليا تبي (قضيبي ) تانجبدو لمن مكان …ولا

محمد الحبيب “دار ايديه على وجهو ” : ينعل مك الكلب حشم

واحد مولاي صباط جاه لراس تا غوت ….

يوسف : الله يمسخ مك اولد الهبيلة المجوطة الي هي ختي …وليني راك حمار مبقيتي تحشم …قول اعوذ بالله …ايوى شتي المسخ ولينا نسمعوه …

ايساف : ايوى اخالي سمح ليا اااتعصبت …

صهيب “جاي خارج سمعو ” : لا تعصبتي سير زور سادات ولا جدب فشي قنت …

يوسف : دابا نقطعو لمك من جذر ونعلقو ليك فش#تتمة_البارت_58_نور_الياسين_sanamina

فهاد اللحضة فؤاد …هبط من من دروج الي لور ومشا نيشان للملحق …جبد من جيبو ساروت عندو ديالو احتياطي ديال تما عندهم كلهم غير ياسين محرم عليهم تاحد ميحل عليه الباب ومقدروش يوصلوه وفيهم الي مدخلش ليس بخوف …

مع حل الباب ديال دار ودخل سدو عليه بساروت باش متبعوش يامنة .…حل عليه الباب لاخور ودخل ..غيييير طل عليه وشاف حالتو عقد حجبانو وضور وجهو لجيهة لاخرا ….عز عليه فداك المنضر عيا يكابر فؤاد

عيا داك صنديد القوي يقوا ولكن قدام كبدتو ضعاااف اييييه هادشي ميعرف بحقو غير الي مجوب الكبدة ….وهادشي علاش كنقول القوي هو الله سبحانه وتعالى ….

رجع ضار وتحنى على ركابيه كيشوف فيه هز عينو فايدو زرقة …وعينو منفوخة وفمو ناشف حالو …غي حس بيه اسامة فاق وشاف فيه …

اسامة : الوليييييييد …سمح ليا …”حتى نزلو دموعو كيجريييييو …” …

فؤاد “مغوبش كيشوف فيه كيبكي قدامو ” : الصمت مهضرش …

اسامة : عطييني ناكل الوليد قتلني جووع …

فؤاد “الصمت ”

هاد الجملة حسكاتو من لداخل …كيشوف ولذو كيتعدب قدامو قاتلو جوع كيشربو غي الما فقط من البارح …اكثر كلمة حسكاتو مع المنضر الي فيه تكوني حجرة ذوبي وعساك الى كان باك …مقدرش مزال يبقى وخرج من البيت سدو عليه وتكا على الباب حس بشي حاجة كذبح فيه حتى غمض عينيه وتخنق …حط راسو على الباب …حل صدافي القميجة ووالو

غي مزايد ويتخنق حتى هز راسو لفوووق وحل فمو كيستنشق الهواء …حط ايدو على لحيوط وضار تم غادي كيشد فيهم ويهبط ويهبط …حتى طاح على ركابيه ….شوية مبقاش قدر يزيد عيا يكابر حتى طاح مجبد وهز صبعو بوضعية الشهادة …

طريقي عامرة شوك… بقيت ساهي وكنشوف …حاني راسي وقدامي الموووت …

#تصبحن_على_خير….نلتقي يوم الخميس حيث غذا عندي منقضي مغانلقاش وقت باش نكتب الخميس ان🦋🐺نور_الياسين (59)sana mina🐺

🦋

القوة مهما كانت كثيرة مهما كان الانسان قوي شخصية قوية عندو نفوذ مال جاه عائلة ممخصوص من والو لكن فاش كتخونو الصحة تاحاجة فداكشي كتعاونو من غير الله سبحانه وتعالى هو القادر انه يبينها فشأن ويصبحها فشأن …

ايييه فؤاد الشخصية القوية الي وقف طول شبابو وحياتو فوجه المافيا الروسية والذكي الي خلاهم يحسبو ليه الف حساب مكيخافش مكيعقلش عليهم وحاسبها من كل جوانب ومدووووزش عليه والبق ميزهق معاه ….هاهو الصحة خانتو ومقدرش يقاومها وسلم راسو لله سبحانه وتعالى ….

قبل من هادشي كان ياسين يلاه كسيرا غايمشي نيشان كيف سبق الذكر …حتى صونا ليه الفون لقاها يسرى …

ياسين : مالك ؟

يسرى : اولدي تسنى هههه نسيت معطيتك دوا ومعقمات باش داوي ليه داك الضرب الي فوجهو قبل ميعفن ليه …تسنى

وقف طموبيل وضرب ضورة دخل لبارك تاني حتى بانت ليه جايا ….

يسرى : هادو وخوي عليه هاد لالكول لايدو الي قلتي ليا زراقت ليه …غير باش تفادا تعفنات والى بقات هي هي دير ليه راديو …

ياسين : يكون خير …منسيتي والو ؟

يسرى : لا صافي اولدي الله يسر وسلم على الحاج من توصل …

ياسين : مبلغ “تسناها تاضارت مشات وزاد كسيرا ….”

واحد جيهة واقفين يتقاشحو معاه ويوسف يضور وينزل عليه لراس هو و صهيب ..

الياس : اتوما مالكم فهاد رواج …اش كاين

صهيب : الماسخ ولد المگردة ختنا مبقا يحشم …

الياس : وشورو الهضرة وصداع دابا يهبط فؤاد يسمع هادشي نصدقو فالهضرة …ونتا اولد المجوطة ختي

ايساف : واااميمتي طلبت معاكم شرع من تحت راسي …وسولو ااا سولو على سؤال سولني… تا من نيتو ؟ نتعدى على بنات ناس ؟ سول محمد الحبيب مالي انا بنت ليك سوابق ؟

يوسف . : وجهك فهاد اللحضة عطاتني فيه ريحة ديال شي فعلة دايرها وناكر

ايساف : اللهم صلي عليييييك ارسول الله …ولصقوووني …محمد الحبيب نشك فيه

محمد الحبيب : يمسخ مك بزاف عليك تنديرها …ميكونش فيك دغل ومخبي علينا ؟

ايساف : اييييه اصحبي شهد فيا غذر …

يوسف : محمد الحبيب تربيتي ميديرهاش

ايساف “مخرج عينيه ” : وانا مربيني مغتصب حگار ؟ عرفتي اشنو غانمشي فحالي …نسلم على ياسين فتيليفون وسمحو ليا …

تم غادي ضاير وهما يغمزو دراري الياس وصهيب يوسف …

يوسف : ااااجي لهنا يحرق طاسيلة مك الي هي اختي…اجي غا تنبسطو معاك

ايساف : عيقتو اااوه ضحك فيه وفيه …

صهيب : تااا غاا بغينا نجوجوك وقلنا نتيستيوك ماالك الى تعديتي نوقف مع ولد ختي فالقضية غااا قول

ايساف : انا الي كلب …

تم غادي ورجعوه عنقوه بثلاثة تا دخلوه لصالون ….

صهيب : راه نتيق فيوسف يغتاصب ويقتل ونتا منتيقش ديرها اولد ختي زيد زيييد بغيتها في يوسف صاحبي متكون فيك

…يوسف : بغيت ليك نتا الجهل فوتني عليك الدعوة 🦋🐺نور_الياسين (60)sana mina🐺

🦋

مسافة الطريق وهو غادي حتى دخل البيست الي كتدي لدار …صونا ليه تيليفون مجددا …شاف نفس الرقم برزطو مزيااان

ياسين : تت ….

دخل لاتصالات وبلوكاه وهنا راسو حطو تما قدامو وزاد ورك حتى تم داخل وحل ليه العساس الباب …بلاصا طوموبيل ودخل لدار طلع لفوق لقا يامنة خارجة من بيتها لابسة جلابتها وشالها وهازا صاك فايديها وتيليفون كتصوني …

ياسين : غاديا لشي بلاصة بلا متسلمي عليا الحنانة ؟

يامنة : ههههه لا كنتسناك غير تمشي خارجة انا وباك تال فاس غانبقاو فيها شي يومين …

ياسين “شبح عينيه ورفع حاجبو ” : يوميين …مزياان “باس ليها راسها “…

يامنة : معرفتوش فين خرج قاليا نهبط نكمي ونجي ومعرفتش تعطل …

باسين : تسناي لتحت نهبط لحوايج ونجلس معاك بينما جا …

يامنة : اه فكرتيني اولدي راه فاليزة ديال خوك عند بابا بيتو فيها كلشي يحتاج لبس وفوطاتو واتروس ديالو …كلشي تما …عيط ل عساس يهبطهم معاك من دروج لور ؟

ياسين : لا لا نقضي راسي غا هناي نتي …

ابتاسمات ليه وهبطات هي لتحت وبقا هو حتى هبط كاع داكشي دارهم فكوفر طوموبيل وهز من الكرسي الي حداه ساشية دوا ومعاهم المنوم …جبد ساروت ومشا جيهة الدار حتى عيط ليه ايساف …

ايساف : وااا ولد الخال …

ياسين : ايساف ….مزال ممشيتيش لخدمتك ؟

ايساف “سلم عليه ” : هاني غادي دابا جيت غانسلم عليك …وطريق سلامة …

ياسين : اامين …نتشاوفو من بعد …

ايساف : ضروري نسالي ونطلع عندك انا ومحمد الحبيب والميمة بغات تبدل لجو تما شي يومين …

ياسين : ضروري باش مكان …

ايساف : داخل عندو ؟

ياسين : خاصنا نتحركو دابا …”شاف فصاشيات حك شفايفو بسنانو قبل مينطق ” …نداوي ليه من بعد نتحرك …

ايساف : ندخل نعاونك ؟

ياسين : غا تيسر قاد بشغلي معاه …

سلم عليه ومشا جيهة سيارتو حتى تم جاي محمد الحبيب لكن كان ياسين مشا لدار حل بساروت ودخل ….تمشا شوي حتى بانو ليه رجلين وحدة مسرحة ووحدة مطوية هز عينيه وقلبو وقف حل فمو حتى ريق حبس ليه مبغاش يتصرط ….

ياسين : الوليد ، ؟

لاح داكشي الي فايدو ومشا يزرب قرب ليه وتحنى هبط على ركااابيييييه ….واااااه من خيبها شوفة ااااه …من خيبها تجبيدة ومن خيبها نضرة …تشوف باااااك بديك الوضعية …

قرب ليه وحط ايدو على صدرو كيفيق فيه …كانو عينيه شبه مسدودين …

ياسين : الوليد ؟ الوليد اش واقع ؟ مالك ….الوليد …

كيحرك فيه مكايجاوبوش بدون ردة فعل …هبط عينو لايديه لقاه هاز صبعو فوضعية الشهادة …الشي الي خلا رجليه يفشلو والعرق يهبط عليه ويصرخ باعلى صوته لربي الي خلقو …حتى الي فالفيلا شي خرج يطل وشي ناض ….

فؤاااااااااااااااااااااااااد للاااااااااااااااااااااااااا ….حتى هرب ليه الصوت …

يامنة : ااا اش وواقع ؟ ….

#يتبع…الي كانت تجربها فيا …

#يتبع… شاء اللهمش تايتگدد ….

#يتبع….بتها ….اييييي ….

#يتبع…: ااا ضحكنا اناري …

#يتبع….ا باها تبعو …

#يتبع….لا لا ….

#يتبع….صبحن_على_خير….🌚🌝يه ….

#يتبع…. مسدود عليه …

#يتبع…ا كيشوف

#يتبع…..ياسين : قضي قضي …

#يتبع…حن_على_خير ……لى شاشتكم ههههه

#يتبع.…#يتبع….غايبدا ….”

#يتبع…باعها فيهم ”

#يتبع… ….!!!

#يتبع….صبحن_على_خير 🙆🏻🙆🏻لووو هاد الحرور ….يااا هلا بالباسر ☺️

#يتبع…….

 

#يتبعو ياسين رمسيس 🙂

#يتبع….تى خرجو ليگارد هازين سلاحهم ….

#يتبع…اف نيشان لفاس ….

#يتبع…

Leave a comment