Skip links

قصة : نور الياسين ج39

 31,995 عدد مشاهداات

🦋نور_الياسين(876)#فرصة_ثانيةsana mina🐺🦋

في هاد الاثناء كانو لداخل مجموعين تقريبا كلهم …فرحانين برجوع نوار من بعد معاناة دامت عامين بين ازمات خصام فراق طلاق شحنات سالبة بيناتهم دازت عليهم بمشقة الانفس خصوصا مع الزوجين الي تهرس زواجهم وتكلل بالطلاق فالاخير …وهاهي ليام بعد صبر طويل رجعات لمة من جديد ؟؟ ….

يوسف : وحق الله الى توحشت هنا كيبان ليا نبقا تيفوت العرس …

يامنة : علاه راجعين ؟

يسرى : راجعين باش نكملو توجاد الحوايج ونجيو قبل بسيمانة …

يامنة : وبقاي معايا عندي توجاد كتير يلاه لحقو حنا بربعة (سارة نجوى وهما )

يسرى : نكمل ليها غير توجاد حوايجها راكي عارفة لا هي لا ياسين حلف عليها كلشي يكون جديد …

يامنة : وضروري تا دار هنا وبيتهم فوق كلشي وصا عليه يدخل جديد …

يوسف : نرجعو يومين هكا تلتيام ونرجعو هنا ؟

يسرى : ايوى صافي نيت بغيت نشوف مينة فين وصلات عيانة شوي …

سارة : كي بقات مع الوحم ؟ مهضرتش معاها يومين هادي فالواتساب …

يسرى : شوي وخا ممحنهاش لكن راكي عارفة الوحم …وولدك نتي خليتو مع راوية كان صباح نوصلو راوية ترسل ليه كريمة …

سارة : لهلا يخطيك غا سمحي ليا را مشا صهيب من تما فاش يرحع يجيبو…

نجود : والى رجعتو بنتك مادخلش هنا تبات …

يوسف”رفع حاجبو” : علاش اميمتي …

نحود : دير عقدها ودخل عروسة نيشان هنا العادة هي هادي اولدي الى بغات عادتها كيف بغات …هادشي علاش فاش تجيو دوز لدار سارة وتبقى تما …

سارة : ايوى صافي تهناي عليها عندنا…

يسرى : صافي الي شرتو عليه ديرو….

يامنة : فحال سارة فحال دارها تصبر حتى يدوز العرس وتروح نيشان لدارها …

يوسف : ان شاء الله …

في هاد الاثناء علامن كيهضرو وااااقفين قدام سيدي الفحم لدهم الي يگلع ضيم والهم …كتشوف فيه وتشوف ديك الكحولة ليل الي فيه …واللمعان الي فيه …

نوار : سبحان الله “عينيها لمعو معاه” واااعر هذا حمقني حسن من شهلة …حسن منها زوين “حطات وجهها على وجهو ..كتلمس فيه ” حبيييييتو ههههه

ياسين: يلاه براكة عليك …

نوار : خليني معاه نبقا هنا نبات …

ياسين : تهدني نوار تهدني …

نوار “هزات كتافها” : حتى هو بغاني مسكين هههه”هزات راسها باستو”

ياسين “جرها من دراعها وتم مبعدها من حداه خرجها وقابلها مع وجهو ” : تحمستي ولا شادة ضد”مخنزر فيها”

نوار : والله حتى حمقني كيشبه ليك …

ياسين : لا حول ولا قوة الا بالله…

نوار : والله حتى فشكل حمقني ماتغيرش منو را غير خيل هههه ولكن حمقني جاني فحالك فوقفة وفكلشي كيشبه ليك داكشي علاش عجبني وبغيتو …

ياسين”ماعرف يرطاب ولا يبقى معصب غيران ولا ينطحها ويموتو بجوج ههههه ”

نوار : احم …

ياسين “رجع تقاد فالوقفة دوز على وجهو وشعرو ورجع طاقية كان لابس نيت قبية وسروالها كحلين وطاقية ” : محنتيني انوار هذا الله …

نوار : خاصك تفرح …

ياسين “عوج راسو زعما من نيتك” : تت …يلاه نرجعو ؟

نوار”رجع قلبها كيضرب ” : ض ضروري ..”عينيها غرغرو ”

ياسين”غمض عينيه بقات فيه وفنفس الوقت غايخصو وقت باش يقنعها”: شنو قاليك الوليد ؟

نوار : هاني جيت هاااني …

ياسين : الي درتيه باش جيتي هنا ديريه فاش تبغي دخلي …”قربها ليه باس جبهتها وهبط لحنكها وشاف فيها مقرب مزيااان لعنيها وشوفاتو مركزين بين شفايفها وعينيها” : على وجهي”قالها بصوت حنين”

نوار”شافت ليه فعينيه” : ت تعاوني ؟

ياسين : ميحتاجش توصي …

نوار”من بعد شحااال قررات” : و واخا …

جرها بجبنو معنقها وتمو غادين خارجين كل مكتقرب كل ما خطاويها كيوليو غادين بوتيرة ابطئ. …يلاه غايدخلها حتى ضور وجهو بان ليه اسامة واقف بعيد صغر فيه عينيه ووقفها…

ياسين : نوار تسناي هنا …

نوار : م مالك ؟

مجاوبهاش خلاها ومشا فاتجاه اسامة غادي مخنزر بواحد طريقة وعينيه جاحديييين حمريييين جيهتو كيشوفو… كيشوف فيه وهو يبان ليه كيدوز على منخرو ويحك يحك يحك خرج من جيبو بزطامو طل عليه وضار هنا وهنا ورجع خشاه …

ياسين”مشعرش براسو حتى وقف عليه كي قباض الرواح”

اسامة “هز فيه راسو يلاه غايهضر وهو ينزل عليه ياسين بواحد تصرفيقة بضهر ايدو خلات رعد يضرب ليه بين عينيه”

ياسين : رجعتي البلية القوااااااااااااااااااد”غوت بحر جهدو حتى نقزات نوار بالخلعة وضارو شي م🦋نور_الياسين(877)#فرصة_ثانيةsana mina🐺🦋

قبل اياام لاحظ فيه هادوك الحركات ولون وجهو الي كيكون مبدل فاش كيجي من برا .. …لكن الحركة الي وقعات اليوم وشافها منو خلاتو يصعر ويتجنن وميشعرش براسو حتى عطاه بعض الطرشات حس بوذنيه دارو طنين ….

ياسين”خنزر فيه حتى عينيه بغاو يتقبوه لهيه…ماحتال يستوعب طرشات شنق عليه من الكول وقربو لعند وجهو كيهضر مكشكش عليه”

نوار مشات كتجري عندهم ….

ياسين”زاد شنق عليه ” : هضاااااااااااار ازا…

اسامة”مصدوم منو معرفو كيفاش طار عليه حيث عطاه صليات على غفلة تا بان ليه ضو ووذنيه باقي لدابا يصفرو وحناكو ولاو طاااايبين تا تصورو ايين ياسين فيهم ..” : خ خويا والله مم والله اخويا ما دايرحاجة بالله …

ياسين”داه وجابو شانق عليه مغزز سنانو وكيهضر” : تحلف ليا عالما يجمد العطااااااي مادخل ليا راسي حلوفك حلفتي يااااااااما وحلفتي فايامك وعطيناك ضو الخضر درنا فيك الثقة (حيث فاش كان مبلي كانو كيتيقو فيه وديما كان يحلف ليهم حتى لقاو فعلا مبلي وفايت البلية لهيه وداكشي الي وقع خلاهم ميرجعوش فيه الثقة بسهولة خصوصا ياسين وفؤاد)وتقبتي الورقة الحماااار “عاود هز ايدو صرفقو تا طوش دم منخرو ”

نوار”جهدات صوتها” : ياسييييييييين لا …

ياسين”ضار لعندها مشربن” : طيري نتي من هنا …

نوار”قربات عندو حطات ايدها على دراعو” : خليه يهضر عافاك غير سمع ليه ونتا راك عارف اش غادير …

ياسين”ضربو برجلو” : هضر القواد هضاااار …

نوار”قربات عند ياسين متشجعة الي ليها ليها واخا يخلطها ” : بعدو من هنا ياسين لا تجي خالتو يامنة ولا عمر فؤاد …

ياسين”كيسمع ليها وعينيه خارجين فاسامة الي باش يهضر كيمسح منخرو كيتفتف …ولا تحنى عليه وقفو بجهد حافر صباعو فدراعو ” : تحرك من هنا “غوت بجهد” تحراااااااك …

دفعو بجهد سايقو ونوار وراهم كطل لا يكون جاي شي حد جاب الله وغير من زهر مجا حد وياسين هاد النقطة مسكين بالدعقة مع خوه خاف لا يكون شكو فمحلو هنا يقدرو يعاودو من نقطة صفر وهنا فعلا الى كان مبلي را كان الله فالعوم واحد فواليديه ميطيحش ولا ياسين يقتلو ويدخل عليه الحب …

داه لداااخل فين كاينة شهلة والفحم ومشا لواحد البيت فلاخر تما ديال خيل ولكن خاوي دفعو بجهد تا جا فوق التبن الي حاطين للخيل …

اسامة”مسح منخرو مسكين باغي يهضر صدمة وخلعة فشلاتو ” : والله اخويا مرجعت ليها كنحلف ليك بالله الي كبير وشانو عظيم ما رجعت ليها …”كيضرب فناضرو”واااااااش هبلت

ولا طاح عليا الجهل تانرجع ليها من بعد الي وقع اخر مرة خويا ؟؟؟ واش مريص فراسي نرجع تاني يقطع معايا الوليد لغا من جديد …

ياسين : هاد المرة لدواااااام الحمار لدوااام اولد زوادة …”عض لسانو” الثقة معدومة فيك …”عوج راسو كيحرك فيه ومغزز جناوح مناخرو كيفرفرو” شمتيني العطاااي شمتِّيني

اسامة : وحق الرب المعبود مرجعت ليها عمري منطفرو الى رجعت ليها …

ياسين “مشا لجيبو جبد منو البزطام وحلو قدامو كيفرت فيه حتى لاح ليه كارد كيشي ديالو لاح لاكارط بيرمي وشي وراق وفلوس بقا يفرتت يفرتت ووالو ” : شنو مخبي ؟ فين مخبيه ؟

اسامة : شنو هو ؟

ياسين”غزز سنيه قدامو بلا مينطق صدرو كيطلع ويهبط ”

اسامة : هانتا خويا فرتني عاود رجعني لطبيب عاود ليا ليزاناليز كاملين وانا معاك فالي لقيتيه حاسبني عليه …

نوار”قربات لياسين” : هاهو حلف اياسين مداير والو غير ضلمتيه …

ياسين”قاطعها ضاير عندها مخنزر” : اش ضلمت اااااش فايت حلف وحلف عطينا الي بغا الحرية الي تعطاتو متعطاتش لخوتو يغبر بالايام وبالليالي تاحد ميقوليه اش كاين …فلاخر تقب وراق ووراق وخصر ضواصا وكحلها مع الوليد كان على شوي يديه عند رب العباد …اشمن ثقة ؟ هاد المرة “ضار جيهتو” اقسم برب الكعبة حتى نقتلك ونفي عدو ربك لجايحة الكحلة …”غوت”

اسامة : شفتيني كنشم ؟ عطاوك خباري ،

ياسين “الصمت”

اسامة : الى شفتيني كنحك فنيفي را بقات فيا من البلية الي كانت غير مكنتش كنبينها ليكم باش متفكروش راني كنت مبلي خصوصا الحنانة والوليد يشوفني كنحك وجاهل ونسحت بمنخري ترجع ليه ذاكرة لبلية

ويرجع ليه خاطرو يضرو من جديد عليا ؟ نمووووت اخويا ومنعاودهاش على وجه الواليدين ووجهك الي تعذبتي معايا حتى طلعتيني راجل ونتقب الورقة ؟ …الي تعالج من الادمان كتبقا فيه عادة ديال يبقى يحك ونيفو ديما كيكون مخنوق ولا دايز …فحال فاش يلاه كتجر جرة وتبقى تحك هكاك باقيا فيا …

نوار”نغزاتو تا ضار عندها وهي تنطق بشوي” : ثيق بيه وسول على هاد القضية …

اسامة : راني مبغيتش نبينها قدامكم على ودكم مبغيتكمش تهزو فخاطركم فينما نديرها تفكرو الي فات …كدوز عليا فاش كنكون حداكم وكنبقا بارك فنفسي منحكش نيفي ولكن هاد ليام تجاهدت عليا ماعرفتش واش منها ولا حساسية مخلطة معاها هبلتني هادشي علاش كنت جاي نعيط ليكم وبقيت واقف تا حكيت بجهد وبقيت نتسنى يتنفس نيفي وميبقاش حمر كنتي غادي تحلف عليا حتى رجعت نشم …ديك ساعة مكاين كيف نشرح ليك …نقتل راسي ومنعاودش رجع ليها راني هاضر وعاني اخويا وكلمتك مطيحش لارض …

نوار”بقا فيها حتى تكات راسها على دراع ياسين”

ياسين”بقا يشووووف فيه حتى تنهد ونعل شيطان ” : نوض تگعد غسل وجهك و”عطاه كونطاكت طوموبيلتو” طير من هنا لشي بلاصة حتى يتنفس وجهك لا يشوفك الولي🦋نور_الياسين(878)#فرصة_ثانيةsana mina🐺🦋

ناض من تما وقف كيقاد فحوايجو ويمسح فمنخرو عطاه ياسين الكلينيكس يمسح بيه واحد اللحضة حتى شدو من كتفو زير عليه وضورو عندو كيشوف فيه حط ايديه على حناكو كيصرفق فيه بشوي …

ياسين : هادشي درتو عليك… الخوف نتا لول ضيع شبابك وراسك على بلية ماتزيدك لا لقدام مترجعك لور تخليك بلاصتك مريض ومرض معاك واليديك وضيعهم وضيع راسك ونتا عندك كلشي عندك الكنز المخير هو “ورك ليه على ناضرو” دماغك (حيث كيقرا مزياان) …اش غاتدي من هاد دنيا غير الهم والغم وذنوب البلية …

اسامة “حادر راسو” : كون هاني من جيهتي والى مزال شاك”ضرب قفاه” حط عليا العسة ومتهز هم كلشي يعطيوك خبارو …

ياسين”خبطو خبطات خفاف” : هادشي ميكون ليك فيه شك …”حك لحيتو” مانكذب عالله تغافيت عليك هاد العامين وتدهيت مع همي ونسيتك …

نوار”حدرات راسها”

ياسين : ماعليش نعاود نشك نطحنك عصا حتى تكردن مزيان …كمل ليا غا قرايتك وسير فين بغيتي تكمل ماستر ديالك وكون راسك ولا عوم بحرك …عاطي لوعد ديال رجال لوليد نوقف عليك ماشي حيث خويا كتر من خويا حسب راسك ولدي وعايش تحت جناحي مانقدر نطيح كلمتي منقدر نفوتك …حمر ليا وجهي وحنتني (زعما فوتني وكون حسن مني ) …

اسامة : بمعزتك ومعزة الواليدين والحنانة كلمتك عمرها طيح لارض …

ياسين”حرك ليه راسو” : نتمنى نتمنى وكان …”تحنى جمع ليه هو راسو وراق اسامة وقادهم ومدهم ليه ” تحرك من هنا ماحد دنيا هانيا”صونا ليه تيليفون لقاه باه ”

فؤاد : الهضرة طولات ؟

ياسين : الشهلة والفحم داو حقهم منها تاهي (على نوار حيث تاهي شافتهم)

فؤاد : كنتسناو هنا …

ياسين : جايين “قطع معاه وشاف فاسامة حرك ليه راسو ومشا من تما…ضار عند نوار لقاها كتشوف ” مشينا ؟

نوار”تنهدات بجهد” : م مشينا …

عنقها بجنب وخرجو من تما لقا اسامة طار بطوموبيلتو حيث كانت غير قريبة فالفيرما برا دغيا خرج مشافو حد دار القب ديال قبية وطار من تما اما هو بقا غادي بيها خطوة لقدام وزوجات لور …حتى كمشات ليه فايدو عاصراها ليه مزياااان حتى وصلو قدام باب الدار والمفاجئة لقاتهم كاملين واقفين كيتسناو فيها حتى من نعيمة عينيها مغرغرين فرحانا برجوع نوارة الدار كيف كان كيقوليها ياسين …

فؤاد : مرحبا برجوع الساهلة الواعرة ..”غمض عينيه وحلهم”

نوار”دارت ايدها على فمها مبهوضة مسكينة يمكن حتى انها نساات واش عندها تخوف وهادشي علاش كتزيد تيقن وخا فششوها وصنعو منها شخصية ضعيفة الا انها نهار قوات راسها عاود لقاتهم فجنبها …”

يامنة”مشات لعندها شدات فيها” : مرحبا بيك فدارك ابنتي …

نجود : على سلامتك ابنتي مرجوعك غا لدارك وراجلك هاد المرة صبري وعضي فالصبر زواج هو هذا كفة ليك وكفة ليه وعدلو ميزان حياتكم …

يوسف “بتاسم ليها” : نخشيشة دخلي …

يسرى : ماما دخلي دابا ربي يعوضك صحتك مزيانة دابا وكلشي مزيان خاص غير ديري واحد الخطوة ودخلي …

نوار”غمضات عينيها ونزلو دموعها”

ياسين”قرب باس ليها راسها وحط ذقنو فوقو كيهضر” : يلاه هاني معاك …ماشي شي حاجة صعيبة هانتي جيتي لبلاصة كلها …

نوار”حركات ليه راسها” : وا واخا …

تابطات دراع يامنة وتمشاو بزوجات وقف هو حاضيها داخلة عينيها كتعصرهم وقلبها كيضرب وكل مكتخطي كترجع تفكر ذكريات زويييييينة الي دازو معاه مع اول خطوة حطاتها لداخل ودخلات طلقات سارة تزغريتات حاااارات وصلات هي ونعيمة ونجوى عالنبي حيث فؤاد خلاهم ومشا لعند ياسين وقف معاه هو ونجود …

فؤاد” : على سلامتك …

ياسين : يعمر دارك “قرب باس ليه راسو” قدام هاد كنز الحكمة معندنا فين غادين …

فؤاد”خبط ليه ضهرو” : الله يرضي عليك جري فالخير وقطع جدر شر تهنا فالبال والخاطر يرتاح ودعوات العباد توقف معاك …

ياسين : اللهم امين …داكشي الي كاين …

نجود : ضروري دير ذبيحة صدقها اولدي وصدق صدق على نية ربي يسر ليك زواجك ورزقك جديد …

ياسين “باس راسها ” : وايلي متوصيش …فيك ميبقا معانا من بعد العرس ؟

نجود : نبقا علاش لا …دار ولدي هادي …

ياسين : دابا دويتي …”غمزو فؤاد مشا يكمي ويهضر فالتيليفون وهو قرب كيحك فلحيتو ” دابا تبات هي حداك ليوم ؟

نجود : عندها بيتها …

ياسين”فرح هههه ” : دابا دويتي مقلتي عيب …

نجود : البيت تحتاني فدار سارة اولدي …

ياسين”رفع حاجبو” : العسل خرج من فمك ولا سامع فالشرق …

نجود : لا حاسا بالطيران اولدي زعما راك مرزن وبعقلك …

ياسين : مع الميمة محيدها …هاضرة بصح ؟

نجود”خبطات ليه دراعو” : هي ضايفة دابا معاها واليديها غير يمشيو غاتبقا عند سارة ومن الليلة تبات عندها …العادة اولدي العادة راك كابر هنا وعارف بالعادات وتقاليد …

ياسين : ماطلعش لفوق باش تحيد الخوف زعما ،

نجود : اشمن فوق غاطلع ليه اداك سلگوط …

ياسين”غا نجود مخليها ضاصرة عليه حيث عارفها فيها تقشاب وميقدرش يهز عليها العين ” : الميمة ياك لباس ؟

نجود : سير قرا ليك ايات من الذكر الحكيم ولا صوم التنين والخميس تبرد شوية الله يكون فالعون اولدي الله يكو فال🦋نور_الياسين(879)#فرصة_ثانيةsana mina🐺🦋

دخلات لداخل بمشقة من بعد تردد كان يحساب ليها كاع ذكريات الحزينة يرجعو ليها لكن وقع العكس حسات بواحد الحب وحنين وشوق فشكل حسات براسها فعلا هي مولات هاد دار وهي الي غاتولي تحت ايديها ومن المسؤلين عليها وربة هاد البيت مع راجلها عم باها وممكن اسامة …مغاديش تكون وحدها غادي تكون وسط ناس دوار الي فالجايا والغاديا عاطين قيمة لراجلها الفحم جا الفحم مشا محبوب دوار …

نعيمة”عنقاتها بجهد تا عصرتها” : على سلامتك سلامتك سلامتك نورتي دارك ابنتي وتوحشتك فيها…وخا غير تسوليني نقوليك لا وديري العكس هههه

نوار”كتمسح دموعها” : ههههه ياك باش يجي ياسين يغوت علينا بجوج …

نعيمة : نحوزك ليا تايكمل ويمشي ….

يوسف : هااا گول مولفين زبايل بجوج نتي تخططي وهي تنفذ …

نعيمة”شهقات يحساب ليها كيهضر بصح ههه” : وعلى رقبتي اسيدي يوسف

يوسف : ههه سيدنا وسيدك رسول الله …

نعيمة”تحلف وتعطي لقلبها” : وحق الي ليه الحق الى هي الي راسها قويصح …

نوار”خرجات فيها عينيها” : يااااك اخالتي …

واحد شوي تا دخل مصطفى فرحان بوصول الصغيرة ديال دار ومرات الكبير مول دار عن قريب دار ليه طريق ومد ليها ايديه مشات كتجري عندو عنقاتو وباست ايديه …

مصطفى : على سلامتك ابنتي على سلامتك …وها هانتي جيتي ورجعتي …

نوار”حشمانة” : الله يسلمك هههه …

جلسو تما فالصالون مرحبين بيها مشات يامنة وسارة لكوزينة ونجوى ونعيمة يوجدو برارد اتاي وگوتي …

يسرى”دخلت عندهم” : فين دراري ؟

سارة : مشاو مع علي ولدي لدارنا يشوف با عاد جا من عند خويا الي ف كازا …

نجوى : كي بقا باك ؟

سارة : وشوية راكي عارفة العيا والكبر ولا كينسا هذا الله مي را غير تالفة معاه وصافي …

يامنة : الله يشافيه خيرو منساهش وخا كان زبلها فاش بغا يزوجك بداك شارف هههه

يسرى : خههههه اييييه فاش فكرتيني فاش صهيب قاليهم انا نتزوجها …

سارة : ههههه شلا متفكرتو وليني المكتاب هههه

في هاد الاثناء واقفين بثلاثة بيهم علي اشرف واسامة الي انضم ليهم حيث لقاهم فالطريق وشيرو ليه عرفو شنو وقع ليه داكشي علاش اقتارح علي يدخلو لدار جدو حيث يقدر يتلاقا باه فطريق …

علي : وكان غايطحنك اصحبي …

اسامة”الصمت”

اشرف : حامد الله مكنتش حداك كون خلطني غا هكاك يدوز بيا …

علي : هنينا ماعلينا يلاه ندخلو نشوف با را سول فيا ومسولش فرميساء ومروان منعرف علاش قاليهم بغيت غا ولد بنتي الي ولداتو عالعگر …

اسامة”شاف فيه” : كيفاش كانت عاگرة ؟

علي : دير راسك فجدي راك عارفو كتر مني عامين وصرف ونتا عايش هنا …

اسامة : ناري با البشير صدا …

اشرف : عيط على جداك ندخلو اصحبي …

علي”حل الباب وتبعوه كيعيط ” : وااااااااامامات ماما …

خرجات واحد بنية صغيرة عندها ديك 13 عام …

علي “شافها كلها مخننة وجنب فمها فيه واحد سطر ديال خنونة يابسة دايرة زيف حياتي وايديها عامرين غيس ولابسة بوط خسر شنايفو” : شكون نتي ؟

هي “ماشي نطقات لا لا غوتات تا نقز اشرف” : وااااااااااااا خالتي صااااااابيحااااااااااااااو

علي”دار صباعو فوذنيه مغمض عينيه ” : تي بغيت مك تباتي متصبحي …شكون صابحاااااو …

هي : موي …(مي يعين مها) …

اسامة : واش خاسر ليك الباف تي هضري بشوي …

هي : باش تسمعني حقاش كادق فالفردو(مهراز كبير ديال العود) …

اشرف : فاش ؟ شنو هذا فردو ؟

هي : فالحنة والعشوب الي بغاو لعروسة مرات الفحم …

علي : هايهاي تاهي تتعرف الفحم …”ربع ايديه” اش سماك الله …

هي : سميتي حسناء …

اشرف : اتشبااارك الله …وداك سطر الي فحنكك من اشمن عام وهو يابس تم …

اسامة”كمش عينيه” : الخرا عليك باحث فتاريخ العفن …

حسناء “دارت ايديها على جنابها” : ضاربني البرد وممسالياش باش نمسح كنجمع فالبيت ديال البير عمر غيس وسيقتو وطرفتو وغاديا نغسل وجهي باش نطرف البيوتة …

علي : من تطراف دوزي نخطبك ازين تستاهلي …

حسناء”غوتات” : واااااااااااااااا مي …

اشرف : تزيدي غوتة يجيني نزيف …تي نقصي صوتك اناي …

صبيحة “من لداخل” : وااااا البرهوشة سيري فاگدي الخبز واش طاب حيديه(تفقد الخبز يعني طل عليه ) …ومالك سايرة تبرحي من تم ؟

اسامة : مك وصمكتي ليها طبل وذنيها …حلوقك مضروكش ؟

حسناء : وااا شي ولاد جايين بغاو يدخلو …

علي : اويلي هادي را دار جدي نعل طاسية مك …

اشرف : تا دخل اويلي تقول عمرك دخلتي …

صبيحة : وااااااا لبغلة واش علي هذاك الي تم ولا عينيا غيسو …

علي “من بعيد” : وااا بنتك الي غيست وتخننت وصمكاتك تا عمات ليك العينين …خاااااالتيييييييو واش هادي بنتك ؟

صبيحة : اخههههه يمسخك دخل دخل را جدك يسول عليك وااااه هاديك برهوشة لاخرة …

علي : ضربي ليها الفگد فاحبالها صوتية را شي دخل فشي وغاتصمك كلشي …

حسناء”هزات كتافها عوجات فيهم فمها ومشات دفعات اسامة من طريقها” : نتا هو ولد خالتي سارة المصفرط ….

اسامة : هههههههههههههههههههههههههههههه

اشرف “طرطق بالضحك” : هههههههه مصااافرط …خبارك وصلات دوار …

علي : وشوووووف ليك معفنة لكمارة توحل غا مع مالين سطر الخنونة فالحناك قالت ليك كطرف البيو🦋نور_الياسين(880)#فرصة_ثانيةsana mina🐺🦋

الصالون عمر ودار تنورات برجوع نوارة الدار والبهجة دخلات لهاد الدار الي كانت غير حياة واحد خدام ويرجع خدام وتاني مدهي مع الفلاحة وصلاة والمرض وتالت القراية وفالعطل يطلع لدارهم ولا يسافر لشي قنت …فيها غير رجال وعزارا مافيها حس عيالات ولا وليدات صوتهم ينور الحياة ويدخل الحنين لهاد دار والفرحة ويخليها من رمادي لالوان …حطو ما لد

وطاب فالمأكولات …كلاو وشبعو وصحكو وناضو رجال يصليو المغرب الي كان كياذن وبقاو العيالات مشات يامنة مع نوار لبيت لتحت تا بدلات ولبسات بيجامة سروالها فحال كولون ديال موبرا غوز وفوقها بينوار بيض دارت القب ديالو على راسها وتقاشر فرجليها فيهم رسومات …ودخلات حدا نجود الي مغطية ركابيها بواحد المانطة سخونة حيث الحال بارد …تخشات حدا نجود وغطاتها تاهي …

نجود : شلا زفزوفي (برد قاارص او صميقلي )

نوار”حطات راسها على كتفها” : اممم بزاف …

يسرى : سارة داركم سخونة ياك ؟

سارة : دااافية …

نوار “شافت فيها” : غانعس حداك فالبيت ياك …

سارة : بيتنا انا وياك عاودي ليا ونعاود ليك …

نجوى : فحال والو نعس حداكم …

نوار : ههههه توحشت جماعتك اخالتي …

نجوى : جماعتنا فهامبورغ وحدها …

نجود : يا دلي را عامين وهي معاك …

يامنة”دخلات” : قاليك علي را شدهم باك لعشا حلف ميطلقهم را غا مسلكين معاه هههه

سارة : عيطات ليا صبيحة ختي ههههه اويلي الفار تشاد ليا مع حسناء بنتها …

نوار : ههههههههه علي الي لقاه يتشاد معاه …واش خالتي صبيحة جات ؟ ياك هي الي كدير رفيسة البطبوط “ريوگها دازو”

سارة “خبطات ليها فخدها” : اههههه امعليكش منسيتهاش …مع صباح فالفطور تفطري بيها(دابا نوريكم طريقتها) …

نوار : الله …

واحد شوي حتى سمعو صوت رجال دخلو لصالون يوسف فؤاد ومصطفى حتى تبعهم من لور ياسين كان شاد تيليفون كيهضر كمل ودخل لقاو سلام عليهم فؤاد شير ليامنة تبعاتو باش تعطيه دوا ويهضرو كيف العادة يتشاور مع عمارة دار فاي حاجة كانت وخصوصا دابا عرس ياسين شوف شنو غايقوليها ….

يوسف”شاف نوار منخشة فنجود ” : تنخشيي ابنتي تنخشي شلا برد “شاف فياسين” مطالقش سخونية ؟

ياسين : علاش مطلقتوهاش ؟

نجود : كضرني فراسي ولدي انا الي خليتهم يطفيوها …

يوسف “جلس حدا يسرى” : واحد مينة امتا جايا هنا ،

يسرى : كتقول لاسومين بخوشين جيسبيغ …

ياسين”فهاد لحضة مشات عينو ليها كيفاش جالسة منخششة فنجود دايرة قب بينوار على راسها فيه ودينات طوال ديال ارنب الي كيعجبها وحنيكاتها مزنگين كتبتاسم بخجل …حتى هزات فيه عينيها وهو يغمزها خرجاتهم بشوي وهي دور لا يشوفها باها ولا نجود لقات نجوى مشات لكوزينة وسارة كتهضر مع صهيب فالفون ونجود حادرة عينيها دايرة نضاضر وتشوف فالتيليفون كتقرا فالقران فيه …”

نوار : احم…كاين برد …

نجود”هزات فيها عينيها وكحزات عليها غطا تاني ة : راكي مغطية بنتي…حناكك مزنگين الى شي حاجة خرى تلفاتك تبتي وحصني اويلي …

نوار”رمشات فيها” : ميمة اش درت

نجود : ما درتي والي …تعشاي وسيري مع سارة …

ياسين”رفع حاجبو” : وايلي الميمة وااايليييي

نجود : اش كاين نتا ؟

ياسين : ديري بوجه الرضى الي شاد من عندك بوجه رزانة وتباتة الي تحلفي بيها وتعطي وتباهاي بيها (عليه هو)

نجود : هههههه الله يمسخك …

ياسين”ناض باس ليها راسها” : كلامك هو الي كاين …ماخفتي والو غير هناي …

نجود : راني غانضحك معاك اولذي عارفاك متبت ومرزن وهادشي ميحتاج نقولو ليك راك عارف العادة راسك مرة مرة نبسط مع ولدي…

ياسين : داكشي الي كاين بسطي وعيشي كوني هانية من جيهتي وتهناي الي جدتي عليه هو الي كاين مابقا قد ما فات قل من سيمانة نديرو الحلال وايام من وراها العرس نصبرو مرجوعها لدار راجلها ودارها …

نوار”مزنگة وساكتة جابو ليها اللقوة” …

ياسين “شاف فيها” : وشنو شروطك امولات راي وشوار ؟

نوار”عوجات راسها” : وووااالو …

سارة : هنا عليها راها عندي فدارنا …

ياسين : دار الكبيرة الله اودي …”تحرك خرج من صالون خلاهم جالسين والبقية بداو يوجدو العشا الي داز الوقت واذن وخرجو رجال يصليو …اما هي عيط ليها سليمان وصفية هضرات معاهم وهضرات مع ختها مينة …

كلشي فرحان باللمة والعرس الي غايكون مختالف ودنيا تجمع والحباب يرجعو يتلمو من جديد …

جالسة كتفرج فالايباد ديالها تكات فواحد القنت غطاوها بمانطا بايير حمرا …حتى طنطن تيليفونها هزاتو ولقات ميساج منو من بعد اخر ميساج منها كان ديالها …

ياسين : الي كثر منك را كثااار منك ميحتاج لا سطورة لا هضرة …هادشي الي رسلتي شرحيه ليا …

نوار : كيفاش نشرحو ؟

ياسين : هضرة الميمة على العين وراس … فبيت شهلة مشافك حد…شافنا الله نتبرهشو مع العباد فشردك …تعطلي زيديه عليك تقليد من هنا لديك ساعة الحساب يتجمع …لا بق🦋نور_الياسين(881)#فرصة_ثانيةsana mina🐺🦋

رسالة مشفرة معناها مشفر من عند سي ياسين رمسيس الفحم …في هاد اللحضة بالذات معرفات شنو دير واش تنوض تلحق عليه فين قاليها ولا تبقى متبتة …شنو دير ما ديييير ؟ بقات تلولب فعينيها وسط ديك الكاشة حتى ناضت حبسات الايباد سدتها وناضت هزات بينوارها من حداها لبساتو عليها …وهي توقف …

نوار”بدات تفوه” : ميمة العشا مزال ؟

نجود : عشا الصلاة ولا عشا الماكلة …

نوار : اههههه لا الماكلة صلاة ياك عاد جاو ههه

نجود : ايوى الله يهديك تصلي فحالهم …

نوار”حشمات ” : اميييين …احم …انا مشيت لكوزينة عندهم ….

مشات من حداها وخرجات من صالون دخلات لكوزينة فين كاينين العيالات وهي تجي عينها فعينين يامنة غمزاتها وشيرات ليها باش تبعها…

يسرى : فين غاديا ؟

نوار”تزنگت” : غير هنا علاش ؟

يسرى”طلعتها وهبطتها” : غيييير سولتك …

يامنة : اجي بنتي معايا …

حركات ليها راسها وتبعاتها تا خرجو قدام الباب طلو على صالون الي عند الباب جالس فيه يوسف ومصطفى اما فؤاد فالبيت كيخدم فشي خدمة ويهضر فالتيليفون لهيه فموسكو مع ايلاف …

يامنة : مالك ابنتي اش خاصك ؟

نوار”عضعضات شنايفها ” : بغيت نمشي لور عند الخيل …اووو ياسين كاين تما خفت ميخليونيش …”حكات شنايفها بسنانها حشمانة

يامنة”هزات راسها وبقات تحرك فيه ” : هاااااااا هااااكاك “ضحكات” هههههه زيدي زيدي واقفين ليكم فعودكم ….

نوار : غاتمشي معايا ؟

يامنة : زيدي بنتي غير نوصلك “شافت تيليفونها كيصوني” جاوبيه قولي ليه هانتي جايا وانا نشوف اش ندير …

نوار”جاوباتو” : انا جايا …”قطعات وشافت فيها” وعمو فؤاد ؟

يامنة”ساقتها قدامها” : زيدي زيدي عمك فؤاد دوز قليل …بلاتي …”جهدات صوتها” يسرى الميمة هاااني جايا انا ونوار …

يسرى”خرجات كطل عند الباب جامعة بينوارها مكمشة فيه مع السم ديال برد وشتا” : افين غادين فهاد شتا ؟

يامنة : ماشيين غير لور هنا نجيب شي حاجة نديها معايا وهي مخشية فمانطة قلة ميدار …

يسرى “كتعقد فحزام البينوار” : وصبري نمشي معاكم تانا …تا…

يامنة”قاطعتها هزات ايدها وحطاتها على دراعها” : ااافين غاديا يهديك الله دخلي ديري ديك شرمولة ديال زعلوك الي كديري على مزيناتها…

يسرى : زعلوك !!!

يامنة : زعلوك اويلي

نوار : هههههههه

يسرى”شافت فيها وشافت فنوار وعوجات فمها” : نديرها علاش لا …يلاه سيرو متعطلوش

يامنة : ويلي على متعطلوش مالنا فين غادين هههه

يسرى “دخلات كتشير” : والي بغيتو ضبرو راسكم…

يامنة دفعات نوار ومشاو كيضحكو حتى ضارو من جيهة لورانية وهي تمشي فاتجاه الطوالة الي كتدي لاسطبل الي تما بانو ليها شي رجال عساسة واقفين والضو شاعل فبيوتة ديال الخيل …حتى دخلو …

يامنة : ياسييين …

ياسين”حل باب بيت وخرج كيطل عليها رفع حاجبو ” : الحنانة نوار !!! مالكم ؟

نوار”كتحرك عينيها”

يامنة : شافنا الله معاكم اولدي ههههه

ياسين”قوس حجبانو” …

يامنة : انا مشيت …

نوار : والى سولو …

يامنة : مكاين الي يسول عارفة اش نقول غير تهناي …

حركات ليها راسها ومشات وهي ترجع شافت فيه ابتاسمات وبتاسمات حتى ضحكات …

نوار : هههههههه

ياسين : شفتي فين ولينا “عوج راسو ” تت

نوار : احم “خشات ايديها فجيب ودارت القب ”

ياسين : اجي عندي هنا …

نوار : يجي شي حد …

ياسين : نوار …

نوار “رمشات ” : هاا اانعام …

ياسين : اجي لهنا…

نوار”ضارت هنا وهنا لا يجي شي حد هههه ومشات لعندو وقفات قدامو دار ايديه على نصو حادر عينيه فعينيها كيشوف فيها” : مالك …

ياسين”مكيجاوبش حاضيها حتى عص شنايفو مستقصد يوثرها”

نوار”هزات صبعها حكات بيه شعرها هنا بدات كتوتر وهادشي الي بغا” : ياويلي مالك ثاني …

ياسين”الصمت”

نوار : هاني جيت صافي …”والو واش جاوبها دار ليها دوك شوفات قتااالين وتروها ودهشروها ورعدوها تا بان فمها بدا يترعد ” نرجع نرجع ؟ صافي نرجع احم “ضارت غاديا حتى وقفها بصوته” ل ه ن ااااا (لهنا)

نوار”عوجات راسها وهي تعوج كلها ودارت فيييييو ضارت عندو ههههه ” : هاااني ونتا الي سكتي …خربقتيييني …

ياسين : هادشي الي بغيت …”حرك راسو يمين شمال” تبعيني …

ضار جيهة بيت الشهلة ووقف قدامو مد ايدو ليها وهي تقرب شدات ليه فايدو كمش فيها ودخلها لداك البيت ووقف قابلها معاه ….يلاه بغات تهضر وهو يغفلهادار ايديه ورا ضهرها وجرها بزربة زدحها مع صدرو تا تاوهت …

نوار : اااا …”كضور تشوف فرجلين الشهلة كيديرو قرو قرو حيث واقفة ”

ياسين”حط صبعو فحنكها وهبطو بشويييي كان بارد حسات برعدة شدتها تا حس بيها فيبرات ” : مالك ؟

نوار “ماحيلتها لصبعو ولا لايدو الي متبتة ضهرها ولا تقرقيب رجلين الشهلة …” : احم عنداك تركلنا ….

ياسين : مادير ليك والو تهدني …

نوار “حطات ايديها على صدرو ” : الى سولو شنو نقوليهم …

ياسين : كنتي راكبة فوق الفحم …

نوار: اينا فحم ؟

ياسين : الخيل المخير فدارك “غمزها ”

 

اييييه الخيل المخير را قصدو جوج معاني الفحم الخ🦋نور_الياسين(882)#فرصة_ثانيةsana mina🐺🦋

في هاد الاثناء كانو بثلاثة جالسين فالصالون الكبير فدار سارة اي دار جد علي ولد سارة وصهيب …حاطين ليهم مانطات مغطيين بيهم …

علي”مكمش ” : منخري جمد …

اسامة : وصحبي جلسنا فالبيت الي برا مالنا مندخلو داخل دافي …

علي : تا انا كرهت هذاك الي مجبد حداك حلف ليهم هنا …

اشرف”كيشوف فجد علي الي شاد واحد مذكرة قدييييمة ” : هاديك مذكرة كتشوف فيا من تما بغات تبكي …

علي”شاف فجدو مكمش عينيه كيدير صبعو فلسانو يبللو ويدوز ورقة يكمش فيها عينيه” : وااااا با بشير…واااجدي …

اشرف : خلا ليك vu هههههههه

اسامة”جهد صوته تا قفزو” : وااااا با البشير…

البشير”الصمت نعل الي جاوب ديلمكم”

علي”طرش حنكو” : وااا مشطبة هادي …

اشرف : طاب العشا خلينا نقودو فحالنا قلاويا جمدو …

اسامة : عيط لديك زواكة ديال الحرب تعيط ليه…

علي”خسر فيه سيفتو” : تا نغزو ..تت وايلييي”ناض لعندو جلس حداه ونغزو وياريت ما نغزو كون غا بقاو حداه ” جدووووو …

بشير”هز فيه عينيه ” : محسين ؟

اشرف : ههههه جامع ذنوب هذاك …

علي : لا علي ولد بنتك سارة ابا …

بشير : شكون سارة ؟

علي : قاااودتها الوليدة …”جهد صوته” وبنتك بنتك …

بشير : ايييييه مسخوطة الي خلات علال ومشات هربت عند بوك …

اسامة : ختخخههه …

علي”بجق فمو زعما هاهو غايبدا” : ايييييه نسيبك …وتا عطينا وقت خالنا نهضرو معاك راني جيت من المانيا لعندك نشوفك …

بشير”شاف هنا وهنا ” : لاليمان ؟

علي : ايييي هاديك …

البشير : باقي نعقل على داك هتلر فايامو شد ليا ولاد شالوم اااااا الى ماخفت نكذب لا حرگ(حرق) ليا البشري كااامل ففران …

علي : ايييه كان رجولة …

البشير : معرت فين تلات بيه ليام مسكين …

اشرف : شكون ؟

البشير : هتلر …

اشرف : اييييه هاهو غير هنا فدوار مساليش فانتخابات ترشيح النازية وداكشي …

البشير “شاف فيه وبقا كيشووووف تا تنوا اشرف هههه ”

اشرف : اش تم …

البشير”كيحرك ليه راسو” : راك ساير طنز عليا ..

اسامة”ضار لهيه خاري بالضحك” : ااااا شمط

البشير”هز عينو ف علي” : شحال عندك اولدي ..

علي : “خمس لجدو فوجهو ههههههه” : درهم ونص …(خمسة وعشرين)

البشير : ومزال ممجوجش ؟

علي”حط ايدو على صدرو” : نتجوج ومتحضرش ؟

البشير : زمتيني …

علي “سرح ليه كفو وخبطو” : قشطة …

البشير : ناوي ؟

علي”حدر راسو” : ههخخخخ ونقولو مزاااال ..

اشرف”ضار لهيه هو واسامة كيضحكو”

البشير : خرج من دار …

علي”خرج عينيه يحساب ليه جرا عليه” : اااا

البشير : اخرج يا من دار خرج …

اشرف : العن شيطان الحاج …

اسامة : با البشير كتجري على ولد بنتك…

البشير : وخرج يا وشوووووف بنات دوار من طرف تال طرف يحنتو عشرة تبات مع دجاج وتصبح مع دجاج …(زعما تنعس بكري وتفيق بكري)

علي : كتسرح ليهم لگط ولا (الماكلة ديالهم)

البشير : ماتنعس تا تبيتك فراحة الله ما خاصك خير فرحان ناشط …تصبح ماحتال تحل عينيك تلقا فطور واجد وسخون خبز الخباز والبطبوط تهضر تحدر عينيها تشاورها تلقاها …ايوى خرج جري على رزقك ورجع لدارك حط راسك على راسها…

اسامة “داير ايدو على حنكو كيسمع ليه …وهضر مع اشرف” : فين بغا يوصل …

اشرف : وصل لحط راسك حدا راسها…غالبا لحضات الحرجة …ورق على علي ودنيه تزنگو …

علي : اااه ان شاء الله …

البشير”ضربو لايدو” : اصبر يا خالني نكمل …حط راسك على راسها تشكي همك ….

اشرف”نقز بلعاني جهد صوته” : ايه واش دير من بعد …

علي”حنحن بشوي حادر راسو” : يااااا ودااار لمك كحلة زحلة …

البشير”جر طاقية تا حك راسو كيضحك” : ههههه اييييه اش دير المراة وراجلها ؟ تبلغو المقصود …

اسامة : ههههههههههه المقصووود …

علي : ايييه مكاتيب ابا…

البشير “طبطب عليه” : خاص غا تكون فحا وفرجنا

اشرف : ههههههههههههههههههههههههههه

اسامة : فحل فحل هههههههههههههه

بشير : حنا عشرة رجال ولاتحنت مراة …

علي “دار ايدو على ذقنو مقرب ليه” : اتشك في فحولتي ورجولتي ….

اسامة : شتك تحمستي بغيتي تنوض تجرب فيه …

البشير : الله يبلغ المقصو اولدي ويجيب ليك نقرة فين يغبر نحاسك …”يلاه بغاو يهضرو حتى دخلات الشنيارة(الصاعقة ) غوت#تتمة_البارت_882_نورالياسين….

 

البشير : الله يبلغ المقصو اولدي ويجيب ليك نقرة فين يغبر نحاسك …”يلاه بغاو يهضرو حتى دخلات الشنيارة(الصاعقة ) غوتات بجهد تا نقز اشرف لاح الكاشة واسامة ناض حدا علي تكمش”

حسناء : وااااا بااااا …

علي”دار صباعو فوذنيه” : يعيطي لمك لوبا واااااااا المصيبة نقصي ينقص ليك من لسان ويزيد ليك فالجهل اجهل جهل جهل …”هز فيها عينيه وهو يرجع بلور ….افيييين المخننة المغيسة غسلات الوجه مع مبيطبطة من حناكها الوجه كيبان يشعل وحروفها زوينين …غا هو باقي تيحت بمنخرها خههه” مشيتي لافاج فين غسلتي ..؟

حسناء : غسلت بصابونة ديال balea جابتها ليا خالتي نجوى بنت المصفرط …

اسامة : تعههههه

علي”خبط ايديه” : كلشي عندها مصفرط هادي لا حول ولا قوة الا بالله …

اشرف : وجهك بيض اش دايرة ليه

حسناء”ميقات فيه” : بيض من عند سيدي ربي

اشرف : ااه سمحي ليا اخويا …

البشير “شير لعلي” : نرشمها ليك ؟

علي : اشنيه اختي ؟ تانا با …

اسامة : زعما يخطبها ليك تا تكبر …

علي”شاف فيها مخرج عينيه وهز صباعو 👌🏻” : يااااا واخا نكون باير وماشي ضاربين فيا سبعة الموجات ومبخريني بزغب الماعز وزغب الفار ليتيم وشحمة ناموسة وجناح ذبانة الغضبانة وشفار النملة الهجالة منشوف سعدي “شير ليها ” مع هاد مفرگة المنخر خنونة دنيا من عهد الفينيقيين وغيس الصروبة فيها وحلوقها ديال براح بياع دوا البول الي فسوق مااانرشم نموت عزري …

حسناء “دارت ايديها على نصها حتى عوجو راسهم كل من اسامة واشرف رافعين حاجبهم يتسناو كلاش ديالها ” : انا باغيا نقرا ماباغيا نترشم لا من رجال ولا منك …با قالت ليك مي دواك متنساهش …

اشرف واسامة : يوزاااااااع “جاتهم مخدة لخنشوش تا 🦋نور_الياسين(883)#فرصة_ثانيةsana mina🐺🦋

ضارت ومشات خلات دراري منشورين بالضحك بغاو يسخفو حتى ولاو يمسحو فعينيهم …اما علي بقا يحسبن خرجات ليه من جنب

اسامة : ههههه اودااا احسينة

اشرف : تحفة حق رب ههههههههه هرباتو ليا…

علي : يحسن ليكم نتوما وياها بلا ما …

البشير “هز مذكرة ديالو وحل صفحة لولة مدها ليه” : شوف ليا ولدي هاد الحساب هنا ديالمن…

علي”هز مذكرة كيقرا فيها” : هذا ديال ولد زبيطة…

البشير : شحال تم ؟

علي : مكتووووب ا با عشرين الف ريال …

البشير : وباقي مخالصش ؟

علي : البشير …

البشير : اولدي …

علي : وااااااا باااو هذا را مكتوب على تاريخ عشر سنين هادي …

البشير : حنا شمن عام …

علي : عام خرج ليا العقل احم …عام العوام حسب من عام تزاد خويا مروان را عندو عشر سنين دابا ايوى نقص وزيد القدام …

البشير”جبد تيليفون صغير عضيمة مدور عليه لاستيك ديال شمع ومدو ليه” : قلبش ليا على نمرة ولد زبيطة …عيط ليه واراه ليا هنا …

علي”صرفق حنكو” : اويلي يااااا ويلي”بصوت منخفض” بغا يعيط لسيد باغي فلوسو عشر سنين هادي …ابا انا نعطيها ليك …

البشير: تا عيط ليا لحرام …

اسامة : دير ليه خاطرو وهنينا …

علي”زم فمو كيقلب على نمرة كيورك كتسمع تيييو نييييو ونطق بشوييي شاف فيهم ” :هذا تيليفون ولا قحبااا …”لقا نمرة ودوز الخط ” هاك …

البشير”شد تيليفون دارو فوذنو خشا صبعو في فمو كينقي فيه وبدا يتفتف تا سمع الو وهو ينطق بجهد اااااااا فييييييين تبان حسنا” : واااااا ولد زبيطة …

علي”خشا راسو فالكاشا”

اشرف : مع هاد تريكة بنادم يطيح ليا …

اسامة : قفزني …

البشير : وتا دوك ريالات بغيتيش دوزهم ولا …اشكون ؟ اويلي ..”شاف فالتيليفون ومدو لعلي هكاك باقي الخط مطلوق” شد علي الخرا ماهواش جاوبتني مراة …

علي : الو …

هي “بصوت انثوي” : واقيلة نمرة غاالاط …

علي “عسل عينيه” : طيبييك اجدي دل مصدع لينا الانسة …

هي : ماااشي مشكيل …

علي : حسبيه مشكيل ونعالجوه …

هي : ههههه لا هانية …”قطعات عليه ”

علي “عض شنايفو” : سالمة تسولمني انا مع هاد صوت الراگد فاق …

اشرف : عقل عالنمرة اساط …

علي : باسم بنت زبيطة انشااااااعلاه نعيشو زبط (زبط هو العرا )،…

البشير : مد ليا داك تيليفون …

اسامة : ضرب بيه علي هههههههه…

مدو ليه خشاه فجيبو وهز صبعو شير ليه

علي : ااااش تاني …

البشير : دوز لورقة الي من وراها ولا شدير عگب الي قبل منها …

علي”عض شنايفو بغا ينطحو ” : فييييها ولد علال …كيتسالك خمسلاف ريال …هادي غااااا ختي رميساء تعطيك دوبل ديالها حسبها مسكة …

البشير : يااا شن (اشنو)

علي : تفرق على عباد الله الي هنا ياااناري را فلوسهم عطاوهم ليك واقيلة وعاودو ولا بغيتي تحشم حفيتي المدكرة …

البشير ؛ كناش اولدي كناش …

علي : دفتر خمسين ورقة …هادو راهم قدام ابا قدااااااام حيب كلشي انا نخلصو ليك ولوح عليك هذا اويييلي …

دخلات صبيحة ام حسنا ومعاها بنتها هازين الطباسل والطبق ديال الخبز كيحطو …

صبيحة : تا مالو؟

علي : مدكرة من عام تنفى المليك كيعيط لعباد الله يخلصوه …

صبيحة “وقفات دارت صبعها فوق فمها” : هااااويلي حي ابا رجعتي لقويعيدتك …

اشرف : مالو؟

صبيحة : وهاديك المذكرة را ديال شيخات من ايام كان يحضر لشياخ فسواق ويسكر مع القياد …اويلي ستغفير الله عيطيتي لولد زبيطة ؟

اسامة : لقيناها بنت زبيطة …

صبيحة : اويلي حي ههههههههه شد من عندو المذكرة مدها ليا غايخرج علينا تاني غا شهر الي فات فكنا خويا داكشي باش داه لكازا …

علي”ناض عطاها المذكرة ” : هاكي …شكون بنت زبيطة …

صبيحة “كتحرك فراسها” : يا لهلا يوريك شكون اودي غانسكت شوهنا …غا صبر ودزو تعشاو ها مي جايا عندكم تجيب غير لبا صوبا ديالو …”مشات ”

علي”شاف ف حسناء” : شكون بنت زبيطة اديك المخننة …

حسناء “وقفات كتطوي فسربيتة ” : واااا شيخة عندها بنتها اسمها حنان تاهي شيخة هي الي جاوبتكم …

علي : احححح حسيت بقلبي هبط …

اسامة : فين كاينة ؟

علي : بعمولتك …

حسناء : ماتعطيني منعطيك …

علي : تعطاك فراس …

حسناء : يتبقي ستر …”مشات ”

علي”ضار شاف فجدو الي كيكمع” : وشوف ليك سي البشير ما ساه🦋نور_الياسين(884)#فرصة_ثانيةsana mina🐺🦋

توحشها توحشها بزاف تنور ليه الفيرما دارو رزقو ترجع تعيش معاه تحت سقف واحد …نوار بالنسبة ليه دابا فوق العشق شي حاجة الي ضروري تكون فحياتو كتكملو لدرجة عامين وهو مخلص ليها رغم انه كان ممكن يتزوج غيرها ومن حق حقو …لكن حبو ليها الضروف الي عاشوها خلاتو ياجل شي حاجة سميتها ارتباط جرب وشاف وعاش ولكن فراقها مقدرش عليه …

ياسين”حط فمو جنب فمها وبقاااا مخليه كيتمايلو وهي مغمضة عينيها حسات بتبوريشة …شاف فيها” : مكرهتش …

نوار”تبسمات” : شنو هههه

ياسين : تكوني حلالي دابا وندير شنو ما بغيت…

نوار”دارت صبعها في فمها عاضاه” : مبقا والو …

ياسين “باسها من حنكها” : فيا ميدير كتر … عاطي لعاهد ديال رجال لوليد والميمة ماعليش نتبرهش معاك نعيشو لحضة والمراهقة بحلاوتها…

نوار : ههههه وليت نتخبا مورا خالتي باش نجي وقفات ليا ماما بغات تجي معانا…

ياسين”كمش حجبانو” : نسيبة دير معانا المزيان مافيها شك …

نوار”هزات كتافها وهادشي را باقي ولصقها معاه” : وانا عرفت ملي عمو فؤاد الي كان وسيلة صلح ووقف فطريقنا منتلاقاوش مبقيتش كنتصدم ههههه

ياسين : الوليد مشا بشرطك بغيتي العادة والعادة هي هادي …

نوار : صراحة عجباتني هههههه

ياسين “باس منخرها” : فحالاش …

نوار : نتلاقاو بتخبية وتوجاد العرس حسن من اللول …

ياسين “حرك راسو” : كل توخيرة فيها خيرة …”عاود باسها فحنكها بقا يبوس يبوس تا بغا ياكلها وهي كتضحك” شهد معندو حد …

نوار”كتعييييوج” : وصافي هههههه

ياسين : يلاه سيري …

نوار : تبعني …

ياسين : شي شوي نكمي ونجي …

حركات ليه راسها وقادات بينوارها ومشات خرجات تبعها تا قربها لنص بقا واقف حاضيها تا ضارت ودخلات عاد هو رجع كيكمي كمل ومشا تاهو تبعها من بعد …

صباح يوم ممطر فالبادية دخاخن طالعة ديال لخباز والحماحم وريحة القهوة معطرة تعطعط …السبعة ديال صباح حلات عينيها على صوت الحركة فالبيت لقات سارة كتلبس فبيجامة جديدة …

سارة : فيقتك هههه

نوار”بصوت باح كتهضر وفنفس الوقت كتوگض” : مزيان نفيق دابا …

سارة : مزيان نيت خالتك صبيحة وجدات ليك رفيسة …

نوار”تبسمات وبدات تفوه” : انا نوض نغسل وجهي ونطرف حالتي “كمشات عينيها” اووو

سارة : مالك ؟

نوار : وجع …اممم

سارة : ليغيگل ؟

نوار : يمكن .انا نوض نشوف “خلاتها كتكمل لباسها وناضت من الفراش تا طواتو بزز اما مخلاتهاش سارة لكن صواب تجمعو ولبسات بينوارها ومشات لدوش تما حداهم مصلوح مزيان اصلا دار ساارة كلها مصلوحة مزياان …دخلات تشوف فعلا لقاتها جاب الله جاتها قبل العرس ميوصل …دارت

فوطة صحية جايباها معاها وغسلات وجهها مزيان وخرجات كتنشف دخلات مشطات شعرها وخرجات عندهم لبيت لقات ام سارة وصبيحة وحسناء وشي بنيات صغيورات …صبحات عليهم وجلسات…

نوار”لقات طبيل عامر ديال رفيسة البطبوط مع براد اتاي منعنع وحداه ابريق قهوة معطرة ريحتها تشق راس(رفيسة

البطبوط الالة بطبوط سخون فرتتوه مزيان على شكل نداغي وشحرو بصلة زوج ريوس او حسب شحال بغيتو مع بزاف ومليحة فزيت زيتون غير شحروها من بعد تهبط زيدوها فوق بطبوط الي فرتتو وزيدو عليها تيمينجة يابسة مطحونة مع زعتر تيمينجة هي فحال نعناع كينسمو بيها اتاي كتشريها تيبسيها فالضل تتيبس الي ملقاتش تيمينجة تدير شي منسم فحال فليو …كتديري شوي فوق داكشي وزيت وتخلطيهم مزيااان وتحطيها وبالصحة)

طاحت فيها عمية تاكل وتقول ماكليت تا شبعات وناضت غسلات ايديها ودخلات بدلات بيجامة ولبسات وحدة اخرا تابطات دراع سارة ومشات فاتجاه الفيرما توادع مع امها بينما رجعات هي ومينة ختها بعد يومين…

ياسين”واقف قدام الطوموبيل مع يوسف وفؤاد ومصطفى كيتسناو يسرى تخرج باش تيسر مع يوسف حتى بانت ليه نوارة جايا وجهها مزنگ بالبرد وفمها حمررر ابتاسمات ليه ومشات دخلات ”

فؤاد : مسافرين بعد العرس ؟ …

ياسين”حرك ليه راسو ” : ضروري موجد لبلاد جنة من جنان الرحمٰن…

مصطفى : الله يسر الامور ويكمل بخير…

ياسين : امييين …

يوسف مشا هو ومصطفى دخلو لداخل ويشوف يوسف يسرى …

فؤاد”جبد كارو عطاه ولدو بريكي شعلو ليه ساط تا ساط وشاف قدامو” : الخيل ترودات…

ياسين : اليوم نركب عليها …

تمات جايا نجود بشوي تا وصلات عندهم شافت ففؤاد الي حرك ليها راسو …

نجود : صباح الخير اولدي …

ياسين”باس راسها” : صباح نور اميمتي …”شوي بانت ليه نوار خارجة مع سارة وحادرة راسها ومشات من تما متبع ليها اشرف فاليز ديالها …عقد حجبانو..” مالها ؟

نجود”ضارت تشوف فيها وضحكات” : ههههه ايييه ولدي صبر ماعندك مادير دابا مشااات تبدا توجادها …فينك دابا ممنوع تشوف وجهها تا نهار لعقد ومن نهار لعقد تاني متشوف وجهها تا تروح عندك …ياك شتيها بارح بليل يحساب ليك حنا فدار غفلون ….

ياسين “طولهااااا ههههه ” : الله…

فؤاد : .بلاصة الخيل اولدي كتبقا بلاصة الخيل …شوف مع ميمتك خاطيني من لغا العيالات شافيك الله راك مولاي سلطان دابا”طبطب عليه ومشا”

ياسين”تعصب وضار عند نجود مشربن” : من بعد العرس تا مخلوق من مخاليق الله ميطرف بساحتي …”شاف فيه مخرج عينيه” والفاهم يفهم ( هههه زعما تاحد ميوقف ليه فعودو)

نجود : ههههه ديك ساعة القانون وشرع واقفين معاك الله اودي …

#تصبحن🦋نور_الياسين(885)#فرصة_ثانيةsana mina🐺🦋

واااهيا العريس ضوي بالشمع البلدي لااا جاك زين ضوي بالتريسينتي …واااهيا العريس….

على انغام هاد الاغنية الثراثية …بداو النسا بتوجاد الحلاوي الي منها بلدي مئة بالمئة …كل نهار بتوجادو وعيالات دوار داخلات خارجات عندهم الجيران القراب بزاف راهم كيدخلو بناتهم يعاونوهم فتنقية المكونات (زنجلان زريعة البسباس تفسلخ كاكوكاو واللوز الخ…)

يامنة”هازا فايدها واحد طبگ (طبگ مصنوع من شريط السمار وكاين ديال ميكة لكن الي هازا يامنة ديال سمار طبيعي )….حطاتو ليهم تما عامر بحبة حلاوة باقي فازگة ” : هاكي ا مريم دي هادي لقدام الباب ابنتي جيهة باب دار(حيث داخلين الكوزينة الي لور فين كطيب نعيمة لخدامة ) …

مريم : واخا خالتي ..”شذاتو من عندها ومشات …

نجوى”كتجمع فالعجينة ديال غريبة ” : ومتنسايش ما زهر المركز …وجيبي معاك مسكة حرة من الكوزينة ديال دار …

فنيدة “كتفسخ ليهم فاللوز” : اييييه شوووف المكاتيب ونامسينا(هي كتعني ولبارح لكن بصيغة الهضرة ديالها قصدات واحد النهار هههه ) كنا نقولو نوجدو لفحم فالصيف شي تما شي هنا ايييوى كتاب الي كتاب وربي كتب فهاد العام ولابد …

يامنة : هههه ايوى ربي كيوخر كل توخيرة فيها خيرة …

نجوى : واحد نوار مسولتيش فيها يومين هادي مشتها …

يامنة : خاشياها سارة فالبيت متشوف شمش كتذهن ليها العشوب ونيلة تمشي تغسل صافي وترجع طلي تاني ههههه

فنيدة”حبسات تنقية ” : اويلي تغرگ فيه (تغرق فيه عههههه تعلمو دعاوي العروبية ) المراة راها بيضة فين بغات توصلها …

نجوى : واهداي عليا توجاد العروسة بهاد طريقة بحلااتو امي فنيدة …اللحم يرجع رطيطب ويشقشق وخا هي زينة وزينها ناعم رطب وليني عروسة هي العروسة نهار عرسها يبان عليها السر فوق السر …

فنيدة : فهادي غلبتيني وخا عروسة يامنة منكذبشاااي زينة تبارك الله ودخل القلب غاا الله يهدين ديك ليام مخليت محطيت فيها “هزات صبعها شيرات ليامنة ” وليني را غير من حرقتي على ولدي راكي عارفة يامنة عوينة وحدة وسط خوتاتو وراكي مجربة الكبدة عينيا تعماو ولساني تطلق…

يامنة “تنهداات على هضرتها” : يابتي نساااي را كل وحدة عندها كبدتها تشوف عليها الويل وتعض فيها بايديها وسنانها وتهز دقات دنيا ودين فضهرها غير متشوفهم مقلقين …نساااي اختي فنيدة ونشطي معانا هانتي كتوجد لعرسو راسك كانه ولدك …

فنيدة : على رقبتي لا ولدي نوجد ليه فحالو فحال عبد الغني …

نجوى : ايوى الله يسهل عليهم بجوج …فين سارة تجي ضرب لينا ويلي ضحكو ونشطو تاني …

فنيدة”هزات واحد جوج كيسان وحطات صينية قدامها وبدات صرب قبل طلقات حلوقها ” : سعد يالالة وفرحي يا لالة جوجت ولييييدي وحيدت اللومة …”بدات ترد عليها نجوى دخلات واحد جارة اسمها عيدة تاهي مع سلام عليكم بدات تزغرت وتصفق …”

اما في هاد الوقيتة من بعد ما وجدات ليها طاسة عامرة بالحنة مخلطة بالعشوب جابت ليها حسناء ما دافي فمقراج ومداتو ليها عاد هي خرجات من دوش لاوية عليها بينوار بيض ديال ساتان شعرها فازگ …

سارة”شافت فيها” : ويلي مسخوطة غطي شعرك …”لاحت ليها زيف” غطي قبل لا يضربك البرد بينما خلطت ليك هاد تخليطة …

نوار”شدات زيف دارتو لشعرها” : غانديرها لشعري ؟

سارة : لا دهنيها لاحمك كامل وبقاي فدوش يخون تا تنشفي مزيان وشلليها …

نوار”جلسات حداها ربعات رجليها” : شنو هذا درتي …

سارة”كتخلط بايديها” : حنة (مدقوقة بالفردو الي هو مهراز العود هو افضل باش كيدقو فيه الاعشاب ويشططوهم يعني كغرباوهم كيجي منيل مدقوق فحال فورص ) حمص مطحون تاهو وعكر فاسي وشبة والورد اييوى واداد…

نوار”حدرات راسها كتشم ” : الله ريحة غزالة…

سارة : تا لحمك يشربو من بعد نهار الحمام فاش تضفر ليك عگوزتك شعرك وتعومي وتشوفي كي تخرجي تشقشقي …يهربك بيك ياسين ويسد عليك هههه

نوار”تزنگات” : ههههههه وهو دابا مفقوص مكرهش يديني دابا …”حكات منخرها”

سارة : عهههههه وراه حاصروه ميشوفك تال نهار طلعو عند العدول وترجعي تاني هنا ميشوفك تايبغي يروحك …كان مرزن بعقلو وصل عندك طيرتيه ليه ابنتي …

نوار”حطات راسها على كتف سارة ” : كون ما هكا منجيش عندكم لداركم ونبقا معاك هاد ليام ونتعرف عليكم …داركم زوينين هههه

سارة”باستها ” : را نتي زوينة دخلي لقلب المفششة …هانتي درتي عقلك ورجعتي لدارك كية ليام الي خلعتينا عليك وطيرتي منا نعاس مرضتي ومرضتينا معاك يحساب ليك رخيصة عندنا…

نوار : لهلا يخطيكم عليا و سمحو ليا وصافي “حدرت راسها” قلة العقل والمرض تلاقاو وصافي…

سارة : ماعليش ابنتي كل مشكيلة بتعليمة “مدات ليها سطيلة الي طلقات شوي” نوضي نعاونك طليها …

نوار”ناضت” : صافي غير هادي ؟

سارة : هادي وغذا بداي طلبي نيلة ونهار الحمام غاطلي ليك المزوارة #تتمة_البارت…

 

نوار : بغيت نسولك الوزيرة(الي كتراقق العروس فحال وصيفة ..اما مزوارة المرأة الي عمرها طلقات) كاع ما اختاريتها …واش ضروري تكون ممزوجاش …

سارة : وااا شنقوليك ختاري مريم ؟

تحل الباب وهي توقف بقبية بوردو وسروالها وشعرها جامعاه كعكة من لور دايرة كيت فوذنيها وصاكادو فكتافها …

رميساء : وااااعووووووووو اناااااا الوزيرة نسيتوونييييييي “بجقات فمها٠

سارة”خرجات عينيها” : رميساء “سرحات ايديها” ياااااا الكبيدة جااااات زيدي زيدي …

نوار : هههههههه جابك الله …

مشات رميساء كتجرييييي عنقات مها تبوس وتعنق عيشة البواسة عاد دازت لنوار خنقاتها تبوس وتعاود …تا لاحت صاك …

رميساء : فين غادين من هادشي كامل ..

نوار”وراتها سطيلة ” : نطليها لحمي مكايناش وزيرة غاتعاوني ماماك…

رميساء “شدات من عندها سطيلة بجهد تا كانت غاتخوا”

سارة : ارسول الله تي تهدني يا البرهوشة …

رميساء : زيدي قدامي نعاونك …

نوار : ويلي عاد جيتي …

رميساء”عنقتها جنب ” : تي را بغيت نيت ندوش من العيا ديال طريق ياك دوش سخون ؟

نوار : سخووون يالاه …خالتي تيليفوني تما توصل ماما وبابا ومينة غايعيطو ليا جيبيهم بينما خر🦋نور_الياسين(886)#فرصة_ثانيةsana mina🐺🦋

ايييييوى ندوزو عند سيدي الفحم …واقف قدام المعلمية حتى بان ليه فؤاد ويوسف جايين وصهيب والياس وحتى من رياض تاهو جا …حتى وقفو عليه …

صهيب”ضربو لكتافو ” : افين امولاي السلطان …

ياسين”لاح الكارو وتعانق هو وياه ” : عالسلامة عاد ولا ؟

الياس”تسالم معاه ” : عاد حطتنا طريق هههه

يوسف “تسالم معاه” : مالك غاطس هنا…

ياسين : دنيا عامرة فالدار العيالات راك عارف…

رياض”تسالم معاه” : مبارك مادرتي ومغادير …

ياسين : الله يبارك فيك ومرحبا بيك فبلادك ثانية …

رياض : الله يكبر بيك

فؤاد”تقابل مع المنضر” : مزال ؟

ياسين : يومين بالحساب …

تم جاي اسامة وقف طوموبيل ديال الخدمة ونزل منها وجا …حتى وقف عليه …

اسامة : خويا جا المهندس قاليك غايبدا ليوم واش نوقف معاه ؟ راك عارف دار عامرة بالعيالات لتحت نبقى معاه لفوق …

فؤاد : الله يرضي عليك “حس بالفخر ان ولدو صغير واقف وقفة رجال فدار خوه ”

ياسين”قرب ليه ضربو لحناكو بشوي وباس ليه راسو” : يعمر دارك احسن ما دير نعول عليك …

اسامة : وايلي خويا هنا من هاد جيهة…

ياسين : الي خاصك هبط لكوفر لتحت راك عارف الكود وقضي بيه …

حرك ليه راسو ومشا وفؤاد واحد اللحضة عينيه ولاو حمرين حيث كيشوف خوتو كيخافو من ياسين ماشي خوف انما خوف الاحترام كيسمعو ليه ممنوع يهزو فيه العين داكشي الي تربا عليه ومع خوتو رباه فولادو وعائلته الي هو #الاحترااااام …

يوسف “تقابل كيشوف” : هادشي زيييين عجبني …

طلات لحمها كامل وتسنات حتى نشفات دوشات رميساء الي عاونتها وطلات ليها بتوصيات من سارة وجداها وخالاتها الي جاو تاهما دار سارة كبيرة ومجموعين فيها بضحك ونشاط كل عشية كيضربو ويوجدو مع يامنة فالحلوة …تشللات

من بعد ما عاونتها رميساء كتغسل ليها وتقدا ليها شنو بغات وفرحااانا منها كتحاول تعوضها على الكلام الجارح الي سمعاتو ليها ديك المرة ومنها كتوجد تاهي وفرحانا بوجود عرس تقليدي فالبادية …خوجات ونشفات ولبسات بيجامة سخونة ودافية …دارت زيف على شعرها عقداتو وعطاتها شال سخون تاهو لواتو عليها

ذهنات فازلين وشوية عكر الفاسي لرجليها ولبسات عليهم تقاشر (كاين خميرة وعكر فاسي ولا سيروم ودوا الحمر والحامض كطليهم رجليك وديري عليهم ميكة وتقاشر واحد ساعة وحيدي ميكة ورجعي تقاشر باش ميتخنقوش رجليك وتباتي بيهم وصباح سيري لحمام الى مقدرتيش سي نو تدار هاد القضية يومين قبل الحمام ونتي كل ليلة كديريها ايوى فاش تمشي لحمام وسوووخاات كتخرج من رجليك وكيبانو ومن تعومي ذهنيهم بفازلين ولبسي عليهم تقاشر كيبقاو رجلين رطبين وينقيوهم )

نوار : ماعيطاتش ماما موحال وصلو “حدرت راسها”

صبيحة “تمات جايا” : توحشتيهم ولا …زعما راك غاتروحي وتعيشي هنا…

نوار: عارفة غير توحشت يكونو معايا دابا”عينيها غرغرو…حتى حاوطوها واحد الايدين وعنقوها من لور بريحتها قدرات تميزها” ميييييييينة ههههه”ضارت عندها وعنقاتها تا شوي طيحها”

مينة “شدات كريشتها” : اميي طيحيني انا وولدي…

نوار : علاه ولد ؟

مينة : مزال معرفنا حاسا بيه ولد …

يسرى : واحد ماما متعنقش “مدات ليها ايديها وعنقتها” ايهاي حنينة مطلية حنة …

سارة : ولات ليمونية مسكينة ههههه

نوار : كل نهار كندير حاجة …

مينة : وجهك ؟

نوار : ماشي شي حاجة وجهي مافيه والو كندير غير دانون مسوس وعكر فاسي صافي وعينيا الخيار…

يسرى : باش كتغسلي ؟

نوار : غيير الما فاتر كيف قلتي ليا …وكنشرب كل نهار فالصباح ما دافي وفالنهار عالاقل زوج ايترو ما كيف وصيتيني …(الما مهم بزاااف البشرة عالاقل زوج ايطرو ما فالنهار كيما شربتوه بكثرة كيما البشرة كتولي نضرة ومتشبعة كيبان فيها وخا ديرو مية ماسك وماسك را الما الي كيزينها )…

يسرى : مزيان …غير صبري تال نهار تعومي وتهناي …

نوار : عجبني هادشي بالعكس …

مينة : مكرهتش ندير فحالك توحشت وصفات…

يسرى : ويل شيطان الي ضاربك ضاربك على صفات ديها غا فكرشك …

نوار : فين بابا توحشتو …

يسرى : انعيط ليه يجي عندك قالو ليا سي العريس مانعينو يشوفك …

نوار : هههههه وايييه …

مينة”قربات ليها” : زعما مزغتيش ابنت الهم ومشيتي تشوفيه …

سارة : والو العسة عليها هنا والعسة عليه لهيه شاف تا عيا مشا خشا راسو فالخدمة فالفيرما مكيجي على ماقالت ليا يامنة تال اخر ليل يدوش ويتعشا ويطلع ينعس تال فجر تاني …ليه كتر من يومين دابا …

يسرى : ههههههه الله ياربي …

نوار : ماما جبتو ليا حوايج ياك …

يسرى”ضرها قلبها تا بانت فعينيها” : احم كلشي جبناه شي فطوموبيلتنا وطوموبيلة رياض وشي فطوموبيلة صهيب والياس والباقي غاتجيبو عمتك راوية معاها…

نوار”قربات ليها وعنقتها” : ماما مالك ماشي تالهيه…

يسرى”صوتها تزير ” : مماليش غير فرحانا زوجت بناتي وحدة مشات لفاس ووحدة بعيدة عليا بسوايع خليتوني وحدي فحال مولدتش “نزلو دموعها يجريو ” غاتخويو عليا واخا عايشة ففيلا عامرة بلاصة كبيداتي وحدها “مسحات دموعها بطرف كمها” غاتخوا عليا بنتي اهى اهى …

نوار”بقات فيها” : مامااا علاش كتبكي اويلي حرام عليك متقلقينيش عليك…صافي مغانتزوجش …

سارة : اااويلي حي …

مينة : ماما تهدني را بنتك واحد سلك زعما عارفاه طاير ليها دابا ديرها بصح…

يسرى”خرجات عينيها بدموعهم” : اناري غانضحك ابنتي اصلا غبتي عليا علم فالمانيا ولفت ولفت غا عطيني تيساع اهيا ميمتي …يلاه اجي خرجي قدام الباب…🦋نور_الياسين(887)#فرصة_ثانيةsana mina🐺🦋

شافت فيها باستغراب. كتسائل على شكون الي كيتسناها قدام الباب …

نوار : شكون ؟

يسرى : ويلاه وتشوفي …

دارت القب ديال بينوار ولات تبان فحال شي وحدة كبيييييرة مع ديك شدة زيف حياتي وشال والقب …تبعاتها تا خرجات وهي تهز عينيها فيه كان عاطي بالضهر وهي تشهق دارت ايدها على فمها كتضحك…

نوار : هيييييييي سليماااااااااااان”غوتات تا نقز وضار لعندها مشات كتجرييييي عندو ماحتال يهضر تا تلاحت عليه عنقاتو كان شوي يطيح”

سليمان : اهيا ناري تي بشوي …

نوار”كتهضر وضحك فرحانة بجهد اقرب واحد ليها فعز الازمة وخرجها منها ووقف جنبها هو سليمان ليه مكانة خاااصة عندها بجهد” : توحشتك توحشتك بزاااااف وااااو فرحتييييني …

سليمان”ضربها راسها بخفة” : تي حمقة مالي الي منحضر لعرسك راني خوك الحمارة …

نوار : هههههه امتا جيتي ؟

سليمان : شكون جاب رميساء …

نوار : ويلي كاع ماقالتها ليا …

سليمان : وصيتها مشيت تال دار جدي وشفت الوليد وجيت …مفاجئة البغلة”طلعها وهبطها” وليتي فحال جداة الوليدة عيدة الله يرحمها…

يسرى : ههههههه مسخوط صافي”دخلات هي ومينة وخلاتهم ”

نوار : راني كنوجد زعما العرس راني عروسة “تگردفت ليه”

سليمان”دار ايديه على ذقنه” : اهههههع عشنااا وشفنا تا شفنا هاد تگرديفة اييييه باقي نعل واحد نهار قالت ليا “كيعيب فيها” عمرييييي رجع ليه يبعد منااااااااي يدير نفس …

نوار : اصااافي سليمان نسا …علاش كتفكرني …

سليمان : مرة مرة تفكري قلت ليك من بعد غاتبقا ذكريات نضحكو عليها انك تفكري الي داز كيطكرك بدرس تعلمتيه باش تعاود تستمري وتبقاي على شخصيتك الي صنعتي جديدة …دابا باش كتحسي بهاد زواج…

نوار”تنهدات كتهضر وتبتاسم” : فرحانة بزاااف حاسا براسي غاندخل فمسؤلية كيف كيقول ياسين ساسها صحيح احساس فشكل زوين على قبل وخا كنت فرحانا غانتزوج بواحد كنت باغياه من صغري كان فشكل فحال ماعرفتش كيفاش نوصف ليك …

سليمان : زواج بدون مشاعر …

نوار : فحال هكاك وخا كيبغيني مكانش كيبين …

سليمان : الي عشتوه نجركم بجوج نتي تعلمتي توجدي راسك قويتي راسك غاديا فطريق صحيح باش تفهميه وهو تنجر باش يفهمك ويحس براسو بالي فعلا كيبغيك ناشي غييير كيبغيك وبغاك لزواج …المشاكل كتقوي رابط كيما كان …الى مقواتوش كتخرجنا بتجربة مكتسبة…

نوار”حركات راسها” : تماما …

سليمان : ايوى لالة شفناك دابا نمشي نتحرك عندهم عيطو ليا دراري نشوفهم تنتشاوفو …نمشي نبدا نعاون فعرس بنت عمي وختي وولد عمي …شافنا الله…

نوار”ضرباتو بضحك” : ههههههه لهلا يخطيك…

مشا هو ودخلات هي لحقات عليهم لداخل فين جالسين لقاتهم بداو كيضربو ناشطين العيالات كيوجدو فالحلوة الي مكلفين بيها شي اشكاال بينما الاشكال لاخرى خدامين عليها فالفيرما عند ياسين …الضرب ونشاط وتوجاد خدام على قدم وساق….

وصل الليل ودخلات البيت تكا تا دخلات مينة عليها …

مينة : انا مشيت …

نوار : مغاتباتيش معايا ؟

مينة : راجلي حبيبة كيعيط …

نوار : علاش مجاتش خالتي ماجدة ؟

مينة : بعد غذا غايمشي يجيبها رياض ونجي نبات معاك …امتا العقد ؟

نوار : نهار الاثنين …

مينة : شفتي بابا را جاب الوراق …

نوار : جا لعندي ههههههه خايفين يشوفني ياسين وموصيني منعتبش الفيرما …

مينة : اجي ههههه ياكما كيعيط ليك ابيل فيديو.

نوار “بنفي بصبعها” : ماخليتوش هههههه خليه يتوحشني”هزات كتافها”

مينة : هايهاي هاي وطاح ليا فيك العجب الي وليتي عفريتة يا هاد ختي …

نوار “كمشت عينيها بكياتة” عجبتني هاد القضية باش يتوحشني …

مينة”دارت ليها ضحكة صفرا مبينة سنانها” : هههخخخ وفخبارك اختي كل ما كثر لوحش غايخرج فيك متني متلت نهار تروحي …بغيييت نقول دخلة وليني غا سمحي ليا دخلتك ناشفة …”مشات كضحك عليها”

نوار”كانت هازا تيليفون كتبقشش فيه وهي ترجع بيها ذاكرة شنو قاليها …”

ياسين : زيديه عليك تقليد من هنا ديك ساعة الحساب يتجمع لا بقا سانتيم نتحاسب عليه …

نوار”صرطات ريقها وهي تحط تيليفون كترمش وقل#تتمة_البارت_887_نورالياسين…

يعني نهار يشدها من الوحش الي فيه من جيهتها غااا يمرمدها تمرمييييييد …ههههههه طبعا هذا ماجاب ليها الله حيث عاشت معاه علاقات فالفراش عارفاه مجنون عليها بالاضافة الى العضااان العقاب الخاص بيه من جيهتها …عاد تفكرات اي زبلة دارتها كيقوليها جمعي الحساب يعني را الى جينا نحيبو را كيتسالها كارني محماد ديال الحانوت ديال العضااااااان ….

اصبح يوم جديد فالبادية على صوت الابقار والحيونات الكلاب كتنبح وعباد الله غاديا جايا الفيرما ناس داخلة خارجة …خرجات يامنة من البيت هي وفؤاد من بعد ما لبس وخرج باش يخويو ساحة لعيالات الي غايدخلو …حتى صونا ليه ياسين …

ياسين : الوليد حضر دابا …

فؤاد : خبار الخير …

ياسين : ناوين البركة على ايديك نتا وبا دوز لينا على ضروبة من ضروبات الي جبنا نتا سمي الله والباقي عليا …

فؤاد : انا عندك لا بغا الله “قطع معاه وشاف فيامنة قالها ليها”

يامنة : ويلي وقوليه يتسنى نمشي معاك

فؤاد : شنو مالك ؟ كاينين رجال يامنة …

يامنة : عااافاك را العادة غير صبر …بعدا خاص واحد الحاجة ؟

فؤاد : شنو ؟

يامنة “حابسة ضحكة وخايفة ههههه” : ضر ضروبات ك كنديرو ليهم حنينة فجبهتهم …

فؤاد : ماعليش ديريها …”شاف فيها ورفع حاجبو” شنو تاني ؟؟

يامنة : الي غايذبح نتا”حرك ليها راسو” الي غايذبح خاصو يدير قتيب فراسو …

فؤاد”عقد حجبانو” : كيفاش ؟

يامنة : ماااشي قتيب الي كنشويو فيه ..هذا زيف طويييل فيه هذوب ديال حرير الي كانت كتشد بيه ميمة زينة فراسها عقلتي ؟ خ خاص ي ي ي يديرو الي غايذبح فراسو يعني يشد بيه …

فؤاد “خرج عينيه” : يامنااااااا ؟؟؟؟ شنو كتخربقي عليا هنا ؟

يامنة”تكات على صدرو ” : صافي نقول لياسين هو يدبح ويديرو …ولا يديرو با …وراه عادة انننن

فؤاد”بعدها من عليه” : نبقاو تابعين العادة ترجعونا عيالات ؟”جهد صوته” لا حول ولا قوة الا🦋نور_الياسين(888)#فرصة_ثانيةsana mina🐺🦋

مشا من حداها كيحسبن وهي دايرة ايديها على فمها حابسة ضحكة وكتفتف وتضحك وليني را هادي هي عادة العروبية (او عندنا حنا بعدا) ضروري يديرو لبهيمة الي غاتذبح حنة فجبهتها وفالدفوع كيكونو دايرين ليها حنة وحتى ربطة نعناع شادين ليها بيها راسها معلمينها حدا العالام بزيف بيض عند الكروسة الي فيها دفوع الي جايبين اهل العريس لدار العروسة …

يامنة : وخا تسنى غير ندي حنينة بعدا ههههه …

نجوى : سيري دي هاد زيف عالاقل غير باك ولا شوفي ياسين لا بغا ليك ..”مدات ليها زلافة ديال الحنة …

يامنة : اجي معايا را رجال تما …

مشات هي وياها وجات تا يسرى تبعاتهم ومينة مشاو كاملين لساحة الي تما فين موقف الضروبات تا وقفات حدا باسين قالت ليه على الحنة ما اعتارضش بالعكس خلا ليها مجال وبدات هي ونجوى كيطليو ليهم واقفات شادهم اسامة واشرف وعلي وحتى سليمان لبسو بوط ديال ميكة وصهيب واقف هو ويوسف والياس تاهو وحتى رياض زيدوه او زيد راسو يلبس البوط هههههه

رياض : حبيت راسي ههههه

الياس : ههههههه وليتي تبان نسيب يوسف بصح …

يوسف “ضربو لقرفادة” : هاد الوقت كان مزور …

الياس : وااا ولدي حداااك ونتا مزال ضرب …

صهيب : تولي جد يبقى يعصي فوالديك …

ياسين”لاح الكارو ” : بسم الله الوليد ؟

فؤاد : على بركة الله …

اسامة : واش نتكيو هادي …

علي”قال بشوي” : خههههه عجبتني هاد نتكي حبيتها…

اسامة : ههههه سكت يمسخ مك …

اشرف : نمغطوها اخويا …

علي : كنضن نمغطوها مقااااودة خههه..

اسامة : ويني مشطبة هادي تا هنينا ههههههه

ياسين “يلاه غايهضر وهي تجي حداه يامنة نغزاتو” : الحنانة مالك ؟

يامنة : ما تسمعش ليا ونرضي عليك اولدي هانتا ها ميمتك نجود جات …

ياسين : شنو بغيتي حنانتي امري ..

يامنة : قرب ودنيك نقوليك …

ياسين”قربها ليها على نيتو” : هاني …

يامنة “قالت ليه شنو بغات داك القتيب او شال ديال حرير وكيفاش يديرو ” عاافا ولدي …

ياسين “رفع حاجبو وشاف فيها” : الحنانة واش داوية من نيتك ؟

نجود : عايش ولدي دير وسمع …

ياسين “خنزر” : الوليد يدير هادشي ؟ واش شوية لباس ولا ؟ اش كتخربقو ؟؟؟

يامنة : هانتي ليك كيسمعو باش يتم جايني هااانتي …

ياسين : الحنانة طليتي شنو بغيتي ؟ الله يرضي عليك من عندي سيري بعدي شوي باش يسمي الله يذبح هادشي الي باغيا را ماشي تالهيه …الى بغا هو نيت واخا عارف تنطابق سما مع لارض ميديرها انا منخليهش …

يامنة : ياسيييين …

ياسين”شاف فيها ” : الحنانة !!!

يامنة : وهااانتي ليك …

مصطفى : انا نديرو ابنتي غير بقاي على خاطرك …

ياسين : تانتا مديروش وهضرتي متعاودش صلاة عالنبي …”تحرك من حداهم خلاهم يشوفو ماعاودوهاش معاه …تكاو دراري وحدة من ضروبات وهو يجي فؤاد مد ليه ياسين جنوي

فؤاد : بسم الله بسم الله اللهم بارك …”دوز عليها تدويزة وحدة خلاها تشرشر بدماياتها سليمان يصور ودراري كاملين كيوثقو اللحضة ..تحنى ياسين كيسلخ فلولة وثانية ذبحها مصطفى العيالات كيصليو عالنبي ويزغرتو …ياسين كيسلخ لاخرى ولاخرى كيسلخها الگزار لاخور الي جابو …تا كمل وخلا ليه تگراض ووصى تحط فالفريزر الكبير على ود نهار صدقة ديال يو#تتمة_البارت_888_نورالياسيييين…

توزعو دراري كل واحد مشا يدير مهمة هالي مشا لمراكش يتسخر هالي غير فالدوار كيقضي ولالة العروسة هاد النهار طلات نيلة وخلاتها فيها غاتبقا تال نهار الحمام الي غايكون عندو طقس خاص بيهم هو وطقس حمام العريس تاهو ولكن

هادشي غايكون ليلة الي لغذ ليه غايكون العرس يعني ليلة قبل العرس كيكون لحمام ديالهم ذاك نهار عندو طقوس وحدهم عاد نهار العرس طقوس خااااصة جدا ….

ياسين”دوز لخط لمو” : الدار عامرة ؟

يامنة : شي شوية بغيتي شي حاجة ؟

ياسين : نطلع ندوش عندي مشية لمراكش …

يامنة : واخا غير جي نخوي ليك عند الباب طلع ديريكت …”قطع معاها وخرج من الكوري ومشا ركب فالطموبيل تم غادي تا قرب لفيرما حدا دار سارة بانت ليه واقفة فالجردة لكن عاطية بالضهر كتهضر مع سليمان …” نوااار دوري كاندي دوري …”تسنا والو صدقات دخلات وشير ليه سليمان عرفها قالها ليه سليمان وهي عاقت بيه غايبغي يشوفها وهي دخلو عض شنايفو” ارا ماعندك وتجمعي اراااماعندك”حدر راسو ودور الفولون ودخل لفيرما لداخل مشا تا وصل عند الساحة الي قدام الباب ديال دار ووقف حل باب وخرج لقا يامنة واقفة ومغيرة وجههها زعما مقلقة منو …

ياسين”باس ليها راسها” : مال الحنانة ؟؟ “رافع حاجبو ”

يامنة “بغير ملامح” : مماليش …

ياسين “قوس حجبانو وضربها منخرها” : منكونش ولد يامنة الى معرفتكش …

يامنة : هانية ولدي عااادي غير الله يسر …

ياسين”حرك راسو ودار ايديه على نصو” : شنو عندك غير هضري …تقلقتي ؟

يامنة”هزات كتافها من لداخل كيسمع صوت العيالات والگج” : اودي هانية ولفت ولفت …”غرغرات عينيها بلعاني …”

ياسين”قرب باس ليها جبهتها” : عمري نكون هاني وحنانتي مقلقة مني …”باس ليها ايدها ” باش تسمح لينا زينة الحنانات شنو حب خاطرها؟

يامنة “شافت فيه بنص عين” : وزعما تبغي ؟ تعطيني عاهد رجال …

ياسين : تحلفيني ومزال معارفش ماشي قاصحة ؟

يامنة”طبطبات ليه على ايدو وقالت بصوت مغنغن …وشوف ليك الفجلة ” : صافي هاانية ماشي مشكيل غير سير …مهم كون ناشط ودوز عرسك …

ياسين : عمري نهنا ومايكمل عليا رب العباد الى مرضيتي عليا …نعطيك عاهد رجال …

يامنة”بقات تشوف فيه وتعوج فمها” : نهار الحمام ديالك غاتخرج بالخيل …(نهار حمام غانحط كلشي بالتفصيل)…

ياسين : وايلي هادي مافيها شك هادشي وكان ؟

يامنة : نهار تبغي تلبس باش تروح عندك عروستك غاتلبسك ميمتك نجود …

ياسين : وكان ؟

يامنة : واحد الخط ديال زعفران غاديرو ليك من تحت عند رجليك خط واحد تااال عند جبهتك …وو لكن غا …

ياسين “عض شنايفو ” : عريان اميمتي عريان ؟؟ واش بغيتي تهبليني ولا هبلتي الحنانة ؟ فحال واقيلة عيقتو ؟ عرفتي شنو يجيك مزيان ؟

يامنة : شنو “قوسات ليه حجبانها وزادت كدمع فعينيها بلعاني” غادي بناقص ياااك يااااك اهى اهى صافي ولدي صاااافي …واش انا مغانديرش لولدي العادة ؟ صافي غير طلع تدوش انا مشيت …”دخلات كتبكي وخلاتو كيشوف ”

يامنة”تا دخلات مسحات دموعها ” : هههه الى مبقيت فيك ودرتيه راني ماشي ميمتك …

ياسين “دار صباعو على عينيه كيمسد فيهم” : ماعرفت راسي واش باغي ندير الحلال ولا داخل لجهاد …”عض شنايفو بالفقصة وضرب الحايط ببونية” فااااك …bullshit …(زعما تفاهات ههههه🦋نور_الياسين(889)#فرصة_ثانيةsana mina🐺🦋

خلاتو بغا ياكل راسو بالفقصة والغدايد بهاد تقاليد الي عند بالو ملمين غير بالعروسة تا صدقو خاشينو تاهو فيهم ووسطهم والعائلة ومزااال العاطي يعطي مزال غانشوفو افراد هما فالاسرة غايدخلو ويساهمو تاهما فهاد تقاليد وحضورهم ومساهمتهم ضروورية جدا …شاف تا عيا وطلع الفوق مشا لبيت لاخور الي فالدار الفواقنية طاج ثالث هو فين حول حوايجو والدار وسطانية مخليها لمهندس ديكور لي جا هو وشي معلمية …كانت تقريبا العصر كياذن لقاهم خرجو …

دخل لبيت حط لوازم ديالو وهز فوطة جديدة واتخوس ديال دوش وخرج مشا لدوش الي تما حيث مدايروش فالبيت فحال بيتو …طلق رشاشة واحد شوي بينما حيد حوايجو كان لقاها سخنات والبخار طلع سخن دوش ودخل تحت منها غسل راسو مزيان وجسمو كامل وخرج لاوي على نصو الفوطة كان سم ديال برد لفوق حيث ممسخنش دار فوقانية طافيين …دخل لبيت

جبد قميجة بيضة وسروال فصالة كحل لبسهم مشا لواحد الفاليز صغيرة حلها لقا فيها مجموعة من الگرافاطات جبد وحدة كحلة قادها عليه وعقدها وداز هز تريكو خايط كحل بلا كمايم لبسو لبس تقاشر رجع شعرو لور فيكساه بجيل

رش بارفان ديالو وهو مقابل مع المراية كمل لمسات ديالو دوز على لحيتو بمشيطة رقيقة وقاد المسطاج لبس مونطو كحل تروا كار لبس صباط كحل لماع يعني تقاد مزيان …هز تيليفون دوز الخط ليامنة تخوي ساحة بينما خرج وبالفعل داكشي الي كان …

ياسين”باس ليها راسها” : انا مشيت شنو خاصك ؟

يامنة : معشي برا ،

ياسين : شي رجال جاو على حساب العرس يلاه وصلو نتعشا معاهم ونشوف ليهم دار ديال عماد فين يباتو ونجي …

يامنة : غير غذا الصباح مزال شي مقدية نكملو بيها حوايج دفوع …باك مسافر مغايرجع تال عشية…

ياسين : من هنا لصباح يحن الله …”شاف فيها مزيان وجر ليها حناكها بصباعو زوج عاض فشنايفو” رضاك عليا بالدنيا وضحتك ليا فوجهي غانياني على مال دنيا ماجاتش تقلقي على شي حاجة مغاتزيدك متنقصك سوا الغيار بيناتنا ؟ العكس انا مولاه لا عارف الحاجة ماهياش احنانتي …

يامنة”عاد تفكرت راها مقلقة هههه جمعت غوباشتها ” : ااا ماشي مشكيل الي مبغاتوش خاطرك معندي ماااندير ليك …الله يسر ليك سير قضي غراضك دابا تجي شي مراة تبغي دخل …الله يرضي عليك …”خلاتو واقف ودخلات

ياسين”حوك راسو وضار غادي “: لا اله الا الله…”تا قرب طوموبيل حلها من بعيد وهو يصوني ليه تيليفونو .(الشهلة ♥️) ” شنو بغات عمارة داري …

نوار : كنتي بغيتي تشوووفني كون ما سليمان ههه

ياسين : ياك بعدا ؟ لين هادشي ؟

نوار : نهار العرس ….

ياسين”ركب فالسيارة حط تيليفون برونشاه وخلاه مطلوق فالسيارة وهو كيدير سانتيغ ويديماري وفنفس الوقت كيهضر” : عارفة كتجمعي الحساب ؟

نوار “صرطات ريقها” : علاش كتهددني …

ياسين”كسيرا غادي خارج” : نوار هادي اول مرة بيناتنا ؟

نوار : حيث احم …

ياسين : شنو ؟

نوار “كدوز على جبهتها” : حيث عارفة شنو كدير فاش كتوحشني …

ياسين”هز ايدو ” : يعني لا زدتي جمعتي الحساب عارفة الخلاص ؟ ومزال كتجمعي وماحشمتي …

نوار : فيك مايدير عرض ؟

ياسين : شمن عرض ؟

نوار : فحال فالبنك ملي كيبغي يرجع شي حد الكريدي وشفتو المبررات باش ماتزيدوش عليه فوق المبلغ الي غايرد وطلب تاجيل واش كتاخذو بعين الاعتبار ؟

ياسين : الى كان مبرر مقنع …

نوار”كتحك فشنايفها بسنانها بتوتر” : حسبني فحالو ودرت طلب عندك …

ياسين : شنو المبرر ؟

نوار : احم كنوجد لعرس ونتوجد باش يكون عرسنا مميز بلدي كيف كيعجبني ويعجك حتى انت كل حاجة بلدية تقليدية …”بدات تطلق باش تقنعو زعماكينات ههههه ” باش نهار العرس نكون زوينة وااخا عارفة راسي زوينة كيف ماكنت فعينيك …ياااك …”كترمش وتسنى الرد ديالو”

ياسين : زيدي قنعيني …

نوار : ووو اصلا ديما انا معاك لدوام وبجنبك ومعمري نتفرق عليك وخا يكون الي كان …

ياسين “حك لحيتو” : مبرر مبدئيا مقنع …

نوار : مبدئيا ؟

ياسين : مزال تزيدي وتزيدي …

نوار “كمشات عينيها” : وديييما غانتوحشك وتوحشني هههه …

ياسين : هادي حاجة بديهية …

نوار : ياسين اشنو مزال تاني اويلي …

ياسين : نواااار …

نوار : هننن ؟

ياسين : ديييما موحشك سوا كتر الحساب ولا مكترش نتي كلك سووو كيوت ماشي وحش ليام من جيهتك انوار كون وحش ليام لباااس …

نوار : وشنو ؟

ياسين : الهضرة الي قلتي هادي ماشي باش تقنعيني تقوليها ديما وانا حداك معاك تحت سقف وسط فراش واحد …الي مزيان فهادشي وليتي تنطقيها قبل هادشي مكانش …

نوار : ان شاء الله ديييما نقولها …

ياسين “تنهد بجهد حتى سمعاتو” : وحشي ليك وحش كثييير وحش لعامين وايام من ايام الله كاندي …زواق الهضرة فهاد اللحضة مقاديش الكريدي كنعطيه لبراني ونوارتي كنعطيها رزقي وليسر ديالي …

نوار”الملعون زمتها معرفت تخاف ولا تفرح لهضرتو ” : ياسيييين ههههه

ياسين : قضي قضي ايامك اعروسة الفحم …نوصل نعيط ليك …

قطع معاها بقات كتشوف وخا عارفاه من غير ميتوحشها كيموت عليها فكل حالاتها وفالفراش كيهبل عليها …وحش عامين ليها مغاي#تتمة_بارت_889_نورالياسين…

وصلات العشية تقريبا مع اذان العشاء كيف وصل هو عيط ليها ومشا لعند الضيوف ديالو الي منهم جا من امريكا زيارة وفنفس الوقت باش يحضرو لعرسو …ويتعشا معاهم …اما هي دخلات عامت ومن تم مغاديش تبقى تطلي حتى لنهار يوم الحمام ديال العروس عاد غادي ديرها ويكون طقس من طقوس تاهو …

دق الباب وهي دخل يامنة لعندهم لقاتهم فالصالون مجموعين كيتسناو فالعشا …

يامنة : مسا الخييييير ياهل المكان …

نوار”ناضت كتزرب لعندها تلاحت عليها عنقاتها حيث ليها ايام مشافتها” : خالتووو توحشتك …

يامنة”بقات معنقاها على صدرها” : سعدي وفرحي بعروستي توحشتني …

سارة : جيتي برجليك اقدام الخير …

يامنة : خبار الخير …

سارة : تحضري معانا لواحد القصرية ديال فتات شطبة عااد كطيب من ايدين مي الي كتعجبك…

يامنة : الله وانا جيت غانطل وغاديا نكمل معاهم تغلاف الباكيات ديال حنة …

يسرى : ويلي الحنة هنا وكان يقضيوها …

يامنة : ياراني لما وقفت عليهم مكاين الي يحضي والفاهم يفهم …

يسرى”باستغراب” : علاش ؟

يامنة : دابا نعاود ليك نهار الحمام غذا ان شاء الله وتعرفي …

صبيحة : وتي بركي لارض تعشاي الحنة رسليها لينا ولا انا نجي معاك ياك نجوى كاينة ؟

يامنة : را هي وميمة نجود حاضرين داكشي لاش جيت ايوى الخوف لا يغفلوهم …

صبيحة : مخفتي والو تعشاي وسيري …

يامنة : غلبتوني …

سارة : بركي بركي …

جلسات معاهم فالصالون واحد شوي دخلات مينة كانت مع رياض فمراكش عاد جاو ودخلات تسالمت مع يامنة وجلسو قبل ماتجي القصرية يتجمعو عليها جابت حسناء لمها صينية ديال لمجامع فيهم اتاي سكار ونعناع وجابت ليها بوسطة صغيرة حطات ليها المقراج رداتو يطيب …

صبيحة : مي فينهي ؟ قوليها حفيدة مي زينة جات …

حسناء : قلتها ليها فاش دخلت وقالت ليك تفتل العجينة وتجي (تفتل باش كديرها في فتاة الشطبة)

يسرى : اااربي شنو كديرو فيها راني ديما نجي نذوقها من عندكم وكتعجبني …

يامنة : درتها شحال من مرة لهيه فازرو…

مينة : ووو كتحمقني فاش كديري فيها زيت الزيتون …اححح دايرنها لعشا ؟ “ريوگها دازو”

سارة : معندك متاكلي فيها فيها المساخن ابنتي ممزياناش ليك تاتولدي ونديرها ليك فنفاسك…

مينة : الله …

صبيحة “شافت فحسناء” : سيري ابتليهودي قولي لمي مديرش واحد طبسيل تعزلو مافيهش المساخن وحب رشاد المراة واحلة فنفسها تتوحم تمشي تشير لينا…

مينة : هههههه ناس الي كتعرف”ناضت عنقتها” يخليك ليا خالتو …

صبيحة : اوكييييه (زعما وايلييي ) على نتي رخيصة …

يامنة”شافت فيسرى” : ديري فكوكو بصلة مشلضة ومطيشة محكوكة ومطيشة الحك وديري شوية العدس والفول وربيع والعطرية بزار ملحة تحميرة سكينجبير وزيت زيتون وشوية سمن وديري الما وسدي عليهم يطيبو هيلي شدي القصرية ديري فيها

دقيق ورشيه بالما دافي وبقاي تفتلي بايديك فحال كتبغي تحربليها تا تولي فحال كسكسو غلييييضة هيلي حلي كوموط ورميها وحركي وشدي حب رشاد صهديه فالمقلة ولوحيه فيها والمساخن وراس فلفلة حارة وحركي طيب ديك العجينة الي فتلتي وحطيها فقصرية وخوي عليها زيت بلدية “شافت قصرية جايا ” وهااهي بالصحة وراحة ….

يسرى “عطاتها ريحتها” : الله …

ام سارة : تي بنت زينة هنا ولاو”تسالمت معاها” زيدو مرحبا بيكم …واااااااااا حسنااااو وبتليهودي جيبي زلايف الحلبة لهن (هنا)

حسناء : وتي صبري امي انا جايا …

صبيحة : يگطعها فيك قويعيدة ياهاد البرهوشة …

تجمعو على ديك القصرية وسماو الله شي خمسطاء الوحدة يتعشاو ويغنيو ويضربو تا جابو لمينة طبسيلها دخلات فيه عمية وعمرو اتاي فرقوه وبذاو يغنيو على المجمع …

ام سارة : هادي را تسخن ليك ابنتي “على نوار” الوالدة لا كان شي برد وتنقيك لا جاب الله تخرجي تولدي بيه فيه …

يسرى : ان شاء الله هههههه

نوار “حشمانة” : ان شاء الله …

مينة “نغزتها” : باغيا بيه فيه ؟ تشربي الفنيد ؟

نوار “حركات راسها بنفي ” : لا مغاديش نشربو الي بغاها الله هي الي تكون …

مينة : عجبتيني دابا …ابعدا معرفت واش غاتوحمي ولا لا فحال انا محاسا بوالو تقولي كاع ماحاملا كون ما كندير لايكو…

نوار : يخلي ليا حبيب خالتو ضريف ههههه

دوزو داك العشا بالضحك ونش

🦋نور_الياسين(890)#فرصة_ثانيةsana mina🐺🦋

اصبح يوم جديد مشرق فالبادية هاد صباح كان مشتي شتا مع سبعة الصباح خيط من السما خير ربي كينزل وعباد الله تحمدو وتشكرو على الشتا الي غاتفيض عليهم الخير هذا في حال مجاتش شي رعدة طيح ليهم الغلة الي فالشجر …ريحة القهوة معطرة فوق المجمر ابريق طويل دخانو طالع بريحة القهوة الي فيه صوت المقراج كيصفر وناس داخلة خارجة …حلات عينيها على لمسات صبيعات منبع الحنان ديالها الام الي صابرة ليها لهبالها فشوشها عندها بالدنيا …هاهي المفششة كبرات ولدار راجلها باذن الله رجعات …على ريحة القهوة ولمساتها حلات عينها..

يسرى : صباح الخير…

نوار”حطات ايدها على فمها كتفوه” : صباح النووور…

يسرى : نوضي تفطري باش نبداو نوجدو لحمامك …

نوار : واش غاتجي خالتو يامنة هنا ؟

سارة”دخلات” : وااايه يلاه يلاه بعد غذا غاديري العقد …

نوار”ناضت كتشبح” : معاش غايجيو ؟

يسرى : مع الغذا ان شاء الله …

سارة : التشامير البيض والقتيب والبلغة راهم فالفاليز ديالك حطيتهم …

نوار : اه شفتهم …

خلاتهم فالبيت ودخلات لدوش غسلات وجهها مزيان حكات سنانها وخرجات لعندهم لصالون كبير لقاتهم حاطين فطور سوبيرة ديال بديع فيها حريرة بيضة بالنافع وطبيسلات تمر وسوبيرة ديال بيصارة …وقهيوة معطرة وخبيز الخباز …هذا الفطور لول …

ام سارة : اش نكب لالة العروسة ؟

نوار : هههه بغيت بيصارة …

يسرى : وانا حريرة بيضة …

نوار : فين مينة ؟ مزال ناعسة ؟

يسرى : مشات لعند يامنة وتجي …

ام سارة : يلاه بسم الله …

سماو الله وفطرو دار عامرة بداخل والخارج اما فالخارج بالضبط فاحدى الاسواق القريبة بالمنطقة جاو اسيديييي بربعة بيهم ومعاهم سالم …

اشرف”داير طاقية ومكلكم فواحد الكبوط ولابس بوط ديال ميكة وبربعة بيهم حتى من سليمان اتقولي شناقة فداك سوق مال واحد عليليش ديال علي هذاك ضارب ليا جلابة مليفة غليض محببة فالمارون وداير طاقية فراسو وتاهو لابس بوط ميكة على ود الغيس ….

سليمان : واااسي سالم دابا اش درنا ؟

سالم : صبر يدي سيد خرفانو وندوزو نهزو دوك الخرفان وضروبة الي غاتحرك فالدفوع بعد غذا…

علي : اشرف اجي هز معايا هاد البعر …

اشرف”هز عينيه بان ليه وااحد الحولي كيبان من شوفة واعر كيتركل وعلي مضارب معاه حتى وقف ولا قد علي ” : عههنن بليميييين منقرب ليه …

علي “بان ليه سالم مشا دخل وسط شي خيم وخلاهم عند الكاميو” : واعااو تا عيط ليه يعاوني سليمان اجي اصحبي …

سليمان”تاهو لابس ضراعة ديال مكانسة وداير طاقية ولابس تاهو بوط …تهز وطلع عندو يتعاونو عليه” : ناري واعر هاد زمر …

اشرف : اهيااا ردو البال ني ني ني …

اش يردو غفلهم وهو ينقز ومع صردي على من جوداتو(جيد بزاف) واعر طار ونقز اشرف بان ليه جاي ضار لصق على الكاميو من جنب كيغوت هههههه …

سليمان : واناااري سلامة سلام “طارو نزلو تابعينو كيعيطو لشي رجال وهو كيجري عاطي بگرونو ساعاك من سخط ربي مغايضرب وااحد البنت واقفة مع مها جاب ليها نطحة لترمة طارت جات فوق غيس عامر حموم …

هي : واااااااااامااااااي اهى اهى …”هزات عينيها بان ليها راس حمار كياكل ويشوف فيها عاد طلت لقات راسها شوي تجي تحت من الحمار وكلها تطلات من جناب ومسيعيدتها بالغيس والحموم ” وممن ماااااايي حماااااااار واعوووو….

مع كترة بنادم توضرات عليها مها ..حتى جا سليمان اما علي ورجال تبعو الحولي يشدوه وتجوقت دنيا …

سليمان”مد ليها ايدو تشد فيه كمشات فيه تكميشة الغدايد والحمار خرج ديالو قداش كان غايطلقها عليها ببولة كون ما جرها سليمان بجهد نوضها على بونت يبول عليها الحمار …تا عنقها جرها وبعدها جلسها كلها مغيسة وعامرة ريحة حموم وخنز ههههه تا سد نيفو” : ياك ماتقصحتي ؟”كيتفحصها بعينيه كانت مسكينة بجليليبتها كاشمير سخونة بيج وشال ديال كاشمير غليض لاوياه على عنقها وشعرها كحل وطويل كلو تجلخ …تا بدات تبكي

هي : اهى اهى اييي …اممممم …

سليمان”قرب ليها حط ايدو على كتفها ” : واش تقصحتي بزاف ياكما نديوك سبيطار …”مع شافها شادها ضهرها وايدها اصلا باقا مخلوعة معرفت باش تبلات تالقات راسها تحت حمار هههه ”

هي : بغيت مي فين مي “كدور وتقلب ”

هو : واش كنتي حداها ؟

هي : اه كنت حداها اهى اهى اي …

سليمان : اجي تشربي وتهدني دابا تلقاك بقا غير هنا نمشي عند البراح راهو لهيه يقول سميتك باش تجي عندك نيشان …اسمك ؟

هي : اسميتي ضحى اهى اهى …

سليمان : بقاي هنا متحركيش انا نقولها ليه …”بقا كيشوف فيها” ساكنين غير هنا ياك ؟

ضحى : وااه فدوار الي جنب …”حرك ليها راسو ومشا مخليها كتنخصص معرفت تشد ايدها ولا ترمتها واش🦋نور_الياسين(891)#فرصة_ثانيةsana mina🐺🦋

و كاي عروس كتوجد لحمامها نوار هاد النهار كتستعد باش توجد لحمامها بالطريقة ديال هاد دوار طريقة من طرق العادات والثرات من ثراث البلاد المغرب العااامر والغني بالثراث بجميع المناطق كل منطقة وشنو كتميز بعادتها …هاد النهار فضلو يكون فيه الحمام وعادة الحنة الي غادي طلي بالطقس من طقوس الي غادي نبين …واقفة رميساء عليها الي قالتها ليها كتسخر تجيبها ولا تعطيها تلبس ..

رميساء “هازا واحد لاتروس” : هادي فين نحطها ليك ؟

نوار “كتحد فواحد تشامير بيض فوق ناموسية ” : حطيه ليا فالفاليز …

رميساء”داتو” : نجمع ليك حوايجك دابا ؟

نوار : حتى نبغي ندخل الحمام …اجي قولي ليهم ميسخنوهش بزاف …

رميساء : الحمام حتى لغدا فالصباح انوصي خالتي صبيحة …

حركات ليها راسها بقات رميساء كتوجد معاها وتسخر ليها …اما فالفيرما عند يامنة برامي كبار ديال كسكسو كيفور ودنيا عامرة …وجدو القصاري كبار سگاوهم بالتفاية وكل قصرية فيها لحومات خير كثيرة …

يامنة”كتقاد فشالها عقداتو وسدات حزام القفطان الي لابسة ” : ميمة نجوى وجدتو ؟

نجود”خرجات هي ونجوى وقفو حداها لابسين تاهما قفيطنات ..” : فين فنيدة والبقية ؟

راوية “وقفات عليهم جات فالصباح بكرييي” : هاني واجدة …

فنيدة “خرجات هازا قصرية فوق راسها ديال كسكسو مغطي بالميكا وزيف باش يبقى سخون” : يلاه بسم الله وااا نعيمة مريم جيبو العلام ليامنة …

يامنة : ههههه قلتوها ليسرى ؟

نجود ؛ قلتها ليها را موجدة ليك …

يامنة : يلاه تحركو…

خرجو شي عشرة العيالات ستة منهم هازين القصاري فوق ريوسهم ونجود جابو ليها سطيلة ديال فضة عامرة بتخليطة الحنة فيها العشوب منسمة (الي ذكرت سابقا دارت نوار) …خلطوها بالضرب واللعب ديك ساعة قبل ميخرجو …

راوية : كحلي عينيك ايامنة عرس ولدك الكبير هذا …

يامنة : ههههه ايهااااي بغيتي خوك الكبير يدير ليا نهار نصدقو بلا عرس …

نجوى : هههههه محرمو عليك وليني تبارك الله عينيك بالكحل فتنة ماشاء الله …”ضحكو كاملين بدات وحدة من العيالات صلاة عالنبي جابو ليامنة عصا ديال قصب طوييييييلة رابطينها من فوق بزيف حياتي بيض مدوه ليها وتما سابقاهم مقدمة المجمع ”

صلااااة وسلاااام على رسول الله الااااااا جاه الا جاه سيدنا محمد الله معاااااا جاه العالي “طلقو حلوقهم وخرجو لسانهم بواحد تزغرييييتة حاااارة تصمك الوذنين …غادين وسط دوار كيغنيو ويزغرتو ويامنة شادة العصا وهازاها فحال العلام…

المراة الي كانت غاديا انضمت المجمع مرحبين بيها …فهاد اللحضة قربو لباب دار سارة عيطو ليسرى الي كانت لابسة قفطان تاهي فالبوردو وعطاوها عصا فحال يامنة غير هي دارو ليها قتيب الي هو زيف ديال حرير حمر وفيه خطوط صفرين وزواق خضر داروه فحال شكل العلم …

يسرى : اهههههههه اويلي نضاربو انا وياها ..

صبيحة : وتي غاديري العادة ..فين نوار لبسات ؟

رميساء : لبسات اخالتي …”واحد شوي وهما يعيطو ليهم بلغوهم بحضور العيالات ويامنة اي اهل العريس واصلا سمعو ضرب والشطيح والغنا وزغاريت …وااااا هي العريس وراني زوجتك اهااااه …وااهيا العروس ورا سيد رجال داك اهااااه ..”صوت طارات كيتسمع وطعارج …وااا سعدي يالالة زوجت وليييد وحيدت لومة عليا…”

وقفات يسرى عند باب جردة ديال دار على برا هازا العلام تا جات يامنة هازا العلام غا بانت ليها يسرى واقفة طرطقات بضحك وراوية تا هي لصقات فنجوى ميتين بالضحك …

يامنة”من بعيد” : اااهيا ردي بالك ام العريس كتغلب…

يسرى : هههههه وا غا قضي قضي نشوفو وكان …

تقابلو مع بعضياتهم وبداو يضاربو بالعصي وحدة تعطي لاخرا فحال المسايفة وميتات بالضحك فهاد لقطة كان دايز علي واشرف جايين خاشيين ايديهم فجيابهم قاتل ديلمهم البرد قضعو ستون وهو يوقف اشرف …

اشرف : اويلي الحنانة والخالة”مخرج عينيه”

علي : اويلس مالهم …جري جري قول لعمي فؤاد ولا بلاتي “دوز الخط ليوسف ”

يوسف : اش تم ؟

علي : والعميم وجري مرتك وخالتي يامنة كيضاربو …

يوسف : اويلي غدايدي مالهم ؟

علي : وشكون عرف …

يوسف “نغز صهيب والياس” : وااا نوض تگعد يامنة ويسرى كيضاربو قاليك …

صهيب “وقف ” : ارسول الله ..

يلاه شكون يقنع را غير عادة من العادات كيديروها وطبعا خاص ام العريس تربح دليل انها ربحات باش تدي عروستها وبما ان يامنة بنت دوار فيها عرق القصوحية ديالهم ايوى را ام العريس بقات تا طيحات ليها العصا ومدتها ليها يسرى وتعانقو كيباركو لبعضياتهم ودخلو لداخل عند العروسة الي غايتسناو باش تخرج طلي ليها شي مز#تتمة_بارت891_نورالياسين…

كانو جايين كل من يوسف وصهيب والياس من بعد ما عرفو تا خرجو قالوها لمصطفى هو لي سكتهم ووقفهم وشرح ليهم …

مصطفى : تا شكون قاليك هادشي ؟

يوسف “شاف علي واشرف داخلين ” : اجي لهنا باش نمشيو نفكو …

علي”جاي كيلهت عند بالو بغا يفك ” : هاني زيد العميم ناري مالهم ؟

صهيب : كيضاربو مضاربة نيت اجي نوريك كي نديرو نفكوهم …

اشرف”رجع بلور حيث لمح عينين عمامو فيهم نضرات ديال تحلاف كيعرفو ان وراهم واحد صفعة لقرفادة ولا شي سلخة ديال العصا” : انه فخ يااا جووورج …”رجع وهرب كان شوي يشدو الياس غا فرتح ليه”

الياس : علااااااا رقبتي تا نعلق والديك من شفارك غااا تجيني تبان ليا حسن ليك غبر ساسك هاد نهار …

يوسف”قرفد علي هو وصهيب” : اش ندير لوالديك طيرتيها منا خلعة ؟ ااااك شي باس مكاين ؟

صهيب”نزل عليه لقرفادة” : عينك تقتلني قبل الوقت اداك مسخوط ؟

علي : تا ريح الوليد ووليت قد الحلوف باقي تعطيني …تا شور …

صهيب : نعل بوك على هاد صنعة الي فيك ..

مصطفى : هههههه تا شور عليه يا را معارفينش العادة غير يضحكو ولدي هاديك عادة مرحبين بيهم لهيه …

علي : وخلعوني بانو ليا فحال دينيريس وسارسي(الي مفرجين ف غيم اوف ترونز يعرفوهم مكيتشاموش ) .🦋نور_الياسين(892)#فرصة_ثانيةsana mina🐺🦋

دخلو العيالات مزالين يضربو فالصالون تجمعو اغلبهم دارو القتبان على راسهم هالي صفر هالي حمر هالي فالبلوغوا هالي خضر كل باش كتباهى ومكحلات العينين ودايرات عقد عقيق كحل وفيه اللويز ذهب ومسوكات ليك الفم يبان صفر من دخلة تادلة …والي معكرة

ليك عكر حمر مع دايرة سواك غيييير كتضحك كتبان فحال علم اسبانيا ههههه …جلسو وهي تعيط يامنة …

يامنة : وخرجو ليا عروستي هههه

يسرى : رميساء مينة جيبو نوار …

مشات رميساء عيطات لمينة ودخلات خرجاتها لابسة تشامير بيض (بيجامة طويلة توبها ديال لولان رطب بيض) ولاوية عليها توب جوهرة بيض تاهو وشعرها مطلوق خارجة حادرة راسها تا جات سارة كتصلي على نبي هي وصبيحة ومخرجينها واحد لحضة كتبورش …تا جلسوها فالصالون الوسط مفرشين قدامها زيف بيض وحاطين سطيلة الحنة …

يامنة”ناضت باستها ” : الله يرضي عليك ابنتي ويفرحكم ياربي…

نوار”حادرة راسها متلبكة ايديها وفمها كيترعد حشمانة بجهد ..

واااجيبي الحنة نحنيييي ياااا وجيبي الحنة لعروسة يااااا …جيبي لمحنية لبنت سيدي ياااا واجيبي المحنية لبنت سيدييي هاااا …جيبي لحنة نحني لزينة البنات ااااا جيبي لحنة لزينة العرايس هااااا…

جات يامنة نوضتها وقفات جابو ايزار بيض شداتو رميساء من هنا ومريم من تما ووقفوها هزو ليها التشامير حيدوه بقات عريانة غير بكيلوط تا طلعات معاها واحد تزنيگة ولات تلولب فعينيها بغات تبكي …حطات عليها يامنة ايدها وهضرات ليها فوذنها…”

يامنة : راني ميمتك عارفاك كلك شكون خرقك ولبسك من غيري تا يسرى موحال عارفة لحمك هههه…تهدني بنتي وصبري..

نوار”عضات شنايفها وحركات ليها راسها…طلات ليها الحنة والغنا خدام وزغاريت بحلوق عيالات دوار وطعارج وطارات يضربو جو ثراثي زوين دااافي شتا خدامة برا وهما خدامين لداخل …كملات ولبساتها تشامير وجلساتها…

صبيحة : يااا مدي ليا الخيط لحمر ياااهااا يا عطيني نضفر لعروسة الفحم سيد رجال دوااار هاااا…

فنيدة : ياااا يحنت ليا رجال دوار هاااا يا را فحل ياهااا…

صبيحة : ياااا تي هنينا هااا يا طالعتي عليه هاااا يا لا سمعك هااااا ماحنا فخير هااااا..”شافت فنوار” نتي مطالعة بيه ابنتي عارفة تغرادو يحنت ولا لا…

نوار”خرجات عينيها بغات تهرب”

سارة”طرطقات بضحك” : ههههههههههه اويلي ويلي يمسخك اصبيحة …

يامنة هزات من سطيلة الحنة وتحت الغنا بدات تطلي ليها الحنة وكل طرف من شعر كضفرو بالحنة ودير ليهم خويط حمر تا كملو ليها شعرها وضفروه ضفيرات الحنة …فالوقيتة

الي كانت يامنة كضفر ليها وتطلي الحنة صبيحة شدات زيف حياتي كتغني وتهز تمرة تغطس فزعفران وتحط على زيف ولا يبان فيه بقع زعفران وهزاتو دارتو ليها على شعرها من فوق وعقداتو بقا ضفيرات خارجين ودارو ليها واحد الخيط فيه سبعة تمرات فيهم سبعة العملات فضية ولصقوهم ليها فاواحد ضفرة المجموع ديال ضفرات كانو سبعة …واحد العقد فيه خميسة الوسط وخميسات صغار داروه ليها فجبهتها فحال شكل خيط روح …طلات ليها فجنب نواضرها مزيان وبداو يضربو تاني معاهم يامنة كتصفق بايديها …نجود نغزات يسرى قربات ليها تسمع …

نجود : نوضي بوسي بنتك ورضي عليها هدنيها “شافتها عينيها غرغرو واحد دمعة قشعاتها يامنة هابطة ليها من حنكها …وزعو الحنة الي بقات فسطيلة على العيالات تما وطبعا راوية وسارة الي كيفرقو

سارة : هاد سطل ديال لعروسة انا نعطيه لرميساء تدخل تدهنو عليها ونتي سطل لاخور عطيهم يطليو …

راوية : علاش مال هذاك ؟

سارة : الوقت خايبة نسا مافيهم ثقة …تانشرح ليك…”حركات ليها راسها عيطات لرميساء وتبعتها طلي ماتبقى على نوار …فهاذ اللحضة بداو يغنيو اغنية حزينة ونوار جات عندها يسرى غيييير حطت عليها ايدها وهي تهز فيها نوار عينيها حمرييييين ….

يسرى : ماما مالك ؟

يامنة”حطات ايدها على ضهر نوار كتمسح عليه” : ماعليش غير بكي بنتي …

يسرى : اويلي علاش ؟ ماما ؟

نوار”شدات فايد يسرى وباستها وتبوووووس وتعاود تبوس وتعاود وتنخصص بالبكا ” : اهى اهى مااما …سمحي ليا بزااااف على الي درت ليك …”بالاغنية الي غناو

على الام جاها حنين واحد اللحضة تفكرات القمعات الي كانت كتقمع يسرى جاتها حالة فحال نقولو وعات اكثر شنو دارت طاااح عليها ضيم انهاغاتبعد عليها وتخليها وحدها وحدة مشات بعيد ولاخرا تاهي بعدات بقات وحدها كانها عمرها ولداتهم…مشعراتش حتى تحنات وهي تنزل ليها على رجليها كتبوس يسرى دهشرت مينة تخلعات تا بدات تبكي وتنخصص…

يسرى”تحنات عليها كتبكييي” : بنتي مالك اهى اويلي مالها…

يامنة “كتمسح دموعها” : غير خليها رضي عليها وصافي…

يسرى “نوضاتها وعنقاتها” : انا مسامحاك ابنتي من نيتك نهز من جيهتك راكي بنتي يوقع الي يوقع راكي كبدتي …

نوار”كتهضر وتنخصص معنقاها ومكمشة فيها” : ماعرفتش ماااعرفتش اهى اهى ماعرفتش هو سمحي ليا عذبتك معايا واخا نعيش الي عشت منوفيكش حقك احنينة ديالييييييييي اهى اهى….

يسرى “شافت امها عاد وصلات من سفر هي ومرات خالها داخلين ونطقات فوذن نوار” : انا مغطياك ومفرشا🦋نور_الياسين(893)#فرصة_ثانيةsana mina🐺🦋

لحظات جد مؤثرة وصدمة للبعض خصوصا من جيهة يسرى الي تبهضات بطريقة كيفاش تحنات نوار على رجليها تبوس وتعاود يعني هنا ممكن لخصو ان نوار بصح وعاات على شنو دارت في حق مها وشنو تسببات ليها وابدا عمرها تشكات ولا نقصات منها وكتبقا نوار وحدة من عويناتها وطرف من كبدتها الي عمرها تفرط فيها…

يسرى”بقات معنقاها كيتمايلو ويبكيو” : براكة بنتي الله يرضي عليك فرحي ونشطي ربي سهل عليك وشاف فيك ورجعتي لراجلك ودارك كسف كنتي تمناي وحلمتي ربي رجع عطاك فرصة معاه ماتضيعيهاش ومتفرطيش فراسك هو لول عاد هو …الحياة فرص وربي نعم عليكم بالفرصة الثانية …اما انا حياتي كلها ليكم نتي وختك وخا تولدو ولاد ولادكم لا ربي طول ليا فعمري راني منخطاكمش الله يرضي عليك الله يرضي عليك الله يرضي عليك…”باشتها فحنكها وقابلات معاها وجهها كتشوف فيها وتسمح ليها عويناتها” صافي ماما …

نوار : اهى اهى …”باست ليها ايدها” لهلا يخطيك عليا ديما بغيتك تجي عندي وديما نحي عندك عمري منخطاك وولادي على ايديك يتزادو ويطول فعمرك تشوفي وليدات وليداتنا …

يسرى : ياربي امين الله يكمل عليك بالخير ويفرحكم …”باستها” ها ميمة سعاد جات ومرات خالك …

نوار”طلات عليهم وهي تم جايا جداها حالا ليها دراعها عنقاتها بجهد هي ومرات خالها كيباركو ليها فرحانين” : ميماااااا توحشتك توحشتك….

سعاد : كون تشوفي يانا يا الحبيبة د ميمتهاا…يجعل ربي يبارك ليك فزواجك ويكمل على الحبيبة ديالي ..

نوار”باست ليها ايدها ” : اميييين …

يامنة : مرحباااا نورتونا وشرفتونا فداركم مرحبااا جلسو جلسو …”ناضت لعند العيالات الي فالكوزينة وصاتهم يوجدو الطوابل ويقادو العيالات باش يدفعو القصاري دكسكسو …

وطبعا كيف كتجرا العادة عند ال رمسيس اكيييد ومؤكد وجدو قصاري خاصين دفعوهم لجامع والعائلات الي معندهمش كل دار منهم قصرية من خيرات الفيرما على حقها وطريقها وهادشي ماجديدش على ياسين كلو وجدو وال رمسيس…

هكاك دوزو ديك الغذا وبقاو يضربو ويغنيو تا تدفع اتاي وحليوات والعائلة مجموعة وناشطين …حتى دخلات واحد سيارة لدوار وصلات لفيرما ودخلات كتكلاكصوني حتى خرجو دراري كاملين من كبيرهم لصغيرهم …

يوسف : اتا شكون هادشي …

صهيب : واه واه واه شكون جااااا …

علي “مشا كيزرب هو واسامة واشرف لعندو تلاحو عنقوه بتلاتة ” : وااااااااااا ولد العم شرفنا…

تلاحو عليه يعنقو حتى طاح وطاحو فوقو ميتين بالضحك يضاربو ويترامكو معاه وهو ميت بالضحك ومرته حداه كتضحك تا مشات لعند رجال سلمات عليهم واحد بواحد كتبتاسم حشمانة جايا بجليليتها فالغوز بارد وطالقة شعرها …

يوسف : على سلامتكم ابنتي…

هاجر : الله يسلمك عمي …

الياس : معاش وصلتو من لهيه ؟

هاجر : بارح بالليل بقينا رتاحينا شوي ومشينا لفيلا حتى خذا طوموبيل وجينا …

محمد الحبيب”تم جاي تعانق معاهم” : واه واه واه …

صهيب : عالسلامة اسي العريس خو العريس

الحبيب “دوز على شعرو” : الله يسلمك العميم ليكم وحشة حق ربي”ضور وجهو” فين الوليد وياسين …

يوسف : باك الليل يرجع مسافر وياسين هاهو دابا يتم جاي مشا لمراكش يجيب وراق ديالو …

هاجر : فين كاينة دار خالتي سارة ؟

اشرف : دار الي ملاصقة مع فيرما …

الحبيب : تسناي نتحرك معاك منها عيطي ليا الحنانة نشوفها توحشتها هي ونويجيدة …”نزل عليه صهيب لراس” اييي تا شنو ؟ بدينا بالله ياربي والعصا ثاني …

صهيب : ميمة رديتيها نويجيدة ؟ صبر يجي باك وهي نيت …

الحبيب : لا عيشك الا هي لقا سلاكة مع الوليد وهي لا …

يوسف : سير دي مرتك قبل لا يساليو …دار امتا جايين ؟

هاجر : غايجيو نهار العرس ان شاء الله …

تحركات هي ومحمد الحبيب مشاو لعند دار سارة غير وصلو لقات الباب محلول عيالات داخلين خارجين حتى بانت ليه سارة عند الباب عيط ليها غير شافتو وهي طلقها بتزغريتة وحدة تابعة لاخرا وتصلي عالنبي وتعيط ليامنة …

الحبيب : هههههه وتي شوهتيني اجي نسلم عليك الخالة …

سارة”حلات ليه دراعها ومشات عنقاتو” : وااااااا على سلااااامة عالسلامة نهار غليييض هذا…”سلمات على هاجر” عالسلامة بنتي على سلامتكم…

الحبيب”شد ليها حناكها كيقرص فيهم” : تي را ديما نهاري غليض مشحم …تعيطيش لينا لفجيلة ازين ؟

سارة “ضرباتو بخفة” : يسمخ مك على هاد العادة…واااااا لفجلاااااو…

الحبيب : الفجلاااااو تتدعي عليك …”تمات خارجة يامنة هازا جلايلها وتقلب كمشت عينيها حتى بان ليها هو وهاجر وهي توسع ابتسامتها تا بانو ضروصها وحلوقها”

الحبيب : عندما تبتسم الفجلة لرؤية احد ابنائها يمكن رؤية ضرس العقل واقتلاعه بكل سهولة …

يامنة”جايا تزرب مادا دراعها وتضحك ” : ياااااااا ولدي ولدي ولدي الحنينة الحنين جاااااا ياااا عروستي جات وفرحي وسعدي بالحبايب نورو ليا وكملو ليا لمة …

الحبيب : ياااااااا زيدي زيدي يا الحنانااااو الفجلة مرات نسر ام سيييييدي ياسين وسيدي الحبيب وراس المحكة ديال اسامة تي زيدي بوسي خالك زيدي “حتاها عليها بتعنيقة تا هزها”…تي مال والديك وليتي ثقيلة غلاضيتي ازين….

يامنة”صرفقاتو لحنك بشوي” : نعل والديك البغل…

الحبيب : تطرشي فيا ؟

يامنة”سلمات على هاجر تعنق وتبوس فرحانة بيهم وهي دور عندو” : ايه ومن بعد ؟

الحبيب : غادي ندعيك بتهمة الطرش …

يامنة”صرفقاتو” : هاهي وحدة قدام شهود اولدي…

الحبيب 🦋نور_الياسين(894)#فرصة_ثانيةsana mina🐺🦋

من بعد عناق وسلام وترحيب بالعرسان الي جاو جداد من شهر العسل استقبلوهم من دار سارة ودخلو هاجر التاحقات باللمة من بعد ما سلمات عليهم وعلى العروسة وتاهي دارو ليها حقها من الحنة دارت شوي فايديها وغناو عليها هي والحبيب …وصلات العشية مع المغرب تفرتك المجمع وبقات يسرى مع مينة وسعاد ومرات خال يسرى فدار سارة مع نوار كيوجدو معاها فحوايج الحمام الي غاديرو يوم الغذ مع الصباح …

رميساء : ودابا هاد الحنة الي طليتو ليا راسي امتاش نحيدها ؟

سارة : سميه صابر البنت غذا تخرج نوار من الحمام وتبعيها عومي وحيديها عليك…

نوار : بدات كتحكني فراسي …

يسرى : حيث بدات تنشف ابنتي غير صبري…

هادي هي اجواء الحنة الي قبل الحمام كيفاش دازت بطقوسها وطبعا طقس من طقوس فهاديك المنطقة وبلادنا كيف كنعرفو غنية بجهد بطقوس زواج كل منطقة باش كتمتاز من ثراث وثقافات …انا فقط عطيتهم واحدة من طقوس الي فبلادنا وعادة من عادات الزواج والعرس الي تما …باكلاتها وباسماء اكلاتها وكيفاش كنسميوها حنا مع شرح الاكلة باش كتعرفو شنو كنسميوها ونتوما شنو كتسما عندكم…

صباح يوم جديد في الدوار وعادة توجاد العرس قايمة على قدم وساق …ككل صباح كيكون الفطور لول وهو حريرة بيضة وتميرات ولا بيصارة ولا حريرة درة وقهيوة معطرة عاد فطور العشرة كيكون فطور نيت بطبوط مريح بزبدة ولا زيت وبراد اتاي …من بعد ما فطرات الفطور ثاني دخلات هي ورميساء هزات حوايجها …

يسرى : يلاه را حما الحمام …

نوار”كتحك فراسها وذاتها حيث طنطنات بالوصفات الي طلات مسكينة ههههع” : احمحخ. امي ندخل نحيد هادشي …وشكون غايحك ليا ؟

يسرى : بلاتي تجي خالتك سارة نشوف…

مينة : ماما انا خرجت عند رياض غايمشي لفاس يجيب خالتي نشوفو يمشي ونجي…

يسرى : متكتريش مشي ابنتي …باش تجي تعومي تانتي الى قدرتي …”حركات ليها راسها ومشات اما نوار جمعات حوايجها فواحد زيف حياتي جديد بيض …هزاتهم ليها رميساء وهي تبقا شوي وخرجات لقات البنات من دوار كيتسناوها ومعاهم رميساء…عطاتها سارة شوية زيت زيتون وشوية دقيق …

سارة : هاكي شوي زيت ابنتي …

ام سارة : شربي جغيمة وخويها فوق الدقيق وسنيدة وبسبسيهم بصبعك وياك تنطقي تا ترشيهم فالحمام …

حركات ليها راسها وهي دير شنو دارت ليها جغمات من زيت زيتون وخواتو فوق شوية دقيق القمح وسنيدة فطاسة وبسبساتهم بصباعها وهزات طاسة وشميعان بيضين وهي تخرج وبداو بنات كيضربو بطعارج وغادين وراها تا وقفات وبقاو جهد ربع ساعة كيضربو عاد سمات الله سارة وطلبات منها دخل لحمام الي دايرين ورا دار …

هزات الدقيق الي صايبت فطاسة ورشاتو فقنيتات الحمام وهزات شميعات حطاتهم فدوك القنيتات وشعلاتهم خلاتهم مشعولين وجلسات لقات سطولة معمرين وسدو عليها حيدات حوايجها ودخلات فداك البيت وبدات تخوي فما سخون …هزات طاسة فيها صابون بلدي فيه صقلة (شبة حمص مطحون زيت فليو نيلة عكر فاسي وذهنات لحمها ورجليها مزيان …بقات كتسنى تا عرقات وهو يتحل الباب ودخلات عليها حتى حلات فمها مدهشرة …)

نوار : خالتو صبيحة !!!!

صبيحة”دخلات عليها محيدة حوايج غير بواحد صاية وجلسات حداها ” : تسرحي بنتي نجرك هههه

نوار : هههههه وابشوية عافاك …

صبيحة : غير زيدي كوني هانية…”خوات عليها ما تشللات من صابون وهي تفرش ليها جلدة وعطاتها ايدها سمات الله وبدات تحك ليها تا سرحتها كسلتها مزياااان وشي حكااات دارتهم ليها حارين تا بغات تموت ليها وسط ايديها مسالات ليها تا تنشرت ليها” وتي توگضي يا ويلي ههههههه

نوار : قتلتيييني اخالتي حرام عليك…

صبيحة : تعلمي تحراري راكي غاتعيشي هنا وسط رزقك كوني حارة ودراعك ماضي وحار …”سرحتها كدلك ليها وهزت ليها رجليها دلكات ليها مراودها(قزيبتها وصرفقتها مزيان زعما باش تزيد تجواد هههه )

نوار : واعوووو بلاااااش بلاش را …

صبيحة : شنو ؟

نوار”كانت غاتقوليها را ياسين غايقضي الغراض فتصرفيق هههههع” : راني مزيانة والله اهى وتي طلقيني نغسل شعري سخفت امممم …

صبيحة “طلقتها وجرت سطل كتعمر فيه جبدات ليها لاتروس عطاتها ليها تغسل شعرها ” : ديريه قدامك وغسليه باش يتغسل مزيان …انا نشلل هادشي راني دخلت انا حسن مادخل كسالة الي كنعرفو مافيهم ثيقة نتي عروسة يطمعو فيك ولاد لحرام موجودين…”

حركات ليها راسها وناضت كتشلل حداها خلاتها تغسل شعرها غسلاتو مزيان دارت ليه بديل زيت وخلاتو تا غسلات وتوضات مزيان من ليغيگل كملات ست ايام منها …كملات وشللات شعرها وتشللات مزيان وخرجات حناكها بغاو يديرو بييييق بدم حمرييين بغات تموووت …خرجات لبسات دغيا مبقاتش ذهنت لحمها سخسختها وعرفت كيفاش سخسختها…لبسات دغيا وخرجات تلقاو ليها بزغاريت عطاوها حليبة وتميرة ودخلات تنشرات ليهم فالبيت لاااا ايد حركتها لا رجل حركتها…

يسرى”دخلات ليها كاس عصير الحامض تبرد بيه طلات عليها من فوق” : بسم الله عليك ابنتي…

نوار”هزات فيها عينيها كانت عند راسها كترمش فيها وفمها محلول ” : غانمووووت اماما غانموووت …

راوية : نتي فعار الله ابنتي …اويلي

نوار: قتلتنيييييي …

صونا ليها تيليفون وهزاتو تشوف لقاتو ياسين كيصوني ليها وعطات ليسرى تيليفون …

نوار : قولي ليه يجي الموت هادي نتسامح معاه …

يسرى”دارت ايدها على فمها كضحك” : هههه الله يستر🦋نور_الياسين(895)#فرصة_ثانيةsana mina🐺🦋

ااااامصلي عليييك ارسول الله ااامصلي علييييك ارسول الله ….صليو عالنبي العيالات …بداو يصليو عالنبي واقفين حدا شي راجال بداو كينصبو فالخيمة او كيف كنقولو ليها الخزانة او البنية وهي كتكون بلدية (دابا نحطها ليكم فالصورة) كتبنى نهار العرس لكن بما انه اليوم يوم جديد يوم عقد القران ديال الفحم واحد من رجال الدوار المعروفين والعزيز عند الكبير وصغير …

بداو كيبنيو ازيد من ربعة الخزاين كباااار قد صخط فداك الخلا الي قدامهم والبلاصة الفارغة بناو فيها …بتوصية من ياسين وفؤاد ومصطفى …

ياسين”لسالم” : متخليو تاحد مخصوص كلشي ياكل والي بغا يدي معاه يدي بصحتو راني وصيتك …نرجع من مراكش ونتاكد “خبطو لكتافو” نعول عليك ؟

سالم : نترزا فصحتي الى قصرت الفحم …سير الله يكمل عليك بالخير…

يوسف : شكون غايتغذا ؟

ياسين”ضار لعندو ” : الي دخل لتما(الخزانة ) سجمعوهم فطوابل يوكلوهم الي بغا يدي معاه يعطيوه …

يوسف : الماكلة كافية ؟

ياسين : كافية وموفية سالم واسامة وبا واقفين على هادشي …

يوسف : صدقة لدوار كلو على هاد الحساب”ضربو لكتفو” الله يرضي عليك…

ياسين : فسبيل الله …”ساس ايديه” انا طالع ندوش ولبس باش مكان توجد هي عيط ليا…

يوسف : غير تيسر غادي نتلاقاو عند العدول …

ياسين : الله الله عليها…

حرك ليه راسو ومشا طلع لدار لفوق دخل يدوش مزيااان دوش بالفرحة وعلى الخاطر تا خرج نشف راسو مزيان ولبس حوايجو جلابة سوسدي بيضة وتحتي ديالها فوقية وتقاشر بيضين

تقابل مع المراية مشط شعرو الكثيف رجعو لور وفيكساه بجيل وقاد لحيتو الي شذبها فالصباح الباك كيف صلى الفجر …غير تقاد قبل ميرش بارفانو مشا فرش صلاية وكبر وبدا يصلي زوج ركعات في سبيل تيسير العقد ديالهم وهز كفوفو لسما كيدعي دعاء التيسييير حتى كمل وجمع صلاية ومشا خشا رجليه فالبلغة جديييدة ومشا لماريو هز منو واحد ساشية هز تيليفونو ولوازم ديالو بزطامو سما الله ..

ياسين : يا بسم الله على بركة الله اللهم بارك …”خرج من البيت ونزل طاح ثاني طل عليهم لقا المهندس خدام وسول اسامة قاليه بقا ليه يومين بالحساب ويكمل كلشي …ونزل تحت حتى لقا كل من راوية ويامنة ونجود ونعيمة وفنيدة وهاجر واقفين عليه غيييير نزل …

يامنة : صلاااااااة وسلااااام على رسول الله الااااااا جاه “صوتها واحد لحضة تذبذب حسو بيها بغات تبكي وكملو عليها وهو ينزل شد ايدياتها باسهم بزوج وراسها”

ياسين : وياااااك تنزليهم اميمتي وياك …

يامنة”حبساتها” : الله يكمل عليك جا النهار الي شفت بكري بصح عريس وسيد العرسان ربي كتب عليا نشوف وليداتي عرسان الله يسهل عليكم والله يرضي عليكم …

نجود : الله يكمل بخير اولدي …

ياسين”باس راسها وباس راس راوية حدر راسو جيهة هاجر لقا عليها سلام من بعيد” : اللهم امييين …

يامنة : سير را باك كيعيط …شكون غادي معاكم ؟

ياسين : يوسف والعروسة الوليد وانا…

يامنة : اللهم بارك الله يرضي عليك احنينة…

حرك راسو غييير خرج عطاهم بالضهر وهما يصليو على نبي يزغرتو ويزغرتو ودنيا عامرة ريحة طياب تعطعط ها دجاج لحم وكساكس عرس عاطية ريحتو من داكشي…

من بعد ما حفرو رجال واحد سنتمترات طوالة فلارض وعمروها بالغبار وتراب وغرسو فيها قلل ديال نحاس وديال تراب فين دارو طياب الي غايتقدم فديك الخزانة …اشمنك يا هبيل جا جلس ووكلوه اشمن يا متشرد طلاب الي دايز عبير سبيل وكلوه صدقة ديال بصح ….

لقا ياسين فؤاد واقف تاهو بجلابة بزيوية فالزيتي واقف بطولتو وهيبتو كيتسنى البكر ديالو حتى لحق عليه ووقف …

فؤاد : مشينا باذن الله …

ياسين : مشينا …

ركبو بزوج فالسيارة تحت زغارتي العيالات الي كانو وراهم من بعيييييد ومشاو …

في هاد الاثناء عروسة العرايس عروسة دوار بجلابة سوسدي مسكية وتحتي ديالها خشات رجليها فبليغة مسكية جات سارة عطاتها سلهام بيض بالقب …هزات فيها عينيها مدايراش نقطة المكياج فقط ريحة وصويك فايدها …

سارة: رمي عليك القب وبقاي مغطية تاتسنيو العقد …”مدات ليها شوية جاوي دارتو ليها فكف ايدها” بقاي دايراه فايدك الي غاتسني بيها العقد ومن تجي عطي منو شوي شوي لبنات واولهم رميساء الوزيرة ديالك …”

نوار”حنيكاتها موردين تبسمات ليها وحركات ليها راسها” : وااخا…

يسرى”دخلات”: ماما يلاه را باباك كيتسنا برا معاه مينة …

نوار : غاتمشي معايا ؟

يسرى : لا غاتمشي غير نتي وياه وصهيب والياس را كيضارب معاهم لصقو فيه ههههه

نوار : ههههه خليهم يمشيو معايا ضروري انا نخرج…”تحت زغاريت وصلاة على نبي خرجات دايرة القب على راسها تبعوها يزغرتو تا خرجات عند يوسف الي شد فايدها حتى تحطو عليه زوج ايدين وحدة دالياس ولاخرى دصهيب ”

يوسف : وااااالعفو …

الياس وصهيب : على الي تلفو …

نوار: ههههه عنقاتهم” : يخليكم ليا يلاه كاملين…

صهيب : ناس تتعرف توزن وتخرج كلام حلو…حلو ليها الباب ركبات حدا يوسف وهما لور وانطالقو مباااشرة لمدينة مراكش نيشان عند مكتب العدول الي غايكتب ليهم عقد القران من جديد لانهم من بعد طلاق دازت عامين ومبقاش رجوع لبيت زوجية ولا من العدة انما يتعاود عقد جديد نفس اوراق زواج تدفعات باستثناء ورقة تزادت

ولانهم مطلقين دفعو ليهم ورقة الطلاق الى جانب الوثائق المطلوبة كتدفع لعدول الي هوا المسؤول عن عقد 🦋نور_الياسين(896)#فرصة_ثانيةsana mina🐺🦋

وكيف كل زواج كيكون عند العدول سوا فالدار ولا عند مكتب العدول كيتقدمو اوراق الزواج كيف ذكرت لكن في حالة رجوع المطلقين لبعضهم من جديد من بعد فراق دام مدة طويلة فاتو فيها مدة العدة وفي حالة نوار وياسين فاتت عامين فلابد انهم يعاودو الوراق من جديذ فقط اضافة ورقة الطلاق الاول بجنبهم والعدول هو الي كيتكلف بالبقية من القاضي والسجل فمحكمة الاسرة عاد كيجيو يسنيو عند العقد الي تقدمو بطلب ديالو …امام احدى المكاتب ديال العدول …وقفات سيارة ديال ياسين الي جاب معاه تا جدو …نزلو بثلاثة مقادين مسكسفين…كيتسناو وصول يوسف …

ياسين : ماتعطلوش ؟

مصطفى : ههههه اصبر على خبزتك …

فؤاد : الصبر زين تهدن وذكر الله بينما وصلو ..

ياسين”دوز على وجهو متكي على طموبيل حتى صونا ليه يوسف كيبلغو بوصولهم نعت ليه مزيان حتى وقف عليهم ونزل هو وصهيب والياس الا هي ولحق عليه …

يوسف”تاهو بجلابة كاملين بالبلدي ” : امضرا ؟

ياسين : كنتسناو الحاج(لعدول) يعيط …

يوسف : ايوى صافي اللهم بارك …

ياسين”حرك ليه راسو وهزو كيقلب عليها بعينيه حتى بانت ليه جالسة مدورة وجهها وحاطا ايدها على ذقنها كتشوف من شرجم …وعلى راسها القب ديال سلهام بليمييين ماقشع فيها شي حاجة …” : متنزلش ؟

صهيب”ضار شافها وشاف فيه وحرك ليه حجبانو زعما ” : اوهوووي …

ياسين”رفع حاجبو ” : علاش زعما ؟

يوسف : غانجيب ليها روجيستر انا والعدول اولداااااي تسني ونرجعو ونرجع انا وياها “هز ايديه” وصااااوني اولدي…

ياسين “عض شنايفو بالفقصة مكرهش ينطحو يلاه غايهضر وهو يخرج العدول عيط ليهم حركو ليه راسهم ومشاو كاملين زوج شهود كانو حاضرين وقفو قدام مكتب العدول الي بدا الاجراء الروتيني ديالو بقا يكتب ويهضر ويسول اب العروس حتى عطا لياسين يسني …

يوسف”هز روجيستر ومشا هو والعدول لعندها حل عليها الباب وسولها العدول جاوبات وهو يعيها ستيلو شداتو بصبيعاتها وبدات تسني وعطاتو ليه باس ليها يوسف راسها ورضى عليها …ورجع هو والعدول …

العدول : ايوى سيدي مبارك ومسعود والله يكمل بالخير وهاد المرة رجعة رجعة دوام باذن الله …

ياسين”بفرحة” : اللهم امييين يارب…

العدول : هانتا ولدي يومين ونجي عندك نجيب ليك العقد كون هاني …

ياسين : متنساش تحضر لصدقة والعرس …

العدول : ان شاء الله …

خرجو من تما وقفو قدام الساحة الي واقفين فيها طوموبيلات …ووقفو كاملين كيباركو ليه …

يوسف : اللهم يسر هاد المرة الله يرضي على ولدي اي مشكيل بعدوني انا وخويا”عنق فؤاد” خليونا فتيقار…

فؤاد “طبطب عليه ” : مكاين الي يدخل فيهم من اليوم …

ياسين : ان شاء الله بالدوام والتفاهم كون هاني من جيهتها يوسف كون هاني من بعد ربي منعطيك عاهد الا من بعد ربي ولكن دير فبالك كانت وغاتبقى ديما فعيني كيف هي مرتي هي بنتي وختي ونور ديال داري …

صهيب : الله يسهل عليكم…

الياس : تهلى فيها وخا عارف مكاين ماحسن منك …

ياسين : ضروري …

يوسف “شاف العدول عيط ليه هو وفؤاد ” : هاني جاي …

مشاو بزوج وهو يمد الياس لياسين كونطاكت طوموبيلة يوسف …

الياس : طييير كسب واحد نص ساعة مشتينا مشناك …

ياسين “تم غادي كيزرب حط ايدو على صدرو” : يعمر داااارك …

صهيب : طلق راسك هاحنا نعطلوهم …”مشا كيزرب طار لطوموبيلة يوسف حتى دخل عليها طارت ونزلت ”

ياسين : شش خلي القب عليك …”ديمارا طموبيل وكسيرا تا تحكو روايد …خرج من تما وطار خرج من مراكش وشد طريق …

نوار “بشوي” : ياسسيييييين فين غادي …بابا وعمو ؟

ياسين : شششت “مد ايدو وشد ليها ايدها كمش عليها وباسها من كفها ” شنو ندير فيك دابا ؟

نوار : ههههه عااافاك متخصرش ليا العادة …

ياسين : ماخفتي واالو تهناي …”عض شنايفو وضار لواحد البيت بعد شوي ووقف يلاه غاتهضر وهو يضور عندها خلا ليها القب على وجهها وزاد حدرو حتى خلا غير جيهة شفايفها وهز ليها ذقنها وهو يقرب تاااا قرب وطار عليها لشنايف حتاها عليها ببوسة تا مشا راسها تزدح مع زاج طموبيل وناض من بلاصتو شوي فوق منها يلاه غاتنيين وهو يضغط عليها بايدو

بقا يبوس يبوس ويشلقم ليها فشنايفها تا طول جهد دقايق وهو على ديك الحال ماختمها الا بجرة جر ليها شنيفاتها تا جرهم بمصة خلاهم كيوزوزو وهو يطلق واحد تنهيدة …

ياسين : ماتهزيهش …

نوار”شهقات كتاخذ نفس” : سخفتيييني “كتلهت” فففف…دابا شنو ؟

ياسين : عادتك باقا وشي شوي من حقي عديت بيه نسم بيه نهاري ونصبر بيه راسي …عسل شهدك بدوام نتنغم بيه اشهلة العياني …”رجع باسها في فمها” اححح على #ام_الشهد الي كيترعد “عض شنايفو”مبروك علينا هاد المرة بدوام العشرة …

نوار”ضحكات ” : ههههههه الله يبارك فيك امييين ياربي يلاه وصافي رجعني …

مشافش ليها فوجهها خلاه مضرك بالقب الطويل حدو خذا رشفة من ثغرها الي كيسميه الشهد …يلاه غايكسيري وهو يلقا زوج طوموبيلات واقفين قدامو …منهم طموبيلتو الي خرج منها فؤاد عاقد حجبانو ومعصببب …

ياسين : نوار …

نوار “مشافتش كتسمع غير صوته” : نعام مالك …

ياسين : لا عرفتي وصبرتي شهدي ولا خفتي ذكري الله …”خرج من سيارة وشاف فباه” دير بوجه الرضى الي واخذ من عندك “هز ايدو”وعد رجال عطيتو ليك درت حلالي نعطيها هدية الحلال (العقد) وماشتها مشافتني حتى لنه🦋نور_الياسين(897)#فرصة_ثانيةsana mina🐺🦋

خذا شنو بغا باي طريقة كانت خذا منها شوي بلل بيه الشحفة ديال عطش الشوق من جيهتها باش ما كانت طريقة خذا شنو بغا وسلاااام …بقا فؤاد مفيكسي وجهو على مود تخنزيرة ضاربها فيه والعصبية را معصب حيث دارها بيه …

ركب فالسيارة ديال يوسف اما سيارة لاخرا هي ديال ليكارد الي موزع تما بعاد مكيشوفهم حد وفنفس الوقت حاضيين …عاد سيارة الي خلا قدام المكتب ديال لعدول كان جابها فؤاد وفيها دراري ومصطفى معاهم خرج يوسف …

يوسف : واش نقوليك اولدي راك فحم الفعايل واجرك عالله …و”طل على خوتو لقاهم ضارو كيشوفو فالجيهة لاخرا دارو روسهم مفراسهم ميتعاود ..”

الياس : وهانتا ورق ليا على فين جاو اش دخلو لهاد البيست هي فين كتدي العميم (مصطفى)

مصطفى : سيدي بوعثمان ههههه

صهيب : اييييه بلاد رحامنة لما خفت نكذب …وتااا را جن يطييير …تا كيدار طار بالطوموبيل ؟

يوسف : الكونطاكت عطيتو ليك اختي فاتي ..

صهيب”ضار شاف فيه بلعو وهبطو وشير ليه بايدو بحركة انثوية ” : وييلي طيييك دل لهلا يحيك ويطول زمان عليك”حط ايدو على صدرو” كتاهمني ؟”ضار شاف ف الياس” شنو كيقول ؟

الياس : دور دورة وتسبو فينا الي جات ولينا بشلاغمنا وولادنا ومزال تتسبوها فينا …

يوسف : وديروها فين تجيكم غا بلاتي …

صهيب”خسر فيه سيفتو وطلعو وهبطو مزيان ” : سيييير سيييير تت كي ڤووولگيغ …

ياسين”حك لحيتو كيسمع فيهم يتناگرو ضار يشوف باه وهو يهز ايدو شير ليه باش يوقف وحل باب القدامي مشا لمجر الي قدام مصطفى حيث جالس فالامام وجبد ديك ساشية وخرج مشا فاتجاه طوموبيلة يوسف الي ولا مشا تاهو لطوموبيلتو ركب لور ومخلي فؤاد يسوق ” : هدية الحلال (العقد) …

فؤاد”شير ليه براسو بلا ميشوف فيه زعما عطيها…ضار جيهتها حل ليه فؤاد زاجة الي حداها وحط ليها ساشية فوق حجرها ومشا لجيهة طوموبيل كسيراو بزوج وانطالقو فاتجاه الفيرما …مع قربو يوصلو وصل البلاغ لسليمان الي قالها ليه باه …

سليمان : الفجلة هاهما بغاو يدخلو …

يامنة : وعيط لسارة وميمتك يخرجو …

حرك ليها راسو ومشا عيط فتيليفون قالها لمو وخرجو من دار سارة وشي من دار ياسين تجمعو كاملين غير وصلو سيارات عند دخلة لقاوهم ملقين ليهم …فؤاد مبلغاه يامنة بشنو غايكون داكشي باش ضار لور تا نزل بعيد وخلا يوسف الي يسوق …

طوطوطوطوطططططط طوطوطططططط هذا يوسف الي طالق كلاكسون غير وقفو ونزل ياسين تلاقاو ليه بالمريشات ديال فضة فيهم زهر وجات يسرى هي ومينة عند نوار حلو ليها الباب تا نزلات حادر راسها مغطية بالقب كتشوف لتحت …

يسرى”عنقاتها” : مبرووووك احبيبة ديالي مبروك…

سعاد”عنقاتها تاهي” : الله يكمل بالخير ابنتي ..

مينة : مبروك نوار مبروك الله يسهل عليك ويكمل عليك …”عنقتها بجنب ”

نوار”بصوت منخفض” : الله يبارك فيكم…

يامنة”مشات عنقات ياسين الي باس ايدها وراسها كانو واقفين حداه غييير مقربين هما عائلة ومن جيهة سارة غير ختها صبيحة ومها وسارة وفنيدة ومريم و نعيمة ونجود مكانوش بزاف ولكن عادة دوار يسمعو ضرب يوقفو من بعيد يشوفو…جاو خوتو باركو ليه ونجود وراوية وسليمان واشرف وعلي كلشي الي موجود ورياض الي وصل هو ومو باركو ليه ..”

يامنة “عنقات نوار” : مبروووك اعروستي من جديد هههه

نوار”تكات على صدرها” : الله يبارك فيك…

وقفوها حدا ياسين وجابو ليهم طبسيل طوس عامر بالتمر معمر على شكيلات هاللوز گرگاع وحتى لكوك …واونسومبل ديال بريق طاوس وفناجن ديالو فيه حليب بما زهر …هزات نوار تميرة كلات منها وشربات الحليب وحتى ياسين فحالها …

يامنة”هزات الفنجان الي بقا من نوار ” : رميساء هاكي شربي …

رميساء : يحفضك ليا فجيلة “تكات عليه شرباتو كلو …

بداو يزغرتو ويصليو عالنبي وهزات سارة ابريق الحليب فرقاتو على رجال تا تاكدات انه تشرب كلو وداتو غسلاتو(حليب الي فيه زهر ديال العروسة وياااااكم وياكم تخليوه تاهو يهزو شي حد من غير ام العروسة ولا تاكدو انه تشرب تاااهو كيسخرو بيه وحاجة العروسة اكثر الحوايج مطلوبين فعالم سحر را كيدمرو ويدمرو ويدمرو عائلات ويشتتو شمل ويمرضو فالصحة واكبر المساوء)

نوار”ورات لسارة ايدها وهي تغمزها “: رميساء..”تكلمات ليها وعطاتها من داك جاوي شافت فمريم عيطات ليها وعطاتها منو هذا غييير عادة باش الي خذات من عندها تبعها فالزواج باذن الله الواحد الاحد هادو كيبقاو غير عادات وتفاؤلات وكلشي بالمكاتيب تكون غير نية زوينة والقلب صافي رمافيه حسد ربي كيسهل عليك اما الي فقلبو بغض وحقد وضغينة سوا

لشخص كيعرفو ولا مكيعرفوش فكون اكيد غادي 🦋نور_الياسين(898)#فرصة_ثانيةsana mina🐺🦋

شاف ياسين الدنيا عمرات شير لمو براسو وهي تشير ليه زعما صافي غير سير …حرك راسو ومشا لفيرما وخلاهم كيزغرتو تا دخلو مع نوار لدار سارة فين خدام اللعب وضرب وريحة طياب تعطعط فالدوار …دخل لفيرما لقاها خاوية لتحت فيها غير نعيمة ونجود وراوية تما جالسين حاضيين …وطلع هو لبيت طل على المهندس تاكد ان داك الطاج خدام وغايسالي والفراش بدا كيدخل جديد …ورجع طلع لطاج ثالث دوز التيليفون لصحابو الي جاو من امريكا واكد عليهم الحضور فالليل الي غايكونو طلبة عاد الغذ ليه فالصباح فين غايكون الصربة الي غاتبدا …خصص الموسم فيه ثلاث ايام على ود العرس …هز من الماريو شي وراق ونزل لتحت لقا باه واقف كيهضر فالتيليفون غير كمل …

ياسين”حيد ايدو من جيب جلابة ومدها لراس باه باسو ليه ” : نعل شيطان وفك التقليقة …

فؤاد : هاد العوايد ماعندي معاهم …

ياسين : حنا ولادك منغلطوش بزاف لا غلطنا غفر لينا مرة مرة …

فؤاد : الله الغوفر الرحيم …شنو كنتي ناوي دير ؟

ياسين : العكس انا مولاه وليني مكنت ناوي نعكس معاكم غير خطفة نهضر معاها وحدنا ونبارك ليها نتفكروها فالايام جايا ونديو منعاودو لولادنا “باس ليه ايدو” حفايدك لا بغا الله …

فؤاد : فهادي غلبتيني …

ياسين : ولد نسر واجرك عالله …”وراه الملف” تحرك معايا لمراكش لمقاطعة ؟

فؤاد : صافي ليوم تكمل ؟

ياسين : صافي هي هاديك نديك تشوف دراري الي جاو من لهيه ونرجعو …

فؤاد : الليلة يوصل عمك ايلاف تاهو جاي …

ياسين : بحضور فرد من دار كتنور الدار وتكمل اللمة وتزاد الفرحة العم ايلاف ميحتاجش نرحبو بيه حضورو واجب …

فؤاد : داكشي الي كاين …يلاه وكان الي قضيناها فالبكرة لينا بالفايدة وتكسبنا وقت…

حرك ليه راسو. وتحركو فاتجاه طموبيل من بعد ما وصا جدو واسامة وخوه الحبيب والدراري وعمامو يوقفو على تما بينما جا هو وياه من مراكش …

الفرح هو هذا هادي اربع ايام دابا الي دازت وكل نهار الطياب دوزنا فيها حنة العروس وحمامها والعقد ودابا فهاد النهار جديد من بعد ما دوزو صدقة ديال العقد …هاد الصباح وجد راسو لبس جلابة بزيوية بيضة …وخشا رجليه فبلغة بيضة وخرج من البيت كيسمع فيه لتحت كيوجدو فالهدايا ديال دفوع وخرج هو لبرا ومشا الاسطبل لعند لفحم عاد من تم يهزو ويمشي مالين الصربة فين يوجد راسو باش يبدا معاهم الحركة اول نهار ..

جالسة فوق ناموسية وحداها امها ورميساء ومينة كيوجدو ليها فاللباس الي غاتلبس باش تستقبل عگوزتها وناسها اي دار عمها الي غاجيبو ليها دفوع …كتقلب فداك الگرميط الي جاب ليها ديال ذهب مضفور ضفرة غليضة …تقيس فيه وتعاود وتبتاسم حيث هاد نوع كتموت عليه وعرفها وخذاه ليها هذية العقد …

يسرى”شافت فيها وضحكات” : عجبك بزاف هههه

نوار : حمقني غزااال بزاف …

مينة : عجبني حتى انا ذوق الي كيعجبك انوار…

…”رجعات كتوجد ليها اللباس وتقاد …اما فالجيهة ديال الاسطبل جا ياسين وركب فوق الفحم بلا ميسرجوه ليه …

سالم : تما يسرجوه ؟

ياسين “شاد لجام” : لعندهم …وصلو عليا …

علي : غير سير هاحنا لاحقين عليك غير يجيو العمام وعمي ايلاف ونتحركو وراك…”حرك ليهم راسو وجر لجام وزاد بالفحم فاتجاه فين مبنية خزانة الصربة …بقاو واقفين تما كيتسناو فالعمام يجيو حتى سمعو واحد تصفيرة طوييييلة…

الحبيب “ضار يشوف” : اتا شكون تيصفر…

اشرف”كيضور” : هاد تصفيرة غريباش عليا …واهو “حبس يسمع” وا بلاتي ياك هو لهيه…

علي”كمش فيه عينيه” : تا شكون ؟

اشرف : الي كواك خهخخخخخ

علي : افاك يو…

سليمان : تا شكون يا كيصفر علينا ؟

والو واحد شوي سكتو كيتسناو كان واقف الحبيب كيطل حتى جاتو حجرة لضهر وهو يمد كرشو وتكوانسا …

الحبيب : اهمنننننن شكون القواااااااد الي ضربني …”بداو دراري كيدورو واحد شوي بدا الحجر وفرتح اشرف تخشا لداخل ”

اشرف : هاويلي واش الانتفاضة بدات فالدوار …

علي”كيجري وينقز حيث كتر عليهم الحجر ” : اهاي اهاي يا تا شور شكون الحبس …

الحبيب”غوت على سالم الي واقف بعيد” : واااااصحبي تا شكون كيضرب …

سليمان”حاني راسو كيقلب والو واش قشع ” : من لاخر الحبس شكون وايلي اصحبي …

علي : احااااح راسي اي اش هاد الق***ةعض لسانو” حق رب تانقتلووووووو …تااااااااا زباااااااي …اااااح …

ما حبس الحجر تا جات حجرة لعلي لراس كان شوي طير خنونتو ههههه …عاد صفر وهو يتم جاي وشكون الي ميدير العجاجة عاد يبان كون ما ايساف …

الحبيب”ماعرف يفرح ولا يتعصب ولا اش يدير ولكن را غايتعصب اكيد …” : على رقبتي لا بقات فديلمك الكلب يحرق ليك طاسيلة اولد الهاريبة اتفو تفو تفوووو…

علي”بالفقصة هز حجرة شير عليه بيها” : عنعنعهنننهنن ولد المجوط اش بغا عنديييي يحرق ليك طواسل …

خرج اشرف رسليمان هازين الحجر كلشي بدا يقايس فيه وهو هارب ميت بالضحك حجرة جاتو لضهر وحجرة لفخد اخر وجدة جاتو لترمة

ايساف”شد ترمتو كيحك فيها” : احااااح مگعدي علاش نكعد فاش يحطو الماكلة يحرقطباسلقبيلتحبكم ….واااااا فاك🦋نور_الياسين(899)#فرصة_ثانيةsana mina🐺🦋

ايوى بقاو يتجاراو تما ويشيرو عليه فالحجر صدقو قالبينها انتفاضة الحجر شي يضرب وشي هارب تا تمو جايين العمام باش يلحقو عينم يمشيو لقاو دنيا عامرة مضاربة بالحجر ايساف هارب وتابعينو واحد شوي صدقو هاربين وتابعهم ايساف مشربن وهذا هو الاستقبال الي وقع هههههه …مافكهم غير يوسف ومصطفى خصوصا من شافو فؤاد جاي كلشي فرتح حدا رجال وتبتو …

يوسف : اسيرو الله يمسخكم …

صهيب : غا هو الي كان خاصكم …

الياس : مالكم على هاد الحالة “شاف فولدو” بعقلك اولدي زعما…

سليمان : مشتيهش مع جا مع شير علينا بالحجر راسي باقي مقلقل…

علي : هرس ليا الكارط مير حسبي الله…

ايلاف : والله يا ابني ماتكساب العقل…

ايساف : وغا بغينا نخلقو جو نضحكو اووو…

الحبيب”طار عليه شانق عليه” : ياك مرتك تم لاش جاي مخليها وحدها وجاي ؟ مالك خلي غا جاد يجي ونتا برك حدا مرتك …

ايساف : جاد عندو قرايتو وجاي نحضر لعرس ولد خالي وخويا الكبير سوق مك …

الحبيب”شاف باه وصل وضار عندو” : الوليد ايساف قاليا سوق مك …

ايساف”خرج عينيه وشهق” : هييييي ينعل واااا”حبسها من شافو واقف رافع فيهم حجبانو بواحد تخنزيرة وهو يحني راس ومشا لعندو سلم عليه” خالي لباس …

فؤاد : يلاه تحركو …

مشاو كاملين لحقو على ياسين غير تما فواحد الخلا فين تبنات صربة دازو من حدا فين كيطيبو شافوهم عاد مشاو وجلسو فالمقدمة …

اشرف “قرب ليوسف جالس حداه” : واش غذا غايدير الحمام ؟

يوسف : لا نهار العرس باش يلبسوه ويجي يسلم على مرتو …

اشرف : غايدير صربة غير ليوم …

يوسف : ليوم وغذا وصباح العرس لا…

قدام الفيرما جاو ربعة الكارويات (كروسات سايقهو عود ) فرشوهم باللحاف عاد ايزور بيضة …وبداو الصلاة والسلام على النبي كل امراة هازا فوق راسها ماااشي طيفور انما صينية كبيييرة ديال الفضة وكل صينية فيها حوايج من دهاز والهدايا ديال دفوع الي جايبهم ليها ياسين ويامنة وحتى فؤاد مساهم مكبريييين بيها فوق لهيه….حطوهم

تا عمرو الكروسات والكروسة الرابعة فيها ضروبة اي عجبة دايرين ليها الحنة فجبهتها وربطة ديال نعناع وواحد الزيف معلقينو فالكروسة فعصا بيض فحال العلم…كيعاونهم اسامة وعيطو لاشرف ودراري تا جاو عاونوهم ووقفو معاهم …

يامنة “لابسة قفطان فخضر بااارد مرصع بالاحجار وصم ودايرة شال ذهبي محزمة …هزات ايدها تا تحدرو لكمايم وبانو بيضييين فيهم دبيلجات ذهب وخاتمها كتشالي ” : صليو عالنبي ويلاه بسم الله …

صلااااااا وسلااااام علااااااا رسول الله الااااا جاه الى جاه سيدنا محمد الله معاااااااااا جاه العالي …تزغريتااات حااارات مجموعين عند الكرارس كل من يامنة ونجود بتكشيطة موڤ وحداها راوية بقفطان فالگرونة و ماجدة عگوزة مينة ونجوى وفنيدة ونعيمة …صلاو عالنبي …

نعيمة”قربات ليامنة مدات ليها شوارت” : هانتي سديت كاع البيوت غير هناي …

يامنة : الله ينورك زيدي يلاه را اسامة غايبقا فدار نيت …

جاو ورا الكرارس هازين صينيات فضة فيهم الدهاز كل حاجة واخذة منها زوج زوج تا عمرات وكلشي جديييييد حتى من مكياج موصى عليه من برا وماركة وصبابط وصيكان وتكاشط باقي ممخيطينش ثواب اخر مكاين مهم الي خذات ليها خلات عباد الله حالين فمهم داكشي جاهم جديد وزين …عاد صينية التمر والمسكة والحنة …

بداو يضربو العيالات ويزغرتو وغادين بالدفوع دارو دوزة طويل باش يطوال دفوع لان دار سارة غير جنبهم داكشي لاش طولو دورة حتى وصلو قدام دار سارة وخرجو ليهم يسرى ومينة وام يسرى ومرات خالها زعما اهليات العروسة ودار سارة

ملقيين ليهم بالمريشات وتمر والحليب تا استقبلوهم ودخلو كيضربو ويصليو عالنبي هازين صينيات ودخلو صالون فين جالسة نوار لابسة قفطان جوهرة بيض وملبسينها فحال الحايك ديال جوهرة وعلى راسها زيف طويل ديال لقتيب بيض مضورينو على راسها ومخلية شعرها مطلوق مزينينها بحلي اللويز وفن

معصمها الگرميط الي خدا ليها وفعمقها سنسلة كان واخدها ليها ياسين نيت وسنسلة لي خذا ليها باها فيها سميتها فحال مينة …مهم الي عندها تزينت بيه باش تباها وتبان عروسة وسطهم ناهيك على الوجه الي مافيه مكياج ولكن تزنيگة توتر غلبات عليها وعطاتها سر …حطو قدامها الصينيات خلاو يسرى حالا فمها وكل مرة كتزيد تفرح ببنتها الي كبرو بيها ….

وقفو الفرسان فالصربة تستفو لابسين زي فالصفر مقادين العصابات فوق الراس والخنجر فالجنب والمكحلة شادينها بايديهم كاملين مستفين فوق الخيل وهو وسط منهم بعصابة بيضة وصفرة مميز وسطهم معلمينو راه عريس دوار حدا رايس ديال صربة ….

الرايس : واااااا …

انطالقو كاملين حتى ناضو الرجال كيشوفو فيهم غادين غاديييين منيرين…

الرايس : وااااالهدة ..

الهدة : وهي التحية وحركة البنادق في أيادي الفرسان،

قادو المكحلات القدااااام…

الرايس : واااالطلقة…

الطلقة : سباق الخيل الذي ينتهي بطلقة جماعية قوية ومتزامنة.

قادو الفرسان مكحلات الفووووووق …

وووو طرااااااق صوت قوي زلزل ارجاء المكان حتى بداو الرجال كيصفقو …وتزغ🦋نور_الياسين(900)#فرصة_ثانيةsana mina🐺🦋

ريحة دجاج محمر واللحم على شكل طنجية فوق الطناجر كباااار كراوهم ديال نحاس باش يجي طياب بنين ودايزو لكلام طبعا غير لناس الضياف المعروضين …ريحة طياب تعطعط والفاخر ريحتو تعطي ودنيا ريحة العرس وطقوس ديالو …نخليو السربة وتبوريدة خدامة …ونمشيو اتجاه فين كاين ريحة طياب وهي دار العروس طبعا دار سارة …فالصالون وقفات نوار بداك اللباس جات يامنة سلمات عليها …

يامنة : الله يجعل كلشي مبارك ومسعود احنينة…

نوار”باست ليها ايدها” : امييين خالتو…

نجود : يلاه بداي …

يامنة”شافت فيسرى ” : يلاه بسم الله”غمزتها”

جات يسرى و ام يسرى وقفو عند نوار وجات رميساء شدات داك الحايك جبداتو شوي وسارة حداها وبدات يسرى كتهز فالهدايا الي جابو ليها …كتهز كل حاجة تقولها وتلوح فداك الحايك من داخل لتحت عند رجليها …

يسرى : الالة هادييييي زوج تفاصل من عند سي العريس ياسين …”لاحتها تما وهزات تفاصل تكاشط تاهما لاحتهم وصبابط تا قربات تكمل دهاز وعمر ليها داك الحايك ولاو حيدو داكشي ورجعات تكمل ” هههههه الخير كثير هذا …

سعاد : الله يعطيه الخيييير ويزيد فرزقو …

يامنة : بصحتها وراحتها ..

يسرى”هزات شوميز دونوي الفريييع ولكن كلو مشبك ههههههه حشمات يسرى ونوار حادرة عينيها مزال مشافتش ” : وهذا ههههههههه هذا اش ؟

نوار”هزات عينيها وهو يبان ليها وهي تخرج عينيها ونطقات بشوييي غير بينها وبين يسرى” : مممم ماما صافي لوحيه متهضريش اويلي …

مينة : هههههههههههههههه

ماجدة : ويلي يسرى دوزيه دوزيه هههههه

صبيحة : تي مالو عيب هدية راجلها را حلالو ..”شافت فنوار وقالت قدام ناس “. راكم مطالعين على عراض بعضياتكم قبل شايفاه وشايفك مالك …

نوار : خااالتييييي سارة …

سارة : صبيحة هنينا هههههه

صبيحة : ههههههه ياك بعدا بيني وبينك جيد ياك ؟

نوار : فااااش ؟

صبيحة “دارت حركة فحال ساري كول من كتقول هاهو” : فحل “خلات عباد الله منشورين بالضحك”

نوار : خالتي سارة قولي ليها تسكت اويلي …

صبيحة : صافي صافي ههههههه …

كملو داكشي بالضحك وزغاريت …حتى وصلات لصينية ديال الحنة وجات يامنة هزاتها وخواتها عليها من راسها تاااال لتحت باش زعما يكون فال خير وربي يحن …كاع العادات الي كيديرو ماهي الا نوايا حسنة بالتيسير والايام زينة وقدام ربح ….

كملو العادة وجلسو كيتسناو اتاي يتدفع عاد يدفعو الغذا مجموعين الهضرة فالصالون …ناضت نوار البيت باش تهضر معاه حيث كان كيصوني ليها غير دخلات سدات عليها وجاوباتو…

نوار : مسمعتوش كانو كيعطيوني الهدايا …هههه

ياسين : عجبك ؟

نوار : لهلا يخطيك عليا كلشي غزاال …

ياسين : بدوام ان شاء الله (زعما ديما غايجيب ليها) …

نوار : ساليتي ؟

ياسين : تدفع الغذا يتغذاو ونرجعو نكملو …

نوار : صورتو باش ترسليا نشوف ؟

ياسين : صورنا …

نوار : كلشي صورته انا حتى نشوفك ونوريه ليك …

ياسين”الماسخ” : شنو هو حدددي …

نوار : ههههه وااا الحنة وداكشي الي مشفتيش غاتشوفو …

ياسين “ماااسخ بردو ” : كنتسناه بشوق …

نوار”تنهدات تا سمعها” : هادشي الي كنعيش هاد الايام زويييين بزاااف فرحة بفرحة …يمكن الي وقع لينا كان فيه الخير وداكشي علاش كيقولو كل توخيرة …

ياسين : فيها خيرة …الحمد لله …مابقا غير يومين وهانتي عندي تحت جناحي ووسط فراشي ومنورة داري …عمرك تخطايني ؟

نوار : عمري نخطاك وخا يوقع الي يوقع ايام كانت طيش وعقل مكاينش …عمري نخليك ولا نتفرق عليك ديما معاك وحداك واي مشكيل بيناتنا نفكوه وخا نصبر …

ياسين : تصبري زعما …

نوار : نصبر علاش ؟

ياسين : بالكلمة ؟

نوار : هههههه اويلي بالكلمة علاش ؟

ياسين “غمض عينيه”: لهلا يخطيك عليا …”شاف فناس غاديا جايا ودنيا عامرة ”

صداقك نهار صباحك …وخا صباحك داز وفات صباح العادة حسن …

نوار”دارت صبعها في فمها عاضاه” : شنو هو هههه

ياسين : قلت ليك نهار صباحك …

نوار : وغييير قول …

ياسين : بسميتك ونتي مولاتو نهار منها حدايا وحدا دارك ومنها تعلمي منو وديريه …وبسبابو بديت نعرف شهلة العياني حتى دخلات ليسر ديالي…

نوار : ولله مفهمت …

ياسين : ماعليش صبري وتعرفي …

نوار “سمعات العياط ” : كيعيطو نخليك ؟

ياسين : سيري …

نوار : بلاتي …ياسين …

ياسين : نوارته …

نوار : كن كنبغيك احبيبي ديالي وحدي …

ياسين “دار ايدو على لحيتو مصدوم من تسمية الي عطاتو ” : كثر منك اكاندي ديالي وحدي …سيري بدلي ساعة باخرى سيري …مابقا لينا غير ليلة ونهار وهانتي عندي…ديري بحساب مسافرين …

نوار : فييين ؟

ياسين : فين تعيشيه معايا …

نوار : اجي ياك غاتلبسك ميمة نجود غذا فالعرس ؟ واش غادير خط زعفران “لولبت عينيها”

ياسين”قلبها تخنيزرة ” : ها البسالة …

#تصبحن_على_خيييييير…

 

 

 

ريتات تزغرتو فدار العروس …

#يتبع…يو …براكة يعطيكم الغرق….

#يتبع….

تبقا غير بلاصتك ” …

#يتبع…ار تروح لعند”غمزو” …

#تصبحن_على_خير….

الزواج بمجرد مده بالوثائق الازمة

#يتبع… ياربي تنفسي تنفسي …

#يتبع…..: شوف ليك الفجلة مبقات ساهلة …

#يتبع….

 

ك بالرضى …

#تصبحن_على_خير……

 

#يتبع….وارة الحنة لشعرها وذاتها…..

#يتبع… تجلس عليها ولا تبقى واقفة” …

#يتبع…

اط حتى عيطو ليامنة ومشات لعندهم …

#يتبع…جيش قدامو وحش الايام على قولته هو …

#يتبع… )…

#تصبحن_على_خيييير….م عقد القران بالليل …

#يتبع….. بالله”

#يتبع….

بها كيزيدو دقاتو يضربو بجهد …

#يتبع….كيتسناك واحد سيد…

نوار”باستغراب” : شكون ؟

#يتبع…جت …

#يتبع…لحمك وضفر ليك شعرك …

#يتبع…_على_خير….وتبدأ رحلة العرس التقليدي البدوي ….ل …

اشرف : ميقتلوك غا ملي يقوليك زمان الحشمة …

#يتبع….

صقرو ” …

#يتبع…ات بجهد تا نقز اشرف لاح الكاشة واسامة ناض حدا علي تكمش”

#يتبع…يل والفحم هو نييييت ههههه …اودي را نمس ولد الديب….

#يتبع…ا سانتيم نتحاسب عليه …

#تصبحن_على_خير……ت …طرفي غا خنشوشك دابا نخلط مك نوريك مصفرط …

#يتبع….

عون …”مشات وخلاتو واقف كيشوف ”

#يتبع…

د ولا الحنانة …

#يتبع….

 

 

علمية تما ” …

#تصبحن_على_خيييييييييييير…..

Leave a comment