Skip links

قصة : نور الياسين ج37

 32,429 عدد مشاهداات

🦋نور_الياسين(826)#فرصة_ثانيةsana mina🐺🦋

من بعد ازيد من ساعتين ديال الانتظار تما انتظار الي حسو بيه عام معارفين اش غايكون وشنو الحالة كاع الاحتمالات حطوهم فعقلهم واقرب احتمال ان البيبي ممكن يموت ويمشي وصفية تازم ويتازمو معاها …قبل ماتخرج عندهم يسرى كانت معاها فقاعة الفحص وهي الي شرفات عليها بمساعدة اخصائي نساء وتوليد اخور …

يسرى “كتقلب بالايكو وحاضية شاشة ” : ياااربيي ياربييي …

صفية “عينيها فالسقف كتبغي تمشييي وترجع توگض راسها بزز ”

يسرى : دكتور ياسر الضغط ؟

ياسر : مزال طالع شوي ..”شاف فصفية ” مدام حاولي توگضي معايا عافاك …

يسرى : بفففف

ياسر : كوا ؟

يسرى : البيبي فحالة غير مستقرة نزل لتحت وتقبل …

ياسر”كيشوف معاها وفنفس الوقت حاضي الضغط والمؤشرات” : فالشهر السادس …

يسرى : اكزاكتومون …

ياسر : دونك (اذن) …

بقاو معاها فالفحوصات ومراقبة وشلا مدارو ليها حتى خرجات عندهم يسرى حيدات الكمامة طلقات نفس وتنفسات لانها بالعيا ازيد من ساعتين وهي فالضغط معاها ومراقباها …ناضت عندها راوية وايساف …

راوية : ختي يسرى ؟

يسرى”ساطت نفس بتعب ” : الحمد لله حاليا بزز باش فلتت منها لان البيبي تقبل …من لطف الله موقع ليه والو والوجع كان من حركة البيبي فالكرش بديك طريقة زائد الفزعة الي تفزعات …

الوجع نقص والفحوصات اكدات انه مكاين حتى كسور فقط رضوض فالجيهة الخلفية من ضهر …

ايساف : يعني ؟

يسرى “تنهدات” : البيبي باقي مقبل فاي لحضة توقع ولادة مبكرة الي حنا مبغينهاش تكون هادشي علاش ضروري تبقى هنا حتى لشهر تاسع الى عندنا زهر توصل ليه …من هنا لذاك الوقت غاتبقا هنا وهي ناعسة …

راوية”دارت ايدها على راسها” : الله ياربي الله اهى اهى …

ايساف”صرط ريقو تا دار ايدو على جبهتو كيحك فيها ” : ففففف

يسرى : الحمد لله موقع ليه والو رغم ذلك مسيكين متشبت باغي الدنيا باغي ميمتو هههه شوفو من هاد ناحية …خاصها تبقى تحت المراقبة المستمرة طيلة ماتبقى من حملها …”حطات ايدها على كتف ايساف” طلب ربي اولدي طلب ربي هو الي قادر على كلشي …

راوية : ونعم بالله “مسحات عينيها” فين هي دابا ؟

يسرى : لفوق ناعسة حتى ليل تفيق عاد جيو عندها تشوفوها و “شافت فايساف وغمزات راوية ” ماتجهدش راسها وتعصب …

راوية : وااخا يسرى حبيبتي واخا كوني هانية ..

#ولاية_الامن_بمراكش …

في مكتب العميد جالس كيتسنى تايدخل المحامي الي عيط ليه صهيب باش يتكلف بياسين لان صهيب مكاينش كيف يذير يجي حتى يعرف تهمة شنو هي …

المحامي : شكون المشتكي وشنو التهمة على حسب علمي اسي العميد الي وصلني شكاية مدفوعة فحق الموكل ديال ياسين رمسيس …

العميد”كيحرك راسو” : “حل الملف وبدا يقرا ليهم” المشتكي قدم شكاية كيتاهم موكل ديالك بالاعتداء بالضرب حتى الموت …مما تسبب فكسر اصابعه الخمس فاليد اليمنو وبعض الكدمات فالوجه والبطن …هادشي جا من تقرير طبي قدمو بنفسو مصاحب بتسجيل الكاميرا من النهار الي وقع فيه الاعتداء فشركة رمسيس للخشب ب فاس …

ياسين”كيحك لحيتو بجنب …هز حجبانو بتعجب ” : هادشي كامل درتو …”حدر راسو” معتارف …

العميد”كيشوف فيه ويصغر فعينيه” : وايلي وعلى الي مديرو دييييييرو اودي وتفتوتو لهيه

المحامي”رفع حاجبو مستغرب من هضرة العميد”

ياسين”هز فيه عينيه” : دير اللازم …

العميد : راك الي مجبدك متمد عليه ايدو دمك حار اودا ياسين الفحم دمك حااااار …

ياسين”جنع حجبانو مستغرب من هضرته …حدر عينيه لاسم العميد” : بنسودة منصف ..”صغر فيه عينيه كيتذكر”

منصف : هههههههه بلا ماتفكر را موصي عليك عماد صحيبك …انا راني شفتك غا جوج مرات فواحد المجمع وعماد عاود ليا عليك …

ياسين : هانتا كتشوف بعينيك …

المحامي : سيادة العميد بما انك شفتي كلشي حتى هو را مقصرش من حقو …فهاد الحالة شنو غايكون ؟

منصف”باسف ماعرف اش يدير ليه” : خاص المشتكي يتنازل سي نو غايطلع لعند وكيل الملك وهنا مهمتنا كتسالي …في حالة وحدة نقدر ونهضر مع حسن الزياني بيني وبينو راك عارف تهديدات وشلا بطريقتي الى بقا مصر “شاف فياسين باسف” غا سمح ليا

ياسين : الله اودي دير خدمتك انا معاااك خود راحتك …

دق الباب وهو يدخل واحد شرطي بلغ العميد بوصول حسن اما المحامي ديالو كان قبل هنا وهو الي قدم شكاية نيابة عنه …ناض من تما وخرج لعندو لقاه واقف عاطي بضهر ب مونطو بالقب وايد محيد ليها الكمامة ديالها وهازها بباندة …

منصف : سير ديهم المكتب لاخور انا جاي …”شاف فحسن ورجع دخل عند ياسين والمحامي هز ملف وخرج من عندهم مشا لمكتب لاخور ودخل تبعو الضابط وراه الي جاب ياسين …وجلس ولاخور حداه …”حسن الزياني جيتي بنفسك ولا …

حسن : جيت نكمل الاجراءات باش نمشي عندي طيارة من دابا يومين …

منصف : دابا تمشي ملي قدمتي شكاية اسيدي عرف را طيح وتنوض وطيح وتنوض وخاصك تبقى هنا تايدوز الي شكيتي عليه عند الموكل …وشلا وشوية من اجراءااااات اصحبي …وفلاخر غايدفع واحد جوج ريالات ويخرج دغيا …..

حسن “حك شنايفو بسنانو” : حقي كنت ناخذو بايدي ومااانكرش غلبني فهادي …لجأت القانون ياخذ حقي حنا ماش🦋نور_الياسين(827)#فرصة_ثانيةsana mina🐺🦋

بقا يشوف فيه العميد منصف ويسمع شنو كيقول …خلاه حتى كمل ورجع فتح الملف ديال شكاية قراها ليه …وقدمها ليه يشوفها ويشوف اش من تهم غايزيد …

منصف : لا جيتي لهضرتي خلي عليك انني عميد …قصر الشر اصحبي ودير الملحة منين دوز دوز شي فوجه شي …

محامي حسن جاه اتصال واستاذن باش يخرج يهضر بعد عشرة دقايق جا دخل …

المحامي : سيادة العميد وخا نهضر معاه على انفراد ؟”غمز العميد”

منصف”كان داير ايديه تحت ذقنو ضار عند ضابط شير ليه باش ينوض وناض تاهو” : سالي دغيا مزال عندنا ميدار وناس غيركم كي وجاهكم ما شكيت عليكم …”خرج من تم ومخليهم راس فالراس ”

حسن : شنو واقع ؟

المحامي “جبد تيليفونو وعيط لنمرة ” : محمد الحبيب رمسيس بغا يهضر معاك قاليك وجه الصحبة والعشرة خليه يهضر معاك ونتا دير الي بغيتي كيبقى من حقك …

حسن”شاف تا عيا ” : عيط ليه …

دوز ليه الخط بعد دقيقة جاوب الحبيب …

حسن : الحبيب …

الحبيب”كان جاي فطريق من فاس لازرو فالليل ديك ساعة حيث من العصر وياسين فالمحكمة ..” : صاحبي وعشيري ياك ؟

حسن : الحبيب راك شفتي شنو وقع ؟ كون درت ليه هكاك مغايقدمش شكاية ضدي ؟

الحبيب : مغايقدمهاش …عرفتي علاش ؟ حيث مغايديرش فحالك نطيرو تنطيرو عامرين عيوب ومزيايانا مكنمدوش ايدينا على عيالاتنا خوتاتنا نمدو عليهم ايدينا الى دارو الغلط من حقنا تربية هاديك …باش نمد ايدي على بنت بلا موجب شرع هادي ما من حقكش …

حسن : جاي طالب سماحة من سي يوسف راني عارف راسي اش درت مالومكش ومالومهاش مديت ايدي وعارف راسي ولد لحرام ايدي سابقاني مصبرتش …

الحبيب : ماتصبرش تصبر هاديك ضبر راسك اسيدي ايدك متمدش على السيدة …ياسين طحني انا خوه على قبلها وبغيتيه يرحمك ؟ هانتا قلتيها بفمك كل ايدو سابقاه را يموت ويقتل عليها وماتقمشش سلخ وطحن ليا العباد فشردها تجي نتا بغيتيه يسكت ؟

حسن”الصمت كيسمع ليه وقلبه كيتشوى حيث كيبغيها بزااف …”

الحبيب : ضاربتو تانتا ماخليتيش من حقك هههه واهلي كنتي غاتصفيها ليه بالفاز لولا لطف رب العالمين كان فالانعاش بلاصة مانتا هاز ايدك دابا …فين كنتي بغيتي توصل مع الوليد انا صحبتي الي خسرتيها عمامي ولاخر فينا اشرف يدخلك فاقرب حايط …شفتي فين نوصلو ؟ ولكن لا هادشي مبغيناش وكنحاولو منوصلوش لهاد المرحلة ديال كلشي ينوض يجندخ على قبل واحد مننا ..تا دابا عندك كامل الحق انك تدعيه وتشتكي بيه من حقك دير الي بغيتي حقك هذاك وانا معاك …غا هو الى مزال عندك عزيز الى مزال عندك عزيز وعشيرك وباقي عشيرك دير بوحهي انا احسن بوجهي وتنازل على دعوى مانقوليك لا كون هاني غانتفاهم ليك مع ياسين لا والو غير طلب على وجهي انا الي مزيان معاك قدم تنازل وخلينا نقصرو كلشي علينا بلاصة مايدخل راس الكبيرك وتصدق نتامخشي بلاصتو ولهلاااااا يوصلنا ليها الله يستر…

حسن”هز عينيه فالباب الي تحل ودخل منو العميد ” ….

الساعة الواحدة ليلا امام الولاية ديال الامن الوطني …خرج كيلبس فالكبوط حيث تحرك برد باااارد …جابو ليه سالم من الدار …مزال ماخرجش من الباب حتى ضرب كتفو. واحد خينا مدخلينو لتما …

ياسين : تت سمح ليا …”هز عينيه حتى بان ليه واقف مربع ايديه ” الوليد …

فؤاد “تسالم معاه” : ساليتو ؟

ياسين : اجراءات وصافي …كيفاش تنازل ماعرفتش …

المحامي : على حد علمي الي عرفت دابا هضر معاه الحبيب …

ياسين”رفع حاجبو” : وايلي ؟ “جبد تيليفونو ودوز ليه الخط ” مزال فايق ؟

الحبيب : امضرا ؟ بلاتي “كحز ” بعدت لا تسمعنا الفجلة …

ياسين : شنو هضرتي مع هذاك ؟

الحبيب : شي كيدوز فوجه شي اخويا …بوجه العشرة الي بقات منها نقطة را سمع وتنازل …مابغينا ندخلو الوليد

ياسين”هز عينيه فباه” : الواليد ممسالي لعب البراهش الحبيب ..يعمر دارك يعمر دارك …رتاح دابا صباح لينا هضرة وكلام …

الحبيب : تبات فراحة الله خويا …

قطع معاه وخرج هو وفؤاد تال برا عند البارك لقاو مصطفى وسالم واقفين كيهضرو تا وقفو عليهم …وركبو فالسيارة ومشاو فاتجاه الدوار سبعة صباح عاد لبس حوايج الخدمة …ونزل تحت لقا جدو وباه كيهضرو بزوج …

ياسين : صباح الخير

فؤاد : البكر مبكر ولخدمتو ميسر (البكر هو ياسين مبكر فايق بكري. لخدمتو ميسر )…

ياسين : ناشط الوليد الحنانة جايا اليوم ياك …

فؤاد : وكثر من هادشي فين لقاه ؟

مصطفى : هههههه والعقبة تانتا تجي عندك مرتك …

ياسين”تنهد” : ان شاء الله ان شاااء الله…الله اودي..صونا تيليفون ياسين كان منصف ” سي منصف اش باقي مزال ياك لباس ؟

منصف : هههه والو باس …غا بغيت نسول فيك صاحبك يوصي …وفكرتيني داك الضابط الي جابك من تم جاني اتصال من فوق جاه انتقال لصحرا …طريقك صعيبة اصحبي …

ياسين “كيسمع ” : مزيان من الخير …”قطع معاه وشاف ف فؤاد زعما نتا دخلتي”

فؤاد : لا ما مديت ايدي نحرك شفافي المعرفة زينة فالبلاد …دير غالخير يوصلك واخا🦋نور_الياسين(828)#فرصة_ثانيةsana mina🐺🦋

تحط الفطور وفطرو مجموعين جا سالم دخل بيما انه مكاينش العيالات من غير نعيمة الي خدامة وهما كاينين رجال دخل يفطر معاهم وصاه ياسين على شحال من حاجة ودار معاهم غايرجع بكري من الخدمة …سولو على يامنة جايا فالطريق هي واسامة …استاذن منهم وخرج ركب فالسيارة مسافة طريق حتى دخل لمراكش ووقف قدام البنك خرج من سيارة عطا الكونطاكت لسيكيريتي ودخل ثاني هاذ المرة البنك تنضمات كيدخل يلقاهم كل فبوسط ديالو خدام كيوصل ويطلع نيشان لمكتب ديالو …دخل وسد عليه تا جا الشاف دفينونص دق عليه عطاه شي ملفات ديال قروض …

ياسين “كيقرا فواحد الملف” : هذا الشيك ديالو ممقبولش …وضمانات الي عاطينا هذا مكافيينش لمونطون الي طالب …خلي ليا هادو حتى نعيط ليك ونعطيك لي غوفيزي …

حرك ليه راسو وخرج من المكتب اما هو شعل لماك ديالو وقابلو معاه …تا قاد مسائل ديالو عاد شاف فساعتو لقاها العشرة ونص دوز ليها الاتصال نيشان …

ياسين : مزال ناعسة ؟

نوار : لا لا عاد كنت كنهضر مع ايساف ..”بحزن” صفية طاحت وغاتبقى ناعسة تما حتى تكمل شهور ديالها …

ياسين”عض سنانو وكمش عينيه باسف ” : الله اكبر …ودابا هي شوية ؟

نوار : غيير شوية مكيثدرش دابا هو يدخل عندها …

ياسين : ماعليش شوي بشوي …حتى نجي تما ونطلعو نشوفوها …

نوار : ان شاء الله ..احم عندي طيارة نهار سبت بالصباح غانكون تما …

ياسين : ان شاء الله …

نوار : امتا غاتجي …

ياسين : تاتوحشيني …

نوار”دارت ايدها على فمها” هههه توحشتك م من دابا …

ياسين : عااارف …طامع فوحش غير هذا …

نوار : اينا وحش …

ياسين : الفاهم يفهم اكاندي وايليييي …

نوار”صرطات ريقها” : امتا غاتجي …

ياسين : تانا سبت فالعشية نكون تما مجايش غير وحدي جايين معايا شي ناس …

نوار : واخا…غاتبقا تا فعرس الحبيب ياك ؟

ياسين : ضروري نرجع هنا وعاد نرجع تما لازرو عندي شي خدمة مزيرة هنا فالبنك وخدامي هما فالفيرما …مزال نوجد فين تجي مولات الدار …ونجيبها معايا قبل منعرف شروطها …

نوار : الاااء مانجي حتى نرجع نديرو لعقد عاد نجي تما وشروطي بيهم باش غاتعرف واش تحيبني ولا لا …

ياسين : تشرطي تشرطي بصحتك …

نوار : ماوريتنيش الشهلة …

ياسين : نوري شهلة لشهلة العياني …وملي تجي تشوف ركاني وتعمر داري …شهلة عندها بلاصتها وشهلة العياني ليها بلاصتها …

نوار : والله مفهمت …

ياسين “حول الاتصال لفيديو وهي ناضت تجري لبسات عليها حيث عريانا فبيتها” : شنو الي مفهمتيش “طلعها وهبطها لا تكون عريانا من شي قنت …

نوار : شرح ليا ..

ياسين : شنو باغا تشرطي عليا …كبرتي وليتي تشرطي بصحتك …

نوار : واش بصح غاتجيب هادوك شيوخ ورجال كبار

ياسين : والقياد حنا ساهلين مع باك “هز عينيه فالباب وورك عالبوطون تا دخل واحد من الموضفين عطاه ملفات واستاذن منو وخرج ”

نوار : واش غانكون خطبة رسمية …

ياسين”تكا حنكو على ايدو ” : نوار شنو غاتكون ؟ انا كرهت نديك من دابا من العدول لعندي …شرطك وشرط باك وفنيتي انا باغي نجيبك بالعادة الي مدرتهاش ليك ومدرتيهتش لراسك …عامين انوار الله يجعل شي بركة رجعي لدارك بشانك ومرشانك …

نوار”قنعها سلگوط” : هههه ورا من شروطي داخلة فيهم العادة ديالي …

ياسين : من هنا لتما ربي تما …

نوار”كمشات عينيها ودارت ايديها جمعتهم تحت ذقنها وربعت رجليها قربت ليه من ليكخون دتيليفون” : شرح ليا شنو قلتي قبيلة عااافاك …

ياسين : سوربرايز …

نوار : وعاافااك …

ياسين”بقا كيشوف فديك الكياتة الي قدامو كتحرك هاد المرة دارت ليه العقل يا سيدي …تگعد ودار ايديه جمعهم تحت ذقنو وقرب كيشوف فيها …وهي تزنگ ولات تهضر معاها وهو حلف لا جاوبها بقا غير كيشوف فيها …

نوار : ياسين مالك احم “حدرت عينيها ورجعات شافت فيه باش يهضر ويحيد عينيه عليها حيث وتروها شوفاتو ووالو بقا مفيكسي شوفة فيها حتى عض شنايفو بطريقة فشكل …” ياويلي هذا مالو ؟ ياسين”كتشير ليه …” وياسين متبقاش تطول شوفة …ففففف”دارت ايديها تحت حناكها مزنكين ” وصااافي …

ياسين : زيانيتي لا ؟

نوار : اها م احم ماعرفتش …”هزات فيه نص عينيها لقاتو رحع تاني لشوفاتو ” وماااما صافي …هههههه وحرام عليك كتحشمني …

ياسين : درنا شي فشي ومزال تحشمي ؟

نوار”خرجات عينيها” : اعننن …

ياسين”تنهد كيشوف فيها وعلى ذكر شي فشي تفكر ايااام فاش كانت مريضة وطاح ليها بنادم …

دخل عندها الانعاش مزال ناعسة بالكالم الي عاطينها …دوز ليها على شعرها وهضر ليها فوذنيها …وختمها بكلمة ماهي كنبغيك ماهي كنعشقك انما هي كتر منهم كاملين …كلمة ! لا جملة قد ماهي بسيطة قد ماهي خارجة من قلبه بصح ولاول مرة يقولها ليها فوذنيها وهي كاع ماجايبة لدنيا خبار …

ياسين ” من بعد ما كمل هضرته” : نوار يا نوار وفين وصل بيك الحال …”نطق فوذنيها بصوت منخفض” هيام عشقك موشوم فالقلب تالموت(الهيام هو جنون العشق )….

نوار”كتشير ليه بايديها حيث سيد مشاااا ” : اويلي فين مشيتي …كمل ليا شنو هي سوربريز؟

ياسين : جنة من جنان الرحمن فيها روي العطشان كيما كان …حاجتك ديالك حتى وكان تجي وتفهمي …جي لبلادك وموضعك …وغاتعرفي اش قاصد بهضرتي مزيان”لقاها مر🦋نور_الياسين(829)#فرصة_ثانيةsana mina🐺🦋

في الطابق الثاني من المصحة وبالضبط في احدى الغرف القريبة من جناح الانعاش …واقف متردد قدام الباب وايدو كتقرب تبغي تحل البواني وكيرجع باللور …هز ايدو وخشا صباع ايديه ففروة راسو بقلة حيلة وتوتر وتردد …ساط انفاس حارقة وضار جلس فواحد من الكراسا المتواجدين …هز راسو لفووووق ماعارف

اش يدير واش يقول …تالفة بيه الوقت ودنيا باغي يشوفها ويهضر معاها وخايف ترفضو وتمرض وهي مسببة وحالتها ماااهي تسمح …قاطع افكارو المخربقة صوت باه الي طلع ولقاه جالس تما …

ايلاف : ايساف !! ايش صار ؟

ايساف “ناض باس ليه ايدو وراسو ” : يابييي …”هز ايديه وحطهم ” الي صار صار مكتوب رب العالمين …

ايلاف : ونعم بالله “حط ايدو على كتف ايساف مطبطب عليه” وين هي ؟

ايساف”شير ليه لداك الباب” : بهذييك الغرفة …

ايلاف : فتت (دخلتي) عندها ؟

ايساف”شاف فيه” : لساتني مابعرف ايش بدي اعمل والله حاكمني تردد مو طبيعي ..”عاود ركز فيه شوفة ” ايش اعمل يابي ؟

ايلاف : اترك وكت (وقت)ابني ترووك وكت …امك وين ؟

ايساف : راحت تجيب كم غرض من البيت وتجي …صبح كانو خوالي ونسوانهن عندها ورجعت معهن…

ايلاف : فيك تفوت معي ؟

ايساف”شاف فيه ثاني” : والله ماني عارف خايف تتعصب ولا ايشي …

ايلاف : حسب ما حكت لي امك انك انت الي ساعدتها …يعني فيه نوع من الجميل من طرفك ايش ماكان مراح تعمل اي ايشي …

ايساف”بقا كيشووووف فالاخير ناض وقف عنقو ومشاو دق الباب ودخل ايلاف هو لول عاد تبعو ايساف …طلو عليها كانت نااعسة ايد فوق كرشها …جامعة ليها شعرها ومغطية بمانطة ديال دار مسخنين الغرفة كانت دااافية …وحداها فرملية كتراقبها كل شوي …شافت فيهم الفرملية وهي تخرج خلاتهم معاها …

ايساف “كيهضر بشوي” : ناعسة …

ايلاف : مرتاحة …

ايساف : طيحة نيييت كلاتها لو مجاتش الوليدة وانا يعلم الله شنو كان يوقع …

ايلاف : قدر ولطف ابني …شو وييي نروح بعدين بنرجع ؟

ايساف : واق..”حبس الهضرة حيث بانت ليه كتكمش عينيها بغات تحلهم …”

صفية “حلات عينيها من بعد نومة طويلة شافت فالسقف كتبغي تصرط ريقها ولكن حلقها نااااشف …هبطات عينيها تا شافتهم لمحات ايساف ورجعت بدلت شوفتها لايلاف كان ايساف غير موجود …” : عمي”بصوت باح”

ايلاف”قرب عندها” : كيف بقيتي شوية ؟

صفية”حركات راسها وفنفس الوقت ايدها كدوزها على قرجوطتها”

ايساف : بغيتي تشربي ؟

صفية “الصمت خلاتو بلاكة ”

ايلاف : بنتي بدك تشربي ؟

صفية : امممم …

ايلاف”ضار عند ايساغ حرك ليه راسو وغمزو بمعنى غير سلك وصبر ورجع لعندها” : كيف حفيدي ؟

صفية “ابتاسمات تا عضات فمها باش تقادت شوي فبلاصتها..عاد رخات نفس وهضرات” : هاهو كنت غانزرب عليه مسيكين هههه

ايساف”جاب كاس الما عطاه لباه يمدو ليها وشاف ايدها الي كدوز على كريشتها المنتفخة نيت …”

ايلاف : ماعليش صبري مابقاش بزاف …

صفية : نصبر نصبر غير يصبر تاهو معايا تانولدو …

ايلاف : اي هييك ها …”صونا ليه تيليفون لقاه فؤاد وفي هاد الحالة لازم يجاوب ديك ساعة هادي عادة بينو وبين فؤاد على ود الخدمة …” برجع سمحولي …”جاوب وتم غادي مخليها هي وايساف الراااس فالراس ”

ايساف”كان مربع ايديه كيشوف تا حنحن ونطق ” : ياكما فيك صداع فضهرك …

صفية : لا …

ايساف : الكالم يمكن …

صفية “الصمت”

ايساف : ياكما مخدة معذباك …

صفية : لا …

ايساف : خاصاك شي حاجة ؟

صفية “نفخات ” : لااا مبغيت والو بغيت نرتاح وصافي …عياانة …

ايساف : واخا رتاحي انا هنا حداك “شير فوق الفوطوي” لا تحتاجي شي حاجة مرحبا …

صفية : لا ممحتاجاش كاينة فرملية وخالتي على اي شكرا …

ايساف”قرب لعندها شوي ” : دنيا هانيا قولي وخودي راحتك غير رتاحي وصفي راسك من كلشي هاد ساعة رتاحي غير لراسك والاهم الولد الي فكرشك …

صفية”رفعات حاجبها ونطقات بصوت منخفض شوي” : هذاك ولدي ضروري منعطي راسي راحة …

ايساف : كااينة …”حنحن” مهم انا تما وخا معندي فايدة ليك مهم انا حداك تما وخا ممحتاجانيش ومباغانيش غير خليني ماعليش …

صفية : وخا هكاك بلاش غير خرج ..اه باش منساش شكرا حيث عتقتيني كون ما نتا يعلم الله فين وصلت …

ايساف : قلة العقل كتجيبها لبنادم باي طريقة كانت باش تعرفي را حنا بنادم كنغلطو فاقرب ناس لينا وحبابنا …”قصد غلط فحقها هي بهضرته الجارحة وخا هي اقرب ناس ليه واحب ناس ليه وقصد تاني هي غلطات الي عامت وحدها تا طاحت وعلاين تقتل البيبي وتاهو اقرب حاجة ليها واحبها” واجب عليا وبزز مني ومن🦋نور_الياسين(830)#فرصة_ثانيةsana mina🐺🦋

خلاها كتشوف ومشا لفوتوي كان تما قريب لنافذة ديال الغرفة وجلس جبد تيليفونو وحط رجل على رجل مفرقهم ودخل يبقشش فالتيليفون …خلاها كتشوف فيه ومخنزرة …مابقات هضرت ماتكلمت مابقا ليها ميتجاحد فالاصل عيانة وشاحبة ومعندها نفس الي تزيد تقابح معاه ولا تغوت تلجمات ب البيبي الي في مرحلة الخطر وماخاصهاش اي انفعال او شي حاجة الي فايتة طاقتها الحالية شوي …ضورات وجهها لهيه وخلاتو تم سطل بلا تقرقيب …

ايساف”هز فيها عينيه شافها ضارت لهيه محاملاهش يبقى حداها وهي تفلت ليه الابتسامة حرك راسو يمين شمال ورجع كيشوف فتيليفون “….

#فيلا المرابط ب فاس …

وقيتة الغذ يوم الجمعة طبعا والعادات المغربية تقريبا ماشي كلشي ولكن تقريبا عند المغاربة كاملين هاد نهار كيكون مخصص ل كسكس المغربي …واقفة ماجدة كترد التفويرة الاخيرة قبل مياذن الضهر لصلاة الجمعة …تحل الباب برا ودخلات مينة لابسة جليليبة فالصومو بارد ودايرة زيف حياتي على راسها وشال وهازا صاك كبير شوي …

مينة”وقفات عند سارية ديال كوزينة ” : هاني جيييت …

ماجدة”ضارت عندها وتبسمات” : بالصحة الحماام ابنتي …ياكما لقيتيه سخون ولا سخفتي ؟

مينة “سلمات عليها” : لا عادي زوين ولا مسخفتش بالعكس حسيت براسي كمدت عضيماتي مع هاد البرد …

ماجدة : وتاني سخون بزاف لا ممزيانش ليك ابنتي الي فكرشك وصحتك …

مينة : مطولتش ساعة ونص دغيا حكت ليا خالتي مريم وسقات ليا السطولة الله يحفضها ويسمح ليا منها …

ماجدة : ماعليش راكي واحلة فنفسك …

مينة”بدات طلع معاها ريحة كسكسو” : الله على ريحة تشهي …اممم فين رياض ؟

رياض”نازل من فوق بتيشرت وشورط ” : هاهو موجوود “وصل عندها باس ليها جنب فمها قدام مو تا خرجت عينيها ” زين بان فيه الحمام بالصحة …

مينة : يعطيك الصحة …”نفخات النفس بالعيا تاجلسات” اففف الله …

رياض”حط ايدو على كرشها ودغدغها ليها” : ياكما سخفك هذا كتر مني …

مينة”بغات تقتلو يااا غااتقتلووو وهاد الفم الي كيزهق ليه ” : ريااااااااااض …

رياض : انعاااااام …

مينة “زمات فمها بغضب مخنزرة فيه ”

رياض : رااا غا ميمتي هادي ازين غا ميمتي “باس راس مو ” اهااا …

ماجدة : الله يمسخك قول امين انت …

رياض”صرط القمعة ” : شووووكرراااان …

مينة “زلقت ليها ضحكة وهي تجمعها بزز” : يلاه شد …

رياض”جا جلس حداها من بعد ما مو مشات طل عالبرمة ديال الخضرة دكسكسو وقرب ليها كيشمشم ” : اح ريحة داك باندوش ديال كوك الكوك ديالي …

مينة : وااااا كواك ههههههه

رياض : اشوفي راني خويسر شوي خصوصا مع مرتي مكاين غالخسران احمادي …

مينة “كتنغز فيه بمرفقها” : وخسر براحتك ولكن خالتي حشومة اويلي هههههه

رياض : غير كنشوفك كينوضو فيا جميع الاجهزة وخصوصا الحب الحب ديالي ليك فشكاااال …وزايدون انا غادي من دابا يومين راجع لازمور غير وحدي منشوفك حتى لعرس ولد عمك الحبيب يعني عشريييين يوم قااصحة عليا …

مينة “تنهدات” : ومكرهتش نمشي معاك ولكن خدمتي تقريبا كملتها زايدون الي فكرشي مابغيتش نتكرفص عليه بطرقان عالاقل تنولدو …

رياض”حك لحيتو” : من هنا لتولدي غانكون جيت هنا لفاس بصفة نهائية حيث الفرع الي تما غايشدو الحاج وانا غانشد هذا بغيت نبقا حداك وحدا ميمتي …احسن نسالي اموري تما ونجي هنا بصفة نهائية تما نطلع غير لاكان اجتماع ضروري ….

مينة : احسن حاجة غاتديرها …وانا نيت غانبدا تخطيط ديال البني ديال شركة ديالي”هندسة ديكور”و نشوف مهندسة كانت كتقرا معايا ديال المعمار هي تكلف ليا و”جمعات فمها وحطات ايدها عليه وهي توقف ” اممععععع …

رياض”بخوف” : م مااالك ؟

مينة : اووععع …اممم “مشات كتزرب فالمشية وناض بغا يتبعها وهي تشدو مو بصوتها”

ماجدة : ماتخاف وااالو ولدي هادشي عادي وعاد غايبدا نوصيك صبر معاها وشد الخاطر وياك تبقا مخلوع وگض راسك …

رياض : علاه شنو مزال غايكون ؟

ماجدة : واهليييي وحم تشهى وتبغي الحاجة دوخة ماتبغيش تاكل والى كلات ترجعو دابا هاد ساعة بداتها ترجاع ايوى ساعة اخرا معرفت …حال واحوال …مرة تبغيك مرة تكرهك

رياض : كيفاش تكرهني مالي اش درت ليها ..

ماجدة : هههههه ماشي هكاك راني مزال نعاود فيها الوحم الحمل هو هذا داكشي لاش قلت ليك صبر …

رياض : حتى تولد ؟

ماجدة : لواه فالعادة حدو شهر رابع وكاين الي يشد ليها تا تولد …

رياض : دابا الى كرهتني ماتبغيش تنعس معاي…احم تنعس فبيت ديالنا ؟

ماجدة : وهاديك الى مبغاتش متبزز عليها را قلنا ليك صبر اويلي …

رياض”دوز على شعرو” : واا هادشيييي كيبان ليا ما هكاكش تاااال متبغيش تنعس حدايا مالاعبش مرتي تحتي مني …

ماجدة”خرجت فيه عينيها” : الماسخ الله يمسخك …

رياض : وشوفي عقلك الوليدة فين زاد الله يستر …وتحت مني زعما تحت جناحي وبجنبي …”بانت ليه مينة جايا كتمسح في فمها مشات لكاس الما تما شرباتو كلو وهي تنفس شوييي…قرب ليها كيدوز على ضهرها” شوي حبيبتي ؟

مينة : شوي تقلبت ليا المعدة فففف …

رياض : ياكما كنقلقك وماحاملانيش ؟

مينة : علاه اش درتي ؟

رياض : بالعما ومدرت عمرني ن🦋نور_الياسين(831)#فرصة_ثانيةsana mina🐺🦋

بالمطار الدولي بمدينة فاس من بعد ساعات طيران من برلين لدار البيضاء عاد من الدار البيضاء لفاس …بعد عناء سفر من يوم امس وصلات طيارتها لديار المغربية وبالضبط فاس سايس …دوزات روتينيات الاجراءات من جمارك …وقفات كتسنا الفاليزات ديالها تقريبا زوج كبار ووحدة صغيرة …عاد زوجات اخرين ولكن ماشي ديالها…وقفات كتشوف فيهم حتى ضارت تشوف وهو يبان ليها عاد طلقاتو ديوانة …

نوار : مالهم معاك ؟

علي : يميلو ليهم وخا نكون هاز كوكايين بصح ميخضخضوني هك …

نوار : ونتا كتجيب شكوك ..

علي”رفع حاجبو” : يا ديلمك قالو ليك انا ابو بكر …

نوار”هزات كتافها” : وانا عرفتك اشنو …

علي : وااااخا ابتلحرام…صافي “هز فاليزات حطهم وعيط لي كيهز شاريو ديال ليفاليز باش جا ..هزهم معاه تا قادوهم ” يلاه زيدي نشدوها طيارة تال ازرو توحشت فار طحين ديال لوليد …

نوار”خرجات عينيها بغات تزلق ليها الضحكة ” : اويلي كيقول على عمو صهيب فار طحين …

علي”عنقها بجنب خارجين” : تي زيذي زيدي هو فار طحين والد فار الگبص وزاهية فيران …

نوار : هههههه …

خرجو من المطار لقا طموبيلتو فالبارك مخليها ليه صهيب فالصباح بكري باش كيف يوصل يهزها لان صهيب عندو محاكمات وقضايا فديك الوقيتة فاش يوصلو و مبغاوش يوسف يجي ولا شي حد اقتارح عليه يحطها ليه تما ويمشي هو يتكلف …حل الكوفوحطو الفاليز شي عمرو الكوف وشي فالور عاد ركبو وزادو لازرو نيشان

نوار : ماعرفت واش غايكونو كاملين ولا لا …

علي”ضار شاف فيها ورجع شاف فطريق ” : علاش مقال ليك العميم يوسف شكون كاين ؟

نوار”بجقات فمها” : قاليا كلشي الا خالتو يامنة وعمي فؤاد مزال غايجيو فالعشية مع ياسين …

علي : نهههههن هاد دورارة كاملة على ياسين ابنت الهم …

نوار”تزنگت” : اويلي هههههه لا لا غير قلت ليك …

علي : امممم ..ممم ..تشروطي عليه اليهودية وقالت ليك قوووليييييه”كيعيبها” يدير نفس قولييييه يبعد مني …

نوار : واصااافي نسا فترة وفاتت …

علي : دابا درتو نفس بجوج ومبعدتوش …فترة دازت صعيبة نيت تعلمتو فيها …

نوار : صعييييييبة نيييييت …

علي : وكون حتى تزوج ؟

نوار”قلبها بدا يزدح بمجرد تفكر ان ياسين كان ممكن يتزوج ديك الفترة كتبغي تموت وكتزيد تلعن راسها انه كان فاي لحضة يتزوج ولا كل واحد فيهم يشوف حياتو ومتاكدش انها متقدرش تفرق عليه وهاهي دابا زادت ماتت عليه وهو اكد ليها انه هايم فعشقها لجنون …” : ااا لا لا مدارهاش ميديرهاش …

علي : ونتي عرفتي ؟ عرفتي ديك الهضرة الي قلتي را قاصحة ااايه كنتي مرفوعة مريضة ولكن بالنسبة لينا حنا رجال را قاصحة كون مكان ميت عليك والله تيديرها ونبصم عليها …علاش ؟ حيث عامين فراق كانت كافية كل واحد را يرجع يدير دارو مع شخص اخور وكان ممكن يكون دار الولاد دابا …وزيادة على ذلك كامل مخصو والو بدارو خدمتو وخميرو ونتي مبقيتيش بغيتيه را كان عندو كامل الحق وتاحد مكان غايلومو …

هادشي علاش شديي فداك سيد كيف شاد فيك وشاريك بفلوس دنيا وباغي راحتك قبل راسو …

نوار”حركات راسها ” : عندك الصح عمري مزال نفرط فيه نخاف غا دنيا تغذرنا تاني ويضيع مني …

علي : الله يحفض ابتي كاع هذا خوف واكلة عليه شراوط سي الفحم البكر ديال رمسيس باغي صغيرة ديال رمسيس …

نوار”نسات راسها هههه” : كنمووت عليه ..

علي : تموت عليك گرحة …

نوار”عاد عاقت” : احم صافي نسا …

علي : دغيا ذبني هادشي غا مزال مشفتيه الله يمسخك …شدي راسك شوي ملي يجي ماتخرجيش تلاقاي بيه ومتكونيش نتي وياه وحدكم ….بناتنا اعراضنا وشرفنا…

نوار “رفعات حاجبها” : ايه وعلاش ؟

علي : مزال مدرتوش الحلال عقدكم من جديد تااا يجي يطلبك من باك يوافق سيدي يوسف ونهضرو فاللازم عاد نشوفو موافقتك …ديرو عقدكم وسيرو تكوغطو فالخلا نعل الي يقوليكم اااح …

نوار : احشم …

علي : ماقلت تا عييب نتي الي مخك شاد ركنة مع ابو لهب …

نوار : را ولد عمي غادي نبقاو نتشاوفو فالدار بينما وصل العقد والعرس وعرس الحبيب غايكون فيه منهضرش معاه ؟ واش كتهضر بصح ؟

علي : والى حفات ليك لقاك معاه وحدكم بليميييين تا نعلقك من شفارك …

نوار : عليييييي

علي : ما علي ما حبسيييي ما نمييييي …انقول ويتسمع سمعتيني واخا ولد عمك راكم درتو واحد الوقت شي فشي وكنتو غاتجيبو وليدات تتمشي

تي طليتي ليه على عراضو وتتقولي ولد عمي ماهو خوك كان راجلك تشركتو الفراش تشاركتو شلاااا وشوي “كان غايكمل كون ما سكتاتو بغوتة اعلم الله كون وصل المسائل الكيكسية ”

نوار : وااااعوووووووو عليييييي

علي : ااااااااااشنو …

نوار : وااااا سكت حشم الله يمسخك …

علي : هاهو ساكت …”شاف فيها” ديري بالك راني حاضيك تزهقي لشي قنيتة هك ولا هك متعرفيني منين بعت عليكم …

(ايه جرب اولدي نشوف🦋نور_الياسين(832)#فرصة_ثانيةsana mina🐺🦋

وصلو لفيلا ديال ازرو ودخلو والمفاجئة لقاو يامنة والحبيب وفؤاد كاينين تما لكن ياسين مكاينش …نزلو من سيارة وسلمو عليهم …

نوار”باست ايد فؤاد وعنقاتو “: عموو فؤاااد …

فؤاد : نوارة رمسيس “باس ليها راسها” امورك مزيانة بنتي …

نوار”بابتسامة ” : مزياانة الحمد لله ونتا عمو صحتك ؟

فؤاد : ملي الحباب مجموعين والي غايتجمعو باذن الرحمن مزيان …

نوار”ابتاسمات بخجل …شافت مها خارجة وهي تمشي عندها عنقاتها” : ماماا توحشتك …

يسرى”باستها مطوووولة ” : نوارتي رجعات ليا ثاني هاد المرة بمرة …

نوار : ههههه ان شاء الله …”فؤاد رجع دخل مشا نيشان لمكتب ديالو عندو خدمة مزيرة لازم يكملها داكشي لاش رجع سبق ياسين قبل بيوم لازرو على غفلة …شافت فيامنة الي سرحات ليها ايديها ومشات كتزرب وتعرج حيث لابسة سبرديلا عادية …عنقاتها ” خالتووو توحشتك بزااف …

يامنة : وانا كتر حنينة ديالي ومرت ولدي

نوار”حشمات ” : ههههه مزال اخالتي مزال …

يامنة : قريييب ان شاء الله مبقا والو …

نوار “سلمات عالحبيب تاهو” : واش نتا مبقيتش خدام ؟

الحبيب : شديت كونجي ابب حيث حفلة عقدي قربات وغانولي مولا وليدات يلاه يلاه …

نوار : هههه غاديرو غير حفيلة ؟

الحبيب : خفيفة ضريفة داكشي الي بغات نيت هاجر …

علي : علاش مديرش ركزة اصحبي مالك …

الحبيب : اتزوج وديرهم انت …

علي : ههههه واهليييي انا عرسي تا من سكايريا نعرض عليهم كيتك يا خلاك انت …

الحبيب : الله يحضرنا ليه ونشوفو …

يسرى : يلاه ماما دخلو ترتاحو وطلعي بنتي لبيتك رتاحي بينما وصل الغذا تغذاي ونعسي باش نمشيو لحمام …

نوار : واااه توحشتو …غاتجي مينة ياك ؟

يسرى : ضروري بنتي ضروري فالعشية جاي ياسين وجدك مصطفى واسامة تاهو وشي ضياف معاهم وضروري تحضر …

نوار”قلبها بدا يضرب فاش كتسمع سميتو وغاتشوفو عاوتاني مباشرة ” : و احم واخا …يلاه …

دخلو كاملين لداخل من برا وطلعات هي وعلي كل مشا لبيتو دخلات بدلات حوايجها وجمعات حوايج الحمام كيف وصاتها يسرى فصاك وسدات عليه ومشات لفراشها رسلات لياسين ميساج بانها وصلات لدار وغاترتاح …بقات تا عيطو ليها لغذا جا صهيب ويوسف سلمات عليهم وطلعات نجود هي وسارة الي جاو من فاس من بعد زيارة صفية سلمات عليهم تاهما بعناق طوييييل …تغذاو وطلعات لفوق جابت صاك ولوازم الحمام …من بعد ساعتين رجعو سخفااانات وقيتة المغرب هكاك مزال ماذن …

يوسف : ابصحة وراحة اخوياتي …

نوار”جايا وجهها بغا يطرطق سخوون وحنيكاتها تاكليهم تاهي شادة راسها بزيف وشال …عنقاتو وتنخششات فيه ” : بااااباتي …

يوسف : نخشيشة بصحة الحمام …

نوار : يعطيك صحة …

“مزال كيهضرو حتى سمعو صوت السيارة ديالتها نيييت …مشات نوار كتزرب خرجات طل عليها تا بانت ليها نازلة هي ورياض وماجدة زربات باش وصلات عندهم سلمات على رياض وماجدة ووصلات لمينة عنقاتها ….

نوار”حطات ايدها على كرشها” : حبيب خالتو غايجي …

مينة : هههه غايجي ان شاء الله ويصدعك …

نوار : يصدعني ماشي مشكيل …

دخلو لداخل سلمو على الكل ودار عمرات وتجمعو ال رمسيس جا تا من اشرف وراوية وايلاف اما ايساف بقا في فاس حالف ميتحرك من داك الكلينيك …بدا العشا كيطيب فالطناجر اش منك يا دجاج ولحم على شكل طنجية والديسير كتشم فريحة ديال الطياب فحال الى تقولي عرس خصوصا مصحوبة بريحة الفاخر ودار عامرة لمتهم زوينة وترحيبهم بضياف احلى …

نوار”جالسة فبيتها قدام المرايا كتدهن فوجهها بكريم ليلي مرطب …تا دقات عليها مينة ودخلات” : مييينة …

مينة : نشفتي شعرك ؟

نوار : مزال درت ليه غير سيروم …تنسالي ونطلقو نخليه ينشف …

نوار : …اجي علاش مكترين طياب بزاف؟

مينة : بابا الي وصى على ماقالت ماما…

يسرى”دخلات عليهم” : بلا متنزلو شوي ويوصلو جاي معاه شي رجال وسفيان جاب الحاجة (ام سفيان) …

نوار : اه قاليا غاتجي …

من بعد ساعة كانت سيارة ديال ياسين كلاكصونات تا تحل الباب ودخل مخرج ايديه فيها گارو شاعلو كيكمي فيه سلم عالعساس ودخل بلاصا سيارة ونزل هو وجدو واسامة …نزل منها بكومبلي كحل فكحل مقاد حالتو نقص من لحية وخلا مسطاج طويل شوي وشعرو مرجعو لور …نوار سمعو الطوموبيل ووصلها الخبر انه دخل وقفات ومشات جيهة شرجم كطل عليه تا بان ليها من فوق بديك الوقفة وديك تگديرة ولباس الي ضارب مشعراتش حتى عضات شنيفاتها…

يوسف خرج لاستقبالهم وصهيب تاهو واشرف والحبيب وعلي …تسالمو معاهم …

يوسف : عالسلاامة …

ياسين “ضار يشوف وهما يدخلو ستة طموبيلات دقة وحدة مصافين وحدة تابعة لاخرا اش منك يا ميرسيديس كلاس رينج فورد وداسيا دوستر …وقفو فديك ساحة ..ضار عند يوسف” : مرحب بضياف الله ؟

يوسف “حدر راسو وهزو كيضحك ” : ههههه مرحب اولدي مرحب …ونتا مرحب بشي ضياف ؟

ياسين”هز حجبانو مفهمش وهو يشير ليه يوسف لباب تا بانو ليه عشرة طوموبيلات داخلين تا دخلو لداخل تا عمرات الجردة بطوموبيلات وشي بلاصا قدام الفيلا …” : شنو هادشي ؟

يوسف : رجال دين وقياد معرفة ورجال كبار عارفين بحق الزمان مردوهاش فوجهي باش نجمعهم مع ضيافك ونرمي العار لوجه الوحيد الي مقامو عالي عندي وغالي والراس الكبيرة”ضار عند فؤاد عاد خارج بكل هيبة بجلابة مخزانية رجالية فالخزي ” لخويا الكبير …قبل ماترد مرتك نطلب نصافيو القلوب…

مع قالها اذن اذان العشاء ..الله ا🦋نور_الياسين(833)#فرصة_ثانيةsana mina🐺🦋

نقدرو نقولو عادة متوارثة من الاجداد ديالنا فحالة وقع خصام بين طرفين وطرف بغا الصلح وفي حالة كان خصام قوي كيلجأ الطرف المطالب بالصبح بانه يجي ويجيب معاه شخص او اشخاص الي الطرف لاخور نقولو يحشم منهم او باش يكبر بيه ويطلب منو السماحة …ويعلي ليه مقامو على قولتهم …هاد القضية

كتكون بزااف فزوج الحالات كيديروها بزاف فحالة القتل عائلة القاتل كتحي طلب سماحة وهنا كتدخل الدية(فييها وفيها) ممكن يقبلو سماحة ولا يفرضو عليهم شروط على حسب شنو بغاو …والحالة ثانية هي قضية الارث طرفين تخاصمو على شي ارث ما بيناتهم لدرجة كيوصلو العار وخصام كبييييير ممكن يوقع فيه الحالة الاولى الي ذكرت وهي القتل ….هادشي

علاش فحالة صلح كيجيبو ناس كبار وكيف وقع مع يوسف جاب اصحاب الدين فحال امام الجامع الي حداهم وامام جامع اخر صاحبو …الكلام كثير وشرح مطول فقط عطيت اختصار ومثال والمثال الي غادي نبين هو مثال يوسف الي بغا يطلب السماحة والصلح مع خوه الكبير لما بدر منه من كلام جارح وعار و طلب ياسين رجوع زوجة السابقة ديالو من جديد على سنة الله ورسوله …

يوسف”قبل ميوصل خوه سكت مابقاش هضر حتى يتكلم امام الضيوف الي نزلو ومشاو كاملين فاستقبالهم …” : مرحباااا وسهلا مرحبااا …”مشا لضياف ديال ياسين هما لولين سلم عليهم واحد بالواحد ورحب بيهم عاد وصل لدياولو هو …جاو كاملين كيشكروه على الاستقبال …حتى وقفو سلمو على

جد ياسين وعم فؤاد فنفس الوقت وفؤاد وصهيب وبقية رجال العائلة الي كانو واقفين فاستقبالهم …العيالات مشاو جناح لاخور الي فيه زوج صالونات كبار وجلسو فيه مبعدين من جناح الرجال لانهم كانو سطاش راجل بالاضافة ل رجال العائلة ….

لقاو طبالي وصواني اتاي كباار ومجامع ديالهم وجالس في الجنب واحد سيد كبير فالسن معرفة هو الي غايعمر اتاي بالصواب …حاطين ربعة طبالي الي كاينين فالصالون الكبييير على قدو طويل كيهز ربعة طبالي يعني ربعة القعدات ب ميدات صغار ضايرين بيهم بالخشب ديال عرعار …وحطاين فيهم بلاطويات حلاوي اتاي وفاكية. وقراعي الماء المعدني …جليسة ديال طلب رجوع او خطبة من اول وجديد وطلب سماحة …

يوسف”وقف مقابل ليهم ” : اولا مرحبا بيكم شرفتونا ونورتونا …”ردو عليه شي الله يكبر بيك وشي بارك الله وفيك و…” سي ياسين مرحبا بضيافك مشرفينا …

ياسين”جالس مفرق رجليه وداير ايد على ركبتو وثانية كيدوز بيها على لحيتو …حرك ليه راسو ودار ايدو على صدرو” : يعمر دارك العم …

يوسف : اسيادنا ملي شرفتونا “ضياف ياسين” زدتونا على ضيافي وكبرات اللمة ونورت الدار بيكم وكبرتو بينا الله يعلي مقامو اكثر واكثر …قبل

منشربو هاد الكويس ديال اتاي ونشركو طعام …”شاف في فؤاد وشير ليه بصبعو” هاد سيد ماشي خويا الكبير …وانما بويا وسند ديالي والقدوة ديالي …

فؤاد”رافع حاجبو وحادر عينيه وسااكت كيسمع باش يهز فيه عينيه والله ما هزهم ”

يوسف : اسيادي الخير الي دارو فينا هاد سيد خير كبييييير ومزال يجري ويجاري …بحر الحكمة بحر الكرامة بحر صلابة بحر الجدية والصرامة تجمعو فيه وعطاو هيبة الي متقدش تا تهز عينيك فيه ونتا كتهضر …

نقز واحد القايد جا من طرف يوسف

القايد : سي رمسيس فؤاد صيت سابق الصورة الله اودي الخير سااابق …

يوسف : بصح خيرو فينا حنا وشي مرات يسبق الناس علينا وحنا فرحانين حتى علمها فينا وكبرناها فولادنا ومنهم هاد البكر ديال عائلتنا”شير لياسين” ياسين الفحم هههههه فحم العينين سمية سماها عليه باه راكم عارفين الملامح وانا كنسميه فحم الفعايل …

ضحكو تما فالمجمع …

الحبيب “قرب لعلي” : هذا الي قال عليه فحم العينين حيث عينيه حرشين وكحلين وشعرو كحل …را خويا …

علي : خههههه هو كحل ونتا شهب

اشرف “دار ايديه على فمو وقرب لعلي ” : واحد رومي واحد بلدي …

علي : لا الحبيب كروازي …

الحبيب : قل…”نغزو عليه يسكت لا يصدق جاري عليه#تتمة_البارت_833_نورالياسين

 

يوسف : ولكن بصح ولد الناس …ماشي حيث ولد خويا وانما المعدن ديالو بان وباين من صغرو الدراع حار وماضي ويحلفو بيه رجال راكم عارفين سميتو دارها لراسو بدراعو ما عاونو لا باه لا حنا كبر راسو براسو …

“حدر راسو وعاود هزو شاف ف صهيب الي غمزو باش يكمل وميحشمش ..نضف حلقو وقال” واحد الوقت وقعو شي مشاكيل بينو وبين مرتو الي هي بنتي وكتب ربي الفراق …انا من طبعي اسيادي كبدتي واعرة وفمي من الي عرفت راسي وهو فالت قلت غانكبر ونوزن ساعاك كبرت وتفلست ههههه”عاودو ضحكو ”

مولف ندور فيه نعايرو وماشاء الله عمرو ردها فوجهي ولا قلل مني ولا هز فيا عينيه ولداااابا مزال على طبعه الله يرضي عليه …وقع واحد المشكيل وتقلق مني خويا الكبير اسيادي وانا هاد خويا را الى ما طلبت منو سماحة عمر نهاري يدوز مزيان ونبقا مقلق ومضيوم تانموت …واش عمركم شفتو الوردة كتبقا بلا ما عايشة ؟ عمركم شفتو الوردة مفتحة بلا شمش وعمركم شفتو ال رمسيس ضاحكين بلا وجود راس الكبيرة سي فؤاد الحاج رمسيس ….

فؤاد”نطق بصوت خااتر ومضعضع وغييير بشويييية ” : يوووسف …

يوسف “عينيه غرغرو وضار لعندو قرب ليه ” : انا طالب منو وقدامكم السماحة …را منبقاش كي ناس وما سمحتي ليا خويا …

ياسين”دار ايدو على فمو ورفع حجبانو ونزلهم كيشوف فيوسف كيفاش ولا والوضع الي كاين دابا …حول عينيه لباه لقاه عينيه لتحت وحجبانو مهزوزين …قرب لواحد سيد امام جا معاه ” : رطب القلب الحاج بكلام الله ولا كلامك الوليد تزير …”زعما يرطبو بشي اية قرانية ولا يهضر هو نيت ممكن يحشم منو ” …

#ي🦋نور_الياسين(834)#فرصة_ثانيةsana mina🐺🦋

فؤاد بقا حادر عينيه وحجبانو مرفوعين وفعلا تزير ماشي حيث مابغاش يتسامح مع خوه وانما تزير لهضرة خوه عليه وكيفاش كبر بيه قدام الناس وطلب السماحة وكيفاش هضر عليه …ايديه وحدة فوق ركبتو وتانية فوق فخدو واحد زوج صباع كيحكو فبعضياتهم ومزال حادر راسو تا نقز داك الامام الي كان هو الكبير فدوك الائمة الي تما …اسميتو الحاج عبد العظيم …

ع.العظيم”حنحن” : سي الحاج هز راسك وشوف فيا …

فؤاد”هز فيه عينيه وهو على نفس الوضعية ”

ع.العظيم : طلب الصلح ناس وصلو لعار كبييير ومادارو هاد القضية الي دار خوك كبر بيك قدام العباد الي هنا ..اش قلتي اسي فؤاد ؟

فؤاد “سكت تا سكت ونطق” : بلا طلب بلا مجيبة بلا ميكبر بيا راسي عالي وكبير بيهم بخوتي دراعي الي واقفين معايا فالحارة والحلوة الهازين هما وداري وولادي فغيابي بلا منهز هم ولا تفكير …مايحتاجش يدير هادشي والي دارو

يبقى موشوم فالعقل وفالقلب ..”ناض وقف ” بلا منكتر هضرة وكلام …هضرتك على راس والعين الحاج عبد العظيم …وخويا ميحتاج يطلب سماحة خويا لا عايرته ولا ضرت فيه را خويا فمقام ولدي ماشي بكلمة دايرة وخصام عادي نقلب عليه وجهي …هاديك قرصة وذن باش يعلم ان

الي كيخرج من الفم كيبقى يخفر فالقلب لازم يتربى ويتعلم يوزن قبل ميتكلم …”سرح ايديه ليوسف الي تلاح عليه بدون مايعاود الهضرة وعنقو بجهد تا خبطو لضهرو بجهد ونطق ليه فوذنيه بشوييي ” مرة جايا وزن هضرتك كيما نتا تقتل على بناتك

انا نمحي البشري من الوجود على ولادي وكل مقاتل على كبدته “خبطو لضهرو بجهد ”

اشرف : ساس ليه رية الي يلاه تشافات …

يوسف”تبسم وعينيه حمرين ” : كون هاني انا سيدي الي دار شي نخرج سوق ونهني راسي وكل يضبر لمخو …

فؤاد : هضرة المعقول وناس الكبار …

الحاج”قرب حدا ياسين الي حدر راسو مقرب ليه باش يسمعو” : هاا المشكيل لول تفك …بدا بقضيتك اولذي…

واحد السيد من البنك الي هو عمر نيت الي معاه …

عمر : سمي الله وبدا ولدي …

ياسين “غمز اسامة يجي لعندو …قرب ليه عطاه وذنو ” : تحرك نتا ودراري دخلو داكشي من طوموبيل …

اسامة : فين نحطو الكراطن ؟

ياسين : الكراطن الحنانة توريك …وشي لاخور تاهو توريك فين …

اسامة : واخا خويا …”مشا اسامة هو ودراري لطوموبيل ياسين وواحد طوموبيل اخرا ديال واحد سيد كان فيها غا وحدو …هزو كراطن سكار كل واحد دا كرطونة دخلها و الحنة …وكراطن ديال تمر نوع الجيد …

مينة “كطل هي ونوار من بالكون بيتها” : يااالالة ناس مكبرين بييييك …

نوار”مبتاسمة بفرحة كتشوفيهم كيدخلو داكشي ” : الحنة …

راوية : خطبتك هادي تبارك الله باذيا حسن من لولة …الله يجمعكم على خير ياربي …

نوار : امييين ياربي “ضارت عندها ومشات جلسات حداها ” عمتي راوية هاد المرة شنو بان ليك ؟

راوية “تبسمات ليها وحطات عليها ايدها” : هاد المرة بنتي ماعندك لين على راجلك باغيين بعضياتكم كان حلم ليك وصبح من نصيبك را ماشي كلشي كيتحقق ليه الحبم ديالو …رزقك

بيه ربي حافضي عليه وتاهو را رزثو بيك يحافض عليك …الي كان بيناتكم حدو باب داركم ميخرج لا لبراني لا لقريب هذا جهد نشوفو واش تفكوها بيناتكم …

نوار : ان شاء الله يكون خير …”حطات ايدها على صدرها ” هذا عافية الي كانت فيه مبقاتش وحاسا بفرحة وامان حاسة بواحد راحة خصوصا انني غانكون معاه يعني عمري منهز الهم …

راوية : ان شاء الله ميكون غير الخير …

مينة : نوضي لبسي شنو بغيتي تلبسي ؟

نوار : غانزلو دابا ؟

راوية : وشوي ويتحط العشا نزلو الحاجة ام سفيان كتسول عليك باش الى عيط ليك يوسف تكوني تما …

نوار”فمها كيترعد” : قلبي كيضرب بجهد …

مينة : عاد بغيتي توتري ههههه

راوية “هزات عينيها ف مينة ” : ورا حسبي بداو من اول وجديد وكثر كاع …هاد المرة من بعد مشاكيل كبار دازو وغبينة وهم الله لا يعيدها…

مينة : شنو غاتلبسي ؟

نوار”دارت ايدها على فمها وضارت جيهة الماريو ” : را واحد الفراشة عاد جابها ليا سفيان من عند صبان مع الحوايج الي دا …فالبلوغوا …

راوية : انا نجيبها جلسي رتاحي نتي راك واحلة فنفسك …

ناضت راوية جبداتها من ماريو معلقة فراشة فبلوغوا ساامبل ولكن جات من الوسط فيها حزام رقيييق ديال ساتان كيتعقد من لور …عطاتو ليها دخلات لبساتها وخرجات كتبان فيها فحال شميعة وعلى وجهها تزنيگة وسر طايحين…

مينة : جاتك كتحممق …

نوار”كتلمس فيها وتدوز على جنابها ” : بصح زوينة ؟

راوية : هههههه ولد خويا موحاااال يصبر تاديرو لعرس من هنا لعدول لبيت …

نوار”تزنگت” : اويلي لا لا ههههه ماشي تال ديك درجة …احم …

مينة : دوزات معاه شهور زواج وشركو فراش ففراش وحشمت …

نوار “كتقوليهم انااا الي عارفة فراشو كيداير ” : ندير شوية مكياج ولا بلاش ؟

راوية : ديري غير ماسكارا صافي وخلي وجهك طبيعي تالعرس وديري مكياج حسن …

بالفعل داكشي الي دارت ورشات بارفان فشفشات شعرها ناعم وخلاتو على طولتو قادت القصيصة ولبسات بليغة فدرجة الثانية ديال لون فراشة …تابدات دراع ختها وعمتها وخرجو🦋نور_الياسين(835)#فرصة_ثانيةsana mina🐺🦋

اما عند الرجال دراري كملو تدخال الكراطن وداكشي وجاو جلسو تقدم اتاي والحلاوي مسربييت من طرف دراري نيت …حلاو من اتاي والحلاوي حتى حنحن ياسين هز فيه باه عينيه وغمزو باش يباشر الكلام …والي حول عينيه لواحد رجل هو الكبير فيهم كاملين مسن وداير عليه زمان بعكازو محني …

فؤاد : الحاج الغالي نورنا بكلامك …

الغالي “كحكح وشرب شوي من اتاي باش يروي حلقو ونطق بشوي من بعد ما سكتو الرجال تما …سما الله وقال” : يا بسم الله يا بسم الله …كحكح احم …باش نبدا الحديث والكلام صليو عالنبي عليه ازكى الصلاة والسلام عطرو بيها المكان …

ياسين : اللهم صلي وسلم على سيدنا محمد …

يوسف”مربع ايديه وحادر راسو” : عليه الصلاة والسلام …

صهيب : عليه الصلاة والسلام …

الغالي : اليوم كيشرفني نتقدم من بعد الحاج فؤاد الي طلب مني باش نتقدم فهاد المجمع ديال الحلال وندخل بالخيط الي عند الله فيه اجر كبييييير …وهو الجمع بين زوج ديال ناس قدر وكتاب كان الفراق بيناتهم ووقع ابغض الحلال الي هو الطلاق …هضرة وكلام كتيييير …نختاصروها ف كلام موجه لسي يوسف …”جهد صوته ” اش كاين اسي يوسف ؟

يوسف”حادر راسو ” : الله اودي مرحبا بالي جا وجاب …

الغالي : والنعم فيك اولدي والنعم …

اليوم وفهاد الليلة والي نطولوه نقصروه اليوم اولدي يوسف جينا طالبين راغبين بنيابة على ولدي الفحم وسي الحاج فؤاد …برجوع بنتك لهاد ولد الناس من جد وجديد خطبة وطلب بالاصول وبشان والمرشان وهاد المرة متمنيين من العلي القديييير “جهد صوته” يكون رجوعهم دااايم لدوام بحوله …

يوسف : مرحبا …

الغالي : على سنة الله ورسوله من جديد …اش قلتي اولدي …

يوسف : قلتيها بفمك الحاج برجوع الدايم ان شاء الله وبحضوركم ارجال وقدامكم انا قابل بالطلب وراسي مرفوع بفرحة نرجع نتناسب من جد وجديد مع ولد خويا ومالقاش وعمري لقا ماحسن منو الي فات مات كانت الافات وعلمنا خبرات …مرحبا وطلب من جيهتي مقبول …غا هو حاجة ..

الغالي : اما هي ولدي …

يوسف : نسول مولات شان راك عارف العادات واش باغية رجوع بصفة نهائية ونعطيكم الجواب …

ياسين : من حقك وحقها خوذ راحتك اسي يوسف …

يوسف : عطيوني خمسة دقايق نسولها …

الغالي : سير اولدي سير …

ناض يوسف خرج من الصالون وتوجه لجيهة لاخرا هز تيليفون وصنا ليسرى .تجي عندو …

يسرى”خرجات عندو ” : هانا يوسف …

يوسف : عيطي لنوار سوليها واش قابلة راكي عارفة العادة وتقليد …

يسرى : وخا تسنا …”دخلات عند العيالات وعيطات لنوار قرب يوسف حدا الباب باش يسمعها ” ماما بنتي سولك باك ورجال وياسين واش قابلة ترجعي لراجلك من اول وجديد ؟

نوار”سكتات جاتها لقوى”

يامنة : ههههه ابنتي هضري مالك …

نوار : هاا مم اا اه احم اه ق قابلة “حدرات راسها”

يسرى : ويلي دايرة حالة وفلاخر جاتها لقوة هههه”شافت فمها” شتي ميمتي هادي ..

سعاد : ورا ضروري الحشمة وتوتر ابنتي ماشي شي حاجة غريبة “عنقات نوار وباست ليها حنكها” الله يجمعكم فالحلال ياربي…

يسرى ضحكات عليها وخرجات عند يوسف هز ليها راسو وحدرو ومشا دخل لصالون بلغهم بالموافقة …

ياسين”غمز الراجل”

الغالي : دابا نسولو واش عندها شي شروط اسي يوسف ؟

ياسين : الى كان ممكن اسي يوسف نقدر نهضر مع صاحبة الشان ونشوف شنو شروط ؟

يوسف “هز عينيه ففؤاد الي حرك ليه راسو” : احم ….ايه وخا ولدي …

فؤاد : يتدفع العشا ومن بعد هضرو …

ياسين : الله الله عليها …

تهزو صواني ووجدو الطابلات جمعو رجال فرقوهم فكل طابلة تا قادوهم …ناض ياسين من تما وخرج من الصالون توجه ناحية الممر الي فيه واحد لافابو كبير بالمرايات …حيد الفيستة وحل صدافي القميجة طوا الكمايم وغسل ايديه وهزهم كيسوس فيهم هز الفوطة كيمسح تاهز عينيه فالمرايا لمح طيفها دخلات من بعيد ماشافتوش يلاه غايزگي فيها شوفة تا دخلات كي زواق …

ياسين : ماعرفناها انس ولا من خلق ربي ديال لهيه (الجن ههههه ) …تت “رجع علق فوطة تما وهز فيستة ديالو فدراعو ومشا لصالون يتشعا مع رجال …كملو العشا وتدفع ديسير تاهو عاد رجعو تاني حطو اتاي من جديد …ناض يوسف لعند العيالات عيط ليسرى خرجات عندو …بلغها بشنو كاين وهي دخل قالتها ليها …

نوار : ع علاش ؟

الحاجة ام سفيان: سيري بنتي قولي شنو بغيتي وشنو شروطك وتافقو بيناتكم هادشي عادي راكي دزتي منو ههههه

نوار”حكات شنايفها بتوتر …وناضت هازا الفراشة وتعرج تا لبسات بلغتها وخرجات عند باها” : بابا …

يوسف. : اجي بنتي معايا تهضري مع ياسين

نوار “حركات ليه راسها وحناكها بغاو يطرطقو دابا عاد غاتشوفو لان فاش جا متلاقاتش بيه …تا وصلو لبيت نجود كان واقف خاشي

ايديه فجيابو محيد الفيستة بقا هكاك طاوي كمايم القميجة وعاطي بصهر كيتسنى …بان ليها علي من بعيد دار صباعو بين عينيه ورجع وجههم ليها زعما حاضيك ازين …هز ياسين عينيه قشع علي ورفع ليه حاجبو …

ياسين : شي باس مكاين ؟

علي “بالخلعة قفزو ” : امباااارك ومسعود…كلشي ديالك 🦋نور_الياسين(836)#فرصة_ثانيةsana mina🐺🦋

يوسف “حرك راسو يمين شمال ” : وهاد فار طحين ..”شاف فنوار” دخلي ابنتي وهضرو …”حركات ليه راسها مشا هو وحل ياسين الباب ”

ياسين : دخلي …

نوار”حادرة راسها هزات جلايلها ودخلات تعرج بشوي تا دخلات وسد الباب وراه ”

ياسين”قرب لعندها طلعها وهبطها تا عض شنايفو بشوي ” : بالصحة وراحة ..

نوار”هزات فيه عينيها وشافت فين شير ليها بعينيه زعما الفراشة ” : هههه يعطيك صحة زوينة ؟

ياسين : مزينها القالب …

نوار”عوجات ليه راسها وهي كتبتاسم ”

ياسين : جلسي نهضرو …

نوار : واخا …”مشات جيهة الفوطوي الي تما وجلسات تا جا حداها وجلس …مفرق رجليه وشابك صباعو ايديه …”

ياسين : هضرنا وتكلمنا ووصلك سي يوسف شي رسالة …

نوار “حركات ليه راسها” : اه وصلاتني …

ياسين : وصلني القبول منك …وباش نكملو عادتنا لازمني نعرف شروطك انوار …

نوار “حنحنات” : فالصراحة معنديش شي شروط باش نشرط عليك قايم بالواجب قبل من زواج وبعد زواج باش نحس براسي معايا سند يحميني هادشي كافي مبغيت والو …

ياسين : وشنو شروطك ؟

نوار : يمكن تجيك فشكل ولكن شروطي داخل فيهم العرس بغيت عرسي يكون تقليدي ديال العروبية ..هههه شفت عرس الي حضرت ليه تما وكنت متمنية ندير فحالو …

ياسين : بغيتي عرس بالعادات ديال دوار تما ؟

نوار “حركات ليه راسها” : من الالف للياء …مابغيتش عرس فحال ختي مينة بغيت عرس بلدي ديالهم تما مية فالمية ..والعقد ميجيش العدول عندنا نمشيو حنا عندو كيف ناس العاديين شي حاجة بسيطة ….نمشي فحال اي عروسة معاك نتا وبابا وعمو فؤاد ونرجع معاك نتا …نكون بلدية فكلشي …غايجيك هادشي غريب ولكن البساطة فيه عاجباني …

ياسين”كيسمع ليها بحب وافتخار لهاد الكتلة ديال العشق الي قدامو ..” : فهمتك وفهمت شنو بغيتي بالضبط “شد ليها ايدها وكمش عليها ” : عرسك من لول تالاخر يكون …بالطريقة ديال دوار …”حنحن” يعني نديروه تما ؟

نوار : نديروه تما …

ياسين : واجدة ترجعي لدارك هاد شهر جاي ؟

نوار “حركات ليه راسها” : و وااجدة …

ياسين”باس ليها ايدها ” : على بركة الله …شنو مزال تاني ؟

نوار : هذا هو شرطي صافي …

ياسين : من هنا لتما لا بغيتي تزيدي شي حاجة قوليها والي بغيتيه قوليه …

نوار : ان شاء الله …

ياسين “تقابل مع وجهها مزيااان ” : هزي عينيك وشوفي فيا …

نوار”هزات فيه عينيها بالعرض البطيييء ” : نعام …

ياسين”كيشوف ليها فعينيها ” : شهلة العيااني ديالي …

نوار “ضحكت” : هههههه ياه شحال هادي ماسمعتها ممم “جمعات فمها وشافت فيه لقاتو مركز فيها شوفة وعينيه هايمين فيها كيطلعو ويهبطو مع شفايفها ” ياسين مالك ثاني …

ياسين “ماجاوبهااااش وتقول واش حرك شفايفو كيطلعها وهيبطها تبغي تحدر عينيها كيضغط على ايديها وترجع تهزهم فيه ”

نوار : ياسين متبقاش تشوفيا هاكا عافاك …”شافت فيه ووالو كتهضر وهو حاضيها ما كمل ليها الباهية ملي عض شنايفو وهو كيشوف فيها وهي بغات تبكي بالحشمة ومتقدرش تحدر عينيها تا ولات تشتت فالمظر ديالها …

نوار : صافي نخرجو غايلاحظو تعطلنا لا ؟

ياسين : ماسوق حد فينا هاد ساعة كناقشو باب ساسنا وحياتنا جايا تحت سقف واحد وسط فراش واحد …مشاركين مخدة وحدة ولحم واحد …

نوار”خرجات فيه عينيها” : ياسيييين فين غادي …

ياسين : هاد ساعة لحاجة وحدة …

نوار : شنو هي ؟

ياسين”تكا عالفوطوي وسرح ايديه ” : اجي عندي هنا …

نوار”قلبها هبط لتحت كيضرب هههههه” : مايدخلش علينا شي حد ؟

ياسين : تت مكاين الي يدخل …غير هناي …

نوار”تبسمات مزيرة على فمها الي كيترعد قربات لعندو وتحدرات على صدرو حطات عليها راسها ودور ايديه على ضهرها كيحك عليه بشوي ..”

ياسين : اجي الكبيدة اجي

نوار”كيحك على ضهرها وهي كتحس بكرشها كتقلب والفراشات كيفرفرو فيها حتى تنهدات بصوت ” : اممممم

ياسين : الله اكبر …

نوار : هههههههه صاافييي …

ياسين : مابقاش ومكاينش صافي بعد الحلال كاين غير زيدني …

نوار : اش زيدني ؟

ياسين : شلا وشوية ازينة البنات …

هز ليها راسها ومد شنايفو باس ليها جبهتها وغادي نازل ويبوس تا وصل راس منخرها وباسو وخي تغمض عينيها وبلا شعور حكات على صدرو …

ياسين “هز ايدها وباس وسط كفها وشاف فيها” : قرب الوقت وعمريها بالحنة ولفراس راجلك حطيها …

نوار : ان شاء الله …

ياسين”تگعد وگعدها معاه” : نوضي نوضي لا كترنا ماحنا فخير …”قاد قميجتو من لور ” شروطك مجابة ابنت عمي …

نوار”قادت فراشتها” : غاترجع معاهم ؟

ياسين : تت يومين ونرجع هما خذيت ليهم لوطيل فافران باغين نيت يدوزو عطلة صباح باليل يرجعو فحالهم …”شاف فيها وكمش عينيه جيهة صدرها بان ليه شوي معري ” توحشتي العضان ؟

نوار”تفكرات نهار لبسات تكشيطة الي صدرها عريان فالعقد ديالهم لول حطات ايدها على صدرها ” : م ماعريانش هذا ماعريانش …”بان ليها كيقرب وهي تبدا تبعد” ياسين نعل شيطان …

ياسين : ينعلو ويخزيه شيطان هو سبابنا ومزال العاطي يعطي هذا جهد …”كتبعد تبعد تاحبسها الحايط وهو يقرب دار ايد هنا وايد لهيه جات هي الوسط ”

نوار : العضان لاااا …”بجقات شنايفها” عااافاك انننن

ياسين “قرب ليها اكثر تا مبقا غير سانتيمات بين شفايفو وشفايفها كتحس بنفسو كتضرب فشنيفاتها ” : ماعليش نديو ذنب صغير على جال شهد الي كيترعد ومخلي المستور باغي يعطي سلام …”عض لسانو وبقج ليها حناكها تا خرجو شنايفها قبل ميحط شفايفو عليهم كانت غاطيح كون ماتبتها من دراعها وايدو مش🦋نور_الياسين(837)#فرصة_ثانيةsana mina🐺🦋

حط شفايفو على شفايفها …بكمية التوتر بمجرد ماحط شفايفو حسات بكرشها تقلبات كانت على شوي طيح لو متبتها بايدو من دراعها مزيان حكمها وايد لاخرا حيدها ودارها ورا راسها خاشي صباعو فشعرها …بالاشتياق الي فيه من ناحيتها وتاهي نفس الشيء سمح لنفسو انه يدير ذنب صغير كيف قال هو ويلتاهم شفايفها بقبلة خفييييفة مغمضين عينيهم بزوج …بقا

مدة قليلة وشفايفو على شفايفها وايدو كتحك فدراعها بلطف حتى فصل القبلة وطلق انفاس سخونة حيث حبس النفس باش يعيش بلمسة شفايفو على شفايفها …ماقدرش يزيد يكمل فالقبلة لانه لو زاد غايصدق فايت الحدود ماكرهش ياخذ شفايفها اكثر يلتاهمهم يحس بطعمهم الي من اول لمسة من شفايفو خلاوه بلا عقل ولكن لا الوقت يسمح اكثر ولا الضرف يسمح باكثر اما كون جات عليه يتكيها تما وخا يجيو العسكر …

حط جبهتو على جبهتها …

ياسين : شنو هادشي ولا عندك فشكل …

نوار”حناكها بغاو يطرطقو بسخونية …عضات شنيفاتها بغنج ” : شنو هو ؟

ياسين”دوز بصبعو على شفايفها ” : هادو …

نوار : كيف خليتيهم باقين هههه “حدرت عينيها”

ياسين : كانو وباقين لمولاهم …

نوار”حركات راسها زعما اه ”

ياسين”طبطب بكفو على حنكها ” : يلاه نخرجو …ملي هادو شروطك الامر مجاب …

نوار : صافي …

ياسين : الى منعستيش تلقايني فجردة …

نوار : ضارب طريق ومزال غادي ضربها فاش تمشي مع ضياف توريهم لوطيل غاتكون عيان ترجع طلع رتاح وصباح نشوفك …

ياسين : حتى هادي هضرة …

حركات ليه راسها قادت حوايجها وخرجات هي وياه لقاو يوسف واقف هو وصهيب عند باب الفيلا لداخل …مشات هي كتزرب فالمشية تا دخلت عند العيالات وجلسات حدا يامنة ويسرى …اما هو شير ليوسف براسو ودخل عند رجال جلس معاهم …تافقو الاهالي وتحطو نقاط وباركو ليهم قامو يضيافة الضياف على اكمل وجه ما خرجو من عندهم الا وهما ناشطيين راضيين على حسن الضيافة والصلح الي وقع والمباركة بالخطبة الي كانت بالهمة وشان …

صباح اليوم التالي …كيف العادة لقاتو فاق بكري من بعد راحة نوم من تعب السفر وتمارة …نزل من الفوق لقا الكل مجموع لتحت الفطورات تمشي وتجي ودار عامرة غير بيهم هما تبارك الله را مكفيين موفيين …وصل باب صالون عند العيالات …

ياسين : صباح الخير “كيعقد فساعتو”

ياسين “مشا لنجود باس راسها” : كي صبحتو …

نجود : ولله الحمد امولاي سلطان …

ياسين : كااع …

نجود : نتا يا دلي مزال هاذ ساعة …

ياسين : الحنانة مشات مع الحبيب ؟

سارة : واه اولدي مشات هي وياه وهاجر والحاجة زبيدة يتقداو شنو بقا ليها …

ياسين”قاد سمطة سروال من لور وقميجة ” : مزيان ..

نجود : اجي تفطر قبل ميجيو العيالات …ونيت نشبع من هضرتك راني موحشاك اولدي …

ياسين : وجهك الي منردهاش ليه …واحد الكاس من تم …

نجود : هي الي متعاود …”كتكب ليه الكاس” ايوى ولدي هنية عليكم ومبارك مغاديرو

سارة : على سلامة رجوعكم …

ياسين : يعمر داركم الله يسلمك الخالة “شرب من كاسو ” ربي مكتب وربي يلاقي ويفرق …

بقاو يهضرو تا جا اشرف واسامة وعلي عاد نزلو فايقن من نعاس ولابسين حيث غايبغيو يتقداو …الرجال لاخرين كانو خارجين بكري مشاو شركة اما فواد مشا عند ايلاف طلعو لفاس يشوفو صفية كيف بقات …يسرى مشات لعيادة …اما نوار صونا عليها ياسين لقاها عاد نازلة …تا دخلات عليهم صالون بقبية بيج وسروالها وسبادري ودايرة صاك فايدها …

نوار : صباح الخيير …

ياسين”ضار شافها ” : صباح الخير …فين غاديا ؟؟

نوار”حيدات سبرديلتها ودخلات جلسات حداه” : كنت غانعيط ليك باش نمشيو عند صفية …

ياسين”شاف ساعتو” : وحتى لدابا عاد غاتقوليها ؟

نوار : غادي لشي بلاصة ؟ “كترمش فيه” انا قلت نقولها ليك وقت ما مشينا مهم انا واجدة لابسة …

ياسين “حك لحيتو رافع حاجبو ”

نوار : منمشيش ليوم تاتسالي وديني ولا نمشي مع ماما ؟ اصلا غاديين لفاس من بعد باش نتقدا من لهيه …

ياسين : ماشي هكاك …عندي غراض خاصني نقضيه شي وراق ديال مولاهم نوصلهم ليه هنا فازرو(وراق عاديين لا غير ) …كنتي تقوليها بالليل نشوفوهم بجوج …

نجود : ما وقع باس تمشي مع يسرى …

ياسين : يلاه معايا نعطيه وراقو ونطلعو من تما عيطي ليسرى الى تحرك معانا …

نوار”بفرحة ” : وااخا “جبدات تيليفون ودوزات لمها الخط ”

يسرى : غير سيرو اماما انا مزال معطلة لقيت ناس كتار جاو منصيبش كيفاش ندير ومكايناش دكتور ناهد …

نوار : واخا …”قطعات معاها”

ياسين : فطري “ناض وقف كيجبد فباكية الكارو” انا برا …

نوار : اوكاااي …

مشا خرج من الصالون وخرج برا اما هي بقات كتفطر …

اشرف : اتمشيو راس فراس ؟

نوار : اه علاش ؟

علي : مااابقات حشمة …

اسامة : المراة ولات تلبس وتقول لزمانها يلاه نخرجو تا را تقلبت الاية …

اشرف : طيك الدل تقلب على كلشي الا ياسين …

علي : ايوى را شقلباتو …

نوار “فطرات وكملات وناضت كتسوس فحوايجها وتمسح ايديها …” : درت حاجة نتوما راجل ينطح لاخور مقدرتو عليها “قربات لاشرف عند وجهو ” نزيد ولا مزال…

اشرف”شير ليها بايدو” : اش تزيدي مثلا توصلي لمسائل سكساوية …”دارت ايدها على فمها وهي دور لبسات سبرديلتها وخرجات تجري من تم مخليا نجود وسارة يعايرو ودرا🦋نور_الياسين(838)#فرصة_ثانيةsana mina🐺🦋

خرجات لعندو برا لقاتو واقف كيهضر ويكمي فالكارو وجات حداه تسناتو تا كمل الهضرة فتيليفون …شاف فيها عاد شاف فاللباس …

ياسين “هز كبوط ديالو لبسو ” : مجاكش البرد نتي ؟

نوار : لا هادي الي لابسة سخونة …

ياسين : نتي تعرفي …”دار حل طوموبيل بالكونطاكت وركبو فيها …مسافة الطريق كانو عند سيد عطاه امانتو وسلم عليه ومشاو

نيشان لمشفى فين ناعسة صفية …

طلعو لطابق ديالها لقاو راوية وايساف واقفين كيهضرو ..حتى وقفو عليهم …

ايساف “تسالم مع ياسين” : عالسلامة …”شاف فنوار ” اهلااا اهلا عالسلامة

ياسين : الله يسلمك …كيف بقات ؟

راوية “معنقة نوار” : شوية الحمد لله مسلكة تادوز هاد شهور الي بقات …

نوار : واخا ندخلو عندها ؟

ايساف : ايه دخلو مرحبا انا والوليدة غادين شوي ونخرجو نجيبو شي حوايج ليها وراجعين ملي جيتو تنخرجو جميع …

ياسين”حرك ليه راسو …دخلو عندها لقاوها شادة تيليفون كتشوف وداخلة تقرا حتى هزات فيهم عينيها وهي تضحك بالفرحة خصوصا نوار شحال ما شافتها …

صفية”بصوت حنين” : نواااار …”عنقتها كطبطب على ضهرها”

نوار : صفية حبيبة ديالي …

صفية : توحشتك بزااف على سلامتك “شافت فياسين” على سلامتكم اخويا …

ياسين”حادر عينيه” : الله يسلمك …شوية ؟

صفية : شوية شوية يسول فيكم الخير …

نوار”حطات ايدها عاى كرش صفية ” : وينووو كيف بقا ؟

صفية : هاهو مسلك معايا باغي يخرج قبل الوقت …

نوار”باقيا حاطة ايدها على كرشها عجباتها ” : هههه كرشك كبيرة تبارك الله …

راوية : هههه عجباتك كريشتها …

ايساف”مربع ايديه وكيشوف نوار كيفاش كتقيص كرش صفية …هادي غير وحدة بعيدة وعاجباها كريشتها وفرحانا بجهد بالبيبي وهو معمرو عبر ليها على فرحتو بيه …فقط مباغيش الولاد …”

ياسين”مشا حدا الحايط وتكا عليه مربع ايديه كيشوف تاهو تا جات عندو راوية مخليا نوار تهضر مع صفية ”

راوية “حطات ايدها على دراعو كتمسح عليهم” : دابا يعوضكم ان شاء الله اولذي غير الوقت …

ياسين : الي جا من عند الله مرحبا …

راوية”شافت فنوار ” : فرحانا وفرحتها كتر ملي تصافيتو ورجعات المياه لمجاريها …حاولو تشدو فبعضياتكم ومتعاودوش تفرطو فراسكم …

ياسين : الى بغا الله را معندها لين عليا ومعندي لين عليها …

راوية : العرس فالدوار ولا هههه

ياسين : فالدوار جوج سيمانات من الوقت حاولي تكوني تما …ضروري وجودك العمة …

راوية : ان شاء الله …

نوار”جات عندهم ” : عميتو ياك ماشي مشكيل نديرو عرس وصفية هنا ولا نتسناو حتى تولد ؟

صفية : نوار الى مدرتوهش مغاديش نسمح ليكم ديرو عرسكم وفرحو وخا مغانحضرش راني معاكم الله يجمع بيناتكم ياربي غير متنسايش ديري ليا فيديو نشوف …

نوار : ههههه ان شاء الله …

ياسين : من هنا لتما يحن الله …”شاف ف ايساف ” ضروري تحضر …

ايساف”شاف فيه ” : هاا ؟ ونشوف نشوف ان شاء الله الى ولات شوية نقدر نخطف وقت ونجي نحضر ونرجع …

صفية : لا لا غير سير انا معايا الفرمليات بينما جات خالتي راوية …غير سير بلاش متبقى ..

ايساف”عض شنايفو باش يحاول يصرط القمعة الي عطاتو”

ياسين”حنحن باش يكسر الاحراج الي وقع ” : نوار مشينا ؟

نوار”ضارت عند صفية ومشات تاني حطات ايدها على كريشتها” : واخا مشينا …مسخيتش بيه حبيب عميتوه…

صفية : لا ههههه حبيب خالتوه …ولدي هذا ..

ايساف “الصمت بزز مضطر يتحمل هضرتها باش يسلك وترطاب معاه ”

ياسين : هاني برا “خرج وتبعاتو راوية وايساف تاهو من بعد ما شير لنوار …بقات كتهضر معاها ”

نوار : قصحتي معاه ههههه

صفية : احسن باش يفهم راسو ويعطيني تيساع انوار را وجودو حدايا كيعصبني وجالس ليا على خاطري والله غير كنحشم من خالتي …

نوار : عطيه فرصة مغاديش نقوليك سمحي ليه الي دارو ميتنساش ولكن انا نقوليك والله ايساف حتى فشكل هو الوحيد كان اقرب شخص ليا وكان كيفهمني وعمرو جرحني غير هو هضرتو فشكل فاش كيتصعب مكيعرفش يهضر اما را والله الى نتي الي فقلبه …

صفية : نوار نكون فالقلب ولا لا راني مبقيتش بغيتو فاش كتجرحي بجهد وجرحة كتحفر وتبقا تحفر عرفيها عمرها مبرات …

نوار : ولكن فالاخير كتبرا …

صفية : كيبقا الاثر ديالها باين قداااش ..

نوار : تا انا تجرحت وجرحت ورجعنا رمينا كلشي ورانا …

صفية : كاين فرق انوار …هاذشي مغاديش تعرفيه وتحسي بيه

مرارة اليتم صعيبة انوار صعيبة خصوصا الى وليتي من بعد ما كنتي بنت الناس حتى ترميتي فزنقة تنعسي وتصبحي فيها لا حنين لا رحيم ويجي واحد يتعدا عليك بالضرب ومعيور والجرح صعييييييبة ….

نوار”تنهدات” : الله يفك وحايلك على خير …”سلمات عليها وخرجات هبطو كاملين ايساف وراوية مشاو فطريق وياسين ونوار تحركو رجعو لازرو “….

ياسين”وقف سيارة ” : شنو باغا تقذاي من فاس ؟

نوار : اه داكشي الي غانحتاج فالعرس و”دخلات خصلة من شعرها”نشوف مينة تاهي بغات تاخذ شي كادو لحفلة ديال الحبيب هاد السيمانة ….

ياسين “حرك راسو” : وقت الي تبغي تحركي نديكم انا…”شاف فساعتو”دابا طالع لافران عند عماد ونجي منتعطلش …

نوار : صافي واخا …”حلات الباب باش تخرج وهو يوقفها بايدو من دراعها ودورها عندو شاف فوجهها وشد ليها قب القبية كمشو مع الكول وجرها عندو باس ليها جنب فمها وطلقها” غانعاود الوضو نعاودو هذا الله معاك …

خرجات من طوموبيل مزنگة وكت🦋نور_الياسين(839)#فرصة_ثانيةsana mina🐺🦋

هكا داز الوقت …وصلات العشية جات يامنة والحبيب ومعاهم هاجر والام ديالها …وصلو يامنة هي اللولة تال الفيلا …

يامنة : اربي ما دخلو ديرو معانا الگوتي الحاجة زبيدة ربي لما دخلو مترديهاش فوجهي …

زبيذة : الله يا يامنة ولا تحلفي شاااي …وحهك غالي وعزيز …”شافت فهاجر”

هاجر : منردوهاش فوجه خالتي هههه

يامنة : وشتي الله يرضي عليك …

زبيدة : وصبري نهضر مع صوفيا تلحق عليا هنا باش ترجعنا معاها فطوموبيل …

الحبيب : انا نرجعكم وليني ماعليش عيطي لصوفيا تاهي الى كانت هنا … هاجر : غاتكون جات من القراية …

زبيدة “خرجات هي ويامنة وعيطات لصوفيا اما هاجر بقات بغات تخرج وهو يجرها الحبيب ”

الحبيب : تقديتي كلشي دابا. ؟

هاجر : تقريبا والي تفكرتها نوصي عليها…

الحبيب : قطعت البيي …

هاجر”لولبت عينيها” : احم مبغيتيش تقوليا فين غانمشيو ؟

الحبيب”حط ايدو على حنكها الي تزنگ” : تت مفاجئة ازين “غمزها”

هاجر”دفعاتو بمرفقها” : ومتبقاش تغمز ياااه ههههه “حطات ايديها على حناكها “كتحشمني …

الحبيب”عاود دفعها تاهو بمرفقو ” : يعطيك الدل هههههه “قرب باسها فوق ايدها الي فوق حنكها” اح على موك نتي اح…

هاجر : وخليني نمشيو ماما كتعيط …

الحبيب : دابا دخلها الفجلة عگوزتك تسكتها…

هاجر : احم دابا فين غادي نتا ؟

الحبيب”دوز على شعرو” : واش نقوليك غادي عند الوليد ومن عند الوليد لخياط نجيب جلالب ديالنا عاد نوصل على خويا لافران دايرين سهرة بالليل معانا دراري خوتي …

هاجر : سهرة امممم ؟

الحبيب : غانجيبو شيخات نزها قبل لا نتحبس

هاجر”خرجات فيه عينيها وتسيفت ليه تا قربات وجهها عندو مزيااان بالدعقة بعد وجهو ”

الحبيب : ياربي سلامة …امالنا ؟

هاجر : اشمن شيخات ؟ مالك معندك مراة ما عندك ولاد ؟

الحبيب”حك على صدرو” : اححح على ولاد وامراة نعل ديلمي انا …”عوج راسو ” لا الله اودي مالي معندي ….تي غا ضحكت غير سهرة مع الخوادري الكبير والصغير وولاد عمي وصحابنا صافي واحد عشيوة بيناتنا …

هاجر : ايوى منعرف ليك …

الحبيب”رفع حاجبو” : تي مالنا رعاوين ولا باغي نتزوجو نوض نقلل احترامي لمرتي ؟ تا منكونش ولد رمسيس …

هاجر : وصافي صافي سمح لينا …

الحبيب : شي نهار نعلقك من دوك شفار …

هاجر : اويلي مالك نتا مع شفار …

الحبيب : عقدتني منهم ختك كانت ديما تقلي ليا سم حيث انا شهب …

هاجر : ياك رعفتيها ؟ماخليتيش حقك ؟

الحبيب : وتقوووووول …مزال رعف ختها تاهي …

هاجر : اويلي مالي اش درت ليك ؟

الحبيب : لا ترعيفة حلااااالا طيبا …

هاجر “زمت فمها عرفاتو اش قصد هههه ” : الله يمسخك يمسخك يمسخك “حلات الباب وخرجات” بيناتنا تيليفون …

الحبيب : ههههههه واخا المدام واخا …

كسيرا بالسيارة منطالق نيشان لاغراضو الي قاليها اما هي دخلات لقات الكل مجموع سلمات عليهم بخجل وابتسامة على وجهها مكتحيدش …جلسات حدا امها تا هبطات نوار …دخلات سامات عليهم وجلسات حداهم …

هاجر”قربات لنوار” : الحمد لله على سلامتك ومبروك مغاديري والله الى فرحت ليك …

نوار : الله يبارك فيك وحتى نتي مبروك عليك ههه غادي نتبعك ان شاء الله …

هاجر : ان شاء الله …

نوار : ضروري تحضري العرس

هاجر : قاليا الحبيب غايكون لهيه ياك ؟

نوار : اه فالعروبية …

هاجر : فخبارك متشوقة نشوف عراسات تما كنحماق على العروبية …

نوار”حطات ايدها عليها” : مرحبا بيك فاي وقت جي نوريك تما زويييين غايعجبك …

هاجر : ضروري …

زبيدة”نقزات” : ايوى فعلمك راني عروبية حرة …

نوار : بصاح ؟

زبيدة : ايييه واصولي من تما نيت عندكم …قالت ليا يامنة غاديري عرس ديال تما …هنية عليك والله يكمل عليك بالخير …

يامنة : اللهم امين …هههه ماقلتيش ليها الحاجة بالي خاصها تختار الوزيرة …

نوار”باستغراب” : وزيرة ؟

زبيدة : ايييه ضروري تختاريها هي تبقا معاك تقدا معاك وتعاونك فالوصفات وتمشي معاك الحمام تسقي ليك قبل العرس …تا تبغي تروحي عند راجلك يجي عندك عاد تمشي …

يامنة : اختاريها عزبة عمرها تزوجت …

نوار”تحرجات” : احم دابا معارفاش شكون رميساء مغاتجيش هي الي عزبة …

سارة : غاتجي ولكن تاتبقا يومين بزز باش خطفات ديك الوقت غير صهيب الي قطع ليها …

زبيدة : ايوى را خاصها تبقا معاها وتكون ثقة …

نوار : معنديش صحابات ..”باسف”

كيهضرو حتى دخلات صوفيا عليهم لابسة جلابة ديال دان فالمارون وبوط كحل حطاتو ودخلات سلمات عليهم كاملين وجلسات حداهم …

نوار “قربات ليامنة وهي كتشوف ف صوفيا الي كتضحك مع هاجر ونجود ” : خالتو “هضرات بشوي”

يامنة “قربت ليها” : احنينة …

نوار : قلتي تمشي معايا لحمام وتسخر ليا فالعرس ؟

يامنة : من طقطق تايجي راجلك لعندك فالبرزة …

نوار : وتسخر ليا تولي سخارتي ؟

يامنة : تسخر ليك هههه لقيتي شي وحدة .؟

نوار”هزات عينيها ف صوفيا ” : لا مزال ولكن قريب بينما جات رميساء “شافت فيها صوفيا وهي تضحك ليها نوار ” مرحبا بيك اختي ….

صوفيا : تزحب بيك جنة ازين ميروك م

🦋نور_الياسين(840)#فرصة_ثانيةsana mina🐺🦋

..وصل الليل دخل يوسف وصهيب …

يوسف”جات عندو نوار ” : نخشيشة …

نوار”ضرها راسها” : بابا جيتو …

صهيب : مالك ؟ عيانة ؟

نوار “بنفي ” : لااا غير هبطت بزربة حسيت بدوخة هههه

يوسف : ومالك على حالتك …

نوار”هزات كتافها” : شي مرات كنبغي نطير …

يوسف : فين ماماك !

نوار : لفوق هاهي هابطة …

يوسف : ياسين ودراري مكاينينش ؟

نوار : مشاو لافران يتعشاو كاملين تما بيناتهم …

يوسف : مزيااان …”شاف فساعتو” ايوى نطلع نشوف المدام ونبدا تانا ونهبط …

صهيب : تانا نمشي معاك …

يوسف “تا حط رجلو فدرجة وهو يدور عندو” : الين اخويتي فين ؟

صهيب : اخويتي عندك نتا والمدام …”خرج فيه عينيه” حيد راني تانا عندي مدام وبيت حيد الله يمسخ الماسخ حتى يمسخ …”دفعو وزاد طلع ” استغفر الله العضيم …

يوسف”بقا متبع ليه العين تا طلع وهو يبرگم ” : را غانجي نفگس ملتك اداك هااا …

نوار : ههههههههه ..

مشات لكوزينة عند يامنة تعاونها فالعشا هي وسارة …دخلات جمعات معاهم وعاوناتهم شوي تا جاها ميساج من عند ياسين بالي غايهضر معاها …ضارت عندهم …

نوار”دخلات ماماها كطوي فكمايم بيجامة ” : ماما انا فوق نهضر مع ياسين صافي ؟

يسرى : وخا بنتي سيري …

.طلعات لبيتها وسداتو وجلسات ففراشها ربعت رجليها رسلات ليه ميساج يهضر …حتى صونا ليها فيديو بان ليها جالس فواحد كرسي خشبي داير قب الكبوط فيه زغب بزاف على راسو وطاقية كحلة …شافها وهو يغمزها..

ياسين : كاندي …

نوار : ياسينيييي هههه

ياسين”كمش فيها عينيه” : مال عينيك ماشي تال لهيه …

نوار : يمكن غير فيا نعاس …

ياسين “رفع حاجبو” : تنعسي وانا مكاينش ؟

نوار : ههههه لا انتسناك ياك مغاتعطلش ؟

ياسين : لا نجيو بكري …عندي معاك هضرة وكلام وغرام …

نوار”عوجات ليه راسها” : وشنو تانيييييي هههه

ياسين : طامعة فكتر ؟ انا موجود الله اودي …

نوار”خرجات عينيها” : اويلي لا وحنا مزال مدرنا العقد …لا لا …

ياسين “قوس حجبانو” : نوار تهدني …المقصود هضرة ماشي البال لبعيد (زعما قلة الادب ههه)،مزال مدرنا الحلال هي كتسناي كتر من هاد “شير لراسو” لولد الجواد ؟ …

نوار : ياسيييين صافي هههههه ..

ياسين : متوحشتينيش ؟

نوار”تبسمات بتعب ونطقات بصوت عيان محركة راسها” : بزااااف …

ياسين : وانا كثر كاندي ديالي كتر ….”شافها كتدلك فصدرها” نوار حالتك معاجبانيش ..

نوار : ماعرفتش يمكن ضربني البرد …

ياسين”تنهد بقلة حيلة ” : علاش راسك قاصح انوار علاش ؟علاش صباح مبغيتيش تلبسي شي حاجة دفيك معامن كتعاندي معامن ؟ بغيتي تعصبيني منك ؟

نوار : والله مضرني البرد طوموبيل كانت سخونة وجيت لدار مبقيتش خرجت انا وماما حيث تعطلات ودار سخونة يعني مكاينش لاش نلبس شي حاجة دفيني …

ياسين “ضور وجهو لهيه ورجع شاف فيها” : راسك ؟

نوار : شوي كيضرني …كنحس بصدري مخنوق …

ياسين “كمش عينيه بقلق عليها ” : نوار نرجع دابا ؟ ماهانيش عليك انوار …

نوار”شافت فيه حيث تفكرات ” : ياسين غادي نقوليك وعااافاك متغوتش وتعصب راني عاد تفكرت وبغيت نقولها ليك …

ياسين : شنو ؟ غير هضري ماهانيش عليك ماهانيش غير قولي …

نوار : الفنيد الي كنشرب ..

ياسين : مالو ؟”ناض وقف كيقلب عالكونطاكت فجيبو مالقاهش قشعو لهيه فوق واحد طابلة حدا دراري ”

نوار : نسيييتو …

ياسين : ماشربتيهش ليوم ؟

نوار : مم ل احم”كتحك فصدرها ” لا س كتر من يومين …

ياسين : وعلاش ؟ علاش ؟ ماتقطعيهش انوار تبقاي تشربيه ديما حتى تشوفي طبيب ديالك هو يقوليك شنو كاين …علاش نوار تعاودي ترجعي من لول عاجبك تبقاي طيحي ؟

نوار : حيث تدهيت بالفرحة و…

ماحتال تكمل هضرتها تقطع عليه التيليفون …

ياسين : نو نو نو نواااااااار لا لا”غوت بحر جهدو تا حبسو دراري الهضرة وضار عندو وقف الحبيب واسامة مشاو كيزربو عندو ” نوار نوار لا لا ….فااااااااك ….

الحبيب :’ اش واقع خويا مالها …

ياسين “بالحر كينقز ويغوت لربي الي خلقو .” : نوااااااار نوار لا لا …

طار لكونطاكت ديال طوموبيل ومشا طاير تا تبعو الحبيب وقفو وشد من عندو ساروت …

الحبيب : انا غانسوگ غير تهدن …

ياسين “يحساب ليه شدتها كريز تاني”: اش نتهدن ااااااش نتهدن راسها راااسها كيتخبط مع لارض ….”

كيدوز الخط تيليفونها طافي هنا كملات ليه الباهية …قلبو بغا يخرج من بلاصته بالخلعة تا بانت فيه عينيه مبقاوش كيرمشو …يلاه غايكسيري الحبيب حتى صونات ليه …

ياسين : نوار !!! نوار غزالي مزيانة ؟ مابيك والو ؟

نوار “كتنفي بايديها” : لا لا مزيانة طفا ليا التيليفون …مشيت رجعت شربتو حيث اصلا هادي وقيتة ديالو بينما شعل تيليفون عيطت ليك …

ياسين”حط راسو عالكوساان كيتنفس من الخلعة الحبيب خرج من طوموبيل مخلي ليه كونطاكت لا يبغي يمشي …” : نواااااار …

نوار”بقا فيها ” : سمح ليا قلقتك …

ياسين : وياك تقطعيه الله يرضي عليك “عض شنايفو” كيبان ليا بلاش من الهة مو داك العرس صباح نديرو الحلال ويلاه معايا …

نوار : اويلي “خرجات عينيها” لااااا عاافاك صافي مباقيش نعاود …

ياسين”خرج وضار جيهة المقود وكسيرا طوموبيل خلاهم تما وشد طريق رجعة معصب بالخلعة” : انا جاي نتفاهم معاك نيت …”وصل لطريق الفيلا حتى بانت ليه ديك المراة الي قرات ليه الكف فداك الليل جالسة ساني فيها ضو ديال زنقة بقا كيشوف فيها تا تحل باب فيلا ودخل …كان صهيييييط فالدار”

ياسين”صونا ليها” : انا لتحت نزلي عندي نزلي🦋نور_الياسين(841)#فرصة_ثانيةsana mina🐺🦋

معنى نحيدو غناية حاشاك هي منبقاوش نعاودو فنفس الهضرة ونفس الموضوع اللهم نديرو ليه حد ونحيدو علينا نفس الهضرة والعناد فيها …هادي طبعا بمفهوم الصيغة باش تقالت وشنو الموضوع هذا هو شرحها …هي جملة كتقال لعدة مواضيع يكفي تعرفي باشمن صيغة جات وكل وكيفاش كينطقها وعلاش تقالت …المعنى الشامل هو منبقاوش نعاودو نفس الحاجة …

ياسين”حيد داك الكبطو لاحو فوق الفوطوي تما وتلاح حداه حيد الطاقية تا دوز على شعرو رجعو لور عاد رجعها حس بخطواتها نازلين وضور راسو بانت ليه جايا لاوية عليها بينوار ودايرة قب فيه ودينات ارنوب شادة تيليفون فايدها وحناكها مزنگين ”

نوار”وصلات عندو وقلبها كيضرب عرفاتو تعصب من خوفه عليها” : ياسين …

ياسين”شير ليها حداه ” : هنا …

نوار”زمات شفايفها وتوجهات فين نعت ليها بايدو قادات القب وكتخشي فشعرها بتوتر تاجلسات حداه ..” : هاني ..”هزات فيه عينيها لقاتو كيشوف قدامو حجبانو مرفوعين ” قلقتك عليا بزاف ياك …سمح ليا والله من الفرحة والي وقع نسيت راسي حتى راسي مبقاش كيضرني وليت مرتاحة و …

ياسين : نوار الي نتي فيه ماعندكش الحق تحكمي فالدوا كيف بغيتي …وقت دواك هو الوقت مايكون لا نسيان لا اهمال منك مادا بيا تبقاي مرتاحة بلا بيه بالفرحات …

نوار”تنهدات بحزن ” : مابغيتش نكذب عليك ولكن ماكرهتش منبقاش نشربو ديما بغيت نبقا عادي مابغيتش نرجع نطيح مابغيتش نرجع نتقلق ولا نتعصب …

ياسين : فاش تحكمي فردات الفعل ديالك تحيدي منك نفكير البلا قياس …هناي فدماغك وفكري بالعقل وشوي بشوي عليك …دواك يبقا معاون معاك …”شاف فيها مزيان”

ملي رجعتي بعقلك كبرتي ونضجتي بديت براسك شوي بشوي مابقيتيش طايشة فعقلك مابقيتيش تسرعي فهضرتك وليتي قادة ودراعك غادي ويمضا نهار فكرتي تبداي بنفسك وراسك تما فين كانت البدية الواعرة وفتيها مايجيش اهمالك لعلاج ودواك يقلب ليك كلشي …ماتقوليش مبقيتش كنتعصب وفرحانة نسا دوايا …وياك تنسايه بديتيه بديتيه كملي والطبيب هو الي يحدد ليك واش ترجعي تنقصيه ولا تحيديه …”هز ليها ايدها كمش عليها” تاواحدفينا مكامل وتاواحد فينا ما صحيح الي ممرضاتو علة تمرضو كحة …باش نكملو تلاخر ونديرو دارنا ووليداتنا لا بغا الله كوني على بال …الفنيدة غير مرة فنهار ماشي مية مرة فالنهار حسبيه حلوى حسبيه كاس ما كتشربيه فديك الوقت …ملي كضرك المعدة يضرك راسك العيا سخانة شنو كديري ليهم ؟

نوار : كنشرب دوا باش يفوتوني …

ياسين : الى ضرك راسك بالشمش شنو كديري ليه ؟

نوار : كنشرب دوليبران ولا شي دوا ديال راس …

ياسين : ملي كتشربيه باش كتحسي ؟

نوار : كيفوتني راسي وكنعس …

ياسين : الدوا الي كتشربي فنيدة كتعاون باش ميضركش راسك وملي تكوني معصبة ولا شي حاجة فوق طاقتنا حنا الانسان ربي سخر لينا الدوا شفاء لكل داء ماشي ناقص منا ايد ولا رجل ماشي مخلينا عايبين وسط ناس …راكي دوزتي وعشتي مع ناس خلق الله ناقصين وعايشين عيشة ناس الكاملين وحسن منهم جات غير ف فنيدة كتشرب فحال الما مخلياك هانية فوقالهنا ومرتاحة فوق الراحة بالي غادوزي نهارك مخير لا بغا الله ؟…

نوار”تبسمات ليه بعويناتها ” : قنعتيني هههه

ياسين “رفع حاجبو” : كنتي منقتانعاش ؟؟

نوار : لا لا مقتانعة غير صافي منبقاش نساه كون هاني …

ياسين : تعاود تاني نرجع لحلوفي ومكاين بو عرس …

نوار : ههههه لا لا عافاك مابقاش قد مافات صبر عافاك …

ياسين”سرح ليها كف ايدها وباسو وعاود” : صااابر صابر …

سمعو صوت السيارة ديال الحبيب دخلات حتى سمعو اصواتهم جايين داخلين بعدات نوار من حدا ياسين شوي تا ضار شاف فيها ورجع شاف فيهم …

الحبيب”لنوار” : صافا نوار ؟؟

نوار “كتحك فوذنها من تحت” : الحمد لله مزيانة موقع والو …

اشرف : ياكما طيحوك المسلمين ؟

ياسين”هز فيه راسو وشاف فيه واااحد مولاتي شوفة هي غير عادية وليني لاشرف ماهي بعادية ..”

اشرف “صرط ريقو” : نمشي نطلع نعس عرفتو علاش حيث الى ناغبرتش شي خنشوشاي غاناكول ماكلا طبلاي نهار العيدااااي اويلااااي يا ياسيناااااي مالك تتشوفيا هكاك ياكما بغيتي تسلخنااااي …وااامااااااي”را تاحد ما هضر ما قرب غا وحدوفنفن وطار من تما طلع يجري…

علي : الوجه صندالة “شاف فنوار” خلعتينا عليك ابتي …

نوار: لا مزيانة متشطنش عليا …

ياسين”ضار عندها ” : راسك وصدرك ؟

نوار : لا من شربتو مبقاش كيضرني بقا كينقص تا تعشيت وطلعت وليت مزيانة …

ياسين”دوز ليها على دراعها كيمسح عليهم هادشي قدام عينين الحبيب وعلي الي تكا راسو على كتف الحبيب” : يلاه طلعي رتاحي

علي”كيهضر حدا وذنين الحبيب” : يحرق اصل مي الي مزال مخلي راسي عزبزب (عازب زعما)

الحبيب : كاينش الي مصبرني لحلالي باقي ليه سيما🦋نور_الياسين(842)#فرصة_ثانيةsana mina🐺🦋

بقاو واقفين حاضين الحبايب بزوج كيفاش كيهضر معاها ولا قبل ميجيو الطريقة الي شفنا فيها او قريناها كيفاش تعامل معاها فالهضرة كيفاش وصل ليها المعلومة وكيفاش سمعات ليه …فالاول كانو هادي طريقة حوارهم لكن ماشي بهاد طريقة هو كيهضر بهدوء وهي كتسمع ليه ودخلها لودنيها وتوزنها …ابدا كان النصح ديالو فيه تهديد امر وخاصك تكون عارفة الحاجة او تعلمي بين ليلة وضحاها وضغط ومحاصرة من جميع الجوايه ممخلينهاش تصرف براحة وحرية وهي كانت قبل كتسمع الحاجة وكتمشيييي مع الريح وتعاود المشكيل من جديذ ومكتعلمش …اما حاليا الحوار كينضج والاحترام لطرف لاخور حاضر والاهم الخاطر كيوساع وكل حاجة بالخاطر وفالوقت …

…الحبيب وعلي طلعو لبيوتهم من بعد ما تهناو عليها ومشاو قبل ميطرطق ليهم شي عرق مع الفحم وفحمتو …

ياسين “ساط النفس وناض” : طلعي نعسي …

نوار”تاهي ناضت كتقاد فالبينوار” :مغاطلعش ؟

ياسين “كيجيد الباكية ديال كارو من جيب الكبوط وبريكي وراهم ليها ” : شوي ونطلع…

نوار”عرفات راسها مع تقليقة تعصب وخاصو باش يتهدن ” : وخا تصبح على خير …

ياسين “حرك ليها راسو تسناها تا طلعات ومشا هو خرج عند الباب لبس كبوطو وخرج جردة جلس تا كما ليه مع راسو عاد بقا شوي تحت نجوم والسمرا (برد قارص) بدات طيح عاد جمع الوقفة ومشا طلع تاهو لبيتو ينعس …

كتمشي ايام وتجي ليام …وهي ليام كتعاود ولكن العمر الي راه غادي والي فات را فات والي جاي راه جاي …حلات عينيها على صوت المنبه الي حققاتو على ساعة التاسعة صباحا …كيف العادة طفاتو وناضت من فراشها كتحك فكرشها وضهرها وتفوه تا مشات لحمام قضات حاجتها وغسلات وجهها وحكات سنيناتها

وخرجات لبسات جلابة وهزات صاكها الي جمعات فيه حوايجها ديال لحمام واتخوس ديالها فيها لوازم الي تحتاج دارت صاك فجنب ولبسات فرجليها وهبطات لقات يامنة وسارة لابسين جلالبهم وحاطين صيكانهم قدامهم حتى جات مينة تاهي من فاس لحقات عليهم …

فاتت ايام على اخر حدث الغذ ليه مشا ياسين لمراكش لفيرما مودعها على امل يرجع بعد ايام قليلة على حسب حفلة عقد الحبيب وزواجه الي خاص ولابد يكون معاه خوه الكبير ويحضر ليه …

نوار : صباح الخيييير …

الكل : صباح النور …

نوار “لمينة ” : عنداك تسخفي لينا …

مينة : لا منسخف والو هههه فين ماما ؟

يسرى”نازلة هازة صاكها فايدها تاهي” : ففف هاني صباح الخير …

نوار”مشات هزات من عندها صاك” : عيطي ليا ديك ساعة نهز معاك صاك …

يسرى : ماتقيل والو بنتي …”شافت فيامنة ” مشينا ؟

يامنة : يلاه مشينا …

يسرى : ياك منسينا والو ؟

يامنة : باقي غير نرجعو ناكد على طيابة …

يسرى : طيابة وتريتور باش يتحرك هنا لداخل وبرا على حسب الطلبة را خليهم عليا نتي شوفي غير بيت الحبيب وداكشي ديال العروسة …

يامنة “ابتاسمات ليها ابتسامة شكر” : لهلا يخطيك …

تسناو نجود تا خرجات تاهي وخرجو كاملين لحمام فطوموبيلة مينة ويسرى …ومشاو فاتجاه الحمام …اما رجال والقصد هنا يوسف صهيب فاكانو فالمطار ديال فاس فاستقبال الياس ونجوى الي نزلو من طيارة والي غايبقاو طيلة الايام حتى يدوز عرس ياسين تاهو …

اشرف”نزل من سيارة ديال الحبيب ومعاه علي وحتى ايساف …” : وتحميمة الغذايد يا ربي …

الحبيب”خرج وجهو مزنگ بقبية كحلة وسروالها داير طاقية والقب من الفوق خرج مطحطح” : فففف واش حمام ولا جهنم هذاك ؟

علي”نزل وجلس فدرجة ديال باب الفيلا لداخل ” : واربيييي غانموووت اولاد لحرام لاش عطيتوني النزق نحك ليه ضهرو جهل طبنطبابن مي “هز واحد الحجرة لقاها غا صدفة شير على اشرف بيها” يحرق طواسل مك انت …

اشرف”بعد راسو كانت غاتجي فيه” : تا تا تا الي قلتي ليا ارا نحك ليك ضهرك …

علي”خرج فيه عينيه وعوج راسو” : وياااا القح…يييييييبة …تابع طواسل مي حك ليا ضهري ونحك ليك …”شاف ف ايساف الي تاهو داير طاقية وخاشي ايديه فجياب القبية تاهو ووجهو حمر بالسخونية …”خليتي الكسال بانت ليك فيا انا ؟ مالك مدرتي كي سيادك وخليتي با ابراهيم يحك ليك تحكك قدرة …

اشرف : با براهيم سخفو ايساف ضهرو عرض من البيرنابيو(ملعب ديال ريال مدريد). ..

ايساف”خرج فيه عينيه” : اداك الحمار …

الحبيب “هز ايدو فايساف” : سكت سكت سكااات راجل مسكين قد الكمشة تسرحتي ليه وتنشرتي كي القح*** مبقيتي نضتي ولا يحك وزغب ايديك وصدرك وحل فيهم الوسخ يخوي فالما ونتا تخوي تا سخفتي راجل …فين بقا يبان ليه شي حكان من بعد ما حك ليك ؟

ايساف : سر ديلمي جاي مع صاحبي لحمام حيث عريس نوقف معاه ومخلي مرتي فالسبيطار…

علي “كيلالي حيث سخف ” : وخا تكون جهنم متكون حارة بحرورية هاد الحمام ياربي …والي كيلوح العواد يسخن حمام قالو ليه ولاد ابولهب جايين ماقالوش ليه ولاد رمسيس واقيلة …

بقاو هكاك تا تنفسو شوي يلاه دخلو لداخل وهما يلقاو فؤاد جاي خارج من المكتب ديالو …شاف فالحبيب جاو عندو سلمو عليه …

فؤاد : بالصحة وراحة …

الكل : يعطيك الصحة “حادرين راسهم” …

فؤاد : الوراق واجدين ؟

الحبيب : واجدين الوليد…العدول غايجيبو ياسين غذا ان شاء الله دار معاه قبل ميرجع لفيرما …

فؤاد : على بركة الله …رتاح مع راسك …

الحبيب : ياسين على حد علمي شاد طريق الليلة اكد عليك ؟

فؤاد”حرك ليه را🦋نور_الياسين(843)#فرصة_ثانيةsana mina🐺🦋

رجعو العيالات من الحمام من بعد ماتحمحمو من داكشي ..مع دخلو نجوى والياس وصلو وراهم …

يامنة : نجوى حبيبتيييييي على سلااامتك …

نجوى : الله يسلمك هههه “ضارت عندهم سلمات عليهم سلمو على الياس وسلم على نجود ومشا لصالون مع خوتو تا وصلو عليه بقية دراري سلمو عليه من بعد ما سلمو على نجوى …واحد شوي هبطات نوار دايرة زيف حياتي على راسها عاقداه وبيجامة وتقاشر فرجليها وبانطوفة …

نوار”سلمات على نجوى بعناق جد جد حااااار ” : خالتو حبيبة ديالي توحشتك توحشتك بزااااف والله …

نجوى”عينيها مغرغرين كدوز بايديها على ضهر نوار” : ياحبيبة خليتي عليا بلاصتك ابنتي …

يسرى : شفتي بلاصتها قداش كتبقى ههههه اش نقول انا الي سنين من كانت فكرشي وهي معايا حتى غبرات عليا جهد عام وزيادة …

نجود : ودابا غاتمشي عليكم بجوج هادي سنة الحياة ابنتي الي غادي غادي والي مشا مشا …

نجوى”طبطبات ليها على ايدها وقربات حداها مزيان” : امضرا قربتو شي ولا ؟

نوار”بخجل حركات ليها راسها” : من بعد عرس الحبيب غادي يكون عرسنا لهيه راكي عارفة تفاصل كلهم هههه ..”حنحنت”

نجوى : ان شاء الله قريب مابقا قد ما فات …

يامنة “هازا تيليفونها وتصوني لياسين” : منعرف واش خرج ياسين ولا مزال ؟

نوار : قاليا غايخرج فالليل باش يصبح صباح هنا …

يامنة : وخا غير يجاوبني نقوليه يعيط لفنيدة ونعيمة يبداو يوجدو تما يخملو الدار والبيوتة …

نوار : علاش ؟

يسرى : ويلي هههههه واقيلة باغا تروحي تما ولا نسيتي ؟

نوار”تزنگات” : اه احم ن صافي نسيت هههه

يامنة : تهدني بنتي تهدني شفتك بديتي توتري من دابا …

سارة : وحسبيها عاودت من جديد تاني ترجع لدارها حدا راجلها من بعد غيبة طويلة را قولي كلشي من جديد الله يكمل عليكم بالخير احنينة …

النهار ديال الحمام داز بالضحك والنشاط جاو شي ناس من العائلة باركو ليهم ومشاو لدار القديمة فين جلسو بينما وصل العقد والتحضيرات قايمة وشي يتقدا من هنا وشي من لهيه …كل فين مدهي كيعاون فالتوجاد وهكا داز نهار حتى وصل الليل تحط العشا تعشاو ومشاو العيالات كيوجدو فالحلوى ف الطباسل بالاشكال شكلاط ولوز وكاوكاو وفقاص ببعض من اونواعه تا كملوهم كاملين تقريبا الربعة ديال صباح وهما معاهم …

ناضو كل مشات ترتاح فبيتها الي حدا راجلها والي وحدها تا جات مينة دقات على نوار ودخلات عندها لقاتها كتهضر معاه …

مينة”هازا مخيدتها فايدها وشيرات ليها كتهضر بالاشارات” : هاني غانعس حداك …

نوار”حركات ليها راسها وكملت كلامها مع ياسين” : لا شربتو والله …

ياسين”كيكمي ومخرج ايدو الي فيها الكترو من شرجم ولايد لاخرا كيسوق بيها …حداه الحاج مصطفى واسامة مسرح لور شاد الفون ” : .كلشي مزال فايق ؟

نوار : لا طلعو قبيلة قادينا الحلاوي فطباسل تقريبا وجدنا كلشي حيث صباح غايصبح تريتور ومع الغذا غانديو دفوع لدار هاجر …

ياسين : مزيان مزيان ..يلاه سيري نعسي صباح ميعادنا …

قطعات معاه وضارت تكات حدا ختها فوق ناموسية جرات عليها الغذا وطبطب عليها وعلى كريشتها …

مينة : هههه فرحانة بيه شفتك كتر مني …

نوار : وراه حبيب خالتو هههه …

مينة : منعرف علاش الحبيب وهاجر مباغين عرس …

نوار : الحبيب وهاجر تافقو على عشا خفيف ضريف وطلبة …

مينة : العقد غايدار فدار هاجر …

نوار : اممم …

مينة : اجي نتي مزال باغا ديري صوفيا وزيرة ديالك ؟

نوار”سبلات فيها عينيها وهي تولي ضحكت” : الا لا منديرها ماديرني غير ضحكت…

مينة : ويادلي اصلا هي متمشيش البنت كتقرا وخدامة نتي را الوزيرة تبقا معاك سيمانة قبل عرسك على حد ما قالت ليا خالتو يامنة وسارة …

نوار : وسيمانة تجلس معايا فالفيرما ؟ منخليهاش ماعندها ماتجلس تما …

مينة “رفعت فيها حاجبها” : تهدني بسم الله عليك …هادشي كلو حيث مسح ليها ياسين الحنة…

نوار”تزيرت من تفكرت الحدث الي شافت” : مييييييينة …

مينة : ههههههه الله يستر ياربي …

بقاو يهضرو ويدردشو اخت وختها تا لقات مينة راسها معنقاها نوار راس مينة فوق صدر نوار كتفلي ليها ويهضرو ماحسو براسهم تا غفاااااو فسابع نومة …

صوت المشي والمجي والهراج فالدار واصوات الناس كتيرة غاديا جايا….واقفة قدام المرايا هي ومينة الي واقفة حدا الماريو كتلبس فقفطانها موڤ بارد وسميطة صم باش مرشوش فالفضي …اما نوار قادت شعرها ومشات هزات قفطانها الذهبي بالفوقي وتحتي …قادات

ليه مضمة ذهب رقيقة ديالو …هزات صندالتها طالون كعب ديالو عالي …هزات صاك ديالها وخرجات هي ومينة الي طلقات شعرها طويل ونفشاتو تاهي ونزلو بزوج …

يسرى “لقاتها تاهي جايا بقفطان فالاسود هازا جلايلها وصاك صغير ذهبي فايدها …شافت فنوار” : بنتي يلاه را كيتسناو …

نزلو الام وبناتها لتحت لقاو الياس وصهيب ويوسف بتلاتة ضاربين ليا جليلبات مخزانية فالالوان يوسف مارون وصهيب فالبوردو والياس فالبيض …وحداهم دراري والحبيب متوسطهم بجلابة بيضة وتحتي فوقية بيضة وبلغة صفرا بتقاشر بيضين واقف حدا طموبيلتو المزوقة …

يوسف”شاف بناتو ومرتو ومع حداه رياض ب كومبلي كلاس كحل نغز نسيبو بمرفقو” : ورق ليا على الكبادي ورق…

رياض”حك صدرو كيشوف فمينة بديك طولة وضعر الكحل طويل والقفطان الموڤ” : المووووف ومعامن جاي اسيدي …

يوسف “شاف فيسرى لابسة 🦋نور_الياسين(844)#فرصة_ثانيةsana mina🐺🦋

مشاو دراري كيقادو فالهدايا ديال دفوع فالسيارات وطيافر ديالهم كلشي فالسيارات الي كانو بكترة …وقفو العيالات كاملين حدا بعضياتهم ولبسو جلالبهم وشي لبس غير مونطو …وقفات نوار حدا دراري ومنهم اسامة الي كان ضارب ليا حطة قميجة وسروال فصالة وصباط كحل وفوق واحد مونطو حيث دخل شهر حداش والبرد قارص شوي تما مع منطقة ثلجية …مقاد لحية ومرجع تاهو شعرو لور …

اسامة : هاي هاي هاي على مرت خويا والذهبي نعماس …

نوار : فين جدي مصطفى …

اسامة : اههههههه اهههههه قولي فين ياسين مالك حشمتي تسولي على راجلك …

نوار”قلبها ضرب” : ههههه احم واخا فين هو ؟

اسامة : وا كان هنا مع شوي باش وصلنا ماجيناش نيشان هنا مشينا تالفاس جاب لحبيب شي وراق جبنا معانا اركان ورجعنا اكد عالعدول …ملي وصل لهنا سول عليك لقاك باقي ناعسة مقدرش يفيقك …يلاه لبس وتقاد حتى عيطو ليه مشا لدار سليماني …

نوار”جمعات ضحكة” : كيفاش ؟ علاش مشا تما ؟

اسامة : والله منعرف بعدا سمعت مشا لدار سليماني ممشا …”حك راسو” …

نوار”الصمت…هزات جلايلها ورجعات بخطاويها مشات حدا يسرى ويوسف ومينة ورياض وجهها مبدل ماهضرات ماتكلمات …حتى بانت ليها يامنة جايا لعند يسرى ”

يامنة : يسرى يلاه غير ركبو ها ياسين وصل وفؤاد ركب غير يدخل زيدو صافي ؟

يوسف : صافي الفجلة كوني هانية …

يامنة : تريتور ؟

يوسف : داكشي تكلفت بيه انا ويسرى ودراري غير هناي را بداو ماحتال نرجعو نلقاو دنيا واجدة هنا …

يامنة”قربات ليوسف ” : لهلا يخطيك اخويا …

يوسف”باس ليها راسها” : تي راكي الفجلة والحبيب ولد الفجلة وام نيسيبي عااوثاني ..

يامنة”شافت فنوار” : ان شاء الله …

يوسف “عنق نوار بجنب” : ياك ابنتي …

نوار”حركات غير راسها ماقالت تا حرف لمحات سيارتو داخلة وقف نزل منها تاهو ضارب ليك جلابة ديال مليفا بيج مخلي لحية مغوفلة شوي وشعرو مرجعو لور ببلغة بالمارون وتقاشر …هاز تيليفونو كيصوني ويعاود …يلاه غايهز عينيه يقلب عليها حيث متشوق وموحشها بزاف حتى وقف عليه فؤاد …

فؤاد : لميمة واشرف معاك …

ياسين”شاف فيه” : شكون تاني ؟

فؤاد : الي بقا متخليهش …”رفع حاجبو” نوار خليها مع واليديها تاتولي تحت جناحك وكون معاها…

ياسين : الفاهم يفهم ولا ؟

فؤاد : سنة الله هي هادي الاحترام واجب مخافيش عليا معاك …الي قدامنا شفناه الي ورانا الله عالم بيه (لهلا يوريك را باااسها في فمها ا فؤاد وحق الله وها البنات شاهدين) …

ياسين : مابقا قد مافات تحت جناح ترجع تاني …

فؤاد : الله يتاوي بالخير …”ضار شير ليامنة والبقية غمزهم باش يتحركو يلاه غايشوفها حتى بانت ليه طوموبيلة يوسف محركة باش يخرجو ماحتال يعيط ليها كلاكصوناو عليه جات نجود عاونها اشرف تا ركبات من بعد ما حل ليها ياسين بكونطاكت …ركب اشرف وركب هو مشا الحبيب ركب وحداه ايساف ولور علي اما فؤاد ركب هو ويامنة وركب وراهم اخر العنقود اسامة …البقية ركبو فسياراتهم تحل باب الفيلا وبدا الكلاكصون …وصلو قدام باب دار سليماني لقاو الناس خارجين برا فاستقبالهم …كلاكصون ديال طوموبيلات خدام وصوت الموسيقى لداخل خدام فين كاينة العروسة الي لابسة اللبسة الخضرا ديال موبرا مطروزة بصم ذهبي فبرزة خضراء ديال الحنة مغطية وجهها بالفوال ….رحبو بيهم بالتمر والحليب وزغاريت جاو رجال عائلة هاجر استقبلو رجال ما نزلاتش نوار هي ومينة والعيالات حتى دخلو رجال عاد خرجو العياالات استقبلوهم العيالات ودخلو مفرقين …

صلاااااااة وسلااااام على رسول الااااا الجاه الى جاه سيدنا محمد الله معااااا الجاه العالي …

نوار”كتشوف حتى قفزتها سارة بتزغرييييييتة حااااااارة ….دخلو طيافر بالصلاة وسلام والموسيقى خدامة حتى بداو اللعابات يضربو ويغنيو …جلسو وحطو طيافر الي كانو عامرين بالهدايا الي جابو لعروسة والي اختارو شي منو تلاتة وشي منو ربعة وشي منو زوج …عاد كملو ليها بزلفلوس وطبعا مادام عايشة وغاتعيش مع هاد العائلة اكيد مغايخصها خير معاهم …

يامنة”مشات لعند عروستها سلمات عليها برجه بشوش وحنون وشكون الي ميفرحش وعكوزتو فحال يامنة : مبروووك احنينة مبروك ابنتي الله يكمل عليكم بالخير والله يرضي عليكم …

هاجر”باست ليها ايدها من تحت الفوال مادا رجيلاتها لنقيش” : الله يبارك فيك اخالتي ويحفضك لينا …

نزلات يامنة من البرزة واللعابات خدامين بضرب والغنا …وهي تجلس حدا نوار الي كان تيليفونها كيصوني يصوني ولا من يجاوب …

يامنة”حسات بتيليفونها كيصوني شافت فيه لقاتو ياسين ” : اولدي …

ياسين : تيليفون دوزيه لنوار …

يامنة : واخا ولدي”نغزات نوار الي شافت فيها ومدات ليها تيليفون بانت ليها اسم ياسين ولدي ” بغا يهضر معاك …

نوار”شداتو من عندها” : الو …

ياسين : تحركي خرجي من تما لقايني برا حدا طوموبيل …

نوار”تنهدات وقالت كلمة وحدة مكتراتش الهضرة.”: واخا …

عطات ليامنة تيليفون وناضت هزات جلايلها دارتهم تبتتهم فالمضمة خلات صاكها حدا مينك ومشات خرجات من داك صالون الي فيه العروسة على انغام …

اللعابات : واش دايرة ليه عاجباه اش دايرة لييييييه اش دايرة ليه عاجباه اش ذايرة لييييه …عاا جواج النية ووعزيزة علي🦋نور_الياسين(845)#فرصة_ثانيةsana mina🐺🦋

خرجات من صالون وفي طريقها تلاقات ب صوفيا هابطة من فوق هازا تاهي جلايلها ونازلة بتكشيطة فالاحمر ملكي طالقة شعرها الناعم تاهي والقصيصة على عينيها دايرة ايلاينر طويل فعينيها فحال نيفرتيتي …شافت نوار وتبسمات …

صوفيا : نوااار حبيبة مرحبااا …

نوار”تبسمات ليها تاهي” : صوفيا ترحب بيك جنة احبيبة …

صوفيا : فين غاديا خارجة ؟

نوار : غير برا ونرجع عيطو ليا …

صوفيا : اه ايوى متعطليش باش تنقشي معانا تانتي …

نوار : ايه واخا …

تبسمات ليها تاني ومشات لاخرا دخلات صالون وهي خرجات من تما لزنقة كدور فعينيها تا سمعات سميتها بوصته تهز قلبها وتحط توحشاتو بزاف غاب عليها ايام قليلة وتوحشاتو …ضارت تشوف وهو يبان ليها واقف عند باب الامامي ديال مقود دطوموبيل حلو شوي وفايدو كونطاكت …

ياسين “شير ليها” : ركبي …

نوار : فين غانمشيو ؟

ياسين”شاف فيها ماهضرش”

نوار “ركعات قادت جلايلها ومشات بلا متعاود الهضرة وركبات بقا حاضيها ووجهها ملامح ديالو مبدلين ماشي كيف كيعرفهم عارفها فتقليقتها ضحكتها مرضها وغيرتها ملامحها كيفاش كيكونو…حل باب وركب تاهو دار سانتيغ وديمارا تا كسيرا تهزات طموبيل وتحطت ومشا مسرع …

نوار”ضارت شافتو مغوبش” : فين غانمشيو ؟

ياسين “نطق عااادي بصوت مدعدع” : الفيلا…

نوار : نسينا شي حاجة ؟

ياسين “حرك راسو”

تكات عاالكوسان كتسناه يوصل تشوف اش كاين …وصل بيها الفيلا تحل الباب ودخل نزلو بزوج من سيارة شافت فيه وهو ينعت ليها تبعو لداخل لقاو تريتور خدام كيقاد فدنيا تما وطوابل …وهي تبعو تا وصلو لممر الي تما ودخل مكتب باه …دخلات وسدو وراها….

ياسين”ربع ايذيه” : مالك ؟

نوار”ضارت شافت فيه” : مفهمتش …

ياسين : نوار مالك ؟ شنو واقع ؟

نوار”نزلات عينيها بحزن دغيا دخلات معاه فالهضرة بلا مقدمات وهادي احسن حاجة ولات فيها ماشي دوك المقدمات الي اصلا مافيهم فايدة وفالاخير كيتخاصمو” : ماجيتيش عندي تسلم عليا …”حادرة عينيها”

ياسين”رفع حاجبو” : هادشي الي كاين ؟

نوار”الصمت”

ياسين : نوار ؟؟

نوار”كمشت حجبانها” : كيحساب ليا غاتجي عندي انا لولة تسلم عليا تسول فيا ولكن نتا كيف جيتي مشيتي تقدا ومشيتي عند هادوك …

ياسين : شكون هادوك ؟

نوار “جمعت تا جمعت ومع تفقصت دغيا طرطقت وهي تغمض عينيها وبدات تغوت ” : علاش مشيتي عند هادوك الي عندهم هاديك علاش وانا

خليتيني مسولتيش مصونيتي ما وااااالو دغيا مشيتي عند دار سليماني الي عندهم ديك صوفيا الي مسحتي ليها حنة لاش لااااش اهى وانا توحشتك بزاف ونتا مشيتي …

ياسين”خرج عينيه” : دار سليماني ؟

نوار”حركات راسها” : قالها ليا اسامة …

نوار : متاكدة دار سليماني ؟

نوار”شافت فيه ” : اه قالها ليا اسااامة

ياسين : اسامة شكون قالها ليه ؟

نوار : قاليا سمع …

ياسين “عض شنايفو بغا ينطحها هي واسامة ههههه ” : اش ليا بدار سليماني انا تانسبقهم “جهد صوته تا قفزت” اش ليا ؟؟؟

نوار : م ممشيتيش عندهم ؟

ياسين : لاش نمشي ؟

نوار : ممشيتيش ؟

ياسين : لاش نمشي ؟

نوار”ضحكات” : ههههه ممشيتيش …”جمعت ضحكة حيث شافتو على ملامح ديالو والفوق عاض شنايفو هاد العضة كتعرف وراها عضة كبييييييييييييييرة ..” ياسين شوف نقوليك …انجييييييييييك صراحة …

ياسين : هضري …

نوار: انا والله حتى توحشتك بزاف بغيت نشوفك ولكن ملقيتكش ونتا عارفني عندي حساسية من تما “كتقرب لباب باش دير ليه صابونة ههه” وانا والله مكنصبر…نتا تايقة فيك ولكن را بنادم ولد لحرام الي صاير بيك ….و”كتورك عالبواني بغات تحلو حتى ماعرفاتو كيفاش دار تا طار لعندها مدورها و حاصرها من جوج جوايه شد ليها ايد وايد لاخرا هزهم بزوج ودفعها تا تزدحت مع الحايط …

ياسين”خنزر فيها” : فين غاديا ؟

نوار “قلبها حس بيه كيضرب ليه فصدرو” : ياسين سمح ليا انا ممزياناش …

ياسين : عارف …

نوار”شبحات ليه عينيها كضحك تلفو” : فين كنتي سولت عليك خنههههههخخ..

ياسين”قرب مزيااان لعندها شاف ليها فوجهها وعينيها نيشان ” : مشيت لدار واحد كنيتو سليمان قريب لكنيتهم داكشي باش اسامة دا ريح من جيهة غير …بغا شي وراق ديال خدمة مزروبين خطفت وقت ديتهم ليه…

نوار”كترمش فيه” : صافي …

ياسين”يلاه غايقول ليها وهو يحبس من تفكر المراة الي لقا عند طريق الفيلا ووقف ”

#فلاش_باك…

وقف ونزل لعندها لقاها متكية ورعدة شاداها مغطينها بكاشة من تما ولكن دنيا باااردة وهي فزنقة …

ياسين”عيط لعساس جا كيجري عندو” : دخلوها لبيت عندكم شوف حالتها ولا ديها لطبيب…

هي : اوووهوووي اهووو يا داابا نسخن دابا …

ياسين”شاف فيها” : عاجبك هاد الحالة الي نتي فيها ؟ ياك وصيتك ترجعي لباادك شنو رجعك ؟

هي “شافت فيه مركزة فعينيه” : حرش الهضرة والوقفة …نجمتك عالية “نزلات دمعة من عينيها” اش وقع ليها فييين مشات كانت مضوية عالعباد حتى طفاااات …ديها فيهم ورد بالك هذا جهدي عليك …هاد الهضرة قولها ليه قووووولها ليييييه…موووحال باقي النور يا طفيت يا طفا ..”هزات فيه عينيها” نقول ونقول را ربي

الي كيقول …رجعني قلبي الي مهناش “ركزات فعينيه” من🦋نور_الياسين(846)#فرصة_ثانيةsana mina🐺🦋

رجعات بيه الذاكرة لكلام المرأة المسنة الي قالت ليه وحيث هو مؤمن برب العالمين سبحانه وتعالى معارش كلامها اي اهتمام ورجح انه كلشي باقدار الله وحده هو الي كيكتب هو الي كيحيي وهو الي يميت وهو على كل شيء قدييير …مشات بيه ذاكرة كيتفكر ما فيقو من سهوته غير ايدها الباردة الي حطاتها فوق لحيتو تا رجع النظر ليها …

نوار : فين مشيتي ؟

ياسين : شكون الي مخربق ليا ساس العقل من غيرك ؟

نوار”تبسمات تا ضحكات” : ههههه انا ديما مخربقاه مزيان ولا خايب بفعايلي ديما …

ياسين : ياك بعدا …

نوار”هزات كتيفاتها” : يلاه نمشيو ؟

ياسين : جينا باش نمشيو ؟

نوار : منرجعوش ؟

ياسين : خلينا غير هنا مكاين حد يرتاح لينا راسنا شوي من صداع راس وبنادم …

نوار : وعقد ديال الحبيب خوك وخويا حتى انا…

ياسين”قرب لعند وجهها كتر كيهضر ونفس ديالو كضرب ليها فوجهها بورشتها” : الي تزوج الله يكمل عليه الالة …

نوار”حطات ايدها على عقاد ديال جلابة كتلعب بيهم” : كيتسناوني باش نقش مع العروسة …

ياسين”حدر عينيه لايدها” : ونتي ماشي عروسة ؟

نوار”عسلات عويناتها بضحكة ” : يلاه بديت توجاد …

ياسين : شنو وجدتي ؟

نوار : الحوايج حطيتهم عند الخياط ..”ياسين شد ليها ايدها كمش عليها كيلعب بصبعاتها” والحلوة الي غانديو معانا من هنا …وحوايج جداد الي قالت ليا خالتو ندي معايا كلشي جدييد …

ياسين : شنو الحوايج الي شريتي وشنو خاصك ؟

نوار : بزاف …

ياسين”شاف فساعتو” : داكشي الي عليا بحسب العادة متهزي همو …بغيتي نمشيو بالعادة على حقها وطريقها هناي من هاد جيهة …

نوار”حنحنات مزيرة باش تسولو” : غانمشيو ايام قبل العقد والعرس تما ؟”هزات فيه عينيها فيهم لمعة حزن”

ياسين : ضروري …شوفي شنو تفاهمتي مع الحنانة هي تعلمك شنو كاين لا هي لا الحنانة ديالك(يسرى) …

نوار : واخا …

بالنسبة لعادة ديال العرس بطلب منها وحيث هما نفس العائلة غادي تمشي حتى لفيرما ايام قبل توجد راسها ولكن وخا نفس العائلة غادي تكون فدار غير الفيرما حتى تخرج لفيرما الي هي دارها ودارراجلها عروسة نيشان …كيفاش وشنو غايكون من هنا لتما غادي نشوفو علاش رصاو وتافقو …

ياسين”باس ليها جنب فمها ماكرهش يرجع يشلقمها مزيان لكن ما باليد حيلة عاطي لكلمة لباه ولراسو من بعد يكون الاحترام قبل مايولي حلالها وتولي حلالو” : صافي هانية دابا ؟

نوار : هانيا …

ياسين : تنفستي قبل مايطرطق ليك عرق ؟

نوار”حبست ضحكة ” : لا لا عادي عارفة اش كاين …

ياسين”رفع فيها حجبانو ” : ما قلتي عيب …يلاه مشينا …

نوار : مشينا …

عنقها بجنب وخرجو من المكتب سدو وراه وتمو غادين هكاك مرة مرة كيحك ليها على كتفها حتى خرجو ركبو فالسيارة ورجعو لدار السليماني دخل هو جيهة الرجال وجلس بالضبط حدا الحبيب ومن جيهة لاخرا باه تاهو …

ياسين”ضرب على فخد الحبيب” : الله يكمل بالخير …

الحبيب”فرحان ومن بارك ليه خوه زاد فرح اكثر” : يحفضك ليا خويا الحبيب …العقبة ليك ان شاء الله ترجع المياه لمجاريها …

ياسين : ان شاء الله لا بغا الله ضروري …متعطلش محتاجك ديك ليام …

الحبيب : حسب عشر ايام نكون عندك تما …ياك مرحب بمرت خوك ؟”كيضحك”

ياسين”غوبش فيه” : وايلي …”زعما شنو هادشي كتقول ”

الحبيب : عارف اودي غير ضاحك هههه

ياسين : داري دارك الحبيب رزق خوك را رزقك المراة ديالك راك شريكتك كلشي ديالكم هادشي ميحتاج تفكر فيه ولا تسول فيه مرة جايا منبغيش هاد الهضرة تسمع ولا تشوف وجهي لاخور”زعما يتقلق منو تقليقة خايبة ”

الحبيب : الايا منصيبش تقلق مني …حسب عشر ايام وهاحنا عندك نيت يبدا توجاد عرسك شحال وحنا نتسناو فيه كنتي غاتسبق صدقت سابقك …

ياسين : النصيب ومكانيب رب العالمين ماعرفنا شكون سابق من لاحق …

الحبيب : هادي هي الدنيا …امضرا وجدتي داك المكان ؟

ياسين : قول واجد لا بغا الله …

ياااا والشميشة وفوق البحر …الشميشة فوق البحر …يااا وصيادة فوق الصخر الصيادة فوووق الصخر …وعلى الصنارة وسط البحر صنارة وسط البحر …يا وعلى شواية فوق الجمر شواية فوووق الجمر …يا وعلى حبيبي وصبر وهاجر بنت الكبر لالة العرايس وفم التمر وعليك راني ندمر وزيد اهااه والحبيب اهاااه …

اشرف “عض شنايفو كيفيبري” : اححح وكون غا عيطت ليا خالتي فتيحة نضرب معاها …

اسامة : شكون فتيحة ا فتيحة ؟ (زاا…هههه )

اشرف : الي كواااااتك ومسحات هي وخلاتك وربعمية مكمشة خلصااااتك القحييييييييييييييبة”ب🦋نور_الياسين(847)#فرصة_ثانيةsana mina🐺🦋

حبسو الضرب وضحكو العيالات …نقزات وحدة من اللعابات غليضة وصوتها مضعضع اسمها فتيحة ..

فتيحة : اش سميت النسيب جديد الللا زبيدة

زبيدة : محمد الحبيب …

فتيحة : على اسم النبي الحبيب عليه الصلاة والسلام …

الكل رد عليه الصلاة والسلام …

فتيحة”طلقات حلقها الغليض رنان مع هما جاو فالفوقي ورجال فالصوالن الي فالسفلي ..” : يااااا وعطيو المشاكيل بالضهر وماعليكم بالصبر …يا والحبيب يا سيد الرجال

الحبيب يا سيد رجال …وراك ديتي زينة البنات يا الحبيب يا سيد رجال …الحبيب يا سيد الرجال …ورا النقرة فين يغبر نحاسك هاهي جاتك اسيد رجال وراها وتاتك هااااااااهاه …

سكتو وهي تنوض وحدة طلقاتها بتزغريتة حارة وتبعتها تانية وثالثة …الكل فرحان وناشط ومنهم العروسة فرحتها ماعاطياها لحد …ملي تعرفات عليه وهي فرحانة وعلى وجهها البسمة والبشاشة …حتى بغاو بعضياتهم فضل ضروف الي كانت فدار رمسيس شوي قاصحة ومشحونة نضرا لشرخ الي وقع اثناء الطلاق والخلافات الي وقعات ….

هاجر”هضرات فوذنين مها” : عيطين لنوار ومينة عاد صوفيا بينما كملات سخرة …

زبيدة”ضارت عند نوار” : اجي بنتي تنقشي …

نوار”ناضت وقفات متوجهك لعندها جلسات حدا النقاشة وضارت عند هاجر شافت ايديها دايرة غير نقش خفيف” : مبروووك هاجر …

هاجر : الله يبارك فيك الحبيبة ديالي …

النقاشة : شنو ندير ليك عامر ولا خفيف ؟

نوار “تفكرات تابعها عرسها ونقش اللهم ديرو خفيف باش دغيا يمشي ودير ديال عرسها” : لا غير صبيعات خفاف صافي ..”حركات ليها راسها وبدات تنقش ليها …تا كملات ليها نقش صبيعات عيطاتلمينة الي جات تاهي نقشات غير صبع واحد وتبعاتهم صوفيا تاهي …

#عند_الرجال …

ياسين “صونا ليه التيليفون هضر فوذنين باه والحبيب وناض وقف …شاف فنسيب الحبيب يعني اب هاجر …”: الحاج السليماني العدول لتحت …

الحاج.”وقف” : مرحبا ..”عيط لواحد من دراري تما” دخل سي المعطي …

بعد خمسة دقايق تما جاي العدول داخل هاز شكارتو ولابس تاهو جلابة مخزانية مزرقطة برمادي والبيض وداير طاقية كحلة …

المعطي : سلاام عليكم يا اهل المكان وضياف …

الكل : عليكم سلااام …

الحاج سليماني : تفضي اسي الحاج مرحبا مرحبا …

فؤاد”جالس فارض هيبتو تما مربع ايديه كيشوف تا جا سلم عليه العدول وهضر معاه شوي عاد برك قدام طابلة قدمو ليه اتاي والحلوة قدامو وتقدمو اتاي والحلاوي لرجال وتا النساء سرباوهم من بعد ما تهزو طيافر دفوع ديال الهدية الي جابو دخلوه لبيتها وسدات عليه ام العروسة بنفسها تا حد مكيدخل ليه من غير ختها او مها وساروت عند الام ..

“من بعد ما شربو اتاي والحلاوي تهزو صنيات بمجامعهم …جالسين فصالون سفلي قد الخلا جامع ازيد من خمسين واحد تقريبا …عاد الفوقي …هو عقد لكن جمعو فيه كلشي اقتاصرت فقط على زوج لبسات وحدة

ديال الحنة ولاخرا بيضة بالسلهام باش غاتروح لدار مع الحبيب …

العدول”جبد روجيستر ووراقهم” : اسيادي نبداو على بركة الله”حدر عينيه من تحت نضاضر شوف كيشوف فالحاج “سي سليماني واجد ؟

سليماني : واجدين “شاف فالحبيب ” اجي ولدي حدايا …

ايساف”قرب ليه” : نوض ازوين نوض شوف انقوليك كنت بغيت نصحك البارح وليني نخلي مك تا تقرب تسني …

الحبيب : خليني نوض الحمار”شافهم مدهيين” ندمت لاش نضت من حدا خويا والوليد وجيت حداك

ايساف : حااااق ربي تتسمع …

الحبيب : شنو ؟

ايساف : العزوبية زينة اخاااا حق الله …متبقاش تخرج بالليل وترجع وقت بغيتي متبقاش تشوف عشرانك …

الحبيب : راني عارف …

ايساف : ستندم حيث لا ينفع الندم س…”

ياسين : الحبييييب !!!

الحبيب”وقف على طولته ” : هاني هاني …

حنحن وناض مشا لعند العدول ونسيبو اما ايساف رجع تسرح متكي على المخدة وحداه علي ..

علي : دابا شنو غايستافذ من هضرتك ؟

ايساف : حبيت نشوشرو ساعاك …

اشرف : هخخخخ شرشرك هههن “ايساف عض لسانو تا عضو وهو يهز مخدة من ورا واحد راجل نساه ولا مشافوش تا ضهر راجل دار زددااااووو …

راجل : الله …

ايساف”عض شنايفو مخرج عينيه ” : سمح ليا سمح ليا هههههه

فؤاد “خنزر فيه”: ايساااف ؟؟؟

ايساف “شاف ف فؤاد صرط ريقو ” : خالي والله مشتو …”شافو خنزر وغوبش ولا يتفتف تا باس لداك راجل راسو” سمح ليا الحاج …

اشرف وعلي واسامة حبسو ضحكة بززز وبزززز مقادريييييينش يضحكو خصوصا فؤاد حاضيهم اشرف ولا يحك فحناكو …: بغيت نضح حا حا حاااااااااااااااااك اربااااااي…

علي”حدر راسو لتحت كيجمع فشي فرتيتات ديال حلوى ” : ن ق احم نقي هههههههه نقي زربية خوتي نقيها …”كيحك فلحيتو بغا يهبل بالضحك ” …

اسامة “كيخبط فقرفادتو تاهو بغا يسخف بالضح

#تتمة_البارت_847_نورالياسين…

ايساف”عض شنايفو وضور وجهو لهيه” : يلاه لقاو ميضحكو علينا …تتت اخااايت …

كسر العدول الجو بهضرتو بالجهد من بعد ما خذا لكارط ناسيونال ديال الحبيب واب العروس عطاه لاكارط ديالها …

العدول : تقدمتو بطلب لعقد زواج على سنة الله ورسوله …وكيل العروس حاضر …

“بدا يعمر تما فواحد الورقة يعمر يعمر وداك روجيستر خدا ارقام ليكارط وعمرسميات …جهد شي ربع ساعة وهو خدام …شاف فاب العروس

“فين العروس الحاج …

الحاج: موجودة الحاج …

مشا لعندهم لصالون ما طلش حدو عطا خبر باش هاجر تنوض وتبعو …بالفعل عيطو ليها وهي تنوض حادرة راسها تابطات دراع باها الي باس ليها راسها وباست ليه ايدو تا رضى عليها داها لواحد صالون تما جابو ليها روجيستر وقرب لعدول دخل عندها سمع

موافقتها عطا الحبيب سنا تما وهي عطاها باها سنات من بعد تعلنو بالي ولاو زوج وزوجة على سنة الله ورسوله …

ياسين”ناض وقف وباس لخوه راسو” : الله يجعل ايامك كلها فرح ورزق ويبارك ليك فحلالك “باس ليه راسو وعنقو عناق رجولي واحد لحضة فشكل بيناتهم …

اسامة”عنق خوه ” : مبروك اخويا الله يكمل عليك بالخير …

الحبيب : الله يبارك فيك”صرفق ليه حنكو بشوي” دير عقلك تانتا وشد الهمة باش تبع خوتك…

اسامة”حدر راسو” ان شاء الله هههه

الحبيب”شاف باه الي وقف ومد ليه ايدو باش يجي عندو” : الوليييد …”قرب ليه عنقو وباس ليه راسو”

فؤاد : جعل ربي ايامك كلها سعادة ورزق وتيسير فحياتك …الله يرضي عليك دنيا واخرة احنين خوتك ودرويش طبع …عمري منهز همك طريقك هادية وعقلك متبت منخافش عليك ودابا زدت هنيت عليك …نتا واحد من عينيا وطرف من كبدتي نهار تفرح نفرح بدوبل عليك نهار تبكي

قلبي يبكي عليك دم …الله يفرحك والله يرضي عليك بارك الله لكما وجمع بينكما فخير …

الحبيب”باس ليه ايدو ” : الله يعمر دارك ا🦋نور_الياسين(848)#فرصة_ثانيةsana mina🐺🦋

طلقو الزغاريت واحدة تابعة لاخرا جاو العيالات باركو لهاجر وختها ومها تسالمو وباركو لبعضياتكم باركات ليامنة وباركو ليها بزواج ولدها …فرحو وزغرتو وكل بارك لاخور والاتصالات من برا شي يبارك لشي رجعو لعابات يضربو تا وصل وقت الغذا الي تذفع لرجال هما لولين تا كملو ودفعو العيالات عاد

بداو الرجال يخرجو شي تابع شي …

يامنة”من بعد ما تغذاو وتجمعات دنيا ودخلات هاجر باللبسة البيضة …ضربو ونضطو وفرحو ودازت الجليسة من داكشي …وقفات كتقاد فالكاب ديالها فوق القفطان تاهي لابساه بيض وقادت شالها” : يلاه الحاجة هاحنا سبقناكم …

زبيدة : غير ياذن المغرب نكملو ليها فاليزاتها ونعيط ليك نكونو جايين …

يسرى”ناضت كتهضر فالفون شيرات ليامنة ” : تريتور را وجد جليسة طلبة …انا نخرج مع يوسف نسبقو …

يامنة : فين مينة ونوار ؟

نوار”قربات ليها” : هاني مينة مشات هي ورياض وخالتي ماجدة وميمة سعاد …

يامنة : صافي نتي بقاي معايا تنمشيو انا وياك وياسين …

يسرى : يلاه انا مشيت مع نجوى نسبق يلاه نشوف اش دار …

حركات ليها يامنة راسها وبقات تا زكات مع زبيدة اما صوفيا طلعات مع هاجر تقاد معاها حوايجها …رجعات يامنة بقات هي ونوار ونجود تا عيط ليها ياسين بالي لتحت كيتسناهم نزلو كاملين …البقية كلشي مشا لفيلا قبل ميجيو طلبة الي غايديرو صدقة على نيك زواج ….

يامنة”شافت ياسين بان ليها راكب وكيتسناهم ” : نوار حنينة ركبي حداه نتي انا ركب حدا ميمتك نجود …

نوار”هازا جلايلها بطرف صبعانها حيث الحنة محرتتهاش بقات هكاك كتفرتت شوي بشوي” : وخا تحلي ليا الباب ههههه

يامنة “شافتها مخربقة” : وخا زيدي هههه “حلات ليها الباب وهي تركب حداه ويامنة بقات تا عاونات نجود ”

ياسين”شاف حنتها مع ملي تفرقو قبيلة ماشافها ” : بالصحة الحنة …

نوار”كتقلب صباعها وعينيها محدورين” : الله يعطيك صحة …

ياسين”شاف فالمرايا لور” : صافي ؟

يامنة : سير اولدي صافي …

قاد الفيتاس وديمارا زاد مع طريق فاتجاه الفيلا من بعد مسافة حتى دخلو لقاو دنيا مقادة تما ورجال واقفين كانت جوايه المغرب باقي ليه ساعة وشوي عاد ياذن …ركن سيارة ودخلو من لور وطلعو كل مشات تبدل …

يامنة تاكدات هي والعيالات من بيت الحبيب الي عاود من زيرو وقادو وجاب موبيليا جديدة ناموسية وكلشي وعاودو من جديد …فرشات ليهم الفراش …وخا غادي توصل هاجر والغذا ليه فالصباح بكري غادي يسافر …

نوار”دخلات لبيتها مشات حرتات ديك حنة الي بقات طلات عليها ولات حمراا بجهد شماتها وغمضات عينيها تموت عليها …عاد خرجات حيدات تكشيطتها تنفسات جمعاتها وعلقاتها وهي هكاك ببرميدا وضوني …

عاد مشات هزات واحد قميس كاشيري مخدوم براندة فلونو لبساتو جاها ضيق على كي قبل حيث كان عندها من ايام العقد لول فاش كانت ضعيفة …جلسات تا رتاحت شوي وهي تنوض خرجات من بيت ونزلات تحت عندهم العيالات …

نوار”دخلات كوزينة ” : ماما ضرتني رجلي بزاف …

يسرى : درتي ليها باندة ديالها ؟

نوار : لا مدرتهاش …يمكن طالون ضرني …

يسرى : ونتي محيدتيهش من رجليك باش تنفسي ومفيهش سوميلة الي تعاونك اااابنتي …

يامنة “واقفة كتستف فبلاطويات حلوة ” : ماعليش باليل تبغي تنعسي دوشي وفالدوش خلي شوي ما سخون ديري فيه مليحة والخل وديري فيه رجليك را يرتاحو ليك …

نجوى “شافت قفطانها” : ماجاكش مزير ابنتي ؟

نوار”شافتو كتقلب فيه ” : ماعرفتش هذا مفصل عليا من عام لعقد لول …

مينة”جالسة كتشرب فعصير” : هههههه ورا مزير عليك …

راوية”كانت تتهضر مع صفية وكملات معاها وهي تهز عينيها فيها طلعتها وهبطتها” : وبنتي را غلاضيتي …دوري نشوف ؟

نوار”دارت ”

راوية : لور ابنتي مزير …

نوار : ياك مغانكونش مع رجال غير بيناتنا ؟

راوية : وااانتي تعرفي ..

هزات كتافها وجلسات حداهم …

داز الوقت وجاو الطلبة من بعد ما اذن العشا تجمعو رجال وجات هاجر فالسيازة مع باها ومها وختها وسيارات العائلة ديالها وراهم تلقاو ليهم بزغاريت وتمر معمر والحليب بما زهر …تا استقبلوهم وصلاو عالنبي بالعادة وترحيب الحار …

دارو الطلبة قراو ما تيسر وتدفع العشا تبعو اتاي والحلوى الكل حاضر جميع العائلة وناس الي عرضو عليهم دوزوه طلبة وعشا من داكشي كلشي فخم …كان بانكان يكون عرسو فخم لكن الحبيب وهاجر فضلو داكشي يكون خفيف واحتارمو قرارهم ….

هاجر”جات بلبستها البيضة ماشافهاش الحبيب فقط فتصاور الي رسلت ليه …طلعات لبيت ديالهم لفوق معاها امها وصوفيا ويامنة تا دخلات حادرة راسها دايرة قب سلهام على راسها وشعرها مطلوق مبوكلي …جلسات فوق ناموسية مفرشة فراش ابيض ”

يامنة”حطات المبيخرة ” : مرحبااا بيك ابنتي نورتي بيتك الله يجعل كلشي مبارك ومسعود …

يسرى : مبروك احبيبة ومرحبا بيك وسط ناسك واهلك جداد …

هاجر”حادرة راسها كتدلك فايديها بتوتر” : الله يبارك فيك اخالتي …

يامنة”جلسات حداها” : متخافيش ابنتي انا ميمتك ويسرى تاهي را حنا كلنا هنا واحد الي ضرك يضرنا والي يفرحك يفرحنا …

هاجر”شدات ليها ايدها باستها ليها” : براكة عليا عگوزتي نتي وعائلتي جديدة نتوما مبغيت والو …الله يجيبنا فالصواب ان شاء الله …

يامنة “شافت فزبيدة ” الحاجة دار داركم ها البيت “شافت فصوفيا ” مرحبا بيكم ابنتي …”غمزات زبيدة” بقاي معاها”زعما هضري معاها وفقهييها ووصيها حيث الام لازم تبقا توصي بنت🦋نور_الياسين(849)#فرصة_ثانيةsana mina🐺🦋

نزلات يامنة ويسرى كيضحكو ويهضرو تال تحت الي خوا مبقا فيه حد تا من الحاج مشا بقاو غير هما …لقات نوار لتحت هي ومينة …

نوار “قربات لماماها” : ماما واش غايباتو معانا ؟

يسرى : ايه معانا را بيت مينة غاينعسو فيه تاتمشي هاجر صباح ويرجعو فحالهم …

نوار”عوجات فمها”

يسرى : امالك ؟

نوار : مماليش …ففف انا نخرج برا شوي…

يسرى : وخا وسلمي على ياسين معاك …

نوار”كانت غاديا وهي ذور عند مها” : ماماااا …

يسرى : هههههه

خرجات قدام الباب دورات وجهها بان ليها واقف بعيييد حدا لابيسين …رحداه رجال تريتور الي كيمشيو ويجيو يجمعو فالدنيا …نسات راسها واشنو لابسة تا مشات عندو هكاك كتعرج عيطات ليه وهو يدور عندها كيكمي فالگارو مبدل الجلابة ولبس كومبلي كحل بقميجة بيضة حيد الفيستة ولبس عليها كبوط كحل بالقب كبير …

ياسين “طلعها وهبطها ماعجبوش شنو لابسة جاه مزير حيد المونطو ومشا كيزرب لبسو ليها ولات تبان فيه كي القشة وسط منو” : رجعي دخلي…

نوار : علاش ؟

ياسين”جهد صوته تا قفزت” رجعيييي دخلي …

نوار”معاوداتش معاه الهضرة وهي دور مزيرة ودخلات ما ضارت لا هنا لا لهيه خلات عمتها تعيط ليها هي ومينة وطلعات لفوق لبيتها سدات عليها …حطات لكبوط ديالو فوق ناموسية ومشات لماريو جبدات بيجامتها لبساتها وهي دخل عليها مينة لقاتها عاد بغات تنعس …

مينة : مالك ؟

نوار”تغطات مقلقة ” : مماليش اجي نعسي نتي غاتبقاي سهرانة ؟ مشا رياض وخالتي ؟

مينة : مشاو وصباح راجع باش يديني …

نوار “حركات ليها راسها”

مينة : مالك مع ياسين تاني ؟

نوار”هزات كتافها” : مماليش ماعرفتوش مالو ..”دلات شنيفاتها”

مينة : قلنا ليك را مزير …

نوار”شافت فيها” : والله حتى نسيتو قلت حنا لتحت عيالات دراري مدخلوش جيهتنا بقيت غير معاكم ونسيتو …وهو تنفخ عليا”صوتها نغنغن”

مينة : اش غاديري دابا ؟ تنعسي ؟

نوار : لا شوية ونمشي عندو ولا نهضر معاه …اصلا من حقو يتعصب ويتقلق كانو رجال وانا خزجت هكاك وزيد كان البرد وهو كيقوليا منخرجش لبرد ناقصة الحوايج …الغلط ديالي …

مينة”صفقات” : براااافو هكا نبغيك كتعجبيني فاش كتعتارفي …

نوار : ولكن هو تنفخ عليا …دابا نرجعها ليه …

مينة : فاش ابنتي ؟

نوار : انا عارفة ..”هزات الفون تصوني ليه وهي تسمعو كيصوني فالكبوط ” تيليفونو خلاه هنا …”هزاتو من الكبوط وهو يبان ليها كيصوني باسمها “الشهلة ديالي” عضات شنيفاتها بحب وناضت قلبات على كبوطها ولبساتو فوق بيجامة دافية الي لابسة بسروال خشات رجليها فبانطوفة …هزات مونطوه وتيليفونو ونزلات تحت سولات عليه لقاتو باقي فين خلاتو …كان واقف عاطي بالضهر كيكمي وهي تقيسو بصبيعها صغير …

ياسين”ضار عندها شاف فيها ”

نوار”مدات ليه كبوطو وتيليفونو ” : نسيتيهم …

ياسين “شدهم من بعد ما شافها شنو لابسة تهنى راها دافية عاد لبس كبوطو” : فحالي فحالك مادام عندك مناسيهمش ..

نوار”خشات ايديها فجيب جمعات فمها كتلملم الهضرة شنو تقوليه” : عرفت راسي لبست مزير وهنا رجال والله حتى تدعقت نسيت واش لابساه …مع كان مفصل فالعقد لول ديالنا على قدي وعريض ودابا يمكن مبقيتش ضعيفة وتزير عليا …

ياسين : مبغيتش تخرجي بيه حتى قدامي مادامني مزال مارجعتش حلالك …

نوار : عارفة “هزات فيه عينيها ونطقات ” حتى ولو متكونش نتا وخا متكونش راجلي ولا غاتولي راجلي غادي نحتارم راسي …”تبسمات كي تفكرات كانت بغات تعطي راسها فرصة تعيش حياتها ايام رجعات من المانيا وبغات تكون متفتحة وتلبس الي بغات” ههههه

واحد الوقت قلت نعيش حياتي ولبس الي بغيت وماسوق حد فيا “عوجات كتفها” بغيت نطير وصافي كيف قاليا سليمان …

ياسين : قولي بغيتي تشدي ضد معايا …

نوار : هههههه وماعرفت شنو كان كيقوليا راسي …المهم دابا توگضت اااشي شوي”كتصغر ليه مسافة بصبعها” اللباس الى غانحتارم اول حاجة نحتارم راسي واليديا ونتا ندير ليكم اعتبار …شي حاجة اخرا غادي ندير صداع ونجيبها فراسي تاني وانا “عينيها غرغرو” مبقيتش قادرة نعاود نرجع لعذاب تاني …

ياسين “شد ايدها وجرها وراه غادي بيها حتى بعدو من تما حدا واحد شجيرة ووقف وحدهم .. ” عارفك محتارمة راسك قبل من واليديك وقبل مني …”شد ليها ايدها باسها من كفها كيشم ريحة حنتها” الصبر راني مصبر راسي باش ما عطا الله …زيدي غير شوي قريبة ليا وكملي عليا بداك لبس وماحنا فخير وانا راجل وعيبي واحد…

نوار”حبست ضحكة كتمايل ” : علاش …

ياسين : عامين ديال لفراق كنتي بعيدة مصبرني البعد رجعت شفتك قريبة خربقتي ليا ساس رجوع كان اتفاقنا صبر بدا يتقادا كل مرة جاي نشوفك بحجة وزيارة …”حط ليها ايدها على صدرو حسات بقلبه كيضرب بجهد يلاه غايهضر حتى سمع صوت فؤاد …”

فؤاد”بصوت مجهد شوي تا قفزات نوار” : ياسين الحرمة ليها واليها هاد ساعة …ساعة التالية بالحلال وطلع لجبل نتا والي خرج كلمة عليك ديك ساعة تحسب عليه عيب …

ياسين”رفع حاجبو” : عشنا وشفنا الحنّان (الوليد) تا توخرنا لاقين سلاكة مع النسيب ووحلنا مع الوليد ..”غمزو” خلي الما منين يدوز ودير بوجه الفراق الي كان طويل …

فؤاد : لسان حسن يذكر العسل ميذكر القطران …الله يحفضنا من داك النهار…الشيطان حرامي قادر يدخل بين عشرة فما بالك جوج …عيشو الخطبة بالاصول تمشي عندك بعزها ولا لا”شاف فنوار الي حادرة راسها حشمااانة ” امولات 🦋نور_الياسين(850)#فرصة_ثانيةsana mina🐺🦋

هضرة فؤاد على حق تماااما وخا هما كانو مزوجين فايتين فالحب والعلاقة لكن هما دابا حاليا مفارقين واقع بيناتهم طلاق يعني مبقاتش حلالو باش يدير فيها الي بغا (زعما يبوسها شعنقها يشلقمها كيف كنقولو حنا هنا بيناتنا ) ومادام اختارت العادة التقليدية فالزواج فواجب لا عليه ولا عليها باش يتجمعو ويختلي بيها بغير موجد شرع ..هذا اذا طبقنا هضرتها الي لمح ليها فؤاد رالاحتراااام التام لديننا …مسرعوش فالزواج ….

فؤاد”غير غمزو شاف فيها وحرك ليها راسو باش تحرك ” : تحركي طلعي نعسي الفجر على وصول …

نوار”جمعات كول كاب عندها وحدرات راسها كتحنحن مهزااااااتش ابدا عينيها مشات حناكها بغاو يطرطقو بالسخونية والخجل بدون متزيد معاه الهضرة ..”

ياسين”هز راسو كيحك لحيتو” : ما بلانش هذا الوليد ماااا بلانش وكاان”قالها بطريقة خااااترة ههه”

فؤاد”ساس جلابتو من تحت وقاد ساعتو وهو على اهبة الاستعداد باش يمشي تاهو” : الاصول اصول بلا لغا ولا كترة المغانة …تبات فراحة الله …”مشا”

ياسين”حرك ليه راسو ودار ايديه على خصرو كيشوووف فيه هذا الي مكانش يضن غايخرج ليه فعودو ونااااري لا خرج ليك النسر فعودك را يوسف يديروها بيه وقدام عينيه كااع مايحس بيهم وكلشي لكن فؤاااد ؟؟؟ اههههه اولله لا دارت بيه …” : وااخا واااخا سيدي …

بقا تا كما واحد الكارو اخور تنغم بيه كملو ومشا تاهو طلع لبيتو ….

#غرفة_الحبيب…

بقات جالسة بلباسها بسلهام بيض والقب ديالو مغطيا بيه راسها تا خبا ليها وجهها …حادرة عينيها على تيليفون كدوز فتصاور العقد والعرس …ملي جا تصور معاها فالحنة وهز ليها فوال والعقد فاش سناتو وركبو الخواتم وتصور معاها فاللبسة تكشيطة بيضة يعني خذاو تصاور مع بعضياتهم لذكرى …من تم مشا ماشافهاش تا جات ومشافها حتى لدابا عاد غايدخل عندها …

فوق سرير مفرش بالابيض ومطرز …كانت كتشوف فالتصاور والفيديوات الي وصلوها من صوفيا الي رسلهم ليها المصور وتصاور الي رسليها ديالو هو فالعقد فاش كان كيسني وحدا سميتها فالروجيستر دار ليها سيلفي …ضحكات على طريقة باش صور راسووحاط صبعو الي فيه الخاتم حدا سميتها …

هاجر : اممم ههههههه هبييييل ديالي …”زمات فمها مبتاسمة حتى عوجات راسها كتشووووف فيه زرقة العينين الضحكة البيضاء الحجبان غلاض شهبين واللحية البنية طولة ديالو والفورمة والاهم وجهو البشوش الي حمقها كلو على بعضو كتشوف فيه غير هو الي دخل حياتها حب نقي صافي حتى تكلل بالزواج …واش تبغي كتر من كرم ربي عليها بهادشي ،

الحبيب”واقف مربع ايديه كان مبدل الجلابة باش دار العقد ولبس الكلاس طقم اسود بصباط لماع كحل …حيد الفيستة وحطها وهادشي را دخل بلا متحس بيه …حتى نطق وهي تقفز” : كون يحساب ليا ضحكي هاد ضحكة النادرة من تصاور الي درت كون شبعت مرتي سيلفيات ..

هاجر”شدات على قلبها وغمضات عينيها” : فففف خلعتييييني حرام عليك …كيفاش دخلتي ماحسيت كاع بيك …

الحبيب”قرب لعندها” : سر المهنة او نقول نتي الي عقلك ماااشي هنا …

هاجر”حيدات القب الي على راسها وبان وجهها مزيااان مصاوب بميكاب احترااافي برز ملامحها البشوشة وعطاها ميزة خاصة الي بانت فعينين الحبيب الي عض شنايفو بلا شعور حتى لقا راسو مشا بخطاويه لعندها وجلس حداها ..”

الحبيب”قبط ايدها وهزها لفمو باسها وخلاها وسط ايديه كيتلمس فيها ويشوف ليها فوجهها ” : جيتي زوييينة بزاف …”عينيه على عينيها الي كيطلعو ويهبطو فيه بتوتر خوف وخجل مجموعين فيها فهاد اللحضة ..” ربي رزقني بيك وشفت فيك مولات الدار فالوقت الي كنت كنقلب ومالقيتش وشوف الصدف ههههه تزوجت باخت الي رعفتها فالصغر …

هاجر : ههههههه ياااك هاد الحادثة متنساهاش …ضربتيها على شفار ؟ويلي خايبة ههههه

الحبيب”حك ورا عنقو” : وااا الصغر شكون يعقل ديك ساعة …

هاجر”بلا متحس دفعاتو بمرفقها بغنج” : هبييييل …

الحبيب”رفع حاجبو لهاد الحركة المفاجئة حتى صدق تاهو دافعها بنفس الطريقة”. : هبيييييل وكيبغي مولات العقل …

هاجر”تزنگات” : احم ههههه

الحبيب “حط صبعو على حنكها لقاه سخون ” : كيحشم زين ديالي انا …”قرب بشويييي لحنكها وباسها فيه بقا مطووووول بوسة واستنشاق لريحتها تا نزل بفمو كيبوس يبوس حتى وصل لعنقها وطبع عليه قبلة وهي تطويه تبورشت ..شاف فعينيها” : كنبغيك بزااااف هاجر كنبغيك وبغيت كلشي فيك ضحكتك ،رزانتك ،بشاشتك، قلبك البيض ،وراسك الخفيف والهضرة بصواب والاهم ديك ضحكة على اي حاجة كنشوفها فوجهك هي الي خلاتني نشوفك وحدك فعينيا كتفرحي ليا القلب وتفرحيني وخا نكون فمود الحزن ولا العصبية كنحس بيك كتبرديني بمجرد منشوف هاد الضحكة …واش بغيت كتر من هاكا …نتي غير كوني مراة صبارة معايا وحتى الى ما رتاحيتيش هنا نقدرو نعزلو دار وحدنا ..

هاجر”تبسمات ليه ” : الحبيب انا فاش تعرفت عليك راني تعرفت عليك نتا تعرفت على طيبة ديالك قلبك البيض ضحكتك الضحك ديالك تقشاب ديالك تدراوشت الي فيك وحنين …عارفاك قاد وتقدر دير ليا ديور ولكن انا واحد البنت …مولفة جو العائلة حيث واحد وقت كنت عايشة فدار جدي قبل ميتعزل بابا ويدير دارو …داركم الحبيب ناس متكرهش تبقا مجموع معاهم ناس الخير صيتهم سابق وناس الكرم وحنان مع البراني فمابالك مع بعضياتهم …في نضرك شنو نبغي حسن من هادشي ؟

#يتبع….العادة وشان والمرشان ؟

#تصبحن_على_خيييير…ها وتهضر معاها بينما جا العريس …”

#يتبع…

لوليد

 

#يتبع….ك …ولا غير يخبط ويكحب ويضور فراسو

#يتبع….غا يضربو اسامة ” الوليييييييد …

#يتبع….

دابا لثلث وقاات …(تلاتة الاوقات)

#تصبحن_على_خير…

 

ه اش دايرة لييييييه هاااا …

#يتبع…القفطان كحل” : الاسود يليق بيسرتي …

#يتبع،…سو” : الليلة ان شاء الله …

#يتبع…

 

نة وارا برع شيشان …

#يتبع….

 

 

يييييي “عض شنايفو” نحيدو غناية حاشاك ….

#تصبحن_على_خييييييييير…

ا درتي والله يكمل عليك بالخير …

نوار : اللهم امييين …

#يتبع…ضحك عليه الي باطي عليه امتا يتجمعو يفرسها ههههههه

#يتبع…ري يضحكو عليها …”

اشرف : نعل لميحشم …

#يتبع…

 

ات ورا راسها خاشي صباعو فشعرها …

#تصبحن_على_خير…

 

“ضار ومشا خرج لجردة هو كاع …”

#يتبع…

من بيت نزلو صالون عند العياالات…

#يتبع…تبع…. فؤاد “…

#يتبع….كبر الله الله واكبر …

#تصبحن_على_خييير….وك فين تسوگرها مع سي ياسين ) …

#يتبع…..دير غا متكرهينيش لوح راسي من سطح …

#يتبع…. قلبي وبخااطري نعتقك ميحتاجش تشكريني…

#يتبع…

كزة فيه شوفة وهو يغمزها” …

#تصبحن_على_خير…. غا تشاش قاضي ومكفي وموفي …

#يتبع….ي فغابة اسيادة العميد او لا”غمزو”

#يتبع…

Leave a comment