Skip links

قصة : نور الياسين ج 35

 32,042 عدد مشاهداات

🦋🐺نور_الياسين(776)#فرصة_ثانيةsana mina🐺🦋

طلع لبيتو ودخل نيشان طلق رشاشة سخن دوش وخلا البخار مطلوق عاد مشا حيد حوايجو كلهم بقا ربنا خلقتنا وحطهم فسلة الوسخ (حشاكم) ودخل تخشا تحت منها غسل ودوش مزياااان كيغسل بباندوش ويشوف فداك الوشام الي فدراعو …كمل وخرج لاوي عليه فوطة ولاخرا كينشف بيها شعرو مشا لماريو جبد تيشرت وسروال دجين حطهم ومشا لتيليفون هزو ودوز الخط حتى جاوباتو …وهضرو …

ياسين : معاش غذا ؟ …مزيان …

قطع وحط تيليفون فوق الكوميدينو يتشارجا ولبس حوايجو تقاد ورجع شعرو لور فيكساه عاد لبس فرجليه ورش بارفانو وهو يهز تيليفونو وكونطاكت وباكية الكارو وبريكي دارها فجيبو هي وتيليفون وخرج من البيت ونزل نيشان لتحت خرج وركب فطوموبيل وديمارا مكسيري خرج من الفيلا وشدها طوالة تالمدينة ومشا لدار الحاجة ام سفيان الي لقاها مستقبلاه بطرح بطبوط مريح بزيت زيتون الي رسليها حقها منو وبراد اتاي دايزو الكلام …

الحاجة : زيت زينة هادي ولدي …

ياسين : الله اودي المليح لناس الملاح …

الحاجة : والخايب ؟

ياسين : ماعندي خايب كل كيدي قناطرو يطحنهم قدام عينيه …الي غفلني وغش منو لمولانا …

الحاجة : هذا هو المضنون فيك …ايوى بسم الله …

ياسين : يا بسم الله ….

من بعد ما سماو الله كلا حقو من داك البطبوط سخووون من المقلة لطبسيل نيشان وهادي هي عادتو ياسين مع هاد سيدة الي نقولو بالنسبة ليه هي اقرب صديقة الى ناس عندهم اصدقاء من عمرهم ياسين عندو صديقة من عمر مو او جداه صديقة جايبة ومدية فالزمان عارفة بحق دنيا حتى الى نصحاتك تنصحك بحكمة وعارفة كحل راس اش ممكن يخرج منو وكتوجهو لطريق الي تخليه يعيد حساباتو ويفكر ويدرس او يسمع ليها ويدير ديك نصيحة المهم تردو لعقلو بهضرتها الخاااترة وتنفعو بحكمها من نسا عارفة بحق العيالات وكيفاش كيفكرو …

الحاجة”كملو الماكلة وهزات طبسيل داتو وجات كبات ليه كاس اخور عليه يتنغمو بالهضرة …قادات زيفها ونضاضرها دشوف وشافت فيه ” : الحياة تزرعات فيك من جديد ونور بان فوجهك …كتنور ناس برضاك وسخاوتك وخيرك واحترامك …كيفاش تا تنور وجهك …

ياسين “حط كاسو ورجع شابك ايديه ” : ناوي نرجع لمراة ديالي …

الحاجة”ضحكات ” : وهادي باينة من شحال هادي …

ياسين “رفع حاجبو” : باش عرفتي ؟

الحاجة : كان خاصكم بعد باش تشوفو الفجوة الي كانت بيناتكم وتعرفو بحق بعضياتكم تشوف همها وتشوف همك وتعرفو الغلط راكبكم بجوج وتريبو الي فات وتعاودو ساس وتبنيو ضالة الي تغطيكم لطول العمر …

ياسين “دار ايدو على طقنو كيحك فيه وكيشوف بعييييدة وكيهضر” : كنت حلمت حلمة شفتها شحااال هادي …مع حليت عيني اذن الفجر “رجع شاف فيها”

الحاجة : رؤيا هاديك …خير وسلام ؟

ياسين “عاود ليها على الحلمة بكل تفصيلة فيها …” : وجهها مواضحش كنشوف فيها حاس بيها نوار لكن ماشي هي …

الحاجة : وقالت ليك وهي حاطة على قلبك الي هو ليسر ديالك على ماقالت غادي يضرب وهي الي شفتي قالت بنت بنوت ؟

ياسين”حرك راسو بالايجاب ” : زعما ماشي نوار ؟

الحاجة : ملي شفتي نوار باش حسيتي ؟

ياسين : ليسر ضرب كتر من قبل …

الحاجة “حنحنات ومصغرة عينيها كتفكر” : قلتي بنت سليماني شنو سميتها ؟

ياسين : صوفيا …

الحاجة : على ماعقلت جيتي قلتي ليا هزيتي فيها عينيك بلا متشعر …

ياسين : ماعرفتش كيفاش تا هزيتهم …يمكن ضنيت…

الحاجة “كتهز فراسها” : يحساب ليك نوار الي دخلات فاش شفتها اولدي راها كتشبه ليها نيييييت وشبه كبييير بيناتهم …

ياسين : ماركزتش ولكن عندها حركات فالهضرة قريبة لنوار …

الحاجة “تنهدات” : شفتي فيها نوار من شوقك لنوار بانت ليك فيها هي …ندوزو لتفسير لول ..صوفيا بنت بنوت باقي عزبة (عذراء)معمرها تزوجت هي بنت بنوت الي خلاتك ترجع تفكر وتفتح قلبك لنوار حتى ضرب من جد وجديد ليها …ندوزو لتفسير ثاني …

ياسين “صغر عينيه” : نوار ضحكات لبراني ومن غيرتي عليها رجعات خلاتني منفكرش تكون لشي حد من غيري ورجعت نرجعها ليا وهاحنا غادين …

الحاجة : وضحكة غاديا وتبان على وجهك وهاهي ضحكاتك نيت هي …

ياسين “تگعد مركز معاها” : كملي …

الحاجة “بدات ليه بتفسير مرة اخرى على شكل تالي ” : نفسرها ليك ثاني…بنت بنوت الي بغاتك ضحك كيف ضحكات هي …را كيف ضحكات فاش شافتك ضحكات مع البراني باش تنسي فقلبها وتصنع القوة وتحدى راسها حتى رجعات ضحكات ليك من قلبها. ومعاك ..شفتي بنت بنوت حركات ليك ليسر …شفتي بنت بنوت (صوفيا) كتشوفيها من نوار نفس ضحكتها حركاتها رجعات حياة الي كان ناعس فسبات فيقاتو من الخمول (على قلبه)….بسبابها رجعات ضحكتك وعزمتي ترجع مرتك ولاصلك …

ياسين : النص لاخر ؟ (زعما نص لاخر من الحلمة )

الحاجة “حطات ايدها على كتفو كطبطب عليه …بين حجبانها ترسمو خطوط عمودية وفاخر عينها وقفات دميعة نقيطة” : ندعي🦋🐺نور_الياسين(777)#فرصة_ثانيةsana mina🐺🦋

بقا كيشوف فملامحها الي تغيرو وعلاش تغيرو حتى رجعات بيه الذاكرة لسيدة الي قرات ليه الكف ديالو تاهي تبدلو ملامح دياله والخوف والحزن بان فعينيها حتى ضارت هربت وليومنا هذا مابقاوش لقاوها !!! بقا كيفكر حتى استغفر الله وتعوذ من الشيطان لان داكشي كيبقى شرك بالله وشعوذات ….

ياسين : شنو تفسيرك ل انا حسن منها ،

الحاجة “حطات صبعها على عينها مسحات ديك نقيطة ديال دمعة وابتاسمات ليه” : هي نفسها نوار تبدلات وولا حسن من لول وهادشي لاحضتيه …

ياسين : كلامها زيان على قبل الكياتة الي كانت فيها كبرات وزادت حلات كثر …وليت من كلامها كنذوق ونستمذق ونتمتع على قبل وخا قبل كانت كلها كتعجبني وكلها باغيها بكلشي فيها …

الحاجة : نضجات على ما قبل …المشاكيل الي دزتو منهم والي جرا ليها زاد كبرها والى مكانوش مشاكيلنا يعلمونا را معمرنا نتعلمو ونضجو …

ياسين “مابقاش حكر على نص الثاني بزاااف وقال” : النص الثاني من الحلمة على مولانا ؟

الحاجة “رجعو ملامحها تبدلو ” : نترجاو الله الخير نتا انسان مؤمن كتصوم وتصلي وخلااااص الصدقة والخير مع الناس راك من صغرك ماشي بيه …ايوى الي ضايرين بيك من اهلك وواليك تاهما راهم كيصدقو والصدقة كتلقا علينا البلاء والله يفرج وكان …

ياسين : اميين امييين …

بقا شوي كيهضر معاها شحااال تا حس براسو عمر دماغو من النصائح وخوا راسو من السلبية وريح دماغو عاد ناض استاذن باس ليها راسها وخرج رجع ادراجو لفيلا لقا باه خرج طلع لفاس …

يامنة : طالع لفاس ؟

ياسين : غادي نشوف اركان …

يامنة : جااا مسكين …

ياسين : جا الموسم دراسي هذا …

يامنة : سلم عليه ودير شي نهار محدك هنا عرض عليه هو ومرتو عندنا وخا غير لغذا …

ياسين : نيت شحال ما كلا تبن …

يامنة : ههههههه حرام عليك …

ياسين “حرك راسو” : ضروري ضروري نعرض عليه …

يامنة : نهار الخميس يعني بعد غذا غادين لدار سليماني راك عارف …

ياسين : شكون غادي ،

يامنة : انا باك والميمة والحبيب طبعا ههه ويسرى ويوسف …

ياسين : تهضرو ولا خطبة ؟

يامنة : هضرنا وهادي خطبة يعني نتافقو …

ياسين : صهيب والخالة سارة ونوار مغادينش ؟

يامنة : صهيب غايدي سارة لدارهم شي حد من عائلة باها مات …

ياسين”كمش حجبانو ” وايلي ياكما الحاج مغيث ؟

يامنة : واه هو ولدي …نهار لاربع غاديا تعزيهم وتجي مدرسة ولدهم سيمانة جايا دغيا دير الواجب وترجع ايوى ملي غير نتافقو قالت حتى تحضر لشي الكبير ونيت قالت ليك منكثروش على ناس وحنا كثار تبارك الله هههه

ياسين : ونوار غاتبقى وحدها …

يامنة : نوار مشات عند مينة شداتها تبات معاها ليلة وماتجي تال بعد غذا بالصباح عيطو ليها مالين طرجمة لشي خطأ تبقى تتقادو وترجع نيشان تمشي معانا …

ياسين”رفع حجبانو ” : يوميين !!!

يامنة : مالك ؟

ياسين”باس ليها راسها وتم غادي” : ممالي والو …نتشاوفو بالليل …

طلع الفوق دخل لبيتو هز شنو بغا ونزل تاني خرج كيهضر فالتيليفون مع اركان …ركب فالسيازة وانطالق نيشان فاتجاه فاس …

اركان : الغذا عندي الخو ضروووري واحد طاجين ديال قنية بالبصلة من الي حب خاطرك …

ياسين : كمل …

اركان : من وراه واحد الطبسيل ديال سفة بالزبيب من الي حب قلبك …

ياسين : دكة ؟ (اتاي زعما)

هشام : فلونتخي وفالفينيسيون اصحبي زين …

ياسين : يعمر دااارك …حسب المسافة بيناتنا وهاني عندك باذن الله …

اركان : مرحبتين …

زاد فالسرعة مد ايدو دوز ليها الخط يتاصل بيها لكن التيليفون طافي …عاود وعاود والو طافي …

ياسين : تت…”حك لحيتو ماعرف مايدير فين يسول عليها …يعيط لمينة مكاين لاش ومزال معارفينش راهم تقريبا كيرجعو لبعضياتهم حيث هو لحد الان مزال مطلبهاش لرجوع بالحلال …كي غايدير يسول عليها وماجاتش وخا بنت عمو را غير سؤال من بعيد يعطيوه خبارها …شاف تا عيا وشدها طواااالة غادي بسرعة حتى وصل لفاس ودخل المدينة تا وصل لدار اركان غير صونا ليه وهبط عندو …

اركان “تسالم معاه بعناق رجولي ” : العشير ليك وحشة …طلع طلع …طلع اركان وتبعو ياسين حادر راسو تا حل باب البرطما ودخل لقا سلام بصوته ردات عليه مرات اركان 🦋🐺نور_الياسين(778)#فرصة_ثانيةsana mina🐺🦋

لبسات حوايج ديال الخروج وهزات صاك فجنب فيه تيليفونها ولبسات فرجليها صابو مديكال وخرجات من البيت كتجمع فشعرها لفوق بمقبط وكريشتها باينة من كسوة زرقة الي لابسة مفضفضة من تحت وفوق منها فيست دجين قصيرة ….لقات الغذا كيتحط وجلسات حداهم فالطابلة فالمقدمة ايلاف وراوية وجاد …جاد الي فتح الحديث وهما قالو بسم الله كيتغذاو الحوت الي كان فالغذا ديال اليوم …

جاد : امي …غذا صباح غانتيسر …

راوية : صافي اوليدي سخيتي ؟

جاد : هههه والله مكرهت ولكن راك عارفة …

ايلاف : الله يرضا عليك ابني دراستك اولى …

راوية : مشفتيش خوك ؟

جاد : شفتو البارح بقيت معاه فدارو وخرجنا ضرنا تا رجعت …وليوم يقدر نشوفو ..

راوية : ايوى صافي …

صفية : احم …

راوية “شافتها ” : كولي بنتي …

صفية : كناكل كناكل عجبني الحوت الي درتي …

راوية : هههه بصحتك …

ايلاف : شو طالعة لفاس ؟

صفية “حركات راسها” : غادي يوصلني شيفور عند مينة نيشان ايلاف”شاف فراوية ” : شو مو رايحة معها ؟

راوية : عندي شي خدمة لشركة بزاااف داخلة معاهم فحساب ديال لانفونطيغ خاصني نكملو معاهم …حتى خطبة الحبيب مغادياش …

ايلاف : انا بخطبة الحبيب عندي سفرة لموسكو …يلاه بالخطبة الكبيري بنروح الله يبعتلو الي فيه الخير …

راوية : اصلا غير عشا خفيف باش يتافقو وصافي الخطبة كنضن من بعد خمسطاش اليوم على ما قالت والى تاافقو را هي هاديك يكون كلشي …

صفية “مسحات وناضت مخلية صاكها تا مشات غسلات وهي ترجع ” : انا مشيت …

راوية “ناضت مشات معاها تالبرا جا شيفور ديمارا طوموبيل ” : تهلاي ودواك متنسايهش …

صفية “ابتاسمات” : غير يومين عند مينة ونجي را معايا تا نوار …

راوية”حطات ايدها على كريشة صفية ” : وتهلاي حتى فولدي …

صفية : كوني هاانية …

راوية : يلاه سيري “مشات ركبات وهي تعيط لشيفور وصاتو عليها ويمشي بالمهل ورجع كسيرا وخرج زاد مسافة الطريق حتى كانت في فاس بالضبط امام فيلا مينة الي صونات ليها وخرجات عندها تلقات ليها هزات معاها صويك صغير ودخلات لداخل …

نوار”كانت فالكوزينة لتحت فلاكاف ..مسحات ايديها بالفوطة كانت غير بضوني وشورط صافي مشات كتبتاسم تال عند صفية سلمات عليها” : صف صف جيتي ..

صفية : جيييييت “جلسات فاقرب كرسي فالكوزينة ” ففف سخفت …

نوار”حطات ايدها على كرشها كتدوز عليها وعينيها مغرغرين ” : وينوووو بدا يكبر …

صفية : وااه وخا معذبني ههههه

مينة : كملتي ربع شهور …فاتك الوحم ؟

صفية : شي شوي كيفوت شوي بشوي …جيبي ليا كاس ديال الما ”

نوار”ضارت خوات ليها كاس الما وعطاتها شرباتو وحطات القرعة حداها” : كتبقاي تعطشي …

صفية”مسحات فمها كتلهت” : بزاااف …”شافت فيها ” شفتك واخذة راحتك هي مكاين حد فين عگوزتك امينة ؟

مينة : را عيطت ليك تجي تونسيني هاد اليومين حيث غييير حنا عيالات رياض دا خالتي لاكادير تشوف حتها مريضة ومايجيو تال بعد غذا عاد يجيو نوار جات صايبت شي وراق ايوى غاتبقا معايا وهاحنا ستات بتلاتة نفوجو غير بيناتنا نسدو علينا …ووو عطيني داك تيليفون اختي لهنا …

صفية “مداتو ليها مسكينة على نيتها” : هاهو علاش ؟

نوار”هزات ايديها” : تانا داتو ليا وطفاتو ومخلاتنيش نهضر وحلفات عليا …دابا يعيط ليا شي حد …

مينة “طفات تيليفون صفية ” : فيكس خدام وعاطية تعليمات لرياض الى شي حاجة مهمة شيفور ولا العساس يقوليا شعليه …خليييينا نبعدو على العالم ريحي دماغك انوار بابا وماما عارفين عارفة اش كندير الى ماكان عندك شي حد ضروري تهضري معاه حبيب ؟ گري ؟

نوار : هااا …م و صافي ديري الي بغيتي “ضارت غاديا وتتبغم بالحس” وياسين اش ندير دابا يتخلع …

مينة : شكون الي غايتخلع ..

نوار”قفزت تا لاحت الفوطة” : واااالو والو …ناري …

هزات تيليفون صفية وداتو مع تيليفونات فين مخبياهم ايييوى جلسات نسائية وحديث نسوان بيناتهم فكرات فيها مينة منها تفوج عليهم بزوجات لان كل وحدة فيهم خاطرها اكفس من لاخرا على حد عليمها فكانت فكرة منها تخرجهم على مود الحزن والواقع الي فيه وتعزلهم فعالم نسوي بيناتهم ….مشات نوار تكمل شنو كتدير الي اصرات هي توجدو بايديها وبالها مشغول على ياسين الي غايكون عيط ليها ولا خلا شي ميساج ….ب🦋🐺نور_الياسين(779)#فرصة_ثانيةsana mina🐺🦋

بقات مدهية مع الگوتي الي كيف قلت اصرات هي طيب وتوجد من حبها لطبخ الي تزاد عندها اكثر والي كانت كتعلمو فالمانيا جاب نتيجة كان من ضمن الاعمال الي كانت كتنسي بيهم وتنفس على راسها كتصايبو بايديها معتامدة اولا على كيكة الي بدات بيها اللولة …حتى جات صفية لابسة غير كسيوة قصيرة بسمطيات فالاسود حد ركبة مفضفضة ..

صفية : الله على راحة تنفست …

نوار”ضارت عندها شافت شنو لابسة ” : شفتي نسا بيناتنا نلقاو راحتنا هههه …

صفية : شنو هادي ؟ واش كيكة دنمر والگرگاع الي قلتي ليا ؟

نوار”حركات راسها” : هي هادي …الي فيها كاس تمر مقطع وكاس گرگاع مهرمش وكاس دقيق وثلاثة البيضات وفيها معيلقة قرفة مطحونة ومعيلقة سكينجبير وقبصة الملح وزوج خماير حمرين ونفس الكاس سنيدة وتاني نفسو معامرش ديال زيت خلطيهم بشوي وديريهم فمول مدهون بزبدة ومرشوش بدقيق ودخليها فران …ردي بالك عافية مهيييييييلة خليها ساعة لاروب عاد طلي عليها غاتلقايها طابت قلبيها ومن بعد خرجيها وذهنيها بشكلاط دايب مع دانيت خليطهم ودهنيها بيهم ورشي عليها گرگاع مهرمش وبصحة

صفية : اححح تشهي …

نوار : هههه كتشهي ولكن نتي متاكليهاش حيث هي فيها قرفة وسكينجبير وكركاع ممزيانينش ليك حاملة وتمر كتر كيسهل لولادة بزاف ونتي مزال عليك الحال …

مينة : اتبااارك الله على دكتورة ختي …

نوار”طلات عليها وصغرت فيها عينيها” : راني بنت دكتورة نسائية وفاش كنت فالمانيا كنت كنضل نقرا ونبحث فاي حاجة هادشي راك عارفاه فيا غا ملي تزوجت مبقيتش كنقرا كيف كنت …

مينة “جمعت فمها كتحنحن حيث فكرتها فزواجها” : احم …اممم ايوى فين وصلتي ؟

نوار : هاني كنوجد فيها ودرت عجينة ملوي ومسمن بالشحمة …

صفية”ريوگها طاحو” : الله …ولكن انا شهوتي فهاد كيكة “عينيها غرغرو”

نوار”هزات المول فيه الكيكة ودخلاتو لفران كيف شعلاتو دخلاتها ليه حيث خاص فران يكون بارد تحطي فيه كيكة عاد تشعليه هذا سر من اسرار باش كيكة تصدق ليك …نقصات عليه وضارت عندها” : معندي مندير ليك واعرة عليك …نعوضها ليك بمسمن شحمة ؟

صفية”حركات راسها بالنفس” : لاااااا…

نوار”دارت ايدها على نصها” : كيكة شوكولا …

صفية : الااااا هاديك …

مينة : ها كرواصون جايبها العساس من مخبزة سخونة وبتيبان اوشوكولا …

صفية : وااالو هاديك …

نوار”تنهدات بقلة حيلة ” : را واعرة عليك مغانعطيهاش ليك غا تهناي منديوش ذنبك وذنب البيبي …

صفية “جلسات بغات تبكي كتخنن وتمسح دموعها بطرف كمايمها تا قربات ليها نوار حطت عليها ايدها”

نوار : تبغي بغرير ؟

صفية “هزات فيها عينيها” : مشهية كريب بنوتيلا …

نوار”مشا دماغها لواحد ليلة من لياليها مع ياسين فاش طلا ديلمها كلها بنوتيلا هههه ” : احم نديرو ليك بنوتيلا كاااينة …

مينة : والى مكانتش نجيبوها …

صفية “خرجات تنهيدة فحال شهقة فحال قلتي ليها هاني جبت ليك الي حبات خاطرك ايوى هذا حال الحامل والموحمة بصفة عامة ” : الله صافي …

مينة : يلاه انا نكمل معاك ونتي هاكي “حطات ليها لوبيا خضرة وجلبانة ” تدهاي فيهم بغيناهم صلاد لعشا محدك جالسة تسناي لهما تلهاي فيهم …

صفية : اري اري …

داز الوقت نوار سرحات العجينة وبدات تسمن ووجدات العمارة ديال مسمن ببضلة مشلضة وكفتة وشوية شحمة وعطرية ديالها عمراتهم ودارت المقلة ديال وجدة تسخن خبزات فيها كانت الكيكة ديجا طابت كفاتها فطبسيل دارت ليها الشكلاط وزوقتها بكركاع مهرمش حطاتها بعيد وقادت مسمن فطبسيل جات الكرواصون وبتيبان اوشكولا …مهم ماحتال اذن العصر بساعة وجدو كلشي على حقو وطريقو وجلسو طبعا جلسات نسائية مغاديش تخلى من دردشة واسئلة …حتى وصل وقت العشا تاهو وجدوه طبعا نوار تكلفت ولان معاهم حامل كفاو ووفاو هالعار غاتاكل وتقوي راسها…

مينة”كتاكل فديسير ” : اممم بنين …

صفية : هذا تاهو غاناخذ مقادير ديالو …

مينة : ايه خوذيهم وخليهم فجنب ماديريهمش ..

صفية”لولبت عينيها” : ومهم ندي معلومة …

نوار : دابا نعطيك مقادير ديالو …احم”حكات شعرها” مييييييينة …

مينة”هزات ايدها” : تيليفون مكاينش والله لا ديتيه صافي هنيني …

نوار”خرجات عينيها بغات تبكي ” : واااعووو اهى ناري …خاصني نهضر …

مينة : معامن ؟

نوار : المانيا …

مينة : عندهم نمرة بابا يهضر ويهضر ففيكس …راني حلفت …

نوار”عوجات فمها” : بففف …

صفية : نوار …

نوار : نعاام …

صفية : كتبقاي تهضري بزااف مع ياسين تصالحتو …

نوار”بدات تكحب تا ضارت عندها مينة ” : كحكح كح …

مينة : بسم الله عليك …”مدات ليها الما”

نوار: كحكح ” : لا كنهضرو عادي سلام وتسوال يعني عادي …

صفية : هادشي الي سولت مزيان انوار بعدا باش ميبقاش جو مشحون بيناتكم وحتى العائلات بزوج …

نوار”تبينات ليها بحنان” : نتخاصمو تنعياو وعائلتنا عمرها متفرق على بعضياتها حيث هادشي تربينا عليه هو لول الاحترام ومنهزوش العين فالي كبر منا داكشي باش صعيييب نتفرقو ولا نتقلقو من بعضياتنا …

صفية”ابتاسمات ليها”

مينة : تماااما …

رجعو يهضرو ويدردشو تا كملو وجابت مينة شيبس ومرافقات وموناضة ولصفية عصير كاس كبير تبقى تكب تتشبع وغير من سعد البول طبعا هههه …دارو فيلم فبلازما فصالون قد سخط …اما فالجهة لاخرا من مدينة فاس خدام كيدور فشوارع ويعيط ليها والو تيليفون طافي …بقا هكاك حتى رجع لفاس فو🦋🐺نور_الياسين(780)#فرصة_ثانيةsana mina🐺🦋

صوت العصافير واصوات غيرها كتعلن على بداية يوم جديد فاق كيف العادة صلى الفجر ورجع لبس حوايج لامارش وخرج يديرها هاد المرة مع باه ورجعو بزوج دوشو وهبطو يفطرو عاد خرج يكمي ومن تم زاد بطوموبيل وهكاك نفس الشيء كيعيط والو تيليفون طافي هنا زاد تقلق اكثر وتفقص بغا غير يسمع صوتها …ماعرف مايدير سوى يعيط ليامنة تعتقو …

ياسين : الحنانة …

يامنة : احنينة نسيتي شي حاجة ؟

ياسين : بغيت نسولك مينة كنعيط ليها تيليفون طافي بغيتها فشي بروجي عندي فالفيرما مكاينينش ؟

يامنة : لا لا نسيييت هههه را طافيين تيليفونات على ماقالت ليا يسرى بغات تبقا مينة معاهم هي وصفية مجموعين عندها مخرجوش هما من دار كاع ومخارجينش تال غذا فالصباح عاد تطلقهم ههههه شدات ليهم تيليفونات وطفاتهم وتعزلو على دنيا قاليك خليهم يرتاح راسهم خصوصا نوار …

ياسين : مالها نوار ؟

يامنة : راك عارف ترتاح شوي غير مقلقة بلا مندخل فتفاصيل …

ياسين : مزيان …يلاه نقطع عندي موعد مع ديرماطو …

يامنة : لاش اولدي ؟ ياك لباس ؟

ياسين : الوشام نحيدو …

يامنة : وايلي ..معاش عندك ؟

ياسين”حك لحيتو كيشوف فطريق سايق .” : مزال معرفت يلاه عندي مع العشرة نشوف اش كاين …

يامنة : مزيان اولدي الله يرضي عليك …

ياسين : متسناونيش لعشا ليوم معطل شوي عندي شي خدمة مع اركان …

يامنة : وااخا ولدي …

قطع معاها ورااااد مكسيييييري حتى وصل لفاس وصل مع توقيت الموعد نيشان …اما فجيهة الفيلا عند مينة اش نقول منقوووول وحدة ناعسة فوق فوطوي كرشها عريانة وحاطا ايدها على وجهها ولاخرى ناعسة فلارض مفرشة ليها مينة ودايرة ليها ناموسية ديال لارض كتهز خفيفة حاطا ايدها على كرشها وحلا فمها …

حتى جات مينة كتنوض فيهم وحدة بوحدة ناضت نوار كتحك فعينيها وتفوه …اما صفية بقات حالا عينيها ومتكية كتسنا توگض …

نوار : بغيت ندوش …

مينة : طلعي لفوق لبيتي راني عاد دوشت تلقايه باقي سخون حسن ليك …

نوار”حركات ليها راسها وناضت كتحك فضهرها وكرشها وغاديا مهدولة وشعرها مشعكك هههه دوزو سهرة صباحي تلاش من وقت عاد نعسو اما صفية سبقاتهم هاديك مع دجاج …طلعات لبيت ختها دخلات دوشات وخرجات بذلات حوايجها لبسات بيجامة فوق ركبة وسماطي فيها رسوم فالغوز وبيض وبقات تا نشفات شعرها

بسوشوار باش ميضربها البرد وتسمع المخلل والمنقي خيارو من معا وباها وسي سيد ياسين …عاد نزلات لقات مينة كتوجد الفطور ومشات جمعات الفراش ونقات دنيا وهوات لتحت …تحط الفطور ….

نوار”كتحك فراسها وتدور فعينيها وتقلب وما قاداها بلاصتها كي ديييييير ؟ ” : مينة امتا تعطيني شقفي ؟

مينة : غذا فاش تمشي عليا فحالك وهنيني “هزات فيها عينيها مخرجاهم بابتسامة ” بلا منعاود الهضرة وتعاويذ الهضرة غير كترة لغا بلا فايدة …

نوار”حدرات عينيها مبقاتش هزاتهم فختها ” : واااخا…

صفية : يا والله الى تهنية تهنية تهنية راسي مغايبقاش يتبخ ومبعدة من اي حاجة غير خالتي وعمي الي شاطنيني ملي عارفين صافي خليني نتعزل ماديت من دنيا غير الهم خلي الي فكرشي يعرف را كاين الهدوء يرتاح تاهو …

مينة : شتي ناس الي كتقلب على راحة …ورتاااحي انوار ريحي مخك الله يرضي عليك مابغيتش نتقلق عليك …

نوار : را راحتي هي الى شعلت تيليفون كاين من يريحيني …

مينة : شكون ؟

صفية”ضارت عندها” : شكون اختي …

نوار”خشات راسها بين كتافها ” : اكييد نتوما ههههخ …ويلي مالكم …

مينة : ايوى منعرف …

حدرات نوار راسها كتشرب فحسوة الصباح بالذرة مع الفطور الصباحي وفي نفس الوقت مزيانة لناس الي عندهم فقر دم …ايوى هي بالها مشغول واحد سيد وصل وقت الغذا وبالو معاها مشطون تاهو امتا يوصل غذا وتحل داك شقف ويمشي لدار المرابط يدق عليهم وهما نسا وحدهم اييييوى ….

ياسين “خشا تيليفونو فجيبو بالنترة ” : تت فاك …

اركان : امالك شي باس مكاين …

ياسين : سوقك ؟

اركان “ضار عند صاحبهم عماد حيث كانو فريسطو كيتغذاو صحاب مع بعضياتهم ” : سمعتيه ؟ قاليك سوقك …

عماد”حيد شيشة من فمو وطلق لاركان دخان فوجهو بشوييييييا وقال” : وسوق مك نتا ؟

اركان “تكا مشابك صبعانو وعوج راسو حادرو لارض” : ايييه اخبزي كنتي من🦋🐺نور_الياسين(781)#فرصة_ثانيةsana mina🐺🦋

الشوق كيزيد كانو كل نهار كيتشاوفو فهاد الايام حتى فلحضة مفاجئة غبرات عليه ونقصات يومين من الايام الي كان معول يبقى يشوفها فيها قبل متمشي لالمانيا …الجلسة كلها مع صحابو تغذاو وناقشو فريسطو …

ياسين : شوف ليا داك خونا واش باقي كيمشي لدراري فلافاك ديال مراكش …

عماد : شكون داك المزموت بن المكبوت ديال لمراكشي ؟

اركان : هو هذا …

عماد : خوك فاشمن لافاك ؟

اركان : لافاك دمراكش ابا زين اولد البهجة لمن تابعة اقليل الاصل وناكر سبعة رجال …

عماد”خنزر فيه بنص عين” : شايلاه الاووووصول والاجداد هادشي الي بيتي ؟

اركان : الي بيتو ليك ماباه ليك حد …

ياسين”خبط طابلة بشوي تا قفزو ” : نبقاو هنا ؟

عماد : بيت نقول شمن لا فاكيلتي …بضبط ؟

ياسين : السملالية …

عماد : اووك كون هاني نسول تما وندير ابحاثي ونشوف دراري فالولاية تالامن تما …

ياسين : دير خير …

اوكان”حط الكاس ديال قهوة من بعد ما شربها” : شاك فشي حاجة ؟ اسامة؟

ياسين : لا اسامة ميعاودش شاك لا ينوي يدوز ليه تاني ديك ساعة لينا حساب ..

اركان ؛ الوليد با الحاج نسر فالدمة …

ياسين”هز ايدو وحطها” : الوليد مبغيتش نبرزطو فلعب دراري …دير شنو وصيتك وصافي …

اركان : كون هاني انا معاك …

عماد : يومين نعطيك المفيذ ونقوليك مسبقا غير هنا من جيهة سي اسامة رمسيس عندي”حط ايدو على صدرو” …

ياسين : يعمر داركم …

هز تيليفون تاني كيشوف فيه لا يكون شي ميساج مالقاهش وحطو صافي مباقش عاود يتسنى حتى تجي على خاطرها ….

وصل الليل تاني هبطات صفية من دوش دايرة زيف حياتي على شعرها وحناكها بغاو يطرطقو بسخونية شادة كرشها ونازلة تلهت تا جلسات فالوفوطيات سرحات رجليها جات نوار حطات ليها مخيدة تحت من رجليها …

صفية : فيا جوووع …

مينة : ههههه هاهو وجد …

صفية”طلات” : انعاونكم ؟

نوار : لا طاب صافي غيير رتاحي نتي …

صفية : شنو درتو ريحة كتشهي …

نوار : لازانيا بالكفتة …

مينة : ومكترة ليك فروماج يا لاااالة …

صفية : الله يعطيكم صحة غانساليو هاد اليومين حتى نخرج قد الفيل …

مينة : بصحتك ههههه

حطو المول كبييير ديال لازانيا وحطو طباسل وفراشط وقادو طابلة حطو الموناضا وعصير لصفية قطعو لكل وحدة سماو الله وكلاو سالاو وحطات الماعن فماشين خلاتهم يتغسلو ورجعو تاني يسهرو على فيلم ويدردشو تا دازت بيهم عينيهم واولهم صفية …لكن هاد المرة كل طلعت لبيت نعسات…

فوقت متاخد من الليل نقولو زوج ديال ليل كيتسمع طراااق ما طراااق ..

نوار”كي دلفينة سايحة نعل الي سمع ”

عاود تاني طرااااااق ….

نوار”كتشخر اسيدي كاااتشخر غا سير ”

جا عندو العساس ووقف عليه سنا ليه ضو البيل على وجهو …

العساس : كتبان ولد الناس شكون نتا ؟

ياسين : سير الشريف كمل العسة مديهاش فيا …

العساس : وايلي را خدمتي حيد من هنا ولدي علامن كتشير بالحجر ؟

ياسين “رفع فيه حاجبو ” : تيسر الحاج ..

العساس : نعيط البوليس …

ياسين”بهدوء” : من حقك …ولد عم مينة وراجل ختها …

العساس : وياولدي دق من الباب ياويلي …

ياسين : ونا كرهت غير عطيني الحل انا معاك …”العساس اصلا فاش سنا عليه شاف وجهو وتفكرو را جا عندهم شحال من مرة وكيجي مينة ”

العساس : كاينة مرتك هنا ؟

ياسين : كاااينة وهي علاش داير هاد تا مراهقيت والله يصلح الاحوال …

العساس”بنص عين ” : شلا وحش …

ياسين”حرك ليه راسو”

العساس : الى ختها يمكن جيهة لاخرا هادي البالكون ديال بيت سي رياض …دور من جيهة لاخرا …

ياسين “كمش عينيه غايكون دق على مينة ” : شنو ندير …

العساس”شير ليه ” : تبعني ندخل ودور من بيوتة لهيه حقاش غير بيت رياض الي كيطل عالزنقة باقي البيوت عالجردة لور “حرك ليه ياسين راسو وتم غادي تابعو تا وراه ومشا ايوى هنا فين شير بالحجر …فهاد اللحضة نوار ناضت عطشانة اما را متسمعوش وخا يجيب دبابة يفرشخ لمها رااس …

نوار”نايضة تحك فراسها تا جلسات كبات ليها كاس الما مع كتشرب مع جات حجرة وهي طير وتنزل تا صرطات داك الما كلو شوي تخرج روحها هههه…حطات كاسها وناضت مغوبشة حيث مزال ناعسة مشات لبالكون حيدات الخامية وحلات الباب ديال سكة وخرجات كطل..

نوار”كانت غير بضوني وشورط قصييير فحال كيلوط حالة عين وسادة عين ودنيا ساكتة ضو طافي غييير ضو خفيف فجردة الي شاعل ” : شكوون ؟

ياسين”قشعها شنو لابسة بزربة حدر عينيه مشربن” : نواااار سييييرررري سترررري رااااسك …

نوار”فاقت دغيا مخرجة عينيها” : ياسييين ؟

ياسين”جهد صوتو مغدد” : خارجة هكاك مسفحة ؟ دخلي تستري …

نوار : هاا واخا “دخلات كتجري لوات عليها بينوار وخرجات كتطل عليه ” : هاني …

ياسين : دابا نتفاهمو على هادشي”حيث خرجات عريانة وكون مكانش ياسين ولا اي حد وهي ممستوراش”

نوار : را كنت ناعسة خرجت مدعوقة وشكون غايعيط ليا فهاد الوقت …

ياسين”هز فيها راسو ” : هبطي عندي هنا …

نوار : علاش ؟

ياسين : مابغيتيش ؟

نوار : الا بغيت هههه تشوفنا مينة …

ياسين : مبغيتش ؟

نوار : وافهمني …

ياسين”غوت بحر جهدو ومع صوته غليض زلزل ليها جردة تا غمضت عينيها” : نواااااااااااااااار هبطي ولا ميعجبك حال …

نوار”ضارت كتشوف جنابها بغات تندب ومخرجة عينيها” : هاني هاني …غير سكت دابا ينوض كلشي مخلوع …

ياسين”كان بقميجة كحلة مزيرة عليه حل صدافي فوقيين وحك صدرو من فوق وعض شنايفو بواحد الطريقة تهبل كلها رجولية وعسل فيها عينيه ” : هبطي راني توحشتك وقتلني 🦋🐺نور_الياسين(782)#فرصة_ثانيةsana mina🐺🦋

أمير قلبي..

ما أقول فيك……

ففي بحور عيناك بت أهوى الغرق

و لغير ما مال القلب و لا خفق

فالجمال منك قد سرق….

و الورد يأخد منك العبق

رقة الدنيا في عينه كلما برق

استعاذ من حسنه برب الفلق

فسبحان من صور و خلق …

و إني أحبك ❤❤❤

#نوار_ياسين

#نور_الياسين samsouma…

حطات ايدها على فمها من فرحتها وابتسامتها ودهشتها وصدمتها لكلامو الي ولا معسول اكثر من دي قبل …وصل بيه حتى انه يجي لعندها فنصاصات الليل عاشق ولهان مشتاق ليها بزااااف لدرجة ماصبرش يومين بحالهم ميشوفهاش فيهم !!! …

ياسين”شير ليها براسو لتحت” : نزلي …

نوار”جمعات فمها كتدور بجنابها وهي توقف ايدها زعما تسنى ” : انا جايا ….

رجع بلور وبقا واقف تسنى شحال جهد شي عشرة دقايق حتى بان ليه ضو التليفون وخطاوي كيشتفو فالعشب طل من جنب حتى بانت ليه جايا وتشيتف ماعارفة فين تحط خطاويها مع ضلام فبعض البلايص …

ياسين : شششش تسناي”تم غادي مد ليها ايدو شدت فيها كمش فيها تاهو وجرها وراه تا بعدو شوي على دار بقاو غير تم نيت فجردة عاد وقفو

نوار”وقف قبالتها كتشم ريحتو كتحس بتبوريييشة خدات نفس وطلقاتها حاسا براسها كتفيبري من توتر ” : هاني جيت …

ياسين”هز صبعو ودوزو على حنكها بشوييي” : سخوون…

نوار”حطات ايدها على حنكها” : عاد فقت من نعاس …

ياسين : مطلقتيش لاكليم ؟

نوار”بنفي” : لا خفت يضربني برد تاني …

ياسين”قرب ليها اكثر وحدر راسو باسها فجبهتها” : كتسمعي الهضرة…

نوار”هزات كتافها” : مابغيتش نسمع الغوات ونوااااار مكتسمعيش …

ياسين”رفع حاجبو” : المعنى عليا وكان ؟

نوار : هههههه لا لا على كلشي …

ياسين : شنو غاتبقى مينة شادة ليك تيليفونك ؟ شنو هادشي ؟

نوار : غذا فالصباح تعطيه ليا قالت لينا “هز ياسين ايدو حيد ليها خصلة من شعرها كانت داخلة ففمها وهي كتهضر ودورها ورا وذنها وهي كتهضر وفنفس الوقت قلبها كيضرب…” عييت معاها تعطيه ليا والو فقصتني …

ياسين : شنو قلتي ليها…

نوار : غايبغيو يهضرو معايا لهيه سليمان …

ياسين : غير هادو الي كاينين ؟

نوار”تبسمات” : لا غير هضرة الاصل عرفت غاتسول فيا نتا هههه “جمعت فمها حشمانة ”

ياسين : زعما ؟

نوار : والله ..احم …

ياسين : شنو ندير دابا ؟

نوار”هزات فيه عينيها بتساؤل” : شنو …

ياسين : طولتي عليا الغيبة يومين جاوني بزاف …همي ماهو يومين كتر ما همي ملي تمشي لهيه …”تنهد” شنو نديرو خاصنا حل …

نوار”باسف وحزن عينيها دبلو ولمعو ” : حتى انا ماعرفتش…

ياسين “هز راسو لسما الي عامرة نجوم في سنا صافية وصوت صرصار الليل كيغوت فديك جردة …رجع هبط راسو وشاف فيها” : بزاف مكنتوحش فيك وبزاف مكنبغي نسمع صوتك قدامي مابيناتنا لا سلوكة لا ريزو …الصوت كنبغي نسمعو مع نفسك ونشمها …شنو ندير ونتي تبعدي عليا …

نوار : حتى انا فحال كنبغي نسمع صوتك ونتا قدامي ونشوفك …

ياسين “تنهد” : يكون خير اكاندي ديالي يكون خير …

حركات ليه راسها شوي وضار كيشوف لهيه ورجع شاف فيها قاد ليها الكول ديال بينوار مزيان تا شدو وجرها بجهد قربها شوي لوجهو رجع تخنزيرة وعينين مشربنين ساني فعينيه الضوو…حتى خلعها …

نوار : ممالك ؟

ياسين : كتخرجي مدعوقة بداك لباس متعلمتيش تحكمي فراسك …

نوار”قلبها كيضرب ” : عمر شي حد خلعني و خرجت مدعوقة حتى جيتي دابا خلعتيني شوف طريقة باش دقيتي عليا …

ياسين”رفع حاجبو وهو اصلا دابرها ليها غا بلعاني ههه ” : الى لقيتي شي حد من غيري ؟

نوار : تاحد مغايدخل من غير رياض راجل ختي وهو غايدخل لدار ولا يعيط فالفيكس لمينة حيث عارف الى شي حد من غيرو مغايوريهش العساس بيتي ولا يدق نيشان من الباب …تاحد مغايزهم يدق عليا من غيرك …وخرجت هكاك غير ليك نتا …

ياسين”هز حجبانو بذهول ” : تمجهدتي لا ؟

نوار”بابتسامة رافعة حاجبها ” : منك نتعلم …

ياسين”عض شنايفو ما كره كون كانو مزوجين ياكلها تما ميسالي تا تخرج بتوام ” : بقاي هاكا ديما وخا فكل حالاتك زوينة فعينيا وباغيك بكلشي فيك …

نوار : حتى نتا …”دورات راسها كتشوف تما ورجعات شافت فيه “كنتي تسناي صباح ونجي غانحاول ديك ساعة نشوفك نتا لول ..

ياسين”عوج راسو بطفولية ” : مصبرتش على نوارتي …

نوار”غمضات عينيها بضحكة” : ههههه

ياسين : ماصبرتش وكاينة حاجة …”رجع ملامح ديالو لجدية يلاه غايهضر حتى سمعو صوت منقولش صوت انما واحد تعرعيرة عرررررررر خرررر

نوار”دورات وجهها وهو يبان ليها كلب معري على نيابو ديال العسة ” : ننننن ككككك كلب ببببب”تخشات فياسين وعنقاتو دورات ايديها ورا ضهر🦋🐺نور_الياسين(783)#فرصة_ثانيةsana mina🐺🦋

ماحسات حتى تخشات فيه لصقت فيه كلها ماكرهت تشعبط فيه دير الي كان غااا تبعد من داك الكلب الي مزال كيعرعر ونيابو خارجين …ياسين ماعرف يتفك من الكلب ولا يفك نوار منو باش يبعد الكلب ولا يشوفو …

ياسين”كيدوز على ضهرها من لور ” : ششش تههدني مغايدير ليك والو …

نوار”خشات وجهها فصدرو ومكمشة عينيها تموووت من الكلاب” : ننننن لا لا اصلا هاد الكلب كنموت منو …عافاك اععععنننن ..

ياسين : طلقي مني باش نحيدو …

نوار”بنفي ” : لااا …

ياسين : نوار تت “بعدها بشوي بززز لاصقة كي الكولا هذنها شوي ومع هما واقفين الكلب باقي كيعرعر ولكن ما جراش عليهم حيث مجراوش باش يتبعهم لحد الان كيتسنى اي فرصة باش ينقض عليهم ..” شش تعدني مغايدير والو ميوصلك ميقرب ليك عارف اش كندير …

حركت ليه راسها بخوف تترعد فبلاصتها اما هو اش دار مشا بشوي تالعندو وهو يدير صباعو زوج في فمو وصفر ليه وهو يدير حركة بايديه مع مولف فالفيرما عارف حيث عندو الكلاب فيها بزاف ديال العسة وسلوگيين …غييير صفر وشير ليه بحركة بايدو وهو يحدر وذنيه وجمع فمو حتى بدات تسمع انين ديالو …

ياسين : شش اجي اجي …

الكلب”تم جاي عندو كينقز بشوي كانت غاتفرتح نوار كون ما ضار عندها ياسين ووقفها بايدو ”

ياسين : حبسي متحركيش …

نوار : غا خليني نمشي صباح ندوز عندك اهى ..

ياسين “خرج عينيه” : نوار!! تهدني …

صقلت فالبلاصة حاضياه اش كيدير والخلعة بغات تقتلها ورا مسالة معندها علاقة لا بفشوش لا بتبرهيش شكون هذا الي ميموتش من الكلاب سوا الي مولف بيهم يعني متواجدين بزاف فالمحيد الي فيه او مكيخافش من عند الله او الي مدرب عليهم …

ياسين”كان كلب شيان بوليس نوع الروسي مالينوا ” : ششش گووود بوووي گووود …

نوار”كطل عليه من بعيد ” : اويلي على بوي …

ياسين “دور راسو عندها طلعها وهبطها وحرك راسو يمين شمال ” : النگير من بعيد حادگة فيه معندي ميتسالك …

نوار : هاني هنا صافي …

ياسين : اجي عندي هنا …

نوار”خرجات عينيها” : لا لا لا عاافاك غير رسلو واجي نتا عندي هنا عافاك منجيش …

ياسين : اااجي عندي هنا انوار …

نوار : لا منقدرس عافاك اياسين را كنموت منو الله يخلي ليك ماعز عليك …

ياسين”شاف قدامو ورجع دور راسو شاف فيها بجنب عينيه” : ثايقة فيا ؟

نوار : علاش ؟

ياسين : سولتك …

نوار : اه ثايقة …

ياسين “مد ايدو ” : اجي شدي ليا فايدي ومتخافيش انا معاك ..

نوار : ثايقة فيك والكلاب ولاد لحرام مافيهم ثقة …

ياسين : ياودي غير اجي نهاك الله …

نوار : والو والو …

ياسين”جهد صوته” : نوار اجي لهنا ولا نتفاهم معاك …

نوار”قفزت وهي تم جايا بغات دمعتها طيح بالخوف وبغات تسب ياسين تنطحو تجمعها معاه بغات تاكل راسها تخاف ماتحشم …قربات عندو مدات ايدها شدها ليها وقربها بزااف ” : نوار متقربنيش ،،غا حداك براكة …

ياسين : را غاتجي حدايا انوار حدايا …وايلي..

نوار “مدات صبعها بتهديد” : معندي مابغيت كلب ولا كلاب عافاك …هاني جيت عندك …

ياسين : ياودي غير قربي مزيان …

قربات كتشوف فالكلب بعينيها وبوجهها وبحواسها كلهم ولاو عينين حاضيين الكلب والكلب اصلا لبد وميدير والو غا هي ميتة منو وصافي …فقط شم ريحة الغريب …

ياسين “قربها اكثر تا حط ليها ايدها فوق راس الكلب وهي تقفز ” : شششش تهدني …

نوار : ونننننن ….

ياسين : كالم داون نوار مكاين والو …”شاد ايدها كيدوزها على راس الكلب بشوي بشويييي حتى جلس ياسين ” جلسي …”جلسات حداه فواحد لحضة بينوار تهز على سيقانها وهو يدور وغطاهم دغيا …رجع ايدها لكلب كيدوز عليه وعاى جنابو والكلب تهدن كيتصرف عادي حتى ولات هي كدوز عليه وتلعب ليه فقرجوطتو فين وراها وفوق راسو ولكلب خرج لسانو كيصدر صوت فحال كيلهت ”

نوار: ياااه …ههههه

ياسين : شنو دار ليك دابا ؟ مادار والو …

نوار : والله الى …”تكات شوي جا عنقها قريب لوجه ياسين الي شافو وعطاتو ريحتها الي كتهبلو من ايام زمان …”

ياسين “نطق بصوت غير بشفايفو مسمعاتوش ومشافتوش تدهات مع الكلب … اما هو غمض عينيه معسل مع ريحتها” : نواااار ريييييحتك ديالي بزااااف …

نوار”كتدوز على الكلب وضحك ليه ” : هههههه والله الى ضريف هههه …”يلاه دارت عندو باش تشوف جا وجهها مع وجهو نيشان فاصلهم سنتمترات يتزاد شوي يحضر شيطان ولا اله الا الله …

ياسين”بعد وجهو بزربة كيصرط ريقو حتى حنحن بصوت غليض نطق ” : اعوذ بالله من شيطان رجيم ..

نوار”رجعت تلعب مع الكلب ووجهها مزنگ” : ههههه ياه كلب …ولكن الكلب راه كلب وولد 🦋🐺نور_الياسين(784)#فرصة_ثانيةsana mina🐺🦋

فهاد اللحضة ولا لحضات الي فاتو ولا الي جاي ماحدهم مادايرينش الحلال خاص يكون بعض الحدود وخطوط حمراء ميتجاوزوهمش لان هو موحشها بزاف هي كذلك الى حضر شيطان ماهما فخير يلاه ايام باش رجعو يهضرو ويتفاهمو مابغاش هو يزرب عليها فزواج بغا تكون هي على خاطرها اما الى جات عليه من دابا يديرها فدارو ومعاه تحت سقف واحد يعيشو باش ماعطا الله من افراح وهموم الحياة …ماباغيهاش تحس بزربة الي حست بيها فاش طلبها لزواج اول مرة ومتبع نصيحة الحاجة وباه ونصيحتو هو مع راسو فضل يتقل شري بشوي ماشي كلشي بزربة ….

ياسين”شير لكلب براسو ورجع كيجري مشا لبلاصتو ناض هو كيسوس فحوايجو وقميجتو ومد ايدو ليها نوضها تاهي كتسوس فحوايجها” : المهم جيت نشوفك ونهضرو شوي ونمشي …علاش جيت من غير توحشتك هو دابا غادي شاد طريق لمراكش …

نوار”خرجات عينيها تا بغاو يطيرو منهم دموع ” : اويلي علاش ؟ ياك قلتي غاتبقا تنمشي …علاااش ؟

ياسين “دار ايديه على حناكها كيمسح بصباعو تحت عينيها ويدوز على حنيكاتها ” : ششش غير غذا نمشي نشوف شي خدمة وحلت ليا تما وندوز لبنك نعي شي تقارير وواحد الاجتماع قبل ماتفيقي بعد غذا تلقايني كاين فدار الى بغا الله …

نوار : بصح ؟

ياسين”حرك راسو” : بصح كلمة رجال …

نوار”حدرات عينيها وقالت بصوت حزين ” : وعنداك …

ياسين”حدر راسو كيشوف فيها من تحت” : شنو توحشيني ؟

نوار”حركات راسها” : ااه …

ياسين”باس ليها جبهتها وبقا مطوووول وكيدوز بايديه على حنيكاتها رجع فصل البوسة وعاودها تاني وتالت ..” : كنفكر لا مشيتي تما انا الي شنو ندير …خاصنا حل …

نوار: انا معاك شنو هو ؟

باسين : دابا سيري لتما ويحن الله عطا الله الحلول وانا عارف مندير كوني هانية …

نوار”زفرات ” : واااخا …

ياسين”طبطب ليها على درعانها” : يلاه دخلي البرد عليك ورجعي نعسي يلاه نشدها نيشان مغاديش ندوز لدار لهيه …

نوار “بقلق” : ماشي الليل عليك وغاتعيا ؟

ياسين : مولف مولف معندي مندير …

نوار : الله يوصلك على خير …

ياسين : وقت الي وصلت نعيط ليك واخا …

نوار : صافي واخا …

عاود باس راسها وضارت مشات كدور وتشوف فيه تا دار خرج هو عاد هي مشات دخلات طلات على لداخل صهيييييط مشات كوزينة جابت الما باش الى حصلاتها ختها تقول جبت الما مهم تسلك راسها وهذا الله ولاو عايشين صاحب مع صاحبتو ومراهقين الاعدادية الثانوية هههههه…

يوم جديد مع الصباح حلات عينيها على صوت دقان فالبيت جاوبات بصوت ناعس كانت مينة دخلات عليها عطاتها تيليفونها شداتو من عندها وخرجات من البيت يلاه غاترجع تكا حتى صونا فايدها وغير زهر ولا يمكن كان عارف را غايكون عندها على حسب مقالت ليها …مع كانت الساعة تاسعة صباحا … جاوباتو بعينين مغمضين وبصوت ناعس …دغيا بلغها بالي قرب يدخل لمراكش شدها طحنة وحدة …طمنها عليه عاد رجعات ناضت غسلات وجهها ولبسات حوايجها ديال زنقة …جمعات الفراش وقاداتو وخلات البيت يتهوا وهبطات لعندهم …

مينة “كتحط فالفطور” : اصباح الخير عاد ولا ؟

نوار”كتفوه” : ايييه عاااد …صباح الخييير …

صفية”كتخشي فكورنفليكس شكلاط بالحليب” : صباح النور…واش سهرتي ؟

نوار : اا لااا علاش …

مينة “كتشووووف فيها” : حيث مفقتي تالدابا…

نوار : لا مسهرتش احم ..كبي ليا قهوة وسربيو باش نرجعو لهيه …

مينة : شفتك ساخية بيا …ياااك ؟

نوار : توحشت ماما وخالتو يامنة وميمة اما خالتو سارة مشاااات لمراكش …

مينة : واخااا يلاه فطري …

كملو فطورهم وعيطات مينة لخدامة جات خلات ليها دار تهويها وتنضفها مزيان وخرجو هازين حوايجهم فصويكات صغار وركبو معاها مشاو نيشان طريق وحدة لازرو مسافة طريق حتى كانو تما وصلو صفية لفيلا عند راوية ورجعو هما …مع دخلة سلمو على يامنة ونجود… طنطن ليها تيليفون طلات عليه لقات ميساج منو فيه شوي وغانصوني ليك …استاذنات منهم وطلعات لبيتها سدات عليها وجلسات كتبدل حوايجها فانتظار يصوني ليها حتى صونا وجاوبات دايرة مكبر صوت …

ياسين : وصلتي ؟

نوار : وصلت غير شوية …نتا فينك ؟

ياسين : فالخدمة…

نوار : اه مزيان غاطلع لفيرما ؟

ياسين : ضروري نسالي ونطلع تما نرصي شي امور ونرجع فالعشية …

نوار : والله حتى غادي تعيا …

ياسين : هازا همي ولا ؟

نوار”ضحكات” : ههههه …

ياسين : رجعتي ضحكي …

نوار : شنو نقول ؟

ياسين : نوااار …

نوار : ضروري نهز همك شنو عندي من غيرك …

ياسين : جمعي ماتخلصي وتودي ..فالوجه نسمع هادشي …”دق باب مكتب ” نسالي ونعيط ليك …تهلاي ليا فراسك …”قطعات معاه كملات لبس ونزلات لتحت لقات الحبيب واشرف كاينين نيت …

الحبيب : غاتجي غذا نتي ياك ؟

نوار : علاش اش كاين ؟

اشرف : انتخابات ..

الحبيب”خنزر فاشرف وهو يتكمش” : قد ماجلست نعلق مك من شفارك …

اشرف “كيتمتم ” : الله يستر عقدة شفار فيك من صغر …مرعف درية على جوج زغبات …

الحبيب : اش كاين ؟

اشرف : الله يجعل كلشي مبارك ومسعود …

نوار”شافت فيه تفكرت غايكون ياسين ” : نجي نجي نجي …الله اودي …

الحبيب”دور ايديه على عنقها ونخششها فيه قاجها بالفرحة ” : را كريمة وحدة كاينة هي نوار من غيرها ؟

اشرف”رد🦋🐺نور_الياسين(785)#فرصة_ثانيةsana mina🐺🦋

قبل بسويعات قليلة ياسين كيف وصل لمراكش .هز من المجر ريحة ديالو رشها وجبد ملف من تما نيت ونزل خلا ساروت لعساس بلاصاها ليه غير تما ودخل لبنك …طلع نيشان لمكتب ديالو دخل وتبعو عماد الي خدام تما عطاه ملفات وجبد ياسين شي ملفات من تما كانو مسنيين…

ياسين “مد ليه دوك الملفات” : هادو نيشان لتحت يتصرفو لناس الي وقع ليهم مشكيل …وهادو”مد ليه زوج ملفات” ديهم لشاف المالية نورالدين عطيهم ليه يعاودهم ومن هنا لساعة اجتماع …

عماد”حرك ليه راسو ” : واخا دابا نعلمهم …

حرك ليه ياسين راسو وخرج عماد من لمكتب خلاه جلس وجبد ملفات الي حط ليه باش يشوفهم حيث مستعجلين غير الخدمة الي عندو فالفيرما بزاف كان ضروري خاصو يحضر …دار نضاضرو دشوف وحط ملف فوق المكتب حلو كيقرا فيه ويدقق…شعل البيسي دبيرو خدم فيه وهضر مع نوار عاد وصل وقت الاجتماع دوزو ورجع كيخدم تا قرب يسالي باش يخرج حتى صونا ليه لفيكس …

ياسين : يوسف رمسيس ؟ “رفع حاجبو حيث عند بالو راه فازرو ” يدخل دابا متخليوهش يتسنى وقول لعم محمد كاس قهوة كحلة بلا سكار …”قطع شي زوج دقايق هكاك دق الباب وحل ليه من تم ناض ياسين وقف حاشي ايديه فجيابو حتى دخل يوسف …

ياسين : يوسف !! خليتك فازرو لا ؟

يوسف : وايليييي خرجت البارح مع الغذا وصلت فاليل …

ياسين : فين بايت ؟

يوسف : فلوطيل كانت عندي شي خدمة ديال ماليها العكس عكسو ليا ملي مشا حسن”ياسين كمششش ايديه على شكل قبضة ” لروما خلا لينا كلشي شي على شي ومكيجاوبش …قاليك سيمانة جايا يجي مشا عند طبيب …

ياسين “لعن شيطان وصافي ” : وخا جلس رتاح “صغر فيه عينيه” فحال الى مقلق !!

يوسف “تنهد ” : مكاين غالي يقلقك “جلس وجا ياسين جلس تقابل معاه …”

ياسين : خبار الخير …

يوسف : والو غا غياب هذاك الشريك تاهو مبرر كيتقال قبل بشحال ماشي حتى مشا عاذ خلا الخبار لاسيسطونت ديالو عاد قالتها ليا …جاني فشكل وماشي بروفيسيونيل …

ياسين”فووووق خاطر خاطرو قالها” : الغايب فعايلو تت حجتو معاه …يكووون خير اسي يوسف تهدن تهدن …

يوسف “تقاد فالجلسة مشابك صباعو ” : مشطون من شحال من جيهة …

ياسين : الي شاغل بالك ؟

يوسف “هز فيه عينيه” : بزاف ولكن البال كلو مع بنتي …

ياسين”رفع حاجبو” : ايناهي ؟

يوسف : نوار مكاين من غيرها مقلقاني بزاف …

ياسين “تقاد فالجلسة تاهو” : مالها ؟

يوسف : عام وصرف جايا لعامين ضحكة مكانتش فوجهها والى ضحكت كضحك غير كدير الخاطر …مرضات رجع ليها الكريز اعصاب …”ضرب بصباعو ” فلحضة ولا وجهها ضاحك بهاد سرعة ؟

ياسين : من الخير …علاش شنو كاين حسن من تشوفها ضاحكة والفرحة فوجهها الغبينة وضيم والهم مبعد منها …يمكن عاشت حياتها ولاحت الهم وراها …حتى لين اسي يوسف؟

يوسف : ماشي بهاد سرعة اولدي ماشي بهاد سرعة هنا خوفي زاد عليها راها وحدة من العينين ومعزتها وحدها نقتل راسي ومنشوفهاش معذبة راسها بزاف داير ليها خاطرها ومراري بيها كي الما القليل ياس منشوفش دمعتها …راك عارف اياسين معزتها عندي …

ياسين “حرك راسو وغمض عينيه وحلهم” : الله اودي الكبدة صعيبة …

يوسف : سال المجرب …

ياسين : لا تسال طبيب وشوف المحروق ماتشوف المكوي …

يوسف : مابغيتهاش فلحضة تفرح حيث عارف ومتاكد فلحضة تمرض وتبكي وتعصب وضيع مني “عينيه غرغرو” نموت فيها اولدي …

ياسين : شنو واقع ايوسف ؟

يوسف : مواقع والو راني غير كنفضفض ونرمي ولوح فالهضرة …

ياسين : الفاهم يفهم ؟؟

يوسف : الي يحس بيا ماشي يفهمني …جابتها فرصة وجيت هنا عرفت راك جيتي هنا صبحتي نيشان من فؤاد …

ياسين : ياكما راجع ؟ نسالي واحد لورقة وطالع لفيرما وعشية شاد طريق تاني راجع لازرو …رجع معايا

يوسف : يقدر ندوز نشوف عمي مصطفى ونشوف اسامة …غير قضي نتا …انا جاي بطوموبيلتي …

ياسين : الي يريحك …

يوسف : اودي راحة منشوفها تانهنى على بناتي ..

ياسين : ساعف وصبر ايوسف هادي هي دنيا لا جيتي المعقول ونيشان كلنا صبرنا وتعذبنا وقاسينا عشنا وشفنا وتحرقنا وعاودنا تحرقنا …براكة من العذاب فالعذاب ايوسف الى ضحكات ضحك معاها وفرح ماتهز هم لا هزيتيه را تشاؤم والي خفتي منو طيح فيه ….

يوسف : مابغيتش نطيح فيه بغيت نتفائل …تعذبتي نتا وتعذبات هي جربتو زواج متفاهمتوش من حقكم اولدي …

ياسين : هذاك مكتاب ايوسف مكتاب وهي الي بغات لا جينا نحكرو …هضرنا وعاودنا بلاش من تعاويد هاذشي الي فات مات …

يوسف : بصح الي فات مات …من الي فات كنتعلمو …

ياسين : باش نزيدو لقدام مع الاصل ومنمشيوش لتقليد باش نساو الهم …

يوسف “دخل محمد هاز صينية فيها قهوة كحلة وكاس الما حطهم ليهم وخرج ورجع يوسف كمل الهضرة ” : ماكرهتها تبقى هنا وليني حسن ليها تعيش تما وتكمل مستقبلها ماعندها مادير بزواج لكان غا دابا ترجع تعاود من جديد وهي مزال مريضة ليا تمشي تموت نتبعها اولدي…تبقى مع ولاد الحلال واقفين معاها وهازين همها هنا مكاين غا ….

ياسين “تگعد محنزر فيه ” : هي انا ولد لحرام ولا المعنى واضح …

يوسف “تكا لور كيشوف فيه بعينين مغرغرين اب خايف على بنتو بزاااااف ” : نتا ولد خويا وكنتي نسيبي ومكملش الله مشافت غالمرض معاك ومشفتو غير المشاكيل بيناتكم وباقا كتعاني …نتمنى من الله بصح كل واحد فيكم يشوف طر🦋🐺نور_الياسين(786)#فرصة_ثانيةsana mina🐺🦋

كلام قيل من اب كيخاف على بنتو كتر من راسو كلام خرج من فم يوسف رمسيس الي نوار او وحدة من بناتو الي بناتو كاملين نور عينيه وباش نمشيو لخلاصة القول كلنا عارفين يوسف مع بناتو كيف داير نقدرو نسميوها علاقة فشكل نقدرو نقولو زايد فيه وبزاف نقدرو نقولو من حقو …لكن الي متاكدين منو انه يوسف بكترة حبه لبناتو ممكن يخرج كلام فحال سم ويجرح الطرف الاخر بلا ميشعر …

ياسين مادار حتى ردة فعل الي نقولو تصدم من هضرته بالعكس كان عارف يوسف ممكن جدا لا بل بنسبة كبييرة انه يرفض …

ياسين”سمع ليه تا سمع كان مزالو على نضرته بتخنزيرة ”

يوسف “حرك صبعو بنفي ” : ابدا واش نعتك بولد لحرام راك ولدي ولد خويا حضرت لولادتك وهزيت ميمتك فحملها بيك هي من جيه وانا من جيه وخوتي من جيه باش متقاسش منها شعرة ولا تجرا ليك شي حاجة هزيناك معاها فحال الى هازين ولدنا …غير هذا را ولد خويا ونعت خويا بالحرام ؟

ياسين : والمعنى ؟

يوسف : بنتي ضارو بيها ولاد لحرام الي ضايرين بيك نتا عدوينك كتار اولدي عليك العينين ونهار غبتي راك شفتي اش وقع …بلا مندخل فتفاصيل الي عندي قلتو اولدي ونتمنى تفهمني مزال يرزقك الله بالولاد وتعرف بحق الكبدة وحرها ….

ياسين : الكبدة سوا جربناها ولا مجربناها عارفين بحق الواليدين هو لول الي قلتيها سي يوسف عندك الحق فيها …الي بغيت نعرف حاجة وحدة شنو سباب هاد الهضرة وهاد اللغا ولوحان الهضرة …ونجيك من لاخر عارفني

معنديش مع حشيان الهضرة الى حشيت كلوح المعاني وماشي لناس الي فمقام واليديا الا فحالة وحدة الي حك عليا را كيلقا حشيان ونيشان …ودابا غانجيك نيشان خايف نرجع نوار لذمتي ونعاودو المشاكيل من لول ؟

يوسف : كلامي واضح تانا وجيتك نيشان …

ياسين “حدر راسو وهزو وقال” : من حقك الله اودي كتبقا بات وخايف على بنتك وكبدتك …”هز فيه عينيه نيشان ” نتا خايف على بنتك وبنتك مسولتيهاش شنو شوارها وريها ؟ “هز ليه ايدو زعما متقاطعنيش” نوار قبل متزوج كنتي وكيلها وتادابا وكيلها …

نوار عاشت وجربات زواج وعاشت مشاكيل عرفاتها بحق الدنيا ومزال تعرفها كيف مزال كلنا كنعرفو ونتعلمو ونقراو فصفوفها تايدي مول الامانة امانتو …

يوسف : الي وصلت ليه وگضات راسها ووقفات على رجليها ندير اي حاجة باش مترجعش طيح من جد وجديد …

ياسين : الي وصلت ليه مكنتي لا نتا حاضر ليه لا انا ويكذب عليك الكداب فهادشي …الي وقف نوار هو راسها براسها ….يوسف بنتك الي مسؤلة على شوار راسها وهي تعزف شنو دير خلي بنتك تعرف اش باغا وفين باغا توصل …

والي مكتبو الله فالسما ميفرقو عبد فلارض كلنا كنبقاو بني ادم ومصنوعين من تراب واما قدرة الله معندنا حق فالاعتراض …والى على كلام سم ايوسف كلنا كنعرفو نسممو بنادم …شنو كيبقى ؟ الاحترام وهذا طبعي نتا ماشي عمي راك صاحبي وفمقام با …

ونوار فلول ولاخر كتبقى كانت مرتي وام ولادي لو ماداهمش رب العالمين صدقة ولا كتاب رجوع را كتاب ماكتابش را مكتابش ماشي نتا الي غاتحكم فيه …كي قلت ليك الي قلتيه من حقك وعلى راس والعين ولكن هضر ووزن داخل خوفك على بنتك وبعد على المعاني الي تهرس بيهم خاطر العباد …

يوسف” حرك ليه راسو وناض وقف ” : مقلتي عيب ومنك سماح الى زدت فهضرتي الغير مقصودة والي مقصود راني قلتو نتمنى كل واحد يشوف طريقه ..”تسالم معاه ومشا من تما طلع لفيرما يسلم على عمو وولد خوه وياسين بقا تما تا كمل الخدمة الي بقات وتحرك مشا الفيرما شاف اموزه وشاف جدو بقا حتى العشية

ياسين”كيحد فالكوف ويهضر فالفون معندو خاطر باقي كلام يوسف كيدور ليه فوذنيه ” : شنو خاص مزال ؟

يامنة : الزيتون مشرمل …

ياسين : جايبو معايا وجايب حق نوار هذاك خليوه ليها حتى وكان تديه معاها لهيه …

يامنة : هذاك الي جبتي فاش جيتي ديك المرة كلاتو كلو غا هي ههههه …

ياسين : بصحتها راني جبتو غير ليها …مزال نزيدها …صافي هذا مكان ؟

يامنة : هذا مكان غير شور اولدي فطريق …

ياسين : هناي الحنانة هناي …فالصباح ان شاء الله نتشاوفو…

قطع معاها وهز واحد الكرطونة حطها لور فطوموبيل شاف اسامة عاد جاي داخل بطوموبيل ووقف تا تسالم معاه …

ياسين : ساليتو ؟

اسامة : سالينا …غذا كاين سوق ديال لخميس غادي نطلع مع سالم …

ياسين : حسب شحال من راس غاتعطيو الحاج وجدهم نتا وسالم وعيط ليا قبل متعطيهم ليه ..

اسامة : كون هاني …

ياسين”خبط ليه على كتافو ومشا ركب وكسيرا شدها طريق وحدة ثاني تال ازرو …”

وقت الفطور فصباح اليوم الموالي تقريبا كاملين جلسو فطرو فطابلة وحدة معاهم حتى يوسف الي وصل فوقت متاخد من الليل …

صهيب “شاف ف يوسف” : داك حسن ماهضرش ؟

نوار”هزات عينيها ف فؤاد ”

يوسف : ماهضر ماتكلم …

فؤاد”نطق بصوت خاتر” : صهيب …

صهيب : خويا …

فؤاد : وجد عقد الفسخ وتنازل على الاسهم ديالو

يوسف : نشريوهم من عندو ؟

فؤاد : الشاري واجد …

صهيب : شكون ؟

فؤاد : خليه مبهم حتى يجي …هذاك ولد زياني مايدخلش لتما …

صهيب : ميمكنش را مزال عندو الاسهم”خبط فؤاد طابلة تا قفزو كلهم ”

فؤاد : الهضرة الي كنهضر بالامر كنهضرها مرة فسنين …والى خرجات من فمي ؟

صهيب”حدر عينيه” : قاد بيها خويا …

فؤاد : قضي غراض ودير الي قلت ليك الباقي انا قاد بيه وعارفو …

يو🦋🐺نور_الياسين(787)#فرصة_ثانيةsana mina🐺🦋

قاليهم هاد الهضرة وناض شير ليامنة براسو باش تبعو وهي بدورها غاتهز كاس القهوة والما وتديه تبعو ليه لجردة حيث غايكون كيكمي …بالعينين كتفهمو وعارفة شنو كيحتاج فديك اللحضة بالذات مكتعطلوش وهادي من الصفات الي كتخليه نهااار على نهار يزيد عشقه ليها…

صهيب”شاف فالحبيب” : ماقالش ليك شكون الي غاياخذ دوك الخمسة فالمية ؟

الحبيب : سولته قاليا واحد من الناس معاطانيش راس الخيط …

صهيب : وا زعما را باك هههه ..

الحبيب : مكيتعاتق مع حد الي فسرية را فسرية راك عارفو …تا من ياسين شي مرات مكيعطيهش راس الخيط غا ياسين را حافضو مكيكترش معاه تاهو …

يوسف “مسح فمو وتنهد” : اودي خليوه على خاطره نهار بغا يدخل ولد زياني عطانا خارطنا وخلانا دخلناه دار لينا خاطرنا …

صهيب : من لول جانا غالمحامي …فين عرفنا شي زياني ولا خيابي …

يوسف “شاف فالحبيب” : ماهضرش معاك ؟ زعما را صاحبك …

الحبيب : والو مشيت لدار لقيت الحاجة والحاج قاليك متبع مع طبيب فشي مصحة على راسو …غير يسالي ويرجع …

يوسف : مشا يعالج راسو وخلا عباد الله ضارها راسها …تت …”شاف فنوار لقاها كتشرب فديك زلافة الحريرة معيلقة اه ومعيلقة كتخويها تلعب بيها ” نوار …

نوار”هزات فيه راسها” : نعام بابا …

يوسف “ناض كيقاد حوايجو وشير ليها” : اجي معايا الى ساليتي …

نوار : واخا بابا …

يامنة : شربتي دوا ديالك ؟

نوار”حركات ليها راسها” : شربتو …

ناضت من بلاصتها مخلياهم فصالون تما الي فاق كيتزل عندهم …اما هي مشات تبعات بوسف حتى طلعات لفوق ودخلات البيت ديال باها ومها وتبعاتو تالمكتب ديالو …جلس فالكرسي وشير ليها تجلس مقابل ليه …

نوار : هاني بابا …

يوسف “شاف فيها” : هادي يومين كنت مدهي بين طرقان والخدمة مسولتش فيك ومشفتكش مزيان كي ناس …حدي خليتك مشيتي عند ختك بقيتي معاها يومين نتي ومرت ايساف …

نوار”تبسمات” : كاع ما ساليتي ليا …

يوسف”تبسم بشوي” : واا. بنتي خدمة خدمة هادي ضريبة المدير الي خلاوها ماليها …

نوار : حاول تبقى بزاف قب. منمشي را مبقاش ليا غير ايام قليلة ونمشي …

يوسف “هز فيها عينيه” : هي ناويا صافي …

نوار : وشنو نبقا ههههه

يوسف : لا سيري بنتي رجعي فين بديتي وكملي على خطاويك جديدة …قراي وكوني راسك وبعدي على الي تقلقك …وياك ترجعي تاني تعاودي من جديد …

نوار”كانت مبتاسمة وهي تجمعها” : اه ضروري منبغيش الي تقلقني …ياك كنتي كتقوليا مكرهت ترجعي …

يوسف : لا حسن بقاي تما وگضتي راسك وشفتي حياتك تما هنا مبقا عندك ميدار سوا انا وميمتك وختك وحتى عمامك را حنا قادرين نجيو عندك وتاني كل مكنتي عطلة جي ورجعي …

نوار”حركات راسها” : داكشي ولكن ماعرفتي شنو كاين من هنا لقدام …

يوسف “هز ايدو ” : من هنا لقدام بغيت غير تشوفي مستقبلك الدراسي هادشي الي بغيت من غيرو معندك ماديري بشي حاجة الي تنسيك على قرايتك ومستقبلك …سمعتيني ؟ راني داوي وعاني هضرتي ….

نوار”فهماتو تاهي نقولو مشات لاش كيلمح يمكن…زمات فمها وناضت تحنات على ركابيها وحطات ايدها على ايدو شداتها وباستها ” : واش الي داز عليا بابا يخليني نرجع من صفر ؟

يوسف : اكيد الى تعلمتي وغاتبغيش ترجعي من لول …

نوار : شكون الي تاذى بزااف فهادشي كامل ؟

يوسف : نتي ومحدك كتاداي كيضرني خاطري عليك حتى كنتادى معاك …

نوار : شكون رجع عليه هادشي ومرض وعيا ؟

يوسف : نتي ؟

نوار : وفنظرك ابابا غانبقا تابعة الي يضرني ويمشكلني ؟ بابا انا عييييت وعانيت بما فيه الكفاية شفت ومزال كنشوف …والى تضريت غانضر راسي …ولكن هادشي الي كيوقع

ابابا را كيعلمني نواجه وتكون عندي مناعة ضد صدمات فحال ختي مينة هاهي كمثال الي وقع ليها فزماااان علمها تحكم وتصبر وتقوي راسها وتحسب كل خطوة كتخطيها ….

يوسف : هادشي الي بغيت حتى ليك …

نوار : وانا اي حاجة غاتوقع حيث منكذبوش على راسنا ابابا حنا كيف قال عمو فؤاد فالدنيا ودنيا عامرة هموم ومشاكيل وفرح وسعادة كنعيشو كل حاجة بوقتها …الى تهربنا غانرجعو لنفس الحاجة ….

يوسف : مابغيتكش ترجعي تعاني وتمرضي مبغيتش نرجع نشوف دمعتك من بعد ماشفت هاد الضحكة الي مشفتهاش من ايام زواجك بياسين “شاف فيها ماكد” هاد نضرة خلاتني نشك ومبغيتش ناكد شكوكي ابنتي …

نوار “غمضات ليه عينيها وحلتهم” : اي حاجة قلتيها وخفتي منها من حقك ابابا وانا فرحانة بزاف حيث خايف عليا …ولكن ابابا خاصم تعرف ان الي فات كنت باقا معارفة والو وحتى دابا منقولش راني عارفة كلشي بالعكس كيف قلت ليك راني مزال كنتعلم من كل تجربة دزت منها ومشكيل طحت فيه كنتعلم …الي فات كنت صغيرة معارفاش شنو هي الحياة الي عارفة هي كنبغي الحاجة كنلقاها وملي وقع الي وقع وقفتو بجنبي وتحملتو معايا المشاكيل والي دزت منو تقاسمتوه معايا …

يوسف : شنو بغيتي توصلي من هضرتك ؟

نوار”شافت فيه بدون مترمش” : الي درتو من هنا القدام انا الي مسؤولة عليه والى غاياذيني انا نتحمل مسؤليتي حيث من هنا لقدام الى وقعت شي حاجة خرجو سوق ماشي اهانة ولا قمع ابابا ولكن باش نتحمل نتيجة قراراتي ونتا غير تهنى ماعليك غير تهنى من جيهتي والى على ضحكتي الي شفتي هادي را صحكة رجعت ليا براحة والى مشات هاد المرة عمري”غرغرو عينيها” مانرجع نلقاها تاني حيث الى جينا

نفكرو ونرجعو لور را انا الي فرطت فهاد الضحكة …هادشي علاش من هنا لقدام الي قررتو خليني انا ا🦋🐺نور_الياسين(788)#فرصة_ثانيةsana mina🐺🦋

من خلال هضرتها الي قالت لباها تاكد يوسف ان شكو مية فالمية طلع بصح وانه ممكن يجي ياسين يطلب رجوع وترجع بكل بساطة وهادشي زاد قلقو ماشي مباغيهش ليها ولكن هو خايف عليها وخا تقول هادشي الا ان قلبو مزال كيضرو من جيهتها خصوصا بعد الازمات الي وقعو ليها وحالات الصرع الي جراو ليها …

يوسف : مع ذلك ابنتي نتمنى متخيبينيش وتكملي مسيرتك لهيه …ومتناقشينيش فهادشي …

نوار”بقلة حيلة ” : واخا بابا واخا …

يوسف”ناض هز فيستة ديالو وواحد شكارة فيها لابتوب ” : يلاه نزلو خاصني نمشي لشركة كاين اجتماع فيه ساعتين يلاه يلاه …

نوار : واخا …

يوسف : مينة جايا ليوم ؟

نوار : حتى لغذا غير حيث جا رياض البارح بقات معاهم وغاتجي باش ترجع تكمل مباتة معايا تنمشي هههه

يوسف : الله يخليكم لبعضياتكم الله يرضي عليكم …”عنقها بجنب وخرجو غادين” ديري ودزي شوفي ميمتك فالعيادة بينما اذن العصر نجي الليلة الحبيب غايخطب بنت سليماني …

نوار : ان شاء الله …

نزلو مشا يوسف خرج نيشان لفاس مع صهيب والحبيب بقا تما خرج هو ويامنة باش يتقداو مشات معاهم راوية بقات غير نجود ونوار واشرف خرج تاهو تما يتقدا عاد يتجمعو باش يجي فؤاد ويتحركو لدار سليماني يخطبو هاجر …دخل بسيارته الفيلا من بعد ما وصل من طريق طويلة ودخل لقا نجود فالصالون شادا تيليفون كتقرا فيه دايرة نضارتها دشوف حتى هزات راسها فيه ابتاسمات ليه سلم عليها وجلس معاها واحد شوي كيهضرو …

نجود : طلع دوش رتاح اولدي من طريق …

ياسين”وقف” : تجي الحنانة عيطو ليا …”حك لحيتو” شي خير جبتو من تما تاوكان تشوفيه فالكوزينة …

نجود : الله يرضي عليك وخا ولدي …

حرك ليها راسو وهو يخرج من صالون متوجه لدروج وبعينيه كيقلب عليها من بعد ماتاكد ان الكل خارجين والرجال مشاو ل فاس …سمع صوتها كتهضر من الكوزينة …وهو يقلب دورة ومشا طل عليها من الباب …

نوار : نديرو حوت مقلي وشي فالفران ؟ …

كريمة : نجبد الحوت نشرملوه .؟

نوار : صافي بينما جات خالتو يامنة غاتكون ممسالياش مع توجاد الخطبة انا غانتكلف بالغذا اصلا قنطت ماكاين ميدار ومكاين معامن نهضر …

كريمة : واخا بنتي انا نوجد مع البنت بينما جيتي …

نوار : نطلع نحيد هادو نبدلهم باش ميخنزوش ونجي …”خرجات من الكوزينة وهي تمشي طلات على نجود من بعيذ ورجعات تمات غاديا طالعة حتى حسات بايد جرتها بجهد تالعندو هزات فيه عينيها مخرجاهم بغات تهضر وهو يحط صبعو على فمو ….

ياسين : ششش …”نطق بصوت فحال فحيح” اجي ورايا …”حركات ليه راسها وتبعاتو تا خرج من لور يلاه عند الباب وهو يضور عندها” نوارة …

نوار : ياسييين ههههه عاد وصلتي ؟

ياسين”مد ايديه لحناكها قرصهم بشوي” : عااد وصلت هي نتي وحدك مع الميمة كتوجدي الغذا ؟ والحوت كااع…

نوار”ضحكت” : هههه سمعتيني …اه الحوت تشهيتو شحال هادي ماكليتو توحشتو …

ياسين : متوحشتينيش انا …

نوار”حركات راسها بزربة كضحك” : اه اه …

ياسين”قرب ليها لعند وجهها ” : قالو ليا ساليتي زيتون الي جبت سيمانة الي فاتت …

نوار”حكت راسها من لور ” : عجبني وماقنعتش منو ..

ياسين : جبت ليك معايا تاني وواحد الكرطونة مجموعة هاديك فيها زيتون مسدود عليه معاه شي حاجات من الفيرما بيض بلدي غايبقاو فثلاجة حتى نهار تديهم معاك …عندك باگاج قليل غير هنا نخلص عليه باش تديهم معاك …مزيان…

نوار”بفرحة ” : صافي مزيان …

ياسين “شاف فساعتو” : غادي نطلع ندوش ونرتاح شوي …عشية نتشاوفو …

نوار : غانمشيو لخطبة الحبيب …

ياسين : ضروري ..”حنحن” ديري بحساب غذا شوفي كيفاش نمشيو نتغذاو فشي بلاصة …

نوار : شنو نقوليهم …

ياسين”رفع حاجبو ” : خارجة مع ياسين توحشتو بغيت نبقا انا وياه راس فراس …

نوار : هااا

ياسين : نوار عطا الله ميتقال …هما فين غايكونو غذا هنا لا يوسف لا يسرى كلشي خدام خفتي يعرفو ولا حشمتي ،،من حقك كنبقى راجلك الي فات وتفرقنا (حيث عيب كيبقى طليقها) مبقيتش مسؤول عليك وحاكم فيك …انا طالع لفاس عندي شي وراق نصايبهم وديك ساعة خرجي نتشاوفو فشي بلاصة هنا فازرو نهزك ونمشيو نتغذاو معارفني حد واش غانرجع من فاس ولا لا …

نوار : صافي نتغذاو …من هنا لديك ساعة بيناتنا تيليفون ..

ياسين : هضرة ناس الي بعقلها هي هادي الله يرضي عليك …”تم غادي ضاير” لا بغيت نتغذا معاك خاصني نهرب كي شفار !!ولا نتلاقاو بتخبية “دور راسو وهو غادي” ولاد ليسي حنا ولا صاحبك ولا شنو ؟

نوار : واخا غير تهدن كون هاني نجي نجي …

ياسين”رفع حاجبو ” : الله يعميها ليك ومتجيش ديك ساعة نتفاهمو …

نوار : اممم ؟

طلع هو نيشان لبيت دخل يدوش وهي بقات تشوف جاب ليها ضحكة صعر مسكين ولاو كي المراهقين …طلعات تاهي لبيتها بدلات دوك الحوايج ونزلات لكوزينة شمرات على دراعها لبسات بلوزة وبدات ترجد معاهم الغذا

تا جات يامنة والحبيب وراوية الي بقات تا تغذات معاهم ورجعات لدارها على امل يتلاقاو فالعشية لكن غير راو 🦋نور_الياسين(789)#فرصة_ثانيةsana mina🐺🦋

واجدين كلهم تقريبا سي الحبيب بابهى حلة موجد ليك راسو نعام اسيدي ب الكلاس قميجة بيضة وگرافاط كحلة وسروالفصالة كحل وصباط وهاز شعرو لفوق مفيكسيه ريحتو تضرب طيح الي ميطيح …حداه باه بجلابة فالگرونة رجالية وبلغة فنفس اللون ولك ان تتخيل نسر موسكو بديك الحطة وحداه ياسين بقميجة بلومارين وسروال فصالة كحل …طوا كمايم القميجة وحل صدافي الفوقانيين على حسب شوي الحال سخون …كملو تستاف ونزل يوسف سبق يسرى الي كانت جايا هي ونوار الي هز فيها ياسين عينيه وبقا مفيكسيهم فيها وعلاش ميفيكسيهم وهي ضاربة ليا جلابة فالخضر بارد بسفيفة فنفس اللون مصيريا على فورمتها الي جاتها غزااالة وشعرها الي طلقاتو مصاوباه ورجعات الگصة لور ونفختها من قدام مخليا وجهها طبيعي ناعم …

يسرى : صافي واجدين ؟

يامنة : هو هذا الوقت منخليوهمش يتسناو …

فؤاد”حنحن ونطق” : يلاه …

حدرو راسهم كل مشا فسيارته ياسين مشا معاه اشرف والحبيب وفؤاد معاه يامنة وصهيب مسكين الي كي وصل سارة داك نهار رجع دغيا باش يمشي معاهم هو ونجود …ركب مع فؤاد ويوسف ركبات معاه يسرى وراوية اما اسامة مامشاش اكيد بقا تما على حسب مشاغيل مع بداية الموسم دراسي والاكيد انه غايحضر فالرسمي من عقد قران وعرس …وصلو قدام دار سليماني الي لقااو الحاج ومرته بنفسهم عند الباب فاستقبالهم ومعاهم عمة البنات اي اخت سليماني الوحيدة اما لداخل كاينين خالاتها وواحد خوالها زوج فالصالون غايجلسو مع رجال ويقومو بالصواب ….

الحاج “سلم على فؤاد هو لول” : مرحبااا مرحبا بالحاج رمسيس زارتنا البراكة …

فؤاد : بوجودك الحاج “نطقها بداك صوت كيزعزع”

الحاج : سلم على دراري والحاجة رحبات بالعيالات …دخلو خوالات هاجر وصوفيا كيسلمو عليهم وهي تبعهم صوفيا …سلمات عليهم وسلمو عليهم ورحبو بيهم وجلسو مع العيالات …

يامنة”كطل على هاجر الي حشمانة” : كيدايرة بنتي لباس عليك ؟

هاجر”مبتاسمة ومقادراش تشوف فيها حشمات بزاف” : الحمد لله خالتي …

راوية : نتي صوفيا ياك ؟

صوفيا “بابتسامة ” : هي انا اخالتي كيدايرة لباس عليك ؟

راوية : الحمد لله …امضرا تفك ليكم المشكيل ؟ راني كنت ديك المرة خذيت وراقكم شفت المشكيل ياك مزيان داابا ؟

صوفيا : لا تفك الحمد لله وحتى فالبنك عطاونا دغيا صراحة كون ما ياسين عاونا كنا غالقاو مشاكيل …

نوار”كمشت حجبانها وقربات لمها” : ماما شكون ياسين الي فك ليهم المشكيل ؟”من الغيرة تمحا ليها من ذاكرة ههههه ”

يسرى : اويلي ياسين ديالنا مالكي ؟

نوار : تتقوليه ياسين هكاك بدون القاب ؟

يسرى : ويلي واش فيها ؟ بغيتيها تقوليه حبيبي ؟

نوار”خرجات عينيها ” : لاااا “رفعات صوتها تا ضارو شافو فيها وهي تجمعو دغيا ضمصات ” لاااا ماما نسييييييت …

يسرى : اشنو ؟

نوار : نسيييت خاصني نرجع لدار نجيب دوا ديالي …

يسرى : واشنو غاديري ؟

نوار : غاناخذ من عند بابا ساروت ديال طوموبيل ونمشي بزربة نجيبو …

يسرى : نمشي معاك …

نوار : لا لا غير بقاي ولا نقول سفيان يديني

يسرى : ايوى هادي مزيان يلاه سيري متعطليش …

نوار”ناضت وقفات قادت جلابة من الكول وتعنطزات وتمشات غاديا خارجة وهي توقف صوفيا شافت فيها وتبعتها ”

صوفيا : فين غاديا ؟

نوار : غاديا لدار نجيب شي حاجة ونرجع خاصني نشرب دوا قبل منتفقص …

صوفيا : كتشربي دوا ديال اعصاب ؟

نوار : لا لا دوا ديال فقر دم دابا …

صوفيا : اه ايوى متعطليش باش نتجمعو ونهضرو …”خرجات معاها تال باب لقات ياسين واقف متكي عالطوموبيل كيكمي فالگارو وكيهضر فالتيليفون …شافها وهو يقطع ”

ياسين : مالك ؟

نوار : بغيت نجيب دوايا نسيتو …

ياسين : غاتمشي وحدك ؟

نوار : لا غايمشي معايا سفيان يديني …

صوفيا : ياسين سلام صافا عليك ؟

ياسين”حادر عينيه” : الحمد لله اختي…

نوار”عينيها مرة عليه مرة على صوفيا ولاو كي جمهور تينيس هههه ” : احم نخليكم انا مشيت …

ياسين”قرب عندها” : تسناي انا نوصلك …

صوفيا “سمعات نداء عليه” : تكلم واقيلة شي حد كيعيط ليك …

ياسين : نوصل مرتي منخليهاش تمشي وحدها ونرجع نشوفهم الي سول انا برا شوي ونجي…

نوار”حلات فمها فديك مرتي تا غرغرو عينيها”

صوفيا “حركات راسها” : و واخا …

دخلات صوفيا وياسين جر نوار الي بقات حالا فمها وديك الكلمة وتصرف كيتردد فوذنيها بالفرحة ماحسات براسها حتى دارت ايدها على فمها وضحكات …داها لفيلا بزربة تسناها لتحت هي طلعات كتزرب تجيب دواها بقات كتفكر هضرته تا نسات فين حطات دواها لقاتو عند راسها ونزلات كتزرب لقاتو عند الباب ودار خاويا …

ياسين : تعطلتي مالك ؟

نوار : ااا ؟ مماليش …

ياسين”كمش فيها عينيه ” مال لونك مخطوف ؟

نوار”تنهدات ومشات لعندو تلاحت عليه عنقاتو بجهد تا خلعاتو ماعرف باش تبلى ”

ياسين “نطق بصوت مستغرب وحنين” : مالك ؟

نوار : ياسييييييييييييييين …

ياسين”دوز ليها على ضهرها من لور بحنية ” : نعااام انوارته …

نوار”عضات شنيفاتها قبل متنطق جمعات شجاعتها بزز ” : كنبغيك بزااااااف …

ياسين “عينيه خرجو تصدم يمكن كتر منها هي فاش قاليها كنبغيك لانها تاهي عمرها ماقالتها ليه” : نوار!!

نوار”زيرات عليه ” : مابغيتش نتفرقو ولا يفرقونا ولا تفرقنا لوقت قلبي كيضرني و🦋نور_الياسين(790)#فرصة_ثانيةsana mina🐺🦋

فصل التعنيقة وتقابل مع وجهها كيشوف فيها دموعها على خدها وعلى ملامحها قلق وخوف ماااشي الغيرة عليه ماااشي اي حاجة كثر من خوفها من الي جاي خصوصا فاش هضرات مع باها وعرفات لا بل نقولو تاكدات انه غايكون رفض تام من جيهتو …مسح ليها دموعها بصباعو …

ياسين : نوار تهدني …

نوار”طلقات تنهيدة ” : نمشيو باش منتعطلوش …

ياسين ” : يلاه من بعد ونكملو …”ضار غادي خارج هو وياها وهو يدور عندها وشاف فيها بنص وجهو” ماناسيش شنو قلتي دابا عاوديها من بعد …

نوار”ضحكات” : ههههههه وصااافي نسا …

ياسين”ضار غادي وهي وراه” : وايلي هادشي فيه نسا مزال تكمل وتخلصي الحق …

مسحات دموعها بالخف وخرجو ركبو تاني ورجعو لدار السليماني قبل ميلاحض شي حد غيابهم الى طول …وصلو ودخلو بزوج هي توجهات لصالون عند العيالات وهو دخل عند رجال لقا باه كيهضر مع الحاج ويوسف تاهو وشي شاد الهضرة مع شي ولقا حتى ايساف جا تاهو لكن هاد المرة مقاد الحالة وموگض وعلى وجهو واحد الطاقة ايجابية كتبان عليه …

ياسين”جلس حداه وحط ايدو على كتف ايساف” : عالسلامة نتا فين غابر ؟

ايساف : والله اخويا الى مدهي مع الخدمة خشيت راسي فيها هاد الشهورة لاخرة …

ياسين : مناويش ترجع لداركم ؟

ايساف “شاف فيه ورجع شاف قدامو نطق بحزن باين من صوته” : وانا كرهت ؟ راك عارف ..

ياسين”شاف كلشي مشغول بالهضرة وهما بزوج جالسين بعاد شي شوي فالصالون واتاي كيتقاد تما محطوطين المجامع وصينية كبيرة فيها ثلاثة البرارد اتاي ..” : حتى لامتا ؟

ايساف : ماعرفتش ولله ماعرفت …بيني وبينك اخويا راني قصحت الهضرة ومعتارف …

ياسين”تصدم من جوابه” : تعتارف بالغلط سوا معطل سوا بكري حسن مانتا عارف غلطك وساكت عليه ليوم يبعثون !! دير حل وجرب كيف كيجربو ناس …

ايساف : بغيت ندير حل واحد …

ياسين : الي هو ؟

ايساف : نرجع مرتي ليا …

ياسين : كيفاش ناوي ترجعها ؟

ايساف : نطلب سماحة …

ياسين : صافي ؟

ايساف”شاف فيه بمعنى وشنو بغيتي اخور”

ياسين : الهضرة ديال العار الي خرجات من الفم لازمها سنين من زمان باش تداوي ماتنساش وانما كتولف عليها وتجي بلاصتها هضرة زينة مربوطة بافعال باش تعوض الي تجرح وتاهي را تداوي …نتا باغي ترجع مرتك وولدك باغيه يرجع تاهو ؟

ايساف “سكت تا سكت ونطق” : الى قلت ليك راني متقبلو بزاف غانكون كذبت عليك مزال عندي تخوف من الولاد والمسؤلية مزال خايف بزاف انا معمري ماكرهت نولد بالعكس باغي الولاد لكن ماجلهم اياسين واش نكذب ؟ علاش مكيبغيوش الواحد يكون صريح ؟

ياسين : من حقك ولكن الطريقة باش تقالت تكون قاصحة طريقة ماهي بصحيحة ولا واصل معناها بالمعنى الي باغي نتا يوصل …شحال من حاجة بغيناها ومعناها باش وصلناه من فمنا مخرجش بشكل صحيح هذا الى موصلش بطريقة تضر بالخاطر !! فكر ا ايساف كيفاش وصلتي رغبتك انك ماجل فكرة الولاد فكر فهضرتك وهضرة مرتك وقارن بيناتهم ووزن معنى كل واحد فيكم كيفاش وصل هضرته …

ايساف : ليا شهور وانا مريض وكنفكر حتى مرضت فخاطر خاطري عشت الوحدة عشت عذاب الضمير “شاف فياسين الي حقق فيه شوفة مصدوم من هضرة ايساف” اااه عذاب الضمير راني واخا هكاك كنبقى انسان ماشي ملاك …كنتعذب ندمت على نهار الي فكرت نقول شي حاجة …والي ضرني ماشي هادشي الي ضرني كتر هي ديك بنت الناس. الي

صبرات على دل هضرتي والعصا الي كنت كنعطيها زدت كملت ليها بهضرة تقصح الي ميتقصح …

ياسين : هادشي كامل كتعيشو مافكرتيش دير لراسك حل !! “حرك ياسين راسو ماكد هضرته” ماكرهتيش وباغي وحتى لين ؟

ايساف : هي حالفة بحلوفها …

ياسين : كلنا فلحضة غضب كنتعماو وتعمى لينا البصيرة لكن ليام كتنجرنا وتمضينا حتى نحلو عينينا يا يبان لينا صح من الغلط واش نبقاو حالفين ولا نرجعو نعلو شيطان ونتعوذو منو …

ايساف “عوج راسو بحزن” : بغيت نرجعها ونرجع ليها حقها بغيت نطلب سماحة ماشي باش نرضي ضمير …بغيت نطلب سماحة باش نرجع ليها حقها وحيث باغي مرتي اياسين هي الي بغيت ونساتني فالي فات والي دابا بالنسبة ليا مااااات ليها عوام (على ريم) …

ياسين : الى هادي هي هضرتك سير توگض مع راسك وجرب طلب سماحة صبر لشنو جايك وشنو غادي تسمع وتدي على وذنيك …حل خاطرك وشد الخاطر فوق خاطرك الى بغيتيها …

ايساف : عاارف ومتحمل اي حاجة تجي وهارف ماصعيب غالبدية نبداوها والي ليها ليها والي بغاها الله هي الي تكون المهم انني مابغيتش نفرط فمرتي …

ياسين : الله يجمع بيناتكم فالخير …

ايساف : امييين …احم “ضار عندو ” ياسين بغيت واحد طلب الى ممكن نتا وخالي فؤاد …

ياسين”رفع حجبانو” : خبار الخير …

ايساف : نهضر مع خالي وديك ساعة نعلمك ياك مزال نتا هاد اليومين ؟

ياسين : مزال تال نهار خمسطاش فالشهر …

ايساف : مابقاش بزاف ..”فكر” صافي هي هاديك غذا فالليل نجي من الخدمة ونهضر معاكم …”رجع فكر وهي دير ليه طن” اجي ماشي هو النهار الي غاترجع فيه نوار على ما قالت ليا ؟ “بدا يحك فراسو ”

ياسين”هبط ليه ايدو من راسو الي كان يحك بيها” : بلا كترة تخمام خمم فشغلك وفوت عليك شغل العباد ا🦋نور_الياسين(791)#فرصة_ثانيةsana mina🐺🦋

فاش رجعات نوار دخلات لصالون وجلسات حدا يامنة هاد المرة وهي تشوف فيها يسرى وسولاتها على دوا واش جابتو وهي تجاوبها بالي جابتو دغيا وراتها الكرطونة عاد رتاحت هزات نوار كاس الما من طابلة وشربات دواها هو لول شوي وهي تصوني ليها لالارم ديال تيليفون شافت فيه لقاتو موعد دوا ديال الكريز …تاهو شرباتو …شافتها زبيدة ام صوفيا …

زبيدة : واش دوا ديال صرع ابنتي ؟

نوار “حركات راسها” : اه اخالتي …

زبيدة : الله يا بنيتي وماتستاهلي …

نوار : الحمد لله اخالتي …

يسرى : الحمد لله …

شوي جات صوفيا هازا فايديها صينية ديال برارد اتاي وكيسان وموراها واحد زوج بنات خالتها صغار شي شوي هازين طباسل الحلوى حطوهم …شافت فنوار وهي تبتاسم …

صوفيا : جيتو ؟

نوار”حنحنات بتوتر” : احم اه جينا …

يامنة “قربات لنوار” : واش وصلك ياسين ؟

نوار”حركات ليها راسها” : اه مالقيتش سفيان وهو لقيتو برا كيكمي وهو قاليا نوصلك …

يامنة “ابتاسمات ليها” : مزيان وصلك هو بعدا دغيا دغيا …

نوار : ههه اه واه دغيا احم …”شافت فمها لا تكون سمعتها ساعاك ماشافتش فيها كانت مدهية مع راوية كيهضرو ..” خالتو باش عرفتي ياسين وصلني ؟

يامنة : ههههه قالتها ليا صوفيا مع انا الي خرجت نعيط عليه …

نوار “تنهدات من جات غا فيامنة ” : ما سولش بابا ولا ماما ؟

يامنة : علاش يسولو عادي بنتي ياسين يوصلك را ولد عمك وخا هكاك “طبطبات ليها على ايدها” ماتشطنيش راسك وتفكري ابنتي متديري فبالك والو …

نوار “باستها فحنكها” : يخليك ليا خالتو …

ضحكات ليها بشوي وضارو يكملو هضرة تحط اتاي ووصل وقت العشا تاهو تدفع عشا على حقه وطريقو مكبرين بيهم لاقصى حد وفرحانين بمجيتهم وبنسوبية الي غاتكون خصوصا ان

هاجر بنت عادية زوينة دروويشة ومعروف عليها فحيهم فتاة باغيا غير تقرا وتكون اسرة صافي ماشي من نوع الي طماع ولا شرير ولا مسموم بالعكس هي كابرة فعائلة ميسورة تاهي ممخصصهم باهم ومهم من والو والي مزيان فيهم اكثر انهم غير زوج بنات ولكن حارات من صغر دراعهم ماضي تقولي مربي رجال فدارو ماشي بنات …

وصل وقت الهضرة والاتفاق وبدا فؤاد الحديث بناء على هضرته مع الحبيب الي تافق مع باه شنو يقول وهادي ميزة اكثر ففؤاد من بغا الحبيب يخطب هضر معاه قبل بيناتهم وفضفض ليه وعرف شنو بغا وهادشي باش بدا الحديث …

فؤاد”شاف فالحاج الي كان تاهو بجلابة بيضة وطاقية حمراء ” : الحاج ياك عارف لاش جينا بعدا من غير طلب الحلال على سنة الله …

اشرف”قرب لايساف” : ورق ليا على الحبيب ولا فريزة استوائية …

ايساف”شاف فالحبيب جاتو ضحكة ” : شوف عينيه مبقاوش خضرين ولاو يتلاونو …

اشرف : فينهما عينيه ولاو قد شقة …هههههه قاليك تيحشم …

ايساف : الزين يحشم على زينو …

اشرف “نسا راسو كي العادة وتحمس تا نطق بجهد” : والخاااايب الى هداه الله …

ايساف”ضار عند ياسين مبقاش تلفت ”

ياسين”هز عينيه فاشرف مخنزر” : اشرف …

اشرف “حدر راسو” : سمحو ليا …

فؤاد”ميك عليه ماهضرش اما الحبيب لو كان تشدو ليه غا اشرف وتديوه شي بين تا يخطب ويسالي عاد يدخل عندو را داك العضم صحيح ميخليه فيه …رجع فؤاد كيهضر” : ناوين

لا كتب الله تكون خبطة مع ضريب صداق عقد القران فنهار واحد والعرس الولاد متافقين يكون خفيف ماشي كترة بنادم …الي بان ليك الحاج حنا معاك فيه …

الحاج “دوز بصباعو على لحيتو الكثيفة الي كاسيها الشيب ” : واش نقوليك الحاج الي قلتوها حنا معاكم فيها …

فؤاد “هز ايدو” : الي نويتي عليه نتا والكَرِيمة ديالك(بنتو) نتوما مالين شي ماعلينا غانفذو تاحاجة ماتغلا عليكم …

الحاج”ابتاسم بفرحة حيث كبر بيه فؤاد” : الله يكبر بيك اسي رمسيس الخير سابق ونتوما ماليه …بالنسبة الي قلتي البنت عندي تاهي بلغتني بيه تاهي ماباغياش عرس كبير والي قلتيه قالتو …

فؤاد”ضار عند الحبيب وغمزو باش يهضر”

م.الحبيب”حنحن” : الحاج الى سمحتي نهضر …

الحاج : الله اودي هضر اولدي الي بغيتي قولو .

الحبيب : بالنسبة لهادشي غايكون من هنا لشهر ان شاء الله بالطبع الى جاك مزروب ماعليش قول الوقت الي بغيتي …

الحاج : واش هادشي متافق عليه نتا وهاجر ياك

الحبيب”حرك راسو بنعم وهو حادرو وحشمان”

اشرف”وجهو بغا يطرطق بكترة مكيضحك بالحس”

ايساف”نغزو تاهو مسالي بضحك كتر من اشرف” : واميييييييييييمتي على با فار الطحين …هههههههههههههههههههههههه

اشرف : بغيت نمووووووووووت اخوتي “هادشي تيقولوه بالحس بيناتهم وجاهم بغاو يهبلو وليني را منضر الحبيب را كيصطي بالضحك وجهو مزننننگ وودنيه بغاو يفرفرو ومع شهيب فمو تاهو ولا بيض ”

ياسين”هز فيهم راسو ونطق بشويييي باش يسمعوه ” : ششششششش ..”شافو فيه وصقلو وفيهم الفاگة (الحازوقة) ديال ضحك …

الحاج : ايوى ملي هاكا اسيدي متسالوني غالله يكمل بالخير غا بغيت اولدي راك عارف “شاف فيوسف ” سي يوسف فاهمني …را عوينات الي عندي بنات بغيت تهلى فيها …مايعرف بحق البنات غالي مجرب…

يوسف : الله اودي معقولة …

صهيب : الكبدة كلها صعيبة الي نبغيوه لولادنا نبغيو لولاد ناس …

الحبيب : كون هاني الحاج هاجر فعينيا والى مهزوها عينيا …

اشرف “نطق بشوي مسالي مسالي اخوتي بضحك ممولفينش الحبيب فصواب ”

ايساف : فين يهزها ؟

اشرف : فوق شفار ختها الي رعف ههههههههههههههههههههههههههه”ايوى ر🦋نور_الياسين(792)#فرصة_ثانيةsana mina🐺🦋

وهادشي نفسو تافقو عليه العيالات الي طبعا عارفين فاش دواو رجال لان يامنة كانت عارفة كلشي وعارفة شنو تافق الحبيب مع هاجر وضروري مكتعرف شنو كيديرو ولادها تاواحد فيهم مكيخبي عليها وكلشي كيطحها بصورة خلي عليك فؤاد راجلها هاد العائلة صغيرة ديال فؤاد هكا دايرة بيناتهم ترابط كبييير ضروري يعرفو على بعضياتهم كلشي غير ياسين كان غامض شوي مكانوش تيعرفو شنو تحت راسو

لكن واخا هاكاك عارفينو غايوصل وقت مناسب ويعرفو منو حيث ماشي من نوع الي اي حاجة كيبرولها ويقولها كيحل مشاكيلو راسو والى استاعن بواليديه فقط غا باش يفرغ ولا ياخذ نصيحة …

تسالا العشا وتافقو على ما تافقو عليه من بعد شهر ضريب صداق مع عقد قران وعرس خفيف نيشان وتمشي معاه عروستو وها الحبيب سهل عليه الله والله يكمل بالخير على الجميع …تسالمو معاهم ورجعو لفيلا كل رجع لدارو …وصلو

فوقت متاخر وكل طلع نعس فموضعو …حتى صبح الصباح ديال اليوم الموالي كيف فاقت دخلات دوشات مزيان وخرجات لابسة بينوار ولاوية على شعرها فوطة سادةعليها شراجم حيث بدا الحال كيبرد …هزات حوايج خروج من ماريو حطاتهم وهزات اخرين وستفتهم ربعات ايديها كتشوف فيهم اش تلبس واش تلبس باش تلاقا بيه فالغذا …بقات كتشوف وتعوج في فمها…حتى صونا ليها تيليفون ضارت هزاتو لقاتو هو نيت…

نوار”حنحنات” : صباح الخير…

ياسين : صباح النور…مالك مانزلتي ؟

نوار : دوشت وبغيت نتعطل باش يخرج بابا وماما ونخرج براحتي قبل ماتجي مينة …

ياسين : مينة متهزي همها غادي تعطل …

نوار: وايلي ؟ ماقالتهاش ليا …

ياسين : هاني قلتها ليك انا …

نوار : هضرات معاك ؟

ياسين : انا الي هضرت معاها …

نوار”بقات تشوف ” : شنو قلتي ليها تا غاتعطل ؟

ياسين : رسلتها تلاها مع راجلها وتفوت عليها عيالات رجال شوي …ماتحكريش انوار قضي غراض نزلي فطري براحتك عاد طلعي لبسي وبيناتنا تيليفون …

نوار : واخا ونيت كنفكر شنو لبس …ماعرفتش “خسرت سيفتها” …

ياسين : شنو كنتي لابسة البارح ؟

نوار : جلابة خضرا !!! لبسها صافي …

ياسين : لا متلبسيهاش كتجيب الفتنة الله يرضي عليك بلاش …

نوار : واشنو لبس ؟

ياسين : الي كان يكون مستور الي لبستيه زوين فعينيا مايهمك لا رجال لا نسا لا عبد برا يهمك عبد واحد راكي عارفاه وراكي فعينيه زينة البنات …هانية دابا ؟

نوار”ضحكات” : ههههههه هانيا هانيا …صافي انشوف اش لبس دغيا …”

قطعات معاه كتضحك حسات بحناكها سخنو بزاااف لعنات شيطان ومشات كملات شنو كدير بالفعل لبسات غي بيجامة تاهبطات فطرات لقات غير يامنة الي تما …بقاو يهضرو مع

فطرات فالكوزينة على خاطرها تا شبعات وجاها ميساج من ياسين من هنا ل ساعة يتلاقاها فين عطاها العنوان الي غايرسلو ليها فالموقع بواتساب …

يامنة : خارجة بنتي ؟

نوار : خارجة غير هنا بغيت نشوف غير شي بنات كانو كيقراو معايا …

يامنة “بابتسامة شك” : اممم البنات …

نوار”شافت فيها ولقاتها كتهضر وتحدر راسها تحركو يمين شمال وضحك” : خالتو مالك ؟

يامنة : ههههه ماماليش ابنتي سلمي على دوك البنات وقولي ليهم سلمت عليكم حنانتكم ههههه

نوار”طلعات معاها واااحد مولاتي تزنيگة تا عينيها مبقاوش رمشو ” : م مفهمتش …

يامنة “حطات ايدها على ايد نوار وكمشات عليها” : ابنتي عاارفة اش كاين وعارفا ولدي باغيك وعمرو ميفرط فيك راني مولدتو تا شحفت ولادي ونعرف مصارنهم اش فيهم غير مكندخلش فيهم حيث تبارك الله كل واحد فيهم بعقلو …

الطريقة باش راجعين لبعضياتكم من عندي الله يرضي عليكم ويسهل عليكم باش تعرفو بحق كل واحد فيكم كتب عليكم ربي الفراق كان فيه خير ليكم بزوج غا هو بنتي سيرو شوي بشوي وتعرفو كتر والي درتوه انا معاكم فيه الله يكمل عليكم بالخير ويفرحكم راكم متفوتوش بعضياتكم وبصح ابنتي ماشي حيث ولدي بصح ابنتي را يموت عليك وعمرو ميفرط فيك …صبري ليه ويصبر ليك ونتي صبري كتر معندك ماديري ديريني انا مثال قدامك صبرت وصبرت وها ربي كيجازيني وخا انا من اولي ربي جاراني بفؤاد الي حليت عليه عيني ومكملني …

نوار”هزات ليها ايذها وباستها ليها” : حتى انا عمري منفرط فيه فرطت لمرة لولة وتانية عمري منعاودها …كاينة حاجة خالتي …

يامنة : الي هي ؟

نوار”بحزن” : بابا مابغيش نرجعو “حدرت راسها”

يامنة : من حقو ابنتي را باك وخايف عليك …دعي ربي يدير تاويل ديال الخير اما من عندي انا وعمك فؤاد من الخير والخيرات ترجعو وتديرو وليداتكم …

نوار”حركات راسها” : ان شاء الله …

باست ليها راسها وناضت خرجات من الكوزينة وطلعات لبيتها بدلات حوايجها وتقادت جمعات شعرها ورشات بارفانها هزات صاكها وتيليفونها وخرجات من الفيلا طلبات من سفيان يوصلها فالموقع الي رسل ليها ياسين …

نوار : شكرا خويا سفيان …

سفيان : هانيا ولكن تبقاي بوحدك ؟

نوار : اه ماعليش خمسة دقايق وتجي صاحبتي …”حرك ليها راسو ومشا وبقات هي واقفة كتسنا حتى سمعات صوت سيارة جايا يلاه دارت مبتاسمة حتى جمعتها” بابا …

يوسف”نزل من طوموبيلتو غير نص وقف طل عليها وشير ليها براسو” : ركبي …

نوار “حدرت راسها🦋نور_الياسين(793)#فرصة_ثانيةsana mina🐺🦋

شدها طريق وحدة تالفيلا دخلو مضارش جيهتها حدو نعت ليها تبعو لبيرو ديال فؤاد حدرات راسها وتبعاتو ديك ساعة …

اما فهاد اللحضة ياسين جا ديك ساعة باش ميتعطلش عليها وقف فالبلاصة مالقاهاش وصلو ميساج ديك ساعة منها فاش كانت فطريق بالي جا باها وراها وهزها …

ياسين”غمض عينيه بنفاذ صبر وهز رجلو ضرب بيها البنو بجهد” : فاااااك فاااااااك …غزز سنانو بالفقصة ماكرهش يشد شي حد يفرشخ فالبلاصة يبرد حر غدايدو …”

اما هي تبعات باها الي دخل المكتب وجلس فالكرسي وهز عينيه فيها ”

يوسف : شكون كنتي كتسناي بسلامة تما ؟

نوار”حدرت راسها مكتقدرش تهز فيه عينيها” : بابا …

يوسف : سولتك شكوووووون كنتي كتسناي تما ..”خرج فيها عينيه” هضرت بالعربية لا ؟

نوار”مقدراتش تكذب مزال” : يا ي ياسين …

يوسف : ولاش ؟

نوار : بغا يوصلني لواحد البلاصة …

يوسف : ااه من تما يوصلك ؟ اه كنتي خارجة وبغيتي تحركي لشي بلاصة اخرا وعيطتي ليه ؟ اممم بابت اش ؟ ولد عمك يهزك من دار يشاورني ولا عيطي ليا عطا من يهزك …يحساب ليك ناعس على وذني غير حيث مخليك على خاطرك طالق ليك لعب !! تبرهشي وتسلگطي ؟ كبرتي درتي عقلك ولكن دنيا را مكترحمش …ياسين واخا ولد عمك راه كان راجلك من قبل دابا مبقيتوش ولا شخص محرم عليك ماجامعاكم تا وثيقة شرعية تلاقاو ليا فزنااقي …

نوار”الصمت مهزاتش عينيها ابدا”

يوسف : نوار هضرنا ولبارح وفضينا …وهضرتي مزال عليها ماكذبتش عليك ومابغيتش ترجعو سميها انانية سميني ولد لحرام …

نوار : حاشا بابا …

يوسف : ما حاشا والو مابقيتيش نوار الي ربيت وكنعرف …تبدلتي بزاف وليتي ديري الي قاليك راسك وليتي تخرجي وتلاقاي ليا برجال اخر ايامي تولي نوار بنتي المربية تخرج تسلگط ليا ؟ تلاقاو بتخبية فعايل البراهش والمراهقين ؟ زعما سيك ياسين را بعقلو باغي ليك هادشي ؟ علمو ليك ؟ “تعصب ” فالح ليا غا فالوعود نعطي عينيا لبنتك نديرها فعينيا تا صدق تاقبهم ومرضك فصحتك ومرضني معاك …”شاف فيها عينيه حمرين ” را غير زوج عوينات عندي نقتل عليهم وندفع عليهم دم قلبي …

نوار : حنا كنا كنصفيو الخواطر ابابا ونتسامحو مع بعضياتنا واكثرية انا بغيتو يسمح ليا على الي وقع مني والي شكيت فيه وبزاف ابابا …

يوسف : لاش يسمح ليك ؟ اااه دابا ولا يسمح ليك مابقاش ابابا دار ليا ودار ليا ؟”خرج فيها عينيه مصدوم ”

نوار”نزلو دموعها ” : بابا علاش مبغيتيش نرجعو ابابا علاش …

يوسف : بغيتي ترجعي ليه ؟ باغا ترجعي لواحد فرط فيك وماصانكش ؟ لواحد فلحضة مرض غدرك فالح غير فالحلوف ..”فهاد لحضة هزات فيه نوار عينيها مصدومة من هضرة باها على ياسين هنا عرفت باها وصل لافان فالاعصاب ”

نوار : بابا انا مني الغلط …

يوسف : بغيتي ترجعي ليه ؟ واااخا

هز عينيه فيها نيشان …واحد المدة زمنية وهو ساهي وكيشوف فيها كيفكر وفنفس الوقت مدقق فيها الشوفة شحااااال وحتى هي ما هضراتش كتسنى فيه ينطق بالي كان غير يريحها …

يوسف :الي نقوليك هو الي بغيتي ديريه انا هزيت ايدي عليك نتي قادا براسك …

نوار “طلقت بشرتها بفرحة ” بصح ؟

يوسف “عوج فمو باستهزاء كيضحك”: بصح بصح ولكن الي نقوليك ..

نوار : اا شنو …

يوسف نحضر ليك ولا … ماتسنايش مني نكون معاك …ومراضيش ونساي تهضري معايا…

نوار”فحال ضربها ضو ريقها نشف وذاتها تشعطت ” …لا لا لاااا لا عافااااك حرااام عليك …”جات تهز ايدو تبوسها ” …

يوسف ضور وجهو لديك جيه هز ايدو شير ليها باش تمشي …

نوار : عافاك ابابا عاااافاك متمرضنيش الله يخليك …

يوسف : نوار سيري ديري الي بغيتي خرجي خليني عليك حسن ليك “هز فيها عينيه مخنزر لاقصى حد” تحركي خرجي “غوت بجهد”

خرجات مسكينة دموعها على خدها تبكي وتقول مابكيت حلات الباب وهي تخرج في فؤاد هزات فيه عينيها …

فؤاد “قرب ليها ونطق ” : الى ماكانش راضي عليك ديري لي درتي النقص ديما تحسي بيه وفرحتك ماتكملش ليك …تبعي رضاة باك تيبان حقك ابنتي”باس ليها راسها وشير ليها تمشي حدرت راسها ومشات طلعات من لور ”

فؤاد”دخل لمكتب وسد الباب بجهد تا قفز يوسف وناض وقف شاف فيه فؤاد مخنزررر واحد تخنزيرة يوسف مابقا شافها من ايام فاش عرف بزواجو بيامنة …نطق ليه ما قل ودل ؟ لاا حطهم ليه نيت” : ماشي غير نتا الي والد وخايف على كبدتك ماشي غير نتا الي عندك العينين هما ولادك …قبل ماديرهم درتهم انا “ضرب على صدرو بجهد مخرج فيه عينيه ” ولادي

شايف عليهم الويل نمشي لموت برجلي ونرجع حامد الله على عمر جديد باش كنشوفهم وباش كبرتهم وحاميت عليهم …وجناحي كلا دق من جوج طبقات طبقة محامي على خوتي واولهم نتا وطبقة ثانية ولادي باش تاحد فيكم متقيسو زغبة من عار بنادم وحر راس الكحل وهم دنيا …صبرت ايوسف وخليتك منك لبكري …شلا معاني وشلا دكان هضرة …الى نتا والد انا راني والدهم من عيني داير عليهم العسة باش ميتقمشوش ليا وتجيني دقة الكلام الي صعب منو مكاين تهرس ليا خاطر ولدي ؟ نقتل عليه وخا يكون مني وفيا ودمي ..”ضرب فالبيرو” لحد هنا ايوسف ضرب على جيهة الي فيها انا ،،الكلام ولغا مع خوك هنا حدو …”جا يوسف يهضر وهو يحبسو بايدو وخرج سد باب🦋نور_الياسين(794)#فرصة_ثانيةsana mina🐺🦋

تاحد مالقاها كيف بغاها تا حد مباغي يوصل لمواصل خايبة او مراصل الي متعجبش …الي وقع ليوسف نقولو ابوة انانية ابوة مفرطة…خايف على بنته ترجع لايام المرض والمشاكل الي وقعو ليها مع ياسين وخا يوسف كان من ناس الي ديما كيشكرو فياسين فزواج نوار بيه ديما كان يرد لومة لنوار الى فات تا فرطات فياسين مغاتلقاش شي حد فحالو لكن من بعد الي جرا ليها وفاش عرف بالي حتى سمعها ياسين فسخانة كتهتهت بحبها ليه وجرا الي جرا خلاه يعيد حساباتو فالتفكير فياسين واش هو نسيب مناسب ليه ولا زوج مناسب لبنتو ؟ بزاااف الاسباب خلات يوسف رافض رجوع نوار لياسين لكن كيف وقع لايساف وقع ليوسف الطرق الي كياخذوهم باش يوصلو فكرتهم طرق جااارحة الى مضراتش مكتنفعش وهادشي الي وقع ليوسف مع نوار وياسين وفؤااااد …زهر مكانش فصف يوسف ومع الاسف اجتامع بنوار فمكتب فؤاد ومع كامل الاسف يوسف بانفعالو خلا صوته يعلى ويسمعو فؤاد الي كان جاي بنية حسنة لمكتب ديالو باش يدير شي خدمة حتى سمعو ووقع الي وقع جات كنقطة الي فيضات الكاس …

خرج فؤاد من المكتب مخلي يوسف مانقولو مصدوم منقولو مدهوش شي حاجة الي هزات يوسف تالسما وخبطاتو مع لارض …

~~اش غاينفع الندم من بعد الذي قيييييل ، ~~

ليل الليل وفؤاد هاديك خرجتو ونوار هاديك طلعتها سدات عليها بيتها تيليفونها كيصوني يصوني بنمرته ووالو مجاوباتوش ….

يامنة “كتهضر فتيليفون” : وعلاش نمشيو لموسكو ؟ غير نعرف را قدامي توجاد عرس الحبيب …

فؤاد : ديري شنو هضرت وتكلمت الله يرضي عليك بلا كترة لغا “جهد صوته” مرانيش مسالي ..

يامنة “فاش كيجهد صوته ويقول مرانيش مسالي مكتبقاش تعاودها معاه صافي كتعرفو الي قالها قالها واصلة بيه لعضم ومتناقشيش معاه ” : واخا هاني نوجد لفاليز ونجبد وراقيا ونعيط ليك …

فؤاد : الحبيب غايجيبك عندي لعند راوية …

يامنة”تنهدات طيح عليها ضيم” : واخا …

كانت فجردة برا نيت تا هضرات معاه وهي تم ضايرة غاديا داخلة حتى سمعات صوت سيارته دخلات …وقفات كتسنا فيه حتى نزل منها وتوجه ليها نيشان فين واقفة جاي مخنزر ماعاجبو حال …

يامنة : ياسين مالك ؟

ياسين : مشاكيل احنانة مشاكيل …

يامنة : ماهضرتيش مع باك ؟

ياسين : لا مزال علاش ؟

يامنة : والو غير قاليا نوجد حوايج طالعين هاد ليلة لموسكو …

ياسين”رفع حاجبو” : وايلي ؟ غا هكاك ؟

يامنة “هزات كتافها” : والله ماعرفت يمكن جاتو شي خدمة على غفلة راك عارف خدمتو …

ياسين”جبد تيليفون من جيبو كيقلب فيه لا يكون مصوني ليه شي حد ” : شكون فدار لداخل ؟

يامنة : انا كنت خارجة غير عند راوية طليت على صفية وعليها وجيت مالقيتش لا باك لا الميمة سولت عليها مشات طلعت لفاس عند مينة تعشا عندها وتجي هي وياها ايوى عمك صهيب ويوسف مالقيتهمش …اشرف في فاش اصلا…

ياسين : نوار !!

يامنة “ابتاسمات شوي …ههه اودي يامنة مفراسك ميتعاود” : لفوق فالبيت عيات بغات تنعس محكرتش عليها…

ياسين”طنطن ليه تيليفون بميساج شافو ديك ساعة لقاه منها”

نوار : انا فالبيت بلا متسول ولا تعيط عافاك غير خليني على خاطري من بعد وغانهضر معاك ونشرح ليك …ماتقلقش مني عافاك …

ياسين”جاوبها فالبلاصة” : خليتك مرة على خاطرك ووقع الي وقع …واخا ماعليش رتاحي ليوم ماتبقايش معصبة الله يرضي عليك وتقلقيني عليك …

نوار : وااخا …

هز عينيه فيامنة باس ليها راسها ورجع دخل هو وياها طلعو بزوج لبيتهم هو مشا بدل عليه حوايجو وهز لوازمه وخرج من الفيلا مشا نيشان لفاس كاع يبعد ويخلي الاوضاع تتهدا الي بالنسبة ليه هو لحد الام را يوسف غايكون معصب ومبغاش توتر يزيد اما الي وقع بين فؤاد ويوسف را مزال معارفو حد من غيرهم ودابا ها يسرى عرفاتو …

يسرى”خرجات فيه عينيها كانت معاه فطوموبيل داها باش يهضرو ” : اويلي ايوسف واش هبلتي ؟”بدات كترعد بالفقصة ” : ااااا يوسف ايوسف را ممتيقاش اش درتي واش تخاصمتي مع خوك الكبير ؟ وعلاش على والو ا يوسف مالك حرنتي هاد الحرنة علاش ايوسف علااااااش…

يوسف”بقا يسمع ليها كيسمع حتى سكتات وساد الصمت هز عينيه كيشوف قدامو ” : ماغاديش نقوليك راني منويتش هضرتي ومقصدتش وخا يكون الي كان

هضرة وخرجت من فمي …”تنهد” الي شفت نوار عاشتو منبغيه لتاحد الي حضرنا ليه بزاااف على قدرة تحمل …من لول انا شكرت ياسين ياسين ولد خويا ولدي قبل منتناسب معاه وعارفو بعقلو وعارفو راجل وديما كنت كنقوليها متفرطيش فيه …

يسرى : ايه واش وقع دابا تا درتي هادشي ؟ علاش كل مرة كتجرح فيه كل مرة حاشي ليه الهضرة ؟ يوسف نوار را بنتي حتى انا ماشي غير نتا…حتى انا كون بغيت كون جرحتو وعايرتو ولكن لا جينا الواقع راهم بجوج غلطو وبجوج يصلحو اغلاطهم بيناااتهم ايوسف نوار را مكاينش الي خرج عليها قدي انا وياك تفرق عليها خليها الى بغات تفاهم مع راجلها ويرجعو حسن ليها راه كذبنا ولا تيقنا ولا وهمنا راسنا را حنا فمجتمع مكيرحمش المطلقة وخا توصل لنازا … ااااا يوسف غاتخرج عليها وتمرض وطيح تاني”خرجات فيه عينها مخنزررة ” .ماشي هاكا كينصحو ايوسف ماشي هكاك هضر معاها كيف كنتي فلول ماشي تهددها …اسيدي بغات ترجع راجلها علاش كنفرحوش ياك هادشي كنتي فلول باغيه وياما دخلنا بخيط بيض اش تبدل ؟

يوسف “الصمت”

يسرى”بغات تبكي ” : رجعني رجعني لدار نشوف يامنة ونشوف نوار دعي ربي متطيحش تاني …وديك د🦋نور_الياسين(795)#فرصة_ثانيةsana mina🐺🦋

يوسف جا بين نارين بين نارين من نوع اخور لقا راسو وسط اغلاط فاغلاط ووسط قطيع الهضرة مع خوه را بمجرد مكيفكر فيها لا هو لا يسرى كيبغيو يتفاوتو على عقلهم خصوصا يسرى وحتى صهيب الي عيط ليه فالبلاصة حيث وصلاتو الخبار من يوسف نيت قبل ميقولها ليسرى قالها ليه …

صهيب : واش عرفتي قطيع هضرة فؤاد ا يوسف ؟ نسيتي ايام زواجه بيامنة ؟

يوسف : صهيب راني عارف الي فيا كافيني …

يسرى”كتسمع ليه وساكتة دايرة ايدها على حنكها وتبكي ”

يوسف”ضار شاف فيها ورجع كيهضر” : تانا راني مشوي على بنتي عارف راسي زدت فيه وهضرت بهضرة كضر فالخاطر الواحد يعدرني واش معارفينيش مع نوار كيفاش داير ؟

صهيب : صافي غا سكت سكت تانجي ونهضرو …اش غادير ؟

يوسف : مغاندير والو مغانهضرش نخليه تيتهدن ونشوفو …”وقف قدام الفيلا كيتسنى العساس يحل قطع مع صهيب التيليفون ودخل مع وقف خرجات يسرى كتمسح دموعها وداخلة تزرب حتى دخلات لقات الفيلا خاوية فقط غير الخدامات …ويوسف تابعها…

يسرى : نوار فين ؟

كريمة : فبيتها لفوق من صباح وهي فيه…

يسرى “دارت ايدها على صدرها مرعوبة ” : اويلي مكتجاوبش فتيليفون وفبيتها من صباح !!!اويلي اويلي ياكما تفقصت …

يوسف “مكيهضرش تابعها تاهو خايف ومرعوب طلعو لبيتها دقو عليها وعاودو وكيصونيو حتى بغا يوسف يفرع الباب وهي تحل عليهم الباب ناااعسة وعينيها منفوخين بالبكا …

نوار”هزات عينيها شافت باها ورجعت شافت مها” : ماما “بصوت مبحوح”

يسرى”ماعرفت باش تبلات” : ب بنتي مال شعرك وعينيك ي ياكما طحتي ؟

نوار”حركات راسها بنفي” : لا غير نعست علاش مالكم ؟

يوسف : نوار!!

نوار”هزات فيه عينيها وشافت فيه بنظرة لوم ” : انا مزيانة بابا غير نعست متشطنوش عليا …”تفوهات” غادي ندوش ونفيق ونزل …

يسرى”كتقلب فيها وفوجهها وتحل ليها عينيها” : ياك مزيانة ؟

نوار : مزيااانة غير نعست بزاف محسيتش …

يوسف “رجع ضرب دورة ومشا نزل وهاديك خرجتو من الفيلا يعلم الله فين زاد …يمكن يوسف فضل ميكونش رجوع لسبب على نفسية بنتو الي شافها من بعد ماكانت مغبونة مريضة باكية طايحة فلحضة سريعة رجعات كتضحك !! خوفه عليها طبيعي وايضا من بين الاسباب الكبرى للرفض هي المشاكيل الي غاتوقع بين العائلة تقدر تودي لقطيعة بيناتهم ومع الاسف داكشي الي خاف منو وفضل يبعد عليه ويتفاداه هو الي طااااح فيه …

ماعندنا منقولو فهاد اللحضة سوا اننا نتمناو بصح النفوس تهدا …واحد راه ف فاس شوف عندمن مشا وزوج هاهما من بعد ساعات ديال سفر وتحليق وصلات بيهم الوقت وحطو رحالهم ف بلاد سوفيات العاصمة الروسية موسكو مع

دخلة ديال الفيلا الصغيرة الي تما لقا البوديكارد عند الباب والعسا مفرقة تما كلهم لابسين اطقم سوداء وعينيهم فحال صقر حاضيين لمكان كلهم عوازا قد سخط …تحل الباب ودخل وهو يتم جاي شاف ديالهم …

فؤاد”كيشوف قدامو مغوبش” : ستريتيمياشيريز ديسيات مينوت(اجتماع بعد عشرة دقايق)

البوديكارد”حرك ليه راسو” : اسوزناڤات اي رياليزوڤيات(علم وينفذ)..

زاد كسيرا ودخل بلاصا قدام الباب ونزلو بزوج يامنة راسها كيدور تسافيرة فتسافيرة ومن الي عاود ليها بقا قلبها مقبوض على نوار وعلى الي تم وعلى ياسين ….

يامنة “دخلات هي وياه لدار وطلعو نيشان لبيت مشات حلاتو يتهوا ..ضارت عندو لقاتو كيحل فصدافي قميجة حيدها كلها وحيد سروال ودخل لدوش تا غسل وخرج عاود لبس من جديد حوايج جداد لكن غير سورفيت كحلة صافي هز تيليفونو”

فؤاد : نسالي ونجي عندك …

يامنة “مع قرب يصبح الحال” : ترجع تصلي وترتاح نعس راك عيان ..

فؤاد “حرك ليها راسو وغادي خارج من بيت ” : ان شاء الله ….

خرج وخلاها فالبيت كتبدل حوايجها ودخلات توضى باش تصلي الفجر معاه اما هو كيف نزل خرج لجردة لقاهم مستفين كلهم ومخلين البعض حاضي طالق العسة حتى تم جاي واحد كلب كبييير شيان بوليس وهو ولد فلاد كبييير تاهو قداش بقا كيدور عند رجلين فؤاد الي طبطب عليه وهز راسو شاف فهادوك ونطق بصوت كيخلع …

فؤاد : اوخرانيك اوڤيليشيلسيا ڤدڤويا بولشي..”الحراسة تزايد كثر من هادي زعما” كااااانتسيبسياااا”غوت بجهد”

البوديكارد “كلهم” : كااااانتسيبسيا …

فؤاد”شير لشاف ودار ليه زوج صباعو على عينيه ووجهم ليه وشير ليه براسو زعما تحركو …وهو يتحرك فالبلاصة عطاهم تعليمات وزاد كيهضر فالطالكي الولكي وشي فالايربودز اما هو دخل توضى وصلى هو ويامنة حيد لفوقي ديال سورفيت …

فؤاد”جرها حيث عرفها مقلقة عليه وعلى ولادها باش يهدنها لصق ضهرها مع كرشو وباسها فعنقها” : يكون خير اغزالي مديريش فبالك …

يامنة”مغمضة عينيها ابتاسمات مدات ايدها لحنكو دوزات عليه وهو باسها فصباعها” : كون غانتا بيخير ميهمني والو …”زاد عنقها ون🦋نور_الياسين(796)#فرصة_ثانيةsana mina🐺🦋

صوت لهاتف كيصوني ويعاود حتى مد ايدو يجاوب لقاه محمد الحبيب شاف فالساعة عندهم هما العشرة ديال صباح نعسو وماحسوش براسهم او يمكن غير هو اما يامنة مكانتش حداه فاقت ونزلات خلاتو يرتاح حيث عرفاتو تقلق بزاف من جيهة خوه والي كيتقلق منك غالي كيبغيك وعندو معزة خاصة عندك وهادشي الي وقع لفؤاد مع يوسف …جاوب كيف شاف اتصاله …

فؤاد : الحبيب …

الحبيب : وصلتو مزيان ؟

فؤاد : ولله الحمد اولدي …فالخدمة ؟

الحبيب : عاد وصلت وعيطت ليك …واش مزيان الوليد نتا ؟

فؤاد : الى ولادي مرتاحين نحمد لله اولدي هادشي الي باغي …

الحبيب : الله يحفضك لينا …ياك مغاتعطلوش تما بزاف ؟

فؤاد : ترتاح نفسية والبال حسن منزيد نغلط ونتمادا اولدي …الى على عرسك واقف عليه قبل منك غير رتاح …

الحبيب : الوليد الى نتا منرتاحش نتا والحنانة معندي مندير بشي عرس ولا زواج …يهديك الله شوف غا صحتك ونفسيتك ترتاح وحنا فوق مزيان …

فؤاد “غمض عينيه” : الحنين ولد الحنينة”مع قالها دخلات عليه مبتاسمة جامعة شعرها الذهبي ولابسة غير بيجامة سماطي تحت ركبة ..واخا والدة ولاد كل واحد قد سخط الكبير فيهم فثلاثينيات من عمره الا انها مزال محتافضة بشبابها وعلاش لا وهي فاواخر الاربعين” الله يرضي عليك…

الحبيب : بيناتنا تيليفون انا داخل عندي اجتماع راك عارف غا هو كاين غا انا والعميم صهيب وايساف …

فؤاد : تهدن الوقت ونجي باش نشوفو شريك جديد …

الحبيب : في امان الله

فؤاد”قطع مع الحبيب وناض جلس كيدوز على وجهو وراسو حتى جات جلسات حداه …شاف فيها ودوز بصبعو على شفايفها” : صباح الخير ..

يامنة : صباح النور”دوزات ورا ضهرو بايدها كتمسح عليه بلطف ” ارتاحيتي شوية ؟

فؤاد “رجع غوبش” : يرتاحو ولادي ونتي ميخني خير …”طلعها وهبطها” شنو هابطة بهادي ؟

يامنة : ويلي راني فداري نلبس الي بغيت …

فؤاد”مد ايدو لسماطي وهبط وحدة من كتف وهو كيدوز بصبعو تا بورشها وهي تقفز ” : مزال مناويش الكبر ياخذ منك ؟

يامنة : هههههه لا مزال صغيرة …

فؤاد : قربتي تسمعي ميمة ومزالك زينة …

يامنة “ابتاسمات” : هههه ويزيدو بعدا نديرهم فعينيا الله اودي مصاب نولي جدة …احم يلاه هبط تفطر باش تشرب دواك …

فؤاد”صونا ليه تيليفونو طل لقاه ياسين” : نهضر ونزل عندك …

حركات ليه راسها وناضت خرجات خلاتو جاوب ياسين ديك ساعة وهو واقف …

ياسين : موسكو الوليد !! وايلي علاش هادشي ؟

فؤاد : كتر لغا وكترت الهضرة وصداع على والو راسي محتاج يرتاح نصدق داير ايدي ولا عاصي الله ؟

ياسين : خليه على خاطرو الوليد ونتا صحتك هي دنيا …

فؤاد : كلشي الا ولادي ابكري كلشي الا نتوما …

ياسين : تهدن لا خطاتنا صحتك وخطيتينا ميبقا هامنا تاحد …خوذ اسيدي راحتك ورتاح وريح راسك مزيان بعدتي …

فؤاد : حالتها بين عيني …سولتي فيها ؟

ياسين : وانا عارفني نخليها ؟ خليتها مرة بسباب صحتها وغلطة وشيطان حضر نخليها دابا ونفوتها ؟

فؤاد ؛ ولدي الى مابغاش باها ماتعصا الله وتديها بزز وتخليها تاخذ سخط …

ياسين : كلشي بالمكتاب والمكتاب ممنو هروب لحد ساعة مداير والو ومغانديرش (را كلشي تقريبا عرف اش وقع الا نجود مقالوهاش ليها باش متقلقش عليهم ) خليها ليام …

فؤاد : الله يرضي عليك …فينك نتا دابا ؟

ياسين”وقف كيكمي وكيهضر حدا شرجم طل بان ليه ايساف غادي بصينية ديال اتاي” : ايساف…

فؤاد : تبقى عندو ؟

ياسين : هاد ساعة ناعل شيطان وجالس هنا تنمشي فحالي دير بحساب يومين هكاك وراجع …

فؤاد : الي عليا درتو والي فالرزق هو الي غايكون سير مع ليام تتشوف ربي شنو مخبي ليك …وصبر ان الله مع الصابرين …

ياسين : ماباغي نحلف ماباغي نعصا الله عندي هضرة وكلام لازم عليا نخرجهم ولازم عليا نعطي هضرتي …

فؤاد : وياك تقصح تصدق مقلل الاداب وانا ماربيتك بهاد المقام !!

ياسين : شكون بويا ؟

فؤاد : ولد رمسيس الكبير محترم الكبير وصغير الى بغا الله فالحق ماشيين …

ياسين : ولخطاويك تابعين(زعما غايمشي على ميرة باه فالاحترام والحق )

فؤاد : الي فجهدي راني درتو لا كنتو فالمكتاب ميفرقكم عبد …

ياسين : متعني برضاك ودعاك وهاني صابر …لا عليا ولفت دق من كاع جوايه “خرج عينيه” ندور فعمي فمقام بويا ؟ راك عارفو الوليد فمو فالت من زمان مهرب ليه الصح من الغلط ومكيعرف يوزن …

فؤاد : المعنى ؟

ياسين : هي الي خاطرها مريض ماتصبر …

فؤاد : بغيتي تعرف حسن من بوها ؟

ياسين : مزلنا نهضرو فيه بوها مكيوزنش تا مع راسو بقا غير يوزن وبنته هي عينيه …يكون خير معندنا منديرو …

فؤاد : خلي لوقت تحكو ويعرف لسان بصح مافيه 🦋نور_الياسين(797)#فرصة_ثانيةsana mina🐺🦋

مع صبح الصباح …هزات فاليز ديالها صغيرة حطتها فوق ناموسية …دارت فيها شنو تحتاج حطتها هزات صاكها دارت فيه واحد اتروس فيها وراقها وباسبورها نزلات حاجة بحاجة تا كملات ووجهها فيه واحد الحزن كيضر فالخاطر …لقات يسرى عند الباب ديال دار …

يسرى”عزات عليها” : يلاه مشينا ماما ؟

نوار : مشينا…

يسرى : ندوزك عند عمتك راوية تسلمي عليها هي وميمة ؟ نوار”جاوباتها ب نعم ” …

جرات معاها الفاليز تا خرجوهم وداروهم فالكوفر فطوموبيلة يسرى وركبات حداها ديمارات طوموبيل وكسيرات ما وقفات حتى لفيلا ديال راوية سلمات عليهم وتوادعت معاهم ..رجعات ركبات هي ويسرى وزادو لفاس نيشان عيطات لمينة قبل باش متجيش حيث هي جايا صدقات مينة مبقات كاع معاها فازرو وهاهي نوار الي جايا عندها وفالاخير را متمشي غير فين مشاك الله …

نوار : احم ماما واخا ندوزو عند بابا شركة ؟

يسرى “ضارت عندها مستغربة ” : علاش اماما ؟

نوار : بغيت غير نشوفو ونتوادع معاه مابغيتوش يبقى مقلق عليا ومني …

يسرى”مالقات متقول ولا شنو تجاوب دهشراتها ” : و واخا بنتي ميكون غا خاطرك …

كي وصلو لفاس شدو طريق الشركة سولات عليه يسرى عرفات را فيها كي وصلو طلعو نيشان لمكتب ديالو …

يوسف : نوار !!

نوار”ابتاسمات ليه ومشات باستو فحنكو” : بابا …

يوسف”شاف ف يسرى ورجع شاف فنوار”

نوار : بابا عارفاك مقلق مني مهم انا جيت غير نسلم عليك حيث غاديا عند مينة والغذا ليه عندي طيارة لبرلين مع صباح بكري عاد من تما نطلع لهامبورغ…

يوسف : كيفاش …

نوار : وكلت ماما تاخذهم عليا وانا طيارة عندي بعد غذا مع صباح بكري …ماما تاخذهم وترسلهم ليا اكسبريس …

يوسف “حل فمو” : علاش قطعتي بكري ؟

نوار”ابتاسمات” : نمشي حسن باش نشوف دروسي لا يتزادو عليا …ونمشي احسن …

يوسف”جاتو واحد شهقة من لداخل حتى حس بموس حسك ليه القلب” : ااا …

نوار”قربات ليه بزاااف وشدات ايدو تحنات باستها ليه مخلياه مشوكي كيتشوا ويتشوا ..هزات فيه عينيها” : تهلى فراسك ابابا وسمح ليا بزاف مبغيتش نخيب ضني فيك سمح ليا بزااااف”عواجت ليها الهضرة مع غلبت عليها البكية ومسكينة صرطاتها بزز وقلبها كيتحرق من لداخل معندها مادير سوا تسمع لباها وماتديش سخطو ولا ميكونش راضي او مقلق …”

يوسف “شاف فيسرى الي عينيها ولاو مغرغرين ..دارت ايدها على جبتهتها” : نوار الله يرضي عليك … …مابغيت ليك غالخير وصحتك تولي لباس وتوقفي على رجليك راسك ميوقفك حد خفت عليك ترجعي تغبني وتبكي ..وخفت يزيدو المشاكيل كتر را بنتي غير جا الله من جيهتنا وبقينا شادين فبعضياتنا ومتفرقش شمل العائلة …

نوار : هانتا تخاصمتي مع عمو فؤاد …

يوسف : عمك را يقولها وعمرو يفوتنا حنا عارفينو عطيه وقتو الكامل ويرجع كيما كان وخا كيطول ماعليش …

نوار”كانت متاملة يتراجع لكن حسات بيه متشبت ومبرر ديالو نوعا ما منطقي خاف يرحع يتشتت شمل كثر من دي قبل ” : بابا انا مزيانة وهاني كنوقف على رجليا …هاني مشيت شوف امتا نرجع يقدر نطول ويقدر منرجعش …والى توحشتوني جيو عندي …”باستو فحنكو وعنقاتو بجهد ” تهلى فراسك …

يوسف”غمض عينيه تا نزلات دمعة منهم خانتو..” : الله يرضي عليك ابنتي …”تنهد” يكون خير يكون خير …

في دار صهيب فوقت العشا صونا الباب مرة وزوج وهو يخرج يوسف كيمسح فوجهو عاد موضي …شاف فصهيب لقاه فالكوزينة ومشا حل الباب …

يوسف”رفع حاجبو” : ياسين !!

ياسين”وصل ودخل ” : تبعني لصالون بغيت نهضر معاك …

صهيب”خارج من الكوزينة مشا لصالون ” : اه اه اه سي ياسين زارنا …

ياسين : العم صهيب “جلس داير رجل على رجل مفرقهم ” جابك الله تحضر …”حك لحيتو وشاف فيوسف ” : يوسف جلس نهضر معاك …

يوسف “جلس وشير ليه ” : تفضل مرحبا …

ياسين : تهدنتي بعدا ياك ؟

يوسف “حرك راسو بجنب” : ماحدنا فدنيا مرة مهدنين مرة فرحانين مرة مشكلين …

ياسين : مرة خالقين لراسنا هم ومشاكيل وللفرح مبعدين …”كمش فيه عينيه” سي يوسف نتا عمي وفمقام با وعمر خاطرك خصرتو ؟

يوسف : خصرتيه والفاهم يفهم ماعليش كتبقى ولدي وولد خويا …وسمح ليا لا قصحت معاك

ياسين “هز ايدو” : حنا بشر وخطاؤن ممعصومينش من الغلط ماشي ملايكة …لكن عمرنا قطعنا رزق حد ولا حسدنا حد ولا حقدنا على حد ولا هزينا سم والغل فقلوبنا من جيهة حد …

صهيب : يوزع …

يوسف”شاف فصهيب مخنزر ورجع شاف فياسين” : هادشي ماشي من شيم ال رمسيس …شكون المعني بالامر جيني نيشان …

ياسين : نتا المعني بالامر طبيعة الحال..”خرج فيه طول وعرض ماشي غا جاه نيشان ” لا كنتي تقلب على نيشان “شير لراسو” ها رحبة فليو “خرج فيه عينيه” سي يوسف الى كان العبد ملاقي مع شريكو فالسما وربي كاتبهم لبعضياتهم معند العبد ميفرق فيهم …

“شير ليه بايديه لهييييه فحال غادي” خود راااحتك “خبط بصبعو على طابلة ” باذن الرحمن مرجوعي لمرتي ناوي نرجعها …غاتسخط؟ نعطيوك ايامك

وترجع تضحك مخاصك خير ،، بقيتي مقلق جوج قوالب سكار فايتينك لهيه بحضور الشرفة ورجال الكبار من مقامك. ومقامك كبير رامين عليك العار وهاحنا مهنيين …رخيها سي يوسف …

يوسف”جهد صوته” : ياسيييين

ياسين “شير بايديه وراه” : واحد الامانة خليتها ليك جايا عامين هادي …قربت نديها والله يخلف عليك تهليتي ليا فيها رجعها لماليها “هز فيه عينيه وغمزو”كلنا كنعرفو نسخطو تاحنا نديرو وليدات ونتعلمو جملة الله ير🦋نور_الياسين(798)#فرصة_ثانيةsana mina🐺🦋

بقا صهيب ويوسف وياسين شي كيشوف فشي …حتى كسر الصمت ياسين مرة اخرى …

ياسين : هضرت دابا وكفيت ووفيت وادبي ماقللت …ومزال العاطي يعطي اسي يوسف والي قلتيه على راس والعين …

يوسف”الصمت”

صهيب : ماقلتي عيب اولدي ….”هز فيه يوسف راسو وشاف فيه …

ياسين : دابا الي عليا قلتو مغادي نقوليك والو “ناض وقف كيسوس فحوايجو وكيقاد فساعتو ويهضر ” سي يوسف نهار تحس براسك باغي تهضر معايا تعاتبني بصح تعاير تخرج ما فخاطرك ..”عوج راسو” على راس والعين من حقك …حاجة وحدة فكر فكبدتك بصح كا اب من ناحية غيييير …وديك ساعة خوفك والي درتيه انا راضي بيه مهما قلت وخرجت را لما كان رضى الواليدين حاضر را مكاين معنى …تهلى هاد ساعة “هز ايدو شير ليهم وغمزو صهيب هز ليه راسو وخرج من تما مخليه هو وصهيب …يوسف بقا جالس داير رجل على رجل وايد على حنكو باقي مضهشر من هضرة ياسين …

صهيب “كسر سكوت يوسف ” : ما قال عيب ايوسف الى بغيتي المعقول حضر عقلك ونسا خوفك على بنتك راها فاتت فزواج خرجات من البلاد وحدها بدات تعرف بحق الدنيا ومجايبها زينة ولا خايبة …مينة خليتيها تحكم فراسها وتحمل مسؤليتها …

يوسف “شاف فيه وخرج عينيه ” : صهيب مينة مرجعاتش لحمار لول …

صهيب “خرج فيه عينيه تاهو” : وياسين فحال لحمار ديال مهدي ؟ را ولد خوك اش كتخربق …

يوسف : الخوف ماشي من مرض نوار هذا وحدو والخوف ماشي نعاودو نفس المشاكيل اصهيب الخوف الكبير هو هادو كاملين يتجمعو ثاني فاش يرجعو وزيد عليها هاد المرة بصح يتشتت شمل العايلة …وهادي هي الي مبغيتهاش وماشي ديالنا عرفتي شنو يتشتتو ال رمسيس ؟

صهيب : هانتا تخاصمتي مع خوك الكبير وقلقتيه منك …غاتقول مالي تانا منتقلقش غانقوليك فؤاد عمرك شفتيه ضار فنوار عايرها قلل منها ؟ حشا ليها شي هضرة ؟ داكشي

الي داير فؤاد على بناتك نتا كلك ما درتيهش معاهم اول مشكيل كيطيحو فيه شكون كيكون سابق ويفكهم ؟ فؤاد …نهار يمرضو شكون كيمرض ؟ فؤاد كيمرض ويداوي نتا اش كدير ؟ كتخاف عليهم ومن خوفك كتصدق راجع لور مكدير والو وهادشي سباب بناتك وخصوصا

نوار تا رجعات لور وعمر شخصيتها مكانتش قوية ومرضت بهادشي الي فيك من جيهتهم …فؤاد لو جيتي المعقول اول واحد ضار فياسين فاش مرضت بنتك واول واحد نبهو الى بكات يبكيه …ولكن را هذا الله هذاااا الله حشيتي لولدو الهضرة وعايرتيه وفوقها مكنزز رافض امالنا اسي مالنا تاحنا را والدين وخارين وراني طالقهم يتحملو مسؤليات كر كرهم …

يوسف”خرج فيه عينيه حيث بدا يخصر هضرة ” : اتهدن …

صهيب : خليتي فيها شي تهدن ؟ خلي لخرا يرجع لخرا يمشيو يخراو يضبرو لخراهم الي بغا يمرض يمشي يخرا منو لخراه …واااه اسي “عصبو ههههههههعه”

يوسف : صهييييبب امالنا ؟

صهيب”ناض وقف كيلهت” : شوف ا يوسف نتا راك صاحبي عشرة خويا راك كلشي …غانجيك من جيهة صاحب وخو يوسف توگض وفكر بالمعقول …

خليه بغا يرجع مرتو يرجعها هادشي الي بغينا والي كنا باغين …هي بغات ترجع لراجلها خليها …خفتي عليها ايوسف والله الى من حقك ولكن فكر قبل را هي الي بغات طلاق عيا معاها عييينا

معاها خلاها وخليناها على خاطرها تا دابا هي تحمل مسؤليتها ورا ياشين من هادي انا نعطيك العاهد ونضرب على قلبي الى من هادي عمر ياسين يفرط فيها وخا تلوح راسها …را قبل مبغاش يفرط غير قدر الله وصافي دابا

فراقهم خلا كل واحد يعرف قيمة لاخور وكل واحد ينضج واولهم بنتك را كون ما هادشي ولله مكانت غاتوگض ولا تعرف بحق المسؤلية من هادي خرج سوق وعيييييش حياتك وخليها منها راجلها ونتا حمد الله زوجتي بناتك وتهنيتي عليهم سير هز مرتك ودورو دنيا وزورو بناتكم ومن هادي لخادي وينعل بو العالم حسن ما تصدق فاقص بنتك كتر من فقصتها لولة …

يوسف “كيسمع ليه ويفكر ولا شاف فيه ” : كون وقع هادشي لرميساء ؟

صهيب : رميساء ماشي هي نوار …رميساء وخا موگضة على نوار ولكن را هبل من نوار وبصح كون بنتي نوار ولا رميساء وقع نفس هادشي غانرجعها راجلها علاش ؟ حيث هي الي بغات وكلشي كنديروه باش نشوفو ولادنا فرحانين لو كان شخص غير ياسين ولد لحرام “قرب ليه

وحط ايدو على كتاف يوسف ” ثيق بيا انا لول غانوقف فطريق ومنبغيهاش ترجع ليه …

الهضرة كتكون طويلة لازم شرح وكل يهضر من جيه ويوسف يتهدن ولا يسمع نصيحة ولا يبقى فراي ديالو هادشي راجع ليه ولناس الي غايقنعوه ولا يحلو ليه عينيه ولا يبقا هكاك فالقرار ديالو ….

مطار فاس سايس الدولي …

نوار”هازا فايدها البيي وكتدخل فشعرها الي كيضربو البرد وتدور تهضر وتقلب بعينيها” : خاصني ندخل …

رياض”سمع النداء” : يلاه شنو كتسناي ؟

نوار”ضارت عندو” : ها والو …يلاه “تلاحت عنقات مينة بزاااف …وسلمات على رياض” تهلى ليا فختي …

رياض : ههههه واخا كوني هانية …

حركات ليه راسها وهي تجر فاليزها وتمات غاديا لمطار لداخل …بقات تسنا فيه تعطل يلاه غادخل وهو يصوني ليها …

ياسين : دفعي الوراق والباگاج انا جاي داخل عندك …

نوار”بفرحة ” : غايخليوك دخل ؟

ياسين : غير قضي انا جاي …

وصل عند الباب عيط لعماد كوميسير صاحبو هضر مع بوليسي الي تما قبلو يخليوه يدخل دغيا ديك ساعة دخل كيقلب بعينيه ويسول تا لمحها واقفة فالنوبة كتسنا وهو يجي وراها حط ايدو على دراعها حك عليهم بشوي تا تبورشات وهي دور عندو …

ياسين “باس ليها راسها” : نوار🦋نور_الياسين(799)#فرصة_ثانيةsana mina🐺🦋

هادي هي الدنيا شي غادي شي جاي شي غايتزاد وشي غايموت وشي غايتوگض والي مريض غايمرض والي غايتشافا عليه الحال وربي را غايفرج …وهادي هي دنيا حال واحوال …

كانو قدامها ربعة ناس باش توصل نوبتها وتدفع باكاجها وتعطي وراقها قبل متيعطيو نداء توجه لبوابة ديال طائرة نيشان …استغل ياسين الفرصة باش يبقى معاها ويهضرو ويحاول يعطيها امل لان الحزن على وجهها باين …

ياسين : ميكون غير الخير …الي فات كان صعيب وداز على راس بتعليمة ..”حدر عينيه كيشوف فيها ”

نوار “تنهدات” : عارفة الي كاين ومبغيتش نزيد معاه اصلا بابا فاش كيشد فقرارو ولا شي حاجة مكاينش نقاش معاه وخا دايرنا صحاباتو كتر من بناتو عارفينو كيفاش داير …

ياسين : بقاي هكاك حتارميه ومتقلليش من هضرتو وديما هضرتو هي لولة فلول ولاخر كيبقا باك من حقو وخايف عليك …

نوار”ضارت هنا وهنا بقلة حيلة نطقات” : ولمن را خوفو زايد عليا كيخنق اياسين عارفة بابا ولكن الحق نقولو …”هزات كتافها بغات تبكي” را لا جينا نفكرو را انا سباب فهادشي انا الي قصحت راسي “بداو دموعها يدوزو” انا الي بسباب قلة ثقتي ونيتي الي وصلت راسي لهادشي ومرضتهم معايا حتى ولاو خايفين …”هزات فيه عينيها” ماتنكرش اياسين هادشي …

ياسين : منكرش بصح هضرتك ولو لقيتي الي يوقفك مكنتيش تكمل وتوصلي فين وصلنا ولكن هاني نعاودها ليك الي دازت على راس “شير لراسو” بتعليمة …

نوار “ساطت بفمها ودموعها كيمسحهم ليها بصباعو ” : انا غاديا اياسين “شافت فيه”

ياسين : وراجعة باذن الله …يحساب ليك ساهلة عليا ؟ والغياب الي فات فهادي عامين ساهل ؟ را حنا عايشين غا بصبر تيفرج رب العباد …قدام المكتاب معندنا منديرو …

نوار : وامتا نشوفك ؟

ياسين : وقت الي توحشتيني غاتلقايني عندك …

نوار”ابتاسمات بزز” : هههههه من دابا ندخل غانبغي نشوفك (زعما غاتوحشو تاني)

ياسين”رفع حاجبو” : كاااع الالة …”حرك ليها راسو” تلقايني حداك ووراك وفعقلك وفليسر ديالك فينما بغيتي تلقايني …

نوار: مبغيتش نكذب ونقول سخيت …

ياسين : مغاديش نكذب ونقوليك نتي الي بغيتي تبعدي ولكن مزلنا نعاودو فيها ربي الي كتب علينا المكتاب …”جرها عندو عنقها بجهد تا دورات ايديها على ضهرو خاشيا راسها فيه غمضات عينيها كتنهد وتنهد لريحتو موحشة وتعنيقتو مشتاقة …هز راسو شوي باس ليها ناضرها …”خوذي وقتك والي بغيتيه يكون …غير صبري …

نوار : وااخا …”سمعات النداء ووصل وقت الفراق ودعاتو ودموعها على خدها تبكي تبكي تبكي هو مقدرش يسكتها حيث عارفها مقلقة بزاف وطايح عليها ضيم وميقدرش يقوليها متبكيش باش ميضرهاش خاطرها وتمرض والى بقات تبكي يضرها راسها وطيح ومشكيييلة كبيرة هادي …خلاها تا دخلات لداخل ومشا جيهة البوليس …

ياسين “شرح ليهم حالتها وعيطو ل ربان طائرة والطاقم ديالها شرحو ليهم حالتها باش يردو ليها البال فطيارة …تسنا تا قلعات ومشات فطريقها عاد هو خرج وركع لازرو سلم عليهم وشد تاهو طريق لارضو وبلادو ورحلة مشوار الخدمة من جديد ورجوع لروتين من جديد ثاني ….

#موسكو_ماسكڤا …

واقفة فالكوزينة كتوجد فالعشا من بعد ما دازت اربع ايام وهما فموسكو …فؤاد كان خارج لاجتماع طارئ حيث فاش كيسمعو بحضوره كيعيطو ليه فالبلاصة يعطي معلومات على شي اثر …خصوصا هاد المرة وحدو ممعاهش ايلاف …

يامنة “صونا ليها تيليفون ” : ولدي الحنين ياولدي …

م.الحبيب : ماما الحبيبة يااا ماما …

يامنة : عاد تفكرتي ماماك وهضرتي معاها اممم ….

الحبيب : لااااء اماما مفكرها دييييما …غييير بقيت خاشي راسي فالخدمة هاد ليام تا كملت ضواصا كاملين حيث اماماتي راني خرجت كونجي باش نوجد لعرسي وقبل من هادشي راني سافرت ليوووم …

يامنة”باستغراب” : فيييين

الحبيب : لمسقط راسيييي…

يامنة “تلفت ههه” : فين جا مسقط راسك ؟

الحبيب : سولي ماماتي فين حطتني اخالتي ..

يامنة : خالتي !! الله يمسخك راني مك ..”لا الفجلة تكولخت”

الحبيب : تهدني ميمتي وصلي عالنبي وشوفيش ..

يامنة : وانا ولدتك هنا فموسكو …”خرجت عينيها” هااااء …

الحبيب : اللهم صلي عليك ارسول الله …حليش داك الباب خليني ندخل نعنق والديك راني توحشتك …

يامنة “حلات فمها بضحكة تا بانو حلاقمها” : ياااا فرحي يا سعدي يا فرحي …”تمات غاديا ولقات راسها لابسة غير كسوة سميطات وكانت تتوجد حيث فؤاد غايجي وقاليها راه موحشها وليلة كانت زاهية عند نسر تا جا الهيثم تاني غايحرمها عليه …وهذا الله …مشات بجرا

لبسات عليها بينوار من تما وطارت حلات عليه الباب لقاتو واقف وحدا فاليز ديالو وخاشي ايديه فجاكيط ..والبررررد ” : اولدييييي…

الحبيب”سرح ايديه ” : افجلتيييييييي …”تلاحت عليه عنقاتو تا هزها معنقها وجر فاليز دخلها ودخلو سد الباب وهو يعنق ويبوس ليها ايديها” تي را وحشك وحش خاص …

يامنة : مالك مقلتي راك جاي نوجد غا عشيوة الي كتعجبك …

الحبيب : اش دايرة لعشا ياكما حريرة بيضة لوليد فحال مرضى سبيطار ..

يامنة : الا دايرة لحوت مشهيه باك وعصير لافوكا ..

الحبيب : را سخون عليه بغيتي تقتليه …

يامنة”تزنگت” : لا غانشربو انا هو عصير الحامض …

الحبيب : عشا رومنسي هذازگاي …”قرب ليها اكثر ” ياكما كانت شليلة(شي ليلة) وانا تقبت الجبل اخا الفجل ؟

يامنة”مااااتت هههه ” : ا ا د دوز طلع بيتك لفوق دوش ورتاح وهبط تلقا صنية اتاي وفاكية واجي عاودي ليا اش ناوي نديرو فالعرس وفين وصلتي …والمسخ غا🦋نور_الياسين(800)#فرصة_ثانيةsana mina🐺🦋

خلاتو كيشوف ويضحك عليها عزيز على ولادها يشد فامهم بزاف حيث عارفينها فاش كتزنگ كيطلع ليها وجهها بقع حمراء وهي حيث بيضة كتبان فحال الفجل هادشي علاش كناتها عليها زينة جداها فاش كانت صغيرة …طلع ميت بالضحك دخل لبيتو يدوش بينما هي كي دخلات ردات الما يطيب وجبدات براد كتوجد فاتاي ودوزات لفؤاد صونات ليه وقطعات فقط باش الى كان مسالي يعيط ليها وتاهو ديك ساعة صونا معطلهاش …

فؤاد : مويا يبوش كاتيوشا(حبيبتي كاتيوشا)

يامنة “تبسمات وضحكات” : ناشط …

فؤاد : نكون مريض معاك مشافي نكون مغبون معاك فرحان نكون عابس معاك نضحك …

يامنة : ربي يحفضك ليا وميحرمني منك …

فؤاد : اللهم امين …وصل الحبيب …

يامنة “بصدمة ” : كنتي عارف ؟

فؤاد : وايلي تخفا عليا …

يامنة : مزية الي جا كون يجيو لاخرين تكمل ههه

فؤاد : مرة جايا …جا باش يقاد وراقو هنا …

يامنة : اه حيث زايد هنا…غاتعطل لعشا ؟

فؤاد : لا شوي ونجي …

قطعات معاه وضارت كتوجد فاتاي قادات صينية على حقها وطريقها تا هبط الحبيب مدوش مخلي شعرو فازگ مخربق وعينيه حمرين وخضوريتهم باينة مع سخونية غا فجلة محطوطة لابس تيسرت كحل وشورط تاهو كحل وخاشي رجليه فنصدالة صبع وجاي ويجر فيهم تا دخل عندها …

الحبيب : كاتيوشا الوليد …

يامنة : ههههه نعام …جلس جلس …

جلسو على ديك الصينية يهضرو ويدردشو ولد مع مو ويضحكو حتى وصل وقت العشا وجداتو وقاداتو تا جا فؤاد سلم عليه. وجلسو عائلة صغيرك بيناتهم عيطو لياسين واسامة هضرو معاهم وصل وقت النعاس كل طلع لبيتو …مع دخلة حيدات يامنة البينوار تا حسات بايد فؤاد على كرشها كطلع وتهبط بشوي واحد تبوريشة شداتها تقولي اول مرة يقيصها …

يامنة”تكات راسها على صدرو الي عاري حيد تيشرت ديك ساعة ” : فؤااااد ولدك هنا هههه

فؤاد : ولدي فبلاصتو عارف هذا بيت باه ومو والبيوت فيها لاسرار …اش دخلو بيناتنا ؟

يامنة “حركات راسها بنفي” : مادخلوووش هههه

فؤاد”دورها عندو وهز ليها وجهها كيشوف فيها وفديك الابتسامة والبشاشة الي كتخلي قلبو يرحع شباب والعينين خضرين الي كيسلبوه وريحة الي كدوخو ماحس براسو تا قرب وحط شفايفو على شفايفها حتى غمضات عينيها كيبوس بشويييي حتى بدا يزيد فالوتيرة …دفعها بشوي جيهة الحايط تكا ضهرها عليه وهو كيبوس هز ليها ايديها لفوووووق وطلع من شفايفها لحنكها وهو غادي كيبوس تا وصل لعنقها …وايد طلعات لصدرها كتقيص فيه ولايد لاخرا شادا راسها من لور …مع كيهبط بقبلاتو كيهبط سماطي لكسوة ديال قطن فالازرق …حتى بداو يتخشعو ودخل معاه تاهي فالمود يلاه شدات ليه راسو بين ايديها ووجهها سخن وعينيها تغمضو وهما يسمعو دقان …

فؤاد”هز راسو مخنزر” : شنو ؟؟؟

الحبيب : الوليد وخا تجي بغيتك …

فؤاد : خبار الخير ؟

الحبيب : وغير جي را وصلني ايمايل على ود شركة …

فؤاد “شير ليامنة تبقى تم ومشا هو هز تيشرت لبسو وخرج عندو ” : شنو واقع ؟

الحبيب”هز فيه راسو بان ليه وجهو مزير ” : هاا ..دابا وصلني العقد من عند محامي زياني حسن وسنا بالموافقة على بيع الاسهم …

فؤاد : هادشي كنتي تخليه لصباح ولا لا ؟

الحبيب : غير تصدمت وصافي واخا سمح ليا الوليد …

فؤاد : ماعليش ماعليش …

حرك ليه راسو ودخل سد الباب حيد تيشرت ومشا ليها لقاها واقفة قربها ليه ولصقها معاه تلاح على شفايفها بوابل من القبل تا رجع تخشع معاها وايدو لتحت كتهز فالكسوة تهز تا حيدها ليها كلها مكانتش دايرة سوتيان بقات غير بكيلوط مبيطبطة كيف كيعشقها …صرفق ليها كريشتها …

فؤاد : ماكرهتها تعمر بالي كتعرف بحق زمان (بنت)

يامنة : هههه فات الحال مابقيت قادرة على ولاد الله يخلف على ولادنا يجيبوهم لينا …

فؤاد : معزة ولادهم كتر منهم …

يامنة : ان شاء الله …

دفعها بشوي فوق ناموسية تا تكات عليها وطلع فوقها منها كيبوس ليها فكرشها …

فؤاد : عيانة ؟

يامنة “عشات شنيفاتها وهي مزنگة ” : مرتااحة …

فؤاد : الكبر كاين وشوق كل نهار يتجدد من جيهتك هادشي الي عطا الله …

يامنة “قبطات وجهو بين ايديها” : عمري مانمل منك ا فؤاد تبقا ديما راجلي الي حليت عليه عيني وكبرني على ايديه منفوتك متفوتني…

فؤاد : على هاد الهضرة ناخذ راحتي ونخلي مول الخيمة يشوف بلادي تاني …

يامنة : ههههههه فؤااااااد …

فؤاد : عمارة دار وغزااالو …

هز ليها رجليها دورهم ورا ضهرو وهبط كيبوس فيها وهي تبوس فيه وايديه خدامين يتلمسو ويعبزو فيها ويقيسو …حيد ليها لكيلوط ورجع دورهم وحيد هو البوكسر وبقا عريان حدرات عينها مقدراتش تشوف تاني يلاه غايخشي وهو يسمع صوت غوات الحبيب برا تا وقف مخلوع ويامنة مخلوعة تاهي طار بزربة يلبس بوكسر وسروال باقي معلم منفوخ ولبس تيشرت بالمقلوب

يامنة”ناضت تاهي لبسات بزربة عليها ” : اويلي مالو …

فؤاد”هز ايدو ووقفها” : بقاي هنا ..

طار خرج برا نزل لجردة حتى لقاه محني على ركابيه ووجهو مزنگ هز عينيه فباه …

فؤاد”خرج عينيه بالخلعة ” : ل ح بيب مالك ؟”هز عينيه فرجال” رفاييل ؟

رفاييل”شاف ديال ليگارد” : نييت بروبليم تلكوس ساباكوي …

فؤاد”عوج راسو بمعنى من نيتك وهو مفقوص” : مع فلاد (الكلب سماوه فلاد نيت)

الحبيب : كنقوليهم متخليوهش مطلوق منين نكون را والو انا وياه ماعمرنا نتفاهمو لا شديتو ريش مو …ياكما خلعتك الوليد “فؤاد فهاد لحضة ماكرهش شي كلاشينكوف يطلقو فالحبيب كلو وهالعار يبرد …”

#يتبع….نقوليك الله يمسخك اولد كرشي …

#يتبع…

تي سخات بيا وغاديا …

#يتبع….ضي عليك اولدي …

#تصبحن_على_خير….

عضم ويشد لجام فمو …الي عندي قلتو …

#يتبع…

عسو بزوج من فرط التعب” …

#يتبع…ار هي الي منخرجش منها…

#يتبع…

 

المكتب بجهد…

#تصبحن_على_خير…

 

 

ومشات ركبات حداه ما هضر ماتكلم …

#يتبع…ا متهنى تا خنزر جرا عليه فؤاد من المجمع ”

#يتبع….ولد عمتي …

ايساف : وااخا …

#يتبع…خاطري ممهنينيش”نزلو دموعها يجريو”

#تصبحن_على_خير….

ية فقط الي غاتكون بلا صفية …

#يتبع….

لي نخلص ونوَدي كيف كيقول عمي ….

#يتبع….سف “شاف ف صهيب ” : دير مقال ليك …

#يتبع…يقو …وماتلاقاوش ثاني…

#تصبحن_على_خير…

 

عليه” : كاين حليب مفرزز (خاسر زعما ههه ) …

#يتبع…

الكلب والكلاب راهم ولاد الكلبة …

#يتبع….و وغوتات” ماااااااااااااااااااماااااااااو …

#يتبع….الوحش من جيهتك … عذبتيني ازينة ليسر عندي (قلبه)

#تصبحن_على_خير…..ي وفيني حتى وليتي تنبزيني …

#يتبع…قت معطل بزاااف وطلع لبيتو تلاح نعس ….

#يتبع….قا بال العاشقة مع معشوقها …

#يتبع…

 

من بعيد عاد دخل لصالون هو وياه …

#يتبع…. ربي يكون خير .…

#تصبحن_على_خير….

Leave a comment