Skip links

قصة : نور الياسين ج34

 31,693 عدد مشاهداات

🦋🐺نور_الياسين(751)#فرصة_ثانيةsana mina🐺🦋

على بعد 200 كم جنوب شرق اليونان تقع جزيرة سانتوريني وعاصمتها مدينة “فيرا” وهي جزيرة تقع في جنوب بحر إيجه في أرخبيل كيكلاديس ونظرا لأنها تفصلك عن الحياة المدنية المليئة بالصخب والضوضاء تعتبر واحدة من أجمل الجزر في العالم وأكثرها جذبا للسياح لما تتمتع به من جمال أخّاذ ومناخ فاتن،

في احدى الفنادق بالجزيرة والي كطل على البحر طبعا كاع الجزية كيطلو فنادقها ومنازلها على البحر لكن الفندق الي ذكرت فهو جا مواجه للبحر تماما بجميع توجيهاتو …وفي واحدة من الجناحات في المسبح بالضبط متكية فيه هازة فايدها كاس عصير ميكست بالفواكه الاستوائية …متكية راسها كتشوف فالسما بنضاضر دشمس وسااااارحة…حتى وقف ليها عند راسها…

رياض”حيد نضاضر كيشوف هنا وهنا مخنزر تا وصلات عندو وهو يغوت تا قفزت” : طلعي طيييري من هنا …

مينة “غوبشات فيه ” : علاش ؟؟؟ مالي ؟

رياض “جهد صوته ” : طيري من هناااا دابا تستري واجي نتفاهمو يلااااه …

مينة “حبستها بزز وطلعات كتفتخ ومشات لداخل عرفها مغاتجيش لذلك مشا ودخل عليها لبيت لقاها فدوش الي محلول على البيت نيشان لان الجناح خاص بالعرسان في الهاني موون(شهر العسل) ..

رياض : من نيتك خارجة هكاك ؟؟؟؟

مينة “الصمت …لوات عليها فوطة كتحيد فدوك دوبياس وعاطياه بالضهر ”

رياض : را معاك كنهضر “مخنزر”

مينة : ماعندي فاش نهضر هاني دخلت صافي بدل ساعة باخرى …

رياض : كيفاش بدل ساعة باخرى ؟ راني معاك داوي كيفاش خارجة ليا مسفحة هكاك ؟ واش من نيتك ؟ الخرا القل*** كلو عريان ونتي خارجة بهاد المسخ وداخلة مفاااااااااشخرة ليا مع راسك الي طل عليك هانية ؟ معندك احترام معندك نم كحل ؟ ياكما قالو ليك رعواني ومعندي نفس ولا كرامة ومدلول اااا ؟

مينة “ضارت عندو بجهد مخنزرة ” : اااااا شريف ياكما انا قالو ليك ممربياش ؟ راني عارفة الجناح مافيهش ناس كتشوف فيه شي حاجة اسمها لبرايفسي (الخصوصية) هادشي مشايفوش ؟ معارفوش ؟

رياض : ماااااتخرجيش بالخرا ماتخرجيش بيه وكاتقربيش لخرا ديال لابيسين بغيتي دخلي ليه بالليل امينة باليل وراكي كتعومي فيه عايمة فداركم عندكم واحد قد سخط يعومو فيه جمال ماشي تا بنادم انما هنا خليني نوصي عاد دخلي عومي …احتارميني يرحم باك هادشي منعاودش نشوفو …حيث عندي مرتي نشوفها غير انا مايشوفوهاش العينين كيما كانو وخا يكون قرد “حبس الهضرة وصدرو كيطلع وينزل وعاود نطق ” ولا غاتولي هضرة اخرى وخليني رياض الحنين…

مينة “بقات تسمع ليه تا سمعت وهي تقرب ليه شادة فالفوطة على صدرها” : انا محتارمة راسي ومحافضة على راسي ومخليا ناس تحتارمني وساترة راسي وانا فدار با ماشي غانجي حتى لعندك ونتعرا ونقلل الادب ومنديرش الاعتبار لراجلي هادي اولا ثانيا دارنا مربييني على الادب والاخلاق والاحترام وسترة وخا طالقين لينا لعب لكن كلشي فحدود المنطق ودين …مغاتجيش نتا توريني شي حاجات انا عارفاهم را عندي ثلاثين عام ارياض وعايشة

وجايلة دنيا وعارفة اش كاين وهادشي راني مشيت ليه قبل منتزوج مرات مع دارنا ومرات بعرق كتافي …الى على احترامي ليك را غايجي من حبي ليك الى كنبغيك راني غانحتارمك سي نو راني غا دايراك باسم راجلي …ونتا وعقلك وشوف اش جاب ليك والي في فهامتك على قدك ..

رياض “يلاه غايهضر وهي تفوتو ومشات لماريو جبدات حوايجها حطاتهم وهزات اتخوس باش ترجع دوش تمات غاديا حتى وقفها من دراعها ” : الي غاديريه ديريه البيسين متعرميش فيه الا الى مكنت انا …ماشي حيث متايقش فيك ولا قلبت منك ولا يحساب ليك غانشك فيك …ولكن عومي قدامي حيث عارفة قصتي مع البيسين وغرق اختي ايمان وهي فسن ست سنوات فيه قدام عيني …وال…احم “تزير بزاف” والغيرة وانا راجل دمي حامي فهادشي …

مينة “غمضات عينيها تفكرات ختو صغيرة الي عاود ليها انها غرقات فيه وهي عندها ست سنوات قدام عينيه جا يعتقها مالقا ميعتق وفات الفوت هزها الما هي ولعبة ديالها الي كانت فايدها …دارت ايدها على جبهتها تا تم غادي وهي تجرو وتقابلت معاه شدات وجهو بين ايديها” : رياض انا عارفة غيرة وعارفة هادشي ميمكنش نديرها ماشي احترام ليك

وانما حيث كنبغيك مانبغيش نحطك فهاد الموقف كانك مكتسوى والو عندي …راني سولت قبل وعرفت ان كل جناح عندو خصوصيتو بحسب التصميم والهندسة عاطينو خصوصية ميمكن تاحد يشوف وعاد الي ختارينا غادي طل غاتلقاه جا فالقنت…

رياض : عريان ا مينة عرياان …

مينة : صافي غالبس شي حاجة مستورة …دوبياس راني اول مرة لبسهم فدارنا مبقيتش كلبسهم ملي بلغت حيدناهم لا انا لا ختي …كلبسو غير بوركيني (لباس السباحة م🦋🐺نور_الياسين(752)#فرصة_ثانيةsana mina🐺🦋

خشا ايديه فجياب شورط الي لابس هز راسو لسما ساط انفاس سخووونة من فمو ورجع شاف فيها …جرها عندو ضور ايديه ورا ضهرها وزاد لصقها معاه …باسها فشفايفها بوسة خفيفة …

رياض : شفتي اش وقع دابا …

مينة : اش ؟

رياض : درنا مشكيل بيناتنا وكنا غانتخاصمو …

مينة : وانا الى تخاصمت مكنراضاش بسهولة …

رياض : احياااااااني سوليني انا الي جربت …

مينة “تفكرت فاش تخاصمت معاه على ود فاش ضلمها فقضية مهدي …عضات لسانها بغنج ” : هههههه وراك عارف …

رياض : لا زين فهادشي دديال لغيرة وما جاورها وخا تغضبي ليا شهور منعقل عليك …تقادي معايا ازين وخليني نشوف غير انا ونتلمس غير انا تا راسك متلمسيهش …وخليني انا نحك ليك ونننن “هز ايدو وخبطها لترمة تا قفزت ”

مينة “شدات ترمتها كتحكها” : احححح حشومة عليك …مالك مالك …

رياض”حط ايدو على ايدها الي فوق ترمة وعبزها ليها ” : زين عندك هادشي اممم …

مينة : اش بغيتي دير ؟ خليني ندوش باش نخرجو …

رياض “باسها في فمها تا شلقمها ” : خلينا نديرو علاش وندوشو ونخرجو جميع ا بب …

مينة “خشا راسو كيبوس ليها فعنقها ويمصمص وهي كتقفز وضحك ” : ههننن ااااننن ههههه اححح عضيتيني ازمر …

رياض : شششش …”مصمص ليها العنق وهز عينيه شاف فيها وهو يدفعها جيهة ناموسية تا تهزو رجليها وطاحت الفوطة معرية على النهدين …ماكتر هضرة مانطق بحرف حيد حوايجو وهي كتشوفيه وميتة بضحك لان طريقة باش حطهم تيقول هيا الى الجهاد هههههه …طلع فوق منها هبط راسو اول حاجة دارها هي بدا بلسانو خرجو وطلعها بلحسة وحدة من صرتها دوز عليها تا تلوات وتاوهات وطلع من تم تاااااال لعند شفايفها حل فمو وخشا شفايفها فيه تباوسو ازيد من عشرة دقايق تا شهقات كتقلب عالنفس عاد هو نزل لصدرها مصمصو وحدة خشاها في فمو كيرضع فيها وتانية كيلعب فراسها بصباعو حتى

كتهز ليه تحت منو وكرشها كضرب كرشو والمعلم كتحس بيه قصاح وتهز اما هو سالا من صدر ورجع لعنق وطلع لفم تاناي وايدو نزلات لتحت كتشيت فيه وهي كتهتهت تحت منو قبل ماتجيبو حبس وحيد بوكسر هز ليها رجليها فوق كتافو وشاف فيها لقا وجهها حمرررر وعينيها تعسلو

رياض “حط راس نيشان وشاف فيها” : كلك حنينة وزوينة ورطبة كلشي فيك بغيتو ماخليتي ليا والو ابنت يوسف …

مينة : امممم هههههه …

رياض : ههههههههه نقضي نرحمك ازين ؟

مينة “عضات شنايفها مكمشة حجبانها وحشماااانة ” : كون تحشم اويلي ااااااا “تاهو معطلهاش طلعو شوي بشوي وهي كتعصر حيث يلاه غايوصلها المرة ثانية …مرة تكمش فليزار دالفراش مرة توحوح الي حتى وقف شحال تكا ايديه على ناموسية وقف مدة ورجع دار ايديه

تحت مؤخرتها وتبتهم وبقا يمشي ويجي مرة بشوي مرة يجهد وهي ترفعت الاحساس بالالم غادي وكينخافض ومرة يجي بلاصتو نشوة ومع كيزعزع فيها بالخبيط صوتها كيترعد …

مينة : ااا اااا اااا ايييي اممم …واااااواااااو صافي صاااافي ااااححححح …

رياض”تزير حيث قرب عينيه غمضهم حتى كمش حجبانو وهو يخبط خبطة وحدة وتكا فوق منها مكالي عليها بايديه كيتنفسو بزوج ويلهتو حتى فرغ فيها ورجع تكا يرتاح هو وياها جرات عليها الغطا تستر …

مينة : ففففف سخفت…

رياض “حط ايدو فوق كرشها وحركها ” : ماتنوضيش بلاتي نرتاح …

مينة : مالي غانديك تهز الحجر ؟ انا ندوش تاترتاح وتبعني …

رياض : لا ازين غانرتاح باش نرجع نعاود …

مينة “خنزرات فيه ” : اويلي باغي طيبني نيت بصح على هضرتك الي قلتي …

رياض”حل عينيه شاف فالسقف ” : وعلى الضحك فيه لعب ؟ …

ناضت بغات تهز من حداه بزربة ماعرفاتوش كيفاش ناض دغيا غفلها وجابها تحت منو مكالي عليها ونعس فوق منها …

مينة “روحها بغات تخرج هههه ” : واااعوووو غاتقتلني تگعد من فوقي اويلي ..

رياض : بلاااااتي ماشي دابا …

مينة : وراني طبت طبت ههههههه نوض

رياض : نطيبك انا انااااا …تهدني ولا نغتاصب مك …

مينة : مغتصب نوض تگعد …

يا حلف لا هو ناض من الي تعطاه الضو الاخضر وهو حالفها فيها وهاهو غايكفي ويوفي تا يكمل ويرتاح وخا عمرو مايشبع منها على قولته …ماتهنى تا وصل فين بغا ومزال العاطي يعطي غا بانت ليه عيات وتاهو طبعا را غايعيا حيث المازوط بغا سخوا وخبط وخبط را بسيف…

عاد ناضو بزوج دوشو وخرجو بدلو حوايجهم وتقادو وخرجو يدورو تما فا🦋🐺نور_الياسين(753)#فرصة_ثانيةsana mina🐺🦋

هكذا هي حياة الناس وهكذا هي الدنيا مرة ليك ومرة معاك ومرة عليك ومرة ضدك وهادي هي الوقت …دازت اكتر من #شهر ناس راها فشهر عسلها رجعات منو وباشراتحياتها الزوجية كي سمن والعسل لحد الان وناس مدهيا فشغالها وراهي خدامة وتجري وعلاقات تطورات وعلاقات زادت …ودنيا راها غاديا بالي عطا الله فيها من فرح قرح هم وغم والعاطي يعطي …

من بعد زيارة يوسف ويسرى ليها فهامبورغ …باقي يومين باش يرجعو فحالهم وترجع لروتينها ووحدتها وخا معاها الياس وسليمان رجع من تما …دق الباب وحلات يسرى عليها …

يسرى : ماما جيتي بكري …

نوار”جايا وجهها مزنگ جايا وتزرب ” : ففف عرفتي سخفت جيت كنزرب …

يسرى : مالك ؟ دخلي ترتاحي شربي الما بعدا …

يوسف”خرج من دوش كان كيتوضى ” : امالك ؟

نوار : المعهد الي غانبدا فيه طلبو مني شي وراق وخاصني نجيبهم من ازرو …

يوسف : انا نرسلهم ليك مالك على حالتك …

نوار : مع الاسف ميمكنش خاص نحضر انا باش نجيبهم …

سليمان”كان جالس تما حيث عاد دخل تاهو من برا ” : اخر اجل عندك على شحال ؟

نوار : من هنا لعشرة فشهر جاي …

سليمان : يعني نزال كتر من عشرين يوم …تقدري تقطعي سيري معاهم ورجعي …

يسرى : تا هذا نضر قضي غراضك ورجعي عادي…

نوار”بقلة حيلة ” : تااااني نرجع تما …..فففف”تلاحت حدا سليمان ”

يوسف : واتي شتك مابقيتي بغيتي تما بمرة ياكما ناوي تجلسي هنا بمرة …

نوار”هزات عينيها فيوسف ” : ولفت هنا “كمشت عينيها بطفولية …”

يوسف “هز ايدو زعما بغا يصرفقها” : الله يا مك تانصرفق مك …

يسرى”ضارت مخنزرة فيه ” : ويلي على تصرفق مها …ااويلي …

يوسف”قرب عنقها بجنب ” : اتنضحك …”ضار شاف فنوار” نوضي نخرجو نقطعو معانا ونرجعو …نمشي لجامع نيت غايكونو بداو صلاة…

نوار: نقطع غير من البيسي …

يوسف : نوووضي نخليك فلاجونص ندخل نصلي ونخرج عندك بغيت نخرجو انا وياك تاني …تگعدي …

يسرى : راكي لابسة نيت نوضي دي باشبورك وقضي مع باك …يلاه ماما …

نوار”ناضت وقفات مشات لبيتها وغيييييير سداتو وحطات صاك وهي ترجع مود الحزن على وجهها حاسة بدموعها على طرف عينيها …كتفكر غاترجع تاني تما وترجع لعذاب العذاب النفسي والعذاب الي مزال معرفاتوش شنو هو ومقدراتش تميزو وتاكد واش هو نيت ولا اش …هزات باسبورها من المجر وهزات صاكها وخرجات مشات هي وباها تالاجونص قطعات ولكن مع الاسف لقات بلاصة غاتكون لغذ ليه على طيارة باها ومها …ورجعات مشا يوسف خرج هو و الياس ويسرى بقات هي ونجوى فالدار اما نوار مشات هي وسليمان لاصال رجعو لرياضة كل واحد فيهم تا كملو عاد خرجو ..

سليمان”غاديين مشي فالطريق ” : مالك ؟

نوار”شافت فيه ورجعات شافت قدامها ودارت شبه ابتسامة ” : حسيتي بيا …

سليمان : اكيد نحس بيك ونعرف من ملامحك …وخا واليديك كاينين جيتي لهنا كتحسي بشي حاجة ماشي هي هاديك …

نوار : ماعرفتش …كنعرف غانرجع لهيه كيتزير عليا خاطري …كنحس براسي غادي نرجع نبكي ونتعذب …”وقفو ليها دموعها ” مابغيتش نرجع ولكن بزز مني …

سليمان”وقف وضار عندها ” : اجي نجلسو هنا …”حركات ليه راسها ومشاو فواحد الكرسي تما وجلسو بزوج …ربع ايديه وحط رجل على رجل …”

سليمان : شنو وقع ليك بالضبط …مالك ؟ ياك جيتي هنا ولقيتي راحتك هنا مشيتي تما ماقدرتيش تبقاي …كل هادشي الي قلت صحيح ياك …

نوار : اه كلو صحيح …

سليمان : علاش تما تحسي بالعذاب ؟ ياك كل مشا فجيه ياك نتي الي بغيتي هادشي علاش مزال كتحسي بالعذاب ومزال كتحسي بالحرقة فصدرك وقلبك …شنو سبابا هادشي ؟

نوار”حدرات راسها كتشوف فلارض عاضة شنايفها باش متبكيش لكن ما باليد حيلة مانقدروش نحبسو البكاء فلحضة الم وحرقة مانقدروش نحبسو شعور الحارق الي كنحسو بيه فاش كنفكرو بشنو كتفكر نوار فهاد اللحضة …” : عقلتي فاش قلت ليك تسامحت معاه ؟

سليمان : ايه عقلت …

نوار: تسالمت معاه من فوق قلبي …

سليمان : ماقدرتيش تنسايه ياك ؟

نوار”حركات راسها” : ماقدرتش نساه وعمري منساه …شفت وعشت يمكن جربت شي حاجات فمدة قليلة حلات عيني على فروق كتييييييرة …

سليمان : شنو لاحضتي …

نوار”هزات كتافها” : لاحضت وتفكرت وقارنت …حسن الي بغاني بغاني لزواج لكن معاملتو مازويناش انسان مشكاك …كل مرة غايبقى يسولني على ياسين وخا ميكونش مرتاحيتش ليه بغيت وعطيه فرصة لكن مكنقدرش كيوقف ياسين قدامي

ياسين مجرد مكنفكر فيه كنحس براحة وفاش كنعرف اننا مبقيناش ديال بعضياتنا كنمرض ونتعذب …”هزات فيه عينيها ” ياسين عمري منساه وعمري منلقا فحالو …سليمان …

سليمان : شنو ؟

نوار”عوجات راسها وهزات كتافها” : فرطت فياسين وانا كنعاني من العذاب وماشي اي عذاااب اسليمان “كمشات عينيها الي تزرزرو بالدموع ” عذااااب الندم ومن خيبو عذااااااااااااااااب اهى اهى اهى ….

سليمان : وشنو تبدل ؟ رجعي هضري معاه وشرحي ليه عالاقل الى قلتي هادشي حتى ولو فات الفوت خاطرك يتهنى كتحسي بالعذاب من بعد يخفاف ويصبح شي متعود عليه وتعايشي …

نوار”كتحرك راسها بالنفي ” : منهضرش وخا نهضر فات الفوت لاي حاجة حيث “رجع ليها الفلاش ديال ياسين مع صوفيا فاش مسح ليها الحنة والخاطر الي عطاها ” يقدر يكون شاف حياتو فجيهة اخرى …

سليمان : شكون قالها ليك ؟

نوار”هزات راسها لفوق كتنخصص مكتخرج الهضرة حتى كتبغي تسخف ” : ويااااااربي شح🦋🐺نور_الياسين(754)#فرصة_ثانيةsana mina🐺🦋

بقات تنخصص وتعاود وتنخصص تا بغات تهبل يمكن حاجة ايجابية فهاد اللحضة انها خرجات الي فقلبها واعتارفات بشي حاجة ولو تكون هي غالطة ولا هو الغالط مهم قالت اش كاين والي فقلبها اعتارفات بيه بصح واعتارفات انها من حب ياسين مالقاتش وانها فمرحلة عذاب لاختيار وقرار غلط قرراتو فلحضة ضعف منها وفي حالة غير طبيعية …سليمان اول مرة تبقى فيه

وخا هو بقات فيه من اول نهار مكانش كيبين ليها باش تعالج وتوقف على رجليها …لكن هاد المرة بين ليها انها بقات فيه والدليل انه محسش براسو حتى جرها وعنقها مخليها كتنخصص ليه فكتافو تا بغات تسخف عاد فرق العناق وبقا معاها تا تهدنات ما مشاوش لدار وانما مشاو لواحد المقهى خذا ليها عصير وجاب ليها مهدئ مشاو لدار …ودخلات شرباتو ونعسات بدون ماتهضر ولا تكلم …يومين وهي مكونة وهضرتها قليلة…

يسرى “لسليمان” : مالها ؟

سليمان : غير عيا وراك عارفة من كتبغي تمشي تما كتقلق …

يوسف “بقلة حيلة ” : وشنو نديرو معاها …

الياس : خليها فين لقات راحتها خليها …

يوسف “سرح ليه ايديه” : هاني مخليها اش غاندير “دوز على وجهو بتعب ” لا حول ولا قوة الا بالله حسكات ليا كبدتي والله الى حسكاتها…

يسرى”دايرة ايدها على حنكها” : غانمشيو دابا. ونخليوها هاكا ؟

سليمان : سيرو وهي غذا واصلة عليكم راها معايا انا والوليد الخالة …

يوسف”حك ليها فدراعها” : ماتشغليش بالك معاها عمها وسليمان ونجوى …

نجوى “خرجات من كوزينة ” : انا ندي ليها متاكل غير سيرو نتوما كونو هانيين راها بنتي ايسرى …

يسرى : لهلا يخطيك …وخا صافي …”تنهدات وناضت هزات صاكها توادعو معاهم ودخلو عندها سلمو عليها عاد خرجو ومشا معاهم الياس تالمطار توادع معاهم قلعات طيارتهم …

في مطار فاس سايس الدولي الغذ ليه استقبلها صهيب لان يوسف عاد وصل حيث هي طيارتها كانت ورا طيارتهم …

صهيب : عالسلامة النخشيشة …

نوار: الله يسلمك العميم …

صهيب : مالك ضعتي يا بنتي على اخر مرة مشيتي …

نوار : يمكن لاصال …

صهيب “كينفي بصبعو وكيشوف فطريق مركز فسياقة” : لواه لواه ضعف هذا ماااا ديال لاصال …الخاطر كيبان ليا مريض …

نوار “بابتسامة باهتة ” : باش عرفتيها…

صهيب : ورا باينة فوجهك راكي بنتي ماشي غا بنت يوسف راني مربيك ملي كنتي ميك غرام …

نوار”ضحكات” : ههههه “تكات راسها على كتفو ” ممالي والو انا عادية غير عيييت تما ملي مشيت وانا بين قرايا نهار كلو ولاصال وكنت كنقلب على سطاجات

صهيب : ابنتيييي راكي بغيتي تخشي راسك تنساي وتناساي …الله يفرج وصافي …

نوار”تنهدات” : ااامييين …

بمسافة طريق من فاس وصلو لازرو تحل الباب ديال الفيلا ودخلات هي وصهيب لقاتهم فاستقبالها كلشي سلمات عليه وعنقاتهم كانت العشرة ديال ليل تعشاو وطلعات تنعس وترتاح …حطات تيليفون عند راسها بقا يصوني يصوني يصوني بنمرة حسن ولا من جاوبو …

اصبحنا واصبح الملك لله …حلات عينيها على ايدين الحنانة يامنة مبتاسمة فوجهها كتفيق فيها …

نوار”بصوت باح ” : صباح الخير …

يامنة : صباح نور ابنتي …هبطي تفطري باش تمشي تقضي غراضك …

نوار”تفوهات ” : واخا انا نايضة …فين ماما. ؟

يامنة : مشات لعيادة عيطات ليها طبيبة الي معاها شي حاجة مستعجلة …مزال يلاه وصلات عيطات ليها …

نوار”ناضت من فراشها كتقاد فيه ” : لا را ملي كانت فهامبورغ وهي كتعيط ليها كانت غاتجلس كتر من هكاك غير دعقتها …

يامنة : اه ايوى صافي …يلاه دغيا نزلي …”حركات ليها راسها هاديك دخلات دوش تقضي روتينها ولاخرى خرجات …لبسات حوايجها مع كان شهر تسعود مزال حال سخون شوي …لبسات غير سورفيت صيفية خفيفة فالخضر وهزات صاكها وواحد ملف كيتسد فيه شي وراق وهزات تيليفون الي صونا ليها فايدها شافت سميتو ومجاوبتش ونزلات لتحت …

لقات باها جالس كيفطر اما دراري خرجو لخدمة ومنهم اشرف تاهو الي رجع يسطاجي لكن غايمشي يتقيد باش يكمل ليصونص بخوفيسيونيل فدومين الي بغا …

يوسف : مانمشيش معاك ؟

نوار”هزات كاس قهوة مخلطة شربات منو ” : لا لا انا نقضي راسي …عطيني كونطاكت طوموبيلتك …

يوسف”جبد كونطاكت طوموبيلة مينة ” : هاكي هادي خلاتها ليك مينة …

نوار “خرجات عينيها” : وااا خلاتها ليا ؟

يوسف : راجلها خذا ليها طوموبيل جديدة وبقات هادي خلاتها ليك قضي بيها وتحركي بيها …

نوار”قبطات من عندو ساروت ..وباستو فحنكو” : يحفضكم ليا …انا مشيت يلاه نلقا دنيا خاوية …

يوسف : ردي بالك …

نوار : كون هاني …عمو فؤاد ماجايش ؟

يوسف : غادي يجي غذا ان شاء الله …

نوار : ان شاء الله …يلاه باي ..”هزات ملفها وصاكها وخرجات مشات لطوموبيلة مينة القذيمة رونو كليو كحلة …حلاتها ودخلات وديمارتها وزادت خرجات من الفيلا غاديا فطريق حتى صونا ليها تاني …وجاوبات …

نوار : وي حسن …

حسن : انا وراك غير توص🦋🐺نور_الياسين(755)#فرصة_ثانيةsana mina🐺🦋

وقفات قدام المقاطعة وبلاصات السيارة خرجات من بعد ماهزات الملف وصاكها وتيليفون وهي تسد الباب وتكات على طوموبيل تا خرج هو من سيارة حيث وقف وراها …ووصل عليها فين واقفة …

حسن : عالسلامة …

نوار : الله يسلمك …”شافت فساعة ” هانتا ندخل ندفع شي وراق ونخرج عندك وخا مبغيتش نتعطل …

حسن : يلاه وخا انا نتسناك …

ضارت ومشات دخلات لداخل عطات وراقها وقضات مسائلها تما وخرجات لعندو لقاتو كيهضر فتيليفون بطاليانية مكشكش …وقفات وراه ضار شاف فيها وهو يكمل شوي وقطع تيليفون وضار عندها …

حسن : علاش مكتجاوبيش فتيليفون …

نوار : امتا ؟

حسن : بارح وليوم فصباح …

نوار”تاففات ” : بارح وصلت عيااانة تالعشرة ليل وليوم فصباح كان بابا منقدرش نحاوبك وانا حدا دار …وملي كنت بوحدي جاوبتك …

حسن : كون كان شي واحد اخور كون جاوبتيه دغيا وانا كتقولي ليا دار …هادشي علاش قلت ليك نخطبك مبغيتيش …عاجبك هادشي دابا ؟

نوار “زفرات بنفاذ صبر ” : حسن راني جيتك نيشان مابغيتش احسن مابغيتش حاليا حتى نكون مستعدة نفسيا ومعنويا …حتى نكون قادا بمسؤلية اخرى الي تخليني وخا نطيح فمشكيل نكون قدو …ياك هادشي الي بغيتي تسمع ؟ مابغيتش نتزوج بيك وانا كنفكر فلاخور …ماقدرتش احسن منكذبش عليك ماقدرتش ….

حسن : نوار …اا…

نوار”قاطعاتو ” : حسن حتى الهضرة فتيليفون بلا متبقى تهضر معايا فيها . …مكتعاونيش باش نتخطاه وتعوضني غير مزايد كتخلي المقارنة بيناتكم ….

رجعات لفيلا و دخلات بلاصات طموبيل لور جاب الله دنيا خاوية …كتجري من لور باش ميشوفها حد وطلعات لفوق ودخلات لبيتها سدات عليها ومشات غسلات وجهها وحنكها الي كانت شادة ومنخرها دايز بالدم …بقات حتى تنفسات ومشات هزات حبة مهدئ شرباتها خلات ليامنة

ميساج فيه بالي غاتنعس حيث عيات …حطات راسها فالفراش ونعساااااااات مفاقت الا على اذان العشاء …وغير يسرى الي فيقاتها …

يسرى : ماما “كتقلب ليها فجبهتها ” نوضي مال راسك سخون …

نوار : مماليش غير مع شربت دوا حيث حسيت براسي غانمرض وشربتو خفت لا تجيني كريز …

يسرى”صغرات عينيها ” : واش مضروبة حدا منخرك ؟ شنو هادشي ؟ ياكما جاتك كريز “شدات على قلبها عينيها خرجو بالخلعة ”

نوار”بنفي ” : لا لا ماما ماطحتش …

يسرى : وشنو هادشي اويلي اش وقع ليك شكون ضربك ؟

نوار : انا فاش كنت جايا بغيت نحل الباب وضربني بجهد مرديتش البال حيث ولفت باب طوموبيلة عمو الياس مع عالي وهادي قصير عليها نسيت وخبطت وجهي …

يسرى : منعرف …

نوار : ..احم يلاه انا ندخل نغسل وجهي ونهبط لجردة ….

هزات ليها راسها وناضت غسلات وجهها ويسرى خرجات هزات نوار تيليفونها طفاتو وخشات رجليها فبانطوفتها وهبطات لجردة كتمشى فيها … …

اما في البادية بالضبط فالفيرما ديال ياسين واقف مربع ايديه كيكمي فالگارو ويشوف فداك شجر شاعل ديجانكتور ديال ضو مجهد ساني فداك شجر ديال زيتون حيث بداو كيسوسو فيه الخدامة

فؤاد”وصل عليه لابس فوقية ووقف حداه شعل تاهو گارو ” : اسامة عاد وصل …

ياسين : شفتو …

فؤاد : رجع زير معاه متخليهش يترخف …

ياسين “ساط دخان مصحوب بتنهيدة ” : تهنى تهنى …

فؤاد “حط ايدو على كتف ولدو وداه وجابو بشوي ” : فين سرح بالك …

ياسين : فين ولا يسرح ديما …بين تفكير وتفكير الوليد …

فؤاد : رخفتي على راسك ولا مزال ؟

ياسين”حرك راسو” : كنرخف ومنرخف حتى نتهنى …بالي مشغول بزاااف …من داك نهار فاش هضرنا وانا فدوامة تفكير …تسنيت حتى ترتاح الخواطر من اخر مرة …وتاكدت

فؤاد : شنو تاكيد لول ؟

ياسين : تاكدت ان مكاين والو …عاد نويت نتحرك …

فؤاد : فين وصلتي وشنو كيدور فبالك اولدي …هني بالك الله يرضي عليك راك كتعذب فراسك بزايد …ليلك نهار ونهارك ليل ولنعاس فقير(مابقاش كينعس بزاف )

ياسين “شاف قدامو وشاف فالخدامة وداك زيتون …” : خاطري ديما عامر الوليد …جربت وشفت وعشت وعطيت وقت …جربت نتعايش عادي وحدي …جربت نعيش عادي والروح قدامي جربت نتعايش بلا روح ماقدرتش …ماقدرتش الوليد ماقدرتش ومغانقدرش …خليني نجرب الخطوة لولة الي قلت ليك ونجرب البدية الواعرة وانا وزهري …

فؤاد : وضح ليا وعطيني المفيد من هضرتك وشرح المغزى …

ياسين : الي فالقلب راه فالقلب وعمرو يحيد ولا يتبدل…الي خاطرو مريض ربي يجبرو خاطرنا مرض بجوج الوليد ضاعو منا الكبدات وربي يجبرنا…”هز ايديه دوز على شعرو ” حاس براسي باغي نرجع وهذا جهد…جاب ليا ربي فرص ثانية فسيفة غيرها ماقدرتش وبغيت نخطوي لفرصة ثانية معاها هي ،،كانت حبيب وولات بمشيتها لبلاد بعيدة برانية ورجعات لبرانية نفسها استوطنات كل اوطاني …

فؤاد : كل اوطانك يعني ملكاتك بكل ما فيك خلي عليك القلب الي تملك من لول …

ياسين : ملكاتني من لول وزادت ملكاتني كلي …”هز فيه عينيه اول مرة يشوف فيهم فؤاد واحد لمعة ديال دمعة محجرة فيهم …وقال بصوت دااافي وحنيييين” يمكن هذا لوقت فين نشوف مرجوعي لمرتي …ومرجوعي لحنانة ولادي …شهلة قلبي …

‎~~~~~خلي الي يقول يقول الحقيقة جواتي والي هدرو

‎ماشافو ماعاشو حياتي رافد جبال محان صاحبي ونبان لك فرحان المضاهر هادي خداعة …

‎مشافوهاش هادي ماشافوهاش الديبار🦋🐺نور_الياسين(756)#فرصة_ثانيةsana mina🐺🦋

شبيه الروح ذلك ألذي يفهمك دون أن تتكلم

لا يتركك وحدك مهما كانت الصعاب تجده حاضراً دون أن تطلب فلا يأتيك كلما أحب بل معك دائماً تلتقي به مرة واحدة بالعمر فلا يغادر قلبك وان ابتعد

وتبقى ذكراه عالقة بالقلب والروح

ولن يتكرر ابدا🌝🌼

‏Jamila el fatouaki

كيف كل صباح في اليوم الي مكيكونش خدام فيه كيخصص وقتو لاراضيه واملاكو وطبعا الفياق بكري عندو بالدرجة لولة …هاد النهار استثنائي لان عندو الخدمة فعلا لكن اضطر انه ميمشيش وعطا تعليمات من بعيد واجل شي مواعيد للاسبوع المقبل …كيف حل عينيه مع الفجر كياذن توضى وصلاه ومشا لبيت لاخور لبس تيشرت وشورط ونزل لتحت بصندالة صبع تال عند الباب لقا البوط ديال لميكا لبسو ومشا

ياسين”دخل على نعيمة عاد دخلات كتعجن وتوجد ليهم لدار لماكلة ولخدامة الي برا ..” : صباح الخير …

نعيمة : صباح الخير اولدي …اتاي ياك …

ياسين”هز ايدو ” : لا لا غير بقاي انا نديرو راسي داير بحساب بَّا معايا …غير كملي نتي..

نعيمة : وااخا ولدي …

هز الما طايب وعمر براد اتاي وشحرو فوق البوطة عاد زاد سكار ودار براد اخور بلا سكار لجدو وجدو فالصينية بكيسانو …

ياسين : الفطور بلاش غادي نفطر مع الخدامة …فطري نتي متنسايش راسك تاني كيف ديما هاني وصيتك …

نعيمة : ايوى صافي …لا ولدي كون هاني غايهبط اسامة ونفطر معاه …

ياسين : شوي وينزل حيث طالع لمراكش يقضي شي غراض تما …

نعيمة : واه ولدي قالها ليا …

ياسين”حرك ليها راسو وخرج من الكوزينة هاز صينية فايديه حيد البوط ودخل حطها فالصالة الي فيها بلازما فين كيتفرجو وكب ليه كاس ديالو شرب لول وثاني هز الكاس بدا بيه سيجارة خرج لعند الباب ودخنها…تا كمل كاسو عاد دخلو حطو وخرج مشا نيشان عند الخدامة بعد نيت تا دخل بين شجر زيتون حتى وقف عليهم …

ياسين”حنحن” : الشرفة صباح الخير …

عياد”كان ضاير كيحسب صنادق زيتون تا ضار عندو” : وصباح الخير الفحم …

ياسين : فين وصلتو ؟

عياد”ضار يشوف بقية صنادق ” : وصنادق طلعو لمعصرة يامس (البارح) كي شتي سبقناهم وو سبع قناطر ديال سي مسرار راهم دفعو دابا يبان ضو مزيان ويطلعهم عبدو ليه لمعصرة ديالو …

ياسين : عشرة القناطر ديال الحاجة العالية الي جا ولدها ولبارح ؟

عياد “هز ليه راسو زعما وايلي مشااااو ” : والبارح قبل متجي مع العصر دفعناهم ليها المعصرة والفلوس اليوم مع العشرة صباح يجيبهم ولدها …

ياسين”دار ايديه فجيابو ومشا جيهة صنادق كيقلب فيهم …بان ليه صندوق محطوط معزول وحدو فيه زيتون كحل ..قلبو تا قلبو مزيان ” : هذا مالو وحدو ؟

عياد : هذا بقا من ديك شجرة عزلناه وخليناه لا بغيتي تديه لدار …

ياسين”قلبو بايديه وتفكر شي حاجة فراسو وشاف فيه ” : عزلتو ليكم نتوما لدار ؟

عياد : واه عزلنا كل واحد دا صندوق يكثر خسرك الفحم خيرك سابق …

ياسين “حرك راسو ” : بالصحة بالصحة …”تحنى هز داك الصندوق عامر بزيتون كحل …وتم غادي بيه دخلو لدار وحطو ساس ايديه ومشا عند نعيمة طل عليها لقاها كتطيب فالفطور ليها ولاسامة ومخليا الخبز يخمر وخدامة كترجد فالربيع على حساب الغذا ليهم ”

ياسين : الخالة واحد صندوق زيتو كحل تما وجديه …

نعيمة : نملحو صافي ياك ؟ لدار هنا ، ؟

ياسين : لا ماشي غير الملحة …

نعيمة : نشرملو من بعد ؟

ياسين”حرك راسو ب اه ” …

نعيمة : مكيعجبكش مشرمل اولدي واشامة معندو معاه وجدك ميدوز جيهتو …

ياسين : هذا غانديه من بعد …ولاخور واجد ؟

نعيمة : هذاك ملح لا بغيتي نشرملو بالربيع وتومة وتبزيرتو نديرها ولدي …غا هو جاني عجب …

ياسين : لا غانديه معايا …ماشي ليا …

نعيمة : لدار ازرو ؟

ياسين”قالها بصوت حنييييين تقولي قلبو الي نطق وقالها مع تنهيدة” : ليها ليييها الي كيعجبها وتعجبني هي …”حنحن” ماعلينا وجديه هاد نهار فشي طاسة كبيرة نديه …

قالها ليها وخلاها ضارت مسولت محكرت صافي دير داكشي الي قا🦋🐺نور_الياسين(757)#فرصة_ثانيةsana mina🐺🦋

تحت الرشاشة كانت واقفة ولما سخون نازل على شعرها مع كشاكش شامبوان وفنفس الوقت كتمشط فيه وتعاود حتى غسلاتو مزيان عاد دارت باندوش وتشللات وهي تخرج لبسات بينوارها ودارت فوطة على شعرها وخرجات من دوش وجهها مزنگ ويقطر بالما وتكحب وتعاود …حتى مشات لمجر جبدات كريمات ديالها ذهنات جسمها وايديها ودارت سيروم لشعرها خلاتو فيه ولوات عليه فوطة ثاني عاد مشات لماريو جبدات سروال سليم رجليه قصار شوي حد الكعبة وتريكو قطن طويل ودوبياس كحلين …لبساتهم ولبسات حوايجها

مشطات شعرها وخلاتو مطلوق ينشف راسو عاد مشات لكوافوز ذهنات ايكخون طخونسباغون لوجهها ورطبات شفايفها فقط هادشي مدارتش اي نقطة ميكاب رشات بارفان كان قدامها ديال فاني مانتابهاتش ليه را هو الي كان جاب ليها ياسين بلا متشعر رشاتو عليها دارت ساعتها وضارت هزات وراقها دارتهم فصاح طويل دارتو فجنب عاد جلسات لبسات تقاشر وسبرديلا بسوميلا على حسب رجلها …وهي ضور بغات تهز تيليفونها حتى صونا …هزاتو وهي تلمح اسم MINA …

نوار”جاوبات بفرحة ” : مييينة حبيبتي ختي توحشتك …

مينة : عليها سولتي فيا وقلتي وجدي راسك غانجي عندك …

نوار : لفاس !!! علاه نتي جيتي لفاس ؟

مينة : والى بغيتي نكون فازرو دابا نكون منعطلكش …

نوار”حلات فمها” : وووو فازرو ياك ؟

مينة : الى بغيتي …

ماتسنانتش تا تهضر دغيا قطعات عليها ونزلات كتزرب وتزرب تا هبطات لقاتهم جالسين فالصالون وحاطين صواني داتاي وحلويات قدامو وطبسيل كبييير دالفاكية …جالسة نجود

متوسطة الجلسة وحداها يامنة وبجنبها لاخور سارة الي عاد دخلات حطات طبسيل حلوى اخور وجالسة كل من مينة وماجدة عگوزتها ام رياض ويسرى هادو الي كاينين …

نوار “وقفات عند الباب حيدات سبرديلتها كتضحك وتشوف فختها الي مشافتها ملي توادعو فالعرس …دخلات ووقفات مينة مدات ليها ايديها تا جات عندها تلاحت عليها بتعنييييييييقة ديال الغدايد مبقاتش بغات طلقها”: ميييينة ..”قالتها بصوت حزين مغنغن موحش بزاف ومضيووووووم ”

مينة : حبيبتي ختيتة دياليييي انا ..”كدوز ليها على ضهرها” على سلامتك …

نوار : توحشتك بزاااااف “كمشت عينيها مبغاتش تبكي ”

مينة : وانا اكثر …

نوار”فاصلت العناق وشافت فيها” : عاد جيتي ؟”ضارت شافت ماحدة مسحات عينيها ومشات سلمات عليها ..عاد رجعات دارت ليها مينة بلاصة حداها …” صباح الخير “قالتها لي مالين دار …

مينة : جيت البارح بالليل وجيت دابا نبقى معاكم تالعشية ونرجع …

نوار “عوجات راسها” : كون غير بقيتي حتى نمشي …

مينة : علاش امتا راجعة ؟

نوار : عشر ايلم ونرجع بينما كملت وراق وطيارة عندي من بعد عشر ايام اصلا …

مينة : نرجع ليوم نشوف رياض ونرجع خالتي ونشوف الى نرجع غذا …

نوار : اديري خير عااافاك توحشتك …

يامنة “مدات ليها كاس اتاي ” : هاكي بنتي اتاي وفطري ليك …

نوار : ناكل غير شوي غاديا لمقاطعة وشوي وغايوصل عليا عمي صهيب باش نطلع تال فاس عندي رونديفو فالترجمة وغايديني هو …

يامنة : ايوى صافي …شفتي عمك فؤاد ؟

نوار : شفتو البارح فاش جا …كاين دابا ؟

يسرى : فالجردة مع رياض وباك …

نوار “حركات راسها” : واخا انا نخليكم دابا نسلم عليهم ونمشي …

مينة : متعطليش عشية غانمشي بكري …

نوار”ناضت كتسد سيور سبرديلتها” : ياك غاتجي من بعد تبقاي معايا الى مشفتكش انشوفك غذا”مدات ليها بوسة فالهواء ومشات كتزرب قبل متسولها مها على منخرها وحنكها كي بقاو باش متسولش حتى مينة …

خرجات لجردة وضارت لقاتهم جالسين بعيد فالجليسة الي تما مقابلة مع المسبح وفؤاد جالس كيكمي فالگارو …حتى وقفات عليهم سلمات على رياض وفؤاد وباها …

فؤاد : كملتي وراقك ؟

نوار : مزال شي وراق غانجيبهم من مقاطعة …

فؤاد”طفا الگارو فطفاية وناض كيسوس ايديه” : نمشي معاك …

نوار”بفرحة وامان ابتاسمات” : بصح ؟

فؤاد : كاينين ولادي وكاينين بناتي نوار ومينة …

لقا سلام على الجالسين وعنقها بجنب مبتاسمة وفرحانة معاها اكبر نقطة ومركز الامان هو فؤاد سيري بعينيك مغمضين مكاين الي يوصلك ولا يقرب ليك …ركبات حداه فطوموبيل وانطالق بيها وفطريقهم نطق بسؤالو ليها ….

فؤاد : خبار الخاطر ؟

نوار”ضارت عندو متفاجئة ورجعات حدرات راسها كتشوف فلتحت مشابكة صبعان ايديها كتلعب فيهم بتوتر ” : مزيان كنعدي وصافي …

فؤاد : ولفتي تما ولا لقيتي راحتك تما ؟

نوار”طايح عليها ضيم ” : بجوج اعمي بجووووج …كنتسنى امتا نرجع …”دوزات خصلة من شعرها كانت فحنكها رجعاتها لور ..وحنحنات قبل متنطق ” نقدر نعجل رجعة ؟ بغيت نقرب موعد طيارة …

فؤاد : لهاد درجة ساخية بزاف ؟

نوار “غرغرو عينيها وقلبها معصوووور ” : ما م ما ماا قدرتش نبقا احم “كتحبس فالبكية ” …مانقدرش والله منقدر …خاطري كيمرض هنا …

فؤاد دور وجهو لهيه حسكات ليه خاطر🦋🐺نور_الياسين(758)#فرصة_ثانيةsana mina🐺🦋

فؤاد”دور وجهو لهيه حسكات ليه خاطرو وشحاااال عزات عليه فهاد لحضة ” : الي يداوي ليك خاطرك عطيه الوقت وزمان وخلي ليه لايام وسمعي منو الكلام وعطيه خو الكلام (زعما تحاوري ) وصفي الخاطر تحيد الغمة ويبان ضو فطريقك ويرتاح خاطرك …

نوار : مافهمتش وماعرفتش كيفاش …

فؤاد : عطي لراسك صبر ورخفي على راسك نفس ابنتي …شوفي دنيا ديالك بالزينة (الايجابية ) وحلي عينيك على الي حداك وضايرين بيك …زيدي خطوة برجليك تانتي ومتسنايش الخطوة تحرك راسها لقدام …عطي لراسك فرصة …

نوار “مسحات عينيها بطرف كمايمها” : معامن فرصة …

فؤاد”بلاصا سيارة قدام المقاطعة وضار عندها ” : الفرصة ماشي بضرورة معامن ابنتي الفرصة هي نعطيها نزيد براسي لقدام ونجرب …تحكيت وجربت وعشت وضريت فالخاطر وقاسيت وعانيت وتعذبت …شفت وتشوفت من العذاب والهم والغم …”خرج عينيه بتاكيد” هذا هو الحد …

نوار”حركات راسها” : بصح عندك صح هذا هو الحد …

فؤاد : تمعني هضرتي وفكري فيها ونهار يوصل الوقت غاتعرفيها وتكوني درستيها …”شد ليها كتافها وشاف فيها مزيان مصغر عينيه ” وجهك مالو نوار ؟

نوار”خرجات عينيها بصدمة ” : هااا “تفافات ” مامالوش علاش ؟

فؤاد : نوااااار !!!

نوار “بدات تفتف وناااااري وتفتفي قدام فؤاد غاااا بلزي لكن هي مابلزاتش اضطرات تقول ” : م ما داك نهار …

فؤاد : كملي …

نوار : ط طحت ب بكريز و ضربت حن نكي حنكي …احم …

فؤاد : وعلاش كذبتي ؟

نوار”حدرات راسها” : خفت متخليونيش نركب فطوموبيل تاني …ممم .

فؤاد : مغاديش نخليوك تركبي فيها حيث كذبتي …الكدوب منبغيه منقبل فيه ولو ذرة ….دواك مشربتيهش ؟

نوار : كنشربو عمري قطعتو …

فؤاد : دواك …”قاطعهم صوت رنة الهاتف الي مبرونشي بسيارة نيشان وتجاوب اوطوماتيكمون بصوته الي زعزع ليها قلبها تا ضرب بجهد …”

ياسين : الوليد …

فؤاد : البكر ديالي …

ياسين : وصلتي ماخليتي ميساج ما عطيتيني خبارك ؟

فؤاد : تسال الحق وكبيييير تجي ونخلصو …

ياسين : نجي نجي جاي …

نوار”بغات تخرج وهو يحبسها بعينيه وهي تركن

فؤاد : مخدمتيش ليوم ؟

ياسين : قضيت بكري واجلت شي مواعيد الخدمة وساليت لخدامة زيتون وناس بغاو زيتهم وقناطرهم …

فؤاد : وجد شي قناطر لدار السليماني ولدي …

نوار”كتسمع سليماني كتمشي بالها لصوفيا كتقفز وتقرص ”

ياسين : تعامل معاهم نتا قناطرهم موجودين الخير موجود …

فؤاد : هضر مع الحاج بلغو وخليني مني ليه ياك تواصلتي معاه ؟

ياسين : مزال غير بنتو الي بلغاتني البارح بالي حسابها تاكد راك عارف المشكيل الي وقع ليهم فالبنك …

نوار”حنحنات بلهلا يطريه ليها وهي تغمض عينيها فلتت ليها التحنحينة حيث اصلا ضاربها البرد وكتكحب بجهد ”

ياسين “ربع حاجبو ” : نوار حداك ؟

فؤاد : حدايا …

ياسين : كتسمع ؟

فؤاد : هضر هضر …

ياسين “حنحن ” : كاند..”غمض عينيه” نوار ..

نوار”نطقات بتردد وصوتها سخفان ” : ياسييين …لباس عليك ؟

ياسين : امورك مزيانة صحتك ؟

نوار : الحمد لله …

ياسين”بصوت حنين” : انا مزيااان …علاش صوتك ضعيف ؟ ضاربك البرد ؟

نوار : هممم اه يمكن هههه …

ياسين : مزال هنا (فالمغريب زعما) ؟

نوار : مزال ليا شي عشر ايام ونمشي …

ياسين”دوز على لحيتو وحك صدرو وتنهد بدون متسمع تنهيدتو…فؤاد فهاد اللحضة خرج من طوموبيل وخلاهم يهضرو ” : لا كتاب نقدر نجي تما ان شاء الله …

نوار”ابتاسمات بجنب ابتسامة باهتة ” : ان شاء الله …خفت منتشاوفوش

ياسين : الى كتاب نتشاوفو نتشاوفو …

نوار : احم واش زيتون وصل وقتو ؟

ياسين : يلاه بدا وقتو …

نوار : زيتون كحل مزال ؟ دابا بغيت نديه معايا …

ياسين : مزال وقتو غير شي شجرات سبقو بكري حيدناه منهم مزال ليه يتملح …الي قبل وجدتو لدار سليماني “مبغاش يقوليها را وجد ليها داك الكحل الي كيعجبها ”

نوار “تزير صوتها” : امم …”صرطتها بزز وهو حس بيها من صوتها تا رفع حاجبو وحط ايدو على قلبو ” …خسارة ماعليش مرة اخرى ..

ياسين : لمرات كلهم ليك

نوار : هااا ؟

ياسين : ماتحكريش الى جيت نشوفك ان شاء الله وزيتون الي بغيتي نوجدو ليك ونرسلو ليك تال تما …بقاي على خاطرك …

نوار: شكرا لهلا يخطيك …

ياسين : تهلاي ليا فراسك بزاف وصحتك وردي البال من صوتك معجبنيش شربي دوا باش متمرضيش وردي لبال لباسك على البرد وفوتي عليك الكليما الي كتجهدي قاعدة فيك مبغاتش تحيد …

نوار”تفاصيلها منساهمش ” : ههههه واخا واخا كون هاني …

قطعو تيليفون وصار يا🦋🐺نور_الياسين(759)#فرصة_ثانيةsana mina🐺🦋

دخلو المقاطعة معاها فؤاد بمعرفتو دغيا سرباوهم وعطاوها وراقها جمعاتهم …رجعو لطوموبيل وهي جالسة حس بيها فؤاد شي شوي مرتاحة وما مرتاحة مرة تبتاسم راسها مرة ترجع تغوبش ويطيح عليها ضيم …حتى نطق بصوته وهي ضور …

فؤاد : الكريز الي وقعات ليك خاص يبقى يمشي ويجي معاك شي حد غير هادشي نوار نبغي صراحة هاد الهضرة درت ليك خاطرك ومزال كنتسنى منك تقولي ليا شنو كاين …كوني هانية وماكدة الى فات تا عرفت را ماشي كريز حسابي معاك نتي وعارفة الى تقلقت منك اش كيوقع …

نوار: عارفة عارفة عمي فؤاد …

فؤاد : نتمنى …زاد كسيرا فطريق تا وصلو لفيلا دخل ومع دخل لقا صهيب كيتسنى فيها غير نزلات مشات هزات بقية الوراق الي محتاجة ثاني وجلسات تا كلات شوي وهضرات مع مينة عاد نزل صهيب عاد مدوش عيط ليها وخرجو مشاو بزوج لفاس وصلات لطرجمة حطات وراقها وعطاوها اجل لعشر ايام يلاه يوجدو …

نوار : واااو عطلتوهم …

البنت : الوراق كتار وترجمة عندنا غير زوج ناس الي كيترجمو الالمانية يعني يلاه يلاه مع كاينين وراق اخرين …

نوار “بقلة حيلة ” : بفففف…

صهيب : هي هاديك مع يوجدو غاتمشي نيشان هزيهم وطلعي لمطار …

نوار : صااافي …

خلات ليهم الملف من بعد ما خلصات وهبطو ركبو وانطالقو نييييييشان لازرو مسافة طريق حتى كانو تما …لقاو مينة باقا بقات معاهم حتى تعشات جا اشرف والحبيب …وراوية ومعاها صفية الي فرحانة حيث الغذ ليه عندها موعد باش تشوف واش ممكن تشوف جنس الجنين …بقاو تتعشاو وسهرو شوي ورجعات راوية وصفية الفيلا ومينة طلعات لفاس هي ورياض وماجدة …بقات نوار جالسة فجردة صونا تيليفونها بنمرة غريبة وهي طفيه …بقات متكية جا اشرف هضر معاها الحبيب نشطو معاها شوي وكل طلع ينعس حيث عياو شي بالخدمة شي بتوجاد وراق لقراية ثاني ولقات هي وحدها …حتى عيات وطلعات لبيتها ونعسات …صبح يوم جديد معندها فيه والو فقط فاقت كيف عادتها دارت روتينها صباحي ولبسات بيجامة خفيفة كولون بلومارين وتيشرت فنفس لون عندو بينوار لكن ملبساتوش حيث حسات بصهد ماقدراتش الكليما مشعلتهاش وشربات دوا لكن كحبة بقات فيها محيداتش وراسها مزير بالكحبة …نزلات لتحت لقاتهم فطرو طلات على ساعتها كانت تسعود شي فطر وشي باقي مفاق …

نوار : خالتي كريمة فين ماما وخالاتي ؟

كريمة : رااهم يامنة فصالون مع عمك فؤاد رميمتك خرجات مع باك شوي وتجي مشاو يتقداو شي حاجة دغيا باش تجي تجلس معاك …وسارة مع صهيب لفوق فطرو وطلعو ومروان مشا مع رميساء لفاس هو وعلي يذورو قبل ميمشيو راكي عارفة باقين تما نيت …

نوار : واخا انا نمشي عند خالتو يامنة …

حركات ليها راسها ومشات لعندهم صالون يلاه غادخل وهي تسمع يامنة …

يامنة : را بغاني نخطب ليه قاليك صافي وصل الوقت …

فؤاد : صافي عزم ونوا ؟

يامنة “تنهدات ” : صااافي نوا …ضرني خاطري عليه مسكين مكانش عندو زهر …

فؤاد : وهادي نية زينة شحال قدو يصبر ؟

يامنة : عندك الحق …ايوى را خاصني نهضر مع الحاجة زبيدة ام البنات صوفيا وهاجر باش تقولها لحاج …

فؤاد : بهضر مع الحاج را كيهضر معاه ونهضرو معاه يشوفو نهار الي مسالين ماعلينا غانتكلو عالله …

يامنة : وحتى يجي ياسين بعدا…

حطات ايدها على قلبها كتقلب عالنفس وتقلب مالقات وراها فحال شي وحدة تقطع عليها الاكسجين وعينيها تغممو بدموع ومع الكحبة وصدرها عامر تخنقات والعافية فقلبها وصدرها را طغات وحسات بذاتها تحرقااااات وشنو احساسها فهاد اللحضة بالذات غييييير الموت كتحسك فيها وفات الفوت مبقا ميتقال وهذا الجهد يارب العبااااد …دارت ايدها على الحايط تكااات بززز باش قدرات مشات لور وخرجات وفجردة بعدات ووقفات وطلقات لعنان لدمووووعها واكبر شهقة شهقاااااااات …

نوار : …ببببب بببببي اهى اهى اهى ….صاااااافي ياااربي صاااافي مشاااااا ليا مشاااااا اهى اهى وشحال قدو يصبر شحاااااااال”هزات راسها لسما وشهقات”هييييييييييييييييييه …هييييييييييييه…واااااااااالاااااااااا امممممم …حدرات راسها تاني ودموعها كيطيحو فلارض …وحنات ايديها بقلة حيلة وجهد …حتى حسات بواحد ليييد نااازلة مع دراااعها وصباعها كينزلو يدغدغو فيها حتى فرقو كفها وتخشاو بين صباعها شابكهم وزيييير على ايدها مزيان …

نوار”هزات عينيها وشافت فيه تاقفزات ”

ياسين : كتر لغا وقوات البلابلا وكترة دراما وعينيك طابو وقلبك مرض

نوار : ياسين اهى اهى …خاطري مرض ليا ..بزاااااف بزاااف …

ياسين : مرض ومرضني معاه الي كتحسي بيه كنحس بيه بدوبل …

نوار “حدرات راسها كتنخصص مسكينة وخاطرها ولا فيه العذااااب …كتسمع تنخصيصة مع تنهيدة وشهقة …نطقات بصوت ممسموعش كيتسمع غير انين وصوتها مبحوح ليها ” : مابقاش عندي الحق نحاسبك ولا نغير عليك الي درتها معندي فيها حق ….

ياسين : نوار تهدني الله يرضي عليك حني على خاطرك باش تحني على خاطري معاك …

نوار”سكتات كتسمع غير شهقة تنخصيصة …مسحات دموعها بطرف تيشرت ديالها..”

ياسين “هز ايدها فرقها تا باس كفها وطول فالبوسة ” : يلاه معايا نهضرو نفكو العقدة …هذا جهد الله يرضي عليك حني فقلبي بخاطرك الي مرض ليا معاك …را غيير نتي الي كاينة …ومعمر بنت المراة تجي بلاصتك وتعمر ليا هاد ليسر الي ضرب وزاد ضرب ثاني بيك وليك …

#تصبحن_عل‏🦋🐺نور_الياسين(760)#فرصة_ثانيةsana mina🐺🦋

اتظنى بأني إميل لغيرك ؟؟

فكيف وقلبي باسمك مكتوب…

انا ما شربت الحب إلا مره….

وكل النساء من بعدك..كالماء المسكوب….

#ياسين_نوار

#نور_الياسين

Samsouma♥️

في الفوطويات ديال جردة الي مقابلين مع المسبح جليسة الي كنعرفو دايريها تما كبيرة مخشية فضليلة مبني عليها سواري من جناب ممكن تغطيها بالباش اوطوماتيك وممكن تعريها …جالسة فوق الفوطوي حادرة راسها كتسحت بمنخرها وتنخصيصة مزال فيها كتزاورها …

ايديها حادراهم وكتلعب بصباعها بتوتر ورجليها كتهزهزهم وتفكر عينيها فنقطة فالارض مرة مرة كتهز ايدها تمسح دميعاتها الي كيخونوها …حتى تم جاي فايدو بلاطو فيه قرعة الما وكيسان وباكية دوليبران …حطها فوق طابلة

وجلس حيد لكاسكيط من على راسو رجع شعرو لور وتقابل معاها هز كاس دار فيه دوليبران وخوا فيه الما وكحزو ليها كيتشتش…

ياسين “شاف فيها ” : نوار …

نوار “نطقات على وضعيتها تا تهزو كتافها بقولها” : اممم …

ياسين : شوية ؟

نوار”حركات راسها ولكن ديك تنخصيصة كتزاورها ” : ش شوية …

ياسين”رجعت بيه الذاكرة لقبل قليل فاش كان عاد وصل ودخل من الباب الي لور تا قشعها كتسمع فالصالون كان تاهو قريب حضا ملامح وجهها وركز على صوت الهضرة المنبعثة من صالون فرز غير هضرة فؤاد حيث كان صوته مجهد شوي …راقب حركاتها تا بانت ليه كتزرب ووجهها مزير مجيف رجع بلور فواحد دخيلة تا مشات خرجات …رجع من تفكيرو من شافها هزات كاس شرباتو كامل ” : براكة على عينيك وصحتك …

نوار : بصح براكة …

ياسين : بغيتي تمرضي ؟ سمعتي صدرك وصوت الي كيدير ؟

نوار”كتسمع تشحريجة ديال صذرها عامر بالبرد ” : غادي نشرب سيرو ويفوتني الحال شوي …

ياسين : ان شاء الله …”تگعد مسرح صباعو وملاقيهم مع بعضياتهم كيشوف فيها حادرة راسها ومقدراتش تهزو ” : نوار …

نوار : نعاااام “بصوت مغنغن ”

ياسين : بصح براكة عليك من البكا براكة عليك من الغبينة والمرض …عند بالك انا ساكت مكنحس بوالو ؟

نوار : شي مرات كنقول براكة شي مرات كصبر شي مرات مكنبقاش قادرة نتحمل …ملي كنجي هنا وانا طايح عليا ضيم وقلبي كيضرني “نزلو دموعها دغيا ” كنقول نضحك ونحاول نسا ووالو …شحال من مرة كندير براسي راني ميتة بضحك وفرحانة وانا لااااا …

ياسين”حرك ليها راسو بمعنى فهمتك ” : ونتي لداخل ربي الي عالم بيه عافية شاعلة ومعصورة مانتي من المغبونين مانتي من المرتاحين فخاطرهم …حتى تقولي ضحك والفرحة على بابها تزورني وترجعي من لول وجديد …

نوار”حركات راسها” : فحال كيف قلتي …

ياسين : نكون انا سباب ؟ “حط ايدو على صدرو” منكرش انا سباب …

نوار”هزات كتافها وشافت فيه عينيها مجغمين بالدم ديال لبكا ” : ونكون انا سباب حتى انا عاطيا لراسي لحق ويمكن نكون انا سباب الكبير …

ياسين”كيسمع لهضرتها الي مانقولش تبدلات وانما ولاو فيها اضافات ايجابية …” : مايمكن للحوار بيناتنا الى زاد غايكون عندنا طعم لهضرتنا وتنغميني ونغمك ؟

نوار”ابتاسمات بجنب ” : يمكن …

ياسين “شاف فيوسف عاد داخل بسيارتو هو ويسرى ووقفو ” : لهضرتنا مدة طوييييلة رتاحي دابا ونهضرو من بعد عندنا كلام طويل ونفكو لعقدة خصلة بخصلة … ماتنسايش راك نتي الي كاينة عندي ومانبدلك بغيرك من النسا ولا يغيرك عليا شي حد …

نوار”حركات ليه راسها حشمات من هضرته وكلامو ليها المعسول كيييف ماكان …فلتت ليها ابتسامة لكن سرعان ما جمعتها باش متبينش …سمعت صوت باها كيعيط وجاي ووقفات هي وياسين” : بابا …

يوسف”جاي ويخطوي فوق الگازون وتابعاه يسرى كاتهضر فتيليفون ” : ا نخشيشة نتي هنا “شاف فياسين ” اه اه تانت ..مالكم ؟

ياسين : يلاه وصلت انا …

يوسف”صغر عينيه فنوار” : كنتي كتبكي ؟ “شاف فياسين بنضرة ديال واش درتي ليها شي حاجة ” : مالها ؟

نوار : غير نفست على راسي حسيت بضيم طايح عليا وبكيت ..”شاف فيها ياسين بانبهار كيفاش نقذات الموقف وخلات الي بيناتهم يبقى بيناتهم كيما كان ”

يوسف “بضيم عليها ” : وابنتي حتى لامتا تبقاي هاكا بنتي كتقهريني وتعذبيني معاك …

نوار”نفات براسها رمشات عندو عنقاتو ” : لا لا بابا غير مبغيتش نبقى نفكر ونخبي قلت نبكي ونفس على راسي باش منمرضش وتجيني لكريز وانا مبقاتتش جاتني من شحال هادي …

يوسف “حط ايدو على ضهرها” : واش قلقك دابا ؟

نوار”تنهدات” : مابقيتش ساخية بيكم …”كمشات عينيها كتضحك ”

يوسف “خرج عينيه من صدمة ” ؛ يااااا مبدل الاحوال …”شاف فياسين ” لا تخرج قبل ان تقول الله اكبر …

ياسين”تاهو م🦋🐺نور_الياسين(761)#فرصة_ثانيةsana mina🐺🦋

بقات معنقاه حتى رجعات تضحك على كلامو هو وياسين واحد قال ولاخور رد عليه شن طن فالبلاصة …حتى تمات جايا يسرى عندهم الي كانت كتهضر فالتيليفون مع راوية …ووقفات عليهم …

يسرى : نوار مالك ؟

يوسف : قالت مسخاتش بينا مابقاتش بغات تمشي …

نوار: هههه لاعنداك غانمشي نمشي …

ياسين”سمع شنو قالت وضمص صرطها لعب بشنايفو من لداخل ودار كانه ماسمعش حتى حنحن” : ندخل نشوف الواليدين …

يسرى : واخا ولدي …

يوسف”شاف فيسرى” : مال راوية ؟

يسرى : خاصني نمشي لعيادة صفية عندها الايكو ليوم ومتبعة معايا منصيبش نخليها ل دكتور سناء الي معايا …

يوسف “جبد كونطاكت مدو ليها” : هاكي ساروت …

نوار : ماما واخا نمشي معاك نشوفها تما معاك ؟

يسرى : بصح ؟ يلاه يلاه الله اودي …

نوار”بابتسامة ” : انا دابا طالعة لبس دغيا ونجي منتعطلش …

يسرى : غير شي سورفيت خفيفة بالخف

مشات كتزرب دخلات حسات براسها بدا يتنفس وتنفس هي كلها وفي قلبها واحد ترفريفة ديال لفرحة راحة مهم احساس زوين كتحس بيه يمكن اول مرة تحس بيه بدا يطلع معاها وراحة البال لكن كل مكترجع تفكر شنو وقع قبل يومين كترجع تعبس وجهها ويزيدو ضربات قلبها …طلعات لفوق هزات سورفيت لبساتها وخشات رجليها فبالغين دغيا هزات تيليفونها وهي تخرج تصادفات مع ياسين جاي طالع لبيتو …

ياسين : خارجة ؟

نوار : اه خارجة مع ماما غادي تمشي لعيادة حيث صفية غادير الايكو عندها موعد اليوم …

ياسين “حرك ليها راسو” : مزياان …ماتعطليش باش مكان نسالي شي امور هنا ونهضرو …”كمش عينيه فوجهها عاد لاحض واحد قميشة خفيفة ” حنكك ؟

نوار”حطات ايدها على حنكها” : م مالو ؟

ياسين : نسولك نتي …ضرباتك شي حاجة ؟”صغر عينيه” جاتني ضربة خطا (ضربة غلط او غدر ) …

نوار”بنفي ” : غير بان ليك ضربت راسي مع باب طوموبيل …”تفكرات شنو قالت لفؤاد وهذا الي قدامها ياسين …فالاخير ” ياسين …

ياسين : عينيه …

نوار”تزنگات تا بدات ضحك وتكحب” : اكحكح احم …”تشجعات ونطقات” حتى نجي وهضر معاك خاصني نقوليك شي حاجة …

ياسين : على حنكك ياك ؟

نوار”غمضات عينيها وحركات ليه راسها” : اه …

ياسين “شير ليها براسو جيهة دروج ” : يلاه سيري قضي تاوكان تسالي ونهضرو قبل عطيني شنو عندك …

نوار : هممم واخا …تبسمات ليه وهي تمشا ونزلات خلاتو دخل البيت ونزلات هي وصلات على يسرى ركبات حداها وانطالقو لعيادة نيشان مع وصولهم لقاو راوية تاهي عاد واصلة هي وصفية الي جايا بكسيوة صيفية بلا كمايم طويلة تالتحت لابسة عليها كاب طويل وجامعة شعرها لور هازاه بمقبط شعر وحاطا ايدها على كريشتها الي بارزة شوي ….

يسرى”سلمات عليهم ” : كي بقيتي شوية ؟ نقص الوحم ياك ؟

صفية “وجهها شاحب ” : غيي شوية وصافي هههه الحمد لله …

راوية : غير قبيلة رجعات تاني تهلكات …

يسرى : ندخلو ونشوف شنو نعطيها الي يخفف عليها …

نوار”من بعد ما تسالمات معاهم حطات ايدها على كريشة صفية ” : كبرات تبارك الله وخا عندك شهورة قلال ؟

يسرى”دخلات لمكتب هي وياهم ومشات لايكو كتوجد فيه وتهضر” : عندها شهر رابع من النوع الي كيكرش كيف كنقولو شوفي تبارك الله …

صفية : حسيت براسي بديت نتقل …

نوار : غاتشوفي شنو عندك ؟

صفية “حركات ليها راسها” : وييي كنضن عندي بنت …

راوية : هاحنا نشوفو غا هو نطمنو على صحتو بعدا وصحتك ابنتي …

يسرى: اجي حبيبتي هنا تكاي …

تمشات لعندها وطلعات تكات فوق البياص تما غطاتها بايزار عاد هزات الكسيوة تا عرات ليها كريشتها الي ولات سمراء مع الكلف …خوات ليها البرودوي وحطات لاباراي عليها بدات كدوز وتضغط مزززياان تا كتبغي دخلها ودور عليها تا بان في الايكو قدامها …

يسرى : هاااحنا بنا تاني …”وركات عالبوطون وتطلق دقات القلب …دگدگدگدگ كتسمع مجهدة تا غمضات صفية عينيها بالفرحة ودمعو ليها …”

نوار”غييير كتشوف مسكينة جالسة فالكرسي ديال مها فالمكتب ” …

راوية : صحتو ؟

يسرى “كتقلب وتهضر وعينيها على الايكو” : مزيااانة ولله الحمد وتا تحاليل مزيانين الي عطاتني كنت خايفة غير من السكر ديال لحمل لكن حمد لله كلشي مزيان …غير صبري دابا يفوتك الوحم …

صفية : واش نعرف شنو عندي ياك ؟

يسرى : طبعا هاني خدامة …لكن قبل واش تبغي تشوفيه HD (تقنية كيشوفو بيها الجنين نيشان بالالوان كيبان كيفاش داير )

نوار”نقزات ” : اه اه احسن اصفية والله تشوفيه لمن كيشبه هههه

صفية “قبطات ايد راوية ” : يا خالتي يا عمي ايلاف يا ياسين …ياسين خيرو فالوحم منساهش …

نوار”سكتات وهي تحني راسها على ايدها وحطات ايدها لاخرا على فمها كتسمع ”

يسرى “ابتاسمات” : الالة بغيتي بنت ؟

صفية “بفرحة ” : ماكرهتش …بنت ؟

يسرى”كمشات سيفتها” : ااااسمحي ليا اماما حبيبة انا رااجل وغانكون سيد رجال …

راوية”خرجات عينيها” : و ولد ؟

صفية : ولد ؟

يسرى : ولد ابنتي ولد يتربى فعزك🦋🐺نور_الياسين(762)#فرصة_ثانيةsana mina🐺🦋

رجعات صفية هي وراوية لفيلا وطلعات ترتاح من بعد ما كلات وشربات دوا …دخلات لدوش طلقات روبيني ديال بينوار تا عمر بالما وخوات فيه باندوش تا رغواتو وزادت فيه زيت الخزامى وجات راوية شعلات ليها شميعات معطرين ليها المكان لبسات پينوارها ديال فوطة ووقفات تا قادات ليها البينوار …

راوية : يلاه بنتي دخلي ترخاي ليا مع راسك …

صفية “تمات غاديا راوية وجراتها من ايدها تا شافت فيها” : عمر خيرك منساه وكيف هاد الوليد الي فكرشي ولدي را ولدك وعندك حق فيه …

راوية : نتي نوضي وتفكي غير بسلامة وديك ساعة نتناوبو عليه …

صفية : هههه واخا …غير هو عافاك كوني معايا ف قراري عافاك …

راوية “سكتات تا سكتات وحطات ايدها عليها” : انا معاك ابنتي غا هو الى نهار بغا يشوفو منقولش متحرميهش منو ولكن ماتحرميش ولدك من باه شوفي غا على ولدك اما لا على باه ميستاهلوش وخا ولدي “تزيرات” ماعليش دخلي ترخاي ورتاحي مبغيتكش تعصبي …

صفية “حركات راسها وتسناتها تا خرجات وهي تحيد الپينوار وحطات رجليها فالما حسات بقشعريرة سرات معاها تا دخلات وتخشات فيه وحطات راسها فالمخيدة صغيرة الي حطات ليها وتكااات …حطات ايدها على كرشها كدوز عليها بلطف وحنان حاسة بالبكية ديال فرحة …

صفية : حمدت ربي وشكرتو زرعك فكرشي …حمدت ربي وشكرتو الي غاتكبر فيا وتولد وتكون ونيس ليا تقوليا ميمتي ونرضى عليك وتكبر قدامي ونقريك ونفرح بيك …تنوسني وتعوضني على الوحدة واليتم والدل الي عشتو مع باك ….كبر اولدي كبر احبيب ماما وجي كون نتا ولدي وبويا وخويا والحامي ضهري …

“هزات راسها لسقف” يااااربي يااااربي حفضو ليا ونوضني بسلامة راني نصبر ونعض فصبر غاا باش يتزاد ويكون بين دراعي يدفيني ونحس براسي عندي فلذة كبدة وعندي دم ولحم مني وفبلاصة منكون وحدي نكونو جوج ياااربي را فرحتي منعطيها لحد حمدتك وشكرتك ياااربي …هبطات راسها وهزات صباعها باستهم ورجعت حطاتهم على كريشتها زعما رسلت ليه بوسة …ونطقات…

صفية : سميتك غانسميها عليه ان شاء الله …

وصل اذان العشا كياذن خرج من دوش موضي لبس سروال سورفيت كحل بالباندة عند الكعبة ولبس تقاشر بيضين وتيشرت كحل …رجع شعرو لور بالمشطة دغيا عاد لبس ساعتو ودار تيليفونو فجيبو وخشا رجليه فبانطوفة كحلة فيها كارويات بويض رجالية …وخرج لقا فؤاد تاهو خارج ويوسف …

ياسين : لجامع ؟

فؤاد : جماعة ان شاء الله …

يوسف : يلاه …

تحركو بتلاتة لقاو صهيب لتحت تاهو …حتى الحبيب …

م.الحبيب : تسناوي نمشي معاكم …

نجود “من بعيد” : الله يتقبل الله يرضي عليكم …

مشاو هما لجامع صلاو صلاة العشا ورجعو لقاو مينة عاد جات من فاس باش تبقى مع نوار ريتما تمشي العائلة نقولو تلمات وتجمعات …

نوار”فالكوزينة كتوجد فالعشا قالت ليك ” : عطيني ديك الحامض المرقد عافاك …

يامنة : نعمرو ليك ؟

نوار “بنفي” : لا لا غييير رتاحي نتي مع راسك …

يامنة : وااخا هاني هههه نمشي لصالون ؟

نوار : سييير انا قربت …”هزات عينيها فالفران ” صافي غايكون تحمر …”ساست ايديها مخليا يامنة كتشوف ومبتاسمة لحماس نوار فالطياب مبدل عن قبل …كتوجد هنا وهنا وطير من هنا وهنا …خلاتها وخرجات اما نوار مشات

حلات الفران جات بغات تجبد الدجاج وهي تحرق فايدها وشكون فينا الي ميحرقوش الفران الملعون …مشات كتجري طارت مع ولفات فالمانيا وعلماتها نجوى شنو تصرف …طارت لثلاجة جبدات ثلج وحطاتو عليها شويييي محيداتوش ومشات لزيت زيتون ذهناتو عليها …

نوار : ففف ايييي …بقات شوي وهي تجبد طاوة وستفات دجاج فزوج طباسل معمراه بالفيغميسيل وكبيدات دجاج وزيتون مقطع وقطع حامض مصير وعاد شرمولة دجاج فيها عمرات بيها دجاج وطيباتو عاد دارتو يتحمر ذهنات ليه موطارد وهريسة وشوية سمن وزعفران عاد دخلاتو يتحمر …دارت دغميرة فجنابو عامرة بالكبادي وزوقاتو بحامض معمر بهريسة وزيتون مقطع وحطاتو زوقات بيه طبسيل جاو طباسل يشهيو …وجدات ديسير وسفة ديال سميدة …

هزو طباسل داوهم لصالون كبير فيه زوج طوابل رجال فجيهة وعيالات حداهم فجيه …تحطو طباسل فطابلة …

صهيب : اووووه تبارررك الله …

يوسف : اييي هادشي كيشهي …

فؤاد : جديد هادشي ؟ “هز عينيه فيامنة ”

يامنة “ضحكات” : نواار الي طيباتو…

يوسف”خبط صهيب ” : سمع وتنغم ليا مع راسك اش قالت ؟

صهيب : نخشيشة نوار …

تذوقو الماكلة الي جاتهم بنينة …

اشرف : والله الى البنان صافي …

مينة : الله يعطيك صحة اححح بنييين ياختي …اري ديك الهريسة لهنا …

ياسين “هز عينيه نيشان فيها شافت فيه تاهي بصدفة وهو يعض شنايفو ورجع نطق بشفايفو بلا صوت ” : الله يعطيك صحة …

نوار”تبسمت بخجل تا بانو سنيناتها وقالت🦋🐺نور_الياسين(763)#فرصة_ثانيةsana mina🐺🦋

تسالا العشا وتجمعات طابلة بكلشي فيها ومشاو يوجدو اتاي …ناضت نوار كتهضر فالتيليفون مع سليمان عاودات ليه شنو جرا بالتفصيل …

سليمان : مزيان …هاكا بقاي بشنو حسيتي من هضرتك الي مبدلة ولا نقولو تشجعتي …

نوار : قول حسيت براحة يمكن تحديت راسي ؟

سليمان : ارتاحيتي ؟

نوار : بزااااف وماكرهتش نرجع نكملو الهضرة …

سليمان : اذن لقيتي راحتك معاه هو …

نوار : بزاف …ماعرفتش حسيت بفرحة وحسيت بشي حاجات مكنتش كنحسهم قبل …

سليمان : شنو غاديري دابا ؟

نوار”هزات كتافها” : غادي نهضرو معرفتش فاش ولكن الي عارفة انني بصح خاصني نهضر معاه …بغيت نهضر معاه ونرتاح من هادشي كيما كان …”تبسمت” بغيت نفرغ كلشي الي كيضرني والي مكيضرنيش ..بغيت نقول كلشي …ولكن قبل خاصني نبدا باول حاجة …

سليمان : الي هي ؟

نوار : الصراحة …

سليمان : شنو بغيتي تصارحيه ؟

نوار : بغيت نفرش الوضوح بيناتنا بغيت نقوليه شي حاجة الي يمكن خبيتها عليهم ولكن هو خاصو يعرفها …

سليمان : شنو غاتقولي ليه ؟ واقعة شي حاجة ماعارفهاش ؟

نوار”يلاه غاتهضر معاه وهو يبان ليها جاي كيكمي ..وخاشي ايديه فجياب سروال ..” : دابا نهضر معاك …ياسين جاي ..

سليمان : واخا قضي …

قطعات عليه وهي تحط تيليفون فطابلة وشافت فياسين الي وقف عليها …

ياسين”هز سروالو شوي من عند ركابيه تا جلس وحط رجل على رجل مفرقهم ..” : سليمان ؟

نوار : اه عيط سول فيا وسول على الوراق الي صايبت …

ياسين : شنو درتي فيهم ؟

نوار : دفعتهم لترجمة ايام ويوجدو …

ياسين : مزيان …

نوار “ترددات قبل متنطق ” : ياسين …

ياسين : نعااام …

نوار : يمكن قبل كنت كنخبي عليك شحال من حاجة ماشي انا هكاك دايرة ولكن كنت كنخاف وكنتفادا شحال من حاجة حتى وليت مكنقولش بزاف الي جات كنخبيها …معرفتش واش كانت قاعدة فيا خايبة ولا زوينة …

ياسين : قاعدة زوينة الى خبيتي باش تفاداي صداع …قاعدة خايبة الى الي خبيتيه فيه صداع ولكن ماخاصوش يتخبا خاص يتحط ليه حد شي حاجة الي نتي متقدريش تحطي ليها حد قوليها لشي واحد الي قادر وعارف كيفاش يتصرف ويحط الحد ويربي …

نوار”حركات راسها” : فهمت ولكن انا قررت نبقا نقول كلشي منخبيش بغيت نبقى صريحة فاي حاجة و احم”حدرات عينيها” خصوصا م معاك …

ياسين : ديما معايا ديما …

نوار”ابتاسمات بخجل ”

ياسين”تگعد تقابل معاها” : بغيت صراحتك تبقى معايا الي ضراتك شكيها عليا نتشاركو فيها ماعليش كيما كانت وخا تكون فيها صداع ماتخافيش دي عليا الى تعصبت ولا انفاعلت ماغاديش نقرب ليك …”حط ايدو على صدرو ضربو ” بغيت دق يجيني انا وميجيكش نتي …نضرب ونتضرب عليك وميقيصكش شي حد …

نوار : عاارفة …غير هو انا نقذر نحامي على راسي هههه الكيك بوكسينغ مدرتهاش غير هكاك تفريغ طاقة سلبية …

ياسين “رفع حاجبو” : بغيتي تسلخي عباد الله ولا ؟

نوار”ضحكات” : هههههههه اه نقدر ندير معاك ماتش …

ياسين : ماتش كااع ؟

نوار : ماتش كاع …

ياسين : الله اودي …مرحبا …

نوار”جمعات ضحكة لجدية ” : ياسين بغيت نقوليك شي حاجة خاصك تعرفها ومبغيتش نخبي عليك وعااافاك بغيتك تفهمني ومتعصبش را مكاينش من غيرك الي يحد هادشي …

ياسين”بقلق ” : شنو واقع نوار ؟

نوار : ماتعصبش بزاف تبقى بيني وبينك والي كان نفكوه بزوج …واعدتيني …

ياسين”وخا ممطمنش بزز قالها” : كلمة رجال ..

نوار “ضارت تشوف لا يكون جاي شي حد ” : الضربة الي فحنكي …

ياسين”عقد حجبانو ونطق من لخر” : ش شكوون ضربك …

نوار “تصدمت باش عرف ” : هو انا رديت حقي بايديا ….ولكن بغيتك نتا تاخذ ليا حقي …

ياسين”مزيرر على سنانو ” : ش شكوووون ض ضربك ؟

نوار”خلعها منضر وجهو” : ي ياسيي ياسين ..تهدن عاافاك …

ياسين”غمض عينيه وصدرو كيطلع وينزل كيطلع وينزل ” : عن ديييييي جوج عينين جووووووج عينين هما نتي “خبط ايدو فوق طابلة تا تشق زاج الي فيها وقفزت وقفت ” كيفاش نتهدن ؟

نوار : واخا واخا انا غانقوليك …

ياسين”حدر راسو وهزو عينيه مشربنين” : شكوووون …

نوار : ح حس الشريك حسن …

ياسين”لو كان تشوفو الفك ديالو كيفاش دار وطرطق وعروقو بانو منقدرش نوصل لوصف كيفاش وقع لوجهو …ناض على وقفتو وجهدو تم غادي بلا عقل مشربن وهي تابعاه وهو عينيه مكيرمشوش كيبان ليه غير هو يطحنو وميحنش فيه …

نوار”تابعاه ” : ياسين …عافاك تسنى نمشي معاك …

ياسين”دخل من لور طلع يجري كينقز دروج ضرب فالحبيب تا طاح لارض مافهم والو ..

الحبيب : ياربي سلامة مالو ؟

هز كونطاكت ونزل ركب فطوموبيل وهو كيتفكر هضرته الي كان كيقول ديما عليها” : الحاجة حاجتي والي شاف فحاجتي نطحنو والي تعدا عليها ؟ “رجع لواقع …ورك عالكسيراتور تا قفزات طوموبيل طار منير بيها وتسمعت لعندهم لدا🦋🐺نور_الياسين(764)#فرصة_ثانيةsana mina🐺🦋

#فلاش_باك…نهار المقاطعة…

نوار : عرفتي علاش ؟ حيث ياسين حسن منك وهمرك تكون فبلاصتو ولا حسن منو وعمري منبغيك احسن عمري منبغيك …

حسن”عينيه تجغمو ولاو حمرييين ماهضرش كيسمع ليها شنو كتقول وكل كلمة كتقولها كتنزل عليه فحال لموس ماضي كيحسكو …لانه فالوقت الي لقاها تزوجات يمكن تقلق ويمكن مكانش كيشوف ان الباب مفتوح قدامو …لكن هاد المرة فاش تلاقا بيها كانت اولا مطلقة حرة ما عندها حتى شي وعد او عهد …وحتى تقربها ليه بدافع صداقة وانها كتعطيه وقت ويهضرو خلاه يزيد يتعلق بيها ويرجع يبني امال واحلام معاها …ناهيك على انها

فلول مارفضاتش طلب زواج وانما كانت كتاخذ وقت وتفكير …قولها بانها محتاجة وقت باش تعرف عليه ما ربما يعوضها على انها تنسى ياسين وتقدر تعطيه فرصة ويتزوجو …بزاف ديال العوامل الي خلاتو يبني امل وممكن كان كبير بالنسبة ليه الشي الي خلاه يتصرف بعصبية وتسرع خاصة انه حسن من النوع المشكاك والموسوس وسريع الانفعال فيما يخص الغيرة المجنووونة ….

نوار “زمات فمها تا زماتو ورجعات طلقاتو ونطقات” : حسن نتا عمرك مخليتيني نتقرب ليك نتا بالعكس غير مكتزيد تبعذني عليك …انا هضرت معاك وشفتك وتشاركت معاك الهضرة وبعض المواقف ولكن نتا معمرك بينتي ليا انك كتسحبني جيهتك وانما غير كتنفرني منك …هادشي علاش انا مبغيتش نتزوج بيك حيث نتا مشكاك وموسوس وديما كتجبد ليا الشخص الي انا بغيت نساه ومقدرتش فما بالك بهاد تصرفات ديالك نساه ؟ ابدا مستحيل نساه ومستحيل نبغي شي حد من وراه ولنفرض بغيت مغاديش نبغيه بالطريقة الي بغيت بيها ياسين…

حسن : شنوو دابا ؟

نوار : ماموافقاش على زواج ابدا منك الله يجيب ليك الي تستاهلك اما انا حاليا مزااال خاصني شحال عاد نسا واحد شخص من كان قلبي صغيييير وهو فيه وكبر فيه تا دار جذور وصعيييب نحيدو …ونتا ممعاونيش غير مازايد وكتشك وتوسوس وغايبقا عايش بيناتنا وصداع بيناتنا …

حسن : نتي الي ممعاونانيش نتي الي فينما نهضر معاااااك كتبقاي تصدي فيا نتاصل بيك كتقطعي نهضر معاك مكتجاوبي على شحال ولا مكتجاوبيش …نتي الي درتي حاجز بيناتنا ومخليتينيش نتقرب ليك ونسيك …نتي الي كتفلاي…

نوار : كنتفلى ؟ حسن انا مشيت …”تمات غاديا وهو يشدها من دراعها وحفرررر صباعو فيها تا تاوهات من الالم ” ايييي طلق مني …

حسن”قرب ليها عند وجهها ” : تسنيييييييييتك من شحال وانا كنتسنى جوابك مرة تقوليييييي نفكر مرة خلينا نتعرفو ونهضرو مرة مابقيتش بغيت كاترجعي تاني نعاودو نتفاهمو”زاااد ورررك تا غمضات عينيها وزاد قرب عند عينيها كيشوف في فمها وعينيها ويتحلف ويتغددددد بغا يطرطق صافي …”

نوار”غمضات عينيها ” : طلق منييييي”دفعات ليه ايدو بجهذ ” هااا علاش نتا متليقش ليا هاعلاش عمري نبغيك واااحد عرفتو وااحد بغيتو هو ياسين كان الى تعصب كيخرج يبرد مخليت مادرت ليه مادرت فيه وعمرو فكر يمد ايذو عليا عمرو وعمرو اذاني …نتا مشكاك وموسوس وعمري منكمل معاك وياسين حسن منك بالف درجة ..”قربات ليه مخنزرة هز ايدو تا

هزها وهي بغات تكالي هو بصعرة تا كان غايصرفقها وهي تبعد ونزل ايدو عليها باش يعطيها لحنك مع بعدات جابها ليها فجنب فطرف صباعو يعني كان غايطرشها طرشة قاااصحة لكن هي بعدات باش تعطي ضربك هجوم جاتها ضربة فلاخر تا بان ليها البرق وشدات حنكها مابقات دارت لا هجوم لا هم يحزنون …هزات فيه عينيها لقاتو وجهو مزير ….

حسن : تق** من قدااااامي …”هز ايدو وخبط البارشوك ديال طوموبيل بجهد يخبط ويخبط ويعرعر تا عباد الله ضارو يشوفو وصوته مجهد جاهل وغادي وكيجهل ويصعر …اما نوار صدرها بقا يطلع ويهبط تا حبستها البكية تم جايها باش يعرعر فوجهها ما شعراتش براسها

تا هزات رجليها وعطاتها ليه بغفلة منو لكرشو تا زواتو وهزات ايدها عطاتو ببونية لوجه جاتو لمنخر ماعرف راسو باش تبلى يلاه هز راسو باش يعطيها وهي تغفلو عطاتو لحجرو تا بان ليه ضو وحس بسخفة طلعات معاه تا خرج عينيه وطاح لارض شاد تما …

نوار”محساتش بمنخرها دايز بدم وهي ضور كتغوت ” : عتقووووني بغا يضربنيييييي “غوتات وشداتها بجرية لطوموبيل كتزرب وهي تهز كونطاكت مابغاش يتخشا بكترة مكترعد بزز باش تخشا وديمارات بدعقة وركات بجهد تا تهزات طوموبيل وطارت من تما غير ساقت في امان الله مخلياه تم معرفاتو ناض ولا تبعها ولا مات ….

#عودة….

غادي طاااااير بطوموبيل وهي تمشي دخلات لدار باش تهز الكونطاكت طلعات كتزرب وهي تهزو يلاه نزلات غاديا بلور حتى وقفها صوته المزعزع وهي تغمض عينيها بغات تبكي حيث عرفت راسها عااااق وعايق بيها اصلا …

فؤاد”مخنزر واحد تخنزيرة ” : وقفيييي …

نوار”ضارت وهي حادرة راسها وعينيها وقلبها كيضرب ” : ه ها هاني عمي فؤاد …

فؤاد”قرب ليها وهو على تخنزيرتو مكيرمشش مد ايدو شد من عندها كونطاكت” : تبعيني …

نوار”حركات راسها وتبعاتو مشا لطوموبيلتو هو ركبو فيها وكسيرا طار من تما خرجو غادين ماهضر فؤاد ماااتكلم ما ضار جيهتها …حدو جبد تيليفون فاش صونا ليه قاليهم يبقاو على بال …

نوار”ضارت عند فؤاد ” : عمي فؤاد ف…

فؤاد”هز ايدو وقفها” : عارف وقاد بشغالي “حط صبعو على فمو بمعنى حسك قطعيه وداكشي الي دارت مابقاتش قدرات تا تهز راسها فيه عسا🦋🐺نور_الياسين(765)#فرصة_ثانيةsana mina🐺🦋

اما ياسين ملي طار بطوموبيل مكسيري باقصى سرعة تا خرج من بيست ديال الغابة وخرج لمدينة طاااير ماوقف حتى لعند دار الزياني بالضبط وقف بواحد مولاي الفران دار تا تسمع وروايد تحكو …نزل مشربن عينيه كيشوفو فنقطة وحدة هي دااااك الباب يتحل ويخرج منو الق**اد وشوووف واش يشوف ربي من حيهتو ولا يشوف ربي من جيهة ياسين الي فهاد اللحضة مكيشوف تا حاجة من غير انه يشدو يطحنو طحنة الغدايد ويزيدو طحنة فوق طحنة وشوووف واش يبرد بمجرد مكيفكر انه قاس ليه نوار الي هو بنفسو ما عمرو فكر تا تفكير يمد عليها ايذو ويجي ولد البراني يحطها عليها بلا موجب شرع …وخا هي بنت عمو وتشعل فيه العافية وتنوض رفع فيه فما بالك نوار روح ديال قلب ياسين …

ياسين”دق الباب بجهد وسرسر ويعاود يدق ويسرسر مكيهضررررررش كيتسنو يتحل الباب ويعزف شغلو …”

غيتة “لداخل ناضت من بلاصتها شادة قلبها” : ياربي سلامة شكون ؟ “ضارت عندو لقاتو ناض تاهو وقف ” الحاج شكون هادشي ؟

الحاج : وشكون عرف …نمشي نحل نشوف هاد البسالة شنو هاد دقان فهاد الوقت وبهاد طريقة ؟ سيبة هنا ؟

غيتة “ناضت هزات بينوارها ودارت شالها تابعاه” : اتسنى نتبعك متمشيش وحدك …

الحاج”خرج من البيت ونزل لتحت مغوبش وكيتسنى يحل باش يشوف شكون هذا الي كيدق عليهم بهاد طريقة ….حل عليه الباب وهو يدور ياسين مخنزر ومشربن هز فيه عينيه” : سي رمسيس !!!

ياسين”على نفس الملامح ” : الحاج ولدك ؟؟

الحاج “باستغراب” : حسن ؟ مكاينش اولدي …

غيتة : ولدي ياسين مالك ؟ واش واقعة شي حاجة خلعتينا ؟

ياسين : فيين مشا ؟؟؟ فين ؟؟؟

الحاج : قبيلة كانت عندو طيارة مع ربعة مشا لهيه لروما شي سيمانة ويرجع …

ياسين”سرح حجبانو وضار لهيه كيحك لحيتو يحك يحك …وهو يضور عندهم ” : المعدن كيبان فالشدة ورجلة ماشي بضرب العيالات النثوة “هز عينيه شاف ف الحاج ” الى ساخي عليه عمرو يرجع يعتب البلاد هنا …

الحاج : كيفاش ساخي عليه عمرو ؟ اش هاد الهضرة ؟؟.

غيتة”حطات ايدها على كتف الحاج ” : الحاج غير دخل انا نهضر معاه …

الحاج “شاف فياسين يلاه بغا يهضر معاه وهي تورك عليه غيتة ”

غيتة : الحااااج “شاف فيها” نهضر معاه را فحال ولدي حسن انا عارفة اش كاين الحاج غير تهدن من بعد ونعاود ليك …

الحاج “شاف فيه” : المعدن والاصل زين والادب حاضر اما نعرف شغلي وهضرتي معاك …

ضار ودخل كيحسبن على هضرة ياسين ومشا مخلي غيتة واقفة معاه ردات الباب شوي ووقفات قدامو …

غيتة :عرفت اش واقع وعارفة الحق معاك اولدي …

ياسين : يمد ايدو عليا ولا على واحد فخوتي منهم ليه الى حگرهم نوقف فوجهو ومنرحموش اما يمد ايدو على بناتنا يحسب ايامو معايا والى مد ايدو على بنت عمي والي هي كانت مرتي فالاصل را والله منرحمو الحاجة والله ماننرحمووووو “كيقول فيها مغززز بغا يطريق وناااااري وجا الله من جيهتو اما كان لقاه يطحنو يطحنو ماعرفنا واش حسن المرضي واا ياسين المرضي فهاد لحضة”

غيتة “حطات ايدها على كتفو كنوع من تهدئ” : جا الله من جيهتو نقول …ولدي منكذب واااالو را ولدي وعارفاه …مريييييض اياسين مريض واخا خطب نوار فديك ليام قلت غاتهدنو هي وليني راه الي فيه فيه حتى قلت مبقاتش فيه العصبية وشك والوسواس الي ياما داوا عليه عند اطباء نفسيين وشقيقة الي هلكاتو ساعة والو …

ماكرهش يتشافى ويرجع طبيعي ولكن ما باليد حيلة …ملي وقع الي وقع جا ديك العشية بغا يبكي تتفقص ومارضاااش يوقع ليه داكشي …حاجة الي خلاتو يرتاح ان نوار”شافت طوموبيل الي وقفات كانت ديال فؤاد” على ما قاليا دافعت على راسها ومخلاتش من حقها …ماعرفتش واش هو الي مرضي ولا نتا ولكن را مشا ماشي هرب انما مشا يبعد وقد ما جلس غايرجع ويطلب سماحة را والله اولدي ماكرهش يكون عادي ولكن”عينيها غرغرو”

ياسين”كيسمع ليها فواحد لحضة عزات عليه هي الي ام والام هي الي كتهز دق على ولادها ولكن هادشي مكيشفعش انه لااا طاح فيه را ميخل🦋🐺نور_الياسين(766)#فرصة_ثانيةsana mina🐺🦋

غيتة : غير تهدن اولدي الى جا انااا نجي تال عندكم ونبوس ليكم “بغات تبوس ليه ايدو ” رجليكم ونطلب سماحة عاد هو ها عار الله مسحها فيا و”شافت فنوار” مسحيها فيا ابنتي …

ياسين”بعد ايدو ” : استغفر الله …

فؤاد”نطق بصوت خااتر” : ياسين …

ياسين”ضور راسو عندو ”

فؤاد”شير ليه براسو” : رجع فحالك …والحق يتخاذ يتخاذ …

غيتة”شافت فيه” : سمح لينا الحاج ومسحها فيا والى جا انا نجيبو تال عندك ودير فيه مابغيتي غا لا ترزينيش فيه را عوينة الي عندي انا متااايبة الله وطالبة رجا الحاج دير غا بوجهي راني عارفاه والله ميقصد غا ربي كتب ليه هادشي يعيا يتحكم والغالب الله وكلنا عيوب وخطائين …وراه مشا باش يرتاح ويتعالج لكاين شي علاج …

فؤاد : الى بغيتو منتسناهش حتى يرجع نجيبو فينما كان وخا فاخر دنيا …نتي عندك عوينة وحدة بغات ترزيني فعينيا واحد تابع لاخور بمسبتو لو ما لطف الله ومالقاهش لو مالطف الله كان يقتلو ويدخل الحبس ومعندي كي ندير نفكو كنبقى انسان ومعنديش سلطة على الله سبحانه وتعالى الي نجاه ليا من الحبس ولا الموت لو مالطف…

غيتة : مسحها فوجهي الحاج مسحها فوجهي وولدي انا نضمنو يعطي تيساع وحقكم غايرجع ليكم غا هو ديرو بوجهي را هو الي عندي راني دفعت عليه دم گلبي تا عاش ليا وكبر وهو الي صدق ليا …راكم مجربين حر الكبدة …

فؤاد “حرك راسو وعيط لياسين كلمة وحدة قالها ورجع ياسين معاودهاش معاه قرب لعند باه وقال”

ياسين : راه راجع راجع وهاني هاد ساعة غانبدل ساعة بختها وميتسناو مني والو …”مشا ركب وزاد يبدل ساعة باخرى اما هو جر نوار وركبو زادو مع طريق ” …

رجعات نوار هي وفؤاد مع طريق من بعد ما خلاو ياسين ركب وزاد وركبو حتى هما وزادو حمد الله فؤاد وشكرو انه موقع لياسين ولا لتاحد شي حاجة ووخا يكون حسن كان غايتدخل وميخليهش يمد ايذو ولكن هاد المرة جات فالواليدين وشحال صعيبة واليديك يطلبو عليك ؟ را اكفس حاجة هي هادي …فؤاد ولا ياسين نقولو تهدنو نوعا ما فوجه الام الي كانت كطلب اما باش ينساو حسن وميندموهش ابدا واش تفوتهم ولا يخليوها فيه مبدئيا على ما عاودت الحاجة لياسين خلاهم يتهدنو انها مخلاتش من حقها وهذا هو السؤال الي سولو ليها فؤاد والي وخا سولها هز فخاطرو من جيهتها ….

نوار”عاودات ليه شنو وقع بالتفصيل ” : وهادشي اعمي الي وقع “عينيها غرغرو ” ملي رجعت لدار مبغيتش نقولها ليكم حيث دافعت على راسي حسيت براسي درت شي حاجة بدون منحتاج مساعدة شي حد هادشي الي خلاني خبيت وزيد عليها والله اعمي حتى خفت ينوض صداع ….

فؤاد”ضار مخنزر” : ملي قلتيها لياسين ماخفتيش ؟

نوار”قفزت وحدرات راسها” : حيث مابغيتش ما”مالقات متقول لانه ضنات انه مفراسوش را بدات تهضر هي وياسين وبداو يجربو يصلحو علاقتهم وبالي هي بغات تكون مع ياسين صادقة فكلشي ” …

فؤاد “رجع شاف قدامو وقال كلام معمرها كانت توقع غاتسمعو منو ” : لو كنتي جيتي عندي نفك المشكيل وياسين كان يعرف بطريقتي ولا بطريقة منك حتى نتفاهم مع هذاك …لا الوقت مناسب لا طريقة مناسبة …

نوار : يمكن فكرت بطريقة غالطة يحساب ليا انه خاصني نقوليه باش يعرف حيث “وتزيرت مقدراتش تقوليه را كنصلحو علاقتنا هادشي علاش تا كتبغي تقوليه وترجع تسكت وهنا كتبان هي الغالطة …حنحنات وهي تقرر تقولها ليه ” عمي خاصني نقوليك اشنو كاين …

فؤاد”هز غير ايدو بلا ميشوف فيها وشير ليها بمعنى شنو كاين” …

نوار”كتهضر وحشمااااانة ميتة خصوصا فواد تقرليه انا وياسين بدينا كنتفاهمو وبغينا نهضرو ونجربو نصحلو علاقتنا را عندها هي فحال اكثر من الخجل …” : انا وياه رجعنا باش احم نهضرو نفكو مشاكيل الي بيناتنا”كمشات عينيها بالحشمة ”

فؤاد : تفكي مشكيل بديتي بهذا ؟

نوار : مابغيتش نخبي عليه والله سكت وكانت غلطتي انني سكت ولكن را والله مخليت من حقي راني عاودت ليك …والله تا خفت فاللول اعمي والله”جاتها البكية” دابا انا كنبان غالطة ولكن نيتي منخبي عليه والو والى خبيت عليكن فلول مبغيتش صذاع ماعرفتش فلول قلت منقولش لكن فكرت انني منبقاش نخبي اي حاجة كيما كانت تكون والله اعمي ماتقلقش مني عااافاك اهى اهى …

كلشي نصبر ليه الا تقلق مني نتا عافاك سمح ليا عمري مباقي نعاود عمري والله الى نيتي زوينة وعطاني العاهد ميديرش شي حاجة الي تخليه يتسرع والله …عافاك سمح ليا اهى اهى “مدات ايدها جرت ليه ايدو تبوسها وهو يحيدها ولعن شيطان مغمض عينيه بنفاذ صبر ورجع جرها عنقها عندو بجنب وسايق ”

فؤاد : لا حول ولا قوة الا بالله …”يلاه غايهضر وهو يصوني ليه تيليفونو كان يوسف ” يوسف …

يوسف : خويا شنو واقع مال نوار وفين ياسين مافهمنا والو مال ياسين ؟

فؤاد : ساعة شيطان وغضب مع كحل راس …

يوسف : معامن ؟

فؤاد : ساعة الله متحكرش …رجع تما ؟

يوسف : لا مرجعش ماجاش ملي مشا نتا معاك نوار مالها تاهي ؟

فؤاد : كلام بين بنتي وبيني …

يوسف : هااا دردشو صافي …

قطع معاه ورجع كشيرا فؤاد زاد فالسرعة عيط لياسين فالتيليفون الي جاوبو ديك ساعة …

فؤاد : فينك ؟

ياسين”نطق بصوت مبحوح” : مبدل ساعة باخرى الوليد خاطري مهانيش باش نرجع لدار …

نوار”بحزن عليه” : ياسين …

ياسين “تنهد ودوز على وجهو بتعب ” : نعااام ..

نوار : فينك …

ياسين “حك عينيه مالقا ميقول ” : رجعي لدار انا شوي ونجي …

نوار”حركات راسها” : واخا …

ياسين : غير نعسي يكون خير…دابا نرجع ماعندي علي🦋🐺نور_الياسين(767)#فرصة_ثانيةsana mina🐺🦋

قطع وهي دور عند فؤاد الي شاف فيها ورجع شاف قدامو وقال …

فؤاد : يرجع وهضرو …تبتي وعرفي شنو كتخرجي ووزني هضرتك …

حركات ليه راسها .…مسافة طريق حتى كانو داخلين لفيلا دخل هو سبقها وطلع لبيت تا وصلات عليه يامنة باش يبدل وتشوف اش واقع اما هي اشنو دارت طلعات البيت من بعد ما لقاتهم شي طلع ينعس وشي مزال خارج وشي جالس يتفرج كل واش دار طلعات لبيتها ودخلات بدلات حوايجها ومشات تكات كتفكر وتعاود فالاحداث وفالي جرا …بقات شحال تا سمعات صوت سيارة ديالو بالي دخل ناضت تتجري شافتو دخل وهي ترجع تكات ونعسااات ….

~~~اصبح يوم جديد …من بعد ما فطرو استاذنات ومشات لجردة كتقرا فالرواية بينما وصل وقت الغذا الي كان مخصص لحوت …خلاتهم كيوجدو فيه ..و.خرجات لجردة ومشات جلسات شادة روايتها كتقرا فيها حتى هزات عينيها فطوموبيلتو داخلة من الباب ركن فالبلاصة وخرج منها كيكمي تكا واحد شوي عليها كيكمي حتى لاح الكارو عسف عليه طفاه عاد هز ايديه لفوووف وطرطق عنقو ورجع حدر راسو بان ليها من بعيد بقا شحااال حادرو تا هزو وتم غادي وهو يدور شاف فيها …وتم جاي عندها…

نوار”وقفات” : ياسين جيتي …

ياسين”حرك راسو وتلاح جلس تقابل معاها” : جلسي …

نوار”جلسات”

ياسين “شاف فيها ” : عاودي شنو درتي نتي بالضبط ؟ وخا متسنايش مني نساه الحق حق ويرجع وخا يمشي لاخر دنيا”قالها مخنزر”

نوار”حطات ايدها على فمها غلبتها ضحكة من تفكرات عطاتو تاهي ” : نعاود ليك ولكن عرف را مخليييتش من حقي ههههههه

ياسين “هو معصب وهي كضحك” : علاش كضحكي ؟

نوار : وا كنتفكر كيضحكني هههه صافي انا نعاود ليك …”كتفكر عطات لحسن ديك دقة وعطاتو لوجهو حسات براسها بدر هاري فديك لحضة…عاودات ليه بالتفصيل الممل ” ..

ياسين “ياسين دار ايدو على فمو من هضرتها كان كيشوف لهيه ورجع شاف فيها ” : شنو قلتي ليه عليا ؟

نوار”تزنگت ” : كل خير …احم …

ياسين : سمعيني هاد الخير بفمك وصوتك …

نوار : الي فبالك “حشمت ” راك عارف اش كاين شوي بشوي …

ياسين : شوي بشوي الالة معندنا لين على بعضياتنا …

بقات تشوفيه وهي تبتاسم من خجلها وحدرات راسها …بعدا شوي تهدن وخا عارفاه والله مينساها فيه ويرجع ليه دقة وميمشي تا يطحنو الى شافو قدامو غير هي وباه الي هذنوه ويمكن فؤاد عارف طريقة باش يرجعو لان الاكيد والمؤكد والله لا فلتوها ليه ال رمسيس من طرف تال طرف …بقات كتشوف وحادرة راسها …

ياسين : وخا دافعتي على راسك منبغيش الي يمد عليك ايدو …شفع ليه رب العالمين وبعدو من طريقي …اما رحمة ربي تنزل عليه وشوف تشوف واش ينوض منها…”مهدن بزز على ودها هي باش ميخلعاهاش وهما فطريقهم لتفاهم”

نوار”حركات راسها” : عاارفة اش كاين …انا وخا يوقع الي يوقع منخبيش عليك وقررت نقوليك نتا بغيت نوضح ليك ومنكذبش عليك وعمري باقي نكذب عليك الا فحالات الكذب البيض …

ياسين : كان عليك تقوليها من ديك ساعة …

نوار : ماقدرتش نهضر فاش قررت منخبيش قلتها ليك نتا والي خلاني فلول مقلتش انني فرحت حيث تصرفت من راسي …هادشي علاش قلت ليك رياضتي مجاتش عبت تعلمتها باش نخوي طاقة سلبية الي فيا ونفس على راسي وتنفعني فهاد الحالات الى مكنتيش نتا …

ياسين”رفع حاجبو” : الى مكنتش انا وهما ؟

نوار”تبسمت ” : ممكن تكون كاين غير نتا فوجودك منهزش لهم تاحد ميقيصني وفبعادك مغانخلي حد يقيصني …ماتبقاش خايف عليا وهاز الهم ونزيدك هموم …

ياسين : ماعرفتي همك راحة ليا انا ؟

نوار: وماعرفتي بغيت راحتك ونحيد عليك هم الخوف عليا ؟

ياسين”متكي حنكو على صباعو ونسا راسو منغم (يعني منساجم براحة وعاجباه الهضرة ) ” : خوفي عليك غايبقى ديما انوار …

نوار : ياسين …

ياسين”نسا راسو افييين ياسين المشربن ههه” : نوارتو …”حنحن” نعاام انوار نعااام …

نوار كتسمع هضرتو كتحس بيها داخلة مع عروقها كتحس بيه باغي غير فوقاش يهضرو ويصفيو الخواطر كلامهم بزوج مكيتقاداش ومزال العاطي يعطي مزال جلاسهم مع بعض مطول فيه قوليا ونقوليك …

ياسين : مزال نهضرو انوار هاد ليام كل مرة عطيني شنو عندك وكوني هانية كيما كانت هضرتك نسمعها ومنناخذش فخاطري منك ولا نتقلق حيث الي فات فات ماعلينا غير نكملو كلامنا وكملي الي فخاطرك وخرجيه كيما كان حتى نوصلو لطرف لاخر …

نوار : متقلقش …

ياسين : عارفة عمري نتقلق

🦋🐺نور_الياسين(768)#فرصة_ثانيةsana mina🐺🦋

نوار”هزات ايدها وحكات قرفادتها بتوتر وخجل ورجعات خصلة من شعرها ورا وذنيها ورجعات خرجتها معرفت كيف دير ” : بغيت نقوليك شي حاجة ؟

ياسين”رجع غوبش” : شنو مزال باقي ؟

نوار”شافت فيه بنفي” : لا لا مكاين والو …

ياسين : شنو ؟

نوار”هزات فيه عينيها ونطقات هاد المرة من كل قلبها” : سمح ليا بزاااف …

ياسين : علاش شنو درتي ؟

نوار”هزات كتافها” : درت بزاف بزاااف …

ياسين : منهم ؟

نوار : غلطت فحقك …

ياسين : نعاودها ليك تاني …تانا غلطت فحقك …

نوار : شحال من حاجة وقعات فغيابك وقدامك وشحال من حاجة شفتها وعشتها خلاتني نفكر ونشوف انني انا مني لافوت …

ياسين : تانا عشت وجربت وشفت الي خلاني نشوف راسي تانا مني الغلط …

نوار “عوجات راسها” : ضلمتك اياسين وفكرت فيك فواحد لحضة معمرك بغيتيني …

ياسين”حرك راسو ” : عارف فاش فكرتي …الي فبالك (زعما على شهوة) حقيقي فنضرك نتي …

نوار : كيفاش ؟

ياسين : الي وقع والي جرا عادي جدا يخليك تفكري هكاك …يمكن انا بتصرفاتي خليتك تفكري هكاك …

نوار : ممكن غييير فوق قلبي اياسين “عينيها غرغرو” مرضت بزاااااف وتعذبت فواحد لحضة حسيت براسي عمري …مم…

ياسين : عمرك مابغيتيني ومابغيتك؟

نوار”حركات راسها”

ياسين : وانا حسيت براسي موصلتش ليك الي هنا “شير لقلبو ” بطريقة الصح والمعنى يوصل ليك لجدورك وتحسي بيه …”تگعد ” نوار هذا هو الوقت فين نوقفو ساسنا على صح وتعرفي الي يضرني ونعرف الي يضرك بلا منحسو

نعالجو راسنا براسنا وميسيق لينا حد الخبار …

نوار : نفهمك وتفهمني بلا منسولك …

ياسين : وقت مرضك نوقف عليك تتبراي وعيني عليك وديما فقلبي …

نوار : خاصني نهضر معاك ونقوليك شنو وقع ليا فغيابك اياسين الي ضرني ومرضني وباش حسيت …وملي مشاو لينا وليداتنا عمري نسيتهم …

ياسين : ولادنا هادوك عمرهم يتنساو كبدتنا عمرها تنسى …

نوار”تنهدات” : جبل على كتافي خاصو يتحيد …

ياسين : هانتي شوي بشوي قولي ماعندك وفرغي الي فقلبك وانا ندي تقليد الى معطيتكش الي ضرني والي حاس بيه …

نوار : بغيت نسولك …

ياسين : سولي …

نوار : ب احم بصح عمرك فكرتي تزوج من ورايا ؟

ياسين : جاو الفرص الثانية تال عندي نعيشهم وماقدرت من بعدك انوار …تعطاني الحق ناخذ غيرك والي فالقلب را سكن ودار ساسو من نهار شافك …

نوار”ضحكات وسط دموعها حيث كل مكتسمعو كيعجبها وترتااااح ” : احم …

يلاه غايهضر حتى جاي يوسف وقف عليهم كي قباض رواح خاشي ايديه فجيابو وحداه صهيب دايرين كي جدارمية …

يوسف : اش واقع هنا ؟

ياسين”هز فيه عينيه ” : اش بان ليك …

يوسف : ماعرفتش مابقا بان ليا والو …ياك بيخير مابيكم والو ؟ ياكما مرضتي ابنتي تاني …

صهيب : نوار مزيانة ؟ (يحساب ليهم مرضات ولا طاحت بكريز )…

نوار : ممالي والو غير جيت نقرا روايتي ابابا وياسين احم …عاد دخل سلم عليا وصافي..

يوسف : ويلاه دخلي…مكاين لاش تبقاي هنا “غمزها” مجاتش ابنتي …

ياسين”كيكدد فصباعو حرك راسو وقال” : من حقك اسي يوسف …

صهيب”دفع يوسف ” : يلاه ندخلو نوار بنتي يلاه …”ناضت نوار كتقاد فكابها وسدات رواية مشا يوسف وصهيب سبقوها …وهو يحنحن ياسين وناض شاف فيها كيقاد فتيشرت ويقاد فسروال من لور بلا ميشوف فيها”

ياسين : مزال هضرتنا مكملاتش الخواطر تصفى وترجع فحال الما ..

نوار: مزال عندي منقول …

ياسين : نتمنى تقولي كلشي عندك كيما كان …

نوار”تبسمات ليه ومشات داخلة وتبعها هو من لور مع دخلات لقاتهم مجموعين شي واقف شي كيضحك جات وقفات وتبعها هو تاهو وقف ”

يسرى : غذا معروضين ابنتي عند مينة ….كلشي …

نوار : بصح ان شاء الله …

مينة “شافت فياسين الي وقف حدا نوار” : تانتا اياسين نتا لول …

ياسين : مرحبا الله ودي …

رجعو يهضرو ويتناقشو وفؤاد كيهضر وياكد على مينة واحد اللحضة ياسين قرب لحدا نوار مزيان

ياسين “شافها شنو لابسة دبيك بيجامة الي بينتها امراة فعينيه انتابه ليها لابساها فالازرق فيها كارويات بكحل وخطوط بالابيض ومع بياضها الناعم وشعرها كذلك هبلااتو ” : كاع لوان جاو معاك …

نوار”حنحنات تا بانو حناكها مزنگين وهي تعسل عينيها بخجل من هضرته مستغل انشغالهم بالهضرة حيث فاش كيهضر فؤاد كيبقاو يشوفو فيه ويسمعو ليه ” : لهلا يخطيك عليا …

ياسين : وعليا …” تا تاكد مشايفهم حد وقرب تال عند وذنيها ونطق بصوت باح وانفاس سخوونة يااربي تبورييييشة تا بورشها ولكن ماااشي بتبوريشة الكلمة الي سمعات والي اول مرة تسمعها وياااربي كي نطقها بداك صوت ذو هيبة وبكل حب قالها ليها تا ضرب قلبها فتسعين وحسات براسها سخن ”

ياسين”طلق تنهيدة طوييييلة كيحك فصدرو وقال” : كنبغييييك …”حنحن ومشا دخل تلاح جلس متكي وحط ر🦋🐺نور_الياسين(769)#فرصة_ثانيةsana mina🐺🦋

كنبغيييك ،،ياااه شحال خرجات فشكل من فمو وشحال سرات معاها كيف البلسم خلييي عليك الصذمة الي شداتها وصعقة الي تصعقات حيث معمرو قالها ليها بهاد طريقة كنبغيييك نيشان كان بالنسبة ليها كيعبر بيها بافعال بكلمات غيييير الي كنعرفو لكن هادي وحيث اول مرة نطقها ونطقها من قلب قلبو واعماقو حسات براسها سخن تا بانت فحناكها اما هو مشا جلس حدا فؤاد ودار رجل على رجل كيسمع لشنو كيقول …

مينة “شافت فنوار من بعيد وناضت مشات وقفات حداها فين كانت واقفة حدا رخامة ديال باب صالون …” : نوار !! مالك ؟

يوسف”سمع مينة حيث دوات بجهد” : مالها ؟ “شاف فنوار لقا وجهها حمررر وعينيها مغرغرين ودايرة شبه ابتسامة ” : نوار مالك ؟

سؤال مينة بصوت مرتفع سمعو يوسف ويوسف سمعاتو يسرى حتى ضارو البقية وشافو فيها وطبعا حيث الخوف عليها لان صحتها مزال على قد الحال ومزال الخوف عليها لا تجيها شي حالة من حالة الاعصاب وطيح ثاني …يعني اي تغيير بان على وجهها را يستدعي الخوف ولو يكون طفييف …

نوار”فاقت من القلبة الي قلبها فحم الفعايل على اثر تحريكها من كتفها بايد مينة ” : هاا مالك ؟

يسرى : مالك ابنتي ياكما ضرك راسك ؟

نوار”شافت فيها وهي تنفي براسها” : لا لا مابيا والو …غير سخن الجو هنا يم”حكات راسها” يمكن …

فؤاد”كيشوف فيها ” : خرجي تنفسي …

نوار : اه واخا احم نخرج …

صهيب : سيري سيري برا نفسي شوي وجهك تزير ..

ياسين”الصمت داير حنكو متكيه على ايدو وحاضي شي وشي كيشوف وخصوصا كيرجع يركز عليها ”

نوار”حنحنات وهي تقاد فالوقفة وقادت بيجامتها واستاذنات مشات كتزرب وحاسا بقلبها بغا يخرج من بلاصتو تا وصلات لبرا وجلسات فالفوطوي تلاحت بجهد شادة على قلبها الي كيضرب يضرب يضرب وهي تحط ايديها على حناكها كتقيص فيهم وراسها باقي فيه طنييين ديال ديك الكلمة الي واخا تعيا وتعيش الي تعيش وتسمع الي سمعات وخا تعاود هاد الكلمة بزاف الا ان باش تقالت قبل لحضات بديك الطريقة عمرها متنسا ….حتى لقات راسها كتبتاسم وتزيد وتزيد حتى ولات كضحك وعينيها مجغمين …

علاش لان كل مكتسمع منو وتعيش شحال من حاجة كتلقى راسها فمقارنة من نوع اخور

وكتزيد تلوم راسها اكثر على تسرعها ويمكن ضلمها ليه …رغم ان فالحقيقة كلها بزوج ضلمو بعضياتهم …

هزات تيليفونها وناضت مشات بعدات لهييييييه حدا لمسبح من الجهة لاخرا ودوزات اتصال فيديو لسليمان الي جاوبها ديك ساعة …

نوار : سليمان “كتهضر وتبتاسم اراسها وعينيها مغرغرين”

سليمان “شاف فيها وكمش عينيه وكيرجع يشوف قدامو “: كضحكي ولا تبكي …اش وقع تاني لاح ليك شي كلمة خربقو ليك سلوكة هههه..

نوار”ضحكات وهي وتمسح دمعة نزلت ليها بالخف ” : اهههههه فحال هكاك قول …

سليمان : اعطيني خبار الخير فين وصلتي …

نوار”بغات تهضر ومن فرحتها ىصدمتها بغات طرطق بالبكا وتغوت وضحك” : شي حاجة الي بزااااف …

سليمان : وايلي …تسناي نخلص فلاكيس

نوار”عرفاتو فسوبر ماركت ” : واخا انا نتسناك …

سليمان : بينما كملتي البكا وتوگضي متقطعيش بقاي معايا …

نوار”حركات ليه راسها وهي تمشي لطابلة تما الي بكراساها وجلسات كان واحد فاز صغير محطوط تكات عليه تيليفون وربعات ايديها كتسنا فيه يخلص وهي كتمسح دموعها وتاخذ نفس وترجع تاني لديك الكلمة ويديرو دموعها فرررر …خلاصة القول باش نطقها نطقها خلا احاسيسو يزيدو يبانو بالي صادقين والكلمة الى كانت صادقة را كتعطي تاثير قوي للمتلقي

سليمان “كمل وخرج هاز ساشيات تا دارهم فالكوف وحل طوموبيل دخل قاد سانتيغ وقابل تيليفون معاه وهو كيقاد ” : قولي شنو مخلي هاد التخربيقة فوجهك مانتي ضاحكة ومكملة مانتي باكية ومكملة …بغيتي تغوتي ؟

نوار: ههههه ماكرهتش والله …

سليمان : عطيني شنو كاين ؟

نوار”قالت ليه شنو وقع من هضرت مع ياسين وشنو قاليها قبل قليل ” : بزاااف …

سليمان : ايوى هانتي مامشيتي تا خليتيه ينطقها …في شخص ياسين وطبعو الي فحالو عندهم الحب افعال بزاف الى قال كلمة زوينة عرفيها بصح كاينة والى قلل ماشي

من نوع الي يكثر الغزل …

نوار : زعما ارتاكبنا غلط وطلقنا ؟

سليمان : الغلط الي ارتاكبتو خلاكم تصلحو اغلاط واغلاط وتزيدو تقربو وتفهمو بعضياتكم وتعطيو فرصة باش🦋🐺نور_الياسين(770)#فرصة_ثانيةsana mina🐺🦋

اذن الضهر لقا مينة هزات طوموبيلتها ومشات طلعات لفاس من بعد ما عيطات لعمتها وعرضات عليها هي وصفية لعندها لفاس يتعشاو عندهم ومشات تقدا وتوصل على رياض …اما البعض طلع الفوق يدوش ويوجد باش يتجمعو ويطلعو كلهم لفاس ياسين طلع توضى وخرج هو ويوسف وصهيب وفؤاد يصليو والحبيب تاهو معاهم …اما نوار طلعات لبيتها هزات من ماريو شنو تلبس وحطاتهم وهي تمشي لتيليفونها هزاتو ودوزات لخط لايساف الي حسات بيه نساوه وتاحد متفكرو تقريبا من غير الحبيب العشير ديالو …

نوار”من بعد رنات جاوبها” : ايسااف فينك …

ايساف : مدهي مع الخدمة واحد سيستيم خسر فشركة كنصايب فيه انا ودراري …

نوار”بحزن عليه” : علاش مبقيتيش جيتي عندنا نشوفك ولا تعيط ليا …توحشتك بزاف اخويا …

ايساف : والله الى دهوة وبيني وبينك حسن نغبر الخاطر ربي الي عالم بيه …

نوار : علاش متديرش حل ا ايساف رجع فكر فراسك وفصفية غير حاول ترجعو وخا مبغيتيش الولد …

ايساف : ولد ؟

نوار”بابتسامة ” : ولد ا ايساف عندك ولد وخا ماباغيهش را عندك ايساف صغير …

ايساف “دوز على وجهو وتنهد ” : كيف دايرة هي ؟

نوار : مزيانة هاد ساعة باقي كايهلكها لوحم وخا اربع شهور ولكن مقاتلة …

ايساف : اممم …

نوار “رفعات حاجبها” : ايساف غاتجي لفاس عند مينة ؟

ايساف : عيطات ليا نسالي ونجي عطيتها الكلمة …

نوار : ايوى صافي تما نتشاوفو شحال مشفتك من الي مشيت اخر مرة …

ايساف : ضروري نتشاوفو …”سكت شحال ونطق ” نوار …

نوار : نعام مالك ؟

ايساف : لهلا يخطيك عليا ابنتي وعشيرتي والي قريبة ليا ومخلاتنيش فتا وقت …وانا فالوقت الي كنتي محتاجاني خليتك…

نوار : كل كيخلص وكيعيش الي خاصو يتعلم منو …نتا كنتي اقرب واحد ليا ومن بعد جا سليمان والى جيت نفكر غالقا تاحد متخلى عليا غير انا الي مكنتش كنعرف نتصرف حتى مرضت راسي …نتمنى تشوف الي وقع ليا وديرو عبرة وتفكر تجمع شملك مع صفية وولدك وخا ممتقبلوش …

ايساف : تهلاي فراسك دابا نتشاوفو عشية …

جاوبات بواخا وقطعات وناضت لدوش سخناتو وهي دخل ليه ذهنات بالصابون بلدي مزيان وحكات مزيااان بواحد الطاقة ايجابية …تا كملت مع كانت ذاهنة شعرها بماسك زيت زيت زيتون مافيهش الملحة وزيت الخروع وزيت لافوكا وزيت الخزامى خلطتهم ودارتهم ليه وخلاتو فشعرها ساعة قبل متعوم ومخرجتش من البيت بقات مدهية توجد حوايج وتقاد وتهضر فالتيليفون تا وصلت ساعة عاد دخلت لدوش .. حلات شعرها وفركاتو مزيان عاد غسلاتو ودارت ليه ماسك ما بعد شامبو خلاتو وغسلات بباندوش كتدير فهادشي وهي ناشطة …كملات وشللات شعرها وتشللات مزيان وكملت روتينها ديال الغسيل عاد خرجات لابسة بينوار ودايرة فوطة على شعرها وخشات رجليها فبانطوفة ديال الفوطة بيضة وخرجت حناكها حمرررين ووسخوونة ووجهها يقدر بالما …

ذهنات جسمها ورجليها من الاقدام مزيان بفازلين طبيعية عاد لبسات دوبياس ولبسات ضوني كحل سماطي عاد لبسات فوق منو قميجة بيضة كم طويلة تحت ركبة وسليم بلومارين عاد مشات حلات شعرها رنشفاتو ب سوشوار وهزاتو لفوق كعكة مهملة حيث حسات بصهد مقدراتش تخليه مطلوق …

امام المرآة وقفات ووجهها قادات بدون ميكاب لكن اكتفات فقط بگلوص غوز خفييييف ولبارفانها الخفيف رشات …دارت ساعتها وگورميط ذهب ديال ضفيرة فمعصمها ودارت سنسلة الي كان جاب ليها باها فيها اسمها لبسات تقاشر بيضين قصار مع بالغين كحلة بلا سوميلة هزات تيليفون وصاك وهي تسمع دقان …

نوار : ماما ؟

يسرى”حلات طلات عليها براسها” : حافضة دقتي …

نوار : هههه معروفة …

يسرى “كانت لابسة جلابة في صفر بارد بالسفيفة ولايحة عليها شال مورد فلون جلابة على شعرها الاسود …” : واجدة هبطي لتحت بينما تجمعنا باش نمشيو …

نوار : انا نخرج معاك دابا …

حركات ليها راسها هزات شنو تهز وخرجات من البيت معنقاها بجنب وجايا وتعرج تا لاحضتها يسرى ..

يسرى : ماما مبقيتيش كتلبسي سوميلا ديالك ؟

نوار : من شحال هادي وولفت بلا بيها تقريبا …

يسرى”وقفات وضارت عندها ” : علاش مبقيتيش بغيتي تلبسيها ؟ قرار منك ولا كتعاندي ؟

نوار”بنفي” : بالعكس قرار مني ولفت نتعايش معاها عشت ف محيط الي كندوز كيكون عادي مكيشوف فيا حد مكينعت فيا حد شفت ناس عندهم اعاقات كيار ومتعايشين عادي كان معندهم والو والاهم فين كندير لاصال الكوتش ديال عندو اعاقة وهو بطل عالمي …انا اعاقتي فيها سنتمترات قادرة نغيرهم ونرجعهم عاديين بعملية بسيطة وخا فيها تمارة قادرة نتحمل ولكن …

يسرى : ولكن اش ،

نوار : ولكن كيبان ليا وكنفكر انني نبقا بيها ومندير والو مادام متقبلاها ودابا عندي عادي جدا …

يسرى “شافت فيها باعجاب وافتخار لتفكيرها الي بدا كينضج وتتقبل راسها!! ” : يعني غاتعايشي عادي …

نوار”ابتاسمات ليها”: ورا اصلا اكتر من واحد وعشرين عام وانا متعايشة معاها غير الى مبغيتش نتقبلها عادي هههه …”كتهضر معاها وهي تقشع ياسين خارج من الممر الي فيه بيتو ونزل من دروج حادر راسو وكيهضر فالفون حدها سمعت فاش قال الحاج سليماني هذا وهي تجمد ملامحها ” هاد دار سليماني اماما وليت كنسمع بيهم بزاف …

يسرى : ااا ؟ ورا بغا يخطب بنتهم الحبيب …

نوار : وغاتبقا تجي ديك صوفيا ؟

يسرى : وراه ختها اويلي مالك …

نوار : كنبغي نتوب اماما ومكيخليونيش …”عنقتها ونزلو بزوج ويسرى 🦋🐺نور_الياسين(771)#فرصة_ثانيةsana mina🐺🦋

نزلو كاملين العائلة ديال رمسيس كبرات وتجمعات وهاهي غادا وكتكبر …جات راوية هي وصفية الي كريشتها غادا وكتبرز اكثر …ووقفو كاملين صهيب هز مرتو ونجود ومروان ولدو اما رميساء وعلي مشاو لبرلين لان الموسم دراسي بدا تقريبا عندهم …زاد صهيب طلع سبقهم وفؤاد مشا هو ويامنة وواشرف معاهم هذاك سبق وطلع ركب فطوموبيلة فؤاد حلها تالقاه جالس تيفرنس والخلعة قاتلاه من فؤاد وواخا هكاك ميحشمش …بقا غير ياسين والحبيب و عائلة يوسف …

يوسف “شاف فياسين” : تحرك نتا دابا ؟

ياسين “مد الكونطاكت حل طوموبيل وتم ضاير ” : دابا نيت …

م.الحبيب : ياسين نمشي معاك …

ياسين : ومحتاج تشاور ؟ تحرك يلاه …

م.الحبيب”تحرك تاهو ضارب ليك حطة قميجة كحلة حال صدايفها الفوقيين وسروال كحل وموقف شعرو الذهبي ومقاد لحية وريحة تعطعط تهبل …مشا حدا خوه وعنقو بجنب وتمو غادين تا ركبو بزوج وضار ياسين يطل واش جايا حتى بانت ليه خارجة عنقات باها وباستو وتمو غادين يضحكو وهي تضحك تا بانو ضروصها …عاد كسيرا وخرج من الفيلا شد طريق فاس تاهو وتبعاتو طوموبيلة يوسف تاهي …

لمة العائلة مع الاحباب عندها طعم فشكل خصوصا فاش كتكون معروض لواحد البلاصة الي فيها ناس مكبرين بيك وناس ولاد ناس من اطيب خلق الله وباغين اللمة باش ما عطا الله …هادشي الي وقع لعائلة رياض الام ماجدة ورياض هما عايشين بزوج هاهما تزاد عليهم طرف ثالث الي هو مينة وصبحات منهم وفيهم وتناسبو مع عائلة كبيرة …

استقبلوهم كيف العادة باستقبال رحب عند الباب ودخلو كيف مولفين رجال فصالون وفالصالون المقابل ليه العيالات …اما فبيت مينة كانت نوار واقفة كتشوف شنو جاب ليها رياض والهدايا وكيفاش مدوزة زواجها …

نوار : البيت زوين …

مينة “حطات ايدها على كتف ختها” : حتى نتي زوينة شفت وجهك منور ؟ شنو سر ؟

نوار : وااالو عادية علاش باينة فيا ؟

مينة “غمزتها” : من حناكك …

نوار”حطات ايدها على حناكها” : م مالهم ؟

مينة : ممالهم والو مخبية شي حاجة ؟

نوار : لا لا ممخبية والو …هههه يلاه نمشيو لعندهم ..

مينة دارت براسها ميكات وخا لاحضت تغيير فوجه ختها لكن شنو سبب تغيير مصيرها تعرف …خرجو من البيت وتوجهو لصالون عند العيالات فين جالسين على صينية اتاي مجمعين من بعد تحط الغذا على حقو وطريقو وتقدم ديسير والمشروبات …

نوار”كتنقي فبنانة وهو يجيها ميساج جبدات تيليفون تشوف شكون لقاتها رسالة منو ”

ياسين : فيك مايجي لجردة لتحت ؟

نوار”ردات عليه” : فين فجردة ؟

ياسين : البلاصة فين ضربتك …

نوار”جاتها ضحكة فاش تفكرت ضربة الي ضربها بدون قصد والطريقة باش قالها ” : واخا انا نوض نغسل ايديا ونهبط عندك …”خشات تيليفونها فجيبها وناضت وقفات ….قربت لعند يسرى هضرات فوذنها” ماما انا مشيت نغسل ايدي وغانهبط لجردة بغيت نتنفس …

يسرى “بقلق” : ياكما تزير عليك راسك ؟ نمشي معاك ؟

نوار “بنفي ” : لا لا غير بغيت نخرج ونهضر مع سليمان ونرجع صافي ؟

يسرى : وخا بنتي سيري …

فهاد اللحضة ياسين استاذن وخرج بحجة باش ينزل يكمي اما نوار مشات لطواليط تما غسلات ايديها وحاسا بقلبها كيضرب فتسعين …جاها ميساج من ايساف بالي جا وطلع لعندهم وخا معطل …جاوباتو وخرجات ضارت دورة ويلاه غاتنزل حتى وقفها صوت الحبيب جاي …

م.الحبيب : افين غاديا ؟

نوار : هابطة لجردة نتنفس ونهضر مع سليمان …

الحبيب : اجي نخرجو جردة الي لقدام حسن لور كاين ياسين كيكمي بلا متمشي …

نوار”مالقات متقوليه ” : و واخا كاين ياسين احم …

الحبيب”رفع حاجبو ” : اش بغيتي فيه را تيكمي وكيهضر فالتيليفون مع نسيبي المستقبلي ههههخ

نوار : شكون نسيب ؟

الحبيب : بات هاجر الي غانخطب …ويمكن حتى مع صوفيا كيتاقشو شي حاجة على ود الكونط …قاليا بلا ميوصل عليا حد لجردة شوف كيف دير ميهبط حد ووصا تا رياض بغا يتنغم بالكارو …

نوار”تقرصت وشعلت فيها العافية ” : اا اه اوك صافي …ونتا فين غادي ؟

الحبيب : داخل لطواليط هنا …

نوار”دارت ليه مسافة ” : يلاه دخل اش كتسنى فيك الهضرة بزاااااف “ضربت فيه ورجعت مقلقة حابسة البكية ”

الحبيب “تبعها بعينيه تا مشات” يناري هادي مالها ..”هو الي قاليه ياسين دارو ماعارفش نوار غاتلاقا بيه ”

مشات نوار بغات تبكي بالفقصة والعافية شاعلة فقلبها وهي تجلس حدا يسرى ويامنة مربعة ايديها وتيتسمع غير صوت انفاسها كتهنهن بشوي …ضارت عندها يسرى تتشوف مالها بانت ليها مزيرة وهي تقلق من جيهتها” …

يسرى : مالك رجعتي دغيا ؟ مال وجهك ؟

نوار : مابقيتش نزلت غسلت غير ايدي صافي سليمان مكاينش تايرجع …جاها ميساج منو شافتو”

ياسين : فينك ؟

نوار”جاوباتو فالبلاصة معطلاتوش هههه ” : غييير بقا تهضر راك ممساليش هضر مع ديك صوفيا تاااتسالي ليا على خاطرك ونهضرو …دنيا هانية هاانية وممقلقاش غييير قضي غراض سبق هاديك صوفيا هي لولة ماشي مشكيل… هي لولة ؟ وانا لاخرة …

ياسين “جاوبها فالبلاصة غاتقتلو ميحيدهاش طبيب” : ميكون غير خاطر خاطرك …

نوار”قراتو وهما يطرطقو عينيها تا غوتات قفزات يامنة والي حداها” : تفوووو …

يسرى : امالك ؟ ياربي سلامة ؟🦋🐺نور_الياسين(772)#فرصة_ثانيةsana mina🐺🦋

بقات تفقص غا وحدها هي را صوفيا ماكاين والو وهي مجرد خدامة مع باها ووقع ليهم مشكيل فالكونط فالبنك الي اصلا احد فروعو مدير ديالو هو ياسين …والحاج سليماني الي هاضر معاه ومفاهم معاه وعطاه نمرة بنتو باش تعطيه تاكيد ويصايب ليهم المشكيل لانها كانت احد الايام متواجدة بمراكش وطلعات قضات الغراض فالبنك …مجرد عمل وكمل لا غير …

شاف ميساجها بقا غير كيشوف فهاد الكتلة الي كيبغي هبيلة وصافي …خلاها على خاطرها اصلا مبغاش يحكر جات مزيان مجاتش احسن لان يوسف هبط لعندو هو وصهيب وفؤاد باش يكمي فؤاد على خاطرو تاهو …داز الوقت والعراضة تاهي دازت بالضحك ونشاط ووصل وقت المغادرة بقات مينة فالفيلا حتى الغد ليه عاد تجي وترجع دوز الايام مع نوار ….

وصلو لازرو فالليل من بعد الغذا والماكلة الي كلاو عند دار المرابط نص فيهم مابغاش يتعشا والنص لاخور كلا شي حاجة خفيفة وكاين الي مرجعش من فاس وبقا يدوز الويكاند …

نوار”هبطات من فوق من بعد ما بدلات هازا رواية وايباد ديالها ودفتر ونازلة لقات باها فطريق طالع ” : بابا طالع تنعس ؟

يوسف : عييت وغذا عندي فياق بكري طالع لكازا وراجع فالعشية …

نوار : بصح ؟ وخا ويكاند ؟

يوسف : وايه شي سلعة وحلات فالمينا خاصني نجيبها …

نوار : اه فهمت …

يوسف : اش منزلك ؟ جردة ؟

نوار”حركات راسها” : امم ودايرة مع سليمان نهضرو هو وعمو الياس وخالتو نجوى …وخاصني نراجع شي دروس هنا فالايباد…

يوسف : مزياان مزيان …ياك ابنتي صحتك مزيانة ؟ خاطرك هاني ؟

نوار”قربات باستو فحنكو وتبسمات بحنية ضحكتها خلاتو يرتاح وفنفس شيء يتوغوغش …” هااانية الحمد لله غاديا مع حياتي ومتبعة دوا وكنفكر ونسول وكنقرا وماشيا بيييخير ومرتاحة والله …

يوسف “باس ليها جبهتها وشاف فيها وقال” : هاذشي الي بغيت غاتريحيني معاك …مابغيتكش تعذبي تاني وتمرضي وتبكي …

نوار : انا بنفسي مغانخليش البكا يوصلني تاني ونمرض هذا جهد …

يوسف : الله يرضي عليك ريحتيني عليك …

تبسمات ليه خلاتو هو مشا لبيتو يرتاح وينعس وهي نزلات ومشات لجردة وجلسات فوق الفوطوي قابلات الايباد معاها حلات دفتر وجبدات درسها وبدات تراجع وتكتب تا نغامسات فالحفاضة حتى شمات ريحة الي عمرها وماعمرها تنساها مخلطة بريحة الگارو هزات عينيها فيه لقاتو واقف مبدل تاهو بتيشرت وسروال سورفيت وكلاكيط حط تيليفون فوق طابلة وباكية الكارو والبريكي …وجلس تقابل معاها …

ياسين : شنو كديري ؟

نوار : كنحفض …

ياسين : مزيان …جيرماني لانگويج(اللغة الالمانية) مزيانة ؟

نوار : شوية غاديا معاها مي مزيانة دابا …

ياسين : ناويا تكملي تما ؟

نوار “حنحنت” : احم ا ان شاء الله …

ياسين “دور وجهو لهيه كيحك فلحيتو ” : تخلي عليا بلاصتك انوار ؟ وبلاصتك ميعمرها حد من غيرك …قربنا نكملو عامين وبلاصتك باقي خاوية …شنو ندير ؟

نوار”حدرت عينيها وحطات ستيلو ” : ما ع ماعرفتش …شنو دير ؟

ياسين : تخليني وحدي ؟

نوار”ضحكها” : ههههههه معاك جدي ومعاك اسامة وتجي هنا معاك خالتو ودار وعمو فؤاد …

ياسين : لا تاواحد ميعمر بلاصتك بلاصتك تعمريها غير نتي …”شاف حناكها تزنگو وتبسمات بحب …عاد سولها” شنو وقع ليك قبيلة ؟ شكون صوفيا الي بغيتيني نبقا نهضر معاها تانسالي عاد نشوفك نتي ؟

نوار”هزات كتافها ” : هاديك الي مسحتي ليها حنة فالعرس …

ياسين : ااه مالها ؟

نوار”هزات فيه عينيها مخنزرة ” : ياسيييين ..

ياسين : نوااارته …

نوار”ضحكت وسط الفقصة خربق ليها سلوكة هههههه ” : واياسين ههههههه

ياسين “متكي هاز رجل فوق رجل مفرقهم بطريقة رجولية ومتكي حنكو على زوج صباعو ونطق بختورية ” : دابا كضحكي ولا كتبكي …غرتي ؟

نوار : علامن ؟

ياسين “رفع حاجبو ” : لغيرة عليا مكايناش ؟،

نوار : لا كنغير كاينة …لا مكايناش …

ياسين : تهدني …

نوار : وا صافي صافي …ماشي مشكيل ياك خدمة؟؟ ماشي مشكيل …

ياسين : دابا حيث خدمة ماشي مشكيل والى مكانتش خدمة …

نوار”بغات تنطحو ومكرهتش كيفقصها بهاد الفعايل ” : هذا الله هذا الله …

ياسين : حطيتي سلاحك ؟

نوار”تنهدات وحدرات عينيها ونطقات بصوت حزييين وفيه خوف وغيرة مخلطين ” : اه غرت وكنت ديما كنغير فاش كنا مفارقين وحتى فاش كنا مزوجين وقبل منتزوجو …غانبقا ديما كنغير عليك “صوتها تغنغن” بغيتك ليا وحدي ..”هزات ايدها مسحات جنب عينها بطرف كمايمها بقات فيه بهاد الهضرة والحركة الي دارت ..”

ياسين”ناض وقف ومد ليها ايدو ” : وقفي نهضر معاك باش نطلع لفوق ونكملو فالتيليفون قبل ميجي شي حد يقطع علينا لحضة …

نوار”مدات ايدها وشد ليها صبيعاتها كمش فيهم ونوضها قابلها معاه ..وهي قلبها كيضرب بجهد تا حس بيه ” : ن نعام هاني …

ياسين :…”هز ايدها وحطها فوق قلبو وكمش مزيان حسات بقلبو تاهو كيزدح بجهد ” هذا عامر بوحدة عطيتها كلمتي وهي والي معندي عليها لين …”قرب اكثر باس ليها جبهتها وطووول فالبوسة تا حطات ايديها بزوج على صدرو وكمش ليها فايديها ورجع باس كفوفها واحد بواحد وشاف فيها ” مية وحدة ووحدة تجي ومانساتني فيك …عندي نوار وحدة الي كاينة… نزيدك ؟

نوار”حدرت راسها كضحك ” : هههه بزاااف …

ياسين”هز صباعو ودوز ليها على حنكها بلطف تا بورشها وطلعو معاها الفراشات فكرشها دغدغوها ” : نوار الاصل والباقي تصنع وتقليد …الكلمات لاخرة مشايفهمش لان الكلمة لولة مخلياني نشوف غير فيها الي هي نتي ا🦋🐺نور_الياسين(773)#فرصة_ثانيةsana mina🐺🦋

سَتظلّ بِداخلي كعود ياسمين…

كلما هبت رياح الشوق فَاحَ شَذى عطرك…

أحببتك فوقَ الحُبِ حُباً…

سَأظلُ أحبّك وان طال ” انتظاري

” أشتاقُ إليك وَكأنّنى جَمِيعُ المُشّتاقِين…

وكأنكـ كُلّ الغَائبين…

سَتظلّ أنت الوطَن ل قلبي ودواءً لروحي

سِـتٌظُلَ آنِتٌ آلَروٌحً لَجّسِدٍيَ وٌعٌيَنِآيَآ آلَتٌيَ آريَ بًهّآ آلَوٌجّوٌدٍ جّمًيَلَآ

#ياسين_نوار

#نور_الياسين sansouma …

كلمات من فمه خارجة من اعماق قلبه بمجرد مكتسمعيها كتحسي بيها صادقة فيها كمية حب ليست بالعادية فيها مشاعر كبيييرة معمرها تسالي …فكيف لو تسمعات باذن الطرف الي كانت متوجهة ليه ؟ هنا نخص الذكر نوار الي كل مكيغازلها كتحس بقلبها فرفر بجهد ماشي تفرفيرة لولة ايام الزواج هادالمرة كتحس براسها طااايرة وكتزيد تاكد ان هي الي كاينة وفرحتها تكبر ولكن حزنها تاهو كيكبر لانها كانت فلحضات غضب شكات فيه لا بل كذبات صدق مشاعره اتجاهها …

ياسين”عاود باسها فراسها وحك على دراعها بلطف ” : يلاه انا طالع …

نوار”حركات ليه راسها” : واخا …

ياسين : معطلة هنا ؟

نوار : لا غيير نكمل واحد صفحة ونطلع اصلا عييت …

ياسين : ماعليش …”حرك راسو ومشا مخليها مبتاسمة ودايرة ايدها على حنكها كتشوف فيه ودوك الكتاف الي عراض حب طفولتها وحياتها وزوجها سابق وولد عمها وكيموت عليها وبزاااااف …وشخصية حرشة بلدية محبوب ومرضي وعصبي وغيور وكلشي فيه كامل مكمول فعينيها رغم العيوب …ماحسات براسها حتى تنهدات بجهد …

اشرف”حط ايدو عاى كتفها وبسرعة قرب لوذنها وغوت بجهد” : ااااااااااااايهاي هاي …

نوار”بالخلعة غوتات بجهد تا صمكات ودنين اشرف وياسين ضار من سمع صوتها رجع كيزرب “: واااااااااااااااااااا

اشرف “كيندب فحناكو ندم ندم ندم هههههه” : وناري وناري وناري بغيت نخلعها صدقت. مخلوع …

ياسين”وصل عندهم رافع حجبانو بخوف وعينيه خارجين ” : نوار ؟ شنو مالك ؟

اشرف”ماعرف باش تبلى ماعرف يهرب ولا يبقى اش دار ما دار ولا تاهو يقلب فيها ” : نوار مالك ؟

نوار”شادة على قلبها وعينيها مغمضاهم ماكرهاتش تشد اشرف تندغو ” : اممممم

ياسين”قرب ليها مخلوع ” : نوار مالك ؟

اشرف : ماعرفت مالها …”قرب ليها مزيان حاط ايديه على كتافها” مالك خلعتيني عليك نجيب ليك الما …

نوار”حركات راسها بنفي ونطقات بشوييي يسمعها غا اشرف واستغلات ياسين ضار يشوف الما يعطيها تشرب وهي تمتم بفمها” : اقسم بالله وماتسكت حتى نقولها ليه وندير راسي ضرني راسي ونتا عارف فاش تيضرني راسي …

اشرف : تتشدك لالة عيشة تصرعك …”خرج عينيه” هاا لا هاني نسيييت سمحي ليا “ضار مشا يقلب عالما قلبه بغا يسكت كان بغا يخلعها صدقت خالعاه هو ندم لاش ضحك ههههه”

مشا اشرف دخل بزربة كيولول طار على واحد قرعة الما وكاس تم جايبهم حتى وصل عليهم لقاها جالسة وياسين واقف على راسها …حط ليها القرعة وخوت ليها الما مدو ليها ياسين تشرب …تكات على الكاس كلو حتى تنفست ورجع وجهها عادي ….

ياسين : شنو وقع ليك ؟

اشرف “قلبو هبط لسروالو ووقف ” : انننن

نوار”هزات عينيها خطفات شوفة فاشرف ورجعات نطقات” : غير كنت كنكتب منساجمة حتى صونا تيليفون وتخلعت وكان جاي اشرف تا هو قفز معايا ههههه …

ياسين”رفع حاجبو” : تيليفون خلعك ؟ بصح ولا كذباتك هادو ؟

نوار”كتفرنس زعما باش يميك” : ومتحكرش تافهة تافهة هههه

ياسين”عوج فمو وخلاها على خاطرها ” : براحتك “تم ضاير مشا وخلاها مع اشرف الي غييير مشا ياسين ماشي حلس وانما ساااح فالكرسي كيحمد الله ويشكرو وخا عارف ياسين مفارق هو ونوار ولكن عارفينو فحال هادشي ميبغيه لحد وخصوصا هي مريضة يثدر ينسا ويبقجو مع شي حايط ههههه

نوار”ضارت مخنزرة فاشرف” : كون كان عمو فؤاد والله ميعقل عليك بلا منقوليه يقشعك نتا مولاها وحتى ياسين قشعك غير فرق دار ليا خاطري ومحكرش ….

اشرف : سيري انا بغيت لديلمي الباسر الى باقيش ضحكت معاك …كلك مبيسة نضحكو معاك تعواجي من شي قنت …اااتفو …

نوار : عليك ..

اشرف”خرج عينيه” : هااانتي ضرب ليا على حلمبوحا …”كمش فيها عينيه بشك ” ياك قلتي سخفتي ؟

نوار : نسخفك ونگعد عليك كتقلب نخرج ليك مهاراتي رياضية نجمعك بنص ونطويك اش قلتي ؟

ياسين”جا وقف ليها عند راسها وهضر غيييير بشوي ما غوت ما جهد صوته ما والو ” : مابقيتيش مخلوعة ؟

نوار”طارت ونزلت ومضارتش عندو حدها حركت راسها ”

ياسين : طلعو طلعو الوقت تعطل ..تت “حرك راسو يمين شمال ومشا هاد المرة دخل نيشان وطلع بيتو ”

اشرف”شاف فيها رافع حاجبو وميت عليها بضحك ” : اش قالو 🦋🐺نور_الياسين(774)#فرصة_ثانيةsana mina🐺🦋

مابقات لقات مادير ومابقا ليها ماتبقى تكتب واصلا تعطل الحال والوقت لذلك هزات ايبدا ودفتارها وتيليفونها ومشات هي واشرف غادين ويتناگرو تا كل طلع لبيتو دخل ليه…حطات داكشي ومشات لمراية مشطات شعرها وضفراتو ومشات ل ماريو حيدات ديك بيجامة وهزات شورط ساتان وضوني ديالو حيدات سوتيان …

نوار”حيدات سوتيان ” : الله …”حسات براااحة فاش حيداتهم وطبعا هادشي كلنا كنحسو بيها يعني حاجة بديهية هههه …قادات فراشها وتلاحت فوق ناموسية هزات تيليفونها دخلات كتبقشش فيه هضرات مع صحابها الي تما فهامبورغ زملاء القسم …حتى وصلها ميساج من ياسين ….

ياسين : غطي راسك غادي نعيط ليك فيديو …

نوار”ضارت كتقلب بان ليها بينوار ديال ديك الي لابسة ناضت هزاتو ولواتو عليها وعقداتو وهي تكا وهزات الفون جاوباتو عاد صونا عليها فالبلاصة غييير هو ممستورش من فوق …

ياسين : شوية دابا ؟

نوار”حركات راسها” : هههه شوية شوية …

ياسين : ياك بعدا عارفة راسك …

نوار : ههههه وقلت ليك متحكرش …

ياسين : ماانحكرش مانحكرش …حك لحيتو كيشوف فيها …” امتا عندك طيارة ؟

نوار”بدلات ملامحها ” : نهار خمسطاش …

ياسين “عوج راسو ” : عطاتك خاطرك تخليني ؟

نوار”الصمت ماعرفت ماتقوليه”

ياسين : خاطرك خاطرك …

نوار”هزات نفس تا تنفخ صدرها وطلقاتها ونطقات ” : من نهار وقع المشكيل فديك الفترة ولفت وتعايشت ولقيت راحتي تما ملي كل مشا فحالو ….”ياسين كيشوف فيها ويسمع ليها مركز مع كل كلمة قالتها” شفت حياتي تما …انا ماعرفتش وماقلتش غاتجي هاد

الوقيتة ونرجعو ويمكن حتى نتا شفتي حياتك فالفيرما ومراكش وعرفت بانه عام ماجيتي لهنا حتى لعرس مينة …يعني كل واحد فينا بدا كياسس فجهة اخرى …دابا انا بديت تما حتى الى غانرجع بمرة خاصني بزاااف باش نقاد اموري …

ياسين”حرك ليها راسو” : من حقك …ماقلتي عيب …

نوار : بزاف ما وقع كنت معمية وبزاف ما هضرت وضلمتك شحال من حاجة قلتها فحقك كنت ماواعياش او نقول …

ياسين : كنتي مثايقاش …

نوار”حركات راسها” : اه فحال هاكا …

ياسين : وحدة ورا وحدة شلا وشوية من ضغط …هضرة مزال طويلة بيناتنا …ماتبغي لا تيليفون لا دق من بعيد …راجعة عند مينة لفاس ؟

نوار : لا هي غاتجي ولكن بعد غذا غانمشي معاها نفوجو شوية …

ياسين : ديك ساعة نجي لتما ونتشاوفو نهضرو براحتنا فين ما كان …

نوار”حطات حنكها على ايدها وعوجات راسها كتبتاسم ..” : غاتبقا هنا هاد الايام قبل منمشي ؟

ياسين “كان كيحك فدراعو وهز عينيه فيكساهم فيها” : شنو نمشي ؟

نوار : هههه لا لا غير سولت …

ياسين : مزاال مزال هنا …

نوار : مزياان مزيااان …

ياسين : واايلي …

نوار : ههههه وشنو …غ…”مكملتهاش وهي تحبس…

ياسين : شنو كملي ؟

نوار “بنفي ” : هههه لا صافي …سير نعس صباح فايق بكري تصلي الفجر وتمشي دير لامارش …

ياسين : ديري معايا لامارش ؟

نوار : بصح ؟

ياسين : وشنو خاصك تحركي بادية لاصال عاوني بيها ماتبقايش جالسة …

نوار : كنديرها غير هاد يومين مع جري فالوراق وفاش جيت كنت عيانة …صافي نديرها معاك …

ياسين : حسن باش نهضرو براحتنا …

قطعات معاه كل طفا ضو وتجبد نعس حتى رن التيليفون عند راسها وقت روتين خداتو تا وجدات راسها ولبسات سورفيت وسبرديلا جمعات شعرها كعكة مهملة وهزات تيليفونها وخرجات كانت ستة ديال صباح …حلات الباب وهي تلقاه عاد خارج تاهو بتيشرت كحل وسروال تاهو كحل فيه باندة من عند الكعبة وداير كاسكيط جاي وكيدوز على لحيتو ويردد فالباقيات صالحات حتى وقف شاف فيها وشير ليها براسو تبعو من جيهة دروج لور وتما من تم خرجو بداو لامارش بزوج اول مرة …

ياسين”راجعين من لامارش مشي ” : ومراهقة فيها حنا دابا …

نوار “ضحكت” : مزال كنهضرو …

ياسين : الخواطر صافية ؟

نوار : صاافية وخا منهضروش …

ياسين : ديما نهضرو ونعاودو هضرتنا ماليها حد هضري وعطي شنو عندك خلي ليسر ديالك يرتاح ويخوا الي جات فبالك قوليها شاركيني فيها…ديما بيناتنا هضرة وكلام ولغا وخا يبسال بيناتنا نخليوه منغم وحلو ولا مالح ولا حار المهم مشاركين كلشي منضرك ماضربني ولا ضرينا بعضياتنا نفكو مشكيلنا …

نوار : كان خاصني نبدا البدية الي كيقول عمو فؤاد البدية الواعرة وهي الي غاتسرح طريق لكلشي …

ياسين”وقف وشاف فيها” : فحالاش ؟

نوار “حدرات عينيها كتلعب فسنسلة ديالها وكتهضر” : يعني نبدا نقول اول كلمة منحبسهاش فخاطري كيما كانت وخا تكون معيورة عليها غانبدا نقول كلاام هو وكيما كان ونتقبلو انا وراضية عليه طورف لاخور كيما كانت ردة فعلو مهم انا …

ياسين”حرك راسو بالايجاب ” : كيما كانت الكلمة قوليها ديري فبالك ماغاتموتي ما غاتحبسي هي غير هضرة وكلام باش نفكو العقدة ولغام (لغام هما دوك القنبلات المزروعين فل🦋🐺نور_الياسين(775)#فرصة_ثانيةsana mina🐺🦋

وهما غادين وكيهضرو بزوج حتى نساو راسهم ولقاو راسهم وصلووو الفيلا حل عليهم العساس ودخلو كان يوسف خرج بكريييي سافر لدار البيضاء ولداخل كانو تقريبا كلهم الا يوسف …دخلو لقاو الصالون جالشين فيه ومحطوط الفطور شي فايف وشي مزال ناعس …طلعات نوار لبيتها تدوش وتبدل مخليا ياسين وقف عليهم فالصالون ولقا السلام …

يامنة : تفطر ذابا ؟

ياسين : كاس اتاي حتى نجي …

يامنة”عرفاتو بغا يكمي كبات ليه كاسو اتاي ” : هاك ولدي …

نجود “شافت فيه ” : اجي عندي ولدي هنا نشوفك …

ياسين “شاف فيها” : شنو توحشتيني الميمة ؟

يامنة : ههههههه

نجود : هههه وديما الكبدة لولة ديما …

ياسين”حيد سبرديلتو بالخف ودخل جلس حداها حطات ايدها ورا ضهرو …ومدات ايديها لحيتو دوراتو عندها تحقق فيه وتعاود وتاهو مخليها على خاطرها لعن الي قاليها زگاي ”

نجود : ويضهر ليا لا وليتي لباس على كي كنتي …

ياسين : وايلي …

نجود : حق الي ليه الحق حتى يبان الحق …

ياسين : مزيان ياك ؟

نجود : وجهك غادي ويتگعد همومك قلالت واش السر ؟

ياسين”هز ليها ايدها وباسها ” : رضاك عليا نتي والحنانة …

نجود “ضرباتو بخفة ” : الله يمسخك الملعون تنسيني بهاد الهضرة …

يامنة : واشنو زعما مالو ؟

نجود “قربت ليه وهضرات غير بينو وبينها بشوي تا عطاها وذنو تاهو ” : مجية نوار نوراتك ياك ؟

ياسين “رفع حاجبو ” : كيفاش عرفتي ؟

نجود ؛ الزماان جاد عليا ودنيا قراتني راني جداك اوليدي ونعرفك من عينيك …”زادت خفضات صوتها وفؤاد ضار عند يامنة كيهضر معاها يشغلها باش متسمعش ” ياكما رجعتو تهضرو …

ياسين”حرك ليها راسو ” : هاحنا على مولانا …

نجود : وسع خاطرك وكسبها جيهتك هما جوج كلمات معندها عليك لين ومعندك عليها لين تاهي بانت فيها وبدات توگض ووجهها يتگعد دير بالحساب وقريها وتاهي را تقريك كيما كان الحال صبر بزز منك كتبقى ولية ويلاه ناضت من مرضة ودازت عليكم بزوج …وهنية عليك لا رجعتي مرتك حسن ليك …

ياسين : نتمناو من الله يسهل علينا وكان …”طبطب على ايديها ” نتي غا دعي معانا وميكون غالخير …هناي من هاد جيهة هي الي عندي وهاني معاها فالشدة والحلوة …الي فات مات وهاحنا كنصلحو ونفرشو ساس صحيح فين نرجعو …

نجود : الله يرضي عليك …

ياسين”شاف فيامنة ” : سخني ليا كاسي …

يامنة : واخاا ..”رجعات داك الكاس وكبات ليه واحد جديد هزو وناض خشا رجليه فسبرديلتو لبسها ومشا خرج برا جلس فالفوطوي جبد كارو شعلو كيكمي …حتى صونا ليه تيليفونو من سالم …

ياسين : خبار الخير …

سالم : الخير الخير …واشي ناس سولو عليك …

ياسين : شكون ؟

سالم : واحد سيد قاليك من مراكش تاجر ..

ياسين : الى رجع عطيه نمرتي ولا يتسنا تا وكان نجي سيمانة جايا …

سالم : واخا …

ياسين : كلشي مزيان تما ؟ مكاين مشاكيل ؟

سالم : كلشي مزيان حد ساعة الحليب كيتدفع كل نهار واقف عليه جدك راسو وانا بين الارض والارض وديك الارض الي كتوجد فيها الفيرما ثانية …

ياسين : المهندس الي تما بلغو باش يرسل ليا تخطيط ديالها …ضروري …

سالم : توصل توصل …

قطع معاه كمل كاسو وكارو ديالو ودخل لداخل حط الكاس فطر ليه شوي عاد تم غادي لدروج طلع وفطريقو تلاقا بيها جايا شعرها مزال فازگ وحناكها مزنگين …

ياسين : بدا الحال يبرد هنا مابقاش وقت تخلي شعرك باقي منشفش يلاه فاتك الحال كتقلبي على مرضة من جديد ؟

نوار : دغيا كينشف غانبقا غير لتحت مغاديش نخرج …

ياسين : ردي بالك الله يرضي عليك …

نوار : خارج ؟

ياسين : ندوش ونخرج غادي عند الحاجة ام سفيان …

نوار : كترتاح عندها هههه

ياسين : زمان الحكمة وصافي (زعما امراة كبيرة علمها زمان الحكمة ) …

نوار : يعني عارفة بحق الزمان …

ياسين “دوز ليها على حنكها بصبعو” : هي هاديك …

نوار: سلم عليها وديني عندها شي نهار …

ياسين : ضروري …

حركات ليه راسها مبسمة وهو يتم غادي طالع وهي نازلة حتى رجعات وعيطات ليه وصل لعندها بتساؤل …

ياسين : خاصاك شي حاجة ؟

نوار : سولتك البارح واش غاتبقا هاد ليام هنا ؟

ياسين : مزال هنا حتى تمشي علاش ؟

نوار”كتشوفيه بعويناتها وقبل متنطق ضهرو بقع حمراء على خدودها من خجلها قبل متنطق وقربات لعندو وقالتها بزز باش خرجتها الي ليها ليها وهادي من الحاجات الي تعلمت تحاول تلوح الكلمة الي كتوحل ليها بزز باش تخزجها تقولها باش تولي تنطقها وتسرح ليها …” : بغيتك تبقا الى مشيتي وطولتي غادي. ن نتوحشك بزاااف …قالتها ليه قبل مايهضر نزلات كدردب مع دروج مخلياه كيشوف حتى عض شنايفو بجهد مالقا ليها جهد اما يقنت مها ميطلقها تايعيطو لصالحين …

#يتبع….ارض مكيبانوش الى عفستي عليهم كيطرطقو)

#يتبع…ا سخيفة حصلتي ووديتي خهههه …

#يتبع….لحبيبة ديالي وديالي وحدي …

#تصبحن_على_خير…

 

 

نوار”ربعت ايديها وغوبشت” …

#يتبع….

 

نا فاهمة والو هبطت وصافي ههه ”

#يتبع… تعرفو على بعضياتكم …

#يتبع…جل فوق رجل كيسمع شنو كيقول باه”

#تصبحن_على_خييير….

 

منك يوقع الي يوقع …

#يتبع…ك لين …مرجوعي لعندك …

#يتبع…

يهش صحيح …”

#يتبع…ك تهضر …”

#يتبع….خل ومشا مكسيري ب سرعة المئة …

#تصبحن_على_خير…

 

 

 

بنفس طريقة ” : بصحتك …

#يتبع…

ونقوووول مرحبا بايساف الصغير خهخخخخ …

#يتبع…عطلوش هههه ” : الله واكبر …

#يتبع…ى_خير….التعالييييق فالرد …سين غمز نعيمة جابت ليه طاسة كبيرة حطها فالثلاجة …

#يتبع…و وشحاااال عزات عليه فهاد لحضة …

#يتبع…ليها وصافي صلاة عالنبي ….

#يتبع… صعيب وحنا زيرو معندناش

#تصبحن_على_خير…لي لمقاطعة وقفي مدخليش تنهضر معاك …

#يتبع…ال قدو يبقى بلاش ياربي شحااااال …

#يتبع…لاجواء ويعيطو الاحباب ….

#يتبع….حتشم ) …

#يتبع…

 

Leave a comment