Skip links

قصة : نور الياسين ج31

 30,733 عدد مشاهداات

🦋🐺نور_الياسين(676)#فرصة_ثانيةsana mina🐺🦋

“تخشات حداها ونعسو مشااو تاني اما هو كيف طلع شرب قرعة الما تا روا عطشو وهو يتكا رتاح ليه سويعات قلييلة تا وصلات سصباح فاق ولبس غير سورفيت خفيفة فالاسود لبس سبرديلتو ومشط شعرو وهز تيليفونو حتى بدا يصوني ليه تيليفون من العساس …

ياسين : مالكم ؟

العساس : سي ياسين واحد المراة جات قلتي ليها دوزي تايسالي هادشي ودوزي …

ياسين : نعتها ؟

العساس : مراة كبيرة عندها واحد الوشمة بين عينيها على شكل خلالة ووحدة فذقنها …

المراة : قوليه الي لقيتيني فطريق البارح مع طلابة …

ياسين “كيقرقب سنانو وعقد حجبانو كيتفكر ” : الخالة شامة ؟

العساس : اسمك شامة ؟

شامة “بابتسامة ” : واايه هي …

ياسين : قول لمي نعيمة راها فالكوزينة توجد ليها ماكلة من ماكلة البارح مزيانة وتكتر وديسير تجمع من كلشي تحط …انا نازل عندها …

العساس : واخا سي ياسين …

قطع معاه وضار جبد واحد جوا دار فيه الفلوس ودارى فجيبو وهز كونطاكت …خرج من البيت فطريقو تلاقا بيوسف عاد جاي خارج صبح عليه وتم غادي حتى عيط ليه …

يوسف : ياسين ولدي وقف نهضر معاك …

ياسين “ضار عندو ” : مرحبا شنو خاصك ؟

يوسف “ابتاسم ” : ههه لا ولدي كفيتي ووفيتي “قرب حط ايو على كتف ياسين وكمش عليه ” ولدي عارفني اب وبناتي عندي بالدرجة لولة كتر من راسي …عارفني كيفاش داير معاهم والى مرضو خاطري يمرض …

ياسين : الله اودي شكون الي معزيزة عليه كبدتو غير الي معندو كبدة …

يوسف : انا شوية زايد نغزة على ناس الي عندهم الكبدة …مكنفكرش بعقلي ولساني فالت ومكنوزنش وانا شاب باقي ممزوجش ماعساك فاش كبرت وهترت …

ياسين “الصمت عرفو فين بغا يوصل” …

يوسف : الهضرة الي خرجت البارح والله ما بقصدي عليك …الي وقع ماليك فيه ذنب ماليكم ذنب مكتاب وصافي …ايييه نتا غالط وتاهي …

ياسين : الي فات مات بكلشي فيه …حنا فبداية جديدة سي يوسف …باش منافقكش ونكدب عليك …هادشي ولفتو فيك قبل منتناسب معاك …”هز فيه يوسف عينيه ” هادشي عادي ومن حقك …كيف مكان الحال

الي قلتيه وخرج من لسانك عارفو من عمي وبويا تاني والاب مكيخرجش من قلبو فلحضة غضب …

يوسف : سمح ليا وكان …

ياسين : ماعليش خوذ راحتك …”باس ليه راسو وتقابل معاه ” غا هو ضرب وقيس القلب كيصبر ويصبر ولكن غايجي نهار فين يتحك ويتدبر …

طبطب عليه ومشا مخليه كيفكر لاح ليه هاد الكلام بطريقة ارسطقراطية ههههه يعني باحترام وفنفس الوقت را مغايبقاش يصبر باش يفهم راسو ….نزل مكمل مشيتو حتى خرج لبرا شعل كارو تا كما شوي ومشا لعند العساس الي واقف مع نعيمة كتمد ليه

داكشي الي كتجمع وتعيط ليه تعطيه وهو يقاد اما المراة بقات جالسة فواحد الكرسي تا وقف عليها ياسين …

ياسين : الخالة شامة …

شامة : أكيحفض ربي أيوي لباس “ولدي يحفضك ربي لباس ”

ياسين : لباس ميمتي …باقي كضوري هنا ؟

شامة : مالقيت فين حتى وكان لقا فلوس المركوب نطلع لجبل …

ياسين”جبد داك جوا ومدو ليها ” : هاكي هاد البركة وسيري من هنا معندك ماديري فهاد البلايص وديك الخدمة مغاتنفعك غير بالشرك بالله وتدي ذنوب …

شامة : واا جيت غا عند شي عايلة هنا درت ليهم الفال …

ياسين : الله يهديك …

شامة “ضحكات تا تسدو عينيها الخضرين كتشبه لملامح زينة جدات يامنة …شدات ليه ايدو وخبطات ليه كفو …” : نشوف ليك فالك ؟

ياسين : يهديك الله فال عند الله …

شامة : ودير ليا غير خاطري ونمشي حتى تجي عندي لجبل زورني ونتهلى فولدي …

ياسين “باس ليها راسها ” : لا لا …

شامة “طلات على كفو ممفاكاش ” : ولدي مال قلبك مضيوم وطريقك الي كانت منورة …”كمشات عينيها” قدامك طرييييق واش طويلة ما طويييلة …

ياسين : الخالة سبحان الله …

شامة “كمشات ليه فايدو مبغاتش طلق تا هزات فيه عينيها مخرجاهم على جهدهم دفعات ليه كفو وايدو. ” : الله ياربي الله ومااابغيت ليك هاد المكتوب …”ضارت كتزرب خلات ديك الماكلة الي وجدو ليها تما وخلاتو كيعيط والعساس تابعها و🦋🐺نور_الياسين(677)#فرصة_ثانيةsana mina🐺🦋

مافهم والو فيها وفردة الفعل ديالها خلاتهم كيعيطو ليها ترجع غير تاخذ ماكلتها الي وجدو ليها وشي حاجات وصاهم من المونة يجمعوها ليها …بقا الظرف الي فيه الفلوس فايديها مارداتش ليه البال …شاف حتى عيا ومالقا ميدير سوا انه وصا العساس يطير بطوموبيل يتبعها ويعطيها داكشي الي وجدو ليها …تم راجع الفيلا لداخل لقا يامنة نازلة عينيها مبوقين وكتقاد فشالها داعقها العيا …

ياسين”باس ليها ايدها” : الحنانة شنو منزلك ؟

يامنة : نوجد لباك غير فطورو الى جاي يشرب دواه …

ياسين : عيانة ميمتي شوفي وجهك وعينيك ماعليش ياك الي فالكوزينة كاينين …

يامنة : مغايعرفوش قياس الملح وسكار وماكلتو صعيب ياكل من غير ماكلتي هههه اش دير …

ياسين : شكون الي يسخا بماكلتك ويبدلها …

يامنة “كتفوه ” : مزال غاندوش ونفيق مزيان عندنا تاني منقضيو …

ياسين: شنو عندكم ؟

يامنة : مزال غاتجيب يسرى شي حليوات موصيا عليهم مانديو فالعشية و فاكية مشكلة راك عارف صواب وصافي …

ياسين : غاديا غير نتي وهي ؟

يامنة : انا وهي ونوار “حنحنت ”

ياسين : مزيان …

يامنة : مصونيتيش لبا ؟

ياسين : فالحرم دابا يدخل لشومبر ونعيط ليه …

يامنة : هضرت معاه البارح مزيانة صحتو بعدا سكار مقاد ليه …

ياسين : معاه داك سيد وطبيب كيراقبو وتما را مدهي مع الشعائر يرتاح قلبو …

يامنة : الله يتقبل ليه …

يامنة : خارج ولا ….

ياسين : خارج …”حك عينيه ” شي شوي ونرجع نرتاح منعستش …

يامنة : واخا حنينة …”مشات هي الكوزينة وهو طلع لفوق تا هز لوازمو ديال طموبيل وراقها وخرج من الفيلا لوجهة فين غادي يقضي اغراضو ويدير اتصالاتو ويراقب خدمتو وهنا وهنا بحكم هو شخص عملي مكيحبسش من الخدمة الى شد كونجي يراقب من تيليفون والماك وهاهي غاديا ….

حلات عينيها على دغدغات صباع يسرى عند راسها لابسة جلابة موڤ وجامعة شعرها لور مخلياه مطلوق من تحت …بدات كتحرك فعينيها حتى حلاتهم عليها …

يسرى : بغيتي تخمري ههه صباح الخير …

نوار”بصوت مبحوح ” : صباح الخير …

يسرى : كيف بقتي من الوجع صافا ؟

نوار “كتفوه ” : مزيانة شربت فنيد وبقيت شوي حتى همد ونعست …

يسرى : ايوا مزيان ومزيان لبستي كولون سخنتي جنابك ..”باستها من جبينها” يلاه فيك مينوض طلعي معايا تال مدينة نجيبو بلاطويات الحلوة وشي مقدية صواب العشا ديال دار راجل ختك …

نوار “ناضت كتحك فشعرها ” : واخا نبدل ولبس ونجي …شكون غادي معانا “مغمضة عين وحالا عين …”

يسرى : ههههه حلي عينيك بعدا …غاديا انا وخالتك يامنة يكتر خيرها ويمكن طلع معانا يا سارة يا نجوى ولكن منضن غايوجدو هنا يلاه يتكافاو مع فطور وغذا هنا …

نوار : اممم اووكي …”نتافضت من فراش خلاتها يسرى كتجمع فيه وطوي عاد مشات توضات بالخزامى وشيح وجداتهم ليها نجود عاد بدلات لفوطة صحية وخرجات حلات الفاليز مالقاتش شي حوايج حيث اصلا

مجابتش حوايج غير زوج تبديلات …طلعات لفوق لبيتها ضنا منها غاتلقا صفية ساعاك مالقاتهاش سولات عليها بلغوها بانها مشات صباااح هي وراوية حيث خاصها ترتاح وتبقى ناعسة … هزات من ماريو كسوة كحلة عند الكعبة لبسات فوقها كاب بيج وصبيبيط موكاسان جمعات شعرها وهزات تيليفونها خشاتو فجيب الكسوة وتمات نازلة خاشية ايديها فجيبها حتى سمعاتو جاي طالع حدرات راسها وتمات غاديا …

نوار”بعيون لامعة ” : اشرف …

اشرف “جاي مغوبش وقف بلا ميشوف فيها” : نعام …

نوار : باقي مقلق ؟

اشرف : عااادي …

نوار : حرام عليك …

اشرف “ضار مخنزر فيها” : علاش حرام عليا اختي ؟ ونتي ماحرامش عليك ؟ اااا ؟ نهضر ولا نسكت ؟

نوار “حدرات عينيها ” : عااارفة …اشرف بلا منافقك راك عارف حتى ماما كنت قاطعة عليها …

اشرف : مك محنيتي فيها وبغيتي تحني فيا ؟ مك الي والداك علاش تقاطعيها ؟ بابت اش ؟ هي قالت ليك هبلي وعيطي لاص ؟ هي الي هبلاتك …ااااختي “كيشالي بايديه فحال سنبل اغا ههههع ” نجيك نييييشان

نتي اختي الي بغيتي تقاطعيها نتي قلتي اجي نهرب منهم كلهم ….مالنا الالة قلنا ليك جدب وندبي وحندبي انا كنت غااا خوك عشيرك … فبلاصة ماتقلقي من زوج تلاتة ناس كاااع ربعة لا كترتي نضتي درتي سليكسيوني تووو. جمعتي الحزاق كامل ضربتي عليه ….

نوار : دابا اش بغيتي ندير كنت باغا غير راحتي الي عشتو منبغيهش ليك والله منبغيه ليك براكة عليا غير الي فيا كافيني هذا عقاب كافي وموفي …

اشرف : ايوا الله يشافي القلوب …

نوار”هزات فيه عينيها كنوع من ترجي ” : سمح ليا بزاف …

اشرف “بقا يشوف فيها يشوف يشوف ” : يخ تقطعي فالقلب اجي لهنا ..”مشات كتزرب تلاحت عليه عنقاتو ” اشوفي لله لا ديبلوكيتك من واتساب …

نوار : عندي نمرة جديدة 🦋🐺نور_الياسين(678)#فرصة_ثانيةsana mina🐺🦋

ايوا هذا هو الحال من بعد ما تصالحات معاه عاد رتاحت شييي شوي …بقات تناگر هي وياه ويقولها ويصحك عليها وهاهي هنا وكيدرتي تا تافقو على جلسة ليلية الغذ ليه يتجمعو فيها غا هما شباب ويسهرو يسولو على الاخبار والاحوال وتكون جلسة مطولة كيف دياااال زمان ….نزلات هي وياه تا فطرو عاد ناضت هي ويسرى ويامنة ونجوى اما مينة بقات ناعسة ترتاح …وسارة

راها مع ولادها الي يلاه فاقو …فطريقهم لبرا عيط ليهم سليمان …

سليمان : وااالخالة والوليدة …

نجوى “ضارت عندو حيدات نضاضر شمش تاهي بجلابة مخزانية ” : امالك …

سليمان : انا نوصلكم فين بغيتو محتاج نتحرك شوي …

يسرى : جابك الله اولدي …

نوار : اجي اجي …

سليمان : نجي بلا متقوليها ليا “قرصها فحنكها تا غوتت” سكتييييي …

نوار : را غادي نضربك .

يسرى : ويل شيطان على ضربيه …

سليمان ؛ ماشي راها غذا ترجع تدخل لاصال تستانف حصص الكيك بوكسينغ …

يامنة : حتى هنا يا بنتي …

نوار : الكوتش الي كيدربني وصاني منحبسش هاد الفترة …

سليمان : البااارح عيط ليا وسول عليك واكد …

نوار : غاندير لاصال الي هنا ونتدرب فلاصال الي فالملحق (تابع لفيلا ديك دار) …

نجوى : ماكترتيش عليها نتا ؟

سليمان : كترة ضغط كتولد الانفجار مزال محتاجها تنفاجر شوي …

“ركبو فالسيارة ديال الياس الي هنا خلاها لسليمان اما الياس بقا فدار هو ويوسف وصهيب يرتاحو من طنطين الحفلة ..الوجهة كانت عند واحد سيدة كتصايب الحلاوي مشكلة حطهم قدام دارها دخلو عندها وبقا هو برا متكي عالطوموبيل وحداه نوار ..

سليمان : مالك ؟

نوار “باستغراب ” : كيفاش ؟

سليمان : مالك بمعنى مالك وصلي وهضري …

نوار “ساطت نفس من اعماق اعماقها …تقولي كانت خازناها تا هضر سليمان ” : مواجهة ماشي كيف حسبت …

سليمان : شنو كان يحساب ليك ؟

نوار”عوجات فمها” : ماعرفتش …

سليمان : كان يحساب ليك غايتصدم ؟ كان يحساب ليك غادي تسخفي وتوتري ؟

نوار : توترت وتصدمت وسيطرت على الوضع …

سليمان : بان فعينيك ميحتاجش …ماعليش كوميم تصرفتي بعقلانية …

نوار “عاودات ليه على كيفاش شافتو ” : ومشا…

سليمان : دابا شنو نتي بالنسبة ليه ..”وقفها بايدو ” قصدت ماشي الاحاسيس انما قصدت بالمنطق بالنسب ” …

نوار : دابا انا بنت عمو فمقام ختو …

سليمان : كلمة ختو كتجيك عادي ؟

نوار “هزات كتافها” : منكدبش عليك مغاتجينيش عادي …كيما كان الحال مبقيتش مرتو والقرار مني انا الي بغيت الفراق اذن انا خاصني نتقبل …

سليمان : عجبتني هضرتك …ماحسيتيهاش فوق قلبك محسيتيش بغصة فحلقك …

نوار “الصمت قشعها تتصرط فريقها ”

سليمان : ماحاساش بتاحاجة دابا ؟ ممقلقاش خاطرك ماضراكش ياك البارح قلتي ليا خاطري ضارني …

نوار: مكدبتش مزال عند هضرتي …

سليمان : شنو الحل فنضرك باش متبقايش مريصة فخاطرك ؟

نوار : نتماشى حتى نولف والوقت غادي داوي …

سليمان : شنو غادي داوي جراحك ؟

نوار: جراحي وجراح ناس جرحتهم وغبت عليهم بدون مبرر …

سليمان : نتي همك ناس لاخرين …وراسك واقربهم والي تاذاو بصح بسبابك …عندك هاد الزوج حاجات الي ذكرت فعقلك ؟

نوار : عندي …انا فمرحلة جديدة …

سليمان : الي هي ؟

نوار : نصالح الناس الي خليت ورايا ونحاول نرجع بلاصتي الي كانت عندهم …

سليمان : بلاصتك ابدا ماتزعزعات عندهم فقط يكفي تزيدي بلاصة ديال نوار القادة نوار المسؤلة نوار الي كتفكر بالعقل عاد القلب …

نوار : شنو ندير نصيحتك ؟

سليمان : خاصك ترجعي تفكري الماضي وتحييه نتي سديتي عليه …خاصك ترجعي تفتحيه باش تعرفي الخلل فين كان وفيمن كان …ان كان فحاجات فيهم الخلل منك فكري وتصرفي كان الخلل فيهم واجهي وناقشي …

نوار : خفت نرجع من جديد نبدا من نقطة صفر …

سليمان : رجعي وعاودي فكري ورجعي تا تقدري مزيااان وتولي معودة ويجيك عادي …المشكيلة ثانية الي فيك هي انك كتسدي على الحاجة وتكبتيها…ابدا نواجه نخرج عيني نقصح وجهي فينما جات يا دبحة ياربحة طبعا مع الاخذ بعين الاعتبار الحاجة شنو هي …

نوار : تصالحت مع اشرف …

سليمان : برافو …شكون باقي …

نوار : ايساف وخا سلم عليا كان سلامو ناقص …

سليمان : حالو ساهل …

نوار : باقي نخرج مع بابا وماما وحدنا ونهضرو …

سليمان : برافو …شنو باقي ؟

نوار”كتهضر وعينيها لتحت” : خالتو يامنة …

سليمان “دار ايدو على ذقنو ” : دخلي فالمهم الي كتلوحيه فور مكتجبديه تعاودي تلوحيه وراك وتجبدي حاجة غيرو ….

نوار “نطقاتها بدون شعور” : معنديش الوجه …

سليمان “يلاه غايهضر حتى هزات عينيها بانت ليها مها جايا مضاربة مع بلاطويات ولقاتها فرصة ” : ماما !! احم ماما انعاونك اجي 🦋🐺نور_الياسين(679)#فرصة_ثانيةsana mina🐺🦋

وصلات العشية تقريبا مورا اذان العصر لقات الكل كيوجدو راسهم حيث كاااملين غادي يحضرو لعشا الي اصرر رياض وماجدة الام ديالو يحضرو ال رمسيس كلهم باستثناء راوية الي اعتاذرت هي وايلاف وصفية …

مينة “واقفة فبيتها قدام المرايا كتهضر مع رياض حاطا تيليفون قدامها وطالقة سبيكر ” : هاني كنوجد …

رياض : وديري فيديو مالك …

مينة : غادي دعقني مغانساليش اللهم خليني بعدا راني جاوبتك …

رياض : ياك ابنتي …

مينة : هههه عافاك والله حتى غانتعطل ..

رياض : يلاه واخا …”عيطات ليه خالتو ” هانا الخالة …واخا …

مينة : يلاه سير …”قطع معاها هزات واحد قفطان راندة بالعقيق وفوقي ديالو كيبين تحت القفطان لبساتو وخلات شعرها مطلوق مصايب طويل كحل …بدات كتصايب فوجهها ميكاب جد خفيييف ورشات بارفانها دارت خاتمها دزواج ولبسات بلغتها …حتى دقات عليها نوار غير حلات الباب ….

مينة “طلعاتها وهبطاتها ” : وااااو على القفاااطن ديال راندة فالبوردو يااالالة …

نوار”طلات على راسها من تحت كتسرح فالقفطان الي كان براندة سامبل فبوردو وجاي ايفازي بلا حزام وصويك صغير فايدها طالقة شعرها والگصة على عينيها ” : هههه عطاتو ليا ماما …

مينة : صايباتو ليك فاش كنتي فالمانيا …كانت حاسا بيك غاتجي …

نوار : عجبني …يلاه نهبطو كيتسناو …

مينة “هزات صاكها والي تحتاج وعنقاتها بجنب وخرجو بزوجات نزلو لتحت لقاو الفوج لول مشا وتاني وتالت بقا غير سيارة صهيب ركب علي الي سايق ورميساء وسارة ومروان لور …

وفوج الاخير فيه يسرى ويوسف وها بناتو واجدات …ركبو كاملين وتحركو نيشان لفاس الي لقاو فاستقبالهم كل من ماجدة ورياض وعائلتو من الاب والام ….استقبلوهم بالتمر والحليب وبالعادة وضحكة مافارقاتش وجاههم ناس نخوة وشان …

رياض “باس راس يوسف ” : سي نسيبي مرحبا …

يوسف : ترحب بيك جنة ولدي …كاين شي عشا من هادشي ولا غا نسيبي نسيبي “طنز رجال”

يسرى”خرجات عينيها” : ويلي يوسف

رياض : العشا هو لول …اش تاني خور ؟

يوسف : كاينة نخوة ؟

رياض : نتوما ماليها …

يوسف : اسيدي غا من تواضعتي وضحكتي هاديك دنيا …

رياض”تيطنز” : قلنا نتواضعو معاكم اسي يوسف وكان …

ماجدة “تاهي خرجات عينيها” : ارياض ؟

يسرى “جرات ماجدة ودخلو هي ومينة ونوار” : زيدي زيدي …تبعي هادو …

حتى رياض دخل هو ويوسف لصالون الكبير عند رجال والعيالات فصالون لاخور كانو مقابلين صالونات مع بعضياتهم فارقينهم غير طوالة وسط …جلسات نوار حدا مينة وفالمقابل جلس رياض وجلس حدا ياسين الي تقابل مع مينة ونوار …

رياض : مرحبا سي ياسين شرفتينا …

ياسين : يعمر دارك اسي رياض …

رياض : كاينة شي حركة فالفلاحة العام زين ولا

ياسين : شي شوية ونقول الحمد لله …

رياض : اللهم لك الحمد ..”شاف ف فؤاد ونطق حشمان ” سي الحاج مرحبا نورتينا وشرفتينا …

فؤاد : منورة بماليها الله يرضي عليك اولدي …

عم رياض : الحاج فؤاد ورمسيس نعم النسب ..

فؤاد : ونسبكم انعم …

بقاو رجال شي يهضر مع شي يوسف صهيب اسامة علي الياس الحبيب تاهو جا سليمان الي كان حدا ياسين …

سليمان : رتاحيتي من تمارة ؟ منعستيش ؟

ياسين : نعست هاد العشية مزيان وتمارة لابد منها …

سليمان : خاصك ايام راحة نيت كتجلس من خدمة مكتعطيش راسك راحة …كترة الاجهاد غايمرض ليك راسك وذاتك …

ياسين : دابا نرتاح …

سليمان : كنفكر نضرب تال عندك …

ياسين : رجع معاايا فاش نكون راجع ..

سليمان : امتا راجع ؟

ياسين : يومين بالحساب …

سليمان : صافي هذا جهد ؟

ياسين : الواجب درناه وشفنا الاحباب …

سليمان : اينا حباب هههه …

ياسين : الميمة راوية يوسف صهيب الياس نتا حبابي كتار غير الى مبغيتش نجي نشوفهم …

سليمان : ايه ههههه …

ياسين : سليمان غانجيك نيشان بلا ماتحاول معايا ماشي من نوع الي نقوليك اش كاين الي فخاطري ضارني كنخرجو وقت الي خاصو يخرج والى خاصو يتكتم را بيني وبين راسي نهار كنفتحو كنفتحو لزوج ناس لول الوليد وتاني نهار شد بلاصتو فرط فيها …فهمتي هي هاديك مفهمتيش بقي🦋🐺نور_الياسين(680)#فرصة_ثانيةsana mina🐺🦋

تحطو صينيات اتاي بكيسانهم والمجامع حداهم عند الرجال ولاخرين عند العيالات جابو ليهم مقراج طايب عمرو اتاي بالطريقة البلدية الي تكلف عم رياض صحراوي عايش فيها اصلا عمرو بالطريقة صحراوية وعند العيالات عمراتو نجود …وتحطو حلاوي مشكلة …

اشرف : امتاش يحطو لينا هاد العشا وهما باركين من صبيحة ربي وهما مرحبا ترحب بيك الجنة …

اسامة : فمي عواج يمدو لينا غا جوج جغمات ندفيو بيهم المعدة …

علي : قاني على واحد الكاس ولد الهم كشكشو بالمزيان هاااح …

الحبيب : هذاك ديالي اولدي …

علي : بابت اش ؟

الحبيب : انا بغيتو الوليد سيدي فؤاد رمسيس بشانو وعضمتو وصيتو عليه قاليا كون هاني …باباتي المفششني …

علي : ايوى بزعطة الى كان بوك هو فؤاد رمسيس يحساب ليك تخلعني نتا وياه هيييييء “قالها فوقيتة الي سكتو فواحد لحضة تتوقع تيسود فيها صمت …اييييوا را قال ما قال وخرج ما خرج …الحبيب سكت وضور وجهو لهيه دار راسو تيهضر مع الياس عمو ومشكيل ماشي هنا مشكيل دخل فموضوع كانه بادينو من قبيلة …

الحبيب : واخا العميم غذا ندوز ليك دوك الملفات …

الياس “تاهو كمل معاه ” : واخا ولدي …

علي “ما بقا هضر ما بقا قال والو بقا مفيكسي عينيه فنقطة خاااوية ” …

فؤاد “نطق بداااك صوت تقيييييل وخاااتر ومدعدع ينوض رااگد ” : عليييي …

علي : ااانعام اسيد العمام …

اسامة واشرف ناضو استاذنو وخرجو من صالون مهم يمشيو يخراو ضحك …

فؤاد : من بعد ونتفاهمو …حسك ميتسمعش …

الياس : اتدورو دورو يا وليدي وتجيبوها لراسكم مااانغزكم حد …

الحبيب : ارررعد …

جاد “جا معاهم فبلاصة راوية وايلاف وايساف حيث محضرش لعقد البارح ” : ناااري قداش قالها …

اسلام “كيندب ” : والله تايعلقو من شفارو …

علي “حدر رسو مهزوووش ” : واخا العميم سمح ليا …

ياسين “بغا يتعق توتر ناض ” : الوليد انا برا “غمزو زعما خاصو يكمي …

رياض “فهمو ” : هاك كويس اتاي “ناض ” اجي نوريك جردة اسيدي الي صايبتها لينا بنت عمك مينة هههه

ياسين : اييه مرحبا …

مد عم رياض الكاس الي من النوع الي كيعشقو ياسين اتاي صحراوي مشحر وبالكشكوشة يشهييي …مدو ليه رياض ومشا قدامو تابعو ياسين حتى دخلو لواحد الممر خرجهم لتحت لاكاف فين كاين صالون وقدامو كوزينة عاد فالصالون باب مساحتو عريييضة طويلة بالسكة كيطل نيشان لجردة الي وسطها سقاية كبيييرة كتطلق الما وجنبها غريسات …وقدامها جليسة بالفوطوي …

رياض : مرحبا سي ياسين …

ياسين : بارك الله فيك … طواليط الله يخليك

رياض : فطوالة منين جينا البيت لول هي هاديك ياك عارف طريق ياك فاش تبغي ترجع ..

ياسين : عارف عارف …”ابتاسم ليه رياض وخلاه تقابل مع سقاية وجلس حط الكاس فطابلة وجبد كارو دارو بين كفوفو تا شعل البريكة وشعلو نتر منو مزياااان تسرح فوق فوطوي حاط راسو عليه كيشوف فالسما الي غربات شمسها وبدات تبين نجومها ….

صونا ليه تيليفونو بقا على ديك الوضعية تا جبدو من سروال قابلو مع وجهو شاف شكون لقاها الهام وقطع عليها …

ياسين “عاود صونا ليها وهو بنفس الوضعية متكي راسو كيكمي ويخرج دخان لفوووق ” : صافي زگيتي ؟

الهام : واه زگيت بقا غير نقول ليك يرحم من رباك وبغيت عمرك تخيب اخويا ربي يحفضك ويخليك خيرك غانبقا ندعي معاك طول عمري …

ياسين : اللهم امين …ماتنسايش وقت الي احتاجيتي شي حاجة دراري كيعرفوك دابا وانا موجود…

الهام : واخا ربي يخليك ويحفضك لواليديك …

ياسين : في امان الله …”قطع وخشا تيليفون شرب جغمة من اتاي وهو ينوض وقف كيضور تما ويكمي وبدا الكارو تاني ..حتى لقا راسو سرح فديك جردة المفرجة ….ضار دورة وكمل كارو هز الكاس وتم غادي دخل حط الكاس مشا

فاتجاه فين نعت ليه رياض طواليط حط الكاس غير تما يلاه دخل لواحد ممر مضلم ماشعلش ضو حيث فيه ضو كيشعل مؤقت ويطفا راسو ماعرفش بغا يجبد تيليفون يدير فلاش حتى حس بتخرشيش مع غايضور حس ببرد شي حاجة

جاياه لوجه تا دار حركة دفاع عن النفس شد الايد وعطا ببونية مخطوفة بروس صباعو لوجه. داك شخص الي معرفو تا شكون وطوا ليه ايدو وزدحو مع الحايط حتى غوتات بحر ضربة …

ياسين : فاااااك …شكون القل*** شكووون …”شعل فلاش لفون تا قلب عالقرص

ورك عالبوطون ديال ضو كانت حداها هي وتشعل ضو …

نوار”شادة منخرها وفمها ” : اييييي اممم

ياسين “خرج عينيه ” : نوار !!!

نوار : قصحتيني ايييي …

ياسين “ماعرف مايدير تلف ومعرف باش تبلى ” : ؟ ” وقف كيدور فجنابو بانت ليه كوزينة لهيه مع ضو مشعول قشع فينهو ” : باش كتحسي ؟ تتت تسناي …”تم غادي وكيهضر “الضربة الغالطة فالوقت الغالط لبنادم…”سكت مكملش الكلمة الاخيرة ” …ماتحركيش من تم …

نوار”عصبتها دقة حارة ” : واش مكتشوفش هاجم …

ياسين”وهو غادي رفع حجبانو” 🦋🐺نور_الياسين(681)#فرصة_ثانيةsana mina🐺🦋

مشا الكوزينة الي تما بدون مياخذ الاذن المهم غاا يشوف ميدير ليها حل فريگو الفوق قلب على مكعبات تلج وضار هنا وهنا لمح واحد زويف تما هزو دار فيه ثلج ومشا لعندها مغوبش لقاها شادة نيفها دايز منو دم وكتمسح بالايد لاخرا عينيها مغرغرين ….فلول مكانش دم يحساب ليه مقصحهاش من مشاف حتى شي اثار تاا رجع من كوزينة عاد نزل منها دم …

ياسين”عقد حجبانو قرب ليها ” : تت مقصحة بزاف ؟؟

نوار”خرجاتها من اعماق حتى طولاتها” : بزاااااف”كتكمش فعينيها الي مغرغرين ولكن باش تبكي ابدا كتحاول تصبر وتلبس قناع القوة الي كدرب عليه من نصائح سليمان ”

ياسين “حط ايدو على دراعها حتى شافت فايدو …اما هو مشافش فوجهها كل همو يداويها ولكن هو شكون يداويه ؟ ” : اجي لطواليط غسليه الى مقصحة بزاف نمشيو طبيب …

نوار”بنفي ملهية غا مع صداع ضربة ” : لا لا بلاش منضنش شكرا عطيني ثلج انا نديرو…

ياسين : زيدي غسلي حتى يحبس وديك ساعة ديري الي بغيتي …بلا كترة الهضرة عليا …

نوار”غمضات عينيها وساطت بشوييي ماشي منو انما من تزنزينة الي شداتها مع دقة عاد سخونية بدات تسخنها …منخرها ولا حمررر بزاف …دخل معاها طواليط تقابلات مع لافابو وحدرات راسها كتغسل فدم وتسوس حتى بدا كيحبس تدريجيا ومنخرها كتحس بيه نمل مبقاش ..

ياسين : شنو وصلك لهادشي مالك على حالتك ؟

نوار”كتغسل وتهضر” : بغيت طواليط …

ياسين “ماحكرش وماتسوقش ” : خلي هذا تما متحيديهش …

نوار : شكرا …

ياسين : شوية دابا ؟

نوار”حركات راسها باه ” …

ياسين : ماكدة ؟

نوار : امم شكرا …

ياسين : مرحبا …”بقات شادة ثلج على نيفها وهي تم خارجة كان هو قدام الباب مدخلش معاها مخلي ليها مساحة …شكراتو تاني وتمشات وتبعها تاهو دار بناقص من طواليط …

في الصالون كانت الهضرة والنقاشات وضحك بين هنا وهنا حتى دخلات عليهم شادة نيفها …

يسرى”وقفات ” : اناااري مالك ؟؟؟

نوار”هزات ايدها كتطمن فيها” : والو والو ماما ماشي شي حاجة…

يامنة : الله يابنيتي وشادة منخرك ووجهك مزنگ …”بان ليها ياسين واقف كيشوف فيها ”

ماجدة “وقفات حداها ” : واش لقيتي طواليط بعد ولا طحتي …

نوار : لا لقيتها …

مينة : هضري مالك واش طحتي ؟

نوار : مااطحتش …

يسرى : ومالك شكون ضربك ؟

نوار”بغات تهضر وتسكت ” : تت دابا كان ضلام ومشفتش شكون يحساب ليا شي حد ماعرفتش تخلعت من خيال وبغيت نضرب صدقت جايا فيا ضربة …

يامنة : ياسين ؟

يسرى “ضارت شافت فيها مصدومة ” : كيفاش ؟

مينة : مالو ؟؟

نجود : خليوها ترتاح يناري ونتوما كل يسول من قنت خليوها تشد بلاصتها عاد سولوها …

يسرى : اجي جلسي ووريني …

نوار”جلسات وحيدات ليها يسرى ثلج من على نيفها وايدها وهي تشهق كان منخر تنفخ وحدا فمها زروقة …” : ماما ماتخافيش …

يسرى : الله ياربي اش هادشي …علاش ضربك ؟

نوار “كتنفي ” : لا لا ماقصدش اماما ولله را مشافنيش وتانا فحالو وجيت نضرب ضرب هو ماعرفش شكون هادي حركة كنسميوها دفاع عن النفس ولكن جات فيا دقة …”كمشات عينيها”

يامنة “فرحات لهضرتها بلا متبين ” : منين جبتي ثلج ؟

نوار”شرحات ليهم كلشي من الالف الى الياء ” : تواحد فينا ماقصد …

مينة : وجات مزيانة حمد لله …

يسرى : رتاحي وبقاي دايراه …

نقزات خالة رياض جالسة معاهم كانت كتكب اتاي …

خالة رياض : متحيديهش ابنتي واش هو الي واقف تما ياك …

يسرى “ضارت شافت فيه وابتاسمات ليه وهي تخرج عندو ” : ياسين …

ياسين “هز ايديه وحادر عينيه” : ماشفتهاش الخالة ماشفتهاش …

يسرى : ههه عارفة عارفة مديرهاش بلعاني وخا يحلفو ليا …

ياسين : تبقا دير ثلج وردي البال حيث ضربة شوي قاصحة الي عطيتها …

يسرى : واخا بلا متشغل بالك اولدي …

ياسين : وايلي الي منشغل بالي …مهم الي وقع قالتو ليك ؟

يسرى : قالت ليا كلشي واش نقولو حادث كتبو الله وصافي …

ياسين : ماعلينا الى بان ليك خاصها طبيب عيطي ليا انا دخلت …

يسرى ؛ منضنش تحتاجو وليني واخا ولدي الله يرضي عليك …

ياسين”قرب باس ليها راسها وخا حاس بيها مقلقة منو الا انها مزال كثيق فيه كرجل ميتعداش على بنتها …تسناها تا دخلات ومشا هو لصالون جلس مع رجال بالضبط حدا يوسف وفؤاد عاود ليهم شنو وقع …

يوسف : واش شوية هي ؟

ياسين : لا لا شوية على ماقالت الخالة يسرى …

فؤاد : ياكما نديوها طبيب ؟

ياسين : وصيتها الى تحتاج طبيب تعيط ليا …

يوسف : بعدا درتي ليها ثلج فكرتي فيها هي لولة الله يرضي عليك …

ياسين : وايلي …

يوسف “غمض عينيه بشكر ليه ” : عارف يوقع لي يوقع ماعمرك تحط عليها ايديك نشهدو بالحق …

ياسين : الله يجيبنا فصواب “حنحن باش يوسف يضمص الموضوع لا يصدق داخل فمواضيع ”

رجعو يهضرو عادي عند رجال ورجعو العيالات يهضرو عادي من بعد ماتاكدات يسرى انها ولات شوي وخا خلف ل🦋🐺نور_الياسين(682)#فرصة_ثانيةsana mina🐺🦋

بقا نيفها كيزدح عاودو زادوها ثلج تاني وهي كتحطو عليه تا حسات بنيفها وفمها رگدو عليها فحال تقولي دايرة بنج …ويسرى مرة مرة طل عليها …ومينة حداها الي تيليفونها كيصوني كطل تلقاه رياض رسل ليها ميساج واول ما فتحاتو لقات فيه …

رياض : انا فبيتنا اجي نهضر معاك ….

مينة : واش هبلتي را دارنا كاينين ،..

رياض : راكي مرتي دابا ابنت ناس وزايدون مابغيتكش لداكشي العقل الخويمج بغيت نوريك شي حاجة خذيتها ليك …

مينة : اووك انا جايا “ناضت وقفات كتقاد فكول جلابتها …وهي دور عند يسرى ” ماما انا مشيت نشوف رياض …

يسرى : هههه سيري ابنتي سيري …

مينة “عقدات حجبانها فيها بعفوية ونطقات متمتمة بشفايفها بدون صوت ” : ماااامااا …

نوار”حاضية مها ومينة ” : ههههههه

مشات مينة حاسة بخجل شوي قدامهم خرجات من صالون وطلعات لفوق فين كاينين بيوت نعاس مشا لبيت رياض السابق الي ولا دابا بيتهم بزوج فراشهم واحد وسقفهم واحد …حلات الباب وهي تلقاه مقابل مع البالكون كيشوف مربع ايديه حتى سمع صوت الباب وضار لقاها …

رياض”بابتسامة حب ” : لالة قلبي …جااات

مينة “بادلاتو الابتسامة بحب يمكن اول مرة تبتاسم فحياتها هاد الابتسامة الي حتى مهدي ماشافهاش فيها” : نعااام هههه “جمعات ضحكة كتشوف فالبيت الي تبدل كليااااااا من الف الى الياء وفيه الالوان والتصميم الي كيعجبها …” نووووو

رياض : شنو ماعجبكش ؟

حطات ايدها على فمها الي حلاتو كتشوف فالحيوط مصبوغين بتدلاكت فالبيج فاتح لون الي كيعجبها وسقف فيه نقش خفيييييف مزين باضواء ملونة الي اصلا فيه وعجبوها ولونسومبل كوافوز ناموسية وليطابل دونوي بالابيض وذهبي كلاسيكي …عاد فراش مبهج …

وكوافوز لاحضات انه معمرو ليها بروايح الي كيعجبوها والماكياج مارك وكاع الي تحتاج كلشي جديييد …قربات ليه وحلات مجر لقات كاع الي تحتاج من برودويات …كتشوف مبهوضة حتى جاها من لور وضور ايديه على كرشها وشابكهم خاشي وجهو فعنقها حسات بصو صربها حتى حس برعدتها بين ايديه …

رياض : ششش تهدني …

مينة “مرتابكة ” : ريااااض …شنو هادشي …

رياض : الحب هذاك …مزال ندخلو فالمسگي وتشوفي رعدة ديال بصح …

مينة “خرجات عينيها” : والله يمسخك انا هضرت على هادشي الي خذيتي ليا والفراش والبيت الي بدلتي …

رياض : سمحي ليا فهمت غلاط خههه …هادشي كون تسنيتك الالة تبقاي تاجلي فلاخر تقولي ليا غيييير كيف كان براااكة عليا …

مينة : را بصح كيف كان تاهو زوين مهم بيت …

رياض : مهم بيتنا …”ضورها قدامو وشاف فيها هاد المرة شاف بنضرة جديية …”مينة نتي عروسة والعروسة على ماقالت ليا الوليدة خاصها دخل على فراش وحوايج جداد وفراش يكون فاتح وبيض حسن باش تبدا بداية بيضة …

ونتي دابا وليتي مرتي ومني وفيا ومسؤلة مني بغيت تدخلي على فراش وحوايج وكلشي جديد غير دخاز الي جبت ليك الماريو فيه حوايج جداد بقياسك والي ملقيتيهش قدك نبدلوه ولا تصرفي فيه …وصداقك خليت بلاصتو خاوية تحطي فيه الي بغيتي عاد ”

ضار مشا لمجر ديالو فالماريو حل الكوفر فور وجبد واحد ملف ومدو ليها …

مينة”كتشوف فالملف من بعد ماقاليها تحلو حلاتو وهي تنداهش ” : رياض ؟!!

رياض : ارض غادي تبنا فيها شركة ديال هندسة ديكور غيييير هنا ففاس باش من نكملو من شركة الي تما نوقفها على رجليها غادي نرجعو هنا ماحتال نرجعو تكون شركة كملات فالبني وبداي مشروعك …الباقي عليك نتي وهذا حسبيه مع صداق …

مينة : لهلا يخطيك عليا ماعرفتش منقول والله “عينيها دمعو ”

رياض”قرب حط جبهتو على جبهتها” : نتي تستاهلي كل خير راكي دزتي من ما صعب وكفس براكة عليك من الغبينة وخلينا نعيشو حياة جديدة بحلوها ومرها …

مينة “عنقاتو بجهد مزيرة عليه ” : جابك ليا الله فحال البلسم …

رياض : واخا تعديت عليك فلول هههه

مينة : هاديك مزال تخلص …

رياض : ياااك …

مينة “قربات باستو فحنكو وزادت عنقاتو ” ان شاء الله نشوف الخير معاك …

رياض “شد وجهها قابلو معاه وقرب تا قرب مخليها كترمش بغفلة طار على شنايفها بقبلة من شنايفو كيقبل فيها بحب شغف ممزوجان بلهفة لاول مرة غادي ذوق طعم القبلة من قبل حتى مهدي مشافتهاش معاه …غمضات عينيها وتنهدات ليه وسط القبلة حتى دفعها وزاد فالوتيدة ولصقها اكثر مع الكوافوز …من قبلة بدات كتحول لقبل كيقبل ويعاود وايديه ضارو

ورا ضهرها ودوروها تم غادي بيها حتى لقاتو كيتكي فيها فوق ناموسية وهي مفارقاتش شفايفو داكشي باش حسات خلاها ترفع حتى فصل القبلة وداز لعنقها يلاه غايبدا يبوس وهي توقفو …

مينة : اااااويلي تعطلنا عليهم …

رياض : ونتعطلو اش فيها را غايفهمو راسهم اننا ممسالينش …

مينة : نووووض من عليا نوض قاليك ممسالينش ..

رياض”ناض وقف ” : نعل جد طاسيلتي انا 🦋🐺نور_الياسين(683)#فرصة_ثانيةsana mina🐺🦋

ناضت وقفات كتقاد فحوايجها وتمسح في فمها الي حسات بيه كيوزوز …مشات كتزرب لكوافوز شافت فالمرايا لقاتو حمرر وجنابو حمرين وضارت لعندو لقاتو تيشوف فرجليه من تحت ويقلب …

مينة : فمييييي كي رديتيه …

رياض “هز فيها عينيه وخنزر” : ومشفتيش هذا كي رديتيه …

مينة : شنو هو ؟

رياض : الي كو…”حبسها ” اعوذ بالله …سيري دخلي دوش وغسلي وعاودي داكشي عكر ففمك مغايبقاش يبان عااادي …

مينة : عارف العكر وداكشي بعدا معندي ميتسالك …

رياض : وغا تنتواضعو معاكم وكان …

مينة “صونا ليها تيليفون ” : وي ماما …انا جايا واخا …

رياض : حطو العشا ؟

مينة : بداو …

رياض : يلاه قضي انا نسبقك …

تم غادي حتى وصل حداها وهي توقفو بسؤالها …

مينة : مزال مبغيتيش تقوليا على ايمان ختك …

رياض “قلب ملامح ديالو لحزن ” : من بعد تاجي بوحدك ونعاود ليك مينة ماتضغطيش عليا …

مينة “غمضات ليه عينيها وحلاتهم ” : واااخا ان شاء الله …

خرج من البيت مخليها كتقاد فالعكر في فمها من بعد ما دخلات دوش بردات فمها وخرجات دارتو قادت شعرها وحالتها رجعات طبيعيية هي ماشي فحال نوار دغيا تسلك راسها ماتبينش ليك وماتقشعيش اش وقع ليها دغيا قادت حالتها تحلفي عليها مكاين والو …وصلات صالون لقاتهم تقادو فطابلة كيضحكو بيناتهم وعيالات وخدامات كيتسخرو ويحطو بالعشا الي كان فخم يليق بيهم ….

بقات نوار كتكمد فالضربة حتى حسات بيها شوي تهدنت عطاتها مسكن شرباتو عاد حطو العشا تعشاو فجو حميمي بين نساب جداد تعارفو العائلات اكثر حتى وصل وقت المغادرة …تسالمو وتوادعو على امل الزيارات وتفاهمو ان العرس غايكون من بعد شهر غايكون خفيف ضريف باش تمشي مينة لدارها وبالصبط الدار او السكنى المؤقتة فازمور ….

غاديين خارجين عند الباب كيركبو فطوموبيلات واستاذن ياسين تا مشا عند يوسف الي واقفة حداه نوار متكية على كتفو هو كيهضر مع رياض ويتفاهمو …

ياسين “وجه ليها الهضرة وعينيه مشتتين مكيشوفوش فيها ” : شوية ؟

نوار”هزات فيه راسها ” : هااا …اه شوية شوية تهدنات …

ياسين : شربتي شي حاجة ؟

نوار “شبه ابتسامة ” : عطاتني خالتي ماجدة واحد مسكن ودابا مزيان …

يوسف “شاف فيه ” : الى تزادت نديها صباح طبيب …

نوار : لا لا ميحتاجش والله عادية دابا …

ياسين : من هنا لغذا الى بقات كتعطيك صداع غادي نديوك …

نوار”حركات راسها ” : واخا ان شاء الله …

ياسين “تم غادي راجع لطوموبيلتو ” : الله يشافي وسمحي ليا ما نويتها فيك …

نوار”صرطات ريقها من كلمة سمحي ليا حركات ليه راسها غير هو مشا وهي تحرك دخلات طموبيلة باها بدون ماتكلم ولا تزيد كلمة كان وجهها تبدلو ملامحو لجمود ممزوج بحزن على اندهاش شي حاجة حسات بيها وبدلتها شنو هي ؟ هي الوحيدة الي عارفة ….

من بعد ما وصلو لازرو كل طلع فين ينعس وكاين الي بقا سهران فجردة وكاين الي طلع يشوف خدمتو فين وصلات وهادي حال دنيا …دخلات لبيتها من بعد ما خواتو صفية مشات نيشان لدوش طلات على ضربة

ومشات لمرهم الي عطاتها يسرى هزاتو ومشات حتى بدلات حوايجها وزگات ففراشها عاد هزات مري وذهناتو عليها وتكات شدات تيليفونها كتشوف فرسائل من واتساب الي وصلوها من الي كيقراو معاها فالمانيا عاد دخلات جيهة الايمايلات ومشات عينها الايمايل الي رسلات لياسين بالغلط كان هذاك اول رسالة بدون قصد منها ليه كمشات عينيها من تفكرات فاش عرفات وتفكرت را الايمايل ديالو الاحتياطي …

خرجات من بواط ايمايل ودخلات واتساب رسلات ميساج لسليمان …

نوار : سليمان باقي فجردة لتحت ، “صونات ليه باش يدخل جاوبها ”

سليمان : كنتسناك …

نفضات فراشها ولبسات صندالتها وخرجات بدون ماتزيد عليها شي حاجة لانها كانت باقي محيداتش البيجامة باش تنعس …هبطات لعندو وخرجات لجردة لقاتو جالس مع دراري سهرانين وهو يوقف …

سليمان : اجي نبعدو من حدا هادو …”نقز اشرف ”

اشرف : هادو عندهم سمية اسي طبيب فطور الانجاز …

الحبيب : بغات تخبرو بصفتو طبيب نفسي …دخل تنعس نتا كتر فيك تنقاز العزي كتااااار …

نوار”ابتاسمات ليهم ونطقات بهضرة خلاتهم يجمدو بالصدمة ” : وخا ناخذ عليكم سليمان ماعندي منخبي عليكم غييير بغيت نشكي عليه وصافي وهو ينصحني …

علي”حل فمو ” : وووه

نوار : الى بغيتو …

الحبيب”تاهو مصدوم ولا غايشالي بايديه ” :سيري ابنتي سيري هانيا والله تا هانيا الله اودي خودي راحتك …”مشات مع سليمان ”

اشرف”خرج عينيه ” : يهودي سلم ولا انا وليت يهودي …تا واش تتاخذ الاذن ؟

علي : شناها بعين رحمة 🦋🐺نور_الياسين(684)#فرصة_ثانيةsana mina🐺🦋

بعدات هي وسليمان عليهم حتى مشات بيهم رجلهم لحدا لابيسين من لهيه وجلسو فطابلة تما محطوطة بكراساها تحت نجوم الليل وصوت الصرصار والگوتاگوت خدام حداهم كيرش فالربيع …تقابلت معاه وشابكات ايديها حادرة عينيها ماعارفاش منين تبدا …

سليمان”طل عليها ” : كي بقات ليك ضربة ؟

نوار”حطات عليها صباعها ” : شوية الحمد لله …

سليمان : مادرهاش بلعاني ياك ؟

نوار”بنفي ” : لا ابدا …

سليمان : علاش متاكدة …

نوار : حيث كان ضلام مشافنيش …

سليمان : ايه …

نوار : وخا تكون فرصة قدامو ميديرهاش …

سليمان : علاش ؟

نوار : حيث هو مكيضربش العيالات غير الي كانت خاصها العصا نيت وتستاهل غير هادشي را ميمدش ايديه وخا يكون الي كان …

سليمان : هادي متاكدة منها …وعلاش ممتاكداش انه بغاك …

نوار “الصمت”

سليمان : سولتك …

نوار : الي عطا الله عطااه …

سليمان : ندمتي …

نوار”هزات فيه عينيها ” : ل احم لا …

سليمان : كنحس بغصة فحلقك لمستها فكلمة لا الي نطقتي …زعما قلتيها فوق قلبك ؟

نوار : لا ابدا …

سليمان : خوي شنو عندك كنسمع …

نوار “حلات فمها تا خرجات انفاس سخونة وسكتات كتفكر منين تبدا واش تقول …فالاخير هضرت وهي حادرة عينيها باش ميشتتش ليها هضرتها وترتابك ” : مندمتش حيث القرار انا الي خذيتو ماندمتش حيث انا الي بغيت وانا الي دورت ضهري لناس الي كانو

كيفرشو ليا الارض ورد باش ندوز ويحيدو ليا الشوك باش منتجرحش …دورت وجهي على ناس كان كل همهم نكون مرتاحة منبكيش منمرضش مندير والو هما الي يديرو ليا غييير نبقا على خاطري …فششوني حتى ضصروني وشخصيتي ما طوراتش بقات محدودة فحدود ديالهم هما ….

سليمان : كتحمليهم مسؤلية ؟

نوار : فلول حملتهم مسؤلية وعاقبتهم بانني خليت كلشي ورايا …يمكن من حبهم ليا الزايد خلاهم يخافو عليا وهادشي مني انا الي خليتو فيهم …

سليمان”كمش حجبانو مستغرب ” : كيفاش ؟

نوار : كون مكنتش انا الي حاسة بنقص وكيبقا فيا الحال حيث كنشوف ناس كيشوفو فيا بشفقة كون كنت متصالحة مع راسي مكانوش غادي يخافو عليا لهاديك درجة حتى كبرت منعدمة الشخصية …

سليمان : يعني نتي محملة راسك مسؤلية انهم فششوك بزيادة عن اللزوم بسبابك ..

نوار”حركات راسها ” : انا الي خلقت لراسي هادشي …قرار ديالي باش نتفرقو ماندمتش عليه …

سليمان : علاش …

نوار : حيث بصح عمري حسيت بيه بادلني الحب ديال بصح …كنحس بيه غير خايف عليا نتقلق يبقا فيا الحال …

سليمان : عمرو ما بغاك ياك ؟

نوار : انا الحاجة الوحيدة الي ندمت عليها هي انني عطيت بضهري لناس الي بغاوني بصح …هو كون بغاني بصح كان غادي يتشبت بيا لاخر نفس …

سليمان “تصدم فيها ” : واش واعية شنو كتقولي ؟

نوار : هو مبغانيش شفقة اكثر ما انه بغاني حيث كنجيه كيوت بغاني حيث حس براسو قدامي كيحس بالشهوة …نهار خطبني قاليا جملة ” نهار حسيت بيك خاصك تكوني حلالي وحسيت مقدرتش نصبر ونتي حدايا بغيتك لزواج ” باش ميغلطش ويعصى الله حيث انا بنت عمو طلبني لزواج …”عوجات فمها ” وانا حيث بغيتو من صغري وحلمت بيه مفلتش الفرصة وخ#تتمة_البارت….

 

وعرفني بغيتو زاد حس بتانيب ضمير والضمير الي سبابو تا تزوجني هادشي كلو …

سليمان : بلاتي فنضرك هو علاش غادي يبزز على راسو زواج ؟ ممكن يمشي يزها فشي جيهة وهاهو عادي …

نوار : هههه را قلت ليك معايا انا …انا متاكدة بلا مندخل فتفاصيل ونتا تفهم …”تزنگات ”

سليمان.: فهمت فهمت يعني ملي تزوجتو ونتوما غير فالفراش “شافها حشمت ” عادي انا كنبقا الپسي ديالك سرك هنا وهادشي عادي تقوليه ليا باش نشوفو فين المشكيل ” حركات ليه راسها ”

نوار”شافت فيه ” : اليوم فاش ضربني بغير قصد حسيت بيه كيسول عليا ويداويني غير حيث ضربني لا غير …حسيت بيه بااارد ..

سليمان : وكيفاش بغيتيه يتصرف ؟ ياك تفارقتو …

نوار”نزلات دمعة حااارة حتى بدات تبكي وتبكي ” : اهى اهى كنت بغيت نحس بالحب بصح بغيت نحس بيه كيبغيني فحالي معاه… وااااكنفكر ونفكر ونفكر كلقا حاجة وحدة عمرو مابغاني،، بغيت غير خيط واحد يوصلني انه كيبغيني ويموت عليا كيف ما انا ووالو ماحسيتش …حاجة وحدة الي ندمت عليها …

سليمان : هي ؟

نوار : انني قلت ليه ياريت لو مكانوش الولاد حيث معندوش ذنب مكانش عارف بيهم …”مسحات دموعها ” وهادي هي الي بغيت نقوليه سمح ليا عليها .”شهقات ”

سليمان : باقي كتبغيه ؟

نوار : مغاديش نكذب عليك ونقول نسيتو عمري منسيتو وعمري منساه …باش منبقاش نبغيه خاصني نزيد نتعايش معاه اكثر على انني ماشي مراتو باش نولف …من قبل منتزوجو كنت عايشة على اسمو واحلامي معاه تزوجت بيه زدت بغيتو كتر وملي عشت معاه المشاكل حليت عيني ..”هزات كتافها ” : قرار صافي خذيتو وحتى ولو ندمت تعطل الحال ولا مجال للتراجع لو يرجع زمان لور كان غايوقع نفس المشكيل …حيث زواجنا متبناش على صح…انا بغيتو وعطيتو قلبي ولكن”كتزم فمها وترخيه باش تلقا الكلمة المناسبة ” …

سليمان : حطمو ليك …

نوار”هزات صبعها كانها كتقوليه قربتي ” : شي حاجة كتر …

سليمان”رفع حجبانو وهبطهم بقلة حيلة ” : بفف …صباح نكملو “مسحات دموعها وناضت مشات حتى بعدت ” نتي خاصك الامر الواقع وتقارني عاد تحسي وتعرفي الفرق ويبان ليك اش كاين ..”مشات حادرة عينيها حتى جات دخل وهي تلاقاه جاي خارج عند الباب هزات فيه عينيها مخلوعة ومدمعين شاف فيهم …

ياسين : مالك ؟

نوار : مماليش

ياسين : ياكما عطاتك صداع ؟

نوار : لا مزيانة دابا …

ياسين : وعلاش كتبكي ؟

نوار “هزات فيه عينيها ماكدة شوفة بحزن ” : الي فيا راه كاااافييييني …

ياسين “رفع حاجبو ونطق ببرود ” : ايوى الله يجيب الشيفا …”خلا ليها مساحة باش دخل وزاد مخليها الي فيها كافيها نيييت🦋🐺نور_الياسين(685)#فرصة_ثانيةsana mina🐺🦋

خيوط شمس فصل الصيف دخلات وصوت الموطور ديال البير ديال الجردة باش كيسقيو وباش كيعمرو المسبح تطلق ومع حالا البالكون ديال بيتها صوت ديالو وصل لمسامع اذنيها حتى كمشات عويناتها نيشان مع شمس حتى حطات ايدها حاجبة شعا ديالها …دورات وجهها ناحية تيليفون هزاتو شافت ساعة لقاتها تمنية ونص ديال صباح …

نوار”كتحك عينيها” : فففف مخدمين البير فهاد صباح …تت ..”تفوهات ودوزات بايدها على وجهها عاد ناضت من فراشها غاديا وتحك فشعرها وسمطة دوني هابطة على كتفها بدون سوتيان وشورط قصييير ….

دخلات غسلات حالتها ووجهها وخرجات كتنشف وتفكر اش دير مادير لبسات غير بيجامة خفيفة جمعات شعرها وهزات تيليفونها وخرجات من البيت من بعد ماجمعاتو …يوم جديد من بعد ما كان يوم امس حااافل بشحنات واحداث وفضفضات القلب وصدف عجيبة …واش اليوم غايكون عادي ؟ ام غايكون احسن من امس مجرد يوم وهاهو كيمر ….

لقات ماماها واقفة كتقاد فصاكها بغات تخرج غير بانت ليها هابطة وهي تبتاسم وشيرات ليها تجي عندها …

يسرى : افقتي ولا “كمشت فيها عينيها ” مال عينيك منفوخين ؟ “كتقلب ليها فضربة ” صافا ولا باقا كتعطيك صداع ؟

نوار”باستها فحنكها ” : لا لا عادية واش هاد حمورية وزروقة غايحيدو دغيا ؟

يسرى : كديري بومادا الي عطيتك ؟

نوار : درتها البارح فاش بغيت نعس …

يسرى : فطري وطلعي ديريها تاني وغاتحيد يومين هكاك …

نوار”كتشوف جيهة صالون بان ليها اسامة وسليمان كيفطرو ” : فين لاخرين غير سليمان واسامة الي كاينين ؟

يسرى : انا خاصني نمشي العيادة ولاخرين شي مشا الخدمة شي خرج شي مزال ناعس …يامنة فالكوزينة نجوى تاهي سارة بقات مع صهيب ورميساء ففاس البارح …وباباك هاهو نازل يفطر ويتحرك الخدمة …

نوار : مينة ؟

يسرى : مينة طلعات لفاس عند رياض على شي خدمة يساليوها عاد ترجع هنا تشوف باش تبدا لتوجاد العرس …

نوار”حكات راسها” : شهر ياك ؟

يسرى : علاش ياكما راجعة ولا هههه

نوار : غالبا …

يسرى “جمعات ضحكة ” : لواه لواه …

نوار : بغيت نخرج ولا ندير شي حاجة لاصال خاصني نمشي نشوفو امتا نبدا بحسب غذا …

يوسف”جاي نازل حتى وقف عليهم ” : اش داكشي …

يسرى : قالت ليه بغات تخرج جاها قنط عالصباح هههه

نوار : مابغيتش نبقى فالدار ابابا …

يوسف : فطري بعدا عاد فكري فين تمشي …

نوار “هزات كتافها” : نمشي معاك لشركة ؟

يوسف “باستغراب ” : وايلي اش ديري فيها ههه

نوار : ماعرفتش نعاونك ندير اي حاجة ندوز معاك هاد صباح …خلي ليا وراق نحسبهم ليك الي كنتي كتوريني …هههه عندي تجربة متخافش ..

يسرى : واجي عاوني ماماك دخلي ليها الناس …

نوار : مغاديش نبقا نهار كلو بغيت نخرج نعيط لمينة الى سالات ولا يوصل عليا سليمان …

يوسف : واش نقوليك ابنتي الى بغيتي يلاه معنديش مشكيل غا هو را عندي اجتماع فيه ساعتين يقدر نتعطل عليك …

نوار : عطيني خدمة نتلاها فيها بينما كملتي …فالثراحة بابا بغيت نخرج معاك نتا وماما توحشتكم بزاف “عينيها غرغرو ” توحشت خروجي معاك …

يسرى”حكات ليها دراعها بلطف ” : تانا توحشت بزااف وخا مكنتش كنخرج معاك بزاف بحكم خدمتي …

يوسف “بقات فيه حس بيها مضيومة ” : عرفتي شنو ؟ ديري قضية…نسالي الاجتماع تصبري معايا نزگي الخدمة ونخرجو انا وياك نطلعو نتغذاو فشي بلاصة بعيييييدة شوي اااش قالو ؟

نوار “بابتسامة فرح ” : صافي تافقنا …انا نطلع لبس حوايجي بينما فطرتي نزل …

يسرى : ونتي متفطريش ،

نوار : نهز شي حاجة والقهوة نديرها فطيرموس نشربها فطريق ونفطر …

يوسف : انا نتسناك …

طلعات بزربة فدروج دخلات البيت جبدات سروال جينز وتيشرت خشاتو فيه ولبسات فوقو كاب طويل تالتحت بلا كمايم جمعات شعرها فوق اسفنجة لبسات ساعتها وهزات صاكها فيه لوازمها ومشات لبسات سبرديلا بلا سوميلا من بعد ما

دارت باندة لرجلها عاد لبسات تقاشر وسبرديلة هزات صاكها ونزلات لتحت خطفات نديغات …

سليمان : هي نهار لكو غايبة ؟

نوار : ويييي تاليل ونتشاوفو …

اسامة : وديري مرة جايا نخرجو حنا …

نوار ؛ واخا ان شاء الله …”جابت ليها يامنة تيرموس قهوة ”

يامنة : انا درت ليك فيها قهوة بنتي را يوسف قاليك كيتسناك برا متعطليش …

نوار”باستها فراسها” : لهلا يخطيك عليا …

مشات يامنة وسليمان ناض قرب لحداها ونطق بشوي …

سليمان : نوار واش صافا ليوم ؟

نوار”حركات ليه راسها ” : مزيانة …هههه مزيانة بزز مني …”سمعو تحنحينة ياسين كيهضر مع يامنة كان عاد داخل ..”

سليمان : سيري متعطليش عشية نهضرو تاني …

نوار : واخا …

تحركات من حداه شيرات لاسامة وفطريقها تلاقات بنجوى سلمات عليها وتمات غاديا وصلات على يامنة وياسين واقفين عند الباب برا…

نوار “بلا متشوفيه ” : انا مشيت خالتو …”مشات حتى وقفها بصوته ”

ياسين : شوية ليوم ؟

نوار”دورات ليه وجهها وابتاسمات” : مزيان الحمد لله …شكرا على سؤال …

ياسين “حرك ليها راسو زعما دنيا هانيا …خلاه ضارت وضار هو عند مو رجعو كيهضرو …”

…ماااا أوجعها ردود بهاد الشكل …ومااا اوجعها نظرات بعد الفراق …كيفاش غادي تتماشى مع هاد الكلمات من بعد ما كانت اسئلة اطمئنان ف🦋🐺نور_الياسين(686)#فرصة_ثانيةsana mina🐺🦋

طول الطريق وهو كيسول فيها ويضحك معاها اب مع بنتو علاقة الى كانت فيها صداقة وضحك ويكون باك كووول فحال يوسف وضحوكي ويخاف عليك كتر من راسو راه دنيا ومافيها تا حب ميغنيك على الحب ديالو …الاب نعمة الى كان فحال يوسف او اي اب كيموت على ولادو وفي بعض الحالات كيكون غير اسم اب فقط لا حنان لا كبدة …وهاد نوع الخير حتى فراسو مكيكون فيه ماعلينا سوى الدعاء له يهديه الله كيبقى اب فالاخير ….

يوسف”حط تيليفون قدامو وضار شاف فيها لقاها كتشوف فطريق وسااااهية ” : مااال نوار رمسيس …

نوار”ضارت عندو ” : مماليييش هههه …

يوسف : بصح ناوية ترجعي قبل عرس ختك ؟نوار : غييير كنقول …”تنهدات”

يوسف : بغيتي مينة تقلق منك …جيتي جيتي لعقد كملي معانا العرس …ياك صيف كلو ديالك..

نوار : نوو ماشي هكاك …دابا المدرسة الي تسجلت فيها تسجلت فحصص الصيف باش نبدا القرايا فبداية الموسم دراسي نكون كملت فيها …

يوسف : كتقراي يوميا ؟

نوار : يوميا فالليل …وعندي لاصال نرجع نكمل مع الكوتش …

يوسف : هاد الكوتش را كاين فحالو هنا المخير يعلمك دقة ماتنوضيييش مولاها …

نوار : هههههه غانكمل هنا بينما مشيت ..

يوسف “هز ايدو وحطها ” : يااااا ويلي على مشيت نمشي تي مالك هك مالك قولي غانكمل هنا وسكتي …

نوار : واخا واخا …

يوسف “نطق كيشوف قدامو ” : نفسية بنتي مزيانة ؟

نوار : مزيانة علاش ؟

يوسف : كتباني ليا ساهية بزاف …

نوار : يمكن حيث عام باش كنت غايبة جيت لقيت شي حاجة تبدلات …

يوسف : فحالاش ؟

نوار : ماعرفتش …يمكن حيث كانو مقلقين مني خليتهم ومسولتش فيهم عام كامل واكثر ؟

يوسف”حك لحيتو الكثيفة ” : وهو من هاد ناحية مانكذبش عليك تقلقوووو وخصوصا هما مابيدهم ما برجلهم …

نوار : راك عارف مناش دزت …”تنهدات بحرقة حتى غرغرو عينيها” ماشي لخاطري والله مالخاطري …ماشي لخاطري اختاريت داكشي ماشي داكشي الي بغيت …صدمة من ورا لاخرا بابا …حليت عينيا على شي حاجات حتى دنيا كحالت فعينيا ممم “زمات فمها تا نزلو دموعها”

يوسف “ضار شاف فيها ورجع شاف ذريق وشاف طريق موراه لا تكون جايا شي طوموبيل وطلق سينيال ” : ششش نوار ؟؟

نوار”كتحك فجبهتها بحرقة ” : غير عطيتك مبرر ابابا …”مسحات دموعها ”

يوسف : عارف ابنتي كلنا عارفين مناش دزتي …هما مقلقين غير بمعزتك عندهم ..وياك صفيتو الخواطر ؟ مزيانين دابا ،

نوار : بقا اشرف تصالحت معاه البارح …

يوسف : صافي ؟

نوار : صاااافي…

يوسف “باسها فجبهتها ومسح ليها دميعاتها” : كلشي مع الوقت ابنتي …خاص غييير تكوني عندك ارادة …

نوار : احم بابا انا مزيانة دابا حسن من كيف كنت قبل …كيف قلتي خاصني غير الوقت نولف ونتعايش ونرجع حسن …والى على المانيا مادام بديت تما خاصني نكمل عالاقل نعوض راسي على القرايا الي خسرت هنا …

يوسف : صافي ؟ غا نكسيري نكملو طريق ؟

نوار : هيااا بنا ههههه

يوسف “بقا كيشوف فيها مبتاسم لابتسامتها ولضحكتها وحتى هضرتها واخا هكاك حاس بنبرة هضرتها تبدلت قادرة تهضر تقول تعبر …” : واخااا لننطلق …

حلات الزاج الي حداها تا دخل البرد وتنفسات رجعو كملو طريق وشدوها نيشان حتى وصلو لشركة مع وصلو طلعو فسانسور حتى دخلو لطاج ديال فين مكاتب الكبار ومكتب يوسف …في طريقهم تلاقاو بايساف جاي …

ايساف “شاف فنوار ” : اه اه اه جيتي لهنا …”عنقها بجنب ” نورتينا اخويتي …

يوسف : فين صهيب مزال ماجاش ،

ايساف : جا جا را مع داك حسن …

يوسف “خرج فيه عينيه” : تا واش مدي ليك الورت هذاك سيد ولا مالك ؟

ايساف : شوووف اخالي مابيني وبينو والو ويني تيجيني درويش متنحملش دراوش …

يوسف : تا الي من سهمك ميجيوش معاك الله يستر …فين عمرك بغيتي شي حد انت فييين ؟

نوار : ياك هو الي كتقوليا كيسول عليك ؟

ايساف : غااا بغا يطير وصافي زعما تنعرفك من صغر …

يوسف : ايساااااااف …

ايساف : انعااام …

يوسف : كلم الحبيب وصهيب وحسن يجيو الاجتماع والياس تاهو …

ايساف : خالي الياس فمكتب ديالك والحبيب را هابط لتحت شاد شي خدمة لتحت …

يوسف “عقد حجبانو” : اش لاحو لطاج تحتاني فين عمرو وصلو …

ايساف : بغا يشوف الفينونص تما فجأة .اوديييي را …خليييني ساكت “قالها بشوي”

يوسف : اش تم ؟؟

نوار”حبسات ضحكة حيث عرفاتو عند هاجر ” : احم بابا ندخل نسبقك ؟

يوسف : دخلي قولي لمنال تعطيك اخر فواتير هاد شهر دوزيهم ليا فالحساب عندي فالاكسيل …

يلاه غاتمشي حتى عيط صهيب من بعيد ضارو يشوفوه كان معاه حسن جاي كان كيهضر فالتيليفون غير شافها وهو يبتاسم ليها وليهم كاملين …حتى وصل عندهم سلم غير براسو بعد شوي غير حداهم تا كمل الهضرة عاد رجع عندهم …

حسن : اهلا وسهلا سي يوسف …”شاف فنوار الي ابتاسمت بخجل ” مرحبا بنوار عندنا …

نوار : ربي يخليك ترحب بيك جنة …

صهيب : زيارة ولا زيارة …كيطرا وجرا زرتينا الفن …

نوار : جيت نعاونكم واحد شوي وناخذ منكم بابا واحد نص نهار هههه …

صهيب : اربيييي ملي ترجعي قرصي داك فار القمح ديال علي تاهو يدير فحالك شي نهار …

يوسف : ياك نتا محامي🦋🐺نور_الياسين(687)#فرصة_ثانيةsana mina🐺🦋

بقاو واقفين بخمسة بيهم كيهضرو ويضحكو ويوسف طبعا هو وصهيب را شادين فبعضياتهم حتى جا الحبيب كيزرب حتى وقف عليهم …

الحبيب : ياكما بديتو ؟

صهيب “طلعو وهبطو ” : ايه بدينا هاحنا كيما كتشوف دنيا عامرة لقينا هنا قدام مكاتيب خاوي يلاه جمعنا …

الحبيب : اهااا …

يوسف : اش هبطك امسخوط لتحت ؟ فين عمرك وصلتيه ؟

الحبيب : يااا لا را الفينونص تما كي شتي انا خاصني نكمل حساب هاد شهر …وهبطت نتاكد راسي …

صهيب : ياااا متوااااضع …الله يرضي عليك …

الحبيب : تنبغيو نتواضعو معاكم وكان …

حسن “حنحن ” : نبداو يلاه يلاه …

يوسف : سي سي يلاه دخلو لقاعة انا جاي نعيط لالياس ونجي …اجي بنتي معايا ..

تحركو هما دخلو سبقو ومشا هو لمكتب ديالو دخل لقا الياس خدام فشي وراق سلم على نوار …عطاها شي فواتير وقادات البيسي خشات فيهم راسها ومشا هو والياس الاجتماع الي استغرق لحد الان ساعة وهما لداخل شي كيخرج يجيب شي اوراق وشي كيمشي يطبع والسكريتيرات كيمشيو ويجيو اما هي بقات مدهية كتحسب ومرة مرة تهز تيليفون تجاوب على ميساجات الواتس …حتى دق باب المكتب ..

نوار : وييي دخل ابابا …

حسن “طل براسو ” : ماشي باباك انا …

نوار”هزات فيه عينيها دايرة ايدها على حنكها ولايد لاخرا كتكتب بيها …” : اه هههه دخل …

حسن “دخل…لابس سروال فصالة وقميجة نص كم بيضة بگرافاط كحلة راخيها وحال صدايف فوقانيين ” : بغيت واحد الملف تما …”حك راسو بتوتر ”

نوار : اه واخا ماشي مشكيل …

حسن : احم واخا تكحازي نجبدو من مجر لول هههه …

نوار”شافت راسها لقات راسها لاصقة بالكرسي مع المكتب ومضرگة المجر بكرشها …” : ههههه نسييييت راسي والله …”كحازت بالكرسي لهيه تا جا حل المجر وجبد ملف من تما على ما موثيه يوسف يجيبو ”

حسن : اييي فوالا ….”شاف فيها ” گراااتسيي بيلا …

نوار : مفهمتش هههه

حسن : شكرا الزوينة …بالايطالية …

نوار : مرحبااا …

حسن “شاف فبيسي ” : قربتي تكملي ؟

نوار : مبقاش بزاف يلاه يكمل بابا نكون كملت …

حسن : مزيان …انا مشيت ندي ليهم هذا يلاه نلحقو الخدمة …

نوار : اوكاااي …اه واخا نطلبك ؟ الى مافيهاش ازعاج …

حسن : الله اودي مرحبا …شنو خاصك ؟

نوار : قول لبابا فوذنو قالت ليك نوار واش نحجز فشي ريسطو على ذوقي …

حسن : الغذا ؟

نوار : اه …

حسن : انا نقولها ليه …والى بغيتي نصيحتي فريسطو زوين نصحك بواحد خارج فاس شي شوي …

نوار : كيقدم اكلات بحرية ؟

حسن : اكلات بحرية …اممم مكيقدمهاش ولكن كنعرف واحد كيديرهم الحوت طرييييي خصوصا فواكه البحر مشرمل بطريقة خاااصة هو وحدو كيديرها وبليصوص ديالهم …شي حاجة بزاااف …

نوار”شهاها فالحوت بالطريقة باش كيهضر عليه ” : شنو سميتو ؟؟؟

حسن : نهضر ليك معاه يوجد ليكم بلاصة مزيانة ؟ هو صاحبي هههه مشكرتوش باش ندير اشها ولكن را بصح مغاديش تندمي عليه …

نوار : مهم قولها لبابا الى بغا عطيني نمرتو انا نحجز ولا هضر معاه وشكرا بزاااف …

حسن : مرحبا ..”حك نيفو ” عطيني نمرتك باش نعطيها ليه يعيط ليك اكدي ليه الحجز ..سي نو ياكد بنمرتي او بنمرة سي يوسف ؟

نوار “كمشات عينيها كتفكر ” : نن عطيه نمرتي ومتقول بابا والو بابا كيموت على الحوت غانديرها ليه مفاجئة …ياك متاكد زوين بزاف …

حسن “جمع صباعو عند فمو ” : من احسن مايكون على ضمانتي ونخلص الحق الى معجبكش ….

نوار : واخا هاك نمرتي …

حسن “صونا ليه تيليفون وجاوب ” : انا جاي سي يوسف دابا …”قطع معاه و مد ليها تيليفونو ” هاكي قيديها …

شدات من عندو تيليفون وقيدات نمرتها وشافت فيه …

نوار : ماشي مشكيل واخا يكون معطل الغذا ؟

حسن : غايعيط ليك واكدي ليه بالضبط فاش تكونو جايين عندو …

نوار : شكرااااا …

استاذن وتم خارج من المكتب مخليها متبعة ليه العين مبتاسمة …حسن شخص جنتل وفنفس الوقت شخص صريح الي فقلبو على لسانو …غير سد ال🦋🐺نور_الياسين(688)#فرصة_ثانيةsana mina🐺🦋

اما فالدار كيف مشات طلع ياسين لفوق حيد عليه تيشرت ولبس واحد بيل سماطي كحل وشورط فنفس لون حط تيليفون تما وخرج من البيت نزل من الدروج الي لور وخرج نيشان لملحق حلو ودخل جيهة لاصال صغير الي تما الي فيه الات رياضية مجهز (الملحق فين تسلخ الياس واسامة هههه ) هز واحد الحبل من بعد ما دار حركات اولية عاد بدا ينقز بيه ينقز حتى العرق نزل ليه تاني …

حطو ومشا لواحد المجر هز منو زوج باندات ديال ليدين ودار قفازات البوكس تقابل مع واحد الصاك تما وبدا يعطي يعطي يعطي …

جا فؤاد فهاد اللحضة لفيلا نزل من سيارة وعطاها لعساس يديها يغسلها …دخل لدار سلم على نجود وبقا جالس معاها شوي حتى جات يامنة اما دراري كيف فاقو شي خرج يدور وشي مشا يعوم فلابيسين تما …

يامنة : فؤااد …

فؤاد : غزالي …

يامنة : مزال خارج ولا ..”جلسات حداه ” …

فؤاد : الليل خاصني نمشي لهيه ….

يامنة : موسكو ؟

فؤاد : تمشي معايا ؟

يامنة : وياسين كاين هنا شكون يكون معاه وراك عارف الحالة …

نجود : ياسين را قاد براسو مالو دري صغير سيري مع راجلك …

فؤاد : فين هو ؟

يامنة : مشا لملحق لاصال تما …

فؤاد : وايلي شحال هادي موصل تما …

فييين هو دابا راه خدااام كيتريني فداك صاك يعطيه فدقات صحاح ازيد من نصف ساعة وهو خدام فيه يضرب ويعاود …ويوقف حتى يشرب الما ويرتاح خمسة دقايق ويرج تاني يضرب …حتى ولاو حوايجو تعصريييهم بسطل ديال العرق …كيوقف تا يمسح ويرجع تاني يضرب ….دخل عليه فؤاد لقاه خدام كيتريني …

فؤاد : ياسييين …

ياسين “وقف ضار شاف فيه ” : الوليد جيتي …

فؤاد”مربع ايديه ” : شوية هذا ..رجعتي تريني ولا …

ياسين “كيلهت تحنى حاط ايديه على ركابيه ” : شحال ماخدمت عضامي …

فؤاد : خدمة البنك والفيرما بتمارتها هاديك فايتة الرياضة لهيه …

ياسين : مكتبردش القلب …

فؤاد : قلبك شاعل …

ياسين : وخاطري ماهواش …

فؤاد : مالك واقعة شي حاجة ؟

ياسين : شي مشاكيل فواحد الارض لهيه مزال معلين فالمحافضة قبل هاد الشهر الى متحفضتش غادي تمشي ليا حيث خارجة فيها طريق …

فؤاد : ياكما نتحرك انا ؟ (زعما يدير اتصلاتو باش يدوزوه )

ياسين : شوف شوف الله يعمر دارك …

فؤاد : الليلة طالع لهيه موسكو تما نتحرك ونشوف كون هاني من هاد ناحية …

ياسين : تحركت وهضرت ودرت اتصالاتي وليني بيني وبينك بنادم سر دينمو غا الحكان مكاين ماحسن منك الوليد قاد ومكفي وموفي …

فؤاد : امتا غادي راجع …

ياسين : غذا بالليل ان شاء الله …هذا جهد …

فؤاد : ماطولش الغيبة كاين حنانتك هنا انا الميمة ديالك اهلك وحبابك …

ياسين : تاواحد منتقال منو نهار نسالي ندير زيارة معندي ميشدني عليكم …

فؤاد : الله يرضي عليك …كملتي ولا مزال شوي ؟

ياسين : قريب …

حرك ليه راسو وضار خرج من تما خلاه مشا بدل دوك القفازات بوحدين اخرين وتقابل مع صاك كيشووووف فيه وبدا …كيعطي يعطي يعطي حتى لواحد لحضة بقا كيعطي وفنفس الوقت كيفكر ماعقلش ماشعرش براسو حتى رجعات بيه ذاكرة …

#فلاش_باك….

ياسين”طاح على ركابيه ودمعة دازت حااارة من عينيه ” : ولادي …

دكتورة “حدرات راسها باسف ” : ربي يعوضك …”وقفو فؤاد تا جلس فوق الكرسي ساعة وهو عينيه كيشوفو فنقطة بعيييييدة …حتى

فؤاد : كون مع الله اولدي يكون معاك …

ياسين”بقا شحال ودموعو على طرف عينيه حتى ضار عند فؤاد …اما يوسف خرج فلول هو وطبيبة ماقدرش يتحمل ” : ربي كبيير كيف زرعهم وحيدهم قادر يعوضهم …الي هزتهم شكون يعوضها على الي حست بيه شكون …

فؤاد : وقف معاها وصبر ليها …

ياسين : انا راسي مكنصبرش ليه وهي نصبر ليها ونفوتها …اش عندي من غيرها…نوار ماشي اي وحدة وواحد نوار جمعات كلشي وهزات هذا “شير لقلبو ” جات بلاصتو …

#عودة…

بقا يعطي يعطي يعطي حتى بدا يغوت باعلى صوته …

ياسين : عدوووو ربوووو نجبدو من بلاصتو ولا هاد الحالة …علاااااااااااااااااش هادشي علااااااااااااااااااش …ضلمتي طريقك فعيني …”بقا يعطي يعطي تا خلا صاك ومشا لدوك الالات تما الي زلعها زلعها شي حديدات ديال الكيلو هز منهم شير بيهم تا جاو فزاجة ديال واحد شرجم برا كيلوح ويدفع ويهرس جهل وااااحد جهلة تا بغات روحو تخرج بالفقصة والعافية الي شعلت فيه …غوت غوتة وحدة خرج فيها كاع الي ضرو وهو وحدو تا ضارت يامنة سمعات صوت من بعيد وهي فالكوزينة حدا شرجم ديال برا …”

يامنة “شدات قلبها” : الاطيف …

حتى حبس وهو يشهق واااحد شهقة الي سمعها يقول شهقة الموت …

ياسين”جلس وسرح رجل ولاخرا طواها حط ايدو على ركبتو كيلهت ” : تقصحت ومزال كنتقصح بجهد …”هز راسو لفوق كيناجي الله “تقصحت يااااااربيييييي تقصاااااااحت وهذا جهدي هذا جهدييييييييييي ” دار ايدو على جبهتو كيلتاقط انفاسو ويضرب جيهة قلبه “بغيتها كتر من راسي وزيد لقدام ….

يامنة “دخلات كتجري عندو مخلوعة عليه من وراه ” : هذا جهد اولدي …مالك احنينية …

ياسين “هز ايدو موقفها باش متجيش جيهتو ” : خليني اميمتي وحدي …

يامنة : ياسي”وقفها بصوته”

ياسين “كيضرب فنواضرو ” : بغييييت وحدي …وحدي اعباد الله نجمع ساسي فين نعطي راسي هذا جهد براااكة عليا برااااكة ولا نحلف بحلوفي وعارفة ملي كنحلف …”ضار عينيه حمرين “صافي الغرسة 🦋🐺نور_الياسين(689)#فرصة_ثانيةsana mina🐺🦋

ماعرفات مالو او يمكن حسات بيه انه ماشي لخاطرو ومادام طلب انه يبقى بوحدو فهي عارفاه ملي كتوصل بيه كيبغي يبقى بوحدو باش مياذي حتى حد ويتصرف شي تصرف بتسرع وفلحضة غضب …دارت ايدها على صدرها وضارت بوجه حزين ومقهور عليه عز عليها بزاف حالتو تشفي فما بالك لو شافتو مو الام الي كيتقهر قلبها على ولادها وخا يعطس تخاف عليه …

كيف خرجات بقا هو يلهت وداير مرفقو فوق ركبتو المتنية وايدو على لحيتو كيحك فيها بجهالة وعينيه كيشوفو فنقطة فااارغة بدون ميرمش ناهيك على تخنزيرة الي ضارب ولا اله الا الله وصافي ….

يامنة “دخلات لدار لقات فؤاد نازل من فوق كيهضر فتيليفون بالروسية تا وصل عندها كيهضر لمح وجهها الحزين وعنقها بجنب تا كمل المكالمة عاد دور وجهها كيقلب فيها بعينيه ”

فؤاد : مال غزالي ؟

يامنة “خرجات نفس من صدرها ” : ياسين معرفت مالو ؟

فؤاد “بخوف ” : مالو ؟ عاد خليتو مزيان ؟

يامنة “عاودات ليه شنو سمعت وشنو قاليها ” : ضرني قلبي عليه “بغات تبكي ” …

فؤاد”باس ليها جبينها” : من حقك تخافي عليه …خليه مزيان اللهم يدير هاكا ولا يمرض فنفسية ديالو …

يامنة : ماشي بزاف عليه ؟ …

فؤاد : بزاف الى كمدها فخاطرو …بزاف الى كبتها فالقلب ديالو …الخايبة هي الى ماهضرش على حقو …

يامنة : فحال اش ؟

فؤاد : نهار يوصل الوقت ربي غايكتب ويفرج …خلي النهار بنهارو ولكل حادث حديث اعمارتي …

يامنة “غمضات عينيها وحركات راسها ” : وااخا يكون خير والله يفرج …

فؤاد : اميين …

بقات واقفة معاه حتى تم داخل بوجه ممحي مافيه لا حزن لا غضب …تم دايز من حداهم وفاتهم وطلع نيشان لفوق لدوش مباشرة دوش حيد عليه العرق وتعب والغضب كمد عضامو وخرج نشف ولبس حوايج الخروج هز تيليفونو ونزل ….

يامنة : خارج احنينة ؟

ياسين “كيشوف فالتيليفون ” : طالع لفاس اميمتي عند اركان نبدل جو شوية …

يامنة : مغاتعطلش على حساب العشا ؟

ياسين : الى اذن العشا وماجيتش غير تعشاي …

يامنة : واخا ولدي …اه را باك برا بغا يشوفك قبل ميمشي …

ياسين”جمع حجبانو ” : علاش ياك تاليل ؟

يامنة : وعلى حد علمي هادشي اولدي حتى عيط ليه ايلاف …

ياسين “حرك راسو ” : واخا ميمتي …يلاه “باس راسها” انا مشيت …

يامنة “مشا هو ” : سير اولدي الله يهون عليك والله يرضي عليك …

خرج لبرا فطريقو تلاقا باسامة جاي يقطر بالما …

ياسين : شنو درتي فلافاك نتا ؟

اسامة “كيمسح الما من وجهو لاوي عليه فوطة ” : واخويا مزال تال اخر شهر عاد يعلقو …

ياسين”قرب ليه مشربن ” : ترجع “هز صبعو كيتحلف ” تررجع مادة راك عارف عاقبتك معايا ..

اسامة”حدر عينيه ” : لا خويا كون هاني ان شاء الله خير …

ياسين “شدو من كتفو بزوج صباع ووررررك عليه تا غمض اسامة عينيه بالحر” : ونعم بالله …نهضر معاك بغيت تسد ليا فمي وتفوتني …”قرب ليه اكثر ” سمعتيني ؟

اسامة “كزز سنانو كيتوجع فصمت ” : امممم كون هاني كون هااني …

ياسين”هز راسو تقاد عينيه عليه بتخنزيرة …طلقو تا بانت ليه فكتفو ” : تحرك دابا دير اش كنتي باغي دير …

دخل اسامة كيزرب ومشا بعد كيحك فضغطة الي ضغط عليه بغا يسخف اما ياسين وصل على فؤاد لقاه كيعاير بالروسية ويكمي …جبد ياسين تاهو گارو من باكية ديالو وشعلو تكا على طوموبيلتو تايكمي تا كمل باه …

ياسين”ساط دخلن فوووق ” : هي محرك دابا ؟

فؤاد : نشوفك ونتحرك …ساليتي ؟

ياسين : ساليت ساليت …”دور راسو جيهة الملحق ..حك جيهة فمو بصباعو متوسطهم الگارو ورجع شاف فباه ” شي حد يجمع روينة الي تما ؟

فؤاد : واحد من دراري دغيا دغيا (زعما دغيا غايجمعو ماتخممش من هاد ناحية ) …

ياسين : مزيان …”حك شعرو ” دير بحساب سيمانة ولا جوج وجيب الدار كاملين …

فؤاد : الحاج عمي مشرفنا ولا ؟

ياسين “حرك راسو ” : ضروري من صدقة وطلبة راك عارف والحنانة تحاول تجي قبل …

فؤاد : ان شاء الله …كلشي يجي ياك ؟

ياسين : كلشي دارو هاديك🦋🐺نور_الياسين(690)#فرصة_ثانيةsana mina🐺🦋

بقا شحال واقف مع باه حتى جات يامنة تاهي وقفات معاه بجانب ولدها وراجلها تا استاذن ياسين سلم عليه وخرج شد طريق فاس اما فؤاد بقا مع يامنة كيسلم عليها ويوصي فيها مادام مغاتمشي معاه فضل يخليها على خاطرها …حتى عيط ليه ايلاف وركب فسيارة وانطالق لعندو …

وصلات وقيتة الضهر ويوسف عاد خرج من الاجتماع هو ودراري …وفطريقهم كيناقشو ويعطيو تعليمات لبعضياتهم بخصوص مستجدات الاجتماع …

يوسف : الحبييييييب …

الحبيب”كان غادي سالت ” : ااانعام العميم ..

الياس: فين غادي سالت مخلينا نهضرو ؟

الحبيب : نطبع واحد وراق لتحت …

الياس”شير ليه لواحد ستة فوطوكوبي تما ” : هاهما ستة ربعة منهم فيهم لوان وزوج عاديين الى ماعجباتك هادي تعجبك لاخرا …

صهيب : وعندو جوووج فالمكتب ديالو …

ايساف : وفمكتب ديالي زوج هي شحال دابا ؟

يوسف : عشرة ووحدة حدا منال الكاتبة …

الحبيب “تيدور فايديه ” : تااا وحدة مابقات تدخل ليا الخاطر حق الي ليه الحق …

صهيب”كمش فيه عينيه ” : الي لتحت فقيها صحيح …

الحبيب : فبلاصة الالوان كاين طبيييعة اصحبي …

يوسف : الحبييييييب …

الحبيب : هاانعام …

يوسف “طلعو وهبطو ” : وشتك غادي خاوي ؟ فين الوراق ؟

ايساف : ارررعد …

الحبيب : غانمشي مكتب ونهزهم ..

يوسف : مكتب ديالك طبعهم تم …دوز تحرك قضي اش وصيناك دوووز …

مشا كيبرگم باغي يموووت بالغدايد وباغي منين يدوز لايساف يشرشمو ما كاين والو غا حيث ميقدرش يخلط عمامو بانت ليه فايساف يبرد فيه غذايدو حيث مغاينزلش عند هاجر ههههه …مشا ايساف مكتب ديالو ومشا صهيب والياس خرج غايرجع لازرو ….

اما يوسف عيط لحسن عطاه شي وراق ورجع يوسف لمكتب لقا نوار واقفة قدام الشرجم ورا الكرسي ديال مكتب باها كتشوف ومربعة ايديها حتى حنحن عاد ضارت عندو …

يوسف : نخشيشة كملتي ولا عييتي …

نوار : لااا كملت قبيييلة وجمعت الحساب حتى تاكد من ورايا …

يوسف : الله يرضي على بنتي …تبغي نزيدك باش تلهاي فدار ؟

نوار”بالفرحة حيث غايعطيها بلا ميخاف لا تغلط ولا يخاف عليها ” : اه غادير فيا خيييير…

يوسف : هههه باغيا تمارة وليني مزيان باش تدربي ونزيدك حاجات اخرين كتر من هادشي حتى تعلمي مزيان ماربما تجي بلاصتي ملي فقدت الامل فختك هههه

نوار “دارت ايدها على ناضرها على شكل حركة شرطي ” : علم وينفذ هههه

يوسف : الله يرضي عليك …را داك الملف الخضر فيه ديال شهرين دوزيهم فلابتوب ديالي الي فدار ورسليهم ليا فالايمايل صافي ؟

نوار”مشات هزاتو ودارتو فصاكها” : كون هاني مهم الى مفهمتش غانسولك …

يوسف : احسن …”خشا تيليفونو فجيب فوقاني وحط ملفات فمجر وسد عليه وسد لابتوب ” مشينا بنتي ؟

نوار : مشينا ولكن انا غانوريك فين …

يوسف : وايلي عارضة عليا زعما …

نوار”حركات ليه راسها ” ..

يوسف : فييين ؟

نوار”صونا ليها تيليفون ” : الو شكون معايا ؟ اااه وي انا هي ؟ ساعة ونكونو عندك …شكرااا …”قطعات”

يوسف : فين خاطفاني اختي ؟

نوار”خشات ايدها فدراعو وساقت بيه غاديا بيه خارجين ” : قلت ليك سوووغبخييييز بابااا …

يوسف “غادين وكيهضر” واعنداك غالقا الريح …ازيييدي …والله يامك تضربي دجاج بلدي على قلبك “مكتحملوش ”

نوار : افففف لا لا …

هما خرجو ودازو من حدا مكتب حسن الي شافهم غادين وكيحضكو وضحك على فرحتهم وكيفاش علاقتها بباها دايرة ويوسف تاهو كيفكروه بعلاقتو مع باه هو نييت …دازو من حدا مكتب الحبيب الي كان ساخط بدا الخدمة بدون ميخرج لغذا حيث خاصو يسالي وبلعني لصقوها فيه غااا ضد …

الحبيب : اتفوووو على قبيلة عندي يخ …”دق الباب ” دخل …

تحل الباب ودخلو خطوات انثوية بصوت كعب عالي اسود قرقب حتى مشات عينيه ليه وسروالها الكلاس الاسود طلع عينو حتى وصل لقميجتها البيضاء وعند عنقها بابيون بدونتيل …وشعرها طويل هز عينيه فاجمل ابتسامة خاطفة ليه القلب …

الحبيب “هز حجبانو ” : هااجر ؟

هاجر “هازا فايدها زوج كرطونات بيتزا وراتهم ليه ” : واحد نص ساعة پوز لزوج بينزات بالكفتة الي تشهيتي ولا نرجع منين جيت ؟

الحبيب ” كيشير جيهتها بستيلو فصباعو ” : الى رجعتي تجيني فراس …سدي وراك داك الباب بساروت واريه لوحو حيث كثر عليا الغاشي والع🦋🐺نور_الياسين(691)#فرصة_ثانيةsana mina🐺🦋

دخلات كضحك من هضرته الهبيلة وضحكتها كل مكضحك كل مكتزيد تخطف ليه القلب حتى كيلقا راسو كيبتاسم اراسو …حطاتهم فوق طابلة بعيدة على المكتب وعيط هو لكاتبة ديالو تجيب ليهم مونادا ترسل السيكيريتي يجيبها بالخف طوا كمايم قميجتو وجلس مقابل معاها …

الحبيب : شوية دابا ؟

هاجر : لا مزيانة …

الحبيب : شفتي الورد جا متدوزيش جيهتو …منخر عندك فشكل ههههه

هاجر : هادشي الي عطا الله هههه…

الحبيب : كون يحساب ليا كون رعفتك نتي بلاصة صوفيا ختك …

هاجر : انعام ؟

الحبيب : مالك شوفيش هي كي عادي معندها حساسية موالو …

هاجر : تاااهي عندها وليني عندها من الحليب تاكل ولا تشرب شي حاجة دالحليب خاصها تدخل سريع لمستعجلات …

الحبيب : مالكم مبيسين اناري …

هاجر “من بعد ما دخلات السكريتيرة عطاتهم مشاريبهم شكروها ” : والله هههه كلشي تاكلو الا حاجة الحليب ماشي فيها نكهة نوو الي فيها حليب كتير فحال دانون وداكشي …فرماج الى خطاها الحمر ولا الاجبان لاخرا …

الحبيب : بففف مشكيلة …

هاجر”حلات الكراطن ” : كول كول تكرفصتي معايا هاد نهار عتقتقيني …

الحبيب : الله اودي هاني انا هنا وقت ما وحلتي عيطي ليا ونتصرف من هنا الى وقع غلط فالفينونص حيث كيرسلوه ليا انا الي كنصحح ونرسل نيشان …

هاجر : صافي ان شاء الله …

بقاو ياكلو ومجمعين ضاحكين كيزيد يتعرف عليها بالفن وتزيد تاهي تعرف عليه حاليا غير اعجاب منو هو لكن هي واشنو ؟ مزال الان كلشي مبانش وموضاحش مع الوقت نعرفو …

في واحد من المطاعم الخاصة بالسمك من بعد ما وصلو بالموقع الي رسل ليها صاحب المطعم بتوصية من حسن عليهم …كان خارج فاس فطريق لازرو عاد فتح جديد بشي اشهر (عنوان وهمي ) وقفو قدامو وخرجو من سيارة من بعد ما بلاصاها يوسف الي هز عينيه فالريسطو …

يوسف : الله ديال الحوت ؟

نوار : ويييي ويا بابا قاليك كيدير حوت وفواكه البحر ليزويتخ گغاتيني …(فواكه بحر على شكل گراتان بالبيشاميل وفرماج دايب فوق منهم ) …وحوت مشرمل قاليك بطريقة خاصة وعندهم صالاد ماغوكين الي كتعجبك بالربيع وتومة ( شلاضة مطيشة وبصلة وربيع وتومة وملح وزيت زيتون كتجي غزالة ) …

يوسف “دوز على فمو بايدو بلذة لما فالت ” : استغفر الله …دوزي ندخلو دوزي …

تابطات دراعو ودخلو بزوج لقاو صاحب المحل الي رحب بيهم ووراهم بلاصتهم مع دخلو بداو كيحطو ليهم داكشي باقي سخون وطري ومشكل بليصالاد ولكن بدون مونادا كان معاهم عصير الحامض بجنبو وكيسان فيهم حامض مقطع والما باش يغسلو صباعهم من ريحة الحوت المهم طابلة تشهي …

يوسف : اااربي وعلى طابلة تفتح النفس …

وقف عليهم صاحب المحل مبتاسم تاكد من ان كلشي هو هذاك …

صاحب محل : مرحبا بيكم شرفتونا نتمنى يعجبكم. وتزورونا مرة اخرى …

يوسف : من ناحية بان ليا هادشي من العين كيفتح نفس …

صاحب المحل : بوناپيتي …

شكروه ومشا وسماوه الله بداو الماكلة من بعد ما شربات دوا ديالها عاد شرعو فالاكل الي كان جد لذيذ …

يوسف : سيري الله ينورك على هاد المحل …

نوار : نااري بنييين ابابا وحق الله …

يوسف : بزاف …عليا بليمييين متقوليها لحد خصوصا دوك الحلاقم ديال عمامك …

نوار : هههههه وماما وختي ؟

يوسف : هادوك حاجة بديهية يعرفوه …

نوار : علاش ميعرفوهش عمامي وعمو فؤاد تاهو عزيز عليه الحوت …

يوسف “تيخشي فوجهو ” : كلشي قوليها ليه الا صهيب والياس مابغيتهمش …”شرب من عصير تا صرط ” الله تالعصير تحفة …شتي هادوك غا ضد الالة …

نوار : هههه واخا كون هاني …

يوسف : بنت بوك ينعل بوك ….

نوار : اححح البنان صافي والله الى صدق عندو ذوق …

يوسف : اشكون هو ؟

نوار : حسن الشريك ابابا هو الي وراه ليا وهو الي وصاه مول محل صاحبو علينا …

يوسف : شتي على رقبتي الى داخل ليا الخاطري وزايد تيدخل …تنساليو ورجعو وشكريه🦋🐺نور_الياسين(692)#فرصة_ثانيةsana mina🐺🦋

غربات شمس اليوم الي داز باحداثو المشحونة عند البعض والعادية عند البعض الاخر …وصل فؤاد لموسكو وعيط ليامنة طمنها عليه وياسين تاهو …اذن العشا كانت نوار جات هي ويوسف وصلو قبل اذان المغرب من بعد غذا ودورة عالمية فوجات فيها شوي وريحات النفسية …طلعات نيشان لبيتها بدلات ونزلات ببيجامتها حد الركبة ونص كم جمعات شعرها اسفنجة فوق وهزات روايتها وتيليفونها وتوجهات عند ماماها سلمات عليها حيث عاد جات …

نوار”سلمات على مينة تاهي ” : غبرتي عليا هاد نهار …

مينة : الخدمة الي بقات ليا ففاس زگيتها حتى نجي من ازمور قبل العرس باس نبدا نوجد تاني …

نوار : امتا غاديا لازمور ؟

مينة : من هنا لربعيام …

سارة : مالك واقفة دخلي شوي ويتحط العشا …

نوار : انا غير فالجردة …”شافت نجوى ” خالتو فين سليمان ؟

نجوى : مشا مع الياس واسلام تال عند راوية معشيين تما شداتهم …

نوار ؛ اه …ماما خالتي سارة انا فالجردة كنقرا ونهضر مع استاذة ديالي …

يامنة : واخا حنينة ردي البال را البرد عليك …

نوار : واخا …

هزات روايتها ومشات فاتجاه الباب وضارت مشات لجردة حدا لابيسين جلسات فوق الفوطوي وتكات هزات تيليفون كتراسل مع استاذة حتى سولات فيها وهضرات معاها يلاه غاتفتح رواية تبدا تقرا حتى صونا ليها تيليفون بنمرة غريبة …

نوار “مكانتش بغات تجاوب فلول …يلاه غايقطع وهي تجاوب ” : الو …

هو : نوار رمسيس ؟

نوار : وي شكون معايا ؟

هو “دوز على شعرو من لور متكي فوق ناموسية عريان من فوق وتحت شورط قصير …” : حسن …

نوار : اااه هادي نمرتك ههه معرفتهاش ومعرفتش صوتك …

حسن : وحتى انا نيت معيط فهاد الوقت ياكما برطتك ؟

نوار : نو نو مزال الحال …

حسن “كيحك فكرشو ” : كنت بغيت نخلي ليك غير ميساج فواتساب نسول واش ريسطو كلشي داز مزيان ولكن لقيت نمرة مداخلاش واتساب …

نوار : نن نمرة ديال واتساب بنمرة ديال المانيا وهادي خديتها فاش جيت لهنا …

حسن : يعني هادي غير مؤقتة كتخدمي بديال المانيا …

نوار : وي فاش نرجع نخدم هاديك …

حسن : اوو داكوغ …مهم كلشي هو هذاك ؟

نوار : قلت نرسلها ليك مع بابا يشكرك فبلاصتي شكرا بزاااف شي حاجة فوق الخيال والله …

حسن : ههههه تي را بزاف داك سيد كيصرع لحوت …خاصك ذوقي الحوت فالفران ب بوزروگ،، ييينعل والديه كيف كيدير ليه …

نوار : خاصني نجربو عزيز عليا حوت فالفران …

حسن : الى مكاينش مشكيل نمشيو انا وياك وسي يوسف ملي عجبو بزاف شي نهار على حسابي وعطيوني رايكم …

نوار : ان شاء الله علاش لا …

حسن “حك نيفو ” : ديري ورسلي ليا نمرة الواتساب …

نوار : واخا ولا خودها من عند بابا ..

حسن : هههه اهيا نقول باك عطيني نمرة نوار …رسليها من واتساب عندك طلع عندي ..

نوار”ضربات جبهتها بخفة ” : تكلخت ويلي ههه

حسن : ماعليش كاملين كتوقع لينا …

نوار : لا هادي بزاف …

حسن : ياودي كون نعاود ليك انا قدي قد هاكا غير ولباح “تقاد فالنعسة ” عطاتني الوليدة طبسيل ديال لغذا نديه الطابلة منعرف مالي ديتو لطواليط …

نوار “غا قالها وهي طرطق بالضحك واحد صحكة طلقات تا ضار ياسين جيهتها حيث كان عاد وقف بطوموبيل وبلاصاها تما ..” : ويلي ويليييي هههه …

حسن “ضحك تا تسدو عينيه وبانو سنانو وفوق شنافتو تطوات عطاتو واحد ضحكة ساحرة ” : ههههههه قلت ليك را كلنا هكاك …غا ملي ضحكتي …

نوار : احم ..اويلي را واقيلة سمعوني …”بان ليها ياسين جاي جيهتها ” كيعيطو ليا العشا …

حسن : يلاه بونوي

قطعات معاه وهي تشوفو جاي خاشي ايديه فجيابو وجاي ناحيتها تا وصل عندها …

ياسين : وحدك هنا؟

نوار “حدرات عينيها فرواية ورجعات شافت فيه ” : جيت نقرا غير هاد رواية …

ياسين : جيت نسول على ضربة مزيانة دابا ؟

نوار : الحمد لله مزيانة يسول فيك الخير …

ياسين : ايوا مزيان …”شاف فالرواية ” انتخريستوس ،

نوار”شافت فيها ” : يلاه غانبداها من بعد ماساليت لولة …

ياسين : نفس التوجه ديال هادي ؟

نوار : لا لولة “حنحنت ” امم بديتها وماقدرتش وفيها شي حاجات معجبونيش كتهضر على العشق …

ياسين : العشق فنضرك خارج الطبيعة ؟

نوار “تزنگت وتزيرت ” : ناس كتعطي العهد ولكن مكتوفيش بيه …”دارت ليه ضحكة صفرا ”

ياسين : ممكن وممكن ديك رواية قصدات عشق معندوش ساس من الاصل …

نوار : داكشي باش مكملتهاش وبديت هادي عالاقل هادي توجه ديالها فشكل …

ياسين : ممكن نصحك بثلاثة ؟

نوار”عوجات فمها ” : ممكن …

ياسين : رواية الثقة المحطمة … “تم ضاير باش يمشي وهو كيهضر ” تبعيها النية الحسنة ديال اندرس باربا …هادو غايخليوك توجدي راسك باش تقراي الاخيرة وهي قواعد العشق …سي نو …را نتي مننك لافوت وراسك متحكم فيك …

نوار : كيفاش ؟؟؟

ياسين : الراس كينفعنا مع البراني والقلب مشينا مع القريب لينا والى تجمعو بجوج عرفو كيف يميزو لولين فدقة وحدة …ولكن المشكيل الكبير هي الى كانو خاويين بجوج …

نوار : قصدتي بهضرتك مكنعرفش نتحكم بقلبي وعقلي وخاصني نبدا نتعلم ؟

ياسين : فين حطيتي راسك ت🦋🐺نور_الياسين(693)#فرصة_ثانيةsana mina🐺🦋

خلاها كتشوف وشادا رواية فايدها تبعاتو العين تا ضار ومشا لجيهة الباب ديال الدر ودخل …هو دخل وطلع لبيت من بعد ما سلم على الي لداخل وطلع لبيت ديالو …اما هي رجعات تقرا الرواية …صفحة مقدراتش تكملها وولات سداتها ودارت بناقص وناضت تاهي دخلات وطلعات لبيتها حطات رواية ونزلات لعندهم …

يامنة “دقات باب بيتو ” : ولدي ندخل ؟

ياسين”كيقاد فسيور سروال دور راسو جيهة الباب ” : دخلي الحنانة ..

يامنة “حلات الباب ودخلت ” : نزل تعشا اولدي …”قربات ليه وتكات على كتفو كتحكو ليه بلطف وحنان ..”

ياسين”ضور راسو باس ليها راسها من فوق ” : نزل نتعشا علاش لا …

يامنة “تنهدات” : غذا غادي ياك …

ياسين : ونقولو هذا جهد نهار تنين غادي نرجع لبنك خليت ليهم خدمة تما …

يامنة : زيد غير يومين الله يرضي عليك غير بينما جا باك …

ياسين : معاك ولادك الحبيب اسامة فحال الى كاين انا …

يامنة : ولادي تواحد منفضلو على لاخور وليني نتا غياباتك كتار وتغيب عليا نتوحشك كتر ..خليني نشبع من ريحتك واخا عمري نشبع …

ياسين”ضور ايدو محاوطها معنقها” : جي معايا ياك ساليتي مع يسرى ومينة والعرس مزال مبداو يوجدو ليه ضربي معايا تما جاي باك تشوفيه وترجعي …

يامنة : وبقا تيجي باك ونمشيو انا وياك تما ونبقا معاك …

ياسين : ماعليش اميمتي الخدمة واقفة فالفيرما خاص وجودي قبل كان جدي دابا كاين غير انا وسالم المراة عندو قربات تولد هاد ليام راكي عارفة توجاد خاصو يكون حاضر …

يامنة : ايييه الله يفكها على خير …واخا ولدي دابا نشوف مع باك …يلاه نزلو تعشا منخليوهمش يتسناو…

هز تيليفونو خشاه فجيب سروال وعنقها وخرجو بزوج نزلو حتى لصالة فين مجموعين كاملين لكن اضطرو يقسمو نظرا لكترة بنادم العائلة كبيرة خاص زوج طوابل…

يوسف “هز عينيه فياسين ” : امتا راجع لحاج عمي …

ياسين “مقابل معاه فنفس طابلة كيتعشاو ” : زوج سيمانات هكاك نهار 13 فشهر ..

صهيب : نازل فمراكش ياك ؟

ياسين : لا ف كازا …

يوسف : نجيبو انا عندي شي خدمة تما ديك اليومين …

ياسين : زعما ؟

يوسف : وايلي كنتفلى …

ياسين : ماشي هكاك يقدر يتغير ليك المخطط للهم نعول من بكري …

صهيب : لا كاينة خدمة عندو فكازا يجيبو من مطار ويشد طريق نيشان عندك اصلا جايين نشوفوه …

ياسين : ضروري قلتها لوليد كلشي خاصو يحضر حيث دايرين صدقة برجوعو وناس الي غايهنيوه برجوعو جامعينهم دقة وحدة وراكم عارفين خاص كلشي بحضر ضروري…

يوسف : لفيرما عندك ؟

ياسين”رفع حاجبو ” : علاش مغاتجيش ؟

نوار “سمعاتهم والعيالات كيسمعو ”

يوسف “ابتاسم بشوي ” : وا نش…

ياسين”وقفو بايدو ” : يوسف الى غاتجي راك غادي تجي لدار عمك قبل كلشي غادي تجي لدار ولد خوك الي فمقام ولدك …مرحب بيك فوقت الي بغيتي دارك هاديك ديك قضية ديال موحال نجي وداك زعت مكاين لاش ايوسف ولا بصح غانتقلق خلينا من الهضرة الخاوية …

يوسف : ان شاء الله يكون خير “حدر عينو كيتنهد”

يامنة : رايلي يوسف الي ميجي هي بغاني نتقلق منو ؟

يوسف”ضار عندها وضحك ” : هههه الله اودي الا الفجلة الي منبغيها تقلق مني …

يامنة : ايوى ها ودني منك ايوسف …

صهيب : انا بعدا جاي بغيت نيت نرتاح شي ايام عول جاي عندك مبكر اسي ياسين …

ياسين : اخيَر مادير اصهيب …

يامنة “شافت فيسرى ” : تجي ياك ؟

يسرى”ابتاسمات ليها ” : نشوف ايامنة نشوف يكون خير “حدرات عينيها ” …

نوار”ناضت وقفات ” : انا غادي نطلع عييت وفيا نعاس …خاصني نفيق بكري عندي لامارش ولاصال …

اسامة : لاصال ؟

اشرف”نغزو كيهضر بشوي ” : روي ستون دابا نقوليك اش كدير فيه خليك تتعشا حسن منوض فيك راگد بالخلعة …

اسامة “قرب ليه كيهضر بنفس نبرة الصوت ” : شدارت المسخوطة …

اشرف : غاتولي فاندام عرات على نياب شي نهار نهضر بالغلط تجمعني بنص …

اسامة : كراطي ؟

اشرف : مخلط بالبوكس يلاه تهضر تجمعك من فمك تبغي تحرك تعيط لسادات وتجي مشبح …

اسامة “كمش عينيه ” : كيك بوكسييييينغ …

يامنة “شافت يسرى مقادراش تقوليها لا ومقادراش تجاوب مبقاتش زادت معاها رغم ان يسرى خاصها تاخذ بعين الاعتبار انها خاصها دير بوجه يامنة الي رغم الالم الي عاشو ولدها مع نوار فغيابها رغم ذلك حضرات معاها وعاونتها فمينة …واش غاتكون يسرى🦋🐺نور_الياسين(694)#فرصة_ثانيةsana mina🐺🦋

فالطابلة ديال العشا الي كان محضر بطريقة تتشهي وعلى ايدين راوية محضر بشكل يفتح نفس ولما لا وخوها وولادو عندها …جالسة هي وياهم وصفية الي جلسات بزز رغم انها ماقادراش تاكل ولا تحط في فمها شي حاجة …

راوية : الله الى شرفتوني …

الياس : وليت كنشرفك كنت شابع فيك غا دق …

راوية : ههههه وانا نسا سلخات الكلاب الي كنتي تتعطيني …

سليمان : وايلي على مادوزتي عليها يتنسا …

الياس “خرج فيه عينيه ” : فين حضرتي امسخوط…

صفية : هههههه كانت تتعاود ليه قبل متجي …

الياس : سبقيتها ليه …

راوية : قبل متقولها ونتا كتفتاخر …زيدو بسم الله …اسلام ولدي كول …

اسلام : ناكل العميمة ناكل …

راوية : ايوى سليمان كيدايرة نوار تما ولفات شي تماشات مع حياتها عادي …

سليمان : الولف راها ولفات على حياتها تما معاها انا والوليد والوليدة فاش كانت اسلام تاهو وليني بيني وبينك خاصها تولف على هنا …تما لا خطانا غالقراية ورجعو فحالنا وتاهي اما لا بغات تبني حياتها تبنيها هنا حدا واليديها دارهم مخاصها تا خير …

راوية “تنهدات” : ماعرفت منقول والله لا هي لا هو تضررو …نهااااار لول انا مكنتش باغيا هاد زواج بمسبة هادشي …

الياس : غااااا بغاو يوصلو راسهم لهادشي …هي غالطة وهو غالط لا جينا لمعقول …

راوية : نتا سليمان شنو بان ليك من هضرتها هي ولحد الان شنو توضح …

سليمان”حط المعيلقة كيشوف فطبسيل ” : ههه لا جيتي عليا انا منعطيك تا راس الخيط واخا مزال غير كنقرا ولكن الطب نفسي معنديش الحق نقول شنو قالت هي ….لكن ك ملاحضة مني انا ليهم …كون كانو كيحطو نقاط عالحروف مكانوش يوصلو لهادشي …اي كان والي وقع را الفراق كان ولابد ليهم سوا يبعدو سوا كل يشوف حياته ….حنا كنشوفو الحاضر هو انهم بعدو الى كانت شي حاجة رجوع منضنضش را غايكون الى من بعد غايكون تفاهم هادشي الي نتمناو …

صفية : نساتو ؟

سليمان : منساتوش عمرها تنساه مكاينش النسيان اختي صفية “هز فيها عينيه ” نتي راك متقدريش تنساي …

صفية : احم “حدرت راسها ”

راوية : بفففف مشاكيل والله الله يدير الخير وصافي …

يلاه كيهضرو حتى تم داخل ايساف جاي مخنزر حتى وقف عليهم صفية بغات تنوض وهي تشدها راوية جلست …

راوية : مالك ؟

ايساف : سلام عليكم …

الياس : عاد وصلتي ولا ؟

ايساف : راجع خارج …

راوية : ياك كتبات فدارنا …

ايساف “شاف فيها ” ؛ مزال عندي قشي هنا الوليدة عندي مندي من هنا “حك عينيه ”

راوية : تهدن ياك شي باس مكاين ؟

ايساف”حس بدوخة كان شوي ويطيح كون ما وقف سليمان شدو ” تت

سليمان : ايساف !!

راوية ” وقفات مخلوعة ” : م مالك اولدي ؟

الياس : واش مريض ؟

ايساف : لا لا غير عيان واقيلة شمش ديال هاد نهار ضليت فيها …

راوية : شرب شي دوا ؟

ايساف : لا انا برا رسلي من يجيب ليا شي حوايج راهم فالفاليز تجيبها كاملة نديها غادي نبقا فواحد دار ففاس كريتها …

راوية : بقا غير فدرانا كتبان ليا عيان “مشات عندو قاست راسو ” راسك فحال الى سخون ؟

صفية “حادرة راسها والله ما حاشاتو ليه ولا داتها فيه ”

سليمان : شرب انتيبيوتيك ولا شي فنيدو فوار …

ايساف : لا ل..”غمض عينيه وجلس فوق الكرسي ”

راوية : الله يرضي عليك شرب غير دوا متقصحش راسك …

ايساف”هز فيها عينيه ” : فاش غانهمك دابا ؟ نمرض ولا نموت انا كاع فاش غانهمك ياك هادشي الي باغين ؟

الياس : ايسااااف تهدن مالنا ؟

ايساف : ايساف ايساف ايساف …المرض نمرضو راسي كلشي ايساف دير ايساف فعل ايساف ترك …”شاف فيهم عينيه حمريييين ” ها ايساف كينتاقم منو الله …”ناض وقف ” انا مشيت نجيب داكشي راسي وغادي نتحرك لفاس …

خلاهم كيشوفو وراوية كتعيط ليه وماتكلمش ليها مشا نيشان طلع لبيت جبد الفاليز وزاد شي حوايج هز الي خاصو والي قد عليه ونزل تمشى قدامهم مخلي راوية كتعيط ولا حار فيها …ركب فسيارة وكسيرا باقصى سرعة شاد طريق فاس …

راوية “بغات تبكي ” : اش درت فحياتي اش درت ياربي بغا يقتلني …

جاد “عاد داخل ” : مال خويا الوليدة مشا طاير واحد طيرة تا خلع كلشي برا …

راوية : اويلي على طاير …”شافت فالياس ”

الياس : تهدني راكي عارفاه خليه يضبر راسو تايتهدن ويهضر …

سليمان : ماتبقايش ضغطي عليه خليه حتى يتنفس انا صباح بكري نمشي عندو اصلا بغيت نضرب تال فاس ونشوفو كيبقى كوني هانية …

راوية : اربي ولدي شوفو تايولي لباس والي بغا يديرو يديرو …

صفية “شادة كرشها وكتشوف جيهة طابلة واحد طبسيل ديال سليمان عينيها محيداتهمش عليه ” خالتي …

راوية “شافت فصفية …” بنتي مالك ؟

صفية : ب بغيت هاديك الفريزة الي فطبسيل سليمان …

سليمان : هاديك مطيشة

راوية : بسم الله عليك ابنتي اشمن فريز ياكما بغيتيه ..

صفية “عينيها غرغرو تا نزلو دموعها يجريو ” : بغيت الفريز ويكون طايب🦋🐺نور_الياسين(695)#فرصة_ثانيةsana mina🐺🦋

يوم جديد من الايام يوم يحمل في طياته لا نعرف واش غايكون احداث زوينة ولا احداث مشحونة ولا احداث خايبة …حلات عينيها مع النبوري سادسة صباحا لقاتها واقفة كتسد فسيور سبرديلا شعرها مهزوز ودايرة باندة على راسها شادة ليها الگصة …بسورفيت بالقب وسروال عند الكعبة بباندة. ونزلات لقات غير باها الي كاين كلشي مزال منزلش …

نوار : بابا فايق بكري …

يوسف : اش تعرفي فنهار الي منخدموش فيه كتفيقي بكري غا وحدك …”شافها لابسة سورفيت ” غاديا وحدك !

نوار : لا انا وسليمان هاهو نازل …

واحد شوي وهو يتم نازل تا سليمان كيقاد فواحد الباندة فايدو ووقف عليهم صبح عليهم …

سليمان : مشينا ؟

يوسف : ما تعطلوش …

نوار “ضارت عندو وهي غادية دخلات خصلة من شعرها ورا ودنها لمحات ياسين نازل كيقاد فساعتو. ” : نو بابا غادي نمشيو لاصال قول العشرة تلقانا هنا …

يوسف : ارسول الله …

ضحكات ليه وهي تابط دراع سليمان وخرجو كانت شمش بدات تبان مع فصل الصيف خرجو من الباب الكبير وهما يشدوها جرية فديك الانحاء …

سليمان : سيمانة جايا طالعين لداو فخبارك ؟

نوار : فراسي …

سليمان : شنو بان ليك ؟

نوار “دارت شافت فيه ورجعت شافت قدامها” : فاش ؟ نتوما غادين وهما …انا مالي ؟

سليمان : مغاتمشيش تشوفي عم باك راه عمك …وعمي …

نوار “الصمت” …

سليمان : معاك كنهضر …

نوار : اكيد مغانمشيش اسليمان بلا متضغط عليا راك عارف الجواب …

سليمان : هضرتي معاه على شنو بغيتي تقولي ليه ؟

نوار : مزال …

سليمان : شنو كتسناي ؟

نوار : دابا نهضر معاه …

سليمان : في نظري غير خلي الامور تمشي كما هي عليه …الى غادي تهضري وطلبي سماحة ومتحطوش نقط عالحروف غير بلاش …خليكم هاكا …

نوار : مغاديش نحطو نقط عالحروف …كل مشا فحياتو كل شاف حياتو مغادي نقول والو ….سليمان انا جيت لمغريب صفيت الخواطر مع دارنا صافي الله يجعل البركة …انا الي طلبت الطلاق مغانجيش ونبدا نبحث ونشوف فين الخلل الي عطا الله عطااااه ….

سليمان : دابا نتي عادي معندكش مشكيل ؟

نوار : معندي حتى مشكيل …الي عندي راني قلتو …

سليمان : يعني ماحاساش براسك ضالماه ؟

نوار : نقدر نكون ضالماه نقدر لا ولكن كيف قلت ليك طلقنا تفرقنا معند الهضرة ماتدير دابا …

سليمان : اوك نتي تعرفي …غير هو مشية دوار ماليها تا علاقة سوا غاديري الواجب …فقط…

نوار : عرفت …

سليمان : فحال وليتي قاصحة ملي جيتي لهنا ؟ مالك ؟

نوار : ياك هادشي الي بغيتو ؟

سليمان : القصوحية را لراسك ماشي لينا…القصوحية كتكتاسب بشوي بشوي ماشي دقة وحدة …هادي ماشي قصوحية انوار الي ولات فيك …

نوار : وشنو ؟

سليمان : هادي قصوحية كتخبي بيها الخفايا الي فيك لداخل …كتصنعي قناع القوة اما الي لداخل هش …خاصك حكة ومواجهات وتعيش وتجربي عاد تعرفي بحق قوة شخصية والمواجهة بصح …

نوار : اممم واخا …”سبقاتو كتجري مخلياه وراها ضرب اخماس فاسداس وزاد تبعها …حتى دوزو لامارش ديالهم وتوجهو لاصال بدات اول الحصص هنا فالمغريب ازيد من ساعة ونص وهي كتدرب حتى كملات وخرجات وحدها لان سليمان كمل لامارش وصل معاها تال لاصال ورجع لدار …

خارجة من لاصال فطريقها جايا على رجليها …حتى سمعات صوت الكلاكسون وهي دور وقفات طوموبيل عند رجليها …

نوار”هزات عينيها وهي تشوفو ”

حسن “خرج من طوموبيل تمشى لعندها ” : نوار …

نوار : حسن ههههه

حسن : غير وحدك ولا ؟

نوار “هزات فيه عينيها ودابرة ايدها عليهم حاجبة شمس ” : واه عاد خرجت من لاصال …

حسن : اه كان عندك لاصال…مزيان راجعة لدار ؟

نوار : اممم …

حسن : يلاه نوصلك …

نوار : لا لا بلاش منعذبك نمشي غا على رجلي …

حسن : ياودي غا يلاه اصلا دايز عند سي يوسف نعطيه شي وراق وراجع يلاه هاديك هي طريقي …

نوار “بقات كتشوف فيه ” : ماعرفتش ..

حسن : زيدي زيدي عااادي مافيها تا مشكيل …هاديك هي طريق …

نوار”دارت صبعها في فمها هاد الحركة بقا كيشوووف فيها حسن ” : ههههه واخا يلاه …

ابتاسم ليها وضارت حلات الباب ركبات وركب تاهو شافها نسات سانتيغ وهو يمد ايدو جرها من حداها وجهو قريب لوجهها حتى بعداتو وخشاها فبلاصتها عاد تقابل معاها …

حسن : الله يستر ندير شي فران على غفلة فين بغيتي توصلي هههه

نوار : لا الله يحفظ …

حسن “كسيرا وهو كيضحك ” : ههههه امييين …

زادو فطريق متوجهين لفيلا ديال دار رمسيس وتفتح الحديث …

حسن : بديتي لاصال هي مطولة هنا ولا ؟

نوار : لا غير بديت لهيه تدريب وخاصني منوقفوش الكوتش الي تما وصاني نكمل هنا بينما مشيت تما …

حسن “كمش عينيه” : شنو كتدربي ؟

نوار : كيك بوكسينغ …

حسن : واااو ما قاصحاش عليك ؟

ن🦋🐺نور_الياسين(696)#فرصة_ثانيةsana mina🐺🦋

“وصلو لفيلا ودخلو من بعد ما حل عليهم العساس وهما يوقفو خرجات نوار كضحك وضحكتها واصلة لحلق …”

حسن : وحق الله العضيم الى كلشي تنشر فالبلاصة …هههههههه

نوار : ههههههههه قتلتيني بالضحك …

اسامة “وصل عندهم ” : ياااه نوار كضحك ..”شاف فحسن ” سي حسن ياك ؟

حسن : سي اسامة هو هذا وايلي نسيتيني …

اسامة : لا منسيتكش غا نتاكد من سمية خفت نغلط ههههه

حسن : كبرتي تبارك الله …

اسامة : واهنتا تشوف …

حسن : الحبيب ماكاينش ؟

اسامة : الحبيب خرج قبيييلة فطر ومشا …

حسن : وسي يوسف لداخل ؟ قوليه انا جيت نشوفو غير هنا حيث “شاف فالساعة ” حيث غادي طالع لفاس عندي شي خدمة ضروري يلاه لحقها …

نوار : انا داخلة وغادي نعيط ليه …شكوا خويا بزااف على توصيلة …

“ابتاسمات ليه ودخلات لداخل لقات يامنة واقفة هي ونجود كتعطيها دوا وتهضر معاها شافتها وهي تمشي لعندها عنقاتها وكتضحك فرحانة …

يامنة : اش سباب هاد الفرحة ابنتي …

نوار “هزات كتافها” : وااالو منفرحش “باستها فحنكها”

يامنة : الله ياودي غا ملي كضحكي لينا وناشطة اش بغينا كتر …

نوار : فين بابا ؟

يامنة : راااهو الفوق مع ماماك كتعطيه مايلبس يصهر ليا خارج …

نوار : اه انا طالعة بغاه حسن الي معاهم شريك …

نجود : ونزلي تفطري …

نوار : ندوش ونزل نفطر …”شافت فيامنة ” توحشت البيض بالخليع الي كديري ليا …

يامنة : هناك الله درناه صباح وباقي نيت نزلي تلقايه واجد احنينية …”خلاهم وطلعات كيف الفراشة فدوك الدروج مشات لبيت باباها ومها دقات عليهم بلغات يسوف يتكلم وضار توجهات لبيتها حيدات حوايجها ودخلات نيشان لدوش

طلقات رشاشة تا سخنات وهي تهز شامبو ودخلات تحت منها غسلات شعرها ودارت باندوش كملات دوش ديالها وهي تخرج لابسة بينوارها وفوطة على راسها ومنخرها يقطر بالما …جبدات حوايج دار تيشرت وسروال صيفي …

خشات رجليها فصندالة صبع ومشات كتعرج خرجات البيت مخلية شعرها فازگ مطلوق على راحتو ينشف …فطريقها تلاقات بيسرى خارجة من البيت ديالهم …

يسرى : فطرتي ولا عاد ؟

نوار : عااد …

يسرى : انا خارجة عند عمتك راوية نشوف صفية ونجي صافي ؟

“نزلو تالتحت يسرى خرجات ركبات فطوموبيلتها وزادت لعند راوية اما نوار مشات عند يامنة لكوزينة عاونتها ودارت ليها قهوتها وهزات البلاطو فيه الفطور وجلسات غير تما فصال مونجي …

يامنة : كي دوزتي لاصال …

نوار : مزياان واخا كوتش الي هنا مرخية على الكوتش الي لهيه ..

يامنة : هههه ياك …

نوار : علاش ماما مشات تشوف صفية مالها ؟

يامنة : حسات بوجيعات فكرشها ومشات تشوفها حيث مزال الخطر عليها …

نوار : علاش كيحسو بوجيعات ؟ حيث انا فاش احم مهم محسيتش …

يامنة “بحزن ” : حيث مكنتيش حاسا ديك ساعة ماحيلتك لوالو وماعارفاش …فكرتيني فاش كنت حاملة بياسين مكنتش عارفة بيه كان عند بالي غير وجع العادة وعاد ماشي شي وجع …حتى جاتني الفيضة وداني فؤاد لكلينيك تما عرفت راسي حاملة بشهرين …

نوار”وحلات ليها الدغمة فحلقها صرطتها بزز وشربت عليها القهوة وهي حاسا بغصة …شافت فنقطة بعيدة وهي تنطق فحال سهاااات ” : معرفت بيهم حتى مشاو …كانو توينز هههه

يامنة : كنتي غادي تحيديهم ابنتي تحيديهم اصلا كنتي مريضة …

نوار “عينيها غرغرو ” : كنت مغاديش نفرح بيهم فكلتا الاحوال …

يامنة : وكان ربي غايعوضك فكلتا الاحوال احنينة”شافت فالبنت وشيرات ليها تخرج باش تهضر براحتها…حكات ليها على ايدها ” تا دابا مزال صغيرة مزال تولدي غيرهم …

نوار : معامن ؟

يامنة : ربي كيرزق …

نوار : الى غانعيش نفس التجربة لا … قلبي..مرض …موحال غانعيشها …

يامنة “غمضات عينيها باسف ” : عيشي حياتك دابا وهاد الهضرة مزال عليها الحال …

نوار “ضارت شافت فيها بحزن ” : موحال نفرح

يامنة : مزال تفرحي …الله يسر ليك ابنتي …

ناضت من حداها مزيرة بجهد هزات بلاطو وحطاتو شكراتها على البيض والخليع …ومشات كتسمح فعينيها من دموع تا خرجات من دار واقفة كتاخذ نفس شهيق زفير …حتى دخلات طموبيلة ياسين نزل منها وتم جاي وهو كيهضر فالتيليفون حتى قرب وهو يقطع …شاف فيها …

ياسين “كيشوف وجهها لونه مخطوف ” : واقعة شي حاجة ؟

نوار”حركات بنفي ” : لا “كتلهت حابسة البكية” لا …”تم غادي داخل لدار وهي تعيط ليه ”

نوار : ياسيين “نزلات دمعة حارة من حنكها”

ياسين”ضار عندها ” : نعام …

نوار “عوجات راسها ” : س س سمح ليااا …

ياسين”حرك راسو ” : دنيا هانيا خودي راحتك …

نوار : ماشي هذا قصدت …

ياسين”رفع حاجبو ” : شنو ؟

نوار”سرحات ايديها باش تهضر تلجم ليها فمها”

ياسين : حاسا براسك ضرتيني ؟

نوار”حركات راسها” : فشي حاجات ضريتك …واخا جات معطلة نتمنى تفهمني …

ياسين “شاف قدامو بعيييد تا لملم الهضرة وافكارو …دوز على لحيتو بايدو وفنفس الوقت كيهزهز فراسو ..” : ماعليش دنيا هانيا تانا ضريتك …وضرينا بعضياتنا الي فات مات …حرام رزق بيناتنا وهذا مكتابنا دابا كتبقاي بنت عمي وفمقام ختي صغيرة خلي ليام الي داوي الجرح …”قرب لعندها وباس ليها راسها”الله يجيب ليك ماحسن مني …

نوار”حدرات🦋🐺نور_الياسين(697)#فرصة_ثانيةsana mina🐺🦋

حرام الرزق بيناتهم …هذا هو حدهم هضرتهم وطلبهم للمسامحة من بعضياتهم خطوة جدية ونقولو زوينة كيف ماكان الحال بدات نفوسهم كتطلق شوي بشوي احسن من انهم كانو كيف كنقولو كازيين على بعضياتهم يعني واحد صاد لاخور بطرق غير مباشرة حاملين لبعضياتهم عتاب كبييييير ولوم …واخا طلبو المسامحة وحدوها هنا الا انه لو كانت المواجهة وكل يقول شنو ضرو من لاخور كانت احسن …لكن فهاد الحالة معند الحق تواحد يحاسب لاخور لان حسابهم لبعضياتهم انتهى بالانفصال التام …

الحوار الي كان بيناتهم فهاد لحضة حوار جد جد حزييين حوار كيضر فالقلب …لو حنا الي حضرنا ليهم غانقراو هاد الكلمات الي نطقو بيهم مغاديش نكرهو اننا نتدخلو وندخلو عندهم ونقولو ليهم هضرو عاتبو عايرو بعضياتكم كل واحد فيكم كيموت على لاخور …لكن مع الاسف الواقع هو هذا …هذا مكتابهم وهنا فين حدهم …

كمل دوش ديالو وخرج لاوي على نصو الفوطة والفوطة لاخرا على شعرو مخليها عليه وخرج تا مشا لماريو جبد مايلبس بوكسر وتيشرت وشورط حطهم فوق ناموسية وهز بوكسر نفض الفوطك ولبسو عاد تبعو شورط …يلاه غايهز تيشرت وهي دق عليه الام ديالو …

حسن : مياموري دخلي …

غيتة “دخلات عندو كتبتاسم ” : بصحة وراحة ولدي …

حسن : الله يعطيك صحة …

غيتة : تعشا دابا ولا بلاتي شوي ؟

حسن “كيحك فعينيه ” : بلاتي واحد شوي نهضر مع الوليد على ود شي حاجة …

غيتة : مالو ؟

حسن : غير شي وراق ديال عقود ازدياد بغاهم …

غيتة : ايييه …

حسن : را كيفكر يجي …

غيتة : ويل شيطان كاع ماقالها ليا …وانا راجعة عندو…

حسن : ههههههه افين يا ترجعي اختي فين ؟

غيتة : وااا هذا جهد براكة عليا …مزال عندي منقضي لهيه راك عارف كلشي عندنا تما حياتنا كلها ولات تما …

حسن”قبل ليها راسها مطووول ” : لا ميمتي كاين انا …

غيتة : دير دارك ومراتك وخليني رجع عند راجلي …

حسن : راجلك هاهو جاي وداري دابا نفكر نديرها …

غيتة”شافت فيه بنص عين ” : زعما كتفكر …

حسن : وا شحال هادي قبل منجي هنا بديت كنفكر …غير مزال مكتب الله …

غيتة : هاد ليام ضل تعاود على نوار وتسول عليها من قبل متجي ومن جات وضحكتك واصلة لحلاقم …

حسن : ههههه ايه ؟

غينة : ااااش تما اولد كرشي…

حسن “شاف فيها بنص عين تاهو” : شنو ؟

غيتة : ياكما عينك فيها ؟

حسن : وشنو بان ليك اميمتي ؟

غيتة : وهي بنت الناس بنت الاصل والمفصل …وانا اولدي ماشي من نوع الي نقوليك لا منبغيهاش مطلقة وكدا …تانا لو كان عندي بنت كانت ممكن يوقع ليها نفس شيء …الدنيا ارزاق ومكاتيب …ومتسالني غااا الله يرضي عليك …

حسن : اللهم امين …وليني اميمتي اجي نقوليك ..”شدها من ايدها وجلس فوق فوطوي الي مقابل مع ناموسية وجلسها حداه …وشاف فيها بجدية ” …نوار اميمتي عاجباااني من صغرها وبغيييتها لكن مكتاب تزوج بولد عمها …والقصة الي عارف انهم كانو كيبغيو بعضياتهم …ودابا تفرقو كل شد طريقو …

غيتة : ايه مساكن فخبااري …

حسن : هي دابا نقولو رجعت ديال راسها …ولكن انا مانقدرش نتقرب منها …حاليا هي ففترة حساسة شوي عاد رجعات من برا وعلى ماعاود ليا الحبيب باقي متاترة وكانت مرضات فزواج وهذاكشي علاش طلقت شنو وقع العلم لله …ماجاتش نتقرب منها وهي في هاد الفترة …

حاليا دابا غير كنهضرو ضحك وتسوال وصافي شي حاجة غير ولا شي خطوة لقدام ماانقدر اميمتي وهي كتبان ليا مزال خاطرها شييي شوي مقصح را يلاه سيمانة باش جات من المانيا من بعد غياب طويل ويلاه كتوالف …من عينيها باااقي راسها عامر …ونجي انا وندخل فحياتها ؟ غادي تكرفص ونتكرفص حتى انا معاها …

غيتة : ودابا شنو ؟

حسن “هز ايديه وحطهم ” : دابا هاحنا غادين متماشيين وماشيين تا نهار تكتاب شي حاجة را غادي نعرفو …انا مزال غير كنهضر معاها فاطار صداقة لا غير …

غيتة : من هنا لقدام تكون شي حاجة ؟ ومتعطلش اولدي لا هي لا الى بغيتي غيرها …

حسن : واهي النية كاااينة ههههه وليني صبر صبر اميمتي شوي بشوي …باش يكون كلشي هو هذاك ومنضلمها ما ضلمني…

غيتة : ايوى لله يكتب ليك مكاتيب الخير …

حسن : اللهم امييين …

ناضت من حداه ومشات توجد العشا بينما هضر مع باه جهد نص ساعة حتى كمل معاه ومشا لبس تيشرت ديالو هز تيليفون ومشا لتصاور العقد الي تصور مع الحبيب وكانت هي واقفة معاهم بحنة الي فصبيعاتها زوما على صورتها كيشوووف فيها حت🦋🐺نور_الياسين(698)#فرصة_ثانيةsana mina🐺🦋

على صوت تلاوة الذكر الحكيم …بصوت المقرئ عبد الباسط عبد الصمد …في طريقو لمراكش وبالضبط نواحي الفيرما لدارو لاشغالو لرزقو وخدمتو …كانت السادسة صباحا شد طريق مع الفجر مودعهم على امل اللقاء عندو فالفيرما الي غادي يستقبلو فيها العم مصطفى واب يامنة ونسيب فؤاد …داير مرفقو على شرجم مرة مرة كينتر رماد السيجارة الي كيكمي …حتى كملها وطفاها فطفاية ديال سيارة لداخل …هز تيرموس الي فيها اتاي شرب منها رشفة وحطها عاد داز لشاشة ديال سيارة ومشا جيهة الاتصالات ودوز الخط لحبيب …

ياسين : مزال ناعس ؟ “شاف فساعتو ” …

الحبيب”كيحك فعينيه ” : واش بان ليك هههه

ياسين : بان ليا تگعد …

الحبيب : هاهو نايض …وصلتي ولا مزال ؟

ياسين : شنو بان ليك ؟

الحبيب : خرجتي مع الفجر اذن مزال هههه ..

ياسين “عض شنايفو ” : يومين وغاتجي الحنانة …اسامة حتى يجي راسو وقت الي بغا …نوصيك عليه رد ليه البال …الفياق الي ولا كيفيق بكري ويخرج ما مريحنيش …

الحبيب : هادشي علاش غانوض دابا نتبعو الى كان خارج تاني ..

ياسين : ميعرفكش وميحسش بيك …واخا انا عارفو مغايدير والو …

الحبيب : وضرور نراقبو وخا هكاك …كون هاني انا نايض دابا نيت ونتحزك باش مكان بيناتنا تيليفون …

قطع معاه ورجع دوز لخط ليامنة طمنها عليه وكسيرا فطريق راجع لفيرما الي من بعد سويعات حتى كان تما مع اذان الضهر لقاتو داخل لدوار مسافة طريق البيست حتى كان دخل لفيرما لداخل وقف طوموبيل …

سالم “جاي كيزرب لعندو بالبوط ديال ميكا فرجليه وعامر غيس ” : واااسي الفحم عالسلامة …

ياسين”نزل من سيارة حيد نضاضر شمس خلاهم فطوموبيل داير كاسكيط على راسو …تسالم معاه ” : الله يسلمك “بصوت تقييل ومبحوح ” …

سالم : هادي وصلتك ولا …

ياسين : هادي هي …”طلعو وهبطو ” مالك واقعة شي حاجة ؟

سالم”بفرحة ” : وتا جيتي مع الخير ورزق …البير وصلنا الما عاااد دابا …

ياسين : اللهم لك الحمد اللهم لك الحمد …فلارض الي شريت ؟

سالم : هيييي نيييت …باقي غير تحفض ومبارك ومسعود عليك …

ياسين : ان شاء الله يكون خير غير تهنى …انا نحيد هاد الحوايج نصلي ونجي عندكم …

سالم : وكون غاا نعستي ليك ورتاح تااا وكان تفيق ولحگ علينا …دابا غادي غانقيوه من الغيس …

ياسين : مامحتاجينيش دابا ؟

سالم : لواه غا رتاح …

ياسين : وعليه …”سد طوموبيل بالكونطاكت ومشا دخل لدار لقا نعيمة عاد كملت تجفاف وجميع دار ووجدت الغذا سلم عليها وطلع نيشان لبيت حيد حوايجو ودخل توضى وخرج فرش صلاية وصلى الضهر كمل ومشا لناموسية حيد تيشرت وسروال بقا غير بالبوكسر وعيط ليهم طمنهم عليه وتلاح تنشر جبد عليه بنومة عمييييييقة يريح فيها دماغو الي شاعلة فيه العافية …

اما فهاد اللحضة فهي كانت رجعات مع الوقيتة فين كترجع فطرات وخرجات هي ومينة ويسرى طلعو لفاس بتلاتة بيهم يفوجو ويرفهو على راسهم ويتجمعو مع نوار فخرجة نسائية من داكشي …وصل وقت الغذا ودخلو لذااك ريسطو ديال الحوت الي وراها حسن وجات ليه هي ويوسف …

يسرى : امنين عرفتي هذا ؟

ميينة : ريحة كتعطي كتشهي …

نوار : جيت ليه انا وبابا الي عاودت ليك عليه …

يسرى : اه الي قلتي كيدير ليزويتخ گغاتيني والمشرملين …

نوار : هووواااا …

مينة : خاصنا نذوقو عاد نحكمو …

نوار “باست صباعها” : والله حتى تشكريني …

يسرى”جرتها عنقتها وبقجت ليها حنيكاتها ببوسة ” : الله على الي تشكريني …

نوار”غوبشات بلعاني ” : ماما راني كبرت على هاد القاعيدة …ويلييي…

مينة : هههه انا دخلت تقريبا فتلاتين وباقي كديرها ليا …تزوجنا وباقي …

يسرى”عنقاتهم بزوج وحدة هنا ووحدة لهيه” : ديرو ولادكم ونبقى نديرها ليكم …راني عندي غا زوج وريدات شحال عندي ..

نوار”باستها فحنكها” : وخا …وخلينا نطلبو الغذا جاني جوع …

يسرى : بالسيف مخليتي ماخذيتي المول كلو ضرتيه …

مينة : شنو نطلبو يلاه عطينا على ذوقك …

نوار : قلت ليكم اش كاين دابا نتوما ختارو …

مينة “كمشت فيها عينيها” : شكون وراه ليك قلتي ؟

نوار : حسن هو الي وراه ليا …

يسرى “شافت فمينة وضارت شافت فيها” : حسن ؟ حسن الزياني لا ؟

نوار : اه هو …ضريييييف بزاف داك الولد …هو الي وصلني ولبارح من لاصال …

مينة : وصلك من لاصااااال ؟

يسرى : كتهضرو ولا كيفاش ؟

نوار “هزات كتافها وعوجت فمها” : كنهضرو عادي علاش ؟

يسرى : غير سولت …كان ديما كيسول عليك قبل متجي سول عليك الحبيب وانا وباك بزاف …حتى مينة مسولش عليها بزاف …

مينة : ههههه “غمزاتها” متكونش هاماه غير نوار ؟

نوار”تزنگات تا حطات ايدها على حنكها وبدات تحنحن” : اه كيسول غير حيث تفكر الحادثة الي وقعات فاش بغيت نقطع الوردة …اما هو ضريف فشكل …

يسرى : زعما زعما …

نوار : شنو غايكون اماما …احم صافي اختاريتو ؟

مينة : انا بلا مشكل وصلاد نيسواز وهاد العصير الي دايرين …

يسرى : لو ميم شوا …

نوار : انا فحالكم وكاين الحوت فالفران تاهو اختيار زوين ولكن واعدت حسن نتغذاو انا وياه …

مينة “خرجات عينيها بصدمة ” : نتي وياه تغذاو ؟

يسرى : تمسختي ابنتي لا ؟

نوار “ضحكات ” : ههههه لا را غانكون غير انا وبابا …هبلت حتى نكونو راس فراس مدرتها قبل منتزوج ونديرها دابا هههههه …غير هو قاليا كيديروه وقاليا شي نهار انا وبابا على حسابو…

يسر🦋🐺نور_الياسين(699)#فرصة_ثانيةsana mina🐺🦋

داز اسبوع نقولو عادي ونقولو كل نهار واش كيدوز فيه طيلة هاد الاسبوع ياسين رجع تشغل بالخدمة تاني وخشا راسو فيها …اما نوار ف مابين الخدمة مع باها كتعاونو فالفواتير تدخلهم ليه وتحسب عاد كيجي من وراها يعاود الحساب وبين لاصال الي كتمشي ليه ولامارش فصباح …هاد الاسبوع كلو ما شافت ماهضرات مع حسن …بقات مدهية وتاهو نفس شيء ماعيط ما زعجها …كل تشغل وخشا راسو فاعمالو كاين الي كينسي ويدهي راسو ويحاول يتشغل اكثر وكاين الي كيوجد وممساليش وهنا نخص الذكر مينة الي طيلة الاسبوع وهي بين الخدمة فازمور ودار الي سكنت فيها هي و رياض الي حارماه مسكين من حقو وحالفة بحلوفها حتى يوصل العرس ودير ليلتها …

مينة “كتحرك فالحريرة لعشا حتى عيط ليها من البيت ” : امالك ؟

رياض “من البيت ” : فين شارجور ديال تيليفوني ؟؟

مينة : شوف فين درتيه

رياض : تكوني هزيتيه تشارجي بيه ونسيتيه فشي قنت …

مينة “ميقات عينيها” : ااااسي راجلي …انا عندي سامسونغ ونتا ايفون اش غايوصلني ليه تنشارجي بيه …

رياض : هاا نسيييت …واخا مقشعتيه فتا قنت ؟

مينة : دمر وعري على دراعك وقلب عليك …

رياض : اااشنو ؟ را بقا ليا غانوص نخمل دار باش نقلب عليه …

مينة : هههههه دير فيا خير …خملها عافاك بينما طاب العشا لقاها تشعل …

رياض : والله اختي مكاين الي شاعل قدي فهاد لحضة …واااااعطيييني شارجووووور …

مينة : واااااناااري شحال فيك ديال نگير والغواااات …بفففف “طفات البوطة على الكوكوط ومسحات ايديها ففوطة وهي تخرج توجهات لبيت نعاس عندو لقاتو قالب وتلديه سفاه على علاه ….حوايج مشتتين فراش مليوح وكومدينو مشقلبو مخرج لمجورة …وخوامي وحدة مهزوزة ووحدة كيدي فيها البرد ويجيب …اتقولي تفرقعت فيه قنبولة …

مينة “حلات فمها خصوصا من شافتو جالس غير بشورط وفوق عريان وشعرو مخربق داير ايد على حنكو ومرفقو فوق رجلو الي مطوية ورجل مسرحة …” : ااااااويلي حااااي …

رياض”هز فيها عينيه مشربن ” : عليا بليمييين وتهضر تانشعل فيك وفيا العافية …سكتي …

مينة “جاب ليها ضحكة ” : مالك على حالتك ؟ كخنمم “ضارت لهيه كتضحك وتدور عندو تجمعها ” …

رياض “شاف فيها من تحت لتحت ” : طلقيها وتهناي غا طلقي طلقي …

مينة “طالبة عليها” : هههههههههههههههههههههه”بقات تضحك تا دازو عينيها بدموع …وليني را واحد المنضر يقتلك بصحك وخا تكوني مكتائبة ” ههههههههع دابا على شارجور قلبتي دنيا ياك هههههه

رياض : لا بغيت كوية وتغتاصبت …

مينة : هههههههههه وماااالك على حالتك مالك اااا “قربات ليه شداتو من حناكو بزووووج ” هبط خوذ واحد جديد جديدة وازمور فيها غا هما موجودين …الى ملقيتيهش خوذ سكور تا تلقاه …عارفاه دوريجين وليني عدي …عطا الله الحلول “باستو فحنكو ”

رياض : تعصبت انا …

مينة : شنو ندير ليك ا بب …

رياض “هز كتافو ” : شوفي نتي …

مينة : نبوسك ؟

رياض : فين فحنكي ؟ ولفت …

مينة “عضات شنيفاتها” : تت فمك …

رياض : واش نزيدو عليه ؟

مينة : عدي بالفم تيفرج الله …

رياض : قربي نقوليك …

مينة “قربات على نيتها تا قربت وهو يجرها من حناكها ترما على شفايفها تا خرجات عينيها وضورها جابها لتحت فوق الحوايج وهو فوق منها بغات تشدو وهو يشابك صباعو مع صبعان ايديها وطلعهم لفوق بقا يبوس فيها يبوس حتى زاد فالوتيرة وشوي نقص كيبوس بلطف حتى حس بيها ذابت تحت منو ماكفاهش من شافها

ساحت ضار لعنقها وجرو ليها ببوسة طويييييلة تا حسات بيه طير جلدة …

مينة : ااااااي …

رياض : شششش ….

مينة : وااامممم “رجع ليها لفمها خشا لسانو كيجول فزوايا فمها من لداخل ولايد لاخرا دخلات تحت تيشرت تا وصلات لصدرها وهو يخرجو من سوتيان وضغط عليه تا طلع منو شوي الفوق وتلاح عليه …حس بيها غاتبعد وهو يستغل الفرصة وهبط ايدو لكرشها وحشا صبعو فصرتها كيدورو حتى ترفعات وهي تاوه بلا متحس زاد شغط عليها كيبوس ويتمحكك ويحك عليها وهي دور ايديها ورا ضهرو هنا زاد فالوتيرة ورجع لشفايفها كلاااهم ليها تا طابو ليها وهو يتحدر ببوسة تا وصل لكرشها

ولحسها ليها وتم هابط هابط حتى حط ايدو على سروال يلاه غايهبطو ليها وهي دفعو …

رياض : المييييييييييمة الى ما خليني نكمل وخا غييير سطحي نعل ديلمك …

مينة : نعل ديلمي ؟ ونوووض تگعد نوووض …

رياض : يعطيني سم فالفم والعما يعميني وشوا يشويني وباقي نقولها …

مينة : ههههه نوض قلب على شارجور …

رياض : مابقيتش بغيتو ومابقيتش بغيت تيليفون خلينا ندوزوها غا رسائل مع الحمام …

دفعها ورجع يبوس ما تفك تا شلقم ليها الفم وداز عليها بالعبيز والقريص اما باش تخليه يهبط لتحت بليميييين ما نال شرف …ولكن را غادي م🦋🐺نور_الياسين(700)#فرصة_ثانيةsana mina🐺🦋

كيف نكسر ساعة الحب كيف نفهم لغة القدر وتلك الإشارات المبهمة التي تمر بسرعة كما النيازك

كيف أفرغ جيوب قلبي منك واخلص منك الشريان

قل لي “كيف نشفى من ادمان من أحببنا كيف نقع في كمين الذكريات ويستحيل اقتلاعها من عقلنا كيف نهرب من كل الأشياء التي تطاردنا وتتحرش بنا…كيف نحبط مواسم اللقاء التي تتعقبنا ونشقى ويزداد الشقاء بأكثر انتظار..متى نتحرر من متاهة الإنتظار يترصدنا في كل منعطفات الحب اي مطبات تنتظرنا ولم نتسلح ضد مؤمرات الشوق واللهفة …يا لشوقي إليك#نوار_ياسين (samssouma souma sousa)….

على رنة الهاتف حل عينيه ضار هز تيليفون لقا نمرة الحنانة ناض مفزوع كانت ساعة الواحدة ليلا …جاوب وهو كيحك عينيه وقلبه كيضرب بجهد يحساب ليه وقعات شي حاجة …

ياسين : ميمتي …ياك لباس ؟

يامنة : هههه لا ولدي متخلعش غير بغيت نقوليك هاحنا شدينا طريق انا والحبيب وباك جايين فطوموبيل …

ياسين “غمض عينيه بارتياح ” : الله …واخا الحنانة طريق سلامة …

يامنة : واش كنتي ناعس ؟

ياسين : يلاه مشات بيا عيني ماعرفتش معاش نعست جيت عيان …

يامنة : ورجع ولدي نعس سمح ليا عند بالي باقي سهران …سمح ليا …

ياسين : يابتي ماعليش …مرة مرة عيطي ليا فاش تقربو …

يامنة : واخا حنينة ديالي …

قطع معاها حط تيليفون عند راسو ورجع تكا شحال كيشوف فالسقف …حتى وصلو ميساج من واتساب ضار هز تيليفون ودخل نيشان شاف صورتها هاد المرة مع الموافقة …دوز لخط نيشان لصاحب الرقم حيث لقاه اونلاين …

ياسين : سي علي عالسلامة …

علي : الله يسلمك …ياكما فقيتك ولا قلت نرسليك صورة ونقوليك غايكون تيسير وقبلنا صداق تالصباح وجاوبني …

ياسين : لا فايق دابا …هي وافقتي ؟ نتيسرو ؟

علي : اودي را وجهك عزيز اما را معزتها عندي بدنيا …ونااادرة هذاك نوع …

ياسين : من عندك لعندك يعني فحال عندك غاتبقى معززة مكرمة وبالثمن الي بغيتي وافقنا عليه …

علي : الخيل في نواصيها الخير …تهلى ليا فيها …مزال مسميتها …

ياسين : مسميها انا نهار تكتاب وتجي لعندي سميتها واجدة …

علي : هي شنو سماها الله ههههه

ياسين : تاتجي لعندي وتعرف سميتها …

علي : غذا ورا العصر تكون عندك …

ياسين : مرحبا بيك …

علي : سير اسيدي مبروك عليك الخيل الذهبي …جاتك وتستاهلها …

ياسين : الله يعمر دارك ويعلي مقدارك اودي الحاج علي …

علي : ولد الخير يستاهل الخير …تبات فراحة الله …

هاكا كانت المكالمة مع السيد الي غايبيع ليه الخيل …عالاقل سمع خبر جيد وغايدخل لدارو اول الخيل فيها وهو اول مشروع من هاد نوع الي غايبدا بيه ودار ليها بلاصتها ناقص غادخل وهي نوع من الخيول الذهبية …حط تيليفون ورجع تكا حتى مشات بيه عينو …

شعا قوووي سنا ليه على عينو حتى كمشهم بغا يحلهم ولكن مقدرش نضرا لقوة داك الشعا شحااال حتى اختفى حتى حلهم لقا الصباح حل وشمش دخلات …ناض من فراشو ومشا لدوش توضى وخرج صلى الفجر الي اول مرة كيفوتو …عاد بدل حوايجو ونزل فرحاااان غايشوفها وصلات ….

ياسين “شاف فسالم ” : فين حطيتوها فبلاصتها ياك ؟

سالم : ايييه اسيدي فبلااااصتها …را معاها دراري كيقادو ليها فالبلاصة فين غاتدخل …

ياسين : لحگ عليا انا تما …الى جاو الواليدين وخويا عيط ليهم يوصلو عليا تما …

سالم : واخا الفحم …

خشا ايدو فجيابو جبد كارو شعلو تا كما عاد داز فطر هيلي خرج مشا لجيهة الي لور فين دار بلاصة الاحصنة ومزال كيقاد فيها …مشا لعندها حيدو دراري من تما ودخل عندها يلاه غايشوفها حتى تبهض وتدهش وتصدم اش شاف قدامو …متكية عليها وكتشووف فيها وتلمس فرحانة ….

ياسين”ملامحها مقدرش يفرزهم” : شنو كديري هنا ؟ شكون جابك ؟ شكون نتي ؟ …

ضارت عندو كتضحك حتى تسدو عينيها …هزات كتافها وقالت بفرحة …

فخبارك اول مرة غانفرح من بعد مدة طويلة ونضحك …ههههه والله ماعرفت علاش …”كتضحااااك وتعاود وهو مافاهم والو …” ههههه ….

ياسين : الله يدومها ضحكة …

شوي وهي تجمعها… كتبغي تبان ليه صورتها ولكن شعا كيزيد يضرب فيها …قربات لعندو …

الله يسهل عليك …

ياسين : اميين …

هي : غادي ترجع ليك ضحكة فحالي …

ياسين : نوار !!!

هي “زمات فمها مبتاسمة ” : لا اخير منها (زعما حسن منها ) …الي غادي تخلي ليسر ديالك يضرب من جديد…بنت من البنات وبنت بنوت …

ياسين “كيكمش فعينيه باش يعرف غير شكون هي ووالو كيقول شي بنت ومكيفرزش سوا النور ديالها مجهد …يلاه غاتبدا توضاح حتى شاف منضر خلا عينيه يخرجو بانت ليه الخيل كتهز رجليها وتهز تالسما وتصهل (تغوت بصوتها ) الي حتى طاحت على طولها ماحتال يمشي عندها تا طاحت البنت تاهي تبعتها …ودماياتها مخلطة هي ودمايات الخيل حتى غبرو بزوج …يلاه غايغوت حتى حل عينيه بغوتة تا بح ليه الصوت ديالو ….

ياسين “عروقاتو كتكب “: الشهلة ديالي …

وهو يقول اذان الفجر …الله اكبر الله الله اكبر …

#تصبحن_على_خير…عاها تا شي نهار يغفلها …ههههه

#يتبع…ى”دارت ايدها على حنكها” : ايوى منعرف صدمتيني …

#يتبع….ى لقا راسو كضحك بلا ميحس …

#يتبع… عينيها ونطقاتها بصوت باح ” : امييين …

#تصبحن_على_خير….وار : عادي جاتني …

حسن : مزيان معندي ميتسالك …

#يتبع…. بزاف قريب يخمج …

الياس : هاويلي على خامج ..

#يتبع… انانية فهاد اللحضة ولا غادي تحضر …

#يتبع….لقايه …تباتي فراحة الله … “ومشا ”

#تصبحن_على_خير…. ليا …

نوار : اووكاي هههه …

#يتبع…ينين حضاوني …

هاجر : ههههههههه …

#يتبع… وكلشي مرحب بيه من طرف تال طرف …

#يتبع…خاصها تگلع (تحيد) من جدر ….

#تصبحن_على_خير….باب وهي ترجع غنسات راسها فالخدمة ….

#يتبع… ؟

صهيب : ايه علاش ؟

يوسف : قدم بيه دعوة …

#يتبع….يها نظرات خوف من عينيه وحنية لمسات ايديه …

#يتبع….”…

#تصبحن_على_خير….ا حشمت وتصدمت فرحت ووافقت ..

#يتبع…

الحبيب : حبيتها فهاد لحضة …

#يتبع….كون غا عرضنا عليك بوحدك …

#يتبع….يها اثار بانت عليها زروقية حدا فمها قريبة لنيف …

#يتبع…: سبحان الله اشريفة …

#تصبحن_على_خير….تي تما تحسب ف الكبال شحال فيه من زغبة …

#يتبع…سليمان نهزو معاها …

مشات كتزرب مخلياه كيشوف ….

#يتبع…ديال المانيا …

اشرف : بخرية …

#يتبع…هي دموعها دايزة ” …

#تصبحن_على_خير…

Leave a comment