Skip links

قصة : نور الياسين ج30

 30,903 عدد مشاهداات

🦋🐺نور_الياسين(651)#فرصة_ثانيةsana mina🐺🦋

طول الطريق كان سكوت سيد الموقف …مسافة الطريق حتى كانو ففاس شد الوجهة لشركة حتى حط سليمان ومشا هو لغراض ديالو يتقدا هذية لاركان صاحبو مادام جابتو الوجيبة وعرض عليه لازم يقوم بصواب معاه …اما سليمان طلع نيشان لعند يوسف …دخل لعندو المكتب …كان عندو صهيب …

سليمان : العم …

يوسف : ولدي …دغيا جيتي شتك هههه …

سليمان : وصلني ياسين كان جاي هنا نيت …

يوسف : وايلي …

صهيب : تسلمش عليا عدوك انا واحد عمك واكلك فالورت …

سليمان”باس ليه راسو ” : نتا مول شي اسي صهيب …

صهيب : اصباغة شديرو ليها …

يوسف “بطنز ” : ومن من تعلمو مثلا ؟

صهيب : من يوسف رمسيس …انا سباعي خاااطييييني …

يوسف : كلشي جمعو وحطو فالمحامي ..”خرج فيه عينيه ” سكت ليماك انا الي عارفك …

صهيب : ونسا عدوك ورد لبال لخوك …

يوسف : والفاهم يفهم …

صهيب : ايوى لباس …

سليمان”داير ايدو على حنكو وحاضيهم ” : ساليتو …

يوسف : اش تم …

سليمان : عطيني ساروت طوموبيل ديالك باش نتحرك هنا ونطلع لافران عاد نجي عندك …

يوسف : عنداك تعطل ..

سليمان : مزال تال عشية …

صهيب : اش تما …

يوسف : سوقك ؟

صهيب : هاك افمي …”ناض جمع الوقفة ” اصلا انا تنجيبها فراسي فمي تايسكتش …

يوسف : سير شوف ولادك من نهار جاو ونتا غاطس فالمحاكيم …

صهيب : سوقك ؟”ردها ليه سيربلاص ومشا خرج مخلي سليمان كيضحك عليهم ” …

يوسف : شوف خبزي اش داير ليا “جبد كونطاكت وعطاه ليه ” عنداك تعطل اولدي انا نهضر معاها نشوفها واش غاديا لمطار ولا مزال …

سليمان : واخا انا مبغيتش نهضر معاها باش مضصرش وتراجع ههههه …ماتخافش بنتك غاديا فطريق صحيح …

يوسف : خيرك اولدي عمري منساه …

سليمان : راها ختي …ماعلينا تجي هنا وتكمل لاصال الي بدات ماخصهاش تقطعو حتى تشوف اش غادير ملي ترجع …

يوسف : كنتمنى تبقى هنا ….

سليمان : مضغطش عليها “باس ليه راسو واستاذن خرج اما يوسف رجع لخدمتو كيكمل فيها واجتماعات ديالهم حتى جا الحبيب عطاهم دراسة الضريبة بان الفكرة مغاديش تاثر عليها مشكيل صرائب وبهاكا عطاو الموافقة اجمعين …

جالس كيراجع فواحد الملف حتى صونا ليه التيليفون …

يوسف “لقا سميتها وتگعد ” : ا بابا …امتا تكوني فالمطار …

في مطار هامبورغ الدولي جارا باليزة صغيرة حداها لابسة قبية صيفية وسروالها بالباندة تحت وسبادري بيضة وتحت القبية واحد تيشرت طويييل بيض …دايرة ايربودز فودنها وفايديها باسبور وسط منو لبيي واقفة كتسنى نوبتها باش دفع الباگاج …

نوار”كتلعب فضفيرة ديال شعرها دايرة ايلاينر محدد عينيها كتهضر وحجبانها ملاقين بتغوبيشة ” : بابا انا فمطار دابا …ولكن واحد المشكيل …

يوسف : شنو هو ؟

نوار : غادي نزل فمراكش ومن مراكش عاد لفاس …يعني حتى لستة العشية عاد نكون تما …

يوسف : من الخير ابنتي …باش مكان علميني ..

نوار : وااخا بابا …احم باقي مينة وماما ففاس ياك ؟

يوسف : غايبقاو هنا تاتبقى يومين قبل العرس وتمشي …عندها ماتقضي …

نوار : غادي نبقا معاهم تما متقولهاش لماما حتى ندخل هههه مفاجئة …

يوسف : اودي كلك مفاجئة زوينة انخشيشة مجيتك عندي بدنيا كلها …جي شوفي بوك نديرو دورة عالمية تاني راس فراس …

نوار “ضحكات ” : ههههه توحشت هادوك الخرجات ديالنا …هههه صافي ان شاء الله انا نقذع خاصني ندفع باكاج دابا …

يوسف : في امان الله …

يلاه قطع معاها ورجع لخدمتو تادازت واحد ساعتين خرج يتغذا هو والحبيب عند يسرى ومينة وبقاو تا جات يامنة جابها شيفور هي ونجود وخرجو رجعو لخدمة تاني …جاب قبل ليسرى ومينة مقدية من داكشي جاي محمل مجمل تا خلاهم غير كيشوفو وركز على كفتة ولحم الي كيعجبو نوار …عاد مشا …رجع لمكتب كيخدم حتى دق الباب …

يوسف : دخل …

ياسين”داير كاسكيط وباقي بنضاضرو ” : سي يوسف …

يوسف “هز فيه راسو ” : ياسين !!

ياسين : مسالي كنت هنا وجيت نشوفك ونيت نهضر معاك ود شي سلعة لواحد سيد …

يوسف : الله اودي كتاخذ الاذن لبلادك🦋🐺نور_الياسين(652)#فرصة_ثانيةsana mina🐺🦋

دخل من عند الباب ناض يوسف ضار لجيهة لي قدامو جلس مقابل معاه فين جلس …حيد ياسين النضاضر والكاسكيط قاد شعرو وحطهم وهز عينيه فيه …

يوسف : تشرب شي حاجة بعدا …

ياسين “هز ايدو ” : تت عاد كنت عند اركان شربت اتاي من بعد الغذا …

يوسف : كيداير مع الحياة زوجية ولف شي …

ياسين : يولف بزز منو …

يوسف : ياريت جات على الولف …

ياسين “رفع حاجبو وحنحن ” : راجع لازرو دابا ولا ؟

يوسف : لالا تالغذا عاد نرجع …

ياسين “شاف فيه مزيان ” : يوسف متكترش الغيابات كيفك كيف الوليد وجودكم ضروري منو …

يوسف “حك لحيتو بشبه ابتسامة ” : غير مدهي مع مينة وتوجاد وهي دابا هنا فدار صهيب تاتقضي غراضها وترجع قبل العقد …راك عارف توجاد العيالات …

ياسين : وايلي …الحنانة غاتكون عندها دابا “ساف فساعتو ” على ما علمتني …

يوسف : اييه فعلمي …

ياسين : ماعلينا جيت على ود شي سلعة بغاها واحد سيد صاحبي بغا شي خشب مزيان كيبني فواحد المدرسة وبغا سلعة مزيانة قصدني نيشان من صدقة لقاني هنا في فاس …الى كان تعامل معاه …

يوسف : يجي مرحبا بيه …

ياسين : عارف غير هو طلب الى كان بالامكان تسبقو غذا …

يوسف : وهدا عليا نشوف طلبيات الي عندنا …

ياسين”حط عليه ايدو فوق ايدو ” : بوجهي ايوسف سبقو وقع ليه مشكيل وخاصو يبنيها فاقرب وقت والا غادي دوز ليه فضريبة ديال العام جديد …

يوسف “شاف ايدو وشاف فيه ” : واخا نسبقو مرحبا …

ياسين : لهلا يخطيك …

يوسف : كيف ماكان الحال والاحوال وضروف وجهك كيبقى عزيز وولد العزيز والغالي …مرحبا ولدي …

ياسين “غمض عينيه وحلهم ” : ونتا اعز …”ناض بوقفتو هز كاسكيط دارها فراسو ..صونا تيليفون ل يوسف شاف سميتها وشاف فياسين الي كان كيجبد تيليفون ماشاف والو …

يوسف “حنحن ” : الو “شاف فساعتو ” فينك ؟

نوار”كضحك ” : انا فمطار فاس عاد وصلنا ههههههه مفاااجئة …

يوسف : اااااويلي …

نوار”جمعات ضحكة ” : مالك ؟

يوسف : صدمتيييني هههه “بدا يحك لحيتو ” وسليمان مزال ماجاش طوموبيل داها يحساب ليه فالعشية حيث قلتي مراكش ما مراكش ..

نوار : بشوية بابا تهدن هههههه …ولكن باقي معطلة شوي حتى يساليو اجراءات كاين واحد مشكيل …

يوسف “بقلق ” : شمن مشكيل ؟ ياك لباس ؟

نوار : غير شي حاجة عندهم مع شي حد من الي جاو …

يوسف : شحال عاد تسالي …

نوار : ساعة هكاك …

يوسف : هههه زبايلك هما زبايلك …”هز فيه ياسين عينو ” وااخا انا جاي انشوف طوموبيلة الحبيب ونجي دغيا …”قطع معاها وضار شاف فياسين ..” وسير فحالك …

ياسين”خرج فيه عينيه ” : نعااام …

يوسف : هاء “ضرب وجهو ” ههههه يلاه نمشيو …ويلي تدعقت …مهم انا نقضي مع سيد باش مكان نرد عليك …

ياسين : مزروب !! ياكما نوصلك …

يوسف : ياعوذ بالله من شيطان رجيم …

ياسين : كيفاش !!!

يوسف : استغفر الله فين توصلني نعذبك وانا مزاااال مغادي اولدي تايجي سليمان …

ياسين : متاكد ؟

يوسف : متاكد اولدي …في امان الله …

ياسين : فحال كتجري عليا لا ؟

يوسف”تدعق” : وهااا الباطل …

ياسين “بقا يشوف فيه منضر ديالو كيجيب ضحك ” : يلاه باش مكان بيناتنا هضرة تنتشاوفو …

يوسف : واخا ولدي كون هاني عليه نسبقو هو لول …

ياسين “قاد كاسكيط ” : في امان الله …

خرج من المكتب ونزل فسانسور عاد هز تيليفون عيط لسليمان فالبلاصة مع الاسف لقاه مزال فالطريق ومعطل حيث عند بالهم هي جايا تالمراكش عاد فاس لكن وقع العكس وفاجئتهم …ماعرف مايدير مشا لعند مكتب الحبيب مالقاهش لقا خرج مشا عند صهيب تفكر را فالمحكمة اييييوى مابان ليه غير حسن …لقاه تاهو خرج مع سالا الدوام …

يوسف : وامصيييبة هادي …والمطار بعيييد …

منال”المساعدة ” : نزل اسي يوسف طاكسي شوي ويجي …

يوسف : واخا بنتي…

مشا المكتب ديالو هز لوازم ديالو وخرج نزل من شركة لتحت …كيتسنى حتى وقفات سيارة ياسين قدامو …

ياسين “نزل زاج ” : غادي لشي بلاصة نوصلك ؟

يوسف : كنتسنى فطاكسي هههه مالقيتش الي يوصلني طوموبيل داها سليمان …

ياسين : ماشي مشكيل نوصلك انا ونمشي لازرو …”شاف فساعتو ” هي هاديك …

يوسف : مالك عاد غادي يحساب ليا مشيتي …

ياسين : كنت كنهضر مع الحنانة عاد تحركت …طلع نوصلك …

يوسف : لا لا راني غادي غير هنا على رجلي غير هنا فالدورة الي هنا …

ياسين : …ماعليش واخا فالدورة نوصلك …الي بيناتنا وقع كتبقى عمي بلا ماتبقى مقلق دنيا هادي غذا ولا بعدو ما عرفنا شكون سابق من لاحق خاطينا من الخصام كتبقى عمي (يحساب ليك مزال شاد من جيهتو ) …🦋🐺نور_الياسين(653)#فرصة_ثانيةsana mina🐺🦋

بقات شحال وهي معنقاها ويسرى تبكي وتلالي حيث بصح توحشاتها وكانت هازا همها طيلة العام وهي مهولة عليها زائد افتاقدات غيابها بجهد وزيد المرض الي مرضات والحالة النفسية الي كانت فيها وفقدانها لوليداتها وطلاقها وكل ما مرات بيه جد جد قاسي داز عليها والنقطة السوداء الي وقعات فالعائلة والي خلات جو مكهرب وشحنات وداك دفئ الي كان ينقص وغياب الافراد البعض منهم ولا اله الا الله وصافي ….

يسرى”بقات معنقها حاطة راسها على راس نوار وتشم فريحتها ” : الله ياربي شحال توحشتك وتوحشت ريحتك …

نوار”ابتاسمات ” : ههه هاني جيت …بغيت نفاجئكم …

يسرى : احلى مفاجئة شفت فحياتي …

نوار : ماما هههه

يسرى : بنتييييي …

نوار : قجيتيني ههههه “لقات راسها قاجاها ومبقات طلقت منها تا ضحكات يامنة “

سليمان : ههههه كنتي غاتقتليها مشتيها على عام جات تشوفك ترسليها لروضة وهانتي ساليتي …

يسرى : الله يحفضها …

يوسف : ساليتو …

يسرى “عنقاتها بجنب كتدوز على حناكها وتقلب فيها ” : ماما كي ويليتيييي…

نوار”كتشوف فراسها ” : مالي …

يسرى : غلاضيتي على كيف كنتي وتقاد ليك وجهك مامي …شنو قالو ليك فكنطرول ؟ …

سليمان : مزيااانة …

نوار : نقصات ليا لادوز ديال دوا وخاصني نبقى على نفس الماكلة مع تغيير لكن لاحسن …

يسرى : مزيان ماما فرحتيني هاكا بقاي …

سليمان : كاين شي مايتكال بعدا …

نوار “كتقلب ” : بعدا بلاتييييي …فين مينة ختي …

يسرى : ويضهر ليا جاها تيليفون ملي مابانتش …يمكن كتهضر مع رياض …

يوسف : تي هي فينما دخلت كتهضر معاه تبتيها شوي كانت خاترة شتها بدات تنقز ليا …

نوار”دارت ايدها على فمها حابسة ضحكة “

يامنة : ويلي خليها كيهضرو على توجاد ههههه

يوسف”دار ايديه وراه ” : ايييه توجاد واينا توجاد فيهم بسلامة …

سليمان”ضور وجهو لهيه خااااري بضحك ولكن بالحس “

نوار”ضورات راسها كضحك ” : ههههههههههههههه

يسرى”خرجات فيه عينيها ” : ويلي ستغفر مولاك هبلتي …

يوسف : انا قلت وكل فين صرفها حسب عقلو يا خامج يا طري …

يامنة “حنحنت ” دخلو جلسو فصالون انا نكمل توجاد كاسكرو ونجي هههه …”مشات فلتات مسكينة عارفة يوسف شي وقيتات الحباسات تيحفاو من صغرو عاد من كبر هتر …

يسرى : نتا نسيتي ايامك اش دوزتي …

يوسف : انا ونتي ماشي هي وهو انا را انا وتي راااا تي …

سليمان “حدر راسو وشير لنوار ودخلو بزوج لصالون ميتين عليهم بضحك تا وصلو عليهم ” : باك عالام وحق الله …

نوار : كيتشادو مكيبقاوش يسكتو مكتعرفهم واش كيتخاصمو ولا كيضحكو ههههه

يوسف : مك يسرى وباك يوسف اش غاديري ههه ..”شاف فيسرى ” تي عيطي ليها تجي …

يسرى : سير عيط ليها نتا خليني مع بنتي “مشات حدا نوار عنقهتها تبوس وتعاود “

يوسف : قاديتيها قاديييتيها …

يسرى : منشبعش هههه …

فهاد اللحضة مينة كانت فدوش ودايزة لابيل بينها وبين رياض مكالمة فيديو كان كيوريها فشي لعيبات …

رياض : حيدي داكشي من وجهك ماعرفت نشوف فيك بالخلعة ولا نشوف فهادشي …

مينة : حتى ينشف منقدرش نحيدو …

رياض : والله تا زوينة وخا خايبة فعيني غزااالة كون ما غزالة نتبعك بالعام وشهور …

مينة “تنهدات ” : تيشنف وكمل وريني …

رياض “هز واحد طقم اسود لماع ومعاه بابيون وقميجة بيضة ” : شنو بان ليك فهذا ؟

مينة “عوجات فمها ” : غييير عقد ماشي عرس …

رياض : هي اش دابا ،

مينة “دارت صبعها في فمها ” : اممم

رياض : يرحم باك حيدي صبعك من فمك كتبورشيني …

مينة : ويل شيطان …

رياض : رجعي لموضوعنا عافاك …وقولي اش بان ليك را بقات غير تلتيام ازين ومزال مقررتيش هبلتيني ….

مينة : بغيت حاجة مشهياها …

رياض : كوية بب ؟ “خنزرات فيه ” اااتنضحك …اش مشهية العمر …

مينة : بغيتك تلبس جبادور وجلابة سودي فالمسكي وبلغة مابغيتش كلاس فالعقد …

رياض : عرفتي اشنو ؟

مينة : اش ؟

رياض : جبتيها فالصميم يلاه خيطاتو ليا الوليدة عند خياط ف بوجلود ففاس نيييت وااجد تاتجي وتشوفيه ولا نلبسو ونعيط ليك …

مينة “سمعات صوت يوسف كيعيط ” : انا جايا بابا …واخا لبسو وعيط ليا انا نشوف بابا عيط …”رسل ليها قبلة هوائية وقطعات مشات كتجري ماعرفات باش تبلات تا نسات تغسل وجهها حتى دخلات عليهم صالون بوجهها حمر بداك الماسك وشعرها مشعكك مطلوق ومجرتلج حيث طالية تا لحمها وخا مباينش …

يوسف “خرج عينيها فحال شاف جن تا عنق سليمان وسليمان عنقو ” : نااري شيطان …سلااام قول من رب رحيم ياااربي تلطف ياربي …

سليمان : ناري شكون هادشي …بسم الله رحمن رحي🦋🐺نور_الياسين(654)#فرصة_ثانيةsana mina🐺🦋

هي كيف دخلات تبلوكات على وقفتها ماتسوقات لا لوجهها لا شعرها لا حوايجها اما سليمان ويوسف ماعرفو باش تبلاو خلعتهم ويسرى ضحك عليهم اما نوار وقفات تاهي كتشوف فيها ومينة تشوف فحتها تصدمات حيث جات …

مينة : نوار !!! نوار ختي ياك …

نوار “كضحك ” : ههههه انا الي نسول واش مينة ختي هادي ولا شكون …

مينة : نواااار كضحكي ياااك …

نوار : هههههههه “سرحات ايديها ” ختيييييي حبيبتيييييييييييييييي …

مينة “طلقاتها بغوتة تا تفرق سليمان على يوسف ” : نواااااااااااااااار “مشات كطييييير لعندها عنقاتها بجهددددذ ….

يوسف “هز ايدو وحطها ” : ويلاه اسي …

سليمان : ودنيا تصمكو …

تعانقو بجووووج مينة تعنق وتبوس وتبكي ونوار كذلك واحد تعنيقة دارو مع مينة طويلة ونوار قصر منها كتبان فحال بنت ومها شحال وهما معانقين …

مينة : جيتي احبيبة ديالييييييييي انااااا …

نوار”خبطات ليها على ضهرها بلطف ” : جيييييت باش نحضر ليك اختي …”فاصلات العناق ” هههههه

يوسف : سيري غسلي داك الوجه را كل منشوفك نقفز سيري بنتي را غاتلقاي غير وجهك فبلاصتو …

يسرى : توجاد العرايس متعرفش ليه سكت نتا …

مينة : انا نغسل ونجي بقاي هاني جايا هههههه يااااا ختي الحبوبة جااات هههه …

سليمان : را ختك ووجهك غاتلقايهم بلاصتهم غا سيري …”مشات كتجري غسلات وجهها ونضفاتو وجمعات شعرها وخرجات كتزرب تلاحت حدا ختها تعنق فيها وتبوس فرحانة بيها وفرحانين كلهم بيها تا مشات يسرى تعاون يامنة حتى جابو الماكلة زاد يوسف خرج تقدا تاني وجاب مالد وطاب …

يامنة : على سلامتك ابنتي مجيتك نورات دار والقلوب احنينة …

نوار “بابتسامة ” : ربي يخليك ليا خالتي ..”ناضت باستها فحنكها ” توحشتكم بزااف …

يسرى : متعذبتيش فالطيازة ماما ؟

نوار : لا لا عادي …

سليمان “بكل جرأة ” : غادي تمشي لازرو ليوم؟ …

نوار”صرطات ريق ” : غانبقا هنا مع مينة تاللعقد ونجي معاها …”شافت فيها ” مزال غاتخرجي تقداي نخرج انا وياك ياك ؟

مينة : مزال وعندي غذا موعد فالسپا وصونا وماساج وگوماج لوجهي ولحمي …

يوسف : وهادشي الي كنتي طالية لوجهك ؟

مينة : غييير راسي بابا …

يوسف : يالاطييييف …

نوار : بغيت نديرو معاك …

سليمان : اوباااا …

مينة : بصح ؟ انا نعيط ليهم يحجزو ليك بلاصة …

ناض سليمان ويوسف خرجو من بعد ما كلاو مشا سليمان لازرو وصلو يوسف وبقاو هما مجموعين صدقات بقات حتى يامنة معاهم …ناضت نوار بدلات حوايجها ولبسات بيجامة حد ركبة نص كم فالخضر وجمعات شعرها ضفيرة جنب وجايا وتلعب بيه حتى جلسات حدا مينة …

نوار”كتشوف فشعرها ” : نصبغو ؟

مينة : تاااني ههههه

نوار”بقات تشوف فيها ” : مفهمتش ..

مينة “عضات شنايفها تداركات بسرعة ” : زعما تعاودي تصبغيه كون غير خليتيه على طبيعتو …

نوار”عوجات فمها ” : غير قلت على قبل العرس ديالك نصاوب …

مينة : قطعيه على طولو وقطعي الگصة وخليه فلونو شعرك ناعم الى صبغيته غادي تحرقيه براكة جربتي مرة لولة …

نوار”هزات كتافها ” : واخاا هادي فكرة زوينة …

مينة : غذا قبل منمشيو سبا تمشي تشوفي شي قفطان ؟

نوار: ماعرفتش لبس غير الي عندي …الي كنت مخيطة قبل “حنحنات ” احم

مينة : لا غادي تاخذي واحد جديد وعلى حسابي انا …

نوار”هزات كتافها ” : واخا …

مينة “حطات ايديها على ايدها وكمشات فيها” : نوار “هزات فيها عينيها قشعات واحد لمعة فيهم بااااينة ديال حزن “لباس عليك …

نوار : بيييخير هاني قدامك ههههه

مينة : ان شاء الله ديما “باستها فحنكها” يخليك ليا حيث جيتي على قبلي …

نوار”حطات راسها على كتفها وتنهدات ” : ماقدرتش نخليك ومنحضرش …حتى نتي واحد النهار حضرتي على قبلي …

مينة “حطا🦋🐺نور_الياسين(655)#فرصة_ثانيةsana mina🐺🦋

دوزات معاهم هاديك الليلة فرحانين بيها بحالاش منهم يامنة تاهي كتبقى نوار واحد البنية رباتها على ايديها وكتشوف فيها حنينة ديالها وشكون الي ميعرفش معزة نوار عند يامنة …تعشاو عشا من داكشي بداكشي الي كيعجبها كفتة مشوية ولحم وشليضات …وصل وقت نعاس دوشات وحطات راسها ومشااات من تعب السفر وستريس …تا صبح الصباح صوت الهاتف يرن …

يامنة “جاوبات ” : اولدي …

ياسين : ماجاياش ليوم ؟

يامنة “حنحنات بانت ليها نوار غاديا لدوس تغسل وجهها ” : جااايا توحشتيني هههه

ياسين : ديما …

يامنة : نسالي ونجي ورا الغذا عاد هضرت مع باك …

ياسين : يلاه متعطليش …

يامنة : واخا ولدي “قطعات معاه ومشات لكوزينة مع يسرى توجد الفطور طل عليهم يوسف ومشا لشركة يكمل شي خدمة اما هي دخلات من بعد ما فطرو بدلات حوايجها صاية كحلة مفرفرة وتيشرت بيض مكتوب بالكحل خشاتو فيها لبسات عليها كاب بلا كمايم كحل وصبادري بيضة …جمعات شعرها لفوق مع صهد …دارت ايلاينر فقط رشات بارفانها ودارت گلوص غوز خفيف لبسات ساعتها وهزات صاكها وتيليفون وخرجات …

نوار : هاني واجدة “بابتسامة هزو فيها عينيهم كتبان منورة “

مينة : وااا زيانيتي اختي هههه

يامنة : تبارك الله نورات …

يسرى”بافتخار ” : غاتمشيو دابا ؟

مينة “كتهز فلوازم فصاكها تاهي ديجا واجدة ” :ويييي غانمشي معاها تشوف قفطان عاد ندوزو لسبا …غاتلحقي علينا نتي وخالتو يامنة “شافت فيامنة ” ياك ؟

يامنة : انا غانكمل معاها شنو خاص ونمشي ورا الغذا ابنتي ميمة نجود وفواد ودراري وسارة ونجوى خاص الي يعاونهم …

مينة : غاترجعي صباح ؟

يامنة : خاصني نبقا تما غادي يجي تريتور ابنتي…

يسرى : انا يقدر نمشي معاها خاصني نكمل توجاد لهيه”شافت فنوار” ولكن نوار …

نوار : ماما غيير سيري نبقا معاها تنجيو بزوج كوني هانية “غمضات ليها عينيها كتطمنها”

مينة “هزات صاكها ” : يلاه يلاه …باسوهم وخرجو بزوجات ركبو فسيارة مينة وانطالقو لعند واحد سيدة فواحد الموبل دايرة دار الازياء التقليدية كتصممهم غيير الفريع بنخوة والهمة وشان … بلاصات سيارة ونزلو بزوج لعندها…

مينة “صونا ليها تيليفون كان رياض ” : تسناي نهضر مع رياض دغيا خمسة دقايق …

نوار “دخلات حدا واحد ضليلة ” : انا هنا …

واحد شوي وهي تبلاصي واحد سيارة BM كاتكات ونزل منها هو والام ديالو …

حسن : ماتعطليش الوليدة عندي منقضي …

غيتة : ويلي ناخذو غير من عندها ونجي …

حسن : انا نتسناك هنا “مشات طلعات لفوق وهو فك ازرار القميجة لفوقيين حيث صهد وهز تيليفونو كيبقشش فيه بانت ليه مينة كتهضر تا قطعات وجايا ” ختي مينة !! …

مينة : وييي “ركزات فيه ” اااه اهلا هههه لياس عليك …

حسن : بييخير ونتي امور مزيانة كيف غادا مع توجاد “حك راسو ” هادشي ديالكم هههه

مينة : مزيان صافا هاحنا..”كتقلب بعينيها”

حسن : شي مشكيل …

مينة : والو غير جيت مع ختي معرفت فينهي …

حسن : نوار !!! فين هي ؟

مينة “كتصوني ليها ” : هاني غانشوف …الو فينك ؟ اه طلعتي لفوق ؟ اوك انا جايا …

حسن “بغا يطلع يشوفها بانت ليه مو جايا ” : بغيت نسام عليها ولكن مزروب الوغ سلمي عليها حتى نشوفها فالعرس ان شاء الله …

مينة : مبلغ خويا “سلمات على مو ” مرحبا بيكم مرة اخرا …”مشاو ركبو وزادو وهي طلعات لفوق عند ختها …”

قدام المراية واقف بكل هيبة ورجولة …كيقاد فكمايم القميجة الي لابس كانت فالبيض كيعقد فيهم …شاف فالمري وقاد ازرار الفوقيين وتنا الكول ديالها …حادر عينيه كيركب فالساعة سواتش جديدة …عقد سمطة سروال من بعد ما قاد القميجة لداخل فيه …هز راسو وهز المشطة رجع شعرو لور وفيكساه بجيل شذب لحيتو دوز عليها بايديه من بعد ما رش بارفانو …

هز سوارت طوموبيل وتيليفون وباكية الگارو وخرج من البيت نازل حتى صادف باه تاهو لابس وخارج …

ياسين : خارج ولا ؟

فؤاد : غادي نجيب حنانة ديالك …نتا ؟

ياسين : غادي نشوف الغالية …

جايين خارجين تصادفو مع نجود جايا من كوزينة كانت كتعطي تعليمات لتريتور على كوزينة وشنو فيها ومعاها سارة ونجوى …سلمو عليها وهي تم جايا رميساء كتجرييييي الفالتة الهبيلة …

رميساء : اسااامة اسامة…وقفات حداهم “شافت ف ياسين ” نوار جات البارح …”اسامة عض فشنايفو بغا ينطحها حيث هبييييلة كتنسا وفمها مبرول كتر من الحبيب هههه “

فؤاد “شاف فيها بنضرة خلاتها ترجع لور ” : تهدني …

ياسين “تم غادي خارج غير مبالي بالي سمع تا لحق عليه فؤاد ووقف هز كونطاكت حل طوموبيل من بعيد وضار عند باه” : يقدر نتعطل شوي ليوم …طالع فالعشية نسهر شوي مع دراري وشي معرفة …

فؤاد”باستغراب ” : معرفة !!

ياسين : شي صحابي جاو من برا …

فؤاد : في امان الله …مشا فؤاد ركب فسيارة وكسيرا … بان ليه سليمان تاهو جاي وقف عليه ” سليمان : سهران الليلة ولا ؟

ياسين : ضروري …

سليمان “شاف فيه بشك ” : ياكما ؟؟؟

ياسين : ماشي من حقي ؟

سليمان : من حقك ونص

ياسين : سهرة بعقلها نقية خاطيني من قلة ترابي دوزناها …لا جات شي حاجة تجي بالحلال…

سليمان : حاس بيك لباس عليك ولا نتا من نوع الي قادر تخبي ميبانش عليك ؟…

ياسين “حك لحيتو مرات متكررة بسنانو ونطق بجدية ” : الغادي را غادي والي جاي راه جاي كنبقى عزابي ديال راسي ماشادني لا امراة لا ولاد والمعنى واضح …العكس سليمان العكس…الي جا على سلامتو والي مشا الله يعرض🦋🐺نور_الياسين(656)#فرصة_ثانيةsana mina🐺🦋

ايوى كيف كتجرا العادة العادة ديال اي عروس كتوجد لاحدى لياليها ليالي العمر الي غانقول بالنسبة لمينة الي غادير ليلة عقد قرانها باحتفال نقدرو نقولو كبير نقدرو نقولو على حقو وطريقو …وقبل داك النهار ضروري توجد العروس اخر لمسات والي هي دور بالحالة حالة جسمها ووجهها باش تجي زوينة وطايح عليها السر فديك الليلة لانها عروس والعروس الانظار كتكون عليها لانها خاص وكتكون الاجمل من بين الحظور …

نوار”هزات واحد القفطان من بين القفاطن الي حطات ليها الخياطة كتشوف فيه وتقلب حتى جات مينة وراها كتشوف فيه “

مينة : غزاااال هذا ياختيييي “عينيها لمعو عليه ” كون ما خاصني لبس هذاك ديال العقد كون خذيتو …

نوار”بانبهار تاهي عجبها ” : حتى انا عجبني …

الخياطة : والله يا الحبيبة عليا ، يلا هادي مجيتو من عند المعلم ، …

مينة : ايوى را خاص تعطينا جديد عارفين كلشي جديد ولكن بغينا الي مزال مابانش لكليان …اخالتي نورة …

الخياطة : شوف ا لالة بنتي و ماتسالني حلوف ، يلا ملي عرفت بنت رمسيس جاية عندي يا الأصل الطيب ، حلفت على باباه لا شافو شي حد،، نتين الأولى ، خليتو تا الصباح ، يا الله جبرتني جبتو من عند المعلم ، وجهكك عزيز ا بنتي

…………

نوار “بابتسامة ” : لهلا يخطيك اخالتي …

مينة : عارفة خالتي وتانتي وجهك عزيز من زمان معمرك خيبتي ضنا ولا عطلتينا ..

الخياطة : ويلي ويلي علاه نتوما عندي شويش يا لالة ! يخليكم ليلي و يحفضهالي سيفة ‘شافت ف نوار ‘ غايجيك ضياماندة ا بنتي بيوضة و فنة الصلاة على النبي عليك

……

مينة : تقيسه ؟

الخياطة : ضروري ا بنتي ، باش ناخد عبارها نيشان ، ونقادولها

نوار “هزات كتافها ” : نقيسو ماشي مشكيل …

هزاتو بين ايديها ودخلات لبيت تما حيدات حوايجها ولبساتو مع كتلبسو كيهبط كي الحرير على جسمها دارت ليه مضمة ديالو وشافت فالمراية هزات عينيها من فوق تال تحت كتشوف جاي على طايتها …هزات جلايلها وخرجات عندهم …حنحنات صارت مينة وضارت نورة معاها واحد سيدة جات كتعبر عليها بغات تخيط شي حاجة …

مينة : يااااا ماشاء الله …

الخياطة: الصلاة على النبي جاها نخوة د الهَبال ، عباار مانقصلهاش

…..

نوار : تت بلاش مرتاحة فيه …

مينة : لونه جا مع لون بشرتك …”عضات شنايفها” غزااالة ختي …

نوار”ضحكات” : ههههه مانكونش حسن من ختي …

الخياطة: الله يحفضكم بنتي ب عين الرحمان … صافي هو هذاك مانقصشي منو؟

نوار : لا غير خليه على طبيعتو …

مينة : كون جيتي لعام فات خديتيه كنتي ضعيفة على هاد العام …الوقت المناسب جابو ليك الله …

رجعات نوار لبيت حيدات القفطان ورجعات لميكتو لبسات حوايجها وخرجات كتقاد فشعرها عطاتها القفطان قاداتو فصاك بلاستيكي على طولو سداتو بسنسلة كتبات ليها مينة شيك مابغاتش تخلي نوار تخلص كان كادو من العروسة لختها …هزوه بين دراعهم ونزلو مشاو نيشان لسبا دخلو …

مينة : حجز زوج دالناس …

البنت : ڤوتخ نوم سيلفوبلي ؟

مينة : مينة رمسيس اي نوار رمسيس …را هضرت مع ايمان البارح بالليل …

البنت : اااه وي وي عرفت …تفضلي اختي معايا …

تبعاتها هي ونوار هازين صيكانهم فايديهم حتى دخلو لداخل كل وحدة وحدها فصال سخونة …بقاو تا سخنو دارو لنوار صابون بلدي فيه عشوب (عكر فاسي و شبة وحمص مطحون وحنة وورد وريحان هادو منسمين اما لولين كيخرجو وسخ معاهم نيلة وزيت فليو ) عاد دارو ليها مقشر وصلا مينة جايا طالية من ايام وهي طلي وتعاود ….

كملو وخرجو يشقشقو كل وحدة وجهها مزنگ نوار كتر مع بيضة اما مينة بشرة حنطية …ماخرجو من سبا تا كانو ناضيات كاملات ماخاصهم تا خير …زادو بسيارة رجعو لدار لقاو يسرى وحدها تسناتهم تا جاو وجدات ليهم الغذا حوت مشكل وشلايض خذاتهم من مطعم حيث بقات وحدها وجا يوسف تاهو لحق عليهم والمفاجئة معاه الحبيب …

الحبيب”عنق نوار بجهددد توحشها بزاف كيف ماكان الحال كتبقى تربات معاه كبرات قدامو وحضر ليها لكاع المراحل واقرب ليه …” : زيانيتي العجلة …اووووو …خرا خليها قاعدة فيك …

نوار”زواتو لكرشو ” : وريتك غير العجلة …

الحبيب “حك لحيتو ” : واش دقة ولات عندك مجهدة ولا انا شرفت …

نوار “هزات ليه حجبانها بطفولية ” : تت وليت كندير كيك بوكسينغ …

الحبيب : ياااا رااااجل …

يوسف : بغات تولي ليا بدر هاري “داير ايدو على حنكو ” ناوية تسلخ ليا عباد الله …

نوار : الي دوا يرعف …

يوسف : ارسول الله …

الحبيب : غا تبرية عمرك جبتيها فصغرك تجيبيها على كبرك …كيك بوكسينغ كاااع ..”طلعها وهبطها ” والله الى شديدة ابنت عمي …صدمتيني …

يوسف : واش ابنتي مشيتي لحمام ديال درب …

مينة : اويلي ابابا مشينا لسبا …

يوسف : ومال حمام ميتين وستين مناش يشكي …عومي وديري زلالاق تتوصل نوبتك فسطولة خرجيها منهم عشرة عشرة …

الحبيب : وشري ساشية كادوم مع شعكاكتك امينة خاصك وزين ديال ساشيات …

نوار : هههههههههههه …

يوسف : وخرجي قشري جوج ليمونات ونتي تسحتي بمنخرك …

الحبيب : وعيطي لخالتي فاطنة تجيب ليك صاك …

يوسف”ضور وجهو ليه مخرج عينيه ” : تا فايت حاكة ليك فاطنة امسخوط …

الحبيب : ال🦋🐺نور_الياسين(657)#فرصة_ثانيةsana mina🐺🦋

دوزو لغذا في جو من الضحك والنشاط والمميز فالامر ان نوار ولات كتقبل ضحك الحبيب وحتى هو ماطنزش داك طنز المجهد الي كان كيدير ليها هو المباركة رجعات ورجعات ليها ضحكة …طول الغذا وهما كو وقول وضحك عليها …حتى سالاو وشربو كاس اتاي وقهوة كحلة …عاد ناض يوسف ويسرى رجعو لازرو اما الحبيب رجع لشركة …

مينة : غذا الصباح بكري غاتجي لميكاب ارتيست لدار لهيه …

نوار”تنهدات وقلبها بدا يضرب حيث غادي تشوفهم كاملين وهادشي طبييييعي جدا ماشي احاسيس وداكشي انما ضروري من هاد توتر الاولي …” : معاش غانمشيو ؟

مينة : غذا فالصباح بكري …

نوار : اوكي ان شاء الله …”حكات عنقها” احم انا غانمشي نجمع حوايجي ونتكا فيا نعاس عيييت …

مينة “فهماتها” : واخا انا غادي نجمع الي بقا تصبحي على خير …

نوار : ونتي من اهل الخير…”مشات تا مشات وهي ضور رجعات عنقات ختها بجهد وبقات معنقاها بزااااااااف ….” مبروك اختي تستاهلي كل خير …

مينة “ردات ليها العناق وطبطبات على ضهرها ” : الله يبارك فيك انا فرحتي كملات ملي جيتي ملي جات بنتي ماشي ختي …حتى نتي الله يفرحك …

نوار”قالتها مصحوبة بتنهيدة ” : اللهم امييييين …محتاجة نفرح بزاااف …

مينة : فرحي ومتخلي حتى حاجة تبكيك وتنغص عليك …فرحي وديري الي بغيتي ونتي مقتانعة براسك ونتي باغية من راسك …

نوار : شي حاجات درتهم وانا مقتانعة وشي حاجات مزال حايرة فيهم …الي مهم هو انني نقول لقيت راحتي ولا داويت راسي ..

مينة : غذا الصباح نمشيو لازرو غادي تشوفي حبابك الي كيتسناوك وصحابك اشرف ايساف اسامة …

نوار : عارفة كوني هانية …

مينة “باستها فحنكها ” : سيري رتاحي صباح بكري نمشيو …

ابتاسمات ليها ومشات دخلات لبيت نعاس تخشات ففراش حاطة راسها على المخدة مسرحة وكتشوف فالسقف تشوف وتفكر وتخيط وتفصل على وجهها لمعان ونقا ديال التحميمة الي دارت وعلى وجهها نوع من التوتر بادي على حنيكاتها الي تزنگو …بقات تفكر وتنهد حتى غفات بيها عينها ….

في احدى النوادي الليلية بمدينة فاس …نادي ليلي نقي ماشي من دوك النوادي الي فيهم ناس موسخة وقلة الادب انما نادي ليلي خاص غير بالناس الراقية ونقية …جالس مسرح رجليه وفايدو تيليفون ديالو كيبقشش فيه …حتى وقف عليه اركان….

اركان : واش العشير …

ياسين “هز فيه عينيه ورجع شاف فتيليفون ” : عاد طلقوك …

اركان : تسنيت تا جات الوليدة وصلات اليوم وجيت عندكم …

ياسين : الخالة مريم لباس عليها ؟

اركان : كتسالك الحق ماجيتيش …

ياسين : الحق كلو ديالها …

عصام : واش الخوت نوصي على شي عشيوة ملي نخرجو من هنا …

ياسين”رفع حاجبو وشاف فساعتو ” : عشا ف نص الليل ؟

عصام : ونشركو طعام …

اركان : اربي ماغاسكت نهار تخدم صواب يتقلبو ليك تواريخ …تعشينا اخا عصام شكرااان …

عصام”حك راسو بعبط ” : هانيا اخو ..

ياسين : محمد ماجايش ؟

اركان : وتا را نعس كنصوني ليه مكاينش باينة جا من الخدمة كشمطها بنعسة …”جا النادل حط ليه عصير مخلط ” فيه صودا ؟

النادل : كيف كتبغيه …

اركان : واحد شيشة واجدة ؟

النادل : خمسة دقايق تكون عندك …

اركان : ماتشيش نتا ؟

ياسين “غمزو ب لا زعما ” : لا …

عصام : ماكرهناش شي زهوة دايزها لكلام ايام دراسة ونشاط وشيشة والمعسل كيتعسل …

اركان :هادشي فات الي فات را فات …دابا ولات عندي مسؤلية مراة والى كتاب فالمستقبل ولاد

عصام : وانا حاليا معندي عندمن نرجع فالليل وعليه نحط راس …مافيها باس نزها

اركان : ونشاط وزهو را فيه وفيه …

عصام :ايه فيه وفيه

اركان : ياكما ناوي تعرف على شي وحدة تعيشو لاڤي والعالام فواحد اللحضة …

ياسين”هز فيه عينيه ” : حنا ماشي ملائكة عندنا عيوبنا وحنا رجال عيبنا واحد …ماحدو ديال راسو اش يمنعو ؟ …

عصام : ايييييه قولها ليه …حجرنا جابد همنا منكذبش عليك ناوي على شي ليلة مسكسكة …

اركان”شاف فياسين الي كيشوف فتيليفونو ” : حتا نتا وليتي عازب ديرها ؟

ياسين”حبس من تيليفون وشاف فيه وهو يسرح ايديه ” : لا….

اركان : ومانعرف …

ياسين”رجع شاف فتيليفون ودار شبه غمزة ” : پوغ لانسطون (حاليا) ممساليش …

عصام : نتا درتي دارك تبتي سوقك اخااا …

اركان : يگلع لموك سوق …

ياسين : داكشي داز ايام شباب …

عصام : اودي غا تنضحكو حنا دايرين جلسة شبابية مهم شايفين بعضياتنا ناشطين شي عوام مكنا نشوفو بعضياتنا على العامين …

بقاو سهرانين شوي حتى ناض ياسين على وقفتو …

ياسين : نتشاوفو غذا ان شاء الله …

اركان : غادي ولا ؟

ياسين : يلاه نوصل رتاح صباح كاينين طلبة يلاه نعاونهم …

عصام : ميعادنا غذا نعطرو ودنينا بالذكر الحكيم …”حرك ليهم ياسين راسو ومشا خرج من تم …

اركان “ضار لعندو ” : صباح تايب وبالليل خوينز ليمسخك …

عصام : ..انا كنشرب غا عصير ..ودرت🦋🐺نور_الياسين(658)#فرصة_ثانيةsana mina🐺🦋

صبح صباح يوم جديد فمدينة ازرو بالضبط الفيلا ديال ال رمسيس …صوت المشي والمجي والحركة خدامة التريتور خدام كيعطي فالتعليمات الخدامة ديالو كيوجدو فطبالي فين غايجلسو الطلبة ويوسف يمشي ويجي كانت سبعة ديال صباح …تمات جايا يسرى عندو …

يسرى : يوسف واش مينة جايا ؟

يوسف : هضرات معايا هاهما شوي ويخرجو من تما …

يسرى : الى قربت قوليها تمشي عند راوية عمتها دار خاوية باش تخدم بخاطرها …

يوسف : ايه فعلمها قلتها ليها ….

يامنة “جايا وتقاد فشالها ” : يسرى اجي معايا تشوفي طيابة بغاتك …

يسرى : ايه ايه نسيتها …يلاه حبيبتي …

يوسف “جا عندو الياس لابس فوقية عاد وصل بطوموبيل ” : اش درتي ؟

الياس : صافي را وصلت ليهم سگايط (الحوالا مذبوحين ) …من هنا لمع ضهر يكونو واجدين …

فؤاد “جاي لابس جلابة گري وحجبانو معقودين كيشوف هنا وهنا ” : خاصة شي حاجة ؟

يوسف : هاد ساعة مزال اخويا غا هو “حنحن” نوار بنتي غاتكون عند راوية بغات تشوفك قبل ميبدا داكشي فالعشية …

فؤاد : فعلمي …توصل ونكون عندها تما …”شاف فساعتو ” ياسين ماجاش ؟

الياس : ياسين خويا دا معاه صهيب لعند العدول ياكدو عليه …

فؤاد “حيد ايدو من جياب جلابة وجبد كونطاكت” : المهم انا مشيت نجيب شي غراض ونجي …مادعقوش كلشي بالخاطر مع ناس …”طبطب على يوسف ” منخافش عليك …

يوسف : في امان الله خويا …

مشا فؤاد ركب فالسيارة وزاد خرج اما لداخل كان عامر بالمشي ومجي كيقادو فالصالون لعياالات الي غايجيو لغذا غييير نساب ام رياض وخوتاتها وام حسن وشي جيرانهم واحد زوج فيلات حداهم وراوية والبقية …

وصل وقت الطلبة من بعد ما اذن الضهر بداو كييجيو من جامع لفيلا واحد بالواحد بزوج جماعة …كيدخلو لجردة حدا ساحة قدام لابيسين واقف فؤاد ويوسف والياس وصهيب عند الباب كيستقبلو الناس والباب الي فجنب كيذخلو عيالات ….حتى جا ياسين ضارب حطة كلاس قميجة وسروال فصالة …تاهو كيستقبل معاهم لداخل …

اما فدار راوية جات مينة ونوار الي مع دخلة ازرو حسات بقلبها كيضرب اول مرة غاتحط رجليها من بعد غياب دام عام وصرف من شهور …داخلة كتصرط فريقها وساكتة حتى وصلو لفيلا لقات راوية وصفية فاستقبالها بعد عناق طويييييييل طبعا حزيييين بحزن الاشتياق حتى بكات راوية وزادت تا صفية الي قهرها الوحم ومسببة اصلا بيه ….

مينة “متكية كتدير ليها البنت ماسك وسوان فيزاج اولي …” : اففف

صفية “دايرة ايديها على فمها عاد رجعات ” : مالك ؟

مينة. : وااالو غير متوترة وخايفة “نزلات ليها دمعة خفيفة قشعاتها نوار ” …

نوار”قبطات ليها ايدها ” : خايفة ؟

مينة “سكتات “

نوار “عرفاتها رجع ليها شوي من ذكريات العرس اللول …” : مينة رياض ولد الناس ونتي عارفة هذاك كيفاش كان وكنتي كتسكتي ليه …

مينة”هزات كتافها ” : قولي مكنتش عارفة نواياه ..

صفية : كحل الراس مكتعرفيش اش تحت راسو …عيشي اللحضة اختي وفرحي باش ماعطاك الله …المهم نوار جات وواليديك حداك …

مينة : احم داكشي …”شافت فنوار” مغاتبدايش ؟

نوار : حتى تقربي ونبدا غادي نعاونك مكاين حد هنا البنات كريمة مشاو لهيه …

مينة : غايكونو كملو ؟

صفية : قالت ليا خالتي راوية بداو يحطو ليهم الغذا …

طبعا فهاد الاثناء بداو سرباية يقادو فالطوابل ويجمعو فطلبة ورجال كيقادو فيهم ولداخل كذلك …دنيا عامرة هادشي غيييير فالنهار فمابالك بالليل …كلشي تجمع فالطوابل وبذا الغذا يتحط اول شي الشوا فوسط جردة الخضرة والخس ومزوق بالكروفيت الكبير وفرماج حمر وكورنيشو مهم شوا بريستيج فخم …تحطو حداه المرافق ديالو وبداو فالماكلة فجيهة طابلة الي فيها اسامة اشرف

الحبيب ايساف الي كان حاضر بزي تقليدي جلابة بيضة سوسدي وتحت منها جبدور وبلغة تهزيه تهربي بيه غاتسمعي فعايلو تحطيه فدورة ديال راس درب …وطبعا علي وسليمان والكل وعلى راس الطابلة صهيب وشي رجال …

صهيب “هضر مع الحبيب بشوي ” : تا مالهم حطوني حدا دراري صغار …

الحبيب”حبس ضحكة ” : الحگرة العميم …

اشرف “قشع واحد الكروفيتة وكروفيتة نيت نوع الرويال …بغا يهزها وهو يطيرها علي من قدامو شد ليه ايدو بجهد وهبطها لتحت كيبتاسم لعباد جاب الله مقابلين معاه تريكتو …نطق بشوي بصوت تهديد وقرب حدا علي ” : تاكلها ليلة طيح شي بطانة (روح)

علي : طلق من ايدي لا نصرفق ملتك تاطير خنوتك …

اشرف : طلق نطلق …

علي : والله لا تبعاتك “حطها وشاف فيه ” تحط عليها ايدك يقولو مالهم …يلاااهش …

مزال كيتناگرو تا هزها واحد راجل من تما كلاها سالا وهو يتگرع …

اشرف : اسير بغيت ليك تفرگيع …

علي : السهال تلتيام وتبات تشكي وتلالي …

ايساف :🦋🐺نور_الياسين(659)#فرصة_ثانيةsana mina🐺🦋

.السبعة ديال العشية وجداتها الكوافورة وعرفات كيف طلعات …وقفات قدام المرايا باش تشرف راسها شعرها مموج اسود مخلياه ليها على راحتو مطلوق طوييل وفيه تاج صغير من لور ديالو فوال طويييل فالورگانزا بيج مزوقة بايسطراس مزيج بين نحاسي وذهبي فحال القفطان فنفس لونو بالسفيفة ملكية وحزام بنفس الوان ليسطراس رقيييق وجاي من فوق تالتحت كلوش وميكاب سموكي بمزيج من الوان ترابية وعكر مخلط بين مارون وبيج …

صفية “..شافت فمينة بانبهار حطات ايديها جامعاهم عند ذقنها ” : وااااو تبارك الرحمن ماااشاء الله …

مينة “كتشوف فراسها باعجاب وتقيص فصدرها الي فيه سنسلة ذهب فيها سميتها الي عطاها باها فزيادتها والحلقات وميكاب وقفطان ” : كي جيييت هههه

صفية : غزاااالة بزاااف سبحان من صور جمالك …

مينة “شافت فيها مبتاسمة ” : ربي يحفضك “غمزتها وصارت شافت فراسها فمرايا حولات نضرها لبنت ” الله يعطيك صحة …

البنت : وجهك كيعاون زوينة وحروفك زوينين بزاف حرشين تبارك الرحمن …

مينة : ربي يخليك “شافت فجنابها ” فين نوار باقي لفوق ؟

البنت : معاها البنت لاخرا مزال كتكمل ليها …

دق الباب كان صوت سليمان الي جا معاه علي …

سليمان : يلاه ابنتي وجدتي ؟

مينة : ويي دخل وجدت كنتسنى نوار تهبط …

سليمان”دخل طلعها وهبطها” : اتباااارك الله على العروسة …

علي : لهتا قرطاسة كون غا تجوجتي بيا انا اولا ليك من رياض …

مينة : هههه ياااك …

سليمان : يلاه را العميم باك كيتسنى قدام باب الفيلا لهيه باش دخلي وعيساوة كاينين وناس وجدو وضيوف جاو وكلشي ناضي خاص غادخلي نتي …

مينة : كنتسنى نوار مزال مكملتش …

علي : تي نوار هي العروسة شتها ولات تقيلة …زيدي را غادي نرسليها الحبيب يجيبها ويلاه …

مينة : مااانتحركش الى مادخلت معايا …

علي : هاهي ادير ليا مسلسل الاخوة …هاحنا نتسناو برا …

صفية : اه صافي عرفت واخا انا نجيبو ونلبس عليا شي حاجة ونخرج عندكم انا لولة …

خرجو دراري برا قدام طوموبيل رينج بيضة ديال فؤاد مزوقة منقنقة على الحالة ماشي زواق اوفر انما غييير ورد خفيف عند البارشوك ولبيبان ب بابيون صاافي … من بعد مدة حتى نزلات البنت وخرجات مينة كتسنا حتى سمعات صوت خطوات صباط طالون قصير مقادا ليه سوميلة ماعاليش ونازلة …

نوار : مينة هاني هاني …”هازا جلايلها ديال قفطان فالكاشيري (لون كاشير غامق ) مطرز بالصم ذهبي وبسفيفة ملكية خدمة المعلم ليد …وسمطة ديالو ديال صم رقيقة جاي على فورمتها من فوق مزير شوي عند صدر وجا تااالتحت وتطلق بين ليها جناب مع مصاوب كلوش ومن تحت حرير كيفرفر فحال كيضربو البرد مع نازلة مع كيديه ريح وراها حادرة راسها شعرها هزاتو فوق مشيطة منفوخة من قدام ومنزلة خصلات شعرها قدام وگصة قطعاتها دايرة ميكاب خفيف مركز على لون القفطان وهايلايت ذهبي وعكر غوز ماط …

شفارها زادت ليهم ماسكارا بزاف تا طلعو اكثر كتبان فحال المشة هههه …عاضة شنيفاتها مراقبة دروج ومشيتها حيث وخا سوميلة الا ان صباط طالون ماساهلش …حتى نزلات عند ختها…

مينة : واااجيتي حسن مني …

نوار”كتشوف فختها الي حمقتها” : ونتي كتر جيتي غزالة بزااف والله “حطات ايدها على فمها ..” الله يكمل عليك بالخير …”تابطات دراعها ” مشينا ؟

مينة : صافي نمشيو ؟

نوار”هزات نفس تا هزتها ” : نمشيو صافي …خاصني نشوف ميمة نجود والبقية توحشتهم …

ابتاسمات ليها وخرجو بزوجات لحقو على صفية ودراري الي غا شافوهم بداو يصفقو ويصفرو علي شد مينة داها ركبها وسليمان شد صفية ونوار هنا وهنا وداهم ركبو كاملين وطلقو موسيقى وكلاكسون فاتجاه الفيلا الي دابا عاااامرة بناس لي كانو ماكتار ما قلال فالقياس وغير نخوة وحتى ناس دراوش خصوصا ام سفيان شيفور الي كيمي عندها ياسين….

اشرف “صونا ليه سليمان بالي قربو وهو يمشي عند عيساوة

يوسف “شاف ففؤاد ” خويا هاهما جاو …

ناضو عيساوة بداو يضربو ويزمرو بالنفال الطوييييل …جاو العيالات وقفو بعيد شوي كيتسناو كلهم موجدين كلشي تكاشط والصياف كيطلو من بعيد حيث سمعو عيساوة ناضو …وجاو المبيخرات الكبار هازينهم

طلقو فيهم البخور بالريحة طيبة عند الباب …وقف ياسين الي كان بواااحد مولاتي الحطة بلدية جلابة بيضة وتحت منها جبدور بيض وبلغة صفرة مرجع شعرو لور وساعة فايدو ديال جلد كحل وقف مربع ايديه بديك التگضيرة مخلي العينين عليه ..…وصلات السيارة عند الباب وخرجات صفية وتبعاتها مينة وبداو عيساوة وجاو العيالات حداهم دنيا تجوقات عند الباب تا وقف فواد ويوسف باسو راس مينة وباست ايديهم مغطية وجهها بالفوال …

قومو قومو تمدحو لله ياااا العاشقين في رسول الله …”بداو يغنيو ويزمرو والبخور كيفوح تما دخاخن تعطي …خرجات نوار كتقاد فجلايلها وهزات عينيها دعقوها ضواو وناس ماعرفت فين تمشي بدا فمها بترعد من توتر يلاه غاتحرك وهي دفعو …كان مربع ايديه وهز ايدو حك نيفو كيشوف قدامو تا هز ايديه ضار رافع حجبانو يشوف شكون تا لقاها هي …

نوار”مضاربة مع جلايلها كتهز فيهم وتهضر ” : سمح ليا سمح ليا خويا هههه “هزات فيه عينيها وهي كضحك حتى جمعات ضحكة وحولتها لابتسامة ولداخل بركان من التوتر ” احم كحكح ..سمح ليا سمح ليا …

ياسين ” : ماشي مشكيل اختي “طبطب ليها على كتفها وغمض عينيه وحلهم وزاد دخل وسط تا مشا عند مينة …”مكملين عيساوة …هااادي ساعة من ساعة الله يحضر فيها نبي رسول🦋🐺نور_الياسين(660)#فرصة_ثانيةsana mina🐺🦋

لقاء باااارد وقد ماهو بااارد قد مكان شااخد بركان من التوتر من طرف نوار …ماتنكرش ان قلبها ضرب بجهد حتى حسات بيه تيضرب فراسها وشيء طبيييييعي تحس بهادشي لان ياسين مكانش اي واحد ياسين كان حب حياتها راجلها عشقها من الي حلات عينيها روحها اب طفليها الي مفرحوش بيهم …جمعهم سفق واحد جمعاتهم ذكريات زوينة زبايلها مشاكيلها ومشاكيلو جمعهم بزاف واخا كانو شهور قلال لكن كانو عايشين احداث لكن مع الاسف احداث هرسات وكسرات ما وطداتش …اما هو باش حس !!! لا ندري فقظ انه تصدم فيها

طبيعي تاهو ممكن يكون فحالها لكن رد ديالو كان بارد هذا ان دل فانه دل على انه ولات بالنسبة ليه حاجة عادية …غمضات عينيها شحاال وحلتهم حتى هزات جلايلها ودخلات جيهة ختها تا وقفات حدا يوسف …

نوار”قاستو بايدها تا ضار عندها” : بابااا “كتغوت حيث خدامين عيساوة “

يوسف “قرب ودنيه عندها” : بنتي …

نوار : ماما فييين ..

يوسف “هز عينيه كيقلب حتى قشعها جايا هازا جلايل قفطان البوردو مرصع بالحجر فلونو ومرشوش بذهبي ومصايبة شعرها بوكلي جامعاه من لور بفيليل فحال بروش ومطلوق لتحت …” رااهي جايا …

يسرى “وقفات حدا نوار ” : ماما …

نوار : كنت كنقلب عليك …

يسرى : كنت غير مع نگافة الي غاتنقش لختك صبيعاتها … عطيتها طاس دنحاس …”شافت فبنتها بانبهار “تبارك الله على زين ديال ماما جيتي غزالة بزااف ابنتي …

نوار”باستها فحنكها ” : حتى نتي ماما …

يسرى”شافت ف مينة الي هزات فيها عينيها ونطقات يسرى بدون صوت فقط تمتمات بشفايفها ” مبروووك ابنتي …

مينة “غمضات ليها عينيها وحلاتهم ” …

كان فؤاد متابطاه مينة من دراعو حادرة عينيها وحداها يوسف تاهو فرحان بيها …وعيساوة خدامين وحداه ياسين من لهيه جاو العائلة بدراري والعيالات وجات يامنة بقفطان بلونكاسي مطروز بذهبي وشال فالبلونكاسي مكحلة عينيها نييت كيبانو خضرين عاطيين لعين حتى وقفات حدا ياسين …وجا الحبيب حداها مهم تجمعات العائلة كاملة …ودقة خذامة ونفال كيزمر ….طوووو زطوطوط ….

حتى تمو غادين بيها بشوي بشوي وعيساوة خدامين شدات نوار فدراع يسرى وتمات غاديا حتى وصلو لعند جردة من جيهة لابيسين وناضو الضيوف كيصفقو بايديهم ومينة غاديا مع فؤاد ويوسف حتى جات نگافة شداتها من عندهم وتمات غاديا بيها لبلاصة الي صايبو ليها برزة مقادة بالتوب دالموبرا مطرز بالذهبي ومخيداتو ومزاود فالذهبي ولفوق

اعمدة مزوقة بعريشات ومليوح عليها سنيسلات طوااال ديال الحجر فحال الالماس كيلمع ومدليين عند الوسط فحال خويميات مهزوزين …بقات واقفة والعيساوة خدامين …

فؤاد “ضار قلب على يامنة حتى شيرات ليه وهو يقشع الكحل فعينيها وعقد حجبانو …تا قربات عندو ” : شنو داكشي فعينيك ؟

يامنة “حناكها تزنگو تا حطات عليهم ايديها متوترة ” : غييير كحل عربي …

فؤاد : وشنو دويت معاك عليه ؟

يامنة : غير هاد ليلة “تكات على دراعو ” غير تهدن …

فؤاد : الفتنة كاينة وزيدي فتينها كتر …

يامنة : ههه “دارت صبعها ففمها حابسة ضحكة ” راني بولادي وولدي كان شوي ويدير لولاد ونولي جدة …

فؤاد : الفتنة فالعينين فتنة وحدة ماجات لا بعمر لا بولاد …زين كيمشي ويبقاو حروفو ونتي زينك باقي وحروفك زادو برزو …طلعي نقصي منو بلا كترة هضرة “شعلت فيه العافية “

يامنة “ولات تفتف ههه ” : واخا غير يتقادو وندخل نقصو غير برد …

فؤاد. : هاني غانشوف “خنزر فيها وضار ” انا جيهة رجال لهيه …

يامنة : واخا واخا …

سيفطاتو وساكتة بغات غير يمشي فحال كتراري بيه حيث لا غار عليها وصعر را فيييين يبان شي بنادم تما …مشا وتابعاه بعينيها وحابسة ضحكة تا جا عندها اسامة …

اسامة”كان وراهم فاش كان يهضر معاها ” : تي واش غار عليك ولا وذنيا غيسو “بغا يتشتت بضحك “

يامنة “ضارت خنزرات فيه بضحك ” : اويلي سمعتينا ههههه …

اسامة : الوليد هربني ههههههههههههههههه غيرة عندو ديال وادي الذئاب ههههههههه “تطوا بضحك تاهو كان بطقم كلاس قميجة بيضة وسروال كحل ىصباط كحل لامع وموقف شعرو بجيل ومشذب لحية وريحتو تسخف …”

يامنة “ضرباتو لقرفادتو ” : سير الله يعطيك عقل شوهتيني هههههه …

اسامة : احم هههه طلعي ميمتي نقصي طلعي خههههههه …

يامنة “ضارت بانت ليها رميساء كتبقشش فصاكها ” : انا نمشي عند رميساء تعطيني شي حاجة …سير مع دراري ونتا حاضيني انا وياه را دوزنا ومزال ندوزو ..

اسامة “باسها فحنكها” : نتا الحنانة ميلقاوش فحالك وحدة كاينة داها نسر موسكو …

يامنة : ههههه سير اودي سير …

تحركات عند رميساء عطاتها كلينيكس مرطب باش نقصات الكحل اما فهاد اللحضة كان واقف ياسين مع يوسف وباه وصهيب والياس وعلي وسليمان …تا قش🦋🐺نور_الياسين(661)#فرصة_ثانيةsana mina🐺🦋

بقا كيشوف فالعساس كيهضر مع شي حد تما وعيط العساس لاخور تاهو وهو حاضيهم مصغر عينيه بان ليه شي واحد كيهضرو معاه تا جا سفيان شيفور تاهو …وهو يستاذن منهم خشا ايديه فجياب جلابة وتم غادي كيخطوي مع البلغة تا وصل لبيست الي مقادين وتوجه ناحية الباب حتى وصل لعندهم ووقف عليهم لقاهم كيرجعو فواحد السكرااان ميت …

ياسين : شنو واقع هنا ؟؟؟

سفيان : والو قاليك يدخل يحضر …

ياسين “شاف فيه ” : شنو كاين هنا نتا ؟ شنو هضرت معاك ديك المرة ؟

هو : واااا بالالالالا بلا بلااااو واااصحيبي وراني غيييير جيت ندوق نقطة تالقيتها تقادات “هز ايديه ” باااح لحست القرعة باش نقلب عالنقطة الي بغيت نقوليها لاااش لاااااش جريتي خوتك اهء هيييق …لقيت راسي سبقتها هي لولة …

ياسين : حيد من هنا هضرت معاك الباارح توگض كون كنتي فايق مرحبا بيك …دابا ترون لينا دنيا ؟ “خنزر فيه ” تحرك من هنااا …

“شاف فالعساس وغمزو ” ديه من هنا …

هو : وااا شو عيط ليا على حبقلبي تحضر باش تجيب ليا فخبيييز …

ياسين : حقك غايجي تال عندك …

جا الحبيب مورا ياسين …

الحبيب : هذا نتا ؟ اش كاين ؟

هو : هاااهاها ها زرق العينين جاااا …

الحبيب : نتا هو عشير رودينة ولا …

ياسين “رفع حجبانو وضار جيهة الحبيب شاف فيه زعما اش هاد سميات “

الحبيب : هههه حبقلبو اسمها ردينة …

ياسين : تكلف بيه “شاف فباه شير ليه ومشا مخلي الحبيب معاه ” …

الحبيب “حك لحيتو ” : وهاد ردينة الي بغيتيها تجي ساحية فحالك ولا تاني درتو قصارا …

سفيان : عزوز تحرك تاتسحا وجي مرحبا بيك مكاين الي يجري عليك …

الحبيب : شوف شي حد من دراري يدوش ليه والى فاق دخلوه …الى جبتيها سكرانة غالوح والديكم فالبركاسة …تحرك …

رجع لحبيب عند رجال ..بدات النگافة الي كتنقش حيث هما كانو غير زوج نگافات لان عندها غير لبسة صافي تسني بيها العقد وغاتبرز مع رياض شوي وتصيورات ويتحط العشا ودوز الليلة من داكشي طبعا الى بغا الله …

فالطابلة جلسات صفية حدا راوية الي عاد جلسات من بعد ما سالاو عيساوة الجولة اللولة ومشاو يستقبلو ضياف الي مزال كيجيو وفانتظار قدوم رياض والعائلة ديالو ….تكات على كتفها …

راوية : شوية دابا ؟

صفية “مكمشة عينيها كتعطيها ريحة ديالو ” : رييييحة خالتي ديالو …

راوية “باستغراب ” : ديالمن ؟

صفية “الصمت جاتها البكية ” …

راوية “هزات ليها راسها” : ايساف ؟؟!!!

صفية “حبست البكية وهزات ليها راسها ” : اننن …

راوية : اويلي واش غاندير انا …

صفية : هفففف …اممم ..”ناضت ” انا غانمشي لداخل نرش عليا شوية الما …

راوية : رشي على قفاك من لور …

هزات جلايلها ودوخة قاتلاها وفمها كتحس بيه دايز بالما وحالتها مسكينة ميعلم بيها غالله دخلات لداااخل ناس غاديا جايا وريحة البخور تعطعط حسات بيها فحال شي ريحة كرييييهة وخنقتها …مشات نيشان لطواليط الي تما دخلات مع دخلت مع حلات لاشاص وجلسات ترجع ترجع ترجع تا بقاو غي الكشاكش وعينيها دمعو ليها بجهد تا ولاو حمرررين ….

صفية : ايييي اممم …”ناضت لافابو شللات فمها وذهنات قفاها عاد شوي تنفست وهي تخرج سادا منخرها توجهات لكوزينة لقات طيابات خدامين يقلبو فالدجاج وشي يقاد فليصالاد وشي فالبساطل …سدات نيفها بغات تموووت هزات كاس الما شربات وعاودت وهي تخرج كتجري سادا نيفها تا خرجات فيه طلعات معاها ريحة …

ايساف : ششش بشوية مالنا ؟؟؟

صفية “هزات فيه عينيها وهي تغوبش وخا مكرهاتش تبقا تشمشم ” : نتا الي بشوية مالنا ؟

ايساف “خنزر ” : شنو ؟

صفية “دفعاتو بجهد ” : حيد عليا من وجهي بقيتي ليا غا نتا فالحساب …”ماحتال يهضر تا طارت من حداه ماضارتش تشوف فوجهو حيث بصح كرهاتو من قلبها ولا كيغيلفها بوجهو وبهضرته ولكن الوحم الي مشكيل هو انها ريحتو كتحس بيها كتهدنها …”

تم غادي تابعها ماحملش هضرتها ليه حتى وصل عليها وشدها من دراعها ضورها عندو …

ايساف : عاودي شنو قلتي دابا ؟؟؟ “رافع حاجبو وعينيه بغاو يقتلوها “

صفية “دفعات ايديه ” : واحيد ايديك اسي عطيني تيساع انا كنعرف الي عندو كرامة ونفس كيديرها ونتا لاش هارج قدامي تنخرج فيك …بعد مني عطيني تيساع كمارتك كمارة الويل ميشرفنيش نخرج فيك ولا نشوف فيك تا شوفة ونزيدك را متشوف فيك لا موحمة لا شادة فحبل حيث ماعندكش لا كرامة لا والو ….

ايساف”تم مقرب ليها مخنزرررر وناس تمشي وتجي حداهم “

صفية “خرجات فيه عينيها وقربات ليه ” : بغيتي ضربني ؟ رجلة عندك هي ضرب اعديم رجولة والمسؤلية والقلب المريض الاناني “جناوح منخرها كيفرفرو ” بزااااف عليك رجلة …يلا ضربني فرج فيك ناس وضحكهم فيك المنبود …”دفعاتو بجهد ومشات خرجات يلاه غايصعر يتبعها تا وقف فوجهو ياسين .حط ايدو على صدرو “

ايساف : حيد خليني نشوف الخرااا …

ياسين : سمعتيها اش قالت ؟ ضربها وتاكد هضرة الي قالت عليك ؟

ايساف : غانطحن مها بربي تنطحنها …

ياسين”شنق عليه من كول الجلابة مخنزر فيه ” : رجلة هي تمد ايديك على نسا ؟ جرب تمد ايديك عليها نطحنك بلاصتها “غوت عليه بجهد ” تحرك لا نصدق داير فيك ايدي …

ايساف “قاد لكول وجهو مزييررر مكيقدش يهز العين فياسين نفض حوايج🦋🐺نور_الياسين(662)#فرصة_ثانيةsana mina🐺🦋

في هاد اللحضة ويالالة على نوارة ديال باها ومها وعلى الكريمة المخفوقة حبيبة عمامها ونخشيشة ديالهم وعلى الزينة الصغيرة فالعائلة من بعد رميساء …جايا بابتسامة كيوتتة كيتوتة وهازا جلايلها وجايا غييير بشوي كتسحت شافها الحبيب الي واقف مع اسامة واشرف وغمزاتو باش ميبينش راها جايا وجايا حتى وقفات وراهم وهي …

نوار “غوتات بجهد تا طارو ونزلو اشرف كان غايهرب ويتم غادي هارب غا شدو علي الي كان حدا الحبيب ” : واااااعوووووووو ..

اسامة “دار ايديه على وجهو مخبي عينيه ” : وااااااااماما ماماااااا …

اشرف “كينش بايديه بالخلعة ” : مي مي الوالدة طاحت الواااالدة مشاات …

الحبيب : اشمن والدة عندك ازرق الخصيتين “قرصو علي حيث نسا راسو ” …

نوار”طرطقات بضحك ” : هههههههههههههه وماماااا ههههههه

اشرف “ضار شاف فيها حيث شافها قبيلة فاش جات ومهضرش معاها ” : شكون نتي ؟

نوار”جمعات ضحكة ” : اشرف لااا …

اسامة : سيري فحالك فين كتعرفينا نتي …

نوار”مشات ليهم كتنخشش فيهم وهما كيبعدو ” : لا لا عافاكم سمحو ليا وعذروني عااافاكم والله مالخاطري …

اشرف “كيبعد فيها ” : سيري فحالك مالي انا اش درت ليك وانا اقرب واحد ليك منهم اش صرفت فيك …تااا بغيتي عاد بنت ليك كنرسليك حيدتي واتساب وكلشي مخليتي فين نهضر ليك كتهضري غير معامن بغيتي ..سيري بعدي “بعدها منو ومشا حيد من تما …”

اسامة : شفتي اش قال تانا فحالو …

نوار”ضغطات عليه وهي معنقاه بغات تبكي ” : سمح ليا والله غير بغيت نبعد شوي راني مرضت بزاف بلا متحكر عااافاك …

اسامة “شاف فسليمان الي جا فاش كانت كتطلب فاشرف…غمزو زعما ساعف ” : اش بغيتي دابا …

نوار”هزات فيه عينيها كترمش ” : سمح ليا …

اسامة : تعرضي عليا ؟

نوار : عند عمي رشيد جوج نصوصة ديال صوصيط وزيدك تاتشبع …

اسامة : هاااح وفيهم حرور ؟

نوار : الي بغيتي على حسابي غذا بالليل …

اسامة : سيري انا مسامحك دنيا واخرة “باسها فجبهتها” توحشتك عندلمك …

نوار”ضحكات ” : ههههه وانا اكثر …

سليمان : دابا شوفي كيدير لاشرف …

نوار : غير خليه تايسالي هادشي وغانهضر معاه عندي الكود ديالو …

الحبيب : وتا ورق ليا على السيدة زيانت نعماااس …

علي : الله تا كون ماحشمت نخطبها …

نوار”جمعات ضحكة ” : حسن بلاش …

علي : تانا داكشي الي قلت انا طموحي فتاة حسنااااء ماشي خيبااااء “حرك ليها حجبانو فحال رسوم …”

الحبيب”كيشوف لهييييييه قشع مو هي ونجوى وسارة مع واحد سيدة ومعاها زوج بنات غزااالات عاطيين لعين …” : احس ان فتاتي هنا …

سليمان”ضار شاف فين كيشوف ” : ههههه سير استقبل عالله تكون هي النصيب …

الحبيب”حك لحيتو ” : زعما ؟

نوار”ضارت كتشوف ” : فحال عرفتهم …”جات عندها رميساء هازا جلايلها دايرة مكياج صااارخ “

رميساء : نوار قالت ليك خالتو يسرى اجي تنقشي الى بغيتي …

نوار: بصح !! انا جايا …

علي “خنزر فختو من بعد ما سبقتها نوار” : شداك الخرا طالية لوجهك ؟ شافك الوليد ؟

رميساء : شاافني وقاليا جيتي زوينة وشافني عمو يوسف …

علي : وعمي فؤاد ؟ ازين ؟

رميساء “هزات جلايلها وفرتحات خلاتو كيتحلف وسليمان كيتبت فيه هو واسامة …مخرجة ليه العقل “

مشا الحبيب لحق على مو الي كانت واقفة كترحب بديك الضيفة الي جات هي وبناتها اسمها زوبيدة …

الحبيب : الوليدة…

يامنة “ضحكات فاش شافتو ” : ولدي اجي تشوف شكون جا واش تعقل عليها ولا لا ؟

الحبيب “هز عينو فوحدة من دوك زوجات كانت طويلة وملامح كحلين وغير متباسمة سنيناتها باينين وجهها زوين وبشوشة غير كضحك ” : لا معقلتش …”مشا سلم عالمراة باس ايديها وابتاسم لبنات خصوصا ديك البنت اكد ليها الابتسامة تا حدرات عينها”

نجوى : هادي هي الي ضربتيها فالصغر ورعفتيها مسكينة “شيرات ليه البنت لاخرا اما الي ابتاسم ليها هي الكبيرة ..” صوفيا …

الحبيب “حدر عينيه مبتاسم ” : متشرفين هههه

يامنة : وهادي ختها الكبيرة هاجر …

الحبيب “عاااد هز عينو فلالة هاجر الي خلات القلب يضحك ويبقى مزگي فيها شوفة ” : مرحبا بلالة هاجر …

سارة : ودخلي لالة زوبيدة كتبقاوش واقفين را طابلة ديالكم مع دار المعناني هانا شوي ونجي حداكم …

يامنة : والله الى نورتونا مرحبااا بيكم …

زبيدة : تزحب بيكم جنة اللا يامنة …

هزو جلايلهم تابعين مهم تا توخرات هاجر مشات يامنة وسارة ونجوى لعند يسرى وهاجر بقات مضاربة مع جلايلها الي لصقو فطالون تا تحنى قادهم ليها وهز فيها راسو …

الحبيب : دابا مزيان …

هاجر”مبتاسمة ” : شكرا ربي يحفضك “غمضات ليه عويناتها ومشات تبعات مها وختها

الحبيب “جا حداه ايساف كيعيط ليه وهو ماهناش تا نطق بصوت مجهد طيرو من بلاصتو ” : وااا با …مالك ؟

ايساف : كنعيط ليك فين سارح …

الحبيب “شير ليه🦋🐺نور_الياسين(663)#فرصة_ثانيةsana mina🐺🦋

رجعو عيساوة تاني يغنيو ويضربو من بعد ما دازت المويقى ديال ديدجي الي جاوبه معروووف ومشهور كيخدم فحال الاوركيسترا بدا باغاني الملحون قبل ميبدا شعبي حتى يجي مولاي سلطان الي كيتسناوه يوصل جايب الدفوع الي فضلو يكون فالليلة ديال العقد يجيب ليها دفوع ديالها عاد يبدا شعبي الخاص بالعراسات …كملات نوار نقيشها الي نقشات زوج صباع ايديها بزوج ماشي فحال مينة دارت ليها نقيش المراكشي عاامر غير فالايدين …حتى تكمل لنوار ودير ليها رجليها …

نوار”بدات تنفخ على الحنة حيث بدات تحرقها ” : فففف

يسرى : الى حرقاتك بزاف حيديها بنتي …

نوار : لا لا نصبر اماما …”كتطل لتحت كيفاش غادي لجلايلها ” تت جلايل …

يامنة : اجي بنتي نهزهم ليك فالسمطة …

نوار : واخااا “قربات عند يامنة الي تحدرات هزات ليها جلايل تبتاتهم فسمطة ديال القفطان

يامنة “ابتاسمات وهي كتشوف فجلايل واش تقادو مزيان ” : دابا مزيان جلسي فطابلة ديالنا تا تنشف ليك …

نوار”باستها فحنكها وراسها ” : واخا خالتو …

مينة : نوار واش لباس ؟

يسرى : علاش مالها ؟

مينة “من تحت فوال كتهضر وتشوف فنوار” : بانو ليا عينيها مغرغرين …

نوار”ضارت شافت فيها ” : اه لباس غير حنة حرقتني بزاف …

يامنة : حيديها دابا تنوض ليك داك الحبوب فايديك …

نوار : لا لا بدات كتنقص انا غانمشي نجلس …

مشات نزلات من برزة ديال ختها وتوجهات ناحية الطبالي حتى دخلات ومشات خرجات من تما ومشات حدا دراري لهيييه بعدات من جيهة الحفلة كاااع …وقفات حدا سليمان …

سليمان : حنيتي ؟

نوار : حنييييت …

سليمان : شفتيه ؟

نوار “حركات راسها بنعم “

سليمان : ايوا ؟

نوار”هزات كتافها ” : عااادي …

سليمان : زعما ؟

نوار “ضارت كتشوف فيه ” : هاني حداك …سخفت ؟ بكيت ؟ هربت ؟ لا اذن انا عااادي جدا …كندوز وقت بوقتو وناشطة كنشمع الهضرة ونضحك عادي حتى نولف وغادي تجيني الحياة زوينة …

سليمان : برافو …

نوار : كيجاتني الحنة …

سليمان : زوينة غا هو بعديها مني ريحتها منحملها ومكترين ديك زمر فيها …ردي بالك ضرك فايديك …

نوار : الحرقة ديالها ولات كتجيني عااادية ولفت نتحرق …”خلاتو كيشوف ويتمعن فكلامها ومشات جيهة فؤاد وباها وقفات حدا فؤاد الي مد ايذو ورا كتافها كيهضر معاها ويسول فيها حتى عيط ياسين فتيليفون ليوسف …حدرات نوار عينيها كتنفخ على الحنة …”

ياسين : يوسف ماعيطتوش شفتي فين وصلو ؟

يوسف : وا قاليا خرجو من فاس عطلهم غير توجاد دوك الطيافر جايين كاملين دابا هي هاديك تكمل مينة ويدخلو …

ياسين : انا غادي نشوف دوك السگايط فين وصلو …ونجيب لعدول…

يوسف : الشوا قوليهم يبقاو مخلينو سخون باش يتحط طايب الله يرضي عليك اولدي …

ياسين : كون هاني …قطع معاه

حيدات من حداهم تمشات كتنفخ على ايديها حتى قربات لعند اسامة واشرف تهضر معاه وهي تعيط ليها يسرى الي كانت واقفة مع ام حسن عااد وصلات هي وياه …مشات لعندها

يسرى : هاا نوار هههه “عنقات بنتها بجنب “

غيتة : تبااارك الله …زيانت ماشاء الله …

نوار”بابتسامة خجل ” : ربي يخليك اخالتي …

يسرى : فين حسن ماجاش معاك ؟

غيتة “ضارت تشوف ” : لا جا غير بقا يبلاصي طوموبيل …

يسرى : مزيان …ودخلي مرحبا بيك را يامنة واقفة تمشي معاك تال طابلة …مرحبا بيك نورتييينا الحاجة …

غيتة : بنورك ابنتي …”هزات جلايلها ودورات الكاب عليها ومشات …ضارت نوار عند ماماها حتى عيط ليها الحبيب “

الحبيب : نوار تعالي تعالي …

ايساف : خليها فحالها ترتاح من قبيلة وهذا يعيط وميمة نجود تعيط سلمات علينا اش باقي بغيتي ،

الحبيب “جات عندو ” : ااااجي نقوليك …

نوار : مالك ؟

الحبيب : كتعرفي ديك بنت سليماني ؟

نوار : ايناهي فيهم كاينة صوفيا وكاينة هاجر …

الحبيب : الحبييييبة دقلبي هاجر …ماعارفاش فيس ديالها انسطا نديرهم ندخليهم على ودها ولا نمرة احسن …

نوار”كمشت فيه عينيها” : شنو بغيتي منها …

سمعو تحنيحنة راجل وهي ضور هازا ايديها مع ضارت جابت ليه الحنة فقميجتو البيضة …

نوار”شهقات ” : هييييي ويليييييي …

حسن”حدر عينو لقميجة ورجع شاف فيها ” : شتي شنو درتييييي …

نوار : سمح ليا …

حسن “رجع ضحك وعينيه عليها حتى عض شنايفو وعوج راسو ” : هههههه مااعليش الالة نبدلوها جبت معايا تبديلة …نوار ياك ؟

ايساف : لا ختها …نوار مكايناش …

الحبيب “حدر راسو حبس ضحكة “

نوار”ابتاسمات ليه ” : هي انا …

حسن : اسم على مسمى …انا حسن “بغا يسلم عليها بايدو وهو يطبطب ليها على دراعها…”عاش من سمع صوتك وشاف نور وجهك …

ياسين “شاف الحركة كان داير تيليفون فوذنو بان ليه واحد سيد ” : الحاااااج السليماني مرحباااا …

الحاج “من ضيوف ..” : ههه ربي يحفضك اولدي …

ياسين : زارتنا البركة …”باس ليه راسو” نورتينا الحاج ونورتي لينا ضلامنا …

الحاج : جيت انا لاخر🦋🐺نور_الياسين(664)#فرصة_ثانيةsana mina🐺🦋

بالصواب كيييف العادة استقبل السيد الي عاد كان واصل تقرييبا هو اخر الضيوف هذا اذا ما دخل حد لان مزال اهل العريس والعريس بنفسو ماجاوش …بابتسامة الرجل البشوش ضحك فوجه ياسين وفرح بكلامو ليه كيف العادة اللسان الحلو فاستقبال والكلام مع الناس الكبار مخليه محبوب عندهم بزااف …

السليماني : بعطرك اولدي …واحد المراة والبنيات سبقوني …

ياسين : يمكن على حد علمي كلشي جا غالبا كاينين …

السليماني : ايييه ايه را جاو جاو غي انا قولت لهم يسبقوني كنت معطل شوي فلافاك (استاذ جامعي ) عاد سالينا شي امتحانات …

ياسين : من الخير مرحبا بيك مرة اخرا …”ضار قشع باه ويوسف وشير ليهم جاو عندو خلاهم مع السليماني وخرج كونطاكت رجع عقد الغوباشة وخرج من الباب ركب فالسيارة وطااار مكسيري فين الوجهة الي غادي ليها …

فهاد الاثناء كانت هي واقفة مع حسن والحبيب وايساف الي تعصب وحيد من حداهم اصلا مالخاطروش …

الحبيب : سير بدل هاديك واجي نجلسو شوي ويجي العريس …

حسن : تسناني هنا بغيتك قبل مندخلو ..”شاف فنوار بابتسامة ” ساعة سعيدة هادي شفناك انا شوي ونرجع …

نوار : ان شاء الله …

مشا حسن لطوموبيل حل الباب وجبد من اللور قميجة اخرا جايبها معاه حل صدافي لاخرا وفررر دغيا حيدها بقا غير ب بيل سماطي فالبيض مزير على صدرو المشدود وكتافو العراض حتى تورمو من بين العنق والكتف …طوا هاديك ولبس لاخرا الي كانت فالبلومارين …قادها

مزيان وخشاها فسروال وعقد السمطة هز بارفانو من المجر ورش عليه كامل سد طوموبيل وتقاد ورجع لداخل لقا الحبيب ويوسف وصهيب واقفين سلم عليهم …

يوسف : مرحبا مرحبا دخل را طابلة فين جالس سي منصور احنا شوي ونجيو اولدي …

حسن : مرحبا سي يوسف …”توجه لطابلة اما يوسف ضار عيط لتيليفون ل رياض …الي اكد ليه انهم قربو غير يدخلو لدخلة ازرو غادي يعيط ليه باش يتوجدو عند الباب …

وقف سيارة ديالو قدام الباب لقاها واقفة لاوية عليها كاب فوق تكشيطة او كيما نقولو دفينة ديال ناس زمان …فالصومو وذهبي وشال فلون الدفينة …دايرة نضاضرها دشوف الي مكتحيدهمش وبابتسامتها المنورة البشوشة كتسناه كيف ما كيقوليها الغالية …وهي نفسها الحاجة ام سفيان شيفور …غير عيط ليها لقاها وااجدة …

ياسين “نزل من سيارة تال عندها قبل راسها وايديها ” : معندي ميتسالك …

الحاجة : ايوى شنو نعطلك ونتا ممساليش …

ياسين : نسالي ليك بزز مني …شنو مشينا …

الحاجة : سفيان تما ياك …

ياسين : رسلتو يقضي شي لاخور باش نجيبك ونرجع نجيب العدول …

الحاجة : بالرفاه والبنين اولدي “ركبات من بعد ما حل ليها الباب الامامي حطات صاكها قدامها وقادت سانتيغ تا دار هو وركب كسيرا بيها الفيلا …ضارت شافت فيه”تسنيتك البارح ماجيتيش اولدي …

ياسين : تدهيت اميمتي ف فاس وقضيت شي غراض مع واحد بنت الناس تا زگيتها وهاني هنا …

الحاجة : بنت الناس هههه هي نويتي اولذي …

ياسين : لا لا غير يتيمة عاونتها قصتها قصة نرتاح ونعاود ليك محتاج نصيحتك …

الحاجة : نصيحات الي فاتو مدرتي بيهم …

ياسين “هز ايدو ورجع حطها فوق الفيتاس تا قلب تروازيام وزاد كسيرا ” : تغلبت على امري ومكتاب تصرف …

الحاجة : الله يفرج على هذاك القلب والعقل …

ياسين : اللهم اميين …

الوجهة كانت نيشان لفيلا حتى دخلها واستقبلاتها يسرى ويامنة ويوسف وفؤاد بترحيب من ديما عزيزة عليهم وبشاشتها ماتخطاهم …خلاهم معاها ومشا خرج تاني يجيب العدول …اما لالة ومالي رجعات عند مينة حتى صلحات حنتها عاد هبطات وتوجهات ناحية الدراري فين واقفين هاربة من نضرات الناس ليها وسؤالهم على حالتها لان المجتمع لااااا يرحم المرأة المطلقة …مالقات غير سليمان وعلي واسامة …

علي : اختي ديك الحنة من صبح الله ونتي تعاودي فيها شكون بجغتي تاني …

نوار : تاحد غير قادتها ليا …

جا عندهم يوسف عنق نوار بجنب …

يوسف : محمد الحبيب فينهو ؟

سليمان “كيقلب ” : عاد كان معانا …”قشعو دخل لداخل …” را دخل …

ايييه دخل من بعد ما عينيه كلهم بقرنيتهم واعصابهم حضا بيهم لالة هاجر زينة البنات وتاع قلبو الي خلاها هو …اما واحد مولاتي لالة صفية جلسات حدا راوية وحطات راسها عليها …

وحدة من ضياف : بنتي وجهك صفر ياكما توحمي ؟

راوية : ههه ايييه الالة كريمة غادي نولي جدة …

كريمة : واش هادي هي البنت الي كان خاطب …

راوية “جمعات ضحكة ” : لا ماشي هي …

كريمة : وهادي تبارك الله زييينة عليها ووجهها زين وطاگتها (طايتها زينة )بنت هنا ؟

صفية : لا مراكشية اخالتي …

كريمة : ايييه ناس بهجة والضحكة مشرفين ابنتي …انا يحساب ليا اللولة …

صفية “بجقات فمها اصلا ماحملاش بنادم وريحت فامهم كتعطيها خانزة من عند الله وخا بعاد عليها وحمها وماجاب ليها …غمضات عينيها كضحك زعما ” : ههههه ايوااا يا خااالتي اش نقوليك وماديريها مني قلة صواب انا لالاها جاب لالاها ههههه

راوية “حبسات ضحكة “

كريمة : ايييه ه🦋🐺نور_الياسين(665)#فرصة_ثانيةsana mina🐺🦋

هذا هو حال جمعات الاعراس او المناسبات كيف ماكانت هذا هو حال الاعراس خصوصا الافراح …فالطابلة جالسة سارة حداها ولدها مروان كتمسح ليه فتجلاخ الي جلخ راسو وحالتو وحداها رميساء …

سارة : نوضي دي خوك غسلي ليه

رميساء : وااا ماما انا اش ليا بيه يغسل راسو را كبر اويلي …

سارة “خنزرات فيها ” : تنوضي تگعدي ولا نوض ليك ؟ واحد فجوج ؟

رميساء “بدات تفرفر ” : فففف ماماااا اهى واش انا مسالية لي”شافتها بلقات عينيها وهي تصهط شدات خوها وداتو معاها غاديا وتبغم وتبرگم “

سارة : والله يا بنت لحمارة ونضت ليك منعرفك لا كبرتي لا برهوشة نعل والديك …

نجوى : يهديك الله را داخلة ف تلاتة وعشرين …

سارة : تزيدها فراسها عقل عشر سنين …

 جرات خوها غاديا بنترة وهو كيهرنن تا بغات تجمعها معاه غا هزات عينيها لقات فؤاد مخنزر فيها بغات تهرب بغات تسخف ماعرفت كيدير ماااافكها غيييير صوت كيعيط لفؤاد كان صهيب الي ضار ومشا عندو …عاد هي دخلات كتجري لداخل هي كاااع …

فؤاد : مالكم ؟

صهيب : ياسين جا وجاب العدول والشوا را كيطيب مزيان كلشي هو هذاك …

فؤاد : ايه ؟

صهيب : مهم شوي وغايجي العريس خاصك تكون واقف فاستقبالهم …

فؤاد : ملي يقربو عيط ليا انا طالع لفوق نصلي شي ركعات ونجي …

صهيب : واخا خويا …

وقف قدام الجردة كيشوف بعيد ناس ومينة الي كتبان فرحانة وكتشوف ايديها وكيفاش ناشطة حتى وقف قدامو سليمان …

سليمان : فين سارح ؟

ياسين”شاف فيه ورجع شاف قذامو ” : فيها …

سليمان : فرحانة ..

ياسين : بزااف …

سليمان : عاد رجعات ليها ضحكة من بعد غياااب …قلبها شاف الويل والعذاب …

ياسين : الله ياخذ الحق فالي كان حيلة وسباب …

سليمان : فرحتها مبيناها ماعاطياها لحد …

ياسين : حقها تفرح …

سليمان : ونتا ؟

ياسين”شاف فيه ” : مالي ؟

سليمان : ما فرحانش ؟

ياسين : فرحان وحامد الله …

سليمان : ماكتحسش براسك باغي تقول وتفرغ الي ضارك ؟

ياسين : ماضارني والو باش نفرغ …”شاف فساعتو ” مابانش ليك تعطلو ؟

سليمان : شكون ؟

ياسين “بتقالة ” : رياض …

سليمان : هااا ايه را قربو …

ياسين : جاب الله العدول معرفة وجا معروض وخدام معانا غا حنا فهاد الليلة …

سليمان : الغايب حجتو معاه …

فهاد اللحضة فطابلة فين جالسة نيت سارة ونجوى جات جلسات يامنة ترتاح وجلسات حدا زبيدة وبجنابها بناتها …

يامنة “شافت فهاجر” : تبارك الله هاجر كبرات …

زبيدة : ويادلي را خمسة وعشرين عام ….

يامنة : بطول العمر …امتا نفرحو بيها هي وصوفيا هههه

زبيدة : ايوى يجي سعدهم ومرحبا …

يامنة : ان شاء الله سعدها حسن منها …شنو كتقراي ابنتي ؟

هاجر”بابتسامة ” : عاد كملت ماستر ف لانفورماتيك …

يامنة : تباارك الله ..”شافت ف صوفيا ” صوفيا نتي بنتي نتي ههههه …

صوفيا “نطقات بصوت رقييوق ” : ههه عقلت عليك وعلى الحبيب فاش ضربني …”رمشات بعينيها” حيث عندي شفار …

يامنة : ههههههه ايه ولد الهم حيث شفارو شهبين قاليك علاش ميكونوش عندو فحالك ههه

هاجر”دوزات وجهها كضحك ” : ههههه …

بقاو يهضرو ويضحكو ويسترجعو ذكريات حتى ناضت هاجر استاذنات تمشي طواليط تقاد مكياجها في حين كان سليمان كيهضر مع ياسين الي واقف مربع ايديه وكيشوف مبغاش يجلس باش من يعيطو ليه يلقاوه واجد …

سليمان : زعما فرحتها بصح ولا مزال منساتش الي فات ووقع ؟

ياسين”عقد فيه حجبانو ” : .هي دابا داخلة على حياة جديدة حياة فرحانة بيها وليها بصح الماضي معندو باش ينفع كيبقى اطلال لا غير …الي غطس راسو فالماضي مغادي يزيد بحياتو لوالو ويمرض فصحتو …نسا وعيش …مينة تستاهل كل خير وحسن …الله يكمل عليها بالخير ..خلاه ومشا مخليه كيشوف عرف انه هضر على مينة ولا شيء غير مينة وهي الي كان حاضيها كيشوف فيها فرحانة…

سليمان : تت …شفت تا شفت وعشت وحاورت تا شبعت ومزال العاطي يعطي درست شخصيات وكندرس وشخصيتك ابدا ماشفتها ولا غانشوفها فحال والو نديرها هي الاطروحة ديال فالدكتوراه وموحال نشدها …مانمشي حتى 🦋🐺نور_الياسين(666)#فرصة_ثانيةsana mina🐺🦋

كملات مينة نقيشها الي كان كلو مراكشي عاامر وحطو ليها رجليها من بعد ما تقريبا بذاو ينشفو حطوهم فطاس نحاس عامر بالورد ديال قلعة مگونة …وبدا المصور يصورها بداك النقش بلقطات تصورية محترفة وبجنبها ناس كيتصورو معاها الاحباب والاهل قبل ميدخل العريس الي بداو يوجدو ليه لانه قرب يدخل لازرو …دخلات نوار لداخل جيهة طواليط مزال لحد الان كتشوف فدروج وكتدور وجهها قلبها كيضرب …لقات الطواليط عامرة وهي ترجع وقفات عند الممر ديال الباب الكبير حدا سارية وجلسات فوق رخامة …

ايديها حتى بان ليها جاي داخل داير تيليفون فوذنو كيهضر …

ياسين : صافي كلشي ساليتيه نتي ؟ مزيان تهلاي فراسك حتى نسالي ونطلع لفاس نشوفك …من بعد يومين هكاك ولا قل راجع فحالي …”داز من حداها وطلع لفوووق …ماهي تبعات شوفتو ماهو تبع شوفتها هو طلع وهي شافت طواليط خوات وهي تمشي ليها دخلات غسلات اطراف ايديها الي نشفات من الحنة حيث دارت غير صبعان خفاف …وخرجات باقين جلايلها مهزوزين حتى زادو برزو ليها ليهونش …

يوسف “كصوني ويلقاه طافي ” : اويلي هذا مالو طفا تيليفون ؟

صهيب : تهدن ايوسف الغايب حجتو معاه …

يوسف : من قبيلة وهر كيقوليا هاحنا قربنا ندخلو هاحنا ورا العشرة دليل اخويا …ناس كتسنى العشا يتحط العدول غايعيا كينعس بكري …ايوى ؟

صهيب : غييير تهدن انا نمشي عند يامنة ولا سارة يعيطو لمو يشوفوها فين كاينين …

ياسين “خرج لعندهم ” : شنو واقع ؟

يوسف “كيمشي ويجي ويعيط فتيليفون لرياض ولا هو كيجاوب ” : طااافي تيليفون طافي شقف …”دار ايدو على جبهتو …”

ايساف : واش نمشي انا والحبيب نشوفوهم فطريق ؟

يوسف : ايه فين غاتلقاوهم ؟ فينهما غاتجيبوهم من طريق ؟

ياسين : يوسف تهدن …

يوسف : ففففف …

ايساف : غير تهدن انا نمشي “مشا كيزرب عيط الحبيب تبعو ومشاو ركبو وطارو كسيراو يشوفوه فالطريق …اما يوسف جا عندو فؤاد من بعد ما عيط ليه ياسين فالتيليفون حيث هو غايعرف ليه ويوسف يحشم ويتهدن بزز .

مينة “فهاد لحضة جات عندها يسرى ونوار “: ماما فينهما ؟؟”بخوف وقلبها بدا يضرب “

يسرى”تلفات ” : هاهما قربو ابنتي …

نوار : واش صونا ليه بابا ؟

يسرى : ايه ايه قاليه بغاو يدخلو …

نكافة : خاصها تحيط الحنة …

مينة “عينيها غرغرو ” : بلاتي يجيو …عنداك اماما يوقع ليا تاني داكشي …”نزلات دمعة كتجرييي على حناكها “

نوار : لا لا جاين”عزات عليها ..” انا غادي نسول بابا ولا عمو فؤاد ولا دراري …

يسرى : حيدي الحنة بيدما جاو …

مينة : لا عافاك …

نكافة : ابنتي را بينحيدوها ليك را نشفت خاصها تحيد بما زهر ودمليج ديال ذهب غليض …

يسرى : معنديش انا يمكن عند يامنة …

نوار : انا نقولها ليها …”تحركات كتزرب بمشيتها تا مشات لجيهة طوابل سولات على يامنة لقاتها حدا ياسين وفؤاد …مشات كتزرب تا وصلات عندها كتلهت بغات تخرج روحها حيث بقات كتمشي بزربة …

يامنة : امالك ابنتي ؟

نوار”كتاخذ نفس حتى هز عينيه ودور وجهو لهيه كيصوني فتيليفون ” : ماما بغات دمليج ديالك قالت ليها ديال المزوارة ولا معرفت شنو …فال زين على العروسة…

يامنة : اه مزوارة …

نوار : شنو كتعني ؟

يامنة : هي الي ماعمرها طلقات …”غمضات عينيها” احم انا نجيبو ليك …

نوار”حسات بغصة فحلقها “: ا انا احم انا غادي ندخل نحيد هاد حنة ونتي عطيها ليها وهضري مع مينة ترتاح …”شافت ففؤاد الي غمزها بعينيه بزوج وابتاسمات ليه وهي تمشي دخلات ومشااات فالممر تا خرجات لطرف لور وهي تشهق شهقة قدااااااااش حتى تقولي روحها بغات تخرج …حطات ايدها على صدرها كتنفس بجهد حتى تحطات ايد على كتفها وهي دور …

نوار : ن احم نتا …

حسن : مالك ؟

نوار : ماماليش علاش ؟

حسن : كتشهقي واش بيك شي حاجة ؟

نوار : لا لا غير ستريس …”ابتاسمات ليه ” شكرا …

حسن : الله اودي “كان طاوي كمايم قميجة وداير ايديه فجيابو …” كنت كنهضر فتيليفون مع الوليد وبعدت على صداع الموسيقى وشعبي باش نسمعو مزيان حتى بنتي ليا كتشهقي …دار ليك شي حد شي حاجة ؟

نوار”هزات كتافها” : لا لا تاحد غييير مع راسي …

حسن : مقصحة ؟

نوار “رفعات حاجبها ” : من اش ؟

حسن : الي كيشهق وكاتم فصدرو را مقصح …ماشي بضرورة الي فات ماشي بضرورة شي حاجة كبيييرة عاد تقصحنا …

نوار حنا كنبقاو بشر ممكن اقل حاجة عند ناس قليلة حنا فنفسيتنا كتاتر علينا ولمدى البعيد …نتي شهقتي شادة صدرك وباقي شاداه “حيدات ايديها فها🦋🐺نور_الياسين(667)#فرصة_ثانيةsana mina🐺🦋

بقات كتشوف فيه وكيفاش هضر وعرفها را مقصحة نيييت …من جميع النواحي…

نوار : لا لا غير مع ختي متوترة معاها وصافي …حيث شوي تعطلو وكنتسناو فيهم تشطنا عليهم وصافي …

حسن : يعني مزيانة صحتك ؟

نوار “دارت بصبعانها بزوج مسافة قلييييلة جدا كتوريه” : شيييييي شوية …

حسن : شييي شوية هههه هاد شييي شوية معمري نساها فاش كنتي صغيرة بغيتي وردة حمرة وحيدت ليك ايديك هههه بديتي تبكي …

نوار”صغرات عينيها ” : فحاال عقلت …

حسن : شنو غاتعقلي ونتي عندك خمس سنين ههه

نوار : هههه ايه …

حسن : بفففف رجعت مخليتكش تقطعيها حتى نجيب شي مقص باش نجرها ليك ونقادها عاد نعطيها ليك وصيييتك وقلتي ليا واخا غير بغيت نتفاوت ونتي تمشي ليها …

نوار”دارت ايدها على فمها ” : ايه هههه

حسن : اللحضة الي ضرت مشيت زربت طيرتك من حداها بجهد تخلعتي وجرحاتك شوكة ديالها ونتييييي يالالة يحساب ليك ضربتك …

نوار : هههه الباطل

حسن “رفع حجبانو وهبطهم ” : مشيتي عند سي يوسف وشكيتي بيا والحالة ههه …

نوار : هو انا كنطيح الباطل لكن غير فصغري …

حسن : ودابا ؟

نوار”ابتاسمات معوجة فمها ” : مااضربني حد باش نطيحو ههه …

حسن : هههه ان شاء الله ماغايضربك حد …

نوار”جمعات فمها ورجعات نطقات ” : ربي يخليك “حنحنت ” احم انا مشيت يقدرو يعيطو ليا شكرا بزاف …

حسن”غمض عينيه بابتسامة ” : فاي وقت نوار …

هزات جلايلها ورجعات ادراجها …حتى سمعات صوت الشعبي خدم …وبدا ديدجي الاغاني يحساب ليها را جا رياض ساعاك فاش خرجات خرجات نيشان لقات دراري وفؤاد كلهم واقفين عند الباب كيصونيو ويوسف جالس فواحد الكرسي كيتسنى …جمعات ابتسامتها ورجعو عينيها دمعو عزات عليها ختها ….

نوار : ما جاااش ؟ تاهو ؟

فطريقها داز اشرف من حداها ووقفاتو بزز …

نوار : اشرف …

اشرف “دار ليها اشارة بعينيه زعما شنو ” ..

نوار : رياض ؟!

اشرف : ماكيجاوبش تيليفون طافي وتيليفون مو طافي لاخرين خوالو وعمو معندهمش نماريهم …

نوار : كيفاش !!! …

اشرف : غير الله يلطف وصافي …مشاا وتبعاتو تاهي تالحقات عليهم دار فؤاد اتصالاتو وياسين تاهو كيصوني على دراري الي مشاو يشوفوهم …وعيساوة كيتسناو وصلات لحداش وهما كيتسناو …والشعبي طلقوه غييير باش يدهيو الناس …سگايط بداو يجيو وحلوة لاكريم الصغيرة تاهي جات وحطوها فثلاجة …والمصور كيصور ناس باش يدهي …

يوسف “هز عينيه ف ياسين ” : شنو درتي اولدي ؟

ياسين : دير املك فالله …

خرج النفس من لدااااخل ديالو وطلقها سخوووونة حتى وقف عليه صهيب وطبطب على كتفو مزير عايه عاطيه امان وتقة الفردة انه معاه وربي مغاديش يخيب بنتو تاني …حتى جات نوار تحنات لعندو شادة فركابيه وكتشوف فيه …

نوار : بابا غير تهنى مغاديش يوقع الي وقع فالي فات …

يوسف : وختك ابنتي غادي تهرس تاني …

ياسين : متفايلش وكون متفائل بالخير …هاد الهضرة ماشي وقتها …

يوسف : قلبي غير على بنتي انا مهامني حد ربي معانا..

ياسين : امنا بالله …

في هاد الاثناء فالطريق الوطنية الرابطة بين مدينة ازرو ومدينة فاس …واحد جوقة مجوقة على واحد البلاصة من طريق …ناس كتطلق وحوكة سير معرقلة المكان …دنيا مطوقة بالبوليس والحالة حالة …ولومبيلونص كتهز فشي جرحى حالتهم جد خطيرة وسيارة الموتى كتهز فالموتى فاكياس بلاستيكية …ودخل …زوج طوموبيلات شاعلة فيهم العافية وسيارة مدغجة كلها ووحدة كيهزو فيها من الجرف برافعة …

شي وحدين فالسيارة من. بعد ماجا عندهم الي كيقود فالسيارة هو واحد من الناس الي كيتفرجو والي حضر الحادثة …

هو “دخل وقاد سانتيغ ” : لا حول ولا قوة الا بالله …

مرته : سالاو ؟

هو : مزال تيهزوهم عاد يطلقو طريق …

هي : الله ياربي الله واش هاد مكتوب تصرف فيهم …

هو : اغلبية توفاو الا زوج عيالات الي هزوهم وتاهما قاليك حالتهم ماتكملش …

هي : والي ضرني ياربي طوموبيلة ديال عائلة كاملة …

هو : الي اكدو ليا انه كان عندهم شي عرس وعريس الي سايق هو لول مات …اودي الله يرحمهم عرسو فالجنة مسكين …

هي : ياربي تواليهم برحمة الله …الله يصبر داويهم قاصحة عليهم …

هو : وحتى ناس الي كيتسناوهم لعرس حيث شفت حوايج دخاز مشتتين جمعتهم مع دراري (حيث هو كوميسير ) …غايلطقو طريق ونتحركو…

بقاو كيتسناو ويوسف معنقاه بنتو اما مينة بدات كتحيد ليها النگافة الحنة ودموعها على خدها جاب الله ميكاب انتي واتر يعني مضاد للماء …

نوار: بابا عمرك ماتقلق غير تهنى دابا يبانو …

ياسين”تحنى عندو وحط ايدو فوق ايد يوسف ” : معاش الي يخليك تحني راسك ونتا مقلق حني راسك بفرحة ونتا قلق ليا العباد …

يوسف “هز فيه عينو مدمعين يقطع فالخاطر. والقلب ” : بناتي معندهم زهر مع جنس الرجال ومعندهم زهر مع راسهم ومعندهم زهر فسعدهم …الحمد لله الحمد لله …

ياسين : سعدهم زين وقت ماجابو الله … ربي مكتب ليهم زين سعد فالمرة تانية ولولة تجربة وفيها حكمة …

يوسف “نزلو دموعو كيجريييييو ” : بناتي تهرسو ليا وهرسوني معاهم وقسمو ليا ضهري وخاطري ….يااااربي🦋🐺نور_الياسين(668)#فرصة_ثانيةsana mina🐺🦋

الكلام الي نطق بيه يوسف كلام جد جد مؤثر خصوصا من احساس اب كيموت على ولادو كبدتو بناتو شي حاجة الي بالنسبة ليه مقدسة تقيسو فعينو ومتقيسوش فبناتو …يوسف مثال لنوع الاب المثالي الي ممكن يضحي براسو فشرد ولادو او بناتو …كلمات خرجو من فمو نابعين من احاسيس صادقة كانه هو الي طرا ليه البلان ماشي مينة …الى هي تهرساات هو تهرس جوج مرات وتقسم ليه خاطرو وتقطع ليه قلبو …مينة الي جرا ليها سابقا ماعالم بيه غير الله عانات وقاسات من خذلان فليلة عرسها وليلة الي مادا رجليها كتحني وقع نفس البلان غير هذاك طلع لا يمت للانسانية بصلة وها الثاني ممكن يكون مات …

نوار”جاب ليها البكية حتى عنقاتو حط راسو مسكين عليها تاهو ” : بابا تفايل بالخير عافاك ومتقلقش اصلا مزال الحال والله …

ياسين”شاف فيها ورجع شاف فيه وناض على وقفتو مشا لعند باه فين كان واقف بعيد كيصوني وعلى وجهو ملامح العصبية ” : الوليد نمشي نشوف انا ؟

فؤاد : مشاو دراري …

ياسين : هضرتي معاهم ؟

فؤاد : فالطريق “دار ايدو على جبهتو مزير.” لقاو كسيدة تما …

ياسين : ايه ؟

فؤاد : طريق محبسة على ماعرفو “ضور وجهو ناحية مينة كيشوف فيها حادرة راسها من بعييييد وكيهضر …” كسيدة كبيير ربعة طوموبيلات والخامسة طاحت من جرف والي ماتو ناس موجدين غادين لعرس على حسب الحوايج الي لابسين العيالات والي جبدو من طوموبيلات فاش بغاو يجبدوهم …”شاف فيه وعلى عينيه لمعة حزن ” دهاز عروسة …

ياسين”خرج عينيه ” : وايلي ؟؟؟

فؤاد : نتمناو يكون خير الى مكتاب تصرف وكانو هما …

ياسين : نتسالو دعاء لنفوس الي ماتت ترحم والي عايشة بسباب موتهم يكون الله معاها ..

فؤاد”سكت وحدر راسو حتى تم جاي يوسف شادة فيه نوار فدراعو وجات حتى يامنة “…

يوسف : امضرا خويا ؟

فؤاد “مد ايدو لكتف يوسف وجرو منو عنقو بجنب ولا ضار عنقو كلوووو كيحك ليه على ضهرو ودراعو عناق الاخوة عناق فؤاد لخوه يوسف عناق اب لابنو …يوسف حط راسو على كتفو وغمض عينيه حاس بقلبو بغا يخرج …

فؤاد : مايكون غيير الخير الغايب حجتو معاه حجتو معاه …

يوسف : كيما كانت الحجة نعرفو اش كاين ولا هاد الجلسة تسنا ونتا معارف اش كاين يا خاسب يا زين ؟

فؤاد : خلي املك فالله كبير …

يوسف “هز فيه راسو وشاف فيه بعينين حمرين غالب عليهم لمعة حزن ..” : خويا واقعة شي حاجة ؟

فؤاد : مكاين والو مشاو دراري يشوفو نتسناو الفرج من عند مولانا …

ياسين “بانت ليه طوموبيلة الحبيب دخلات ” : جاو …

يوسف : ياربي السلامة …

الحبيب “من بعد مانزلو من سيارة قربو عندهم وعلى وجههم الحزن والتوتر …حتى غمزهم فؤاد باش ميقولو والو “

يوسف : امضرا ولدي ؟

ايساف : مالقيناهمش …

يوسف : شنو دابا ؟؟ ااا ؟ شنو دابا تاهذا طلع غدار؟؟ فين غانعطي وجهي فين ؟

ياسين : يوسف تهدن …

يوسف : اش نتهدن اااش ؟ اش نتهدن فين نعطي وجهي فييييين …فينهما علاش لدابا ماجاوش ؟

فؤاد”غمز يامنة دخل لذاخل عند العيالات باش مينتابه حد بعدا غير هاد ساعة ..” : يوسف وجهك مع ناس مزيان الى كتاب معندك مادير خلينا نتسناو رجا من عند الله من بعد وغانعرف خدمتي …

ياسين : من امتا كيهمر ناس ؟

يوسف : والناس لهلا يقلب ويشقلبهم انا ماسوقي انا وجهي مع بناتي فييين غاتعاود ترجع مينة تاني لصحتها وضحكتها تاني تمشي ؟ شكون عالم بنفسيتها شكوووون ….هي تغدرات ووحدة طلقات ماصانها ليا حد مادارها فعينيه سعد غا فالغدارة …

ياسين”عض على شنايفو وكمدها وسكت وضار دوزة زاد خرج لبرا عند الباب ..”

فؤاد”جهد صوته تا قفزو دراري ” : يووووووسف … رد بالك لهضرتك …الي مسك مسنا تاحنا والي ضرك ضرنا تاحنا كتبقى نتا اب وخايف وكنبقى اب وخايف جميع عندنا ولاد (على الهضرة الي قال لياسين ) “نطقها بختورية وبمعناها ” تهدن اللسان مافيه عضم كيبقى بنادم ماشي حديد …

يوسف”ضغط عليه صهيب من كتفو باش يسكت حيث مسكين مبقاش صبر وفرط …ولا سكت مابقاش عاود ” …

صهيب : دابا شنو نديرو ؟

فؤاد “يلاه غايهضر حتى جا العساس كيجرييي هو وسفيان ضار لعندهم بغاو يقولو ليه حتى سمعو صوت الكلاكسون خرجو كاملين يطلو بانو ليهم ربعة سيارات jeep رباعية الدفع كحلين وكل شرجم فيهم واقف فيه بوديكارد فؤاد .لابسين الكلاس محيدين فيستات وغير بقوامج بيضة …حتى دخلو مصافيييين ووقفو ” : شنو كاين ….

خرج من وحدة فيهم ايلاف نزل كيقاد قميجتو هز راسو ف فؤاد …

ايلاف “ضحك تا بانو سنانو ” : ما في ترحيب للعريس …

ياسين”عقد حجبانو ” : اش واقع ؟ “حتى بان ليه رياض نازل بجلابة بيضة تحت منها جبدور وبلغة بيضة وتقاشر بيضين موقف شعرو الاسود ومقاد لحية …كيقاد فكمايمو تا مد ايدو شد فايدين مو الي نزلات بتكشيطة مسكية وشال ذهبي “

رياض”بابتسامة عريضة ” : سير اسي ايلاف لهلا يحرق فيك شي عضم …

خلاهم شي كيشوف فشي ويوسف فحال داك دري صغير الي كان يهرنن تا بديتي تقولي ياااه شوف شوف وح🦋🐺نور_الياسين(669)#فرصة_ثانيةsana mina🐺🦋

يا مبقاو فهمو والو ايييه وفؤاد النسر كلو بقا غير كيشوف مارمش مانطق ماتكلم ما حنحن اما ياسين خلاص دار ايدو تحت ذقنو والحبيب عينيه خرجهم وايساف جاه لفوغيغ …دارو ليهم دخلة ديال واادي الذئاب …ايلاف كيشوف وميت بالضحك …صهيب وعيساوة الي بغاو يستقبلوهم شي متكي على شي كيطل تبهضو بدوك طوموبيلات الي دخلو سيارات جيب رباعيات دفع …

فؤاد : ايلاف !!

ايلاف : لك والله لو تعرف الي حصل ما راح تصدق …

يوسف : ولدي واش وقعات ليكم شي حاجة ؟

رياض”طل على عمامو تلاتة وخوالو كانو زوجات ومعاهم زوج رجالة تاهما خوالو فقط ماكثرش عليه ناس جاب غير الاقربين …ورجع شاف ف يوسف ” : اسيدي لقينا كسيدا الله يحضر سلامة ديال شي عائلة وطريق تحبست قاليك مايطلقو حتى لشي ساعتين وزيادة حيث طوموبيلات كتار الي دارو كسيدة …

فؤاد : ماتو فيها عائلة تاهما عندهم العرس …

رياض : يمكن حيث هادشي الي قالو …انا نزلت نشوف ونهضر مع شي حد من بوليس يطلق طريق حتى ندوزو ساعاك ولاد لحرام والله ماعتقونا …

ايساف : عيطت لوليد قبيلة فاش بغينا نمشيو حيث كان جاي من مطار ففاس ووصيتو يشوف معاه …

ايلاف “نطق بالدارجة ” : كيف مكتعرف ا فؤاد الي عضو حنش كيخاف من الحبل …خفنا تعاود الكرة وتدخلت حتى عرفتهم حصلو فالحادث فا عطيت تعليمات لرجال يجيبو سيارات jeep …ودخلو من بيست جاو لحدا طريق وطنية فين وقفو طموبيلات ….

رياض : بلاصينا طموبيلات جنب وركبنا فهادو حولنا الدهاز وداكشي ودخلنا من طريق البيست ب jeep هي الي غاتنفع حيث طريق لبيستعامرة حجر والى جينا بطوموبيلات عادية غادي نتعطلو بزاف وتضرب ليهم شاكمة ونصدقو حاصلين…مسافة وضرنا وخرجنا لطريق تاني مافيها تاحاجة وهاحنا عاد وصلنا هادشي الي عطلنا …

صهيب : وطموبيلات ديالكم ؟

ايلاف : وصيت رجال يرجعو بسرعة لعندهم يجيبوهم فاش تسرح طريق …

يوسف”شد جيهة قلبو ” : علاش ياسيدي ياربي نعيش الدراما والتراجيديا علااش …”ضار عند علي ” سير اولدي قول ليسرى توجد مينة هاهما جاو …

علي : وخا دااابا “غمز اشرف تبعو “

فؤاد : الحمد لله عالسلامة من الخير من الخير …

ماجدة : سمحو لينا جا جهد فوق جهد …وكون ما هاد ولد ناس كون را حنا بقينا تما وطريق عامرة بزااف شوف امتا يطلقوها …

يوسف “حادر عينيه باش ميشوفوهش مزيان ” : الحمد لله عالسلامة الحاجة …مرحبا بيكم مرحبااا …

جاو العيالات مرحبين بيهم وجاو عيساوة بداو كيتقادو وجاو الرجال الي كارينهم باش يهزو دفوع الي جابو رياض لمينة والي كان من الطراز الرفيع غيييير المخير والغالي والي يليق بيها الي واخيرا رجعات ليها ضحكة مخلطة بدموع ممصدقاااش انها اخيييييرا ربي غايكمل عليها …

مينة : الحمد لله اهى اهى الحمد لله …”دارت ايدها على دموعها مسحاتهم وقادت ليها يسرى حالتها وجات البنت قادت ليها وجهها بالخف …”

يسرى : هههه جمعي خناينك الهبيلة …

مينة : هاني هاني ههههه …

بداو عيساوة يضربو وبدا اشرف يتحير بالحس باغي غير امتا يلقا راحتو فشطيح ورديح كيتسنا غا فؤاد يقوليهم من بعد العقد بغيت نرتاح باش يهرييط ههههه …بداو الرجال هازين دفوع لابسين جلالب بيضين وسلاهم (سلهام) ديالهم وطاقيات حمرين …جاو زوج واحد حدا رياض من هنا وواحد حداه من لهيه تم جاي رياض وهما كيشاليو حداه …

مبتاسم فرحان غايتجمع مع حب حياتو مينة الي دخلات لقلبه بشخصيتها القوية بهضرتها المرزنة وتباتها وبراءتها …بدون استئذان استوطنات قلبو وعششات فيه وشكون الي يتخلى على هاد البنت …اما الام ديالو جات وراه ومعاها العائلة تم جاي وناضو الضيوف وقفو كيصفقو وشي كيشوف فيه بانبهار واعجاب وشي تزعط فيه بداك زين وتگضيرة ديالو وشي حاضي تياتز العائلة وشي حاضي شي وشي تزعط فشي وهذا هو العرس ههه …

وقفات مينة من بعد ما قادو ليها الفوال تاني وحالتها …وحيدو ليها الحنة بدمليج ذهب ووراق النعناع وغسلوهم بمت زهر فوق طاس نحاس …

الله الله …لا تلومني سلم عليا …الله الله ولا اله الا الله(نفال خدام ) الله الله ومن لامني في هاد الحال….الله الله نبيع لو يشري مني…انبيع لو المحتاج…والي جرب يعذرني الله الله ااااحبيبنا يامحمد والصلاة على محمد …اااعريسنا يازين العرسان الله الله ولالة العروسة زينها فتان الله الله على انغامهم بلباس عيساوة الحنديرة السخونة الي مزينة بالموزون وطارات الكبار ونفال الضخم زوج من هنا وزوج من لهيه عطاو جو وبهجة عيساوية تخلي راگد ينوض ويتحير معاهم …حتى وصلوه عند مينة ووقف مبتاسم قدامها هز ليها الفوال وانباهر ببجمالها اول مرة دير مكايج من هاد نوع …حادرة عينيها حتى قبل جبينها وبقااا جهد دقيقة …حتى شاف فيها

رياض : سمراء بعيون بنية مكحلة لو ان القمر يتكلم لاجلسك مكانه ..ف عيناك كشوارع القدس انا الي احتليتهم وتسمعمية وتسعود وتسعين الي بقاو نطحن مهم …(الف عدو يتمنى احتلالها)

مينة “جاب ليها ضحكة ” :🦋🐺نور_الياسين(670)#فرصة_ثانيةsana mina🐺🦋

جاء الفرج من عند الله وخا كان منعطف الي ارهق القلوب وعذبهم واحد شويعات قليلة لكن فاش حضرو ورجعات ضحكة لالة العرايس متبتة البنات رجع كان شيئا لم يكن وان الفرحة بدات وهاهي غاتكمل ان شاء الله …منضر يقشعر له الابدان من طرف عائلة مينة ال رمسيس اول مرة يشوفو مينة ضاحكة من القلب وضحكو تاهما من القلب معاها ولما لا وهما عاشو وشافو معاها شنو جرا ليها والانكسار الي وقع ليها …

فؤاد : شنو يبدا العدول ولا بلاتي ؟

يوسف : وشوف شنو بان ليك خويا نديروه …

صهيب : فين ياسين ؟

يوسف “كيقلب تا بان ليه واقف بعييييد وحدو وكيشوف وحداه سفيان ” : راهو مالو واقف بعيد ؟

فؤاد : الياس فينهو ؟

الياس”تم جاي كان واقف لداخل على طريطور والماكلة حتى تقادت ديال رجال وكان فاستقبالهم وواقف عليهم ولا تبعو سليمان وقف معاه ” : هاني خويا عاد ساليت …

فؤاد : علم العدول عند رجال يوجد تحركو دابا عاد طلقو العشا …”شاف فيوسف كتحسي بيه مقلق من يوسف ” بلغ نوار تقول ليامنة يوجدو …انا تابعكم ….”خلاهم ومشا عند ياسين “

يوسف : مقلق مني ؟

صهيب : نتا خليتي ففمك اخويي وماقلتي …

يوسف “نسا حيث تعصب ومردش البال لهضرتو من فرط الحزن والاعصاب ولا اله الا الله ” : والله ماعقلت غالله يحضر سلامة …

صهيب : دابا ماشي وقت الهضرة …

الياس : تحركو يلاه يلاه …انا مشيت …

مشا طار عند رجالة بلغ العدول الي ناض هز شكارتو ودخل لصالون لداخل لحق عليه فؤاد ويوسف والياس كان معاه ودراري مهم رجال العائلة وجا رياض تبعوه خوالو وعمامو رجال …جلس فؤاد هنا ويوسف هنا ورياض لهيه والعدول متوسطهم والمصور خدام الكاميرا

الي مبرونشيا مع البلازما برا قداااش زوجات وحدة هنا قدام العروسة ووحدة قدام الضيوف كيشوفو مجريات واجراءات العقد …

العدول : مبروك اسيدي مقدما …”شاف ف فؤاد” الحاج فؤاد شكون وكيل العروس ؟

فؤاد : يوسف …

يوسف “هز ايدو ” : لا لا وكيلها فؤاد انا كلفتو …

فؤاد : مكاين ماحسن من الاب سند الى كان عايش …

يوسف : خلي الفرحة تكمل على ايديك هاد المرة اخويا ..”قصد حيث العرس اللول كان غايكون هو ومكتابش ليها “

فؤاد”حرك راسو زعما مرحبا ” : مرحبا …

العدول : عطيني لاكارطات اولدي ديالهم بزوج بينما عمرت ونبداو على بركة الله …”هادشي كااامل كيشوفو برا فالبلازما ..فهاد لحضة عنقات يسرى مينة ونوار كتشوف تاهي وعينيها مغرغرين …فالصالون دخل ياسين وقف عليهم …بدا الاجراءات كيقيد ويسول ويعمر حتى بدا …

العدول : رياض المرابط راغب فالزواج على سنة الله ورسوله بالمسماة مينة رمسيس …تقذم بطلب قابل اسي الحاج ؟

فؤاد : الله يتمم بالخير الى هي قابلة انا قابل بكامل الارادة …

العدول : سي رياض تفضل سني اولدي …”عطاه سنا ” شي حد يدي لعروسة تسني عاد نكملو …كيقلبو حتى جا ياسين وهز الروجيستر قدامهم وداه خرج من تما وتم غادي بيه حتى خرج فواحد البنت كانت جايا داخلة لداخل اتعاذر منها ورجع كمل طريقو

تاخرج لجردة ومشا لعند مينة مد ليها روجيستر وعطاوها ميكروفون وتقلب تصوير ليها وميكرو شادو العدول كيقلب مصور ليه الي لداخل تا هضر …

العدول : قابلة بنتي زواج بالمسمى رياض المرابط بكامل ارادتك وبدون اي ضغط ؟

مينة”شدات الميكرو ونطقات وتقلب تصوير عندها ” : قاابلة “بصوت بشوي “

العدول : بالرفاه والبنين …سني ابنتي …”وراها ياسين شدات ستيلو وسنات …هز ياسين روجيستر من بعد ما قبل جبينها “

ياسين : الله يتمم عليك زواجك وتكوني حسن منا …”هز روجيستر ومشا دخل لعند العدول عطاه ليه واعلن على انهم تممو زواجهم وتعالات زغاريت نگافة وناس تصلي عالنبي جات ماجدة باشتها وعطاتها كادو ركباتو ليها كوليين ذهب بسراتل ديالو سبعة وحلقات وسنسلة …

مينة “باست ليها ايدها ” : لهلا يخطيك عليا …

ماجدة : الله يفرحك ابنتي …”تم جاي رياض وصل وباسها فراسها وعاود وزغريت خدامة وتطلق شعبي …”

يامنة “مشات عند فؤاد ” : عنداك تنعس تايركبو الخواتم …

فؤاد : نمشي نبدل ونجي …تجي معايا ؟

يامنة “شافت فعينيه واحد نضرة عارفة معناها انه غايقنتها يقنتها مايطلقها تا يبرد ” : غير سير انا نشوف طيابة عيطات ليا …

فؤاد”تم غادي وكيهضر ” : تخلصي الحق …

يامنة : هههههه تنكون ماعارفاكش ههههه …”يلاه غاضور وهي تصاطح مع صدر ياسين …”ياسين !! “تزنگت والا ياسين الي يخصلها ولا تموت هههههههههههههه”

ياسين “رفع حاجبو ” : مالك ؟

يامنة : و والو ولدي مالك بغيتي شي حاجة ؟

ياسين : غادي عند رجال غايتذفع العشا خاصني نكون واقف عليهم مع دراري …

يامنة : اه ايوى الله يرضي عليك انا نشوف الطيابة …

ياسين : سيري “تم غادي تاهو ونطق ” ملي تسالي خلصي حقوقة ماليهم الحنانة الحق حق والوليد را عزيز وغالي …”مشا خلاها جااامدة بلاصتها بغات تسخف 🦋🐺نور_الياسين(671)#فرصة_ثانيةsana mina🐺🦋

على نغمات الملحون الي خلاه ديدجي مطلوق ومشا عند رجال يجلس بلاصتو الي مقادينها ليه مع الفرقة الي معاه متكونة من اربع اشخاص ومعاهم المصور وفرقتو وشي رجال وطابلة عيساوة تاهي …ناضت مينة هي ورياض جلسو فطابلة ديال العائلة معاهم فؤاد ويوسف ويامنة حدا فؤاد وصهيب وعمام وخوال رياض وحتى يسرى …اما ياسين ودراري مع رجال فالجهة لاخرا …

يامنة”قربات لفؤاد الي لبس طقم كلاس ” : ياسين ماجايش ؟

فؤاد : مع رجال …

يامنة : بان ليا ماشي تالهيه …

فؤاد : الله يحسن العوان والفاهم يفهم ..

يامنة “تنهدات” : الله يفرج عليه وكان …

نوار”جات عند يسرى وتحدرات تهضر فوطنيها” : ماما بغيت نشرب دوا ديالي فين درتي ليا فاليز ؟

يسرى : عطيتها لوحدة من البنات طلعتها ليك لبيتك …

مشات دخلات لدار وطلعات لفوق توجهات نيشان لبيتها وقلبها فيه غصة وحلقها واقف كتحس بضيم طايح عليها كتحس بقلبها مضيوم حابسة البكية …دخلات لبيتها الي كان مجموع هزات صاكادو ديالها جبدات منو دوا كانت جايبة معاها فرعة ما من تحت شرباتو ورجعت داكشي وخرجات نزلت لتحت عند نجود وراوية وصفية فين جالسين وسارة ونجوى …

تحط العشا على حقو وطريقو الشوا وتبعوه بساطل كبار دالحوت غييير المخير وتبعوه دجاج محمر عاد ختوها ب المحنشة …وجمعو العشا خرجو شي رجال والبقية مزالين حيث عاد بدات سهرة بقدوم العريس …

ياسين “واقف بعيد كيكمي حتى جا حداه فؤاد مبعد من ضجة ديال بنادم والموسيقى …” : الوليد …

فؤاد : معاك واحد …

ياسين”مد ليه باكية الكارو تا جبد منها واحد شعلو ليه وتقابل مع الجردة ” : ياكما طالع تنعس ؟

فؤاد : ماعندي مندير من غير ندير الواجب تيمشيو ناس فحالهم …

ياسين : ماعليش “جر من كارو وساط ” شفتي سي سليماني ؟

فؤاد : شفتو …

ياسين : حيث سول عليك …

فؤاد : ايه وصلني وصلني ..”ضار شاف فيه ورجع شاف قدامو” خاطرك هاني هاد ساعة ؟

ياسين”شاف فيه ورجع تاهو شاف قدامو ” : هاني ونكذب عليك ضروري من تقليقة …

فؤاد : هضر معاك يوسف ؟

ياسين : الوليد ندخل نيشان ؟ الي قالو يوسف عندو صح اللسان مافيه عضم بناتو هادوك ضروري يجي من جيهتهم …

فؤاد : علاش انا ماجيت لا من جيهتك ولا من جيهتها (على نوار) والى جينا نحققو انا تبريت منك الى قلقتيها نتفاهم معاك …

ياسين : فهاد لحضة جيتي من الحق ولو تجي من جيهة غير جيهتي ماعندي مندير ليك …هي كتبقى مراة وانا راجل الدق الى كان عليا بزز مني نصبر ومانهضر …”ضار شاف فيه حجبانو مرفوعين ” ولكن لا زاد عليا ضغط مانعقل لا على كبير ولا صغير …

فؤاد : شكون ضغط عليك ؟

ياسين : كترة تسوال كترة البلابلا خدامين يسولو بلانديريكت …شنو ؟ علاش ؟ هادشي عادي الي وقع وقع كل شاف طريقو كل شاف حياتو …جهد فوق جهد …

فؤاد : المعنى “باغيه يهضر “

ياسين”وجع شاف قدامو” : تسوال على امتا زواج …كيسولو يشوفو واش غانتزوج موراها زعما راني باغي غير امراة وصافي …علاش …دراري صغار حنا ؟ مسالي مخي نطلق ونتزوج !! فين الاحترام ليها ؟

فؤاد : زواج لا كتبو الله متسالني غير الخير …

ياسين “حط ايدو على جبهتو شاد الكارو”: نهار نتزوج كون هاني وماكد انني تزوجت على اقتناع والى تزوجت فهاد الفترة راني قللت من شانها دير الي دارت كتبقى مرتي الي كانت وكانت غاتكون ام ولادي …كانت عينيا الى تزوجت ذابا راني عمري مابغيتها دابا ماقادرش ومن بعد الى نويت هذا كيعني انني قدرت نفتح

هذا”شير لقلبو ” من جديد لبنت الناس غير هادشي را غير لعب دراري صغار “حط صبعو على نواضرو” نكونو واقعيين ومعقولين الوليد…نوار راها بنت عمي قبل متكون مرتي ودابا مرتي سابقا …كانت واحد وقت مفششة ديالي ..”

فؤاد : ودابا ؟

ياسين : ماعندي معاها والو نهار تحتاجني غادي تلقاني …

فؤاد : هادشي الي كتقول فيه فيه ريحة العافية شاعلة …باش حسيتي ملي شفتيها الليلة …

ياسين “سرح شفايفو ورجع نطق” : ضروري من الصدمة ضروري ما تحرك فيا شي حاجة انا منسيتهاش عمري نساها كيما كان الحال مدوزناش القليل راها كانت مرتي واحد الوقت والروح ديالي …

فؤاد : ودابا …

ياسين”هز فيه عينيه تنفس وتنفس وجناوح منخرو كيفرفرو ” : قتلات ليا روحي….مابقا عندي حق فيها كا مراتي وحلالي …هي دابا عرضي وشرافي بصفة بنت عمي …ونتمنى هادشي هنا يتسد حيث لا تزاد تنوغيش ونبيش قد هاكا “دار مسافة صغييير بين صباعو زوج ” ماهما فخير معايا …راها كتحشا و‎🦋🐺نور_الياسين(672)#فرصة_ثانيةsana mina🐺🦋

‎يوما ما هجر عقلي قلبي لمدة و طالت مدة

‎الخصام بينهما … للأسف ضاع قلبي و احترق … و عقلي بات على منعطف …. مرت شهور و لا زالا متخاصمان و في يوم نهض عقلي من سباته و قرر إنقاذ قلبي …. جاء إليه مسرعا و أخبره … هل تريد الخضوع و مشتاق للدموع … لن أتركك مخدوع ولن أدعك وحيدا مستسلماً للرضوخ …. لا مزيد من القيود .. سأحررك منها و سوف تعود ملك القلوب …

(Samsouma souma sousa)

تهز العشا وتحط ديسير باجود انواع الفواكه وخصووووصا التفاح ديال المنطقة ازرو (ازرو عندها فواكه وتفاح خصوصا طرييي ريحتو تعطي ) وعاد فواكه الاستوائية الموصى بيها بالاشكال ديسير الي نقولو فخم وطوابل اصلا كانو قلال حيث ماعيطوش بنادم بزاف بحكم غير حفلة عقد قران لاغير …عاد جا وقت تركاب الخواتم الي تقداهم رياض والام ديالو ومينة على حسب ذوقها وقياسها وكانت معاها يسرى ويامنة فاش تقداتو …

يسرى “جات عند ماجدة ام رياض وتحنات هضرات ليها فوذنها” : لالة ماجدة اجي معايا باش يركبو الخواتم …

ماجدة “هزات صاكها وناضت” : اييه ها البواطات عندي …

هزات جلايلها وصاكها وتمشات هي وياها تال عند البرزة كانو موجدين طابلة كبيييرة مغطية بناپ ديال طرز الحساب وحاطين فوقو زيوفة صغار مشكلينهم وريدات باين فيهم طرز ومرشوش بالورد الاحمر والوردي عاد زوج صينيات كبار ديال الفضة فوسط منهم بواطة حمرة موبرا طويلة محلولة فيها سنسلة ذهب ووسط منها قلب مرصع بالحجر خفيفة عاد جناب جابت البواطات ديال خواتم واحد عين وحاجب رقيق وسامبل ووسطو حجرة صغيرة ولاخور ساامبل مفيهش الحجر عاد خاتمو هو ديال نقرا بزوج بيهم مكتوب فخاتمو اسم مينة وتاريخ العقد وفخاتمها هي اسمو هو …عاد صينية لاخرا فيها ابريق طاوس زرق وفنيجنات ديالو فيه حليب منسم بالزهر ….كامل هادشي مرشوش بالورود ووسط منهم طبسيل كبير تمر معمر بالگرگاع وكاين داللوز …جاو العائلات وقفو مقابلين … في العقد البنات الي مهندسات خدامين مع مينة وشي زوج صحاب رياض تقابلو كلهم معاهم…

راوية “شافت فصفية بانت ليها عيانة ” : بنتي طلعي لبيت نوار ورتاحي براكة عليك…

صفية “وجهها صفر ” : لا لا غير خليني نشوف …

راوية “بغات تمشي عندهم”: تت لا معندك فين تحركي اصلا نتي نضتي بزاف وموصياك طبيبة متحركيش …

صفية : تت

راوية : يلاه دابا طلعي نعسي متناقشينيش …”حققات فيها شوفة ” الى بغيتي تحافضي على ولدك …طلعي تيليفون غادي نعيط ليك فيديو وشوفي يلاه …وجهك وحالتك عياو بزاف …

صفية “شدات تحت كرشها وناضت بشوي هزات جلايلها ومشات دخلات اما راوية لحقات على العائلة وتقابلت مع مينة ورياض “….

بداو النكافات بصلاة وسلام على رسول الله وزغاريت لبسها الخاتم وتصوار خدام وباس ايديها نفس شيء تاهي لبساتو الخاتم حتى باس جبينها ولبسها السنسلة شربها لحليب وتاهي وتمر …دارو تصيورات خفاف ورجعو لبرزة …

يامنة : فين غادي ؟

فؤاد”كيحك عينيه ” : عييت يامنة …

يوسف “جا لعندو ” : الى عييتي خويا رتاح مبقا والو غير الحلوة تدفع واتاي والحلوة ديال لاكريم وصافي …

فؤاد : الى محتاجين شي حاجة عيطو ليا ..

يوسف : كون هاني …

يامنة “تم غادي فؤاد من بعد ما مشا يوسف” : ياكما نجي نعطيك ماتلبس …

فؤاد”هز حجبانو بشوفة ديال وايلي من نيتك ” : وايلي زعما طلعي …

يامنة : ههههه نطلع …

فؤاد”غمزها ” : خليك هنا …حسن محتاجينك حسن مايقلبو عليك وماحنا فخير …

يامنة : اويلي “ضارت هنا وهنا لا يكون جاي شي حد ولا شي حد سمعها ساعاك مالقات والو ..مشا فؤاد طلع وهي تم راجعة غادية عند الطيابة …حتى عيط ليها لحبيب “

الحبيب : الحنانة …

يامنة : ها نعام نعااام اش سمعتي تانت ؟

الحبيب”كمش عينيه ” : هيييي ؟ مسمعت والو اااه قاليك الوليد غا بقاي محتاجينك حسن ميقلبو عليك وماحنا فخير …مالو ؟

يامنة”حطات ايديها على راسها وتمات غاديا الكوزينة ” : الله ياربي الله ناس والدين ولاد يستروهم وانا والدة قمر اصطناعي كلشي يسمعوه ويلقطوه …يااا مكتوبي …

الحبيب : يناري هادي مالها …”قشع الاخت هاااجر الكراش ديال لهاد الليلة هازا جلايلها وهازا صويك صغير فايديها دخلات لصالون الي قدامها لقاتو خاوي ..”

الحبيب : ماعرت واش نقوليها ياكما نحضي لا يدخل عليك شي حد ولا نشعل عليها ضو🦋🐺نور_الياسين(673)#فرصة_ثانيةsana mina🐺🦋

بقا يهضر غير مع راسو روينة برا والجوق خدام وسي اشرف غااا قشع فؤاد طلع ينعس ايييييوى وهو يمشي جيهة لجوق وبرك يتحير هاك بلاك عطي ودردك عليه وشتف ويجذب ويطلب فالعلوة تخدم ولااا تسلم هههه …اما الحبيب تبعها جيهة الصالون حتى وقف عند الباب حاضيها هزات مرايا من صاكها ومسحات الكحل الي ساح شوي مع دموع فعينيها نازلين حتى ولاو حمرين الشي الي خلاه يعقد حجبانو وضن انها كتبكي …

الحبيب “حنحن وهي توقف كتشوف فيه ودموعها دايزين ” : سمحي ليا “هاز ايديه “

هاجر”ابتاسمات ليه ” : لا لا هانية انا الي سمحو ليا وصلت ودخلت …

الحبيب “ضحك بشوي ” : ههه لا دنيا هانيا عرس هذا دارنا مفتوحة من غير عرس …”حك نيفو ” مالك واش واقعة شي حاجة ؟

هاجر : لا لا علاش ؟

الحبيب”بقا مركز شوفة فيها وهي تفهم “

هاجر : اااه هههه لا لا مكنبكيش عندي حساسية …

الحبيب”كمش عينيه ” : من اش ؟

هاجر : حساسية الورد وربيع “كتحك منخرها وعينيها بداو يتبوقلو ” …اييي …ففف هههه مصيييبة صافي …

الحبيب : ومشكيلة العرس فجردة وجردة عامرة ورد وربيع وغرس …تت واش مكتشربيش شي دوا ولا كضربي شي شوكة ؟

هاجر : عادة كنضرب واحد شوكة وضربتها فمارس مع بداية ربيع …ولكن دبا معرفتش يمكن مفعولها مشا حيث غي داك شهر …

الحبيب : غاتبقاي هاكا شوفي عينيك كي ولاو …

هاجر”هزات كتافها” : هههه معندي مندير يقدر نمشي دابا فحالي …

الحبيب :وايلي على تمشي فحالك مزال الحال …غسلي وجهك من داك شي اسميتو …

هاجر : مكياب ؟

الحبيب : هذاك كيكس ديال وجه …

هاجر : ههههههههههههه كيكس …واخا وباش نبان زوينة …

الحبيب : تي را الي زين زين تانتي مكب ميك مياكب …

هاجر : ميكاب هههه

الحبيب : ايييه غاا كيعطي لوجه تاني …

هاجر”رفعات حاجبها ” : هي انا عندي جوج وجوه …

الحبيب : وشكون عرف “خرج عينيه ” اناري غاتنضحك هههههه لا بغيت نقول غايزيد على لاليغجي الي عندك وخصوصا فعينيك علاش متغسليهش بعدا الما يخفف عليك شوي …

هاجر : زعما ؟

الحبيب : وديري تلج على عينيك باش يتفشو …

هاجر : واخا تانا هادشي الي لقيتيني بغيت ندير …شكرا بزاف …

الحبيب : الله اودي …انا غادي نجيب ليك ثلج سيري غسلي لقايني حدا طواليط نعطيه ليك ديريه …

هاجر : شكرااا “هزات صاكها ومشات لطواليط ومشا هو لكوزينة طلب من بنات تما عطاوه مكعبات ثلج داروه ليه فزيف …وصل

عليها لممر فين كاين الحمام بقا شحال كيتسنى حتى خرجات كتمسح وجهها بكلينيكس …

الحبيب”مد ليها الثلج ” : خليه شوي على عينيك غير شوي وحيديه ورجعي شوي وغايتدفع اتاي …

هاجر : شكرا “حطاتو على عينيها وبدات تنين ” اممم اااايييي …فففف واااو …

الحبيب : استغفر الله العلي العضيم …

هاجر : مالك ؟

الحبيب : لا والو …مهم شوي ؟

هاجر : اننن …

الحبيب : ولااا اله الا الله ..

هاجر : كيفاش ؟

الحبيب : والو غاتنسبح …

هاجر : فففف كنحس بيه شويييييي نفسني …

الحبيب”خرج عينيه …هي مكتشوفش فيه حيث دايرة ثلج على عينيها…نطق بشوي” : اخروووط …

هاجر”حيداتو من على عينيها” : حسيت بعينيا شوية شكرا بزاف …

الحبيب : مرحبا …”شد من عندها الزيف ” صافي مزيانة ؟

هاجر : مزيانة يحفضك …

الحبيب “بابتسامة ” : غاتجي فالعرس ؟

هاجر : على حسب الى مكنتش في فاس …

الحبيب : حاولي …كتقراي ؟

هاجر : خدامة وكنقرا فنفس الوقت …

الحبيب : وايلي فين ؟

هاجر : خدامة عندكم اسيدي سطاج وخدمة غييير مكتشوفنيش …

الحبيب : دخلت عليك بالله غاتكوني لتحت انا تحت مكنوصلوش ومسؤل على الفينونص …

هاجر : سيي لتحت يلاه شهرين صراحة باش بديت …وكنقرا ماستر عام الاخير …

الحبيب : تبارك الله ايوى صافي بعد غذا نتشاوفو ان شاء الله …

هاجر : ان شاء الله …

الحبيب : يلاه سيري الى احتاجيتي شي حاجة سولي عليا نجي تال عندكم …”ابتاسمات ليه وهزات جلايلها وخرجات …حتى نطق صوت فوذنو خلاه طار تال سما ونزل “

علي : هاااكيلي على عنيبة من درجة سرباي …

الحبيب : من درجة مك …تمشي تقود ولا نقودو سوايع …

ع🦋🐺نور_الياسين(674)#فرصة_ثانيةsana mina🐺🦋

دازو اجواء تقديم الحلوى من داكشي الي كانت باشكال خفيفة ماكثيراش حيث مزال غايكون العرس ومزال حفلة العشاء الي غاتكون في فيلا رياض ومو ….

في البرزة ….

رياض “قرب حدا وذن مينة ” : ماعييتيش ،

مينة “مبتاسمة وكتهضر ” : الخلعة الي خلعتينا قبيلة فيقاتني …

رياض : وفكنا غير راجل عمتك ..

مينة : وتيليفونك طافي وتيليفون خالتي بسيف ..

رياض : تيليفوني ديشارجا وتما مكانش ريزو عرفتي من اينا بيست دزنا را حس نقطة ريزو مكاينة …

مينة : والحمد لله عالسلامة …

رياض : الحب ديالي ..

مينة : اااش بغيتي ؟

رياض : تتفهميني هههه ..

مينة : طلق من لاخر وجيني نيشان بلا زواق ولا نواق …

رياض : غذا كيف شفتي غايكون العشا عندنا غير خوالي عمامي ونتوما كاملين …ماتجيش معايا ليوم تباتي ؟

مينة : لا …

رياض : هاد لا ماحداها والو لا تبرير لا حشومة دغيا ضمصتي ديلمي …لا”كيعيب فيها”

مينة : واش نزوق ليك “كتبتاسم لباها ” بابا مسكين …

رياض : مسكين زوج بنتو على سنة الله …ولات مرتي عرضي شرفي حبيبتي وديالي ميشاركني فيها حد وكنبغيها وهي عينيا ايييييي سي مابيل ديالي …

مينة : مغانباتش معاك ليلة عياانة …

رياض “بدا يفرنس ” : نهههنه هي بغيتي تتكوني مرتاحة ولا ؟ ماشي مشكيل خودي راحتك …

مينة : مورا العرس غير تهنى …

رياض : والله تنقلب طابلة ونتكيك قدامهم والي يتسالني العيب را العدول دار الواجيييب …

مينة : غاتدي تقليد انك باس وماسخ وهمك غير فالي مخرج عقلك …

رياض : ها برطال بدا …فهميني …

مينة : مغانباتش ليوم خاص نوجدو باش نجيو غذا وبغيت نشبع من ختي قبل متمشي …متنساش را غانمشيو جديدة هاد الايام …

رياض : واخا صافي فهادي زمتيني …

مينة : وخا وكحز را باينة من طيارة اش كطلب فيا …

رياض”طل على راسو لقا كتفو ضاغط عليها ومتكي عليها تقريبا مبقا والو …” : ارسول الله تحمست ههههه …

جات النگافة نوضاتها هي وياه وجابو سرباية الگاطو الي كان مستطيل بسيط فيه تصويرتها هي وياه وعليهم مبروك RIAD&MINA …وزوج خواتم مرسومين بالذهبي فوسط قلب تاهو مرسوم …جابو ليهم سيف مزوق بالشريط ابيض ووردي …شذاتو مينة بايدها هي وايد رياض وقطعوه تحت تصفيقاتهم….

الي كتسمعها صفية من البيت وفيها نعاااس …يلاه غاتغمض عينيها وهي تنوض شادة فمها ومشات لطواليط كترجع وتقول مارجعت حتى بغات تخرج روحها …مشات لروبيني غيلات وجهها وعاودات تاني بدات ترجع حتى تحل عليها الباب هزات فيهزعينيها ذابلين …

ايساف “قرب ليها عينيه مشربنين ” : داااك تقح**ين الي درتي قبيلة حسابي معاك من بعد …ضصرتي بزاف

صفية “ريحتو هدنتها بقات تشمشم وتغمض عينيها ولكن كرامتها هي كل شيء ” : سير عطيني تيساع يرحم ليك باك هاد الي فكرشي اعتابرو ماشي ولدك عفيييتك منو ومن مسؤليتو ومني غير تهنى راااا ينوض با من القبر ومنرجعش ومنشوفش فيك هذا جهد …وجهدي مقااادي دابا مفيا ميتقاشح معاك عطيني تيساااااااع ….افففف

ايساف : نهار لول قلت ليك تحملي …قلت ليك نتي مسؤلة …ونهار قلت ليك تحملي مسؤلية هي تحملي مسؤلية ….

صفية “غوتات بحر جهد جهدها تا بح ليها صوتها” : وااااااااا قود(اول مرة تخصر الهضر) عطييييييني تيساااااااااااااااااع وااااااعوووو ورحمني رحمنيييييييييييي اهى اهى واااااعوووو ….وااعطيني تيساع وكرهتك كرهتك الله ياخذ فيك الحق ….

يلاه غايهضر حتى دخل عليهم وشاف المنضر وسمع اش كتغوت وايساف باغي يضربها حتى شدو من ايدو وضربو بطرشة تا ضار لهيه كان غايجي على فمو …

فؤاد”كان بتيشرت وسروال معرف باش تبلى فاش سمع غواتها وهو خارج عند شرجم والبيت ديال نوار قريب لبيتو هو ويامنة ” : تحرك تقود عليا من هنا …

ايساف “مغزز مرضاااش ” : خااالللليييي …

فؤاد”عطاه براس تا طار دم من منخرو ” : ردان الهضرة تگلع من هنا يلاه ….

ايساف “مسح منخرو وغمض عينيه وهو يخرج من تما معاودهاش معاه …”

فؤاد”تحنى نوضها ” : نوضي بنتي …شوية ولا نديك لطبيب ؟

صفية “حشمانة منو وعياانة ” : لا مزيانة عمي ربي يخليك الله يرحم ليك الواليدين …

فؤاد : مرتاحة ؟

صفية “حادرة عينيها ” : اه انا غانتكا …

فؤاد : هناي من جيهتو ليك الامان معايا …

صفية : عارفة الي كاين عمر طريقك ماتضلام ويحفض ليك ولادك ويامنة …

فؤاد : تانتي بنتي …”طبطب ليها على راسها ومشا خرج مخليها تكات ترتا🦋🐺نور_الياسين(675)#فرصة_ثانيةsana mina🐺🦋

هكا داز الحفل بامتياز وخا كانو شحنات وكان جو مكهرب عند البعض وبدايات جديدة عند البعض الاخر الا انه داز زوين ومتول على حقو وطريقو …بداو ناس كيمشيو والجوق كيجمع فالدوزان ديالو ونگافة تاهي ..شي طلع ينعس وشي كيعاون وهنا يخص الذكر ياسين الي كيوصل هذا وذاك وصل الحاجة مخلي سفيان يكمل الخدمة …ورجع تاني لقا دنيا بدات كتجمع كان قريب يصبح الحال …

نوار”مشات عند يسرى ” : ماما فيا نعاس نمشي عند عميتو ؟

يسرى : فين تمشي طلعي نعسي فبيتك …

نوار : يمكن فيه صفية مبغيتش نفيقها مريضة …

نجود : ماتمشي فين اجي نعسي حدايا توحشتك ابنيتي تعاودي ليا ونعاود ليك …

نوار : صافي هههه سيري سبقيني انجيب فاليز نحيد هاد القفطان وندوش ونهبط عندك …

يسرى : رتاحي باش غذا تمشي معايا نتقداو انا وياك من داكشي الي غانديو لفاس عند عايلة رياض …

نوار “حركات ليها راسها رمشات طلعات عند صفية الي اصلا فبيت نوار حلات باب بشويييي تا دخلات كتمشى على روس صباعها وتكمش عينيها لا تفيقها هزات فاليز ديالها ونزلاتها كتعافر معاها تا هبطتها ومشات بيت نجود دخلات هزات حوايجها حيدات قفطان قادات وبقات غير ببيرميدا وضوني دخلات غير دوش الي فبيت نجود وتخشات تحت رشاشة كتدوس تحيد العيا كملات وخرجات نشفات ولبسات بيجامة حد ركبة بلا سوتيان …

تخشات حدا نجود عنقاتها وتنخشت فيها كتهضر معاها وتعاود ليها على ايامها فالمانيا ومنين جات وكيفاش ولفات تهضر وتهضر حتى طاب نعاسهم ونعسو مشاو فسابع نومة …

تقريبا ربعة ديال صباح وهو كيطحن فطرقان ويطحن حتى صونا ليه فؤاد الي عاد فاق تاهو …

فؤاد : فينك ؟

ياسين : هاني جاي عاد ساليت واحد الغراض وراجع رتاح شوي “كيحك عينيه “

فؤاد : كترتي عليك …

ياسين : ماعليش ..

فؤاد : انا خارج نجري شوي تشاوفنا هي هاديك مشفتكش رتاح مع راسك …

ياسين : باقي لحال مضلم على لامارش …ماعلينا موحال نعس غادي غير ندوش ونتكا بلا متعس مزال خاصني نمشي نتقدا شي حاجة عاد نرجع نرتاح بينما وصل عشية نتحركو لهيه …

قطع معاه وكسيرا راجع لفيلا دخل نيشان بلاصاث سيارة ودخل لقا دنيا خاوية الا العساس ولاخور واقفين …دخل الفيلا تاهي سااكتين كلشي ناعس …يلاه غايمشي لفوق حتى بانت ليه خارجة شعرها مخربق وعينيها مسدودين وكتمايل …مدا ماجاب قال را غير ناعسة …كمل مشيتو وطلع لفوووق لبيتو كيف دخل حيد حوايجو بالخف ورتبهم عاد دخل لدوش طلق رشاشة تا سخنات وهز شامبو ديالو وتخشا تحت منها غسل شعرو مزيان ودار باندوش بقا تا كمد عضامو الي ترخاو وتوگض وخرج كينشف …لبس تيشرت وشورط وخلا شعرو مخربق …حط تيليفون عند راسو يتشارجا وتكا يغمض عينيه شوي بينما صونات الغيفيي …حس بحلقو نشف طل على

الما مالقاهش حداه وناض بزربة خشا رجليه فكلاكيط صبع وخرج من البيت كيتفوه ويحك فكرشو …تا نزل فداك ضلام مع طفاو ضواو كلهم يلاه يرتاحو مخليين تريتور جمع داكشي وداه دغيا …مشا لكوزينة بلا ميشوف ولا يشعل ضو ….حتى حل ثلاجة وهو يحس بتخرشيش طار بزربة شعل ضو لقاها واقفة شادة كرشها من تحت …

ياسين”رفع حاجبو ” : كاين شي مشكيل ؟

نوار”حركات راسها ب لا ” …

ياسين “ضار هز القرعة وتم غادي تا بدات تنين وهو يرجع شاف فيها” : ضاراك شي حاجة ؟

نوار”بنفي ” : لا لا …

ياسين”حرك راسو ومشا خرج من الكوزينة مخليها كتلوا شدات كاس دارت فيه الما وشربات فنيد ديال ليغيگل ومشات حدا نجود زادت غطاتها وتكمشات كتلوى تا عطا الدوا مفعول “

نوار : اننن …

نجود : غير صبري بنتي …

نوار : صافي بدا كيتهدن …فففف “تفكرات فاش كان كيماصي ليها ويبقى معاها تا يحبس عليها الوجع ويغطيها …نزلات دمعة من عينيها كتجرييييي” هاني بديت كنعس ميمة …

نجود”باستها فحنكها” : نعسي بنتي الله يشافي …ياك ما ضارك البرد ؟

نوار : تت لا راني لبست كولون سخون وشوية غير رتاحي انا مزيانة …

نجود : واخا بنتي واخا …

#يتبع….ح من وحمها شوي ومن هضرة ايساف ” …

#يتبع….لي “ضار دورة ” : هااادي ساعة من ساعات الله …

#يتبع… ولا نشعل انا …

#يتبع….تحشا حتى ترشا.…

#تصبحن_على_خير….بالحشمة ” …

يامنة : انننن ….

#يتبع… هههههه هههههه…

#يتبع….ل فمو خناينو ودموعو دايزين …

#يتبع… ماتوريني فيهم شر تاني ياربي …

#تصبحن_على_خيييير……د اللحضة ” اذن ضراتك شي حاجة …

#يتبع….نخليك تنفاجر..”حدر راسو ومشا تاهو ” …

#يتبع…ههه اههه تبارك الله تبارك الله …

#يتبع… واقيلة …ياسين : اخر الضيوف مسك يعطر…

#تصبحن_على_خييييير… بايدو ” : فزينة وتاع قلبي …شي منقضيوه …

#يتبع…و ومشا صاعر خرج برا لبرااا يكمي ” …

#يتبع…ع العساس مضارب مع شي حد ..

#يتبع… الله …

#تصبحن_على_خييييير…. يعطي لديلمكم شوهة نتوما بجوج …

#يتبع…ي ليا خطبة الجمعة “طل عالشيشة ” شوف غا نتا …

#يتبع…ايا غا تنسمع بيها …تا غا ضحكنا …

#يتبع…ه سلامة… عندي شن طن فقاموسي…

#تصبحن_على_خير….ت راسها على راس ختها ” : عااارفة ..

#يتبع…م …

يوسف : شكون خوا الما سخون فالقادووووس …

#يتبع…حاجتك حاجتي ا يوسف راك عمي وهمك همي…

#تصبحن_على_خير…. ..(زعما الشركة ديالهم كاملين ) جلس …

#يتبع…

Leave a comment