Skip links

قصة نور الياسين ج3

 29,464 عدد مشاهداات

🦋🐺نور_الياسين (21)sana mina🐺

🦋

الاسكا يااا الاسكا البلاد الي متواجدين فيها احد جبال القمم السبعة وفيها شعب الاسكيمو …ولاية من احد ولايات المتحدة الامريكية …من الي تلاقا بيه كان فرحلة جبلية وغييير وحدو مامعاه حد …العاشق للخطر بدون ونيس وفينما كان بقلب بارد …المهم يجرب ويشوف والي قالها ليه راسو هي الي تكون …وخا طيحك ضرورة ورياح كيف كيقول يوسف تشدك كريز يدير مقاليه مخو …

نتي تخططي هنا وهو راه خطط وسااالا اش فراسو مكيعرفووووش شنو تحت راسو …وغاااا الزين راه خداه هو الحروشية والقصوحية تاع بصح خذاها هو …الصلابة الصنديد الوحش الخشونة الرجولة عطاها ليه سيدي ربي …ومزااال العاطي يعطي …الهيبة صنعها لراسو ….وعطا لراسو بلاصة الي يهابها الجميع …

برد الاسكا والكز ديالو و الجليد مدا فيه والو غااا يوسف الي فمو ولا زرق وهو يفيبري …واقف حدا المروحية بشي شوي …حتى بان ليه ووصل عليه….

جاااي الزين الي تولد فضروف فيها احداث وقعو وصبر فكرش مو حيث باغي دنيا وشاد ضد حتى فكرش مو …باه مكانش باغيه وهو تحدا باه وصمد بلا ميحسو بيه حتى لقات راسها حاملة بيه …كبر فكرش مو والضروف كانت صعيبة وياما وقع ووقع وبقا شاد فيها …الولد العكسي القاصح من صغر الشرس …الي لقبو باه ب فحم العينين حيث لون عينيه كحلين ….

رغم انه عزيز عليه الاستقلالية الا ان يامنة من اولياوياته وخا يدير الي دار …هي عينيه لكن مع الاسف الشبه مخرجش ليها وانما الشبه لباه وبزاف …الحجبان كحلين والعينين عينين فحال النسر حاادين النضرات …التگضرة تگضيرة باه وطول ….والوقفة رجولية شامخة …الشعر كحل والعينين كحلين ….

يوسف : بلييييمييييين منساك اولد خويا فهاد الدكة ديالك “قرب ليه ياسين بلا ميدير ردة فعل جاي ويكدد في فمو عاقد غوباشتو …حتى قرب ليه شد من عندو التيرموس وسلم عليه بالكتاف …وشرب منها شوي ومدها ليه …” بحرا نزلتي اخوييي من تم فداك البارة ديال الثلج (جبل الثلج ردو بارة ههههه )

ياسين “بعد طول انتظار والغموووض في غيابو والضهور ديالو هاحنا غانعرفو صوته كي داير وحركاتو كي دايرين …وشخصيته …حيد صاك تا حيدو وحط الماترييل تما وحيد جاكيط الي لابس وكان تحت منها تيشرت لااااصق عليه كتافو عراض ومع كترة الرياضة والتسلق …

حيد تيشرت بان داك الصدر الصحيح الي يدوخ ويدوخ وديك الكسدة الي ورثها وطولة الي اكتاسبها …زينو زين ويحنت عشرين …وقال لباه فؤاد معندك عليا لين … بقا عريان فداك السم تا كنزز يوسف وتكمش ههههه …

يوسف : اهيااا ناري معندكش سلوكة اخويي باش كتحس …ووشام هذا درتي …

ياسين “مشافش فيه حيد تيشرت وبان الوشام الي دار جديد فكتفو …نطق بصوت غلييييض خشن يزعزع…” : بغيتي لراسك تكرفيصة نتا …

يوسف : سر مي جاي نطل على ولد خويا …

ياسين”حك نيفو وكمش عينيه ” : جبتي معاك الوراق نشوفهم …

يوسف “حل فمو بالصدمة تا نشف ليه مخو كيقول فنفسو اناااري كي دار تا عرف ” : هااا شنو …

ياسين : مكرفص تال هنا… تسناني فالدار لهيه عندي تانجي …”حك شفايفو بسنانو نفس حركة باه فؤاد …”… هادشي الي مولف كدير …تكرفصتي تال هنا اذن جايب شي وراق …”هز صاكو وتم غادي تا فاتو ومشا جيهة المروحية …ووقف واحد شوي ونطق بلا ميضور عندو …” شنو ياكما جاي نسني نتزوج ببنتك بلا منعرف تانا؟ ؟ …

وزاد خلا يوسف تيقلب على شفارو باش يرمش…وهو جايب ليه اصلا غي وراق الخدمة ماجايب تاحاجة من غيرها …وكيدار تا عرف واش جايب شي وراق الله واعلم هادي الي خلا يوسف مشوكي …يلاه طرطق نتا اسي ههههه …

هاا فحم العينين بان ….هههههه

#تصبحن_على_خير_نلتقي_🦋🐺نور_الياسين (22)sana mina🐺

🦋

اييييه حتى الناس المزيانة تاهما عندهم مشاكل الي تحرق ما تكمل …وحتى الدرويش ربي كيسلط عليه المصائب …هادي هي دنيا وهادي عقايبها حنا فامتحان حاطو لينا الله سبحانه وتعالى وحنا واش جمعنا من معاصي ومساوئ وذنوب …من محاسن وحسنات ….ربي مكيعطيك الحاجة حتى كتكون فيها حكمة …يامنة من الناس دراوش حنينة بزاف مكتآدي حد ماكتمشكل مع حد

الحنان والبراءة والحشمة فحال عيالات زمان محتارمة راجلها وكتعشقو وكبرات على ايديه ….ولدات ثلاثة العزارى الزين ما شاء الله واحد ينسيك فلاخور …ولكن ربي كيكتب ما يشاء وشاءت الاقدار ولدها الكبير طبعو غامض والوسطاني حنين والصغير طايش فايتو لهيه …

مكانتش متوقعة ان فلذة كبدها صغيرة اخر العنقود والمصرانة ممكن يكون مبلي بل بلية اصعب ؟؟ ….جاااب الله هي الي هابطة فدروج من بعد ما هذنات فؤاد بززز وبطريقتها وحنيتها وكلامها قدر يلين ليها …لكن وقع الي مايبغيه لا عدو ولا صديق …سمعات الي مابغات على ولدها الي مزال عاد غايبدا فدنيا …

مع سمعو الخبطة ضارو بجوج …

محمد الحبيب ” خرج عينيه زرقين بصدمة ” : الوليدة !!!!

مشعرش براسو حتى نقز دوك الكراسا شي لاحو شي نقزو معقلش حتى على مينة الي غوتت …لقاها طاحت قدوك الدرجات …

مينة : خااالتيييي …اويلي …

محمد الحبيب “هزها بين دراعو ” : ميمتي …

مينة “قربات حداها ” : ناااري تكون سمعاتنا …

تعطلو عليهم ودخلو كل من نوار و اشرف الي بقاو يتسناو حتى قشعو محمد الحبيب شاد يامنة وتالفين هو ومينة …مشات نوار كتزرب متقدرش تجري وخا لابسة صباطها …من خوفها على يامنة …

نوار : خالتي يامنة مالها ؟؟؟ “بخوف “

اشرف : اويلي مالها …

محمد الحبيب “غوت حتى قفزو ” : طييييييييري جيبي شي ريحة ولا الما …ميمتي فيقي الله يخليك متخلعينيش …

مشات مينة كتجري جابت كاس دالما من فوق طابلة الفطور كتفيبري …

نوار : مالها ؟ خالتي يامنة …

عطاتو كاس الما رش عليها شوي بالدعقة مسكين ايدو كترعد …

مينة : غي تهدن دابا تفيق …

نوار “تحنات عندها خدات ليها ايدها وسط ايدياتها ” : خالتو يامنة فيقي …مالكي …م مالكي …

مينة “شافت فمحمد بقلق من مفاقتش ” : عيط لعمو فؤاد نديوها …

محمد الحبيب”وجهو وو نيه تزنگو وعينيه مرمشوش فمو نمل ” : م معرفتش ماااعرفتش ميميييمتي فيقي …فيقي راه مكاين والو “وجهو وملامح ديالو مبقاوش كيتفسرو …” راه والله ميستاهل …”صوتو بح بالخلعة …

واحد شوي حتى تم نازل فؤاد جاي مبدل وهابط باش يخرج حتى كيتصادف معاهم …غييي بانت ليه يامنة طايحة بين ايدين ولدها …عينيه خرجو …

فؤاد : شنو واقع ؟ يامنة ؟؟؟ “طار تاهو بزربة هبط فدروج كيجري حتى تحنى لعندها …” يامنة …مالك …يامنة ياااااامنة …

شاف فيهم وغوت بحر جهدو …مااااااااااااالهاااا …”حتى تكمشات نوار فختها و اشرف قرب يبول فسروالو محيلتو لخلعة يامنة ماحيلتو لغوتة فؤاد وعااارفو لا شربن “

محمد الحبيب عينيه غرغرو مجاوباتهمش …

مينة : اهى اهى نديوها لسبيطار اعمي ….

فؤاد “يلاه بغا يهزها بين ايديه حتى بدات تحرك وشفارها كيرمشو شوي شدات ليه فدراعو وكمشااات مكزززة على عينيها باش تفيق ” …غزالي …يامنة مالك …

محمد الحبيب “جلس لارض وحط راسو على لحديد الي فدروج تنفس الصعداء “: اففففف

يامنة : م فؤاااد

فؤاد “حط ايدو على حنكها كيدوز عليه بحنية قلبو بغا يسكت ” : مالكي اش وقع ليك. ؟ نديوك لسبيطار …

يامنة : لا لا مكاين لاش …”بغات تنوض ” …انا ناكل ونتوگض غير متعشيتش البارح وتقلقت هادشي علاش

محمد الحبيب ومينة شافو فبعضياتهم …

فؤاد : قلت ليك شحال من مرة متهزي الهم ..صحتك اغزالي الى تقاست هي همي ..

يامنة “ضحكات ” : هههه “حطت راسها على كتفو “

محمد الحبيب “قرب ليها وباس ليها راسها وايديها ” : شوية ميمتي

يامنة “طبطبات ليه على ايدو ” : شوية اولدي غير ناكل ونولي مزيان “ضمصاتها دغيا ” نوض نفطر ونولي مزيان …”شافت فنوار ومينة و اشرف مخلوعين ” …ولدي بنياتي حنينة نوار متخلعيش انا مزيانة …سيرو لقرايتكم ابنتي مكاين والو …

نوار “قربات ليها وباستها فحناكها “: بصح ؟ “شافت ف فؤاد ” عمي منديوهاش تعبر ضغط ؟

فؤاد “باس نوار فراسها ” : عندها باش تعبرو ابنتي غا سيري متعطليش …”شاف فمحمد الحبيب ” ديهم دغيا ..

سلمو عليهم واطمانو عليها ومشاو خرجو …

محمد الحبيب “شاف ف مينة وعوج راسو يمين شمال بمعنى ممتاكدش واش سمعات او لا المهم مبدئيا مزيان الامور يعني معرفش فؤاد وحتى ولو عرفت يعني انها ضمصات🦋🐺نور_الياسين (23)sana mina🐺

🦋

ركبو كلهم وطار بيهم باقصى سرعة اول حاجة وصل القراب تما لقرايتهم وهي نوار و اشرف….غير هبطها لقات عاد داخلين السطاجيير (الي كيقراو فليسطا بالشعب الي فيها تما ….تلاقات وصال صاحبتها كتقرا معاها فنفس المجموعة …)

وصال : حبيبة ديالي

نوار : صباح الخير “مدات ليها صاك تا لبسات بلوزتها وعاونتها ” …

وصال : صافا صافا …هي ليوم خمسة سوايع مجبدة …

نوار : ووي …زوينة الحصة مجبدة حسن من متفرقة …مرة وحدة ونرجع فحالي ..

وصال : نتي زعما متنويش تخرجي طلعي لفاس هاد نص نهار …تخرجي ضوري تفوجي اوه خاص الى مخرجتي مع مينة اختك ولا زرگ الكمارة تاع اشرف ….

نوار : ايييوى هكا تربينا اصلا معنديش مع الخروج مع شي كليكة فيهم صداع …

وصال : مكترضايش فاش فاش كيعيطو ليك ؟ راه غير كيطنزو …

نوار “جمعات فمها وغوبشات فيها ” : مرة جايا غانجيب الي يتفاهم معاهم وخصوصا عادل …راهم كبار زعما …

وصال : هههه لا لا هذاك البرهوش راه كيقرا ميكانيك عندو غا تمنذاش لعام من دوك ولاد دوار باغي غير يشد فيك باش ضوري فيه ويتصاحب معاك …باغي الفرصة فين يتصاحب مع بنت رمسييييييس …

نوار : …افففف امتا ندخلو عييت بالوقفة قدام الكلاس …

وصال : دابا يجي راك عارفاه كيتعطل …اجي متجيش عندي ليوم نراجعو ثاني ولا نخرجو ولا نمشي عندكم لدار ؟

نوار “هزت كتافها ” : ماعرفتش يقدر نراجع غي بوحدي مكاينش بابا وغاتجي ماما يومين مشفناها حيث عندها پيرمانونص ( مناوبة ) الى مفهمتيش هضري معايا اپيل فيديو ونفهمك ولا خرجي الى كاين شي غلط نصححوه بجوج …

وصال : اوووكاي …وخا بغيت نشوف دوك الباگص ديال ولاد عمك وعمتك …

نوار : معندك ماااتشوفي فيهم مكيكونوش نهار كلو من كيجيو كنكون ناعسة كنشوف محمد الحبيب غي فالصباح الى كايوصلني هو ولا بابا ولا عمو صهيب …ايساف كيجيو من الويكاند لويكاند كنتجمعو ولا كنمشي عندهم انا ومينة …بقا اسامة هذاك كيقرا في فاس الاغلبية الى كانت القراية ….

وصال : لااا اخطي اسامة صغر مني بعامين انا مانشوف شاااي فالي يشوفني ميمة …”حنحنات ” احم بغيت نسولك …وااحد الولد الكبييير عندكم كنسمع غي

هنا فازرو والوليدة هضرو عليه هو الكبير عندكم ..اسمو ياسين …

نوار “قلبها زدح “: احم اا اه مالو ؟

وصال : بصح كبر مع جدو فالعروبية ؟

نوار : وي عندو فيرما هو وجدو تما

وصال : ودابا باقي تما ؟

نوار : لا ف ف احم امريكا …

وصال : عطيني انسطا ديالو ندخل نشوفو كيف داير …قالت لينا مي بالي واعر مجهد عاودات ليها غي خالتي فاطنة الي عندكم فالدار …

نوار : مكيقبلش فالانسطا دايرو خاص وتصاورو كيصور غير نص وغيي جوج تصاور عندو تا سطوريات مكيلوحهمش ….مرة فالعام كيتكونيكطا فيه …

وصال : وغاا عطيني نشوف غا نص …

نوار”بان ليها الاستاذ جاي ودخلات ” : يلاه ندخلو راه استاذ جا …معندك ماديري بانسطاغرام ديالو …

وصال : اهيا ناري نسقيو غا عينينا

ايييه. اوصال دخلي عندو الانسطا لا شاف ليك تا فداك انسطا غااا حلمي …

في هاد اللحضة الي دخلو فيها القسم باش يحضرو لحصة ديالهم …ف دولة اخرى او نقولو ولاية من ولايات امريكا …ولاية الاسكا بالضبط قرب المكان الي لحق عليه فيه …من بعد ما قاليه هاد جوج كلمات خلاه غير يرمش تشوكا تا حل فمو …بقا شحال قبل ميقلب ملامح ديالو لغضب …

يوسف : ايييييه حدك تما لهلا يحييك تا تشيط عليا بنتي ونزوجها ليك بهاد طريقة بنتي غا شايطة لا ليك لا لغيرك 😡عيط#تتمة_البارت_23

غااا نطقها يوسف …عقد لاخور حجبانو تاتلاقاو وطلق نضراته الغاضبة وضار ببطئ وغي نص وجهو

يوسف : كوون كانو العينين يطلقو القرطاس كون رديتيني غربال …امالنا فهاد شوفة ياك لباس ؟

ياسين “نعل شيطان حيث عمو هز راسو لسما وسنانو مكززين على بعضياتهم كيبان شفايفو بويض حتى حلهم وعض فيهم بسنانو عاد ضار ونطق بكلام ما قل ودل ” : تحرك نمشيو …

يوسف : مزيان زيد تالهيه ونهضرو مزيان ونشوفو الوراق كيدرتي تا عرفتيهم …

مشا ياسين سبق طلع المروحية وخلا يوسف كيهضر غا وحدو ههههههههه

يوسف : وشوووف ليك هذا خلاني نبغم غا وحدي …اداااك فحم الفعايل اجي لهنا …

#ي🦋🐺نور_الياسين (24)sana mina🐺

🦋

دااز النهار طبعا الي خدام راه قرب يسالي والي كيقرا راه بغا يخرج وفيهم الي خرج …وصلات العشية من بعد ما بقا معاها هذاك النهار تا ولات لباس وجات صاحبتها تبقى معاها …

ايساف : حبيبتي انا غادي نمشي “شاف فساعتو ” بففف محسيتش بالوقت نتي دابا مزيانة هاد صاحبتك معاك …غانمشي لدار ومن بعد غانمشي لدار جدي

ريم : شكرا بزاف ببب

ايساف : شكرا زيديها فيك الهبيلة راكي ديالي “باس ليها جبهتها ” تيسر الامور ونتجمعو فدار وحدة ازين ديالي

ريم “حشمات” : ههه ان شاء الله …

ايساف : بقاي تحشمي تتتجي ونطيروها حنا كاع ابشوي بشوي ههه “باسها فحنكها” يلاه نمشي ندوش ونطلع عندهم جاي خالي وميمة “نجود “

ريم : سلم عليهم …

ايساف “ناض لبس جاكيط وهز كونطاكت وتيليفون الي كان تيصوني ليه ” : اووك مبلغ …خرج من عندها غي دخل لطوموبيل ديمارا وفطريقو عاود عيط ليه …

ايساف : واااااحد سلاام ابا محمد الحبيب حق الله ونبي رسول الله حتى تسمعني نعاود ليك ونشكي ليك …وتعرف علاش طفيت تيليفون …

محمد الحبيب : خلي شكواك من بعد عااارفك فين غطستي …ماااعلينا سمع”عاود ليه شنو وقع صباح”

ايساف : وااايلي ؟؟ وزعما تكون سمعات ؟

محمد الحبيب : ماعرفتش باش مكان هي راه الى سمعات غاتقولها ليا

ايساف : ممكن تكون مبغاتش تبين لخالي (فؤاد ) راك عارفو يا يقتلو يا يقتل راسو …

محمد الحبيب “حك شعرو وجبهتو ووجهو بتعب جالس فالجردة مقابل مع البيبان بجوج يا دار يا جردة لا يجي شي حد يسمعو تاني هههه ” : فففف عيييت ا ايساف جهدي قاديتو مع الحمار …

ايساف : جبتيه لدار ؟

محمد الحبيب : جااا قبيييلة ومدواااش معاه الوليد مقربش ليه ساااكت

ايساف : ههههه ساكت ههه ابلاتي غا خاف على خالتي الفجيلة …مهم انا نمشي دار نبدل حوايجي ونجي عندكم جات الوليدة تما والوليد ؟

محمد الحبيب : كاينين عمي ايلاف مع الوليذ فالمكتب سادين عليهم كيف العادة …

قطع معاه الاتصال ومشا كسيرا باش يلحق يبدل ويمشي عندهم …جات مينة خارجة هي ويسرى كيهضرو ويضحكو ومعاهم يامنة الي وجهها حزيين …جلسو حداه فطابلة كانت العشية قريب المغرب …

يامنة : مزال مهضرش صهيب ؟

محمد الحبيب : هضر جايين شي نص ساعة ويكونو هنا …”قوس فيها عينيه ” شوية اليوم ؟

يامنة “حدرات راسها ودغيااا طلقات دموعها ” : اهى اهى …

يسرى : اعوذ بالله من شيطان رجيم …مالكي ؟

محمد الحبيب “ناض وتحنى على ركابيه مقابل معاها عند رجليها ” : حبيبتي مالك ؟ واش ضراك شي حاجة …

يامنة : اهى اهى …ضرتني كبدتي الي ضرتني …اهى اهى س سمعتكم نتا ومينة صباح …

محمد الحبيب “كمش وجهو دار كف ايدو على فمو وضار هز فيها عينيه ” : اش سمعتي …

يامنة “بدات تلعب فصباعها ” : انا عااارفة ولدي ماشي ديال هادشي وحتى الى تبلا غيير ربي كتب ليه رفقة سيئة فطريقو …ولدي غايقرا ويوصل كيف وصلتي نتا وخوك الكبير …عارفة ولدي ماشي ديال هادشي اهى اهى …”حطت ايديها على حناكو ” انا غااا درويشة اولدي وباغية وليداتي حدايا …هضر مع خووك ونصحو وتاكد واش مكيديرش هذاكشي الله يرضي عليك

اهى اهى ماا قادا على جوج يضيعو مني باك الى عرف غايمشي فيها واحد فيهم يموت الله يخليك اولدي شوف كي دير …

محمد الحبيب : الي فجهدي كنديرو اميمتي انا معاه وغانبقا معاه تايفيق على راسو وداكشي مكنضنش كيديرو …غي تهناي ومسحي دموعك احنينة ديالي “هي علمتهم هاد كلمة حنينة ديالي كيحسو بالاطمئنان ” …

يسرى : مسحي دموعك لا يجي فؤااد ولا شي حد

يامنة “مسحات دموعها ” : وااخا انا ثايقة فيك …خوك مهضرش معاك ؟

محمد الحبيب : ياسين ؟ لا مهضرش معايا …راه معاه العميم دابا يجيبو ليك تال عندك …

يامنة : الى جا هو مانعرف واش نخاف على خوك ولا نخاف على باك …

محمد : الى جا غادي يتركن اسامة ويحسب حسابو ويجلس ليه لارض نيييت ..

يامنة : ههههه الى جا لهنا فحال نتا معارفوش فين كيجي …

يسرى : الفيرما هي الفيرما المهم يجي ويقرب ليك كثر من لهيه …نتي عارفة طبعو قاصح بزاف ومجهد والى قلتي ليه شي حاجة كيدير ضدها اللهم شوي بشوي معاه وتسايسي راه غير على نقشة …

محمد الحبيب : هاا هي عطاتك المفيد …غادي يعيط وهضري عااادي معاه ومافيها باس طلقي ليك شوية تبوحيط راك عارفاه الى عرفك مقلقة ومريضة غايجي وخا غير نهار …

يامنة : الى عرفني كنتبوحط غايشد ضد …

محمد الحبيب : نتي مكدبتيش عليه راك فعلا مريضك ومهمومة شكي عليه وزيدي فيخرات وعمي راه عندو انا عارفو شنو غايوصل ليه ونتراهنو باش مبغيتي ….

يامنة : خايفة راه على نقشة هو …

مينة : اويلي نتي مو وخايفة هههههه

جات نوار لابسة تريكو فالصفر باارد وكولون وبانطوفة على شكل صبيبيط …جايا وتعرج حتى وقفات عليهم …

نوار : هاني جييييت …شكوون غايجي ؟

محمد الحبيب : كنبلانيو ونخططو باش يجي الشاف الكبير ياسين …

نوار”الساكتة الي مجات لحد جاتها …مشات تتزرب وجلسات فواحد كرسي تركنت كتشوف غا بعويناتها ونط🦋🐺نور_الياسين (25)sana mina🐺

🦋

وهما في خضم المناقشة وتخطيط والهضرة الي غايمشيو بيها فاش تهضر مع ياسين …دخلات سيارة كاتكات بيضاء من باب الفيلا …وبلاصات …حتى خرجو منها كل من نجود الي شادة ف ايد سارة مرات صهيب بجلالبهم ومعاهم مروان ولد صهيب صغير وحداهم نجوى تاهي بجلابتها وزيفها على راسها وحداهااا سييي اليااااس نعماس ضارب ليك حطة بلدية مندااكشي …جلابة سوسدي فالخزي وتحت منها جبادور بيض وصباط موكاسان فلون سوسدي …لحيتو كثيفة مخططة غييي بشوييي الشيب وشعرو ناقص منو تاهو فيه شعيرات شيب وخا باقي صغير …

الياس “هو هو ” : وااااافييييين العشرة …

محمد الحبيب ضار وقف ومشا لعندو كيزرب هو ومينة ويسرى ويامنة الي مسحات دموعها وتقادت سدات بينوارها وقادت شالها ولحقات عليهم …سلمو على نجود باسو ايديها والبقية

محمد الحبيب “تسالم معاه بالكتاف حتى خبطو الياس تا ريتو بغات تخرج …” احم احكحكح الله يا العميم الله مالك …

الياس : نخبط مك منخلي الي يخبطك …”شاف فيامنة ” الفجيييييلة لباس ؟

يامنة : هههه الحمد لله …

الياس : كلشي هاني فين خويا الحاج فؤاد ..

يامنة : مع ايلاف غير يكملو ويجيو عندكم …

الياس : هممم …

نجود : فين ابنيتي نوار الصغيرة و اشرف توحشتهم …

يسرى : نوار را هي جايا عندكم …اشرف كيعوم …

الياس “بانت ليه نوار جايا وتعرج بزربة كحزهم وشرع دراعو ” : يااااااا تعالي يا زبيدة رومية ياااا تعالي يااا حشيشة عمها …

غي قربت ليه وهي تجري تلاحت عليه تا هزها عندو تخششات فيه تعنق وتبوس …

نوار : العميييييييييم ههههههه توحشتك توحشتك توحشتك توحشت نخرجو انا وياك راس فالراس …

الياس : هانا جيت الزبدة رومية …نرتاح ونرجعو لخريجات ديالنا نخليو مينة ممسالياش كتشوف مستقبلها وتعالي نخربقو مستقبلك ابنتي دنيا هاااانية …

مينة : يااااك العميم ههههههه

صهيب : تا فين داك اشرف …

يسرى : اقلت ليكم كيعوم قاليك بغا يستقبلكم نقي ههههههه

الياس : كيعوم عنداك يطير الجلدة راه غا هي هي معندوكي يدير يبياض الى مغطس راسو فجافيل مثلا ؟

مااا حنتهم كاااع شوي حتى سمعو صوتو جاي ويغني غااا شافهم وهو يلبد وعينيه خرجو منهم القلوبة …

اشرف : وااااالحباااايب جاااو …المييييمة “نجود كبراتو …مشا يجري لابس تيشرت وشورط وكلاكيط عنقها تا ما قد وسلم عليهم كاملين ” …ليكم وحشة حق الله …

الياس : فين كنتي غاطس ؟

اشرف : مشيت غااا نعوم ونحك واحد الحكة ما شهيتك …بغيت نستقبلكم نقي وتشمو فيا ريحة🐺🦋#تتمة_البارت_25_نور_الياسين_sanamina🦋🐺

في ولاية بوسطن مدينة الجامعات والكليات …حطو الرحال من بعد رحلة سفر على متن المروحية ثم مطار الاسكا الدولي ثم مطار لوجان ب بوسطن …كيف وصلو خرجو من مطار …

يوسف : فين طموبيلتك …

ياسين “مجاوبوش جبد كونطاكت من جيبو وبرك عالبوطونة موجه صبعو ناحية طوموبيل باش يشوفها نيت فين هههه “

يوسف : ايييه …هاديك …

حل الكوفر حط فيه الصاك ديال يوسف وصاكو ديال تريپ …وحل ليه الباب القدامي تا دخل وضار هو جيهة القيادة …مدة زمنية حتى كانو قدام باب الدار ديالو فين ساكن….

يوسف “قشع وردة حمرة قدام الباب ” : اوووو الورد وبلعماااان نعماس …

ياسين “شاف فيه بلور ديال عينيه ورجع جبد ساروت دار وداز عالوردة عسف عليها ودخل مخنزر ” : دخل …

يوسف “دخل وراه بان ليه فوطوي ومشا تلاح فيه جلس متكي راسو ” : الله على راحة …بغيت ندوش ..

ياسين “حيد تيشرت بقا عريان من لفوق وحط سبرديلتو حدا الباب وتقاشر لاحهم فسلة الوسخ بقا غير بسروال سورفيت وفوقي عريان…دار ايديه على نصو خرج صدرو وهز راسو طرطق عنقو ….وضور راسو جيهة باب دوش ” : راه هو تما …

يوسف “ناض بالوقفية هز صاكو وشاف فيه ” : نخرج وناكلو شي حاجة ونهضرو انا جايك على خدمة ا سعادة مدير البنك الى بغيييتي اشريف …وهضر مع ميمتك كتسول عليك ..

ياسين” حك لحيتو …مخلي مسطاج طويل شوي …شاف فسقف ورجع كيحك فرقبتو ” : نسالي ونهضر معاها …

يوسف “تم غادي وكيهضر ” : هضر معاها دابا حسن راها مريضة وبزاف …وغا كتبكي …دير بحساب يومين باش تجي معايا

يوسف عرف الوقيتة وامتا يقولها ليه حيث عارفو وخا قاصح قلبو حجر تقيسو فعينو ماتقيسو فميمتو وتكون مريضة يرطاب شوي …ضور راسو فيه تا مشا دخل لدوش وضار هو مشا هز الفون ديالو ودوز رقمها …وخا عارف فارق توقيت بيناتهم مهناش ونسا راسو …

يامنة “حتى جاوباتو مخلوعة مع كانت ناعسة وصوتها عيان” : يااسييين !!

ياسين “حس بيها عيانة نطق وخا صوته غليض حاول يرققو ” : توحشاتني الحنانة ديالي ؟…

#ت🦋🐺نور_الياسين (26)sana mina🐺

🦋

الام كتبقى ام ومرفوع عليه القلم فيما يخص القلق على فلذات اكبادها وخاصة الغايبين كيزيد قلقها وهمها عليهم وخا يديرو الولاد …ايييه يا يامنة بنت خمسطاش العام بنت الدوار الي تزوجات فسن صغيرة جدا هاهي ام ومريض خاطرها على جوج فلذات واحد مبلي ومزالو فالدنيا عاد قال بسم الله …والثاني الكبير مول العقل الي طبعو صعب وقصح من الحجر وغامض كثر من الفحم ….الي غااب فديار المهجر ….من بعد اكثر من اسبوع ماهضر هاهي سمعات صوته وقلبها رفرف بالفرحة وفوج نوعا مااا ….

جاوباتو مخلوعة مع كانت ناعسة وصوتها عيان” : يااسييين !!

ياسين “حس بيها عيانة نطق وخا صوته غليض حاول يرققو ” : توحشاتني الحنانة ديالي ؟…

يامنة “ابتاسمات حتى بانو ضروصها كانت فالبيت ناعسة وحداها فؤاد تاهو ناعس غي صونا تيليفون فاق وعرفها معامن كتهضر ” : ياااسييين ولدي حبيبي الغالي …وشحااال توحشت صوتك اكبيدتي …

ياسين : كثر منك الحنانة …

يامنة : كيف داير صحتك اولدي واكل شارب ياكما عيان وغبرتي ؟ غييي قول والله منتقلق المهيم سمعت صوتك …

ياسين “دار صباعو بزوج فعينه حكهم وكمشهم مزيان ورجع هضر ” : لا لا مزياان كنت مسافر بلاصة مافيهاش الريزو …

يامنة : ثاااني لداك الخطر ؟ واش بغيتي نبقا مشطونة هانت رجعتي مزيان ايه والمرة لاخرا ؟ شكون يضمن ليا مغاطيحش من شي جبل ولا تزلق بيك شي حجرة ؟ …تال امتا غاتبعد على الخطورة فينما كانت هااا ؟

ياسين : الحنانة …مكاين لاش هاد الهضرة …

يامنة “تفكرات كلام يسرى الي قالو ليها سايسي معاه باش ميشدش الضد ” : ااا ولدي غيي كنخاف عليك وصافي راني غي ميمتك …

ياسين : ميمتي ورضايا غييي تهناي …مزيانة صحتك ؟

يامنة : مني سمعت صوتك نقول الحمد لله وصافي …

ياسين : الوليد ؟

يامنة : عيان شوية اولدي “ضور فؤاد وجهو ورفع حاجبو فيها صدماتو هههههه “

ياسين : مكاين باس ؟

يامنة : بلاتي اولدي نخرج باش منبرزطش باك “ضارت عند فؤاد وغمزاتو بالي بغات تخرج وناضت من حداه خرجات من البيت لوات عليها بينوارها وشال مهم فوق راسها ومشات لمكتب ديال مينة ” راك عارف العيا ومدهي الخدمة هنا ولهيه كيسافر بزاف …وهم خوك الصغير …

ياسين “رفع حاجبو ” : مالو ؟؟؟

يامنة “تنهدات هي كطبق شنو قالو ليها ولكن تنهيدة فعلا خرجات ليها من القلب ” : اااا ولدي خوك “عاودات ليه الا الشك فديك البلية …

ياسين “حك جبهتو ” : ماعليش ماعليش دابا يتقاد دااااابااا يتقاد …

يامنة : مناويش تجي ؟ توحشتك اولدي …

ياسين : غانجي غانجي قريييب غير تهناي ..

يامنة : ههههه بصح وناوي طول ؟ …

ياسين : على حسب الضروف والخاطر والمكاتيب ا🦋🐺نور_الياسين (27)sana mina🐺

🦋

سالا المكالمة معاها حط الفون وضار جيهة بيتو دخل حيد سروالو لاحو فسلة الوسخ (حشاكم) ومشا لثلاجة جبد منها قرعة باااردة تكا عليها كلها تا خواها …ولاحها فزبل حيث كيشري ماء معدني هو الي كيشرب (فحالي هههه ) …واحد ساعة لاروب هكاك حتى تم خارج يوسف لابس بينوار ديال الحمام وهاز لاتخوس ديالو …لقاه واقف قدام المراية شاد طوندوز كينقص شوي من لحية …

يوسف : كاين شي ميتكال ؟

ياسين : موجود الخير …

يوسف : ايوى الحمد لله …

دخل يوسف يلبس حوايجو وياسين كمل تشذاب اللحية ودخل لدوش حيد تا داك البوكسر بقا عريان كلو طلق رشاشة الي كانت باقا دافية ودخل يدوش تحت منها …

داز الوقت وخرج لاوي عليه فوطة وشعرو مخربق بالما عينيه حمرين بسخونية دوش …لحمو باقي يقدر بالما ومع سمورية الي فيه وداك الوشام وداك صدر واااكواااك …دخل بيتو نشف حالتو حتى لبس بوكسر وشورط …عاد مشا لمجر جبد منو كريم خاص برجلين

مع الرياضة الجبلية والسم والكز ديال ثلج والحجر ودرديف كيشققو رجلين عندو كريم خاصة ذهنها ليهم ولبس تقاشر بويض عاد رش ديودرنت كيتسنى حتى يبرد عاد كيرشهم باش ميخنزش اللحم عاد ليس تيشرت وخشا رجلو فكلاكيط بان ليه شارجور هزو وخرج لقا ديليفري عاد وصل جايبين اكل جاهز …شد من عندهم وخلصهم ودخلو لقا يوسف فالكوزينة كيوجد فقهيوة كحلة …

يوسف : الحمد لله عندك قهوة كحلة معرفت كي طرا وجرا …

ياسين : حيث عرفتك جاي ايوسف جبتها ليك …

يوسف : لهلا يخطيك العميم “دابا ياسين ولفوه من صغر هو يعيط ليهم بسمياتهم ” ..

قاد داكشي فطابلة منضم وبملامح صارمة الجدية حاضرة فكل وقت …جلسو فطابل امونجي فالكوزينة الي كانت مجهزة ومساحتها مربعة صغيرة شوي وخا عصرية يعني دار ديال زوفري هذا المتوقع غايكون فيها …

سماو الله وبداو فالماكلة كان ياسين طلب اكل مغربي مئة بالمئة طاجين اللحم بالبرقوق من اقرب ريسطو مغربي قريب ليه تما …ومعاه ديسير غي ليوسف …حتى كملو

يوسف : الحمد لله الله يخلف …

ياسين “ناض هز الماكلة لاح داكشي فزبل ” : بصحتك …

مشا يوسف غسل ايديه فدوش وغسل سنانو …نفس شيء ياسين …ورجع لقاه كيوجد فاتاي ديالو الي كيعشق الدكة الصحراوية لكن بلا سكار …ويوسف قهوته الي وجد قبل كليكا عالبوطون ووجدان ليه اكسبريسو “وخرجو لصالون “

يوسف “جلسو فوق فوطوي حط الكاس ديال قهوة فوق طابلة من بعد ما شرف منو ” : ندخل فالموضوع …

ياسين : حسن …

يوسف : اه جبت معايا وراق ولكن ماشي الماضي غادي يتكرر باك ماشي هبيل باش يعاود نفس الفعلة …عارفو نيشان وعارفو مكيدخلش فيك لا نتا لا خوك محمد الحبيب فاش كتخرج من تحت جناحو الي خلاها هو …

يعني فاش كتفوت سن القانوني وكتولي قادر تهز مسؤليتك كيخرج سوقك وهادشي ولفو لينا الوليد الله يرحمو وولفو ليك ….

ياسين “هز باكية الگارو وخا مكيكميهش بزاف …شعلو حط رجلو فوق فخدو لاخور وجر نترة عاقد حجبانو كيسمع ليوسف “….

ماعلينا انا هادي شي سيمانة تقريبا باش جا عندي واحد سيد كيعرفنا وعارفك مزيااان قرب يخرج تقاعد شهر جاي …هو مدير اكبر بنك في فاس وعندهم حتى فرع كبير فمراكش…وبما انك دكتور ف الاقتصاد والتسيير بميزة مشرفة وخدمتي فاكبر شركات وساهمتي عن بعد فحل مشاكل شركات كانت على وشك الافلاس …وكسبتي خبرة كبيرة فهاد المجال وخااا كتمارس الرياضة ديالك قدرتي توصل مواصل مشرفة بخلاصة ملفك اي واحد يتمنى يوصلو …فاقتارحو انهم يعطيو منصب مدير احد اكبر البنوك لعناصر شابة

ونتا احسن واحد مرشح وعلاش منقولوش نتا الوحيد المشرح حيث لو جاو يرشحو مغايلقاوش شي حد كفئ كثر منك …

ياسين “يوسف كيهضر وهو كيكمي ويسمع فيه ويشرب فاتاي ديالو حتى كمل وطفا السجارة فطفاية حك فخدو بشوي ودار صباع ايدو على ناضرو وتكا ” : و فين كاينين هاد البنوك ؟

يوسف : واحد فمراكش والثاني في فاس اش قلتي ….

ياسين “بلا كترة الهضرة جوج كلمات سريبهم ” : تواحد فيهم …

يوسف “مكرهش يلوح راسو من سطح ستة المرات وميبردش” … : ا#تتمة 🦋🐺نور_الياسين (27)sana mina🐺

🦋

بقا يوسف غي كيشوف عااارف غايواجه هاد ردة الفعل تاع ياسين وخصوووصا انه عارفو عكسي تاااع بصح كانت متوقعها طبعا …ضور يوسف راسو تاااا نفخ …وعاد ضار لعندو …

يوسف : طبعا من حقك متوافقش طموحاتك اكبر …انا غييي عطيتك هاد العرض حيث كيتعتابر من اكبر العروض عندنا لهيه فالمغريب عرفتي مدير اكبر البنوك راااه اصحبي حسدتك كون كملت دكتورا والله منرفضو ولكن عندي شركتنا جميع علاش واقفين الخو …

ياسين : كمل …

يوسف : نتمنى هاد العرض تفكر فيه راه عندك الحق تاخذ كونجي وتسافر تمارس رياضتك المفضلة عندك اي حاجة بغيتيها غي هو هاد العرض غير باش تزيد تقوي فرصك وتزيد تعلى اكثر واكثر …الى بغيتي …غي بغيت ليك الخير راك ولدي ماشي حتى ولد خويا وسهمك من سهم بناتي وراسي عنداك تشك

ياسين : الله اودي حاشا …

يوسف : والاهم من هادشي انا غانهضر معاك من ناحية الضمير اياسين خلي عليك ضومين الخدمة …ياسين …مك وخوك الصغير محتاجينك وبزاااف …ميمتك دمعتها مانشفتش مشتاقة ليك بغاتك تقرب حداها فينما كنتي تجي تشوفك وتقطع شوقها ليك

“جبد ملف من صاك ولاحو ليه ” …انا عارفك فاش كتجي هاد العامين كتجي غي مرة تمشي تشوف مك وكطلع عند جدك ومن كتمشي فحالك ملي شديتي الباك ونتا هنا ولهيه شابع ضوران …عشتي حياتك وعيييشها من حقك بصحتك …ولكن حاول تخصص وخا غي عام قبل العرض فينما كان غي قرب ليهم وتوگض لخوك راه نتا الي تعرف ليه ومبلي بلية خايبة …ولا غايضيع فؤاد قلبو على قد الحال وخا تاهو مجهد ….

انا عارفك وخا قاصح وصعيب راه عندك ضمير وواليديك وخوتك اولوياتك …مهمتي هاني درتها انا جيت حيث عارفك عزيز عليك وكتحشم مني وكتعطيني وقت …والي بان ليك …غذا باليل عندي طيارة حاول تقطع معايا واجي نمشيو مجموعين ….

ياسين “شاف فيه وشاف فالملف مااا فكر ما سها ما واااالو ههههههه معطلوش ” : مااعليش تنسالي ونمشي ضروري …المكاتيب والنصيب الي غايجيبني تما …ماشي كحل الراس …طريق السلامة ا يوسف …”ناض هز كاسو ومشا لبيتو يرتاح من تعب السفر “

يوسف : بغيت ليا الباسر انا ماشي طريق سلامة …شهمتيني 🦋🐺نور_الياسين (28)sana mina🐺

🦋

يوسف الي عليه دارو عطاه المعلومات وهضر معاه وحرك فيه الضمير عالله وعسا يجي يستقر ويقابل خوه الصغير ويحيد شوق مو ليه الي قاتلها نهار على نهار ودمعتها مانشفتش …وخا عارف ان ياسين غييي الضروف الي خلاتو يبقا تما اما يجي لبلادو …ولكن الضد الي فياسين معمرو شافو طبع قاصح وعنيد راس يابس وغامض …ومجهد وواعر كتر من باه …كيعطي غي جوج كلمات …الي عليه دارو

وكيف قال فؤاد ليوسف هادي فرصة الي علينا نديروه وهو بعقلو يضبر لراسو ….عرض فاش جاه جاه من راجل كيعرف فؤاد واتاصل بيه خذا موعد من فؤاد حتى جا عندو لفيلا وهضر معاه على هاد العرض بحكم ان ياسين كفئ بززف وعندو خبر كثيرة وذكي وكيخدم عقلو بزاف وخا اندفاعي بزاف …

بقا معاه وخرج يوسف ضرب ليه ضورة تما تقادا شنو بغا من كادويات …لبناتو اول حاجة طبعا عينيه باش كيشوف وخاصة نوار تقادا ليها كاع الي كيعجبها …ودخل لدار محمل قادهم ففاليز وقاد حوايجو وحطهم عند الباب باش الغذ ليه يمشي ….

صباح يوم جديد مشمس مرت يومين على باش جا يوسف من امريكا…جالسين على طاولة الفطور فالجردة هاد المرة حيث كاملين مجموعين من غير راوية وعائلتها حيث طبعا فدارها …لكن هاد المرة زادت اللمة وتجمعو الحبايب …الياس ونجود ونجوى مرت الياس وسارة مرات صهيب الي تزادو ….فؤاد خرج بكريييي عندو غراض مع ايلاف ….

يامنة “غلب عليها الحزن من وحشها لولدها الي مجاش مع الاسف مع يوسف …بكن وكلت امرها معندها مدير ليه وزاد اكد عليها يوسف تخليه على خاطرو …

يامنة “شافت فاسامة ” : مقاريش ليوم اولدي ؟

اسامة : صافي سالينا الوليدة كاين غير بريباراسيون …

يامنة : وكتراجع ولا لا ؟

اسامة : لا كنراجع …

الياس : هاحنا غانشوفو واش غادخل هادشي الي بقا ليك ولا لا والى رجعو ليك عول على راسك مشا ليك العام تاني …

يوسف : داكشي الي غايوقع ليه موقع ليك نتا فالماضي …

الياس : ضروري تفكرنا اصحبي …

صهيب : ماااضييييك اسود اولدي اسود …

نوار : بابا

يوسف والياس وصهيب : ااابنتي …

مينة : هههههههههههههههههه وعيطات لبابا الي ولدنا …

يوسف : واااا بنتي اخوتي شركوني فيها …

الياس وصهيب : بنتناااا …

يوسف : ماااختاالفناش ونشوفو لمن عيطت ..

نوار : 😂😂😂😂 عيطت لبابا يوسف ..

يوسف “دفعهم بمرفقو وزوا الياس تا زوا ” : حشيشة باها امري ..

نوار : الشهر جاي عندي باساج …بغيت الي يبقا يديني ويجيبني حتى لبلاصة فين كنراجعو واحد المكتبة كبيرة …

يوسف : وخا بنتي نوصي ليك على سمحمد هو يبقا يديك بطوموبيل …يلاه اجي بوسي خوك…

الياس : دوزي معاك تال خوك هنا بوسيه …

ناضت باستهم بثلاثة ههههه …

الياس “شاف فاشرف ” : نوض تانتا. زيد بوس ( تيضحكو معاهم بهاد الكلمة ديال خالك ..) واشرف تاهو باش ميحسش بالنقص ناض تاهو لاقيها مسكين على وعدو🦋🐺نور_الياسين (29)sana mina🐺

🦋

كان محمد الحبيب خارج لخدمة بكرييي لحق على ايساف وزادو حيث كيضربو طريق تال فاس و ويوسف وصهيب واخدين يومين عطاة والياس جا تيشوف واش يخلي لولدو الخدمة ويستقر هنا ولا يبقا يمشي ويجي عندو ….اتاذن اسامة طلع لبيتو يحفض …واشرف تاهو طلع يحفض ونوار حتى هي بحكم وقت الامتحانات هو هذا …

يوسف : مامشهي عا واحد دكة تاع اتاي من ايديك الوليدة …

نجود : ههههه اييييه نديرها لولدي ..

يوسف : ياكما عيانة تنوض مينة ولا شي حد يقادو وجلسي معانا …

نجود : لا انا نوض نصايبو ونخلي مينة تجيبو ليكم ونمشي نتوضى لضهر اولدي …

ناضت معاها مينة ويامنة ويسرى ونجوى وسارة مشاو لكوزينة يشوفو شنو يوصيو البنات ويديرو الغذا بنفسهم كيف مولفين ….بقا غي يوسف وصهيب والياس …

الياس : دابا ياسين ماعينو ف مجي ؟

يوسف : معرفت ليه الي عليا درتو وباه قاليا خليه يضبر لمحاينو اصلا الى بززناه غي مكيشد ضد

صهيب : ناااااري على عكسي ناااري وباااز لهاد المراة الي غادي يديرها فدارو …

الياس : هذاك الى نوا يدير المراة خاص يديرها بعييييدة باينة لعما فين غايسكنها …الى مكانت بنت الدوار والله لا قبلت ليه على سكنة الفيرما …

يوسف : ايوى هو ومغرفتو اش هزت ….الي مهم دابا هو خاص يجي يكرط خوه الصغير هو الي يعرف ليه حيث لا جينا ندخلو كيبقا فينا وباه يقدر يمرض راه قال ليه طبيب مخاصش تعصب ولا تجهد حالتك …

حاصرنا البرهوش وعرف كي حاصرنا ومبغاش يحشم …الحاصول الى بغا را غايجي وعينو بخوتو ويجمع خوه من ضياع راه غايجي …

صهيب : مشاكيل والله …فيييين ايام الياس كرطو فؤاد مرة وحدة من تم وجبهتو مكتهزش من لارض عههعع قاطعها فيه فؤاد فايامو

يوسف : هههههه تا دابا را باقي يدك ويدردك غا صحة القلب عندو مخاصها جهد …

الياس : شتكم كتفكروني غي فماضي ديالي انا ونسيتو سلخة الي سلخكم الكلاب مكلاوها …”جاتو واحد دقة بمعيلقة لقرفادة ” ااااوه اشريف شتك باقي ضرب …

صهيب : ونعاودك تاني مالك كبرتي عليها تقادو الكتاف ؟ ولدك الكبير ربعة وعشرين باقي يلاه فيها …

يوسف : اييييه باقي نعقل على اشرف فصغرو كان يموت من فؤاد …الهيبة ولمن عطاها الله …

صهيب :وباقي لدابا يموت منو …تعقل ههههههههههههههه تعقل فاش كان يقرا فالتاسعة وكان يتسنى النتيجة شهر وهو جامع ميخرجش منو ….واحد النهار انا وفؤاد لاقاتنا صدفة فالجامع وصلينا جوج ركعات تاع جامع باقي وجينا حداه مشافناش …

الياس : اشمن زبلة دار تاني ههههه

صهيب “ما هضر تا فشل بضحك” : وااا هههههههههههههههه😂😂😂😂😂😂

يوسف : ههههههه تا هضر تضحك فينا اتقادي لينا ضحك خلي منضحكو فاش تقول …

الياس : حناكي ضروني وانا نضحك ومزال تا ماعرفت 😂😂😂😂😂😂😂اربي الحبيب ….

صهيب : واااااااا ميمتي الصداااع ابن عمي حق الله …جالس هز كفوفو ههههههههههههههههههههه واربي كرشي ….

يوسف : يااااربي ينطق تااا طلقنا هههههههه

صهيب : هز كفوفو هههههه وقال يااااربي نجح على وجه هذاك الوحش الي فالدار راه يا سيدي ياااربي الى منجحتش ندوز فمبتسمون رغم الاعاقة وترضاها عليا ا سيدي ربي ؟ وانا قد هك ؟ وباش كملها وزبلها قشع فؤاد حداه وجهو سكت بالخلعة ههههههه

قال والله ياسيدي ربي ههههههههههههههههههه

الياس : والله ؟؟ يا سيدي ربي هو كيدعي الله وحلف بالله هههههههههههههه

يوسف : تهههههههه مسخووووط صافي …

صهيب : قاليه فؤاد يهديك الله اشريف هههههه مجاوبوش ناض نقز خرج بجرية تا ص🦋🐺نور_الياسين (30)sana mina🐺

🦋

التجمعات فدار رمسيس مكتخلاش عزيز عليهم اللمة خصوصا من دارو الولاد وكبرات العائلة رمسيسية وشي كبر وشي خدم وشي غايدير دارو وكل وفين ….الليلة كانو معيطين لراوية الي جات هي وايلاف لعشا ….اما ايساف ومحمد الحبيب كانو معشيين برا….مجموعين فالجردة تحت نسائم الهواء الطبيعية حاطين ما لد وطاب من الاكل تحت ايدين عيالات رمسيس …وخاصة نجوى ويامنة الطيابات تاع بصح ….تحط العشا وكلاو فجو مليئ بالضحك والمعيور وكلشي مخلط ..الا اسامة الي طالع لبيتو دابا بحجة عندو الحفاضة …

اسامة “كيهضر فالفون ” : واش مزال مجابش ليك ديك اللعيبة …وطلقني ا سمير راه تقادات ليا الحبس …

سمير : وشور اصحبي موجد شي فلوس ؟

اسامة : واا ز*** موجد غا طلقنا غاتوحل معايا فالفلوس اصحبي …

سمير : غذا مع العشرة ديال ليل تلقاني فالبلاصة فين كنتلاقاو نجيبها ليك …وماااتكترهاااش راه غادير ليك شي مصيبة …

اسامة : ماتخممش عااارف …

سمير : يلاه تلاح دابا …

قطع معاه ومشا لماريو ديالو وهز واحد جاكيط الداخل جبد منها بزطامو وجبد منها واحد ميكة حلها …وجبد كلينيك فرقو ودار فيه شي عشوب مطحونين مزيان مخدرين كيتباعو عند العطاو وجبد واحد قريعة صغيييييرة فيها بودرة بيضاء دار منها شوي ولواه مزيااان قادو وطواه طويك صغيرة وخشاها بين سنانو ولحم وتكااااا حط راسو وغمض عينيييه ومشاااااا ….

اليل ليل نقولو قرب الفجر ياذن ….ناعسة كيف العادة جنب راجلها حبيبها الي كان محاوطها وخاشيها فيه معانقين …حتى ضرباتها لفيقة حلات عينيها كتشوف فالسقف شحال قبل متبدا تسلت من بين ايديه الشي الي خلاه يفيق …

فؤاد : يامنة ؟؟ مالك ؟

يامنة “حطت ايدها على حنكو .” : وااالو غي رجع نعس غي جاتني شحفة العطش فيقتني هادشي غانهبط نجيب الما حيث القرعة خوات …

فؤاد : خليك انا نجيبها …

يامنة : لا غي نعس انا نجيبها ونجيب حتى الفيتامين الي كنشرب خليتو متعرفش فين تلقاه …

باستو فحنكو وناضت من حداه لبسات بينوارها وهزات شال دارتو على راسها وحكماتو مزيان…خرجات من البيت وضارت جيهة دروج …الصقييييل كاين الصمت اللمط كلشي ناعس مجايب خبار …هبطات لكوزينة وحلات باب ثلاجة جبدات قرعة الما وجبدات فيتامين ديالها الي كتشرب …شربات

بعدا كاس ديال الما روات بيه عطشها وزادت ثاني …وخرجات من الكوزينة من بعد ما طفات ضو ….حتى كيبان ليها ضو الصالون لاخور شعل ….

يامنة : تت شكون خلاه شاعل ؟ حطات القرعة و دوا ومشات ليه …طفاتو وهبطات الخامية ديال باب وخرجات يلاه غاتهز قرعتها وهي تحس بانفاس حداها وريحة ديالو بانو ليها رجليه بقات طالعة طالعة كان لابس سروال فصالة گري وقاميجة بيضة محلولة من القدام بصدايف ثلاثة ..طاوي كمامها ومربع ايديه كيشوف فيها

يامنة “اش نقول القلوبة ولاو فعينيها الي غرغرو بالفرحة والصدمة مخلطين قلبها بدا يضرب معرفت واش تغوت ولا اش دير حتى نزلو دموعها يجرييييو “: يااسيييييين ولديييييي …

ياسين “شبه ابتسامة بجنب ومشا ليها بزربة هزها كي الكميشة بين دراعو …باسها فحنكها وراسها وايدها وشاف فيها ” : ماعاش ولا كان الي يبكي ليا الرضى باش عايش الوليدة …

#🦋🐺نور_الياسين (31)sana mina🐺

🦋

من شابه اباه فما ضلم …مجيتو تقريبا فعايل باه ولكن مجا حتى قالها ليه مخ مخو ههههه العكس يمشي على رجليه ….المهم انه قلبو مهنااهش على ميمتو ورضاه كيف كيسميها …هي من وحشها لولدها ولهفتها تشوفو قلبها ضرها وزاد كمل عليها البرهوش الصغير الطايش الي كتب عليه المكاتيب يتبلى ….والى مالقاش الي يقصح معاه وينقدو غادي يمشي فطريق الضياع ….

يامنة “عنقاتو تا مقدات وقلبها كيضرب بالفرحة ” : ياااا ولدي الحبيييب جيتي

ياسين “باس ليها راسها وحطها ” : جييت اميمتي مايهونش عليا نبكيك …

يامنة “شداتو من ايدو كمشت فيها وجلساتو حداها فالفوطوي ” : وهان عليك اولدي طفي تيليفون ومتسولش سيمانة …

ياسين “دوز على قرفادتو بايدو ” : غيير الريزو مكانش فديك البلاصة جلست فيها كتر من سيمانة هداكشي باش …مكانش عليك تشطني ولكن ماشي مشكيل قلب الام هو هذا …

يامنة “بالفرحة وجهو كلو كتقيص فيه وكتافو وايديه ” : ياك بعدا صحتك مزيانة ؟ معاش وصلتي …وامتا ركبتي واش ناوي تبقى بزاف مكرهتش تستقر اولدي

ياسين” شبه ابتسامة خشا ايديها فوجهو تا باسهم ” : غاا بشوية عليك وحدة بوحدة …

انا بييخير صحتي مزيانة ولله الحمد …انا كنت مقطع قبل ميجي يوسف عمي لعندي وكانت عندي الطيارة ولبارح وبقيت من تما لدبي ومن دبي لتركيا عاد جيت لهنا ….

يامنة : الاطيف شحال ديال تكرفيص

ياسين : اييوى البعد اميمتي دارها …

يامنة : متبقاش تجي غي نهار ولا يومين وترجع براكة عليك …

ياسين : هاد المرة مطول شوية …

يامنة “بفرحة ” : بصح ؟؟ حلف اولدي …

ياسين : الكلمة الى خرجت من فمي قاد بيها الحنانة …

يامنة : الله ياولدي وهنية عليا وربي شاف فيا من جيهتك …الله يفرحك كي فرحتيني …

ياسين “باسها فحنكها ” : فرحتك هي دنيتي اميمتي …”تگعد وتقاد فالجلسة ” ….اسامة كيداير مع القراية …

يامنة “تنهدات ” : الحمد لله اولدي الحمد لله وصافي …

ياسين “كيهز راسو فوق وتحت ” : الحمد لله الحمد لله …

فؤاد بقا يتسناها شافها تعطلت وتشطن عليها وناض خرج من البيت هبط كيقلب عليها حتى بان ليه ضو شاعل فالصالون عقد حجبانو ومشا تال تما حتى وقف عليهم وبان ليه ياسين داير ايديه تحت ذقنو عاقد غوباشتو كانه كيفكر فشي حاجة …

فؤاد : ياسين …

ياسين “هز راسو شاف فيه وناض على وقفتو مشا لعندو ” : الوليد …”باسو من راسو وباس ليه ايدو ” …

فؤاد “طبطب ليه على كتفو بجهد ” : عاش من شاف وجهك …وصلتي دابا …

ياسين “هز ايديه ” : عااد …صحتك مزيانة دابا ؟

فؤاد : من عند الله مزيانة ومن عند العبد مزيانة …

يامنة : فؤااد هههه ياسين جاي مطول هاد المرة يبقى …

فؤاد : مزياان …غير الى مبغاش ولا ؟

ياسين : الى بغا الله والى بغا العبد “تيترادو هههه ” …

فؤاد : ولكن ماشي هنا …

ياسين : وهاني هاد ساعة هنا شوي ونمشي نشوف جدي تاهو خليت ليه كلشي على كتفو …

يامنة : باا عندو الي مقابل ليه الكوريات والارض وحتى الفيرما باغي غير يشوفك اولدي راه تاهو توحشك …ومقلق منك

ياسين : راه مربيني من حقو غبت عليه هاد المدة …”حك عينيه ” …يكون خير اميمتي يكون خير …

فؤاد : طلع لبيتك رتاح وصباح يفتح …

ياسين : وعليه …

مشاو بثلاثة طلعو لفوق ياسين داز لبيتو ويامنة وفؤاد دازو لبيتهم حتى يصبح 🦋🐺نور_الياسين (32)sana mina🐺

🦋

ولفنا عادة التفاؤل ملي وعينا وحنا كنقولو يصبح ويفتح ولا فكل متشرفق شمس غاتجيب معاها يوم جديد يكون فيه الخير …ولا كنقولو غذا يوم اجمل …هكا هو اليوم كيف فاقت يامنة مع الصباح بكري كيف عادتها ناااشطة وفرحانة هاد المرة كلشي غايتقاد …قادت الفطور على حقو وطريقو وبالفرحة وبحب فاقو العيالات لاخرين سارة ونجوى

اما يسرى مسكينة ثاني بحكم هي طبيبة نسائية وتوليد ثاني النوبة فيها هاد اليومين …خلاتهم كاملين فديك الكوزينة تاهما فرحانين وكيقادو فالفطور بالعشق من الفوق …رعلاااش لا وراه ياسين اكبر حفيذ جا …واخا معكاس وقاصح الكبير وصغير كيهز ليه الهم خالق لراسو هيبة من صغر وخا كابر بعيد عليهم غييي ديك طلة الصغيرة الي كيدير كتسوى عندهم بحالاش ….

يامنة “كتطيب فالمسمن الي كيموت عليه معمر بالشحمة والكفتة والبصلة مشلضة والقوام تحميرة وابزار وملحة حسب ذوق كيبغيها ناقصة شوي و كمون بزايد كتجمعهم وتزيد عليهم قطيرات زيت الزيتون وتعمر بيهم المسمنة كيجي من داكشي ” : نجوى حبيبتي عنداك تنساي داك اتاي …

سارة : ايييه اتاااي صحراوة مشحر على حق حقو وكتير حتى يبغي يكحال والى كان صفر يخويه ليك تم ولا يخليه ويزيد وتقلق لينا يامنة حقاش غا يامنة والكلبة الي والدين هههههه

يامنة “غوبشات فيها ” : ياااك …

سارة : اكنضحك اصحيبتي ههههه اييييه ياسيييين هذا ومن لا يعرفه ماتولد تا شيبنا مع يامنة وخرج فينا العجب ههههه

نجوى : ايييه قاليك اسيدي ميتولد حتى الوقيتة فين بغا ….

سارة : العكس كون كان انسااان هو داك دري …

يامنة : دابا غادي تبقاو ترادو ليا على ولدي …

نجوى : لااا تبارك الله عليه الزين والحروشية والرجولة تبارك الله …

سارة : كوني معاه غا مزيانة ميخصك خير …باقي نعقل طلبتو على انور ولدي يعاونو مقلت ليه والو قلت ليه غييي شوف معاه الى يسمع ليك ويرجع يكمل حياته ….

قاليا ميكون غا خاطرك معرفتش اشنو هضر معاك يا الولد ماشفتو بعيني تبدل ياربي حمدتك وشكرتك …

نجوى : لا مزيان خاص غا متشديش معاه الضد الله يحفضو لميمتو …ونشوفوه عريس

يامنة : امييين ياربي …

شوي حتى دخلات مينة عاد فايقة كان الويكاند ومخداماش …جايا ب بيجامة ديال دار تيشرت خضر مخطط بكحل وسروالو ديال الكارويات اسود فيهم خطوط الوان تيشرت خضرين …

مينة : صباح الخير بالحبايب …اح الله ريحة بنينة …

يامنة : صباح الورد ابنتي …فاقو لاخرين ؟

مينة : فاق بابا وعمامي و محمد الحبيب جالسين مع عمو فؤاد فالجردة انا عاد فقت ونوار باقي ناعسة عيات بالحفاضة البارح …”شافتها كتدير فالمسمن معمر بطريقك خاصة وهي تعقد حجبانها ” …تت هذا كيعجب ياسين لا ؟

يامنة “ابتاسمات ليها ” : ايييه ههههه

مينة “دارت ايدها على فمها ” : نوووو متقوليهااااش ههههههه وايلي جا زعما ؟

يامنة : جا مع ثلاثة صباح من تما وانا فايقك بالفرحة وهبطت نصايب ليه الفطور …انا نكمل ونطلع نشوفو واش فاق …

مينة : على سلااامتو اخالتي …يمكن مفخبارهمش برا لا ؟

يامنة : ماعرفتش واش قالها ليهم فؤاد …فاق اسامة ؟

مينة : لا مزال …نعاونكم ؟

نجوى : سيري فيقي نوار واشرف …نكونو مجموعين فالفطور …

مينة : انشوف اشرف ونوار اخليها ناعسة حسن …

يامنة : علاااش خليها تفيق تسلم على ياسين بعدا …”بقات مينة غا ض🦋🐺نور_الياسين (33)sana mina🐺

🦋

الي فرحانين بيه نعس غااا ساعتين وناض خرج من الفيلا ضربها بجرية فداك الضلام مضوي غا شوي …ضرب فديك الغابة تا ما قد ورجع تاني بجرية لدار ….حيد حوايجو غسل ولبس تريكو خفيف فالاسود مع سروال فالمارون فاتح وصباط كحل مشط شعرو رجعو لور قاد مسطاجو واخا اللحية مطول مسطاج عليها شوي …

لبس ساعتو فاليمين مكيحملش يلبسها فليسر دوز بصباعو على مسطاج تا هبطهم وعاود …هز تيليفون ودوز نمرة من بعد ما خرج لبالكون الي كيطل على جردة لور ….كان صاحبو اركان …هو الاسم ديالو هشام لكن كنيتو اركان وكيعيطو ليه صحابو غي بالكنية …

ياسين : فقتي …

اركان : اهلاااااا خو …صباح الخير …وتا امتا وصلتي ..

ياسين : شي شوية …براكة من الهضرة فايق ؟

اركان : عاد فقت انا ندوش ونتوضى نصلي ونهبط لفاس وعشية نتلاقاو تما …

ياسين : عرفتي شنو كيدير ؟

اركان : كلشي غايكون عندك ولا بغيتي تا شكون كيوصل ليهم هذاكشي والشاف الكبير انا معاك …وخا اصحبي ديك البلاصة منين سولت راه على شوي حياتي وتمشي ولكن ماعليش على قبلك واسامة راه فحال خويا صغير …

ياسين : مزيااان …يعمر دارك …

اركان : الله اودي …درتي مزية الي جيتي تعتق خوك لا يضيع …

ياسين “حك شفايفو بسنانو بعصبية ” : بيناتنا تيليفون …

اركان : وعليه ….

خرج من البيت هبط نيشان هاد المرة ماشيي من دروج الي لور من دروج العاديين فطريقو حتى تلاقا بمينة …

مينة “شحال من عام مشافتو تقريبا كان كيجي كتشوفو مرة ولا كيجي ويمشي لعروبية نيشان ” : اووو ياسيييين …

ياسين “هابط خاشي ايديه فجيابو مع طويل بزاف تلاقا معاها عند دورة ديال دروج تحنى كلو سلم عليها ” : مينة …

مينة : على سلامتك اخويا لباس عليك غبرتي بزاااف شحال من عام مشفتك اولد عمي …

ياسين : غير الضروف وصافي …مزيانة نتي امورك هانية ؟

مينة : الحمد لله

ياسين : فين وصلتي فقرايتك ؟

مينة : واهلييييي راني تخرجت وخزمت وجلست واحد المدة وهاني كنسطاجي باش نكمل ونخدم معاهم نيشان …

ياسين : مزياان مزياان …

مينة : نتا شنو درتي من مورا دكتورا غادي تخدم هنا ؟

ياسين : هاني جيت بعدا هنا نشوفو الوليدين والخوت…كلشي لتحت ؟

مينة كلهم لتحت انا غادي نفيق احم خ ختي ونشوف اشرف واسامة …

ياسين “غوبش وشاف فساعتو ” : اسامة مفاقش ؟ فين بيت اسامة ؟

مينة : راااهو لهيييه …

خلاها ورجع ضرب ضورة لبيت خوه …حل الباب ودخل رافع حاجبو لقاه ناعس عريااااان فوق ناموسية لابس غي شورط وااغطا لايحو ..وقف وربع ايديه ورفع حاجبو …حط صبعو على فمو وحنحن مع صوته غليض غا حنحن خوه بدا يرمش …

اسامة “كيرمش ويحل عينيه شوي بشوي حتى كمشهم كان ناعس وداير راسو قريب يدلى لتحت بان ليه خيال ضخم وطويل بقا شحااال عاد وضاحت ليه صورة وغيييير يا خوتي عرفو معقلش امتا ناض بزربة حتى شداتو دوخة وناض واقف على شوي يطيح كون مكالاش ياسين بايديه ” : ي ي يي#تتمة_البارت_33_نور_الياسين_sanamina

جايا شادا صاك فايديها مكمشة فيه لابسة جليليبة فالصفر وصبيبيط موكاسان …جامعة شعرها لور مخربق وجايا كتلولب فعينيها …وتقلب حتى قربات توصل الغابة ووقفات …بان ليها واحد جاي بطوموبيلتو غي شافها ووقف حل شرجم …

هو : علامن كتقلبي ؟

هي : كنقلب على شي ناس بغيت نعرف فين ساكنين …

هو : هنا مساكن حد من غير دار رمسيس

هي : شكون نتا ؟

هو : انا شيفور ديالهم …

هي : انا بغيت نيت دار رمسيس عطاوني العنوان ومعرفتش فين كاينين وخفت حيث مبان ليا حد هنا “كتهضر وكتكمش فصاكها ” …

هو “طلعها وهبطها ” : شكون نتي بسلامة الي بغتيهم …

هي “وخا وجهها زوين كيبان عليها شوية الشر كيف كيقولو سيماهم على وجوههم ” : ا انا سميتي صفية وبغيت نهضر معاهم ضروري …عندي مشكيل وهما ماليه …

هو : هههههه ووجهك صحيح ملقيتي شكون يدير المشاكيل غاا هما …انا نعيط ل سي يوسف هو يقوليا شنو كاين …

هضر معاه فالحين جاوبو …

يوسف : قوليها تال غذا وترجع ليوم ممسالي حد …ورد بالك منها …

قطع معاه وشاف فيها ….هانتي على ودنيك رجعي غدا فالصباح تلقايني ونديك تال عندهم …

صفية : و وااخا …

رجعت ادراجها كضور تشوف فيه وترجع تشوف قدامها تا جابت ليه شك بقا حاضيها وغادي وراها شوي بشوي تا بانت ليه وصلات شارع وخدات طاكسي ….

في هاد الاثناء فاق اسامة سلم عليه بعناق طويييييل تا بغا اسامة يبكي عزيز عليه خوه ياسبن بزاف وخا كيخاف منو …..وتسناه تا غسل وبدل وصحصح عاد خرج لقاه جالس فكرسي مفرق رجليه كيطرطق صباعو …

اسامة : فين خويا لباس ؟

ياسين : حامدين شاكرين …”ضور وحهو هنا وهنا وهز فيه عينيه حتى وقف على وقفتو خلا اسامة بالخلعة رجع لور …” قرب هنا لعندي …

اسامة : احم اا واخا …ولكن علاش ؟

ياسين : قرب غا قرب …”يلاه كيقرب حتى غفلو طوا ليه ايديه بجوووج بايد وحدة حكمهم ….تناه وشد ليه وجهو بين ايدو كمش فيه تا خرجو شنايف اسامة بان ليه تحت منهم زرررررق …غدد ياسين شنايفو مزياان وطلقو تا جا لارض …مشا لماريو ديالو واسامة تاحد مكيوصل ليه لماريوه اصلا حلو وهز الحوايج شتتهم شتت والو ملقاش واسامة وجهو ولا صفر …

ياسين : كدير الكالة از**** ؟؟؟

اسامة : لا لا مكنديرهاش …مالي تصطيت ياسين “عدوووه الي يتقابح معاه وهو متاكد من الحاجة …مشا ليه كيزرب هز ايدو عطاه جوج تصرفيقات بضهر ايدو بالحر واسامة باقي سخون بدوش والخلعة تا طوش دمو جا فالباب ديال الماريو ” : عدو ربك مادرتها تانا الي مخرج العجب …”غوت تا تصمك اسامة وغمض عينيه ” مااااانشوفش كمارتك اليوم ….اولد الزوادة ولا متلوم غا راسك ….تنشوف حريرتك كيدايرة وديك سا🦋🐺نور_الياسين (34)sana mina🐺

🦋

هبط من عندو مشربن غااا ملقاهاش وعارفو دايرها وشربن اما الي تاكد من شكوكو انه تيدير الهيروين غاتكفس المزيااان …اخيب حاجة خوك يتبلى وبلية خاااايبة …وخصوصا عاد بادي والى ضاع غايضيع تا باه بالفقصة ومو تمشي فيها …وفعائلتهم مربيين على طريق المقادة الي مفيهاش ضباع …صدرو بدا يتنفخ خلاه هكاك كيمسح فدمو ووذنيه كيصفرو وحناكو كيزدحو ….وهبط من لور تالجردة كما ليه كارو تا تنفس ….عاد ضار جيهتهم فين جالسين قشعو خوه محمد الحبيب ناض يزرب يسلم عليه فرحااان بزاف بيه …

ياسين “تعانق هو وياه وخبط ليه على ضهرو ” : حبيب …”كيقوليه حبيب ” …

محمد الحبيب : خويا الكبير العزيز …ومجية مفاجئة زينة هادي الخو …

ياسين : زينة بالحباب اخويا …امورك هانية كلشي مزيان …

محمد الحبيب : بشوفتك اخويا ملي جيتي تفاجات عليا …

ياسين “بقا شحال كيشوف فيه عرفو شنو قصد ” : جااي الخير جاي الخير …نتا مبقيتيش طلعتي عندي لهيه …

محمد الحبيب : كنتسنى غي نسالي شي خدمة ونطلع الفيزا تاني وكنت غانجي وهانتا جيتي …الى مكنتيش مطول تتمشي ونطلع عندك …

ياسين : يقدر نطول هاد المرة نقاد الي عواج ونزين الي خياب …بان ليا شي بعضين فلتو وسابو …”قرب ليه عند وذنو ” …منشوفش كمارتو ليوم كضور هنا ولا ميعجبو حال الى بغا يبقى ضلوعو مقادين يحاديني هاد نهار ..

محمد الحبيب “جمع الابتسامة ” : كون هاني من هاد ناحية غا كلمة منك كافية …تهنى خويا تهنى …

عنقو من كتافو وتمو غادين متاجهين ناحية باهم وعمامهم …حتى وقف عليهم ….

يوسف : اييييه دابا جيتي …وخرجان لعقل خرجتيه ليا وشدان ضد درتيه ليا ….ابغيت غانعرف اش درت فحياتي انا اااش …

ياسين “سلم عليهم جميع وجلس حدا باه بجوج تيبانو قد سخط …فؤاد مكيدخلش بين ياسين وعمامو كيخليهم منهم ليه شاد الجريدة وكيقرا فيها محاسش بيهم واش تما ديما الهيبة حاضرة ولكن ناض وقف ومشا بعد يهضر فالفون ” : لقيتيني قبل مقطع ا يوسف غا باش تعرف وصافي ….ماعليش مرة اخرى …

يوسف “شاف فؤاد بعد وكان غينوض ” : ياااا عليا بليييميييين وباش يحلفو رجال الحرار لا عاودتها معاك …الى مقتلني عمري تقتلني نتا …العكسي العكسي العكسي اااااااالعكسيييييييي ….

ياسين : هادشي الي عطا الله وسوق …

الياس : تا مالك اصحبي كون سكايري مالك شوف كيداير ودير فحالو ونتا شربنتي …

صهيب : كيفاش كون سكايري …

يوسف : شني هادي تاني ؟

الياس : كون سكايري قشابتك واسعة …

ياسين حط ايدو على حناكو حاضيهم يترادو غا وحدهم ومحمد الحبيب خاري بضحك عليهم …

يوسف : تا اش كتخربق …

الياس : سكايري قشابتك واسعة الي قلناها ليك خرا عليها بضحك وينعل بو العااالم …

يوسف “بقا يشوف فالياس ويسوف فصهيب ويشوف فمحمد الحبيب الي ميت بضحك ويشوف ف ياسين الي حاضيهم ….دار راسو بين ايديه ” : يااااا بغاو يقتل🦋🐺نور_الياسين (35)sana mina🐺

🦋

بداو يوجدو فالطابلة الفطور ما لذ وطاب وبالعشق كيف سبق الذكر …كيحطو البنات الي كيجيبو من الكوزينة حتى جاو نجوى وسارة سلمو على ياسين ….

ياسين “كيقلب موراهم ” : فين الحنانة ؟

سارة : هاهي جايا اولدي كتوجد ليك غي فاتاي ديالك …

تمات جايا مينة حتى جلسات حداهم ….

يوسف : فين نوار و اشرف ؟

مينة : اشرف مفاقش متختخ …ونوار مبغاتش تفيق عيانة

يوسف : مالها “بخوف ” …

مينة غي عيات بالحفاضة ويمكن ضربها البرذ

يوسف: الله ابنتي حبيبتي انعيط ليسرى تجيب ليها دوا …

ياسين : نوار بنتك صغيرة ؟

يوسف : وااا الى بغيتي …ههههه

مينة : هاهي دابا تجي مبغاتش تفيق ليا عييت نوض فيها …

يوسف : قولي ليها ياسين كاين تسلم عليه

مينة :على هي بغات تفيق حتى نقولها ليها …

صهيب : خليها على خاطرها

مينة : اشرف مبغاش يفيق تاهو

صهيب : خاصو يفيق يفطر ويمشي يحفض الامتحانات قربو …رجعي عيطي ليه …

ياسين : شنو عندو هاد العام ؟

مينة : عندو العام لول تخصص كهرباء الصيانة …

ياسين : خاصو يجمع راسو شعبة ماشي ساهلة …”ساس فخدو وناض وقف قاد حوايجو …” نسيت تيليفوني نمشي نجيبو ونفيقو من تما …

مينة : ا ا جلس انا نفيقو …

ياسين “مجاوبهاش خلاها كتهضر وزاد تم داخل لفيلا …”

 فاقت وبزز حاسا براسها مدگدگة والكحبة خانقة ليها صدرها هي ومنخرها مخنوق بجهد …

نوار “كتحس بصدرها عامر وجبهتها كتعطيها صداع وصوتها بغا يمشي ” : كحكح اييي امممم “بغات تهضر ولكن صوت باااح …خلات شعرها مطلوق ومخربق لبسات تريكو عريض طويل حد ركبة خشات رجليها فبانطوفة حنيكاتها سخان مزنگين مجايبة لدنيا خبار شكون جا حاسا بعيااا مجهد ….كتكحب وصدرها كيضرها …خرجات شادة راسها بغات تهبط باش تشوف شنو يديرو ليها حيث عيطات لماماها مجاوبتهاش وخلات ليها ميساج …

نوار : اففف ماما مكاتجاوبش ….يخخ مكنحملش نمرض تفووو …هبطات كتمايل فدروج …تمات غاديا وتعرج تا صباطها ملبساتوش ميديكال غي ديك بانطوفة …حتى تصادفت هزات عينيها بان ليها ضخم الجتة واقف كيحقق فيها معوج راسو كيتاكد منها حيث كانت حادرة راسها كيبانو غي حنيكاتها ومع جايا كتمايل …عقد حجبانو فيها ….

ياسين : نوار نتي ؟ فيك شي حاجة ؟

نوار ” غااا سمعات صوته الغليض وقرب ليها وشافت الحب الي مدوخها من سنين وساكتة عليه واول مرة يوقف قبالتها…وطلعات معاها ريحتو …” : مم اش كدير هنا “قالتها ومع صوتها بح كاع ما قشبل اش قالت ….قلبها بغا يسكت محساتش حتى لقات راسها دايخة وغا طيح ….

ياسين : تتتت شششش لا لا لا ….”كون ما شدها عنقها وكمشات فيه …حتى خشاها فيه بدعقة مسكين باش مطيحش ولو كانت غاتجيب ربحة فضص ….

ياسين “خربق ليها شعرها ” : ششش ….نوار فيك شي حاجة ؟ …

ياا حبيييبي نار الحب تودييينا ….

Écoute dans ton cœur qui semble crier

Que l’amour est là devant toi

اسمع في قلبك الذي يبدو أنه يبكي

هذا الحب موجود أمامك

Ishtar al🦋🐺نور_الياسين (36)sana mina🐺

🦋

تاحد منا معارف المكتاب الي مخبي ليه ربي ولا نصيبو فين ولا حتى رزقو …نوار اصغر بنت عند يوسف واحب بنت عند عائلة رمسيس …عاشت طفولتها ناقصة كانت ديما كتلعب بوحدها وديما العابها وحدهم والالعاب الي كتحلم بيهم مع الاسف مكتقدرش تلعبهم بحكم الاعاقة الي عندها او نقولو بمعنى اصح وادق النقص الي عندها فرجلها التفاوت السنتمتري مسبب ليها تفاوت وديكالاج …

بخلاصة اعاقتها مسببة ليها شحال من حاجة ناقصاها …وشحال من حاجة مستقبلية غاتكووون هي سبابها ….

فاللحضة الي جاتها دوخة ممكن هي شافتو وتهيأ ليها ممكن سخانة الي بداتها بدات تعطي مفعولها واعراضها …معقلاتش مسكينة شنو جرا ليها حتى سخفات وهو شافها كتمايل بانت ليه غاطيح جرا بسرعة باش يشدها وبدعقة معرفش اشنو كيدير خشاها فيه كمش عليها باش مطيحش …

ياسين : ششش نوار …”خربق ليها شعرها حتى بدا كيقيص حس براسها سخووووون …هزها دغيا بين دراعو بانت ليه وحدة من الخدامات ..” فين بيتها ؟

خدامة : لفوق دورة الي على ليمن …

ياسين : طلعي سبقيني نتبعك دغيا …

طلعات بزربة سبقاتو وهو هازها بين ايديه كيزرب حتى دخلها لبيتها وحطها فوق ناموسية …هز تيليفونو وعيط ليوسف …

يوسف “ناض وقف مخلوع ” : م مااالها ؟

كلشي كيشوف فيه …وخا اولدي انا جاي …

قطع معاه وضار قال لمينة تعيط ليسرى تجي تشوفها ولا ترسل شي طبيب بزربة ….ناضو كلهم جملة تبعوه يتجاراو ههههههه

طلعو لبيتها لقاو واقف حداها ….شرح ليهم الي وقع ….

يوسف “قرب ليها كيقيص فوجهها طااايب ” : الله ياربي على كبدتي …

فؤاد “شاف فيهم وخنزر ” : مكاين لاش تجمعو كلكم هبطو خليو البنت تنفس “معاودوهاش معاه اصلا مكاين لاش تجمع بلا فايدة …دغيا هبطو جميع …مشا فؤاد لواحد ريحة محطوطة تما ديال فاني رشها وقرب حداها حط ليها صباعو الي فيهم ريحة على منخرها عاد بدات ترمش وتفيق …

يوسف : نوار بنتي ….

نوار : اممم بابا ضرني رااسييي …

فؤاد : دابا يمشي صداع ابنتي …توگض معانا الله يرضي عليك …

نوار “الصمت ” …

ياسين : واش نديها لسبيطار ولا غايجي طبيب ؟

يوسف : هاهو يجي يضرب ليها شوكة وتوگض …

ياسين : بصح ؟

فؤاد “ناض من حداها ووقف حدا ولدو ” : عادي هادشي البرد كيلعب فصحتنا اولدي كيما بغا …

ياسين : الله يشافيها …

واحد الشوي طلعات ليها يامنة كمادات باردين بدات ديرهم ليها بينما يجي طبيب …الي كيخصو طبعا مسافة وعاد تعيط ليه يسرى وعاد يشوف يعني مدة زمنية ماشي غي طيح تلقا طبيب عند راسها …..

عاونو بالكمادات بقات معاها يامنة حتى جا طبيب وعاينها ضرب ليها شوكة وعطاها دوا مقوي ….ودوا البرد ..

طبيب “كان فؤاد ويوسف و ياسين ويامنة الي حداها ” : غادي تنعس تالعشية وتفيق ولكن خاص تبقى متكية وتلبس مزيان تايحيد منها البرد …وكيف تفيق

عطيها تاكل مزيان وعطيها حليب سخون فيه فليو وتبع دوا وميكون خير …نمشي اسي يوسف نبلغ خالتي يسرى ( الطبيب باقي شاب ) خليتها مشطونة …

يوسف : الله يرضي عليك اولدي شكرا بزاف …قوليها تهنى عليها راني كنعرفها كتشطن عليها …بلا متبرزط ب#تتمة_البارت_36_نور_الياسين_sanamina

استاذن طبيب مشا معاه فؤاد وياسين وبقات يامنة ويوسف جاو نجوى وسارة ورجالهم طمنو عليها ورجعو هبطو ….

يامنة : يوسف خويا يلاه نهبطو نفطرو راها مزيانة متشغلش بالك انا نبقى نطلع نطل عليها وحتى مينة …

بوسف : الله يحفضك اختي يامنة …

باسها فراسها وغطاتها يامنة مزيان تقلات عليها الغطا وخرجات هي ويوسف هبطو لتحت يفطرو …فؤاد كيف العادك فطر الي قد عليه وجاه تيليفون وخرج سبق …

واحد شوي حتى تم هابط سنبل اغا لابس غا بيل سمطيات بيض وشورط قصييير وكلاكيط جاي ويجر فرحليه ويحك فعينيه ….

اشرف : ااااه صباح الخير …

صهيب : الله اودي نورتينا غا ملي شفناك …

الياس : فقتي اراس المحكة ؟

يوسف “طلعو وهبطو ” : شداك سليب لابس

اشرف : اشمن سليب العميم سي لاموض …”وقف عليهم وحاط ايدو على كرسي وكتف عريض عجبو ….”

ياسين “جمع حجبانو وطلع واحد وضور غا ربع وجهو هههه ” …

اشرف “نزل عينيه شاف فيه ورجع شاف ف يوسف ” : خليني احفضك راه قهرني صهد ومبغيتش نخدم الكليما كضرني فعضامي ماشكيت عليك “دارت ليه طن وهو يتكوانسا “

الياس : هبط عينيك غااا هبطهم اللوين …

اشرف “هبطهم نيشان لايديه حيدهم بعدا عاااد قرب وضار شاف فيه ” : وو ياسين خويا ؟

ياسين : اش بان ليك …

اشرف : وااااااااا تااا عاااش من شافك …مالك اصحبي فهاد الغبرة مخلي مك غا تبكي ومقهورة قطعات ليا فقلب قلبي …تناااكت اصحبي والله الى عزااااا عليا فحاااالاش …كلشي الا الفجيلة “الخلعة كتهضر فيه “

عمرك باقي تعاودها سييير دير دارك وتزوج وفرحها بوليدات …الله يكمل عليك ويسهل عليك وهادي ساعة مباركة فاش تلاقينا والعزيز على ميمتو عمرو ميتخص ….

ياسين “يلاه بغا ينوض …حتى طلقها اشرف بجرية كلاكيطو وحدة تلاحت لهيه ولاخرا لهيه غادي معيط جبد ….”

اشرف : واااااااالعداااااااااو ….زهري كحل من لحمي …اخوتي حولني حلمت براسي غانموت …

الياس : ههههههههههههههههههههههه

صهيب : تهههههه لا حول الله يارب …

يوسف : ماتديش عليه راه مولفينو هكا اساعف معاه راك عارف قصتو اولدي …

يامنة : اتبت اولدي هههههه غا حيث عزيزة عليه انا ديما يسول عليا ويسولني كي بقيت معمرو خطاني …

محمد الحبيب : ههههههه🦋🐺نور_الياسين (37)sana mina🐺

🦋

انصرف الرجال الكبار خرجو مجموعين الياس وصهيب و يوسف من بعد ما اطمان على بنتو …نجوى وسارة مشاو لكوزينة يشوفو شنو يوجدو لغذا من بعد ما طلعو شافو نوار الي بقات حداها مينة ….اشرف بعد معانات بزز باش هبط يفطر فالكوزينة مسكين ولكن سلم على ياسين ….بقا فالجردة يامنة وولادها العزارى …

يامنة : فين اسامة ا محمد الحبيب مبغاش ينوض ؟

محمد الحبيب : غا خليه اميمتي تما …

يامنة : ويلي “بغات تنوض لعندو حتى شدها ياسين من ايدها وجلسها “….شنو …

ياسين : الحنانة …سمعي ليا مزيان …

يامنة : اولدي …

ياسين : انا جيت دابا حيث توحشت واليديا بزاف وجيت نشوفكم …وقلت ليك مطول …وجيت نشوف تا حريرة اسامة …

يامنة : شنو غادير معاه “شدات قلبها “

ياسين “هز ايدو حادر راسو ” : معندك سوق دابا بيني وبين خوتي خرجي تيقار عيشي حياتك مع الوليد ورتاحي ليك مع راسك براكة العذاب الي دوزتيه معانا دابا خايني انا نتوالاه …

يامنة : ياسيييين …

ياسين : ياك بغيتيه يتقاد. ؟ يقرا يجمع راسو.

يامنة : “اومات براسها ب اه “

ياسين : نبينا عليه سلام ….انا جيت هاد المرة مطول الجلسة هنا وماشي بعيد نستقر مدة طويلة …

يامنة : الله اولدي وبالفرحااات عليا غي بقا راه منك ليه …ماندخل منقرب …غااا شور شوية راني عااارفة وخا هكاك غا شور على وجهي راه الكبدة صعيبة اميمتي …

ياسين “باس ليها راسها ” : عاارف الحنانة غاتهناي ….”هز عينيه فمحمد الحبيب الي غمزو ” …واحد شوي حتى صونا ليه تيليفون كان اركان صاحبو عشيرو من زمااان من ايام الدراسة الثانوية ف مراكش ….

ياسين : حبيب طموبيلتك محتاجها ؟

محمد الحبيب “جبد من جيبو الكونطاكت ولاحو ليه من لفوق حتى شقمو ” : طوموبيلتك هاديك هزها وقت ما بغيتي ….

ياسين : يعمر دارك “ناض وقف ” …عندي منقضي الحنانة في فاس غير تغداو منجي حتى ليل ….

يامنة : عاد جيتي اولدي …وغادي خارج ….

ياسين : ايام الله طويلة …قاد حوايجو وساس سروالو ومشا ركب فسيارة محمد الحبيب كاتكات غير ديمارا وهو يكسير …ضربها طوالة حتى خرج لشانطي وشدها نيشان لفاس العاصمة العلمية ….

وصل البلاصة فين داير مع اركان حتى لقاه واقع ولد طويل مگضر سميمر شوييي تقولي مبرونزي واحد لون فيه غزااال ….كيلعب بساروت حتى كلاكصونا عليه ياسين ….ضحك تا بانو ضراصو ومشا لعندو طلع ركب حداه …

اركان “تسالمو بدراع ” : على سلامة الوحش …

ياسين : الله يسلمك …فين الامور هانية وكان ؟

اركان : هانيا وهناات بشوفة عشيري …

ياسين : يعمر دارك …نتحركو ؟ ولا تهضر …

اركان : نمشيو لديك البلاصة الي بغيتي تشوف باش تاكد …

معطلوش دغيا كسيرا موقفو تال واحد الدرب شعبي بامتياز ….بلاصا بعييييد فبارك وهبط هز كمايم تريكو وقادو من لور …وصلو لراس الدرب حتى بانو ليهم شي وحدينات لا حول الله يارب… تشوف وتشوف وتقول الله يستر ويصوب …

بنات فريعان الشباب وكاين الي قاصرات …كلهم ضاربين ايديهم ومشرمطينهم بزيزوار …وحدة تكمي وتبخ ولاخرا تحك فمنخرها والي كتشم مكتبينش كدخل لداااخل حتى كتخرج كتعطس ولا تحك منخرها ….

اركان : فاااك اصحبي على منضر …

ياسين “مشمئز وطالق غوباشتو ” : في الق**** الي بغينا …

اركان : سير طوااالة تتحدها اول باب مقابل معاك هو هذاك تما كاين …اسمو عضيمة سطوال…

داكشي الي كان جبدة حتى حدو الزنقة واول باب كان اركان وخا هكاك قلبو كيضرب لان المكان نوعا ما خطييير ….ااااري ليك قلب الثلج الي قلبو حار فيه ههههههه ممحركة فيه تا خصية ….مع وقف دفع الباب بلا احم بلا دستور ….

لقا واحد خينا واحد الطويل ومسلوت عريان وفوقو وحدة خدامة كدير ليه ف بوزيسيون صفارة الكوكوت هههههه وتاوهاتها الله العلام هو بارك عليها …

عضيمة : واااا تحركي بجهد هكاااك زيدي زييدييييي اللله …..

هي : وااا كنتقصح النم ….اووووو اممم ااااا …

ماحسوش براسهم حتى جاتهم ركلة تشتتو بجو#تتمة_البارت_37_نور_الياسين_sanamina🐺🦋

عطاهم ركلة حتى جا هو فوقها وهي لتحت هههع خلا اركان ميت بالضحك ….

اركان : يلاه دابا نوبتك اعضيمة ..

عضيمة “شاف فيهم وهو يدفعها دخلات البيت تجري هكاك مسفحة …وناض لوا عليه واحد فوطة تما شابع فيها مسيح العجب ..” : امااا عدو ربك نتا اش واقع ….تم جاي ليه باش يشنق عليه حتى شدو من عقنو قجووو حتى هزو ورجليه كيلعبو فلارض ….

عضيمة : قغغغ قغغغ فففف قققققق …وااا ققققق

لصقو مع الحايط وصباااااعو كيحفرو ليه فالوريد روووحو بغات تخرج وجهو ولا مجيف تا بغا يقتلو ورجليه كيفرفرو ويفركلو حتى فيقو غير اركان اما كان غايموت عليه ويموت لياسين بين ايديه ….دعفو حتى خلاه كيتركل يقلب عالنفس الي مشات ليه ….

عضيمة “كيتركل لفوطة تلاحت وبقا عريان حتى بدات نفس كترجع ليه …شوي حتى معرفوش شي وحدين امتا خرجو حطو لياسين واركان الفردي على راسو …” : قت قتلوووووو ولد الزوادة (فحال بنت القح***) ….

ياسين : يقيسنا شي زااام** ولد العطاية غايتفرشخ ليه راسو “هز صبعو ” وراني قاد بكلامي وبهضرتي يحلفو بيها رجال ….

اركان : تواحد ميتهور ويحط سلاح احسن كاين الي يفرشخكم بلا متحسو ومن حيث لا تدري …عضيمة سطوال من لاخر ضوصيك راه لفوق …راه الي قدامك ولد رمسيس ومن لا يعرفه …

عضيمة سطوال ما كحالت دنيا فعينيه غا ملي سمع رمسيس وعااارف بوه فؤاد رمسيس فالمافيا وخا يطير لسما يردوه كفتة ولوحوه لكلاب وكانه مكانش كاع فدنيا ….دغيا غمزهم وحدرو سلاح وخرجو ….

عضيمة : ش شنو بغيتو ؟ اش بغيتو عندي …

اركان : شكون كيعطي دراري ديك الكالة ؟

عضيمة : وعلى رقبتي وحق ستين حزب …

ياسين “عطاه ركلة تا غوت لربي الي خلقو وسط حجرو ” ….

عضيمة : اااااااااعععععععععع اربييييي

اركان : هضر ينعل القواد بوك …

عضيمة / والله ما عرفت انا غييي عبد مامور …سول المراكشي هو الي كيوزع علينا سلعة برب الجليل مكنعرفو اش فيها بالله …

اركان : هي الكالة كيديروها دراري غا راسهم بعشوب من عند العطار …ولكن عندنا واحد دري وجاتني الخبار بالي هاذ الكالة بوحدها …شكون يعطينا معلومات اش فيها وشكون مولاها

ياسين : الشاف الكبير اولد زوادة شكون ؟

عضيمة : سولو المراكشي والله ماعارفو المراكشي …ك كاين دارو حدا المحطة قريبة لسوق بو جلود …ولكن راه دابا فمراكش ميجي على تلتيام نعماس ….

ياسين “ركلو برجلو لوجهو متسوقش حتى شرك ليه المنخر والفم تا طاحو ليه جوج سنات وخلا دمايات فمو دايزة …ساس ايديه وضار ضورة ” ومشا مخسرش عليه تا كلمة

اركان : لقا رباعتك كيضورو بخويا صغير ( على اسامة زعما ) حسب راسك عمرك ماكنتي مواطن فهاد البلاد ولا بنادم فهاد دنيا …

وخرجو بجوج من داك المستنقع ديال المنكر والادمان وكل ما هو🦋🐺نور_الياسين (38)sana mina🐺

🦋

وصل الليل تقريبا غاديا النصف من الليل …دخل بسيارة من بعد ما حل ليه العساس الي تما ودخل بلاصاها وخرج منها هز راسو بان ليه ضواو جوج بيوت شاعلين …كان واحد ديال بيت مو وباه الي غير حسات بيه طلات عليه من شرجم شير ليها باش تطمأن ودخلات تنعس …ولاخور الي كان ديال اسامة غير شافو طلقها بتخنزيرة وزير على ايديه تا ضهرو العروق الي فيهم كيف الصاعقة ….

دخل لدار لقا محمد الحبيب شاد لابتوب كيخدم فيه …جلس حداه مفرق رجليه حط راسو عالفوطوي وهزو لسما غمض عينيه كيسمع دندين الي فراسو قبل ميجبد گارو ويشعلو …

ياسين “نتر من السيجارة ” : خدام …

محمد الحبيب : وياااه واحد الكليان بغا شي موديل هاني كنقادو ليه …

ياسين : الله يوفق …”بدا يطرطق فعنقو وكتافو كتسمع غير طررراق طراق ” …فففف

محمد الحبيب : سير طلع دوش ورتاح اخويا …تعشيتي بعذا ؟

ياسين : مافيا مياكل …غانطلع ندوش ورتاح …اجي نعسو ؟

محمد الحبيب : هممم بقيت غي انا نسالي ونطلع …

ياسين : اسميتها ….”كمش عينيه ” نوار كيف بقات ؟

محمد الحبيب : صافا مزيان باقا ناعسة

ياسين : مزياان …

ناض بوقفتو مشا طلع لبيت فين كينعس مع دخلة حط حوايجو وطواهم ودخل لدوش غسل حالتو باش يتوگض ويرتاح من تعب مناعس ليه يومين …لبس شورط كحل وبيل سماطي فنفس لون وخرج اتاجه لبيت اسامة حل الباب ودخل لقاه ناعس مشبح كان غايجبدها معاه وهو ناعس غا قرا حساب باه ومو ….

ياسين “كزز على سنانو حتى ولا وجهو حمرر …” : برررب الجليييييل جيتيني خويا دمي ولحمي وعرضي اما نصفيها لعدو ربك على ضيم والهم الي طيحتي على واليديا …قليل العقل في سن العقل ( زعما عندو عشرين عام ومعندو عقل ) ….

ضرب ضورة وخرج من بيتو كان بيت نوار حدا بيتو …تفكرها كيفاش طاحت وجايا وتعرج مسكينة …ولا كمل طريقو ومشا لبيتو ينعس تايصبح ولكل حادث حديييث🦋🐺نور_الياسين (39)sana mina🐺

🦋

من بعد ما كانت السخانة تقتل فيها ديك اليومين تبعو ليها دوا وخفات الحرارة …كلشي تجمع عليها والبرد لعب فيها مزيااان ….خرج من بيتو لابس قميجة بيج وسروال كحل دجين وسبرديلا فحال صباط …ريحتو تعطي تاهو عندو بارفان مميز بيه …شعرو مرجو لور ومنفوخ بحكم قوي عندو ….طاوي كمام القميجة وحال صدايفها منفسها من قدام ….كمل المكالمة حتى كان غايخبط وهي دير ليه طن ….ايييه ديك البنية الي ملي حطها فسرير مبقات بانت ليه ونساااها حتى تفكرها وهو يعقد حواجبو …دخل لعندها

دق وهي تجاوبو مينة لحسن الحظ

مينة : شكون ؟

ياسين : هانيا ؟ (زعما واش هانيا ندخل حيث للبيوت حرمة )

مينة “شافت فنوار الي طول هاد اليومين وهي تتفادا تشوفو ..خرجات نوار عينيه وخا مزال مريضة …”

نوار “باقي صوتها باح ” : قولي لييييه “تتهضر بشوي ” ناعسة …

مينة : حتى لين مغاتشوفيهش ؟ متعيقيش راه غايعيقو بيك …وگض راسك هادي هي الفرصك باش تقابلي معاه وتنسايه ….ياسييين خويا دخل

نوار دارت راسها ماتت قلبها بغا يخرج بغات تنقز ليها دمعة غا جا الله من جيهتها …

دخل بشوي كيطل براسو حتى شيرات ليه مينة ودخل لقاها مغمضة عينيها وكترمش مينة هي وشيطان هزو يديهم …

ياسين : كيف بقات ؟

مينة : صافا شوية ن ن احم ناعسة هههه

ياسين : مزيان خليها ترتاح …”صغر فيها عينيه وحاااضيييييها ….”

مينة : انا نخليك نهبط عند ماما لتحت تاتلحق عليا…”اوما ليها ومشات خرجات “

وقف مقابل معاها مربع ايديه ….كيشوف فيها تترمش وعينيها مزاگينش وراه يومين باش برات وهي دايرة موتة حمار غا باش متلاقاش بيه وتفشل ههههخ

ياسين “كمش فيها عينيه مركز معاها خلاها رمشت على خاطرها ….” : نوار ….

نوار : اننن ايييي اممممم ….”كتقول فخاطرها سير قود راه غانموت لا حليتهم تنااكت هههههه “

ياسين : نوار غير نوضي يكون خير …ردي بالك لاشنو كتقولي ( على ديك الاصوات اممم انننن ااااه ههههههه ) النية نية حسن تبقى صافية …المهم الله يشافي الصغيرة ….

ضار الدورة وتم غادي خارج بثقالة …خرج من البيت وهو يقلب جيبو ملقاش كونطاكت طموبيل الي خلا ليه خوه …مشا لبيتو قلب عليهم….

ياسين : تتت …كيقلب فجيبو ويضور بجنابو يقلب فالارجاء تما والو ملقاهمش عاد تفكر راهم فبيت نوار ممكن ….خرج من البيت

هي غييير خرج وهي تنوض قلبها كيزدح فتسعين ….شفايفها توردو …كان شعرها مخربق وخا يتشعكك مكتبانش عليه مع رطيطب …لابسة غييي بيجامة حد ركبة …ناضت كتقيص فحناكها وتولول ….

نوار : واميي كي غاندير منبقاش نتلاقا بييييييه …ندير بهضرة مينة باش نولف عليه ولا اشنو ….عنعننن …اففففففف ….

ناضت من فراشها تمشات ناحية الباب يلاه بغات تحلو باش طل واش كاين ليه الحس ويااا خوتي مع بغات تحلو مع حلو هو مع طلقتها واااحد مولاتي الغوتة …

نوار : واااااااااااعوووووووووووو اهى اهى وااا عتقووووووونييييييييييي ….

ياسين”عقد حجبانو مخنزر معرف باش تبلى ” : فاااااااك

نوار : الموت المووووووت اهى اهى ..🦋🐺نور_الياسين (40)sana mina🐺

🦋

على فييين ياا هوااايا على فيين احنا ماشيين …بغني الليي بحسو منو وواعيااااه …عااارفين البداية والنهاية مش شايفييين …عايزة قول كفاية عاايزة عيييش …غييير للحب غيير للاحلااام …يااا قلبي هو يوم من الاياااام …على بالي …غني وتعالى دانا قلبي ينادييلك …اسمعني وخدني بستناااك …

ماعرفات مسكينة امتا خرج قدامها ههههه داكشي الي خططات ليه فشلو ليها فدقيقة …وشحااال اصلا قدها تخبي وتخبا …المواجهة ولابد منها فاي وقت واي مكان ….كيف نصحاتها اختها تقابل معاه باش تعرف تواجه مشاعرها باما تحكم فيهم ياما تحكم فيهم باش تحاول تمحيهم وتعيش على انه ولد عمها لا فير ومتبقاش فالاحلام الوردية تاع كل بنت كراشات على شي حد اي بمعنى شي واحد معجبة بيه كيتسمى كراش ….

نوار “طلقات زواكتها تا صمكات ليه الوذنين معرف باش تبلى ” : وااااااعوووووووووو الموت الموووت ….

ياسين “خرج عينيه ” : شنوووو اش واقع ؟

نوار “ماعرفت واش ترجع دير راسها ماتت ولا تهرب منو ولا كي دير ….” : البحر من ورائكم والموت امامكم

ياسين : شنو ؟؟؟؟ وقعات ليك شي حاجة ؟ ضرباتك شي حاجة ……تحركي هضريييييييييي “جهد صوته “

نوار “بغات تموووت اش تقوليه مبغيتش نشوفك اش دير ….فلاخر هزهزات راسها زعما اه تضربت وبدات تبوحط ” : اممممم اه اهى “مغمضة عينيها …

ياسين “كيقلب فيها بعينيه ” : فييين ؟

نوار : تا بلاصة ….اااا رجلي اهى ضربتها مع الباب …

ياسين “ربع ايديه وتكا عالحايط كيحك فشفايفو بسنانو وعاقد حجبانو مخليها تبلز يلوگيات على خاطرها وعينيها هي كتهضر وتغمض فيهم والى حلتهم تتشوف بجنب هههههه ” ….

نوار : اييي رجلي اهى اهى ….اندخل لدوش نجيب بانطوفتي ميديكال ….”ضربات ضورة عطاتو بضهر حتى سمعات ” …

ياسين : غا بقاي مكاين الي يقرب ليك “هز كونطاكت وخرج زدح الباب حتى قفزت ” …

نوار “بقات واقفة حادرة راسها والهضرة الي قال كضور ليها فراسها وزدحة …مكاين الي يقرب ليك مكاين الي يقرب ليك ….هاد الجملة اثارت انتباهها بل حست بيها مقصودة يمكن من منضورها هي رغم انه هو مقصد بيها حتى حاجة من غير انه فقط حيث شافها كتفاداه ومفهمش اصلا علاش ….بدات كتجمع

فمها شوي حتى كتبغي تدلي شنايفها وترجع تجمعهم وترجع ثاني قبل متجلس لارض وصدرها كيطلع ويهبط ….” ااه م مكاين الي يقرب ليا مكاااينش ااااه …عااارفة …مغاديش نبكي واعدت راسي نتقبل ومنبكييييييش واعدت راسي ااااه اااه ….غانوض نغسل وجهي وهبط عندهم ….

“يلاه بغات تنوض وهي تجلس” ….ولا غايكون ويبقا يشوف فيا …و ممم اهى وناااري ….

الحاصول الله يستر وصافي هزيت ايدي انا …ياسين فهاد اللحضة هبط نوعا ما معصب لقاهم لتحت كيديو فالماكلة وشي جالس وشي سبق خرج عندو ميقضي ….

يامنة : ولديي جلس تفطر …

ياسين “مخنزر قرب ليها باس راسها ” : تت لا عندي منقضي ممساليش …غا بصحتك …

يامنة : مالك اولدي بيك شي حاجة ؟ وفين غادي قبل متاكل ؟

ياسين : غادي نمشي نشوف الميمة ( نجود ) عند راوية (راوية عمتو عندها نجود ايام وهي معاها داكشي باش غابرة ) ومن تما عندي منقضي لفوق ….الوليد ؟ (شافو مكاينش )

يامنة : فقت ملقيتوش يمكن عندو ميقضي حتى هو مدهي …

ياسين : ماعليش …”شير ليهم سلم عليهم وزاد خرج “….

#يتبع…..

#تصبحن_على_خير….♥️♥️ ….

#يتبع…. اسود …..

#يتبع….ج حتى ولا هو فوقها 😂😂😂😂

#يتبع….هه السرعة تقتل ….

#يتبعتعياط فتيليفون …

#يتبع….abina …..

#تصبحن_على_خير…..ووووني …

#يتبع….عة شهد …..

#يتبع….ي ياسين خويا …

#يتبع….ور فعينيها …”

#يتبع….ويفتح ولكل حادث حدييث …

#يتبع….تصبحن_على_خير ♥️♥️لاة مصلاها معانا ….

#يتبع وسعدو باسهم …

#يتبع….

#يتبع….ن عااكسنا …

#يتبع…..حنانتي …

#يتبع….صبحن_على_خير 🌚 الجديد خههههخ …

#يتبعقات بالحس ” …. : غ غ غايجيييي …

#يتبع….تبع…. سول فمك المسخوط …

#يتبع…. حتى يشوف شنو غايوقع ” ….

#يتبع….يوم_الاثنين ♥️♥️

Leave a comment