Skip links

قصة : نور الياسين ج 28

 30,641 عدد مشاهداات

🦋🐺نور_الياسين (601)sana mina🐺🦋

ماهي ساعتين ماهي ثلاثة ربعة سوايع الي بقاو على برا كيتسناو كيخرج شي حد مكيعطيهم تا خبار …لان مابغاوش يقولو ليهم كلشي كامل حتى تستقر حالتها او عالاقل يعزفو يسيطرو عليها او اي حاجة ….

يامنة : ياربي مالهم تعطلو ؟؟

مصطفى : صبري وذكري الله اااا بنتي …الغايب حجتو معاه …

فؤاد : تعطلو بزاف …

اسامة : ياسين مكيجاوبش …

فؤاد : كيصوني ؟

اسامة : اه ولكن هو كيقطع ..

فؤاد : ماتهضرش حتى بهضر هو الي كان حجتو معاه …

اسامة : واقيلة سمع على ما عقلت كنت جاي نعطيه يهضر مع الحنانة تا سمعت صوت وطلعت غايكون سمع …

يامنة”دموعها دازو ” : الله ياااربي الله …

واحد الشوي حتى خرجات المختصة ومعاها دكتور الي فالمستعجلات …حتى وقفو وجاو عندهم …

دكتور : مغاديش نهضر انا غادي تعطيكم الدكتورة ايناس التقرير كامل …بون امكن ليك تهضري …

ايناس : بون الي وقع ليها كان انهيار عصبي حاااد كان على شوي يديها ليها عمرها …باش نحطكم بالصورة هي عندها فقر الدم حاد وقع نزيف هادو كاملين مسببات كيهددو الحياة بشكيل كبييييير …ربي جا من جيهتها …حاليا حالتها راه ماشي لباس قدرنا نسيطرو على نزيف وبالتبرع الي تبرع ليها الولد تعتقات لكن حالتها ابدا واش مستقرة …خصوصا انها جهضات الجنين ديالها ….

فؤاد “حدر راسو وكمش عينيه ” : الله اكبر …

مصطفى : لا حول ولا قوة الا بالله …

يامنة : الله يااربي الله كانت حاملة ؟

ايناس : وي كانت حاملة فشهر وشي يومين …

يامنة جلسات على وقفتها تا تزدحت فالكرسي قلبها كينزف وعينيها ماحابسينش من دموع تا حطات ايديها على وجهها …

ايناس : دابا هي تحت المراقبة كل دقيقة حيث حياتها مزااال فخطر شوي …خايفين لا يرجع النزيف من جديد لذلك غاتبقا مراقبة طول الوقت …جلستكم هنا مغاتفيدكم بوالو سوى الانتظار ….”شافت في فؤاد ” شكون راجلها ؟

فؤاد : مسافر برا …

يامنة : هو شيخها وعمها فنفس الوقت ابنتي …

ايناس : وخا تجي عندي المكتب ؟

فؤاد”شير ليها بمعنى واخا …استاذنات منهم خلات طبيب يشرح ليهم ومشا فؤاد تبع طبيبة تال مكتب وجلسو …” : كاين شي مشكيل ؟

ايناس : الجنين كان ميت ليه يومين …مكانتش عارفة ؟

فؤاد : لا حتى حد حتى هي …

ايناس : كان ميت اصلا نتيجة الاعصاب وحالتها نفسية …ضغط اغلبية كيتسبب فسكوت قلب الجنين واتاضح من خلال الفحوصات ان قلبه توقف يومين هادي …كيفاش مكانتش عارفة ؟

فؤاد : على ماعرفت هي مريضة بفقر الدم …

ايناس “حركات راسها” : وممنوع عليها تحمل لان الحمل خطييير عليها فهاد الحالة …حبوب منع الحمل كيحميو بنسبة لكن ماشي مئة بالمئة وزيد عليها دوا فقر الدم تخلطو الادوية كيقضيو على المفعول ديالو …مكنذبش عليك حالتها كانت خطيرة بزاف اضافة لانهيار …ضغط انخافض القلب انخافضو دقاتو …على شوي وكان ربي غاياخدها …نصيحة مني فاش تفيق وتولي لباس ان شاء الله …خاثها تشوفطبيب نفسي لحالتها الى ماتعالجتش نفس شيء غايوقع لجنين الثاني الى جابو الله مرة اخرى …

فؤاد : ان شاء الله …

ايناس : من بعد يومين غادي نعطيكم تقرير لكن حتى نتاكد من الجنين الي جهضات مزال غانديرو عليه فحوصات …

فؤاد “عقد حجبانو ” : شنو كاين شي مشكيل ؟؟؟

ايناس : معرفتش ومبغيتش نعطيك شي حاجة حتى نتاكد …

خرج من عندها نيشان لعند يامنة لي طمنها عليها بزز باش خرجو من لكلينيك مخلين فؤاد بقا تما حتى تجي يامنة تجيب شنو غايخص مشات مع اسامة .،..

داز الوقت والحالة مزال مستقرة نسبة الخطر بدات كتقل …وصلات ربعة صباح حتى تمات جايا يسرى ويوسف الي وصل معاها قد قد و ايساف تاهو ….اما صهيب بقا تما تيجيو صباح تاهما …

يوسف”جاي كيجري بانت ليه يامنة متكية على فؤاد الي كيقرا فالقران …كانو رجليه غايخواو بيه غيير شد فراسو …” : فؤاااد …

يسرى : بنتييي يامنة بنتي اش وقع ليها …

فؤاد ويامنة ناضو وقفو تا جا يسوف شد فيه فؤاد من كتفو كان غايطيح كون ما شدو ايساف واسامة هو ويسرى رجليهم فشلو …

يسرى : كي ب بقات ؟؟

يامنة : شوية شوية غير تهدني عافاك ايسرى …

يوسف : فين هي مالها ؟؟ اش هادشي خويا هاا ؟

فؤاد : يوسف قضاء الله هو هذا كون مع الله …

يسرى : يامنة قولي مالها اش وقع ليها ؟؟ علاش هي فالانعاش ؟؟

يامنة “حدرات راسها بدات تبكي ” : اهى اهى كانت حاملة وطاح ليها …

يوسف”مسكين عينيه غرغرو واقف كيشوف فيامنة الي كتقول اش كاين وفؤاد قدامو حتى تخلخلت و🦋🐺نور_الياسين (602)sana mina🐺🦋

سبحان الي يبيتها فشان ويصبحها فشان …هادي هي دنيا وهذا هو مكتابك ياا انسان …الي وقع لنوار مكان لا عالبال ولا الخاطر …ملي عرفو الخبار وشنو وقع بالتفصيل وحالتهم ميعلم بيها غير الله …هنا فين وصلات بيها حالتها النفسية …هنا فين وصل بيها الحال الي هملات راسها وصحتها …يومين دازت عليهم كحلة لا يوسف كياكل ولا يسرى كتاكل …حتى وصلات عليهم مينة فور ما ساقت الاخبار والحبيب حتى هو مسكين جا من خدمتو يجري …اما اشرف مسكين تاهو من شركة وسطاج لصق فالحبيب ووصل عليهم ….

ونوار الي واقع ليها هادشي عينيها مزال ما حلاتهم وحالتها مزال تحت المراقبة المستمرة …اش هادشي وقع واش هاد الحال …

يسرى “جالسة حداها وتدوز على شعرها وحنيكاتها الي هرب منهم لون ووجها الي ولا بيض هو وفمها …حتى بدات كترمش فعينيها وتحركهم وتلولبهم وهما مغمضين وصبعها كتحرك فيه ” : ماما نوار !!

نوار”كتحرك فعينيها حتى حلتهم ” : انننن …

يسرى : ماما شوية ؟ باش كتحسي ؟

نوار : امممم …

يسرى : اشنو محتاجة ؟ بغيتي شي حاجة ؟ “كتقلب فالايكو حدا راسها وضغط وكتهضر معاها وفنفس الوقت كتورك على الجرس باش يجيو الفرمليات الي متعطلوش دغيا دخلو كيجريو ” …وييي ماما هضري …

فهاد اللحضة جات الاختصاصية ايناس الي وقفات على يوسف وفؤاد …

ايناس : راجلها مزال مفخبارو والو ؟

فؤاد : جاي فطريق يمكن يوصل دابا

يوسف “شاف فيه ” : هضر معاك ؟

فؤاد : غير دابا فاش هبطت لتحت نكمي …

يوسف : واش كاين شي مشكيل ؟ مزال معرفتش شنو سبب الانهيار حتى وقع هادشي …

فؤاد : المشكيل الي قاليك اسامة غير هادشي بين المراة وراجل ميعلم بيهم غير الله وهما …

ايناس : واخا تجي عندي المكتب نهضر معاكم على شي حاجة خاصكم تعرفوها …

ناضو بزوج لعندها لمكتب …

ايناس : بون انا قلت ليك ديجا كنت شاكا فشي حاجة …هو الي وقع وقع لكن ضروري خاصكم تعرفو …

يوسف : ش شنو المشكيل ؟

فؤاد : خير …

فالممر المؤدي لجناح فين ناعسة نوار حتى وصل عليهم ووقف عينيه حمريييين وشعرو مخربق وحالتو تشفي العدو …

ياسين : نوار !!

يامنة “وقفات” : ولديييي ..

ياسين “جهد صوته ” : نوااااار !!! مالها ؟؟؟

يامنة : ولدي …

الحبيب”حط ايدو على كتفو ” : خويا هي دابا معاها فرمليات وطبيبة ميخليوكش دخل دابا سير وصل على الوليد والعميم يوسف تعرف حالتها بينما خلاوك دخل …

ياسين”مخنزر ” : فين ؟؟

ايساف : اصلا دكتورة كتسول عليك يومين هاذي …

ياسين”غزز سنانو بنفاذ صبر” : ففف فففففففين ؟؟؟؟

الحبيب : اجي معايا المكتب ديالها حدا فين ناعسة نوار فالانعاش …”بلا ميهضر تبعو حط الصاك لاحو وبقا غادي وفايدو الدبدوب الي وصاتو عليه نوار …غادي معاه حتى وصلو لمكتب ودخل حتى دخل عليهم ….

فؤاد”ناض وقف لعندو ” : وصلتي !!

يوسف : اجي ولدي جلس بغاتك نيت اجي وحضر عقلك اولدي الله يعوضك …”حدر عينيه صدرو كيحرقو على بنتو بزز باش صبرو فؤاد …ضور وجهو لهيه بغا يبكي …”

ياسين : ش شنو وقع ؟؟؟

فؤاد : اجي جلس …

ياسين : لا غير هضرو بغيت نمشي نشوفها …

ايناس”شافت ففؤاد الي حادر عينيه وشير ليها براسو باش تقولها ليه ” : باش تكون على علم هي كانت فحالة خطييييييرة ..”بدات كتعاود ليه كلشي…

فهاد اللحضة يسرى بقات واقفة تا قادوها وجات المختصة لاخرى حيث كانو زوج اختصاصيات واقفين على حالتها الحرجة…”

يسرى : ياسين جا بنتي …

نوار”حركات راسها بلا ودموعها دازو كتبعد فراسها ” : لا لا لا اننن اهى مبغيتوووش …

يسرى : كيفاش ؟؟

نوار : انننن اهى مابغيتووووش اهى …مابقيتش بغيييتو …بعدو مني بعدووو منيييييي …

فهاد اللحضة …

ايناس”لياسين” : الجنين توقف قلبه يومين قبل الحادثة …والي كنت شاكة فيه هو عادة كنعرفو هادشي حتى كتفوت شهرين …لكن فاش درت ليها الاجهاض شكيت حيث بان ليا اكثر من طرف غير طروفة الي هبطو (الاجهاض كيقطعو جنين طراف باش كينزل دغيا ) …درنا فحص وتحاليل وزدت تاكدت انها كانت حاملة بتوأم مع الاسف …توأم مع الاسف …

بقاو هاد الجمل كيطيحو فوذنيه ويتعاودو حتى طاح على وقفتو وطاح الدبدوب من ايدو الي كان جايب ليها …

ياسين”نزلو دموعو فحال الالماس كيبريييو هابطين مع خدو …” : و ولااادي …

#تصبحن_على_خير….

بهذا ننهي #الفصل_الثاني وبداي🦋🐺نور_الياسين (603)sana mina🐺🦋

شحااال من انسان او نقولو الانسان كيكون مخطط لحاجة حتى ربي كيدير ليه حاجة تغير ليه المخطط او تأجلو …ما يمكن الوصول لداك الهدف فديك الوقت الي خطط ليه مافيه خير ليه …ما ربما الخير فحاجة غير …ولا ماشي مناسب ليه حتى يطيحو ربي فالي مناسب ليه …هادي هي الدنيا مكتدي غير الي مكتاب ليك فيها …احيانا المشاكيل كتحل فساعتها الى حضر العقل …واحيانا خاص شوية تنازلات واحياااانا لازم البعد باش تحل من بعد ويرتاح كل طرف ويعاود التفكير فالي جرا وكيجرا وغادي يجرا ….

حنا كا انسان كل وشخصيتو كل واش كتب ليه ربي فطبعو وفعقلو وتفكيرو …كل واش حط ليه ربي فهاد طبع وكيفاش تربى عليه وكبر بيه …شي مرات مع تجارب والمشاكل والاخطاء كيتبدلو الطباع ومع مرور الزمن كينضج الواحد مع كل تجربة كيمر بيها هذا الى عطا لراسو فرصة باش يتعلم من اخطائو اما الى بقيتي فنفس النقطة را غادي تاذي غير راسك وعند تحمل المسؤلية غادي تفشل …..

~~~~~~~

حلات باب البالكون باش يتهوا البيت وطفات لاكليم الي باتت الليل كلو شاعلة حيث الحرارة كانت مرتافعة مع دخول فصل الصيف واول ايام شهر يونيو …بعد #مرور_عام_وشهرين تقرييييبا على الي وقع …خرج من الدوش كينشف راسو من بعد ما دوش وتوضى باش يصلي الصبح …

يسرى : ها حوايجك وجدتهم احبيبي والفطور واااجد …

يوسف”كيهز شنو غايلبس لول ” : مالك مزروبة ؟

يسرى : خاصني نمشي لعيادة يلاه نوصل لازرو …

يوسف : ايييه غاتبداي ليوم …

يسرى : وييي كتر من جوج سيمانات وانا سادة …

يوسف : قولي جوج سيمانات يلاه جمعتي فيها عضامك ههههه …ايييه ماعليش يلاه ترتاحي …

يسرى “تنهدات بحزن ” : توحشتها كنت غانمشي عندها فهاد الكونجي..

يوسف : خليها على خاطرها خليها دير الي بغات وتحمل مسؤليتها …

يسرى “كتحك فايديها حابسة دمعة ” : هي مزال مقلقة مني …”جلسات فوق ناموسية كانت اصلا لابسة وموجدة فقط كانت تتسناه يخرج ” عاام وصرف وهي تما معمري كنت كنضن غاتسافر بعيييد …

يوسف “لبس سروال وبقا عريان من فوق تكا على الماريو مربع ايديه ” : يسرى هاد الهضرة ساليناها شحااااال هادي …هضرنا تخاصمنا و”كيوجه ليها صبعو ” بدلي الهضرة وخليها عليك بلا متعاودي نفس سيجي ….

يسرى”هزات فيه عينيها مخنزرة ” : يوسف !!

يوسف : يسرى !! سدينا …

يسرى : ففففف …حتى لامتا هادشي !!

يوسف هز ماتبقى من حوايجو لبسهم ومشا جيهة الكوافوز هز ساعتو لبسها ولبس فيستة فوق القميجة مخليها كتشوف مابقاش جاوبها …شنو غايجاوب ونفس الموضوع تكرر مرارا وتكرارا قبل عام من بعد ما مشات وخوات المكان بارادتها هي من بعد ما خذات القرار عن قناعة تامة انها صافي مابقاتش قدرات على هاد صدمات ومشاكيل ومرض النفسي الي تعرضات ليه وضغوطات ووفاة وليداتها وخا مكانتش عارفة بوجودهم فاحشاءها زوج قلوبة من تمرة حبها اه حبها كيف كتقول ماشي حبهم لان اعتابرت راسها هي الي بغات ماشي هو …اعتابرات راسها مشفوق عليها … عرفاتو عرفها بغاتو ومبغاش يكسر خاطرها ….صدق كاسرو بلا ميحس ولا يقصد …ضغط نفسي والي جرا ليها خلاها كتشوف في اي بلاصة كانت كتجمعهم وتشوفيه العمى حتى كرهاتو ونفراتو …هادشي الي كنقول ليكم من منضورها هي …ولكن منضورو هو شنو ؟ من بعد ونعرفو …

خرج يوسف من البيت هز شكارة فيها لابتوب الخدمة الي رجع ليها من بعد ما رجع من عند نوار بشهر ونص وهو عندها حتى اطمان عليها انها بين ايادي امينة وبرغبة منها هي …

يوسف”لقاها هازا صاك وغاديا خارجة كتبكي ” : تت يسراااا …

يسرى “بصوت مغنغن مخنوق ” : انا مشيت نتلاقاو غذا ان شاء الله …

يوسف : ضوري شوفي فيا …

يسرى”كمشات عينيها وتمات غاديا ” : خليني عافاك “تمات غاديا وهو يجرها ضورها وخشاها فيه معنقها …”

يوسف “عزات عليه ” : صافي سمحي ليا الالة …

يسرى : توحشتها بزاااف عمرها مغابت عليا هاد الوقت كلو اهى اهى …علاش وقع هادشي علاش ؟ اشمن ذنب دارت مسكينة من نهار هزيتها فكرشي وهي كتعاني معندها زهر فتاحاجة حتى قرايتها الي عاطيا فيها وقفاتها …

يوسف : ماوقفتهاش هي عطات راسها وقت عطات راسها فرصة فين تبين شخصيتها فين تعرف على ناس وتعالج وتقرا تما عاد ممكن ترجع تكمل هنا …عطيها وقتها عطيها حريتها خليها دير مابغات يمكن الغلط الي درنا سدينا عليها من كاع جوايه وحنا الي تحكمنا بيها …

يسرى : تفرق شمل …

يوسف : هادشي مكتاب …وخا يوقع الي يوقع خويا منفوتوش ومنتخاصمش معاه وولد خويا تاهو مشفت منو غير الخير …هاد الموضوع تسد الغيار كيوقع هادشي مكتاب …وهي الى بغات ترجع را غاترجع راسها ….را عام هذا باش مشات …(عام وشهرين على اخر مشكيل وعام باش سافرت )…

يسرى : العقد ديال ختها قريب مغاتجيش ؟ …

يوسف : شوفي هي شن🦋🐺نور_الياسين(604)#فرصة_ثانيةsana mina🐺🦋

..بالمدينة الالمانية هامبورغ …امام واحدة من شقق ايريك فىكيل البوتيكية …على بعد 4 دقائق سيرًا على الأقدام من محطة هامبورغ المركزية وبحيرة إنير ألستر…واقف بالسيارة كيتسنا فيها تخرج …من بعد شي خمسة دقايق هكاك ديال الانتطار حتى لمحها خارجة بكسيوة بيضة سماطي وفوق منها كاب خفيف طويل جاي مع طول الكسوة فالگري …وصاك فجنب وسبادري بيضة فيها زواق گري فلون الكاب …هازا شعرها كعكة اسفنجية …وهازا فايدها ملف وجايا …حتى دقات عليه حل ليها الباب بالبوطون …

نوار”دخلات حداه وقادات سانتيغ ” : ديما انا خاص حتى نوقف عليك عاد تحل الباب”مكتشوفش فيه كتهضر وتقلب فوراق الي فالملف ”

سليمان”ضحك بجنب ” : ضروري ماتبقايش مولفة كلشي بساهل …

نوار”هزات فيه عينيها شبه مخنزرة ” : سليمااان …

سليمان : نواااار …طلقي فين غاديا راني غير شاد طوموبيلة الوليد مزال غادي الكلية عندي امتحان عشية …

نوار : علا مغاديش نخرجو ؟

سليمان : بيشتمت(اكيد ) غادي نخوجو …نسالي اختي ونخرجو ..

نوار”شافت قدامها ورجعات حنات عينيها فالوراق ” : خاصني ندفع هادو لمدرسة الي غادي نقرا فيها هاد صيف …

سليمان : زدتي حتى صيف ؟

نوار “هزات كتافها ” : احسن نبقا جالسة خالتو نجوى مشات لهيه …

سليمان : did-deutsch-institue ..(مدرسة تعليم اللغات فهامبورغ فيها حتى بريميوم على حسب فلوسك وحسب الكورس الي بغيتي …) …

كسيرا بطوموبيل لوجهة فين بغات ..حتى طلقات اغنية رامي صبري #غريب_الحب..

ونروح ونسيب ونقول محصلش نصيب ونغييب وشوق لو يجي لاي حبيب …يفكرو بالي اتنسا بعد ماجرحو يطييييب …والفرصة الثانية بنستنااها واهو بنصلح غلطات بعد ما عدنا الحسابا حتى ولو مش قاااصدين ….

نوار”مدات ايدها وطفاتها ”

سليمان”هاز حاجبو مبتاسم ومشبح عينيه ” : المعنى عليك المغمض عينيك …مارضيتيش ؟

نوار : فاش ،؟؟

سليمان : الى عادي خليها تخدم …

نوار : تت “رجعات شعلتها بزز هههه ”

. وقفها قدام ليكول وركن سيارة بجنب وخرج معاها توجهو لمدرسة …

سليمان شاب عندو السنة الثانية تخص الطب النفسي من بعد ما كمل سنوات الطب العام ودار هاد تخصص …شاب بشوووش لواحد درجة …من صغرو هو هضرتو كبر منو وبعقلو ومكياذيش بكلامو من صغرو وهو باغي غير يقرا ويجتامع بناس ويداخل ويضحك ويخلق البهجة يمكن هو الوحيد فالعائلة الي غير كلمة منو كتخليهم يسمعو ليه ويعرفو شنو غايقول …وزاد حبو لتخصص غايكمل عليه تخصص الطب النفسي …

سليمان”من بعد ما خرجو شاف فساعتو ” : مزال ليا الوقت نرجعك لدار؟

نوار …”شافت ساعتها ” صافي ديني نمشي نوجد الغذا لا يجي عمو الياس من شركة باش يتغذا (فرع صغير لشركة ديال رمسيس داروه فهامبورغ حولو كلشي من برلين لهامبورغ ) ….

سليمان : صافي وعليه ..فاش يجي قولي ليه يوصلك بطوموبيل عندي ويمشي هو نضربوها غير على رجلينا حسن …

نوار : واخا ان شاء الله …

وصلها حتى لدار او الشقة الي ماشي ديالتهم وانما واخدينها كراء بعقد كل مرة كيجددو المدة او كيتحولو …لكن هاد الدار الي فيها ليهم قرااب لعامين باش سكنو فيها …دخلات لدار حيدات حوايجها لبسات بيجامة خفيفة مستورة وخا دار عمها لكن هي بوحدها امرأة وسطهم مع الياس وسليمان و عبد العالي الابن الاصغر لالياس ..

بدات كتوجد طاجين من ايديها داكشي الي بقات وحدها كتدهي الوقت حتى تعلمات بمساعدة سليمان الي كان كيعاونها بالعلاج النفسي وهادشي من اقتراح الياس ويوسف باش تبقا معاهم منها مع عمها وولاد عمامها ومنها تعالج نفسيا بلا متحس انها ملزمة تعالج تصادف سليمان ولد الياس كيقرا طب نفسي وهكا ضربو عصفورين بحجر واحد …

نوار”كتشحر فاللحم وبصيلة وتحرك حتى صونا تيليفونها جاوبات وطلقات سبيكر كتهضر وطيب …” : مينة …

مينة : حبيبة ديالي ساليتي ؟

نوار : ساليت كنوجد الغذا قبل ميجي عمو الياس…

مينة : ماجاش عندكم علي ؟

نوار : حتى لويكاند عاد غايهبط …”حنحنات مينة ” مالك ؟

نوار : من دابا شهر عندي العقد …

نوار : عرفت …

مينة : غايجي عمي الياس وعلي وغاتجي رميساء وحتى سليمان الى طلقتيه غايجي مسكين …

نوار : سليمان عندو امتحانات هاد شهر راكي عارفاه ديال امتحانات ضروري غاينزل عندك …

مينة “ترددات شحااال ” ونتي اختي مغاديش تحضري لعقد ختك ؟

نوار”حتى بغات تهضر وهي تراجع ” : على حسب المدرسة الي غانكمل فيها كنقرا حتى فالصيف …

مينة : ياك ؟

نوار “حكات قرفادتها ” : سمحي ليا …

مينة : مالك وليتي قاصحة فهضرتك ؟ فين الرطوبية والكياتة ؟

نوار”ابتاسمات بجنب ” : كنضحك كنضحك هههه غير هادشي الي كاين …احم واخا نشوف باش ماكان …

مينة : بصح !! عافاك عااافاك وخا جي غير نهار نشوفك حضرتي معايا عافاك متخلينيش فهاد نهار من بعد سنين كتاب ليا نفرح من قلبي كملي ليا فرحتي وفرحيني …

نوار “حبسات دمعة حتى تكمشو حجبانها ” : ي احم “مسحات تحت عينها ونطقات بغص🦋🐺نور_الياسين(605)#فرصة_ثانيةsana mina🐺🦋

سالات معاها المكالمة وردات طاجين بالخضرا كيف مشهيه ودازت لشلايض وجداتهم وحطاتهم جنب …ومشات هزات لماك ديالها الي خذاه ليها الياس باقي جديد ودازت لوضائف الي فلي سيت تما كتبحث وتقيد فورقة حتى تحل باب دار ودخل …

الياس : نخشيشة عمها …

نوار”ابتاسمت ابتسامة خفيفة ” : عمووو حبيييبي …

الياس : كاين شي غذا نتغذاو …”شاف لماك ووراق”شداكشي؟

نوار : واجد غير غسل ايديك انا نوض نحط …احم اه قلبت على شي خدامي هنا كيف قاليا سليمان نخدم فريسطو …

الياس : هانتي خدمي معايا …خدمة ريسطو ماعرفت لاش طاحت عليه …واشنو لقيتي ؟

نوار : غانخدم معاك غير الى تزيرتي فالخدمة عشية صباح غادي نقرا لغة باش ناخذ فيها ديبلوم ونولي نتواصل معاهم بيها حسن منبقى غير الانجلش ولا ندبق بجوج كلمات ولا يعاوني سليمان …وفالليل خدمة ريسطو نسالي مع عشرة ونخدم فويكاند …

الياس”مشات لكوزينة هي ونطق هو بشوي ” : شتي مكاينش الي دار هادشي قد فمي …انا الي اقتارحت عليك المبطبط المصفرط تاع سليمان ولدي …

حطات الغذا هي وياه تغذاو فجو مليئ بهضرة من هنا وشنو دير من هنا حتى سالاو وجدات ليه كاس قهوة كحلة..

نوار : انا نلبس باش تديني عند سليمان قدام الكلية غايكون كيتسناني ..

الياس : سيري بنتي واخا …”صونا ليه التيليفون لقاه يوسف ” خويا …

يوسف : كلشي هاني ؟

الياس : مزيان الحمد لله …عاد لقيتينا ضربنا واحد طاجين ياا سلام بنتو باقي في فمي …مشات نجوى جات بنتك ….

يوسف : كيدايرة ؟

الياس : مزياانة دايرة مع سليمان يخرجو …عاد تسجلات تاني فليكول ديال دوتش وبغات تخدم فريسطو قالت ليك …

يوسف “رفع حاجبو ” : ريسطو ؟ اشمن ريسطو هبلات ولا ؟ خدمها عندك …

الياس : قلتها ليها مابغاتش قاليك سليمان حسن تخدم فيهم خليها “نقص صوته” باش داخل مع ناس وتشوف ناس …حسن ليها …

يوسف”حك بين عينيه” : لا حول ولا قوة الا بالله …”زفر بجهد” ماغايدوزش عندك فؤاد ؟

الياس : ملي قاليا غايدوز هاد اليومين وانا كنتسنى فيه امتا يجي من الخدمة لدار ومن دار لخدمة بغيت نطلع غير لبرلين عند علي نشوفو هو ورميساء …

يوسف : عيط ليه قولها ليه …

الياس : داكشي الي غاندير …

يوسف : مزيانة هي دابا ؟

الياس : ويي صافا صاافا الحمد لله …

بقا يهضر معاه حتى خرجات عطاه ليها هضرات معاه شوي وقطعو هزات صاكها وخرجو وصلها لعند سليمان ولا خلا ليه طوموبيل ومشا الياس غير فالمواصلات …مسافة طريق حتى وقفو قدام واحد الريسطو عاامر وسط مراكز التسوق …ونزلو كيتمشاو حتى بدا الحديث …

سليمان : ماناوياش تمشي معايا لحفلة ديال مينة ؟

نوار : ماعرفتش …كنقول نبقى انا مرتاحة هنا …

سليمان : شي مرات الابتعاد واغلاق ابواب الماضي وبداية جديدة كتنفع …لكن الى كانت بعض الابواب فيها احبة الي منقدروش نبعدو عليهم لازم علينا نديرو “هز صباعو بزوج ” استثناء …ختك هاديك واحد النهار كانت سادة قلبها وفرحات معاك لفرحتك وصل الوقت باش تانتي ديري مادارت معاك …

نوار : منقدرش والله منقدر بزز باش رتاحيت هنا …

سليمان : حييث انا معاك ومعاك الوليد …كنتي فبرلين ومن بعد جيتي هنا …بعدتي مسافات مزيااان ولكن خاص تدوزي لمرحلة ثانية وهي تكوني وحدك عولي على وحدك يا تمشي تواجهي وتفرحي مع اختك يا غاتبقاي هنا وراكي غادي دوري فنفس الحلقة شنو الي مبدل ؟ غير انك فبلاد بعيدة وصافي …

نوار”الصمت” …

سليمان : صافي راكي عطيتي تيساع وتفارقتي…”وقفها وشدها من كتافها كيشوف فيها ” هزي عينيك شوفي فيا …

نوار “هزات فيه عينيها ”

سليمان : راكي تفارقتي كل عطا تيساع الفراااق وقع انوار “بغات تبدا تحرك. ” نوااار شوفي فيا مزيااان الفراق وقع وقع الفرااااق نتي دابا مسؤلة على راسك فبلاد بعيدة …ماتبقايش معولة على ناس ….”قرب ليها تال عند وجهها ” شنو اول قرار خذيتي ووقع ؟

نوار “مكمممشة عينيها ” : الفر الفرااااااااق …

سليمان “غوت بجهد ” : وشنو وقع ؟؟؟

نوار “غوتات بجهد ” : طلقت طلقت طلاااااااااااااقت “حلات عينيها دموعها دايزين لقات ناس غاااديين تاحد ماداها فيها ”

سليمان : شفتي ؟ خذيتيه وقلتي شنو قررتي …اش وقع ملي حليتي عينيك ؟ ناس🦋🐺نور_الياسين(606)#فرصة_ثانيةsana mina🐺🦋

بقات كتشوف فالناس غاااديا تاحد ماداها فيها كلها مدهي فشغالو وفين غادي وهالي معنق حبيبتو وكيضحكو بزوج …حتى بانو ليها زوج تويميين غادي بيهم باهم ف پوسيت وحداه مرتو …بقات حاضياهم ومعوجة فيهم راسها عينيها غرغرو …حتى وقف قبالة المنضر سليمان الي حجبو عليها …

سليمان”عوج فيها راسو” : الي فات كيتعوض …

نوار”شافت فيه بعينين لامعين” : كانو غايكونو قدهم …

سليمان : حسن ملي مكانوش …عرفتي علاش ؟

نوار”بصوت رطب ” : علاش …

سليمان : كنتي غاتبقاي تعاني معاهم غاتمرضي كتر …”ضار كيوريها فيهم” هاديك السيدة وراجلها كنعرفهم مزيااان”ضحك” ههه من محاسن الصدف لقيناهم…هاديك فعمرها ربعين عام وهو فعمرو خمسين عام …مكانوش كيولدو كاع نسبة الانجاب عندهم منعدمة تقريبا …

نوار “انداهشات ”

سليمان : حتى كتاب ليهم ورزقهم الله هادوك زوج …هما فداك السن “ضار شاف فيها” نتي عاد صغيرة مزال عمر طوييييل قدامك …اصلا كنتي ففترة ماباغاش تولدي حتى تكملي قرايتك …هما كان هذاك مكتابهم …غيرك حتى ولدوهم وماتو كاين الي كان كيوجد ليهم وماتو …نتي ما عرفتي بيهم حتى ماتو …

نوار”تنهدات ” : عام وشهرين …

سليمان “عنقها بجنب ” : اجي نمشيو لداك ريسطو الي تما …

وصلو لواحد ريسطو دخلو وشدو طاولة كطل على الشارع ناس دايزة وناس غاديا …

نوار : زويين هنا وخا ناس كتار …

سليمان : البلاصة الي فيها مراكز تسوق هادشي الي تعولي عليه …”دوز على لحيتو وحط كونطاكت ” شنو تشربي ؟

نوار “هزات كتافها وعوجات فمها” : الي كان ممكن عصير بارد…

سليمان “حابس ضحكة ” : ماتشربيش اتاي ؟ “هزات فيه عينيها مخنزرة ” مزال مريضة(على فقر دم) …

سليمان “بعد راسو ” : مزيان مزيان عرفنا …واخا واخا تشربي عصير سمحي لينا …ههههه

“عيط للناذل خذا طلباتهم وحنحن عاد نطق ” …شنو قلتي نمشيو شهر جاي لمغريب ؟

#فلاش_باك

من بعد شهر على الحادث وقف قدامها هاز ملف اوراق الطلاق بين ايديه وجهو مزير محاملش يتحط فهاد الموقف …بغا يبكي زوج نساب غايكون بينهم حاجز من بعد …طلاق الى وقع غايكون واحد الحاجز بين العائلتين …عياو معاها باش تراجع ولكن هي كانت مصرة وياسين مكانش باغي يزيد يبززها عليه …

صهيب “.تفحصها بعينيه قبل مايحط ايديه بزوج على كتافها …غمض عينيه ماباغيش ينطق هاد الكلام مكانش كيضن انه غايتحط فهاد الموقف ويقول هاد الكلام …عزات عليه عز عليه عزو عليه بزوج لكن كان القدر كتب عليهم هاد المكتاب …”

: متاكدة ؟

نوار “هزات نفس تا هزتها وطلقاتها حااارة عاد نطقات بزز ” متاكدة صافي …الله يعاون “وصدرها بدا كيتنخصص مابغياش تبين ضعفها وهو حس بيها واخا هكاك مبينش ليها باش ميحرجهاش لانها هي مرضاتش تبكي وتبين دموعها

صهيب “غمض عينيه وضور وجهو لهيه عاد رجع حلهم وشاف فيها ” القرار جا منك فالاصل …على اي الي بغيتي ابنتي …من هنا لوقت يخرج القرار انا توكلت عليك باش مكان فاش توصلي لعند الياس وقت الي صدر الحكم غادي نبلغك بيه “خرج وخلاها …حتى جا عندها يوسف لصالون ”

يوسف : نوار “مخلات ليه تا فرصة باش يهضر مزال ناضت من بلاصتها وتلاحت عليه كتبكييييي وتنخصص …دموع الي خزناتهم خرجاتهم قدام باها …” نوار صافي ابنتي نتي مولات القرار …

نوار : اهى اهى …عييييت ابابا عييييييت تاحد مكيفهمني تااااااحد اهى …علاش وقع ليا هادشي علاااااش …اهى اهى

يوسف”ضراتو فخاطرو خافها تاني طيح بكريز” : نوااار …بعد جوج سيمانات غاتخرج ليك الفيزا وسيري عند عمك بدلي الجو وديري شنو بغيتي …هاني درت ليك خاطرك ومن هنا لتما ديك ساعة تحملي مسؤليتك …تفاهمنا ؟

نوار”هزات فيه عينيها بدموعهم وحركات ليه راسها ومسحات دموعها ودخلات لبيت فالدار ديال صهيب الي في فاس …

 

مزال فلاش باكات اخرى باش نفهمو🦋🐺نور_الياسين(607)#فرصة_ثانيةsana mina🐺🦋

واقفة قدام الخباز كتخبز فالخبز وكتهز عينيها تشوف حتى بان ليها اسامة جاي مسكين هاز شكارة فجنب وكتوبتو فايدو داير كاسكيط عاد وصل من مراكش …دخل مع دخلة شير لخدامة من بعيد عاد تم جاي فطوالة وكيشوف من بعيد فنبع الحنان واقفة قدام الخباز كتجبد الخبز الي طاب تحطو فوسط زيف كبيير فطبيقة …حتى وصل عندها …

يامنة : كبيدتي جيتي …

اسامة “باس ليها راسها وايدها ” : جييت اميمتي “تحنى قسم طريف من الخبز كياكل فيه ” اححح على خبيييز ياربي …

يامنة : ودخل غسل ودوش بينما دوا المغرب نحط ليكم اتاي وقهيوة …

اسامة : مازال مسافرش الوليد ؟

يامنة : لا مشااا سلم عليك الليلة عندو طيارة حتى لموسكو عاد من تما شي يومين ويطلع لهيه ..”حولات عينيها لجيهة لاخرا وقلبها مضيوووم على نوار بجهد ” دخل اولدي دوش بينما كملت الخبز نوصل على نعيمة ونوجدو كسكروط …

اسامة “تاهو حاس بحرقة من جيهة خوه ” : فين هو ؟

يامنة : هادي رجلو من الخدمة …شكون جابك ؟

اسامة : طوبيس اميمتي قلت نجي فيه مابغيتش نعيط ليه بان ليا معصب بلا قياس تاني مبغيتش نبرزطو الله يحسن العوان …

يامنة : الله ياربي على وليدي دابا نهضر مع باك يشوف ليك طوموبيل وخا غير صغيرة قدي بيها …

اسامة : خليه حتى ياخذها ليا على خاطرو اصلا سيمانة جايا غانساليو الامتحانات ان شاء الله مفاليدي كلشي …

يامنة : ان شاء الله …فكرتيني عيطات مينة باش نحضرو لعقد من دابا شهر …

اسامة : نمشيو …

يامنة : وشنو نخليوها اولدي ؟ اصلا انا جالسة هنا غير مؤقتا كاين تما خوك كاين ميمتك نجود يوسف ويسرى ماعليهم والو وباك موصي منفوتوهمش نبقاو كيما كنا …تاحد ميجبد شي حاجة…

اسامة : را باقين حنا حنا هادي عام غير نتي الي جلستي هنا بزاف اميمتي قربتي تاخذي شهادة سكنى …

يامنة “جاب ليها ضحكة حطات صباعها على فمها ” : وتضمني ؟

اسامة “هز حاجبو وحادر راسو ” : اوهووووي منقدرش سمحي ليا ..

يامنة “عطاتو بدقة لراس ” : ايوى الله يمسخك …

مزال كيهضرو حتى سمعو صوت السيارة داخلة حتى وصل عندهم وهو يرجع مارش اغييغ ووقف خرج منها عينيه مغوبشين ووجهو مكيبشرش بالخير ابدا …ضار عند الخدامة حتى كيبان ليهم من بعيد كيشالي بايديه …

يامنة “جمعات فمها وغمضات عينيها ووتنهدات ” : يااربي سلامة تاني مالو …

اسامة : بففف دارو شي زبلة تاني وهو مسبب …انا غاندخل ندوش ونجي ..

خلا يامنة ودخل نفذ بجلدو تاهو لا يلقا ليه شي سبة …كملات الخبز وغطاتو حتى تم جاي لعندها محيد الفيستة وكيحل فالقميجة حلها كلها …بين عينيه دار كميش اكثر بكترة ما مغوبش …ملي تفارقو وهو خاشي راسو فالخدمة ودوار …مابقاش وصل فاس عام وزيادة …وكل محامي هو الي تكلف ليه مابقاش ضار جيهتها …هي عيات ونفرات وهو عيا ونفر وكره ….

يامنة “وصل حداها ” : ولدي مالك احنينة تاني …

ياسين “باس ليها راسها ” : خدمة زمر حاشاك …”عض على شنايفو ”

يامنة : دخل اولدي رتاح وبدل بينما وجدت ليكم ماتاكلو …

ياسين : لا لا مافياش …”سمع صوت تيليفونو جبدو لقاه الحبيب وقطع ” ممساليش

يامنة : مالك ؟

ياسين : الحبيب كيصوني بغا نجي عندو لفاس كاين عرس هشام …

يامنة : وسير اولدي لعرس صاحبك حشومة عليك سير غير ديك الليلة ورجع فالصباح ماتوصلش ازرو نتا كاع …

ياسين “شاف فيها ” : .انااا ممساليش ماااااامساليش …بنادم مبقيتش مسالي ليه مخي مابقاش باغي فريع راس ديال البشري كيما كان …

يامنة : تهدن اولدي الله يرضي عليك الي بغيتي ديرو غير تهدن …

ياسين : فين اسامة ؟؟

يامنة : عاد وصل دخل يدوش …را باك مشا ماهضرش معاك ؟

ياسين “حرك راسو بلا كيحك بين عينيه بتعب وجهو عياااا وتحت عينيه عياا ضعاف على كيف كان وبان عليه العيا نفسي وتمارة الخدمة …”

يامنة : مشا لموسكو ومن تم غايدوز لهامبورغ عند الياس وسليمان و…

ياسين : مزيان الله يسهل …

يامنة : ياسين …

ياسين”وقفها بايدو ” : حناااانة هادشي بسل بزااااااف تا فات القياس …الي مشا مشا الي داز داز الي كاين كاين الي وقع وقع …ديك القضية ديال نسكتو منجبدوش الزمر باش ميتفكرش ديك الهضرة ديال عنداك يسمع سميتها يتفكر ….هاديك هضرة افلام…”قرب ليها ” الي عطاني بضهرو عاطيه بضهري الي عطا تيساع عاطيه اشباااار تيساع “عض على سنانو تا عضهم مغلغل حيث فقصوه ” الحياة موقفاتش عليها الحياة مستمرة بيها وبلا بيها …”غوت تا بح صوته” كرهتوني وكرهت سميتها وحسها وخا غير بالمعاني…رحموني تانا راني بنادم دم ولحم تانا “ضرب على صدرو بجهد تا تسمعو ضربات زدف زدف ” تااانا كبدتي مشات ليا وتشوات…..الي خلقها خلق غيرها …والدنيا مكتوقفش على جنس النسا وحدو…رحموني كلشي علي دق كلو عليا ….براكة علي غير جوج قلوبة من دمي وقفو ليا (تويم🦋🐺نور_الياسين(608)#فرصة_ثانيةsana mina🐺🦋

خرجو من ريسطو وتوجهو ناحية مركز تسوق كبيييير تما …بقاو كيتسركلو كيف العادة من الي ولات كتخرج وهي كتخرج معاه الى كان عندو وقت …هاد الشهر الي فات كان خاشي راسو بين مراجعة حفاضة وامتحانات عاد قدر انه يتفرغ ليها واحد شوي وعاد قدرات باش تخرج لهاد الاماكن لكن هو معاها او الياس اما قبل كانت فبرلين عند علي ورميساء ….رجعو لدار وجدات العشا كيف العادة تعشاو ودخلو ينعسو لان كل واحد فيهم عندو ما يدار لكن قبل مينعسو دار هاد الحديث التالي بين نوار و سليمان ….

سليمان”حك نيفو وهو واقف شاد باب بيتو قبل ميدخل ناداها” : نوار غذا فالصباح عندي فيه واحد الامتحان غير ساعتين ونخرج تسنايني باش نجي غادي تمشي معايا لواحد البلاصة …

نوار : فين غادي نمشيو ؟

سليمان”ابتاسم بعذوبة ” : مفاجئة “غمزها ” تصبحي على خير …

نوار”عوجات فمها وحركات راسها ” : اوكاااي …

دخلات لبيتها الي وجدو ليها الياس قبل متجي لعندهم على حقو وطريقو مينقصها تاحاجة لان نوار بالنسبة ليه ماشي مجرد بنت خوه وانما بنتو الي مولدش بنت خوه المميزة المحبوبة عندو وعندهم كاملين نوار كان الياس الي ولدها وكذلك حتى صهيب علاقتهم معاها فشكل ….

اول مادخلات حيدات الفوقي ديال بيجامة وبقات غير بديباردور حيدات حتى سوتيان كيخنقوها ومشات غسلات وجهها مزيان نشفاتو ورجعات تخشات في فراشها هزات كتاب جابو ليها سليمان رواية باللغة العربية خاصة من اختيارو حتى لقات راسها منغامسة فيها كتقرا وفي نفس الوقت كتدخل المعلومات لا اراديا منها لراسها وكتزيد توعى وتستافد بلا متحس …يلاه بدات تخشع فيها ثاني حتى صونا تيليفونها …

نوار”دورات وجهها تتشوف شكون لقات اسم Mami …رجعات تقرا عادي كانه مكيصونيش …عاود صونا مرة لولة وتانية وهي تهزو جاوبات ” : ماما …

يسرى”ابتاسمات ” : مامي لباس عليك …

نوار : الحمد لله وانتي ؟

يسرى : الى نتي بيخير انا بييخير …احم صحتك مزيانة ماما ..

نوار”حكات عينها بدات كتفوه ” : الحمد لله …احم م مانعستيش ؟

يسرى : لا ماما مزال الحال شوي …توحشت صوتك بزاف وقلت نسول فيك ..

نوار”ابتاسمات بجنب ” : هاني مزيانة مابغيتش نجاوبك فلول بديت كنقرا رواية الي متبعة …

يسرى : ااه مزيان مامي …شنو درتي فالقرايا ؟

نوار : غادي نقرا حتى فالصيف ..

يسرى : تسجلتي ؟

نوار”حركات راسها ” : همم اه …

يسرى : مزيان احنينة …يلاه رتاحي منشدكش كملي ليسطواغ ديالك وتصبحي على خير …

نوار : بابا حداك ؟

يسرى : لا مزال في فاس انا جيت لدار …

نوار : ااه اووكا يلاه تصبحي على خير …

قطعات معاها وضارت تكمل روايتها اما يسرى كانت باغا تفتح معاها الحديث واش غاتجي لعقد ديال ختها او لا لكن مابغاتش تكتر تا تسولها شوي بشوي …

اصبح يوم جديد على الكل يوم غايكون مشحووون عند نوار ومشحون عند الاغلبية …جالسة كتشرب كاس الحليب وشادا رواية تتكمل فيها بينما كمل سليمان الفطور اما الياس شرب غي قهوة كحلة جاه تيليفون وطاااار ماعرفوه مالو …

سليمان “حط ماتبقى من خبز طوسط الي حمراتو ف بريسا وساس ايديه ” : نونو ساعتين ونص لقاك واجدة تفاهمنا ؟

نوار”كتهضر وتقرا ” : هااا واخا واخا “قفزات حتى تلاحت رواية اثر ضربة ايدو مع طابلة ”

سليمان “هضر بجهد ” : شوفي فيا فاش نكون كنهضر خرجي من مود رواية انااري …

نوار “غوبشات فيه ” : ياك لباس مالك على هاد الغوات خلعتيني …

سليمان : توگضي الزمر “حط صبعو مخرج عينيه ” زمر وفتي زمر لهيه يلاه نوضي غوتي وجدبي يلاااه كنتسنى …

نوار”ابتاسمات مشبحة عينيها ” : لا منغوتش ونجدب باغي تستمتع ؟

سليمان “عوج راسو وغمض عينيه ” : اححح مكرهتش نشوفك مطيحاك ضرورة ووووو نجيب بوب كورن(گلية ) …

نوار “عوجات فمها كتعيب فيه ” : نننانانانا …

سليمان “ضحك عليه وحرك راسو بلا حول ولا قوة زعما ” : ههههه ميمكنش اصحبي …يلاه ڤير تخيفن (نتلاقاو )

نوار : اوكاااي …

خرج نيشان توجه لكلية اما هي حطات علامة فين وصلات فرواية ودخلاتها لبيتها ورجعات جمعات طابلة لفطور جمعات ماعن غسلتهم اما الغذا مغايكونش حيث كاملين مغايكونوش اثناء الغذا …دخلات لبسات حوايجها وتقادات سروال دجين سليم وتيشرت بيض طوييل فوق منو فيست صيفية وسبرديلا عادية مافيهاش سوميلا …تقادت ماحتال يوصل وقت حتى لقاها واجدة غير صونا ليها وخرجو نيشان🦋🐺نور_الياسين(609)#فرصة_ثانيةsana mina🐺🦋

واقفة قادم واحد المحل ديال حلويات وشوكولا …خرجات لسانها كتبنن وتنين بالبنة حتى حط ايدو على كتافها وهي طير وتنزل شدات فكرشها بالخلعة تا غوتت وهي ضور عندو مغوبشة …

صفية : خراااااا خلعتيني …

ايساف “خرج عينيه وهو يحتيها ليها لفم تا ليعو ليها خلاه يوزوز” : عاودي شنو قلتي ؟؟؟

صفية “حبست البكية من حر القرصة الي عطاها لفم كتحك فيها ” : حرام عليك اهى …

ايساف : من امتا تعلمتي تخصري الهضرة ؟؟ ضصرتي لا ؟ “خنزر فيها ”

صفية : را خلعتيني از”حبست الهضرة ورةعت كملت ” حرام عليك تخلعت وماعرفت اش كنقول …

ايساف : والله يا ديلمك تنعاودك فترابي “كيدير زيگزاك بايديه ” هاا بديتي تفلتي وتعواجي …

صفية “سكتت مابغات تغانن معاه ” …

ايساف : اش موقفك هنا مالك مامشيتي دار …

صفية “دورات وجهها ناحية المحل ” : تشهيتو بزاااف …

ايساف “خرج عينيه ” : ياكما كتوحمي ؟؟؟

صفية “حدرات راسها ”

ايساف”وقفها من كتافها ” : صفية ؟؟؟ شوفي فيا ؟؟

صفية : م ماعرفتش اهى اهى ماعرفتش …

ايساف : كيفاش ماعرفتيش ؟؟؟ هضرريييييي ؟

صفية “هزات فيه عينيها ” : والى حملت علاش ماباغيش نولدو …

ايساف : صااااااافية كري كرييييييي متفرعيهش بنفس كاسيطا رااااااا هضرنا هضرنا ؟؟؟ ااااا ؟؟؟”غوت تا قفزت ” هضري اش كاااين ؟

صفية : غييير شاكة تعطلات عليا عشر ايام مااا تخافش يقدر غير برد …

ايساف : درتي تيست ؟

صفية : مزال كنتسنى الى ماجاتش ليوم نديرو غذا صباح راني خذيتو وخاص ندير صباح بكري باش يعطي تاكيد….

ايساف : ياك دايرة مانع حمل ؟

صفية : شكيت واحد ليلة غلطت ومشربتوش وم ع رفتش خربقت يمكن …

ايساف : صفية صفية نتي عارفة مازال مبغيناش ولاد ياك ؟ مزال ماقادرش على براهش يرحم باك ممساليش ليهم ولا فريع الكر ديالهم ياااك ؟؟؟

صفية : والى حملت ؟

ايساف : ماشي سوقي مهم ماتحمليش دابا الى كملتي “ابتاسم بغيض مغزز ” نتي تحملي مسؤليتك …

صفية “قربات ليه ابتاسمات بنفس ابتسامتو ” : وانا نهار لول قلت ليك اش كاين ماتمرمدنيش معاك ياك ؟ علاش تبعتيني ورجعتيني ؟ ياك قلتي كتبغيني ؟

ايساف : شنو دابا شاكة ؟

صفية : بلا منفكرك شحال ونتا تابعني وشحال عاد باش استسلمت ليك …نهار درتي فعلتك معايا مكنتيش كتفكر كون حملت ديك لحضة وولدتو شحال غاتكون عندو دابا ؟ كون راه فايت عام ياااك ؟ (على الاغتصاب لول )….

#فلاش_باك …

بعد ما دازو شهور قليلة على مشكيل ياسين ونوار وكل تفرق من طريق …رجع واحد ليلة من الخدمة عياااان مسااالي من تعب المسؤلية وثقل الي خلاوه ليه …مابانت ليه غير دار الي كارية هي الي قريبة صونا الباب حتى فتحات ليه لقاتو حاط راسو كيحك نواضرو بالعيا ….

صفية : ايساف !! مالك ؟

ايساف “كيحك راسو ” : واالو غير عييت نهار كلو خدام ماكليت تا ندغة …

صفية : واخا دخل رتاح دخل …

دخل نيشان تلاح فوق الفوتوي لاح فيستة وحل قميجة كلها كيتشبح ويسرح فعضامو ….

ايساف “من بعيد ” : غير شي حاجة دغيا فرماج وزيتون وبيض مقلي صافي …كاينة مونادا ولا نخرج نجيبها …

صفية “كتجبد من ثلاجة وهي طل عليه جهدات صوتها ” : كاين عصير الباربة وليمووون …

ايساف “رجع حط راسو ” : واخا واخا غير قضي …ماعليش نعديو بيها نبدل لون البولة فطواليط من اصفر الى احمر كستنائي خههخخخخخ…

صفية : الله يمسخك مكتحشمش ؟

ايساف : خليني نشدك ونوريك الحشمة فاينا قنت …طلقيني جعت ولا اجي ديري لحبقلبك مساج ازين …

صفية : هممم اه واخا تسنا تاتعشا …

ايساف : يلاه وكتري من باربا بليمون ماتخليناش نجربو نعسة نشوف الشرفاء شاميين يقدرو يخرجو حمرين ؟ “جاتو واحد المخدة لراس تا زوك🦋🐺نور_الياسين(610)#فرصة_ثانيةsana mina🐺🦋

قلات واحد ربعة البيضات مع شوية الكمون ومليحة تا طابو وطفات عليهم عاد دارت فوق منهم زيت زيتون خضر كيف كيعجبو وحطات طبسيل فرماج حمر وفرماج كيري حطاتو خوات فوق منو تاهو زيت زيتون عاد دارت زيتون كحل ومشرمل حطاتهم فبلاطو مع كاس باربا بليمون وداتهم فين جالس قدام تلفازة فسيجور تما …وهي تحطهم قدامو …

ايساف “تگعد مشا غسل ايدو وخرج حيد قميجة كلها بقا عريان من فوق وجلس حداها سما الله وبدا ياكل ” : تعشيتي نتي ؟

صفية : هادشي الي كليتي نتا درتو غير خفيف شوي مكترتش …

ايساف : هممم بصحتك …”هز من البيض وخشاه في فمو تا ندغ وصرط شرب من باربا عاد شاف فيها ونطق. ” دوزت ليك شي فلوس فالكونط الي فتحت ليك …

صفية : عاد وصلني ميساج بالي دخلتي …ولكن را عندي فلوس …

ايساف : مزيان يزيدو الي خص غانزيدو …

صفية : واخا …

ايساف”ضحك ” : هههه حلوة ونتي كتقولي واخا …توحشت نغنشك تاني …

صفية : مابقيتيش عيان ؟

ايساف : تت اونفورم دابا نقدر نهزك وندير ليك جوج متابعين …

صفية : جوج اش ؟

ايساف : جوج اهداف اراديين حبيين …

صفية : فحااال هضرة خاسرة ياك ؟

ايساف : على رقبتي لا هضرة مقادة مخك الي خاسر”كمش فيها عينيه ” اش فهمتي نتي ؟

صفية : وااالو …تعشا …

ايساف “ناض ” : شبعت صافي “مشا غسل ايدو وهي هزات داكشي داتو كوزينة غسلاتو وجمعات تما عاد تمات جايا حداه …دار ليها بلاصة حداه وهي تجلس جرها نخششها فيه خشا وجهو فعنقها كيبوس نيشان بدا لفلورطاج …

صفية : ااااي بشوييييي …

ايساف “كيهضر وسط عنقها ” : غاااتخلصي ديك اي هنيني ” …

صفية : اممم “مص ليها عنقها ” بشوي عافاك ديك المرة خليتيه مزوق ماخرجتش يومين وبطلت …

ايساف : غزيييت فموك …

بقاي يمصمص ليها فعنقها تا طلع لفمها تلاح عليه بوابل من القبل شاااخدة ساخنة … دخل لسانو لوسط كيلعب في فمها حتى لقات راسها منغامسة تاهي معاه …ماجات فين تهضر تا لقاتو كيحيد فتيشرت الي كانت لابسة …

عاشت معاه بزاف فقط غير فلورطاج باش تكون علاقة كاملة باقي مزال نزعماتش بقات معاه شوي بشوي كانت باقي كتخاف وترهب من نعاس كامل معاه كتجي فبالها ضرب وعنف الي عنفها كان كيجي فبالها وحتى ليلة الي قضا غراضو بيها هادشي الي كان كيجي فبالها ….

هاد المرة حسات بيه وبلمساتو اكثر فاتو الحدود الي ولفت زاد بوسات مختالفين هبط لكرشها من بعد ما هز ليها تيشرت وبدا يبوس فيها ويخشي لسانو وسط صرتها كيدورو هنا ترفعات وشدات ليه فشعرو حتى نتفاتو …

ايساف “كيبوس ويهضر ” : بشوية ابنت ليهودي شعري هذاااك …

صفية : وا ب ب شوييي اححح اممم اش هادشي ؟

ايساف : دغدغات زمردة ههههه …عيشي عيشي متخافيش …

طلعها بلحسة هووووووب تال لفوق ماحتال تهضر تا خشا فمها وسط فمو لجمها تا دخلها فالمود تاني …بقا على القبل وبسان جديد عليها اول مرة تحسو حتى لقات راسها عريانة كلها ورجليها ورا ضهرو محاوطينو …

صفية “حلات عينيها كتحس بدغدغات تحت منها وسخووون ” : شنو غادي ؟؟؟ عافاك ماشي دابا عااافاك …

ايساف”حط صبعو على فمها وحط فوقو شفايفو باسها بالخف ” : ششش ماتخافيش …”كيحرك فيه كتحس بيه كيمشي ويجي فوق فرجها ” ممم باش كتحسي …

صفية “عضات شنايفها ” : ببب ب اااح ..

ايساف : شني هادي دابا ؟ “كتحكك ” هممم ؟ “شد صدرها جمعو بايدو ومص ليها راس بزازلها دوز عليهم بلسانو حتى تهزت ” رطبيييين عندك هادو ازمر عندلمك كلك رطبة …

صفية : واااا كليتيني عضيتيني وااا بشوي اااحححح “حسات بيه تيدخل وكيحبس حيث بصح مزيرة اول علاقة كاملة نيشااان ” ااااااااااا بشوي بشوييييي اهى اهى عااافاك بشوييييييي…

ايساف”عروق نواضرو برزو حيث معافر معاه يدخل ” : واااا تبي صبري ….بفففف ….

صفية : وااععععع قااااصح قاااصح …

ايساف : ناري ز…***بي بغا يتقسم …والله يا مك ولقاه عوج تاندعيك …”حلات فيه عينيها من صدمة وهو يغفلها دخلو ” صافي تسناي يقيس باش يعطيني العبار نقيد ….”بغات تهضر وهو يتلاح عليها باسها من فمها ” …

#عودة…مزال غ🦋🐺نور_الياسين(611)#فرصة_ثانيةsana mina🐺🦋

وقف قدام واحد المبنى الي يمكن اول مرة غادي تزورو ديما كدوز من حداه لكن باش تجي ليه زيارة رسمية اول مرة غادي تكون ليها هزات فيه عينيها وقرات شنو مكتوب فيه وهي ضور عندو شافت فيه …

نوار : مستشفى ؟

سليمان : كخانئن هاوس (مستشفى ) …

نوار: علاش جينا ؟ غانشوفو شي حد ؟

سليمان : تماااما واحد ناس كنعرفهم منهم اصحاب ومنهم غير معرفة مشفى حيث كنت كنسطاجي هنا بزااف …

نوار : مالهم ؟

سليمان “تنهد ” : مالهم كون رجع بيهم زمن لور كون اختارو غيييير صحة وصاافي ومزال طامعين فيها …قادرين يعطيو مال دنيا ودين غير باش يرجعوها …حتى تعرفي عليهم وسمعي منهم شنو ضرهم …واحد زوج غادي نحضرو من بعد شي ساعة لدوا الي كياخذو تشوفيهم تما حيث “شاف فساعة ” هذا موعدهم يلاه يوجدو …

نوار : مساكن …علاش ماقلتيهاش ليا ندخلو عليهم شي حاجة شكولا او ورد …

سليمان”جر ليها حنكها بلطف ” : وينوووو مول صواب اناااا …خذيييت ليهم شكولا را لور هزيه فساشية وورد بلاش عندهم حساسية منو …جبت ليهم غير شنو بغاو هاني هازو فايدي …شنو مزال بغيتي تقولي …

نوار : هههههه زمتيني فهادي ..”علمها كلمة زمتيني ”

سليمان “مد كفو ” : گيف مي فايف

نوار”عطاتو كفها وخبطو كفوفهم ” : اوسگتسايخنت (ممتاز)”تهجاتها بزز …”

سليمان : براااڤو كتعلمي …يلاه نزلي …

نزلو بزوج من بعد ما تاكد انه ركن قدام البارك الي مقابل المشفى سد طوموبيل …تمات غاديا كتعرج عادي وهو يشوف فيها سليمان ونطق …

سليمان”حادر عينيه لرجليها ” : حيدتيها ياك ؟

نوار “حركات راسها ” : اه حيدتها مبقيتش بغيت نديرها دابا فاش نكون خارجة غير خرجة عادي …

سليمان : مزيان يعني عادي بغيتي تولفي مزيان ؟

نوار : وييييي…

سليمان : شنو خطوة تانية ؟

نوار : نتصالح مع اعاقتي نتقبلها عاد نشوف واش نتعايش معاها ولا ندير عملية نجرب حضي …

سليمان : براااافو …

عنقها من كتافها كتبان حداه قصييرة مع تاهو طويل تبارك الله والحاجة الي متشبه بوها وعمامها ال رمسيس راا حراااام ….

فذات اللحضة كان يوم السبت مكانش خدام ابدا فالبنك حيث ويكاند طبعا …واقف تحت رشاشة هابط عليه الما وكشكوشة شامبو حتى كمل ودار باندوش وخرج لبس بينوار ديالو بدون ميشنف شعرو مخلي الما كيقطر من شعرو الي زاد طوال وشفارو ملاصقين بالما حتى مشا لماريو جبد حوايج باش يخرج لارض عند الخدامة والكوري وعند فين كايديو الحليب سيتيرنات الي ف كوري عندو …بقا يجبد

ويرجع حتى طيح واحد قميجة ديالو باقية مجهدة بريحة ديالو حتى شاف فيه ورجع شاف فالماريو بدون ميعيرها اي اهتمام …

قميجة كان ديالو الي فاش رجع من بعد ما جا من الكلينيك من عندها …طاح فبالو شنو كانت كتخبي ومشا بالو بعيييييييد …

#فلاش_باك…

رجع مرييييض فخاطرو وعينيه حمرين ليه اكثر من يومين ما كلا شي حاجة عاطيها غير لكماية لكماية تا صدرو شحرج ليه …مشا الماريو باش يجبد حوايجو وهو يتفكر شنو كانت كتخزن …بقا كيقلب فحوايجها يقلب حتى طاح فواحد صاك مخبياه وهو نفسو الي كان فداك صاك الكبير ….مشا فوق ناموسية وحلو وهو يجبد قميجة بيضة ديالو عاااامرة تقطر بريحتو …

شمها وهز عينو مافاهمش شنو كدير عندها فصاكها ؟ …بقا يفكر مدة هضرة طبيبة على حالاتها الي كانت تتسول فيه عليها كيف عاشتهم قبل الحادث حتى شرحات ليه اعراض الحمل … جبد الفون ديالو ودوز الخط نيشان باش يتاكد …

ياسين”بصوت باح” : الحنانة …

يامنة : ولدي مالك ؟

ياسين : نسولك جاوبيني نيشان …

يامنة : ايه سول …

ياسين : شنو كيكون فالوحم ؟

يامنة “زرب عليها “: مافهمتش ولكن كل وكيفاش دار ليها الله وعلاش كتوحم …ياك هادشي ؟ فهمني شنو بغيتي توصل ؟

ياسين : ن نوار كانت عندها قميجتي عامرة بريحة ديالي حتى ولات مجهدة متقدريش تشميها …شنو دير بيها ؟

يامنة : امتا حطاتها ؟

ياسين : ماعرفتش …”رجع كيتفكر ويكمش عينيه ” بلاتي …فاش جات عاد كان معاها هاد صاك يعني جايباها معاها …

يامنة : ماعرفتش اولدي ولكن ملي معمرها بريحتك اذن كانت كتشمعا وتفكرها بيك ملي مجهدة ومكتراها هادي حالة كتوقع الى توحمات عليك …وملي خباتها يمكن حنينة ديالي خافت ضحكو عليها ولا تجيب ليكم شك تقولو ليها هبيلة …

ياسين”تعجب” : كانت كتوحم عليا ؟؟؟!!

يامنة : والا لاش غاتعمرها بريحتك …هادي حالتها دابا مسيكينة “جابت ليها البكية ” كانت كتوحم عليك وهي ماحاساش …واش كانت كتبغي تعنقك بزاف ،

ياسين “كيتفكر ” : بزاف…كتبغي تبقى تشم فيا ولات كدير شي تصرفات مكانتش كديرهم “كترجع بيه ذاكرة ”

يامنة : بداها لوحم بكري …هذا هو شرح ديالها ولدي …نوار كانت كتوحم عليك …

كانت كتوحم عليك بقاو كيتعاودو هاد الكلمات حتى حس بعينيه غرغرو وقلبو تحسك ليه تاني من جد وجديد …

#عودة…

هز شنو بغا يهز من حوايج وتمشى مخليها طايحة لبس حوايجو وخرج دار كاسكيط كحلة فوق راسو ونضاضر شمس والغوباشة نفخات ليه فوق حجبانو وجهو الي شافو يقول هذا بغا يطرطق علينا …يلاه خرج عند الباب حتى وقف تكوانسا لقاها قدام وجهو خاشية ايديها ف🦋🐺نور_الياسين(612)#فرصة_ثانيةsana mina🐺🦋

وسط الحديقة الامامية للمشفى الي دخلو ليه فيها ناس داخلة وخارجة بنضام …مرضى خارجين ومرضى داخلين زوار خارجين وداخليين …وصلو عند الباب حتى قشع واحد الدكتور كان كيهضر فالفون حتى عيط ليه …

سليمان : هيييي دكتور معتز …

معتز”مغربي الجنسية ” : سليمان !!

سليمان”قرب عندو هو ونوار سلم عليه ” : دكتوري العزيز …

معتز : اش جابك هنا !!

سليمان : زيارة لدوك المرضى الي عرفت هنا الى عقلتي …

معتز : اااه اييه …”شاف فنوار وابتاسم ليها حيث كانت جات عندو شي زوج الحصص فاول مرة ” بنتي نوار عاش من شافك …

نوار”ابتاسمات ليه ومدات ايدها تسلم عليه ” : دكتور معتز لباس عليك ؟

معتز : الحمد لله نتي الي شوية !! امور صحة والمورال ؟

نوار : شوية الحمد لله …

معتز”حط ايدو على كتف سليمان” : خاصك ترجعي لحصص رسمية عندي علاش مبقيتيش كتجي ؟

نوار “حكات ورا وذنها بخجل ” : غير تدهيت مع الدراسة الي بديت فاواخر هاد شهور ..

معتز “طبطب على كتف سليمان وقال” : واخا معاك سليمان متنسايش راه مزال معندوش لوطوغيزاسيون باش يكون طبيبك النفسي …خاص ترجعي عندي وخا مرة فسيمانة …ماشي تقولي انا مجنونة مختلة عقليا بالعكس حنا ناس كلنا ملي كديق بينا كنحتاجو لشخص براني غريب علينا يسمع لينا حسن من الاقربون …وهادشي كيتمثل فطبيب نفسي احسن عندو خاطر وخبرة بسماعو لتجارب الناس …وثيقي بيا انا الي كتشوفي فيا احيانا منكرهش نشوف طبيب نفسي باش متحطيش راسك فخانة المجانين وتقولي هادو كيقولو عليا هبيلة هههه

نوار : هههههه لا لا ان شاء الله غير نسالي تسجال ونجي …

معتز : فانتظارك بنتي”شاف فسليمان” يلاه نتلاقاو غذا باش تعطيني تقرير البحث الي عطيتك …

سليمان : غذا ان شاء الله يكون عندك …

تسالمو معاه ومشا هو فطريقو وهما تحركو دخلو لداخل غاديا وكتشوف حتى بانو ليها اطفال فواحد البيت مغطيين ودايرين سيروم وناعسين دايرين طاقيات وشي داير نايڤيات على راسهم والي مخليه عادي مصلع …

نوار”كتشوف وتكتاشف وتاكد فين جات بالضبط حتى حطات ايدها على فمها ” : لاااا مرضى سرطان ؟؟

سليمان”ضار عندها وحرك راسو ” : نعم مرضى سرطان …هذا جناح الاطفال هنا …

نوار : شوف مساكن …هنا فين كيتعالجو ؟

سليمان “كيحدد ليها بايدو فالمكان ” : هنا فين كيطلعو يرتاحو فالغرف ديالهم عاد كيخرجو …

نوار : علاش فين كيكونو ؟

سليمان : لتحت كاين جناح المعالجة بشيمي كيديروه حتى هنا هادوك الي شفتي سيروم تما فين كيدوز الدوا نيشان لذاتهم كيكون قاصح …دابا غادي نزلو عند فداء صديقة ديالي كانت زميلتي فالكلية لكن شاءت الاقدار انها تصاب بورم فالمعدة …Magen Tumor ماگن تومور او Tumeur à l’estomac

نوار : الله مسكييينة الله يشافيها …هي علاش جبتي هاديك ساشية ؟”كتشير ليه بعينيها وتغمز ” فيها اسم محا البارفان الي درنا من حداااااه وقلتي ليا محل خاااص بيا ومبغيييتييييش نشري منو ريييييح”رجع بزربة سد ليها فمها بايدو معنقها وغادي بيها ” امممم اهههههه

سليمان : سكتي يسكت لمك رييييح …غانعيط لايساف يشبع فيك سبان تاني …

نوار : ههههههه صديقة ياااك …

سليمان : ها اه فحال هاكاك …

نوار : ههههه الله يجيب ليها شفاء ناعسة لتحت ؟

سليمان : نو عندها حصة شيمي دابا هي فطاج لفوق ديال كبار …غادي نحضرو ليها خاصني نكون دابا منتعطلش عليها يلاه كتسنا فيا …

نوار : اوك اوك يلاه …

مشاو كيسرعو فخطواتهم تا وصلو لسانسور وطلعو لفوق طابق فين كاينة فداء شابة فعمر سليمان شاءت الاقدار تحبس دراسة ديالها بشبب الورم الي جاها فالمعدة …دق الباب وحلو بانت ليه مغمضة عينيها ومزييييرة عليهم وبدات تنين …

فداء”سمراء اللون شي شوي ملامح كحلة عربية اصيييلة عينين كبار لكن كلشي اغلبية طاح ليها زغب من دوك الحجبان الي كانو قويين وعينيه متقليين بشفار فم المقاد ولا بيض ومغطية راسها بطاقية بسبب البرد وشعر الي طيحو دوا ديال شيمي” : انننننن اهى اهى يااااا ربييييي اننن…”تلمسات ايد دافية وسط ايدها الي كترجف حلات عينيها شوييييي باش تلمح شكون وهي تبتاسم وسط تعبها” سليمانووو …

سليمان : زيييين ديالو …يلاه شدي فراسك حتى يكمل دوا دغيا باش ترتاحي ونديك لدار …

فداء”حركات راسها وهي تكمش عينيها وطلقاتها بانيين مجهد تا قفزات نوار وهي كتشوف منضرها يقطع القلب ” : اننننن ا🦋🐺نور_الياسين(613)#فرصة_ثانيةsana mina🐺🦋

دار الكاسكيط فراسو مضرگة ليه نص فوجهو مع نضاضر شمس كان لابس تيشرت كحل وشورط حد ركبة تاهو كحل وصندالة صبع مخلي حتى لارض عاد يلبس البوط ديالو …يلاه خرج من الباب ديال دار غادي فاتجاه الطريق ديال باب الكبير حتى وقف مكوانسي لقاها قدام وجهو خاشية ايديها فجيابها وكتشوف فيه بحزن وخوف من ردة فعلو وخا عارفاه حنيين لكن الطبع الي ولا فيه دابا خلاها تدير احتمال انه يتعصب …

مينة “كتشوف فيه بحزن وكانت عاد وصلات لدوار ” : ياسيين ..

ياسين “ببرود ” : مينة …

مينة “بغات تقدم عندو تسلم عليه وخافت كتبان كتمشي وتجي في بلاصتها ”

ياسين “دور وجهو لديك جيه عض على فمو شحااال كيشوف فلاخر ضار شاف فيها وسرح ايدو ”

بلا ميقولها ليها عطاها الانطلاقة وهي تمشي كتجرييي عندو تلاحت عليه عنقاتو بجهدددد ودموعها بزز باش حابساهم بزز …

مينة “شافت فيه ” : لباس عليك ؟

ياسين “حرك راسو ” : الحمد لله …

مينة “ملخبطة مسكينة معارفة اش تقول ” : احم خالتو يامنة اسامة !! لباس عليهم فين هما ؟

ياسين : الحنانة يمكن عند جيران اسامة “شاف فساعتو ” مزال قاري …”رفع حاجبو وخا داير نضاضر مكيشوفش فيها كيشوف قدامو وكيهضر ” شنو جيتي وحدك ؟

مينة “حركات راسها ” : سيي وحدي عاد وصلت كنت فجديدة مع رياض وقفت على شي خدمة وجيت باش نشوفك ونشوف خالتو يامنة تقدر تجي معايا حيث خاصني نبدا نوجد “ابتاسمت بخجل ” راك عارف …

ياسين : الله يكمل بالخير …

مينة “عينيها لامعين عوجات فيه راسها بترجي وسؤال ” : غاتجي ياك تحضر ليا …

ياسين “حك نيفو ولحيتو ” : دخلي رتاحي انا نعيط لحنانة تجي عندك دابا عندي شي غراض خاصني نوقف عليه …دارك هادي مغاديش نوريها ليك …

مينة “جمعات فمها بشبه ابتسامة وخيبة امل ومابغاتش تزيد معاه خلاتو على خاطرو من بعد وتفتح الموضوع ” : واخا انا ندخل ندوش بينما جات قولها ليها …

ياسين “حرك راسو ومشا وهي دخلات مالقات كتقول حبسات البكية اول مرة غادخل من بعد عام وزيادة وهي موصلاتش هاذ الدار الي كانت فيها ختها نوراتها ختها …كتشوف وعينيها مغرغرين بجهد …دار بقا فيها غير ياسين واسامة ويامنة الي بقات مع ياسين على حسب حالتو ماعطاهاش خاطرها تخليه اما مصطفى ف جاتو فرصة باش يرتاح من تعب الارض والمشاكيل رسلو ياسين لعمرة …

مينة “نزلت ليها دمعة ولفات تجي وتلقا فيها ختها ولفات تجي وتلقا الفرحة وضحك وزبايل ختها الي معندها عقل شلا وشلا …” : ياااربي شنو هاد المكتاب …علاش هاد دار طفات هاكا …

البكاء على الاطلال مغايفيد بوالو لا ربما تكون بداية جديدة لحياة جديدة واحسن لا ربما يكون الانفصال احسن لا ربما تكون بدايات فرص ثاانية لكلشي فرص ثانية في البعد فرص ثانية لراسهم ذاتهم شخصيتهم …فرص ثانية لحياة جديدة …شنو مخبي ليهم القدر !!!….

اما هو كيف وصل عيط ليامنة فتيليفون بلغها بوصول مينة الي كانت زيارة مفاجئة …ومشا نيشان لكوري حتى وقف عليهم كي هتلر …

ياسين “هضر بصوت مجهد زاد غلاض وبح بكترة الكماية وتبدل ” : سااالم …

سالم “شافو وجا يجري ” : الفحم …

ياسين : شنو درتو فالضروبات ؟(الضروبات هي العجلات ) …

سالم “شير ليه لمكانهم براسو ” : وراه سايرين يوجدو فيهم باش يطلعوهم لكاميو …سوق غذا ديال سوق سبت دشرة …مع ربعة صباح يكونو تما …

ياسين : تسناوني غانتحرك معاكم تما ..

سالم : لسوق !! وعليه راك عارف الوقيتة …

ياسين : اسامة عندو امتحانات خليه يرتاح هاد الشهر شوي …

سالم : الله يوفق …

ياسين “ضار ومشا شوي لهيه تا حيد صندالة ولبس البوط حتى صونا ليه تيليفون جاوب فالحين ” : الحاج محمد …

الحاج محمد. : ولدي فينك جيت مالقيتك …

ياسين : انا فالكوري تحرك عندي …

الحاج : ياك غاتغذا عندي باش نصليو الجمعة ان شاء الله فالجامع الي كنصلي بالناس فيه (هو امام ومؤدن )

ياسين : ان شاء الله ضروري …

قطع معاه ورجع ياسين يكمل الخدمة بالنسبة لحاج محمد هو رجل كيعرفو من زماااان نهار وقع مشكيل لياسين مع نوار فداك الايام الي كانت ايام سوداء بالنسبة ليهم ايام فقدان الاجنة ديالهم ايام طلب نوار لطلاق واصرارها عليه من تعب المشاكيل وتراكمات الي تراكمت عليهم …حتى تلاقا بيه بالصدفة فالمشفى …وعرف منو شنو جرا فقدانو لوليداتو الي مزال فالكرش نقيطات ….

الحاج : ولدي ياسين نتا معقول نيشان خدام بدراعك مجهد وحار وعند شدة حاضر ميهمك لا خطر لا صعاب …ولكن متنساش راك كتبقى عبد ربك انسان والانسان من تراب …عارف بحق الله مسلم ولكن مسلم غير بالفم …عمرك تقربتي من الله وصليتي …

ياسين “تنهد وحك على جبهتو حشمان ” : كنت وكنت كنقطعها مكنتش مواضب بزاف عليها الله يسمح لينا …

الحاج : يمكن ربي كيوقف معاك لخير الي كدير رضاة الواليدين معاك كانو معاك وكان معاك الله سبحانه …وعلاش نتا متكونش مع الله التقرب من الله والصلاة والمواضبة عليها فوقتها طاعة الله وراحة ليك ولقلبك اولدي …مهما قسيتي مهما كنتي قاصح وصنديد تفكر ديما را ربي فوق مني ومنك وهو الي خ🦋🐺نور_الياسين(614)#فرصة_ثانيةsana mina🐺🦋

بقات واقفة كتشوف فديك البنت الي شابة فبدايات عمرها قريبة ليها بزاف فالعمر …وسليمان واقف ليها عند راسها والفرمليات زوجات كيقادو ليها فسيروم الي فيه دوا وهي كتنين وتغوت من الالم الي كيديرو داك سم الي كيدخل ليها فذاتها باش يحارب داك الورم …الورم او السرطان تيمور او كونصيغ …

بزوج بيهم امراض خطيرة ممكن يكون حميد ممكن خبيث …علاج بهاد الحصص ديال شيميو هي علاج باش كيقتل الخلايا سرطانية الي كتكاتر وهو كيساعد فبطئ تطور الورم او قتله خلايا ديالو …

فداء “كانت كتنين حتى بدات تغوت فاش بدا كيدخل دوا مزياااان ” : واااااااااااااا ربيييييييييييي اهى اهى وااااااا الله صحتي يااا الله صحتي مااااا بغيت والو غير تكون عندي صحة ياااااربييييييي اهى اهى …

هاد الكلمات كيطيحو على مسامع نوار لوذنيها فحال العافية كتقهرها كل مكتسمع كيطيح فبالها انها تحمد الله وتشكرو على صحة الي مخلياها واخا فقر دم قادرة تداويه وقادرة توقف وتمشي وتجي وخا رجلها ناقصة المهم كتمشى بيها كتهضر تسمع تحس تشم تدير كلشي رغم النقص عايشة عيشة عااادية في حيت البنت الي قدامها كتصارع المرض

وماطالبة والو سوا ترجع ليها صحتها صااافي هذا مطلب مالين سرطان والاورام هذا هو مطلبهم فاش كيعيشو المرض كتولي عندهم كسب صحة ويوقفو على رجليهم يعيشو حياتهم غير بصحة مزيانة مستعدين يدفعو اموال طائلة باش يرجعو صحتهم ان لزم الامر وكاين الي معندوش تا باش يداوي ومسلم امرو لله يشوف من حالو….

مكمل ليها داك دوا تا شافت الموت قدامها غواتها وصراخها بوتيرة ناقصة حيث عياات وهي تلالي وتنين …حتى سالا وهنا المشكيل حسات بدوخة وغثيان ومقدراتش انها تنوض حتى هزها سليمان كيجري بيها لطواليط كتستفرغ الي فكرشها الفارغة ومشكيل عندها المرض فالمعدة ولا وجهها هارب منو لون وطااااااايب …

نوار”مقدراتش تشوف فيها مسكينة خرجات من الغرفة حتى لواحد الشرجم برا حداها ..كتبكي عزات عليها وضراتها فخاطرها بجهد ” : اهى اهى يااربي تشوف من حالها يااااربي مسكينة اهى اهى …

بقات شوي كتبكي حتى تنفست جهد ربع ساعة وهي كتسنى حتى خرج سليمان ولحق عليها حط ايدو على كتفها …

سليمان : شوية ؟

نوار”ضارت عندو عينيها حمرين ” : بقات فيا بزاااف اهى …

سليمان : هذا هو حالها تتكمل حصص شيميو على حسب حالتها نتمناو خير وصافي …”هز راسو سما تا طلق انفاس حارقة ” كانت عادي شابة كتقرا عندها كلشي متوفر حتى تصابت بهاد المرض ولات بغات غير صحتها ترجع وتعاود حساباتها وتقاد حياتها …”حط ايديه على كتافها كيشوف فيها ويهضر ”

الصحة هي مطلبهم الوحيد يرجعو بصحة مزيانة ويتهناو من العذاب والى كتر عليهم غالبا كيتمناو يرتاحو بخطرة الصحة كيشوفوها كنز صعيييب يلقاوه …فكيطلبو الموت هو المنجي لعذابهم …

نوار”كتسمع ليه وكتفكر صحتها كيفاش دايرة رغم ذلك عندها امكانية كبيييييرة انها متهملش صحتها وتكسبها ”

سليمان : تقريبا جميع مرضى السرطان مشكيلهم الاول الصحة النفسية …الاهمال لراسهم لذاتهم نهار كيمرضو باش تعالجي لازم تقوي صحتك النفسية لازم تكوني شخص قوي مواجه وقدر يواجه الحياة را ساهل باش يواجه المرض يحطو كعدو هو يكافح بنفسيتو يضحك ينشط ويضرب دنيا بركلة

قادر بنسبة كبييييييرة انه يتغلب على المرض …استسلمتي وعشتي على البكا وهزيتي ليه رايك البيضة ودعي صحتك وحياتك …فرص كبييييييرة قدامك انوار …فرص ثانية معطياك باش تشوفي راسك قارني راسك ب فداء قارني راسك بدوك الاطفال صغار الي شفتي لتحت …لعبتي جريتي كانو عندك العاب فصغرك في حين هما العابهم دابا هي سيروم دوا العلاج الكميائي …شكة ابرة وصراع مع المرض الي واجهوه دوك الاطفال وحدهم قادرة نتي تواجهي اضعاف عليهم …

نوار : صعيييب عليهم مساكن …انا غييير ووجع لعادة كانت كتعذبني …

سليمان”ضحك بجنب ” : وجع العادة قادرة تواجهيه بمسكن الالم انما هما وجع الم الكيميائي ميقد عليه غير رب العالمين …قارني راسك دابا معاهم وحمدي الله على ما عطاك …”شاف فتيليفونو ” هي دابا مغاتقدرش ترجع دار جاتها سخانة …دابا نرجعو فحالنا غذا نجيو عند البقية حيث مجاوش اليوم …

نوار”كتمسح عينيها ” : واخا ولكن

مامعاهاش عائلتها ، ؟

سليمان : واليديها ميتين لو كانت معاها غير ميمتها كانت تخفف عليها …هادشي علاش الواليدين فجنبنا مهم …

نوار : بابا كانت معاه ماما فاش كان مريض …

سليمان : باباك معاه شريكة حياتو الواليدين عند الله معاه ام ولادو عوضاتو …الوحدة احيانا مفيدة لاعادة التفكير براحة غير فترة قصيرة فاي مشكيل ولكن كتبقى صعييييبة بزاف الى طولات لااااكن الى لقينا ناس كيبغيونا حدانا بجنبنا علاش نقلبو عل🦋🐺نور_الياسين(615)#فرصة_ثانيةsana mina🐺🦋

جالسة فوق السداري وجامعة رجليها عندها كاتهضر مع رياض الي رجع هو لفاس وخلاها مشات لمراكش عندهم …سولها على كيف وصلات …

رياض “متكي فناموسية عريان من فوق ” : ايوى زين ديالي …

مينة : وغطي صدرك اويلي دابا تجي خالتو “حناكها تزنگو ”

رياض “جر عليه تيشرت حطو عشوائيا ” : هاااهو لالة …عند صح قولي ليا غطيه وديك ساعة نغطيوه نيييت …

مينة : ماسخ …

رياض : حيث كنبغيك كيبان المسخ …دابا غااا ديك قضية العقد ومن بعد شهور العرس غااا بغيتي ديريها وصافي منعرف لاش سني واجي والديك تحتي …

مينة “خرجات عينيها وضارت بجنابها لا يكون جاي شي حد وهي ضور عندو صغرات فيه عينيها ” : المسخ جاري فالدم بلا ميحتاج نتزوج بيك ماسخ من يوم يومك هادشي ماشي جديد …وانما كترتي هاد الايام بززف غايولي حموضة …

رياض “خرج عينيه تاهو تا جاه ضحك ” : هههههههههه انا حامض لمك تاتجي هاني صااابر …مخليتينا نبوسوك مخليتينا نعنقوك رهنتيني عام كون راك هازا فكرشك شي برهوش …مالكم العيالات عزيز عليكم دراما …

مينة : غانقطع عليك …

رياض : تقطعي نحش ليك ركابي …ماعلينا شنو قاليك ؟

مينة : قلتها ليه ضمص الموضوع بالفن …”كدوز على جبهتها ” غانحاول معاه انا وخالتو مغايردنيش …

رياض : ختك نوار غادي تجي ؟

مينة “بحزن ” : موحاااال طلبتها …خاصها تكون فجنبي بغيتها تكون معايا بغيت عائلتي كلهم يحضرو وينشطو هي مسكينة كانو معاها ولكن غير قلال مكانش كلشي انا تصادف عقدي فالصيف غايكونو شادين العطلة ولكن الي هي مهمة مغاتكونش !!

رياض : شوفي هي مشات ترجع صحتها نفسية مشات تشوف حياة هي الي قرراتها وقررات تعيشها رمات كلشي وراها حتى من راجلها تفارقات معاه وكل شد طريقو …تاحد ماقاليها لا فلول كان اعتراض دخلو بخيط بيض لكن من خرج قرار وصافي تحاول تجي …

مينة : ماعرفتش …

رياض : هي مجبدات والو ؟

مينة : مسحات سما بليگة …كان تاحاجة مكانت فحياتها من قبل …

رياض”كيحك فزغب صدرو وجنابو تقول فيه جربة ” : الله يصاوب اححح فففف

مينة : مالك كتحك بزاف ؟

رياض : معرفتش جو بونس كليت شي حاجة دارت ليا الحساسية ….

مينة : عنداك تعاديني …

رياض”دار بوز يفهم شنو تتقول ” : منين جبتي هاذ القوة ؟

مينة : لحمي عزيييز …

رياض”بقا كيشوف حتى هزهز ليها حجبانو ” : هي ناوية تلصقي لحم مع لحم ههههه

مينة : المكتوب ما منو هروووب …

رياض”خبط فوق ناموسية ” : تررر هاااا الكلام الموزون الي كيعجبني …زيدي اطريبيني ..

مينة “حبست ضحكة دايرة صباعها فوق فمها ” : الي نديروه نديرو خاص يكون فالحلال مذاقو زييين …

رياض : من ناحية المذاق حلوووو عسل ههههه ..

مينة : هممم هههه “بدلات المووضوع حيث حشمات ” خالتي فين هي ؟

رياض : راها لتحت كتوجد لينا مناكلو …كتونس فراسها تتجي وتونسيها زين …

مينة : توحشتها بزاف تانرجع ان شاء الله ونمشي عندها …

رياض : ان شاء الله بب ديالي …

بقات تهضر معاه تا خرجات مينة من كوزينة هازا صينية اتاي كتبتاسم بمجيتها فرحانا بحالاش …حطات مرافق اتاي وبدات تكب حتى تم داخل اسامة من بعد ما دوش وبدل حالتو …

اسامة : والله الى ليك وحشة ابنت العم …

مينة : وكون تشوف انا …امتا تجي نتا ؟

اسامة : اش نقوليك نسالي سيمانة جايا نلحق عليكم …

يامنة : فين ياسين ؟

اسامة : مزال واحل فالكوري…

مينة : هضري معاه خالتو عاافاك بغيتو يحضر …

يامنة : والله ابنتي ميخصر ليك غير هضري معاه نتي انا نهضر معاه كيجعر هادي حالتو خاطرو مرض ليه مبقينا قدرنا نقولو تاحاجة …

مينة : موحااال يبغي مني …

اسامة : غيير جربي نتي كيحشم منك كوميم عطاك وقتك وهضر معاك حنا را غير سلام فين اسامة الحنانة فينك…

كيهضرو حتى وقف عليهم كيحنحن عاد جاي ريحتو تعطي بالگارو وصوت دعدع …

ياسين : كاين شي ميتكال ؟

يامنة “تصدمات ” : الله اودي كاااين اجي كول تقوت بهاد كسكروط …

ياسين “جلس ” : عطيني غير شي حاجة خفيفة باش نجوع ونتعشا مزيان فالليل …

مينة : ياسين امورك مزيانة ؟

ياسين “حيد كاسكيط كيشوف فتيليفون من بعد ما مدات ليه يامنة كاس اتاي جغم منو وحرك راسو ” : مزيااان قولي عاد وليت لباس كيف الناس …”🦋🐺نور_الياسين(616)#فرصة_ثانيةsana mina🐺🦋

بلباس كلاس طقم اسود وقميجة بيضة جاي وكيحل صدايف الفوقيين زوج وفايدو ملف ولايد لاخرا تيليفون الي صونا ليه فايدو وصل عند المساعدة ديالو ووقف عند راسها …

يوسف : عيطي لمحمد الحبيب وايساف وعيطي لالياس باش يخدم لايف بلغيه بموعد اجتماع مجلس الادارة من دابا ساعة …

المساعدة : دابا سي يوسف نبلغهم …

يوسف “طلق الخط فتيليفون قبل ميجاوب” : يلاه تحركي …داااابا …

تم غادي لمكتب ديالو دخل وكيهضر فالفون …حط الملف فوق المكتب وتلاح جلس …

يوسف : فينك نتا فييينك ؟

صهيب : راني عاااد قاديت الوراق وجيت من المحكمة راني خدام هك وهك نطير نفرفر ياك مززل ساعة ؟؟؟

يوسف : ساعة باش يجي الشريك جديد ويلاه نبداو …فينك ؟

صهيب : هاني قربت جبت معايا اشرف غايبدا سطاج اليوم …

يوسف : درتي فيه خير جالس جالس يدير شي خبرك فحياتو …

صهيب : هاني وصلت …

قطع معاه ووصل دخل بارك لتحت تا بلاصا طوموبيل وخرجو منها بزوج …اشرف وصهيب ..

اشرف “كيتشبح ويتفوه ” : اووووو احح ستغفر الله العضيييم …

صهيب “شير ليه حدا العساس ” : سير سير فرش تما وتسرح حداه “عيط ” با عمااار موجد شي دكة ؟

عمار”حرك طاقية تال جبهتو ورجعها ” : نوجدو دين دباباها …

صهيب : طلع ليا واحد الكاس وسرح معاك هاد العجل البلدي بان ليا موحاااال باغي يخدم …

اشرف “كان كيتفوه تا صدق مخرخر ” : خخخرر اتا مالك غير تفوهنا شحال هادي مبقيت فقت بكري عام وانا جالس ملي شديت ديبلوم…

صهيب : حاط ليا باقلك ومبجر ليا ترمتك اش غادير ؟

اشرف : نبطبط خنههههه ..صافي العميم هاني جيت نخدم والله …

صهيب “جبد الفون ” : تبعني نتا …الو وي انس ها اشرف غايجي عندك باش تعطيه شنو يدير …القليلة شهرين حيث مزال غايكمل ليصونص ديالو يعني غايرجع يقرا ….يلاه هاهو جاي عندك …”قطع معاه وضار عند اشرف ” تحرك عند انس غايوريك اش دير …

مشا هذاك فجيه وصهيب طلع لطاج الفووووقي تال مكتب عند يوسف دق ودخل عندو لقاه مقاد وراق قدامو وكيشوف فيهم حتى وصل عليهم محمد الحبيب تاهو دخل وجلس …

يوسف : الوراق واجدين ؟

صهيب “حطهم قدامو ” : كلشي قدامك …

يوسف “شاف فالحبيب ” : عيط لالياس يلاه يتقاد معانا …

الحبيب : واخا واجد هو …شكون الي غايدخل شريك ؟

يوسف : را غير نسبة خمسة فالمية وصافي …

صهيب “ضحك ” : هههه هاديك خمسة فالمية نقدات سيولة ديال شركة ابا يوسف …

الحبيب : مقالش سميتو ؟

صهيب : هضرت غير مع المحامي هو معامن تعاملت …مابقا قد ما فات ونعرفوه شكون …

الحبيب : اش هاد خدمة الافلام …تت …

يوسف : عالله يكون ولد ناس ميخرج فينا العجب منكذبش عليك اول مرة نتعاملو مع شريك براني …

صهيب : كون غا دخل ياسين حسن”غمض عينو

يوسف “تنهد وشاف فالملف كيهضر فوق الخاطر” : والله يحسن العوان صهيب حسن تيساع ممسالي لشركة براكة تمارة الي كاينة …

الحبيب : احم ..يلاه غايهضر وهي دق السكريتيرة عليهم …

ايمان : سي يوسف السي زياني على ماقاليا جا وقال هو شريك جديد …

يوسف”وقف هو وصهيب ” : سي زياني !!؟ واخا دخليه دابا لقاعة الاجتماعات هاحنا جايين …صهيب الحبيب عيط لالياس دااابا …

مشاو كيزربو والحبيب عيط لالياس من الايباد …حتى دخلو كاملين ووصل عليهم ايساف تاهو كيزرب عاد وصل …مع دخلة …

لقاو محامي الي تعاملو معاه وحداه واحد الشاب مع الوقفة عاطي بضهرو ووااااحد مولاتي طولة وتجريدة وكتاف عراض تبارك الله غير دور وجهو وهو يبتاسم ببشاشة مشبح عينيه بابتسامة عذبة تا بانو سنيناتو …

محمد الحبيب : نوووووو واااااي حسن!!!

حسن : هههه الحبيب عشييييرييييي …

الحبيب : حساااااااااااان الله الله عاش من شافك يا صاحبيييي”تعانق هو وياه …كان شاب اسمر لون وزوين ملامح حرشة وشعر قوي ورطب مقاد …”

حسن : شحااال مشفتكم ههه

الحبيب “ضار عند يوسف ” : هذا حسن نسيتيه كنا كنقراو فلافاك ومشيت معاه لدارهم ففاس هنا فاش دوزت سوتنونص اجازة وبقيت عندهم فدار …

يوسف : واش صاحبك الانتيم الي كان كيجي عندنا وهو صغير فاش كنتو كتقراو نيت فالباك …حسن زياني ايييي ولد زياني الحاج الله الله محاسن الصدف “مد ليه ايدو سلم عليه

حسن “ضحك ” : ههههه هو هذااا

يوسف : لباس عليك اولدي امورك هانية …

حسن : الحمد لله وليا شرف نكون شريك معاكم والله منكم تعامت اسي يوسف …”شاف فيه ” بلاتي نسولك على ديييك البنت الي كانت طاحت فجردة وقالت ليكم انا طيحتها ياك بنتك ؟

يوسف “ضحك ” : هههههه نوار لبوحاطية …

حسن : لا لا حشومة كانت باقا صغيرة شوي …لباس عليها شحاال مشفتها تكون كبرات دابا ؟

ايساف”هضر بشوي : كبرات وتزوجات وسافرت غبرات ياكما عينك تزوجها صگع …الله تاتنوض الحرب …اوووو “زواه الحبيب حيث تطلق مابقا سكت ”

#تصبحن_على_🦋🐺نور_الياسين(617)#فرصة_ثانيةsana mina🐺🦋

#فلاش_باك…

جالس فوق الكرسي فالممر الي فيه الغرفة ديالها …جالس حداه فؤاد ويامنة من لهيه ويوسف ومينة والبقية فالفيرما بامر من فؤاد خففو دنيا تما اما يسرى فهي كانت لداخل …

راسو الي حادرو لتحت بين ايديه …بالحوايج باش جا هكاك بقا بيهم حالتو ميعلم بيها غير الله لا هو بصدمة من هنا ولا صدمة ولادو من هنا ولا الي وقع لنوار زاد حسك ليه قلبو …

فؤاد “حط ايدو على كتفو مازم من جيهتو عليه ” : ياسين توگض الله يرضي عليك …

ياسين”الصمت”

فؤاد : دخل عندها ؟

ياسين “كيدوز على شعرو بتعب يدوز ويدوز الحالة حالة تشفي العدو …ساط انفاس حارقة قبل ميهز راسو وينطق كيشوف قدامو ” : تخرج من عندها يسرى …

بقاو جالسين حتى جا اتصال من نمرة كان كيتسناها تتاصل جاوب فديك اللحضة وهو مغوبش …حدو قال الو وناض جمع الوقفة …شاف فباه

ياسين : تحرك معايا ؟

فؤاد “ناض بلا ميسولو حيث عارف علاش ناض ” : ميحتاجش تسول …

مشاو بزوج ومعاهم اسامة خلاو يامنة كتشوف وتعيط تسول في فؤاد هز صبعو وهو غادي وهي تسكت بمعنى حتى نجي ونعاود ليك …ركبو بثلاثة فسيارة وطار مكسيري باقصى سرعة كتهز سيارة …حتى وقف قدام البنك …

فؤاد”داير مرفقو فشرجم وصبعو في فمو دار عندو ونطق بثقالة غير من باب مساعة اما عارف ولدو علاش قاد وزيد عليها معندوش الحق يدخل داخل المؤسسة البنكية ” : شنو نتسناوك هنا ؟؟؟

ياسين “حرك راسو ” : ندير خدمتي وقت الي نحتاجك راك بجنبي براكة غير نتا جيتي معايا كافي وموفي عشرة دقايق ونرجع …

مع دخلة وقفو العساس سلم عليه عاد طلع طاج ديال مكتب ديالو كلشي خرج كيشوف ويولول …

ياسين “غوت بجهد تا طارو ونزلو ” : خداااااميكم وتاااا واحد مالقاه هامل شي خدمة ..عمااااد …

عماد “تبعو كيجري تالمكتب ” : سي يا ياسين …

ياسين”تحنى على مجر ديال مكتب حلو بشاروت تا جبد واحد الملف فيه تقرير عليها جلس تا جلس بقا يكتب ويزيد فيه حتى سناه وكاشاه عاد هز راسو ف عماد ” : وجدتو ليا داكشي ؟ ولا رجعتو فكلمتكم ؟

عماد “ابتاسم ” : الله اودي درنا الي قلتي وحنا معاك …هاهو …”مد ليه واحد الملف ”

ياسين”شدو ودارو مع الملف لاخور وسد المجر ضار عندو طبطب عليه ” : لهلا يخطيكم …تهلى ودير شنو قلت ليك حتى نرجع …شكرهم ليا …

عماد : كون هاني …ميكون باس اسي ياسين …

خرجو من مكتب سدو ياسين ومشا مخليهم كيشوفو نزل بزربة لعندهم لسيارة حط الملف قاد سانتيغ تاني وطااار بيهم لوجهة فين غادين اصلا حتى خرجو لواحد الخلا فطريق صحاري كيقولو ليهم الواحات وهو يفراني تا دار العجاج …

فؤاد “نزل نيشان لكارد ديالو علمهم يردو البال ”

ياسين”غزز سنانو شير ليهم بعينيه وهما يجيبدوها خرجوها من طوموبيل ” …

غزلان”كتبكي وتنخصص ” : اهى اهى اش بغيتو عندي …”هزات عينيها بان ليها ياسين ” م ياسين مم موسيو ياسين !!

ياسين”قرب ليها كيخنزر ” : عاودي شنو ؟؟

غزلان : م موسيو لو ديغيكتوغ …شنو كندير هنا علاش جبتوني ؟ مفهمتش شنو درت ؟

ياسين “قرب تال عند عينيها كينطقو شرااار واحد نضرة تخلع ” : علاش غاديا مسافرة لداخلة ؟ ؟

غزلان : م مسافرة غاديا كونجي مرضي …

ياسين : كونجي مرضي؟؟ “ضار عند باه الي كان كيشوف فيه مربع ايديه وحداه اسامة الي مغزز عليها كون لقا يعطيه لاطاك باش يفرسها والله ميعطلو …رجع شاف فيها كيحك لحيتو لحد الان متبت مهدن ساااااكت ….” علاش نتي خدامة ؟ حتى تكون عندك عطلة مرضية

غزلان : اه خدامة علاش اش واقع !! واش على مادام نوار ؟ انا ما مقصدتش نضربها ولكن هي موسيو ياسين استفزتني وعايرتني هي ضربتني تقدر تاكد بالكاميرا هي الي مدات ايدها عليا ودافعت على راسي وعندي الحق ندعيها حيث تهجمت عليا اثناء العمل ….

فؤاد”مصغر فيها عينيه كيشوف شنو كتنطق وهاد القوة الي جابت ” : الي بقا كيدور يدور على الحبل🦋🐺نور_الياسين(618)#فرصة_ثانيةsana mina🐺🦋

هز ياسين عينيه فالبوديكارد غمزهم باش يطلقوها وشير ليهم باش يكحازو من تم …كيفاش جابوها وكيفاش لقاوها …من الي قاليه اسامة شنو جرا بالضبط وهو صاعر عليها ماحيلتو يشوفها هي ماحيلتو لنوار والحالة الي كانو فيها وفقدان الاجنة …كلف رجال فؤاد بامر منو هما الي لقاوها ليه دغيا …كانت غاديا لمطار باش تركب وطييير لداخلة …

ياسين : دفعتي شهادة طبية ياك ؟

غزلان”حركات راسها ”

ياسين : قلتي المراة مرتي نوارة ديالي هي الي تعدات عليك ؟

غزلان : هي الي ضربتني وضربتها وكنضن من حقي ندافع على راسي او لا ؟ ياك الحق حق هادشي الي علمتينا ؟

ياسين”عوج فمو جنب ” : الله اودي راك كتعلمي …”حك بسنانو شفايفو بغيض باش يتهدن تاني ” سولتك مجاوبتيش …خدامة نتي باش ديري سيغتيفيكا مالادي ؟

غزلان : وي موسيو…

ياسين : الي عندو شهادة مكيسافرش الا فحالة الى غايمشي عند طبيب ونتي خليتي مراكش وغاديا طايرة تال داخلة ؟ …

يلاه جات تهضر حتى بان ليها وحش جاي شنق عليها حتاها ليها بقجة بايد وحدة هازها بيها حتى تهزو رجليها على لارض …قرب لعندنها بوجهو …

ياسين : لالااااك تمدي عليها ايديك وتنعتيها وتعايريها الحق الي عند واليديها يربيوها ويغوتو عليها وما غوتو اناااااااا الي عقلها وعقلي هي ديك بنت الناس لالاك الق”حبس الهضرة خاسرة ” تحطيييييي عليها ايديك ؟؟؟ ااااا ؟؟

غزلان : قغغغ قغغغغ ننن …”عينيها خرجو باش تقلب على نفس مالقاتهاش حبسها فيها ”

ياسين “مغزززز ومزير على الهضرة كيهضر بحرقة وجهالة ”

طلقها بجهد تا كانت غاطيح شادة فحلقها كتقلب على النفس بغات تخرج روحها …يلاه غاتهز راسها حتى بان ليها البرق كانو زوج طرشات حااااارين جاوها لحناك تا طاحت لارض …

ياسين”دفل عليها زوج دفلات ” : الخدمة نسايها …”شير لاسامة الي مشا جاب ليه ملفات شدهم من عندو وتحنى عليها شدها من شعرها مزير عليها وهي كتغوت بالحر ” هذا تقرير بسوء السلوك الي فيك “عاود حطو ليها قدام وجهها وزادها لوراق لاخرين ”

وهادو شهود على سوء معاملتك معاهم الاطر والكوادر كلهم شهدو ضدك …

فؤاد : ديرها زينة مع العبد وتسنى ربي يرحم …

ياسين : الخير لو كان فيك نتي وقبيلتك لو دخلتي لخدمتك بدراعك …قبيلة معولة على الفلوس اما المعرفة مكاينة …مزال تقرير بالرشوة الي عطيتي ….”عاود صمكها زوج طرشات تا هبطو ليها نقيطات دم من منخرها …”

هاديك لالاك نهار شفت فجنس النسا بالحلال شفت فيها هي …والفاهم يفهم …

دفع ليها راسها وناض …عاو شاف فيها …

ياسين : تعدات عليك ؟ سيري دعيها والي صورتيه ديه …را هذاك الولد الي دفعك …شاهذ عيطي ليه يشهد معاك …

اسامة “كيهضر مع راسو ” : بربي منعطل القح** مك فشهادة

“عاود دفل عليها وضار عند البوديكارد ” بوحوها قدام باب دارهم بهاد الحالة وقولو لواليها المخير فالقواد اي حطكم يجي يحساب عدو ربي …

تخطاها وزاد عند باه وخوه الي جا معاه حيث هو الي قالها ليه ركبو فالسيارة وطارو لمشفى رجعو ليه …

فؤاد : فين غادي تدي هادو ؟

ياسين : غادي نرسلهم لمركز الكبير هما يتكلفو …

مابقاش هضر هاديك هي مشيتهم تا وصلو المشفى ونزلو كاملين مع الدخلة عند الممر لقا يسرى معنقة يوسف وكتبكي …كيشوف فيهم ورجليه بغاو يفشلو ومواكل والو تا كان غايطيح لو ما شد فيه فؤاد …

ياسين “صرط ريقو ” : ن نوار !!

يوسف “هز فيه عينو ” : جاتها كريز الاعصاب تاني …

ياسين”تم غادي كيزرب باش يدخل عندها حتى وقفوه عند الباب وهو يصعر عليهم جاي مشربن اصلا ” : نشوفها نشوووووووفها من البارح تاااا قواد مخلاني ندخل نشوفها ؟؟ نشوفها عباد الله ماتجهلوووووش دينمي ….

فرملية : اسيدي كتعطيها مهدئ دابا غادي ترجع تنعس بزز باش تهدنت …مغادي تفيدها بوالو …

ياسين”قرب ليها لوجها تقولي بغا ينطحها تا رجعات راسها لور ” : شكون الي مغايفيدها بوالو ؟؟؟

فؤاد”جرو من دراعو ” : ياسين نعسات معند الهضرة ماتفيد …

ياسين “هز ايدو وخبطها مع الحايط تا قفزو ” : واااا نشوفها نشووووفها …ومرتي هاديك اعباد الله ملي جيت ونتوما مخليتوني ندخل عندها …علاااااااش “ضار عندهم عينيه حمريييييييييييين بغاو يطوشو بالدم ”

يوسف”بقا فيه ” : خليوه يشوف مرتو وخا ناعسة علاش مانعين ندخلو عندها ؟؟؟

خرجات طبيبة من عندها وسمعاتهم وهي تنطق فوجهو …

ايناس”باسف ” : كاع مسببات ضغط والانهيار الي وقع ليها ماتقدرش تشوفهم هادي هضرة الاخصائية نفسية …خليها ترتاح عاد دخل تشوفها …دابا نعسات …

ياسين “حط صبعو على صدرو ” : انا سبابها ياك ؟ “رافع ح🦋🐺نور_الياسين(619)#فرصة_ثانيةsana mina🐺🦋

بقات كتشوف فيه طبيبة الي تنهدت ماعرفات ماتقول …حالتها كانت جد حرجة ومحتاجة لمراقبة باستمرار …ملي عرف بالواقعة وهو باغي يذخل عندها مكيخليوهش نظرا لاخر حالة وقعات ليها فاش دخلت عندها يسرى وحلات عينيها وعرفت شنو وقع ليها دخلات فحالات انهيار متكررة …

ايناس”شافت فياسين ” : نتا مهمتك توقف بجنبها تصبر ليها راني شرحت ليك الحالة خاصها راحة من اي مسبب لضغوطات النفسية الي كتمر بيها …عاد عرفات على الاجهاض الي وقع ليها …وهي ديجا جايا بسباب انهيار عصبي حاد …يعني هادشي متوقع …

ياسين “غمض عينيه كيكتم الغضب ديالو بزز ” : واخا ندخل عندها وهي ناعسة ؟

ايناس”شافت وراها بانت ليها اخصائية نفسية جايا ..” : وخا يدخل وهي ناعسة ؟ راجلها مادام لبنى …

لبنى “شافت فيه عينيه حمرين وكيتسنى جوابها ” : وخا دخل وحاول متعطلش عندها هي دابا مغاتسمعك ماوالو ناعسة بفعل المهدئ خفيف …

ياسين “حرك راسو ” …

تبع ايناس حتى لداخل واحد الغرفة من الغرف الي فالانعاش لان فاش وقع كريز مرة لولة حولوها تاني لقسم الانعاش خوفا من نزيف تاني …لبسوه وقادوه وعقموه عاد سمحو ليه يدخل …

ايناس”كتنعت ليه ” : السرير الي لهيييه فديك القنت وحدو …

ياسين”خنزر فيها ” : علاش مخلينها وحدها !!

ايناس : حيث هو الي خاوي وحدا المكتب ديالي …

مشا نيشان لعندها مع وصل عندها مع غمض عينو وهي تنزل ليه واحد دميعة وقفت ليه عند عينو لتحت دغيا بالخف مسحها وقرب ليها قلبو كيتعصر …خشا ايدو تحت ليزار وقلب على ايدها تا فبطها ليها وتحنى باسها …

ياسين “كيشوف فيها ناااعسة وحداها الالات كيديرو دوك الاصوات …وسيروم معلق ليها حالا فيمها صغيور بشويي ” : كاندي ديالي …

كيتلمس فايديتها ولايد لاخرا حطها فوق كرشها كيتلمس فيها بحنان ونعومة …

ياسين : زوج انوار زوج لو موقعش هادشي كنتي غادي تعرفي بيهم ونعاونك فيهم عمرك متحسي بثقل ولا تحسي بوحم وانا معاك …زوج من صلبك وصلبي مشاركين دم واحد وكنية وحدة …

تنهد وتحنى لعند وجهها باسها فحنكها مطوووول فالبوسة …وقرب لودنيها ونطق بواحد الكلمة يقشعر ليها البدن يمكن اول مرة تشمعها لو كانت فايقة …كلمة الي قالها من قلب قلبو وعقلو وبكل جوارح ديالو …ماهي كلمة كنبغيك ماهي كلمة كنعشقك وانما كلمة قالت لهاد

الكلمات ماتعرفوش كلمة بصح الى سمعتيها غاتعرفي ياسين شنو هي نوار عندو ….غير نطقها ورجع تقابل مع وجهها كيدوز بصباعو على حنكها ويلعب فخصلات شعرها الي خارجين ….

ياسين : نهار عرفتك باغاني ابنت ناس مابغيتكش تعرفي راني عرفت …الى عرفتي معمرك كنتي تكوني ليا …الى عرفتي تمرضي كتر من هاد الحالة ودواك صعييييب …الي قلتيه غير داز كترو عليه لغا تا حماض وبسال …كنتي تعرفيه مني

وحنا كنهضرو ونرجعو ذكريات مع ولادنا تما الى عرفتيه نتي ضحكي عليه وماتشكيش فيا …الي كتاب كتاااب “حيث عاودات ليه يسرى كلشي .”هانتي عرفتيه دابا ماعليش …

نوار”بدات كتحرك وتكمش عينيها ” : انننن …

ياسين”بغا يمشي وماعرف مايدير تلف وتوحشها وهي فايقة شنو يدير مكان عليه سوى يخليها توگض باش يشوف ردة فعلها ” : نوار !!

نوار”بدات ترجع وعيها عاد عرفاتو عند راسها وهي تزير غير كيقيصها كتكحز راسها ”

ياسين : كاندي مالك !!

نوار : بعدو مني اهى اهى …

ياسين : حتى انا !!

نوار : بعد مني اهى اهى بعد مني …بعد منييييييييي

ياسين : ششش تهدني واخا غير تهدني …

نوار “كتدور راسها لهيه فحال قاصها شي جن ” : وااااااا مابغيتكش اهى اهى مابغيتكش بعدو منييييييييي ….

ياسين : ششش واخا هاني مبعد …

نوار : بمرة بمرة اهى …عطيني تيسااااع عمرك مابغيتيني عمرك …

ياسين”تصدم ” : كيفاش ؟!!! نوار راكي ماشي فوعيك من بعد ونهضرو…

نوار : حتى من بعد منهضروش اهى اهى عيييت من مشاكيل من نهار تزوجتك وانا مشكيل تابع لاخور من نهار تزوجتك عاد بداو عليا نوار تعلمي نوار كبري عقلك نوااااار نواااار …

ياسين : هاذشي كامل ؟

نوار “بدات كتوگض مزيان لان الكلمات الي قالت كتقولهم عبث من داكشي الي بقا لاصق ليها فعقلها قبل متهدنتا طبيبة ” : عيييييت عرفتي شنو هي عيييييت ؟ مغاديش تحس بيا …

ياسين : من حقك تعياي غير تهدني من بعد ونهضرو …

“مابقاش زاد معاها الهضرة خلاها تما وخرج عند طبيبة بلغها بالي فاقت رمشا مخليهم كيعيطو ليه نزل نيشان لجردة بغا يتصطى …حتى لحق عليه فؤاد لقاه كيكمي وكيمشي ويجي فديك جردة …”

فؤاد : شنو وقع ؟؟؟

ياسين “ضار عندو ورجع شاف قدامو عاود ليه شنو قالت ” …

فؤاد : خليها تقول الي بغات ترتاح ويكون خير هادشي عادي …

ياسين : ماعليش ماعليش غير ترتاح ..”صاط بجهد بالقهرة والعذاب الي كيحس بيه ..”

فؤاد : صبر معاها …

ياسين : انا صابر هاد ساعة شنو عندي من غير هي …هاني صابر صااابر …منخليهاش ومنتخلاش عليها…والى بقات شادة فهضرتها معندي مندير ديك ساعة الي🦋🐺نور_الياسين(620)#فرصة_ثانيةsana mina🐺🦋

دازت اكثر من اسبوع وهو كيجي يشوفها غير من بعيد فهذاك الاسبوع ليها اكثر من تلاتة المرات وهي الكريز كترجع ليها بزز باش كيقدرو يتحكمو فيها ويهدنوها …حتى لثلاث ايام متابعة وهي بيخير ماوقع تاحاجة تا تهدنت ورتاحت نفسيتها وحتى صحتها استقرات …حولوها لغرفك عادية تما …كانت معاها غير مينة …

مينة “عطاتها تشرب ” : شوية دابا ؟

نوار”مكتهضرش بزاف غير كتحرك راسها ” …

دق الباب وهي طل براسها عليهم …

يسرى : ماما شوية ؟

نوار”الصمت…حاطا ايدها على كرشها ”

مينة : دخلي ماما …

يسرى “دخلات كتقرب لعندها ” : شوية ؟

نوار”حركات راسها ب اه ” …

يسرى : ها باباك جاي ورايا و ياسين تاهو …

نوار”غوبشات ” : بابا فين …

يوسف “طل عليها كيبتاسم ” : هاهو ماطلبتي غير الموجود ههه “قرب عندها باس ليها راسها ” شوية ؟

نوار”خشات فيه راسها معنقاه وهي طلق واحد تنهيدة خلاتهم كيشوفو تقولي عاد شافت راحة ” : بابا امتا نخرج ؟

يوسف : الى بقيتي مزيانة ليوم غادي تخرجي غذا …

نوار”هزات فيه عينيها مدمعين ” : غادي نمشيو لفاس ؟

يوسف : لا غاتمشي لدارك لفيرما هنا …

نوار”كتنفي براسها ” : ولا لا لا بغيت نمشي لفاس لدار عمي صهيب … لا لا لا تما لاااااا اهى اهى …وااامبغيتش تما مبغيتووووش مابغيت تاحاجة منو ومنهم ماااابغيتش ابابا اهى اهى “كتشوف فيه بترجي وعينيها فالتين تقولي غايرجعها عند قباض رواح ” حتى ازرو لا …

يوسف : واخا تهدني تهدني …”شاف ف يسرى ومينة “خليوني معاها …”خرجو ديك ساعة وضار شاف فيها “علاش هادشي ؟ شنو دار ليك ؟

نوار”بدات تهضر بحرقة ” : بابا ياسين عمرو ما بغاني اهى اهى “بدات تعاود ليه كاااع الي ضرها والي عرفات وسمعات والي وقع ليها وتبكي ”

يوسف : لا حول ولا قوة الا بالله …

نوار : عيييت ابابا عيييت ماابقيتش قادرة على مشاكيل غيرها مابقيتش… ملي تزوجتو وانا كنسمع نوار نوار نوار دارت عرجة اشمن راجل يصبر ليك محاسينش بيا ماحاسينش …قهروني ابابا مااابقيتش قدرت …عااافاك عااافاك نمشي من هنا مااابغيتش اهى اهى …بغيت نتفرق معاه ..

يوسف : شنو اش كتخربقي ؟ عاوتاني نفس الهضرة …

نوار : بغيت نمشي من هنا “كتخبط فراسها وتغوت ” بغيت بغييييييييت اهى اهى نطلق نطلق …بابا عافاك عاااافاك …

يوسف “كيحيد ليها فايديها. حيث بدات تدخل تاني فانهيار عصبي مكتحسش براسها حتى كتبدا تغوت وضرب فراسها ” : واخا صافي ميكون غير خاطرك …

تكاها وقادها كتبكي وتنخص وتركل حتى بدات تهدن وصوت تنخصيصتها كيتسمع شهقات …مابقا عرف كي يدير…

لهلا يطيحكم فهاد الحالة فاش كيكون انهيار عصبي او كريز كتولي تحسي بحرقة بضو بين عينيك كتولي تحسي بالعافية كتشعل خصوصا الى كانو حاضرين مسببات الانهيار والي كانو سباب فضغوطاتك نفسية واخا تكوني كتموتي عليهم كتولي باغا تبعدي من اي حاجة كتجمعكم او تفكرك بيهم …(هادشي غايحس بيه غير الي وقع ليه حالة نوار او شبيهة حالته او قريبة ليها )

يوسف”بقا عند راسها كيدوز على شعرها تا ترخات ” : ششش صافي الي بغيتي ..

نوار”مسحات عينها بطرف كمايمها ونطقات ” : كرهت لبلاصة الي دازت منها كرهت سمية الي بغيت وحليت عيني عليها وسبابي فهادشي وكرهت سمية ياسين …قوليه يخليني عليه ويتفرق عليا …ويدير نفس…

“خبطات صدرها وضربات جيهة قلبها كتحك بحرقة وتهضر بصوت جااهل ومتقطع ” : تااااا حد ماحاس بيا تاحد ماحاس بالعافية الي فيا …مابقيتش قادرة نزيد كتر من هاكا معاه هنا فين وقفات علاقتنا …

يوسف”شوكاتو ” : ياعوذ بالله من شيطان رجيم …

نوار”ضورات راسها لهيه ” : حسن الي ماجاوش هاد الولاذ …

هاد الهضرة كاااملة سمعها من فاش بدات تعاود ليه كان واصل عليهم جايب ليها كادو حتى سمع الي مابغاش يسمع سيف وجنوي وموس حسكو ليه صدرو …ضرب دورة ومشا داز من حدا مينة ويسرى ويامنة مخليهم كيعيطو وهبط لتحت تا وصل لواحد الكرسي حط فيه ديك ساشية الكادو الي جايب ليها ومشا ركب فطوموبيل وزاد طاير …

#نهاية_فلاش_باك ….

شاف ف مينة ونطق دوك الكلمات …

ياسين : عاد وليت لباس كي الناس …عيشي حياتك الي بغاك بغاك لي كرهك كرهك …دازت علينا وتعلمنا والي فقلبنا بقا فقلبنا والي تعودنا عليه تعودنا وهاهي غاديا تايدي ربي الامانة …”غمزها ” مبروك زواجك الله يكمل بالخير…

مينة “ابتاسمات ” : الله يبارك فييك …العقبة عندك “غمضات عينيها نسات مسكينة ”

ياسين”عوج فمو باستهزاء لحركة عينيها” : ان شاء الله نهار يكتاب ضروري منب🦋🐺نور_الياسين(621)#فرصة_ثانيةsana mina🐺🦋

فالمكتب الصغير البسيط ديالو بجانب بيتو بالضبط فين كيراجع ولا كيحفض …جالسة قبالتو كتهضر معاه دردشات عادية كانت الساعة تشير لسادسة مساءا …

سليمان : ماتوحشتيش تهضري مع ماماك ؟

نوار”هزات كتفها شوي” : كنهضر معاها ديما …

سليمان “هز صبعو ” : تت ماشي هذا قصدي …قصدي ليه معنى عميييق تعمقي وغاتفهمي …

نوار”دخلات خصلة من شعرها ورا وذنها ” : فاش كتهضر “تشحرج ليها صوتها وحنحنات باش تنظف حلقها ” احم فاش كتهضر معايا غير كتسولني صافي لباس مابغيتش نكتر حيث ..”عوجات فمها”

سليمان : حيث غادي تبدا تبكي وتقوليك جي نشوفك …حيث فاش بغات تجي نتي جيتي لهنا ل هامبورغ من برلين …

نوار”حدرات راسها حيث بصح هضرتو صحيحة وبصح عارفاه مغايحنش فيها ”

سليمان””دار صباعو الي متسوطهم ستيلو تحت ذقنو ” : هممم فاش كتهضر معاك هضرتي بجفاء وبرود …

نوار”حركات راسها ب نعم ”

سليمان : نتي كتقولي او “هز صبعو كياكد” عقلك كيقول يسرى الي هي الام ديالك الي كبراتك فكرشها الي اعتانات بيك سهرات ليالي على مرضك بقات معاك دقة بدقة …حتى كبرتي انها هي سباب فهذاكشي الي وقع …

نوار”زمات فمها وحركات راسها ” مممم

سليمان “عوج رسو كيشوف فيها ” : بغيت نسمعها من فمك مابغيتش حركات تعبيرية واصوات …

نوار “مزيرة ” : اه هي سبابي هي الي شحال من مرة ذكرات داك الموضوع (على سخانة ) وكتسكت وكنقول علاش كتسكت اش واقع ما مرة ما زوج وهي ممم اهى

سليمان : زيدي كملي …”شافها بغات كلينيكس وهو يحبسها ” مسحيهم بايديك كلينيكس كنديروه الى بكينا على سبب معقول ماشي حاجة تافهة …زيدي كملي …

نوار”مسحات بطرف كمايمها ” : باش نصحح ليك راها كانت غاتجهضني …

سليمان : وماجهضاتكش لانه خافت لا تجي لدنيا ونتي مريضة كتر وجد ومن ذوي الاحتياجات بصح …لكن وقع العكس نورتي ليها حياتها ..الي بصح بغاك هو الي رباك وتعب عليك ماشي غير ولدك وخودي اشرف مثال …نتي الفرق ملاحتكش انما رجعات احتافضت بيك …”سكت ورجع نطق “كملي

نوار : ومخبيين عليا وحتى هذاك معاهم …

سليمان”رفع حاجبو ” : شكون ولد عمي ياسين زوجك سابقا واب توام الي ضاعو …”شافها تزيرت وعزات عليه بصح ولكن …” ولفي ولفي على هضرتي احيانا الحكان على جرح بكترة كيرجع يتلم ويصبح عادي ماضي وذكرى وهاحنا متعايشين ما نقص منا مازاد …النظرة لمستقبل افضل …

نوار : علاش كيسكتو نوار مخاصهاش تعرف نوار عنداك تعرف نوار عنداك تصرف بصبيانية الى عرفات را غادي ماثيقكش …علاش حيث بصح هضرتهم حيث بصح انا خذاني شفقة “هزات ايديها ” را ميمكنش نفكر انه حب مايمكنش كنتفكر هضرة هاديك (غزلان) هضرة ماما …يعني را بصح …

سليمان : هاهو خذاك شفقة علاش ؟

نوار”الصمت ”

سليمان : هااا باش ميحسش بذنب ؟ حيث عرفك كتبغيه من صغر بنيتي عليه احلام وشفتيه فحياتك غير هو ..مابغاش يقلقك باش يرضي ضميرو حيث ياسين شخص عندو ضمير …

الضمير بغا يخدمو باش متقلقيش ؟ شكون قاليك بغيه ؟ الى غايخدم الضمير غادي يخدمو فحاجة معقولة اما لوجيك ابنت عمي وعند ربي را ماقاليكش بغيه ما ربطكش بيه من صغر سيد جا زيارة باش يعالج خوه وجا

لرزقو حتى لقاك كتبغيه معندو ميدير ليك …ماشي من نوع الي يرزي راسو بوحدة فحالك باش يرضي ضميرو …”خبط عالمكتب بجهد تا تهزت وشافت فيه ” را والله وما بغاك لا شاف فيك هذاك سيد …باش نكونو لوجيك ابنت عمي …

رجع تقاد فالجلسة وسد المذكرة وحط ستيلو …شابك صبعان ايديه بزوج كيشوف فيها بعينيه العسليين المايلين لون الاخضر اكثر …شابه نجوى اكثر فالملامح وطولة وضحك وطبع الياس محطوط …رغم صغر سنه الا انه كتعطيه كبر من عمرو فدماغو وتفكيرو وكلشي بالعقل وتباتة …

سليمان “نطق بشوييي بصوت خفيف ” : وشنو كتسناي ؟ شي حد يعطف عليك كيف مولفة ؟ ملي تبكي تلقاي الاحضان حاطين راسك عليها تخوي جوج دمعات وتلقايها ساهلة وتجي عندك الحاجة بلا متعذبي عليها ياك ؟

نوار”ماعرفات متقول ليه حيث بصح هادشي الي ولفت ” …

سليمان : ماعندكش الاجابة ياك ؟ حيث ولفتي طبع كبر معاك ياك ؟

نوار”حركات راسها بالايجاب “..

سليمان “رجع هز ستيلو كيلعب بالغطاية ديالو ويرجعها ليه ويعاود وهو كيهضر ” : نتي ولفتي الى ااااييييييلا نصحوك كينصحوك نصيحة عايرة هضرة كتقال حيث نتي عارفاهم واخا يقولو مغايفوتوكش ياك نتي ولفتي الى دمعتي تلقاي حضن وهانتي سكتي …تصبحي عليه تمسي عليه ..

سليمان : مااااسوقكش اش يقولو ولا ميقولو عارفة نصيحة جات من عند ناس عارفاهم واخا يقصاو عليك راهم باغينك يعني كتحسي بالنصيحة غييير نصيحة وغييير هضرة مافيهاش حس تهديد مافيهاش حس را بثح نتي داك شخصي نتي دييييما رادا اللومة لراسك وصافي …نتي مفكرتيش تبدلي رغم انه عندك امكانية تبدلي عايشة مزيان واكلة شاربة ناعسة كان عندك راجل من صلب رجال ”

بدات كتزير وصدرها كيطلع ويهبط بغات تهز ايدها تسكتو وهو يقمعها مجهد صوته ”

نتي ماشي محگورة نتي انانية حاسا براسك نتي بصح بغيتي طيري …”شافها بغات تبدا تبكي ” بكي يلاه بكي يحساب ليك راسك غادي نعنقك نقوليك سكتي ؟ هههههه …بكي جدبي ونذبي وطيحي بكريز نتسناك نص ساعة شربي لويزة ولا بقاي تتهدني على خاطرك ونوضي تگعدي خرجي لقرايتك راسك متسناينيش نوصلك الى توضرتي راكي بفمك سولي والي بفمو ميتلف …”ناض جمع الوقفة قاد جاكيط وخرج مخليها كتزير غا وحدها وتبكي ولا دير🦋🐺نور_الياسين(622)#فرصة_ثانيةsana mina🐺🦋

بقات وحدها كتبكي وتبكي حتى سالات مالقات لا حضن يطبطب عليها كيف مولفة ولا نوار الي خارجة برعب ويسولوها مالك ولا والو غير هي والحيوط وفوسط الغربة …لا صدر حنين ديال الام حاضنها ولا عناق دافي وحنين ديال الاب غامرها …حسات بحرقة فصدرها وبزز باش كتمات وصبرات ومسحات دموعها تا تنفسااات يلاه غاتنوض حتى حل الباب …

سليمان “رجع طل عليها ” : نسيت معندكش حصة ف ليكول عندك من دابا ساعة لاصال اول حصة ليك فالكيك بوكسينغ …

نوار”شهقات وهي كتشوف فيه عينيها حمرين ” : اويلي كيغاندير ليها …

سليمان : راكي كتمشي على رجليك كتعرفي تحركي بيهم ماشي مشلولة …تحركي لبسي حوايج سبور ووجدي صاكك ….

ماحتال تهضر حتى مشا خلاها كتشوف …ناضت على سعدها ووعدها دارت شنو قاليها وجدات صاكها ولبسات سروال قطن بالباندة عند رجلين وقبية صيفية كلهم فالاسود …جمعات شعرها اسفنجة الفوق مزيان …بدات كتجمع فواحد صاكادو مستلزماتها شنو تدي من فوطة وباندة ليدين …

هاد مسالة الرياضة الي غاتدخل ليها مناقش عليها من قبل اشهر باش تبداها …مسالة انها تعطلت عام فالبداية بقات شحال حتى رتاحت نفسيا وتاقلمات فبرلين عاد بدات رحلة الدراسة الاولية عاد جات لهامبورغ وتسالات ليها التاشيرة وبقات حتى جددتها باش تبدا تقرا …عاد بدات رحلة العلاج النفسي الغير المباشر …

نوار”تاففات” : ياربيييي اش غاندير بيها هاد رياضة هادي منين جات …فففففف فففففف…

سليمان”دق عليها ونطق من ورا الباب ” : واجدة ؟

نوار : انا جايا …

جمعات صاكادو سداتو وهزاتو ورا كتافها هزات الفون خشاتو فجيبها ودارت الاير بودز فوذنيها لبسات سبرديلتها وخرجات عندو لقاتو واجد حتى هو غادي لاصال معاها …مد ليها دراعو تابطاتهم وتمو خارجين لوجهة على بعد شارعين باش يكونو فلاصال …

نوار : علاش ممشيناش بطوموبيل ؟

سليمان : حسن ديري لامارش باش توصلي واجدة …

نوار : درت سوميلا لسبرديلتي …

سليمان : ماعليش مزيانة باش تحركي براحتك مبدئيا…

نوار : واااخا …”تنهدات وكملو طريقهم حتى وصلو لاصال كبير توجهو لداخل بالضبط بلاصة فين كاينة واحد الحلبة كبييييرة وجنابها حلبات مصارعة متوسطين …تم جاي واحد الكوتش اسمر لون مبتاسم فوجهم …

سليمان : انخيل …

انخيل : سووليمان …

تسالم معاه وسلم على نوار حتى هي …عرفو عليها عطاها شنو دير بينما كملات نص ساعة باش يبد معاها …

نوار”جاتها صاعقة مخلطة ببكية ” : وااعععع عشرة دورات …اش درت ليك اسليمان ااااش …

سليمان : هرب ليك الفرخ وجيتي عندي نردو ليك ماتمشي تتهربيه ليا انا عاد يرجع ليك ..”جهد صوته ” تحركي ندور معاك تانا راني خاصني ندير تسخينات ”

نوار : حتى نتا عشرة ؟

سليمان : تت غير ربعة ونتحرك نبدا حصة البوكس انا عندي مع “وراها فين ” ديييك الكوتش تيتيزة …

نوار : حولك ههههه..”دفعها بدات تهرنن ليه خلاها هرننت ونگرت تا استسلمت مسكينة…

سليمان”كيجريو ” : ديري اغنية سمعي ليها …

نوار : ماعرفتش شحال هادي مبقيت سمعت ليهم …

سليمان : سيري لانغامي وديري بيتهوفن …

نوار : نااااا لاااا كيخلعني …

سليمان : ديري الي عجبك مهم شي حاجة تريحك فاش كتسمعيها وسيري قضي غراض كملي دوراتك انا ساليت غادي نتحرك …

خلاها كتجري دوراتها ومشا …الرياضة بصفة عامة مزيانة لجسم مزيانة لعقل مزيانة لصحة الا فبعض الحالات …الرياضة القتالية خاصة مفيدة بزاااف باش كتخرج منا ديك الطاقة السلبية الي فلداخل ديالنا …عنف مدفون كابتينو …عصبية مخزونة اي حاجة سلبية فلداخل ديالنا كتخرجها رياضة القتالية وكتساعد بزاااف باش اننا كنفرزو ديك الطاقة سلبية كاملة …وهادي من ضمن العلاج الي عطاه ليها طبيب النفسي الاول عاد سليمان …

ماكملت دوك الدورات تا بغا يغفر ليها ربي ماتقدم وما تأخر …غير كملاتهم وصلات وتحنات حاطة ايديها على ركابيها كتلتاقط انفاسها …

نوار”كتشهق ” : هييييييي اماماماما انننن …فففف

انخيل”هضر بالفرنسية حيث مزال مكتجمعش الالمانية ” : كملتي ؟

نوار”حركات راسها ” : وي وي …

انخيل “تم غادي تحنى ودخل الحلبة ” : الوغ فازي .#تتمة_البارت_622_نورالياسين….

انخيل “تم غادي تحنى ودخل الحلبة ” : الوغ فازي …الييي الييي ديپيش طوا …

نوار “ساطت نفس وتبعاتو عطاها لباندات ديالها لواتهم على ايديها عاد مد ليها قفازات كبار خاصين برياضة …دار هو واحد قفازات كيكون مسطحين فحال درع …

نوار : او في ..جي انونديكاپ او پيي (عندي اعاقة ف قدمي )..

انخيل : وي وي جوسي (عرفت )

نوار : داكوغ …

انخيل : الاعاقة لم ولن تكون عائق لاي طموح او رياضة فقط العزيمة هي كل شيء …اعاقتك ليست بالاعاقة هي مجرد نقص خفيف لا غير …انا امامك عندي تسعة اصابع”وراها ايدو معندوش صبع ” امر خلقي مثلك …يمكن اكثر من ولكنه لم يشكل اي عائق بالنبسة لي …انا بطل العالم فالكيك بوكسينغ قبل اربع سنوات …

وشارك ايضا زميلي من ذوي الاحتياجات الخاصة مصاب بالشلل في قدميه في الاولمبياد العالمي لذوي الاحتياجات الخاصة صنف العدائين ..

نوار : انت بطل اولمبياد ذوي الاحتياجات الخاصة …

انخيل : لا انا شاركت في الاولمبياد العادي …

بدا كيوريها وهي كتشوف فيه اول حاجة بدا ليها هي …

انخيل : ارفعي قدميك وافعلي مثلي “هز رجليه ووقفهم على جيهة صباعو وخلا قدامو مهزوزين نفس شيء دارتو بدا كيتهز ويوريها شنو دير بدات كتعطي بايديها كيفما دارت عاد داز ليها لحركات رجليها جا وراها ووراها طريقة باش تعطي بايديها بحركة دفاعية عاد داز رجليها جهد ساعة وهو كيوريها ويشرح ليها ”

انخيل : اول شيء هو ان تركزي على هدفك ركزي جيدا ركزي ركزي ركزي ان دو “غوت بجهد ” فاااازي نواااااااغ(نوار) ….”عطات بايدها بجهد مصحوبة بغوتة صعرات “.🦋🐺نور_الياسين(623)#فرصة_ثانيةsana mina🐺🦋

كملات رياضتها هي وسليمان ورجعات من لاصال مهدوووودة …عطاها تيرموس العصير شرباتها عاد تحركو خرجو من تما توجهو مشي تالدار بالكشيفة باش وصلات عضامها مفصلين …دخلات نيشان لبيتها مشات لدوش دوشات خففات على عضامها وخرجات نشفات حالتها ولبسات تيشرت طويل قريييب لركبة فالازرق وسروال قطن صيفي مفضفض نشفات شعرها وخلاتو على راحتو …صونا ليها تيليفونها طلات شكون لقاتها Mami …

نوار”هزات لفون وجاوبات كتحك فشعرها” : ماما …

يسرى “مكتفلتش كل نهار تعيط ليها مكتكرهش ” : بنتي لباس عليك …

نوار”بصوت عيان ” : مزياانة حمد لله ..ونتي ؟

يسرى “بقلق” مالك عيانة ؟

نوار “عوجات راسها ” : شيي شوي كنت فلاصال عاد بديت ليوم …

يسرى : بصاااح مزياان …شنو درتي فيه ؟

نوار : عاد بديت رياضة كيك بوكسينغ …

يسرى : وكيف جاتك ؟

نوار : زوينة ماشي بداك الوعورية …

يسرى “حسات بيها طلقات معاها شوي بشوي وهي مسايراها تا هي شوي بشوي تترجع ” : كوميم بداية مزيان ..حتى انا كنفكر ندير لاصال باباك قاليا مديريهش غادي ضعافي وانا بغيتك غليضة …

نوار”ضحكات وحطات ايدها على فمها باش حبستها” : هههه باغي فين يشد …

يسرى : الله يمسخكم بجوج ههههه …خاصني نبداه عارفة هاد سن اماما نحافض على صحتي …

نوار : مزيان رجعي ليه …هو باقي كيدير لاصال ؟

يسرى : وي مزال ممنوع يوقفو …

نوار : احسن يبقى فرشاقة ديالو هههه ..

يسرى “ضحكات ورجعات نطقات ” : مزال مجايش علي ورميساء عندكم ؟

نوار : رميساء حتى تسالي هاد سيمانة غايجيبها علي يبقاو معانا بينما وصل وقت طيارة باش يمشيو تما …

يسرى”بغاتها تقوليها نجي معاهم لكن باش تسولها خافت ترجع معاها من نقطة البداية ” : مزياان …يلاه حبيبة ديالي رتاحي ليك تصبحي على خير …

نوار “بتردد ” : ماما …

يسرى : نعام ماما …

نوار : تهلاي فراسك …

يسرى”بفرحة”: كوني هانية ماما “تمنات ليها ليلة سعيدة وقطعو الخط حطات نوار تيليفون وهي تخرج تا سمعات صوت شحاااااااال هادي مسمعاتو او نقولو ماشافتوش ابدا …غير سمعاتو قلبها تهز من بلاصتو وعينيها غرغرو …اول ما وقفات هز فيها عينيه وشافت فيه …

نوار : عمي فؤاااد …

فؤاد “بدون ميهضر سرح ايديه وهي تمشي عندو كتزرب عنقاتو خشاها في حضنو كيبوس فراسها وهي معنقاه …”

الساعة العاشرة ليلا بمدينة فاس …وصل لاشارة المرور الي عطات اشارة حمراء للوقوف …استغل اللحضة ومد ايدو لشاشة الي فسيارة طلق خاصية البلوثوث تبرونشات نيشان مع الهاتف عطا اشارة من شاشة دخل لاغاني وطلق الي جات فايدو باش يكسر صمت الي فسيارة …بدات اغنية شيرين الوتر الحساس…

بيعاملني بطيبة واحساس بيدلعني قدام الناس …بيعرف اني رومانسية بيلعب عالوتر الحساس …بقا يدندن معاها وهو غادي من بعد ما طلق سينيال وبلاصا قدام واحد النادي ليلي نقي نزل من سيارة عطا ساروت لي واقف تما دخلها ليه البارك ودخل بلباس غير لباس الكلاس الي كان بيه …داير كاسكيط على راسو …دخل كيقلب بعينيه عليهم حتى شير ليه الحبيب لمكانهم الي استقصدو فالحين…..

ايساف : هذا را ولد ناس وليني مادخلش ليا لخاطري انقولها ليك …

الحبيب : سعدات الي داها فكرو يعيش ميات عام …

ايساف : عمري ديتها فكري وديما جايبها فكري وراني مزال عايش …جدنا كان متاقي لله وداها فكرو زاد بكري واحد قتلوه صهاينة وثاني موتة الله عادية …

حسن “وقف عليهم مبتاسم تسالم مع الحبيب بالايدين وشبه عناق يعني خبطو كتافهم وسلم على ايساف تاهو. ” : شحال هادي ماجلست معاك هاد الجليسات …

الحبيب : ها وقتها جا اشريكي …

ايساف “بشوي ” : خمسة فالمية وشريكك كون عشرة ترجعوه مول شي …

حسن : سي ايساف لباس عليك ؟

ايساف : نموت ونعيش ونحيا ومنديهاش فكري وعايش بات مات بيخير هههههه

حسن : داكشي الي كاين …”حك لحيتو وشاف فالحبيب ” واحد سي يوسف مزال هنا ؟

الحبيب”حنحن ” : احم مزال هنا

حسن : كنتسنى يرجع ازرو بغيت ندير ليكم واحد زيارة توحشت الميمة نجود …والخالة يامنة ودراري …

الحبيب : جي واخا مكاينش مرحبا بيك غا هو تسنى حتى يجي كلشي قرب العقد ديال بنت عمي يوسف منها نيت تشوفهم كاملين …

حسن : وايلي واش نوار غاتزوج ؟ ياك مزوجة ؟

ايساف : يوسف والد جوج بنات نوار فالمانيا ومينة هنا مينة هي الكبيرة الي غاتزوج

حسن : اااه ميييينة اييييه …

لحبيب “باسف ” : مع الاسف نوار مبقاتش مزوجة …قلتها ليك ديجا …

حسن”باسف ” : تت نسييييت “جاه تيليفون استاذن منهم باش يجاوب ”

ايساف “ضربو لجنبو تا قفز على شوي ينطحو الحبيب” : واش سوق مك سولك وااااش سولك تا مال دينمك فمك مبرول ؟ خاص مك سودانية المبزوط …

الحبيب : حق ربي تانوض نشتف على رية مك🦋🐺نور_الياسين(624)#فرصة_ثانيةsana mina🐺🦋

#فلاش_باك…

اول ما ترفعات دعوى عطاها ياسين الموافقة وسنا على الاوراق باش يتوكل عليه محامي اخور بدعوة الطلاق …خلاه هو الي تكلف …كان يوم الاثنين بالضبط الساعة العاشرة صباحا امام محكمة الاسرة بفاس …واقف صهيب بوحدو متحسر مازم …قبل مايدخل عيط لياسين بالتيليفون كان طافي …

صهيب : لا حول ولا قوة الا بالله …”دوز الخط ليوسف بعد رنات عديدة جاوبو ” يوسف واش غانكون وحدي ؟

يوسف “حالتو ميعلم بيها غير الله ” : صهيب هذا المكتاب عيينا شنو نديرو ليها ؟ دخلنا بخيط بيض فؤاد كلو الي كتحشم منو خلاها على خاطرها …هو كلو عيا شنو بغيتي ندير ؟ طيح ليا تاني بكريز ؟ شنو ندير راني ميعلم بيا غير الله “عينيه غرغرو وغصة فحلقو ” شنووو ؟

صهيب : لا حول ولا قوة الا بالله” مسد عينيه بماساج خفيف ” فففف صافي هو كلو طافي تيليفون وهي مشات عاد وصل وقت الجلسة مدام طلاق متافق عليه والمحامي لاخور كاين …الي علينا درناه …

يوسف : الى قضيتي عيط ليا …نترجاو الله يدير تاويل الخير فهادشي …

صهيب : غير ماتهزش نتا فخاطرك منفوتوش بعضياتنا ويكون خير …

يوسف : اودي الي عطا الله عطاه …تت سير دابا …

قطع معاه وصل موعد الجلسة الي كانت ثالث جلسة وهادي اخر جلسة هي الي عطات فيها نوار قرارها الي بقات مصرة عليه الى الاخير ومشات …وهادي هي الي غادي تقرر فيها الحكم ..دخل هو والمحامي بدات الجلسة …

القاضي : مادام مصرين على طلاق ومادام الطلاق كان متافق عليه وبالتنازلات الي موقعة من كلا الطرفين …قررت المحكمة منح الطلاق …رفعت الجلسة …

مع قالها مع صهيب حدر راسو يمكن اول جلسة ليه كيصرو خاطرو لهاد الدرجة …خرج من المحكمة مازم بجهد …كيتفكر كيفاش دخلو العائلات بخيط بيض كيفاش طلبو لكن كان الصد من نوار وياسين مكانش كيعطيهم حتى رد فعل الي هزو فقلبو هزو شنو دار واش تصرف بشي حاجة واش تاهو كافح العلم عند الله …كان لقرارها اصرار عينيها تعماو كل مكتفكر كتجهل وكتعصب وكتحس براسها عالة عليه وماهي الا زوجة باش يرضي ضميرو وهادشي كيصعرها حتى تعمات …

قبل من هادشي فطريقو لفيرما فنصاصات الليل تقريبا الوحدة دالليل هاديك ايام وهو كيخرج مكيجي تا كيبغي يوذن الفجر دفع شهادة طبية فيها اسبوعين …وصل واحد البيست ووقف …جبد الفون ديالو ماعرفش اشمن وقت واشمن ساعة مهم يعاود الكرة من جديد داير باغتبار الحالة الي هي فيها …دوز الخط لنمرتها على امل تجاوب لكن مع الاسف الخط تقطع يعني تطفا ..بقا يفكر حتى مشا لانسطا الي ليه عام ماحلو دخل ليه مشا نيشان لبروفايلها لقاها سداتو بمرة الفيس مكانش عندو ولكن رجح انه مادام سدات الانسطا اكيد الفيس تاهو …حط راسو على الفولون كيفكر هز راسو ودوز الخط لعلي الي جاوبو …

علي : ياسين صافا ؟

ياسين “بصوت مبحوح ” : مزيان …علي نوار مزيانة ؟

علي “بحزن عليهم تنهد ونطق ” : شوية راك عارف باقي الحالة مازمة …

ياسين : فايقة ؟

علي : هاهي معاها رميساء …”بتردد ” ندوزها ليك

ياسين “الصمت ”

علي : هانتا نقدر نسولها عليك نشوف ردة فعلها قبل مانقول راك على الخط …نجربو …

ياسين : قضي …

علي “مشا عند نوار الي جالسة حداها رميساء كتضحك فيها كانت مزال مكتدخلش البسمة لفمها غييير شوي …” : واا نوار واتي ضحكي مولاها ربي …ضحكي ونشطي وااخويتي هههههه شوفي نعطيك جوج سيمانات تقولي رجعوني لدارنا …وديك ساعة منوقف مك تال فيرما …

نوار”كتنفي براسها ” : لا لا لاااااا معمري رجع ليها لا هي لا مولاها …مااابغيتش واش مكتفهموش ماااكتفهموش نااااري …

علي : غا بشوية عليك كي شتي هو حاير فيك ولا كي شتي راه جاي عندك يزاوگ فيك …بغينا غانضحكو معاك …

نوار : انا عطيتهم تيساع كلهم دابا يقلبو على نوار الي دير عقلها والعرجة …هو قوليه يقلب على امراة الي بعقلها يبغيها ويفوتني انا …مزيان ملي دار نفس وعطاني تيساع…كرهت سميتو وميجي منها…

علي”غير قالتها ناض طار من حداها خرج لبالكون ونطق ” : ماعليش ماتديش عليها خويا عافاك …

ياسين “غزز سنانو ” : واخا دابا ندير النفس …”قطع عليه وديمارا كسيرا بجهد كيشوف قدامو وكيهضر ” طريقك بيضة ابنت عمي عند الناس وفعينيا ضلام عمرك تشدي طريقي وعمر طريقك نشوفها …

#عودة للحاضر …بالضبط الساعة الخامسة صباحا لقاتو فواحد من اسواق الاسبوعية نزل من الكاميو …حتى وقف عليه واحد الشناق معاه …

ياسين : عبدو تحرك تفطرو انا هنا شوي ونرجع…

خلاوه تا تحرك وضار عبدو عند سالم كيضحك…

عبدو ” : خهههههه ياكما مشا عند مولات المسمن ثاني ،،” وغمزو” مولات الخالة …

سالم”ضحك” : راه عزري دابا يمشي تا عند مولات الطروفة هههه زيد زيد الله 🦋🐺نور_الياسين(625)#فرصة_ثانيةsana mina🐺🦋

خلاهم حدا الكاميو كيهبطو نص الخرفان الي تما ل سيد الي طالبهم بالجملة وكيضحكو على ياسين حيث ليه كل شحال من سوق فاش كيمشي معاهم كيزورها شكون هي واشنو علاقتو بيها وكيفاش هاد الاهتمام الي خلاهم يلاحضو عليه حتى شكو ان بيناتهم شي حاجة !! العلم عند الله وياسين ومولات المسمن …

سالم : ونزل نزل مع سعيد هادو انا نابي (نعيط ) على سي حجاج يجي ليهم …

عبدو : وتيجي الفحم وسولو شحال بغا ،

سالم : واشتي لكان غا هاد سوق ديال فقيه بن صالح را فيه راجل واحد كنتعاملو معاه من سنين هو الحجاج عاطينا شحال باغي ماعلينا غانوجدو ليه خرفانو …

عبدو : صرادا كلهم ؟ (صردي معناه صردي حولي كيكونو رجليه كحلين وقمقومتو كحلة وعينيه كحلين …هو اغلبية متواجد بكثرة فاقليم قلعة سراغنة ورحامنة وهو من الصنف الممتاز فالخرفان …) …

سالم : جزار طالب صردي بزاف وجمع ليه عشرة من دوك الخروفات تاهما را معلمينهم ببلاكة فسميتو …نص ساعة ونجي …

خلاه كيقاد فشنو قاليه ومشا تاهو تيسر دخل وسط السوق …اما سيدي ومولاي الفحم مشا حتى كما فداك الصباح الباكر حتى صونا ليه التيليفون …

ياسين : الحنانة …

يامنة : صباح الخير اولدي …وصلتي (الفقيه بن صالح )

ياسين : وصلت اميمتي وصلت …مابغيت نفيقك عاد رتاحيتي ديك ساعة …

يامنة : ماعليش اولدي …”كانت واقفة عاد خرجت من دوش توضات وصلات الفجر الي فاتها …” معطل ليوم فالرجوع ؟

ياسين : على حسب ماتقولي غير فوتي المغرب الى اذن العشا وماجيتش غير تعشاو …

يامنة : غادي لشي بلاصة في الفقيه بن صالح ؟

ياسين : لا غير فيه نيت معروض لغذا عند الحاج الي بعنا ليه الخرفان وعندي منقدي هنا مع شي ناس …

يامنة : واخا ولدي على راحتك الله يرضي عليك تهلى فراسك …

ياسين : امتا راجعة لهيه ؟

يامنة : اليوم خارجة لمراكش مع مينة نتقدا معاها شي حاجة وقول غذا صباح نتيسرو ولدي تاتكون هنا …

ياسين : ان شاء الله …

قطع معاها التيليفون وتيسر هو من بعد ما تسالم مع شي رجال تما وخذاتو رجلو لواحد الخيمة وسط سوق جيهة مالين الماكلة بالضبط جنب شفناجة ومالين المسمن واتاي وبيض مصلوق فين كيفطرو السواقة الي كيجيو ولا زوار واكثرية مالين الضيعاات والقرى المهم ناس كيجيو سوق كاين الي ضروري مع داك صباح يضرب ليه مسيمنات ولا شفنج ولا بيض مصلوق مقلي مهم فطورات بلدية مخلطة وحتى بيصارة نعماس بالزيت البلدية ومحبي الهريسة يابسة …وقف قدام واحد الخيمة صغيرة تقريبا…فيها بوطة كبيرة وفوق منها مقلاة كبيرة وطابلة العود طويييييييييلة فيها كراساها ومقراج كبييييير ديال الما وبرارد اتاي ديال لفلجة وحداهم طاسات نعناع وسكار واتاي البلار …وعجينة المسمن ….

ياسين”دخل لخيمة بانو ليه شي رجال حاطين قدامهم صنية اتاي وطرح المسمن باقي سخون وقدامو زوج طابسل زيت وبيض مصلوق وخدامين ياكلو …لقا سلام وكيقلب عليها بعينيه مالقاهاش …لقا غير واحد الولد صغير فعمر خمسطاش لعام هو الي كيدي طلبات السواقة …” : ايمن

ايمن “ضار لعندو فور ماسمع صوت ابتاسم وجا كيجري لعندو واخا ولد خمسطاش لعام قصيور ” : عمي ياسين …

ياسين”عنكش ليه شعرو ” : الهام !!

ايمن : مشات غييير هنا تجيب الما باش تغسل شي ماعن وترجع تكمل …

ياسين “شير ليه براسو ” : جيب ليا براد اتاي ولا خليها هي تجي توجدو ليا هي الي كتعرف ليه …نتا غير شوف ناس بينما جات …

ايمن: واخا عمي جلس “عيط ليه واحد من الكليان ومشا مخليه شد بلاصا بعيدة شوي جلس فوق واحد الكرسي مفرق رجليه جبد الكارو بدا يكمي فيه …ويتسنى فيها تعطلات حتى صونا ليه سالم …

سالم : والفحم تا معطل ولا !

ياسين : شوية علاش ؟

سالم : والخرفان جاي ليهم الحجاج وباغي يشوفك …

ياسين”شاف فساعتو ” : هادي ستة ونص صباح ناس كيفطرو مافطرتوش نتوما ؟

سالم : واحد شوي بينما جاب لينا عبدو الفطور وقلت نقولها ليك…

ياسين : هو مغايجي حتى لتمنية هكاك ..انا نص ساعة ونجي عندكم …

سالم : واااخا سيدي هههه …”قطع معاه تاهو ..كمل الگارو ديالو ولاحو عسف عليه هز راسو داير ايديه تحت ذقنو كيشوف فدنيا وسوق حتى سمع صوتها الرقييوق ….ضور راسو ناحيتها تحنات حطات سطل ديال

الما عاامر مسحات ايديها وحزمات طابلية مزيان جمعات زيف حياتي على شعرها حكماتو ودخلات خصلات شعرها ذهبية …عينيها خضرييين وفمها كبير شوي وعند فمها لفوق واحد الخالة وجنب لون عينيها واحد نقطة گري مخليا عينيها مميزين …مربوعة القد …ابتاسمات ليه وتمات جايا عندو كتهضر وعليها لكنة فحال شلوح لكن هي ابدا ماشي شلحة وانما بنت الفقيه بن صالح ….

الهام : اااياسين …

ياسين : ساليتي !!؟

الهام : جبت غي الما مزال مساليت مزال مكملت العجينة الي باقا وموصيني الخدامة ديالك على مسمن لفطور راااهو “شيرات ليه ” كنوجد فيه …

ياسين : ماعليش …وجدي ليا اتاي ديالي …

الهام : واااخا …مسمن بغيتيه محروق كيف كيعجبك ؟

ياسين : معندي ميتسالك …ديري بحسابك غادي تحركي معايا باش تكملي داكشي ..

#يتبع….

ماحطيتش صورتها حيث مالقيتش وحدة بمواصفاتها ….يسهل عليه …

#تصبحن_على_خير… …

ايساف”خنزر فيه ” : فاااك يو …

#يتبع…….

#يتبع…..الييي الييي ديپيش طوا …

#يتبع… الي بغات وهي وحدها …”

#يتبع…قاش عزري تاني …

#تصبحن_على_خييير… ماجاني بمحبة مايجيني بحزارة …

#يتبع…جبانو وعينيه خرجو بصدمة “…

#يتبع… ديالو اخرتو يشنقو …

#يتبع…خييييير….يلاه شخدوها تاني توقعاتكم وتحليلاتكم….نطق هاد الكلمات خلاهم شييي يشوف فشي ”

#يتبع….ى الوحدة …

#يتبع…لقك وزرع فيك هاد الطبع …

#يتبع…اااااااااااا اهى اهى …

#يتبع…جيابها كتشوف فيه بحزن …

#تصبحن_على_خير….انرجعو فلاش باك ديالهم …

#يتبع…. بالخلعة. ” نعلطباسلقبيلتحبك …

#يتبع… فين قاليها حتى وقفو …

#يتبع…يين الي ماتو ) …

#تصبحن_على_خير… شنو وقع قبل ….

#يتبع… غاديا فطريقها عاااادي ….

#يتبع….ة واحلة فحلقها ” يكون خير ….

#يتبع…و متافقة معاها …

#يتبع….ة #الفصل_الثالث يوم #الثلاثاء ان شاء الله …قفتو كون ما شدو ايساف ” : حاملة …

#يتبع…

Leave a comment