Skip links

قصة : نور الياسين ج26

 29,612 عدد مشاهداات

🦋🐺نور_الياسين (551)sana mina🐺🦋

صبح الصباح …طابلة ديال لفطور وجدات …جالسين حتى سمعو صوت السيارات زوج دخلو …نوار ماخرجاتش من بيتها اليوم يوم الاحد …

يامنة : هاهما جاو …”مشات كتصاوب فشالها باش تخرج تشوف حتى بان ليها فؤاد جاي داخل وراه الحبيب وصهيب …” فؤاد !! “كطل وراه ” فين ياسين …

فؤاد “باس ليها راسها ” : دابا يجي …

يامنة”حطات ايدها على قلبها ” : اويلي شدوه ؟؟؟

صهيب : لا لا خرج غير مشا يجيب طوموبيل ويرجع …

يامنة : كيف صبح ؟ علاش تعطلتو ؟

فؤاد : كحل راس فاش كيبغي يسخن عليه راس …ماعليش مهم خرج هادشي لابد منو …

تم جاي يوسف عاد هبط حيث كان موعد الدوا باش يشربو وبقا رتاح باش ميمرضش …شافهم واقفين ونزل كيزرب …

يوسف : خويا امضرا …

فؤاد : كلشي مزيان … نوار !!

يوسف : يمكن مزال ناعسة …

نوار”هبطات وراه ومشات عند فؤاد كتجري ” : عمو فؤااااد …

فؤاد “عنقها وباس راسها ” : نوار شوية ليوم ؟

نوار : فين ياسين “كتقلب وراه عينيها فالتين باغا غير تشوفو وتريح قلبها وبالها ” …

فؤاد : دابا يجي …

نوار”عينيها دمعو ” : فين مشا ؟

صهيب “مسح على وجهو بتعب ” : مشا يجيب طوموبيل ويرجع …

يوسف : اش وقع بعدا مع داك خينا ؟

صهيب : دعوة مستمرة خاص يتنازل …

يوسف : مشكيلة مع هذا تاهو …

بقا فؤاد مع نوار كيطمنها عليه عاد مشا هو وصهيب طلعو لفوق تبعات يامنة فؤاد لفوق تعطيه يبدل حيث غايدوش باش يرتاح من سهير الليل وتمارة الي بقاو واقفين الليل كلو على اعصابو …شي فطر وشي رجع لفيلا طسول عليه حتى تاكدو من خروجه وكل رجع لاشغالو الا القراب بقاو يتسناو فيه …

يامنة : ياربي فين مشا …

فؤاد”كيعقد فصدافي ديال كمايم القميجة ” : شحال ماجلس راجع …عطيه وقت باش يتحد صداع …

يامنة : واش مقلق بزاف ؟

فؤاد : ضروري الي داز مساهلش …

يامنة : حتى هي مقلقة بزاف …ياربي وفين هادشي كان مخبي …

فؤاد : المشاكيل هي ساس الصبر باش يقوا …كل مشكيل تابعو تعليمة وهادي هي الدنيا …

يامنة : الله يحد الباس …

هي طلعات البيت ديك ساعة تاني ومن ديك الوقت وهي جالسة لا فطور فطراتو تاني لا تاحاجة دازت لفمها …بقات هاكاك كتفكر ومرة تبكي وتسمح دموعها …حتى تحل الباب ديال البيت هزات راسها عند بالها شي حد حتى بان ليها داخل بفوقية بيضة …

نوار “تقادت فالجلسة قلبها بدا يضرب كتسنا غير دقة تجيها فحال الحلمة الي حلمات البارح هاهي كيتعاودو احداثها شوي بشوي قدامها …كتحس بداتها منملة نطقات بصوت شبه مسموع ” : ي ياسين ياسييين !!

مشافش فيها ولا تكلم …ضار جيهة الماريو حلو وجبد حوايج ديال الخروج ودخل لدوش مخليها كتشوف فيه ومصدومة من ردة الفعل الي دار ….دخل لدوش حيد ديك الفوقية والبوكسر ودخل تحت رشاشة دوش بالما سخون مزيان وخرج نشفت حالتو ولبس دوك الحوايج …عاد خرج من تما مشا مشط شعرو لور …قاد ساعته وهو يضور لعندها ….

ياسين : تحركي لبسي شي حاجة فوق حوايجك ونزلي عندي انا لتحت …”ماجات فين تهضر#تتمة_البارت_551_نور_الياسين…

خاشي ايديه فجياب السورفيت وجاي مع ايساف كيهضرو ويتناقشو عاود ليه على هضرة هذاك الراجل فحق صفية نوار الشي الي عصبو وكون كان حاضر وسمع كون كمل مع خوه العصا وطحنوه بجوج …وزادهم حتى ايساف تاهو ميخليو فيه جرتيلة صحيحة …

الحبيب : وليني قواد بن قواد التامل الي قالها ليه …

ايساف : وحق الله الى كون طاح بين ايدي منخلي فيه غير واحد فالمية باش يشوف بعينيه …

الحبيب : ياسين تكلف مخلا فيه تا نص فالمية …

ايساف : ياسين غير فكوه …وااكواك على ليلى …

الحبيب : ونتا اش باقي مخلي ديك المراة تما كل نهار عندها ؟ اش هاد القاعيدة مزوجين ومصاحبين …

ايساف : خليها بغات على خاطرها تانشوفو فين غاتوصل …

الحبيب : شحال خلصتي ديال الكرا …

ايساف : ستة الشهور …

الحبيب : نتا هاد ستة شهور فاطماك مك عليها …زواج قلتي ليها ستة شهور ونطلقو فلول …ودابا الكرا وحالف بحلوفك على ستة شهور ديك مرة …

ايساف : تذخل ليا لخاطري هههه ..”صونا ليه التيليفون كان رقم غرييييب ” …

الحبيب : جاوب …

ايساف : معرفتش النمرة …

الحبيب : واجاوب ياكما شي معجبة عاد تفكراتك وبغات شي ليلة من لياليك الرومانسية الشاخدة …

ايساف : انا انسان مزوج …

الحبيب : بخرية …تانا دابا نتزوج ونحنتكم …

ايساف “طلعو وهبطو ” : شكون مثلا ؟

الحبيب “قاد الكول ديال القميجة ” : ثايق انا فمجايب الفجلة …

ايساف : والى دخلات ليها خاطرها شي عزية …

الحبيب “خنزر فيه ” : حماار على عنصري مال العزية ؟ حسن من طبون طبابن مك …

ايساف : شاااا شور مالنا ؟

الحبيب : المهيم تكون زينة وبنت الناس وكتعرف دير ليالي الف ليلة وليلة …

ايساف “كمش فيه عينيه وحل فمو شوي ” : اشنهي ؟

الحبيب : الف ليلة وليلة فحال سلطانة هيام …

ايساف : ايه واش تاني …

الحبيب : تنسيني حليب مي …

ايساف”غوت ” : الفجلااااااااااو وباغي ينسا حليبك الفجلااااااو …ورضعي نتي وكبري وعضك وسهرك وفلاخر تجي بنت تسع شهور من شي قنت تنسيه حليبك …واااااااا”سد ليه فمو وشنق عليه مخرج فيه عينيه حط جبهتو على جبهة ايساف فحال بغا ينطحو ”

الحبيب : سكت يسكت لمك ريح …

ايساف”مرجع راسو ومخرج فيه عينيه تاهو ” : الله ينجي ليا ميمتي ويحفضها …هي اغلى ما املك ومنرضاش تجي بنت المراة تكون حسن منها …اااااااايوا …

الحبيب : اداك التامل …

ايساف : الف ليلة وليلة هههههه تشطح ليك فحال هيام ؟ خهههههه …سليمان تا دوز طبابن اروبا واسيا وفريقيا وامريكا عاد جاه طبون

الكساندرا ليسوفسكا من اوكرانيا وجاتو رااااااااسها اسيدي هي الي قلبت عليه وضحات براسها …شكون غاضحي براسها على قبلك انت ؟ نتا كبيرك تزاديتي فموسكو اتريكة بوتين …

الحبيب : دابا نصدمك …

ايساف : ممكن من واحد ناحية تشم ريحتها صافي …كاين اشرف يا🦋🐺نور_الياسين (552)sana mina🐺🦋

بقات كتشوف تاهي بدون نفس ماهضرات ماتكلمات …بلا متعذب راسها ناضت بغير خاطر لبسات واحد المونطو فوق ديك البيجامة جمعات شعرها ولبسات فرجلها ونزلات عندو لقاتو سلم عليهم ومشا لجردة على ما نعتو ليها حتى وقفات عليه كان عاطي بصهرو كيهضر فالتيليفون مع جدو غير حس بيها كمل معاه دغيا وضار لعندها نعت ليها براسو باش تبعو سبقها سبق ايدو حل بالكونطاكت ….

ركبات حداه قادات سمطة تاواحد فيهم واش هضر ولا نطق …خافت تهضر يتفرگع عليها …وخافت تقول شي حاجة تصدق مزبلاها ف كان السكوت اخير لكليهما …

شحال جهد الانسان يبقى غير يغوت يتعصب وشحال جهد الانسان يبقا شد فيا نشد فيك وشحال قد الواحد يبقا يهز من جهتي ونهز من جيهتك …وشحال قدهم يبقاو غير يتغاوتو ولا يتناقشو …اللهم تسكت حتى تشوف تاليتها فين هاد النهار وشنو بغا يدير وفين غادي بيها …

مسافة الطريق فاش خرج من الفيلا ومن ازرو كلها شد طريق افران حتى وصل لدخلة ديال ديك القهوة الي تما …وهو يوقف …

ياسين : نزلي …

نوار : اا ..”حيدات سمطة وحلات الباب نزلات وتبعاتو …شوي وهو يدور رجع لطوموبيل حلها وجبد واحد الكاشكول كان ديالها وبقا عندو تما فطوموبيل مرة مرة كان فاس كيتوحشها كيجبدو ويشم ريحتها فيه …مدو ليها ”

ياسين : لويه على عنقك …

شداتو من عندو ولواتو على عنقها خشات ايدياتها فجيب المونطو وتبعاتو حتى دخل لديك القهوة ومشا نيشان لواحد الطابلة …

ياسين”كيجبد فالگارو كيشعل فيه وكيهضر بلا ميشوف فيها” : شنو تشربي …

نوار “بنفي ” : لا لا مافيا مايشرب شي حاجة …

ياسين : علاش مفطرتيش ؟

نوار”هزات فيه عينيها بصدمة كيفاش عرف ” : ما فطرت غي شوي ممشهياش …

ياسين : ضراك شي حاجة …

نوار: لا مضرني والو …

ياسين “نفخ من الگارو تا نفخ وشحاااال وهو كيفكر وداير صبعو حدا فمو وهي قدامو تاهي حدرات عينها بغات تهضر وماقدرت كتسنا فيه يهضر يعاتب يعاير مهم يقول شي حاجة بخصوص داك الموضع ولا يقوليها شنو جرا …مهم يتفتح الحديث ويتسالا وستحد صداع …حتى طفا الكارو فطفاية وربع ايديه تقابل معاها واول ما فتح بيه الحديث وهو …

ياسين : نهار خطبتك “شافت فيه ” نهار قلت ليك بنت الناس بغيتك تكوني ليا حلالي …شنو قلت ليك ؟

نوار : طبعي راكي عارفاه صبري ليا وغانصبر ليك …

ياسين : نهار كنا فطوموبيل اخر مرة لهيه فاش وقع المشكيل عند دوك ناس فالفيرما …

نوار : قلتي ليا انا كنحاول نوگضك باش الى مكنتش تقدي براسك وتكوني عارفة وحافضة وقد المسؤلية …

ياسين : نهار كتبغي الحاجة كنديرها ليك ماشي حيث واجب عليا ولا حيث بغيت نفششك …حيث نتي نوار عندي انا وحدك بغيتك على كلشي فيك بغيتك كاع ضصارة الي فيك عيبك زينك عفويتك فشوشك بكاك بغيتو فيك …بغيتك حيث نتي مميزة عندي …

هادشي قلتو مراارا وتكرارا ونتي شنو كديري ؟ والو كتعاودي من جديد فحال اناااا مهضرت ماقلت والو …

نوار : انا بغيتك متمشيش اياسين تما “طرطقت بالبكا ” مابغيتش تمشي خايفة عليك اياسين علاش مابغيتش تسمع ليا ؟ علاش نتا مكتبغيش ضد ومن قلتها ليك شديتي ضد …علاش ؟

ياسين : زيدي كملي …”هز ايدو.” ماتخافيش كملي شنو عندك …

نوار : نتا كتبغي ميشد معاك حد ضد ونتا كتشدو …نتا كتقوليا مديريش ونتا دير اهى اهى علاش نتا دير وانا لا ؟ انا نسمع ونتصنط ليك ونتا الي دير اهى اهى …

ياسين : شفتي فين المشكيل ؟

نوار “كتبكي ” …

ياسين : فهادشي ماعمرك قلتيه ولا نطقتي بيه …فهادشي كديري غير الي قاليك راسك …بنت الناس تجي عندي وتحاوري معايا اااا فلان سمع ليا ها علاش وعلاش …هضري قولي شنو ضارك وشنو كيعجبك وشنو مكيعجبكش …

العيب والعار الى ماتجاوبتش معاك ولا درت الي فراسي بلااا منعطيك ودني ولا نحاشيه ليك …نتي شنو درتي ؟ اااا شنو درتي ؟ والو الي فراسك فراسك كلشي عندك يحضر وكلشي يقوليك واخا وماديرش ومتفعليش …علاش كتلومي راسك ونتي كديري فعايل كتخلي ناس

يلوموك بزز منك …وكترجعي حتى نتي تلومي راسك وسمطة كدور هاكا …علاش ؟

نوار “الصمت” …

ياسين : الهضرة كاملة الي قلت ليك نهار الفيرما لهيه والي كنقوليك ونعاود نحاجي ونحاجي ونتي الي فراسك فراسك ودابا عارف ومتاكد انني نعاود ونهضر ووالو الي فيك فيك …”هز فيها عينيه مخرجهم ” عيييتي ياك ؟

نوار : عيييت من هادشي كل مرة انا الي رادين ليا اللومة …عيييت من كلشي مبقيتش قادا نعاود تتوقع شي حاجة انا الي

كنكون سباب المشاكيل …

ياسين : نتي جالسة الحاجة الوحيييدة “هز صبعو ” الي كتفكري فيها هي نتي سباب …معمرك فكرتي تسمعي لشي حد نهار نصحتك… نصحاتك الحنانة …نصحوك كاملين …ونتي حاجة وحدة كتقولي انا انا …معمرك فكرتي ف هو …معمرك فكرتي تفششيه هو تعرفي شنو ضارو هو …”دار بصبعو دائرة فسما ”

دوري دورة كاااملة والحلقة كتوقف عند انا انا انا …

نوار : حتى نتا فكرتي غير فراسك …فاش هذذتيني الى منزلتش مانكونش ليك امراة …

ياسين : وشنو درتي ؟

نوار”ماهضرتش ”

ياسين : نزلتي …وحتى ولو منزلتيش كنت غانبقا نتسنا حتى تنزلي ابنت الناس …بقيت معاك لااااخر عرق كيضرب فالصبر …والصبر تسالا …”هز فيها عينيه وتيليفونو ما زگاش من صونيط ” …بنت الناس حاجة وحدة غانديروها دابا ….

نوار”هزات فيه عينيها قلبها ضرب فحلقها حتى صرطات ريقها ” : ش شنو هي 🦋🐺نور_الياسين (553)sana mina🐺🦋

#فلاش_باك…

ركب فالطموبيل عيااان من كلشي عيا من النهار كامل وهو يقلب عقلو خرج …كما كمية كبييييرة من السجائر الي منفعاتو بوالو سوا انها زادتو عصبية فعصبية …شخص بطبعو را قولي باز الي صابر هاد صبر معاها ..داكشي علاش هو ديما مدهي مع تمارة ديما غايب وعاطي تيقار لان شخص نيشان معندوش زواق فالهضرة شخص معقول وكيقول الي كاين شن طن ف اكيييد غايكون شخص واعر وصعيب …لان المعقول بهاد طريقة مكيبغيه حد …

ياسين “دوز الخط من بعد ما سول وسلم وسول تا يتاكد واش كاينة عاد يمشي لان الصباح الباكر ماشي ديال زيارات المفاجئة ” : كاينة تما ؟ شوي ونكون تم …

حط الفون طفاه كاع وكسيرا بدون تفكير واش مسرع او باش غادي المهم را طريقو غادي فيها …حتى وصل لواحد الحي تما فيه

ديور ناس بسطاء بزاااف …وقف سيارة قدام دار مباشرة …بقا شحااال واقف كيشوف فالدار …شحال ماوصلها من فاش مشا لامريكا مابقا دار ليها زيارة حتى لاخر مرة فاش مشا شاف سفيان واطمان عليها ….نزل من السيارة من بعد ماهز ساشية ديال المخبزة فيها مالذ وطاب من كومير و خبز وكرواصون مهم داكشي مشكل شوي شوي من الحاجة

غير ما هزات عينو الكبيرة ….سرسر فالسرسار شي خمسة دقايق وهي تحل الباب …امراة كبيرة فالسن وجه بشوش عليه النور عينيها زرقيييين فحال البحر حنيكاتها حمرين واخا الكبر وتجاعيد مامنعش احمرار خدودها …الي قالو زمان الى مشا زين كيبقاو حروفو …تقول غييير يامنة فاش تكبر وتشرف ….لابسة فوق بيجامة جيلي بيض ديال خيط مخدوم بالقتبان وتقاشر بيضين وشال بيض…

هي : وليدي ياسين …

ياسين”كان عاطي بصهر غير سمع باب تحل وصوتها وهو يضور وعينيه فلارض ” : الميمة …

زاهية : زيد اولدي دخل مالك حشمان …راني غا ميمتك زاهية …

ياسين “دخل باس راسها بوسات متتالية ” : صباح الخير …

زاهية : صباح النور اولدي دخل دخل …

سما الله ودخل تبعها من بعد ما سدات الباب ودخلات سبقاتو حتى لصالون مع دخلة كانت حاطا طابلة فيها صينية اتاي وفطور بلدي مختاصر ف طرح ديال بطبوط بالزيت البلدية واحد طبسيل الحلوة فقاص وغريبة …حط ليها الساشيات فوق طابلة …

زاهية “حطات ايدها على دراعو ” : يا ميمتي لاش معذب راسك …

ياسين”باس ايدها وجلس ” : الملح وطعام الي مشاركين حلو ماشي شي حاجة الميمة …

زاهية “جلسات تاهي ” : غييير قاليا ولدي سفيان راك غاتجي لقيتيني عجنت الي قسم الله رجعتهم بطيبيطات من الي كيعجبك يحساب ليك نسيتك …

ياسين : تنساك الموت اميمتي …”تنهد” كلشي من ايديك سمن …

زاهية “كبات ليه كاس اتاي ديالو كيف كيبغيه وناضت جابت طباسل فين حطات داكشي ” : سمي الله وبصحتك …

ماحرجهاش كان تاهو باغي …يمكن بعد من ضغوطات ولقا واحد الجو فشكل ديال واحد الناس بسااااااط باغين غير ماكلة وراحة ويجيبو قوتهم بعرق كتافهم دماغهم هاني ومرتاح وكلشي متواضع وبسييييظ …سمت الله وبدا ياكل متلدد كتبتن بداك الخبز البطبوط المفشفش الخفيف وزيت البلدية …تا كلا علاش قد وزادتو كاس اتاي بيه باش غاتبدا الهضرة …

زاهية : ولدي مال حالتك ياك شي باس مكاين …

ياسين “هز الكاس تا طل على تيشرت ديالو عاد رد ليه البال ” : تت …”حط الكاس كيقلب ”

زاهية : الساعة الله اولدي السااعة الله …صبر اولدي نجيب ليك شي حاجة من حوايج سفيان …

ياسين : ماعليش الحاجة بلاش لهلا يخطيك …

زاهية”ناضت غاديا ” : ولواه نجيب ليك واخا غير فوقية بعدا الى قداتك تبارك الله مگضر …

ياسين “مابغاش يحكر ” : يعمر دارك …

مشات قلبات على شي حاجة فحوايج ولدها سفيان( الشيفور ديالهم الي كان مرض وعطاوه كونجي ديك الايام ) حتى لقات فوقية واخا ولدها تاهو مگضر هزاتها من دوك الي باغي ينقص ليهم فالطول …جابتها ليه …

زاهية : عالله تجيك اولدي …انا نسخن هاد براد بينما لبستيها …”خلاتو ومشات حتى حيد تيشرت بزربة طواه بعدا بينما يلوحو عاد لبسها بالخف …وجلس زفر انفاس حااارة حتى دوز على وجهو بتعب …وهو سمع ما جا فوذنو …

زاهية : الغادي غادي والي جاي جاي الي مكتبو لينا ربي يوصلنا باش ماعطا الله وفينما كان …عيش هاد دنيا كتبقا موت وح🦋🐺نور_الياسين (554)sana mina🐺🦋

هز فيها عينيه كيسمع لكل كلمة كتقول …هاد سيدة بالنسبة ليه فحال مدرسة الحكمة من نهار تعرف عليها عن طريق سفيان وهو كان فينما يجي ولابد يدير ليها شي زيارة خاصة وخا يسلم عليها غير من عند الباب …عندها شي كلام الي كيخليه يتهدن كلام الي ياسين رمسيس محتاجو باش يتكالما ويستمتع بهضرتها كانها شي اغنية مفضلة عندو …عندها حبكة فكلامها

كتحسو تغريدة كتطرب الوذن ويدخل الاعماق يخليك فعلا كتدرسو وباغي تسمعو وتستمتع بيه وتفكر فيه ويعاونك من هنا لقدام …

زاهية “جات جلسات حداه مقابلة معاه ” : اش ضار خاطر ياسين الفحم …

ياسين “شاد الكاس كيحرك فيه بايدو …دوز على لحيتو بجنب حكها …” : مشاكيل دنيا ودين فوق راسي …كنت فهم تمارة لهيه زدتني هموم الخدمة وهم الفيرما …كتر عليا ضغط وكترو عليا المطارق فالراس …

زاهية : تزوجتي باش ترتاح اولدي …

ياسين : تاهو موحال بان ليا فيه راحة …

زاهية : فيييه راحة الى نتا بغيتي را غاتلقا فيه راحة …الى ماهزيتوهاش منين ثقالت …

ياسين : وكرهت ؟

زاهية : عاود لميمتك …

ياسين : منين نبدا وشنو نبدا …جيت نعالج خويا ونربيه صدقت مزوجي وكنربي ونتربا …

زاهية : بفمك شهدتي وبفمك عطيتي جوابك لسوالك …

ياسين “شاف فيها ” : المعنى …

زاهية : كتربي وتربى هذا هو زواج اولدي تعود وعود …المشاكيل فالزواج هما الي كيمتنو ساس ويزگيو الوتاد …والولاد الى جاو راهم غير خلف ليك وليها واخدين سميتك ودمك ولحمك …غذا ولا بعدو شاقين طريقهم وتاهما غايلقاو نصهم

وهاهي غاديا …كيقوليك المثل خير خلف لخير سلف ….راهم ماشيين لحياتهم تاهما كي بنيتي حياتك تانت شكون دام لميمتك من غير باك كملو بعضياتهم …هانتا مشيتي وخوتك غايبقاو غير هما لبعضياتهم …

ياسين : بغيتها تعلم تواجه راسها تعيش مع راسها لراسها تصالح مع ذاتها وتبغي راسها …هي شايفة فيا انا كلشي شايفة فيا الراجل الي بغات شايفة فيا درع الحامي كتر من باها …شايفة فيا المفششها حتى على خلا عشتها نفششها …شايفة فيا كلشي الي خاصها ديرو هي راسها يكون عندها واجد …

زاهية : واعرة …

ياسين “خرجات ليه بلا ميحس ” : حنييييينة ودرويشة حنيييينة وزوينة …حنينة ومعارفاش فين تصرفها شي مرات …الوقت مابغاتش المحنة فكلشي …الدنيا غدارة …كحل راس خايب را ضاحك ليك فوجهك ووراك غارس فيك شواقر ماضية ويحفر ليك فضهرك …حنينة لدرجة تا باش تعرف شنو ضارني وشنو باغي بالعقل وتباتة …عندها هي ديال دراري صغار …

زاهية : المراة فهاد زمان ماشي هي المراة فزمان ميمتك …العيشة فين عايشة هي ماااهي بعيشة ميمتك …ميمتك حلات عينيها على المسؤلية بالغصب عليها …مرتك حلات عينيها على لمسؤلية واليديها شادينها عليها …

ياسين : زواج مابغاش هادشي …

زاهية : هي شكون قاليها راكي غاتزوجي وتمشي نيشان لعيشة الي نتا عايشها …

ياسين”ماقدرش يقوليها را كانت باغياه ” : كانت عارفة راسها نهار خطبتها غاتعيش معايا هاذ العيشة …حطيت ليها كلشي قدامها شافتني فين عايش وطبعي كيف داير …

زاهية : طبعك تولف عليه …

ياسين : هادشي الي عطا الله …

زاهية : وطبعها تانت ولف عليه …هضرتي ماهي تعجبك نتا وماهي تعجبها هي هضرتي مع الحق …نعطيك هضرة المعقول …

ياسين : عطيني الي بان ليك مفيد الميمة …

زاهية : ناااس وناس …ناس فيهم وفيهم فهاد دنيا …طبعك ماهو طبعها وماهو طبع فلان وعلان …الدنيا هازا ناس وناس فيهم زين والشين فيهم الصالح والطالح …كل واحد واش عطاه ربي فطبعو وفين صرفو وكيفاش كمل بيه …

ياسين “حدر عينيه وراسو كيسمع ليها ” …

زاهية : الى بغيتيها تولف عليك ولف عليها تانت …علمها بالقاااعدة اش كاين …هضر معاها بزاف كتر من القياس عطيها وقت فوق وقتك …مااعليش صبر وحاول توفر وقت كتر من الي كتعطيه ليها …خليها تسمع فهضرتك راحة …الوقت مابغاتش تجيب ليها وتقدا ليها وتفششها بداكشي الي كتحضر ليها …الوقت بغات تفششها بهضرتك …

ياسين : يكون خير …

الزاهية : الزواج تنازلات اولدي …كي بغيتيها تنازل تنازل حتى نتا …

ياسين : شي حاجة ولفتيها وعشتيها سنين واليديك وما عقلتيش عليهم فيها كيفاش نتنازل دابا …

زاهية “ضحكات تا تسدو عينيها ” : هههههه واليديك فششوك حيث خلاوك درتي رياضة ديالك …تاهي واليديها فششوها …تانتا غاتفشش ولادك وتخليهم يديرو مابغاو …وقتك دوزتيه مادام درتي دارك ومادام قلتي نتا عايش باش تحميها حيث راجلها بعد على الي ياذيك باش تحامي عليها وتكون جناحها من لفوق الى تقطع ط🦋🐺نور_الياسين (555)sana mina🐺🦋

بقا كيسمع ليها فرغ ما فقلبو فديك اللحضة حتى سمع ليها عطاتو وعلماتو ووعاتو ونصحاتو وشرحات ليه …

ياسين : كيجي واحد الوقت كتعيا وتعيا “كيشير بايذيه بحرقة ” وضغط عليك من هنا ومن هنا …بغيت الي يحس بيا علامن نحط الراس اميمتي …

زاهية : علمها تحط عليك راس …ربيها ديرها بنتك الي ولدتي وربيها علمها صح والغلط …هي بنت ماهي عارفة اش فدنيا الشحط ديال دنيا لاگينو عليها واليها …خديتيها نتا لگيتيه عليها …كيفاش غاتواجه وتعلم دغيا …عطيها وقتها صبر عليها وتنفس ونفسو بعضياتكم …شوي بشوي وبالمهل يتكال بودنجال …صبر الي غاتصبر ربي غايجازيه ليك ببنت ناس …

ياسين “دوز على عينيه بتعب ”

زاهية : الي غادير هو هضر معاها وقوليها شنو كاين فين الغلط وفين صح …عطيو لراسكم راحة …

ياسين “حرك راسو بالايجاب ” : بصح كترة الضغط تولد الانفجار …وكترة الهضرة فنفس النقطة مكتوصل فين …

زاهية : غير المشاكيل وصداع راس …وسع خاطرك وصبر ماعليش زيد صبر فصبر …

ياسين : والى دبر ؟

زاهية : البعد يدواي ويرحم …ارتاحو من بعضياتكم واحد شوي تترتاح نفوس…

بقاو يهضرو مدة حتى ناض سلم عليها وباس راسها حس براسو رتاح بعدا شوية ورجع برد احسن لو انه رجع كان غادي يصدقو تاني فمشكيل كبيييير وينوض صداع …

#عودة…

نوار “كتشوف فيه وعينيها جاحدين ” : ش شنو هي ..

ياسين “شاف فيها ” : هاد المدة بلا متهضري معايا فيها …ركزي فقرايتك وامتحاناتك من بعد يحلها مولانا …

نوار : م مافهمتش …

ياسين : كيف سمعتي …

نوار : كيفاش منهضرش معاك …

ياسين : بمعناها الحرفي واللفظي …ركزي فقرايتك هاد المدة تتسالي هاد شهر وديك ساعة نتفاهمو …ريحي راسك وبالك وفكري مع راسك …

نوار “بغات تبكي بدات كترعد ” : ك كيفاش منهضروش اهى …ياسين علاش ؟؟

ياسين : شي مرات البعد كيحل مشاكيل ويبرد الخواطر حسن ماكلنا معصبين وشي يبكي وشي صاعر “خنزر فيها ” مالنا ياك لباس ؟ انااااا “كضرب بصباعو فراسو ” انااااا وماحاملش راسي ومعنديش الخاطر راسي فاش كنتعصب …انا ومعقلتش على راسي …”عوج فيها راسو حدرو كيشوف فيها ”

بغيتي نفوت فيك شي ضربة ؟ نتي تستاهلي نضربك ؟

نوار : عافاك ياسيين اهى …

ياسين : خلينا هاد ساعة هانيين هاد ليام عندي خدمة كثيييييرة مقادرش تنحك راسي …بزز باش خطفت هاد اليومين على ودك نتي نشوفك جايا شهر مشفتك …الى بقينا هاكا مانتي مرتاحة مانتي فقرايتك مركزة “عاود كرر فيها نفس الشوفة ” ياك كيمشي ليك تركيز فاش كتكوني مقلقة …

نوار”كترعد حادرة راسها وايديها كتكمش فيهم وترجع تحلهم ” …

ياسين “ناض” : نوضي نوصلك خاصني نتحرك يلاه نوصل بالليل …

نوار : عافاك ماديرهاش …

ياسين “رفع حجبانو فيها ” : شنو منديرش ؟

نوار : ماتمشيش بمرة …

ياسين “هز الكونطاكت ديالو وتيليفون كيخشيه فجيب ويهضر” : انا متزوجتش باش نمشي بمرة الا فاض الكاس كتر من هاكا الغالب الله …ركزي دابا فقرايتك والعمر طويل …”جهد صوته ” تحركي دغيا …

ناضت خاشية ايذيها فجيابها وحادرة راسها مكمشة عينيها حابسة البكية كتحس براسها غاتوحشو بزاف من دابا وفكرة انهم ميبقاوش يهضرو هاد الفترة كتخليها تبغي تهبل …ماعرفات مادير واش تغوت ولا طلبو ولا شنو دير …مالقات مادير انها تستسلم سكتات سكوت غريب …

احيانا البعد لفترة افضل لكلا طرفين منو يتحبس صداع ويرتاحو الخواطر من كترة الضغط والغوات والصداع …يرتاحو الطرفين وكل واحد يفكر ويريح عقلو لفترة من الغياب يولد امل جديد ثاني ممكن جدا او غير ممكن …شنو غايوقع فهاد البعد واش غيكون بعد مؤقت ام بعد دائم …وحتى الى كان مؤقت واش غايرجعو يرتاحو مغايكونوش مشاكل ؟ …

حتى كلمة “وداع ” ان قرأناها من اليسار الى اليمين تعطينا كلمة 🦋🐺نور_الياسين (556)sana mina🐺🦋

نواار وااا نوار …ونوضي ماما فيقي دغيا را باك كيتسنا فيك لتحت تحركي ونتي متختخة …واااا نوار ويلي على هاديييي …

نوار”بدات كتحرك وترمش فعينيها ” : اممم نعام …

يسرى : ويلي نوضي هبطي باباك كيتسنا …

نوار : ماما مبغيتش نمشي عافاك غير خليني …

يسرى : وخا هبطي وقوليها لباباك يلاه …نتي تعرفي …”مشات وخلاتها ”

نوار”ضورات راسها كتشوف فشرجم …كل ماتحركو الخوامي تعطيها ريحتو …حتى كتغمض عينيها وتشمشم تقلب لا يكون جا زعما كيف كيدير حتى كتلقا عند راسها …ساعاك فقط من اشتياقها ليه بزاف الشي خلاها تحس هاكا وتشم ريحتو …ناضت ونفضات فراشها قاداتو ومشات حلات شراجم باش يتنفس البيت …اول حاجة دارت روتينها صباحي ومشات لماريو لبسات حوايجها ديال لخروج …حتى دق الباب …

يوسف : انا بنتي …

نوار : دخل ابابا …

يوسف “حل الباب وطل عليها ” : مبغيتش تهبطي ؟

نوار”عوجات راسها وتنهدات بحرقة ” : بابا بلاش احسن عاافاك …

يوسف : لبسي براكة من الهضرة جيبي غير شي حاجة الي تبغي …طريق الي داتنا ترجعنا …

نوار “هزات كتافها وحطاتهم” : واخااا …

سد الباب خلاها كملات شنو كانت كدير هزات شنو تحتاج هزات صاكها بجنب دارت فيه لوازمها ولبسات سبرديلتها لوات على عنقها كاشكول وجمعات شعرها …هزات الفون كلها امل يكون زعما تنازل ورسل ليها لكن والو تا من تيليفونو طفاه كتعرف اخبارو غير من اسامة وحتى اسامة مبقاش كيشوفو بزاف على ما قال مضغوط بزاف وراسو مدهي بين هنا وهنا واخر السنة كيكون الخدمة كثيرة بجهد …

نوار”دارت ايديها ولفون فيهم فجبهتها مغمضة عينيها ..” : توحشتك بزاااف …

ناضت مشات لماريو حلاتو هزات منو شي حاجة دارتها فصاكها وسدات عليها هزات شنو غايخصها وهي تنزل لتحت لقات باها كيهضر فالتيليفون برا …

يسرى “كتلبس ف كاب ديال خايط عليها” : نزلتي ..

نوار : غاديا لعيادة ؟

يسرى : يلاه تجمعو ناس كيتسناو نمشي نشوفهم …

نوار : فين ميمة نجود واشرف ؟

يسرى : اشرف را بدا ليوم سطاج ديالو …والميمة عند عمتك راوية …

نوار : خالتو يامنة مازال موصلو ؟

يسرى : مزال غادين دقة دقة …

نوار : بغيت شي حاجة باردة نشربها …

يسرى : سيري فطري وشربي دوا ديالك تنسيني فيه ؟

نوار”حكات شعرها ” : منسياهش والله محققة تيليفون عليه …

يسرى “شيرات ليها براسها ” : ويلاه تحركي فطري را محطوط فطابلة فالكوزينة …بينما كمل باك الهضرة تيسرو …

نوار : واخاا …”مشات باستها مشات يسرى وهي دخلات كوزينة لقات فطور محطوط طاحت فيه عمية تا ضرتها كرشها …يلاه كتشرب فكاس القهوة حتى دخل يوسف عندها ”

يوسف “شاف ف طباسل شي مشتت شي تكال ” : تي فطرتي ولا تنشرتي هنا …

نوار : ههههه فطرت …

يوسف : بصحتك ابنتي …يلاه مشينا الله يسمح لينا ؟

نوار”قالت اااه بتنهيدة ” : يلاه ابابا …

يوسف : تحركي قدام بوك ينعل بوك …

نوار”ناضت كتضحك سابقاه حتى خرجو من الكوزينة …تابطات دراعو وخرجو برا غادين لسيارة ديال يوسف من بعد شهور ما ركبها كتاب عليه اليوم يركبها …حتى وقفهم صوت السيارة داخلة واحد رينج بيضة …

يوسف “مشا لعند سيارة حتى نزل منها واحد تگضيرة واحد زين وطولة والحروشية تا طلات عليه نوار من ورا باها كتشوف فيه بنص عين …غير ريحتو عطات لنيفها …لابس كومبيل كحل فكحل بلا كرافاط حال زوج صدايف قداميين …شاف فيوسف وابتاسم ليه فك ازرار الفيستة …وقرب لعندو …

سي يوسف

يوسف : هو هذا مرحبا …

شاف فنوار بابتسامة ساحرة ورجع شاف ف يوسف…مرحب بينا ضي🦋🐺نور_الياسين (557)sana mina🐺🦋

الزين الطولة والتجريدة العينين حرشين ولحية من داكشي الي كتعشق البنت فالرجل (لا اعمم) والكاريزما …شاف ف يوسف الي الاخير كان كيحقق فيه الشوفة كانه عرفو او معرفوش لان سنيييييييين هادي باش مبقاش شافو وشافو غييير مرة وحدة من اللقاء الي كان داك العام ….

يوسف “كمش فيه عينيه ” : مرحبا ب ضيف الله …

رياض “فك ازرار الفيستة تا قرب لعندو مد ليه ايدو ” : سي يوسف عاش من شافك …

يوسف “مد ليه ايدو سلم عليه ” : يشوفك الربح اولدي “صغر فيه عينو ” فحال عقلت عليك …

رياض”ضحك ” : هههههه عاود ركز وشوف وكان …

يوسف “شحال ساعاك مقشبل والو ” : لا والو ولدي واش عقلت …

رياض : رياض المرابط اسي يوسف …

يوسف “هز راسو بغا يقول شي حاجة وولا سكت رجع الشوفة تغوبيشة ” : اااه ولد الحاج محمد الله يرحمه ..

رياض : اللهم اميين …مسالي نهضر معاك …

يوسف “شاف فساعته وضار عند نوار ” : بنتي دخلي سبقيني قولي ليهم واحد البراد اتاي كاينين عندنا ضياف …

رياض : بلا عذاب اسي يوسف نتا مول الخير …

يوسف “ضار شاف فيه واحد الشوفة تاع هاي هاي هاي على صواب هههه ” : لا لا ضروري وواجب …

نوار”ابتاسمات لباها ومشات دارت شنو قاليها

يوسف : دخل مرحبا …

شير ليه رياض باش يسبقو حتى تبعو هو مبتاسم شوي …لحد الان را يوسف قايم بالواجب ديال اي ضيف كيما كان حيث فاش جا عندو وقصد بابو ك ضيف مغاديش يكون قليل الادب ويجري عليه …مشا لصالون ديال ضياف فين رحب بيه صالون كبيييير مفرش فراش بلدي من طرف تال طرف والنقش فالسقف والترية قداش كلها كريسطال فيها الالوان وجناب سقف تريات صغار تاهما بالالوان عاد العود المنقوش وطوابل لعود بصوندريات ديال نحاس …وطلامط موبرا …

جلس بكل رجولة حادر راسو حتى تقابل معاه يوسف …

يوسف : متاحتش ليا لفرصة نشكرك اولدي على وقفتك مع بنتي مينة …والحمد لله على سلامتك من ديك الكسيدة …

رياض : هذا واجب اسي يوسف البنت ديالك كيما متاكد انها مضلومة حتى انا كنت متاكد …

يوسف “مسرح فالجلسة وداير رجل على رجل مفرقهم بطريقة رجولية …كيلعب بصباعو ” : عرضتي حياتك لخطر باش تعاون مضلومة …”عوج فمو وضحك ” ههه زعما تبارك الله تغيير ملحوض فيك …

رياض”عرفو كيدق عليه حيث كان فمو طايش فالهضرة وبغا يطير ” : هههه واا “حك راسو بعبط ” الزمان كينجر اسي يوسف …المسؤلية نعجبك دابا …

يوسف : هههه ومزيان ليك انت لراسك اما انا معندي علاش تعجبني اولدي مزيانة ليك نتا لشخصك كون بقيتي هكاك تاحد مغايبغي يتعامل معاك …

رياض “جمع ضحكة مابقا ميدير سوا يحنحن ” : احم …

يوسف : على اي مرحبا بيك اسي رياض …الحاج كان معرفة مزيانة لو ما المشكيل الي كان وقع …

رياض : كنعتاذر على الي صدر مني ديك الساعة …

يوسف : فات الوقت مابقا لايق الاعتذار …داكشي فات وداز ماعليش …

رياض : نتا كيف بقيتي شوية …

يوسف “جات الخدامة كتحط فاتاي وتقاوت ديالو …” : الحمد لله شوي بشوي …

رياض : الله يشافي …

يوسف : امييين “تگعد كب ليه كاس اتاي مشحر ومدو ليه ” مرحبا مرحبا …

رياض : الله يحفضك …

يوسف “تقاد فالجلسة وشاف فيه بجدية ”

قبل ماينطق يوسف عرفو رياض بغا يعرف شنو سبب الزيارة ديالو حيث ملي دخلو وهما فكلاشيني نكلاشيك من تحت الدف …حط الكاس وتقاد فالجلسة ملاقي كفوف ايديه كيحك بيهم وحادر راسو …

رياض : سي يوسف الى كتاب جاي طالب ضيف الله …

يوسف “كيشوف فيه ” : مرحبا …شكون ؟

رياض : الى بغا الله انا جيت قاصد الباب نيشان ونجرب زهري الى بغات الانسة مينة تزوج بيا على سنة الله ورسوله …

يوسف “حيد ايدو من حدا فمو ” : مينة ؟؟ بنتي ؟؟ تزوج بيك انتا ؟؟

رياض : يلاه غايهضر حتى عيطات من عند باب الصالون …

مينة : بابا …

يوسف “كيشوف فرياض 🦋🐺نور_الياسين (558)sana mina🐺🦋

سمع صوتها عند باب الصالون كتعيط ليه باش تاخذ الاذن ودخل حيث عرفات من نوار على ما وصفات ليها عرفاتو بالي هو الي جا ومكانتش متوقعة غايدير ليها هاد زيارة حيث كانت على بعد يومين غادي تكون فالجديدة ازمور باش تبدا خدمتها الفعلية نيشان …حتى دخلات وهي تلقاه جالس هز فيها عينيه وابتاسم شاف ف يوسف الي كان كيشوف فيها وهو يستغل اللحضة وغمزها …

مينة “خرجات عينيها ” : احم بابا …

يوسف “شير ليها حدا بلاصتو ” : اجي بنتي تعالي حدايا …

مينة “قربات جلسات حداه كتشوف فرياض وفباها ” : هاني …”شافت فرياض ” موسيو رياض “ابتاسمات بزز ” مرحبا بيك …

رياض : الله يحفضك دوموزيل مينة ..

يوسف “حك لحيتو وشاف فيها ” : بنتي سي رياض جا عندنا زيارة ضيف الله …

مينة : ايه …

يوسف : كيفو كيف الي جاو خطبوك ابنتي جاي طالبك على سنة الله ورسوله …

مع قالها مع بغات تهضر خرجات عينيها وهي تشهق ووحلات ليها …بقات تكحب تكحب تا خلعاتهم ناض يوسف كيجري بدعقة لكوزينة يجيب الما ولا يعيط ليهم ورياض ناض لعندها كيقلب فيها …

رياض : مينة مينة صافا ؟ ششش غير بشوي …

مينة : هيييييي كحكح كحكح …”هزات فيه عينيها مخنزرة ” قلبتي دورة نتا ولا شنو ؟ كتفلى …

رياض “جاتو ضحكة ” : وايلي على كنتفلى عمري كذبت عليك …

مينة “خرجات فيه عينيها ” : كيفاش ؟ ياك باغي تخطب لمياء اش جابك حتى تخطبني انا ؟؟؟

رياض : وانا كذبت على لمياء بالعمى واش كذبت …غانديركم ضريرات ازين …

مينة “حلات فمها تا سدو ليها ومشا جلس حيث بان ليه يوسف جاي ” …

يوسف “مد ليها الكاس ديال الما تكات عليه ” : شش بشوية عليك …بسم الله عليك …

رياض”كيطل زعما ” : شوي دابا ؟

يوسف : شوية ؟

مينة “حركات راسها ” : شوي شوي …

يوسف “جلس تا رتاحت ” : شنو خلاك تبغيها لزواج ؟

رياض : النصيب …جيت قصدت باب الدار من شحال هادي بغيت نجي نهضر معاك ولكن الي وقع راك عرفتيه …غادي تسول فين عرفتيها راك عارف الخدمة …”شاف ف مينة وشاف فيه ” البنت عندك “باحترام ” بنت الناس مربية مخلقة وماصلة …قارية واعية وكتعرف تهضر كلشي عندها بالعقل تبارك الله …يكفي انها تربية ال رمسيس هذا يكفي و يوفي انني نشوف فيها بنت الناس الي غاتشارك معايا حياتي وعلاش لا تكون ام ولادي …

مينة”الصمت عينيها غرغرو ونفس ديالها تقطعات كيبان ليك جناوح منخرها كيفرفرو ” …

يوسف “كيسمع ليه ” …

رياض : انا مبغيتش جواب دابا حتى تفكرو وتفكر صاحبة الشأن وديك ساعة تعطيني الجواب …

يوسف”شاف ف مينة الي كانت حادرة راسها مهزاتوش ” : شنو نقوليك ماعرفتش …جيتي قصدتي الباب مرحبا ولكن منافقكش ومنكذبش عليك من اخر مشكيل وقع طبعك زعما تبدل ؟

رياض : طبع تمنطاش لعام ماشي هو طبع كدا وتلاتين عام …

يوسف : كيبقى الفرق فالعقليات …ولد تمنطاش ممكن يكون بعقلو على ولد تلاتين …داكشي باللسان وتربية ودراع كيفاش داير …

رياض “ضحك بجنب ” : من حقك …”ناض بوقفتو ” ساعة سعيدة سي يوسف …نتمنى من كل قلبي تفكرو “شاف فمينة ” من كل قلبي نتمنى تفكري والي مفهمتيهاش نشرحها ليك والي بغيتي تعرفيه نقولو ليك …انا قصدي حلال وشريف حيث نتي بنت الناس ديال زمان وقلب كبير وبيض وطيب رغم قساوة الشخصية …

يوسف “ناض تاهو دار معاه صواب ” : مرحبا “خير الكلام ما قل ودل …

مابغاش يوسف يزيد معاه فالهضرة اصلا كلو باقي مصدوم وزادتو تا ردة فعل مينة الاخيرة حس بيها خاطرها مرض فهاد اللحضة بغا غير يسلك تا يهضر معاها …تسالم معاه …

مشا رياض من بعد ضيافة الي ضايفو …ورجع يوسف لعند مينة لقا دموعها دايزين حادرة راسها وتمسح فيهم …حتى تحطت ايدو على كتفها وجلس حداها …

يوسف : مينة !!

مينة “بدون سابق انذار ضارت وتلاحت عليه عنقاتو بجههددد كتبكيييي وتبكي …حتى خلعاتو عليها …

يوسف : مابغيتيش ؟

مينة : خفت منقدرش ابابا اهى اهى منقدرش …

يوسف : ممكن الي سبق العيب فلول حسن من الي كان مسبق الصواب وحلاوة اللسان حتى توخر بالشر ..عطاك وجهه وتمسكن تا تم🦋🐺نور_الياسين (559)sana mina🐺🦋

كلام يوسف على صواب الخير مكنعرفوه فيمن ممكن داك الي كتقولي عليه ممزيانش وتاخذي عليه نضرة خايبة يصدق ليك احسن من الف واحد الي بداك بحلاوة اللسان وطمعك فيه وفشخصيتو هذاك هو الي كتخاف منو هو الي مكتعرفش شنو تحت راسو هذاك هو الي كيعطيك وجه زين ومن وراك را كيعطيك غير السم والبغض والحسد …وقلبو عامر وكحل وموخر بالشر …

الي داه الي جابو يدور من هنا وطريق تردو من هنا …راسو قرب ينطحو وماكرهش يبقا ينطح فيها وهالعار تبرد عليه …حتى من الخدمة مخلاتوش يمشي ليها …

ايساف : وااااافففففف ففففففف يحرق زا*** الي حط بات مات الهة مك ….ففففففف اعععععع

صفية “تبخات ليه داكشي الي شافت فانترنيت معرفت مدير ليه …حتى جابت ليه خل متبوخ معاه قزبر وعطاتو ليه ” : هاك هادي قممها وتسنى غاتحرقك بزاف من بعد تحبس …

ايساف”شد من عندها ديك الكاس وشربو كلو قممو في فمو الي لقاها يشربها معندوش مشكيل …حتى جهل مشا حيد تيشرت بقا ليها سفاحي اول مرة غاتشوفو بداك صدر المبندر وديك الحروشية الي فيه …مادها فيها كاع هو مكافي غييير مع ضرصة العقل الي مجهلاه …” قمممم اممممم فممن قمنم …

صفية “صرطات ريقها ” : هاا …

ايساف “هز ايدو وشير بيها غا تيهضر وصافي الي كانت قمقمها في فمو هههه ”

صفية : والله ما فهمتك …احم “حكات راسها وحناكها بغاو يطرطقو حيث بقا غير بسروال ولفوق سفاحي تدعق وحيدو كون يزيد شوي يحيد تا سروال غاا هاد ساعة مدهي مع ضرصة العقل …” واش ناخذ ليك سورگام …

مشا نيشان لدوش خوا داكشي الي في فمو حيث جهل عليه صداع وجا لعندها كيخربق ويهضر ويقول الي كانت …

ايساف “مشربن ” : ااااش تمشي فين ؟ لصيدلية ؟ لا بقا ليا غاااا القحوب تمشي ليه صافي …

صفية “خنزرات فيه ” : اش كتخربق لاش كتخصر الهضرة ؟

ايساف : صيدلية كيمشيو ليها غالي دار علاش دوزي تجلسي …

صفية “بغات تندب حناكها ” : اويلي واس هبلتي را كيمشيو ناس الي مراض …

ايساف : انا نجيبو انا جلسي حطي ترمتك لارض نتي …

مشا هز بزطامو وساروت وتم غادي خارج حتى وقفاتو بصوتها …

صفية : ويلي ويلي غادي عريان …

ايساف : تفو تقوووو “شد حنكو ومشا لبس تيشرت ديالو ماعرف تا كيف دار ليه واش مقلوب هو هذاك مهم خرج هبط بزربة لاقرب صيدلية بعدا تهدنت غيي شي شوي بديك تبخة الي دارت ليه …جاب سورگام شرب منو تم ورجع لقاها تاني كطبخ ليه …

ايساف”بدات كتهدن عليه ” : اش كديري ؟

صفية : لقيت واحد وصفة ف غوغل بغيت نديرها ليك …

ايساف : بغيتي تجربيها في فأر تجارب الي هو انا …

صفية : بغيت غير تهدن عليك شوف كي وليتي …

ايساف : تهدنات عليا شوي دابا غير رتاحي …

صفية : رتاح نتا الي قلتي ليا بايت مناعسش …

ايساف : انا شوي ونمشي …

صفية : علاش بقا هنا رتاح فبيتي …

ايساف”قرب ليها ” : زعما مخفتيش مني نشدك ؟ كي شتي دابا فاش كيحبس صداع كنولي فرحااان ومرتااااح …نقدر ندير اي حاجة وانا ضااااحك …

صفية “حبست ضحكة ” : لا مدير والو دوز غير رتاح …

ايساف : صفية …

صفية “رمشات فيه ” : هممم ..

ايساف : واخا نبوسك ؟ علاش كتبعدي اصفية ثيقي بيا والله حتى باغيك ابنت ناس والا علاش غانربط راسي بيك مادام سمحتي ليا …

صفية : ماشي ساهل الي دوزتي عليا وضلم الي ضلمتيني …هاحنا كنتفاهمو دابا وكنهضرو ولدابا راك مزيان معايا …بغيت نتاكد واش غاتبقى هاكا ولا لا …واش فعلا هضرتك الي كتقول هي الي غاطبق ماشي حيث قلتيها ولكن حيث عنيتيها …

هي كتهضر وهو بدون ميحس لقا راسو مقرب ليها اكثر حتى حط شفايفو على شفايفها حبس فيها الهضرة وتاهي تبلوكات فاش باسها ولمسو شفايفها شفايفو سخااان …شد ليها ايديها بزوج وهزهم لفووووق وهبط ايديه ورا ضهرها تا جبدها لعندو اكثر ماشعروش حتى دخلو فقبلة سخووونة منو هو كيلتاهم فشفايفها عينيه مغمضين وهي مخلياه كيشلقم فيها …حتى حسات بقلبها كيضرب وكرشها دخلت

وخرجت والفراشات تنشرو فيها شعور فشكل حساتو حتى تفكرات ضرب الي كان يضربها والاهانات الي كان يعطيها حسات بحريق فصدرها يلاه غادفعو حتى بعد حيث حس بضو ضربو فضرصتو …

ايساف “شد حنكو كيسب ويلعن ” : وينعل طبون طبابن على طبنمك مك ابنت الخضخااااااااضة …اعععععععع …

صفية “مسحات فمها مالقات متقول باش تلف ” : خ خا خخ خاصك تحيدها …

ايساف “خنزر فيها ” بليميييين منحيدها نحيدهم كلهم سناني وضراصي وهي ن🦋🐺نور_الياسين (560)sana mina🐺🦋

الوقت الي كان غادي فيه يوسف هو ونوار مبقاوش مشاو …كيقوليك را متمشي غيييير فين مشاك الله وهادشي الي كاين والي وقع دابا …ف اجل يوسف المشية الي معارفاش نوار فين غادي بيها مهم كيقوليها نخرجو نسافرو لشي بلاصة حيث هي السطاج غاتبداه من بعد ايام قليلة …كتسنى فياسين يعيط ليها ولكن مبقاش عيط والي وقع خلا كلشي كما عليه …

بالنسبة ليها معروف انها مغاتوحلش فسطاج ورقة من اي واحد فيهم كفيلة باش تعمر ليها ورقة سطاج والراپور متوحلش فيه …لكن الي مهم عندها هو انها خاصها تعلم من هاد سطاج شنو فيه وكيفاش كيكون الجو ديال العمل ….ولكن واش ياسين غاينساها ؟ وهو الي مواعدها دوز عندو سطاج حيث احسن تكون تحت عينيه وسطاج فالبنك. احسن ليها من سطاج فالشركة حسب تخصص ديالها …شنو

تحت راسو هادشي ميعلم بيه غييير الله وحده وهو ….

السبعة ديال صباح وهما شادين طريق كانت هاد المرة معاهم مينة الي شدات على باها سوگان حيث كيعيا …اما لالة ومالي طل عليها من زاجة …

يوسف : دابا هادي نعست فالليل معرفتناش حتى فين جايبينها ؟

مينة “شافتها من المرايا ” : هههه مافهمتش ماسولت ما والو …

يوسف : يحساب ليها جايين لافران …

مينة : غاتحل عينيها تلقا راسها فمراكش …علاش جينا هنا ؟

يوسف : غايبقاو كل واحد فقنت مفارقين ليا هنا ، وهي تهرنن عليه ..

مينة : زعما بنتك جي من جيهتها …

يوسف : منكدبوشاي تاهو ولدي نجي من جيهتهم بجوج …تجي تشوف راجلها مادام عندها شهر تجي حداه تقابلو حسن ليهم يبقاو حدا بعضياتهم الغيار كيوقع بين مراة وراجلها المشاكيل كتمتن الرباط بيناتهم …

مينة : بصح …ولكن متقولش قلقها ليا وتجي من جيهتها زعما …

يوسف : هادشي منبداوش كل ساعة لاش قلقتيها انا امتا نتقلق من ياسين الى حسيت بيه قلقها بصح الى قوا عليها …ندخلو بخيط بيض الى هاد المرة زاد فيه غانوقف فوجهو كيما كان الحال راها بنتي اولى ليا منو …مبغيتش نبدا ندير فيها ديما نجي من جيهة بنتي …ينوض صداع على والو ونخسرو بعضياتنا …

مينة : وهو شفتو معيطش ليها تجي …

يوسف : نجيو عندو حنا … ختك مايضحكها غير راجلها ….

مينة : وفين هو غايكون فالخدمة فاش نوصلو ..

يوسف : بعدا هو را يومين هادي ماجا لفيرما جاو مالقاوهش قاليهم مسافر لخدمة …

مينة : وايلي ؟ “بغات تهضر وهي تبان ليها نوار كتفيق وتشبح عينيها مسدودين …” نوار …

يوسف “ضار لعندها ” : نخشيشة فقتي …

نوار”كتشبح وتحك فعينيها ” : فقت …نااري صبح الحال ؟ اويلي ..”ضارت بجنابها ” فين حنا ،

يوسف : فطريق لغوانتنامو …نوضي نوضي ..

نوار : فين حنا ؟ هييييي اويلي هادي طريق مراكش ؟؟”قلبها بدا يزدح ” بابا فين جبتيني ؟

يوسف : لدار راجلك فين جايبك …

نوار : و ياسين ؟ هضر معاكم …

يوسف : علاش مكتهضريش معاه ؟

نوار : ها ك كنهضر ممساليش هو هاد الايام …

يوسف : امم كتهضروووو …

نوار : احم …بابا علاش جايين …

يوسف : زيدي بغاك عمك فؤاد زيدي من الهضرة را كاين تالحبيب تما وخالتك الفجلة …

نوار : وياسين …

يوسف : ياك كتهضرو مالك معارفاهش فين …

مينة : ههههههه

نوار : بابا انرجعو عااافاك …

يوسف : خفتي منو ؟ ياكما يضربك ؟

نوار : لا لا …

يوسف : وزيدي ليه عشر ايام باش مشا تاواحد فيكم ما دوا مع لاخور …يحساب ليك معارفش نعلو شيطان بجوج لاش تزوجتو ملي بديتو هاكا ؟

نوار”الصمت ” …

يوسف : زيدي هاحنا غانشوفو هادشي فين بغا يوصل …مانهضرش انا دابا …

مينة : دابا جبتينا تفويجة ولا تفريجة …

يوسف : نكذب عليك ؟ جاي نفوج فبلاد خويا ونسيبي وعمي …

وصلو لمراكش وشدو طريق لفيرما كل مكيقربو نوار وجهها كيتسقط منو دم المواجهة من بعد ايام لا هضرة هضروها لا خبار عرفاتها عليه غييير من بعيد الى هضر كيسول عليها ويقطع …فترة بسييييييطة ديال راحة لكليهما دازت بدون مشاكل …مع وصلو دخلات مينة بسيارة لقات اسامة والحبيب واقفين كيهضرو …

الحبيب : العميم اهلا وسهلا …

سلم عليى يوسف ومينة …

الحبيب : جيتو غا نتوما ؟

يوسف “ضار لعند نوار لقاها فطوموبيل ” : واش تخرجي ولا نخرجوك ؟

الحبيب”طل عليها ” : مالها ؟

يوسف : فين راجلها …

الحبيب شاف فاسامة قلبو ملامحهم لحزن …

مينة : مالكم ؟

الحبيب : على ماهضرش معاها ؟

نوار”حلات طوموبيل ونزلات بزربة ” : لا …مالو …

اسامة : غير شوية هذا حتى عيط لينا من المطار …

يوسف”بتساؤل ” : المطار ؟؟خبار الخير ؟؟؟ …

الحبيب : والله مايحساب ليا غير فخباركم …

نوار : فين ياسين ؟؟؟ انا تيليفوني طفا ليا …

اسامة : سافر لمدينة الخطيئة “ضربو الحبيب راسو ”

الحبيب “خنزر فيه “: هذا وقت الضحك …

اسامة : لاس فيغاس …

يوسف : كيفاش ؟ اش كتخربقو نتوما

الحبيب : عيطو ليه عندو مشكيل تما …الى ماحضرش غاتكبر القضية …

يوسف”غوبش” : واش كضحكو على الوقت ؟ واش هادشي فيه تفلية ؟ فين فؤاد ؟ هاد سيد واش حاسب راسو مزوج ولا كيضحك عالوقت ؟

الحبيب : العميم …”بغا يشدو ”

يوسف : حيد عليا “شد نوار من ايدها وشاف فمينة ..” حيد عليا يلاه نتي وياها طريق الي داتنا تردنا …قوليه الله يعاونك مانتا ولد خويا مانا عمك والنسوبية الي 🦋🐺نور_الياسين (561)sana mina🐺🦋

تم جار نوار وتبعاتو مينة والحبيب يعيط واسامة يندب ويحندب …تبعوه ونوار باقي مصدومة ودنيها كيديرو طننننن طنننن ممصدقاش اش دار علاش هادشي كلو دارو …

نوار : لا لا يااسيييين … علاش مشا ؟؟؟ وانا …

يوسف : حيد عليا نتا يلاه بنتي ماعليش …

نوار: لا لا منمشيش تنشوف ونتاكد ميديرهاااش ياسين ميديرهااااش “كتغوت” …

الحبيب : وغير صبر اعمي

اسامة : العميم …. نعل الشيطان ماشي هاكا …

يوسف”كيقرب ليه الحبيب كيبعذ ليه ايدو ” : حيد عليا من هنا …

اسامة : وغير صبر …را ماشي هكاك …

يوسف”كيجر نوار ونوار كارمة ليه ” : واش غاتحركي نتي. ؟؟؟

مينة : بلاتي بابا نشوفو عمو فؤاد …فين هو ؟؟؟

الحبيب : مشا لمراكش …

يوسف “غوت عليهم تا قفزو ” : واااااش غاتحركو عليا هناااا ؟؟؟؟

نوار مابقات كتسمع والو غير ياسين مشا مشااا ياسين الى فات حتى مشا را كيبقا تما مكيرجع على شحااااال …هذا يعني انه تقلق وتقليقة ديالو خايبة !!! بغات تبكي والو من صدمة بقات غير كتسمع باها يغوت من هنا والحبيب يطلب فيوسف ويزاوگ …حتى …

الحبيب”طلقها بواااحد مولاتي ضحكة تا تبعو اسامة ” : هههههههههههههههههههههههههههه

يوسف “وقف مخنزر فيه ” : شنو كاين ؟

اسامة : ههههههههههههه واكوااااك على العميم وشحال جات معاه نسيب …

مينة : كضحكو علينا ؟؟؟

الحبيب”كيشوف فيوسف بغا يقرب ليه ويسوف كيبعد فيه بشوي ومركز معاه واش بصح كيتفلى ” : العميم ههههههههههههه حق ربي تا تضحك …

يوسف : هادشي تفلية ؟

نوار”قلبها ضرب ” : ياسين مسافرش ؟؟؟ ياك ؟

اسامة : تههههه تي فين يسافر فين …

يوسف : هاد الحالة كااااملة كضحكو عليا ؟

الحبيب”حابس ضحكة ” : والله تا غير ضحكنا تا مالك ممولفش طنزنا ؟

يوسف”عصبوه ” : كاين ضحك وضحك البناية وكاينة ضصارة والبسالة والحموضة …

اسامة : العميم غير ضحكنا …

يوسف “دفع ليه ايدو ” : تحاااايد عليا من هنا ما ضحك ما والو بسالة ديال البراهش …اش قاليكم راسكم ؟ كون حتى خرجنا كلام العيب كتر من هاكا ؟ فين بغينا نوصلو ؟ اش هاد تبرهيش ؟

الحبيب”حدر راسو صافي فاش يوسف يبدا يخاصم كيحدرو راسهم ” : سمح لينا …

اسامة : سمح لينا عمي …

نوار”بالها غير مع حبقلبها” : فين هو ؟؟

يوسف : مرة جايا عرفو فين ضحكو ولا شتي شنو يجيكم مليح ما ضحكو معايا ماتخراو عطيوني هاد ساعة غير تيساع “بدا يكحب ” كحكح كحكح …تفو

مينة “مشات تجري لطوموبيل جابت ليه قرعة الما ” : بابا بابا بسم لله عليك غا بشوية …”عطاتو يشرب وضارت خنزرات فيهم ” : اش هاد ضحك الباسل ؟؟

الحبيب واسامة خلعهم يوسف جاو لعندو قربو ليه كيبوسو ليه فراسو ويطلبو سماحة ندمو على اللحضة الي فكرو يضحكو معاه فيها …الحبيب يبوس من هنا واسامة وهو كيبعد فيهم عصبوه بجهد ….

يوسف : حيد عليا من هنا …

الحبيب : وحق الله تا تسمح لينا هههههه …

نوار “كتقلب بعينيها ” : واااا فين هو ؟؟

اسامة : را مشا لخدمة صباح بكررييييييييي يمكن حيث فقنا ملقيناهش وعلى ما قالت لحنانة مشا صباح بكرييييي …

يوسف “بقا تا تنفس وهز فيهم عينيه ” : ما مشا فين …

الحبيب ” شاف فيه ” : كيفاش ،؟

يوسف : داك الضحك الباسل فتناه باشوااااط …

نوار : كيفاش ؟ مافهمت والو .؟؟

مينة : بابا ؟؟

يوسف “جر نوار عنقها بجنب ” : انا جبت الامانة لماليها …سمعو صوت السيارة دخلات من الباب الكبير

نوار : كيفاش ؟ “تهز قلبها فاش سمعات صوتها وفيها هو الي توحشات وجهو وريحتو و صوته الي ايام هادي مسمعاتو ما تطربات ودنها بيه …”

ياسين”نزل من سيارة راجع ادراجو من مراكش وصل لعندهم ” : على سلامة …

نوار “عينيها دمعو ” : ياسييييين !!!ههههه ممشاش هاهو …

يوسف : عاد وصلتي ولا ؟

ياسين “قرب حدا نوار باس راسها بلا ميشوف فيها ويهضر معاها وسلم على يوسف ومينة ” : عااد وصلت …

الحبيب واسامة حلو فامهم بواحد طريقة كضحك …صدق يوسف دايرها بيهم

ياسين : دخلو نتوما و”ضور وجهو جيهة نوار بلا ميشوف فيها ” اجي معايا نتي …

يوسف : ها امانتك شوف واش ناقصاها بياسة ..

ياسين : مادام عندك …هاني عليها …

تمات مينة ويوسف غادي جيهة دار حتى قرب يوسف لعند الحبيب وحد ايدو على كتفو …

يوسف : داك الجامع الي تخرجتو منو انا بنيت ليه الساس اولدي …وايلي ديرها بيا انا ؟ حتى ميكونش شاويني الكاويني المعلمني باك ع🦋🐺نور_الياسين (562)sana mina🐺🦋

مشا ياسين وموراه نوار الي قلبها كيفرفر بالفرحة واخا باقي لان مصدومة من شوفته وباقي وذنيها كيزنزنو من الهضرة حتى قالت را مشا وخلاها لكن حبها ليه خلاها ماثيقش انه وشوفتو دابا وخصوصا وهي توحشاتو بزاااف بغات غير يعنقها تشم ريحتو لكن هاد البرود الي مزال كيعاملها بيه مافهماتوش …حل ليها سيارة ركبات حداه وركب تاهو تا ديمارا بطوموبيل قبل مايكسيري …

ياسين “كيشوف قدامو ” : سمطة …

نوار : اا اه واخا “بدات تقاد فيها حتى حط ايدو على ايدها وقادها ليها من عند كتافها وصدرها غير كيحط ايدو كتبورش …” احم …

ياسين : شربتي دوا ديالك قبل فطور ؟

نوار”كتحك فشعرها بتوتر” : اه فاش فقت فطريق قبل مندخلو …ولكن باقي مفطرتش …

ياسين “كسيرا وخرج من الفيرما ” : مزيان …دابا تفطري …

نوار “كتشوف فيه بغات تقوليه شي حاجة وماقادراش باقي باش تزعم مقدراتش ” …: احم ف فين غادين ؟

ياسين : نفطرو…”عض سنانو وضار لعندها ” ونهضرو …

نوار “صرطات ريقها وضارت شافت قدامها ماهضرات ما تكلمات …” …

في الفيرما فدار لداخل جالسين فالصالون حتى جات يامنة وسارة هازين الصواني الفطور بلدي الخبز سخون وزيوتات البلدية والبطيوط مريح …ونجود كتكب فاتاي وسارة جلسات تكب القهوة …

يوسف : فين فؤاد ؟؟ ماجايش ؟

يامنة “قادات شالها ” : مشا غير مراكش يتقدا شي حاجة ديال فيرما قال لياسين هو يتكلف بيها ويرجع …

مينة “حلات ليه كراطن دوا وعطاتو ” : هاك بابا شرب بعدا دوا ديالك …

يوسف “كيشد من عندها يشرب ويهضر ” : نتوما كلا ليكم لفار لسان ؟

الحبيب “داير ايديه على حناكو باقي فيه شمتة ديال ضحك عليهم يوسف ودارها بيهم وتخورو تخويرة سيكونت سانك ” : ما ما كلا والو …

يوسف : ايوى نعل الي ميحشم …ديرها بيا انا ؟

الحبيب : وانتا تانتا بارك يقطع هاد النسوبية من جدر …

يامنة : اهيا لطيف …

يوسف : خاصني نطيح منك نص كي نويتي طيحو ليا واخا عارفك كطنز عليا نطيب والديك بالمهل يلاه تحشم … يقطعها من جدر انا عاطيه كبدتي ونوصل ونبدا نهدد فعباد الله …ندخل بخيط بيض حتى لاخر نفس …

نجود : المشاكيل والغيار بين المراة وراجل هما هادو …حنا ماعلينا غانخرجو تيساع والى كان شي خير ندخلو بيه بيناتهم …

يامنة : معمري جيت من جيهة ولدي من ناحية الحنينة نوار راني ديما من جيهتها عارفاها هشيشة على طبع ولدي …

يوسف “حط كاس اتاي ” : واهداي عليا خاصها تاهي شوية تنجر راسها توگض على راسها راها مزوجة مسؤلة على راجلها ومن بعد غايكونو لولاد شنو يولي يربيهم هما وياها ؟ …

نجود : الله يتاويهم بالخير …

يامنة : مشاو ؟

يوسف : منعرف ليه فين داها …

نجود : خليهم يهضرو بيناتهم يفكو جرتهم …

يوسف : الي عليا جبت ليه امانتو معاكم يومين وراجع فحالي …”شاف ف مينة ” غاتحركي من من هنا قريب ليك ياك ؟

مينة : ونتا ؟

يوسف : انا عطا الله فاش نمشي ماتهزي ليا الهم …

الحبيب : غايمشي معايا يومين ونرجع انا …

يوسف : تمشيك قدرة نتا …

اسامة “حبس ضحكة وضار ديك جيه ” ..

الحبيب : واقلنا نبسطو معاك هههههه ضحكتني بنتك كتسول ياسين فين هو ؟ ياسييييييين ميديرهااااااش ههههههه …

مينة : ههههه ورا عشر ايام هادي ماهضر معاها ما سول راها تصدم …

يوسف “مسح ايدو وضار شاف فيها كيضحك ” : ههههه شكون قاليك ماسولش ،

مينة “جمعات ضحكة كتشوف فيه بتساؤل ” : كيفاش ؟

يوسف : كل صباح وعشية كيعيط ليا من نمرة اخرا كيسول عليها شنو كلات شنو شربات شنو دارت واش كتشرب دواها صحتها ضاحكة ناشطة مابقا غايدير الكاميرا …فنضرك نقطع نسوبية هاد النسي عندي ؟ الى هو فحم الفعايل را مع ختك بيض الفعايل …دار شي حوايج مدرتهمش انا …ماعادا الى كانت ختك جاها سخط وبغات تفرق عليه راها ضيع🦋🐺نور_الياسين (563)sana mina🐺🦋

مشا بيها واحد المساااافة حتى خرجو لطريق وشد طريق لمراكش مسافة الطريق حتى كان فالمدينة وصل قدام واحد الريسطو …

ياسين “سكت طوموبيل وضار عندها ” : نزلي …

نوار “فكات السانتيغ ونزلات لقاتو واقف كيتسنا فيها ضارت لعندو حط ايدو على كتافها حسات بضو ضربها غير كيتحرك كطلع معاها ريحة ديالو الي توحشات ماكرهاتش تخشش فيه وتشبعو بوسان …دخلو لداخل جلسو فطابلة فوق الفوطوي لداخل سخون وصا على فطور كامل …تسناو واحد شوي ” ..

ياسين”خشا كونطاكت فجيبو وجبد تيليفون ديالو شعلو من بعد ما كان طافيه وفنفس الوقت كيهضر” : مزيانة صحتك ؟

نوار : مزيانة ونتا ؟

ياسين : مزيان مزيان …

نوار “ترددات واحد لحضة وهي تنطق ” : علاش كنتي طافي تيليفون ومكنتيش فالفيرما …

ياسين “هز ايدو بشوي وحطها ” : خدام هنا وهنا …احسن هاكا باش نكمل الخدمة ونرتاح شوي …

نوار : اليوم ماخدامش ؟

ياسين : شنو ليوم ؟

نوار : اخر شهر “خرجات عينيها بشوي ” اااااه اليوم راس السنة …

ياسين : نهار الاثنين غاتبداي عندي …

نوار : عندك فالبنك ؟

ياسين : وفين من غيرو …

نوار”ابتاسمت ” : ان شاء الله …

ياسين “هز فيها عينيه ونطق بجدية ” : نوار !!

نوار : نعام ..

ياسين : ارتاحيتي ؟

نوار : من اش ؟

ياسين : مني …

نوار “بنفي ” : عمرك ما ضريتيني لدرجة نتمنى نرتاح منك …انا الي مني لافوت …

ياسين : نوااار !! شنو هضرت اخر مرة ؟

نوار”حكات جبهتها جاتها الغمة وضيم بعد لحضة من تفكير وتردد حتى لقات راسها كتهضر شنو ما فخاطرها ” : ياسين انا من صغري وانا كنشوف دارنا وكلشي كيقوليا عنداك تحركي عنداك ديري هادي غادي ضرك رجليك …عنداك تمرضي …الى جاتني سخانة كلشي كيوقف ليا عند راسي …نوار متلبسيش هادي را غايضربك البرد …نوار رجليك …نوار ماتديريش

حتى يجي ويوصلك …الطوموبيل هي لاخرة مخلاونيش نقيصها حتى الى قلت ليهم غادي نولي نسوق كيضحكو عليا …ااايه عارفاهم خايفين عليا “نزلات ليها دمعة وشافت فيه هو لي مابغاش يقمعها بالعكس عجبو لحال فاش سرحات لسانها ” ولكن هادشي را كيخنق وبزاااف

بغيت حتى انا نكون فحالهم نخرج ميهضروش معايا نسوق طوموبيل …ندير الي بغيت بلا ميقهروني ويقمعوني تحت مبرر را متعرفيش وخايفين عليا …انا الحاجة الوحيدة الي كنعرفها هي كنقرا ونطيب …

ياسين : وشنو الي خلاك من لول ماتزعميش ؟ علاش حتى لدابا عاد كلشي بغيتي ديريه فخطرة ؟

نوار : نتا …

ياسين “رفع حاجبو ” : انا ؟ مفهمتش ؟

نوار : بغيت ندير كلشي باش تفرح نتا بغيت نعرف كلشي كتعرفو نتا …

ياسين : هادشي مزيان كيفرح ولكن نوار شي حاجات كنديرهم انا متقدريش عليهم …والي صعاب نعلمك ليهم غير قوليها تاحاجة متخبيها …

نوار”هزات كتافها وعينيها لتحت ” : ماعرفتش …

ياسين : انا شكون علمني ؟

نوار : تعلمتي راسك …

ياسين : تاحد مكيعلم راسو راسو …الي عرفتها جربتها وتعلمت ليها الي جاتني صعيبة دربوني عليها …تعلمت من صغري وتعايشت مع دنيا وزنقة وديابها …نتي هادشي مشفتيهش فصغرك وبغيتي تعلمي دقة وحدة ؟

نوار “الصمت ”

ياسين : حسبي راسك عندك عشر سنين وعاد بديتي تعلمي وتواجهي دنيا ولكن “هز صبعو ” فعايل عشر سنين مديريهمش كطيبي تبارك الله عليك …كتقراي هادشي الي بغيت مستقبلك عندي بدنيا قراي وثقفي وبحثي واندامجي مع ناس الي جاك براني تعرفي عليه غير بشوي بشوي وانا معاك …

نوار”كتسمع ليه ”

ياسين : الى نصحتك ونصحوك لمصلاحتك مانصحوكش حيث تزوجتي وعندك مسؤلية …نساي مسؤلية زواج “شاف فيها بجدية ” تعلمي باش توگضي لراسك غذا ولا بعدو الى مشيت عند الله واخا ماعرفناش عمرنا عند الله امتا اجلو ولكن ديما ديري بهاد الحساب را خاصك تعلمي لراسك هو لول عاد لناس بدرجة ثانية …دنيا وناسها وكحل راس فيها واعر …تفاهمنا ؟

نوار”حركات راسها ب نعم ”

ياسين : هادشي كامل مغاديش ديريه دقة وحدة غانبداو شوي بشوي …”حط ايدو على ايدها وكمش فيها ” غادي نبدا بحاجة مادامك جيتي عندي دوزي سطاج غادي ندخلك هاد شهر لمدرسة تعلمي طلقي رجليك فسوگان عاد سوگي معايا دقة بدقة …

نوار”هزات عينيها مصدومة ” بصح ؟

ياسين : نهار تنين بداي …بغيت منك حاجة وحدة الي ضراتك والي بغيتي تقوليها هضري معايا فيها …شوية بشوي خرجي شنو ضارك ونعالجوه …

نوار : لهلا يخطيك عليا ههههه”مسحات دميعاتها” …فيا جوع …

ياسين : هاهو الفطور جا وكول🦋🐺نور_الياسين (564)sana mina🐺🦋

يمكن لو كانت كتهضر معاه ديما بهاد الحوار الي هضرات بيه والي ديييما هو كيبغيها تهضر بيه وشحال من مرة كيوصل ليها باش تطلق معاه فحال هاكا …تطلق معاه نوار اللولة الي عرف الي كانت كتقوليه شنو ضارها قبل ميبغيها ويتزوجو لو بييييخير …

ياسين “كيشوف فيها كتاكل ميتة بجوع من تعب طريق وسفر ونعاس ” : بشوية عليك هاحنا هنا كولي بخاطرك …

نوار”شافت فيه ونقصات ” : هههه مكليتش ليل كلو كنت ناعسة حيث غير تعشينا وخرجنا …

ياسين : ماعليش بصحتك …

نوار : باقي مقلق ؟

ياسين : مناش ؟

نوار “رمشات فيه ” : من شنو وقع …

ياسين : داكشي داز …فحال هادوك الفعايل منبغيهمش ماشي عيب تقلقي عليا وتخافي عليا متعاوديش تخرجي وتمشي بهاداك التصرف الي درتي …

نوار : مغاتسافرش ؟

ياسين : السفر كاين خاصني ضروري نفك الكونطرا مع مول دار …

نوار”بقلق ” : غاتعطل ،

ياسين : سيمانة ونرجع على حسب …

بقات كتفطر وتاهو كيفطر معاها غير نقب صافي خلاها تاكل وتشبع ..الدنيا هي هادي الغيار كيوقع بين المزوجين هاهما تصالحو وتقادو ممكن غيارهم يحبس هنا ممكن يكون غيار خفيف من هنا لقدام وممكن يكون غيار اكبر …المشاكيل ولابد منها والعسل كاين ولكن را ماااشي ديما كيكون العسل والى تبعك كحل راس عول على عيشتك غاتولي قطران ….

رجع فؤاد من مراكش دخل لفيرما مدخل سلعة الي كلفو ياسين بيها او فؤاد الي تطوع باش يجيبها هو حيث عرف غاتجي مرتو خذا عليه الخدمة باش يهضرو براحتهم بلا ازعاج …

يامنة “واقفة هازا مقراج فايديها وطاس وصل لعندها مگفض كمايم القميجة باسها فراسها ” : مد ايديك تغسل …

فؤاد : الله يرضي عليك …”كيغسل فايديه بصابون والما شاف فيها ” ياسين ماجاوش. ؟

يامنة : مزال ماجاو …

فؤاد : يوسف ؟

يامنة : خرج مع مينة والحبيب وخالتي نجود غير هنا لمطحنة ديال زيت …

فؤاد “شد الفوطة مسح بيها ايديه ووجهو وتم داخل ” : مزيان …

يامنة “بان ليها اسامة جاي وهي تشير ليه براسها باش يجي وغمزاتو ” : بغيتي تبدل ،

فؤاد”حرك راسو ب اه ” : شوي وخارج لمراكش ثاني عندي منقدي …

يامنة : اه انا هنا عند دار سارة نشوف خالتي زهور را جات من سفر ونجي …

فؤاد : سيري …

مشات يامنة فطريقها حطات ايدها على كتف اسامة وغمضات عينيها ” …

يامنة : الله يرضي عليك وصبر الي قالها ليك ولا دارها سكت واخا ؟

اسامة “عينيه مغرغرين حرك ليها راسو ” : واخا ميمتي …

يامنة : انا الي عليا درتو خليت خوك داهم تخوا دار ومنك ليه …الله يسر ليك …”قادات شالها ومشات مخلياه دخل وقلبو كيضرب بجهد …من شحاااال هادي وهو باغي يخطي هاد الخطوة ومقادرش كل مكيشوفو كيبغي يبكي دم حيث مدور وجهو عليه …حتى وصل عند بواني الباب يلاه حط ايدو وتراجع ..

اسامة “صوتو بح حابس البكية ” : ياااربي كون معايا ياربي “عض ففمو تا بغا يحط ايدو ورجع يلاه غايتشجع حتى تحل الباب هز عينو لقاه واقف كيشوف فيه غير شافو ذور فؤاد وجهو وشاف قدامو مخنزر …

اسامة “صرط ريقو ..” : ال و و وليييد …

كان غايتخطاه فؤاد ويمشي حتى هبط اسامة لتحت عند رجليه بواحد القدرة واحد طاقة ماحسش براسو تالقا راسو عند رجلين فؤاد كيبكيييييييي ويطلب فيه ويزاوگ …

اسامة : الوليد الله يخليك سمح ليا وشوف فوجهي انااا غااالط ابويا غالط وطالب منك سماح يرحم ليك باك وميمتك وحنانة شوف فيا اباااا شوووف فيا وسمح لياا …رضا عليا الوليد راني كنتحرق وتوحشتك بزااف …

فؤاد “حس بالحريق فصدرو … شدو بايدو وغمض عينيه الي غرغرو ليه ولاو حمرييييييين ”

اسامة “كيبوس ليه فرجليه ويطلب حتى حط عليه🦋🐺نور_الياسين (565)sana mina🐺🦋

واحد المنظر كيبورش اللحم خصوصا ليه شهور ماهضر معاه صعيييييب تكون مخاصم مع باك او باك مكيشوفش فوجهك وباك عندك واحد الشخص الي مقدس مهما درتي او فعلتي مكتقدرش تخاصم معاه …خاصة اسامة مع باه فؤاد الشخص الي مكيقدش يهز فيه العين اي واحد الا ولادو الي عندو بدنيا مفششين عليه وقت الفشوش ومحتارمين وقت الاحترام كيفاش باك الي منع خوتو من انهم يمشيو فالحرام والبلية ونتا تضرب هاد الاشواط وتهرسو من هاد الناحية …كيفاش طلق ليك اللعب وخلاك دير ما بغيتي وتلوي ليه دراعو وتخدل ثيقتو فيك ؟ العقاب الوحيد الي عطاه وخلاه يتنجر من لداخل وهو فاش قلب عليه وجهو وهادي حاجة الي صعييييييييييييبة بزاف عند ولاد فؤاد رمسيس…

اسامة “حط عليه فؤاد ايدو من فوق كتفو وكمش عليه حتى هز فيه عينيه حمرييييين ”

فؤاد “ما نطق بحتى كلمة ولا حرف حك على صدرو الي حرقو عاد نوضو من كتفو تا وقف وقابلو معاه …شاف فيه فؤاد بنظرات ممزوجة بين جدية صرامة عتاب حنييين شي حاجة الي ميمكنش تفسريها الا لما كنتي اب او ام نضرات خاصين غير بالولاد فلذات الاكباد …”

اسامة : سمح ليا الوليد سمح ليا والله مابقيت قدرت على مخاصمتك ليا …كتشوفني كنضحك ومتلف الوقت ولكن را جيهتك ضلام الى مسمحتي ليا حياتي متنورش …”باس ليه ايدو ” كلنا كنغلطو وانا تعلمت من غلطي وهاني كنتعلم وباغي نتعلم …

فؤاد “عض على فمو وحد ايديه على حناكو ضربهم بخفة ضربات متتالية قبل ميقرب ليه راسو وباسو فيه …هنا نمل سرح فذات اسامة وعرفو بالي سمح ليه …عاد زاد فحدة نظرته وعينيه فعينين اسامة …زعما لا تعاود الكرة …خبط ليه على كتافو بمعنى الله يرضي عليك ومشا خرج مخليه جلس لارض داير ايديه بين راسو …

الكونطاكت او التواصل بين فؤاد ولادو معلمهم حركات وكلمات كلشي ما قل ودل لكن معانيهم كثيرة يعني بلااا منقوي الهضرة فهم راسك يعني بلاااا منكترو بلا بلا عرف المعنى ودخلو مع عضامك …فشكل تواصل ديالو معاهم والى طاح واااحد كيطيح نصو …او كيمرض كلو واخا هو شخص صنديد صرامة هي عنوان ملامح وجهو الا ان فلذة الكبد فلذة الكبد …

بقا شحال اسامة وهو جالس داير ايديه على راسو حس بيه بغا يطير من بلاصته وفنفس الوقت قلبو كيفرفر بالفرحة دابا عااا اكتاملت فرحته وغايعيش مزياان مرتاح البال …ناض مشا لبيتو يدوش باش يخفاف عليه راسو …

اما فؤاد كيف خرج من دار توجه ناحية الارض صونا ليه الفون مشا يهضر بخصوص الخدمة المتعلقة بموسكو …يامنة مشات لعند سارة لدارهم بقات معاها مخلية المجال لاسامة وفؤاد اما لاخرين فيييين كاينين ؟ هما الان فواحد من الكوريات الخاصين بدواجن …

يوسف “داير ايديه ورا ضهرو وداير البافيط (الكمامة على فمو ومنخرو ” : بان ليا دجاج كثير هاد المرة ؟

سالم : وااه …

مينة : مزيان …

سالم : ما مزيان والو خاص يتباع كلو كيما تباع وقلال كيما حسن الى بقا لحمو ميبقاش مزيان لماكلة غايبقا غير لبيض وخسارة غاتكون …

يوسف “شاف ف مينة ” : عندك الخرفان يعني الحوالا ودجاج خاصهم يتدفعو يتباعو ميبقاوش فزريبة …خسارة لمول شي فهمتي …

مينة : ااه فهمت …

كان الحبيب تاهو معاهم مشا هو لديك جيه كيهضر مع واحد تما كيعرفو من الخدامة كيوريه وسالم عيط ليه واحد استاذن منهم حتى يرجع ..

يوسف “ضار عند مينة مستغل الفرصة ” : شتي رزق ماليه كيداير كل وفين مصرف رزقو …

مينة : زوينة الفيرما وهادشي ولكن تمارتها صعيبة …

يوسف : تمارتها فوق تمارتك وتمارتي هذا رزق كيتفرق باش يشريوه ناس من رزقهم وكاين الي كيسترزق بيه …غا الكوري وحدو تمارته قاصحة بهايم دجاج حليب زيد لارض زيتون …زيد خدامة دخل هادي خرج هذا بيع شوف هذا عيط ليه فلان من دوار خور زيد بزاف وزايدها بخدمة البنك ….فين غايحط هاد راس عندو …

مينة : بزاف عليه الله يحسن العوان …

يوسف : عاد حضي الخدامة واخا داير فيهم ثيقة خصوصا سالم الي كان شاد ليه كلشي الا انه خاص يعاود من وراهم …

مينة : وكيفاش كان مقابل وهو فامريكا ؟

يوسف : مكلف جدو وفؤاد كيمشي يطل مرة مرة ياكد ليه وزيد هو من بعيد كيشوف اش دخل فالكونط ويحسب بدماغو كيعرف اش ناقص وحافض امتا سلعة كتوجد حسب كل فصل متخميش عليه …مخو مبرمج على داكشي …

مينة : فففف بزاف انا غير مشروعي وراسي ضرني …

يوسف : غاطلعي من مراكش ؟

مينة : مراكش جديدة قريب الحال دغيا …

يوسف “وقف وتقابل معاها ” : بنتي جيني نيشان الي فات داز والي دازت على راس بتعليمة …غيررو والي وراه والي جاي …ديريني صديق ديالك …من#تتمة_البارت….

غيررو والي وراه والي جاي …ديريني صديق ديالك …مناوياش ديري دارك ؟

مينة “سكتات وقلباات ملامحها لحزن ” …

يوسف : دار واليديك دارك الى ماهزيناك حنا شكون غايهزك من قلبو ؟ بلا بينا كاينة خدمتك فلوسك قادرة ديري بيهم ديور …”حط ايدو على كتفها ” الي داز بين ليك ولد لحرام علاش ؟ حيث نتي بنت الحلال ودعوة الله يبعد عليك ولاد لحرام …دنيا تجارب الى جربتي هادي عاودي وعاودي وبيها كتعلمي غا هو حاجة الى بقيتي هاكا غذا ولا بعدو دوز ليام وسنين وتعيشي الوحدة على كبرك لا راجل حداك لا ولاد ضايرين بيك …

#يتبع🦋🐺نور_الياسين (566)sana mina🐺🦋

لا راجل حداك لا ولاد ضايرين بيك …انا وميمتك معاك غذا ولا بعدو ربي يدي الامانة ها عمامك معاك غذا ولا بعدو كل شاد طريقو …الى خفتي جربي وعاودي جربي …الى مكانش هذاك غايكون لاخور …ديري دارك ووليدات الى مشيتي صباح تخدمي فاخر نهار تخرجي ونتي عوالة تحلي الباب ودفعيه تلقايهم عند رجليك كيتسناو فيك الى مالقيتي الحب فراجلك تلقاي فوليداتك الى مابغيتيش تعطيه الحب الحب غاتعطيه لوليداتك بمشاعر صادقة …دنيا مابغاتش غير تقصاحي على كلشي …

قصاحي على هادي ورطبي مع هادي واجهي وتواجهي …قصاحي مع البراني ورطابي مع دمك …الي جرا ليك را فااات ابنتي وكيف رجعتي وقفتي وتعايشتي مع الوضع تا وليتي هاكا قادرة تعاودي تعايشي مع راجل باغيك وشاريك …الى مكانش هذا الي خطبك يكون مع لاخور …

مينة “بغات تهضر”

يوسف : انا نصحتك حيث نتي بنتي حيث الى قلت ليك شي حاجة عرفيها را خرجتها من قلبي وباغي مصلاحتك وشكون غايبغي ليك مصلاحتك اكثر من باك ؟ …ماقلتش ليك وافقي عليه ولكن انا هضرت ليك بصفة عامة عليه وعلى الي بعدو …

مينة “حطات راسها على كتفو معنقة دراعو ” : عاارفة بابا …

يوسف : بغيت تجيبي ليا حفيد من لاخر …

مينة “جمعت حجبانها” : انا ؟ وعلاش ماشي نوار ؟

يوسف “دار ليها حركة بايديه كيولول ” : بلاتي تكبر هي بعدا ويييييييييليييييييي نوار تولد ليا حفيييد …هوهوووي …

مينة : هههههههههه …

يوسف : ههههه اودي الي سبقت فيكم هي هاديك مهم عطيوني حفايد وكترو ليا نهزهم وندور بيهم …قبل ميدي مول الامانة امانتو ..

مينة : الله يطول فعمرك

هادوك كانو نصائح من اب لبنتو نصائح من شخص فايت وعايش تجارب وكينصح من قلبو بنتو وما باغي ليها غير تكون فرحانة وبييخير خصوصا تجربة الي كرات منها مينة والي كانت كفيلة باش خلاتها سدات قلبها على الحب ولكن واش تفتح مرة اخرى ؟ ….

وصلات العشية تقريبا اذن العصر رجع ياسين ونوار من مراكش واستاذن ياسين من بعد ما بدل حوايجو ولبس حوايج باش يقدر يتحرك فالارض والفيرما …اما العيالات فا لبسو لباسهم وتحركو خارجين عند الباب ايام باش جاو قبل …

يامنة “كتقاد فشالها الي جا فنفس لون الجلابة الي لابسة …” : ميمة نجود ساليتي ؟

نجود “جالسة وكتلوح عليها شال ديال خايط كبيير ” : موجودة بنتي …

سارة : شربتي دوا بعدا ؟

نجود : شربتو بنتي شربتو …فين هي نوار ومينة ياك ماشيين معانا ؟

يامنة : لا غايبقاو تال مرة جايا …

تم داخل الحبيب عليهم خاشي ايديه فجيابو حتى وقف عليهم …

الحبيب : ميمتي امتا نجي انا ؟

نجود : مالك خف من رزقك ؟

الحبيب “حط ايدو على صدرو مخرج عينيه زرقين يخلعو ” : هييييي اناري غا سولت …

يامنة : ههههه ميمتي هانتا غاتمشي معانا حنا البنت على ما وراتنا سارة شفتها من بعيد وعلمت سارة مها وباها جي تشوفها هضرو تفاهمتو نخطبوها …

الحبيب : هاحح “جمع ضحكة ” صافي انا جاي لوح عليا مونطو وسبقوني ياكما بعاد ندي طوموبيل ؟

يامنة : هاهما غير فدورة اولدي هاحنا نتسناوك …

خرجو كيتسناوه برا باش يمشيو معاهم عند الناس الي موجدين گوتي وداكشي على حسب مجيتهم باش يشوف البنت الي شافتها يامنة مسبقا وخا من بعيد وعطاتها سارة عليها معلومات بحكم كتجيها …حتى وصل عليهم ريحتو تعطي موقف ليك شعر وضارب حطة يا سلااام الي مبغاتوش را مسخيطة هههه داز من حدا يوسف …

يوسف “طلعو وهبطو ” : عندك العقد ليلة ؟

الحبيب : لااا غادي غير نشوف ..

يوسف : هادشي غا شوفان وضارب هاد الحطة …

الحبيب : نتفاهمو بعدا لا تكون البنت مبززينها …

يوسف : والى متفاهمتو🦋🐺نور_الياسين (567)sana mina🐺🦋

واحد الدويرة هي مصلوووحة مقادة قدامها جريدة تهبل بغرسها وحداها الكلاب ضرووري الوسط القروي هو هذا فين ما مشيتي كتلقاهم ….وصلو عند الباب بعد الحبيب حادر راسو نقولو فرحان علاش الي ميكونش فرحان شخص بغا يكمل دينو اختار الطريقة التقليدية كاي راجل ممكن يختارها طريقة تقليدية قديمة شوي لكن فضلها بغا يجرب زهرو فزواج تقليدي من هاد نوع بغاها تكون صبارة معاه وخا هو شخص ضحوكي حنين بجهد صبار حتى هو غير ديفو فيه الى فات تا ناض وخا مكينوضش بسهولة كيكون خااايب ….

الام : مرحبااا وسهلا بلالة يامنة مرحبااا …

يامنة “بابتسامة حنونة ” : ترحب بيك جنة …

الام : زيدو مرحبا مرحبا…

سارة : فين امبارك اسعدية؟

سعدية : هاهو جاااي …

سارة : ها الولد برا ميدخلش الى ماجا الحاج …

السعدية : هاهو “بان ليها جاي كيقاد فطاقية ويعقد فسمطة سروال عاد خارج من طواليط وحالتو مسخة حاشاكم …مالقات فين تخشي وجهها ” …اهههه هاهو زيد امبارك دخل خو الفحم …

يامنة “شافت ف الحبيب وشيرات ليه براسها زعما هاحنا سبقناك ” …

دخلو هما وجا لعندو سلم عليه كتبان ايد الحبيب بلقاااا ونقية على ايد لاخور تحشم تحط عليه ايدك وتوسخها ليه هههه …

مبارك : زيد مرحبا ولدي “تگرع واحد تگريعة تا بغا الحبيب ينطحو ” …

الحبيب : الله يحفضك …غير سبقني انا وراك …

بالفعل سبقو والحبيب غادي وراه مكمش ملامح وجهو جاب ليه الردة بدوك الحركات وفمو خلاص الى ضحك تقولي صدى طالق فيهم …هذا نوع من الناس وصافي …دخل هو وياه لصالون المجاور لصالون فين جالسين العيالات …الي تفتح فيه الحديث كالتالي …

نجود : ايوى فين بنت الناس …

سعدية : كاااينة نتوما مالين الخير …

نجود : اش سماها الله ؟

سعدية : نبيلة ….

يامنة : ماشاء الله …

سعدية : نهار كبييييير هذا دار رمسيس ودار الفحم ناس الكرم …لا كتب الله نسوبية الخير …

يامنة : ربي يخليك اسعدية فينهي ؟

سعدية “عيطات ليها ماشي عيطات انما غوتات تا قفزو نجود سمات الله ” : واااااا نبييييييييييييلااااا واااا نبييييلة …دخلي بنتي دخلي …

سارة : ياربي على غوات هذا يا سعدية تي شوري …

سعدية : يلاه تسمعني راها دايرة دوك الكوتورات فودنيها …

يامنة : شنو دايرة ؟

سعدية : زكتورات دوك الي معندهم خيط …معرت كيسميتهم بوديزات …

يامنة “معرفت ماتقول حيث عرفتها قصدات ايربودز AirPods ” : اااه وماعليش هذا هو جيل …

واحد شوي ماشي بزاف حتى تسمع صوت الباب كيدق ودخلات واحد البنت اش نقولو ماااشاء الله زين راه زينة عينيها زرقييين فحال الحبيب وشعرها مارون مايل لشهوبة مبيطبطة وشعرها قصير …لابسة بيجامة تروا بييس بنوارها غوز وهي بيضة ومزوقة بالغوز من تريكو وسروال خاشية ايديها فجيب واجايا حادرة راسها حشمانة زعما …حتى سلمات عليهم وجلسات حدا مها ..

السعدية : هاهي نبيلة …

يامنة “كتشوف فيها ” : ماشاء الرحمن بنتي لباس عليك …

نبيلة “حركات غير راسها ”

سارة : حشمانة ههههه تبارك الله …

نجود : تبارك الله ..بنتي الى تفاهمتو متسالينا غا مبارك ومسعود …

سعدية : هاهي بنتكم الي درتوها مرحبا بيها …ياك بعدا غايسكنها وحدها ؟

نجود “ضحكات ” : هههه وشوفي هو ابنتي …

سعدية “كتدوز بايديها على رجلين بنتها وتهضر بكل وقاحة ” : وابغيناها تكون بدارها وحدها سكنة مجموعة تجيب غالمشاكيل وتبارك الله نتوما ولاد الخير را يجيب ليها تا فيلا …

يامنة : الى تفاهمت معاه هو متسالنا غا الله يكمل مسالة السكنى الحاجة را هو الي غايتفاهم معاها عليها حنا ولادنا مكندخلو فيهم يكفي القلب يكون طيب مافيه لا سم لا حقد …

سارة : وميكونش طمع هذا ماكان …

سعدي : ويادلي الطمع را شين (خايب )والي طمع را يرجع عليه …

سارة : وبالمعنى والفاهم يفهم …

يامنة : واخا يهضر معاها ؟ الى ماليها تا مشكيل .،.

سعدية : وايلي على الي ميهضرو مرحبا عيطي ليه ولا بنتي دخلي الب🦋🐺نور_الياسين (568)sana mina🐺🦋

بالفعل ناضت هي ومها… ساااكتة لحد الان البنت مزال مهضرت ما يمعو صوتها ما تكلمات معاهم ماعارفو تا واش كتهضر ولا زيزونة ولا ضاربة مها اللقوة …بعدا الطابلة را معمريييينها من طقطق تال سلام عليكم بكاع الي تحب الخاطر والي عندهم داكشي الي قسم الله مهم مخلاوش كيف معروف على ناس العروبية وطبعا را كاين الي سقرام وكاين وكاين ناس اشكال والوان …دخلات لبيت فين كيتفرجو فتلفازة لقات خوتها ناعسين وهازين رجليهم مركزين مع تلفازة كيتفرجو فرسوم حتى قفزتهم كتجري عليهم بصندالة ….

سعدية : بركي هنا تايجي الولد …

خلاتها وخرجات واحد شوي حتى كتسمع تحنيحنتو داخل حادر راسو …

الحبيب : سلام عليكم …

نبيلة “الصمت” …

الحبيب “جلس مقابل معاها شابك ايديه باش يبدا الهضرة وتهز فيه عينيها الي فحال عينيه ” : لباس عليك ؟

نبيلة “كون غا سكتات وما نطقات واااحد صوت طلقات ليه كون مكانت قدامو قول بياع سردين واحد صوت مدعدع تقولي راجل فهيئة انثى ” : الحمد لله ونتا …

الحبيب “مع خلعاتو وحلت ليه تا ولا يكحب ” : كحكح كحكح احم بيخير “دار ايدو على قرجوطتو ” كتقراي ،

نبيلة “شمرات على دراعها تا يحساب ليه غاتسلخو ههههه ” : الواهيا اش نقرا كبيييير كاتريام من تما وانا نتسنا فمكتوبي الي يخطبني ويشري ليا ايفون …

الحبيب”خرج عينيه ” : هااا ايفون ؟ ايناهو ؟

نبيلة “جبدات من جيبها ايفون سانك محرود من لور وفيه صباغة ضفار معلماه بيها ” : الي فيه تلاتة الكميرات ايفون اكس ماكي …

الحبيب “زاد خرج عينيه ” : هادشي عارفاه عارفا سيري ديالو يلاه خرج …شريتو انا بعدا …زيدي كملي فين عرفتيه …

نبيلة : فيس وانسطا …

الحبيب “حك قرفادتو ” : عندك انسطا غرام وفيس ؟

نبيلة : عندي ربعة الكونطات ديال فيس جوج داخلة بيهم فوكونط كروبات دراري خهههههه …

الحبيب “حل فمو ” : اش كديري عندهم ؟

نبيلة : كنعرف اش تحت راسهم هههههههههه

الحبيب : واش لقيتي ؟

نبيلة : لقيت واحد قاليهم بغا وصفة تبييض منعرف لاش(القلا*** ) …

الحبيب : صافي صاااافي سكتي …هادشي داخلة ليه فين كتعرفيه خاشية راسك فهاد تفاهات ؟ شحال فعمرك ؟

نبيلة : سبعطاش العام شهر جاي ندخل فتمنطاش …

الحبيب : دخلي فحايط …احم بالعمر طويل ان شاء الله …

نبيلة : عطيني واتساب نهضرو فيه ؟

الحبيب : بلاش تبقاي ترسلي اوديو تغالطي ليا مع ايساف صاحبي …خلي تنرجع ونعطيه ليك ان شاء الله …

نبيلة : خدام ؟

الحبيب : لا كونجي كنقلب على خدمة …

نبيلة “جاها ميساج ودخلات قادت الايربودز فوذنيها كتسمع الاوديو وتضحك ” : خههههههههه

الحبيب”طلعها وهبطها هي زين را زييييينة تبارك الله ولكن باش نفع هاد زين والعقل لاروب ومن فوق صغيييرة ناااري وقتليه مياخذهاش صغيرة …حنحن شافت فيه ” : حطي داك تيليفون نهضرو …

نبيلة : غاا ميساج حيث لحت فيديو ف طيكطوك …

الحبيب : طيكطوك !! لا حول ولا قوة الا بالله …شوفي فيا …عمرك صغيير ابنت الناس كون كملتي قرايتك وولد ناس غايجيك فينما كنتي واخا كتقراي ماشي تجلسي تسنايه هاد الوقت غييير وقت باك ومك وواليدينا …هادشي فاش خاشيا راسك را مينفعك بوالو فقرايتك غير تضياع الوقت وتشوف مشاكيل ناس وصلت ونتي مضيعة وقتك كتقراي مشاكيلهم ….

نبيلة : وبا خرجني ومي قالت ليا غانتزوج ولد رمسيس الى بغيت …

الحبيب : ولد رمسيس را باغي مراة ديال زمان ماشي مضاربة مع طيكطوووك “كيعيب فهضرتها” باغا ايفون اكس ماكس ايه ومن تولدي غذا ولا بعدو ؟

نبيلة ؛ غانجيبو ليه الخدامة تقابلو …

الحبيب : ونتي اش كتصنعي …

نبيلة : نرضعو ونصورو لوحو فسطوري ونضرگ وجهو ب نونوس …

الحبيب : ولادي فعار الله …

نبيلة : مبغيتش نقرا انا بغينتزوج …

الحبيب : بغينتزوج !! بغيتي تزوجي ؟ واخا الله ان شاء الله ..”جمع الوقفة ” الله يسهل عليك احم “حنحن وخرج من البيت نيشان لبرا تابعو مبارك يجري ويعيط ليه …

الحبيب : بلغ الحنانة هاني سبقتها لدار …

مبارك : امدرا تفاهمتو شي وكان ؟

الحبيب “حك لحيتو ” : بنتك عندها سن القانوني باقي موصلاتو اشريف اشمن زواج هذا ؟

مبارك ؛ ومالها مها راني خداها على سطاش ونص …

الحبيب ؛ اللهم بارك ..يكون خير الشريف تانهضرو معاكم “ابتاسم ليه. ومشا ” …

ايوى هذا هو الحال ماشي من اول مرة غايلقا بنت ناس وممكن جدا يلقاها من مرة لولة و🦋🐺نور_الياسين (569)sana mina🐺🦋

رجعو من عندهم مخلين ليهم هضرة مفادها حتى نعيطو ليكم ويكون خير هذا هو الحال سوا رفضو او لا متفاهموش مكيقولو والو جملة كتقال ها حنا على تواصل تنعيطو ليكم تعييطة تانية كتاكد انهم بغاو البنت على سنة الله يكفي انهم يرجعو يتفاهمو على الخطبة اما الى معيطوش ف النصيب هو هذا الخير فالي جاي …

اليوم الاثنين هو اول يوم غادي تبدا فيه نوار الخدمة الى جانب زوجها …واليوم عاد غاتشوفو مزيان حيث امس والي قبلو كان مشغول مكيجي حتى كيلقاها ناعسة …اول ماحلات عينيها حلاتهم على دغدغات بوساتو…

ياسين : شنو وليتي كتنعسي بزاف نتي …

نوار “ابتاسمت وهي مغمضة عينيها ومخربق شعرها ” : ولفت نعاس ههه امتا جيتي ؟

ياسين : شوية هذا كانت عندنا واحد الضروبة (بقرة ) كتولد …

نوار : واااو فحال هاديك ديال ديك المرة ؟

ياسين : هادي شوي صعيبة فتح ليها …

نوار”حطات ايدها على فمها ” : الله مسكيينة …

ياسين : يلاه “ضرب ليها ترمتها ” نوضي دغيا نمشيو “شاف فساعتو “الخدمة كتسناك …

نوار”حسات بقلبها كيضرب يكذب عليها الكذاب الي يقول راها مرتاحة ابدا واش مرتاحة يمكن اول مرة غاتدخل فعالم الجدية ديال ياسين عالم صرامة الخدمة ديال بصح …الكد والعمل ديال مافيش يما ارحميني هي هادي ديالهم …حنحنات ولات ناضت من فراشها قاداتو مخلياه كيكمل لباسو ودخلات هي لدوش تقضي حاجتها وتغسل ….”

ياسين : متعطليش انا لتحت نكمي ونهضر مع الوليد …

نوار : واخا انا دغيا نهبط …

خرجات جبدات ماتلبس …قميجة بيضة طويلة حد ركبة وفوق منها جيلي فالصومو وسروال دجين وصباط فحال البوط فيه سوميلا ديالو مقادا ليها العبار ديال رجليها …مشطات شعرها وطلقاتو دارت عكر غوز خفيييف ورشات بارفانها هزات صاكها فيه لوازمها ونزلات لتحت صبحات عليهم شربات دواها وفطرات عاد خرجات عندو لقاتو واقف مع فؤاد …

ياسين : فطرتي مزيان ؟

نوار”كتدخل خصلة من شعرها لصقات على شفايفها مع العكر ” : ااه فطرت …

فؤاد : اللهم يسر ..

ياسين”عنقها بجنب ولاح الكارو عيف عليه ” : الوليد ملتقانا عشية …

فؤاد : في امان الله …

دخل فؤاد لداخل وركبو هما فسيارة ماهضر ماتكلم انطالق خرج من الفيرما وشد طريق البيست تا خرج طريق الرئيسية عاد شدها طوالة حتى وصل لمراكش وضرب دورة شد طريق البنك مسافة ساعة لاروب من الفيرما لبنك حتى لقاتهم قدام البنك …

ياسين : بلاتي …

نوار”ضارت شافت فيه هز كلينيكس وحطو على فمها جبدو ليها تا حرقها ” : اييي علاش …

ياسين : الخدمة تكون هي هاديك المضهر كاين ميحتاجش داك الصباغة في فمك مصبوغ من عند الله …

نوار : وهادشي الي كنعرف انا غير بغيت نديرو ممعيقش …

ياسين : انا جاني معيق …تحركي نزلي …

نزلو بزوج بيهم عطا ساروت لسيكيريتي ودخلو لبنك اول حاجة ضار جيهة الجناح الي لتحت وهي تابعاه تا وصل عند الموارد البشرية …

ياسين : شريف …

شريف “ناض كيجري لعندو ” : سي ياسين …

ياسين : مدام نوار رمسيس مولات سيفي الي عطيتك نهار جمعة …

شريف “ابتاسم ليها ” : مرحبا مدام …صافي كون هاني …

ياسين “ضار لعندها ” : يلاه انا طلعت الي خصاتك هاهما غيمشيو معاك دقة دقة …

نوار : مغانطلعش عندك ؟

ياسين : لاش ؟

نوار”رمشات فيه ”

ياسين : خدمتك هنا على حسب النيفو ديالك ..الله المعين “طبطب عليها ومشا لسانسور طلع مخليها مع الولد الي وراها فين تمشي …”

في هاد الاثناء هو طلع لفوق مشا نيشان لمكتب ديالو معيط لكوادر الكبيرة باش يبداو الاجتماع من هنا عشرة دقايق …اما هي مشا معاها الولد حتى لواحد الكونطوار فيه ربعة الكراسا كاين فالواجهة عند الاستقبال …

شريف : هادي انصاف وهادي منال وهادي ياسمين …ياسمين وانصاف سطاجيير معاك …هادو اسبوعين باش بداو هما غايوريوك كيفاش تخدمي بالنسبة لشي حد بغا يسحب من الرصيد ديالو مبلغ قليل ..الي مفهمتيهاش اكثر ها المكتب عارفاه فين …

نوار : شكرا …

ابتاسم ليها ومشا تعرفات على البنات تما غير ابتسامة وسلام فقط بدون متداخل معاهم وعاطية تيقار بانية حاجز بيناتهم لا يتخطى سوا سلام وهضرة الخدمة …بدات البنت كتوريها فالبيسي حتى تحط الملف بجهد كاع وراقو تشتتو وواحد تشير جا لنوار مسكينة فوجهها غزلان : شنو هاد خدمة زبل ؟؟؟ …”طلعات وهبطات فيهم اما نوار تحدرات حيث الملف عم🦋🐺نور_الياسين (570)sana mina🐺🦋

ماا رداتش البال كاع شكون ضربات هي وصلات وضرباتهم بدوك الوراق هبطات من الفوق مشربنة عليهم …خلاتهم كيتفتفو الا نوار الي بقات شادة عينيها وتحك فيها حيث قصحاتها فيها …

غزلان : شنوووو هاد خدمة زبل ؟؟؟؟

ياسمين “كتفتف” : ش ش ش شنو ل ل المشكيل مادموزيل غزلان ؟

غزلان “صرخات بجهد ” : شنووو هاد الويل فالحسابات ؟؟؟؟ اش هادشي كلشي مخربق التاريخ ممنضمش والو شهاد روينة الكحلة ؟؟؟”شافت ف نوار الي مزال مرداتش ليها البال ” ايييي مادموزيل نتي ؟

نوار”كتحك فعينها الي دمعات ليها بجهد ” : ايييي اييييي …عينييييي …

غزلان “ضارت لعندها كتشوف فيها وجهها ماخافيش عليها ” : شكون نتي ؟ واش ،…

ياسمين : مدام نوار رمسيس عاد التاحقات بسطاج ليوم …

غزلان “خرجات عينها من صدمة تا دارت ايديها على حناكها ” : وييييييييل شيطااااان …واش ضربتك ؟

نوار “كتحك ضواو كيضربو فيها ” : اييييي اهى اهى …

غزلان : ويلي ويلي ييييييي …نوضي حبيبة ماشفتكش نوضي غسلي عينيك ..”حطات عليها ايدها ”

نوار”دفعات ليها ايدها وناضت ” : عافاك وريني طواليط …”مشات معاها ياسمين مخليا غزلان كتشوف وتولول …دخلات غسلات عينها الي بقات دايزة ليها بدموع وتغمضت ليها مقدرتش تحلها بزز …كتخوي الما وتنش عليها الهواء بايدها …حتى خرجات كتمسح فيعينها ودموعها دايزين بحر ضربة ماشي حيث كتبكي …جلسات كتنش وما كتشوفش فغزلان الي بغات طل عليها وخافت تصدها كيف دارت ”

غزلان : صافا دابا ؟

نوار “بنفخة ” : مزيانة مرة جايا شوفي مزيان “زمات فمها فحال تفقصت وتسممت ”

غزلان “صرطات القمعة بزز ” : اربي سمحي ليا والله كاشفتك تعصبت مع الخدمة ترونات “خنزرات فهادوك ” تحركو صلحو المشكيل من هنا نص ساعة يكون عندي …”

ياسمين : واخا دابا نقادوه …

مشات غزلان كتدور وتشوف فيها حتى طلعات لفوق اما نوار بقات شحااال وهي كتنش بزز باش همدات عليها …

ياسمين : ختي شوية ؟

نوار”حركات راسها باه ” : شوية …

ياسمين : انا نعاونك انصاف غاتبقى مع منال يصححو الغلط الي وقع …

نوار : واخا اجي نكملو …

كمدات ضربة الي تضربات مابقاتش جبدات الهضرة رجعو البنات او ياسمين خاصة كتوري فيها وكيستقبلو الناس الي كدخل كتعالج مشكسل او كتستفسر او كيشرحو ليهم طريقة البنك وشروط باش يشجعو الناس تفتح عندهم حاسب بنكي او يبقاو مستمرين فالتعامل معاهم …

انصاف : ختي ياسمين واش تقدري تطلعي ليها هاد الوراق ،

ياسمين : خاصني نكمل هادشي مع السيد بغا يكمل الحساب ديالو …

انصاف : وانا مع السيد لاخور ومنال طلعات عند عماد يعطيها الوراق تكوبيهم …

ياسمين : تت شنو غادبري تسنايها تتنزل تبدا علينا ثاني…

نوار”كانت خاشية راسها ف لبيسي كطابي شنو عطاتها حتى هزات عينيها ” : انا نقدر نطلعهم ليها …

ياسمين : مازال متعرفيش ليطاج …هههه ولا توحشتي موسيو …

نوار”حمارو خدودها ” : ا ههه لا غير نعاونكم حسن ماتجي تبدا تغوت …

ياسمين : ماعرفتش “شافت ف انصاف ” تقدر تمشي هي ماشي مشكيل ؟

انصاف : معندكش مشكيل اختي سيري مزيان نيت باش تحفض هنا …”مدات ليها الملف ” هانتي را طاج ثالث غاتمشي نيشان المكتب الكبير ديال مدير را بجنبو مكتب فيه شاف ديال فينونص را هو هذاك …الى ماعرفتيش فدخلة ينعتو ليك مكتب غزلان …

نوار : واخا صافي كوني هانية “قادات الحوايج وناض قابطة من عندها الملف تمشات تالسانسور وركات على رقم طاج وطالعة قلبها كيضرب وجهها مزنگ ولكن حالفة تا تمشي وتشجع باش ماتبقاش ديك الرهبة وتوتر الي كتكون فيها ….وصلا فين نعتات ليها انصاف ووقفات كتشوف …وتقلب بعينيها….حتى وقفها صوت ….

شنو بغيتي ؟؟؟

ضورات وجهها ناحيته وهي تبتاسم مغمضة عينيها الي ولات وحدة منهم ح🦋🐺نور_الياسين (571)sana mina🐺🦋

ضورات وجهها ناحية الصوت الي سولها شنو بغات وهي تبتاسم ليه …ومخبية التوتر ديالها بابتسامة الكيوت الي على وجهها …

نوار : بغيت مكتب شاف المالية …

عماد : واش نتي جديدة هنا ؟

نوار: اه انا عاد بديت سطاج هاد صباح …

عماد : شنو بغيتي الاخت غزلان ؟

نوار “وراتو الملف ” : ملف فيه الاوراق الي صححنا فيهم الغلط الي وقع …هي عارفة ..

عماد : اممم …”بدا ينعت ليها ” هانتي راا المكتب ديالها عنداك تغلطي ودخلي لمكتب سي ياسين يصدق جاري عليك نتي ووراقك تابعينك تاهما هاربين …

نوار”ضحكها حيث عارفة ياسين كيداير ” : هههههههه “شدات فمها ” صافي ههههه صافي واخا …

عماد “صغر عينيه ” : واش عينك فيها شي حاجة ؟

نوار”حطات صباعها على عينها” : ل لا علاش ؟ واش باينة ؟

عماد : حمرة بزاف …شوفي شي حاجة ليها اختي مهم مكتب غزلان هاهو …

نوار”ابتاسمات ليه وحدرات راسها ” : شكرا ..”مشات مخلياه تاهو مشا لخدمتو كيف وصلات المكتب طلات من بعد ما قرات البلاكة وتاكدات انه مكتب غزلان دقات كتشوف المكتب فارغ …بقات واقفة حتى تحل باب المكتب ديال الاجتماعات وخرجات منو وجهها مزير ومزروبة ” …

غزلان “شافت فيها وخنزرات واحد اللحضة عاد تداركت ورجعات ملامح عادية بزز ” : احم نوار !! “شافت عينيها وقلبها نزل لركابيها ” مدرتي والو لعينيك ؟ …

نوار”ببرود ” : ملف الاوراق هاهما تصححو بغاو يجيبوه لكن كانو لي كليون مقدروش يخليوهم …

غزلان : ودخلي بعدا “بغات تدير اي حاجة ولا قفارت على جد باباين مها هاد نهار ” دخلي عافك ندير ليك لعينك شي حاجة “شدات حناكها ” وييييليييي اش درت …

نوار : لا بلاش شكرا …”مدات ليها الملف ” …

غزلان “قبطاتو من عندها وعينيها على عين نوار الي ولات حمرا …جات تهضر وهي دور نوار وتمات راجعة …”

فهاد اللحضة خرج ياسين محيد فيست غير بقميجة وگرافاط مگفض كمايمها وشاد فايدو ستيلو خارج مخنزر وحجبانو مرفوعين لسما سااابعة …

ياسين “صرخ بالنداء على عماد وهي تجي عينو فنوار غاديا حتى وقفها بصوته ” : نوار !!

نوار “وقفات وضورات غي نص فراسها ” : وي موسيو …

ياسين”رفع حاجبو من كلمة ويي موسيو مينكرش انه عجبو الحال فهاد اللحضة يعني اول حاجة كطبق هي التعامل بهاد الالقاب والاحترام اثناء العمل وفصلات الحياة الشخصية على العملية ” : كاين شي مشكيل ؟

نوار”حركات راسها ب لا وعينيها عليه حمقها المنضر ديالو فهاد لحضة فييينك اياسين الفلاح دابا كتشوف فيه ياسين المدير الجدي الوسيم الجذاب …قلبها بغا يخرج من بلاصته مكرهاتش طير عليه تشبع فيه بوسان وتعناق ريوگها دازو عليه فهاد اللحضة حتى بغات تنهد …” : احم نن غير جبت شي وراق لمادموزيل “شيرات ليه لغزلان ” غزلان …

ياسين : داكوغ الوغ بلاصتك كملي الخدمة …”صغر فيها عينيه كيشوف فقنت عينيها حيث عاطياه غير بنص الوجه وكتهضر معاه من بعيد ” قربي هنا …

نوار : ها علاش ؟

ياسين “رفع حاجبو ”

نوار : واخا …”قربات ليه شوي كتمسح فعينها حتى قربات وهي تهز وجهها الشي الي خلاه خرج عينو فيها …

ياسين : عينك ؟؟؟ عينك مالها ؟؟؟

نوار “كتشالي بايديها تنفي ” : والو والو “غزلان بغات تسخف على وقفتها يلاه غاتنطق تقوليه راني ضربتها مشفتهاش ” والو غير وراق طاحو وجاتني جنب ورقة فعيني مشفتهاش …

ياسين : كيفاش مشفتيهاش ؟؟ نوار !!

نوار : والله غير حادث بسيط متديرش فبالك والله …

ياسين : كضرك ؟

نوار : غير شي شوي …

ياسين “عض على شفايفو شحال عاد نطق ” : واخا سيري خدمتك حتى نجي …

نوار : واخا واخا …

تحركات هي هبطات وهو عيط على غزلان الي طارت كتولول مشات جابت شنو خاص كملو اجتماع بزربة وخرجو الموضفين من عندو وهو بزربة ناض تحرك خرج من المكتب ..

ياسين “غادي كيشوف قدامو داز من حدا عماد ” : عماد تبعني تحت عند ايمن …

عماد : واخا سي ياسين …”ضار عند نسرين ” ناااري اش بغا ايمن ؟

نسرين : ويلي ايمن كاع ؟ شي ان تما بغا يعرفها …

عماد : واخا نتحرك قبل ميخلطني …”طار من حداها تبعاو نزل هو وياه لعند ا🦋🐺نور_الياسين (572)sana mina🐺🦋

رجعات لعند البنات ورجعات كتكمل خدمتها والي موضفات تما كيعاونوها ومعاها البنات الي سابقينها وحتى الولد الي وصاه عليها مرة مرة كيجي يشرح ليها ولا تمشي عندو كتعطيه الخدمة وفنفس الوقت كتسولو وكيشرح ليها يعني بخصوص قرايا والخدمة دماغها محلووول ليها وشي لاخور هبيلة وقالو ليها زغرتي …او يمكن تاحد مكيفهمها الا القليل وطبع نوار من الطباع النااادرة ….

نوار”جالسة منغامسة مع الخدمة حتى تحطت الميكة ديال صيدلية عند وجهها هزات عينيها لقاتو واقف ” : ي ياسين …

ياسين “كيشوف فساعتو ” : بوز الغذا هادي نوضي تغذاي …

نوار “شافت فالبنات الي دخلو وكيشوفو فيه ” : واخا انا نخرج من باج ونوض …

ياسين : يلاه …

خرجات من باج وهزات صاكها دارت فيه تيليفون وهزات ساشية ديال صيدلية وضارت لعندو حط ايدو على كتفها مدرعها حتى خرجو من البنك ركبو فالسيارة …

ياسين : هزي راسك وحلي عينيك

نوار “دارت شنو قاليها ” : ولات شوية والله …

ياسين : انا كنشوفها ماشي شوية …بلاتي ونتفاهمو على الورقة الي ضرباتك ياك ؟

نوار”دار ليها تقطيرة فعينها تا غمضتها بدات تحرق فيها ” : تححح حرقتني …

ياسين : صبري …

نوار : فففف اهى حرقتنييييي اييييي …هفففففف هفففف اهننن …

ياسين”تقاد فبلاصتو وكسيرا بطوموبيل غير تما حداهم فواحد ريسطو ماحتال يوصلو همدات عليها …نزلات من سيارة كتمسح فعينها حتى دخلو وجلسو لداخل …طلب ليهم اكل وشاف فيها ” : هادي استثنائية …فالعادة الماكلة كتجي لهنا ولا كيجيبوها معاهم ولا كاين الي كيتسنى تيخرج مع ربعة …

نوار : نتا حتى كتحي عاد كتغذا ولا كتغذا هنا ؟

ياسين : الى كان فيا جوع كناكل هنا ولا نخرج نتغذا ولا غالبا حتى كنجي ولا كنتغذا مع الكليان …

نوار : غانولي نجيبو معايا احسن …

ياسين : تقدري تفيقي بكري ؟

نوار : لا فحال ماما كانت كتوجدو لبابا فلليل الى تشهى ماكلة دار ..هاكا غاندير ..”حكات راسها ” هههه حيث خاصني ناكل سلاد باربا على حسب دوا وماكلة الي خاصا بيا …

ياسين : الي بغيتي والي خاصاك نجيبها ليك ولا خوديها …غير تبعي دواك مزيان …”شاف فيها كيكاكد شوفة ” وجهك جاني ولا صفر بزاف …

نوار”عوجات فمها ” : ماعرفتش ماكلتي هي هاديك وخا وليت كناكل بزاف هاد المرة …

ياسين : من الخير …

تغذاو وكلات مزيان اما هو كلا علاش قد صافي ولحد الان راه مكااااااالمي مداير تا رد فعل علاش وكيفاش الله اعلم …تا كمل وقت الغذا ورجع هو وياها …خلاه دخلات وطلع هو بدل نظرته لنظرة حااادة نظرة ديال القرطاس المشربنة الي لا اله الا الله ….

وصل الطابق وتم غادي مشربن مخلي عماد كيعيط ليه ماداهاش فيه حتى وصل المكتب حلو عليها بجهد شافت فيه وهي توقف كتفتف …

غزلان : م موسي موسيو ي ياا سين …

ياسين : جلسييييييي “غوت تا سمعوه برا…”

غزلان “جلسات بجهد تا تزدحت ” : هاني هاني …

ياسين “حط ايديه بزوج عالمكتب خبطهم تا قفزت من بلاصتها مشا بيها الكرسي وجا …هز فيها عينيه حتى رجعات بلور ” : لاليااااتك المخيرة فيهم فايتاك فشواهد ستين شهادة فوق ماستر وقابلة باش عطاها الله …ونتي ماستر “هز صبعو ” وااااحد اشريفة خرجتي بيه العجب …

غزلان : والله اسي ماق”غوت حتى غمضات عينيها ”

ياسين : صوووووتتتك منسمعععععش حاااااااسوووو …اااااخر مرة ااااخر مرة تنفخي على شي موضف بلا مبرر رسمي وديال بصح وكتنفخيش عليهم …”خنزر فيها عينيه خارجين ” دااابا تعتاذري منهم “قرب لعند وجهها ” عرفتي علاش ؟ حيث الغلط الي وقع غلطك نتي …”شير ليها بعينيه لوراق ” الحساب خاص بالمالية المفافية فخدمتها وهازا شوكتها على لالياتها….

#فلاش_باك…

ايمن “مدير قسم المراقبة بالكاميرات ” : يمكن مشافتهاش اسي ياسين

ياسين “مربع ايديه صعرة ركباتو وبزز خاصو يكبت اعصابو ” : عماد الغلط ديالهم ؟

عماد “كيقلب فالبيسي ” : سي ياسين الغلط فالحسابات عندها هي غزلان معرفتش علاش دارت ليهم هما هاكا …وخا هكاك عاودو من لول وجابو ليها …

ياسين “كزز سنانو من تريكة المنصوري وميجي منها ” .

#عودة …

ياسين : دااابا تحركي اعتاذري منهم …وحدة بوحدة …”غوت تا طلو الي 🦋🐺نور_الياسين (573)sana mina🐺🦋

ناضت على وقفتها بغات تبكي مرضاتش ومرضاتش ابدا وبغات تبكي وجاب ليها الرعب بغواتو حتى قفزات وناضت كتقاد فحوايجها خرج من المكتب ديالها ودخل لمكتب ديالو يكمل خدمتو …

ياسين “هز الفيكس ” : فاش طلع شاف المالية من عند البنات لتحت عيط ليهم بربعة …بربعة يكونو عندي …الا سطاجيير الي بدات ليوم “حط الفيكس ورجع يكمل خدمتو …”

اما هي كيف قالها ليها نزلات لعندهم تال لتحت وداك الشعور تعتاذر ليهم را من فوق خاطرها فهاذ اللحضة كرهات راسها ونوار كلها الي تسببات ليها فهادشي …

غزلان : البنات “من فوق منخرها ”

مناال “جات وقفات وشافو فيها البنات لاخرين ” : وي ختي غزلان …

غزلان : مادموزيل غزلان …احم كنعتاذر على مشكيل قبايلا …مهم الغلط مني انا …

انصاف : را هادشي فاش كنشوف وخا هكاك عاودنا طابينا من لول …

غزلان : صافي را قلت المشكيل من عندي …”شافت فنوار ” سمحي ليا نوار …

نوار “غمضات عينيها بابتسامة صفرا ” : مادام نوار …

غزلان : نوار !! كترادي معايا؟ واخا نتي مرات المدير مكيعنيش قلة الاحترام …

نوار “هزات كتافها ” : الاحترام را على كلشي ماشي على الي فوق من لاخور فالرتبة …هادشي الي تعلمنا الاحترام مطبق على كلشي كيبقا غير الخدمة الي موزعة على حسب منصب كل واحد …ياك ؟

غزلان “جمعات نفس وغمضات عينيها بنفاذ صبر ” : احم واخا مادام نوار …ديزولي على قبيلة كنضن طلبت سماحة قبيلة …

نوار : قلت ليك ماعليش قبييلة غير نتي الي عاودتي رجعتي هههه ماعليش ماشي مشكيل …

هذا هو الي وقع فاليوم الاول كان مشحون نوعا ما من ناحية نوار وغزلان زوجات الجو مكهرب بيناتهم خصوصا الي دار ياسين خلاها محملاتش راسها ومحملاتش نوار الي بسبابها عرف ومشا بحث تالقا اش دارت اما قبل ماتجي نوار كانت كتعايرهم ولا تنفخ عليهم وحيث كيخافو منها مكانوش كيهضرو ….غزلان

وخا شاف مستغلة منصبها وفيها عادة فحال خوها كتحگر الي اقل منها هادشي دايراه غيير فخدمتها داخل العمل اما برا كتصرف عادي راه شادة تيقارها وصافي ….

نوار “شافت ساعة ” : ربعة هادي …

ياسمين “كتگرافي ف الوراق ” : بقا غير هادو نحطهم ونخرجو …غاتبقاي هنا ؟

نوار”حركات راسها ” : اه شوي ونمشي …

انصاف “هزات صاكها” بنات انا مشيت منال سبقيني …ماجبتش سوينگ بينتحرك انا وياك وصليني لدرب ضباشي (حي فمراكش ) …

منال : يلاه فيا موت تالجوع اصحبتي …

انصاف “شيرات ليهم ” : غذا نتلاقاو …

كملات ياسمين تاهي واستاذنات بقات نوار كملات حتى صونا ليها الفون كانت سميتو …

نوار : غانخرجو ؟

ياسين “داير لفون بين وذنو وكتفو باش شادو ومتبتو وشاد الوراق كيسني فيهم ” : شنو عييتي ؟

نوار : هههه شوي …

ياسين : جعتي ؟

نوار”ورك ليها على الوتر الحساس” : بزااف والله …

ياسين “كمش حجبانو ” : وايلي كاع ؟ …وجدي راسك انا نازل دابا …

نوار : اوكاي انا واجدة نطفي غير بيسي صافي …

ياسين : يلاه قضي غراض “قطع معاها رجع كمل خدمتو …اما هي طفات البيسي وبدات تجمع فصاكها وتقاذ ….

فهاد اللحضة واحد زوج عينين جالسين كيشوفو فيها من بعيد من ورا زاج على برا حيث جات هي فبلاصة الاستقبال …حتى ضارو دورة صونا ليهم الفون …

وييي كيفاش …بيتيني دابا ندخوول …هو هذااا …بلا مطفرع ليا كري …عندي خدمة دابا مخلص عليها داكشي الي بتعتيني نتا ميخلص ليا ربع فالي غانشد …خوي سيكتور …

-شكون كلفك ؟

كلفني الي كان مكلفك وخيرك من خيرو وخا حراميين بزوج …فهمتي شبيت نقول ؟ عرفتي علامن هضرت ؟ ايييه …

نوار “كتجمع فصاك وتقاد حتى وقفها صوت وضارت ابتاسمت ” : صافي ساليتي هههه

ياسين “غمزها. ” : يلاه تحركي …

نوار “ضارت لعندو عطاها دراعو تابطاتهم ” : غاتكون دارت لينا خالتو الگوتي ناكلو ههههه فيا جووع …

ياسين “قلب ليها عينها ” : شوية عينك ؟

نوار : لا شوية من التقطيرة الي درتي ليا …

ياسين “خرجو برا ركبو فسيارة تا شافها وباسها فيها ” : ديريها ليها يومين تاني وصافي غاتبرا …”بغا يدور يديماري طوموبيل …”

نوار : ياسين …

ياسين “ضار يشوفها حتى تلاحت عليه نيشان لشفايفو باستهم فيه خلات عينيه خرجو من صدمة …”…

واقفة بعيد كتشوف سيارتو …وهي تنطق : le début de la 🦋🐺نور_الياسين (574)sana mina🐺🦋

حب. نوار لياسين فشكل حب كبر معاها وكان فارس احلامها ورجل احلامها الرجل الي شافت فيه كلشي وحلمات باي حاجة بغات وهو فيها ميمكنش تحلم وميكونش فحلم نوار ياسين …حتى لنهار الي شافتو على ارض الواقع خصوصا فاش يامنة كبرات فيها قضية انك غاتكوني مرات ولدي وخا قالتها بضحك نوار حساتها بصح وعاشت بيها …حتى تحطت فالواقع وعاشت معاه مضرات الاعجاب الحقيقية تبعها الحب الحقيقي تبعها زوتج تكتب فالحقيقة وهكذا …لكن المشاكيل الي عاشت وكتعيش وغاتعيش معمرها دخلاتهم فاحلامها حيث ديما احلامها بناتهم غير عسل فعسل لا غير …ووخا تبنيهم فالاحلام فاش كيطبقو على ارض الواقع وحقيقة ف كيكونو غيييييير…

الاحلام كنكونو مدخلين معانا الاحباب والاعداء بالوصف الي حنا رسمناه اما الحقيقة والواقع كيكونو الاعداء والحساد او كحل راس وصفو كبر معاه حقدو او ضغينة ديالو …بياض قلبه او سواده كيكون فيه تربى معاه بحسب الطبع الي عطاه ربي ….

نوار”فصلات البوسة وحنيكاتها سخنو حتى بدات تكحب ” : كحكح احم…”ابتاسمت ليه ابتسامة خجوولة .”

ياسين “ماكفاتوش بوستها الي هرات ليه شفايفو طالب بالمزيدة حتى حر ليها راسها وبقج ليها شنايفها جر من رحيقهم عاد طلقها كتلهت” : دابا مزيان …

كسيرا بطوموبيل مخليها حاطا ايديها على حناكها ابدا واش هضر معاها بالعكس مابغاش يحشمها باش متبقاش تحشم ومديرش هاد الحركة …

مسافة الطريق حتى كانو قدام الفيرما كيدخلو بلاصا سيارة ونزلات …

ياسين : سيري دخلي نتي انا جاي …

نوار : همم واخا …”مشات كتزرب دخلات اول حاجة دارت سمعات صوت باها فصالون كيهضر منخافض شوي كتعرف ان فؤاد كاين …

نوار : سلااام …بابا “سلمات عليه ودازت سلمات على فؤاد و الحبيب وباست ايد نجود …” فين خالتو يامنة ؟

يوسف : فالكوزينة “حط ايدو على كتفها ” كيجاتك الخدمة …

نوار : كتيرة ولكن زوينة كنتعلم شوي بشوي…

فؤاد”مفرق رجليه بطريقة رجولية وحاط فكل ركبة مرفقو مسند عليه وجامع ايديه …” : الخدمة خدمة بنتي حيدي الشخصية وحطي بلاصتها العملية …فيد (مفيدة ) ليك نتي لولة …

نوار”ابتاسمات ليه ” : هداكشي الي درت عمو كون هاني …

يوسف “شاف ف فؤاد ومشير بايدو لنوار ” : شتي شتي فاش كدير عقلها هزها وهرب بيها “خبطها لضهرها بشوي ” الله يرضي علييك …

يامنة “خرجات من الكوزينة لعندهم ” : جيتو حنينة فين ياسين ؟

نوار : هاهو جاي عيط ليه سالم يمكن مشا يشوفو …

يامنة : واخا وطلعي بدلي وهبطي شوي ويوجد كسكروط …

نوار “حركات ليها راسها وهزات صاكها وطلعات تبدل …اما الحبيب ضار عند باه ”

الحبيب : الوليد صباح بكري طالع لفاس محتاج شي حاجة نديها ؟

فؤاد : قنعتي ،

الحبيب : ههههه لا لا غير خدام ماعليش ها الوليدة كتشوف الى كتاب نشوف بنت ناس مكتابش تيكتب ربي وقتما …

فؤاد : خبزتك نهار يوصل وقتها طيب وتحط ليك …

الحبيب ؛ دااكشي …

يوسف : نتا مالك ماتشوف بنت السليماني الي كنتي فصغرك لاصق فيها فينما مشات تهضر ضربها تلفت تعطيها علاش تقلب …

الحبيب”بدا يلولب فعينيه بغا يدير فيها ماعقلش ” : ههنن اينا سليماني ؟

نجود “شادا تسبيح تتسبح وفم يسبح ووذن تسمع ليهم …هزات عينيها بتقاااالة ونطقات بختورية ” : صغر منك بتلت سنين …نهار عرضناهم لعشا جاو من الدار البيضا ناويين يباتو ضربتيها تا رعفت صدقو تالعشا متعشاوه …

يوسف : اش كان قالينا فكريني ؟

الحبيب : تا ريح العميم تتفكر اصحبي الغابرات …

يوسف : كانت عندك ست سنين البغل عاااقل وماقل اوجه اللفت البيض …

نجود : لاش نسكتو هي كاع ماتنسا يادلي …ضربها حيث عينيها مشفرين قاليك علاش عندها شفار وانا لا …

يوسف “ضرب فالمخدة ميت بضحك ” : ههههههه حيث شهب ماباينينش ليه شفار …مسخوووط هذا …

الحبيب : الميمة سبحي سبحي راك نسيتي سبحان الله وبحمده …

نجود :🦋🐺نور_الياسين (575)sana mina🐺🦋

صوت الرشاشة مطلوق فالدوش كيدوش وهي طلعات ودخلات البيت سمعات صوتها ومشات نيشان لماريو جبدات من صاكها الي جابت فيه مستلزماتها الي كيرافقوها فالسفر …هزات منو شنو كانت هزات فاش جات من ازرو هي وباها ومينة الي غادرات الامس فاتجاه الجديدة باش تبدا مشروعها فالتطبيق لكن فكرة الموافقة عالزواج مزالت فدماغها كتحاول تناسا لكن كترةع تفكر فيه كتحاول ترفض لكن كتقول بلاتي خلي كلشي كما هو عليه ….

ياسين “خرج من دوش لحمو خارج منو الفوار ديال الما ساخن …الجو بارد بزاف برا سادين شراجم ومسخنين البيت …كينشف فشعرو حتى هز فيها راسو بانت ليه كتخشي بزربة ” : شنو داكشي ؟

نوار”خرجات راسها من ماريو ” : ااا والو غير دوك حوايج الي جبت معايا من ازرو حيدتهم من صاك وبغيت نحطو فشي بلاصة هنا …

ياسين : حطيه لبيت دخلاني (بيتهم فيه بيت فين هو معلق الاطقم والقوامج مارك سينيي يعني الي مكيستعملهمش الا لخدمة او المناسبات ) هادشي را كتعرفيه راسك ميحتاجش نوريه ليك …

نوار : عرفت عرفت …”خشات راسها جبدات صاك سداتو من سنسلة وسدات الماريو بسكة …” انا غاندخلو …احم واش غاتهبط دابا ولا تتكمل شنو عندك من حسابات ديال لفيرما ؟

ياسين : لا نلبس ونهبط …الحسابات غانخليهم ليك نتي تكلفي بيهم …

نوار”خرجات عينيها بشوي مصدومة نوعا ما حيث مضناتش غايخلي ليها حسابات الفيرما ” : انا !!

ياسين : كتعرفي دخلي وتخرجي حسبي المجموع وداكشي الي كنتي كتخدمي معايا …ماعليك غير الماصو الي حسبتي دخليه الكوفخ فور ودوزيه فالماك اما سجل خليه ليا …قدامك مذكرة غانعطيها ليك حطي خلصة كل خدام وحدها فجويان وكتبي عليها سميات …

نوار”جاتها سخفة ” : و احم م ماكثيرش “شافتو رفع حاجبو ” حيييث مغانساليهش دغيا والى كتر عليا الحساب كنتكلخ …

ياسين : علاش اختاريتي شعبة التسيير …

نوار : هاا …حيث انا باك ايكو وهي كتعجبني …وفات ليا الحال ديك ساعات على ENCG

ياسين : نوار نتي دابا فمرحلة سطاج ،،السطاج ماشي غير راپور يعمر وشهادة تعطاك …الى هاكا راك غادي غير تاخذي ديبلومك وتجلسي فدارك …خدمي ودمري باش نهار تبغي تخدمي هاا رزق راجلك الي هو رزقك خدمي فيه …”قرب ليها عند وجهها ” ماعادا لا بغيتي ماكثر …

نوار : بغيت لاليصونص وماستر …

ياسين : كملي حتى دكتوراه نتي شكون غايشدك …خدمي وخشي راسك واستافدي ماتعوليش غير على قرايتك …”ركز فيها الشوفة ” المدرسة كتعلم الحروف تلاقيهم والدنيا كتقريك والنتيجة الحصاد الي زرعتي …ويكذب عليك الكداب الي يقوليك اقتاصدي باش تجمعي الفلوس …هذا كيعلمك غير البخل.حتى تولي بخيلة …خلي ايذك متقوبة كوني بنت الخير …

“شد ليها ايديها ” ليس الاقتصاد حفظ المال، بل إنفاقه بحكمة.(عن توماس هنري هكسلي ) …

نوار : فهمت …ولكن حسابات كثيرة …

ياسين : خدمي حتى يعيطو ليك لعشا وحبسي …الي بقا نكملو انا غذا …

نوار “بقلة حيلة مافيها مايدير ههه ” : تت وااخا …

ياسين “كمش فيها عينيه ” : عيانة ؟

نوار : شوية …

ياسين : خدمي غير ساعة وحبسي …

نوار عند بالها غايقوليها لا صافي راحتك اولى ساعاك معامن …لبس حوايجو تريكو قطن وسروالو تاهو خلا شعرو مخربق بلا ميمشطو هز باكية الكارو خشاها فجيبو عاد مشا لعندها …

ياسين : يلاه هبطي لمكتب خدمي فيه …

نوار : وااخا …

نزلو بزوج مشا معاها لمكتب تا جبد ليها الوراق والحسابات …

ياسين : الكود ديال كوفخ فوغ …20127845…

نوار : كتبو ليا …

ياسين : حاولي تحفضيه متكتبيهش …عارفو غير انا حتى من جدي معارفوش وهانتي عرفتيه …

نوار : علاش معارفوش ؟

ياسين : هو متايقش فراسو كيخاف لا ينسى ويعطيه لشي حد باش يفتحو ليه …خرج سوق هو من هادشي كان كيدخل لفلوس لبوسطة فالكونط ديالو حتى كيفيرسيهم ليا ورزقو را كيبقى عندو …

نوار : اه فهمت …احم “حكات ورا راسها بخجل ” واخا تعاودو باش نحفضو ؟

عاود ليها الكود حتى حفضاتو مزيان …وخرج من بعد ما شرح ليها شنو دير وشنو ماديرش قدامها كلشي فقط هي كتحط الحصص لماليها فكل جوا …

#يتبع… سبحان الله العظيييم …

#يتبع…fin

اسي ياسين رمسيس …

#تصبحن_على_خير….فالمكاتيب ” تحركيييييي …

#يتبع…لولد الي قاليه تبعني عندو …

#يتبع….مرااا ومدمعة ليها ….

#يتبع….ا ليها عينيها “….

#تصبحن_على_خير….هو وزهرو وتش هزات ليه مغرفتو …

#يتبع….يت ديال تلفازة تايلحق عليك …

#يتبع….ش ؟

الحبيب : next….

#يتبع……..اوياش ديري دارك ؟

#يتبع… ايدو ” …

#تصبحن_على_خيرررر…..ي بصحتك والي خصاتك نزيدوها ليك …

#يتبع…ات راجل يحلفو بيه رجال …

#يتبع…اد ضحك عليا …ايييييه ماعليش مرة جايا …

#يتبع….بيناتنا قطعها من جدر …

#تصبحن_على_خييييييييييييييير …..خليها وحدها كي الكلبة …

#يتبع….كن ..ماعرفتي الخير فيمن …

#يتبع…” : مينة اجي بنتي دخلي اجي …

#يتبع…اف الله ؟ …

#تصبحن_على_خييييير…..نجد في طياتها املا …

#يتبع…رف منو يتبعوه طراف …

#يتبع…دة الي كاينة …

#يتبع….؟

هز فيها عينيه …

#تصبحن_على_خير…ك هو سنبل اغا هههخخهخ…

 

#يتبع… حتى خرج ومخليها ” …

#يتبع…

Leave a comment