Skip links

قصة : نور الياسين ج25

 30,110 عدد مشاهداات

🦋🐺نور_الياسين (526)sana mina🐺🦋

هزات لبلاطو داتو لداخل سلمات على يامنة وخرجات لعندو ركبات كتقاد فسانتيغ …

ايساف : ما قالت ليك الوليدة والو ؟

صفية : راك عارف موقفها …قالت ليا من هنا لقدام تحملي مسؤليتك الي عليا درتو …دابا انا نتحمل اي حاجة توقع راسي حيث انا الي قررت …مرة لولة جاو من جيهتي …

ايساف : مرة تانية انا من جيهتك نجي …

صفية : نتمنى …

ايساف ديمارا طوموبيل وزاد بيها لوجهة لواحد العمارة حتى وقف …

صفية “هزات عينيها كتشوف ” : هادي كانت فيها ديك الدار الي كنت غانكري حتى مولاها مبقاش بغا يكري …

ايساف : وعجباتك دويرة ؟

صفية : زوينة بزاف ومجموعة …وصغيرة كانت على قدي …

ايساف : وشنو وقع ؟

صفية “هزات كتافها ” : ماعرفتش فاخر لحضة مابقاش بغا …

ايساف : واخا نزلي نطلعو نشوفو …

حيدات سمطة وهزات صاكها ونزلو بزوج مع ضارت قرب ليها وعنقها بايدو فكتفها حسات بضو ضربها …بقات غاديا وتحنحن وتحك فشعرها بتوتر وخجل …حتى وقف على العساس …

ايساف : الساروت الي خلا عندك ديال دار ؟

عطاه ليه العساس وطلع هو وياها لفوق طاج ثاني حتى وقف قدام الدار والي هي نفس الدار الي عاودات ليه عليها …

صفية : هيييي ورجع بغا يكريها ؟ الحمااااار …

ايساف : تهدني يا …عاودات ليا الوليدة وجيت هضرت معاه …الى عجباتك غانزگي معاه خلاص ستة شهور …”حل الباب ودخلو “

صفية : تت لا عام …

ايساف”خنزر فيها ” : سبع سنين مزيانة ؟

صفية : الى مزيانين جيران علاش لا ؟

ايساف : ما نبربقش مك واحد تبربيقة تشوفي فيها راسك كتشالي فالبراري …لا ؟

صفية : معاك بصح …

ايساف : تانا معاك بصح …راكي مجربة تبربيقة عندي كي دايرة …”عض لسانو ” زيدي زيدي شوفي شنو ديري …

بقاو كيدورو فيها وكتشوف …

صفية : راني شايفاها زوينة …غير مولاها الي تراجع فاخر لحضة …من تما مبقيتش لقيت وحدة اخرا …

ايساف : صافي راني هضرت معاه …هاهو شوي ويجي …

صفية : نتسناوه هنا ؟

ايساف “شاف فيها وتم غادي وكيقرب لعندها ” : شنو بان ليك نجلسو نهضرو بزوج عاودي ليا ونعاود ليك ؟

صفية “كترجع بلور وهو كيقرب ” : ها ه هاحنا كنهضرو …

ايساف : نهضرو لهضور لاخرا زين …

صفية “قربات تا زدحها الحايط وهي تكمش عينيها وصرطات ريقها ..” : هاا ش علاش كتقرب بقا غير تما “فمها كيترعد ” احم …

ايساف “دار ايد هنا وايد لهيه جابها وسطو كتبان تحتو كي لكميشة ..” : فحال هنا فحال تما نفس الانجذاب …

صفية : شنوو كد دير…

ايساف : نسولك …

صفية “قلبها كيضرب في فمها ” : س سول ..”حادرة عينيها “

ايساف : شكون انا ؟

صفية : ايساف …

ايساف : اش كنجيك …

صفية : مزوج بيا …

ايساف : هاااا …واش كيديرو لمزوجين ؟

صفية : كيحتارمو بعضياتهم كيبغيو بعضياتهم عندهم الولاد …

ايساف : وشنو كنديرو انا وياك دابا ؟

صفية : كنتعرفو على بعضياتنا …

ايساف : وهادشي شكون كيديرو المخطوبين ؟

صفية : اه …

ايساف : متجيش نقطعو لمراحل ونديرو اش كيديرو لمزوجين …”خنزرات فيه ” غااا بيسة صافي …

صفية : ايساف سير م ماشي م “تم مقرب ليها مقرب تا بقا سنتيم على شفايفها كانت غاتسخف ليه وهي دفعو بجهد تا كحز مخنزر ” ماشي دابا ماشي هادشي ايساف …ما م “تزيرات ماشي خافت منو ولكن “

ايساف : شنو ؟؟؟

صفية : بغيت نحس بيها بغيتيها مني ماشي غير باش تقيسني …

ايساف : هي اش ؟

صفية : الي ما جا بمحبة مايجيش بالحزارة …

يلاه غايهضر حتى دق الباب ودخل السمسار نفسو الي كان غايكري ليها …

سمسار : سي ايساف امضرا ؟

ايساف : غانعطيك تسبيق ستة شهور قابلة لتمديد …

سمسار : صراحة بزز باش بقيت مخليها خاوية …لو ماهضرتيش معايا ديك المرة نلغي ليهم الكرا كانت هي نيت الي غاتاخدها ….

صفية : كيفاش كيفاش ؟؟”ضارت لعندو خنزرات فيه ” نتا سباب ؟؟؟

ايساف : واااااااا مصليييي علييييك ارسول الله …”ابتاسم لسمسار بغيض ” الله ينز🦋🐺نور_الياسين (526)sana mina🐺🦋

وقفات قدام المرايا كتمشط فشعرها …لابسة جليليبة فالغوز مخيطة بسفيفة بدرجة ثانية ديالو اي ديگرادي ديالو …مليفة غليضة هزات كاشكول فلون الخياطة لواتو على عنقها وطلقات شعرها …دارت ماسكارا وشوي ايلاينر ممعيقش …ذهنات شفايفها بمرطب ورشات بارفان الي جاب ليها ديال عبد الصمد القرشي …حتى دخل لبيت كان عاد وصل من الخدمة …

ياسين “باسها فراسها ” : نوارة ديالي …

نوار : جيتييي …

ياسين : يلاه انا ندوش دغيا ونخرج “خلاها ودخل لدوش دوش بالخف وخرج دغيا نشف ولبس كومبلي كحل فكحل بلا كرافاط تقابل مع المري رجع شعرو لور وفيكساه بجيل عقد صدافي القميجة دار دوك الازرار الي كانت خذات ليه كادو فعيد ميلادو رش تاهو بارفان ديالو وجلس لبس تقاشرو ولبس صباط تاهو مهم بزوج تقادو مزيان بمناسبك عشاء وزيارة …

نوار : واش غاناخذو ليهم شي حاجة ياك ؟

ياسين : جبت معايا من مراكش شي حاجة فاش تنزلي هبطيهم فايديك نتي …

نوار : واخا صافي هههه …

نزلو بزوج معنقها بجنب سلمو على لاخرين وخرجو ركبو وشدو طريق لدوار المجاور مسافة طريق حتى لقاتهم دخلو لفيرما ديال داك الراجل الي وصل عليه ياسين فالسبيطار …مع دخلة كتشوف حتى لمحات عينيها طاوس واحد شوي حتى فرق ريشو ودار ديك اللوحة الفنية ديالو …كان العصر كياذن ديك اللحضة …

نوار : ياسيييين شوف شوووف وااااو شحال فنيون “جبدات الفون صوراتو فيدو وتصاور مفلتاتس اللحضة ” …

ياسين : عرفتي علاش دار هكاك ؟

نوار : علاش ؟

ياسين : هذاك الدكر ملي كيشوف النتوة (الانثى) كيدير هكاك …باش يتزاوج معاها …”ضورات عينيها كتبتاسم حتى غمزها وهي ضحك ) …

نوار : غزااال بزاف …

وقف السيارة ونزل ونزلات تاهي هزات ساشيات فايديها فيهم اسم محل الحلويات التقليدية والعصرية وهز تاهو ساشيات اخرين …لقاو الحاج وولدو الي تضرب هاز ايدو بباندة واحد خوه اخور وعمامهم بزوج وواحد السيدة كبيرة فالسن شوي تاهي ومعاها ام الولد …

الحاج ؛ مرحبااا مرحبا بالفحم …

ياسين : يعمر دارك الحاج “شاف فالولد ” شوية ؟

الولذ : الحمد لله خويا الله يكبر بيك …

ياسين : نتا الي سمح ليا ….

الحاجة “شافت نوار وقربات سلمات عليها ” : تبارك الله مرحبا بنتي مرحبا …

نوار”بخجل حنيكاتها موردين الشي الي حمق ياسين فهاد لحضة ” : ترحب بيك الجنة خالتي …

تسالمو معاهم ودخلوهم لداخل مرحبين بيهم ريحة البخور تعطي وصوت الدجاج والبقر يتسمع كانت فيرما كبيييرة من لداخل دايرة فحال شي فيلا برخام وكلشي لفريع قريبة لديال ياسين غير هي كبيرة عليها …

دخلو لواحد صالون كبييير وجلسو معاهم كاملين …فهاد اللحضة نوار قشعات واحد البنت تكون فعمرها ديك سبعطاش العام كطل عويناتنا عسليين فحال شمس ..وكتضحك ليها …شاف فيها ياسين وقرب عندها …

ياسين : شنو تما ؟

نوار “بالحس ” : واحد البنت كطل عليا وصحك ؟

ياسين “خطف فيها شوفة لقاها كتشوف فيه تاهو وكضحك ” : بنتو هاديك الصغيرة مريضة ضحكي معاها وديري ليها خاطرها …

نوار : مسكينة …

قرب ليه الحاج فتح معاه الحديث حتى بداو يدخلو اتاي وتوابع ديالو المجامع حطوهم قدام عم الولد الي جلس فلارض وجابو حلاوي وفاكية …قربات عندها الحاجة …

الحاجة : عجباتك عيشة العروبية ؟

نوار : هههه زوينة بزاف …حتى هنا عندكم زوين عجبني طاوس …

الحاجة : هههه ايييه كاينين عندنا شي ثلاثة هكاك …تشوفيهم ابنتي اجي معايا …

نوار : ماعرفتش خاصني نسول راجلي ….

الحاجة : ولدي ندي ليك المراة شوي هاهي معانا هنا …

ياسين “كيهضر وحادر عينيه ” : مرحبا الحاجة مرحبا …

نوضات نوار وداتها معاها حتى خرجو لتما لبرا فالخلا الي قدام دار …جاو شي جوج بنات منهم ديك البنت الي كانت كضحك معاها…حتى شدات فدراع نوار كتشوف فيها وضحك …نوار خافت …

الحاجة : ههههه هادي بنتي جميلة متخافيش منها مدير ليك والو حنينة …

جميلة : شحال زوينة نتي …خويا وصاني عليك …

نوار “كمشات حجبانها ” : شكون خوك …

الحاجة : دلال ديها معاكم تشوف طاوس …

دلال “بنت كتشبه لديك جميلة حتى فالعينين كبار وزينات بزوج شعرهم كحل وخا دايرين ال🦋🐺#تتمة_البارت_527_نور_الياسين…🦋🐺

جروها بزوج جميلة غير مخشية فيها وصحك حمقاتها نوار بجهد …كتوريها وتضحك معاها ودلال سابقاهم حتى دخلو لداخل شوي قربوها لعند طاوس وواحد البحية فيها شي بط تما …

دلال : هاهو طاوس …

نوار : وااعر عندكم هنا …

جميلة : اجي اجي ن وريك طاوس …طاوس ..

نوار : هاهو طاوس زوين …بصح عندكم نحل ؟

دلال : واااه ههه جباح راااا هواك تما دوك الي فحال صنادق كيبانو ليك تما بيضين …هما هادوك …

نوار : فيهم عسل ؟

دلال : باقي ما قطعوهش …مزال …

جميلة “وووالو غير كتجر فنوار ” : اجي اجي نوريهم ليك …

دلال : ياتي خليها عليك يا هاذ البنت …

والو واش تفرقات عليها …حيذات ليها دلال ايديها عليها وتمو غادين جميلة فهاد اللحضة هزات عينيها فيه وهو يخنزر فيها جمعات ايديها على وجهها وهي تغوت على نوار …

جميلة : انوريك نحل نحل …

نوار”عزات عليها” : مسكينة …

دلال : اجي نوريك البحيرة لهيه …

مشات هي ودلال …فهاد اللحضة ياسين كيهضر مع الولد الي مضروب والحاج وعمامو وواحد منهم كيعمر فاتاي …

ياسين : عياد مابغاش نهضر معاهم …

الحاج : انا الي مخليتوش يهضر صراحة الله ..

ياسين : وشنو كون مشا ولدك عند الله ؟

الحاج : جات سالمة …وكان حسابنا معاهم بيناتنا راك عارف الفحم اش كاين الفاهم يفهم …

ياسين : الحساب بيناتكم حسن الى على هاد الحساب …نكون معاكم ..

الحاج : ضروري وايليييي واهلي ..

ياسين “ضور عينيه جيهة برا “

الحاج : هههه المراة راها مع الحاج هنيتي عليها لا تخاف شاي …

ياسين : مرحبا الحاج …

تما غاديا حتى جرها بجده لواحد القنيتة وقجقجها من قراجطها تا بغات تخرج روحها …

اقسم بالله وماديري ليها ااااش گلت ليك نشتف على ريتك …

جميلة : ابااا انديها اهى اهى نديها ضرنبيش خويا …اهى …

حط صبعو على فمو كيتحلف عليها ..ششش سدي درگومك “طلقها بجهد تا كانت غاتجي على فمها …

تبعاتهم كتسمح فدموع عينيها بطرف كمايمها تا وصلات عليهم …شافت فيها نوار وهي تقرب عندها بنية صافية بقات فيها …

نوار : مالك …

جميلة “هزات كتافها حسات بالحگرة ” : ماليش ماليش …

نوار “دوزات ايدها على شعرها الي خارج بجنب ” : باقي بغيتي توريني نحل ؟

جميلة “ضحكات تا بانو ضروسها ” : بصح بصح …

نوار : يلاه نمشيو …

خلات دلال تما وتبعاتها دارت ليها خاطرها …ومشات معاها لفين كاينين جباح ديال نحل تما واحد فحال صنادق بيضين كيكون فيهم الواح الوسط فيهم الشهد ديال نحل الي عامر عسل …حتى وقفات هي وياها كيشوفو …

جميلة : هاهو …

نوار : زوييييين …امتا كتقطعوه …

جميلة : با كيقطعو …تسنا تسناي “كتفافا فالهضرة حيث مريضة مسكينة عقليا شوي …مشات جابت واحد فحال البريق خارج منو دخان …وعطاتو ليها ..” هاكا كنقطعوه…هانتي بركي على هادي دخان يخرج دخان …وحلي هادو غاتلقاي عسل …زوييين ذوقيه حتى مي ذوقكم منو زوييييييين

نوار على نيتها مع ماعارفاش كيفاش كيقطعوه هي كتبحث فهادشي الى بغات لكن طريقة باش كيقطعو العسل معارفاهاش بضبط …

نوار : الدخان كيهرب نحل لا ؟

يلاه بغات تشوف حتى هزات جميلة دوك اللوحات وهربات وهو يهجم النحل على نوار لاحت داك البريق الي فيه دخان وبغات تهرب هنا فهاد اللحضة حل هذاك السمطة ديال نوع من اشرس انواع الكلاب شيان بوليس …

جات بغات تهرب وهي ضور مالقاتهاش حتى بان ليها جاي قاصدها ونيابو خارجين وريوگو هابطين واحد المنضر الرعب بعينيه بغات تجري خوات بيها رجلها كانت غاطيح كتشوف فيه جاي وهي طلقها بغوتة لربي الي خلقها …

نوار”دارت ايديها مضرگة راسها وغوتات ” : مامااااااااااااااااااااااااااااا🦋🐺نور_الياسين (527)sana mina🐺🦋

تكب اتاي على حقو وطريقو عمر ليهم دكة دايزها الكلام بقا البراد كيتشحر على راحتو معمر بالطريقة التقليدية …تعزت الصينية الي فيها كيسان اتاي وبداو يفرقو حتى وصلو ياسين فهاد اللحضة سمع شي غوتة ضور راسو …

ياسين “شاف فالولد ” : فين الحاجة ؟

الحاجة “دخلات ” : ولدي ماجاتش دلال ؟؟

الولد : لا مي ماجاتش يضهر ليا فالجباح ديال النحل …

الحاجة “عيطات ” : جمييييييييييييلة واااااا جمييييلة …

تمات جايا كتجري عينيها كيلولبو هنا وهنا حتى طلت على مها من بعيد …

جميلة : امي مي …

الحاجة : فين المراة ودلال …

جميلة “هزات كتافها وعينيها خارجين وجهها صفر ” : ماعرفتش مع دلال دلال عرفتش …

ياسين “حضاها من بعيد صغر فيها عينيه بان ليه وجهها ماشي تال لهيه ناض على وقفتو ” : فين نوار!!!! “شافتو جميلة مخنزر وهي ترحع بلور كتنفي براسها وترعد ” …

الحاج : هههه اتا جلس الفحم المراة مع بنتي دلال ميتخافشاي عليها …

ياسين : واخا ماعليش نخرج نشوفها

ناض الحاج تاهو والولد لاخور وتبعاتهم الحاجة تا خرجو برا غييير قربو الجيهة فين كيدي لجيهة جباح نحل حتى سمعو الغوات ديال دلال …

ياسين مابان ليه تاحد فهاد اللحضة من غير مشا كيطير لمصدر الصوت حتى وقف على شوي يفشلو ليه ركابي …قدام منضر مافهم والو سوا ان قلبه بغا يخرج من بلاصته وعينيه خرجو ….

كانت جالسة كتبكي تبكي تبكي وتنخصص خصوصا فاش شافتو فحال بان ليها معرفت اش غير شافتو وهي طرطق بالبكا وتنخصيص وتقول ماتنخصصت وشادا على صدرها روحها بغات تخرج ….

ياسين”مشا لعندها كيجري تحنى لعندها عينيه خارجين ” : م مالك ؟؟؟ مالك ؟؟…

نوار”بغات تهضر كتغلب عليها تنخصيصة ” : م ما اهى ماااا كلب ونحل اهى اهى تبعني كلب اهى …

الحاج”شاف ف دلال ” : مالها ؟؟؟…

دلال : تطلق عليها الكلب ماعرفتش كيفاش تفكو سماطي ديالو با …

#فلاش_باك…

تطلق عليها الكلب بغات تجري خوات بيها رجلها كانت غاطيح لو ما شدات فراسها …كتشوف فيه جاي جاي يلاه غاينقز حتى جات فيه حجرة وهو يصهط وجلس بارض مخرج لسانو …ضورات راسها بانت ليها دلال جايا كتجري وتغوت عالكلب …

دلال : ششش جلس يلاااه …

الكلب غير سمع ليها وهو يصهط هنا لاخور حاضي من بعيد ضرب برجلو واحد سطل تما بالغدايذ مكرهش يشد دلال يطحنها عصا مكانش ضارب ليها الحساب …مشات ليه نوضاتو ودارت ليه سماطي هو كيعرفها ومربي على ايديهم من كان يلاه زايد كبر معاهم ولكن مع البراني الى تطلق ميعقلش عليه عندو نياب ممكن تطحن لحم …دخلاتو وربطاتو تما مشات ليها لقاتها كتبكي وتنخصص وتحك فايديها عطاتها كاس الما من واحد الخابية ديال تراب فيها الما ورشات عليها الما وهي تشهق ورجعت تبكي….

دلال : ماتخافيش اختي غير تنفسي تنفسي ..”ضارت بجنابها ” فين جميلة ؟

نوار : اهى اهى …ماعرفتش مشات وخلاتني اهى …

دلال : الحمااارة …واخا غير تنفسي …شكون طلقو هاد الكلب شكون …

#عودة….

ياسين شد ليها ايدياتها قلبهم لقا ثلاثة القرصات ديال نحل كل قرصة قداااش …عصرهم ليها بفمو تا خرج شوكة بغات تهبل ليه متسوق لتاحد تما كتبان ليه غير هي وصافي …

ياسين “دار وجهها بين ايديه” : ششش تهدني هاني معاك …

نوار : اهى “تلاحت عليه عنقاتو كتنخصص وتاهو دور ايديه عليها كيطبطب على ضهرها ميت بالخلعة قلبو بغا يخرج …

الحاجة”معصبة ” : شكون طلق الكلب شكووون

دلال : والله ماعرفت “قشعات جميلة وطارت لعندها جراتها كتفركل ليها ” اش وقع علاش خليتيها ومشيتي اا؟؟

جميلة : ااا بعدي بعديييي مادرت ماشفتش انا اهى وااا مييييي

الحاج”غوت حتى صهطت وحدرت راسها ” : سكتي من الغوات وهضري …

جميلة : ماشفتش اهى وااععع بدات تركل وتضرب فراسها … اما ياسين ناض على وقفتو نوض معاه نوار …

ياسين : الحاج الله يجيب الشفا ..

جميلة : وااعععع اهى ماشي انا ماشي انااا …سمير سميييير …يضربني سمييييير

غييير قالتها وهو يضور ياسين شاف فيها واااااحد مولاتي شوفة لا تبشر لا بخير ول🦋🐺نور_الياسين (528)sana mina🐺🦋

ماحس براسو حتى ضار ودار فيها شوفة القتيلة جامعة نيران وشر وطلقات قاااتلة واحد التخنزيرة ديال الله يحضر سلامة وربي يلطف …طلق من نوار ومشا بلا ميحس لعندها حدر راسو بعند وجهها وهي مقدراتش تشوفيه كتركل وترعد …حتى شدها من دراعها تبتها مخنزر عينيه بغاو يخرجو …

ياسين : ش كو وووووون ؟؟؟

جميلة : سمير سمييير اهى سمير ضربني ندي نوار سمير طلق كلب انا خفت منو اهى واااااميييي …

الحاج “غوت على خوها “: جر البرهوشة دخلها وعيط الحمار ديال خوك تحرك يلاه …

الحاجة : دلاااال ..تحركي دخلي نوار لداخل جيبي لانكول (لالكول ) وجيبي دوا حمر …”شافت فياسين ” ولدي خليها معايا لداخل نداويها وهضر مع الحاج اولدي وسمح لينا الله يرضي عليك …

ياسين “صدرو كيطلع ويهبط كينفت نار من جناوح مناخرو كيفرفرو وعينيه مفيكسيين ماجاوبهاش ماهضرش …جرات نوار الي بقات كتنخصص بالحس بزز باش سكتات كتبغي تحك القرصات كيضروها حتى دخلوها لداخل اما دراري مشاو كيجريو كيقلبو عليه …حتى تم جارو واحد خوه من بعد نص ساعة تم جايبو كيتفركل ليه واحد البرهوش هو نفسه الي كان شنق على ياسين حيث ضرب ليه خوه برهوش طايش ديما مخرج فباه العجب وكيدير ليهم فيها واعر فداك دوار حيث لباس عليهم وميقد عليه حد عندو تمنطاش سنة …حتى جابو خوه لاخور جاي جارو غير شاف ياسين وهو يوقف اه زعما راني محايفش …

الحاج”مشا ليه نيشان جمعها معاه بجوج طرشات تا وجهو تصورو فيه حناكو ” : الله ينزل عليك اللعنة يا هاد المسخوط اااعدو الله …ماااولدي نتا مااا ولدي …

سمير “جمع فمو بغيض كيخنزر فياسين :اعععععع …

الحاج “غوت ” : سد فمك ساااااااااد فمك …سير انا سا….

ماجا فين يكملها حتى تلاح عليه ياسين جرو من الكول ونزل عليه بروسية لراس ماعقل لا على بات الولد لا خوته لا را كاين فارضه ووسط اهلو ماعقل على تاحد تما صافي صعر عليه بالبيان …عطاه براس تا كان غايطيح كون ماهو بقا شادو شانق عليه تلوا ليه وسط ايديه وعاود هزو وعاود عطاه تاني هز ايدو وعطاه لوجه ببونية عينيه مشرارين نارييين وعاض على فمو جهل عليه واحد جهلة ما فسوقها ما يتعاود صعر صعر جهل …هز ايدو تاني جمعها معاه بجوج طرشات تا طوش الدم من منخرو…الحاج شافو ماشي فوعيه مشا ليه بغا يفكو منو وخوه لاخور جاو عمام دري بغاو يفكو …

ياسين “ضار خنزر فيهم ” : تااااااااا قواد ميوضلني تقودوووو عليااااا “غوت تا بح صوته ” مالقاو كيديرو غوت عليهم الحاج تلاقاو عليه هما شي خمسة جرو ياسين بززز كينقز ليهم كان غايطيحهم غير بزز تقاتلو معاه تا جروه من تحت منو جرتيلة كلو دمايات ….

ياسين : نعل زاا*** الي حطك يا ولد القوااااد ينعل خليقة اصل مك الكااااااااااالب مرتي القواد مرتيييييييييي”بح ليه صوته” مرتي عرضي مرتي العطاي الي قاصها نقتل عدو ربو وااااااا طلاااااااااق طلاق ….

الحاج “غوت عليه ” : لفحممم تهدن ….الي عليك درتيه …بغيتي تقتليه ؟ اااا ؟

ياسين “شافهم جروه هزوه وداوه لبعيد بقا يتركل تا دفع هادوك كانو غايجيو لارض …ازرار القميجة الفوقانين دارو طرااااق تقطعو ليه على صدرو …صافي صعر تفقص عليها بالبيان …بقات فيه بجهد ….” : طلاق مني …”شاف فالحاج ” كلشي نصبر ليه حتى لواليا (اهلي) ومرتي مرتي بنت نااااس مدراتها لا باييديها لا برجليها…

الي عليا درته طلبت سماحة درت زيارة وتقاص ليا منعقل لا عليك لا على اقرب ناس ليا …الله يعاون الحاج …”ساس حوايجو ودخل كيزرب مشا لعندها لقاهم كيداويو فيها وهي حادرة راسها كتبكي بالحس واحد المنضر فاش شافها فيه حسك ليه قلبه …بقات فيه بجهد …نوضها وجرها وراه مخليهم كيعيطو ليه مبقاش سمع ليهم وذنيه كيجيبو ليه غير صوت تنخصيصها وخا كتنخصص بالحس …غمض عينيه بحسرة …حتى دخلو لطوموبيل …الحاج مخلاهمش يتبعوه مخليه على خاطرو تا يتهدن حيث كيبقى عندو الحق جا وطلب سماحة وخا ماشي ذنبه فالي وقع الولد ولكن دار صواب وفوق صواب وهالعار يوفي حقو …دخلها لطوموبيل وكسيرا بيها نيشان لوجهة الدار 🦋🐺نور_الياسين (529)sana mina🐺🦋

#في_ازرو …

 واقفة قدام الزاج ديال بالكون الي فلتحت فالكوزينة …كتشوف فالجردة وكتهضر فالتيليفون مع فؤاد الي هاد المرة طول الغيبة وبقا فموسكو بزاف …

يامنة : ماطولتيش عليا ؟

فؤاد : بزاف اغزالي …نتي حدايا وكنتشوق ليك …ونتي دابا بعيدة شنو غايكون ؟

يامنة “ابتاسمات والحنيكات تزنكو ” : امتا راجع؟

فؤاد”واقف فبالكون البيت كيشوف صلج كيطيح برا هاز قوته فايدو وكيهضر” : ايام قليلة ونرجع الخدمة مزيرة عندهم هنا …

يامنة : ترجع بسلامة ان شاء الله …

فؤاد : ان شاء الله …دراري مزيانين …

يامنة “كتشوف فالحبيب داخل بسيارته ونزل منها قشعها وهو شير ليها باش تجي عندو ” : مزيانين هاد ساعة كيقولو لباس …

فؤاد : الحمد لله ..عمارة دار تهلاي فراسك نسالي ونهضر معاك …

يامنة : في امان الله “قطعات معاه ضارت بانت ليها سارة واقفة مع الخدامة كطيب فالگوتي بينما جاو البقية حيث كانت الستة ديال لعشية …خرجات من الكوزينة ومشات لبرا لعند الحبيب …”ولدي على سلامتك …

الحبيب “باس ليها راسها ” : الله يسلمك ميمتي …كنتي كتهضري مع الوليد ؟

يامنة : واييه …طول الغيبة …

الحبيب”عنقها بجنب ودخلو ” : توحشتيه تاني …

يامنة : وشنو عندي من غيرو احنينة هو علامن حليت عيني وكبرت على ايديه …

الحبيب : الله يحفضكم لينا …

يامنة : ياربي نشوفو ولادكم وولاد ولادكم …”شافت فيه ” الى عطيتينا ضو الخضر تانتا ودرتي دارك معرفتك اش كتسنى …

الحبيب”شاف فيها بنص عين ” : واش حاسا بيا ولا شنو ؟

يامنة “جلسو فالصالون تما ” : شنو زعما ؟

الحبيب “حدر راسو ضحك وهزو فيها ” : هههه فحال علمك الله …

يامنة “عينيها برقو …دخلات نجود عليهم ” : وايلي وايلي زعما ؟ دير نتا وخوك الكبير عرس واحد …

الحبيب : اوووهووووي كل عرسو …

نجود : واهيييلي ناوي تجوج ولا …

الحبيب : ههههه الى بغا الله …

يامنة : وشكون هي ولدي كنعرفوها كتعرفها شكون …

نجود : تكون باغيها الله يسهل عليك ..

الحبيب : لا لا مكنعرف تا وحدة صراحة …وليني بغيت نتي تشوفيها ليا …عرفت بنات بزاف ومنكذب عليك ماشي ديال زواج وخا نسترهم ميصبروش …باغين دوران باغين سفر خروج كل واش باغية …ايه انا منمنعهاش فلوسي فلوسها نتهلى فيها …وليني طبعي باغي بنت الناس الي تكون صبارة …خدمتي كثيرة كنضل خدام ونسافر نديبلاصا ميمتي هادي ستة شهور باش مبقيتش سافرت الشهر جاي غانبدا نديبلاصا تاني خارج المغرب …كترات طلبات سلعة …بغيت الي تصبر ليا …

نجود : ومزالك صغير وخا هكاك صبر ماعرفتي تبغي شي وحدة …

الحبيب : هاني مابقا ليا والو لثلاثين ونوصلها …غمض عينيك هانتا فيها …جربت اميمتي البغو ههههه ماجابش فيه الله جربت نعاود ماجابش الله …وبيني وبينك ماعينيش وما كنميلش لزواج ديال الحب …

يامنة : وشنو ولدي …

الحبيب “هز ايدها باسها ” : ماااكرهتها فحال ميمتي الفجلة …

نجود”ضحكات” : يامنة ولدي مااا تكررش يامنك وحدة الي كاينة طارو بيها عطاوها لباك الي شد فيها شدة العما فضلمة …

الحبيب : ها علاش يامنة هههه

يامنة : ههههه الله اودي لهلا يخطيكم …”شافت فيه ” الله يسهل عليك …

الحبيب : امين اميمتي امييين …صراحة ماكرهتكش نتي الي تقلبي ليا على بنت الناس بغيتها مجايب ايديك اميمتي …

يامنة : واش نقوليك والله ماكرهت ليك …نشوفوها ليك والى ماتفاهمتوش غادي نصدق انا الي جايباها مجايبي انا وتقوليا نتي الي جبتيها ليا …

الحبيب : نتي عارفة تربيتي ماشي ديال هاد الهضرة …الي تزيگزاگات ليا منعقلش عليها …تشوفيني ضحوكي وساكت ضارب دنيا ولكن عند الصح منعقل على حد …

يامنة : دابا كتهضر بصح ولا غير كطنز علينا اولدي هههه

الحبيب “شاف فيها بجدية ” : والله اميمتي الى بصح …

نجود : امنا بالله …

يامنة ؛ فين نشوف ليك غير معارفنا هنا ؟

الحبيب : لا ميمتي فوتي ليا هنا …بغيتك تمشي لعند خويا لدوار لفيرما وتشوفي ليا بنات الدوار الي تما …بغيتها من عندكم جوايه ديالك جيرانكم القدام …من جيهة الخالة سارة نجوى …

يامنة : وايلي واش كتهضر بصح ؟

الحبيب : اااميمتي راني قلت ليك …قلبي وعقلي مايل ليا لجيهتكم شوفي ليا بنت الناس وسولي عليهم …والي عجباتك نشوفوها ونهضرو علاش لا …

يامنة : مزروب ؟

الحبيب : الوقت الي جا الوليد قوليها ليه الوقت الي غاتكوني مسالية طلعي تما …

يامنة : نوار غاترجع شهر جاي دير سطاج عند ياسين …ديك ساعة نوصل عليها من بعد ونشوف ليك بعدا غير فلول نسول ونصقصي …”ضارت عند نجود ” تمشي معايا نتي وسارة ياك …

نجود : ان شاء الله …الله يكمل بالخير ..

الحبيب : الله يحفضكم “ناض ” نمشي نذوش بينما حطيتو عيطو ليا …

نجود : واش سباب هاد زواج …

الحبيب : قهروني فينما مشيت لقاهم مقنتين …

نجود : تا اش تقول يا هاد الولد ؟

الحبيب : بلغ السيل الزبى …القضية وصلت ل🦋🐺نور_الياسين (530)sana mina🐺🦋

غاديين فطريق راجعين لفيرما …هو سايق ويكمي واحد تابع لاخور معصب وضارو خاطرو فنفس الوقت من جيهتها …اما هي بقات غير حادرة راسها وتقول واش نطقات بشي كلمة …منضرها كيضر فالخاطر …ضور وجهو جيهتها عزات عليه لاح الكارو وحط ايدو فوق فخدها مسح عليه وطبطب عليها …

ياسين : مال كاندي ؟

نوار”الصمت ” …

ياسين “زفر بجهد وخفف السرعة حتى دخل لواحد البيست شي شوي بعد من شانطي ووقف الطوموبيل …ضار لعندها وهو يجرها خشاها فصدرو غير خشاها فحال قاليها طلقي دموعك وتنخصيصاتك فشي قلبك وقولي اش عندك بكي شكي ضربي دير الي بغيتي …لكن هادشي مادارتوش ابدا ما ضربات ما تنخصصات وانما بقات كتبكي غييير بالحس كيتسمع صوتها فحال شي قطة اذاوها قطة تعداو ليه عليها …

لا حول ولا قوة لها ولا يسمع انينها الا الله …بقات تبكي بشوي وهو كيمسح عليها ويبوس فراسها فحال كيطلب سماحة ويترجاها …

ياسين “بصوت وخا حرش معاها حنين ” : ماعليش ماعليش سماحة منك مكنتش معاك …

نوار “نطقات بصوت ضعيييف ” : عييييت اهى اهى …علاش كيوقع ليا هاكا ؟ علاش شنو درت غير بغيت ندير لخاطر …اه شي حاجات كيكون راسي فيهم قاصح وكنتصرف بتبرهيش ومعنديش العقل …ولكن علاش ولا هادشي كيوقع ليا …اهى اهى اشنو درت اياسين اشنو درت …كان غادي ياكلني كون ما البنت ضرباتو …كون مكانتش معايا شنو كان غايوقع ؟ …

ملي تزوجنا وانا فالمشاكيل وجايبة ليك المشاكيل اهى اهى …ملي عرفتيني ونتا عقلك غير معايا لا ندير شي حاجة ونتا كتفكر غير شنو درت لا ندير عنداك ديري …ملي تزوجتي بيا وربطتي راسك بيا ونتا فالمشاكيل ….

ياسين : نوار !!!

نوار : خليني نهضر …كون ماتزوجتيش بيا كون نتا هاني دابا مقابل خدمتك ومقابل رزقك …زدتك بيا حتى انا…اهى اهى نتا معندك ذنب فوالو انا الي معنديش زهر وتابعني نحس والمشاكيل ومدخلاك معايا فيهم ….نتا ماعليك والو سوا باغيني وانا عينيك اه ولكن را قد ما جلستي غاتعيا وصبرك يتقادا …

ياسين “بعد ليها وجهها بزربة وقابلها معاه كيشوف فيها بصرامة وجدية عينيه فعينيها ” : شنو كتخربقي نتي ؟؟؟

نوار “حدرات عينيها ونزلو واحد زوج دمعات كيجريو شاقين طريقهم فحناكها” …احسن نمشي فحالي ….

ياسين : شنو هاد الهضرة ؟ علاش كتقولي فيها ؟ شنو ضرك من جيهتي شنو شكيت عليك ؟ كتعرفي طبعي ؟ عاشرتيني وعرفتيني كيفاش داير ياك ؟

“فيكسا فيها شوفة هاد المرة ..العروق برزو والفك تجمد …عرق كيبان ليك كيضرب “…

هضرتها ماشي عصباتو او صعراتو او او انما توشاتو بزاف …لواحد درجة حس بيها فعلا هضرتها كل كلمة نطقاتها عناتها وخرجات من قلبها …شحال وهو كيشوف فيها ونطق …

ياسين : نهار اختاريتك ختاريتك حيث نتي …نهار بغيت الحلال ختاريتو معاك …مكاينش ولا كان الي يبززني على شي حاجة “ضرب بصبعو بجهد فناضرو ” كاينة هنا وانا مقررها …..ملي وعيت وانا كندير الي فراسي والوليد معايا حيث عارفني الهدف الي باغي معقول ومقتانع بيه وتاحد مغايفرض عليا شي حاجة …بدراعي من صغري …بعقلي من صغري …حقاني مكنضلم مكنجبد حد ….شن طن بهاد المعنى …خوتي تاهما كون بغاو يديرو فحالي ابدا واش كان يمنعهم …لكن كل وكيدار ليه الله فعقلو …

نوار “الصمت كتسمع ليه ” …

ياسين : نوار مادام بغيتك ابنت الناس راني قاد بيك وفايتك لهيه …الى خفت عليك ماشي كديري شي حاجة الى خفت عليك راني خايف عليك من ولاد لحرام …راس الكحل واعر ونتي ولفتي كلشي يجي لعندك ….

الى نهضت فيك بغيتك تعلمي …بغيتك توگضي على راسك …الى خطيناك شي نهار تلقاي راسك قادا براسك …وخا نحاول ونتقاتل باش متقاس شعرك فيك ماشي حيث عطيت لوعد لباك وعاهدت الوليد نديرك فعينيا …وانما حيث بصح نتي عينيا…كاين شي حد تسخا عليه عينو ؟

نوار “دلات شنيفاتها وشدات ليه فايدو الي شاد بيها وجهها ” : ياسييين …

ياسين : نوار …

نوار : شي نهار غادي تعيا واخا تقوليا هادشي …

ياسين : هي ناوية ديري شي حاجة من فعايلك ؟

نوار”هزات كتافها ” : هاني مدرتش وتبعوني المشاكيل…

ياسين : كيف عندي الحباب عندي العداوة …هذا هو كحل راس كاين زين وكاين الخايب …

نوار : واخا هكاك حاسا غادي تطرطق عليا شي نهار …قلبي ممهنينيش …

ياسين : نهار عطيت لعاهد لباك نتهلى فيك حيث غانتهلى فيك لانني بغيتك ليا بغيتك تكوني نصي وعرضي وديالي وكلشي فيك ليا …نعاود نقولها …الي قاسك قاسني فعينيا والي حاول يقرب ليك باش يلوي دراعي نقسم ليه دراعو …

نتي مرتي وشي نهار غاتولي ام ولادي …الفراق الي خايفة منو لا بغا الله نتقاتل باش نحافض عليك خاص غاتصبري كي صابرة لعصبيتي ومفششاني حتى انا ….الى بغاه الله لا جهد فوق جهد رب العالمين الى جا الفراق ولهلا يكتبو علينا …فهمتي ؟

نوار”شافت فيه بخوف قلبها كيضرب ” …

ياسين : الفراق عمرو يكون الا لا جا من جيهتك نتي ابنت الناس …هاد الهضرة منبقاش نسمعها …تشافاي وتقاتلي معايا وصبري دابا يفرج الله وتولي حنانة ولادي …وديك ساعة تلاهاي معاهم …”باسها في شفايفها وضار ديمارا وزادو مع طريق” …

#تصبحن_على_خير… نهاية الفصل الثاني الاسبوع المقبل وبداية🦋🐺نور_الياسين (531)sana mina🐺🦋

هذا هو حال الي قلبه كيكون عامر من جميع النواحي خصوصا الشخص الحساس بزاف فحال نوار ممكن اقل حاجة تقلقها وتخلي الكاس يفيض عندها …فرغات تقريبا ليه بشنو كتحس وشنو ضرها وشنو تجمع فقلبها …حتى هو ديما فاش كيشوفها مقلقة وباغا تفرغ كيخليها تفرغ على راحتها …كمية الحب الي كيعطيها رهيبة …ممزوجة بين فشوش حب دلال …واحد الاحساس فشكل …مفششها بمعنى الكلمة وواخذ بخاطرها كيف كنقولو داير ليها كي الما القليل …

وصلو لفيرما ودخلو لقاو دراري جالسين الا علي مشا لدار جدو بات سارة يشوفهم قبل ميمشي …وصلات وطلعات نيشان لبيت حيدات جلابة ودخلات لدوش نيشان غسلات وجهها …بقات كتبكي حتى بردت غدايدها اما هو باش يتبعها فضل يخليها طلع تبقا وحدها ومشا شاف سالم الي عيط ليه باش يشوف المعصرة ديال زيتون …

دوشات وخرجات كتنشف حالتها لبسات حوايج الخروج اكتفات بقبية ديال برد گري وسروال ديالها قطن فالاسود …نشفات شعرها بسوشوار دغيا وجمعاتو لفوق …جمعات حوايجها وقاداتهم ففاليز ديالها …سداتها وجمعات صاكها ولوازمها ودفاترها وداكشي الي جابت فاش كانت كتراجع وتحفظ …جمعات كلشي وجمعات البيت ودمعتها على طرف حيث غاتخليه تاني وتمشي …خلات كلشي تما ونزلات لتحت لقات اشرف واسامة برا عاد رجعو من الدوار …

نوار”بغير نفس” : اشرف جمعتي حوايجك ؟

اشرف : مجموووعين …

اسامة : ناري غاتخليو علينا دار خاوية …

اشرف : ولفت هنا …فين علي مزال ماجاش ؟

اسامة : شوي ويجي مزال الحال نا تعشاو وغاتمشيو …اجي مالكم رجعتو بكري ؟

نوار “كتحك فايدها والقرصات ” : والو دغيا نضنا احم …

واحد الشوي حتى دخلات الطوموبيل لاخرا كان فيها سالم وياسين الي كان باقي بالكومبلي باش جا خرج منها وتوجه لعندهم دخلو لداخل حتى وجد العشا غير بالخف بداكشي الي واجد وصافي دبقو بيه مابغاش ياسين يكثر على نوار ماعندها نفس براكة الي داز عليها …تعشاو وطلع دوش وبدل حوايجو وهبط هبط معاه فاليز ديالها وحوايج لاخرين تسالمو

مع اسامة ومصطفى وجا علي تاهو سلم عليهم وخذاهم لمراكش المطار طريق كلها وهو طالع ليه دم مساخياش عليه تمشي كيولفها بزاف بكلشي فيها كيف قالت ليه انا كنخلق ليك لومبونص فحياتك هنا …حياته الي كانت عبارة على خدمة جري من هنا ومن تما نفس الروتين حتى سافر لامريكا وهكذا ملي رجع وهي منورة ليه حياته كيف كان منور ليها قلبها ملي بدا ينبض على الحياة الواقعية وكبر عشقه فيه ….الوداع

هو الوداع وخا يكون مؤقت راه وداع صعب بالنسبة ليهم بالبكا وشحال وهي معنقاه بزز حتى سمعو النداء وتوجهو لبوابة مخلياه واقف كيشوف فيها حتى مشاو وطلعو لطيارة …وهادي هي سنة الحياة الي غادي غادي والي جاي جاي ….اصبح الصباح بمدينة ازرو …كيف وصلو تسالمت مع باها وامها ومشات رتاحت ليها شوي وجمعات ادواتها وهبطات من بعد ما هضرات مع ياسين طمناتو عليها عاد نزلات تفطر وتوجهات كيف العادة باش دوز يومها في ليسطا …

اما فهاد اللحضة خرجات صفية من الفيلا جارا فاليز ديالها حتى نزل وضار هزها ليها دارها فالكوف …

ايساف : باقي شي حاجة ؟

صفية : مزال فاليز اخرا …هادو غير صيفيين نحيدهم من هنا غير شي حاجة معنديش حوايج بزاف …

ايساف : الي خصاتك ناخذها ليك متهزيش هم داكشي …”شاف فساعته ” نديها ليك لدار ونطلع لخدمة حتى نرجع ونمشي نشوفو شنو تفرشي …

صفية : احم …ايساف …

ايساف : نعام مالك ؟

صفية : الفراش مابغيتش نكثر …

ايساف “غمزها ” : هي ناوية مطوليش فدويرة وتجي لبيتك حدايا ؟

صفية “تزنگت ” : الا …م بغيتش نكتر عليك غييي شوي شوي صافي …

ايساف : لا ماشي مشكيل اختي ماشي مشكيل في سبيييييل الله …ماشكيتس عليك …زيدي تمشي تقراي قوات فيك الصواب بزاف …

صفية : والله معاك بصح …”بغا يخنزر فيها وقفها صوت الهاتف الي صونا ليها برقم غريييييب ..”

ايساف : جاوبي مالك ؟

صفية : نمرة غريبة ماعرفتش شكون …

ايساف : جاوبي تعرفي …

بقات كتشوف تا قرب يسكت وهي تجاوب غير قالت الو ….

المتصل : بنتي هادي صفية الخالدي ؟

صفية : اه انا شكون الي معايا ؟

المتصل : الله يا بنيييتي وشحال قلبت عليك تا شحفت لا انا لا ولدي …الله يا بنيتي فين مشيتي …

صفية : ماعرفتكش شكون نتي اختي …

المتصل : انا مرات عمك ابنتي 🦋🐺نور_الياسين (532)sana mina🐺🦋

بالدعقة باش قالتها ليها ما شعراتش حتى حسات بايديها كيترعدو ووجهها ولا بيض فمها كيتفتف حتى قطعات كانت غاتطيح تيليفون كون ما شدها ايساف وشدو من عندها …

ايساف : شش مالك ؟

صفية : بب ب احم …تيليفون …

ايساف : بلاتي تهدني “حل باب طوموبيل وجلسها لداخل ” بشوية عليك شنو مالك ؟

صفية : م ما ااهى “نزلو دموعها كيجريو حتى خلعاتو ” اهى هضرات معايا …اهى …

ايساف “تحنى عندها وشد ليها ايديها ” : واخا غير تنفسي وهضري بشوي باش نفهم …شكون صونا ليك ؟

صفية “صونا تيليفون تاني كتشوف فيه وكترعد” : اهى اهى هاك طفيييييه طفيه مابغيت حتى حد منهم الله ياخذ فيهم الحق اش بغاو عندي تاني اهى …

ايساف “شد من عندها الفون وطفاه كاع باش تهدن ويفهم منها بعدا ” : هاهو هاهو غير بشوي …تسناي انا جاي …

مشا كيزرب دغيا دخل لداخل الكوزينة طلب منهم قرعة الما صغيرة عطاتها ليه سارة وداها بالخف …عطاها ليها شربات منها بقات شوييي حتى تنفسات وضار ركب جيهة لاخرا كسيرا بيها خرج من الفيلا ومشا حتى خرج لشاريع بعد بلاصا جنب وضار عندها تا حس بيها سكتات شوي …

ايساف : شنو واقع ؟

صفية : عمي اهى …

ايساف : عمك ؟!! مالو ؟ عندك عمك ياك ؟ مالو علاش عيط ليك شنو بغا ؟

صفية : عيطات ليا مراتو …قالت ليا فينك فين غبرتي شحال وانا نقلب عليك اهى …وعرفت بالي عمي مات حيث قالت ليا انا مرات عمك الله يوحمو ….اهى اهى اش بغاو عندي علاش كتقلب عليا علاش …

ايساف : علاش مبغيتيش تشوفيهم ؟

صفية “بحزن ” : حيث هما الي كرهوني فيهم هما بسبابهم تشردت فزناقي …

ايساف : عاودي ليا كلشي عليك عالاقل جات الفرصة هضري ليا عليهم …خليني نعرفك كتر شكون نتي …عارف الضروف لاحتك لزنقة عارف الدياب كانو غايتكرفصو عليك ومنهم انا تعديت عليك كتر منهم يمكن …خليني نعرفك ونعرف شكون نتي …نعرف البنت الي كانت نقطة تحول فحياتي …ممكن نقول لاحسن وخا مكنتش متقبل ….

صفية “كانت كتسمع ليه وكتجمع شنو تقوليه ” : هادو هما دار عمي او الي كان عمي الي خذا ليا دار حيث انا بنت الوحيدة وعصب عليا فالورت وخا عندي حصة لكن هو بغا يبيع وكانت عندو صلاحية وجرا عليا …حتى حقي ماعطاهش ليا وبسبابو خرجت زنقة وقلت. نسافر نخدم ونوقف على رجلي حتى وقع الي وقع راك عارف ومن تم وانا كنعس فزنقة “دموعها دايزين ” حتى جيتي نتا فطريق او هههه جيت انا فطريقك مهم تلاقينا وكان الي كان ….

ايساف : وعلاش ما حاولتيش دعيه ؟

صفية “هزات فيه عينيها لمدمعين ” : باش غاندعيه ؟ شكون غايوقف معايا ؟ هاني دعيتو …عندو باش يعطي رشوة ومنشد والو …هذاك عمي را واصل فمراكش ولكن طمع خلاه يدير هكاك …

ايساف : وعلاش عيطات ليك شنو بغات منك ؟

صفية : راك سمعتي قطعت عليها …مابغيت والو سوا ربي ياخذ ليا حقي منهم وحسبي الله ونعم الوكيل …اهى اهى حسبي الله ونعم الوكيل …

بقات تبكي ودعي حتى جرها بجهد خشاها فوسط صدرو مصور عليها ايديه وخاشي وجهو فشعرها كيبوس فيه ويطبطب عليها …

ايساف : يكون الي يكون والي دار ليك شي حاجة يستاهل العقوبة واولهم انا …تهدني دابا مديري والو من بعد فاش تصوني ليك تاني جاوبيها شوفي شنو كاين …”هزات فيه راسها كتشوف فيه بمعنى شنو كتقول ” …كنهضر معاك بصح …شوفيها شنو بغات وديك ساعة هضري …وديك ساعة انا معاك نشوفو شنو ديري …تفاهمنا ؟

اكتفات بالصمت لا غير اما هو بقا شحال كيشوف فيها هز ايدو دوزها على حنكها حتى هبط راسو وباسها فيه مطول فالبوسة حتى غمضات عينيها وهو مقدرش يحيد حتى نعل الشيطان …رجع ديمارا وزاد بيها لمعهد حطها تا دخلات وزاد لبرطما الي كرات طلع الفاليز ….

هكا داز النهار وهاكا دازو الايام كانو جد عادية مينة رجعات كتخدم فالبروجي فدار بينما وصل وقت باش ترجع لازمور هاد المرة تبداه نيشان …نوار رجعات كتقرا عادي متبعة دواها ونضام الغذائي حاضينها من هنا ومن لهيه ياسين …حتى دازت اسبوعين من الزمن عليهم كاملين …علي كان مزال باقي حيث عندو شهر تقريبا عاد غايرجع …يوسف حالتو تحسنات اكثر فاكثر وخا مزال متبع دوا وتريتمون ديالو …

اليوم يوم الجمعة جالسين كيتعشاو …

يسرى : ديرو بحسابكم السيمانة جايا غادي نحل العيادة …

نوار : يااي ماما واخيرا …

يوسف : كان عليها ديرها من شحال هادي هي الي لصقت ليا فالكلينيك …

يسرى : ههههههه صافي هاني غانجلس لارض نقابل غير العيادة كلينيك غير الحالة الي كدوز عندي صافي …

صهيب : شلا نتي كيجيو عندك ازرو كلهم اش نقصتي بنتك ؟

يسرى : مالها بنتي …

صهيب : مزال تدير ولادها وتجي عندك ديري ليها ديك تلفازة الايكو ولا منعرف …

مينة : الايكو غرافي او سونار …كاين بزاف اعمو …

يامنة : ان شاء الله تفرحني بشي حفيد فالمستقبل …

نوار”دارت ايديها على حناكها تزنگات ” : عمووو …

صهيب : وايلي مغاديريهمش نتي دوك دراري لاش تزوجتي بفحم الفعايل ….

يوسف : تولد ليا فحمة الفعايل ههههه

يسرى : دابا دورو 🦋🐺نور_الياسين (533)sana mina🐺🦋

تنشرات حداهم واحد خيتي ماعرفوها منين بعتات تا تلاحت عليهم كانو غيجيو على فامهم وخا جالسين غا شدو فراسهم …اركان دور تيو ديال شيشة على ايديه وهزو كان غايشحطها بيه …

اركان : تي منين جيتي الخرا منين تفووو …

علي “طلعها وهبطها لابسة كسوة كحلة وغلييييضة مشتتة ” : لاش لابسة هاد الكسوة غا حيديها بزازلك باينين وكرشك مغطية ليك سيدي عباس (طبون هههه ) …

الحبيب : ترمتها مكايناش اصلا فاش نطمعو …

علي : تقولي حابسة الحزقة من 2002…

اركان : شكون نتي ؟

هي : اوييييلي يا اركان نتا ديما هوكا ازمر …اويلي نسيتي الفئيئصات …

اركان : اينا فئيئصات فيهم …

هي : نسيت بيرو …

علي : لا كيعرف ماحيا …

هي “طلعات وهبطات فعلي بتخنزيرة “

علي”رفع حاجبو ” : اجي طرشيني …

الحبيب : واحد شوي دفل علينا ..

اركان “جر من شيشة تااا جر بختورية ” : واش نتي عبير الي كويتها نص كوية …

علي : اهء خهخخخم “حبس الضحكة” …

عبير “خنزرات فيه ” : هضر بشوي شوهتيني …

اركان “نطقها بشويييي ” : اااودي جيت نگلبك قلبتيني تا طحت على ضهري …بناقص من الهة مها كوية معاك …مالك تتخنزري ؟”يقتلك غا بداك البرووود والهضرة بتقااااالة وقت الي بغا ” …مالي كذبت ؟…

علي والحبيب كحزو ودار ايديهم على حناكهم حاضينهم اش تيتقاولو اوكان عندو شن طن كلشي يعاودو الى بغيتيه يقوليك شي ليلة ما قيمش فيها ميعطلكش الي كاين تيقولو ههههه فمو مشرگ ….

عبير : ماحشوماش عليك …عام هذا وانا كنحاول ندير ريجيم ا بب على قبلك وفلاخر تقوليا هاكا ؟

علي : شحال نقصتي اختي نتبع ريجيم الي درتي ؟

الحبيب : اهههه خمسة غرام فصبعها الصغير خههخخ …اربيييييي فينك يا ايساف فينك …

عبير: مانقصتش…. ماخليت ما درت ….

اركان : عرفتي علاش ؟

عبير”كتكحز حداه وتمحكك عليه ” : هننم علاش ؟

اركان : حيث نتي اصلا خف من رزقك حيث اصلا اصلا مافيك ميتنقص منفوخة عالخوا …ماشي شحمة هاديك ابنتي انا نقوليك …

علي : واش ؟

اركان : هاديك المنكر المنكااااار يا العيادو بالله …هز رجلو تا هزها وكحزو دراري ودفعها بجهد رجع ليها طيحة الي كانت غاطيحهم تا جاو ايديها فلارض مكاليا بيهم …”جهد صوته ” تلاحي تقودي عليا من هنا يلاه …

عبير “ناضت وقفت كتسوس هاذي حالها لا معاه لا مع غيرو هههه ” : واخا بغيت نمرة ديال صاحبك …

اركان : اينا صاحب القحب** …

عبير : مابغيتهاش انا اييي حرام عليك …

اركان : اييييينا صاحب اتبي ولمن بغيتيها …

عبير : بغاتها حياة رااا هي بنت سي جلال مدير المركز الجهوي الي هنا ….حياة العماري …

اركان : ايييه حياة قلواني اش بغاتها واينا صاحب بغات نمرتو …فوتي غا ياسين هذاك را واحد شخص الفوووووق مكيتشافش ديال ماليه وخا يكون اعزب مغايشوفش فيها سيد معقول …

عبير : لاااا مبغاتش ديال هذاك الحرش زين …

الحبيب : ايواااا خويا خط احمر …

علي : غايدوز على مك بالكاغط الحرش لديك المصاطة (الترمة ) الممصوصة عندك …وتعرفي الحرش اش كيسوا …

اركان : من لاخر شكون بغيتي نمرتو كاع صحابي مزوجين بقيت غير انا …

عبير : بغات نمرة داك زرق العينين الطويل المگضر الي باه من فلسطييين …

الحبيب “تگعد ” : ايساف ؟

عبير : اااه هذاك …هي حشمات تقولها ليك وحيث كنعرفك بغاتها …ياك مزال عزابي …

الحبيب : هذاك عشيري انا انتيم ديالي نعطيك نمرتو متخمميش اركان ضربيه على حسابي …

عبير : بصح !! واخا عطيها ليا را كتسنا …

الحبيب : اجي قربي نعطيها ليك اجي ازين …”جبد تيليفونو هي قالت غايعطيها ليها …يلاه قربات وهو يهز ايدو وخمج ليها وجهها جمعو بايدو ودفعها تا جات لارض …” شفتي البرگ الي ضرب فوجهك ؟ تما كاينة نمرة حكيها وطلع ليك …..

نوضي تقودي سيد بمرته ونتي كتقلبي على نماري …تكون تا بنت كلينتون …نعل الي ميحشم ..سيد كلو كلو تابع مرته باغي نمرتها ويعطيك نمرته هو ؟…

ناضت كتقاد فحوايجها ومشات كتسب فيهم مخليا علي بغا يجهل بضحك واركان تاهو ميت بضحك …

اركان : جاب الله ما كويتهاش …

علي : تحسب عليك ضاعو فيها ولادك الشرفاء البهجاوية (حيث اركان مراكشي ) …

اوكان : ي🦋🐺نور_الياسين (534)sana mina🐺🦋

اشرف ملي جا فؤاد فهاد الصباح بعد غياب طويييل جدا وهو غايب فموسكو …رجع غير ليلة والغذ ليه عاود مشا تاني حتى رجع الامس بالليل …كيف فاق اشرف وجا من القراية عيط ليه جا لعندو المكتب وهضر معاه …اسرف من ديما شخص مفضل عندو وخا مكيبينش لكن افعالو معاه فاي حاجة يسبقو اشرف ويشوفو شنو خاصو الى مرض كيبقا يسول عليه حتى يبرا ونفس الشيء ياسين معاه …

اشرف “حادر راسو ” : الحمد لله الوليد …

فؤاد “جمع ايديه قدامو مشابكهم …وشاف فيه ” : عندك رغبة واستعداد تسول على واليديك ؟

اشرف “قلبه ضرب كان كيتسنا فهاد السؤال من الي عرف فحياتو …وديما كيوجد ليه باش يجاوبو هاد الجواب ” : احم …الوليد …انا ملي حليت عينيا وانا وسطكم الصدر الي هزني يعطيني لاخور كلكم كنتو ليا واليديا …مكنعرف تا واليدين من غيركم …مكنقدرش نتصور واليديا من غيركم غيرهم الى عرفتهم مغانحس بوالو الوليد من جيهتهم ..

فؤاد : هذا حقك …انا معاك فالي بغيتي ولدي …

اشرف “هز فيه عينيه ” : عارفهم ؟

فؤاد “غمض عينيه وحلهم ” : الى بغيتي من دابا نعرفهم كلشي بامرك اولدي …..

اشرف : انا مابغيتش نعرفهم …

كلام اشرف كينزل على قلب فؤاد فحال العافية قهرو بمعنى الكلمة بقا فيه بجهد…

فؤاد : تشوفهم عطيني كلمة منك …

اشرف : علاش ماعرفتيهمش فديك ليام الي لاحوني فيها ؟…

فؤاد : ماتحركتش خليتك عندنا مابغيناش نقلبو عليهم …الطريقة باش لقيتك هما الي بغاو يحطوك تما …حتى كبرتي شوي وبحث عليهم ولقيت اثر ….تاحاجة ماتخفا عليا …

اشرف : عارف الوليد عارف …

فؤاد : نتا غاتبقا ولدي الصغير يكون الي يكون هزيتك لحمة بين دراعي وكبرتك واحد من ولادي وليتي عيني رابعة باش كنشوف …يكون الي كان غاتبقا اشرف رمسيس ولدي ….”ركز فيه شوفة” ديرها فبالك …

اشرف “ناض لعندو باس ليه راسو ” : لهلا يخطيك الوليد …

فؤاد : الوقت الي بغيتي علمني …

اشرف “شاف فيه وضحك ” : ابدا وعمرو يكون ليا رغبة باش نشوف الي عطاتو خاطرو يلوحني مغاديش تعطيني خاطري نشوفو …اصلا ماعارفهمش ممربيش عليهم الكبدة …كنت وغانبقا واحد الغلطة كبرات ولاحوها لكلاب …كون عندهم الكبدة عالاقل يحطوني قدام خيرية ولا شي جامع …

فؤاد : يكون خير …دنيا دوارة دنيا دوارة …

ابتاسم ليه اشرف وحدر راسو وخرج خلاه كيشوف دار صباعو على حنكو متكي كيلعب بستيلو حتى تگعد هز الفون ودوز ليه الخط …ماشي بزاف وجاوبو فالبلاصة …

ياسين : الوليد عاش من سمع صوتك ….

فؤاد : خاصنا النظر فوجهك …

ياسين : مرحبا الوليد ..

فؤاد : جاي لهنا ؟

ياسين : موحال الوليد الخدمة مزيرة …

فؤاد : الى ساليت نجي انا والحنانة ومرتك لعندك…

ياسين : هضرتي معاه ؟

فؤاد : عطيتو شنو كاين ..

ياسين : شنو قاليك ؟

فؤاد : الي قالو عندو فيه الحق …الي بغاها من حقو …مبغاش يعرفهم …

ياسين : من حقو وخليه على خاطرو …الي بغاها حنا معاه فيها …نتا عرفتيهم ؟

فؤاد : مع الاسف …

بقا كيهضر معاه حتى سالاو وقطع فنفس الدقيقة دوز ياسين الخط لمرته الي توحش صوتها …

نوار : ياسين انا نهضر معاه ونجي ماما …

صهيب : سيري سيري بنتي …

يوسف : واش سولاتك ؟

صهيب “غمزو ” : حسبها سولتني وعطيتها الاذن …

سارة : ياويل الشيطان نتا مالك …

صهيب : بغيت نطير …

يوسف : ياك بعدا …

مشات لجردة وجاوباتو …لابسة بينوار ملوية فيه ودايرة القب على راسها فيه وذينات ارنب فالغوز …صونا ليها فيديو …كيف جاوبت بان ليها متكي فالناموسية عريان غير بالبوكسر داير مخدة تحت راسو ومخدة فوق كرشو مسند عليها ايدو …لحيتو طوالت على كيف خلاتها …

ياسين “شعرو مخربق عاد مدوش …كمش فيها عينيه ” : شنو لابسة ؟

نوار : هههه بينوار فيه ارنوب هههه …

ياسين : علاش خارجة لجردة دخلي من البرد …

نوار : لداخل دار عامرة ماغاديش نسمعك مزيان وغايبقاو يسولو ويطنزو راك عارف …

ياسين : دخلي نهضر معاهم ورجعي خرجي …

نوار : واخا …

هزات الفون وتمات غاديا هو دغيا هز تيشرت ديالو لبسو بزربة حتى جلسات وسطهم وهي تهضر …

نوار : ياسين هاهما …

يوسف : وفحم النساب …

ياسين : بات كاندي …

صهيب : شني هادي كاندي “نوار تزنگت صافي عرفاتو علاش ناوي ” …

نوار : احم هي زوينة …

يوسف : شكون زوينة ؟

ياسين : كتعني واحد نوع من الحلوة كيتمص …نوار حلوة ديالي …انسيبي

اش نقوليكم نوار بالصدمة وتزنيگة خلاتها تولول بدعقة لاحت ليوسف تيليفون على وجهو تا تقصح بان ليه ضو ف طوكيو وهربت لكوزينة عند مها ويامنة بغات تبكي …

صهيب “ناض يقلب فيه ” : يوسف منخرك ؟

#تصبحن_على_خير…عتي لباباها لقتع …قولو امييييين …

#يتبع….دورة وتشدو ليا فالبنت ويلي …

#يتبع…مرات عمك الله يرحمو …

#يتبع… الفصل الثالث والاخير قريبا …رباط”مشا وخلاهم وحدة تشوف فلاخرى ويضحكو ” …

#يتبع……..

 #يتبع…ا بشر وانما بشوفة القتيلة …

#يتبع… …”حتى نقز الكلب …”

#تصبحن_على_خير….زيف على راسهم ” : واخا مي …

#يتبع…ل عليك لعنة ليهود ..احم…الله يجازيك بالخير …

#يتبع…

🦋🐺نور_الياسين (535)sana mina🐺🦋

هذا هو حال الكريمة المخفوقة او كاندي ديال ياسين او لالة ومالي ديال يوسف هههه هذا هو حال ردات الفعل ديالها ماشي شي جديد معروف عليها هبيلة فالتة خضرة مسالية هادشي الي عطا الله …خلات يوسف شاد منخرو وكيقول هادي هي اخرتي على ايدين لمسخوطة ديال بنتي …ولف ولف وصهيب يا يضحك عليه يا يطل عليه …هكاك كيدوزو الايام …حتى صبح الصباح على يوم جديد من بعد ايام قليلة اليوم هو الافتتاح ديال العيادة الكبيرة الي دارتها يسرى والي كانت مقررة تفتحها شحال هادي لو ما ضروف مرض يوسف الي خلاها اجلات كلشي وتحضيرات فقط الماترييل الي كانت مدومنديا عليه يلاه وصلها ورتباتو …عيادة نسائية وجراحة كبيرة فازرو واليوم غايكون الافتتاح …دق الباب …

مينة “حلات الباب ودخلات حيث عارفاها وحدها مكاينش ياسين باش تسول واش دخل ” : نوار مزال موجدتي ؟

نوار”كتنشف فشعرها ” : مزال تدعقت عافاك شوفي بيا شنو لبس تما تلفت ….

مينة : شنو ناوية تلبسي …

نوار : ماما قالت ليا لبسي غير عادي …

مينة : واخا كملي انا نشوف ليك …

مشات لماريو كتقلب ليها فالحوايج جوايه القبيات …اختارت ليها قبية فالبوردو وسروال دجين سليم …واحد كسوة ديال خايط فالزيتي طويلة تال تحت …

مينة : هادو وحدة فيهم احسن ليك …هو كنفضل الكسوة والكاب ديالها الي فالموطارد…

نوار : صافي لبس هاديك كسوة …ونتي شنو غاتلبسي ؟

مينة : تقريبا فحالك غير انا قصيرة غالبس معاها دجين …شعري غادي نطلقو …

نوار “كملات تنشاف وخلات شعرها مفرود باقي لابسة بينوار ديال فوطة …هزات كريماتها وبدات تدهن ” : انا ندير بوندو ديال هاد لكسوة ونخليه مطلوق …

مينة : ياسين مجايش ؟

نوار”بحزن حيث توحشاتو قرب يكمل شهر باش جات من عندو ” : موووحااال “طولتها بنبرة حزينة ” …

مينة “قربات لعندها ” : دابا يجي غير صبري هادشي عارفينو ومتافقين عليه غاتصبري حتى تكملي وتمشي عندو بمرة …

نوار “تنهدات ” : عاارفة وخايفة فنفس الوقت …

مينة : مناش خايفة ؟

نوار “هزات كتافها ” : ماعرفتش فينما كنمشي عندو كيوقعو مشاكيل يمكن حيث مكنقولش ليكم ولكن بزاف موقع ليا تما وهو كيصبر ليا بزاف وخا واعر ومجهد …

مينة : مجهد معاك ؟ واعر معاك ؟ كيتعصب عليك ؟

نوار : الى درت شي حاجة غواتو كيخلعني تخنزيرة ديالو فاش كيتعصب …واخا بديت نولف عليه …

مينة : يتعصب الي يتعصب عليك قد ما تعصب را ماغاديش يمد ايدو عليك …نتي تبتي وترزني وحاولي نقصي المشاكيل وزبايلك وقصوحية راسك …وهو ميخصك معاه خير ياسين يتعصب على كلشي فاش كيوصل عندك كيتهدن نتي مرتو دابا عرفي كيفاش تهدنيه بطريقتك …هذا هو زواج وهذا هو ياسين الي حليتي عينيك عليه ونتي كتموتي عليه …حقق ليك الله حلمك وجمعك بالحب ديالك خاصك تحلي عينيك ان الحب ماشي هو كلشي الواقع شيء والحلم شيء …الى بغيتي تعيشي كيف بغيتي وتمنيتي معاه هزي معاه المسؤلية ونقصي من فشوشك راكي دابا امرأة ماشي بنت …فهمتي ،؟يلاه

انا نمشي لبس باش نهبطو را كيتسناو لتحت …خرجات من البيت وخلاتها كتشوف …دلات شنايفها وحدرات راسها ونطقات بحزن …

نوار : انا ديما الي دايرة كلشي عندو صح الا انا الي مني الغلط وضاصرة …وااااخا …

رجعات كملات ولبسات الحوايج الي اختارت ليها …طلات على لفون مكاينش اتصال من ياسين خشاتو فصاك ودارتو جنب رشات بارفانها مدارتش المكياج اكتفات غير بايلاينر شوي ماشي بزاف وگلوص غوز ممعيقش ومرطب فنفس الوقت …لبسات بوط فلون الكاب وخرجات من البيت هبطات لقات الكل تقريبا يلاه مشاو بقا غير الحبيب ومينة واشرف اما ايساف هز صفية وزادو راوية مشات مع ايلاف ونجود …وصلت عليهم وتبعتها مينة تاهي …

مشاو لعيادة قبل ميبدا الاحتفال الي كان غيييير بسيط فيه البوفيه مشكل وناس قليلة فقط العائلة والي بعاد رسلو التبريكات وتهاني …عند الباب واقفة يسرى ويوسف …كلشي بارك ليها اولهم فؤاد عطا صواب والكادو كلف يامنة بيه بقا غير شوي وتحرك هو وايلاف بعدو على ناس وضجة …

نوار “مشات عنقات يسرى سلمات عليها وتنخششات فيوسف ” : باباتي …

يوسف : امم من صغيرك …

مينة : ماماا مبروووك …

يسرى “نخششت مينة فيها ” : اجي بنتي نتي الحنينة ديالي …

نوار : وانا ؟؟؟

يسرى : براكة عليك غير باك انا بنتي لقيتك قدام جامع وجبتك …

نوار “شهقات وضارت عند باها ” : بابااا !! ماما حرام عليك فحالك فحال بابا …

يوسف : لا والو واش نجي من جيهتك عاد ملختي ملتي لمنخر …🦋🐺نور_الياسين (536)sana mina🐺🦋

بقاو يتناگرو عائلة يوسف الصغيرة مع بعضياتهم …حتى انضمو ليهم البقية شي كيبارك شي كيضحك معاهم …الناس الي باركو كتااار الاحباب كتار واحد شوي حتى جات ام يسرى اي جدات البنات وخال يسرى …سلمو عليها وباركو ليها …

ايساف “واقف مع راوية فجيهة لاخرى ” : الوليدة واش من نيتك ؟

راوية : ايساف !! نتا ولدي وانا عارفاك …البنت الي عليا درتو معاها نصحتها تبعد منك وباقا عند هضرتي …باش لقاك جبتيها وقلتي بغيتها تسمح ليك ايه ولكن باش متفرقوش وتقول باش تسمح ليا وتعطيكم فرصة هادي منقبلهاش …ماشي حيث مبغيتهاش ولكن ايساف نتا كنتي واحد الانسان الي تعدا عليها وغلطتو …غذا ولا بعدو تعاود معاها نفس الغلط الضرب والاهانة والعنف …من امتا دخلات ليك لقلبك وبغيتيها ؟

ايساف “كان غايجهد صوته غير شاف ناس ” : الوليييييدة …انا بعقلي وعارف اش كندير …

راوية “باستهزاء ” : ههههه لا بعقلك وايلي شكون فحالك فالعقل …

ايساف : ماقلتش كنبغيها قلت تعطيني فرصة البنت كنحس بشي حاجة معاها لاول مرة كنبغي نبقا مع شي وحدة الوقت كلو …

راوية “غززات سنانها ووركات على الحروف ” : ايييييييسسسسساااف راك ولدي وحافضاك وعاجناك …راك ملايقش ليها وهي مالايقاش ليك زواجكم بدا بالمشاكيل ومشكيل كبير …

ايساف : ولاخر مرة كنقوليك انا بعقلي وعارف اش كندير وقراري انا مسؤل عليه …

راوية : كريتي ليها وكتمشي لعندها ؟ مزوجين ولا مصاحبين ؟ شنو هاد الفعايل ؟

ايساف : ياك مزال حلالي شمن مصاحبين …باش نتعرف عليها ونعطي فرصة لراسي معاها فضلت نديرو كلشي فالحلال مدام مزوجين حتى الى كانت شي علاقة ميكونش الحرام عائق بيناتنا …

راوية “خرجات فيه عينيها ” : واش من نيتك ؟ واش غير ولبارح (تعبير مجازي) ضربتيها عنفتيها نعستو فالحرام وضيعيتيها وجاي كتقول نديرو علاقة ؟ اشمن فرصة تعطي لراسك لا نتا لا هي ممناسبينش ا ايساف ماااااامناااسبينش …انا ممعاكش فهاد القرار وسدات صافي ….

ايساف “حدر راسو وهزو ” : خااطرك الوليدة …نهار كنتو باغيني ندير عقلي ما خلا من عاير غوت اهانات عالجهد ملي بغيت نصحح الغلط ضرتو فيا ملي بغيت نعطي فرصة لراسي معاها ممناسباش …كضحكو عليا ؟ “قرب لعند وجهها “هي الي بغيت وهي الي غانكمل معاها بغيتي ولا كرهتي اميمتي …

راوية “بقات كتشوف فيه تشوف شحااال ” : ياك ؟ ايوا الله يهنيك …ماتسناش مني تا حاجة الله يسهل عليكم …”خلاتو ومشات ” …

اما هو غمض عينيه بنفاذ صبر وضار مشا كيقلب عليها بعينيه حتى بانت ليه واقفة مع سارة ويامنة كيهضرو ونجود معاهم …حتى وقف عليهم …

نوار “جبدات من صاك تيليفونها قلباتو مالقات حتى اتصال منو وهي تقرر تصوني ليه هي صونا شحااال عاد جاوبها ” : ياسيين …

ياسين : نوااار …

نوار : تسنيتك تهضر معايا …من البارح …

ياسين : الخدمة نوار عندي كتيرة…شوي ونهضر مع يسرى …نتوما تما ؟

نوار : اه هنا كنت كنتسناك تجييي “بنبرة حزن

ياسين : ممساليش تمارة فوق راس هذا الله …

نوار : هادي اخر سيمانة مغاتجيش ؟

ياسين : لا مكاينش كيفاش ماكرهتش …

نوار : تااااني …بزااف …

ياسين : قربتي تخرجي سطاج وتجي عندي …

نوار : باقي خمسطاش اليوم …

ياسين : ماعليش غمضي عينيك وهانتي معايا …

نوار”كيحساب ليها واش غايقوليها تانا توحشتك ” : يااك …احم واخا …

ياسين : يلاه تهلاي فراسك عندي اجتماع دابا …شوفي نزلي خوذي من عند سفيان(الشيفور) شي ورد وواحد ساشية غايعطيها ليك عطيه ليسرى….

نوار : واخا …”قطعات معاه وهي حزينة بزااف …حنحنات وتوجهات لجيهة الباب ونزلات من العمارة هبطات لعند الشيفور كتقلب عليه مالقاتوش يلاه غاتهز تيليفون باش تعيط وهو يكلاكسوني بجهد تا طارت ونزلت وغوتت شادة على قلبها ….

نوار “ضورات وجهها ” : وااععع …”حتى حست بوجعة فكر🦋🐺نور_الياسين (537)sana mina🐺🦋

شدات على قلبها وليني را كلاكسون سمعات مع وقفات طوموبيل عند رجليها وهي ضايرة …غير ضورات وجهها وهي تغوت تاني …

نوار : وااعععع”خرجات عينيها ” ياسييييين ياسييين …

ياسين “نزل من سيارة وسرح ايديه وهي تمشي كتزرب لعندو تلاحت عليه عنقاتو وتاهو خشاها فيه مضور عليها ايديه خاشي وجهو فشعرها كيبوس فيها ويعاود …شي ربع ساعة وهما على ديك الوضعية …حتى هز ليها راسها” : شكون يسخا بيك ؟

نوار : هههههه حرام عليك مالك ما قلتي ليا راك جاي غير نوجد …

ياسين “رفع حاجبو ” : شنو توجدي …

نوار : هاا اهههه نتسناك زعما احم …يلاه وصلتي ؟

ياسين : وصلت طلعت لدار دغيا وجيت …كلشي لفوق ؟

نوار : عمو فؤاد وايلاف مشاو قبيلة وميمة شوي وغايديها ايساف عيات ولاخرين باقين عمو صهيب وعلي وماما وبابا ضروري و حتى خالتو يامنة وجداتي سعاد …

ياسين “عنقا بجنب وتمو غادين ” : يلاه نشوفوهم …

طلع هو وياها كان هاز فايدو داكشي الي قاليها نيت وطلعو غير دخلو جات يامنة كتجري لعندو توحشاتو بزاف هي يمكن كتر من نوار ما شافتو …بقات شحال معنقاه وسلم على يوسف ويسرى بارك ليها تاهي …عطاها الكادو ديالها …عاد داز سلم على البقية …

ياسين “رجعات جات عندو يامنة ” : الحنانة ديالي …

يامنة : حنينة ديالي …طولتي الغيبة هاد المرة …

ياسين : راكي مولفاني كنغيب “باس ايديها بزوج ” اش وقع هاد المرة …

يامنة : هههه هاد المرة ولفتيني نشوفك بزاف “غمزاتو” ولفاتك نوار تجي بزاف وولفناك …

ياسين : الولف صعيب اميمتي …مكنتش مسالي مكاينش كيفاش ندير نجي بزز خطفت هاد اليومين …الى توحشتيني جي لدارك الي تما نوري عليا تانتي نورك وحدو …

يامنة : ونورك عليا وحدوو حتى نتا …بغيت نجي نيت خوك بغانا نشوفو ليه بنت الناس من تما …

ياسين : هضر معايا على هادشي شحال هادي …حتى وكان تجي مع نوار وبنات ناس تما عطاهم الله …خاص غير يكون هو راجل معاهم …

يامنة : ان شاء الله …غير دير بحسابك دوك ليامات غانكونو عندك انا وميمتك نجود ويقدر تمشي معانا سارة تاهي وضروري نوار فاش تجي دوز عندك سطاج ديالها …

ياسين : وايلي داركم هاديك اش ليا انا …

رجع لعند نوار الي كانت واقفة مع يوسف وصهيب …وعنقها بجنب …

يوسف : على سلامتك اولدي …كيدايرة الخدمة تما …

ياسين : والخدمة هاد شهر مزيرة شوي اخر العام هذا راك عارف الحسابات ديال العام كلو لا هنا ولا هنا …

يوسف : وا هاذشي الي عطا الله …تمارة اخر شهر فالعام تمارة نيت …

صهيب : هي عندك غير يومين …

ياسين “كيحك لحيتو كتبغي نوار تمشي كيجرها ” : وا بزز باش خطفت …حنا ساهلين مع يسرى …

صهيب : لا والو تا حد ماساهل معاها لا فات تا غضبت لينا متصالح على شهر سولني انا الي قاري معاها …

يوسف : نتا قاري معاها وفضحتينا واش نقول انا الي معاشر معاها …

صهيب : غا مزال مريض اما كون طليتينا جات غا فيا انا …

نوار : انا نشوف ميمة سعاد …

ياسين : انا عاد جيت انوار فين غاديا ؟

نوار “بغات تفلت حيث عارفاه غايدير شي حركة يحشمها عزيز عليه يستغل الفرصة” : احم واا غير نشوفها ونجي …

ياسين : جلسيي لارض …

صهيب : جلسي بنتي جلسي …المسخة جاياك جاياك …

ياسين”رفع حاجبو ” : مسخة ؟؟

يوسف : فحم الفعايل عارفينك اش كتسوا …خوذ راحتك اولدي …

ياسين : يسرى مرتك ؟

يوسف : ومرات من ؟ مرتي اويلي …

ياسين : ليك حق فيها وكامل الحق مكاين الي يهضر معاك ولا يمسخك ؟

صهيب : الي دوا يرعف …

يوسف : ايييه

ياسين : نوار بنتك ؟

يوسف : بنتي ونخشيشة ديالي اخر العنقود …مالها ؟

ياسين : خطبتها منك وعطيتيها ليا شنو قلتي ؟

صهيب : قاليك هي نور عينيك قلتي ليه هي عينيا …

يوسف : والى ماسكتي نتا نتقب ليك عينيك …

صهيب : حيث عيان الفردة كنبغي نفس عليك …

يوسف : ايه هادشي كاين …وملي درتي العقد قلت ليك راها ديالك ..

ياسين “عنقها كتر وباسها فجبهتها ونخششها فيه وتم غادي بيها وكيهضر” : هانتا قلتيها ديالي ….شفتي شنو وصلت ليك ؟ هانتا عرفتي شنو كنسوا …

خلاه كيشوف وصهيب كيرمش …

صهيب “ضحك وخبط كفوف ايديه ” : ااالزمتة كون كانت بنادم هي نسيبك ايوسف …نتا الي مناسب حق ربي …متهضر ماتكلم سكتك بلميييين تا سكتك من الي تزاد وهو مسكتك …

يوسف : نهار سبوعو سكتك سكتة وحدة …بلا منفكرك في فولات الحولي اصاحبي …”مشا وخل🦋🐺نور_الياسين (538)sana mina🐺🦋

هاكا داز الوقت فالعيادة والاحتفال …ايساف استاذن حتى وصل نجود بينما رجع باش يكملو الاحتفال واحد شوي ويمشي كلشي فحالو ..وراتهم يسرى كاع الماترييل الي خذات كلشي دومونداتو من فرنسا جديد من الف الى الياء …وخذات ملفات سير الذاتية ديال الي غايخدمو معاه زوج فرمليات ووحدة سكرتيرة حتى تشرف كفاءاتهم وتعيط ليهم …تفتح البوفيه الي بغا ياكل ياكل مرحبا بيه …كان واقف ياسين مع الحبيب ويوسف واشرف مهم رجال واقفين بعيد وكيهضرو الا ياسين الي حاضيها بعينيه من تحت تال لفوق …جاتو فشكل زوينة على غير العادة وقفتها وحتى الماكلة الي كتاكل …توحشها بلا قياس وجاتو عليها …ماحسش براسو من كثرة شوق حتى مشا لعندها وجرها من ايديها حتى هو باناقته هاد المرة جا بتيشرت بيض وكحل وفوق منها كبوط الي حيدو فطوموبيل ونزل وسروال دجين …

نوار “شافت فيه ” : مالك ؟

ياسين : شششت …

دخلو لسانسور حتى تسد وهو يحبسو ووقف …

نوار “هزات راسها ” : شنو ع علاش وقف …ماجات فين تكمل هضرتها حتى لقاتو جرها بجهد زدحها مع صذرو ودار ايدو خشا صباعو فشعرها لور وجرها لعندو نيشان لصق شفايفو مع شفايفها شدهم ليها ما طلقهمش وايديه هابطة لتحت وكتلعب وتجمع المؤخرة حتى هزها شوي لعندو تعلاو رجليها تاهي ماعرفاتش ومحساتش براسها تالقات راسها مضورة ايديها على عنقو بريحتو الي دخلات ليها لنيفها وتوحشاتو بزوجهم جمعهم شوق لبعضياتهم …كيتسمع فلداخل ديال

سانسور اصوات البوس وانفاسهم المجهدة جهلو على بعضياتهم تا حس براسو ماغيبقاش يقدر…هبط لعنقها شلقمو مزيااان وفصل القبلة تقابل معاها كيلهت بجهد …ساط انفاس سخووونة …يلاه غايهضر معاها وهو يصوني ليه لفون …

نوار”مسحات فمها وجهها مزنگ ” …

ياسين “جبد الفون بان ليه رقم ديال امريكا ” : hello …yeah …yeh roben …yes …ok but …

بقا كيهضر بالانجلش دار صبعو على البوطون وتطلق سانسور تحل وخرج معنقها وكيهضر فنفس الوقت قادات حالتها لا يخرج شي حد وينتابهو ليهم …اما هو بعد شوي وكحز كيهضر ويشالي بايديه …جهد نص ساعة وهو كيهضر لكن قبل غمزها بعينيه باش تدخل تسبقو …دخلات هي وبقا هو كيهضر ….

دخلات لقات الاغلبية بغاو يمشيو …بقات واقفة مع صفية ومينة كيهضرو …

مينة : فين كنتي ؟

نوار : احم اا ؟ هبطت معاه كما وطلعنا ..

صفية “كتشوف ف مينة ” : امم وفمك حمر بزاف …

مينة : هههههه …

نوار”خرجات فيها عينيها ” : اويلي حلفي حلفي …اشنو ندير ليه …

مينة : مشا يكمي ورجعتو ياااك …

نوار : وااا مينة سكتي دابا يسمعك شي حد …

مينة : الحبيب راه مع بابا وعمي صهيب

صفية : ايساف مشا يوصل ميمة نجود …

مينة : تهدني اختي تهدنييي …

بقات كتنش على راسها حتى بان ليها ياسين دخل ومشا نيشان عند يوسف وصهيب والحبيب …

داز الوقت وسالا الاحتفال متمنيين ليسرى بالنجاح وتوفيق ورزق وتيسيير فعيادة ديالها جديدة …كلشي خرج بقات يسرى ويوسف حتى تسد العيادة وتجي هي وياه …

راجعة نوار وياسين فالسيارة وحدهم حيث البقية كلشي مشا مع شي فسيارته …

نوار : مالك قبيلة كنتي مقلق فتيليفون …واقعة شي حاجة لهيه ؟

ياسين : لا موقع والو …غير دوك صحابي الي كنت مرة مرة كنشاركهم تريپ …

نوار : مكنتيش كديرو بزاف ؟

ياسين : نو كنت كنديرو بزاف غير كنت كنديرو وحدي اغلبية …عيطو ليا وصلات الوقيتة فين كنديروه ف الاسكا فين جا عندي يوسف ديك المرة الى عقلتي …

نوار : اااه عقلت …وشنو قلتي ليهم مغاتمشيش ؟

ياسين “كيسوق مركز وكيشوف فطريق …كيكمي مخرج ايدو من شرجم …” : شكون قاليك مغانمشيش ؟

نوار “صدمها ” : كيفاش ؟ غاتمشي لهيه ؟

ياسين : الى وصلات الوقيتة ضروري نضرب تال تما …خاصني نشوف دار الي تما …الكونطرا الي مع مول دار …عاد نشوف تريپ…

نوار : غادي طلع لجبل تاني “قالتها بخوف بغات تبكي “غادي تعرض لخطر ياك ؟ وانا ؟

ياسين “وقف طوموبيل بجنب وضار شاف فيها” : نوار !! ملي عرفتيني وحليتي عينيك ونتي كتسمعي بيا مسافر كنتريپي ولا لا ؟ هاديك رياضتي عزيزة عليا كيف نتي عزيز عليك شحال من حاجة مكنمنعكش عليها او لا ؟

نوار “قلبها ولا كيضرب ” : لا لا نتا ديك ساعة مكنتيش مزوج بيا اهى دابا كاينة انا انا كنت كنشوف خالتو يامنة فاش كتغيب ومكتجاوبش كتبقا تبكي ليل كلو وهي خايفة لا طيح من جبل انا الي كنت كنشوفها اناااا اهى …

ياسين : نوار شنو كاين ؟ مالنا ؟؟

نوار : اهى اهى كتنفي براسها ” اهى اهى والله ومشيتي حتى نمشي مغاتبقاش تشوفني يلاه اهى …

ياسين “غوت بجهد ” : نواااااار شنو هاد الهضرة ؟؟؟ شهاد الخرا مالنا ؟؟؟؟

ماشعراتش حتى حلات الباب وخرجات من طوبيل غفلاتو ومشات كتجري مخلياه كيغوت جاهل …حل الباب باش يتبعها دغيا شيرات لطاكسي ماحتال يو🦋🐺نور_الياسين (539)sana mina🐺🦋

شي مرات الى كان نقص فالحوار وعدم التفاهم والهضرة تكون بتباتة يتعرف السبب ويتعرف المشكيل ويتحل بالهداوة الى مكانش وكان تسرع والحكم المسبق ف كون على يقين ان العلاقة بين طرفين يا كتاثر يا كتهرس …نوار الي وقع ليها هو انها بمجرد ما قاليها غايرجع لتريب رجع ليها الهوس ديال ايام فاش كانت صغيرة شوي وملي بدا عشقها لياسين وهي كتشوف يامنة كتبكي فاليالي ودمعتها على خدها و فؤاد كيطمنها ولكن هي ديما كتقول ليه شي نهار ….

#فلاش_باك…

ست_سنوات_قبل….

لبسات بينوارها ودارت شال على راسها وخرجات لبالكون مخلية فؤاد ناعس او نقول شبه ناعس حيث هو نملة تحرك كيحل عينو …كانت هازا تيليفون وفينما توصل الوقيتة فالليل حيث هو غايكون عندو نهار …كتصوني ليه وكتلقا التيليفون طافي ….لبسات فرجليها وخرجات من البيت نزلات لكوزينة كبات ليها كاس الما كتشرب فيه وهي تحطو تقابلت مع النافذة الي كطل عالجردة شافت فالسما كحلة معمرينها نجوم وصوت صرصار كيغوت …هزات عينيها ودموعها دايزين ….

يامنة : يااااربي كون معاه ياااربي …ياااربي را وحدة من عينيا وبكري ياربي …علاش اولدي كتمشي لخطر برجليك علاش …”حسات بايد شدات ليها فايدها ايد صغيورة …دورات وجهها “…نوار …

نوار”كان فعمرها تقريبا خمسطاش لعام …دايرة ضفيرة جنب …ولابسة واحد البيجامة فحال گغونوييغ يعني كتسد بسنسلة من لور وعندها قب فيه ودينات ووجه ارنوب ” : خالتو يامنة علاش كتبكي …

يامنة “ابتاسمات ليها ودمعة هبطات مخطوفة كتجرييي ” : مماليش ابنتي …شنو مفيقك ؟

نوار : حلمت وفقت مخلوعة وهبطت نشرب …كتبكي على ياسييين …

يامنة : غير مكيجاوبنيش وتشطنت عليه …

نوار : ديما كنشوفك كتبكي وكتقولي لعمو فؤاد عنداك يجيني ميت …فين كيمشي ؟

يامنة : غيير خايفة عليه احنينة …الرياضة الي كيدير صعيبة …

نوار : ياك كيعرف ليها وعزيزة عليه علاش صعيبة خالتو …

يامنة : كتبقى خطيرة …قلب الام مكيرتاحش هو هذا الى مشفتو قدام عينيا منرتاحش …

نوار : هو مكيجيش هنا …

يامنة : مكيجيش بزاف مرة فشهور ابنتي ولكن غير نهار نتي مكتكونيش بزاف اغلبية كتكوني عند جداك…

نوار”ضغطات ليها على ايدها ” : متخافيش دابا يهضر …

يامنة “جراتها لحضنها حكات ليها على كتيفاتها بحنان ” : ان شاء الله بنتي …ان شاء الله …

سمعو صوت تحنيحنة ديالو هزو عينيهم كان فؤاد هبط لحق على يامنة حتى لقاهم بزوجات معانقين …

فؤاد : ثاني يامنة !!!

يامنة “هزات كتافها وطرطقات بالبكا ” : شنو بغيتي ندير شنو اهى كل ليلة كنقول غايجيني فصندوق …الله يحفضو ولكن ا فؤاد راه فوسط الخطر جبل ا فؤاد وماشي اي جبل كيطلع ليه وغير وحدو غيييير وحدووو اهى ….

فؤاد”جرها باس ليها راسها ونطق وشفايفو فشعرها” : كل واحد كيدوز حقو فدنيا ربي الي كيحمي وحنا والديه ندعيو …قاد براسو وربي يحميه …

نوار تمات غاديا خارجة مخلياهم حتى وقفها فؤاد من ايدها …طلق من يامنة وشاف فيها …

فؤاد : حتى نتي قلقاتك معاها….

نوار”بحزن ” : ديما كنشوفها كتبكي عليه …”شافت فيه بعينين حزيينة ” كل ما كتعرف را سافر كنعرفها بالليل غاتفيق كتبكي …

يامنة “كتسمع ليها وعينيها منشفوش من دموع ” : يا حنينة ديالي …

فؤاد “تحنى لعندها جالس قفازي…” : وشنو تاني ؟…

نوار “هزات كتيفاتها ” : علاش كيطفي تيليفون كيخليها تبقا تبكي …انا عارفة اعمو هاد رياضة واعرة قريت عليها وشفت شحال من واحد تقطع بيه الحبل ولا وحل تما شحال من واحد مرجعش ومات …”شدات يامنة على فمها بغات تشهق ” …كتبقا خايبة انا غييير دروج كنطلع فيهم وكنخاف نطيح …هضر معاه ميبقاش يديرها خايبة ….”هزات ايدها مشيرة بصبعها ليامنة “

خالتو يامنة فاش عنقتني حسيت بقلبها كيضرب بجهد …فاش كيكون قلبنا كيضرب بجهد كيعني اننا خايفين بزاف …فاش كنخاف على ختي مينة ملي كطيح ولا بابا ولا ماما كيبقى قلبي كيضرب بزاف …هضر معاه ميبقاش يديرها عافاك ومنشوفش خالتو كتبكي عااافاك “كتهضر معاه وهو كيسمع ليها حتى لمح لمعة جايا كتجريييي على خدها كانت دمعة نزلات بدون ما تحس ” عافاك عمو هضر معاه ميبكيهاش

فؤاد”هز صبعو مسح ليها دمعتها الي نزلت على خدها حتى من بكيتها هضرتها فديك السن فيها كمية كياتة فشكل ” : نهضر معاه …

نوار : خالتو يامنة مابغيتهاش تبقا مقلقة …

فؤاد : عندك عزيزة ؟

نوار “كتجمع فشفايفها باش تعرف شنو تقوليه وهو كيبغي يسمع ليها وكيعطيها الخاطر بزاااف …هزات نفس بصدرها فحال جمعت تنهيدة وطلقتها بصوت طفولي …” : ااه بزاف …

فؤاد “باس ليها جبهتها ” : الي مكتبو الله هو الي كاين …دابا نهضر معاه …

نوار “قربات عندو باستو فحنكو وعنقاتو ” : شكرا عمو فؤاد …

فؤاد”طبطب عليها ” : خاطرك وخ🦋🐺نور_الياسين (540)sana mina🐺🦋

كان هذا هو حالها النهار او الليلة الي كتشوف يامنة وجهها ماشي تال لهيه كتعرفها مقلقة من جيهة ياسين من نهار ولا كيمارس ديك الرياضة وهي كتشوفها كتعاني معاه وهو كيمارس تسلق الجبال شاهقة وعلو جد جد مرتفع رياضات خطرة من هاد نوع وداك الخطر والادرينالين الي كيحسو بيه هو الي كيخليهم عاشقين ليها روح المغامرة والتحدي كتكون حاضرة …الخطورة الي فيها كتخليهم مدمنين وعاشقين ليها ….

#رجوع….

رجعو لفيلا كاملين الا صفية وصلها ايساف لدار الي كرات …جلسو مجموعين فالصالة …

يامنة : هنية عليها الله يسر ليها …

علي : واحد الحبيب فين زاد ؟

يامنة : طلع لفوق يدوش …

علي : انا طالع تانا ندوش …

صهيب : نتا مراجعش لهيه؟ مخلي ختك وحدها تم ؟

سارة : علاه مالها تا وحدها را معاها نجوى والياس ودراري ويلي …

صهيب : كيبان ليا هاد سلگوط بغا يرجع لايام ميقرا ميخرا …

علي : وايلي الوليد خريت تا عييت وطليتو على راسي …راني عارف اش كندير هضرنا ديك المرة …شنو غانقرا وكلشي حابس على ود راس العام …

صهيب : ومعرفت ليك ماااعرفت …

علي : تش ريح تلعبو هنا “ناض ومشا طلع تاهو ..”

واحد شوي حتى سمعو صوت فران سيارة مجهد تسمع تال عندهم ….

يامنة : ياربي سلامة اش كاين ؟؟؟

الحبيب “نزل لابس سورفيت ديال دار كان هابط غير وصل نص فدروج سمع صوت وجا يجري ” : شنو كاين ؟

صهيب “ناض تم غادي خارج تا بان ليه ياسين جاي مشربن واااحد الوجه ماتشوفييييييش فيه واحد الحالة القرطاس كيخرج ليه من عينيه …حمريييين بجهد وواحد النضرة واحد تخنزيرة ضارب را متشوفيييييش فيه ….

صهيب : ياسين !!!

ياسين “الصمت ضرب فيه وزاد طلع كينقز ربعة درجات تلاتة …”

جا علي ورا باه تاهو شافو يامنة وصلات عليهم وقفات …

يامنة : شكون دخل ؟

صهيب : ياسين معرفت مالو داخل وجهو كيخلع …

يامنة : سلامة ياربي اش واقع !!!

علي : فين نوار ماجاتش معاه ؟

واحد شوي ذخلات يسرى ويوسف عاد جاو تاهما …

يوسف : مالكم واقفين اش كاين ؟

صهيب : والو كنا نشوفو شكون جا واحد فران ضرب دابا خلعنا جيت نطل بان ليا ياسين داخل مشربن منعرف مالو …فين هي بنتك نوار ؟

يسرى : ويلي نوار را مع راجلها …فين مينة …

الحبيب : مينة جات معايا انا راها لفوق فبيتها نوار مع ياسين وهو جا بوحدو اش واقع ؟؟!

يوسف “جر يسرى ودخلهم ” : الي كاين بيناتهم …فين فؤاد ايامنة ؟

يامنة : مع راجل راوية …شوي ويجي …

يوسف : الى جا قوليها ليا بغيت نهضر معاه …

صهيب : واش متجلسش لارض نتا راك باقي مريض رجوع مراجعش دابا غير تهنى …

يسرى : كيفاش !!”ضارت عند يوسف ” فين راجع ؟

يوسف “خنزر فيه ” : هنينا نتا مال فمك مبرول …

صهيب : بلعاني قلتها باش ميخليوكش يحساب ليك “شاف ف يسرى ” راجلك بغا يرجع لشركة يخدم …قاليك اسيدي شي سلعة حلفو ميشريوها شي وحدين الى ما تعامل معاهم هو …

يسرى : يوسف الخدمة مراجعش مزالك مريض وفي فترة نقاهة الوغ مكاينش نقاش فهادشي …

يوسف : يسرى مانهضروش دابا من بعد …

نزل ياسين من لفوق صاااعر على اخره حتى وقف وسط الدار وغوت بحر جهدو تا قفزو وناضت نجود على وقفتها كتستغفر الله …

ياسين : نواااااااااااااااااااااااار ….

يوسف : ياربي سلامة “خرج لعندو ” ياسين !!شنو كاين ؟ مالك فين نوار ….

ياسين”بصوته المجهد كيهضر وكيقفزهم ” : فييييييين هياااااااااا ؟؟؟؟؟

يامنة “قربات لعندو ” : ولدي نعل الشيطان وتهدن قول غير مالك ؟ نوار ماعرفناهاش فين عاهد لينا معاك …

يسرى : مالكم اش واقع ؟ فين هي …

ياسين “غزز سنانو حتى بان الفك ديالو كيتحرك ..” : فعايل البراهش فعاااااااااايل البرااااهش …

ياسين !!!

هز عينيه كان فؤاد عاد داخل سمعو اش كيقول …

فؤاد : شنو كاين ؟؟؟

ياسين “كيشوف فيه عينيه فحال نسر حادين “

يامنة : نوار كيقلب على نوار …

الحبيب : ماكايناش اخويا خليناها معاك …

فؤاد “نطق يختووورية ” : ياسيييين …”شاف فيه ياسين ” ت ه دن …الله يرضي عليك …

ياسين “خرج فيه عينيه وغزز سنانو بغيض ” : مرتي تحضر قدامي …

فؤاد : نحضروها …

يوسف : نعل شيطان اولدي وتهدن …

ياسين “هز صبعو ودورو جيهة راسو هو “🦋🐺نور_الياسين (541)sana mina🐺🦋

الشيطان الى حضر غا الله يحضر السلامة بنادم كيتعمى فاش كيغضب وساعة الغضب ميمكنش الواحد يتحكم فراسو الا اذا ما كان معاه الي ينهيه ويحضرو …جرو فؤاد ويوسف بزز تا دخلوه لمكتب ديال فؤاد …مخليين يسرى والبقية ومينة نزلات من سمعات صوت الغوات هي و علي …كيعيطو لنوار …

يسرى : هاد الحمارة هادي فين هي ؟؟ مالها فهاد الفعايل …”كتصوني مكتجاوبهاش ابدا …” فين مشات فييييين ؟

يامنة : يا اعوذ بالله من شيطان الرجيم اش هاد الحالة ياربييي …

الحبيب : فين غاتكون مشات دابا ؟؟

يامنة : بلاتي نعرفو اش وقع بعدا …

#في المكتب …

فؤاد “واقف عند راسو هو جالس فوق كرشي داير راسو بين ايديه كتافو تورمو بكترة ما تعصب …كينهج “

يوسف : ونتا ولدي معارفهاش فشكل …را ضروري تخاف عليك اياسين …

ياسين “هز فيه راسو كيهضر مفقوووص بزز باش كينطق وصافي ” : تخاف اه تحرك من تما وتجري وتخليني جاهل وراها لاااااا لا …تصرف البراهش …فين هي دابا فين ؟ شنو داك تصرف ا يوسف ااا ؟

فؤاد : تبعتيها ؟

ياسين : شنو غانتبع مالقيتش ماعرفتش مافهمتش غفلتني ومشات …عند بالي غادي تجي لهنا …

يوسف : لا حول ولا قوة الا بالله على هاد البنت …بففففف”جبد تيليفونو كيصوني ليها تاهو حقو ولكن لقاه طافي ” ..طافي طااافي …

ياسين”هز ايدو وشير بالكاس ديال الما مع الحايط تا تشتت ووقف صعر قبس طابلة تا تقلبت بالي فيها ” : وااااعدو عدو ربي هاد الفعايل عدووووووووووو ربي هاد الفعايل وتقوااااديت ….

فؤاد “جهد صوته ” : ياسين هضرت ولا لا …

ياسين “دفع طابلة ومشا غادي خارج ممسوقش باغي غير يشوفها دخلات بعدا عاد يعرف فين هي …”

يوسف : بلاتي خويا نسول “صونا لنسيبتو جداها ” الحاجة سعاد وصلتي مزيان !! قولي ليا نوار عندك ياك …

سعاد : لا ولدي ويلي ياك مشات مع راجلها …

يوسف : اه ويحساب ليا مشات عندك حيث مكتجاوبش فتيليفون …مهم لا دازت عندك صوني ليا الحاجة الله يخليك …

سعاد : واخا ولدي كون هاني …سلم عليهم …

يوسف : مبلغ مبلغ الحاجة …”قطع معاها شاف ف فؤاد ” فين زادت هاد البنت فين ؟؟

فؤاد : تيليفونها طفاتو …ماعليش دابا ترجع بخاطرها …

خرجو بزوج من المكتب تبعو ياسين لقاو يامنة واقفة هي ويسرى كيهضرو معاه وهو فييين هو مرفوع ميكسمعهمش اش كيقولو كيمشي ويجي ويكمي فالگارو ووالو واش سمع ليهم …

ياسين “هز ايدو ” : الحنانة الحنااانة صافي …

يامنة : ياولدي غير برد را معندها فين تمشي …

يوسف : سولت الحاجة معندهاش …

يسرى : خافت دابا …

ياسين “خنزر فيها ” : دير هذاك تصرف ؟؟رجل كرسي انا شيفور ؟

يسرى : فين هي دابا شطنتني عليها ملي مكايناش عند ماما فين زادت …بلاتي عيط لوصال عندك نمرتها ا مينة ؟

ياسين : ديك خيتي مكتوصلهاش و “هز صبعو كيهدذ ” نعرفهاااا وصلاتها نهارها مافيهش شمش …”دوز على شعرو بعصبية ” فاك فاك فااااااااااااااك فين الخرا فييييييييين …

الحبيب”هز تيليفون ودوز لايساف ” : ايساف …

ايساف : حبيب قلبيييي …

الحبيب : ممساليش لضحكك الباسل …

ايساف : ينعل مك …

الحبيب : نوار معاك ؟

ايساف : نوار معاها راجلها اش بغات دير معايا انا …

الحبيب : ايساااف مكنضحكوش هنا هضر بصح را روينة نايضة عليها …

ايساف : خبار الخير !! لا والله ما معايا امن بالله …

الحبيب : تت “قطع عليه ” مكايناش معاه …

يسرى : هضرت مع راوية ممعاهاش …

ياسين هز الكونطاكت وتم غادي مشربن …

يسرى : نعل الشيطان اياسين …

ماجاوبهاش ومسمعهاش تا اش قالت وشكون الي هضر معاه اصلا …تمات غاديا تابعاه حتى شداتها ايد وجرتها …ضورات وجهها فيه …

يوسف : بين المرأة والراجل ميدخل حد …”حدر عينيه وشير ليها براسو لداخل ” رجعي فحالك يلاه …ركب فالسيارة وكسيرا حتى تسمع صوت تهزات وخلات العجاجة وراه…

مخليهم كلشي مرفوع كيعيطو ويسولو ولا اثر ليها فين هي فين مشات خلاتهم بلا عقل …فؤاد عيط لايلاف الي وصل عليه وخرجو يقلبو عليها وايساف تاهو مشا يقلب عليها الحبيب مهم كلشي خرج يقلب فين زادت ؟ الله واعلم …اما ياسين ازرو كلها فلاها ما بقات ليه غير فاس يطلع ليها …

ياسين “الگارو في فمو وتيليفون في وذنيه غادي وكيصوني ويسول فالفيلا لا تكون شي اخبار والو حتى غربات الشمس وهو كيقلب حتى لقا راسو بدون ميحس شاد طريق فاس حتى ضرب النص …لاح الگارو الي كمل بغا يجبد واحد اخور لقا الباكية كملات خبطها بجهد ” : فريع🦋🐺نور_الياسين (542)sana mina🐺🦋

خلاتهم مروفعين عليها …اول مرة ديرها القلق زاد اكثر حتى ولاو غير دايعين كيقلبو عليها يوسف تا دوا ديالو مشربوش وهو خارج مع صهيب ودراري …فين هي فين مشات الله اعلم …ولاو باغين غير ترجع بيخير وميخصهم خير والي بغاتو يكون …

يوسف “عينيه دمعو ” : فين مشات ياربي فين مشاااات …

صهيب : دابا ترجع معندها فين …

علي : مشكيلة هادي وازرو كاملة فليناها …

يوسف : عيط لياسين سولو …

صهيب : ياسين ربي الي عالم بيه تاهو …

يوسف : غير ترجع انا نهضر معاه ونهدنو ….ياربي فين مشات ياربي …بغات تقتلني بغات تصفيها ليا …

فالفيلا يسرى كتمشي وتجي وتصوني ووالو واش كتجاوبها تا جلست لارض …

يسرى : فين هي فييييين ياربي اهى …

نجود : تهدني بنتي دابا ترجع مزال الوقت يلاه المغرب غاتكون غير بغات ترتاح …

يسرى “سرحات ايديها ” : يا فيييين فين!! ها وصال هضرنا معاها قالت ليك مبقاتش كتهضر معاها من داك المشكيل …فين غاتكون وهي عمرها ما انخالطت بشي حد من غيرنا ياربي …راكي عارفاها ماشي اجتماعية معامن ما كان …فين غاتمشي محمقاني ومحمقة باها وراجلها تا هو زادت عليه ياربي اش هاد البنت ياااااربييييييييي اهى اهى …

يامنة “طبطبات عليها تاهي قلبها مرفوع عليها ” : يكون خير متخافي والو راني فحالك مشطونة عليها …معندها فين تغيب مادام ياسين كاين ودراري تحركو وفؤاد يلقاوها يلقاوها …

ايوى فين غايلقاوها فين …يمكن لو هضرت معاه وتحاورت معاه وتصرفت بتباتة كان ممكن توصل ليه خوفها …لكن هي الي عاشتو وهي كتشوف من صغرها يامنة الوقت الي ياسين كيمشي يدير رياضة ويامنة كتخاف عليه لدرجة الهلع من انه يكون وقع ليه مكروه ولا مات تربا هادشي فيها وكبر فيها الخوف خصوصا ان ياسين حب طفولتها من الي وعات …هرموناتها تحركو اوفر دوز على العادي كبرو فيها رهبة والخوف الشي

الي خلاها تفزعت وخافت بزاف حتى ما بقا كيبان ليها والو …

متكية وكتبكي تيليفون لاحتو فالصاك حاطة راسها على الشرجم ودموعها على خدها كل مكتفكر هضرته وانه مصر يسافر …

هضري معاهم هضري مع واليديك طمنيهم عليك غايكون عقلهم خارج …

نوار “جاوبات بنفي هستيري ” : اهء لا لا لا لا مبغيتش مبغيتش غادي يعرفني كاينة هنا بغيتو يخاف تاهو كيف خفت انا …

هضري معاه بالخاطر ماتصرفيش هاكا غادي غير يشد معاك العكس …

نوار : غايضربني اهى اهى …

عارفاه يحط عليك ايدو ؟

نوار”الصمت” …

راكي وصلتي الخوف حتى لواليديك راهم قالبين عليك دنيا الله يخليك متشطنيهمش باك مزال مريض بغيتي تنكسيه …

نوار”غمضات عينيها تا عصرتهم وهزات تيليفون ماشي ديالها انما ديال لاخرا الي هضرات معاها دابا …دوزات ليه الخط مكاشيا النمرة (مخبيا نمرة )

يوسف “صونا ليه تيليفون شاف رقم خاص وجاوب ” : الو …

نوار”كتهضر بصوت مخنوق” : بابا بابا …

يوسف “تگعد حيث كان جالس مع رجعو وجلسو فجردة وليل ليل ” : نوار !!! نوار يا بنتي فينك فينك حرام عليك ابنتي اش درنا ليك تا درتي هاد الحالة …

يسرى “قربات حداه كتسمع وعينيها خارجين ” : نوار !!

يوسف : فينك نتي ؟ واش هضرتي مع راجلك ولا مخلياه عقلو خارج ماشي حشومة عليك هادشي ؟

نوار : انا لباس ابابا اهى اهى خليه يتخلع كيف كيخلعني خليييه اهى مابغيتش نهضر معاه خليه …

يوسف : نوار !! ماتخلينيش نتقلق منك راكي عارفة …

نوار”غمضات عينيها حسات فهاد اللحضة لوم تاني كلو رجع ليها كلشي كيرجعوه ليها ونطثات بكلام اول مرة يسمعو من فمها ” : ياااك ابابا ياااك حتى نتا كتلومني يااك …كتقوليا نتقلق منك ياك …شكرااا ابابا “مجا فين يهضر حتى قطعات عليه تيليفون وعطاتو لمولاتو “

نوار !!

نوار : خليني عفاك بوحدي …

في هاد اللحضة وقفات سيارته قدام الدار بجهد تا تسمع صوت الفران ناضت قافزة على وقفتها …حلات شرجم …

جات كتجرييي طل حتى هي …

ياربي سلامة شكون ؟؟

نوار : ماعرفتش …

خرج من السيارة خبط الباب بجهد يلاه طلات مبان ليها والو …

ياسين “غوت بحر جهدو تا صوته زلزل دنيا ” : نواااااااااااااااار “تا مشا ليه صوته فواحد الثانية ..”

نوار”قلبها تهز من بلاصته كيفاش عرفها هنا ؟” : ن ن ي يا ياسيين …

ياسين “خرجو كاع الناس الي فالدرب كيطلو وهو ممسوقش لتا قواد ” : ياا تهبطي يا برب الجليل وباش يحلفو رجال لا نتي ليا مراة ولا نا ليك راجل …وت🦋🐺نور_الياسين (543)sana mina🐺🦋

اكثر درجات الغضب الي ممكن توصل لانسان هي انه ينطق بكلام الي كيكون خارج على ارادته …بمعنى كيتعماو ليه العينين والعقل كيغيب كيوليو حاضرين غير الاعصاب المنفعلة بواحد درجة متصورش …ياسين باش خرج هاد الهضرة الا انه وصل لدرجة الصعرة الي مبقاش قدر يتحكم فلسانو وهادشي ناتج من كترة ما خاف عليها على تصرفها على شدان الضد خلاه يصعر بهاد الطريقة اما الي فقلبه را فقلبه …والتصرف الي دارت هي خافت عليه

خافت يرجع ليها الخوف الي كانت كتعيشو مع يامنة تولي تعيشو تاهي بمجرد متفكر ان ياسين يخليها ولا ميكونش ليها بزوج بيهم هاجس عندها وفوبيا بهاد المعنى الشي الي خلاها تهبل وتصرف بهاد طريقة حتى بانت برهوشة بزاف …ماعرفتش تصرف بطريقة عقلانية الي تخلي الوضع ميوصلش لهاد المواصل دايما اي تصرف ناتج منها كيصدق قلة العقل وتبرهيش …

ياسين”مابقا تسوق لا لبنادم لا شوهة لا تاحاجة حاجة وحدة كتبان ليه فهاد لحضة هي نوار يا تنزل يا يتم حلوفو والي كان يكون ” : نوااااااااااار …

نوار”سمعات شنو قال قلبها بغا يسكت فمها تحل بصدمة حتى شداتها ايد وتحطات على كتفها كطلب وتزاوگ”

صفية “هي عندمن مشات ” : نوار الله يخليك خوجي عندو عااافاك ماتخليهش يصعر كتر…

نوار “الصمت”

ياسين : نواااااااااااااااار …

جيران كلشي خرج يطل وشكون تسوق ليهم كيبان ليه غير الباب وشرجم تبان فيه …فهاد اللحضة ممكن ينسا راسو ويعطيها سلخة ديال لعصا بلا ميحس ولكن را بززز بززززز باش كابت هاد العصب …

نوار “باش تهضر جاتها ساكتة تصدمات والخوف غلب عليها رعبها …تفيكسات مبقات قدرت لا تهضر لا تحرك وصفية طلب وتحرك فيها ..”

صفية : الله يخلي ليك باااااك الى ما خرجي ونااااري انوار تحركي …

بدعقة مشات صفية طلات عليه هي غا باش تبردو شوي عالله وعسى لاخرا توگض …

صفية : خويا ياسين هاهي غانعيط ليها غير صبر الله يخليك …

ياسين “غوت تا قفزت ” : داااااااااااااابااا …

صفية : اه اه دابا خويا …

دخلات لعندها كتحرك فيها والو لاخرا مصدومة والدموع مشاو نشفو غير ودنيها لي كيسمعو صوته هو …قلبها فحلقها كيضرب فتسعين وصفية كتحرك فيها …

نوار “كتنفي براسها ” : ننن لا لا لا منهبطش مغايديرهاش اهى اهى …بقات هكاك جهد نص ساعة …وصفية بغات تسطى ليها وتبكي بلاصتها هههه…

صفية “غوتات عليها وكتحرك فيها فكتافها ” : نوااااااااااار توگضي ياربي وااا نوار الله يخليك متصولوش لهادشي الله يخليك الله يحفضك اويلي ويلي ويلي اش هاد المكتوب ياربي اش هاد الليلة ….وااااعوووو وااا نواااار …

نوار “الصمت ايديها كمشاتهم على بعضياتهم بغات غير تهضر مقدراتش تا تنطق معرفتش شنو وقع ليها واش حالة ذهول صدمة ولا شنو الله واعلم هي كلها بغات تهضر تلجم ليها فمها …وهادشي ولات فهماتو صفية فما كان عليها غير ان تهز ايدها تال سما ونزلات عليها لحنك تا قفزات نوار وهي تشهق واحد شهقة جات تهضر دفعاتها صفية لباب وهي كتغوت بغات تهبلها ههه…

صفية : هبطييييييييييي تكلمي …

ياسين فهاد اللحضة بقا واقف شحال كيتسنى الكارو في فمو محيدوش ابدا وقف متكي عالطوموبيل مكروازي رجليه حالف بحلوفو حتى يتسنى ويوشف شنو غادير الله يجعلو ما يجلس ساعتين …صونا ليه تيليفون لقاه فؤاد مجاوبوش مع الاسف خلاه كيصوني ….عاود صونا ليه وهو كيتسنى فيها حتى هزو وجاوب …

ياسين : الوليييد ماشي فخاطري دابا عذرني …

فؤاد : وياك تصرف شي حاجة فوق الخاطر …

ياسين : منواعدكش الوليد منواعدكش …ساعة الله …

فؤاد : حضر عقلك الى غاب هي ماشي قدو حاول تركز فهضرتي واخا عارفك غادي تحضرو بلا منقولها …

ياسين : الله المعين …”قطع معاه ولاح تيليفون من شرجم ديال طوموبيل لداخل ديالها يلاه غايهز راسو حتى سمع صوت خطوات جايين وضو ديال الدروج تشعل …جمع الوقفة وتقاد معاها حتى بانت ليه جايا عينيه زادو فحدة النظرات حتى رفع حاجبو ملي سمع الشخص الي عيط ليه ضور راسو جيهتو وهي هزات راسها …

ياسين “شير جيهتو 🦋🐺نور_الياسين (544)sana mina🐺🦋

بزز باش هبطات او نقولو حتى فيقتها اما كانت فواحد الحالة من صدمة من شنو قال وكيفاش جاي صاعر مشربن عليها واحد الحالة خلاتها كتفتف …والاهم دوك الكلمات الي نطق فشلو ليها ركابي تصدمات ماتوقعاتش يقولهم وفوق من هادشي ماعقلش ليا على البشار وجا كيغوت ربي الي خلقو تا خرجو ناس وبقا يغوت …يلاه غاتوصل عندو حتى وقفو هو صوت الشخص الي ضار لعندو …

هو : اش هاد الفضيحة هنا ؟؟؟

ياسين “شير جيهتو ” : كتهضر معايا انا؟؟؟

هو : معامن كنهضر شكون نتا الي جاي مرون دنيا هنا بغواتك ؟؟ شنو هاد قلة الحيا هادشي صبرنا ليه من نهار سكنات ديك خيتي هنا وهي كل مرة مدخلة ليا راجل وزيد علينا نتا فضح لينا دنيا وازعاج سكان فهاد الليل …

ياسين “رفع حاجبو وشاف فيه بنضرة ديال من نيتك ” : شنو شنو ؟؟؟؟

هو : حيد علينا من هنا وجمع علينا شوهتك ديك الخانزات ديالك …بقا لينا غا الخانزات وتكمل الباهية درب محترم فيه ناس موضفين وناس بولادهم من الي سكنات هاديك الي فالعمارة وكل نهار جايا هي وصاحبها اش قلة…

يا ماجا فييييين يكملها حتى لقا ياسين جاي كي شي ثور هايج اصلا مسبب واصل لافان ديالو غير مكالمي بالكارو وبزز باش ضاغط على راسو لكن الهضرة الي قال راجل فحال خوا العافية على ليصانص وجناها على راسو حتى غوتات نوار وعيطات لصفية بالغوات اما ياسين شد هذاك خينا مع هاج عليه مع شنق عليه تا لوا لكول على ايدو واحد القوة نزلات عليه واحد القوة خلاتو هزو من الكول واحد راجل من جيرانهم تما فداك الدري ملي جات صفية وهو حاضيها هي وايساف داخلين خارجين وشاف ايلاف موصل صفية والحبيب واحد المرة وجات نوار دابا وها ياسين الشي الي خلاه يفكر انها دار كتجمع الخنز على قولته …

نوار : يا ياسييين ياسين لا لا …

صفية “جات كتجري نزلات عندها وخصوصا شافت شنو واقع من شرجم لفوق جات كتجري على شوي طيح على فمها كتهضر وتلهت ” : ياربي سلامة اش هادشي مال هذا ؟؟؟

ياسين “عينيه مخرجهم فيه تا بغاو يطيحو وسنانو مكددهم عليه ” : عااود شنو قلتي ؟؟؟؟ اااا ؟؟؟

هو : كخ قغ قغغ عاااااتفووو روووح …

غفلو بواحد نطحة عطاها ليه ياسين تا لاحو لارض غوتات نوار ربي الي خلقها جاو جيران شي رجال يفكوه من ايدو وهو كيغوت ويشتف عليه ….

انعل يا شيطان اسي وااا سي اعوذ بالله نعلو شيطان …شي حد يعيط لبوليس …والو كيفكو فيه كيغوت فحال شي وحش مطلوق مالقا غير هذاك برد فيه جنونو بقا يعطيه تا سمعو صوت السيارة كانو جاو البوليس الي اصلا كان معيط ليهم داك خينا قبل ووقفو جاو كيجريو جرو ياسين كيتركل عليه ونوار كتغوت وصفية تغوت وشاداها وهذا الله …

ياسين “شدوه ثلاثة البوليس كيتركل ويتخز لسما ويغوت ” : وطلاااااااق القلاوي طلاااااق …

الضابط : تهدن اشريف مالنا ؟ “شير لبوليس ” المينوط فكونا من فريع راس …

دارو ليه المينوط هاد اللقطة شافتها نوار وهي تجلس لارض بقا غير سخفة تسخف …

صفية : نوار بسم الله عليك …

نوار : ياسييييين ياسين …اهى اهى وااااا …

ياسين “ضار جيهتها ” : نوااار طلعي لفوق طلعي انا جاي …

نوار : ماتمشيش اويلي اويلي اش هادشي درت اويلي “بدات تندب فوجهها تاني وترجع لومة لراسها وتاواحد ميتمنى يكون بلاصتها فهاد اللحضة وتاحاجة ماتبرد العافية الي شعلات فيها …جاو ناس جرو راجل وجلسوه جايبين الما ويغسلو ليه حتى عيطو البوليس لومبيلونص حيث رجعو جرتيلة ….

ياسين “شاف ف صفية فمو الي بقا باش يهضر اما البوليس شادينو بالمينوط ومضاربين معاه يتبت حيث هو كيتهز وهما كيتهزو ولا اله الا الله ” : دخليها …

صفية : واخا واخا متهزش ليها الهم …

ياسين “تمو غادين بيه ” : دخلي نتي دخلييييي”ضار فهادوك صعر عليهم ” قلااوي مرتي نهضر معاها …

الضابط : ديوه من هنا …هادشي فكر فيه قبل مدير الشوهة …

ياسين “غوت فحال جاهل وحش ” : واااااااااااااا فااااااااااااااااااك …”بداك تركاال والغوات وكيجرو فيه تقطع ليه تيشرت الي كان لابس ” وعدو 🦋🐺نور_الياسين (545)sana mina🐺🦋

واحد الحالة طرات لا اله الا الله اش هاذ الليلة المشحونة الغير المتوقعة شنو هادشي وصل ليه هاد النهار المزغوب الي مكان لا عالبال ولا الخاطر …كيبغي غير يهضر معاها ميخليوه تسناو تا جات لومبيلونص وهي داتها صفية بزز باش طلعاتها وكتعيط فالتيليفون لايساف يجي …حتى جات لومبيلونص هزات هذاك راجل وياسين طلعو لسطافيط وزادو بيه لكوميسارية ديال ازرو ….

صفية “جابت ليها كاس ديال الما دارت فيه شوي سكار وما زهر وعطاتو ليها ” : خوذي شربي باش توگضي …

نوار”كترعد ورجليها كيتهزهزو ” : ب ب ب ياسين ياسين ياسييييين اهى اهى ياسين …اش درت انا اش درت ياربي اهى …ياسيييين …

صفية “جراتها وعنقهاتها كتهدن فيها وهي كتبكي ومرة تسكت ربي الي عالم بحالها فهاد اللحضة كلشي تجمع عليها والاهم والاكفس ان كلشي بسبابها هي لو متهوراتش وحدات صراع من لول مكانش يوقع هادشي …” : ششش صافي تهدني دابا يخرج غايمشي عمي فؤاد را قلتها لايساف يقولها ليه ….

نوار : وبابا اهى اهى بابا غايمرض ياربي اش داني “ضربات حناكها حتى قمشتهم ولاو حمريييين ” واربي واربييييي اهى اهى وااااا اش درت اااش …

شدت ليها صفية ايديها بزوج وهي كتركل وتغوت دخلات فهيستيرية ربي الي عالم فهاد اللحضة وشحال خايبة بزاااف ماتبغيها لعدوك …تا رشات عليها صفية الما وهي تشهق وبقات تبكي بالحس

صفية : ياربي سلامة ياربي …”مشات ليايلفونها كتجري خدمات القران وخلاتو حداها حتى سمعات دقان وهي تمشي حلات لباب لقاتو ايساف ومعاه يوسف وصهيب …

يوسف “قلبه بغا يسكت ” : فين هي ؟؟؟

صفية : فالبيت عاد سكتت حالتها يعلم بيها الله …عافاكم متقولو ليها والو الله يخليك اعمي …

ماجاوبهاش مشا ديريكت لبيت فين كاينة لقاها جلسات مكمشة رجليها عندها وكترعد غير شافتو وهي تقفز وبدات تنفي تاني …

نوار : عافاك ابابا متقلقش عافاك والله مقصدت ابابا ماشي ذنبي عافاك مايحسابش ليا واش غايوقع هادشي عافاك عاااافك سمح ليا اخر مرة نعاود اخر مرة عافاك متقلقش مني ماتقلقش …

يوسف “كيقرب ليها كتكحز” : شش بنتي ممقلقش ساعة الله متخافيش …

نوار”دارت ايديها على وجهها فحال مضرگاه ” : ماتقلقش مابقيش ندير والو والله تندير عقلي غير متقلقوش عافاك ابابا …ياسين تاهو داوه البوليس اهى اهى بسبابي انا ابابا …

يوسف : ياسين مشا ليه فؤاد غايخرجو غير تهناي …يلاه معايا لدار وتهدني ابنتي ممقلقش والله ممقلق واش كاين شي حد يتقلق من نخشيشة ديالو …

صهيب : تهدني نوار هادشي ممكن يوقع بيك وبلا بيك الله يرضي عليك غير تهدني الى بقيتي هاكا را غادي تقلقينا بصح …

يوسف : الغيار بين المزوجين كيوقع ياسين واخا واعر را مغاياخدهاش منك ويتقلق …

نوار”كتنفي ” : لا لا مقلق قاليا الى منزلتيش ماتبقايش مرتي اهى …

يوسف : وايلي ؟؟؟”ضار عند صهيب “

صهيب : ساعة غضب اللسان مفيه عضم غير كيقول ميديرهاش …وايلي كون يديرها لاش يتزوج بيك نهار لول …ماشي ديالو …

يوسف : سمعتيه ؟ يلاه نوضي اجي ماماك بغات تهبل عليك تما …يامنة تاهي مقلقة عليك …

نوار”بقات تشوف فيه وجهها يقطع القلب ويحسك الكبدة قطعات ليهم قلبهم …خصوصا كتهضر بواحد صوت مبحوح وكيبكي …”

مدات ليه ايدياتها ونوضها شحفانة سخفانة قواها ضعيفة …خصوصا مواكلة والو من صباح الماكلة عند امها فالعيادة مكالتهاش …نهار كلو وهي على لحم بطنها كيف كيقولو تاحاجة مقدرات تاكلها وزاد عليها هادشي…

عنقها بجنب منخششها فيه كتسمح دموعها بطرف كمايمها …شكر صفية وخرجو خلاو ايساف مع صفية وهما نزلو بسيارة صهيب الي جا موراهم …

ايساف”معصب ” : فين القواد لاخور ؟

صفية : داوه لومبيلونص …

ايساف : بلاتي على اصل مو تا يبرا ونعاود ليه طرحة انا …

صفية : تفرق عليه …ناااري دابا يحساب ليهم كيجيو عندي رجالة …كاع درب كان معاه “دارت ايديها على حناكها ” وناااري على بنادم ما قالني وانا مزوجة دابا داكشي علاش نعتو فيا وانا فزنقة …

ايساف : الي هضر فيك نشتف لمو على ريتو …

راني راجلك ماشي صاحبك الي عاض فبزولة مو يهضر دابا نيت ….”طلعها وهبطها كانت بكولون بيجامة مزير عليها وتيشرت مسكينة بالدعقة تلفات هبطات بيهم لزنقة هكاك وجا يوسف استقبلتهم هكاك وياسين تاهو ” ش ش شنو هاد تبي لابسة ؟

صفية “حدرات عينيها عاد وعات را داكشي كانت لابساه كتبان كي شي لاصيانة ديال جنان شعيبي (الي بنات قلعة سراغنة غايعرفوه فيه غا القحبات هههههه ) ” : هييييي ويلي ويلييييييي

ايساف “هز فيها عينيه مخنزر تاهو قاليك ” : والله ثم والله يا القحبة المقحبنة باش بلاني الله تانكويك من ودنك وما تحركتي تقودي بدلي الخرا …

صفية : اصلا مشاو يعني عادي وخا لبس كاين غير نتا والله حتى تدعقت …”دفعها بجهد لحايط مقرب وجهو لوجهها “

ايساف “باسها فمنخرها” : عاودي شنو قلتي شكون كاين …

صفية : ك كاين غير نتا …

ايساف : وعلاش …

صفية : حيث نتا راجلي عادي …

ايساف “خطف ليها بوسة غمق عليها بيها وزاد تالهضرة ” : حق ربي حق ربي تا زمتين🦋🐺نور_الياسين (546)sana mina🐺🦋

مشاو يوسف وصهيب خذاو نوار الي طريق كلها وهي مخشية فيوسف معنقها ويطبطب عليها حتى وصلو لفيلا ودخلو نزل هو وياها معنقها لقاو الكل واقفين كيتسناو اولهم يسرى الي جات كتزرب هي ومينة لعندهم …

يسرى : نوار !!! اش هادشي…

يوسف : يسرى !! “دار صبعو على فمو ” ماشي وقت هاد الهضرة …”شاف ف مينة ” ديها طلعيها لبيتهم لفوق ترتاح والهضرة من بعد …

مينة : واخا بابا …اجي كبيدة اجي اختي …

جراتها تاهي معنقاها طلعاتها لفوق وخلاتهم هما كان علي ونجود سارة ويامنة اما صهيب مشا يجري لعند فؤاد الي عيط ليه ومعاهم ايلاف تاهو …

يامنة “جالسة على اعصابها دموعها على طرف عينيها وهادي هي الام …” : ياربي تلطف يااربي …علاش فؤاد تعطلو …

يوسف : شوي ويجيو مغايخليهش تما غير ريحي بالك …

يامنة : مالو فهاد الحالة مالو مالو فهاد الاعصاب وهاد الروينة …ياربي واش باغين يطرطقو ليا شي عرق فراسي ديما مهوليني عليهم ديما ياربي اهى اهى ياربي علاش هادشي ياربي …

نجود : نعلي شيطان ايامنة ما ولفتك تهضري على ولادك هاكا !! اش وقع را راجل الي جبدو على ما عاودت صفية…. الهضرة الي قال را عيب اويلي على خانزات …

يوسف “ناض وقف ومشا لجردة حالتو تاهو تشفي بقات فيه بنتو وديك الهضرة كدور ليه فراسو وتعاود الهضرة الي سمعات نوار …جلس فوق الكرسي حتى تبعو علي واشرف جلسو حداه تاهما ” …

يسرى “دايرة ايدها على حنكها” : لا حول ولا قوة الا بالله …

يامنة “دايرة ايديها على راسها ” : ياربي ياااربي …

نجود : يسرى نوضي بنتي شوفي بنتك كي ولات تاهي ربي يعلم بيها غا لحضة طيش وسعي خاطرك معاها …

يامنة”وقفاتها ووقفات هي ” : يسرى بقاي نتي انا نمشي عندها …سيري عند يوسف نتي محتاجك كتر …

خلاتها ومشات طلعات لفوق لعند البيت ديال نوار وياسين دقات الباب ودخلات لقات مينة جالسة حداها هي متكية وجامعة رجليها وتشوف عينيها حمرين …

يامنة : حنينة ديالي …”جلسات حداها ” شوية ؟

نوار”بصوت مقجوج ” : انا سباب اهى …

يامنة : تاحد ما سباب لاخور هادشي مكتاب هانتي تشوفي بنتي كنتو صحة سلام تا وقع هادشي عرفيه را مكتاب ربي …كان ممكن يكون جا وخاصم عليك ودوزتوها لكن الي جرا كان قوي هادشي مكتبو الله …نوضي بعدا ونهضرو …

نوار”ناضت تقادت فالجلسة حادرة عينيها ومازمة نفسيتها بجهد “

مينة : شنو دارو ؟

يامنة : شوي وغايجي هو وفؤاد ميوحلش ما يوحلش تما …

نوار”تلاحت عليها عنقتها ” : انا سبابو حتى داوه البوليس انا سبابو …

يامنة “حطات ايدها على شعرها كدوز عليه” : نوار لا نتي لا هو سباب هادشي كان غايوقع يوقع …حسبيه مشاكيل بين امراة وراجلها ياما ناس وقع ليهم هاكا بالعكس ابنتي هادي تعلمك وتفيقك علو من بعد …نتي ماعليك والو غير حفتي عليه وصافي ….استغفري الله ونوضي غسلي وجهك ورتاحي ودعي ربي يطلق سراحو قد ماجلس غايجي مشا وصل عليهم صهيب يخرجوه دغيا …

نوار : اهى اهى قاليا الى ماهبطتيش ماتكونيش ليا امراة هددني اخالتو …

يامنة : وهبطتي ؟

نوار”حركات راسها ب نعم “

يامنة : وتاهو را كان عارفك غاتهبطي وحتى الى ماهبطتيش كان غايبقا يتسنى تتهبطي …نعلي شيطان دابا ماعليك غير تهدني ملي يجي فكو مشاكيلكم بيناتكم الى هضر تسنايه تيهضر وهضري نتي قولي ليه شنو ضرك وشنو كتبغي والى مكتبغيش سدو عليكم بيتكم وفكوها بيناتكم شحال جهدو كاع غايغوت يهرس باش يمد عليك ايدو را مغاتكونش …فهمتي بنتي ؟

مينة : هادشي را عارفاه هي اخالتي …

نوار : مابغيتوش يمشي لتريپ اهى اهى …غايموت …

يامنة : وصلي ليه هاد الهضرة وقولي ليه اش كيخلعك وشكي عليه وديك ساعة خليه هو يفهم راسو …دابا را مسؤول عندو نتي ومن هنا لقدام غيكونو عندكم الولاد ديك ساعة مغايقدرش ومغايخونش عليه يخليكم احنينة ديالي …

نوار”تنهدات حتى طلقت اه مخلطة بخضخضة فالصوت ” …

مينة : نتي ماكليتي والو انوار نهار كلو من صباح تالفطور ما فطرتيه …

نوار : مافياش مافياش …

في مخفر الشرطة ديال ازرو واقف فؤاد وايلاف وصهيب قدام الكوميسارية …مربع ايديه كيكمي ويشوف قدامو …

فؤاد”هز ايدو” : شحال نبقاو نتسناو هنا ؟؟؟

صهيب : هاهو شوي وغايخرج الكوميسير …

فؤاد : بغيت نهضر معاه بعدا …

ايلاف : ايش هاد مكان بيخطر عالبال وين عصام العميد ؟

صهيب : وكون 🦋🐺نور_الياسين (547)sana mina🐺🦋

واحد شوي حتى خرج الضابط الي دا ياسين فلول حتى وقف عليهم …

الضابط : فؤاد رمسيس ياك ؟

فؤاد “ضار عندو نص دورة رافع حاجبو ” : هو هذا …

الضابط : تقدر دخل الى بغيتي تشوفو …غير وصانا عليكم سي عماد …

فؤاد : اما ما دخلناش ؟؟

الضابط : وسمح ليا الحاج خدمتنا كنديروها …

فؤاد : ولد الحاج الغندور نتا ؟

الصابط : محمد الغندور هو هذا …

فؤاد “تم غادي كيهضر ويخنزر فيه ” : بلغ سلامي لحاج …”لاح ليه هاد الهضرة وهو عارفها شنو كتعني وخا سلام عادي لكن الى وصلها الضابط لباه غايعرف بالي بسباب فؤاد باش هو تقبل فالبوليس حيث فواد عندو معارف ووقف مع باه فالقديم …فؤاد زوج كلمات الى نطقهم كينطقهم عندهم معاني بعيدة وعمييييقة …دخل وتبعو حتى دخلو لواحد المكتب ديال العميد نيت فين لقاه جالس تيشرت ديالو مقطع وحالتو حالة داير ايديه تحت ذقنو شعرو تخربق وعينيه خارجين …حتى دخل عندو …

فؤاد “حط ايدو على كتفو لقاه طايب ” : ياسين !!

ياسين “هز فيه عينيه ورجع شاف قدامو ” : شنو دارو هادو دابا ؟

فؤاد : خليهم يديرو خدمتهم من بعد غاتخرج كون هاني …

ياسين “غزز شفايفو وضور راسو لهيه ورجع دار كفوف ايديه جمعهم ودارهم بين حجبانو مغمض عينيه وكيهضر ” : نوار !!

فؤاد : داها باها لدار هنا عليها …

ياسين “زفر انفاس سخونة وهز فيه عينيه ” : شنو ندير انا دابا شنوو ؟

فؤاد : نهار لول هضرت معاك خاصك تحمل وتزيد فصبرك سوق النسا هو هذا كيف كنتي مغاتبقاش المسؤولية غادي دوبل عليك وزيد عليها هم الولاد …سوا بنوار سوا بغيرها خاصك تحمل …مابقيتسش ديال راسك …

ياسين : هي لو كانت تسمع ليا تالاخر مكانش غاتصرف هاكا …

فؤاد “دار مرفقو على ركبتو وصباعو تحت ذقنو ونطق ” : شنو لاخر ديالك الي غاتسمع ؟

ياسين : رياضة ديالي مغاديش نتخلى عليها …

فؤاد : وشنو الفرق سوا سمعاتك ولا لا ونتا عندك نفس الهضرة شنو فرق بين لول ولاخر ؟

ياسين : تكون شويييي”كيعطيه القدر بصباعو بزوج ” قد هاكا شوي صبارة متبتة بحلاوة لسان الي كتخدم شي مرات …

فؤاد : ايه ؟

ياسين : نعل بو الهة مها ديك رياضة قدامها …كنت خايب زينيني كنت زين مدحيني باش نبقى بنفس الوتيرة …كنت عصبي راني ما خديتك ابنت ناس تا عرفتك غا طفيني …تدي وتجيب معايا فالهضرة كيف كدير شي مرات غاتولف تحاور معايا وميخصها تا خير …

فؤاد : نتا قلتي غادير رياضتك متمنعكش عليها …

ياسين “ضرب قفاه بجهد ” : برب الجليل مانعرض راسي لخطر على ودها …

فؤاد : حنانتك بكات قبل منها وما عقلتيش عليها …

ياسين : حنانتي بدعاويها ربي كان معايا …حنانتي انا فعينيها ونور ديالها وبدعاويها ربي حاميني …الوليد الرياضة الي كندير راني دارس عليها ومتمكن منها ملي بديتها معايا الماترييل ديالها وربي فوق كلشي …

فؤاد : نوار فحال يامنة عاشت وشافت شنو كانت كدير يامنة عليك كل ليلة هي تبكي ونوار حداها ملي وعات وهي معاها فينما مشيتي نفس الخوف عليهم بجوج …الي عاشتو يامنة معاك عاشتو نوار دوبل …

ياسين “هز فيه راسو مصدوم ” : كيفاش !!

فؤاد : ملي حلات عينيها وهي عايشة نفس المعاناة مع يامنة معاك …صغر عقلك ديرو على قد عقلها حط راسك بلاصتها …

ياسين : شنو ندير ؟؟

فؤاد : شوف باش كتحس عاونها تخطاه …منعدمة الحوار علمها الحوار …طايشة دير ليها العقل …عقلها صغير صغرو تانتا وخليها طلع معاك درجة درجة حتى تكبرو فين مكبرو نتا …

كيسمع ليه ياسين بامتعان وكيدرس كل كلمة كيقولها فؤاد فعلا نوار محتاجة الي ياخذ بايدها من حياتها الي كانت عايشاها لحياة جديدة الي خذاها ليها ياسين معاه …

فؤاد : الي شافتو فدارهم مالقاتوش عندك …ماشي كلشي دقة وحدة …خذيتيها من دار واليديها لعندك علمها عيشتك وتعلم من عيشتها وديرو لراسكم عيشة ديالكم متفاهمين فيها …حسبها بنتك حسبها اسامة نهار خذيتي بايدو ونجرتيه نجرها حتى هي على حسب قدرتها هي وطاقتها ….

ياسين : عيييت معاها ناخذ بخاطرها …عطيتها لخاطر الي معطيتوش لراسي ..بغيت تا انا نتفشش فحالها ونلقا علامن نحط راس نواجه مشاكيلي فالنهار ونجي وانا متاكد غانلوحهم ونحط راسي على رجليها وتفششني …

فؤاد : علمها تاخذ على عصبيتك وعري ليها على نقاط ضعفك وعلمها كيفاش تستغلهم فيك …نهار كانت يامنة حلالي هي علماتني وانا تعلمت منها ولا جيت علو طبعي حتى نتا مكنتش نبغيك تكون ولدي ومتخلقش نهار لول …ودابا شفتي شنو كندير عينيا تقيسهم وميقرب ليا حد لولادي ….هادشي شكون زرعو فيا ….الحنانة عمارة داري الي ب🦋🐺نور_الياسين (548)sana mina🐺🦋

رجع ايساف وصفية جابها معاه وصلو لفيلا ودخلو لقاو راوية جالسة تتاهي معاهم فالجردة والحال بارد ثلج خفيف مزال مرجعش يطيح ونقيطات شتا كتنقط …حطات سارة كاس اتاي باش يتقوتو ومعاه دوازو بينما وجد العشا وخا مكاين الي ياكل مهم را كيوجدوه على امل يجي ياسين وترجع مياه لمجاريها …بقات يامنة مع نوار حتى غفات ليها بين ايديها دخلات عليهم يسرى …

يسرى : نعسات !!

يامنة : عيات مصبراتش حتى غفات بلا متحس ..

يسرى : حالتها غريبة …

يامنة “غطاتها وناضت ” : ضغطات بزاف ايسرى مزال ممتعوداش على زواج شوي بشوي من هنا ومن لهيه منكم ومن ياسين شوي ديال تيساع ورحمة وربي يفرج …”تنهدات” ماهضرش صهيب ولا شي حد ؟

يسرى : جيت نشوفها ونسولك واش هضر معاك فؤاد …

يامنة : فؤاد قاليا متهضريش تنهضر انا …يمكن خرج ومشا يتنفس بعيد …احسن تال صباح ويهضرو …

يسرى : غاتحمقني معاها …

يامنة : داااكشي الي عطاها الله ايسرى فطبعها …زوينة كيوت حبابة وحنينة ديالي …دابا دير ولادها وتحمقك هي وياهم …

يسرى : الا لا تولدهم ونربيهم انا تحمق ليا حميماتي انا …

يامنة : ههههه كترة الهم كضحك يلاه خرجي نطفي ضو …

سبقاتها يسرى شعلت يامنة الفيوزات الي عند راسها جبدات من مجر مصحف صغير ديما كيحطو ياسين فيه فبيتو حافضاه فين غايكون وحطاتو حدا راسها وتبعات يسرى طفات ضو البيت وخلاتها ناعسة في امان الله لا الماكلة كالتها لا قلبها هناها …غير خرجو وحلات عويناتها كتشوف قدامها وطلب الله يخرج ياسين وديك ساعة يتفاهمو وخا واخذة فخاطرها من جيهتو على تهديد الي متوقعاتش يعطيه ليها …

جالسين كلشي مرفوع على الحالة الي واقعة اول مرة يكون هاد الخصام بهاد طريقة كلشي بقا يتسنى يشوف اش واقع مكتوفي الايدي …حتى تم جاي اشرف من سمع صوت السيارة دخل عند الدراري فين كانو جالسين …

اشرف : اميمتي واقيلة لوسيفر (الشيطان) جا …

علي “غوبش فيه ” : شكون لوسيفر انت ؟

اشرف : بغيت نقول واقيلة ياسين جا…

ناضو يجريو دراري يشوفو واش جا نيت …الا ايساف توخر لاشرف…

ايساف : لا شديت مك نتا على هاد قلة العقل الي فيك نتا نجلد والديك ميتين جلدة بلاصتو …

اشرف : لسان عندي مافيه عضم وقت الجد والضحك هبيل خليني نطفي العافية ..

خرج علي لقا غير الحبيب الي رجع بوحدو مشا لعند يوسف فين جالسين فجردة …

يوسف : امضرا ؟

الحبيب : كيتسناو حالة الراجل عاد يطلقوه …

يوسف : وهضر مع عصام ؟

الحبيب : الكوميسير قاليك بغا يدير خدمتو معندوش مع المعارف وداك زعت زعما …

يوسف : وايلييي هو كلو باش داخل غا بالمعرفة …”شير بايدو ” تت مشطبة هاديييييي …

نوار “هزات تيليفونها كتشوف فالساعة كانت العشرة ديال الليل …هاد الوقت وباقي ماجا حتى سمعات صوت سيارة ناضت قافزة من الفراش مشات تجري لبالكون طلات لكن كان الحبيب …رجعات لفراشها تاني وتكات كتشوف فالسقف كتفكر فهادشي الي وقع …كيفاش تخلع عليها وكيفاش صعر ….فاش كيخاف عليها مكيبقاش ليه العقل ….ياسين كان حب حياتها ورجل احلامها ملي تحقق حلمها تعرا ليها الواقع وبان الفرق ان الاحلام احلام وان الواقع واقع مخالف تماما …هي من هنا مقلقة عليه حتى حسات بالدنيا مشات وجات بيها من جوع والماكلة الي مكلاتش نهائيا …

كتفكر وتفكر وهي سارحة والعيا بدا يغلب عليها بالجهد حتى تحل الباب على جهدو زداااااف تا غوتات وناضت جلست بالخلعة ضورات وجهها بان ليها هو جاي عينيه حمريييييين مشربن …وقف لعندها وشدها من دراعها مكمممش فيها …ولايد لاخراحطها ليها على قرجوطتها مزيييير عليها …دور وجهو بجنب …

ياسين “مبتاسم بغييييض …جاي مغزز عليها معصبينو ف الكوميسارية وزادتو تاهي وحلف مينساها ليها ” : صبرت ليك تا فت القياس صبر الي كان خاص نديرو راسي اولا ليا بيه …فتي الفشوش لهيه “عينيها خرجو وهو مزير عليها تا خنقها” ندمت على نهار الي فكرت ندير الحلال وكنتي نتي بنت الناس الي درتو معاها …

نوار : قخهغ اهى طلق طل اهى ما د ما ض…اغغغغ ماما ….فففغغغغغ هييييييييي قققق…

ياسين “دفعها بجهد تا شهقات بجهد علاين روحها تخرج ” : من اليوم وجهي هو الي عمرك تشوفيه ابنت الناس تا ترباي …هذا جهدي🦋🐺نور_الياسين (549)sana mina🐺🦋

خلاها كتشهق وتركل باش تقلب على نفس الي قطعها فيها شادا عنقها بايديها تا بغات تموت …بقات تكحب تكحب تكحب …اما هو هز تيشرت ولبس حوايجو وهز كونطاكت ديالو وزاد خرج مع طريق مخليها كتغوت وتعيط ليه ..

نوار : ياسين يااااااسييييييين اهى اهى عافااااك ماتمشييييش لا لا عافاك عااااااااافااااك غير صبر ليا عافاك غير صبر ليا والله تانحاول نتبدل غير صبر ليا اهى اهى …عاوني ومتخلينيشش عااااوني اهى اهى واااااايااسييييييييييييييين …غوتات ربي الي خلقها حتى لقات راسها كتغوت ويسرى عند راسها كتشد فيها وتهدن فيها ونجود معاها …

يسرى : ماما بسم الله عليك ابنتي تهدني غير كتحلمي مكاين والو ذكري الله …

نجود : اعوذ بالله من شيطان الرجيم …قراي عليها القران ولا طلقيه …بنتي تهدني …

نوار”عاد وعات را كانت كتحلم ” : م ماما ياسين …

يسرى : مزال ابنتي ماجاوش مزال …غير تهدني قولي اعوذ بالله من شيطان الرجيم …

نوار”دايرة ايديها على قلبها ” : اعوذ بالله من شيطان رجيم …فففف …”شافت فيها ” شحال ساعة ؟

يسرى : الفجر عاد اذن نضت نصلي انا وميمة نجود وقلت نطل عليك سمعتك كتغوتي …”مدات ليها نجود كاس الما هازا تسبيح فايدها “

نجود : شربي بنتي وتهدني مزالين معطلين غير يكملو الوراق ويخرجو …قاليك فؤاد ماتشطنوش راسكم دابا يجي هو وياه وصهيب …

نوار : ماما. ..

يسرى : نعام اماما مالك ؟

نوار : فيا جوع بزاف …

يسرى : ونتي ماكليتي والو بنتي البارح كامل كيفاش صبرتي تال هاد الوقت …نوضي كولي شي حاجة ورجعي نعسي وقت الي جا غايكون حداك …

نوضاتها معاها بشوي عطاتها كاب لبساتو جمعات شعرها ودخلات تا غسلات وجهها وخرجات هبطات معاهم لقات يامنة تاهي فايقة لاخرين كلشي متكي فالصالون صفية رجعها ايساف لدارها ورجع لعندهم …يوسف ولا لحق على صهيب والحبيب تاهو معاه …

يامنة : مالها ؟

يسرى : بغات تاكل فيها جوع …

يامنة : سيري لثلاجة غاتلقاي خضيرة شلاضة باقية وكفتة مشرملة غير وصلي وقليها والعصير تاهو باقي …

يسرى : فيك ميديرهم ولا نديرهم انا ؟

نوار : لا انا نديرهم …

يسرى : انا مشيت نصلي بينما طيبتي نجي حداك …

جاوباتها براسها ومشات يسرى معاهم يصليو وهي دارت داكشي الي قالت ليها يامنة ماحتال يكملو حتى كانت حطاتهم وقادتهم وبدات تاكل فحال شي وحدة كانو خاطفينها وسادين عليها بقات تاكل تاكل تا ضرتها كرشها وتكات على كاس العصير ديال الحامض كلو شرباتو …

فهاد اللحضة فؤاد طلع ليه دم وهو كيتسنى وعصبو داك الضابط الي دار ليه فيها ضابط نزيه وشريف …

فؤاد “جهد صوته ” : شنو غانبقاو هنا اسي ؟؟

رضوان”الضابط ” : سي الحاج ..”صونا ليه التيليفون ” سمح ليا …جاوب فالفيكس شحال عاد قطع وشاف فيه كانو جالسين قدامو صهيب و فؤاد اما يوسف والحبيب وايلاف بقاو برا …

صهيب : ميمكنش يخرج دابا شحال غانبقاو نتسناو. ا سي رضوان …

رضوان : ازعاج السكان فوقت من الليل تعدى على سيد بالضرب المبرح كون ما فكوه كان غادي يموت بين ايديه …متهم ب بالفساد …

صهيب”خرج فيه عينيه ” : نعااام ؟؟ اشمن فساد هاديك راها مرتو اسيادة الضابط …

فؤاد : شكون قدم الدعوة ؟؟

الضابط : السكان ديال داك الحي …تهمة الازعاج …بالنسبة لتهمة الفساد مماكداش لكن الي ماكدة هي الاعتداء بالضرب المبرح حتى الموت هي الي قوية …مع الاسف السيد الي ضربو قدم دعوة ضدو وهو دابا فحالة حرجة

مهرس من ايدو وعشرة القطب (الغراز) فحنكو …

صهيب : دابا شنو ؟؟

الضابط : غايبقا هنا لمدة يومين الى متنازلش السيد غادي يتحول لمحكمة …

مع قالها مع ناض فؤاد عروق راسو ناضو ليه خبط ايديه بزوج فوق المكتب وتحنى لعندو لخنشوش …

فؤاد : وبحلوفي انا وباش يحلفو رجال الاحرار وماتصرف وتخرجو …”شاف فيه بنظرة لو كانت قرطاس تشتت ليه راس ” كيف دخلتك نهار لول لهاد لخدمة نخرجك من غذا …عندك ساعتين بالحساب تكلف بيهم …

#تصبحن_على_خير…شكرا بزاا🦋🐺نور_الياسين (550)sana mina🐺🦋

وصلات عليها يسرى لقاتها كلات وكتشرب فالعصير ديال الحامض وجالسة فصالمونجي …عينيها دابلييين …

يسرى : شبعتي …

نوار”تنهدات وحركات راسها ب اه ” …

يسرى : بنتي ماتقلقيش من جيهتو ريحي بالك دابا يفك المشكيل ويجي …

نوار “كتحرك فالكاس وعينيها فنقطة بعيييدة ممركزاش مع امها …حركات غير راسها صافي

يسرى : ضاراك شي حاجة ماما ؟

نوار : لا مافيا والو …

يسرى : وجهك هارب منو دم …دواك كتشربيه فالوقت …

نوار”حركات راسها ب اه …القدرة باش تناقش وتقول ولا تنطق بشي كلمة مكاينش …عياها المشاكيل الي وقعات بين البارح واليوم وكترة التفكير …حتى غمضات عينيها عصرتهم”

يسرى : مالك ؟؟

نوار”حلات عينيها ونفات براسها ” : ماماليش …

يسرى : قولي ليا شنو ضرك اماما ؟ مالكي واش مقلقة عليه بزاف ؟ مشكيل وغايتحل دغيا شوي ويجيو …هادشي كيوقع اماما لاي واحد …غير نتي مزال كيجيك هادشي مجهد حيث نتي بنتي مكنتيش مختالطة بالناس بزاف مكتخرجيش لدنيا وتواجهي …

نوار”الصمت”

يسرى “حطات ايدها على ايد نوار وكمشت فيها ” : انا ماماك وقت الي ضراتك شي حاجة قوليها ليا كيف مولفة …

نوار”حدرات عينيها ونطقات بصوت خفيف” : واخا نقوليك مغاديش تفهميني …

يسرى : علاش ؟

نوار : حيث الى قلت ليك غادي تقولي ليا كبري عقلك وحيدي منك فشوش راكي فتي عشرين عام …”هزات كتافها” غنسمع نفس الهضرة …

يسرى : وعلاش مطبقيتهاش ابنتي …كنقولها ليك غير على مصلاحتك …واش غانبغي ليك شي حاجة من غير مصلاحتك ؟

نوار : بغيتوني ندير كلشي دقة وحدة …

يلاه غاتهضر معاها يسرى وهي تنوض …

نوار : عافاك اماما خليني نطلع …انا غانتسناهم لفوق الى جاو …

يسرى : غذا نهضرو اماما ضروري …

حركات ليها غير راسها ومشات …طلعات لبيت حيدات الكاب وحطاتو حداها وجلسات شدات تيليفونها كتشوف فالساعة كانت الخمسة ونص ديال الصباح …هزات عينيها فباب البالكون الي من زاج بانت ليها سما لونها ازرق …ورجعات لتيليفون دخلات الواتساب جيهة ديال الهضرة معاه …كتلقا ميساجات فيهم …

نوار نسالي ونعيط ليك …

نوار وقعو ليا شي مشاكيل نسالي ونعيط ليك (كيف كيسالي كيهضر معاها ويقوليها مشاكيلو الي وقعات )

نوار شنو خاصك ؟

نوار الى خصاتك شي حاجة كتبيها هنا ولا صوني ليا نهضر معاك ممساليش دابا عندي اجتماع (كيعيط ليها من مورا فاش كيسالي )

محادثة هادشي الي فيها قليل فين كيدخل الواتساب واغلبية او ديما كل نهار كيعيط ليها مهم يعرف اخبارها يسمع صوتها يعاود ليها مشاكيل الي وقعو ليه فالخدمة والى توحش وجهها عاد كيستعمل الواتساب يعيط ليها فيديو …مهتم بادق ادق تفاصيلها …فششها اكثر من واليديها تنازل على شحال من حاجة فطبعه فشردها ولكن شنو قدمات هي ؟ سوا المشاكيل وقلة العقل الي فيها …يمكن من خوفها عليه ردة الفعل الي دارت غير مناسبة وماشي فمحلها لو تقلقات بطريقة اخرى بلا متخلعو عليها وتشطنهم وتخليه وتمشي بديك طريقة كبرات المشكيل ….تفكير فتفكير خلا اللومة ثاني ترجعها لراسها وهي كل مكتحاوب تحسن من راسها دغيا كتصدق فاككفس…

سبعة ديال الصباح …واقفين كاملين فؤاد كيمشي ويجي ويهضر فالفون حتى هز راسو بان ليه جاي خارج وحداه صهيب …جاي وجهو بدون ملامح ماتعرفو واش مزال معصب مقلق عادي ولا والو هو لداخل عارف شنو كاين …

فؤاد : ياسين …

ياسين “الصمت ” …

ايلاف : الحمد لله عالسلامة …

فؤاد “قرب ليه وحد ايدو على كتفو ” : تمشي لدار دابا ؟

ياسين : طوموبيل بقات لهيه …

الحبيب : انا نجيبها ليك …العميم هز طوموبيلتي انا …

ياسين “وقفو بايدو ” : لا ✋🏻 غانمشي انا …

فؤاد : شنو مغاتمشيش لدار؟

ياسين : من بعد ونجي …

صهيب : يلاه بدل ودوش بعدا …

ياسين : ماعليش “باس راس باه ” لهلا يخطيكم …

خلاهم وزاد تاهو بدون خاطر …بقاو غير كيشوفو فيه شير لطاكسي وركب وزاد وصلو لحدا دار ايساف خلصو وخرج مد ايدو جبد كونطاكت حل طوموبيل وركب فيها ديمارا وزاد كسيرا …جبد الفون دوز لخط …

ياسين : كاينة فالدار ؟ …شوي ونكون تما …

#يتبع…ااف بزاف على تفاعل لهلا يخطيكم ♥️♥️ عليك…الله يعاون…

#يتبع…صح عمرتها عليا …يامنة …

#يتبع…كان عماد كان غايخرج ياسين …

#يتبع…ي فهادي ينعل ديلمي انا ….

#يتبع…ربكم جهلتوني …

#يتبع…” : معايا انا ؟؟

#يتبع….ا قواد ميطيح كلمتي ..

#تصبحن_على_خير…. الكر انا الي قلبت عليه انااااا ….

#يتبع… : الشيطان هاد ساعة هو انا …بننننتتك تحضر …

#يتبع…اطر غزالي بالدنيا عندي …

#يتبع…صلها تا زاد طاكسي..

#تصبحن_على_خير….ا صهيب جامد يموت ومينساش داك النهار” …

#يتبع…شها بديك الخلعة ” …

#يتبع…باقي الشم عندي عوج …

#يتبع…

Leave a comment