Skip links

قصة : نور الياسين ج21

 30,656 عدد مشاهداات

🦋🐺نور_الياسين (426)sana mina🐺🦋

الي عارف بحق الكبدة را غايفهم المعنى الحقيقي الي قصذو عز الدين فهضرتو …المشكيل الي وقع لمينة ماهو الا حسد وغيرة عمل ومنصب وعقلية …هاذشي الي وقع لمينة راه كيعيشوه الناس فالخدامي وما اكثر باش واحد يضمن بلاصتو ولا يشوف واحد فايتو فالعقلية والذكاء والخدمة وكان قلبو كحل مافيهش ذرة صدق ومحبة ونقطة بياض راه الحسد عاميه وقاتلو وممكن يدير اي حاجة حتى انه يوصل القتل علاش لا باش هو يضمن راسو فالي بغاه وميفوتوش تاحد ….حروب العمل والمناصب والعقول جاري بيها العمل فحال الغابة عامرة دياب ونتا وزهرك يا ترضى بالي قسم ليك الله يا تقاتل معاهم يا تموت …

فؤاد “مشا قرب ليه تا قرب لعند وجهو ” : فوجه ولادي نقتل ونتقاتل باش نربيهم ولادي ربيتهم يدمرو راسهم …نهار يربي دراع نهار تولي كلمتو قد دراعو ( زعما كيف دراعو كيف كلمتو حااارين ) حارين مع العدو ورجالة فالفعل وحلاوة فالكلام والايام وتمارة كتنجرهم …الفشوش فقاموسي مكاينش …نهار يطيحو العدو الي مطيحهم ميطيحوش براسهم ونهار ينوضو فكل نوضة معلمين فيها …الدنيا فيها الشر وفيها الخير ….مقاتلين مع شر وماشيين فواد الخير ….والفاهم يفهم ….

الحاج : المسامحة وخا ماشي فمحلها ونستاهلو والي درتيه انا معاك …

ايلاف : ايش نعمل معو ؟

فؤاد “كيشوف فيه مكرهش يطحنو ولكن من بعد الذي قيل ” : الي فيه كافيه وموفيه وغايزيد يكمل عليه …شنو نمد ايدي على راجل كبير ؟؟ نمد ايدي على بنات الناس مادام المحكمة قاضيا الغراض شنو كاين ما حسن ….

صهيب : كلشي ضدهم حتى الشركة غاتسد وداك خينا تاهو صباح نقدموه لبلويس بتهمة الي عندو زائد تهمة محاولة القتل العمد …دوك زوج الي رسل متهزش الهم انا نجيبهم …

ايساف : على سلامتك ا مينة …

مينة “كانت كتبكي حيث بقا فيها رياض …مسحات دموعها ” : الله يسلمك …

عز الذين : بنتي سمحي ليا …

مينة : الى عليك انتا معمري شفت منك العيب حتى لهادشي الي وقع …ربي كبير تاديت انا فحياتي بما فيه الكفاية …المسامحة ربي الى سامحك معندي مندير انا قدام الله …الي بغيت نطلب هو الله ياخذ الحق وربي كياخذ الحق …معمري نسا هادشي …

عز الدين : بقات حاجة …بنتي بعد غذا اخر اجل لتقديم التصاميم …هضري مع الحاج براذة وعطيه تصميمك هو غاياخذو ويعتاذر منك ماتضيعيش هاذ الفرصة ابنتي…

فؤاد : ايلاف تكلف “جر مينة عنقها وخرج هو وياها لبرا خلاوهم يتكلفو بيهم باش تسد القضية …” شنو غاديري ،؟

مينة : ماعرفتش شنو بان ليك ؟

فؤاد : ربي بغا ليك تاخذي حقك بقات يومين صباح سيري عند الحاج عطيه تصميمك …

مينة : مابقيتش بغيت غير مني بانت براءتي …

فؤاد : سيري ديري شنو قلت ليك …ماتسنايش الحاجة تجي عندك سيري نتي وراها قلبي على مستقبلك فينما كان تبعيه صنعي شخصيتك بايديك ومتسنايهاش تصنع من عند العبد ….فهمتيني ؟

مينة “حركات راسها بالايجاب ” : فهمتك “عنقاتو وحطات راسها على صدرو ” شكرا عمو فؤاد من غيرك نتا وعمامي معمر حقي غايبان …

فؤاد “طبطب عليها ” : حقك مكتاب ليه على ايدينا يبان الى ما بانش بينا حنا يبان بطريقة غير …ربي كبير ….

مينة : وخا تقول لايساف يوصلني الى كمل ؟

فؤاد : انا نوصلك غادي تما عندي منقضي …

مينة : واخا يلاه …

فؤاد : تسناي هنا …

دخل لداخل اكد عليهم وشكرا اركان على وقفتو معاهم …حتى هو استاذن منهم وخذا طريق الرجعة لفاس لدارو من بعد ما سالات مهمتو …على امل يتلاقاو فاخر الاسبوع حيث غايمشي يشوف صاحبو ياسين ويهنيه على سلامتو …عاد خرج تاهو وركب فالسيارة وحداه مينة ….

فؤاد : الصباح ديري بحسابك تمشي معايا لقاس …

مينة : ايه ولكن علاش ؟

فؤاد “مركز فالطريق حتى سنا ليه ضو الطموبيلات الي جايين فالطريق المعاكسة فعينيه قبل ميضور عندها وينطق ” : نشوفو هاد رياض المرابط …

مينة “قلبها نزل ليها عند ال🦋🐺نور_الياسين (427)sana mina🐺🦋

اكفس شعور هو انك تكون مريض وماحداك حد من غير راسك …وخا تكون عايش وحدك من الي عقلتي ونتا تدمر عا راسك ومرضك تمرضو راسك وتشافى راسك …لكن من بين اجمل الاحاسيس هو انه تحس بدفئ بجنبك كيبعث ليك الراحة الي بعدها اطمئنان وشفاء هو انك تشوفك اقرب ناس ليك حداك ومجمعين حداك وملمومين حداك كيعتانيو بيك …ياسين هاد الاحساس ما حسوش من شحاااال هادي كان كلشي كيديرو راسو القليييييل فين كتجي يامنة تتشوفو وتصادف معاه مرض ومكيمرضش الى مرض كيصبر لمرضو …لكن الي وقع ليه هاد النهار بصح خاصو الراحة والي يقابلو لانه مهما قصاح صعاب كيبقى انسان خلقو ربي من طين ….جالسين حداه كيتحط العشا الي كان من داكشي واحد طاجين كبير ديال اللحم غير الرقبة والهبرة مخضر بالزيتون واللوز مقلي ….وجنبو شلايض …

الحبيب : هاح الله امتا وجدتيه ،؟

يامنة”بوجه بشوش” : زدت غا شليضات انا هههه …

ياسين : عذبتي راسك الخالة دارت العشا …

يامنة : زدت عليه هاد الخير اولدي …دارتو الله يعطيها الصحة …

اسامة : توحشت طيابك الحنانة ..،

يامنة : كول بصحتك انا معاكم تتعياو مني ..

ياسين : العيا من الحنانة ماكاين فقاموسنا …

نوار : قادر تنوض تاكل …

ياسين “شاف فيها ” : قادر ندير كلشي …”وغمزها”….

الحبيب “ضار عند اسامة ” : زيتونة ؟

اسامة : من يد منعدمها ازين “حابسين الضحكة …”

الحبيب”شير ليه بايدو ” : يشويني فيك …

اسامة : يعتيك الذل …

ياسين”باغي ينوض وهز فيهم حاجبو حيث كترو طنز ” : مالنا ؟

الحبيب “زرب فالهضر ونسا راسو ” : اسامة بغا يدير كلشي …

اسامة : انااري …

الحبيب : مديت ليه زيتونة كانت بعيدة …خويا ماتحكرش سمح لينا …

يامنة : بديتو تاني ؟ “شافت فياسين بغا ينوض ” ياكما نعاونك اولدي ؟

ياسين “وقفها بايدو ” : لا لا نوض راسي متعذبيش راسك …

نوار : نعاونك …

ياسين “حط عليها ايدو ” : بداي تعشاي نتي …انا نايض بشوي شربتي دواك ؟

نوار : اه شربتو …

يامنة : هزي الباربا بنتي متنسايهاش …

مصطفى “عاد دخل غسل ايديه وسلم عليهم ” : ايهاي ناس الخير عندنا هنا …كيدايرة بنتي …

يامنة “حتدرة راسها” : بيييخير ابا كي داير نتا صحتك هاد نهار مزيانة …

مصطفى : مخيرة ولله الحمد …”شاف فنوار ” بنتي كي بقيتي شوية ؟

نوار : شوية الحمد لله ا با …

مصطفى : مكتاب عليكم بجوج هاد المكتاب كلشي من عند الله زين …

يامنة : بسم الله ا با …

مصطفى : يا بسم الله ..”شاف فياسين ” ولدي صباح بغاو يجيو رجال دوار يشوفوك ويهنيوك بسلامتك …والى عرفو جات ميمتك را غايجيو شي عيالات …دير الواجب اولدي معاهم راك عزيز عندهم …

ياسين : مرحبا بيهم “دار ايديه على جنبو كينوض بشويييي تا تقاد فبلاصتو ولا وجهو عرقان حيث بصح مكيقدرش يتحرك ” …دار دارهم الواجب ضروري نديروه …

مصطفى : يا دلي هادشي ماخافي عليك …

يامنة : العيالات مرحبا بيهم مرحبا بالي جا وسول يسول فيهم الخير …

تعشاو وكملو وتجمعات طابلة …ناضت نوار تغسل الماعن بزز مخلاتهاش يامنة لكن هي اصرت تجمع دنيا وتنقيها …وخا مفششة لكن الاحترام حاضر وهو اساس عائلة رمسيس …طلع ياسين لبيت بشوييي دقة دقة معاوناه نوار حتى دخل البيت خرج الحبيب وبقات هي معاه ….

بقا واقف شحال مخسر وجهو كيتسنا صداع يحبس حيص تحرك تيزگا عليه عاد يتحرك فين بغا ….

نوار : باقي فيك صداع ؟

ياسين : شوي “كمش عينيه ” فففف اجي عندي …

نوار : واخاا “مشات عندو شد فيها وضار تم غادي بشوي حتى دخل لطواليط بغا يقضي حاجتو خااصوو يهبط سروال وميقدرش اييييوى را تيبقى انسان …اش غايعمل ؟ مادام مزوج ومرتو حداه اش كتصنع ؟ ”

نوار : نخليك ؟

ياسين : معندك فين تحركي بقاي …

نوار “عينيها خرجو ” : شنو ند🦋🐺نور_الياسين (428)sana mina🐺🦋

صرطات ريقها فعقلها نهبط ليه سروال ؟ اويلي مااا سمعنا بهذا هههه ولكن مادام عاشراتو عاشو علاقات وتشاركو الاجساد كيف خلاها هو اللحم عاللحم وربي يرحم …وهو دابا مريض ودور الزوجة تعاونو وتوقف معاه فمرضو كيف كيوقف معاها بلا متقولها ليه كيفهمها ويديرها بلا متنطقها …هادشي ديرو راسها وتشجع لان عرضها عرضو وعرضو عرضها … ديال بعضياتهم المساندة فالشدة والمرض والفرح والقرح والمشاكيل ….

نوار : و و واخا …احم “حكات وجهها وقرفادتها وهبطات ليه سروال بشوي بلا متشوف فيه شتتات النضر ديالها هنا ولهيه بغات تهبطو مع كتهبط بشوي حصل ليها …هزات راسها …

ياسين : سروال رجال ماشي سروال العيالات انوار هبطي مزيان …

نوار “عرفات ان المعلم منفوخ هو الي شادو ههههههههه عرفات رزقها مضخااام هههه ” : هاا فهمت فهمت …احم …

الخراجة هبطاتو بجهد مع مرخي مشا وجا شوي تا شد فجنبو مكمممش عينيه …

ياسين : ففففف

نوار : سمح ليا سمح ليا …

ياسين “هز ايديه زعما ماعليش ..”

نوار وقفات حداه “: نمشي نحك سناني بينما كملتي ؟

ياسين : سيري …

مشات هزات شيتة دسنان ديالها ومعجون اسنان حكاتهم ما سالات حتى كمل هو وغسل بواحد تيو ديال وضوء كيكون جنب لاشاص تما عاد عيط ليها هزات سروال بنفس طريقة باش هبطاتو باسها فشفايفها بشكر ليها وعاوناتو تا مشا جيهة لافابو حك سنانو تاهو ونضف حالتو ومشاو لناموسية تا جلس فيها بشوي …صونا ليها الفون وصونا ليه تاهو كان فؤاد …

ياسين : الوليد امضرا ؟؟

فؤاد : سالات …”عاود ليه ” …

ياسين : الحسد فينما مشيتي التيقار مكاينش والو …

فؤاد : كل يخلص فعلو …شوية نتا ؟

ياسين : حامدين الله …

فؤاد : نسالي غذا ونطلع عندكم …

ياسين : نتسناوك …

فؤاد : بالشفا ولدي والله يرضي عليك …

قطع معاه لقاها كملات وتتبقشش فالميكا ديال دوا ديالها وكتقلب هنا وهنا ….

ياسين : مبغيتيش تنعسي ؟

نوار : بغيت …شربت غير دوا ديالي وكنقلب فالدوا ديالك …واقيلة باقي ليك واحد لا ؟

ياسين : ماعرفتش ماشفتش شنو تما …ماتحكريش معنديش دوا بزاف ديها غير فراسك وتبعي دواك انا حالي ساهل راحة وحبابي جنبي ماخاصني خير …

نوار : وا شربتو وكملتو والله …ولكن خاصك تكمل دوا ديالك عاد نعس …

“شافت جنابها كتقلب خاص الما هو خلاها تبقشش تما على خاطرها تيشوفها اش غاتصنع حيث هو كيقوليها عندي دوا قليل وهي والو خاصها تقلب على دوا ومتهنى تيشربو كلو يعني ميخليش شي دوا ناقص …بقا يبقشش فتيليفونو كيشوف الايمايلات ديالو ويتصفح الانترنيت …ناضت هبطات جابت جابت الما المعدني لياسين باش يشرب ذوا حيث الما الي فالفيرما ديال البير ….

نوار : الما ديالك …

ياسين : ماعييتيش نتي ؟؟

نوار : وا عييت ولكن تا تشرب دواك كامل باش ميجيكش صداع …

ياسين : مافيا صداع هاد صداع …نوار رتاحي ماعليش الى نسيتو غادي نشربو ولا نفكرك …

نوار “هزات دوا ديالو وجات حداه فرقات رجليها فوق ناموسية وهي تجبد كرطونة ديال دوا voltaren …Voltarol Suppositories (- 100 mg) …اااه هادي فولطارين خاصك ديرها ولكن انا كنعرف بومادا علاش دايرينها كرطونة ؟

ياسين “هز ايدو ورجعها ” : حليها وشوفي …

نوار : اوكاااي

اييييوى فتحاتها نعماس مغاتجبد اسيدي باكية ديال التحاميل اي القويلبات …حيث فولطارين فيه بومادا وقويلبات خاصين بالتهاب المفاصل والالتواءات والروماتيزم واكثرية لصحاب الهرب والفدع حيث كيهمدو صداع المصاحب لهم …

نوار”ماهزاتش عينيها بقات تشوف فيهم وترمش حتى شافت فيه ” : ق قوي قويلبات ….

ياسين : شفتي قلة العقل وسرعة كيقتلو بجوج …

نوار : غا ذهنها ياك ؟

ياسين “حك لحيتو هاز راسو وكيشوف فيها رافع حاجبو ونطق بكللللل برووودة دم ” : تت غادي ديريهم ليا …

#تصبحن_على_خيييير …تحركو باش نحط احداث جديدة شاخذ🦋🐺نور_الياسين (429)sana mina🐺🦋

هو را بصح السرعة تقتل بصح شي مرات العقل عندنا كا يدندن يهبل يتكولخ وشي مرات تيجيبها لينا اما لا تجمعت قلة العقل مع السرعة مع الكلاخ مع الهبال لا يمكن التخيل …

نوار “زغب شعرها وقف من الموقف الي حطات راسها فيه ” : ك كيف كيفاش ؟ “صرطات ريقها ”

ياسين “بقا مبرد ” : كيف سمعتي …مافهمتيش ثاني ؟

نوار”حركات راسها ب لا ” : اهء …ق قل قلتي مباغيش دوا راك مرتاح دابا ياك ؟

ياسين : بانت ليك حالتي ديال راحة ؟

نوار “حركات راسها تاني ب لا ” : اهء …وشنو ندير ليك ؟

ياسين : كيف سمعتي ثاني …

نوار : ياسين …

ياسين “دوز بصبعو على حناكها ” : نعااام …

نوار “خسرات سيفتها ” : ضراتني رجلي …

ياسين”يموت ويهبلها غا بالطمز ديالو الخاص ” : ها الدوا ديال صداع عندك ديري ليا وندير ليك …”بقج ليها شنيفاتها بكل برودة ” لكل داء دواء الا الموت …

نوار”شافت الكرطونة فايدها وهي تلوحها فحال لاحت وسخة ههههههههه ”

ياسين : مالك ؟؟

نوار “عوجات فيه راسها بغات تدمع ” : ياسيييين …

ياسين “حك لحيتو ومنخرو وهو يشد جنبو وتگعد بشوييي تا تقاد وعاود نفس الحركة حتى وقف …” : مدي ليا هذيك الكرطونة …

نوار: علاش …

ياسين : تت …عطيني …

مدتها ليه بزز صافي شافها بغات طيح ليه تما غا وحدها تقولي بغات تقتل روح …وهو را غير شاد فيها …عارف اش غايدير ليهم وكيفاش وهو اصلا مخرجين ليه هاد قويلبات غيييير الى احتاجهم لكن غايستعملهم بطريقة اخرى وكون شاف لوغدونونص فاش تكتبات قبل ميخرج اسامة ياخذها ليه من الصيدلية ماكانش ابدا غاياخذهم حيث عندو اختيار يا هما فولطارين او ديفال او مهدئ للالم اخور عطاهم الله خاصين ….

ياسين “حل الكرطونة وجبد القويلب منها شاف فيها ” : نوضي اجي معايا …

نوار : فين ؟

ياسين “حمر فيها ” : غانعاود الهضرة ؟

ناضت بلهلا يطريه ليها وقفات حط ايدو على كتفها وتم غادي هو وياها تا قادها جيهة طواليط وسد الباب …صرطات ريقها كتسنى غير يقوليها ديريه …الما نزل فركابي حيث موقف محرج ماشي ساهل ههههه حل القويلب تا حلو بشوي …

نوار : همم اش غادير ؟

ياسين : ششششت …

بقات كتشوف فيه وجهها تزنگ …شد ليها ايدها ودار فيها القويلب وحط كفو عليه هو وسط كفها وكمش ايديه عليهم خلا القويلب وسط كفها وكفو وشد ايديها هزها لشفايفو كيبوس فيها ويشوووف فيها ويقرب وعينيه مشاو لشفايفها حتى تحطو شفايفو عليهم بقبلة دااااافية وحنيييييينة غمضات فيها عينيها منتشيا مع داك الاحساس حتى نسات امر التحاميل وكلشي شي عشرة دقايق وهو مدخلها فمود تقبيل الخفيييييف واحد احساس فشكل حتى فصل القبلة ….

ياسين “شاف فايدها ورجع باسها عاد حيد ايدو وهز القويلب معسو بصبعو تا ولا بومادا وشاف فيها ” : دهنيه …

نوار : فين ؟

ياسين “هز تيشرت على جنبو بان ليها زرق بقعة زرقة بلاصة ضربة قداااش تا تخلعت وشدات على صدرها ” : هنا …

نوار : غانضرك لا ؟

ياسين “تنهد ” : لا غير دهني بشويييي غانصبر ماعليش …

دهنات ليه ديك البلاصة بشوي فحال خايفة قنبولة طرطق …كانت خايفة غير لا توعتو خصوصا ضربة كتضر فالخاطر …بقات شحال وتاهو صابر وشاد الخاطر ومكانتش كضرو بالعكس فحال كتمرر على والو …تا كملت وهبط تيشرت قبط ايديها وباسهم بزوج ….

ياسين : هانتي درتي ليا الدوا الي بقا …”ركز فيها الشوفة ” شنو بان ليك ندير هاد العجب ولا نخليك ديريه ؟ فالصغر مادرتو ونديرو فالكبر …

نوار : ولكن هاكا غايهمد صداع …

ياسين : كاتنبشي ديريهم ليا بصح ؟

نوار “خرجات عينيها ” ؛ اويلي لا …صافي صافي هههه “جرها عنقها بجنب وتم غادين تا مشاو لناموسية تكا كيف العادة بالخاطر بشوي تا تقاد وتاهي كذلك غطاتو وتغطات وطفاو ض🦋🐺نور_الياسين (430)sana mina🐺🦋

على الاصوات الطبيعية حلات عينيها …ضورات وجهها لقاتو نااعس اول مرة غاتفيق تلقاه ناعس وهو فهاد اللحضة لقا راحتو وبقا ناعس وشكون فينا الي ميلقاش الراحة وميستغلهاش …ناضت من الفراش كتمشى بشوي لا تفيقو حيث عز عليها فداك الوضع الراجل الي مولفاه وحش طيحو المرض …ماشي عيب تعاونو يعطي راحة لراسو وتوفر ليه الراحة والهدوء كيف هو موفرو ليها ….دخلات لدوش غسلات

وجهها مزيان بصابون ديالها ونضفاتو شللات فمها ب باندبوش نشفات وخرجات جمعات شعرها وهزات الفون ونزلات لتحت لقات يامنة ونعيمة فالكوزينة كيصاوبو فالبغرير ووحدة كتصاوب فخبز معمر …وخبز اخور …وريحة اتاي والقهوة معطرة تعطعط …

نوار “استنشقات ريحة ” : احح الله صباح الخيييير …

يامنة : صباح النور حنينة …ديري ايديك معانا ؟

نوار : ندير …شنو نعاونكم ؟

يامنة : دي غير فوق الطابلة حطي وقاديها …

نوار : واخاا …”شافت خبز الي كتفرتت فالخبز لونه حمر ” شنو هذا ؟

نعيمة : هذا خبز الفوة بنتي ليك غانفرتتو ليك مع بصيلة مشحرة وزيت العود نخلطهم ونحطهم ليك فطبسيل دوزيه باتاي …

نوار : شنو فيه ؟؟

نعيمة : خبز شعير فيه الفوة والتبش وتسرغينت …وزعتر وشوية فليو يابس …الالة عاجناهم معاهم مزيانين ليك لفقر دم …

نوار : ضروري ناكلهم …

يامنة : غايعجبوك ابنتي تعرفي رفيسة ديال بطبوط ؟ راه فحالهم ابنتي منسمين بالي كيعجبك …

ابتاسمات ليها وبدات تدي لطابلة وتجيب بالنسبة لحبيبة مشا صباح بكري مسكين طريق الي جابتو داتو حيث عندو لخدمة وملي مشا يوسف بقا عليهم دق كلهم خدامين تايرجع حيث دايرين تا خدمتو …واحد شوي حتى نزل ياسين جاي بشوي عليه شعرو مخربق مبدل حوايجو على ديال بارح ….

ياسين “هاز فايدو گارو وبريكة ” : صباح الخير …

نوار “قربات حداه ” : صباح الخير كون عيطتي ليا نهبط انا وياك …

ياسين “عنكش ليها شعرها ” : ماعليش هاني نزلت …”شاف فيامنة ” الحنانة صباح الخير ”

يامنة : صباح النور ولدي كي صبحتي شوي اليوم ؟

ياسين “غمض عينيه وحلهم ” : حامدين الله …انا نكمي ونجي …

نوار : واخا …

تا تم غادي ورجع شاف فيها …شربتي دوا ؟

نوار : هاني غانشربو دابا …

ياسين : ماتنسايهش …

نوار : لا منساهش معايا خالتو كتفكرني ههه

اوما ليها براسو وخرج تا كما عند الباب وكيشوف فالدنيا من بعيييييييد بانو ليه الخدامة داخلين من ورا سور لاخور مدخلين شي كرارس فيهم الغبار (سماد ديال الارض ) وشي داخل شي خارج …حتى صونا ليه التيليفون ….

ياسين : الحاج عمر …

عمر “الراجل الي خدام معاه والي شدو فالبنك فاش كان كيضارب مع عيسى ” : سي ياسين صباح الخير …كي صبحتي اولدي …

ياسين : مزيان الحاج مزيان …يعمر دارك …

عمر : الحمد لله …ولدي الحمد لله على سلامة والله يجيب الشفا ولدي …اتاصلت بيك الى هاد العشية مسموح بغينا نجيو الكوادر الي فالبنك نزوروك الى ما فيها ازعاج ا ولدي …

ياسين : الله اودي دار ديالكم وصدرها مفتوح ليكم وقت الي جيتو …مرحبا الحاج ميحتاج تسول …

عمر :عارف اولدي الدار الكبيرة والقلب الكبير …غا هو ضروري نعلمو وكان …وهو هذا ملتقانا عشية ان شاء الله اولدي وماتكلفوش راسكم فتاحاجة زيارة خفيفة ضريفة نهنيوك بسلامة ونمأنو عليك صافي …

ياسين : ماتهز هم مرحبا بيك …

قطع معاه خشا تيليفون فجيبو كمل اخر جرة من السيجارة ودخل بشوي تا وصل لصالون وجلس لقاهم حطو طابلة معمرة مقادة شوي ودخل اسامة ومصطفى تاهو تجمعو على الفطور …

بدات تاكل فداك الخبز الي وجدوه ليها …

نوار : اممم بنين اخالتو والله تا بنين …

ياسين : شنو داكشي ؟

يامنة : عشوب بلدية ل فقر دم مزيانين اولدي …

ياسين : جاك بنين ؟

نوار : اممم بزااف …

ياسين : بصحتك …

مصطفى : ولدي من ورا صلاة الضهر ان شاء الله جاي الفاطمي وولد الحاج عياد وسي نعمان و ولد صبيطة والتاقي والقايد ولاجودان شاف يشوفوك هادو بعدا عاد شي رجال من ورا العصر …

ياسين : مرحبا شي غذا نوجدوه ؟

مصطفى : ضروري راك عارف رجال وكالة …

ياسين “شاف فيامنة” : الحنانة اللحم غادي يجيبو ليك سالم دابا …شوفي مع الخالة ترجدو لغذا …

يامنة : تهنى ولدي …

ياسين : العشية جايين موضفين الي عندي فالبنك تاهما عندهم غير وقت خفيف ويرجعو …

يامنة : خير رب🦋🐺نور_الياسين (431)sana mina🐺🦋

هذا هو حال ناس الجود والكرم حال ناس البادية وناس المدينة …الدنيا فيها طوب وحجر كاين الي ولد الخير وكابر فالخير وكاين الي مشافش الخير لكن عينيه كبيرة وعزيز عليه الخير فاش مسك عليه الله وكاين الي ولد الخير لكن هو قرزاز سقرام بخيل وكاين الي جوع وكل وكيدار ليه الله ….فطرو مجموعين كيف العادة اسامة الي متفرقش من حدا يامنة شهيواتها فالفطور كلا منهم وحيد الوحش الي كان موحشها …وصلات وقيتة الخدمة ديالو ومشا …ياسين بقا تما فالدار ماقدرش ينوض عطاه جنبو الصداع …

نوار : نجيب ليك الكالمون تشربو …

ياسين “داير ايدو على جبهتو .” : تت شوي وغايمشي …

نوار : غاتبقا هاكا ؟

ياسين : دابا يمشي …

تسمع صوت رجال داخلين كيحنحنو

ياسين : سيري دخلي جايين رجال …

نوار : واخا …

دخل مصطفى …

مصطفى : ولدي فيك مايدخل لصالون لهيه …

ياسين : انا جاي عندكم …

دخلو رجال لصالون لاخور الي فالدخلة عند الباب …ناض بشوي عليه صداع معذبو …حتى دخل عندهم …

ياسين”حنحن ونطق بصوت غليض ” : سلاام عليكم …”شافهم غاينوضو ” غير جلسو جلسو …وخا هكاك شافوه معذب ناضو سلمو عليه وهناوه بسلامتو …

مصطفى : وا الحمد لله سلك منها …

الحاج عياد : وعلى سلامة والله ياخذ الحق …ملي جات فتكسيحة ولله الحمد حسن نا يتهرس ليك شي عضم …

الحاج ولد صبيطة : ومرضي الوالدين وكان هههه …

باسين : الحمد لله الحمد لله …

الحاج : واسيدي على سلامة اولدي شناك بخير …

ياسين : مكاين فين غادي الحاج الغذا كيوجد …

مصطفى : كاس اتاي نهضرو شوي بينما تحط لغذا معندكم فين تحركو …بلا حلوف بلا هضرة …

الحاج عياد “تكاارشخ بالضحك بتقالة لابس فوقية بيضة مخيطة ب البوردو وداير طاقية فالبيض لحيتو طويلة وشايبة ” : ههههههه واسيدي لا تحلف شاي …نتوما مالين الخير …اش كاين كاين شي شوى شي ضلعة …

ياسين : كل خير امر يحضر …

عياد : هههه اسيدي الخير نتوما ماليه الي كان قابلين عليه …

ولد صبيطة : كاين شي ديسير مادير لينا غذا ناسف هاا ههههه

الحاج “واحد اخور ” : اسيدي كبيرك نتا اتاي كرشك كبيرة عاد صباح ضربتي ستة البطبوطات بزيت البلدي الخاترة عاد مطحونة وجوج برارد اتاي …تا فين غادي يا …

مصطفى : ههههه خليه هذاك كرشو كبيرة ولد الخير غا ياكل لينا اسي مايخصو خير …

ياسين : مرحبا بيكم …

هذا هو حال ناس البادية ورجالها الطنز وضحك ونشاط جاري فدم والماكلة هي الاساس عاد ديور ورث اراضي مشاكيل وشلا مكيهضرو عليه ميتقاداو من هضرة ومن ماكلة …تحطت صنية اتاي بدوازها و الغذا على حقو وطريقو وديسير …وبقاو حتى خرجو مسلمين على ياسين وراضيين عليه …

مشا شرب دوا وتكا غير تما سدو عليه شراجم وخلاوه ياخذ راحتو …تا فاق على صوت التيليفون عيطو ليه مالين البنك بالي شي ساعة من بعد ما يخرجو …

دخلات عندو نوار وقربات ليه …

ياسين “شافها وشير ليها ” : اجي حدايا مالك ؟

نوار”هزات كتافها ” : مماليش باقي فيك صذاع …

ياسين : شوي “جات حداه وشد ليها فايدها كمش عليها وباسها ” …

نوار : نذهن ليك هادوك قويلبات “قالتها وتتشتت فالنظر ديالها ”

ياسين : كاين واحد عندي هنا …

نوار : فين هو ؟ ارا نديرو ليك …

ياسين “هز حجبانو ” : تت هذا انا الي غانديرو ليك غايدفيك ويضخ الدم فيك ..ويداوي ليك رجليك “هز ليها ايدو وحطها فوق حجرو ههههه الالوان هربو من و🦋🐺نور_الياسين (432)sana mina🐺🦋

هذا هو حالها معاه هههه الطنز تا تقول ولفات عليه عاد يخرج ليها بطنز جديد يتلفها تاني على القبلة …كيعشق شي حاجة سميتها نحشمها ونخليها تولول ولا يتبدل ليها اللون …

نوار”قفزت وجمعت ايدها بزربة ” : ياسييين حشومة عليك …

ياسين : وايلي …

نوار : بصح واش نجيبهم ليك ؟

ياسين “رجع هز راسو وطلق نفس من فمو ” : لا ماشي شي حاجة تستاهل ماعليش شوي ويمشي …

نوار : فيك جوع ؟

ياسين : فيا جوع ماشي ديال الماكلة …

نوار “جمعات فمها وضحكت ” : ههههه

ياسين : شاف فينا الله …

نوار : بغيت نسولك ..

ياسين :سولي …

نوار : علاش ضاربتي مع هذاك ؟

ياسين “عض شنايفو بمجرد ما سمع سميتو وكمش ايديه على شكل بونية ” : بنادم قليل العقل ونية وكثير الحسد والغيرة …

نوار : مافهمتش من غير هادشي شنو سباب تا وقع هاذاكشي فالبنك وضاربتو …

ياسين “فيه عادة تيقول كلمة عاد كيشرح شنو وعلاش ” : ختو …

نوار : ختو ؟؟؟

ياسين “بدا كيعاود ليها …” : هذا ماكان …”ما قالش ليها كانت كتشمشم وداكشي “….

نوار : جري عليها …

ياسين : شنو ؟؟؟

نوار : جري عليها اش غاتبقا دير تما …غاتجيب ليك المشاكيل …

ياسين : هاذشي انا مامكلفش بيه الي عندي غلط منها تقرير البنك الرئيسي الي كيتحكم ديك ساعة …

نوار : وغاتبقا تما ؟ …

ياسين : خدمتها تما شنو ندير ليها ؟؟؟؟ نوار ؟

نوار “ربعات ايديها وهزات كتافها ” : تخرج من تما غاتجيب ليك المشاكيل …

ياسين : وصل وخرج ؟

نوار : حاسا غايكون فيها المشاكيل ….

ياسين : الي بغا المشاكيل غايلقاهم …

يلاه بغات تهضر حتى سمعو صوت برا كان ديال واحد الراجل كبييير فالعمر من رجال دوار وصاحب واحد الفيرما قريبة ليهم تما …

ياسين “سمعو وسمع مصطفى كيعيط ليه زعما باش الى كانو شي عيالات يدخلو ” : نوار دخلي لداخل …

نوار : جا شي حد ؟

ياسين : واحد سيد دخلي وقولي لخالة توجد اتاي راه هي عارفة …

نوار : واخا …ناضت من حداه دخلات لداخل لقات يامنة فالكوزينة مع نعيمة كيهضرو ومجمعات بلغاتهم …عاد ياسين عيط لجدو ودخل الراجل لعندو اسميتو عباس …وخا كبير فالعمر قد جد وكبر ياسين لكن عزيز عليه صاحبو بزاف وعشرة اراضي وطعام وشلا بيناتهم ….

عباس “حادر عينيه تا دخل ونطق ” : واحد سلام عليكم …

ياسين : الحااااج عباس هذا …

عباس : الحاج عباس الي مقلق منك ماتسول شهرين هادي …

ياسين “باس ليه راسو ” : نخلص الحق …

عباس : وبدوبل اسيدي زوج خرفان من عندك …

ياسين : جاوك تا ثلاثة …

عباس : وا ولدي كي بقيتي …

ياسين “هز ايدو وحطها ” : هانتا تشوف حامدين الله نشوفو بعينينا ونهضرو بصوابنا…

عباس : والحمدي لله …

بقاو قولها وضحك عليها هضرة رجال هي هادي ما تقادا ماتكمل وطنزهم هو هذا …هاد سيد عند ياسين عزيز وصاحبو ومتعامل معاه ومكيفوتوش …ولكن عقليتو دقة قديييييمة عقلية ناس الاستعمار

نوار ؛ كون كان اسامة ينفعنا …

يامنة : عيطي غييير لبا يشد من عندك صينية بنتي …

نوار : صافي اريها ليا …

عطاتها صينية اتاي برارد خاويين …حتى ترجع لمجامع الي فيهم اتاي وسكار وليقامة باش يعمرو مصطفى …

يامنة : رجعي لمجامع ومقراج قولي لبا يجي ليه حيث ثقيل عليك …

اومات ليها براسها ومشات …

عباس : هههه ايوى ولدي شتك ما نسيتي والو ؟

ياسين “عقد حجبانو ” : شنو ؟؟

عباس : وايلي …هانتا مريض وعيان ايد هنا وايد فالخدمة لاخرا ودار …تزوجتي ولله الحمد …

ياسين : الحمد لله الواليدين مزيانين وحدانا …

مصطفى : واش غايخص كتر من هك ؟

عباس : اسيدي تدير المراة الثانية ؟؟؟

هاد الهضرة طاحت على مسامع اذن نوار حتى طيحات صنية ومع فيها كيسان البلار باقين جداد وصينية ديال الفضة دقة تقليدية غير طاحت طاحت بكيسانها تشاااااااخ حتى وقف ياسين بالخلعة ح🦋🐺نور_الياسين (433)sana mina🐺🦋

اللحضة الي شدات الصينية من عند يامنة توجات جيهة الممر الي كيدي الباب ديال زنقة الي مقابل معاه نيت في نفس الطوالة الثالون الكبيييييير شاد من طرف تال طرف مخصص تما لضياف الي كيجيو وبعيد على دار لداخل …غير وصلات ووقفات بغات تحط صينية باش دق ويخرج الجد مصطفى ياخذها من عندها …حتى بدات كتسمع ضحك راجل والهضرة …

عباس “عاد الرجال فالبادية او رجال كبار بصفة عامة كيضحكو وضحكهم كيبان فحال جدي هذاك هو ضحك وطنز بين رجال الي حنا كيحساب لينا بصح خصوصا انه نطقها وعلى ملامح وجهو الجدية ” : مناويش تدير المراة الثانية ؟

مع كانت كتسمع وكتسناه يسكت لوهلة باش دق ويسمعوها حتى سمعات شنو قال وهي طيح صينية بالي فيها تشاااااخ تسمعات على جهدها بالخلعة ياسين وقف بجهد تا حس بموس ماضي في جنبو …

ياسين “عض سنانو وخرج عينيه بالالم …ومع ذلك كمل ومشا كيخطوي تايشوف اش واقع ” …

يامنة : هيييي ياربي سلامة اش وقع …

نعيمة : طلي ياكما طاحت عليها صينية الله يا بنيتي الله …

مصطفى : ارسول الله رسول الله …

ياسين “خرج عندها لقاها محنية كتهز فزاج الكيسان واييديها كيترعدو حابسة البكية وودنيها كيصفرو بالهضرة الي قال راجل وجهها ولا بيض …”: نوار !!! بلاتي بلاتي ماتقيصيش …

نوار “بغات تحط جرحتها زاجة فصبعها ” : اييي …

ياسين “غوت ” : بلااااتي …تت …

نوار : ما ما شفتش “كترعد ” ماشفتش مادرتهاش بلعاني …

ياسين”شد ليها صبعها الي دايز منو دم ” : شش ماوقع والو كنقوليك ماتحركيش ماتقربيش لكيسان هانتي جرحتي راسك …اجي معايا …

تم غادي بيها لدوش لداخل داز من حدا يامنة الي كانت واقفة بغات تمشي تشوفها ساعاك جا هو وياها …

يامنة : احح الله را لالكول باقي تما الي كنت كنعقم بيه الفتحة ديرو ليها حسن غسل ليها بيه “شافتو غادي شاد جنبو وتبعاتهم لدوش “سير عند راجل انا نبقى معاها …

ياسين : ماعليش غير خليني …غسلي صبعك …

نوار : ماشفتش مااا “حابسة البكية قلبها كيضرب مابيها لا صبعها لا هم يحزنون كيدور فدماغها غير المراة الثانية وااااجي قنعها را راجل غا طانز مع ياسين ….غسلات صبعها تا نقص منو دم وعطاتها يامنة لالكول خواتو عليها …” اححح كيحرق …

ياسين : صبري ….

يامنة : صبري بنتي يكمش ليك وينقي ليك جرحة …ماوقع باس ابنتي الكيسان يمشيو ويجيو جات غا فالكيسان الله يهديك احنينة …

نوار : اممم …ففف صافي ياسين عافاك كيحرق …”عاضة على سنانها حرقها لالكول ولكن ماااااشي الالم الي كيحرق ياسين فداك الجنب بديك الحركة المفاجئة الي دار …ة ففففف…

ياسين : ششش صبري …”عاقد حجبانو ” الحنانة عطيني سبارادرا من تما (لصقة ديال جرح طبية ) …جبداتها من تم ومدتها ليه خوا شوي لالكول فقطن وحطو على جرحة ضغططط عليه وصور سبارادرا …ماتسوق لا لراجل لا لتاحد اصلا عارف جدو غايتكلف …

ياسين : ماوقع باس معمرك طيح شي حاجة كيسان الي كان لهلا يردو نتيييييي متقربيش ليهم ماتقيصيهمش حتى يتجمعو بشي حاجة …

نوار : غير تدعقت وتخلعت و “كتزم فمها شوي وتعاود ترجع تهضر باش تتحبس البكية ماتخرجش ..” ووو “هزات ايدها مسحات عينيها ودلات شنيفاتها …صافي مابقاتش هضرت حدرت عينيها كتلعب بشفايفها كاتمة بكية بزز …لداخل عافية تتغلي وتجذب …

يامنة “عزات عليها ” : ياحنينة ما وقع باس هرسي وضربي وعاودي هرسي بالخاطر وبلا خاطر دارك هادي وماعنك هادو ابنيتي وراجلك هذا …غاتقلقي على كيسان هزي وحدين غيرهم وهرسيهم بخاطرك مكاين الي يهضر معاك هادشي الي هنا را فدارك هادي …

ياسين “جرها من ايدها لعندو خشها فيها كيدوز على حنكها ” : مابغيتكش تجرحي مابغيتكش تقربي ليهم على ود هادشي …نشري ليك كيسان وهرسيهم لعبي بيهم ضربي بيهم …”شد ايديتها وباس كفها ” كاندي ديالي ماتقلقي ماتخافي كلشي ديالك …هرسيني تانا ماعليش …

يامنة : هههههه هانتي🦋🐺نور_الياسين (434)sana mina🐺🦋

 

لشفايفها حطات مرطب مصمصاتهم مزيان تا دخل فيهم ورطبهم …شعرها هزاتو وجمعاتو عاادي مخربق بدون متدير ليه شدة جاها غزااال مع تقطيعة كبرات وقوة شعرها بانت غزالة فيها …هزات سنسلة ديال جاكيط سورفيت وتوجهات ل كرسي جلسات فيه حتى لبسات فرجليها سبرديلا بلا سيور بالخف …ناضت هزات صاكها فايدها وهزات تيليفونها ونزلات لتحت لقات نجود جالسة معاها فؤاد كيهضرو وقدامو كاس القهوة …نيت وقيتة ورا الغذا …

مينة : عمو فؤاد …

فؤاد “هز فيها عينيه ” : صافي ؟؟

مينة : صافي نمشيو ؟

فؤاد “ناض كيهبط فكمايم القميجة ويعقد فيهم ” : في امان الله …الوليدة !!

نجود : الله يسهل عليكم اولدي …في امان الله وحفضه …

تحرك هو قدامها غادي بهيبة وهي تابعاه وقلبها كيضرب فتسعين …ركبو فسيارة فؤاد نيت خلات ديالها وركبات معاه ….

فؤاد “انطالق بالسيارة كيشوف فالمري وكيهضر ” : فين ؟

مينة “كيفهمو هضرته من صغر كيعرفوه اش قاصد خير الكلام ما قل ودل عندو كيف العادة ” : احم الفيلا الي خدمت ليه فيها عقلتي كنتي وصلتيني واحد نهار …

فؤاد : مزيان …

زاد كسيرا طريق فاس …طول الطريق وهي كتعاود ليه وتفرغ وتشكي …وهو كيتصنط وطبعا الحكمة والنصيحة ديالهم هو مولاها …عاطيها الخاطر كيسمع ليها …مينة تربية فؤاد من صغرها عزيزة عليه عندو مميزة حيث كتشبه ليه فالعقل وتباتة …وهو الي وقف معاها تا قرات الهندسة وزاد وقف معاها تا خرجات من دائرة الحزن فالاشهر الي وقع ليها فيهم مشكيل العرس والمهدي الي تخلا عليها فليلة عرسهم ….

مينة : هي هادييي …

فؤاد : عيطي ليه …

مينة : هاا ؟

فؤاد “ضار شاف فيها ”

مينة : صافي نعيط واخا …صونات ليه مرة وجوج فالثالثة جاوب …

رياض : مينة !!

مينة : احم موسيو رياض على سلامتك …انا قدام الفيلا عندكم الى ما فيهاش ازعاج جينا نشوفوك …

رياض : ازعاج ؟ الله اودي مرحبا دخلي كاينة الوليدة نيت …

مينة : اووك …

تسناها حتى نزلات وهو ينزل ضار جيهة الكوف كتشوف شنو غايهز منو حتى بان ليها هاز ساشية مكتوب فيها اسم محل شوكولا وساشية اخرا فيها اسم محل اتواب رجال التقليدية كيعرفوه يعني غايكون واخد شي تفصيلة توب ملكية نوع الغالي ….

فؤاد : صواب زيارة المريض والشكر …

مينة : لهلا يخطيك عمو …

تمشات قدامو تا دخلو عند العساس الي وصاه رياض عليهم دخلهم تحل باب دار من طرف الخادمة الي استقبلاتهم وعند الباب الثاني كانت الحاجة ماجدة ام رياض بنفسها مستقبلاهم لزوم الصواب وحيث كتعرفهم من ناحية الاسم وعرفات مينة انها كانت خطيبة مهدي والي وقع ….

ماجدة : مرحبااا وسهلا بالناس الخيار …

مينة “سلمات عليها ” : ترحب بيك جنة الحاجة …

فؤاد “مشتت نضر احترام ليها ” : سلام عليكم …

ماجدة : مرحبا الحاج مرحبا تفضلو …

تبعوها لداخل تا لصالون الكبير الي كان فيه رياض فور ما سمع صوت وقف حتى دخلو لعندو …تصدم فاش شاف فؤاد بنفسو…

مينة “شافت فيه حناكها تزنگو ” : احم سلام سي رياض على سلامة خروجك …

رياض”بابتسامة حنييينة ودافية ” : الله يسلمك …

فؤاد “نطق بداك الصوت المهيب ” : الحمد لله عالسلامة …الله يجيب الشفا…

رياض”سلم عليه كيصوط فريقو حيث فؤاد بالضبط ماشي غير كيحشم منو كيتفكر حتى الموقف مع يوسف خوه فصغر. رياض كيمرگ على تصرفاتو الطايشة وقلة الادب الي كانت فيه ” : احم سي الحاج رمسيس مرحبا وسهلا زارتنا البركة …”تفضلو جلس الحاج …

فؤاد ” دوك الساشيات حطهم فوق الطابلة الي تما وجلس عاد جلسو هما ”

ماجدة : عذبتو راسكم الحاج مجيتكم الخير كلو …

رياض : الحاج مجيتكم هي الخير …

فؤاد : ماعليش ماعليش تاحاجة ما تغلى عليكم …

رياض : الدار الكبيرة الحاج …

مينة : احم كي كيف بقيتي شوية ؟

رياض : شوية شوية بشوفتكم لباس …

مينة “قلبها بدا يضرب تلفت مع هضرتو ضارت عند عمها ورجعت حدرت عينيها كتلعب بصبعانها ” احم لهلا يخطيك اسي المرابط …

رياض”فنفسو كيقوليها واااخا المرابط هههه ” : احم الوليدة شي براد اتاي …

ماجدة : الله اودي هي اللولة سمحو ليا من فرحتي بيكم نسيت …

فؤاد : ماتعذبي راسك الحاجة مجية خفيفة …

ماجدة : ولو ولو ماعليش هههه …ناضت توجد اتاي وبقاو هما …حتى حنحن فؤاد ونطق …

فؤاد : الي دار الخير معانا غير نقطة ( غيير شوي ) مانساوه والي دار معانا بحر نغفرو ليه الي فات والي جاي …الي درتي على قبل الغالية مينة ميتقدر لا بمال ولا بجاه …الله يرضي عليك اولدي من غير مشكيلتك مع يوسف من قبل والقرابة الي بينك وبين عدو الله (على مهدي ) خيرك منساوهش …

مينة ورياض هاد اللحضة خرجو عينيهم قدقد ….ايييييه يخفا على فؤاد اش وقع بين رياض ويوسف زمان ؟ ويخفا عليه اش كيج🦋🐺نور_الياسين (435)sana mina🐺🦋

 

وخا مهدي فقط مو مراضعة مع ام رياض فصغر غير شي ايام وكانو غير معرفة بعيدة ماشي مقربات مهدي الي كان صاحب رياض …

رياض “صرط ريقو وحدر عينيه كيهضر ” : لا لا الحاج هادشي من واجب ديالي نشوف ضلم ونسكت عليه ؟ هادشي الي متربيتش عليه …انا كنعرف سايكو ماغاديش نكذب الحاج ونافقك …فايت ليا تعاملت معاه ونهار وقع مشكيل وبحث عرفت هادي غير فعايلو هو …نهار بغيت نتلاقا بيه هههه هانتا تشوف اش وقع …ولو تعاود الموقف لا قدر الله نعاود نبحث وهاني كنبحث …الاخت مينة كنعرف خدمتها ….

طبعا حيث فايت خدمت ليا هنا فالفيلا …الشركاء الي معايا فالشركة سي برادة وبناني ولاخرين وخصوصا برادة عارفين كفاءتها سي عز الدين لو ما خباش على بنتو وتستر عليها …

فؤاد “رفع حاجبو ” : باش عرفتي هما الي داروها …

مينة “قلبها تيصرب فمنخرها ” : احم ا انا ف فاش عرفت ال بارح عيطت ليه وشكرتو وقلتها ليه …غير شكرتو شكر الاول فتيليفون اعمي …

فؤاد “بقا شحال رافع حاجبو تيسوووف فيها اش تتقول وكيفاش تتهضر ويضور يشوف فرياض ” : ماعليش …

رياض : الي مهم دابا حق المضلوم رجع اسي الحاج …الي فات مات ومنو نتعلمو الي جاي نردو بالنا …الى باقي باغا ترجعي تخدمي تصميم الشركة سي برادة غايجي تال عندك …

مينة “شافت ف فؤاد الي غمزها وهي ضور شافت فيه ونطقات ” : تت انا الي غانمشي عند سي برادة كيف ما كان الحال الحاج كيمشي بالخدمة وعاد دار معايا المزيان مخلاش الولد المهندس لاخور الي تدمج تصميمو مع تصميمي

يقدم بيا دعوة هذا فحد ذاتو خير ما ساعدش باش سمعتي العملية فالمستقبل تخسر …الاثنين ان شاء الله نمشي عندو ….

رياض : زعما براءتك بانت وشلا ما بان يعني حقك …

مينة : بالعكس الى بغيت نتبت راسي حاجتي نتبعها …ههه ماعليش …وشكرا بزاف سي رياض خيرك مانساهش وسمح ليا بزاف …

رياض”تنهد ” : انا الي سمحي ليا “قالها حيث عندها بعد اخور ” …

بقاو حتى جات الحاجة حطات اتاي وتابعاها البنت حطات المرافق ديالو قامو بالواجب على حقو وطريقو شي نص ساعة موراها وناض فؤاد تمنى ليه الشفاء وشكرو مجددا وتا مينة كذلك وهكذا دازت الزيارة الخفيفة الضريفة كان حوار بعقلو وخا فيه كلاشات من تحت دف لكن كانو بعقلهم وكل واحد را عرف مقامو ….

اما فواحد الجهة في الفيلا في ازرو …كانت راوية وصفية ونجود وسارة جالسين …

صفية : خالتي …

راوية : بنتي …

صفية : احم واخا ناخذ اذن ديالك ؟

راوية : شنو بنتي ميحتاج تاخذي اذن مني ابنتي هههه …

نجود : كيما كان الحال راك عگوزتها …

صفية “جمعت ضحكة ” : احم …نهار الاثنين غادي نشوف الدار الي قلتي ليا باش نشوف …

راوية : فين ابنتي ؟ صافي متاكدة ؟

صفية : متاكدة …يلاه يلاه …

راوية : الي بغيتي ابنتي فينما كانت راحتك مرحبا …

صفية : احم …نهار السبت كاين واحد الحفلة دايرينها لاستاذ فواحد لوطيل في فاس ..

راوية ؛ فاس !! ايه

صفية : دايرينها القسم كامل ومنها حفلة غايجي فيها مدير واحد المعهد الي تابع لهذا حيث فاش كنكملو فورماسيون راكي عارفة كتكون فرصة اننا نكملو فهاد المعهد تقني متخصص فالشعبة الي بغينا …

راوية : الى هاكا ايه ابنتي سيري انا نوصلك وقت الي بغيتي ولا نوصي شيفور …

صفية : الي كان توصل حداش ليل يرجعني مبغيتش نتعطل …

راوية : واخا بنتي …سبت صباح يلاه معايا عند الكوافورة تقادي …متنسايش المضهر مهم فهادشي الي كتقراي والي غاتقراي مستقبلا خاصك تعلمي شحال من حاجة …

صفية : هادشي الي بغيت غانمشي معاك هههه ..

سارة : يلاه حلقي عالحالة وتبدلي لينا …وخا راكي زينة تبارك الله ماخاصك خير …

صفية “بخجل ” : هههه ش🦋🐺نور_الياسين (436)sana mina🐺🦋

 

تجمعو دوك الكيسان …وتنقات دنيا تما …دخل ياسين لعند الحاج الي خلاه مع مصطفى جدو …جلس وجهو مبدل عليه علامات الالم فجنبو ومكابر ….

مصطفى : ياك مكاين باس ؟

ياسين : مكاين باس ابا هادشي كيوقع “غمزو ”

عباس : ماعليش اولدي داو الباس داو الباس العيالات هما هادو الى مطيحو يهرسو عقل العيالات هو هذا …

ياسين : كلشي مكتاب الله مافيه لا مراة لا راجل …كلنا دم ولحم وانسان ..كنبقاو ولاد تسع شهور ولا قل مهم كرش مراة الي خرجتنا …

عباس : داكشي ولدي هههه …غا دكرنا المراة الثانية وشوف هههه الباس الباس معندك ما بغيتيها غاا بسطنا معاك …

ياسين : خوذ راحتك الحاج …

تعاود تقادت الصينية فالكوزينة وهي جالسة وساهية وعينيها حمرين …

يامنة : نوار بنتي مالكي ؟

نوار”شافت فيها” : همم ؟ احم لا لا …

يامنة : اجي بنتي معايا لصالون رتاحي من صباح ونتي فالكوزينة معايا وجهك ولا صفر …

نعيمة : سيري بنيتي راكي مريضة وسخيفينة صحتك على قد الحال …

نوار : واخا …

ناضت تبعات يامنة جلسو فالصالة الي تما …تكات فوق سداري دارت ايديها على حناكها وكتشوف فنقطة بعيدة الشي الي قلق يامنة من جيهتها …ماشي على برجها ماشي على مودها حابسة البكية …ومع ذلك حالفة ماتبكي …كل مرة تبكي كل مرة تهرنن بغات تتبت انه ميمكنش يديرها وثيق فيه …سمعو راجل خرج وصوت خطوات ثقال حتى دخل مصطفى وتبعو ياسين الي قلب عليها بعينيه بانت ليه متكية فديك الحالة …

ياسين تمشا بشوي مزير على سنانو مع جنبو الي شادو حتى جلس حداها وحط ايديه على شعرها ” : كاندي مالك ؟

نوار “هزات كتافها ” : ممالييييش …”قالتها بواحد صوت حنين مخلط بذبذبات الحزن ” …

ياسين : وايلي زعما ؟

دخل اسامة مع وقيتة العصر …لقاهم حالسين ومصطفى معاهم ويامنة …

اسامة : واحد سلام …

يامنة : سلاام حنينة فيك جوع تاكل ؟

اسامة : بزاااف …ايه الى موجود ندخل ناكلو بلا متحطي ليا نقاد راسي …

يامنة : راه فكوزينة كاينة نعيمة ولدي …

ياسين “شاف فمو وغمزها ” : مالها ؟

يامنة : يضهر ليا عيات من صباح وهي فالكوزينة عاونتنا …

ياسين : كنتي ترتاحي نوار راكي مريضة شوفي وجهك كي ولا …مالك عزيز عليك المعاندة كتر مني …

نوار : ماااشي مشكيل …

ياسين : نوار !! كنعرفك ولا لا ؟؟؟ ضراك شي حاجة سمعتي شي حاجة ؟ ماتشغلينيش عليك الله يرضي عليك …مانا فصحتي مانا فصحتك …غاتبقاي هاكا طلعي ليا دم وتقهريني عليك ؟؟؟

نوار”الصمت ” …

ياسين : نوار ؟؟؟؟

نوار : عيييت بغيت نعس …

ياسين”بغا يصعر” : شنو ؟؟

يامنة : شش “نطقات بصوت منخافض ” ياسيييين …

ياسين “شاف فيها ” …

يامنة : خليها من بعد اولدي …

ياسين : تت …”شد فجنبو وناض مخلي ليهم دار كلها هز باكية الكارو وبريكة وخرج هو مبدل ساعة كاع …واهلييي على فشوش وشلا فشوش وقولي مالك اش بيك لا هي صقلات مابغات تهضر …خرج كما ليه كارو وتاني وثالث خرجات عندو يامنة …

يامنة : وسع خاطرك اولدي معاها غاتكون مقلقاها شي حاجة صبر تنفس وتعاود ليك ميمكنش تقلق غير هكاك …

ياسين : انا الحنانة نبقااااا شد الخاطر فشوش ايه على راسي وعينيا ماقلت والو مرتي هادي وديالي ومني وفيا بزز وبالخاطر نفششها …الحنانة !! ماعليش تانا راني بنادم نعرف اش كاين اش واقع…فشوشها جا عليها الى درت شي حاجة عرفت اش واقع …ماعارفش نصبر ؟ نتي عارفاني نصبر ؟ وايلي فحال ماعارفانيش …

يامنة : هادشي الي عطاها الله فعقلها …شد ليها الخاطر را واليديها بعاد وخا تزوجات كتبقى موحشاهم مرضها ورجليها وشلا اولدي …غير ساعف على وجهي الله يرضي عليك …

ياسين “هز راسو طلق نفس حااااارة سرح حجبانو ورجع شاف فيها” : دخلي شوفيها شوي ونجي وجدو شي حاجة الموضفين الي عندي شي شوي ويدخلو هاهما ف🦋🐺نور_الياسين (437)sana mina🐺🦋

 

دخلات كيف قاليها وموراها كمل هو الكارو ديالو حتى كملو وبقا تا برد عاد دخل بشوي عليه على امل يشوف مالها …لقاها باقي متكية فين خلاها مصطفى مشا لبيتو يصلي العصر …واسامة شاد كتاب كيقرا فيه ويراجع …مشا حداها …

ياسين : نوضي اجي معايا نهضر معاك …

نوار”مخسرة وجهها ” عافاك خليني عيانة والله …

ياسين : نوضي اجي معايا نوار بلا قوة الهضرة الله يرضي عليك …

نوار : عافاك …

ياسين “جهد صوته تا قفز اسامة ” : نواااار !!!

نوار”ناضت ديك ساعة وقفات ” : واخا هاني …

ياسين “عنقها بجنب نخششها جنبو وتمو غادين حتى خرج بيها لبرا فديك الجليسة تما الي مفرشين بزرابي بلدية وكواش بلديين …جلس بشوي مسند عليها وجلسات حداه …” : مالك ؟

نوار : وااالو …

ياسين : متاكدة ؟

نوار”الصمت” …

ياسين : ماضرك والو ؟

نوار “بقات شحااااال تا بغات تقول ولكن ولات سكتت “: غيير عيييت …

ياسين : علاش تعياي ؟ راحتك هي لولة راكي مريضة ماتفورصيش على راسك …

نوار : من نهار عقلت ونوار مريضة متقلوش عليها نوار ضراها رجلها غا خليوها …نوار رجليها نوار ماخاصهاش نوار ماشي طبيييعية …نوار متقلقش راك كتقلق وتمشي برجليها عرجة وغاضرها …انبقا هاكا حتى تمل مني …

ياسين “ماشي تصدم وانما تقلق من هضرتها ضربات ليه كلشي فزيرو …ولكن واخا هكاك تمعن فهضرتها تمعن مزيان وربط الاحداث …رجع رخا الملامح ديالو ونطق ” : عمري ولا عمري وماكنت ولا ناوي نمل منك ومنفكر فهادشي …”قبط ليها ايديتها وهزها باسها بوسات متتاليات ” …نهار بغيتك حلالي عارف راسي بغيتك …يا نتي يا غيرك كانو وغايكونو المشاكيل هذا هو الزواج انوار الغيرة والغوات والخصام كيمتنو الرباط (كايقوى الرباط ) …راكي مرتي وتا مراة ماتجي من وراك …”قاليها هاد الهضرة دخلات ليها مع العروق صدمتها هنا عرفت انه فهمها هضرة راجل واكد ليها انه ماغايديرش المراة الثانية وماكاين من غيرها ….”

نوار : بصح ؟

ياسين : الطنز ديالي راكي عارفاه والهضرة بصح راكي عارفاها …والفاهم يفهم …حيدي قلة النية منك وقلة الثقة فيا الله يرضي عليك ماغاديش تسلكك ومابغيناش نوصلو لي مابغينا ولا نويناه ولا عمرنا نويوه …

نوار”ابتاسمات ليه شوي وهي تضحك ” : ههههه ههههه …

ياسين : على سلامة ضحكتي “قربها باس ليها جبتها وطول فالبوسة ” …يخليك ليا مفششة الفعايل …

مزال كيهضرو حتى تمو داخلين ثلاثة سيارات زوج كاتكات رونو و فورد كاتكات تاهي …وقف ياسين …

نوار : ندخل ؟

ياسين “شاف فيها كانت مستورة ” : بقاي معايا …

بقات معاه حتى خرجو ربعة رجال منهم شبابا ورجال كبار فالسن شوي وزوج اخرين منهم عمر الي خدام معاه وطوموبيل لاخرا فيها زوج عيالات وحدة كبيرة شوي فعمر الاربعينات …توجهو كاملين …لعندو …

عمر : سي ياسين ولذي على سلامة …

ياسين : مرحبا سي عمر مرحبا الله يسلمك …

سي ياسين على سلامة …ولدي على سلامتك …

ياسين : مرحبا مرحبا …

رحب بيهم حتى جات ديك المراة …

ولدي على سلامتك ..

ياسين : الحاجة مرحبا مرحبا الله يسلمك …

الحاجة : بنتي على سلامت سي ياسين …

نوار : الله يسلمك خالتي …

ياسين : المدام ديالي الحاجة …

الحاجة : تبارك الله …

عمر : على سلامتو ابنتي …”شاف فيها ” …فينهي ؟

الحاجة : هاهي جايا ضارت تشوفها حتى بانت ليها جايا بسروال دجين زرق مزير عليها وتيشرت بيض وسبرديلا بيضة طالقة شعرها دايرة …هازا صاكها فايدها وبوكي الورد وساشية شكلاط قربات لعندهم عطات ريحتها من بعيد …

ياسين “عقد غوباشتو حتى شد فيه عمر ” …دخلو مرحبا بيكم …

عمر : ولدي كتبقى موضفة وجات دير صواب وخا اختو عارفك مول صواب …

غزلان : سي ياسين على سلامتك …كي بقيتي. ؟

نوار “خشات ايدها بين دراعو وهبطاتها بسلااااسة حتى لايدو وشابكت ص🦋🐺نور_الياسين (438)sana mina🐺🦋

كمشات ليه فايديه مشابكة صباعهم تا زيرت عليه …حس بيها وعرف انها عرفتها بلا ميقوليها شكون يكفي انها سمعات عمر شنو قال وشافتها وهنا استنتجات ناهيييك على ان المراة كتحس بالخطر دبال مراة اخرا يمكن حتى انه ميهضرش تقدر تشك فيها …عارف نوار هبيلة تتموت غيرة عليه ولمن هاد الغيرة را الى كانت زايدة تيكون ليها اضرار فالمستقبل وفالعلاقة بين الطرفين كيما كان نوعهم لكن اكثرهم هم العاشقين …

نوار “من لداخل ديالها كتغلي …ابتاسمات بزز ديك ضحكة صفرا ” : مرحبا ختي …دخلي …

غزلان “بحرج ” : احم شكرا ختي الحمد لله على سلامتو …وسمح ليا سي ياسين على …

ياسين : مرحبا بزيارتك اختي …

حدرات راسها مابقاتش عاودت فهمات انه مابغاش يهضر فداكشي وهو فعلا مابغاش تهضر فداك الموضوع جات لعندو زيارة وهي دابا ضيفة تاخذ صوابها وغاتمشي مادام جات حتى لعندو وقامت بزيارة رغم ان خوها تاهو مضروب ووقع بينو وبين ياسين مشكيل كبير بسبابها …زيارتها غريبة مفاجئة من جيه وعادية كونو المدير ديالها من جيه …معقدة القضية ومفاجئة فكلا الاحوال ….

قبل مايدخل عندهم لصالون وقفاتو نوار شوي حدا الصالون …

نوار : غادي ندخل لكوزينة نشوف اش كيوجدو ونعاونهم …

ياسين : لا دخلي معايا الي خاصهم كلشي جا لعندهم واجد من صباح ونتوما واقفين عطيو راحة راسكم شوي …دخلي …

نوار : نعيط خالتو يامنة ؟

ياسين : دابا ذخل يلاه دخلي …

تابطات دراعو ودخلو بزوج مرحبين بالضياف الي جاو …جلسات حداه بجنبو فين نعت ليها بلا مباشر تجلس وجلسات حداه …

عمر : ايوى ولدي شوي اليوم ؟

ياسين “غمض عينيه وحلهم ” : مزيان ولله الحمد …

الحاجة : عطي راحة سي ياسين لراسك بالشفا

ياسين : اللهم امين …

غزلان : الحمد لله على سلامتك سي ياسين …

ياسين : الله يسلمك …

دخل اسامة ومصطفى مرحبين بيهم جلس اسامة حدا نوار ومصطفى جيهة ياسين …عااد

دخلات يامنة من بعد ما دارت شالها داخلة بوجهها المنور البشوش المحب الي شافها تدخل ليه لخاطر …وعلاش لا وهي يامنة الفجلة فخامة الاسم تكفي …كيف العادة الصواب هو لسانها وفعلها وبشاشتها نطقات مرحبة بيهم …

يامنة : سلام عليكم …مرحبا بيكم الله يجي عندكم الخير ورباح …

الكل : بارك الله وفيك …

الحاجة : ترحب بيك الجنة ترحب بيك الجنة …

غزلان “ناضت مبتاسمة لعندها شدات ايدها وباستها” : خالتي الحمد على سلامة سي ياسين …

يامنة “بابتسامة فوق قلبها مسكينة بزز عليها تبتاسم حيث وخا هكاك كتبقى اخت الي ادى ليها ولدها واي ام راه مغاتصرفش عادي ” : الله يسلمك …

اسامة “قرب حدا نوار ” : شكون هاد توت الذي لا يموت ؟

نوار : اخت الحمار الي وقع معاه المشكيل …

اسامة “شرع عينيه ” : شنوو ؟؟ اخت عيسى ؟؟ نااااري على كمارة عندها …

نوار : جات مع الموضفين قاليك زيارة بسباب خوها. تضرب ياسين …

اسامة : ورا راجلك غير تضرب فجنبو لاخور را قسم ليه ايدو وفرشخ وشرشم لوالديه الكمارة …تمشي تشوف خوها فضل ليها وهي جايا لعند السيد اشمن لوجيك عندها هادي …وجهها متريني اصحبي…

نوار : يعطيها ضربة هي وخوها وهي كتر وجدر ،،،

اسامة : اللهم امي..”حبس وضار عندها ” شش واش كتبغي تغيري ولا غرتي ولا شعلتي ولا نطلب ياسين يخليك تسدي عليها فبيت نتي وياها واحد فيكم يخرج ؟

نوار : ماكرهتش …

اسامة : ههههههه …شتفيها كي سلمت عالوليدة تتشري المعرفة على ضهر الحنانة …

نوار : وعلاش زعما ؟

اسامة : يقدر كيعجبها يااس….”غمض عينيه ماقدرش يدور ولا يتحرك ولا يدير اي حاجة بقا مفيكسي حيث الى ناض قوادت عليه الى ضار قوادت عليه الى بقا مفيكسي قوااادت عليه ثاني …” يقدر عجبها جدي مصطفى بغيت نقول …😐..”شاف فيها ” غات🦋🐺نور_الياسين (439)sana mina🐺🦋

تعطاهم صوابهم تحط الگوتي مشكل هاد المرة رسل ياسين باش تقداو الحلوة وشحال من حاجة من مراكش من المخبزات وتوصيات مملحات …حيث من صباح نعيمة ويامنة ونوار كانو فالكوزينة نوار باقي ممتعوداش على ضياف العروبية ممكن ضيف يجيك على غفلة خاص توجدي وتقادي وتحطي ماكلة يعني ضروري يكون تغلاق اي الماكلة الي تشبع …بقاو حتى هضرو وكلاو وشربو اتاي والقهوة عاد ناضو متنيين ليه الشفاء ومهنينو بسلامتو في جو متوتر بين غزلان ونوار وياسين الي محاملش مجيتها لكن بزز منو رحب بيها …

على طاولة العشاء الي كان خفيف محطوط كيتعشاو جميع …حتى من مصطفى معاهم …

يامنة : همد عليك الصداع اولدي ،

ياسين : مزيان الحنانة …

يامنة : ايوى الحمد لله …

ياسين “ضار عند نوار ” : كولي نتي هادي ماكلة عندك ؟

نوار : صافي شبعت والله مافياش …

يامنة : لواه بنتي بززي على راسك كبيدات وطيحال طايبين على قبلك …

نوار “خسرت سيفتها ” : ولكن را …

اسامة : شفتهم كاع مطايبين الحنانة ؟

يامنة : راه مخاصش يطيبو كيطيبو نص طيبة حيث خاص تستافذ من الدم الي فيهم …

نوار : وحتى فنيد خانز كنشربو بزز ..وهادو عافاك مقدرتش …ففف

ياسين : غير صبري ماعليش …

نوار : مزفرين …

يامنة : ايوى اش غاديري ابنيتي صبري لدواء ..

مصطفى : لا تقجريش عليها بخاطرها بنتي ..

يامنة : واا بَّا …غا على صحتها وكان …

ياسين : كملي ماكلتك انوار …

نوار : اااااففففف فففف …

ياسين “خنزر فيها على ديك افففف …”

ضارت شافتو تيخنزر والو مانزلش عينيه عرفات انها عيقات وهو را باز الي صابر ليها …بقا كيخنزر فيها جهد شي خمسة دقايق وهي ترجع بدات تاكل بزز منها …حتى كملات معيفة …تجمعت الطابلة وتمسحات وكل مشا لبلاصتو ينعس …طلع كيف العادة بشوي عليه حتى وصلو لبيت دخل ومشا لبالكون …

ياسين : انا غادي نكمي …غير نعسي غانتعطل عندي منقضي …

نوار : مافياش نعاس دابا …شنو عندك ؟

ياسين : شي خدمة ديال الفيرما نكملها قبل صباح …

نوار : وجنبك ضارك عطي راحة راسك تانت …

ياسين : مافيكش نعاس قلتي ؟

نوار “حركات راسها ” : اه …

ياسين : اجي معايا …

تمشات معاه لبالكون …جلس فكرسي تما حط شي ملفات فالطابلة وكحز ليها الكرسي فين تجلس حل واحد الملف قراه وعطاه ليها …

ياسين : حسبي معايا هادشي …

نوار : مغانفهمش …

ياسين “رفع حاجبو ” : وايلي …باك ايكو وعام ثاني تقني متخصص فالتسيير …مكتعرفيش تحسبي …

نوار “حكات راسها باحراج ” : هههه صافي نحسب نحسب …غير شرح ليا وصافي …

ياسين : حسبي المجموع نقصي منو VA (القيمة المضافة ) حسبيها بوحدها بغيتها هاديك وتما كاين شي حسابات محسوبين جمعيهم كل واحد بوحدو …

نوار : هادشي ديال الحليب ؟

ياسين : لحليب الي كيخرج من الكوري والي كيمشي لدار الحليب وجيهة مشارك فيها انا واحد سيد كتمشي لشركة ديال جودة …

نوار : ارقام كبييرة …عطيني كالكيلاتريس …

ياسين : ماجبتيهاش معاك ؟

نوار : هاا …خليت كتبوتي وداكشي فازرو …

ياسين : شنو فينما مامشيتيش تقراي متقرايش فدار ؟ نوار !! قرايتك هي اللولة …

نوار : ورا تخلعت عليك وجينا كنزربو جابنا الحبيب راك شفتي …

ياسين : ماحدك هنا قبل ماترجعي راجعي قرايتك …ماضيعي حتى دقيقة ماعليش ضغطي على راسك وصبري العام دغيا يسالي …

نوار : اوكااي …

ياسين : يلاه بداي …

هزات شعرها الفوق بلاستيك داتو على شكل اسفنجة هزاتها لفوق هزات ستيلو عطاها كالكيلاتريس ديالو نعت ليها منين تهزها …وبدات تحسب بستيلو وتقيد هنا ومع

فيها عادة كتبقا تمص شفايفها كدير ليهم فحال تمانيتون ههههه كيوليو فحال هاكا 8 شنافة لفوق وشنافة لتحت …وتبدا تمصمص …كتحسب وتحك عنقها …وياسين مابقاش حاضي الوراق غير هز عينو ولقاها دايرة هكاك بقا حاضيها حتى تشهاها …

ياسين “حنحن ” : نوار …

نوار”هزات فيه راسها هكاك ماصة شنايفها ” : ممم ؟؟

ياسين : نتي فالقراية هكا كديري فالحساب هاد الحركات بفمك ؟

نوار “على نيتها هههه ” : هههه اه كنتحمس مع الحساب وتخراج الى مدرتهاش مكنوصلش لنتيجة ههههه

ياسين “عض شنايفو ” : ناس كيتحمسو بيهم فجوايه من غير القراية …

نوار : فاش ؟

ياسين : ماديريهمش انوار قدام ناس ماديريهمش الله يرضي عليك …ديريهم ونتي بين دراعي ووسط فراشنا بيني وبينك نشوفك انا بيهم ميشوفك غيري …فهمتي مافهمتيش ماديريهمش قد🦋🐺نور_الياسين (440)sana mina🐺🦋

في مدينة ازرو …مع الصباح ناضت لبسات حوايجها ديال لخروج جمعات شعرها وهزات صاكها ونزلات لتحت …فطرات معاهم ومشات جلسات فالجردة كتسنى فيها تجي …ساعة بالحساب حتى دخلات بسيارتها وتوجهات لداخل قالو ليها راها فالجردة عاد خرجات لعندها ….

راوية : يلاه ابنتي …

صفية : احم …فين غانمشيو بعدا …

راوية : وجدتي حوايجك ؟ غانمشيو لدار شوفي حوايج ماتلبسي وجمعي حوايج الحمام نمشيو لحمام عاد نمشيو لكوافورة …جات فوقتها عندي مشية مع ايلاف لفاس نوصلوك ونمشيو لعراضتنا ونتي لحفلة …

صفية : مزيانة الى هاكا وخا خالتي نمشيو …

الي مخلي راوية تعاون صفية بهاد اللطف هو تكفير على غلط ايساف مع صفية …شي مرات تيضحيو الواليدين على قبل ولادهم …صفية يتيمة وحيدة راوية عطات العاهد انها تعاونها وتوقف معاها حتى توقف على رجليها وتخرج تسكن وتخدمها عاد غاتكون كملات وعدها …قليل ناس الي فحال راوية

وعائلة رمسيس الي كيقدمو الخير والمساعدة فزمن كل كيقول اراسي لكن هما كيمشيو بمدا نعاونو باش لا طحنا لقاو ربي معانا يعاونا …

خذاتها لفيلا من بعد ما تاكدات ان ايساف كاين في فاس مع الحبيب تما فدار صهيب …مشات لفيلا عطاتها شي كسيوات كانت واخذاهم بقاو فالاختيار شنو ما شنو …

راوية : خودي هادي تجي معاك ونتي وذوقك ابنتي …

صفية “شافت الكسوة ” : زوينة هادي مستورة …

راوية : ومستيلية من لفوق …صافي هادي دابا جمعي حوايج الحمام انا طالعة نجيب صاكي …”خلاتها فالبيت حلات الماريو جبدات منو بيجامة دافية حيث الحال برد تقريبا عندهم مع منطقة ازرو منطقة ثلجية …وجبدات جلابة الي تلبس الفوق دارت كلشي لوازمها فالصاك من فوطة وكلشي …وخرجات كتسناها حتى نزلات ومشاو لحمام …

اما في مدينة فاس كان عاد فايق من النعاس الصوت ديالو نهار على نهار كيتقاد كي الناس …واقف قدام البالكون بسروال ولفوق عريان على داك الصدر عندو شعرو مخربق وعينيه حمرين بالتدواش هاز فايدو ماگ (غراف) ديال القهوة كحلة بسكار بزايد كيف كيعجبو …

ايساف “تفوه وشرب القهوة …عيط ” : واااااالحبييييب …احم “كمش عينيه ” فف كحكح …ناري امتا يتقاد هاد النم تاع الصوت …

الحبيب “خارج من الكوزينة بواحد سروال مجرجر وتيشرت ورجلين حفيانين …تاهو هاز القهوة فايديه …” : تا مالك ؟ اش كاين ؟

ايساف : عيط ليا اركان …

الحبيب : اعتارف ليك بالحب ؟

ايساف”ضار شاف فيه طلعو وهبطو ” : سير سير …تفو هضرتك مشكودرة كي حالتك …

الحبيب : غانصرفق مك تايبان الحق …هضر تانت مقاد ونتا هضرتك مسفحة كي حالتك لمن طالق دوك البادر لا مصاحبة تصاحبتي لا مراة بغيتيها …اش كاين مالو ؟

ايساف : عارض علينا انا وياك لواحد الحفلة قاليا بينما كاين الحبيب جيبو معاك …ويكند هذا اصحبي نفوجو ؟

الحبيب : فيها شي تيتزات ولا دنيا حفيانة ؟

ايساف : حفلة فيها شي طلبة وشي ناس عندهم فورماسيون تابعين لواحد المعهد الي لمدير ديالو خالد العزوزي الي كان هذا من عندنا سلعة شحال هادي فاش كان خالي يوسف قبل ميمرض …

الحبيب : مشينا الله يسمح لينا ؟

ايساف : تسنا تنشوف اركان امتا داكشي قاليا فالعشية مع سبعة …

الحبيب : نمشيو نشوفو دنيا الى معجبناش الجو نديرو صواب ونتحركو لنايت ديالنا …

ايساف “ضربو لكتفو تا مشا وجا ” / صاحبي الي كيفهم الوحش ولد الوحش …

الحبيب : ههههه ولد الوحش الي نفاك فالتلت الخالي ههههههه

ايساف “بقا كيشوف فيه ” : تديها ف كرك لا ؟

الحبيب : تا تديها فيه …اجي نسولك نتا …شنو غادير مع ديك المراة ؟

ايساف : نرجع لخدمة فالشركة وندفع طلب طلاق نخلي صهيب يتكلف …

الحبيب : متاكد ؟

ايساف : شنو غاتبقى دير معايا ؟ ياك صححت الغلط درت غلط ما كفس ضربتها اذيتها تعديت عليها وندمت …”لقاه حل فمو ” بلا ماتصدم الحبيب ندمت راني كنبقى بنادم مهما يغيب ضميري فلاخر كيرجع وحتى لو مارجعش

مابقا عندها مادير عندي غاتزيد غير تكرفص مانقدرش نتقبلها مرتي وضروفنا الي تلاقينا فيها ماشي تال لهيه ومامناسبينش وحتى ولو هي مابقاتش بغات تشوف وجهي بهاد المعنى عقدتها …

الحبيب : من ناحية عقدتيها راك وليتي كتبان ليها كتكحل بالعمى …ايوى الى هاكا وخا قرار معطل كيبقى فمحلو فاي وقت …خوذ وقتك وعطيها براتها خلي البنت بدات كتشد طريقها وتشوف حياتها نقية بلا تكرفيص فتراب ديال زناقي …

ايساف”تنهد واحد تنهيدة خارجة من الاعماق ” : الله 🦋🐺نور_الياسين (441)sana mina🐺🦋

اليوم يوم كيدوز الوقت وكدوز ساعات وكيدوز النهار تابعو ليل بعدو شمش جديدة كتشرق …فاش حلات عينيها كيف العادة مارست روتينها اليومي الصباحي …لكن هاد المرة دوشات على الصباح …فاقت لقاتو مكاينش امتا ناض الله واعلم …هبطات لتحت من بعد ما نشفت شعرها ولبسات …نزلات لقات يامنة واسامة كيفطرو وهو مكاينش …

نوار : صباح الخير …

يامنة : صباح نور اجي بنتي فطري …

نوار “كتفوه ” : فين ياسين ؟

اسامة : مشا مع سالم لشي فيرما هنا ويرجع …

نوار : وجنبو باقي ضارو …

يامنة : وماسمعش مني …

اسامة : لا فطوموبيل ديالو سايقها سالم مريح ليه الكرسي وغايسوق بشوي على قبلو …ضروري يمشي يعطي الحساب ديال هاذ شهر هو الي كيعطيه …

نوار : اه الحساب حسبو البارح وعاونتو فيه …

اسامة “ضرب كفوف ايديه ” : صااافي نسات زيرو ولا زادت زيرو …خلات على خويا قريبا يعلن افلاسو …

نوار : بزاف عليك متنساش راني لولة فالعام لول …

يامنة : ههههه اجي تفطري باش تشربي دواك …اجي تشربي حريرة ديال الدرة بنتي (حريرة الدرة مزيانة لمالين فقر الدم بزاف ) …

نوار : واخا كتعجبني …عطيني …

دازت ساعتين وزيادة ومزال مجاش …بينما وجد الغذا هاد النهار مكايناش نعيمة الي كتعاون يعني الغذا تكلفات بيه يامنة …من بعد ماجاها تيليفون دخل لقا يامنة كتهضر فالتيليفون مع فؤاد ونوار حداها كتفرج فالتيليفون …حتى حنحن …

نوار “ناضت ” : ياسين …تعطلتي …

ياسين : توحشتيني ؟

نوار : هههه اه …

ياسين : ماتكونيش كتر مني …”شاف ف يامنة كتهضر مع فؤاد ” …

يامنة : في امان الله …”قطعات معاه وشافت فياسين ” …جيتي ولدي …ما كتشورش اولدي على جنبك هذا الله …

ياسين : انا الي خدام اميمتي هنا وهنا الى موقفت على الحساب راسي مكاينش الي يوقف عليه يلاه سالينا الحساب من فاش مشيت لهيه لبرا لديال هاد شهر …وخا با كان واقف عليه وسالم تواحد فيهم ما قدر يجمع حتى جيت …

نوار : دابا واخا كنتي كتعاونهم من بعيد ما كيقدرو يديرو والو ؟

ياسين : حتى نجي انا مول شي فالكوري والفيرما لور والاراضي الي هنا والحليب والغنم …الا الفيرما الي هنا انا شريك فيها بالنص بيني وبين با …

يامنة : حيث هادي دارنا فلول كانت غير تراب وزنگ من بعد صلحها باك يوسف وصهيب والياسي حتى زاد فيها ياسين ورجعها فيرما وشرا دار الي جنبنا شركها مع هادي ولارض الي وراها حازها ليها حتى ولات قد هاكا فهمتي ؟

نوار : اه فهمت دابا …

ياسين : الي مفهمتيهش من بعد بغيتي تسولي سولي …هادشي كيبقى رزق راجلك الي هو رزقك حتى نتي …

نوار : احم ياسين …دابا كنت كنهضر مع وصال رسلات ليا الكور الي دارو مع عندها غير تلاثة المرات فسيمانة حيدو لينا سبت وقالت ليا دارو لينا شهر سطاج الي كان غايكون فشهر فبراير سبقوه لينا فشهر يناير ….

ياسين : سطاج ديالك محلول امرو دوزيه عندي فالبنك ان شاء الله …

نوار “بفرحة ” : بصح بصح ؟

ياسين : هادشي فيه الكدوب …

نوار : ههههه مزيان كان بابا كيقوليا دوزيه عندنا فشركة ولا فاش ما بغيتي ولكن البنك احسن غانتعلم منو …

يامنة : حسن نيت رحدا راجلك …الله يجيب ليك التيسير ابنتي …

بحلول المساء …في مدينة فاس العاصمة العلمية …فواحد من الفنادق مانقولوش خمس نجوم ولكن فندق زوين وصغير …اختاروه على قد ميزانية المعهد …جاو الطلبة منهم ومنهم كيجي …الي مكلفين راهم كيقادو والضيوف راهم كيشدو بلايصهم …البيفي مجهز محطوط وديدجي بدا يخدم موسيقى خاصة …معهد من هاد نوع اكيد غايكون معهد كبير …وخاص …

اركان “خرج برا بان ليه ايساف جاي بقميجة كحلة وسروال فصالة كحل مطلع شعرو وصارب حطة مع داك زين الي فيه خلاه كيبان بوكوص شي بنات تما بقاو حاضينو حيث مگضر وعاطي لعين حتى بزينو …ايوى زين را زين الفعل مع الاسف اش قضى زين الوجه …بجنبو الحبيب تاهو ضارب ليا حطة كلاس غا هو الفرق قميجة بيضة …

اركان “تسالم معاهم ” : وحوش رمسيس صافا بيان …

ايساف “بطنز ” : تخييييي بيان ا بب …”تكاو على سيارة ..مكروازيين رجليهم بثلاثة كي الي كيستقبلو العزاية هههه ” مندخلوش ؟

اركان : صبر يدخل توت تانا يدخلو ناس ويجي سي خالد وندخلو …

الحبيب : تيتيز كيبان ليا حاضر العشير هنا ..

ايساف : سير هضر مع شي وحدة وهنيني من خليقتك …

الحبيب : اه نتا انسان متزوج مكتشوفش فتيتيز ؟ الله يمسخك

اركان “ضار يشوف وهو يتفيكسا بانت ليه جايا من بعيد …” : واااكواك تا ضرب ليا على واحد القرطاسة جايا …

ايساف “ضار يشوف تاهو ” : ها توت بدا يبان حيد عليا من بابا جابلي بلون الي كان داخل …

الحبيب : توتة غادية فالمزرعة السعيدة …

ايساف”كان داير صباعو على فمو حتى تگعد وقف كيشوف فيها مامصدقش ” : تريكة الكار غادي والكوا بادي اولاذ الخضخاضة العنابة هادي را مر🦋🐺نور_الياسين (442)sana mina🐺🦋

الامر غريب ومضحك في نفس الوقت …بثلاثة بيهم نالت اعجابهم بديك الطلة او الاطلالة باش كانت جايا غيراتها كليا من الشعر للبس لكلشي فيها تبدل …هي ضفية عندها جمال خاص وخا ليام مكانتش معاها وكانت ضدها وخا ضروف والدنيا قسات عليها لكن هذا ابدا ما غير من جمالها فقط انها كانت مكرفصة وبزاف …مرة مسخة مرة فيها تراب مرة حوايجها كيبقاو بالاسابيع نفسهم …الجوع الهم النعاس برا الجمال غايتخبا تحت من هادشي …قلة النضافة والاهتمام غايتخبا ….بزاف ديال الاسباب الي مكتساعدش او قلة الامكانيات وانعدامها كيتكرفص بنادم ….

الحبيب : اويلي شكون مرتك ؟

ايساف “كيشير ليه بايدو وفنفس الوقت مفيكسي فيها عينيه ” : و هاديك الي تزوجت ديك وا ركز ركززز القلاوي …

اركان : واش المدام الخو هادي …ناااري تعنبنا ليك على المراة …

الحبيب : دنيا هانية حقاش السيد ماعندوش معاها ماباغيهاش راك عارف القصة الحبس تانت داير ليا فيها ابن اصل واخلاق سامية …

اركان : هاااه …هي هادي ؟…ورا ما ماشي مراتك اتبي …

ايساف “ابتاسم بغيض وضار عندهم ” : باقي على ذمتي تحت عصمتي …

الحبيب : اووووه مون ديووو تطور ملحوظ …

ايساف : تطور مك …سير هضر مع مع سير هضر معاها تستر دوك الكتاف …

الحبيب : سير انت اخويا غيرو على عيالاتكم قنتوهم بوسوهم وانا نشوف ونفك وحايلكم …البعابع نعماس …ياك على ذمتك ؟ وسير سترهم ليها بكتافك راك عريض نيت كي وثيقة الاستقلال …

اركان : وصراحة اساط راك مدي زين تبااارك الرحمن …

ايساف “خنزر فيه ” : ساط خلينا مزيانين وخا غانتفرقو واخا ما بيناتنا والو كتبقى مزال مزوجة بيا او لا …

اركان “حط خمسة على فمو ” : سمح لنا نعماس …

صفية لحضة وصولها حطاتها راوية وايلاف تما مع طوموبيلات مبلاصيين مشافوهمش …نزلات ب واحد الكسوة كحلة تحت ركبة وكتافها ماشي عريانين بضبط وانما لكمايم تا لفوق ب لورغانزا يعني مبينين درعينها وكتافها اما الباقي كلو مستور …وصباط طالون ديالو قصير متناسب مع مشيتها حيث اول مرة تلبسو …وشعر الي كان فشكل تصبغ بالاسود وتصاوب مع تقطيعة جاتها واااو …اضافة الى روتوشات الميكاب الي فوجهها والكحل الي برز عينيها الخضرين …هازا فايدها صاك فنفس لون الكسوة لكن ضاير بيه الدوغي …

ايساف “مرضاش ههه ” : احم واخا والى بانت ليك شافتني وبغات تبدا تركل لينا جر لخرا هضر معاها مكاين الي يقرب ليها …

الحبيب : حتااااا تشوفك وندخل …

اركان : واخا لبد الستون اصحبي (زعما ضمص وسكت ) غاتنوض صداع بلا ماتهضر غاتشوفك تدير بناقص على ما بان ليا فالبادج الي فكسوتها را من طلاب المعهد الي تابع لهاد المعهد الي داير حفلة …كيديرو ليهم فورماسيون و تعليم اللغة عاد ياخذو ديبلوك ويختارو شعبة فهذا الكبير الي كنقري فيه انا الايكو …(الايكونومي) …

صفية كيف وصلات بانت ليها واحد البنت وواحد الولد كيقراو معاها تطلقات معاهم فالهضرة وكونو صداقة دراسة ووقفات معاهم …الولد اصلا صغر منها واخا كيبان مگضر وطويل …

صفية : سلام …باقي مدخلتوش ؟

امينة : مزال اختي حتى يجي البروف يدخل وندخلو …

صفية : انور خويا داك البوليكوب الي حط لينا فيه ترجمة واش مزال عندك ؟

انور : مزال عندي الى بغيتي نجيبو ليك تصوريه ؟

صفية : عاافاك محتاجاه بغيت نحفضو …

انور : را كتير قاصح عليك …

صفية : مكنلقا منقرا بغيت لاهي فيه الوقت منها نيت نراجع ونحفض …الانجليزية عندي معكلة مزال ممطلوقاش فالدروس لولة …

انور : صباح يكون عندك …

صفية : شكرا “ايوى كضور وتشوف شكون جا وشكون ماجاش ودنيا وخا مرتابكة حيث اول مرة كتدخل وسط مجمع من ناس ودنيا عامرة جاها نوع من رهبة حتى وجهها ولا بيض وزاد بياض هي فاش قوادت عليها من شافتو واقف مربع ايديه وعينيه عليها …جمعات ضحكة ورجعات خطوات بلور ” …لا لا لااا

امينة : مالك ؟؟

صفية : تفووو …نااري بغيت نمشيي فحالي …

امينة : ويل شيطان اش واقع ؟

ايساف “قشعها كتشوف فيه وشافها بغات ترجع ولاخرا كتشد فيها ” : الحبيييييييييب “كينغز فيه والحبيب ضاير حاضي هو واركان واحد البنت كتشوف فيهم ” …وااا لقواد …

الحبيب : خرااااا شنوووو ….

ايساف : سير هضر معاها راه شافتني هضر معاها ماغانقربش ليها غاتهنى …

الحبيب : مشكيييلة هادي …تت …” مشا لعندها فطريقو دازت من حداه ديك البنت للي كانت حاضياه .”…زينك غا ديال الي يخطفك لشي غابة حدا موكلي فتى الادغال …”هزات فيه راسها وهو يهز راسو وزاد دار راسو م🦋🐺نور_الياسين (443)sana mina🐺🦋

خلا ايساف جرو اركان ودخلو لداخل القاعة الي كانت مصاوبة وديدجي خدام فيها لداخل طالق اغاني هادئة والبيفي محطوط عامر باشهى الاكلات …اما الحبيب مشا كيزرب لحق عليها قبل ماتمشي حتى شدها من دراعها …

الحبيب : ششش صفية تهدني غير انا …

صفية “بغات تبكي ” : عافاك بغيت نمشي اش كيدير هو هنا ؟

الحبيب : صاحب ياسين اركان عرض عليه حيث كيقري هنا را تشوفيه تعرفيه وجيت معاه …

صفية : بغيت نمشي …

الحبيب : ماكاين فين غادية حضري وفوجي مغاديش يوصلك ونتي الى سمعتي هضرتي متخليهش يوصلك ومتبينيش ليه الخوف راكي وسط الناس اقل حاجة غادي غوتي غاينوضو ليه …ياك بغيتي تفرقي معاه ؟

صفية : اه ونهار الاثنين غاتشوف معايا خالتي شي دار ونكري بعيد عليه …واخا فازرو ماعليش ماغانبقاش عند الناس متقلة عليهن …

الحبيب : عارف وهضرات معايا عمتي راوية على الخدمة سيمانة جايا غانشوف ليك فازرو واحد سيد صاحبي مخم باقي تفاصيل غاتعرفي فاش تخدمي …المهم اشنو كديري بديتي تعتامدي على راسك كملي ماشي تشوفيه وتولي تغوتي ولا تهربي …تعاملي كانه واحد من ناس لا غير …

صفية : واخا …احم ياك مغايوصلنيش ؟

الحبيب : هو الي قاليا هضر معاها مغاديش نقرب ليها تكمل عادي ديرني مكاينش …

صفية : صافي …عافاك متبعدش الى كان غايجي ولا شي حاجة رجعو …وسمح ليا خويا برزطتك معايا …

الحبيب : هو مغاتبغيش ولكن نقولها نتي ذابا راكي مرت خويا فحال ختي موصياني عليك عمتي كوي هانية اعتابرييني حداك …

صفية : لهلا يخطيك …

الحبيب : رجعي فين كنتي وتصرفي عادي را ناس بداو يدخلو …

امينة “من بعيد ” : صفية يلاه را عيط لينا البروف …

انور : يلاه اصفية …

صفية : هاني جايا …”ابتاسمات ليه حضات جنابها وبعيذ ما بانش ليها وهي تدخل ” …

دخل حتى هو من وراها قاد القميجة وحل زوج صدايف الفوقانيين طوا كمايمو طبعا لا هو لا ياسين لا اسامة تيديرو هاد الحركة الي هي نفس حركة فؤاد باها هادشي علاش كيقوليك من شابه اباه فما ضلم …لقاهم جالسين فواحد طابلة جنب شي اطر تربوية …

ايساف : امضرا ؟

الحبيب : صافي ميك وديها فكرك …

ايساف : ما قالت عليا والو ؟

الحبيب : مطلعة ليك vu …تعاود تهضر تلقا باج انتخوفابل …عطي سيدة تيساع لاش تتسول ..

ايساف : ينعل بو مك انت وعلى هضرتك …

اركان : صافي ايساف را هضرنا …خليها عليك …

ايساف : هاني ساكت …

ايوى بدات الحفلة وتقديم على المنصة حدا ديدجي وبعدها اغاني عاد الهضرة …حتى وصل وقت تقديم او ترحيب بمديد المعهد الكبير الي تابع ليه داك المعهد فين كتقرا صفية ….ناض اركان هو الي عطاوه باش يقدمو …

اركان : مرحبا بجميع الطلاب والمتدربين بكلا المعهدين ومرحبا بجميع الاطر التربوية الاساتذة والمدربين …وحتى المدراء …نبغي نقدم ليكم شكر كبير على حفاوة الاستقبال وشكر اكبر لمعهد الي قام بتنظيم هاد الحفل …ونبغي نرحب ترحيب كبيييير بمدير المعهد العالي بمدينة فاس العاصمة العلمية …الاستاذ خالد العزوزي …

بدا تصفيق الحاضرين …حتى خرج من وسطهم واحد السيد فا الخمسينيات من عمره بلحية فيها الشيب وشعر يكسوه كذلك الشيب لكن مهلي فراسو بزاف ومگضر …متقولش عليه داك السن خمسيني وسيييم …حك فلحيتو بحركة جنتلمانية داز من حدا فين جالسة صفية مشافش حيث غير غادي باش يلقي الكلمة وضرب صاك ديال صفية حتى طاح …

خالد : اوو باغدون مادموزيل “تحدر بكل لباقة هزو وحطو ليها وشاف فيها مبتاسم ” سمحي ليا “طبطب ليها على كتافها ”

صفية “بابتسامة عذبة ” : ماشي مشكيل موسيو …”حركات راسها ” …

ايساف : واش دايرين ركن تعارف تم ولا بغا يلقي الكلمة حداها تا جيب ليه كرسي …

الحبيب : الكرسي هو الي غانخرگو (نهرسو عليك ولا نرميه عليك ولا نخشيه فراسك ) على طاسيلة مك …دخل سوق راسك ..

ايساف : هااء وغا شناه تعطل وهو كيهضر معاها …

مشا من بعد ما اعتاذر لعند اركان شكرو وخذا الميكرو من عندو قدم تحية وشكر ورحب بالحضور تحت تصفيقات وهبط مشا لبلاصتو فين جالس …ومشا اركان حتى هو وبدا الحفل …

الحبيب “سول اركان ” : واش المدير مزوج ؟

اركان : لا مطلق على حد علمي …

الحبيب : اووو خمسيني عازب …يااربي نجيب ليه نقرة فين يغبر نحاسو …يعمر دارو يعمر دارو ….

ايساف “قوس فيه حجبانو وضار شاف فيه بنص عين ” : الطنز فيه وفيه والطنز ديال ماليه من غيرهم را حشيان هضرة …وحشان الهضرة را ديال طيابات نعماس ….

الحبيب : السمطة كدور والبزيم كيشحط …

اركان : نديرو فقرة الم🦋🐺نور_الياسين (444)sana mina🐺🦋

من شافها ومن جلس وهو حاضيها بعينيه محيدهمش عليها لا بل عفوا ربعة العينين حاضينها عينين ايساف وعينين المدير خالد الي ابتسامتها بقات ليه فبالو …واش ممكن يكون اعجاب من اول نضرة …الاعجاب التقليدي الي كنعرفو ؟ وهذا هو الي وقع بالضبط مع الخمسيني العازب على قولة الحبيب …

بعيدا على اجواء الحفل بمدينة فاس …في مدينة او بالضبط نواحي مراكش فالبادية …بعد ما تعشاو كيف العادة الخالة نعيمة كانت باقا معطلة حيث كتعاون يامنة فتوجاد بعض الاكلات الي غاتحتاج الغذ ليه وشي تواشا باش تديهم نوار لان وصل وقت باش ترجع لازرو طبعا غير وحدها حيث يامنة غاتبقا ايام اخرى مع ياسين ….

ياسين : شنو بغيتي نوار ؟

نوار : بغيت اتاي …

اسامة : اتاي را ممنوع عليك مع دوا …

ياسين : راكي عارفة الجواب انوار بلا منهضر …عزيز عليك نعاود الهضرة ؟؟

نوار “بقهرة ” : بغيت نشرب شي حاجة …

ياسين”مدهي مع تيليفونو كيهضر بلا ميشوف فيها وشاد جنبو الي كيقرصو مرة مرة ” : شنو بغيتي ؟

نوار : بغيت شي عصير شي موناضة …

ياسين “ناض بشوي عاض على شنايفو مع جنبو ” : سيري عند الحنانة ولا الخالة ولا شوفي ثلاجة شنو فيها …خوذي عصير حسن ليك …الى مالقيتيش صباح وصي عليه يجي تال عندك …

نوار : اااه حگا واقيلة كاين الرايب عاد جابوه صباح نشوف واش دارتو خالتي نعيمة فالثلاجة (الرايب كيبقى برا تيروب عاد كيدار فثلاجة …كاين طريقة ديال رايب ..ايترو حليب كنفيضو نص ايترو من يفيض هكاك طايب ونزيدو عليه سنيدة حسب ذوق وكاس دانون فاني والحليب البارد لاخور نخلطوه ونديرو فقرعة نسدو عليه ونغطيوه بمانطة ونديروه فضل تحت شي بلاصة تمنية سوايع عاد قلبيه تلقايه راب وديريه فثلاجة يبرد وبصحة ) …

ياسين : قضي غراض يلاه …انا برا نكمي وصلي عليا الى بغيتي …

نوار : واخا …

ناضت هي مشات واسامة عيط لياسين …الي قاليه يتبعو حتى لبرا ولحق عليه …

اسامة : خويا بغيت نسولك …واش واخا نبقا فازرو شي سيمانة عاد نرجع ؟

ياسين : علاش ؟؟؟

اسامة : واحد صاحبي را صاحب الحبيب حتى هو عندو عرس وعارض عليا بغيت ندير الواجب معاه كيف ماكان وقف معايا دوك الايام …

ياسين : عمران ؟؟

اسامة : اه هو ؟

ياسين : سير ومتفوتش سيمانة عندك الخدمة هاد ليام الي جايا كاين زيتون …

اسامة : واخا كون هاني …

دخل لداخل فرحان اولا هو غادي لازرو بطلب من ياسين يوصل نوار ويرجع وزاد طلبو هاد الطلب باش يبقى …دخل لداخل لقا يامنة ايد فالمقلة وايد فالفران ونوار مخشية فثلاجة بان ليها رايب باقي سخون …ومشات لواحد القرعة بانت ليها بيضة …

اسامة : اش كديري نتي …

نوار : ماعرفتش فين داك رايب لاخور وهذا الي فثلاجة باقي سخون “وراتو ديك القرعة ” يمكن هادي …

يامنة : راه سخونة غاتكون تاهي اشمن قرعة هاديك را موحال رايب …

نوار : لا هو حيث هادو فين كيديرو رايب …

يامنة : تاهي سخونة …

نوار : هادي باردة شوي لاخرا الي سخونة بزاف ماشي ديال نشربها يمكن عاد مديورة …

يامنة : خودي عصير ابنتي صباح دي معاك عشرة ايطرو …

نوار : واااه واه بزاف طيارة ماتهزش ليا …

يامنة : مخلص عليك الباگاج مع الكار غايتلقا ليهم الياس ولا صهيب ولا واحد فدراري …

نوار “عوجات فمها ” : ماخليتونيش نشرب اتاي …

اسامة : ماعرفت انا مالي مخشي وسط العيالات …كبي كبي معاك كاس من داك رايب تم جيبيه معاك وسيري عند راجلك …

خرج هو مخليها هزات القرعة حتى باش تسول نعيمة مكايناش مشات تجيب شي حاجة خاصة من بيت المونة …كبات زوج كيسان ودارتهم فصينية ومشات عند اسامة …

نوار : هاك …

حطات ليه الكاس قدامو …وهو يدخل ياسين ونعيمة …

نعيمة : ختي يامنة عطيني واحد القرعة تما راه حدا الثلاجة لتحت محطوطة عيشك عطيها ليا نعطيها لياسين را جابها ليا قبيلة قاليا عطيها ليه را غايجي ليها وتعطل ماجاش تال دابا …را مديورة فقرعة من دوك القراعي فين كنديرو رايب …را دوا بيض تقيييل كيتخلط … لياسين را جا ليها عبد العزيز بغاو يخلطوها مع دوا على قبل الدودة الي فالزرع فلارض ”

نوار : يلاه رشفات جغمة ماشي شربات يلاه ذاقت منها بدات تصرط وهي ترش كاع داكشي فاسامة واسامة شرب جغمة نيت جاه مذاااق لا يطااااق وخاااانز …بداو يتراشو …

ياسين : شنو كاين ؟ “حيث كان عبد العزيز كيتسناه برا باش يعطيه القرعة …خرج عينيه ” نوار شنو شربتو ؟؟؟

نعيمة “خرجات تتولول هي ويامنة ” : ولدي ياكما شربو من دوا …

ياسين “عطاتو ريحة دوا ” : ش شربتوووه ؟؟ نوااار ؟؟؟

اسامة “ضرب ايديه بالخلعة ديال دوا الي شرب دار ليه حركة فحال ساري كول من تتقول هاهو …” : ياااا شربناه تال زداگداااااگ …”مشا يجري يدير صبعو باش يتقيا ……”

#تصبحن_على_خييييير….🦋🐺نور_الياسين (445)sana mina🐺🦋

 

الخشونة والصلابة والصرامة والجندية والصنديدية الي فياسين الي فيه غاطيحهم ليه نوار غييير بتصرفاتها العفوية الزااايدة ونسطر عليها ….تاحاجة مكتقتلو بالخلعة قد الوالدين ونوار فهاذ اللحضة الى وقعات ليها شي حاجة …او في اي وقت كانت فخطر …..

يامنة : يااا ويل الشيطان …اويلي را سم هذاك …”وجهها مشا منو الدم ” واش شربتيه ولا شنو

ياسين “شاف الكاس ماخاويش ” : ماشربتيهش ياك ؟

نوار : م م ماعرفتش انا ذقتو ورميتو ….واش غايضرني اهى …مم

يامنة “مشات تجري تبعات اسامة لطواليط وياسين جر نوار كيزرب بيها ما بقاش تسوق لجنبو لهلا يقلب …عيط على يامنة …

ياسين : اسامة تبعني داااابا “كيغوت وجار نوار …خرج بيها على برا ” …ديري صبعك فمك وحاولي ترجعي …

نوار : منعرف اووععع …”جاتها تقية اصلا بلا ميقولها ليها بعدات لهيييييه كتقيا كاع داكشي الي كلات والي شربات ….حتى بغات تخرج روحها جا اسامة تاهو عينيه حمرين ودايزين بدموع …وهي كتر وجدر وواحد الحالة هههه …

يامنة : ياربي السلامة …

تسناهم تا كملو وجر نوار سخفانة بترجاع اسامة كرشو بدات كتقلب عليه بالوجع وخا رجع كلشي …ركبو وركبات يامنة عفط عالكسيراتور وطار باقصة سرعة مخلي مصطفى جاي كيسول اش كاين حتى قالت ليه نعيمة شنو كاين ….

طار بيهم باقصى سرعة منير وعينيه على نوار واسامة تاهو الي كرشو بدات تقلب عليه …

اسامة : اعععع تفو كرشي شتها تتقلب عليا …

يامنة : واش شربتيه كلو اولدي ماتخلعنيش …

ياسين “شاف فيه من المرايا ” : اسااامة !!!

اسامة : وماعقلتش ماعرفتش غا حطيت فمي وذقتو رشي كلشي ويني كرشي “خسر سيفتو ” فحال فيا سهال …

يامنة : اويلي …غا صبر الله يرضي عليك …

نوار “حدا ياسين ” : امنم يخ ريحتو باقا …اعععع …

ياسين “قبط ليها ايذها ” : جبدي من المجر ريحة ديالي تما وشميها …

نوار : واخا …

مدات ايدها حلات المجر وجبدات ريحة ديالو رشاتها طلعتها مع نيوفها مدات لاسامة تاهو شمها …بقاو طريق كلها وهما هكاك مسافة الطريق حتى دخلهم لاقرب مشفى ماعرفو كلينيك ولا حكومي مهم اقرب واحد وقادوه روايد سيارة لمستشفى كان مستشفى محمد السادس …دخلهم لجيهة المستعجلات …دخلوهم وبقا ياسين هو ويامنة برا كيتسناو ….

يامنة : ياربي خير …واش ولدي سم ياك ؟

ياسين : دوا كنداويو بيه راكي عارفة هذا ثقييل كيتخلط مع الما باش كيرشو …”كيدوز على وجهو مخلوع بصح حيث لا يستهان بداك دوا راه سم …” …فففففف

يامنة : يكون خير يكون خير …

شي ساعة وهما كيتسناو حتى خرج عندهم طبيب ديال المستعجلات ….

ياسين : حالتهم ؟؟؟

الطبيب : شنو الدوا الي شربو بالضبط ؟؟

ياسين : دوا ديال الفلاحة عندو التوصيل ديالو …بغينا نعرفو حالتهم عااد سول على منين جا دوا ولا لا “مخنزر فيه ”

دكتور : انا كنسول حيث خاصني نعرف واش شربوه عن طريق الغلط او محاولة الانتحار …

ياسين : انتحار ؟؟؟ اه انتحار غايجيو عندك زوج الناس متافقين ينتاحرو ؟ …

دكتور : حيث كيجيونا حالات انتحار شاربين نفس السم او نوع اخور من سموم هادشي طبيعي نسولوه باش نعرف واش نعيط لبوليس او طبيب نفسي (هادشي را بصح هاكا كيديرو جاينهم واكلين سم اش غايعرف طبيب را غلطو …ضروري من هاد سؤال )

يامنة : ولدي تهدن …دكتور شنو حالتهم واش لباس ياك موقع حتى شي حاجة الي نخافو منها ؟

دكتور : موقع والو غسلنا ليهم المعدة بالفحوصات الي درنا والايكو الحمد لله ماخذاوش كمية كبيرة الي تاتر عليهم فقط غسيل المعدة وسيروم المقويات وغايخرجو …

ياسين “مابقاش تيشوف فيه كيسمع غير شنو تيقول حيث طلع ليه دم اصلا …سكت حسن مايهضر يطبز ليها العين معاه …”

يامنة : امتا يخرجو ؟

الطبيب : غير يسالي سيروم ويخرجو عادي غادي نكتب ليهم اوغدونونص على حسب المعدة ساعة ويقدرو يمشيو …بالشفاء …

مشا من بعد ما وراهم فين يدخلو عندهم …لقاوهم ناعسين واحد هنا ولاخرا تما دايرين ليهم سيروم وكيشوفو فسقف …

اسامة : طريقك كحلة ابنت عمي …مالكي خضرة مالك …على#تتمة_البارت_445 #نورالياسين…..

 

نوار : وماعرفتوش واش دوا اصلا دوا شكون قاليها تحطو فالكوزينة …

اسامة : بفففف …

ياسين “مشا عند نوار حط ايديه كيدوز على جبينها ” : شوية ؟

نوار : شوية …

يامنة : ولدي كي بقيتي ياكما ضاراك كرشك …

اسامة “باس ايدها ” : لا لا حنانة بيخير دابا …وخا كنحس بمعدتي ملوية شوي بدا كينقص …

ياسين : مزيان دابا ؟؟

اسامة : مزيان مزيان….

نوار : امتا نخرجو ؟

يامنة : يكمل سيروم ابنتي وتخرجو …جات مزيانة هاد المرة دات الباس …مرة جايا الله يرضي عليك ردي البال …

نوار : اخر مرة نقرب لشي حاجة بلا منسول …

ياسين : نهار ترجعي لدارك مرة وحدة شوفي شنو خاص وشنو نضام الي ديري فيها وسيري عليه وبقاي تسولي وعرفي …هاديك دارك الي غاتعيشي فيها معايا …

نوار”ابتسمت” : واخا …ياسين …

ياسين : نعام ؟

نوار : خاصني شهادة طبية نديها نهار تنين لمعهد …

ياسين : عندك ثلاث ايام قبل …خاصك الايام الي جيتي فيهم هنا ديال لمخزن غايعطيوك غير ديال الايام الي مرضتي فيها فداك الوقت ودوزتي عندهم …الي ايامها فاتو ومكنتيش مدوزة خاصك ديال بريفي …وصيت صهيب يوجد ليك وحدة توصلي غذا وشديها من عندو …

نوار : بصح ؟

ياسين : كنكذب ؟ مرة جايا متغيبيش على قرايتك انوار …ندير شي ايام ونجي تما انا والحنانة …

نوار : ماتعطلش ….

ياسين : الى بغا الله نجي ومنتعطلش ماتخرجيش شي عجب قبل منجي وميكون غا خاطرك …

نوار “سبلات فيه عينيها ” : ههههههه انحاول …

اسامة : ههههههه لا صافي غا تهنى اخويا غاتجي 🦋🐺نور_الياسين (446)sana mina🐺🦋

في مدينة فاس …الحفلة باقي خدامة كانت الساعة تشير لعاشرة ليلا …ناضو ناس لبيفي الي محطوط هزو شنو حبات خاطرهم …وفالجهة لاخرا باقي جالس ايساف والحبيب الي جاب ليهم اركان العصير على طلبهم …

ايساف : جاني جوع اصحبي وهذا العصير الخامس طيبتي ليا مصارني بيه نتا …

الحبيب : نوض نجيب راسي ميجيب ليا حد …

ايساف : جيب ليا معاك شي لعبة من تم …

الحبيب “ضار شاف فيه ” : نوض جيب راسك وسرح مراودك راك من صباح ونتا مفيكسي تما …عجباتك البلاصة فموقع استراتيجي للحضية ؟؟

اركان : نوض اصحبي تحرك قضي ليك غراضك راسك وفوت عليك هاديك بنت الناس ياك باغي تعطيها تيساع ماباغيهاش خليها عليك فالتقار اخويا تشوف حياتها …هانتا كتشوف هاهي كتوقف على رجليها نقدتوها من الزنقة صلحتي غلطك دفعتي الثمن كل يمشي لطريقو اولد الناس …هاني دويت معاك راني كبر منك وعارف وشايف …ودوا معاك ياسين تاهو والفاهم يفهم….

ايساف : مالكم بجوج ضرتو فيا ؟ من نيتك اصحبي تانت ؟ شكون قاليك مقابلها ولا منبگ على النمي …دور تقود نتا وهو من صباح ونتا وياه حشيان الهضرة …تقاود عليا شكون داها فيك وفيه وفيها …تبي كيدايرين …”ناض قاد قميجة ورا سروال وزاد ضرب فيهم مشا اتجاه البيفي …

الحبيب : اووو دار قلب وكرامة …

اركان : دار القلا***وي …را بانت ليه ناضت …

الحبيب .: العفووو …

مشاو تبعوه واحد جاه من هنا ولاخور من لهيه …اما واحد صفية ناضت تاهي مشات لبيفي قبل مينوض ايساف ومشات لجيهة لاخرا كتهز هي وامينة وكيهضرو حتى جا حداها هو نيييت نفس الشخص الخمسيني العازب على قول الحبيب …

خالد : مادموزيل صفية …

صفية “هزات فيه راسها متفاجئة ” : كتعرف سميتي ؟

خالد : ويي بيان سيغ هههه لبادج …

صفية “حدرات عينيها لبادج وضحكات ” : ههههه ااه نسيت سميتي فالبادج ….

خالد : الگروب ديالك ؟

صفية : گروب A فوغماسيون ديال عام …

خالد : شنو ناوية تكملي عندنا ؟

صفية : الى بغا الله …

خالد : بون شونص مادموزيل صفية “بغمزة ” مشا وخلاها حدا امينة الي بغات تسخف ليها تم …

امينة : يااا ختي على شايب ياختي …جنتل اجدك …

صفية : هو المدير ديال هادشي كامل ؟

امينة : سييي هو المعهد ديالو وهو كان استاذ ف لافاك ديال ضهر المهراز يالالة …

صفية : اااه “صونا ليها تيليفون ” نعام اخويا …وايلي ؟ وخالتي راوية معطلة شنو ندير ؟ شحال باش تصايب ليك ؟

الشيفور : خاصها تال صباح تكولا ليا الموطور خاصو يومين ولا ثلاثة …عيطي ل سي ايلاف …

صفية : واخا انا نعيط ليهم…دوزات لخط ديك ساعة لراوية لقاتو طافي وعاودت تاني طافي …

صفية : وايلييي …”ضارت كتشوف هنا وهنا بان ليها الحبيب ” احم الحبيب “هزات ايديها كتشير ليه شافها ايساف ”

ايساف “شير ليها زعما واش انا ” : اناا !!

صفية “طلعات ليه vu ههههه وعيطات لحبيييب ” : محمد الحبييييييييب …

ايساف “ضار ديك جيه مابقاش شاف فيها كشماتو ههههه ” : الحبيب تكلم …

محمد الحبيب : لمن “ضار لقاها كتعيط …” اه ..

صفية “جا عندها ” : خويا عيط ليا الشيفور قاليا خسرات طوموبيل …عيطت لخالتي راوية تيليفونها طافي ويمكن مع فديك البلاصة مافيهاش ريزو وهما معطلين اصلا …مكاينش كيفاش ندير توصلني ؟

الحبيب : نوصلك غا هو را غايكون معايا ايساف …

صفية : وايلي …

الحبيب : نخلي والديه فزنقة ونوصلك …هانتي غادي نوصلو لدار هنا في فاس ونتي نديك لازرو ونرجع مزيان ؟

صفية : واخا الله يخليك شكراا …

الحبيب : الله اودي هذا واجب …

رجع هو عند ايساف وهي هزات طبسيلها ومشات لبلاصتها …ومشا الحبيب وايساف تاهما جلسو الموسيقى مطلوقة هاااادئة الحضور شي كيهضر مع شي دازو فقرات وضحك …

اركان : يلاه بات معايا الخو نوجدو شي قصارى ديال شيشة …

ايساف : لااا نمشي الخو باغي نمشي لازرو دابا عندي منقضي …

الحبيب : غانطح مك نتا غااانطح مك …

ايساف : امالك ؟

الحبيب : درتيها بلعاني كنتي باغي تبات هنا في فاس عندك صباح متقضي هنا امتا غيرتي رايك …

ايساف : وحق ربي حتى عندي مشية لازرو عاد نطلع لفاس …

الحبيب : لا اختي غاتبقا هنا بغيت نوصل صفية لازرو ونرجع نديك …

ايساف : لا مغانتسناكش فيا نعاس عيان …

اركان : بات معايا اصحبي ياك توحشتي تشيش …

ايساف : توبنا الى الله …

الحبيب : الكافر غا كافر اولد زوادة …وليني راك🦋🐺نور_الياسين (447)sana mina🐺🦋

قربات تسالي الحفلة بانتهاء بعض الفقرات التي اوشكت على الانتهاء والقاظ اخر الكلمات فيها…وصل وقت الرجوع كل واحد لحال سبيلو …بقات واقفة حدا واحد السارية بعيد كتعيط فالتيليفون …منضرها زوييين وهي زوينة وماشاظ الله جمالها عطاه ليها ربي سبحان من صورو فيها ماشي ديال تكرفيص وتلاويح فزناقي لكن ربي كتب عليها المكاتيب وماعندنا مانديرو امام قضاء الله …شافها خالد واقفة وحدها وماغايستغلش الفرصة ؟ ابدا …

خالد : هشام (هشام هو اركان الي قلت ليكم اسمو هشام لكن صحابو والكليكة تيقولو ليه اركان ) …

اركان : سي خالد مرحبا …

خالد : هاديك البنت كتعرفها ؟

اركان “شاف فين نعت ليه ” : اه هاديك الاخت صفية كتقرا فالمعهد ديال لغات …وهي مرات هذاك السيد …

خالد : اااه بون مزوجة ؟ حيث شفتها واقفة وحدها قلت اذا مالقات الي يوصلها عيط ليها نوصلها فطريقي …

اركان : كنضن غايوصلها سي الحبيب …

خالد : ياك مرات هذاك السيد او لا ؟

اركان : ااا اه را هو الي غايوصلها …

خالد : بون داكوغ …ميغسي هشام …متنساش الاجتماع غذا واخا الاحد ضروري على حسب المنهج الي غادي تكملو عليه …

اركان : في علمي سي خالد ان شاء الله …

ابتاسم ليه ومشا اما هي بقات واقفة كتسنى حتى جا عندها الحبيب …

الحبيب : واخا تسنايني هنا نمشي نجيب طوموبيل ؟

صفية : واخا انا نتسناك برا واخا …

الحبيب : غير بقاي هنا برا بارد الحال …

صفية : واخا …

مشا الحبيب خرج برا يجيب طوموبيل …اما هي بقات واقفة حتى وقف عليها …

صفية “هزات عينيها وهي تركع بلور ” …

ايساف “هز ايديه موقفها ” : تهدني مغاندير والو والله مغاندير حاجة …عارف كتخافي وعندك الحق …

صفية “جاتها البكية ” : شنو بغيتي مني هاني غانعطيك تيساع غير خليني عليك عافاك اهى اهى …”نزلو دموعها ” …

ايساف : ششش نوووو نووو ماتخافيش عارف راسي خايب وكنت خايب غير تهدني والله مغاندير حاجة …ناس كيشوفو مسحي دموعك وخلينا نهضرو …

صفية : ما بقا فاش نهضرو انا مدرت ليك والو غلطي وصححتو ومنكرت والو …ومرحمتينيش وبردتي فيا غدايدك وخا معرفتش علاش …اهى …بعد مني الله يخليك …”خلاتو وهي تبعد مشات كتزرب ودموعها دايزين وهي غاديا غاديا ومعارفة فين غاديا غير مبعدة حتى خرجات من تما ودخلات لواحد الممر الي خرجها ورا لوطيل برا …عاد وقفات ….

صفية “كتبكي وتنخصص وتجمع فالبكية وتطلق انهارت بالبكا مبقاتش قطرت تسكت بزز كتنش على راسها وتمسح دموعها حتى خذات نفس عميييييق حتى شهقت وهي ترد نفس ومسحات دموعها كتشم فالهوا …تحطات ايد على كتفها طارت ونزلت تا غوتات ” : ااااااا بعد مني …

خالد : ششش غير انا …ياك مكاين باس ؟

صفية : يحساب ليا واحد …

خالد : تعدا عليك شي حد ؟ مالك باش نبلغو الامن ديال هنا ؟

صفية : لا لا غير مشاكيل وصافي فحياتي …شكرا بزاف لهلا يخطيك …

خالد : محتاجة الي يوصلك ؟ سولت هشام قاليا غايوصلك راجلك …

صفية : معنديش راجلي “حنحنات ” كان عندي حنا مفارقين دابا اصلا مكانش زواج غير تصحيح غلط لا غير …

خالد : كاين فاش تركبي ؟

صفية “بقات تفكر ” : لا الي غايوصلني خسرات ليه طوموبيل …وانا ساكنة فازرو ..

خالد : اووو …انا نوصلك الى معندكش مشكيل …انا ساكن تما دار الوالدين غادي نشوفهم ونرجع صباح هنا …

صفية : ماعرفتش …عرفتي شنو واخا انا غانمشي لداخل ونشوف الولد وغاتلقاني برا من دابا عشرة دقايق …

خالد ؛ كنتسناك …

ابتاسمات ليه ومشات لداخل لقات الحبيب كيقلب عليها وهي توقف عليه …

صفية : الحبيب خويا سمح ليا بزاف …لقيت الي يوصلني شكرا بزاف غير سير بلا متبرزط …

الحبيب “كمش حجبانو ” : شكون غايوصلك ؟

صفية : المدير ديال لمعهد هاديك طريقو يعني بلا متوصلني وتعاود ترجع وليل هذا خويا …

م.الحبيب : صفية ختي غاتسمحي ليا ولكن بغيتي راي ديالي راكي مزال مزوجة ماجاتش واحد غريب يوصلك …

صفية : انا اصلا غريبة عليكم كلكم اخويا انا غي بنت يتيمة درتو فيها خير الي عمري نساه …من احسن نمشي معاه وخا عيب ولكن لضرورة احكام انا عارفة غايمشي معاك وخا متبغيش ومبغيت مشاكيل كنحاول ما امكن نعطيه تيساع …راني بعدت وهو جا تبعني يهضر معايا …شنو بغا مني ياك باغي يطلقني …

الحبيب : كيفاش جا عندك فاش خرجت دابا ؟

صفية “حركات ليه راسها ” : احم انا غانمشي معندك مناش تخاف را غايكون حتى البنت الي كتقرا معايا تاهي غايوصلها …

خلاتو ومشات لبرا …ضار يقلب على ايساف مالقاهش …مشا يقلب عليه هو واركان والو بقاو يتسناوه برا حتى تم جاي طاوي كمايم قميجتو وجاي متمر كان شيئا لم يكن …

الحبيب : فين كنتي ؟

ايساف : مشيت غا نغسل ايدي …يلاه مشينا ؟

الحبيب : يلاه را مبقاتش غاديا معايا …

ايساف : وايلي …بلاش يلاه …

تمو غادين وقفو يتسناو اركان حتى تم جاي هو وياها …

الحبيب : مالك ؟

صفية : ماعرفتش مالي هاد ليلة على هاد نحس …

اركان : المدير لقا طوموبيلتو كاع روايدها مفشوشين …مهم غاتوصلها معاك الخو …

ايساف “حبس ضحكة وضار لهيه كيمسح على لحيتو ” …

الحبيب : روايد بربعة مفشوشين ؟؟ “تفيكسا واحد شوي عينيه مرمشوش حتى صغرهم وهي دير ليه طن …دار ل ضورة طيييييييط وضار جيهة ايساف وقرب ليه هضر بشوييي ” خاص الي يعاود مك ف🦋🐺#تتمة_البارت_447_نورالياسين…🦋🐺

مع نسمات الصباح مع قطرات الندى مع الصباح نهار بااارد جدا ومغيم كيعلن على بداية البرد والامطار التي تليها من بعد اشهر قليلة بداية تساقط الثلوج …اليوم من بعد ايام ما جات من عند ياسين هي واسامة …رجعات لقرايتها ورجعات لطبيعتها بداية الامتحانات اللولة بداية المراجعة والكفاح باش توصل لنقطة الي بغات والوعد الي عطات لياسين الي تاهو واعدها مايبخلش عليها …قبل مايجي عندها فهاد الايام …كانت فالجردة جالسة فوق واحد الكرسي كتحفض ومقابلة مع لابيسين الي خواوه من الما حيث برد الحال …حطات الكتاب الي كانت كتراجع فيه وقررات ترتاح شوي …هزات كاس ديال الحليب وشكلاط …حتى جاها اتصال من ياسين …

نوار : صباح الخييير …

ياسين : صباح النور نوارة داري …

نوار : كيف بقيتي ليوم ؟

ياسين : مزيان الحمد لله …شنو كديري ؟

نوار : كنت كنراجع ودابا كنرتاح كنشرب حليب وشوكولا …

ياسين : مزيان …”عيط ليه سالم ” نوار شوي ونعاود نعيط ليك واخا ؟

نوار : واخا ان شاء الله …

قطعات معاه بقات كتشرب فكاس الحليب وهي تنوض حطاتو ومشات حدا واحد الوردة كانت متفتحة وخا جو مغيم كان لونها زهري …قربات ليها وتحنات كتشم فيها وفيها قطرات الندى بااردين استنشقاتها …كتقلب فيها وتشوف …حتى بدات كتفكر وتغني …

Je voudrais oublier le temps

Pour un soupir, pour un instant

Une parenthèse après la course

Et partir où mon cœur me pousse

Je voudrais retrouver mes traces

Où est ma vie, où est ma place?

Et garder l’or de mon passé

Au chaud dans mon jardin secret

Je voudrais passer l’océan

Croiser le vol d’un goéland

Penser à tout ce que j’ai vu

Ou bien aller vers l’inconnu

بدات كتبع معاها وتغني كيف ولفات اغنيتها معاه من الصغر …ديييما كيطلقوها فاش كيكون هازها بطوموبيل ولا موصلها ولا غير بزوج عززززييييزة عليهم بزاف تقدرو تقولو هي اغنيتهم ديالتهم …هي كتغني وهو كيكمل معاها …حتى وصلات لهاد المقطع

Je voudrais décrocher la lune

Je voudrais même sauver la Terre

Mais avant tout

Je voudrais parler à mon père

Parler à mon père

اريد التحدث مع ابي ….”سيلين ديون”وسمعات صوتو …

نوار “غمضات عينيها ودموعها دايزيييين كتقول ” : يااااربي ياااربي منكونش كنحلم ياااااربي “حلات عينيها كتشهق ….طلقات ااااه مع شافت رجليه هزات عينيها ” الله الله …با بب بااابا باباااااا “غوتات بجهد ” اهى اهى ناضت كتجرييي لعندو تلاحت عليه …كمشت فيه تكميشة الغدايد …

يوسف “داير البافيط (الكمامة ) : وااا التخت ديال ولادي اخر العنقود الهبيل هههههه ….بشوي راني باقي مريض نعل والديك …

يا ابي الغالي تبقى طلتك وحدها ويبقى حنانك وحده ويبقى حضنك غير الاحضان …وتبقى يا يوسف رمسيس اقرب الناس…

#تصبحن_على_خير …الى الملتقى مع ال🦋🐺نور_الياسين (448)sana mina🐺🦋

#فلاش_باك…

بقاو بربعة بيهم …صفية من بعد ما تلاقات باركان الي جات معاه حيث المدير او خالد ما غايقدرش مع الاسف يوصلها نضرا لحالة العجلات الاربع الي لقاهم مفشوشين دقة وحدة …امر غريب جدا …الشي الي خلا الحبييب يعرف شكوون الفاعل ….

الحبيب : حق الله الى وليتي تدير فعايل لبراهش ليهودية …

ايساف”ضار شاف فيه جامع ضحكة ” : اش كتخربق انت ؟؟؟

الحبيب”عض شنايفو بالفقصة مع هاد البرهوش الي حداه ههه ضار شاف في اركان وصفية ” : احم …ختي صفية سيري مع اركان لطوموبيل ركبي لقدام …

صفية : ولكن …

الحبيب : صفية ختي معندك حتى حل سوا الى بغيتي تمشي فالكار ولا طاكسي ؟

اركان : الكار كاين واحد مع ربعة صباح دايز من ازرو غادي لكازا واحد تركب فيه كاين مع جوج تاليل تايدي لمراكش كيدوز على ازرو …وطاكسيات دابا يمكن حابسين …

ايساف : شوفو ليها ساتيام ولا سوبراتور قطعو ليها الورقة ولا عرفتي شوفو شي خطاف …

الحبيب : ايه هذا حل مزيان …سير قطع اركان ورقة وجيبها لايساف

ايساف : علاش ؟

الحبيب : باش تركب انت فواحد فيهم حيث غانوصلو سيدة منخليوهاش تمشي فالكيران والطاكسيات ولا الخطافة اوجه الخطف …

ايساف “ربع ايديه ” : بغيت نعرف واش انا ولد عمتك صاحبك ولا ضرتك …

صفية : خويا الحبيب صافي انا نمشي معاك ماشي مشكيل …

اش غادير قوات الهضرة وشافت انه زادت فيه اذا مامشاتش معاهم مادام هما معاها معندها علاش تخاف …ركبات القدام وايساف واركان لور …وصل الحبيب اركان لدارو تما وتيسرو هما شدو طريق لازرو …ماهضرش ايساف ماتكلم حتى نطق الحبيب …

الحبيب”شاف ف ايساف من المرايا ” : ندوزك لداركم ؟

ايساف “كان مشتح ليه لور داير ايدو على حنكو وتيخمم حتى شاف فيه بنص عين ” : لا مابقيتش بغيت ندوز وصل السيدة ويلاه نرجعو ..

الحبيب “فرانا بطوموبيل حتى غوتات صفية …ناااري وكون شدو ناري ” : وليني راك زا…”حبس الهضرة ” تت عرفتي ويسدو عليا انا وياك فبيت ناااري ناري …

ايساف “هز حاجبو وهبطو ” : نطلقو العلوة ا بب …

صفية “ضورات وجهها لشرجم ” …

الحبيب : واحد فينا يخرج …

ايساف : يجيب لاخور حزام لموزون ههخههخخ زيد اصحبي وصل الانسة المصون ونرجعو نكملو سهرة فالنايت غايكونو كيتسناونا تما ….

الحبيب : شكون كيتسنا ؟

ايساف : عزوز عماد عمران وعائشة وسمووحة را جات البارح من فرنسا …

صفية “حنحنات حتى شرگات ليها ” : كحم كحكح كحكح …

الحبيب : ارسول الله …”هز واحد القرعة ديال سيدي عليه حداه مدها ليها ” هاكي عدي بهاد من قبيلة واخا سخونة شوي …

ايساف”تگعد كيطل عليها ” : شش مالها …

الحبيب : رجع بلاصتك اسي مامالهاش …شوية ؟

صفية “حركات راسها” : اممم كحكح شوي شوي …شكرا …

ايساف “جمع فمو وعوجو جنب ورجع هز حجبانو وهبطهم ” : تت عجيييب …

الحبيب : اش قلتي ؟

ايساف : سوق مك ؟

الحبيب : واخا على جدر والديك تليتي ليا لمراهقة المتاخرة على اخر ايامك ؟

ايساف : حبييييت هاد المراهقة وميجي منها ازين …

استغفر الحبيب مولاه وتهدن ورجع كسيرا من جديد حتى وصلو لازرو دخلها لفيلا ديالهم فين باقا جالسة معاهم ونزل تا دخل معاها لقا صهيب باقي فايق هو والياس سلم عليهم ورجع ركب لقا ايساف باقي لور …

الحبيب : رجع ركب القدام …

ايساف “حيد صباط وتجبد ليه لور ” : لا ختي فيا نعاس نوصلو لفاس فيقني …

الحبيب : لاا حول ولا قوة الا بالله …قاد سانتيغ ورجع د🦋🐺نور_الياسين (449)sana mina🐺🦋

لقات سارة لداخل ومعاها مينة جالسين فالصالون لداخل …وقفات عند الباب ولقات عليهم السلام …

صفية : السلاام …

مينة “ضارت شافت فيها ” : سلااام …اووو بالثحة وراحة جيتي زوينة …

سارة : تبارك الله بالصحة وراحة …

صفية “بخجل ” : الله يعطيكم صحة …باقين فايقين …

مينة : مزااال اجي جلسي معانا …

صفية : احم واخا نطلع نبدل ونهبط عندكم …

من بعد ما مشات ضارت سارة عند مينة …

سارة : وااا بنية على مزيناتها ياربي ماتستاهل الي جرا ليها والي كيجرا …

مينة : ضلمها ايساف معاه بزاف جابها من زنقة وتعدا عليها …كون هادشي الي دارتو عميتو معاها قبل ميتزوج بيها احسن مايفكر يصلح الغلط بهاد طريقة …

سارة : وعلاه هي عرفات ؟ ياك حتى دخلها مزوج بيها ما خلا ليهم فين يهضرو ولا يتحركو …

مينة : الله يصاوب وصافي “وصلها ميساج فوقت متاخر من واتساب حلاتو ولقاتها نمرة رياض “شفتك اولاين دابا وقلت باقي فايقة …ممكن نهضر معاك الى سمحتي ؟

مينة “قرات الميساج شحال شي خمسة دقايق عاد جاوبت ” : دابا وقت النعاس موسيو المرابط صباح ان شاء الله انا رهن الاشارة …

سدات الواتس ماشافتش تا شنو جاوبها ..بقات شادة تيليفون وكتشوف فنقطة بعيدة وكتفكر مراداش لبال لحناكها الي لاحضتهم سارة ولاو حمرين …

سارة : اشكون زنگك يا …

مينة : هاا …وال…تاحد ع علاش ؟

سارة : كيقوليك التزنيگة من سخونية الحمام وسخونية بنادم …اينا وحدة فيهم …

مينة : الشوڤو سخن لينا المكان الخالة سارة ههههه

سارة : زعما بنتي مكتفكريش ترتابطي ؟

مينة “جمعات ضحكة وحدرات راسها حركاتو بنفي بواحد الطريقة حزييينة ” : صعيب …

سارة “حطات ايدها على كتف مينة ” : عندك نماذج قدامك هنا غيييير فداركم …بداي بقصة يامنة كيفاش تزوجات وكيفاش تحط عمك فؤاد تحت الامر الواقع مرورا بيا انا مع صهيب كيفاش تزوج بيا كنت هاربة من زواج راجل قد جدي وانا فعمري سطاش لعام …شوفي زواج ختك بياسين كيفاش جا عجباتو وخطبها شوفي ايساف البنت الي بغا صدقت غدارة حطيه مثال قدامك …

مينة : ولكن ايساف غادي يطلق حتى هو معندوش زهر فحالي …

سارة : ونتي عرفتي اش كاين من هنا لقدام ؟ ناس ودنيا هي هادي الحياة تجارب منها كنتعلمو ونزيدو لقدام …دنيا فرص …ماتقوليش لا غايصدق غذار بالعكس عطي فرصة لاي واحد عيشي وجربي حتى يصدق المهم نتي كوني قوية وماتخلينمش يهزموك كيف وقع من قبل مع مهدي …

مينة : يكون خير …

ليل جامع ناس وناس وكل دار اش فيها من احداث ومشاكل وهموم او افراح …خلف كل باب قصة من قصص الناس والف حكاية تروى …من بعد ما تسالا السيروم حيدوه ليهم وقدرو انهم ينوضو ويخرجو من المشفى …وصلو لفيرما وكل واحد مشا لبيتو يرتاح …

نوار “شادة كرشها ” : كرشي فشكل …

ياسين “بغا يحيد تيشرت ولكن جنبو بقا عاطيه صداع والحركات الي تحرك بزاف تكوانسا ليه ”

نوار “شافتو ما قادرش وهي تمشي لعندو ” : نعاونك ؟

حرك ليها راسو هزات ليه تيشرت بشوييي وهي هازاه وكيبان جنبو وكرشو حتى وصلات لصدرو هز ايديه وتكونو تورمات بقات حاضياهم وكتشوف نسات راسها وبقات ساهية فيهم وفداك الوشام فدراعو حتى لفوق وداك صدر المبندر الي قدامها ودوك الخيورات باش مزوجة …هو حيد تيشرت وبقا هكاك كيتسناها تتفيق مبغاش يفلت الفرصة يبقا يشوف فيها وهي كتمعن فيه هاذ اللقطة عجباتو …حتى هزات فيه عينيها وهي توگض وجهها ولا حمررر …بدات تصرط فريقها …

ياسين”حط صبعو على حنكها كيمرر عليه بلطف ” : كاندي ديالي …

نوار : نعسو ؟

ياسين : اينا نعاس فيهم …

نوار “ضحكات بخجل ” : ههههه ياسيييين “حطات جبهتها على كرشو ” …

ياسين : نعااام …كتحسي براسك مزيان دابا ؟ فيك جوع ؟

نوار : اهء لا مافياش …قبيلة شفتك كتغمض عينيك ياكما ضرك تاني …

ياسين : ماعليش …تحركت بزاف بيه داكشي باش …

نوار : ودابا مزيان ؟

ياسين “هبط راسو لشفايفها ملتاهمهم بقبلة حسات بواحد شعوور خلاها تفافات حتى شدات بايديها الكوافوز كالات بيه راسها مخلياه كياكل ليها فشنيفاتها وعاجبها الحال …مغمضة عويناتها اما هو سخن عليها ماحسش براسو حتى هزها بجهد وهو يضربو ضو فصل القبلة 🦋🐺نور_الياسين (450)sana mina🐺🦋

ماشعرش براسو حتى هزها بغا يشبع من شهد شفايفها الي ماحسش براسو وهو كيمصمص فيهم ويقبل ويلتاهم فيهم مرة قبل هادية مرة قبل متعمقة وفرنسية …لكن فاش هزها نسا جنبو ونسا راسو حتى ضربو ضو وخصوصا انه مفروض عليه راحة تفاديا لشي حركة مفاجئة خاطئة غادي تقدر توقع ليه الاسوء …

نوار : اشنو مالك ؟؟؟ ضرك بزاف ؟

ياسين “تعصب معاه ممخليه يدير تاحاجة” : ما تت مزيان مزيان …جيبي ليا هذاك دوا الي تما وهادوك الي ذهنتي ليا بيهم اجي معايا لدوش …

مشات جابتهم وتبعاتو لدوش …عطاتو دوا شربو وعطاتو دوك قويلبات تاني سخنهم فايدو وذهنهم بشويييي …مشا لطواليط قضا حاجتو وغسل حداها ولات مولفاه بهاد الحركات المفاجئة هههه خرجو من دوش وتخشاو ففراشهم بقا شحال عاد حبس عليه صداع واستسلم لنوم هو وياها …

اما في احدى النوادي الليلية …كانت شلة من سبعة الناس …الحبيب و ايساف وثلاثة دراري وزوج بنات وحدة منهم كانت كتعرف ايساف بزاف فاش كان مع ريم فديك الايام …من عام وزيادة وهي في فرنسا …

الحبيب : تي كيفاش جيتي وماعيطتي ليا ؟

سماح : قلت را ايساف قالها ليك …

الحبيب : كيبان ليك غا ايساف يمسخ مك معنديش تيليفون انا …

عائشة : انا نعيط لولد رمسيس ماتخممش …

الحبيب : بزز من والديك انتي تعيطي …

عمران : الخوووت را عرسي سيمانة جايا …جات على قبلي ردو بالكم يحساب ليكم توحشت شي حد …

سماح : هننن ازين غا لقيتها سبة اما انا خوتي توحشت اسوووف …

ايساف : اااح على مك انتي …توحشت قصارتنا مع شي شيشة ..

عائشة : ويل شيطان مكتوبوش ؟

سماح : ختي شيشة كنبغيها في قلبي منساهاش وخا تنديرها ففرنسا لكن هنا عندها طعم غير …قصرنا غذا ازين ؟

ايساف : غذا بلليل موعدنا “بغمزة ”

سماح : احبتش يا بعد گلبي …

عزوز : سمااااح السيد را مزوج نعلي شيطان …

سماح : ويلي وعلاش كيعرض عليا ؟ مالي غادي نكويه را هي قصارة بيناتنا …يجي معاه الحبيب …

الحبيب : هههه اوهوووي ماعندي مع داكشي …

ايساف : شكون قاليك الخو مزوج ؟ قلتها ليك ؟ ماااسمعنا بهذا …

الحبيب “استغل انشغال لاخرين بالهضرة مع بعضياتهم وقرب لايساف بينو وبينو ” : شش اش كتخربق انت ؟ واخا واقف عالطلاق وخا مابيناتكم والو راك باقي مزوج واخا هكاك هاديك سيدة راها كتبقى مرتك الى حين الانفصال …عاد كنتي منوض عليها جدبة ميوصلها حد وديك فعايل الي درتي باش توصلها معانا …اش كاين ؟

ايساف : قصارة شيشة ا لحبيب را عارفني انا وسماح ودراري …سماح كانت قريبة ليا مافيها عيب او لا مابغيتيش تجي معانا …دونك خليني نمشي نفوج على راسي نسا الهم الي كنت فيه والي داز عليا …

الحبيب : حتى منكونش كنعرفك نتا وسماح راكم تشاركتو لحم عاللحم نعستي معاها ما مرة ما جوج اولا ؟؟؟ نكونو واقعيين بلا الغاز …

ايساف : الحبيب حنا رجال عيبنا واحد …

الحبيب : متافق معاك عيبنا واحد انا جات عليا عازب معندي لا مراة لا ولاد …

ايساف “الصمت ” …

الحبيب : انت تعرف …

ناضت سماح من بلاصتها هازا كاس ديال كوكتيل عصير مخلط فايديها …وجلسات حدا ايساف …

سماح “حكت كتفها مع كتفو ” : زين مالو مهموم …

ايساف “جامع ايديه تحت ذقنو ” : مشاكيل دنيا ودين فوق راس خوك …

سماح : خووك هههه نتا دابا وليتي خويا ؟

ايساف : فحال هكاك …

سماح : واش غيرك …

ايساف : ليام وبنادم …قولي ليا نتي شنو جابك …

سماح “عوجات فمها ” : جابني عرس عمران وجبتيني انت ملي عرفت ريم وزواجها و….

ايساف : الله يسهل عالجميع كل كيبان مع ليام وكتصفي الحبيب من الغدار …

سماح : وانا اينا جيهة …

ايساف : جيهة الاحباب الى مابانش عيبك تانتي من بعد …

سماح : شنو دوز عندي غذا نقاد العالام وداكشي …جلسة فيها غييير انا ونتا …

ايساف : جلسة وناسة ؟

سماح : هههههه جلسة وناسة اسيدي …توحشتك ا ايساف …

ايساف : يتوحشك الخير ورباح اختي سماح …

#يتبع…وحطها ” : فااااك …ففففف….

#يتبع…يمارا رجع من نفس الطريق …

#يتبع….فلاش باك …ها يوسف رجع ليكم ♥️طهارة انت …اليهودي قبيلة بني حريدم …

#يتبع…. نمس ديب …بليميييين لا عتبتي معانا …

#يتبع…على يومين …

 

#يتبع…. اخر ايامي رجعوني منتاحر…

#يتبع….

 

 

 

اسمحو ليا ليوم قللت بارتات ضرني راسيصارعة اخوتي فالحفلة ولا بلاش ؟

#يتبع…اشي هو الي هضر ههههه …

#يتبع…تي اولاد القحااا***ب …

#تصبحن_على_خير….يجيب ليها ما حسن مني …

#يتبع…ام العباد وشي لاخور غانفهمو ليك بطريقتي …

#يتبع….نضحك معاك غاتنبسط معاك …

#يتبع…باعهم زيرات عليهم …”

#تصبحن_على_خير….طريق …

يامنة : واخا ولدي …

#يتبع…كرا خالتي لهلا يخطيك …

#يتبع…ي مهدي الي خلا مينة ؟ معااامن نتوما …

#يتبع… اش بغيتي ….

#يتبع….س بجنبو ضربو موووس ماااضي …

#تصبحن_على_خير….👣👣جهها طبعا اشمن لون غايكون ؟

#يتبع…ي موجود الي جا مرحبا وزيد القدام …

#يتبع…و نعسو في راحة الله ….

#يتبع …ة …ماديروش ايموشن ولا ستيكرز ممنوعير ؟؟

ياسين : هبطيه ليا ….

#يتبع…ركابي ” : هااا …

#يتبع…

Leave a comment