Skip links

قصة : نور الياسين ج 17

 31,538 عدد مشاهداات

🦋🐺نور_الياسين (326)sana mina🐺🦋

الدنيا كلها الي تما الناس الي جالسين تما كلشي ناض يطل وجاو سيكيريتي تايجريو يتدخلو ولا يشوفو شنو واقع …

ايمان “ناضت دايرة ايديها على حناكها ” : وييييلييي ستغفيرت الله (استغفر الله ) يعتيييه القتع فدوك ليدين …

غزلان : واااااو …اش واقع …

مشات كتزرب لعندو فين طاح اما ياسين بقا واقف كيتسناه يخرج يملخ مو تاني …نوار مشات حدا يامنة تخشات فيها قلبها بغا يسكت ودموعها على طرف عينيها…

نوار : خالتي يامنة …

يامنة “دارت ايدها على حنكها شدات جنبها وناضت مخليا نوار وراها وقربات حداه ” : ياسين ولدي نعل شيطان …

فين ياسين الي يسمعك شربن عليه …عيسى طلع من الما تاهو مشربن عليه …

عيسى : يحرق زا… الي حطك …مال عدو ربك غا انت الي ايديك عندك ؟؟؟

غزلان : عيسى خويا الله يخلي ليك ميمتك قصر الشر …

عيسى “حل كمايم القميجة طواهم …ومشا لياسين بغا يضربو خوا بيه تا كان غايجي لارض غفلو ومشا ليه ضربو برجلو حتى جا لارض تلاح عليه جاو سيكيريتي كيبغيو يفكو كيدفعهم نزل عليه بضرب وعيسى فواحد اللحضة تاهو عطاه بونية جاتو لجنب عينو خلات توازنو يختل شوي حتى عيسى راه بجهدو ماشي ياسين مكاين ماجهد منو تا ياسين انسان والانسان فلحضات كيضعاف ماشي قوي معمرو يتهزم …فهاد اللحضة استغلها عيسى وعاودو ببونية ناض على جهدو تاهو نطحو تاني …شاعاك فواحد اللقطة غفلو ياسين وجمعو بنص جا لارض …

نوار “كتجذب ” : خاااالتييييي هضري معاااه …اهى …”كتجدب من ضربة الي شافتو كلا ومن الخوف وشلا تجمع فيها ”

يامنة : يااااربي اش هاد المصيبة …

جاو تاني يفكو والو بقا يعطيه لاخور تيطاكي مرة ومرة تجي فيه دقة ياسين تحت عينو فعضم الحنك خرج منو دم بضربة وجنب فمو حيث كان دمو فاير دغيا خرج …ولكن الجهد الي تعطله فديك اللحضة راه ميعلم بيه غير الله مغزف عليه مخلف غير كيشوفو كيتفكر خوه وايساف والماضي جنونو كيتجننو ….

يامنة “غوتات على حر جهدها ” : ياااااااااااااسيييييييييييييين

ياسين “حبس وضار شاف فيها لقا وجهها بيض وعينيها خارجين فيه …رجعات ايامات فاش كان صغير وكانت تجهد صوتها وتحول دوك نضرات كانو كيخافو منها ولادها ”

يامنة “خنزرات فيه عينيها خارجين ولاو بيضين ” : تحرك من تما يالااااه …

ياسين “طلق نفس من صدرو فحال العافية الى ضربت فوجهك نارها گاااديا ”

يامنة : هضااااارت تحرك …

طلق منو وناض جاو سيكيريتي هزوه باش ينوض حيث تجرتل وجاو خواتاتو عندو كيقلبو فيه اما ياسين مشا لعند مو …

يامنة : يلاه فحالنا …

حتى تم جاي المكلف تما في المركب …

المكلف : سي ياسين …

ياسين “ضار مخنزر فيه ” : شنو ؟؟؟

المكلف : نخبرو البوليس على هادشي ؟

ياسين : الي مناسبك ديرو الى كان شي خسائر راك عارفني وعارف العنوان والعيب والعار الى ما عطيتش تعويض “هز ايدو ” بلا فريع الكر دابا …”شاف فمو ومشا شدها ” يلاه …”ضار شاف ف نوار يلاه بغا يهضر وهي تهز تيليفون كتفتف ومشات حدا يامنة وتمو غادين “نغزاتو يامنة باش يسكت ميهضرش معاها حيث الى هضر تموت ليه تم ….

مشاو ليسارة حل لباب وقاد يامنة فبلاصتها ركبات نوار وكسيرا فالبلاصة تا تحكو روايد فلارض خلاو بلاصتهم كحلللة ….

عيسى “كيلهث جابو ليه شوي الثلج مكعبات ف فكاس وهزاتو غزلان غير حطتها ليه على جنب حنكو وهو يبعد راسو ” : حيدي عليا القلاوي …

ايمان : اخليها تكمد ليك جرحة …

عيسى : مابغيتش فوتو جرتي هاد ساعة “لاح ليها الكونطاكت ” هزي طوموبيل وسيرو …

غزلان : ويل شيطان ونتا غاتبقى هاكا ؟ شكون هذا الي دار ليك هاد الحالة ؟

ايمان : يعطيه القطع فليدين حيوااان …

عيسى “هز فيها عينيه بشرار ” : واش قلت لعدو ربكم تقااااااودو ؟

ايمان : اهياوين مالنا ؟ “شافت ف غزلان ” زيدي فحالك اختي خليه اش بينا بشي معيور …

عيسى : يلااه تحركو …

هزات لكونطاكت وخرجات هي واختها مخلينو …فك المشكيل عباد الله رجعو جلسو بقاو غير كيشوفو مفهمو والو اما هو هز تيليفون الي جاب الله ماطاحش فالما كان حاطو فطبلة فاش بغا يجيب ليها تيليفون …دوز الخط …

عيسى : جيب ليا رينج الكحلة ل فين غانرسل ليك وصي ل🦋🐺نور_الياسين (327)sana mina🐺🦋

فاش ركبو وكسيرا ما هضر حد ما تكلم فيهم لا يامنة ولات سكتات حتى هي ملي سمع ليها مابقاتش تاهي تجاحدات معاه وخلاتو على خاطرو المهم تكسر صداع وتفكت الجقلة …نوار ركبات حداه ما هضرات ما تكلمت مادارت تاحاجة خوفا من انه ينوض ليها حيث الغلط الاول منها انها جات بديك الحالة كانه جاري عليها شي حد وماقالتش شنو وقع وحتى ولو ما قالتش كان عليها تجي عادية ما ثيرش شكوك …ولكن ياسين الي عصبو والي صعرو هو عيسى ك شخص بحد ذاتو ومازال مغايدوزش ليها حتى يعرف شنو وقع عليه غايتصرف …يمكن هكا او يمكن عصبيتو الي غاتخليه يتصرف تصرف ماشي فمحلو ؟ كلشي ممكن طالما مازال ما بينش شنو فراسو فهاد اللحضة ومن اش كيغلي بالضبط ….غيرة؟ ولا اش ….

غادي منيسر فطريق نساا واش معاه مو ولا مرتو غادي بواحد سرعة شبه مهولة الي داز من حداه يخليه كيكلاكصوني ولا يسب …

يامنة “شافت السرعة مكتبشرش ونوار ايدها مكنززة على جنب الكوسان ” : ياسين نعل شيطان وتهدن اولدي …ياسين ولدي نقص من سرعة واستغفر مولاك ياسيييين “جهدات صوتها ” ياسيييييييييين

ياسين “شاف فيها من المراية ورجع نقص من سرعة …ما ضارش جيهة نوار ومبغاش يضور حيث الى ضار شاف فيها غايرجع لومة عليها وتصدق القضية خارجة لعار …”

بقاو غادين الصمت سيد الموقف ممزوج بجو مشحون حتى وصلو لدوار ودخلو لفيرما فرانا وحل الباب ضار حلو على نوار ويامنة حتى خرجات …بغا يعاونها ”

يامنة : غير خلي نوار تمشي معايا سير بدل ساعة باخرى من بعد …

نوار “شافت ضربة وجيهة فمو تشجعات وزعما والي ليها ليها المهم يتداوا جرح ديالو ” : خاصك داويها “باسف”

ياسين” : نوار …ت حر كييي دخلي “بصوت مجهد حتى قفزت ومشا ركب كسيرا حتى خلا العجاجة وراه ”

يامنة” دخلو وجلسات نوار حداها حطات تيليفون ” : خليه ابنتي حسن يتهدن شوي …

نوار”مسحت دموعها وايدها كترعد مع باقي الحيحة الي ناضت والمضاربة بين عينيها ومزال معارفاش شنو غايقوليها لانها مازال مشرحاتش ليه شنو عنا بديك الهضرة ” : حمااار جبد ليا صداااع اهى …

يامنة : فين عرفتيه ابنتي شنو وقع تا قال هكاك …

نوار “عاودات ليها ” : مكنعرفهمش والله مكنعرفهمش هادشي الي وقع اهى اهى …

يامنة “جرتها خشاتها فيها وعنقتها ” : شش سكتي بنتي تهدني تانتي البكا مغايفيد بوالو …ماعليش دابا يتهدن وشرحي ليه …وكون قلتي شنو وقع فاش مشا ليك تيليفون مكان يجرا هاكا وزايدون عادي مافيها عيب غا هذاك عدو الله كيقلب عليه …

نوار : ما عقلتش فين شفتو …واش كيعرفو …

يامنة : كان كيقرا معاه وكانو شي مشاكيل بيناتهم خصام قديم …

نوار : والله مكنعرفو بالله اهى …دابا يحساب ليه غير كذبت عليه …

يامنة : مغايحساب ليه والو غير تهدني دابا يتنفس ويرجع يفهم منك …نوضي بدلي واجي جلسي حدايا …

وصل الليل ودخلات سيارة حتى وقفات يحساب ليها هو لكن وقع العكس كان علي والحبيب عاد دخلو من مراكش …لقاو سلام …

الحبيب : واحد سلااام …

يامنة : على سلامتكم …

علي “مشا تلاح حدا يامنة تا تهز بيها سداري ” : اححح سموحات …

الحبيب : فين ياسين …

يامنة : خارج …

علي “ضار شاف فنوار مكمشة فالقنت شادا تيليفون حالا واتساب لا يدخل وتهضر معاه تسولو فين هو لكن والو جربات تصوني بلا متحس يامنة كان طافي ” : مال هادي يبست تم ؟

الحبيب “جلس حداها ” : مال مرت خويا ؟

يامنة : اهيا خليها عليك …

علي : شميت ريحة المخاصمة …

الحبيب : ياكما نوضتو صمكة …

يامنة : ساعة الله …

الحبيب”غير ملامحو ” : الحنانة اش واقع ؟

نوار ما هضراتش بالها غير مع ياسين حتى انها هضرات مع امها وعلماتها بالي وصلو غير هضرات معاها ودارت لخاطر اما خاطرها بقا مع ياسين …شافت يامنة تا عيات وقالت ليهم شنو وقع …

الحبيب “عقد حجبانو ” : وليني حمار هذا …وشنو دار ياسين ؟

نوار “بقات ساكتة حتى نطقات ” : مشا يبدل ساعة باخرا ومشا مضروب جنب وجهو وفمو …وبااااقي ماجاش …

علي : تانتي خليه يبدل ساعة باخرى ياسين الي كنعرفو راه وعر منو مكاين عندنا غير يشربن سكتي تايبرد وديك ساعة تفاهمو …

الحبيب : ماشي تسكتي شوفيه مهدن وهضري معاه وتفاهمو …تحاوري معاه وفهميه وتاهو راه غيفهمك …وياسين الي كنعرفو راه مكيمشيش حتى كيتهدن راكي حضرتي ليه مع اسامة والي داز شنو دار …ملي مشا بدل ساعة باخرى غا باش متعيشيش معاه الوجه الخايب ويصدق مصرف فيك العار ولا يجيب فيك شي دقة ….

بقاو كيهضرو معاها شوي تاهي هذنوها حطات تيليفون وبقات جالسة معاهم …

الحبيب : كاين شي عشا الحنانة …

نوار “نقزات بلا ماتشعر ” : كنت غاندير دجاج محمر كيعجبو ولكن الي وقع مابقيتش درتو …

علي”حل فمو ” : هاااا…كنتي غاديريه ؟

الحبيب : هاااح دجاج محمر …اجي امتا تعلمتي ليه ؟

يامنة : هههه انا علمتها متخافش كتعرف طيبو …

الحبيب” : واش حبسك ؟

علي : نوضي تگعدي ديريه راني صباح راجع فحالي …

الحبيب : غا نوضي دابا يجي ياكلو الى ما بغاش لهلا يدوقو 🦋🐺نور_الياسين (328)sana mina🐺🦋

في هاد الاثناء في مدينة ازرو من بعد ما تعشاو كاملين الا راوية وصفية الي كيف وصلو دخلو لقاو غير ايلاف دخلات راوية لبيتها هي وياه ينعسو اما صفية مشات لبيتها تاهي تخشات في فراشها النعاس ماجاهاش وصلات لوحدة ونص ديال ليل …تسمع صوت سيارة من النافذة ديال بيتها لتحت الي كطل على الجردة وحداها البارك …بقات شحااااال سيازة شاعلة وصوت ضرب فيها …حتى تسد بابها ودخل الساروت كيدخلو فالباب وكيفلت ليه …بقا مضارب معاه بغا يحلو والو …

ايساف “عينيه حمريييين ” : تف هاد القلااوي هذا فينهو ؟ “حك راسو بعبط ” تررر اه هاهو …

جبد الفون شعل ضو عليه حتى خشا ساروت وحل الباب ودخل سدو ومشا داخل حتى ضار جيهة الكوزينة شعل ضو طل هنا وهنا وخرج خلا ضو مشعول …مشا لصالون شعل ضو طل هنا وهنا خلا ضو مشعول تاهو تم ههههه بقا هنا وهنا حتى شعل ضواو التحت كاملين تا من طواليط دخل ليها وخرج مشا لواحد طوالة تما ووقف

ايساف “كيصغر عينيه فالبيت الي قدامو ” : ديالمن هاد البيت ؟

بغا يخشي ساروت عند بالو خاشيه مع جاي متمل نيييييييت بشراب …طيح ساروت فلارض هو وتيليفون وغادي وكيكتاشف تقول دار عمرو شافها …كانت هي متكية كتسمع فصوته كيحل فالباب ومسمعاتش راه جاي حتى حل عليها الباب على جهدو وشعل ضو وهي تنوض ..

صفية “شدات على صدرها وشهقات ” : هييييي ..

ايساف “شاف فيها طلعها وهبطها كانت لابسة بيجامة عندها تحتي سميطات وسروالها ساتان فالغوز …جامعة شعرها لفوق اسفنجة مهملة …عض على شنايفو حتى قلبها ضحك ” : عهههههههههه تي واش تاني فينما نسكر تخرجي ليا فطريقي نحويك ؟

صفية “قلبها بغا يسكت رجعت ليها ذكرى الليلة الي وقعات فيها الواقعة …” …

ايساف “جاتو هيستيرية ديال ضحك ” : وااا طبونك كيعشق السكرة اموناموغ عههههخ …يا زهري مكوز يا ربي مكتب عليا هاد المكتوب حيث مكنحشمش …يا نتي يا القحبااااا خارجة فعودي نهار نميل ونبلط ….

صفية : خ خرج عافاك …

ايساف : في ارضي وبلادي تاتقولي ليا خرج ؟ اخر واحد قالها عرفتي اش وقع ليه ؟ هااا ؟ “غوت بجهد تا قفزت ” جااااااوبيييييي

صفية “طارت ونزلت بغات تبكي بالخلعة ” : ا ا اشش ..

ايساف : حويتو حخخههههههههههه

صفية : اهى عافاك مادير والو …

ايساف : مغاديش ندير ليك والو نتي الي غاديري ازين …”دوز على لحيتو كيتمعن فيها ” لاطاي حاضرة يا بنت الهازة …العينين قتالين وخا مضببة عليا الوقت فعينيا ماعليش طغيتي …”عض شنايفو ” غا كنسكر طلعي ليا فجوكير كنقيم …

صفية “ولات كترعد رجع ليها الالم الي حسات بيه فاش ديفيرجاها حيث ما رحمهاش ديك اللحضة …ما بان ليها غير تهرب …جات ماشي باش تهرب زربات ومشات تخطاتو حتى شدها من دراعها وجرها بزز قابلها معاه ” : عاافاااك اهى …

ايساف : ماتخافيييش …يا غير ديفيرجيتك يعني ما بقا ميضرك وتزوجتك يعني حلالي …اييييييوى اش غايمنعك …”غوت ” سيري رجعي فين كنتييييي تحركييييي …

صفية “طلقاتها بغوتة ” : وااااااااااعووووووو عتقوونييييي خالتي راويااااااامممممممم “فين غواتها دغيا سد ليها فمها بفمو لجمو ليها بقبلة عنيفة حتى دفعها تزدحات مع الحايط بجهد حسات بضهرها لفقرات ديالو تهرسو ودموعها دايزين وسط قبلاتو العنيفة كيبوس ويتذوق فدموعها ….حتى دفعها هكاك كيبوس فيها وهي كتبعد فيه ولاحها فوق ناموسية …

ايساف : تحليتي ليا بلا زواج بخاطرك حتى تزوجتك وتسديتي ليا كتبتي عليا ذنب كتبتيه …دابا راكي حلالي بالخاطر بزز غاتقضي ياك هادشي الي كنتي كتحل🦋🐺نور_الياسين (329)sana mina🐺🦋

ناضت مسكينة كانت ديك ساعة نعيمة رجعات لدارها وهي تنوض منها تنسي شوي وتخليه على خاطرو لانه فعلا الى ما مشاش بدل ساعة باخرا مغاديش يتفاهمو وهادي ميزة مكانتش فيه ملي تزوج بيها عارفها مغاديش تقدر على عصبيتو وحن فيها والحنان هي المسزة الي فيه من الاصل ف ولا كيفضل يمشي يبدل ساعةباخرا الله يجعلو يبقا يومين …ناضت لكوزينة

دخلات معاها حتى يامنة جلسات حداها والدراري مشاو لفوق يدوشو …جلسات فطابلة عطاتها ربيع تنقيه ونوار جبدات زوج دجاجات من الفريزر دارتهم يدوبو وبدات توجد ليهم شرمولة ديالهم وقطعات الخضرة دارتها تصلق باش ديرها جردة شلاضة والفريت تاهو …حطات الموناضة تبرد وتعاونت هي ويامنة حتى شرملوه وعمروه بالفيغميسيل والكبادي وحامض مصير …

بعد سويعات حتى كان وجد وتحط هو وشلاضة والطابلة مقادة متيولة تحت توصيات يامنة الي علماتها وكتعطيها تعليمات ديك ساعة شنو دير ومنها تعلم …عيطات لدراري ينزلو …

الحبيب : ااامصلي علييييك ارسول الله …

علي : قليتي ولا دخلتيه الفران ؟

نوار : حمرتو …

علي : لا عطاتني الجواب شكرا …

الحبيب : اااا شمط …

يامنة : اجلس يا تاكل شحال فيك …

الحبيب : خخخخ طنطناتو فين جدي …

يامنة : تعشااا وشرب دواه ومشا ينعس اولدي …”ضار شاف فنوار لقاها شادا الفون كتصوني حتى حيدو ليها ”

الحبيب : وااادووزي تعشاي دابا يجي دااابا يجي يملخ عشتك مالك مزروبة على عضامك …

علي : كولي باش تلقاي فين تاكلي دق وما تقصحيش …

نوار: مابغيتش ناكل غير تعشاو …

علي : اااتي بليييمين مايدوز وما كانت الكريمة حدانا …

الحبيب : نترزا فولادي الي فبي(كان غيقول بيضاتي وحبس ) احم فولادي الي مشفتهم وماكليتي لا كليت …

يامنة : بنتي تعشاي راه هضرنا الله يرضي عليك …

حطو العشا وتعشاو الدراري خالقينها ويامنة شوي كضحك معاهم عارفاه مغايجيش اما نوار الي قلبها مقبوط عليه …كملو العشا تحط ديسير حتى هو ووالو ماجاش بقاو كيهضرو مجمعين الضحك وطنز ديالهم غير باش يهدنو الجو ساعاك والو بالها مشغول …دخلات يامنة شربات دوا ونعسات ودراري بقاو التحت اما نوار طلعات لبيت …

جلسات فوق ناموسية شادا تيليفون فايدها معارفاهش تا فين هو …الوحدة دليل الجوج التلاتة تصباح الربعة حتى غفات معاش الله واعلم وهو ماجاش ضربتها لفيقة مع الستة صباح شاهقة …طلات هنا وهنا لا يكون جا ودار الحس والو …سمعات صوت التحت هبطات كدردب مع دروج تجري تابعة صوت تقرقيب حتى لقات غير مصطفى كان جاي عاد دخل من جامع كيردد فالباقيات …

نوار : با احم صباح الخير …

مصطفى : صباح الخير ابنتي …

نوار : واش ياسين خرج ؟

مصطفى : ونزل هو بعدا بنتي تايخرج …

نوار : هاا “اذن ماجاش كاع ” …اه صافي يقدر خرج بكري مشفتيهش حيث مكاينش ..

مصطفى : واش مفيقك ابنتي فهاد الوقت تشطنتي عليه ولا …

نوار : مكايجاوبنيش تيليفون طافي وتخلعت عليه …

مصطفى : دابا يجي معندو فين يمشي الى ماكان شي سلعة خاص يجيبها بكري وكان…

نوار : اه صافي …احم انا غانمشي نوجد الفطور ماجانيش نعاس دابا اللهم ندير الفطور …

مصطفى : الله يرضي عليك ابنتي …

ايييييوى فينك يا ياسين رمسيس فين شديتي الطريق وفين اراضيييك ؟ اشنو وقع ليك طفيتي تيليفون وشغلتي وهولتي العباد عليك …فيييين الاراضي الاراضي فواااحد الخلا قريب لواحد الواحة ديال النخل …كسدة ممددة وصباع الايد كيتحركو مرعودين …الدم خارج من النيف والفم وايد مطوية جيهة لاخرا ورجل مهرسة لور مطرطقة…ساس ايديه وضار شاف فيهم …

-“شير بايدو “تحركو من هنا🦋🐺نور_الياسين (330)sana mina🐺🦋

النعاس طار عليها من الي غفات عينها وضرباتها الفيقة هاديك هي فيقتها واستغلات الوضع دخلات لكوزينة حلات تلاجة جبدات الحليب الي تما دارتو يفيض وجدات القهوة المعطرة دارتها تبخ على نار مهيلة كيف علماتها نعيمة باش تفوح ريحتها احسن من العصارة الي تما …ودارت الما يطيب فالمقراج مادام باقي الحال اللهم فالمقراج حسن من ديال ضو …

وجدات داكشي الي عرفت ليه وخا كتعلم راسها خفيف دغيا كاتدخل الحاجة لراسها لكن فهاد اللحضة بالها مشطون عليه ماشي خايفة من اش يدير ليها ولكن خايفة عليه مشا معصب وهو من نوع مكيتحكمش فعصبيتو …يعلم الله اش جرا ليه …الوساويس خدامة القلب ما هاني …فين راك يا زماني ….

وجدات بلاطويات حتى دخلات نعيمة …

نعيمة : صباح الخير ابنتي …

نوار : صباح الخير خالتي …

نعيمة : مبكرة ليوم على عوايدك …

نوار “كتفوه ” : غير فقت بكري ومابقاش جاني نعاس …

نعيمة “كتضور عليها طابلية شقا ” : نعجن شي طرح ديال لمسمن ..عجنتها قبل البارح بالعشية وخليتها تانجي دغيا نخبزو …

نوار”بغير نفس ” : واخا …انا قاديت الفطور الى بغيتي تزيديه …انا غانمشي عند خالتي يامنة الى بغات شي حاجة …

خلاتها كتوجد اش خاص وهي مشات دقات على بيت يامنة ودخلات لقاتها فايقة كتشرب دواها صبحات عليها ومشات حداها تخشات كتشكي وتبكي من خوفها عليه كيف العادة ويامنة حتى هي كتصبرها لكن حتى هي من لداخل ديالها خايفة عليه …

ساس ايديه وضار شاف فيهم ….

– تحركو من هنا نتوما …

– شنو نديرو معاهم ؟

– ماديرو والو خليوهم هنا الي عليكم تحركو غبرو من هنا ….مشاو هما وبقا هو عند راس هادوك جوج جبد الفون من جيب ودوز لخط شحال عاد جاوبو ….

هو : شنو نديرو سي ايلاف ؟

ايلاف : روح انت كمان …”قطع معاه وعيط لفؤاد فالبلاصة ” كل ايشي تمام …

فؤاد : مزيااان …

ايلاف : ولو …ايش بدك تساوي مع عيسى …

فؤاد : ساليت لكبار ونسالي لصغار الي مشايفهمش واش كاينين ؟ الي زاد فيه وقلب على خلا عشتو عطيها ليه …

ايلاف : تمام …

قطع معاه ديك ساعة … وضار لعندو كان واقف بعيييذ متكي على طوموبيل كيكمي وكيشوف بعييييد ديك الغوباشة للي عاقد لا حول لها ولا قوة …حتى وقف وحط عليه ايدو على كتفو …

فؤاد : البكر ديالي …

ياسين “بلا ميشوف فيه طبطب عليه بايدو ” : رضايا …

فؤاد : ماتهزها منين تقالت اولدي التباتة ورزانة مزيانة …شنو هضرت معاك انا ؟

ياسين “الصمت ماقدرش يقوليه والو ” …

فؤاد : شنو نديرو راسنا فالصغار ؟

ياسين : حاشا …

فؤاد : غوتي عليها ؟

ياسين : ماهضرت ما قربت الوليد ومناويش نهضر مزال معصب مابغيت نغلط …

فؤاد : غلطات ؟

ياسين : ما غلطاتش لكن خوفها خلاها تغلط …

فؤاد : الي كان بيناتكم حلوه بيناتكم بين المراة وراجلها بيناتهم ميدخل فيه عبد ويعلم بيه الله …الي نفتي ليك عليه رايي هو وسع خاطرك معاها راك عارفها فتية فعقلها وعارفك نتا واعر عليها بين طبعك وطبعها بزاف …سمع منها وعرف والى كانت غالطة صحح بالعقل وبعد على ضرب نهار نعرفك مديتي عليها ايدك ديك ساعة مغاديش نشوف فيك ولدي …

ياسين : ماضرتنيش هي ماضرني تاحاجة منها الي وقع “زير على ايدو وكزز على سنانو حتى غمض عينيه وضار جيهة لاخرا ” استغفر الله العلي العضيم ….شنو ندير مع هذاك ؟

فؤاد : خليه يلعب جهدو يعيا وينعس …

ياسين : ماعليش ماعليش …

فؤاد : يلاه تحرك نمشي نشوف حنانتك …

تنهد شحااال حتى كمل الگارو لاحو وعسف عليه وضار ركبو بزوج في اتجاه الفيرما ….

كانت هي مع يامنة ديك ساعة بدات نعيمة كتحط فالفطور حتى تحل عليهم الباب …ودخل فؤاد

يامنة “ضحك وجهها غير شافتو نسات اش واقع ” : فؤااااااد !!

نوار “ناضت ” : عمو فؤاااد “مشات لعندو كتزرب عنقاتو كيف ديما عنكش ليها شعرها وباسها فراسها وتاهي باستو فايدو ” …

فؤاد : بنتي …

نوار : جا معاك ياسين ؟

فؤاد : مشا لعند شي خدامة لهيه دابا يجي ..

يامنة : مزيان هو ؟

فؤاد “غمزها ” : مزيان مزيان …

ابتاسمات ليهم نوار وخرجات خلاتهم بزوج مشا هو نيشان باس ليها راسها وقبل شفايفها شفايف عمارة الدار تاعو بكل ح🦋🐺نور_الياسين (331)sana mina🐺🦋

صوت العصافير حطو عند النافذة كيقرقبو بمنقارهم فزاج …بدا كيتحرك حتى تقلب ضار جيهة لاخرا وتغطا …صوت تنخصيصها محبسش الليلة كلها …لحمها كلو مزوق بالضرب.. حاطا راسها على لمخدة وممددة ففراشها ودموعها دايزين …كتفكر اش وقع فالليلة الماضية كيفاش مارس معاها العنف بلا ميرحمها ولا يسمع عذابها وياثر فيه …

#فلاش_باك…

جردها من حوايجها بقات غير بسوتيان وكيلوط كتلوى تحت منو …من بعد ما مشا سد الباب بساروت وسد شرجم باش ميسمعها حد …

صفية : وما تقيسنييييييش مابغيت والو …عااافاك ندمت نداااااااااامت اهى اهى غير طلقني وجري عليا مبغيت فلوس ماتعاونيش غييير خليني ندمت ندمت …

ايساف “طلع فوق منها مكالي بايديه كيشوف فيها بشهوة غير شوفات العادية لاا كتبان قدامو جسد خاصو ياخذ منو ويفرغ فيه كبتو مكيشوفش بكاها مكيشوفش طلبها لرحمة منو ضميرو تمسح فحال حطيتي ايساف بلا ضمير ولا رحمة ولا شفقة …الوجه الخايب شافتو هي الوجه المضلم شافتو هي وهي الي كتعاني منو دابا …باش دافع على راسها ما دافعتش اكتفات بالبكاء والترجي …

ايساف “وصل عند وجهها عينيه حمرين اللون الاخضر فيهم ولا مشعشع ووجهو حمرر عروقو منفوخين منضر ديالو كيخلع ” : ششش “حط صبعو على شنيفاتها حتى بدا كيلعب بيهم وهي كتشوف فيه…كيضور على عنقها يشمشم فيه ويوصل عند فمها وايدو كتلمس جسمها حتى قرب لوجهها غمضان عينيها …

ايساف “شافها غمضت عينيها وهو يطلقها بضحك ” : هههههه وينووو يحساب ليك غانحويك وديك الاغتصاب باش تجيبي ليا الكرش وتشديني بمرة هههخخ واقدامت هاد الفكرة هاااايهاااات ناس طورت ابنت القحباااا …

صفية “بدات كتدفع برجليها باش يميل وتهرب ولكن كان اقوى منها ” : وبعد منييييييييييييييييييي….وااععععععععععع عتقونيييييييييييييييييييي…

هي كتناجي وتصرخ باعلى صوتها حست بحلقها تجرح وهي كتغوت …هز ايدو حتى هزها ونزل عليها بتصرفيقة حتى بان ليها رعدد …وعاودها تاني لحنك لاخور

ايساف “شدها من حناكها وضغط عليهم حتى خرج فمها ونطق” : تهضضضررررييييي نفرع زا*** الي حطك ….

صفية “دموعها شلال على خدودها ماقدراتش تهضر حيث حاكم ليها حناكها وضاغط عليهم حتى ضروها بجهد مع طرشة الي باقي راسها كيزنزن عليها ” : اهى اهى…”طلق منها ” …خليني ما عندي جهد ليك …خليني نمشي فحالي والله الى ندمت ندااااااامت…اه بغيتك وحلمت بيه وحلمت بفلوسك ولحضة دخلني طمع من جيهتكم فلول “كانت داخلة على احلام الطمع هادشي علاش قلت ليكم عينيها ماشي خوت “ولكن ندمت ما بقيتش بغيت …

غا قالت ليه هاد الهضرة فحال قلتي ليه هااا علاش نتا مكتحملهاش يعني الطمع وهي سباب لاش ولتي لهاد الحالة والي جرا ليك والي مخبيه …

ايساف “فحال حطيتي ليه الملح عالجرح غيير سمع ديك كنت طامعة وبانية احلامي هي الي عزل من هضرتها وهي علاش كان يقلب حتى صعر وعينيه خرجو بالصعرة وجهو حمررر عاود هز ايدو ونزل عليها بجهد تا طوش دم من منخرها وناض من من فوق منها كيضرب على صدرو ”

انااا من لول كنت عارف زاااام** الي ولدك قحبة بنت القحاااااب يا بنت الهازة عااااااارف …اناا الي ولد زوادة مشيت لعدو ربك “كشاكشو خارجة ” قلت نرضي ضميري غا جبت زبور مك وهرب ضمير مبقاش “مسح على ايديه ” طااااار …

صفية”شادة وجهها من حر طرشة ” : اهى اهى صافي انا مسااامحاك مسامحاك بغيت نمشي عافاك “ناضت من الفراش كتقلب على ماتلبس وتفتف ” …

ايساف “غوت بجهد حتى قفزت ” : جاااااااالسيييي…

صفية “غوتات حتى هي ماشعراتش حيث بصح وصلات لحدها وهي صابرة ومادواتش حيث كتقول حتى هي غلطات وعطات راسها تاهي تحمل الي جرا ليها لكن شحال قدها تصبر ؟ فالاخير غاتنفاجر ” : ومااااااغبييييييييييييييتش عطيني تيساااااااااااع عطيييييني تيساااع مابغيتش مابغيتكش مابقيتش بغيتك …عطيني تيسااااع وطلقني مساامحاااااك “ضربت حناكها حتى هي ونتفات وجهها بالفقصة كلو هبطاتو بالقميش “مابغيت والو حتى فلوس طلاق ما بغتيهمش اهى …حراااام عليك اعدو الله الله ياخذ فيك الحق الله ياخد فيك الحق …ااتفووو عليك “دفلة خرجتها ودفلتها عليه🦋🐺نور_الياسين (332)sana mina🐺🦋

ايساف “مسح دفلة مغيلف وطار لعندها شدها من عنقها زير عليها ولاحها فوق ناموسية وطلع فوق منها وجبد سمطة ديال سروالو حيدها كيهضر والحروف كيورررك عليهم صافي مع سكرة والهضرة كيسمع كتشعلو كيما كانت غا صوتها شربنو وزادت عليه بديك صافي مابقاش عقل اش كيدير عينيه مضببين وكيهز سمطة ويشحط فينما جات شحطة كيشحط وهي غواتها لله العلام ماعقلش عليها ماسمعش صوتها ابدااا وذنيه كيديرو طنننننننن …

في هاد اللحضة في بيت ايلاف وراوية من بعد ما رتاحو من الممارسة الحميمية بيناتهم ضار تسرح وجر ليزار عليه كيلتاقط انفاسو وكيشوف فالسقف من سمع اش واقع لتحت لا احد …

ايلاف : افففف ليك دخيل الرب شو اشتقتلك عم تكبري وتحلي اكثر حبيبي …

راوية : وا كبرنا الله يجعل شي بركة هاد التواخير وليت غانقوليك سلام تجرني ويلي مابقيتي تحشم الكبير فولادك تزوج …

ايلاف : ليش لساتنا شبابا حبيبي مادامنا قادرين وجواتنا شباب ايش يمنع حقي وحقك في الزواج يا خميلة (مكلخة ولا عبيطة ) …ايه بديش بطل نوم معك كل بتزيد رغبتي فيك “جرها تا شلقمها مزيان تا بدات تدفع فيه …”

راوية “دفعاتو كضحك ” : ههههه ويلي الهبيل صافي عييتيني ماكتقاداش ؟ اففف حيد حيد “ناضت من حداه لبسات شوميز دونوي ديالها ولوات عليها بينوارو ظويل عقداتو مزيان وجمعات شعرها ..” انا غادي نهبط نشرب ..تشرب ؟

ايلاف : معك معك …وتعي نكمل الي باقي …

راوية : غادي نرجع لقاك نعستي احسن هههه

ضارت كضحك عليه ماكيتقاداش تاهو موطورو نحيلة دوريجين …خشات رجليها فبانطوفتها البيتوتية وهبطات لتحت حتى بانو ليها ضواو كلهم شاعلين ولدها جاد الي يجيب الخبار مشااا لفين كيقرا حيث غايبداو المدارس يتحلو ..

راوية : اويلي شكون شعل هاد ضواو استغفر الله …

ضارت على البيوت طفاتهم حتى سمعات صوت الغوات من بيت صفية لتحت كتغوت وصوت ضرب كيتسمع …بالدهشة مشات كتجري حتى تطلق شعرها طويل تسرسب على ضهرها تحت المؤخرة …ما وقفات حتى حلات الباب على جهدو وهي تحل فمها وعينيها فديك اللحضة خرجو ماعرفت باش تبلات …صفية مليوحة كتناجي فيه وتطلب وتزاوگ غير بفمها حيث عيااات وجهدها تقادا وهو الضمير الي خلاها هو تمسح ليه من عقلو …لحمها كلو تدوق ووجهها مقموش …حالتها تبكي صخر وتشفي العدو …تعرضت لعنف بطريقة بشعة …

راوية : ياربي يااااربي اش هادشي ياااربي ياااربي “غوتات لربي الي خلقها حتى ضار ايساف وتوقف على الضرب صدرو كيطلع وينزل وعروقاتو تكب …”

راوية “غوتات بحر جهدها ” : ايلااااااااااااااااف …اويلي اويلي على ولد لحرام اويلي على ولد كرشي الله ياخذ فيك الحق اعدو الله اهى …”مشات ليه حتى لوجهو وجمعاتها معاه بجوج طرشات تا ضور وجهو ” حسبي الله ونعم الوكييييل حسبي الله …

مشات لعندها كتشوف فيها ويااااربي قطعات ليها فقلبها ما عرفات منين تقيسها ولا تحط عليها ايدها غير كتقيسها كتقفز …حتى جا ايلاف لابس تيشرت وشورط وجاي كيشوف وهو يشوف المنضر الي قدامو جاب الله ستراتها بايزار كترعدد …

ايلاف “ماعاودش سول ولا قال اش مشا ليه نيشان حتاها عليه بقجة تا روحو بغات تخرج وما قدرش يهضر معاه ولا يتحرك يمكن عاد بدا يوعى من شراب …” : ولك الله لا يوفقك لك الله لا يسامحك ياريييييت رحت غير مكان وماااا فكرت جيبك ….”ضربو بروسية جابو مشبح تا غوتات راوية ” …

راوية : الله ياخذ فيك الحق الله ياخذو فييييك خرج عليا برااااااااااااا عمر وجهك منشوفو …”غزااات سنانها فقصهاااا وعرف كي فقصها وغددها”

اننننننننن خرااااااااااااااااااااااااااااااااااج “كانت غاتسخف كون ما شدها ايلاف وخنزر فيه طار فالبلاصة خرج وركب سيارة كسيرا …”

ايلاف : شش خلص فيش ايشي يستاهل “شاف فصفية ” بنتي تحملي

راوية “كتمسح دموعها وعينيها مضببين ” : عيط لاسعاف ولا جيب شي طبيب عافاك شوف حالتها “كتنخصص عزات عليها ” …

ايلاف : تمام واخا واخا ( قلبها دارجة ) …

خرج جاب ليهم الما قراعي الي لقا قدامو فثلاجة جابهم عطاهم ليها وخرج دوز الخط لواحد من رجال وصاه يجيب طبيب وعيط لواحد شحاااال هادي ما عيط ليه الا لضرورة الخاااصة كيخدم معاه ومع فؤاد …في موسكو …

ايلاف : زافطرا برييديشيز ماسكوڤي …غذا تجي من 🦋🐺نور_الياسين (333)sana mina🐺🦋

خرج فؤاد هو ويامنة لصالون فين محطوط الفطور لقا قهوته موجدينها ليه فبلاطو ديالو …جلسات يامنة بلاصتها …جاو دراري سلمو على فؤاد …

محمد الحبيب “باسو فراسو ” : الوليد على سلامة …

فؤاد : الله يرضي عليك “طبطب عليه ”

علي”مكيقدرش يشوف فيه ديك الرهبة من هيبتو كتخليهم مكيقدروش يشوفو فيه ” : العم على سلامتك

فؤاد : الله يسلمك اولدي الله يرضي عليك ..”شاف فيه ” غذا راجع ؟

علي : الليلة نشد طريق وغذا فالليل عندي طيارة

فؤاد : بالتيسير الى بغا الله …”حط ايدو على كتف يامنة ” حنانة الولاد مرتاحة دابا ؟

يامنة”بابتسامة حطات ايدها على ايدو” : مرتاحة مرتاحة

فؤاد “شرب ما تبقى من قهوته وناض ” : نشوف الحاج “عمو” دابا

يامنة : واخا ماتعطلوش على الغذا وشوفو “على ياسينغمزاتو باش يفهم على نوار حولات عينيها ليها بزربة ” …

فؤاد : تهناي و هناي …”مشا خرج مخليهم بداو يفطرو مالذ وطاب من اطيب فطور البادية الطبيعي ”

يامنة “شافت فنوار الي ماشي هنا وماشي على برجها ” : بنتي فطري …

نوار : احم “خسرات وجهها ” مافياش …

م.الحبيب : شفتك غير كتفكري مالك هازاها منين تقالت …

نوار : ماماليش …

يلاه غاتهضر حتى سمعو تحنيحنتو وهي تنوض …

نوار : ياسين …

علي : اهيا شور اهياتا عطي لعور …اتي مالك …

حنحن ودخل حتى قالت ليه يامنة دخل لا يكون شي حد عندهم داكشي باش حنحن ودخل مغوبش بواااحد مولاتي التخنزيرة ضارب حاجة لور طالع ولاخور نازل …ومتمر …باقي هكاك ضربة فحنكو لفوق وجيهة فمو …

يامنة : ولدي صباح الخير …

ياسين “بصوت خشن من لفوووق لفوق نطق ” : صباح الخير …شوية ليوم ؟ …

يامنة : لباس اولدي لباس الحمد لله …جلس تفطر …

ياسين : من بعد من بعد ..”شاف فنوار وضار مشا زعما باش تبعو شافت فيها يامنة …

يامنة : سيري دوش هزي لالكول وعقمي ليه ديك جرحة وراه القطن كلشي تما…

الحبيب : سيري سيري الى بدا يعطي فضرب قوليها لينا …

علي : شغادير مثلا ؟

الحبيب : نهرب …

خلاتهم كيطنزو ديما ضاربين دنيا بركلة هادوك عارفين خوهم اش تيسوا كيدوزوها ضحك وخالقينها …طلعات لعندو البيت مالقاتوش كان فالبالكون واقف وحاط ايديه على الحديدات كيهضر ويشير بايديه ويضور كتشوف غير نص فوجهو كتبان ليها غوباشتو …مشات جبدات داكشي من 🍷مقتطف 🍷

#نور_الياسين

زواج هذا ابنت الناس فيه تضحيات كيف ضحيت على ودك وكنخرج نبدل ساعة باش منزيدوش فالمشاكيل ونعيشو هانيين حتى نتي تحملي وصبري حتى نجي ونهضرو كي ناس …فبلاصة هادشي راكي عارفاني كلمة جوج نمد ايدي ولا نريب الدنيا “قرب ليها عند وجهها مخنزر حيث بصح فشوشها هاد المرة ماشي فمحلو ” وهادشي الي بغيتي ؟ نواجهك ونضربك ؟ هادي هي الي عمرها تكون ولا نديرها والى درتها راني رعواني ولد العيالات وما رباو فيا الرجال غير فعايل الق…”غمض

عينيه وسكت باش ميكملهاش ” ففففف “مسح وجهو بتعب وشاف فيها ” نوار هبطي لتحت حسن ليك انا جاي من بعد ونهضرو …

نوار : مابغيتش نفطر ومبغيتش نهبط غير خليني صافي غييير خليني عافاك “تمات خارجة ”

ياسين : وفين غاديا بسلامة ؟؟؟؟

Sana Bouabid ب🦋🐺نور_الياسين (334)sana mina🐺🦋

شدها من. كتافها قابلها معاه كيشوف هادي اش تتقول واش تتفكر …هي عينيها مدمعين حمرين ومنخرها تاهو دايز وحمر …حيث فعلا خلعها عليه هو مكانش ناوي يبقى تال ديك الوقت ويبات برا لكن الي وقع انه رجال عيسى الي تبعوه هما الي عطلوه حتى تدخل فؤاد ورجالو فاخر لحضة الشي الي خلاه تعطل …والسبب لاخور انه مشا يبدل ساعة باخرا حيث عارف راسو فاش كيتعصب كيخرج على السيطرة وحتى هي يضلمها وخا عارفها مغاتوصل عيسى متقرب ليه ويصدق جامعها حتى هي ….

ياسين : اش كتخربقي نتي ؟؟؟؟

نوار “مباغاش تشوف فيه ” : بغيت نمشي لازرو “كطلع ليها تنخصيصة ” …

ياسين “طلق منها وضار كيحل فسمطة سروال ” : نزلي …

نوار : بغييت نمشي لازرو …

ياسين “الصمت مجاوبهاش عارفها ا هبيلة هاد ساعة مراشقا ليه لفشوشها ” …

نوار : واااا بغييييت نمشييييييي اهى اهى …

ياسين “ضار مشربن لعندها ” : نواااااار …تحااااااااااركي هبطي لتحت …

نوار “هزات كتافها ” : الااا بغيت نمشي اهى اهى خلييييييني نمشييي ترتاح من صداعي شوي (زعما راه غانرجع يحساب ليك هههههه ) …

ياسين : شكيت عليك ؟ شكييييييت عليييييك ؟ لا …تحركي نزلي لتحت حسن ليك …

نوار “جلسات فوق ناموسية ” : غير خليني نمشي احسن ماشيا ماشي خليني نمشي حيث عييت ملي جيت وانا فمشكيل تابع لاخور وكتهز ليا خاطري والو كنجبد المشاكيل …والي ضرني اكثر هو كتغبر وكتمشي ايه كتبدل ساعة باخرا ولكن مكتخليش ليا ميساج تريح بالي عليك “شافت فيه ودموعها نازلين ” عرفتي البارح منعستش ماكليتش وبقيت فايقة حتى لدابا وانا كنتسنى فيك غير باش تدخل ونشوفك لباس وفلاخر تقوليا بدلي ساعة باخرى …غانبقاو هاكا ملي جيت لهنا ونتا فالمشاكيل بسبابي نمشي حتى ترتاح ونرتاح حتى انا ….

ياسين “عاض على سنانو …غمض عينيه كيحاول ياخذ نفس وطاقة باش يجاوبها مهدن ” : مجبتي ليا حتى مشاكيل ماشكيت عليك ما قلت ليك ضريتيني انا هاكا داير “هز ايديه بجوج” نبدل ساعة باش يتحد الباس ابنت الناس الى تواجهتي معايا وانا صاعر غادي نعصى الله وندير شي تصرف غادي تگدمي فيه ونصدقو فما كفس …زواج هذا ابنت الناس فيه تضحيات كيف ضحيت على ودك وكنخرج نبدل ساعة باش منزيدوش فالمشاكيل ونعيشو هانيين حتى نتي تحملي وصبري حتى نجي ونهضرو كي ناس …فبلاصة هادشي راكي عارفاني كلمة جوج نمد ايدي ولا نريب الدنيا “قرب ليها عند وجهها مخنزر حيث بصح فشوشها هاد المرة ماشي فمحلو ” وهادشي الي بغيتي ؟ نواجهك ونضربك ؟ هادي هي الي عمرها تكون ولا نديرها والى درتها راني رعواني ولد العيالات وما رباو فيا الرجال غير فعايل الق…”غمض

عينيه وسكت باش ميكملهاش ” ففففف “مسح وجهو بتعب وشاف فيها ” نوار هبطي لتحت حسن ليك انا جاي من بعد ونهضرو …

نوار : مابغيتش نفطر ومبغيتش نهبط غير خليني صافي غييير خليني عافاك “تمات خارجة ”

ياسين : وفين غاديا بسلامة ؟؟؟؟

نوار “جاوباتو وهي غاديا فحال شي بنية جارا دبدوبها عندها ست سنين ” : بغيت نبقا بوحدي …كيف قلتي ليا خليني عليك حتى انا خليييك عليا …”خلاتو كيشوف وخرجات سدات الباب مخلياه غير كيشوف …من ناحية هي غالطة ومن ناحية هو غالط مابغاش يقوليها تبعوني رجال عيسى باش متخلعش وماتزيدش تبقا تخاف ومن ناحية مابغاها تبقى غا مخلوعة وتحس براسها دايرة ذنب هي مدايراهش اصلا وزايداه بفشوشها الي نوع ديالو مخاصش يكون فالحياة الزوجية وهي كلمة جوج ديني لدارنا ؟

دخل هي مشات لبيت الي كان مخصص لضياف وسدات عليها وتكات فوق ناموسية ضارت لجيهة لاخرا دارت ايدها على حنكها وتكات كتفكر ملي جات وهي كتجبد مشاكيل يا بقصوحية راسها يا بعنادها يا غير المصائب شي مرات كيطيحو عليها غالله كل مرة واش …كتلاحض خوفها منو شي مرات من لا شيء والي فطبعها خايب مكتقلقش دغيا ولكن فاش كتقلق كتشد فتقليقتها مكيهضروش معاها حتى كتفش راسها وترجع شوي بشوي لطبيعتها …تقلقات من خوفها عليه ومعارفاش السبب الي خلاه يتعطل …

نوار “تنهدات فحال شي بنية صغيرة ونطقات من اعمااقها ” : كنبغييه والي حلمت بيه حاجة والي كنعيشو حاجة بعييييدة على الي حلمت بيييه …”حكات حنكها على ايدها وسرحااات كتفكر 🦋🐺نور_الياسين (335)sana mina🐺🦋

الما نازل عليها من رشاشة سخون شوي باش يكمد ليها عضامها ولحمها الي دگدك بالعصا وضرب حدا فمها منفوخ وتحت عينها ليمنى زرق ولحمها كلو مزوق بالسمطة تعرضات لعنف كأنها حيوان ماشي انسان وحناكها عامرين قميش بنديب الي ندبات …كل مكينزل عليها الما كل مكتگمز (يعني فحال تتقفز فاش كتحس بيه عگرها) …حتى دخلات عليها راوية طلعات بدلات حوايجها مخليا طبيبة كانت تتكشف عليها وعطاتها مراهم ومعقمات لجرح الي خلفو ليها ضرب والقميش بضفارها حيث ضفار كيكونو مسمومين الى جرحو لحم كيخصك معقم ولا مرهم لميكروبات …..

راوية “جرات سكة الباب ديال دوش الي فيه رشاشة …شافتها قفزات وكحازت لهيه قطعات ليها قلبها وخصوصا هي كيتخوا الما عليها ودموعها هوادين …” : شش غير انا بنتي غير انا …ماتخافيش …هاكي هادو هما باش تعومي هذا فيه معقم لذاتك وهذا غسلي بيه شعرك قادرة ولا نعاونك ؟

صفية “مدات ايديها خذاتهم من عندها وباش تهضر صوت مشا ليها بالغوات الي غوتت “..

راوية : غسلي وخرجي انا فالبيت باش تلبسي صافي “حركات ليها راسها بالايجاب …شافت دموعها نزلو فاش بعدات على رشاشة كمشات راوية حجبانها باسف عليها والعافية كتشعل من جيهة ولدها الي خسر ليها وجهها وحطم ليها امالها فتربيتو الي خرجات ليها فالصو ”

خرجات وخلاتها مشات جبدات ليها ماتلبس بيجامة قطنية مزال جديدة حيدات ليها البلاكة الي فيها كانت فالزيتي وفيها رسومات كرتون بالاسود والحمر وتقاشر ودوبييس بيضين مشبكين …حتى خرجات لاوية عليها فوطة فشعرها وبينوار ووجهها كلو كدمات كتحاول راوية تمسك راسها حيث بصح منضرها معنف بشكل يقطع القلب والخاطر …

راوية : اجي ندير ليك هاد بومادات وصبري ابنتي وسمحي ليا الله يرضي عليك …

جلسات مسكينة ما دوات ماتكلمات بدات كتذهن ليها وهي كتقفز ردموعها دايزين وراوية دموعها حابساهم منضر صفية اليتيمة مايبغيه لا ربي لا عبدو وتكون الي كانت مهما كانت كتبقى يتيمة ماعندها لا حنين لا رحيم …لا الي يتهلا فيها سوى من باب الشفقة لا غير …لكن باش الواليدين الي يتهلاو فيها من القلب حيث طرف منهم راهم عند رب العالمين …

راوية : قصحتك ابنتي ؟

صفية “حركات راسها زعما اه ”

راوية : سمحي ليا غير صبري ندهن ليك ولبسي حوايجك وهاكي فطري ابنتي وشربي هاد دوا ونعسي خودي راحتك …

صفية “هضرات بصوت باح بزز باش كيتسمع ” : ب ب بغيييت نمشييييي فحححاااليييي …

راوية : مكاين فين تمشي نتي مرت ولدي دابا فمقام بنتي الي عليا نعاونك تتوقفي على رجليك وسيري عيشي حياتك كي الناس …”كتهضر وتلبس فيها ” والى عليه عطيتك العاهد ابنتي عمرك مزال غاتشوفيه ولا يشوفك …عندك الباك ديالك هنا ؟

صفية “حركات راسها”

راوية : عطيه ليا وقولي ليا اشمن شعبة بغيتي وندفع ليك انا وايلاف قراي وانا “كضرب على صدرها ” منكونش بنت رمسيس الى موقفتش معاك تا درتي بلاصتك وخدمتي ودرتي دارك وكملي ديك ساعة قرايتك …غادي تخدمي وكملي قرايتك ونهار تقدري تخرجي تكري ولا تقدري تصرفي على راسك وعندك مدخول ديك ساعة سيري من هنا ….واخا بنتي ؟

صفية “غمضات عينيها وتلاحت عليها عنقاتها فحال شي وحدة لقات امها ولقات الحنان هو الي سافتو فراوية وتعاملها معاها هي وايلاف خلاوها تحس براسها انسان حيث هي تعاملو معاها بانسانية وبالانسانية كلقاو اجر كبير عند الله وخصوصا اليتم والي معندوش فهاد الزمان …حتى الحيون يحتاج الانسانية فما بالك بالانسان الضعيف….

راوية “كدوز ليها على ضهرها وصفية مخشية فيها” : سمحي ليا بنتي سمحي ليا مابغيتش هادشي يوقع ليك …الي خصاتك قوليها ومتحتاجيش تشاوري معايا هادي دارك وكلشي ديالك كولي وخرجي وضوري معايا وسافري وعيشي تايسر ليك ربي طريقك وتيسري ابنتي غير سمحي ليا وامتحقديش على ولدي واخا مادارس المزيان غير مكانش هكا نعوضك بالي كان وخا عارفة منعوضكش بالي دارو ليك …

شوي دق ايلاف الباب ودخل شافهم هكاك ووقف شاف في راوية وقال بالدارجة

ايلاف : جات الاخصائية النفسية …

راوية : دخلها هنا …

حدر راسو ومشا لعند طبيبة النفسية الي جابو ليها والي وصاتهم طبيبة الي جات شافتها بانها خاصها ضرووري تشوفها لانها مثلها مثل النساء الي تعرضو لعنف من طرف 🦋🐺نور_الياسين (336)sana mina🐺🦋

في مدينة ازرو …فوق الفوطوي جالسين بزوج بيهم راس فالراس من بعد ما اخبرها باشنو وقع فاش دوز واش عرف وبطبيعة الحال غايقوليها وتعرف لانها شريكة حياتو نصفو الثاني غاتهز معاه همو ويتقاسمو همومهم بزوج الزواج فالشدة والمرض والفرح والقرح وحتى فالمعانات …كتاكل فشفايفها حابسة البكية الي فالاخير ما قدراتش تحبسها ماقدراتش خانوها دموعها وغدرو بيها احاسيسها وانهارت بالبكا …

يسرى : لا لا لاااااا ميمكنش ايوسف مااايمكنش …علااااش ماقلتيش ليا راك مريض بزاف ونوقف عليك منخليكش توصل لهنا اهى اهى …”كتعصرررر فعينيها بالدموع وحرقة شعلاات فصدرها العافية كتاكل فيها ” مانقدرررش ايوسف اكيد غالطة انا كنعرفها تشخيصاتها غير اولية كنعرف مروة مزيان كنعرفها …مايمكنننننش اهى اهى …

يوسف “مابغيش يفشل باش ميزيدش عليها جر ليها ايديها بزوج جمعهم وسط ايديه وباسهم بوسات متفرقة ” : راني عااارف وحاس ما بيا والو وااخا يكون غادي نصبر ونكافح باش نبرا …فصراحة مابغيتكش تعرفي حيث عارفك هشيشة من جيهتي انا وبناتك غادي تعذبي معايا وفلاخر مغادي نلقاو والو غير مرض بسيط …

يسرى “شافت فيه وشفارها ملاصقين بدموع ” : واش هبلتي ايوسف ؟ واش هكا فكرتي ؟ انا نخليك ؟ راني طبييييبة ودايز عليا حالات وشفتهم وقريت عليهم ودازو بين عينيا …ونتا راجلي وحبيبي وبات بناتي راك نصي الثاني كيفاش نتعذب على قبلك كيفاااش اهى اهى …”كتنفي براسها وشدات على صدرها كتحك فيه بايديها حسات بشهقة واحلة ليها ” مانقدرش ايوسف مانقدرش الا نتا “هزات عينيها ” يااااربي تسمح ليا راني مانقدر على فراق حد فعائلتي ياربي ماترزينييييييش فيهم …

قطعات ليوسف قلبو الي هو كلو مريض عزات عليه وزادت تكفسات عليه القضية كيشوف اقرب ناس ليه غايتعذبو بسبابو وبشباب مرضو ضغط على نفسو وجرها كلها لعندو دافن راسها فصدرو كيدوز على شعرها مخليها تبكي …

يوسف : ششش مغاديش نموت كنواعدك مغانموتش حتى ضفري معايا جوج شيبات الي بقاو …نحضرو لولاد بناتنا ونشوفو ولاد ديك نص كيلو ديال نوار الي ماعرفتها واش غاتولد ولا تربي راسها …

يسرى : مغاديش تموووت اهى اهى مغاديش تخليني واعدتيني تزوج بناتنا ونشوفو ولادهم ضايرين بيهم ونديوهم انا وياك نسافرو بيهم ياااك اهى …

يوسف : كنواعدك والله …هانتي باش تاكدي شوفي فيا …

يسرى “شافت فيه كتمسح دموعها ” : هاني شنو …

يوسف : غادي ندوز وغادي تكوني معايا ياك …نبرا نولي لبسا تولد ديك نص كيلو ديال نوار…

يسرى”ضحكها” : علاش تتقوليها نص كيلو حرام عليك …ههههه

يوسف : الكادر الي فيها اما كلها بفعايلها نص كيلو …ماعلينا …

يسرى : واخا وعلاش ماشي مينة حتى ولادها ؟

يوسف : انا عيني ففحم الفعايل ندي ليه ولادو باش يجذب عليا يعرف غايخلينا نجذبو حنا …

يسرى : هههههه والله الى راك هبيل وانا دايرة فيك عقلي …

يوسف “ضحك ” : هههههه “حدر راسو ورجع شاف فيها بجدية ” …الي بغاها الله هي الي غاتكون الله يعطيني غا طولة العمر والي كانت تحضر …

يسرى”هزات الملف الي وراها ديالو كتقرا فيه ” : خاصك تبدا اليوم ؟ شنو كتسنى يلاه نمشيو ؟ “ناضت مزال كتسحت بمنخرها مع البكا ”

يوسف : كنتسنى الياس باش نعطيه شي ملفات هو الي غايشد بلاصتي فالخدمة غير بزز اما تاهو دار ليا حالة …”شاف فيها كياكد ” وياك تقوليها لمينة ولا نوار ولا شي حد فدار من غيرك نتي والياس وصهيب …ماتشطنيهمش دابا …

يسرى : واخا غير نوض منتعطلوش يلاه كيما بكرتي احسن …

شوي حتى تم جاي الياس من لداخل هاز فايدو شكارة فيها وراق الخدمة وجاي هاز فايدو لاخرا كاس قهوة كحلة كيحل بيه عينيه حتى وقف عليهم بغير نفس مضرووور من جيهة خوه وهاز دقة غييي ساكت …

الياس : صباح الخير …

يوسف ويسرى : صباح الخير …

يوسف : هزيتي الملفات الي حطيت ليك ؟ وصيت لوليدة توريهم ليك

الياس “بغير نفس ” : وي وراتهم ليا وهزيتهم ..”تنهد ” شنو غاتمشي دابا ؟

يوسف “ناض وقف تقابل معاه ” : يلاه يلاه اخويا …

الياس “حدر عينيه لارض وحط الكاس كيحنحن بغا يهضر ومقدرش حس براسو تشل عن الحركة باش يهضر والو ماقدرش وهادشي كلو سبابو البكية الي حابس بزز ااااااايه بكية ومخيبها بكية الرجال الى بكاو هذا ان دل فانه دل على انه ماصبرش وانهار …

يوسف : ششش الياس !!! اش قلنا …”الياس ضور راسو جيهة لاخرا ودارو دموعو سرررررر حتى جرو يوسف وعنقو بجهد تا تخبط عليه ” ششش الياس خويا وصاحبي الي منفرطش فيه …واش هبيل انا نخليكم ؟

الياس : نتا راك با من بعد الوليد وفؤاد نتا هو شريكي وصاحبي وفردتي حتى انا واش نقدر نتفرق على فردتي اعباد الله كلشي نصبر ليه الا واحد مني يمرض …ااااااخويا راني ماقدرتش اخويا اااخويا صدري شعلات فيه العافية وشكون يطفيها …

يسرى تاني نزلو دموعها يجرييييو تاهي …اما يوسف صبر مسكين تا عيا وطاحت ليه دمعة بالخف مسحها وحل عينيه هزهم لسما باش ينشفو …

يوسف : راني داير جهدي وغانزيد نديرو ونطلب ربي مايفرقني عليكم ويكون غير الخير تفائلو وعاونوني ول🦋🐺نور_الياسين (337)sana mina🐺🦋

خرج من دوش بدل حوايجو خلا شعرو مخربق معندوش الگانة الي مشات ليه باش يمشطو ويعطيه الخاطر كلشي تيتلاقا عليه لا تمارة لا خدمة لا مشاكيل كل من جيه والي زادو حتى التيليفون الي جاه من عند الكوميسير كيخبرو بالي زوج قدمو بيه دعوى قضائية وهما نفسهم الي دگدگهم عصا وقدمو بيه دعوى غير جاب الله الكوميسير صاحبو اما كانو غايوقفو ليه عند الباب وتولي فضيحة حتى كلف صهيب من بعيد يتكلف وشرح ليه الوضع بانهم تحرشو بيها فارضو وبلادو يعني هما هاجمين معندهم ميصور سوا الخسارة….هبط

لتحت لقا دراري عاد كملو الفطور وكان علي واقف كيعطيوه فالماكلة وداكشي الي عطاه ياسين يديه معاه هو والحبيب لازرو والي يدي معاه هو نيت لالمانيا ممخليه خاصو والو …لقاهم واقفين برا ومعاهم يامنة …

علي : يلاه الخالة الفجلة تهلاي فراسك وشكرا على الضيافة اخالتي وسمحووو ليا تقلت عليكم …

يامنة “صرفقاتو بضحك ” : هههه الله يمسخك صوابك كي ماسخ …

م.الحبيب : شوي وغانتيق …

علي : ههههه ابغيت نجرب “باسها فراسها ” تهلاي نسالي ونجي ان شاء الله …

الحبيب : الحنانة تنتشاوفو لهيه …

يامنة : هضر مع باك قوليه راك مشيتي ..

م.الحبيب : ضروري غادي ندوزو عليه اصلا هنا عاد نتيسرو …

ياسين “جاي بتيشرت وشورط قصير مغوبش وشعرو مخربق وباين عليه مريض ومعندو خاطر ” : شنو غادين ؟

علي : وايييه “شافو ماهواش ” كتبان عيان لا ؟

يامنة “ضارت شافت فيه بان ليها عينيه حمرين وحطات ايديها على حنكو كتقيس فيه وتقلب وهادي هي الام ” …سخوون يا ولدي …

ياسين “باسها فكف ايدها ” : غير بحرا دوشت ماتشغليش بالك …

الحبيب”قرب لمو وهضر معاها كيعنق فيها وفنفس الوقت تيهضر مستغل ياسين تيسام على علي” : المهم نوار سلمي عليها واخا سلمات علينا سلام ناقص قولي ليها واخا عليك ووسعي خاطرك وسيري شوفي راجلك راه مريض مااعجبنيش

يامنة : واخا ولدي تهلا فراسك تانجيو حنا..”شافت فعلي ” ولدي رد بالك لنجوى معاك ومرة مرة سير عندهم ماتحبسوش زيارات عليهم …

علي : هناي عليهم من ناحيتي …

تسالمو معاهم ومشاو من بعد ما قادو داكشي فالكوف وتيسرو شدو طريق ….ضار ياسين عنق يامنة حتى دخلها جلسات فبلاصتها مقادرش هو يتحرك …

ياسين : الحنانة انا طلعت نرتاح الى خصاتك شي حاجة فيقيني ..

يامنة : ولدي شوف مرتك وهضر معاها ووسع خاطرك غير وسعو اودي على وجهي شوفها مالها …

ياسين “تنهد عيااااان بجهد راسو كيزدح وتقيييل عليه ولا غير باغي يسايس غير باش يرتاح ” : يكون خير يكون خير …

يامنة : اجي تفطر وشرب شي حاجة تخفف عليك “بغات تنوش شدات جنبها ”

ياسين : شش غير جلسي مافياش مافياش الحنانة غير رتاحي…”تم غادي صاير باش يطلع”

يامنة : وغاتبقى مريض هكاك “باسف عليه ساعاك هز غير ايديه وهبطهم ومشا مخليها كتشوف فيه عيان نيييت “الله ياولد كرشي ومن خيبك بعكس …

شي ساعتين هكاك وهي تنزل نوار كانت فالبيت لاخور الي لفوق مانزلاتش ابدا من الي سلمات على دراري وهي تما حتى من تيليفونها خلاتو فالبيت ديالها هي وياسين …لقات يامنة فالبيت مع فؤاد كان كيدوش وهي كتحط ليه فحوايجو دخلات لكوزينة لقات نعيمة كتوجد فالغذا ودايرة الخضرا فالخلاط كتطحن فيها …

نعيمة : بنتيي هاهي وجدات باش تديها لراجلك …

نوار “استغربات ” : علاش ؟؟؟

نعيمة : اويلي راه سخانة طيح فيه وتنزل ابنتي عاد هبطات من عندو يامنة قبل متنزلي …

نوار “دارت ايدها على فمها ” : سخانة !! اويلي ؟ خلاتها كتهضر ومشات كتجري طلعات لعندو لبيت حلاتو لقاتو مغمم ومضلم وهو مجبد فوق ناموسية بحوايجو تلاح ونعس شعلات ضو قربات ليه لقات وجهو حمررر وطاااايب …

نوار “القلب البريئ مسكينة غا ماجاب ليها فمها قاستو لقاتو طااايب بجهد” : ياسيين مالك ؟

ماجاوبهاش ميييت بسخانة بالدعقة مشات لدوش فزگات لفوطة صغيرة وجابتها حطاتها ليه فوق جبهتو كتفتف خايفة عليه نسات واش مخاصمين ولا واش مقلقة منو وتاهو منضر ديالو كان كيقطع فالقلب نااعس مجبد داك صنديد الفزعي العصبي الحنين القلب البيض رغم ذلك والي كيهابوه ويخافو منو هاهو مجبد طريح الفراش

نوار : مابغيتش نمشي مابغيتش غير كنضحك معاك والله. سمح ليا …

ياسين “حل عينو بزز مجبدييين بالسخانة وقال بلا شعور مد ايدو جرها لعندو عنقها وباس ليها راسها بتعب ماحاسش اش كيدير مع سخانة ” : غااتقتلييني امفششة الفعايل …

#تصبحن_🦋🐺نور_الياسين (338)sana mina🐺🦋

اول يوم ليه اول الفحوصات الدقيقة الي غادي يبدا فمشوار المرض اول فحوصات الي غاياكدو بناءا عليهم غايبداو رحلة العلاج واش سرطان ورم ام مجردة مرض عادي وعندو نفس الاعراض …بدا اول الفحوصات الي هما التحاليل عاد عندو موعد باش يدير ليريم وباقي الفحوص الاخرى ولكن كيبقى ليريم او(

هو الادق وهو الي كيعطي النتيجة النهائية …

مروة “بابتسامة ” : ياكما عييتي اسي يوسف ؟

يوسف : لا لا دكتورة مزيان …

يسرى : شنو حالتو دابا ؟ باقي الفحوصات الى كان ليريم منضنش يحتاجهم لان لولين كافيين ليريم غاياكد او لا ؟

مروة”تحرجات ” : اا ؟ اه ليريم غاياكد لينا …

يسرى : امتا عطيتيه موعد ؟

مروة : غذا فالصباح ان شاء الله التوقيت راه عندو تما …

ابتاسمات ليهم ومشات مخلياها معاه لبس حوايجو الي لفوق حيث دار راديو لصدرو وناض …عاد خرجو من الكلينيك بزوج …

يوسف : تي مالك درتي لطبيبة هكاك ؟

يسرى “ضارت خنزرت فيه” : ياكما بقات فيك ؟

يوسف : هااا ؟ لا لا غا شفتك فحال كتنفخي عليها …

يسرى : ولاحضتي تنفخت عليها ؟ كااااع ايوسف هادشي قشعتيه …

يوسف : ولا غير صوتك كان مجهد شوي فحال …

يسرى : صوتي مجهد شوي ؟

يوسف : وانا الي مجهد نعل جدي انااا …اتي مالك …

يسرى : مروة عينها فيك عينيها ماعجبونيش …

يوسف : عينيها غا صغيورات وزرقين كاع ما كيبانو …”ماقدرش يضور حيث الى ضار واحد لهلوب تاع العافية غايشوط ليه الوجه ” غا خوييييبة اش بغيتيها …

يسرى : عينيها تاهما شفتيهم وصغار ؟

يوسف “بغا يندب ” : يسرى راني مرييييييض تا شبنا عاد بديتي تغيري …

يسرى “دارت ايديها على جنابها ” : ملي عرفتك ونتا عينيك ماشي خوت …

يوسف : لا وتقول واش خوت …

يسرى “ابتاسمات بغيض ” : ومعتااارف ؟؟؟

يوسف : لا عندي عين تخرا ولاخرا تقلب على كاغط ههههه “عنقها ” اجي ليماك هنا تي اش بغينا بشي طبيبة عينيها ماشي خوت …رابحة الحولة انا عندي لالة العيالات العينين حرشين يحنتو عشرة زينات والدراع وام لجوج طوفيطات تاع الماكلة مال مهم خلاص تاع نننن “بغا يهضر فوذنيها ”

يسرى “دفعاتو كضحك ” : ههههه حيد الله يمسخك ماااسخ ونتا شايب بنتك غادير الولاد ونتا متحشم …”مشات سبقاتو لطوموبيل ”

يوسف : واااعليا بليمييييين داك فحم القوافي وولدهم تنخطفهم …

يسرى “وقفات ” : وعلاش هادشي كلو ؟ مالك معاه …

يوسف : فزعي فزعي مجهد واعر وماضي وحااااررر وعطيتو وحدة هشيشة تقولي ليها سلام تسخف …

يسرى : الي عطا الله عطاااه عطيتي ولات تحت جناحو معندك عليها لين …زيد زيد نرجعو تاكل ليك شي حاجة مريض وما مفاك …

يوسف : اجي ترجعي معايا غذا عند طبيبة ؟ غا بقاي نمشي انا دغيا ونرجع …

يسرى : يوووووووووووووسااااف رجلي برجلك …

يوسف : يناري راه نتي الي كاينة وخا هي مزويناش عينيها زرقين وكتهضر مزيان “بيضت فيه عينيها ” وجهها كي عرام لفت المحفور خههخخ امتغضبيش تنضحك عماك “دخل لطوموبيل وجرها من حناكها شف🦋🐺نور_الياسين (339)sana mina🐺🦋

هبطات من عندو كتزرب دخلات على نعيمة لقاتها بغات طلع بلاطو وشداتو من عندها …

طلعاتو وحطاتو حدا راسو باقي متختخ ماجايب دنيا خبار وهادي هي السخانة …معمرها قابلت شي حد كانت هي الي مولفة يقابلوها هي محور الاهتمام والفشوش ودابا تحطات فموقف هي الي تقابل لاول مرة وشكون ؟ زوجها الي قدامها طريح الفراش وسخانة تخضخض فيه …

نوار “ماعرفتش شنو دير قاست ليه راسو لقاتو طايب جابت المحرار باش كيقيسو درجة الحرارة من علبة الاسعافات تتفكر داكشي الي كتشوف كيديرو وكدير ماماها …مشات لعندو قربت ليه ” : ياسين حل فمك ندير ليك هذا عافاك …

ماجاوبهاش وعاودت تاني حركاتو عاد حل عينيه …

ياسين”بصوت منخفض تابعاه البحة” : شنو ؟؟

نوار : خليني ندير ليك هذا تحت لسانك عافاك باش نعبر ليك سخانة شحال فيك …

ياسين : ما …بلاش بلاش “ضار عطاها بضهر كيهتهت مباغي لا ياكل لا يشرب باغي غيير ينعس صافي …”

نوار : وخليني ندير ليك غير هذا …

ياسين : نوااار الله يرضي عليك …

نوار : غيير نعبر ونعس ولا كول شوية نعطيك شي دوا ولا شي حاجة ورتاح واش بغيتي تبقا هاكا ؟ عاااافاااك ..

ياسين : تت “مد ايدو” : اريه اريه لهنا ..”شدو من عندها دار ليها خاطرها غا بغا يسلك اما من عادتو كيبقى هكاك مريض حتى كاينوض يشرب شي دوا الى تزير عليه الحال وصافي …دارو تحت لسانو ونعس نساه هههههه حتى سمعاتو كيصوني عيطات ليه تا عيات مابقا جاوبها حيداتو ليه وهي تلقا الحرارة 39,5 * …

نوار : هيييي طالعة بزاف …”جاتها الخلعة والخوف عليه ”

حتى دق الباب كانت يامنة الي حلات من بعد ما سمعت صوتها جايا بشوية شاذة جنبها وقفات عليها …

يامنة : امضرا نزلات ليه شوي ؟

نوار “وراتها الميزان ” : هانتي شوفي …

يامنة : شوفي تما كاين شي خافض الحرارة ..

قلبات لقات باكية باقي فيها ساشيات جابت كاس وحطاتهم وهي تمشي يامنة جلسات حداه كتفيق فيه وهو حمررر وجهو طايب وعينيه مجبديين وشعرو مخربق واحد المنضر كيبان وخا مريض ولا كيوت ههههه …

يامنة “كدوز على شعرو وتقيس فيه وتقلب تقولي وليد صغييير وهو قد شحط ماجبد ما قدر يفيق غاااب مابقا جاب لدنيا لخبار …” : ياسين يااسييين ولدي واخا تشرب دوا ؟

ياسين : الحنانة من بعد …

يامنة : والله يرضي عليك

ياسين “ناض هز راسو عينيه مسدودين مطلع حاجب لسما ومنزل لاخور لارض شير ليها بايدو زعما عطيه ليا عطي …”

مشات نوار بزربة خلطاتو ليه وجات كتجري عطاتو ليه شدو من عندها دقة وحدة شربو وتلاح حط عليه مخدة فوق راسو هاد الحركة كتفهمها يامنة زعما خليوني طرونكيل هاد ساعة المطارق كيدنذنو ليه فراسو ”

يامنة “شافت فنوار ” : دار المخدة على راسو صافي خليه يرتاح دابا تهبط ديه سخانة شي شوية وطلعي شوفي وعطيه الى بغا ياكل …

نوار : غير هبطي اخالتي الى بغيتي انا غانبقا هنا حداه …

يامنة : واخا بنتي الي بغيتي …

ناضت خرجات بشوية هبطات طمنات فؤاد عليه وخلاتهم هزات تيليفونها وتكات فوق فوطوي حداه …بقات تقلب فتيليفون هضرات مع باباها مجاوبهاش وماماها نفس الشيء خلات ليهم ميساج بقات تقلب وتقلب حتى غفاات بيها عينها حتى لعشية طلات عليهم يامنة لقاتهم ناعسين بجوج وخرجات خلاتهم حتى وصل المغرب اذن ماحسات كاع امتا نعسات حتى كتحس بشي حاجة كتعنكش فيها …

نوار “كتحاول تحل عينيها مغوبشة باش تركز وتشوف اش هادشي كينغش حتى حلاتهم بان ليها شعرو المخربق وهو هابط بفمو كيبوس فعنقها وينغش ” : ياسيييين …

ياسين “هز راسو عينيه ناعسيين ” : شنو زعما نتي الي نعستي …

نوار “ابتاسمت كتحب فعينيها ” : ماحسيتش حتى نعست كنت كنصوني لبابا مجاوبني ونعست …

ياسين : تغذيتي ؟

نوار : لا مزال …

ياسين “ضربها بلطف على جنبها ضربات متتالية وناض وقف ” : يلاه نزلي انا جاي …

نوار : باقي فيك سخانة ؟

ياسين : لا لا شوية …”دوز على شعرو كمش عينيه وحلهم ” انا ندوش ونهبط …

تشبحات وهي تنوض كتفوه جمعات شعرها ووقفات حتى حسات بلارض مشات وجات بيها كون ما شده🦋🐺نور_الياسين (340)sana mina🐺🦋

حتى شدها ياسين من جنابها وضور ايديه ورا ضهرها بزربة تدخل كانت غاتجي لارض حسات بدنيا ضارت بيها …ووجهها ولا صفرر …حتى جلسها فوق الفوطوي …جاب ليها كاس الماء عطاها شرباتو

ياسين : شش ..شنو مالك ؟

نوار”دارت صباعها كمشت بين عينيها ” : والو غير مع نعاس …

ياسين : مكانتش فيك قبل ؟ “ميل وجهو كيشوف فيها بتاكيد ” …

نوار : ماعرفتش هي كانت كتجيني فوقيتة القرايا ولكن مبقاتش كتجي بزاف حتى دابا عاودت …

ياسين : دوزتي عليها ؟

نوار “بنفي ” : اهء معمري دوزت كنت كنقول غير حيث مكنفطرش فصباح وشي مرات فطوري معطل هذاكشي باش فاش رجعت كنفطر فالوقت مبقاتش …

ياسين : فطرتي ليوم قبل منجي صباح ؟

نوار : لا مافطرتش “حدرات راسها وفهم انها كانت مقلقة ديك الساعة ”

ياسين “عض شفايفو شحال وهو كيشوف فيها مركز فالاخير ” : واخا ماعليش ..هبطي انا جاي …قادا تهبطي دابا ؟

نوار “بايجاب ” : اه اه نقدر عادي دابا …

ياسين “شد ليها حنيكاتها بقجهم تا خرجو شفايفها باسها فيه ” : يلاه نزلي شوفي يوجدو شي حاجة ناكلوها بزوج

ابتاسمات حشمانة من البوسة حيث كانو مخاصمين وبطريقة غير مباشرة تصالحو بلا ميبررو لبعضياتهم ولا يعتاذرو تصالحو بطريقة عفوية وهذا ان دل فانه دل على ان بزوجهم عندهم نقطة مشتركة وهي القلب البيض والحنين رغم كل شيء …دخل هو دوش بما دافي باش يتوگض من ديما مكيعجبوش يستسلم لمرض رتاح ليه شوي دار ليهم خاطرهم وشرب دوا عطا لراسو راحة خرج من دوش لبس حوايج جداد غير ديال دار حيث مزال مقادرش باش يخرج لحتى بلاصة ومنها يعطي وقت لدارهم يجلس معاهم ويعطيهم حقهم بالاخص واليديه ومرتو الي هبط لقاهم جالسين الا فؤاد الي مشا لجامع …بزوجات كيهضرو مكالمة فيديو مع يوسف ويسرى …

يوسف : بنتي شفت وجهك صفر ياكما خلعك ذاك فحم الفعل …

نوار : اهههه الا مدار ليا والو بابا نتا الي كيبان ليا وجهك عيان ماشي وجهك الي ولفت …

يسرى “ضورات وجهها حيث فعلا وجه يوسف تبدل ضعاف ووجهو صفر وتحت عينيه كحل ” ..

يوسف : هههه لا لا مزيان ابنتي غير تبلو عليك الوجاه ولفتي خنشوش راجلك مگضر على بوك وصحيح جيتك فشكل …

نوار “تزنگات ” : هههه بابا…

يوسف : مازال مناوياش تجي لقرايتك ؟

ياسين “تلاح حداهم شعرو كيف خرج من دوش خلاه مخربق وباقي مزنگ بالمرض ” : مبقاتش بغات تقرا غاتجلس حدا راجلها وتقابل دارها سي يوسف …

يوسف : ايييه تزيد غا عام وتمشي دير الي عجبها اصبر هاد العام وديها بمرة نتا سد عليها كاااع …

ياسين : واخا مرحبا …

يوسف : الفجلة فين خويا ….

يامنة : مشا يصلي المغرب ويجي …

يوسف : وا شوفي قولي ليه جيو يقدر نموت ههههه “خرجات يسرى عينيها وحيدات ليه تيليفون ” …

نوار : بابا الله يحفضك ماما مالو كيقول هاكا “عينيها غرغرو ”

يسرى : ويلي مكتعرفيش باك جيب يا فم وقول …”ضارت عندو ” يووووسف هبلتي …

يوسف “ضحك” : ههههه “ضار جيهة لاخرا ونطق بشوي حداه صهيب والياس ” وكذبت “حدر راسو ” …

حتى ناض الياس لاح المخدة بجهد ومشا طلع وصهيب تاهو خرج …

ياسين : ماتموت والو نتا ماتموت والو …

يوسف: ايوى باين ليا العربون من هنا ميقتلني مرض مغايقتلني غاا واحد نسيبي …

ياسين “دار دائرة لفوق بصبعو فحال كيقوليه هاد دورة كلها عليا انا “: هادشي كلو حيث ديت ليك مفششة لفعايل ديال بنتك ؟

يوسف “خرج عينيه ” : مفششة الفعايل ؟ “ضار عند يسرى ” ولدي جيب ليا البنت لهنا مبقيتش بغيت نجوجها ليك …

ياسين “داير صبعو في فمو متكي حنكو على ايدو غمض عينيه وحلهم ” : واخا مرحبا …

نوار : ههههه كتديو فيا وتجيبو هههه عجبتني هادي …

ياسين “خلا تيليفون لمو وكحز على الكاميرا تا هضر ليها بشوي فوذنها وهي كتشوف نص وجهها فباها وقال بصوت منخفض ” : حاجة الشي والمجي زينة كتعمر جناب وتزيت القنات “هبط ايدو ضورها جيهة جنبها لفوق تا لجنب بزولتها وقرصها حتى غوتت ورجع يهضر مع يوسف ” …

يوسف : اناري مالها …

ياسين 🦋🐺نور_الياسين (341)sana mina🐺🦋

سالاو معاهم المكالمة واطمانو على احوالهم بدون ميقوليهم اش كاين بتوصيات منو …

صبح يوم جديد عليهم كيف العادة الفياق بكري بذهب مشري …كيف عادتهم حتى ولفاتو نوار تاهي فاقت بكري وهبطات لكوزينة بحيوية ناسية شنو جرا كان شيئا لم يكن …وجدو الفطور حطوه جا فواد ومصطفى وياسين فطرو مجموعين هاد المرة …حتى وقف ياسين كان بسورفيت تيشرت وسروالها وسبرديلة …

ياسين : نوار لبسي شي حاجة طويلة و اجي معايا برا …

نوار “شافت فيه ” : واخاا ..

خرج هو سبق خرج شعل كارو كيكمي بينما وجدات راسها واحد شوي حتى خرجات عندو كتبتاسم جرها عنقها بجنب وتمشا هو وياها حتى لسيارة ركبو بزوج وكسيرا غادي بيها مسافة نيت ….

نوار : واش غادين مراكش ؟كون غير لبست حوايجي

ياسين : هادوك مزيانين …

هزات كتافها مستغربة فين غادين حتى وقف قدام واحد شجرة وحداها واحد العين دايزة كتجري صاافية ووقف كانت بلاصة نقية وبااردة فيها ربيع مصاوب ومقاد تما وشجر ديال زيتون وتفاح والمانضالين …نزل ونزلات حتى هي كتشوف ديك دنيا فحال جنة حسات بالبرد وتكمشات فالكاب ديالها حتى جاها من لور وعنقها دفن وجهو فعنقها باسها فيه …

ياسين : عجبك المنضر ؟

نوار”ضحكات تا بانو ضروسها ” : هههه واعر هادي ارض ديالك ؟

ياسين : لا ولكن كنفكر نشريها جيت نشوفها وهداكشي علاش جبتك معايا الى عجباتك نتفاهمو مع مولاها حاطها لبيع …

نوار : واعرة غاتكون غالية ..

ياسين : مغالياش حيث ممحفضاش والى شريتها غانشريها بثمن رخيص والتحفيظ كاين الي يقوم بيه …المعرفة فالبلاد كتنفع …

نوار : ان شاء الله …نولي نجي ليها بزاف منضر مريح والعين واعرة واعرة هههه

ياسين : الوليد والوليدة طالعين مراكش غاتبقا دار خاوية شنو بان ليك نتغذاو هنا فيها ؟

نوار “بفرحة ” : اه اه نتغذاو “بدون شعور كتهضر بفرحة عارمة على وجهها ” نديرو شوا كفتة صوصيص وكوطليط وشلايض وفريت امممم

ياسين : كاين ما حسن من صوصيص …

نوار “ببلاهة ” : شنو هو ؟

ياسين : تال وقتو وتعرفيه”حنحن ” كلشي غادي يجي هنا لعندك “مشا لكوفر ديال طوموبيل حلو بكونطاكت “جبد غطا وجوج مانطات حطهم وثلاثة المخاد واحد السلة فيها شي تخربيق الي يحتاجو …

نوار : هههه غانديرو خرجة ههه

ياسين : يلاه بيني حداگتك وفرشي هادشي …

نوار : كاين خدامة هنا ؟

ياسين : لا خاوية فيها غير انا ونتي ديري الي بغيتي هنا …

نوار : ههه صافي بغيت نجلس حدا العين ونغطس رجليا …

حرك راسو ومشا جيهة طوموبيل هز تيليفون من شرجم دوز الخط وصاهم على الوقت الي يجيبو اللحم الي يحتاجو وكفتة وصوصيص وداكشي دشلايض وصا عليه يوجدوه فالفيرما ويجيبوه مع شواية والعصير والموناضة مهم خرجة من داكشي وماتنساش الى كملات …كمل

معاهم وضار لقاها كتفرش مسكينة ومعافرة كيهزهم البرد وتقاد عاضة في فمها ولا تخرج لسانها وتعضو باش كتقاد …ماكرهش ماااكرهش يتكيها تما على ديك كتلك الفشوش الي عندو ميسالي تتخرج بتوام ….

ياسين “ربع ايديه قطب حجبانو وحنحن ” : غلبوك ؟

نوار “شافت فيه وشعرها خصلاتو على وجهها ” : لا لا هاني معاهم غيير برد…

شاف تا عيا وعاونها تا فرشو مزيان تبتو بشي مخيدات صغار عاد جلسات حيدات بانطوفتها وتاهو حيد سبرديلتو وتقاشر وجلسو مقابلين مع العين …

جرها لحضنو غمرها وسطو معنقها مضور ايديه عليها وراسها تحت ذقنو مرة مرة كيبوسها فيه ولا يهبط يهز ليها راسها يشلقمها …عايشة معاه الحياة السعيدة فهاذ اللحضة لقطات من الزواج الي حلمات بيه …

نوار “بقات تتشوف حتى حسات بايدو تخشات فصدرها وعبزو ليها حتى زيييرررر عليه وخرج نصو قلبها طاح لركابيها ” : ي ياااسين شنو غا دير …د دد دابا يجي شي حد …

ياسين : ششش زگاااي …

غمضات عينيها وزادت كمشتهم خصوصا فاش هبط كيتلمس ويقرص ويعبز وكضور بجنابها مرة مرة لا يجي شي حد وشكوون غايجي وهو موصي وحافض صواريه …حتى حط راسها وضار جا فوق منها …

ياسين : شنو ندير دابا ؟؟؟

نوار : وو والو عافاك دابا يجي شي حد …

ياسين “رفع حاجب ونزل لاخور ”

نوار : صافي صافي عرفت …دابا هو بغيت نقوليك شي حاجة وكنسا و….

فييين هو راه هز ليها رجليها وضورهم ورا ضهرو وتلاح عليها لدوك شنايف الي كانت تعضعض فيهم قبيلة وتهاوش فيه مرحمهمش ماطلقها تا فمها ولا يوزوز …بدا كيهز ليها فلبيجامة الي كانت لابسة لفوووق يتلمس وشوي يهبط ايدو لتحت سروالو وفوق الكيلوط كيلعب تما …

نوار “غمضات عينيها ” : هاااااننن زگااا بغيت نشوف العين ونغطس رجليا فالما …

ياسين : وشنو تاني …

نوار “عضات شنايفها من حركات صباعو الي كيمررهم فوق وتحت بطريقة بطييئة فتوتو من فوق الكيلوط ” : ونهضر معاااك ااااححح اييي”كمشات عينيها ” كضرنييي …

ياسين : فاش انوارة الفيرما …قولي وماتحشميش …

نوار : ماهضرناش على الفنيد باش منولدش “جمعها معاها بقرصة فتوتو تا غوتات ” واااااااااععععععع انننن …علاش ؟”دموعها بغاو ينزلو ”

ياسي🦋🐺نور_الياسين (342)sana mina🐺🦋

طلقها ليها بواحد تخنزيرة وهي كلاتها القرصة من تما بغات تحك وبغات تشوفو وتيخنزر تدعقات وبغات تهضر وتفتح معاه الموضوع حيث بصح خاصها تشوف اشنو غادير وتحدد مسارها قبل ماتدخل تقرا وعاد قدامهم العرس الي مقرر يدار بعد انتهاء الدراسة فالصيف …والى حملات غاتبرزط وهي كتقرا وخا منها عدد دخلو وهما والدين ولا ولدو وسط القرايا ولا وهما حوامل الخ…واش هي غايوقع ليها هادشي ؟ كي غادير ؟ والعرس غزدي تبرز وهي حاملة ولا وهي عاد والدة …

ياسين : هضرييي ؟؟

نوار : الااا ماشي هكاك ايي ضريتيني …حيث غادي ندخل نقرا وخفت ن …نن ..

ياسين : خفتي تحملي ؟

نوار : وانا كنقرا وعاد كاين العرس فالصيف ياك واعدتيني بيه وهاكا مقررين …”شافت فيه وهضرات بشجاعة داكشي الي علماتها راوية تقول وخا معطل ماعليش الريزو عندها تقيل شوي عاد وصلتها تقولها ” …

ياسين “ناض من فوق منها ووقف مخليها ومشا جيهة العين جبد كارو من جيبو والبريكة شعلو بدا كيكمي مهضرش مزال موراها ولا نطق بكلمة ” ناضت هي قادت حوايجها وحالتها وقفات كتشوف فيه عرفاتو بغا يتكالما بالكارو عاد باش تقدر تحاور معاه …حتى قرب يكملو عاد تشجعات وقربات ليه جات وقفات حداه كتشوف فالعين كتجرييي صافية وبااردة …

ياسين “كيشوف قدامو ويسوط فدخان ونطق ” : ملي وعيت على الدنيا وانا في بالي وعقلي نهار نكون راسي وندير مستقبلي ونرجع من برا ندير داري …تكون مرتي من اختياري انا وعليها ومعاها وبيها يكونو ولادي وتكون عندي عائلة صغيرة تعمر عليا “هز ايديه لفوق ” فحالي فحال اي راجل فهاد دنيا من اوليوياتو فزواج التفاهم وبنت الناس تكون معاه فالحلوة والمرةيتقاسمو همومهم بجوج يتقاسمو حياتهم اقل حاجة بيناتهم يتقاسموها وهادي هي الحياة الزوجية ديالك ديالي وديالي ديالك ونتي الى بغا الله مزلتي غاتدي كلشي فيا كتر من الي ديتي ولادك يكونو من صلبي الى ما فديتهم بحياتي نعطيهم ما كثر ومانفرط ابنت الناس …كون بغيتك ماتولديش قبل مانحط عليك صبعي غادي نهضرو عليهم ….ماشي نتي اللولة ولا الاخرة الي غاتولدي وسط قرايتك وماشي نتي لولة ولاخرة الي غاتولدي وعادتك منديرهاش ليك نديرها ونزيدك بلا ميحتاج نعرفها ولا تقوليها ليا …نهزك بسناني… ومنخليكش تغمضي عينيك من حر الوجع والمرض ونخليك ونتي هازا طرف من لحمي ولحمك ودمي ودمك ؟”ضار

شاف فيها وميل راسو حدرو عندها ” فهمتيني ؟

نوار “سكتات شحااال تاهي وهزات راسها شافت فيه وشدات ليه فدراعو وقالت ” : انا ماشي مبغيتش نولد ياسين انا فاش كنت كنقرا الى غير جاتني سخانة كنغيب ونبقا عيانة حتى كنولي قادرة نفكر انا من نوع دغيا كتاثر عليا الحاجة ونقص من مستوى قرايتي وانا فاش جلست عام مورا الباك حيث عييت فورصيت فاش كنت كنقرا فالباك وخليت تركيزي غير فالقرايا باش قدرت نجيب النقطة الي بغيت …ماشي مبغيتش انا بغيييت واي وحدة فحالي بغات دارها وراجلها وولاد حداها حتى انا فحالك غير هو …

ياسين : غادي تفقدي تركيزك فالقرايا ومغادي ديري والو …”تنهد “…يلاه غايهضر حتى صونا ليه تيليفون كانو الي وصاهم باش يجيبو ليه شنو وصاهم وكيسولوه واش يدخلو عندهم تما ويدخلو ليه داكشي …مابقاش جبد هاد الموضوع عطا وجهة نضره وحتى هي عطاتها واشنو غايوقع ؟ ديك ساعة غادي يكون حدييييث ..

دخلو ليهم داكشي الي وصا حتى قادوه وحطوه اما هي مشات جلسات حدا العين وحطات رجليها فالما باااارررد حتى كملو ومشاو عيط ليها وضارت مشات عندو قادو داكشي وصايباتو حتى هو كيعاون فيها داكشي متخمميش فيه ناضي فيه بحكم تازوفرييت الي دوز كلشي كيعرفو والبلاصة فين كبر البادية والاسواق فين خدم وداكشي الي دوز عطاوه خبرة كبيييرة …شعل الفاخر خلاه يزند قادو اللحم وكفتة فالشواية وداكشي

الي تشهاتو حضرو ليها وهي فرحانة وخا ناقشت معاه الهضرة حتى هو ولا نعل الشيطان وكل قال اش بغا واش باغي والتفاهم اجلو هو حتى يدوزو ساعتهم بنشاط بلا مينكدوها على بعضياتهم وتخسر الخر🦋🐺نور_الياسين (343)sana mina🐺🦋

شرقات صباح يوم جديد من بعد ما دازت يومين على اخر خرجة ليهم ويومين على اخر فحص دار الي هو ليريم وشي تحاليل اخرين طلباتهم منهم الطبيبة كانو تحاليل دقيقة يعني الاصح فلاوه وعرفو كي فلاوه فهاد اليومين عيا بزاااف ولا غير مريض وسخانة كتقتل فيه ومع الاسف مينة عرفات بالمرض ديالو غير بالصدفة سمعاتهم فاش كانت داخلة فوقت مبكر على غير عادتها …بزز باش سكتات من البكا وبزز باش شدات فمها حتى هي حتى يتاكدو ….

يامنة رجعات هي وفؤاد لازرو واسامة رجع لفيرما فتوقيت الي قاليه خوه يجي معاودهاش معاه …

يسرى “سدات عليه البيت بزز باش هبطات ليه سخانة وجهو ولا ضعييف وصفر وحالتو تشفي العدو حتى من البنية ديالو ضعافت بزاف …خرجات كانو فدار صهيب ب فاس …لقات صهيب والياس فالصالون جاو بجوج ” : جيتو …

صهيب “بحزن ” : كيف بقا …

يسرى “حابسة البكية ” : ش شوية شوية …

الياس : نعس ؟

يسرى : عاد هبطات سخانة وخليتو يرتاح …ياكما سولو فالدار ؟

صهيب : الحاجة “نجود” كتسول عليه بزاف فالتيليفون على غير عادتها “حيث نجود مشات لالمانيا مع علي ونجوى على قبل الطبيب عندمن كانت ” …

يسرى “زهقات ليها دمعة مسحتها دغيا. ” : عاافاك ماشي دابا غير حتى نشوفو شنو غايقول لينا ف ليريم …م م ب “شدات فمها مبقاتش صبرت ” اهى اهى عيا عيا بزااااف اخويا البارح عيا بزااااف …اهى اهى تخيل كيوصيني وهو كيتهتهت بسخانة …

الياس”عاض صباعو بسنانو حابس عينيه من دموع لا ينزلو ولكن اش خلاه دموع خانوه حتى هو …ناض بزربة مشا لبالكون الي فالكوزينة مابقاش قدر يهضر غير يهضر كيضرو خاطرو عليه …واحد المرحلة فهاد الثلاث ايام دازت عليهم وخصوصا بين البارح واليوم مرض بجهد …

صهيب “ناض عندها طبطب ليها على كتفها بدون شعور باس ليها راسها وقال ” : غادي يكون الخير ان شاء الله غذا نتبشرو بالخير ماعرفتي اش كاين ايسرى ختي …واش غاتوريني فالفردة راني نعرفو …

يسرى”هزات راسها لسما ” : ياااااااربي ياااربي ..”كتمسح فدموعها وعينيهاومناخرها وشافت فيه ” فؤاد سول عليه ؟

صهيب : قلت ليه سافرتي نتي وياه سياحة ونتي عارفاه مكيتدخلش غير الى بنتو ليه مكاينينش كيسول …

يسرى : منضنش ميعرفش فؤاد ومن ميعرفوش ..

صهيب : شنو غادي نديرو هو الي كيوصي ماتقولهاش ليه غايهز همي وهو مريض صحتو على قد الحال “هز ايديه وحطهم وتنهد.” بغيت ندخل نشوفو ماعليش ؟

يسرى : دخل الى طلعات ليه سخانة قولها ليا حيث هضرت مع طبيبة قالت ليا نبقا نعطيه خافض الحرارة حتى لغذا نعرفو النتيجة ونبداو العلاج …

حرك راسو ومشا دخل لعندو البيت …طل عليه كان نااعس وجهو صفررر وتحت عينيه كحل وضيعاان اصلا الوزن الي بان فيه هو الي خلاهم يسافرو لفاس ريتما يبانو النتائج حيث لحد الان باقي متشخصش ليهم اشنو بالضبط والنتيجة ديال الغذ هي الي عليها القرار النهائي …عض فمو باسف عليه ….

صهيب من الداخل ديالو كيبكي دم على صاحبو وشريكو والفردة ديالو …عينيه تجغم فيهم الدم بالدموع الي حابس دغيا بانت فيه …

صهيب “جلس حداه قاس ليه ايديه كانو دافيين ” …شحال وهو جالس حداه وكيشوف فيه ديك الكسدة الي ربي كتب عليها المكتاب وبلاها بالمرض الفتاك …حتى بدا يحل فعينيه شوي بشوي وضورهم شاف فيه …

يوسف “حط ايدو على راسو وهضر ببحة النوم والمرض ” : العشييير …

صهيب : ما عيقتيش بنعاس الفردة ؟ تنوض تگعد لا ؟

يوسف”ابتاسم ” : ههه والله اخويي الى نعسة سانك سانك ماشهيتك فيها …

صهيب : ايوى نوض الله يجعل شي بركة نوض نتحركو لعند نص بلاصة ديال بنتك ياك قلتي توحشتيها وبغيتي تشوف فحم الفعايل واش مهلي فيها …

يوسف : وااا ههه ماكرهت توحشتها فحالااااش اخويا قلبي واكلني عليها معمرها طولت عليا هاد المدة كنقول نمشي نجيبها “نفس كتقطع فيه وكيتخنق كيهضر غير بزز ” و و ك نسى راها تزوجت ليا …انااا الي والد البنات

صهيب : البنات همهم حتى الممات …”حدر راسو ضحك ” تعقل اش كنت بغيت نسميها ؟

يوسف “ضحك وهز راسو كيشوف فسقف وكيهضر باغي يقلب على النفس ” : هههههه اييييه نعقاااال على زينة سميات وكون غير مولاتها تفرح غا سمح ليا ولكن مشرارة ديك سيدة …

مشات بيهم الذاكرة لاول ساعة فاش تولدات نوار وجابوها ليسرى ويوسف يشوفوها

نسميوها على سمية جدة الله يرحمها باقي نعقل عليها واحد نهار عندي عام

سارة”حبسات من ترماش” : عام !!

صهيب : تحكريش نتي …

يسرى : ايه ؟

صهيب : قرصتني حيث صبحت داك احم

سارة : خهههه صبحتي دايرها فالفراش …

الياس : البوال “نزل عليه لقرفادة ” جمع ايديك ا

يسرى : مزيان واش سميتها ؟ “شادة نوار لحيمة صغيرة بين ايديها وسط مانطة غوز عااد خرجات هي وياها من الولادة ” …

صهيب : عيدة ..

يوسف : عيدة عييييدة ديك عيدة جداك ؟ وتسمي بنتي عيدة ؟ كنت كنتسناك غيييير تنطقها عرفتي علاش ؟

صهيب “ناض وقف ” : اصافي هاني غادي …”مشا هرب ”

يو#تتمة_البارت…نور_الياسين…

كاع ذكريات ديك الساعة رجعات عليهم غير بالضحك وعلى السمية الي كان بغا يسمي بيها نوار فاول ساعة ليها مسكينة وكانو معجبييين بيها وكل مرة تبات عند شي حد مكيعطيوها ليسرى ترضعها غير بالكشايف ولكن اغلبيتها كانت عند يامنة وفاش كبرات كل مرة مع واحد وحاجتهم ديالها والي بغاتها تحضر كلشي كيخاف عليها وداير ليها الخاطر الي فوق خاطرو من صغرها كانت عندهم مميزة بزاااف …

صهيب : ههههه ايييي على الكريمة المخفوقة بنتي هاديك …

يوسف : ورد ليها البال اصهيب ديرها فعينيك كيف كنتي وتهلى فيها ومتخليهاش تحس بجناح طار من عليها تهلاو فيها اصحبي تهلاااو …

صهيب “ناض ووقف ضار هنا وهنا محاملوووش يقول هاد الهضرة ” : يوسف خويا نخليك ترتاح وبراكة من هاد الهضرة الله يستر عليك …عرفتي اشنو انا نمشي ندير قهيوة ونرجع عندك فيك شي جوع ؟

يوسف “رجع ضور راسو ديك جيه ” : وصيت غير على بناتك اصهيب بناتي بناتك وولادك ولادي غااا وصيتك وكان عيب نوصيو ؟

صهيب : اسيدي ميحتاج توصي راهم بناتي قلتيها بفمك كاين شي حد كيتوصى على ولادو ؟

بقاو فالبيت يتقاشحو ويهضرو وفبرا رجع الياس حطات ليه يسرى بلاطو كاس الما والقرعة وحطات صينية اتاي ودوازو جالسيت بجوج كيهضرو حاولات يسرى تهدن الياس حيث بصح ما صبرش حتى صونا الباب …

يسرى “ناضت ” : ياكما مينة هادي ؟

الياس : غالبا هي هي الي عارفة كاينين هنا …

يسرى : انا نشوف …

مشات لباب حلاتو مع حلاتو تكاونسات …اييييييي علامن ومعامن وفيمن ؟ هههه هااايهااات ثم هيهات راه نسر مسكو الدبانة متزهق ليه والى زهقت راه غييير ميك وعارف ومخلي الانسان على خاااطر خاطرو …

يسرى : خ خويا فؤاد ؟؟

فؤاد”بتخنزيرته المعهودة ” : فين ناعس يوسف ؟؟

يسرى “حدرات راسها معاودتهاش الهيبة والاحترام ضروري كحازت عليه ” : البيت اخويا فالبيت …

دخل نيشان حتى حل عليهم الباب ضارو بجوج صهيب حل فمو …

يوسف : خويا ؟؟

فؤاد “قرب ليه شاف فصهيب الي ورجع حدر راسو وخلاه وخرج وقرب هو جلس حداه ” : علاش ايوسف ؟؟؟

يوسف “حدر عينيه حاول ياخذ النفس حيث تخنق هز الاكسجين حتى خدا نفس وحيدو ” : غاا سمح ليا خويا وكان …

فؤاد : خوتي وولادي مرضهم مرضي وعرضهم عرضي ومشاكيلهم انا حلالها كيفاش ولدي الكبير “على يوسف ” وثيقتي من صغر مكلفو بمالي ومرتي وولادي وارضي وبلادي نخليه فالمرض وفوقت شدة ؟ كيفاش نخلي ولدي اللول ايوسف مريض وانا ناشط فجيهة اخرى ؟ الى مرضتي نتاا “ضرب فكتفو ” مرض ليا هذا …

هاد ليام ضرني وحسيت بيك وتاحاجة متخفا عليا اخويا تاحاجة …نهار طيح يطيح هذا “عاود ضرب على ك🦋🐺نور_الياسين (344)sana mina🐺🦋

في داك الصباح واقف وهي حداه عطاتو الكرافاط حتى قادها وزريها شوي بكومبلي كحل فكحل مقاد الحالة ومرجع شعرو لور منفوخ مقاد لحية مطراسيها والمسطاج طويل شوي …رش بارفانو واضر شاف فيها وجرها عندو عنقها وباسها فشفايفها …

ياسين : شافنا الله هاد اليومين ماحشوماش ؟

نوار “حطات راسها فكرشو مزنگة” : حتى يخرجو تحاليل الى مكانش حمل عاد تعطيني الفنيد …

ياسين “بقج ليها شنايفها …” : والى حنتك الله ؟

نوار : ياسيييين ههههه

ياسين : يكون خير ماعليش ..الصبر زين

نوار “شافت فالساعة كانت سبعة ونص تالصباح ” : مغاتعطلش ؟

ياسين : لا مزال ساعتين …شنو ميفطرش راجلك عاد يمشي لخدمة ؟

نوار : انا درت الما يطيب كمل اش كدير وهبط غادي تلقا الفطور واجد …

ياسين : اتاي براكة باش متعطليش …

لابسة تاهي جليليبة خفيفة فالصومو جامعة شعرها لور وهازا صاكها جنب كلشي فيه الي تحتاج …

ياسين : و ماتفطريش وياك …

نوار : واخا …

ياسين “باس ليها راسها وحنيكاتها ” : الله يرضي عليك “ضارت تمشي وهو يشحطها لترمتها تا غوتات خلاتو عاض شنايفو مكرهش يتكيها تما ياكلها وينعس معاها لانه من داك النهار وهو محروم ماقاصهاش حتى دير تحاليل اختبار الحمل كيف قالت ليها يسرى حتى تشوف لا يكون حمل اولا وتاكد ان رحمها نقي من اي احتمال لشي حمل جاي وتديهم عند الاخصائية صديقة ليها فمراكش حيث هي مغاديش تكون تما اللهم توصي عليها …وتبع معاها حتى تشوف اش كاين …عاد تعطيها مانع حمل . …احتمال لا يكون حمل الى لا غادي تعطيها الفنيد الي غادي تبع وكان السبت والاحد ديك الوقيتة مكانتش طبيبة واتافقو باش ليوم يمشيو ديرهم ويرجعها عاد هو يمشي يشوف الخدمة ويزگي فالاجتماع مع الكادر والموضفين الي عندو …هبطات لقات نعيمة جات كتوجد دخلات وجدات معاها وحطات اتاي عاد

هبط هو كيقاد فساعتو نازل بديك التگضيرة والكلاس الي ضارب وريحتو تعطي دخلات ليها مع النيوف ..ودوك الكتاف العراض هابط بكل تباتة تقولي احسنها راجل فيك يا دنيا …بقاو غير هما بزوج فالدار واسامة الي فاق بكرييي ومشا مع سالم كيف العادة …شرب اتاي هو واقف غير باش يفيق ويكمي عاد وصا نعيمة توجد ليها فطورها فاش تجي حيث مورا تحاليل كتجي سخفانة خاصها تاكل ….

الوجهة هاد المرة غييير الوجهات الي دازت وغير الدولة الي دازت هاد المرة الوجهة افريقيا والضبط في دولة اثيوبيا …دولة او بلاذ المجاعة …وبمكان ادق فابعد بلاصة فين كاينين الناس الي ملاقيين مياكلو واكثر البلدان من حيث المجاعة في القرن الافريقي …عاصمتها اديس ابابا…من اكثر البلدان مجاعة الي مواصلهاش مساعدات انسانية تما في فواحد المكان مع عائلة متكونة من اب وام وست اطفال صغار …الي لقاوه كياكلوه الي ضبرو عليه كيجيبوه فواحد البلاد شبه منفية تما حطو ليه الرحال …بانيين غيير خيمة …تما جلس وتما لاحوه كيف وصلوه من الي هزوه لاحوه تم ورجعو ادراجهم ماعرف راسو باش تبلى حتى لقا راسو تما حل عينيه من بعد ما فكو ليه وثاقو كان مغيب فطيارة حتى حلهم فداك المكان كيفاش وعلاش وصل تما تما فين غايبدا مشواره راسو يقلب على مياكل ولا شنو يدير تما يتحمل مسؤليتو حتى فكو غير رب هاديك الاسرة الي تما …

ليه اكثر من يومين معاهم …بحوايجو باش بقا هما الي باقي بيهم لدابا جالس ومافاهم والو اش كيدير تما كيفاش غايتعامل اش غايدير بغا غير تيليفون باش يفهم بغا يتصطى …

ايساف : فييين انا اش كندير هناااااا ااااااااااااش …والخراااا واااااااععععععع ”

لقا راسو وسط قرية بعييييييييييدة بزاااف مواصلها والو سوى الي جنا شي حاجة كيجيبها ياكلها الي ماجناش راه مواكلش حتى تنفخو ليهم كروشهم بكترة جوع والي عاش عمره عاش والي مات راه ماااات …جا عندو واحد الراجل وقف عليه …من ديك الاسرة الي منعازلة تما وعطاه طاسة فيها الما باش يشرب …غيييير بانت ليه بالما الي فيها فحال شاف كنز من كنوز الدنيا واشنو غلا من الما في هاد الحياة …شدها من عندو باللهفة والعطش طاح عليها حتى بدا يلحس فيها تا نشفت

جاه اتصال فداك الوقت وجاوب …

ايلاف : كلشي هو هذاك ؟

هو : فين قلتي حطيناه …

ايلاف : بعدو عليه دابا خليوه يعيش حياته تما راسو …

هو : ماقصحناش معاه ؟

ايلاف : ولدي هذاك ماشي ولدك …كل حاجة كتبغي التربية من جديد الى ماتعلمش وما حمدش الله …”قطع معاه ” …

#تصبحن_على_خير…

سمحو ليا هادشي الي قدرت نكتب حيث دخلت معطلة بز🦋🐺نور_الياسين (345)sana mina🐺🦋

عيناكِ يا حُلوتي من الله أجملُ هديه

عيناكِ قصةُ حُبٍ لن تُكرِرها البشريه ،،…عيناكِ سيدتي رمزُ البراءةِ والعفويةة عيناكِ.؟ نعم!! أنتي يا صاحبة العيونِ العسلي…

عينين شهلة العياني الي غرامها مضاني طول الطريق وهما كيشوفو الطريق مسافة نصف ساعة تقريبا او اقل حتى كانو فدخلة د مراكش …خذاو طريق المختبر الي متواجد امام صومعة الكتبية …بلاصا سيارة فالباركينغ الي في واحد واحد البلاصة قريبة تما كيقولو ليها فحل الزفريتي بالضبط متواجدين باركينغات فين كيصفو سيارات الناس بالعساس نضرا لكثرة الزوار لديك المنطقة حيث جات فيها جامع الفنا والكتبية وحتى السمارين …نزلو بزوج خارج كيكمي عنقها بجنب ومشاو على رجليهم شوي حتى وصلو المختبر كانت الساعة ثمنية ونصف كانو تما …

نوار “وركات على دراع ياسين بجهد حتى شاف فيها لقا وجهها صفر ”

ياسين : مالك ؟؟

نوار “مترددة وخايفة ” : ميمكنش ندير غير تيست عادي ؟”بوجه خايف ”

ياسين : شنو قالت ليك يسرى ؟

نوار : تحاليل دم ادق واحسن باش نعرفو اش كاين واش غايكون من هنا لقدام …

ياسين : يعني شنو احسن هما هادو …معمرك درتي تحاليل ؟

نوار : اه درتهم فاش كنت بغيت ندير عملية على رجلي ومبقيتش كملت راك عارف “حدرات عينيها كتلعب بصمطة صاك بتوتر حتى عضات شنيفاتها وعوجات فمها ” …

ياسين “زاد عنقها بجنب وباس ليها راسها …كانو جالسين كيتسناو باش دخل دير تحاليل كاع الي جالسات تما حاضينو وحاضين كيفاش كيتصرف معاها الي شافو يقول هذا مشبعها عصا حيث شخصيتو ونضراته ومشيتو تقولي نهضر معاه ينطحني عندو شوفات واعرين ومجهدين مخلين اغلب ناس الي قراب وبعاد كيهابوه ..شي حسدها وشي تمنى يكون بلاصتها خصوصا فاش غمرها بتعنيقتو وهضر ليها فوذنها كيطمنها اي وحدة تبغي تكون بلاصتها مايخصها خير مزال ” : دابا نتي غادي ديريهم لحاجة مكتعذبش ومكتقصحش الي قصحك حيدتيه عليك “شافت فيه وغمزها ”

نوار : ياسيييين هههه صافي …

ياسين : وااخا …

حتى خرجات البنت نادات باسمها ودخلات هي وياها تقريبا عشرة دقايق من بعد ما طمنها بعينيه …وخرج يتسناها برا بينما كما وهضر فالتيليفون …حتى سالات وخرجات هازا كمايم ايدها وتانية دراعها الي فيه سبارادرا وجهها تقطع منو الدم حتى خلعاتو وفمها ولا بيض …

ياسين “عقد حجبانو حط ايديه على حناكها ” : نوار !! مالك ؟

نوار : والو غير هزات دم قالت ليا غذا فالصباح ناخذهم …

ياسين : عطاوك شي حاجة ؟

نوار : همم اه دانون وبيمو ولكن مبغيتوش مكنحملش دانون بزاف …

ياسين : اجي تاكلي شي حاجة تت وجهك ماشي تال لهيه …”شاف لداخل ” جلسي تما انا نجيب ليك شي حاجة ونجيب طوموبيل هنا …مشا بزربة لاقرب كيوسك تما خذا ليها قرعة الما وعصير وشي تخربيق غير الي لقاه جمعو ميكة كبيرة حتى تم جاي جايبها ليها …

ياسين “مد ليها قرعة الما وحط حداها الميكة ” : شربي هادي وشوفي شنو يعجبك هنا ماعرفتش شنو تبغي هنا …

نوار : اه عصير كنشربو …

ياسين : كولي بينما جبت طوموبيل هنا …

حركات راسها ومشا هو خطف بزربة حتى لبارك ديمارا وخلص وزاد كسيرا لعندها خرج حتى جابها كانت كتاكل ودخلو لسيارة …

ياسين “كسيرا غادي بيها لفيرما ” : كولي ماتحبسيش الماكلة …

نوار “كتخشي في فمها ” : هاني كناكل …هههه هههه جبتي حتى شيبس على صباح …

ياسين “هز ايدو وحطها بمعنى شنو عرفني انا ” : غير الي بان ليا تما شنو غانعرف انا …”دار مرفقو على شرجم وصباع ايدو في فمو …ضار شاف فيها دوز بايدو على حنكها كيتلمس فيه ” وجهك ماعاجبني هاد ليام وحتى حالتك …مزيان تحاليل درتيهم باش نعرفو شنو كاين …درت ليك خاطرك وماديتكش عند طبيب تشوفي شنو كاين من قبل …

نوار : اعادي والله غير هاد ايام ولات فيا اما قبل كانت ومبقاتش كتجي …

ياسين : مكايناااش شي حاجة سميتها كانت ومشات راسها …صحتك انوار صحتك هاديك شنو تنسمعو الي ميعجبش ؟ الله يرضي عليك ماتبقايش تعاندي فصحتك …

نوار : واخا ان شاء الله …

ياسين : تت …زاد كسيرا حتى خرجو على مراكش خداو طريق مسافة حتى كان حطها قدام دار كيف دخل نزلات ودخل معاها تاتاكد ولات لباس عاد سلم عليها وودعها بزز باش حبسات راسها ماتبكيش حيث ولفاتو بزاف ودابا غايغيب نهار كلو بسباب الخدمة الجدي🦋🐺نور_الياسين (346)sana mina🐺🦋

في احدى اهم البنوك بمدينة مراكش واحد فروعها الرئيسية …بنك كبيييير من ناحية البناية ….الموضفين الي فيه هما الي بقاو وكاين الي خرج تقاعد وكاين الي عاد ترسم وكاين الي عاد غادي يتوضف …الكل فانتظار وصول المدير الشاب الجديد باش يعرفو البقية شكون هو حيث نصهم ماتعرضوش لحفلة وماحضروش …ومنهم واحد زوج بنات واقفات وحدة بلباس كلاس فالاسود بجيپ فوق ركبة وليبا فالاسود مشبكة وصباط بوردو وگرافاط صغيرة فوق قميجة كحلة تاهي بوردو …وجهها بيض وهي بيضة كلها وشعرها كحل وحتى حجبانها مقادين وعراض وكحلييين عينيها كباار ومشفرين وزييينة وحتى فورمتها زوينة …كتضحك كتبان ليها الغمازة فحنيكاتها بزوج ….ومعاها وحدة زعرة بالحق هي مزعرة شعرها بلون ذهبي جا مع وجهها تاهي بيضة ولكن ملامحها باهتين …تاهي بلباس قميجة بيضة وسروال كحل سليم جامعة شعرها بفيليل وهازاه مهمل لفوق نازلين خصلاتو باهمال ووجهها الي كل نهار ميكاب فشكل وخا مكتكترش لكن باينة بروفيسيونيل فالميكاب خفيف …

هي : نسرييين امتا غايجي هذاك زين الي قلتو ولا مدير …

نسرين “هي الي شعرها كحل وعندها غمازات …شافت فساعتها ” : اش نقوليك اختي مونيا …غادي تكون هادي رجلو ياختي الحاج كنا تنعرفو توقيت معاش كيتعطل ولا مغايجيش هذا منعرف كيفاش داير …

مونيا “الزعرة ” : بغينا نشوفو زين …

نسرين : مونيا يهديك الله خليه ليا انا نطمع فيه نتي راكي بولادك زوج تويميين يحمقو وراجلك خلاص مال ومنصب وزين …خليني انا الي قربت نقفل سبعة وعشرين على مشارف ثلاثة البيضات ونكمل بلاطو (تلاتين ) …

كانو واقفات وحدة شادة قهوة امبوغطي فايدها ولاخرا شي وراق عاد دارت ليهم كوپي …حتى خرج ليهم واحد الولد كانو فالطابق الفوقي فيه مكاتب تا الزاج وهو نفسو الطابق الي فواحد الممر طويييل فيه كيدي المكتب الكبير تما الي هو ديال المدير …اسميتو عماد …

عماد “طويييل وضعيف كي سفود العيد هه ” : اهيااا دوك اشاوا بيتو بالسيد راه مزوج …

نسرين “خرجات عينيها ” : ويلييييي …

مونيا : لاي لاي ابنتي ضاع الامل زيدي بيضة العام جاي …

نسرين : امتا تزوج ويلي …

عماد : وراه تيقول الحاج وااعر وانا عاقل عليه كان كيسطاجي معانا غيييير عاقدهم ولكن اساطة اش بينقوليك راه دماااااغ فالجيستيون والكونطا الخدمة هي الخدمة معندوش ياما رحميني تا مع راسو …”صونا ليه الفون كان سيكيريتي كيبلغو بالي راه وصل باش ينادي على الموضفين يستقبلوه ….

عماد : اهياوين الخوت تحركو راه سي رمسيس جا …

حتى تحل الباب سلم عليه سيكيريتي لقا غير سلام ورد ليه السلام براسو …مشا لسانسور وطلع فيه عاقد ميتين وحداش واااكواك على نضرة داخل داير تخافي غا تقولي سلام يجمعها مع طاسيلتك …حتى تحل عليه فالطابق الي فيه هز عينيه بانو ليه واقفين مصافين فاستقبالو واولهم عماد الي قرب جيهتو …

عماد : سي ياسين …

ياسين “وقف تگردف ليهم كيباركو ليه ويسلمو من بعيد وهو كيهز فراسو بلا ميضحك شاف ف عماد …” : اجتماع من دابا عشرة دقايق غير غير الكوادر الكبيرة …

عماد : هي اللولة نعماس …

ياسين “ضار شاف فيهم ” : كل لبلاصتو “ومشا خلاهم شي رجع وشي دخل فشي والي هما البنات الي تما خصوصا نسرين الي بغات تسخف …

نسرين : واااربيييي الحبيب على مزوج هذا مستحيييل يتزوج راه خاصو مراة الي تناااسبو فيييين يلقاها اناااااا …ويلي ويلي ويليييييييييييي على زين وشخصية وهضرة حدها قدها يا سيدي ياربييييي…والله مايلقا ما حسن من كازاوية يتناسب مع كازا …

مونيا : ايييه وخا بنتي زيدي اححح كون ما راجلي كنبغي وولد ناس كون بان ليا فهذا …

دخل المكتب ديالو الي عارفو وحافضو حيث كان قبل كيسطاجي فهاد البنك الي كان فيه غير متدرب وهاهو بدماغو رالعزيمة وصل ليه مدير …جلس فالكرسي وضار تقابل مع زاج الي كيطل على برا من فووووق…”شاف فساعتو كان باقي الحال …دوز ليها الخط مستغل الفرصة وهي تجاوبو ” …

ياسين : المفششة ديالي شوية ؟

نوار “ضحكات تا بانو سنيناتها بالفرحة والخجل وداك شعور ديال الحب سرا فذاتها ” : هههه شوية شوية …

ياسين : فطرتي ؟

نوار : اه فطرت مزيان والله …

ياسين : دابا نشوف …شنو كديري ؟

نوار : وااالو …”حدرات راسها وهزاتو ونطقات بدون شعور ” …بقيت غيير بوحدي هنا …

ياسين : ولفي انوارة الفيرما ولفي …

والقصد عندو هنا هو انها خاصها تولف على غ🦋🐺نور_الياسين (347)sana mina🐺🦋

من بعد ما دخل عندو فؤاد ديك ساعة جات حتى مينة من خدمتها لعندهم ودخلات جلسات فصالون …وصلات العشية لداخل فالبيت بقا معاه فؤاد كيشوف فحالتو المرض دغيا رد حالتو تدهورات وبان فيه المرض بصح …

فؤاد”شاد ليه فايدو ” : كون مع الله يكون معاك …

يوسف “نزلات دمعة كتجرييي على خدو خلات عينين فؤاد يغرغرو حيث حسك ليه قلبو ماشي هذا هو يوسف الي كيعرف …ماشي هو الرجل الثقة الصنديد …شد على ايدو الي شادا ليه ايدو لاخرا وقال ” : دعي معايا خويا دعييي …الى جات عليا مبغيت لا نتعذب ولا نعذبكم ولا نموت …دعي معايا يدير ربي خير …بناتي فؤاد ومرتي ماشي ديال تكرفيص …

فؤاد : بنتك مع راجلها جناحها ثاني متبتة البنات ولالاهم فرزانة مولانا يرعاها واقفة على حياتها ومستقبلها بقلب رجال …مولات دارك عندها نتا والله وحنا …ربي يطول فعمرك اخويا شد فراسك …

يوسف “بغا يهضر معاه حتى غاااب على الوعي ”

فؤاد “جمع حجبانو فيه كيقلب فيه ” : يوسف ؟ يوسف ؟ خويااا الحنييين …يوسف …”غوت على يسرى ” يسرااااااااا “بداك صوت المهيب الغليض ماعرفو باش تبلاو حتى طارو كلهم نقزو لبيت ودخلو وقفات يسرى حالا فمها وقلبها وصل عند كرشها ….

يسرى : مم مالو …

مينة : بب باباااا …

صهيب : خويا مالو ؟

الياس “جاتو ساكتة هذاك قرب يهبل ” …

فؤاد : مالو ماااالو …”قرب ليه هو ويسرى الي قاستو لقاتو طايب بجهد …”

يسرى : عيطي مينة لمروة داااابا …

مشات كتررعد هزات الجهاز ديال قياس الضغط دارتو ليه …

يسرى : طاح ليه …”شافت ف الياس ” …مشات كتجري جبدات شوكة كانت كلشي موجداه حيث عارفة ان سخانة كطيح الضغط او ممكن يطلع ليه فاي لحضة مكانتش ذاتو متوازنة من ديك الليلة فاش هضر مع نوار وياسين شداتو سخانة جايا لثلاث ايام وهو مهلوك بيها ما كلا ماشرب …دارت ليه سيروم وضربتها ليه …

يسرى “قربات لعندو كتحسس نفس ديال بالمراية ضببات يعني مزيان …عاود تسناو تا بذا يفيق شوي …” : يوسف كتسمعني ؟

يوسف “بدا يحل فعينيه غيير شوي حرك راسو واحد شوي كمش عينيه بغا ينوض وفمو كيحل فيه كيدير ايدو على فمو ” …

يسرى : مالك ؟؟

مزال كيدير ليها فايديه حتى تهز شوي وهو يرجع وبدا يكحب فالدم طلا المخدة وايزار ديالو حتى خرج فؤاد عينيه بصدمة وجع بلور كان بغا يطيح كون ما صهيب الي دموعو على طرف شدو …

مينة : اهى اهى بابا …

يسرى”ضارت خنزرات فمينة ” : شش سيري خرجي الياس خرجها عافاك …

مينة : بغيت نبقى مع بابا …

يسرى “دفعاتها بجهد حيث انهارت مبقاتش تتصبر ” : سييييري برااااااا …

فؤاد”صرط ريقو عاد وعا حول نضر ديالو لمينة ونطق ” : مينة ديري شنو قالت ليك يلاااه …

جرها الياس كتبكي وخرجها لبرا لصالون …لگات ليه واحد طاسة تما كيرجع وهي كتمسح ليه حتى عمرات تاهي مع كيكحب ويرش فدم ويرجع ويقول مارجعت …حتى ولا يوجع فالمرار فالاخير صافي مبقاش قدر ولا حال فمو وتخنق …وسخانة رجعات طلعات ليه …

فؤاد : شنووو غايبقى هنااا ؟؟؟

يسرى : حتى نشوفو نتيجة ليريم …

فؤاد “غوت بجهد تا طارو ونزلو ” : حتى يموت ليا خوياااااااا اااااا ؟؟؟ “صوته المجهد صمك ليهم وذنيهم الحيوط حسو بيهم مشاو وجاو ” يتحاااااارك شي قواد عليا هنا “ضار عند صهيب شنق عليه وخرج فيه عينيه كون كانو قرطاس كون قتلووو ” …خوووووووك خووووووك يعييييش سمعتي ….

صهيب “كيدي فيه ويجيب حتى نزلو دموعو ” : واخا واخا …

يسرى “عند يوسف كتقلب فيه وتقلب فسيروم ودايرة وذنها فتيليفون كتعيط لطبيبة حيث حالتو ماتبشرش بالخير ” : يووووسف عاافاك توگض معايا …

يوسف “بدا يكحب بشوي ويهز فايديه كيقوليها اجي حيث عيا سخانة والدم الي كيكحب استمر بتتابع ومواكلش والمرض هلكو صافي …قربات لعندو ”

يسرى “عطاتو وذنها ” : هاني حبيبي هااني …

يوسف “نطق بشووووييييي بالكاد كتسمعو بززز باش تتفرز الحروف الي نطق ” : خوويا فؤاااادددد بب بغييييتو …

يسرى “شافت فؤاد ” : خويا فؤاد تكلم ليه …

فؤاد “طلق من صهيب ومشا لعندو تحنى عليه ” : شوية ؟

يوسف “قرب عند ودنيه ونطق وياريتو ما نطق ” : خويا الحاج بيت الله خويا الحنين ومول العقل والقلب الكبير العارف بينك وبين الله …”قال هاد الكلام بزز باش سمعو ” لا وصل وقتي🦋🐺نور_الياسين (348)sana mina🐺🦋

هاد الهضرة من قالها ،،قالها بدون وعي سخانة كتقتل فيه وتهتهت فيه السيروم فقط رجع ليه الوعي …وغييير نطق هاد الكلام فحال شديتي موس ماضي دوزتيه على قلب فؤاد …كانت ديك الساعة الخمسة ديال لعشية طول النهار وهو معاه ومتفرقش عليه كيخرج يكمي ولا يهضر فتيليفون يطمن يامنة عليه الي دارت ليه حالة باش تجي تشوفو غير بزز باش بقات لكن سرعان ما انتاشر الخبر حتى عرفو الي فالفيلا كلهم حتى اتاصلو بياسين .الي كان جاي فطريق راجع من الخدمة من بعد ما دوز الاجتماع الاول بالكوادر الكبيرة غير خفيف عرفوه عليهم …

ياسين : ماشي كان خاصها تعرف ؟ مريض هاذ المدة ومفراس حد ؟ شنو هادشي ؟؟؟؟

يامنة : ولدي غير ساعف الله يرضي عليك شوف كيف دير قولها ليها وجيو اليوم الى قدرتي …ولا رسلها فطيارة …

ياسين : تت …شنو غادي نرسل شكون هذاك الحنانة شكون ؟؟؟ ماشي عمي ونسيبي ؟

يامنة : هو الي مابغاش فلول حتى اليوم فالصباح عاذ عرفنا من صباح وباك معاه ..

ياسين “مالقا ميقول ماشي وقت اللوم هذا ولا العتاب الحالة مكتسمحش …ايام وهو كيعاني فصمت وهما ناشطين وهو كيعاني وممبينش حتى هلكو وووصل بيه لهاد المواصل عاد اضطرو يعرفو …” : يكون خير الليلة نشد طريق عندكم ولا نشوفو طيارة …

يامنة “تنهدات حيث كانت فالصالون معاهم جابها شيفور وجالسة سارة واشرف حتى هو ” : طيارة حسن طيارة حسن احنينة …شوف كيف دير الله يدير تاويل دالخير …

ياسين من كلامها حس ان الوضع مكيطمنش بزاف يعني خاصو يفهم وكيفاش غايقولها ليها وهي روحها وعقلها هو باها وصاحبها وعشيرها وعلاقتها بيه فشكل كيفاش غادي تقبل. ؟؟ غادي مكسيري عينيه حمريييين حتى وصل الفيرما وبلاصا كانت قريبة المغرب فطريقو عيط لصاحبو فواحد لاجونص فالمطار شاف ليه بيي طيارة نيشان لفاس بزز باش لقا ربعة البلايص ليوم الغذ فالرابعة فجرا …غير بلاصا السيارة وهي تم خارجة لاوية عليها كابها سخون شوي حيث البرد ومشات كتزرب لعندو حل ليها دراعو وهي توصل عندو تلاحت عليه عنقها وكررررز عليها بين ضلوعو حتى طرطقو عضامها وهي عاد تنفسات تقولي عاد رجعات روحها …

ياسين “هز ليها راسها ” : نوارتي …شوية دابا ؟

نوار “ابتاسمات وغمضات ليه عينيها ” : شوية …كيف دازت الخدمة …

ياسين “تنهد حيث عزات عليه مجايبة دنيا الخبار ” : مزيانة مزيانة …

نوار : مالك ؟

ياسين : مكاليش عييت وكان “شاف فساعتو ” شوفي شنو تجمعي مع ربعة صباح عندنا طيارة لفاس …

نوار “جمعات حجبانها ” : علاش شنو كان ؟ بغيتي ترجعني ؟

ياسين “جرها عنقها وباسها فشفايفها ” : لا لا منسخاش بيك …

نوار : ههههه وعلاش بغيتي نمشيو ….

شاف فيها شحاااال وجرها من ايدها داها وراه وطلعو

جايين فالطريق بربعة بيهم مصطفى واسامة ونوار وياسين الي جا ليه الحبيب وخداهم من المطار …جالسة لور حاطا راسها على شرجم ودموعها ماحابسينش صوت تنخصيصها كيتسمع تاحد فيهم ما قدر يقوليها سكتي عارفينها عندها الحق وقلبها كلاها على باها الي مريض ليها اسبوعين وزيادة ما شافتو …

نوار : اهى اهى بابابابابا اهى …انننن …

ياسين “غمض عينيه وضار لعندها شد ليها ايديها ” : نوار !! شنو تافقنا ؟

نوار “شافت فيه خناينها دايزين ودموعها محابسينش حاسا بالعافية شاعلة فيها وصدرها كيحرقهااا على باها ” : بابا اياسين منقدرش مااانقدررررش اهى اهى …

ياسين “قبط كلينيكس من ايدها ومسح ليها دموعها ” : شش يكون خير تفائلي الله يرضي عليك وماتهلكينيش معاك عينيك عياو من دموع…

مصطفى : راه بوها هذاك اولدي البكا ميشاور من جيهة الوليدين …

الحبيب : كوني مع الله انوار يكون معاك ودعي معاه فبلاصة البكا “تاهو عينيه حمرررين ” …

نوار: اهى اهى …علاش مقالش ليا راه مريض وعندو هذاك المرض …”شافت فيه ” علاش قالو ليا جي ؟ اذن صافي عيان بزاااف ؟ قولو ليا متخبييييييييووووش اهى اهى بااااابااااااااااااااا بابا بااااااااااابااااااا …وبغيت باااااااااااباااااااااا ….

جرها ياسين لحضنو عنقها كيسكت فيها …حيث كانو حداها ومصطفى القدام حدا الحبيب الي سايق …اسامة ضور وجهو لشرجم قهراتو بقا فيه عمو …

ياسين : نواااااار …ششش نوار شنو قلت ليك ؟؟؟

نوار “روحها بغات تخرج ” : بابا اياسين بابا يووووسف وبرااااك#تتمة_البارت_348_نورالياسين…

في هاد الاثناء جالسين فالصالون شي حدا شي وشي دار ايديه على حنكو وشي جامع ايديه وحاط عليهم جبهتو وحادر راسو وشي خارج لبالكون …حتى وصل الليل ويسرى لداخل معاه و فؤاد مرة مرة يدخل يقرا عليه القران وهو سخانة تهلك فيه والكحبة جهلاتو حتى صوته مشا ليه ….

شكون جاه النعاس ؟ تاحد ؟ شكون صابر ؟ تااا حد ومااا اصعبها من لحضات …بقاو على داك الحال حتى صبح الصباح وهما يسمعو صوت الصونيط محبسسسسشششش …

يامنة : ياسين هذا ؟

مشات سارة كتزرب حلات وهي تلقاها الدكتورة مروة واقفة …

مروة : يسرى فين ؟؟

سارة : لداخل اختي …

يسرى “خرجات من البيت كتمسح دموعها شافتها وهي تجي تجري عندها ” : مم مروة مم مالك ؟ د دخلي

مروة “دخلات ” : جيت كنزرب ا يسرى عاد خديت نتائج ليريم ديك ساعة وجيت بنفسي اختي

يسرى : ق قريتيهم ؟

مروة “مدات ليها الملف ” : قراي …

شداتو يسرى وحلاتو كتررعد مبغاش يتفتح ليها تا فتحاتو مروة كلشي كيطل من صالون جات حداها يامنة وفؤاد تاهو …

يسرى “طاحت لارض على وقفتها ” : الله ياربييييي …

مروة : يسرى؟ …ماشي مولفة ليك شنو خاصك تفرحي او لا …؟؟

فؤاد “جا تاهو ” : شنو كاين ؟؟؟

مروة “شافت فيه حيث تتعرفو ” : سي فؤاد نتائج كتبين انه عندو السل المزمن ومع عندو نفس الاعراض ديييما حنا فاختصاصنا كنقولو راه سرطان حيث حتى هو كيهلك فحالو وكيعذب حتى كيقول المريض راه غايموت ويرجع الوعي ديالو …

فؤاد : اذن ؟؟؟

مروة : خاصنا نخضعوه تحت مراقبة وتريتمون قااااصحة باش يتبعها خاصو يجي ل مستشفى سيدي سعيد بمكناس ممنوع يدخل عندو شي حد حتى يكمل العلاج ..جبت معايا الاسعاف الي غاتهزو دابا “شافت فيسرى ” وجديه باش يمشي “ابتاسمات ليها ” الحمد لله على سلامتو ….

#تصبحن_على_خير…يلاه على سلامتكم حطيت ليكم حالة يوسف مستوحاة من حالة واحد سيد من عائلتنا هكا وقع ليه شكو فيه سرطان ونفس الاعراض حتى لقاو عندو السل المزمن لا غير ولكن وخا هكاك ما تستاهنوش باي مرض كان الصحة مهمة بزاف وحمدو الله على ما عطاكم …كان خاصني ندوزكم من

هاد المراحل الي دازو منها ناس حتى كانو على مشارف الموت …يلاه بونوي ….التعاليق فالرد راه كتبل🦋🐺نور_الياسين (349)sana mina🐺🦋

نقولو تنفسو الصعداء او مزال ؟ لحد الان مادام يوسف في مرحلة جد حرجة وهي السل ومرحلة علاج شاقة حتى يسترجع صحتو عاد نشوفو يوسف الي كنعرفو عاد ترجع لينا ضحكة والبسمة …في انتظار يهبطوه الاسعاف والتدخل الفوري …

مروة : كل ما اسرعنا كل ما احسن والعلاج يكون ففترة اقل …

يسرى : السل الكامن …

مروة : Tuberculosis dormant (السل الكامن ) mais عاد فمرحلة النشاط …(السل الكامن وكاين السل النشط هو الي واعر وعلاجو طويل وقاصح )…كيف ماكان خاصو تدخل سريع ويصبر لعلاج ماحد مزال مابدا يعادي حتى واحد فيكم لكن هذا ميعنيش انكم كلكم الي تخالطتو معاه ماديروش فحص …

يسرى : الي شفت هنا تدقيق جاكم من اللعاب يعني التنخيمة باللغة العامية …”فهاد اللحضة طالعين مالين الاسعاف كيقادو فيه وهي كتهضر مع مروة فالصالون من بعد مادخلات كيتسناو باش يهبطوه وينقلوه على وجه السرعة لمكناس …”

مروة : جرثومة السل صعيب باش تفرزها دغيا اعراضها هي والصدر وسرطان الرئة نفسهم الشي الي خلانا كنزيدو فالفحوصات الدقيقة اكثر …

يسرى : العلاج طويل غادي نبقا معاه تما …

مروة : ممكن يعاديك ممكن لا فاش كان فمرحلة الكمون مابانوش عليه الاعراض نهائيا في مرحلة الكمون مكيبانو لا اعراض ومكيعاديش …حتى بدا فاولى مراحل النشاط عاد بداو يبانو فيه…هو على حسب ماقاليا تاحد عندكم مامريض بيه ولا تعادا من الخدمة او شي حد دونك هو فالقديم ماضربش الفاكسان ديالو فالصغر ….

فؤاد “عاقد حجبانو نطق بلا ميشوف فيها ” : الفاكسان ديال 15 حتى هي ما ضربهاش من صغرو معندوش مع هادشي بزز باش كان كيضربهم الى اضطر …

يسرى : عندو خوف وفوبيا …”فحال نوار”

مروة : في بعض الاحيان او غالبا حاجات الي كنضنوهم مالايقينش هما الي كيكونو سباب فاعراض مستقبلية من بعد هادشي باش خاصنا ابدا ابدا منتهاونوش على صحتنا ونهملو ابسط الحاجات…المهم العلاج راكي عارفة الصرامة ديالو …الشهرين اللولة خاصو يصبر معانا فيها عاد انتاقل لمرحلة الثانية …

فؤاد : شحال غادي يبقى تما ؟

مروة : ستة الشهور وعلى حسب صحتو لكن العلاج من ستة شهور الفوق وفحالتو هو “شافت فيسرى ” غادي نراقبوه مزيان حتى ياخذ العلاج على اكمل وجه …من بعد على حسب الحالة الى تحسن يقدر يرجع من بعد شهرين يكمل علاجه هنا فالدار لكن بشروط صارمة …العلاج فالشهرين لولة ضروري جدا …

تسمع دقان ديال الباب ومشا الياس حل الباب وهي دخل كتجري عينيها حمرييين ومنفوخين بدموع حتى وقفات على ماماها عياااانة بالبكا وشافت فيها بانكسار …

نوار : مامااا اهى بابااا اهى اهى ..

يسرى “ناضت لعندها بسرعة وعنقاتها” : ماما متخافيش ماتخافيش غايولي لباس اماما …

نوار”طلقات العنان لتنخصيص كتبكي بحرقة بمجرد فكرة انها تخسرو كتجيب ليها الهيستييرية وتشعل فيها العافية ” : علاش ماقلهاش ليا علااااش اهى علاش خبيتي عليا ماما علاااش …

يسرى : باباك الي ذار هادشي ابنتي ولينين متخافيش معندوش هذاك المرض وخا مرض اخور لكن علاجو كاين وغايولي بيخير الحمد لله الي فالبداية وخا غايتمحن فالعلاج شويييي لكن باباك ثااايقة فيه غادي يصبر على قبلنا …

نوار”مزال مخشية فحضنها دخلو ياسين ولاخرين الي معاه واقف مربع ايديه كيشوف فيها ومرة مرة يدوز على راسو ويضور وجهو لديك جيه ” : بغيت نشوفو اخى اهى …

يسرى : دخلي راهم كيوجدو فيه باش يمشي

نوار “هزات راسها ” : فييين ؟

يسرى : غادي نطلعو لمكناس ابنتي تما غايبقى حتى يكمل العلاج ….

مروة : من احسن ماتدخلش عندو ولا تخالط بيه …

يسرى “شافت فيها ” : ماما شوفيه من بعيد شوي ويخرجو عطيه وقت يتعالج باش يرجع لينا واخا …

نوار : بغيت نشووووفوووو اهى …

ياسين : نواااار كوني تسمعي …

صهيب : نوار بنتي كوني مع الله يكون معاك دعي معاه بالشفاء شوفي بنتي الجانب المزيان حمدي الله الي معندوش مرض خطير وخا حتى حاجة منستاهنو بيها فالمرض المهم كاين امل وكبير بزاف …

فؤاد”جرها عندو وداها بعدها عليهم مشات يسرى لعند يوسف كتشوف فيهم دايرين الكمامات وعاوناتو الفرملية حتى قادت ليه سيروم عطاتو شي دوا وصفاتو طبيبة يبداو بيه بينما نقلوه على وجه السرعة لمكناس …” : نوار !! شنو فنضرك البكا غادي يقضي ليه شي حاجة ؟

نوار : بغيت نشوفو عمو فؤاد عافاك …

فؤاد : كلنا شفناه وبغينا نشوفوه وشوف ما يبرد الجوف ابنتي تشوفيه وتزيدي تمرضي خليه يتعالج ويرجع صحتو حسن الى شافك بهاد البكا وشكا ماحنا فخير المرض هو النفسية عاد الجسدية بنتي …ماتقلقينيش منك وسمعي الله يرضي عليك واخا ؟

نوار “مالقات ماتقول سوى انها تسمع ليه حيث كتحشم منو وكتخاف كلمتو مكطيحش لارض داكشي باش خلاوه جرها هو يهضر معاها ” :🦋🐺نور_الياسين (350)sana mina🐺🦋

بين يوم كيمر وساعات كدوز ولحضات فاتت وقلوب مرضات ونفسية تعباات وعينين ذبلات …غياب يوسف خلا فراغ كبيييير فالدار والشركة وفقلوب الكل …شكون الي ماعزيزش عليه يوسف ؟ شكون الي غايهز هم شي حد ويكون قد مسؤلية اي اسرة تكلف بيها ومحتاج عاونو من الصغير الكبير من الي وعا وهو مكلف باشغال خوه الكبير هز مسؤلية الدار فغيابو كلها هز السركة قد سخط على كتافو بمشاكيلها وارباحها وخسائر ديالها ….جا الوقت الي يحسو بيه بالي راه انسان دم ولحم جا الوقت الي يعرفو ان حتى يوسف انسان كيعيا ويمرض وخاصو الراحة من كلشي …وهذا هو الوقت …

خيم الحزن على الدار واصوات البكا هنا وهنا الي واقف كيشوف ويتحسر …ناعسة فوق الفراش مغطية ودموعها على خدها ماحابسينش كيتسرسرو كي الحجر وتتكمممششش فالغطا …حتى ناضت من الفراش مسحات دموعها لاحت عليها جلابة وشال وخشات رجليها فبانطوفة عينيها حمريييين ومنفوخين …هبطات فدوك الدروج بالحس حتى ضارت جيهة لاخرا وخرجات مخليا الرجال لداخل كيستقبلو تعازي والنسا بدورهم تاهما كيستقبلو تعازي فالجيهة لاخرى من جردة ….

خرجات من الباب لوراني حلاتو بالكشيفة حتى جا العساس حلو ليها وهي تخرج خلاتو كيعيط ليها واش تبغي طوموبيل ولا يقولها لشي حد ومشات كتزرب وتعرج ملابساش صباطها الطبي ديالها …دموعها على خدها دايرة نضاضر شمس وكيتزلو حتى كيضببو …بقات غاديا تا بان ليها طاكسي وقف شي حد وشيرات ليه جا وقف عند رجليها وركبات …..

نوار”بصوت مغنغن بالبكا” : المقبرة …

حرك راسو وكسيرا نيشان لروضة…

داخل ياسين لدار لداخل بانو ليه شي عيالات جاييين حدر عينيه وعطا تيساع حتى دازو وجهو مغوبش ومزير قلبو معصوووور من جيهة عمو الي هو نسيبو وباه فنفس الوقت الشخص الي حتى هو كيوقف معاه

حتى هو صاحبو فوقت الشدة والفرح ويكفي انه عطاه اغلى مايملك وخلاها زوجة ديالو ونص دينو الي كمل ونصو الثاني والنور ديالو عطاه طرف من كبدتو …حجبانو راسمين حداش بكثرة الحزن عليه يكفي ان عينيه مغرغرين حاملين بكااا كبيييييير الي كاتمو من جيهتو …حتى دخل لواحد البيت بعيد تما وعيط فتيليفون ليامنة الي مسحات منخرها ودموعها وجاوبت …

ياسين : الحنانة “سكت شحال حتى عض فمو ونطق ” نوار لفوق ؟

يامنة : الفوق اولدي طلع من جيهة لاخرا جيهة دروج عامرة تما …

قطع معاها وخرج ضار من لور حتى وقفو العساس …

العساس : ولدي ياسين الحمد لله لقيتك …

ياسين : شنو كاين ؟؟؟

العساس : نوار اولدي (تيقولو سميات حيث صغر منهم معلمينهم ميخليوش راجل كبير يقوليهم سي ولا لالة وهما صغر منو ” خرجات دابا من الباب الي تما وشدات طاكسي …

ياسين “خرج عينيه ” : شنو ؟؟ فين مشات وعلاش خليتيها تخرج ؟؟؟

العساس : خلاتني كنعيط ومشات …

ياسين : تت مشا كيزرب خذا سيارتو وطار مكسيري الوجهة عارف بضبط فين غاتكون …

نزلات ومشات ديريكت لقبر ديالو كان باقي فاازگ بالما وفوقو غراف تراب عامر بالما وشاهد حجرة غند راسو مكتوب فيه “كل نفس دائقة الموت …قبر المرحوم يوسف رمسيس المزداد بتاريخ *\*\* والمتوفي يوم ….انا لله وانا اليه راجعون …عاد الصباح تدفن …غير وصلات ليه وهي تنزل على ركابيها وكتجمع شفايفها ببكية …

نوار : بابااااا اهى اهى …علاااااش ابابا علاااش اهى اهى …علاااش مشيتي وخليتيني شكون يخرج معايا الى مرضت وتقلقت …اهى شكون يقوليا نخيشيشتي اهى …علاااش مشيتي ابابا اهى اهى …وباااااااااااابااااا اهى …”تحنات على قبرو ونعسات كتبكي وتهز فتراب وتخبط ” …شكون غايكون صاحبي وخويا والي نقوليه اسراري اهى اهى …وااااااا

بابا مكاين حتى واحد حنين من بعدك ااااابابااااااا اهى اهى ….واااابابا …اننننننن بابااااااا …

حتى تمدات ايد لكنافها وهزاتها ضورها ووقفها حتى ناضت وضارت لعندو …

نوار “تخشات فحضنو كتبكي وتضرب ” : وباااااباااااا مشا ليا بااااابااا اهى اهى وبغيييييت بابا متقووووولش ليا صبري منصبرش منصباااااارش …كيحرققنييييييييي “شافت فيه بغات تزعق ليها روحها ” هييييييييييء كيحرقنيييييييي هناااااااااا العافية العافية كتحرقنييييييي “كتضرب فصدرها وتمسح فيه تا بغات طيرو ” …

ياسين : ششش نواااار تهدني نوااار تهدنييي …ششش صافي صافي …

نوار : واااااالعافية العااافياااااا اهى …وباااااااابااااااا “كتغوووت ربي الي خلقها وتعصر فعينيها بحرقة وتغوت وتفوت حتى شدها كيفيق فيها …

نوار : باابااااا حتى ضرباتها الفيقة وهي تشهق لقات ياسين شادها وكيفيق فيها خلعاتو كانت غاتجهل كون ما فيقها كون هبلت ضارت هنا وهنا صوت تنخصيصتها كيتسمع عرفات راسها انه مجرد كابوس وفاقت منو …

ياسين : شش بسم الله عليك “ناض جاب ليها كاس الما شرباتو شحفااااانة وعرقانة شعرها كاع لصق “…شنو حلمتي …

نوار “نزلو دموعها كيجريو فور ما تفكرات شنو حلمات وقالت بصوت غالبو البكا كيتسمع غير ايييو ايو ” : بابا مااات اهى اهى …

ياسين “حك ليها على درعانها ” : ششش غيير عمرو طويل ان شاء الله …الله يشافيه ..

#يتبع….سمحو ليا قفزتكم 😹😹😹😹😹 و اهى واخا اهى …

#يتبع….وكيو ليا بارتات …ة …اهى اهى ….

#يتبع…. قطر ليا خويا وشهد ليا …

#يتبع…يابو فاي لحضة …

#يتبع…د وهي ادارة البنك …

#يتبع…اف ومبغيتش نخليكم بلاش…تفو ” …

#يتبع…سف : تعالى نعيد بموك الكلب …

#يتبع…جة

#يتبع…ن : مبغيتيش تولدي ؟؟؟؟؟؟؟

#تصبحن_على_خير…: بغات تجي عندك ومخليتهاش …

#يتبع…ا ياسين كون جات لارض ….

#يتبع…ط ليها شفاااايف ” ….

#يتبع…على_خير…التعاليق داخل الرد …ا تحطمونيش عافاكم …

#يتبع…ازواجهم …

#يتبع…” …

#يتبع…..قلمصيدلية دوش وخرجات جلسات فوقموسكو ….

#يتبع…. لوجه ”

#يتبع…ب كانهم عاد تزوجو وبغاو بعضياتهم …

#يتبع… نتوما ….

#تصبحن_على_خير….مي بيييه ؟

#يتبع…ليه …

يامنة : الحبييييب …

#يتبع….يا على زوج رجال بغيتهم …

#يتبع….

Leave a comment