Skip links

قصة : نور الياسين ج 13

 30,885 عدد مشاهداات

🦋🐺نور_الياسين (226)sana mina🐺🦋

 

الوقت كيدوز والحياة مستمرة …والدنيا هي هاذي…

شحال ما تقلقتي فالاخير ربي كيفرجها عليك وشحال ما ضحكتي لازم يجي الوقت وتغبن فيه والحياة ماهي الا تجارب واختبار من رب العالمين…

من بعد ما وصل وقت الرجوع كانت تقريبا العشرة تاع الليل..لقاتهم شدو طريق بزوج اول طريق ليهم وهما عاد عرسان جداد …

تسالمت معاهم على امل ترجع بعد ايام غير فقط باش تحضر مع راجلها فاول عشاء عمل على شرفو هو وعشاء احتفال لاستلام منصب مدير البنك …مخلين يامنة وفؤاد الي غايجيو موراه طبعا ولازم حضورهم لنيل شرف حضور حفل استلام المنصب بكل فخر بابنهم البكر الي اصبح شخصية خدم بدراعو وقرا بدماغو وعرف دنيا اش كتسوا ومزال كيتعلم فيها ….

قرب يصبح الحال كانت ناعسة محاساش براسها متكية على كتفو بجليليبتها المخزانية المسكية وصاكها فوق حجرها حاطا عليه ايديها المنقوشة وصبعها الي متوسطو الخاتم الي جامعها بحب قلبها الشخص الي حداها …والي طول طريق وهو مركز باش يوصلو لدارو الي ولات دارها حتى هي حتى دخلو لدوار …

نوار “كتحس بطوموبيل كتهز مع البيست دايز منها وهي ضربها لفيقة هزات راسها وعينيها شبه مسدودين مع طريق كلها وهي ناعسة بالسيف …

نوار “كتفوه ” : وصلنا …

ياسين : وصلنا …

نوار : نعست هههه

ياسين : ماعليش رتاحي نوصلو وطلعي نعسي …

نوار : حتى نتا رتاح طريق كلها وانت كتسوق مارتاحيتيش …

ياسين : مولف مولف …

وصلو لفيرما حلو ليهم الباب ودخلو كانت ستة صباح لقاو كلشي فايق طبعا البادية هي هادي …مع دخلة تلقات ليهم المراة الي مخدمها ياسين لغرض الفيرما طياب وميناج بزغاريت وصلاة وسلام سلمات على نوار وباركات لياسين ؛و مصطفى تاهو بدوره سلم عليه وسلمات عليه نوار…

مصطفى : نورتي دارك ابنتي …

نوار:”حشمانة محساتش بالي شدات فدراع ياسين ربي يخليك …

مصطفى : طلعو ترتاحو ولدي …

ياسين : اسامة ما فاقش ،؟

مصطفى : مزال خليه على راحتو اولدي …

ياسين “غوبش ” : بّاااا …تت “شاف فنوار ” اجي دخلي ترتاحي نتي طلعي لبيتي ونعسي …

نوار عرفاتو تعصب من خوه ماعاودتهاش معاه مشات طلعات هي لفوق وهو داز لبيت الي وجد لخوه دخل عليه لقاه ناعس مشبح فوق ناموسية غير بشورط ومكرشخ بنعاس ….ويحساب ليكم فيقو بالخاطر ؟ ابدا …مشا لدوش الي حداه عمر سطيلة ديال الما ومشا ليه خواها عليه حتى ناض شاهق روحو كانت غاتخرج …ماعرف باش تبلى حتى ناض وقف ….

اسامة :”كيلتاقط انفاسو ” ا نن ي ياسين !!

ياسين: “مخنزر فيه واحد تخنزيرة عينيه بغاو يتقبو اسامة شحال هادي ؟؟

اسامة : م ماعرفتش ما فيقنيش با …

ياسين “غوت بصوته الغليض حتى قفز ” : فيق نتا تگاااااالع بدل وسير فين وصيتك تخدم …

اسامة : نمشي معاهم لسوق ؟

ياسين : شنو بان ليك من غيرو …

اسامة : سالم ماعرفتش …واخا انا نعيط ليه “مشا كيجري جبد حوايجو لبس تيشرت وشورط ومشا خرج غسل وجهو ومشا بزربة لبس البوط وعيط لسالم الي دار معاه باش يجي ليه يهزو بالبيكوب (سيارة) …اما ياسين طلع لبيتو لقاها بدلات وتكات تنعس مشا لدوش دوش حتى توگض وخرج لبس حوايجو تاهو شورط وتيشرت وتحرك خرج هز واحد طوموبيل suzuki عندها كوف كبير ومعري …مشا بيها حتى لحق عليهم لسوق لقاه واقف مع واحد شناق داير خرفان فكاميو هما ديال ياسين وحداه جدو ….

ياسين “جا حداه سالم ” : تعامل معاه شوي بشوي وخا متديرش بحساب راه خويا ماتعقلش عليه تفاهمنا ؟

سالم “داير ايديه وراه ” : كون هاني من هاد ناحية …

مصطفى : ورخف عليه شوي دير بحساب اول مرة ليه هادشي …

ياسين : ماعليش كيما تحك يتنجر …

بان ليهم هابط من الكاميو عاطينو حولي دايرو فوق كتافو وعروقاتو تكب ودنيا سخونة شمش حارة …حطو قدام الكاميو كيقلب فيه شي كليان وتبعو شناق تاهو هاز واحد تيتفاهم مع الكليان بقا حتى عطاهم تعليمات ورجع بطوموبيل بزربة دخل لقا المراة جات وطيبات وحطات الفطور ولالة ومالي فاقت لابسة بيجامة طويلة مستورة وجالسة قدام طابلة شادة تيليفون حتى دخل جلس حداها وعنقها بجنب باس ليها راسها….

ياسين : فقتي ا مفششة داري ؟ ..

نوار:”حناكها تزنگو ابتاسمت ليه حتى بانو سنيناتها ههههه فقت …فين مشيتي ؟

ياسين : مشيت نوصي على شي خرفان ملي يجي الوليد يذبحوهم جاي علي ولد صهيب غانديرو شي عشا بيناتنا … وشي وحدين صدقة لزواجنا …

نوار : ااه …امتا الحفلة الي غانمشيو ليها ؟

ياسين : بعد غذا …”هز ليها ذقنها وباسها فشفايفها حتى بدا يتعمق غا سمعو دقان برا كان مصطفى جاي يفطر معاهم حيث ياسين قاليه يدوز فاش يرسل الفطور لاس🦋🐺نور_الياسين (227)sana mina🐺🦋

 

في المكتب ديالو جالس كيطابي فلابتوب ويجمع فالحساب ومرة كيشوف صيانة الكاميرات وحواسيب الشركة باعتبار هذا هو الضومين ديالو تخصص المعلوميات …حتى دخل عليه مدرم هاز فايدو ملف لا سلام لا كلام وصل وجلس ولاااا من هادشي كلو هز ليه كاسو ديال لقهوة الي طالبها بالعشق ….خلاه كيرمش …

م.الحبيب : اوووو مسوسة نعل ديلموك …مالك الحبس …

ايساف : والله اخويتي ميحساب ليا جاي كنت ندير فيها الحنطل ولا سم اوجه دود …

م.لحبيب : السم وجغديد ان شاء الله احبيبة …

ايساف : اش كاين ؟ اش بغيتي لاش جاي ؟ ناس تيدقو كا استاذان ا خريج العلاقات العامة …

م.الحبيب : الاداب وصواب ازين ديالي لناس ماشي ليك اوجه اللفت المحفور …ماااعلينا جيت نشوفك البارح ماجيتيش لخدمة وخليتي عليا كلشي راه عيقتي اصحبي براكة ناس باغا سلعتها وانا خليتو ليا كلشي مابقيتش كنجي لدار كي ناس نجي معطل ونخرج بكري …

ايساف : هاني جيت صافي اسمح لينا اساد …

الحبيب : اش درتي صافي هانية وطن النفسية هي هاديك …

ايساف : وشنو غايغيرها مثلا بنت القحبة ؟ هههههههع طب**ن موجودين …

م.الحبيب : نعل والديك كي فولگييييغ …تنهضر بصح اش ناوي ؟ بصح القرار الي خديتي من نيتك ؟

ايساف : بكامل قوايا العقلية يجي ياسين ونهضر مع كلشي …

م.الحبيب بقا كيشوف فيه ويلاحض فملامح ديالو كيتاكد من هضرته الي بلغو بيها وبقرارو …

ايساف “شاف فيه “: الحبيب صاحبي نجيك من لاخر بغيت نبري ذمتي ونحيد عليا تقليد ونكون هاني ونصحح غلطي وخا صعيبة عليا بزاف مهم ندير الي عليا وديك ساعة الله يعاون …

م.الحبيب : الله يسر لييييك …

ايساف : اجي نسولك …مناويش تزوج ؟ دير عرس نتا وخوك ….

م.الحبيب : ههههههه اااايواا…مزال مناويش هاد ساعة ممساليش تنشوف فين غاتوصلو كلكم عاد نتواسع على خاطري …

ايساف : قول لخوك ولا الفجلة تشوف ليك من دوارهم ايييي حبك زين تما غا يتناطح …

م.الحبيب : واخا علاش لا …

في هاد الاثناء واقفة كتقاد فالحوايج جمعات غي الي تحتاجو بحكم شادين طريق فالعشية لعند ياسين كيف تافقو …خلاها ومشا عند ايلاف خرجو بزوج …حتى حسات بجنبها شدها فيه صداع رهيييييب …

يامنة : ااااااااا ربيييييييي …”حتى جلسات لارض وغمضاات عينيها كتعصررر فيهم وتقول ماعصرت …ناضت بشوي بزز….

يامنة : ياااااربي اش هاد الصداااااااع …امممممم “عضات فمها كتعصر وشادة جنبها …” امممممم ….

بزز باش ناضت لدوش غاديا وشادة فالحايط وحاسا بسخفة بداك صداع الي شدها الم حاااد …مشات لفارمسيان الي تما وبقات تقلب تقلب حتى طاحت فمسكن شرباتو بالما من روبيني لافابو العار غاتسلك ….حتى جلسات لارض وحطات راسها على لحايط …

يامنة : يااااربي الى غاتجي لموت ماشي دابا ياربي ياااربي …الموت هي هادي ياااربييييي …

……واقف حدا سالم كيشد فالفلوس من عند الناس الي كيتقداو من عندهم الخرفان ويحسب داير ستيلو ورا وذنيه ولاستيك شمع فايديه فنما يحسب ماصو دالفلوس مليون يجمعو بلاستيك من لوسط ….

اسامة “حس بنخصة على غفلة ذبحاتو فحال لموس ماضي تا بان ليه ضو وهو يتحنى على ركابيه ” : سالم …

سالم “ضار شاف فيه ” : تا مالك دغيا عييتي ياودي يا ودي يا رجلاااو …ههههه

اسامة : عطيني نعيط لخويا نسول على لحنانة امتا جايين …

سالم : هانتا غاتمشي دابا نتحركو …

فييين هي الحنانة فهاد اللحضة كاتسنجد مولاها ينزل عليها رحمته ….

يامنة”شافت الفوق ” : ياااربي ياااااربي المووووت ياربييييي …رحمنييييي نشوف غير ولاد ولادي ياااااربيييي …

#تصبحن_على_خير ….

نل🦋🐺نور_الياسين (228)sana mina🐺🦋

واقف هو وسالم حس بسخفة حتى جاب ليه قرعة الما باردة تكا عليها كلها سكحها دقة وحدة عروقاتو تكب وشمس حارة مع فصل صيف وفهاد البلايص حرارتهم تتوصل ل 46 درجة واكثر …

سالم : شوية وكان ؟

اسامة “حادر راسو محني داير ايديه على ركابيه حتى هز فيه راسو وكمش عينيه وحلهم نفخ بفمو شوي ” : شوي شوي الحرارة قاصحة هنا الخو …

سالم : ايوى شنو!! “دار ايديه وراه ” هاد جهنم راه خوك يوميا كان يخرج فيها يخدم مع الشناقة ولا يطلع مع مالين البال (الي كيهزو تبن او فصة فالكاميو ) مايوگف (مايوقف) تال گلميم ولا طنطان بعالمراات(بعض المرات ) ماويوگف تال داخلة …عزيز عليه يتحرك يسافر يخدم يدمر مهم ميبقاش جالس …شحال من مرة بوك خاصم عليه ويحساب ليك تسوق داكشي الي قالت ليه منغيغتو ديال راسو دارها …وتا بوك

خلاه على خاطرو عارفو باغي يخدم يدمر ماحكر شاي عليه …بقا يدمر ويخدم فاش مكان وخا عندكم الي يتم ما يتحرق حتى دخل شريك مع جدو كبر ليه دار تا ردها فيرما وشرا كل حاجة شوي بشوي حتى وصل وقت يكمل قرايتو ومشا غبر لميريكان …

اسامة : وهادشي عارفو شتك تعاود ليا فيه …

سالم : وااا تحزم كيفو وعري على كتافك …يحساب ليك تبقا فيا وصية فحم العينين مانخونها …تگعد تحرك هز هاد الخرفان الي بقاو رجعهم وخلينا نتيسرو لعند سيد الي وصا عليهم …

اسامة : اجي نطحني …

سالم : ولا ساليت نديرها ونفوتها …”جهد صوته ” تا طلع تحرك …

اسامة “عارفو عندو صلاحية وعاطيها ليه خوه والى تعاند معاه داكشي الي غايعطيه سالم يديرو ليه خوه مضوبل على عشرة اللهم يقصر شر …برك على نفسه بزز باش ميتعصبش لانه ملي تعالج العصبية ولابد منها ماشي ساهل يكون انسان كالم …شاف تا عيا ومشا لواحد جوج خرفان وبدا يهز ويطلع فالكاميو ” …

سالم : طلق راسك تعطلناش …

في هاد الاثناء سالا مع ايلاف خدمتهم واجتماعهم بزوج هضرو شوي على قضية ايساف وبقا شوي وخرج رجع لفيلا كيف وصل دخل لقا الياس عاد دخل حتى هو ….

الياس : خويا …

فؤاد “خرج من سيارة بتغوبيشتو ” : جيتي وحدك !!

الياس : يوسف وصهيب بقاو تما خدامين مع واحد سيد على شي سلعة كيتسناو حتى يعمر داكشي الي خاصو كاينين فديبو هما دابا …

فؤاد : صهيب سالا خدمتو فالمحكمة ؟

الياس : وقال كمل هاد سيمانة عندو خاوية اغلب القضايا تاجلو …

فؤاد : مزيااان …يلاه يرتاح شوية …

دخلو بزوج لقاو نجود جالسة كتسبح مشاو سلمو عليها …

فؤاد : يامنة !!

نجود : ولدي من قبيييلة وهي طالعة قالت توجد الحوايج …

فؤاد “عقد حجبانو ” : منزلاتش !!

نجود : عاد لقيتي سارة طلع عندها ونتا دخل …

فؤاد مجاوبهاش مشا طلع نيشان لبيت ملقاهاش

فؤاد : عمارة داري !!

يامنة “غمضات عينيها بغات تنوض باش تجاوبو باقي فيها صداع وخا بدا ينقص على كي قبل …جاوبات بصوت عيان ” : فؤااد هاني …

فؤاد “دخل لدوش لقاها جالسة متكية عالحايط ووجهها صفر شادة كرشها …” : يامنة !!!! مالك ؟؟

تحنى لعندها وجهو هرب منو لون عينيه خرجو منضرها طيح منو النص …تدعق ولا غير كيحط فايديه على حنكها ويدوز عليه ….قاصها لقاها كتغلييي بسخانة طلعات ليها …ماجا فين يفهم حتى تقيات ليه عند رجليه تقيات تقيات وصداع ربي الي عالم بيها قلبو بغا يخرج من بلاصتو …حتى مبقاتش قدرات تزيد تكمل …

يامنة : ضرتنييي كرشيييي اهى اهى مبقيتش قدرت …

فؤاد : و واااخا بشوية عليك …”جمع راسو بزز ونوضها هزها بين دراعو صافي هي مبقاتش قدرات حدها شادا غير كرشها من جنب لتحت فين استقر الالم …هازها بين ايديه متسوقش لشعرها واش عريان هبطها لتحت غادي بيها فطريقو تلقاو ليه مفهمو والو …

نجود : الاطيف اولدي مالها …

الياس : خويا اش وقع ليها …

“وشكون جاوبهم غادي مرفوع …الياس ملي شافو وجهو مكيتفسرش مشا سبقو نتر ليه كونطاكت الي فايدو وحل ليه طوموبيل دخلها فؤاد لور …

الياس : بقا معاها انا غانسوق اخويا لعار تشد غا فراسك …تبعاتو نجوى عطاتو مسكينة غطا راسها وقرعة الما مدههم ليه …وطلع هو كسيرا بيهم لاقرب كلينيك تما على وجه السرعة …

فؤاد “هز القرعة وهطاها الما تشرب …شاد ليها فايدها ويبوس ويبوس ليها فراسها ” : غزالي مالك !!!

يامنة “متكية على صدرو وعينيها تنفخو غير شادة كرشها …” : صدااااع صدااع مبقيت صبرت ليه …اممممم …

الياس : ختي يامنة غا شدي فراسك …فين بالضبط كيصادعك …

يامنة : جنبيييي ليمن تحت …

الياس “شاف في فؤاد من مرايا …و زاد كسيرا فسرعة حتى وصلو لكلينيك الي علمو يسرى فدار لقاوها كتسناهم عند الباب هي وفراملية موجدين بياص الي ح🦋🐺نور_الياسين (229)sana mina🐺🦋

كيف نقلو الخرفان الي بقاو رجعو لدوار حط اسامة لقا جدو تاهو عاد جاي داخل ودخلو بزوج مع دخلة لقاو نوار جالسة تما شادا تيليفون وجالسة كتشوف وحاطا حداها الماكلة او گوتي مفرشة ومقادا تما …

اسامة : هاااح الكريمة تقوليش ليا نتي درتي هادشي …

نوار : ههههه شنو بان ليك “كترمش فيه ”

مصطفى “ضحك ” : هههههه واهلييي بنت ولد خويا حادگة منشكو فيها …

اسامة “صغر عينيه فيها ” : نتي كبيييرك بيضة مقلية شي لاخور بزز باش كديريه ومرة فخمس سنين والى درتيه حتى كتوقف معاك الوليدة وحتى الى غابت الوليدة كاينة الخالة سارة ولا نجيوى(نجوى تيقولو ليها نجيوى هههه ديما معصبهم الياس على تعواج سمية مرتو ) الميمة نجود الخالة يسرى عارفاك خراجة ….”خلاهم مصطفى ودخل لداخل ” …

نوار : لهلاااا يحييييك حتى منعرف والو …سول ياسين واحد مرة درت ليهم كسكسو فاش كان سلخ….”يارباااي لسان ما فيه عضم ”

اسامة “دار ايديه على نصو ” : تاتفكري لوسك فسلخة ؟ تنسايش راك تزوجتي بيه شخصيا …ولجمي فمك مالك خضرة فهضرتك وهراوية …دابا من لاخر مسمن وملوي ماشي نتي الي درتيهم …

نوار : كنت بغيت نديرهم ولكن …

اسامة : ماشي نتي الي درتيهم من لاخر …

نوار”دعقها ديما تيديرها ليها اما هي ماشي مكتعرفش طيب كاااع لديك درجة ” : جيت نشعل لبوطة ولقيت خالتي نعيمة مطيباه …

اسامة : شعلتي البوطة قبل ماتعجني ؟ “دار ايديه فوق ” ياااااااخويااااو خووويااااو ليك الله …

نوار : فين غادي متاكلوش …

اسامة : صبري ندوش نحيد وسخ الخرفان …

نوار : ههههههههههع اسامة الي كان ريحة وان ميليون كيديرها غا هو فازرو ولات فيه ريحة الخرفان …

اسامة : بغيت ندير الجديد نبقا غير فهاديك ريحة وزايدون سوقك ؟؟؟

نوار : واااخا حتى يجي ياسين …

اسامة : وسيري اوا سيري ….سيري تعلمي طيبي ملوي ومسمن …

نوار”فقصها هههه ” : غذا نحنتك ااااا صبر …

اسامة : ااايه هاني غانشوف غذا غاتجي الحنانة وديرو ليا كي شهد من ايدياتها زوينين …سكتيييي الخراجة سكتييي …”دخل خلاها كتغدد ”

نوار “هزات مخدة بغات تعضها ” : اععننههن…تفوووو

شوية دخل ياسين بطوموبيل كان خرج من عند لفطور مرجع حتى دابا ورا العصر …عيط لشي حد من لخدامة هز شي سلعة من الكوف …

ياسين “داير نضاضرو دشمس ” : معاش غادي داويو ؟؟؟؟

مبارك : مع الفجر نبداو انا وسعيد ودراري …

ياسين : قضيو بهذا الى خصكم مزال علم سالم …”خلاه وتم جاي جبد تيليفونو كيصوني ليامنة مكتجاوبوش ونفس شيء فؤاد والو …وصل لعندها وتحنى باسها فراسها ” …

ياسين : شنو عجبك تجلسي هنا ؟

نوار”ابتاسمت ليه ” : زوين هنا مقابل مع شاريج وشجر زيتون …

ياسين “جلس مبعد منها وجبد گارو شعلو كيكمي ” : ماعليش واخا هكاك ردي بالك زيتون حبوب لقاح الي فيه غايديرو ليك حساسية متكتريش جلسة هنا …”شافها شنو لابسة كانت مستورة بعدا بكاب طويل وبيجامة خفيفة بسروالها ” با كاين ؟

نوار : اه جا هو واسامة دابا مشا يدوش …

ياسين : مزياان …هضرتي مع يوسف ؟

نوار : صونيت ليه مكيجاوبش وماما دابا خدامة هضرت غير مع مينة باقا خدامة …

ياسين “عوج فمو مستغرب شي حاجة فخاطرو ممهنياهش تنهد واحد تنهيدة خرجات طويلة وشاف بعيد ” : كان خاصهم يشدو طريق دابا …

نوار : نعاود نهضر مع بابا نسول ولا دار ؟

ياسين “شاف فيها شحاال عينيها لمعتهم الحنينة كتخليه مرتاح ” : تت “شير ليها جنبو ” اجي حدايا حدا راجلك حسن ليك …

ضحكات بخجل ومشات جلسات حداه عنقها بجنب باس ليها راسها حتى خرج مصطفى واسامة جلسو حداهم كبات ليهم شنو بغاو وجلسو تما مجمعين الا ياسين الي كل مرة يصوني حتى بدا يتعصب …لاح تيليفون بزعفة تا قفزو وناض جبد كارو تاني بدا يكمي فيه ويمشي ويجي …

مصطفى : ولدي ياك شي باس مكاين …

ياسين : مااعرفتش مكايجاوبني حد …

مصطفى : وتا كون را شادين طريق ولا مشاو عند شي حد …

ياسين : هادشي غا هضرة غااا هضرة ابا …

مصطفى : وبرد …

ياسين “ضرب نواضرو برؤوس صباعو مجموعين ” : عدو ربي فحال هكا …

مصطفى : وغااا برد نتا كنتي مكتجاوبش ولا طافي تيليفونك حيث مكتساليش ايوى تاهما هكاك مادير فبالك والو “شاف فنوار غمزها تنوض عندو ” …

نوار “ناضت لعندو ” : غير تهدن غانبقا نعيط انا حتى يجاوبو …متعصبش …

اسامة “صاقل مكهضرش حتى هو كيصوني ومقادرش يدوي عار🦋🐺نور_الياسين (230)sana mina🐺🦋

بقاو ازيد من ساعتين وهما كيتسناو كل من الياس وفؤاد اما الي فدار مقدروش يجيو وبقاو على نار …تيليفون فؤاد فجيبو كيصوني ومحاسش بيه واش كيصوني ولا لا خرج برا كما الكارو ووالو دنيا ضايقة بيه الي لداخل روحو والعينين باش كيشوف معرفش حتى مالها ولا اش جاري ليها ..الي فالفيلا تيليفوناتهم مكيجاوبوش عليهم مقدرو يقولو لياسين والو تلفت بيهم دنيا ولارض وعقلهم ترفع حتى جات راوية وقالو ليها شنو كاين دغيا هزات طوموبيلتها ولحقات عليهم هي. و ايلاف لكلينيك …

فؤاد : شنو هادو غايبقاو ليا هنا ؟؟؟

الياس : تهدن اخويا ميكون غير الخير راك عارف يسرى توقف عليهم حتى يفليوها ويعرفو شنو كاين …

فؤاد “واصل لاخر ديالو عياا وهو يتسنى راه هذا الله …حتى بدا يضرب بايديه ويتنخد وينفت وينفخ …ويكدد سنانو دنيا ضاقت بيه على وشك ينوض يدخل لعندهم يعرف غي اش كاين حتى خرجات يسرى عندهم هي لولة حيدات لكمامة …وقف لعندها عينيه مكيرمشوش ” : شنووو مالها ؟؟؟

يسرى : تهدن ا خويا يكون خير …درنا ليها فحوصات داكشي مناش كنا شاكين هي كان جنبها ليمن هطاها صداع بزاااف فلول فاش كنتي كتقوليها دوزي ومبغاتش مداتهاش فيه ديك ساعة كان عادي ممكن تبع دوا عاد نشوفو العملية …وهادشي تاكدنا منو بفحوصات اشعة x-ray والفحوصات لاخرى …

الياس : سلامة شمن عملية ؟

يسرى : مصرانة زايدة الياس وتنقخات ليها بزاف كون تعطلت غير ساعة كانت غادي طرطق …داكشي علاش شدها صداع فكرشها كلها …

فؤاد “على طولته تخبط فوق الكرسي حتى جا الياس عندو ” : ش شنو غادي دير دابا ؟؟؟ “غوت بجهد ” هضري دغيا ؟؟

يسرى : الله يخليك غير تهدن راه مكلفين بيها دابا شي شوي وغادخل لعملية نيشان …والى تعطلنا هادشي غايهدد حياتها مغانزيدو نتعطلو حتى دقيقة مزال …

فؤاد : بغيت نشوفها …

يسرى “بقات شحااال كتفكر ” : تت واخا دخل ولكن دغيا باش نحيدو علينا هادشي متعطلش معاها عافاك ….

ناض بسرعة تبعها لداخل لقاهم كيوجدو ومشاو باش يعقمو غرفة العمليات وهي حيدو ليها حوايجها وكيلبسوها فلباس باش دخل لعملية مغطين ليها راسها ومغطة فالبياص وجهها بيض مسكينة وعينيها ساداهم بالعيا ….حتى قرب ليها وقبط ايديها باسها …

فؤاد : عمارة داري وحياتي ورفيقة دربي الي هازا همي وهبالي …شنو ضارك يضرني معاك وبالي يهنى من جيهتك …

يامنة “حلات عينيها بزز شافت فيه عيانة وجهدها تسالا بصداع نطقات بصوت باح عيان ” : فؤااادي …

فؤاد : ام ولادو ورضاهم …ورضايا حتى انا معاهم “عينيه حمرين ” …شنو بيك ماتخلعيني عليك اغزالي …

يامنة : مادير فبالك والو لابد منها …

فؤاد : منصبرش لقمشة تقيسك ونصبر لصداع يضرك ؟

يامنة : ياسين وولادي لاخرين اسامة الحبيب …

فؤاد : خرجي ليهم هانيا وهاهما معاك …

يامنة “كمشات ليه فايدو ” : وياااك تقول لياسين شي حاجة شوف كيف دير عطيني نهضر معاه باش يبقى تما يشد خدمتو مايضيعهاااش …

فؤاد “غوبش ” : شنو هادشي كتقولي ؟؟؟

يامنة : الله يخليك ما تمحنيش وسمع ليا …انا الي عارفاه الى ضيعها على ودي مغاتبقا تا خدمة تشدو باش يبقى هنا …

فؤاد : دار مرتو ايامنة شنو غايخليه يهاجر تاني …

يسرى : يامنة ماتجهديش. راسك نساي عليك داكشي…

يامنة : وااااااا عااافاك عطيني نهضر معاااه اهى اهى …قادرة منبين ليه والو غير عطيني نقوليه راني مزيانة مغاديش نجيو جاتك خدمة شوف كيفاش انااا عارفاه تمشي ليه “غير كتخربق وصافي معارفاش شنو كتقول ” …من بعد يقدر يتعصب ويدي مرتو ويزيد تاني لهيه وشوف امتا يرجع …

يسرى : ياامنة …راه غايعرف يعرف …

فؤاد : يامنة هاديك غير حفلة معندها حتى تاثير على خدمته يهديك الله …

يامنة : اهى وااعطيوني نهضر معاه انا عارفااه غايجي عقلو غايب …

فؤاد “عصباتو ولات غير كتخربق …شاف فيسرى غمضات ليه عينيها باش يسلك معاها جبد تيليفونو ودوز رقمو نيشان حتى كان غايقطع وهي تقبط ليه ا🦋🐺نور_الياسين (231)sana mina🐺🦋

صونا ليه وصونا والو مكيجاوبش حتى هو ….حتى عاود صونا تاني باصرار منها عاد جاوبو ….

ياسين : الوليييد !! شنووو واقع مالكم حتى واحد ما بغا يجاوبني جهلتو ملتي ؟؟؟

فؤاد : مكاين والو غير تهدن …

ياسين : ماعند جدري ما يتهدن شنو واقع ؟؟؟

فؤاد : مكاين والو غير ماساليتش كان عندي اجتماع سري معندك لاش تعرف داكشي …

ياسين : مزياان …والحنانة ؟؟ تيليفونها علاش كيصوني مكتجاوبش ؟

فؤاد : هاهي حدايا هضر معاها …

يامنة “مد ليها تيليفون غمضات عينيها حتى تشجعات باش تحاول تهضر مقادة ..حنحنات ” : ولدي حنينة …

ياسين : الحنانة !! مال تيليفونك مكتجاوبي ؟ فينكم ؟

يامنة : والو راه توضر ل احم ليا اولدي ودايرة ليه سيلونص معرفت فين لحتو كنت كنجمع حوايج باش نجيو قلبت عليه تا عييت …

ياسين : اييه …ولي فدار علاش تاحد مكايجاوب ؟؟؟ واقعة شي حاجة ؟

يامنة : يهديك الله اش غايوقع كل فين مدهي اولدي …كيداير فين اسامة …

ياسين : مال صوتك ؟؟؟

يامنة : مماليش غير عييت بجميع الحوايج ساعاك يقدر ما جايينش اولدي باك خرجت ليه خدمة من ورا هاد الاجتماع طالع نيشان لموسكو غانجيو من بعد …

ياسين : اودييي مكاين لاش الحنانة مكاين لاش …صحتك مزيانة ؟

يامنة : بييخير غير عييت احنينة ضرتني ديك نخصة تاني غادي نمشي ندوز عليها …

ياسين : هضرتي مكتسمعيهاش راسك قاصح اميمتي …ماااعليش ردي لبال راسك حتى نتشاوفو …ماجات فين تجاوب قطع عليها …

يسرى : يامنة يلاه خاصك دخلي دابا …

فؤاد : غزالي ماتخافيش انا معاك …

يامنة “نزلو دموعها يجريييييو ” : شوف ليا ولادي الحبيب عافاك وسول فاسامة خاطري كيبقا مشوش عليه …”جروها غادين بيها وهو شاد ليها فايدها تابعهم وهي توصي وتهضر حتى حلو باب البلوك والايدين الي تجمعو كانو ضامين بعضياتهم تفرقو …

يسرى : فؤاد خويا ميكون غير الخير غير مصرانة زايدة تحيد دغيا ميتعطلوش فيها …

فؤاد : وقفي معاهم ردي ليها البال راها درويشة ما ديال عذاب …

يسرى : كون هاني …”خلاتو ودخلات معاهم مغادير والو فقط غير غادي تراقب وتشوف بحكم ماشي اختصاصها وغير طلبات طبيب المختص فالجراحة العامة باش دخل معاه ….اما هو بقا تما واقف حتى تمو جايين كل من يسوف وصهيب والياس وعيالاتهم ونجوى وراوية ونجود والكل …لقاوه واقف كيمشي ويجي تاحد ماهضر معاه فات يوسف ….

يوسف : امضرا خويا …

فؤاد “كيمشي ويجي هز ايدو ومد صبعو لفوق ” : في رعاية الله ا يوسف دعي معاها …

صهيب : الله يكون معاها …

واحد شوي حتى تم جاي محمد الحبيب معاه مينة وايساف واشرف وعلي جايين كيجريو واشرف عينيه مغرغرين بدموع …

الحبيب”حابس دموعو ” : الوليد …حنانتي …

فؤاد “جرو وعنقو بجنب طبطب عليه ” : دعي مع ميمتك ميكون غير الخير عاوني اولدي عاوني …

الحبيب “دار ايديه على راسو وتكا عالحايط ” : ياااربي شافي ليا الحنانة ورضايا ياربي بلا بيها مكاين لا دنيا لا غيرها …

اشرف غير حادر راسو وعينيه لارض ….

بقاو شحال وهما جالسين نجود شادا القران وتقرا وفؤاد هاديك وقفتو ملي دخلوها وهو عند باب البلوك الي لداخل ديالو خدامين كيتقاتلو معاها …

يسرى “دايرة الكمامة وكتهضر مقابلة مع شاشة الي كتبين شنو كيدير طبيب …ويامنة خاشين ليها تيو في فمها مشااات غابت بفعل البنج …” : شنو واقع ؟

طبيب “شاف فيها عرقان ” : منفوخة بزاااف …مشكيل ماشي هنا ؟

يسرى : شنووو ؟؟؟

طبيب : ضربات القلب منخافضين مفهمتش علاش …المرارة عندها طايبة بزاف …واكلة دق هاد سيدة ….

يسرى : هزات ماهزات بلاد كاملة فقلبها عمرها شكات ولا قالت اش ضرني …

طبيب : هادشي اثر عليها وعلى صحتها ها علاش كنقولو الخاطر يكون متيسع ابنتي …العامل النفسي هو الي كيلعب على صحتنا …

يسرى : شنو الوضع دابا دكتور ؟

دكتور : حنا كنديرو الي علينا …”عوج فمو ” بون …دكتور رمسيس اولا هي مصايماش تمنية سوايع قبل عندها cas ايغجون …c’est une appendicite sévére.pfff donc il faut l’opérer sans attendre (حالة التهاب زائدة دابا حنا بحاجة نجريو العملية على الفور ) وزيد منفوخة بزاف كنتسايس معاها ابنتي “واحد شوي سكت وجهو تزير ..”

يسرى “كتشوف فشاشة مقدراتش تهضر باش متزيدش تزعجو ” …

دكتور : تت mais 🦋🐺نور_الياسين (232)sana mina🐺🦋

 

ازيد من ساعتين وهما جالسين شي كيقرا القران شي كيردد الاذكار ويسبح وشي كيدعي وشي كيمشي ويجي وشي مشا يشوف الفيلا ودراري وهنا يخص الذكر جا ومروان …شكون الي قاد يصبر والصبر كيضبر على قولة فؤاد الي هو بنفسو قهرو صبر من جيهتها …حتى مشا جلس فواحد الكرسي بعيييد دار ايديه جامعهم وحطهم على جبهتو مغمض عينيه …كيفكر وعقلو فتفكيرو غير مع حب حياتو مرته الي عشقها وهي فسن خمسطاش لسنة لقاها مرته بدون علمو والي ناض صداع بسباب حطوه امام الامر الواقع الا انه اعتابرها هدية

من عند الله جابها ليه …بقا يفكر ويفكر حتى لقا راسو كيردد ادعية من فمو …

فؤاد”بصوت منخفض شوي وبعيد عليهم ….

” : يا ودود يا مجيد يا ذا العرش المجيد يامن يرجى لكل عظيم أن تكشف ضر زوجتي وترحم ضعفها وقر بها عين ابنائها ياحي ياقيوم اللهم انت الشافي المعافي إنك على كل شيء قدير اشفها ومرضى المسلمين. زوجتي اللهم أشفها وعافها وارفع عنها ما ألم بها وأجعل ما أصابها في ميزان حسناتها.”هز عينيه لفووق …” …ياااارب …

حتى وقف قدامو يوسف بقا فيه وعز عليه عمر يامنة ماوصلات العملية والمشفى من غير لولادة ولا فاش تهرساات كانو مجرد حاجات خفيفة ماشي بين الحياة والموت …اول مرة كيشوفو منكسر وخايف بزاااف لهاد درجة …

يوسف “تحنى على ركابيه لعندو وشاف فيه حط ايديه على ركبتو ” : خويا كون مع الله يكون معاك …يامنة ختنا وحنانتنا وصبارة فينا مزال صغيرة ربي يطول عمرها …

فؤاد “شاف فيه بشوفة طوييييلة هازة وهازة وهاازة ونطق بدون شعور كيهضر” : الحنانة الي هزات هبالي وهزات همي كلو ما تقاسماتو معايا ما خلاتو يضرني …هزات الهم على كتافها وهي صغيرة لا طفولة عاشتها لا شباب عاشتو عادي …غصبوها بزواج وهي سنان الحليب …بكرها لول هزاتو هزات معاه

المشاكيل والمرض والقهرة تابعة قهرة وهي تسنا فيا نرجع من الموت (كان فاش كانت حاملة بياسين وقعت ليه كسيدة فموسكو بسباب المافيا بقا شحاال غابر ) صبرات لهمو الي زادها هم …هموم وهموم هزاتهم على كتافها ولربي حامدة وشاكرة …قبل منهضر تعرف اش بغيت واش بيا واش ضارني واشمن هم شادني …

…..في هاد الاثناء كيشوف ومركز وحداه نوار بجنبو معارفة واش تهضر معاه ولا شنو دير ولا شنو تصرف …بقات غير جالسة جامعة ايديها عندها حتى ضار شاف فيها ولاحض توترها وخوفها عليه …

ياسين “قبط ايدها وباسها ” : نوارة داري …مالها ؟

نوار “هزات كتافها ” : مماليش غير نتا قلقتيني عليك وعليهم بزااف …

ياسين “حط ايدها ودوز ايدو على فخدها بهدوء ” : هاحنا غانشوفو مالهم …

نوار “حطات ايدها على كتفو ” : قلبك ما هانيش ؟

ياسين “جمع تنهيدة من اعماقو ” : بزاااف …”مد ايديه لكتفها وجرها عندو معنقها بجنب حتى هز عينيه سنا ضو البولة ديال سيارة نيشان فالبلاكة الطريق السيار …

ياسين “شاف بنضرة حادة ونطق ” : دابا نشوفو شنو واقع نقطعو شك باليقين ….

يوسف كيشوف فيه كيعاود وعينيه غرغرو بجهد …كيسمع لكل كلمة كينطق من اعماق قلبو كاتخرج …

فؤاد : ربي يسمح ليا ويغفر ليا الى نطقت هاد الحروف من فمي ومرادي نبغيه يوصل ويقبل خالقي دعائي …يامنة بلا بيها حياتي معندي بيها غراض كيف عايش كيف لا …بغيت ربي يومي قبل يومها …جاتني بنت صغيرة ربيتها على ايدي حطوني امام الامر الواقع حتى لقيتها على ذمتي ….”شاف فيه ونزلات دمعة كتجريييي من عينو ليمنى ” …احلى واغلى امر واقع تحطيت فيه …هي يامنة جنتي انا ودنيتي مغاتبقا ليا تاحاجة الى مشات غاليتي ….

🦋🐺نور_الياسين (233)sana mina🐺🦋

العملية الي كتستغرق مدة بسيطة لاستئصال الزائدة الدودية هاهي دابا في حالة يامنة جلسو فيها اكثر …الطبيب وجهو تزير وعروقاتو كتكب ولفرملية حداه كتمسح ليه واحد حاضي الضغط ولاخور دقات القلب والفرمليات مزاكينش بالمشي والمجي جاب الله مكيدخلوش ويخرجو قدامهم كيخرجو من الباب المخصص لاطباء والفراملية والاطر الطبية بلا ميشوفهم حد …

يسرى : شنو الحالة ؟؟

دكتور “الصمت عروقاتو تكب مبقاش كيهضر معاها ولا تركيزو مع يامنة وحالتها …”

يسرى ولات تصرط فريق شافت فشاشة وعرفات شنو كاين …

يسرى”جمعات ايديها على فمها ونطقات بصوت شبه مسموع منخفض نضرا لتوثر الوضع ” : يااربي سلامة …يااربي شوف من حالها ياارب …

في هاد اللحضة الصبر ضبرهم فؤاد بقا جالس شاد ديك الركنة فين جلس فين بقا عينيه كيشوفو لارض تاحد ما قرب ليه من غير يوسف قاليه ديك الهضرة ضرو قلبو عليه حدو طبطب عليه ودعا معاه هاد ساعة مكاين غير دعاء ثم الدعاء لان الله وحده هو الي بيده كل شيء الشفاء او الموت …

نجود : يااربي عجل الشيفاء من عندك يااا رحمن نزل الرحمة على عبدك ياارب …

صهيب “جالس حدا يوسف ..ضار شاف فيه ونطق ” : شوف حالتو كيدايرة …

يوسف “ضحك بجنب ” : وايلي راه يامنة هاديك اصهيب …نسيتي ولا نفكرك …

صهيب : منكذبش عليك اول مرة نشوفو بهاد الحالة ويا جبل ما يهزك ريح …

الياس”كيكدد فصبعو بالتفكير والسهو وتنهد ” : اودييي صبر ديك السيدة فاش يتقادا راه خاطرك يضرك عليها …الله يجيب شفاء…

يوسف : نورمالمون المصرانة زايدة مكيجلسوش فيها قد هادشي علاش تعطلو ؟

صهيب : شش عنداك يسمعك راه كيبان ليا على نقشة غير من جلستو …

الياس : متشوفش كيفاش تهضر مع يسرى ا يوسف ؟

يوسف : يسرى داخلة معاها …انوض نشوف معتز دكتور معاها هنا كنعرفو هو يجيب لينا الخبار “ناض ”

صهيب : احسن مغادير ،..

مشا من الجناح الي فيه البلوك وعيط ليه فتيليفون جاوبو فالحين ومن محاسن صدف لقاه مسالي ديك اللحضة …

معتز : ايه على راس والعين …ودكتورة يسرى مخرجاتش كاع عندكم ؟

يوسف : لا والو خويا نعرفو غير اش كاين. راجلها لحد الان صابر وساكت واستغربنا وصحتو على قد الحال راك عارف شنو واقع ليه اخر مرة مبغيناهش يتنكس اخويا …

معتز : وخا اجي معايا نطلعو لعندهم وندخل ديك ساعة نشوف الوضع …

طلعو فالمصعد لطابق ديال لبلوك ودخل هو وياه من جيهة لاخرى خلاه ودخل لعندهم غير تما لداخل مدخلش لغرفة العمليات وطقس على حالتها شي عشرة دقايق حتى خرج لعندو …

يوسف : امضرا خويا …

معتز : وشنو نقوليك هي نورمالمون عملية استئصال زايدة عادية ولكن الي عرفت انها منفوخة بزااف لدرجة خاص يتسايس معاها باش مطرطقش ليه على باقي الاعضاء والا غاتهدد حياتها …

يوسف “خرج عينيه ” : و وايلي ؟؟ و شنو دابا …

معتز”طبطب ليه على كتفو ” : في يد الله اخويا ف يد الله …

يوسف “لسانو نمل عليه وريقو نشف في حلقو ” : ك كيفاش ؟

معتز : الي عليه راه كيديرو ا يوسف مركز معاها بزاف باش مطرطقش عرفتي يمكن ربي بغا يطول ليها عمرها انها جات فوقت مناسب على حسب ماعرفت بالفحوصات منفوخة بزاف وفي هاد الحالة الى طرطقات الله يحفض مابغيناهاش …

يوسف : و واخا يحفضك خويا معتز …

معتز : مرحبا راه وصيت يسرى تخرج طمنكم متعطلش نضرا لحالة الانتظار الي نتوما فيها عالالقل غير تعطيكم الجديد …

نص ساعة تقريبا الي دازت جا يوسف غمز صهيب مقدرش يقوليهم اش كاين باش ميزيدش يوترهم اكثر …وهما جالسين واحد اللحضة حتى تهز فؤاد وقف على طولته حتى هزو فيه عينيهم …

فؤاد : شنو شنوووو غانبقااو نتسنااااو ؟؟؟؟

م.الحبيب “مشا لعندو قرب ليه ” : الوليد تهدن ..

فؤاد “ضار خنزر فيه ” : شحال من ساعة وانا مهدن …اااا ؟؟؟ هضاااااااار شحال من ساعة …هاديك الي لداخل شكون ؟؟؟ شكوووون”وجهو تجيف بالاعصاب ” …

يسرى “خرجات من الب🦋🐺نور_الياسين (234)sana mina🐺🦋

اغلب الي جالسين كيشوفو فيه ومقدروش يلوموه ولا يعاتبوه عارفين يامنة شنو هي عندو شنو بالنسبة ليه اش داز واش دوزات معاه من حب مشاكل عشق وصبرات ليه ومرض الي داز عليه وتمارة الي دوزات مع ولادها بثلاثة …صهيب وقف هو ويوسف والياس كيشوفو فيه كيتسناو لا يدير شي رد فعل مجهد باش يتحاماو عليه بثلاثة يهدنوه …الحبيب واقف معاه شادو

الحبيب “عينيه حمرين تاهو غير واقف بزز ” : الوليد الله يطول عمرك تهدن عاارفين كلنا على اعصابنا راه كون كانت شي حاجة كان غيقولوها …صحتك الوليد واش بغيتي حتى نتا طيح ؟ تزيدونا تانتوما بجوج ؟

فؤاد”صدرو كيطلع ويهبط وعينيه دايرين نضرة نسر نضرة حادة قاصحة جامعة شلااا من معاني واحاسيس …حتى خرجات يسرى حيدات الكمامة …

يسرى : خويا فؤاد …

فؤاد “شاف فيها وطلق من محمد الحبيب نضراتو تحولو لنضرة سؤال ” : ش شنووو ؟؟؟

يوسف “قرب ” : يسرى امضرا …

يسرى “تنهدات ” : ففف سمحو ليا تعطلنا عليكم وشغلنا ليكم بالكم …حالتها كانت غير مع الحالات الي مصرانة زايدة منفوخة بزاف لدرجة الى طرطقات كانت غاتهدد حياتها باش نحطكم فالصورة …والشي الي خلانا تعطلنا بشوي بشوي مسايس باش متنفاجرش هذاكشي علاش وقع تاخير ….يعني راها الحمد لله هاد ساعة بخير خليتهم كيخيطو ليها وينضفو باش نقلوها لانعاش غاتبقا فيه حتى يحيد البنج وتفيق …”مساحات دموعها وضحكات ” دازت منها الحمد لله ياربي ….

فؤاد “جلس لارض على طولته وفمو محلول باقي مصدوم مسكين قلبو بدا يضرب بجههددد حتى شدو غير الحبيب وعلي الي كانو حداه شاف فيها وعينيه فيهم لمعان ” : شنو مزيانة ؟؟

يسرى : الحمد لله …باقي الهضرة حتى تفيق ونهضرو فيها ونوصيك على شحال من حاجة ديرها …

الحبيب : ههههه الخالة يعني هي مزيانة دابا ؟؟ “نزلت دمعة كتجري من عينيه ممسحهاش بقا غير يضحك ويبوس فراس باه ” …

يسرى : الحمد لله “دموعها مبغاوش يحبسو كتضحك وتمسح فيهم حتى قرب ليها يوسف عنقها وباس راسها وخلاها في حضنو كتبكيييي خلاتهم كلهم كيبكيو ونجود تدعي وتشكر الله …اشرف ضرب دوزة ومشا خرج خلاهم تاحد ما داها فيه …يمكن مع انشغالهم وفرحتهم ….

راوية : الحمد لله ياربي …”قربات لفؤاد وباست ليه راسو وحتى ايلاف تاهو ” …على سلامتها خويا ربي كبييير …

ايلاف : الحمد لله عا سلامتها بدنا ياك تقوم واقف رفيقي وشد حيلك محتاجتك هلاا …

ايساف : الخال على سلامتها …

فؤاد “باقي جالس ممتيقش حس بواحد راحة نزلات عليه واحد سكينة …حتى ناض وقف وقرب ليسرى …باس ليها راسها وهي مزال كتبكي ويوسف ابتاسم …” : لهلا يخطيك لهلاا يخطيك…

يسرى : اش كتقول راها صاحبتي وختي الي مولداتهاش مي …

فؤاد : ما يمكنش نشوفها ؟

يسرى “مسحات عينيها بكلينيكس وكتهضر صوتها منغنغ بالبكا ” : تقدر تسنا واحد نص ساعة بينما هبطوها لتحت بلاصة الانعاش ؟

فؤاد : ماعليش نتسنا الى غانشوفها …

يسرى : واخا انا ندخل نهبط معاهم ونبقى معاها وتبعني لتحت …احم واش قلتوها لياسين واسامة …

فؤاد : راكي شفتي كلشي شنو وقع …غادي نقولها ليه ضروري ميمتو هاديك …

يسرى : واخا …

مشات يسرى هبطات لتحت عندها لانعاش وبقاو هما جاو عندو سلمو عليه وطلب منهم اغلب يمشيو لديورهم حتى لصباح ويجيو يشوفوها بقا غير يوسف وصهيب والياس والحبيب وعلي اما ايساف هز راوية ونجود وباه مشاو لفيلا الكبيرة حتى يوجعو الغذ ليه فالصباح ….

فؤاد “خرج برا بينما وصل وقت باش يدخل عندها خرج يضربو برد شوي يتنفس ويكمي يتهدن ليه شوي …واقف كيكمي وحجبانو معقودين …كيشوف حتى قشع اشرف جالس فواحد القنيتة وحدة حادر راسو وكيمسح عينيه بطرف كمايمو وكتافو كتيهزو ويتحطو ….قوس حجبانو وزگا فيه شوفة …مشا لعندو قرب ليه وحنحن حتى ناض اشرف ضار شاف فيه ….

اشرف “ضور وجهو عض فشفايفو ورجع شاف فيه ” : احم الوليد ..

فؤاد : علاش جالس هنا ؟؟

اشرف “هز كتافو وصوته كيغلب عليه البكا” : واااالو “طولها باش ميبكيش ” …

فؤاد : شنو كتبكييي ؟؟؟

اشرف “مقدرش يصبر مزال حتى بدا يبكي ويتنخصص تلاح ليه على صدرو وعنقو كيبكيييييييييي ويقول مبكيت …مهضرش معاه فؤاد خلاه حتى بكا على خاطرو حط ايدو على ضهرو ودوز عليه ”

فؤاد”قابلو معاه وهو مزياال كيبكي ” : عليها ؟؟

اشرف : وشكووون من غيرها ؟؟

فؤاد : شفتي الحبيب ؟ عينيه مسحهم ودعا لله سبحانه وشكرو على نعمة طول العمر الي عطاها لميمتو …وشفاها ليه …شنو الفرق بينك ولين الحبيب ؟ حتى هي ميمتك حتى نتا دير فحالو وشكر الله ودعي معاها بطول العمر …

اشرف : ماا صبرتش حيث هي ميمتي الي رباتني والي دارتني بحالي بحال ولادها …الي سهرات ليالي فاش كنمرض والي هزات همي …اااااش كاين من غيرها ؟

فؤاد : ماشي فحالك فحال ولادها راك واحد من ولادها مكاين فرق بيناتكم …من حقك تبقا فيك وتبكي عليها “هز صبعو ” دابا ماشي وقت البكا دابا وقت شكر لله وحده ودعاء …”باس ليه جبهتو ” الله يرضي عليك اولدي والحمد لله على 🦋🐺نور_الياسين (235)sana mina🐺🦋

دازت نصف ساعة ودخلو بزوج من بعد ما كان كيبكي ومشافو حد داها فيه باه الشخص الي رباه من وهو لحمة بمصارنها مليوحة قدام باب دارو هو الي رجع ليه ضحكة وطمنو على يامنة الي كيعتابرها ماشي غير انسانة رباتو حتى هي من بعد نجود وانما كان ليها الفضل الاكبر فرعايته وتربيته دارتو فحالو فحال ولادها وكبراتو معاهم ….دخل لحق على الي جالسين تما اما فؤاد دخل لبلاصة الانعاش لبساتو يسرى لباس معقم باش يدخل والكمامة وراسو حتى هو …وتبعها فاتو اشخاص ناعسين حتى هما فالانعاش وصوت الالات بوحد الي خدام وسط سهيييييط والكاالم ….بقا تابعها حتى داتو لواحد الركنة هما بيوتة كل بيت ضاير بيه زاج كيدخل ليه غير طبيب ولا فرملية الي كيراقبو ….حيدات ليه ستائر الي ضايرين وهي تبان ليه حس بقلبو داز عليه موس ماضي كيف البرق ضرب ليه تما …حتى غمض عينيه …فييينهيا مزال غايبة والبنج باقي محيدش …جامعين ليها شعرها ف طاقية معقمة حالا فمها خاشين ليها تيو وانبوب الاكسجين فنيفها …

دايرة ايد فوق ايد على كرشها مغطينها بايزار بيض وعريانة كلها من تحت ليزار …وجهها بيض مسكينة وعينيها تقولي غير ناعسة كيرمشو مرة مرة …حتى وقف كيشوف فيها من بعيد تفهم الوضع انه ميقدرش يدخل عندها …كيشوف غييير فديك الملاك الي قدامو كيفاش مددة على داك سرير الي ربي شاف من حالها ونجاها لوليداتها ….

يسرى “نطقات بصوت خافت ” : اجي معايا نهضر معاك فالمكتب …

فؤاد “شاف فيها بجنب وحرك راسو بمعنى واخا مشات هي وخلاتو بقا كيشوف فيها شوية وخرج من الانعاش تبعها لمكتب ديالها دق وهو يدخل …لقا طبيب معاها جالس سلم عليه وجلس مقابل ليها ”

يسرى : الحمد لله على سلامتها …احم ندخل فالموضوع حيث عارفاك مكتبغيش لف ودوران هههه …مهم خويا فؤاد الي نوصيك هو الحمد لله هي حاليا مزيانة …مهم نخلي دكتور هو الي يشرح ليك حيث هو الي دار ليها لاوپيغاسيون …

دكتور : سي فؤاد على سلامة المدام …كيف قالت ليك دكتور رمسيس يسرى دازت منها سالمة بحكم كانت منفوخة بزاف لدرجة الانفجار فاي لحضة الي كان ممكن يسبب ليها الموت لا سامح الله …

فؤاد : كمل …

طبيب : بحفض الله ورعايته كان معانا …الي مهم دابا هو الي غانقوليك بالنسبة لمرارة عندها طايبة بزاف …غادي نكتب ليها على دوا وتحاليل ديرهم اصلا غايديروهم ليها ماحدها هنا فالكلينيك …والي اهم

هو متبقاش تقلق بزاف وتمرض صحتها النفسية …غادي ونعطيك موعد مع اختصاصي باش يتابع حالتها ومايكون غير الخير …الي عليا درتو والحمد لله على سلامتها …

فؤاد : مكاينش شي خطر ؟؟؟؟؟

طبيب : لا لا دير غير شنو قلت ليك وضروري ماتابع عند اختصاصي خصوصا المرارة …هذا هو الي بغيناك تعرف …

فؤاد : ان شاء الله …

ناض من عندهم وخرج لحق على الي جالسين تما طمنهم عليها كاين الي بقا معاه وكاين الي مشا حتى فالاخير بقا غير هو من بعد ما اصر عليهم يمشيو بكلمة وحدة معاودوهاش …

الثلاثة ديال صباح …جالسين دراري فجردة مجاهمش نعاس بحكم بقاو معطلين فالكلينيك حتى لاش من وقت فالليل …مينة والحبيب وعلي و يوسف والياس وايساف حتى هو معاهم واشرف….

مينة : دابا هي مزيانة بابا نقدرو نشوفوها غذا ؟

يوسف : مزيانة حتى تفيق من البنج وشوفوها حتى تطلع لشومبر عادي حسن …

الحبيب : شي شوي ونطلع ندوش ونمشي عند الوليد نبقا معاه …

ايساف ؛ واش مناوينش يقولوها لولادها لاخرين ؟ ياسين ؟ واش من نيتهم ساكتين ؟

مزال كيعاود فيها حتى دخلات سيارته حل ليه العساس وفرانا قدااامهم ….حتى وقفو كلهم شافوه هبط هو ونوار من طوموبيل ….

ايساف : لاي لاي لاي ل🦋🐺نور_الياسين (236)sana mina🐺🦋

ماعرفو باااش تبلاو واصلا كان متوقع نضرا لطبع ديالو الى شم فيك ريحة الزيگزاگ ولا الغدر يطيرك فسما الى شك يقطعو ليك باليقين ويهني راسو …وداكشي الي تبغيه يديرو والله لا دارو ليك …حتى تمو جايين فاش شافهم فهاد الوقيتة مجمعين فجردة شاف فساعتو وعقد غوباشتو …وتم جاي لعندهم حتى وقف عليهم وهما واقفين اصلا ولا شي يشوف فشي …

ياسين : شنو هاد ساعة ونتوما هنا ؟ كاينة شي حاجة ؟

يوسف : على سلامتك اولدي مالك ماقلتي راك جاي ؟

مشات نوار لعند يوسف عنقاتو وسلمات عليه …

ياسين “صغر عينيه ” : شنو واقع ا يوسف ؟

الحبيب : خويا …م “شاف فيوسف ” …

نوار “شافت ف باها ” : واش كاينة شي حاجة بابا ؟ حتى سهرانين لدابا ؟

يوسف : ولدي ياسين …”حك نيفو معرف منين يبدا ليه …”

ياسين : شنوو كاين ؟؟؟ “حدر عينيه كيهضر وحجبانو مرفوعين بعصبية ” شي واحد يهضر بلا دوران فالهضرة ؟؟ طلقووني …

الحبيب : خويا غا تهدن مكاين باس غير الوليدة عيانة شوية داكشي باش دارت عملية زايدة راك عارف كتجي على غفلة وهي دابا دازت منها دوزتها بيخير وعلى خير جا على غفلة كلنا مفهمنا وا….

ياسين : بلاتي بلاتي ….دارت عملية على غفلة ؟ ايه وامتا كنتو ناوين تقولوها ليا بسلامة ؟؟؟؟؟

يوسف : اولدي راه هي ال….

مكيخليهمش حتى يكملو هضرتهم كطلع ليه القردة لسما …

ياسين : واااااااااااااا مييييييمتي بين الحياة والموت وقاليك ما كاين بااااس ؟؟؟ واش شوية لبااااس ؟؟؟ ااااا ؟؟؟ “كيغوت وكشاشكو بدات تخرج …

يوسف : ا ولدي يهديك الله …

ياسين “هز ايدو وقفو وحد صبعو على فمو مبقاش كيعقل شنو كيقول ” : شششش مااااا تقووووول تا حاجة …”خرج عينيه ” …بانت ليه طابلة قبسها حتى تردخات كلها تشتات …”

نوار “غوتات بالخلعة وتخشات ف باها ” …

الحبيب : ياسييين …”بغا يقرب ليه هز ايدو على شكل بونية وعطاها ليه لوجه حتى جابو لارض مشبح منخرو بدا يدوز بدم …” اشرف دار ايديه على راسو وعلي بغا يمشي لعند الحبيب وهو يضور ياسين خنزر فيه حتى رجع بلور …غواتو وصل لداخل لفيلا كانو ناعسين فاق صهيب كانت سارة بغات طل رجعها حيث كانو متوقعين هزد ردة الفعل …

يوسف : الاطييييف “غوت ” ياسين ؟؟؟

الياس “تاهو غوت عليه ” : ياسييييين …

ياسين “هز صبعو وجهو تزير ” : شي واحد يوصل عدو ربي منعقل لا على كبير لا صغير ..تقاااودو عليا جملة .”ضار دورة ومشا لطوموبيل ركب فيها وكسيرا حتى تهزات ودارت صوت تسمع فارجاء الفيلا كلها ….

نوار “كترعد وسط حضن باها الي كمش عليها ” …

مينة “تحنات عند الحبيب ” : تت الحبيب خويا ؟؟

الحبيب “وقفها بايدو ” : ماوقع باس عارفو غايديرها حمدي الله مفرشخ دنيا كلها …

يوسف : وعبر عليك تانت مالك ماتقولها لخوك ؟ لاش سكتو كلكم ؟

الحبيب “مد ليه ايساف كلينيكس يمسح بيه دم ” : اش غانقول وقاليك الوليدة مبغاتوش يعرف. را هي الي دارت هادشي …

الياس : الفجلة تاهي تاتبغي تخدم الذكاء تتصدق مخدمة الداااكا …مالها ؟

الحبيب : الخوا الخاوي …بليميييين تايقلب عليهم الكلينيك ا صبر …احح منخري …

نوار “بقات معنقة باها مكمشة فيه ” ..

يوسف “شاف فيها ” : دابا نتي لاش مكمشة فيا ؟؟؟

مينة : نوار مالك ؟؟

نوار “كترعد دموعها دايزين ولات تقفقف ” : عنداك يضربني …

يوسف : هههههههه لا ميضربكش اويلي …لاش تزوجتي بيه ؟

نوار : مابقيتش بغيت اهى اهى …واعر ابابا …

يوسف : هههه وايه حسن ليك دابا نطلقك منو واحي ضفري شيب حدا بوك …نوار تگعدي جمعي راسك قاليك مابقيتش بغيت …كلعبو هنا ؟

الياس : واش من نيتك نتي هاد الهضرة ؟

نوار : وا اهى اهى بغيت نشوف خالتو يامنة علاش خبيتو عليه …عرفتي كيفاش كان جاي فطريق وجهو فشكل كان حاس بشي حاجة ودار حالة حيث مجاوبو حد ….

يوسف : فين ابنتي حنا كلنا ما عرفنا تا دخلات دير العملية …هانتي تسمعي على ودنيك اش دارت هي كلها …

نوار : نمشيو عندها دابا …نوصل عليه …

مينة : بلاش اخليه على خاطرو راكي شفتيه عينيه تعماو مشا بلا ميعقل …

الياس : بنتي صباح بكري كلشي غادي وسيري نتي قبل خليه دابا على خاطرو تايتنفس من جيهتي راه من حقو …

نوار : اهى بغيت نمشي عاافاك ا بابا …ونبقا معاه ….

الياس : دي الزبدة رومية عند بعلها (راجلها) وهنينا …لا فوت فيك شي دقة نعاودك انا …

يوسف : ايه انا لاقيها فطارو زبل وربيتها ماشي بنتي واقيلة …

م.الحبيب”كيقلب فمنخرو ” : مبقيتش كنشم …

علي : خربق ليك سلوكة هههههه

ايساف : كون فكيتيه كان غاخربق ليك سلوكة فقنت اخور تانت هههه

اشرف : ارا ن🦋🐺نور_الياسين (237)sana mina🐺🦋

واقف حدا واحد شرجم كيطل على برا جردة لاكلينيك…داخل منو الهواء واقف قريب لجناح ديال الانعاش عاد قطع تيليفون وواقف مربع ايديه بديك الوقفة رجولية الي ما دا منها زمان والو وديك طولة حدو شعر راسو كساه بعض شعيرات شيب ونضرته الحادة الي شافها يخاف وهيبته تسبق الضحكة الي غايبة لكن بلاصتها تغوبيشة الهيبة كيشوف فجردة لتحت …عينو مغمضاتش وهو كيتسنى وقتاش تفيق عمارة دارو …الي هي دابا فغرفة الانعاش مرة مرة يسرى كطل عليها لا تفيق فاي لحضة …

يسرى : حبيبة امضرا ضغط هو هذاك ؟

هي : دكتورة يسرى كلشي لحد الان مستقر كنتسناو غي تفيق …

يسرى : داكوغ انا دابا غادي نمشي لمكتب ديالي ونرجع دغيا …غانبقا معاها دابا حتى تفيق غير شوفي بقايا الحالات لي تما “ضارت باش تخرج حتى بان ليها جاي لابس لباس الانعاش وداخل داير الكمامة حجبانو بكترت ما كحلين وطوال عاقدهم حتى تلاصقو …وعينيه حمرييين ” …ياسين !!!

ياسين : فين الوليدة !!!

يسرى : اا ؟ اه ولدي اجي معايا …

ياسين : بغيت ندخل نشوفها مابغيتش نشوف من زاج …

يسرى : تت …واخا ولدي واخا اجي …

تبعها حتى داتو لعندها …دخل كيسمع صوت الالة عند راسها هز عينيه فيها فوق السرير مغطة ومغطينها ولايزار فوق صدرها كتافها كانو عريانين غطاتهم غير يسرى باش سترتها حيدو ليها الانبوب من فمها خلاو غير انبوب الاكسجين دايز …قرب لعندها اكثر حتى حط ايديه على ايدها وكمش عليها كانت بااردة …وجهها بيض وفمها تاهو بيض …

ياسين “باس ليها ايدها ” : حنانة ديالي !! اش وصلك لهاد الحالة وبلاصتك ما ديال هنا ميمتي بلاصتك مااا ديال هنا …علاش خبيتي عليا ونتي مهلوكة فصحتك !! …

بقاو عينيها كيرمشو يرمشو وكتر فيهم ترماش بزاف حتى كمشتهم وهي تحلهم …

ياسين “حط ايدو على جبهتها ” : حنانة !!

يامنة “كيبان ليها خيالو وصوته بعيييييييييد بزاااف بغات تنطق مقدراتش كتحرك فمها بزز والو ” …

ياسين “غوبش وهو يصور عيط ليسرى الي جات لعندو ” : شنو مالها ؟؟

يسرى : هههه والو غير فاقت من البنج هكا كيوقع ليهم شوية بشوية يحيد وتهضر …خليها دابا حتى نطلعوها لفوق وطلع عندها ولدي واخا ؟

ياسين “باس ليها ايدها ” : واخا نطلعو لفوق ونشوفك واخا ؟ “كمشات ليه عينيها وهي تبتاسم ديك الابتسامة الي كيحس بيها راضية عليه ” …

خرج من عندها حيد اللباس وخرج طلع لفوق وهو يلقا نوار جالسة قدام باب الغرفة كتسنى فيه باقي بحوايجها باش جات معاه …غير وحدها جالسة فوق كراسا تما الشومبر …غير شافتو وهي توقف كترمش فيه …

ياسين : شكون جابك ؟؟؟

نوار : بابا قاليا حتى لصباح ولكن مابغيتش نخليك وحدك هو دابا مع عمو فؤاد وانا قالو ليا غاتجي خالتو يامنة هنا قالتها ليا ماما وجيت نيشان …

ياسين “تنهد وزفر انفاس سخووونة شاف فيها وشير ليها بايدو ” : اجي عندي اااجي …

نوار “قربات ليه وهو يجرها وعنقها ..نطقات ببرائة ” : تعصبتي عليهم !!!

ياسين : لا …

نوار : مزيااان …احم …

ياسين : مااااشي دابا ماااشي دابا انا عارف وقتاش “خشا وجهو فعنقها وباسها فيه ” …

من بعد شوية …صوت خطوات قرب لعندها اكثر شاف فيها وصغر عينيه كيقول هي ولا ماشي هي …

هو : اوو نوار !!

وقف عليها وهو يحنحن …سلام عليكم …

ياسين “ضار شاف فيه ”

هو : نوار !!!

نوار “شافت فيه وهي تخرج عينيها كانت كتعرفو غير كتهضر معاه كان من دوك الي تعرفت عليهم باش تنسا حب ياسين الي كبر معاها لكن كانت مكتكملش سيمانة وتكركبهم كانو كلهم غير هضرة فالفيس لا غير الا هذا خدام فصيانة تقني فالكلينيك …هو الوحيد الي جا شافها واحد نهار ولكن مقدراتش على تصاحيب ولا شي علاقة خصوصا باها شخص محافض بزاف من هاد ناحية وخا كول وضحوكي …” : شكون انت ؟ “ضربتها ليه بنكرة ههههع”

هو : وايلي نوار ؟ “ماعرفش واش ياسين راجلها وميحسابش ليه معاها …اصلا كانو فصلو العناق وياسين كان واقف بعيد عليها …” انا سعيد …نسيتيني دغيا …وقع عطب فسانسور هنا ديال المستعجلات وجيت نصايبو فهاد الوقت … ههههه واه على صدفة والله حتى توحشتك انوار “مد ليها ايدو يسلم عليها ”

ياسين “خرج عينيه ورفع حاجبو ” : عاود عاود “لقاه على سبة طوا كمايم قميجتو حتى لفوق …عوج راسو وصغر عينيه مكزز على سنانو وتم جاي ليه ” ..عاود القواد بوك شنو قلتي دابا؟🦋🐺نور_الياسين (238)sana mina🐺🦋

 

عينيها تفيكساو وخرجو مبقاوش كيرمشو …حطات ايدها على فمها ىقلبها كيزدح فتسعين حيث عارفاه اصلا جاي معصب وزاد كمل عليه هذا الي شعل فيه فتيل نار الغيرة وفاش كيتعصب كايتعماو ليه العينين ….

ياسين “دور صبعو جيهة ناضرو بحركات دائرية ” : عاود عاود ؟؟؟ شكون توحشتي …

سعيد : كيفاش ؟ شكون نتا بعدا ؟ ياكما خوها ؟

نوار من بعيد كتقوليه سيييير بعينيها حتى ضار ياسين وهي تجمد …

المشكيل هنا ماشي غير خوفها من ردة فعل ياسين وحدها وانما حتى الى كبر المشكيل وباها كاين تما غادي يعرف كلشي وهي تموت وباها ميعرفش انها كانت كتعرف دراري وتواعد معاهم في هذاك السن الي هي فيه وغادي طيح من عينيه بحكم كانت عزيزة عليه داخلة سوق راسها ومحتارمة راسها …

سعيد “شاف فيها وشاف فياسين ” : خويا كتجيك شي حاجة ؟

فين الي يجاوبك راه جايك فحال الاعصار هز ايديه ماعطاه حتى فرصة فين يهضر عطاه لكمة لوجه جمع ليه فيها منخر وفم بجهد حتى طاح لارض بفعل تاتير ضربة ونزل ليه بقا يعطيه وينطح هز رجلو قبسو …

ياسين : نعل زا** الي حطك قدامي فهاد الفجرية “عطاه دقة ” ..

لاخور ماحيلتو لدقة لوجه ماحيلتو لكرش دم منخرو وفمو دايز حتى بقا فايدين ياسين الي ناض من فوق منو صدرو منفوخ …فاش تتوصل بيه العصبية كيتعماو ليه العينين بزاف وياويل الي جا فطريقو وهذا طبع فيه من صغرو والى حرن على حاجة وخا تنطابق سما مع لارض يبقا مقاتل عليها حتى يشدها …حتى جا يوسف وفؤاد الي لقاو هذاك مليوح كيقلب فوجهو …

يوسف : ارسول الله اش هادشي ؟؟؟ مال هذا …

فؤاد : شنو واقع هنا ؟ “شاف فياسين ” ياسين. ؟

ياسين : نوض تگعد عليا من هنا “كيمسح طرف فمو من الكشاكش بصبعو ” …تكاااعد …

سعيد : معندي فين نوض حتى يجيو البوليس اسيدي اش هاد تعدو على ناس “بغا ينوض ليه تاهو لكن مقدرش باقي دايخ بدق ” …منايضش حتى ندير القانون مع هذا ..”كان جاي ليه ياسين يعاودو ”

فؤاد “جهد صوته” : ياسييين “شاف فيه بشوفة كان تيديرها ليهم فصغرهم وكيلبدو مكيعاودوهاش معاه ” دخل الشومبر يلاه …

ياسين “بقا يكدد فسنانو وهو يضرب دورة دخل شومبر يقلب على نوار ” …

اما هذاك تحدر عندو فؤاد عطاه جوج كلمات وهو ينوض تحرك من تما خلاه يدير الي عجبو يدعيه يدير شنو مابغا مهم يقصرو شر قبل متجي المريضة الي دابا جايبينها فسانسور ..حتى خرجوها منو

مغطية لبسوها لباس المشفى وغطات ليها يسرى راسها جايا مغمضة عينيها دوزوها قدامهم …كانو بغاو يستفسرو منو اش واقع ساعاك جات يامنة اضطرو ياجلو…

يوسف : ختي يامنة شوي ؟

يامنة “جاوبات غي براسها ب نعم اما باش تهضر باقي لسانها ثقيل ” …

شد ليها فؤاد فايديها وتمو غادين حتى دخلوها شومبر حسبو حتى لثلاثة وهزوها بالخف حطوها فسريرها وقادو ليها سيروم عند راسها وكلشي الي لازمها وخرجو …

يوسف : شاف ياسين كيقلب بعينيه وبغا يخرج دخلات مو ” …مالك ؟

ياسين : فين نوار ؟.

يوسف : اويلي ياك كانت هنا ؟

فؤاد “عند راس يامنة ” : فاش جينا مكانتش حداك …

ياسين : يحساب ليا دخلات هنا …

يوسف : عيط ليها تكون غي مشات لطواليط ولا …

ياسين “جبد تيليفونو يتاصل بيها لقاه طافي ” : طافي …تت …انا نمشي نشوفها …

يوسف : تسنا نمشي معاك …

خرج هو وياه باش يشوفوها وفطريقو سولو مالو مع هذاك مقاليه تا حاجة من الي عرف حدو قاليه قلب على خلا عشتو وعطيتها ليه ..عارف ياسين مكيوصلش ويعطي لواحد الى مجبدو او لقاه ديجا على سبة …

ياسين : شي واحد مجرد يتبسل ليا على عرضي وشرفي يحسب راسو عند ربي …فين هي دابا ؟؟؟لاش طافياه مافهمتش …

يوسف : من خيبها قاعدة فيها …ماتكونش تخلعات ؟ كانت حاضرة …

ياسين “تنهد وغمض عينيه زعما مع الاسف حضرات ” …

يوسف : صاااافي انا الي عارفها …كنت غا كنوضها انا ومها كلقاوها غبرات عليها لارض ..هالي مبغيت …

ياسين “وقف ” : شنو دابا ؟؟ هربات ؟؟؟

يوسف : الايا …ياكما غاتكون مشات لفيلا …

ياسين”خرج عينيه ” : شنو شنو ؟؟؟ تمشي راسها ؟ فهاد الوقت.؟ يوسف !!!!

يوسف : ا نسيت راها تزوجت تانتا …هاحنا نشوفوها فين بعدا …

اش نقوليكم قلبو عليها الكلينيك كلو ضاروه بعدا غير هما بزوج ويعيطو والو تيليفون طافي …طلعو لفوق لا تكون جات والو حتى لقاو يسرى تما وفؤاد تاهو ولا خرج معاهم يقلب عيطو لفيلا لا تكون جات راسها مجاتش …🦋🐺نور_الياسين (239)sana mina🐺🦋

 

خلاو يامنة معاها الفرملية ومشاو يقلبو عليها مكايناش ولاو طلعو عند يامنة وبقا هو يقلب ويوسف بقا واقف عند باب الجناح الي فيه شومبر يامنة لا تجي حتى هو قلبو بالغرف الي فيه قلبهم سول والو غبرات عليها لارض …جا ايساف وعلي والحبيب طلعو عند يامنة شافوها وعرفو بالي وقع …ومشاو تاهما يقلبو معاه حتى بدا يتعصب من بعد ما نفس عصبيتو شوي فهذاك رجع تاني يتنيرفا بتقلاب عليها ….

ياسين : ولاااااااااش طافية الخرااااا …

علي : اتهدن راه معندها فين تمشي …

ياسين : وعلاش مالقيناهاش ؟؟؟؟

ايساف : هكا كدير هي الى خافت ولا الى كان غوات ولا شي حاجة كتهرب وتخبا …

ياسين : فين ممكن تكون كتخبا ؟؟؟ واااعباد الله مرتي ماعارفها كيدايرة …

علي : ماعليش اصبر اخويا دابا تجي …

ايساف “وقف داير ايديه على نصو ” : ايوى يالاه اسي …

تم جاي محمد الحبيب من جردة …حتى هو قلب معاهم حتى وقف عليهم كيلهث …

م.الحبيب : وتقووول برات عليها لارض …رجعت ريما لعادتها القديمة …

ايساف : دابا لقاوها تحت شي ناموسية …اجي عيط لخالة توصي سيكيريتي يقلبو فلي شومبر الي ميقدرش يدخل ليهم شي حد من غير اطار طبي …هي كدخل حيث عارفينها بنت يسرى مكيهضر معاها حد ….

داكشي الي كان توزعو هنا وهنا كل واحد مشا يقلب عليها …يسرى كلفات سيكيريتي الي تما حتى هما يقلبو …والو برات عليها لارض فين زادت ؟ الله اعلم …

يوسف : اويلي هادي فين زادت ؟ “كيعيط والو تيليفون طافي ” …

ياسين “دار ايديه باقي فيهم دم على راسو وغمض عينيه بنفاذ صبر ..” : الجهل راني جاهل شي حاجة مثر من هاكا ؟؟ واااا فين مرتي اعباد الله زيدو جهلو ملتي وقتلوني …

يوسف “تاهو تعصب ” : وليني مشطبة كحلة هاديييييي …”عيط لمينة ” …ختك مجاتش تما ؟؟

مينة : لا علاش مالها ؟؟

يوسف : واحشمت نقول مراك مزوجة توضرات …

مينة : بففف هاد العادة ياربي يحساب ليا تحيدات منها …

يوسف : الى جات تما عيطي ليا ولا عيطي لياسين …

مينة : ياكما تعصب ؟

يوسف :انا وعصبتني انااا وفكرتني …

مينة : اتهدن ابابا انا هنا فجردة مع اشرف حاضين باش مكان نجاوبك …

في هاد الاثناء في غرفة الي فيها يامنة دخل عندها فؤاد وبقا معاها …

فؤاد : غزالي …”باس ليها جبهتها ” …شوية ..

يامنة “مزال كتجاوب غير بالعينين حتى كتنين هو الي قدرات عليه ” : امممم …

فؤاد : بغيتي ترتاحي تنعسي ؟

يامنة “حركات شفايفها بزز باش بانت ليه ذكرات بيهم نوار ” …

فؤاد : غايشوفوها لتحت ماتشغليش بالك اغزالي …

واحد شوي حتى كيسمع تزعزيع تحت سرير الي ناعسة فيه يامنة …كتشوف فيه وتحرك فشفارها وهو كيشوف فيها كتشير ليه بعينيها لتحت منها …

فؤاد “عقد حجبانو ” : شنو لتحت. ؟؟

هبط راسو تحت من سريرها وهي تبان ليه مع سرير عالي واوطوماتيك على حسب التحكم بحركات النوم او الاستلقاء …جامعة رجليها عندها شاف فيها وهي ترمش فيه …عينيه حمرين باكية بجهد …من خوفها الي وقع قالت راه غايخلطوني بزوج ولا يعرف باها بعلاقتها بسعيد هي الي زادت على ما بيها …

فؤاد : نوار !!!

نوار : عمو فؤاااد “دلات شنايفها ”

فؤاد : خرجي خرجي من تما بعدا …شنو وصلك هنا ؟؟ مد ليها ايدو خرجات من تحت ناموسية جابت ليامنة ضحك حتى ضورات وجهها حيث حسات بيها وفاش كانت داخلة وهي فوق البياص قشعتها …

فؤاد “خرجها وهي تخشا فيه ” : شش ماوقع باس ابنتي …شنو هاد الحالة مخلياهم قالبين دنيا عليك ؟

نوار : عااافاك هضر مع بابا وياسين اهى خفتهم يضربوني …

فؤاد : ماهي برجلة ياسين يمد عليك ايدو ما هي بخصايل فيه يمد ايدو على امراة ويمدها على عرضه ومرته ؟ …”جبد تيليفون عيط ليهم وهي تكمش فيه زاد عنقها عندو كيطمنها ماتخافش ” ..

نوار : بابا بابا …

فؤاد : باك معندو ميدير ليك راكي مرت راجل دابا هو الي مسؤل عليك …تهدني بنتي …

واحد شوي حتى دقو فالباب هي طاح منها نص وخشات وجهها في حضن فؤاد …ساعاك دخل ايساف وعلي والحبيب وولاد الهم عارفينها بغات تموت بالخلعة كملو عليها كل واحد كيهز ليها حجبانو بطريقة كضحك زعما كحلتيها هههه …

علي”ضاصرين قدام فؤاد عارفهم فيهم طنز ما قاطعها فيهم ” : ناري ناري باك شيباني

ايساف : مك الحلوفة “خنزر فيه فؤاد ” اا سمحي ليا الخالة يسرى اتنضحك …

الحبيب : وختك المنتوفة …الوليد هادي غا مينة متخنزرش …

فؤاد : فين يوسف وياسين ؟؟؟ …

علي : مشاو يوصيو مالين لامورگ (جنا🦋🐺نور_الياسين (240)sana mina🐺🦋

 

شبعو فيها طنز والي هربات بسبابهم لقاوهم فجيهة لاخرا داكشي باش تعطلو عاد جاو …قرب يصبح الحال وريگاطة ناضت فداك الكلينيك عاد دخلات يسرى هي لولة خنزرات فيها كانت غاتعطيها غا شاف فيها فؤاد باش تسكت …اما لالة ومالي بقات منخششة في فؤاد …حتى جا يوسف ووراه ياسين الي داخل وحجبانو راسمين حداش …ما دوا ما تكلم شافها ودور عينيه جيهة مو مشا لعندها …

نوار : بقات حاضياه بنص عين …

يوسف : دابا نتفاهمو ابنتي من بعد …

فؤاد : يوسف !!! براجلها ولا لا ؟

يوسف : كون دارت اعتبار ليه مادير هاد الحالة خويا …دارت راجل وباقي فتبرهيشها ؟؟

فؤاد “بصوت غليض وخااتر ” : يووسف ..

يوسف “هز ايديه ” : ساعة الله …

ياسين “تحنى عند ميمتو ” : الحنانة شوية ؟؟

يامنة : امممم …

يسرى : ماخاصهاش اولدي تكتر الهضرة شوية على الفتحة …

يامنة “جاتها الكحبة كتحل فمها وتتبغي روحها تخرج كتحبسها بزز ” …اممممم …

ياسين : مالها ؟

يسرى : الكحبة تتبغي تكحب وكضرها لفتحة هادشي عادي …

فؤاد “حلفت نوار لا هي تبعد منو ” : ديري ليها شي حاجة خاصها تنعس لا ؟

يسرى : هاني درت ليها مهدئ شوي وتنعس …غير سيرو صباح ورجعو مخاصهاش قوة الهضرة عند راسها …

ياسين “باس ليها راسها ” : تهلاي فراسك صباح انا عندك …”باسها وتم غادي ” الوليد تبقى هنا ؟

فؤاد : سير دي مرتك وتهدن “خنزر فيه ” ويااك …

ياسين “وخا تعصب مقالوش ليه مكيقدرش يضور فيهم حدو كيغضب باش ينهض فيهم مكيقدرش وفؤاد عارفو مزال مقلق وعاطيه كامل الحق لان كلشي من تخطيط يامنة مخليه على خاطرو حتى ينفارد هو وياه ويهضر معاه يفسر ليه …” : صافي الوليد ..

يوسف ؛ نوار يلاه سيري مع راجلك ..

نوار “بقات ترمش فيه وتخطف شوفة فياسين الي مشافش فيها كاع زاد كمل عليها ” : و واخا …

فؤاد “قرب ليها هضر معاها بشويي ” : سيري بنتي هناي هناي …

طلقات منو وهي تمشي تبعاتو دازت من حدا الحبيب وايساف حابسين ضحكة …

ايساف”كيهضر ويدوز بايديه على وجهو حيث غالبة عليه ضحكة ” : اسييري يااا واسيري يااا خويتي …

الحبيب : سيري ومتقوليش اي… ديري صبعك فوذنك وجمعي عليه ازرو خهههه …

نوار “كون لقات تغززهم بسنانها ما تكره …خنزرات فيهم ومشات تبعاتو حتى هبطو لتحت ووصلو عند طوموبيل حل سيارة حتى ركبات ومشا هو ركب …

تكحازت جنب ومرة مرة تحضيه بنص عين حتى تقاد فبلاصتو وبدات طوموبيل تتصوني من لداخل …

ياسين “كيشوف قدامو ” : صايبي سمطة …

نوار : اا اه واخا “بصوت منخفض ” …قادتها عاد سكتات وهو يكسيري حتى تهزات طوموبيل كانت غاتغوت غمضات عينيها وهو غادي بيها طاير بواحد سرعة قلبها عند فمها …غادي غادي حتى خرج على ازرو وضرب فطزيق شحال حتى قالت فاي خلا يگزرني ما فيهاش…وماحدو كيطول فطريق ماحد سرعة كتزيد وهي قلبها عند فمها ….

نوار : بب بشوية عافاك …بشوية …

ياسين “الضمت كيزيد يورك برجليه ويزيد فسرعة ”

نوار : بشوية بشوياااااااااا اهى وااااع بشوية …صااااافي صاااافي سمح ليا عااافاك …حتى دار سينيال وفرانا بجهد فجنب حتى مشات وجات ….

نوار : وااااااااااععععععع …

ياسين : علااااااااااااااش ااااا ؟؟؟

نوار : اهى اهى …

ياسين : سكتيييي من البكا …

نوار : ما ضربنيييش اهى …

ياسين : فييييييين عمري مديت عليك ايدي ؟؟؟ فيييين عمري نهضت فيك ولا درت ليك شي حاجة ؟ هضرييييي …علاش درتي هاكاك ؟؟

نوار : اهى اخى …خ خفت …والله حتى ماعاطياه وقت والله ماعرفتو امتا جا والله ماعنديش مع داكشي دابا طحت من عينيكم ياك ؟

ياسين : اش كتخربقي ؟؟؟

نوار : هذاك مابيني وبينو والو …

ياسين : سكتي من البكا دابا باش نفهم “فقصاتو حتى ضرب الفولون بجهد وهي تقفز ” واااا سكتييييي…

نوار “وحلت ليها بكية فالحلق ههه ” : خء …ه هااني …

ياسين : كنتي كتعرفيه قبل ؟

نوار : وا ماشي هكاك …وا…

ياسين “حدر راسو معوجو ” : سولت جاوبي .؟؟

نوار : ا اه ..

ياسين : قبل متزوجي بيا وقبل كاع منجي ياك ؟

نوار : اه غير هضرة فالفيس ومن بعد ما قدرتش ممولفاش ندير مواعيد اهى …

ياسين : تعقلي شنو قلت ليك على هاديك ناديا ؟

نوار “غوبشت ” : مالها اش جبدنا فيها ”

ياسين “هز فيها عينيه ” : شنو دابا ؟

نوار : اه اه “كتنخصص” عقلت قلتي ليا معندك ماتعرفي فيها سوا كان بيني وبينها علاقة سوا لا كتبقى ماضي المهم هو دابا والمستقبل الي فات ماشغلنا فيه …

ياسين : وفي نضرك هادشي كينطابق غير عليا انا ؟؟؟ ماشي عليك ؟

نوار : خفت …

ياسين : الي كيجعر ويجهل ملتي هو تبرهيش الي كيعصب عدو ربي هو قلة النية والثقة …واش فنضرك غانضربك ؟ نمد عليك ايدي ابنت الناس ؟ شنو انا فملك الله الي نقوليك ماشغلكش فالماضي ديالي ونتي نحاسبك عليه ؟ اااا ؟ الي صعر ملتي هو راجل يتبسل على مرتي ….حتى نكون ولد العطايا حتى نديرها …

نوار “الصمت ” …

ياسين “ضرب على صدرو بجهد ” : الي زاد ضرني وعصبني هو عارفينك وعارفين طبعك وعارفين كتقلقي واش كديري وانا قدامهم كي الحمار معارف عليك والو …نوار كوني صريحة معايا وبيني ليا طبعك والخوف حيديه منك حيث الى بقيتي هاكا ما صريحاش والي ضراتك كتكمديعا وتخافي كوني هانية مغانكملوش ابنت عمي ….

نوار : لا لا …غير …

ياسين : من بعد من بعد ونهضرو ماعليش مغانقول والو …بدلي ساعة باخرى احسن …

طلق سينيال وتسنى واحد سيارة ح🦋🐺نور_الياسين (241)sana mina🐺🦋

 

رجع بيها لفيلا معاوداتش معاه الهضرة خلاتو على خاطرو حسات براسها فعلا هذا ماشي تصرف انها تخاف منو بهاد درجة والا علاش تزوجاتو ..ياك كانت ديما كتحلم بيه وفوسط احلامها كتقول نتحملو ونبغيه كيف ما هو وفعلا مادام قاليها ماضيه معندو علاقة علاش تاهي تخاف ؟ غيرته عليها بهاديك درجة خلاتها تزيد تبغيه …انه دمو حامي وسخون على ودها عرضه وشرفو كيتبسلو عليه طبيعي تكون ردة فعله هكاك والا ماشي رجلة يخلي راجل يتبسل عليها ومن الفوق ينطق بكلام الي مخاصوش يقولو لانسانة متزوجة وحداها راجلها …الى سكت راه ديوتي ومعندوش حس رجولة ولا غيرة على حرمته ..والي زاد ضرها انه قلب عليها دنيا وجهل وهي بقات مخبية مراعاتش كاع لمشاعر ديالو …والي حسك ليها قلبها وصرها اكثر انه بهاد تصرفات الى متفاهموش مغايبقاوش يكملو فزواجهم وهما من دابا فالمشاكيل وعاد تزوجو مكاملاش حتى سيمانة …..

دخلات لفيلا لداخل اما هو بقا فجردة وجبد كارو متكي على الكرسي وكيخمم فالوضع الي فيه الام ديالو والي جرا وباش خباو عليه كيزيد يتفقص اكثر ويتعصب ويشعل سيجارة تابعة لاخرا …اما هي طلعات لغرفة ديالهم وجبدات حوايجها ديال دار بلادتهم وتكات فوق ناموسية كتشوف فسقف ومرة مرة ضور بجنب تفكر حتى ناضت لبالكون وطلات عليه لقاتو

مفرق رجليه وحاط عليهم مرافقو داير ايديه على راسو والگارو شاعل كيدوز على شعرو ويكمي ويهز راسو ينفخ …ما عارف ما يدير ماعارف فين يحط راسو ولا شنو يدير هذا الله …من طبعو هو شخص صريح معندوش مع الكذوب المعقول ديالو نيشان مكيبغيه حد فالوقت الي ناس بغات النفاق فنفاق ولحيس الكابة هو عندو شن طن وكيبغي كلشي يكون فحالو مكيتحلمش شخص المنافق هو عدوه …شخص المبرهش فتفكيرو كيعصبو …على نقشة كيشعل الى درتي هاه ولا هاه ….المعقول ديالو قليل في زمن عم فيه النفاق الي اصبح هو الي خدام وقاضي الغراض ….

بقات هي فايقة وهو كذالك دخلو طراري طلعو يرتاحو ليهم شوي بينما صبح الحال ويرجعو يشوفو يامنة …حتى صبح الصباح وهي مزال فايقة ناضت طلات عليه لقاتو متكي حاط راسو على الفوطوي ونعس محسش براسو قتلو العيا وتمارة طريق والي داز قواه عيات …ضارت

ومشات لبسات عليها كاب طويل بكمايمو فالازرق فوق بيجامة شيبية وهزات من الماريو واحد المانطة ديال خيط صغيرة …خشات رجليها فبانطوفة عادية وخرجات من البيت هبطات كتعرج حاسا بالعيا فرجلها حيث بقات كتمشي بيها غير بصباط عادي نهار كلو وطريق وزيد لاكلينيك …حتى غاتخرج لقات راوية ونجود فايقين غادين لمطبخ …

راوية : بنتي مالك فايقة …

نوار : بقيت فايقة “هزات مانطة وراتها ليها ” بغيت نغطيه عيا ونعس فالجردة …

نجود : الله يرضي عليك ابنتي غطيه يغطيك رضى وساعفي معاه راه هاز فخاطرو ومجهد وجهد ديالو غايعييه …ساعفي معاه را متلقايش فحالو الله يرضي عليك …

راوية : ونقصي منك فعايل فلة والاقزام سبعة …دايرة فعايل رسوم متحركة …

نجود : نقصي فعيل دراري صغار. راكي مرت راجل خرجتي من تحت جناح واليديك راكي بغيتي ديري جناح فين يتخشاو ولادك …

نوار”حكات راسها وايديها نغطينهم كمايم الكاب طوال ” : احم …صافي عميتو متفكرينيش …

راوية : تحركي عند راجلك دغيا …

خلاهم ومشات خرجات لعندو لقاتو مشاا حال فمو وصوت شخيرو بالعيا كيتسمع فحال سيمفونية خفيييفة …غطاتو وقادات ليه الغطا وهي تحيد ليه الكارو من ايدو الي بقا حتى طفا فايدو محسش بيه …وهي تم غاديا باش توجد ليه فطورو ديال صباح دكة اتاي الي كيبغي هي لولة عاد تفيقو حتى قبطها من ايدها وجرها تلاحت جنبو عنقها …

ياسين “باقي مغمض عينيه وكيهضر وخاشيها جنبو ” : فين غاديا ؟

نوار : نصاوب ليك اتاي ديالك عاد نفيقك طلع دوش باش نمشيو نشوفو خالتو يامنة …

ياسين : فين صباح الخير …

نوار : كنتي نااعس ..صباح الخير …

ياسين : صباح الخير عندك غير بالفم ؟؟

نوار “ناضت وهي تبوسو فحنكو ” : مزيان هههه

ياسين : لا …

نوار : اا ؟

حك منخرو وسد فمو حتى بلل ريقو دوز بلسانو على شفايفو وهو يضور بغفلة خشاها لتحت وتلاح على شفايفها بقجهم ليها كيبوس ويشلقم حتى جبد ليها ريق خلاهم كيوزوزو ….

ياسين : مرتي ديالي وحدي …تلاحي جيبي ليا #تتمة_البارت_241_نور_الياسين_🦋🐺مشات كتجري كضحك ومخلياه كيخاصم ويعرعر على ديك رجل الي عاطياها علاش تقلب …دخلات لكوزينة صاوبات ليه اتاي ومشا هو طلع لفوق حيد حوايجو ودخل يدوش توگض وخرج بدل لبس غير تيشرت بيض وسروال سورفيت عادي …لبس كلاكيط ديال زنقة نشف شعرو ورجعو لور فيكساه بجيل هز سوارتو وتيليفون وهبط لقاها حاطا ليه اتاي وطفاية حداه ديال الگارو …اما هي طلعات بدلات حوايجها لبسات غير سورفيت فالگري صيفية ولبسات فوقها كاب فالاسود بلا كمايم حيث من لور ممغطايش قصيرة …ولبسات

سبرديلة ميديكال ديالها جمعات شعرها اسفنجة مزيان وهزات تيليفونها وهبطات لقات دراري فاقو وهي لحقات عليه جردة غير فطرو وخرج هو وياها عاد تبعوهم دراري وكلشي مشاو يشوفو يامنة كيف صبحات …يوسف مبقاش هضر معاها مخلي حتى هو حتى تهدا الوقت عاد يدير معاها جلسة بيناتهم يفقهها ويوگضها كيف مغايدير فؤاد مع ياسين وخا عارفو راجل يعول عليه …

وقت الضهيرة بين الوحدة ديال النهار والثانية …ركن سيارة بجنب عاقد غوباشتو رجع التغوبيشة والصحكة غابت …بزز منو جاي بقرار منو خادو باش يبري ذمتو وميضلم حد ؟ او باغي يشد ضد مع راسو ؟ او شنو الهدف من هاد الخطوة ؟ باغي ينتاقم ؟ الله اعلم معاه حتى هو …دقات عليه شرجم وهو يشوف فيها ورفع حاجبو وشير ليها براسو دوز تركب …

مشات لجيهة الي حداه حلات الباب عينيها كيشوفو فلارض …مقذراتش تشوف فيه كل مكتشوف فيه كتفكر العلاقة الي دارو وفين فحال شي اذاة فرغ فيها الكبت ديالو وخواه وضيعها فرشفها من الفوق …وخا متشردة وخا غلطو كتبقى انسانة حتى هي …

ايساف “مكيشوفش فيها ” : وراقك ؟؟

صفية “بصوت ضعيف ” : ه ها هما ..”وراتو الملف شدو بنترة كان غايطير ليها ايدها معاه حتى جمعتها كتحك فيها …قراه لقا وراقها ناضيين …”

ايساف”حط الملف قدامو وكدد ضفارو باغي يدير بناقص لكن والو كيبرك على راسو باش يبقى عند قراره الي خداه ومن وراه غرض ما ” : شوفي نتي …مدة بسيطة ستة الشهور الى كترنا غادي تاخذي براتك وشي بركة وعطي لخنشوشي تيساع …”غوت ” تفاهمنا ..؟؟

صفية “قفزها حتى حسات بالبكية وجاوبات كترعد مسحات دموعها بطرف كمايمها ” : و احم تفاهمنا …

يله كيف قالتها كسيرا بجهد حتى ضربات ايدها مع قدامها مكانتش دايرة سمطة …كمدتها وهي تقاد سمطة وكحزات بجنب …وكسيرا بيها لعند العدول فالمحكمة فين غايسنيو عقد الزواج الي كان غايكون باسم ريم وايساف هاهو ربي كتب المكتاب وغايتكتب باسم صفية وايساف …

#تصبحن_على_خ🦋🐺نور_الياسين (242)sana mina🐺🦋

مع شروق شمس يوم اخر قبل ماتحل عينيها كان فؤاد مدد حداها فوق فوطوي كيقرا فالتيليفون داير نضاضرو ديال شوف ماغمضاتش ليه العين طول داك الوقت وهو حداها ماتحركاتش المهدئ لي عطاتها يسرى بقا مغيبها باش تزيد ترتاح اكثر مع الفتحة عاد مزال جديدة …مرة مرة كينوض يطل عليها ويقلبها ولا كتجي يسرى او وحدة فالممرضات يراقبو حالتها …حتا شرقات شمس وجاو عندها …

مجموعين عند راسها طبعا ماشي كلهم فوج بفوج كيدخلو عندها …

ياسين : كيف صبحتي اليوم ؟

يامنة “كتهضر بشوييي ” : الح مد لله ولدي …

نوار “باستها فراسها وايدها ” : خالتو شوية ؟

يامنة : ح نينة ديالي شوية بنتي …

الحبيب : حنانة صباح الخير …موگضة زين ديالي …

يامنة”ابتاسمت ” : هههه واشوي بشوي …

علي : خالتي الفجلة فيقي معانا بغيناك ترگضي تمشي تخطبي ليا ضروري من الحضور ديالك ….

سارة “شافت فيه ” : اش من خطبة ؟ اهياتا …

صهيب : خطبة الجمعة باش يسمع شوية لدين ديالو …

علي : تي خليني نهضر مع الفجلة …

يامنة “شادة فمها باش مضحكش بزاف وشادة كرشها من جنب ” : هههه عاافاك اولدي كرشي كضرني هههه …

فؤاد : بشوية عليك …

الحبيب : تا سكت من ضحك اصحبي …

نوار واقفة حدا ياسين كيشوفو فيهم …خرجو من عندها باش يخليوها ترتاح حتى يرجعو ثاني فالعشية وهكا غايبقاو حتى يسمح ليها طبيب باش تخرج من المشفى …بقا غير يوسف وصهيب والياس ونوار وياسين والحبيب اما الاغلبية مشاو …

يوسف : نوار بنتي اجي معايا لتحت نشوفو ماماك ورجعي …

نوار “دارت صبعها في فمها وضارت شافت فياسين الي غمزها باش تمشي معاه ” : واخا بابا …

يوسف “سبقها خرج وهي تبعو حتى خرجو من شومبر بقات تابعاه حتى دخلو سانسور وهي دايرة صبعها في فمها عارفة راسها اش كيتسناها …حتى خرجو لجردة ديال كلينيك نيشان دازو من قدام يسرى دايرة ايديها فجيوبة طابلية وحاضياهم من شرجم ” …

يسرى : ههههه سيري يعطيك جوج كلمات ابنتي سيري كتر فيك الفشوش بزاف …

جلسو فواحد الكراسا تما …شاف فتيليفون ودار فجيبو وهو يضور عندها …

يوسف : تفاهمتي مع ياسين ؟

نوار : احم اه تفاهمنا بابا …بابا سمح ليا انا ما…

يوسف “هز ايدو ” : بنتي سمعي مني شنو غانقوليك …غانهضر معاك قبل بصفتي وما غايبغي ليك الخير تاحد كتر من باك …

نوار “حدرات عينيها ” : واخا …

يوسف : بنتي نتي الصغيرة عندي ونتي نور عينيا نتي وختك مينة …جابك لينا الله فحال النور نور علينا حياتنا ف واحد الوقت الي ميمتك فقدات الامل انها تولد الولاد في خلقة تامة …حتى حملات بيك وراكي عارفة شنو وقع كنا خايفين عليك تزادي مريضة …لكن

ربي كبير جابك كاملة مكمولة وخا مشكيل رجليك هذاك مكيتسماش مشكيل مادمك قادرة تمشي تهضر ضحكي تشوفي تعاملي عادي فرق سنتمترات الي فرجلك ممشكل حتى اشكال فحياتك …قرة عينينا نتي وختك …ختك مرزنة راسها وبعقلها ومتبتة منخافش عليها ….الغلط الي درت هو فششتك وانا فرحان بهادشي …شحال في عمرك ؟ عشرين عام ابنتي …

ملي وصلتي سن رشد صافي قادرة تحكمي في قراراتك وديري عقلك فما بالك وصلتي لعشرين عام …والمشكيل ماشي هنا المشكيل انك درتي دارك وتزوجتي يعني مسؤلة على راجل غيري انا …الي عليا انني كبرتك وربيتك وغاتبقاي نتي هي نتي الي تبدل هو المسؤلية تزادت عندك غذا ولا بعدو غاديري ولادك “كيعبر بايديه جمعهم وحطهم فوق كتفها ”

غاتهزيهم هنا على كتافك ابنتي ونتي الي غاتعطيهم الحنان ونتي دابا نوبتك تفششي ولادك وتردي بالك لراجلك ودي وجيبي معاه …الى هو عصبي فوتي الي تعصبو الى زاد فيه كاينة واحد الحاجة اسمها كل واحد يبدل ساعة باخرى …

غاتقولي كندافع عليه ؟ اه كندافع عليه فهاد الحالة ابنتي فشوشك هاد المرة ولا تبرهيش …مخليا دنيا مقربلة عليك وصاقلة هاد القاعدة مدرتيها من سنين هادي …

نوار : حيث خفتو يضربني …

يوسف : ياسين يضربك ؟ علاش ؟ ااا وخا عارفو مكيضربش ولكن فهاد الحالة علاش يضربك ؟ نتي الي قلتي لهذاك يتبسل عليك ؟ راجل يشوف مرتو كيتبسلو عليها غايسكت ؟ ديوتي هو ؟ كون سمعتو كون كملت عليه معاه ….

نوار “جمعات فمها وسكتات كتسمع ليه وتتمعن فهضرتو ” …

يوسف : زواج اخد ورد ياسين ماشي حيث ولد خويا نتي راكي بنتي فضل ليا منو لكن نجي مع الحق كبر فعيني وكيزيد يكبر قاد على مسؤلية وفايتها لهيه …ياسين سمعته فدوار وفبلايص اخرى باش كيعاون ناس واصلة الله يرضي عليه ….

وغير هادشي كلو ابنتي الزواج هو هذا تحملي ويتحمل وخودي وعطي وتنازلي ويتنازل عوايد فيك قديمة ممناسباش لحياة زوجية حيديها …وبدليها بعوايد جديدة وهكا غا تفاهمو …شفتيه صعر تعصب بدلي ساعة باخرى ولا كوني نتي هي الما الي كيطفي العافية …تفاهمنا ؟

نوار : تفاهمنا بابا …

يوسف : اجي بوسي بوك …

نوار “تلاحت عليه عنقاتو وباستو من حناكو بزوج بقجتهم ليه ” : هههههه

يوسف : ينعل مك هاديك تبقيجة تديرها ليا يسرتي …

نوار : ههههههه …

يوسف “خبط فخدو ” : ويلي ويلي على نص عقل وليت نصح فيها على راجلها …نوضي تكعدي من وجهي سيري عندو …🦋🐺نور_الياسين (243)sana mina🐺🦋

نوار “ضارت لقاتو جاي خاشي ايديه فجيابو ”

ياسين : يلاه نمشيو …

نوار : فين ؟ الدار …

ياسين : نمشي نبدل …

نوار “وقفات ” : بابا انا نمشي معاه نوجد ليه مايلبس “شافت فياسين ” غانرجعو هنا ؟

ياسين”سرح ايديه كيتشبح ويتفوه ” : عشية خاص شوية ترتاح الوليدة …جاي با واسامة فطريق باش نجيبوهم معانا …

نوار : اااه مزيان صافي …

يوسف : راجع لهيه ؟

ياسين : كنفكر الى خرجت لوليدة نديها لهيه الى تقدر وسمحو ليها تبقا قدامي …

يوسف : هضرتي مع باك …

ياسين : مزال حتى تخرج وتهدن الوقت …

يوسف : الخدمة شنو وقع فيها …

ياسين : الخدمة نهار لول فالشهر …الحفلة غادوز ليوم هضرت مع الحاج تفهم الوضع لكن كاين عشا من بعد فاش نمشي تما …

يوسف : اه ايوى مزيان …يلاه سيرو نتوما قضيو غراضكم انا غانمشي عند دراري طالعين لفاس لشركة خلينا ايساف مشا وحدو ليوم نشوف معاه واحد سلعة …

ياسين : خاصكم شي مساعدة ؟

يوسف : لا هاد ساعة مزال غا هو واحد الكليان جاي الشهر الي جاي بغا سلعة كتييرة كيبني فشي مشروع …

ياسين : فين المشكيل ؟

يوسف : راسل غير نائب عليه مبغاش يبان هو وضروري خاصو يبان حيث طالب سلعة كثيرة وغاتجي من البرازيل خاصو يحضر باش نحسبو ليه حتى ثمن الديوانة ….

ياسين : ديك ساعة عيط ليا قبل نشوفو اش كاين …

ياسين وخا مكيخدمش معاهم وخدمتو كلها فالفيرما واراضيه والكوري الا انه فالامور المالية وضريبية والمحاسبة كيلجئو ليه حيث دماغ هو فهاد ضومين ودغيا كيلقا ليهم الحل وخا شي مرات كيستغرق ايام باش كيلقاه ….عنق نوار جنب وتحركو بزوج ركبو وزادو لفيلا ….اما

ايساف الي هضر عليه والي عند بالو راه فالشركة خرج فوقيتة الغذا ديك ساعة مشاو المحكمة بعد ساعتين من الزمن …خذا بيها طريق الرجعة وهي غاديا صاقلة باغا تهضر وما قدراتش …

صفية : احم …مم وخا تديني عند ناس …

ايساف “بدون اي اهتمام ” : لا …

صفية : و فين غانمشي ؟

ايساف “مجاوبهاش خلاها بلاكة ” …لا هي لا هو بزوج بيهم غلطو بزوج بيهم يتحملو مسؤليتهم …كان بامكانو انه يعطيها فلوس يعاونها شرط انه ميتزوجهاش …لكن كنبقاو حنا فمجتمع مكيرحمش المراة بصفة عامة …دارت علاقة غير شرعية هي الي كتسمى زانية راجل معندو تا غلط كيبقى راجل …

اغتاصبها هي الي زانية ماشي هو …ديما المجتمع ضالم المراة ومحتاقرها …وحتى وخا تزوج وطلق كتنقص نضرتهم ليها …زواجو بيها ما هو الا باش لغرض ما يا غايصلح غلطو عالاقل الى طلقها تسمى مطلقة ماشي مهمشة ويعاونها بمبلغ مادي من الفوق باش يصلح غلطو عند الله …يا اما انتقام لداكشي

الي دارت ليه ريم يا اما احتاقر نساء ومبقاش قادر يثيق فتا وحدة ومعذور انسانة من ايام ثانوي وهما مخططين لحياتهم زوجية فالاخير طلع معاه القالب وصبع شيء طبيعي ثقته تنقص هذا اذا ما انعدمت ….مشا بيها طريق ازرو مسافة طريق حتى كانو وصلو ليها ودخل لفيلا ديالهم وبلاثا لقا باه وامو جالسين ومعاهم جاد خوه الصغير ….

اساف : سلام عليكم …

اسلاف : مرحبتين ولدي …ايش في …جمعتنا …خير ؟

راوية : اشنو هاد جمعة على غفلة ومخليتيني تنطلع لعند يامنة نطل عليها …

ايساف “ضار شاف فيها وشير ليها براسو تجي ” : اجي نتي لهنا …

صفية “جايا مكمشة فيايديها مشابكاهم وتتزير عليهم جامعة شعرها وجايا غير بجلابة عادية فالبلومارين …حتى وقفات حداه حادرة راسها وعينيها فلارض ” …

ايلاف : هاي مو البنت الي ؟؟؟

ايساف : هاي يا بي مرتي على سنة الله ورسوله بعد مدة ما تبقى هون راح تروح لحالها …

راوية “وقفات ودارت ايدها على فمها ” : تزوجتو ؟؟؟

ايساف : واحد المدة غاتبقى هنا شوفي ليها شي بيت ولا شي صالون فين تبقا تبات حتى دوز ستة شهور والله يعاون العونات …

راوية : وعلاش ستة شهور بالضبط ؟

ايساف : انا الي عارف علاش الوليدة …”ضرب دورة وخرج ركب فطوموبيلتو وزاد كيبرا حتى تحكو روايد مع لارض خلاهم شي كيشوف فشي ” …

راوية “شافت فيها طلعتها وهبطتها منضرها وهي حادرة عينيها مقادراش تتشوف فيهم وحالتها المادية والعائلية الي عاودو ليها عليها خلاتها تعز عليها وخا مكتعرفهاش ” : من يومي با وخويا علموني نآوي ونعاون والي فقلبو شر مول النية كيربح …

ايلاف”ناض تاهو ” : ايش راح نسوي …

راوية : جاد سير عند خالتي راضية قوليها تدي مريم لبيت الي كان ديالك يوجدوه …

جاد : وخا ماما …

راوية : اجي بنتي عندي …

صفية “قربات ليها وما قادراش تشوف فيهم ” …

ايلاف : ايش اسمك …

صفية “بصوت غالب عليه البكا ” : صفية

راوية : كنيتك وشحال فعمرك ؟

صفية : كنيتي الخالدي وعمري ربعة وعشرين عام ..”نزلت د🦋🐺نور_الياسين (244)sana mina🐺🦋

جلستها حداهم …ايلاف بقا كيشوف حتى عيا استغفر مولاه وناض من حداهم خرج طلع ليه دم ولدو حطهم قدام هاد الامر وخا هما الي اقتارحو عليه لكن قاليهم هضرة وصدق راجع لهضرتهم مبقاو فهمو معاه والو وحتى مسالة ستة شهور كان ممكن فشهرين يطلقها ولا ثلاثة او سيمانة ويرسلها فحالها وهكا صلح غلط ديالو …اشنو الهدف الله واعلم …

راوية “جات البنت حطات ليها الغذا وشلايض قدامها ” : سيري معاها غسلي ايديك واجي تاكلي بنتي …

صفية : غير سمحي ليا ما فياش جوع …

راوية : واخا الي بغيتي مريم بنتي هزي هادشي …”شافت فيها وبقات شحال كطلعها وتهبطها وتتشوف وجهها حركاتها ” …منين اصلك ؟ قارية ؟

صفية : عندي الباك علوم …واصلي مراكش …

راوية : شنو وصلك لهنا ؟

صفية “هزات كتافها ” : ضروف لهلا يكتبها على حد …

راوية ؛ واليديك ؟

صفية : الله يرحمهم “جمعات فمها عيات بالبكا ”

راوية : تت لا اله الا الله …شنو وصلك لهادشي ابنتي علاش ضيعتي راسك وطحتي نتي وياه فهاد المشكيل …

صفية “كتهضر وفمها كيترعد” : ال احم الي وقع هاديك الليلة عارفاه غلطي انني ماقاومتوش …خليتو دار ما بغا “نزلو دموعها كيجريو ..” الجوع قهرني ضبابة عمات ليا عيني اهى اهى …الشهوة غلبتني …وحيث هو كان اهى اهى …

راوية “عقدت حجبانها ” : شنو كان ؟؟

صفية “مسحت دموعها ونطقات منخرها حمرر بالبكا ” : كان كيعجبني كان قدامي فحال الحلم …فحال سندريلا لقات فارس احلامها الي يقدر ينقذها من الفقر وقلة الشي …قلت فديك اللحضة غير شافني عجبتو يقدر يكون شعور متبادل …حتى عرفتو سكران وخليتو دار ما بغا …

“تنهدات وهزات عينيها لسما ” الضروف حكمات عليا يجريو عليا من دارنا من بعد موت واليديا وحيث انا بنت …عمي دا كلشي فالورث وجرا عليا …ونتشرذ نعيش غير فزنقة وناكل من الي كيشيط من زبل والي صدق عليا قابلة بيه …قلت نمشي نبذل اللمدينة ونخدم …الي وصلني كان بغا يغتاصبني وتمرمدت قطع ليا حوايجي حتى هربت

الي شاف حوايجي كيخاف وميخدمنيش حتى لقيت راسي جالسة حدا البنك والي جا يعطين درهم عشرة خبز سكار …المهم صدقة …بقيت غير بدوك الحوايج والي صدقو عليا والي لقيت فزبل حتى لديك الليلة وقع الي وقع وغير عائلة عاوناتني حتى داوني

لطبيب شحال وانا ناعسة فيه وقع ليا نزيف ف ف فاش دخل عليا اهى اهى …من تما وهما مهليين فيا فحال ملائكة حطهم الله فطريقي لكن حدهم ولادهم عرفوني كانو غايجريو عليا لكن بقاو معايا بزز حتى عطاهم السي يوسف وعد انه غايجيبني من عندهم …

ملي غبر جراو عليا ورجعت لعالم تشرد حتى لقاني هو وقاليا نتزوجو ووجدت وعطيتو وراقي ديالي لاكارط والحالة المدنية الي عندي صاوبهم اليوم دغيا و ت زوجنا …

راوية “بقات ساااهية فيها كتسمع من ناحية عزات عليها من ناحية بقا فيها ولدها واخا عاودات ليها ماعارفة عليها والو وطبيعي ما ترتاحش ليها …” :تت …كيعجبك وبنيتي عليه حتى هو امال واحلام ؟

صفية “سكتات مبقات لقات متقول ” …

بقات غير تتشوف وهي تنوض نوضتها وداتها لبيت الي وجدو ليها وراتها دوش وحطو ليها الفوطات طلبات من مريم تطلع لبيت راوية تجبد ليها بيجامة من دياولها وتحطهم ليها فاش تدوش …

دخلات لدوش الي مجهز كلو لاشاص لافابو بلاصة فين دوش ضاير بيها زاج وخا صغير مقادينو حيث كان ديال جاد من قبل …عاضا شفايفها وتتشوف فيه وتقلب وتقيص …

صفية : ايساف تمنيت تشوفيا مراتك وحبيبتك بلاصة هاديك الي كنتي كتجيبها معاك لبنك وشاد ليها فايدها …فلول كاان حلم نعيش معاك ودابا ولا حقيقة …”وسط دموعها نطقات ب الم ” …حتى انا واحد النهار كان عندي 🦋🐺نور_الياسين (245)sana mina🐺🦋

وصلو لفيلا مع غايدخلو حتى صونا ليه تيليفون وهو كيسد فطوموبيل …وقفات حداه حيث شير ليها باش تبقى حداه وهو يجاوب على الاتصال …

ياسين “الحوار بالانجليزية ” : سامويل …

سامويل : هييي بروو هو ار يو ؟

ياسين : گود … يو ؟

سامويل : ام اوكاي ناو …

ياسين : what’s the problem ?شنو المشكيل ؟

سامويل : نو نو فاين …But I will be in Morocco next Friday …لكن غادي نكون فالمغرب جمعة جايا …

ياسين : گود …ويلكم …مزيان مرحبااا …When the plane takes off, let me know beforehand …فاش تقلع طيارة علمني قبل …

سامويل : اوكاي …

قطع معاه وهو يشد فايد نوار وهزها باسها ليها حتى تمات جايا مينة هازا شكارة فكتفها وصاكها فايدها وتيليفون وكونطاكت فلايد لاخرا شافتهم وهي تضحك …بقات نوار ضور فعينيها …

مينة : جيتو …ياسين كي بقات خالتو يامنة …عاد غانمشي نشوفها ونطلع لفاس …

ياسين : هاد ساعة مزيانة …

مينة : نوار جات وصال سولات فيك معيطاتش ليك ؟

نوار : لا تيليفوني هاهو عندي …غاترجع ؟

مينة ؛ ماعرفتش لكن قالت بغاتك كاينة شي حفلة بمانسبة نجاحكم عاد تجمعو مع كان اغلبكم مسافر وعاد تافقو قالت ليك الى غاتحضري قوليها ليها …مهم انا مشيت شوفي هضري معاها ولا شنو غاديري …”مشات ”

ياسين “كيسمع ويشوف فنوار شنو غادير واش غاتشاورو ولا تصرف من راسها ” …

نوار : اااه دايرينها فواحد القاعة ..لكن …”ضارت عند ياسين وحطات ايدها على صدرو بلا متشعر ” …وخا نحضر معاهم ؟

ياسين “فرح من لداخل انه ولات كدير بحسابو وخاصها تشاور معاه شد ايدها وباسها من وسط ” : امتا كاينة ؟

نوار : ماعرفتش حتى نهضر معاها يقدر اخر سيمانة حيث كانو متافقين فاي ويكاند …

ياسين : غير الگروب ديالكم ؟

نوار : اه وحدو مبغيناش اي كروب اخور يتزاد علينا حيث مكنعرفوهمش بزاف ماشي مندامجين …

ياسين”شد تيليفونو كيشوف فيه ويهضر ” : سوليها الى بعيدة شوي ميمكنش حيث طالعين لهيه اول سيمانة جايا …جاي عندنا ضيف يقدر تجي معاه مرتو …

نوار : اه واخا …واش الي هضرتي معاه دابا …

ياسين : هو …

طلعو لفوق مع دخل مشا لدوش حيد حوايجو تقاد مع المراية وجبد طوندوز وبدا يخفف لحيتو من جناب واقف غير ببوكسر كحل …الحرقة برات ليه بمداومة الدوا نشفات ليه وخا بقا الاقر ديالها …حتى دقات عليه …

نوار : را حوايجك حطيتهم ليك …

ياسين : جيبيهم ليا هنا …

نوار : اا واخا …”ضارت هزتهم وهي تدق عليه وحلات الباب مدتهم ليه من عند الباب …حتى تجبدو ايديها وتجرات لعندو سد الباب والحوايج تلاحو فلارض …لصقها مع صدرو وهبط ايديه تحت مؤخرتها جمعها بايديه مزيااان …تم غادي بيها هكاك ملصقها معاه وعينيها تفيكساو عليه حيث صدمها وغفلها وزرب عليها هههههههه

ياسين “قادها مع لافابو وهزها حطها فوقو حيث دايرة بيه رخامة ومسطح عاد لافابو بعيد ” : شنو نديرو دابا ؟

نوار : تلبس حوايجك “تترمش ”

ياسين : قلتها ليك ؟

نوار : قلتي ليا وجدي ليا منلبس …

ياسين : مبقيتش بغيت …

نوار : و و امم “حدرت عينيها متبعة ايديه شنو كيديرو كيحيدو ليها لفوقي ..” اممن شنو …

ياسين : شششت …

نوار : هااني …انبقا بديباردور ؟

ياسين”الصمت حيد ليها الفوقي وتبعو ديباردور بقات بسوتيان …”

نوار : اه صافي نبقا بهادو …”هبط ايديه حيد ليها سروال هز ليها رجليها قلشهم حتى حيدو ورجعهم بقات بكيلوط ” …شش كدير …

ياسين “خشا وجهو فعنقها وضور ايديه عليها كيبوس فعنقها …ببوسات خفااااف كيحط راس شفايفو ويبوس …خرج لسانو ولحس ليها عنقها حتى غمضات عينيها وهي تعنقو بلا متحس …ما فيقها غا سوتيان الي حلهم طررراق وهي تخرج عينيها ….

ياسين “شاف فيها تلاح عليها بقبلة دخل فيها لسانو دوزو على قنات الي في فمها لداخل وهو يخرجو عض ليها شنافته🦋🐺نور_الياسين (246)sana mina🐺🦋

عضها في فمها حتى غوتات وخرج ليها دم من شنافتها …محيدش ليها سوتيان بقاو غير محلولين …ما حيلتها تشد فيهم وتغطي صدرها ما حيلتها لفمها الي غفلها بديك العضة …

نوار “حابسة البكية ” : ايي علاااش …انئ..

ياسين : شنو يحساب ليك غاندوز ليك داكشي الي درتي صباح ؟

نوار : راه قلت ليييك مابيني وبينو والو …

ياسين “هز ايديه على شكل بونية حتى غمضات عينيها يحساب ليها غايضربها ساعاك خبط لبلاكار الي معلق حداها ” : شنو جبدنا فداك زا** “مشعرش خصر الهضرة الغيرة تتكلم ” …

نوار : ش شنو …”كتمسح في فمها ”

ياسين : فعايل تبرهيش الي درتي …

نوار : غيي غير خفت “حدرات راسها ” …

ياسين : انا وحش ؟

نوار : لاااا …

ياسين : وشنو ؟

نوار : ياسين هههه “خنزر فيها وهي تجمع ضحكة وهضرات هاد المرة بعقل ” …ياسين انا ماشي غير خفت منك …انا عمري ما حضرت لشي حد كيضرب شي حد كيف كدير …بابا الى وقع مشكيل مع شي حد كيعقل عليه حتى كنمشيو عاد من بعد كيتفاهم معاه ولا كيرسلنا نبعدو حتى يتفاهم معاه وعاد غييير شي جوج مرات عمري حضرت لغوات ديما انا عزيزة عليهم

عمرهم غوتو عليا ولا ضربوني داكشي علاش خفت وحيث كنشوفك ايدك سابقاك كنخاف تفوت فيا ضربة وحيث الي وقع البارح مرضيتش نبان بواحد صورة انني كندير علاقات …كون تعرف علاش تعرفت علي”سكتات كانت غاتزلق ليها تقول ليه على ود باش نساك ديك ساعة”

ياسين : علاش ؟؟؟ نوار شنو تفاهمنا ؟ صراحة ثم الصراحة والكذوب لا …”خنزر فيها ” وااياك

نوار : تعرفت عليه كنت غير ب بغيت نجرب وصافي

ياسين : شنو تجربي ؟

نوار : غير حب التجربة مراهقة وصافي ولكن مقدرتش داكشي علاش رباني بابا الى كان حلال نتفاهمو الى غير تفلية وباينة من لول نعطي تيساع ومن احسن نشوف قرايتي حتى نامن مستقبلي عاد نشوف داكشي ديك ساعة قاليا تولي عارفة صح من الغلط وتميزي …

ياسين : وعندو الحق …ديك ساعة اما دابا انا معاك وحداك وكلشي ديريه معايا اي حاجة عيشيها معايا …لا الحياة الجنسية لا التصاحيب وداكشي الي حرمو مولانا خارج الحلال ابنت الحلال غايكون معايا انا …حيث انا راجلك حلالك كلشي جائز معايا …والي معرفتيهاش انا نعلمها ليك …تفاهمنا ؟”حدر راسو شاف فيها من تحت ”

نوار “جاوبات براسها بنعم ” …

كان يحساب ليها غاتمشي بدات تسد فسوتيان وهو يحبسها بصوته …

ياسين : شنو كديري ؟

نوار : نخليك تلبس باش نجيبو با واسامة !!

ياسين : مزال مغاتوصل طيارة …اجي لهنا …شنو دابا نبقا انا وياك خوت ؟

نوار : ااا ؟ م فهمتش ..

ياسين : شكون انا ؟

نوار : ياسين راجلي …

ياسين : وراجل ومرته شنو كيديرو ؟

نوار “بقات ترمش طلعات معاها تزنيگة حتى لمنخرها وهي تصرط ريقها ” : شنوو ..

ياسين “ما شرحش ليها هبطها وضورها وقفها لصقها معاه وطار عليها لشنايفها كيبوس فيهم ويجرهم يعصرهم بفمو ويحلو حتى كيعاود يجمعهم تاني وهيبط لشفة تحتية كيجرها بفمو حتى كيجبدها وايديه هابطين مع ضهرها وكيزيد يقربها عندو ويتمحكك عليها فصل القبلة خلاها حالا فمها وهبط لعنقها جرو بفمو وبين صدرها لحسو وخدام كيعبز ليها فالمؤخرة وكيمشيو ويجي يتمحكك عليها ويطلع ويهز فيها حتى بعد كيلهث وشد ليها وجهها بين ايديه …

ياسين : عطيتك من شفايفي ذقتيهم وذقت ليك شهد من شفايفك حتى زدتي حييتي وخليتيني بغيت المزيد …وفيقتي الي مابغيتو ليك يفيق هاد ساعة مسايس معاك وشاد ليك الخاطر راني فحالي فحال رجال بغيت من مراتي حقي ونعطيها حقها وبزايد …تعمري عليا داري وتشاركيني حياتي وتخليني ندگ وتادي فجوفك وندير ساس متين فيه …

نوار : مافهمتش …

ياسين : عند التطبيق تفهمي …هاد ساعة الى فهمتي غاتفهميه مسخ وعند تطبيق حق من حقوقنا بزوج …نوار عام مااكافياش كل مانشوفك نختلي بيك كنبغي تكون اول ليلة ليك …

نوار “عضات شنايفها مالقات متقول ”

ياسين : ان اهدم الجبل بضفاري اهون من انني نقول لمرتي رحميني …الى مشيتي لدارك لهيه وجدي راسك والخوف حيديه من بالك وعيشي معايا راكي مرت راجل …

نوار “فحال فهمت بالي قد ما صبر صبرو غايتقادا ماحدها حداه وجاها من لاخر رغبته فيها كتزيد وتزيذ وهذا من احد الاسباب الي خلاه يتزوج بيها …”

ياسين “تحنى باسها في فمها وبقا شحااال مطول حتى سد ليها سوتيان ونطق ” : خليه يدير طريق من بعد غايعجبك وتقولي هل من مزيد “خبط ليها حناكها بلطف ”

يااا الي بهبالها مجهلاني …تتمشي لدارك لهيه حتاااا نمشيو “شحطها تاني تا قفزت حلت فمها وهو يغفلها شلقمها ونطق وسط فمها بانفاس سخونة ” my candy (الحلويات ديالي ) …”قرصها فروس بزازلها ”

نوار : اححح …ضريتيني …

ياسين”رفع حاجبو وخرج عينيه بتخنزيرة” : وااايلي …كتر مني ؟ “شير ليها بصباع سبابة ايديه بزوج… شافت فين شير …هبطات عينيها لقات تما منفوخ وواقف شافت فيه وهي تخرجهم بغات تضور تخرج صدقات كتجري بلور كون ما غوت عليها كون جاب🦋🐺نور_الياسين (247)sana mina🐺🦋

خرجات من عندو حناكها مزنگين اول مرة كتهبط عينيها جيهة المعلم عندو وتلقاه بهاديك طريقة منفوخ ههههه وزيد كلام الغزل الي كيقوليها فيه او عفوا المسخ الي كان يقوليها فيه خلا وجهها ترتافع حرارته خصوصا انها ماشي مفهماتوش وانما شي فهماتو وشي كدير راسها مفهماتوش …حالها حال اي بنت اول مرة غاتعيش علاقة بصح لا بل علاقة كاملة فانتظارها …كيفاش غايتعامل معاها باش غاتحس ؟ غاتعيش معاه اللحضة او غادي تخاف ولا شنو غاتكون علاقتهم الجنسية ؟ …حاليا كل الي مسيطر

عليها هو الخوف من دخلة اي بصريح العبارة التوعيتة الي غاتوعت باش يخرجو ليها نقيطات دم وتفتض بكارتها واش غايقصحها ولا شنو ؟ هادشي بالصبط وبالتفصيل الي كايروج فعقلها …مولات النص عقل ….

لبسات حوايجها بالخف قبل ميخرج هاز حوايجو فايديه لقاها بغات تخرج …

ياسين : فين غاديا ؟

نوار : لبس حوايج برا حيث حوايجي فبيتي لاخور …

ياسين : تسناي “بقات واقفة حداه حتى لبس حوايجو عاد تم جاي لعندها ووقف تقابل معاها كيهضر ” …اخر مرة نشوفك كتجري بهاديك طريقة …”جهد صوته ” تفاهمنا ؟؟؟

نوار”عضات شنافتها ” : واخا تفاهمنا …

ياسين “تحنى باسها في فمها جيهة لعضة الي بقا فيها دم مجموع ” : سيري انا لتحت غانكمي تلقايني تما …

نوار : اووك …خرجات تتزرب ..هي راه فالقراية ذكية ايييوى فالمعقول الله يجيب وشي مرات تتبغي دير تابهلالت ا باش تسلك …تتزرب وعقلها غايب حتى خرجات فيه …

نوار “خرجات فاشرف ” : هييييي ماما خلعتيني “شدات جيهة قلبها كمشات تما ”

اشرف : ساكنة وحدك يمكن هنا تتخلعي ليمسخك ” صغر فيها عينيه جيهة فمها فيه دم “ناري مالك تما في فمك ؟

نوار “حطات صبعها تما ” : اا والو علاش ؟

اشرف : فيه دم …

نوار : ا غير سخانة ناضت ليا تما …

اشرف : اااااه سخاااانة …

نوار : اه شنو المشكيل ؟ حيد خليني نمشي …

اشرف : اينا سخانة فسخاين ؟

نوار : على شحال من سخانة كاينة مثلا ؟

اشرف : كاين سخانة الباردة وسخانة السخونة الي تايطليو ليها قهوة ومطيشة لراس …وكاين سخانة سيكسولوجية …

نوار : الله يمسخك ماكتحشمش …

اشرف : اااا سولنا مالك …

نوار : حيد من قدامي …

اشرف : حضري عقلك وشوفي قدامك واش كاين شي حد …”لقاتو واقف حداها وحيد اصلا من قدامها غا عقلها ترفع ههه ”

نوار “حدرات راسها رخشات ايديها فجيابها وهي طير من حداه مشات لبيتها تبدل ..”

اشرف : الله يستر يااربي …

في الشركة من بعد ما وصل ليها دخل لمكتب ديالو حتى جا يوسف وصهيب والياس لتما …دق باب المكتب ديالو ..سي ايساف..

ايساف : ويي مونيا دخلي …

مونيا “سكريتيرة ديال يوسف…دخلات “: سي ايساف سي يوسف بغاك تجي عندو …

ايساف “كان خاشي راسو قدام لابتوب وقدامو ملف كيقلب فيه حتى هو المهم خاشي راسو فالخدمة وصافي ” : وخا يوصلني واحد الايمايل وانا عندهم …

مونيا : احم وخا ولكن وصاني تجي معايا …

ايساف”شاف فيها ” : واهليييييي تت “سد لابتوب وناض تبعها كان طاوي كمايم قميجتو البلومارين وحال زوج صدافي الفوقيين لابس سروال توب اسود وصباط اسود تاهو حال ليه سيور كيوصل لخدمة هاديك هي قاعدتو يا يحيد جاكيط مهم خاص شي لعبة تكون محلولة عدوه رسميات فاللباس …

ايساف “دخل مكتب يوسف لقاهم مستفين ف جيهة ديال طاولة الاجتماعات ” : خييير …

صهيب “تكا عالكرسي وبدا يطنز عليه ” : مبارك مدرتي …

الياس : كاع ماعرضتي علينا خفتي نحسدوك …

ايساف : هادشي ما كيضحكش الخال …

يوسف : وخا جلس بعدا جلس …

ايساف : هاهو جلس …هادشي علاش عيطتي ليا …

يوسف : ياك مبغيتيش تزوج بيها خليناك على خاطرك قلنا ضبر راسك حتى غفلتينا ودخلتيها على واليديك مزوج ؟ باك طلعتي ليه دم حتى هدنو غير خالك فؤاد بزز …

ايساف : شنو وقع دابا ؟

صهيب : شهاد تبرهيش ؟ علاش ستة شهور بضبط ؟

الياس : ياكما باغي تنتاقم منها ؟ فرقها عليك الى عينيك فيهم الشر فوت عليك ولاد ناس ماشي لعبة …

ايساف “خبط الطابلة بجهد ” : واااش تتفلاو عليا ؟ ملي درت باقتراحكم اقترااحك نتا لول اسيهم يوسف رديتوني تنتبرهش …

يوسف “هز حاجبو ومتبت” : سييدك وراجل لالاك …هضر مقاد وبلا تنفاخ ونقص صوتك …ولا نوض لوالديك نعطيك علا🦋🐺نور_الياسين (248)sana mina🐺🦋

ما تحرك يوسف ما والو بقا هكاك جالس عالكرسي حاط رجل على رجل وشاد ستيلو فايديه كيلعب بيه وكيهضر خااتر …حدو خنزر فيه …

يوسف : هو اقتراحي …ايه ومن بعد ؟ شنو درتي ؟

صهيب : قلتي مابغيتيش خليناك على خاطرك نضتي خليتي روينة سيدة فاتحة بنادم كان مخلوع عليها عقلو غايب ومشيتي نتا دغيا طرقتي المسمار وتزوجتيها …

الياس “عقد فيه حجبانو ” : علاش هاد ستة شهور بعدا كاع قلتي والو …

صهيب : ههههه كونطرا CDD ا خويا معندك ما تسالو قايم بشغالو …نهار العقد تاع بصح سكر فيه وجاب لينا الربحة الي هادي باش دار العقد تاع بصح الي فلح فيه ….

يوسف : سولناك ؟

ايساف : انا الي عارف …معندهاش علاش تقلقكم فقط طولت المدة على ودها هي …

صهيب : ياربييي بقات فيك ؟

اياسف : تت …”نفخ بعصبية ” …دابا اش بغيتو ياك درت باقتراحكم ؟

الياس : لا ناوي على شي حاجة تقيصها نتفاهم معاك انا لول …

يوسف : دير الي دارت تغلط ضبر راسها فوت عليك ضرب حنا عمرنا مدينا ايدينا على عيالاتنا ايه خوتنا يعصيونا ولكن عمرنا ضربناهم مرة وحدة ضربت ميمتك وندمت عليها …

ايساف “وقف ” : كنضن هاديك على ذمتي الشي لاخور ماشي شغلكم فيه الخال راني كبير وقاد براسي …”خلاهم ومشا خرج كيتنتر”

صهيب : ياك لمك الحمار نهار طحتي عاونوني ودابا مني لراسي …بليميييييين لا باقي عاودت علونتك وهااا “لحس صبعو وحط فطابلة ” عقل عليها ….

يوسف : مشطبة كحلة هادي …

الياس : خليوه يضبر راسو الي علينا درناه هاهو صحح اش دار المرحلة جايا هو الي مكلف بيها …

صهيب : لهلا يردو …

وصلات العشية تقريبا كياذن المغرب …من بعد ما جابهم من المطار كيف وصلو داهم نيشان لعندها مع دخلة ماعرفو باش تبلاو تصدمو انها كانت صحة سلام حتى ولات دابا فالسرير نجاة من الموت الصبارة الي معمرها شكات هاهي حيدات طرف منها باش نقذو حياتها …

مصطفى : ياك شوية بنيتي ماكتحسي بوجع صداع ؟

يامنة “ولات تتهضر بشوي ” : شوية با شوية حمد لله …

اسامة “كيبوس ايدها ” : بصح ؟ يعني قادرة تجري ؟

يامنة : هههه الله يمسخك اش غانجري …

اسامة : وراكي باقا صغيرة تمنية وربعين عام الوليدة باقي عاد قالت بسم الله …

يامنة : ههههه ياك …

نوار : مضحكهاش راه كضرها الفتحة …

اسامة “بان ليه ياسين خارج مع فؤاد هبطو لتحت جردة وضار شاف فيها وعيبها” : ننننا نااا…اجي تعلمتي لمسمن والملوي …

نوار: كانعرف ليهم …

اسامة : لعنداك الوليدة لقيتها ديك المرة جقالت ليك بغات تشعل لبوطة عاد تعجن هههههخ اربي الوليدة هادي مرت ولدك دابا ؟

يامنة : هههههه لا لا كتعرف اولدي علمتها انا راسي شحال من حاجة …

اسامة : زعما تقدر تجيب فحال طيابك ؟؟

يامنة : وحسن كااع هههه ..

اسامة “هز عينيه شاف فيها شحاااال ” : وايلي ؟ لا لا لا وتقووووول شهد هو الي فايدين الوليدة …

مصطفى : ههههه تا ميمتك راه غير الحاجة زينة الله يواليها برحمة الله هي الي علمتها وعاد تعلمت من زهور جارتنا …شوي بشوي تعلم …

نوار : والله ا با حتى كنعرف …

اسامة : هاحنا غارجعو تما وفرجينا حداكتك …

ياسين “دخل هو وباه وسمعو اخر جملة ..” : علاش بغيتيها ؟ “عنقها بجنب ”

اسامة : اا غير كنضحك زعما راها حادكة وكتعلم …

ياسين : ماعليش الي معرفت ليها تعلمها …

فؤاد “تحنى عند يامنة وهضر ” : غزالي شوية دابا ؟

يامنة : الحمد لله شوية “كمشات ليه فايدو ” ..

شوي حتى دخل طبيب الي دار ليها الجراحة ..طلب منهم يخرجو الا فؤاد بقا معاها …راقب حالتها وشاف جرحة من بعد ما كلف فرملية تسوانيها ليها …

طبيب : كلشي مزيان الحمد لله …كيف هضرت معاك سي فؤاد الاسبوع جاي تقدر تبدا مع المختص الي قلت ليك على المرارة غير مسالة دوا والوقت وتولي مزيانة اما من ناحية شي مشكيل معندك مناش تخاف …

فؤاد : الحمد لله …امتا تخرج ؟

طبيب : فوت غذا وبعدو صباح تخرج ان شاء الله …

يامنة : وخا نسولك واش نقدر نضرب طريق ؟

فؤاد “شاف فيها ” : كيفاش ؟

طبيب : شنو بغيتي تمشي لشي بلاصة بعيدة ؟

يامنة : ولدي عايش فمراكش بغيت نبقى عندو …

طبيب : الى مرتاحة عندو ماشي مشكيل خاص تردي لبال طريق على ود الفتحة وصافي ا مدام رمسيس …

فؤاد : كلشي مزيان نردو البال غير تبقى مرتاحة …”ابتاسم ليهم طبيب وخرج خلاه كيسول فيها ” …علاش ؟

يامنة : عارفاه غايتبرزط عليا وغايتشطن يبقى من خدمتو لهنا طريق وعندو مشاكل فالفيرما وغايخدم خليني نبقى معاه حتى نبرا ونرجعو فحالنا …

فؤاد “باس ليها راسها ” : بهادي غلبتي🦋🐺نور_الياسين (249)sana mina🐺🦋

تتوالى الساعات والاحداث …كيمر الوقت وصحتها كتزيد تحسن مع مرور الساعات …قاليه فؤاد برغبة يامنة حس بقلبه فرفر وروحه رجعات انه كان هو هاز لهم لا تولي ماتبغيش تجي معاه لكن من الي جا القرار منها ف غاتكون بحالة جيدة وخي قدام عينيه وغايجمع عائلته جنبو وخا غير مؤقتا …اما واحد ايساف ملي حط ليهم هاديك مابقا كيجي لدار حتى كينعسو يومين وهو كيبقا غايب غير كايشوفش وجهها …هاد المرة مشا لفيلا ديال جدو حيث كانو مجموعين تما بحكم يامنة غاتخرج الغذ ليه وتمشي نيشان لدار ياسين …دخل لقا دراري ورجال جالسين فجردة الا فؤاد مع يامنة طبعا …

علي : عريس الغفلة جا …

ايساف : عريس مك …

علي : شاااا …

ايساف : ياك كنتي غادي ؟ كيحساب ليا طلعات طيارة …

علي: قاعد على قلبك ازين تنشوف فين غاتوصل حريرتك …

م.الحبيب : تزوجتي ؟

ايساف “خنزر فيه ” : ياك قلتها ليك نتا لول ؟ بغيتي دير ليا فيها غذر الاصدقاء ؟

م.الحبيب “تكا تسرح وساس فخدو زعما كيهضر بثقالة ” : ايوى غا بغينا نجربوك …

يوسف “شاف فالحبيب ” : فراسك المرضي ومقلتيها ليا ؟

الحبيب : حلفني ا العميم اسمح ليا وزايدون كلشي كان معاه فهاد القرار كنضن مكاين لاش نتقلقو …

ايساف “خبط كفوفو ” : قولها لييييييه قولهاااا …

صهيب “كيعيب فيه ” : وتقل قوالااااااااك …

ياسين “خلاهم تا هضرو مع متكي ومسرح رجليه شاد الفون بين ايديه لاخر ولايد لاخرا متكي حنكو عليها وحاضيهم ” : ارتاحيتي ؟

ايساف : مفهمتش …

ياسين : قرارك مرتاح فيه …

ايساف “الصمت ” …

ياسين : سولتك ولا لا ؟

ايساف : بغيت نبري ذمتي ونصحح غلاطي ..

الياس : على رقبتي معندك ذمة انت كمارتك اولدي شفتها هاد اليومين تبدلت …

اشرف : ههههخ كان كيبان قبل ضحوكي ودرويش دابا تنشوفيه واحد الممثل نسيت سميتو مهم تيضرب العيالات وقتال فحال هك “ماتهنى اشرف تا جاتو دقة بواحد سربيتة لوجه ” …

ايساف”خنزر فيه ” : غانبدا بيك نتا لول وماسكتي …

ياسين : باقي كنتسنى …

ايساف : الي قلت هو لي كاين اخويا …

ياسين “هز صبعو قدامو ” : دابا هي مرتك حلالك “وقفو بايدو ✋🏻” انا كنهضر ولا لا ؟ …صححتي غلاطك عقدتي عليها تال هنا مزيان …شي حاجة من وراها لا انا لا خوالك لا كلشي واليديك ماشغلنا فيك …نتا دابا راجل قاد براسك …نتا وضميرك وشوف نتا اش ناوي

الي عليا بينت ليك هاديك بنت الناس لولة ما من نصيبكش وشوف اش كانت ناوية وفين وصلات ويعلم بيها الله تاهي …الى عينك فشي حاجة اخرى منك راسك هنا حدنا معاك الباقي عليك ” ناض ” مبروك مادرتي …

يوسف : جلس تعشا فين غادي بعدا …

ياسين : انا راجع

خلاهم معاه عطاه جوج كلمات مفيدين وفنفس الوقت ميساج ليه وهو وراسو كيبقى هو فالاول والاخير هو صاحب قراراته وهو مسؤل عليهم …طلع لبيت لفوق دخل حط تيليفون يتشارجا قلب عليها عرفها فبيتها لول …دخل لقاها واقفة قدام الماريو كتجمع فحوايجها الي غايخصوها ثاني …بتيشرت طويل وكولون ….حتى جاها من لور وخشا ايديه بزوج شابكهم عند كرشها ….

نوار “قلبها كيضرب فكرشها بداك الاحساس زوين الي كتحسو فور مكيقيصها ” : ياسيين …

ياسين “كيدوز بايديه على كرشها ووجهو فعنقها كيهضر ويبوس ” : نوارته …شنو كديري ؟

نوار : كنجمع فالحوايج باش فاش نتعشاو ديرهم فطوموبيل صباح بلا متبرزط معاهم تبقا تهبط فيهم …

ياسين : خليتي حوايجك لهيه لا ؟

نوار : اه وغانزيد هادو احم …غانبقا معاك حتى يبدا الموسم دراسي ونرجع …

ياسين “ضورها عندو وضور ايديه ورا ضهرها كيحرك فيهم ذهابا وايابا بحركات بورشوها …قرب لفمها باسها فيه وهضر فيه ” : بصح ؟

نوار”تزنيگة طلعات معاها ابتاسمت بخجل ” : ههه والله …

ياسين : شنو زعما مراتي هازا همي ؟

نوار”حركات راسها فوق وتحت وهي تحط ضهر ايدها فحنكها تكاتو عليها ” …

ياسين : ما ناوياش تهزي هم خور ؟

نوار : اشمن هم ؟

ياسين : الهم هم رجال كلهم والي عارفاه فين جا …

نوار : فين جا …

ياسين : فحجرهم انوارة البنات …

نوار “خرجات فيه عينيها ” : ياسييييييين “تنخشات ليه ف حضنو وغمضات عينيها كضحك ” …

ياسين : اااارا ما عندك …”هز ليها راسها باسها في فمها واحد جوج دقايق وهو كيبوس حتى هبط ايديه لور لقا راسو غايتزير ثاني وهو يبقج ليها شنايفها بجهد حتى مشا راسها وجا …عاد طلق منها وخرج هز باكية🦋🐺نور_الياسين (250)sana mina🐺🦋

بقات هي حتى كملات حوايجها بجميع هزات شنو يخصها من مستحضرات وداكشي الي باقي خاصها …سدات الفاليز وجراتها داتها لبيتهم حطاتها عند الباب عاد خرجات هبطات عند ماماها الي جات من بيرمانونص ديالها كملاتها ودخلات دوشات ولبسات حوايجها عاد هبطات تلاقاو عند الباب …

نوار “عنقاتها جنب ” : ماميييي …

يسرى : بنتييييي …فين مينة …

نوار : هاهي هابطة كتهضر فتيليفون …

سارة “جايا داخلة ” : غييير رجعو نجلسو فصالون …

يسرى : علاش ؟

سارة : جا اركان و واحد الولد صحاب ياسين يشوفوه ويباركو ليه سلامة يامنة …

يسرى : اااه صافي …

سارة : نوار قاليك ياسين هبطي ليه تيليفون ديالو خلاه يتشارجا فالبيت …

يسرى : طلعي دغيا جيبيه ليه …

طلقات منها وطلعات لفوق لقات مينة فطريقها هبطات وهي مشات لبيتهم لقاتو كيتشارجا وكيصوري فنفس الوقت شافتو وهي تلقا اسم elizabeth …

نوار : شكون هاد اليزابيث ؟ بففف “هزات كتافها ” ااتكون غير من الي كان معاهم فجبل كيديرو تريب …”الغيرة شعلات فيها وتتحاول تنفس على راسها بهاد زوج كلمات باش مطيحش معاه فالمشاكل ….ساعاك والو عاود صونا …

نوار : تيليفون راجلي يااه عادي الى جاوبت …

“يلاه بغات تبرك حتى لقاتو جاي طالع كيشوف فيها كتشوف فتيليفون حنحن وهي طير لسما ونزلات …” ا قلتي ل خالتو سارة نجيب ليك تيليفون …

ياسين : وشنو المشكيل دابا …”شد تيليفون من عندها شاف لقا اسم اليزابيث ” ..

نوار : “كتدخل فخصلات شعرها وتحيدهم من فمها ” : احم …شك كون هادي …

ياسين “هز عينيه فيها ” مرات هذاك الي هضر معايا البارح …

نوار : علاش عيطات بزاف ل انا مقلبتش غي فاش حيدتو من شارج بان ليا صونات اكثر من عشرة لمرات ….

ياسين : جاوبتيها ؟

نوار : الا …

ياسين : مزيان ماعليش …”ضار هنا وهنا وهو يدفعها لبيتها كان حداهم غادي دافعها وسد البيت برجليه حتى لاحها فوق ناموسية وطلع فوق منها مكالي بايديه …” حسبيت شحال عيطات كااع …

نوار : الااا غي طلع ليا ..

ياسين : شنوو ما غرتيش ؟

نوار “دارت صبعها في فمها وهي ضحك ” :هههه

ياسين : شنو ؟؟

نوار : وااالو …

ياسين “هبط ايدو وكيشوف فيها هز تيسرت وخشاها طلعها بشويييي بصباعو كيتحركو فوق كرشها ويسرح كيف ايدو حتى يدوز على كرشها بحركات بطيييئة ويخلي صبعو يستقر على صرتها يدوز عليها حتى دخلات كرشها وخرجات عاد طلع لصدرها وحط ثبعو فالخط بين ثدي وثدي وطلعو بشويييي حتى غمضات عينها وهو يحتيها عليها بقرصة وهي تغوت …وناض من فوق منها …” : هاهي غاتجي نهار جمعة وتشوفيها …

نوار “كتحك القرصة ” : اييي …غايبقاو بزاف …

ياسين : على حسب عطلتهم “كيبقشش فتيليفون ” …

نوار : صافي واخا ان شاء الله …

ياسين “شافها وقفات طلعها وهبطها ” : هذا الي لابسة نزلتي بيه “خنزر فيها ” …

نوار : ااا ؟ اه ..

ياسين : عاجبك هكا مزير عليك ؟ شافوك لابساه ؟

نوار : مزال يلاه هبطت مع ماما وهي ترسلني سارة نجيب ليك تيليفون …

ياسين : كون شافوك بيه ؟ كون جا اركان وعصام ولقااوك لابساه ؟؟؟ شنو انا رعواني “بغات تهضر وهو يغوت بجهد تا قفزات ولات ترعد ” …طيري بدلي عليا الخراااااا …

ما عاودتش الهضرة مشا وجهها مزنگ ماحيلتها القرصة ما حيلتها لغوتة الي غوت دار فيها بوتفتاف مشات تجري لماريو هزات منو بيجامة طويلة قطن ومع نص كم لبسات فوقها كاب قطن طويل حتى سكاناها عاد خرج هو هبط وهي نزلات عندهم لتحت صالون لقات راوية حتى هي جات وهاد المرة جابت معاها شيف جديد وعنصر جديد انضاف للعائلة ….

نوار : عمييتو “مشات سلمات عليها وسلمات على صفية الي جالسة وحادرة عينيها ” …

راوية “شافتها كتشوف فيها ” : هادي صفية احم م احم مرات ايساف ابنتي ..

نوار “ابتاسمت ليها ” : متشرفين مرحبا بيك …

صفية “بصوت منخفض ” : ربي يخليك …

ماجات تهضر حتى دخل عليهم ايساف كي رعدة لقا مو جابتها غزز سنانو بغا ياكلهم …ماشافهاش فاش جات حتى وصلاتو الخبار بالي جات وجابتها معاها …

ايساف : شكون قاليك جيبيها ؟؟؟

راوية “ناضت وقفات مخنزرة فيه ” : اييييه ياك لباس ؟؟؟

ايساف “غوت عليها واول مرة كيديرها ” : ماااا تجيبيهااااش ماشي شغلك فيها خليها فدار معندها ماتخشا هنا معانا مدة عندها وتقاااااود علياااا “ماحس حتى جاتو طرشة لحنك حتى وقفو كلهم ونوار دارت ايدها على فمها ”

ياسين”دخل حيث سمعو صوت غواتو ” : شنو واقع هنا ؟؟؟

#يتبع… الكارو وبريكة ونزل عندهم جردة …

#يتبع….ني اعمارتي هناي من هاد ناحية غير رتاحي …

#يتبع…ش تقلب ولينا قد القب قد سطل ؟ …

#يتبع…ت ربحة هههه ”

#تصبحن_على_خير…ا بجهد حتى غوتات وخرج منها دم

#يتبع…عائلة …

#يتبع…معة كتجرييي مسحتها بطرف كمايمها ” …

#يتبع….

ياسين : مكاين لاش انا جيت …

#يتبع…ير…..اتاي دابا …

 

#يتبع…تى دازت عاد خرج لطريق وقلب ضورة رجع بيها لفيلا …

 

#يتبع…ح الموتى ) يوجدو واحد البلاصة خخخخ

#يتبع…والفجر بغا ياذن وفين هي. ؟؟

#يتبع…؟؟

#تصبحن_على_خير….قادهم ليك راني اختصاصي فصيانة 🌚…

#يتبع….ااااي ….

#يتبع….سلامة حنانتك حتى انت …

#يتبع…لوك ” : خويا فؤااااد…

#يتبع…

#تصبحن_على_خير….noooooon …

يسرى : ش شنو ؟؟؟

#يتبع….يدو زيرات عليها ….

#يتبع…فو كيفاش داير فاش كيتعصب ” …

#يتبع….طوها فيه ودخلوها كيجريو …

#يتبع….تقي يوم الاحد وعيد مبارك سعيد …امة مع سالم الي جابو ” …

 

#يتبع…

Leave a comment