Skip links

قصة : نور الياسين ج 12

 30,387 عدد مشاهداات

🦋🐺نور_الياسين (201)sana mina🐺🦋

اااش غاتقول واش مغاتقولش وباشمن وجه غاتشوف فيه …يااااسينو سونة ؟؟ كااع هيبتو مشات قدام هاد دلع مسكين ههههه …اش غادير فين تهرب فييين …مالقات مادير مشات سعاد وهي بقات فديك الكولوار …واقفة ماتحركت ما زادت هكاك بقات …حناكها اصلا حمرين دابا هرب منهم لون ههه …

يسرى : هادي مالها تعطلات “عيطات” نوااار بنتي دغيا

نوار “الصمت بغات تبكي ” …

يسرى : تت اويلي ..”ناضت خلاتو تگعد يجاوب فتيليفون الي صونا ليه ريحتو المقودة وصلاتها تال نيفها فالكولوار …ناضت يسرى وخرجات تشوفها حتى بانت ليها متكية عالحايط وحادرة راسها ” …نوار !! مالك …

نوار “هزات فيها راسها ” : م ماما امتا جا …

يسرى : جا قبل متقولي ديك سمية الي ماعرفتك منين جتيها …شكون علمك هاد سمية …

نوار : والله ماعرفت كيف دارت خرجات …

يسرى : سيري عندو كيتسناك تخرجو باش تشوفي الخاتم ديال زواج الي يعجبك …

نوار: بلاش قولي ليه جاتها سخانة …

يسرى “خرجات فيها عينيها” : نوار !! تحركي عند راجلك يلاه …

نوار: هننن …شداتها من دراعها وجراتها بزز دخلاتها حادرة راسها لقاتو كيهضر بالانجليزية مع شي حد …

ياسين :okey thank you so much ,,see you soon “قطع معاه وهز راسو شاف فيها ” .ياسين : فطرتي…

نوار”كتشوف فلارض” : مزال …

.جابت ليها جداها فطورها كلات منو شوي وشربات قهوتها وهي حادرة راسها حتى حطات كاسها …

ياسين : كملتي ؟

نوار”بصوت منخفض ” : احم ا اه …

ياسين “ناض وقف” : يلاه تحركي …

ناضت هي ومشا هو جلس جنب سداري لبس سبرديلتو وناض جبد الكونطاكت سلم عليهم وضور ايدو على كتفها جرها جنبو وخرجو هبطو لتحت مشافش جيهتها مادار تا ردة فعل واش مابغاش يحرجها ولا يميك ويخليها تبقى تولف ماتحرجش ولا كيتسنى يختالي بيها ولا شنو ؟ داك راس عندو ميقوليك شنو فيه تا يطبقو افعال هههه …حل ليها الباب حتى ركبات لقدام ودارت سانتيغ عاد صار ركب بلاصتو كيركب ويغمض عينه …

نوار”كتفرك صباعها ” : ف فين غادين …

ياسين “كيقاد سانتيغ حتى ركبها وديمارا طوموبيل دار نضاضرو ” : هانتي غاتشوفي …ديري بحسابك من هنا غانديك لازرو مغانرجعكش ل دار صهيب …

نوار : اه وخا اصلا كنا غادين …

ياسين : حسن رجعي معايا …”شاف فيها ورجع شاف فطريق ” باقي كضرك كرشك ؟

نوار”غمضات عينيها وعضات شفايفها” : ا شوية يمكن كليت شي حاجة ضراتني …

ياسين : شنو كليتي البارح والو راني كنشوفك غير كتشوفي …ماعليش خلعة الخطبة عادي والبكا الي بكيتي ولكن راعي لراسك ولصحتك حيث محتاجاها ومحتاجها كتر منك …

نوار : واخاا …

ياسين “قبط ايدها لعندو باسها من كفها وطول فالبوسة حتى قلبها ضرب ” : ردي بالك لراسك ولصحتك الله يرضي عليك تفاهمنا ؟ وخا منكونش حسبيني كاين وردي بالك …انا غذا فالصباح طالع لمراكش غانقضي غراضي تما ونجي يومين ونكون فازرو غير نديرو العقد يلاه معايا لهيه باش تحضري لداكشي فاش هضرنا …

نوار “حنحنت ” : احم واخا كون هاني …

ياسين “حط ليها ايدها فوق فخدها وطبطب عليها ورجع كمل سياقتو …حتى بلاصا قدام واحد المحل ديال مجوهرات ذهب محل كبير ..خرجات وجات حداه عنقها بجنب حتى دخلو لمحل لقاو واحد الولد شاب فعمر ياسين نيت غير شافو وضحك ….

عدنان : ياسييين رمسييييس الله اودي عاش من شافك بعد هاد الغيبة”تعانق هو وياه” …على سلامتك …

ياسين : الله يسلمك عدنان امورك مزيان ؟

عدنان: الحمد لله نتا الي فين هاد الغيبة اصحبي شحال من عام ونتا مغرب ملي جيتي هضرتي معايا لزواج نيشان اللهم بارك جلسو …جلس نوار هي اللولة عاد جلس هو فكرسي مقابل معاها حيث دخلو عندو لمكتب ديالو لداخل …

عدنان “عيط لولد الي خدام عندو ” : الله يرضي عليك واحد كاس اتاي مشحر لسي ياسين”شاف فنوار ” ختي شنو تشربي …

نوار : والو شكرا “بابتسامة خجولة ” …

ياسين : لا لا بلا متشقي راسك عاد شربتو …وريني غير داكشي علاش جيت باش تسوف راسها …

عدنان ؛ اولا عيب ترد عراضتي تانيا بينما جا كاس اتاي “غمز لولد الي مشا يجيبو وجبد هو من المجر كطالوغ الخواتم ” هاك تفرج وعزل على خاطرك هادو اخر مكاين والى فبالها شي واحد غير توصفو وانا ندير خدمتي …

ياسين “قبط #تتمة_البارت_201_نور_الياسين…

 

عدنان”ناض ” : نخليكم على راحتكم الي تافقتو عليه عيط ليا …”مشا وهو عطاها الكطالوغ ”

ياسين : ختاري شنو عجبك والى فبالك شي حاجة قىليها يصايبو ليك المهم نتي شنو بغات خاطرك …”ناض حدا شرجم مبعد وشعل سيجارة ”

نوار “ابتاسمت بفرحة ” : احم ب بغيت واحد عندي صورته فتيليفون شفتو غير البارح ،..هو ديال ذهب ماشي الماس معنديش مع الالماس …

ياسين “عقد حجبانو ومشا قرب ليها جبدات تيليفون وجبدات صورة الخاتم تحنى عليها مبعد صباعو الي فيهم الكارو مركز مع الصورة كان خاتم ذهب ساامبل الخاتم لول رقيق وسط منو دائرة فارغة مرصعة بالحجر والخاتم الثاني رقيق فيه دائرة عامرة فيها حجرة كبيرة لوسط ذهب كلو وضاير بيه الحجر رقييق فاش كتخشي دائرة العامرة وسط الفارغة كيعطيك خاتم متكامل راقي وفنفس الوقت بسيييط …

ياسين “حتى هو عجبو ” : ذوق زوين …”عيط لعدنان الي جا ووراه ليه ” …فحالو …

عدنان : هذا غانوصي عليه ذوق راقي وبسيط معندي ميتسالك …يومين يكون عندك …

ياسين : شنو عجبك تاني خوديه …

نوار : وااالو ….

ياسين : متاكدة ؟ قولي شنو خاصك ولا الي عجبك كلشي ديالك ماحدنا جينا هنا يشوف ليك الي بغيتي …

نوار : دابا مبانت ليا حتى حاجة …

ياسين : الي بان ليك …”شاف فصاحبو وغمزو وهو بدوره ردها ليه …ابتاسم ليهم عدنان وعطاهم الوقت امتا يكون واجد وخرجو من عندو راضيين …ركبو فسيارة وزاد بيها حتى لافران خارج شوي عليه لنفس المكان فين تغذات هي وباها وهو فاش كانت مهرسة …دخلو ليه وجلسو فنفس البلاصة بعيدة شوي …

ياسين : شنو تشربي قبل ميوصل الغذا …

نوار : بغيت الما عطشت بزاف …

ياسين : واخا ..”ناض سلم على الحاج وبارك ليه خطوبتو طلب شنو بغات ووصاه باش يوجدو الغذا وجا جاب ليها الما جلس حداها ماشي مقابل ليها …هز ايدو وضورها عليها وقربها ليه اكثر …حط ليها راسها على كتفو قدام البشار وتقول واش تسوق لشي 🦋🐺نور_الياسين (202)sana mina🐺🦋

 

بقات متكية عليه وهي كي الخشبة حشمات تسيح عليه وقلبها كيضرب شوي بشوي بدات كتطلق عليه وتزعم وهي غادا مع الوقت ومع العشرة كتطلق وتولف عليه وهادشي عادي بالنسبة لاي بنت ماعاد الى كانت وجهها صندالة هيلي غاتزعم من نهار لول …في شخصية نوار خاصها كل نهار حاجة جديدة حتى تولف عليه. ….جابو ليهم الغذا طبعا المشاوي الي عارفها كتموت عليهم وحتى هو عزاز عليه من اكلاتو المفضلة …حطوهم ليهم سماو الله وبداو ياكلو …

ياسين في عادتو مكيهضرش بزاف وهو كياكل حتى كيكمل …كلات حتى شبعات كريشتها وناضت باش تغسل ايدها …وصلات عند لافابو وهي تبدا تغسل حتى تفكرات ديك المرة فاش جا وراها وغسل ليها ايدها وكيفاش كيهتم بيها حتى ابتاسمات بلا متحس وعضات شفايفها

كتحمد الله الي ربي حقق ليها حلمها الي مكانش مستحيل بالعكس كلشي بالارزاق وربي الي كيفرقهم …حمدات الله انها ما دلاتش ليه راسها وبغاها بلا ميعرف مشاعرها اتجاهو او مقالتهاش ليه وحس بيها ونواها حلالو …مسحات ايديها ولحقات عليه لقاتو جاي باش يغسل ايديه

سبقاتو جلسات حتى جا جلس حداها شعل سيجارة حتى كما وجابو ليهم اتاي شربوه هضرو شوي حتى غربات شمس …وناض خلص ومشاو ركبو خداو طريق رجعة لفيلا الي لقاو فيها كلشي كاين …دخلات هي سبقاتو وطلعات الفوق …اما هو لقاهم جالسين فجردة وجا عندهم لقا عليهم سلام …

يوسف : قضيتو غراض اولدي …

ياسين : جاب الله تيسير …

يوسف : اللهم يسر …

فؤاد : شافت شنو بغات …

ياسين : الي بغاه خاطرها دارتو وصينا عدنان قايم بالواجب …

يوسف : لهلا يخطيك اولدي …وسع معاها خاطرك اولدي تهلا ليا فيها الله يرضي عليك …

ياسين : في عينيا ميحتاجش توصي …

صهيب : امتا طالع نتا لهيه …

ياسين “شاف فجدو ” : وقلنا غذا فصباح …

مصطفى : اييه ان شاء الله عندنا شي خدمة تما خاص نكملوها خلينا كلشي على سالم تا دارو مشافهم هاد ليام …

صهيب : ماعليش حاول تجي قبل بيومين باش نعطيكم الوراق وتعيط لعدول الي غايدير ليكم العقد ياك غاتجيبوه هنا …

فؤاد : ضروري …

الياس : الله يكمل بخير …والعرس ضروري باش يحضرو ولادنا …

صهيب : يقدر يجي علي ولدي هاد الايام …

ياسين : وايلي …

صهيب : قاليا ضروري نحضر ليه العقد ماصبرش هههه راك عارف معزتك عندو …

ياسين : الله اودي شرف ليا …قضية ايساف شنو دار …

يوسف : صافي هذاك سدينا عليه يضبر راسو اصلا معندها ماتقضي هي بفمها معتارفة ماغتاصبهاش منو لضميرو معاها …

ياسين : ورا الحلال نهضر معاه …

صهيب : ماعرفتش علاش حاس بالي عارف شي حاجة ومباغيش تقول …

ياسين : اش عندي منعرف وهاني عرفت شنو غايقضي كيبقى يضبر راسو هو عارف مصلاحتو …المهم انا طالع نداوي هادي ونجي …”فؤادناض تاهو مشا دخل معاه مشا ياسين وجا اشرف كيضحك عاد ذاخل من برا كان مع صحابو …”

يوسف : افين العزوة …

صهيب : ادك سنبل اغا فين غاطس تال هاد الوقت …

اشرف : وكنت مع صحابي العميم …ااش نقوليك العم ضربنا واحد مولاتي شوا من داكشي من عند با عروب …

الياس : با عروب ؟ واايلي …شهتيني فيه …

يوسف : اش شهاك غا ولبارح ولا معرت ديك سيمانة ضربتي عندو شوا وشهاك …

صهيب : ويني راه شواه من داكشي شي بنة ماعرفتها كيدايرة حق ربي الى ضربت فيه من ايام وسنين ونا ناكل عندو ….

تم جاي محمد الحبيب عاد داخل بسيارتو نزل منها وجا لعندهم …

محمد الحبيب : افين العمام لباس …

الياس : نحمدوووه …

م.الحبيب : ايااي عاد دابا جاي لقيت لبوليس مشنشطين دنيا قدام با عروب …

اشرف : هاناري بحرا كنت عندو انا ودراري مالو …

م.الحبيب : واش تتاكل من عندو ؟ الحمار راه جبدو من عندو من ثلاجة سگايط ديال الكلاب ولحم الحمار …

اشرف “خرج عينيه بدعقة بغا يقول الكلاب ولا ينبح ” : هااااو هاااو عووووووو …

صهيب “شوي يهرط ههههههههههههه ” : هيييييييق …

يوسف “خبط طابلة ” : ياااا تناااكت علينا لا جيت نحسب راني ضارب عندو صاروفة ديال لكلاب 🦋🐺نور_الياسين (203)sana mina🐺🦋

 

#يوم_عقد القيران …في بيتها جالسة بديباردور فالبيض وبيرميدا بيضا باقي عاد لبستهم جداد من اللباس الي جابو ليها فدهاز لول على حسب العقد اي هذايا الي تقدات ليها يامنة والي تقدا ليها حتى ياسين من كلشي خداو منو بدوبل وحتى الي بتريبل هادشي غير لعقد خلي عليك الي ممكن يجيها فالتفكيرة الي هي كتوكون من واجب العگوزة كل عيد او مناسبة تفكر مرت ولدها بهدايا على ذوقها …(في الفلاش باك غذا غاندير كيفاش تقداو وشنو داز) …

نوار”واقفة عليها الكوافورة كدير ليها اخر لمسات كملات ليها شعرها الي جمعاتو ليها لور وتدير ليها اخر لمسات الميكاب حتى سالات ورشات ليها المتبت ديال ميكاب …عاد عطاتها مينة قفطانها الي كان فالمسكي مرصع بالحجر فلونو كلوش بالحزام ديالو فالفضي رقيق لبساتو وعقدات ليها الحزام من اللور …وصدر عريان بزاف …شافت فيها مينة …ونطقات مامرتاحاش …

مينة : راه صدرك كلو باين انوار بدلي هاد القفطان هذاك لاخور حسن من هذا وجا معاك ولا ديري ليه سلهام ديالو يغطي ليك شوي …

نوار : واعجبني هكا والله اخليه …

مينة : را غادي يكونو عمامي يجيب ليك بابا باش تسني ويشوفو كوني تحشمي …

نوار : صهد امينة اخليه …

مينة : الكليما مطلوقة وزايدون مانتي فخير مع راجلك ماسوقناش فيك مكاين الي يفكك وشدي معاه العكس …

نوار: العقد ميقول والو …

مينة : نتي تعرفي “صونا ليها تيليفون وقطعات عليه “…

عطاتها صندالة فالفضي حتى هي لكن بلا ماشي عالية سميطاتها رقاق مرصعين بالحجر بصاكها بنفس زواقها …وقادات ليها كتف القفطان حتى تقادت مزيان …

نوار “وجهها مزنك وفمها كيترعد ” : خايفة …

مينة : عاادي توتر قبل متسني …تادابا مزال الحال (مينة حتى هي لابسة قفطان فصومو ومقادة شعرها طويل الاسود مخلياه مطلوق على راحتو ومقادة ميكاب خفييييف بالكاد كيبان …كتشوف فحتها وعينيها لامعين ” …تقدري ديري بناقص وضربي كلشي فزيرو ودخلي بابا فعيبوبة بالفقصة …

نوار : واش تي مالك تتخلعي فيا حرام عليك …هنن “جلسات ” وشكون جا …

مينة : عميمو صهيب مشا يجيب العدول وبابا واقف مع عمو فؤاد وماما مع خالتو يامنة وسارة ونجوى جالسين فصالون كيوجدو ومعاهم ميمة نجود واشرف كيتقدا هو ودراري دنيا مرونة لتحت ومخلطة …كاين خالو (خال ماماهم ) ومراتو وولادهم …وميمة سعاد راها مع ميمة نجود كيعمرو اتاي …وعميتو راوية شوي وطلع عندك …حتى سمعو دقان …

مينة : عميتو راوية هادي “مشات تحل حتى دخل عليها لابس كومبلي اااااش نقوليكم واش منقولش ليكم …كومبلي بقميجة فالبيض وگرافاط فالكحل وفيستة وسروال كحليين …كان كيعقد فساعتو مرحع شعرو لور كيف العادة وريحتو سابقاه مخلطة بريحة الگاروب ياربي على ديك الهيبة وتخنزيرة الي بلا هواه كيديرها …

لتحت واقف ايساف تاهو بكومبلي كحل كلو وحداه الحبيب بكومبلي بلومارين مقادين الحالة ومطلعين شعرهم مسكسفين عاد دخلو مقديين ومعاهم اشرف تاهو كيجري يتقدا ويمشي عند فؤاد يقديه ولا يوصيه …هبطات مينة هي والكوافورة وخلاوهم …وتيليفونها ماحبسش …حتى تعصبت وهي تجاوب …

مينة : اسي المرابط الله يخليك ماتحرجنيش مابغيتش ناخذ انا الخدمة راه كلفت المهندس الي معايا عطيتو كلشي غايخدم معاك …

رياض : واش نقدر نعرف شنو واقع “مخنزر مفهمهاش مالها” ملي جيت لفيلا كنتي صحة سلام غير شوي جايب معايا صاحبي ونتي تقلبي مافهمت والو …

مينة : اسيدي انا مريضة نفسيا عااار الله الى ماخليني يرحم ليك بااك متبرزطنيييييش …

رياض : يا غاتقولي مالك يا غانجي تال عندك والي فجهدهم داركم يديروه …

مينة : واش شوية لباس ؟؟ راني فعقد اختي ودنيا عامرة متخلينيش نطفي تيليفون …

رياض”غمض عينيه كيحاول يتهدن ” : واااخا غذا نسوف شنو كاين …”قطع عليها ”

اما واحد مالين العرسان الي لفوق غير دخل وهي تشوفو بديك الحطة والهيبة الحروشية والجاذبية والكاريزما وريحة لي طلعت ليها ومشات حتى لبصلة سيسائية …حتى كانت غاتجلس ف فالكرسي …ميكاب دايره برونزي خفيف وعكر مارون خفيف تاهو …كمشات ايديها وحكاتهم …

نوار : ياسين …

ياسين : شنو واجدة …”عض شفايفو حمقاتو حتى هبط عينيه وهما يتقلبو ملامحو لتخنزيرة شاف صدرها الفرقة باينة كلها ولحمها بلق …” شنو هذا ؟ شنو قلت ليك على هذا ؟

نوار “تقلبو ملامحها لترجي ” : عااافاك مافيا ميبدلو …اخليه اخر مرة لبس عريان …

ياسين “عض شنافتو حتى بغا يطير منهم دم يطوش ” : شديتي ضد دابا ؟”مشا ليها حتى مشا شدها من حنابها وداها لحايط لصقها معاه وبرك عليها بصدرو حتى تهزات عندو وهو يهبط ايدو زير ليها على صدرها حتى خرجو نص بزازلها وحدر راسو عضو حتى تاوهات وغوتت محيد حتى تصورات ليها العضة وزراقت بلاصتها مكاين كي دير وخا دير فوندايشن لا ضركات ليها ”

نوار : ااااااااي اهى …اش درتي حشومة عليك ..”دلات شنايفها ”

ياسين “شاف فيها بتخنزيرة وابتاسم بغل فقصاتو هههه ” : عدو خليقة ملتي شدان ضد …شنو درت ؟ حلالي وبديت نشد طريقو وعكسي كانسرح ليه طريقو …”غوت تا قفزت ” تحاااااركي بدلي المسخ د🦋🐺نور_الياسين (204)sana mina🐺🦋

#فلاش_باك….

قبل حلول صباح اليوم الموالي اي قبل شروق شمس جديدة …لقاتو راكب فسيارتو هو وجدو سلم عليهم غير سلام خفيف …قبل سلم على نوار ووصاها كيف العادة ترد البال لراسها حيث ماشي غادي يطول حدو يضرب حتى لمراكش يشوف الفيرما وشنو جرا ويرجع باش يتمم مراسم عقد القيران ديالو …في الموعد المحدد له …وطبعا وخا عشاء بسيط لكن كاين صدقة قبل هي كاين الي كيديرها باش كيقراو الطلبة ماتيسر من القران الكريم والذكر الحكيم لتعطير الاذان بكلام الله وما كاين ماحسن من كلام الله وصدقة باش ربي يتمم زواجهم على خير …

تيسرو وزادو لطريق مراكش ووراه اسامة الي غير تحرك بساعة داه نعاس حتى يوصل ويديه يرجعو لمركز لعلاج الادمان لايام القليلة الي بقات ليه فيه …حتى صبح الصباح مع حلو عينيهم الي مشا لخدمتو مشا والي مزال ممشاش مزال …هابط صهيب كيهضر فتيليفون …

صهيب : شنو درتي ولدي …وايلي ؟ هي نهار العقد غاتنزل نيشان ؟ صافي ماعليش مهم تحضر …الله يرضي عليك تهلى فاختك وقوليها متبقاش تنعس معطلة راني كنجيب خبارها …واخا تهلى …

نزل لقا يوسف واقف هو والياس كيهضرو …شنو تما …

يوسف : والو غير كنهضرو على العيالات خاصهم طوموبيل اسيدي فاش يبقاو يمشيو يتقداو …

صهيب : ستين طوموبيل كاينة هنا …طوموبيلة يسرى هاهي غاتشد ايامات تخدم بيها …الياس عطيهم ديالتك وجي معايا ولا مع يوسف …

الياس : نعطيها ليهم ولكن شي مرات تيخدم بيها الحبيب حيث دا ليه ياسين ديالتو هي باش خدام حتى تخرج ليه الي موصي عليها …

صهيب : صافي عطيهم ديالتك ويسرى تاهي تخدم بديالتها غا ايام بينما كملو اغراضهم مزال كيتقداو ؟

يوسف : ديالتي داتها مينة غانلصقو فيك ازين …الشيفور راه خدام مع يامنة والوليدة …

صهيب : عرام طوموبيلات كاينين غا بغيتي تشغل بالك …زيد نمشيو لخدمة را واقيلة “شاف فساعتو ” شي ساعتين ويكون سيد على ود الاجتماع وغايجي فؤاد ضروري يحضر …

يوسف : يلاه تحركو …

غادي فطريق وحداه جدو داز ساعات وهما شادين طريق حتى قربو يدخلو لمراكش …حتى ضار جدو شاف فيه وقال …

مصطفى : ولدي الله يرضي عليك مادير والو دابا ما تجبد وااالي المشاكيل وحلالك قرب …انا مزاوك فيك …

ياسين “قلب ملامح وجهو لتخنزيرة ديال لقرطاس ” : مامساليش لبراهش دابا عندي منقضي نوقف الخدمة فالفيرما هاد اليومين ونرجعو ثاني ..نرصي امور الكوري ودار الحليب الي واقفين ونخلص الخدامة …

مصطفى : هذا المضنون فيك اولدي …ماضرا (امضرا) وصيتي مرت العربي تخمل دار لداخل …

ياسين : غير نكونو راجعين نخلي ليها ساروت تقضي الغراض تما …موصي على كلشي والحنانة غاتجي موصيها على شنو تقدا الي خصتها والي خاص هي غاتقضيه هادشي ديال العيالات مكلفة بيه الحنانة …

مصطفى : ايوى مزيان يامنة الله يرضي عليها متخلي تاحاجة ناقصة …

ياسين زاد كسيرا حتى ضربو مسافة الي بقات ودخلو لدوار مع جوايه الغذا يعني مورا ضهر …اما بخصوص ما جرا ليه فالفيرما ف هو كيف كنقولو ملبدها يعني بالمعنى انه مخلي الامور مهدنة حيث هو على ابواب فرحة دخوله القفص الذهبي الاول يعني الحلال رباط بين زوج دناس رباط العمر باش تكون على ذمته قبل مايديرو العرس…حتى يرصي امورو عاد يتفرغ ل اساس مشكيل الحريق الي وقع ليه فالفيرما ويحاسب بنفسو ويوقف عليه…

وصلو حط جدو فالفيرما ورجع هو واسامة لمراكش داه لمركز فين كاين وحطو تما …

ياسين : كمل الي بقا ليك هنا …راك عارف فين غاترجع ازرو نساها عليك …

اسامة “حادر راسو” : غانحضر لحلالك ؟

ياسين “شاف قدامو ” : ضروري …كنهضر على رجوعك بمرة …رجوعك معايا فالفيرما مكاينش خروج دوران تسلگيط …”خنزر فيه” تفاهمنا ؟؟؟

اسامة “حك نيفو وسحت (جمع شمة ) تفاهمنا …

ياسين : تحرك دخل الله يسر …

سلم عليه ورجع دخل لمركز تاكد انه دخل وعيط لطبيب الي اكد ليه عاد ركع بسيارة ادراجو وصل لفيرما ودخل حيد حوايجو بقا غير ببوكسر وتلاح فوق ناموسية شعل لكليما وتكا باش يرتاح من عناء سفر حتى دوز ليها الخط جاوباتو فالبلاصة…

ياسين : مال صوتك …

نوار : غير عيانة …

ياسين : شنو عياك …

نوار : ضراتني كرشي ..

ياسين : مزال كضرك ؟؟ نوضي شربي شي حاجة …

نوار : عطاتني ماما دوا جابو ليا ايساف …

ياسين “غوبش ” : ايساف !! معندك باك معندك والي ؟

نوار : غير كان هنا وشاف ماما فاش وصفات ليا دوا ومشا جابو ليا …

ياسين : اشرف فين مشا ؟؟؟

نوار : مكانش غير حيث انا وايساف مقربين بزا..”خرجات عينيها ”

ياسين : كملي …

نوار : ايساف جاب ليا ذوا …نشربو دابا ولا تال صباح ؟

ياسين : سير تنعسي سيري …

نوار : وااخا …قطع عليها خلاها كتلولب فعينيها ماعرفت واش ز🦋🐺نور_الياسين (205)sana mina🐺🦋

وبالعادة يالالة كيفها كيف البنات الي كيوجدو لخطبتهم وعقدهم وتركاب الخواتم الى كانو دايرينو فحال نوار دابا غاتدير عقد وتركاب الخاتم الي وصى عليه ليها بشكل كيف طلبات وليه هو سامبل الطلبية خصلصها بالشيك ديك ساعة وعطاه الكلمة وتوصيل باش يحضرها ليه فايام وتوصلو حتى لدار …داخلين لمحل الاتواب كيختارو فالتوب الي غايدفعو لخياط باش يوجد ليها جليلبات والي تدفعو قبل …

يامنة : جلابات ديالك بزوج ابنتي راه وجدهم غاتجيبهم مينة معاها وهادشي خليه تايقرب لعرس وخيطيه والي خرجت ديك ساعة ناخذوها …

نوار”كتحك فراسها حطات ايدها على حنكها حايرة بين زوج تفصيلات ديال تكاشط اختارتهم ” : ايناهو الي نخيط …

يسرى : بنتي بلا متخيطيهم دابا عندك زوج اخرين عاد خيطتيهم هادو خلي تايقرب العرس بينما اختاريتي راسك …

راوية : انا من راي يسرى …

يامنة : هادشي دابا غي العقد راه مزال داكشي الي غانتقداو ليك فدفوع فالعرس ان شاء الله مغايخصك والو هههه راجلك راه يوصي ويعاود …

نوار “ابتاسمت ليها وعنقتها ” : انا راه عندي خالتو يامنة وغايخصني شي حاجة ههههه ابدا …”باستها ” يخليك ليا ماما تانية …

يسرى : ايييه ابنت كرشي ومك الي ولداتك صافي …

نوار “عنقتها ” : راه انتي اماما ولدتيني باش نتزوج ونمشي عند خالتو يامنة …”باستها ” انضحك معاك هههه

راوية : واحد عمتك متبوسيهاش ؟ مرت باك انا …اش دارت جمعتهم بتلاتة غرقتهم بوسان …خرجو هما كاملين وخلاو نجود وسعاد مع سارة فبارطمة صهيب حيث هاد الايام كيبقاو فيها حتى يكملو مقدية اش غايخصها …خذاو شنو خصهم من تفصيلات جلابة تلاتة تفصيلات و تفصلات زوج ديال تكاشط وعاد بيجامات من اختيارها وملابس داخلية جداد …بقاو يضورو حتى وقفت راوية عند محل ملابس نسائية خصوصا المتزوجات وشوميز دونوي…

راوية : اجي يسرى اجي ندخلو هنا …

يسرى : ايهديك الله راه خدينا ليها. دوبياس شبغات دابا بداكشي …

نوار : شنو هذاك ؟ شوميز دونوي “تزنگات ” ياا لااااش ؟؟

يسرى : امزاال مزال ا راوية تا ليلة العرس …

يامنة : هههههه مزال اراوية خلي عليك البنت …

راوية : يهديكم الله ضروري تاخذهم وخا تالدفوع ولكن تاخذهم وصافي …اويلس دخلي عندو هذا هو من عندمن كنت كناخذ كيكومندي من اسبانيا …

يسرى : راه كتكومندي من سيت بزاف وموصيا من المانيا كلشي غايجيها …

نوار : مموصياش مبغيتش الاااا …

يامنة : ههههههه وغادخلي خودي غير العادة متخافيش الى مبغيتيش مغايدير ليك والو والله واعلم تاني …

نوار”تفيكسات وشافت فيها بنص عين ” : خالتو يامنة كيفاش والله واعلم تاني …

يسرى : ههههههههه واش هي غاتعرف ولدها ؟ غا قالت وصافي وزايدون عامة راه تاحاجة ما بزز وهو بعقلو ماشي همجي …معندك مناش تخافي …

راوية “دارت ايدها على نصها وطلعت فيها حاجبها ” : تي شوفي فيا اديك ربع عقل ؟ لنفرض مقاسكش وغايدير ليك خاطرك تا ليلة العرس …ايوى جاياك جاياك تسريحة وحدة ثد ما جلستي يتقب مك ( راوية شوي هضرتها مجهدة من صغرها هي كانت تفقه يامنة وخا مكانتش مزوجة ديك ساع ) توگضي اديك …الى مغايقيصكش

ماشي حمار ولا حيوان ولكن راه راجل بقاي تفشفشي عليا تما تا يمشي لغيرك شحال جهدو يصبر عليك ؟ ولاش تزوجك راه شوي هك وشوي هك راه راجلك حلالك تمعي معاه ومتعيه ومتعر بعضياتكم وبقاي تحشمي ازين ابنت خويا تتجي قحبة معندها سوق فطب** يتشرشم ولا طير ليه جلدة ولا يوصلو لمها لمعدة المهم تمتعو هو ونتي غني العلوة وضلموني وخاني …توگضي …دوزي تدخلي خودي غا جوج بعدا

نوار : جوج ؟ علاه شحال كياخذو اصلا. ؟ ولاش تتخلعو فيا يخوني ما يخوني …وماتبقاوش تقولو هاكا “تتحس بقلبها بغا يخرج بمجرد فكرك انه مع وحدة اخرى غيرها ” …غاناخذهم وصافي غا هنيوني …

يسرى : انا عمري منهضر نخلي غا عمتك تكلف وجهك ابنتي كاموني دوزي دخلي …

دخلو معاها ويامنة ميتة عليهم بضحك عاارفة البنت خايفة وشيء طبيعي لكن تحمد الله معاها عيللت عمامها مها عمتها في حين هي مسكينة مكانتش عندها امها الي تفقهها لقات غير نجود وزهور فايامها الي وراوها وحتى راوية وراتها طبع 🦋🐺نور_الياسين (206)sana mina🐺🦋

خدامة كترسم فالمخطط او ديزاين او التصميم ديال السقاية الي بقات ليها بشكل كيف بغا والاضافات الي ولا زادهم …حتى صونا ليها فديك اللحضة وهي خدامة كانت جالسة فريسطو برا وخدامة فلابتوب فوقيتة الغذا …شافت اسمو وهي تجاوب فالحين …

مينة : مرحبا سي المرابط …

رياض : صافا عليك ؟

مينة : الحمد لله ونتا مزيان اسيدي …

رياض : الحمد لله …شنو كاينة فالخدمة ؟

مينة : امم انا فواحد ريسطو كنتغذا وخدامة فتصميم السقاية الي بغيتي تقريبا كملتو كنتسنى غير تقوليا باش نرسلو ليك فالجيمايل محدك مزال مجيتيش …

رياض : لا انا هنا وصلت البارح بليل خليت الوليدة لهيه وجيت …تقدري توصلي عليا لفيلا انا فيها كنتسنى نيت صاحبي بغا يجي يشوف معايا عاد جا من كندا …

مينة : ايه مرحبا عطيني غير شي ساعة هكاك ندوز غير لخدمة نعيط لدراري ونهز لوازم ديالي ونوصل عليك …

رياض : وخا خودي راحتك انا فيها نيت …

قطعات عليه وهي تنوض خلصات الغذا عيط ليها يوسف …

يوسف : شنو تجي تديني معاك ولا مزال ممسالياش …

مينة : غاناخذ ليك طوموبيل هاد سيمانة الوليد يعمر دارك الى سمحتي لينا نعماس …

يوسف : يعمر داري ؟ وااخا نعماس خود راحتك …كون كنتي تسمعي كون خليتيني ناخذ ليك طوموبيل ونتي كتسناي تخلصي وتدفعي فوحدة انا لاش تنخدم فديك شركة ولمن …

مينة : لييينا طبعا …عارفة عارفة نهار نتحز ابابا غاتعطيني وتعاوني عارفة دوك الفلوس من حقي انا وختي ولكن مافيها باس نضمن مستقبلي والمعاونة ولابد منها …مغاديش نقوليك لا …

يوسف : وراحتك ابنتي …دابا غانتحرك مع صهيب هاد الايام قضي بيها تالوقت الي ساليتي خودي راحتك ابنتي …

مينة : يخليك ليا …قطعات معاه وتحركات مشات لخدمة علمات دراري باش يبداو الخدمة فالفيلا يلحقو عليها وهي هزات شغلها ومشات سبقاتهم حتى لفيلا وقفات وهي تعيط ليه …

رياض : انا فالجردة لور وصلي ودخلي راه كاين شي خدامة هنا يمكن سبقوك …

مينة : اه هادوك الي جايبين سلعة وصيتهم البارح يجيو يخليوها تما حتى تجي ونبداو نيشان …انا جايا …ضارت حلات الباب لوراني جبدات منو شكارتها الي فيها لابتوب وهزات من الكوف شي لوازم ديال العبار وداكشي الي خاص بالخدمة …حتى بلاصات سيارة قدامها كاتكات بيضاء هيونداي …وخرج منها شاب فعمر 34 سنة …شميمر شوي وطويل شعرو وملامحو كحلة …كان داير نضاضر شمس حتى نزل ووقف من شافها تبلوكا ريقو ولا يصرط فيه …بقا مبلوكيوكيشوف فيها وعينيه مرة يرمشو ومرات لا حس بقلبو كيضرب في حلقو …

حتى كملات ودارت شكارة فكتفها لابسة كسيوة موطارد نص كم وصندالة جلد ماغون جامعة شعرها لفوق ونافخة الگصة فيها عادك فحال ختها نوار كتعضعض شفايفها فاش كتكون مزكزة على شي حاجة ولا كتقاد شي حاجة …

هو : م مم مينة !!!

مينة “عينيها خرجو حتى بغاو يطيحو لارض في نفسها كتقول ياربي ميكونش هو ياربي ميكونش هو صوتو ياربي لكن ما ان هزات عينيها حتى لقاتو هو نيييت مشات بيها لارض وجات” : م م مهدي …

مهدب “تم جاي لعندها ” : م مينة …

مينة غير شافتو جاي وهي تحل باب طوموبيل ولاحت داكشي وهو يتم كيزرب لعندها وهي تغوت حتى خرج رياض الي اصلا جاي خارج يشوفها …

مينة “غوتات لربي الي خلقها وهي تحنى لارض وجلسات قفازي (القرفصاء) ودارت ايديها على راسها وحادرة عينيها مكمشاهم كتغوت وتبكي ” : ولااااااااااااا بعد مني باااااااعاااااااد منييييييي اهى اهى واااااااااااااااااااااااااا باااااااااااااااعد ….باباااااااااااااا عمو فؤااااااااد عااااونونييييي اهى ….حط ايدو عليها وهي تغوت …

رياض : ششش غير انا مالك اش واقع اش واقع ؟؟؟

مهدي فهاد اللحضة رجع بلور ودخل لطوموبيل وكسيرا حتى تسمع صوت مجهد خلا رياض ضار شاف ويلعن الي فهم شي لعبة ….

ولات كلها كترعد وتنخصص ليه تما مافهمش مالها بغا غير يعرف والو جاتها هيستيرية ديال لبكا تبكي وتقول مابكيت حتى عيط على واحد من دراري حاب ليه قرعة الما بغا يعطيها تشرب والو تبكي وتغوت ما شعرش مسكين حتى هز ايدو وصرفقها بجهد وهي دير واحد تنهيدة خرجات ليها من اعماقها تقولي روحها خرجات ….

مينة : هييييييييييييييي …

رياض : ششش تهدني تهدني …سمحي ليا كون مدرت ليك هاكا ماعرفتش شمن نوبة فين غادخلي …عمري ضربت شي مراة …شش صافي غير تهدني شنو وقع …

مينة “كتنخصص ” : بغيت نمشي لدارنا عاافاك …

رياض : واخا نديك انا ؟

مينة “جاوبات باه ” : اهى اهى منقدرش نسوگ …

رياض : ميكون غير خاطرك …”شد من عندها لكونطاكت وركبها لق#تتمة_البارت_206_نورالياسين…

وصلها مسكينة حتى لازرو كان غادي بيها حتى لباب دارهم وهي تحبسو …

مينة : غير وقف هنا انا نكمل …مزال مبغيتش ندخل حتى عينيا يصفاو غايسولوني مالي …

رياض “بلاصا بجنب وخلا سينيال مطلوق ” : انا الي بغيت نعرف لول مالك …شنو وقع ليك …

مينة : مماليش غير عيانة وخرج ليا كلب وخفت عندي فوبيا منهم …

رياض “شاف فيها بنضرة بمعنى من نيتك ” : كلب!! ههه كلب غايدير ليك هاديك الهيستيرية كلها ؟ شنو واقع …شفت صاحبي جا ورجع شنو واقع …

مينة : لا لا مواقع والو احم واش ساكن معاك …

رياض : لا غير غايوقف معايا هو فالاصل ولد رضيعة الوليدة يعني خالتي فرضاعة وصاحبي …كتعرفيه ؟

مينة : لا لا مكنعرفوش عمري شفتو …”مسحات تحت عينيها وهزات قرعة الما شربات منها وبقات شحااال كتشوف قدامها وهو حداها مخليها على خاطرها حتى تنفس …شحال وهي كتشوف وتفكر فالاخير ضارت عندو ” …سي المرابط غادي تعذرني …

رياض : مرحبا شنو خاصك ؟

مينة : مغاديش نكمل معاك انا لخدمة مهم كاع تصميم ساليتو ليك غادي نكلف ليك عادل خدام معايا مهندس هو يقوم معاك بالواجب على اكمل وجه …

رياض “غوبش فيها ” : شنو كتقولي ؟ كيفاش نكلف واحد خور ؟ مافهمتش وعلاش هادشي ؟

مينة : الي مهم قضيتو معاك درت بالواجب وماعليش نكلف واحد اخور الحاجة ملي مكتكونش مرتاح فيها سد عليك بابها وهني راسك …كنتمنى تفهم قراري والى بغيتي تعويض مستعدة ندفعو ليك ..ماعجباتكش الخدمة متسعدة نخليه يعاودها حتى تعجبك والى فشل نعطيوك فلوسك كاملة …

رياض : اش كتخربقي منين جبتي هاد الهضرة شكون قاليك انا باغي تعويض انا بغيت غير نفهم انا شنو درت .؟؟ مافهمت والو فهادشي كامل راني لحد الان صابر ومراعي لحالتك ولكن باش تبداي تقولي ليا ممرتاحاش وانا معندي دخل فتا حاجة هادي منقبلهاش …

مينة “خرجات من طوموبيل وضارت جيهتو مكتشوفش فيه” : وخا خليني نمشي نرتاح ومن بعد نهضر معاك وخا ..

رياض “غزز سنانو عصباتو مفهم والو حس براسو وسط معمعة ومشكيل كبير هو ماليه فيه تا دخل …ضرب فيها واحد تخنزيرة كون شافتها كون تفافات …خرج من سيارة وخلاها دخلات بلا ميتكلم معاها عفطات عالكسيراتور وهي طيير من حداه مخليا كيشوف حتى قبس حجرة بجد🦋🐺نور_الياسين (207)sana mina🐺🦋

#رجوع_الى_الحاضر ….

عصر ليها صدرها حتى خرج وحتاها عليها بعضة حتى غوتت خلاها ليها زرقة طلق ليهم دوك جوج كلمات وخلاها بغات تبكي ولكن هيهات المكياج غايخسر ههههه…بقا مخنزر فيها كون كانو عينيه يطلقو القرطاس كون شتتها تما …هي مقدراتش تشوف ليه فعينيه غير تخنزيرتو خافت منها ولات تفتف …

ياسين “غوت تا طارت ونزلت ” : هضاااارت …

نوار : هاني هاني …وخا انا غاندخل نبدل …حبسها بايدو ورجع فين كان واقف كيقاد فكمايمو وحالتو الي تربجات فاش لصقها مع الحايط …

ياسين : انا خارج كملي وعيطي لمينة تعاونك وصوني ليا …

خرج وخلاها حناكها بغاو يطرطقو طلات على صدرها لقات العضة ولات مايلة لموڤ ومصورة هكاك عضة شرشم ليها الصدر هههه مشات كتلول اما هو خرج وهبط لعندهم لتحت كانو كاملين حتى من اسامة جابو معاه تاني وجدو وكلشي حاضر دنيا عامرة سرباية خدامين يتقداو جيهة رجال والعيالات فصالون كيقادو فين تجلس نوار حيث غاتنقش ليها نقاشة نقش خفيف ريحة البخور معطرة لمكان وطلبة كيقراو فالقران …يوسف يضور بجلابتو البيضة والبلغة صفرا وصهيب بجلابة فالبوردو والياس بجبادور هاد المرة لباس تقليدي …حتى هبط ياسين مخنزر وداز من حداهم دخل عند طلبة …

يوسف : ايواااا مالنا …

الياس : هذا مالو …

يوسف : يفوت غا بنتي وتجي فينما بغات …

الياس : تا دابا مزال الحال قوليهم مبقيتش عاطي …

يوسف : ااااسكت راني تنتنخصص من لداخل ماعرفت هاد فحم الفعايل اش داير ليا تا عماو ليا العينين وقبلت …

صهيب : حيث ماكرهتيش تناسب مع خوك فؤاد شخصيا شادا ليك …

يوسف : كيس شتوني كي تخليوني …”تمات غاديا مينة كتهز فجلايلها وتتزرب وتيليفونها فايدها …” فين غاديا مالك ؟

مينة : غا نوار كتبدل وعيطات ليا …

يوسف : ااه وقوليها طلق راسها راه يسرى كتعيط …

طلعات عندها كتزرب وتعاود حتى دخلات لقاتها لبسات دغيا تكشيطة فالبيج مرصعة بالحجر ذهبي مغطية من صدر وسفيفتها ملكية عريضة …لبسات حزامها ذهبي عقداتو ليها …

مينة : هههههه عبر عليك ماحشمتيش وماسمعتيش يلاه تلگاي …

نوار : صافي صافي غا سكتي …

مينة : دغيا يلاه دابا طلقي راسك هبطي راه جات نقاشة بينما دارت ليك نقش يكونو رجال تعشاو باش يبدا العدول …

نوار : صوني ليه قاليا صوني ليا …

مينة : هههن خفتي واخا انا نصوني ليه …صونات ليه غير شاف اتصالها وقطع حك ايديه من بعد ما رمى الگارو حيث خرج يكمي برا بعيد …وطلع عندها …قرب ليها وخرجات مينة خلاتهم …وخرجات لجردة حدا لابيسين واقفات كتنفس ومربعة ايديها كتفكر اخر نهار فاش

تفارقت معاه تقريبا قربت تكمل سيمانة من تم وهو كيصوني ووالو مبغاتش حتى هضرات مع الباطرون ديالها فالخدمة وكلف مهندس اخور …والو رياض مبغاش مفهمش ومتقبلش حيث مافهمش اصلا اش واقع وحالتها داك نهار خلاتو يتشوش اكثر وطبيعي جدا …وتفكرات نهار صونات لبرنامج فالراديو كانت ديما كتسمع ليه اسمو اشكي همك ولا يهمك …فيه اكبر مشاكل ناس والي دازو من تجارب …ورجعات بيها ذاكرة لكل حرف نطقات بيه …

مينة ” كانت فسيارة سايقة حتى ركنات جنب طريق ” : الو …

المذيع : معايا مستمعة مشاركة من اي مدينة ..

مينة “فضلات تقول مدينة اخرى ” : مدينة الدار البيضاء …

المذيع : مرحبا بناس كازا …تفضلي اشكي همك حنا فالاستماع …

مينة “ترددات شحال هرب ليها صوت والكلمات حتى حنحنات فاش عاود قاليها واش معايا ” : هي بنت فعمر ستة وعشرين سنة فداك الوقت يعني ثلاث سنوات دابا …كان يوم عرسها او عقد قيرانها بواحد بغاتو وبغاها هههه نقولو بغاها ماعليش …موجدة هي وياه كلشي تقداوه الي خصهم ودهاز على ايديهم والخاتم قيسوه بزوج وفرحانين كيتسناو امتا يديرو حلالهم اي عقدهم ويمشيو لدارهم …حتى ليلة العرس وكانو كيهضرو عادي ….مادا ايديها ورجليها كتحني وتنقش والدنيا غنا وصلاة عالنبي وزغاريت وفرحتها بدنيا …كتسنى فدفوعها يجي حتى دازو ساعات وهي كتسنى حنتها نشفات ودموعها نشفو قبل ميهبطو اصلا …صونات وصونات عليه مجاوبهاش حتى كيجيوها تصاورو وهو ف مطار اوطاوا فكندا مع وحدة اخرى اجنبية و هي ومعنقاه ….ههههه

المذيع “سكت شحااال قلبو ضرو عليها ” : صاحبتك ؟

مينة : مانبغيها لا لصاحبتي لا لعدوتي ولا ليا انا نيت …

المذيع : وشكون الي وقع ليها هادشي …

مينة : بنت الناس والجواد والجود بنت عادية طموحة ثاقت وبغات ودارت فرحتها كيف البنات حتى تصدمات والثقة عندها انعادمات …

المذيع : كلامك زوين ابنتي …اقرب ناس ليك ؟…

مينة : الي كلامها زوين نييت …انا هي الي وقع ليها هادشي وقلبها بكا دم وشحااال صعيييييبة ( طولاتها ) يوقع ليك نهار عرسك هادشي وترجع توقف من جديد …ربي كتب وربي ياخذ الحق …”نزلات دمعتها كتجرييي وهي كتفكر الي قالت لمذيع والي جرا حتى تحطت ايد على كتفها ضارت لقاتو باها يوسف الي ضورها وخشاها في حضنو ومضور ايديه عليها كيطبطب على ضهرها …

يوسف : الحب الاول والاخير ليك ابنتي هو انا …مدام انا حداك عم🦋🐺نور_الياسين (208)sana mina🐺🦋

حضن الاب الحنون هو الحضن الوحيد الي متعوضو حتى حاجة هو الحضن الي بصح كيعطيه ليك بدون مقابل وفرحتو كتر من فرحتك بحب وبراحة ورضى …الاب الي كيكون حنين وخصوصا مع بناتو …وكيف قاليها حب الاب هو الاول والاخير …خلاها على خاطرها شحال وهي مخشية فيه حتى هزات راسها وشافت فيه …

مينة : غايبداو رجال …

يوسف : ويبداو انا مالي ؟

مينة : هههه سير جلس معاهم “سمعو زغاريت ” ويلي نوار هبطات واقيلة زرب دغيا …

يوسف : تي فين غادا اجي نجمعو اش بغيناهم هادوك …

مينة “شداتو من دراعو وتمات جاراه” : وتاا زيييد تحرك ونتا وليتي تقيل شرفتي الوليد ..

يوسف : نعل موك لهلا يحييك تانشرف تشرفي نتي وانا باقي …

مينة : ههههه وخا غير زيد دغيا …اجي تشوف نوار طلعات زوييينة …

يوسف : راها زينة بلاش …

تمشاو كيزربو فالمشية حتى دخلو بانت ليهم نازلة وشادة فدراع ياسين الي كمش عينيه من زغاريت مكيحملش قوة طنطين وصداع غير داير الخاطر باش دوز عادتها فيوم قيرانها …جاي معاها بالقاعدة وخا متمر عليها حتى هبطات بخاطرها هازا جلايلها وقفات عندها يسرى الي لابسة قفطان غوزانديان فيه حجر بالالوان ومصاوبج شعرها مخلياه عند الكتاف مقطع ديكرادي فيه شوية شيب بكن كتصبغو بزاف …مصايبة ميكاب خفيف حتى هي …

يسرى : حبيبتي …اجي معايا لصالون راه جات نقاشة …

نوار”ابتاسمت ليها وهبطات عنقاتها وباركت ليها خلاها ياسين ومشا دخل عند طلبة الي رجعو يقراو القران حتى دخل يوسف شاف نوار سلمات عليه وبارك ليها …

يوسف : مبروك مغاديري ابنتي “باس ليها جبهتها ” عنداك يحساب ليك ديري عقدك راكي خرجتي من تحت جناحي راني انا جناحك لول لا ضار فيك داك مجحوم الفعايل غير صوني وقطعي نجي لعندك نديك من عندو …

نوار : ولكن انا غانبقا مزال معاكم هنا تال عام جاي …

يوسف : واخا تبقاي سبع سنين ينزل دمعة عيطي ليا نديرو بناقص ابنتي …

نوار : هههه صافي وخا كون هاني …”طبطب عليها وخلاها دخلات ومشا هو لحق على رجال ” …

يامنة “قربات ليها وحطات ايديها على كتافها ” : اللهم بارك ماشاء الله عليك …الله يفرحكم ويبعد عليكم ولاد لحرام …الله يتاويكم بالخير …

نوار “شافت ف امها الي غمزتها وهي تقبط ايد يامنة وتحنات باستها ليها ” : ربي يخليك لينا خالتو يامنة …

يامنة : الله يرضي عليك …

مشات سلمات على جداواتها سعاد و نجود باستهم ورضاو عليها ودعاو معاها …حتى جلسات فبلاصتها وجات حداها نقاشة معاها راوية سلمات عليها وبدات تعمر فالسورانگ( ابرة نقش) وبدات تنقش ليها غير صبيع ونقيشة خفيفة فرجها …

جالسة حداها مينة حتى جاها ميساج فتيليفونها شافتو لقاتها نمرة جديدة …دخلات تقراه وهي تلقا ….

عمري ولا عمري غانسامح راسي على ما درت فيك …عارف هاد ميساج غاتقرايه وتعرفيني نيشان وغاتبلوكيني …من حقك ولو بلاصتك ندير نفس شيء ومنسامحش مهما حييت …

بدات كترعد شدات تيليفون وطفاتو وناضت بجهد حتى شافو فيها كانت راوية كتفرق فاتاي عليهم …

راوية : مينة مالك …

مينة : والو غير نسيت شي ايمايل مرسلتوش انا طالعة بزربة نيت نخلي تيليفوني تما وهابطة ….طلعات داتو لبيتها سدات عليه فالمجر …دخلات لدوش غسلات ايديها …بقات شحال حتى تنفسات …

مينة : داكشي الي مخليتش عمو فؤاد يديرو بزز الى رجعتي دخل حياتي غانخليه يتصرف ونتهنى منك بمرة …ندمت على العار الي رميت عليه باش ميقيصش فيك شع🦋🐺نور_الياسين (209)sana mina🐺🦋

كملو الطلبة التلاوة الاولى ديال القران جالسين دراري كلهم مستفين مربعين ايديهم وحادرين راسهم كيسمعو حتى جا صهيب جاب معاه العدول هاز شكارتو ولابس جلابة مخزانية فالزيتي وطربوش حمر لقا سلام براسو ودخل حدا طلبة كمل معاهم منين لقاهم كيقراو …حتى خرج تاني صهيب كيهضر فالفون …وهما كيهزو راسهم يحضيو هذا الي داز ويرجعو يحدروه تاني يدخل واحد اخور ويرجعو يهزوه …

م.الحبيب : وا دخت دخت …

ايساف : شقيقة ياناري نتوما عارضين على رجال ازرو كلها …

م.الحبيب : معرفت لجدر والديهم …

اشرف : امتا غايحطو العشا …

ايساف : تتنقي كرشك من الكلاب ا دوبرمان …

اشرف “دار ايديه على راسو ” : ونااري سكت سكت …

ايساف : عليا بليمييين العزي تا قربتي تولي جونگوما (اسم بطلة مسلسل كوري اسمو جوهرة القصر عهههه ) …

اسامة : كرشي تتزغرت اصحبي …

ايساف : يعطيونا غا ندغة ديال لخبز نزيد عشرة دقايق نوض عند خالتي نعيمة ريحة طيابها تغلغلات ليا فالشراييين ولات تتصور ليا غا التعليكة ديال دغميرة …

اشرف بغا يهضر شاف فياسين الي خنزر فيهم ورجع هبط راسو وربع ايديه كيسمع فالقران …في هاد اللحضة صهيب غير صونا ليه الفون وهو يخرج على برا عيط لسارة الي تبعاتو هازا جلايل قفطانها وتقاد فشالها …

سارة : صهيب مالك …

صهيب : واحد سيد بغا يجي دابا بغيتك تسلمي عليه معايا …

سارة : ايه مرحبا شكون …

صهيب : هاهو غايدخل …شوي وهي دخل سيارة الشيفور عاد جاي من مطار فاس سايس …ووقف تحلو البيبان بزوج خرج منها شيفور وخرج منها شاب فمقتبل العمر ربعة وعشرين سنة …شهيب فحال صهيب اول فرحتو من بعد ما اجهضات سارة اول حمل ليها …هاز فضهرو صاكادو وفايدو تيليفونو. بتيشرت وشورط وسبادري فقط باش جاي …بانو ليه وهو يباتسم …

سارة : ههههه علي …

صهيب : هو هذاك …

سارة تمات غاديا وتزرب لعندو وتقول مزربت وضحكة واصلة تال وذنيها …مدات ليه ايديها ومشا لعندها كيزرب حتى عنقها عندو …شحال مشافها وخا ماشي بزاف باش كانت عندو …

علي : الوليداااا اييي غلاضيتي ازين ..

سارة : الله يمسخ مك …هههه على سلامتك …

علي : الله يسلمك …الوليد “باس ليه راسو ” فين الوحش كاين شي ولا معطاوكش …

صهيب “رفع حاجبو ” : تجرب امسخوط بوك …

علي : ههههه لا تتبقا فيا بلاش …حايد قوليا ندخل دغيا نطلع نبدل عاد ندخل نسلم …

سارة : ضور من لور وطلع ودخل بدل عليك دغيا …راهم بداو يوجدو طوابل لعشا …

علي : اوكاي …

مشا هو لور طلع لبيتو يبدل حوايجو الي مخليهم اصلا فماريوه …وفي هاد اللحضة بداو يوجدو العشا والعروسة كملات صبيعات ايديها ورجليها وخدامة تنش عليها اختها حتى نشفات حنتها ودارت سقوة …كمل علي لباس وهبط لعندهم مع دخلة لقا دراري مستفين مربعين ايديهم قتلهم جوع وكيتسناو يحطو العشا …

علي : سلام عليكم …

ايساف “مشافوش لا هو لا لاخرين حادر راسو يحساب ليه شي طالب ” : عليكم سلام اشريف دخل مرحبا …

علي : واش هاد ناس مزال محطو العشا …

م.الحبيب : غا دخل جلس اشريف ودابا يتحط “حط ايديه على صدرو ” سمح لينا وكان …

علي : معندهمش الماكلة …

محمد الحبيب “هز فيه عينيه بغا يخنزر حتى صدق مخرجهم ” : وناااري شهب الفعايل …”ناض وقف تعانق هو وياه ” …

ايساف”تسالم معاه ” : اييي علي والله ماعرفت مك صوتك تبدل

علي : ماشكيت عليك غا بعدت من خليقتك وهو يتقاد ولا شهوة منو..”شاف فاشرف” العزي ديالي …

اشرف : ولد عماااي …”تسالم معاه ” …

شاف جيهة ياسين ومشا عندو حتى وقف عليه تسالم هو وياه وبارك ليه وتسالم مع فؤاد ويوسف والياس المهم كلشي سلم عليهم تما كانو رجال كيتقادو فطوابل وسرباية كيضورو عليهم …حتى سالاو وناض يوسف عند العدول عيط ليه وعيط لياسين …

العدول : ولدي ياسين تقدمتي بطلب عقد زواج على سنة الله ورسوله …ولي امر العروسة حاضر …

يوسف : حاضر اسي العلوي …

العدول : البنية حاضرة اولدي ياك …خاص تجي باش نسمعو موافقتها وشروطها “شاد الملف الي فيه الوراق ديالهم ..”عطيني بطاقة الوطنيك ديالك اولدي …”جبد ياسين لاكارط ديالو عطاها ليه …

يوسف : تفضل معانا لصالون لاخور الحاج …

ناض كل من يوسف والعدول وياسين وفؤاد الي سبق عيط ليامنة تقوليهم يغطيو راسهم وتوجد نوار …حتى ناضو غير هما بربعة حتى دخل لعدول كانت واقفة وحادرة راسها كتفرك فصباعها وعينيها فلارض ..🦋🐺نور_الياسين (210)sana mina🐺🦋

خرجو العيالات وغطاو ليها راسها بالفوال فلون تكشيطة …حتى جا يوسف جلسها وجلس حداها ودخل العدول لقا سلام وحادر راسو …جلس وحط الروجيستر فوق طابلة وشاد الوراق …طلب منها بطاقة وطنية جابتها ليهم مينة بزربة من لفوق …

العدول “من فوق نضاضر “: نتي هي نوار رمسيس ياك ابنتي …

نوار “بصوت شبه مسموع قلبها كيضرب واحد الافكار تيقولو ليها حبسي هادشي شي افكار وشي تصورات جاوها لا اله الا الله وشيء طبيعي مع الخلعة كيتلاقا عليك كلشي تيتخلط …” : اه هي انا …

العدول : على بركة الله …”بقا يقرا الوراق ويقيد ..” ولدي يوسف …سي ياسين رمسيس باغي بنتك على سنة الله ورسوله …موافقة ابنتي على هاد زواج بدون ضغط او تهديد …

نوار “سكتات شحااال حتى هز فيها ياسين عينيه كان كيدوز على لحيتو …شافها كيفاش متوترة وكترعد (هادشي راه عند اي بنت بغات تدير العقد ضروري من الخلعة ماشي مسنطحة راه رباط هذا ومسؤلية ) …فمها كتعضعض فيه وايديها عرقو …” …

العدول : بنتي واش بيك شي حاجة ؟

يوسف : ههه نوار مالك …واش موافقة بنتي …

فؤاد “عيط ليها وهي تهز عينيها فيه غمض ليها عينيه وحلهم كيطمنها ويهدنها …”

نوار : م موافقة …

العدول : هههه كتوقع ابنتي ماعليش …”بقا يعمر فشي وراق ويقيد …هز لاكارطات ديالهم …” …الصداق بلا منهضر داكشي متافقين عليه ..

يوسف : الحاج بنت عمو ضامن راحتها معاه غير يتهلى فيها ..

العدول : وعليه …بقا يكتب ويكتب حتى هز روجيستر وعطاها ستيلو …سني هنا بنتي كتبي سميتك وكنيتك وسني …

نوار “عطاها باها ستيلو ..شداتو كتبات سميتها وكنيتها وسنات هادشي كامل ومينة كتصور فيهم من بعيد و الياس تاهو واقف كيصور ويدير فيديو …”

ياسين “دوز ليه العدول روجيستر تاهو كتب سميتو وكنيتو وسنا عليه …

العدول : الله يجعل كلشي مبارك ومسعود اولدي …

تسمعات تزغريتة شي ثلاثة متابعين من سارة لسانها حااار وطلقاتها تسمعات فالفيلا لتحت كلها حتى وصل عند رجال …

م.الحبيب : صلاة عالنبي ولات مرت خويا قوادت على الكريمة …

ايساف : مييمتي بقيتش غانخرج انا وياها ندلحو …

اشرف “حابس البكية ” : دا ليا ختي الوحيدة وعشيرتي …

علي : يسالي هادشي نذخل نبارك ليها اصلا انا يقول والو شحال مشفت نص عقل …

ايساف “دار واحد ضحة تا ضارو رجال الي تما نص فيهم خرج وشي بقا حطو ليهم اتاي …جمع ضحكة حيث تحمس مسكين ” : ههههه ويليي وحط غا صبعك على كتفها يقسمو ليك غا بتخنزيرة …

علي : اهيا ناري كااع هك …را ختنا …

م.الحبيب : ميقوليا والو انا خوه …من قال تولي مرت خويا

ايساف : اصغر حفيدة فعائلة رمسيس مزوجة باكبر حفيد فعائلة رمسيس …

م.الحبيب : اللهم بارك …

تسالمات يامنة مع يسرى وباركو لبعضياتهم نسوبية ضحكة خرجات ليهم من وذنيهم …

بارك ليهم العدول وعطا لصهيب روسي ديال العقد …من بعد ميوجدو ليه ويسنيه ويكاشيه يجيبو ليه حتى لعندو ويعطيه ليهم …خرج العدول مع رجال الكبار دخلو دراري سلمو على ياسين باركو ليه ودخلات يسرى ويامنة ونجوى وسارة ونجود وسعاد سلمو عليهم وباركو ليهم …وزغاريت مسكتش ….جلسو حدا بعضياتهم حتى تمات جايا راوية حداها سازة كتزغرت وهازة فايديها

صينية ديال نحاس فيها بواط خواتم المارياج وسط الورد وريحان مرشوش بما زهر وزوج فناجن فيهم حليب بما زهر وطبسيل مزين فيه تمر معمر بلوز …ومعاهم بواطة كبيرة …حلوها كانو فيها ربعة الفردات ديال ذهب هي الي وصا عليها ياسين كادو منو ليها وسطهم كورميط فيه خميسة ذهب ….دخل اسامة لحق عليهم تاهو بكومبلي ضارب حطة كلاسيكية …

ياسين “فك زرار الفيستة وضار لعندها قبط ايديها وهي حادرة عينيها …

جات يامنة عطاتهم الخواتم ركب ليها الخاتم باس ايديها بحنتهم باقي عاد حيدتها …ركبات ليه الخاتم ديالو دارو وبقا يقيص فيه بصباعو حتى جات يامنة لبساتها هي البراصليات باستها وجا هو قرب ليها اكثر قبل جبينها حتى غمض عينيه …وهبط لودنيها …” مبروك علينا

نوار “ابتاسمت بخجل باقي فيها الخلعة ” :🦋🐺نور_الياسين (211)sana mina🐺🦋

كيف اي اجواء ديال العقد وطلبة كدوز بدفئ وفرحة كيف اي زوج كيجمعهم عقد زواج كيتاحدو فيه وكتولي عندهم مسؤلية جديدة …داز العقد بسلام وبفرحة …الكل تقريبا كان حاضر وفرحان الرجال مشاو والطلبة بقاو غير العائلة …باركو ليهم وتصورو ووثقو هاد النهار بذكريات …حتى ناضو رجال خرجو برا فجردة جابو ليهم صينية اتاي اما فؤاد عيا وطلع ينعس بارك ليهم ورضا عليهم …مصطفى كذلك تاهو بارك ليهم ومشا ينعس …العيالات خلاو الخدامات يجمعو دنيا وسرباية جمعو وخلاو دنيا تشعل …ياسين ناض خرج تاهو برا جلس حدا نسيبو وعمامو وجبد الكارو كيكمي …

يوسف : داويتي الحرقة ولدي …

ياسين : ضروري …

يوسف : امتا راجعين …

ياسين : شي يومين هكاك بينما جمعات شنو يخصها والوليد يدير بحسابو …

يوسف : شحال غاتبقاو …

ياسين “عقد فيه حجبانو ” : بغيتي بنتك ولا …

يوسف “هز ايديه ” : عطيتها ليك الي عطا الله عطاه اولدي …

ياسين : مغانتعطلوش شي يومين بينما حضرنا لعشا الي تما ونرجعها ليك …

صهيب : هههه مرتك هاديك دابا مبقا ليوسف عليها حكام …

ياسين : ماعليش كيبقى باها تاهو عندو فيها الحق …

يوسف : صحح عندي كل الحق …عجبك هي هاديك ماعجبكش غرم ليا بنتي ( رجع ليا بنتي )

ياسين “بكل برود وطير نتا ولا نتاحر ” : وخا كون هاني …

الياس : يوسف يهديك الله راها بنت عمو منك وفيك …

يوسف : والنعم …بقاو يهضرو حتى كمل كارو ديالو وشعل واحد اخور …فهاد اللحضة طلعات نوار لبيتها تحيد عليها تكشيطة حيداتها وعلقاتها بقات غير بضوني وبيرميدا …مشات لدوش مسحات وجهها من الماكياج وغسلاتو …طلات فالمراية بان ليها صدرها فيه طلعة العضة ديال المسموم بالغيرة عليها …حطات ايدها على فمها حابسة ضحكة …خرجات من دوش ….

مشات لناموسية هزات تيليفونها وطلقات اغنية شهلة العياني …كدندن عليها فرحانة وكتشوف فصبعها وتقلب فيه ممتيقاش راها ولات مرات ياسين حب حياتها من طفولة …راجلها ومسمات عليه …و ولادها غايكونو منو …داك زين والقلدة ورجولة راجلها …عينيها فواحد لحضة غرغرو بالفرحة واحد اللحضة تفكرات اختها الي نهار عرسها تاهي وعقد قرانها وقع ليها الي متبغيهش لاي بنت …

نوار : ختييي ياربي يجيب ليك ماحسن منك يتهلى فيك ويصونك ياربي ماتشوفيش دمعة مرة اخرى …”مكرهاتش تمشي عندها وتعنقها وتهضر معاها وتعاود ليها فرحتها كيف كيعجبها تعاود ليها الي ضرها والي شهدات عليه من حب نوار لياسين ..”

مشات لماريو جبدات بيجامتها فالشيبي تحت ركبة بشوي عزاز عليها هاد الموديل بزاف باقا جديدة حيدات ليها تيكيت كانت نص كم مزوقة بالحمر من صدر …وهي كدندن مع الاغنية …

نوار : قوولو لشهلة العيااني الييي غرامها مضاني الييي نننن …

جمعات شعرها كعكة مهملة …طلات على رجليها لحنة ولات حمرة فيهم …مشات لمجر لبسات خلخال فرجلها كتجرب فيه زعما داكشي المثير ماشي غاتلبسو وتخرج بيه اصلا كانت ناوية غير تبدل وتمسي تنعس …مهبطة راسها والاغنية خدامة وكتشوف مسمعاتوش فاش حل الباب وذخل لعندها …

نوار: واااعع ولبسو شي نهار هههههه مع داك شوميز دونوي الي شرات ليا عميتو راوية …هههنن …واعر هذا “كان خلخال خداتو فاش كانو خارجين خذاتو ليها راوية وتاهي عجبها وخذات منو زوج …” …نحيدو قبل منساه ويشوفني بابا بيه ….

ياسين “تحنات باي تحيدو حتى حنحن مع الاغنية حبسات نيشان وهي تكوانسات وقفت ضارت بجهد شافت فيه طارت ونزلت خلعها كان محيد الفيستة مخلي غير القميجة …كل ليها صدايف الفوقيين …” : خليه …

نوار : ااا ؟ شنو هو ،..ااه واخا نخليه …”شافتو عيان ” …مالك كضرك الحرقة مزال ؟

ياسين : تت لا غير عيان …شنو غاتنعسي ؟

نوار : كنت غانعس دابا …

ياسين : وشنو مكنتيش غاتجي تشوفيني ؟

نوار : كنت …

ياسين : ايه ؟؟

نوار”جاتها ضحكة ” : هههههه …مالك …

ياسين ؛ مالك نتي …عاد سنيتي على زواجك بيا …يعني وليتي محسوبة عليا ضروري تجي تشوفيني وتسولي فيا كيف جيت ودرت انا ياك “رافع حاجب باغي يحشمها كتسالي معاه فاش كتلف ” …

نوار: اه بصح …احم “وقفات رجل على رجل كتلعب وتمايل بتوتر …حتى تم ضاير باش يخرج ” …

ياسين : سيري نعسي رتاحي تال صباح واجي عندي ماعليش رتاحي …مشا عندها باس ليها جبهتها وطبطب ليها على كتافها وتم ضاير خارج ….حتى هز راسو ورجع بزربة لعندها جرها لعندو وشد ليها الفك ديالها شاف ليها فعينيها …

ياسين : شنو ندير ليك دابا ؟؟؟

نوار”مقدراتش تشوف ليه فعينيه وهي ماجات فين تحدرهم حتى تحنى بشوييي حط راس شفايفو على شفايفها غييير شوي بوسة خفيفة ماشي تشلقيمة كبداية …واول قبلة ليها على غفلة سرحات ليها الفراشات فذاتها حتى غمضات عينيها وهي تقول اااه بتنهيدة …هبط ايدو لترمتها وعبزها تا عبزها وشحطها بجهد تا حلات عينيها خرجاتهم خضخض ليها ترمة بايدو …ونطق عينيه فعينيها …

ياسين : هادو “هزها شوي تا حط ايدي من تحت لبيجامة هزها شوي زعما على ركابيها ” لقاك معرياهم نحيدهم ليك …من ليوم الرزق رزقي انا وحلالي ،…عينيا هما الي يتمتعو بيه يتهلاو فيه وتا شعرة ماتقاس فيه ( على لحمها وجسمها ) …الى درتي عكس هادشي “باس ليها صدرها ” مااتلومي غير راسك …

بغات تهضر تلاح على شفايفها بقبلة عمييييقة حتى حط ايديه على مؤخرتها وهزها بيها لعندو وضار زدحها مع الحايط تا غمضت عينيها …حتى تحل الباب ديال بيتها …دفعو ياسين بجهد ماعرف شكون وعلامن خبطو 🦋🐺نور_الياسين (212)sana mina🐺🦋

 

يحطها في عينيه لانها ولات محسوبة عليه وعرضو وشرفو ومرتو وشريكة حياتو الى كتب الله وكانو رفقة الدرب …هي رزقو كيف قال وحلالو والمقصود بحتى شعرة ماتقاس فيه انه يصونها ويحميها وميخلي حتى شعرة تقاس فيها يعني يكون الدرع الحامي ليها والجناح الي تكون تحت منو والضهر الي تسند عليه فحياتها مدامها خرجات من تحت جناح باها وواليديها …

زدحها مع الحايط حتى غمضات عينيها ضهرها حسات بيه تقسم ههه طبيعي بحكم ممولفاش هاد نوع من زدحات …ايديه لور محطوطين وصدرو كيتحكك عليها وفمو ملاصق مع فمها ماحبس تا زدح الباب على شخص الي حلو بلا ميدق وزدحو عليه لوجه شكون هو الله واعلم عاد فصل القبلة خلاها كتنهج وفمها كيوزوز حناكها دغيا سخنو وتزنگو …دار ايديه عالحايط مكالي دوز على شفايفو بلسانو مغوبش وحجبانو مرفوعين …

ياسين “مشا حل الباب يطل شكون مالقا تاحد لا فات خيال وداك الخيال عاد ضرب دورة وهبط مع دروج ورجع كيسوس فقميجتو طالع ليه الخز دخل لقاها كتسمح في فمها وكتقاد بيجامتها مقدراتش تشوف فيه اول قبلة ليها خلاتها تزعزع من لداخل وعينيها يتسدو بداك الاحساس الي جاها وحسات بنمل سرح فيها …” : شكون كيجي لبيتك بلا ميدق ؟

نوار : غير ختي مينة ولا ماما اما بابا لا كيدق ماشي عادتو ولا كيعيط ليا من الباب ولا فتيليفون …

ياسين “شير بصبعو جيهة الباب ” : ماماك ؟

نوار : يمكن …

ياسين “خنزر فيها بتهديد ” : شكون من غيرها …

نوار”شافت فيه شحااال وهي تبدا تنفي براسها ” : لا لا مماشي ايساف وماشي اشرف …

ياسين : دابا نشوفو شكون هاد مول قلة الاحترام …

نوار: يمكن معارفش انك جيتي عندي …

ياسين : عارف عاد درنا العقد ولا لا ؟؟ يعني محسوبة على راجل وغاتكوني معاه فينما كان …دابا سيري رتاحي نعسي صباح ونهضرو …يلاه سيري …

نوار : وخاا تصبح على خير …و احم “شيرات بايديها جيهة لحرقة ” ماتنساش بوماذا ديالك ..

ياسين : واااخا غير هناي …”مشا باس ليها راسها “ابتاسمت ليه بخجل وخرج من بيتها مخليها عالاقل ليوم على راحتها حتى تكا وتنفارد براسها عاد ديك ساعة تستعوب انها ولات على مسؤلية راجل وان حياة العزوبية ودعاتها بمجرد ما سنات على داك العقد الي جمعها بيه …وحتى هو عيا من طنطين وصداع وينادم الي كيجي يبارك ليه ودخول والخروج وقبل ميجي كانت عندو تمارة الفيرما حتى وقف الخدمة ورسا الامور تما …

مشا لبيتو حيد ديك القميجة وسروال وكلشي دخل دغيا بالخف دوش دوش خفيف حيد العيا وهبط باش يجيب قرعة الما يشرب تما ويطلعها لبيتو عاد ينعس حتى دخل الكوزينة …لقاها كدير فثلج لمنخرها الي رعف من ضربة …

ياسين”خرج عينيه” : الخالة يسرى ؟؟؟

يسرى”كتحط فثلج وتضحك” : هههه شتي باش بدينا نسوبية هههه

ياسين “عض سنانو باسف وكمش عينيه ” : نتي الي دخلتي بففف …”مشا باس ليها راسها ..هو صحيح ما من حقهاش توصل ودخل خاص دق مادام بنتها ولات مزوجة لكن اعتابرها مزال ماتعوذات حيث عاد عقدو …”

يسرى : ماعليش اولدي هههه راني نسيت والله جايا باش نشوفها ونسولها ونسييت واش طلعتي …سمح ليا …

ياسين : الخالة !! وايلي هادي هضرة ماعليش …شوية دابا ؟

يسرى : لا مزيان درت ثلج …

ياسين : مزيان …بقاي دايراه شوي وحيديه …”مشا جبد قرعة الما شربها كلها وجبد وحدة اخرى غادي بيها معاه …بقا معاها تا تنفست واطمأن عليها عاد مشاو بزوج هو طلع لبيتو وهي كذلك حتى دخلات على يوسف منخرها حمرر ودايرة قطن فيه …

يوسف “خرج عينيه ” : هااناري شكون شرشم 🦋🐺نور_الياسين (213)sana mina🐺🦋

 

دخلات لبيتها شافها يوسف وهو يخرج عينيه كان منخرها حمررر اصلا بثلج الي دارت بزاف وضربة جاب الله ماهرسوش ليها …ماعرف اش وقع ليها واش طرا ليها غير شافتو وبدات ضحك …

يوسف : مال منخرك ؟؟؟

يسرى : مماليش غير ضربني الباب ديال بيت نوار (مقالتش ليه شنو حفاضا على خصوصية وحشومة تقول ليه ياسين وداكشي …) جيت نضور وضربتو مشتوش عرفتيييي قصحنييي بزاف …

يوسف “غمض عينيه وعض شفايفو ” : اححح الله ياربي على كبيدتي وري نشوف “مشا ليها كيوز بايديه على حنكها حتى قرب لمنخرها وباسها فيه بوسة خفيفة ” …شوية دابا ؟ “ضور ايديه ورا خصرها وقربها ليه”

يسرى : هههه لا وليت لباس يخليك ليا …

يوسف : دابا منخرك مشرشم مكاينش شي داك مع داكشي ؟

يسرى “غوبشات ” : شنو داكشي ؟

يوسف : داكشي الي بين داكشي فاش تيخرج داكشي مع داكشي …والفاهم يفهم احم …

يسرى : و ثلاثين عام باش مزوجين وباقي تتحشم تقولها زعما …

يوسف : ايهاااي يعني نتي تقزدرتي ؟ …وزيدي طلقيني نديرو شي فشي ونولدو مومو كيمشي ا زين ديالي …

يسرى : مومو كيمشي باح مكاينش اصلا فزنا بجوج بنات …

يوسف : ولله الحمد …

يسرى : ولنفرض ؟ الكبيرة عند تسعود وعشرين عام بان ليك شي ولد خاصو يتزاد شبنا وعبنا …

يوسف : شبتي غا نتي امرتي …

يسرى : عاد زوجتي وحدة ماشي بعيد العام جاي تولي جد …جدو يوسف …

يوسف : الملاااوي نعماس الي جدو… يوسف حرفية ( بوحدها ) واصلا ديك نص عقل عندك دير الولاد مانعرف نفرزها كاع وسطهم منعرف فين الام وفين الولد …

يسرى : ههه والله يكمل عليهم بالخير يزيد ونسميوه سعيد …دوز نعسو راه عيييت بزاااف “كتفوه وتشبح حتى عنقاتو وجرها مشات بدلات حوايجها ومسحت مكياجها وغسلات وجهها وتخشات حداه نعسو ”

صبح صباح يوم جديد ريحة البخور تعطعط والقران مع الصباح كيف العادة مطلوق فالمكتب ديالو ناقص الصوت باش كيسمعو مزيان …وريحة القهوة تفوح …حتى تحل الباب ودخلات كيف عادتها مبتاسمة حطات ليه صينية القهوة ديالو معاها دوا الي كيشرب …

يامنة : صباح الخير ..

فؤاد “شاف فيها وقبط ايدها باسها ” : صباح الورد …رتاحيتي شوي ؟

يامنة : الحمد لله …معاش الاجتماع …

فؤاد : حتى يسبق يوسف وصهيب ونوصل عليهم مزال ليه الوقت …

يامنة : مزياان …”شوي حتى دق الباب جاوب فؤاد بتحنحينة زعما دخل …وهي دخل لابسة سالوبيط دجين تحت منو تيشرت صفر وفوق منو كاب صفر بلا كمايم هازا ملف فايدها وجنب صاكها الي فيه لابتوب جامعة شعرها ديل حصان بابتسامتها المعهودة الثقيلة رزينة …والخالة الي فوق فمها …

مينة : صباح الخييير …

يامنة “ناضت صبحات عليها ” : صباح النور بنتي …دخلي جلسي انا نمشي نشوف الفطور والبنات خليتهم عاد هبطو …

مينة : ماما راه خليتها هبطات …

يامنة : مزيان انا نشوفها حبيبتي …خرجات يامنة وجلسات مينة فالكرسي …

مينة : عمو فؤاد بغيت نهضر معاك …

فؤاد : تفضلي بنتك شنو خاصك ؟؟

مينة : امم عافاك اعمو الله يخليك انا كنقوليك كلشي نتا وحدك عارفة معزتي عندك وهادشي ولفتو من صغري اي حاجة خاصة بيا نتا الي كتعرفها وعمرك رديتيني …

فؤاد : هادشي طبيعي وواجب عليا …شنو واقع “كمش حجبانو ” …

مينة “عاودات ليه من بعد تردد كبير ..كتعاود ليه وهي كتهضر بثقة وممسوقاش …” …

فؤاد “واااحد التغوبيشة دار حتى ناض وقف وهي توقف معاه” : شنو دابا ؟ علاش كيقلب ؟؟؟ “خرج عينيه حتى تفافات عارفاه الى فات حتى شدو راه لعضم صحيح ميخليه فيه ” …

مينة : انا نسيتو والله حتى نسيتو غير سيد الي خدمت ليه صاحبو ومعارفوش واش كيعرفني …والبارح رسليا الميساج فاش كنت مع نوار فصالون …

فؤاد : بالك هنيه من جيهتو شفتي حياتك ومستقبلك كضمني فيه هذا هو المضنون والي بغينا …سيري هناي ابنتي ..

مينة : شنو غادير …

فؤاد “شاف فيها بشوفة ديال خرجي سوق …”

مينة : وخا انا مشيت المهم غير بغيت نقوليك بالي قررت انني نكمل خدمتي مع هذاك سيد …

فؤاد : المهم واجهي وكملي منين حبستي …الله يرضي عليك …”مشات لعندو باستو وطبطب عليها غمض ليها عينيه برضى وبالي تكون هانية ابتاسمت ليه وخرجات اما هو هز تيليفونو …

فؤاد : جيب ليا طوموبيل دابا قدام الباب …”قطع وفعينيه واحد شوفة تاع ايااام زمان ديال القتيلة وشر الي ضلم ياخذ العقاب وربي ما ينسا العباد وسمطة كضور والبزيم كيشحط …كزز سنانو بغيض ومشا لكوفر فور جبد منو شي حاجة وهز كونطاكت وخرج ركب 🦋🐺نور_الياسين (214)sana mina🐺🦋

 

مع حلات عينيها دغيا فاقت بلا منبه واول ما فاقت شافت ايديها وهي مزال متكية في فراشها كتقلب فصباعها وبالخصوص خاتم زواج ديالها كتقيص فيه بقد ما عجبها بقذ ما فرحانة بزواجها واخيرا هاهي مع حب حياتها ها حلمها تحقق …وها الخاتم فايدها …كانت كتقلب فيه ودايرة واحد النعسة فشكل رجل هنا ورجل لهيه ولبيجامة طالعة لفوق …والكيلوط باين …حتى دق الباب وهي تنوض …

نوار “الخوف ومايدير ههه ” / شكون ؟

يسرى : مامي انا …

نوار : ويلي ماما دخلي مالك …

يسرى “دخلات” : وبنتي اش نقوليك وليتي براجلك خاصنا نوليو ندقو …نوضي تگعدي براكة من نعاس …راجلك فاق وخرج ونتي باقا ناعسة ؟

نوار : خرج ؟ فين مقاليا والو …

يسرى : شفتو صباح بكرييي خارج كيهضر فتيليفون وزربان معرفت شكون الي عيط ليه ..

نوار “مشا بالها لناديا ” : اويلي ياكما هاديك الخرية عيطات ليه ؟؟؟؟

يسرى : شكون ؟

نوار : هاديك الي وقع معاها المشكيل ديال زاميرة …

يسرى : ناديا الى عقلت …

نوار”ناضت بغات تفقص كتسمع سميتها كيجيها بوفالج بالفقصة ” : واسمها زميرة …اويلي ياكما مشا عندها …

يسرى : واش هبلتي ؟ اش غايمشي يدير عندها واش بغاها واش هو جرا عليها ونتي باقا كتشكي ؟ غاتقتلك الغيرة ونتي باقي عاد سنيتي عقدك غاتبداي تشكي فيه وتمرضيه ؟

نوار : وغا خفت …

يسرى : توكضي مع راسك داك الفشوش حيديه راكي وليتي براجلك وراجل الي بغيتي بلا منضركو شمس بالغربال حمدي الله ربي جمعك بيه حيث الى فات تا فلتيه غا سيري تخراي …

نوار : واخا هاني “جاها ميساج قاليها بالي شوي وغايجي ” قاليا شوي وغايجي

يسرى : نوضي تگعدي غسلي وجهك واجي معايا لكوزينة وجدي ليه كاس اتاي وباش غايفطر راه مافطرش …

في هاد الاثناء كانت مينة وصلات لفاس بالضبط قدام الفيلا ديال رياض سدات طموبيل وهي تكا عليها صونات ليه جاوبها فالحين …

رياض : مينة !!

مينة : موسيو رياض انا قدام الباب ديال فيلا ديالك …

وياض “كان عاد فايق شاف فساعتو لقاها العشرة وشي حاجة حك عينيه” : كيفاش جيتي لهنا ؟ وخا غير دخلي انا شوي ونهبط …

مينة : اووكي

دخلات لداخل لقات سلعة محطوطة داكشي كامل الي تقدا تحت طلبها هي بقا هكاك محطوط …كيف خلاتو كيف بقا ماتقاسش …بقات واقفة مربعة ايديها وكتشوف داكشي الي خلات هو الي بقا شي ربع ساعة حتى بان ليها ه🦋🐺نور_الياسين (215)sana mina🐺🦋

 

واقفة فالكوزينة كتوحد فاتاي وحداها يامنة كتوري فيها شنو كيعجبو …وفنفس الوقت كتحضر فالفطور الي كيعجبو البلدي …كانت يامنة قبل دايرك الملوي والمسمن ونوار كتسخن فيه واقفك ببيجامتها نص كم بسروالها والفوقي طويل مغطي ليها لور …

نوار : عطيني زبدة ندوبها …

يامنة : هاكي بنتي صافي كلشي هو هذاك …

نوار : همم اه …كتقاذ حتى دخل علي كيضحك ويغني ويزغرت تاهو …

علي : الف هنية وهنية يالالة …

نوار”ضارت عندو كضحك ” : ههههه عااااااااليييي “مشات ليه كتجري عنقاتو ” وتوحشتااااك …

علي : اييييه النمسة ديال يوغسلافيا غا مشيت ونتي ضرب الكحل فالبيض فقيهك يهرسو بيه الحجر ابنت عمي …

نوار : ههههه مكاتييييب اش دير …شافني وبغاني …

يامنة : وشكون الي متعجبيه …

نوار : ههههه ..

علي : لا تاقت والله حتى تاقت …”عنكش ليها شعرها ” شوفي ليك الكريمة شونتيي تاهي …خسارة سيمانة معاكم وغادي راجع خليت الخوادرية وحدها تما وباقي صغيرة …

نوار : رميساء توحشتها هضرات معايا البارح باركت ليا ولكن غاترجعو صيف جاي ؟

علي : ضروري اصلا فينما لقيت الوجيبة على طول العام نجي ماشي غير صيف …والعرس ضروري نحضر ليه …

يامنة : ضروري ولدي “شافت فشرجم سيارة ديالو ” بنتي ها راجلك جا دي هادشي لجردة كيبغي يفطر فيها …”مشا علي خرج وخلاهم ”

نوار “قلبها كيضرب غير كتشوفو ولا كيقرب كتولي مزنگة ” : احم ..”هزات البلاطو ديال اتاي والخدامة وراها هازا لاخور فيه الماكلة …حتى مشات لجردة حطات داكشي فوق طابلة …وقفات كتسناه حتى بان ليها خارج وفودنيه تيليفون شاف فيها من بعيد وشير ليها بالي غايدخل ويرجع عندها …

ابتاسمات ليه وجلسات تما شدات تيليفونها وصورات ايدها الي فيها الخاتم ولاحتها فالانسطا كانت اول مرة تلوح هادشي حتى من تصاورها مكتلوحهمش فالانسطا كتلوح غير نص وفييين وفين …لاحتها حتى فسطوري مكاملاش دقيقة وهي ترسليها وصال ميساج ….

وصال : ايهاااي تزوجتي …

نوار : البارح …

وصال : وعرضي علينا اصاحيبة …

نوار : درت غير العقد بيناتنا مجا حتى حد …حتى العرس احبيبة ضروري …

وصال : الله يكمل بالخير ..

نوار : امين العقبة ليك احبيبتي …كتهضر معاها حتى وقف عليها وتحنى باسها فعنقها حتى تسمعات البوسة حيث طول فيها بلا ميتسوق لشكون تما جاب الله هي فجردة وبعاد على لداخل …خلاها كترمش كيزرب عليها مسكينة هههه

ياسين “تلاح حداها وحط راسو لور هزو عاد ضار عندها ” : نتي الي وجدتي الفطور ..

نوار : اه انا الي وجدتو …سمح ليا فقت معطلة عييت …

ياسين : ماعليش سهرتي رتاحي مافيها باس ..

نوار : نكب ليك اتاي ..

ياسين : ماكرهتش …

ابتاسمات ليه وهي تكبو ليه بكل حب وعطاتو الكاس بعد منها شوي حتى شعل الگارو بدا بيه هو ودكة ديال اتاي …

ياسين : ليوم جمعي شنو يخصك باش نمشيو غذا باليل لهيه …

نوار : ااا ؟ اه واخا ..احم واش غاتمشي خالتو وعمو فؤاد ؟

ياسين : با (جدو ) واسامة داهم شيفور صباح بكري سبق هو …الحنانة والوليد غايوصلو علينا النهار الي بعدو الوليد عندو مايقضي …

نوار : اااه …واخا …

ياسين : ماتخافيش مغاتجلسيش معايا بزاف غادي ترجعي لداركم غير هناي …

نوار “حسات براسها زادت فيه بخوفها جمعات فمها قبل ماتنطق قربات ليه وحطات ايدها على كتفو ” : لا لا ماشي مشكيل اصلا غادي نسكن تما وخا نرجع لدارنا فالاخير غادي نكون معاك فينما كنتي …

ياسين “ضار شاف فيها وشاف ايدها الي فكتفو هزها باسها وباس ليها جنب فمها مكرهش يطير عليها لدوك شنايف ولكن كان ايساف دخل بسيارته اما يتكيها تما ينعل بو العالم ” : الله يرضي عليك عارف عارف …

نوار : نزيدك اتاي …

ياسين : لا نوضي طلعي لبسي عليك شي حاجة وخليني انا وايساف بغيت نهضر معاه …ناضت من حداه ودخلات دغيا قبل ميوصل ايساف الي شير ليها ومشا لعندو سلم عليه وجلس حداه كب ليه كاس اتاي …

ايساف : كيفاش الخو بغيتيني ؟

ياسين “كيكمي ويهضر” : شنو درتي لقيتيها ؟

ايساف “جمع ضحكة وحط كاس اتاي ” : الي ختار حياته الله يعاونو مبقيتش كنقلب عليها حتى ترجع راسها …

ياسين : ولاخرا ؟

ايساف “الصمت مابين تانيب ضمير وبين انها هي الي بغات هادشي لراسها ” …

ياسين : ماعليش …عشية مع سبعة لقاني غانتحركو لافران …

ايساف : شنو نديرو فيها “شاف فيه ياسين🦋🐺نور_الياسين (216)sana mina🐺🦋

بقا يهضر معاه شحال …حتى جات راوية لعندهم سلمات عليهم ودخلات عند يامنة والعيالات …اما نوار طلعات لبيتها زادت عليها الكاب وهبطات لتحت عندهم حاطين صينية اتاي بينما وحد الغذا حتو دخل هو وشاف فيها غمزها باش تبعو…ناضت من حداهم وجهها مزنگ مزال كتحشم فاش كيعيط ليها حيث طبيعي عارفة الانفراد معاه …طلعات لعندو مالقاتوش فالبيت سمعات صوت فالدوش …

نوار : ياسين …

ياسين : اجي عندي …

نوار : ااا ؟ و “غمضات عينيها وهضرات بشويي ” اويلي نجي عندو دوش !!! …وااععع غايكون عريان …اويلي راني مراتو دابا والى كان عريان …ياك عادي اصلا غانتعود عليه …”طارت ونزلت فاش غوت بسميتها ” …هاني …

ياسين : تحركيييي…

مشات لعندو لدوش دقات بشوي وهي تحل الباب ودخلات حادرة راسها …كان واقف مربع ايديه عريان من لفوق …وبالبوكسر …

ياسين : اجي هنا وهزي راسك …

نوار “هزاتو سكاناتو دغيا وهي طلع معاها سخونية هههه ورجعات حدراتو ومشات قربات ليه” : هاني …احم …

ياسين “قربات لعندو وهو يجرها بجهد لصقها مع صدرو …حيد ليها الكاب وتيشرت قلبها بغا يسكت قالت هادي هي التالية ليلتي فدوش ساعاك جا الله من جيهتها تايعذب فيها بلعاني هههه خلاها غير بديبادور سميطات فالغوز باقي تاهو جديد حيث عروسة كتلبس كلشي جديد ” : معايا بقاي هاكا سمعتيني ؟ تخرجي من البيت تستري …

نوار : واخا …

ياسين “ضورها وقربها لافابو وتكاها ضغط عليها بصدرو مع صدرها كيتمحكك عليها وهبط بفمو لعنقها عضو فيها بشوي حتى غمضات عينيها وعضات شفايفها …شاف فيها ” : شنو نديرو دابا …

نوار”شافت فيه ” : اش ؟؟؟

ياسين “عض شفايفو وغمزها وفنفس الوقت هي كتحرك ماحساش بالي كتحكك عليه …” : نديروها دابا ؟

نوار “كتصرط ريقها “: شنو هي …

ياسين : هاديك الي خايفة منها ..”حط ايديه على حنكها وصبعو كيدوز لشفايفها …حتى قرب وحط شفايفو على شفايفها ببوسة خفيفة دغيا بالخف وهزهم …” ..شنو نعديو غير من الفوق تايوصل لعرس ؟

نوار : لفوق !! ..

ياسين : سطحي المفششة ديال مرتي …سطحي …

نوار “جمعات فمها هي نقولو فهماتو لاش كيلمح ولكن مسالة سطحي كيفاش ” …

ياسين”طلقها ليها بلا ميحشم واصلا الحشمة كاع مكيعرفها اش كتعني هههههه ” : مغاديش ندخل عليك الى عاونتيني مغاندخلش عليك الى لا معندي مندير ليك …راكي مرتي وحلالي بغيت كلشي بخاطرك وبراحتك ماشي بزز وخا راجلك …

نوار”خرجات عينيها فيه ” : ااا مم ..”حدرات راسها وهو يهزو ليها ” …

ياسين “بقج ليها فمها بجهد وطلق منها” : هاني صابر هاد ساعة …”ايديه لور كيطلعو ويهبطو ومرة مرة كيعبز بشويييي …” ساعة اخرى ماعرفت …

نوار : بغيتي دوش ؟

ياسين : دوشي ليا ؟

نوار : ههههههه

ياسين : علاش كضحكي “خبطها من لور تا قفزت ولصقت معاه” …زكااي لارض …

نوار : قصحتيني “هبطت ايدها تحك ترمتها وهو يشدها ليها ” …

ياسين : نوريك فين تقصحت انا ؟

نوار : مالك ؟ ..

ياسين : لهلا يوريك …خيرك قدامك وبعيد عليك ورزقك حلالك ومداير فيك ….شافنا الله امرتي شافنا الله …”هز ليها ايدها وباسها فكفها واستنشق ريحة الحنة الي حمقاتو باسها تما فكفها ببوسة حسات بيها هرتها حتى ابتاسمت ” بصحة الحناني امولات داري ورايي وشواري …

نوار : يعطيك صحة …اه فكرتيني داويتي الحرقة …

ياسين : مزال …

نوار : وداويها راه قربات تبرا …نداويها ليك ؟

ياسين : اجي تبعيني …

سبقها وهي تبعو كضحك عليه وتحك فراسها حتى خرج لبيت ومشا جبد لبومادا وتكا مدها ليها …دارتها ليه بشويي ومركزة باش متعگروش وخا الحرقة تقريبا بدات كتجمع …وهو داير ايديه على عينيه …

نوار : خاصاك شي حاجة ؟

ياسين “جرها من ايدها قربها لعندو بزااف تا تحنات وقربات ليه لوجهو …مد ايدو لصدرها قلب ليها العضة ودوز عليها بصبعو ” : كضرك ؟

نوار : شيييي شوي …

ياسين “بملامح مخنزرة ” : خاصها ضرك مزيان باش متفكريش تشدي العكس “قرصها منها تا قفزت ” هضرة وحدة الي نهضر …

نوار : صافي واخا …بغات تحط البومادا وهي طيح ليها تحنات تهزها وهي تكوز ليه هههه …مع سروال بيجامة كولون … حدرت راسها كتحك فالقرصة وعتها ” احححح ضريتيني “بصوت رقيق مغبن ضارت …

ياسين”حك وجهو ولحيتو وغمض عينيه بنفاذ صبر نفخ بفمو عاد نطق ” : الموت ه🦋🐺نور_الياسين (217)sana mina🐺🦋

 

الصبر قد ما صبر الانسان راه صبر ليه حدود ههه ..في حالة ياسين ونوار الزوجين الي الضروف جمعتهم وربي كتبهم لبعضياتهم هاد ساعة جامعهم ومسهل عليهم …نوار الي خلات ياسين يبغيها زوجة ليه بعفويتها والكياتة الي فيها وبزينها الي عجبو وشافيها زوجة ليه …بطبعو الي تقليدي ومن الرجال الي كيميلو لتقليدي اكثر …مالقا ما حسن من بنت عمو منو وفيه …

ياسين : تت صافي غير خليها …

نوار “ضارت عندو ” : صافي هاهي حطيتها هنا …

ياسين : شوية ونوض …غير هبطي الى بغيتي ..

نوار : لا لاا نبقى معاك …

ياسين دار دراعو على عينيه مسرح حتى تنشف بومادا الي داير …اما هي مشات جيهة لاخرا وجلسات حداه دايرة صبعها في فمها كتكدد فيه بتوتر كتشوف ديك الكسدة الي قدامها قداش مجبدة …شافتو مغمض عينيه وهي تستاغل الفرصة بدات تحضي فجسمو واول حاجة اثارت انتباهها هي الوشام الي دار فدراعو …دراعو الي ثانيهم و 💪🏻 العضلات الي منفوخين فيهم صدرو وكرشو ورجليه كلشي حضاتو حتى من لحيتو ومسطاجو الي مطولو مخليه عاطيه ميزة …فاش كتكون جابسة متوترة كدير صبعها في فمها ورجليها كتهزهزهم بتوتو …حس بناموسية كتحرك شويي …

ياسين “كيهضر بثقالة صوت مغمض عينيه ” : شنو باغا تسولي …

نوار”حبسات رجليها ” : ااا ؟

ياسين : سولي شنو باغا تسولي …”عرفها شنو باغا” …بلا دخول وخروج فالهضرة طلقي عاادي ونفسي على راسك …راجلك انا دابا ماشي ولد عمك …

نوار : احم م بغيت نسولك هذاك الوشام ؟

ياسين : الصغر الضد وقلة العقل فديك الوقت …

نوار : الى بغيتي تحيدو تقدر ؟

ياسين : غانحيدو خاصني ليه وقت ومادرتوش هنا درتو لهيه فين كنت خاصني نرجع تما ونحيدو …

نوار : اه …زوين عجبني …

ياسين : هادشي الي بغيت يعجبك نتي …”ناض تگعد حك منخرو ..كانت جالسة حداه …مد ايدو لحنكها دوز عليه قبل ميقرب ويبوسها فيه ….” تسناي حتى نهبط انا وياك خارج ..”ناض لماريو كيجبد ما يلبس ”

نوار : خارج غير هنا …

ياسين : عندي منقضي …نرجع ونعاود ليك …”جبد سروال دجين وتيشرت تحنى كيلبس فسروال ويعقد فسنسلة ..” باليل عاد غانرجع طالع لافران من بعد …

نوار : واخا متعطلش …

ياسين : شنو غاتوحشيني …

نوار : ههههه ..

ياسين “لبس تيشرت ومشا جيهة الكوافوز مشط شعرو رجعو لور وفيكساه بجيل …مشات هي غاديا وتعرج شافها غاديا جيهة الباب ” : شش فين غاديا

نوار “شيرات ليه جيهة ماريو دصبابط” : بغيت نعطيك ماتلبس فرجليك …”جاوبها براسو وهي تحل الباب جبدات ليه سبرديلا بيضة وحطتها ليه ومشا هو لبس تقاشر وجلس فوق الكرسي تحنى كيلبس سبرديلتو حتى عقدها وهي قدامو عاد هز راسو فيها واقفة حداه بغفلة جابها جالسة فوق رجليه وايدو مضورها عليها ولايد لاخرى كتحرك فوق كرشها …خشا وجهو فعنقها ..باسها فيه ”

ياسين : علاش مكتلبسيش Your medical shoes(صباطك الميديكال ) ..

نوار : غير ملبستوش علاش …

ياسين : رجلك مزال مريضة مزال كديري ليها بانضة ونتي مكتديهاش فراسك كتمشي بلا عقل حتى تلوى ليك تاني …

نوار “الصمت”

ياسين : انا عندي عادي كي لبستيه كيف لا فحال فحال ولكن الي مهم عندي هو تردي لبال لراسك وعارفك عقلك كيكون مرفوع غير مدرمة وغاديا …رجلك مزال مبرات ليك ردي ليها البال …تفاهمنا ؟

نوار : تفاهمنا …”شد حناكها وقرب ليها باسها فشفايفها ونوضها لبسات عليها بيجامتها الفوقية وتسناها حتى خرجو بجوج هبطو لتحت لقاو علي جالس هو واشرف و🦋🐺نور_الياسين (218)sana mina🐺🦋

 

هبطو لقاوهم جالسين اشرف وعلي وحتى ايساف ويامنة وسارة حدا ولدها …انضم ليهم هو ونوار …وجلسو بزوج …كانت حتى يسرى معاهم الكل كانو تقريبا الا رجال كل فين خرج صهيب ويوسف خرجو سبقو فؤاد هما والياس حيث عندهم اجتماع كيف قاليها …جلس وجلسات جنبو …

علي : مبارك ومسعود اولد العم …

ياسين : الله يبارك فيك …”دار ايديه ورا نوار وحطها على دراعها كيحرك فيها ” …

ايساف : مابقينا نقدرو نهضرو معاها كي كنا اولد الخال …مبقينا نخرجوها ولا ندرجوها …تزوجات …

علي : تزوجات ا بن عمتي حمد الله تتهضر معانا …

ياسين : مزيان ملي فهمتو …

علي : تا راه نخيشيشة قلبنا هاديك اصحبي …راه ختي صغيرة …

ياسين : ماقلنا والو …

علي : شنو غاديري فالقراية …

نوار : غادي نكمل عادي حتى ندوز الامتحان وندير العرس عاد نمشي تما …

ياسين هي كتهضر وهو ايدو سارحة حتى هبطات ليها لتحت وحطها تما وبدا يدوز فايدو ومتمر تقولي سيد ايديه عندو اما هي كانت تتهضر حتى …

نوار”خرجات عينيها ” : او احم ان…

ايساف : اتي مالك …

يسرى : مالك ؟

نوار : مماليش …مماليش هنن ..

اشرف : اويلي حناكك تزنگو شكون نغزك …

ياسين : اشرف

اشرف : اخويا ندخل سوق راسي ياك ؟ واخا …

ياسين “خنزر فيه” وهو يتكمش خشا راسو فبابجي ديالو …

علي : ههههه ايوى مزيان …العرس ضروري نحضر …غاتمشي لهيه تعيشي فالفيرما …

نوار : ههه اه تما …

ايساف : والله اصحبي تا خاصك تمشي تشوف ضرب تال تما ماحد عندك سيمانة هنا شوف دنيا تما والفريع …

ياسين : ضروري تجي عندي تما “هبط حتها عليها بقرصة حتى طارت ونزلت وضار شاف فيها” شنو مالك ؟

نوار : ا مماليش …

علي : تي مال حناكك شوفي وجهك …

ايساف “صغر عينيه” : نوار مالك ؟

نوار : وما مالييش مالكم يااه …

يامنة : هههه تفرقو عليها كل يسول “شدات جنبها وغمضات عينيها قشعها ياسين ” …

ياسين : الحنانة مالك ؟؟؟

يامنة : مماليش غير ضربني البرد هاد اليومين …

يسرى : ممشيتيش تشوفي طبيب ؟

يامنة : لا ممشيتش حيث درت ليها برمادا وفاتتني …

ياسين : كيفاش ؟ واش فايت وقع ليك هاكا قبل ؟؟؟

يامنة : اغير برد هاد اليومين جاتني نخصة داكشي باش متدير فبالك والو …

ياسين”ناض وقف ” : نوضي نديك عند طبيب …

نوار”ناضت وقفات ” : انمشي معاكم …نوضي خالتو …

يامنة : لا لا راه غير البرد والله الى طولات نمشي اولدي الله يرضي عليك غير خليني مكاين لاش تبرزط …

ياسين”غوبش” : كيفاش مكاين لاش نتبرزط ؟ هادي هضرة الحنانة ؟؟ …

يامنة : والله احنينة ديالي مكاين حاجة غير البرد فايت وقعت ليا وداويتها ببومادا وعادي دابا رجع ضربني البرد …

علي وايساف كيشوفو فيها واشرف حتى هو سد اللعبة وناض كيشوف فيها …حيث فعلا شداتها نخصة ديال البرد وغير كتكحب كيبقاو هازين ليها الهم هي حنانتهم والهازا هبالهم كلهم …تمات جايا راوية ونجوى وراها وسارة الي ناضو قبل لكوزينة جايبين صينية اتاي والحلوة حطوها تما لقاوهم كيهضرو معاها وياسين ونوار واقفين …

راوية : مالكم …

يامنة : غير مشطونين عليا بلا والو …

ياسين “عصباتو بقلة الاهتمام بصحتها ” : الحنانة ؟؟؟؟

راوية : رجعات ضراتك النخصة ياك ؟ راه عندهم صح واش نتي مهامكش راسك ؟

يامنة : راوية راه غير البرد دوشت وخرجت تحت الكليما وذهنت البومادا ديال لبرد وليت لباس …

ياسين “بنفاذ صبر ” : انتي تعرفي “هز صبعو ” نشوف تاني نفس الحركة مغانتسناكش حتى تهضري دابا الي عجبك الحنانة …الي عجبك “ضار ومشا معصب كتفقصو بقلة اهتمامها بصحتها…حتى غمزات يسرى نوار باش تبعو وهي تمشي تبعاتو حتى لطوموبيل ” …

ياسين “قرب ليها باس راسها ” : سيري وجدي شنو غاتحتاجي ماتدي لهيه والي خصاتك “جبد من بزطامو كارط گيشي ومدها ليها ” هادي عدي بيها حتى ندير ليك ديالتك فاش نبدا الخدمة ..الكود هو النهار وشهر فاش تزاديت …” عارفاه …

نوار”بزربة معطلاتوش ” : 0110 …”عضات شفايفها وغمضات عينيها ”

ياسين “غاتقتلو بهاد زربة اللسان العفوية عندها …تحنى باسها من 🦋🐺نور_الياسين (219)sana mina🐺🦋

 

اذن الضهر ووصل وقت الغذا كانت وقيتة الپوز نيت ..واقفة على المعلمة الي عاد جاو وكتقيد وحداها المعلم الي مسؤل عليهم كيشرح ليها وتاهي بدورها كتوريه شنو يدير وباش يبدا وشنو غايخص …حتى عطاتو كاع المعلومات ومشا وقف على المعلمية الي استانفو العمل من بعد توقف …حسات بصهد قبطات المذكرة فاش كتقيد وبدات تنش بيها ودوز على رقبتها وتبعد شعرها الي دعقها …حتى حلاتو ودارتو اسفنجة جبداتو مزيان ….

مينة : اففف الصهد …

رياض “جا من وراها عاد مدوش ولابس قميجة بيضة وسروال اسود فصالة …هاز فايدو زوج اكواب قهوة كحلة ” : نطلق الكليما ؟

مينة “ضارت شافت فيه ” : بلاش مغادير والو حيث حالين البيبان وحالين بيبان جردة ..شكرا …

رياض : تفضلي “مد ليها كاس القهوة ” …

مينة : شكراا …”قبطات الكاس وترددات تهضر قبل ” وخا نسولك ….

رياض : تفضلي مرحبا …

مينة “شيرات لجرذة ” : جردة كبيرة ممكن دير فيها لابسين والبير ديالو الما هنا قريب دغيا ميكلفك والو …و…”قبل متهضر قاطعها نوعا ما انفاعل ”

رياض : داكشي ماعندي مندير بيه براكة غير سقاية الوسط كون بغيت غانقولها ليك …

مينة “غوبشات” : كنضن ماقلت تا شي عيب الي يخليك تنفاعل فحال هكا …

رياض : حتى انا ما قلت حتى عيب …تفضلي ديري خدمتك اختي …

مينة “ابتاسمت بزز ” : خدمتي خدامة فيها وغانساليها …كنضن نتا الي جيتي وصلتي عليا ولقيتيني خدامة ميحتاجش توريني واش نخدم ولا لا …

رياض : عرفت …مافيها باس نفكرك

مينة : مفكرة …خدمتي هادي وحدودي عارفاهم …”وراتو الكاس ” شكرا على القهوة …”خنزرات فيه وهي ضور خرجات لجردة عند المعلمية كتشوف فين وصلو …”

اما هو مشا حط داك الكاس فوق واحد رخامة وخرج على برا جبد الكارو وبدا يكمي ويتفكر حتى عقد حجبانو وعينيه ولاو حمرين …جبد تيليفونو وصونا لمهدي صاحبو يصوني يصوني بدون مجيب …بقا شي ربع ساعة حتى جاه اتصال

رياض : الوليدة ماجدة …

ام رياض(ماجدة ) : ولدي ايما مالك ماهضرتي معايا اليوم …

رياض : والله الوليدة الى تدهيت عاد جاو المعلمية …

ماجذة : رجعو يخدمو.؟

رياض : عاد هاد صباح شي خمسطاش ليوم ويكملو …

ماجدة : واخا ولذي الله يسر …

رياض : السكر مزيان هاد النهار ؟ عبرتي ؟

ماجدة : مزيان مزيان اولدي …مشيتي عندها ؟

رياض : مشيييت الوليدة حتى تجي ونديك عندها …

ماجدة : الله يرضي عليك دعي معاها دغي اولدي …

رياض : داكشي الي كندير …احم …باش مكان غانجي هاد الايام ونجيبك الفوق راه مزيان غايخدمو غير الي خاص يتقاد وتافقنا عليه …

ماجدة : مزيان انا نتسناك تجي تجيبني …

رياض : الله المعين الميمة …”قطع معاها ورجع عاود صونا ليه وشكوون يجاوبو …وكيفاش غايجاوبو وهو عنقو بين ايديه الي تيزرو عليه ملصقو مع الحايط …حداه ايلاف الي مربع ايديه مقادرش يهضر عارف فؤاد الى فات حتى شد شي حد بين ايديه صعيب تفكو منو …

مهدي : خققخ ففف ممم …

فؤاد “مغزز سنانو حتى وجهو ولا حمررر ” : شنووووووو قرررررببببك لجيهتييييي

مهدي “قلبو بغا يسكت عارف شكون قدامو ” : ممم قققق ط طلقنيي هقققق

فؤاد “غرس صباعو فحلقو تا صافي هذاك بينو وبين الموت خيط …ماطلقو تا ولا وجهو زرررق مجيف لاحو كيتركل كيقلب على نفس بزز ..”

ايلاف “قرب ليه وهو كيتركل ” : اش قربك ليها ؟ ليييييش رجعت ؟؟؟ شو قلتلك انا ؟ وصلت عليك لكندا خليت عشتك مزيان ورجعتي ؟ بغيتي نقتلوك ونتهناو ؟

فؤاد “طرطق عنقو مزياان حتى طرطقو وهو يمشي ليه بلا ميهضر ولا يتكلم ولا يعيي راسو …ركلو واحد ركلة لكرشو تا رجعات نفس الي لقا مشات ليه …نزل عليه لوجه لرجلين وتحنى بقا يعطيه يعطي …شد ليه ايدو وهو يتنيها طرررراق حتى تقسمات …غوت لربي الي خلقو …

مهدي : وااععععععععععععععععععععع …

فؤاد صعر عليه واحد صعرة لدرجة غواته منفسوش مسمعووش اصلا باش يحن فيه …بقا يعطيه كان غايجبد الفردي الي جاب ساعاك بزاف عليه …

فؤاد “شدو من لفك ديالو زير عليه خلاه كلو دمايات جرتيلة وايدو مقسومة حتى سخف مبقاش كيشوف قدامو العرق ودم نازل ليه كلو تخجلط ” : …الي درتي من قبل (على فاش خلاها فالعرس) جا من عند الله بعد عليها ولاد لحرام …هادي الي تقررررب لبنتي (كيدوي مغزف ) حاجتي وجيهتي مايوصلها حد …الي دخل سوق راسو راه هاني والي حك نحاسو متخليوه هاني حتى تلقاو باسو “ناض قبسو حتى غوت ومشا كيسوس فايديه صاعر مخلينو مليوح تما “🦋🐺نور_الياسين (220)sana mina🐺🦋

 

فرق كبييير بين حياة العزوبية وبين حياة الزوجية …العزوبية كتكوني ممقيداش بالمسؤلية كتكوني فريي يعني حرة محاكمك حد من غير واليديك وعاد كتجيبي فشوشك عليهم وكديري مابغيتي ماشي مزوجة خاص تردي لبال لتفاصيلك الي كنتي كديريه بحرية كيولي عيب ولا قلة احترام للزوج ديالك ..كتزادك مسؤلية تولي زايدة فاهتمامك حتى راجلك معاك شنو خاصو امتا غايجي شنو يبغي ياكل …غاتخرجو بزوج تسافرو بزوج ماتحركي الى مكانت فخبارو …يعني حياتك كتبدل وهادشي الي وقع لنوار وخا كانت راسمة فاحلامها حياتها معاه لكن فاش طبقات على ارض الواقع شتااان الفرق …هاهي كتوجد فحوايجها والحوايج الي محترمين ومستورين حتى دخلات عليها راوية …

راوية : بنت خويا كتجمعي حوايجك ؟

نوار : عميتو …ويي غير شي حاجة قاليا غانبقاو غير شي ايامات قليلة ونرجع هنا …

راوية : ويلي وبقاي معاه ماحدك فعطلة صيف …اش غاترجعي ديري هنا …

نوار : علاش …

راوية : يعطيك دود تي واش تزوجتي بيه اش باغا ديري هنا بقاي معاه راه تما غايخدم عندو تمارة جاياه غايبغي الي تهلا فيه واش تزوج تخلي المراة برانية هي الي تبقا تخدم عليهم تما وطيب ليهم ومرتو هنا ؟

نوار : اغانبقا معاه هو الي قاليا نرجعو ويرجعني …

راوية : الى رجعو بقاي نتي راكي فعطلة بقاي حداه …ولا خايفة يدخل عليك ؟

نوار : ا لا …

راوية : ايوى ؟

نوار : احم قاليا مندير والو تتبغي …

راوية : راجل وسيد رجال …بغيتي تبقاي تال ليلة عرسك ؟

نوار : ماكرهتش …بغيت حتى لعرسي ونمشي من العرس حلمي والله …

راوية : ايوى هداي عليا …راه هي هي غاديري عرسك ديريه …ايوى ماحدك حداه وبغا حقو متعيه…غا هو الى سبقتو دخلة ديري فنيد باش متحمليش …

نوار : نحمل ؟؟؟

راوية : علاه شنو بغيتي تديري عرسك وسبوعك دقة وحدة …

نوار : وانا كنقرا مزال اعميتو ماشي دابا …

راوية : ايوى ديريه …تفاهمي معاه من هنا لتما …الى كان غايدخل عليك وماصبرش عيطي لماماك توريك ولا انا والفنيد بينك وبينو ابنتي “شافت شوميز دونوي فماريو وهي تنوض هزتهم وحطتهم ليها فالفاليز خرجات نوار عينيها وهي تخنزر فيها ” اهيا جمعي عينيك …هادو ديهم معاك …وخليهم تما تحتاجيهم …ودي معاك دوك لاگام ديال لحم والوجه وروايح وداكشي الي خذينا كلشي خليه فبيتكم تاتجي هنا وعاودي خودي وحدين اخرين …

نوار : واخا …

راوية : ماتنسايش الى وقعات دخلة هضري معاه على ود حبوب منع الحمل هادشي راه بينك وبينو …هادشي كنقول الى وقعات دخلة …

نوار : والى مبغاش منقدرش عندي القراية كيف غاندير …

راوية : مغايقول والو راكي غير غاتاجلي ماشي مباغاش تولدي …تفاهمو بيناتكم هادشي بيناتكم داكشي الخصوصية بين مراة وراجلها …وحاولي تكوني معاه وفجنبو ونقصي الغيرة شوي ابنتي …تهلاي فيه وقومي بيه كيف مهلي فيك …وصبري بزاف الى تعصب سايسي شوي هك وشوي هك …وفالفراش من هنا لقدام فاش تكون بيناتكم علاقة متخليهش فين يجيه الملل حتى يولي باغي غير ينعس معاك وصافي …خليه يتوحشك …الحشمة نقصيها ماشي حيديها حتى الحشمة كتعجبهم مرة هك ومرة هك …وديما كوني نقية وموضية لتحت وفيه ريحة زوينة …انا عارفاك ديما نقية …وديما كديري لاصيغ تما …

نوار كتسمع ليها باهتمام وخا كتهضر عالفراش حشمتها لكن ممنعش انها تعطيها وذنيها وتسمع نصائحها الي مهمة فالحياة الزوجية من امراة مرت بتجربة زوجية وعارفة اشنو كاين …

راوية : ماتلبسيش غير شوميز دونوي بدلي ونوعي …كل مرة جديد …وقبل من هادشي زيدي تعلمي طياب راكي عارفاه عزيز عليه البلدي واحسن يكون من ايدين مراتو من بعد ميمتو …غاا هو نوصيك وياك تشدي العكس معاه راكي عارفاه وعارفاك راسك قاصح تانتي …تفاهمنا ؟

نوار : تفاهمنا …

راوية : الى ساليتي اجي لبيت راجلك وجمعي ليه حوايجو تاهو …

نوار : نسولو ؟

راوية : جمعيهم راسك لاش تسوليه …هادشي ولفيه عليه …ابنتي ولكن متولفيهش شحال من قاعدة راجل علاش مولفتيه كتبقا فيه قاعدة وزني هك و هك …نوضي تگعدي …

ناضت معاها لبيتو تجمع ليه حوايجو في حين هو وصلات تقريبا ستة العشية داز على ايساف وهزو معاه …ومشاو نيشان لافران فين دار معاه غادين مسافة طريق 🦋🐺نور_الياسين (221)sana mina🐺🦋

 

مسافة طريق وهما غادين لافران …حاط ايدو على شرجم كيكمي …هز باكية الكارو خبطها حتى خرج واحد ومدو ليه …هز منو سيجارة وهز بريكة شعلو …

ايساف : واخا تقوليا فين غادين ؟؟

ياسين : عند الي كتقلب عليها …

ايساف”حبس الكماية وضار شاف فيه ” : ريم ؟؟؟ باش عرفتيها هنا …

ياسين : الي بفمو وعقلو خدام كيوزن مايتلف ماشي الي قلبو خدام وعقلو غايب …

ايساف “حدر راسو عرف معنى عليه ” : فترة ودازت …

ياسين : متاكد ؟

ايساف : هضرة وحدة …

ياسين : والنعم …

زاد فالسرعة وهو يكسيري لكن قبل قبط تيليفون ورسل ميساج لنوار بالي فافران مع ايساف حتى الى تعطل باليل متقلقش ووصاها دوز لبيتو فين تنعس وترد لبال لراسها …

ايساف : تهلى ليا فختي صغيرة …

ياسين : بزز مني وبخاطري …مرتي هاديك اشريف توصيني فيها ؟

ايساف : هههه غير حيث عزيزة عليا بزاف كنا مقربين بزاف كانت ختي صغيرة انا الي كنخرجها بزاف …غاتخلي بلاصتها …

ياسين : اخرتها فدار راجلها …ممشاتش عند حد غريب غير منها وفيها ومن دمها …

ايساف : كنتي كتقول بعد من دمك لا يطليك …

ياسين : كنقولو وصافي والمكتاب ربي الي مولاه …

نتا كنتي ناوي مع ديك بنت الناس …من الي كنتي كتقرا وربي كتب ليك جيهة غيرها …

ايساف : لا لا انا عزابي دابا ما معاها ما مع غيرها …

ياسين : من الخير ماعليش …

بقاو يهضرو حتى دخلو لافران كانت قريبة تمنية ونص دالعشية …زاد بيه وسط الفيلات حتى وقف قدام واحد الفيلا شاعلين فيها ضواو وخارجين منها عيالات وداخلين لابسين تكاشط وقدامها طوموبيلات عالجهد والغنا خدام ودقايقية …

ايساف “كمش حجبانو ” : شنو كاين هنا …

ياسين : صبر …خرج خرج “خرج هو وايساف وتكاو على طوموبيل كيشوفو وايساف مفاهم والو او انه تقريبا حس…واحد الشوي حتى جاو زوج طوموبيلات كيكلاكصونيو وخرجو دقايقية والعيالات كيزغرتو …حتى وقفات سيارة ميرسيديس benz كحلة كلها مزوقة بالورد …خرج منها واحد الشاب فعمر ياسين مفورمي لابس كومبيل كحل …هو اللول عاد مد ايدو عطاتو ايدها وهي تخرج لالة العروسة بتكشيطة بيضة دايرة لفوال مغطية وجهها حتى وقفات وهزو ليها باس ليها راسها وفمها قدامهم حتى خرج ايساف عينيه على جهدهم …

ايساف : ريم ؟!!!!!

ياسين “مربع ايديه ونطق ” : ولد خالتها تخطبات ليه قبل بعامين وموافقاتش ولا نقول اجلات حيث كانت معاك داكشي باش عمرها ما زيراتك تجي تهضر مع دارهم “ايساف مكمش ايديه على شكل بونية مزييييررر عليها تاتقطع منها دم نواضرو عروقهم خرجو ” …باها مكانش باغيك ليها حيث ماشي مغريبي وعارف خدمة باك ديال شحال هادي …تسنات غلطة منك ووافقات عليه …هاد سيدة من نوع

الي مكتعرفش شنو تحت راسو واخا تعطيك صوابك وتكون معاك بنت ناس وتصبر ليك …داكشي علاش عمرها عارضات علاش مكتسولش فيها وصبرات ديك الأيام حيث مكنتيش كتعيط ليها …والمشكيل ماشي هنا…

ايساف : شنو مزال ؟ هضر ولفت عمر بنت المراة مكانت غادمرني …

ياسين”حك لحيتو بتبااات وساس ايدو ” : السيد الي معاها دابا وراجلها هو بن زيدان باه كان معادي مع الوليد وباك فايام روسيا…هي دارت انتقال ل داخلة غير هضرة هي فازرو حبسات الخدمة حيث قدمات كونجي مفتوح غاطلع لعندو لموسكو …وساكن هنا ف افران هادي لفيلا ديالو …

ايساف “بقا شحال كيشوف فيهم كيفاش كضحك ومرة مبتاسمة ودقايقية خدامين …دار ابتسامة استهزاء ” : هههه عادي ..كيف قلت ليك عمر بنت المراة مكانت غادمرني …الي ازمني ديك المرة …ضرني خاطري حياتي تغيرت خالي رجعني ولد صغير مرضيتش …الي ضرني هو كنت غادي نيشان وزغت حطيت شراب في فمي ضد فالسيد الي استفزني حتى درت راسي فيه وشربتو غير ضد حسيت براسي برهوش ..

ياسين : شكون هو ؟

ايساف : واحد جا ياخذ السلعة من عندنا وخدمت ليه الصيانة فكاميرات الفيلا ديالو …را كيعرفو اركان قاليا كان قاري معاكم …

ياسين : شكون هذا ؟؟؟

ايساف : اسمو عيسى المنصوري …

ياسين “غمض عينيه حتى غمضهم بلا ميحس ما شعرش حتى صعر وهو يضور وهز ايديه على شكل بونية ضرب بيها زاج ديال سيارة جاب الله مكيتهرسش ” : اعععععععع عدو ربو هذا مغايعطينيش تيسااااااااااع …كان غايفرشخ زاج القدامي غا شدو ايساف صدق هو الي باغي يكالميه🦋🐺نور_الياسين (222)sana mina🐺🦋

 

ما اتعسها حياة فاش كتحس بالشمتة وما بعدها شمتة …كتحس بكلشي خياب فعينيك وضلام و تاحاجة مكتحلا ليك باعتبار داك الشخص الي كنتي كتشوف فيه هو شريكك حب قلبك العشق كلشي كنتي دايرو وسنين ونتا معاه بزوج كتخططو لحياتكم المستقبلية الي غاتكونو فيها بزوج تحت سقف واحد الشخص الي مكانش نهارك يدوز الى ما هضرتي معاه عاد يحلى ليك نهارك …فجأة تكتاشف كنتي مجرد صفر على الشمال او سوكور محطوط الى مصدقش هذا تصدق انت …امثال ريم منها بزااف …

ممكن يكون السبب ان منهم مكايثيقوش فالرجال فكدير واحد فالجيب ولاخور احتياط حتى الى مصدقش هذاك يصدق لاخور ….ممكن تفكيرها انها تكون مع زوج وتمتع بيهم …فالاخير وفهاد الحالة ديال ايساف وريم …صدق ايساف الي مشموت وخا نيتو كانت صادقة وكان كيبغيها بزاف وباني احلامو وطموحاتو المستقبلية معاها …

ياسين “غير سمع سميتو وشنو علاقته والي طرا لإيساف كون لقاه قدامو يطحنو بدون رحمة ولا شفقة وها العار يشفي غليلو

ياسين : عدو ربو فهاد النهار هاد”خبط فوق بارشوك ديال طوموبيل ثلاثة الخبطات بجهد متتالية ” ولد العطااااية …

ايساف”شدو ” : شش تهدن …

ياسين :”بقا صدرو يطلع ويهبط عصبو عض لسانو شوي دوز على وجهو باعصاب ورجع شاف فيه من بعد ما هدن راسو …جبد كارو من جيبو وشعلو ” : شنو بغيتي دير نتا ؟؟

ايساف: “شاف جيهة العرس وضحك باستهزاء ” هههه الشمتة هي هادي شنو غاندير ؟ غانبكي على مراة ؟على بنت القحبة ؟ مالي ولية حتى ندير مندبة …لهلا يقلب …

ياسين : ماعليش مزال صغير تشوف وتشوف وتعرف بزاف …

ايساف : الي دار ذنب يستاهل العقوبة …يمكن الوقت هو هذا نصلح غلطي ونفكر فيه …

ياسين : المعنى ؟

ايساف :ربت ليه على كتفو من هنا لتما تعرف..

لهلا يخطيك اولد خالي بحثتي و وريتيني النور فين كاين و وريتيني خبث البشر واش كيسوى …

ياسين : هادشي درتو مع خويا ماشي ولد عمتي حنا خوت كبرنا فدار وحدة …الي ضرك ضرني…نصيحتي ليك رد بالك …

ايساف : ههههه بالي نردو غير من جيهة العيالات هاد ساعة هما الي تخاف منهم ههههه

ياسين : مشينا ؟

ايساف : مشينا الله يسمح لينا …ضار ياسين ركب جيهتو وايساف بقا واحد شوي ضار شاف جيهة الفيلا دار واحد النضرة فشكاااال نضرة فيها معاني بزاف و أولها الشمتة الي تشمت من جيهتها والسنين الي ضيع معاها وشوف اش كان تحت راسها …

خلاه ياسين على راحتو حتى ضار وركب حداه …

قلب ضورة وكسيرا بيه ماشي لازرو وانما زاد بيه لفاس نيشان كانو تما في احد النوادي اليلية …

ايساف:شاف فين ركن سيارة جايبنا نشربو وانا بسباب شراب درت منكرات هما ومن وراهم شمتات ومصايب كحلة …

ياسين : انا الي جبتك ليه عمري شربت ؟

ايساف : اعوذ بالله ونعم التربية …غا انا الي مسخوط …

ياسين : تحرك نزل هنا ماشي غير لشراب الله يهديك …

نزلو من سيارة عطا ساروت لكارد دوز ليه سيارة لبارك وهما دخلو مع دخلة صوت زدحة هو صحيح نادي ليلي لكن ماشي لشراب انما فيه حتى بلايص لناس محترمة الي بغا يشرب الخمر او يزهى ويقصر كاين جوايه وركن خاص بيهم …مع دخلة ضور عينيه وهو يبان ليه اركان ومعاه صاحبهم عصام …

اركان : سيدي عشيري صاحبي ليا شحال ماشتو …افين الوحش …

ياسين : لاش بغيتي تشوفني شنو ندير بيك ؟

اركان : ياك اعشيري الوحيد …”شاف ف ايساف ” الوحش الشامي جا …

ايساف : ليخليك انا من ازرو هاد ساعة …عيشك تتحسسني راني ماعندي حق فالمغريب …

اركان : غا من هاد عيشك مغريبي قح …

ياسين: “تسالم مع عصام بارك ليه وجلس تشتح فالبلاصة بجلسة مفرق رجليه هز عينيه فاركان شنو الجديد ؟

اركان : والو هاد ساعة …شنو درتي لقيتي دار بن زيدان ؟

ياسين:شير ليه بعينيه جيهة ايساف الي حدر راسو كيضحك شنو بان ليك غانتعطل ؟

اركان :غمض عينيه باسف وقال ليه بشوي زعما واش عرف عرف ؟

ياسين “جاوب ب اه براسو ” ..

ايساف : خهههه لاش تتغامزو راني عرفت اخويا عاادي جدا …

اركان : وشنو ناوي دير دابا ..

ايساف : ناوي نشرب فنيدة تاع الفار …

اركان : اححح غاتطحن ليك المصارن ماتصبرش ليها …نهار يغسلوك خنز الفنيدة يعطي بلاش شوف ليك جبل الي كيمشي ليه ياسين طالع طالع يطلعك معاه ويلوحك من تم بلا متسميه انتحار موت شهيد حدا خوتك …انا دمي فل🦋🐺نور_الياسين (223)sana mina🐺🦋

 

قلبوها طنز تما خلاهم ياسين يضحكو وجبد تيليفونو رسل ميساج ليها …بسؤاله عليها شنو كدير دابا …جاوباتو فالحين حيث كانت داخلة …

نوار : بغينا نتعشاو …غادي تعطل ؟

ياسين : شي شوية انا في فاس مع ايساف يفوج شوية ونجي …

نوار : واخا …ياسين …

ياسين : المفششة ديالو …

نوار : هههههه

ياسين : شنو بغيتي ؟

نوار : بغيت نسولك …

ياسين : سولي …خاصاك شي حاجة نجيبها ليك معايا!

نوار : لا لا بغيت غير نسولك زعمات حيث المحادثة ورا سلوكة مكتشوفش فيه هههه ” جمعت ليك حوايجك وحتى داخلية مهم درت غي شوية ف فاليز وماعرفتش شنو غاتحتاج اخور ؟

ياسين : حوايجي الي تما كيبقاو مكنديهمش عندي لهيه ولكن مزيان فاش جمعتيهم محتاجهم نيت …

نوار : صافي واخا …

ياسين : الى عييتي نعسي حتى نجي …

نوار : واخا تهلى فراسك …

ياسين : تهلاي حتى نتي فراسك …

ايساف واركان وعصام كانو يهضرو ويتقاشحو داخلين فالمود جاو بغاو يسولو صاحبهم لقاوه عاقد حجبانو ومركز فالتيليفون ومرة مرة يحك بسنانو شفايفو تحتانية ولا يعضهم …

ايساف : ولد عمتي فورورو دابا …

اركان : عيط لاص …

عصام : شبابو ضاع لقا حبابو نسا صحابو …

نسا ايامات كنت نعطيه ستيلو زرق فاش كان مكيبغيش يكتب ليه يقسمو على جوج بالفقصة…

اركان : تا راه ملي تزوج نسا حليب مو

ايساف : وتقول مينساش حليب حنانتو …

عصام : لا جينا نشوفو تسولو المدام على شي سر يقد يعتارف ليها باول بنت كوا …

ايساف : سكت يعطيك الويل يسمعك يجخلط الحزاق كامل راه عاد كان صاعر …

اركان : مالو ؟

ايساف : داك الولد عيسى صاحبكم …

اركان : ولد الخضخاضة (القح**) …

ياسين “هز فيهم راسو ” : شنو كاين ؟

اوكان : شنو واقع مع زا***

ياسين: “قلبها تخنزيرة نسا عليا ولد زوادة هاد ساعة ولا نديرو بناقص من هاد الجلسة …

عصام : الا صافي لبدها اركان من بعد …اسيدي شنو تشربو …

ياسين “حدر راسو فتيليفون ” : الي كان …

عصام : ربعة فودكا مهرسة اخويا …

ياسين: “هز فيه عينيه ” …

عصام : وتا براد اتاي تا مالك منونخ …براد اتاي فنادي ليلي على شرف ياسين رمسيس …

اركان : هههههه تخاف ماتحشم …

بقاو مجمعين تما سهرانين والغرض من سهرة هو ايساف يفوج شوية وخا عارفو مغايبكيش على مراة وانما شمتة قاصحة عليه ف حب انه ينسيه شوية يندامج مع دراري صحابو ولانه كيعرف اركان فكان سهل عليه يندامج دغيا …

وصلات الوحدة ديال ليل شدو طريقهم لازرو مشا وصل ايساف لدارهم وهو زاد لدار مع دخل بلاصا سيارة ودخل طلع نيشان لبيت حلو بشوييي دخل حيد حوايجو بقا غير ببوكسر وشعل لفيوز لقاها ناعسة طالقة لكليما باردة بزااف زاد شوي فدرجة الحرارة وحط تيليفونو عند الكومدينو وضار تخشا حداها بشويييي لقاها ناعسة ببيجامتها بسروالها …مع نعاسها ثقيل حيد ليها لفوق

بقات بديباردور …وهي تبدا تهتهت وتحلم وتعاود …

ياسين:يحساب ليه فاقت ششش غير نعسي …

نوار : توحشتك …

ياسين : حتى انا …

نوار : شووف مادخلش عليا عافاك حتى نبغي ندير العرس …

ياسين : وعلاش كاع هاد الوقت كلو …عام انوار!!

نوار : واصبر …هنن

ياسين : نوار !!!

نوار فينهي الي تجاوبك صافي سالات مدة الهضرة …

ياسين : تت كتحلمي …”جرها من كرشها لصق ضهرها مع كرشو 🦋🐺نور_الياسين (224)sana mina🐺🦋

 

مع شروق شمس يوم جديد …ضربتها الفيقة نيشان شافت هنا وهنا عاد استوعبات انها ماشي فبيتها اول مرة مكتنعسش فيه وهي فدارهم وانما فبيت لحفيذ الكبير الي هي الان مراتو والي غاتكون ام ولادو …ضورات راسها مالقاتوش شافت فساعة لقاتها تمنية ونص يعني فاقت بكري عرفاتو مشا يدير لامارش مع فؤاد كيف العادة …ومخلي تيليفونو عند راسها حدا تيليفونها …ناضت لدوش قضات حاجتها وغسلات… وغسلات وجهها وخرجات لبيتها جبدات ما تلبس بدلات ملابسها داخلية وبدلات حوايجها …عاد خرجات من بيتها لقات الكل فاق ماعادا اشرف ….

نوار : صباح الخير …

يوسف : بنتي صباح الخير اجي جلسي حدا باك …

نوار : هههههه واخااا …مشات لعندو باستو وعنقها حداه كبات ليها يامنة القهوة اما يسرى مشات لكلينيك لخدمتها …

يامنة : جمعتي حوايجك ابنتي …

نوار : اه وحتى ديال ياسين …

الياس : هاي هاي هاي هاي الناس كانو تا راسهم ميجمعو ليه ولا يجمعو ليهم ولزمانهم …

نوار”حشمها” ؛ عمووووو هههههه “حطات راسها على كتف يوسف ودارت صبعها في فمها حشمانة ” …

يوسف : تا سكت تحشم ليا البنت …

يامنة : ههههه الياس يهديك الله تحشم ليا مرت ولدي …

الياس : كتعجبني فاش تتمرگ زعما …

شوية نزل اشرف كيحك فعينيه عاد فايق تاهو وهابط معاه صهيب الي طلع باش يهز شكارة الخدمة …

اشرف : صباح الخير …”جلس حدا نوار” …خويا فقتي …

يوسف “نزل عليه لقرفادة” : سيدة براجلها وتقول خوك …

اشرف : احح العميم تا بشوي عيشك راني عاد فايق …

نجود “كبات ليه قهوتو تاهو ومدات ليه يامنة المسمن وزبدة كيف كيعجبو …”: فطر ونوض معايا نعبر سكار …

اشرف : نمشيو مع شيفور ولا نديك …

يوسف : دي طوموبيلة الياس قضي بيها وجمع رجليك من داك الكسيراتور الي كدير …

نجود : والله يا جن ودير ليا ديك سوگة الي كدير حطني فنص طريق نكمل غا على رجلي …

صهيب : بليمييييين ونشم ليك درتي سوگان رعدة عمرك باقي تحط رجليك فطوموبيل …فوت ليا ميمتي وخرج فحايط …

اشرف : تا مالي هبيل معايا الميمة انقضي معاها بالخاطر …

شوي وهو يدخل فؤاد وياسين الي اصلا تعطلو باش وجعو صبحو عليهم يامنة تبعات فؤاد لفوق تعطيه يبدل بينما دوش وياسين جا سلم عليهم وباس راس نوار قدامهم …وخا هي عادية لكن مع اول مرة ليها وحدا باها ابتاسمت بخجل وحنيكاتها تزنگو …تم غادي طالع حتى هو باش يدوش ويبدل وهو ينغزها باها تبعو …

يوسف”وخا هبيل وضحوكي كيعرف الصواب والتربية ” : بنتي لحقي راجلك تانتي …

معطلاتوش كيف قالها ليها طلعات تبعاتو كان طلع بزربة لقاتو دخل لدوش طالق رشاشة وحاط لفوطة فوق ناموسية ووحدة صغيرة باش كينشف شعرو …

نوار”كتهضر مع راسها ” : يمكن نساها …”تفكرات غايخرج عريان وهي طير مشات لماريو بزربة كتزرب وتقول ما زربت باش ميخرجش عريان كلو بغات تحط ليه مايلبس تما وتخرج هههههه بدعقة تلفو ليها لحوايج مبقات عرفات اش تحط ليه حتى صدقت معطلة ولات جبدات غالي لقاتو …حطات ليه بيل سماطي وشورط ديال لبحر ماشي ديال دار …وداكشي مناش خافت هو الي وقع …

ياسين”حنحن” : نوار …

نوار”مضارتش بقات تقلب فالحوايج ” : ن نعام …

ياسين : شنو بغيتي من تما …

نوار : بغيت نجبد ليك ماتلبس …

ياسين “حك حنكو بشوي ضار شاف جنبو ورجع شاف فيها داير ايديه على نصو راه خرج ولبس فوطة لواها عليه ودار لاخرا على عنقو ” : يهديك الله هاديك راها بلاصة لوراق ديالي شنو غالبس فيهم …

نوار”لقات راسها تتفرت فواحد المجر حلاتو خاشية فيه راسها ” : هااا ؟ احم …

ياسين : دوري راسك هنا …وهذا را ديال بحر ماشي دار …نوار حضري عقلك وضوري راني لابس …تت …

نوار: هههههههن …”حكات راسها بعفوية ” …نعاود نجبد ليك وحدين اخرين ؟

ياسين : لا بلاش انا غانجبدهم …غير هبطي بقاي جالسة مع باك ودار انا لحق عليك نفطرو وعشية وجدي راسك نتحركو …

نوار”ترددات شحال فينما كتزبلها كتبغي تصلح غلطها مهم دير اي حاجة ترضيه وتنسيه الغلط الي قبل …تمشات بشوي حتى لعندو وبقات واقفة كتشوف فيه وتبتاسم …”

ياسين : …مالك ؟؟؟

نوار”باش تبوسو نيشان لا خاصها تزبلها وسلام ” : بغيتي تبوسني …ااا …

ياسين : وايلي ؟؟…

نوار”طارت عليه باستو من حنكو ومشات كتزرب وتعكل ” ..

ياسين “غوت عليها ” : نواااااار بشويييييي

شكون سمعو طارت من حداه ومشات تزرب وتضحك على راسها وحناكها بغاو يطرطقو مهم اول بوسة منها بعدا هاهي دارتها وخا فالحنك ماشي مشكيل حتى هبطات عندهم لقاتهم صهيب خرج والياس بقا غير يوسف وفؤاد فجردة كيهضرو واشرف باقي كيفطر جلسات حداه كتلهت ووجها مزنگ…

اشرف “بقا يشوف فيها ” : ها🦋🐺نور_الياسين (225)sana mina🐺🦋

 

نزل هو توجه لجردة نيشان جلس مع باه ونسيبو …حتى جابو ليه الفطور اما نوار عيطات لماماها بلغاتها بالي غاتجي بكري باش تسلم عليها قبل متمشي هي ومينة…حتى هبط علي لحق عليهم تاهو جابو ليه الفطور مع ياسين نيت فطر معاه …

علي : ولد العم مرحب بينا عندك شي يومين ولا من بعد …

ياسين”كيكمي” : من نيتك كتسول ؟

علي “حك راسو ” : اغااا ناخذو الاذن حيتاش وليتي متزوج دابا وبمراتك لابد شوية الخصوصية …

ياسين “كيهضر بثقالة كيكمي وداير رجل فوق فخدو طاويها ” : مرحبا فاي وقت هاديك دار خوك ..

علي : يحفضااك …تاتسالي الحفلة الي عندك الغذ ليه نجي …ماعنديش الوقت وبغيت نضرب تال تما …

يوسف : شحال عندك ؟

علي : غااا سويمينة (سيمانة ) العميم …

يوسف : ماعندكش الوقت نيت …ماعليش ياسين دار الكبيرة ماشي حيث ولد خويا ونسيبي وليني نقول الحق …

ياسين “حط ايدو على صدرو ” : يعمر دارك ايوسف …

في هاد الوقت وفي جيهة اخرى بضبط في فاس في احد الفيلات ب ميموزة …كتهز مع المعلم واحد البلاكار صغير باش يحطو فين بغات بضبط …ماعرفاتش كيفاش حتى دفع بيها وتضربت ايدها مع الحايط ضغط عليها البلاكار …

مينة : اااااي …بلاتي بلاتي افففف “شدات ايدها الي تضربت من المعصم ”

المعلم : بنتي ياك ما تقصحتي والله ما شفتك …

مينة “مكمشة عينيها تقصحات ” : ففف لا لا ماوقع والو مدرتيهاش بلعاني …

رياض “كان كيصوني لمهدي مجاوبوش تاني وهو يقشع البلان وقطع جا بزربة لقاها شادة فمعصمها وكتوجع ” : شنو مالك ؟

مينة : والو غير ضربت ايدي …

المعلم : راها تقصحات ديري ليها ثلج ابنتي الى وعتاتك سيري لطبيب …

رياض : اجي معايا نديك لكلينيك دغيا …

مينة : امكاين لاش انا ندير ليها ثلج وخا تعطيه ليا …

رياض : اجي معايا …

مشات معاه لكوزينة جبد من ثلاجة مكعبات ثلج رما منهم فزيف وعقدو مد ايدو شد ليها ايدها وحطو ليها وضور ايديه على ايدها ضاغط عليه …

مينة : اااااا “عضات فمها ” …فففف

رياض : ششش ماعليش صبري …

مينة “الصمت”….

رياص : بقاي حاطاه هنا متحيديهش انا نطلع نجيب ليك باندة ديال الايد عندي لفوق مزال جديذة …

مينة : اه اوكي واخا ….ولكن غاتلقاني حدا الباب انشوف المهندس الي معايا غايجيب ليا واحد تخطيط نشوفو انا وياه تلقاني عند الباب …

جاوبها براسو ومشا طلع لفوق وهي مشات لباب لقاتو نيت عاد جا بقا كيوريها فالمخطط ويشرح ليها حتى هبط هو …

رياض : غير كملي خدمتك انا لبسها ليك …

مينة : بلاش انا لبسها اصلا كملنا …

رياض “مجاوبهاش جبد الباندة وحيد ليها ثلج حطو وشد ايدها لبسها ليها قدام الولد الي ضحك حيث عارف مينة شخص جدي عمرهم تجرأو حتى يقيصوها بصبعهم ديما عاطيا تيقار …عيا يحبس ضحكة …

مراد : كخخهم اااههههه …

مينة “غوبشات” : مراد ؟؟ اش كيضحك …

مراد : ههههه والو تفكرت واحد خالتي كتجي من برا

مينة : وايلي اول مرة كنعرف شي حد كيجي من برا ….ايه ؟

مراد : وااااالو هههههههههه المخطط هو هذاك ؟

مينة : هو هذاك …تلاح لخدمتك يلاه …

مراد : وخا شاف …هههههه مشا كيضحك …

رياض : مالو ؟

مينة “هزات كتافها ” : الله يستر بنادم هبل وهرب ليه العقل …شافت فثلج الي بقا حاطو ليها على ايدها …

مينة : كيحرقنيييي …صافي غير حيدو …اااح

رياض “جابت ليه ضحكة زم فمو حابس ضحكة ” : هههههه واخا غا صبري كلشي يفوت …

مينة : واش زعما الى حرقني راني مهرسة ؟

رياض : ههههه لا طريق تسرحات …

مينة : كيفاش ؟

رياض : ههههه لا لا غا هضرة مزيان يحرقك باش ضربة كيكمدها متنفخش ليك ايدك …

مينة : صافي براكة ..شكرا “بابتسامة شكر” …

رياض : الله اودي …ولي ردي البال السلعة كدخل وتخرج والدنيا مرونة …

مينة : واخا …

#يتبع…دي مالها هربت ليها الحقيقة ….

#يتبع…خشا وجهو باسها فعنقها ومشا تاهو نعس …

#يتبع….سطيني على عهدي على ديني …

#يتبع…. (يهدئو ) …

 

#تصبحن_على_خير….وايساف مفاهم والو ..

 

#يتبع… …دي عليا عدو الله لخلا…

 

#يتبع…فمها بقجو ليها ” : الله يرضي عليك …..

 

#يتبع…ايساف والبقية …

#يتبع….ادي ابنت الناس …

#تصبحن_على_خير…. ” صافي وخا كون هاني انا معاك …

 

#يتبع…ابط من دروج شعرو مخربق غفطوموبيل وكسيرا نيشان ” …

#يتبع….ليك المنخر ؟؟

#يتبع…لوجه هههه…

#تصبحن_على_خير….ههه الله يبارك فيك …

#يتبع…..وريحة البخور ماليا المكان ….

#يتبع…رة اعيفة رجال …

#يتبع…رك تنزليهم …

#تصبحن_على_خير….ه ….

#يتبع…دام وضار ركب هو وكسيرا

#يتبع….خوها كيف داير …

#يتبع…بلتها ولا قفرتها ولا قودتها …

#يتبع…ااابا …

 

#تصبحن_على_خير…….

الياس : ارسوووول الله …

 

#يتبع….حد …

 

#يتبع…من عندو الكطالوغ ” : يعمر دارك …

Leave a comment