Skip links

قصة : نور الياسين  ج11

 29,587 عدد مشاهداات

🦋🐺نور_الياسين (181)sana mina🐺🦋

مشات كتزرب دازت من حدا امها وعينيها مغرغرين حالفة ماتبكي تفقصات خصوصا انها كتفكر داك النهار الي خرجات فيه من عندو بفوطة كتزيد تجنن والي جننها اكثر هو علاش مزال كتعيط ليه وهو خطب …بخلاصة الغيرة كتلعب فيها نيييت …خلات امها كتعيط هي ويامنة ….

يامنة : اناري مالها …

يسرى : كانت مع ياسين حيث قاليا غايديها يعطيها شي حاجة شراها ليها …

يامنة : اويلي اش واقع بداو من دابا …

يسرى : انا عارفة بنت كرشي هبيلة ياسين ما عندو فعايل المخاصمة من لول …

يامنة : طلعي شوفي مالها …

يسرى : لا حول ولا قوة الا بالله …”مشات تبعاتها وطلعات لعندها لبيتها بغات تحلو لقاتو مسدود …”نوار حلي الباب اش كاين …

نوار : ماما خليني بغيت نعس عافاك …

يسرى : ولاش سادة البيت ياك كنقوليك متسديهش…اش واقع مالك جيتو دغيا …

نوار : واااااااالو مواقع والو …سوليه هو …

يسرى : هههههه بديتو من دابا اش دار ليك …

نوار : خليييني …

يسرى : نوار حلي بعدا وديك ساعة ديري الي عجبك “رفعات صوتها ” حلي …

نوار “فاش تترفع يسرى صوتها تتولي تفتف ههه ناضت ومشا حلت ليها الباب …” : سديه وراك عافاك …

يسرى “سدات الباب وتبعاتها ” : شنو واقع ؟

نوار : واااالو والو اماما …

يسرى “ربعاات ايديها ” : اش واقع …

نوار “گبعات فمها يعني هبطات شنيفاتها مباغاش تبكي والو دموعها على سبة ” : هاااديك بعريرة الي جات ديك المرة …

يسرى : شكون ؟

نوار : زمايرة ….ديك ناديا …

يسرى : ههههه زمايرة …مالها رجعات ؟

نوار : وحاملة اهى اهى …حاملة قاليا ماشي منو …

يسرى : ايوى ومالك ؟

نوار : وااااااا لاش باقا كتعيط ليه اهى اهى وهو ضصرها تا عيطات ليه شنو ضمن ليا ماشي حاملة منو ؟انا شفتهم ديك المرة خارجة من عندو من البيت …ولااااااش كتعيط لاااااش …واعننننن

يسرى “جابت ليها ضحك اول مرة كتشوف بنتها الغيرة بغات تقتلها هههه…ضركات فمها بايدها ” : ههه واتهدني …قاليك لا ماحملاش منو ياك ؟

نوار : قااال هو …

يسرى : قالها ببساطة يعني ماحلفش ليك …

نوار : قاليا لا ومن بعد ونهضرو عليها خلينا فالمهم كان بغا يعطيني شي حاجة …

يسرى : ويعطيك غا دل ابنت كرشي …جايب ليك كادويات عينيه باينة فيهم الفرحة دار صواب وقاليا غانديها نبعدو شوي نعطيهم ليها وقلت ليه واخا حيث مزال مدرتوش العقد من حقو يتشاور معانا …كون مولاها غايقولها ليك هو عندو نيشان ابنتي راكي عارفاه وخاصك تعرفيه …مقالتش ليه انا حاملة منك …

نوار : قطع عليها وطفا تيليفون …

يسرى : بنتي نتي عارفاه ماشي مولاها وتقتي بيه فاش قاليك لا ولكن نتي ابنتي الغيرة قتلاتك …من اول مشكيل بديتي فالبكا والحالة …سمعي منو ديك ساعة حكمي …

نوار : كان كينعس معاها …وخا محاملاش منو على ماقال هو …

يسرى : ونتي مالك هذاكشي كان قبل متخطبي ليه غاتبداي تحاسبيه على البنات الي عرف قبل. ؟ …

نوار”سكتات كتمسح فدموعها الي هبطو وهي تعوبش ” …

يسرى : هبطي تعشاي ويكون خير هبطي …هادشي را مهكاكش ابنتي …

نوار : غايبدا يغوت …

يسرى : علاش يغوت ؟ الى مدرتي علاش راه ميغوتش هبطي عادي وتعشاي وسكتي …فاش يبغي يهضر معاك سيري وسمعي ليه …خاص تكون بيناتكم الثقة فهمي منو من بعد عاد هضري …قاليك لا ياسين راك عارفاه من صغرو هكاك داير مدايرش مدايرش داير داير وخا طبعو صعيب ….

نوار : ماعرفتش واش انا الي بنتك ولا هو …

يسرى : ولدي تاهو راه تولد على ايدي ونتي راكي بنت كرشي وكبدتي وليني نجيو مع الحق انا مامعاك لا نتي لا هو تتسمعي منو …وهاديك خيتي راه غايعرف شغلو معاها …نوضي …

ناضت بزز منها حتى حمرات فيها …هضرتها صحيحة كليا …اي علاقة دازت بينو وبين شي وحدة سابقا هي ماعندها فيها حتى دخل …لكن مشكيل ناديا خاص حتى تسمع وتحكم وتعرف القصك يمكن هي غيرتها عماتها على صواب شي الي خلاها تصرف هكاك ….نزلات لقاتهم كلهم مجموعين …كيتسناو فالعشا يتحط كانو كتار حتى فرقو رجال وحدهم وعيالات وحدهم …

طلات بنص عينيها عليه مبانش ليها وهي دخل لصالون بانت ليها نجود كتسبح وهي تمشي تخشات حداها عنقتها…

نجود : بنيتي مالك …

نوار : وااالو ميمة …عميتو مشات …

نجود : مشات ابنتي تشوف دارها صباح تجي تاني تقضي معانا …

نوار “سكتات ” …

يامنة : تهدنتي …

نوار : شوية …فين مينة اخالتو يامنة …واشرف

يامنة : مينة تعشات قبل وطلعات تخدم عندها شي خدمة مزيرة …اشرف راه مع فؤاد ويوسف وبا والياس عاد وصل جاب نجوى …وياسين خارج يكمي ويهضر فالتيليفون ماعرفتو مالو …

نوار “قلشات وذنيها .” : معامن كيهضر …

يامنة : يمكن الفيرما بان ليا معصب كشاكشو خارجة خليتو وجيت …واقعة شي حاجة بيناتكم …

يسرى “دخلات هي ونجوى هازين فايديهم باش يحطو والخدامة معاهم …” : واقع مشاكيل بين الحبايب بنتي هبيلة تلاقات مع ولدك يحسن عوانو …

يامنة : هههههه ولدي خاطرو ديق وسعي خاطرك وتاهو ولا مغاتفاهموش ابنتي …

سارة : وانوضي سيري شوفيه نفسي عليه دابا راك غاتولي نتي هي مولات دارو ومولات الراي وشوار …قومي بيه وخففي عليه والي فيها العقدة حلوها والي بغات تعقد لوحوها …نوضي لعندو شوفي مالو راه الله يحسن العوان لداك راس عندو …على ماعاود ليا صهيب وقع مشكيل كبيييير تما نوضي شوفي شنو وقع ليه بالضبط الى هو معصب رطبيه راه نتي الي غاتولي تشدي ليه الميزان وتحكمي فيه …ياسين الي كنعرفو قد ماحنين ق🦋🐺نور_الياسين (182)sana mina🐺🦋

بقات تسمع لسارة وتضورها فدماغها …وعينيها كيشوفو بعيد …واحد بغاك عزلك من بين البنات وفضلك عليهم وميزك وجاك من لاخر نتي حلالي ومولات داري ماشي من اول سوء فهم تغضبي …

نجود : الي بيناتكم بيناتكم حلوه بيناتكم ولا تخليو البراني يدخل وسطكم …

سارة : الى من هاكا ثيقي بيا غايخليك محدكم مدرتو والو وغاتجي الي تديه ليك راه كيبقى راجل محدو موفر ليك راحة وفريها ليه محدو باغيك بغيه متخلي ليه فين يتفنفن …

يسرى : الي قلتو ليك هو الي كاين سمعي منو قاليك من بعد ونهضرو راه غايشرح ليك يشرح دابا غاتولي محسوبة عليه ماعادا لا درتي بناقص …نوضي شوفيه دابا …”خرجات فيها عينيها كتحلف ” …وياااك يسبقك فمك وتزبليها صبري وصبري ولا تحملي العواقب …

شافت حتى عيات وهي تنوض بشوي مترددة كل مكتجي فبالها ناديا كتبغي تاكل شفارها بالفقصة …دازت من حداهم كتلولب فعينيها خلاتهم كيضحكو عليها غا هبيلة ودميعة …خرجات بان ليها اشرف …

نوار : فين هو …

اشرف “قوس حجبانو ” : شكون ؟

نوار : ي احم ياسين …

اشرف : يعطيك دود قولي راجلك …

نوار : زمر …

اشرف : تتقولي عليه زمر “غوت ” يااااسييييييين …

نوار “سدات ليه فمو ” : واااصااافي بغيتي تخرج عليا …

اشرف : ياسين راه فجردة كيهضر فتيليفون …

نوار : وخا صافي …خلاتو ومشات خرجات حتى لجردة وهي كتقلب عليه حتى بان ليها واقف كيهضر ويشالي بايديه طلقات ودنيها تسمع بغات تشوف ياكما معاها حتى سمعاتو كيقول …دخلو داكشي ل كوري حتى نسالي ونشوفهم واش مزيانين …عاد تنفسات …حدرت راسها ومشات قربات ليه وقلبها كيضرب بجهد …

ياسين “هضر تا كمل ماشافهاش مع ضار لقاها واقفة كتفرك فايديها وحادرة راسها وعينيها …زاد عقد حجبانو ونضرته الحادة بقات هي هي ..” : شنو كاين ؟

نوار : والو …

ياسين : عندك شي حاجة ؟ …

نوار : لا …

ياسين : طلعي لبيتك ياك بغيتي تنعسي ؟؟؟ اش مهبطك …

نوار : ش احم ش …

ياسين : اش كاين ؟ هضري …نوار راسي ومخي هاد ساعة ما ديال فشوش ربي الي عالم انا باغي الي يخفف عليا مابغيت الي يكمل عليا الى غاتكوني هاكا مابقا عندي مندير بشي فريع راس بحال هاكا …

نوار “هزات فيه راسها وهي تشوف فيه بنضرة فشكل ” : انا بغيت نعرف اشنو بينك وبينها مابغيتيش تقوليا …

ياسين “دار ايديه على نصو مزالو بنفس النضرة حتى عض فمو باغي يطرطق ووحل مع بنية ماشي مراة هههه ” : شنو بغيتي دابا …

نوار : قوليا …

ياسين : شنو ؟

نوار “تفقصت ” : واااشكون هي اش بيناتكم الى محاملاش منك علاش عيطات ليك تقولها ليك ياااالاه علاش مضصرها …

ياسين : مااا بيني وبينها وااااااااااااالو “غوت بجهد ومع صوته غليض خلعها ولات بغات تهرب غايتبعها يقجها هههههه ولات تتقول اش داني ولاش مشيت ….”بنت عاونتها فواحد الوقت ماجمعتني بيها تااااحاجة …راني ماشي مسالي كري باش نحمل بنات الناس …مدوز وعايش باش نقوليك عليهم راه منقولش الي داز داز بيني وبينهم الي كيهمك هو من هنا لقدام مااااااشي من هنا الي فات …دخليها لهنا

“ضغط بصباعو على نواضرو وعينيه كيطلقو القرطاس ” …قلت ليك لا من بعد ونهضرو صافي بدلي ساعة باخرى كون ناوي شي حاجة منطلقش سپيكر قدامك تتسمعي كنحاول ما امكن نعيشك خصوصيتي ولكن شوي بشوي ماشي كلشي دقة وحدة …لفشوش زايد ماعندييييش معاه ….

نوار: ب ب بشوية علاش كتغوت …اهى اهى …”دارت ايديها على وجهها ولات كلها كترعد خلعها حيث جاتو فوقيتة ديال ضغط وضغطات عليه وهذا الله …” ..

ياسين : لا حول ولا قوة الا بالله العلي العظيم … سكتي من البكا …

نوار : صافي هاني غانمشي اهى اهى …”ضارت باش تمشي ” …

ياسين”غزز سنانو ” : تحركي من تما لا بكاك يشفع ولا واليديك يعرفو مالك …”غوت ” تحركي جلسي تما …

ضارت دورة وجلسات يحساب ليكم قالت لا ولا اي جلست وخشات ايديها بين راكبيها وهي حادرة راسها كتحسب فخطا🦋🐺نور_الياسين (183)sana mina🐺🦋

خرج يوسف من صالون كيقلب عليه …حتى لقا يسرى فطريقو …

يوسف : فين ياسين …

يسرى : راه كيهضر مع نوار …دابا يجي …

يوسف : مزيان يصفيو الهضرة …ولكن تاني كل مرة غايبداو هاكا ماهكاكش …

يسرى : دابا يتفاهمو نتا خليهم المشاكيل كتقوي الصلة …

يوسف : زعما ؟ “شاف فيها بنص عين ” وشت انا وياك كاع متنتخاصمو وصلتنا كل مرة فبيتنا تتقوا ازين …

يسرى : يوسف !! “دفعاتو لصالون ” …سير راك تتهبل محدك كتكبر …سير سير ههههه …حنا درنا الولاذ مبقا عندنا مشاكسل نزوجو بناتنا ونتهناو من همهم …دفعاتو تا دخل اما كان غايكمل فالطنز ديالو …

رجعات جلسات وبقا هو واقف كيمشي ويجي …صونا ليه تليفون وهي تهز راسها بلا متحس …محارش فيها طلق سپيكر قدامها وهي تجاوب …

ناديا : عافاك عاوني واليديا غايقتلوني اهى اهى …

ياسين : بنت الناس عاونتك نصحتك وقفت معاك فسبيل الله مسمعتيش ليا جبتيها فراسك معندي مندير ليك …

ناديا : ياسين ماتخلاش عليا عاوني الله يخلي ليك ما عز عليك …

ياسين : الي مكيديرش بوجه واليديه الي دمرو عليه وماخاصو تا خير معمرو غادي يطفرو فحياته …جوج كلمات منفوتهمش ليك نهار تفرعي ليا مخي وتعيطي حياتك نحيدها ليك …”قطع عليها ولاح تيليفون حدا نوار كان غايطيح حتى شداتو كترعد وحطاتو فوق طابلة ديال زاج اما هو دار ايديه على نصو صدرو كيطلع ويهبط ” …نقدر ندوز العجب وشي حاجة من المعاصي الله يغفر لينا ويهدينا باش نبدا نتباهى بيه هاديك هي الي ماشي من الشيم ديالي …مدامك غاتولي مني وفيا ومشاركاني حياتي صبري وغانجي نعاود ليك راسي الي من هنا القدام الي فات وجابتو الفرصة غادي تعرفيه العلاقات الي فاتو معندك بيهم غراض فاتو …هادي ماقستها حتى بصبعي بقا غانحملها حملت الي عرفتهم نيت راني حاضي صواريا ماشي من مكان ومعامن ماكان ..هادي

عاونتها فواحد الوقت لا غير شي حاجة اخرى مكايناش …والي شفتيه داك النهار مكان والو قلة الاداب الي فيها وصلتها تما الي غايخمك موقع والو عطيتها الي تستحق وماقستهاش …كنضن فهمتي المقصود وهاد الموضوع يتسد هنا…

نوار “جاوبات براسها وهي تنوض ” …

ياسين : فين غاديا ؟؟

نوار”ببرائة هزات كتافها قلبها بغا يفرفر فرحانة ومبغاتش تبين ليه ” : نمشي نتعشا …

ياسين : غا طلقيها راه باينة فيك …

نوار : ههههه شنو هي …

ياسين : تت “ضور. راسو وحك لحيتو بتعب ” …اجي لهنا عندي …

نوار : علاش ..”شاف فيها وهي تمشي لعندو “

ياسين “قرب ليها وهز ليها ذقنها ” : رخفي على راسك وعليا كلشي دقة دقة وغاتعرفي …كون فيا دغل منجيش نضحك على الي مني وفيا ومن دمي …كلشي بالعقل شي مرات وخا نكون عصبي وخاطري ديق نتي بدليني …نتي كوني ضد ديالي وصبري ليا وغانصبر ليك …تفاهمنا …

نوار : واخا …امم بغيت نسولك ف فين هذاكشي الي جبتي ليا ؟

ياسين : ديتو لعند الي تستاهلو وحطيتو …

نوار : ش شكون هي …

ياسين : الي مافيها صبر وفشوشها غايقتلني ..

نوار : ههههه انا …

ياسين : شنو بان ليك …

نوار “خدرات عينيها ” : بغيت نشوف تيليفون وداكشي لاخور …

ياسين : وداكشي لاخور الي من بعد هادشي مبغيتيهش ؟

نوار : ببرائة …شنو هو ؟

ياسين : الي بعد من الخطبة الي بالحلال والي دقة دقة حتى يسرح طرقان الالة البنات …

نوار : والله مافهمت …

ياسين : تال نهار العرس وفكريني ونشرح ليك مزيان …شنو قلنا صبر كلشي غايتعرف من بعد …

نوار : واخا …

ياسين: تسناي … “ضار ومشا لطوموبيل جبد منها الساشيات ..وتم جاي هازهم ” جلسي …جلسات وجا حداها جبد ليها منهم تيليفون عطاه ليها …وجبد ساشية لاخرا عاد بانت كانت من 🦋🐺نور_الياسين (185)sana mina🐺🦋

جبد ليها منهم ساشية ديال محل مجوهرات ذهب …جبد منها بواط وعطاها ليها …كانت كتشوف فتيليفون حمقها كان فالذهبي …كتقلب فيه حتى عطاها البواطة كان واقف يوسف كيشوف من بعيد جاي عندهم حتى …

يسرى : ونتا خليهم يهضرو اويلي …

يوسف : تي لاش وحدهم يصبر تايديرو العقد …شوفي بدا يتنادم معايا الحال …

يسرى : اويلي كيفاش …

يوسف : دابا علاش انا وافقت عليه معرفتش …وراه غلبني الملعون بهضرته …نهار الخطبة غانقوليه لا …

م.الحبيب : العميم …راك عطيتي بنتك صلاة عالنبي تخليها تبور حداك …

يوسف : تا والله تا صعيبة …

يسرى : دوز تعشا راه فؤاد والياس كيتسناو ايوسف خليهم يهضرو حسن يتفاهمو بيناتهم …عطيتي الكلمة صافي يهديك الله …

يوسف “بغا يبكي ” : وشوفي ليك نص بلاصة الي كنت نراري بيها قالت ليك بغات دير دارها مع فحم الفعايل “تيقوليه فحم الفعايل ههه ” ..

م.الحبيب : فحم الفعايل ههههههه …دوز دوز تعشا …وخليهم يهضرو

فؤاد “عيط من بعيد ” : يوسف …

يوسف : دوز تعشا كون تحشم …

دخل لداخل ومشا لصالون خلاهم كيضحكو بجوج …صعيب الحال عليه يزوج وحدة من بناتو خصوصا الصغيرة عندو معزتها فشكل …مقطرة ليه من عينيه هذا هو الاب …خلاوهم ودخلو لداخل …

نوار “حلات البواطة كان فيها سنسلة ديال ذهب فيها قلب عوج ومرصعة حلات معاها عينيها خصوصا سنسلة ملوية غليضة شوي …” : واااو …

ياسين “جبد الكارو وشعلو ضار لديك جيه حتى ساط دخان وضار شاف فيها وكيفاش عينيها لمعو ” : عجباتك …

نوار : واااعرة بزاف …كنت شفتها صبااح فاش خرجنا وفاش كنت خارجة انا ومينة واشرف والحبيب وعجباتني …شكرا بزاف …

ياسين : بصحتك …اريها ..”عطاتها ليه وشدها ” ضوري …

نوار : ااا واخا …

ضارت وعطاتو بالضهر …حط الكارو فطفاية وحل السنسلة ضورها على عنقها وسدها ليها …باسها فبلاصة سداذة حتى تبورشت …بصحتك …

نوار : ههههه يعطيك صحة …احم …نوض تعشا …

ياسين : مافياش معنديش الخاطر …

نوار “ب تردد تفكرات هضرت امها …هزات ايدها وعاودت حتى تشجعات وهي تحطها ليه فوق دراعو وفق الوشام نيشان حتى حدر عينيه ..” : اي مشكيلة كانت ضروري عندها الحل …قلتي جيتي تنسا شوية نسا عليك شوية ومن بعد يحلها الله …

ياسين “تنهد ” : ونعم بالله …”حط ايدو على ايدها ودوز عليهم …”سيري نتي تعشاي …

نوار : طلع ترتاح الى مبغيتيش تعشا …

ياسين : واحد شوي ونطلع نيت عندي مشية صباح بكري …

نوار “بسرعة ” : فين غادي …

ياسين : لفاس لمطار “دوز ليها على حنكها ” …عندي شي غراض تما نرجع وتعرفي …

جاوبات براسها وهي تنوض …لكن بسرعة جرها وهبطها لعندو حتى جلسات وعنقها وهي بالدعقة دغيا ضورات ايديها عليه حتى زاد ضغط عليها وحط راسو على كتفها …فحال داك دري العياااان …

ياسين : الى كنت غاندير الوتاد غادي نتبتهم معاك …الى بغا الله …بدلتي نضرتي المأجلة لزواج قادرة تبدلي شحاال من حاجة …”دوز على ضهرها بايديه هاد الحركة الي كيدير بايدو كتقتلها نمل كيسرح فيها ..” حسبي ليام وخلينا نعيشو الحلال بلا مشاكيل هاد ساعة …وخا …

نوار “بغات تسخف هههه ” : واخااا …

ياسين “فصل العناق وشد ليها حناكها ضغط عليهم حتى خرج فمها وبقا كيشوف فيه ويقرب ويقرب يحساب ليها غايبوسها في فمها خرجات عينيها هههه حتى قرب ليه وهو يبوسها فحنكها تا تسمعات البوسة وقال بشويييي” : ابنت الناس داكشي الي فبالك ومخرجة عينيك عليه ماشي دابا …نهار تسني عقدك وديري عرسك غانديروه… “طبعا الملعون قصدها خاسرة ” …خلي تخراج العينين حتى لوقيتو فين يبلغك البارد (زعما فاش يطلع معاك المعلم ههه) باش يسخن جوفك …

طبعا الخراجة “الهبيلة”مغاتفهمش وعارفها مغاتفهمش حتى يبلغها البارد بصح اي نهار تطبيقي الماسخ عاد يفهمها🦋🐺نور_الياسين (186)sana mina🐺🦋

كل عقدة وليها فكاك كل مشكيل. وعندو حل كل طريق فيه مطب وانعراجات حتى تعرف فين غادي ومسارك كيبان ويوضاح …فكل علاقة كيما كانت ضروري من المشاكل والعراقيل ميمكنش تمشي لحاجة بسلام والا مغانعرفوش نقطة ضعف الطرف الاخر والنقط الي كيعصبوه او يفرحوه او او …وكيف قالت يسرى الى مكانوش مشاكل مغاتقواش الصلة او الرابط ومغاتقواش شخصية ….

السادسة صباحا صونا الهاتف جوج مرات وثالثة ضار شاف فيه لقا نمرته …

ياسين”بصوت ناعس ” : مالك !!! …ماشي مشكيل وقت ما بغيتو تحركو قولها ليا …عادي روطار كيكون فطيارات معندك لاش تخمم …ماعليش “قصح صوته ” را هضرت …”قطع عليه ورجع ينعس حتى سمع صوت الحركة برا عرفو باه …ناض من فراشو وخرج طل عليه لقاه كيقاد فسورفيت باغي يخرج يدير امارش …

ياسين : لامارش لرجال ولا …

فؤاد : رجال بالافعال …

ياسين : والصلب والمعدن كيخلقو رجال وبتربية كيطلعو رجال …ونتا وزهرك فهاد الدنيا …

فؤاد : ومغرفتك واش خرجات ليك …شنو ناوي تحرك معايا …

ياسين : الى صبر علينا سيد رجال نوجدو راسنا شي عشرة دقايق …

فؤاد : انا لتحت …

بالفعل هو هبط وياسين دخل لبيت غسل وجهو مزيان نشف وخرج لبس تيشرت بلو وسروال فالبلومارين …وسبادري اكيد …وخرج هبط لعندو لقاه واقف مربع ايديه قدام الباب كيتسنى فيه غير شافو وهما يتحركو بزوج حل ليهم العساس الباب وعطاوه رجليهم لجري بوتيرة خفيفة ….

ياسين : شنو دار ايساف …

فؤاد : المفيد عطيناه ليه متنساش راه كبر مسؤول على راسو يضبر راسو …

ياسين : الوليد من لاخر بغيت معلومات على دار بن زايد …

فؤاد : شكون هادو …

ياسين : هما الي غايوصلوني لشي غراض …”شاف فيه بشوفة فهم فؤاد معناها ” …

فؤاد : دوز خطبتك غذا وبعدو يكونو عندك فيا منجيبهم ليك من هنا لساعة لكن مبغيناش نبرزطو راسنا بغينا الفرح نعيشوه بدقايقو وسوايعو ريح دماغك والي بغيتيه يكون عندك …

ياسين : يعمر دارك الوليد الله الله عليها …

تمشاو مسافة نييييت وهما كيجريو شي ساعة ونصف عاد رجعو ادراجهم مشي …دخلو لدار …طلع كل واحد فيهم يدوش يحيد العرق بدلو وهبطو لقاو الكل عند الفطور مجموعين …كيف العادة …فؤاد فطر خفيف ومشا لمكتب ديالو يوسف خذا مينة حيث مخدامشي هو وداها لخدمتها

صهيب : فطر وزيد قدامنا لحمام …

ياسين : شمن حمام ؟

الياس : حمام العروس هههههه …

صهيب : مجموعين غادين لحمام مدام مخدامينش اليوم وغذا على ود الخطبة زيد نمشيو لحمام …

اشرف : الله ياربي مشهيييه …

ياسين : لا لا غا بصحتكم …

الياس”بغا يشد فاشرف ” : تا زيد اصحبي يكسلك اشرف هههههه

اشرف “خرج عينيه ” : اويلي العميم بغيتي تقتلني …راه كثير “شاف فياسين ” هههه اتنضحك نكسلك ونعاو🦋🐺نور_الياسين (187)sana mina🐺🦋

هما كيفطرو حتى نزلات يسرى هي ونوار عاد فايقة لابسة بيجامة حد الركبة ونص كم جامعة شعرها بفيليل لور …لابسة صندالة صبع عادية جايا وتعرج حيث ماشي ميديكال صندالة …حتى جلسات …

نوار “حناكها مزنگين ” : صباح الخير …

صهيب : صباح الورد …

الياس : صباح البنات زينات …

يسرى : ههههه …

اشرف : صباح الفنون ديالي اناااا”شاف فياسين ” ديالنا …احم …

ياسين : صباح الخير …كي صبحتي …

نوار : الحمد لله …”كتلعب برجليها بتوتر ” …

يسرى : يوسف مشا ؟

نجوى : مشا دا مينة حيث الحبيب سبق عند ايساف عيط ليه …

يسرى : ويامنة …

نجوى : عند فؤاد فالمكتب …

صهيب “ناض ” : اش نقوليك نتا تعرف المهم حنا شوي ونمشيو …

سارة : نوجد ليك حوايجك دابا …

صهيب : حتى يجي يوسف تاهو بغا يتحرك معانا …

نجود : وا ولدي باقي تگد على شي حمام نتا غا جوج دقايق تسخف ليهم …

صهيب : الوليدة تي را ديك المرة كانو مسخنينو …

اشرف : ههههههههههه

الياس : اش تفكرتي اداك العزي …

صهيب : تنطق بيها عينيك نجبدهم …

الياس : اش تما ههههه …

صهيب : مكاين والو …نوض تگعد نتا قضي ليك ما تقضي …”ياسين خلاهم كيتناقشو غمز نوار زعما بالي غايخرج حتى ضارت شافت فمها لقاتها كضحك عليها …وخرج مشا لجردة يكمي حتى يلحقو عليه كاس اتاي ديالو … ناضت هي ويسرى تاهي طلعات تلبس باش تخرج تجيب امها وتقدا “…

الياس : تا عليا بليييمين تاتقول اش كاين …

اشرف : هههههههه واحد النهار مشينا انا وياه لحمام غادين نعماس وصلنا بطوموبيل قاليا جيب ليا صاك وتبعني انا غاندخل نخلص ونوصي الكسال علينا ….

صهيب : تكسلك سالمة “غوت ” نوووض تگعد …

مروان “ولد صهيب ” : هههههه بابا ودنيه ولاو حمرييييين …

صهيب “خنزر فولدو ” : نتاا حضي غا بوك يحمار ويخضار شي حاجة مديرها طلع تبع مك …”مشا دري كيجري كيضحك ” …

الياس : حاااااق ربي تتكمل ههههههه

اشرف “ناض حدا الياس وكيهضر ” / هههههههه وسير نتا مشافش مداهاش فالبلاكة ومشا دخل لحمام العيالات ملقاش الي كيخلصوه تما دخل يقلب عليه انا جالس كنجبد فالصاك وداكشي حتى كنسمع الغوات ويو وي وييييو ….ههههههههههههههههههههههههه

الياس : ههههههههههههههههه واربي الحبييييييب لا خاص يوسف يعرف …

صهيب : كون تحشم را شبنا ونتا باقي تقول هاد الكلام شمن يوسف …”هز صندالة يشير عليه …جاتو جنب الوذن شوي تجيه لكمارة …ومع ذلك كمل ” …

الياس : تا خليه يكمل ههههههه …تكون عندك روح رياضية اصحبي …”بقاو غا هما فطابلة ” …

اشرف : وخارج كيشير على راسو فحال كينش على ذبان ووجهو ولا مزنكگكككك وااعوووو وا تنشوف فيه خارج يولول معرفت اش شاف ههههههههههه حتى خرجات الكسالة دايرة زيف حياتي عزية فحالي مريركشية قالت ليه …

ويييلي الشيب والعيب يعتيكم الدل مابقينا عرفناكم منا ولا منهم …

الياس / ياكما شكات فيه من دوك خوتنا …

اشرف : وااااا يحساب ليها لوبيا 🤣🤣🤣🤣🤣🤣🤣

صهيب “طار لعندو ” : عليا بليييمين تتاكل عزاك …ساعاك اشرف نقز تنقيزة وحدة خلا الياس مشتت بضحك وطلع لفوق كينقز ربعة درجات ثلاثة هههههه ….احبتش 🦋🐺نور_الياسين (188)sana mina🐺🦋

الخطوبة هي فتعريفها ما يسمى بالوعد بالزواج …اي الكلمة الي كتعطى باش غايكون الحلال وهي فيها مرحلة كيستغلوها اكثر لتعارف الطرفين المخطوبين …وباش نعطيكم معلومة قانونية …في حالة فسخ الخطبة من احد طرفين يجب على الطرف الي علن الفسخ يرجع لطرف لاخور الهدايا الي جاب ليه والفلوس الي عطاه في حالة صرفهم يقدرهم بقيمة مالية ويرجعهم ليه …يعني حتى فالتقاليد الى فسخ الخطبة كيرجعو ليهم الكادويات الي جابو ليهم في حالة الطرف لاخور همو هدايا ديالو والى عطا الخاتم خصو يرجعو الى كان طرف مسامح ديك ساعة بيناتهم ….

صبح الصباح يوم جديد …لقات امها عند راسها كتجمع ليها فالحوايج وتسد وتقاد …حتى كمشت فيها عينيها …

نوار : ماما …

يسرى : حبيبتي نوضي دغيا باش تمشي لحمام شوي وغايدينا باك …

نوار : شكون غادي …

يسرى : انا ويامنة وسارة ونجوى وميمة نجود …

نوار : ومينة ختي …علاش مبغاش تحضر معايا حتى لعشية عاد تجي بغيتها تكون معايا …

يسرى “تنهدات ” : احبيبة مينة جاتها خدمة غير تقضيها وتبعنا وزايدون راكي عارفاها كتحسس من هادشي ساعفي معاها راكي عارفة شنو دوزات واش داز عليها والله يرضي عليها خرجات راسها وقوات راسها وهاهي كتكون فراسها …عاونيها كيف كتوقف معاك …

نوار : وميمة سوسو …

يسرى : عامت البارح غي فدار عيانة متقدرش ليوم على الحمام غذا ليوم غاتمشي معانا لدار صهيب …

نوار : تت واخا …احم نوض …

يسرى : شنو بان ليك …

نوار “بغات تسول ” : احم ف فين هو …

يسرى : اشكون هو …همممم رااجلك …خارج مكاينش نوضي دغيا …

ناضت دغيا غسلات وجهها طلات على لحمها لقاتو ليموني ديك الحنة وتخليطة الي كدير …وخرجات عندها …

نوار : ماما هذاك الغاسول جبتيه ليا ؟

يسرى : صايباتو ليك يامنة انا معرفتش ليه …

(الغاسول ديجا شرحت طريقتو هو تاخذي نص كيلو من عند العطار وديريه فبلاطو ينشف فشمش شي يومين ومن بعد تشدي كسرونة ديري فيها الما وفيها شيح خزامى ورد وقرنفل كلهم ورق ماشي مطحونين وديريهم فكسرونة الي فيها الما وديريهم يغلاو يطلقو مزيان وديري الغاسول فالبانيو وتخوي عليه داك ما الي فيه لعشوب وتبقاي تخليه تيرطاب ونتي تتمعسي غايولي فحال كريم وسرحيه فميكة وخليه ينشف فضل تيتشقق ويتفرتت راسو بقا تستعمليه لشعرك عادي كيرجع شعر فالغسيل حرير ودغيا كيتفك ويخلي ريحة فشعرك غزالة ونصيحة الي صابغة شعرها مبغاتش صباغة تحيد مديروش حيث كيهبط صباغة هو …)

المهم راه مع ماعن الحمام فطاسة صغيرة درتو ليك ودرت كريمات ديالك مهم دغيا باش نمشيو حيث غانباتو فدار صهيب تما في فاس …

نوار : واخا …

بالفعل جمعو ولبسو ومشاو لقاو شيفور كيتسنى ركبو معاه وزاد بيهم موقف حتى لحمام دخلو …

الكسالة : لا نجود عاش من شافك …

نجود : فتيحة عز من سمع صوتك ابنتي ..

فتيحة “سلمات عليها من راسها” : فين العروسة ..

يسرى “معنقة نوار” : هي هادي …

فتيحة : ماشاء الله ياربي وهادي راها بيضة شبغات شي حمام نقية من عند ربي …

يسرى : هههه ربي يخليك …

يامنة : هادي غاتولي مرت ولدي الى كتاب تهلاي فيها …فركيها ليا مزيان وخا هكاك ردي البال را لحمها رطب …

فتيحة : ويلييي على هي نتهلى فيها را بيت نديرها بين عينيا الله اودي …انا ندخل نوجد ليكم البلاصة سيرو حيدو حوايجكم …تورية جبدي دو سطولة ديال دار رمسيس …” سطولة تيكونو مخلينهم ماليهم فالحمام غير تيدخلو الي كيشدو كسالات بزاف كتجي تجبدهم وتمشي توجد ليها البلاصة وتعمر ليها سطولة ومن تسخن دخل تكسلها …دخلات وجدات

ليهم البلاصة وعمرات سطولة حتى دخلو وهي تبدا تزغرت وتصلي عالنبي ونجوى تاهي وسارة …اما نوار حناكها بغاو يطرطقو حيث هي مركز الاهتمام دابا …

فتيحة : وجدتو ليها لبسيسة …”بسيسة كتوجدها العروسة ولا دارهم مهم هاد العادة عندنا هي غا عادة وتقليد وصافي كتشد العروسة دقيق وتشرب شوية زيت وتخويه من فمها فدقيق وتدير سكار فيها وتبسبسها فايدها يعني ترملها وهي ساكتة …كتدخل لحمام وترشها فالقنات ديالو وهما يصليو عالنبي …”

نجود : دابا غا خطبة ابنتي مزال العرس محددوهش دابا غايهضرو وشوف اش ناويين …

فتيحة : الله يكمل بالخير ابنتي …

خواو عليهم الما ودارو صابون ودارت صابون مخلط الحامض وعكر فاسي فقط مشات بيها حتى سخنات فالسخون شادة فيها حيث كتعرج ولا تزلق …حتى سخنات وسرحات فوق جلدة وبدات تحك ليها …

بداو بيها وبنجود حيث مراة كبيرة سبقوهم حتى فركوها مزياان خرجات بغات تموت مع فركتها فالسخون …بقاو لاخرين كيحكو ليهم حتى كملو وخرجو لقاو نوار متكية على نجود ونعسااات وجهها حمر …

يسرى : مامي مالك …

نجود : جيبي ليها شي عصير ابنتي راها سخفت يمكن …

يامنة : اويلي …نوار حنينة نوضي …

نوار : اممم سخفت اما فففف …

يسرى : هاكي شوية الما بنتي توگضي متخلعينيش عليك …

شوي وهي دخل الي كتخلص …قالت ليهم بالي شي حد جا بطوموبيل كيسول عليهم …شدوها وخرجو كلهم مزنگات وهي متكية على كتف امها بغات تموت حتى شافها وعقد غوباشتو كان معاه اشرف …خرج بلا ميحس ومشا عندها …

ياسين : مالها ؟؟؟؟؟

يسرى : غير عيات بالحمام كانت فسخون…

ياسين : ونتي تقدري على شي سخون ديال لحمام …تت زيدي دخلي🦋🐺نور_الياسين (189)sana mina🐺🦋

مشا لعندها كيشوف فيها بخوف حيث منضرها كانت سخفانة الكسالة قتلتها ماشي كسلتها …فركتها فركت الغدايد مع الوسخ كانت كدير ديك الخلطة الوسخ مكيبقاش يحبس وكيبقى مفعولها على شحال من مرة جوج عومات من وراها والمفعول باقي …ماتهنى حتى جاب عصير شرباتو وقالت ليه بالي مافيها والو وبالي توگضات ….ركبو كاملين وزاد بيهم لفيلا حتى ارتاحو وجات مينة كتاسف حيث شداتها الخدمة وباش تخرج يومين خاصها تكمل خدمتها حتو دخلات تعوم تاهي جمعو حوايجهم وطلع بيهم يوسف لفاس لبارطما دصهيب فقط يسرى وبناتها وسارة وحتى ام يسرى معاهم …

جالسين فجردة صهيب ويوسف حتى هو الي رجع من عندهم من فاس …مجمعين على صينية اتاي كانت وقيتة العشا …وحتى مصطفى جدو كيهضرو فامور الفيرما الي وقعات مؤخرا …

يوسف : مزيان كلفتي الكوميسير صاحبك …

صهيب : فاش تاكد عطيني المعلومات باش نرفعو دعوى قضائية

ياسين”ناض هز تيليفونو كيدوز الخط وشاف فيه ” : ضروري نسالي غذا ونعطيك شي معلومات جيبهم ليا …سمح ليا …مشا بعد عليهم بعييييد حتى صونا تيليفون شحاااال عاد جاوبات ناااعسة ….

نوار : الووو …

ياسين : ناعسة !!

نوار”مشافتش سمية وهي تخرج عينيها اول مرة يتاصل بيها قلبها ضرب …” : ياسين !!!

ياسين : شكون مثلا ؟

نوار .: م ماشفتش غير وصلت وجاوبت …

ياسين : وتوصلي وتجاوبي حتى طيحي فشي نمرة وتسمعي الي ميعجبك تاني …

نوار “الصمت ” …

ياسين : باقا عيانة من صباح ؟

نوار : لا شوية مزيانة دابا …

ياسين : مزيان …تعشيتي ؟

نوار : غيي شي حاجة حفيفة غير صلاد ديال ديسير فيه دانون …مكانش فيا جوع …

ياسين : دانون حتى هو مزيان …

نوار : و ونتا تعشيتي “دارت صبعها في فمها حشمانة تسولو ” ..

ياسين : مزال شوي ونتعشا …سيري نعسي تانشوفك غذا …تهلاي ليا فراسك …

نوار : وخا احم ت تصبح على خير …

قطع معاها وخشا تيليفون فجيبو يلاه جبد باكية الكارو باش يجيد واحد حتى سمع صوت. تسسس …جا يضور لقاه واقف …بتيشرت حمر وسروال دجين خاشي ايديه فجيابو …حسن لحيتو ونقص من شعرو ….

ايساف : كيفاش اسي العريس كتهضر ليا مع بنتي بلا خباري …

ياسين “فرح حيث شافو ” : شنو بغيت بخبارك ودارهم كاينين …

ايساف : هادي هي على سلامتك جيتي وتنازلتي تحضر خطبتي …

ياسين : راه واجب عليك تحضر خطبة خوك بزز منك لاش على سلامتك …توگض على راسك وعيش نهارك وحياتك …البكا ورا الميت خسارة …زيد تحرك نجلسو معاهم ….

ايساف “مشا ياسين سبقو كيضور راسو يمين شمال ” : وشوفي ليك العكسي البارد القلب … سخن غا على نوار وحنا فقص لينا المرارة …افااكيو ….

مشا لحق عليهم وجلسو جميع حتى سلم عليهم مجبدوش ليه الهضرة سلم على خالو الكبير …حتى تحط العشا تعشاو جميع محمد الحبيب تاهو …شوي وهو يتحرك ياسين خرج بسيارته وشد طريق فاس نيشان فداك الليل …وصلات وقيتة تقريبا الفجر كياذن …حتى حلات عينيها وهي تنوض سمعات تيليفونها …

ياسين “جاوباتو ” : الحنانة نزلي انا لتحت …

يامنة : ولدي شي باس مكاين مالك “شدات على قلبها ” …

ياسين : كل خير غير نزلي مجانيش نعاس وعرفتك غاتفيقي دابا …

يامنة : و واخا ولدي …ناضت ضارت لقات فؤاد ناعس لبسات بينوارها ودارت شالها وهي تنزل بشوي حتى لصالون لقات ضو شاعل …دخلات وهي تكوانسا لقاتو واقف تگضيرة ولدها صغير بدات ترجع …زين اخر رجال فولادها …

يامنة : ياا حنيني حنيييني حنييييييينيييييي …

اسامة : الحنااانة “عينيه حمريييين مشا يزرب تلاح عليها عنقه🦋🐺نور_الياسين (190)sana mina🐺🦋

اش نقوليكم منضر يبورش اللحم منضر ذاتك كلها تشوك ولدها صغير يرجع ليها …داكشي الي عنقها والي بكات مقدراتش تصبر حتى ضور ياسين وجهو توشاتو …لدرجة هبط لرجليها يبوسهم وهي كتبكي …

اسامة : الحنانة براك هاني رجعت وخا مؤقتا مهم رجعت …

يامنة : كيفاش مؤقتا …ياسين …

ياسين : الوليدة جا يحضر ويرجع باقي ليه شي ايام ويخرج بمرة ويرجع لهيه لعندي لفيرما غايعيش معايا تما حتى يتقاد لطريقو …كنضن هضرنا فهادشي مكاين لاش …

يامنة : وااخا …مقلت والو ولدي …مهم رجع …

شوي حتى دخل فؤاد شاف فيه وهو يخنزر …ناض اسامة وهو يضرب دورة وخرج خلاه كيشوف كدر راسو …

ياسين “برك ليه على كتفو ” : خاصك الوقت وتبت راسك مكيعنيش سخط عليك ونتا خاصك تفهم مخك وتخليه يشوف فيك عاد الهضرة عاد يسمح ليك …حيث مدرتي فيها مايليق طلق ليك اللعب ندمتيه …غاتلبدها وتكمش سمعتيني ؟

اسامة : سمعتك اخويا غير تهنى …

يامنة “تنهدات ” : الله يهديكم وصافي طلع اولدي ترتاح باش صباح نمشيو …

طلعو كاملين طلع لبيتو وجداتو ليه فيساع ومشا ينعس فيه ياسين كذالك وهي دخلات توضى وصلات الفجر حتى جا فؤاد …

يوم جديد على الكل اليوم الي غايتم فيه الاتفاق على العرس والعقد والصداق نهار الي غاتكون فيه الهضرة ومحاولة جمع. زوج فالحلال …

جالسة فبيتها كتصايب ليها مينة شعرها بوكلي …ويسرى كتحط ليها فراشة فالغوز بارد سامبل غير بالسفيفة …كلهم لابسين داكشي تقريبا ذيال دار لكن فنفس الوقت مستيلي …

يسرى : هاهي وصلي ولبسيها “كانت نوار لابسة ضوني بيض وكولون بيض …” لبسيها فوقهم …بقاي هنا تنعيط ليك تخرجي …”هاهما واقيلة جاو …

نوار “بالخلعة ناضت وكلست “….

مينة : انتي جلسي لارض تبتي كنتي غاتحرقي وذنك

نوار : هاني صافي …

حلو ليهم الباب ومن عادة الاستقبال استقبلتهم سارة بالتمر معمر باللوز والگرگاع وكل تمرة يا تمرة …ونجوى بالفناجن ديال حليب فيهم زهر …وسعاد ام يسرى بفراشة بيضة وشال خضر بارد واقفة معاهم …

يسرى ويوسف : مرحبا بخويا الكبير …وعمي

دخل فؤاد هو اللول بكومبلي فالكحل وقميجة كحلة وديك الهيبة ولمن عطاها الله …وبات يامنة وتبعاتو يامنة بجلابة فالمسكي وشال فيه ذهبي بزينها الشهب وولدها الحبيب بجلابة سوسدي فالبوردو وتحتي ديالها فالمسكي ومع شهيب جا طياااح …تبعو ايلاف وراوية بجلابتها تاهي فالبلومارين …هازين فايديهم

ساشيات الكادويات وداكشي الي تقداو ووراهم اشرف ب قميجة فالبيض وسروال فصالة وصباط لماع قاليك تاهو ضارب ليا الكلاس حال صدافي القميجة فوقانيين نعماس …وريحتو تعطعط …وايساف تاهو بجلابة خزية مراكشية وبلغة فنفس اللون غير هي مغلوقة روايح تعطعط واحد ينسيك فلاخور …دخلو كلهم

من بعد شي شرب وشي كلا تمر ورحبو بيهم ونجود تاهي معاهم …حتى طلع مولاي سلطان بقميجة بيضة مزيرة عليه وكرافاط فلون سروال فصالة كحلة …مرجع شعرو لور متبتو بجيل قاد لحية مخلي مسطاج طويل شوي عاطيه جاذبية من نوع خاص الخشونة والحروشية والعينين كحلين.…هاز فايدو بوكيه ديال ورد وحداه اسامة الي تاهو بقميجة نص كم كحلة وسروال دجين وسبادري تاهو بجاذبيته هاز كرطونة ديال سكار ومعاه شيفور تاهو هاز كرطونة حطوها عند الباب وقامو تاهما معاهم بوتجب تمر والحليب ولما لا وهو لول يستقبلوه بيه هو العريس الخاطب …دخلو

كاملين لصالون وجلسو حطات سارة صينيات اتاي زوج كبار وحداهم المجامع فرشو لنجود لارض وعطاوها هي تعمر حاطين الحلاوي ديال صابلي ولوز …والفاكية …

نوار : واش ضروري ندخل “شداها رعدة ” …

مينة : وتبتي راسك راهم عمامك ماشي برانيين …

نوار : وااا منقدرررش فففففف …”حتى دق الباب ودخل ” اسااااامة هههههههه مشات كتزرب لعندو تلاحت عليه عنقاتو اسامة حتى هو مربي معاها وعشران فحال اشرف وهي …نسات الخوف والتوتر وعنقاتو ….توحشتك والله ….

اسامة : كون تشوفي انا يا مرات خويا الكبير تهههه تي موك شتك غا غبرت لقيتك بغيتي ديري دارك نزيد شوي لقاك درتي الحفايد …فقيهك صحيح ابنت عمي …

مينة : على سلامتك اخويا توحشناااك “مشا لعندها تاهي عنقها وسلم عليها ” …رجعات🦋🐺نور_الياسين (191)sana mina🐺🦋

جلسو براكة …حتى حنحن فؤاد باش ميعطلوش الوقت …وبدا يهضر …بصفته الاب ومعاه حتى مصطفى …

فؤاد : يوسف نتا عارفنا علاش جينا اليوم وخا عطيتينا الكلمة لابد منديرو بصواب البنت …

يوسف “قلبه كيضرب معمرو توقع خوه الكبير يتناسب معاه حس بذاتو كلها تبورشات …حتى عينيه غرغرو ” : ايييه عارف ونهار كبير هذا …

مصطفى : جينا طالبين ضيف الله فبنتك الصغيرة لولدي الي ربيت على ايدي حتى ولا راجل يحلفو بيه راك عارفو منشكروش ليك …”طبطب على ايد ياسين الي هزها وباسها ليه ” …

يوسف : مرحباا “حاس بالبكية ” …

فؤاد : من بعد مانسمعو موافقة بنتي نوار …

يوسف “شاف فيسرى وغمزها تمشي تعيط ليها بسرعة ناضت ومشات لعندها ” : بنتي هي بنتكم والي درتوها انا معاكم النهار الكبير هذا را هي بنتكم كلكم وربي شاهد كلشي رباها على ايدو …

صهيب : بنتنا كلنا ومنصيبوش ليها ما حسن من ياسين وانا طلبت يوسف تخطبوها فداري حيث معزتها كبيرة عندي قداش وشرف ليا تنورو داري الي هي داركم نيت …

يامنة : حتى انا مغالقاش ماحسن منها مرت ولدي نتهنى عليه من ديما متمنيا نتناسب معاكم …شوي حتى دخلات يسرى وتبعاتها مينة شادة فيها نوار مخشية فيها وتترعد راسها وتقووول واش هزاتو …حتى داتها غير مينة اما لاخرين خراو عليها بضحك ومقادروش يضحكو حابسينها بغاو يتصطاو وهي ربي الي عالم بيها ….شافها وعينيه تبلوكاو عليها مخشية ورا ختها مينة الي داخلة مبتاسمة لقات عليهم سلام …حك لحيتو ودوز عليها وعلى قرفادتو من لور كانت كيوووت بديك الفراشة وشعر مبوكلي مصايب والمكياج الي مكاينش وحناكها عطاوها بريق وفمها الي مكمشاه وعاضاه جلسات حدا يوسف وحناكها دم بغا يطير منهم …

يوسف : بنتي نوار راكي عارفة علاش جايين بغينا نسمعو موافقتك ….”سكتات مقدراتش تجاوب كمشات ليه فدراعو وايديها كيترعدو …”

مصطفى : السكوت علامة الرضى …

ياسين “حاضيها مبغاش ينزل علينيه من عليها الشي الي زاد فعدد ضربات قلبها حتى نطق ” : الى جات على خاطرك وخا موافقة بغيت نقول شي هضرة ومن طبيعة الحال الى وافقات عليها …

يوسف : مرحبا ولدي …

ياسين : كيف عارف انا خدمتي لهيه وشغلي كلو لهيه حياتي لهيها تقريبا يعني عارف فين غاتعيش …هادشي كامل عارفاه وموافقة ياك ..نوار !!

نوار : جاوبات براسها ب اه ومبغاتش تهزو ههن

ياسين : انا عارفها عندها العام جاي قرايا هنا تكملها مغانحبسها على تاحاجة فيما يخص القرايا …بغيت ندير العقد سيمانة جايا باش لا بغيتها تجي عندي وتكون محسوبة عليا “هز ايدو ” طبعا غير عقد صافي عشا بيناتنا ونديروه فالفيلا لهيه …والعرس حتى لصيف جاي تكون كملات قرايتها …وعادتها كلها غاديرها الي خصها لنهار العقد نوفرو ليها الخاتم تختارو على ذوقها هي عادتها وصوابها غانيدرو ليها وبزيادة …شنو قلتي ؟

فؤاد : البنت خاصها توافق هي مولات راي وشوار …

يوسف : انا معاكم فاي حاجة “شاف فيها ” اش قلتي بنتي …

الياس : حل مزيان هذا ديري العقد وتال صيف وسيري لدارك بعادتك …

يسرى : شنو قلتي ابنتي …

نوار “بقات ساكتة ساكتة فلاخر قالت ااه بشوي ” …

صهيب : نجيبو ميكروفون ههههه ..

يوسف : على بركة الله

ياسين : من غذا نجمعو الوراق تهنى من جيهتهم …

يوسف : وعليه …”غير نطقو وهي تزغرت سارة من الكوزينة ونجوى حتى هي حتى غمضات نوار عينيها قلبها كيزدح خصوصا مقابل معاها …حطو ليهم اتاي …باركات ليهم نجود وهو ينوض تحنى لعندها باس ليها راسها …

نجود : الله يتاويكم بالخير اولدي ويسهل عليك …ماجايكم غالخير اولدي كون هاني …خاص غا صبر وصبر لكاع المشاكيل الى كانو صبرو ليهم كل توخيرة فيها خيرك اولدي وكل عقبك وراها فرج …

ياسين : داكشي الي كاين اميمتي …مزال كيهضر معاها حتى تم جاي مروان ولد صهيب لعند باه يقوليه تكلم لماما حتى دفع البراد فيه اتاي طااايب تخوا لياسين على فخدو حتى ناض على وقفتو شواااه مع اتاي وهي تغوت يامنة …

فاش كيكون طايب وحلو كيلصق على لحم كيدير حرقة اصعب من انك تحمليها …حتى وقفات نوار وغوتات …

نوار : ياسيييين …

ياسين “غمض عينيه بالم زير على 🦋🐺نور_الياسين (192)sana mina🐺🦋

الزهر المبارك ومسعود هو هذا الي وقع لا لنوار ولا لياسين تاهو …ومن اصعبها حرقة خصوصا الى كان سكار …الالم اشد ولما لا والحرق يعتبر اول الم يليه الم الولادة …ناضو كلهم وقفو يامنة مشات تجري لعندو وعينيها خارجين نوار ماعرفت باش تبلات ….

يامنة”دارت ايدها على قلبها ” : ولدي …

نوار : ياسيييين

يوسف : ارسول الله…ارسول الله …

ياسين : شش مكاين باس …

يامنة : دغيا حيد سروال لا يلصق عليك …سارة جيبي قرعة ما بارد …

صهيب : اجي لدوش خوي عليك الما قبل متكبر …

نجود : ياربي سلامة دغيا سير اولدي حيدو لا يلصق عليك مينة طيري جيبي سينيال ديريها ليه حتى يمشي لسبيطار …دغيا ولدي ماتعطلش…

فؤاد : يلاه دابا نيت…

ياسين : غير تهدنو ماوقع باس “حرقاتو نيت ومكمدها مسكين ” …تهدنو …انا نحيد هاد سروال بعدا …”كيعض فشفايفو …هز سروال من جيهة الحرقة لا تلصق ليه ومشا كيزرب لدوش صهيب لحق عليه دخل حيد سروال وعطاه شورط حتى دقات عليه يامنة دخلات عطاتو قرعة ما بارد خواه على لحرقة باش تبرد …نوار “غير كتشوف فيه كيفاش ملامحو تبدلات وتزير ومبغاش يبين قدامهم …مرة مرة كيعض شفايفو ويكمش عينيه …حتى شد شورط من عند صهيب وحيد لكرافاط الي دعقاتو وحل صدافي القميجة …بالحريق تقهر ولا غير يحيد حتى جابت ليه يامنة سينيال ووجهها مزير تاهي لان الحرقة لا يستهان بيها ..وعطاتو سينيال دارو عليها كلو …

يامنة : خليه اولدي متحيدوش …

جا ايساف هاز كونطاكت فايدو …

ايساف : يلاه دغيا قبل متولي فدرجة الواعرة …

داكشي الي كان مشا مع ايساف ومحمد الحبيب هبطو وحتى اسامة معاهم ركب كيجري….خلاوهم وراهم يامنة كانت غاتمشي غير فؤاد حبسها ومخلاهاش تمشي…

دخلات يامنة كتولول …

يامنة : ياربي ياربي على ولدي …

يوسف : دات الباس دات الباس …

يامنة : حرقة خايبة راني شتووو مكمدها وساكت مهدن انا الي كنعرفو لا ضراتو الحاجة والى مرض مكايبينش …اهى اهى ..

فؤاد “خنزر فيها ” : يامنة !!! هادي خطبتو واقيلة اذن الولد راجل لاش البكا ؟

يامنة : حرقة خايبة شفتها كي ولات ليه …

الياس : وراه الكلينيك غا فدورة مزيان مشاو معاه خوتو دغيا ينقيوها ليه وهاهو هاني …

فعلا الحرقة صعيبة وخصوصا اتاي طايب كمدها وكمد الالم مبغاش يبين قدامهم وتصرف انه ماشي شي حاجة خصوصا شاف خوفهم عليه وهلعهم اكثرية يامنة ونوار الي وقفو بزوجات بلا ميحسو …مروان بالخلعة تخبا فالبيت حتى جابو صهيب وطمنو خاف لا يضربوه …بقاو جالسين كلهم ومارادينش لبال ليها مشات لبيت ودخلات تبكي …وتمشي وتجي شادا تيليفونها فايدها …

فؤاد : نوار فين هي ؟

حتى ناض يوسف على وقفتو وسول عليها مينة عاد عرفو بالي فالبيت دق عليها ودخل لقاها كتمشي وتجي وتبكي …

يوسف : نوار …شش متخافيش ابنتي موقع باس موقع باس …

نوار “تمرات فحضنو ” : اهى اهى شوف اش وقع نهار خطبتي ابابا اهى …انا ومينة معندناش زهر معندنااااش اهى …

يوسف : شش اعوذ بالله من شيطان رجيم اااش هاد الهضرة …هادشي مكتبو الله ربي الي عالم اش كاين ماعرفتي لگات علينا ماكفس ماعرفتي كتبها عليه حيث عمرو طويل …هاهو دابا يرجع ونحطو العشا مشا غير ينقيوها ليه لا تولي فدرجة واعرة ويضرب شوكة ويجي نحطو العشا …

نوار : اهى اهى “كمشات ليه فصدرو وخشات راسها ” …حرقة خايبة هاديك راه اتاي ابابا طايب الي تخوا عليه انا شفتو كيفاش ولا وجهو وتبدل ليه غييير ساكت …

يوسف : ايهاي هاي هاي غاتخطبتي وليتي عارفاه …نوضي الله يمسخك غسلي وجهك

يسرى”دخلات ” : نوار بنتي اجي خرجي راه كيسولو عليك مسحي دموعك موقع والو بنتي راني شفت الحرقة الى زرب عليها ميكون غير الخير غا ميتعطلش باش متحفرش ليه اللحم وراهم يكونو وصلو حيث كلينيك غير فدورة …مسحي دموعك احنينة هادشي كيوقع مكاتيب ابنتي …الحمد لله موقع ما كثر …

مسحات دموعها ومشات غسلات وجهها عاد دخلات عندهم صالون عيط ليها فؤاد جلسات حداه وعنقها جنبو كيطبطب عليها وتيليفون فايدو كيعيط لايساف يسولو عليه …

(نصيحة الي تحرق اول اسعاف اولي ديروه هو خويو الما بزااااف وديرو سينيال او خميرة معجونة رطبوها وديروها فوق الحرقة او زيت رومية والملحة هادو كيحبسو الحرقة من بعد كاينة عشبة سميتها “طيرنت “عند العطار دايرة فحال طباشير ليموني غبرة دردريها على الحرقة راها دقة ببطلة حسن من بيافين كتطلق الما هادي كتكمش 🦋🐺نور_الياسين (193)sana mina🐺🦋

كيف ركبو طارو بيه لاقرب كلينيك لدار صهيب كي ىصلو ليه دخل المستعجلات من قبل عيطات يسرى لصاحبتها الي لقاتهم ودخلو لقاو طبيب ومعاه زوج فرمليات …واصلا المصحة دغيا كيقديو مع الواحد ما دام غاتعطي الفلوس هههه …

الطبيب : امتا تحرقتي …

ياسين “كيقاد فالقميجة حيث مسكين لبس شورط وقميجة خلاها حدو حيد كرافاط ..جاوبو وحجبانو معقودين مرة مرة كيكمش عينيه …نطق بصوت باح ” : مكاملاش نص ساعة …

طبيب “عيط الفرملية جابت ليه شوكة وماجاورها

قلب ليه الحرقة لقاها نيييت قداش في فخدو وضايرة عليه جاب فاصمة طايبة كيقولو ليها ونقاها ليه كيحيد ليه كاع داك جلد الي تحرق بسكار لصق فيه وسينيال الي دار ليها الي شرب العافية ونشف …عض على سنانو مع فاش تيكونو كينقيوها ليك راه سخفة كتسخفيها ومخاصش يديرو البنج باش الجلد المحروق مايتهيجش …رشها ليه ودار ليه فاصمة عليها …

طبيب : غادي ضرب ليك شوكة ونوصيك كل ساعتين دير ليها هاد البوماد الي غانعطيك وهاد دوا …مزيان جيتي بسرعة حيث كانت غاتحول لاصعب درجة فالحروق هادشي علاش ديما يتنقل الواحد على وجه السرعة بالشفاء …

خلاه مع الفرملية الي طلبات منو يعري كرشو باش ضرب ليه شوكة ديال تيتانوس (الكزاز ) حيث فاش كايمر على اخر لقاح لهاد التيتانوس اكثر من خمس سنين وتحرقتي ضروري يضربو ليك شوكة فكرشك …حل ليها صدايف القميجة كلها وعراها جيهة كرشو بان ليها مسكينة داك صدر وزغب جيهة الكرش ومع عندو ليزابدو باينين شوي حيث كرشو شوي منفوخة وقاصحة مع دوك تريپ ورياضة وتسلق الجبال الي كيدير وسبور ولاصال فاش كان كيتريبي لكن

فالاونة الاخيرة اهمل شوي رياضة …ومسكينة مرگات دايرة زيف …حشمت …وحتى هو لاحض بالي توترات وحشمت حدرات عينيها وهو يغطي جيهة لاخرا خلا ليها غي بلاصة فين غاتضرب شوكة …ضرباتها ليه وعطاه طبيب لوغدونونص وخرج لعندهم لقاهم كيتسناو فيه …

ياسين “كيعقد صداقي القميجة ” : يلاه تحركو …

م.الحبيب : امضرا خويا شوية ؟

ياسين : لا مزيان مزيان …

اسامة”بخوف ” : كتعطيك صداع اخويا ..

ياسين : لا شوي ماشي شي صداع مكاين لاش تخلعو امر الله هذا …يلاه تحركو شكون عندو تيليفون نهضر معاهم …

ايساف : انا نهضر معاهم غير دخل نتا طوموبيل نتحركو عندهم ..عطاك شي اغدونونص ندوز دابا نشريو دوا …

ياسين “عطاه الورقة ” : هاك هاهو …

ايساف : يلاه تحرك نتا وياهم انا دابا ناخذو ونتحركو …

تحركو هما لطوموبيل جلس هو القدام قاد ليه محمد الحبيب الكرسي حتى رجع بلور عاد تسرح عليه يلاه سرح رجلو مع طويل …ماهي الا خمسة دقايق حتى جا ايساف وجاب ليه ساشيك دوا فيه مشروحة طريقك كيفاش يتسعملو مع تشديد باش ميخليش الحرقة مزموطة ديما ينفسها باش متخمجش ليه …

كانو جالسين كاملين فصالون يامنة مرة مرة طل عليهم ونوار حدا راوية الي عنقتها وايلاف حدا فؤاد كيهضر معاه ومصطفى حتى هو الي كيدعي ليه …حتى سمعو صوت الصونيت ديال الباب ناضت يامنك ونوار تگعدات كطل مشات مينة ويوسف حلو عليهم الباب لقاوه هو لول واقف …

يوسف “شافو داير فاصمة على فخدو وقميجة ساد غير نص فيها وباين فيه العيا حيث الحريق الي صبر ليه وكمدو اثر عليه وعاد عليه بالتعب …” : ياسين دخل اولدي …امضرا شوية ..

ياسين “طبطب ليه على كتفو ” : مكتاب ربي هو هذا …شوية شوية متشغلش بالك …”دخل وتبعوه دراري لقا يامنة عند باب صالون كتسنى فيه مشا باس راسها وايدها …” الحنانة هاني واقف على رجلي مواقع والو …

يامنة : الله ياولدي على ما واقع والو حرقة ماهي كي الحرقات العاديين غا فران الى حرقني شوي كدير ليا لويل عساك نتا هادي …شوية ولدي ..

ياسين : مزياان راني داير دوا مهدن عليا “مشا لقا فؤاد تاهو طبطب عليه ” …

فؤاد : شوية ولدي …

ياسين : المصايب راضيين بيها دات علينا الباس الوليد ياك هادشي الي علمتيني …

فؤاد : الله يرضي عليك …

ايلاف : سلامتك ابني ارتاح رتاح …

راوية : على سلامتك اولدي …

نجود : دات الباس ربي حفضك ربي حفضك …

مصطفى : من الخير بغاها الله …

صهيب : راه جن الي ولدت اخر مصرانتي لا بغيتي خشيه فثلاجة …

يوسف : هههههه الله يمسخك نتا …

صهيب : على سلامتك وكان وسمح لينا ولدي ..

سارة : معمرو تشيطن حتى ليوم غا مسحها فوجهي …

ياسين “غوبش فيهم ” : شنو نحاسبو ولد صغير معارف والو نتعاندو مع المكتاب بمسبة ولد صغير يهديك الله صهيب لما كان هو غايكون واحد اخور… اخر مرة نسمع منك هادشي”هز ايديه رافع حاجبو “غانتقلق منكم ..

يامنة : صهيب دري معارف والو باقي صغير وحتى لكبير مغايقصدهاش غير مكتاب وصافي سارة متديري ليه والو دري الى متشطن ماهو دري …

ياسين “هز عينيه كيقلب عليها ملقاهاش ضار جنابو مكايناش …نوار “بتردد حشمانة وجاياها البكية بقا فيها وبقا فيها راسها نهار خطبتها واش وقع …جات من ورا مينة ” : ياسين …ش شوية ؟

ياسين : مال عينيك ؟ كتبكي ؟؟؟

يوسف : ههههه راك عارفها عادي اولدي …

ياسين “بلا ميتسوق لبش🦋🐺نور_الياسين (194)sana mina🐺🦋

قالها قدامهم محارش فيهم خلا ايساف والحبيب حابسين ضحكة واشرف هرب لدوش يشبع ضحك ماكاين ما ولكن الى جاتو ضحكة خاصو يضحك ممنوع يحبسها ولا يتشتت ليهم تما ولا يطلقها فسروالو ههههه …طلعتها سخونية كون صابت تهرب ولا تخشا تحت طابلة …

نوار : هااا …

نجود : وبركي حدا راجلك ابنتي صافي راه عطاو الكلمة …جمعو دابا الحمد لله على سلامتك مبغيناش الغبين والبكا اولدي …يوسف تيسرو الله يجعل كلشي مبارك ومسعود …

مصطفى : خير ما قلتي الي مكتبو الله وقع الحمد لله عالسلامة ولدي …

الياس : ياكما بغيتي تبدل حوايجك اولدي …

ياسين : ماكرهتش …

صهيب : عندي فوقية وليني راك دير مني جوج ونص معرفت كيغاتجيك

محمد الحبيب “قرب لايساف ” : ههههه غاتجيه شوميز دونوي …

ايساف “عض فمو عينيه خرجو بغا يطرطق بضحك ” : وا ولد الزوادة سكت ينعل الهاريبة الي ولداتك واماااااي تخيلتو تخيلتوووو …بليميين وتشتت بضحك تنجمعك معايا

م.الحبيب “رفع صوته تا ضارو شافو فيه ” اصافي ايساف لاش كضحك على فقية صهيب

ايساف”شوطو بصدمة ” : ناري لاعنداك اخالي

صهيب : راني عارفكم ادوك الحلاقم ملي كتبغيو طنزو …

الياس : كي شتي نتا دوزتي زينة فشبابك …خليهم يضحكو …

ياسين : شنو كاين ؟؟

ايساف”دار ايديه على صدرو ” : حق ربي مكاين والو خويا حمد لله على سلامتك …

م.الحبيب : ههههه نجيب ليك فوقية “شاف فساعة مزال مدواش العشا ” …مزالين حالين دغيا بزربة ناخذ ليك وحدة …

يامنة : ايه حسن مع الحرقة باش ميعگرهاش خاصاه فوقية …

ايساف : يلاه نتحركو انا وياك بزربة نجيبوها ليه …مشا ايساف والحبيب خرجو بسرعة باش ياخذو ليه شنو يحتاج …ناضت سارة ويسرى ونجوى لكوزينة من بعد ما سلمو عليه وهي تجي ام يسرى سعاد …

سعاد : ولدي على سلامتك ياك شوية ولدي ؟

ياسين : الخالة …الحمد لله شوية مكتاب الله هو هذا …

سعاد ؛ من الخير اولدي …دابا نساو ربي لطف غير داويها مزيان ومتهاونش عليها وتهملها ودغيا تجمع ليك …يجيو دراري ونحطو العشا …الله يكمل عليكم بالخير ابنيتي ويسر ليك امرك مبارك ومسعود عليكم …

ياسين : الله يبارك فيك لهلا يخطيك …

فؤاد : لهلا يخطيك الحاجة …

نوار : الله يبارك فيك ميمة …

لحقات عليهم لكوزينة حيث هي الي كانت مقابلة طياب محاش خوها الي مربي يسرى (يعني خال يسرى ) …بارك ليهم فتيليفون وواعدهم يجي فالعقد ديالهم وحتى لعرس ضروري …واحد شوي حتى جاو دراري جابو ليه الفوقية …ناض لبيت صهيب ودخل بدل عليه ولبسها عاد رتاح حيث كان معنفج شورط وقميجة جات فشكل ….

الفوقية بيضة جاتو عبار مع دوك الكتاف مشط شعرو قادو وقاد حالتو ومشا شرب دوا الي عطاه ودخل عليهم لصالون لقاهم بداو يحطو العشا مفرقين رجال بوحدهم وعيالات بوحدهم حيث صالون كبير دخل وجلس حدا باه ومن جيهة لاخرا ايلاف …حطو ليهم طيافر وسط منهم طبسيل طاوس فيه دجاج معمر ومحمر ومزوق بكيردون بريستيج فيه كاشير وكورنيشو وبيض سمان مزوقين بيه كل طبسيل فيه ثلاثة دجاجات كبار معمرين ومحمرين …ووسط منهم عش ب شعرية لكنافة فيها الهريسة وزيتون عاد دغميرة عامرة كبادي و عناق …والعمارة فيها شعرية صينية وكفتة لاداند …وخبز وموناضة …هادي الحطة لولة وثانية فيها لحم على شكل طنجية. عاد محنشة معمرك باللوز

يامنة : يسرى عذبتو راسكم راحنا زعما عايشين فدار وحدة ديال بعضياتنا …

يسرى”ضحكات ” : ديال بعضياتنا ومقامكم عالي نكبرو بيكم كيف مكبرين بينا علاش حنا عائلة …

يامنة : لهلا يخطيك غا ملي غانتناسبو هادشي الي بغينا …

سعاد : نسوبيتكم زينة الله يتاويكم بالخير ويجيبنا فصواب تا ياسين راه تمناه اي بنت الله يرضي عليه …كملو العشا وحطو ليهم ديسير والعصير …عاد تجمعو رجال بيناتهم …

فؤاد”شاف فياسين الي غمزو باش يهضر ” : ملي نوا نوا نهضرو فصداق بنتنا ايوسف …

يوسف : بنتي راها بنتك صداقها كيف قلتي ليا زمااان ميتقدر صداق بناتنا بحتى ثمن حنا مكنبعوش البقر …صداق بناتنا غير شكلي عند العدول ولازم يتحط اما صداق بنتي هو الي يدرها فعينيه كيف دايرها انا فعيني …

فؤاد : نوار بنتي والي نبغيه لبنتي راه ليها هي مدامها غاتولي مرت من غير صداقها راني ضامن ليك راحتها مع ولدي والى قاس منها شعرة انا لول فوجهو هاني قلته🦋🐺نور_الياسين (195)sana mina🐺🦋

شاف فيه يوسف وشاف ف ياسين الي كيسمع لباه وحادر راسو …حدر راسو وعاود هزو شاف فيه وابتاسم ليه …عينيه فيهم بريييق حاس براسو فحال بغا يعطي نص كبدتو ومعاها روحو مساخياش عليه بنتو …

يوسف : نحمد الله وخا متفاجئ شوية فاش خطبها مضنيتش غاتعاود نفس القضية تاني زواج ولاد العم هههه ولكن اخويا نكذب عليك …حمدت الله وشكرته الي ربي كتب ليا نسوبيتكم وخصوصا نتناسب معاك را رضاة الواليدين وقفات معايا …”ناض لعند فؤاد باس ليه راسو وعنقو طبطب عليه فؤاد ” …ياسين

عارفو صعيب وعصبي بزاف ولكن رجولة وحنين ملقاش ماحسن منو …الله يسر ليكم اولدي انا غا تهلى فيها هادشي الي بغيت وبنتي راها بعقلها عشرين عام وكتقرا والاهم ممنعتيهاش من قرايتها هادشي الي بغيت …وقد ما جلست غاتزوج تزوج اللهم يسر …

ياسين : فعينيا ا يوسف فعينيا بلا منطول ولا نكتر الهضرة الله يجيبنا فصواب راك عارفني قد دراعي قد كلمتي ….

صهيب : الوراق ديال العقد ياك سيمانة جايا ؟

ياسين : الى كتاب جمعة ان شاء الله …يعني سيمانة هكاك …غادي نضرب تال بلاذ عندي ونرجع خاصني ديك ساعة فاش ندير لعقد بغيت نديها معايا هي والوليد والوليدة كاينة حفلة تقاعد المدير الي غانجي بلاصتو وترحيب ليا …

صهيب : صافي يومين الى كترت ولا ثلاثة يكونو الوراق واجدين والعدول انا نجيبو ليكم …

الياس : الله يجعل كلشي مبارك ومسعود…والعرس حسن نيت تكمل قرايتها ديك ساعة وديرو …

ياسين : غاتبقى معاكم حتى نديرو العرس ومرة مرة تجي عندي لبلاد …

هادشي كامل كيهضرو فيه والعيالات شي فالكوزينة كيجمع وينقي وشي فالبيت لاخور ومينة كتسمع فيهم …

مينة : هههه جمعة جايا ويييينو ختي لفرخة غاتولي مرات راااجل يا لالة …

نوار “بابتسامة ” : هههه …

اشرف “جالس حداهم ” : غاتروحي عند ا بب …

نوار “جمعت ضحكة ” : ك كيفاش نروح …

اشرف : ههههههه غاتمشي تباتي معاه “دار صبعو وسط دوارة مكونها من صباعو …” يقدر ديرو زق لق هههههه

مينة : والله يمسخك الله يمسخك نوض خرج الكلب قليل الحيا …”خرج كيضحك عليها هههه ومشا لصالون عندهم ” …

نوار”فمها ولا بيض ” : كيفاش اش قصد واش زعما دخلة …

مينة : منضنش انوار دابا ماما قالت ليك حتى تبغي ديري العرس وهو ميبغيش يخسر ليك باغيك ديري عادتك الى درتوها من دابا من هنا لعرس راه غاتخلطوه سبوع واقيلة …

نوار”دارت راسها بين ايديها ” : واش داااني اويلي على دخلة لااا منقدرش عقلتي على كوثر كنهضر معاها قالت ليا مورا فاش راحت سيمانة وهي مقادراش تخليه يقيصها حيث ضرها بزاف …

مينة : ويقدر هو همجي الناس كتختالف وزايدون دابا غاديري بناقص ولا تزوجي بيه يحطك فالفيترينا ؟ ملي كنتي صغيرة ونتي تحلمي بيه داير معاك الولاد كاع منين غاتجيبيهم ؟ غايرسلهم ليك فروشارج ؟ تشربيهم فكاس ؟ نوضي الله يمسخك …اشرفي الى

درتو العقد معندك لاين الى مبغيتيش فرتكيها من دابا وخلي الي تجي تديه …

نوار “وقفات مغوبشة ” : الخراااا الي تديه انااا الي كاينة …قاليك تديه …

فالصالون ….ناض وقف واحد الحركة دار تعگر وهو يكمش عينيه …حتى شافتو يامنة جالسة هي ونجود ونجوى وراوية …

يامنة : مالك اولدي …

ياسين : مماليش الحنانة عادي عادي …”شاف فيوسف ” ماشي مشكيل نهضر مع نوار وحدنا …

يوسف “شاف فيه شحال ” : هههه احم ايه واخا ..

ياسين “غمض عينيه وحلهم وتمشا بشوي هز ساشية دوا معاه ومشا دق عليهم فالبيت حلات ليه مينة غمزها وهي تضحك ليه وخرجات خلاتو دخل لعندها…شافتو وهي توقف ” : شش جلسي جلسي …”كمش عينيه حيث مفعول دوا بدا يحيد وبدات تعطيه صداع مجهد “

نوار : واش كضرك ؟ اجي جلس نتا …

ياسين : شوية ماشي بزاف …”مشا جلس فوق ناموسية” …اجي جلسي حدايا بغيت نهضر معاك …

نوار : ااا ..و واخا …”جلسات حداه ” …

ياسين : علاش عينيك بكيتيهم قبيلة ؟

نوار “هزات كتافها ” : غييير هكاك …

ياسين : متاكدة …”هبط راسو باسها بين عنقها وحنكها ” …علاش مابقيتش فيك ؟

نوار”ابتاسمت ” :🦋🐺نور_الياسين (196)sana mina🐺🦋

في احدى النوادي الليلية بفاس …Dragon على صوت زدحة ممزوجة ريميكس باغنية ليدي غاغا poker face …cant read my cnat read my no he cant read my poker face …she’s got me like nobody…

كطو ليه كاس ويسكي ومعاه قرعة كلها وحداها سطيلة فيها ثلج مكعبات بملقاط ديالهم …حطو ليه فيه ثلج …ومشا …هز الكاس وهز شوية اكاجو لاح حبة في فمو …وهز الكاس سكل عليه خرج لسانو لحس شفايفو بطريقة تذوووب …خلات شي بنات فامهم محلولين وشكرن داها فيك ازوميطة نهار العيد …عينيه فالباب وفتيليفون كيشوف فالفيديو الي رسلو ليه المراكشي ….حتى صونا ليه …

عيسى “مخنزر ” : كري فرعتيه نتا …شنو بغيتي …

المراكشي : بغيناك تجي تسوف سلعة وتقيمها راسك ا سي عيسى …

عيسى : صباح وجدو ليا ديپو مع العشرة نكون تما …هاني قلتها ماتعاودش تعيط ممساليس لعدو ربكم فهاد الليلة …

المراكشي : وخا مرحبا …مخلاهش يكمل وقطع عليه لاح تيليفون حداه شرب كاسو وهو يبان ليه داخل مع واحد دري صاحبو صغر فيه عينيه شحااال كيشوف فيه ويتاكد وهو يبتاسم بجنب …

اركان : وتا اش نقوليك راه مشفتوش ربعيام هادي عندو الخطبة ليوم قاليا نجي ولكن مساليتش تندير ونمشي عندو لازرو نبارك ليه …

عصام : يستاهل الله يكمل عليه مينساناش فالعرس …

اركان : لا ما ديالوش هادي الله اودي وتا الكوميسير حاضر …

عصام : ايهاااي توحشتو نيت عشيري …وعليه …

عيسى “جلس حداه فالكرسي ونغزو فكتفو ” : اركان ولا هشام هههه

اركان “رفع حاجبو بتخنزيرك عرفو من صوته ضار لعندو ” : عيسى !!!

عيسى : نسيتو عشيركم ديال الثانوية قريناها كلها قسم واحد دغيا نسيتوني …

اركان : هههه ومنسيناكش غا نتا الي خرجتي لشواري وبعدتي شديتي طريق الخنز …ما زال مناويش توب …

عيسى : تت معندي علاش نتوب راني خدام كي ناس …بات ياسين تاب ؟

اركان : شريف …داك سيد بعييييد عليك شتي تهز راسك تا يعواج ومتوصلوش راك كتلعب فتخلويض فوت عليك سي فؤاد …

عيسى : واش من نيتك ؟ مالي قليل الاصل تنقارن راسي مع سيد كبر مني …

اركان : فاش عينك ؟

عيسى : اركان ؟ “خنزر فيه ” شنو واقع …

اركان : خرجتي ليه على خوه ا عيسى …ماعرفتش اشنو خلاك دير هادشي ونجيك من لاخر راك تسببتي ليه ف ادمان خوه وبربي وتبان ليه تايطحنك …

عيسى : ايييييهووو …شنو كيحساب ليك انا وليك يطحني ؟ غا جي وضرب ولا طحن ياك لباس ؟؟؟ شكون قاليك انا درت شي حاجة خوه معمري ما شفتو حتى كيداير بقا غير نوصلو .؟ كتقلب على خلا عشتك غانسى العشرة والصحبة والقرايا الي جمعتنا ….

اركان : راك نيسيتيها ا عيسى ملي وليتي ترسلي كلابك لعندي لدار …بغيتي تشوفو سير عندو الى ساخين عليك عضامك سير …اسيدي فوت عليك ياسين راه عاطي وقرو …وفوت عليك خوتو راك غاتجيبها فراسك …

عيسى “عصبو حتى هز قرعة من تما وشير بيها حتى تشتتات جا زاجها مشتت حدا دوك البنات ونقزو كيجريو ” : فاااااك …واش باغي تلصق فيا تهمة بزز …اركان غانسا راك عشيري فواحد الوقت …”تمو جايني رجال الي مقابلين نايت وهو يحبسهم بايدو وقاليهم يمشيو “…الي

بيني وبينو بيني وبينو ماشي عيسى المنصوري الي يدير فعايل العيالات ويتخبى …كون انا غانقولها ليك فوجهك وفوجهو معندي من من نخاف …ومعندي علاش نخاف مخاسر والو فحياتي انا …ديك الهضرة ديال تهديد زيدها فكرك …”قاد تيشرت ديالو وخنزر فيه واحد تخنزيرك بنضرة حادة كتخلع …داز

من حدا وحدة شافت فيه وهي تبعو فين ماشي حيث من لول معيطين ليها على ودو باش تمشي 🦋🐺نور_الياسين (197)sana mina🐺🦋

معيطين ليها على ودو طبعا بالفلوس يجيب وحدة تقضي ليه غراضو او بمعنى اخور فين يخوي كبتو …عاهرة تبعاتو وركبات حداه …لابسة كسوة بيضة حد ركبة لاصقة عليها طايتها ما بيهاش الي ميزها انها صابغة شعرها ب السلفر او اشقر رمادي. بيضاء البشرة ووجهها دايرة ليه ميكاب قريب لسموكي بعدسات رمادية …وشفاه ممتئلة بالفلتر …وشمة ليها تحت عنقها فالعضمة على شكل طوير صغيرة …وبيرسينغ فمنخرها …مدات شفايفها بابتسامة ولما لا وهي حداها واحد غني شاب مبوگص بجهد وكاريزما والشر كيطير من عينيه …دارت

سانتيغ وحطات صاكها فوق حجرها حتى تهز وتلاح بفعل حركة الكسيراتور الي ضغط عليه حتى تهزات طوموبيل وطلق سينيال طار بيها لفيلا ديالو …

عيسى “معصب من هضرة اركان …ونطق بلا ميشوف فيها ” : نفيق صباح مالقاكش حدايا “هز صبعو بتهديد ” سمعتي ؟

هي “كتلعب بشعرها عضات شفايفها ” : معاك معاك حتى تنعس ونمشي بب …

عيسى “حتا ليها على خصلة من شعرها وجرها منو ” : ااخر مرة نسمع كلمة بب من فمك الخنز ..

هي : اااي صافي سمح ليا كون هاني …

دفعها بجهد تا تضرب راسها مع زاج …فاش تيكون صاعر مكيحملش تالهضرة يهضرها عساك يتقابح معاه شي حد ولا يتمايع فالهضرة

شدها نيشان حتى وصل لفيلا وركن السيارة خرج وتبعاتو من لور …

عيسى “شاف فيها” : تحركي من داك لباب “شير ليها ” دخلي منو وطلعي لفوق …”شير لخدامة طلع معاها ” …تبعيها …خلاها مشات وهو دخل … دخل لداخل وهو غادي الفيلا عند دخلة كطلعي فدروج عاد توصلي لباب الرئيسي كان محلول وضو شاعل عند دخلة جوج صالونات مقابلين مع بعضياتهم بزوج بفراش بلدي كل طلامط فلون والوسط كاينة سقاية صغيرة فيها الما بالفسيفساء والرخام من جناب …هي فيلا صغيرة حدها قدها ماشي نوع الكبير يعني ل عائلة صغيرة …حتى وقف .. شاف ختو غزلان بنت عندها ربعة وعشرين عام …سميرة شوي مكتشبهش ليه بزاف كتشبه لمها وهي ختو غير شقيقة يعني من باه …

عيسى : مانعستيش نتي ؟

غزلان : تت محانيش دويت مع با ومي تايسلمو عليك …”شافت فيه كان مغوبش عينيه حمرين وزرقة البؤبؤ ولات مشعشعة ” …مالك ..

عيسى : ماماليش …

غزلان : ياكما تقلت عليك ولا …

عيسى “خنزر فيها ” : اش هاد الهضرة ؟؟؟ غزلان متزيديش عليا …هاد الهضرة ناقصة معندي مندير بيها …

غزلان : هههت غا بيت نشد فيك …بنتي ليا معصب وبيتي تكمل بيا …

عيسى : طلعي نعسي الوقت مشا …

غزلان : يهديك الله عاد العشرة تالليل …مزال مافياش بغيت نتفرج ونراجع شوي لكونكور لي عندي …اجي بينسولك امتا راجعين لمراكش …

عيسى : سيمانة جايا …عندي غراض …شنو مولفتيش ؟

غزلان : هههه الله اودي مولفة فبلاصتي هي بيت نسول حيث ختي لمياء جايا من كازا بغيت نشوفها …

عيسى : كلنا بينا نشوفوها راه ختي حتى انا هاديك …

غزلان : شنو تديني معاك لهيه …

عيسى “رفع حاجبو ” : فين ؟؟؟

غزلان “تابطات دراعو وعنقاتو تتمخشش فيه ” : هي قول اه قول اه عااافاك …

عيسى : معندك مديري تما غزلان …

غزلان : وراني ختك شنو غايگولو تانت هي وافق …

عيسى : تت “زير على سنانو ورجع رخفهم ” من هنا لتم نشوف …يلاه تلاحي فحالك ..،

طلق منها وزاد طلع لبيتو لقا هاديك واقفة غير بسوتيان مشبك فالكحل وسترينغ اسود مادا مؤخرتها الي فارقها خط سترينغ راسمها ليها كتشوف فشرجم ومكوزة ….ماحسات حتى جرها من شعرها وضورها زدحه#تتمة_البارت_197_نور_الياسين…

ضورها وزدحها مع الحايط قرب ليها وعينيه مخنزريين فيها ماشي حيث معصب منها وانما فاش كيبغي يبدا الجنس كيخنزر هههه…قرب وجهو لعند وجهها كيشمشم فيها وطالع طالع حتى شاف ليها فعينها …

عيسى : هضرتي منعاودهاش …شنو هضرت ؟

هي : نمشي قبل ماتحل عينيك …

عيسى “بصوت خشن ” : مزيااان …

هي : و شيك فينهو …

عيسى “حدر راسو ضحك باستهزاء ” : ههه عمر القحبة تنسا هزت الكتف …

هي : ايوى راني قحبة ههههه …

عيسى “تحدر عضها من عنقها حتى شوي طير جلدة خلا بلاصتها حمراا بجهد حتى غوتت ” : شيك القحبة تمك ناعس مع طب** ذهب ؟

هي : وقاليا المراكشي سالي وخودي شيكك …

عيسى : اه المراكشي كيعرف تبي حسن مني ؟ مرة جايا فاش تعطيه سوتك (مؤخرتك ) قوليه يعطيك شيك …”دورها ودفعها بجهد تا تلاحت فوق ناموسية حتى غوتت …وهو

يحيد سمطة سروال وحلو حيدو وحيد تيشرت الي لابس لاحهم مشا ليها طلع فوق منها هبط ليها سوتيان بسنانو مرة مرة كيعض حتى كتهز تحت منو وصل لسترينغ حيدو ليها بايدو حتى خلاها عريانة لحمها كلو ملط ورطب وملس …بلقة بالمعقول …دوك البنات الزينات الي خرجت عليهم ضروف حتى خذاو طريق العهر هو خدمتهم ويستغلو زينهم فالليالي الحمراء …

عيسى “ضار على ضهرو وجابها فوق منو كان المعلم واقف واجد وصل وحطها فوق منو بجهد شاد جناب ليهونش بايديه مورك عليهم حتى حفرو ليها تما وهزها وحطها عليه حتى “

هي : اااااهااااء …ااااااي …

عيسى “وجهو ولا حمر حمر عاود نفس العملية هزها وحطها بجهد حتى عينيها تقلبو لسما وشحطها بايديه فالمؤخرة حتى بدات هي كطلع وتهبط راسها دايرة صبعها في فمها وتوحوح

هي : اح اح اح …اممم ااااااااا …كيغفلها ويسدها تاني يزدحها حتى تتغوت ….حتى جابتو وهو مزال مجابو بقا كيعطل ويزدح وعروقاتو تكب ونواضرو دارو العروق بانو خضرين عينيه ولاو حمرين وصدرو كيلهث طاوي لسانو وعاضو …

حتى ضورها وخلاها هي لتحت وهو فوقها هز ليها رجليها دارهم فوق كتافو وعاود خشاه بجهد حتى قالت ااااع بجهد …وبدا فالمد والجزر مرة بوتيرة مجهدة …

شوي بوتيرة بطييييييئة حتى صافي ولا يجهد ويجهد حتى غوتات ليه وهو يهز راسو وطلق اااااه كبيييرة وتلاح لجنب جابو فوق الفراش مخواهش فيها …كيلهث ….

هي “بقاو رجليها مشتتين كتلهت شعرها لصق عليها من جناب راسها …” : اممممم

خشا راسو بين زوج مخدات بيضين كبار وسرح رجل ولاخرا طواها …

عيسى “لتاقط انفاسو ” : حسن تقودي عليا دابا …”غوت حتى قفزت ” تقاااااودي ….

ناضت من حداه لبسات داكشي وكسوتها وتهزت جمعت شعرها ومشات كتزرب خرجات من البيت اما هو بقا شحااال عاد ناضت تهز ومشا لدوش طلق رشاشة ودوش وخرج نشف حالتو ولبس حوايجو ديال دار وهبط لعند اختو لقاها شادا فيلم وكتفرج فصالون وقدامها شيبس وكولا ….

عيسى “تلاح حداها هز من شيبس وتقابل كيتفرج بلا مينطق ” …

غزلان “ضارت شافت فيه ” : شكون ديك خيتي الي هبطت …

عيسى “دوز بسنانو على شفايفو عاد نطق ” : وحدة من لوحدات فين شفتيها ؟

غزلان : كنت دابا جايا من لكوزينة وشتها من شرجم ..

عيسى : خوك مزالو زوفري ما رابطاه حتى وحدة هاد ساعة …عادي …

غزلان : دابا بيت هي نعرف كون شافها با …

عيسى : حتى نكون مسخوط وقليل احترام لواليدين ومدايرش ليهم اعتبار …ماحدي زوفري عايش وحدي متع راسي وماشغل حد فيا …”ضار شاف فيها ” …نوضي تنعسي صباح عندك🦋🐺نور_الياسين (198)sana mina🐺🦋

غير خرجات مينة من عندها دازت لكوزينة شافت جداها لقاتها واقفة على المراة الي كتجمع دنيا وكتعاون فيها …حتى دخلات مشات ليها عنقاتها وتخشات فيها حطت راسها على صدرها وهي تعنقها بدورها طبطبات ليها على راسها ودوزات ليها على شعرها ….

مينة : ميمة سوسو بغيت نمشي عندك نبقا معاك واحد يومين …

سعاد : جلسي حياتك كلها بنتي داركم هاديك …مال حنينة ميمتها سوسو …

مينة : عندي خدمة كتيييييرة بغيت نخدم براحتي واحد سيد عندو فيلا عاد دخل من بلجيكا وخاثني نخدم ليه …

سعاد : بغا يبقى هنا ديما فازرو ؟

مينة : تت ف فاس على ما قاليا ساكن غير هو ومو غايجيبها من تما …

سعاد : الله يسر الامور …”شوي حتى صونا ليها التيليفون …كان هو نيت …”

مينة : هههه عمرو طويل …انا نجاوب …ويي موسيو رياض …

رياض : ياكما عيطت فوقت ماشي مناسب ؟

مينة : ههه لا ماشي مشكيل مرحبا ..

رياض “شاف فساعته ” : اتاصلت بيك حيث غذا مغاديش نتلاقاو خاصني نمشي لاكادير واحد سيمانة غاتجي الوليدة وندوزها حتى تشوف دار الخوال (خوالو يعني دار جدو ) فسوس عاد نخليها تما ونجي …يعني خودي راحتك متزيريش فالخدمة حتى نجي ونتفاهمو …

مينة “غمضات عينيها ” : متقدرش تخلي شي حد فالفيلا ونبداو ؟

رياض : علاش كاين شي مشكيل …

مينة : اا لا لا مكاين والو صافي مرحبا خود راحتك …

رياض : واش كاينة شي حاجة ؟ حسيت فحال الى باغا تخدمي وتهربي من شي حاجة …

مينة : نو نو ههههه غير بغيت نسرع ليك الخدمة باش منتعطلوش داكشي باش

رياض : لا خودو راحتكم …

مينة : اووك مرحبا …”قطعات عليه وهي ترجع جلسات حدا جداها وعنقتها ” …

يسرى”دخلات ” : باقي ياسين عند نوار ؟

مينة : راجلها ماما خليييهم ههنه

يسرى : ههههه راه باك غا يضور ويسول قاليك سيري جيبي لبنت لا يغوت ياسين على غفلة ويقتل ليا درية …

مينة : هههههههههههههه ناري على بابا …

يوسف “دخل ” : مال بوك ينعل بوك …

يسرى : ياكما مشيتي دق عليهم ؟

يوسف : قربت قربت مزال مداروش العقد كاع هادي هضرة …نواااار …

سعاد : تا خلي البنت تافق مع راجلها خاصهم يهضرو …

يوسف : ويني …

سعاد : يوسف !!!

يوسف : الانسيبتي جدات بناتي …

سعاد : تهدن اولدي وكااان

يوسف : هاني الحاجة …

يسرى : ههههه شتي نسيبة اش كدير ….

يوسف : شمري على درغعك وفرحيني انسيبة ففحم الفعايل ….

جمعات فمها بابتسامة كتحاول تشتت انتباهها باش تفادا نضراته ليها الي كتحس بيهم كيحشموها ويغرقوها فحوايجها …حط ايدو على كتفها …

ياسين : وشنو ثاني ؟

نوار”هزت كتفها ” : و صافي …

ياسين : شنو الي صافي ؟

نوار : هههههه ياسيييين …

ياسين : نعاام هاني حداك …

نوار : احم ….

قلبها بدا يضرب وهي جالسة حداه وهو كيسول فيها وفي نبرة كلامو كتحس بالخجل كيتعمد يحشمها باش يشوف دوك الخدود المتوردة …حط صبعو على حنكها وهبطو …

ياسين : سيمانة جايا وجدي راسك …

نوار “خرجات عينيها وجمعات ضحكة …تناااكت ابن عمي تنا🦋🐺نور_الياسين (198)sana mina🐺🦋

جالسة حداه وقلبها كيضرب …حس بيه فاش كيحط ايدو على حنكها ويستقرو فعنقها …غي قاليها هكاك وهي تخرج عينيها …

نوار : اااممم ؟

ياسين : ديري بحسابك سيمانة جايا غاتمشي معايا لهيه …

نوار”صرطات ريقها ” : اويلي علاش ؟

ياسين “عقد غوباشتو ” : شنو الي علاش ؟؟

نوار : الا بغيت نقول زعما فين غادين كاينة شي حاجة ؟

ياسين : من ورا العقد خاصك تمشي معايا نديرو الواجب …

نوار “عقلها مشااا شد طريق سحاب ” : اشمن واجب اويلي منقدرش …

ياسين : كيفاش متقدريش ؟ كنتفلاو هنا ؟ نحيدوه علينا راكي غاتولي مرتي وتابعة ليا ولازم عليك تقابليه معايا …

نوار : شكون هو ؟ خلي حتى لصيف فالعرس عاافاك …

ياسين “خنزر فيها ” : شنو نقوليه صبر حتى نديرو لعرس ؟؟ اش كتخربقي نتي ؟؟؟

نوار “جاتها البكية ” : خايفة …

ياسين : مناش ؟

نوار : اهى اهى …منو .

ياسين : مالو غايعضك ؟؟؟شنو مبقيتيش بغيتي تزوجي ؟

نوار : الا اهى …واش ضروري …

ياسين : واقيلة خاصني نبدا خدمتي غانقوليه ماديرش حفلة تقاعد حتى تبغي مرتي العام جاي ؟ سيد راه باغي يجلس فحالو غانجي بلاصتو ونتي خاصك تكوني فالحفلة الي على ودي حدا راجلك …

نوار: هاا نتا علامن داوي …

ياسين “خنزر فيها شوي صغر فيها عينيه ” : فين مشا بالك …

نوار : تا بلاصة يحساب ليا مغانبقاش نجي لدارنا …

ياسين : تت”ضور راسو ورجع شاف فيها ” : غاتمشي معايا يومين تما ولا كتر ونرجعك …غايكون معايا الوليد والحنانة حتى هما معروضين …

نوار: اه و واخا ان شاء الله …

ياسين “عض شفايفو ورجع ضار جبد من ساشية بومادا وكحز من حداها شوي عرا الفوقية حتى لفخدو شوي ويبان البوكسر وهي تشرع عينيها وناضت وقفت حتى شدها من دراعها جلسها بجهد …عصباتو غا كتقفز ههه ” : جلسي لارض …

نوار : بغيتي دير بومادا …

ياسين : شنو بان ليك ؟ ناوي شي حاجة غيرها حتى عريت ؟

نوار “خرجات عينيها ” : اصافي غا سولت …

ياسين “بدا كيحل الفاصمة بشوي بشوي وكيغمض عينيه وهي كتشوف فيه بقا فيها …شحال وهي مترددك فلاخر شدات من عندو بومادا …شاف فيها” : غير خليك مغاتقدريش تسوفي فيها …

نوار : نقدر والله …

ياسين : الي بغيتي “خلاها على خاطرها كتحيد ليه فاصمة بشوي وكتكمش عينيها حتى عراتها لقاتها كلها حمرااا ومحفورة حيث مسحوها ليه حتى حيدو داكشي ومع كل مسحة طبيب كيضغط عليها ويمسح …واحد منضر خلاها تبورش …عضات شفايفها وعينيها غرغرو …دارتها ليه بشوييي كتشوف فيه

كتلقاه مكيدير حتى رد فعل زاااگي كيشوف فيها …حتى كملات وهي تسدها …

نوار : غادير فاصمة تاني …

ياسين “تسرح فوق ناموسية مخليها عريانة ” : لا حتى تنشف عليها ..

نوار”ناضت ” : وخا …

ياسين : فين غاديا …اجي جلسي هنا …

نوار : اممم …جلسات حداه كحاز شوي حتى طلع لفوق فحال جالس حط راسو على راس ناموسية ديال عود وهزو لفوق مغمض عينيه ..شد ايدو ضورها عليها حطها على كرشها وقربها ليه كيدوز على كرشها هاد الحركة

كتقتلها حس بكرشها دخلت وخرجت …قربها اكثر حتى تكاها عليه على كتفو وحط راسها عليه …

ياسين : دموعك على سبة من والو …انوار حرقة ودازت …

نوار : نهار لخطبة …

ياسين : وشنو وقع كاع هاني تحرقت هادوايا حدايا وهاحنا رجعنا كملنا منيني بدينا حلالنا غانديروه لا بغا الله فوقيتو …دموعك يخرجو بالفرح ماشي بالقرح …تفاهمنا …

نوار : تفاهمنا …

ياسين : بالك هنيه الي بغيتيه غايكون بخاطرك وبرضاك كلشي يذوز مزيان …”حط ايدو على كرشها ثاني وتم هابط بايدو حط راسو على راسها …وهابط حتى حبس تحت كرشها وحيد ايدو ” حسن نزربو فالحلال باش نوريك بايدي

نوار “هزات راسها شافت فيه ” : شنو توريني ؟

ياسين : طريق بلادي فين “بغمزة خلاتها بدعقة رجعت حطت راسها عليه سمعت باها كيعيط …وهزاتو وهي تنوض من حداه كضحك …وخرجات ….

ياسين “دار ايديه على وجهو دوز عليه وعلى شعرو وزفر انفاس سخونة خرجات من اعماقو وقال” : …fuck,, My patience is ending (صبري بدا يتقادا )كمشة لفشوش صافي…

#تصبحن_ع🦋🐺نور_الياسين (199)sana mina🐺🦋

دوزو عشا خطبتهم بضحك وخا مسكين ياسين كلاها فالحرقة لكن من بعد ماشرب دوا هذن عليه صداعها مؤقتا …سالاو وتافقو على يوم عقد القيران الي غايكون الاسبوع المقبل وغايكون عشا خفيف حتى لصيف الي غاتكمل فيه نوار قرايتها ويديرو عرسهم وعادتهم الي مغايحرمهاش منها باعتبارها كاي بنت كتبغي دير عادتها وتشوف راسها فاللبسة البيضة وفوق العمارية و واليها كيشيرو ليها وناس تبارك …رجعو الخطاب لفيلا وبقاو لاخرين تما بينما جمعو لبرطما ونقاوها …

سارة : ايوى شنو تافقو على صداق …

يسرى : داكشي هضرو فيه رجال ابنتي يتهلى ليا غير فيها هادشي الي بغيت …

سارة : ههههه وا هو من ناحية تهلية ياسين يتهلى ويفوتها غا متعصبوش ميخصها خير …

يسرى : ايوى ينقص من عصبية وخا عارفة بنتي هبيلة …

سعاذ : الى سنات عقدها تعرف بالي دخلات لمسؤلية الي غاتهزها هي وتنسى عليها الفشوش راجل قد ما شد الخاطر راه ميبغي لفشوش. زايد كتير شي الى كان مولف تازوفرييت …

يسرى : انا الي عليا سولتها وعطيتها رايي وهي مولات القرار راها كبيرة عشرين عام ماشي صغيرة سنها يسمح ليا تاخذ قراراتها راسها وهي مسؤلة عليهم …

سارة : ايه وليني نتي مها ما فيها عيب تفقهيها كي فقهنا يامنة فاياماتنا نهار تزوجها فؤاد ههههه …

يسرى : فاش نفقهها بعدا …

سارة : راكي عارفة زواج اش فيه وگضيها وعلمي الخراجة(الهبيلة) ديال بنتك راها غا نص عقيل فهادشي …ملي شافت صباح كوثر بنت فاطنة فدوار وداك نهار فمها ولا بيض …

يسرى : اييييي هههههههه ماعندي منفقه فيها عرفتي وقلت ليها غا اش كاين غادير بناقص وتحاشمني مع نساب …خليها

سارة : هههههه تي فقهي البنت راه راجل كتير عليها هههه تعرف غا اش غاتواجه …

يسرى : اويلي على كتير عليها ..

سارة : اجي نسولك بنتك عارفة اشمن بكرة عندها …

يسرى : ما قلبتهاش باش نعرف حتى الى بغات غانشوفها مهم منها ليه هو وخا كنصحها تديرها …

سارة : زعما …

يسرى : غير باش تعرف ويعرف كيفاش يتعامل وصافي …

سعاد : وا تتهضري معاها ديرها هاد اليومين ..

يسرى : تانشوف …

سالاو جميع ونقاو دنيا وكل مشات ترتاح حيث قرب الفجر ياذن …اما لاخرين تاهما كيف وصلو لازرو كل مشا لبيتو ياسين حيد حوايجو بقا غير ببوكسر معري الحرقة باش متصهدش ليه وطلق الكليما باش تبردها عليه …بقا يفكر ويخمم حتى مشات بيه عينو لصباح جديد …

يامنة : فؤاد قهيوة ديالك ؟

فؤاد : انا فالمكتب وصليها ليا تما …

يامنة : واخاا …مشات لكوزينة شافت الفطور واش وجد وهزات فنجان دارت فيه قهوة معصرة بلا سكار حطاتها ليه وحداها قرعة الما المعدني الي كيشرب ديما من صغرو …هزات صينية ومشات لعندو لمكتب حطاتها ليه …

فؤاد : جلسي بغيت نهضر معاك …

يامنة : هاني خيير …

فؤاد : مكاين غير الخير …”كيقلب فشي وراق وكيهضر ” …شنو خاصك باش تقداي وتوجدي لعشا ديال الحلال ديال ياسين …

يامنة : خاصني بزاف هههه شنو نديرو عشا كبير …

فؤاد : ضروري طلبة يحضرو القران مزيان صدقة لحلالهم ضروري …ونهار قبل صدقة لاخرا …تفاهمنا غزالي …

يامنة : ايه واخا كون هاني “الصدقة قبل هي كيمشيو لعند محتاجين شي اسر كيتقداو ليهم المونة الي تكفيهم شهور وكاين بعض المساعدات هادشي بينو وبين يامنة كيديرو هو شخصيا ومكيقولهاش لولادو وحتى خوتو تاهما كيديروها وكيفضلو يديروها مضرگين ولا الي كيعرفوه كيعاونوه بلا احراج يعني كيديروه كانه منهم وفيهم …” …بغات تنوض وهي تحس بنخصة خفيفة فكرشها …ااا ..

فؤاد”هز فيها عينيه وهو يطلق الوراق “: مالك ؟؟؟؟

يامنة : ياربي حسيت بنخصة فجنبي …ضربني البرد يمكن البارح خرجت من دوش نيشان تحت لكليما باردة ..،

فؤاد : متاكدة ؟

يامنة : متاكدة متاكدة متشطنش …

فؤاد : ديري ليها شي حاجة مايمكنش بالي ميتشغلش عليك يامنة …عارف مرضك كيف داير. والبرد الى وصلك ريحي بالي وشربي شي دوا ولا شي حاجة …

يامنة : وااخا هي دابا …مهم غادي يخرج ياسين ليوم مع نوار يقدر ياخذ ليها الخات🦋🐺نور_الياسين (200)sana mina🐺🦋

مع صونا المنبه ديال تيليفونها جديد الي جاب ليها حلات عينيها حتى طفاتو ورجعات تنعس شحال حتى وصلات لعشرة عاد فاقت شحال وهي كتشوف حتى توگضات وهي ضور هزاتو تاني وشافت ساعة لقاتها تسعود صباح تشبحات مزيااان حتى عواجت كلها وعضامها طرطقو عاد رجعت كيف كانت هههه ناضت لدوش قضات حاجتها وطرفات حالتها وغسلات وجهها بالماء الفاتر وسنانها حكاتهم خرجات نشفات وجعات شعرها حتى بدلات ملابسها تحتية …مزال كتقلب ماتلبس باش يخرجو يرجعو فحالهم لازرو حتى صونا تيليفونها وهي تهزو لقات yassine….

نوار”بابتسامة ” : صباح الخير

ياسين : صباح الخير …شنو عاد فايقة ؟

نوار : شي شوية هههه …خليت ليك ميساج سولت فيك كيف بقات ليك الحرقة …

ياسين : شفتو شفتو …شوية الحمد لله …”حدر راسو شاف من فوق نضاضر سايق طلق سينيال وبلاصا قدام العمارة ” …وجدي راسك تخرجي معايا …

نوار : كيفاش على غاتجي ؟ راك عيان مزال الحرقة جديدة …

ياسين : ماعليش معندو ما يوقع ليا …”خرج من سيارة وسدها ودخل طلع فسانسور لعندهم ” …طلقي راسك دغيا يلاه …

نوار : تت واخا ولكن فين غانمشيو …

ياسين : دابا تعرفي ..

قطع معاها ودق عليهم حلات ليه يسرى الي كانت كتوجد باش يجي يوسف ويديهم لازرو باش تمشي لخدمتها سلمات عليه ودخل لصالة يتسناها ومشات توجد ليه كاس اتاي بينما خرجات عندو نوار …جاي بتيشرت نص كم كحل وشورط دجين بلومارين على ود الحرقة الي داير ليها فاصمة فيها دوا ديال حروق …تكا عالمخدة مسرح ايديه …

يسرى “حطات صينية اتاي وتبعاتها سارة بطبسيل فاكية ووراها سعاد امها ب طبسيل الحلوة ” : كيف بقات ليك الحرقة ولدي …

ياسين “ناض سلم على الحاجة ام يسرى وسارة ” : الحمد لله شوية …

يسرى : حاول ما امكن تنفسها

ياسين : ضروري …

سارة : ياك بعدا مكتعطيكش صداع …

ياسين : لا لا مزيان …

يسرى “كبات ليه اتاي وعطاتو الكاس ” : خارجين غي فاس هنا …

ياسين “شرب من كاسو وحطو ” : هاد ساعة غير هنا …

يسرى : مزيان …”عيطات عليها” نوار حنينة متعطليش …

نوار “من البيت كتلبس فجامبسوت ديالها(سالوبيط توب ههههه ) ” : واخا انا جايا …راه ياسينو سونة “مفراسهاش را ياسين جا ههههه ) غايجي قاليا نخرجو …

ياسين “عض شفايفو فاش سمع ديك ياسينو سونة …وضور راسو كيحك لحيتو ” …

يسرى : هههههههه هبيلة صافي …وخا بنتي غا سربي ….

نوار : ماما عافاك كنحس بكرشي كضرني …

يسرى : مالك !!وغا سكتي ونتي تغوتي من تم تاتجي وهضري …

نوار : واااخا هاني جايا …

لبسات جامبسوت فالخضر بارد بلا كمام هزات كاب فالماغون…وصبيبطها على حساب رجلها ميديكال …جمعات شعرها ديل حصان …دارت سنسلتها وهزات صاكها فجنب ديال جلد قهوي دارت فيه تيليفونها وشارج وكيت وبزطامها …رشات ريحتها وتقادت مزيان وهي تخرج …

لقات جداها فالكولوار …وقفات باستها وصبحات عليها …

نوار : ميمة سوسو …صباح الخير “باست ليها ايدها” الله على ريحة فهاد ليدين …

سعاد : ايييه هانتي غاتزوجي ومتبقايش تجي عندي ..

نوار “بقات فيها” : لااا مزالني معاكم عام اخور ومزال غانبقا نجي عندك ديما والله ..”عنقاتها وحطات راسها على صدرها ” …اش عندي من غيرك ميمة حبيبتييي…

سعاد : ههههه اودييي الله يكمل عليك بالخير والعقبة لختك يجيب ليها ربي الي ينسيها فالي فات ..

نوار : امييين اختي مينة قوية وحسن مني شخصيتها قوية بزاف …ماشي فحالي كلمة جوج نبكي …”دلات شنايفها” ودابا غاتبكيني عليك اميمة …

سعاد “ضحكات ” : ههههه الله ابنيتي راكي اخرتك زواج شحال قدك وشحال قدني نعيش ليكم ابنتي …الله يرضي عليك …

نوار : قولي ليا درتي ليا داك كومير الي مغطوس فالبيض وحليب ومقلي ..

سعاد : راه طبسيلك محطوط والقهوة فتيرموس وصلي وكبي …ولا سيري لصالون جلسي معاهم بينما جابتو ليك سارة فطري بعدا عاد خرجو …

نوار : احم كنتسنى ف ياسين قاليا نخرجو معرفتش …

سعاد : اشمن ياسين ابنتي راه جا شوية هذا هو الي كيتسنى فيك …

نوار : بصح ؟ جاا ج جاااا “خرجات عينيها ” اااا ؟ ا ممم امتا جا ،

سعاد : وقبيلة وهو هنا كيتسنى فيك …

نوار”تكات عالحايط حطات ايدها على جبهتها وريق بغات تصرطو حلقها نشف عرفات غايكون سمع دلع الي دلعاتو بيه وباشمن وجه غاتشوفو ” : يااااربي نكون كنحلم يااربي …

سعاد : ويل شيطان مالك …

#يتبع…م …

فؤاد : اللهم يسر …

#يتبع…لى_خير….هههه ها خمس بارتات تاع اليوم ♥️♥️ااكت اشنو الي سيمانة جايا …” …

#يتبع… كونكور توضيف ….

#يتبع….ا مع الحايط …

#يتبع….معاه لوطيل “….

#يتبع… ههههه اه بقيتي فيا …

 #يتبع….ا قدامكم كلكم شاهدين …

#يتبع…ار” : اجي جلسي حدايا …

#يتبع….الحرقة وتنشفها)…

#يتبع…سنانو ” …

#تصبحن_على_خير…. ليك ضحكة الجن …

#يتبع…ا حتى هزها لعندو ” ….

#يتبع…. انا نجيب ليك شي حاجة تشربيها …

#يتبع…يا عمي قدوتي هههههههههههه

#يتبع….د ونشلل ليك …

#يتبع…. مزياان ههههه

#تصبحن_على_خير…محل مجوهرات ديال ذهب …

#يتبع….ويه الي مقربين ليها …

#يتتبع…د ما الى صعر مكيعقل لا على كبير لا صغير …

#يتبع…

Leave a comment