Skip links

قصة : الملتزم السادي ج 34

 45,419 عدد مشاهداات

715🥰🥰
شافها ومد يدو بشوية دوزها على ضهرها بحنان:حبيبتي مالكي.
ملاك بتعب:مماليش.
هبط باسها فضهرها وبقا حاط راسو على خصرها وكيدوز يدو عليها:ومالكي ابحدك تقلبتي.
هزت كتافها:بغيت حاسة براسي مخنوقة .تقلبت على ضهرها وبغا يجلس وشداتليه راسو تكاتو على كرشها وباسها ليها ورجع تكا وهي بقات كتدوز يدها على شعيرو :عهد.
عهد:نعام احبيبة.
ملاك كترمش فالسقف وتنهدات:كنتفكر راسي فاش كنت نتخيل غنتزوج شي واحد كتااار من والديا كنت كنبغي نموت فكل مكنفكر هاكاك.
جر ليها يدها كيبوسها:صفي متبقايش تفكري فلي داز احبيبة غي غتمرضي.
بدات كدمع:معرفتش شحال من مرة كنت كنبغي نقتل راسي ولكن كنت كنخاف .
عهد:استغفر لله العضيم شكتقولي سكتي ونساي لي فات دابا نتي معايا وغنحاول نعوضك على كلشي.
تبسمت وسط دموعها وهبطت عينيها شافت فيها:اصلا من نهار تزوجنا ونتا معوضني يكفي مبقيتش كنفكر فشي حاجة سميتها ننتاحر.
عهد عنقها من خصرها كيبوس فكريشتها:مالك نتا مع مرتي هممم غالس تطلع ليها فالهرمونات كتقلبها تولي تبكي وتفكر فشي حاجات خايبن همم ادوي هاا نتا خايب لابقيتي هاكا.
ملاك ضحكت كتمسح عينيها:بعد منو مدارلي والو مسكين.
شافيها:واهيا لامبقيتيش تفكري فدكشي هانتي شوفي غير فشنو جاي .تهز تقابل معاها كيمسح عينيها وكيدوز يدو على حنيكاتها:ياك اول حاجة فاش انرجعو انشاءلله اتمشي تقراي ياك(جمعت فمها تاني كتغبن)ششش والا متبكيش ونبقا نمشي معاك وفاش تكملي النهار وترجعي نجي وتعاودي ليا شنو قريتو ونعاونك وتاخدي ليا الشهادة انشاءلله بميزة(حرك راسو كيميلو)هي واخا مضمونة ليك الشهادة ههه حيت بحالا مشرية.شد حنيكها:ولكن حبيبتي اتجيبو ليا مطرطق بالنقط حيت حبيبتي فنانة ومبدعة اتخليهم حالن فامهم فتصاميمها ياك وديك الساع انشاءلله تكون كريشتك كبراات غتزاد فرحة على فرحة ياك وتولدي ليا وتكوني بيخير انشاءلله نتي وولدنا ولا بنيتنا لي كان (تبسم بفرح تاتسدو عينيه)ونهزو بين يدي يكون فنيون بحالك الفنيكيشة ديالي.بغات تهضر وحبسها:بلاتي اه وفاش تولديه نبداو تاحنا ندابزو على السمية ياك ولكن انا لا(هبط باسها فجبينها)انا نخلي حبيبتي تسمي لي بغات لي جات منك سمن على عسل ويكبر شوية ونبدا نضورك فالبلادات لي باغا تزوري كلهم كلهم .تهزت تعلقت فيه خاشية وجها فعنقو كتبكي بالسكوتي وهو زيرها عندو كيبوس كتيفها مغمض عينيه :انعوضك احبيبة على كلشي اي حاجة تمنايها انحاول نحققها ليك .
ملاك:اهء مبغيت والو اهء بغيتك غير نتا اهء.
تبسم وزاد زيرها:كنحماق عليك.تسمع الدقان كانت شمس:عهد ولدي.
عهد غوت:نعاام الوليدة.
شمس:هبطو تعشاو كيبقات ملاك.
عهد بعدها بشوية:دخلي رالباب محلول.حلاتو وطلت :باقا كتبكي.
ملاك ضحكت كتمسح وجها:لا صافي هانا.
شمس تبسمت:ههه غير ولفي كل مرة تقلبي بحال هاكا يالله هبطو تعشاو.
ملاك ناضت:شنو ديرين.
شمس:يامنة صوبت بسطيلة الدجاج.
ملاك شافت فعهد:مغتهبطش.
عهد ناض:شناهوا مالك حمقة بسطيلة ومنهبطش.
ضحكت:ههه واحيت بقيتي جالس.خرجو وشافت فشمس:عفاك واخا تعطيني شي حاجة من عندك هادو خنقوني.
شمس:اه اجي خودي شي حاجة.عهد هبط وهي مشات معاها شمس حلت ليها جيهت لي كتلبس وملاك حالة عينيها فدكشي اشكال الوان عندها عمرها شافت ماريوها ولا تجرات تقوليها اش عندك فالحوايج عاد عرفت لاش كل مرة لابسة لبيسة الشي لي كيخليها كل مرة تبان مغيرة فشكلها ومتملش منها بالرغم من شحال من مرة دخلت جلست معاها فغرفتها فاش كيكونو فالخدمة الرجال عمرها شافت الماريو من الداخل شفيه التاويل ودكشي مقاد على حقو وطريقو ومباعدن بشي سنتيم باش لاجبدت حاجة متخصرش لي حداها وشمس شافت فيها:خودي فين لي عجباتك.
ملاك حشمات بضحيكة:هه كلهم كيبانو زوينين.
شمس تعوجت عندها كضحك ودوزت يدها على واحد الجهة:هانتي هادو باقا عمري لبستهم شوفي شكيلات عاد خارجن عاد جابوهم ليا غي هاد السيمانة.
ملاك جرت وحدة كتبان بحال الكنيديرة فالقهوي غامق ومطرزة بالباج غامق شوية عاطي منيضر زوين:واو واعرن.
شمس:شتي دوقي زوين.
ملاك:هه اه من ديما ماشي عاد.
شمس:وشوفي ليك .(بدات كتدوز ليها )شوفي هادي لونها زوين.
ملاك جارت تاني هاديك القهوية بشوية وخجل:عجبتني هادي.شمس جبدتهاتتمة 🥰🥰

ليها وملاك خصرت وجها:لا لا صفي واسعة بزاف سحبلي واش صغيرة ويلي نتي ومتجيش قدك.
شمس:ويلي على الحمقة رافراشة هادي .
ملاك:هاء وفيها الكمام.شمس وراتها من لتحت كاين حزام كتزير من الوسط:هاهي كتربطيها عليك باش تجيك على فورمتك.شدتها منها ودخلت لبستها نيت جاتها زوينة مزيرتهاش عليها بزاف على حساب فاش زيرتها نحتات ليها جسمها حلست شالها غير لواتو خفيف وخرجت كانت شمس كتسناها مشات دات حوايجها لاحتهم فبيتهم بالخف وهبطو بجوج وملاك كيضربها البرد والغربي من التحت عجبها الحال مع ملابسة والو غي السليب استحلاتها عهد عجباتو هكاك ممولفهاش بدكشي عندها بيجامات عصريين واغلبية مقزبن وبالسراول ماشي بحال هاكا طوال جلسو تعشاو ملاك عجبتها البسطيلة بقات غي كتسرط مداروش فيها القرفة على قبلها كملو وناض كلا لبيتو عهد سد الباب وراه وملاك حيدت الشال وهو زاد لعندها شد يديها كيضورها:هايهاي جات معاك غدا نشري ليك بحالهم.
ملاك بضحيكة:اه زوينين مريحين.
عهد عض فمو كيطلعها ويهبطها وهز عينو كيشوف فعيونها:كتعرفي تشطحي؟.
ملاك بدات تضحك:اويلي ههه لا مكنعرفش.
عهد مشا شعل البيسي:غي جربي.
ملاك كطل عليه كيقلب فالشعبي:هه ويلي رمكنعرفش اتشع عليا غاضحك.
عهد دخل لوحدة:واهانيا نتي غالويها.
ملاك:شناهي.
عهد:ترمتك ههه.زيدها لوسط البيت وزاد فالصوت وجلس على البيرو:يالله بداي هانتي رامن ساااابع المستحيلات شي مغريبي يسمع الشعبي وميشطحش.
ملاك خبات وجها:ههههه حشومة عليك.
عهد:ونتي لي حشومة عليك هانتي ديريني مكينش والابدا متكوني كتعرفي غاشوية.
ملاك جرت شالها:وحلف مضحك.عهد قاد الجلسة عرفها اتحزم:هاااح والله منضحك.ضورت وجها كتحزم فالشال وقاداتو وشاداها الضحكة بدات كتحرك جسمها مع الموسيقى وهي تحبس كضحك شافت فيه:ههه لا لا مكنعرفش.
عهد:والله تاكنتي مزيان راعارفك مكتعرفيش غاكملي هاكاك زوين شطيحك والله اجي اجي نطلق ليك داك السالف.قربت ليه وحلو ليها فضفضو ليها طلقو وكحزها:يالله كملي هانتي سمعي سمعي انعاود ليك باش تمشي مع الريتم.عاودها ليها وهي مشات كتعوج بالضحك وبدات كتلوا وتحرك كتحاول تمشي مع الدقات والجرة عهد حال فمو فيها هادشي اقالت مكتعرفش هي كتبرد غدايدها فالعراسات لي كانت تمشي ومكتشطحش عهد تاهو بدا يتحرك افبلاصتو وكيحرك رجلو وعاض شفتو السفلية عينيه حوالو فتريمة كتهز نص وتحط نص وتبدا تلوي وضور فيها اما خصرها بحالا معندهاش كتحركو بسلاسة دغيا وشعرها كيمشي ويجي فكل حركة تاسالات الاغنية وحركت راسها مرجعة شعرها لور كتنخج وتضحك ولات مزنغة سخنات:هههه اح الله افف.
عهد كيطلعها ويهبطها:علاه هدشي كامل مكتعرفيش ونتي راك فيقتي الشيخة لي ساكناك.
وقفت عليه حاطة يديها على ركابيه:هه والله مكنعرف كنت غي كنخربق.
خشا يدو بين شعرها وعنقها شدها بشوية طلعها عندو وهبط باسها ففمها:حمقتيني وكتقولي مكتعرفيش سيري عاودي .
شداتو من يدو:اجي شطح معايا ههه لابغيتي نعاود.
عهد:لا لا سيري نتفرج فيك.مد يدو طلق ليها وحدة خرا وبدات تهزهز فكتافها كتفرنس وكتشوفيه وهو مبسم ليها نسات راسها وطلقت راسها كتشطح فراحتها

عارفة راسي معيقة عليكم ولكن المورال والو كنبدا نكتب كنلقا خص بزاف بش نوصل لداك الحدث لي بغيت كنبقا نحاول ما امكن منكترش باش متملوش فاش كنسالي من التعصار نلقا راسي مكتبت تازفتة ووشي دعيوة دالخير حيت تاحد مكيعرف كيديرة نفسية الواحد ولا شنو ولا شكون لي خلا نفسيتو تحطم نتمنى تتفهموني كنحاول ما امكن نرجع الحماس لي كان فيا وشكرا لاي وحدة كتسول فالخاص بسببكم وليكم كنكمل كنحماق عليكم كلكم من الطرف تالطرف716🥰🥰
كتشطح وتردح وهو متبعها فكل هزة خصر قربت لعندو ضاحكة ليه وشداتو من يدو كتجرو:اجي شطح معايا عفاك.هبط ووقف حداها غي كيتحرك وفيه الضحكة حط يديه على خصرها كيستشعر حركاتها هي هرها وحيدت ليه يديه:هه ويلي شطح ونتا بديتي تقيس دير دير ديك(بدات كتحل يديها وكتحرك كتافها كتقلد الشطحة ديال الرجال)دير هاكا هههه.
عهد:هه اوووه مكنتش فخباري الرجال كيديرو هاكا للشطحة.
ملاك:ههه واديرها ياه برد هوايشك ونتا كتحرك غير فرجليك.
عهد:انا هاد الساع باغي نبرد غافيك مفيا لي يشطح.
خرجت شفايفها بطفولية:والا شطح معايا.
مشا حبس الموسيقى وبدا كيقلب حتا لقا شنو بغا:بغيتي الشطيح انا نوريك الشطيح كيدير حيدي عليا هاد الشعبي الملاوط ديالك.
ملاك:هاء واراك نتا لي درتيه ليا.
عهد:ونتي غاعلا سبة هههه دابا خلينا انوريك شكنعرف.خلا الفيديو حبسو وهبط البيسي باش متشوفش شنو شد ومشا عندها نصل حوايجو من لفوق بقا عريان وهي بدات كترمش مد يدو كيحل ليها الشال مبسم:شنو لابسة لتحت.
ملاك كتبلق فعينيها:والو غي سليب والسوتيامات.مد يدو كيقلب ليها جنابها:هادي فيها الحزام ياك حليه.
ملاك:هاء علاش.
عهد:باش تحيديها.
ملاك:اويلي.
عهد فضفضها عليها لقاها مرخوفة يقد يحيدها ليها:ولا شتي صفي بلاش.مشا للبيسي طلق الفيديو ملاك طلت بان ليها واحد من لفوق عريان لابس سروال توب والبنت لابسة دوبياس مصممين للرقص باينن ماشي عاديين هاز رجلها عندو ملصقها مع فخضو وهي مضورة يديها على عنقو كيبدات الاغنية يالله ايبداو يرقصو عهد غي قاد الصوت مكيشوفش فيهم وهبط تاني البيسي خلاه مطلوق حيت معندهم لاش يشوفو وهو باغي يعلمها بيديه داك الرقص بداو ايقاعات بطيءة قرب منها بثبات خلعها بدات غي كترمش مد ليها يدو بابتسامة جدابة:بغيتك ترخاي ليا وتسمعي مني كل همسة نقولها ليك وتحفضيها .شدت فيه وحركت راسها باه دايبة فيه جرها بالخف تزدحت مع صدرو مجات فين تهز راسها فيه لقاتو سيطر على خصرها كيحركو بحركات بطيءة وجار مطلع معاه الفراشة بشوية تابانو سيقانها وهبط جلس على ركبة وركبة تناها حط رجلها على ركبتو حشمت بغات تحيدها وردها ليها:تءتء رصاي.شدها ليها وبدا طالع ببوسات من القصبة تاع رجلها طالع ببوسات وصل للحوايج وبدا مطلعها ليها بيديه وغادي كيوقف ومطلع رجلها معاه شادها بيد ويد كطلع فحوايجها طوا رجلو راخي رجلها عليه وحيد ليها حوايجها لاحها بعيد وجرها لاسقها معاه حط يد على ضهرها من لتحت (عضم الطيو ههههه)ويد شد بيها رجلها وهبط رجلو هو وقف وبدا كيخطوي خطوة وكيرجع خطوة بشوية وكيحركها من ضهرها وهضر بهمس:ترخاي متكنزيش رخي رخي انا لي نحرك حطي يديك على كتافي.حطتهم وكتحس شوية وطيح دايرها ليها بلعاني باش تلوح تقلها لعندو وتبقا ملاسقة معاه:انطلق رجلك وبقاي هازاها عندي واخا.حركت راسها هايمة فيه شافها هكاك وتبسم تحنا باسها فشنيفاتها بشوية وبعد شادها من الحوض كيحركها بحركات داءرية بطيءة وطوا رجليه شوية قصار لعندها لاقا ديالهم وكيضربو معاها وبدات كتفرنس وترخات تاهي متبعة حركاتو تابدات كدير راسها بشوااية دكشي غادين مع الايقاع(انه رقص الرومبا 😌)هبط رجليها وبقات كتحرك وتاهو كيتلوا معاها والسخونية طالعة معاه تزنغ هز ليها راسها من دقنها وهبط كيبوسها مخلي اجسادهم متناغمين وكيبعد مرة مرة وكيجرها كيزدحها معاه وكيسمعها فهمسات الحب والغزل فجسمها كيخليها تولي حمرا من كلماتو.قلبها وجابها على ضهرها عليه دوز شعرها لجهة وهبط كيبوس فكتيفاتها وعنقها ويديه كيلعبو بخصرها حبسات الاغنية وضربها ليها بمصة عالمية فعنقها ضحكت بتاويهة وضارت شافت فيه فاش نطق:كيجاك.
ملاك:هه معرفتش فشكل (دخلت نفس كبير)بحالا رواحنا ليكانو كيتحركو.
بدا كيدوز يدو على شعرها:اه فعلا هادي فاءدة هاد الرقص على غير الرقصات لخرين مكيكونش غير باش تشطح وتحرك جسمك ضروري يكون الشريك كتبغيه باش تحس بكل حركة.هبط كيمصمص شفايفها وغادي بيها لجيهة السرير دفعها بشوية وهبط عليها وبدات ضور فعينيها:عهد شكدير.
باسها فحنكها:شكندير فنضرك.
شداتو من كتافو كان هابط ليها:عفاك احبيبي عيانة والله.قلب عينيه وتلاح على صدرها متكي عليها:اوووف وتانا عييت باغي نحس بيك.
ملاك:عفاك غدا ومنقولش ليك لا.
هز فيها صبعو:حلفي.
ضحكت:والله يالله نعس.
ناض عليها:باقي مفياش النعاس انديرو شي فيلم واخا.حركت راسها بالايجاب ومشا جاب البيسي حطو قدامهم كيقلبو على شي فيلم وطبعا كيلعادة كتمشي ليه غير لديال الخيال العلمي الفانتيزي ودكشي دارو ليها بعدا فيه شوية دالاكشن ميملش قادو حدا ركبتو وطفا الضواو وجرها مخشية فصدرو كيتفرجو ومرة مرة يهزليها راسها يبوسها تالواحد اللحضة لاحت رجليها ضربت البيسي طوعاتو وقفز حيت كانت مدابزة فالفيلم وهو انساجم معاهم سحابهم غاخرجو بصح ساع هي غالقردة ديالو نعست:اييه.
طل عليها لقا السيدة ناعسة متسوقاتش غاع لي راها ضربت شي حاجة تبسم وهبط مص ليها فيمها كانت حالاه شوية تاتسمع صوت البوسة وبعد ناض حيد داك البيسي داه لبلاصتو ورجع لقاها بدات تعوم فالسرير كتقلب عليه وتكا لايح ليها رجلها باش يلقا فين يتكا.تتمة 🥰🥰
مبقاش كيبغي يخشيها فيه فاش كتكون ناعسة كتبقا تركل ليه مكتبغيش ليه هي احسات بيه تكا حداها ولاحت رجلها عليه زواتو كيديما هوا ممسوقش حاضي اماعنو حاط يديه عليهم كتخلعو كتبدا غي تشير شي نهار طيرو ليه يالله ايغمض عينيه وصلو مسج شاف شكون لقاه جايمس دخل شاف شنو مسيفط تاهز حاجب وهبط لاخر فاش اشف الصورة لي مسيفط وهبط كيقرا المساجات لي فيهم:البنت فاقت ووصفت لينا لي مسيفطاها وهادي صورة طبق الاصل عليها مرسومة سميتها نزهة وعطاتنا تالعنوان ديال شقتها لقينا رجل اسمو جواد كنضن ديجا كتعرفو تاهو رجل اعمال سولناه عليها قال تاهو معرفهاش فين مشات هزت حوايجها وهزت ليه شي فلوس كان جابد ومشافهاش امتا مشات ولا فين ورالرجال كيقلبو عليها تايلقاوها.كتب ليه مسج شكرو وبقا كيزيد يسولو كتر تاعرف كلشي وحط التيلي مستهزء:تالهاد الدرجة ال*حبة تايجيبوك ليا ونوريك تطياح الولاد كيدير.مد يدو شابك صباعو مع صبيعات يديتها :حبيبتي منخلي تاواحد يفرقنا ولا ياذيك.وغمض عينيه مستسلم للنعاس.
دازو الايام بسرعة البرق دوزو سبوع بنات خوتها بالنشاط تاشاط وبزز باش تافقو وسماو ايمن سما ملاك ويونس سما نور يونس يضور يضور ويبدا يتغبن عليهم وعاد مجاتهمش يسميو بجوج بحال بحال دازو ايام رمضان فيهم مشات بدات القراية كانت بحال ديك البنت لي عاد ايديوها والديها للروض كانت خايفة ومتوترة عهد لي وصلها قلبو حس بيه تقطع بدوك الشوفات لي كانت كدير فالمكان بالرغم من انه مطمن تاحاجة متاديها ما طبعا رجالو فكل مكان لدرجة خاشي واحد كيقرا معاها باش يحضيها ولكن كتبقا حبيبتو حس براسو بحال الام فاش تاهي كتسيفط ولدها للمدرسة اول مرة كيبقا يقول شنو كدير دابا عنداك تكون كتبكي عنداك تكون خايفة عنداك يضربها شي حد وميقدش يعيط ليها باش ميديرونجيهاش للحضة ندم لاش وافق تكمل قرايتها حيت مازال اعوام خرين اتقراهم لابغات تكمل.ملاك لي دغيا حاولت تنساجم ومتحشمش مكاين غير لي بعقلهم كانو اغلبية ولاد الالبة لي داخلن حبا فالمجال وبغاو يكملو فيه بحال ملاك وكاين لي وصلو تما بسنوات تاع الدراسة ديالهم وشهاداتهم لي خولت ليهم انه يدخلو تما زاءد مكينش التنمر لي كانت كتعيش فالليسي والكوليج او الابتداءي كلشي بحال بحال واخا يشوفوك متشرد داخل تما يحتارموك اولا ميتسوقوش وينعتو فيك كلا داخل سوق راسو نهار على نهار بدات كتزيد فحماسها وكل نهار فاش ترجع للدار مكتنساش انها زوجة وعندها واجبات خاصها تاديهم ومهملاتش عهد باش ميحسش بنقص وكجزاء ليه حيت مخليها تكمل مشوارها الدراسي كانت فكل مرة كترجع كان تيكون باقي مجا غير كيديها وفاش تتخرج كتلقا لوسي كان غير ليام لولة لي كيديها ويجيبها لكن دركات عندو الخدمة ولا غي يديها معاه وتاهي متفهماه غير كيجي كيرتاح وكتجبد تبدا توريه شنو دارو وكتبقا تعاود ليه كيداز النهار وطبعا كتبين ليه وكتقولو شحال توحشاتو كيبقا غير يفرنس مكيشد والو من هضرتها غي فاش كتبقا تقولو ولكن راتوحشتك بزااااف ممارستهم حاولات ما امكن كتقادليه فلول يتحكم فراسو وطبعا كيف قالت ليها الطبيبة كيبقاو يجيوه موجات غضب كيبقا يغوت كيبغي يشدها بزز وكتصرف كتحاول متهربش منو كتهدنو بالتعناق وبيسات خفاف وكليمات حلوين وحنان كيخليوه يتهدن وكيحاولو مرة خرا .ولدات ختو صفاء وليد وفرح بزاف لي ولا خال مخلا ماجاب ليها من الهدايا لا هو لا محمد وشمس واسامة فرحو بزاف اول بيبي فالعاءلة ديالهم الصغيرة دارو سبوع ورجع كل لحياتو دوزو العيد لكبير جاو محمد وشمس واسامة دوزوه معا عهد وملاك فدارهم مونسين وعرض تاعلى جايمس ومرتو ومو يعيشو ديك الاجواء خصوصا ايزابيلا لي مسلمة بينما فءاد والغالية دوزوه مع ولادهم مجموعين .وهكذا مرت سنة على زواجهم فنهار عيد زواجهم دارت غي بحال الحفيلة بيناتهم فبيتهم بالشموع والورد والارنبات ودكشي دازو هاد الثلث شهر بسرعة والكريشة بانت ليها وغيطير عهد بالفرحة كل نهار كيتصور معاها عاجباه كيتسنا بفارغ الصبر امتا يخرج فهاد ليام جا توجاد للعرس ديال اسامة وسارة .حلت عينيها على وجهو كانت ناعسة فوقو مزاوطة عليه رجلها ومتكية على كتفو بالرغم من كريشتها لي بانت باستو فنيفو كتلعب ليه فشعرو وتململ تيخشي وجهو فعنقها :همممم رصاي شباغا.
ملاك:شي واحد فسبيل الوطن.
عهد تسمعت قهقهة منو مبحوحة بالنعاس:راغندمك متبقايش تقوليها.
ملاك:ههه وانوض .
عهد:خليني واش ليوم الحد فين باغا ديني الصباح هادا تاني.
ملاك:وانمشيو راخوك ربعيام وايعرس ونتا ناعس.
عهد:وتالنهار العرس ونمشيو.
ملاك:ويييلييي وييلي باغي يشوهني واش نتا حمق راخوك هادا اداك الخايب اوووف وافيق.كتخور ليه ودنو:وااافييق.ضربها فيدهاتتمة 🥰
بشوية:ومتبقاي تنكحي ليا فودني رابنت دارهم.
شافتلو لودنو من لفوق مقنتة واحد الشوي وميقت:شوكي مقلشة كيالجن وكتقولي بنت ضارهم رادايزة فيها الاغتصاب ماشي غي النكيح وانوووض .بدات تحليه عينو وممسوقش حال فمو داير راسو ناعس وكيشخر زعما وخشات وجها فعنقو كتحرك وجها يمين وشمال بالزربة وتهز:وااالاااا حيدي تما لا.ناضت عليه كضحك:هه يالله نوض.
عهد:متبقايش تقربي ليا تما شي نهار انطوعك .جلست على ركابيها وهزت الديباردو على كريشتها :هضر معا باك نتا.قرب شد كرشها بيديه كيبوس فيها:شكون قالك ولد تقد تكون بنية همم .
ملاك:هه لي كان مرحبا بيه.
تكا على فخضها:خلينا نمشيو نشوفوه ايكون كمل النمو ديالو علاش مباغاش تمشي.
ملاك رجع ليها داك الخوف تاني مباغاش تمشي للفحص لي قالت ليها الطبيبة غاع باغا تاتولد باش تقبلو هاكاك خايفة لاتشوفو وتازم قررات تخلي تايتزاد:ءء ولكن مباغاش نشوف حيت احبيبي الله لي كيعلم الغيب.
عهد:اه عارف ولكن هانتي منشوفوش الجنس ديالو انا انا بغيت نشوفو كيدير(كيقيس كريشتها)بغيت نشوفو وسط منك كيدير وكيناعس عفاك صفي ليوم نمشيو واخا.
ملاك بخوف :لا لا مبغيتش.
عهد جلس مقابل معاها:علاااش احبيبتي شوفي اناستازيا ديما كتمشي هي وجايمس كيشوفو ومتبعين نموو وعرفو عندهم بنية ماشي فرحتي فاش شفتي الصورة ديال ليكو ديالها وعلاش مديريش بحالها ونمشيو نشوفو تاحنا.
ملاك:مممعرفتش خايفة.
شد وجيهها بين يديه:علااش خيفة لتكون بنت كيقلتي ليا دك النهار متخافيش انا معاك احياتي انعاونك وعاد منشوفوش حنا شنو نخليوها مفاجءة .
ملاك:مباغاش نمشي لاش انمشي ياك الماكلة مزيانة حمدلله دارتلي الطبيبة لي سولتي اكل متوازن وصحي لاش انمشيو انشاءلله معندو والو.
عهد:عااارف ولكنن بغيت نشوف تانا معندك تاسبب لي ترفضي اليوم انمشيو ماشي سوقي.قفزت حالة عينيها مخرجاهم وشدت فيه فذراعو خشات ضفارها فيه عهد خلعاتو :حبيبة حبيبة مالك.عينيها غرغرو وكترعد كلها وكتبسم وكتنعت ليه لكرشها وكتمتم كلها كتغزل :تتاتتتتترررررر.
عهد مخلوع:شنو شنو كرشك كضرك شنووو هضري.
ملاك قفزت تاني وبدات كضحك وسط دموعها وشدتلو يدو بالزربة حطتها على كرشها وكتشالي بيدها:اهء ههههه اهء تتيييتتحرررك اهء.عهد تاهو تصدم ويديه بدات كترعد بقا حاط يدو:فين مكنحسش .تبتات وحطت ليه يديه بجوج عليها :بلاتي حبس وقيلة (غوتت)هاه هاهو هههه .عهد خطف يديه بالزربة تخلع فايت قايس كرش ختو فاش كان تيتحرك ولدها ولكن نطفة وقطعة منو قاسها دابا جاه احساس غريب وبقا مصدوم فكرشها هي كتحس بحال الفراشات كيلعبو فكرشها ومد يدو تاني:باش كتحسي ووواش كيضرك.
ملاك:ننلااا زوين هههه.هاهو عاود دارها.عهد كيشوف وكيحرك يدو على كرشها:فين فين .حطت ليه يدو على جنبها وركت بشوية باش عاد يحس بيه وخطف يدو تاني حاطها على فمو كيضحك:هوووووو وااااو هههههه .
ملاك:هه حبس وقيلة تقلب.
عهد:هه اه راقلت ليك ايكون كمل نموو وايبدا يتحرك بزاف.هبط باسها ليها وطلع باسها ففمها مبسم:عرفتي شحال فرحان.
ملاك:تانا فرحانة بزاف.تخشات فحضنو:ياربي غير يكون بيخير.
باسها فراسها:انشاءلله ايكون بيخير شنو نمشيو اليوم نشوفوه عرفتي بغيت نسمع دقات قلبو.
تنهدات مشجعة راسها انه كلشي ايكون بيخير:ووواخا.
عهد:نمشيو عند الطبيبة لي مشيتي عندها النهار لول واخا.
بغات ترفض فلول وفالتالي حركت راسها بالايجاب ناضت بتثاقل دخلت للدوش حاطة يديها على كرشها هو شعل التيلي لغا المواعيد لي عندو هاد السيمانة كان عوال تالنهار العرس عاد يمشيو كمل وناض للدوش سمعها طالقة الما دخل لقاها مدابزة مع السليب مبغا غاع يهبط ليها ولفاتو كيعاونها اما فامكانها تهبط لكن ولابدا من لفشوش شافتو وزمت فمها:هبطو ليا عفاك.
عهد قرب حيدو ليها:شنو غدوشي.
ملاك:ومالي لاش كنعمر هاد المياهات.
عهد:انعوم معاك.
ملاك:وانتا عاد دوشتي لبارح سير تاتخناز.
عهد:ههه انا كنكون عاد مدوش وكتقولي ليا ريحتك خيبة خلينا ندوشو.
ملاك:ايوة كنت كنتوحم ياه.
عهد:وتادابا انا لي كنتوحم.حيدت الديباردو وشدتليه فيدو وتخشات فالبانيو مرخية😍😍717
وهو معوج معاها راسو :وأنا فين نتخشا.
ملاك:اويلي زيد تخشا كيديما.
عهد بتفرنيسة:واهي لاتصيبتي ونت شتك تشتتي.
ملاك:زيد لاباغي تعوم براك من الفهامات راكرشي متقلة واقيلة.
نصل شورطو بقا بالبوكسر وتخشا وراها كيهز عليها الرغوة كيدوزها عليها وطبعا محبسش من البوسان والتلماس خلاها تارتاحت وناضت بشوية لبست سندالة مكتزلقش ولات تخاف طيح اما قبل متقبل كانت تتبقا حفيانة شحال من مرة تهزت وتخبطت وكيبقا يضحك عليها تمشات غير خطيوات لتحت الدوش وهو شاد فيديتها بحال شي اميرة هازها شوية لفوق وكيطلعها ويهبطها جسمها لي غلاضت شوية بسبب الحمالة وعاطياها غير النعاس والماكلة تيهبطها بزز للاصال كتحرك شوية ودغيا كتعيا شلل ليها كيضحكو خالقن الجو بيناتهم لواها فبينوارها وخرجها وهي دفعاتو لداخل:اووف وسير كمل دابا يضربك البرد.
عهد دخل كيضحك:يخلييك لياا وكنبغييييك كنمووووت انا كنموت.
ملاك كضحك:اسكت دابا ضربك شي جنية.
عهد:علاه كاينة شي جنية قدك.
ملاك:اوووف انا زوييينة.
عهد:وابحالا شايفة الجنون كيديرين راتبان ليا شي وحدة منعقلش عليك.
ملاك بصوت مقلق طفولي:لاااءح اناا زوينة.
عهد حل الباب طل عليها لقاها مربعة يديها غضبانة وكتشوف التحت سمعات حسو وهزت عينيها فيه غضبانة:نتي راك الزين دالزين دالزيونات.
دغيا ضحكت كتعوج:بصح.
حول ملامحو للجدية:تيقتي اتيي نوووضي.دغيا تقلبت اتبدا تغبن وبدا يضحك:هههه سيري تلبسي سيري .دخل كيكمل دوشو وهي مشات كتبرغم وحاطة يدها على كرشها ولفات تحطها عليها بحالا عاد كتاكد راها بصح حاملة وهاديك كرشها لي لاسقة فيها جبدت متلبس بيجامة خفيفة فالبيج غي نص كم بشورطها لبستها وكرشها باينة من لتحت شوية حيت مزيرة شوية عليها واخا كيجيب ليها ديال الحوامل كتحس بيهم كبار بزاف ولا كيجيبليها غابحال هادو مضفضين شوية وكيبقاو لاسقن على كريشتها السوتيامات قليل فين كديرهم ماشي ديما جلست فوق كريسي دايرو ليها تما على حساب السروال كتجلس وكتلبسو بزز ووقفت طلعاتو بشوية هو والسليب وهو يدخل عليها لاوي غافوطة من لتحت وخنزرت:واابقا تلبس لبينوار راقرب البرد الجو ديالو اتمشي تمرض ازمر.
عنقها كيبوس راسها:حبيبتي نتيا نموت عليك وزيدون البرد هنا كيبدا يطيح الثلج الدنيا كتولي بيضا .
ملاك بعدات:امم والبس دغيا انا نهبط نوجد لفطور.
خرجت كتمشا بشوية عليها وكتنشف شعرها غابالبينوار ولات كتفادا تديرليه الحرارة نشف شوية ومشات للمراية هزت السيروم ديالها للشعر دارتو وجمعاتو ديل حصان وخرجت هبطت للكوزينة كانو ديجا كيكات وشي حلوة جبدتهم ومشات كتعصر فليمون رفيقها ولات كتشهاه بزاف كانت كدندن ومع صوت العصارة مسمعاتوش فاش دخل تاحست بيه تلاسق معاها متكي دقنو على كتفها :نعاونك.ضورت وجها باستو فحنكو؛لا احبيبي صفي كلشي واجد اصلا مدرت والو انعصر غاهادا.
خشا وجهو فعنقها:هااح مصاب تبقاي غي حاملة.
ضحكت وهزت يدها كتحكلو شعرو من لور:هه علاش همم.
عهد:وليتي حنينة بزاف كتهلاي فيا.
ميقت وحيدت يديها عليه طفات الماكينة:هي انا عمري تهليت فيك ولا كنت حنينة.
عهد:هه لا ولكن فاش حملتي راوليتي كتقطري بالحنانة عليا.
تبسم كتكب ليهم فالكيسان:غير كيجيبليك انا ديما هاكا غير تطلقت معاك كنت نحشم فلول.
عهد:والااا باقا متطلقتي كتوصلي للحاجة لي مخصكش تحشمي فيها نتي عاد كطيح عليك الحشمة ديال الدنيا والدين.
ملاك:ههه زيد زيد نفطرو مكتساليش نتا.ضحك وهز معاها دكشي وخرجو للصالون فطرو وجمعت داكشي عاونها فاش تغسلو فالماشين قادهم معاها وطلعو لبسو هو لبس بودي قطني فالكحل مطرطق عليه مع سروال كحل وهي لبست سروال طايتو كيكون واسع شوية والفوق قويميجة واسعة فالرمادي وفيها خطوطا فالجناب كحلين مفصلن ليها كوليكشن خاصة ليها مكتبغيش تلبس الكساوي لكبار كتحس براسها ولات بحال شي شارفة لوات شالها فالرمادي بارد جاها مع وجيها لي طيبز شوية من الحنيكات ولات غزالة عهد جر كيبيه فيدو وهز السوارت وتيليفونو تاهي هزت تيليفونها خشاتو فالصاك صغيور وهبطو ركبو وشدو الطريق تاوصلو ودخلو استقبلاتهم شمس شدات ملاك من يديها:هايهاي الكريشة دغيا بانت دك النهار مكنتش قد هاكا تباركلله.
عهد:واييه اتبقا زايدة هكاك تاتفرغع ليها.
شمس هزت كفها:خمسة فعينيك الله يستر يخ فمك لاحسو جرو زيدي زيدي جلسي ابنتي.زادو جلسو وعاد هبط محمد سلم عليهم وجلس تانطق عهد:الوليدة ديك الطبيبة لي مشيتو عندها دك النهار عطيني عنوانها انمشيو عندها نشوفو البيبي.
شمس تبسمت تسحاب ملاك قالت ليه شنو كاين وقبلت تمشي تشوف:اه تعقل على كريمة صحبتي ديك الطبيبة.
عهد كيتفكر:لا معقلتش عليها.
شمس:نتا متعقل على حد يا ربي السلامة مهم راعيادتها ف*****.شافت فملاك:تعقلي على البناية ولا نمشي معاكم.
ملاك:اه نعقل عليها .
شمس:ايوة صفي سيرو هانا نصوني نوصيها عليكم.
عهد:اوك يالله .شد فيديها تمو خارجن وملاك متوترة راخية يدها لي شاد هبط عينو فيها لقاها ساهية فالارضتتمة
وحرك يدو شتت انتباهها:مالك.
بشوية:مماليش.ميك عليها مبغاش يحكر وركبو شد الطريق لفين قالت ليه مو ونطق:فين انا بناية.ملاك عاد شافت فالطريق دغيا وصلو كانت ساهية تاني:هاء احم هاديك راهيا لي حدا داك الكوافورة.
شاف فين وزاد باركا قدامها وهبطو وملاك زاد توترها وارتباكها شد فيدها مزير عليها ودخل باينة غامن وجهو ايطير بالفرحة جلسو كيتسناو نوبتهم وعهد كيضور فراسو كيشوف فتصاور ليبيبي وكينن تاشي تصيورات ديال ليزيكو ومبسم كيشي بهل كانو شي عيالات معاهم رجالهم كين لي كرشها صغيورة وكين لي كبيرة بزاف قريب وقتها وصلت نوبتهم وناضو دخلوتتمة الجزء 717🥰🥰 لي انا كنت كاتبة جهد جزء نضت صيفطتو للديك المشعككة دلالة حسناء (مبينها وبين الحسن غير الخير والاحسان)ياكو قلتلها تلوحو ليكم انا مبغاش يدخليا كنكسيون مية ناضت لالة الحادغة مبغاش يتلاح ليها حيت طويل ناضت شلضاتو وعليها جا التاني صغيور متخافو مدهشو 😌 هادي انا فاش كنكلف شي بنت تحط ليكم ياكينساو مكيحطوش غاع ونهار وفات وحدة بالوعد قطعاتو صغيور كيوجها دابا هادي منبلوكيهاش هاا لي غاعدة تفايل عليا بالموت خراية كيديرة هانا شوهتك حيت مبغيتيش تعطيني صداقي 💩💩💩🙄🙄🙄 موووتي بالسم وعنداك تنوضي تقلقي حق الله تاطنحبك في قلبي الخراية
مهم هاهي التتمة 🥰🥰

استقبلاته بحرارة وجلسو:مرحبا بيكم احم بنتي ملاك لاباس عليك.
تبسمت:حمدالله اخالتي.
طلت على كريشتها:كيغادة مع الثقل.
ملاك:مزيان هاحنا غادين.
الطبيبة:ديجا عيطت ليا شمس خبراتني اتجيو وقالتلي بلي مكنتيش متبعة شي كونترول ممكن نعرف علاش.
ملاك:غير مبغيتش وصفي.
الطبيبة:واخا خاصك تبعي نموو اوك مهم شنو بغيتو تشوفو الجنس ديالو ولا غير اتشوفوه كيداير(قصدات على دكشي لي شاكة فيه تسحاب عهد فخبارو).
عهد جاوب بحماس:غير نشوفوه بغينا نخليو جنسو مفاجءة وبغينا نسمعو قلبو ياك ايكون يتسمع.
تبسمت ليه:اه ايكون كيتسمع. وناضت لفين اتقلبها نعست ملاك وعرات كريشتها وعهد واقف حداها ضاحك فرحان دارتليها الجيل جابت االة باش يشوفوه ويسمعو القلب دارتو على كرشها وبرونشات مع لبيسي يتسجل لي كيبان فالتلفزة ايتسجل فيديو عندها فالبيسي خدماتو وبدات كتحرك وكتشوف فالتلفزة وملاك هزت عينيها كتشوف بخوف وعهد حال عينيه كيتسنا جنينو يبان كان باقي مبينش دكشي مزيان لكن دقات قليبو كيتسمعو مضطربين والطبيبة قطبت حجبانها مركزة فاش بدا كيبان بانت كتلة ماشي عادية ورويسو عوج ورجيلة كتبان بحالا عاد كتنوض ورجل لخرى مسرحة وشافت فملاك بحزن:شتيه دكشي لي قلت.قبل متكمل ملاك عينيها مدمعين وضربتليها يديها حيدت من كرشها دكشي تاهي ميزات دكشي وضهيرو لي فيه بحال الحدبة عهد بقا غير كيرمش عندبالو دكشي عادي وهداك ولدو عادي لاش دارو هاكا:حبيبة شتيه هه زوين ياك.
ملاك هزت فيه عويناتها:بصح اهء جاك زوين.
عهد:هه اه.
ملاك:اهء واخا شفتيه مشوه.
عهد بقا كيرمش ووقف بعدما كان محني عليها تصعق من كلماتها وشاف فالطبيبة لي كتشوفيهم بحزن:كيفاش.
الطبيبة:كفاش كيفاش علاش مقالتش ليك بلي شاكن فانه ديجا عندها البيبي مشوه.
عهد شاف فملاك كيطلع النفس حس براسو ايتخنق:شنو كيفاش دابا مشوه مفهمتش فهموني.
الطبيبة:ملاك بنتي واخا تنعسي نعاودو يشوف.
ملاك بخوف:اهء اهء لا مبغيتش.تنهدت الطبيبة ومشات للبيسي دخلت قلبت على الفيديو لي تسجل وشافت فيه:اجي نوريك.عهد قرب بتردد وقف حداها وهي حبست الفيديو فاش بان واضح وشدت ستيلو كتنعت ليه:هانتا هاد الرجيلة اتكون عندو ناقصة .
عهد قاطعها مباغيش يتيق:كون راه باقا مكملات ليه.
الطبيبة:الزوجة ديالك راتقريبا داخلة فشهرها الخامس فهاد الفترة كيكون كمل نموو بكلشي ليه تامن الضفيرات والشعر لي تيكون يا متا كتيف ولا قليل على حسب الوراثة(ضارت للبيسي كتكمل ليه وملاك مزيرة على عينيها كتسمع وتبكي مباغاش تمشي تشوف مرة مرة فين كتهز راسها كتشوف عهد مسكين مصدوم وحال عينيه مركز بحال باغي يلقا شي خطء ويقول للطبيبة راك غالطة.الطبيبة بتنهيدة كتمرر الستيلو على ضهرو:العمود الفقري كنضن عندو مشكل فيه .طلقت الفيديو وبدا كيتسمع صوت دقات قلبو الغير متزنة:كنضن عليها ناتج عليها تضارب دقات قلبو ايكون مزير عليه او يمكن عندو مشكل فالقلب.
عهد شد فراسو وجلس فالكرسي فاشل كيشوف فالارض شارد:علاش اسيدي ربي علااش (ساط بالم غمض عينيه كيصبر راسو وكيستغفر الله وكيتمتم بشوية)ياربي لاكان ابتلاء انا قابل بيه ياربي غير متعدبناش وتعدبو معانا ياربي ياربي.هز راسو عينيه حمرين فاش سمع الطبيبة كتهدن ملاك وناض عندها معنقها وتخشات فصدرو:اهء اهء سمحليا سمحليا اهء حيت مقلتش ليك فلول اهء سمممحلياااا.
عهد:ششش صفي عفاك براكة غي سكتي من البكا.
ملاك هزت فيه راسها:اهء متخليناش ياك.ضربليها فمها بشوية ولكن قصحها شد راسو فاخر لحضة اما كان باغي يهرس ليها فمها؛اخر مرة نسمعها منك .
خشات وجها فصدرو مزيرة عليه تاتهدنت والطبيبة حاضياهم كتنهد وحدة ورا لخرى بقاو فيها عهد هز عينو شافها كتشوفيهم بشفقة ونطق بابتسامة:بلاما تشوفي فينا هكاك ربي وقدرو علينا خاصنا نتقبلوه انبغيه كيما كنت انبغيه كون كان كامل .
الطبيبة :ونعم بالله غاهو خاص تدير كنترول على حسب(ملاك زيرت عليه كتحرك راسها بالنفي وسط صدرو)
عهد قاطعها:لا كيفما دوزت هاد ربع شهر بيخير اتكمل خمس شهر لي بقاو انشاءلله بيخير بلاش منو .
الطبيبة تنحنحات:اوك لي بغيتو ولكن على الاقل نعطيكم نصاءح لهاد النوع من الحمل.عهد نوض ملاك وقربو جلسو تقابلو معاها فالبيرو718🥰🥰
تقابلو معاها وعهد شافيها:واش اتقيدي ليها شي دوا ولا شي حاجة.
الطبيبة:لا غير شي نصاءح وشي جدول وروتين للرياضة والاكل.
عهد:الماكلة ديجا متبعة واحد الطبيبة عطاتو ليها.
الطبيبة:اوك مزيان والرياضة ضروري حيت راك شتو مغتكونش ولادتو سهلة ويمكن نديروها قيصرية لا كان شي مشكل.
ملاك هي كتهضر وهي كتزير على القميجة من التحت وكتحبس البكية ضورت عينيها للبيسي كان باقي باين وقلبت وجها بالزربة .
الطبيبة:بالنسبة للقلب انرسل الصوت لخبراء باش نزيدو نتاكدو واش عندو مشكل ولا غير بسبب ضهرو متكي عليه.
عهد حرك راسو بالايجاب ساكت والطبيبة شافت فملاك:بنتي الراحة تم الراحة مكنهضرش على النعاس ولا مديري والو لا الراحة النفسية هاد البكا معندو باش ينفعك غي كتزيدي عليه هو مسكين رافهاد الاشهر كيكون بدا كيحس بمو واي حاجة منك كتاثر عليه كيكنتي فرحانة تاهو ايكون فرحان كيكنتي ممزياناش تاهو ميكونش مزيان ابنتي.
عهد شد ليها يدها وهضر بحنان مبسم:صفي احبيبة دابا لاش كتبكي ياك كنتي تقولي كيبنت كيولد مرحبا بيه وتادابا مرحبا بيه كيفما كان فخلقتو واخا مكاملش .
ملاك بشوية:يالله نمشيو بحالنا.ناض وشاف فالطبيبة:شكرا.
الطبيبة:هادا واجب فاش يوصلوني نتاءج على القلب انخبركم.
ملاك بانفعال:واش مقدكش باراك عليه مشوه لاكان مريض فقلبو خليه تايتزاد ونعرفو عفااك براك عليا مفيا لي يسمع شي صدمة خرا.عهد زير عليها من دراعها باش تهدن وحرك راسو للطبيبة بمعنى مديش عليها وحركت راسها مغمضة عينيها بمعنى مكين مشكيل خرجو طلعو للوطو وعهد ضاحك:هممم فين نمشيو.
ملاك ببرود:بغيت ننعس.
عهد:لا انخرجو نمشيو ناكلو فشي بلاصة ياك ونضورو تانعياو عاد نرجعو ونعسي لاباغا.
ملاك:عهد ر.
قاطعها شاد يدها كيشوفيها مبسم:حبيبة نساي هدشي لي طرا دابا وشنو شفنا هاداك ولدنا ولا بنتنا انا فرحان بزاف بيه كيفما كان مهم ولدنا طريف مننا حنا.جرها عندو بدات تغبن:مكنهضرش باش تبكي كنهضر باش تحيدي دوك الافكار من بالك وتيقي فربي لي عندو حكمة من هادشي همم شوفي فيا شووفي ايه.هز ليها راسها:شنو مفرحاناش مباغاهش.
ملاك:لا ماشي هكاك اعهد والله انا خيفة لمنقدش عليه.
عنقها:واانتي خيفة لتكون بنت خايفة منو دابا فاش شفتي كيدير واش اتبقاي خايفة نتي ديما ها رانا معاك الحمقة ماشي مخليك راك حمقة لاكنتي كتفكري هاكا ولا شتي نتي اولديه ولا ولديها ليا وانا نقابلها تامن الرضاعة انا نبقا نهزو ليه ونقادو ليك ترضعيه نتي غارتاحي.
تهدنت شوية ونطقت:بغيت ناكل خبيزات.
عهد:هي لولة الحبيبة ديالي.
بعدت منو:نيت ندوز تالدارنا توحشتهم.
عهد:اهاه واخا بقاي غي على خاطرك ورتاحي واخا .تحركو من تم مشاو قربو لدربهم وملاك نعتت ليه لفين كاين داك مول الخبيزات كان نيت باقي عاد كيحل حبس لوطو حداه وهبطو الراجل شافها وتبسم:مرحبا بنتي ملاك.
ملاك ردتلو الابتسامة:السلام لاباس اعمي.
باكريم:الحمدالله ابنتي.شافليها لكرشها:مبروك ابنتي يكبر فعزكم نشاءلله.
ملاك:امينن.
باكريم:شنو خبيزة كيديما .
ملاك بضحيكة:اه .قاد ليهم الكراسا على الطبلة وشاف فعهد:تانتا اولدي.
عهد:اهاه واخا ناخد تانا.حرك راسو ومشا كيطيب ليهم وغاعطات الريحة وبنادم بدا كيجي عطا لعهد وملاك وبدا كيسربي فبنادم كاين لي كيديه معاه وكين لي كيجلس كياكل تما تاجا ولدو تكون عندو ديك سطاش شاف ملاك وشير عليها:ملاك لاباس.
ملاك:حمدالله ونتا كيغادي مع القراية.حك شعرو غادي داخل جهة باه:ههه واغاسكتي ندمتيني لاش سلمت عليك.
بقات كضحك وباه شافيها:اراه جاب واحد النتيجة كيوجهو ابنتي.
ملاك:هه دابا يدير عقلو ابشوية عليه.
الدري:وييه قوليها ليه.
باكريم:دوز حضي الفريت باراك من اللغا ونتا عاجبك الحال.ملاك وعهد كملو وعهد مشا عندو ايخلصو مبغاش يشد من عندو حطها ليه بزز فيدو خلاه كيقلب على الصرف وطل على الدري:بسس.
الدري هز فيه راسو:ها.مد ليه خمسين درهم وغمزو ومشا بالزربة قبل ميضور باكريم باش ميشدش منو الصرف الدري هز الي عطاه فرحانتتمة😍😍
ومدها لباه لي ضار لقا عهد مشا ركب هو وملاك:شد سير تبعهم عطيهم الصرف ورد ليه دكشي لي عطاك.
الدري:هاء السيد عطاني خمسين درهم ونتا خلا ليك الصرف وباغيني نتبعو نردها ليه شدها الواليد وقول باسملله رزيق جابو لينا الله راتاحنا محتاجينها.عهد كيديماري وشافو فاش عطا لباه ديالو تبسم وتحرك من تما وملاك كتشوفيه بابتسامة:عرفتي شحال اتكون فرحتيهم مرتو مسكينة كدير الدياليز.
عهد:الله يشافيها .
ملاك:اميين.ضار لدار والديها حبس وغمض عينيه بفقسة جاو وقفو ليه جاد وجود كيالجنون هازين بجوجهم تيوات مع تعلمو يتمشاو ولاو كيطيرو مع الطيور كانو جاين مشير على لوطو وهي تبانليهم ملاك وهوما يتبتو وجاو ليها للباب كيضربو فالباب:باااب لي علي علي. هي بقات كضحك باقين كيعوجو الهضرة حيدت السمطة وحلت الباب وتحنات بشوية باستهم وخرجت سدت الباب كضحك معاهم شافتها مهم كانت جالسة مع عيالات الدرب برا وغوتات فاش شافت كرشها خارجة مقايلينها لتاحد قليل من العاءلة لي عارفها حاملة :هاااافرحي سعدي مليليكة حاملة.ناضت عندها كتبوس وتعنق طيبت ليها حنكها والعيالات غوتو ليها:امبروك عليك ..مبروك…. الله يكمل عليك.
مت جاد وجود كتشوف فكرشها وضحك والغالية حلت الباب فاش سمعت الغوات :هييوة شمن شهر عدك.
ملاك:الرابع اخالتي.
المرا:تبركلله تبركلله واتاتك الحمالة ازيانيتي.
ملاك:علاش كنت خايبة.
المرا:لا حاشة غازدتي زينتي اخيتي.شافت للغالية:وتي شتك مقلتي لينا والو.
الغالية:ايوة مالي بغيتيني ندير البوق ابنتي حاملة.
المرا غمزتها:قولي خفتي عليها من العين.
الغالية لعهد:دخل اولدي لاتبقاش واقف رافءاد لداخل.عهد كتقتلو بالصواب قدام بنادم كتبان معاه سمينة على عسيلة اما غابيناتهم كتعطيه المشحر دخل كيضحك جلس مع فءاد وملاك بقات شاداها المرا مبغات لا تطلقها كتسولها شي اسءلة كتعاودهم كتر من مرة تاجرتها الغالية بزز:واصافي اويلي اربيعة واش مكتساليش الدرية كون رجليها نبلو عليها.
ربيعة:واابشوية مالي غناكلها ليك بغينا انسولو كيجاتها الحمالة مالكي.
الغالية:تاتولد وسوليها نهار السبوع هانتي معروضة من دابا دخلي املاك ابسلامة عليك اربيعة.
ربيعة:هاهي غادة متخليو حد يبرغغ فهاد الدرب.دخلت الغالية كضحك وشافت لملاك كتمشا بشوية:شنو تقتلي بزاف.
ملاك:لا ارجلي نبلو كيقلتي.
الغالية:عادي مع الحمالة غاصبري دابا تشديه فيديك وتنساي هدشي.
ملاك دخلت سلمت على باها وجلست وفءاد بانتليه الغالية شادا التيليفون :تي لمن كتعيطي تاني.
الغالي:خوتها يجيو يشوفوها.
فءاد غوت هاز يديه:لا لا ميجي عندي حد راسي ضارني والبز كل واحد يبكي من جيه اخليهم بغات تشوفهم هي تمشي عندهم.
الغالية قلبت عينيه وشافت للتيليفون تاني:ايوة حنا بغينا نتجمعو هنا .
ملاك:هنا كتجي الجلسة زوينة عندكم.
فءاد شاف لعند عهد:بصح.
عهد كيضور عينيه:اه.
فءاد:يخليها سلعة كيدير.
عهد بشوية:حسن منك.
فءاد شوهو سمعو عندو ودنين كيالرادار:ايييه وليتي تسبني.
عهد خرج عينيه:انااا.فءاد جا يهضر وهو يسمع الغالية بدات تهضر فالتيليفون وشد راسو:ااالووو مكينش خالد …بااااقين فالخدمة…..ااااه نسيت وعيطي ليه وقوليه يقول لخوتو معاه يجيو راملاك جات…..اه صفي جيو سبقوهم نتوما….ياالله بسلامة.قطعت:صفي هاهوما ايجيو عيالاتهم باقن خدامن الرجال عندهم شي اجتماع.
فءاد ضرب فركبة عهد:نوض نخرجو العيالات ايتلاقاو ايتبخو لينا راسنا بالنميمة تايجيو الدراري وعيطو لينا.
الغالية:وااخا غاسير ونقص عليا نغيرك اربي مكتسكتش.
ناض طلع خرغ فوقيتو وعهد شاداه البكية مكيحملش يبقا معاه الراس فالراس كيبدا يجبد ليه الضواسا ديال المافيا ودكشي لي كان كيدير شحال هادي وكيبدا شي مرات يطلقها عليه بالمغامرات ديالو فالمخبارات شي كيتيقو شي لا والقميع والطنز كيعطيهم صلية بحالو بحال ملاك فاش كتكعا كيبغي يضحك معاه كيندمو بقا كيدعي فخاطرو دابا يدقو الدراري لكن لاا حياة لمن تنادي هبط فءاد لابس فوقية ومشا كيلبس صندالتو دالخروج وعهد بقا غالس كيرمش كيطلب يكون نساه تاسمعو غوت:عههد شتك باقي غالس .
عهد ناض؛لا هانا جاي.باس لملاك راسها ومشا معاه خرجو مع ايضورو من الدرب تاتلاقاو بخت الغالية ثورية هي وبنتها لبنى لي بقات كتشوف فعهد باعجاب معقلتش عليه مزيان بحيت محضرتش لعرسهم بسبب المشكل لي دارت مها وعاد كان وجها باقي مخصر شافت غي تصاورهم وشي فيديوات من عند بنات العاءلة مدت يدها سلمت على فءاد ومدتها لعهد ببلاهة اكتفا يتبسم ليها من باب الصواب وبقا مهبط يديه فهمت راسها وهبطتها محرجةتتمة🥰🥰
فءاد عجبو هو اصلا عارفو ملتازم واخا كيبان مستيلي عجبو فيها حيت شاف شوفاتها ليه ونطقت ثورية:لاباااس اسي فءاد.
فءاد محاملهاش حيت عاودتلو الغالية شدارت :الحمدالله هاد الساع.
ثورية:كاينة ختي فالدار.
فءاد:اييه كاينة.
ثورية:شحااال هادي مشتها قاطعة غاية زعما ولكن كتبقا ختي نيت كنت جاية عندها ونحي صلة الرحم.
فءاد:واراك عارفة لاش قاطعا غاك .
ثورية:لي فات مات والشيطان ولد الحرام (هزت عينيها فعهد)لاباس اوليدي هادا راجل بنتك ياك.
فءاد:ايه هو هادا.
ثورية:اييه تباركلله كيدير لاباس ومرتك لاباس عليها.
عهد:حمدالله ربي خليك.
ثورية بلا حشمة بلا حية؛هادي بنتي سمها لبنى.
عهد:متشرفين الله يخليها ليك.
ثورية:وانخليكم عطلتكم نمشي نشوف ختي.زادت ولبنى محيدتش عينيها عليه .ثورية:شتي راجلها كيدير من غير مرفح.
لبنى:ايوة الله يزيدو.
ثورية:الفول كيعطيه ربي غالي معندو ضراس ونتي الحمارة عييت نقولك نهار العرس ضرقي وجهك غابالماكياج واخا انا مكنتش انمشي كنتي تمشي تعمري العين لشي حد ولا ليه هو نيت مشتيش على تبيسيمة دارلك فاش مديتي يدك.
لبنى:راه قمعني.
ثورية:كون قمعك ايضحك ليك اتكوني عجبتيه.
لبنى:الله يهديك اماما فين انبان ليه انا قدام ملاك.
ثورية;ومالكي حاغرة راسك رالرجال كيبغيو الجديد اتكون طلعتليه فراسو.
لبنى:عفاك اماما لاماسكتي.وقفو عند باب دارهم ودقات حلت الغالية بالزربة تسحابهم كنيناتها تاوقفت كتشوف:ثويرية لاش جاية عندي.
ثورية تلاحت كتبوس فيها:اخويتي وتوحشتك وجيت نشوفك.
الغالية:اممم هانتي شتيني.
ثورية:اييه وتخلينا فالباب توحشتك اخيتي.
الغالية طربت خلاتهم يدخلو ملاك كانت كتشوف فالتلفزة وكتاكل فالفاكية حطتها ليها الغالية شافت شكون وبلعت شنو ففمها .ثورية كتشوفليها فكرشها:السلام عليكم.
ملاك وقفت سلمت عليهم ولبنى حاضية كرشها:حاملة امتا؟؟.
ملاك:عندي ربع شهر دابا.
لبنى:اه مبروك.
ملاك:الله يبارك فيك.
ثورية:مم بروك ابنتي.
ملاك:الله يبارك فك اخالتي.جلسو وملاك جمعت زبل دكاوكاو كانت كلاتو قشراتو وناضت داتو للكوزينة719🥰🥰
دات دك الزبل للكوزينة وغسلت يديها وشربت معرفتش لاش خاطرها تزير عليها فاش شافتهم من نهار شافت شنو دارت ليها دك النهار خالتها خاطرها هرب منهم تامن لبنى لي كانت تتحسبها صاحبتها لي معندهاش واخا قليل فين كانو يتلاقاو ضورت راسها فالكوزينة ومشات للثلاجة حلتها وبقات تتشوف توحشت هاد اللحضات بينما عند الغالية نطقت ثورية:تي بنتك حاملة ومفخباريش.
الغالية:مجابتهاش الوقت.
ثورية بدميعات التماسيح:ايييه اختي شحال داز على داك المشكيل عام تقريبا ولابغيتي تنساي.
الغالية:واخا دوز مية عام اختي بنت مي كيجيني بحالا عاد قبيلة دخلت خطفت ليها ديك الغندورة لي عطيتيها حاكة فيها دك العشبة تاجات فبنتك شحال من شهر هاا عاد داوات منها ولا نخليو هادي وداك .
ثورية بتلبك مبغاتش بنتها تسمع قاطعتها:واختي الله يهديك نساي راديك العشبة سحبلي خزامة انا درتها نسحبها دير ليها رويحة.
الغالية:ثورية قلبي عليا الله يرضي عليك مفيا لي يجري عليك.
ثورية:ياك وانا جاية نتصالح معاك.
الغالية:ثورية شوفي مديريش فيها ضالماك راك عارفا شدايرة خليني ساكتة بغيتي تجلسي مرحبا غتبقاي تدوي فدكشي نوضي خرجي عليا بنتي حاملة ووحمها صعيب تهضري قدامها تمشي تعصب ليا .
ثورية:صفي صفي حقا فاش كنا جاين تلاقينا بفءاد وراجلها .
الغالية:اه خرجو عادابا شوي.
ثورية:تباركلله مشاءلله الله يحفضو من العين .
الغالية كحزت الطبسيل دالفاكية قدامهم كتميق:باسملله اختي انوض نعمر شي كاس داتاي.ناضت للكوزينة وهي توقف مصدومة ملاك هزت راسها بشوية فيها وفمها عامر بالرايب وسايل ليها شوية من الجناب جابدة الطاسة كاملة وحاطة ليها فزلافة وغاعدا تخشي فوجها :مممي.
الغالية تمشات بشوية طلت فالسطيلة وخرجت عينيها:اويلي ضربتي نصها وانا عادا مصاوباها عاد جابلي باك الحليب من عند شي فلاح وييييلييي ويييلي(بفقسة مخرجة عينيها شافت فالجناب دالسطل مطراسية واحد البارتية صفرة ديال كانت الزبدة معزولة)ويييلي الزبدة فيناهي ويييلي كلاتلي الزبيدة وانا شحال نتسنا فيها تعزل.
ملاك بالزربة وبطفولية ناضت:هاهي هاهي جمعتها ليك والله مكليتها .جبدت واحد السوبيرة صغيورة عزلتها ليها فيها:شتي هاهي.
الغالية شدتها:تبااركلله خرج بزاف.خنزرت تاني شافتها رجعت للزلافة كتحط ليها وخطفت ليها السطيل:اباراكا عليك راكيضر ايقلب ليك المعدة لاقويتي تبداي تردي كلشي شحال كليتي من زلافة.
ملاك كتاكل خيفة لاتاخد ليها تادك الزلافة:مبقيتش عاقلة.الغالية سدت السطيل:وييلي الجيعانة باك ليوم ينحرنا راجيبو باش نصيبو ليه رايب.
ملاك هزت كتافها:وانا مالي انا واحلة فروحي.الغالية عوجت السطل تهديد غضربها بيه:والله يامك وماجيتيني هازة روح تانفرق ليك راسك بهاد السطل.ملاك بقات تخيب سيفتها وتعوج ففمها كتميق الغالية ردت السطيل خشاتو فالثلاجة حيت صافي تصايب وردت تالزبدة تالمن بعد وطحنها باش تزيد تعزل مزيان ومشات كطيب الما وملاك بقات جالسة ليها تما وشافت فيها:كملتي ونوضي جلسي مع خالتك.
ملاك بنرفزة؛لاء مبغيتش مكنحملش نجلس مع الضياف بوحدي.الغالية بقات كتبرغم وميكت عليها طيبت اتاي وحطت شي حليوات وملاك ناضت هزت معاها وخرجو حطو دكشي تاسمعو الدقان وناضت الغالية وتسمع الهاراج كانو عيالات خوتها دخلو وناضت سلمت عليهم فرحانة جلسو مجمعين لبنى حاضية ملاك شادين فيها عيالات خوتها على الكرش وكيطلعوها عليها وكيجبدو ليها تاعهد كيضحكو معاها ونطقات تاهي بغات تخشا:ههه ويلي املاك تانتي نتي لي غتكوني بغيتي تحملي دابا.
ملاك بعفوية:لا هو لي باغي الدراري الصغار .
لبنى :احياني عليك .
حليمة:ومن بعد لاش كتلمحي نتي راه راجلها هاداك حلالها شهوا منو .
لبنى شافت فيها:مالك اختي ضرتي فيا انا غي كنضحك معاها.
حليمة غمزتها كتقلي ليها السم:ايوة تانا ضحكت معاك .
ملاك:ويلي احليمة مالك مع البنت .
حليمة:تتكون دوز عليا ديك البسالة انا عاد قولي ليا مالك معاها.
ثورية:علاه مالها شقالت غاااع عااادي غير بانتليها ملاك زربانة تحمل.
حليمة بغات تهضر والغالية هضرت بتحذير لحليمة باش تسكت:مشغل تاحد بيناتهم هوما بغاو يعمرو عليهم وزيدون رادزت كتر من سبع شهر عادا حملات .
ثورية بضحكة مستفزة كتخبي حقدها:هاها لااا باقن صغار ولا بغات زعما تبثو بالدراري ليطيروه ليها الرجال عينهم زايغة ويشوفو الاحسن يبدلو هي مزروبة وتلاكان هو لي بغاهم تقولو لا ولا خاصها غا امتا تجرو للفراش انا بعدا بنتي موصياها متولد تادوز عامين ولا ثلاثة .
حليمة بشوية:ايوة على الله ماشي تحمل بلا زواج.
لبنى هزت فيها حاجبها:مالك نتي على هاد الهضرة.
حليمة بغل:راك عارفة علاش كنهضر خليني ساكتة وخلي وجهك زوين قدام مك.
لبنى:ايييه شتك بحالا باغا تدابزي.
حليمة:نتي لي دابا باغا دابزي.
الغالية:حليمة مالك شعلتي.
حليمة فاض بيها الكاس:سولي الكلبة دبنن ختك لي كل نهار كتبدا تصوني لخالد وتبدا تلحن فصوتها .
لبنى ولات صفرا وقلبها قرب يسكت:اش كتقولي نتي.
حليمة:مالك ال*حبة تسحابيه مكيقولهاش ليا راكيطلق هوتباغلور وكنسمع كلشي.
لبنى:ومن بعد كنعيط حيت كنقرا نفس الضومين لي كان داير.
حليمة

حسناااااا مسحي التعليق رغننننتتمة 🥰🥰
بفقصة:ومالك متعيطي ليونس ولا لايمن ولا لطارق تاااهوووما نفس الضومين وعاقلن حسن من خالد على دكشي واخا ندوزو هادي ونمشيو للنصاصات ليل عادا كتصوني ليه مالك متصوني ليه بنهار ها نتي تاتشدك الدودة وتبدا تلحني فداك الصوت عندك.
لبنى بانفعال:ايييه مالكي شتك كتخوري كنعيط على حساب لقراية بنهار كنكون مشغولة تاتنسالي وكنصوني نسول وهضرتي مكنلحنهاش نتي محسوسة ابحدك.
حليمة:رغنوض نوريك محسوسة كيديرة الكلبة.
لبنى جرت مها:ماما يالله بحالنا هادو مكيحملوناش.
ثورية شافت فالغالية:كتشوفي فكنتك كتسب فبنيتي ونتي ساكتة.
الغالية وقفت:انا معارفاش شدكشي بيناتهم ومادام حليمة قالت دكشي الا وكاين (طلعتها وهبطتها)وزيدون قلب البرمة على فمها تخرج البنت لمها دكشي عندكم فالدم بلاما نفكرك فيامك.
ثورية حركت راسها بعصبية ومشات خرجت هي وبنتها .ثورية:نتي لمك واش بصح دكشي.
لبنى بتلبك:والله اماما كنسولو على القراية ديك القحبة معرت مالها.
ثورية:الغويلية الخانزة ولات تضرب فالمعاني ايييوة واااخا وااااخا لمندمتهمش منتسماش ثورية.لبنى بقات كضور فعينيها وكدعي فحليمة لي شوهاتها هي فعلا كتعيط ليه حيت من ديما كيعجبها كدير السبة بالقراية وهو كيبقا يجوبها من نيتو وهي كتبني امال خاوية.عند ملاك والبنات داز النهار عندهم بالضحك والنشاط جاو خوتها وعيطت لعهد جا هو وباها عهد دخل راسو كيضرو جلس حدا خالد شافيه كيضحك:ههه وكحتي.
عهد:هه وييه تبخ ليا راسي.
خالد:ههه هاداك رمكرهش تالختانة يعاودها ليك.
عهد:ههه اودي غالسلاك حيت بات ملاك النور. بقاو جالسين عاطينها للضحك. ودازو دوك ليام واليوم العرس ديال اسامة فاقت قبل منو ناضت بشوية عليها باستو فحنكو ومشات لدوش قضات حاجتها تالمن بعد وتدوش خرجت لبست عبايتها صلات وهبطت لتحت بانتليها شمس فالجردة جالسة ومشات جلست معاها:صباح الخير.
تبسمت ليها:صباح النور كيصبحتي مزيان.
ملاك:اه حمدلله فينهو عمي.
شمس:راه باقي ناعس العريس وباقي ناعس مخلا لينا منقولو.
ملاك:هه ايوة خليهم يرتاحو.
شمس:واغيعطلونا هاني فين قلتها ليك كلشي ايمشي للقاعة قبلنا حنا عاد نتمو داخلن بحالا ماشي عرس ولدنا.
ملاك:ههه وشغنديرو هه حقا سارة عيطت ليا قاتلي ندوز عندها.
شمس:اه راعيطت ليا تانا باش نقولها تالصفاء تمشيو معاها عند الكوافورة بغيت نسيفط ليها البنت لي صيبات ليك قالتلك لا بغات تمشي تاهي عند الكوافورة ودير دكشي بالهيلالة زعما شوفوني تزوجت.
ملاك:ههه واشنو رازواج هو الاشهار اما علاش ديرن هاد العرس نتي متمشيش معانا.
شمس:هاء علاه يخليني داك لي تقوليلو عمي بقالك شوي وتقوليلو با.
ملاك هزت كتافها:مالو يستاهل نقولو با.قالتها ببرود بحالا معندهاش باها شمس تنهدت وقلبت الموضوع ويامنة جابت ليهم الفطور فطرو بجوجات تانطقت شمس:احم حقا كنبغي نسولك وكنميك.
ملاك كتشرب العصير:همم.
شمس:احم شقالت الطبيبة ياك كلشي مزيان شتكم مزيانن يعني غي كانت شاكة.
ملاك ضرها خاطرها وتبسمت:لا اخالتي صدق مسيكين بصح دكشي.عوجت راسها:واخا بقا فيا الحال ولكن انصبر .
شمس حاولات تواسيها واخا تاهي بقا فيها الحال:الصبر ابنتي كون ربي بغا يختابر صبركم ومتعرفي هاد الدريري يدخل برزيق عليكم وعلينا.
ملاك تنهدت كدوز يدها على كرشها :دكشي لي كين تانا صابرة.ملاك ضورت عينها وهي تبان ليها صفاء داخلة وصلها طارق غي فالباب ورجع للخدمة تالعشية ويمشيو للقاعة مع خوتو ووالديه تاهوما معروضن سلمت عليهم وجلست شادة عندها ولدها وملاك بدات كضحك معاه:الفنيكيش كبر.
صفاء:هه اه.
ملاك:محمد (كتفرقع ليه صباعها وهو كيضحك)ههه زويون ديالي اجي عندي عطيه ليا.
صفاء مداتو ليها بشوية:وعنداك راكيبقا يتركل يمشي يضربك لكرشك.
ملاك شداتو:باسملله باسملله اشنو توحشتيني همم.بدات كتبوس فيه طيبتليه حناكو تاعيطت تاني سارة قالتليهم يجيو دابا وناضت ملاك طلعت للبيت لقاتو باقي مجبد حيدت الشال والعباية ومشات تكات جنب كدوي ليه فودنو:حبيبي عهد حبيبي وااعهودي.
عهد:هننممممننن.
ملاك:هانا انمشي عند سارة واش اتبقا ناعس.
حل عين:لاش اتمشي جلسي للارض باقي الحال.
ملاك:حشومة طلبتني راتمشي معايا تاصفاء.
عهد:وانا مالي شغلها مع راجلها مشغليش انا.
ملاك:اويلي واش مغتخلينيش نمشي.
عهد:لا بقاي تانفيق.
ملاك:هانتا فايق خليني نمشي.
عهد تقلبتتمة 🥰🥰

شافيها:اهاه وانا منبقاش فيك.
ملاك هبطت باستو:واعفاك مسكينة من لبارح وهي كطلبنا نجيو عندها.
عهد:خلي ليا كرشك وسيري لاباغا.
ضرباتو لصدرو:سير بحالك قالاك وادابا خليني نمشي راعاد عيطت تاني.
عهد بدا كيتكسل وكيتفوه:اوك وعنداك يجروك ديري المكياج لاكنتي اديري صيبي راسك دكشي خفيف عنداك هاودني منك.
ملاك:واراك عارفني مكنقويش غاع مكيبانش بلاما دير السبة.ناضت مشات للماريو جبدت سروال واسع شوية مبقاتش كتلبس السليم كيعدبوها وقويميجة تاهي ديال الحوامل حطتهم فوق الفوتوي وضارت عندو:عهد باقي موصل قفطاني حقا.
عهد :تانعيط نسولهم مالهم.كيتفوه
ملاك:واخا واش احبيبي باقي فيك النعاس.
حرك راسو:امم .
مشات عندو باستليه جبهتو:وانعس ارتاح.جرها باسها ففمها بشوية وخشا وجهو فالمخاد مكمل نعاسو هي مشات للدوش كانت مزيرة قضاتها بالخف وخرجت لبست حوايجها ولوات شالها ومشات هزت تيليفونها وقربت باستو فشعرو ومشات هبطت هازة غير تيليفونها صفاء خلات محمد مع شمس خلات ليه الرضاعة ديالو وشمس جابت فرشت فالارض وخلاتو كيتكركب وكيلعب صفاء وملاك داهم الشيفور لعند سارة بقاو جالسن معاها فالدار شوية عاد ناضو مشاو لعند الكوافورة الشيفور وصلهم ورجع للفيلا وصل الضهر عاد فاق عهد على صوت التيلي يسحابلو ملاك شد التيلي تابانتلو ماشي هي وجاوب:الو.
الطبيبة:الو مسيو عهد .
عهد:شكون معايا.
الطبيبة:سي لودوكتوغ كريمة.
عهد قاد الجلسة :اه وي لاباس عليك.
الطبيبة:حمدالله اولدي ونتا ومرتك.
عهد:الحمدالله.
الطبيبة بصوت مبشور:مهم امسيو عهد كيف قلت ليك انه غنعيط ليك على حسب دقات القلب ياك.
عهد طاح لو الما فالركابي:ءء اه شنو ياك لاباس.
الطبيبة:اول حاجة خاصني نطلب اعتذار على ود الخطء لي وقع .
عهد:ششنو كفاش.
الطبيبة:كيف قتلك رسلت الصوت لواحد صاحبتي مختصة اكتر مني من بعد ما فحصت الصوت وعدت اجراءات لقات انه معندو تاشي مشكل.
عهد تنفس:ايوة الحمدالله.
الطبيبة:هه ولكن ماشي غي هدشي مغتسولش شنو سبب الاضطراب ديال دقات القلب زعما.
عهد:ششنو.
الطبيبة:هوما قليبات ماشي غي قلب.
عهد بصعقة:هاا.
الطبيبة:اه كيف سمعتي الطبيبة قلبتهم مزيان ودارتهم بالعرض البطيء وشافتهم على شكل موجات صوتية كيعطيو انه مكينش اضطراب وانما كتر من قلب كيضرب طلبت مني انني نرسل ليها لفيديو ديال الجنين ورسلتو ليها تاهي فلول ضنت ان الفحوصات خاطءين وانه فقط واحد مشوه لكن تاهي رسلت الفيديو لاخصاءيين اخرينن وواحد فيهم قال انهم توام ملاسقين.عهد وقف وجلس بالفرحة:هاا كفاش دابا شنو اه .
الطبيبة:تهدن اولدي دابا مماكدنش لي ماكدن انه كين كتر من واحد والطريقة باش ناعسن كتبين انهم ملاسقن تامن المشيمة وكل واحد ومشيمتو مبيناش خاص ضروري ملاك تعاود دير فحوصات دابا وفاش يزيدو يكبرو.
عهد بضحكة راحة:دابا مغيكونش كيف اوووووف دابا هوما توام ياك ناري مقادش نفكر واش ليوم نجيبها.
الطبيبة:ههه ياك عرس خوك ليوم خلي تالغدا مهم انه الحمدالله مكينش تشوه كيف شفنا.عهد قطع عليها مجوبهاش ووقف ساهي فالحيط حال عينيه مكيفكر فوالو بحال شي جماد تاقفزو تاني التيلي هاد المرة كانت ملاك جاوبها بالزربة:الو عهد واش جا قفطاني.
عهد لا جواب.ملاك:واااعهد الو عهد.مكيجوبش غاساهي:واااعهد اللوو الللوو.قطعت وعاودت صونات وشدها تاني وبقا غي كيرمش كيسمعها كتغوت عليه وقطعت تاني وبقا كيشوف للتيلي تاطلعت عندو شمس دقت وحلت الباب لقاتو واقف وشافيها كانت شادة التيلي على ودنها:لا هاهو فايق.مداتو ليه:راملاك كتصوني لك مالك مجوبتيها.شد منها التيلي ودوا بشوية:االو.
ملاك:واش مالك كنتي كتشد ومكتهضرش.
عهد:مممعرفتش.
ملاك:واش وصل القفطان.
عهد:معرفتش.
ملاك باستغراب:عهد مالك واش واقعة شي حاجة.
عهد:اه.
ملاك:شنو.
عهد:بغيت نشوفك دابا.
ملاك:اه واخا عهد خلعتيني مالك.
عهد:عفاك تانا مخربق باغي نشوفك دابا.
ملاك:اه واخا شنو نجي عندك .
عهد:واخا احبيبة انا كنساينك.قطعات وناضت ديك الساع عيطت لشيفور جا ليها طاير

صاافي هانتوما بقيتو على خاطركم واتجي شي وحدة مزال تبكي عليا كنت باغا نخليها ليكم سيغبخيزر ساع نتوما مكتصبروش 😈💩 ومتفرحوش بزاف720🥰🥰

عهد مد لمو التيلي وهي بقات كتشوفيه:عهد مالك شي حاجة.
عهد تنهد وجلس شاد راسو شوية وضحك:عيطت ليا الطبيبة.
شمس:علاش.
عهد:قالك الوليد ماشي مشوه قالك قالك.
شمس:وااادوي.
ضحك بفرح:يقدرو يكونو تويمين.
شمس بضحكة:هه حلف.
عهد:هه والله يااربي يكونو بصح.
شمس:ومالك خالعنا اتكون ملاك تخلعت مسكينة.
عهد:رامعرفتش مالي ممتيقش خايف لتكون غلطات تاني.
شمس:انشاءلله ميكون والو الله ياربي انهبط نقولها لباك.
عهد وقف:كون غير بلاش مفيا لي نفرحو وميكون والو.
شمس:هانا مغنقولهاش ليه ولكن دير املك فالله اولدي منعرف ربي كون بغا يجربكم واش اتقبلوه وبغا يفرحكم دابا.
عهد:على الله ياربي.شمس هبطات وهو مشا دخل غسل وجهو وتوضا وخرج صلى وبقا كيمشي ويجي تادخلت وجها مخطوف:عهد مالك شواقع.
عهد بقا كيرمش فيها وشافليها فكريشتها وضحك:عرفتي شنو ليوم عيطت ليا الطبيبة.
ملاك بتوتر:شنو قالت ليك على ود القلب.
حرك راسو بالايجاب:عفاك اعهد بلاما تقوليا خاطري ضارني عليه والله.
قرب شد يديها:والحمقة ديالي راكلشي بيخير قالت ليا وكلشي مزيان قالت غير خطء حيت باقن صغار.
ملاك:كفاش حيت باقن صغار ومال هادوك لي صغر مننا مطاري ليهم بحالنا.
عهد:وانااري وماشي حنا والبيبي راتوام عليها ملاسقن.
ملاك كترمش:داااددابا هوما غي حيت تويمين هاكاك ياك.بدات كدمع:مااشي كيف اهء.
جرها عنقها:واسكتي البكا لاش خاصنا نفرحو هانتي ايدوز العرس نشطو اليوم ياك وغدا نمشيو نشوفو نزيدو نتاكدو.حركت راسها بالايجاب وبعدها من صدرو شاد وجيها بين يديه:عرفتي الى كانو بصح انكون اسعد واحد.
ملاك:اهء عنداك ميكونش بصح اهء.
عهد باسها فراسها:الله واعلم حنا انمشيو غدا ونشوفو ونتاكدو.تسمع الدقان كانت شمس:ملاك قفطانك وصل.مشات حلت ليها الباب كتمسح عينيها وشداتو منها شمس بابتسامة:مديريش فبالك ابنتي خليها على ربي.ملاك حركت راسها بالايجاب ودخلت وشمس هبطات بحالها حلاتو عجبها بزاف حسن من التصاور كان فالغوز بارد ومطرز بالرمادي وفيه تاشي حجيرات كيبريو فالغري .عهد:شنو مغتقيسيهش.
ملاك:لا مفياش تانكونو غادن.
عهد:ومترجعيش عند سارة.
ملاك:لا اصلا كملات باقين ليها غي فشعرها دابا خليتهم فاش جيت وصفاء راتاهي اتجي باش تلبس وتشوف ولدها.
عهد:اوك كون غير تكيتي رتحتي تاكلي شي حاجة.
ملاك:مكرهتش نتا وقيلة عاد فقتي.
عهد:اه كون معيطاتش الطبيبة غاعما نفيق.
ملاك:عهد واش بصح يقد ميكونش دكشي فالبيبي.
عهد:انشاءلله ميكون والو تكاي انهبط نطلع لينا مناكلو.
ملاك بغات تنوض:غير نهبطو علاش اتعدب وتطلعو هنا.
عهد:جلسي باغي ناكلو انا وياك هنا باش نبسل عليك فخاطري.
ملاك:هه اويلي اعهد.
عهد:وابصح لتحت اتنضحك معاك الوليد كيبدا ينحنح عليا بحالا ماشي مرتي.
ملاك:هه واخا سير وعفاك جيب معاك شي كاس دليمون عنداك تنساه ليا.
عهد:هه منعدرك كتبولي بزاف.شيرت عليه بمخدة:واش نتا شغلللك.مشا كيضحك هبط التحت لكوزينة خدا ليه شنو باغي حط ليه فطور وغدا وهز ليها معاه سالاد فجنبها افوكا مهروسة وطريفات ديال لحم وخبز القمح الكامل وعاد زليفة فيها بعض الفواكه الجافة وهز ليها العصير لي بغات وبنانة قادو فبلاطو بطريقة زوينة وهز دكشي مع بزاف غادي وكيتقرقب وحاضي ليشقلب كلشيتتمة🥰🥰
شمس شافتو:ومااالك على حااالتك.
عهد مركز ايطلع فالدروج:هه باش ميحرمهاش عليا راجلك.
محمد هز فيه عينيه كان تيلعب مع ولد صفاء:ايوة الله يخلف عليك اولدي.عهد طلع كيضحك وملقا كيحل وغوت ليها:حبيبة حليي لباب.
ملاك بكسل حالة فمها فالبيسي كتفرج:اشنو حلو نتا مالك.
عهد:واحلي رمعنديش كيندير.
ملاك حبست الفيلم وناضت حلت وشافت دكشي وعينيها تحلو وريقها سال:ياااي .
عهد:وحيدي خندخل ونتي حالة دلقوشك.خلاتو دخل ولاسقة فيه حطو فطبيلة تما صغيورة وشافيها دغيا جلست:اهاه ولباب لمن مخلياه.
ملاك بدات كتاكل:ليك.ساط ومشا سدو وجل جلس لقاها كتنقب ليه من المرقة بالجلبانة ديالو:اييه شكديري راديالي هداك.
ملاك:اشوية مالك اداك الجيعان.
عهد:واراليدام ممزيانش ليك.مخرجة شفايفها وكتوريه زعما تاهي حاط ليها لحم:هاهو هادا شناهو .
عهد:هاداك احبيبة رامبخر طايب بوحدو مفيه غاع الشحمة كلها دابت طاحت اما هادا راباقي بشحمتو .
ملاك:وووو اه انا بغيت الجلبانة يالله.
عهد:راهي مع سالاد.
ملاك:والاءح خضرا بغيتها طايبة.
عهد:مصلوقة هاديك مخضراش.
ملاك:ومسوسة يالله.
عهد:لا كيصلقوها فالملح.
ملاك:اوووف وااخليني ندوق معاك.
عهد:غاشوية.
ملاك:اششووووية.
عهد:واخا.بقات كتاكل من عندها وكتاخد ليه مرة مرةوهو مخليها واخا غلقات معاه اصلا قليل فين كتاكل بحال هدشي وتاهوما كيتفاداو يطيبوه على قبلها هزت كاس داليمون كتشربو وكترمش فيه باقي كياكل:هاء شحاال كتاكل.
عهد:ونتي كتحسبي ليا الدغامي وبقاي حاضياني رامبقيتش نبان قدامك فالماكلة فاش حملتي.
ملاك:هاء وشغندير ليك انا.
عهد:متبقايش حاضياني.
ملاك:ولمحضيتكش شكون انحضي.
ضحك:هانا الالة غاحضيني.قرب بغا يبوسها وبعدت:هيييمم خليني نشرب .
عهد:واري بوسة.خرجت شلاقمها بالخف باستو بالزربة ورجعت لكاسها كملاتو وبغات تنوض من حداه وشدها:جلسي لمك صفي غاكملتي تنوضي تسناي تانكمل.جلست وندماتو كتخليه تاكيخشي الدغمة وكتهز شي حاجة تبغي تخشيها ليه معاه التمر وكلاتو ليه مع لحم صرطهم بزز ولا مبغاش يحل تقولو:ها نبكي نبكي بغيتيني نبكي.
عهد فمو عامر:واش المرقة مع البنان حمقة.
ملاك:يااك دابا وليت حمقة حيت باغا نوكلك.
عهد:واش شكيت عليك قتلك وكليني وزيدون البنانة جايبها ليك.
ملاك:والاءح انا مبغيتهاش كولا نتا.
عهد صرط ديك الدغمة بلا مديغ:ها يالله دابا اريها.
ملاك:لا كول شي حاجة عاد كولها معاها.
عهد:حصلتي كديريها بلعاني راعرفتي على بنة والله بزز كيدوزو ليا.
ملاك:واحيت كتبان زوين فاش كتخصر وجهك.
عهد:ياااك والالة مبغيتش يالله صفي شبعت.
ملاك:لا لا صافي اكول.
عهد:ومتمديش ليا.
ملاك:لا.خلاتو كلا فخاطرو وهي كتمضغ فاللوز والغرغاع تافكها ضرها عاد حبست تاهو كان كمل وناضت هازة دك الزلافة مشات للبيسي وتلاح حداها:هه هاويلي ونتي لي مفيقاني زعما على ود منتعطلوش نتي تالي خصك فين توجدي عاد شديتي الفيلم.
ملاك مبرققة عينيها:سكت مالك ضيعتي ليا اللقطة مسمعتو شقال غاع.
عهد:هاهو ساكت.جر التيلي عمرو شي ساعة باش مينساوش راسهم وتكا على فخضها كيتفرج معاها ومرة مرة كتخشي ليه ففمو شي حاجة وياااويييلو لامبغاش721🥰🥰
بقاو كيتفرجو تادقات عليهم صفاء:عهد خويا.
عهد غوت:دخلي اصفاء رامحلول الباب.حلاتو وطلت عليهم:مالكم مخشين هنا.
عهد تغعد:دخلي مالك كطلي هكاك والله مكنديرو شي حاجة ههه.
حلت الباب كامل ودخلت كضحك وهو ناض سلم عليها :صاڤا.
صفاء:حمدالله شنو مغتهبطوش انتغداو.
عهد شاف فالطبلة:تغدينا.
صفاء:واخا هكاك هبطو جلسو معانا.ملاك ناضت:اه اه ننوضو نجلسو معاكم.
عهد:متقووووليييييش لياااا.
ملاك:مالك مالك والله مشبعت قبيلة.
عهد ضرب جبهتو بكفو:شي نهار اطردغي علينا.
ملاك:ويالله نهبطو.
صفاء كضحك:ههه راعادي اعهد وزيدون مزيان لي كتاكل وراك حاضي ليها ماكلتها كاملة صحية مغتمشيش ليها شحمة لاهي لادكشي لي فكرشها غاخليها محد باقي فيها الجوع تاكل.
عهد:اييه باش تولي ليا بحالك.
صفاء ميقت فيه:ومااالي معجبتكش.
عهد:شو كيديرة سيرو سيرو نهبطو.هبطو كيضحكو وهو رجع هز لبلاطو هبطو معاه داه للكوزينة وجلسو كياكلو وملاك كلات معاهم المرقة لقات غيوانها فاش كتكون شمس لي بغاتها تقولو خليها تاكلها مكلاتش بزاف غي شوية وهو غي نقب معاهم واسامة عاد دخلاتو الوقت مطيحش اللقمة ففمو بحالا اول مرة ايتزوج وفعلا زواجو لول مزواج موالو دارو دكشي بسكوتي حيت شمس محملتهاش واصلا مكانتش باغاه ياخدها عهد ضربو فضهرو كيضحك:موسيو العروس.
ملاك نغزاتو:عريس شمن عروس.
عهد:بحال بحال لله يرزق الصحة والسلامة رامن صغري وانا كنقلبهم قليل لي كنقادهم.شاف فاسامة:اتا مالك الشريف غاساهي.
اسامة بقفزة:مخلوع اخويا.
عهد:لاش اصحبي نهارك هادا ونتا مخلوع.
اسامة كيمسح جبهتو:ومفهمتيش اصحبي رمخلوع خايف من من افففف صافي بعد مني.عهد بقا هاز حواجبو وحال فيه فمو ومحمد كان غادي باللقمة لفمو سمعو هكاك وحبس مكوانسي وغادي مضور وجهو عندو بشوية:مالك شنو عاودها عاودها.
اسامة:واالواليد تانتا ياااه ميكو عليا بحالا نتوما متخلعتوش نهار عرسكم.محمد لاح الدغمة ففمو كيهزهز حجبانو ورقق صوتو وكيضور فيدو راخيها:اييوة يختي منعاودلكش على خلعة كانت فيا عااادي جدا تنتي تكون فيك.البنات غاحالن عينيهم ممقشبلن والو وشمس كتميق فيهم والا بغاو يحشمو عهد ضرب يد مع يد وحطها قريبة لصدرو وكيحرك فراسو تاهو رقق صوتو:ااااه اليام سكتي سكتي فاش فكرتيني.
محمد شاف فعهد:تعقلي فاشا كنتي بيتي تسخفي لينا.عهد خبا وجهو كيدير ضحكة مصطنعة بحال ديال العيالات:هه ويلي سكت سكت كون مجبتو لي السوارت والله منتحرك.اسامة ضرب سربيتة فالطبلة وناض كيتردخ:وااابربي تاااحشووومة عليكم رااعيو ليا حسو بيا ااوو.عهد ومحمد رشق عليه وضربوها بقهقة عالية باصواتهم الغليضة الرجولية.محمد:هههه راااعي ليييه.
عهد:هههه نوض وجدليه الما والسكر ليسخف للدرية.
شمس:باااز لكمامركم.
محمد:هه وااباااز لداك لولد عندك فين عمرك سمعتي واحد خايف من ليلة عرسو.
ملاك وصفاء شافو فبعضياتهم عاد ضربت ليهم طن علاش كانو كيديرو هكاك.
شمس:واكون راه غي متوتر مسكين هدشي جديد عليه .
محمد:ومالي انا مكنت خايف منك.
عهد:اه ومالي تانا مكنت خايف بحالو.محمد ضار عندو بالزربة ضورت التران ومادارهاش:نتا اسكت الخلعة داك النهار وصلت عندك ضربتليك التحية وقلبت الضورة.
عهد:واابعدا مخفتش.
شمس:حشومة عليكم درتو ليه هكاك وزيدون باش عرفتوه غاع خايف من مرتو كون راه غي خايف من العرس وبنادم ايكون حاضيه بزاف.
عهد:هاء هاداك مولف بالصحافة وعاد ايخاف لك من بنادم حاضيه (بان ليهم هابط نسا تيليفونو فوق الطابلة وداير فيها طالعة ليه زعما مع ايخطوي فالدرجة لي قبل لخرة مع ايزلق تهز تالسما وتخبط على ترمتو)
عهد ومحمد:الرررررعد خههخههخخهخخههههه.اسامة ناض تاهو صافي بدا كيضحك وكيحك فيها وصفاء حابسة مسكينة الضحكة اما ملاك جالسة كتفرشخ بالضحك وشمس شاداها تاهي الضحكة وقفت :هه متقسحتيش.
اسامة:ههه لا.
عهد ضرب فباهتتمة 🥰

كيضحك:طاااح على لاواااط هههههه.
محمد:الرييشبوند هههه ياااسلام.
عهد:عنداك يكون كيشرب دردك.
اسامة :وااعيقتو والله.
شمس:اييه بعدو ليا من ولدي اتوتروه ميجيش فالتصاور زوين.
عهد:ههه تخافي ايوصل للمعقول ويتوتر.
اسامة قلز ليه بالريط :واخا.
عهد:رغنوض ليك.
شمس:ايييه واصاافي اتبقاو هاكا شادن فيه ميكو عليه شوية.
ملاك حبست الضحكة بزز:عهد حشومة عليك.
عهد:ههه نتي يالقردة ضحكتي تاشبعتي ودابا تقولي ليا عهد حشومة.
ملاك:هه واصافي.بقاو كيضحكو وشمس جلست اسامة بزز كلا وعهد ومحمد مرة مرة يلوحو ليه شي كلمة كيبقا يسوط .في مكان اخر كانت واقفة دايرة شال ونضاضر كوحل وكتشوف فقاعة الحفلات لي كانت باقا خاوية غير العمال باقين كيشوفو واش خاصا شي حاجة وحاطة يدها على كرشها لي منفوخة شوية وضارت رجعت منين جات وكتحيلف فخاطرها ترد داك العرس غنازة تمشات طريق جهد شي نص ساعة عاد وصلت للدار فين كارية كانت كارية فعمارة غي مءقتا بفلوس جواد الي سرقت ليه رجعت لهاد لمدينة غير فاش سمعت خبار عرس اسامة ومغتلقاش فرصة حسن منها رجعت وناوية هاد المرة تصفيها لملاك بنفسها ماشي غير الولد فاش شافت راسها صفي معندها تاطريقة كيبان ليها غير تقتلها شافت فيديها لي كيترعدو:كيما عطاتني خاطري نقتل ديك خيتي انقتل تاهاد ال*حبة .كمشت يديها متبتاهم من الرعدة:علااش هي وماشي انا علااش انا لي كنت قدامو ديما جات فيومين وخداتو ولكن انا غنتهنا منها ليوم واخا تالاتشديت مهم متبقايش معاه.نرجعو عند ملاك عهد شاد معاها القفطان كتلبسو:اه بشويا اي يدييي.
عهد:وااهانا هانا دفعي يدك.دفعتها خشاتها فالكم بزز:هووف.تخنقت.هو كيهبط ليها كيقادو ليها وبعد كيشوف فيها.ملاك:كيجاني.
عهد:زوين هو هداك.
ملاك مشات للمراية كتشوف وضور عجبها تالوين كيجيها مع وجيها مد ليها الشال وقاداتو زوين وشافت فيه وضربت حنكها:اويلي كيحال فيا فمو ونوض تلبس.
عهد:واادغيا انلبس انا خليني نخضر عويناتي.
ملاك:نووض اعهد عفاك رانتعطلو انا بغيت نمشي عند سارة باش تجيو لينا.
عهد:باغا ديري المكياج.
ملاك قلبت عينيها:هانا انديرو هنا قدامك ياللله اسيدي غاسربي.
عهد:يالله سيري وهانا حاضيك.مشات للمراية وهو جبد كومبلي فالكحل والغري وراهم ليها:اينا واحد نلبس.
ملاك :لبس الغري باش تناسق معايا.
عهد:هه واخا.رد الكحل وبدا كيلبس فالكومبلي وحاضيها لاتزيد غاشوية على كيف مولفة يمشي يخمج ليها كلشي ساع مقواتش من غير شفارها لي بيناتهم مزيان كدير الماسكار وكتعاود تمشط بوحدة ناشفة ولاو كيبانو واعرن بحالا مديرة ليهم والو وجبدتهم بخطيط ديال ايلاينر غي رقيق ولات تبان كيالمشة ومع ضارت لقاتو حاضيها ومصغر عينيها:اااسبحااان اللله مالك.
عهد:شي حاجة زايدة.
ملاك كتريمش بعويناتها:لا مزايدة والو.هز فيها صبعو:والله تاعينيك فيهم شي حاجة.
ملاك:اويلي مالك باغيني نحيدو قولها بلاما دير السبة.
عهد:لا راك زايدة شي حاجة فعينيك ومبيناش ولكن باينة .قرب مصغر عينيه وخرجهم:ملصقة الصفااار.ضرباتو لحنكو بشوية:ملصقة الخرا حيد عليا.
عهد:واماشي شفارك قد هاكاك اه طوال وزوينين ولكن ماشي بحال هاكا.
ملاك:ومملصقا والو والله غير الماسكارا(كضور عينيها)يمكن حيت اول مرة انجرب هاد الماركة.عهد شاف للماسكارا وهزها:هادي هي داك العجب.
ملاك:اه.
عهد:وعاد درتي منها فاش جبتها ليك اول مرة مبانش بحال هاكا.
ملاك خداتها ليه:وحيت مقويتش دك النهار.
ببرود:هانتي اعتارفتي بخاطرك راك قويتي حيدي دكشي قبل لنخلطو ليك مع حناكك.
ملاك كتغبن:واعفاك اول مرة واخر مرة.
عهد:حبيبة باراك مخليك ديري شوية مباغيش نزيرك اما نقطة والله متحطيها واخا وسيري حيديه قبل لنحرم عليك كلشي تبقاي ديري افدار تامن المناسبات والو.
ضارت كتغبن عمرت القطن بديماكيون وبدات كتمسح عويناتها كانو عاجبينها722🥰🥰
مسحتهم وعاودت كدير وهو واقف عليها:باراك باراك.
بدات تغبن:اشوية.
عهد:ديري نشوف.عاودتهم مرا خرا وهو ساط واخا ممعيقنش مكيحملهاش دير المكياج برا كيطيح عليها السر كتزيد تزيان واخا غاشوية هي شافت فيه:فيناهي الغرافاطة.
عهد:علاه فين عمر طاسيلتي درت الغرافاط .
ملاك:وديرها كتجي معاك والله وزيدون عرس خوك متمشيش هاكا.
عهد:واش انا فعرسنا ومفاتتش ربع ساعة طيرت مها.
ملاك:ولكن كانت جاتك واعرة عفاك ديرها اشوية وحيدها.خنزرت فدوك جوج صدايف لي حال وباين شوية من صدرو اتخدم معاه تاهي الغيرة ودكشي:ولا باغي صدرك يبقا هاكا تشوفو لي تسوا ولي متسوا ها.
عهد:ههه واوللله تاكلشي ديالك.هزت الماسكارا:ايوة تانتا كلشي ديالك.وحلتها اتبدا دير وخطفها ليها:واش حمقة رصاي عارفاني مكنحملش الغرافاطة.
ملاك بتغبان:بغيتها بغيتها بغيييتها اووف .
عهد:بزز.
ملاك:اه يالله تشهيتها عليك يالله ديرها.بقا هاز فيها حجبانو زعما غيري رايك وهي والو مخنزرة زعما مصرة ساط ومشا جبد وحدة كحلة وجا غيعقدها وهي تقابل معاه ومدت يديتها وكتشوفيه بحب شدتها منو لواتها على عنقو وبقات كتشوف فيديها وكدوي فخاطرها ماهاذا الخراء فين عمري عقدت شي غرافاط ولا شديتها تافيدي يخ تاعت غالي يتيق شي افلام ويبغي يقلدهم وهو من نيتو كيشوفيها كيتسناها :واش اتباتي هنا.
ضحكت ببلاهة:هه رمكنعرفش نصيبها.
عهد:ههه واطلقي لاش كطيري.
طلقتها مخرجا فمها:وابغيت ندير ديك الرومنسية زعما كتجي المرا وكتقادها لراجلها ساعا.
عهد:ههه ساعا تخورتي مكتعرفيش ليها اجي نعلم حبيبتي اجي هانتي شوفي.وراها كيكتعقد وحلها تاني :يالله صيبيها ليا.شدتها بحماس وبدات كتصيبها ليه ومقطبة حجبانها ديما فاش كتكون مركزة فشي حاجة كتخنزر تافاش تكون كترسم ولا كتقرا كديرها حط يديه على خصرها لي مبقاش خصر بسبب الكريشة وحاضيها مبسم كملات ليه كيحس بيها مرخوفة وهي تخصرت وجها:خايبة مجاتش هي هديك.
عهد:مااشي مشكيل نيت ممخنوقش.
ملاك مخصرة وجها:واالاااءح جاتك بحال دوك السكيريا لي راجعن لديورهم.شدها من حنيكاتها قارصهم ليها:تي لمك فين كتشوفي هاد السكايرية.
ملاك:امممنمم فالافلام.
طلقها:تي دوك الافلام خرجو عليك زيدي يالله نهبطو.
ملاك:ولاءح تاتقادها.شاف فالمراية زيرها شوية محلهاش وهي تبسمت وشدتلو فيدو وهبطو لقاو صفاء تاهي لابسة كلشي لابس وموجد جالس شمس شافت فملاك:جاك زوين.
ملاك:عويناتك اخالتي تانتي جاك زوين القفطان.
شمس:شكرا واش اتمشيو مع الدراري ايجيبو سارة.
ملاك:كملو ليها.
صفاء:اه كملات قالت لينا نجيو نخرجوها.
ملاك:هاء وانا كنت باغا نمشي ونجلس سحابلي باقن معطلن ليها.
صفاء:لا سالاو تادابا هاحنا غادن نخرجوها مغيفوتك والو غا تهناي.
زادو خارجن وملاك شادا فكرشها كتبان فنيونة بداك القفيطين ركبت مع عهد وصفاء لور معاهم شادة ولدها عندها اما شمس ومحمد مشاو للقاعة يشوفو الناس واسامة ركب فلوطو ديالو مزينة بالورد والاشرطة فالبيض والغوز وديماراو عهد غادي وكيطوط ورا اسامة لي كيخرج ليه يدو زعما هنينا وعهد كيبقا يضحك وكيزيد كيطوط تاوصلو دار ليه الشوهة هبطو البنات هوما لولين دخلو عندها كيضحكو كانو تما تاشي وحدات من عاءلتها سلمو عليهم وناضت سارة وقادو ليها القفيطين وغطاو ليها وجها والبنات بداو كيصليو على النبي وكيزغرتو وتمو مخرجينها كان اسامة واقف معاه عهد كيتبتو:واصحبي مالك داير هاكا بحالا عمرك *ويتي.
اسامة:وال***اوي رامولف بال*حاب اصورت ليا دك النهار شهادة ديال الطبيبة بلي بنت اصحبي فين عمري انا تقبت شي وحدة.
عهد:متقولش ليا متقتيش فيها وقلتي ليها توريك بلي بصح بنت.
اسامة:والا اصحبي ماقلت ليها والو غاهي دك النهار فاش مشات بوحدها للطبيبة اما انا قلتليها بلاش ساع مشات و كانت فرحانة وسيفطتها ليا .
عهد:واصافي تصرف عادي واغاتكايس على الدرية مالك مخلوع.
اسامة بنص عين وتردد:نتا مخفتيش من ملاك.
عهد:ههه منيتك .
اسامة:سير تخرا غالي بغا يشكي عليك.
عهد:هه واغابرد والله تاعادي غانتا دير بالك باقا فييغج وصافي .
اسامة:صافي زعما ماشي كينة شي طريقة خرا.
عهد:ههه قضيو بالدعاء.
اسامة:والخرا هضر.
عهد:وا*بي ترجل معايا مالك تبهننتي ال**اوي بحالا نتا بتول عمرك ضربتيه تالمعدة صافي توكل على الله ماشي نتا كنتي تقيل تحفر تالحلال وتخشوشتي.
اسامة:صافي هنينا هاهوما مخرجينها هاء هادو لاش مغطيينها.
عهد:باش يديرو ليك التشويق ودكشي ديال علبة المفاجءات.
اسامة:ااه.
عهد:تخاف ايكونو بدلوها لك.
اسامة تحرك عندها:ال**اوي بعد مني.عهد بقا كيضحك عليه ومتكي على لوطو ديال اسامة ومرة مرة كيحرك الغرافاط كيرخفها قنطاتو ودوك ثلاثة دالبنات لي من عاءلت سارة حاضيينو وكل وحدة كتقاد باغا تبان حسن من لخرى وملاك حاضياهم وقلبت عينيهاتتمة🥰

اسامة تقابل معا سارة مبسم:سارة.
سارة واخا مغطية حشمت:همم.
نطقت صفاء:عري ليها وجها شوفها لاباغي.مد يدو بشوية مبسم عراه ليها وضحك جات فنة وبقات كترمش فيه وقرب باس جبينها :جيتي كتحمقي .
صفاء:اسمي الله لاتعينها الباشار.
اسامة كيضحك:تباركلله مشاءلله هه نمشيو.حركت راسها وصفاء ردت عليها غطات ليها وجها تاني ومشاو فاتجاه لوطو وعهد حليهم لوطو من جهة فين اتجلس سارة حدا اسامة بحال الشفور زعما واسامة دفعو:احيد اصحبي.
عهد كيضحك:هه صافي طارت الخلعة.
اسامة:ههه حضيني لمنمشيش لداك العرس ونقلب الطريق.
عهد:ههه الوليدة اتجي ليكم للوطيل تحيح عليكم سير سير ودير عقلك.سارة دخلات ومشا هو لجهتو طلع وعهد مشا للوطو ديالو وقربتلو ملاك حازها حاجب معاجبها حل سمعت دوك البنات كيتافقو باش يطلعو معاه قبل ميجي ليهم شي حد موصيينو ايجي يديهم من عاءلتهم عهد شافها وتبسم لاوي يدو على كتفها:الزين ديالي شبان ليك نعاودو شي عرس ونجي ليك للكوافورة.
ملاك تحت سنانها بابتسامة:تطلع شي وحدة من غير ختك وولدها انتفاهم معاك .هز حاجبو بعدم فهم يالله ايجاوبها وقفو عليه زعما بحالا تالفين بينما صفاء طلعت لور:احم عفاك تعطل علينا داك الدري لي كنا موصيينو يجي يردنا للقاعة واخا دينا معاك.ملاك مكتشوفش فيهم كضور فراسها طالع ليها الدم وعهد فهمها زعما نتا ووجهك عهد شاف لتيلي ودوا بلباقة:العرس باقي ميبدا دونك نوصلو تما ونسيفطو ليكم شي حد من عندنا.
البنت:اه ولكن حنا بغينا نمشيو معاكم.
البنت لخرى:وشنو غنبقاو نديرو هنا اصلا بوحدنا.
البنت التالتة بتحلوين:حرام عليك تخلينا هنا بوحدنا.
عهد ممسوقش ليهم:اول حاجة لوطو مغتهزش بزاف تانيا وانا مالي انا لي جبتكم.شاف لملاك:حبيبة طلعي اتكوني عييتي يالله باش نمشيو.
بنت:احم اه هادي مرتك.
ملاك:اه شي مشكل.
البنت بابتسامة صفرا:علاه مفخباركش خطر الحاملة تجلس القدام.
عهد بتخنزيرة طلع ليه الخز:تتكوني نتي لي غتسوقي عاد حلي فمك ومغنديكمش ومغتحطوش زكاككم على لوطو ديالي .
البنت:ولكن علاش.
عهد:كولة سبيسيال نتوما اتخصرو ليا الجلد دلوطو وانا دايرو ليها فري ومكيس عليه طلعي املاك النور.ملاك طلعت وكتخنزر فيهم وعهد مشا ركب وزاط من قدامهم.
بنت:شو كيديرة مرتو.
لي حداها:فنة مالكي مافيها ميتعاب.
البنت الثالثة كتقلب فعينيها:انا زوينة عليها شو هي كيالبطريق.
البنت التانية:سكتي المياء اشمن كيلبطريق هاد الساع مكيبانلي البطريق قدك نتي.ضحكات هي ولي حداها.لمياء كتخنزر:ايوة صافي تلقايها ساحرة ليه.
الجوج بنات بقاو كيضحكو:ههه ومكترضايش.
بنت:هه وييه ومغدمانا مشينا حشمنا براسنا باش يدينا سدق قامعنا.
لمياء كتلعب فشعرها:مقمعناش غير خايف منها ولا معرت.
البنت:واانووضيي براك متحلمي السيد باينة طايح فمرتو غاكرشها تعطيك الخبار وهي باينة فيها باقة صغيرة.
لمياء:افف حمقني.
البنت:وراه مزوج غابلاما تزيدي تحملي اءء هاهو الدري جا لينا.جا عندهم هاداك لي موصيينو وطلعو معاه .عند عهد قربو يوصلو كان دغيا وصل على اسامة لقاه هو لي غالس كيطوط وبدا معاونو كيضحك عليه وملاك غا مقطبة حجبانها عهد شافيها:ههه واطلقيهم مالك عاقداهم علينا.
ملاك:افف عهد خليني عليك.جبد يدها شدها عندو ممسوقش لصفاء لي كتفرنس لور:ومال حبي همم شنو مقلقك.
ملاك:نتا.
عهد:هه ااانااا مالي شدرت لك.
ملاك:زوين بزاف .
عهد:احح حياني عليك الكبيدة كون تشوفي نتي.
ملاك جبدت يديها:اووف شوف والله وتبسل عليك شي وحدة(نعتت لكرشها)شتي بهااادي والله تنتشانق معاها وهانا علمتك قبل متبدا طبق ليا دوك الدروس دوالو كنحلف ليك والله وتهز فيك شي وحدة العين منعقلش عليها.
صفاء كضحك:هههه اول مرة نعرفك اخويا واخد مصعورة.
ملاك:واختي دوك خياتي دقبيلة ميخليوكش تصعري يخخ ماركات كيديرين.
صفاء:وابصااارحة والله مكيحشموش.
عهد:واصافي قلبو علينا ياه ونتي ديري عقلك مفيا لي يبدا يفك انا.
ملاك:ماشي شغلك فيا ديها غا فراسك.
عهد:اهاه واخا.وصلو وحط لوطو اسامة هبط ومشا حل عليها والغياطة والدقة المراكشية بداو كيضربو مستقبلينهمتتمة 🥰🥰
تلقاو ليهم بالحليب والتمر ودخلو وعهد هبط وكانو شي دراري تاهوما برا كيشوفو وتاحلو فامهم فملاك وعهد هضر تحت سنانو:شبان ليك احبيبة نمشي نشنقهم قدامك.
ملاك بغنج:ويلي اعهودي.
عهد:الله يصبرني.
ملاك شدت فيدو قدام شي بنات:الله يصبرني تانا.عهد جر مو هي لي كانت هازة الحليب والتمر تاهو كلا تمر والحليب وشرب ملاك ووكلها بقات غي كتفرنس عجبها الحال وصفاء عطات لولدها تمرة كيلوكها ففيمو دخلو كانت الدنيا عامرة شوية كان تقريبا كلشي جا بداو فالاغاني وبدا العرس والنشاط وسارة كل مرة كتبدل وملاك لاسقة فعهد وتاهو لاسق فيها كانو الاعين عليه من طرف البنات وهي واخا بكرشها الدراري حاضيينها كيعياو ينعلو الشيطان ولكن عاطين للعين ولابدا ماعينهم كتمشي ليهم اما واحد بنات عاءلة عهد مكرهوش ينقزو عليه.في الباب كانت واقفة ومرققة صوتها لابسة تكشيطة وتحتها معمرة بلاواط باش متبانش كرشها كتبان بحال شي مرا شارفة غليضة زاءد خادمة المكياج ومتبتاه بحال شي مرة شارفة ودايرة التجاعيد شوية وجامعة شعرها لور سفنجة ومصبغة شي زغبات بالبيض وكتهضر معصبة زعما:تاكيفاش مندخلش راني مع لي كيطيبو.
الغارد:الالة بلا غوات رامشفناكش امتا خرجتي نتي لي كتقولي خرجتي تشوفي ولدك.
نزهة:ايااه ودابا شكون ايكمل الخدمة لداخل مك.
الغارد:واخا دخلي.تمات داخلة قالت صافي فلتات وهو يشدها:ابلاتي انقلبوك.قلبها طاح بالخلعة وتنترت منو:شناااهوا فاخر يامي تبدا تلمس فيا.
الغارد ساط وجبد الالة كتكشف لاكانت شي حاجة حادة وبدا كيدورها عليها وهي كتنفس بالجهد كتفكر كون مشافتهمش كيقلبو بنادم غابالريط لي شكو فيه وكيعتاذرو منهم حيت عهد لي موصيهم كانت جايبة معاها موس ولاحتو بعيد قالت تادخل وتلقا باش تقضي الغارد بعد:تفضلي دابا.
نزهة:يخ غنوس كيديرين.ودخلات ضورت عينيها وقشعات طبلتهم وبانت ليها سارة داينها ايبدلو ليها وتمات تابعاهم ابشوية بلاما تعيق وكتبان بحالا من المعروضين طلات منين دخلو بانليها كولوار طويل وكاينن شي بيوت دخلو لواحد فين اتبدل جات ضور وهو يخرج فيها اسامة كان عاد تابعها:اوبس سمحيلي اخالتي مشتكش.
نزهة كتشوفيه للحضة ندمت لاش ضيعاتو عمرو خصر ليها خاطرها لكن هي كتبغي عهد معندها مدير تبسمت ليه:ماشي مشكيل ومبروك عليك فرحت ليك.
اسامة بضحكة:الله يبارك فيك شكرا جاب لي الله بحالا فايت شايفك.
نزهة بتوتر:ايه ايه هنا فالعرس يمكن.
اسامة:معرفتش نتي من عاءلة سارة ياك.
حركت راسها بالايجاب بتوتر وضحك:ايوة صافي نقد نكون فايت شايفك عندهم فالدار سمحيليا انمشي ومرحبا بيك.مشا دخل لداك البيت فين كيبدلو ليها وهي بقات متبعاه ونفضت راسها من دوك الافكار وضورت عينها تاني لملاك وعهد كان جالس شاد يدها عندو حاطها فوق فخضو وويد لايها على الكرسي لي جالسة فوقو متكي يدو عليه من لور بحالا محاوطها وهي مبسمة وحاضية واحد البنيتات صغار كيشطحو كانو جالسن محمد وشمس وفءاد والغالية وعهد وملاك وصفاء وطارق وخوت ملاك وعيالاتهم فطبلة وحدة

بنات غي هادشي لي كين وسمحواي على البارح وغدا بلاما تسناوني مكينش اجزاء حيت مشغولة وعارفة راسي مغنكتب والو كرهتش فاش ندخل نلقاكم معلقين بزاف وعطيو رايكم واراءكم723🥰🥰

نزهة حاضياهم وزادت كرهت ملاك في هاد اللحضات هزت تيليفونها شافت فوجها مزيان وتاكدت باقي المكياج فبلاصتو وضورت راسها يمين وشمال ومشات لبيت سارة بشويةتصنتات سمعت غي كيضحكو وباينة باقن مدابزن معاها مشات لبيت لاخر حلاتو لقاتو بحال بيت لخزين جامعن فيه الباغاج سدت وراها الباب دخلت بالزربة كتقلب على شي الة باش تعاونها تضرب ملاك بيها ملقات والو من غير كان واحد الكرسي بان ليها مهرس ورجل طايرة محطوطة فوقو هزتها وهو يدقها واحد المسمار كان خارج منو من لفوق فالجنب دقها فصبعها وجبدت يدها بالزربة لقاتو دقها غي شوية حبست داك شوية الدم لي خرج ومشات حطت داك الرجل حدا الباب من الداخل خلاتها مخبية وسدت الباب تنفست بالجهد ومشات بالزربة وخرجت تمشات بثبات وهدوء وشوية ديال التوتر وقفت عليهم مبسمة وكضور راسها زعما معارفاش فيناهي ملاك:احم سمحولي نتوما عاءلة العريس ياكو.حركو راسهم بالايجاب وتبسمت:ااه فينهي شي وحدة سميتها ملاك.
عهد :هاهي علاش.
نزهة بتلبك فاش هضر معاها هو:احم د. سارة بغاتها.
عهد:لاش بغاتها.
ملاك ناضت كتفرنس:ويلي اعهد لاش اتبغيني .
عهد:ومتعطليش.
ملاك زادت:هه واخة.تمشات وتحركت نزهة بعيون حاقدة ولامعة فيهم لمعة غدر ومكر مخفاوش على فءاد لي خبر فلغة العيون بحيت كان مع صحابو ديما مغطين وجههم فالخدمة شي مكيعرف شي فاش كيكونو بعاد على بعضهم ولا فشي مهمة وقراب من المتهمين كيبقاو يدويو ابلعينين زاءد المكياج لي فاش تحركت جنب بان ليه وجها فشكل ماشي ديل مرا شارفة هبط عينيه سكاناها غادة من لور بان ليه كتفها بحالا طايح ولكن هي كتمشا عادي كون كانت عوجة بصح كون مشيتها كاملة مضطربة وعاد كتمشى واقفة وبزربة ممتناسقش مع وجها وشهرها لي شايب اما عهد كيفكر فين شايفها وماكد فايت شايفها فشي بلاصة وجها مخافيش عليه اما ملاك غادة ومبسمة وحاطة يد على كرشها دخلو مع داك الكولوار ونطقت نزهة:احم عفاك تعاونيني نجبد واحد الطبلة من داك البيت قبل مدخلي عند سارة عفاك.ملاك تبسمت من نيتها:اه واخا.مع مشات غتحلو نزهة وقالت صافي شديتها وهوما يخرجو سارة ومحمد والبنات لي كيلبسوها ملاك شافتها وضحكت :هايهاي على فرعون ههه.
سارة:ههه عرفتك اضحكي عليا.
ملاك صافي فاش قالت هكاك صافي مشات مع بالها نيت راغوتت عليها زعما باش تشوفها:ههه واخا هكاك جاتك فنة.
سارة:هه مكنتش باغا نلبسها حيت تقيلة ولكن بغيت نجربها.
ملاك:هه اه تانا كانو باغن يلبسوها ليا وعهد فاش شاف اللبسات قالهم لا.
زادو وملاك ضارت:هاء بلاتي نعاون المرا.نزهة بقات غي كضور بجنابها وكترعد سارة شافت فيها:فاش اتعاونيها اويلي ونتي حاملة زيدي تانسيفطو لي يعاونها.
ملاك شافت فنزهة لي حركت راسها زعما ماشي مشكيل اما هي اباش متفرشش مشاو خرجو وهي تبدا تضرب ففخاضها بالغدايد:اععع ال*حبة فلتات.خرجت من تما وشافت فيها معندها تاشي طريقة غاع باش اتمكن منها وهي تخرج والغارد بقاو كيشوفو فيها وقالو كون راه كملت خدمتها مشات بعيد كانت حاطة لوطو ديالها كراتها كانت باغا باش غي تقتلها وتهرب نيشان ضربت فالفولون وبقات كتنتف راسها وتسرفق راسها ولات كيشي جنية وبقات كتنهج وحاضية القاعة من لبعد ومصممة اليوم صفي غتصفيها ليها عند ملاك سارة مشات تبدل ودابا لبست لغوب اسامة ممشاش معاها وتاخرجت عندو وراجل خالتها لي معتابراه بحال باها لي ميت شادا فيه واخا مهلوك ومريض كيتمشا بزز والعرق مسكين هابط معاه بسبب المرض الى ان فرحتو كبيرة مع معندوش الولاد وسارة عمرات عليهم فرحان لي بقا حي تاتزوجات وشافها عروسة مدها لاسامة ونطق بثقالة وتعب:وتهلا فيها اولدي .
اسامة ساهي فسارة مبسم:متخافش اعمي. تمشا بيها لوسط وطلقو ليهم موسيقى هادية رقصو عليها وملاك متكية على صدر عهد كتشوفيهم مبسمة تاهي فرحانة لسارة حيت تاهي شهدات على بكاها وشافتها شحال كتبغيه وشحال صبرت عليه تاولا ليها كملو ومشاو جلسو بلايصهم ولي كيبغي يتصور كيجي تعشاو وسالا العرس والناس بداو كيمشيو واسامة جر مرتو وتمو خارجن وياقوت عطاتها للبكا على بنت ختها لي حسبتها بنتها سارة عنقاتها كتبكي تاهي وتوادعو سلمت على ملاك وعلى البنات وضارت ركبت واسامة ضار ركب وديمارا مشا لوطيل بينما نزهة حاضياهم ديمارات لوطو موجدة لاي لحضة تكسيري خصها غير الفرصة ملاك شافت صفاء قاطعة الشانطي وغتركب مع طارق وغوتت:صفاء بلاتي انبوس محمد.
صفاء:هانا نجيبو لك.
ملاك تمشات بشوية:لا اخليك .عهد كان كيشوف للتيلي كيهضر مع جايمس ومخنزر قالو بلي وصلاتو خبار شي حد بانتلو نزهة ولكن معرفوش بالضبط فين كاينة ملاك هزت عينها فالضو تاع لوطو لي جاية تاكتبان ليها جاية مكسيريا لجهتها خرجت عينيها تلفت وهي من النوع لي كيخاف من الشانطي كانت غادة بانت ليها الدنيا خاوية تسحاب مكين حد تجمدت بلاصتها خوتها قفزو ومشاو كيجريو صفاء غوتت بسميتها ودخلت ولدها بالزربة غالاحتو فلوطو لداخل فالكرسي بغات تمشي تجرها هي لي كانت قريبة ليها بزاف اما الدراري كانو من الجهة لخرى وحيت بانت ليها لوط قاصداها نيت مع ضارت مع سمعت غوتت ملاك وبان ليها فءاد تهز تلاح فالارض ودازت فوقو لوطو نزهة مخرجة عينيها وبقات عافطة وبدات كتبكي كلها كترعد غادا هاربة تتسحاب واش ضربتها معرفت لاخر منين خرج دفع ملاك وتجر هو كتفكر دابا غي تهرب مسوقهاشتتمة 🥰🥰
عهد تهز بغوتت ملاك :بااااا.هز راسو بالزربة كتبانليه غادة كتحبو بالزربة جيهة فءاد لي طايح والدم كيخرجلو من فمو وخوتها واقفن مصدومن وجهم صفر شادن راسهم جرا طاير تحنا عندو معرفش كيدير ليه كان مقلوب على كرشو خاف يقلبو تطرا ليه شي حاجة ملاك مدت يدها كتحركو وفءاد بدا كينين عهد غوت على الغارد باش يديوه للكلينيك ملاك كتبكي:با با .الغالية شافتو هكاك وسخفت شدوها غا عيالات ولادها تاهوما غا مصدومن ملاك كتشد لفءاد فوجهو:با با اهء باااااا.
فءاد غير كينين وكيحاول يحل عينو عهد ماحيلتو لفءاد ولا لملاك لي اتسطا ليه لطراتليه شي حاجة غامن البكية لي كدير الدراري تحناو تاهوما كيشوفو وعينيهم مدمعة تاسمعو فران تشد كانت اوطو كبيرة كحلة عهد عرفهم رجالو هبطو منها جوج لابسن قوامج كحلين جاو كيجريو ولابسن فيديهم ليغات وهبطو جوج خرين هازين سرير متنقل حلوه دوك جوج لولين جاو قلبوه لقاو نبضو ضعيف وجاو حطو داك السرير وهزوه بشوية وملاك فاش هزوه صفي سكتت من البكا بحال شي تلفازة وطفات من كترة الصدمة فاش شافت جسدو بحال شي خنشة فيها العضام مشخشخين والدم هابطلو من فمو ونيفو عهد شدها عندو معنقها حطو فءاد لي صفي فقد الوعي بكترة الالم دخلوه لديك لوطو وديماراو طايرن لكلينيك وملاك برعدة:با اهء با اهء انمشيو اهء انمشيو عندو اهء.
عهد:اه اه دابا.داها مشاو ركبو والدراري هزو مهم وعيالاتهم وتامحمد وشمس وتاهوما ديماراو تابعن عهد لي غوت للغارد بعصبية:دااابا تحضرو ليا داك لي كان صايق.حركو راسهم بالايجاب:راديجا تبعوها واحد جوج .حرك راسو وديمارا معصب وخايف على ملاك لي كتبكي وشادة فكرشها عاطياها الحريق وممسوقاش عقلها امع باها وصلو لقاوه مدخلينو لمستعجلات خرج الطبيب خبرهم بلي عندو كسور فالضلوع زاءد عنقو مهرس بالجهد دالطيحة ويديه بجوجهم مهرسن ورجليه غا مقسح فيهم الغالية كانت فاقت وغير ساهية كتسمع جالسة فالكرسي وكتمشي وتجي فبلاصتها جا طبيب اخر مسءول على العضام هو لي ايشوف كثر شنو عندو وايقادهم ليه بقاو تما ساعات وملاك كرشها زادت ضرتها وشدت فعهد:كرشي كضرني.
عهد:واش عاد دابا.
ملاك بخوف:لا قبيلة وهي كضرني.
غوت بعصبية:وعلااش مقلتيهاش.
بدات كتبكي ساكتة وجرها وشد واحد الفرملية:شي طبيب ولا شي حاجة مرتي حاملة وكرشها كضرها.
الفرملية حالة فمها فيه:اه راهو الطبيب مختص بالنسا.عهد مشا عندو طلعو وهبطو بانلو يكون قدو وهو يخنزر فيه:شوف هاه.الطبيب هز فيه عينو:وي نعام.
عهد بفقصة:مرتي فيها وجع حاملة يمكن بالخلعة باها دار كسيدة شنو عندها.
الطبيب بصدمة كيرمش فيه:رخص ندوز ليها وقيلة عاد انعرف شعندها.
عهد:وطبيب نتا دابا ها لاش لابس هاد الطابلية انصلها ملي مغتعرفش شعندها.
الطبيب:واش صافا امسيو.
عهد غمض عينو بفقصة:كينا شي طبيبة هنا.
الطبيب تبسم عاد فهمو وهز يدو:مجوج اصحبي والله وعاد رنقلبها ماشي فين مشا بالك وزيدون ادخل معاها.
قاطعو:وارااني اندخل معاها مالك تسحابني انخليها بحدها.
الطبيب:واخا اخويا ابرد زيدو للبيرو.مشاو معاه وجلسو بقا كيسولها وعبر ليها الضغط لقاه هو هداك:واش مكتحسيش من التحت بحالا مزيرة.
ملاك:لا.
الطبيب:امم ومكيتحركش.
ملاك:لا.
الطبيب:خاص ضروري تقلب الكرش .عهد كان ايهضر وزرب نطق سبقو:اتجي واحد الطبيبة سطاجير(تبسم)مرتي نيت.عهد حرك راسو عاد تنفس والطبيب هز التيلي صونا ليها وجات دخلت مبسمة ودات ملاك ردات الريدو ودارت ليها التلفزة وعهد دخل معاها حاضي تاتبسمت المرا:واو عندك تويمين سيمينيون.عهد قفز مشا لجهتها مع كانت مضورة التلفزة عندها مكتبانش ليهم هوما وملاك شدت فمها ممتيقاش عهد شاف كانو باينن واضحن واحد فوق واحد وبحالا معانقين.واخا كيبانو فشكل ضورت لملاك تاهي شافتهم واخا كيبانو صغيورن فرزتهم حمدتالله غاماشي بحال دك النهار الطبيبة:كيبانو عادين تاعنق الرحم ممزيرش لي ايضغط عليهم يعني اتكون غي الخلعة لي خلات كرشك تضرك الحمدالله معندهم والو ولكن (صغرت عينيها)معرت شنو هادا.كانت بانة تحتهم بحال الكيس:واش شايفينهم.
عهد الفرحة مفافياه مكيفكرش ومباغيش يسمعها تقول شي حاجة تنكد عليه:اه اه ياك دابا هوما هادو شنو واش دراري ولا بنات ولا شنو.
الطبيبة:ههه صراحة معرفتش وعاد مبينش مضرقن.
عهد:اااه هه(شاف فملاك)شتيهم.
ملاك:اه الحمدالله.
عهد شافيهم مبسم:حمدالله.

هو تبسم ونتوما مالكم كتفرنسو شتكم باقن فرحانن لا خاااصني نزرب ونولدها باش تشوفو السيغبغيز باش نكدها عليكم تاني تا غا اجي وولد التوام ولا 😌724😍

ناضت ملاك وخرجو عند الطبيب :شنو معندها تامشكل.
الطبيبة بضحيكة:لا حمدالله معندها والو.
الطبيب:اه مزيان (شاف فعهد:ايوة شتي هانتا معندها والو غير مديرش فبالها باها ايكون بيخير انشاءلله.ملاك رجعو تعابير الحزن خيمو على وجها كانت للحضة نساتو فاش شافت ولادها عهد شكرو وخرجو شادا فيه مشاو جلسو وخالد شافيه:شنو معندها والو ياك.
عهد:لا حمدلله احيت تخلعت.بقاو كيتسناو تما تاخرجو الاطباء خبروهم بلي حالتو مستقرة حاليا وتمو مخرجينو الممرضين عنقو دايرن ليه ديك لعيبة باش يبقا تابث ويديه مهزوزين مجبرينهم وتارجلو ليسرية فيها واحد الباندة من جهة الكاحل عهد شاف لجهة صدرو كان عريان ومديرنش ليه شي فاصمة ولا شي حاجة وهوما قالو مهرسن ليه الضلوع بان ليه غير فيه الزروقة فشي جوايه وحبس الطبيب:ياك قلتو مهرس فالضلع .
الطبيب:اه مهرس علاش مالك.
عهد:وشتكم مديرن ليه والو فصدرو.
الطبيب:اه اولدي الاضلع كيبراو بحدهم اغلبية خاص غير تسيطر على الالام بالادوية زاءد الحرص باش النعسة يبقا ينعس مقاد والثلج يبقا يديرو بانضباط وعاد شي تمارين التنفس على حساب الرية راه ميمكنش نديرو ليه ديبونداج على حساب ريات ايجيهم التهابات اما راهم كيبراو بحدهم خاص غير العناية المركزة فهاد الفترات كيبراو مابين ربعة اسابيع او سبعة .
عهد:اه صفي شكرا.
الطبيب:ولو هادا واجب.مشا ضار لقا ملاك تابعاهم كانو غادن تابعينو للغرفة لي دخلوه خلاوهم شافوه غي شوية وخرجوهم باش يرتاح اصلا كان ناعس خرجو بحالهم شمس ومحمد طمنو عليه ومشاو بحالهم اما ملاك لسقت عهد بغات تمشي مع مها سمعت خوتها ايمشيو يباتو معاها بغات تاهي تبقا معاهم:واعفااك.
عهد:احبيبة ياك خوتك وعيالاتهم معاها لاش تانتي اتمشي.
ملاك:واه بغيت تانا نبقا معاهم.
عهد بقا كيضور عينيه تاشافيها بنص عين:انمشي معاك منخليكش بحدك.ملاك بفرحة:صفي يالله.ركبو وديمارا وصلو طلعو الغالية بزز نعسات وكلا مشا شد بلاصة تخشا فيها ملاك دخلت لبيتها ودخل وراها وسد الباب وراه بان ليه لاسق فيه الساروت وهو يضورو عاد رتاح وضار لقاها حيدت الشال ومشات لشرجهم حلات جهة كطل وهو نصل الكوستيم والغرافاطا كان غي معلقها فعنقو حيدها لاحها وحيد القميجة تاهي ونصل السروال ملاك مسكينة كانت تطل من الشرجم تاضارت لقات السيد كينصل:اويلي اعهد .
عهد:قنطني ياه.جات تهضر وتسمع الدقان بغا يحل وهمست:اويلي اجي شغدير.مشات بالزربة دفعاتو:سير راك عريان دابا تكون شي وحدة من البنات.بعد بقا ورا الباب حاضيها ؛احح كتغيري.ميقت فيه وحلات الباب كان خوها خالد تبسم ليها:سمحيليا (هز يدو فيها حوايج)حوايج كانو هنا راك عارفة فينما كنجيو كنخليو شي حاجة لقيت هادو لعهد ما يبدل لا بغا واخا يمكن صغار عليه شويا مهم يديباني رمشي اينعس بكومبلي.شدتهم منو:اه شكرا اخالد.
خالد:مشي مشكيل نتي واش كين عندك باش تبدلي ياك.
ملاك:هه اه باقن شي حوايج هنا تانا عندي.
خالد :هه صفي تصبحو على خير.
ملاك:تصبح على خير اخويا.مشا وهي سدت الباب وضارت غادة وهو لاح يدو ضور الساروت تاني حطت الحوايج فوق السرير وبدات كدابز مع القفطان تنصلو وقرب عندها عاونها وتحنا على ركابيه شاد كريشتها طلع الديباردو عليها لي كان مهزوز اصلا شوية من لتحت وباسها ليها وهز فيها عينو مبسم:كنموت عليك.حطت يدها على حنكو:تانا احبيبي.ناض خطف بوسة ففيمها وهي تنطق:رادوك الحوايج لابغيتي تلبس.تمت غادة للماريو وشدها:فين غادا.
ملاك:انشوف ليا منبدل.
عهد:كون غي بقيتي هاكا مالك البيت دافي .
ملاك:اه واخا انشوف ابعدا واش كينا شي حاجة منلبس غدا.
جرها:تالغدا ونسيفط مساج لغارد يجيبو لينا غي اجي دابا.
بقات كترمش فيه وهو جارها من يدها عندو بشوية:شباغي دير.
ضحك:هه واااالو.قلبها عنقنا من لور وحاط يدو على كرشها وتكا على كتفها :تعقلي اول مرة تجمعنا هنا.
ملاك بضحيكة خجولة:اه ههه.
خشا وجهو فعنقها:سمحيليا على داك النهار بزاف.
حطت يدها على يديه لي فكرشها:ههه صفي غي نسا.
عهد:هه كنتي اتموتي ليا بالخلعة.
ملاك:هههه وانتا شوف شنو درتي ومبغيتينيش نخاف فين عمري شفت دكشي انا.تتمة😍
باسها فعنقها:وانديرو تادابا توحشتك .
تسلتات منو:ويلي اعهد راحنا فدارنا وخوتي كينن ايسمعو.
عهد:اواحد (ضور راسو فالبيت):بيتك تيجيب ال*ملة.
ضرباتو لصدرو:اويلي.
عهد:ههه والله واجي والله تاتوحشتك (دوز يدو على كرشها)وتوحشت ولادي.
قرصاتو فيدو:قول توحشتي تمخضهم مساكن(ساطت)فخبارك باقا ممتيقاش راعندي توام.
عهد:ويالله اجي نديرو شي واحد.
ملاك:انا كنقولو ممتيقاش وهو بالو بقي فدكشي لا اعهد رمغنخليكش.
شدها من يدها:هانتي مبقيتش كنضرب.
خرجت عينيها مقاطعاه:وداك العضان المصعور لي كدير ولتحت كضرب تاكنقول ايجبد معاه الولد.
عهد:واااولله تاكنتكيس هدشي والله .
ملاك:لا اعهد ايسمعونا.
عهد:واعافاك مبقيتش كيما لول .
ملاك:سير راغي حيت حاملة وكرشي كبيرة اما مكنتيش تسوق قبل متكبر.
عهد:واجي قبل مالتقبة تاهي تكبر فاش تولديهم.
ملاك خنزرت:لاءح بعد مني.مشا تلاح فالسرير:دابا هادا ايهزنا بجوج.
ملاك:لا انفرشو فالارض.
عهد:حمقة نتي باغا تنعسي فالارض لامقدناش انا نعس فالارض.
ملاك:بحالا نتا مولف تنعس فالارض.
عهد:مالكي لمك تسحابيني فريميجة راواخا ولد الفشوش رامفياش داك التبوزيق ديالهم.
ملاك:واخا هانا انفرش ولكن انعس معاك فالارض.
عهد:الا فرشي غاليا نتي نعسي لفوق.مشات كتجبد الغطا من الماريو:يااك هي مباغينيش نعس حداك .ناض كيجبد معاها:لا احبيبة راعلاى ود كرشك الارض اضرك.
ملاك:انقويو الغطا متخافش.
تنهد:احنا انشوفو .جبدو المانطات مها كتحطهم تما ديما فرشهم عهد وقادهم مزيان وكيقيس شافهم غلاض ميضروهاش عاد حبس وهي جابت المخدة لي كانت فالسرير حطتها :نعس.
عهد كيرمش:اييه ونتي.
ملاك:انتكا فوقك وزيدون فين عمري نعست فالمخدة انا ديما مشقلبة.
عهد:واباز لدوك الدراري مساكن معرت كيكيديرو فاش كتشقلبي.
ملاك:لاباس عليهم فوتهم غانتا ومخيضك.
عهد:والا خاص تكيسي وادابا شنو باقا مبغيتي ديري عقلك.
ملاك جلست حداه:واعهودي ولاهيلا ايسمعونا.
قرب باسها وبقا ملاسق وجهو معاها:لا كنتي اتغوتي نسد ليك فمك.
ملاك:علاه نتا كتعقل تاعليا شكون انا بقا اتسد ليا فمي.
خشا وجهو فعنقها كيبوس وحاط يدو كيدوزها على كرشها:والله تانتي لي كنعقل عليك ههه .تكاها مستسلمة ليه (احم معنديش الغانة للبسالة 😁 عندي واحد الفكرة بغيت نخليها تالبسالة الماجية ومغتجيش نكتب السفالة متابعة حيت انديرو دابا واحد التنقيزة كبيييرة)في الصباح فاقت عليه كيبوس فكرشها وكيفرنس ابحدو وكيوشوش ونطقت بصوت باح:شكدير.
عهد:هه علاش مكنتيش كتحسي بيهم كانو كيتحركو عرفتي سحبلي غايقطعو لك كرشك .
ملاك تغعدت:لاش مفيقتينيش شحال الساعا.
عهد:يالله التسعود.
قفزت:ويلي ايكونو مشاو عند با.
عهد:كون مشاو كون سمعتهم رامسمعت تاحد تحرك وزيدون ايكونو عيانين بالعرس والخلعة دالبارح وعاد جينا معطلين ابشوية عليه.جرت ديباردو ديالها:افف حشومة علك البارح خنقتيني.
عهد:ههه ونتي بقيتي عليا انغوت انغوت.
ملاك:ننيننيني عيطتي ليهم يجيبولنا حوايج.
عهد:اه ايكونو قربو يوصلو فاش ايوصلو يصونيو ليا.
ملاك:امم واخا ونوض لبس دوك لي جابليك خالد باش تهبط عندهم.
ناض كيلبس فيهم كان تريكو نص كم وشورط جاوه مزيرن تاصونا ليه التيلي بلي وصلو وحل الباب هبط كان تاحد مفايق شدهم من عند الغارد ودخل سد الباب وتم طالع تاتلاقا بايمن عاد كيحل عينيه:نتا لي حليتي الباب.
عهد:اه اجابوليا حوايجي.
ايمن:اه سحابلي شي حد خرج شتهم هادو باقن ناعسن انمشي نفيقهم.
عهد:لي بان لك.
ايمن:نعستي مزيان هنا.
عهد ضحك:اه مزياان.ايمن بقا كيرمش مبوق بالنعاس وعهد مشا لبيت ملاك وسد الباب وايمن متبعو تاسد الباب وضار كيبرقق فعينيه غادي لطواليط عاد سرات معاه لاش دار دك الضحكة خرج من الطواليط ومشا كيفيق فخوتو كيدقدق عليهم

Leave a comment