Skip links

قصة : المعنفة ج 4

 2,967 عدد مشاهداات

❤المعنفة❤
📝سمر&سلمى📝
البارت:🌸61🌸

💙🖤غيرة في الحب …. تجعلنا نتصرف كالأطفال لا يرضينا سوى لإمتلاك💙🖤

(كيف جاتكم هاد المقولة😌)

في لعروبية و بضبط عند مريم دار كانت عاااامرة بجيران و عائلة سميرة ،

إياد: سي ياسين ، حنا أصلا مناسبين و كتعرف علينا زوينة و لخايبة و عارف شخصيتنا (حرك ليه ياسين راسو بابتسامة) كيف كتعرف ملي جا ولدي جود طلاقا ب أميرة ، عجباتو أو نقولو تغرم بيها ، هاد لمدة لي دازت باش يرتب حياتو و أفكارو ، و حنا حاليا جينا هنا باش نطلبو يد بنتكم أميرة ل ولدي جود ، بعد موافقكتم

ياسين:(بابتسامة) تكلمت مع بنتي في هاد لموضوع و عطاتني جوابها ولكن انعاود نسولها قدامكم (دار عند أميرة لي گالسة جنب ماماها مبتاسمة و حشمانة) بنتي أميرة واش موافقة تكوني زوجة ل جود لي هو ولد عمتك
أميرة:(تكلمات بزز حيت حشمانة و هي معروف عليها لحشمة) ا..اااه… ابابا موافقة
جود:(تنهد براحة و هدر بخفت) حمد الله
إياد: باقي رأيك اسي ياسين ، بما أنك نتا باباها فا لقرار نهائي كيرجع ليك
ياسين: انوافق بعد شروط
جود:(بزربة) موافق على گاع شروط
ياسين:(بتاسم من تصرفو حتى كلشي ضحك) ههه سمعهم بعدا

آية كتشوف فيهم كااااملين هي ملي تزوجات مداروش هاكة ولا حتى باباه طلبها من عند مريم و شوفاتها و انكسارها لاحضهم جاد و مريم لي ندمانة علاش دخلات و زوجاتها ل جاد حسات بندم و قةلت بلي ميستاهلهاش و حتى هي متستاهلش

جود: واخا سمح ليا هه
ياسين: أول حاجة: بنتي تكمل قرايتها ، بغات تخدم خليها تخدم ، انبقاو نشوفوها كل شهر تقرييييبا لا تعطلنا عليها مهيم كل شهر تجي لعندنا ، بغات شي حاجة متحرمهاش منها ، و ضروووووري من هادشي(كيأكد ليه) منبغيش نشوف بنتي كتبكي بسبابك ولا نشوف في وجهها و عينها زرقة(ضار شاف في آية زعما مديرش بحال خوك و رجع شاف فيه) ولا انسا بلييي نتا ولد ختي و اتلقاني في طريقك ،
جود: ماشي من نوعي لي يضرب لبنات ، و انا انتزوج بيها كزوجة ليا لمدى لحياة

جاد حس بحالا كيضربو ليه لمعنى زاض زافر و مخنزر خارج حتى كلشي بقا منتابه ليه خرج في آية عينيه باش تبعو ، غمضات عينيها و حلاتهم غادة واقفة حتى شداتها مريم

مريم: صافي ابنتي بقاي هنا راه ايقتلك
نديم: (ضحكات و كلشي دار يشوف فيها مخنزرين من تصرفها شافت فيها آية و رجعات شافت في مريم بابتسامة)
آية: هو راجلي دابة اخالتي مريم ، راجلي(تحنات كتهدر في ودنيها) مكتفة كاملة كنموت ببطء حتى مبقاش ليا جهد و حاليا مستسلمة لكلشي

خرجات و خلات مريم مفاهمة والو من هدرتها لي فاهمة هو راها معدبة معاه ، خرجات آية عندو لقاتو واقف قدام لباب كيكمي كيف عادتو و معصب بقا عاطيها بضهر غير شوي و دار عندها سد ليها فمها و طفا لگارو في عنقها طلقاتها بسرخة ولكن مسمعها حد هو ساد ليها فمها و مزير عليها حتى بداو يقيسو دميعاتها يدو لي ساد بيها فمها طلق منها بشوي و شد من يدها غادي بيها طونوبيل وهي شادة جيهت لحرقة و كتبكي وقفها حداها و نديم و سلمى واقفين حدا لباب ولكن هو مكيشوفهمش

جاد: دخلتي لحياتي رونتيها ، و مزااااال فيها مبغيتيش تخرجي منها ، شفتي كيعطيوني في لمعاني حيت ضربتك ، ولكن معارفينش بلي نتي تستاااااهلي ، (كيستهزء بيها)شنو زعمة قبيلة شداتك لبكية حيت أميرة اتخطب و من عند عائلتها و باباها خايف عليها و كيتشرط من فوق ، هههه ونتي ههه واش جيت خطبتك من عند شي واحد ،اااه ههههه واش سولتك واش باغة تزوجي بيا( كيضحك عليها و هي غير كتبكي أما سلمى كتنغز في نديم و متقول ليها مبقا والو و تزوجي بيه نتي) ههه لاااااا واش عرفتي علااااااش !! حيت نتي وحدة رخييييييييسة و مسخةة و بنت لخلة ، ماماك والداك غير من لحرام أكيد معندك قيمة و لي جا يبيعك و يشريك ،(شاف فيها بحنية) شفتي مريم هي لي خرجات علينا بجوج نتي معدبة معايا و أنا معدب معاك ، كون مزوجاتنيش ليك مكناش انكونو في هاد لمشاكيل ، كون نتي عايشة حياتي و حتى انا ، ولكن بغات تفرح هيا و حنا نتعدبو بسبب راحتها ،
آية: هء هءهء اتندمو كاااملين على هادشي هءهء
جاد: هههه معايا انا زعما
آية: هءهء ماما و بابا و ختي و حتى نتا و أي واحد ، هءهءهء اتنمدو والله
جاد: ههه بصح ولمن اتشكي ،(بعصبية) دخلي عند باباك بكي عليه ياله جري اش كتسناي واش أيعنقك و يقول ليك بنتي ، واش لخير ملقيتيه حتى في واليديك و اتلقايه في واحد حياتو مدوزها تابع مجرمين!!! ……

كانو جيران واقفين برا قدام لباب حيت أي وحدة ملي كتكون شي مناسبة كيكونو عندها باش إعاونوها ومع مقابلين مع دوك جوج لي هما مرادينش ليهم لبال أو ممسوقيش ليهم شادين فيهم نميمةمنهك خديجة و مها يامنة و سلمى و نديم و بشرى ، مريم بغات تعيط على خديجة تسخرها ملي شافتو كيغوت عليها كانت غادة ليه ولكن تسعقات من منضر لي شافت ورجعات جوج خطوات لور حشامنة

#يتبع
❤المعنفة❤
📝سمر&سلمى📝
البارت:🌸62🌸

عند آية بعدما هو كيهدر و يغوت هي كانت حاضيا شفايفو و ريحتو لي مخلطة مع لگارو بورشاتها ، قاطعاتو بقبلة غير حاطة فمها مكتعرفش ، وهو بتاسم و مدخلها فيه كيقبل فيها بحرارة ،

جيران كلشي حشم خرجات أسيل باش تشوفهم ساعة لقاتهم ماشي في هاد لعالام و جيران مقابلين معاهم ولوليدات صغار كاينين عيطات عليهم ، ولكن لقاتو بدا كيبعد منها حيت بدات تنوض ليه راگد

أسيل: باراكة عليكم ، زيدو زيدو

دخلات و خلات آية غرقانة في حوايجها أول مرة تصرف بحال هاد تصرف ، زربات دغيا غادة داخلة وجها مطيييييييييشة شافت جيران تم عاد زادت حشمت باينة شافوها دخلات گلسات في بلاصتها كيشوفو فيها كيفاش كتدور عينيها و كتبتاسم بوحديتها

وصل ليل عائلة مامات سميرة مشاو و جيران ملي كملو شقا مشاو بقاو غير عائلة نديم حيت بايتين هنا(زعمة إياد و نزار…..) سلمى مشات عند ماماها هي و يعقوب و يوسف ولكن نديم رفضات بغات تبقا ،

بعدما تعشاو رجال عطاوهم بيت ديال إلياس حيت كبيييير بزاف و البنات و عيالات نعسو في صالة مجمعين ، عند جاد كان متكي في لأرض و حداه جود و حداه نزار و أصلان منو لحيط و جيهة ليسرا كاين إلياس و عاد ناموسيتو لي متكي فيها إياد و قيس ، بقاو كيهدرو و يضحكو على جود حيت أيتزوج حتى سمعو صوت دقان عطاو لإدن و دخلات حانية راسها هزات راسها شافتو متكي و حاط إيدو من مور راسو توحشاتو بزاااااااف بغات غير تعنقو تكلمات و هي حشمانة شوي

أسيل: بغيت نعس حداك
أصلان: انااا!!! حنا هنا غير رجال ا أسيل سيري لبلاصتك
قيس: هه ماااماااا سوفي انا و زدي(جدي)
أسيل:(بتاسمات ل قيس و شافت في أصلان بحزن) عفااااك ، خليني نعس حداك
جود:(ضاحك) لا ختي غاديري لبسالة و متخليوناش نعسو .
أسيل:(على نيتها) لا والله مندير لبسالة
الكل: كيضحك على هدرتها حيت هو ناوها حاجة اااخرة .
أصلان: أسيل كوني تسمعي و سيري تنعسي حدا خالتي ندين ، شهرين هادي و نتي هنا ،دابة عاد تفكرتيني امم
أسيل:(ضارت كتبكي) هءهءهءهء اش اندير بنتك بغاتك
أصلان: فينها
أسيل:(أشارت لكرشها ضرب راسو ببلاهة و أشار ليها تجي لعندو مشات كتجري مخشية في حضنو)
أصلان:زيدي زيدي المصيبة لي بلاني الله
إياد: ههه شفتي فلول قلت ليك راك ماشي غتزوج غير بموصيبة كوميسارية هاديك
جود: ولااهيييلا ، كحزووو راكم زاحمتونا ، انا علاش منجيبش أميرة وجاد إيجيب آية
إياد: انا نجيب ندين .
إلياس: و أنا والوحدة را عشرااان
جود: ههه مسكييييين
نزار: دراري ، عندي ليكم واحد لخبار
إياد: شنو هي
نزار: لبنت لي عاودت ليك عليها اعمي إياد گعما نسيتها
جود:(ناض گالس) شكون هادي
نزار: واحد لبنت كنت متعرف عليها ، كنت كادب عليها بلي غير متشرد و عايش معاها في نفس دار و ملي رجعت لفيلا عاودت ليها حقيقتي كنت كنتسنا تفرح ولكن مبغاتش قالت ليا كدبت عليها
جاد: واش هاديك لي كتبيع كنينيكس
إياد: سير عاود هدر معاها
نزار: متبغيش جربت مرة وحدة وملي رفضات صافي تراجعت
جود: سير قول ليها بلي كتبغيها و انخبطك من عند واليديها
نزار : هي يتيمة ساكنة غير هي وخوها صغير ، و عتارفت ليها و رفضات
إياد: عاود حاول ولا رفضات بعد منها

#أصبح_و_أصبح_الملك_الله

متكي فوق سرير وهي حاطة عليه راسها فوق صدرو لي كلوووو وشام توحشها بزاااف ، بتاسم من ليلتهم الحميمية بارح ولي خلاه يبتاسم كثر هو إنسجامها ليه ، مهيم عندو أمل تقدر تسمح ليه

بعد راسها عليه وناض لبس بوكسور و سروالو لكحل شاف في لأرض حوايجها لمليوحيين بتاسم ابتسامة كبيرة ، رجع قرب منها كيشوف فيها كلها عارية ، هبط طبع قبلة على كرشها باس ولدو وكريشة جات معاها كتبينها فنة ،

#يتبع
❤المعنفة❤
📝سمر&سلمى📝
البارت:🌸63🌸

بقا مدة حاضيها حتى بدات تكسل و حلات عينيها فيه مبتاسم

أمير: صباح الحب
جنات:(بصدمة) شنوووو…(ناضت هربانة جارة ليزار عليها و خايفة كتمتم في هدرتها) خرررج … خر..ج بحااااالك ،. بعد منييييي…
أمير:(تلاشات ابتسامتو ملي هربات منو رجع كيقرب منها و كيحاول يسطانع ابتسامة) حبيبتي … اجي عندي . راه منآديكش .. اعمري انا كنبغيك و
جنات:(قاطعاتو مباغاش تغوت كثر لا تفضح مع جيران) الله إسهل عليك خرج بعد مني عطيني بتيساع هءهءهء بعد مني عفااااك هءهءهء ماباغاش نموت .
أمير:(بحزن) شششت انا منقدرش نآديك خليني نشرح ليك احبيبتي
جنات: هههه شنو اتشرح ليا ، هاااه شنووووو زعما مكنتيش قاصد ياك
أمير: شششت نتي حاملة تهدني ، گلسي ، ياله گلسي(گلسات في لأرض مقابلة معاه ولكن بعيدة منو) نهار لي جيت نخطبك فيه شفتي باباك هاني و رفض انه يزوجك ليا ، ولكن انا منقدرش نعيش بلا بيك عينيا معميين بحبي ليك ، شفتي بعينيك شنو وقع مقدرتش نبقا بعيد عليك ، داكشي علاش فكرة باش نقت….(نقتلهم)
جنات:(قاطعاتو) سكككت هءهءهء صافي سكت ، هءهءهء انا اش درت ليك هءهءهء علاش دخلتي لحياتي كنت هاانية عايشة بيخير علاش دخلتي لحياتي هءهءهخء
أمير: سمحي ليا ، ولكن مكنتش كنشوف قدامي من غير أنك تكوني ديالي
جنات: سير بحالك ، ياله سير ، خرج عليا القتاااااال ، خرج هءهءهء خرج ولدي انقول ليه باباك مات انكدب عليه هءههءهء انااااا انكدب عليه هءهء وشنو نقول ليه مثلا باباك راه قتال مجرم
أمير: غير قولي ااه انا مجرم و قتاااال و قلبي مفيهش رحمة
جنات: هءهءهءهء خرج بحالك
أمير: انمشي ، غير تهدني انمشي دابة و عمرك ماتشوفيني غير رتاحي صافي انمشي بحالي بصفة نهائية و حتى ولدي منشوفوش حيت بصح مخاصوش يعرف بلي انا مجرم و قتال ولكن خليه يبغيني ، إلا مشافنيش خليه يبغيني ا جنات قولي ليه باباك كيبغيك بزاف ،(ضار لبس طريكوه و مونطوه دار شاف فيها بعينيها حمرييين و غسة في قلبو مزال گالسة و معنقا ليزار و كتبكي بحرقة قرب منها رجعات بلور) خليني نعنقك ، خليني نشبع منك واخا منقدرش نشبع ، متحرمينيش(خلاتو معنقها مزياااان مدخلها في صدرو حسات بعضومتها ايتفكو ولكن خلاتو باش حتى هي تشبع منو)

عند جاد گالس برا مع باباه و نزار كيكميو حتى جات ندين

ندين: إياااااد حيد داك لگارو واش هو لي بقا ليك ،
إياد: راني باقي شباب و البنات غير تابعيني
ندين:(ضرباتو لكتفو) گاع ولادك جوجتيهم اشمن بنات و اشمن شباب (شافت في نزار) بقا غير نزار
نزار: ههه قريب ماما ندين غير دعي معايا
ندين: لي فيها لخير الله يجيبها ليك اولدي
جاد: اتمشيو ليوم
ندين: وي انمشيو ليوم كاملين في لعشية

جاد حرك ليها براسو ، بعد منها شوي باش يكمي ، و بقا كيفكر واش يديها معاه ولا يخليها ، واش إطلقها ولا لا معرفش شنو يدير كمل گاروه و دخل عندهم لقا آية كتشقا مع البنات لابسة كسيوة كحلة طويلة بلكمام مهيم داكشي مستور ماشي كساوي عريانين ، و ظايرة ضفيرة جنب جاتها فنة و شادة طيلي كبيير في إيدها استغرب

جاد: آية (ضارت شافت فيه) أجييي (مشات عندو) مديالمن داك تيليفون
آية: ديااالي ، شراتو ليا أسيل و علماتني ليه
جاد: واش مزال شي حاجة تعلمتي ليها و انا مسايقش لخبار
آية: كون كنتي كتسول فيا كنت انعاود ليك كلشي
جاد: إوا ملي شريتي طيلي علاش مدرتيش نمرتي
آية: علاش ، باش تعايرني كيف لعادة ولا تقمعني ،
جاد: مهيم عيطت عليك باش نقول ليك انمشي ليوم في لعشية
آية: واخا نسالي و نمشي نجمع حوايجي
جاد:(فداخل ديالو) لا انطلقو خاص تبقاي هنا ، انا مقلتش ليك انمشيو قلت انمشي
آية: مالك ساهي
جاد: سوقك

#يتبع
💙🖤تتمة💙🖤
عطاتو بضهر غادة مكملة شغلها لقات بشرى عوتاني في وجهها
بشرى : هاي هاي هاي سمعت وليتو تحابو قدام لبيبان و سمعت بنت لحرام مبقات گاع تحشم خرجت لمها ههه
آية: (بنفاد صبر) بشرىىى ممسالياش ليك بعدي مني
بشرى: وجهك كيليق معاه ضرب ، اه نسيت دري مسكين زيدتيه لعندك و فلخر مشيتي وخليتيه
آية: هدري مقاد بعدا ، شنو كتخربقي
بشرى: سالم ، اآية ، دري تهرس من يدو وواكلها في راسو داوه سبيطار و عطاوه شي دوا و غاليين شفتي بسبابك شنو وقع ، دري مسكين كان غير سارح هاني حتى جيتي ، يالفعة
آية: انا ماشي قلت ليه اجي تزوج بيا ، مزال كون قلتيها نتي تجي معاك عندك 24 و حاطة راسك فيا عندي 19 عام ، ههه قيس و عندو لعقل عليك (قربات حدا ودنيها) مزال منسيتش طونوبيلات لي كانو كيحطوك في نص طريق و كتبقاي مدة تما علم الله اش كنتي كديري معاهم حتى كتهبطي كتقادي في شعرك و حوايجك (بعدات منها كتشوف في وجهها لي ولا مصدوم نقطة دم مفيهش) و عندي كثر من هادشي كلشي عارفاه عليك ، كيف كتعرفي انا غير سراحة و غير دايعة مع بهايمي فينما مشاو كنمشي معاهم إوا كنسمعك كل مرة مع ولد تحت شجرة
بشرى:(وجهها ولا صفر و خافت ) شششششت سكتي سكتييييس يالمسخة يالمعفونة تحلي فمك بشي كلمة نطير ليك داك لسان
آية: ههه داكرتي قوية و عاقلة حتى على لهدرة لي كتقولي

شداتها بشرى من شعرها جاراها عندها و سرفاقتها جات ليها مريم و ندين بعدوها عليها و مريم سرفقات بشرى ، لي بدورها دفعاتها و مشات كتجري ل آية دفعاتها حتى جات طايحة على ضهرها هادشي لي خلاها تسرخ بصوت عالي و يجي عندها جاد و كلشي معارف اش واقع

جاد: آية مااالك.، حاولي توقفي
آية:(بألم و حاطة يدها على كرشها) ايييي هءهءه اي كرشي و ضهري هءهء اااااااااااااااااااي
ياسين:(سرفق بشرى) بيتك ياله
ندين: ديها لبيت أميرة نشوف مالها

هزها جاد بين يديه و حطها فوق سرير و خرج ، بقات معاها ندين لي كتفحصها وتشوف واش مقصحة ولا مهرسة و تعرف شنو واقع ليها بعدما سالات فحصها ليها تكلمات ندين: غير تقصحتي حيت طحتي بجهد (ناضت أية باش تلبس حوايجها ولاحضات ندين انتفاخ بطنها و تكلمات) رجعي رجعي تكاي (رجعات تكات و بدات كتحاول تقلبها حتى بعدات مبتاسمة ليها) ههه وااااو كنضن نتي حاملة هه
آية:(بصدمة) شنو ، لا لا راه غير حيت غلاضيت
ندين: لاااا ماشي غلض حيت لا غلاضيتي اتغلاضي حتى من هاد لبلايص(كتوريها في جسدها) ولكن كرشك منفوخة غير بسباب لبيبي اتكون عندك دابة شي 3 شهور تقريبا خاص تمشي سبيطار ، بلاتي نمشي نفرح جاد بهد لخبر
آية:(قاطعتها بتوسل) لااااا عفااااك لاااااا ، أيقتلو ليا اخالتي ندين ، لاااا عفاك ، أيقتلني انا ولي في كرشي عافاك متقولي ليه والو
ندين: واش تسطيتي راه ولدو هداك علاش ايقتلك بلعكس ايفرح و ايولي يبغيك
آية:(تحنات على رجليها) نبوس ليك رجليك متقولي والو هو غيطلقني و غياخدو مني عفاااك راني غير وحيدة خلي ليا هاد ملاك يونسني في حياتي ، عفاااك انموتو انا و ولدي (طاحت باش تبوسهم ليها ولكن ندين بعدات دغيا و تحنات عندها)جاد لا حن فيا ايخليني نولد و ياخدو ليا يديه شي بلاصة عاافاااك مبغبتش ولدي ولا بنتي يعيش بحالي مبغيتوش يتشرد و يبقا يسمع في لهدرة لي كتجرح عاااافاااااك حتى نتي دابة لأم ل 4 الله إخليهم ليك حسي بيا هءهءه

عند أمير بعدما خرج من دار جنات جيران شاافوه حيت عاقلين عليه لبارح دخل و ليوم عاد خرج گاع تهم حطوهم على جنات ، ولاو يشربو بيها لكيسان ، كانت خارجة باش تقلب على شي خدمة ميمكنش تبقا هاكة ، حتى سمعات توشويش جيران

مراة1: دخل لبارح و خرج ليوم
مراة2: معرفت شكوووون هداك مبقا ميعجب ولينا نشوفو منكر بعينينا
مراة3: الله يسترنا ياربي
مراة1: واقيلة هادة بات لكرش لي جايبة
جنات:(ضارت عندهم معصبة) مالكم ، شنووو خاصكم هادة لي فكرشي ولدي و بباه وبكلشي ، هداك راه راجلي و باراكة من حضية الناس حضيو غير بناتكم
مرأة3: باك و مك عمرنا سمعنا منهم لعيب ونتي نهار ماتو نهار هربتي
جنات: ديييها في رااااااااسك ، مشيت مع رااجلي سووقك
مراة1: حشومة ابنتي اتولي دخلي رجال لدارك حتى حنا عندنا ولاد و بنات حتارمي راسك ولا سيري بحالك
جنات: واهادااااااك راااااجلي واش ميجيش عندي
مراة2: لا حولة ولا قوة إلا بالله ، الله يستر دنيا غادة و كتخياب

مشات مبعدة منهم كتجري و كتبكي دخل رون ليها حياتها و مشا خرج بكل بساطة ، بدات كتقلب في قهاوي ولا في ديور لي لقات ، لقات واحد لمخبازة ديال درب وقالو ليها تبدا غدا ، رجعات كلشي كيشوف فيها كلشي كيلوح ليها لمعاني لي دايرة بحال سيف ميختارقو قلبها حتى من رجال كيستغفرو الله دخلات لدارها بقات كتبكي مدة طوييييلة حتى حسات بلوجع

#يتبع
❤المعنفة❤
📝سمر&سلمى📝
البارت:🌸64🌸

🖤💙يؤلمني جدا عندما أرى شخص كان لي قريب ولي غيري غريب وأصبح لهم قريب ولي غريب عظم الله أجري بأشخاص ماتو بعيني وهم على قيد الحياة💙🖤

وصل وقت كلشي خرج باش يركبو في سياراتهم ، كانت سلمى و يوسف و كتسلم على ماماها باش تمشي ولكن أول مرة توقع ليها كتسلم على ماماها على خاطرها حيت مولفة آية كتجرها و متبقا طلب فيها باش تمشي معاها ولكن هاد لحظة كانت واقفة في جنب و كتشوووف فيهم بتمعن ، كملات سلمى غادة متوجهة لسيارة تركب فيها شافت في آية غير واقفة ، ميمكنش ماشي هي هادي بنتها لي كتعرف ، آية كتبعها كتجري و كتطلبها باش تديها معاها لدرجة كتبوس ليها رجليها ، شدات في راسها متألمة بزااااااف شدها يوسف دغيا طلعها ل سيارة

يوسف: نتي بيخير
سلمى: لباس ، لباس
يوسف: شربتي دواك
سلمى: ااه ولكن لحال عاد مكيتزاد عليا
يوسف: خاص نرجعو ل فرنسا باش تعالجي
سلمى: لا بغيت نبقا(طلع يعقوب و سكتو)
يعقوب: ماما نتي بيخير
سلمى: وي عمري انا مزيان(دورات وجهها جيهت لمراية قفزات كانت آية محنية عندها من جيهت سرجم كتشوف فيها )
آية:(كتكلم و عينيها على سلمى) يعقوب بغيت نهدر مع ماما شوي(بتاسم ليها و هبط) مالك ا ماما ياكما عيانة
سلمى: سووقك ، اش بغيتي
آية:(مزال على وضعيتها مع ابتسامة بااااهتة) كنتي كتسناي مني نجي نطلبك باش تديني معاك ، ونبوس ليك رجليك، لابغيتي نبوس ليك رجليك برضى
سلمى: عطيني غير بتيقار
آية: هاهي غادة ولكن متنساوش بجوج ، بلي ربي مكينساش ، يمهل ولا يهمل ، ليوم عليا و غدا عليك ، وحتى لا متحاسبتوش في دنيا موعدنا في لآخرة ، انا معمري منسمح ليكم ، لا على لحياة لي تعدبت فيها و مزال كنتعدب لحد لآن ، والا على ضلم ولا على أخطائكم باش وليت انا لي كنتحملهم وانا كنتخلصهم ، منسمحش ليكم ، ولكن إلا ربي سمح ليكم الله يسامح ،

بعدات غادة كتزرب حولات ترمش دغيا باش متبكيش ، أما سلمى ركبات فيها رعب حطات راسها على كتف يوسف و بقات كتبكي

يوسف: شفتي دنوبها بداو يبانو فيك
سلمى: هءهء صافي سكت ، متنساش بلي نتا لي مكنتيش باغاهاش
يوسف: انا مكنتش انلوحها كنت انخليها معانا ، ولكن نتي رفضتي و مبغيتيهاش ونتي لي طلبتي نجيبها ليك لهنا ،
سلمى: هءهءهء يااربي تعاوني انا راه مكنبغيهاش هءهءه كون غير ماتت
يوسف: باقي أمل تسمح لينا ا سلمى
سلمى: ميمكنش نطلب منها سماحة
يوسف: انا ندمت و بزااااااااااف حيت تبعتك و تبعت هدرتك ، بنتي انطلب منها سماحة ولا سمحات ليا مرحبا مسمحاتش انا راضي بأي حاجة

طلع يعقوب و نديم هازة نيفها لسما بانت ليها سلمى كتبكي ولكن مداتهاش فيها من غير يعقوب لي كيسول فيها و مخلوع

يعقوب: ماما واش نتي صافا ، مالك ، ياكما آية قالت ليك شي حاجة قلقاتك
نديم:(بعصبية) آية آية آية أويلي بزااااف مالكم على هاد لحالة ، واش فينما مشيت نلقاها و تلقا سميتها
يعقوب: ندييييييييم ، متنسايش هاديك كتبقى ختنا لكبيرة و واجب احترامها ، أصلا هي ضريفة بزاف
نديم: نتا هبيل معرفتش لمن خرجتي(صرفقها حتى دارت) باباااااا هءهءهء هدر معاااه
يوسف:(بحدة) يعقوووووووب

نرجعو عند آية و ندين لي شداتها من يدها جارتها مبعداها عليهم

ندين: بنتي آية خاصك تفكري في حل ، ميمكنش ليك تمشي مع جاد و نتي حاملة راه إلا مشا حتى ضربك أيخسر ليك الجنين
آية: و شنو ندير مبغيتش نبقا هنا
ندين: معرفتش ولكن انحاول نقنعو تجي تسكني معايا حيت هاكة ميمكنش ليه يضربك قدامي
آية: ياربي ، (شافت فيها بعينيها مدمعين) عفاااااك اخالتي ندين ، متخليش ولدي
ندين: شششت حبيبتي نتي راك بنتي(حطات يدها على كرشها) و هااادة راه حفييييدي

عنقاتها آية و خرجو برا سلمو على لعائلة وبقاو كيجرو في جود بزز لي مبغاش يتفرق على أميرة

جود: اااح شهر واااااحد و ناكل لحلوة
أميرة:(على نيتها) كولها دابة مالك حتى تسنا شهر
جود: ههه منقدرش حبيبتي قالو ليا حتى يدوز شهر و نتزوجو
أميرة: (ببراءة) صافي واخا ، ومتاكلهاش حتى نكون معاك ناكلوها بجوج
جود: واااايلي أميرتي انااااكلوها بجوج حيت نتي حلوة ، مهيم نتي حلوة بشكلاط ولا فريز(لي عقلو مسخ أيفهم😂)
أميرة: اممم كيعجبني شكلاط ، ولكن انختار لفريز
جود: اححح أصلا باااااينة نتي فريز حيت كلك فرييييييز ،
أميرة: مفهمتش
ندين:(مقاطعاهم) جود زيد ياله
جود: هاني جاي ،(باس أميرة بلخف في جبهتها و مشا داز على مريم و جاد لي كانو كيهدرو )

#يتبع
❤المعنفة❤
📝سمر&سلمى📝
البارت:🌸65🌸

مريم: ولدي الله يرضي عليك ، درية مدارت والو راها ضريفة بزاااااف حاول عليها متندمنيش حيت زوجتها ليك اولدي ، الله يرضي عليك ، انا بغيت غير نهنيها من هاد لعذاب قلت لا تزوجاات اترتااح ولكن لي خفت منو طحت فيه ، ، كنتي اولدي اتبقا ضربها طلقها ، هادة هو لحل ، نمشي نسكن انا وياها في المدينة ولا تجي تبقا هنا معدبة ،
جاد: ميكون غير لخير اجدة (باس راسها مشا طونوبيل لقاها واقفة)شكتسناي
آية: كنتسناك
جاد: ياكما كتسناي نحل ليك طونوبيل
آية: راك ساادها

جاد حس براسو مكلخ حل ليها سيارة حطات فاليزتها لور لي جابت معاها عامرة حوايج و كساوي لي شرات ليها أسيل طلعات لقدام حداه و هزات تيليفون كتبقشش فيه جاد خنزر فيها خرج مكسيري موالفة غير تبقا حالة فمها في زنقة دابة ساهية في تيليفون حس بيها كتقرا شي حاجة زاد سرعة كبييييرة باش تخلع و نيت تخلعات و شدات ليه في كتفو
آية: بشويييييي عفاااااااك
جاد: أري داك تيليفون
آية:(مداتو ليه) ياله بشوي
جاد :(وقف في جنب كيشوف في طيلي لقاها داخلة شي گروب كتقرا فدوك سطوريات ديال عقول راقية رجع ليها طيلي) متبقايش مهووسة بطيلي بزااف

خداتو من عندو و نتابه لباباه وصل عليه و أشار ليه بيدو زعما بشوي ، مدة طريق وصلو لفيلا لقاو ربيعة معرضة لجود بصلا و سلام و حليب و تمر

جود: راه مجبتش لعروسة اخالتي ربيعة
ربيعة: ههه ماشي مشكيل زيد زيد فرحت ليك
إياد: بقات بلاصتك
ربيعة: راك عارف اولدي عرس ختي قريب و اضطريت نمشي ، فين هو نزار؟
ندين: معرفتش ، قال لينا عندو شي خدمة و ايجي
ربيعة: أسيل مشات و مسلماتش عليا
ندين: ههه راك عارفة أسيل شهرين و هي بعيدة على راجلها هه (عنقاتها) اجي اجي نعاود ليك كيف دازت لخطبة
ربيعة: بلاتي ندير شي كاس ديال أتاي
جود: انطلع نرتاح
ندين: واخا اولدي ، آية ملي تسالي أجي گلسي معانا

حركات ليها براسها وطلعات تابعة جاد ، وصلو لبيتو ، كيعحبها بزاااف هاد لبيت حيت كبييير بزاااف و كيطل على جردة و بيسين ، دخل يدوش و هي بدات كتبدل في حوايجها جبدات دوم كريمات لي وراتها أميرة و أسيل طلاتهم لحمها لي ولا رطب بلكريمات سرحات شعرها لي كان مصااايب حيت سايباتو ليها أسيل ، جبدات عكر سيباتو في فمها و جاها توووت لوووز ، حلات فاليزة ديالها جبدات كسوة في رمادي بلكمام و فايتة ركبة بشوي ، رجعات شعرها لور و شافت انعكاسها في لمراية مبتاسمة رجعات شافت في باب دوش كتسناه يخرج

آية:(بابتاسمة) ياله جاد خرج نشوفو واش مزال مصر على طلاق ، منخليش ولدي يكبر بلا أب و بلا عائلة ميعيش داكشي لي عشت

عند جنات في مخبزة ديال درب لي ولات خدامة فيها و فرحانة هادة أول نهار ليها و أول مرة اتخدم ، في هاد لأثناء دخلو شي عيالات

مراة1: عطيني 10 كريويسات(كتدور في عينيها و كتهدر مع صحبتها) اااه هي هادي بنت احمد
مراة2: هي هااااادي ، باها و مها الله يعمر ليهم دار ، ولكن بنتهم خرجت طريق(هادشي داز على مسامع جنات ولكن سكتات كتكمل في خدمتها)
مراة1: اااه ، راه قالك كدخل واحد راجل كتجيبو يبات عندها
مراة2: واقيلة حملت منو
جنات:(حطات ليها داكشي لي بغات بنتير) عندك 10 دراهم
مراة1: واخا ابنتي ، ايمتا اتولدي معرضتيش علينا لعرسك
مراة2:(ضحكات) هههه واييييه ولكن غير ماتو واليديك هربتي
جنات:(بعصبية) اناااا تزوجت و ميمكنش ليا ندير لعرس و بابا و ماما ياله ماتو ، و أصلا هداك لي جا عندي راااه راااااااجليييي مزوجين في لورااااق و زيدها نتوما مسوووقكمش

خرجو من تما كيتغامزو أكيد ميتيقوهاش ، أما جنات حسات بوجع بسباب هاد لعصبية و گلسات شادة كرشها و كتكلم بندم

جنات: اش داااني نحمل بيك كون غير متي داك نهار ولا تبقا معدب معايا

في نفس لحي ولكن هاد لمرة عند جيران رجال و عيالات
راجل1: سي احمد قبل ميموت رجل مزيااان و طيب لخلق و حتى جنات كانت كدلك كلشي كيحماق عليها ولكن مكناش متوقعين منها توصل لهاد مواصل
رجل2:(فقيه درب) البنت ممزوجة ممطلقة ، و زيدها حاملة باينة اتكون مرتاكبة المعاصي
مراة1: اه و ملي ملقات فين تمشي جات لهنا
مراة2: الله يستر ياربي الله يعطينا طريكة مستورة ، راه كيقولو بلي غير ماتو هربات مع واحد(تاواحد ماقال غير هما كيزيدو من راسهم راكم عارفين كطيح لبگرة كيكترو ماسة)
رجل3: خاصها تمشي من هنا ، واش لا جا شي واحد ضيف نقولو ليه هاديك دار دعارة(سكت حيت خنزر فيه لفقيه)
فقيه: لا حولة ولا قوة إلا بالله ، البنت خاصها ترجع منين جات و نعونوها بشي بركة ديال لفلوس باش تبعد من الحرام

#يتبع
❤ #المعنفة ❤
📝سمر&سلمى📝
البارت:🌸66🌸

عند جاد بعدما خرج من دوش لاوي عليه فوطة و فوطة تانية مور راسو كينشف في شعرو هز عينو شافها تصدم وااو ديك لكسيوة مزييرة عليها شوييي ولكن مبينة طاي ديالها لي دزادت و كريشة باينة شوي و صدر مبندر شعرها طويييل لور و شي زغيبات هابطين على عينيها فيييم حمر و وجه صاافي حتى من الحجبان مقاداهم

جاد:(بتلعتم) شكون نتي
آية:(بأنثوية و حنية تكلمات كيفما علماتها أسيل) مرتك ، آية
جاد:(قرب منها بخطا تابتة و عينيه على صدرها و فمها تكلم بفحييييح كيخلع ) انا مرتي غير عروبية و شعرها مكنشوفو حتى كنحيد ليها حوايجها ،(حط صبعو على فمها مهبطو بشوي لفرقة صدرها) لكااانت مرتي هاكة ف مرحبا بيها ، ولكن خاص نتأكد ، شنو عزيز عليا نديرو مع مرتي؟
آية: عنف و سرير
جاد:(بابتسامة جانبية و بنفس نبرة صوت) برافو عليك المعنفة ديالي ،

تحنى طبع قبلة خفيفة على فمها ، بغا يبعد ولكن مقدرش رجع كيقبل فيها مزير عليها ، هي بغات تنساجم معاه ولكن مكتعرف غير كتحرك ليه فمها و محاوطة يديها على راسو بحالا كتمشط ليه شعرو كتجرو من شعرو و هو هاد لحركة كتجهلو(مهيم راه واقيلة هادي ثاني نقطة ضعف عند دراري في الجنس🚶🏼‍♀🚶🏼‍♀) شد شعرها بعنف بغا يحيد ليها لكسوة معرفش فين جات سنسلة أصلا قلب بإيدو و ملقاهاش تعصب و بعدها عليه كينهج

جاد: منين كتحيدي هاد زبل

فقط أشارت ليه تحت يدها كاينة سنسلة ، بتاسم بخبث رجع لعملو و هبط ديك سنسلة حتى هبطت لكسوة و بقات غير بستيان زادت وساعت ابتسامتو من ريحتها لفاااايحة لاحها على سرير و زاد قرب منها طلعها و هبطها مزياااااان ، كيحاول يحفض كل شبر منها ، ولكن خصر سيفتو من ديك لكريشة لي خارجة واخا زيناتها مي مبغاهاش تكون سمينة ، نقض على شفايفها ،(صافي باراكة عليكم رمضان هدا سفالة بلاش) بعد ساعات متكية بجسمها لعاري قريبة ليه مبتااااسمة ، حاولات دور باش تهز طيلي ديالها بلاما تفيقو و داكشي لي كان خداتو دخلات لواتساب و رسلات رسالة ملي مشات مسحتها دارت كلشي كيفما وصاتها أسيل ،

عند أسيل وصلها ميساج ولكن ممسوقاش ليه لأنها في عالم آخر مع راجلها لي توحشو بعضياتهم بزااااف ، في نفس فيلا لتحت ،

قيس: جدة فين بابا
فخيثة: في بيتو احبيبي
ميران:(اخ أصلان صغر منو ب 3 سنوات) ههه باباك اولدي خدام على خوتك
قيس:(على نيتو) ولكن بابا ممشاش لمستشفى
ميران: لا البطل بامكانو يخدم غير فدار
فخيثة: كون تحشم متبقاش تقول هاد لهدرة قدام لولد
ميران: راه مسكين شهرين و هو صابر ههههه دوز ساعة ااخرة سيري طلي على لبنت لا يكون قتل لولد
فخيثة:(ضحكها) ويييلييي هههه سكت ا ميران مبقيتي تحشم ههه

عند أرجي أوغلو بعدما دوشات لبسات كسوة طويلة مستورة جمعات شعرها كعكة و خلات شي زغيبات من جهة ودنيها ، دارت شافت فيه ناعس بتاسمات و حطات يدها على كرشها و مبتاسمة شافت في لمراية مزيان مبيانش بزااف ، هبطات لقات غير ندين و ربيعة مزال مجمعين گلسات معاهم كيضحكو
ربيعة:(حطات يدها على يدها مبتاسمة ليها) لي تشهيتيها ابنتي قوليها ليا نوجدها ليك
ندين:(آية شافت فيه بصدمة) ربيعة عتابريها ماماك متقول والو
ربيعة: ياله نوضو وجدو معايا لعشا

عند نزار بعدما وصل لبحر بسيارتو رونج ، دار كاسكيط و نضارات في كحل وبقا في سيارتو كيتسناها ترد ليه لبال حتى شافت ديك جهة و أشار ليها بيدو مشات كتجري هازة كرطونتها في يديها

إيناس: (مدات ليه بكية كنينيكس) غير بدرهم
نزار:(حيد كاسكيك و نضاضر وشاف فيه مبتاسم) لا بغيتك نتي
إيناس:( ضارت غادة معصبة واخا صدمها طونوبيل واااعرة و لبسو واااعر حتى وقفها شاد إيدها) طلللللق مني
نزار: خليني نهدر معاك
إيناس : لا طلق
رضى:(خوها صغيرة) هاكي هادو(فلوس) راه بعتهم ، عطيني نقسم انا وياك داكشي لي باقي
إيناس:(مدات ليه نص لي باقي عندها و شافت في نزار مخنزرة) سير بحالك الكداب
نزار: يااااك ، واا أجي معايا نهدر معاك
إيناس: بعد منييييييي

جرها و طلعها طونوبيل دغيا بعد من تما متسوقش لغواتها مدة قصيرة و وصل لفيلا غير دخلا ديال الباب حلات فمها فيها كتشوف في هاد لقصر بتاسم من طريقتها وقف طونوبيل و هبط حل ليها الباب بانت ليها فيراري ديال جود عينيها أيطيحو يلعبو و يرجعو هه شد نزار يدها و غادين متوجهين داخلين حتى وقف عليهم ياله گلسو على طبلة ، كلشي كيشوف فيهم و شكون هادي كتبان مسخة و حوايجها مسخين و مقطعين و يد شادها نزار قابطها مع يدو و تانية شادة بيها ديك لكرطونة

نزار: بصحتكم ، بغيت نقدم ليكم إيناس بنت لي كنبغيها

#يتبع
💙🖤تتمة💙🖤

تخشات فيه إيناس حيت خايفة من ردة فعلهم هما كيبقاو عائلة غنية و كبيييرة بزاف أكيد ميرضاوش بوحدة فقيرة و كتبيع غير في زنقة ، سمعات هدرة هادشي لي خلاها تبتاسم و متبقاش خايفة

إياد: مرحبا بيك ابنتي ، اجيو تعشاو
(بتاسم ليه نزار و گلسو كيتعشاو في صمت و إيناس معرفاتش تاكل بفورشيط ولكن ملي شافت آية زعمات و كلات بيدها قاطع هاد صمت غير صوت إياد) بعد غدا كاين احتفال ديال شركة سنوية ، ايكونو نااس جد مهميييييييين من دول كثيييرة و لحفل خاص نكونو حاضرين فيه كاملين قدام صحافة

نزار: واش انديروه في شركة ؟
إياد: ختار لي بغيتي
نزار: من أحسن نديروه فشي أوطيل ، حيت خطر شوي على شركة
إياد: فكرة زوينة ، مهيم لي أيتكلف بدعوات أنا ، و تجهيزات نتا ا نزار و لأمن أيتكلف بيه جاد ، و ما تبقا ل صهان
نزار: واش أغاني و ماكلة و ديكور كلشي و عندي نهار واحد
إياد: علاش جاتك صعيبة
نزار: لا لا لااا صافي انوجد كلشي
إياد: مزيان(مخاطب جاد) بغيت حراسة مشددة اجاد كلشي حتى يتقلب عاد يدخل و دير شرطيين سريين(شرطيين كيبانو بحال معروضين)
جاد: كون هاني
ندين: خاصنا كساوي
إياد: ههه كلشي ديالك (خاطب إيناس) مرحبا بيك حتى نتي ابنتي أتولي وحدة من لعائلة
إيناس:(بصدمة) واش انااا ، شكرااا بزاف ..

من بعد عشاهم كل واحد طلع لبيتو جاد مشا لخدمتو حيت مخدمش صباح و نيت توحش مهدي و دراري ، نزار مشا وصل إيناس غير لراس درب

نزار: هدري مع باباك باش نجيو نخطبوك ، متبقايش تخدمي من ليوم مفهووووم ، و بعد غدا انسيفط ليك شي بنات هما لي اتجي معاهم و هما لي أيلبسوك لي بغيتي ،

خطف بوسة خفيفة في حنكها و هبطات حشمانة ،
عند جنات في بيتها گالسة و كتبكي على حياتها و شبابها لي ضاعو و على هدرت الناس ليها هي مدارت والو باش يشربو بيها لكيسان و دايرينها حدييث مدوزين بيه لوقت ، رجع شدها وجع خفييف شدات كرشها و زادت في وتيرة لبكا

جنات: ياااربي لا سمحتي ليه ، خليني نسمح ليه و نرجع معاه راني عييت و كنبغيه ، هءهءهء ياربي خلي ليا ولدي وجعلو من عبادك صالحين ، هءهءهء ، ياربي سمح ليا لا رتاكبت شي خطأ ولا ضلمت شي واحد ، هءهءهء ياربي انا عبدتك ضعيفة .

في نفس لوقت ولكن في بلاصة آخرة گالس وسط صلاية و هاز إيديه لسما كيدعي نفس دعاء

أمير: ياااربي لسمحتي ليا رحعني مع مرتي ولدي ، ياربي طول في عمر ولدي وجعلو من عبادك صالحين و صادقين ، ياااربي سمح ليا على ديانتي من قبل و سمح ليا على وشامي ياربي تغفر ليا إنك غفور رحيم ، اللهم اعفو عني انك تحب العفو فاعفو عنا ، ياربي أشرني لطريق صحيح و أي حاجة لي تقلقك بعدني منها

#يتبع
❤ #المعنفة ❤
📝سمر&سلمى📝
البارت:🌸67🌸

🖤💙‏أحكِي لك عن لذْة عُمري معَاك ، والا عن قُربك اللِي مليان آمان وحِنيّة ‏…
كان وجودكِ سببًا كافيًا، يجعلني أعلم أن للحياة وجهٌ آخر يستحق كل هذا السعي، والحُب …💙🖤

#أصبحنا_و_أصبح_الملك_الله

فاقت بطلتنا كتكسل شافت جهة جاد ملقاتوش عرفاتو مجاش لبارح فليل ، دخلات دوشات دهنات جسمها بلكريمات لبسات كسوة طويلة و مستورة في لحمر زوييييينة حتى تحل لباب دخل جاد ، خنزر فيها

جاد: أديري شي حاجة في وجهك انخسرو ليك
آية:(بعدم فهم) كيفاش
جاد:( متوجه لحمام) الله يعميها ليك

دخل يدوش وهي هبطات لتحت دخلات عند ربيعة و ندين كيوجدو في لفطور مجموعين ، حطو طبلة بداو يفطرو و تكلمات آية بخوف ، غير كتهز عينيها في جاد

آية: بغيت نطلبكم واحد طلب
ندين: وي ابنتي قولي
آية:(بلعات ريقها) بغيت ندوز لباك
جاد:(هز عينو خنزر فيها) ماشي تعلمتي جوج حروف بغيتي دوزي لباك
إياد: كنشجعك ابنتي ، فكرة زوينة بزاف ، اشمت سنة واصلة في دراسة
آية: عمرني ماقريت
إياد: ماشي مشكيل انقيدك في باك حر و انجيب ليك أساتذة هنا لدار و هما أيراجعو معاك و اتدوزي امتحان سنة سادسة لإبتدائي و بعد امتحان سنة ثالتة إعدادي و عاد ادوزي الباك ، انكونو معاك حتى تشدي لباك ديالك
آية:(فرحااات بزااف من هدرتو) واش بصح ، شكرااا بزاااف اعمي إياد
جاد: هانتي شديتي لباك اش اديري بيه مثلا
آية: مهيم لشفت شي حاجة نعرف نقراها ،
ندين: فرحت ليك حبيبة عادي لا درتي راسك في لقراية راك تقدري تشدي لباك وتخدمي معايا فرملية ولا كملتي قرايتك تكوني طبيبة
آية: بصحح ، ااه انقرا و انجح
جاد: خاص تقولي ل سلمى و يوسف يخليو ليك لكارط ديالهم و طبعي عليهم باش ملي تدفعي وراقيك متلقايش بروبليم
آية: ميبغيوش ، كان عندي فوطوكوبي ولكن مشا ليا ملي صايب لاكارط
إياد: دابة فلاكارط واش عندك كنيتنا
آية: لا ديال بابا
إياد:(خنزر في جاد) دابة هي مرتك و خاصها تكون واخدة نسب ديالك اجاد هادو هما عادات ديالنا
جاد: غير مبقاش ليا لوقت ، ليوم انصايبو ليها
ندين: ليوووم انمشيو نوجدو لغدا و آية اتمشي معايا حيت…
جاد:(قاطعها) لا
ندين: خاص ضروري اجاد خاص نشوفو شنو لبسو و اتكون معانا ربيعة و شيفور
جاد:(خنزر في آية) هي ممحتاجاش لهادشي حتى لغدا و يجيو لهنا و توجد راسها هنا
ندين:(ناضت مقلقة) صافي بلاش حتى انا مبقيتش غادة لهاد لحفل گاع ، لي درتها مكتعجبكمش وليت زايدة ناقصة
إياد:(شدها من يدها كيحاول يراضيها) نتي هي مولات دار ولي بغيتيها هي لي تكون ياله رجعي كملي فطورك

شاف في جاد بمعنى خليها و داكشي لي كان خلاها تمشي معاهم ناضو فرحانين ندين هي لي مشات سايگة حداها ربيعة و لور آية فرحانة ، وصلو مستشفى هي لولا هبطو و تبعاتهم آية غير شادة في ندين بدورها لي دازت من حداه كتسلم عليه بابتسامة مزينة وجهها لبيض ، دخلو لواحد لغرفة و سلمات ندين على طبيبة

ندين: أهلا لباس عليك
طبيبة: حمد الله و نتي صافا عليك ، توحشناك لمريض لي جا كيقول بغيت دكتورة ندين
ندين: ههه أويلي غبت غير 3 يام ، مهيم هادي مرت ولدي(قربات منها آية) و بغينا نتأكدو واش حاملة
طبيبة:(بابتسامة) مرحبا بيك ان شاء الله خير ، ولكن عمرك ما قلتي لينا بلي واحد من ولادك تزوج
ندين: غير مجابتهاش لوقت ، مهيم سربي شوفيها حيت مزال تابعنا شلا ميدار

أشارت ليها فوق باياص تكا و طلعات ليها لكسوة لي لابسة واخا آية حشماااات بزاااف بتاسمات ليها طبيبة قربات منها بعدما عقمات يديها ، دارت ليها سائل لزج فوق كرشها و شدات ديك آلة لي دايرة بحال لمغرف(معرفت باش نوصفها ليكم😂) بدات كتمررها بشوي و متبعة في تلفازة و ندين كدلك و بجوج بيهم ابتسامتهم كتوساع كثر سالات و عطاتها منديل ورقي باش تمسح كرشها و داكشي لي كان مسحات وهبطات حوايجها و غير كتشوف حتى تكلمات طبيبة

طبيبة: مبروك عليك ، نتي حاملة عندك دابة 3 أشهر و نهار واحد ههه
آية:(بفرحة) بصح شكرا بزااف ، واش بنيتة ولا ولد
ندين: مزال منعرفو دابة جنس الجنين حتى ديري تقريبا 5 اشهر
ربيعة: غير صورة مكمولة ابنتي اما البنت ولا الولد بجوج بحال بحال
طبيبة: انعطك شي فيتامينات خاص تشربيه
آية: صافي واخا غير عطيني لوقت

بعدما عطاتها لوقت و ورقة لي فيها دوا خداوها، سولات ندين على أصلان ولكن عرفات بلي مجاش ، خرجو متوجهين لمول محسوش بطريق لأنهم ناشطين و طالقين موسيقى و عيطو على أسيل باش تلاقا بيهم في لمول

#يتبع
❤ #المعنفة ❤
📝سمر&سلمى📝
البارت:🌸68🌸

عند جاد عيط على باباه ملي عرف بلي خرجو بلا شيفور

جاد: بابا واش خرجو غير بوحديتهم
إياد: وي
جاد: هادشي لي مبغيييتش ، دابة معرفنا فين مشاو ولا قدرة الله ووقعات ليهم شي حاجة منسيقو خبار
إياد:(كتكلم ببرودتو و مركز مع طريق) متخافش هما بيخير و دابة في مول ***** يعني كون كنتي مهتم بماماك و مرتك لهاد درجة تقدر تعرف كل خطوة
جاد: واش حاط رجال من مور ماما
إياد:لا
جاد: وشنو
إياد: خاتم زاوجنا فيه JPS
جاد: واش داير JPS من خوفك ليها ولا شي حاجة آخرة؟
إياد: انا كنتيق في مرتي لدرجة موت ماشي كلشي بحالك و JPS درتها ليها ملي تخطفات بسبابي

قطع معاه معاه دون جواب ، بينما جاد زفر و بقا خدام غير شوي و دخل عندو مهدي

مهدي: جاد ، زعما كوميسير ،
جاد: دخل دخل مزيان ملي جيتي
مهدي:شواقع
جاد: عندك شي خبار على أمير و مرتو
مهدي: لا ، أمير غابر ليه أثر هاد لأيام ، ومرتو معرفتش فينها
جاد:بفففف زعما تكون مرتو سمحات ليه
مهدي: هداك راه أمير ناصيري و أي حاجة باغيها أيوصل ليها ، يعني ايكون مجموع بمرتو
جاد: ولا كان خاطفها
أمير: نفتاارضو ايكون خاطفهااا ولكن ملي اتمشي تشدو اش ايقول ليك راها مرتو ونتا معندك حتى دليل اتجبد عليك صداع و زيد…….

مقدرش يكمل حيت حس بردة حط يدو على فمو و مشا لحمام بدا كيرد غير د***م جاد كان برا كيدق عليه ولكن متكلمش ليه مسح وجهو و هو مستغرب من هادشي لي كيوقع ليه فلول كان غير كيكحب دم دابة ولا كيردو خاصو يمشي طبيب ضروري ، خرج عند جاد لي كان واقف عليه مشطون و بتاسم

مهدي: أيبدا يضربني لبرد هه
جاد:(بقلق) واش كلشي بيخير اصحبي (حرك ليه براسو) مزيان سير كمل خدمت و متجيش غدا

عند جنات في خدمتها لي من صباح وهي واقفة و معدبة مع لحمل و معصبة مع كليان لي دخل كيرفض انها تصايب ليه داكشي لي حتى جا عندها المدير

مدير: بنتي جنات (شافت فيه) سيري ابنتي لدارك و متعاوديش تجي لهنا
جنات:(تلاشات ابتسامتها) علاش شنو درت ، والله حتى كنخدم من نيتي مدرت حتر خطأ و…
مدير:(قاطعها) لا ابنتي لي جا مكيبغيكش تخدمي ليه طلبيتو و انا كيهمني غير لكليان
جنات: الله يخلي ليك لي عزيز عليك خاصني فلوس حيت قريبة نولد هءهءهء باغة نخدم هءهء
مدير:(بقات فيه و جبد ليها 200 درهم) هادة خلاصك في هاد يومين

بعد بكا كبير شداتها منو و خرجات كتشهق متوجهة لدار و أكيد و كيف لعادة لي دازت من حداه كيبقا حاضيها منقصين منها ، حلات لباب و هدرة الناس كتسمع في ودنيها حتى بدات كتشهق بصوت و لباب تعكس ليها حلاتو دغيا دخلات و سداتو گلسات في لأرض بقات كتبكي مدة طويييييلة حتى سمعات صوت دقان ، وقفات مسحات دموعها و حلات لباب ، لقات راجل او شاب في ثلاتينات لابس كلاس وهاز محفضة في إيدو مد ليها يدو تانية باش يسلم عليها و حتى هي سلمات عليه ، أما جيران لقاو دابة ميقولو كلشي كيستغفر الله و يهدرو بكلام كيجرح جنات مبغاتش دخلو على قبل جيران

المحامي: مدام جنات ناصيري ، انا المحامي عائلة ناصيري و سي أمير سيفطني باش نقاد وراق
جنات:(قاطعاتو) طلاااق .. وراق طلاق .. هووو .. لييي. سيفطك .. باش تقاد وراق طلاق ياك هءهء
المحامي : لا لا فهمتي غالط انا مكنتش كنضن بلي اتطلقو أصلا جيت على قبل وراق الجنين ديالك
جنات: واخا

مد ليها شي وراق و قال ليها بلي ملي تولد غير تعطيهم ليهم و مغيقولو ليها والو شداتهم من عندو و دار غادي حتى وقفاتو بسؤالها

جنات: فين هو أمير دابة
المحامي: معرفتش ، جا عندي غير لگارد ديالو ، و سي أمير مبقاش كيجي لشركة ولا كيبان مدة هادي

قال هاد لكلام و دار غادي ، أما هي هبطو دميعات سخااااانين حرقوها في حنيكاتها من كثرة لبكا ، وزعت عينيها على جيران كيشوفو فيها عاين باين محشموش ، دخلات و زدحات لباب حطات دوك لوراق بدات كتقرى فيهم مفهمات والو وخلاتهم

جنات: زعما معرفش يجي هو برجليه لعندي ، مسيفط غير لگارد ديالو ، ولدو لهاد درجة مكيهموووش ؟؟ تفو

#يتبع
❤ #المعنفة ❤
📝سمر&سلمى📝
البارت:🌸69🌸

دخلات و سدات لباب مشات لكوزينة ملقات فيها والو شربات غير لما معندها ما تاكل ولا توكل ولدها سمعات دقان مشات حلات لقات جوج ولاد لي هما ولاد عمها دخلاتهم و شافت في جيران غير حاضيينها واش معندهم شغل من غيرها زعما ولا شنو ، دخلات سلمات عليهم و بقات كتسولهم على أحوالهم و هما هازين نيفهم لسما بغات تعمر ليهم اتاي ولكن غالب الله

جنات: مرحبا بيكم
توفيق: نسيتي شنو درتي في سفيان(ولد عمتها لي شدو أمير سلخو)
أنور: دري تهرس من يدو و واكلها في وجهو
جنات:(بصدمة) شنوووو كيفاش تهرس(بأسف) غير سمحو ليا راه راجلي معرفوش في لول
توفيق: راااجلك؟ حنا ممنعرفوهش و مكنعرفوش بلي نتي مزوجة
جنات: والله حتى راجلي وراه حاملة و شهري ايدخل هاد سيمانة ، ملي مات بابا و ماما لقيتو غير هو ، وهو لي قراني و سكني وكلني
أنور: حنا مسوقناش فيك ، هاد دار ديال الورثة ، و الورثة بغاو حقهم
جنات: لااا دار ديال بابا ، و انا ساكنة فيها شنو كتخربق
انور: دار ديال جدي الله يرحمو و عمي احمد بقا ساكن فيها ولكن دابة كلشي بغاها
جنات: حشومة عليكم و انا فين تلوحوني
توفيق: كيف قلنا دار ديال الورثة و حتى نتي محسوبة علينا صافي
انور: عمتي و عمي مبارك و حنا انجيبو رحيلنا غدا انسكنو هنا
جنات: هءهءهء سنو كتقول ، وعلاش مجيتوش شحال هادي ، حتى لدابة بانت ليكم تصلحات ولات حسن من لول عاد جايين
انور: مسوقيش و لي كاين انا قلتو ليك

ناضو خرجو و خلاوها اتسطا بلبكا فكرات حتى عيات و لبسات حوايجها و خرجات تقلب عليه واخا معارفاش فين ساكن و حتى دار لي كانو فيها مبقاتش عاقلة عليها

عندآية و ندين و ربيعة بعدما مشات أسيل رجعات لدارها وصلو لدار عيانين خلاو رجال گلسين في صالة و كل وحدة طلعت لبيتها إياد تبع ندين لي غير دخلات لبيتها لاحت دوك سيكان و تكات فوق ناموسية بحواجها سمعات لباب تحل و تسد عرفاتو إياد ، لي قرب منها بخطا تااابتة ، حط يدو على شعرها لأصفر كيبعدو على وجهها و تكلمات بتعب

ندين: إياااد ، عفاك باغة نرتاح
إياد: اممم ياااك و انا
ندين:(شافت فيه و عاضة على شفايفها باغراء) اممم مالك نتا
إياد: كدوبيني

نقض على شفايفها كيقبل فيها و هي منساجمة معاه ،، …. في نفس طبقة ولكن في جناح آخر ، كانت آية كتحيد في كسوتها و لبسات غير كسيوة خفييييفة ديال نعاس حتى ركبة ، طلقات شعرها باش يتنفس شوي ، تحل لباب دارت شافت بان ليها جاد ، بتاسمات في وجهو و تمشات غادة تكا باش ترتاح حتى شدها من يدها كيقربها لعندو

آية: عيانة بزاااف و بغيت …
جاد:(قاطعها بتسرفيقة مع ابتسامة) رجعتي لعادتك متهناي حتى تاكلي لعصا
آية: هءهءه انا مقصدت واااالو ،
جاد: شششششت (قري حدا ودنها كيتكلم و كيبوس فيهم) انا تشهيييتك ليووووم و بغيييتك ليوووم و نتي عياااانة

طاح على شفايفها كيقبل فيهم بعنف و بشغف كيحاول يعوض ديك شهرين ، أما آية صافي استسلمات ليه خلاتو يدير ما بغا ، بعد مدة تقبيل و مداعبات ترفعات أصوات آهات لي كتعبر عن مدى نشوتهم (باراكة عليكم رمضان هادة🙂)

مدة طويلة و طاح حداها صخفاتو و قتلاتو هو دار هاكة كثر باش إسخفها كثر ما هي سخفانة

#يتبع
❤ #المعنفة ❤
📝سمر&سلمى📝
البارت:🌸70🌸

#أصبحنا_و_أصبح_الملك_الله

صباح جديد في طياتو أحداث جديدة نبداو من جنات لي خرجات تقلب على أمير ولكن مقدرات تعرف والو حتى انها غادة و كتقلب في جنابها حيت كيكون متبعها ولكن من داك نهار مبقات شافتو رجعات لدار في نصاصات ليل و أكيد شافوها جيران ، فاقت على صوت دقان حلات لباب حتى تصدمات ، دفعوها و بداو كيدخلو مدخلين معاهم غير حوايجهم حتى من أثات عرفو بلي دار مفرشة ، سلمات عليهم جنات و كل بنت مشات شدات بيت ، طلعات جنات لبيتها لقات بنت عمتها شدات ليها بيتها

جنات: هادة بيتي
هالة: ملقيت حتى بيت آخر
جنات: خرجي قلبي ليك على بيت ولا نعسي مع شي واحد
هالة: سمعي اطريكت زنقة ، هادي دارنا و هدا بيتي لا معجبكش لحال سيري عند لي محملك
جنات: انمشي عندو غير تهناي ، ديك ساع ايخرجكم من دار و ايخليكم تركعو باش طلبو مني سماحة
هالة : هههههههه ، مالك مزوجة بصعصع ، ايكون غا شي مريول ولد عايشة ههه مشا حرگ و خلاك
جنات: هه غير تسناو و أتعرفوه شكون هو

دفعاتها هزات فاليز فيها حوايجها و كتوبتها شكطات ليها لبيت و هبطات لتحت معرفت فين تحط حوايجها شوية تفكرات كاينة واحد سدة تحت دروج حلاتها لقاتها دغيا عمروها سبابطهم ، خواتهم لاحتهم ليهم تما و سيقاتها و مسحاتها و فرشتها واخا صغيييييورة بزاااف ولكن جات فنة بتاسمات و تكلمات

جنات: غير بقاو في دار أيجي راجلي أمير و أيندمكم كاملين أيبدا منك نتي هالة (مشيتي فيها ا هالة😂)

عند آية لي فاقت و حتى عضم ما عندها عياها لبارح بغات توقف و سرخات بسباب كرشها

آية: اااي ، سييير بغيييت ليك لبااااسر ان شاء الله ، يخخخ ، (وقفات) ويلي ويلي ، وليت نمشي فركة

دخلات لدوش دوشات حتى حسات براحة و خرجات دارت روتينها صباحي حتى جات عندها ندين ، داتها لبيت آخر كانو كوافورات بزااااف أية گلسات على لكورسي لي عطاوها و ندين حداها حتى دخلات عليهم إيناس مبتاسمة

إيناس : سلام و عليكم ، نزار جابني لهنا
ندين: مرحبا بيك ابنتي ، اجي اجي گلسي هنا

كل وحدة تحاماو عليها 3 غير إيناس لي تحاماو عليها شي 5 ولا 6 ههه حيت فيها لخدمة بزاااف ، مدة طوييلة عاد كملو ، سالاو بندين هي لولا لبسات قفطان طويل من لور و و فيه فدقة من صدر و فخدها جاها كيييخنق حيت تبارك الله هي زوينة و متعطيوهاش والدة 4 لولاد و كلهم مزوجين كتبان في أوائل ثلاتينات ،

ضعو لمسات لأخيرة ل آية عبارة على كوليي محجر زوين بزاف و كلاس ، جا مع لبسة ، بحيث ختارت كسوة طويلة و كبيرة في لون لحمر مع هي بيضة جاتها كتفتن ، كلشي بقا كيقول عليها مشاء الله مع لكسوة عريضة و واسعة مبانتش كريشتها غير صدرها محزومة فيه كيبان بيض ، أما إيناس ف لبسات كسوة طويلة فيها فدقة في لفخض و يديها قصار جاتها غزااالة و تبدلات 180 درجة بعدما دارو ليها ليلونتي في لون أزرق كيبانو بحالا عينيها ، ، مهيم هبطو بخطا تااابتة ندين كانت لولا و من موراها إيناس و عاد آية كتبان بحال شي برانسيس

ندين توجهات ل إياد لي داب في بلاصتو بدون شعور طبع قبلة خفيفة على فمها و جبد بواط فيها عقد ألماسي ، خصيصا ليها خداه من عند راجل صهان لأنه هو عندو شركة مجوهرات و ألماس … إيناس توجهات ل نزار و آية وقفات قدام جاد لي ريوگو ايسيلو و هادشي لحاضو كلشي منهم أسيل حيت كانت تما لابسة قفطان مسيري حتى لتحت عاد ترخف مبين ليها كريشتها عازلها ، وصلو لحفل ربيعة و أصلان و إيناس و عائلة ندين دخلو من باب لعادي و إياد و جاد و جود و نزار و ندين و آية و أسيل و صهان أيدخلو من باب رئيسي باش يهبطو مع دوك دريجات باش يبينو الناس بأنهم عائلة متماسكة و قوية و عمرهم يتفرقو

#يتبع
💙🖤تتمة💙🖤

طلقات موسيقى حماسية أو نغم حماسي تركي ، و أوضاوء طفاو و تاجهو نحو دروج هادشي لي خلا کاااااع المعروضين يتلفتو ، حتى بان إياد ماسك ندين لي جنبها صهان و جود و أسيل و جهة إياد واقف نزار حداه جاد و جنبو آية لي ماسكة في يدو حسات بلخوف ، بقاو واقفين تما مدة 20 ثانية و صحافة كيلتاقطو ليهم صور كثيييرة و صوت موسيقى مجهد ، واخا مبتاسمين ولكن مع موسيقى و هبتهم لي واقفين بيها طيح منك نص كتركب رعب ، هبطو بخطى تاابتة مع ابتسامة خفيفة مزينة وجوهم ،

كاين لي كيشوف في نزار بحسد لأن كلشي عارف بلي هو ماشي من لعائلة و حاليا دايرو جنبو هو لول عاد ولدو ، و كاين لي مستغرب من ديك الملاك ديال آية شكون هي وعلاش شادة في يد جاد بهاد طريقة كلشي ايعرف بلي هي مرتو حيت واخا تكون عاشقتو ميمكنش ليها تكون مع لعائلة ، وقفو في طبلتهم لخاااصة بيييهم ، بداو كيجيو ناس كبااار كيسلمو على إياد و يهنأوه حتى جا راجل صهان بهيبتو و تخنزيرتو لي غير مزياناه صافحو برجولة و هنأ نزار

اسماعيل: مبروك عليكم ، كل عام كتألقو كثر ، كنتمنا ليكم مزيد من تألق
إياد: شكرا ليك سي علامي

في وسط هاد لحوار أو في هاد لأثناء قرب منهم بخطى تابتة و بلباسو أسود مع ابتسامة جانبية مد يدو ل إياد مصافحو

إياد: أمير ناصيري ، مرحبا بيك

جاد كان عاطي بضهر كيتكلم مع شخص من لأمن و يترقب لوضع غير سمع سميتو ضار بقوة يتأكد

أمير: أرجي أوغلو ، مبروك عليكم
إياد: شكرا ليك ، انا فرحان ملي قبلتي دعوتي
أمير: شرف ليا
ندين:(شافتو و عرفاتو نهار لي جاب ليها جنات وهو كيبكي) سلااام ، كنضن بلي شايفاك ياااك
أمير: اه
ندين: كيف بقات مرتك و ولدك مزيان
أمير:(هو براسو معارفش حرك ليها براسو )
ندين:(ضحكات في وجهو) شفتي قلت ليك اتكون بيخير و اترجعو كيف كنتو
جاد:(مفهم والو من ماماه) ماما منين كتعرفيها
ندين: كانت مرتو مصابة و هي حاملة و جابها مستشفى لعندنا ، ضريفة بزااااااف و حتى هو ضريف
أمير:(بتاسم في وجهها) شكرا ليك منساش خيرك
ندين:(بادلاتو ابتسامة و حطات يدها على كتفو) ماشي مشكيل هاديك خدمتي اولدي ، الله يخليكم لبعضياتكم و يتربا لولد في عزكم و وسط منكم
أمير:(عينيه على جاد) أمين شكرا ، بسلامة عليكم خاص نمشي
إياد: ياله جيتي بقا شوي
أمير: فاتح مشاريع جديدة و خاص نكون واقف عليها بنفسي
إياد: و خدمتك لأولى
أمير:(شاف في جاد) تخليت على كلشي انبدا من زيرو

#يتبع❤ #المعنفة ❤
📝سمر&سلمى📝
البارت:🌸71🌸

🤍🖤إن كنت تحتاجتني..
فأنا هنا…
..
أما وإن لم تكن بحوجتي..
فأنا سأظل أيضآ..
هنا..
..🖤🤍

مدة قليلة حتى نتابهو ل نديم داخلة لابسة قفطان مطروز جاها زوين ، شافتهم و مشات عندهم بابتسامة ،

نديم: معيطتوش عليا
ندين: ههه نتي من العائلة
أسيل: جيتي غير بوحدك
نديم: ااه بابا و خويا مع ماما في سبيطار
آية: ماالها
نديم: منعرف ليها ، كيضرها راسها ، أصلا ملي كنا في فرنسا و راسها كيعطيها لحريق غير جات المغرب(قلبات عينيها) شافت شي وجوه نحس و ضرها راسها
آية: واش مريضة بزاف
نديم: ماشي مضطرة نجاوبك على أسئلتك لخاوية ، غير عطيها بتيقار و هي راها بيخير غير كتبوحط
إياد: (بحدة) نديييييييييم ، حتارمي شوية ، هاديك راها ماماك و هادي راها ختك ، كنتي اتبقاي تهدري بهاد لأسلوب خرجي
نديم:(محملاتش هاد لموقف و سكتات شافت إيناس جنب نزار و سولاتها) شكون نتي أول مرة نشوفك
إيناس:(بابتسامة) انا إيناس خطيبة نزار

نديم:(تفرگعات بضحك مخلية كلشي مستغرب منها و محمرين فيها باش تسكت ) هههه أواااااه أتزوجي بنزار هههههه هاي هاي هاي عليك انزار نتا غير خدام هنا و صدقتي جايب لوز …. ههههه اوووف مت بضحك ، هه مصدقتيش ساهل اولد لخدامة
ربيعة: لقيتينا ماشي فدار أما نوريك اش كنسوا ، سييييريييي بحاااالك ، .
نديم: اش كتسواااي گااااع … خدامة
إياد: (شدها من يدها ) خرجي بحالك ولا انقتلك وحتى واحد ميسيق ليك لخبااار
نديم:(تشجعات) مكتبغيوش لي يهدر بلحق ، واش كدبت عليه نزار غير دايرين فيه خير داير بحال آية ، طريكت زنقة دخلوكم لديورهم و دارو فيكم خير ، متستاهلوهش
ندين:(قاطعتها بتسرفيقة خلات كلشي إيشوف فيهم) نزاااار ولديييييي و منتسناااااش منك تجيييي و تقوولي ليا فين هما ولاااادي ، كيف قالت ربيعة ملقيتينيش فدار أما انشطب بيك دنيا كنت معتابراك بنتي حيت مزال صغيرة وياله بنت 16 عام ولكن نتي متستاهليش الحب و اهتمام ياله براااااا و آااااخر مرة نشوفك قدامي ولا قدام ولادي ،

نديم خرجات دافعة جبهة ، غير وقفت قدام الباب و بدات كتبكي بهستيرية ولات حالتها حااالة ، شدات طاكسي راجعة لدار غير وصلات طلعات لبيتها جمعات حوايجها في فاليز ملي كانت خارجة دازت على بيت آية و جاد دخلات ليه بقات مدة كتشوف فيه و بتاسمات بشر

بعدما هدنو لوضع ودارو بحالا موقع والو بقاو مجمعين غير لعائلة ، منهم عائلة ندين واخا مريم مجاتش و عائلة اسماعيل و عائلة أصلان ،

أما آية كتحس براسها مخنوقة واخا بقات فيها ماماها ، لعائلات تعرفو على آية و عجباتهم بزااف ، مهيم سالا الحفل و سالا لحديث وسالا شطيح ، كلشي مشا لدارو منهم أسيل و صهان جاد بغا يمشي لدارو ولكن ندين مخلاتوش ، و عائلة ندين ممشاوش حيت ليل هادة و ايباتو و طلبو من إيناس تبات ولكن خاصها تمشي حيت خلات خوها بوحدو ، نزار هو لي مشا يوصلها ، أما واحد جود مقاداه فرحة حيت أميرة اتبات معاهم ،(فرحان غير حيت اتبات اما كون تزوج بيها كون مشا سبق طيارتو 🙂) وصلو لدار كل واحد منهم جاد و آية لي بدورها غير حلات لباب وقفات مبلوكية كتشوف في بيتها لي مبقاش بيت ولا كوري ، دفعها جاد و دخل ، أعداااا حااجة عندو هي لي وسخ ليه بيتو ولا يقيس شي حاجة ديااالو تعصب مزيااان ، وهو كيوزع نضرو على لأرجاء المكان منهم ناموسية لي كان فراشها مقطع و حوايج في لأرض مقطعين و ماكياج ريحات كلشيييي طااايح في لأرض و حتى حاجة مصحيحة ، عينيها غرغرو بدموع ، خرج جاد معصصصب دخل لبيت نديم ملقا فيه والو حتى حوايجها عرفها هي ،

رجع لبيتو لقاها گالسة في لأرض و كسوتها دايرة بيها كتبان بحال شي أميرة محطمة ، بقا كيشوف فيها بقات فيه ، واخا هادة بيتو ، تكلم بصوت حنوووووون كل حب و ارتياح

جاد: آية
آية:(الصمت فقط شهقات بكاها)
جاد: شششت متبكيش ، اندمها على هادشي لي دارت ، … ياله وقفي

تكالمات بكل حزن و انكسار و خوف و عتب و تعب ،

آية: هءهء بغييت نطلق

واش ايطلقوووو

#يتبع
❤ #المعنفة ❤
📝سمر&سلمى📝
البارت:🌸72🌸

بحالا سرفقتيه ، حس باختراق سيف لقلبو ، رمش بعينيه ببطء كيحاول اسمع مزياااان ، هاد لكلمة طلاق هو لي كان كيقولها ماشي هي ، ملي قالها عمرو محس بحال هاكة ، شنو زعمة هي كانت كتحس نفس لإحساس ملي كيقول ليها هاد لكلمة ، قوى راسو و تكلم بصوت حنون و كيخلع كدلك

جاد: شنووو ، كتقصدي ..
آية:(حاطة يديها على وجهها و مزال عاطياه بضهر گالسة و كتبكي) هءهءهء عييييييت هءهءهء كل ما تمنيت من صغري نعيش وسط ماما و بابا فرحااانة ، ولكن مقدرتش ، هءههءهء بغييييت غير نعيش فرحااااانة ، هءهء عيييييت من كلشيييي ، عييت من طفولتي ، عيييت من عائلتي لي معنديش ، عيييت من راسي ، و عيييت منك ، هءهءه كل مرة كدخل كضربني(ضارت شافت فيه بحزن كبييييير كتنعت بإيدها ل راسها) اناااا راني انساااااان بنااااادم كنحس ، انا ماشي مصنوعة من الحدييد زعما لا مضربتينيش منحسش لا بلعكس كنتقصح بزاااااف ، و كنتألم بزااااااف ولكن ميوصلوش ل ألم قلبي ، كنقول ماشي مشكيل هاداك راجلي ، راه غير معصب ، ولا كنقول ماشي مشكيل غير راجلي عيان مع لخدمة … هءهءهء انااا مولفة بلعصة و بدق ، .. ولكن غد ليه اش كيوقع هءهءه نفس لحدث كديرو معايا (حطات يديها على وجها ورجعات عاطياه بضهر كتبكي) إلا كان طلاق ايهنيني و انعيش مزيان ف انا موافقة

جاد بعد صمت طويل و هو كيتسنت كل حرف و كل كلمة كتخرجها من فمها ، بقات فيه و عزات عليه ، حس براسو بلي متوحش ولكن من هدرتها تأكد بلي بصح متوحش و شخص حقووود و دائما كيخلي أعصابو هما لي يسطرو عليه ،، بعد هاد صراع لقوييي لس كان بين عقلو و قلبو مقدرش يوصل لجوابها ، ولكن قرب لواحد لجواب أو حل أنسب

جاد: لا (ضارت شافت فيه) كنقصد إلا طلقنا اترجعي لعيشتك لولا ، ……. وانا منسمحش بهادشي
آية: انحاول نشد لباك ديالي و نخدم و نكري شي دار و انعيش منها
جاد: واش مصرة على طلاااق؟؟؟؟؟؟؟؟؟؟؟؟
آية: لاا ، نتا عارف بلي انا مبغاش نطلق (وقفات و توجهات حتى لقدامو و شافت في عينيه) انا تزوجت بيك غير باش نرتاح ، نعيش فرحانة ، و انا مزال مستعدة نكمل معاك حياتي و عمرني مشكيت على شي واحد ولا قلت ليه راجلي ضربني ولا غوت عليا ، ولكن ديما كنقول لعكس(حطات يد يسرى على صدرو و يد ثانية جيهت عنقو كطلعها لوجهو و كتهبطها بعد تردد تكلمات بكل حب) أنتَ الذيّ لا يوُجد أقرب منكّ لقلبي..أقع بحُبك باستمرار، أقع بك حتى لحظتي هذه. .. كنبغيييييك

قربات طبعات قبلة خفيفة جنب فمو ، جاد حاوط خصرها و يد على ضهرها قربها ليه كثر و بدا كيقبل فيها بلطف ، ترفع لعالم ثاني ، عالم غريييب بالنسبة ليه ، شنو هادشي لي كيدير هو لابغاها كيبغيها بالعنف علاش كيتعامل معاها بهاد لحنان ، بعد مدة من قبلهم ، غمض عينيه بزربة و رجع حلهم ، لأعصابو و كبريائو لخانزة ربحات ، دفعها عليه خلاها مستغربة من معاملتو ياله كان معامل معاها بلطف ، قرب منها و شدها من شعرها و تكلم تحت سنانو

جاد: ميمكنش ليك تبديليني ، هاااادي هي شخصيتي ، ماشي بجوج كلمات ترجعيني رطب

سرفقها حتى دارت ورجع لعندها هبط سنسلة ديك لكسوة و بقات غير بدوبياس في لكحل بتاااسم جنب ، أما هي ، حشمااات في لخر تشجعات بدات كتقرب منو بحنية متحاول متفكرش بلي هي عاارية أمامو حطات يديها على حناكو و تكلمات

آية: انا ديالك ، انا زوجتك المعنفة ، ديالك بوووحدك ، و المعنفة ليك بوحدك

بدون جواب نقضو على بعضياتهم ،(فاصل و نواصل🚶🏼‍♀🙂)
مدة شبه طويلة حتى كان صوت نشوتهم و استمتاعهم مالئ الجناح وسط ممارستهم نطق بصوت خفيييف حدى ودنيها

حاد: … حتى انااا….

#أصبحنا_و_أصبح_الملك_الله

فاق جاد هو لأول و أول مرة يفيق و هي مزال ناعسة ، بقا كيشوف فيها كيفاش ناعسة و حالة فمها و شعرها مشعكك ، و ماكياج دايع ليها ، جابت ليه ضحكة ، بتاسم لحالتها ، شوية تفكر هدرتها ديال لبارح ، تلاشات ابتسامتو و هو مزال كتدكر كل حرف ، و حتى طريقة هدرتها ، رجع تكا على ضهرو و حط إيد من مور راسو و بقا صدرو عاري كيفكر اشنو ايدير ، رجع كيطل عليها و يبتاسم من حالتها و زيدها ملابسة والو

#يتبع
❤ #المعنفة ❤
📝سمر&سلمى📝
البارت:🌸73🌸

عند جنات لي فاقت بزز على صوت لغواااات ديال لبراهش و لهدرة ، ناضت بغات غير تصرح رجليها ولكن ديك لبلاصة ضيقة عليها ، حطات يديها على كرشها هبطات دمعة سخووونة على خدها

جنات: إلا كان باباك تخلى علينا ف انا متخليتش عليك و عمرني نتخلا عليك ، ولكن تأكد بلي باباك كيبغينا بزااااااااف و بزاااااااف صافي

مررات إيدها على كرشها و حيدات ديك لخامية لي دايرة عاد قدرات تخرج و تصرح إيدياتها و رجيلاتها توجهات غادة لحمام تغسل لقاتو عامر تسنات حتى خرج من بعلوك لقاتو ولا حاااالتو طراب و غيس قدات حاجتها و سيقاتو عاد خرجات لقاتهم گالسين كيفطرو

مرت عمها1: تبارك الله 12 هادي عاد فقتي
مرت عمها2: لكوزينة خاوية تصفر
جنات: عمريها لكوزينة
مرت عمها 2: هاي هاي طوال ليك لسان كثر ما طوالو ليك رجلين ، ليوم خرجت ناخد لخبز و لقيت درب كلو كيهدر عليك ، كدخلي رجالا يا ******** ولكن لوووسي لي كان مفشك نتي و ديك مك ،
جنات: ديها في سوووق رااسك
عمها2: إوا شكون هادو لي كيجيو عندك
عمها1: و شكون بات لولد لي حاملة بيه
جنات:(بلغوات) راااااااااااااجلي ، هداااااااك راااااااااجلي ، انااااا مزوجة واااااش كتفهموووو مزوجة ،
عمها1:(بلغوات) إوا نتي مزوجة و حاملة و حنا مسايقين ليك خباااار هااااه !!! ،، هاد راجلك مكدخلش لعقل باينة جايبة لولد من زنقة
جنات:(قاطعاتو) سكتت سكتتتتت، حدك تم ، لهلاااا يحييييييك ، انا مربية أحسن تربية ، و متخلقة و عااارفة بيني و بين الله ، هداك راجلي و انا مزوجة تيقتو هو هداك متيقتوش شغلكم هداك

مرت عمها1: (شداتها من شعرها) كيييفاش ترفعي صوتك على زماااني ، هااااه ، هدري يا بنت لخلا ، يا بنت جيييفة
جنات:(دفلات في وجهها) تفوووو ، جييفة هي نتي و عائلتك ، أما انا بزاااااف علييييكم

هالة:(شداتها هي لأخرا من شعرها و تحاماو عليها) دفلي علىىى ماما يل المسخة (كتنتف في شعرها) هااااااكي شديييييييييييي ، باش تعلمي تقربي من ماما
جنات:(كتغوت) ااااااااه هءهء ااااع ولدييييييي هءهءهء ولديييييي ااااااااي هءهء

بعدات منها هالة كتشوف فيها كيفاش شادة كرشها ، تصدمات مشاو دغيا جابو ليها لما بغات تشرب شوية حسات بشي ما هبط ليها من التحت صدقات دار كلها كتغوت و هالة كتبكي صافي قتلت ولد صغير مزال مشافش دنيا ، عيطو على أنور إيجي مشات مرت عمها 2 هزات ليها ساك غير صغييير ،جامعة فيه جنات حوايج ولدها وحتى دوك لوراق دارتهم فيه ، وصل ولد عمها و هزها غادي بيها السبيطار (ديال الدولة ماشي كنينيك) وصلو قلبوها قالت ليهم بلي شهرها ياله ايدخل ، إدا عندها ولادة مبكرة ديك المستشفى مقبلتهاش و عمرات ليها ورقة تسيفطها ل سويسي ديال الرباط “مستشفى ابن سينا” وصلات تما هي كتغوت ربي لي خلقها قلبوها و قالو ليها تسنا بلاتي و مشاو و خلاوها تما كتشوا و كتغوت خاايفة على ولدها بانت ليها واحد الممرضة شداتها من يدها و عطاتها 50 درهم في يدها و قالت ليها تعاونها ، من بعد تفكرات لوراق لي عطاها محامي و قال ليها هما لي ايساعدوها ، مداتهم ليها ،

بقات كتقرا مدة ، قالت ليها تسناي مشات عيطات على رقم لي تما

الگارد: ألو
فرملية : (عينيها على لوراق)سيدي واش نتا من عائلة جنات ناصيري
الگارد: وي ، علاش
فرملية: هي حاليا في سويسي الرباط و عندها ولادة مبكرة
الگارد: واخا ، بغيتكم تنقلوها كنينيك ****
فرملية: ميمكنش اسيدي
الگارد: نتي غادة غير تعاونيها و حنا انتكلفو

#يتبع
💙🖤تتمة💙🖤

عند آية فاقت كتكسل و كتجبد حتى ضربات يدها مع صدرو رجعاتها دغيا لعندها ، شافت فيه مبتاسمة و ناضت غير حسات براسها عريانة مرگات ، ناضت كتزرب دخلات لحمام ، أما جاد كان فايق بقا كيضحك على تصرفها

بعد مدة هبطو بجوج إفطرو لقاو شي طبيبة تما صديقة ندين لقاو سلام و گلسو كلشي كيشوف في بعضياتهم و يضحكو إلا جاد و آية مستغربين ، شاف فيها جاد كيحقق فيها حتى لمح لمصة في عنقها هكاااك حمرةةةة و ضااايرة بزروقية ، بتاسم و رجعو كيفطرو حتى تكلمات ديك طبيبة مخاطبة ندين

طبيبة: مبروووك عليكم لحفيد جديد يتربا في عز واليديه
ندين:(كتشوف في آية لي وحلات ليها و كتشوف في طبيبة لأنه ماشي هي هادي طبيبة لي قلبات آية فلول تكلمات ندين باغة تعتق الموقف) ااه ، أميين ويارب شكرا
طبيبة:( ضارت عند آية) شنو كتشهاي!
جاد: (كيشوف فيها كتخاطب آية و تكلم) نو ، ختي صغيرة هي لي حاملة
طبيبة: انا مكنهدرش عليها كنهدر على هاد لبنت زوينة(على آية)
جاد:(شاف في آية و رجع شاف في طبيبة) لا هي محاملاش
ندين: دكتورة علياء ، ياله نمشيو (خرجات فيها عينيها)
طبيبة: واخا ، بسلامة عليكم

خرجو على برا و ندين كتحاول تلقا شي كدبة على طبيبة و كتمنا من جاد ميفهم والو ،

لداخل جاد كان كيشوف في آية كيفاش متوترة و كيهبط عينو لكرشها لي منفوخة و كيرجع يشوف فيها و متسوقش لهادوك لي رجعو لأحداث ضحك حتى تكلم بحدة حدا ودنها

جاد: شنووو مخبية عليا
آية:(بتوتر) و…وااالو
جاد: كنقسم ليك و تخبي عليا ، حتى نقتلك بيدي

ناض وقف و خرج متوجه لخدمتو غير وصل لقا مهدي واقف كيمسح فمو بكنينكس قرب منو و دغيا رجع عاادي ، جاد استغرب من تصرفاتو هاد لأيام ،

مهدي: كوميسير ، عندي ليك خبار جديدة (دخلو لبيرو و اشار ليه يتكلم) عملية تهريب المخدرات اتكون بعد 3 أيام في طنجة ، و على حسب تحرياتي ، فلكمية كثيرة بزاااف ، يعني خاص رجال كثاااار باش نقدرو نهجمو عليهم و ناخدو سلعة

جاد: خبار زوينة هادي ، أمير معندك عليه خبر

مهدي: وي بحث في داكشي لي قلتي و لقيتو بلي بصح شركتو لولا و خدمتو لولا مبقاش فيها و أيضا أشخاص لي كان كيتعامل معاهم حاليا ولاو أعدائو لأنه تخلا عليهم ، و زيدها كيفتح فرووع كثييييرة منهم فنادق سياحية كبرى ، حاليا كيبني وحدة في البرتغال و تركيا و 3 هنا في المغرب أولى في طنجة كيطل على اسبانيا و البحر و ثاني في مراكش و ثالت في أكادير ، و شركة كبرى هنا في الرباط

جاد: قلت ليك شي خبار عليه ، ماشي موقع أوطيلات

مهدي: ههه ، صافي صافي هاني ساكت ، لبارح ملي شفتو داخل ركب فيا رعب قلت صافي ايقتلني ههه

#يتبع
❤ #المعنفة ❤
📝سمر&سلمى📝
البارت:🌸74🌸

🤍🖤أصعب أنواع لإبتلاء شخص ليس من نصيبك و ليس قدرك لكنه يسكن داخلك🤍🖤

عند آية لي طلعات لبيتها دغيا ، مشات غسلات وجهها وكتنفس بصعووبة ، حطات يدها على كرشها و بدات كتمتم بصوت منخافض

آية: ياااربي ميعرف والو ، ياااربي … راه ايقتلني انا ويااااه …

دخلات عندها ربيعة غير شافت لبيت هكاك مفروس شهقات ، آية لاحضات حوايجهم لي مليوحة ديال لبارح مشات دغيا جمعاتهم

ربيعة: أويلي ابنتي ، اش هادشي ، واش هاد لحالة في لبيت
آية: معرفتش اخالتي ، دخلنا لبارح و لقيناه هااكة
ربيعة: ويلي ويلي هي شي واحد دخل لداار
آية: معرفتش
ربيعة:بنتي آية ، كنضن هادشي لي كديري فيه غاالط ، خاصو يعرف بلي نتي حااملة ، هذاك راه راجلك و ميمكنش يكره ولدو ، لأب كيدير كلشي على قبل ولادو ، ميمكنش لأب يتخلى عليهم
آية: يمكن ،(شافت فيها) يمكن اخالتي ربيعة ، شنو زعمة انا بنت ليك وسط عائلتي ، هما لي لايحيني ، منهم بابا ، كون كان كيبغيني و يدير المستحيل على قبلي ، غييير ملي يجي عندي و يشوف فين عاايشة انبقا فيه ، ولكن هداك ماشي أب لإفتخار و إنما لعكس
ربيعة: ماشي كلشي بحال بحال ، جاد قلبو بيض و عزاااازين عليه ولاد صغار ، واش مكتشوفيهش ملي كيكون مع قيس ! مهيم نتي تعرفي ، ياله خلينا نخرجو نتقداو لدار و خودي ليك حوايج
آية: ميمكنش نخرج ، خاص نقولها ل جاد
ربيعة: عيطي عليه

خرجات ربيعة و خلاتها كتفرك في صبعانها ، هزات طيلي قلبات على نمرتو و بقات مترددة ، غير صمعات صوتو تخلعات

آية: ااا ألوو
جاد: شنو بغيتي
آية:(زربات عليه باش ميقطعش عليها) راك شفتي لبارح لبيت كيف كان خالتي ربيعة اتخرج تقدا و قالت ليا نمشي معاها باش ناخد حوايج حيت مبقاوش عندي
جاد: اوكي ، وقت لغدا تكوني فدار حيت ايجي عندك صاحبي مهدي هو لي ايديك تصايبي شي لوراق لي خاصينك لقراية و اتصايبي لاكارط

قطع عليها و هي ناضت كتنقز جمعات لبيت و هبطات عند ربيعة كيف لعجاجة خرجو بغاو أميرة تمشي معاهم ولكن اتمشي لدارهم ، مهيم خرجو مشاو تقداو و آية فرحااانة بزاااف خداو كسيوات زوييينين ، رجعو لدار بكري وجدات مع ربيعة لغدا ، مدة قليلة و كان كلشي واجد

عند جنات لي داوها كنينيك لي قالو ليهم ، غير هي بوحدها كترمى من سبيطار ل سبيطار حتى واحد ممعاها ، دخلوها لبلوك و بقاو كيحاولو معاها باش تولد

عند أمير بعدما جا گارد ديالو و خبرو بهاد لخبر لي معرفش واش يفرح ولا يحزن مشا بسرعة فاائقة لسبيطار غير وصل سول عليها قالو ليه بلي ياله دخلات وراوه غرفة لي هي فيها بقا واقف تما و هو كيسمع صرخاتها ، حس بقلبو أيسكت ليه خايف بزااااااف ، بقات مدة و هي كتغوت حتى كيمشي ليها الجهد ، في لأخير جمعات قوتها و صرخات بصوت عالي أكثر حتى تصمع بكا لبيبي رجعات راسها لور سخفااانة و عياااانة ، طبيبة هزات لولد و حطاتو قدامها ، هزات غير راسها باستو و تكلمات مع فرملية

جنات: هو بيخير ياااك ، صحتو مزيانة
فرملية:(بابتسامة) حمد الله صورة مكمولة و صحة ديالو انديرو ليه دابة تحاليل و اجراءات لازمة و ميكون غير لخير

أمير بعدما سمع صوت بكا ابنو طاح على ركابيه و شد راسو حس بلموت داخلاه ، بتاسم و ضحك و هو فرحان حيت ولدو لي كان كيتسناه هاهو جا ، ولكن مزال عندو تخوف لا ميكونش بيخير و هي ولدات ولادة مبكرة , جات عندو ممرضة على قبل لوراق و مشا معاها ،

عند مهدي بعدما وصل لفيلا ، بانت ليه بنت جايا لابسة كسيوة بيضة و كلها مشبكة جاتها غزااااالة حل فيها فمو و بقا كيشووف وصلات و بتاسمات ليه في وجهو ، بضورو رجع لإبتسامة كيبين بلي هااايم فيها

مهدي: ع..عفاااك … واخا تكلمي ليا .. مرت جاد
آية:(بابتسامة) هي انا ، واش نتا هو مهدي

مهدي غير سمع سميتو من فمها داب ، أشار ليها تمشي معاه حل ليها لباب لقدام و هي ركبات لور ، حيت بالنسبة ليها عيب تگلس لقدام من غير راجلها ، هو بتاسم و فرح مكرهش تكون عندو شي مراة بحالها متخلقة و حشمانة ، و مزال مستغرب تكون هادي هي ديك لبنت لي أول مرة شافها بجلابة و لعكسة ، ميمكنش جاد إيكون مزوج بهاد لبنت و مكيبغيهاش اكيد اتبغيها بزز منك

#يتبع
❤ #المعنفة ❤
📝سمر&سلمى📝
البارت:🌸75🌸

بعد مدة طريق لي كان سايدها صمت وقف طونوبيل و أشار ليها تهبط و داكشي لي كان دخلو لكوميسارة و كيحاول انه يمشي معاها في نفس لخط حيت هي كترجع من موراه و گاع لي خدامين معاه كيشوفو فيه و كيشوفو فيها بإعجاب و حب و هيام ، دار عندها و تكلم وهو ضاحك

مهدي: زين ، تبغي تمشي عند جاد ولا تبقاي هنا بينما صايبت ليك لوراق
آية: لي بغيتي

ضحكاتو من هدرتها زوينة ، قال ليها تبقا تما نيت حداه و قريبة من عينيه ، خدا من عندها لوراق و بدا خدام عليهم و كل شوي يهز فيها عينو و گاع شرطيين حاضيينها تما ، حتى خرج جاد بتخنزيرتو شافهم كيشوفو في بيرو مهدي شاف تما لقا آية گالسة و حادرة راسها و هو خدام على وراقيها ، تعصب مشا ليها نيشان شدها من كتفها موقفها و مخنزر في مهدي ، ناض عندو مهدي بعدو شوي على آية و تكلم

مهدي: نااااري اصحبي هاد لقوووقة كلها و مكتبغييهاش ،(بجدية) مهيم نهار لول قلت ليك خليها ليا ، ياك مقايسها ما والو (أودي درية راها حااااملة منو مبانتش ليك ديك لكرش🙂)
جاد:(شنق عليه خلا كلشي يوقفو عملهم و يشوفو هما كيعرفو جاد و علاقتو بمهدي دايرين بحال لخوت) أتعااااود تقوووول هاااد لهدرة أنسااا بلي نتااا صاااحبي

طلق منو و مشا شد في إيدها و هزها باش يشوفوها كلشي ماشي غير هو

مهدي: ملي تسالي وراقي ديالها جيبهم ليا لبيرو

مشا جارها دخل لبيروه و خلا كلشي مستغرب منهم آية لي أول مرة يشبك أصابعو بأصابعها ، استغربات بزاااف شنو لي خلاه يتصرف بديك طريقة واش لغيرة زعما ، شاف فيها كتخمم بدا كيقرب منها شوي بشوي حتى طاحت على واحد فوطوي في لكحل و هو بدا كيقرب منها كثر ، حتى تخلطو إنفاسهم ،

جاد:(بفحيح) واش باغة تصطي دين مي(حركات ليه لا براسها بطريقة طفولية) إوا شنو هاد لبس لي لابسة !!! اممم ، وملي نتي هنا علاش مجيتيش عندي و بقيتي معاه هو !!!
آية:(بصوت أنثوي و بريئ) انا مكنعرف والو ، هو لي خلاني تما
جاد: و فين مشيتو ملي خرجتو من دار
آية: جينا لهنا نيشان

بقا ساكت وهو حاضي شفايفها كيف كيتحركو طبع قبلة خفيفة شوية مقدرش إبعد و بدا كيقبل فيها قاطعهم غير صوت دقان لباب ناض مخنزر حل لباب لقا مهدي ، دخل مد ليه لوراق شاف في آية مزنكة فهمهم ، خنز فيه جاد

مهدي: واش نديها باش تبصم
جاد: لا ، انا انديها صافي غير كمل شغالك(خرج مهدي و دار عند آية) نشوفك لابسة بحال هادو نقطعهم فوق لحمك ، قادي حوايجك دغيا

قادات حوايجها دغيا و وخرجات تابعاه

عند أمير بعدما رجع لغرفة ملقاهاش تخلع بزااااااف حتى قالو ليه بلي حولوها غرفة عادية فرح و وجهوه ليها ، تمشا بخطى تاااابتة بقا واقف في سرجم كيشوف فيها ناعسة و في ولدو لي مدرقينو بلكاشة وقف طبيبة باش تشرح ليه حالتها صحية

طبيبة: حمد الله ، واخا وقعات ليها ولادة مبكرة ولكن هادة هو شهرها و آنسة بيخير
أمير: واش ولدات ولد ولا بنت؟؟
طبيبة: اه نسيت مقلت ليك الجنس مبروووك عليكم تزاد عندكم ولد

أمير بتاسم بدون شعور مقدرش يتخيل بلي ولا أب صافي ولا عندو ولد باينة أيكون زوين بزاااف ، و عطا وعد نفسو باش ما يمررش ولدو بهادشي لي عاش بيه

أمير: لولد بصحة مزياانة ياااك ؟؟
طبيبة: حمد الله ، درنا ليه جمييييع لفحصات وهو بيخير

مشات طبيبة و دخل لغرفة طبع قبلة في جبهتها و بقا كيشوف في ولدو مقدرش يهزو حس بيها بدات كتفيق خرج دغيا و بقات معاها ممرضة تما مقابلاها و أكييد متقابلها و راجلها موصيييهم و حاط فلوس كثييرة عليها

ممرضة: لالة جنات نتي بيخير
جنات: اه بيخير بغيت نشوف ولدي (مداتو ليها ممرضة) معرفتش نشدو
ممرضة:(كتوريها) حطي يدك هنا ، وهاد ل إيد حطيها هنا (أمير قدام لباب كيشوف فيهم ومنها نيت يتعلم باش يشد ولدو)
جنات: واخا شكرا ، (باستو و بقات كتشوف فيه) ههه ريحت باباك ، باينة كان هنا ، رجعات باستو ، هه كتشبه ليه ،

#يتبع
💙🖤تتمة💙🖤

بغا يدخل عندها ولكن رجع لور ملي شاف جوج عيالات و راجل جايين اتجاه غرفة جنات ، اشار لگارد إبعدو باش اخليوهم يدخلو

مرت عمها 1: الله ياربي ولدتي، الله يا ميمتي لولد عااايش
جنات: (قالبة عينيها) حمد الله
مرت عمها2: مشينا لسويسي و ملقيناكش ،، اش جابك لكنينيك ، عندك فلوسو !!!
جنات:(هازة نيفها لسما و ملي شمات ريحت أمير باقة بتاسمات) سوووقك ،
مرت عمها2: هاي هاي ، واحنا لي حمير تابعينك
جنات: تابعيني حيت بنتكم لي جابتني لهاد لحالة ، وملي باغة تعرفي شكون جابني لهنا ف جابني راجلي
مرت عمها1: مفهمتش انا هاد راجلك منين كتجيبيه ،

بقاو معاها نص ساعة و خرجو ، وصل ليل في دار أرجي أوغلو و بضبط في جناح إياد و ندين لي كان گالس على فوطوي في لبالكو و حبيبتو گلسة على رجليه و معنقاه

إياد: حبيبتي
ندين: امم
إياد: شنو مخبية عليا( ناضت كتشوف فيه) كنسمع ليك حبيبتي
ندين: . واا.لو
إياد:(كيلعب في خصرات شعرها) اممم نتي عارفة بلي عدووويا لكدووب
ندين: ولكن تبقا بيناتنا (هز فيها حاجبو هو أصلا مكيقول حتى حاجة مكتخس حتى واحد) آية بصح نيت حااملة
إياد:(بابتسامة جانبية) امم بصح ، هي ولد ولدنا لكبير جاي في طريق
ندين: ههه اااه شرفنا ياااك ، إياد ، جاد مخاصوش يعرف حيت آية خاايفة لا يقتل ليها لولد
إياد:(عقد حجبانو) منيتك ، واش مكتعرفيش ولدك ، هو عزازين عليه لولاد و بلعكس أيفرح بزااااف
ندين: معرفتش ، انحتارم قرارها و جاد خاصو يعرف منها هي
إياد: متافق معاك حبيبتي

عند جاد لي بعدما وصل آية لدار رجع لخدمتو و قال ليهم بلي ميرجعش لدار حيت عندو لخدمة بزاااف ، و سبب هاد لخدمة هو العملية تهريب المخدرات خاصو يكون جاهز ليها ، آية بقا فيها لحال ولكن بعد تفكير طوييييييل قررات ملي يرجع تقول ليه بلي حاملة

عند جنات كانت گالسة كتلعب مع ولدها و ممرضات واقفين عليها دايرينها بحال البيضة خايفينها تهرس( شوفو لفلوووووس) دخل أمير و أشار ل ممرضات يخرجو و داكشي لي كان جنات هزات راسها شافتو و زيرات على ولدها قرب منها ببطء

أمير:(قرب منها ببطء) عفاااك خليني نشوفو ،(حركات ليه بلا و شدات ولدها) جنات ، بلييز خليني نهزو و نعنقو خليني نشوفو ا جنات انا باباه ، انا راجلك ، ونتوما حيااتي
جنات: هءهءن اتقتلو ليا

أمير: شنووو لا لا لا احبيبتي مستعد نقتل راسي على قبلكم ، كندير كلشي على قبلكم ، بديت كنبدل كلشي على قبلكم
جنات: شنو بدلتي
أمير: أول حاجة شخصيتي ، ثاني حاجة خدمتي ، ثيقي بيا حياتي انتبدل كلي ولي مبغيتيهاش منديروهاش
جنات:(مركزة شوفة فيه) مبقيتش بغيتك في حياتي هءهء سير بحالك ، مستاعدة نكبر ولدي بلا بيك.
أمير: واش إنسان ميمكنش اغلط ، ااااه انا غلطت و عتااارفت بغلطي واش متسمحيش ليا ، لهاذ درجة حقدتي عليا
جنات: ماشي حقدت عليك ولكن كرهتك
أمير: خليني نهزو و نبعد منك بمرة
جنات: حتى ديك لمرة قلتي ليا اتب مني ولكن هانتا باقي
أمير: جيت حيت قلبك باغيني
جنات:(گلسات) أجي ، أجي تشوفو كيشبه ليك

قرب منها أمير هز ولدو بين يديه بحالا هز قلبو ، شاف فيها بعينيه لي اينقزو بلفرحة و ابتسامة عاد مكتزيد تزين وجهو

أمير: ههه كيشبه ليااا ، … شوووفي زوين بزاف
جنات: كنتمنى ميكونش يشبه ليك في أفعالك
أمير:(ضار شاف فيها و خنزر فيها حتى هبطات راسها و بتاسم) ههه باقة مواضبة معايا

بدا كيقرب منها بشوي باش يطبع قبلة على فمها هي بقات في بلاصتها وهو ستاغل هاد لفرصة ياله بغا يحط فمو في فمها وهو يبكي لبرهوش شداتو من عندو جنات حشمانة

جنات: صافي، حبيبي ،صااافي ،
أمير: شنو نسميوه!!
جنات: ليث ولا أسد
أمير:(مبتاسم) وبجوج بيهم عندهم نفس لمعنى ، ختاري نتي شنو بغيتي.
جنات: اممم بجوج بيهم زوينين ، ولكن نختارو ليث
أمير: ههه واخا الالة (شاف في ولدو) ليث ناصيري .

#يتبع
❤ #المعنفة ❤
📝سمر&سلمى📝
البارت:🌸76🌸

🤍🖤-
هل تظن أن العبث بروحي يأذيني صديقي أنا جثة هامدة🤍🖤

داز نهار أو نقولو يومين أو ثلات أيام حتى وصل يوم رابع ،

هاد أربع أيام دازت على آية صعيبة غير كتبكي و مخشية في بيتها مكتاكلش معاهم حيت معندها حتى خبر على حبيبها و هي خاصها تواجهو بلي هي حاملة ، أمس تسنات فيه بزاف ولكن مجاش و ليوم مزال كتسنا ، هبطات عندهم بزز گلسات معاهم في صالون كيتكلمو حتى دخل نزار مخلوع كيتكلم بهستيرية

نزار: تلفاازة ، شعل تلفااازة (شعلو تلفازة و كيتفرجو كل حرف كيتسمع عينيهم كيدمعو)
المديعة: يوم أمس تم القبظ على عصابة إجرامية مهربة المخدرات و مواد كيماوية ……(مكنتفرجش في لأخبار بزاف) حيت ألقى 3 شرطيين مصرعهم و 12 شرطي مصابين و هم في المستشفى العسكري

ندين:(گلسات لأرض) ولديييي
إياد: ندين، إقدر ميكونش هو
ندين: لا ولدي قال لينا بلي ميجيش ، ولدي واقعة ليه شي حاجة ، هءهءهء ولدييييي هءهءهء(بصراخ) جاااااااد هءهءه(شدات في قميجة إياد) بغيييت ولدي هءهء بغييييتو دااااابة ، هءهء بغيييت نشوووفووو

آية: كانت غير گالسة كتشوف تصدمات معرفات باش تبلات و ندين كتبكي و كتغوت ربيعة حتى هي كتبكي ، صهان جات حيت سمعات بلخبر مهيم دار مقلوبة ، إياد بعدما تكلم مع شخصيات كبااار في لأمن جاو عندو في لعشية ، لي غير كانو داخلين مع لباب وقفو عليه بحال قباضين رواح(الله يسمح لينا من لواليدين💔)

ندين: ولدييي ، بغييييت ولدي
مدير لأمن: ضابط جاد تصاب في كتفو ليمنا و ضهرو ، كانت عندو عملية خطيرة حيت خرجو جوج رصاصات من جسدو ، و حاليا مزال مفاق
ندين:(مقدراتش تيق رجعات جوج خطوات لور شدها جود) ولدييييييي، جااااااد ولدي (شافت فيهم و بدات كتغوت) و علاااااش متحمييييوهش ، هو كيحمي وطنو حتى نتوما خاصكم تحمييييوه ، هءهءهءهء ، بغيت نشوفو
مدير لأمن: ميمكنش ليك خاصو راحة و الظستشفى كاملة مطوقة حراسة مشددة
ندين: بغيت نشوفو هي انشوفو

قاطع هدرتهم غير صوت خبطة دارو كاملين لقاو آية طايحة في لأرض قربو منها كاملين كيحاولو يفيقوها ، ساعات قليلة و كانو في المستشفى لي معرفوش واش يهزو لهم لولدهم ولا مرتو و ولدها ، تسناو حتى خرجات طبيبة لي فحصاتها أول مرة مرة

طبيبة: تعرضات لشي صدمة باش طاح ليها طونسيو ، خاصها ترد لبال راسها ولا اتخسر الجنين

مشات وخلات ندين شادة في راسها ، فقط نصف ساعة و فاقت كتغوت بغات تشوف جاد

إياد: وعد مني ، غدا صباح انمشيو
آية: هءهءه ، ياربي صافي انا تشردت هءهءهء رجعت يتيمة هءهء ياربي يكون بيخير هءهء هو راه ضريف والله
ندين:(عنقاتها) اااه هو ضريف ، و بزاف (لا لا ضريف 🙂) ولكن هادة حكم ربي ، حمد الله
آية: هءهء حمد الله هءهءهء.

قدام لباب كان نزار كيشوف في ماماه كيفاش كتبكي بقات فيه بزاااف دار الجهة آخرة و تكلم تحت سنانو

نزار: غير تسنا ا أمير ، متبقاش فيييك

#أصبحنا_و_أصبح_الملك_الله

عند جنات خرجات من سبيطار ليوم و أمير و ليگارد في جنبها ، وهي دايرة راسها مقلقة

جنات: بغيت نمشي لدار بابا
أمير: حبيبتي ، دارنا حسن ، جبت ليك ممرضات باش يرضو ليك لبال نتي و ولدنا
جنات:(بغاتو يمشي باش يشوفها كيف ولات عايشة) لا بغيت نمشي ناخد حوايجي و عاد نمشي معاك لدار
أمير: وافق حيت معندو حتى حل آخر مهيم غير ملي قبلات تمشي معاه فهادي تبشيرة زوينة بأنها اتسمح ليه مدة طريق حتى وصلو ل الحي ديالهم ، جيران كيطالو و شماكرية درب حلين فمهم في طونوبيلات لي وقفو حتى هبطو منهم وحدين قد سخط يركبو فيك الرعب حلو ل جنات لباب هبطات بشوي علييييها و ولدها شاداه بين يديها باش كلشييييي يشوووفهم و يشووفها و يعرفو بلي هي بصح نيت مزوجة و هداك راجلها ، وقفو قدام لباب حلات مرت عمها 1 لباب غير لمحات ل أمير و دوك سخوطة لي من موراه خلعووها بدات كتفتف ، جنات دخلات هي و أمير و ليگارد بقاو برة

أمير: ياله سيري جيبي حوايجك
جنات: واخا تسناني

#يتبع
❤ #المعنفة ❤
📝سمر&سلمى📝
البارت:🌸77🌸

تمشات جيهت تحت دروج و حلات ديك لخامية حلات ساك و بدات كتجمع فيه أما أمير شافها تصدم وگاع لي فدار خايفين من أمير حيت بتخنزيرتو كيخلع و زيدها لوشام لي باين من يديه حتى تكلم بحدة

أمير: شنوووو كدييري تمااا ، ياااك بييتك لفوووق
جنات:(ضارت عندو) ااه ، ملي جاو عائلتي هالة خدات ليا بيتي(وراتو بصبعها أما هالة بغات تخبا من مور مها ولكن مها باغة تخبا موراها) وقالت ليا نقلب على بلاصة نعس فيها ولقيت غير هادي
أمير:(ضار شاف في هالة بنضرات تموتها تكلم بصوت هااادئ عكس نار لي شاعلة فيه ، ) اش داك تقيسي حوايج مرتي
هالة: (كتفتف) ااا….ااناااا…. ااا عاااشة الملك (جنات ضحكات بهدرتها و قربات منهم كاااملين لي كانو مستفين بحال سردين)
جنات: مهيم نعرفك براجلي ، لي كتقولي ليا ، ايكون شي مريول ، و حرگ ههه ، نقدم ليك أمير ناصيري راجلي و أب ولدي ،

أمير: شنو كتضنو راكم درتو ، هجمتو على مرتي و زيدها مخرجينها من بيتها .

جنات:(قاطعاتو) ماشي مشكيل ا أمير ، انا سمحت ليهم ، مهيم مرحبا بيكم عندي في داري (حطات ليهم ورقة فيها نمرتها) هاهي نمرتي ، ملي تبغيو تجيو عيطو عليا نسيفط ليكم شيفور

شدات في أمير بدات كتجر فيه بزز حيت مبغاش إيمشي من تما ، مكرهش كون حرقهم و هما حييين ، طلو طونوبيل لور و نطالق بيهم سائق ، طيلة طريق وهو ساكت باينة فيه معصب وهي عجبها لحال ولكن مبغاتوش يدير شي حاجة لي يندم عليها و ترجع تكرهو

جنات: نساهم
أمير: منيتك لا ، هما شفتيهم فين منعسينك
جنات: مبغيتكش ترجع مجرم مرة آخرة خليهم ، هما طمااعين بزاااف ، انتاقم منهم فقط بابتاسمتي و فرحتي(حطات راسها على كتفو كيف ديما ، هو كيمرر يدو على شعرها) ملي رجعت تما و انا عايشة في لعذاب حتى واحد مكان باغيني نسكن معاهم ، بلخصوص حيت عارفين بلي انا حاملة و معارفينش بلي مزوجة ، ……

بقات كتعاود ليه على معاناتها لي دوزات ملي كانت مفارقة معاه ، كل كلمة كتخرجها من فمها كان كيزير على إيدو ، تعصب و ندم و تألم بأن حبيبته زوينة وقع ليها هادشي كااامل

أمير: انعوضك على كلشي حبيبتي انساو كلشي و انبداو من جديد رفقة ولدنا

عند جاد لي كان متسطح على سرير شوي بدا كيحل عينيه بشوييي حتى شاف آية نطق سميتها بهمس و شاف ماماه بقا مدة 10 دقايق عاد قدر يفتح عينيه كاملين و بشوف بوضوح ،

ندين: ولدي ، حبيبي ، نتا بيييخير
جاد:(اوما ليها بآه و شاف في آية و عقد حجبانو) واش حتى في مرضي تابعاني(تلاشات ابتسامتها) شنو داكشي لابسة و علاش جايا بيه

إياد: جاااد ماشي وقت لهدرة داابة راك مريض ،

بقاو معاه كيتطمأنو عليه ، بقا گالس معاهم كيتكلمو و كيعاود ليهم على المهمة كيف دازت و مهدي كان خايف ، كيتكلم و كيضحك ، حتى دخل عندو شرطي طمأن عليه

جاد: (بابتسامة)فين هو مهدي
شرطي:(حاني راسو معرف باش يجاوبو)
جاد: كنهدر معاك فين هو مهدي ، واس كاين برا

دخل مدير لأمن مقاطع لبوليسي وتكلم بكل حزن و أسف ، حيت عاااارفين مزيااااااان علاقة مهدي و جاد ، هادو أكثر أشخاص مكيتفارقوش و هما خووت ماشي صحاب أو جوج خدامين مع بعضهم

مدير لأمن:(بحزن) الله يرحمو

تلاشات ابتسامتو و تصدم أو نقولو كلشي تصدم ميمكنش يموت ، هادشي مكيدخلش لعقل ، جاد بدا كيضحك يهستيييرية شوية بدا كيبكي و يغوت

جاد: ههه كضحك معايا ياااك كضحك يااااك ، ميمكنش هادشي لي كتقولو ههه كضحكو معايا(تكلم بجدية كلها حزن) بغيت نشوفو ،(كيحاول يوقف) بغيييت نشوووفوووو

#يتبع
💙🖤تتمة💙🖤

معندهم حتى حل آخر قربات منو آية شدات في إيدو هي و إياد و توجهو لغرفة ، فيها 3 أشخاص مغطيين بإيزار أبيض قرب منو مدير لأمن و أشار ليه لي على ليمن بدا كيقرب و دموع كيهبطو و كيتكلم بحزن كبييييييير بزاااااااااااااف

جاد: يااااربي ميكونش هو …. يااربي ،…. ميكونش هو ..(هز إيدو حيد إيزار تصدم مكرهش كون مات ولا يشوفو في هاد لحالة ، بدا كينطق سميتز بهستيرية و كيحرك فيه باش يفيق) لا… لا…لااااا .لاااااااااااا امهديييي لاااااا هءهء لااااا اخويا ، نتا راك خوووووويا . متخلينيش هنا بووووحدي … هءهء فيق فيق يااااله نوووض فيق ، خاص نمشيو من هنا ، فييييق ا مهدي ، نوووض اصحبي ، نوووض اخويا ، هءهء(حط جبهتو عليه) اش غنقول ل ماماك نووووض عفااااك ، نوض راه معندي منقول ليها ولا نواجها ( بدا كيضرب فيه و كيغوت باش إيفيق حتى دخلو كيجرو فيه أما هو داير بحال ثور مقدرش يبعد) طلاااااااق هءهءهء طلااااااااق ، مهدي نوض اصحبي عرفك باسل و هادة ماشي ضحك ، نوووض اخويا ماماك اتجي تسولني عليك ، نووووض (كيغوت و گاع لي في سبيطار كيشوفو فيه كاين لي كيبكي گاع من داك لمنضر) هءهء سمح ليا ، سمح ليا اخويا انا لي ديتك لديك المهمة ، سمح ليا بزااااااااف ، عفااااااك ، هءهء عفاااك

طاح على ركابيه و باباه و آية معنقينو

سمحو ليا منقدرش نكمل كثر حيت مبقيتش منشوف بدموع = مكنبكيش حيت تأثرت بالقصة نو كنبكي ، حيت نفس لهدرة لي كيقولها جاد كنت كنقولها انا ملي ماتت ماما و بابا💔 الله يرحم جميييع المسلمين والله يغفر ليهم ذنوبهم و يجعلهم من أهل الجنة أجمعين #كاتبة_سمر_بنصغير

#يتبع
❤ #المعنفة ❤
📝سمر&سلمى📝
البارت:🌸78🌸

🖤🤍‏لا تخبر أحداً عن يدك التي تؤلمك فقد يأتي زمان ويلويها ولا تخبر أحداً سر دمعتك
‏فيعرف كيف يبكيك,فلا تكشف نقاط ضعفك أمام أحد أبداً🤍🖤

بعدما وصلو هبطات و شادة ولدها و مغطياه على لبرد كتشوف في فيلا كبيييرة و زوينة بزاف بحال لفيلا لي كانو ساكنين فيها ، دخلات لقات جوج ممرضات و خدامة مدات ليها حليب و تمر خداتهم مبتاسمة و عطات ل أمير طلعو لبيتهم ، و ملقاتش بلاصة ولدها دارت شافت فيه مخنزرة

جنات: فين هي بلاصت ولدييييي
أمير:(مبتاسم) في بيتو حبيبتي
جنات: اااه بغيتي تسطي ليا ولدي لا بكا منسمعوش
أمير: معاه لممرضات و ميفرقوهش 24/24 ، غير نتي رتاحي ليا العمر
جنات:(حسات بحالا كيلعب ليها على لأعصابها) اممم ، إوا مزيان ، صافي سير بحالك خليني نرتاح
أمير:(شاف فيها ديك شوفة ديال منيتك) ههه راك مرتي ، و شايف كلشي
جنات: خرج بحالك ، انا مزال مسمحت ليك
أمير:(بحدة) جناااااااات ، راك زدتي فييييه
جنات:(بدات تبكي) هءهءهء بعد مني
أمير:(شاف ليث بدا يبكي و هي كتبكي قرب كيواسي فيها) صافي صافي حبيبتي ، سمحي ليا ، هاني انخرج غير رتاحي

خرج و سد مسحات دموعها دغيا مبتاسمة بشر ،

جنات: والله يا أمير حتى ندمك عاد انسمح ليك

بعدما خرج من البيت هبط و گارد من موراه شاد ملف كيقرا و كيعاود ليه على عائلة جنات ، مدة قليلة رجع لدرب هبطو ليگارد حلو ليه لباب ، تمشا بخطى تااابتة و وجهو مافيه حتى تفسير ، گارد هو لي دق حتى تحل لباب من طرف هالة كانت كتمضغ غير شافتو وحلات ليها دفعوها لي گارد و دخل بهيبتو لقاهم مجموعين على طبلة ، رسم ابتسامة كتخلع وقفو و تكلم عمها 1 باش يگلس ولكن رفض شاف في داك لولد لي كان عطاه قتلة لعصا عجبو لحال

أمير: مرتي قالت ليا بلي هجمتو عليها فدار
مرت عمها2: لااا….. لا .. اولدي هادي دار الوراثة و لكرا قتلنا داكشي علاش جينا لهنا راه كانت غير مسدودة
أمير: اممم ، وعلاش خرجتوها من بيتها!!
هالة: ه…هي … لي عطاتو ليا(هز فيها حاجبو) طلبتو منها و خديييتو
أمير: شنو وقع ليها باش مشات تولد ولادة مبكرة
عمها1: كنااا .. كنفطرو حتى شدها لوجع
أمير: فيها ضربات على وجهها ، شكووون قاصها
الكل: الصمت
أمير:(بلغوات خلاهم يقفزو) شكوووووون حط علييييييها لإييييييييدوووووووو
مرت عمها2:(كتشير ل هالة و كتبكي) هي هي هي هي ، والله حتى هي لي بقات كضرب فيها حتى بدات كتغوت بلوجع ، هااالة هي لي تحامات عليها
هالة: كدااااابة سكتيييي ، حتى نتي ضربتيها
أمير:(عصبوووه) سكتوووووووو، (ملي كلشي سكت رجع تكلم بصوت مرعب) بإمكاني نقتلكم كلكم ، ميمكنش تخلعوني ، نقدر نقتلكم و أنا مستمتع ، ولكن عندكم زهر حيت نتوما من عائلة جنات ، أما والله حتى نقتلكم و نحدر في جنازتكم ،(سكت شوي و عاود تكلم) ولكن متخااافوش ، اتندمو كااااااااامليييييين ، (شاف ف هالة) ونتي يديك انقعهم ليك ، إلا عرضات عليكم جنات تجيو عندها و مجيتوش ، فبنيو قبركم

خرج وخلاهم ها لي سخف من هدرتو ها لي شاد راسو هالي كيبكي و الخوف ركب فيهم ، كااامليين حسو بندم

عند جاد باقي گالس في لأرض و آية معنقاه و كتفو و ضهرو كلوووو ولا دم ولكن مكيحس بواااالو مقارنة بنزيف لي في قلبو على خوه كيبكي بحال شي ولد صغير خديتي ليه لعبتو لأنه كيحس بندم شدييييد و ذنب بقا فيه بزاااف كيف قلت من قبل مهدي خوه ماشي صاحبو يعني مهدي ماشي شخص عاادي بالنسبة ليه ، (….) وسط دكرياتو مع مهدي قاطعو صوت ماماه لي هي مراة كبيرة شوي في سن و نور ضارب على وجهها جايا و كتنطق ب كلمة “ولدي” ، جاد جر عندو آية حتى ولات فوقو و كيبكي مقدرش يشوف فيها ولا يهز فيها راسو ،

منعوها باش مدخلش عندو دارت بان ليها جاد مشات عندو لي بدورو طلق من آية و عنقها

جاد: سمحييي ليااااا ، سمحييي ليااا….. عفااااك …سمحي لياااا… مقدرتش نحمييه

أم مهدي:لا لااا أولدي هءهء متقولش هاااكة .. قول حمد الله هءهء ربي بغاه … هءهءهء خلينا ندعيو مع ولدي حبيبي هءهء مشا عند لي خالقني و خالقك هءهءهء ، حمد الله حمد الله ،

#يتبع
❤ #المعنفة ❤
📝سمر&سلمى📝
البارت:🌸79🌸

عند نزار و إياد و جود بعدما وصلو لفيلا أمير ، هبطو ، شوية بدا كيتسمع صوت رصاص ، أمير كان في بيروه مشا كيجري عند جنات لقاها واقفة قدام لباب و هازة ولدها كتبكي ، قرب منها شد إيدها و هبطو لتحت باش يخرجو من بابا لوراني ، ياله أيدور و وقفو صوت طلقة رصاص نزار

نزار: مبقااا عندك فين تهرب ا أمير ناصيري
أمير:(ضار عندو ببطء ولدو و جنات غوتو و كيبكيو) هادة نتا ، واش بإمكاني نعرف شنووو واااقع وعلااش مهجمين عليا
جود: سكت المجرم ، القتااال ، و كتسول من لفوق
جنات: أميييير شنووو واقع
جود: الالة راجلك قتل 3 شرطيين و خويا مصاب
جنات: شنوووو ،(بعدات من أمير ميمكنش هي زعما ناوية تسامحو)
أمير:(مصدوم معرفش هاد لباطل منين جاه) شنووووو، شنو هادشي كتقول واش مريييض في عقلك لااا

إياد: مهدي مات بسبابك
أمير: أنا مداير وااالو ،
جنات:(بعدات هاربة منو و كتبكي) لا لااا .. هءهءهء بغيت نمشي بحالي
أمير:(شادها) شششششت كنقسم ليك مداير شي حااااجة ، ياك كنت معاك في سبيطار هاد المدة كااملة (شاف في إياد) كنقسم بحياة ولدي ، مدرت شي حاجة

نزار: و شكووون
أمير: معااارفش ، سير قلب ، أنا نساااوني عليكم ، أصلا راني غير عفيت على ولدك ، حيت كون كنت باغي نقتلو كون قتلتو شحااال هااادي ملي كانت مرتي و ولدي أيموتو بسبابو
إياد: كنعتادرو منك (شاف ف جنات) سمحي لينا ابنتي، بصفتي أب كنحاول نحمي ولادي و كنضن أتفهمني حيت حتى نتا أب
أمير:(بلغوات) سمح ليا اسي إياد ولكن مهجمين عليا ب سلاح و حاطين عليا باطل و ولدي ياله تزاد سمع صوت رصاص ، مخلوع على ولدك أجي عندي بيني و بينك ولا عيط عليا ،
إياد: كيف قلت قبل ، أنا كأب كنسعى لحماية ولادي ، ف مبقيتش مركز واش نعيط ليك ولا شي حاجة آخرة كنتمنا تقبل اعتذاري
أمير: ماشي مشكيل(عينو على جنات لي كتنخسس بلبكا ضارو غاديين بحالهم حتى وقفهم صوت جنات)
جنات: هءهء ياااك ماشي هو هءنء هو مداار والو ياااك هءهءه

إياد:(قرب لعندها و أمير شد راسو ) لا ابنتي وقع سوء تفاهم بسيط و صافي و لغلط ديالي انا لي تهجمت عليكم أما هو فمدار والو بلعكس
جنات:(شافت في جود بعصبية ولكن كيوت) هو ماااشي مجرم و قتااال

قرب منها أمير شد ليث و ضورها عندو غاديين طالعين لبيتهم ،

في مكان آخر گالس كيشوف في تصاور لي عندو و ملفات بتمعن حتى تكلم بحدة و ابتسامة

……….: 800 مليون مشات ليا بسبابك ا سي ضابط

مرو أيام قليلة على وفاة مهدي و جاد هو تكلف بالجنازة عرف بلي كان مريض ب سرطان الدم و قال حمد الله مات شهيد و متعدبش بمرض لي كان عندو ، الخدمة عطاتو شهر راحة باش يقاد أفكارو و يرتاح منها نيت ، كيف لعادة گالس في لبالكو كيشوف في غروب الشمس حتى حس ب آية من موراها هادي لي بضورها متخلاتش عليه و واقفة في جنبو مكتفرقوش

آية:نقدر نهدر معاك(غير ساكت و كيشوف) بغيت نقول ليك واحد لحاجة ، كنتمنى دخل ليك لفرحة لقلبك بعد هاد لحزن
جاد: شاف فيه هاز حاجبو بمعنى هدري
آية: (مهبطة راسها) أنااا.. أنا حاااملة
جاد:(وقف و بقا كيشوف فيها مدة و سرفقها حتى ضارت حسات بودنيها كيصفرو شافت فيه بخوف تكلم بصوت كيخلع و حتى علامة ما في وجهو) أتقتليه ولا نقتلك

#يتبع
💙🖤تتمة💙🖤

شافت فيه بصدمة كبيييرة و خيبة أمل هادشي بضبط مناش كانت خايفة ، هادشي علاش مبغاتوش يعرف ، ميمكنش هادة راه ولدو و يا حسرة أول ولد ليه كيفاش أيقتلو ، كيفاش اتعطيه خاطرو يقتل ولدو من دمو و لحمو ،

آية:(بخوف) لااا. لاااا.. ل….(كتحاول تسايس معاه)ششوووووف هانتا ، هادة أول ولد ليك ، غا تولي أب زويين ، و كيحمي ولادو ، ياااك ياااك
جاد:(مزال على وضعيتو) أصلا انا خسرت كلشي ، إذا خاسو حتى هو يموت

شدها من شعرها سرفقها و عاود سرفقها ، هي حاجة لوحيدة لي دارت حطات يدها على كرشها كتحاول تحميه ، ، عاود شدها من كتفها و مخرجها من الببت مهبطها وهي كتغوت بصوت عاااالي باش ميقتلش ولدها

جاد: ملييي مبغيييتيييش أنا أنقتلوووو
آية: لااا لااا وقف عفاااك عفاااك ، (وصلو لتحت غادي متوجه لباب حتى وقفوه عائلتو مستغربين من تصرفو مع آية) خاالتي ندييين ، خااالتي ندين هءهءهءهء
إياد: طلق من البنت واش تسطيتي لا
جاد: غادي تقتلوووو ، هي خاااصهاااا تقتقلو
ندين: ولديييي ، راه ولدك هداك شنو هادشي كتقول
جاد:( شافها بنضرات كتخوف) كنتي عارفة
جود: واش خرج ليك لعقل ، نتا ماشي مجرم اصحبي
آية:(طاحت على رجليه شداهم و كطلب فيه) هءهءهء عفااااك عفااااك ، انمشي بحالي و منبقاش نعرفك ، هءهءهء أنولد ولدي و منقولش ليه نتا باباه مغيعرفكش بمرة كنقسم ليك ، غير خليني نمشي بحالي والله منعاود نبان في طريقك

جاد:(سرفقها حتى طاحت في لأرض و ندين غوتات من المنضر) ميمكنش ولدي يتزاد و ندير راسي مكنعرفوش ، فخاااصك تقتليه ، ولا انا انقتلو (رجع شدها غادي مخرجها طلقات منو و رجعات ل ندين هبطات بغات تبوس ليها رجليها ولكن هي بعداتها و تحنات عنقاتها)
آية: عفاااااك عفاااك اخالتي ندين عاونيني ، نبوس ليك رجليك
ندين:(معنقاها و تكلمات بهمس) هربييي منووو ، سيري هربي و أنا غدا انقلب عليك
آية:(بنفس لهمس) مكنعرفش
ندين: حل وحيد هو…..

قاطعها جاد ملي جرها من شعرها حاول بمنعو جود و إياد ولكن بدون فائدة ، دارها في طونوبيل و نطالق عينيه حمرييين بلأعصاااب سايق بسرعة كبييرة و هي حاطة يدها على كتفو كتبكي و تشكي

آية: الله يرحم ليك لواليدين الله يخلي ليك لي عزيز عليك ، هءهءهءه عفاااك والله متعاود تشوف وجهي ، هءهءهء لا بغيتي تمشي تزوج سير ، سير كمل حياتك و دير راسك مكتعرفنيش ، عفاااك ولدي متقتلوش ليا ، حتى هو إنسان

جاد:(وقف جنب طريق بقا كيضرب يدو مع جاج طونوبيل و كيغوت بصوت عااالي باااغي يرتاااح باغي يتهنا) ااااااااععع ااوووووووووف اووووف عييييت عيييييييييت من كلشيييييييي ديييما كتخرج ليا مشكلة جدييييدة
آية:(الصمت فقط كتبكي)

هبط و بقا كيشوف في داك لبحر بصح نيت باغي يرتاح ، هو قرر يقتل ولدو دابة ماشي حتى يكبر و يتعلق بيه عاد يموت بسباب أعدائو لي عندو ، هو بغا يقتلو فقط باش يحميه ، مبغاهش يموت و يخسرو يحال خسارة مهدي ، هز راسو لفوق تنفس ببطء و نطق بصوت شبه مسموع

جاد: أنحمي ولدي ، أندير كلشي على قبلو منخلي حتى واحد يأديه هوووف (رجع داير ل طونوبيل حتى ملقاش آية تخلع ، رجع كيدور راسو بزربة مكتبانش ليه) آاااااية ، آااااااااياااااا،

#يتبع
❤ #المعنفة ❤
📝سمر&سلمى📝
البارت:🌸80🌸

🤍🖤ربما لم يحبك …….. كان يداوي جراحه بقربك فقط🤍🖤

بعدما قلب عليها لوقت طويل رجع لدار على لأمل تكون تما ، دخل بانت ليه سلمى و يوسف و نديم گالسة كتاكل في لفريز بحالا مواقع والو ، ناضت عندو ندين بزربة عطاتو بتسرفيقة

ندين: فييين هي البنت شنوووو درتي ليها ، هااا، ياله قووول اااش دارت ليك ، معمرني شفت شي واحد بغا يقتل ولدو من غيرك نتا (كضرب في صدرو و هو بحال جماد) نتا واحد أناني ، كتبغي غير راسك ، نتا ماشي ولدي واش كتسمع ماااشي ولدي أنا ولادي مربيتهمش هاكة ،

جرها إياد لعندو معنقها بعدما خنزر في جاد ، مشات گلسات و بقات معنقاه كتبكي ، في حين سلمى حتى هي بدات كتبكي

سلمى: هءهء ملي مكنبغيهاش كنلقاها قدامي و دابة ملي بغيتها ملقيتهاش
يعقوب: فينها ختي
جاد: هربات
ندين:(هزات فيه راسها مصدومة) شنووو
جاد: كنا راجعين لدار وقفت طونوبيل ملي رديت ليها لبال ملقيتهاش
إياد: منيتك لا ،،
يعقوب: فينها ختي
نديم: يخوي ليك ضروس كون غير ضرباتها شي طونوبيل و ماتت
إياد:خاص نقلبو عليها ،
جاد:(تحت سنانو) فينك ا آااية فيييينك

عند آية بعدما هربات من طونوبيل بقات غير كتجري موقفاتش بمرة ، حتى حسات براسها بعدات على المدينة و طريق و دخلات لعروبية ، وقفات كتستاراح تحت واحد شجرة واخا حسات بلخلعة حيت ليل و ضلام ، سمعات صوت لكلاب وقفات حتى بانو ليها جايين كيجير جيهتها ، طلقات رجليها ل ريح و بدات كتجري ديك لقوة معرفت منين جاتها حتى حسات براسها خرجات في واحد شانطي آخر دارت ملقاتش لكلاب تنهدات براحة ولكن هاد لبلاصة خاااوية لا شدها شي واحد ميسيق ليها حد خبار ، شدات في كسوتها و كملاتها جري حتى وصلات لواحد لحي عاد قدرات ترتاح ، دابة خاصها تقلب فين تبات

دخلات لدوك لعمارات لي ياله مبنيين و شدات قنت و نعسات تما ،

#أصبحنا_و_أصبح_الملك_الله

منعسش ليل كلو وهو كيقلب عليها معرفش فين تكون مشات قلب بزااااف و مزال مستسلمش ، كلف كلشي يقلب عليها ، وسط تخمامو فين تكون تكلم بنبرة حزينة

جاد: ، بفففف ا مهدي ، كون كنتي اتلقاها في ساعتك لولا اصحبي

عند أسيل متكية فوق صدرو لعاري كيف لعادة كيلعب في شعرها ، حتى حس بدمعة حطات فوق صدرو هز راسها شوي كيحاول يعرف مالها

أصلان: حبيبتي مااالك
أسيل:(شافت فيه و رجعات حطات راسها على صدرو) انا خايفة
أصلان: متخافيش حياتي انا ديما معاك ، ولكن مناش خايفة

هزات راسها بقات كتشوف فيه و رجعات لوضعيتها من قبل كتحاول تدكر و تفكر واش تقولها ليه
#فلاش_باك
في الجامعة گالسة في صف لأول كيف عادتها و متبعة مع لأستاذ لي كيشرح و عينو مكتحيدش عليها

دكتور: أسيل ، تقدري دخلي المختبر تجيبي ليا صندوقة بيضاء انديرو تجربة

حركات ليه براسها و ناضت غادة المختبر في حين هو جبد طيلي دار راسو كيتكلم في الفون و خرج تابعها غير دخلات مبان ليها والو قلبات عليها و ملقاتش دارت أترجع حتى لقاتو من موراها خلعها

دكتور: هه خلعتك
أسيل:(بخوف) مم.. ملقييتهاش ا دكتور تقدر تسمح ليا ندوز
دكتور:(مانع عليها طريق) توتوتو ، ماشي بهاد سهولة (كيقرب منها كتر) نتييي زوييينة و عجبتييييني شنو بان ليك فشي ليلة انا وياك
أسيل:(سرفقاتو) أنااا مزوجة و كنبغي راااجلي و عندي ولدي و داابة حاااملة واش تسطيتي لا ، بعد من طريقي
دكتور:(جرها عندو خاشي راسو في عنقها) شششششت ، ااااحححح ريحت زوينة
أسيل: هزات واحد مختبر صغير عطاتو بيه لعنقو و خرجات هاربة كتجري مبعدة منو ، رجعات الحسة خدات ساكها و خرجات

#عودة
أصلان: حبيبتي شنوووو واقع ليك
أسيل: دكتور لي كيقرينا مكنرتاحش ليه
أصلان: ونتي اش بغيتي بيه قراي و خرجي
أسيل: لااا ، هو كيتحرش بالبنات ، و هادشي مكيخلينيش نركز
أصلان:(قلبها و ولا هو فوق منها) يااااكما فايت قال ليك شي حاجة .
أسيل: لا لا ، غير مكنرتاحش

#يتبع

Leave a comment