Skip links

قصة : المعنفة ج 3

 2,467 عدد مشاهداات

❤المعنفة❤
📝سمر&سلمى📝

البارت:🌸41🌸

– ” قلبك أسود …،🖤.
– كسواد حظي الذي جمعني بك
اتمنا لك كَسرا” لاجبر له’ه ..🖤”

(كيف جاتكم هاد دعوة على جاد😂)
أميرة حسات بتبوريشة دارت دغيا خلاتو مزال محني كان وجهها قريييب من فمو زاد قرب كثر و هي كترجع بلور حتى لصقات مع لحيط هبط بشوييي و كيميل وجهو حتى طبع قبلة خفييييييييفة لي خلاتو يتسطى أما أميرة كانت خايفة و هو كيقرب ليها أما ملي باسها تصدمات مقدراتش تحرك كتستكشف هاد شعور جديد لي كتعيش فيه هما مزال في عالمهم و أحاسيسهم تفتح لباب لغرفة

ندين: أمييرةةة(تلاشات ابتسامتها ملي شافتهم هكاك مشات بزربة بعدات جود سرفقاتو حتى دار)خرررررررج منهنااااااا

جود: ما درت والو ، و ها هو غادي (دار عند أميرة لي دموع هابطين) بنيينة

ندين: سير الله امسخك والله ما تبقا فيك (جود خرج مبتاسم و مداقها مزال في شفايفو)شنووو هااادشي ا أميرة؟؟؟ نتي مااااااشي من هاد نوع ؟ عمرني تخيلتك اديري شي حاجة بحال هادي ! واش كضني بلي ايكون كيبغيك ، راه غادي غير يضحك عليك ابنتي هداك راه ولدي ولبنت لي شافها كيطيح فيها ، راه ايديرك غير سبة باش إلبي رغبتو فيك ، اااابنتي نتي راك بنت خويا و معتابراك بنتي منبغيش ليك شي حاجة خايبة مزال كون كان جاد لي بغاك كنت انوافق (جاب الله جاد مطاحش فيها🙂) حيت هو بعقلو عكس جود حيت كيدير علاقات غير شرعية ، مهيم ملخص من هادشي هو تبعدي من جود

أميرة دموعها دايزين خرجات ندين، بقات تما مدة و هبطات لقاتهم گالسين لتحت و أسيل مگلسة آية كتشرح ليها كيفاش تعامل مع رجالها و آية غير كتحنزز حيت مكتفهمهاش

أسيل : بقاي تقااادي ليه و ديري لعكر طلقي شعرك مالك اصحبتي

آية: ولكن هو كيقول ليا غير لبسي

أسيل: ويلي ويلي واش منيتك متسنايهش حتى يقول ليك اصحبتي

ندين: أسيل صافي سكتي ، خلي لبنت

عند جاد في بيروه كيقرا في ملفات بتمعن حتى دخل عليه مهدي
مهدي: كيف جاك ماضيه
جاد: مريض نفسي ، غير بلاتي والله حتى ندمو باش يتعلم إسيفط ليا رجالو لواليدة
مهدي: كيف دايرة خالتي نيدين
جاد: بيخير غير مزال موسوسة شوي
مهدي: وي حيت مساهلاش عليها
جاد: باباه مات مخنوق بلگاز و ماماه و ختو هنا في المغرب هو لي كيصرف عليهم ولكن كيييفاش حتى لقا لفلوس باش ساافر و كيفاش حتى ولاو عندو هاد نفود و سلطة

في برتغال
متكي فوق سرير نصفو لأول عاري و متكية عليه جنات حاطة راسها على صدرو حيت هادة هو مكان لوحيد لي كترتاح فيه من بعد وفاة واليديها بدون متحس هبطو دمعات على صدرو حس بيها هز ليها راسها لقاها كتبكي

أمير: حبيبتي مالك ؟؟؟ واش كضرك شي حاااجة

جنات: لا هءهء توحشت بابا و ماما هءهء كون غير بقاو عايشين و و يعرفو بلي انا حااملة

أمير شاف فيها بحزن و غضب هي معاه علاش توحشات واليديها لي ميتين هادي عام خاص تبغيه غير هو خاص توحشو غير هو بووحدو رجعات بيه داكرة لور

#فلاش_باك قبل سنة
عيط على جنات أبيل
أمير:حبيبتي نتي واجدة ليوم انجيو نخطبوك
جنات: امم انا واااجدة و فرحانة من قبيلة كنوجد مع ماما
أمير: ههه حتى انا وجدت كلشيييي نتلاقاو في لعشية ، كنبغيك
بعدما قطع مشا لبس كوسطار في لكحل مع قميجة بيضة و لوشام باين في عنقو جا توت لوز في لعشية جا شخص لي معتابرو باه (حتى نعاود ليكم عليه) هزو داكشي و توجهو لحي شعبي عااادي و بسيييط وصلو دقو تحل لباب من طرف امراة مزال شادة في راسها سمحات ليهم بدخول و لقاو أب جنات تما گلسو في صالة حتى هبطات جنات ب قفيطين سامبل جاها إهبل و گلسات حدا ماماها حادرة راس

…….:كيف شفتي اسي احمد ولدنا شاف بنتكم و بغاها و حنا معلينا غير نجمعوهم في لحلال
احمد: (مخنزر)لا (شاف فيه أمير بصدمة)بنتي باقة صغيرة ياله عندها 16 عام و زيدها نتا كلك واشم و انا بنتي راجلها تجمع معاه في دنيا و آخرة ، نتا ممعتاني حتى بلحمك كيفاش اتعتاني ببنتي
أمير:(شاف في جنات لي مصدومة)ولكن راه كنبغيها
احمد: بسلامة عليكم
شاف فيه أمير بتحدي و خرج معصصصب شاف فيه داك راجل و نطق
…….: دوز لخطة تانية
أمير حرك ليه براسو تاصل برجالو فقط دقائق و كانو تما آمرهم إدخلو إقتلوهم و يخرجو جنات من بعد إحرقو دار و داكشي لي كان بضبط خرجو جنات و حرقو دار بعدما سحات جنات لقات فقط أمير لي قال ليها دار تحرقات بسباب ضو من داك لوقت و هي معاه
#يتبع
❤المعنفة❤
📝سمر&سلمى📝

البارت:🌸42🌸

بعد لكلام لي قالت ليها أسيل ضرها في راسها هي خاصها تحاول باش إيبغيها ضرووري باش ميطلقهاش و مترجعش تما ، كدير كلشي على قبلو گاع شهيوات كتوجدهم باش إبغيها ولكن ممسوقش ليها ، إدا دابة أتجرب دير بهدرت أسيل باش إيبايها و ميشوف في حتى وحدة غيرها ، وسط محادثة مع عقلها دخل جاد بهيبتو و لبستو لي تزعزع لأرض و تركب فيك رعب واخا مداير والو بتاسمات ليه سلم على ماماه و طلع لبيتو و آية تبعاتو

جاد: اندخل ندوش وجدي ليا حوايجي
آية : واااخا

دخل بلخف دوش دغيا خرج لاوي عليه فوطة لبس حوايجو و صلا عاد خرج هابط و هي من موراه هما مزال هابطين و كيتسمع صوت ضحك و لهدرة ياله وقفات في باب صالون شافت ماماها و باباها گالسين و ضااااااحكييييين ، هاديك ماماها و متنساش عليها مزااال عاقلة عليها بدون شعور مشات معنقها ، سلمى حسات بلي زيرات عليها بدات كتضفع فيها حتى بعدات و مشات تعنق باباها لي بدورو غير سلم عليها و هادشي داز قدام أعين گاااع لي تما

آية:(بفرحة و دموع في عينيها)توووحشتكم

سلمى: (بصدمة)اش كديري هنا

آية:(الصمت)

ندين:(قربات منها)هادي مرت ولديييي

سلمى: (في داخلها) لا لاااا ميمكنش كيفاش مرت ولدها شنو زعما تكون مرت جود ، للا لا لا ، ياربي متكونش مرت جاد، تفووو منين خرجات ليا هاد وجه نحس (بصوت) امم شكون فيهم (ضحكة صفرة)هيهي واش جود

ندين: لااا جاد ، و هي عرووستي

سلمى و نديم برد ليهم لما في ركابي ميمكنش واش هادي بان ليها غير جاد و حياتها كلها مدوزاها في لفقر و دابة أتعيش حياة رفاهية لاااا ميمكنش ماشي هادشي لي كانو باغين آية ميمكنش ليها تضمر ليهم كلشييي ، في هاد لحظة نديم كانت كتشوف في ماماها بعينيها لحمرين شكون هاد لمخلوقة لي خدات ليها حبيبها من بين يديها سدات عينيها و عاودات حلاتهم بعصبية ، قرب منها يعقوب و تكلم

يعقوب: انا يعقوب ولد خالت جاد

حركات ليه براسها واخا معرفاتوش مشات گلسات حدا جاد لي مخنزر

سلمى: (مخاطبة آية) تقدري تجي معايا شوي باش نهدر معاك؟؟

آية وافقات شافت في جاد و حرك ليها براسو مشات تابعاها خرجو لجردة

سلمى: ااااش كديييييرييييي هناااااا
آية: انا تزوجت بجاد و هادو عائلتو عايشة معاهم
سلمى: عاااارفة ، ولكن ااااش داك تزوجي بيييه
آية:(بحزن)يعني عارفة بلي كيضربني انا مكنتش عارفة بلي انعيش معاه هاكة ولكن خالتي مريم هي لي قالتها ليا و انا بغيت نتهنا من تما و من داك لعذاب و وافقت ولكن لقيت عداب ما كبر هنا ، هو كيضربني بزاااف حتى كنولي كليييي دم اماما مزال خالتي يامنة كنت نقدر نهرب منها ولا نمشي فين كنسكن ، دابة كيضربني في صباح و فلعشية و فليل و كيقول ليا انطلقو
سلمى:(بفرح)ههه حمد الله ياااربي غييييير طلقووو ، و هاديك شارفة مديال مريم والله لا بقات فيها ههههه
آية مصدومة من ماماها هيا شكات عليها باش تعاونها ولا شي حاجة ماشي تزيد عليها و فرحاااااااانة من لفوق ، بصح سلمى مكتبغيهاش و ديما ملي كتجي آية كتعاود ليها همومها و مشاكيلها ولكن مكتسوقش ليها مي دابة صدماتها

آية: ماما شنو كتقولي ، ولكن كيفاش غير نطلقو
سلمى: سمعي سيري دااااابة عندو و قولي ليه بلي راك موااافقة طلقي منو صااافي ، و انا انتكلف بكوووولشي انشري ليك داااار و نبقا نسيفط ليك لفلوس والله

آية: (بصدمة و عصبية) لااا انا منطلقش انبقا مع رااااجلي واش فهمتيييي عيييييت من هاد لحياااة مديال زبل كلشي عايش فرحااان إلا أناااا ، شنو هو لخطأ لي درت فييي حياااتي ؟؟؟

سلمى: حييتااااش نتيييييي بنت لحراااااام و أتبقاي بنت لحرااااام

آية: راه نتي لي درتي لحرام ماشي أنا ، انا مدرت واااالو والله

سلمى: معمرك تنساي هاد لكلمة : نتي غيييير بنت لحرااام و انا مكنبغييييكش انا سااااااخطة عليك و عمرك ماتكوني فرحانة في حياتك ،

#يتبع
❤المعنفة❤
📝سمر&سلمى📝

البارت:🌸43🌸

مشات وخلاتها واقفة كتشوف في جنابها عصباتها بقات حتى مسحات دموعها و دخلات لقات بنت كلااااااااس دايرة فولار و گالسة قرب باباها و جاد ، آية شافت جاد معنقها معجبهاش لحال مشات كتزرب و نطقات

آية: سلام ، انا آية
صهان: سلام انا صهان
آية:(بحالا ضربها ضو حيت عارفة جاد عندو ختو سميتها صهان تحنات سلمات عليها و هدرات بفرح ) سمحي ليا معرفتكش في لول
صهان: ماشي مشكيل حبيبة ، گلسي

في هاد ضرفية جود شاف كلشي ملاهي ناض بدون ميحسو بيه مشا لكوزينة دغيا لقا أميرة كضحك مع رييعة و كتاكل في لفريز

جود:(بهمس) بسس بسبسسس (دارت أميرة لقات جود) أأجييي سربي زييييدي
تمشات عندو و جرها مطلعها بجري باش ميشوفوهاش دخل لبيتو دفعها و سد لباب ، كيقرب منها و أميرة راجعة بلور حتى وصل ليها
جود: معرفتش علاش وليت مهتم بييك ، شي حاااجة كتجدبني ليك ، ولكن شنو هي؟ نتي زوييينة بزااااف ، شعرك ريييحتك فمك لعسل ، عينيييك ، جسمك، و قلبك
أميرة انا عارف بلي ياله مدة قليلة باش تعرفنا ولكن وليت كنبغيك ، بغيتك من نهار لي عنقتيني و قلتي ليا بلي راك خايفة مكرهتش تعاودي تعنقيني ، أنا كنبغيك ا أميرتي

أميرة:(غير كتشوف فيه مصدومة معرفت ما تقول بقات في صراع حول قلبها و عقلها و تكالمات )وولكن ن..نتااا كدير علاااقات مع لبنات و نتا كتبغي أي بنت شافتيها
جود: ههه هاد لهدرة قالتها ليك لواليدة ، غيييير تهناااااي انمسح عينيا و نديرك غيير نتي ومنشوف حتى وحدة من غيرك
أميرة: بابا كيقول ليا منهدرش مع لغرباء

مشات و خلاتو واقف مبتاسم ، هبطات لتحت گلسات حدا عمتها كتشوف فيهم و مبتاسمة من ضحكهم كيبان ليها غير نزار لي گالس في لقنت و غير ساهي و هادشي لاحضو كلشي

ربيعة : ولدي نزار اجي عاوني (نزار مسمعهاش غير ساهي هادشي لي خلا كلشي إسكت و حاديين نزار ) نزاااار
نزار:(تخلع) شنووو
ربيعة: بغيتك غير تعاوني
آية: لا غير بقا انا غنصايب كلشي

مشات آية مع ربيعة
ندين: واش نتا بيخير اولدي
نزار: اه اه اماما ندين بيخير
ندين: ملي جيتي من سفر و نتا ماشي هو هداك واش عندك شي مشكيل
نزار: ل..لااا لا غير مبرزط شوي و صافي

مبغاوش إبزو عليه وقف جاد و عيط عليه تبعو خرجو لجردة جبد جاد يكمي و نزار غير كيشوف حتى تكلم

جاد: واش باقي هاز في قلبك من جيهتي ؟؟
نزار: لا
جاد: و مالك؟
نزار: والو
جاد: هادة كيتسمى لعب لبراهش
نزار: عادي

جاد حس بلي كيستفززو هاكة لاح داك لگارو و شدو من لكول قاجو

جاد: شنو كيصحاب ليك راااسك اممم كتستافزني هااااكة ، انا طلبت منك سماحة و من ماماك ، علااااااش مكبر موضوع لهاد درجة اممم ، قول ليا شنو خاص ندير
نزار: طللق مني ، انا مكنستافزكش و صداقتنا خاصها تسااالي هناااااا ، انا مفتاخر براسي و بماما إلا كنا غير خدامين عندكم و حنا مناسيينش أصلنا
جاد: (بعصبية) انا عتاااادرت علاش داير هاد لحااالة مااااشي من قاااااعيدتك ا نزاااار متعصبنيش كثر ما انا معصب فيي حيااااتي نسا هادشي و ميمكنش نخسرو أخوتنا على قبل هاد لكلمات
نزار: مكااااين لا صدااااقة ولاااا أخوة ا جااااااد عطيني تيقار و نعطييك تيقار

#يتبع
💙تتمة💙

جاد دفعو و دخل باااينة فيه مععصصصب نيزار لي بقا برا كيحاول إسترجع هادشي لي دار ، هو غوت عليه و قال ديك لهدرة باش إكرهو و يبعد منو و هاكة أمير معندو ميدير بنزار لا جاد مبقاش كيهدر معاه ، ولكن خسامو مع جاد مكافيش خاسهم إجريو عليه من دار و هادي باااينة بلي مستحيييييييل ، تنهد و جبد حتى هو گارو يكمي كيحاول إفكر إلقى شي طريقة لي تخلي إياد إكرهو حيت هو لوحيد لي يقدر إطردو ، بعد تفكير طويييييييل لقا لحل واخا عارف بلي إياد أيقتلو مهيم إقتلو و ميخونوش

لداخل لقاهم كيشربو قهوة و جاد معصب غير كيشوف ، تكلمات سلمى مع ابتسامة صفرة

سلمى: إوا تزوجتو عن حب
أسيل: لا غير إعجاب
سلمى: امم حب لإعجاب مكيكملش (ناض جاد وقف و قفات معاه آية حتى وقفهم صوتها) قالت ليا آية بلي كتبغيها و كتموت عليها
آية:(دارت عندها ببطء و تكلمات بصدمة و عصبية) كدااابة
جاد:(بلغوات) اااااااااااااية سكتيييييييي
آية: هي قالت ليا نطلق و نعط…..

قاطعها جاد بتصرفيقة حتى دارت خلات كلشي إشهق من كثرة صدمة ، ميمكنش ، واش عمرك تخيلتي لعائلة كاااااملة مجموووووعة و يضربك راجلك قدامهم مغتخيليهاش حيت متردايش ، فما بااالك ب آية

شدات حنكها و دارت شافت فيه لي عينيه زرقين ولاو حمرييييين بلعصااااااب معرفش عللااااااش دار هاكة شنووووو هو سبااااااب

#يتبع
❤المعنفة❤
📝سمر&سلمى📝

البارت:🌸44🌸

🖤💙وقاحة أسلوبك مع زوجتك لا ترفع من قيمتك ولا تزيد من هيبتك هي توضح إعاقتك العقلية لا أكثر ولا أقل..💙🖤

قربات منها أسيل عنقاتها و ندين مزال تحت تأتير صدمة أما صهان غير كتشوف ، فقط معجبهاش تصرف لي دار خوها ،

إياد:(بعصبية) شنووو درتيييي؟؟؟ واش نتا حمق

جاد مجاوبوش مشا جرها من عند أسيل بزز لي مكانتش باغاه إياخدها طلع لبيتو دخل سد لباب دار عندها لقاها هاربة كيف عادتها كتبكي ، مشا ليها نييييشان شدها من شعرها مخدها مزيااااااااااااااان و سرفقها

جاد:(بلغوات) جبدتي ليااااا لمشاكييييييييييل ، مع خووووويا نزااار و دابة مع دااااار تفوووووووو على منحووووسة الله إنعل نهاااااااار لي مشيت فيه باش نرتاح ولكن جبت غير لمشاكيل تفووووووووووو

آية غير كتبكي محسات حتى عاودها معاها بتسرفيقة ولكن هاد لمرة محبسش ضربها بكل جهدو كيف لعادة هي كتحاول تحامي على راسها بإيدياتها ولكن بدون جدوى هو قوي عليها بزاااف، من بعد هاد ضرب كلووو ختمها بضربة في كرشها هادشي لي خلاها تسرخ بأعلى صوت ناض و خلاها مليوحة لبيت كاااامل دم أما هي راه كلها وجها لبيض رجع حمر و زرق تنفخ و نيفها و فمها و فوق جبهتها دايز فيهم د***م

بقات مدة حتى بان ليها واقف على راسها لابس غير شورط ، تحنا عندها و بقا كيشوووف فيها كيفاش كتنخسس و شعرها مليوح وراها و في وجهها ، و د**م لاااسق على وجها بقا مدة حط إيدو على راسها ولكن هربات منو دغيا خايفة تكلم بكل جدية

جاد: (بحنية)باش متبقايش معدبة معايا ، خاص نطلقو
آية:(بصدمة و مزال كتبكي و كتشهق) لااا.. لاا . هءهء.. عفااااك.. والله هءهء مندير شي حاجة…. هءهءه عفااااك …هءهء راه انزيد نتعدب… هءهءهء.. الله إرحم ليك لواليدين هءهء انمشي و ايرجعوني لداك لعذاب هءهءهء (قربات منو و شدات في رجليه)عفاااااك غير ضربني لا بغيتي ….. هءهءهنء… غير متخلينيش نرجع تما هءهءه … الله إخلي ليك واليديك

جاد مصدوم من هدرتها ، ولكن لاهما تعيش تما ولا تبقا معاه هنا حتى يقتلها

جاد: قلت ليك شحال هادي هدرتي مكنحملش نعاودها

ناض و خلاها ، تجمعات و عنقات رجليها نسات داك لألم كثر ما كتفكر في لألم لي اتعيش فيه لا رجعات تما ، بكاااااات حتى عيات و نعسات حطات راسها على لحيط و غفات في نوم ملئ بلحزن

عند سلمى لي گالسة في بيت بنتها نديم لي بدورها غير كضوور

سلمى: ضرتي ليا ضوخة گلسي لأرض مالك على هاد لحالة
نديم: نتي اماما لي قلتي ليا انزوجك بولاد خالتي ندين ، ولكن هاهو طلع مزوج
سلمى: إوا راه باقي جود
نديم: جود راه زهواني في أي لحضة إلوحني ولكن اماما انا باغة جااااااااااد و نتي لي قلتي ليا انعاونك علييييه مفهمتش هاديك لهبيلة لي عاكسة راس اش عجبو فيها
سلمى: هاديك آية هي ختك لكبيرة(شافتها تصدمات) كنضن جاد مشا لعروبية و ديك شارفة مديال مريم زوجاتو بيها ولكن غير تهناي باينة مكتعجبوش شفتي قبيلة كيفاش سرفقها ههه ، يعني هاد آية حااالها سااااااهل انحيدوها دغيا من طريقنا ولكن مشكيل لي كاين هو ، نتي باقة صغيرة وهو عندو 26 عام ميبغيوش بعلاقتكم
نديم: سن ماشي مشكيل لموشكيل هو كيفاش انخليه إيبغيني
سلمى: تقربي منو ،
نديم: و هاديك بنتك
سلمى: اترجع عند ماما
نديم: واخا انتسناو خاص نكون قريبة ليه
سلمى: تمااااماا غير خدمي عقلك ياله بونوي

خرجات سلمى و توجهات لبيتها و هي مبتاسمة

#يتبع
❤المعنفة❤
📝سمر&سلمى📝

البارت:🌸45🌸

أصبحنا و أصبح الملك الله
بدات كتفيق بطلتنا و كتحس بلألم في جسدها و أكثر راسها من كثرة لبكا ، وقفات بزز قلبات في لبيت و ملقاتوش باينة مجاجش لبارح ،

دخلات دوشات بلما بارد و داتها كلها كضرها ، خرجات لابسة بينوار تقابلات مع لمارية كتشوف في وجهها لي كلو زرق و جراحي بقاو فيها معرفات مدير ليهم حيت مكتعرفش لماكياج مشات لبسات حوايجها و هبطات ، لقاهم كيفطرو بتاسمات و قربات منهم قالت صباح لخير ملي هزو راسهم فيها زادو تصدمو

ندين: ويلي ، اش داكشي ابنتي في وجهك
آية: (بنفس ابتسامة) لا ماشي شي حاجة (گلسات)
إياد: واش جاد لي دار ليك هكاك
آية: اا… لااا
إياد: جاد لفوق؟
آية: لا مكاينش

على إثر هاد لكلمات قدرو يفهمو شنو واقع ، مبغاوش إسولوها بزاف مع لعلم مشافوش دوك جوج لي كيبتاسنو فرحانين ، كلشي غادي مزيان بدون ما يعملو شي حاجة

نخليو هادو و نمشيو عند جاد لي ناعس في بيروه گالس و لووراق كلشي مشتت حدا راسو فاق على صوت دقان لباب و دخل منو مهدي ، عطاه تحية و عاد مشا گلس

مهدي: امالك واش بايت هنا
جاد: امم ،
مهدي: طلب قهوة باش تفيق شوي (هز طيلي طلب قهوة و رجع كيشوف فيه) عندي ليك معلومات جداد
جاد: قول
مهدي: أمير ناصيري ، عرفت شخص لي وصلو لهاد لمرتبة
جاد: شكون هو
مهدي: جعفر سراتي
جاد: شنوووووو
مهدي: وي و متأكد ،
جاد: ميمكنش ، جعفر كيتاجر في البنات في اسبانيا ،
مهدي: وي عارف و جعفر سراتي هو لي خلاه يوصل لهاد لمرتبة ، و خلاه يولي كيتاجر في المخدرات و لقتل
جاد: ولكن جعفر مات هادي 9 شهور
مهدي: وي مات و لسبب مجهول
جاد: يكون أمير لي قتلو
مهدي: مكنضنش أمير ميمكنش ليه إقتلو ، حيت دار فيه خير بالنسبة ليه
جاد: خاص نزيدو نبحتو و نعرفو فين هو دابة و معامن عايش و شنو كيدير
مهدي: مهمة صعبة ولكن انحاولو
جاد: مخاصكش تحاول و إنما أديييير

ناض مهدي وقف خارج لبيروه و بقا جاد كيلعب في ستيلو كيحاول إفسر حياة أمير لمعقدة

في برتغال
أمير كان في بيروه خدام حتى سمع دقان عطا لإدن و دخل واحد من ليگارد

گارد: وي مسيو
أمير : تأكد من جاد أرجي أوغلو واش مزال كيبحث عليا ، و جيب ليا معلومات أكثر عليه

خرج گارد من تما و بقا كيشوف ساهي ، و كيفكر في حبيبتو لي خلاها ناعسة ، مع فترة لحمل ولات نعاااسة بزاااف و كتااااااكل ، ناض وقف دخل لحمام غسل وجهو و شاف في لمراية كيشوف في راسو

أمير: صااافي ا أمير خاصك تبعد من هادشي ولاو عندك أعداء بزاااف خاص تفكر في حبيبتك و ولد خاصهم إعيشو في لهنا بدون هروب ،
اااااه ا جعفر فين كان عقلي حتى تبعت طريييييقك تفو طريق لحرام

ضرب إيدو مع لمراية
#فلاش_باك قبل 9 أشهر
كان في بيروه گالس و جعفر واقف عليه كيغوت

جعفر: لبنت داااااات ليك لعقل وليتي مقابلها غير هي ، دابة خسرنا 800 مليون من مخدرااااات بسباااااااابك و بسباااب ديك لبنت مفهمتش شنو وااااااقع ليك
أمير: انا كنبغييييييييها و أنبعد من هادشي لي كندير لا لقتل ولا مخدرات
جعفر: شنو ، ههههه باغيني نقتلك إدا(جبد سلاح و وجهو لأمير) غير نقتلك هاانية هههه
أمير: غير قتل أصلا حياتي كلها دوزتها معاك غير ف لقتل و مخدرات و لبنات لأبراياء
جعفر : واخا اسيدي

رجع سلاحو و خرج من بيروه معصب داز من حدا بيت جنات و أمير بتاسم بخبث ، دخل ليه لقاها گالسة كتفرج سد لباب و توجه ليها جنات سمعات صوت

جنات: أمير ، هه أجييي(تلاشات ابتسامتها ملي شافت جعفر)
جعفر: هاهو ازين جاي

جنات وقفات غادة مبعدة منو محسات حتى طار عليها شادها من شعرها لايحها فوق ناموسية و طلع فوقها جنات كتغوت بأحر جهدها ولكن صوت مكيتسمعش ، غير مدة قليلة بدا كيقطع ليها في حوايجها حتى تحل لباب كان أمير ليي كان غير دايز مبغاش إدخل عندها و هو معصب ولكن ملي سمع صوتها بدون تردد دخل لقا جعفر كيحاول اتعدا عليها بدون ميشعر شدو من لكول بقا غير كيضرب و جنات كتغوت عليه ملي حس بيه سخف ليه في إيديه هزو و توجه بيه لبالكو و لاحو على واحد لحديدات كيشعلو بضو فليل هادشي لي خلا مسارنو إخرجو دخل بزربة لا تخرج جنات و تشوفو ،

بقا كيهدي فيها مع لعلم مرضات مدة عاد قدرات تناسا داكشي لي وقع
#نهاية_فلاش_باك

#يتبع
💙🖤 تتمة💙🖤

عند نزار لي في بيتو و قدامو باليزة فلوس كيمشي و يجي

نزار: اش درتي ا نزار اش درتي ، علاااااش درتي هاكة ، تفو تفووووو كون غير مت

قاطع هدرتو صوت طقان و شي واحد بغا يحل لباب مشا نيشان لباليزة سدها و دارها جنب ناموسية حل لباب لقا ماماه و حاول يكتم توترو و داكشي لي دار

ربيعة: نتا هنا و انا كنصحابك خدام زيد زيد عاوني راه كلشي مجموع عليا ، حتى ديك لبنية آية مسكينة مريضة كلها زرقة واقيلة جاد كيضربها اما ديك سلمى و بنتها قتلوني غير بوجدي ليا ديري بحالا كيتوحمو ، زيد عاوني (حرك ليها براسو رجعات شافت و حطات إيديها على وجهو) ولدي حبيبي ، سمح ليا نتا راجل و كندخلك معايا لكوزينة غير كنبغيك تعاوني و صافي
نزار: لا لواليدة عادي لا بغيتي نتي گلسي و انا نطيب
ربيعة: ههه إخليك ليا اولدي ، ولكن مالك هاد لأيام
نزار: ساعتو الله الواليدة

هبطو بجوج دخلو نيشان لكوزينة بقا كيعاون فيها بينما ندين و نديم و سلمى و أميرة و أسيل في جردة كيتكلمو من غير آية لي في بيتها و إياد و صهان في صالون ممشاوش شريكة ليوم أيخدمو غيى فدار ، صهان كانت كطلع على حسابات شركة حتى لقات شي خلل تما

صهان: بابا ، فلوس شركة ناقصين
إياد: شنو ميمكنش
صهان: ااه هادشي لي كاين ، نعيط على نزار حيت هو لي مكلف بلحسابات
إياد: بلاتي حتى نتأكدو

دخلو لبنات من برا و إياد و صهان تأكدو بلي لفلوس مهزوزة تمشات صهان كلمات نزار لي كانو كيحطو في لغدة

إياد: نزار ، 200 مليون مهزوزة من فلوس شركة ،
نزار: معرفتش
صهان:(ببرودة) نتا لي مكلف بلحسابات
ربيعة: شنو كتقصدي ابنتي صهان
صهان: فين هما لفلوس ا نزار
ربيعة: ولدي معندو ميدير ب 200 مليون حنا عايشين من خلصتنا لي كتعطيونا في شهر أيكون غير شي سوء تفاهم
إياد: كنتمنا ، يمكن ليا نعرف فين هما فلوس شركة
نزار: معنديش( في خاطرو) جري عليا عفاك جريييي عليا ،
إياد: آخر مرة انسولك
ربيعة: ولدي إياد غير قلبو هو معندو ميدير بهاد لفلوس (ضارت عند نزار) ياك اولدي
نزار:(حس بلعافية في قلبو و غسة في حلقو و تحسر و ندم) انا لي هزيتهم
ربيعة:(بصدمة بحالها بحال كلشي حيت عارفين نزار إيموت و ميخونوش) ههه لا اولدي كضحك(دارت عند إياد) ولدي إياد غير قلب على شكون دار هكاك أما ولدي نزار لا ميديرهاش حيت معندو ميدير بهاد لفلوس
إياد: محتاج لفلوس اجي قولها ليا و متهزش من فلوس لموضفين ، علاش درتي هاكة
نزار: (مقصح وجهو) بغيت
إياد: اييه من حقك فلوس فلوسك

ربيعة ضارت عند ولدها جمعتها معاه بتسرفيقة ، ميمكنش إيدير هاكة في أشخاص معتابرينهم عائلتهم ميمكنش إخونهم و زيدها بلكدوب

ندين:(تمشات عنقاتو) بعدي منو ، كاين سوء تفاهم ياك اولدي؟؟
نزار: لا هزيتهم ، أنرجعهم و انمشي غير تهناو
إياد: علاش وليتي كتصرف هاكة
نزار: سمح ليا ، وشكرا على ثقتك لي مكانش خاصك ديرها فيا

ضار طالع لبيتو بزربة و هو متحسر على حالت ماماه لي گلسات في لأرض كتبكي كتردد كلمة وحدة”هادة ماشي ولدي” في حين نزار في بيتو مهز لا حوايج لا والو هز غير لفاليز لي فيها لفلوس و هبط خرج و خلا ماماه كتبكي هو مجرا عليه حتى واحد هو لي قرر إيمشي مخداش طونوبيل خلا كوووووولشي قرر يبدا من زيرو أول حاجة دار رجع لفلوس و خرج من لبنكة بقا ساهي فين يمشي و فين يجي و هو درهم معندو في جيبو تفكر أيام لي كان متشرد هو وماماه و كيفاش تلاقاو بندين و إياد و عتابروهم و حدين من عائلة و أول حاجة دارو فيهم ثقة

#يتبع
❤المعنفة❤
📝سمر&سلمى📝

البارت:🌸46🌸

💙الحب جميل لمن يحب برجولته لا بشهوته …..💙

جاد بعدما كمل خدمتو رجع لدار لقا نديم عند لباب طارت معنقاه سلم عليها ودخل كيبانو ليه لأجواء ماشي عاديين ، دخل بغا يسلم على ماماه وقفاتو

ندين:(بلغوات)انا مفهمتش مالكم ، واش محاميين عليا ولا شنو كل واحد منوضها من جيه انا فين نعطي راسي ، زعما قلت صافي كبرتكم خدمتكم حمد الله دارو عقلهم واكن عاااااد لحتوه مالكم على هاد لحالة راه حتى انا بنااااااادم كنحس عندييي قلب و عندي مشاعييير واش نشوف ولاادييي كتشتو قدامي و نبقا كنشووووف كنحس براسي بحالااا مربييييتكمش أحسن تربية نتا عاطيها غير لعنف و لغوات لاخر عاطيها غير زهووو و لبنااااات أما لاااخور تسطا هداك معرفتو فين زاد، ، في لحقيييقة كتندموني على نهار لي فكرة نتزوج فيه و نولد

مشات كتجري طالعة لبيتها و دموع مغرغرين ليها عينيها ، خلات جاد مسمر في بلاصتو كيشوف جا بغا إسلم عليها ساعة تفرگعات عليه ، في لول قال كتهدر عليه ولكن في لخر عرف بلي كاين شي واحد آخر مزبلها ، دار شاف فيهم و تكلم مع صهان

جاد: شنو واقع
صهان: الله اعلم ، غير ماما مقلقة شوي من ولادها
جاد: أسيل شنو واقع
سلمى: نزار سرق 200 مليون من فلوس شركة
ربيعة:(كانت من موراها و سمعاتها) ولدي مسراااااااقش ، ولدي عمروووو مسرق
سلمى: إوا جاد قال لينا بلي سرق فلوس شركة
ربيعة: هاد لهدرة كدووووووب ، كاين شي سوء تفاهم
نديم: إوا علاش قال لعمو إياد بلي عندي لفلوس ؟؟
صهان: سمحو ليا ولكن هادشي مكيخسكمش ، مسألة عائلية و مكنبغيوش لي يخشي راسو فيها ، حيت انقطعو ليه (بلعو ريقهم بجوج حيت عارفين صهان و شخصيتها لقوية )
جاد: مفهمتش و فين هو نزار دابة
ربيعة: هءهءهء خرج اولدي هءهء مدا معاه لا طنوبيل ولا هز فلوس
جاد:(باس راسها) غير خليه يرتاح و أيرجع

بتاسمات ليه و رجع طالع لبيتو محاملش إشوفها دخل لقاها متكية و عاطياه بضهر دخل دوش خرج صلا جوج ركعات ، دار شاف فيها متكية تغكر شنو دار ليها لبارح عزااات عليه تمشا إيشوفها لقا وجهها كلووووو حمر و عينيها منفوووخين بلحمورية و زروقية قرب منها كثر حط إيدو على راسها لقاااه سخووووووون بزاااف حرارتها مرتافعة ، حاول إفيقها ولكن والو ، هزها و دخلها لدوش عمر بانيو ما بارد و حطها فيه غوتات بغات تحيد ولكن هو متحكم فيها مزياااااااان مدة و سترخات بقا كيهز لما و يمسح ليها وجهها شوية شدها من كتافها بزوج و هبط ليها راسها وسط لما بقات كتركل و كتقمش فيه ولكن هو متحكم فيها مزياااااااان ، طلق منها هزات راسها كتحاول تنفس و حاطة إيدها على صدرو باش تبعدو ،

عاود شد كتافها و غطسها في لما بقات كتركل كتقمش في إيديه حتى دم داز منهم ، طلق منها ولكن هاد لمرة بدات تسخف كتشهق و كتحاول تنفس مزياااااااان ، خلاها حتى تنفسات و شدها من شعرها

جاد: هاد لمشاكيل لي حنا فيهم بسبااااابك ، متنسايش هادشي

حركات ليه براسها لا خبط ليها راسها مع داك بانيو حتى ولا لما بيض مخلط بدم بدات كتفقد لوعي و شداتها دوخة رجع شد ليها كتافها تكلمات بكل حزن و بكلمات متقطعة

آية: هء هء ع..عفااااااكك هء حبسسس……. هء هء انمووووت … هءهء
جاد: نيت هنيني من صداعك

رجع غطس ليها راسها في لما و هي كتركل حطات إيديها على وجهو من بعد طلقاتها و ترخات كلها تحت لما ، طلق منها جاد لقاها مدايرة حتى حركة ،

جاد: (رجع بلور)قتلتها

عند نزار لي تمشا جيهت لبحر و بقا گالس تما فوق واحد سخرة كيشوف في لبحر و كيشوف في حياتو كيف كانت و كيولات ، سمع صوت شي بنت كتبيع مناديل ورقية ولكن مداهاش فيها حتى وقفات عليه

……: عفاااك شري من عندي عفااااك
نزار: معنديش
……: عفاك غير درهم ، عفاااااك

حس بيها حيت حتى هو كان كيبيع لورد و كان كيطلب الناس إيشريو من عندو باش إلقا مياكل هو و ماماه ، دار عندها بشوي و تكلم

نزار: انا غير متشرد بحالك ، معندي والو من غير الله
……:(دخل لخاطرها و گلسات حداه) ولكن مبايناش فيك نتا لابس حوايج نقايين

دار شاف فيها بتمعن بحالا كيحفض صورتها ، هي زوينة و سميمرة شوي شعرها كحل عاينين كبار و زوينين فمها منفوخ مزين ليها وجهها كثر

….: ههه كتشوف فيا ، كيقولو ليا لعزية ،،
نزار: علاش
…..: حيت أنا بشرتي سمراء ، ولكن مشافوش قلوبهم سوداء
نزار: ههه حاقدة
…..: وي على كلشي
نزار: شنو لي مخرجك تبيعي كنينيكس
…: ماما ماتت ملي ولدات خويا صغير و بابا تزوج و متفمتش مع مرتو و خرجت دابة كاري ليا بيت انا و خويا
نزار: و هو يصرف عليك
…..: مسكين معندوش صالير كافي مقاتل مع زمان
نزار: ااااه

#يتبع
❤المعنفة❤
📝سمر&سلمى📝

البارت:🌸47🌸

……: انا سميتي إيناس و نتا
نزار: انا نزار
إيناس: ههه كاين شبه في سمياتنا(شافتو مضحكش) مديش عليا غير انا عزيز عليا ضحك
نزار:: واش مكتقرايش
إيناس: لا خرجت من سادس ولكن كنعرف نكتب و نقرا
نزار: مزيان
إيناس: نخليك خاص نمشي نبيع هااادو (أشارت لكارطونة لي فيها لورق)
نزار:(بأسى) سمحي ليا معنديش لفلوس
إيناس:(ضرباتو لكتفو من طرف ضحك) هههه واتا هاااااانية نوض نوض بيع معايا و قلب نيت على خدمة ، لي شافك لابس هاكة إيقول هادة غير شي ميخي
نزار: كيفاش ميخي
إيناس: هادوك لي لباس عليهم ، حيت هما مسمومين و عزيز عليهم فلوسهم ، ملي تقولي ليه عفاك شري من عندي كيجري عليك و هو طونوبيل لي راكب فيها تسكت دري لا بكا ، مكنحملهمش فيهم لعياقة و مكيبغيوش إوقفو حدا شي فقير مع لعلم حنا كااااملين بشر
نزار: ولكن ماشي گاع لي لباس عليه هكاك(تفكر ملي تلاقا بإياد و ندين)

#فلاش_باك
واقف وليد صغير هاز وريدات في إيديه مغلفين واقف حدا مرا كتبيع لخبز ، شوية بانت ليه سيارة فااااخرة دايزة من تما عينيه توسعو مشا كيجري ياله وقفات سيارة وقف عليهم كيدق في زاج ، هبط إياد زاج و تبسم ليه

نزار: عفاك اعمي خود وردة و عطيها لديك لوردة(على ندين)
إياد:(بتاسم من هدرتو) هههه واخا عطيهم ليا كاملين
نزار:(بدا كيحسب ليه) 1.2.3.4.5. هاهما 5 ب 50 درهم
إياد:(مد ليه 200 درهم) هاك خودها
نزار: معنديش صرف ولكن تسنا نمشي نصرف عند ماما

مشا كيجري مخلاش إياد إهدر و يقول ليه خودها ، هبطو من سيارة هاز جود و صهان و ندين هازة أسيل و جاد كيتمشى مشاو حدا مهم لي معندهاش صرف رجعات لفلوس لولدها

نزار:(بحزن)معندناش صرف (رجع بتاسم)ولكن خودو لخبز و هاكة انكونو تعادلنا
إياد: (بتاسم ليه من حركاتو) ههه لا مبغيتش غير خودها
ندين: واش كتكونو ديما هنا اختي
نزار: اااه ديما ، كنباتو تما(نعت لواحد لمكان تحت شانطي ، حاولات رببعة تسكتو ولكن هو هبيل غير كيعاود) ماما كتمشي تشري لخبز و تعاود تبيعو و انا كنمشي نشري لورد و نعاود نبيعو
إياد: وشنو بان ليك تجي تسكن معايا و تقابل ليا شي وريدات عندي فدار(شاف ف ربيعة بحالا تخلعات) وماماك تبقا توجد لينا لخبز كل مرة

#عودة
إيناس كتلوح قدامو حيت كان ساهي رد ليها لبال و شاف فيها مبتاسمة ليه و رجع ليها ابتسامة داتو لشي قهاوي باش إقلب على خدمة

نخليو هادو لي كيقلبو على خدمة و نمشيو عند جاد لي واقف حدا راس آية و أصلان عطاها شي دوا وقف كيشوف فيه

أصلان :تسطيتي ولا خرج ليك لعقل
جاد:متزيدش عليا البعر
أصلان: مفهمتش علاش مكتبغيوش لحقيقة ، كون مدرتيش ليها تنفس اصطناعي كون ماتت
جاد: و تموت گاع غير تهنيني
أصلان: ملي تقتلها شوف شنو تقول ل ربك غدا

خرج أصلان دغيا هبط لتحت بدون ميشوفوه كيضنو بلي ياله جا دخل سلم عليهم و خرج هو و مرتو و ولدو برا ل جردا أسيل عاودات ليه شنو وقع ولكن متصدمش من جاد حيت عارف مي لي صدمو هو نزار

#يتبع
💙🖤تتمة🖤💙

في برتغال
سايق بسرعة خيالية حتى وقف حدا مسجد كبير و زوييييين بقدا مدة كيشوف و دخل توضا و صلا جوج ركعات و گلس اطلب الله

أمير:(بعينين مغرغرين) يااااااربي ، كنحس بغسة في قلبي ، كنحس بذنب ، انا عااارف بلي درت شي حوايج مخاسهمش إدارو و منعاودش نديرهم ، انا كنطلب منك سماحة ، سمح ليا ياربي ، اي حاجة محرمها انبعد عليها ، انبدا حياتي من لول مع مرتي و ولدي ، عاوني باش تبقا هاد لأسرة متماسكة و متفرقش ، يارب أي شخص كنت سباب في موتو ولا قتلتو انحاول نسلح خطأي انعاون عائلاتهم كاااااملين ، بغيت غير مرتي و ولدي يبقاو معايا ديما ، انا بغيت نسلم راسي و نعاود كلشي لي درت ولكن منقدرش نخلي مرتي و ولدي ايتشردو ، منقدرش ، عاوني ، عفاك معندي احد سواك يااارب هديني على صلاة ، و وريني طريق مستقيم ، ياربي اغفر لي ذنوبي و سيآتي ياربيييي سمح لياااا

ناض وقف مسح دموعو و توجه عند لفقيه جامع لي غير شافو واشم عرفو ماشي مسلم سول عليه و تكلم معاه وراه كيفاش إصلي و كيفاش إقرا لقرآن و كيفاش اختمو بقا معاه مدة طويييييلة ، كيوريه في صلا ، خرج من تما فرحان ولكن ماشي 100/100 حيت عارف بلي رتاكب فواحش ، وصل لدارو لقا جنات كيف عادتها كتاكل و كتفرج ناضت سلمات عليه و قال ليها طلع لبيت ، عيط على شي رجال آمرهم باش إخويو داك ميني بار لي كانو فيه گاااع أنواع شراااب تما ، جابو مهندس وهو لي ايسايب ليه داك المكان ايرجعو مسجد صغير ، گاع بلايص لي كان فيهم شراب عمرهم قرآن و كتب اسلامية،

في قصر أرجي أوغلو
خرجات ربيعة هازة ساك في إيديها لقاتهم گالسين في صالة و وقفات عليهم و شادة ساكها كلشي مصدوم فيها اش هاد نهار من الصدمة لصدمة و مزال معرفو آية خنقها جاد ههههه “نقولها ليهم”

إياد: خالتي ربيعة ، فين غادة
ربيعة:(حانية راسها) معندي لوجه لي نشوف فيكم هءهء ولدي مخلا ليا وجه هءهء ،(هزات راسها فيهم بتوسل) مسحها فيا انا الله إرضي عليك اولدي
إياد: شنو هادشي لي كتقولي ، حطي داك ساك و انا ممقلقش من نزار ، و انا مجريتش عليه هو لي خرج راسو ، و هو ملي محتاج لفلوس إيقولها ليا و ميهزش من فلوس شركة حيت فلوس موضفين و ايجبد صداع و شركة ادير افلاس ، هو راه ولدي و أكيد عندو مشكيل خليه حتى يرتاح و يرجع
ربيعة:(عنقاتو) انا راضية عليكم دنيا و آخرة اولدي

#يتبع
❤المعنفة❤
📝سمر&سلمى📝

البارت:🌸48🌸

💙🖤المرأة لاتريد شيء من الرجل سوى الاهتمام والامان
وليس الحب كما يعتقد الرجل 💙🖤

في بيت جاد كان كيدوش و عقلو خدام مع آية معرفش اش ايدير معاها ، لوا عليه لفوطة و خرج لبس بوكسور في كحل و شورط في رمادي دار فوطة مور عنقو كيمسح بيها راسو و كيشوف في آية لي باغة تفيق فيقو من سهوتو غير لباب لي تحل و دخلات منو نديم شافت آية متكية و فاصمة على راسها مداتهاش فيها و كتشوف غير في جاد مع قصيرة جات في صدرو

جاد: راه كنلبس واقيلة ، شنو بغيتي
نديم:(كتسرط ريقها و عينيها غير في عضلاتو) س..سمح ليا .. بغيت غيير نتكلم معاك
جاد:فااش
نديم:(قربات منو و هزات فيه راسها حاضية عينيه زرقين) داب ملي جيت مخرجتش ، و بغيت نخرج انا وياك
جاد:(صغر عينيه عرفها علاش كتقلب) بنت ليك غير انا
نديم: لا..لا.. غير مكنتيق في حتا واحد(حطات إيديها على صدرو أما هو بقا جامد) كنتيق فيك غير نتا (تعالات على صباعها وطبعات قبلة خفيفة بزز حيت قصيييرة) علاش نتا مهموم (كتمرر اصبعها على صدرو) واش باغي لي يفاجيها عليك!!(هزات راسها فيه) انا ديالك ، كلييي
آية:(ملي تعالات و باستو شافتها لسانها تربط عليها نطقات بصدمة) ختييي
نديم:(خسرات صيفتها واش هادي ملقات إيمتا تفيق بعدات على جاد جوج خطوات) نخليك ، انتسناك ا جاد
جاد:(رجع كينشف في شعرو بحالا مواقع وااااااالو مداهاش في ديك خيتي لي عينيها غررو بدموع) شوية و بدلي لفاصمة
آية: شنو واقع
جاد: ياكما فقدتي ذاكرة
آية: كنهدر على نديم

جاد شافها هدرات معاه بديك طريقة مشا ليها ساعر شدها من إيديها مبغاش إيزيد عليها

جاد: شفت لسان بدا كيتطلق ،
آية:ر..رراه حنا مزوجييين…
جاد: قريب انتطلقو و منبقاوش مزوجين غير رتاحي

خرج و خلاها كتبكي كيف عادتها
آية: هءهءهء.. منبقاش هاااكة هءهء

عند نزار لي ملقا فين إيبات رجع فين تلاقا بإيناس لقاها مزار كتبيع في كنينيكس بقا حاضيها كيفاش كتعرض لناس و تقول ليهم شريو من عندي بتاسم بدون ميحس ، كل واحد و همو و كل واحد و حياتو ، بقا مدة و جات عندو

إيناس: واش ملقيتيش خدمة
نزار: لا
إيناس : وفين اتبات
نزار: غير شي بلاصة هنا
إيناس:(قطع ليها قلبها) بفففف راه كاين لبرد
نزار: ماشي مشكيل
إيناس: نعاونك؟؟(شاف فيها و علامة استفهام على وجهو) ياله معايا لدار ، مخاصكش تبقا هنا ، راه ايديوك لبوليس ، ولا يتعرضو ليك شفارة (ضحكات) هههه واخا معندك ميتشفر

بتاسم ليها و مرفضش بقاو كيتمشاو و كيهدرو حتى وصلو لواحد لحي شعبي
#يتبع
❤المعنفة❤
📝سمر&سلمى📝

البارت:🌸49🌸

#أصبحنا_و_أصبح_الملك_الله

فاق إياد كيف عادتو دخل دوش و خرج لبس لباسو لأنيق دار بارفانو باس راس ندين لي في سابع نومة و خرج ، هز طيلي شاف ميساج سدو و طلع لسيارتو متوجه لعنوان لي وصلو ، بعد مدة كان في جرف لبحر كيلاحض الناس غاديين جايين هابطين لبحر و طالعين منو بانت ليه بنت كضور و كتبيع كنينيكس عيط عليها وجات عندو كتجري

إيناس: عافاك شري من عندي
إياد: بغيت نسولك
إيناس:واخا اعمي سول
إياد: فين هو نزار
إيناس:(تفكراتو) ااه علاش كتسول
إياد: طرحت سؤال اتجاوبيني عليه ماشي تعاودي سؤال
إيناس:(خلعها) ووااخة تسنا نمشي نكلمو ليك

مشات كتجري هابطة لبحر لقاتو لابس غير شورط ضاهر عليه كان كيعوم ، وقفات عليه كتنهج

إيناس: شييي وااااحد كيسول علييييك
نزار: شكون
إيناس: معرفتووووش ، واحد راجل بحالا باغي إقتلني
نزار:(طاح في بالو رجال أمير تخلع عليها) فين هو

نعتات ليه لفوق ولكن مشاف والو ، لبس تيشرط و طلع كيجري و هي موراه حتى وصل لقا إياد متكي على سيارتو رونج كحلة ، دار شاف فيه و مشا عندو شاف في إيناس لي غير كتشوف

إياد: صافي غير سيري(مشات و عينيها على نزار) هاني كنسمعك
نزار: فاش
إياد : علاش خرجتي من دار و شنو هو مشكيل لي عندك
نزار: مكاين والو
إياد: منعاودش سؤالي
نزار: ماشي شي حاجة
إياد: يا غا تهدر ولا نسا راك بحال ولدي
نزار: طحت في واحد مشكيل
إياد: عارف ولكن شنو هو هاد لمشكيل لي يخليك تصرف على غير طبيعتك
نزار: واحد شخص عندو عداوة مع جاد و قال لي إلا مجبتش ليه معلومات عليه أيقتل ماما و ماما ندين و انا مقادش على صداع لهذا درت هكاك باش تجري عليا و علاقتي بيكم اتكون نقاطعات و عدوو جاد ايبعد مني ، ملي مجريتيش عليا خرجت راسي
إياد: وعلاش مقلتيهاش ليا
نزار: خايف لا تزيدو تورطو في هاد لمشكل
إياد: دابة نتا راك ذكي
نزار: حيت انا هو يد يمنى لجاد و كنعرف صغيرة و لكبيرة عليه ، إلا بعدت منو منبقا نعرف والو و داك زبل معندو ميدير بيا
إياد: سير دار لي في جبل و بقا تما
نزار: لا
إياد: علاش
نزار: بغيت نبقا هاكة
إياد: على خاطرك(مد ليه تيليفونو و كارط گيشي خداهم و توجه راجع) عنداك تولفها ، ولعكس صحيح
نزار: علاااش
إياد: ولف صعيب

قال هاد جوج كلمات و طلع مكسيري ، متوجه لشريكتو ، رجعات عندو إيناس سولاتو قال ليها بلي كان خدام عندو
عند جاد ، لي گالس في بيروه حتى دخل عليه مهدي بحال رعدة

مهدي: عندي ليك واحد لخبار على أمير وااااعرة
جاد: شنو هي
مهدي: مزوج
جاد: و انا مالي ، بغيت خبار زوييينة
مهدي: خليني نكمل ، لبنت باقة صغيرة ياله كملات دابة 18 عام كون عرفناها شحال هادي كون قبضنا عليه حيت مزوج بقاصر مهيم سولت على لبنت و قالو بلي نهار خطبتها ماتو واليديها و لبنت تزوجات بلي خطبها لحد لآن عمرهم شافوها
جاد: شنو زعما يكون خاطفها
مهدي: لا(لاح ليه تصاورهم خارجين و ضاحكين) أتكون شي قضية من مور هادشي ، لبنت فرحانة معاه ،
جاد: نهار لي مشا اخطب ، ماتو واليديها !!! ايكون موتهم متعلق بيه
مهدي: إوا و علاش لبنت مزال عايشة معاه
جاد: مكلخ ، باينة كادب عليها
#يتبع
❤المعنفة❤
📝سمر&سلمى📝

البارت:🌸50🌸

#تسريع_لأحداث

بعد مرور شهر و أيام قليلة ، هاد لمدة متبدل فيها والو ، نزار مزال عايش مع إيناس لي مزال معارفاش حياتو كاملة من غير انو متشرد ، و جود و أميرة علاقتهم طورات و حتى أميرة بدون متحس طاحت في جود ، أسيل مزال كتبكي كل مرة حيت باغة تحمل ، و أمير أي حاجة كتعلق ب لحرام و لإجرام بعد منها مع لعلم هادشي جبد ليه مشاكيل ولكن لي كيفكر فيه حاليا هو كيفاش يأمن مستقبل لولدو و مرتو

جاد لي علاقتو ب آية مزال هي هي متبدل فيها والو مزال لعنف ، ولا بحال شي واحد هبيل كيضربها وفي لخر كيمشي إيداوي ليها رجعو لدارهم و نديم خطتها منجحاتش حيت باغة تبقا قريبة منو ولكن كل مرة كتقرب منو و في لأخير كتمشي تقولها ل آية ، زعما باش تفقص

#أصبحنا_و_أصبح_الملك_الله
فاقت كيف عادتها دارت عندو بقات كتشوف في وجهو و شعرو و فمو ناضت لاوية عليها ليزار دخلات دوشات خرجات صلات ركيعات و دارت بومادة لوجهها على قبل ضرب و زروقية تحيد منها، هبطات توجد لفطور لراجلها ، لي بدورو فاق كيف عادتو دوش صلا ركيعات لبس لبستو رسمية و هبط لقاها كتسخن في لمسمن كب ليه أتاي و گلس افطر ياله بدا صونا عليه تيليفون و جاوب

مهدي: عندي ليك واحد لخباااااار وااااااعرة
جاد: شنو هي
مهدي: أمير ناصيري جا المغرب
جاد:(وحلات ليه لماكلة و كيكحب) كححح…. كح..كحح شنووو كح..كح(آية مدات ليه لما) واش متأكد
مهدي: اااااه
جاد:احم.. راقبو .. متبعدش عينيك عليه
مهدي: كون هاني
جاد:(قطع لقاها باقة واقفة على راسو) مااالك
آية: والو غير مديت ليك لما
جاد: واخا شكرا (نااااري شكرها💃🏻)
آية: نطلبك
جاد:لا
آية: واخا ، غير ملي تكون جاي جيب معاك ليمون
جاد:مكنبغيهش
آية: عفاك ليا انا
جاد: لا

هز سوارتو و خرج هي گلسات دمع ، گلسات تفطر محلولة ليها شهية هاد لأيام فطرات سمعات دقان مشات حلات لباب لقات نديم

نديم: فين هو جاد
آية: (واقفة على باب و دايرة إيد على إيد) مكاينش مشا لخدمتو
نديم: امم حيت قال ليا نجي عندو
آية: إوا ممسوقش ليك مشا و خلاك
نديم: هههه نتي لي أيمشي و يخليك ، ملي اطلقو انتزوجو حنا
آية: منطلقوش
نديم:(تعصبات كتلعب ليها على لأعصابها)غادييين طلقو واش فهمتي و ايتزوج بيا اناااااا

دفعاتها حتى طاحت و دخلات كتجري طالعة لبيتو لفوق آية وقفات دغيا مشات تابعاها حبساتها قبل مدخل لبيت ، نديم سرفقات آية حتى دارت و دخلات لقات شوميز دونوي مليوح في لأرض و حوايج جاد كدلك ضاهر على ليلتهم لحميمة لي دازت لبارح ، بتاسمات ليها آية و شافت فيها

آية: مخاصكش دخلي لبيت لأزواج

سرفقاتها نديم و طارت عليها آية شداتها من شعرها كتجر عندها و نديم شادة وجهها قمشاتها و آية كتنتف فيها و كتجر في وجهها حتى كتغوت طلقات منها و نديم كتقيس في وجهها و كتبكي ، خرجات من لبيت تبعاتها آية كتنهج وصلات دروج و دارت شافت فآية ، بتاسمات ليها بشر و طاحت من دروج آية غوتات و هي بقات تما كدور حتى وصلات آخر درجة و وقفات وجها دغيا ولات ديك لبلاصة د**م ،

#يتبع
💙🖤تتمة🖤💙

آية مزال مصدومة هبطات كتجري عندها عيطات عليها ولكن والو ضوراتها عندها لقات وجهها كلو د**م بلقميش و جروح لي فيها حطات إيديها فوق راسها هزاتها عندها تكاتها على ركابيها

آية:هءهءهء نديييم هءهء غير فيقي متموتيش ماما اتسطا هءهءهء نديييم والله حتى نطلق من جاد كيف بغيتو هءهءهء فيقييي بابا و ماما ايبقا فيهم لحااااال

لا من مجيب هزات إيديها لقاتهم كلهم د**م مسحات دموعها و د**م لسق في جهها ، بغات تعيط على جاد ولكن معندها لا تيليفون لا والو ، وصل وقت غدا جاد هز سوارتو و خرج متوجه لدار وقف في طريق خدا ليمون ل آية و كمل طريقو وصل لدار ياله فتح لباب حتى كيشوف آية كلهاااااااااااا د**م و نديم طايحة و ضاية ديال د**م في لأرض ، ساشي لي كان هاز فيها ليمون طاحت و ليمون تشتت هزات فيه راسها بعينيها مدمعييين قرب منها خايف

جاد: شنووو واااقع ماااالك ا آية ، مال هادي(كيقلب فيها) نديييم ، نديم فيقي (جبد طيلي عيط على لإسعاف و دار شاف ف آية) شنووووو واااقع
آية: هءهءهء معرفتش ، هءهءهء طاحت من دروج
جاد: موووصييييبة معاااااك ، و علااااااش حليتي لباب خليها دق حتى تعيا و تمشي
آية: هي لي دخلات (بتوسل) والله ماااادرت شي حااااجة والله هي لي ضرباتني و بغات دخل لبيت ملي تبعتها و جريت عليها طاحت من دروج
جاد: دفعتيها
آية:: لا…لاااااا لا والله مقصتها والله مدرت شي حاجة هءهءهء والله و ربي شاهد عليا
جاد:صافي سكتي خلي نفكو حريرتها ،

وصلات لإسعاف عيط على ماماها و هو ممشاش معاها هز آية طلعها لدوش مبغاتش تحبس من لبكا طلق لما و بدا كيغسل ليها حالتها لي كلللللها كانت د**م كيبان غير دم في لأرض هابط غسل ليها مزيان خرجات لبسات حوايجها و حتى هو بدل و خرجو متوجهين لسبيطار ، لي طريق كلو و آية مسكتاتش من لبكا وصلو لقاو لعائلة تما و ماماها كتبكي ، شافت جاد مشات عندو كتجري

سلمى: اااش وقع لبنتي ، قول ليا شنو وقع
جاد: طاحت من دروج
سلمى:(شافت ف آية لي وجهها مجروح و كتبكي) كيفاش طاحت من دروج، و هادي علاش وجهها هاكة
جاد: دابزو و نديم ملي كانت هابطة طاحت
سلمى:(سمعات دابزو طارت على آية ، ولكن جاد دغيا شدها و دارها من مور ضهرو) اش داك تقيسي بنتي ابنت لحرام ، اش داك تقربي ليها ، انا بنتي مربياها ميمكنش تقيصك نتي لي ممربياش تفوووو كنشوف منك غير لمشاكيل و نحس ،(شداتها من إيديها و جاد كيحاول افك خايف لا يفلت فيها شي دقة) كووون غيييييير قتلتك ، كووون غييييير لحتك لشي كلاب فرسوك يا لكلبة

جاد بدون شعور سرفقها هي قدها قد ماماه ولكن محسش براسو ، بصح مكيبغيش آية ولكن كتبقا مرتو و لهدرة لي تقالت عليها كتقال عليه هو ، تعصب بزاااف

جاد: آاااخر مرة تقولي عليها هااااكة ولا انا اندفنك حية واش فهمتييي ، وبنتك را روضة هي لي ق***حبة تابعاني انا مزوج و ماشي قدها ، باراكة متبقاي تحرشي في بنتك باش تقرب مني راه لا جيت ندير راسي فيكم انقيسها و نلوحها شنو زعما كضني انتزوج بيها . نونو راك غااالطة ، حمدي الله مقصتهاش حيت مزوج ، ولا قصتها كتسما زينة ، ولا نتي مولفة بيها و بغيتي تعليميها لبنتك (سرفقاتو سلمى و حاول إدخل إياد من غير يوسف لي كيشوف بصح جاد عندو لحق) لمرة جايا نشوف بنتك قدامي منعقلش عليها ،

جر آية و خرجو
❤المعنفة❤
📝سمر&سلمى📝

البارت:🌸51🌸

💙🖤صدقنيي يا رجل أن تدافع عن كرامتي وانت تسلبها هدا لا يعني شفاعتك كيف لي ان أشفع لك وانت من علمتني اني مجرد قطعة قماش تمسح بيها غضبك ما تشاء💙🖤

وصلو لدار لقات دار مزال كلهااا دم طلع لبيتو نيشان مشات تجمع ديك دنيا و تبكي ، بعد مدة هبط لقاها گالسة كتبكي ماشي على ختها ولكن على زهرها لي معندهاش و على ماماها لي مكتبغيهاش ، هي خطأها لوحيد هو انه جات لهاد دنيا ، بصح كون غير قتلاتها ولا خلاتها تعيش هاكة ، من عذاب ل عذاب حتى بلاصة ملقات فيها راحة ، شنو زعما هي لهاد درجة منحووسة و معندها زهر ، لا راجل يبغيها ولا حياة تحن فيها لا لبرد إدفيها ، كل ما كتدير دابة هو صبر ، هادة هو حلها لوحيد ، و عندها يقين بلي كلشييي ايتصلح و اتولي فرحانة في حياتها ، وسط هاد تفكير قاطعها جاد

جاد: علاش دابة كتبكي
آية:(هزات عينيها فيه) كنبكي على زهري و على حياتي لي معنديش ، كون غير قتلاتني قبلما نجي لهاد دنيا ، كون غير مت ، حياتي دوزتها في لعذاب ، نهار زوين مشفتوش ، أصلا هءهء حتى واحد مكيبغيني ، كلشييي باغيني نمووت (جاد كيشوف فيها بتمعن بقات فيه) ولكن واخا هكاك انا مسامحة لكلشي ، سمحت لكلشييييي( رجعات شافت فيه) حتى خالتي يامنة لي مدوزة عليا لعذاب حتى هي مسامحة ليها ، و….
جاد:(قاطعها) و أنا !!!
آية:(سكتات شوي و هدرات) حتى نتا ، و حتى ماما و بابا
جاد:(بنبرة حادة) علاش كتقولي ليهم بابا و ماما واش منيتك هما ممعتابرينكش واش كاااينة ، خدمي عقلك و حيدي منك داك تبوهيل(لهبال) نتي مقارية ما والو و زيديها لعقل معندكش ، همااااا مكييييبغيييييييوكششش فهمييييييي
آية: عااارفة ، انا عااارفة بلي حتى وااااحد مكيبغيني هااادشي عاااااارفاه ولكن انا منكرهمش حيت كتبقا ماما و هو بابا ،
جاد:(تعصب ضرب ايدو مع لحيط) ياااربي اش هاد لمكلخة ، واش لا قالك شي واحد راه مكنبغيكش واش مكيضركش خاطرك ، واش معندكش كرااامة
آية: كون كانت عندي كرامة من نهار لول فاش جيت معاك كون هربت ولا نتاحرت ولا رجعت بحالي ، ولكن راه انا معندي كرامة معندي نفس ، عرفتي علاااش ، حيت كيف كيقولو ليا ملقطة غير من زنقة ، و كون درت كرامة و عز نفسي كون معندي مناكل و معندي باش نعيش، ولكن ملي كيعايروني و لا كيضربوني كنسكت و كنعفط على هاد لكرامة حيت لا دافعت على راسي انتشرد
جاد: انمشي سبيطار دابة
آية: نمشي معاك
جاد: لا

خرج و خلاها هبط معصب من هدرتها ، بقات فيه ، هدرتها لي قالت كلها كتعاود في ودنو حس براسو ماشي راجل ملي قالت ليه انا مسامحاك(أصلا راك ماشي راجل🙂) رجع تذكر كلام ماماه لي قالت ليه مرباتهمش أحسن تربية خبط إيدو مع طونوبيل و طلع

جاد: هادة ماااشي انا ، جاد مكيهزش إيدو على بنت لمرا ، لا ا جاد ، تفوووووو، صافي مكنبغيهاش نطلق منها علاش كنضربها (شد راسو بإيديه) يااااااربي ، راه راسي ايطرطق تفووووو

كسيرا بسرعة متوجه لمستشفى ماماه وصل لقاهم داخلين عندها ، لقا عليهم سلام نديم غير شافتو بدات دمع

نديم: هءهء جاااد هءهء مرتك ضرباتني ، هءهء شوف شنو دارت ليا هءهء (كتوريه في وجهها) هءهء خسرات ليا وجهييي ا ماما
يعقوب: حتى نتي راك ضربتيها واش مكتحتارميش راه ختك هاديك كبر منك
نديم: مختيش ، هءهء هي مسمومة ، مشيت عندها غير باش نشوفهم و نبدل لجو ، حتى صدقات مجريا عليا
جاد: ملي جرات عليك اش داك دخلي لبيتي وطحتي من دروج
نديم: كنت بغيت نشوفك باش نوريك مرتك شنو بغات دير ليا ، ولكن هي دفعاتني
جاد: هي قالت ليا بلي مدفعاتكش
نديم: ضروري ، مغتقولش ليك راني دفعتها
جاد: هي قالت بلي مدفعااتكش إدا مدفعااتكش ، باراكة من لكدووب ديالك ، فوووتيها عليييك ولا لمرة جااايا انا لي انلوحك من شرجم ماشي من دروج
سلمى: حتارم راسك ا جاد ، و حنا انقدمو بيها شكوى ، لعنف و محاولة لقتل
جاد: اتمشي تكمشي حدا بنتك ولا انصدق انا مدخلك لحبس بشلاااا تهم
يعقوب: مامااا ، راه بنتك هاديك و متنسايش راه نديم لي مشات لدارها
نديم: كتجيييي من ديك لعروبية غير كتحزم راسها و كتبدى دور ، و انا لي ختك نسيتيني
يعقوب: كنجي من لحق ، بعدو من لبنت
سلمى: مشوقكش ا يعقوب لي دار دنب يستاهل لعقوبة و آية ضربات ليا بنتي شوف حالتها كيف دايرة
ندين: الله يهديك ا سلمى نديم مافيها والو غير دوك جروح صافي ممهرسة و ماوالو
سلمى: مسووقكش ، متقيسش ليا بنتي
جاد: ياله تمشي باش تقدمي عليها شكوى ، و من بعد عندي ليك مفاجأة على بنتك
نديم: شنو هي
جاد: مفاجأة

#يتبع
❤المعنفة❤
📝سمر&سلمى📝

البارت:🌸52🌸

خرج و خلاهم ، توجه لدار راجع وصل لقاها گالسة كتاكل في ليمون لي جاب و لخبز

جاد: اش كديري
آية: غير جاني جوع
جاد: ليمون و لخبز ياع
آية: كيف بقات نديم
جاد: لباس عليها أيقدمو بيك شكوى
آية:: كيفاش
آية: بغات دخلك لحبس

لاحت داكشي لي في إيديها دغيا كتكحب و مخرجة عينيها فيه دغيا بدات كتبكي

آية: أويلي على لحبس ، ربي شاهد والله مدرت شي حاجة والله مدفعتها ، اه ضاربنا بصح ولكن مدفعتهاش والله طاحت راسها ، الله يا ميمتي من موصيبة لموصيبة هءهء عفاااك والله مدرت شي حاجة گول ل ماما بلي مدرت والو هءهء
جاد: ماماك هي لي بغات دخلك لحبس
آية:(بصدمة) شنوو ، هءهء حشومة عليها انا فاش وصلتها هءهء عمرني قربت ليها ولا آديتها هءهء كانت كتجيي..

#فلاش_باك
بنت في سن 13 عام واقفة بنت ببوطها كتسرح في لبهايم و لغنم حتى دازت سيارة دارت تشوف بان ليها باباها و ماماها فرحات بزاااف مشات كتجري تابعاهم ، يعقوب وسط طونبيل دار كيشوف فيها كتجري تابعاهم

يعقوب: بابا هاد لبنت تابعانا

شاف يوسف في مراية لقاها آية واخا هكاك محبسش حتى وصلو قدام دار عائلة سلمى ياله حل لباب و هبط معرف راسو باش تبلا طارت عليه معنقاه من رجليه و كتكرر كلمة”توحشتكم” بعدها منو مشات كتجري عند سلمى لي كانت كتسلم على ماماها معنقاها كدلك من رجليها بعداتها عليها ، حتى دفعاتها فاطنة(مامات سلمى)

فاطنة: سيري لهيه مالك على هاد لحالة ، سيري تلعبي
آية: غير خليني عافاك
فاطنة: (هزت حجرة) اتمشي ولا لا

بقات راجعة بلور كتشوف في يوسف هاز ولدو و بدات كتبكي ، بعد ساعات كانو خارجين كيدورو في لبلاد و يشوفو طبيعة حتى سمعو بكا شي بنت و وغوات مرا

سلمى: شنو واقع
فاطنة: غير يامنة كيف عادتها كتغاوت مع ديك سليعفانة

سلمى عرفاتها على بنتها حتى بانت ليهم آية جايا كتجري هربانا تخبات من مور رجلين سلمى ، و يامنة تابعاها و صلات سلمات على سلمى و يوسف و بغات تجر آية

يامنة:(بلغوات) يا غتزيدي ولا نبيتك مع لبهايم ،
آية: هءهء هء لا لا والله ما درتها بلعاني هءهء غير نسيتهم
يامنة: (شداتها من يدها ) زيدي ليوم بيا ولا بيك
آية: (تفكات منها بزز و مشات تخشات في يوسف) هءهء والله منعاود ، بابا عفااااك (شداتها و جراتها عندها و آية بقات شادة يد في يد يوسف و يد تانية شادة في شعرها منين شادة يامنة) عفاااااك ابابا عفااااااك ، هءهء هء بااابااااا عفاااااك مطلقنيش ا بابا عفااااك ، هءهء بااابااا

طلقها و داتها يامنة كتضرب فيها بسباب لبهايم لي خلات قبيلة و كلاو ليها شي خضرة زارعاها

#عودة
آية مسحات دموعها و كتشوف في جاد ،

آية: عمرهم بغاوني

عند جود في لفيلا ياله وصل جار فاليز لقا ربيعة

جود: خالتي ربيعة كيبان ليا سقيل ياكما دايرين ليا شي مفاجأة
رببعة: ههه لا لا اولدي باباك في شركة و ماماك في خدمتها و خالتك سلمى مشاو سبيطار حيت نديم طاحت من دروج عند آية
جود:ااه واخا و أميرة
ربيعة: في بيتها ياله طلعات باش تنعس
جود: واخا لحنانة

مشا كيجري طالع في دروج دار راسو ايدخل لبيتو دار لقا ربيعة دخلات لكوزينة و مشا عند أميرة دخل بلا دقان لقاها كتمشط شعرها دارت شافت فيه مصدومة خلعها

جود: أهلا لحب
أميرة: شنو كدير ، دق في لباب و دخل
جود: هاي هاي غا تسناي نتزوجو و نوريك دق في لباب ، (أميرة وجهها حمار حشمات بدا كيقرب منها حتى غطس راسو وسط شعرها) احححح على رييييييحة كتهبلني، (دار شاف فيها) شي نهار لا بغيت نسكر غير نجي نشم ريحتك

أميرة غرقات في حوايجها من هدرتو ، هز راسها و طبع قبلة حدا فمها ، خدا من عندها لمشط و بدا يسرح ليها في شعرها و كل شوي كيهزو اشم فييه و يستنشق ريحتها

أميرة : امم جود
جود: اححح روووح جود
إميرة: انرجع لدار هاد أسبوعين
جود:(طلق من شعرها و دورها عندو ) علااااش
أميرة: حيت صافي كملت لقراية، ولكن لجامعة انقراها هنا
جود: راه 3 شهر عاد اتقراي في لجامعة
أميرة: ماشي مشكيل
جود:( ضرب داك لمشط مع لحيط ) أميييييييرة كيييفاش ماشي مشكيل واش مرييييضة في مخك لااااا ، بااااينة خرج ليك لعقل ، واش مكتبغينيش ياك
أميرة:(قاطعاتو) لا لا كنبغيك والله ولكن بابا لي قال ليا نجي
جود: إلا كنتي كتبغيني أتبقاي ، مكنتيش كتبغيني صافي سيري

خرج و خلاها كتبكي هي كتبغيه ولكن راه جات على قبل قرايتها دابة كملتها و خاصها ترجع راه توحشات باباها و خوها ، و غدوز غير 3 شهور دغيا و اترجع

#يتبع
🖤💙تتمة🖤💙

جاد: نوضي جمعي حوايجك
آية: علاااش
جاد: منعااااودش هدرتيييي

ناضت مقادة على عصا عوتاني جمعات بيجاماتها دارتهم في ساكها و لبسات جلابيتها لي جات بيها و عكسات راسها ، هبطات عندو شافها دايرة داك ساك

جاد: مالك على داك ساك غادة تجني بطاطا

خداه من عندها و طلع لبيتو جبد فاليز صغيرة خوا فيها حوايجها ، هبط لقاها هازة سوبيرة و ليمون و لخبز لاوية عليه زيف

جاد: اش هادشي
آية: هادشي مناكل في لحبس ولا مكانش عندهم ليمون و لخبز نموت بجوع
جاد: ياااااربي اشمن حبس يهديك الله ، زيدي قدامي مغتمشي لا حبس لا والو
آية : بصصصصح ، ولكن علاش جمعت حوايجي
جاد: زيدي قدامي

مد ليها فاليز هزاتها عجباااتها هبطو طلع في طونوبيلتو و ساق مكسيري كيف عادتو هي غير حادية الناس و طونوبيلات و كتشوف في لمدينة كيف دايرة شوية حسات بطونوبيل وقفات دارت عندو لقاتو حل لباب ، هبطات سمعات صوت لماج و ريحة لملحة دارت بان ليها لبحر ، حلات فمها بزاااف كتشوف ، أول مرة في حيااااتها اتشوفو رجليها فشلو عليها جاد بقا حاديها مدة ، دغيا عينيها دازو بدموع من كثرة لفرحة ، جرها جاد غاديين مع طريق باش يهبطو ليه وصلو لرملة آية بدات كضحك بهستيرية باينة أول مرة اتجي ليه غير من لبسها و شكلها و طريقتها كيفاش كتصرف ، جاد شاف نزار خارج من لبحر لابس غير شورط بغا يعيط ليه بانت ليه بنت متوجهة عندو كتجري هازة علبة كنينيكس في إيديها

إيناس: ههه شوووف واحد راجل عطاني 20 درهم
نزار: هههه مبروووك
إيناس: ههههه ياله اجي بيع معايا
نزار : واخا

جاد شير على نزار شافتو إيناس و ضنات شير عليها غير خطوات قليلة و وصلات عندو

جاد:لا ماشي عليك ، نتي (وصل عندو نزار كيقول ليه يسكت من مور إيناس ، مفهم والو ) نزار شنو واقع
إيناس:(ضارت عند نزار) واش كتعرفو
نزار : امم لاا ، ولكن فايت ليا غسلت ليه طونوبيلتو
إيناس: واش بيغيتيه يغسل ليك طونوبيل ، واخا انتعاونو عليها و نسرببوها دغيا
جاد: (فهم لبلان) مالي واخد عروسة تسربيوها ،
آية: (حانية راسها حيت ملابسش)سلام خويا نزار
نزار:(عاق براسو و لبس تيشورط و خاطب إيناس) غيري سيري ا إيناس نسالي انجي (مشات و شاف في جاد و آية) اش كديرو هنا ههه
آية: جيت نشوف لبحر ههه
نزار: بصحتك ، ياله ندخلو نعومو
جاد: منيتك شوف اش لابس و أصلا معنديش لوقت تابعاني طريق ، أجي نگلسو هنا شوي

مشاو گلسو فوق شي صخرات و بقا حاضيين لبحر منهم آية لي مرساتش بحالا كتحاول تحفض صورتو ، داز ولد كيبيع بيني خدا ليها جاد 3 ههه (مبانش ليكم جاد تبدل 180 درجة) طلباتو آية تمشي تقيس لبحر و داكشي لي كان غير كيبان ليها لما جاي كتخاف ، حتى جات عندها إيناس وشجعاتها تقيس لما ، بقاو كيلعبو شوية حتى عيط عليها جاد و لحال قرب يضلام خرجو شادين طريق آية بقات كتشوووف في طريق دازو شي جوج سوايع و هما مزال شادين حتى وقفو دارت آية كتشوف ، مزال عاقلة على هاد لبلاصة مزيان

آية:(بصدمة) علاش جينا لهنا ا جاد
جاد: هبطي
آية: لا ا جاد ، لاااا ، لااا منقدرش ، جاااد لاااا ، (بقات كدور في جنابها و كتكلم بهستيرية) لااا لاااا مبغييييتش ، لاااااا ا جااااد لاااااا، عفاك ياله نرجعو ياله نمشيو

#يتبع
❤المعنفة❤
📝سمر&سلمى📝

البارت:🌸53🌸

💙🖤نصف جمال الانسان في لسانه والنصف الاخر في عقله أما الوجه ليس اكثر من غلاف يتغير مع مرور الزمن💙🖤

آية كتشوف في لبيت لي كانت كتسكن فيه و كدور تشوف في دار يامنة و دار مريم لي مقابلين معاها ، عم صمت بيناتهم كيتسمع فقط شهقات بكا آية ، دارت شافت فيه لي بدورو كيشوف غير قدامو ، تكلمات بكل حزن غالب عليه ترجي ، شداتو من كتافو حتى دار عندها

آية: الله إخلي ليك واليديك هءهء متخلينيش هنا هءهء غير ديني معاك و ضربني كيف بغيتي ، هءهء راه أيعذبوني هءهء الله إخلي ليك لي عزيز عليك ، هءهءه عفاااااك والله منعاود نجبد ليك صداع هءهء ، بقا تخرج و سد عليا لباب باش منحلوش هءهء والله منعاود ، الله إسهل عليك أنرجع لعذاب ولا درت هنا شي حاجة خايبة أتبيتني مع لبهايم وسط زبل هءهء الله إرحم ليك لواليدين
جاد:(عزاااات عليه من طريقت هدرتها هو ماشي لهاد درجة قلبو قاصح) شششت نتي اتبقاي عند جدة بينما حليت مشكيل نديم و عندي مشاكيل اااخرين ملي نسالي انرجع
آية: هءهء غير ديني لدار عفااااك
جاد: مغتخدمي موااالو اتبقاي عند جدة بحال ضيفة مفهوووم ، مكاين لي يهدر معاك و حتى نتي متقلبيش على لمشاكيل دخلي سوق راسك
آية: هءهءهء وعلاش منمشيش شي بلاصة آااخرة
جاد: هنا أحسن بلاصة أول حاجة حيت بعيدة و ممعروفاش
آية: واش اترجع تديني ياك ؟؟؟؟
جاد:(بعد الصمت تكلم) وي انرجع ، باش …. (سكت شوي) نعطيك وراق طلاق
آية:(شافت فيه بصدمة) شنووو ، يعني انبقا هنااا ،
جاد: بفففف ، نقدر نوفر ليك أي بلاصة بغيتي تسكني فيها ، متبقايش هنا اتمشي لشي دار آخرة
آية: حشومة عليك
جاد:(شاف فيها بحزن رجع قصح قلبو و تكلم بعصبية) صافي حتى يوسل داك لوقت و نهدرو ياله هبطي ، واااا هبطيييييي

هبطات آية تبعها هو هزات فاليز دار شاعل فيها ضو دق جاد حل ليه إلياس شافو تصدم ولكن استقبلهم حتى دخلو عليهم آية عينيها منفوخين بلبكا شافتهم مريم فرحت ولكن ملي شافت آية هكاك مشات كتجري عندها

مريم: أويلي مااالك في هاد لحالة (دارت عند جاد) يااااكما ضربتيها يا مسخووووط لواليدين هاه ، قول ، ليا
جاد: لا مدرت والو غير دابزات مع ختها

گلسو و عاود ليهم كلشي و طلب منهم باش تبقا هنا حتى يرجع ديها و وافقو ، بشرى لي كانت واقفة كتشوف معرفت واش تفرح حيت آية فديك لحالة ولا تقلق بلي اتبقا عندهم ، ناض جاد ودعهم بحجة تابعاه طريق وليل و عندو لخدمة خرجات معاه آية قدام لباب حتى طونوبيلتو و مزال كيهبطو ليها دميعات ، وقف دار عندها ساد صمت بيناتهم حتى قاطعاتو آية بتعنيقة لجاد خلاتو غير واقف كيشوف و أعين من شرجم و لباب كيشوفو فيهم منهم بشرى مخشية

آية: انتسناك ، انبقا نوقف هنا كل نهار حتى تجي هءهءهء غير متعطلش منقدرش نبقا معاهم هنا بزااف ، هءهءهء انتسناك
جاد:(بعدات منو و تحنى طبع قبلة خفيفة في فمها هادشي لي خلا گاع لي كيطالو إدخلو حشمانين) بسلامة ، ابنت لعروبية
آية: بسلامة

طلع لسيارتو ومشا مكسيري هي بقات تما بكات حتى عيات و عاد دخلات لقاتهم مزال مجمعين

مريم: شوفي عينيك كيف تنفخو ،(تكلمات مع ولدها ولدو) ياله نوضو نتوما خليونا حنا لعيالات نهدرو (مشاو خرجو وشافت في آية) ياك ابنتي نتي فرحانة مع جاد؟؟ (فرحانة معاه ا خالتي مريم الله إكثر خيرك🙂)
آية: ااه ،
مريم: كيخرجك و كلشي محتارمك(وااايلي معيشها فوق سلك🙂)
بشرى: بانية ها لعربون قدامك
مريم: سكتي يسكت ليك لحس ، عاودي ليا ابنتي فين كيخرجك
آية: لبحر
بشرى:: هههه كون راك غرقتي ليه نتي مولفة غير بلبهايم هههه
مريم:(ضربتتها بسندالة) انوض ل طاسيلتك راسك كي عشة يامنة ، سيري غبري ،
سميرة:(ماماها) راه انوض ليك يا سفريطة
بشرى:هاهي غادة

دوزو هاد ليلة بزز عطاو آية بيت أميرة تنعس فيه ، و داكشي لي كان واخا دوزاتو غير بكا ولفاتو بزااااف ولفات عنفو ليها ولفات هدرتو لجارحة ، و ولفات ملي كيداوي ليها جروحو ، وسط هاد تفكير حسات بوجع خفيف في كرشها ولكن دغيا فاتها ، رجعات تكات حتى غفات

عند جاد لي گالس وسط دارو كيشوف في نقطة وحدة ولفها كتبقا غادة جايا و ريحة نقا و طياب في دار كلهااا ناض وقف طلع لبيتو بان ليه شوميز دونوي لكحل لي كيعجبو بتاسم دخل دوش و رخرج تسطح على سرير بعد تفكييير طوييييل غفا

#يتبع
❤المعنفة❤
📝سمر&سلمى📝

البارت:🌸54🌸

عند أمير لي ناعسة جنات على صدرو كيف لعادة ، كيمرر إيديه على شعرها رطب و زوين كيهبط إيدو حتى لضهرها و يرجع لشعرها كل مرة يحط إيدو على كرشهاا كيتحسس ولدو و كيبتاسم بحب ، مفيق من سهوتو غير صوت طيلي دغيا قطع صوت قبل إخسر لمعشوقتو نعاسها حاول إفلت من تعنيقتها ناض خرج واقف في لبالكو و جاوب

أمير:(شبه عصبية) كنقول ليك متعيطش ليا في هاد لوقت
گارد: كنعتادر اسيدي بغيت غير نقول ليك ضابط جاد أرجي أوغلو و فرقتو مراقبينكم نتا و لآنسة
أمير: مفهمتش علاش كيقلب ، حاول تنبهو إبعد
گارد: نقتلوه!!!
أمير: قلت نبهووووو ماشي قتلوووووو ، ولكن لا بقا على هاد لحال صفيها ليه
جنات:(كتحك في عينيها) أميير
أمير:(ضار عندها دغيا و قطع كيتمنا متكونش سمعاتو حيت معندو حتى مبرر) علاش فقتي (كيلاحض تعابير وجهها واش سمعات شي حاجة ولكن عرف بلي مبوقة بنعاس)
جنات:(بدات كتغبن)خليتين و مشيتي
أمير:(معنقها) ششششت فين خليتك هاني حداك
جنات: هئ هئ لاااا مخليتينيش معنقاااك
أمير: ههه واخا الالة ياله زيدي راه أيضربك لبرد و نعسي كيف بغيتي
جنات: ههه ، خلينا نخرجو غدا ،(حطات إيدها على كرشها) نمشيو نشوفو ولدنا وووو نمشيو ناكلو شي شواية ههه
أمير: نمشيو نشوفو لولد ، أه ولكن تمشي تاكلي داك لعجب لا (بدات كتبكي) صافي صافي أتاكليهم

#أصبحنا_و_أصبح_الملك_الله

فاقت بطلتنا على صوت بشرى كتفيق فيها

بشرى: نوضي نوووضي ياكما ولفتي راااسك ، تهزي

فاقت بزز قادات حوايجها و خرجات طرفات حالتها و عاوناتهم في لفطور خرجو برا إفطرو كيف لعادة گلسات كتاكل حتى بانت ليها يامنة جايا وحلات ليها

يامنة: هاي هاي هاي على آية اش كديري هنا
مريم: جات ضيفة
يامنة: إوا مرحبا مرحبا

آية مجاوبتهاش دخلات لدار و قلبها كيزدح خافت ، گاع دكرياتها معاها رجعو نفات براسها خرجات لقاتها مشات

عند جاد لي ياله وصل مستشفى ماماه دخل عند نديم لقاها فايقة و غير بوحدها

جاد: كيف بقيتي
نديم:(كتبوحط) مزال مقصحة كنحس بلحريق
جاد: اتقدمي بيها شكوى؟؟
نديم: وييي ، خاصها تربا
جاد: واخا (جبد طيلي وقابلو معاها كتشوف في لفيديو و هي كتحاول تقرب منو أو كتحاول تغرييه و كتحاول تحل سدايف قاميجتها لي لابسة) اتقدمي بيها شكوى أنلوحو و انا معندي حتى مشكيل ، حيت فايت درتها من قبل
نديم:(بصدمة) لاا اجاد ، خويا يعقوب و بابا ايقتلوني
جاد: ترااجعي

خرج و خلاها حتى كان خارج رجع باش إيشوف أصلان و ماماه ، سول عليها قالو ليه بلي عندها شي عملية و أصلان عندو شي مريض ، كان خارج حتى شاف أمير واقف شاد شي وراق ، و غادي متوجه إدخل لشي غرفة مشا زرب عليه لسقو مع لحيط ، ميمكنش إيكون جا باش إيدير شي حاجة لماماه

جاد: واااو و أخيييرا تلاقينا
أمير:ههه صدفة زوينة هادي
جاد: شنو كدير هنا
أمير: عندي شي خدمة و نتا
جاد: تابعك
أمير: إوا غير لكلاب كيتبعو لأسياد
جاد:(جمعها معاه حتى گاع ليگارد وقفو عليه داروهم لوسط كيشوفو في أمير متسنين منو شي أمر) فوووت عليك لوالييييدة ولا والله حتى نقتلك
أمير:(مع ليگارد)صافي خرجو(بقاو مترددين حتى عاودها مغوت) خرجوووو ، سمع أسي ضابط انا فوووتني عليك ، راه متلقا حتى حاجة كتخسني ، انا عاطيك بتيساع سو بعد مني
جاد: اندخلك لحبس غير تسنا و هادوك كااملين لي قتلتي اتحاسب عليهم ، و حتى عملياتك مخالفة لقانون
أمير: تيق ولا متيقش ، انا بعييد على هادشي و هاد قتل و عمليات مخالفة لقانون معندي بيهم حتى علاقة ، حاليا كنبني في حياة جديدة بلاما تهدمها ليا حيت لا هدمتيها عاد انرجع لقتل و عمليات ماشي غير مخالفة لقانون كثر و هادشي أيكون داخل فيه نتا و عائلتك
جاد:(كيشوف لبنت لي من موراه واقفة كتشوف) شوف لبنت واش معاك
أمير:(ضار إيشوف لقاها جنات تصدم صدمة ثلاتية لأبعاد ميمكنش تكون سمعاتو)جنات
جنات: كيفاش لقتل و عمليات غير قانونية
جاد: يعني …..
أمير :(قاطعو)هادشي احبيبتي كيخس بينا ، هادة ضابط جاد ، و هادي هي خدمتو
جنات:(بابتسامة) واخا ،(شداتو من إيدو صغيييورة) ياله أجي نسمعو دقات قلب ولدنا

حرك ليها براسو دار شاف في جاد خنزر فيه واحد تخنزيرة عااالمية

#يتبع
❤المعنفة❤
📝سمر&سلمى📝

البارت:🌸55🌸

في لعروبية گالسين برا منهم آية غير ساهية بان ليها واحد ولد كبير شوي و طويل لابس للبوط و جايب لبهايم شافت فيها بشرى

بشرى: هادة هو لي خدا ليك بلاصتك ،(تكلمات حدا ودنها) إوا ياله تهزي تمشي تجعي ديك لعشة لي كتسكني فيها راه أميرة قريبة تجي و متبقايش مخشية في داك لبيت
آية:(دارت شافت فيها) ولكن جاد قال ليا نبقا هنا منمشيش لتما
بشرى: ماشي مشكيل بقاي بينما جات أميرة حيت معندك فين تنعسي من غير عشتك

آية حركات ليها براسها بقات كدور هدرتها في مخها

سميرة: إلياس نتا لي اتمشي تجيب أميرة
إلياس: لا راه ايدوز عليها بابا إجيبها معاه

في فيلا أرجي أوغلو گالس ياسين رفقة إياد ياله نضم عليهم جود قالو ليه بلي أميرة اتمشي ليوم ، نسارف بحجة ايمشي لبيتو ، طلع عندها دخل و خلا باب محلول لقاها كتسد في فاليز ديالها ،

جود: اتمشي
أميرة: ااه بابا جا (قربات منو) ولكن انرجع كنقسم ليك
جود:(كيقرب و هي كتبعد) أكييييد خاصك ترجعي ، خاصك ترجعي بصفة نهائية
أميرة: مفهمتش ، شنو كتقصد
جود: (لصقات مع لحيط هبط طبع قبلة جنب فمها بغا يبعد ولكن هي ستاجوبات معاه ولكن دغيا بعدات بتاسم ليها بحب و فرح دار غير بصدفة لقا إياد واقف كيتسنا فيه) بابااا
إياد: ياكما قاطعتك
جود: لا ابابا ، مهيم انا كنبغي أميرة والله و انتزوج بيها سو بلاما يمشي بالك خاطأ
إياد: كتبغيها را باباها لتحت

خرج وخلاها حشمانة من إياد كتحتارمو بزااف ، جود شد في إيديها و غادين هابطين إواجهو خالو ولكن هي رفضات حاول معاها ولكن بدون جدوى لهدا قرر اهبط بلا بيها و داكشي لي كان هبط كيجري حتى وقف عليه

جود: خالي بغيت نهدر معاك
ياسين: نعام اولدي قول
جود: كنعتادر من هاد لهدرة لي انقول ، مهيم معنديش مع زواق انا كنبغي أميرة من نهار لي جيت عندكم ، شفتها و عجباتني ، و مبغيتش نكون من شخص لي يتفلا لهدا جيت عندك
ياسين: اش غانقول ليك اولدي ، غفلتيني هه ولكن لقرار كلو في يد بنتي عاد ندوز قراري انا
أميرة:(كانت واقفة غير من مور جود خايفة من باباها ولكن ملي قال هكاك تشجعات و هدرات ) انا باغة
ياسين: إدا حتى انا موافق و شروط لي عندي حتى نتكلمو عليهم

جود بدون شعور طار معنقو ، إياد فقط مبتاسم عجبو تصرف لي دار مهيم بين بلي كيبغيها

عند أسيل في لحمام كتكحب و كترد غسلات وجهها شافت راسها في لمراية كلهاااا حمرة و كتنهج ، بقات كتشوف في راسها وخرجات كتحرك راسها بلا گلسات على طرف سرير كتحاول ترد أنفاسها صبرات حتى عيات و ناضت واقفة لبسات مونطوها و هزات ساكها و خرجات بعد مدة هبطات في مستشفى ماماها نيت دخلات كتزرب باش متلاقاش ب أصلان ولا ندين توجهات ل أحد لغرف دقات و دخلات گلسات مقابلة مع طبيبة مختصة بلحوامل

أسيل: فقت مقلوبة ، ليا دوخة و خاطري مروع عليا ، بغيتك تأكدي واش انا حاملة
طبيبة: مرحبا الالة أسيل ، تفضلي

طلعات فوق داك باياس طلعات طريكو لي لابسة دارت ليها سائل لزج على بطنها شادة ألة بإيد كتمررها على كرشها و إيد تانية شادة بيسي و عينيها عليه (تفكرت ملي كنت حااااملة💔😭) بتاسمات ليها

طبيبة: مبروك عليك ، نتي حاملة و عندك شهر و 3 أيام
أسيل: واااش بصصصصح ههه

بدون شعور طارت معنقاها و طبيبة بادلاتها لعناق مسحات كرشها قادات حوايجها و شعرها سلمات عليها و خرجات متوجهة عند أصلان تفرحو كتمشى و كتخيل كيفاش اتكون ردة فعلو ، وقفات على سكرتيرة

أسيل: أصلان في بيروه
سكر: ااه ا مدام أسيل

شكراتها و مشاا كتجري حلات لمكتب مغوتة
أسيل:مفاااجا……….

سكتات بعد داك لمنضر لي شافت ميمكنش رجليها فشلو عليها ، حسات بغسة في حلقها بالخنقة ميمكنش حبيبها هداك مع بنت آخرة ،
أصلان بدورو بعد لبنت لسانو تربط أكيد اتفهمو غلط ، خاصو يشرح ليها بأنو لبنت قربات منو و معرفش كيفاش حتى طاحت عليه مقبلاه في هاد دقيقة دخلات أسيل ، علاش مدخلاتش قبل أولا تعطلات شوي بينما جرا عليها ، كاين غير هاد لوقت بضبط

أسيل: ش…شنوووو…… هاااا…..دشي…. ا أصلااااااان
أصلان:(وفق) حبيبتي بلاما يمشي بالك بعيد بليييييز ، خليني نشرح ليك

لبنت ملي شافت وضع هكاك هزات ساكها و بغات تخرج أسيل غير شافت لبسها و هي كتبان من دوك 9حبات على قد لحال و مجيرة لوجه ، صدرها كلو باين ، طارت عليها أسيل شداتها من شعرها كانت حداها واحد لمراية ضربات ليها وجهها معاها حتى لبنت بدات كتغوت أصلان بعدها عليها ، كيشوف في لبنت وجهها فيه شوي دم دار عند أسيل ملقاها زفر بعصبية و خرج تابعاها ، لي بدورها كانت خارجة كتجري و كلشي كيشوف فيها سمعات صوتو كيعيط ليها تابعها ولكن مقدراتش توقف خرجات من مستشفى و قطعات شانطي ، حتى تسمع صوت ضربة قوية لسيارة اصدمات شخص

#يتبع
💙🖤تتمة💙🖤
#المعنفة

ضارت بشوي بان ليها أصلان طايح في لأرض و دم دايز تمتمات اسمو بشوي قربات منو ، لقاتو مزال كيتحرك كيحاول إوقف ، شاف فيها

أصلان: حبيبتيييي…. كنقسم.. بحياااة… ولدنا مخنتك والا فكرت نخونك
أسيل:(ببرودة) إلا كنتي بصح نيت خنتيني بغيت ليوم ندير ليك لجنازة و نتبعك ديك لمعشوقة ،
أصلان:(بألم) كنحلف ليك بحياة ولدنا ا أسيل

فقد لوعي بعدما هزوه فوق باياس و دخلوه نيشان مستشفى لأنه دار لحادث غير قدام لباب ، أسيل تبعاتو دخلات وصلات لحدا واحد صالة تما گالسين فيها الناس بحالا شادين نوبة ، گلسات في لأرض و حطات راسها على داك لكرسي و بقات كتبكي ، حطات واحد لمرة كبيرة يدها على راسها اومات ليها براسها ، هزات راسها مع ادور بانت ليها ديك خيتي مشات عندها بقات كتنتف و فرمليات كيفكو و هي كتنتف حتى شبعات و خلاتها بحال شرويطة

لبنت: هءهءهء والله مكنت كنصحاب بلي مزوج هءهءهء
أسيل: أجي ليا ياااا ******** واش مبانش ليك داك لخاتم والله متبقا فيك غير سيري هربي ياله سيري ، حيت انقتلك

مشات لبنت هاربة بروحها بقات أسيل حتى تهدنات و مشات عند سكرتيرة

أسيل: جبدي ليا كميرة لي في بيرو أصلان
سكر: ممنوع ا…
أسيل:(قاطعتها ملي ضربت إيدها مع لبيرو) غااااديييريييي داكشييي لي قلت ولا والله حتى نشطب بيك دنيا

سكرتيرة خلعاتها جبدات ليها داكشي لي بغات و خلاتها كتفرج ، أصلان كان في بيروه كيقرا شي وراق حتى دخلات عندو نفس لبنت حطات ساكها أشار ليها تگلس ولكن جات مقربة منو بحالا قالت ليه شي حاجة و هو ورا ليها خاتم لي فيدو و أشار ليها تخرج ، بقات واقفة في بلاصتها رجع دار عندها باش تخرج ولكن هبطات طبعات قبلة في فمو و في نفس لحضة حلات أسيل لباب ،

سدات لبيسي و تمشات واقفة قدام غرفة كتسنى في طبيب اخرج ، بقاو مدة تما جات عگوزتها و كلهم و هي مزال معرفت عليه والو

عند يوسف و سلمى ، لي بدورها كانت كتعاير على حالة بنتها نديم

يوسف: نتي سباب في هادشي كااامل متنسااايش ا سلمى
سلمى: شنووو علاش شنو درت
يوسف: كيفاش شنو درتي ، مزال ممستوعب كيفاش نتي أم
سلمى: نفس لموضوع ا يوسف ، متنساش بلي نتا لي مبغيتيش آية
يوسف: واش قلت ليك لوحيها ؟؟؟ قلت ليك لوحيها ، أكيد لا كنت انصبر و نبغيها مع لوقت و كانت اتعيش معايا ماشي نلوحها ، باقة عاقلة ملي كنتي كتمشي و كطيح على رجليك كتقول ليك بلي كيضربوها ديها معاك

#فلاش_باك
واقفين قدام لباب كتسلم على ماماها و غادة طالعة لطونوبيل بانت ليها آية جايا كتجري تعصبات غير وصلات شداتها من رجليها و كتكلم بخوف و كتبكي
آية: عفاااااك عفااااااك ديني نعاك ، عفاااك اماما ديني معاك راه كيضربوني هنا عافااااك (هزات راسها فيها)والله مندير لبسالة غير ديني معاك عافاك ، نشقا و نطيب و نغسل لماعن كلشيييي نديرو ديني معاك اماما عفااااك ، نكون خدامة عندكم غير متخلينيش هنا
سلمى: متبقايش تقولي ليا ماما انا ماشي ماماك ياله سيري (طلعات طونبيل و سدات لباب خلاتها كضق في جاج و كتبكي زادو و هي تابعاهم كتجري
آية: عفاااااك امامااااا هءهءهءهءهء عفااااااك (وقفات طونبيل مشات كتجري فرحانة هبطات جاج شدات إيدها كتبوسها مدات ليها شكلاطة) لا لا مبغيتهاش غير خليني نمشي معاكم ، عفاااك ابابا نبوس رجليك
سلمى: واخا ياله سيري جمعي حوايجك
آية:(اطير بلفرحة) بصح (شدات إيدها كتبوس فيها) منتعطلش تسنايني

غير دارت غادة كتجري سمعات طونوبيل زاااادت مكسيريا بسرعة وخلاتها كتبكي طايحة في لأرض و كتغوت
#عودة

يوسف: نتي وحدة أنانية ، و دنوب هاد لبنت انخلسوهم واحد بواحد

#يتبع
❤المعنفة❤
📝سمر&سلمى📝
البارت:🌸56🌸

💙🖤ف البعض يدخل حياتنا ليكسر فينا شيئا جميلا و يرحل💙🖤

عند جاد لي دخل لبيروه معصب تبعو مهدي

جاد:أول حاجة خاص نديرو هي نبعدو منو لبنت و عاد نشدوه
مهدي: ودليل
جاد: هو ايعتارف ، ولكن راه مدير لأمن قال ليك تراجع على هاد لقضية ، وراك عارف بلي مابقاتش قانونية يعني غير كتعدب في راسك
جاد:مغنتسناش فيهم حتى يعطيوني لموافقة ، اندخلو لحبس هي اندخلو لحبس
مهدي: حنا معاك كوميسير

خرج مهدي ، بقا جاد في بيروه ، بدا خدام في شي ضواسة عندو اهم من أمير ، قاطع تركيزو غير لباب دخل منو مدير لأمن ، وقف جاد عطاه تحية و أشار ليه يگلس و ظاكشي لي كان ،

مدير:(مد ليه ضوسي) عندك واحد لمهمة في كندا ، خاصك ضروري تمشي تقديها ليا
جاد:(كيقرا في لوراق) ولكن انا عندي مهمة آخرة ميمكنش ليا نمشي ل كندا على أقل خاص نبقا شهر
مدير: انا عطيتها ليك حيت نتا لوحيد لا شديتي شي عملية كتخرج منها ناااجح و انا هاد لعملية مهمة عندي
جاد:(بنفاد صبر)واخا انراجع هاد مهمة مزيان و نسافر هاد سيمانة

غير خرج لمدير دخل عندو مهدي كيحاول إفهم شنو واقع ، جاد عاود ليه على مهمة لي عطاه

مهدي: عطاك هاد لمهمة باش تنسا أمير انا متأكد
جاد: أمير ناصيري يا انسيفطو لقبر ولا لحبس ، مهيم آاخيرتو على يدي
مهدي: الله إعاونك

خرج وخلاه يقاد تفكيرو و ترميزو و أفكارو لمشتتة ، عند أسيل بعدما خرجات ماماها طمناتهم على أصلان ، لي كان فقط مقصح في راسو شوي و مجروح في إيدو و وجههو بينما معندو حتى كسور

أسيل: بغيت نشوفو
ندين: هو ميفيقش دابة ، ولكن دخلي عندو (دخلات عندو و گلسات على طرف سرير كتشوف فيه ناعس بقات مدة و تكلمات بحزن و قوة مسطنعة) كنت بغيت نفرحك ، ولكن عاد مكفستها عليك ، كنعتادر منك ا أصلان ، ولكن تستاهل ، مكرهتش كون تهرستي من رجليك باش تشد لأرض و تبقا قدام عينيا ، ولكن مكتاب ليك عمر جديد ، عارفاك منويتيش تخوني ولكن انخرجها منك نتا ديااااااالي وديك لمسخة متحطش عليك شلاقمها لمسخين ، (وقفات) مهيم احبيبي انمشي و انخليك انتوحشك ولكن كرامتي هي لولة ، انمشي انا و ولادي حتى نرتاح و نعراك تعدبتي عاد انرجع (تحنات طبعات قبلة جنب فمو) بغيت نبوسك في فمك ولكن هاديك لمسخة قاستو (مررات يدها على شعرو رطب و طبعات قبلة على جبهتو و خرجات لقات ماماه قدام لباب)

فخيثة: بنتي ، قولي ليا ولدي لباس عليه
أسيل: لباس عليه اخالتي لابغيتي دخلي عندو
فخيثة: غير خليه يرتاح ، ولكن كيفاش حتى دار لكسيدة
أسيل: انا كنت خارجة وهو تبعني ، حتى سمعت صوت كسيدة ملي درت لقيتو هو
فخيثة: مالكي ابنتي معجبتينيش
ندين: مفهمتش مالك ، واش نتوما مخاسمين(شافت فيها أسيل باستفهام) حيت قلت هو لداخل و نتي هنا گالسة عادي ، زعما كنتي اتكوني مستخيسية (فرونسي كتاكل دق 😂😂😂)
أسيل:لا ،غير كنت مصدومة ، مهيم انخليكم انهدر مع قيس (بعدات منهم شوي جبدات طيلي عيطات على لخدامة دوزاتو ليها)قيس حبيبي ، انقول ليك شي هدرة و متبينش قدام طاتك صافي
قيس:اوكي
أسيل: شوف هز كارطابل ديالك دير فيها حوايجك و دخل لبيتي هز ليا غير كسوة و شيفور ايجيبك عندي
قيس : واخا امامي انهز لوعابي و انجي مع شيفور
أسيل: برااافو عليك ، كنبغيك

قطعات معاه رجعات بقات معاهم شوي ونسارفات بدون ميحسو خرجات قدام لباب بقات واققة كتسنا حتى وصل شيفور هبط قيس و شكارتو سلمات عليه ، دارت راسها بحالا داخلين مستشفى ، غير مشا شيفور و خرجات ، شدات طاكسي لفين بغات

عند أمير بعدما وصل لدارو جديدة دخل لبيروه معصب حتى دخلات عليه جنات

جنات: شنو درتي ا أمير حشومة عليك ، دري ايكون مات دابة
أمير:كيهمك يااااك كتفكري فيييييه ، ميشووووفش فيك الالة علاااااش حاااضيك و علاش جا سلم علييييك
جنات: راه ولد عمتي ا أمير ، وراك عارف ملي ماتو بابا و ماما مشفتهم وملي شافني جا سلم عليا
أمير:(كيمسح على وجهو بعصبية وكيغوت) وااالااااااا ميسلمش علييييييك نتي مرتيييييي علاش إسلم عليك واش تسطيتي ولا
جنات: (كتحاول تهدنو) صافي حبيبي منعاودش والله ، من ديك لعصة لي عطيتيه اتكون قتلتيه ، شنو واش بغيتي عائلتي يقولو ليا شوفي راجلك قتال ، لااا ، إوا حبيبي بعد منو صااافي انا منبقا نسلم على حتى واحد ، غير متوسخش إيديك و بسبب بلييض ، خلي ولدنا يكبر وسط أب زويين و يديه خاليين من دم

قاطعها بتسرفيقة زعزعاتها كلها خلاتها دور و تقريبا اتفقد توازن ، معرفاتش علاش دارت عندو ببطء شافت فيه بحزن و انكسار و ندم ، ضارت كتجري غادة كتبكي و دموعها سابقينها، أما أمير تصدم من ردت فعلو علاش ضربها ولكن ملي قالت ليه ديك لهدرة مقدرش يتحكم في راسو ، مع لعلم لهدرة لي قالت هي صحيحة و هو بصح نيت قتال و يديه مسخين بد*م بعد هاد لأفكار ، لبيرو كاااامل قلبووووو مخلا حتى حاجة هي هاديك

#يتبع
❤المعنفة❤
📝سمر&سلمى📝
البارت:🌸57🌸

أسيل بعدما حطها طاكسي في محطة طاكسيات دارت كيبان ليها ديور ولكن بعاد شويييي و حانوت مقابل معاها عااامر دراري ، شدات في يد ولدها و زعمات تمشي لحانوت تسول ، ماداتهاش في دراري لي ريوگهم سايلين عليها

أسيل: عفاك اعمي ، واش مكيدخلوش طاكسيات لواحد لبلاصة معرفتش شنو سميتها مهيم حدا واحد نهر ،
مول حانوت: اااه باراج زعير سميتو ابنتي ، ولكن طاكسيات حدهم حد هنا مكيدخلوش تما
شخص1: وايلي هاد زين كلو ايمشي تما بوحديتو
شخص 2: ياله نوصلوك
قيس: ماما ، انا خايف

شداتو و خرجو من تما بقاو غير واقفين ميمكنش ليها دخل لديك طريق كتخلع جبدات طيلي ملقات لمن تعيط من غير أميرة

أسيل: أميرة لباس عليك
أميرة: لباس حمد الله اختي
أسيل: سيفطي ليا نمرة خالي ولا إلياس ، انا في محطة طاكسيات و بغيت نمشي عند جدة
أميرة: غير بقاي تما شوية ونجي انا وبابا حنا قرابين لتما
أسيل: صافي واخا انتسناكم

قطعات معاها دارت شافت في دوك لولاد حاضيينها و كيضحكو ، حاولات متسوقش ليهم تقريبا نص ساعة و عاد وصلو سلمات عليهم وطلعات ، سولاتها أسيل حيت ميمكنش ليها تجي بوحديتها ولكن كان جاوبها بوالو ، وصلو لدار هبطو لقاو آية تما بجوج بيهم تصدمو عمرو براد أتاي و گلسو برة في طبيعة ، بعدما عاودو ل أسيل و أميرة على سبب مجيئ آية لهنا

أسيل: مزيان ملي تجمعنا هناااا هههه نتي جيتي هربانة و أميرة جات باش تشوف عائلتها و أنا جيت حيت تخاسمت مع راجلي ههه وااااو تجمعنا هنا غير لمحطمين
آية:ههه ، ونتي ملي تخاسمتي مع رجالك علاش جيتي هنا
أسيل: مشيت عندو لقيت وحدة شاداه ، خرجت صفيتها ل راجلي و جيت عندكم هربانة
مريم: كيفاش مفهمت والو (عاودات ليهم كلشي حتى على حملها)
آية: واااااو نتي حااااملة(طارت معنقاها كلشي كيبارك ليها) هي غاتزيدي بنت آخرة
أسيل: لي جات من عند الله مرحبا بيها
مريم: بصح ابنتي غير صورة مكمولة
أميرة: بعدما فرحتو ب أسيل خليوني نفرحكم حتى انا
بشرى: ههه نجحتي ، ختي فرحتي غير راسك
أميرة: لا عندي ليكم خبار آااااخرة
مريم :الله إسمعنا خير
أميرة: جود طلب إيدي لزواج من بابا
الكل:(مصدومين)
أسيل: كتهدري على خووويا جووود لي عاطيها غير زهوووو(حركات ليها براسها مبتاسمة)
بشرى: هاي هاي ، كوراه مدوز بيك لوقت
أميرة:(خسرات صيفتها من كلامها) لااا هو طلب إيدي لزواج من بابا
آية: واااو مبرووووووك فرحتوني ، الله إخليكم لبعضياتكم ، و تكونو ديييييما فرحانييين
أسيل: أمييين ياربي ، صافي دابة حتى نتي أتولي مرت خوياااا ياااااااس

من بعد هدرة تدي هدرة بداو كيهدرو على لقراية و لموضة و لحوايج ، دخلات أميرة و أسيل و آية لبيت أميرة ، حيدو ليها زيف لي حازمة بيه راسها و بيجامة طويلة لي لابسة

أسيل:(كتحيد ليها في حوايجها) هاد زيف علاااش كديريه راك باقي صغيرة ماما و مكيدرش زيف ، و هاد بيجامة كتلبسيها كتولي بحال جدة ، خاصك تكوني كتلبسي قد لاج ديالك ،
أميرة: وي أسيل عندها لحق ،(حلات بلاكار ديالها) هاكي خودي أي حاااجة بغيتيها و داكشي حيديه (شدات ساكها لي فيه لحوايج و خرجاتهم لاحتهم برا و آية حاولات تمنعها ولكن أسيل شاداها گلسوها و مل وحدة شداتها من قنت كيحاولو يفتحو ليها عقلها و يحاولو يخليوها تكون بنت نااااضجة ماشي مراة والدة 10) شوفي دييييما ملي تفيقي تكسلي مزيااااان ، و دخلي طواليط خودي دوووش إيكوون سخووون ، وديري باااندوش و مرطب لجسم(شافتها مفهماتش جبدات ليها بوندوشات ديالها) هانتي بحال هادو خاصك ضروووري صافيي (حركات ليها براسها)
أسيل: شعرك كل نهار ملي دوشي سرحيه و ديري ليه زيوت ماشي زيت لعوود لا زيت شعر ، و مشطي شعرك و ديري ليه شي ضفيرة ولا شديه لفوق مهيم نتي ولي بغيتي صااافي(حركات ليها براسها)
أميرة: وملي تسالي لبسي سروال و قميجة
آية:(قاطعتها) لا اختي منلبسش داكشي
أميرة: واخا صافي ، ياك عزيز عليك طويل ، بقاي تلبسي كسيوات حتى هما بحال بيجامات غير هادو كلاس ،ولا بغيتي شي بيجامة شري بيجامة بسروالها تكون زوينة صااافي (حركات ليها براسها و دارت عند أسيل)
أسيل: ملي يدخل راجلك ، تعرضي ليه بابتسامة حاولي تحيدي ليه تجاكيطتو طبعي قبلة حنييينة في فمو هدري معاه بحنية كلها حب(شافت أميرة حالة فمها) هاد لهدرة ليك حتى نتي
أميرة : ههه واخا ،، ولكن خاصها تعلم تكتب و تقرا

#يتبع
💙🖤تتمة💙🖤

عند أصلان بعدما بدا كيحل عينيه بثا شوي عاد وضاحت ليه صورة لقا غير عائلتو واقفين على راسو

أصلان: أسيل ، أسيل فيينها(كيحاول يوقف)فينها أسيل
فخيثة:: اولدي الله إرضي عليك بقا في بلاصتك ، هاني انخرج نكلمها ليك واقيلة غير برا(خرجات كتزرب في مشيتها قلبات عليها و ملقاتهاش رجعات عندهم) مكيناش برا
أصلان:(باغي يوقف) وفين غاتكون
ندين: رتاح اولدي اتكون مشات غير لدار ترتاح ولا تشوف قيس هاهما غيعيطو و ميكون غير لخير
فخثة:(عيطات على لخدامة) واش أسيل تما
خدامة: لا الالة عيطات عليا قبيلة و قالت ليا نسيفط ليها قيس مع شيفور
فخيثة:: شنوووو، وشيفور فين داه
خدامة: لسبيطار سي أصلان
فخيثة:(قطعات مع خدامة) أسيل قالت شيفور يجيب قيس لهنا ولكن بجوج مكينينش
أصلان:(وقف حتى واحد مقدر يمنعو) لا ميمكنش فين غاتكون(عيط عليها ولكن تيليفونها طافي) فينك ا أسيل فييينك

عند أمير ، بعدما تهدن طلع لبيتو هو وجنات لقاها متكية شافتو ودارت عاطياه بضهر ، بقا كيشوف فيها مدة و تكلم

أمير: جنات
جنات: (الصمت)
أمير: حبيبتي
جنات: انا محبيبت حتى واحد
أمير: ياك
جنات: انا حبيبي گعما كيضربني
أمير: سمحي ليه
جنات: لا ، هو قلقني بزااااف واخا عااارف بلي انا حاااملة قلقني وقلق ولدو
أمير:(قرب منها كيشوف في عينيها كيف حمرين بلبكا زير على إيديه ماباغيهاش تبكي و بسبابو) كنبغيك احبيبتي ولكن غيرة عمات ليا عينيا ولا شفت سلم عليك شي واحد آخر اندير كثر من هاكة ، صافي بعدي من صداع ، باش حتى انا منقيس حتى واحد ، سمحي ليا
جنات:(بدات كتبكي) هءهءه حتى انا كنبغيك ولكن راك قصحتيني و ولدك بقا كيتحرك في كرشي
أمير:(حط إيدو على كرشها) واااش هنا ياك(كتحرك ليها براسها و كتبكي) اوووه سمحو ليا عفاااكم
جنات: واخا سمحنا ليك
أمير: اممم بصح
جنات:(عرفاتو كيقلب على شي حاجة بلخصوص من ابتسامتو و هدرتو) أميييير هههه وا صافي سير رجع لور

نقض على فمها بقبل حااارة بعدما ستجوبات معاه ( غير رمضان هادة البنات مكاينة بو سفالة)

#أصبحنا_و_أصبح_الملك_الله

فاقت بطلتنا كيف عادتها بكري دخلات دوش لقات نفس دوش لي عندها في دار ستاعملاتو دوشات دارت باندوش بعدما وراتها أميرة كيفاش كيستعمل سرحات شعرها لبسات بينوار وخرجات كتجري لا طلاقة بشي واحد ، دخلات لبيت أميرة لأنهم كانو ناعسين تما كااملين حلات بلاكار جبدات دوبياس غي بيض و كسيوة زوييينة حمرة فيها نقيطات بلبيض و مع هي بياضت ولات فنة شافت راسها في لمراية عجبها لحال ، هزات فوطة طلقات شعرها طويل بدات كتنشف فيه دارت ليه شي زيوت تما وراتهم ليها أميرة ، دارت ليه ضفيرة عااادية وخلاتو بقات كتشوف في راسها عجبها لحااااال بزااااف

آية: من ليوم كاينة آية جديدة ،

عند أمير كان هو و جنات كيوجدو في لفطور سمع صوت جرس لباب خرج هو يشوف شكون حل. لباب لقا جاد

أمير: شنو بغيتي
جاد: هاكة كتستقبل ضيوفك
أمير: شنو باغي
جاد: جيت غير باش نقول ليك تفضل معايا مخفر شرطة
أمير: السبب؟
جاد: ههه جبتي ليا ضحكة بهاد السبب ديالك ، زعما معارفش هه، اسيدي بتهمة قتل جعفر سراتي ، و تهريب المخدرات
أمير: دليل
جاد: في مخفر الشرطة
أمير: قلت ليك ديك لمرة بلي معندي دخل في هادشي حاول تبعد مني باش نبعد منك
جاد: مكاين هروب نتا متهم في قتل واليدين مرتك كدلك
أمير: لاااياااش باااغي توصل
جنات:(بصدمة وكل حرف كتخرجو بزز) أميييييير ، (ضار عندها بلعرض لبطييييء صافي هادي لخرة ليه من تعابير وجهها و موس لي في إيديها) شنوووو هادشي لي كيييقووول
أمير: حبيييبتي مكيان وااالو
جنات:(قاطعاتو كتبكي و كتغوت) لاااا أمير لا لا لا لاااااا ، هءنءهنءن ميمكنش ، لاااا ، والييدية ماتو بسباب دار حيت تحرقات ياك ا أمييبر ياااك (كتحرك براسها بزربة كتحاول تيق هاد لهدرة) اااه اااه نتا مقتااالش نتا ماشي مجرم نتا مكتهربش مخدرات هااادشي كدوووب ياك
أمير: اااه حبيبتي كدووووب ،
جنات:(كتغوت) ولكن متيقتكش هءهءهء متقتتتش هءهءهء ميمكنش نكون عايشة مع واحد. بحاااالك ميمكنش نكون كنبغي واحد بحالك ميمكنش يكون عندي ولد من واحد بحالك لاااا ،(هزات لموس وجهاتو لكرشها جاد تصدم و ندم حتى علاش جا إما أمير رجليه فشلو معرف ميدير)
أمير: لاااااا لااا احبيبتي لاا انموووووت عفاااك داك لولد مدنبو وااالو ، عاافاااك حيدي داك لموس حياتي صافي
جنات: نتا قتاااال ، من أحسن يموت دابة ولا يعيش معاك
أمير:: لاااا لااا أحييبتي أنمووووت منقدرش نعيش بلا بيكم انا تخليت على كلشي على قبلكم عاافاااك حيدي داك لموس من يديك عمري عافام
جنات: هءهءهء كنكرهكككك

على إثر هاد لكلمات هزات إيدها و غطسات لموس في صدرها حتى تسمعات صرخة أميير لعااالية جاد شد راسو ، قرب منها و هو كيبكي هزها وحطها فوق ركابيه كيدوز إيدو على شعرها
أمير :متموتيش حبيبتي انا بعدت من كلشي على قبلكم عافااااك متخلينيش راه انموت(شافت فيه و غمضات عينيها مسترخية، حاول يحركها ولكن واالو ، شاف في جاد وتكلم بكل حقد و كره وكيغوت) انقتل ليييك عاااائلتك كاااااملة ا جاااد أرجي أووووووغلو. نهاااار لبيض متشووووفووووش أنقتل عاااائلتك واااحد بواااااحد ، انعدبهم كااااااملينننن

#يتبع
❤المعنفة❤
📝سمر&سلمى📝
البارت:🌸58🌸

💙🖤ستنسى كل شئ ولكنك أبذا لن تنسى بشاعة ما شعرت به عندما خدلت 💙🖤
#المعنفة

بعدما خرج جاد عيط على مهدي ساق بسرعة كبيييرة ميقدرش يستوعب بلي جوج رواح أيموتو بسبابو ، عند أمير بعدما بكا مدة وكلو ولادم ولموس مزال مغروس في جنات هزها ومهبطها في دروج وعينيه مضببين بدموع معارفش فين غادي وصل لطونوبيلتو حطها لور وطلع ، إيد سايگ بيها و إيد ساد ليها إيدها

أمير: صااافي احبيبتي …. اتكوونووو بيييخر غيررر صبرووو شوية. … صاافي مبقا وااالو و نوصلو

مدة قليلة ديال طريق ووصلو مستشفى ندين لأنه هي لي قريبة هبط و هزها دخل كيجري ملي شافوها فديك لحالة جاو ليها كيجريو منهم ندين

أمير: مرتييي بغييييتها تعييييييش ولا نقتلك نتي وولدك

ندين معرفاتش علاش كيهدر دخلوها نيشان لغرفة لعمليات

عند آية مقدراتش تخرج برا وهي لابسة غير كسيوة تسنات لبنات حتى فاقو ، منهم أسيل فاقت راسها شاد ريزو و أميرة كتكسل شافو فيها تصدمو

أسيل: لااا ميمكنش ،، آااااية ؟؟؟؟
أميرة: بشااااخ فينك ا جاد اجي تشوف ههه جيتي واااااعرة
آية: ههه ،راني حشمت مبغيتش نخرج هاكة
أسيل: أويييييلي على لهبييلة ، زيدي زيدي

خرجو برا كلشي كان مصدوم من آية ولكن مينكروش جات فنة حطو لفطور آية دارت زبدة في لخبز غير حطاتها في فمها ناضت كتجري طواليط كترد رجعات وجهها صفر

مريم: اويلي ابنتي مالك
آية: يااع زبدة
مريم: لا هداك سمن

غير قالت ليها سمن رجعات لطواليط كتفرغ ، رجعات وجهها مفيهش نقطة دم

أسيل: أويلي اختي نتي في عاار الله زيدي زيدي تگلسي
آية: بغيت غير زبدة في لخبز و أتاي
مريم: نتي كنتي كتاكلي غير سمن
آية: حيت شحال هادة مبقيت كليتو مبغيتوش
بشرى: اممم نتاع وجهك ، ولفتي لفرماج و كاشير
آية: اااه كنت كل ساعة كناكلهم كندير 3 فرمجات في دغمة وحدة و حمد الله
بشرى: امم عودة
سميرة: تركلك كولي و سكتي
أسيل: انا تشهيت غيييير ليمون و لحلاوة
آية: حتى انا
أسيل: خويا إلياس اتهبط لمدينة
إلياس: ااه بغيتي شي حاجة
أسيل: ااه بغيت نسيفط معاك شي سخرة
قيس: ماما ، بغيت حليب
أسيل: هاهو احبيبي
قيس: توحست بابا إيمتا ايجي
أسيل: قريييب

بعدما فطرو أسيل شعلات طيلي لقات بزااااف ليزابيل من عند أصلان و ماماها ، سيفطات ميساج ل ماماها

أسيل: ماما بلاما تشطنو عليا انا بغيت نبدل شوية لجو و قيس بيخير و حتى انا بيخير ، انا في بلاصة مأمنة مع لعائلة و فرحانة بزااف بليز قولي هادشي ل أصلان باش ميبقاش مشطون علينا ، كنبغيك

وقفات مشات گلسات في كوزينة حدا آية و سميرة لي كيشقاو ، بقاو هدرة تدي هدرة و كيهدرو على أميرة و لخطبة

أسيل: دابة انبقاو شهرين عاد اتخطبو
سميرة: هادشي لي قال ياسين
أميرة: ماشي مشكيل ، كل تأخيرة منها خيرة
سميرة: غييير قولو لجود إوجد رااسو ياسين عندو شلا شروط
آية: كيفاش شروط و علاش خاص شروط
سميرة:(بدات كتعاود ليها على نيتها و مريم كتخرج في عينيها باش تسكت) دابة ابنتي لبنت ملي كتبغي تزوج كتكون لخطبة ضرووووري دري كيجي يخطب لبنت من عند باها وهو لي كيتشرط عليه ، مثلا بنت تقرا ولا تبقا تجي كل مرة نشوفوها بحال هاكة ابنتي فهمتي ، ولا موافقش واليدين على زواج صافي مكيتمش زواج ، و من بعد لخطبة كيكون لعرس لي واليدين لي كيهتمو بيه و كيبغيو إيشوفو بنتهم ولا ولدهم فرحااانين في أحسن نهار عندهم
آية:(بأسى) انا كون كنت عايشة مع بابا و ماما كانو أيديرو ليا لخطبة ولعرس و يتشرطو عليه

مريم: حنا عائلتك ابنتي
آية: ولكن مدرت لا عرس لا خطبة ، و متشرطتوش عليه ، مقلتوش ليه تبقا تخرج و تلبس لي بغات ، هادشي قلتيه ليا انا
مريم: ولكن هو كيخرجك ياك وفرحانة معاه ، خلي حتى يجي ونهدر معاه يدير ليك لعرس
آية: لا انا مبغيت والو(دمعو عينيها) اخالتي مريم

خرجات مشات طواليط بدات كتبكي حتى تخنقات وبدات كترد
مريم حسات بلي مفرحاناش مع جاد ، خايفة لا تكون لبنت غير معدبة مع جاد وتكون هي سباب باش لاحتها لهاد لعافية

مريم: بنتي أسيل واش كتضني بلي جاد إيكون كيبغي آية
أسيل:(شدات إيديها) جدة ، لحقيقة ، كنضن جاد كيضرب آية ، حيت ديك لمرة جات وجهها زرق و تأكدنا ملي سرقها قدامنا كاااملين و غد ليه وجها ولا زرق كثر من ليكان ووحتى هاد ضرب لي في وجهها كون مكانو لقميش انقول هو لي ضاربها
مريم: ويلي ويلي و أنااااا لي نضت زوجتها بيه زعما باغاها تهنا و ترتاح منهنا ولكن كيبان ليا. جبدت ليها عذاب جديد ، الله يا ميمتي ذنوب هاد لبنت على راسي

طبطبات عليها أسيل و عنقاتها

#يتبع
❤المعنفة❤
📝سمر&سلمى📝
البارت:🌸59🌸

عند جاد دخل لدارو أي حاجة لقاها قدامو كيلوحها يهرسها ، حتى سمعت جرس لباب حل لقا مهدي دخل و هو مخلوع على حالت صاحبو

مهدي: شواقع اصحبي
جاد: ماااتت بسباااااابي أنااااااا
مهدي: شواااقع اصحبي هدر عاادي
جاد: مشيت عند أمير ليوم باش نعتاقلو ، هدرنا على جرائمو و قتل والييدين مرتو ، وهي كانت من موراه وكانت شادة موس ، بقات كتغوت و مبغاتش تعيش معاه وضربات راسها بلموس
مهدي: شنووووووووو ، ياك هي حاااملة
جاد: ااه اااه ، تفوووووو ااااااااااااااع على زهر ، قال ليا أيقتل عائلتي كاااملين واحد بواحد
مهدي: ميمكتش إيديرها غير كيقول
جاد: لا إيديرها حيت أيتسطا على مرتو و ولدو اصحبي
مهدي: انلقاو حل لهادشي لمهم حاليا هو مرتو متموتش
جاد: لا بشات حتى ماتت منقدرش نعيش بعذاب ضمير والله
مهدي: كون هاني اصحبي اتكون بيخير ، انا انمشي نقلب على سبيطار لي يكونو فيه و نشوف وضعها
جاد: هما قراب من مستشفى ماما شوف تما هو لول

خرج مهدي غادي متوجه سبيطار ندين ، لي بدورها ياله سالات لعملية وخرجات معرفات باش تبلات لقات أمير قبالتها وكلو مخلوع

أمير: مرتيييييي اش واااقع ليها هي بيخير ياااك
ندين: حمد الله جبتيها في لوقت لمناسب و حتى لجنين قدرنا نعتقوه لأنه وقع ليها نزيف داخلي
أمير: بغيت نشوفها
ندين: ميمكنش ليك خاصها تبقا دابة في لإنعاش لأنها حالتها مزال خطيرة و يقدر يوقع ليها نزيف داخلي و يموت لجنين ف ميمكنش ليك تشوفها
أمير: فلوس شحاااال ما بغيتي نعطيهم ليك نبني ليك سبيطار آخر ، بغيت نشوفها
ندين: انا مكيهمنيش لفلوس ، نتا مهتم لصحتها و باغيها تكون بيخير هي وولدك فخاصك تبقا هنا على قرلهم حاول تصبر و دعي معاهم بشيفاء اتبرا و ترجعو كيف كنتو(طبطبات على كتفو و تكلمات بكل حنية و أمومة) الله إشافيهم و يصبرك أولديي

بورشاتو من هاد كلمة ولدي مدة طويييييييلة مسمع لهاد لكلمة رجع گلس و كيفكر في شي طريقة لي يخلي جنات تسمح ليه واخا. ملقا وااالو

عند نزار ولقف قدام لفيلا دخل لقا ماماه بقا كيعنق فيها توحشها بزااااف و حتى هي توحشاتو گلسو في لكوزينة كيتعاودو وربيعة عاودات ليه أي حاجة واقعة مع شي واحد ههه على إثر هدرتهم دخلات نديم دايرة فاسمة

نديم: وجدي ليا كاس لعصير جيبيه ليا برا
نزار: هي ماشي خدامة عندك
نديم: شنوووو؟؟؟ انا ملي كنجي لهاد دار كنعرفكم نتوما هنا غير خدامين ،
نزار: بغيتي شي حاجة وجديها راسك
نديم: اممم ، غبرتي تا عيتي وجيتي تحكم فيا ، ماماك كخدامة هنا واجب عليها دير داكشي لي قلت
نزار: ولا مدارتش
نديم: اتطردو على برا
نزار: مغديرش ليك لعصير ولا كنتي مرا طردينا
نديم:(بعصبية) هي لولا

مشات كتزرب لعند إياد و يعقوب و باباها كانو گالسين في صالون

نديم: ربيعة قلت ليها تصايب ليا لعصير و مبغاتش
إياد: أتكون ممسالياش
نديم: لااا ولدها قال ليا متديروش ليك

وقف إياد غادي متوجه لكوزينة ونديم منموراه مبتاسمة بشر لقا نزار ، عنقو عناق رجوووولي و حتى نزار مبادلو لعناق بعد منو

إياد: صافي رجعتي
نزار: أنا ديما معاكم
نديم: هو عايرني وقال ليا ندير لعاصير راسي
إياد:(ضار عندها) لي بغا شي حاجة كينوض يديرها و انا في داري معنديش لأوامر ، شخص لوحيد لي كيأمر هو انا و مرتي بغيتي شي حاجة وجديها راسك ، وربيعة خاصك تحتارميها حيت ولدها كون كان يولدك كون ولد كبر منك ، مهيم بغيتي لعصير راه اتوريك كيف ديري ليه

نديم تعصبااااااات محملاتش لوضع لي تحطات فيه طلعات كتجري معصبة

عند آية گالسين كياكلو في ليمون غير هي و أسيل وكلشي حاضيهم و كيتكلمو و يضحكو

مريم: بنتي آية ، واش جاد كيضربك(حركات ليها لا براسها) انا عارفة بلي ضربك ديك لمرة ابنتي سمحي ليا انا لي بززت عليكم هاد زواج ، انا لي قلت ليه ها سخط ها رضى و انا ابنتي طمعتك ، ربي شاهد عليا نيتي كانت حسنة بغيت غير نخرجك من هاد لعداب و تكوني دارك فرحااااانة
آية؛(ناضت عنقاتها) هو مكيضربنيش اخالتي ضربني غير جوج لمرات عند خالتي ندين حيت كنت عصبتو و درت علاش ولكن هو مكيضربنيش والله
مريم: شوفي ابنتي تقليد عليك لا مكنتيش فرحانة معاه انا نطلقك منووو
آية:(قاطعتها بابتسامة) أويلي اخالتي بغيتي تشتي ليا شمل مع راجلي ههه لا لا فرحانة معاه و هو مكيخسرش ليا خاطري

#يتبع
❤المعنفة❤
📝سمر&سلمى📝
البارت:🌸60🌸

عند آية گالسة في كوزينة حتى جات عندها بشرى

بشرى: نتي مزال هنا ، سيري سيقي ديك لعشة و سكني فيها مالك مزاحمة معانا
آية: ولكن ..
بشرى:(قاطعتها) ضيف حدو 3 يام

خرجات آية عينيها مدمعين مشات لديك لعشة لقاتها ولات ديال دجاج كلها مسخة وخانزة بريحة دجاج ، جرات عليهم خدات لما من عند ولد خالت ماماها سيقاتها و حكاتها ما سالات حتى ولات ديك لكسوة كلها كحلة ماشي حمرة ، حتى جات عندها أسيل و مريم

أسيل: أويلي اصحبتي اش كديري
آية: والو غير جيت نسيق
مريم: أويلي ابنتي ، هانتي ساكنة معانا
آية: لا اخالتي انبقا هنا
مريم: يهديك الله ابنتي زيدي قدامي ، راك ابنتي ممتقلة عليا مواااالو بلعكس مفرحااااني حيت نتي معايا
آية: لا اخالتي بغيت نبقا هنا
أسيل: واخا صافي ، ولكن راه اتاكلي و تنعسي عندنا
آية: إوا بحالا غير نبقا معاكم
مريم: الله يهديك ، الله يهديك ،

مرو أيام ، أصلان كل سيمانة كيجي عند مرتو و ولدو و عرف بلي حاملة وهو خلاها تما على قبل صحتها و حمايتها من أمير بعدما عاود ليه جاد كلشي ، جاد بدورو في كندا كيحاول يتلاها فيها واخا كمل دابة 15 يوم ولكن بغا يرتاح شوي و يشوف كيف يدير مع أمير مع لعلم نساه حيت جنات و ولدو موقع ليهم والو ، قال بلي ميوفيش بوعدو حيت هما بيخير ، أما جنات ملي فاقت لقاتو قدامها قلبات سبيطار بغواتها كترفض تشوفو ، ولكن كيجي يوميا لعندها سبيطار فليل ملي كتكون ناعسة ، كتحس بيه ولكن مع كتكون ناعسة مكتقدرش تفيق ، خرجات من سبيطار و رجعات لدارهم لي تحرقات لقاتها مسلوحة قالو ليها جيران ياله تسلحات وعرفات بلي أمير من ورا هادشي ، ولكن متسوقاتش ، گلسات تما ،

هاد لمدة جنات كريشتها كبرااات و أسيل كريشتها بدات كتبان و حتى آية ولكن معارفاش بلي حاملة حيت وحمها جاها ساااهل معارفاش واش حاملة غير كرشها قالت بلي غير مع لوزن حيت هاد لأيام غلاضت و فورمتها ولات توت لوز

كانو في لكوزينة كيوجدو حيت ليوم خطبة أميرة كولشي ملاهي

دخلات لابسة كسيوة مزيرة من جيهت صدر و مطلوووقة من لتحت هي كمام و طويلة دايرة لشعرها ضفيرة ، بعدما قطعات ليها أسيل شي زغيبات خلاتهم هابطين على عينيها ، كلشي نتابه ليها أشارت ليها مريم تگلس حداها مشات متوجهة لعندها و هازة طبسيل تمر باش يعمروه بلوز و گرگاع

مريم: زيدي أبنتي قبيلة سيفطت ليك أميرة وليتي تخرجي حتى تقادي علموك غير لمسخ ياله زيدي نقادو هاد تمر
آية: عطيني شوية لوز
أسيل: ااه ااه حتى انا
مريم : ياويلي باغين تكملو ليا لوز راه مبقاش لوقت(عينيها دمعو) ياااويلي على لهبيلة شدي شدي تگولي كتوحمي

إثر على هاد لكلمة حتى واحد منتابه ليها كملو شقاهم عااادي ، قيس قنط في دار و بغا يخرج خرجات أسيل و آية هبطو لجريدة ديال مريم هي بلاادها ولكن دايراها بحال جردة بعييدة على دار

خرج من لمطار جار فاليزتو و توأمو حداه كدلك جار فاليزتو ضحكة مزيناه عكسو توأمو لي عاقد سبعة في ربعة

جود: عرفتي شحاااال فرحان اصحبي احح وا أخيييييرا وصل نهار لي كنتسنا فيه ، ناااري على شعووور اااع
جاد:مكنعرفش هاد شعور
جود: شنو زعمة متوحشتيش آية اممم ، أكيد اتكون فرحان حيت اتشوفها
جاد: وي فرحان حيت …. (سكت حيت مبغاش يقول ليه شنو كيدور في راسو)
جود: هاي هاي ، فرحان حيت ادوق لحلوة

مداهاش فيه جاد كل واحد ركب في طونوبيلتو ، جاد ساق نيشان شاد طريق عند جداه و جود و باباه حتى يلحقو عليه ، كيف ديما سرعتو لي مكتهبطش ، مدة 2 سوايع طريق حتى وصل تفكر أول مرة شافها فيه بقا كيشوووف في ديك لأرض و لبهايم و نعاج لي سارحين تما بطء شوية سرعة مكمب طريقو دور راسو لعشتها فين كانت ساكنة بانت ليه مطرفة و نقية عكس آخر مرة جا فيها ، مداهاش فيها مشا مكمل طريقو حط طونوبيل بعيدة شويييي على دار هبط بدا كيوزع عينيه في هاد طبيعة و هاد لماكن بضبط ، بصدفة لمح ل قيس كيلعب تما وسط شجر زيتون و ليمون و نعناع قزبر كلشييييي گاع خضر كل حاجة في بلاصتها داكشي منضم ،

گالسة مع أسيل في جردة كيهدرو و يضحكو حتى سمعات شي واحد كينادي عليها دارت بان ليها سالم (سراح لي خدا بلاصت آية) تمشات عندو و سلمات عليه لاحضات توترو و سولاتو

آية:لباس عليك
سالم :حمد الله و نتي
آية:حمد الله ، مالك
سالم: بغيت غير نهدر معاك
آية: فاااش
سالم: نتي كتعجبيني من شحال هادي ، و …. (بتاسم ) حشمت شنو نقول ليك
آية:(مبادلاه ابتسامة) غير كمل
سالم: واش تبغي تزوجي بيا ، و تكملي ديني ، قالت ليا بشرى بلي طلقتي ، نتي هنا غير بوحدك و حتى انا غير بوحدي واش تبغي نتزوجو انا وياك

باقي مكملش كلامو جاتو لكلمة لفم

#يتبع
💙🖤تتمة💙🖤

آية شدات فمها من كثرة صدمة هي تصدمات من سالم و زيدها تصدمات من جاد حيت جا و تصدمات من ضرب جاد ل سالم مسكين ، قيس خاف طلع كيجري هربان أسيل كتفك و آية كتفك خلاه تحتو بحال شرويطة دايرة بحال شي ثور هايج دار شاف في آية ، آية كتعرف مزياااان هاد شوفات لي دار فيها حيت ديما ملي كيكون معصب كيتوجه ليها إبرد أعصابو فيها ، دارت كتجري هربانة هي كتجري و هي تابعها أسيل مسكينة معرفات واش تعتق دري ولا تبعهم في لخر تبعاتهم

ياله وصلات قدام دار شدها من شعرها دورها عندو حتى تقابلو بجوج سرفقها حتى ضارت خرجات مريم كتغوت عليه عودها تسرفيقة تانية كلشي مصدوم إلا بشرى لي ضاحكة

مريم: طلق منها يا مسخوط ، جيتي ولا باقي ،طللللللق ، طلق منهاااات

متسوقش لجداه أصلا مسمعهاش شنو قالت عينيه غير عليها و على لبسها و كيفاس تبدلات جر ليها راسها عطاها بتسرفيقة حتى ضربات مع طونوبيل و طاحت لأرض سخفانة ، عاود هازها من شعرها و جيران كلشييي حاضيها منهم يامنة ، وصلو سيارات جود و إياد و يوسف و أصلان و نزار كيشوفو لبنت ميتة وسط إيديه طار عليه أصلان بضرب و جود و إياد كيفكو ، نديم عجبها لحال ولكن مبغاتهمش يتحاماو عليه

أصلان: نتاااا ماااااااشي راااااااجل واش كتفهك مااااااشي راااااجل رجلة صعييييييييبة عليك يا شماااااتة
جاد:(عطاه لفم) ديها فراسك نتا هو شماتة ،(كيخاطب آية) بربي حتى نقتلك
جود: واااا زبل واش حتى نهار فرحتي عاد نكدتوها عليا

هدنو جاد و دخلو كاملين منهم آية ، دخلوها بيت أميرة جات ندين كتداوي ليها جروحها ، واخا تكوني كتكرهيها تبقا فيك حيت ديك احالة لي هي فيها متبغيهاش لعدوك

أسيل خرجات برا عند أصلان معنقاه و كتبكي بقات فيها آية
أسيل: هءهء حشومة عليه ، مسكينة كنتشها شي حاجة كتمشي تجيبها ليا هءهءهء
أصلان: شششت صافي حبيبتي متبكيش راك حاملة

بدات كتفتح عينيها راسها ضاااارها بزاف لقات ندين حدا راسها تقادات في لگلسة رغمة ضرب لي واكلة مبتاسمة و سلمات عليهم منهم ماماها و ختها ، سمعو دقان لقاو جاد خلاوه يدخل هي خافت رجعات بلور تمشا جيهت أميرة

جاد: ختي أميرة سمحي ليا ، سمحي ليا عارف بلي هادة نهار زوين عندكم نتي و خويا ولكن غير متديش عليا
أميرة: لا لا ماشي مشكيل
جاد:(جبد ليها علبة) هادة كادو بسيط بمناسبة خطوبتكم و مرحبا بيك في عائلتنا
أميرة: شكراااا بزاااااف خويا جاد شكرا

دار خارج تمشا جيهتها شدها من يدها مخرجها حتى وقفاتو ندين
ندين: طلق من لبنت اولدي اتزيدهت ضربة وحدة اتموت ، بعد منها خلي هاد نهار يكمل بيخير
جاد: مندير والو غير انهدر معاها شوي

قبل ما يسمع جوابها مخرجها برا وقفها مع طونوبيل و هو حاضيها كيشوف فيها كيفاش تبدلات كانت غير حازمة راسها و كتلبس بيجيمات طوال دابة لابسة كسوة و شعر ضافراه و زيااانت ، غبر عليها غير شهرين و اش دارت كون غبر عليها عام إلقاها رائدة فضاء هه

جاد: شنو هادشي لابسة
آية: ح…حوااايج ..
جاد: عرفتهمممم ولكن نني مكتلبسيش هادشي
آية: أسيل علماتني ،(مخرجة عينيها) انا باقي صغيرة و هادو هما لحوايج لي قد لاج ديالي
جاد:(مطرطق. عينيه من هدرتها بلخصوص ديك لاج) كيفااااااااش ، واش كتهدري بفرونسي
آية: no I speak English (لا انا كنتكلم بلإنجليزية)
جاد: شكون علمك
آية: أسيل و أميرة و قيس
جاد: مزيان فرحت ليك
آية:(بحنية) علاش ضربتيني
جاد:(تفكر و تعصب بدا كيغوت) واش لز****مال بوك ، هطرتي وليتي كتلبسي لكساااوي و تهدري مع زو****امل ، شكون هداك لي هدر معاك قبيلة
آية: هداك غير سارح هنا و بشرى كدبات عليه قالت ليه بلي انا مطلقة
جاد:(هز نيفو لسما) ام حنا أصلا انطلقو

عند أمير گالس في طونوبيلتو مقابل دارها كيف لعادة حتى بان ليه ولد في عشرينات هاز بوطة كبيرة حلات ليه جنات و دخل هنا بداو شياطين كيلعبو في مخو هو دارها كيبقا حاضيها 24 ساعة على 24 كيفاش حتى جا هادة ثاني بدون شعور هبط غادي كيتمشى بلباسو أسود كلشييي حاضيه وصل مع حلة لباب

جنات: شكرا خويا
شخص: هانية ختي

خرج في أمير لي واقف عاقد 90 شافتو بغات تسد لباب دخل قبل ماتحاول هو كيقرب و هي راجعة بلور كيشوف في كريشتها و فيها توحشهااااا بزااااااف ولكن هي مبعدة خااايفة ، بدون أي كلمة زرب عليها شاد وجهها كيقبل فيها بحرارة

#يتبع

Leave a comment