Skip links

قصة : المعنفة ج 1

 3,642 عدد مشاهداات

❤المعنفة❤
📝سمر سمر 📝

البارت :🌸1🌸

حتى بنت متقدر تعيش بلا واليدين أو بلا عائلة كيف كنعرفو هما لي كيحميونا و مغطيين علينا بزاف لحوايج كيستحملو أي حاجة على قبل ولادهم كيسمعو لهدرة و يعفطو على كرامتهم على قبل أبنائهم و يبتاسمو رغم جرح و تعب و أفكار إنهم كيبغيييوك ،

واليدين تقدر تهدر حتى تعيا و توصف فيهم و متقدرش توصف حبهم و جمالهم و قلبهم و تضحيتهم إنهم واليدين متكونين من أب و أم بجوجهم مهمين أب يحميك و أم تعطيك لحنان و تحميك …….. ولكن ؟

واش كاع واليدين هاكة ؟ هادة هو سؤالي واش كاع واليدين مستاعدين إضحيو بحاتهم على قبل ولادهم ؟؟؟؟ بنسبة ليا : لااا
(منطولش عليكم تبعو لقصة و أتعرفو)

مدينة الرباط، في تمارة، في زعير (زمور زعير أتكونو سامعين بيها) گالسة بنت في عمر 18 سنة حروفها كحلين شعرها بني و طويييييل وجها سمر مع شمس و إيدياتها سمريين مع شمس و شتا لابسة بيجامة مسخة شوي

ولابسة بوط في لون لخضر و دايرة ترازة فوق راسها على شمس گالسة وسط ربيع و حاطة حداها عصة صغيرة مديال لخشب و مقابلة مع لبهايم (البقر) سارحاهم لماليهم كياكلو في داك ربيع منضر زوين بزاف و جبااال عااالييين تشهاي تبقاي غير تما وصل لوقت جمعت لوقفة و نادت كضرب فيهم باش إيمشيو لكوري

دخلاتهم ربطاتهم في بلاصتهم و خرجت كارهه ريحت زبل و ريحت البهايم مشات متوجهة لواحد دار من وسط ديور كبييرة في لون لحمر حيدات لبوط في لباب حيت مقادة على عصا و دخلات

آية : خالتي يامنة ، خالتي يااامنة

يامنة: يعطيك لخلا شنو

آية: راه طلعت لبهايم

يامنة: دغيااااا ، باينة سگتي (مشيتي ) لشي بلاصة و خليتيهم

آية: لا اخالتي بقيت حداهم والله شبعو و جبتهم

يامنة : سيري ورديهم بلاتي او علفي

آية : واخا

يامنة: ملي تورديهم زيدي لدوك لماعن و سيقي لكوزينة

آية : واخا اخالتي

يامنة: انمشي نشوف لباتول نجي منلقاكش ولا نلقاك هزيتي شي حاجة من لكوزبنة نبيتك مع لبهايم

آية:(حركات ليها راسها بلا بزربة) لا لا معندي فين نبشي و منقيس والو

#يتبع

❤المعنفة❤
📝سمر سمر 📝

البارت :🌸2🌸

يامنة دخلات لدار و آية دخلات لكوزينة إنهم دايرين كوزينة على برا هادو سكنة الناس لعروبية ، سمحو ليا طولت عليكم و معاودتش ليكم على لبطلة :

مهيم بطلة هي آية يتيمة الإن ماماها تخلات عليها فاش ياله تزادت

#فلاش باك

سلمى : مبغيتش هاد لولد ا ندين آش ندير

ندين: هادشي فكري فيه شحال هادي ماشي حتى لدابة

سلمى: دابة عاونيني

ندين : قولي ليه إيتزوج بييييييك أزفت

سلمى : هو قال ليا مباغيش لولاد و قال ليا نطيح لولد ، ولكن دابة راه عندي 5 شهور ميمكنش ليا

ندين : أنا أنهدر مع إياد إهدر معاه راه صاحبو

سلمى: عااافااااك قولي ليه إيتزوج بيا دابة و لولد أنولد و نعطيه

ندين : منيتك راه ولدك ولا بنتك هاداك

سلمى : أصلا انا مبغاهش

ندين : اااه و ملي هزيتي رجليك كنتي باغة

سلمى : حتى نتي عندك 3 لولاد

ندين : أنا مزوووجة متنسايش

بعد مرور 4 أشهر سلمى تزوجات بيوسف لولد لي كتبغيه و حاملة منو ولكن بجوجهم مباغينش لولد يوسف ياله عندو 23 عام و سلمى 19 عام قررو أنهم إولدوه و يعطيوه عائلتها إيربيوه ،

هادة هو شهرها گلسة على راس ناموسية و كتحس بوجع كيزاورها شوية تجهد عليها غوتات حتى جا عندها يوسف مخلوع ماشي على ولدو ولكن عليها هزها و داها سبيطار ولدات بنية سماتها آية و قررو أنهم إديرو ليها لوراق و حطوها في حالة مدنية ،

دازت فقط 15 يوم و سلمى محاملاش بنتها مباغاش تعطيها ترضع عيطات على راجلها جمع ليها حوايجها و داها لعند عائلتها عطاها لواحد لمرة و عطاها 2 مليون باش تقابل ليه بنتو و تربيها خرج من تما خلا بنتو و طرف من لحمو و دم بدم بااارد حطها و خرج رجع لدارو

#عودة
#يتبع

❤المعنفة❤
📝سمر سمر 📝

البارت :🌸3🌸

آية كبرات وسط لعروبية لمرا لي كانت مربياها ماتت و آية كانت في سن 8 سنوات ولكن واليديها مكيجيوش عندها بقات تما كتخدم عند عائلة مها لي هما ممعتابرينها راه بنتهم كيشوفها بنت لحرام

كل مرة كتخدم في دار كتدير كوولشي عمرها خرجات من لعروبية عمرها شافت لمدينة ولا شافت مدراسة مكتعرفش تقرااا أمية جاااهلية كتعرف فقط تشقا و تسرح لبهايم

يامنة هي مرت خال سلمى، آية كتخدم عندهم بزاف حيت عندهم لفلوس و دارهم كبيرة و عندهم لبلدان و لبهااايم بزاف واصلة ل 24 بقرة و شي 12 عرض (عجل)

ولكن كيعطيوها فقط 20 درهم في سيمانة كل تلاث حيت كاين سوق في سيدي يحيى (اتكونو كتسمعو ب سيدي يحيى زعير)

ولكن مكتبشيش فقط كتسخر مع الناس لي غاديين لسوق

آية وردات لبهايم و جمعات لكوزينة و سيقاتها رجعاتها غزااالة سالات خرجات تعلف لبهايم كتهز في سطولة و كتكب لخناشي مديال لعلف تقيييل عليها ولكن كتصبر

سالات و گلسات قدام لباب حدا دراري كيلعبو كرة مشات كتلعب معاهم لي شافها إيقول هادي معندهاش 18 عام

حتى جات عندها بيان (بنت ولد خال سلمى “هاد شخصيات لي ساكنين كلهم من لعائلة”)

بيان : قالت ليك ماما غدا أجي خملي ليها دار

آية: صاافي واااخة

يامنة : ااااية ااااية

آية نادت كتجري مشات عندها و لخلعة شاداها من صبعها صغير

آية: نعام أخالتي

يامنة دوزي ديري طراح مديال لملوي نتي غير مبركة ليا هنا دوزي تحركي

شنو بان ليكم نغيرو وجهة شوي ….

❤المعنفة❤
📝سمر سمر 📝

البارت :🌸4🌸

في فيلة كبييييرة و باينة على أصحابها ثراااء و البرجوازية ،

متكي في بيتو لكبيييييير تعطيه راه فيه شي 100 ميترو ههه شاد تيليفون مكونيكطي حتى سمع دقان عطى إدن و دخلات خدامة في سن 50 ولكن باقا شادة راسها مزيااااان

ربيعة : ولدي تكلم لسي إياد

جاد: واخا اخالتي ربيعة شوي او نجي

حركات ليه براسها و انسارفات ناض هو من بلاصتو كان لابس شورط و ديك لفورمة عاجباه تقابل قدام لمراية شاف راسو

جاد : اممم مزال خاصني نقاد لفورمة كتر بفف

لبس تيشورت في بيض و تم هابط في دوك دروج لي تشهاي تبقاي غير تشوفي فيهم تحشمي تمشي فوق منهم ههه دخل لصالة تقليييدية كبيييييرة مترأسها باباه و ماماه

إياد : (رجل خمسيني ولكن كيبان طالع في تلاتين فورمتو تطيح صرصور من فوق صور) مالك غا ساد عليك

ندين: ( إمرأة في أوائل أربعينات أنها ولدات جاد و خوه توأم في سن صغييييير كتبان بحال شي بنت عشرينات) هانتا تشوف گاعما كيجي عندي و يعنقني و يهدر معايا

جاد: (بتاسم ناض إعنق ماماه و هي عاجبها لحال ) كنبغيك يا أحسن أم راك عارفة غير مع لخدمة

إياد : صافي باراك حيد إيدك على مرتي لا بغيتي تعنق سير تزوج

جود :(توأم جاد ولكن مكيتشابهوش ، حتى هو تيتيز و فووورمة احح) بعد أصحبي راه بابا كيغار عههههه

إياد: ياله طلق منها

ندين : حتى نتا كتعنق بناااتك

جاد :(طلق من ندين) هههه كتغارو من ولاادكم هههه

#يتبع

❤المعنفة❤
📝سمر سمر 📝

البارت :🌸5🌸

ندين : ماما مشات لعروبية شنو بان ليكم نمشيو ندوزو عندها شي 15 يوم

جاد: توحشتهاااااااا ، نيت باغي نرتاح و منبقاش غير لخدمة لخدمة

جود: عندهم تيتيز ؟ ههه

إياد : معرفتش مهيم لي بغاتها مرتي نديروها ;

أسيل: فيييين غاااادييين (أسيل اخت جاد صغيرة عندها 22 عام و زوينة بزاف مزوجة و عندها ولد)

ندين نادت سلمات على بنتها و هزات ولدها قيس كتلعب معاه أسيل ضحوووكية بزاف يعني اجتماعية سلمات على خوتها و مشات عنقات باباها

ندين: صافي سلمتي عليه وا باراك

أسيل : ياك اماما توحشت بابا او بغيت نعنقو

كتعنق فيه بلعاني بحالا كتقول ليها موتي بسم هادة مديالي بوحدي ندين حطات لولد و خرجات لجردة كتبكي ،

متستغربوش ولكن هما هاكة دايرين كيغيرو على بعضياتهم و كيبغيو بعضياتهم بزاف راه 26 عام مديال زواج و حتى ولادهم ولفو عليهم لا بغاو إعنقو ندين خاص ميكونش إياد و لعكس عوتاني

إياد : شفتي هانتي قلقتي ليا مرتي سيري لولدك ههه

جود: بابا قول ليها انجيب ليك شكلاط و ضحك هههه

بتاسم خرج باش إراضيها و جاد بقا كيلعب مع ولد ختو

جود : فين هو اصلان (أصلان هو راجل أسيل و صدييق مقرب ل جاد )

أسيل:.خدام ، اجي نمشي معاكم لعروبية عافاكم كتعجبني بلاصة تما

جاد: ياله أصلان ميقول ليك والو على حسابي

أسيل: لا ميقول ليا والو غير انتوحشو هههه

جاد : بقاي حداه (وقف) ياله نخليكم عندي شي خدمة و ناخد طلب باش نمشيو عند جدة

حركو ليه براسو طلع بدل حوايجو و لبس لبسة لبوليس جاه غزاااال حيت هو بوليسي خرج متوجه لمقر خدمتو

•تغير إتجاه عند آية

#يتبع

❤المعنفة❤
📝سمر سمر 📝

البارت :🌸6🌸

من بعد كل هاد تعب سالات و مشات متوجهة لواحد لبيت صغيير مبني في لخلا غير بطين و مغطي بلميكة على شتا حلات قنبة لي كانت سادة بيها لباب مديال لقزدير

خاصها تهزو و دفعو دخلات حاطة جوج صنادق فين حاطة تما لخضرا و حوايجها و شي طباسل او كيسان حيدات سباط و گلسات مفرشة خنشات (كتعرفو خناشي طحين )

مخيطاهم و عطاوها بحال لحسيرة منها ل تراب ولكن عندها عادي مولفة قربات ليها بانيو صغير وموس كتنقي في مطيشة و لقزبر و لبصلة ملي صالات خلطاتهم و كلااتهم مدارت لا زيت ولا ملح حيت معندهاش

صباح جديييييد و أحدات جديدة فاقت بطلتنا مع لفجر بحال ديما خرجات جابت لما و توضات صلات عاد لبصات بوطها و خرجات لعند لبهايم داتهم تسرحهم و ملي يوصل لوقت تمشي تخمل ل سناء حيت دايرة معاها

وصلات 3 لعشية في فيلا إياد أرجي أوغلو ، إياد جنسية تركية باباه توركي و ماماه مغربية و عايش في المغرب من صغرو و ندين مغربية من أب مغريبي و أم مغربية ملي تزوجات خدات نسب راجلها ،

ندين دخلات لدار كيف لعادة بجامليتها و أنوثتها داخلة مع جود لقات أسيل و إياد كيلعبو مع قيس لي في عمرو 4 سنوات

ندين : حبييييب جداااااا أجي عندي

مشا عندها كيجري عنقها و هي هزاتو كتلعب معاه ، سلمات على إياد و أسيل

ندين: اتمشي معانا

أسيل : ااااه أصلان قال ليا 3 يام متفوتيهاش هههه قلت ليه سيمانة منفوتهاش مسكين مفخباروش انبقا 15 يوم هههه

إياد : متكدبيش عليه قولي ليه اتبقاي 15 يوم

ندين : ههه قلتها ليه صباح تصدم مسكين عاد قلت ليه راه معانا إياد و جاد و جود و عاد حاول إقول صافي دخل إيدير واحد لعملية و هو دايخ ههه

(أصلان طبيب و ندين حتى هي طبيبة جراحة )

#يتبع

❤المعنفة❤
📝سمر سمر 📝

البارت :🌸7🌸

أسيل : حتى انا نكون طبيبة

إياد: كملي قرايتك

ندين : كون كانت هنا صهان كون مشات معانا

جود: إوا صهان عاطياها غا لخدمة و كملتها دابة مع زواج (صهان هي بنت وسطانية و ياله تزوجات دابة 3 شهور) جاد ايمشي معانا ؟

إياد : لا قال ليا حتى نلحق عليكم

ندين : إوا ياله نشدو طريق حنا

داكشي لي كان هزو بزاف كادوويات و شدو طريق

باقة كتحك في داك جليج بروح جاڤيل و سلك لحرش يديها نبلو

سناء: حكي في جناب مزياان

آية: هاني كنحك فيهم

سناء : زيدي جاڤيل راه باقي لخز تما

آية حركات ليها براسها و حكات جناب دار كلها و سيقتها و نشفتها عاد بدات دخل في فراش صالات (فكراتني فاش كنت كنخدم 😅)

كملات مشات غسلات إيديها لي ولاو حمرين دم أينقز منهم

آية: صافي كملت واش مزال محتاجاني

سناء: لا باراك عليك هاكي هاد لخبزة كوليها و حتى يجي براهيم و نسيفط ليك خلاصك (راجلها)

حركات ليها براسها و تمات غادة مشات عند مريم هاد لمراة كتبغيها بزاف حيت هي لوحيدة لي ملي جات كتعاملها زوين

آية: خالتي مريم ، خاالتي مريم

بشرى: (هادي هي شريرة سميتها على لبنت لي عيراتني) شنوو

آية : كلمي ليا خالتي مريم

بشرى: ختي معندك دار حنا جينا نسكنو هنا بعدنا من بنادم سيري لشي قنت و سعاي

آية : انا مكنسعاش غير جيت نشوف خالتي مريم

مشات و خلاتها قبل متجاوبها مشات تسرح لبهايم و نعاج غادة و كتاكل في لخبز گلسات دازو عليها جوج طونوبيلات وحدة رونج كحلة و لخرة ميرسيديس حتى هي كااملة كحلة

#يتبع

❤المعنفة❤
📝سمر سمر 📝

البارت :🌸8🌸

مداتهاش فيهم و مشات گلسات في ربيع حادياهم

إياد: شكون هاديك

ندين : معرفتهاش ولكن باينة من لعائلة حيت ساكنين هنا غير لعائلة مكاينش لبراني

إياد: امم مزيان

عند جاد

جمع فاليزتو صغيرة دارها في طونوبيلتو و شد طريق باش إدوز 15 يوم بعيدة على لخدمة و صداع فقط راحة و طبيعة و نفسيتو ترتاح كثر ،

بعد مدة طريق دخل لعروبية نص ساعه و هو غير في طريق و باقي موصل ،

كان غادي بسرعة كبيرة و هو معروف عليه هاكة كيسوق
آية كانت كضرب في لبهايم و نعاج تديهم لكوري حتى سمعات صوت طونبيل مجهد ضرب شي حاجة تخلعات مشات كتجري و خلات لبهايم غاديين راسهم حيت عارفين طريق ،

وصلات لقات نعجة طايحة في أرض بدون شعور هبطو ليها جوج دمعات من لعين ،

جاد كان باقي في حالة صدمة هبط بزربة بانت ليه طونوبيل ضغطات و نعجة مليوحة و بنت محنية عليها كتبكي

جاد: ختي واش نتي بيخير ؟

آية: (بصوت باكي و كتخرج لهدرة بزز) هء هء قتتلللتيييها هء هء

جاد تصدم كيفاش كتبكي على حيوان بهاد طريقة بصح بقا فيه ولكن صدماتو غير لبنت لي كتليد حداه

جاد: مشفتوووش هو لي جا دخل قدامي

آية : هيي ماشي هو راه نعجة هادي هء هء ليوم تقتلني

جاد: شكون

آية: هء هء الله ياميمتي و فين نمشي هء هء

قرب جاد إعاونها و هي دفعو مخلاتوش إقيسها

جاد: طريكت لحماق دابة نعطيك فلوسها

طلع في طونوبيلتو و كمل طريقو وصل شاف طونوبيلة باباه او خوه حطها حداهم و دخل لدار لقا غير بشرى شافتو بدات تحلون عليه

بشرى : أهلاً ولد عمتي (باستو من وجهو) صافا

جاد : حمد الله ، فين هي ماما و جدة

بشرى : عند خالتي يامنة ، ياله نديك عندهم راه قالوها ليا

حرك ليها براسو و خرجو

#يتبع

❤المعنفة❤
📝سمر سمر 📝

البارت :🌸9🌸

كيتمشى و كيضرب فيه داك لهوا نقييي زوييين كيحس برااااحة ولكن منساش ديك لخروفة بقات فيه

شاف في طريق بانت ليه لبهايم و هي بعيييدة عليه هازة نعجة فوق كتافها ، هدر بدون ما يحس

جاد: شكون هاديك

بشرى:( دارت كتشوف فين كيشوف حتى بانت ليها آية و خسرات صيفتها ) امم هاديك هاربين عليها واليديها و ساكنة هنا ، عرفتي وااااحد سليعفانة عندها كثرة لوجوه

جاد :(شاف فيها مصدوم) كتبان ضريفة

بشرى: غير كتبان كضل دور و كتغطي على راسها بهاد سرحة و لبراءة أما هي راسها عامر تحرميات

جاد: لعجب

كملو طريقهم و بشرى خلات ما قالت عليها و هو محاملش راسو سولها غير تقول ليه شكون و تسكت متعاودش ليه على حياتها و هو مكيبغيش إسمع لي كيهدر في الناس بزاف ،

وصلو دخلو لقاوهم حاطين صينية تقليييدية بامتياز سلم عليهم و گلس حدا جداه و كياكل كتعجبو لعروبية و ناسها و بلخصوص ماكلتها من صغرو ولكن هاد لبلاصة عومرو ما جا ليها

بقاو شي نص ساعه كيهدرو و يضحكو

آية من بعد بكا طويل قررات تقولها يامنة واخا عارفة مترحمهاش دخلات مشات عند خديجة (بنت يامنة و حتى هي مسمومة بحال مها)

خديجة : فين داخلا ليا كاين ضياف حتى يمشيو و آجي غسلي لماعن

آية:(بتوتر) واخا… كلمي ليا خالتي يامنة

خديجة : لاااش

آية : غ.. غاا كلمييي.. هااا

خديجة شافتها هكاك عرفاتها مكحلاها دخلات كلمات مها لي ناضت معصبة مبغاتهاش تقاطعها بلخصوص قدام عائلة راجلها ليي كيتميزو بنفووود

يامنة: شنووو اش بغيتي تاني ملقيتي إيمتا تجي

آية: (خلعااتها شدات في راسها و بدات تهدر بزز) و.. واااحد مول طونوبيل …… ضرب ليا نعجة.. …

يامنة:(ضربات فخادها و غوتااات) أوييييلييييي واش قتلهاااااااا

#يتبع

❤المعنفة❤
📝سمر سمر 📝

البارت :🌸10🌸

آية حركات ليها براسها و طارت عليها يامنة كتنتف فيها بدون شعور ولا رحمة حتى طاحت و طاحت فوق منها كضرب ليها راسها مع ضس لي قااسح

حتى داز ليها دم من جبهتها و فمها آية غير كدير إيديها مقدراتش دافع على راسها حيت بكل بساطة تقدر متبقاش تخدمها عندها مخلياها دير لي بغات ،

طلبات غير لموت باش تهنا من هاد لحياة مديال زفت ، ندين سمعات لغوت نادت خرجاات كلهم خرجو إلا إياد و جاد و جود حيت هاكة طبعهم مكيدخلوش في شي حاجة مكتخسهمش حتى سمعو ندين غوتات و خوفا عليها ناضو إيشوفو

لقاو آية گالسة و يامنة كتضرب فيها و ندين و مريم كيفكو طلقات منها يامنة و گلسات تليد و تغوت

يامنة: الله يا ربي رزاااتني في نعجة (كضرب في صدرها) بغيت ربي يرزيك في صحتك يا لكافرة بالله يا ليهودية ، مسكناك معايا

آية و مريم شافو فيها مصدومين حيت عارفينها كتكدب ، إياد معجبوش لمنضر أصلاً ممولفش ب هادشي خرج من تما و جود بغا إيتبعو حتى نقزات عليه بنت معنقاه من كرشو حيت طويل

تحنى بان ليه شعر كحححل و حط عليها إيديه و هز ليها راسها باش إيشوفها و نسا لغوات و مدابزة مبقا كيسمع والو من غير أنفاس هاد لبنت معنقاه

أميرة : (بصوت رقيق)خاااايفة

جاد :(فاق من سهوتو و رجع سها في صوتها شد في إيدها و خرجو) دابة صافا

حركاات ليه براسها ، (أميرة هي بنت خال جود و أول مرة إيشوفها حيت ملي شافها كان باقي صغير)

مهيم نرجعو لهاديك لي كلها دم و كتبكي بحرقة و في صمت أما جاد غير مصدوم معرفش شنو يقول و عاد تفكر فاش قالت ليه ليوم تقتلني يعني هي خدامة عندها جبد من جيبو دمصة غير زرقات و لاحهم على آية كولشي تصدم فيه

جاد : هزي فلوسك (دار عندهم) انا لي ضربتها بطونوبيل بدون قصد

يامنة : لا أولدي مترجعش لراسك لومة هي لي مكتحشمش لكلبة لاخرة ولكن انا لي حمارة مخدماها عنديييي انااااااا (كضرب في صدرها )أناااااا نستاااااااهل دايرة فيها خير ولكن ها لي كيوقع لي كيديدر لخير في ولاد زنققققققة

#يتبع
❤المعنفة❤
📝سمر سمر 📝

البارت :🌸11🌸

آية أول مرة تشوف مبلغ من داك لفلوس ولكن مخاصش إعطيهم ليها هي ولكن ليامنة

يامنة عينيها غير على لفلوس تجمعهم

ندين : جاااد ملي نتا أ ولدي قولها شوف لبنت كيف ولات ،

جاد : راهم لفلوس معندي مندير بصداع راس هزيهم و تهزي من هنا

ناضت آية جمعاتهم و يامنة باغا دوز ليها باش تاخد لفلوس ولكن ملقات جهد ،

آية جمعاتهم و وقفات قبالتو و مداتهم ليه

آية :(بصوت باح بلبكة) ماشي مدياولي و نعجة ماشي مديالي (ضربات لفلوس في صدرو حتى طاحو)
قالت ليه هاكة و دارت خارجة كتعرج برجليها و كتبكي بحر ألم جاد مهزش لفلوس ولكن معجبوووووش تسرف لي دااارت مكرهش إقتلها و غير شاف ف يامنة لي عينيها أيخرجو على لفلوس و عجبو لحال و بتاسم بخبث.

جاد: إذا خودي فلوسك

بدون أي كلمة طارت كتجمع فيهم من حدا رجليه ندين و گاع لي تما تصدمو ولكن جاد كان فرحان من بعد نصارفو و راجعين لدار

أسيل : ويييلي يا ماما شفتي عينيها حوالو

مريم : و داك لقطيع مديال لبهايم كلو مديالها

ندين : تفو طمع

جاد : هادشي لي كيبغيو ، غيير لفلوس واخا يعرفو إيطيحو في لبير

أسيل: لبنت مسكينة لي معندها ما تاكل مخداتهمش بففف على مجتمع (سكتات شوي و تفكرات ولدها و غوتات) لا اويلي ولدي قيس أماما ولدي فينو

ندين : معرفتش واقيلة مع جود

جاد: لا جود مخرجش هازو.

أسيل: (لما طاح ليها في ركابي ) إقتلني أصلان هء هء بغيت ولدي

مشات كتجري لدار و ندين جات بشوي خوفا على مها لي مرا كبيرة ، وصلو لقاو إياد كيصورو في طبيعة و مع البط و دجاج فرحان

قيس : ماما سوفي تزاز (دجاج)

أسيل : ( مشات عنقاتو ) ااااه احبيبي معامن كنتي

إياد: عاد تفكرتيه هههه جبتو معايا ماشي من مصلاحتو إسمع لغوات

أسيل: صافي ابابا شكراً بزاف

#يتبع
❤المعنفة❤
📝سمر سمر 📝

البارت :🌸12🌸

نمشيو عند جود لي واقف حدا أميرة لي سطاتو و دات ليه لعقل ،)جود معروف عليه زهواني لبنت لي شافها كيتغرم بيها ولكن أميرة حالة خاصة)

أميرة هي صغيرة اخت بشرى زوينة بزاف على بشرى و ندين هي لي سماتها أميرة

جود: إوا زين ممصاحبش

أميرة:(خصرات فيه صفتها) حشومة متبقاش تقول هاد لهدرة

جود: هي ممصاحباش ، شنو بان ليك نكونو في علاقة

أميرة :(حشمات ولكن ديما كيقول ليها باباها متهدرش مع دراري بزاف و مديرش علاقات) لا

ستأدنات منو و مشات راجعة لدار و خلاتو هو كيبتاسم غير بوحدو عجباتو كثر ملي رفضاتو حيت عمر حط لعين على شي وحدة و رفضات ،

وصلات لقات لعائلة گالسين تما گلسات حداهم

أميرة : جدة ، مال ديك لبنت قبييلة

ندين : ااه شكون هاديك

مريم : هاديك هي آية ابنتي

ندين:(حلات عينيها بصدمة ، ميمكنش تكون بنت صحبتها لي معتابراها ختها مشات كدور في دول و هاد لبنت هنا معدبة) ميمكننننش بنت سلمىىىى !!!

جاد:(تصدم كثر كيفاش هاديك بنت لمراة لي معتابرينها اخت ماماهم)ولكن خالتي سلمى عندها غير ولد و بنت

ندين : إذاً بنتها جابتها هنا و هي عايشة لحياة بحالا عندها غير بنت وحدة وجوج ولاد ؟؟؟؟

مريم : لا حول ولا قوة إلا بالله ، لا حول ولا قوة إلا بالله العلي العظيم ابنتي

بدلو لموضوع حيت قيس كان تما شربو أتاي و تصورو مع طبيعة و بقاو مجمعين تما و إياد و جاد و جود ياسين (اخ ندين)

و أناس (ولد أخ ندين) كيهدرو في مواضيع رجال

نغيرو لوجهة و نبشيو عند ديك لبنت لي كتغسل في وجها لي عاطيها لحريق معرفت مدير ليه

راسها كيضرها بضرب و لبكا بقات گالسة تما معندها فين تخرج ميمكنش ترجع عند يامنة لدار حيت هاد لمراة أتخرجها بلكفن ،

بقات تما حتى سمعات دقان ناضت تشوف شكون لقات أسيل و أميرة لي مخشية من مور أسيل ضاهر عليها لخووف

آية : س. سلااام. مرحباا بييكم ، مرحبا دخلوو

أسيل : ترحب بيك لجنة ، حنا مزروبين بغيناك تكلمي لجدة

آية: شكون هي

أسيل : مريم

آية: ااه واش باغاني ندي لبهايم،، واخا هاني جايا غير نلبس

#يتبع
❤المعنفة❤
📝سمر سمر 📝

البارت :🌸13🌸

أسيل حركات ليها براسها و مشات و آية لبسات بوطها حيت قالت أتكون باغاني نجيب ليها لبهايم و هزات عصاتها و خرجات من مور أسيل

وصلات لقاتهم تما كلهم گالسين قدام لباب وقفات بعيد عليهم حيت لابسة لبوط و شافت في جاد و رجعات كتشوف في مريم

آية: خالتي مريم ، بغيتيني

مريم: زيدي ابنتي دخلي

آية : لا لبوط مسخ

مريم : غير زيدي (دخلات و وقفات مقابلة معاهم) كيف بقيتي

آية: لااااابس مفيا والو

ندين : گلسي نداوي ليك ابنتي

آية: لا بلاش غسلت وجهي

ندين : هدرت معاك ، وجهك كلو دم …أسيل جيبي ليا علبة إسعافات من طونوبيل

مشات أسيل جابتها و حطاتها ل ندين حلاتها كانت عااامرة بحالا أدير عملية ، آية غير شافت داكشي و لبراوات عينيها خرجو و نادت غادة و مريم شاداها

آية: لا لا لا مبغييتش صافي بلاش

ندين :(جابت ليها ضحكة ولكن حبساتها) متخافيش راه انداوي ليك غيير بلقطن متخافيش

بقات معاها بزز فاش قنعاتها و گلسات غير كتقيسها كتغوت جاد صبر حتى عيا و نفاجر بضحك ،

كملات ليها بزز و عطاتها كينة راس شرباتها

آية: ااه نسيت واش نجيب ليك لبهايم اخالتي مريم

مريم : لا لا غا جوج بقراة جابهم ياسين

آية: ااه نغسل ليكم لماعن ولا نسيق

مريم : لا ابنتي دار مجموعة

آية :(وقفات) صافي انمشي انا ملي تبغيني عيطي عليا

مريم حركات ليها براسها و بقات حادياها حتى مشات دارت عند جاد لقاتو حاديها طولات فيه شوفة و تبسمات و ناوية على شي حاجة أديرها

#يتبع
❤المعنفة❤
📝سمر سمر 📝

البارت :🌸14🌸

دازو يومين آية مبقاتش كتمشي عند يامنة ولا حتى مريم غير في بيتها و جوع قاتلها ملقات لي يعيط ليها باش تخدم عندو …

كانو گالسين قدام لباب كيفطرو مريم كانت ساهية حتى وقفات ستأدنات و عيطات على جاد بعدو على دار كيتمشاو في بلدان و طبيعة

مريم : إوا اولدي باقي مدير لينا شي عرس

جاد: ههه لا ا جدة ملقيتش بنت الناس

مريم: هي خاصك غا بنت الناس

جاد: ههه إوا اش بان ليك زعما

مريم : ههه، عندي ليك واحد لبنت ، هي بنت الناس و ضريفة تحطها على جرح تبريه ، و زوبيييينة و صباااارة

جاد: إوا شكون هاد تعيسة لحد ههه

مريم : أعوذ بالله أولدي (سكتات و عاودت هدرات) آية

جاد:(مصدوم كيشوف فيها بلاما يتكلم )شنوووو

مريم: هي أولدي ضريفة و غا يتيمة و حااااادگة الله إرضي عليك متقولش ليا لا حتى تفكر ، هانتا اولدي هي مسكينة عايشة هنا غا لقهرة و ضرب و جوع ويلا تزوجات اتبقا غير هنا داكشي علاش نتا راك قد زواج تبارك الله و قاد على مسؤولية الله إرضي عليك اولدي على قبلي تزوجو و هي لي قلتيها ليها ديرها حااادگة و كيف قلت صبااارة و هي مديال زماااان و زواااج (ضوراتو جهة فين كتسكن و هي كانت كتغسل جوج كيسان تما و جاد باقي مصدوم من هاد لهدرة لي كتقول ليه جداه)
شوف اولدي كيف زوينة و ضريفة و كيف كضحك ياك ، حياتها كلها و هي في داك لبيت عمرنا شفنا منها لعيب غير لخير و مسكينة معندها زهر غير مضفونة هنا ، مبغيتش نقولها لجود حيت جود طاايش وزهواااااني نتا لي بعقلك و بخدمتك (كون غير قلتيها لجود 😑) الله إرضي عليك اولدي متقول ليا لا الله إرضي عليك و انا عاااارفااااك متخسررررش ليا خاااطري لا كنت عزيزة عليك اولدي تزوج بيها

جاد: جدة ، آية ماشي من مستوايا و زيدها…

مريم : (قاطعاتو) واش كتحكم على مستوى لواحد ؟؟؟

جاد: الصمت

مريم : ندين كانت كتخدم غير في ديور و جا خطبها باباك لحد لآن معمرنا سمعنا مستوايا ولا مستواك

جاد: حيت زواجهم مبني على لحب وانا مكنعرفها مكتعرفني

مريم : صافي هدرتك لخرة ؟؟؟؟

جاد: حرك راسو

مريم: صافي لي بغيتي أصلاً انا معندي قيمة و معندي معزة ، قتلتوني و انا حية (ضارت باش تمشي و رجعات) لا متزوجتيهاش انا ساااااااخطة عليييييييك

مشات و خلاتو كيعيط ليها ولكن مضارتش كلمة انا ساخطة عليك كتكرر في ودنو بزاااف بقا واقف جا باغي يرتاح صدق ب مشكيل تنهد تنهيدة طويييلةو جبد گاارو يكمي….

#يتبع

❤المعنفة❤
📝سمر سمر 📝

البارت :🌸15🌸

دار شاف فين كتسكن ما بان ليه والو بقا في واحد صيراع مع عقلو و قلبو معرفش واش إتزوجها أو لا ولكن هو مكيعرفهاش مزيان

و زيدها ماشي من مستواه هو باغي بنت رااقيةو زوينة لي تجي مع مقامو ماشي وحدة كتسرح لبهايم و زيدها سمرة و ريحتها مديال زبل و لبقر

جاد: لا ميمكنش ، جااد آرجي أوغلو إيتزوج ببنت لعروبية بفففف واش هاد الموصيبة ياااربي ااااش درت في حياتي “********” تفووو

رجع لدار لقاهم كيهدرو متسوقش ليهم مشا طلع في طونوبيلتو و بقا گالس كيكمي و كيفكر حتى جا عندو جود بابتسامتو لي مكتفارقوش

جود: أهلاً توأمي ، مالك مكتبانش هو هداك

جاد: ببيففففف خليني نساكت

جود: دوي اصحبي مالك

جاد: جدة باغا تزوجني ب ديك مهمشة سراااحة آية

جود: هيي أتزوج و دير عقلك ههه

جاد : ماشي وقت ضحك ، سير عليا لق**** هبط بحالك

جود: صافي صافي ، بنت باينة فيها ضريفة اصحبي تزوجها وملي اتزوج متبقاش هاكة اتبياض او لماكياج اصحبي كولشي يحماق عليها ، متديهاش فيها دابة اصحبي غير زعم و شوف زواج

جاد:(بلغوات) مستوااايااااا مااااشي من مستوااااااها

جود: إوا لا بقيتي تابع مستوا راك عمرك ما تربح

هبط و خلاه ايموت غا بلفقصة بقا تما مدة عاد هبط دخل لدار كلاو جداه مهدرتش معاه و هو عدوووه لي يقطع لغاه مشا حاول إهدر معاها ولكن مصرة باش إتزوج ب آية ،

آية كانت في كوزينة كتغسل لماعن و طبسيل لي لقات فيه شي حاجة تاكلها و تغسل طبسيل و انساجمات مع أسيل و أميرة حتى أدن العشاء كملات و دخلات عندهم باش تقول مريم راه صالات

لقاتهم جابدين موضوع زواج و جاد وسطهم كيعمرو ليه في راسو ، آية ماشي من نوع لي فضولي متسوقاتش لموضوع

آية: خالتي مريم ، ساليت

مريم : اجي هنا باش نهدر معاك

آية:(قربات منها و جاد خرج مغوبش) نعام اخالتي

مريم : شنو بان ليك تزوجي ؟(شافتها بصدومة) تزوجي بولدي جاد ، ميخسك معاه حتى خير و أيعيشك أميرة و إيبقا إخرجك كل نهار و يتهلااا فيك ابنتي

آية : ولكن اناا.

#يتبع

❤المعنفة❤
📝سمر سمر 📝

البارت :🌸16🌸

آية: انا معرفتش (بارتباااك ) …ا ..خالتي… نتي تعرفيي…

مريم :إذا موااافقة !! انا ميمكنش نعطيك لهلاك ابنتي(سطرو على هاد لكلمة) نتي بنت ضرييفة و تستاهلي كل خير و جاد هو لخير مديالك

آية بتاسمات ليها و حركات ليها براسها و ناضت غادة حشمانة حتى لعشا نساتو وصلات دخلات نيشان گلسات و بدات كتفكر واش هادشي بصح أتعيش معاه أميرة ؟

أتخرج من هاد لهمشية و هاد لوسخ ؟ واش أتعيش معاه فرحانة و يبقا يخرجها كل مرة كيف قالت مريم؟ واش صافي متبقاش عايشة العنف ؟؟واش اتعيش في المدينة ؟؟ واش أينسيها معاناتها ؟؟واش أيعوضها بمكانة واليديها و يعمر ليها داك نقص ؟؟

ابتاسمات بدون شعور تكات و بقات كتحلم و كتخيل حياتها كيف غا تكون ولكن كتخيل حسب عقليتها ،

فاقت صباح بكريييي صلات الفجر و خرجات مشات خدات بقر مديال بابات سلمى لي هو جدها و هو ممعتارفش بيها هبطاتهم لبلادو ترعاهم ،

في هاد لوقت فاق جاد و إياد صلاو الفجر و لبسو تونيات و خرجو إيديرو رياضة في هاد جو زوييين باارد بزااف ولكن زوين

جاد : شنو بان ليك ندورو من مور هاد جبل و نجيو مع طريق

إياد : واخا ياله.

بداو جري مديالهم و سكوت بيناتهم دارو من مور جبل حتى خرجو في طريق لي جاو منها و بداو غير كيتمشاو حتى بانت ليهم بنت گالسة و شعرها مطلوق حداها نعيجة حداها و معنقا رجليها بحالا كتبكي و ملابصاش مزيان ، إياد شافها هكاك تخلع مشا عندها كيجري

إياد : بنتي ماالك

آية: لا والو غير دايرة هاكة باش نسخن

إياد :لبسي مزيان راه لبرد عليك و أصلاً هنا دنيا خاوية مخاصش تفيقي. دابة

آية :لا انا هنا من الفجر

جاد متسوقش ليها مشا و خلاهم حيد إياد تجاكيط لي لابس و عطاها ليها ولكن رفضااات من بعد رجع تابع جاد و هي بقات تما

إياد :مسكينة من الفجر و هي تم

جاد : و انا مالي

إياد : كتبان بحال شي واحد معندوش لقلب مالك

جاد : والو ، ابابا حتى نفطرو و نعاود ليك

إياد: واخا من مور لفطور عاود ليا

#يتبع

❤المعنفة❤
📝سمر سمر 📝

البارت :🌸17🌸

دازو 5 أيام لي جاد كره راسو فيها و من هاد مشكيل لي لسقات ليه ماماه وجداه هو كيبغي جداه بزاف و عمرو خصر ليها ولكن حالياً لعكس ،

آية غير كتشوفو وجها كيحمار و كتحشششم كتهرب دغيا بلخصوص فاش عرفت انه أيتزوج بيها

في هاد أثناء كانو كلهم كيفطرو لداخل و جاد كيكمي برا حتى وصلو ميساج من عند اصلان (رجل ختو و صديقو )

أصلان : جاد ،نور كاينة هنا في سبيطار(نور هي بنت لي مصاحب معاها جاد و كيبغيها)

جاد: شنوو علاش ماالها

أصلان : سخفات و جابها راجلها

جاد: (بعدم فهم) راجلها؟؟؟؟؟؟ كيفاش راجلها هي ممزوجاش ا أصلان مالها واقيلة هداك خوها

أصلان : جااااااد هاداك راه راااجلها و عندي دليل و زيدها هي حاملة و فرحانين بولدهم

جاد بحالا طرشتيه ولا كبيتي عليه سطل لما كيفاش مزوجة و حاملة و هو كيعرفها هادي عامين و مواعدها بزواج ميمكنش هادشي مدخلش ليه لعقلو

بقا كيشوف في نقطة وحدة وخلا هاداك لي كيعيط ليه في طيلي

جاد: ميمكنش 9حبة كانت كضحك عليا و انا ز**اامل متيقها كانت معايا على قبل لفلوس 9حبة أندددمك غير تسناااااش (ضور راسو و بانت ليه آية هازة ربيع فوق كتافها تعطيه لبقراة) كلكم 9حبات و كلكم سلعة وحدة …..

بقا كيشوف فيها و رجع كيشوف في طبيعة كيفكر في شي سعقة إعطيها نور حيت حاولات ضحك عليه أو نقولو ضحكات عليه جبد تيليفون و دوز إتصال

جاد : نزااااار (نزار هو ابن خدامة مديالهم و كابرين مجموعين و معتابرو خوه و يدو ليمن) بغيت تصاوري مع نور إتحطو في جرائد و كتب عليهم عاهرة جاد

نزار : كيفاش عاهرة ، هادشي أيجبد ليك صداع

جاد: هانيا

نزار : كون هاني

قطع معاه و دخل نيشان عندهم بحال رعد

جاد : موافق نتزوج ب آية

#يتبع

❤المعنفة❤
📝سمر سمر 📝

البارت :🌸18🌸

مريم: بشرى سيري كلمي آية مخصهاش تبقى تابعة لبهايم

بشرى: (اطرطق بلفقصة) هي ماشي من مستواه إيشوف بنت اااخرة

مريم: سوقك ،غا تمشي ولا نجي لمك

بشرى بعد لقمعة لي عطاتها جداتها خرجات معصبة و كدعي عليها دخلات لقاتها في لكوري كتعلف في بهايم و عاامرة زبل و عاامرة وسخ

بشرى: هاديك لحمارة سيري تكلمي لمي

آية: واخا هاني جايا غير نغسل حالتي

بشرى: بلاش هي أصلاً باغاك تسرحي ليها لبهايم

آية حركات ليها راسها بعفوية مع ابتسامة لي مكتحيدهاش و خرجات دوك سطولة حطاتهم قدام لباب و كطلب متلاقاش بجاد و هي في هاد لحالة ،

عاكسة فولار و لابسة بيجامة في رمادي و مع داك لوسخ ولات كحلة و لابسة بوط زرق مشات معاها بشرى مخلاتهاش دخل حيت بوط مسخ و مريم أكدات عليها دخل

حيدات لبوط و بقات ب تقاشر كل تقشيرة في لون و كانو متقوبين من جيهة لگدم و سبعان دخلات حتى تصدمات بكولشي گالس حنات راسها بخجل و مبغاتش تگلس حيت اتوسخ لفراش

جاد شاف رجليها و طلقها بضحكة بصوت كولشي شاف فيه مصدوم حتى هي ملي حسات بلي كيضحك على رجليها بقات كتخبي فيه محملاتش راسها

مريم ملي شافت هكاك ناضت و خرجات آية تهدر معاها على برا و كيف لعادة واخا آية لبكية واحلة ليها ولكن كتبتاسم

مريم: متديش عليه ابنتي

آية: لا ماشي مشكيل ، واش بغيتيني نسرح لبهايم ؟

مريم :لاا بغيت غير نقول ليك متبقايش تسرحي لبهايم و تعلفي نتي دابة اتزوجي ابنتي

آية : ولكن شنو ناكل

مريم : هنا ابنتي كولي و شربي و نعسي هنا

آية فرحات و أخيراً أتهنا من هاد لعذاب متبقاش تسرح لبهايم اتولي عندها دار و تشقا فيها ،

متبقاش تخدم تنهدات تنهيدة من لقلب براااحة لأنها اتبدا صفحة جديدة و حياة جديدة مليئة بلفرح و سعادة

#يتبع

❤المعنفة❤
📝سمر سمر 📝

البارت :🌸19🌸

آية مشات دغيا غسلات حالتها و لبسات بيجامة و دارت شد لراسها و رجعات عند مريم غسلات لماعن و دخلات گلسات حداهم

و كتشوف فيهم كيفاش كيهدرو و كيضحكو و شي كلمات مكتفهمهمش

جاد: منكملش انرجع هاد سيمانة

مريم: هي اتدي معاك مرتك

آية وجها ولا حمر حشمات و جاد عقد غوباشتو و رجع فكها و دار ديك ابتسامة صفرة و حرك ليها براسو زعمة بآه و خرج دغيا على برا عيط على نزار

نزار : لخبر نتاشر و صحافة باغين تفسير و نور جات عندك لهنا شي 3 لمرات

جاد: 9حبة لخلا ، بغيت معلومات عليها و لجديييييد لي وقع ليها ملي نتاشر لخبر

نزار: في لعشية إيكون كلشي واجد

جاد: مهيم بغيتك تسيفط ليا لعدول غدا

بدون جواب قطع جاد و جبد گارو يكمي حتى جا عندو إياد

إياد : واش عارف شنو درتي ؟

جاد: (ببرودة) عارف

إياد: هادشي ايوسخ صمعة لعائلة

جاد: سمح ليا

إياد: واش لقيتي غير هاد طريقة باش تنتاقم منها ؟

جاد :(على نفس وضعيتو) أول فكرة طاحت في بالي

إياد : ههههه دارتها بيك ههه

جاد: (بحدة) باابا ، أصلاً انا ولد تشوف راسها هي

إياد: و آية ، واش كتبغيها

جاد:(رجع لبرودتو) لا

إياد: إذاً متزوجش بيها

جاد: نو ماشي مشكيل انبغيها مع لوقت

إياد: (دار غادي داخل ) عمرك ماتبغي شي وحدة بحجة اتبغيها مع لوقت

دخل لداخل و جاد بقا كيفكر زعما باباه عندو لحق واش إيتراجع على هاد زواج معرفش شنو يدير من جيهة عقلو و قلبو و جداه ومن جهة حجة ماشي من مستواه جبد گارو يكمي و جات عندو ندين طفاه دغيا

ندين :.ملي وليتي بوليسي ونتا كتكمي

جاد: صافي لحوب دابة نقطعو

ندين:اممم . مهيم إيمتا اترجع

جاد: غدا

ندين: و آية

جاد: انتزوجو غدا و تمشي معايا

ندين : ويلي مالك على هاد زربة باقي لبنت خاصها شحال من حاجة و نديرو لعرس و…

جاد:(قاطعها) مكاين بو عرس انتزوجو غدا صافي

ندين: أويلي غا بشوي مالك كتغوت عليا

جاد:(عنقها) سمحي ليا نور عيني

دخلو لداخل و گلسو مجموعين كيهدرو

قيس : ماما ، سوفي

أسيل: براافو ماما زويينة ، إوا انبقاو گالسين ياله نمشيو لحمام باش نوجدو ريوسنا

#يتبع
❤المعنفة❤
📝سمر سمر 📝

البارت :🌸20🌸

💙سأترك كل شئ من أجلك ،
من أجل حبي لك ،
من هوسي لك،
سأقولها لك ولن أمل
” أحبك ، أحبك بجميع صفاتك ، أحبك بقلبك أبيض ، أحبك كحب أم لإبنها” 💙
(متديوش عليا وليت شاعرة ههه)

مهيم لبنات شدو آية دخلوها لحمام بلدي لقاوها مسخة بزاف ،ولكن نقاااوها حتى ولا لحمها حمر و دازو لشعرها لي مسرحوه بزز وجاهم طويل بزاف عدبهم و كان مسخ بزااف

غسلوه ليها حتى والا كيهبط لما صافي ماشي مسخ و دارت ليها أسيل باندوش و خرجاتها لبسات حوايجها مبغاتش تلبس حوايج أسيل حيت حشمات و گلسات كتسنا فيهم خرجو من لحمام هما زوينين و زادو كملو جا معاهم

أسيل كان عندها لاصيغ تكاتها تحيد ليها واخا مكان فيها والو مهيم تحيد ليها داك شعر رقيق حيدات ليها لحمها كلووو و هي غير كتغوت كملو و گلسو كيحرشو فيها

أسيل: سمعي احبيبة كل 15 يوم خاص تبقاي تمشي عند كوافورة ،
تصايب ليك شعرك و تقاد ليك حالتك باش راجلك ميملش منك واش فهمتي

ندين: هو عصبي و يدو صابقة فمو متخليهش إضربك و ديري ليه لخاطر ويلا قال ليك ديك لحاجة مديريهاش صافي مديريهاش مهيم هدرتو مطيحش الأرض

أسيل: عندك غير دارك فيها كووولشي مكاينة حتى حاجة لي تعدبي فيها كاين لما كووولشي موجود و هو ملي أيجي من لخدمة راه إخرجك و يساريك

ندين: كل ليلة بقاي تلبسي ليه شوميز دونوي (شافتها مفهمتهاش) نساي ،
شوفي راه ولا راجلك يعني واخا إيشوفك عريانة عااادي(آية حشمات هما زربو عليها و هي هادشي مكتعرفش ليه)

أسيل: مهيم مع لمدة أتعلمي زين

ندين: متبقايش تلبسي هاد لبس لبسي بحالنا حنا و واخا تبقاي حتى عريانة ماكاين لي يشوفك غا دارك هاديك و مكاين لي يدق عليك

حركات براسها مع لعلم مفهماتش داكشي لي قالو ، شوية عيطو عليهم علموهم بلي لعدول جا

گلسو لعرسان عطاو موافقة مديالهم و شاهدين حتى هما و أسيل كتزغرت آية حشمات تحنا جاد عندها و هدر

جاد : انمشي دابة ياله قدامي

آية مشات كتجري لبيتها هزات ساك(سيكان مديال تقدية) دارت فيه بيجمات و فولار كولشي لبسات سباط لميكة و طلقات شعرها وحزمت راسها ب فولار زعمة باش تبان زوينة ،

#يتبع

Leave a comment