Skip links

قصة : الوحش ذات القزحتين ج 10

 43,968 عدد مشاهداات

🎩#وحش_ذات_القزحيتين🎩

✏للكاتبة ✏ chaymae ouaj

🍂الجزء 52🍂

معاذ : (ملي ناض جاسم يمشي تبعو ) جاسم ولدي

جاسم : استدار ) نعام أعمي

معاذ وقف أمامو وحط يديه على كتفي جاسم وابتاسم وتكلم ) معاذ: كتبغيها ؟

جاسم : تصدم ماعرف مايقول ) أحم شكون ؟

معاذ : ضحك )ههه راني أنا لي مربيك كنعرفك حتى بلا ماتنطق نتا كاتبغيها أو عالأقل معجب بيها راه واضح من اهتمامك بيها !

جاسم( تلف) : أحم عمي أنا مكنبغي تا وحدة خاصني نمشي تابعاني شي خدمة

(استدار ومشا حليه لكارد باب السيارة ركب وزاد خلا لعجاج وراه )

معاذ : ههه و أخيرا وقع وحش المتحولين في الحب مع الهجينة ذات ال قزحيتين
هاذ الحب المستحيل ولكن كنعرف ولدي مزيان ماغايوقف حد فطريقو..

(ظهر علي جانب معاذ علي لي سمع كل حديث معاذ وجاسم )

علي : وحنا معاه ومساندينو

معاذ : أكيد ولدي نفديه بروحي

علي : هيوا ودوك الأربعة لوخرين؟

معاذ : ههه خليهم مقصحين راسهم تايعتارفو راسهم بمشاعرهم

علي : بنتي وبنتك غايحمقو دوك توام كون شفتي وجه عدنان قبيلة ملي باستني تارا هههه قلت كوراه كيدعي فيا

معاذ : ههه خليهم علاه بغاو يديو بناتنا بالساهل

علي : فنضرك جاسم عارف بإعجاب التوأم بلبنات ؟

معاذ : وعلاه جاسم كتخفى عليه شيحاجة

علي : إذن مادامو ساكت فهو مكيعارضش الأمر بقات فبانا الحاج زيدان العظيم هه

معاذ : جاسم عمرو يعارض
شيحاجة كتخص السعادة دخوتو أما با زيدان غير خلي جملو راكد وخليه منو لجاسم وكلشي فوقتو حلو

😈😈😈😈😈😈

^فألمانيا برلين بالظبط فقصر آل رومانوف ^

= الكلام باللغة الألمانية

نيكولاي : معصب بزاااف ) قلتهااا لييك أ إييفان ولا ماقلتهااااش قلت لييك بعد من جاسم ستااارك واااش يحسابلك نفسك مططور هاااا واستاهنتييي بيييه استحمرتييييه إييوااا ها هو سييفطلييك رجااالك مقطعييييين طراااف والمغزى من هادشيي واااضح أنه كيهدد

إيفان : واقف أمام طاولة عليها علبة كبيرة للهدايا مفتوحة وداخلها مجموعة من القطع البشرية للأشخاص ليكان حاط يراقبو جاسم وقصرو فالمغرب )
إيفان: جديي مادامو تصرف هكا إلا ومخبي شيحاجة كون مكان مخبي والو كون كاعما تسوق للأمر وماقتلمش

نيكولاي خبط الطاولة : واااش باغيي تحمقنييي واش ماكاتحشمششش راه إيلا مشا تا دااار راسو فيينا يقد يدييلينا رئاست النخبة وداكشييي ليدمرت حياتيييي كلها باش نخلييي النخبة تحت رئاست عشيرتيي وتحت يدييييي غاضيعوليي بتصرفاااتك الطااايشة

إيفان : جدييي بلا ماتصعرنيي داك جاااسم مخبي شيحاجة وماغانمشيي تانعرف وغانعرف وغانطبق علييه القانوون

نيكولاي كيترعد بالأعصاب ) : سمع نقولك لامابعدتيش على ديك العشيرة من غدا نحيدلك رئاست النخبة ونعطييها لعمك لقربتي منهم مرةة أخرىىىى غير ودع رئاست النخبة أنا ماشي تاااا شرفت عااااد نبدا من الزيرو النخبة هي حياتي كتفهم وبيها كنتحكم فقرارات أغلب العشائر وبيها مستمر جنس المتحولييين ماغانضيعش كلشي بسباااب غبائك كاااااتفهم
(نيكولاي زاد خرج معصب وخبط لباب)تتمة 52

إيفان قلب الطبلة تا تهرسات : شييت واخا أسي جاسم دابا طييح بين يدييي وديييك الساعة ماغارحمممكش

😈😈😈😈😈😈

فالمغرب بالظبط كازا وفشركة ^ستارك كار ^ القابضة للسيارات كان جاسم جالس في مكتبو الفخم كيوقع على أوراق وكيراجع مستندات حتى دخل دياب بلا دقان
(دايمن كيدخلو عليه ولاد عمامو بلا دقان عيا يخنزر فيهم ويقولهم يبقاو يدقو ولكن لا حياة لمن تنادي تا عيا ومابقاش كيتسوق ليهم غير كيتحل عليه لباب عليه بالجهد كيعرف واحد من الأربعة دياب فيليكس والتوأمان )

دياب دخل و جلس مقابل مع جاسم لي ماهزش فيه الراس

جاسم : كيتسناه يتكلم وملي ماقال والو هز راسو فيه وحط الأوراق لي فيديه )
جاسم: واش جاي تفرج فيا!

دياب : أ لا غير حتى تكمل

جاسم : قول آش جابك ..

دياب : أوكي راه وزعت رجالنا على الغابة ونواحي القصر وحتى على فيرمات جدي والشركتان هادي^ ودلكارد والهاكرز ^ووزعتهم حتى على مصنعك وديبو والمستشفى
والفيلات الخمس ديالي وديالك ودالتوأم ودفيليكس ولكن كلشي نقي مابقاش حس أو أثر ل إيفان

وحتى الهاكرز لي عندنا فالشركة آمرتهم وراه مهاكرين سيستيمات كل المطارات ومحطات القطار أي شخص دخل للمغرب من ألمانيا كنقلبو كل معلوماتو مزيان

جاسم رجع حنا راسو فالأوراق لي أمامو) :
جاسم: أمممم ماتحتاجش أصلا غير كينوي داك لمكلخ دإيفان يدير شيحاجة كتوصلني

دياب : واش شيحظ فعشيرتو ليكيعطيك أخبارو ؟

جاسم : عمامو لي مابغاوهش يشد
رئاست النخبة أو العشيرة وكيوصلولي كلشي بغاو باش نتحرك ضدو نحيييه باش تخوالهم الساحة ههه عشيرة لمكلخييين

دياب : بفف عمامو وكيحفرو تحتو

جاسم : مكيهمووونيش حدهم بعاد مني داك نيكولاي كنعرفوو مزيان خواااف معندو مايديرلي داك حفيدو لي مكيحشمش وآخرتو على يدي ولا غنديليه رئاست ديك النخبة لي مضسراه

دياب : و بالنسبة لباربرة مازالك مكتهضرش معاها وهي ملي رجع عمي علي وعمي معاذ وهي كتجنبهم حشمانة منهم حتى القصر مكتخرجش منو واش غاتبقا الحال هكا

جاسم : أنا مامانعهاش من الخروج بالنسبة لأعمامي أو نتوما هضرو معاها ولا لي بغيتو بالنسبة ليا نهار نسا آش دارت غارجع نهضر معاها

دياب : هي قول ماعمرك تهضر معاها مرة أخرى

جاسم : إيلا كملتي خرج

دياب بتوتر ): أحم شيماء

جاسم : هز فيه راسو ) شنووو؟

دياب : أحم بغيت غير نسولك زعمة أحم شيماء واش زعما واش كتعجبك

جاسم : خنزر ) تقدر تخرج عندي خدمة كتيرة

دياب ابتاسم عاق بيه كتعجبو : هاهو خارج ياولد العم ههه

خرج دياب و دازت نصف ساعة على جاسم كيخدم فمكتبو فالشركة حتى كايتحل عليه لباب تاني بلا دقان ماهزش الراس غيمن لهاراج لي دايرين عرفهم لحلاقم

غسان وعدنان دخلو وجلسو قدام جاسم لي مزالو حاني راسو على الاوراق🎩#وحش_ذات_القزحيتين🎩

✏للكاتبة ✏ chaymae ouaj
🌷الجزء 53🌷

دخلو عدنان وغسان لمكتب جاسم وهما كيتناقرو وكيتمازحو كيف دائما وأصواتهم عالية مامسوقينش
دخلو وتلاحو جلسو فالفوطوي لي أمام مكتب جاسم )

عدنان : ههه ضحكاتني ديك الممرضة نهار كولو وهي لاسقة فيك

غسان : سكت أزمر طريق كلها ونتا شاد فيا فرعتيلي كري وديك ختنا ماغاتهنا تانفرعها

عدنان : خخخ وامي كرشي ونتا هارب وهي تابعاك سبيطار كامل كيضحك عليكم خههههه

غسان : وااا تابعاني بزز قاتلك والو نحضر عيدميلادها يخ شحال كنكره لبنت فاش كتكون لسقة

عدنان : خههه وا سير لعيد ميلاد مالك تاكل الحلوة

غسان : ماعندي مانديير بيها خليتها لييك مامسوق لا ليها ولا لغيرها( وغمز خوه زعمة كاينة غير أيار )

عدنان : لالا الله يسترني من ديك لماركة

جاسم : خبط لوراق ولاح ستيلو قفزهم وخنزر فيهم ) واش ماعندكم بوكوم مايدار ؟

عدنان : أحم لا قصدي آه غير جينا نسولوك

غسان : اه بالنسبة لباربرة فكرت أنا وعدنان علاش مانسفروهاش تبعد على الأنظار

جاسم ربع يديه ) : لا

عدنان : كنظن تسافر ترتاح وتبعد على هنا إيلا عرفات إيفان سيفط لي يراقبها وكيشك فيها غتخلع بزاف

جاسم : ماعندها علاش تعرف أو علاش تخلع إيفان ربيتو ويلا ماترباش من هديتي غنربيه بالطريقة لي كتناسبو وباربرة مغايآديها حد

عدنان : أوكي لي بانليك

جاسم : لاساليتو خرجو عندي خدمة (هز ستيلو ولوراق تاني وحنى راسو كيخدم )

عدنان : شاف فغسان وغسان تاهو )

عدنان : أحم بغينا نسولوك

جاسم : ماهزش فيهم راسو كيتسناهم ينطقو وكيخدم )

عدنان كيحرك لغسان حاجبو بمعنى سول نتا وغسان تاهو قالو نتا

جاسم عصبوه ): واش غادويو ولا نوضو قودو عليا

عدنان : أحم هو على شيماء

جاسم : لاح ستيلو ولوراق تاني وشاف فييهم ) : مااالها

غسان : واش زعما نتا

الصورة : لحلاقم ❤❤تتمة 53💋
عدنان زرب عليه ) : بغا يقول واش كتبغيها

جاسم مسح لعرق من جبهتو ودار فيهم شوفة دلقتيلة ) : واش لديلمي مكتوبة ليا فالجبهة كنبغييها

غسان ببلادة ) : لا

جاسم : غتنوضو تق*و*دو عليا بالخاطر ولا بزز اختارو

التوأم حبسو الضحكة وناضو متابعين خرجو وسدو لباب)

//من أول يوم دخلات فيه شيماء لحياتهم كل من دياب وعدنان وغسان لاحظو تعامل جاسم نحوها لاحظو خوفو عليها
عدنان لاحظ نوع من الغيرة دجاسم عليها ملي ماخلاهش يقيصها يداويها
وملي نزلات بسوتيانات وكيفاش لاح عليها فيست نتاعو
وكلهم لاحظو درجت خوفو عليها ملي حاولات دبح راسها وبأعصابو ضرب لكوافوز لسقو مع الحيط تما تيقنو من أنو كيكن ليها مشاعر حتى إيلا مكيبغيهاش فكتعجبووو
وحتى ملي لمسات يدو وخلاها
الشباب أكتر دراية بعلاقات جاسم الجنسية وأنو كيكره لبنت تلمسلو جسدو بل كيمارس مباشرة دون مداعبات حتى أنو شحال من مرة ضار فبنات كيتقربو منو فالحفلات ويشدو يدو أو يتغنجو عليه ويمسوه كيعيفهم وحتى بعد ممارساتو كيكره راسو
ولكن شيماء ملي شدات يدو فذاك اليوم توقعو ينتر يدو منها ولكنو خلاها وشداتو مرة وجوج وهذا أكبر دليل على وجود مشاعر ليها من طرفو
والمشكل كلهم لاحضو اهتمام من فيليكس ليها حتى جاسم //

نرجعو لجاسم من بعد خروج التوأم

جاسم وقف من مكانو واتاجه لأمام النافدة وكيفكر
واش لهاذ الدرجة باينة عليه واش فعلا كيبغيها ؟؟؟ قاطع حبل أفكارو لباب لي تحل للمرة التالثة بلا دقان زير على يدو بالعصب واستدار كان فيليكس

جاسم : آش كاين آش جاي تسول تانتا

فيليكس : أ أ آش غنسولك ؟

جاسم : مااانعرف

فيليكس : لا مابغيت نسول والو جيت نقولك غير المسؤولين عن الصفقة دسيارات السباق راهم فغرفة الأجتماعات كيتسناوك

جاسم : مسح على وجهو ) واخ هاني جاي

فيليكس استغرب : واش كاين شي موشكيل ؟

جاسم : لا ، واش التصاميم لي عطيتك دوزتيهم لحواسيب غرفت الإجتماعات

فيليكس :آه كلشي هو هاداك متأكد تصاميمك لسيارات السباق غايبهروهم

جاسم : إذن يالاه نمشيو

🍂🍂🍂🍂🍂🍂🍂🌹الجزء 54🌹🎩#وحش_ذات_القزحيتين🎩

✏للكاتبة ✏ chaymae ouaj

صباح يوم جديد كانت الساعة 6 صباحا فجناح شيماء🍀

كانت هاذ الأخيرة ناعسة ودموع شلال من عينيها كانت كتشوف حلم لي بالنسبالها هو أحسن حلم

🌈فالحلم كانت شيماء مستلقية وسط طبييعة خلابة على بساط من العشب الأخضر وتحت شجرة كبييرة فحين جنبها جمانة لي متكية حتى هي وكيتأملو بزوج السماء غيومها ونسيم بارد من الريح كان كيلعب بشعرهم الجو هادئ ومرييح كيتسمع غير زقزقت العصافاير وهما كيتأملو السماء
شيماء شافت فجمانة بسعادة وابتسامة وشدت يدها حتى إلتفات ليها جمانة لي بادلاتها الإبتسامة

شيماء : كان كيحسابلي خسرتك ماعرفتش آشمن كابوس هداك ولا حلم لي كنت فيه كنت كنحس روحي كتموت كل يوم

جمانة : بنفس الإبتسامة ) وشكون قاليك بلي كنتي كتحلمي وبلي نتي دابا فالواقع ؟

شيماء : إيلا كان واقعي غيكون هكاك فغير خليني معاك هنا فالحلم

جمانة : نتي راك حية وخاسك تقدري هاذ النعمة نتي تعماولك عينيك لدرجت ما شفتيش الناس لي ضايرين بيك ولي الله عوضك بيهم بلاصتي

شيماء : أنا مابغيت حتى ناس بغيتك نتي ختي ومي وبا وكلي

جمانة : تكعدات وكعدات تا شيماء وشدات يديها بزوج وابتاسمات )
ولكن أنا وصل وقتت فين كان خاسني نمشي ومشيت نتي دابا مع ناس مزيانين غايعتانيو بيك أشيماء خاصك تفيقي شدي فيديه كيفما هو باغي يشد فيديك خليه يحميك خليه يعاونك خليه يبغيييك

الصورة : جمانة من حلم شيماءتتمة الجزء 54
شيماء باستغراب : شكون هو؟

جمانة : ابتاسمات ) هو لي غايولي حياتك هو لي غايلو ضحكتك وابتسامتك هو لي غيكون سندك ودرعك هو لي غايكون أب لكل أولادك

شيماء : باستغراب ) علامن كتهضري؟

جمانة : دابا يوصل وقت وتعرفي بغيتك شيماء لي عرفت حياتي كلها ديك البنت القوية لي عمرني شفتها كتبكي أو خايفة فيقي خاصك تفيقي وتوقفي معاه هو قوي بزاف ولكن مكاملش أشيماااء ماكاملش ونتي نتيي هي كمالو نتي غاتكوني ليه قوة لي تخليه لا يقهر نتي أشيماء غاتكوني درع ليه ولكل العائلة داكشي باش خاصك تفيقي

شيماء : أنا مابغيتش نفيق بغيت نبقا معاااك ماتخلينيش أجمانة

جمانة : وشكون قاليك أنا خليتك ألهبيلة (حطات يدها على قلب شيماء ) أنا هنا وحدو هادا كينبض أنا غنبقا حية فيه حدو كيبتاسم ويحب أنا غانبقا حية ديري فبالك أشيماء راك كتعدبي نفسك وكتقتليني أنا ألاف المرات فاليوم بالحالة لي نتي فيها

شيماء : حركت راسها بلا ) مابغيتش نقتلك ولا نآديك

جمانة : بابتسامة ) إذن خاصك تفيقي وترجعي قوية كيف كنتي شيماء ذات القزحيتين لي كانو كيخافو غير من سيرتك
بغيتك ترجعي كيف كنتي وأقوى

شيماء دموعها كينزلو : ونتي؟

جمانة : أنا معاك فكل خطوة جنبك وحداك وفقلبك عايشة يلا فرحتي غانفرح ويلا بكيتي غانتقهر ونتعدب (مسحاتلها دموعها )

شيماء : واخا
جمانة : واعديني

شيماء : كنواعدك

جمانة : إذن نساي عليك الحزن والكآبة من اليوم بغيتك توقفي على رجلك مزال تواجهي صعوبات لي نوصيك عليه هو الأيادي لي غايشدو فيك شدي حتى نتي فيهم الله عوضك بعائلة لي غتكونليك سند فكوني ليهم حتى أنتي سند ودررع

شيماء : واخا

جمانة ابتاسمات ) شوفي لهيييه

(شيماء شافة فين كتشير لها جمانة وشافت قوس قزح ضخم وخلاب 🌈

شيماء : وااااااو

جمانة : أش بانليك نمشيو نتزلجو عليه

شيماء : وعلاه نقدرو ؟

جمانة : أجي تشوفي

جمانة جرات شيماء ومشاو كيجريو والريح كيطير شعرهم وكيضحكو ضحكات كتسمع فكل المكان وصلو جنب قوس قزح ونقزات جمانة وهي جارة شيماء جاو فوقو وبقاو غاااديين معاه وكيضحكوو

شيماء : هههه واااااو

جمانة : كتشوف فيها ) شيماء
شيماء : شافت فيها ) ههه نعااام

جمانة : مااتنسايش وعدك ليااا مابغيتش نشوف دموعك من اليوم أو حزنك بغيتك قوية خاسك تكوني قوية باش تكوني قوتو وسند ليه

شيماء : واخاا ولكن علامن كتهضري

جمانة : قريب غاتعرفي بغيت نفكرك فحاجة أخرى

شيماء : أشنو هيا

جمانة : وعدنا لبعض أنك تولدي بنية وتسميها باسمي ماتنسايش هاذ الوعد أشيماء ماتنسااايهش

شيماء : ههه واخا صافي وااااو إحساس كيحمق عمرني تخيلت أنه يمكنلي نتزلج على قوس قزح

جمانة : شيماء خاصني نمشي دابة

شيماء شافت فيها: لا ماتمشيش بقاي معايا مزال

جمانة : أنا معاااك أشيماء عايشة فقلبك وفذاكرتك ماتنسايش وعودك ليا أشيماء كنت دايمن كنتيق فيق ومزالي كنتيق فيك ماتخذلينيش

شيماء : ماغانساش كنواعدك

جمانة : بابتسامة وكدير ليها باي باي ) بغييتك قوية كيما عرفتك تهلاي فنفسك وفعائلتك وتهلاي فيييه

شيماء : بلاتي علامن كتهضري وشمن عائلة

جمانة اختفات بحال نور انطفئ فجأة وولا بلاصتو الظلالالام

الصورة : شوشو ❤🎩#وحش_ذات_القزحيتين🎩

✏للكاتبة ✏ chaymae ouaj
🌹الجزء 55 🌹

👑👑
الحرب الوحيدة التي لا يراها أو يسمع بها أحد، هي حربك داخل ومع نفسك.
فيا صديقتي لَمً يِّکْتٌبًکْ الَقُدٍر لَيِّ لكنه ~کْتبً أّنِ تٌبًقُئ بًدٍاخِلَيِّ روحا أنا وحدي أحس بها ❤️
👑👑

وصلت الساعة 10 صباحا ديوم الأحد العائلة ستارك كالعادة كلهم على مائدة الإفطار (قربو هاد الناس يبقاو يدوزو لغذاء ديريكت من كترت مصايب شيماء لي كتيجهم نيشان مع وقت لفطوور🤣 )

كانو كلهم مجموعين على المائدة حتى تارا وأيار وباربرة بحكم كاين علي ومعاذ فمايقدوش يتهربو هاذ المرة
كانو كيفطرو فهدوء حتى قاطعهم 🤣

🍂🍂🍂🍂🍂🍂

نرجعو عند شيماء لي مع انتهاء حلمها لي بمثابت بوابة خروجها من العالم ليغلقات على نفسها فيه حلم لي أيقضها على الواقع وعلى الحياة
حلات عينيها وناضت جالسة كتأمل حولها وكتذكر حلمها مع جمانة لحظة بلحظة استغربات من بعض كلام جمانة لي مفهماتوش وتذكرات وعودها ليها وكيفاش وعداتها تكون قوية وتفيق
ابتاسمات وهي كتذكر صديقتها من الحلم شافت حولها كيف الجناح لي هي فيه فخم شافت سريرها ديكورات الجناح أول مرة تتأملو مزيان تنهدات من أعماقها تفكرات الحادث مرة أخرى تاعمرو عينيها بالدموع وسرعان ما مسحاتهم وهي كتذكر وعدها لصيقت عمرها

تفتح باب جناحها ودخلات الطبيبة بابتسامة

الطبيبة : صباح النور كيبقيتي شوية

شيماء : حركاتلها راس بآه
الطبيبة استبشرات حيت أول مرة تتجاوب معاها ولو بالحركة ) الطبيبة : الحمد لله أنا نمشي نجيبلك فطورك باش تاخدي دواء (وخرجات )تتمة 55💋
شيماء : بقات كتشوف فالجناح ناضت كانت لابسة سوفيطمة فالأبيض وكدايمن صدرها خارج وسروال راقي أزرق
ناضت بانتليها فانس بيضا لبساتها فرجليها وتمشات كتحسس الأثاث بيدها وكتشوف فاللوحات والديكورات وقفات أمام النافذة لي كطل على الحديقة الخلفية للقصر تذكرات ملي شافت فيها لستاركس أول مرة تذكرات وجه كل واحد فيهم تذكرات طيلت هاذ التلاث أسابيع كيفاش لبنات مافارقوهاش تذكرات ملامح كل من تارار أيار وباربرة وضحكاتهم ومحاولاتهم فإخراجها من حالتها طيلت هاذ الأيام
ابتاسمات ملي تذكراتهم حتى فجأة تذكرات جاسم وغوبشات تذكرات لقائهم ظاك نهار ملي منعها تقتل نفسها ودبح راسها تذكرات كلامو بالتفصيييل الممل داك نهار حلات عينيها عالجهد واستدارت كتجري حلات باب جناحها ليكانت خلفو الطبيبة هازة صينية الفطور والدواء حتى تفاجئات بشيماء حلات لباب بالجهد تادخلات فيها قلباتها هي والصينية وتخطاتها شيماء ومشات كتجري فاتجاه الدرج والطبيبة عيات تعيطلها وتغوت مع غليوضة طاحت ماقدات تنوض تبعها وعاد الأكل كولو تخوا عليها
ومع ذلك تفكرات تحديرات وتهديدات جاسم وناضت كتجري وراها هبطات شيماء مع الدرج كتجري وكتلهت وقفات أمام صالت الأكل كتشوفهم بعيد عليها كيفطرو تاسمعات الطبيبة وراها كتغوت باسمها
وعلى اثر غوات الطبيبة استدارو كل لستاركس
🍂🍂🍂🍂🍂🍂

العائلة كانو حانين راسهم كل واحد كياكل بهدوء فصحنو ونضرات عدنان وغسان غير فتارا وأيار لي متجاهلينهم كليااا
حتى سمعو صوت الطبيبة كتعيط لشيماء
استدارو كلهم لمصدر الصوت كتبانلهم شيماء واقفة كتشوف فيهم والطبيبة وراها جاية كتجري تشدها وحالتها حالة الأكل كولو تخوا عليها وجاية كتجري فاتجاه شيماء

شييماء : استدارت وراها شافت الطبيبة جاية ليها كتجري واستدارت تاني شافت العائلة لي مخرجين عينيهم فيها شافت فجاسم كيشوف فيها هاز حاجب ومنزل لاخر ركزات فيه شوفة وخنزرات وهي تجري ناحيتو
العائلة شافوها جاية كتجري ناحيتهم وصدرها خير مولانا كولو جمعاتو فداك الصدر كيتبومبا معاها وهي كتجري دراري حالين فامهم كتجري دازت من حداهم كاملين ماوقفات تالقدام جاسم لي فآخر الطاولة كتلهث🎩#وحش_ذات_القزحيتين🎩

✏للكاتبة ✏ chaymae ouaj

⚡الجزء 56⚡

شيماء : شافت جاسم ومشات عندو كتجري وقفات أمامو كتلهث وشافت فيه بنظرة قوية جدا مخنزرة (رجعت شيموأة لعادتها القديمة ولا ذرة خوووف ))
أما جاسم مازالو جالس مكانو على الطاولة وكاع العائلة كيشوفو فيهم وخصوصا هي لي 3أسابيع ماشافوها خرجات من جناحها وزادت صدمتهم ملي نطقات ولأول مرة مند تلاث أسابيع

شيماء بصوة قوي : قلتي قلتيلي داك نهار إيلا بغيت تديني عندها نزور قبرها قلتيلي نديك غاتديني ياك ؟

🌹🌹🌹
/فلاش باك اليوم لي هزات شيماء لموس على نفسها و دخل جاسم ضربلها يدها تا لاحت لموس قال ليها /

جاسم : ديري ليي درتيه واخا تحزني تا 100عام أخرى عمرك تغيري الواقع
صاحبتك م ا ت ت
ومقدر ليها تموت فداك اليوم فداك الحادث وبديك الطريقة ونتيي راه بفضلك عاشو ثلاتة دالأشخاص من ديك الحادثة ولكن صاحبتك مكتابش ليها تعيش ماااتت
ويلا بغيتي من دابة نديييك تزوري قبرهاا وترحمي عليها

//نهاية لفلاش باك //
🌹🌹🌹🌹

جاسم : لا رد (كيشوف فيها وعينيه كيهربو لصدرها لخارج قدامو داخليا فرح حيت أخيرا تكلمات ولكن تعصب كيفاش مرة أخرى نازلة هكا أمامهم وولاد أعمامو حالين عينيهم فييها

جاسم بانت العصبية على وجهو وقف بقوة خلاهم كلهم خافو إلا شيماء لي مازالها مخنزرة فيه

جاسم : وقف أمامها وخنزر ) واش نتي مكللللخة مكتفهميييش وااش بنتليييييك عنديي كاباري هنااا واااالبسي حوايجك

شيماء : خنزرات فيه ) ألكدااب شفتي قلتليك كداااب كنتي كضحك علياا مغاتدينيش بغيت نمشي نزور قبرها ولكن لامابغيتيش كاع لاك

(استدارت وشافت فأول واحد وراها كان فيليكس وقربات منو )

شيماء وجهات كلامها لفيليكس: عافاك تديني نتا ؟

فيليكس : حال فيها فمو وعينيه )
فيليكس : ها أ أنا ما

شيماء : قاطعاتو زربات عليه شدات يدو ترجاه والعائلة تصدمو أما واحد البركان وراها ولا حمممر وعروق جبهتو ويديه تنفخو

شيماء : شدات يد فيليكس : 🙏 عافاك الله يستر عليك ديني نزور قبرها (ماحسات تا تجرات من يدها باش شدات من فيليكس ودورها جاسم تا تخبطات مع صدرو تا شهقات )
شيماء : وا بشوية أبنادم ضريتينيتتمة 56💋
جاسم : غتسكتي وتحركي لجناحك تلبسي عليك ولا بربي تانسا راك بنت

شيماء : عينيها دمعو ) بغيت غير نزور قبرها الله يرحملك واليديك غير نزورها ومن بعد ديرو فيا لي بغيتو مكيهمنيش أصلا عارفة مغتخليونيش نمشي حيت شفتكم نتوما أجنون

(عدنان وغسان ودياب بزز شدو الضحكة على كلمة جنون ومعاذ وعلي بتاسمو على كيفاش جاسم قربها منو لديك الدرجة )

الجدة كتشوف فيد جاسم كيفاش شادها ضاغط عليها ومقربها منو وتعصبات) : وا تا طلق من لبنت ونتا لصقتيها معاك

جاسم : خنزر فجداه تا سكتات وطلق من شيماء لي مزالها كتشوف فيه شوفات كترجاه بيهم وكترمش بعويناتها وفمها مال ☹ كتبان كيوت بحال دراري صغار

جاسم مسح على وجهو وحول نظرو منها للبنات
جاسم : أيار تارا

أيار وتارا قفزو : ننعام أخوية؟

جاسم : حول نظرو من شيماء ليهم : طلعو معاها وريوها دريسين روم تلبس شيحاجة (وضغط على كلامو ) مستوووورة
(شاف فشيماء ) عندك ربع سااعة غنتسناك فسيارتي

شيماء : ابتاسمات ليه من قلبها ابتسامة تا تلفاتو ) هي غاتديني واخا شكرا مغنتعطلش وشافت فلبنات
شيماء : طارا و نفار (تارا أيار 🤣) يلاه دغيا وريوني هاد دروسروم (دريسينغ رون)

💢شيماء للآن مكتعرف سميت تاحد فيهم 💢

تارا وأيار : حلو فيها فمهم من آش عيطاتلهم أما عدنان وغسان ودياب وصلو حد صبرعم وطلقوها بضحكة

تارا وأيار خنزرو فدراري كيضحكو عليهم وناضو شدوها

أيار شداتها من يدها : سميتي أيار ماشي نفار زيدي خلاص أتعطلي

تارا : وأنا تتاارا ماشي طارا

الجدة وجهات ملامها لشيماء بنبرة حنونة : بنتي جلسي تفطري بعدة

شيماء : شافت فيها وضحكاتلها )
لا أخالتي غابصحة هاداك زعر لمغوبش قالي ربع ساعة نتعطل مايبغيش يديني

جاسم : شاف فيها و آش قالت عليه)

أما دراري كيضحكو بسكات تا تزنكوو

شيماء : غابصحتكم أخالتي

الجدة: أييه أبنيتي لغزالة سيري تبدلي عليك والحمد لله على سلامتك يا شامة
شيماء : ابتاسمات ليها ولهيلدا وسوزي لي كيبتاسمو ليها ودارت ليهم باي باي
وجروها لبنات وتزادت عليهم باربرة ومشاو جيهت المصعد

فيليكس عاد فاق بقا متبعلها لعين تا مشات ووجه كلامو لجاسم : أحم يلا ماكنتيش مسالي أجاسم نديها أنا

جاسم : دار فيه وااااحد تخنزيرة خلعهم كلهم ماشي غير هو ونطق ببرووود ) لا

علي ومعاذ غير كيشوفو فبعض وبتاسمو
أما دراري شافو ففيلكس وهزو حاجبهم 🤨

الطبيبة اقتاربات منهم بديك لحالة مسكينة والخوف باين فيها : أحم سمحولي لورد راه ماخليتها تادقيقة خرجت غينوصي ليها على لفطور وقلت نديهليها أنا وهي دفعاتني وهربات

جاسم : خنزر فيها ) تقدري تمشي

عدنان : بلاتي حبسي ليها كاع أدوية الاكتآب وأي دواء فيه مخدر أو منوم راه واضح جدا أنها تجاوزات صدمتها

غسان : آه نفسيتها واضح جدا أنها تحسنات وتقبلات فكرة موت صديقتها مكاين لاش تبقاي تعطيها فدوك الأدوية

الطبيبة : أمركم لورد (انساحبات)

دياب موجه كلامو لجاسم : غاتديها تالمكناس واش غتباتو تما ؟

جاسم : لا غنديها تزور لقبر ورجعو

سوزي : حاول عليها أولدي راه يلاه برات مابقاش تزعف عليها غير صبر

جاسم : واخا أعمتي

الجدة : تبارك الله كتحمق وكتخرج عويناتها كيشي قطييطة فسرة غاتجييي معاها تكشيطة خاصها غاتقبل بواحد من توام نزوجها من غدا

علي : أشنوو
معاد : كيفااش ألواليدة

الجدة : مالكم فنة وتجيبلي شي حفيد عندو بحال عويناتها كتحمق

جاسم : خبط الطبلة ووقف ) واااجدة خلينيي محتارمك (وزاد خرج وخلاهم )

الجدة : هادا مالو هياناري

معاذ : كيفاش أمي تزوجيها واش حنا كنقولو إيمتا نعرفو طبيعتها ونتي كتقلبي تزوجيها

الجدة : هيوا أنا متإكدة هي غتكون عروووستي غير بيمن مازال ماعرفت فيليكس ولا عدنان ولا غسان أما دياب مدبرلو جدوو

دياب خبط جبهتو وزعف تاكاينسا وكيفكروووه

علي : وا مي واش ناس فالناس والقرع فمشيط راس واخلينا غانحلو لغزها وديك ساع قلببلها على عريس

الجدة : ياك ألمسخوط دابا أنا قرعة

🍂🍂🍂🍂🍂🍂🍂🍂🍂

❤❤❤
أستشعر بداخلي
عدة أشخاص . أحدهم يضحك بصخب ، والآخر يبكي بحرقة ، والثالث لا يبالي بشيء .
❤️❤️❤

فجناح شيماء دخلوها لبنات لدريسينغ روم لي فنفس الحناح وهي غير حالة عينيها على الجهد
جاسم كان آمرهم عمرولها دريسينغ روم بالثياب الأحدية المكياجات العطور لكريمات صيكان وكلها ماركات عالمية وغااالية ….. هي جاها نفسها بحالا دخلت لقيصارية كبيرة حلات فمها عالجهد جلسوها على فوطوي وسط دريسينغ روم وتوزعو كل وحدة كتقلبلها فلحوايج أما هي غير مبربقة فعينيها عمرها شافت هدشي حتى فالأفلام🎩#وحش_ذات_القزحيتين🎩

✏للكاتبة ✏ chaymae ouaj
🌹الجزء 57🌹

🍀🍀
ربما صرت ‏من الخارج أبدو كأني في سلام ، أقسم أن بِداخلي حروباً أموت فيها كُل يوم. حروبا مع نفسي
نفس تريد النسيان والعيش ونفس تريد الموت
لكني قطعت الوعد
وعدي لها بالعيش
حتى وإن كان الوعد قد قطع في حلم
🍀🍀

شيماء جالسة كتفرج فيهم بثلاتة كدور راسها من وحدة للأخرى كيتناقرو

باربرة : (واقفة وهازة فستان طويل بلا يدين فالأزرق ومخنزرة فأيار وتارا ) وااش حماقييتو سمعتو جاسم قالكم تلبس لمستووور راه كان معصب ماشفتووووهش

أيار :(واقفة هازة جينز وبودي نص كم فلبوردو ونطقات باستغراب ) واييه عمرو عقب على لبس شيوحدة فينا علاش هي ؟؟؟

تارا : وافقة هازة فستان حد الركبة وكيف ديما أسود ابتاسمات بسخرية على كلام أيار ) وعلاه بالسلامة عندك داك صدر لي عندها تبارك الله ونتي دوك جوج برقوقات لي عندك واخا تعراي ميبانوش

أيار : فقصاتها و تعصبات ) على أساس نتي عندك ونتي صدرك كي جوج زيتونات كونما ستيان لبونج كوراك غادا فلخسرااان

تارا : هيوا نعل بووك

أيار: وبووووك تانتي

باربرة : واااا لخريات واطلقونا خلاص

شيماء : غا كتشوف فيهم ) ألبنات أسربيو راه داك زعر لمعصب غيمشي ويخليني هنا

باربرة : شافت فشيماء : هانتي شوفي تلبسي هاد لكسوة

تارا : لا لبسي هادي كحلة تجي معاك

الصورة : باربرةتتمة 57💋
باربرة فقصوها : وا تارا وا ديك لكسوة محلولة من صدر غايولي صدرها كولو باين واش بغيتي جاسم يجري عليها ويسيفطنا معاها للتلث الخالي

أيار : إذن تلبس جينز لي ختاريت ليها

شيماء : لا عطيوني غير شي سيرفيط سبور أصلا غنمشي غير للمقبرة (وحنات راسها )
لبنات لاحو آش فيدهم ودارو عليها عنقوها
أيار : تهدني خاسك تكوني قوية وحنا معاك

تارا : حنا من اليوم خواتاتك نتي ماشي وحدك وعمرك تكوني بوحدك

باربرة : حنا واقفين معاك وغانعاونوك فأي شيء احتاجيتيه

🌹🌹🌹
“في فجوة من فجوات الحياة تحتاج الى حضنٍ مريح تضع عليه كل ما تبقى منك” ….
🌹🌹🌹

شيماء عنقاتهم بجهد حسات بصدقهم حسات ببرائتهم ونقاء روحهم فرحات من داخلها وتأكدات أنها فعلا كيما قالت لها جمانة فالحلم تعوضات عن خسارتها لصديقتها بتلاث صديقات طيبات
شيماء : شكرا ليكم بزاف طارا ونيار وباربا

تارا: وا لا تااارا

أيار : وأنا أيار

باربرة والبنات ماشي وقتو يلاه نوضو نشوفو ليك ماتلبسي راه فاتت ربع ساعة

تارا : ناري لا نوضو دغيا جيبو لها شيحاجة أنا نمشطلها شعرها ونديرليها إكخون يلاه

ناضو لبنات جبدو ليها لبسة 👚
الصورة ) مشطاتلها تارا شعرها وخلاتولها مطلوق دارتليها إكرون لوجهها وحزراتها ديرلها كحل لعويناتها بزز باش قبلاتلها شيماء غير مابغاتش تخسرلها خاطرها
عاونوها فاللبس جات فنة وكيما لبسات كتبان جذابة هبطو للأسفل لقاو غير الجدة وسوزي وهيلدا فالصالة

تارا: أحنا كملنا فينو جاسم

الجدة : تبارك الله بنتي جيتي غزالة

شيماء : شكرا

هيلدا : راه دراري وجاسم واقفين برى

أيار : إذن يلاه نمشيو معاك تا لبرى

الجدة : نمشي تانا بغيت نوصي ولدي جاسم عليك

تمشاو كاملين لجيهت باب القصر وشيماء غير كتمنظر فالقصر وديكوراتو بهرها
🍂🍂🍂
فخارج القصر كانو الشباب واقفين كل واحد حدى سيارتو وكيتكلمو

الصورة : أيارالتتمة التانية للجزء 57💋

فخارج القصر كانو الشباب واقفين كل واحد حدى سيارتو وكيتكلمو

جاسم : تعطلووو

عدنان : تهدن هاهما غيجيو خاصك طول بالك مع لبنت ماشي ساهل ليداز عليها

جاسم :خنزر فيه تاسكت ) يكما تعاود تعلمني كيفاش نتصرف

عدنان : ها لا

غسان: واش عرفتي لبلاصة بالظبط فين جات المقبرة فمدينة مكناس
دياب : راه دوزتليك كلشي أجاسم لجبس سيارتك غير تبعو

جاسم أشارلو بواخا وتكلم ) : فيليكس ماتنساش دوز للشركة توقع على عقد العمل مع ‘ جون ليونيل’ وسيفطوليه فإيميلو الخاص

فيليكس مجاوبش الشيء لي خلاهم يشوفو فيه كاملين أما فيليكس غير ساكت كان كيشوف فباب القصر أمامهم بانبهار شافو ك
كلهم فاياش كيشوف

كانو السيدات والآنسات خارجات سابقاهم شيماء لي غادا وهازا راسها كتشوف فبوابت القصر وحجمو وأسوارو لباسها كلاس عطاها جمال وكحل عينيها خلاهم خلابين أكتر كانت كتبان فاتنة غادا وهازا راسها تاكانت غاطيح وشداتها باربرة

[ ] الشباب غسان كيشوف غير فأيار مطيراليه لعقل وحتى عدنان حاضي غير تارا بابتسامتها كتسكتليه القلب

أما جاسم سهى فشيماء وفعيونها مافيقو غير تعكيلتها كانت غاطيح تا شداتها باربرة

الصورة :تارا🎩#وحش_ذات_القزحيتين🎩

✏للكاتبة ✏ chaymae ouaj
🌷الجزء 58🌷

أما جاسم سهى فشيماء وفعيونها مافيقاتو غير تعكيلتها كانت غاطير تا شداتها باربرة

جاسم رجع حول عينو لفيليكس لي مزال حال فمو فيها الشيء لي خلاه يتعععصب و يغوت تا قفزهم كاملين

جاسم : فييلييكس

كلهم شافو فيه حتى لبنات والسيدات لي وصلو حداهم

فيليكس : أحم نعام

جاسم : واش سمتعي آش قلتليك ولا لا

فيليكس : أأ ما سمعتش

جاسم ضغط على كلامو : إوا مرة أخرى شوف قداااامك باش تولي تسمع

فيليكس : …

جاسم : شاف فشيماء لي كتشوف فيه باستغراب و) يالاه

شيماء 🤨: ومالك كطغوت

جاسم : تاكان غيغوت عليها دبصح وجراتها أيار

أيار شدات شيماء من يدها ودوراتها عندها وتكلمات بصوت مسموع ودارت ضحكة متوترة :

أيار : هيهي راه خوية جاسم مكيغوتش غير صوتو حرش وملي كيتكلم معاك كيجيك كيغوت دابا تولفي على صوتو

شيماء : مخنزرة فجاسم : :لا غوت

تارا بتوتر قربو يبولو بلخلعة من تخنزيرات جاسم هي وأيار : هههه الله يهدييك أشيماء راه صوتو هكاك دابا تولفيي يلاه ركبي باش تمشيو

الجدة :شافت فجاسم : ولدي رد بالك ليها وماتفرقهاش تا دقيقة

هيلدا : راه ما فاطراش فاش توصلو ديها شي ريسطو تتغدا

سوزي : لعياتليك فليل ديها شي أوطيل بلا ماتمحنها فطريق الرجوع تالغدا ورجعو

شيماء : كتشوف فيهم وحدة وحدة حسات باهتمامهم وحبهم كتسائل كيفاش هاذ الناس حبوها هكا ويلاه عرفوها.. عينيها عمرو دموع ومشات عنقاتهم

شيماء معنقة الجدة : ماتخافوش غارجع بيخير (مسحات عيونها ) ولاجاني جوع غانقولها لبوعو زعر لمعصب كونو هانيين

دراري حبسو الضكحة أما جاسم خنزر فيها وبززز مصبر راسو )

الجدة : واخا أبنيتي يلاه سيري مع بوعو قبل مايتسيف علينا

شيماء ضحكات ليهم عنقات لبنات وضارت شافت فالشباب غسان عدنان دياب وفيليكس لي مبنج ووقفات كديرلهم باي باي وهما جابت ليهم الضحكة وردو عليها بنفس حركتها باي باي 👋👋 تا جرها جاسم من يدها خشاها فالسيارة وركب تسدات السيارة أوطوماتيك

جاسم : شافها كيفاش واقفة كتبتاسم لدراري وكديرليهم باي باي 👋👋 و عدنان وغسان ودياب كيبتاسمو ليها وتاهما كيديرولها باي باي
أما واحد فيليكس مبنج غير كيشوف فيها
تعععصب بغا ينتف راسو توجه ليها وشدها من يدها باش كدير باي باي جرها حلها لباب وركبها ومشا ركب وديمارا
شيماء ضرها فيدها ملي جرها دخلها
دخلات مخنزرة تسناتو تاركب ونطقات

شيماء : أغي بشوي مالكتتمة 58💋

جاسم : معصب خبط مقود السيارة بجهد تا قفزها ودار شاف فيها ) سمعي غتقطعي حسك تانوصلوو مانسمعكش نطقتي تا حرف

شيماء : خلعها ولكن رجعت حليمة لعادتها القديمة السنطيييحة ) شيماء : وعلاه نسكت مالني نسكت و سوقك

جاسم : زيير على يديه وهو كيكره لي يتجاوب معاه وهي ماشي غير كترد لهضرة مخرجة عينيها فيه )

جاسم : عمرني ضربت شي بنت ولكن بانلي غاتكوني نتي الأولى

(تقدم ناحيتها هي تخلعت وغطات وجهها بيدها يحسابلها غايضربها بقات مغطيا عينيها كتسنا شي دقة تا ماكاين والو حيدات يدها على وجهها لقاتو ماد يديه على كرشها تالجنبها كيركبلها السمطة )

شيماء : وا ركبها راسي غا حيد (وشدات فدراعو تحيدلو يدو )

جاسم : مع لابس غير نص كم قاست لحمو تبوورش )

جاسم : هداي مغتعرفيش تركبيها

شيماء خنزرات : علاه مانعرف حيد نوريك (حيداتلو يدو وشدات ديك السمطة لقات بلاصتها وكتحاول تخشيها وواالو هزاتها شافت فيها كان عليها كتابات بالأنجليزية هي ماعرفاتها أونكلي ولا فروسي تزنكان وشافت فجاسم لي كان مربع يدو وكيشوف فيها شغاتصنع )

شيماء توترات من نظراتو : ممالك كتشوف هكاك راه هي لي مابغاتتش

جاسم : مكتعرفيش تقراي الإنجريزية راه التعليمات فالسمطة كيفاش كتركب

شيماء : بزاف عليك راه شديت لباك بمونسيون

جاسم : عمرني عرفت بلي 9.99 مونسيون

شيماء : حلات عينيها عالجهد وتزنكات): هاويلييي بباش عرفتيييهااا🎩#وحش_ذات_القزحيتين🎩

✏للكاتبة ✏ chaymae ouaj

🌷الجزء 59🌷

جاسم جابتلو الضحكة مجاوبهاش قرب يقادلها السمطة وهاد المرة مامدش غير يديه قرب منها كولو تا جات حنكو قدام فمها وهي رجعت لور وهو بقربو منها استنشق عطرها كانت واضعة عطر برائحة الشوكولا عطر راااقي من لي كان وصاهم يجيبوليها وأحسن واحد فالعطور ليعندها فدريسينغ روم رشاتولها باربرة استنشقو وغمض عينيه استمتاعا بالعطر لي حمقو عليها رجع لوعيو و ركب ليها السمطة ورجع مكانو ) :

شيماء : لي مارداتش ليه لبال ملي سد عينيه وكان مخشع مع عطرها كانت حاضية غير يديه كيغايركب السمطة وشافت كيفاش ضغط على زر صغير حتى تفتح مكان سمطة وخشاها وتغلق المكان )
شيماء: هااء ومالك على هادشي كولو خودلك سيارة بحال كاع السيارات طاق وها السمطة تخشات

جاسم : شاف فيها بمعنى من نيتك )
جاسم : ماخديتهاش أنا لي صنعتها وديك السمطة لي ماعاجباكش راه آخر مكاين فالسوق العالمية
شيماء : مجوباتوش كضور راسها وتاتشوف شكل السيارة من الداخل حسات نفسها بحالا داخل شي مركبة فضائية )
🍀🍀🍀

كسيرا جاسم بسرعة عادية حتى يخرج من بوابت أسوار القصر عاد كيزيد فسرعتو

خرجات السيارة من آخر بوابة للقصر وغير خرج جاسم كسيرااا بسرعة كبيرة كيف عادتو من نهار ساك عمرووو مشا بسرعة عادية أو متوسطة مولف وحتى سيارتو أسرع سيارة فالعالم وعندو بادج من عمو علي قائد الجيش المغربي فماكايلقا حتى مشكل مع شرطة الطريق لا هو لا إخوانو
جاسم غير كسيرا كيسوق وكيشوف أمامو مازالهم فطريق الغابة لي كتأدي للقصر الطريق مع وسط الغابة لي فملكية لستاركس فماكايناش شي سيارة أخرى كدوز من تم وخاصو ربع ساعة باش يخرج للطريق الرئيسية

شيماء مع السرعة لسقات فالكرسي وبدات كتنفس بسرعة وكتعراق ولات صفراء وفمها بيض وهي حالة عينيها عالجهد كتشوف قدامها فالطريق تفكرات الحادث تفكرات سرعة لكار وتفكرات شجار المؤطر مع السائق باش ينقص من السرعة تفكراة صورة لكار مقلوب وصورة يدها عامرة بدم جمانة
بدات كترجف ودموعها كينزلو وكتشهق بالجهدتتمة 59💋
جاسم : كان كيسوق عادي كيف مولف ماعلابالوش حتى سمع شهقاتها ودار شافها فديك الحالة لاسقة فالكرسي ومزيرة عليه بظفارها صفراء وحالة عينيها عالجهد مخرجاهم فالطريق وفمها بيض كترعد وكتبكي

جاسم غير شافها هكاك ضرب لفران بالجهد تا احتكو الروايض مع الطريق وحبسات السيارة حل سمطتو دغية وقرب شدها من كتافها وكيحس بقلبو غايخرج

جاسم : ششيماء واش لباس شيماء

شيماء كترجف : ححل ليا سم سمطة دب دابا

جاسم : تحنا حلها السمطة وغير تفكاتلها دفعاتو وحلات باب السيارة وخرجات كتجري فاتجاه الغابة

جاسم خرج من السيارة كيشوفها كيفاش هاربة ومتاجهة للغابة تعصب من نفسو كيفاش نسا حالتها والحادث لي تعرضاتلو من الطبيعي أنها تولي تخاف من السيارات والحافلات ومن السرعة

اختفى من مكانو باستعمالو قوة فيليكس للتنقل وظهر مباشرة قدامها وهي جات كتجري تا دخلات فيه شدها بين يديه

شيماء : وا طلق هئ ما بغيتش ركب هئ ماغاركبش غانتقلبوووو غانموتو

جاسم : شادها من كتافها وهي كتبكي وكترعدليه) : تهدني شووت

شيماء : هئ وا لا لا ماغاركبش غنتقلبو ودم دم بحال جمانة هئ مابغيتش ركب

جاسم : شووت تهدني سمحيليا الغلط ديالي مولف السرعة ونسيت وضعك أنا لي غالط تهدنيي

شيماء : واا لا لا مابغييتش ركب هئ خليني غير هنا ماغاركبش لا

شيماء كتنتر منو وكتبكي بهستيريا مابغاتش ترصاليه ولا تهدن وهو يجرها بالجهد تا عنقها خشاها فصدرو ومع فرق الطول جا راسها على صدرو وجيهت قلبو زير عليها بقوة فحضنو وحط جبهتو على راسها وكيتكلم بصوت هادئ قريب للهمس

جاسم : شششوت تهدني ماغايوقع والو أنا هنا معاك الغلط ديالي سمحيليا

شيماء : زيرات على تيشورت نتاعو جيهت صدرو بيدهها بزوج وكتشهق بالخلعة)

جاسم: كترعدلو فحضنو ؛) شووت تهدني كلشي غايكون بيخير أنا هنا (غمض عينو وهو معنقها وجبهتو على راسها كيستنشق عبير شعرها وعطر الشوكولاه حس بإحساس فشكل إحساس عميق فرحة عمرو حس بيها خوف عمرو حس بيه رغبة قوية فأنها تسكت من البكاء رغبة قوية فأنا ترجع ضحك معاه وتخرج فيه عينيها كره وكره ضعفها وكره خوفها لي من الواضح أنه تربى عندها خوف أو فوبيا من السيارات والسرعة كترعدلو بين يديه وصفرا بالخلعة وكره أنه هو السبب حتى قال تحسنت نفسيتها عاد يزيد يتسببلها فضرر نفسي آخر

تفكيرو فهادشي خلاه زاد زير عليها بشدة فحضنو وهو كيحس بأحاسيس جديدة عليه خلاتو يحس أنهو شخص جديد بحالا عاد تولد ..

🌹🌹🌹🌹🌹🌹🌹🌹🌹🌹
اريد ان يحضنني أحد بذراعيه ويصرخ في وجه العالم قائلا : دعوها وشأنها لقد عانت كثيرا ..إنها تعنيني 🌸

🌹🌹🌹🌹🌹🌹🌹🌹🌹🌹

جاسم : تهدني كلشيء غيكون بيخير كنواعدك

شيماء : تهدنت نوعا ما وكلما تفكرت السرعة باش كان غادي كتزيد تزير على التيشورت نتاعو ودخل فحظنو وهو قلبو غيخرج من مكانو بالفرحة من وضعهم و كذلك بالخوف عليها

🍀🌹🍀🌹🍀🍀🍀🍀🍀🍀
جلس معها اربعون دقيقه، كان يستمع الي حديثها بشغف، وعندما قرر الذهاب سألته هي: نسّْيت ان اسألك كم عمرك؟
فقال : اربعون دقيقه ❤💛
🌷🍀🌷🍀🍀🍀🍀🍀🍀🍀🎩#وحش_ذات_القزحيتين🎩

✏للكاتبة ✏ chaymae ouaj

🌹الجزء 60 ^🌹

شيماء : بقات فحضنو بعض الوقت حتى تهدنات ورجع تنفسها انتضم ومابقاتش كتشهق تا تحسنات عاد حسات أنها فحضنو وبعدات عليه مزنكة بالحشمة

جاسم شاف خدودها حمارو وتبسم ) : واش شوية دابا

شيماء : (حركاتلو راسها بآه)

جاسم : مد يدو باصبعو كيمسح لها آثار الدموع لي كلهم كحلين الكحل ساح ليها )

جاسم : ساح ليك الكحل

شيماء : توترات وبعدات) : غانمسحو بوحدي شك شكرا

جاسم : كنعتاذر مرة أخرى مولف كنسوق بديك السرعة ونسيت وضعك سمحي ليا

شيماء تعجباات فهاد المخلوق جديد عليها من نهار شافتو وهو مخنزر فيها وكيغوت عليها )

شيماء : أ أ مماشي مشكل غير هو مابغيتش ركب غير سير أنا رجع لقصر على رجلي

جاسم : رفع حاجبو ) ومابغيتيش تزوري قبر صديقتك الله يرحمها

شيماء : حنات راسها ) بغيت ولكن خف خفت

جاسم : شد من كتفيها ) تيقي فيا مغنسرعش غنمشي بأبطأ سرعة ووقت ما حسيتي بنفسك عيتي نوقفو

شيناء : سرطات ريقها وتشجعات ) ؛ وواخا

جاسم : ابتاسم ليها
و جرها وتحركو للسيارة ركبها وركب ودار لها السمطة وهي غير كضور عينيها

جاسم قبل ماينطالق : أمامك كاين زر بالأزرق ضغطي عليه

شيماء : شافت أمامها وضغطات على الزر تفتح على شكل درج كانت ثلاجة صغيرة عامرة بالكولا ومشروبات أخرى غير كحولية وقنينات ماء وألواح شوكولا فاخرة ومكسرات بالأنواع

شيماء حلات عينيها فدكشي : واااو عندك تلاجة هنا

جاسم : هزي لي بغيتي دوزي الوقت علاما نوصلو ويلا بغيتي تفرجي فشيحاجة ضغطي على الزر لي فالأعلى

شيماء شافت فوقها كان زر ضغطات عليه ونزلات شاشة سوداء على شكل طابليط
جاسم حرك السيارة وحددها على أقل سرعة ممكنة لي بنفسها كتعتابر سريعة حيت سيارتو متطورة وأصلا سريعة ماشي عادية ومصنوعة للسرعة وفكر أنو أحسن حل أنو يشغل شيماء عن الطريق )

شيماء : أواااه عندك تلفازة فطونوبيل

جاسم : ماشي تيفي طابليت تقدري ديري شي فيلم

شيماء : شعلاتها ولكن ماعرفاتش ليها عمرها شدات تا تيليفون متطور فيدها بقا غيتعرف لطابليط حشمات تقولو ماعرفتش )

جاسم : عرفها ماعرفاتش تخدمها وشا فيها ) أشمن نوع دالأفلام كيعجبك

شيماء : أأ أمم ديرلي أممم آه ديرلي رمانة وبرطاااال آخر حلقة شفت ملي كانت رمانة كتقلب على يطووو لمعزة نتاعها لي كلاليها سحت ليل

جاسم شافيها باستغراب : أشنووووو

شيماء : الغالب الله فالميتم كانو يشدولهم غير دوزيم 2M )

شيماء : أأأ ماعرفتيهش إوا ديرلي حديدان

جاسم : ماعرف مايقول لهاد لخليقة لي حداه ونطق ) ياك كتعرفي تقراي لعربية بعدا ؟

شيماء خنزرات : ومالك حكرتيني بحال هكا ياه

جاسم : شاف فيها وخدا طابليط دارليها فيلم الجميلة والوحش beauty&the beast مترجم حيت عااارفها عيانة فاللغات عندو ملفها الدراسي كولو وكل أوراقها وعطاهليها طابليط

شيماء : شدات الطابليط كتفرج وكتاكل دازتليه على كاع باكيات الشكلاط دوق من كل نوع

جاسم : شافها مركزة مع الفيلم وضغط على زر خلا زاج من جيهت نافدتها ولا لونو أسود من الداخل حيت زاج فيمي من الخارج وردو أسود تامن الداخل أما زاج لي أمامها فالطابليط مغطيا عليها الرؤية باش مايتشتتش انتباهها وترجع تخاف من الطريق والسرعةتتمة 60💋
شيماء دايرة ليكيت ومجهدة صوت لفييلم وكتصنت حمقها الفيلم وحمقها حتى الشوكولا وجالسة تبنن بصوت مرتافع هي مع الصوت مجهد مكتسمعش صوتها كيحسابلها كتكلم بشوي هي راه كتبنن بالججهد

شيماء : أمممممم

جاسم : خنزر فيها وهي ماهيااااش هنا عايشة مع الشوكولا والفيلم

شيماء : أحح وشحال بنين أمممم

جاسم : حبس الطونوبيل فجانب الطريق وحيدلها ليكزيكوتور

شيماء : آش كدير

جاسم : نتيي لي آش كديري

شيماء : آش درت

جاسم : ماتعرفيش تفرجي وتاكلي بسكات

شيماء : فمها وجنابو كلو شكلاط وكترمش بعويناتها ) هاء مالني آش قلت

جاسم : وصل حد صبرو وهو كيشوف فمها وكيسرط ريقو وتايعراق مابقاش قاظ يشوف فيها تحنا هز قرعة دالماء وتكلم وهو مكيشوفش فيها

جاسم : مسحيي فمك أنا غانخرج شوي ونجي (حل باب من جيهتو وخرج وسد السيارة أطوماتيك )

شيماء : هاء هادا مالو هيوا سبحان الله (ردات ليزيكوتور وكملات لفراجة )

جاسم خرج من السيارة كولو عرقان شاف فحجرو لقا لمعلم منفووخ )

جاسم : fuuuck هادشي ليخاس بويا دابا

( خوا قرعة دالماء على راسو وبقا كيمشي ويجي على الله يبرد وكلما كيتفكر فمها كولو شكلاط وكلماتها وهي كتبنن الشوكولا كيبغي يجهل .استغرب من نفسو عمر أعجب بشي بنت أو اشتها شفتيها كان يقضي غراضو مباشرة بدون مداعبات أو لمس حتى أنهو عمر باس شي بنت من فمها أو سمح لشي وحدة تبوسو ولكن شيماء بزز تمالك نفسو عليها

🌹🌹🌹🌹🌹
قال أحد المصابين بالوسواس القهري 🌈 :
كنت أشمئز من كل شيء إلا هي ❤♥️

🌹🌹🌹🌹🌹
( جاسم عندو الوسواس القهري هاذ المرض النفسي الوسواس القهري هاذ المرض فيه أنواع وجاسم عندو وسواس الجسم )

جلس مدة نصف ساعة برى دالسيارة حتا برد شوية عاد دخل شاف ناحيتها لقاها ناااااعسة الفيلم سالا وسالاتليه معاه الشكلاط كامل بقى مدة كيتأمل وجهها حيت كانت ضايرة جيهتو وناعسة
كيتأمل شكل حاجبيها أنفها فمها لي مزال فيه شكلاط فجناب
مد يدو ومسح ليها شكلاط من جناب فمها بصبعو و ومصو وتبننو ابتاسم وحيدلها طابليط من يدها وضغط على زر هبطلها الكرسي وخدا فيسط نتاعو من المقعد الخلفي وغطاها مزيان بقا كيشوف فمها وهو كيسرط ريقو امتالك نفسو بزز ميسرقش منها بوسة مابغاش يستغل نومها واستدار بعد بصرو منها وكسيرا

🌈🌈🌈🌈

– لقد كانت جميلةً بشكلٍ يحدثُ مرةً في
العمر .. لا يُمكن تأجيله ، جميلةً بإصرارٍ
شديد ، بشكلٍ يجعلُّني أعلمُ يقيناً بأنني
لن أجتازها يوماً لا بالمنطق ولا بالعاطفة . ولا بالعقل ..!

🌈🌈🌈🌈

الصورة : كتشرح أنواع الوسواس القهري
جاسم عندو الخاص بالجسم

Leave a comment