Skip links

قصة : لغيرك لن اكون ج 6

 1,357 عدد مشاهداات

148: دخل لبيتو ساخط نتر شوميز لي لابس بقااا عريان من لفوق و العافية شاعلة فييه شعل سيكار عمر كاس ويسكي وجلس فوق الفتوي كيفكر فهدرتها خاف تكون بيناتهم شي علااقة ديك ساعة مغتكون عندو حتى فرصة معاها وهو باغيها لييه بوحدو بكل مافيهاا .. حس براسو برد شوية هو ينوض رجع البيت يطل عليها فتح الباب بشوية وهي تبان ليه ناعسة قرب لناحيتها بخطوات بطيئة بدون شعور منو نزل لشفايفها طبع قبلة خفيفة وهي داخلة فسبات عميق ما جايبة لدنيا خبار ناض كيلعن شيطان وفنفس الوقت ماقدرش يقاوم رجع لشفايفهاا كيقبلها عجبووه مذاقهم بقاا كيجبد فيهم بشوية ويمص حتا حس بمولاي سلطان تنفخ شاف راسو غيقفرها هو يخرج قبل ما يصدق فارعها

#عند_فهد
متكي فوق الناموسية شاد تلفون فيديه مكنوكطي مع شي واحد لمح روان خارجة من دوش حط تلفون فوق لاطابل دونوي وناض عندها جلسها فوق الناموسية كينشف ليها شعرها بالفوطة

روان : عطيني انا نكمل علييك

فهد : بلااش خليني انا نشفو لييك فخبارك شعراك زاد طوال

روان : ااه ماابقييتش كنقطعو

فهد : خليه هكاا ماتقطعيييهش طويل كيجيك زوين

روان : خاصني غدا ندوز عند لامار نشوفها

فهد : خلييك انا غنجيبها دوز معانا النهار

روان : ماكنضنش وااش غتقبل تجي لفيلا

فهد : غاتبغيي اصلا مااتقدرش تقوليا لا

روان تنهدات : امتاا غتهدر مع نايف

فهد عقد غوباشتو : منبعد ماشي دباا

روان ضارت لعندو : ولدك وانا كنعرفو الى مقلتيهاش ليه انت كاين لغيجيب ليه خبارها

فهد : ماكنضنش واش داير عليها المراقبة

روان : نايف ماكدوز عليه حتى حاجة هدر معاه ولا خليني انا نتكلف

فهد رجع كينشف ليها شعرها : القرار كيرجع لامار الى بغاتو يعرف نقولها ليه ويلا مابغااتش خاصنا نحتارمو رأي ديالها

روان : اففف منك شحال عزيز عليك تعقد الامور تنترات منو بزعفة وناضت لدريسينغ حيدات بنوار باش تلبس حوايجها قشعت فهد من المرايا عينيها خرجو بغات طلع بنوار لقاتو محاوطها من خصرها

روان ميلات شفايفها : شنووو بغييتيي

فهد مخدر بريحتها : بغيييتك انت

قبل متجاوبو هزها بين يديه غادي بيها لجيهت الناموسية وهي كتفشش عليه بزز باش خلاتو يقيسها وهو داير معاها الخاطر مكيبغييش يقلقها حتا سالة على خاطرو عاد طلق منها …
اصبحنا واصبح الملك لله
ناضت لامار كتجري الحمام بقاات كترد حتى بغاو يخرجو مصارنها حيدت حوايجهاا وقفت تحت رشاشة دوشات فركت راسها مزيان غسلت شعرها وخرجت لاوية عليها فوطة فالغوز نشفت داتها وشعرها نشفاتو بسيشوار لبست حوايجها قادت حالتها مزيان معولة اليوم تمشي لشركة….
هبطت الصالون لقات فهد جالس مع ينيس وسيليا غير شافها بتاسم ليها فتح ليها يديه وتاهي ماشي من العاكزين مشاات طايرة عنقاتو بدات كتبكي بحال شي بنت صغيرة وهو كيهدن فيها جلسها فوق رجليه من صغرها وفهد مفششها بحال أميرة كيعاملها بحال بنتو وتاهي من ديما وهي كتميل ليه

فهد كيمسح ليها دموعها : لاااش لبكاا ابنتي

لامار كتنخصص : هنن مااعرفتشش اهئ اهئ

فهد عرف واش الوحم مأثر عليها : بنتي العائلة توحشوك وبغاوك دوزي معاهم هاد النهار شنو قلتيي همم

لامار شافت فباها حرك ليها براسو بمعنى سيري : صافيي وخا ولكن بغييت نمشي نطل على الشركة

فهد : دونك بالعشية غندوز نديك معايا

لامار حركت راسها بالايجاب

فهد : يلاه فطري باش نمشييو انا غنوصلك فطريقي

لامار : ماا بغيييت ناكل والو غير يلاه

فهد : شنووو تخلي ليياا حفيدي بجووع هممم

لامار بصوت طفولي : دبا انت بقاا فييك غير حفيدك بوحدو حنات راسها ميلة شفايفها

149: فهد هز ليها راسها : خايف علييكم بجوج عارفة
بلاصتك قداش عندي

لامار كتفرك فصباعها محركة راسها بالايجاب

فهد : انت راكي بنتي الحمقة

لامار غطات وجها بيديداتها صغار بدات كتبكي
سيليا وينيس ضارو كيشوفو فبعضياتهم مصدومين من تصرفاتها ولاات كتبكي على ابسط الحوايج

فهد عنقها عندو مزير عليها : دباا علاااش كتبكيي

لامار : هنن انا خايفة اعمو خفتوو يدي ليا ولدي

فهد عرفها واش كتهدر على نايف هز ليها راسها قابلها
معاه : ديري فبالك انه ماكينش لغيقدر ياخد ليك ولدك

لامار : انت ماعرفووش شنوو ممكن يدير ملي يعرفني حاملة بولدو الى مشا حتاا خداه مني غنحماق هئ اهئ

فهد شبك يدو مع يديها : كنواعدك ابنتي ماحدي باقي فالحياة عمر شي واحد ماهيقدر يأذيك لا انت لا ولدك وخا يكون نايف مستحيل نسمح ليه بهادشي

لامار طمأنتها هدرتو نوعا ما

فهد : نوضي فطري باش نمشيو اوك حركت راسها باه وناضت من فوق رجليه جلست فوق الطبلة هزت كاس د الليمون شرباتو دقة وحدة بان ليها البيض طاحت فيه عمية كلات حتا كرشها تنفخات عاد ناضت سلمت على واليديها وخرجت مع فهد ركبت حداه فطوموبيل هو يديماري وصلهاا هي لولة الشركة عاد مشاا ….

دخلت لامار لبيرو ديالها لتوحشاتو بزااف وتوحشت خدمتها جلست فوق الكورسي ديالها وهي دخل عندها سكريتيرة

لامار كتهدر برزانة : شنوو وقع فهاد المدة لكنت غابرة فيها

… : الخدمة غادة مزيان نواب قايمين بكلشي

لامار : سول علييا شي واحد

… : واحد سيد هادا اسبوع وهو كيجي قالينا انه عندو شي مشروع وبغا يهدر معاك فيه

لامار : بون يمكن ليك ترجعي لبيغو ديالك

ستأذنات منها وخرجت اما لامار فتحت لبسي ديالها انفوا شعلاتو طلعت ليها صورة ديالها هي ونايف فالخلفية بزربة سداتو وقلبها بدا كيضرب بسرعة حست براسها تخنقات
فهاد اللحظة كاع ذكرياتها واللحظات لدوزتها مع نايف دازو قدام عينيها نزلو جوج دمعات سخان من عينيها مسحاتهم بسرعة ملي سمعت دقان

لامار تحنات على لوراق : تفضل

تفتح الباب هو يدخل شاب عشريني من عمرو طوييل حروف كحلين لحية خفيفة ومفتول العظلات لامار سمعت تحنحين هزت راسها فيه وهي توقف

لامار : تفصل جلس

… : نتمناا منكوش جيت فشي وقت غير مناسب

لامار : نو مرحبا اسيدي فاش يمكن ليا نساعدك

…. : صراحة عندي مشروع بغيت نبني فيلا على البحر ومليقتش ما حسن من هاد الشركة بزاف د الناس شكروها ليا

لامار : مرحبا بيك اسيدي

…. : ولكن هاد المشروع مابغييتش المدة ديالو تجاوز كثر من اسبوعين

لامار : وخا غنحاول وخا المدة لعطيتيني مكنضنش انها كافية مي غندير جهدي

…. : كنتمنااا (جمع الوقفة وناض) المعلومات غادي نصيفتهم ليك مع واحد من رجالي

لامار : صاافيي وخا

…. مد ليها يدو يسلم عليها : كنشكرك امدموزيل

لامار بقات شحال وهي كتشوف فيدو لمدها عاد مدات يديها : العفو اسيدي

… كيهدر ومفيكسي عينيه عليها : ايوب

لامار نترات يدها بسرعة : تشرفة بمعرفتك

ايوب طول فيها الشوفة هو ينطق : مكدبووش ملي قالو علييك زوينة

لامار مصدومة : هااء

ايوب شداتو ضحكة : نسااي ديري فحالة ما سمعتي والوو نخلييك دبا خرج خلا لامار مدهشرة اول مرة تعامل مع شي واحد بهاد الطريقة من ديما كتقمع بنادم مكتخليش شي واحد يطاول عليها حتا لهداا سلاهم ليهم
#يتبع … فينكم وااش نكمل ولا نحبس فين هوما تعاليق 😓😓

150: #عند_جاد
نازل لاكاب تاع الطوموبيلات هو يلقا رانيا متكية على طوموبيل ديالها شافها هو يعقد غوباشتو مشاا قاصدها جرها من دراعها

جاد بحدة : شنووو باقا كاديري هنااا

رانيا : كنت كنتسناااك خاصنا نهدرو

جاد : شحال من مرة خاصنيي نعاودها لييك ملي نكونو فالشركة متبقاايش تهدري معايا

رانيا : كون مكانش الموضوع ضروري ماكنتييش غتلقاني واقفة كنتسناا فيييك

جاد كيشوف من وراه يكما جاي شي واحد : ماااشيي هنااا سبقيني الاوطيل

طلعت رانيا فطوموبيلتها وهي ديماري وجاد من وراها بطوموبيلتو حتى وصلو الاوطيل دخل جاد هو لول طلع نيشان لسوييت ديالو عاد تبعاتو رانيا باش ميعيق تا واحد بيهم حيت الاوطيل تابع لشركة اليوسفي دخلت الغرفة لديما كيتلاقاو فيهم لقات جاد جالس فوق الفوتوي داير رجل على رجل كيهدر مع شي واحد فتلفون خلاتو حتا سالة ابيل ديالو عاد هدرت

رانيا : مرااتك اجاد

جاد : مالها

رانيا : جات عندي البارح فصباح لشركة

جاد برودة : شنوو قالت لييك

رانيا : مراتك هزات عليا يدها وضربااتي

جاد جمع يدو على شكل قبضة : كملييي

رانيا : طلبت مني باش نبعد على زياد … عاودت ليه كلشي بالتفصيل كل كلمة قالتها ليها ايناس قالتها ليه كما هي بلاما تزيد على الهدرة

جاد : مكدبتش ملي قالت لييك انها جرجرتني وجفات بيا الارض عاد قبلت تزوج بيياا (تنهد ) ايناس ديال شحال هادي ماشي هي ديال دبا تبدلات بزاف هادشي كامل على قبلي وعلى قبل ولادها حمدي الله ملي متلاقيتش بيها من زمان اما كون شفتي شنوو كانت غدير فيييك

رانيا مخلوعة : ولييت خايفة كثر ما تصور هدرتها خلاتني نبات فايقة بلا نعاس عمري شفت مراتك كتهدر بجدية حتا البارح اي حرف نطقاتو الا وزناه وعارفة راسها شنوو كتقول مراتك الى مشات حتا عرفت بعلاقتي بييك غتصفيها لياا ما فييهاااش

جاد ناض لعندها جرها من خصرها : خلينا من هاد الهدرة واجي معايا جرها من يديها غادي بيها الناموسية ….
من بعد العلاقة الحميمية دامت لمدة ساعة ونصف ناضت رانيا الحمام خدات دوش خرجت كتنشف فشعرها جات عينيها على جاد ناعس على كرشو لابس غير البوكسور تنهدات لبست الحوايج لجات بيهم وخرجات

نمشيو عند اياد جالس فالشومبر ديالو كيهدر فتلفون

فهد : راني معول علييك اولدي

اياد : من دبا حسب راسك ربحتي الصفقة

فهد : راني تايق فييك ماحملتك هاد المسؤولية حتى عرفتك قاد بيها

اياد : كنشكرك على الثقة ديالك نخليك دباا خاصني نوجد راسي على قبل العشاء العمل

فهد : رد بالك بلاما نوصيك

اياد : متخاافش اعمي سلم ليا على الواليدة قطع لاح تلفون فوق الناموسية وناض الحمام

من بعد ما نهاا فهد المكالمة رجع الصالون لمجموعين فيه العائلة وجلس حدا لامار

صورية : بنتيي تبغيي نقوليهم يوجدو لييك شي حاجة تاكليها متحشميش ابنتي

لامار : لا مابغييت والوو بلاما تصدعي راسك

روان : اشمن صداع الامار الله يهديك

صورية : يكماا معدبة فالحمالة

لامار حنيكاتها تزنكو : شوية وصاافييي

ايناس : متخاافييش كلشي هيدوز بخير ابنتي متخامييش ديما غتلقايناا واقفين فجنبك

لامار بخجل : شكرا اخالتو

فهد : الى كنت عيانة طلعي ترتاحي بين ما وجد لعشاا
لامار : وخاا

151:هزت صاكها وطلعات بقات غادة فالكلوار بخطوات بطيئة وعينيها صامدين كتشوف فنقطة وحدة كل ما قربت من بيتها لجمعها مع مايف كتحس براسها مخنوقة معاقتش حتا لقات راسها وسط بيتهم ضرباتها ريحتو فنيفها وتغلغلات فأعماقها سدت الباب ودخلت جات عينيها على الناموسية والفراش لكان جامعهم حيدت الطالون لي لابسة وتكات فالبلاصة لكان كينعس فيها هزت المخدة كتشم فيها ريحتو ودموعها نازلين حطت يديها على ليزار كدوزها عليه كمشااتو فيديها كتشم فيه ناضت بدون وعي منها هزت برفان ديالو من فوق الكوافوز رشاتو فيديها كتستنشق ريحتو مغمضة عينيها تفكرت ليلة لتخاصمو فيها بقاات كتبكي ضربت بديك القرعة مع الارض جلست على ركابيها غوتات بأحر ما فجهدها بسميتو ودموعها نازلين شلال بقات كتشهق باعلى صوتها وكتفكر فكاع اللحظات لي دوزووها مع بعضياتهم ويديها كيرجفو وجهاا رجع حمررر بقاات على ديك الحالة حتا حسات براسها ترخات وانتهى بيها المطاف ناعسة فبيتو وعينيها على اطرافهم دموع لمحبسووش ….

#عند_مروى
كانت لابسة كسوة فالبيض فوق ركبة جاتها لاسقة وشعرها مطلوق واصل لترمتها وصدرها واقف باين من الكسوة دارت اخير اللمسات وهو عطرها هزت كاب ديالها لاحتو على كتافها ونزلت لقاات اوس واقف كيتسناها حتا هو ضارب الكلاس كوستيم فالبلومارين جاه مزير على عظلاتو وشوميز بيضة هز عينو فمروى تصعق

مروى : يكماا تعطلت علييك

اوس طلعها وهبطهاا : شهااااد لخرااا لي لابسة علااش معرية على فخاادك

مروى : بدييناا تانيي

اوس زير على دراعها : طلعيييي بدلي هاد شروييطة لي لابسة

مروى بتحدي : ويلا ماابغيييتش

اوس هز يدو حتا بغا يجمع معاها هو يصوني ليه تلفون صعر : هانا راجع لييك متحلميييش تعتبي هاد الباب بهاد الشرويييطة ضرب فيها وخرج يجاوب على الاتصال بقات واقفة وكتعيبو

مروى : منيتو باغي يتحكم فلباسي مريييض فراسووو
دخل نيشان مع الكلمة لخرة شافتو بدات كتسرط فريقها

اوس : طلعيييي بدلي عندك 5 دقايق

مروى هزت كتافها : مطلعاااش وما غنبدلش ويلا مابغيتيش نخرج هكاا غندير مناقص من شي خرجة

اوس مسح على شعرو بعصبية : صااافيي زيدي قدامي

مروى بابتسامة عريضة : كنت عرفاااك مغتخليينيش بوحدي خرجت كتمشاا قدامو وكتلوز بمسعودة بقاا مفيكسي عينيه عليها هو يحس بالمعلم تنفخ بقاا كيسب فيها فخاطرو ويلعن طلعت فاللوطو و اوس حداها

مروى : خليينييي نسووق

اوس دار فيها ديك شوفة تاع منيتك : وانا شنوو كندير

مروى : توحشت نسو… قبل متكملهاا ديمارا طوموبيل حتاا مشا راسها وجا

مروى : و زبل بشوية وااش بغيتي تقتلناا

اوس : سسسكتييي ولاا غنوريييك هاد زبل شنوو غيدير فييك

مروى بقات كتمتم : حماااار لاخر الله يعطيك مووصيبةةة تهنيني منك

اوس طلع حاجبو : سمعيينيي شنوو قلتييي

مروى : والووو

نخلييو هاد جوج ونرجعو لعند لامار ضربتها لفيقة لقاات راسها ناعسة فبيت نايف ناضت بزربة الحمام غسلت وجها نشفاتو وخرجت حتا كيتفتح الباب كانت روان لدخلت

روان : حبيبة قلبت علييك وماالقييتكش وااش نعستي هنا

لامار محملاتش راسها : مكانتش ناوية نعس فيه دخلت على قبل شي حوايج كنت خليتهم هناا ساعة محسييتش براسي حتا غفيت
روان عايقة بيها ومبغاتش تحرجها : ماشي مشكيل ابنتي لعشاا راه واجد هبطي تعشاي
لامار بابتسامة شاحبة : وخاا خالتو سبقيني انا غنلحق عليك
روان : وخاا بنتييي متعطليييش اوك سدت الباب ومشاات

152: وقف اوس بطوموبيل قدام ريسطو فخم نزل اوس هو لول فتح الباب لمروى شد بيديها ونزلات

اوس : شدي فدراعي

مروى طرطقات عينيها : شنااااهو

اوس : ماكنحملش ليتجااوب معايا شدي فييااا بلا من كثرة الهدرة

مروى ربعت يديها : مرتاحة هكا غير خلييني

اوس حمر فيها مخنزر عاد شدات فيه عطا الكونطاكت لواحد من رجالو ودخلو

مروى حست بيه زير على يديها وسط دراعو حتا
توعتات : طلاااق من يدي ازمر

اوس حابس راسو بزز : سسسكتيييي قبل ما نخلط والدييك

مروى : الصمت

اوس : عندك تسلمي على شي واحد من دبا نعلمك شدي يديك عندك

مروى : لا وااااش منيتك

اوس كرز على سنانو : مروى

مروى ضربت الطم معودتهااش معاه بقاااو غاديين ما وقفو حتى لعند الطبلة لديجا حجزوها كانو جالسين فيها 6 د الناس كلهم رجال اعمال معروفين فالعالم سلم عليهم اوس ولي كيمد يدو لمروى باش يسلم عليها كتكتافي انها تبتاسم ليه حتى فهمو راسهم انها مبغاش تسلم …
اوس جر الكورسي وهي تجلس عليه مروى وجلس حداها حط يدو على يديها لفوق الطبلة بغات تنتر يديها هو يخنزر فيها بداو مجمعين بناتهم كيهدرو على مواضيع داخلة فنطاق العمل ديالهم اما مروى مبقااتش كاع تسوقت ليهم عقلها ترفع بقاات ساهية فكاس المشروب لقدامها حتى كتخترقهاا ريحة مغريباش عليها تقدر تميزها بين الآلاف روايح تغلغلات فأعماقها بمجرد ما هزات راسها وهي تجي عينيها فعينيه نيشان مروى بدات كترعد وقلبها كيضرب ف 90 كان اياد واقف وبكامل اناقتو كوستيم فنواغ وحذاء لامع فنفس اللون اللحية خفيفة مطراسية وحجبانو معقودين مزال كيف ما هو ما تبدل فيه والوو من غير انه زاد زيان وتفورما على قبل … مد يدو اوس سلم عليه وهو مخنزر بقاا كيطلع ويهبط فيه حس براسو تزير ملي شافو ماد يدو لمروى هاد الأخيرة لكانت باقا ساهية فيه بلاما تحس مدات يديها وكتحس بيها ثقيلة بمجرد محطات يديها وسط يدو قلبها بغاا يوقف بقات كتحسس فيدو الخشنة مطلقات منو حتى حست بيد قاصحة قرصتها من فخادها عينيها غرغرو من الحر نتر يديها بسرعة جلس اياد مقابل معاها مرة مرة كيخطف شوفة فيها …
مروى قلبها بغاا يخرج من بلاصتو يديها بردو بحال الثلج ولاو كيرجفو بوحدهم هزت عينيها فاياد لقاتو كيهدر مع واحد من رجال الأعمال لجالسين معاهم اوس حس بيديها كيترعدو زاد زير عليها

مروى بصوت غالب عليه البكية : خلييناا نمشييو عفااك

اوس بصوت خافت : متحااوليييش تبيني قدامو

مروى : مااقدرااش ا اوس والله بغيت نمشي

اوس كيشوف فاياد ويهدر : صبري شوية ونمشييو

… : مسيو اوس ما عرفتيينااش على الآنسة لمعاك

اوس بتاسم : انسانة غالية على قلبي مع الوقت غتعرفو شكون هي بالنسبة لياا

اياد هز راسو فيها جاه احساس غريب فحالة فايت ليه كيعرفها مروى حسات بنظرات مختارقينها هزت راسها فيه لقاتو كيشووف فييها منزلش عينو عليها بقااو ساهيين فبعضياتهم مروى شدتها البكية حنات راسها واليد لوخرا مزيرة بيها على الكسوة حاسة براسها غتنفاجر

مروى بصوت مخنوق : بغيت نوض الحمام

اوس بهمس : سيري وما تعطليييش

نترات يديها وناضت مشات نيشان الحمام فهاد اللحظة اياد جاه اتصال جبد تلفون طلعت ليه ايناس ستأذن منهم وناض اوس بقا متبع ليه العين حتا غاب عن النظر

#عند_مروى
واقفة قدام لمرايا عينيها حمرين حطت يدها على قلبها ضرها نزلو دموعها بغازارة بقات كتبكي

مروى كترجف : اهئ اهئ هو ماعرفنيييش هو مااااقدرش يتعرف علييااا انا كييفاااش هيعرفووني عائلتي انا كيفاش هنقدر نعيش مع هاد الوجه جديد كيفااش اهئ اهئ

طلقات الماا بدات كتغسل فيديها فزكت عنقهاا وجها بقات كتنش على وجها حتا حست براسها بردات وهي تخرج حانية راسها وغادة حتاا تصاطحت بجسم صلب هزت راسها تشوف شكون وهي تصدم لسانها تربط قلبها بقاا كيضرب بسرعة لدرجة دقااتو كانو مسموعين حسات براسها فشلات ملي سمعات صوتو

اياد : مدموزيل صافا ؟؟

153: مروى تسارعت دقات قلبها خصوصا وهو قريب منها وريحتو لخترقاتهاا الدموووع نزلو من عينيها بدون شعور

اياد شافها كتبكي تخلع شدها من دراعها بجوج بدا كيحرك فيها : آنسة وااش انت بخير كضرك شي حاجة باش كتحسي

مروى كمشت يديها بجوج مزيرة عليهم و ركابيها فشلو عليها خرجت منها شهقة من وراها دموووع بغاات تهدر وماقدراااتش ماكرهتش تقوليه انا شكون وطلب منو سماحة على داكشي كامل لدارت فيه ولكن ما قدراتش

اياد مخلووع : راك كتخلعيينيي هكاا بلييز جااوبيي هدري معايا متبقااايش سااكتة

مروى بتاسمت فعز دموعها ملي سمعت منو الكلمة لمن ديما كانت كتسمعها سهاا فابتسامتها بقاا مركز مع لون عينيها حتاا سمعو صوت من موراهم نوض الرعب فمروى ضارت لقات اوس واقف وجهوو حمررر محملش يشوفها قريبة منوو لديك الدرجة

اوس بحدة : مروى قربييي عندي

تاجهت لناحيتو حادرة راسها كترجف وقفت قدامو داتها كاملة كترعد شاف اثار دموع على وجها عرفها كتبكي بانت ليه كترعد خلعاتو

اوس : مالك كترعدي وااش انت صافا ؟؟؟

مروى حست بغصة فحلقهاا ودموعها نازلين : بغييت نمشييي ديني عفااك

اوس رجلييه فشلووو : متخلعينيييش امروى واااش عيانة باااش كتحسي

مروى عيات متحبس فيها فالاخير ماقدراتش وهي تنفاجر بالبكا اياد تصعق واوس كثر منو جرها لعندو و زدحها مع صدرو معنقهاا

اوس : ششش صافيي تهدني ما وقع والووو كالم

مروى كتشهق بالبكا : اهئ اهئ ديينيي عفاااك ديينيي
اوس هز عينو فاياد لقاه باقي واقف كيشووف فيهم : وخاا غنمشييو دباا غير تهدنيي حس بيها ترخات بعدها عليه لقاها غيبات تخلع

اوس كيضرب على وجها : مروى فييقيي حبيبة حليي عينيك

اياد حس براسو تزير ومعارفش علاااش هزها اوس بين يديه وخرجها سمح فالعشاا وسمح فكلشي كل همو هي مروى خرجو من الحمام كاع لي تما ضارو كيشوفو فيه وهو بحال الحمق غادي بيها مخرجها الصدمة والخلعة باينة على وجهوو فتحو ليه لي كارد الباب تاع اللوطو حطهاا اللور ركب هو القدام ديمارا مكسيري مخلي لعجاج من وراه ..

سايق ومرة مرة كيشوف فيها من المرايا حتاا وصلو لفيلا هزهاا بين يديها ودخل طلعها لبيتهاا حطهاا فوق الناموسية قشع كاس تاع الما مشا ليه نيشان رش قطرات منو على وجهاا حتى بدات كتخسر سيفتها وفاقت
بمجرد ما تذكراتو جمعت الوقفة وناضت بقات كتبكي بهيستيييرية

مروى هزت صبعها فوجهو : اهئ اهئ انت هو سباب كلشي 😭😭 علااش حابسني علااش ماخلتيني نمشييي فحاالييي حرااام عليك

اوس عوج ليها صبع لهازة فوجهو حتا غوتات : هاد الصبع شي نهار غنهرسوو لييك

مروى كتبكي بهيستيييرية : واااش مابغييتش تفهم وااا بغيييت نمشييي فحالييي خلييني نرجع لعند عائلتي كنترجاااك اهئ اهئ

اوس برودة : مااكينييينش عائلتك كاين غير انا لفحياااتك لا غير بدلي حوايجك ورتاحي جا خارج شداتو من دراعو

مروى ولات كاملة كترجف وعينيها خارجين : حتاا لأمتى هتبقااا حابسني واااش يصحاابليييك انا مقطوووعة من شجرة ما عنديييش عائلتي رجعنيي منين جبتينيي ودبااا

اوس غرس صبعانو فشعرها : خفضي صوتك قبل منقطع لطاسييلت بووووك هدااك اللسان لعاجبك

مروى دفعاتو من صدرو : طلااااق منييي الحيوان عند بالك خاالعنييي (كتغوت ) أميرة اليوسفي عمرهاا مخاافت من شي واحد ومعرها مابينت نقطة ضعفهاا ودبااا لاخير مرة هنقولهاا ليييك خليينييي نمشييي فحالييي

اوس جمع معاها بطرشة دوخهاا حتا كانت هطيح هو يشدها من دراعها : شفتك غير تلاقيتي بولد لعميم وانت دوخي (كيهدر بحدة) سولتك البارح وماجوبتيييتينييش قلللت لييك شنووو بيينك وبيين دااك زاا…** وكدبتيي علييااا (ورك علييها ) واااش كتبغيييه

154: مروى : الصمت

اوس تعصب من ساكتهاا عرف غيكون شكووو فمحلوو جرها من دراعهاا خرجهاا بقا نازل بيها فدروج كيغوت
ويسب : وليييتيي كديري لقالييك رااسك ابنت القح… ** ولاا كلاامييي زاايد نااقص قللللت لييك متبينيييش لييه وبديتي كدمعي قدااموو قلللت لطاسيلتك متسلميييش ومديتي لييه يديك خليتيه كيتلمس لييك فيها انا بنت لييك زاا$مل هااا انا هنوريييك كييفااش تمدي يديك لزواا…** هاد المرة غنقطعها لييك ماشي غنحرقهاا

مروى غير سمعات كلامو بغات تبول بالخلعة : شنوو باغي دير واااش تسطييتيي طلااق منييي طلاااق اه‍ئ اهئ

اوس عروقو تطراساو فعنقوو ويديه من كثرت الاعصاب لركباتهم فيه : سسسكتييي سسكتيييي ما نسمعششش حسسسك

دخلها لواحد الغرفة مظلمة معزوولة على باقي الغرف لكاينين فطابق العلوي شعل ضوو وهي تصدم كانت الغرفة عامرة بالاسلحة بجميع انواعها واحد جهة خاصة غير بسيوف وجناوا بدات كتسرط فريقها شافت فيه بعينين دامعيين

مروى بصوت مرتاجف : شنوووو بغييتييي دييير لييااا

اوس رسم ابتسامة ماكرة : هانتيي غتشووفيي

جرهاا لواحد الكورسي جلسهاا عليييه بدا كيربط ليها فرجليها بالحبل عينيها خرجو عرفاتو وااش ناوي على خزيت ربط يديها مع الكورسي مخلاا ليها كدير تفنفن
مروى تجنات بدات كتغوت وهو واقف قدامها بدون اي رد فعل بقاا ساكت وهي كتسب وتعاير فيه وهو مانطق بحتا كلمة كيشوف فيها برودة خلاها حتا سلات مشاا لجييهت المجر جبد منوو الة خاصة بالوشم شافتها مروى معرفتش ديالااش قرب لناحيتهاا بملامح جامدة جر كورسي وجلس قدامها حط يدو على دراعها وهي تغوت

مروى : ما تقييييسنيييش حداااك تمااا

اوس برودة : خااصك تصبري شوية

مروى قبل ماتنطق قاطعها ملي حط ديك آلة على دراعها غوتات لربي لخلقهاا بدا كيوشم لييهاا فدراعهاا وهي كتغوت وتحرك فراسها يمين شمال تجنات والالام غادي وكيزيد حاسة بلحمهاا كيتقطع هو ما مسوقش خدام كيوشم لييهاا ومستستع بغوتات وهي كتبكي دم من كثرت ما غوتات صوت مشاا لييهااا

اوس : ودبااا سالييينااا شووفي الوشام كيييف جااك

مروى شافت فدراعها وهي تصدم كان واشم سميتو فدراعهاا

مروى شافت فيه وعينيها حمرين : شنووو هدا

اوس : سميتييي كيييف جاااتك

مروى بنبرة حقودة : كننننكرررهكككك

اوس قرب عندها حط نيفو على نيفها وعينيه
فعينيها : كنحاول منحطش يدي عليييك امروى ولكن انت ماكتخلييي ليييا حتا خيار هادشي لشفتييه دبا غير شوية من بزااف الى بقيتي زايدة فهاد لعناد ديالك مانضمنش لييك شنووو ممكن ندير فييك

مخلاااش ليييها الفرصة فيين تجاوبو هو يغرس فيها موس فيديها غوتات لربي لخلقهاا شاف دم كيشرشر منهاا هز راسو فيها مبتاسم

مروى بحرقة : حراااام عليييك كديير فييااا هكا اهئ اهئ شنوو ذنبي انا حتى تعدبنيي وتحبسنيي عندك شنوو هو الغلط لدرت حتا نتعاقب عليه اهئ اهئ

اوس : الغلط لدرتي هو ملي بنتي فحيااتييي وخااصك تعااقبيي عليييه

مروى : كون ماعتقتينيييش فدااك الحريق مااكنتيييش غتلقااانيي دباا جالسة قدااامك. اوس : كون ماعتقتكش مااكنتيييش غتكوووني عاايشة دباا (حط يدو على خدودها) فنظرك كون بغيييت نعدبك غادي نجيب ليك اطباء خصيصا ليك بااش يعالجوو التشوهات والحروق لكانو على وجهك (بقا نازل بيدو مع دراعهاا حتا لفخادها ) وعلى الجسد ديالك
مروى محملاتوش يقيسها : حييد يدييك مااتقيييسنييش

اوس قرب لعنقها كيشم ريحتها : بغيييتك تكووني ديااليي

155: مروى طرطقات عينيها : كيييفاااش شنوو بغييتيي تقصد

اوس طبع قبلة خفيفة فمها خلاها مصدوومة من الجرأة ديالو وجها رجع حمررر خدودها توردو شوية دموعو عينيها ولات كترجف بالاعصاب

مروى بغات تحماق بالبكا : شكووون عطااتك الحق تقرب لييياااا شكووون

اوس تصدم من ردت فعل ديالها : ششش تهدنيي دي كالم

مروى كتهدر بهييستيييرية : مامهدنااااش علااااش قربتيي منييي علاااش شكووون انت فملك الله حتاا تبوسنييي هاادشي لاااش حابسنييي عندك غير باااش تستغلنييي

اوس تصعق مضنهاااش غتاخد عليه نظرة
خايبة : ماتفهمييينيسش غلاااط شكوون لقالييك انني باغي نستغلك خليني نشرح لييك

مروى صعرات : ماااعندك مااتشرح لييااا طلقنيي خلينيي نمشيي فحالييي ماابغيييتش نزيد معاك دقيقة وحدة

اوس كيماصي جبهتو هدر معاها بهدوء عكس النار لشاعلة
فيه : ماعندك فييين تمشييي بلاالصتك معااايااا انا بووحديي تاواحد مبقااا عندو حق فييك من غيري كتسمعييي

مروى دفلاات على وجهوو : تفوووو عليييك وتفووو على نهار لتلاااقيييتك فيييه

اوس هز يدو تال سماا نزل عليه بصقلة ماعودتش تحركت مزال شافهاا غيبات خرج وخلااها فديك الحالة

#عند_اياد
واقف فالبالكون غير بشورط كحل وصدرو عريان كان ساهي فنقطة وحدة ملي رجع الجناح ديالو وتفكيرو كامل مع مروى تنهد تنهيدة من الاعماق صورتها وهي كتبكي مبغاااتش تحيد من بالو تفكر منظرها وهي معنقة اوس وحاطة راسها على صدرو وكتبكي خلاتو يتزير

🌺 … : مسيو اوس ما عرفتيينااش على الآنسة لمعاك

اوس بتاسم : انسانة غالية على قلبي مع الوقت غتعرفو شكون هي بالنسبة لياا 🌺

اياد مسح شعرو بعصبية دخل لبيتو تسطح فوق الناموسية مدور يديه من ورا عنقو كيحاول يحيدها من بالو والوو مقدرش صورتها كتجيه بين عينيه بقاا على ديك الحالة حتى داه نعاس

بداية_يوم_جديد ..
نازلة بكامل اناقتها والابتسامة مرسومة على وجهاا من بعد ليلة كئيبة دازت بحال عام بالنسبة ليها

لامار : صباح الخير

الكل : صباح النور

جرت الكورسي وجلست جنب فهد هزت كاس ديال الليمون كيف عادتها بان ليها الكيك تاع الشكولا عينيها بداو تيلمعو جرت طبسيل لحداها بدات كتاكل وتبنن وروان كتشوف فيها بحلااش كتاكل بحال شي بنيتة صغيرة زياد مد يدو يهز من الكيك وهي ضربو على يدو

زياد خنزر فيها : قربي طبسيل لهناا

لامار حوطات طبسيل بيديها بجوج : ماتقربشش هدا ديالي بوحدي

زياد يلاه غينطق غمزاتو ايناس هو يفهم البلان

صورية : كولي ابنتي بصحتك

لامار هزت راسها فيها وفمها عامر شكلاط بغاات تهدر وهي طلعلهاا تقية حطت يديها على فمها ناضت كتجري

روان : انا غنطلع نشووفهاا

زياد : تسدات ليياا الشهية
ايناس خنزرت فيه : البنت راه حاملة ماشي لخاطرها شنوو غادير

زياد : علمتو نايف ولا باقي

فهد : لا ومن الاحسن تاواحد منكم ميقولييه شي حاجة

156: بقااو كيهدرو حتاا بانت ليهم لامار نازلة هي وروان

روان : رتاحي هاد النهار بلاما تمشي الشركة

لامار : خاصني ضروري نمشيي عندي واحد المشروع وخاصني نخدم عليه

روان : وخا بنتي على راحتك خودي طونوبيل ديالي

لامار : شكرا اخالتو

روان شعكت ليها شعرها : متبقاايش تقولييهاا اخير مرة

خدات الكونطاكت من عند روان توادعت معاهم وخرجت ..

نرجعو لعند مروى ضربتها لفيقة لقات راسها مزال مربووطة شافت الفاصمة فيديها عرفت اوس هو لعقم ليها الجرح حسات بالحريق فدراعها ملي حركاتو سمعات الباب تفتح مع دخلة ضربتها ريحتوو

اوس : صباح الخير

مروى بدون رد

اوس كيفتح ليها فالحبل : طلعي دوشي الفطور راه مجود خلييك فالفيلا بين ما رجعت (قرب لودنها وهمس) وياااك تفكري تهربي من هنا وخاا تمشي لاخير دنيا نحبدك نجبدك

مروى بغات تنوض ماقدراتش شدتها دوخة : الله ياخد فييك الحق المجرم

اوس شدها من شعرها حتا تأوهات : المرة جاية غتحسبيي سنانك قدااامك انا كنحذرك رخا منها وخرج وصا رجالو علييها بااش يردو معاها البال عاد مشااا …

دخلت مروى الحمام خدات دوش خفيف خرجت كتنشف فشعرها حلت لفاليز جبدت منها شورط تاع دجين وميني بوط فالبيض لبستهم جمعت شعرها كعكة مهملة ونزلت لقات الفطور محطوط جلست كتفطر حتا عمرت الكريشة
عاد ناضت هزت الماعن الكوزينة حطتهم فلاماشين يتغسلو وجلست حطت يديها بجوج على حناكها تفكرت الليلة الماضية بتاسمت بدون شعور

🤍 اياد شافها كتبكي تخلع شدها من دراعها بجوج بدا كيحرك فيها : آنسة وااش انت بخير كضرك شي حاجة باش كتحسي

اياد مخلووع : راك كتخلعيينيي هكاا بلييز جااوبيي هدري معايا متبقااايش سااكتة 🤍

نزلو دموعها مع حنكها شلال حطت راسها على الطبلة كتبكي

مروى : شنوو هندير دباا انا كيييفاااش هنخرج من هاد الجحيم لوليت عايشة فييه فكري أميرة فكري فشي طريقة باش تهربي منو … سمعت لماشين وقفت ناضت كتستف دوك الماعن فبلاصتهم مشاات الصالون شعلت التفازة وجلست كتفرج

#عند_ميرال
سعد : واليديك غيكونو فرحو بييك

ميرال : مااتصورش قدااش كانو فرحانين ملي قلت ليهم انني نجحت صراحة كنشكرك بزاف على وقفتك معايا كون ماكنتييش انت …

سعد قاطعها : ماعندك علااش تشكريني انا قمت بالواجب ديالي فقط (حط يدو على يدها) اهم حاجة عندي هي سعادتك اميرال

ميرال نترت يديها : تعطلت خاصني نمشي

سعد : علاااش كتهربي مني

ميرال بغات تبدل الهدرة : فين غدوز العطلة الصيفية

سعد : منيتك اميرال والخدمة لمن غنخلييهاا

ميرال ضربت على جبهتها : نسييت سمحليياا

سعد : دباا جاوبيني علااش كتهربي منيي

ميرال : سعد شوف انا ماكنتهربش منك ولكن خاصك تعرف انني مامستعدااش نربط شي علااقة الحاجة الواحيدة لكتهمني هي قراتي وبس

سعد : قرايتك هي لولة اميرال انا مزربانش غنعطيك وقتك الكافي حتاا تفكري وردي عليياا

ميرال : ولكن راه قلت ليك مامستعدااش …

سعد قاطعها : وخا نعرف نتسنااك عمري كامل حتا تكملي قرايتك

ميرال تنهدات : مهم خاصني نمشي دبا كنشكرك مرة أخرى

جمعات الوقفة وناضت خلاتو ساهي قدامو وكيفكر ياترى شنوو غيكوون من ورا هاد الصمت وشنوو غيطلع منو هادشي غتكتاااشفووه فالاجزاااء الجااية وغتكوون الصدمة قوية

157: داز الوقت …
مزال على نفس وضعيتها كتفرج حتاا بان ليها داخل كيغوت ويعربط على شي حد فتلفون كمل المكالمة هو يضرب تلفون مع الارض مشاا فتات ناضت كتجر فرجليها لعندو

مروى بعفوية : مالك

اوس كرز على سنانو وعينيه حمرين : قودييي من قدااميي

مروى : وااش واقع شي مشكيل

اوس شدها من فكها : غادي نقتلووو ديريها فبالك دفعهاا هو يزيد بقاات غير كترمش مفاهمة والووو

#عند_اياد
كان يلاه داخل الجناح ديالوو هو يصوني ليه تلفون

فهد : شنووو كاين

اياد فرحان : المهمة تمت بنجاح ربحنا الصفقة ههه

فهد بتاسم : كنت عارفك غتكون قدها ماجيتش وكلفتك غير هكاك

اياد : الفضل كيرجع لييك اعمي بفضلك انا تعلمت بزاف د الحوايج

فهد : امتاا غترجع المغرب

اياد تنهد : عندي الطيارة اليوم فالعشية

فهد سمع الباب تحل هز عينو كانت سكريتيرة : بون نخليك دباا منبعد ونعيط لييك (قطع)

فهد عينو على لوراق : كاين ما نقضيو

رانيا : مسيو فهد عندك غدا اجتماع مع مجلس الإدارة

فهد مكيشوفش فيها : اجلييه الاسبوع جاي

رانيا : ولكن مسيوو …

فهد قاطعها : يمكن ليك تفضلي

مرضاتش حسات بيه قمعها حطت ليه الوراق وخرجات

نرجعوو لعند مروى جالسة فبيتها شادة فيلم كتفرج فيه حتا تم داخل عليها اوس

اوس : وجدي راسك اليوم غنرجو لباريس

مروى ناضت وقفت قدامو : شكوون هدا لقلتي غتقتلو

اوس كيمسح وجهو بعصبية : بلاما من كثرت الهدرة بدلي عليك مبقااش عندنا الوقت جا خارج شداتو من دراعو

مروى : سولتك مجااوبتيينييش

اوس خنزر فيها : مادخليييش فشي حاجة ماكتخصكش خليك بعيدة حسن لييك

مروى : وخا انا غنسولك وهاد المرة كيخصك تجاوبني

اوس : وخا سولي

مروى : شنوو معنى التصرف ديال البارح

اوس بلادة : علاش مالي شنووو درت

مروى تعصبت : اوس

اوس حس بقلبو كيضرب بمجرد مانطقت سميتو

مروى : اخيير مرة تعاود تقرب مني

اوس قرب لعندها وهي كتبعد راجعة من موراها حتا طاحت فوق الناموسية قرب منها حط يديه بجوج فوق الناموسية وعينيه فعينيها قلبها بدا كيضرب بالخلعة ماعرفتش شنوو ممكن يدير ليها تفكرت قصي ملي حاول يغتصبها ولات كترعد فهاد اللحظة كاع الافكار طاحو فبالها غطات وجها بيديها ونطقات بصوت غالب عليه البكية

مروى : عفااك متعداش عليااا كنترجاااك متقربش لياا غادي نكره راسي اهئ اهئ

اوس تصدم من هدرتها هو ماناويش يأذيها : حيدي يديك

مروى : لا سير فحالك

اوس غوت : حيدي يديييك

حيدات يديها من على وجها لولا حمررر وعينيها لامعين بقاا ساهي فاللون عينيها دوخوه قرب لشفايفها طبع قبلة خفيفة رجع شاف فيها لقاها مغمضة عينيها رجع كيقبلها بالحنية كيجيد فشايفها المتمرين جاوه رطيطبين وعندهم نكهة خاصة عمرو داق فحال حلاوتها حس بطعم الملوحية فمو هز عينو فيها لقاها كتبكي طلع ليها لخرا سمعات الباب تردخ نفاجرت بالبكا تقلبت على جنبها كتبكي بهيستيييرية محملااتوش يقرب منهاا ناضت الحمام غسلت وجها و فمها مقززة منو نشفت وجهاا وخرجت حلات لفاليز لبست سروال كحل وتيشورت بيض سامبل وسبريدلة بيضة جرت لفاليز ديالها ونزلات
#يتبع
158: فالليييل ..

جالسة فالجردة كتشرب فقوهتها حاطة لبيسي قدامهاا ومركزة فخدمتهاا حتا تحطو يدين على كتافهاا

روان هزات راسها فيه : مزال مانعستييش

فهد جلس حداها : باقي كنت كنتسناا فيك طلعي لبيتك مي كيبان ليا باقا مشغولة

روان طفات لبيسي : نوض ندخلوو

فهد : خلييناا جالسين الجو على برا زوين

روان بتاسمت : كانت كتحماق على فصل الصيف كان كيعجبها تسافر فيه بزاف (دمعو عينيها ) انا لدبا مااقدراااش نساها

فهد شاف فيها بحزن : وخاا ماتت أميرة مزال عايشة فقلوبنا

روان شافت فيه وعينيها لامعين : عندي احساس افهد ان بنتي باقا عايشة انا مزال مقدراتش نصدق انها ماتت احساسي عمرو مخيبني

فهد كيتنهد : ياريت كون قدرت نرجع الوقت لور كنت نقدر نصحح بزاف دالاغلاط انا سباب فهاد شي لوقع ليها

روان حطت صبعها على فمو : ما تحطش اللومة على راسك انت ماعندك حتاا ذنب فهاد شي لوقع ليها

فهد : كون ما اصريتش عليها الزواج ماكنتش غتخرج ديك الليلة

روان : مكتاب الله معندنا ما نديرو

فهد : نوضي ندخلو تعطل الوقت 12 هادي

روان هزات البيسي فيديها وناضو جاو داخلين هو يوقف جاد بطوموبيل

فهد : سبقيني انا جاي عندك

روان حركت راسها بااه ودخلت

نزل جاد من طوموبيل هو يجرو فهد خرجو على برا

فهد بحدة : فييين كنت

جاد : سهران مع صحابي علاااش

فهد مسح على شعرو معصب : هاد صحابك ماكيقضااوش جاد راك ماابقيتييش دري صغير راك كبرتي اصاحبي حذر عقلك شوية

جاد : ماكندير تاحاجة فيها العيب

فهد : لا غيير ديرهاا نيت ديك ساعة غتشووف الوجه لعمرك ماشفتيييه

جاد برودة : سالييتيي

فهد هز صبعو فوجهو كيهدر بجدية : سمعني اجاد انا كنحذرك الى سمعت شي حاجة ما هياااش متلووم غير راسك

جاد : تصبح على خير

زاد وخلاه طلع نيشان لبيتو ملقااش ايناس تنهد عرفهاا غتكون ناعسة فبيت اياد من الليلة لتخاصمو فيها وهي كتنعس فبيت ولدها سمحت ليه فكلشي حتاا الهدرة بيناتهم نقصات وجاد مبقاا عاجبو حال من المعاملة جديدة ديالها تكا فبلاصتو عيا مايتقلب حلف النعاس ميجيه هو مولفها تنعس حداه …

ناض كيضور فالبيت غادي جاي و كيسووط بوحدو خرج من لبيت تاجه البيت فين كينعس اياد فتح الباب بشوية بانت ليه ناعسة تمشاا بخطوات بطيئة بلاما ميصدر صوت هزهاا بين يديه بالمهل باش متفيقش وتصدق مشوهاه فهاد الليل داها معاه لبيتو حطاها فبلاصتهاا وتكا حداها خشااها بين ظلوعو بقاا كيبوس فيها فكل بلاصة وجها راسها فمها ماشبعش منهاا شد خصلات شعرها الاشقر لغير مزاد طوال وتقوا كثر حطو على نيفو كيشم ريحتها حس بيها تحركات هو يطبطب عليها زاد خشاها فيه محس براسو حتاا نعس

اصبحنا واصبح الملك لله ..
فاقت ايناس على إثر أشعة الشمس حلات عينيها بسرعة لقات جاد ناعس على كرشو خصلات شعرو هابطين على جبينو دورت عينيها كتشوف فالبيت ماشي بيت اياد عرفاتو غيكون هو لجابها البارح ملي كانت ناعسة بتاسمت بدون شعور حطت يديها على وجهوو كتحسسو قربت لوجهو باستو فجبهتو بدات كتلعب بخصلات شعرو بان ليها كيرمش وهي تجمع يديها بسرعة

159: جاد بعيون نايمة يلاه فايق من النعاس وشعرو مخربق : صباح الخير

ايناس تقلبت عطاتو بالضهر مرضياش : شكوون عطاااك الحق تخرجني من بيت ولدي

جاد تنهد : ضوري لعندي باغي نهدر معاك

ايناس جمعت الوقفة وناضت متاجهة الحمام حتى وقفت على اثر كلامو

جاد : وقفي بغيت نهدر معاك

ايناس ضارت لعندو : شنووو بغييتيي

جاد ناض كيجر فرجليه : باقا مقلقة منيي

ايناس برودة : علاااش غنتقلق

جاد شدها من دراعها بجوج : عارف راسي وااش جرحتك بهدرتي ولكن عذرني فديك اللحظة كنت معصب

ايناس بسخرية : غير تعصبتي مبانت ليك تاحاجة تقولها اليوم طلبتي زواج وغدا شنوو غطلب طلااق

جاد : مااقصدتشش ا ايناس مااقصدتشش ساعة غضب وصافي

ضارت بغات تمشي هو يشدها من دراعها ونطق برود عكس العافية لشاعلة فيه : مااغتقوليي والووو

ايناس نطقت موركة على كل حرف : الى جيييت نديييير رااااسي فهدرتك اجاد كون على يقين هاااادشي ماغيدوووووزششش بخييير خليني مهدنة ومكالمية وهاد الموضوع متعااودشش تجبدوو قدااميي غندير راسي ماااسمعتتكش ولكن الى شفت عليييك اجاد غير شي حاجة ولااو تكون بسيطة ديك ساعة غتشووف وجهي التاني لجامي شفتيييه فحيااتك

خلاتو ودخلات الحمام بقااا واقف وكلامها كيتردد فودنو ساااط بعصبية عارف من ورا هاد الهدرة لقاات الا وشاكة فشي حاجة … خرجت من الحمام مشافتش لجيهتو نهائيا دخلت لدريسينغ لبست علييهاا ونزلات …

#عند_لامار
جالسة فالمكتب ديالها خدامة على المشروع الجديد لتكلفت بيه حتاا قاطعها صوت تلفون جوبات بلاما تشوف نيميغو

لامار : الووو

…. : بدون رد

لامار : وي شكوون معايا

… : الصمت

لامار شافت فتلفون لقاتها نمرة غريبة : شكووون معايا الووو

…. : بيب بيب (قطع)

لامار : منين مكتبغييوش تهدرو علاااش كتصدعو بنادم افففف حنات راسها على الوراق بدات تتقاد فلي plans

نرجعو عند نايف من بعد ماقطع الاتصال بقاا ساهي كيشوف فنقطة وحدة سمع صوت من وراه ضار لقاه واحد من رجالو

نايف : شنوو كاين

…. : احم كيف طلبتي مناا السلعة خرجات من اسبانيا اليوم فليل غتوصل لأمريكا

نايف ضار عاطيه بالضهر : اي غلط وقع غيكلفك حيااتك انت ولي معاك

… : بلع ريقو : كون هاني اسيدي كلشي غيدوز كيف ما بغيتي

نايف عطاه إشارة بيدو باش يخرج بقاا جالس فالبيرو حتاا دخلت سوزان وكريشتها بانت دخلت فشهرها 4 جلست فوق الفوتوي نايف مشافش لجيهتها كاع

سوزان : احم فخبارك اخير الاخبار

نايف : الصمت مكيشوفش فيها

سوزان : اوس خسر الصفقة

نايف رسم ابتاسمة على جنب اصلا هو فراسو كلشي تاحاجة مكتفوتو

سوزان تعصبت حيت مبغااش يتجاوب معاها فالهدرة : غتبقا ساكت مغتقوول والووو

نايف ضار شاف فيها : جيني من لخر وقولي ليا شنوو عندك بلاما متبقااي ديري سبة

سوزان سرطت ريقها : اليوم بغيت نعرف جنس لبيبي بغيتك تكون معايا

نايف طلع حاجبو : شووفي شيفور يوصلك ماامسالييش لييك

سوزان بملامح حزينة : كنت باغاك تكون معايا ملي نعرف جنس لبيبي

160: نايف بملامح جامدة : مامسااليييش لهاد تخربيييق ديالك

سوزان نضات لعندو و دخاخن خارجين من ودنيها : دبااا ولدي ولاا غير تخربييق واااش نسيتي راسك بلي هاد الولد ولدك حتا انت ولا خاصني كل مرة نفكرك

نايف شدها من فكها مورك عليها : اخير مرة تعاودي تقولي ليا ولدك هاد الولد بالنسبة ليااا كان غلطة (رخا منها)

سوزان عينيها غرغرو : حشووومة علييك ولدي ماعندو حتى ذنب فمشاكيلنا (حطت يدو على كرشها) هدا راه ولدك انايف وخاصك تقبلوو كييف ما كان الحال كيبقاا ولدنا

نايف صعر : بحلاااش بغيتيني نفهمهاا لييك متعااوديييش تقولي ولدي وااش بغيتي نرتاكب فيك شي جريمة

سوزان بصوت مخنوق : وااش مكيبقاااش فييك ولدك وااش هدااك قلب عندك ولا حجر غير قوليياا انت مناااش مصنووع

نايف غوت بعصبية: ملي بقاا فيك علاااش معدية عليه و حملتي بييه ابنت القح…** ودبااا خرجي قو…** قبل منلصق طاااسييلتك مع الحيط دفعهاا وزاد

سوزان بنبرة حقودة : غادي تندم على هادشي كامل وكنواعدك

#عاصمة_فرنسا_باريس
حاطة راسها على زاج كتشوف فشوارع باريس ودموعها على خدها ماكرهتش تغمض عينيها وتفتحهم وتلقاا راسهاا غير كتحلم ماا كرهااتش ترجع عند عائلتها الوسط لكتحس فيه بالدفئ والامان فاقت من سهوتها ملي سمعاتو قاليها تنزل شافت قدامها لقات راسها حدا لقصر تنهدات وهي تنزل لمحت نارا جالسة فالارجوحة مشاات قاصدهاا عنقتهاا كتبوس فيها بحالة مشفتهاا عام

مروى : توحشتك (رجعت عنقتهاا)

نارا : وحتاا انا احبيبة لمحات اوس جاي لجيهتهم مخنزر صحابليها غيسلم ساعة مدهااش فيها ضرب فيهم و دخل

نارا باستبغراب : مالووو

مروى تنهدات : خسر الصفقة لي على قبلها سافرنا لأمريكا

نارا : عمروو ما غيتبدل هاد الغرور ديالوو هوما سباب حتاا بعدوو عليه كاع الناس لكيبغييوه

مروى : بحلاااش

نارا : خلييناا ندخلوو دباا غتكوني عيتي بالطريق

مروى : اوكااي

دخلوو متعانقيين جلسوو فالصالون كيتعاودو بيناتهم ومروى عاودت ليها على الاجواء فأمريكا ولكن معاودتش ليها على داكشي لوقع بينها وبين اوس بااش ماتعييقش بييهاا وهي مبغااتش تعرفهاا من دباا حتاا يوصل الوقت المناسب … دخلت دادا مليكة غير شافت مروى فرحت برجوعهاا سلمت عليها وجلست معاهم

مليكة : خليتي بلاصتك ابنتيي توحشنااك

مروى : حتاا انا توحشتكم توحشت الاجواء تاع القصر

مليكة : فيين هو اوس

مروى خسرت سيفتها : غيكون فبييتوو

مليكة : غنووض نطل عليه

مروى : خلييك معانا ادادا (تخشاات فحضنها) توحشتك والله توحشت طيابك

مليكة كدوز يديها على شعرها : لتشهاتهاا بنتيي نوجدها لييها دباا انت غير امري وانا نفد

مروى : لهلا يخطيك عليياا

نارا : اجي بعدا جبتي ليياا شي كادو ولا والوو

مروى بتاسمت : علااش انا هنساك سيري حلي الكوفر وشوفيي

نارا طارت عليها كتبوس فيها حتاا كانت غتقجها : انت راكي الحب

مروى خرجو عينيها : طلقييي منييي خنقتيني ناري بحالك بحال ميرال ماعرفتش واش كتبوسو ولا كتقجوو

نارا علات حاجبها : شكون هي ميرال

مروى بنبرة حزينة : بنت خالتي (وقفت) انا طالعة لبيتي بغيت نرتاح شوية طلعات فالدروج كتمشاا بخطوات بطيئة حتاا وصلت لبيتها فتحات الباب ودخلات موقفت حتى وصلات الناموسية تسطحات فيها سرعان مغفات ودخلات فنوم عميق

161: #فالفيلا_اليوسفي
جالسين فصالة مونجي مجمعين وايناس فرحانة باياد وفخوورة بييه وبالانجاز لي دار

فهد : علا سلامتك كان يلاه داخل لفيلا ناض لعندو اياد تسلام معاه سلام رجولي

اياد : الله يسلمك اعمي

ايناس : علااش مااعلمتيينيش انك غتجي اليوم

اياد : واايلي الواليدة حتاا انت عادي مهم هو انا معكم دباا

ايناس حطت راسها على كتفو : توحشتك اولدي اخيير مرة تبعد علياا هاد المرة لسافرتي نمشي معك رجلي على رجلك

روان : اويلي منيتك الحمقة الولد راه كبر ومزال كتخاافي عليه

ايناس : وخا كبر فعينياا باقي صغير

فهد : هادي هي الخدمة ايناس ماعندك ماديري

اياد : غنطلع لبيتي نرتاح

فهد : خاصناا نهدرو سبقني المكتب

اياد : وخاا عمي

صورية : فين هو زياد

روان : يمكن باقي فالشركة مع جاد

ايناس : غتلقاايه تابع ليياا ديك المونيكة

روان شدتها ضحكة : ايناس يكما كتغيري على ولدك

ايناس : ماشي كنغير عليه خاايفة عليييه اروان

صورية : ولدك ولا راجل وعارف شنوو كيدير ماعندك لاااش تخافي عليه

ايناس : هداك ولا كيخلعني ماابقييت كنعرف منين نشدو عييت معاه يبعد منها والووو مبغااش يسمع منيي

روان : صراحة ايناس زدتي فيه هو كيبغييهاا علااش بغيتي تفارقيهم خليهم يتزوجو شنووو فيها

ايناس تعصبات : مااشغليييش فييه لبغاا يتزوج يتزوج تاواحد مااحبسووو على الزواج ولكن يشووف ليه شي وحدة من غيرها عطا الله لبنات

روان : مبقااتش فالبنات هو كيبغييها خاصك تفهميها ودخليها لدماغك راه مستحييل يشوف فشي وحدة من غيرها كاملين دزنا من هاد المرحلة الحب مااكيشااورش ولدك غيكون لقاا فيها داكشي لملقاااهش فبنات خرين

ايناس بقات كتشوف فيها وعقلها كيفكر فحاجة خرى

روان : فكري فكلامي مزيان لكانت كتهمك ساعدت ولدك متوقفييش فطريقو خلييه يتزوج ومتعارضييهش هادشي لكنت فعلا باغا ولدك يعيش سعيد فحياااتو

جمعت الوقفة ومشاات خلات ايناس مشوكية فبلاصتها …

#عند_ فهد
فهد : هاد الصفقة لربحناا كانت مهمة بالنسبة ليياا

اياد : بغييت نسولك

فهد : سول

اياد : شكوون هو اوس السليماني

فهد : اوس رجل اعمال معروف فالبلاد الاب ديالو هو صالح السليماني اصولو مغربي ولكن كبر وعاش فروسيا واعمالو أسسها فروسيا ودار فروع الشركات ديالو فمجموعة من الدول وهادي 8 سنين باش مات كاع الثروة و الشركات لي كيملك تحولات فسميت ولدو

اياد : مزيان

فهد بشك : اجي بعدا علاااش كتسول علييك ؟؟

اياد : فضول وصافي

فهد صافيي مزيان

اياد : عمي

فهد : نعام اولدي

اياد تراجع : صاافيي والووو

فهد : شنوو بغيتي هدر

اياد : لا مكاين والوو انا طالع لبيتي

ستأذن منو وخرج طلع لبيتو مع الدخلة فتح صدايف القميجة حيد صباطو وتصطح فوق الناموسية فاتح يديه كيشووف فالصقف وعقلوو كامل معاها

162: #عند_مروى
ضربتها لفيقة مع 7 دلعشية ناضت الحمام قضات حاجتها ونزلات لقات نارا جالسة كتبقشش فتلفون

نارا : على سلامة هدا كولو نعاس فيك

مروى جلست حداها : كنت عيانة راكي عارفة طريق

نارا : غي ضاحكة معاك احبيبة فيك جوع تبغي نقوليهم يصاوبو ليك شي حاجة

مروى : لا مكاين لاش اصلا خاصني ندير ريجيم حاسة براسي غلاضيت

نارا : بسييف اختي وانت عطيااهاا غير لنعاس ماكتخرجي ماكديري سبور شوية تولي قد البرميل الباب ميدخلكش

مروى تفقصات : سكتيي عفاك بلاما تزيدي على ما بيا

نارا : اجي بعدا من نهار جيتي القصر عمرك ما خرجتي شنو ظهر ليك نخرجو نبدلو الجو شوية

مروى : منيتك انارا اوس راه مانع عليا نخرج من القصر

نارا : شنوو بغيتي اوس حنا غنخرجو بلا خبارو ازيدون هو مكاينش فالقصر

مروى بقلة حيلة : مااعرفتش خفت غا نطيحو فشي مشكيل معاه

نارا : متخاافييش طلعي بدلي حوايجك انا غنتسناك

مروى بتردد : ماانقدررش غير سيري انت مقدرا على شي صداع

نارا : وااش غتبقااي جالسة وحابسة راسك هنااا اصلا علااش هو كيدخل فحياتك معندوووش حق يدخل فيك نوضي تهزي خلينا نخرجو

مروى بحماس : وخاا انا نايضة نوجد راسي

طلعت مروى تبدل حوايجهاا من كثرت الفرحة كانت غدخل فدادا مليكة

مروى : اوبس سمحليياااا وكملت طريقها

مليكة : اويلي هادي مالها كانو كيجريو عليها

نارا : طلعات تبدل حوايجها غنخرجو نضورو شوية

مليكة : اوس فخبارو

نارا : لا و حسن بلاما يعرف

مليكة كتندب فراسها : اويلي على بنت الهم واش خرج ليك العقل بغيتيه يدير فيكم شي موصيبة لاااش مخرجة درية معاك انت عارفة ممنوع عليها تعتب الباب

نارا بعصبية : واااش غيبقااا حياتو كاملة حابسهاا انا فبلاصتهاا نقتل راسي ومنبقاااش محبووسة بحال شي عبد عندو

مليكة : مروى مغنخليهاش تخرج ولا بغيتي تخرجي طريق قدامك

نارا يلاه بغات تنطق وهي تبان ليها مروى هابطة مقزبة لابسة غير شورط بيض قصير حد لفخاض وميني بوط فالحمر وشعرها مطلوق نارا بدات كتصفر مليكة ضارت من موراها عينيها خرجو

نارا كتصفق : بشااااخ هادشي عندك مجججهد

مروى حشمت : شوية وصافيي

نارا : زيدي زيدي الله يخرج هاد ليلة على خير

مروى ميلات شفايفها : صافي هي نديرو مناقص من شي خرجة

مليكة : كون جات عليياا بلاما تخرجو خلي حتا يجي اوس ويخرجكم

نارا شدات فيد مروى : مكاين لا اوس لا سطح مص خليناك على خير ادادا جرت مروى معاها وخرجو لقاو اللوطو واجدة

مروى : خليتي نسوق عفاك

نارا عطاتها كونطاكت : هاكي احبيبة سوقي حسبيها ديالك

شداتو من عندها فرحانة بكونها شحال هادي مساقت وهي من نوع لكيموت على السياقة والسرعة (فحالي هخخخخ) طلعو فطومويل وهي ديماري مكسيرية … طلقوو الموسيقى على جهدها ونارا هازة تلفون كتسناابي بيه ومرة مرة توجهو لمروى بقااو كيضورو فشوارع باريس حتاا وفقت مروى ونزلو من طوموبيل كيتصورو حدا برج ايفل البوزات وسيلفيات كيتشايرو ولي داز من حداهم كيبقا يشوف فيهم وخصوصا الانظار كلها موجهة لمروى بسيف وهي زين كيقطر منها …

163: نمشيو عند سوزان داخلة لفيلا مقاداها فرحة كدندن غير بوحدها فهاد الاثناء كان هابط نايف جات عينو عليها هو يغوبش

سوزان قربت منو وحاطة يديها على كريشتها : مغتسولنيش على جنس لبيبي
نايف برودة : مااكيهمنيييش جا غادي هو يوقف على اثر كلامها

سوزان : عندي ولد انايف

نايف غمض عينيه كيتنفس بصعوبة سرعان مرجع بيه تفكيرو ملي كان مع لامار
🌺 نايف: كيهدر بصوت حنين) هاد ليلة بغيييت شي بيبي منك
لامار: سرطت ريقها) داكشي ديال الله انايف وقت ما عطاهم ليينا مرحبا
نايف: بعدها عليه وشد وجها بين يديه) بغييتو هاد ليلة ماابقييتش قادر نصبر بغييت نشووفك هازة ولدي فكرشك وتكبر قدام عيني ا لامار 🌺

سرعان متحول لشبه بركان غينفاجر وجهو ولاا حمر فتح عينيه بسرعة رجع عندها بخطوة وحدة كان واقف حداها

نايف : قلتي ولد

سوزان فرحانة : اه اه عندي ولد غيتزاد عندنا وليد

نايف : مزيان حافظي على هاد الولد عطي راحة لراسك كولي مزيان ديها غير فصحتك حتا تولدي

سوزان تصدمت متوقعاتش انها غتسمع منو هاد
الهدرة : وااش كدوي منيتك

نايف عطاها بالضهر : ديري داكشي لقلت ليك بمجرد ما سالة كلامو خرج خلاها مدهشرة حتا سمعت تلفون كيصوني عاد رجعت الوعي ديالها جبداتو وهي تلقاا سهيل تعجبت حيت من نهار مشات مع نايف تقطع اتصال بيناتهم

سوزان : الووو

سهيل : من نهار دفنوه ما زاروه

سوزان : شنووو عندك علااش مصوني لييا

سهيل : عندي ليك خبار غتصدمك

سوزان : هدر شنوو كاين

سهيل : لامار حاملة

سوزان بقاات واقفة مصمرة فبلاصتهاا ويديها كيرجفو

سهيل : الووو وااش كتسمعيني

سوزان باقا على نفس الوضعية مكترمش نطقت بصوت خافث : ح ح ا م ل ة (غوتات ) كيييفاااش حاملة هادشي مااايمكنشش

سهيل : كالم علاااش كتغوتي دبا

سوزان كترجف : مااايمكنشش تكوون حاملة هادشي مكيدخلش العقل اسهيل الى كنت كضحك علييااا هادشي ماشي فصاليحك من الاحسن ليك تنهي هاد المسرحية

سهيل برودة : مااكنضحكش علييك ختي لامار حاملة وحتا انا عاد عرفت بالخبر

سوزان كتغوت بهستيييرية : شنووو غندير اناا دباا شنووو
الى عرف نايف هادشي غيسمح فيا و فولدي

سهيل قلبو بدا كيضرب : قلتي ولد وااش حاملة بولد اسوزان

سوزان بصوت مخنوق : مشيت اليوم عند طبيبة قالت لياا عندي ولد

سهيل حس بقلبو رفرف شي حاجة لداخل ديالو تحركات فيه : مبرووك

سوزان : شكرا

سهيل : نخليك دباا بسلامة قطع تلفون فوجهاا

لاحت سوزان تلفون جلست فالدروج كتحاول تستوعب الهدرة لسمعت مااقدراااش تصدق ان لامار حاملة من نايف يعني مزال كاين رابط جامع بيناتهم

سوزان دموعها نازلين شلال مع حنكها : حاملة هي دبا حاملة منو غيتزاد عندهم بيبي من صلبو وانا شنووو غيوقع لياا نهار غيعرفها حاملة اويلي شنووو هندير
اهئ اهئ انا مستحيل نسمح بهادشي هو مخاصوش يعرف بهاد الحمل بقاات كتهدر بوحدها وتبكي بحال الحمقة حتاا بردات عاد ناضت طلعات لبيتهاا …

164: نرجعو عند دوك الحمقات مخلاو بلاصة ما مشااو ليها تعشااو بجوح فريسطوو من تما رجعو القصر

مروى هبطت من طوموبيل : اففف عيييت

نارا : كثر منك انا غنطلع لبيتي نعس

هوما داخلين نتلاقاو ب اوس واقف عند الباب مروى غير شافتو بدات كتسرط فريقها

مروى بصوت خافث : مشينا فيها خلاا

اوس شافها بداك لباس مكرهش يتيري فيها : قربييي لهناا

مروى تمشات بخطوات بطيئة قلبها بغا يوقف بالخلعة وقفت قدامو هو ينزل عليها بتصرفيقة ثلاثية الأبعاد جابها طايحة الارض نارا شهقات بغات تقرب عندها عطاها إشارة بيدو باش توقف

اوس جارها لعندو وعنيه كيلهبوو النار بالاعصاب ورك عليها وهو يدوي : شكووون عطااك الحق تخرجي من القصر

مروى بلغوات : ماااشي شغلك فييااا نخرج ولا منخرحش حيااتي هادي

اوس زير على فكها حتاا بغا يتهرس : مااحدك معايا عمرك تحلمي تعتبي هاد الباب الا بموافقتي (طلعها وهبطها هو يطلع معاها بقرصة لفخدها حتاا غوتات ) وخاارحة ليياا بهاد لباس بنت لييك زااا…** انا هااا

مروى بصوت باكي : رخييييي منيي اخر مرة تمد يديك عليا ماعندكش الحق دخل فحياااتييي ماسوق تاشي حد فيا سمعتيني انت لي جبتيني لهنااا انا هكااا وغنبقاا حيااتي كاملة هكااا

عض فمو من لداخل وهز يديه باش يضربها وهي تشدها ليه دادا مليكة كتبكي : هااا لعاار اولدي ماضربهااش راه انا لكلت لنارا تخرجها معاها لا كنت عندك عزيزة وبحال مك بعد منهااا الله يخليك اولدي

اوس غوت على حر جهدو : علااااش خلييتووها تخرج هكدااا وانت (جر مروى من شعرها) اليوووم نربيي والديك
ونعلمك كييفااش تخرجي بلا خباري

جا غادي بيها وهي تشدو دادا مليكة : اولدي خلييها الله يرضي علييك مسحهاا فيا اولدي عمرها باقا تعاود

اوس مبقا كيشوف حد قدامو : حيدي من طريقي

جر مروى معاه وطلعها لفوق وهي كتغوت وضرب فيديه باش يطلقها دخلها لبيت لاحها فوق الناموسية وسورت الباب

مروى عينيها رجعو بحال جمر : هدا ماا فجهدك الحيوااان كتعرف غير ضرب الحماااار

اوس كيحد صمطة من سروال : انا غنورييك الحيواان شنوو غيدير فيييك

مروى بلعات ريقها وهي كتشوف فسمطة : شنووو باغي ديير

اوس مجوبهااش هز يدو تاا لسماا ونزل عليها لفخادهاا غوتات فسماا بقاا كيضرب فيها وهي كتغوت ومتسوقش لغواتهاا ولاا كيشوف غير ضبابة قدامو ومنظرها وهي خارجة بداك اللباس متسرطاتش ليه مطلق منها حتاا ولات شرويطة بين يديه لاح سمطة وخرج مخليها فالبيت فديك الحالة ومشاا نيشان المكتب

165: هبط المكتب ديالو هو يتلاقا بدادا مليكة ونارا قدامو

دادا مليكة : علاااش ضربتيها علاااش شنو دارت ليك بشمن حق تمد عليها يديك

اوس بجدية : خاصهاا تربا بااش عمرها تعاود تعبت داك الباب

نارا قربت عندو : ماعندكش حق تحكم فالبنت حياتها هديك دير فيها ليبغا… قبل متكملها نزل عليها اوس بكف حتاا ضارت

اوس : المرة جاية نشوفك قريبة منها نقتلك ونشرب من دمك انارا انا كنحذرك ضرب فيها وزاد المكتب ديالو

نارا غوتات : الله يعطيك موصيبة المجرم حيوااان اععععع

دادا مليكة حطت يديها على فمها مسكتاها : سكتي وااش بغيتيه يجي يكمل عليك

نارا بعدت ليها يديها كتغوت بهستييييرية : مااشغلوووش فيها ماايضربهاااش حناا مزال مااعرفنا حتا شكوون هي ومنين جايبهاا ومكمل عليها بالعصا

دادا مليكة : ها العار ابنتي لما سكتييي مااقدييتش على مشاكيل معاه انت عارفة يدو سابقااه

نارا رجعت شعرها من ورا ودنيها : الله يعطيه الهرس لدوك ليدين

دادا مليكة وسعت عينيها ملي تفكرتها : بنتي مروى

طلعات كتجري فالدروج ونارا من وراها دخلوو البيت هوما يتصدمو كانت فاقدة الوعي ديالها ورجليها ويديها كلهم مزرگين بالعصا وشحطات ديال سمطاا مطراسيين فيها

دادا مليكة بلعات ريقها : اويلي شهااد الحالة دار فالبنت مالها مغيبة يكما قتلها

نارا مخلوعة : سسكتي عفاك ماتزيديش تخلعي فيا ندمت حتا خرجتها معايا

دادا مليكة كضرب على وجهاا بشوية : بنتيي مروى فيقي ابنتي

نارا معصبة وكتسوط : انا نعيط لطبيبة طلع تشوفها

دادا مليكة : عيطي ليها ابنتي

نزلات نارا تشوف طبيبة لكاينة فالقصر اما دادا مليكة بقات مع مروى كتفيق فيها حتاا حلات عينيها مكمشاهم من الآلام بغات تنوض وهي تأوه بسباب الحريق وهي دخل طبيبة لغير شافتها تصدمات جلست جنبها كتحل فالشانطة ديالها جبدات الفاصمة والقطن والمعقمات

مروى : ااايييي اهئ اهئ

دكتورة : صبري ابنتي انا غنعقم ليك الجرح

هزت لانكول والقطن غير حطاتو على الجرح غوتات من الحر نارا كتشوف فيها متحسرة من حالتها ندمات كاع لاش خرجتها معاها نضفت ليها طبيبة لجروح عطاتها مسكنات الآلام شربتهم وناضت خرجت

نارا : مروى سمحيلييااا انا …

مروى : انت ماامنك والوو انارا

دادا مليكة بحسرة : ماقدرت ندير والوو ابنتي سمحليا انا مااقدرتش ندافع عليك

مروى بابتسامة شاحبة : متقوليش هكاك ادادا (قلبت سيفتها) كلشي بسبابو الله ياخد فيه الحق

نارا تنهدات : رتاحي دباا اوك حبيبة

مروى حركت راسها بااه ناضو خرجو خلاوها ترتاح

#فالمغرب
جالسة فالجردة جنب لبسين ساهية قدامها والهدرة ديالو كدور فدماغهاا

نرجس من وراها : باقا سهرانة

ميرال بابتسامة : ماما

نرجس جلست حداها : مالك جالسة بوحدك ابنتي

ميرال : الجو على برا زوين

نرجس كتمسح على شعرها : كتباني ليا ساهية يكما عندك شي حاجة وانا ماافرااسيش

نرجس كتنهد : ماكاين والوو اماما انا بخير

نرجس بشك : متأكدة

ميرال : ااه

نرجس : بنتي نسولك ومتخبيش على ماماك

ميرال سرطات ريقها : سولي

نرجس : دكتور سعد واش بينك وبينو شي حاجة
.166: خرجت عينيها : كيييفاااش

نرجس : قلت ليك واش بيناتكم شي حاجة شفتوو هاد الايام ولا مهتم بيك بزاف لدرجة كل نهار كنشوفك كتهدري فالتلفون

ميرال مصدومة من كلام ماماها متوقعتهاش انها غتعيق بيها : داكشي ما كاين منو والووو اماما غير جاب ليك الله و صافيي

نرجس بابتسامة : ميرال ممكن ديريها بأي واحد ولكن انا لا راني انا لولداك ماشي انت وداكشي لكتمري منو راني دوزتو قبل منك

ميرال عرفت راسها حصلت : ماما انا نعاود ليك ولكن واعديني هادشي يبقا بيناتنا

نرجس شبكت يديها مع بد بنتها : كنواعدك ابنتي

ميرال : سعد طلب مني نرتابطو وقاليا انني كنعجبو وراكي عارفة ديك الهدرة ولكن انا ماااوفقتش

نرجس : الى كان كيعجبك وكتبغيه انا مااغنمنعكش ولكن واحد لحاجة لنوصيك عليها حافظي على راسك شرفك هو كلشي خليك بعزك ابنتي مااطيحييش براسك الارض مااتخلييش العاطفة تغلب عليك

ميرال بقات ساكتة وهدرت ماماها كدور فدماغها

نرجس : انا عمري نمنعك من شي حاجة حياتك ديري فيها لبغيتي ضحكي نشطي خرجي لبسي ولكن شرفك اميرال شرفك هو كلشي

ميرال بعد صمت طويل نطقات وهاد المرة بجدية : كنواعدك اماما عمري نسمح لشي واحد يتجاوز حدودو معايا

نرجس طبطبت على ضهرها : هكدااا نبغيك ابنتي

ميرال : عاودي ليا اماما وانت كيفاش تعترفتي انت وبابا ؟؟

نرجس سكتت شحال عاد بتاسمت : انا وباباك جمعتنا صدفة زوينة غير شافني طلب يدي من فهد هي فاش جا خطبني وتزوجنا

ميرال : واش تزوجتي من بابا عند حب

نرجس : ماعرفتش كيفاش غنشرح ليك ابنتي ما غنقولش عن حب مي اول مرة شفتو عجبني يعيني فالاول كان اعجاب من بعدها تحول الحب

ميرال : ودبا باقا كتبغيه ؟؟

نرجس ضحكت : اش هاد الأسئلة ابنتي من طبيعة الحال باقا كنبغيه باباك هو حياتي وخا ندير لندير على قبلو عمري غنقدر نرجع ليه شووية من داكشي لدارو على قبلي

ميرال : الله يخليكم لبعضياتكم

نرجس : امين يلاه ندخلو ابنتي خاصك ترتاحي سهير مامزيانش ليك

ميرال بستها فحنكها : نموووت فيك يا احلى ام فالدنيا
نرجس : احتاا انا

#عند_لامار
جالسة فبيتها خدامة فالبيسي حتاا تفتح عليها الباب دخلت سيليا هازة فيديها بلاطو فيه كاس ديال الحليب حطاتو فوق لاطابل دونوي وجلست حدا لامار

سيليا : مزال ما ساليتي

لامار : مزال اماما عندي واحد المشروع وخاصني نكملو فأقرب وقت

سيليا مدات ليها الكاس د الحليب : هاكي شربي

لامار شداتو من عندها كتشرب وعينيها على لبيسي

سيليا : حطي داكشي من يديك ابنتي وشربي على خاطرك

لامار : غي خليني مرتاحة هكاا

سيليا حيدت ليها بيسي من بين يديها : هكداا حسن

لامار كتسوط : وماما راه عندي مشروع مهم وخاصني نخدم عليه مزيان

سيليا : وااش كاين اهم من صحتك وصحة ولدك

لامار ميلات شفايفها : واااش ضروري خاص كل مرة تفكريني بلي حاملة

سيليا : وغنبقااا نفكرك فيه حتاا نهار تولدي وااش نسيتي بلي هدا حفيدي

لامار بتاسمت : شرفتي اماما

سيليا ميلات شفايفها دارت فيها مقلقة : دباا انا وليت شارفة ياك

لامار كاتمة ضحكتها : صراحة مااعرفتش بابا كييفااش حتا ماجاب علييك الضرة

سيليا وسعات عينيها : كتهدري منيتك

لامار حركت راسها بالايجاب

167: سيليا تعصبت : شفتك بحالة حكراني راني مزال ندردك ونعاود

لامار تفكرت ليلة لسمعت فيها توحويح ديال مها وهي تنفاجر بالضحك وسيليا بغاات طرطق يصحابليها كضحك عليها

سيليا بعصبية : مالك

لامار كل ما كتفكر ديك ليلة كتجيها هيستييرية ديال الضحك : ههههه والووو اماما

سيليا بشك : غيير گري ابنيتي عارفاك واااش مخبية شي حاجة دوي غا دوي

لامار : وخا انا نقوليك ولكن عندك ضربيني بنتك ماعمدها الصحة

سيليا : حشووومة نضربك دوي ابنتي غير دوي عليك الامان

لامار كتهدر وغالبة عليها الضحكة : واحد الليلة كنت دايزا من حدا بيتك وسكتات كدور فعينيها

سيليا عينيها خرجو بالصدمة ومبغاااش تبين ليها : كملي

لامار قالتها بزربة : سمعتك كتغوتي و … سكتت

سيليا بحالة سرفقتيها وجها بغا يطرطق وحناكها
تزنكو : وليتيي كتصنطي عليينا (طلعت معاها بقرصة حتى غوتات ) دوي ابنت الهم كتصنطي عليينااا

لامار كتحرك فبلاصة فين قرصتها : اححح حشووومة علييك ضريتيني

سيليا : وانت مااحشتيي تصنطي على ماماك هااا عودت قرستها من فخادها

لامار تخلطت عليها الضحكة مع البكية : لخلاه فيا حفيدك كملتيه ليياا انت راه قلت ليك كنت غير دايزا وسمعت ماشي تصنطت عليكم هادي غي ظلمتيني فيها

سيليا : بااش هاد المرة مااتعاوديييهااش

لامار طارت عليها بتعنيقة : كنحبك انا

سيليا : وحتاا انا بنتي رتاحي دبا اوكي

لامار حركت راسها بااه كملت كاسها وتجبدات فبلاصتهاا سرعان ماا دخلت فنوم عميق

بداية_يوم_جديد …
ضربتها لفيقة على صوت نارا ودادا مليكة حلات عويناتها خزيين مرمشين كتشوف فيهم برائة سرعان وتأوهات من الآلام ملي حركت رجليها

دادا مليكة : كييف بقيتيي ابنتي

مروى بصوت ثقيل : شوية وصافي

نارا : تبغي تاخدي دوش هكا غترتاحي

مروى : مااقدرااش لحمي كولو كيحرقني

دادا مليكة بتأسف : صبري ابنتي هاهي نارا اتعاونك ودخلي دوشي باش ترتاحي

مروى : وخاا

ناضت مروى بمساعدة نارا دخلتها لدوش اما دادا هبطات نيشان المكتب ديال اوس دخلت عندو بلاما دق هز راسو فيها ورجع كيشوف فالملفات

دادا مليكة بزعفة : خاصنا نهدرو

اوس : كنسمعك

دادا مليكة : شنووو ديك الحالة لدرتي فالبنت

اوس برودة : شنوو درت

دادا بلغوات : مااعندكش حق تمد عليها يديك علااش ضربتيها

اوس ولا كيغلي بالاعصاب : مااشفتيييش الحالة لخرجت ليها البارح وماشي غير هادشي خارجة بلا خباري كون وقعات ليها شي حاجة فين غنوصلوو

دادا مليكة : عارفة اولدي ولكن ما كاانش عليك ضربها فهمها بالخاطر مااشي بالعصا

اوس كيمسح على راسو : فااقت ولات مزال

دادا مليكة : فاقت راه معاها نارا

اوس : انا غنطلع نشوفها

دادا مليكة : وخا ولدي

#عند ايناس
تاجهت الغرفة ديال زياد لقاتو مزال ناعس طلعات ريدوات ضرباتو أشعة الشمس هو يخسر سيفتو

زياد بصوت غالب عليه النعاس : هبطي ديرو

ايناس : رااه 12 هادي فيق باركة عليك

زياد : وصافي الواليدة راه مزال الحال خليني نعس

ايناس حيدات عليه ليزار : فييق باركااا علييك

زياد جرها لعندو جابها فوق صدرو : شنووو دباا شادة معياا ضد هممم
#يتبع ..
168: ايناس حوطاتو بيديها من كرشو : بغيت نهدر معاك اولدي

زياد : شنوو كاين الواليدة

ايناس : اياد

زياد غوبش : مالووو

ايناس ناضت جالسة مقابلة معاه : حتى لأمتى هتبقاااو مخاصمين

زياد : الصمت

ايناس : اياد راه خوك اولدي ماشي عدوك خاصك تصالح معاه وااش نسيتي بلي هو توأم ديالك هممم

اياد : ماما انت عارفة اياد شنووو دار ومع ذلك كدافعي عليه

ايناس ميلات شفايفها : دبااا فضلتيها هي على خوك ياك

زياد تعصب : وااا ماما الله يهديك اش فضلت انا راه هو لجبدني انا ماادرت ليه والوو

ايناس غوبشت : صافيي خليك معاها ولكن عمرك مزال تهدر معايا

جات غادة هو يشدها زياد من يدها : جلسي نهدرو

ايناس بنفخة : لا

زياد : بغيتي غير نهدر معاه صافي اليوم نتصالح معاه غير طلقي ديك الغوباشة ماكتجبيش معاك

ايناس تنفخات عليه : بعاااد منيي

زياد كيحبد ليها حناكها : وصااافي الواليدة

ايناس بتاسمت : اليوم غتهدر معاه يااك

زياد : ااه

ايناس عنقاتو : الله يخليكم ليا ياربي لهلا يحرمني منكم

زياد : امين

نرجعو عند مروى خارجة من دوش لابسة بنوار حمر حد ركبة رجليتها بويض باينين وشحطات تاع الصمطة مصورين فيهم وظفيراتها مصبوغين بالحمر وحنيكتها مزنكين وشعرها مطلوق واصل لترمتها منظرها كيوووت دخل اوس على غفلة غير شافها دهشر مروى شافتو قلبت وجهاا

نارا خارجة من دريسينغ : هاهما حوايجك لبسي قبل ما يضربك لبر … سكتت ملي شافت اوس

اوس : خرجي برااا

حطت نارا الحوايج فوق الناموسية وخرجت مروى جات غادة لدريسينغ هو يوقفهاا ونطق بحدة

اوس : جلسيي

مروى برودة : جيتي تكمل على ما بديتي البارح

اوس : شحال من مرة خاصني نقولييك ممنوع عليك تخرجي من القصر

مروى قربت عند وجهو كل حرف كتنطقو كتورك
عليه : لاخير هنقولها ليك مااعندكش حق دخل ليا
فحيااتي

اوس شدها من دراعها : مااحدك مزال معايا عمرك تحلمي ديري لقاليك راسك

مروى تنترات منو وجهات صبعها فوجهو : متعاودش تحط عليياا يديك فهمتيييي ولا كنقسم ليك بفمي بالله حتاا … سكتت ملي شافتو خنزر فيها جمعت صبعهاا و رجعت يديها من ورا ضهرها

اوس : هكدااا مزيان مرة اخرى نگردو لوالديك على جوج

مروى بنبرة حقودة : كننننكرررهككك

اوس تحدر لمستواها حيت طويل عليها ونطق بحدة : هاد العناد ديالك مااغيوصلك لحتاا شي نتيجة

مروى جاوباتو بنفس النبرة : سي غيوصلني كون على يقين انني غندير المستحيل باااش نهرب من هاد القصر ديك ساعة عمرك مغتعاود تشووف وجهي مزال

اوس شدها من فكها : سمعيينيي البرهووشة وخاا تهربي لاخير دنيا غنجبدك نجبدك دفعها جات طايحة على الناموسية البنوار طلع على فخادها بقاا كيشوف فيها قرب لعندها وحط يدو على شحطة تاع الصمطة كيدوز اطراف صباعو عليها

اوس : هاد الجسد قريب يولي ملكي خرج وخلاها فحالة صدمة عينيها خرجو و صدرها طالع نازل

مروى نزلو دموعها بغازارة : وخااا نعرف نموووت ومنخلييييش شمااتة بحالك يقيسني (هزت واحد ديكور شيرت بيه الباب غوتات بحر ما فجهدها ) كننكررهككك الله ياخد فيك الحق المجرم اهئ اهئ

169: نرجعو لعند زياد كان خارج من دوش لاوي فوطة على خصرو وشعرو كيقطر وقف قدام المرايا كينشف فشعرو حتا طلعت ليه رانيا كتصوني ساط بعصبية هو يقطع عليها مكيحملش شي واحد يصدعو نهار العطلة ديالو لبس حوايجو بزربة هز كونطاكت وخرج هو يتلاقا اياد فالكلوار

زياد : احم ممكن نهدرو

اياد خنزر فيه : ماا مساليييش لييك دباا بعد من طريقي

زياد : عارف واش مقلق منيي ولكن سمع لياا بعدا شنوو غنقول

اياد برودة : كنسمعك

زياد : كنعتاذر منك على …

اياد قاطعو بحدة : دبا عاد بان لييك تعتاذر فين كنت شحال هدا هااا عند بالك الى عتاذرتي غنسااا داكشي لدرتيه فيا على قبل رانيا بغيتي ضربني ازياد واش نسيتي بلي انا خوك ولا الحب عما ليك العنين حتا ماابقيتي كتفكر فحد من غيرها

زياد : مااتندمنيييش حييت هدرت معاك انت عارف راسك شنووو درتي انا مااجيييتش وضربتك انت راك جرحتيها بمعمالتك ا اياد واش كنت ترضا شي واحد يتعامل مع اميرة كيف ما تعاملتي مع رانيا

اياد جمع يدو على شكل قبضة وعينيه خارج منهم
شراارة : ماا تجبدهاااش على فمك أميرة ماااشي هي رانيااا كتسمع

زياد بسخرية : شنووو الفرق بيناتهم نسيتي أميرة شنووو دارت فيك خلاتك وتبعات شماتة حتاا ماتت بسبابو

اياد شنق عليه : كتقلب عليياا ازياد قلت ليييك متجبدهاااش على فمك

زياد شاف فيديه لشانق عليه بيهم : دبااا غتكووون حسيتييي بييااا انا ماا جييتش وحطيت يدي عليييك حتاا جرحتيني ايكسبري جبدت أميرة غير باش نشوف ردت الفعل ديالك اخويا

اياد ولا كينهج رخا منو ومشاا نيشان لبيتو هو يتبعو

زياد : واااش سمحتيي لييااا

اياد ضارت لعندو وعينيه فيهم حزن تأسف : مسامحك اخويا (قرب منو زياد هوما يتعانقو) وخاا يوقع ليوقع بيناتنا كتبقااا خويا

زياد بعدو عليه : سمحليياا حيت جبدتهاا انا كنت باغيك غير تفهمنيي وتحس بداكشي لحسيت بيه

اياد : نساا دير بحالة ما وقع والووو

زياد بتاسم : كنواعدك هادشي عمرو ما غيتكرر

اياد : كنتمناا

زياد : يلاه نخليك انا خارج دباا حتاا نرجع ونكملو هدرتناا ومبرووك الصفقة لربحتي قالها ليا الواليد

اياد : الله يبارك فيك (تفكر مروى هو يتنهد)

زياد : مالك

اياد : لا والووو

زياد : اوكي تهلااا انا مشيت

خرج اياد البالكون ومااعرفش رااسو علااش تفكرها وجات فبالو هو لعطا وعد راسو انه عمرو يفكر فشي بنت من غير أميرة حتاا ضهرت مروى فحياتو عقلو تشوش كل ما كيحاول ينساها ماا كيقدرش منظرها ديك الليلة وهي كتبكي مبغاااش يتنسا لييه مسح على راسو بعصبية

اياد : نساها عليك ا اياد علااش كتفكر فيها علاش بنت وحدة لكانت فحياتك هي اميرة ومن غيرها مااكينش

#عند_مروى
واقفة فالبالكون كتفكر كيفااش حتا تقلبات حياتها سفاها على علاها من بعد ما كانت عايشة فسعادة مع عائلتها ويلاه كانت غتبدا فخدمتها جا الشخص لي رون ليها حياتها وبسبابو خسرات كلشي واليديها وعائلتها و اغلى حاجة عندها ولي كتفتاخر بيها اي انثى وهو وجهاا

مروى : مستحيل نبقااا عايشة حياتي كلها وانا وسط هاد القصر خاصني نهرب بأي طريقة من هناا (رفعات راسها الاعلى كتشوف فالسما) ياربي عاوني وغلبني على هاد المحنة لي انا فيها ياربي عاوني رجع لعند عائلتي انا محتاجك تستاجب لدعاواتي

170: نمشيو لعند روان جالسة جنب القبر ديال أميرة وعينيها تنفخو من كثرت ما بكات والفقيه حداها كيقرا فالقرآن حتاا كمل مدات ليه الفلوس فيدو ومشاا

روان : كل نهار كنقول انني غنفيق ونلقاك حدايا ابنتي كل ما كنحاول نقنع راسي انك صافي موتي وماابقيييتش مزال غنشووفك مااكنقدرش نستوعبها اهئ اهئ علاااش مشيتي وخلتيني ابنتي علاااش اهئ اهئ

بقات كتبكي حتا تحطو يدين على كتفها ناضت مفزوعة ضارت موراها كانت مرا كبيرة فالسن لابسة جلابة بيضة وشال على راسها وجهاا منور

روان تخلعات : ش شكون انت

… : ماتخاافييش كنت دايزا من هناا بنتي ليا كتبكي بقيتي فييا

روان رجعت كتشوف فالقبر : بنتي هادي 9 شهور بااش ماتت الحرقة ديالها مزال مبرداتش ليياا

… بتاسمت : شكووون قالييك ماتت

روان شافت فيها موسعة عينيها : كييفاااش شنو كتقولي

…. : قريب تسمعي خبر غتفرحك خاصك غير تصبري

روان مفهمات والو من هدرتها : ماافهمتشش

… : وجدي راسك من هنا لقدام غتسمعي اخبار لغيصدمووك فيها لخايبة وفيها لزوينة

روان مصدومة : شكووون انت وعلاايش كتهدري

…. : غتوقع شي حاجة لي بسبابها غتقلب حياتك بلاما تبكي عليها قريب غتلاقاي بيها مشاات وخلات روان مصدومة من الهدرة لقالت ليها

#عند_زياد
دخل الكافي هي تبان ليها رانيا جالسة مشاا لعندهاا وجلس مقابل معاها بلا ما يسلم عليها

رانيا : مكتسلمش

زياد بحدة : شنووو بغيتي

رانيا : بغيت نفهم منك علاااش قلبتي علييااا وجهك شحال وانا كنصوني عليك و مااكتبغبييش تجاوبني

زياد : مااعنديبيش الگانة د الهدرة ارانيا

رانيا جمعت يديها على شكل قبضة : لقيتي البديل صافيي طلعت لييك فراسك

زياد : ماشي هادشي انت عارفاني مااكنحملش شي واحد يهز فيك العين انا شحال من مرة قلت لييك ملي تجي الشركة متبقااايش تلبسي شي حاجة معرية ياك ديما كنكولها ليييك

رانيا حنات راسها : سمحليياا

زياد بعصبية : اخير مرة ارانيا اخير مرة

رانيا حركت راسها بالايجاب حابسة البكية

زياد شد فيديها : عارفاني شحاال كنبغيييك وكنغيير عليييك ومع ذلك كاديري عكس داكشي لكنقوولييك

رانيا عينيها غرغرو : كنبغيييك كثر ما كتصور ازياد حيااتييي بلا بييك مكتسواا والو انت عارف انني مستحيل نشوف فشي واحد من غيرك

زياد : وحتاا انا احبيبة مسحي دمووعك

رانيا : ماابقيتييش مقلق منيي يااك

زياد بابتسامة : لا احبيبة خلييناا نمشييو من هنا

رانيا : علاااش

زياد بصوت خافث : توحشتك

رانيا توردو حناكها : حتا انا

زياد : هي لنضتي دبااا

مااعطلااتوووش ناضت ديك ساعة حتا هي طالبة عليها دفع زياد الحساب وخرجو

171:. بعد_مرور_اسبوعين …
داخلة بكامل اناقتها كانت لابسة اونسومبل فالبيض وطالون فالبيج وشعرها مطلوق على كتافها وريحت برفانها سابقاهاا ولكريشة خارجة جات كيوووت دخلت لبيرو ديالها وسكرتيرة من موراها

لامار : علمتووه بالاجتماع

… : وي مدموزيل هو دبا فقاعة الإجتماعات

لامار رسمت ابتسامة : بيان خلينا نمشيو

تاجهو القاعة الاجتماعات ودخلو لامار جات عينيها عليه نيشان تاجهت المكان ديالها وجلست

لامار : احم مدام كلشي واجد يمكن لينا نبداو

ايوب حرك راسو بمعنى ااه

لامار : كيف ما كتعرف مسيو ايوب طلبتي مني ان هاد المشروع ميتجاوز المدة تاعو اسبوعين وخا كانت المدة وجيزة الا وانني قدرت نخدمو غادي نعطيك 4 plans تختار منهم لعجبك

ناضت لضاطااشووغ شرحت ليه كل plan بوحدو بقاات مركزة وعايشة مع داكشي بقاات كتفسر ليه وتشرح كل مرة توقف عند شي نقطة وتشوف فيه زعما شنو رأيك وهو كيومي ليها براسو زعما كملي ضحكات فخاطرها عرفاتو وااش عجبوووه التصاميم بقاات تقريبا شي ساعة وهي كتشرح ليه وتعطيه فكرة على كل plan حتاا طفات الشاشة كااع لتما صفقو لييهااا ومبهوورين فيها وفمهاارتهاا جلست فمكانهاا كتلعب بستيلو فيديها

لامار بابتسامة : نتمناا يكون المطلوب مني وصل

ايوب : تبارك الله عليك قدرتي انك تخدمي 4 plans فظرف وجيز صراحة ما خليتي بيا ماانقول كاع les plans عجبوني

لامار : مزيان ودبا غنعطيك اسبوعين الفيلا ديالك غتكون واجدة

ايوب : مزيان حتا انا داكشي لكنت غنقوليك بغيتهاا تكون واجدة من هنا 15 اليوم

لامار كرزت على سنانها : تفضلوو الاجتماع سااالة

كلشي ناض خرج من غير ايوب لبقا جالس فبلاصتو

لامار : راني قلت الاجتماع سااالة

ايوب : مزال مسااليييناش آنسة

لامار تعصبت : شنوو عندك طلقنييي

ايوب : صراحة ماعندي ماانخبي علييك داك نهار لشفتك فيه عجبتني بزاف و مااكرهتش نتعرف علييك

لامار ضحكت بالفقصة : كنضن هادي بلاصة الخدمة اسيدي

ايوب : شنوو ظهر لييك نكونو اصدقاء الى مكان عندك شي مانع

لامار كتجمع فالوراق : الى ساليتي هدرتك يمكن ليك تفضل

ايوب ناض وقف عند راسها تحدر لمستواها ونطق : مالكي
قاصحة فحال هكدااا

لامار بنفاذ الصبر : واقيلة مااسمعتييش شنووو قلت لييك

ايوب : راني قلت غير اصدقاء بلاما يمشي تفكريك بعيد

لامار وقفت مع ديباردو لسق على كريشتها برزات
كثر : خلييت ليك الراحة جات غادة هو يشدها من يدها نترتها منو بزربة

لامار بحدة : شنووو بغيتيي

ايوب شاف كرشهاا خارجة تصعق لامار عرفاتو فين كيشوف وهي تحط يديها على كرشهاا بااش نيت يفهم راسوو

ايوب : علااش مااقلتييش ليياا انك مزوجة وحاملة

لامار : دونك عرفتي الجواب دباا لساليتي يمكن ليك تفضل

ايوب حس براسو تزير : كنعتاذر منك

لامار : عادي ماا وقع والووو

خرج ايوب من القاعة وجهو عليه خيبة أمل تصدم ملي عرفها مزوجة و حاملة حيت ماكاانشش عارف وحتا لامار مبغاااش تقولييه مطلقة باش مضسروووش عليها كثر ويبقا الاحترام بيناتهم

نرجعو لعند ميرال دخلات لشركة بانت ليها لامار خارجة من قاعة الاجتماعات مشات عندها سلمات عليها بلا بيز

ميرال : توحشتك فين غبرتي (شافت لكرشها) ويينو على لكريشة

لامار بتاسمت : وااش بصح كرشي كبرات

ميرال حطات يديها على كريشتها كتحسسها : ااه ااه بغيت غير امتا تجيبي لينا هاد لفنكوش غناكلوو انا

لامار : هههه حمقة صافيي

ميرال : الى ساليتي خلينا نخرجو

لامار : وي صبري نجيب صاكي من لبيرو

172: دخلات لامار لبيرو يلاه غتهز صاكهاا هو يصوني ليها تلفون جبداتو وهي تجاوب

لامار : الووو

… : الصمت

لامار : شكووون معايا الووو كتسمعيني

…. : لامار يا لامار

لامار وجهاا ولا صفر بمجرد ما سمعت صوتو قلبها ولا كيضرب بسرعة هاد صوت مستحيل يخفاا عليها وشكون من غيرو نايف بقات ساكتة ودموعها نازلين شلال من موراها شهقة وهو مهدرش غير كيسمع لبكاها

نايف برودة : مزال الحال على لبكاا

لامار بنبرة مرتجفة : شنووو بغيتي منيي علااش كتصوني علييااا شنووو فكرك فيااا

نايف بحدة : بغيت منك بزاف مزال الحساب مصفيناه داكشي لدرتييه فيا غتخلصيه مضوبل مبقااش بزااف

لامار حطت يديها على كرشها مزيرة عليها : نساااني علييك كيف ما نسيتك مااتعااودش تصوني عليياا مزال
بسلامة جات تقطع وهي تحبس على اثر كلامو

نايف : انا عمري مانسيتك باااش غنساااك ا لامار

لامار قلبها بغا يخرج من بلاصتو قطعت عليه وجلست فالكورسي وكلامو كيتعاود فودنيها “انا عمري مانسيتك باااش غنساااك ا لامار “

ميرال بقات واقفة على برا شافت لامار تعطلات وهي دخل عندها لقاتها فحالة هيستيييييرية تخلعت عليها قربت عندها وجلست على ركابيها كتحاول تفهم الوضع ديالها

ميرال : لامار مالك لامار هدري معايا علاااش كتبكي

لامار كترجف : غياخد مني ولدي هو غيرجع ياخدو مني اهئ اهئ ولدي اميرل الى خداه مني غنحماق اهئ اهئ

ميرال شدات وجها بين يديها : لامار تهدني ماا كاين لغياخد منك ولدك كالم التوتر مامزيانش لييك

لامار كتشهق بالبكا : اهئ اهئ هو تاصل بيياا قاليا انه غيجي خفتو ياخد ليا ولدي اهئ اهئ

ميرال : ششش صافي تهدني نوضي نمشييو من هناا

وقفت لامار وحاسة بدنيا كضور بيها تكات على كتف ميرال وخرجوو والهدرة ديال نايف كدور فراسهاا طلعو فطوموبيل وهي ديماري ميرال مكسىيرية ..

#عند_مروى
طاح الظلام ومزال جالسة فبيتها كتفكر فشي طريقة لتقدر تنقض بيها راسها طلات من البالكون بانت ليها دنيا مطرطقة بلي كارد كور

مروى : شنوو غندير دبااا افففف كيفاش غنقدر نخرج من القصر

دخلات البيت كتقلب فيه على شي حاجة تعاونهاا باش تخرج من القصر خرجات من البيت كتسلل كانت ضربات 12 د ليل كلشي ناعس هبطات التحت على اطراف الاصابع القصر كان مظلم من غير اضواء تاع برا هي لمشعولة تاجهت الكوزينة فتحت المجر هزات منو موس صغير خشااتو فجيبها حيت ماا تعرف الوقت شنوو تجيب ليها لهما دير احتياطها خرجت من الباب ديال كوزينة كيخرج نيشان فالجردة طلات من ورا الحيط بانو ليها لي كارد واقفين هزات راسها فالسور لقدامها وخاا عالي بزاف ولكن معندهاش خيار اخر خاصها تسلقو المهم تنجا براسها وتخرج من هاد الجحيم … مشات كتجري لجيهت السور طلعات كتشعبط فييه بحكم مروى كانت مولفة بالسبور جاها الأمر عادي … وقفت فوق السور بانت ليها الارض لتحت بعيدة صعيب انها تنقز ضارت من وراها لا ربما يقشعهاا شي واحد من لي كارديان

مروى كطلع النفس وتهبطها : خاصك ديريها أميرة الى بغيتي تهربي من هنا خاصني نقز 1 2 3 … يلاه بغات تنقز وهي تسمع غوات لي كارد ضارت من وراها لقاتهم جايين كيجريو لجيهتها موجهين ليها مصابيح من الخلعة والدهشة نقزات بلاما تراعي الخطورة بمجرد محطات رجليها فالارض مشاات طايرة كتجري ….

173: #عند_اوس
سمع دقان فبيتو ناض كيجر فرجليه ملابس والو غير بالشورط قصير كحل حل الباب لقاها نارا

اوس : شنوو واقع

نارا كتسرط فريقها : رجالك على برا كيقولو بلي مروى هربات

اوس تصعق : شنووو الله ينعل زااا…** بوووها

دخل بزربة لبس عليه سورفيت وكلاكيط فرجلوو هز سلاحو وخرج كيجري ونارا من موراه تابعاه كترعد ولات خايفة غير على مروى حيت عارفة الى مشاا حتا لقاهاا غيقتلهاا … اوس شاف لي كارد مجموعين تما شي خرج تابع مروى و شي وحدين بقاو فالقصر

اوس صاعر : فييين هي فييين

كارد حدر راسو : هربات اسيدي

اوس عطاه بالكروشية لكرشو جابو طايح : وانتومااا يا زوااا…** فييين كااانو عينييكم حتاا هرباات

… نقزاات من السور اسيدي رجالناا خرجووو تبعوووها

اوس كيمسح على راسو بعصبية هز عينو فيهم : الغابة غتكون شداات الطريق الغابة غادي تفرقووو كل 4 فيكم غيقلبووو فجهة بربيي ومتلقاااوها هاد ليلة غنتيري فيكم بالواحد كتسمعوووو …. ديك ساعة تفرقووو لي كارديان كل مجموعة فين مشاااو كيقلبوو فجهة واوس معاهم …

#عند_مروى
متكية على الشجرة كتنهج كل مرة كتلفت من موراها واش شي واحد تابعاها بقات جالسة تما كترد انفاسها وفالنفس الوقت الرعب قاتلها حيت الغابة المظلمة ومعرفااش شنووو ممكن يخرج لييهاا فهاد الليل … ناضت كتجري مكملة طريقها خاصهاا تخرج بأي طريقة من الغابة وتنقد نفسها من الجحيم لي عايشة فييه … بقااات مدة وهي كتجري حتااا لقااات راسهااا وسط الطريق بان ليها ضو تاع شي طوموبيل شاعل من بعيد فرحات وقفت فالطريق كتشير بيديها باش يوقف حتاا وقفت طونوبيل نزل داك راجل الزاج كيهدر مع مروى

… كيهدر بالفرنسية بحكم اجنبي : مالك ابنتي شنوو عندك علااش خارجة فهاد الوقت بوحدك

مروى جاوباتو بنفس اللغة : عفاك اسيدي ديني معااك متخلينيش هناا بوحدي

…. : وخا طلعيي

مروى فرحات واخيرا غتنجاا براسهاا وتبعد على اوس فمرة سرعان مختفت ديك الابتسامة ملي سمعات صوت الرصاص ضارت بالعرض البطيئ بانو ليها ضواو تاع المصابيح عرفاتو لقاها

… : شنووو هادشي واااش شي واحد تابعك

مروى شدتها البكية : عتقني عفاااك الى لقاني غيقتلنييي

… : سمحليياااا ابنتي انا منقدرش نغامر براسي هو يديماري

مروى بقات كتغوت وتبكي مقالت حتا لقات شي واحد يعاونها فالاخير سمح فيها وزاد مراعااش شنووو ممكن يوقع ليها وهي غير بنت بوحدها وسط الغابة سمعت صوتو كيغوت بسميتهاا قلبها ولا كيضرب بالخلعة مشااات كتجري ومعارفة فيه تزيد غير غادة على الله …

اوس كيضرب بالرصاص فالسما كيغوت بحال شي
مصعور : مروى فيييينك من الاحسن لييك تخرجي وخااا تخباي تحت الارض غنجبدك نجبدك

مروى كتسمع فالرصاص كتزيد تجري حتاا خواو بيها رجليها وطاحت على كرشهاا كتبكي بالفقصة على زهرها المكوز ناضت بزز بغات توقف رغم الآلام لحاسة بيه كملت بغاا تفك منو بأي طريقة …. بقاات كتجري وتنهج حتاا كتوقف ملي شافت لي كارد تسطرووو قدامها دايرين الصف وقف ليها الما فالركابي يلاه غتزيد خطوة سمعات صوتو من وراها خلاها تزعز من الداخل ديالها

اوس : قلت ليك وخا تهربي لاخير دنيااا مااا غتفلتيييش من بين يدي امروى

174: مروى ضارت تلفتات لجنبهاا وهي ضربها بجرية ولي كارد من وراها كتسمع صوت الخطوات كيقربو منها وهي كتجري ودموعها شلال من عينيها حتااا كتغوت منها لي خلاقهاا ملي طلق عليه اوس رصاصة جات فرجلها نيشان طاحت على ركابيها كتغوت من حر الآلام لنايض فرجلها

اوس شدها من شعرها مزير عليه : انت لجبرتيني نعاملك هكدااا

مروى شافت فيها وعينيها خارجين منهم شراااارة : كنككررهككك المجرم عمري ماا هنسمح لييك على هادشي لكديرو فييااا الله ينتاقم منك

اوس نزل عليها بطرشة تحناا لمستواها شادها من فكهاا واليد لوخرا مورك ليها على الجرح لفرجلهاا وهي كتغوت وتبكي وهو ممسوقش بالعكس مستمتع بالغواتهاا و الرعب لمنوض فييهاا

مروى : ااااييييييي اهئ اهئ رجلي المجرم طلاااااق من رجلييي اعععععع

اوس كيزيد يورك عليها مع رصاصة كتزيد تغرس فيها بحالة كيضربها ضو : المرة جاية ملي تبغي تهربي خدمي عقلك البرهوووشة المنطقة كلها لكتشووفي فيها تابعة لييااا ملكي كتفهميي مستحيييل شي واحد يعتقك وخا تكوني كتموووتي … يلاه غتنطق قاطعهاا

اوس : ششش منسمعش حسسسك متبكيييش ششش ورك على زناد وتيرا فرجلهاا المصابة طلقت سرخة فالاعالي لدرجة صدى ديالها كيتعااود فالغابة لي كارد بقات فيهم حالتها ولكن ماابيديهم ما يديرو … اوس شافها فقدات الوعي ديالها هزها بين يديه …

#فالقصر
جالسة دادا مليكة ونارا على حر من الجمر كيتسناااو فاوس امتا يدخل كيطلبو الله ميلقاااش مروى حيت عارفين انه ماا غيرحمهاااش ملي طيح بين يديه

دادا مليكة : الله يخرج هاد ليلة على خير

نارا كتاكل ظفارها : ياربي وقف معاها وعانهاا الى مشاا حتاا لقاها غيقتلهااا ماافييهاااش شك

دادا مليكة : اش داها تهرب كوون غير بقاات هناا (تنهدات) كوون عرفات علاااش كيدير معاها هكدااا مااكنتش غتفكر كاع فالهروب

نارا هزات راسها موسعة عينيها من الصدمة غوتات غوتة وحدة وناضت كتجري لجيهت الباب دادا مفهماات والوو حتا ضارت تشوف من وراها وهي تبان ليها مروى فاقدة الوعي بين يدين اوس ورجلها كتنزف

دادا مليكة كتولول : اويلي شنووو درتي فالبنت ماال رجلهاا كتنزف

اوس بحدة : علمي طبيبة طلع عندي الفوق و كمل طريقو طالع بيها لبيت

نارا مخلوعة : ضربهاا هو لضربهاا ادادا سلاح كان فيدو

دادا مليكة : سيييري عيطي لطبيبة سربييي ليصدق مريب عليينا القصر

مشاات مروى كتجري لعند دكتورة الخاصة بالعائلة علمتها بشنووو وقع وطلعت نيشان البيت مروى دخلوو بلاما يدقو اصلا الباب كان مفتوح دكتورة بقات متحسرة على حالتهاا جلست جنبها واوس عند راسهاا متحركش من تماا خشات ليها إبرة دسيروم فيديها عاد بنجات ليها البلاصة لمضروبة فيها بدات كتحيد ليها الرصاصات … نارا ودادا مليكة بغااو يبكييو ماااكرهوووش يديرو شي حاجة يعاونوها ليها ولكن خايفين من اوس عارفيناه الى مشااا حتا ناض مكيعقل على حد … كملات طبيبة خدمتها عقمات ليها الجرح باش ميتعفنش لوات ليها الفاصمة على رجلها دكات ليها إبرة فسيروم وناضت

دكتورة : عطيتها إبرة باش مترتافعش ليها الحرارة و هاد دوا خاصهاا تاخدو من غدا مايكون عندها باااس مشاات خرجات شوية تبعتها نارا ومن وراها دادا مليكة من غير اوس لبقاا معاها فالغرفة

اوس كيتنهد : علاااش كيعجبك تصعريني قلت لييك متحااوليييش تلعبي من ورايا شووفي دباا شنو جنيتي على راسك غير العداب جلس جنبها كيدوز يدو على شعرها طبع قبلة خفيفة فمها وناض خرج قبل ميزبلها

175: اصبحنا واصبح الملك لله
#عند_روان
جالسة فالبيرو ديالها مرفوعة والهدرة لقالت ليها ديك المرااا كدور فبالها ولزاد شوشها كثر الهدرة لخرة لقالت ليها
“…. : غتوقع شي حاجة لي بسبابها غتقلب حياتك بلاما تبكي عليها قريب غتلاقاي بيها”

دخلات ايناس على غفلة المكتب لقاات روان شاردة الذهن جلست مقابلة معاها

ايناس : روان صافا

روان دورات عينيها كتشوف فايناس : هي قالت ليياا قريب نتلاقا بيهاا

ايناس باستغراب : شكوون هي هادي علاامن كتهدري

روان رجعت كتشوف قدامها : عندي احساس ان بنتيي باقا عايشة هي مامتتش بنتي حية

ايناس بحسرة : الله يهديك اصاحبتي رخفي على راسك شوية 15 اليوم وانت فهاد الحالة شوفي صحتك كيف ولات ديها فراسك وفحالتك شوية

روان ببرة مقهوورة : تاواحد فيكم مااغيقدر يحس بهادشي لكنحس بيه انا خسرت بنتيي هي ضاعت من بين يدي فعز شبابها مزال حتا مفرحت بيها تحرمت من شوفتهاا مااقدرت حتاا نودعهاا قبل ميدفنووها (عينيها غرغرو) ماتت وهي غضبانة من واليديها حنا اذينهاا بيدينا ايناس حنا لخرجنا على بنتناا

ايناس : أميرة كانت وحدة من ولادي كنت كنحسبها فحال بنتيي داكشي لي بكيتو عليها عمري بكيتو فحيااتي ولكن الاقدار هادشي لكتب عليها الله حناا ماعندنا ما نديرو

روان بقات ساكتة شحال عاد نطقات : بغييت نبقاا بوحدي

ايناس وقفات : وخا حبيبة الى حتاجيتيني انا فالمكتب ديالي …

نبدلو بالبلاصة ونمشيو لعند سوزان من نهار لي سمعت فيه الخبر ان لامار حاملة وهي غير كتبكي وحابسة راسها فبيتهاا … دخلات عليها الخدامة هازة فيديها بلاطو حطاتو ليها فوق لاطابل دونوي

سوزان : رجعيييه ماابغيييتوووش

… : ولكن امدا…

سوزان قاطعتها بلغوات : قلت لييك رجعييييه

…. : وخا هزاتو خارجة بيه حتاا كتلاقا بنايف خارج من بيتو شافها هو يفهم الوضع وما ليها براسو باش تمشي هو يدخل عند سوزان سد الباب تاجه الفوتوي وجلس

نايف : علاااش ماابغيتييش تاكلي

سوزان كتنخصص : حيييت ماابغيييتش يكما حتاا هادي ممنوعة علييااا

نايف : خاصك تاكلي على قبل صحت الولد لفكرشك

سوزان ضحكت بسخرية : من امتاا ولات كتهمك صحة ولدي

نايف جمع يدو على شكل قبضة : هدرتي ماانبغيييهاااش تعاااود غيطلعوو ليك الماكلة دباا نعرفك رفضتييهاا مااتلوومي غير راسك

هبط التحت هو يكلف الخدامة باش طلع ليها الماكلة وخرج على برا تفكر ماماه شحال هادي معيط ليها من نهار رجع لروسيا ما تاصل بيها توحشهاا بزاف دوز ابيل بقاا تلفون كيصوني مبغااتش تجاوب حتاا كان غيقطع هو يسمع صوتها بتاسم

روان : الووو

نايف : اولا سينيوورة

روان وسعات عينيها : نايف

نايف : توحشتك امدام

روان عينيها غرغرو : حتى لدباا عاد بان ليك تاصل بيياا

نايف : كنت مشغوول شوية داكشي علاش ماكنتش كنسول فيك

روان : الخدمة ولات اهم من ماماك يااك

نايف تعصب : روان بلاما تعصبيني انت عارفة طبيعة الخدمة ديالي الوقت فين نحك راسي مااكينش (سمعها كتنخصص هو يرطب معاها) ودباا علااش كتبكي

روان : واااش عارف بلاصتك قدااش فقلبي انت الوحيد لبقيتي ليياا عفاك اولدي سمع مني ونساا عليك المافياا ورجع المغرب
176: نايف : الواليدة عارفة هادشي لكطلبيه مني مستحييل

روان غوتات : واااش بغيتي تحمقني حرااام عليييك كدير فيااا هكااا وااش بغيتي تكمل على ما بيياا لخلاتو فياا ختك تكملووو انت مزال حرقتها مابرداتش ليياا

نايف صعر : ماابقيييتش دري صغير باش تخافي عليياا ديها غا فصحتك الواليدة اما انا فراه قاد براسي

روان : هكدا لولاد كيهدرو مع واليديهم ياك انايف

نايف كيسوط : انت عارفة ما عزيزش علييا لي يدخل ليا فحياتي

روان : احم نسولك

نايف : شنووو كاين

روان : عمرك هدرتي مع لامار

نايف ساط بعصبية : افففف نخلييك دباا حتا لمنعبد ونعيط ليك (قطع) شعل كارو كيكمي فيه هو باش ولاا كيبرد راسو شوية نتر منو هو يرميه عفط عليه برجلووو ودخل …
داز الوقت …
عند لامار خارجة من الحمام وجها شاحب تكات فبلاصتها حاطة يد على كرشها ويد على جبهتها شوية هو يتفتح الباب وتمت داخلة عليها روان وسيليا لامار شافتها ناضت جالسة

روان باستها فخدها : بنتي لباس عليك

لامار بصوت خافث : الحمدلله اخالتو

روان : مالك كتباني ليا عيانة شوفي وجهك كيف ولا ابنتي واش كتاخدي دوا ديالك

لامار سرعان متفكرت الهدرة لقاليها نايف نفاجرت بالبكا روان و سيليا كيشوفو فبعضياتهم مستغربين مفاهمين والووو ولامار مقدرااش تحبس البكية …

سيليا مخلوعة : بنتي مالكي كتبكي

روان : هدري احبيبة شنو عندك

لامار مقجوجة : نايف تاصل بيياا اهئ اهئ

روان شافت فسيليا ورجعت شافت فيها : نايف هدر معاك شنوو قالييك

لامار كتنخصص : غيرجع المغرب اخالتو هو غيدي ليا ولدي

روان : تهدني ابنتي ولدك مكاين لغياخدو منك غير تهناي

لامار : اهئ اهئ الى خداه منيي غنحمااق اخالتوو

سيليا : ماحدنا معاك ابنتي ما كاينش ليغقدر يقيصك لا انت لا ولدك

روان: متخاافيييش انا غنهدر مع فهد فالموضوع رتاحي دبا اوكي

لامار حركت راسها بالايجاب رجعات تكات فبلاصتها كتنخصص ودموعها كيطيحو على المخدة ناضت روان وسيليا خرجو على برا كيهدرو

سيليا : وليت خايفة لتوقع شي حاجة لبنتي اروان

روان : خاصني نهدر مع فهد ونخبرو بالموضوع على الاقل يهدر مع ولدو اما انا فراه مبقاش مسوق ليا كاع كنهدر معاه بحالة كنهدر مع الحيط

سيليا كتنهد : كنطلب الله غير دوز هاد الحبالة بخير لبقات هكدا نفسيتها غتأزم

روان : ما غيوقع ليها والوو انت بلاما تشغلي بالك قولي ليااا واش ماعرفتييش امتا هدر معاها

سيليا : لا ما فراسي والوو حتى انا مكنبغييش نجبد معاها هاد الموضوع

روان : ممم اوكي يلاه احبيبة نخليك دباا لكانت شي حاجة عيطي عليياا

سيليا : ضروري توادعت مع ختهاا و مشاات …

177: عند_مروى حلات عينيها بثقالة لقات راسها فبيتهاا بمجرد ما كتفكر ان محاولتها باش تهرب فشلات كتحس بالعافية شاعلة فيها … نترات سيروم من يديها بزعفة وهي تغوت حيت توعتات ناضت بغات توقف وهي تغمض عينيها من الآلام …

التحت كانت جالسة نارا ودادا مليكة كيهدرو فموضوع مروى حتاا سمعو غواتها ناضو بجوج قافزين طلعو فالدروج كيجريو بمجرد مادخلو البيت تصدمو مروى كانت جالسة وسط الزاج مهرس و يديها كاع تجرحو والدم نازل منها ورجلها كتنزف الفاصمة ولات حمرة بالدم

نارا تحدرات لمستواها : علااش درتي فراسك هاد الحالة واش حماقيتي بغيتي تأذي راسك هااا

مروى بحرقة : العافية لشاعلة فقلبي كثر من الآلام لحاسة بيه نفضل انه يقتلني ومايديرش فييااا هكدا اهئ اهئ

نارا شداها البكية : صبري اختي ما عندك ماديري اوس هكاك داير هدا هو طبعو

مروى غوتات و صوتها مبحوح : بغيييت نموووت 😭😭

نارا عنقتهاا مزيرة عليها : اهئ اهئ صافيي امروى عفاك اختي متبكييش

مروى كتغوت بجنون : كنكرهوووو كنكرهووو ما بغيييتش مزال نشوووق وجهووو اهئ اهئ

نارا كتمسح على شعرها بحنان : تهدني ما باقييش غتشوفيه غير تهدني

اوس كان واقف على برا مخبي باش ميشوفوه كلامها كولو داز على مسامعو ضرو فخاطرو ماضنهاااش غتحقد عليه وهي ما عارفة حتا سبب لكيخليه يتعامل معاها بقسوة نزلت دمعة من عينو مسحهاا بسرعة وزاد فحالو لبيتو …

فالليييل …
هبطات لامار لابسة بيجامة فالبيض و الكحل سروالها كولون وبودي ديالها لاسق عليها وشعرها مجموع كوب شوفال مع لكريشة خارجة شوية جات كيوووت

لامار : مساء النور

الكل : مساء الخير

جلست حدا سهيل بانت ليها لاسوب خسرات سيفتها سيليا عاقت بيها مبغتهاااش غمزات الخدامة لواقفة عليهم باش تجيب ليها عشاها وجدوه خصيصا على قبلها … لامار كدور فعينيها تاحاجة معجباها شوية وهي تشم ريحة الحوت ريوكها سالو حطات الخدامة طبسيل كبير مشكل بانواع الحوت لامار طاحت فيه عمية كتاكل بحال شي وحدة عمرها مداقت النعمة هوما كيشوفو فيها وحابسين الضحكة حتاا سلات وشبعات لكريشة عاد ناضت بغات طلع هو يهدر ينيس

ينيس : بنتي جلسي نهدر معاك

لامار جلست فبلاصتها : نعام ابابا

ينيس : ماماك قالت ليا بلي نايف تاصل بيك

لامار حدرات راسها محركة راسها بالايجاب

ينيس : ما تفكريش فهدرتو خوي راسك منو وهاد المرة لعاود تاصل بيك ماتجاوبيهش خليني انا نتكلف

لامار : وخاا

ينيس : طلعي ترتاحي

طلعات نيشان لبيتهاا تكات على الباب سداه بضهرها غمضات عينيها نزلو جوج دمعات سخان فتحات عينيها لولاو حمرين حطات يديها على كرشها نطقات بصوت مقهوور

لامار : عمري ما هنسمح لشي حاجة تاذيك اولدي كنواعدك انني غنكون ليك ام و اب عمري ما غنخصك من شي حاجة بغيت غير امتا نشووفك ونهزك بين يديا اولدي انت هو البطل ديالي لغيحميني انت غدير داكشي لماقدرش باباك يديرو (مسحات دموعها باطراف اصابع) اكبر غلطة كنت غندير هي ملي فكرت انني نجهضك وانت ما ليك حتا ذنب فهادشي (كتهدر وتشوف فكرشها) انا فرحانة بزاف اولدي انت احسن حاجة وقعات لي فحياتي اييييي اففف شنو هدا احححح مالك اولدي كضرب فماماك تكايس عليها
#يتبع…

Leave a comment