Skip links

قصة : لعب بالقواعد ج 2

 5,234 عدد مشاهداات

لعب بالقواعد: Playing by the rules

🖋️ Aya El Alami & Dounia El Messaoudi

الجزء 28
سالاا ناصر شغالوو..ركب فطموبيلتوو..مشاا للمتجر شرا شي حوايج..و مشاا عند ميساء ..فااش وصل مالقاهاش تخلع لاا تكون وقعاات ليها شي حاجة..بقاا كيقلب عليهاا تا لقاهاا متكية فالأرض و كتشوف فالسماا..مشاا عندها كانت مغمضة عينيها..بقاا كيشوف فيهاا تا حلات عينيهاا و قفزاات

ميساء:ايمتاا جيتي مسمعتكش

ناصر:كي بغيتي تسمعيني و نتي وصلتي تا لهناا..يلاه نوضي ندخلوو الليل قريب يطيح..تيقي بياا مغتبغيش تبقاي براا

مع الضورة تلاقاا مع سفياان لي كان تابعوو الطريق كاملة و هو مراضش ليه البال

ميساء(بخلعة):خ..خوياا

سفياان:خوك ههه دبا عاد خوك..اش كديري مع هذا فهاد البلاصة..عطيني غير تفسير معقول

ميساء:ماشي كيف كيسحابليك

سفيان:مكيهمنيش غتجي للدار دباا باش تسيني على الوراق و منبعد سيري فين بغيتي

ميساء:مغنمشي معااك تالبلاصة و مغنسينيش على الوراق حيث الشركة من حقي كيف ماهي من حقك

تعصب و جرهاا من يديهاا

ميساء: سفياان طلق منيي..وعتينيي

ناصر:طلق منهاا راك وعتيهاا..راه ختك زعماا

سفيان:هههه شوفو شكون كيهضر على الاخوة..هذاك لي كان السبب فموت ختوو

ناصر(بعصبية): غتعاود تذكر ختي على فمك غنددمكك

سفيان:اوووه متخافش انا ماشي غير ذكرتهاا فمي..اناا را..

قبل ميكملهاا نزل عليه ناصر بكروشي..

سفيان:غادي نمشي دباا و لكن غنرجع اميساء و من الاحسن ترجعي بوحدك

مشاا و خلااهم..و ميساء باقا غير مصدومة كتحاول تستوعبب شنو وقع

ميساء:ناصر..سمحليااا انا غادي نمشيي..مدرت ليك تا حاجة اخرى من غير المشاكل

ناصر:لاا مغتمشيش اميساء..المشاكل كانت بيني و بينو قبل منك ببزاااف

دخلوو للكوخ..مشاات ميساء جابت الثلج باش ديرو للجراح لي فيد ناصر

ميساء:عطيني يديك

ناصر(كيشوف فيهاا..تفكر فاش كان كيجي للدار بليل مضارب مع شي واحد..كانت عفراء كدير ليه الثلج بحال هكا): لا صافي انا غندير راسي شكرا

ميساء:احم.. ناصر اناا سمعتت شكنتو كتقولو قبيلة.. الصراحة مفهمتش واش العداوة لي بيناتكم كانت بسباب ختك؟؟ و علااش ختك ماتت بسبابك

ناصر شاف فيهاا مدة طويلةة و بداا كيدوي

ناصر:هاد الفضول لي فييك شي نهاار غيخرج علييك..بغيتي تعرفي شي حاجة سولي خووك

ميساء:وخاا انا دبا كنسولك نتاا

ناصر(بالغوات):اشنوو باغاااا تعرفيي بلي خووك و ختيي كانوو على علااقة و غتاصبهااا..اولا باغا تعرفي بلي فاش عرفت هادشي جريت عليهاا و نتاحراات بسبابي

ميساء من كثرة الصدمة مقدرات تقول والو..سكتوو بجوج مدة طويلة عاد نطقاات

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:29

بقاو لمدة كيشوفو فبعضياتهم هي ماقدراتش دوي من اثر الهضرة لي قاليها ماستوعباتهاش و هو من اثر الانفعال لي نفاعل و دغيا باح ليها بلي كاين .. حلات عينيها فيه على مصعدهم حقات فيه مزياااان .. لاحت الثلج من يديها و رجعات باللور

ميساء( كتشير للوراء) : خويا .. خويا .. كان مع ختك .. وتعدا عليها .. و انت؟ .. و انت جاي كضور بيا على اساس ترض ليه الصرف و تنتاقم .. (بقات كتشوف فيه شحال و الدموع تجمعو فعينيها .. حمارو بزاف بقوة الدموع .. فتالي استسلمات ليهم و طلقاتهم) هءهءهء كذاااب هءهءه شنو درت لك اانا هءهءهء الله ياخد فيك الحق هءهءهءه انا ماعندي تا ذنب بيناتكم ..

بقات كتشوف فيه فحال شي مسطية و ضور فراسها و عينيها خارجين فحالا موضرة ليها شي حاجة .. خرجاات كتجري

ميساء: باغي تعدا عليا هءهءه

خرجات من الكوخ و بقات هربانة وسط الغابة كتعاود هاذ الجملة .. و هو تابعها من اللور .. بغا يشدها غير يدوي معاها و هي كيسحابليها باغي يطبق داكشي لي فبالها ..

ناصر : ميسااااء.. وقفييي .. راه ماشي كيف فهمتي

بقات هربانة و سط داك الضلام كتحاول تبعد ما امكن حتال واحد الساعة مابقاتش كتسمع صوتو ولا صوت تا حاجة من غير فحيح الرياح و صوت الاشجار لي كيديها الريح .. بقات كضور كتحاول تلقا منبع الضوء لكن كان غير الضلام القاتم .. بدات كتبكي فعز ديك الضلمة لاحنين لا رحيم لكن واحد شويا بدات كتسمع صوت سيارة دايزا بقات متبعة الصوت و غادا تا خرجات فواحد الطريق دايرا فحال لابيست .. بقات واقفة تسنا دوز شي طوموبيل.. داز طريبورطور كتغوت ليه

ميساء: اييي.. عفاك عونييي

ماداهاش فيها و زاد فالسرعة تا طير ليها الريح شعرها .. بقات واقفة كتشتم فراسها و تلعن فالزهر لي وصلها تال لهنا .. عيات بالوقوف كلسات تما شي ربع ساعة على الكوضرون كتسنا لا علك وعسا دوز شي طوموبيل .. على شحال عاد بدا كيبان ليها ضوء جاي من البعيد ضاهر تاع شي سيارة …وقفات و بدات كتشير بيديها بجوج و تغوت

ميساء: ايي عفااك وقااف وقااف

ضرب الفران على البعيد بشي ميطرو و حرف على الطريق بالضوء لي خارج من السيارة حجب ليها الرؤية تشوف شكون تما واش راجل و لا مرا .. مشات قربات للزاجة كانت نازلة .. يالاه جات دوي و هو ينزل من الطوموبيل بالزربة طلعها دارها فيها و هي كتفركل ليه كضرب بيديها و رجليها فحال دري الصغير

ميساء: طلاااق .. طلااااق الحمااااار بعاااد بعاااااد يداااك

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء 30

كرهات حياتها و كرهات النهار لي عرفات فيه شي واحد سميتو ناصر .. حتا قالت تفكات منو و غتهرب و ولا شدها

ناصر 🙁 كالس فبلاصتو و كيصوك بعصبية) كلسي فبلاصتك و سكتينا .. غادا هاربة كون طلقا لك شي واحد ؟؟

ميساء: و انت مااالك سوقك فيا شبيني و بييناااك .. الله يعطيني شي موتة و نتهنا منكم كاملين .. لي باغي شي حاجة جاي يرضها على ضهري انا .. شنو دنبي معاكم .. الى هو تفلا على ختك علاش تفلا عليا تا انت ..

خلاها كتهضر مرة يجاوبها و عشرة يخليها كدوي راسها .. خرجو من المدينة و مشاو على طريق واحد الواد و هي غير كتشوف بعينيها عيات تبكي و تهرنن كانت غتقلب بيهم طوموبيل .. فتالي استسلمات لامرها و كلسات تشوف فين غيخرجها ربي .. كانت واحد الدار جايا على جنب الواد .. كبيرة و فجة و عالية

ميساء: لاش جايبني لهنا

ناصر : زيدي دخلي و سكتينا باراكا من الاسئلة

ميساء: ماداخلاش .. شنو بغيتي دير ليا
بقا كيشوف تا عيا و هو يطير بيها هزها فوق ضهرو ودخلها .. كتفركل ليه فوق من كتافو و كتغوت

ميساء: ايييه هبطني .. عنقونييييييي .. كين شي واحد هنااااا … ايييييي

بقات كتغوت و هو دخلها لواحد البيت و رجع يسد الباب .. مابان ليها غير ديكور صغير محطوط فوق واحد الرف هزاتو و عطاتو بيه مغيجي فين يضور تا غتجيه الدقة فجبهتو

ميساء( شهقات بصوت عالي ) هااااا.. قتلتووو

بان ليها الدم خارج من جبهتو و هو شاد فراسو مافهم والو .. مشات كتقرب ليه بالشوية و بدات تبكي

ميساء: هءهءهءهء الله ياربي وليت مجمرمة هءهءهءهء قتلتوو هءهءهءه

ناصر: علاش ضربتيني

ميساء:هءهءهء شهد راك قربتي تموت هءهءهء

ماعرفات مادير ولكن تفكرات حاجة وحدة هي البصمات دياولها فداك ديكور مشات هزاتو و بدات تمسح فيه و كترعد ..

ميساء : هءهءهظهظ عفاك سمح ليا هءهءهءه مدرتهاش لك بلعاني .. عفاك سمح ليا قبل ماتموت غيبقا ضميري يأنبني

خلاها تا كملات و هو يشدها من دراعها تا قفزها ..

ناصر : تسطيتي لا .. مالك كترعدي فحالا ضارباني بشاقور .. دوزي تكلسي لهيه .. تحركي انا لي غنقتلك

ميساء: قتااال قتلتي ختك و باغي تقتلني تا انا خليني نخرج

ناصر : ياااربي تصبرني على هاذ البنت .. شتي هاذ الباب و الله لا خرجتي منو غا دوزي تكلسي و السوارت هاهوما فجيبي

بقات كتشوف فيه بعينيها كتحاول تأثر فيه لكن هو ضور وجهو قبل ماتبدا حيت ديما كانت كدير ليه هاكا فاش كانو اصدقاء ..

ناصر : تاكلي شي حاجة

ميساء: الحجر

ناصر : يخ قولي غا جملة مفيدة .. انا فالكوزينة نجي لقاك درتي شي مصيدة باش تعلقيني متلومي غير راسك

ميساء: تاكل فيه السم ..

خدات وسادة دارتها فوق رجليها و دارت يدها على خدها كتسنا فيه يجي .. مشا للكوززينة مالقا فيها والو كاين غير قرعة دالشراب و شي خضرة خاسرة تما .. هز ديك البيرة و ها كاس و مشا عندها للصالة لقاها على نفس الوضعية تاعها

ميساء: يع تفو سكايري دالخلا

ناصر : عمرني ضربتك ياك

ميساء: لا غا قيصني بزززاف عليك و عشرة من مثالك باش تقيصني

ناصر : و هي لاسديتي دركومك

ميساء: خليني عير نمشي فحالي و دير لي بغيتي تحزم و شطح كاع

ناصر : كتعرفي تشطحي ؟

ميساء: لا

ناصر : شوفي فيا

ميساء( ضارت شافت فيه ) راه قلنا لك لا

ناصر : كدابة ههههههه

ميساء:هيهيهيهي اضحك اضحك .. و نوض طلقني نمشي فحالي

ناصر : هاني طلقتك فين غتمشي ؟

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء 31

ميساء:لشي بلاصة مفيهااش نتاا

ناصر:باقا مدارتش هاد البلاصةة.. كاع دكشي لي ستنتجتيه مع راسكك ما منوو والوو..

ميساء:و شنوو كنتي بغيتيني نسنتنج من هضرتك..كان باين من اللول علااش تقربتي مني غير مكنتش عارفة السبب

ناصر:واش تقدري متقاطعينيش..انا مباغيش نتاقم منك..و لكن عندك الحق باغي نتاقم من خوك..و مغنكرش بلي هادشي كامل كانت خطتي من اللول..و لكن مؤخراا راجعت راسي و ملقيت تا سبب يخليني نتاقم منو عن طريقك من غير الشركة..و هادشي لي كتاشفت بأن تا حاجة مكتهموو كثر من الشركة

ميساء:كتعتارف بلي كنتي كتنتاقم..كيفاش كنتي غتنتاقم..كيف دار خوياا لختك..هاااا

ناصر(شاف فيها و تنهد):اه

ميساء:عمرني غنساامح لييك اناصر..عمرني

ناصر:ممتوقعكش تسامحي لياا..و لكن اناا خاصني نتاقم لموتهاا

ميساء:وخا..غنعاونك

ناصر(مصدوم):كيفااش غتعاونيني..ههه غتعاونيني بااش ندمر خووك؟؟

ميساء:اه..نتاا بفمك قلتيهاا مكتهمو تا حاجة من غير الشركة..يعني اناا معندي تا قيمة عندو..و انا احسن فرصة عندك بااش تنتاقم

ناصر:بسطي كلامك كثر

ميساء:غنكتبليك النص ديالي فالشركة..و هكاا غتقدر تدمروو و منبعد دير لي بغيتي فالشركة..و لكن خاصك تنحيه من الشركة و فاش تسالي غترجع تكتب الشركة فسميتي..و بشرط اخر مغتخبي علياا والو بغيت نعرف كولشي بالتفصيل شنوو كان وقع

ناصر(غير مصدوم): علااش قررتي تيقي فياا بهااد السرعة..و كيفااش انا غنتيق فيك

ميساء:متيقش فياا حيث تا انا متقتش فك ..غيخصناا نرجعوو للڤيلاا باش ناخد الورقة

ناصر:دباا غنعسو فالصباح عاد غنبداو..اجي نوريك فين غتباتي

ميساء:غير خليني هنااا سير نتا نعس الفوق

ناصر:مغنقيسكش اميساء غير تهنااي..حيث هاديك المهنة دخوك ماشي ديالي

طلعع مشاا جاب ليهاا وسادة و ليزار باش تغطاا..لقاها نعساات قاد ليهاا راسهاا و غطاهاا..بقاا كيشوف فيهاا و ندم على دكشي لي كان غيدير فيهاا..وخاا مدار والو

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:32

فبلاصة أخرى

ݣالس متكي على الكرسي و حداه قرعة دالشرااب.. تا دخل علييه صاحبوو اكرم

اكرم:تالين غتبقاا فهااد الحالة اساط

…ماشي شغلك خليني

أكرم:صافي فهمناا كيأنبك ضميرك.. و لكن راهاا ماتت صافي معندكش مدير دبا اسفيان

سفيان:بسبابي ماتت..مكنتش عارف بلي غدير فراسهاا شي حاجة..واش فراسك مكنعسش الخيال ديالها كيبقاا تابعني فينما مشيت

أكرم:نساها و قلب على ختك..اما دبا سير نعس

#سويسرا

محمد:كاينين شي حوايج مغتبغيش تعرفيهم على ماضيك..عارف بلي الطبيب قال خاصني نساعدك و لكن مغيعحبكش دكشي لي باغا ذكريه

كطاليا:ههه علااش واش حياتي كانت خايبة تال هاد الدرجة قبل

محمد:لاا بغيتي نبداو تال الصباح دبا سيري نعسي

كطاليا:وخاا..بغيت نسولك..ايلا كناا مغربيين كيفااش كنهضر بالايطالية

محمد:انا لي كنت علمتهالك و نتي صغيرة..و استغربت حيث عقلتي عليهاا

كطاليا:واش انا وياك كناا قراب من بعضياتناا بزااف زعماا كنبغيو بعضياتناا

محمد: غير سيري نعسي تال الصباح و نكملو هضرتناا

صبح الصباح على ابطالناا..كل واحد مشاا يقضي شغالوو حيث كولشي تابعوو نهار جديد..ميساء و ناصر خاصهم يمشيو للشركة..سفيان خاصو يخلي ختو تعطيه الاسهم ديالها فالشركة..كطاليا خاصهاا ترجع ذاكرتهاا

كانت ناعسة كتحلم..تا ناضت قافزة

كطاليا: هءهء تذكرت هءهءهء تذكرت كولشي

جاو عندهاا الاطباء كيجريو معرفوو باش تبلااو

الطبيب 1(بالايطالية):تهدني انسة كطالياا..عطيوهاا مهدئ

عطاوهاا مهدئ و خرجوو عيطوو لمحمد لي كان خارج مشاا يشريليهاا حوايج

محمد(بالايطالية):عفااك بغييت حوايج البنات..كولشي لي كيلبسوهم

…:اه وخاا..(مشات لمدة 5 دقائق و رجعات) هاكا اسيدي و مرحباا بييك

خلصهاا و تم خارج تا صوناا تيليفونوو

محمد:شنو وقع

الطبيب:مفهمناش اسي محمد كانت ناعسة تا فاقت كتغوت مفهمناش شنو كتقول..عطيناهاا مهدئ

محمد:وخاا هاني جاي

ركب فطموبيلتوو و كسيراا ماوقف تاوصل..هبط كيجري..لقاهاا باقا ناعسة بسباب المهدئ..ݣلس حداها كيتسنى تفيق..تا داه النعاس

كطاليا: اي..راسي

محمد:فقتي..واش مرتاحة..شنو وقع قبيلة اكطاليا؟؟

كطاليا(بعصبية): مسميتيش كطاليا..و نتا عراف هادشي

محمد(مصدوم):رجعات ليك الذاكرة

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء 33

كطاليا: لا .. تفكرت شي حاجة

محمد(شد ليها بيديها ) عاودي ليا شنو تفكرتي

كطاليا: بشرط

محمد: اما هو ؟

كطاليا:تعاوني نعقل على كلشي ..

محمد: واخا انشاء الله .. قولي لي شنو تفكرتي

كطاليا: شي واحد كيعيط ليا بشي سمية ولكن ماشي كطاليا

محمد: عفراء؟

كطاليا: اااه.. اهه سميتي عفراء ياك

محمد: اه هادي هي سميتك

كطاليا : ولكن علاش قالو ليا الاطباء سميتي كطاليا

محمد: من بعد و نشرح لك.. دابا كملي ليا

عفراء: تفكرت شي عافية شاعلة و انا الوسط .. و كنسمع شي واحد كيعيط ليا عفراء عفراء.. من بعد ضرباتني شي حاجة لراسي .. هادشي لي عقلت .. شنو طرا ؟؟

محمد( ناض كلس حداها و شد ليها فيديها) سمعي وحلي معايا دماغك مزيان .. كنعرفك قوية و تقدري تستحملي كلشي

عفراء( غمضات عينيها و حلاتهم ) واخا ماعليش..

محمد : سميتك عفراء الهاشيمي انت بنت رجل اعمال كبير الله يرحمو ..

عفراء: بابا ..( شدات فراسها ) بابا ااه .. هءهءههء بابا مات بسبابي .. هءهءهءه

محمد ( شدها عنقها خشاها فصدرو حتى تهدنات شويا ) عاودي ليا دابا شنو تفكرتي

عفراء( شمرات بنيفها ) جرا عليا خويا .. كنا فشي جردة و بابا جا .. مات بين يديا .. و ماخلانيش نشوفو ..

محمد : كنتي على علاقة مع العدو دخوك .. عرض عليك لبارتي و دوخك و نعسك .. صورك عريانة .. و خوك شاف تصاور داكشي علاش جرا عليك و باباك ملي شاف التصاور شداتو نوبة قلبية .. مشيتي للدار لي عندك فالسونطر ڤيل ..و تما نتاحرتي و حرقتي الدار ..و انا لي عتقتك

عفراء: و انت اش كنتي كدير تما؟؟

محمد : مايهمش المهم اني عتقتك

عفراء( حطات يدها فوق يدو ) شكرا ليك بزاف .. شكرا حيت عاونتيني درت كارثة مع ربي .. عمرني نسا لك هاد الخير ..

محمد : متقوليش هادشي .. انا قبل صديق دالوليد الله يرحمو

عفراء: اه تفكرت كنتي كتبقا تشوف فيا بزاف فالشركة..الله يرحمو و الله يسمح ليا منو .. بالحق حقي غنديه غندييه ..

محمد: انا معاك و غنعاونك باشما بغيتي حتى تاخدي حقك

عفراء: ماما و خوتي .. كيف دايرين .. ماما غتفرح الى شافتني .. شحال و انا مغيبة

محمد : ست سنين و انت فغيبوبة حيت طاح عليك واحد العود بسبابو فقدتي الذاكرة .. مهم الحمد الله ملي نسيتيها غير جزئيا .. اما بالنسبة لداركم تا واحد ماعارفك عايشة من غيري انا

عفراء: (عقدات حجبانها) كيفاش ؟؟

محمد: انت عن بالهم ميتة و دفنوك هادي ست سنين ولكن ماماك باقا مفكراك و كتقوليهم بنتي حية .. اما خوك ناصر لي كان جرا عليك من الدار .. ديما كيأنبو ضميرو و عارف هو السباب فموتك ولكن ماباغيش يعتارف و هو و خوك لاخر لي خداو الولاية دالشركة.. و عصام خوك الصغير كبر و مابقاش طايش كيف خليتيه ..

عفراء(بغات تنوض لكن كانت عاجزة على المشي شدات غير فراسها بين يديها. شحال من فكرة كتجيها فراسها .. من بعد ماسمعات هادشي حقدات على كل من كان السباب فهادشي لي طرا ليها .. اشارت ليه بيدها ) : اقسم بالله تا ناخد حقي .. لا من ناصر لا من داك الحمار ..

محمد: سميتو سفيان .. و لكن خوك مالو ؟ علاش تا هو باغا تنتاقمي منو

عفراء:تا هو عندو سبب ليا فهادشي لي طرا ليا .. عارفني ماندير والو لكن رغم كلشي جرا عليا بديك الطريقة و وجه بابا ماخلانيش نشوفو ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء34

محمد : تا واحد مايصبر على الشرف .. الشرف شي حاجة كبيرة

عفراء: قبل مايكون الشرف دالعائلة راه الشرف ديالي انا .. و انا اول وحدة نتأسف عليه .. لكن هو بمجرد ماشاف التصاور عاملني بديك الطريقة ..هو السباب فموت بابا ماشي انا .. وماشي من حقو مايخلينيش نشوف بابا .. و هو السباب فالعذاب دماما دابا ..

محمد : تهدني راكي غير معصبة و كتخربقي ..

عفراء: عارفة شنو كندير بغيتي تعاوني مرحبا مابغيتيش وصلني لعند ماما و خرج سوقي

محمد: خاصك توقفي بعدا على رجليك .. وراحنا فسويسرا وماماك فالمغرب .. وباش تمشي خاصك تمشي بالهوية تاع كطاليا

عفراء: عندي هوية وحدة اوخرى؟

محمد: اه .. هذا هو الحل الوحيد لي لقيت لك باش يداويوك الاطباء .. راكي عارفك كلشي عندهم بالوراق

عفراء: بغيت نشوف ماما و كلشي بغيتو يعرفني راني حية

محمد : مايمكنش .. غيدخلو البوليس و غتورطي راسك فشي حاجة كبيرة ..

عفراء: وشنو الحل

محمد : تبقاي عايشة بهاد الهوية تا وكان ترجعي للمغرب و تبراي و تعرفي راسك شنو ديري عاد ديك الساع الى بغيتي تعلني على حياتك

عفراء:شحال خاصني و نكون واجدة؟

محمد : الترويض غيدي ليك شهر باش تقضري توقفي .. هادي ايلاا كانت عندك الرغبة..لي انا متأكد انها عندك

عفراء: صافي واخا .. شكرا ليك بزاف .. عمرني نسا لك هاذ الوقفة لي واقف معايا .. ولكن علاش انت داير هادشي كامل معايا عندك شي فائدة؟

محمد : اه عندي .

عفراء: شنو هي ؟

محمد: مع الوقت غتعرفي .. رتاحيلك دابا الى خصاتك شي حاجة صوني على الخدامة من داك التيليفون

عفراء: صافي واخا

خرج سد الباب و خلاها مع افكارها و تساؤلاتها .. دوزات شهر تما و هي كتعالج تعالجات ففترة صغيرة لان كانت عندها الرغبة ديما و من غير حصص الترويض ديما كانت كتنوض تبقا تعافر تا كيلقاها محمد طايحة فالارض و كيولي يهزها يعاونها تمشا بين جوج حديدات متكية عليهم .. رجعات لحياتها للمغرب و لكن باقا مارجعات لشخصيتها الحقيقية.. اليوم اول خطوة عندها باش تبدا فالانتقام تاعها ..
فاقت قالصباح دوشات و لبسات حوايجها حيت كيتسناها محمد لتحت باش ينطالقو .. كانت دار كبيرة وزوينة مفرشة فراش عصري مكونة من جوج طبقات لفوق البيوت دالنعاس و لتحت كلسة رومية و كوزينة ..

نزلات لابسة سروال دالجلد لاصق ليها على لحمها مع قبية قصيرة فيها كتبة بالبيض .. سبادري و جامعة شعرها ديل حصان .. كان فالكوزينة كيصاوب قهوة .. هبطات كتمشا بشوية قربات حداه و همسات ليه

عفراء: صباح الخير

ضار شاف فيها حتى ضربو الضوء .. كانت فقمة الوسامة تاعها و من بكري وهي كتحمقو .. كان ديما كيتسناها تكبر باش تكون تاعو وواخا كان على بال بالعلاقة تاعها مع سفيان لكن ماكانش باغي يقرب تاوكان يتفارقو على خاطرهم كيفما كان الحال عمرهم يتزوجو

محمد : صباح النور .. كيصبحتي

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:35

عفراء:الحمد لله..اليوم غندوز عند سفيان

محمد:لاا ماشي دباا..باقي الحال

عفراء(قربات ليه و شافت فعينيه لي وتروه):غنمشي اليوم..مخاصنيش نتعطل..و منبعد غندوز نشوف ماما و ناخذ الحق ديالي من الشركة

محمد:ناصر مغيعطيهش ليك بسهولة..او مستحيل يعطيك

عفراء:عارفة..قبل غنمشي نبدل حوايجي..خاصني نلبس شي حاجة لي تبيني كلاص

محمد:وخاا غنتسناك

طلعاات لبيتهاا..لبسات كومبلي كامل كحل مع طالون فالاحمر..قادات شعرهاا..دارت ريحتهاا لي كانت كديرهاا.. و هزاات صاكها و هبطات لقات محمد كيتسناهاا..بقاا كيشوف فيها..عطاهاا الساروت دطموبيلتهاا الجديدة

محمد:ردي البال لراسك

عفراء (باستو فحنكو):متخافش

ركباات فطموبيلتها و تاجهاات للشخص لي دمر ليهاا حياتهاا..سفيان اليحياوي..وصلاات لشركتوو و لبسات نظاظرها باش ميعرفها تاواحد..بلااصت و دخلات بكل هيبتهاا..كلشي كيشوف فيها و كيقول شكون هادي..طلعات فلاسانسور و دازت على السكريتيرة لي كانت كتعيط ليهاا..حلاات الباب و دخلاات..لقات سفيان مع وحدة ݣالسة فوق المكتب ديالو..و دارت ضحكة جانبية مشاات ݣلسااو فالكرسي و دارت رجل على رجل بكل هدوء

سفيان:الالة الناس كدق قبل مدخل

عفراء(حيدات نظاظرهاا و هناا ݣاع لي فالمكتب تصدم): متبدلتيش على اخر مرة خليتك فيها

سفيان:ع..عف..عفرااءء كيفاش..

عفراء:كيفاش باقا عايشة و فين كنت هاد المدة كاملة..غتعرف الأجوبة دهدشي منبعد

سفيان(دوا مع البنت لي كانت معاه):خرجي و سدي الباب..

عفراء:باقي كضحك على البنات هههه بصح متبدلتيش

سفيان:انا معرفتش كيفاش باقا عايشة ولا شنو وقع..و لكن مغتبقايش تجي لعندي هناا..فهمتيي

عفراء:متخافش..اصلن مغتبقاش عايش بزااف باش تشوفني..و لكن غتصبر واحد المدة حيث غتولي تشوفني بزااف كنواعدك

تمات خارجة و تلاقاات مع اكرم داخل لي كان بدورو مصدوم

أكرم:و..واش هادي

سفيان:اه عفراء

أكرم: كيفاش ياك ماتت

سفيان:ماشي غير هادشي..انا كنعرفها كثر من اي واحد..مرجعاتش باش تحيي الرحم..رجعات باش تنتاقم

أكرم:متأكد..را باقا عندنا ديك الورقة الرابحة

سفيان خنزر فيه..اما عفراء حيدات نظاظررهاا و هبطات قدام كولشي باش يعرفوهاا را رجعاات..ركبات فطموبيلتها و خلاات الناس كاملين كيدويو عليهاا..و مشات اتجاه الڤيلاا ديال واليديهاا..الطريق كاملة كتفكر كيفاش كتكون ردة الفعل دالام ديالها لا هي لا ناصر..وصلاات و نزلات..مخلاوهااش الݣارد دخل حيث معرفوهااش..حيدات نظاظرهاا وقفو غير مصدومين..و دخلاات..وصلاات دقات فالباب حلات ليها الخدامة لي تاهي تصدمات..دخلاات الخدامة كتجري معرفات متقوليهم..تا كتبانليهم داخلة بخطوات تابثة و واثقة من نفسهاا..و وقفات

عفراء:ماما

جيداء:عفراااااااءء

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:36

جيداء:بنتيي

مشاات تلااحت علييهاا و عنقاتهاا و تا عفراء بدورهاا عنقاتها..اما ناصر و عصام فكانوا غير مصدومين..سالاو من التعناق و نقز عصام كيدوي

عصام:ختي ياك كنتي ميتة..كيفااش

عفراء:تال منبعد و نشرح ليكم

ناصر:علااش كعما مسالية ليناا عندك أشغال اهم مناا

عفراء:شكرا على الاستقبال ديالك اخويا العزيز..و لكن مجيتش باشنضارب معاك..جيت باش ناخد حقي من الشركة حيث عندي فيها الحق كثر منكم بجوج

ناصر:اوووه بشوية بشوية ست سنين و نتي ميتة و جيتي دبا واقفة حية قدامنا كتقولي نتي ختنا و باغا حقك من الشركة

عفراء:اه كنت ميتة لمدة ست سنين مكذبتش فهادشي حيث كنت فغيبوبة

ناصر:و كطلبي منا نتيقوك..و شكون هاديك لي دفناها و شكون هاديك لي نتاحرات

عفراء:اه اما نتاحرت و تقريبا را متت و لكن جا شخص عتقني و كنت فسويسرا كنداوا كنت فغيبوبة..و يالاه فقت غير هادي شي شهورة..كنت ناوية نجي قبل و لكن مكنتش كنقدر نتحرك و كنت فاقدة الذاكرة

ناصر:وخا انا مغنعطيك تا حاجة من الشركة و خاا تكوني عفراء حيث منسيتش دكشي لي درتي

عفراء:انا شنو درت هااا..انا شنو درت..انا معاقلة على تا حاجة على ديك الليلة معارفاش شنو وقع بيناتنا..و ايلا كانت وقعات مكانتش بخاطري تغتاصبت

جيداء:صافي براكة حبسوو هادشي لي كديرو..انا بنتي يلاه رجعات من الموت و نتوما كضاربوو

عفراء: صافي اماما غير تهدني..غير كندويو

جيداء:ݣلسي ابنتي نوجد ليك دكشي لي كتبغي و بيتك باقي كيفماا خليتيه..كنت عارفة و حاسة بلي بنتي باقا عايشة

ناصر:الواليدة عفراء مغتبقاش هناا..قلتي شي واحد عتقك شكون

عفراء:باش كيهمك

ناصر:قولي شكون بلاما تعصبييني

عفراء:محمد

عصام:شكون محمد الكناني؟؟؟

عفراء:ياس

ناصر: باراكا من الكذوب يلاه كان معانا كون كنتي معاه كان غيقولها لينا

عفراء:تقدر تسولو فاش يرجع من خدمتو..دبا واش تقدرو تعطيوني الاسهم ديالي فالشركة

ناصر:سمعتيني شقلتليك مغاتخديهمش

عفراء:اوكي ماما انا عارفة بلي توحشتيني و تا انا توحشتك و لكن عندي بزااف دالحوايج خاصني نديرهم..خوياا تيليفوني القديم باقي عندك؟

ناصر(كيشوف فيهاا و يخنزر):شنو بغيتي بيه

عفراء:ايلا كان ديالي بغيتو عطيهليا

ناصر:تسناي هنا

طلع و عفراء بقاات كدوي مع ماماها و خوهاا و كتعاود ليهاا شنو وقع ليهاا..هبط ناصر و معاها تيليفونهاا

ناصر:هاهو و نتمنى متجيبيش العار لعائلتنا عاوتاني

عفراء(خنزرات فيه بحقد): غتندم على هادشي اناصر

خرجاات..تسالمات مع ماماهتدا و واعداتها غتعاود ترجع لعندها..و مشاات للدار ديالها لي كانت تحرقات لقاتها عاودت تصلحات و رجعاات حسن من اللول..

عفراء:السلام عمي كيداير لباس

الكونسيارج:عفراء بنتي..ياك نتي ميتة

عفراء:ها انا باقا عايشة معندكم مديرو..قوليا شكون عاود صلح الدار حيث لي عاقلة اخر مرة خليتها كانت محروقة

الكونسيارج:اه ابنتي النهار لي قالو بلي نتي منبعد ايام سي ناصر كان كيجي لهناا كول نهار و واحد المرة شفت. جاب المعلمين باش يصلحو الدار

ترسمات فوجهها ضحكة و لكن دغيا حيداتهاا..اه عزيز عليهاا خوهاا بزااف و تاهي عارفة بلي عزيزة عليه وخاا دارت بزااف دالحوايج خايبين الا انه كبريائهم بجوج كيمنعهم من الاعتراف..فهاد الاثناء صونا تيليفون عفراء القديم طلعات ليها نمرة سفيان..جاوبات و منعات للكونسيارج باش يمشي

عفراء: ميسحابليش غتوحشني دغياا اما كون بقيت معاك

سفيان:عفراء خاصني ندوي معااك ضروري

عفراء:دوي كنسمعك

سفيان:انا عارف بلي كضني بلي انا غتاصبتك و سيفطت دوك التصاور باش نهددك و لكن را هادشي كولو غلاط حنا نعسنا مع بعضياتناا بخاطرنا حيث كنا كنبغيو بعضياتناا..و التصاور انا ميسحابليش خوك غيشوفهم حيث نتي فاش سالينا خديتيلينا تصاور و قلتيليا نسيفطهمليك

عفراء(مصدومة و لكن وخاا هكاك ممتيقاش حيث عارفة مستحيل تنعس معاه وخاا معرفتش شنو يوقع):وخاا اجي عندي للدار لي حرقتها

#يتبعلعب بالقواعد: Playing by the rules

🖋️ Aya El Alami & Dounia El Messaoudi

الجزء:37

قطعات من عندو و طلبات الكونسيارج يعطيها السوارت دالدار مشات خداتهم من عندو و طلعات ليها كانت باقا كيفما خلاتها غير داكشي لي تحرق عاودو رمموه صافي.. دخلات لبيتها .. حطات السوارت فوق واحد الطبلة صغيرة .. كان بيت مفرش عادي .. حلات المريو تاعها لقات شي حوايج بدلات بيهم و مشات للصالون بقات كالسة شادا تيليفونها كضور فالتصاور لي بينها و بين محمد .. فاش كانو فسويسرا كان ديما كيخرجها .. بدات كتفكر شحال من حاجة ضارت بيناتهم

فلاش باك

محمد: ههههه شفتي كيفاش طلعو كيجريو

عفراء: هههههه اااهه وملي بغات نقز وهي طيح هههههه مايمكنش

سكت للحضة و بقا كيتأمل فيها بكل حب .. كانو عينيه كيقولو كلشي لكن فمو عاجز عن الكلمة .. خدا يدو و حيدها ليها خصلة من على وجها .. اما هي فجمعات الضحكة بشوية و حدرات عينيها .. ماعرفاتش مالو كل مرة كيبقا يشوف فيها بهاذ الطريقة

عفراء: محمد مالك ؟ كل مرة كتبقا تشوف فيا بنفس الطريقة ؟ عندك شي حاجة تقولها ليا ؟

محمد ؛ مكافينكش عيني؟

عفراء: مافهمتش ؟

محمد : نوضي يالاه الحال برد و خاصك تنعسي

عفراء( شداتو من يدو ) ؛ واش كتبغيني ؟

كي سمع هاذ الكلمة كيفحالا ضربو الضوء.. تلجم فمو وماعرف مايقول .. هو كيعرفها من وهي صغيرة لانو دخل تا هو شريك مع سي الهاشيمي الله يرحمو صغير جهد تلاتين حتا صبحات عندو الان ربعين عام .. كان ديما مراقبها عن بعد و كيشوف تحركاتها .. ملي كانت كتقرا فلافاك مكتعرف حد من غير صحبتها حتى وصلات للخدمة و دخلات تخدم معاهم فالشركة عاد ولا كيدور بيها سفيان .. كان عارفو كيستغل فيها و لكن كان عارفها كتبغيه و الى وقف بيناتهم غدي يخليها تكرهو دكشي علاش فضل يسكت و يخلي الامر للله..

محمد: بغيت نسولك

عفراء: هه علاش انت واش معارفش شي حاجة على حياتي ؟

محمد : اه عارف كلشي لكن بغيت نتاكد

عفراء: اوكي سول عادي

محمد : واش باقا كتبغي سفيان ؟

عفراء: هههه سمح ليا ؟؟

ضور وجهو وفهم لي فهمو .. عض على قنوفتو من اللتحت و سخط على راسو عرف انه تسرع وبزاف ..

محمد : صافي.. يالاه تنعسي ولا مافيكش ؟

عفراء: لا غير سير .. عفاك عطيني معاك كانيطة من التلاجة ..

مشا جابها ليها و قاد ليها غطاها على الكنابي و طلع كيضرب رجل مع رجل تمنا كون مادواش و بقا غا ساكت ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:38

من بعد هادشي كامل لي تفكراتو هي عارفاه كيميل ليها و هاذ الفترة لي بقات معاه تا هي بدات كتميل ليه و تفتح ليه قلبها لكن مابغاتش تسرع وتكون بيناتهم شي حاجة حتى تفاريها مع سفيان بالضبط .. سمعات الصونيط فالباب .. طلات من ديك العين دالباب لقاتو سفيان داير يدو على الكيد وكيتسناها تحل .. قادات شعرها فالجنب و فتحات الباب

عفراء:مرحبا زيد دخل

سفيان:(طلعها و هبطها كانت لابسا بيجامة جاياها على فصالتها عبار .. جمع ريقو ):شكرا ..

عفراء: فاش بغيتي دوي معايا ؟

سفيان ( سد الباب و شدها من يدها ) : حبيبة سمعيني راكي فاهماني غلاط..

عفراء: واخا حيد يدك ودوي بفمك

سفيان : واخا لي رتاحيتي فيه .. اجي نكلسو و ندويو بالعقل

عفراء: دخل

دخلاتو للسيجور لي حدا الباب .. كلس و هي حداه من السداري لاخر ..

عفراء: تشرب شي حاجة حيت كلامنا طويل شويا

سفيان : واخا .. جيبي ليا قهوة الى كان ممكن ..

عفراء: كي العادة؟

سفيان ( بتاسم ) واه

مشات للكوزينة جبدات القطارة دالقهوة دارت فيها الماء و القهوة و حطاتها طبخ .. مشات كتسلت لبيتها حيت مبينش البيت جاي مور الكوزينة .. حلات صاكها و جبدات منو دواها لي كيخليها تنعس ملي كتعصب .. ردات الصاك لبلاصتو و مشات للكوزينة لقات القهوة بدات كطبخ .. خدات فناجن صغار و خدات كاس كبير دالماء و حطات فنيدة من داك الدوا فوق البوطاجي و بدات كتفرتت فيها بشوية باش مديرش الصوت .. كيكملاتها دارتها فالكاس و زادتو وحدة اوخرى علاما كانت القهوة طبخات و طلعات .. كبات ليه القهوة و حركات ليه الدوا .. خدات بلاطو صغير و دارت فيه الفناجين مع طبيسلاتهم فالجنب و مدات من البلاكار تقيوتات حلوين لقاتهم تما .. هزات داك البلاطو و دارت فحالا مكيناتا حاجة . ضورات ليه البلاطو جيهة الفنجان لي فيه الدوا باش يعزل لي قريب ليه .. خداه و شكرها و تا هي خدات فنجانها و رجعات لبلاصتها كتحرك فالسكر

عفراء: دوي هاني كنسمعك

سفيان ( جغم منها ) مم الله يعطيك الصحة ميسحابليش كتصرعيها

عفراء: بصحتك ..

سفيان ( حط فنجانو ) مهم .. بغيت نقوليك كيف قلتليك فالتيلفون راكي فاهمة كلشي غلاط .. انا صيفت ليك التصاور فنمرتك انت و خوك هز تيليفون بالغلاط هادشي مكيعنيش اني درت لك شي حاجة .. و بخصوص ديك الليلة ماعرفتش شنو طرا لك حتى دختي يمكن تأثرتي ملي عرفتي بلي كلشي عرفنا على علاقة و هبط لك الطونسيو

عفراء: طاح لي طونسيو واش معناتها تمحات ليا الداكرة

سفيان : مانكدبش عليك و الله .. وانت ناعسة ماقدرتش نقاومك .. كنتي كتجدبي لاقصى درجة .. نعست حداك اه بصح و لكن و الله ماقربت ليك .. خديت تصاور تذكارية وصافي .. كون كنت مامزيانش كون راني خديت لك شرفك فديك الليلة

عفراء: كفاش ؟ دابا انا باقا بنت ؟

سفيان ( شد ليها فيدها ) اه احبيبة واش لي كيبغي شي واحد غادي يقضي عليه .. ( دوز بيدو على شعرها ) كنبغيك الهبيلة ديريها فبالك

عفراء: واخا .. و التصويرة لي كيبان فيها شي واحد فحالا ..

سفيان ي: فحالا شنو ؟؟

عفراء: واخا بلاتي .. خدات تيلبفونها القديم و وراتو التصويرة و هي كترعد مابغاتوش يولي يشوفها فداك المنظر لكن التعبير خانها و بانت ليها هادي هي الطريقة الوحيدة
شاف التصويرة او بالاحرى بقى كيشوف غير فالجسم تاعها .. جذبو بزاف حتى *يم عليها .. و هادشي ظاهر من السروال تاعو جيهة حجرو .. شافت جيهة حجرو ولات شافت فيه

عفراء: ارا داك التلفون لهنا و انت على سبة

سفيان : شنو ندير احبيبة راني مكنقدرش عليك .. دابا سمحتي ليا و لا كتمحني فينا هاكاك

عفراء: شكون نتوما؟

سفيان : انا و ياه ( اشار لحجرو )

عفراء: شرب قهوتك دابا و يكون خير

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:39

كمل من شريب قهوتو.. بدات كتشدوو الدوخة..و عفراء بقات كضارب تا وصلاتو لبيتهاا..عراتوو كامل و بداات كتاخد ليه تصاور كيف دارليهاا..سالات و مشاات خباات دوك التصاور فالكلي ديالها.. بقاات كتسناه تا ظلام الحال عاد فاق

سفيان:شنو وقع

عفراء:عييتي و جبتك لبيتي ترتاح

سفيان:اه معرفتش..اجي حدايا

عفراء:وخاا

مشات ݣلسات حداه..و هو خاصو غير يستاغل الفرصة بداا كيقرب ليهااا..و هي مخلياه حيث لحد الان كولشي غادي فصالحهاا

عفراء:ماشي دباا..طاح الليل خاصك ترجع للدار و حتاا اناا

سفيان:وخاا احياتي لي بغيتي

وصلااتو الباب و دخلاات ݣلسات كتقاد فدوك التصاور..تا صوناا شي واحد فالباب..سدات البيسي دغيا و ناضت حلاات الباب

عفراء:محمد؟؟

محمد(دخل معصب):اه محمد..

عفراء:علااش معصب..دخل ݣلس

محمد:انا درت اي حاجة بغيتيهاا..و خاطرت بحياتي على قبلك..او درت بزااف دالحوايج ماشي باش ترجعي تنعسي مع داك الكلبب

ماحس بالتصرفيقة منين جاتوو..بقاا كيشوف غير مصدوم

عفراء:شكرا حيث درتي هادشي كامل على قبلي و لكن ماشي انا لي قلتليك عتقني و انا مانعست مع تاواحد هاديك كانت غير خطة..انا ماشي حمقة باش نرجع معاه

محمد:بفف..مقصدتش ديك الهضرة لي قلت..راني وجدت ليك شركة ديالك مجهولة الاسم و غيكون عندك اجتماع معاهم نهار التنين الجاي

عفراء:شكرا ليك بزااف على هادشي لي كدير

محمد:نسيت واحد الحاجة..خووك عندو النص فشركة اليحياوي

عفراء:كيفاش عمر سفيان مكان غيبيع ليه الاسهم ديالو

محمد:ماشي هو ختوو..فاش كنتي باقا فغيبوبة خوك كان بغاا ينتاقم من سفيان..و كان غيدير لختو نفس دكشي لي كان دارليك سفيان..و لكن وقعوو بزااف دالحوايج و ختوو كتبات الاسهم ديالهاا لخوك

عفراء:اوووه هههه هادشي كامل دارو خوياا على قبليي..ماشي مشكل غيولي يشوف ختوو بزااف

محمد:شنو كان بغاا داك سفيان

عفراء:والو غير بغاا يبرر علااش كان دار دكشي

محمد:اممم و ايلا قنعك غترجعي معاه؟؟

عفراء(غير كتشوف فيه):لاا را باينة امحمد..علااش مكتحملش سفيان

محمد:دكشي لي دار ليك و لعائلتك مكافيكش

عفراء(كتقرب ليه):لاا نتاا كتكرهوو بحالا خدا ليك شي واحد عزيز علييك

محمد غير ساكت مقدر يقول والو..حيث بصح خدا ليه اعز انسان عندو..بقاا ساكت و كيشوف فعينيهاا و سارح فيهم و تاهي غير كتشوف فيه و كتشوف فنظراتو لي وتروهاا

عفراء:ا..حم غتبات اليوم هناا؟؟

محمد(رجع الوعي ديالو):كتجري علياا ههه

عفراء:ههه لا حاشى غير بغيت نعرف باش نوجد ليك بلاصتك

محمد:لاا غير خليك غنمشي

عفراء (بدون متفكر):لااا بقاا معايا

محمد(مصدوم): وخاا لي بغيتي

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:40

فبلاصة أخرى

ناصر: ݣاع دكشي لي كنت كندير و كنقول غنتاقم صدق مكاين لاش هههه طلعات ختي حية

ميساء:مكاين لاش تلوم راسك نتاا بغيتي تحقق العدالة بيديك..و خاصك تحمد الله حيث ختك عايشة دباا

ناصر:اييه خاصني نحمد الله واقيلة دباا صافي مكاين لاش نكمل فالانتقام ديالي

ميساء:لاا غتكمل متنساش راك واعدتني و زايدون عندنا شريك جديد فالشركة

ناصر:شكون؟؟

ميساء:معرفتش مجهول خاصك تكون فداك الاجتماع

ناصر:هوووف وخاا..و غنبقاو ندويو غير على ختي و على الشركة

ميساء:اممم علااش بغيتيناا ندويو اخر

ناصر:مثلاا قداش كتبغيني

ميساء:كثر مكيتصور عقلكك

#فلااش_باك

ناصر:هاد الوقت كامل لي دوزناا كنخططو فيه كتاشفت بلي كنحس بشي حاجة من جيهتك

ميساء:منقدروش اناصر منقدروش

ناصر:علااش ايلا كنتي كتبغيني علااش منقدروش

ميساء:وخاا نكون كنبغيك متايقاش فيك حيث اخر مرة تقت فيك كنتي غديريليا كيف دار خوياا لختك

ناصر:متيقيش فياا دباا مع الوقت غتولي تيقي و لكن عطي لعلاقتناا فرصة

ميساء:صافي وخاا و لكن كنواعدك ايلاا درتي لياا شي حاجة غنرجع و غنقتلك بيدياا

ناصر:هههه وخاا القتالة ديالي

#نهاية_الفلاش_باك

عند عفراء و محمد

متكيين حداا بعضياتهمم و كيشوفوو فالسقف..كل واحد كيتسناا لاخور يكسر داك الصمت تا نطقوو بجوج دقة وحدة

عفراء & محمد: بغيت نقوليك شي هضرة

محمد:ههه غير قولي نتي

عفراء:لاا بداا نتاا ماشي مشكل

محمد:عفراء غنقوليك شي هضرة تقدر تعجبك تقدر متعحبكش و لكن كنتمنى ايلا معجباتكش هاد الهضرة متاخديش مني موقف

عفراء:غير قول

محمد:ملي كنتي صغيرة كنت ديماا معجب بيك..علااش نكذب شخصيتك كانت معندهاش مثيل..كنت دايمان كنشوفيك فيك شي حاجات مكيشوفوهااش فيك بزااف دالناس..تا كبرتي و وليتي ناضجة و زاد اعجابي لييك..فاش عرفت بلي نتي على علاقة مع سفيان معجبنيش الحال كنت ناوي ندير اي حاجة باش نفارقكم..و لكن فاش شفت بلي كنتي فرحانة معاه مقدرتش نفسد ليك فرحتك و مشيت سافرت و خليتك..لي بغيت نقول من هادشي كامل انني كنبغيك ملي كنتي صغيرة و باقي لدابا كنبغيك

عفراء(كانت مصدومة و لكن ماشي حيث كيبغيهاا حيث كانت ديجاا عارفة او حاسة كانت مصدومة من الهضرة لي قال): ا..معرفت منقول..و هاد السنوات علماتني منبقا نتيق فتا شي ولد المرة..و لكن واش نتاا مستاعد تبغي وحدة لي فقدات شرفهاا مع واحد اخر

محمد:اه مستعد ايلاا كنت كنبغيهاا

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:41

حسات باحساس جديد تملكها وقوي بزاف.. كتقول مع راسها يمكن صافي الشخص المناسب لقيتو ز.. واش باقي شي واحد مكيتسوقش للشرف واش باقي شي واحد كيبغي القلب وماشي الجسد .. واش باقي شي واحد كيسمع للشخص لاخر و ماشي للاخرين .. كانو افكار بزاف راودوها لكن اعترافو ليها خلاها تعمر الفراغات .. ماعرفاتش كيفاش تعبر على الفرحة ديالها ليه .. فقط ناضت عنقاتو بحر جدها اما هو فبقا موقف يديه ماعرف شنو تسلط عليه .. بقات شاداه وكارزة عليه .. حتى تيقات بلي هاذشي راها حقيقة .. عاد طلقات منو و رجعات براسها شويا اللور

عفراء: واش بصح كدوي ؟

محمد : عمرني كدبت عليك ؟

عفراء( ومت ليه راصها بمعنى لا و بتاسمات تا تغرغرو عينيها ) لا

محمد : اوو لا .. مقلتش ليك هاذ الهضرة باش تبكي .. ( شدها عنقها و هي تبدا تبكي كثر من الاول ) و صاافي و انت كديري فحال شي دري صغير من صغرك و انت بكايا

عفراء: ههه..لا مابكاياش ولكن بصح فرحتيني بهضرتك ..

محمد : انا مستاعد نفرحك فكلشي المهم تكوني ديالي و تا انت تبغيني .. عارف صعيب تنسايه ولكن نحاولو و انا غنعاونك

عفراء: واش منيتك ( عوجات فمها) انا نسييتو زماان .. ملي دار ليا ديك الشوهة .. اما انت راك فقلبي من زمان ولكن عمرني قلت مع راسي كنبغيك .. كنتي عزيز عليا ايه بصح ولكن محتارماك

محمد: اييه عارف كلشي .. مهم انت دابا معايا و انا مستاعد ندير اي حاجة على قبلك باش نرضيك .. و تكوني ديالي

عفراء: ههه اوا اسيدي عتابرني ديالك من دابا صافي ..

خدا راسها و باسو من جبهة .. كانت اول مرة تحس براسها بصح فامان و كلشي ديالها و ماناقصها والو ..

عفراء: محمد ..

محمد : وي يا حياة محمد

عفراء: علاقتنا مغتخليكش تمنعني من الانتقام ديالي

محمد : ولكن فحدود..

عفراء: ماعرفتش هادشي لي درت واش غيعجبك ولا لا ..

محد : قولي شنو درتي ؟

عفراء: صورتو عريان

محمد ( ناض وقف من بلاصتو مخرج عينه) شنوووو.. عاودي شقلتيي

عفراء: ماتغوتش عليا .. دوي بشوية و زيدون مكان بيناتنا والو و لي عطا الله عطاه دابا

محمد : دابا .. والا واش باغا تسطيني و لا شنو ( ضرب بيدو فالباب ) ياك انا اصلا قتلك بعدي منو و ديكاشي لي فبالك من ديك الطريق نسااايه و دقتك انا نردها لك

عفراء: دقتي بغيت نردها راسي و زيدون من حقي نرد ليه الدقة بالمثل ..

محمد : عرفتي شنو .. ملي تخوي راسك من هاذ التخربيق عيطي ليا

هز تجاكيتو و خرج مغلغل كيقلب غير معامن كيسحابليه كتسمع هضرتو ساعة والو خلاها واقفة فالباب كضور فعينها فتالي هزات وكتافها و مشات لبيتها تنعس ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :42

كان اول يوم غيتلاقا فيه كلشي من مور الكارثة لي طرات هادي ست سنين .. فاقت كلها حيوية و نشاط و قوة .. من جيها انها غطلاقا مع الشخص لي كيبغيها و تحاول تصالحو و توري للناس كاملين بلي الى هوما تخلاو عليها كاين لي باغيها و من جهة اخرى تشوه سفيان و ترد ليه الثاني مثني .. لبسات سويت فالاصفر كانت ديجا دوموندات عليه جابوه ليها تال الدار .. مع طالون طخونسباغون.. دارت ميكاب خفيف و ديال الخدمة فنفس الوقت .. هزات بوشيطا دارت فيها الكلي و تيليفونها و هزات سوارت دالدار و طوموبيل و خرجات ..

عند ميساء كانت لابسة كونبين طويلة فالاسود مع اكسيسوار فالدوغي فيديها و حلقات من نفس الموديل .. بحكم انها ولات كتجي عندو بزااف و كتبات فدارو اضطرات تمشي تنوضو باش يلبس تا هو حوايجو .. دقات عليه و دفعات الباب بشواايا لقاتو لايح كل رجل فجيهة و مضور بيه المخاد

قربات ليه بالشوية و همسات

ميساء: نااصر .. و نااصر

ناصر : ممم .. شنو كين

ميساء: نووض راه التسعود هادي .. مغتمشيش للاجتماع

ناصر : اممم .. ( ضار على ضهرو كيتكسل و يجبد فيديه .. العوينات مجبدين بالنعاس فحال شي بيبي صغيور.. ) و فين هي صباح الخير

ميساء: صباح الخيير و النور و الورد يا احسن واحد فهاذ الدنيا .. يا الله وانوض

ناصر : و تي ااجي لهنا ( جرها لعندو و تكاها على صدرو لي كان سخون بالنعاس )

ميساء: لااا حرام عليييك شوف كي خربقتي ليا شعري ..

ناصر : وماشي من حقي نكلس مع الحبيبة ديالي

ميساء: هه و صافي نوض باراكا من البسالة

ناصر : خليلي الحشمة .. ( جرها و باسها من حنكها تا طيرو ) صوبي ليا قهوة الله يرضي عليك

ميساء : اييي طيرتي ليا حنكي تا مالك مكتعرفش تبوس

ناصر : وريني الالة كيفاش نبوس

ميساء(تحنات عليه و باستو بشوية خلات انفاسها تهرو الشيء لي جنو و جرها ثاني بنفس الطريقة و ورك ليها على حنكها) اااييي و الله تا نوريك ( شيرات عليه بمخدة و رجعات هربانة)

ناصر : ( لاح عليها وحدة اوخرى ) و الله و مامشيتي فحالك تا نوض ندوش لك بحوايجك

ميساء: وسير شوف لي تصاوب ليك قهوة ..

ناصر : اوا صافي انمشي نجيب شي وحدة هي تصاوبها ليا نيت و خاص لي دير ليا مساج ..

ميساء( حيدات طالونها و شيرات عليه بيه للراس فلقاتو ) و سير تشوف لي تقبل عليك دابا

ناصر : اي واش حماقيتي.. باغا تقتليني

ميساء: اه موت و ماديكش غيري .. عندك عشرين دقيقة تلبس فيها و تعوم و لا غنمشي و نسد عليك

ناصر : ايه اوكي و الى مامشيتش انا لاش غادا انت .. غتكتبي دكشي لشي واحد اخر

ميساء: غنكتبو لكاتي( المشة ديالهاا)

ناصر : نشدك انت و كاتي ناكلكم

ميساء: هههههه اوكي اوكي .. و يا الله احبيبي الله يرضي عليك راه تعطلنا

ناصر : اسيري لمك تا فلقتيني تجي تقربي حدايا نعميك ( رد ليها طلونها) جرييي

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :43

وجدوو راسهم و خرجوو.. مشااو للشركة..تلاقاو مع سفياان لي غير كيخنزر فيهم..دخلوو لقاعة الاجتماع سفيان و ميساء و ناصر و معاهم اشخاص اخرين و ݣلسوو كيتسنااو فشريكهم الجديد لي معارفينش شكون هو..فهاد الوقت لي كتسناو شي كيخنزر فشي و الناس لآخرين غير كيشوفوو حيث عارفينهم اعداء..خايفين لاا توقع شي حاجة و ينوضوهاا.. تا نطق ناصر

ناصر:ايوا معرفتوش شكون هاد الشريك المجهول

سفيان:غيكون بحالك شي واحد كيتطفل على لآخرين

ميساء:مطفلش انا لي عطيتو الاسهم ديالي

سفيان:هبيلة.. شنو بغيتيني نقوليك

بقاو كيتعاقروو تا كيشوفو الباب تحل و دخل فالاول محمد لي كان باقي معصب من عفراء و لكن مقدرش يخليهاا بوحدهاا فاش شافوه و تصدموو و من وراه دخلاات عفراء لي فاش شافوهاا تصدموو كثر..اما الناس لآخرين معرفوش فاش يتصدموو واش يتصدموو حيث عرفوهاا بلي عايشة ولا على هي الشريكة ديالهم..ݣلساات فكرسي مقابل مع ديال سفيان و دارت رجل فوق رجل و دواات

عفراء:صباح الخير عليكم

ناصر،:عفرااء؟؟ شكاديري هنااا

عفراء:عندنا اجتماع واقيلة..مكنتش نجي؟

سفيان:انا فاش سينيت على الوراق ديال ان شي شخص غيدخل شريك معايا فحصصي مكنتش عارف بلي نتي هو هذاك و ميمكنش تكوني!!

عفراء:هذاك هو المعنى دشريك مجهول اولا لا.. كون قلتليكم من اللول شكون انا مكانتش غتبقاا سوربراايز..نقدرو نبداو دبا و نخليو هاد الصدمة منبعد

ميساء:اه عندك الحق يلااه نبدااو

سفيان:نبداو و لكن لا كنتي نتي هي الشريكة..لي حداك شنو كيدير

عفراء:اااه هو الناطق بسميتي

سفيان:المهم الشركة غادا فتدهور و غيخصناا واحد المبلغ كبير والا غنديرو فاييت

ميساء:كان علييك تفكر فهادشي قبل متخسر الفلوس فالتخربيق

سفيان:ماشي وقت ديك الهضرة دبااا..ديك الهضرة دالعائلة

ميساء:مكانتش هاماك العائلة فاش كنتي كتخسر فيهم

عفراء:شحال المبلغ

كولشي دار كيشوف فيهاا

سفيان:600 مليون

ناصر:واااات

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :44

عفراء:وخاا انا غنخلصهاا

كولشي دار كيشوف فيهاا عاوتاني مصدوم و لكن هاد المرة تا من محمد كان مصدوم

ناصر: منين ناوية تجيبي هاد الفلوس بالسلامة

عفراء:قلت عنخلصهاا و لكن مقلتش بدون شروط

سفيان:وخاا شنو هما

عفراء:غتعطيني 25٪ من حصصك

سفيان:و لكن را غتبقالي انا غير 10٪

عفراء:انا قلت شروطي..و را غنحط 600 مليون يعني را مبلغ كبير و انا منقدرش نغامر بفلوسي غير هكاك

سفيان: صافي وخاا

ميساء:واش حماقيتي را ديك الساعة هي غتكون عندها اكبر حصة فالشركة و حناا ماليهاا فالاصل..

سفيان:ايلا مخلصناش الديون لي عليناا ديك الساعة مغتبقاا لا شركة والو

عفراء:متخافيش را حناا تقريباا عائلة

سالا الاجتماع و ناضو خارجين كاملين واحد تابع واحد..اما محمد فغير خرجوو من الشركة جر عفراء من يديهاا

عفراء:ااي راك وعتيني

محمد:واش عارفة راسك شكديري و لا غير كتخربقي

عفراء:علااش شنو درت

محمد:ماشي هناا غندويو ركبي فطموبيلتي

ركبوو فالطموبيل بقااو غادين تا وصلوو لدار محمد..نزلو و تموو داخلين

محمد:معندكشش 600 مليون اعفراء معندكش..الشركة لي درت ليك مجامعاش تا النص فهاد الفلوس.. ووخا يكونو الفلوس متقدريش تيقي فيهم

عفراء:هفف متخافش عارفة شكندير و ماشي مهمين الفلوس غنلقاهم اناا

محمد:منين

عفراء:عندي خطةة..و صافي دباا نساا علياا الشركةة..بغيت ندويو على البارح

محمد:شنوو بغيتيني نقوليك وخاا نعياا منصحك مغتسمعيش لياا حيث نتي كديري لي بغيتي و مكتسمعي لحد

عفراء:وا صافي را موقع والو كنت نومتوو هو معاقل على والو و معارفش اصلن بلي صورتوو

محمد:وخاا هكاك كون عرفك شكنتي غاديري و دارليك شي حاجة

عفراء(لواات يديهاا على عنقوو):مممم كتخااف علياا

محمد:مكتخليش بنادم تيخاصم علييك

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :45

عفراء : اممم .. ايوا علاش غتخاصم عليا ( عوجات عنقها) شنو درت ليك ..

محمد ( جرها من خصرها ولاسقها معاه ) : لا مادرتي والو غير كتفقصي فيا عرق بعرق

عفراء: ويلي ياكما طرات للحبيب ديالي شي حاجة

محمد : الى ماطرا لك والو راه ماعندي تا انا والو ( دوز على حنكها) غا هو نقصي من هاذ النعرة لي فيك .. راكي كتجبديني و مغتقديش عليا

عفراء: امم ماتقديش عليا .. وائل كفوري انت

محمد : راجل مك انا

عفراء( ضرباتو لكرشو ) فوت علك مي

محمد : وافوتيني تا انت

عفراء: واخا انا غنفوتك .. ( قربات حداه و هي تولي ترجع مبعدة وجها ) اوفف فيك شي ريحة .. مغسلتيش فالصباح

محمد( طلق منها و شم راسو) لا .. مافيا والو.. تسطيتي

عفراء: اكيد مغتشمهاش و هي خارجة منك .. سيير سيير حيد من حدايا الدوش يا الله الدوش سربي خلاص

محمد: واخا هاني غادي

مشا مسكين كيشم فراسو و يتعجب .. دوش غا فالصباح عاد خرج منين غتجيه هاذ الريحة .. اما هي بقات اللور كضحك عليه فصمت

عفراء( بالشوية) : اححح على ديك الريحة لي فيك ولكن سير ضربها بتدويشة باش تغريني

بقات كتسنا فيه تما تا دوش و كمل و مشات عطاتو الفوطة من الباب

عفراء:اجي قرب نشوف واش باقا فك

محمد : راني عريان سيري تا نخرج

عفراء: هاك الفوطة و خليني نشم .. و لا عارفها باقا .. صافي صافي خليك

محمد: هوفف طلقي ديك الفوطة

خداها من عندها لواها على نصو و حل الباب لقاها واقفة مصمرة فالباب مكتشوفش فوجهو ولكن حاضية فالقطرات دالما لي هابطين مع صدرو ..

محمد: هييه مالك ؟

عفراء: هوما ..

محد: شناهوما؟

عفراء( حطات صبعا على دوك القطرات و بقات كتهبط معاهو و تولي ترجع لوخرين ) هادو ..

محمد: و مالهم ؟

عفراء( وعات براسها و رجعات لور) هوما لي دايرين الريحة

محمد: راه غنشدك نسلخك .. سيري تلعبي لالقيتي فين تلعبي

عفراء( رجعات لور تكات على الحيط و ربعات يديها) واخا دوز .

داز من حداها و هي بقات متبعة ليه العين تا داز ..

عفراء: اححح احبي على طرمة عندك

مفهمش شنو قالت واش دوات معاه ولا معامن ولكن بوحدو لي كين تما .. مع قالتها هربات و هو بقا تابعها

محمد : لا اجي .. اجي لاكنتي مرا نوريك طرمتي شحال زوينة اجي

عفراء: غتمتعني ياك

محمد : وا اجي نوريك كيفاش

عفراء: انا قابلة بيك و بطرمتك احبي الى طابت تاعي ضور انت

#يتبعلعب بالقواعد: Playing by the rules

🖋️ Aya El Alami & Dounia El Messaoudi

الجزء :46

محمد: دابا سيري مغندويش ولكن تاتجي بين يدي

عفراء: واخا احبيبة تهلا ليا فطرمتك

مشا معصب لبيتو كيلبس حوايجو و هي مور الباب كتسلت دخلات لقاتو يالاه لبس البوكسر و كيطلع فالشورط .. يالاه غتمشي عندو و هو يغفلها وسد الباب ..

محمد : مال مك دابا هااا ؟؟ فرعنتي

عفراء: حل الباب .. اكنت كنضحك معاك و الله

محمد : كلسي للارض

عفراء: و الله الى غا ضاحكة ..

محمد : قلت لمك كلسي و سكتي

مشات تركنات فالقنت دالنموسية و ضورات و جها خلاتو يلبس حوايجو .. بقات كضور فراسها على الله طيح عليها شي فكرة باش تخرج

عفراء: بغيت نمشي للطواليط فيا بيبي

محمد: را قرعة بولي فيها

عفراء: شنوووو حماقيتي لا

محمد : اه ..

مشا شعل التلفازة كونيكطاها مع تيليفون و شعل الكليما..

محمد : تاكلي شي حاجة ؟

عفراء: لا .. بغيت نخرج

محمد :اوكي .. شعل تيليفونو و دار فيلم .. في قمة الاباحة ديالو و خلا الصوت بالكاد مسموع

عفراء: حماقيتي .. اويلي .. شنو هذشي

محمد : مال مك فيلم.. ماباغاش تفرجي كلسي و سكتي

عفراء: يا الله حيد هادشي عفاك

محمد: لا ..

عفراء: عفاااك .. اوفففف راه حشووومة

محمد: ماحشوماش تحضي ليا طرمتي..

عفراء: ضبر راسك ..

مشات خرجات للبالكون بقات تما كالسة و البرد عليها العشية كاملا .. تا طاح الليل و داتها عينيها .. ناض من بلاصتو كيقلب عليها .. بانت ليه مخشية فالقنت دالبالكون و مكمشة كي الفارة كتقفقف بالبرد ..

محمد : غا تكليطي

مشا هزها بين يديه و حيد ليها داك السويت لي لابسة .. بقات غير بليسوتيان و سليب .. لبسها شورط ديالو و خشاها فالفراش .. غطاها و نقص من الكليمة شوية ..
بقا كيشوف فيها كيفاش تبدلات .. فاش كانت صغيرة كانت كتحمقو الشوفة فيها و كيكعا فاش مكتجيش للشركة مع باها .. اما دابا ولات كتسالي معاه و خصوصا بالخفة و النشاط لي فيها ..حط يدو على شعرها و بقا كيدوز بيدو و كيتفكر الايام لي دوزو مع بعضياتهم .. خلاها ترتاح و شعل التلفازة ثاني خلا الفيلم بادي و هو كيشوف فيها تا فاقت لقات راصها وسط صدرو و وجها فوق صدرو ما فهمات والو .. دفعاتو و ناضت طلات على راسها بان ليها راسها عريانة

عفراء: اويليييييي ..

محمد : سكتي الله يعطيك اللقوة واش فمك دوا فيه شي فلوس ..

عفراء: عريتيني ياك هءهءهءهءهءه

محمد: بدلت لك حوايجك باش تنعسي مرتاحة .. شكون كان كيبدل ليك حوايجك فسويسرا همم دابا عاد وليت براني ووليتي كتحشمي

عفراء: كنت فغيبوبة ماعاقلاش

محمد : ياودي غا نعسي وسكتينا راني شايف كلشي

طرطقها بالحشمة غرقات فحوايجها .. رجعات لبلاصتها تكات و غطات و جهها تا بدات كتسمع فشي اصوات .. هبطات شويا الغطا على وجهها و بان ليها دكشي خدام فتلفازة ..ردات الغطا بالزربة

محمد : تفرجي معايا

عفراء: ماعيتييييش اويلي طيبتي راسك

هزها من جنابها و حطها فوق منو و هي كتركل فوق منو

عفراء: طلق طلق اويلي

محمد : غنتي لي كطيبيه

عفراء: الله يعطيك المسخ وقف هادشي بعدا

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :47

عند ناصر و ميساء

ميساء:شنو كتحاول دير ختك

ناصر :معرفتش معرفتش

ميساء:واش عارف شنو غيوقع كيبان بلي ختك عزيز عليهاا اللعب

ناصر(ضحك):ههه اه نتي را متلاقيتيش معاهااا شحال هادي..و لكن را معارفش شنو باغا دير

ميساء:را ختك هاديك سولهاا

ناصر:منقدرش

ميساء:كيفااش

ناصر:منقدرش حيث جريت عليهاا من الدار و مغتݣلسش تعاود لياا مخططاتهاا

ميساء:ايوا هذاا الوقت فاش تصالحوو و تعرفهاا شباغا دير

ناصر:غنحاول احياتي

بقااو كيهضروو مع بعضياتهم..و يخططو شنو يديرو فاش يسالي هادشي..و سفيان من جيهة أخرى بقاا بارك فالمكتب ديالوو كيفكر فدكشي لي كانت كتقول عفراء و كيفكر فدكشي لي غيخسر فاش قبل الصفقة تا دخل عليه أكرم

أكرم:تا مالك اصاحبي سارح

سفيان: والو غير كنفكر

أكرم:شنو وقع فالاجتماع سمعت شي هضرة بين الموضفين و لكن متيقتش

سفيان:غير تيق عفراء هي الشريكة المجهولة و قريباا غتولي هي الرئيسة حيث غتولي عندها اكبر حصة

أكرم:بلااتي كيفااش شنوو وقع

سفيان:باقي عاقل على الفلوس لي كناا تسلفناا من الشركة و مرجعناهمش و ولاو ديون

أكرم:اه مالهم

سفيان:واش عارف شحال كانو علينا

أكرم:معقلتش واقيلة 100 مليون

سفيان:600 مليون

أكرم:كنت عارف بلي عندنا مبلغ كبير مي ماشي تال هاد الدرجة و دباا شنو غنديرو

سفيان:ايلا مخلصناش الشركة غطيح و غنكلسو على الضس و هاد الاجتماع لي درنا كان على هادشي و قالت عفراء هي غتخلص هاد المبلغ

أكرم:ههه كتفلاا ياك را هي براسهاا ميكونش عندها هاد المبلغ

سفيان:قالت بلي غتخلص

اكرم:اييه و زعماا بدون شروط

سفيان:بشرط واحد..غنعطيهاا 20٪ من حصتي

أكرم:واش حماقيتي قوليا بلي مقبلتيش

سفيان:قبلت ولي عطا الله عطاه

أكرم:لا نتا خرج ليك العقل صافي..انا غنخرج دباا على الله يرجع ليك عقلك منبعد هادشي لي درتي

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :48

صبح صباح جديد على ابطالنا..صباح لي حامل بزااف دالحوايج و المشاكل لي فيوقعوو..عند ناصر و ميساء لي كل صباح كيخرجوو يفطروو براا و سفيان لي هاد الوقيتة باقي مكسل..اما عفراء فباقا ناعسة و مخشية فمحمد لي فايق و كيشوف فيهاا حيث منعساتش الليل كامل..بقاات ناعسة تا فيقهاا محمد

محمد:حيااتيي

عفراء:اممم

محمد:عمري

عفراء:اممم..خليني ناعسة شنو بغيتي كمل دكشي لي كنتي كتفرج فييه

محمد:وخا لي بغيتي

ناض بدا كيهر فيهاا تا ناضت شاعلة

عفراء:حشومة علييك و الله تاا حشومة

محمد:غتبكي

عفراء:لااا..صافي حيد من قدامي غاندخل ندوش

محمد:ااه تا انا لقيتيني غادي ندوش

عفراء:لاا تا ندوش انا

محمد:ندخلوو بجوج

عفراء:بعد مني غير دخل نتاا

محمد:ممم متأكدة

عفراء:اه غير سير انا غنمشي نوجد الفطور

دخل يدوش و هي مشات للكوزينة كتوجد دكشي لي كتعرف دير..دارت اوملييط..عصراات الليمون و حطاات الفرماج و الكاشير ..هزات دكشي كامل دارتو فوق الطبلة و طلعاات للبيت فين كانوو..حلاات الباب معرفات باش تبلاات كولهاا زناݣت ولات حمرة كيبان ليهاا محمد كامل عريان

عفراء:ناري ناري سمحلي سمحلي

محمد(قرب تال عندهاا):ممم تا تحشمي

عفراء(مقدراتش ضور عندو تا دورهاا بزز و كالاهاا مع الحيط):فف طلق مني..

محمد:لاا مغنطلقش

عفراء:خاصني ندوش خليني

محمد: باقي مقنعتينش باش نخليك تمشي

عفراء:هففف اخر مرة غنبات معااك ولا غانجي لعندك تا نتزوجوو

معرفاتش كيفااش خرجاات هاد الهضرة من فمهاا جاتهاا غريبة..و خافت يتقلق منهاا محمد حيث وخاا كيبغيهاا خافتوو ميعجبوش الحال..و فالحقيقة شافت الشوفات لي دار ليهاا تجرحاات

محمد طلق منهاا و هو مصدوم

عفراء:عارفة مكانش خاصني نقول هكاا غير غلطت مكاين لاش دير هاد الشوفات

محمد(حس براسو و دغياا بدل النظارات ديالو):ا..ماشي هكاك غير تفاجأت فاش قلتيهاا هكاا اما انا مستعد نتزوج بييك من دباا

عفراء(حاولات متبينش بلي تجرحاات و بدات كتلعب فشعرهاا):ااه اناا غير خرجاات لياا اماا اناا مغنزوجكش لياا بزز ههه

محمد:تقلقتي ياك

عفراء:لاا علااش غنتقلق مدرتيليا والو

محمد:عفراء راني كنعرفك مزيان.. فاش كتبداي تلعبي بشعرك كتكوني تقلقتي من شي حاجة

عفراء(بقاات كتشوف فيه و كل نهاار كيتزاد الاعجاب ديالهاا بيه حيث صعيب تلقاا شخص كينتبه لأدق التفاصيل لي فيك):هفف اه تقلقت و لكن ماشي منكك..من حقك لا مكنتيش باغي تزوج بياا..تقلقت من راسي حيث كنبقاا نقول شي هضرة لي مخاصنيش نقولهاا..

قاطعهاا ببوسة عميقة فمهاا..جامع فيهاا كولشي و حبوو ليهاا لسنواات..بقاو على ديك الحالة مدة عاد بداو كيحسوو شنو كيديرو..رجعاات عفراء باللور و شافت فيه و سرحاات فعينيه..و هو بدورو سارح فعيونهاا

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :49

عفراء: احم.. لبس حوايجك .. و را البلاطو دالفطور .. ا .. انا غندخل ندوش

محمد : واخا بصحتك ..

خدات فوطة من الماريو ديالو و دخلات للدوش اما هو حتا هز البوكسر تاعو لبسو و طلع معاه سروال ددجين و من الفوق بيل .. لبس سبرديلة بيضة و مشط شعرو ..
بقات فالدوش ما قدر الامكان باش تستوعب شنو طاري .. علاقتهم بالخف طورات .. و لكن خاصها دير حل لهادشي.. اكيد مايمكنش تعاود تقولها ليه هاذ المرة لكن خاصها تصرف . بقات كتعوم بالماء دافي و شيءا ما سخون .. حتى طلعات معاها التزنيكة و خدودها توردو .. لوات علهيا الفوطة و خرجات من الدوش على طراف اصابعها كتقلب يمين شمال بان ليها كالس كيفطر و كيشوف فطابليط .. كانت كتحاول تجنبو ولكن..

محمد : بصحتك

عفراء(قفزات): الله يعطيك الصحة .. عفاك حوايجي ..

محمد : راهم فين مطويين ..

عفراء: شكرا

مشات خداتهم و دازت من حداه و الفوطة فازكة ليها و مبينة مفاتنها لي كيفتنوه ..بقا متبع ليها العين تا خرجات من البيت و مشات لواحد اخر تبدل فيه .. لبسات حويجها و طالونها لي كان على برا و رجعات عندو للبيت

عفراء: شنو اخبار الشركة

محمد ( سد الطابليط و حطها جنب ) كيف خليناها .. منين غتجيبي دوك الفلوس

عفراء: من عند ناصر ..

محمد : شناوا؟؟ .. منين جاوه تا هو براسو

عفراء: .. ملي مات بابا الله يرحمو و رجعت نقلب فالورث لي خلا لقيتو باع كلشي و دا الملاير .. انا غنوريه يجري عليا و يحرمني من حقيي .. غندير ليه احسن ميسة

محمد : و عارفة فين حاط هادشي ؟

عفراء :من صغري عارفاه مكيحملش الابناك كيقولك الريبة و لا منعرف .. المنافق لاخر ..

محمد : الوغ غيكونو غير فدار ؟

عفراء: بيان سيغ..دابا خاصنا نلقا شي خطة باش ندخل و هاذ الليلة حيت يقدر يشك ويبدل البلاصة دالفلوس

محمد: عارفا بالضبط فين كينين؟

عفراء: لا ولكن متاكدة فالمكتب ديالو فالدار.. خاصك تعاوني .. دبا ايلاا دخلت غيخصنيي غير نتأكد واش كاينين كاملين بعداا

محمد : كي غندير ..؟

عفراء: عيط ليه دير معاه طلاقاو اليوم بليل ..

محمد : غيكون صعيب شوية حيث باقي نعقل اخر مرة..فضحتيني و قلتي ليه بلي انا عاونتك .. غنحاول و لكن باش بليل

عفراء: واش انت مكلخ .. دابا غيكون فالشركة ديال داك الحماار و مضغوط مع الاتصالات دالابناك و غتخاصمو اللهما العشية و عيط ليه ديرو شي كافي باش انا نلقا كي ندير ندخل..او اه را عارفة بلي فضحتك و لكن را من الاحسن كان خاصو يعرف

محمد: العساس غيخليك ؟

عفراء: ماما تفاريها

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :50

عفراء: مهم انا غنوض راني ديتها فشركتهم و نسيت ديالي

محمد: نوصلك ؟

عفراء: لا غير خليك بصحتك ..

ناضت هزات صاكها و باستو فحنكو و خرجات .. ديمارات طوموبيلتها لي جابها ليها الشيفور لعندو و نطالقات لشركتها .. دخلات لقاتها مقلوبة و كلشي شاد وراق فيدو غادين جايين و الفوضة نايضة .. توجهات عند المسؤول العام

عفراء: شنو كين ؟؟ شطاري ؟؟

المسؤول : سلام انسة عفراء.. كيف كتشوفي الموظفين تلقاو خبر انك غتولي شريكة فشركة داليحياوي؟ و من البارح و حناا كنحاولو نتواصلو معاك

عفراء: ايه بصح ولييت شريكة مع اليحياوي.. و لكن هادشي مكيعنيش ديروو هاد الفوضى كاملة!!

مسؤول: مامتقبلينش و بغاوك تبقاي معاهم و الى جاهم باطرون اخر غيستقلو

عفراء: شهاد البسالة غير اجي و ديميسيوني راه مسينين كونطرا اشريف .. جمع ليا الاعضاء فقاعة الاجتماعات خمسة دالدقايق و نكون عندكم ..

طلعات للمكتب تاعها و كلشي كيعيط ليها باغي يستفسر منها شنو كين .. لكن مكانش عندها الوقت انها تشرح لشي واحد .. طلعات للبيرو تاعها و طلبات من السكرتيرة تاعها تعرف ليها شكون سرب الخبر .. سدات الباب و حطات صاكها فوق البيرو .. و خدات تيليفونها .. صونات لمحمد لي فالبلاصة جاوبها حيت كان هاز طيلي

عفراء: شكوووون سرب الخبر .. القربالة نايضة عندي هنااا

محمد : دوي بالشوية باش نفهم

عفراء: دخلت لقيت كلشي واقف محبسين الحركة وصلهم الخبار بلي غادي نولي شريكة مع اليحياوي و قالك ماباغينش باطرون اخر و لا غيديميسيونيو

محمد : مالهم مراض راه مسينين معاهم عقد

عفراء: مافهمتش و الله شكون بعدا قالها ليهم ؟؟

محمد : شوية و نرد عليك ..

قطع عليها و تاصل بناصر هو اول واحد جا فبالو .. من بعد محاولات عديدة جاوبو

محمد : السلام عليكم ..

ناصر : عليكم السلام سي محمد .. داتك علينا ختي

محمد: بلاا متبداا ماشي وقت المضاربة.. خاصنا ندويو

ناصر : مابقا لينا فين ندويو

محمد : ناصر راك عارفني علااش خبيت عليك..مكنتش غنخاطر باحتمال نقوليك بلي ختك عايشة..و باقي نعقل اخر مرة كنتي جريتي عليها من الدار..المهم انا ممعيطش باش نضاربو..واش انت لي سربتي الخبر

ناصر : ايه انا و علاش غتبقا مخبيا؟

محمد : درتي ليها الهراج فالشركة

ناصر : الله يعطيها الهراج فالدماغ ماشي غا فالشركة

محمد : نعل شيطان راه ختك هاديك

ناصر : سير اسي محمد تهلا ليا فراسك

محمد : غيخصناا نتلاقاو..خاصناا نهضرو دوز البلاصة ديال ديما بليل

ناصر : اه نيت خاصناا ندويو..و عندي ليك شي هضرة

محمد : انشاء الله

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :51

عند عفراء

عفراء:دخلوو تفضلوو

…:مدموزيل عفراء سمعناا شي خبار و لكن كنتمناو متكونش صحيحة

عفراء:صحيحة..اه انا غنولي شريكة فشركة اليحياوي و غنكون مسؤولة عليهاا و لكن هادشي مكيعنيش انني غنتخلى على شركتي

…:ا..اه و لكن را..

عفراء:مكاين ما ولكن اناا غنكون مسؤولة على شركة اليحياوي و فنفس الوقت غنبقا مسؤولة تا على هاد الشركة..و بغيت كاع هادوك لي كانو باغين يستاقلو يحضروو عندي دباا..و كولشي يمشي لبلاصتوو

سالاا الاجتمااع و خرجوو كاملين مستفيين واحد ورا واحد..و مشاا واحد فيهم عيط على كاع دوك لي كانو غيستاقلوو باش يمشيو لعند عفراء

عفراء:ألو عرفتي شكون

محمد:اه خوك

عفراء:ههه علااش متفاجئتش

محمد:المهم را درناا غنتلاقاو بليل

عفراء:صافي باي حياتيي

فهاد الاثناء كان شي حد كيدق فالباب

عفراء:تفضل

دخلوو ربعة دالاشخاص و بقاو واقفين حادريين عينيهم كيتسنااو غير ايمتاا تبداا تغوت عليهم

عفراء:اذن نتوماا لي دايرين هاد الحالة كاملة باغين تستاقلو

…:ماشي هكاك مدموزيل عفراء

عفراء:متقاطعنيش فاش نكون كندوي

…:س..سم..سمحيلي مدموزيل عفراء

عفراء:ماعليناا باغين تستاقلو جيبو ورااقكم نسينيهم و منبعد را الباب

..:كيفااش را غير غلطناا امادموزيل عفراء و معندكش الحق تجري علينا

عفراء: معنديش الحق..وخاا فالعوض ما تستاقلي غنطردك و مغاتاخدي تا حاجة..و نتوما كاملين خرجوو علياا دباا

عيطات على لي كانو معاها فالاجتماع..

عفراء:دخلوو..المهم دوك الأشخاص لي كانو باغين يستاقلو را ستاقلو و وحدة منهم طردتهاا و هادي هضرة ليكم كاملين..انا لي كنقرر شغيوقع فهاد الشركة ماشي نتا و ماشي نتا..و اي حاجة درتهاا راني عارفة علااش درتهاا و معند الحق تاواحد فيكم يناقش قراراتي و ايلا غتلقاو راسكم شي نهار برا دهاد الشركة..دبا يمكنليكم تفضلوو

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :52

خرجوو و هي بقاات كتقاد فشي وراق العشية الكاملة مسالااتش..بقاات تماا عاد خرجاات مشاات لدار واليديها حيث عرفات بلي ناصر خرج من الدار..وصلاات..هبطات من الطموبيل

…:سمحيلينا مدموزيل عفراء منقدروش نخليوك دوزي هادي اوامر من سي ناصر

عفراء:جيت باش نشوف ماما واش غتحبسني

…: سمحيلينا مدموزيل عفراء و لكن راك عارفة سي ناصر

عفراء:صافي فهمت..

جبداات تيلفونهاا و عيطات لماماها باش تخليها تدخل

جيداء: صافي خليوهاا تدخل مكيهمنيش شقاليكم ولدي را بنتي هادي

عفراء (تلاحت عليها و عنقاتها):ماامااا

جيداء:بنتيي..كيدايرة لباس عليك

دخلوو و بقاو كيهضرو و عفراء كتعاود ليهاا

عفراء:ماما غنمشي نغسل يدي و نجي

جيداء:وخا بنتي

دارت عفراء راسها غادة للطواليط و لكن مشات للبيرو دخوهاا..دخلات لقاتو باقي كيف ماهو متبدلش..مشاات ديريكت للمجر التحتاني لي فالماريوو كان كبيير حلااتو لقات كاينة خزنة..بقات كتجرب فݣاع الارقام لي طاحو فبالهاا والو تا وحدة مصدقات..جربات عيد ميلادها و صدق

عفراء:مكانش كيسحابلي بلي باقة كنغني ليك شي حاجة اخويا العزيز

لقاات بزااف دالفلوس و لكن كانت باينة مواصلش ل 600 مليون يلاه لقات ..خلاتهم تماا تا تحاول تلقاا خطة اخرى لي تخرجهم بيهاا من الدار و خرجاات..رجعات ݣلسات حدا ماماها

عند محمد و ناصر ݣالسين فقهوة غير كيشوفوو فبعضياتهم تا نطق ناصر

ناصر:بغيت غير نعرف واش فاش كنتي مخبي عفراء و شفتي الواليدة فديك الحال مأنبكش ضميرك محسيتي بوالو

محمد: علااش غنكذب كان كيضرني الحال فاش كنشوف خالتي جيداء هكذا و لكن مكنتش نقدر نخاطر بيهاا و نجيبهاليكم..نتاا بعدا مخاصكش دوي واش معارفش كيفاش خليتي ختك فاش جريتي عليهاا كون معتقتهاش كنتو عمركم غتشوفوهاا

ناصر:نتا كنتي دايمان كتبغيها و لكن عمرها عطاتك فرصة و فاش لقيتي ديك الفرصة غتانمتيهاا لراسك..نتا واحد اناني مكاين لاش تبقا تبرأ فراسك دبا..

محمد(معحبوش الحال و ناض خارج)

ناصر:نصيحة مني متيقش فعفراء بزااف تقدر تبدلك كيفما بدلات لي قبل منك

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :53

مشاا محمد فطموبيلتوو و تا ناصر للدار لي عيط عليه العساس دالدار و قاليه بلي عفراء جاات..وصلو. بجوج قد قد ..شافتهم جيداء و كانت فرحانة بيهم لي تجمعو و عندها محمد واحد من ولادها .. كانت حاطة ليهم ما ألذ واطيب الاكلات الي بغاو

جيداء: مرحباا مرحباا نهار كبيير هذا لي وليداتي كاع معايا

محمد: الله يكبر بيك اخالتي

ناصر: فين هي عفراء

كانت جايا من جهة دطواليط

عفراء: هاهي ختك ..

ناصر:فين كنتي ؟

عفراء: دارنا لا ؟

ناصر : مابقاتش دارك .. هاد المرة فاش تبغي تجي تشاوري

جيداء: ناصر صافي باراكة را بنتي هادي و راهاا ختك .. مابقيتو تحتارمو تاواحد .. يا الله تجمعو عندي الطبلة كلشي موجود

كولشي كلس فالطابلة كياكلو وتزاد عليهك تا عصام لي كان جاي من الشركة عيان .. فرح ملي لقا ختو و محمد تما .. بقاو كيدويو تا كملو عشاتهم و ناضو للصالون يشربو قهوة
تقاد محمد فالكلسة و تنحنح باش كلشي يدور يشوف فيه

محمد : خالتي جيداء كيف كتعرفي انا صديق بالعائلة من زمان ومقاسمين الحلوة و المرة

جيداء: ايه اولدي الله يعمرها دار .. و نعمة الرجل

محمد : فالصراحة انا كتعجبني بنتكم عفراء من زمان لكن بحكم الخدمة و القراية و العلاقة لي كانت فيها مع هذاك مكانش يسمح ليا الوضع اني نتقدم ليها و نطلبها من يديكم .. و اليوم من بعد ما صرحتها بمشاعري و عرفتها انها مهيئة تبدا علاقة جديدة بغيتها فالحلال و تكون ديالي و بخصوص الماضي ديالها انا عارفو و عارفها هي اش كتسوا لذا مكيعني ليا والو الماضي تاعها

خلا كلشي ساكت باللباقة باش دوا .. اي بنت تمناه ليها .. متفهم و باغي المعقول و كيبغيها ورافع ليها الشان

جيداء: فالصراحة اولدي ماعندي مانقولك تبارك الله عليك .. نعمة الرجل و مفيك ميتعاب لكن القرار كيبقا د بنتي مانقدر لا نسبق لا نوخر قدامها هي المعنية بالامر و انا منزيدكم غير الله يكمل بالخير ..

محمد: وانت اناصر و عصام شكتقولو

ناصر(غير كيشوف ملقا ميقول): كيف كان الحال كيبقا الخيار تاعها و مالقاوش ماحسن منك ..

عصام : الله يكمل بالخير العشير ( ضرب ليه على كتفو )

جيداء: اش قلتي ابنتي ؟

ماعرفات ماتقول بقات ساكتة و نزلات راسها و كيف كنقولو حنا المغاربة السكوت من علامة الرضى…

عصام: هي نقولو مبروك

محمد: (الضحكة واصلا ليه لجدارة الودن ) السيمانة الجايا تكون الخطبة الكبيرة؟

جيداء : انشاء الله اولدي .. سلم على الوليدة بزااف..

محمد:(حط قهوتو و ناض)مبلغ.. نخليكم هاذ الساعة ..

دارت جيداء شافت فعفراء واش غتبقا ولا تمشي .. حتى نطق ناصر ..

ناصر : غنقول للخدامة تحل بيتك يتهوى شوية الى نعستي فيه غتخنقي ..

كلشي تفاجئ و تا عفراء مكانتش منتاضراه يعاود يرحب بيها ثاني لكن كانت فحيرة من امرها واش تمشي وتكمل فعنادها و لا تبقا و تستسلم و ترجع المياه لمجاريها و تصبر راسها بالدم لي مشاركين ..
بقات كالسة جامدة ماعرفات ماتقول .. و من خلال نظاراتها التايهة عاق بيها محمد .. الشيء لي خلاه يدخل و يعتق الموقف

محمد : عفراء.. عفاك اجي معايا للباب

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :54

ملي سمعات ديك الجملة فحالا لقات منقدها..من هاذ الورطة.. ناضت قبل اي نفس و جراتو لبرا غادا معاه وكيدويو

عفراء: اويلي جاي تعاوني نشفر خويا ولا تخطبني

محمد : ومالك ماباغاش نتجمعو

عفراء: اووويييلي على الاقل علمني .. ماشي تصدمني

محمد( وقف و شاف فيها . الشوفاات لي عطاها عمرها شافت فحالهم اول مرة تلقاهم منو ..شوفات كي القرطاس فيهم جد كبييرة ) : غنسولك و بغيت نسمع جواب من فمك و تشىفي ليا فعينييا .. واش باغا نتزوجو ولا لا ؟؟؟

بقات كتشوف فيهم شحال .. اكيد باغاه و باغا تكنل حياتها معاه و غيه جميع الموصفات لكن شرفها المجهول هو لي موقفها و مامخليها لاتعتارف ليه بالمشاعر لي كتكن ليه ولا تراجع باللور ..

محمد: سولتك ويلا ماعطيتيني تاشي جواب اخر مرة باقي نجبد معاك هاذ الموضوع

بقات مدة فاخد ورد بينها و بين نفسها .. من هاذ السكوت فهم محمد بلي رافضاه ..

محمد: صافي .. دخلي لدار البرد هنا .. غدا خاصنا ندويو على الفلوس

مشا وخلاها واقفة .. وقبل مايخرج من باب الفيلا و قفاتو بكلمة قالتها خلاتو يفرح كي دري صغير

عفراء: كنبغييك

بقا واقف كيتسناها تعاودها حياتو كاملة وهو متشوق يسمعها ..

عفراء(قربات ليه) كنبغيييك .. و قابلة تكون الشخص لي نكمل معاه حياتي

زادت عندو و عنقاتو من ضهرو .. الدمعة فطرف عينيها خايفاها تخونها .. دار و شدها من يديها .. عينيخ لي كانو فيهم بريق لامع و خاص.. بقا كيشوف ليها فعينيهت و يتمعن فيهم .. كيشوف فيهم البراءة و الصراحة .. حط يدو على جفنها تا طاحت دمعتها على صبعو .. مسحها ليها و خدا ليها راصها من دقنها و جرو .. باسها بوسك عمييقة كانت للمرة الثانية يبوسها من نهار بداو علاقتهم..

محمد: الله يخليك ليا ياربي.. عمرك تحسي بالفراغ من شي حاجة و انا معاك .. غنبقا ديما معاك

عفراء: كنتيق فيك ..
محمد( تحنا باسها بوسك خفيفة فحنكها ) سيري دخلي دابا غيكونو تشوشو علك و ملي نوصل للدار نصوني لك باش نكملو الهضرة على داكشي

عفراء: واخا حبيبي تهلا فراصك و بشوية عليك فالطريق لليل هذا

ودعها و خرج هاذ المرة من هاذ الدار حامل فقلبو احساس جديد .. لي هو الحب الامان لي بادلاتو بيهم .. فرح ملي حس بلي خايفة عليه و بالها معاه ..

#يتبعلعب بالقواعد: Playing by the rules

🖋️ Aya El Alami & Dounia El Messaoudi

الجزء :55

اما هي فكانت حايرة بينها و بين راسهاا..خايفة لا تا هو شي نهار يخونهاا كيف مدار ليها لاخور وخا كثيق فيه و ممكن كثر من اي واحد فهاد الوقت ..او بالاحرى خايفة من راسهاا..هي عارفة راسها كتبغيه و لكن خايفة يكون قلبها غير كيضحك عليهاا..بقاات هكا فصراع بينهاا و بين راسهاا تا سمعات شي هضرة حدا راسهاا و معرفاتش واش تصدم منوو ولا من هضرتوو..كان ناصر واقف و داير و فجيبوو

ناصر: خايفة من أنك تجرحيه اولا يجرحك كثر ياك

عفراء(بقات غير كتشوف فيه تا هبطات ليها ديك الدمعة لي كانت محبوسة ليها)

ناصر(خلاا المخاصمة ديالهم فالجنب و حاول ينصحهاا حيث كيفماا كتبقاا راها ختوو و ايلاا موقفش معاها فهاد اللحظات ايمتاا غيوقف معاها):محمد كيبغييك انا هادشي متأكد منوو..حيث عمرو بغاا شي وحدة فحياتو منغيرك..من صغروو و هو كيشوفيك غير نتي..يعني انا متأكد معمرو غيجرحك..نتي مكنتيش كتبغيه و دبا وليتي اذن مضيعيش هاد الفرصة من بين يديك..انا عارفك فاش كتبغي شي حد كتبغيه من قلبك اذن تيقي فقلبك

عفراء عينيها تغرغروو بالدموع معرفاات متقول من غير أنها تلااحت عليه بتعنيقة لي كانت محتاجة ليها و تاهو كان محتاج ليهاا..بقااو هكاك دقائق و رجعات باللور و شافت فيه و باقين عينيها حومر

عفراء:متولفش بزااف ههه..باقي تابعناا بزااف دالحوايج

ناصر:اييه الالة و لكن دباا ختي غتزوج خاصني نكون معاها

عفراء توحشاتو يقول ديك الكلمة دختي شحال هادي مقالهاا..و كانت عاوتاني فصراع مع عقلهاا واش تعاودليه ولا لا خافت ميتيقهااش و لكن قالت غنجرب

عفراء(راسها فالارض ):ناصر

ناصر(كيشوف فيها عرفها غتقول شي حاجة لي غترونهم عاوتاني):شنوو

عفراء:ا..ان.انااا باقاا

ناصر:شنوو دوي دغيا

عفراء:بنت

ناصر:شنو بنت (وقف شوية عاد ستاوعب شكتقول معرف ميقول..سكت مدة عاد نطق): باش عرفتيي

عفراء:قالهاليا

ناصر:تيقتيه؟؟

عفراء:لاا..درت تيست

⚫ #فلااش_باك ⚫

عفراء(غادة فالشانطي و كتهضر مع راسها): و لكن ايلاا كان غير كذب علياا..يخخخ مكانش علياا نعاود نتيق فيه

بقاات غادة غير على رجليها دايرة النظاظر باش ميعرفها تا واحد..قطعاات الشانطي تا وصلاات قدام واحد المستشفى..دخلاات ليه..مشاات عند السكرتيرة لي تماا

عفراء: سلام عفاك عندي موعد مع الطبيبة وصال

السكريتيرة (كنشوف فيها باستغراب):اه مرحباا سميتك و كنيتك عفاك

عفراء:غير عيطي ليهاا و قولي ليها عفراء

السكريتيرة:وخاا تسناي هنا.. أنيسة عفراء تفضلي

عفراء:شكراا

دقاات فالباب و دخلاات..عاد حيدات نظاظرهاا

وصال:اجي دخلي غير بالشوية عليك تقولي تابعك كلب

عفراء:المهم عفاك مبغيت تاحد يعرف بهادشي

وصال:غير تهدني اصاحبتي..دوزي ݣلسي تماا

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :56

عفراء:وخاا..واش غنتوعت

كوثر:لاا متخافيش هههه

بقاات تماا تا سالاات معاهاا الطبيبة

كوثر:صافي ساليناا يلاه اجي ݣلسي

عفراء:اشنوو لقيتي ناري عفااك متخلعينيش

كوثر:لاا غير تهدني اجي ݣلسي..راك باقاا بنت

عفراء:حلفي ناري بصح

كوثر:اااه اصاحبتي باقا بنت..الحمد لله داك الحمار مقاسكش

عفراء:عفاك مباغاش ندوي عليه..باراكا غير ديك المرة فاش دوينا عليه..ميستاهلش هادشي كامل

كوثر:خاصنا نعاودو نتلاقاو باش تعاوديلي على علاقتك بمحمد كيغادا

عفراء:صافي ان شاء الله احبي يالاه بسلامة دباا عندي بزااف دالشغال

⚫#نهاية_الفلاش_باك⚫

ناصر(فرح و لكن مبغااش يبين):دبا دكشي بينك و بين خطيبك

عفراء(تقلقات من ردة فعلو كانت عارفة انها غتكون هكاا و لكن كان عندها امل غيجي يعنقهاا و ميغبقاش يتعامل معاها كيف دباا):اه بصح دكشي بيني و بين خطيبي مكاين لاش تعرف

ناصر:اه يلااه دخلي را غيكون وجد بيتك

دخلوو..طلعاات لبيتهاا لبساات شورط مع تريكوه ديال النعاس و تخشاات ففراشهاا..لكن الليل كامل مداهااش النعاس عقلهاا خداام مكيبغيش يسكت..مشاات خارجة كتسلت على صبعانهاا تا وصلاات للبيت دقاات و دخلاات

عفراء:ماما

جيداء:نعاام ابنتي..مجاكش النعاس

عفراء:لاا مجانيش

جيداء:اجي نعسي حداياا

مشاات تكات على صدرها حيث المكان و الملجأ الوحيد لي كتحس فييه بالراحة هو الأم بقاات متكية و ماماها كدوز على شعرهاا بيديهاا و كتغني ليهاا اغنيتهاا لي كانت كتغنيهاليهاا فاش كانت صغيرة..بقاات هكاك تا داها النعاس

صبح الصباح..جا ناصر كيدق على الام ديالو لي ماشي منعوايدهاا تعطل فالنعاس لقا عفراء مخشية وسط منهاا..عجبوو الحال حيث من مدة مبقاا شاف الضحكة فوجه أمو..حاول ميفيقهااش و لكن كانت ديجاا فاقت

جيداء:صباح الخير اولدي بغيتي شي حاجة

ناصر:لاا غير حيث ملقيتكش التحت صافي غير كملوو نعاسكم

عفراء:اممم..سكتووو خليونيي نعس

ناصر:صافي هاني غادي

ناضت عفراء مقلقة عدوهاا لي يفيقهاا من نعاسهاا..هزات مخدة و لاحتهاا عليها..معرف باش تبلاا

ناصر:واش حماقيتي عاوتاني

عفراء:كنقوليك متبقاش تفيقني على الصباح

ناضت صبحات على ماماها و مشاات لبيتهاا تبدل حوايجهاا حيث خاصهاا تمشي اليوم مع محمد باش يوجدو لخطبتهم..لبساات كسوة بيضة و موردة خفيفة مع صندالة و خلاات شعرهاا غير مطلوق على كتفهاا و هبطات..لقاات حتاا محمد كاين تماا

عفراء:صباح الخيير

الكل:صباح النور

ݣلسوو كيفطروو و محمد مرة مرة كيهز عينو يشوف فعفراء لي فاش كتلقاه كيشوف فيها كتزنااݣ..اماا ناصر فغير كيشوف فيهم

عفراء:ماما حبيبتي غنخليوك انا و محمد خاصناا نقضيو شي غرض

جيداء:اه صافي وخاا ابنتي تهلااي فراسك

خرجوو..ركبوو فطموبيلتوو و غادين تا نطق محمد

محمد:عفراء بغيت نسولك

عفراء:اه سول

محمد:التصاور لي كنتي خديتيهم لسفيان

عفراء(بإستغراب):مالهم

محمد: عطيهم لياا

عفراء:علااش

محمد:ايلاا بغيناا نبداو صفحة جديدة خاصهاا نيت تكون صفحة جديدة و بحال دكشي معندناا منديرو بيه

عفراء(بعصبية و لكن وعاات شكانت غتقول مبغااتش تخسرو): و لكن..صافي وخاا تا نمشيو للدار و نعطيهم ليك

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :57

بقاو غادين ساكتين الطريق كلها مادواها مادواتو من غير ديك داك الموضوع لي جبدو .. حتى هو مابغاش يحزرها حيت عارف راصو مدير والو و كون كان فبلاصتها غنفد باش يبداو صفحة جديدة .. وقف طوموبيل قدام واحد المحل كبير و ضاهر انو محل فقط للناس المرموقة و المعروفة .. نزلات بلاما تسناه يحل ليها .. خيطات الباب و بقات وااقفة تا زاد هو .. قرب من المحل و شدها من يدها

محمد : غندخلو نختارو حوايج الخطبة و ديك التقليقة لي ماعارفهاش علاش تا نخرجو و طلقيها ماخاصنا شوهة مع بنادم

طلق منها و زاد و ني بقات مخرج عينيها كتحاول تفهم شنو سمعات ..

عفراء( همسات بالشوية بينها و بين نفسها ) : اهاه هي دابا انا هي الشوهة .. واخا ..

مشات تبعاتو دخلو للمحل و هوما يجيو عندهم جوج بنات و حدة خدات الصاك من عند و التجاكيط من عند محمد و لوخرى رحبات بيهم

الانسة: مرحبا بانسة الهاشمي .. فرحتا بزاف ملي سمعنا بلي الحياة ديالك

عرفاء: شكرا ..

هادشي لي خسرات عليها لان مكانت عندها كانة تبقا دي و تجيب معاها فالهضرة خلاتها كتبحلق فيها .. كلسات فواحد الفوطوي و جا خداها محمد كياكل بجنابو من تصرفاتها .. دارتها ليه بلعاني و هزات رحل كلسات عليها و لوخرى طوالتها تال الطبلة الصغيرة لي عليها المجلات .. دارت صبعها ففمها و بقات كتشوف فالكطلوك لي جابت ليها

عفراء: تؤ ماشي هدشي لي بغيت .. واش اصلا سولتيني

الانسة: ءء.. سمحيلي ولكن موسيو محمد تاصل بينا قبل و خبرنا نوجدو لك اخر كوليكسيون تعزلي منها

عفراء: تء اشمن اهر كوليكسيون..

ناضت و قفات و بقات كضور فالحوايج بيديها لي كانت ففمها و كتعوج ففمها

عفراء: هذا هو اخر حاجة خرجتو .. اممم شهاذ الدوق ولا عندكم .. ( شارت لمحمد لي كان حمر ماعارف فين يدير وجهو بصبعها فحالا كتامر فيه ) مكيسحابليش معندكش الدوق ..

ناض و قف و جرها خدا صاكها و تجاكيتو و غادي كيشنكل فيها و هي كتنتر منو تا خرجو للزنقة

عفراء: ايييه طلق منييي .. حماقيتي لا

محمد : واش باغيا تسطيني و لا مال مك .. شهاذ الاسلوب باش كنتي كتصرفي من ايمتا وليتي هاكا

عفراء: واو مافراصكش من ايمتا .. من النهار وليت انا هي الشوهة ..

حيدات يديها منو و حلات طوموبيل .. كلسات تا دخل هو .. كسيرا بالطوموبيل بقا غادي و كيوقف فسطوبات مكيضوبليش و الطريق عامرة فينما كانت شي ضوصان كاتهز معاها بالجهد تا طلع ليها الدم

عفراء: واش مكتعرفش تصوك لا غتبقا دير هاكا نزل خليني نصوك

محمد : واخا و ليلة دخلة اجي دخلي بيا انت حسن .. و جي انت مطبيني انت السيمانة الجاية

عفراء: تفو على تفكير عندك

محمد : مالو كيجاك ؟

عفراء: شوف قدااااامك .. واش باغي تقتلنااا ولا مالك ؟

كمل طريقو بنفس الوتيرة مكيدوي معاها مكدوي معاه .. حطها قدام دارهم و بقا فطومبويل .. تا هي مادواتش معاه نزلات و زدحات عليه الباب

محمد : هرسيييييه

رجعات لعندو و طلات عليه من الزاج

عفراء: سمعتك قلتي هرسييه ياك

محمد : ايييه كنتي كتشري فيه

عودات حلاتو و زدحاتو كثر تا بداو الكلاب دالفيلا كيغوتو حيت سمعو الصوت..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :58

طلعات للدار غادا بالزربة و مقندشة خاصها غا معامن باش تشفي غليلها فيه .. تلقا ليها عصام فالباب هو خارج و هي داخلة

عصام : السلام ..

عفراء:حاااايد من قدامي

عصام: هووووو.. بشوية الشريفة متحمسيش ..

عفراء: ( ضارت عندو ) قلتليك حاااايد من قداااامي

جيداء هابطة من دروج لانها قدرات تغلب على الاعاقة لي فيها و دارت الترويض و الحمد الله ولات لاباس ..

جيداء: ياك لباس صوتك مسموع تال الفوق ابنتي

عفراء( حطات صاكها فوق الطبلة و بقات غادا جايا وسطهم ) دابا انا هي الشوهة ياكو .. تا انتوما خاصني نسكتكم حيييت انا هي الشووووهة .. لا و الله الى شكرا ليكم .. نعمة السند

جيداء( مشات شداتها من يدها و كتقيس ليها وجها) : ابنتي نعلي الشيطان شمن شوهة انت الزينة تاعنا غير مالكي داخلا شاعلة ياك لباس واش تخاصمتي مع محمد

عفراء: ايييه الالة .. صافي بعدو مني .. الى جا قولو ليه راني غيبت مت ولا عرفتو قولو ليه كلات دوا الفار..

جيداء: اعوذ بالله .. دوزي تكلسي و نعلي الشيطان

مشات عفراء للصالون كلسات و جيداء سكتات عصام

جيداء: ماديش عليها اولدي عفاك يمكن طرات ليها شي حاجة

كمدها فقلبو و خرج هز طوموبيلتو للشركة .. رجعات عندها و بقات كتهدن فيها تا كتسكت و كتولي تفركع تاني تا صونا محمد ليها .. عطاتها صاكها و تيليفونها

جيداء: هاكي جوبيه و باراكا من البهلان بعقلك يا حسرة

عفراء: لاء ممجوباهش

جيداء: اري داك تيليفون لهنا ..

عفراء: لا اماما متجوبيهش

جيداء: سكتي خاصني نفهم حتى منو شنو طرا

حلات الخط و مادواتش حتى نطق هو

محمد : الوو .. باقا ماتفشيتي .. مهم تاوكان تفشي على خاطرك و صوني ليا ندوز وراك

جيداء: السلام اولدي

محمد : ا.. خالتي.. جيداء .. سمحي ليا سحابلي عفراء

جيداء: مكين باس .. ياك لباس اولدي

محمد : والو باس سوليها هي مالها ولات هاكا

عفراء( نقزات على تيليفون ) اهااااه انا لي وليت هاكا دابا ياك ؟

جيداء( قرصاتها ) : دوز اولدي انت و مالين الدار لعندنا فليل تعشاو و ندويو

محمد : غير بصحتك اخالتي مرة اخرى

جيداء: لواه اولدي غنتقلق منك دوز

محمد : واخا خالتي انشاء الله

قطعات عليه و عطاتها تيليفون

جيداء: ااه سمعيني .. تبتي ورزني الخفة نسايها راكي غتولي مرت الرااجل دابا .. ماخاصنا تحاشم مع الناس ..

عفراء: ماادرت وااالو .. و الله هو لي باغي يركب عليا

جيداء: مغنوريكش فعلاقتك لكن متكونيش باسلة .. نوضي دابا نوجدو غتجي عندنا مو خصك توجدي العشا بيدك باش ذوق طيابك

عفراء: شنو شنو على انا غنبقا نطيب ولا ؟

جيداء: ضروري يذوقو من يدك واخا غير مرة

عفراء: هووففففف راني قارية و خدامة لاش هاذ التفليا الخدامة لاش ديرينها

جيداء: و لاش غنزوجوك اختي ملي الخدامة كينا نزوجوه بيها هي حسن

طلعات لبيتها كتنفخ باش تبدل حوايجها تلبس حوايج الدار و تجمع شعرها ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :59

لبسات بيجاما طويلة و جمعات شعرها بزيف حياتي لقاتو عندها كتحتاجو فاش مكتبغيش تنشف شعرها .. نزلات لعند ماماها لقات الخدامة واقفة فالجنب و جيداء حاطة ليها الخضرة و الدجاج

عفراء: شنو نصاوب

جيداء: و شوفي انت شكنصاوبو بهادشي

عفراء: نديرو بيه دجاج معمر بالشعرية الصينية و شلايض و هاذ الخضرة للريجيم؟

جيداء: يا الله قولي باسم الله .. هاهي معاك وئام توريك لاخصاتك شي حاجة

عفراء: واخا صافي ..

شمرااتت على ذراعها و بدات كتفكر دكشي لي كانت تعلماتو من لانطيرنيط و مرة مرة دخل دير يدها كل مرة تاخد نصيحة .. جبدات الدجاج و غسلاتو و شرملاتو و حطاتو فالتلاجة يشرب شرمولة و صلقات الشعرية الصينية دارتها فبانيو كبير و كرضات عليها الكبود ددجاج مشحرين و شرملات كلشي ثاني .. حطاتها جنب و جبدات الخضرة كرضاتها و صلقات اللوبية طويلة و البروكولي و صوبات لاصوص تاعهم .. بدات كتجيب ليها وئام الطباسل تقاد فيهم دكشي و عمرات الدجاج بالشعرية و دخلاتهم للفران.. بقات كتزوق و تقاد فشلايض علاما قرب يطيب و طفات عليه ..

عفراء: مهم شوفي عفاك ملي يجيو و نجي عندك شعلي عليه يتحمر انا غنطلع ندوش و لبس حوايجي راه مابقا ليهم والو

وئام : صافي انيسة كوني هانية ..

حيدات عفراء الطابلية و طلعات لبيتها دازت علمات جيداء بلي كملات كلشي هو هذاك بيدما هبطات داقتو و مشات هي دارت الحمام يسخن..وجداات حوايجهاا لي كانت غتلبس كسوة بيضة خفيفة..و دخلاات الحمام ديالهاا..دارت فلحمهاا ݣاع ليبرودوي لي عندهاا..سالات و خرجاات نشفات لحمهاا.. سيشوارات شعرهاا باش ينشف دغياا..جاات بغاات تلبس الكسوة تا دخلات عليها ماماها و هازاا فيديهاا قفطاان جوهرة مصاوب بالراندة و العقيق فالغوز بيبي و معاه ديزاكسيسوار

جيداء:حيدي حيدي علياا ديك الكسوة..ها شنوو غتلبسي

عفراء:و لكن…

جيداء:مكاين ما ولكن غتلبسي هاد القفطاان..فهاد المناسبات ابنتي مكنلبسوش دكشي

عفراء:وخاا اماماا

خرجاات جيداء اما عفراء فلبساات داك القفطاان لي عطاتهاا ماماهاا و ضافت شي حاجات من الاكسسوارات من دكشي لي عطاتهاا ماماهاا و لكن كملاتهاا بشي وحدين عندهاا كانت مخلياهم غير لبحال هاد المناسبات..دارت ميكااب خفيف باش متعيقش..اماا جيداء فهبطاات و شافتت دكشي لي دارت بنتهاا و عجبهاا الحال..جااو خوتهاا لي كانوو اخر وحدين غيعرفوو بهادشي ديجاا جابو معاهم كوستيم..سلموو على مهم و طلعوو تا هماا يلبسوو..بقااو شوية تا بداو كيسمعوو الكسيراج دااطموبيلاات..كانت هاد المرة طموبيل دمحمد و عائلتوو..هبط ناصر بصفتوو هو الراجل و الكبير فالعائلة حل ليهم الباب و كان واقف حداه عصام…كان محمد هاز فيدو بوكي دفلوغ..و كانوو هازين بزااف دالهداياا غاليين منهم دبلييج من الذهب الأبيض..معااه خاتم رقيق و لكن كان باين عليه غاليي

ناصر:مرحباا بيكم..دخلوو

سمية:ترحب بيك الجنة اولدي

جيداء:دخلوو دخلوو..وئام اجي هزي هادشي وحطيه تماا..ايوا غبورات هادي كيدايرة لباس علييك

سمية:راك عارفة اختي غير الشغالات و صافي..ايواا فين هي عروستناا

جيداء:راهاا الفوق كتوجد راسهاا..وئام عيطي على عفراء

عفراء لي كانت ݣالسة على أعصابهاا معارفاش علااش متوترة..دقات عليهاا الخدامة

وئام:أنيسة عفراء كيسولو علييك خاصك تهبطي

عفراء:وخاا هاني جاية

هبطااتت مع الدروج و الحشمة باينة على وجهاا..هابطة مع الدروج بكعبهاا لي كيتسمع صوتو من بعيد و الريحة ديالها..هابطة تا وصلاات للتحت كولشي دار كيشوف فيها و بالأ خص محمد لي كان ݣالس بأحلى حلة لابس كوستيم ديالو و مقاد شعروو.. شافف فعفراء بحالا ضربوو الضوو مبقاش كيفكر كاع بأنهم اخر مرة كانو مضاربين..تمشاات بخطواات تابثين دازت علييه و سلماات على الام ديالو و الاب ديالو..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :60

سالاات السلاام و مشاات ݣلسات حدا مهاا و خوهاا من الجيهة لاخرة..محمد كيطلع فيها و يهبط و يشوفف..عجباتوو و لكن مبغااش يعيق..عفراء تاهي بدورهاا باركة تطلع و تهبط فيه..بداا كيدوي سي كريم لي هو الاب تاع محمد لي كان متقدم فالسن .. ولكن بفلوسو شاري زينو .. لابس جلابة بيضة و من تحتها سروال قندريسي مع بلغة و الشاشية فالراس و محسن اللحية .. تقدم بما انه هو الوالي تاع العريس

كريم: احم..ندخلوو فالموضوع بماا اننا معرفة قديمة و صحااب..واخا مكاينش السي أحمد الله يرحموو.. تمنينا كون كان معانا لكن للضروف احكام.. اوا اسيادنا محمد ولدي راه كتعجبو بنتكم

ناصر : مرحبا سي كريم نهار كبير هذا ملي شفنا وجوهكم .. ايه الى كانو مكتابين الله يسخر..

سمية: انشاء الله الالة جيداء السيمانة الجاية نديرو الخطابة الكبيرة و نطلبو يد بنتكم الى كتب الله

جيداء:ان شاء الله الالة سمية..ايواا ملي دويناا و ساليناا نتعشااو دباا..بنتي عفراء سيري جيبي العشاا

عفراء(دارت شافت فيهاا مصدومة و محمد فالجيهة لاخرة كيحاول ميضحكش عليها):وخاا اماما

ناضت على وعدهاا و سعدهاا للكوزينة كانت الخدامة وجداات دكشي فطبسيل..هزاات عفراء الطبسيل الكبير و الخدامة هزات صينية فيهم الطباسل دشلاضة دكل واحد..ناضوو كيغسلوو يديهم بقاات غير عفراء و محمد لي مغسلوش ناضو قد قد مشاات اتجاه الحمام واحد مكيدوي مع لاخور تا مبقاوش كيشوفوهم

محمد(كالاهاا مع الحيط):امم كتباني زوينة فالبلدي

عفراء (غير كتشوف معرفات باش تبلاات):ا..شكرا..حيد من قدامي را باقي منسيتليكش دكشي لي درتي قبيلة

محمد:تا انا ازين و لكن خليني نتمنضر فمراتي

عفراء:شكون قاليك غنقبل..حيد ولا غنعيط ليهم

محمد:عيطي

يلاه جاات تعيط و هو يسدليهاا فمهاا بيدو

عصام:احم احم..حتارموو السينغل شوية

عفراء و محمد بجووج بدااو يخنزروو فييه مشااو و خلاوه بوحدو تا طلعاات خت محمد نورة كانت عادية فالجمال ديالهاا و كانت كتحشم بزااف

نورة:ا..سمحلي فين جا الحمام

عصام(كان سارح فيهاا عمرو شاف شي بنت حشمانة تال هاد الدرجة):ا..هاهي ا…شنوو سميتك

نورة (بابتسامة خفيفة):سميتي نورة

عصام:ا..اه متشرفين انا عصام

نورة(بتاسمات ليه و دازت للحمام)

عند عفراء و محمد

محمد:شنو هو الرقم السري دالخزنة دخوك

عفراء: شنو بغيتي بيهاا

محمد:ياك كنتي غتاخدي الفلوس

عفراء:اه و لكن ماشي وقتهاا

محمد:علااش ..مبقيتيش باغا تشفري خوك ياك..صافي را نقدر نخلصهاا من فلوسي

عفراء:لاا منقدرش نطلب منك شي حاجة بحال هادي را فلوس كثيرة..هادوك را ماشي فلوسو غير هو را فلوسي تا انا

محمد:عفراء نتي عارفة بلي منبعد مغيعرف يقدر ميبقاش يعاملك كيف دبا

عفراء زادت و خلاتو حيث را عندو الحق هي عاد بدات كتكسبوو متقدرش تخسرو..و لكن فنفس الوقت لي كان قلبهاا كيقوليها هاد الهضرة عقلهاا كان كيقوليهاا هضرة اخرى

عفراء:عيد ميلادي هو الرقم السري

محمد(شاف فيها شوفة مطولة عاد دوا):صافي وخا كاين واحد دباا فالمكتب دخوك هو لي غيخرج الفلوس

عفراء:ايمتاا درتي هادشي

محمد:يلاه نهبطوو

هبطوو فسكات و رجعوو ݣلسوو كل واحد فكرسيه..ݣلسات عفراء مقابلة مع محمد و حداه كان ناصر..كانت كل دقيقة كتهز راسها و تشوف فناصر كان كيأنبهاا ضميرهاا و لكن..

سمية:الله يعطيك الصحة ابنتي عفراء هادشي لذيذ

عفراء(فاقت من سهوتها):بصحتك اخالتي سمية

تعشااو و سالاو و تافقو على الخطبة السيمانة الجاية..بقاات عفراء فالجردة ݣالسة تا جا حداها ناصر

ناصر:علاش قبيلة بقيتي كتشوفي فياا هكاك

عفراء:ك..كيفااش كنت كنشوفيك

ناصر:بحالا درتي شي حاجة لي مغتعجبنيش

عفراء:سمحليااا

طلعاات لبيتها و خلااتوو مفاهم والو..اما هي فتخشات ففراشهاا و كتبكي تا داها النعاس

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :61

مفاقت غير على صوت تيليفونها كيصوني .. هزاتو و قرات السمية بانت ليها محمد و هي تجاوب

عفراء: صباح الخير

محمد : صباح النور الاميرة النائمة .. عاد فقتي

عفراء: لا باقي انت لي فيقتيني .. ياك لباس

محمد : وراه العشرة هادي واش مغنديرو والو نقيلو كالسين

عفراء: اوففف سير للشركة خدم على ولادك و بعد مني انا مزال ماشبعت

محمد : و الله و مانضتي تا نجي لمك راني جامع لك . خاص ندويو

عفراء: واخا هاني جايا واحد الساعة و نجي عندك للدار

قطعات من عندو و ناضت كتجر فرجليها للطواليط قدات حاجتها و غسلات وجها .. خرجات لبسات حويها عبارة عن سروال دتوب فالاسود و قميجة فالزيتي خشات نصها فالسروال .. لبسات طالون عالي و قادات شعرها .. نزلات لقاتهم كيفطرو

عفراء: صباح الخير عليكم

ناصر : صباح النور .. مالكي عاد فقتي ماشابعاش نعاس

عفراء: لا نعست بكري غير معرت مالي نسيت راسي..

جيداء: اجي ابنتي كلسي تفطري عندك الخدمة

عفراء: ايه كيتسناني محمد على قبل الخدمة

عصام : غتلاقاو فالشركة

عفراء: لا غندوز عندو للدار عاد نمشيو للشركة

عصام : صافي نوصلك

عفراء: عندي طوموبيلتي !!

عصام: ماشي مشكل نيت شحال ما دوينا ..

عفراء: واخا لي بغيتي ..

عصام( مسح فمو ) مهم يا الله .. انا غنديماري لطوموبيل علاما كملتي

عفراء(مسحات تا هي فمها ) صافي يا الله

خرجو بجوج بيهم ركبات حداه .. بقاو غادين شحال تا قربو يوصلو عاد دوا ..

عصام : عفراء

عفراء: امم

عصام : الدار لي غنديك ليها فيها هو بوحدو و لا العائلة

عفراء: لا راه فدارهم دابا

عصام : اه نيت ندخل نسلم على الحاج

عفراء: اينا حاج كون تحشم ..

عصام : حشومة نجي تال عند نسيبي و ماندخلش نسلم .. ياكي هنا

عفراء: انت راك يمكن تسطيتي .. اه هنا .. سلم و خرج الصباح هذا

سطاسيونا طوموبيل و نزلو بجوج بيهم .. صونات على مخمد لي جا حل ليهم الباب

محمد ( سلم على عصام) اهلا اهلا بسي عصام زارتنا اابراكة .. زيد تفضل

عفراء( باست محمد ) لالا غير وصلني و غيمشي

محمد: لا حشومة الدار كاملين مجموعين دخلو تفضلو

دخلو كلهم و سد وراهم محمد الباب .. كيشوف بعينيه و يضورهم فراسو فحالا موضرة ليه شي حاجة .. تا بانو ليه كلكهم كالسين كيفطرو الام و الاب و بنتهم ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :62

وقف سي كريم كيرحب بيهم و على وجهو ابتسامة كبيرة

سي كريم : مرحبا مرحبا .. زارتنا البركة .. ( سلم على عصام سلام رجولي و سلم على عفراء من حنكها ) كلسو تفضلو

عصام: شكرا سي كريم .. وصلت غير عفراء و قلت ندخل نسلم ..

سي كريم :مرحبا بيك اوولدي ..

عصام : الله يكبر بيك

هز راسو فنورة بانت ليه كتاكل بشوية و بملل و حادرة راسها ..

عصام : احم .. سي كريم .. هاني مشيت الله يهنيك

محمد : واخا بلاتي تلبس نورة نخرجو مجموعين ..

عفراء( بشوية ) حبيبة راحنا معطلين

محمد : ولكن خاص نوصل ختي

عفراء: يقدر يوصلها عصام الى مكانش مشكل

محمد : ااه بصح .. حنا معطلين على الشركة .. تقدر اعصام توصل نورة الا ماعندكش مشكل

عصام(بفرح) : مرحبا بكل سرور

سي كريم : الله اودي منبرزطوكش معانا .. هاني ندوي مع شيفور يوصلها

عصام : الله يهديك صافي صلاة على نبي انا نوصلها

عفراء: شكرا اخويا .. عمي نخليوكم بصحة فطوركم .. بسلامة خالتي

سمية : بسلامة حبيبة تهلاي فراسك

خرحو وخلاو عصام برا الجردة كيتسنا فنورة تخرج.. خرجات لعندو حانية راسها و مكدويش

عصام : سلام نورة

نورة : وعليكم السلام

زاد بيها للطوموبيل و حل ليها الباب .. طلعات ركبات و هو ضار لبلاستو .. ديمارا و خرج من الفيلا عاد سولها

عصام : فين باغا تمشي؟

نورة : للبحر

عصام : للبحر ؟؟؟

نورة ( هزات راسها شافت فيه بلا كلمة )

عصام : زعما سحاب ليا شي بلاصة دالقراية ولا

مجوباتوش و بقات ساكتة تا دوا هو

عصام : واش عندك شي مشكل ؟

نورة : ( حادرة راسها و بالكاد صوتها كيتسمع ) لا معندي والو

عصام : ومالكي غير ساكتة

نورة : لا والو و الله

عصام : اممم ماعليناش عرفيني على راسك كثر

نورة : قتليك ديك المرة سميتي نورة .. عندي عشرين عام

عصام : شنو كتقراي ؟

نورة : التمثيل

عصام : مكتعجبكش الهندسة و لا الطب ولا تسيير و التدبير

نورة : لا .. حتى التمثيل زوين غير ماعاطينوش حقو

عصام : ولكن سمعتو خايبة

نورة : جربتيه؟

عصام : هه لا غير سامع عليه

نورة : هه

خسرات عليه غير ابتسامة لان من عادتها مكدخلش فالنقشات و مكتبغيش تخلي بنادم يبان غالط واخا عارفة راسها غتربحو بافكارها ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء :63

°فالشركة °

داخلين جوج رجاال هازين فيديهم جوج صيكاان كباار كيبانوو عامريين..و من وراهم عفراء و محمد..غاديين متوجهيين ديريكت لمكتب سفيان..دخلوو بلاما يدقوو و حطوو الصيكاان فوق البيرو و تموو خارجين

سفيان:هيييه بلااتي شكون نتوماا و شنو هادشي

عفراء: تهدن را حنا لي جبناهم

سفيان:وخا نقدر نعرف شنو هادشي

محمد:حلهم و شوف

مشاا كيحل كل صاك لقاه عامر بالفلوس

سفيان(مصدوم):واش شفرتوو شي بنكك

عفراء:خاصك الفلوس هاهما مكيهمكش منين جبناهم..تماا كاينة 400 مليون..

سفيان:لا 600 كاملة كاينة

عفراء(بإستغراب): محمد اجي بغيت ندوي معاك

محمد:وخاا

خرجوو من المكتب باش يدويو على خاطرهم..و خلاو سفيان بوحدوو غير كيشوف

عفراء:كيفااش 600 را قلتليك كانت عند خويا غير 400 او ميمكنش يزيد 200 اخرى بين ليلة و نهار

محمد: عارف 200 مليون زدتها انا من عندي

عفراء:لاا مدرتيهااش ياك..ميمكنش ليكك را شركتك براسها عليهاا ديون و هادشي بسبابيي

محمد:ماشي مشكل احياتي..نتي أهم من كولشي..و انا. قلتليك وخاا مموافقش على هادشي لي كديري بلي غنعاونك فاي حاجة

عفراء:كنواعدك غنردهم ليك احياتي

محمد:يالاه انا غنمشي دباا نخليك..ردي بالك منوو

عفراء:متخافش احياتي..

سفيان:ساليتوو من المناقشة ديالكم

عفراء:شكون هادوك لي دخلوو

سفيان:كلفتهم باش يحسبوو المبلغ واش كامل

عفراء:واش غنكذب عليك اناا دباا راهم كاملين ولا كن لي بغيتي قلب باش تأكد غير هو معنديش ليك النهار كامل عندي حوايج اخرين خاصني نقضيهم

سفيان(قرب لعندها):امم بحال تمشي توجدي لخطوبتك بمحمد ياك

عفراء:يااس مزيان ملي عارف باش تسالي دغيا

محمد:واعدتيني بلي غتعطيني فرصة..هادي هي الفرصة لي غتعطيهاليا غتزوجي بواحد مكتبغيهش

عفراء:امم باش عرفتيني مكنبغيهش

محمد:حيث انا كنعرفك كثر من اي واحد فهاد الدنياا..كنعرفك كثر من راسك

عفراء: ايوا زݣلتي هادي معرفتيهااش..انا غنتزوج بمحمد حيث كنبغيه و كيبغيني دبصح..غنتزوج بيه حيث نهار طحت هو لي لقيتو ملقيتكش نتا ملقيتش خوياا ملقيت حتا واحد من غيروو..واش كنتي كظن من بعد ݣاع دكشي لي درتي ليا غنسامحليك بهاد السهولة و غنرجع معاك..هههه كتحلم بزااف..و دباا خليناا نرجعوو لخدمتنااا

…:سي سفيان هاهما الوثائق

سفيان:وخا شكرا..

حط الوثائق فالمكتب و سيناا فالجنب ديال الورقة..و عطاا الستيلوو لعفراء

سفيان:تفضلي سيني على الوثائق

عفراء:مغتسناش تا تسالي الحساب دالفلوس

سفيان:كنفضل نتيق فيك..مبرووك علييك خديتي الانتقام ديالك

عفراء:هه هادشي غير شوية من بزااف..كنواعدك باقي مسالييت

#يتبع

Leave a comment