Skip links

قصة : لعب بالقواعد ج 1

 6,632 عدد مشاهداات

🛑حصريا على قصص ستار 🛑

°مـمنـوعـة مـن النـشـر إلـا بـعـد أخذ الـإذن°

💄و من لهيب الانتقام بعثت

💄و تحت حطام الماضي دفنت

💄و من أخطاء الماضي تعلمت

🦢هي فكرة لسعة من تصميم الكاتبة ٱية و بمساعدة دنيا ..تدور الاحداث حول عائليتن من الطبقة البرجوازية حيث تقودهما الأقدار للانتقام من بعضهم البعض..🦢

✨#لعــــــــــــب_بالقواعـــــــــــد✨

✨#Playing_by_the_rules✨

“•••هي فتاة ٱمنت بالحب..فكسرها..هي أنثى ولدت من لهيب الانتقام..تعلمت من أخطاء الماضي..هو شر لا مثيل له في الشر..و هي بداية النهاية..بداية الحب..و نهاية الموت•••”

بأنامل:

🖇️ٱية العلامي و دنيا المسعودي🖇️

⛓️و أخيرا قراءة ممتعة⛓️

🕊غنبداو القصة ملي نشوفوكم تجمعتو عليها وموجودين باش نبداو رحلتنا🕊

لعب بالقواعد: Playing by the rules

🖋️Dounia El Messaoudi & Aya El Alami

الجزء:1

بتاريخ 2015

كيف كل العائلات الراقية ..العادة لي ورتوها اباءنا على اجدادنا هي النضام دالمائدة و كيف تحط طبلة كلشي خاصو يتجمع عليها قبل كبير العائلة لي كيترأس الطاولة ..
ڤيلا كبيرة جايا فحي راقي من احياء الدار البيضاء المعهودة بالهدوء فهاذ الاحياء الراقية ..
ڤيلة الهاشمي..حديقة كبيرة بجوارها مسبح لا يقل عن هذه الاخيرة من المساحة و اللمعان ..مستفين سيارات كثيرة تاع اصحاب العائلة مقابلة معاهم الڤيلا تاع سي الهاشمي..
كالس بكل اناقتو و هيبتو ،رجل ستيني العمر الشيب مالء راصو و عاطيه الوقار لي باين على وجهو..بلباسو الصباحي الكوستار لي كيعطيه قيمة و كيبين على المكانة تاعو ..
مترأس الطاولة و ضايرين بيه ولادو من الجناب ..متقاربين فالسن لكن كل واحد وشخصيتو منهم لي شخصيتو قاصحة و متمرد منهم لي شخصيتها نرجسية و متسلطة لكن هاذ الشخصية مكطبقهاش مع عائلتها ..
عفراء البنت الوسطانية لي عند واليديها و الاخت الوسطانية فخوتها ..عصام الاصغر و ناصر الاكبر ..
الاناقة و الشياكة حاضرة و بقوة فعائلة الهاشيمي ورتوها من باهم عن جدهم..طاولتهم مليئة من الراس لراس بكلشي لي يحب الخاطر محطوط..الحلو و المالح..كالس سي الهاشيمي وعلى يدو دليمن ولدو البكر ناصر مقابل معاه ولدو الصغير عصام..و فجنب ناصر كاينة الاميرة الدلوعة ديال باباها عفراء .. عينين خوها ناصر هوما عفراء كيموت و يتسطا عليها ممكن يدير اي حاجة على قبلها عكس عصام عزيزة عليه ختو لكن ماشي بداك الحب لي كيبغيها ناصر .. شاب تلاتيني اللحية مالية ليه وجهو.. محلقها بطريقة احترافية ..لابس لباس عملي فحال الاب ديالو ..سويت فالاسود و قميجة من التحت محلولة ليها جوج صدفات الفوقانيين..اما عفراء فكانت لابسة ميني جيب و ليبة فالاسود مع توب فالاسود بالعنق .. نظرا لبرودة الطقس ..دايرة مكانة رقيقة فيديها مرة مرة كطل عليها ..
عزيزا عليها عائلتها بزاف و خصوصا خوها ناصر مكتبغيهش ياخد عليها نضرة خايبة داكشي علاش كتفادا تعاود ليه شي حاجة خصوصية لي ممكن تزعزع الثقة تاعو فيها ..مسحات فمها و ناضت وقفات

عفراء: سمحو ليا نخليكم ..

ناصر: عندك شي حاجة؟

عفراء:اه .. دايرا مع صاحبتي كوثر نخرجو هاذ الصباح باغا تشري شي حاجة

الهاشيمي: كلسي ابنتي على الاقل حتى تكملي طبسيلك

عفراء: لا صافي ابابا و الله الله يجعل البراكة .. غتجيو للعشا فالعشية؟

الهاشيمي : اه ضروري

عصام:حتى انا غنمشي .. هذا هو الوقت

ناصر: يالاه الوليد ،تاواحد مابغا يفطر نوضو نخدمو تاحنا

الهاشيمي( كيشوف فمرتو لي ݣالسة فكرسي متحرك مقابلة معاه ) و الاميرة ديالي شكون يبقا معاها ؟

عفراء: اوا عرفتي شنو هاحنا غنمشيو و خليك انت مع ماما هههه

ناصر: سيري الله يمسخك مابقيتيش غتعطلي ؟

عفراء : ااه بصح هه يالاه بسلامة عليكم ..

#يتبع
لعب بالقواعد: Playing by the rules

🖋️ Dounia El Messaoudi & Aya El Alami

الجزء:2

خرجات كتمختر بالطول لي عطاها ربي و كضرب بشعرها يمين يسار ..طويلة كي العودة تبارك الله طالقة شعرها البني لي واصل حتال خصرها ومخرص من لتحت.. لي شافو كيحمقو ..خرجات وديمارات طوموبيلتها من نوع جيب ݣريا..كتصوك بشوية متقلة .. شافت تيليفونها شعل و هي تهزو جاوبات

عفراء: الوو كوثر.. هاني يالاه خرجت

كوثر:من الصباح و حنا نساينو فك .. واش نفطرو ولا نساينوك

عفراء: لا لا غير بصحتكم انا فطرت ديجا فالدار غير فطرو نتوما ..

كوثر: ياله ماتبطايشاي

عفراء: لالا راني ديجا قربت

قطعات عليها و ضورات لواتساب صيفطات ميصاج
“بصحة فطورك”

حطات تيليفون وكملات صوكانها كدندن مع واحد الاغنية حتى وصلات عندهم كانو كالسين فاول طبلة فواحد القهوة ..كالسة كوثر وحداها ولد يكون قدها تقريبا فالعمر و مقابل معاها واحد الشاب داير نظارات شمسة و مݣانة فيدو .. حاط طيلي فوق الطبلة و طبسيلو خاوي

..:تعطلات

كوثر:حتى انت سفيان مفيكش ݣرام دالصبر

…:هاهي وصلات غا سكتونا

ناض سفيان من بلاصتو و جر ليها كرسيها كنوع من الجنتلمانية.. باستو فحنكو و سلمات على لوخرين غير بالفم ..

سفيان: حبيبة تعطلتي علينا

عفراء: راك عارف غير مع الدار كيفطرو و القعيدة هي القعيدة ..

سفيان : ماعليش. شنو ناخد لك

عفراء. لا فطرت ديجا عاد جيت .. الوغ شنو البروكرام داليوم

كوثر: غنمشي انا وصهيب للسينيما و نتوما

سفيان( ضار شاف فعفراء): نمشيو للبحر ؟

عفراء: اوكي ولكن خلي تال العشية ..

سفيان: يالاه معايا نقديو شي غراض علاما توصل العشية

عفراء: واخا صافي

ناضو هوما و خلاو كوثر هي و صهيب صحبها كيفطرو على خاطرهم .. كوبل في قمة الروعة هادئين مافيهم لاصداع لامشاكيل تعارفو دابا شي شهورا قلال ولكن علاقتهم غادا مزيانة

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:3

عند سفيان و عفراء
هابطين مع الدروج دالقهوة .. و شادين لبعضياتهم فيديهم كيبانو فحال عصافير الحب … سفيان جاه اتصال ..طلق من يديها و جاوب

سفيان:ألو

…:قضيتي الغرض

سفيان:لاا باقي عاد غادي دبا يلاه سير..

قطع عليه ..

سفيان: حبيبة خاصني نمشي نجيب شي وراق من الدار يلاه تمشي معايا

عفراء:وخاا و لكن غنبقا نتسناك فالطموبيل

سفيان: وخاا لي بان ليك(بقا طالق من يديها وكيتمشا ساكت تا دوات هي عرفاتو تقلق )

عفراء(قاصتو فكتفو) حبيبي ماشي مكنتيقش فيك .. انا عارفني كنتيق فك كثر من اي واحد فهاذ الدنيا .. غير هو …

سفيان ( قاطعها): غير هو شنو ؟ ثاني ديك الهضرة دناس و الشرف و انت ماشي فعايلك ؟

عفراء : اه مانفدرش ندخل معاك لدار وانا مابيني و بينك تا حاجة .. راحنا عايشين فالمغرب ماشي فاوروبا

سفيان : صافي دابا ديري لي عجبك .. غا زيدي

وصلوو للدار ديال سفيان ..هبط هو و عفراء بقات كتسنا فالطموبيل ..كتشوف من الزاج..كانت عمارة كبيرة جات فالسونطر ڤيل..و كان التحت باركيينغ كبير محطوطين فيه الطموبيلات ..فهاد الوقت كان سفيان كيركب كاميرات فالدار ديالو..و فاش سالا هز الوراق و هبط عند عفراء

سفيان:سمحي ليا احياتي تعطلت عليك..كان خاصني نسيني شي وراق كنت نسيتهم و دويت ابيل فالتيليفون مع الواليد دكشي لاش تعطلت

عفراء(بقات كتشوف فيه مدة و نطقات):وخاا ..و شحال من مرة كنقوليك متبقاش تقوليا هاد الهضرة و خصوصا هنااا

سفيان:وخاا احياتتي (و ورك عليها كتحدي) صافي مشينا

«««شركة الهاشيمي لصناعة السيارات»»»

….:و لكن اسي احمد را لا قبلنا هاد الصفقة را غنتعتقو من واحد الخسارة كبيرة..سمحلي اسي احمد و لكن حنا مضطرين نقبلوو
احمد:(بكل هدوء):..هاد الصفقة مغتقبلش..هضرة وحدة باقي متزاد فعائلتي و لا شركتي لي يدير يدو مع يد العدو ديالي (زدح بجهد مع الطابلة)
ناصر: تهدن الواليد..صافي سمعتوو هضرة سي احمد هادي الهضرة اللخرة مغنقبلوش الصفقة قلبوو على حل اخور
…:سي ناصر الوقت مبقاش لينا باش نفكرو فشي حل اخور غيكون من الاحسن تفكرو تقبلو بالصفقة
ناصر:صافي دوينا فكرو فشي حاجة اخرى
خرج كلشي بقا غير ناصر مع الاب ديالو سي الهاشيمي
فهاد الاثناء كانت عفراء و سفيان عايشين الاجواء دالحب و الرومانسية فالبحر و مدايينهاش فالناس لي كيشوفو فيهم و يضحكوو و هوما عارفين بلي علاقتهم مستحيلة تكون و لكن هما متحدين العالم على قبل بعضياتهم اولا غير واحد فيهم لي كيتخيل بلي الطرف الآخر قادر يدير اي حاجة على قبلو..بقاو كيلبعبو و يضحكو تا غربات الشمس
عفراء:جاني جوع..
سفيان:يلاه مبقا والو و نوصلو لداك الريسطو
وصلو و ݣلسو و جا عندهم السيرڤور
…بونصواغ شنو غتاخدو
عفراء:انا غناخد ليباط دفروي دو مير
سفيان:حتا انا بحالهاا
بقاو كيتعشاو و كيكملو الرومانسية ديالهم حتا صونا تيلفون عفراء
عفراء:ألو ناصر
ناصر:فينك علاش باقي مجيتيش للدار
عفراء:احم انا باقا مع كوثر كنتعشاو فواحد الريسطو
ناصر:اوك متعطليش و أجي دغيا

#يتبع

لعب بالقواعد: Playing by the rules

🖋️Aya El Alami & Dounia El Messaoudi

الجزء:4
«««ڤيلا داليحياوي»»»

الباتول (بنظرات شرانية):غيقبلو..غيقبلو احبيبي وخا معرفتش شنو يوقع غيقبلوو

سعد:اه..اه احياتي غيقبلوو

تمات داخلة بنت تكون فالعشرينيات من عمرهاا و كتمايل بخصرها و شعرهاا الاسود الجذاب

…:هاي..علاش مجمعين عاوتاني

الباتول:علاش مديهاش فراسك ابنتي

سعد:خلي عليك البنت..عاوديلينا شدرتي اليوم اميساءء

ميساء:والو خرجت مع صاحبتي لمياء راكم كتعرفوها..المهم انا غادة نعس..باقي مجاش سفيان؟!واقيلة خاصكم تردو ليه البال شوية

سفيان:مالي أنا..فاش تبغي تهربي من الجواب كدوري ليا

ميساء:هاه ذكر خوياا و وجد العصا..تشاوو

سفيان: شنو وقع الواليد واش قبلوو

سعد:باقي داير فيها عزة النفس و لكن غيقبلوو غيقبلوو

سفيان:ان شاء الله الواليد..المهم هاني غادي طالع لبيتي

الباتول:بلاتي اولدي..تسنا بغيت نقوليك شي هضرة

سفيان:وخا الواليدة الله يسمعنا خبار الخير

خرجوو من المكتب لي كانو ݣالسين فيه

الباتول:مغتعاودش ليا شنو بينك و بين ديك البنت

سفيان:اينا بنت الواليدة!؟

الباتول:راك فهمتيني كندوي على بنت الهاشيمي

سفيان:اوووف الواليدة مابيناتنا والو غير اصدقاء

الباتول:واش عارف راسك علامن كتقول اصدقاء لبنت العدو ديالنا

سفيان: الواليدة مدخلونيش انا فهاد المشاكل ديالكم قلتليك مابيناتنا والو

الباتول:نتمنى حيث لا كانت بناتكم شي حاجة غتولي هضرة اخرى

مشا سفيان للبيت ديالو و هو كيتخيل لا عرفات الام ديالو بعلاقتهم شنو غدير..توجو للبيت ديالو لي كان غامق عليه اللون الرمادي مع الأبيض مخلي البيت كيبان غاية فالجمال..حيد تريكو لي كان لابس و تلاح فالفراش..هو تيليفونو بغا يصوني على عفراء مي لقاها سيفطات ليه مسج «تصبح على خير احياتي 😘»

#يتبع

لعب بالقواعد: Playing by the rules

🖋️Dounia El Messaoudi & Aya El Alami

الجزء:5

صبح صباح جديد على عائلة الهاشيمي و اليحياوي..

نايض كيتكسل ..هز طيلي يشوف واش جاه شي ميساج مابان ليه تا ميساج حطو و ناض لطواليط قدا حاجتو و غسل وجهو .. خرج لبس سروال الدجين مع طريكو بالكم نضرا اليوم السبت كاينا خدمة .. لقاهم كي العادة مجموعين على الطبلة باقي غير سعد اليحياوي .. هو كبير العائلة و الاب ديالهم .. سلم عليهم

سفيان:صباح الخير ..

ميساء: صباح النور .. يلاه فايق

سفيان: مانعستش بكري ..

سفيان: الوليدة .. صباح الخير ..

الباتول: صباح النور اوليدي .. كلس ساين باك علاما يجي و نفطرو

سفيان:هاني معاكم ..

باتول :ماكاينا خدمة اليوم هي غنخرجو ..

سفيان: هاني معاكم هاد الصباح العشية عندي بارتي كي العادة

باتول (بشك): كبرتي ومابغيتي تحيد منك هاذ القعيدة..او معامن هاد البارتي غتكون

ميساء(باستهزاء): مع صحابو اماما و البنات را باينة ..

ميساء الحلم ديالها تكمل قرايتها و تبعد على عائلتها ..كتقرا التصميم باغا تدير شركة ديالها خاصة بعيدة كل البعد على شركة باها

هبط سعد اليحيوي لابس حوايج سبورتيف ظاهر انه غادي للاصال من مور الفطور .. ترأس الطاولة كيف عادتو ولقا التحية الصباحية

سعد :صباح الخير

جر الكرسي تاعو وكلس كيفطرو و كيتناقشو فين غيدوزو هاذ الصباح حتى قررو يخرجو لواحد المنتجع من بعد مايرجع من لاصال و يكونو العيالات وجدو راسهم .. دازت عندهم الصباح كيفما شهاو .. تغداو مع بعضياتهم و من بعد كولا ومشا لقنت

فالدار ديال سفيان

كيف عادتو كل عشية دالسبت كيوجد للبارتي لي كيدير .. كيسطوكي الشراب و المملحات و المحليات..كان معاه صاحبو اكرم عشيرو الروح بالروح ماشي غير صاحبو

سفيان: صافي كملنا ..

اكرم: صافي ناضي.. دابا شنو ناوي دير معاها

سفيان : خاصها تجي

اكرم : اه ضروري هادي هي فرصتك ..و هاكا غادين يقبلو بزز منهم

سفيان : نتمناو خير ..

..الطموبيلات لي حدا العمارة كيلمعو على ماليهم .. غير الحديد وباين من دوك الموضيلات انها شبابية ..جامع فدارو كاع صحابو كيف عادتو السبت كيدير ليهم بارتي .. الشباب على الجهد و الروائح تاعهم تفوق سمعتهم فالبلاد ..لابسين غير لي مارك كل قميجة تنسيك فلوخرا..وكل سروال و حذاء ينسيك فلاخر .. اما ماليهم يا سلام شمنك يا زين شمنك يا فورمة شمنك يا شعر.. تحسب راسك فالمالديف .. اما البنات و دور الاغراء لي لاعبين داكشي الضخامة.. مكيناش لي لابسة السروال كلشي الميني و السدر مليوح القدام ..كل وحدة تنسيك فلوخرى كيبرقو باللمعان لي عاطينو ليهم المكياج الكثيف ..
داخل لبيتو و مخلي الموسيقى مجهدة مطلوقة و صحابو مهوماش هنا .. كيصوني و يعاود تاكان غيفقد الامل عاد جوباتو..

#يتبع

لعب بالقواعد: Playing by the rules

🖋️Dounia El Messaoudi & Aya El Alami

الجزء:6

سفيان : علاش مكتجوبييش ؟؟

عفراء: كتغوت لا ؟

سفيان (ضغط على نفسو ) لا احبيبة .. غير من الصباح و انا نصوني لك علاش مكتجوبيش ؟

عفراء: فينا ايطا

سفيان ( ترسمات ضحكة على وجهو عريضة): هاني جاي عندك

قطع عليها و خرج من بيتو سدو .. داز من حدا الدراري شي كيسلم عليه شي كيدير راسو ماشافوش .. كان الجو سخون وحالين السراجم باش تبرد الدار .. شي كيشطح شي كيكمي شي كيشرب .. شي مقابل غير السطوريات .كولا وحالو
نزل عندها دغيا مابغاش يتعطل عليها .. لقاها كتسناه قبالة العمارة فطوموبيل .. نزلات و عطات الكارد يبلاسي ليها طوموبيلتها .. جرها سلم عليها بلابيز و شدها من يدها ..

سفيان : شكرا بزاف حيت قبلتي تجي

عفراء( غادين وكيدويو) جيت بستة وستين كشيفة ..خليتهم تا نعسو .. خويا لي راه باقي مادخل للدار عنداك غير نحصل .. شنو الحل اسفيان واش غنبقاو هاكا ؟

سفيان : ماعرفتش ..( خدا يدها و باسها ) عارفاني احبيبة كنبغيك ونموت عليك .. لكن المشكل فعائلتنا ..

عفراء: نستقرو عليهم.. ونعيشو حياتنا بعيد عليهم..

سفيان : نساي احبيبة كلشي عيشي معايا اللحضة اليوم..

حل الباب ودخلها للدار .. كان عالم اخر .. واخا لباس عليها لكن عمرها قبلات تجي لفحال هاذ الانواع دالحفلات.. ولا تخلط مع هاذ الاشكال .. زائد هادشي غير مسموح بيه فعائلتهم ملتازمين و سي الهاشيمي انسان متدين.. ماعمرو يسمح بولادو يكونو من هاذ الاشكال ..

دخلات كضور فعينيها وتشوف مع الارجاء.. شداتها الدوخة لانها ماموالفاش بهاذ الاضواء و الاجواء..

سفيان:مرحبا بيك فداري ..

بدا كيقدمها للدراري صحابو و غير كيسمعو بنت الهاشيمي كيتصدمو .. لانهم عارفين العداوة بين العائلتين من زمان ..
جراتو للجنب و دوات بشوية .

عفراء: واش عارف راسك شكدير .. راهم غيفضحونا ..

سفيان : كنبغيو بعضياتنا وناوين بعضياتنا للحلال ..فين المشكل لا عرفو ..

عفراء: هادشي دوخني ( شدات فراصها )

سفيان : ( شد ليها فيدها ) بشوية عليك احبيبة .. تبغي الماء ؟

عفراء: اه .. ماكرهتش عفاك ..

مشا للكوزينة جبد قرعة من التلاجة .. كب فكاس الماء وردها .. شاف مع جنابو مالقا تاواحد .. و هو يجبد من جيبو دوا تاع التنويم ودارو ليها فالكاس..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:7

سفيان:هاكي شربي احياتي

عفراء:شكراا..(شربات الما و شداتها و الدوخة)

سفيان(كيعيطليها حيث كيحس بيها بدات تغيب)عفراء..عفرااء

عفراء:آي..راسي كيضرني بزااف

سفيان:وخاا اجي معاياا

عفراء:ففي..ين(طاحت سخفات)

سفيان هزها و داها للبيتو و لاحها فوق الفراش

فبلاصة أخرى

…:لقيتي شي حاجة

…:اه اسي ناصر.. و لكن هادشي لي غتشوف يقدر ميعجبكش

ناصر: وريني

…:فاش تتبعنا فين مشات مادموزيل عفراء طموبيلة ديالها وقفات فالباركينغ ديال واحد العمارة جات فالسونطر ڤيل

ناصر:بلاتي..علاش غتمشي لتما و هي عارفة بلي لي ساكن تما العدو ديالنا

هز جاكيتوو و خرج معصب..ركب فطموبيلتوو و كسيراا حتا وصل لفين كاينةة عفراء

عند عفراء
فاقت ضارها راسها و كتشوف مع جنابهاا..لقاات نااعس حداهاا سفيان و عرياان..و شافت فراسهاا لقات تاهي عريانةة

عفراء(بعصبية و الدموع فعينيها):ميمكنش تكون وقعات شي حاجة..ميمكنش

لبسات حوايجها و هي كتبكي و خرجات من البيت و كتشوف الروينة فالدار و مكاين تا واحد حلات الباب باش تخرج و تلاقات مع صدمة حياتها

عفراء(بصدمة):خوو…ياا

ناصر(كيشوفها فديك الحالة كتبكي و كيتمنى مايكونش دكشي لي فبالو..سولها بهدوء لي خلا عفراء تزيد تخلع): اش كديري هناا؟؟

عفراء:خوياا ماشي دكشي لي فبالك كنحلف ليك

ناصر(بنظرات ممصدقينهاش شكتقول): عفرااء نتي عارفة دار من هادي اذن شكديري فهاد الوقت عندو..و اشمن علاقة تقدر تكون جامعاكم..غنسولك و كنتمنى تقولي الصراحة حيث منبعد لا عرفتك كذبتي عليا كنحلف ليك بلي عمرك باقا غتشوفي هاد الوجه لي عزيزة عليه ختوو..شنو بيناتكم نتي و داك الدري؟؟

عفراء(بتردد هي عارفة بلي مغتقدرش تكذب عليه كثر): كنحلف ليك بلي داكشي لي بيناتنا سالا..مبقا بيناتنا والو كانت حفلة اليوم و حضرت ليها و صافي

ناصر(بالغوات): واااش نتي عارفةةة معااامن كنتي دايرة علاقةة..واااش عاارفةةة لا عرفف الواليدد بهاادشي شغيوقع لييه

عفراء غير ساكتة و كتبكي

ناصر: وخاا وخاا..شنوو وقع تاا تفارقتوو بعدا

عفراء(ولاات صفرة حيث هي براسها معارفاش شنوو وقع ):ما..ماوقع والوو..غيير عرفت بلي ميصلاحش ليا

ناصر:وخاا غنرجعوو للدار و غتقولي ليهم كنتي معايا لا سولوك و هادشي لي وقع غيبقا بيناتنا و غتنساي عليا ديك العائلة و داك الدري..فهمتييي

عفراء (مبقاتش قادرة تدوي غير ومات ليه براسهاا زعماا اه)

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:8

ركبوو فالطموبيل ديال ناصر أما طموبيلتها ديجا وصا واحد خدام عندو يجيبها للدار..غاديين فالطموبيل و عفراء حاطة راسها على الزاجة هي كتفكر وفاش نقدر تكون وقعات بيناتهم شي حاجة و ايلا كانت وقعات علاش معاقلة على والو و كيفاش غتقدر تواجه عائلتها..و ناصر كيفكر تاهو كيتمنى أنها متكونش خبات عليه شي حاجة أخرى..و وخا هكاك كيحس بالشمتة حيث خبات عليه هادشي..وصلو للڤيلاا و هبطوو و كل واحد فيهم معالم بيه غير الله..مع الدخلة تلاقاو مع خوهم عصام ݣالس فالجردة

عصام:هاي هاي على السلامة فين كنتوو
محاوبوهش و دخلوو

عفراء غير دخلات بغات تطلع لبيتها حيث مقدراش تشوف فوجههم..و لكن عيطوليها

أحمد:السلام عليكم عاد جايين فين كنتو بالسلامة

ناصر:كنا أنا و عفراء مع بعضياتنا الواليد بلا متخاف

أحمد:اه و لكن اولدي علمونا على الاقل متخليوناش مبرزطين..يلاه دوزو تفطروو

عفراء:ا..غير فطرو بصحتكم انا غنطلع ندوش بلاما تسناوني

ناصر :تا انا الواليد غنطلع نخدم على شي وراق باقيين لينا بصحتكم

طلعات عفراء و دخلات لبيتها و تبعها ناصر

ناصر:عفراء..مبغيتش نعرف منبعد بلي باقا كتهضري معاه

عفراء:وخاا اخوياا

سدات عليها البيت و حيدات حوايجها باش تدوش و ناوية فاش تسالي غتعيط لسفيان باش تعرف واش وقعات شي حاجة بيناتهم

عند سفيان فدارو

أكرم:و دبا شنو ناوي دير

سفيان:دبا عاد غيبدا اللعب دبصح..غنسيفطليها التصاور لي صورت و نشوفها هي شغادير..و لا مقضاتش الغرض نشوف خوهاا لي متكبر غير راسو..مغيرضاش يشوف شرف ختوو ضااع

أكرم:خاص يخافوو منك الناس اصاحبي..و لكن باقي سؤال واحد فراسي..واش بصح غتاصبتيهاا و لا غير تمثيل؟؟

سفيان(بنظرات غير مفهومين): خليها سوربراايز

صونا طيلي ديالو لقا عفراء لي كتاصل بييه و دار ضحكة جانبية و لكن مجاوبش

عند عفراء لي سالات الدوش ديالها و لبسات حوايجها و هزات الطيلي ديالها كتاصل بسفيان و مكيجاوبهاش و لي خايفة من أنه تكون وقعات شي حاجة بيناتهم و دبا كيتهرب منها

عفراء:يلااه جااوب..جااوب..قطعاات معصبة و حطات الطيلي و هبطاات للتحت تݣلس حدا واليديها و ضحك معاهم لي مغتعاودش ضحك معاهم من هنا القدام..مغتعاودش تجمع معاهم

ناصر كان خارج من المكتب لي كان ݣالس فيه و داز على بيت عفرااءء و بقا متردد واش يدخلل حيث وخا معرف شنو كتبقا خصوصية ختو هي خصوصيتها معندوش الحق يدخل فيها و لكن هادشي ممنعوش من أنه يدخل..دق فالباب ملي مجاوبو تا واحد دخل. من تلقاء نفسو..و مشاا هز الطيلي ديالها كيضارب معاه باش يتحل.. جرب ݣاع الحوايج لي تقدر ديرهم ختو فالمودباس و لكن مصدقوش ..و فالاخر كتب “Soufiane” و صدقات و غمض على عينو بأعصاب

#يتبع

لعب بالقواعد: Playing by the rules

🖋️ Dounia El Messaoudi & Aya El Alami

الجزء:9

بعد المرات كنكونو تايقين فالناس لي دايرين بينا عاطينهم حبنا و تقثنا كاملة .. وبين عشية و ضحاها حتى كينتازعو تقثنا فيهم .. واخا عن غير قصد لكن مفعول الدقة لي كتجينا من جيهتهم كثر من مفعول الحقيقة حتى كنصدقو متيقين الصدمة و ناسين الحقيقة.. و بدون وعي كنوليو حاضين منهم ..

مع حل تيليفون ..لقا تصويرتو هو وياها فالشاشة .. دار ضحكة جانبية لكن كان عندو احساس ان فرحتو مغاديش تكمل ..دخل لواتصاب بغا يشوف العلاقة لي بيناتهم فين واصلة وواش دوات معاه ولا لا .. مالقا والو.. كونفي ممسوحة يالاه جا يخرج و هوما يوصلوه عشرة دالميصاجات من عند نمرة مامقيداش عليها السمية .. ورك عليها و دخل .. من البروفيل لي فيه هو .. سفيان عرفو..دخل طيليشارجا التصاور .. كانو بديك الضبابة باينين تاع شي حاجة مهمة .. اول مابان ليه فاول تصويرة .. جارها لعندو معنقها خاشية راصها فصدرو و هو واخد سيلفي من الفوق ..دوز للثانية و تما كانت الصدمة .. انها كلها عريانة.. حبس التقلاب فالتصاور لانو مابقا لو ميشوف كلشي واضح ..هزو دارو فجيبو بغا يهبط لكن..فثانية حس بالدوخة شداتو تسند فالحيط و حط يدو على راصو كارز عليه .. داز لبيتو هز منو السلاح بدون تفكير هبط للتحت لقا ضحكة ففمها .. شاف فيها نضرة وقاحة كفاش دايراها قد راصها وكالسة مع واليديها فحالا ماناقصها تاخير .. مشا جرها من شعرها من وسطهم و خرجها لجردة .. عطاها تيليفون و يديه كيترعدو وجهو حمر

ناصر :حليه

عفراء(كترعد و خايفة من لي فبالها ) :ع..ععلاش اخويا

ناصر(صرخ بغوتة خلات لي لداخل يخرج ): قتليييييييك حلييييييييييه

حلاتو و هي كتقفقف … تحل نيشان فتصويرتها عريانة عينيها خرجو من داكشي لي شافت .. بقات كضور فالتصاور و كتزيد تصدم ..ماحسات تاعطاها بطرشة خلات حنكها يضور ..شدها من شعرها و داها و جابها.. كيدوي و الكشاكش دالدفال خارجين من فمو

ناصر : نقولك جوج كلمات ..نجي مالقاش اصل مك فهاذ الدار .. خوييييها … مسخة و مدلولة ورخيصة .. ومعامن ..مع العدو دالعائلة ..

دفعها تا طاحت للارض..طاح ليها طيلي من يدها و بقات كالسة كاتبكي و تغوت شداتها هيستيرية.. مشا بجيهة طوموبيلتو باش يمشي عاد يشوف حسابو مع سفيان..خرج سي الهاشيمي من الدار لقاها كالسة فالارض مشا كيجري لعندها ..

الهاشيمي .:بنتي .. مالك ..

بان ليه طيلي مليوح على وجهو فالارض هزو و هوما يبانو ليه تصاورها .. شد على قلبو مابقاش قاد يستحمل .. لان كل ماكخاف عليه الانسان و هو الشرف الى ضاع الشرف ضاع كلشي .. كانت اخر حاجة يشوف من بعد ما طاح فالارض هاز صبعو كيشهد و دا مول الامانة امانتو ..

كانت صرخة كافية انها توقف الحركة فأرجاء الڤيلا .. لا من الخدامة لا من الام المقعدة لا من عصام لي يالاه هابط من بيتو لا من ناصر لي رجع من نص طريقو للطموبيل ..

عفراء: بابااااااااااااااااااااااااا .. (مشات عنقاتو و بقات تفيق فيه على امل تكون كريز عادية و تفوت لكن هادي اخر مرة ) ههءهءهءهءءهءهه عفاك ابابا فييييق عءهءهءهءهءه بابااااااا

#يتبع
لعب بالقواعد: Playing by the rules

🖋️ Dounia El Messaoudi & Aya El Alami

الجزء:10

كلشي جا كيجري مجموع عليه .. هبط عصام و رجع ناصر كيجري لعندو و بداو يديرو ليه فالاسعافات الاولية كي ديما لكن هاذ المرة كانت مغايرة على المرات لي فاتو .. كلشي ضار كيشوف فيها كاين لي بتساؤل مالو و كاين لي فحال ناصر فاهم شنو كاين جرها من شعرها و خرجها للزنقة لاحها ..

ناصر : ماعندنا بنات فالعائلة و ماعندي اخت سميتها عفراء

الام ديالهم بقات غير كتبكي لاحول و لا قوة ليها ماقادرة دير والو .. انسانة مقعدة على كرسي متحرك كتقتلها الحسرة كل يوم على رجليها .. قلبها كيتقطع من الداخل على بنتها لي ترمات للزنقة

الام: نااااصر … دخل ختك علاش لحتيها فالزنقة … اربييي واش باغين تقتقلونيييي اجي شوف بااااااك ..

ناض عندها عصام بدا كيسكت فيها .. عقلها غيخرج بالغوات

عصام: تهدني الوليدة راه بهاذ العصاب لي راكبك بقيتي باراليزي ..

الام: عيط على الطبيب

عصام(بحزن ): وخاا الواليدة..غير تهدني..و لكن را مكاينش النبض

الام : اوليييي .. هءهءهءهءهء ( طاحت من الكروصة وبقات كتزحف تا وصلات عندو ) هءهءهءهء فييييق ولمن خليتيني خءهءهءهءهءهء فيييق شكون دار فك هاذ الحالة و وصلك لهادشي هءهءهءهءهءهء اربيييييي هءهءهء

عصام الولد الصغير لي خاصو يكون هو الدلوع و يسكتوه و لا هو كيصبر فيهم .. الدمعة فعينيه مغرغرة مقادش يهبطها خاصو يبان قوي قدام مو .. نسا بلي باه هذاك لي مات ولادابا خايف على مو لا تموت و يفقدهم بجوج دقة وحدة ..دخل ناصر لعندهم هز مو حطها فبلاصتها و عيط للومبيلونص..

وقفات فالزنقة و الدموع غريزة فعينيها ..عاد كانت فدارهم حدا خوتها و مها و باها معززة مكرمة كلشي كيبغيها .. حتى صبحات مليوحة فالزنقة بين الحيوطة .. تفكرات باها لي لداخل ماعرفاتو واش حي ولا ميت .. بقات دق و تغوت حتى خرج عندها العساس .. رجل مسن وباينا فيه متاقي الله

العساس: ابنتي البراكة فراسك ..

عفراء: هءهءهءهء بغيت نشوف بابا

العساس : واخا نخليك دخلي راه مات .. وسي ناصر عطاني اوامر الله يخليك ماتخرجيش ليا ابنتي على بلاصتي

حدرات راسها و الدموع مابغاوش يحبسو من عينيها .. بقات كالسة شحال حتى جات لونمبيلونص باش يهزوه .. حدها شافتهم مخرجينو فالباياص..و شافت ماماها شحال كتبكي و خوتها وخاا ممبينينش و هادشي كامل بسبابها .. خنزر فيها ناصر و هي تمشي بقات غادا تا طابو رجليها .. تفكرات غير واحد دار عندها وسط المدينة بقات جاوة رجليها تا وصلات ليها .. لقات تما الكونسيارج ناض عندها سلم عليها

الكونسيارج: بنتي عفراء .. كي دايرة .. مالك شهاذ الحالة

عفراء: والو باس .. عفاك اعمي سوارت دالبرطمة

الكونسياج: واخا بنتي دقيقة و هاني جاي

مشا كيطير جاب ليها السوارت تاع الدار لانها كتخليهم ليه لربما حتاجت الدار شي نهار و بغاتو يسيقها.. خداتهم وطلعات فالسانسور تا وصلات .. حلات الباب ودخلات ماداتها فتاحاجة .. كانت الدار مفرشة و مقادة كتشعل .. لاحت السوارت فوق الطبلة وكلسات فالصالون لي على الدخلة .. بدات كتبكي تبكي و تغوت و تنتف شعرها عاد رجع معاها كلشي داكشي لي داز .. تفكرات التصاور تفكرات خوها و باها و دارهم .. كتبكي و معارفاش علاش تبكي..واش تبكي على باها لي ماات بسبابها..ولا على عائلتها لي غيلوموها طول ماهي عايشة..ولا تبكي على راسهاا

عفراء(بقات كتبكي حتا نهارت): هظهءهءهءهءهءهء انا السباب فكلشي هءهءهءهءهءهءهءء انا لي درتها بيدي هءهءهءهءهءهء

سكتات من البكا..و ناضت عينيها حمريين.. لقات زيت دالطياب خواتو على السدادر وزادت الماء قاطع تا هو خواتو .. مشات جابت شمعة شعلاتها و لاحتها على دوك السدادر فالبلاصة شعلات العافية و شخدات فالطلامط .. مشات خدات موس دالخضرة .. بقات كتشوف فيه و تبكي ..

عفراء: هظهءهءهءهءهءهءهء ياربي تسمح ليا يااربي ءهءهءهء..عيييت اربي هءهءهء

غمضات عينيها و دوزات على اليد الاولى .. الحر لي فقلبها كان كثر من لي فيديها .. زادت الثانية و رمات الموس مابقاتش قادة تشد تاحاجة .. الدمايات ولاو منها شلال نازلين.. بقات شحال تا حسات براسها طاحت للارض و سخفات اما العافية ولات شادة فالدار كاملا ..

لعب بالقواعد: Playing by the rules

🖋️ Aya El Alami & Dounia El Messaoudi

الجزء:11

🕛في الحاضر (سنة 2021)🕛

«بعد مرور ست سنوات»

جالس شخص فكرسي الصرامة باينة على وجهو..كيشوف فالناس لي كاينين معاه..و كيبان أنه كيتسنا شخص محدد..شويه عاد تم داخل واحد الشخص كيبان عليه مغرور..مشا حتا هو ݣلس فالمقعد لي فيه الرقم ديالو..و بدا المقدم كيشكر الناس لي حضرو المزاد..و افتتح المزاد للسيارات بأول سيارة لي هي عتيقة من طراز الرودستر الكلاسيكية و كان أول ثمن هو 150 مليون..و بدا التزايد من هنا

…(هز اللوحة ديالو): 200 مليون

المقدم دالمزاد:سي اليحياوي 200 مليون

…:215 مليون

المقدم دالمزاد:سي الهاشيمي 215 مليون

الناس كلهم خلاو المزاد و كيشوفوو فيهم غير مكيزيدو يطلعو فالثمن..حيث كلشي تقريبا عارف العداوة لي بين الهاشيمي و اليحياوي..نقز واحد الشخص كان ݣالس اللور باش غيختم هاد المزاد

…:230 مليون

المقدم دالمزاد:230 مليووون..كيران عندنا مشتري مجهول الهويةة

كلشي دار كيشوف شكون هاد الشخص..و لكن مكايبانش مع الضو ديال البروجيكتر..و تباعت هاد السيارة لهاد الشخص..و فاش سالا المزاد..خرح ناصر كيقلب على شكون هذا لي عطاا هاد المبلغ الكبير..وخاا هو كان فبالو واحد الشخص و لكن مكانش متأكد..و كيف كنشوفو بلي ناصر مكانش هامو نهائيا هاد المزاد كان مباغيش غير سفيان يربح.. شاف شي واحد خارج من الباب..مشا عندو

ناصر(يتعجب و تأكد فنفس الوقت): محمدد..كنت عارف

محمد: ايييه محمد

تسالمو سلام رجوليي و تموو غاديين كيهضروو..محمد تقريبااا فنفس عمر نااصر..و فنفس مواصفاتو

ناصر: ميسحابليش غتجي هاد العام للمغرب

محمد: تا انا و فاش قريت بلي كاين شي مزاد و مجموعين نتا و اليحياوي قررت نجي..و حقاا البركة فراسكم لا من جيهة باكم و لا حتا عفراء

ناصر: ما مشا معاك باس..وخا ݣاع محضرتي للݣنازة

محمد: راك عارف كانو عندي أشغال بزااف اما انا كنت غنجي..و وخا را كنت متبع كولشي..الإفلاس ديالكم و كيفاش عاودتي وقفتي بالشركة من مور الموت دباك

ناصر:ايوا تباركلاه عليك راك متبعع..جي عندنا اليوم للدار راك عارف الوليدة توحشتك..و منها نيت تلفهاا شوية

محمد: وخاا غادي نقضي غير واحد الغرض و ها انا معاك

ناصر: وخاا يلااه تلااح..انا غنمشي للدار تا تلحق عليا

محمد: صافيي..سالاو الهضرة..مشا ركب فطموبيلتوو اما بالنسبة للسيارة لي تزايدو عليها فالمزاد غيوصلوهاليه تال دارو..صونا تيليفوناا كانت نمرة ديال براا..جاوب حيث عارف ديالمن

محمد(بالإيطالية):?ciao ti sei svegliato
الترجمة:ألو..واش فاقت؟؟

…:No, non si è svegliata, volevo solo chiederti cosa le avremmo detto se si fosse svegliata perché quando è andata così veloce…
الترجمة: لا باقي مفاقت..بغيت نعرف شنو غنقولوليها ايلا فاقت..حيث فاش سافرتي دغياا…

محمد:Se si sveglia prova a calmarla e dalle il telefono per parlarmi

الترجمة: ايلا فاقت حاولو تعطؤوها مهدئ و و عطيوها التيليفون نهضر معاها

…:Beh, mi scusi, signor Muhammad

الترجمة: وخا..سمحليا سي محمد

قطع محمد و مشاا للدار ديالو باش يبدل حوايجوو

#يتبع
لعب بالقواعد: Playing by the rules

🖋️ Aya El Alami & Dounia El Messaoudi

الجزء:12

عند ناصر..وصل للدار و حط الطموبيل و دخل تلاقا مع عصام لي كبر و نضج مابقاش كيف كان ماهامو والو بالعكس ولا كيحس بالمسؤولية..سولو ناصر

عصام: امضرا شدرتي

ناصر: ماشي انا لي خديتها..و لكن ماشي تاهو

عصام: هههه و شكون هذا لي غني كثر منكم باش ياخدها

ناصر:محمد هو لي خداها

عصام: الكنانيي؟؟

ناصر:اه..الواليدة الفوق؟

عصام(بحزن):اه..فبيتها كتبكي

طلع ناصر عند موو باش يشوفها

ناصر(دق فالبيت عاد دخل): الواليدة.

جيداء(شافت فيه و عاودات قلبات وجهها كانت شاظة تصويرة عفراء و كتبكي عليها): شنوو بغيتيي

ناصر: الواليدة عفاك باراكة من البكاا واش مسمعتيش الطبيب شقاليكك

جيداء(شافت فيه مدة طويلة): نتاا السبب فهادشي كامل لي واقع لينا..نتا السبب فموت باك و ختك..كوون مجريتيش على ختكك ݣااع مكاانت غتنتااحر..ها هي دباا ماتت و مقدرناااش تاا نشوفوو وجهها

تنهداات و سكتاات..و ناصر غير سااكت و كيسمع هاد الهضرةة لي دخلاات كي القرطااس فقلبوو..و لكن مكيلومش الأم ديالو..حيث أي كلمة خرجاتت من فمهاا عندها فيهاا الحق..نااصر عارف بلي هو السبب فموت ختوو و لكن ممتقبلهااش..حيث مباغيش يأنب ضميروو بسبااب وحدةة خانت عائلتها..و لكن را فنفس الوقت كيأنب ضميروو غير محاسش

خرج من البيت و خلاا الام ديالو كتبكي و تلاقاا مع محمد لي مشا لدارو و بدل حوايجوو و جاا.. و لي دااز هادشي كامل تحت عينيه..وما ليه ناصر يقدر يدخل عندهاا..و هو مشا لبيتوو..جبد قرعة دالويسكي مخبية عندوو و ݣلس كيشرب..كيف كتشوفو عائلة الهاشيمي تبدلات بزااف..كان فالاول عصام لي كيشرب و يخرج مع البنات و لكن دبا ناصر لي ولاا كيشرب..كان شاد الطابليط ديالو دالخدمةة و كيطلع و يشوف شركة اليحياوي فين واصلةة..و بالصدفةة طلعاات ليه بنت عائلة اليحياوي غتولي مترأسة الشركة مع خوهاا..من ورا 6.سنين تبدلووو بزااف دالحوايج تا فعائلة اليحياوي بحيث البنت لي كانت كتقول عمرها غتخدم فشركة باها..ولات خدامة فيها هي و خوهاا حيث بااهم على فراش الموت

ناصر لي كان كيشوفف كيبحث على بنت اليحياوي شكون هي و دخل الانستاغرام ديالهاا..و سجل البلايص لي كتمشي ليهم..و فهاد الاحيان كان محمد كيواسي فمدام جيداء و خرج و مشاا عند نااصر لي لقاه كيشرب

محمد: رجعتي لطبيعتك عاوتاني اصاحبي

ناصر: طلق اصاحبي و خلينا نهضرو

محمد(رماه ليه القرعة من يدو): دبا يلاه نهضروو..شنو ناوي دير دباا فالشركة

ناصر(بضحكة جانبية): غناخد شركة اليحياوي و غتولي بسميتي

محمد: هههه اهاه و كيفاش ناوي دير هادشي

مد لييه الطابليط فاش كان كيشوفف

محمد( بعدم تصديق فاش شاف تصويرة ميساء): لاا ماشي هادشي لي فبالي غادير

ناصر: نخليوهاا سوربراايز

#يتبعلعب بالقواعد: Playing by the rules

🖋️ Aya El Alami & Dounia El Messaoudi

الجزء:13

خدا كلشي المعلومات عليها .. فين كتجمع معامن كتكلس .. صحابها .. صحاباتها .. عرف كلشي عليها حتى الشهادة تاعها عرفها فينا شعبة واخداها .. من خلال المعلومات لي جمع عرف بلي غادي تكون اليوم فالقهوة ***حيت كتجمع فيها غالبا مع واحد صحبتها تما .. لبس سروال تجين مع طريكو فالغوز و سنسلة رقيقة فعنقو.. دار ريحتو و هز سوارتو و نضاضرو .. نزل لقا نجلاء و عصام على الطبلة .. لي ملي مات شي الهاشيمي و هي خاوية.. قلييييل لا تجمعو على شي عشا ..

ناصر:صباح الخير ( مشا لراس مو و باس عليه)

نحلاء( حطات يديها على يدو ) صبا النور .. كلس تفطر

ناصر: امم.. اسمحو ليا بصحتكم .. عندي موعد ضروري نمشي ليه ..نعوضها ليكم فالعشا..

نجلاء:على مغتجيش للغدا؟

ناصر: لا مغنكونش مسالي..

نجلاء:اوا صافي خير نيت راني عرضت على سي محمد ..باش يتعشا معانا ..

ناصر : صافي مزيان ..

دار نضاضرو و خرج ديمارا طوموبيلتو و كسيرا حتال ديك القهوة .. حرف عليها شوية و حط طوموبيلتو بعيدة شي شوية عليها .. بقا كالس ختى بانت ليه سيارة كلاسيكية دايزا بلاصات و نزل منها رجل باين من لباسو انه عامل ..حل الباب ..خرجات منها رجيلك صغيورة تقول تاع بنيوتة فعمرها سطاش العام.. مزينها خلخال و الضفيرات مسبوغين بالغوز بيبي.. شد بيديها تا نزلات لابسة كسيوة صيفية طايحة على كتافها .. سد الباب و هي كملات طريقها للقهوة ..
بقا كيتفرج فداك النزول الاسطوري .. حتا كلسات فبلاصتها و هو ينزل من طوموبيلتو ..نزل داير نضاضرو و كيتمشا مشيتو المعهودة على اطراف كدامو ..الشيء لي كيخلي جسمو الجداب يتهز مع كل عفطة .. وصل للقهوة يالاه غيجي عندو السرباي يرحب بيه ..وهو يدير ليه من بعيد خليك تم .. فهمو و بقا فبلاصتو .. مشا للطبلة لي حداها و كلس .. طلب قهوة قاصحة اما هي طلبات عصير التوث ريتما تجي صحبتها .. صيفط ميصاجللكارد .. و ما هي الا دقيقتين حتى دخل واحد الشاب لابس كلاس و زوين باينا فيه مادب .. كلس بعيد مقابل معاها و بقا كيشوف فيها ..جا عندو السرباي طلب منو تا هو قهوة و جابها لبه .. كلما كيحني راصو باش يحط الكاس كيشوف فيها .. طاحت هي لي كانت كاعما مسوقة لكن ملي طاحت عينيها على عينو و هي ضور وجها بخطوة ..
خلاها شحال على خاطرها من لعد ناض عندها ..

الشاب: السلام مادموزيل.. ممكن نكلس

مارداتش عليه و ضورات وجهها لجيهة الاخرى

الشاب:انيسة؟؟

ميساء: مابانوش لك البلايص خاوين .. عجبك غا هاذ الكرسي

الشاب :اه هنا فين غرتاح..

ميساء: اوكي عرفتي شنو

ناضت هزات صاكها و هو يشد ليها فيديها .. مع شد ليها فيديها و هي تخرج عينيها فحال شي قطة صغيورة

ميساء: شكدييير .. طلق منيييي…

الشاب : و هي لاكلستي

ميساء( تنترات منو ) : واش مكتفهمش مالك لصقى

الشاب: انا لصقة؟

ميساء: اااه و لا ما بعدتيش مني غن..

الشاب( جرها من ودنيها ) شنو غنن هااا ..

ميساء: ااي هءهءهء طلق منيييي..

بدات كتشير بيديها للكارد لكن ليكارد تاع ناصر كانو تكلفو بيه دارو ليه لابق باش يدطر يحيد من قبالة القهوة و مايشوف والو .. اما فهاذ الاثناء..ناض ناصر داير فيها منقد المواقف الصعبة ..حيد ليه يدو عليها و دوا بشوية ..

ناصر : حيد عليها يدك ..

الشاب: رانت مالك .. شكتجيها ..

ناصر : ماشي شغلك .. خرج من هنا ..

الشاب : و لا قتلك لا ..

مازادش معاه الثانية و هو ييعطيه كروشي نعسو جابو مطروح فالارض .. مع ضربو مع حطات يديها على عينيها و بدات تبكي بصوت مسموع ..

ميساء:هءهءهء لااا.. هءهءهء لا لا عفاك هدااا

#يتبع
لعب بالقواعد: Playing by the rules

🖋️ Dounia El Messaoudi & Aya El Alami

الجزء:14

الكارد تاعها هو اخر من يعلم.. جاي كيجري لقا داك دري مجبد فالارض.. و الدم فنيفو.. و ناصر واقف داير نضاضر ماعرفوش .. مشا عند ميساء

الكارد: انيسة.. بيخير ؟ سمحيلي جيت معطل

ميساء: مكين باس.. تقدر تخرجو و سير تاا انت ..

نوض داك دري خرجو على برا بمساعدة دالكارد تاع المقهى..اما هي كلسات شادة على راسها و ناصر واقف عليها كي قباض الارواح ..

ناصر: سمحي ليا دخلت بيناتكم.. ولكن ماخاصوش يحط عليك يديه وسط بنادم ..

ميساء( عاد ردات ليه البال بلي باقي واقف دارت ليه امارة بيدها يكلس عاد هزات راسها شافتو شكون صغرات عينيها فيه و قالت) :حيد نضاضرك عفاك

حيدهم بلاما يعاودها معاها و هي تخرج عينيها فيه ..

ناصر : بنت اليحياوي بلا شك ؟

ميساء: ناصر الهاشيمي؟

ناصر : دكشي لي كنت شاك فيه.. انت هي .. مهم سمحي ليا دخلت بينك و بين داك الدري كيفما كان الحال ماشي سوقي و سمحي ليا مرة اخرى ..

جا نايض من بلاصتو و هي تشدو من دراعو كلساتو .. بدات كتشوف فجنابها واش شي واحد حاضيهم ..

ميساء: رض نضاضرك عفاك ..

ناصر 🙁 هز نضاضرو دارهم ) مالك كتفتفي غا راسك ؟

ميساء: يمكن فراسك بلي كاين عداوة بيناتنا..و لي كاين بينك و بين خويا..هذا سبب كافي يخليني نتفتف

ناصر : اه .. انا معرفتكش فالاول .. بان ليا دري شاد فيك كيف اي بنت غنحامي عليها و مغنبغيهاش تضرب..

ميساء: شكرا .. ولكن ماخاصش الصحافة يشوفونا ..

ناصر : علاش؟

ميساء: غيوصلها شي واحد لخويا ..

ناصر : علاش اش بيني و بينك .. شي واحد حاما عليك و صافي ..

ناض هز تيليفونو خلاها كتشوف فيه ماقدات تقول والو ..حدها حبساتو لكن فاش شافت الانضار تلفتو ليها و هي تكلس ..

خرج هو و غمز للكارد بمعني كلشي هو هذاك .. خلصو داك الشاب ليكراوه يدير داكشي و مشا فرحان بفلوسو ماهاموش الكروشي لي خمج ليه وجهو ..

اما هو فمشا لطوموبيلتو ديمارا فرحان .. لان كاع لي بغاه طرا .. بلعاني دار فيها كاعي لانو عارفها قلبها ضعيف و دغيا يمكن يتضحك عليها ..

#يتبع
لعب بالقواعد: Playing by the rules

🖋️ Aya El Alami & Dounia El Messaoudi

الجزء:15

عند ميساء..بقاات كتفكر فكيفاش هضرات مع ناصر..تا جات صاحبتها ماجدة

ماجدة: اووه..شكون هذاا لي داا لصااحبتيي العقل

ميساء: هههه..ݣلسي ݣلسي..

بدات كتعاود ليها شنو وقعع مع ناصر حيث صاحبتها الروح بالروح مكتخبي عليها والو..و ماجدة غير كتصنت ليها

ميساء:و صافي هادشي لي وقع..و دبا انا كنحس بلي متعاملتش معااه مزيان..تخيلي معايا مشكرتوش تا فاش عتقني من داك الموسخ

ماجدة: اش غادي نقوليك را وخا معرفتش شنو يدير راه كيبقاا العدو ديالكم..

ميساء: وخاا هكاك خاصني نعوض على الخطأ لي درتت..و زيد عليها بلي هاديك العداوة كاينة بين العائلة و خويا اذا انا معندي تا علاقة بهادشي…المهم انا عارفة بلي كنا غادين نخرجو و نضورو و لكن كيف كتعرفي تابعاني الخدمة غنمشي للشركة..

ماجدة: صافي غير سيري و لكن غتعوضيني

ميساء: ضروري

عند ناصر لي مشا لشركة سفيان باش يرون الاجواء…وصل للشركة و بلاصاا الطموبيل و جااو عندو لي ݣارد يحبسوه حيث ممنوع عليه يجي ليهاا..عيطوو لسفيان باش يقولوها ليه لي كان بدورو مستغرب شنو جاا كيدير..خلاوه يدخل..دااخل بكل هييبةة و لابس نضاضروو مدايهاا فتاا وااحد…طلع فلاسانسور…و بدون سابق إنذار..داه تفكيروو لعند ميساءء..كيفكر كيفاش كانت كتهضر معاه و خايفة…و ضحك..و دغيا جمع ضحكت بعدما تحل لاسانسور..شافتوو السكرتيرة..و وراتو جيهة المكتب..مشاا ديريكت دخل بلاماا يدق فالبااب..المكتب كاان كبيير..غالب عليه اللون الأسود بطابع عصري..كان سفيان واقف ورا الكرسي دالمكتب ديالوو كيتسنا فناصر يدخل..و لي دخلي بلا سلام بلا والو غير جااا و ݣلس

سفيان: ماشي من عوايدك اسي ناصر تجي لعندناا

ناصر: اه ملي مبقيتش كتزورناا قلنا نجيوو نشوفوك..كيدايرة الاحوال فالدار عندكم..اولا كيبقاات ختك من بعد هداك لي كان تهجم عليها

سفيان(بعصبية و فنفس الوقت مكالمي):علااش كتهضرر..و فيين كتعرفف ختي

ناصر(بحدة): الدنياا دوارة و قصيرة فنفس الوقت..المهم انا غير قتليك باش تولي ترد البال اختك شويةة

خرج و خلااه كتشعل فيه العافية..مع الخرجة تلااقا مع ميساء..

#يتبع
لعب بالقواعد: Playing by the rules

🖋️ Aya El Alami & Dounia El Messaoudi

الجزء:16

خرج و خلااه كتشعل فيه العافية..مع الخرجة تلااقا مع ميساء..لي تفاجأت من وجودو فالشركةة..هو لبس نظاظرو و دار راسو مكيعرفهاش و مشاا…الشيء لي خلاهاا تقلق..هي براسها معرفاتش علااش تقلقات واش غير حيث حاسة براسهاا بلي تعاملات معاه خايب ولا شي سبب اخر..دخلاات للمكتب دخوهاا لي لقااتوو شااعل

ميساء: اشنو وقع عاوتانيي

سفياان: شنوو وقع..لا ماوقع والو..غير واحد كان كيتهجم على ختي..و انا مفراسي والو..و من عند من غنسيق الخبار

ميساء: مفهمتش واش نتا معصب على لي تهجم عليا..ولا على ناصر

سفيان: ناصر..ههه من ايمتاا وليتوو كتعرفوو بعضياتكم بعدا

ميساء: هو لي عتقني من هذاك لي كان غيتعدا عليا

سفيان: ميساء غنقوليك هضرة وحدة غتبعدي من هذاك ناصر حسن ليك..

ميساء: ولا شنوو..اولا معندكش الحق تدخل فياا ندوي معامن بغيت..و اصلن السيد مدار والو را العكس خاصك تشكروو

خرجات و خلاتو… مشات للمكتب ديالهاا لي كان تا هو مكتب كبير و كيتيميز بلمسة خاصةة ديالها..دخلاات و ݣلساات كتفكر فشنوو تقدر دير باش تشكر ناصر..دخلاات الباج ديالو فانستاغرام..كتقلب و كتشوفف فتصاوروو..بقاات كتقلب و لكن ملقات والو..خرجات عند السكرتيرة تسولها

السكريتيرة: مدموزيل ميساء خاصاك شي حاجة

ميساء:عندك النمرة ديال ناصر الهاشيمي؟

السكريتيرة(بإستغراب): بلاتي نقلب..اه هاهي امادموزيل

ميساء: صافي شكرا و لكن هادشي يبقا بيناتنا

السكريتيرة: داكوغ مادموزيل

رجعات للمكتب ديالها و مترددة واش تتصل بيه ولا لا حيث هي اصلن معارفاش شنو غتقوليه..تاصلاات و بقا كيصوني و فاش حسات بلي مغيجاوبش بغات تقطع و لكن جاوب

ناصر:ألو شكون معايا

ميساء(بتلعثم): ا..انا ميساء

ناصر: ميساء؟؟

ميساء: اليحياوي..البنت لي عتقتيها اليوم

ناصر:اه..داكوغ خاصاك شي حاجة

ميساء:ا..كنت..بغييت نعتاذر على التصرف لي درت الصباح..و بغيت نعرف واش تقدر تكون مسالي اليوم بليل

ناصر:علااش؟!

ميساء: كيف قلتليك بغييت نعتاذر على التصرف لي درت و نشكرك

ناصر: اك غنشوف واش نقدر نحيد المواعيد لي عندي

#يتبع
لعب بالقواعد: Playing by the rules

🖋️ Aya El Alami & Dounia El Messaoudi

الجزء:17

خرج من المكتب ديالو متاجه للدار ..كانو كلهم كيتسناوه للعشاء..باش يتجمعو عليه كيف كان واعدهم .. لقا محمد كالس معاهم كيضحك مع عصام و نجلاء فيديها تسبيح كتسبح .. مجموعين فالصالون .. دخل و لقا التحية الجماعية عليهم

ناصر : السلام عليكم ..

الكل: عليكم ااسلام

نجلاء: جيتي بكري

ناصر : ايوا جيت نكلس مع سي محمد شويا .. حيت عندي مزال ميدار

عصام: على مغتعشاش معانا ؟

ناصر : لا نتعشا معاكم .. راه عليها ..

نجلاء: هء نقول لوئام (الخدامة) تحط العشاء

ناصر : واخا نغسل يدي و نجي..

مشا للطاوليط يغسل يدو و هو يوصلو ميصاج .. مسح يدو و جبد تيليفونو من جيبو باش يقراه .. لقاه تاع ميساء مصيفطة ليه الوقت و المكان تاع المطعم ..
مع خرج طلاقا مع محمد مسند على الحيط كيتسنا فيه يخرج ..

ناصر: البطال ..

محمد: شنو درتي معاها ؟

ناصر : لالا دازت المرحلة اللولة من داكشي .. طيحتها فالشبكة و بينت ليها على حسن النية..دابا راها عارضك عليا باش تعتاضر مني ..

محمد: تعتاضر مناش..

ناصر : حيت ماتصرفاتش زوين ..هادشي كامل فصاليحي..خاصني نخليها تعفط على كلام خوها .. كيفما دارت ديك الكلبة ..

محمد( غمض عينيه) الله يرحمها ..

ناصر : (مسح على وجهو ) : الله يرحمها و يغفر لينا و وليها .. مهم خلاصة القول .. كما تدين تدان .. و باشما قتل غيموت ..

محمد: الى خصاتك شي حاجة مرحبا .

ناصر : الله يحفضك عارف ا با محمد لي كاين .

نزلو يتعشاو كانت دايرة حوتة كبيرة معمرة بالروز فالفران و حاطا معاها الشلايض .. و كاطباق ثانوية حاطة فخوي دميغ ..و كاين حدا كل واحد حساء دالحوت ..

ناصر( مسح فمو ) الحمد الله ..

نجلاء: كوول اولدي .. ماكليتي والو

ناصر : الحمد الله.. الله يجعل شي براكة ..

كلشي ناض وعصام دفع بمو الكرو لي كالسا عليها كتال الجردة .. بقاو كالسين تا جابت ليهم الخدامة فناجين تاع القهوة تحت طلب تاع كل واحد فيهم ..
بقاو كالسين الرجال كيتماقشو فامور الشركة و نجلاء طلعات لبيتها .. اما ميساء فهاذ الاثناء و صلات بسيارتها للمقعى .. داها السرباي للطبلة لي مريزيرفيا

ميساء: مزال ماجا ؟

السرباي: لا باقي .. تبغي نجيب لك شي حاجة قبل ما يجي و نحط ليكم العشاء ؟

ميساء: لا .. غير سير شكرا .. فاش يجي دخلو عفاك ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:18

وصل للموقع لي صيفطات ليه .. كان خاوي فيه شي طومىبيلات قلال اما المقهى عامرين فيه جوج و لا تلاثة دالطبالي..جا عندو السيرفور وصلو للطبلة د ميساء.. كانت لابسا عااادي فحالا ماغادي تلاقا مع تاشي واحد .. يعني عندها خرجة بسيطة وصافي ماشي لقاء . و تا هو كان بالمثل لابس جد عادي حواجيو دالصباح بقا بيهم .. وصل خدا الطبلك لي فيها هي ..ناضت و قفات و مدات ليه يدها ..

ميساء: مساء الخير ..

ناصر ( شاف فيديها).. و صافحها بالمثل مساء النور ..

جر كرسيه و كلس وتا هي مقابلة معاه .. بقات مدة ساكتة عاد دوات

ميساء: امم المهم ( كتحك فراصها) انا مكنعرفش ندوي فالصراحة .. احم ( تقادات فالكلسة) بغيت نقول تعبيري غير لائق ..زعما بسيادتكم .. اه .. كيف كتعرف ( عاىدات تقادات فالكلسة ) انا دويت خيب معاك فالصباح و سأت فك الدن.. كنتمنا انك تفهمني .. خويا مانع عليا ندوز من حدا عائلتكم .. و بابا مغيبغيش .. و ماما غتقلق .. المهم انا ماشي صوقي فيهم .. غير مابغيتش ندير شي حاجة لي تجيب الشوهة لعئيلتي اما رأيهم مكيهمنيش و ماكنبغيهمش يدخلو فيا ..

بقات كتهضر و هو كيشوف فيها بملل لكن تصرفاتها كيجيبو ليه ضحكة .. تقادات فبلاصتها ما يقارب بعشرة دالمرات ..بقا داير ضحكة جانبية و هي كتهضر .. تاكملات شافتو ماهواش معاها و هي تحرك يدها

ميساء: هيي.. انت معايا .. ولا داوية راصي

تقاض فبلاصتو و مسح على و جهو ..

ناصر : لا معاك.. غهكت من هضرتك بلي راكي كتعاتدري

ميساء: ااه ؟؟

ناصر: ولكن ماسمعت تا كلمة اعتذار..

ميساء: ضروري ..راك عارفني..

ناصر (قاطعها) هاصني نسمعها باش نحس بيها

ميساء( بقلة حيلة) سمح ليا ..

قالتها و نزلات راصها .. حسات بالاحراج و عينيها تغرغرو .. هي جايا موعولة انها تعتاضر منو لكن ماعمر شي واحد بزز عليها دير داكشي لي بغا .. واخا فدارهم غير كتسهوم فيهم و كدير لي مسلكها حيتاصلا قراراتهم كتبان ليها غير صائبة .. شافيها حادرة عينيها و هو يقرب منها و حط يدو على دقنها .. هز ليها راصها و هوما يبانو ليه عينيها مغرغرين .. عوج فمو ماعجبوش الحال يشوفها هاكاك.. لكن طعم الانتقام كيغلي فدمو و هو لي كيسيطر عليه ..طلعات معاها الحرارة فاش حط يدو على دقنها .. زولاا وجها منو غير بالفن باش ميغيقش بيها..
شاف حينكاتها تزنكو و حميمرين عجبو الكال لكن مابغاش يخرج على الطبيعة .. فضل يغير الموضوع باش ميزيدهاش احراج فاحراج

ناصر : اوا شنو جايباني تال هنا و غتخليني بجوع .. اه والى كانت شي حاجة دالخوت اخليها عندك انا يالاه كليتو

ميساء: هاء اذا انت معشي

ناصر :اه

ميساء:(عوجات فمها) كان كيصحاب ليا قبلتي تجي للعشاء على اساس ندويو و نتعشاو ..

ناصر : ماشي حشومة نخرجو بلا خبار داركم ؟

ميساء:( هزات راصها فيه و طلعات حاجبها ) والديا و عزاز عليا و مانبغي تاديهم تا حاجة.. لكن ماشي من حقهم يدخلو فيا.. و زايدون اش دخل دارنا فالهضرة دابا ؟.. اجي قلتي شي حاجة لخويا ياك ؟ اااه اكيييد !!

ناصر : اه قلت

ميساء: اعع .. واش مكتعرفش تحتافض بسر .. هذاك كان سر.. مكانش خاصك تقولو ليه .. دابا انت فضحتي سر

ناصر : سر بلا خباري ..؟؟باش غنعرف انا واش سر و لا لا؟ ماشي اصدقاء و اول مرة نطلاقاو اكيد مغنعرفش شنو كيعجبك و شنو لا ..

ميساء: اوففف ..

ناصر : ياك مكيهموكش؟

ميساء: اه .. يعاودو لقبهم غيغوتو شوية و يسكتو .. ماعلينا.. انا بعدا فيا الجوع هود شي كلاص و لا شي حاجة ..

ناصر: اوكي .. ( اشار للسرباي بيدو..تاجا عندو ) لغي العشاء عفاك ..

ضارت شافت فيه بمعنى كفاش؟

ناصر : اجي معايا ( مد ليها يدو ) ….

#يتبعلعب بالقواعد: Playing by the rules

🖋️ Aya El Alami & Dounia El Messaoudi

الجزء:19

مدات لييه يديهاا تاهي بإستغراب

ميساء: فين غاديين

ناصر كتفى بالصمت و ركبوو فطموبيلتوو

ميساء:را كندوي معااك..فين غادي بياا

ناصر:دايمان كتهضري بزااف؟؟

ميساء:لاا و لكن فاش شي واحد كيديني لشي بلاصة و اما معارفاش كندوي بزااف

ناصر: غير تهدني مخاطفكش..قلتي فييك الجووع غنديك لبلاصة غتشبعي فيهاا

سكتاات ميساءء..بقاو غادين فصمتت غير كل مرة واحد فيهم كيضرب طلة على لاخور..وصلوو لواحد البلاصة حدا البحر..هبطوو و بقاات ميساء كتشوف حيث عمرهاا جاات لهاد البلايص..دايمان كتمشي غير للريسطوات و كذاا..

ميساء: هناا فين غنتعشااو

ناصر: اه علااش معجباتكش

ميساء:لاا غير عمرني جيت لبحال هاد البلايص

هبطوو من الطموبيل و مشاا نيشان و هي غير تابعااه..حتاا وصلوو لعند واحد كيصيب سندويشات فالعربة ديالو..و كاينين كراسي دالخشب و طابلة ديالو حداه ݣالسين فيهم الناس

ميساء(باحراج): ا..اناا عمرني كلييت بحال هادشي

ناصر(ضحك):هههه متخافيش مغيوقع ليك والو..غير اجيي

مشاو ݣلسوو فطبلة ديالهم و جاا عندهم لي غياخد شنو بغاو ياكلوو..كاان راجل كبير و هو نييت لي كيصاوب الصندويشاات..و كان كيعرفف ناصر حيث ديماا كيجي هناا

الراجل: ولدي نااصر شحاال هاادي ما جيتي عندي

نااصر:عارف عارف اعمي جلال غير الخدمةة و المشاكل

جلال: اه وخاا اولدي..شكون هاد الٱنسة لي معااك

ميساء: السلاام انا سميتي ميساء

جلاال:متشرفيين.. ايوا كيف العادة اناصر و نتي ابنتي شنو غتاخدي

ميساء:ا..ا معرفتش

ناصر: تاهي بحاليي

مشاا سي جلال و بقاات ميساء بوحدها مع ناصر عاوتاني

ميساء: مكانش كيسحابلي كتعرفوو ولا كتعرف بحال هاد البلايص

ناصر: اه كنت كنجي ليه من الصغر و خصوصا فاش كنت كنكون معصبب

ميساء: اه داكوغ

من بعد شوية رجعع سي جلال و فيديه سندويشات عطاهم ليهم..بداوو كياكلوو و ميساء بداات كذوق دكشي كيداير عجبهاا و بقاات كتاكل فييه تحت نظراات ناصر لي ضحكااتو من طريقة الأكل ديالهاا..هزاات عينيها لقااتو كيشوفف فيها..توترات و حبسات الماكلةة..اما ناصر عاق بشنو كيدير..بغاا يكسر داك الاحراج..مد يدو لحدا فمهاا و مسحوو..و هي معرفات باش تبلاات

ناصر: كانت الماكلةة حداا فمك

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:20

ميساء:ش..شكراا

سالاو و ناضوو..بدا كيصوني تيليفون ميساء

ميساء:ألو..كاينة مع صاحبتي علااش..وخاا

ناصر: خوك؟

ميساء: اه.. خاصني نمشي

ناصر: نوصلك

ميساء: لاا رجعني غير للريسطو لي كنا فيه..غنمشي بطموبيلتي

ناصر: ايوا صافي

ركبوو فالطموبيل..وصلهاا للريسطوو

ميساء: ا..احم كنعاود نعتاذر منكك و شكراا لييك على هاد الليلة

ناصر:قبلت اعتذارك..و مكاين لاش تشكريني

هبطاات ميساء..دارت ليه بيديها باي باي و مشات ركبات فطموبيلتها..وصلاات للدار..مع الدخلة تلاقاات مع ماماهاا

الباتول: على السلامة فين هاد التعطيلة

ميساء: كنت مع صاحبتي

الباتول: هادشي كامل غير مع صاحبتك

ميساء: اه لا متيقتيش سوليهاا و انا ممضطراش نبرر لييك

طلعاات لبيتها بدلات حوايجهاا..تخشاات ففراشهاا على أساس تنعس..لكن عقلهاا بقاا خداام كيفكر فنااصر..بقاات كتفكر فيه تا داها النعاس..اما ناصر فمنبعد ما وصل ميساء..رجع لدارهم لقاا كولشي ناعس حيث اصلن را تعطل الحال.. مشاا تلااح ديريكت ففراشو و نعس

صبح الصبااح..فاقت ميساء دخلاات دوشات..بدلات حوايجها..خدات تيليفونهاا و هبطاات..لقاات كولشي ݣالس فالطبلة

ميساء: صباح الخير (و مشاات ݣلسات فكرسيها)..كيبقيتي ابابا

سعد:شويةة ابنتي

سفياان: ايوا فين بقيتي الليل كامل داخلة معطلة

ميساء: من ايمتا و نتا هامك معاش كندخل للدار و معاش كنخرج

سفيان: من نهار ولاو كيتعرضوو ليك الدراري و مبقيتيش كتقوليها لينا و كتخلي تا يجي البراني و يعاود لينا

الباتول: كيفااش تعرض ليك شي حد مفهمتش..شنو وقع

سفيان:سولي بنتك

ميساء:زعما متقدرش تسكت و ديهاا فراسك.. والو اماما غير فاش كنت كنتسنا صاحبتي تعرض ليا واحد و لكن صافي موقع والو

الباتول: و فين كان هذاك الݣارد لي مسيفطينو معاك..لا مكانش قادر يدير خدمتو نجيبو محسن منو

ميساء:ماما السيد مدار والو..ميمكنش ليكم تبقاو كتجريو على الناس كيفما بغيتو هاديك را خدمتوو..و صافي را لي وقع وقع

سفيان: معاودتيش ليهم المفاجأة..شكون غيعتقك منو

ميساء(بعصبية): انا عمرني مدخلت فييك اسفيان من الاحسن ليك تبعد مني

خرجاات و خلااتهم..ركباات فطموبيلتها كتبكي تا صونا ليها التليفون

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:21

جاوبات على المكالمة بلاما تشوف شكون لي صونا عليها .. كتبكي و صوتها مخنوق دموعها مابغاوش يحبسو ..

ناصر : ميساء؟؟ .. كتبكي ..

ميساء: هءهءهءهء لا .. غير..( مسحات دموعها و نفضات على وجها .. عاد وعات مع المكالمة ) وي ناصر لباس ..

ناصر : مالكي ..

ميساء: لا .. مامالي والو ..

ناصر : كنتي كتبكي ..؟؟

ميساء( ماقضراتش تزيد تحك فراسها و هي تنفاجر ثاني بالبكاء .. خلاتو يتأكد ان عندها شي حاجة ):هءهءهءهءهء عييييت هءهءهءهءهءه

ناصر : سكتي .. ماتبقايش تبكي .. فينك انت ..

ميساء:ماعرفتش .. انا غير ..( بدات كتقلب بعينيها فالمكان لقات راسها وسط طريق طويلة جيهة واحد الغابة): انا فواحد البلاصة .. ماعرفتش فين انا ..

ناصر : عطيني لوكاليزاسيون تاعك و سدي البيبان دطوموبيل ..

ميساء:هءهء واخا ..

قطعات عليه و صيفطات ليه لوكاليزاصيون .. اما هو كان ناوي ليها على خطة لكن حالها مايسمحش ليه يختابرها و لا يدير ليها شي حاجة هاذ الوقت . غير وصلاتو لوكا ليصيفطات ليه حرك طوموبيل نيشان .. كانت المسافة شوية طويلة.. حتا فقدات الامل .. و هادشي زاد على مابيها ..

ميساء: هءهءهءه.. كلشي كيضحك عليا … هءهءهءهء قاليا غنجي و ماجاشهءهءهءهء..

بقات تما كتبكي و تخنن تا سمعات صوت دطوموبيلا قريب ليها .. شافت فالمراية و هي تبان ليها طوموبيلتو .. ترسمات ابتسامة على وجها لكن هادشي مكيعنيش انها صافي فرحانة .. باقي فيها الحال على عائلتها لي ديما كيدخلو فيها فابسط الاشياء رغم انها كبرات وولات كتميز بين المليح و القبيح الا و انهم ديما كيدخلو فيها و باغينها دير لي بغاو هوما .. نزلات من طوموبيل و تكات على الكابو .. جا هو عندها كيشوف فعينيها لي منفوخين بالبكا..

ناصر : شكون دار فيك هاذ الحالة .. علامن كتبكي ..

ميساء:(حدرات راسها حيت ماعندها ماتقول.. مجاتش تقول انا عيت من دارنا .. ماشي هضرة دبنات الاصل هادي ): والو غير المشاكيل مع الدار .. عيت و صافي ..

ناصر : خوك قالك شي حاجة ولا ؟

ميساء( نزلات راسها و ماقالت والو .. حابسة البكية بزز كتشوف البراني كيفهمها و لي ناسها و تاوعها مافاهمينهاش)

فهم انها مابغاتش دوي و عندها مشكل مع خوها .. جرها عندو و تكا بدورو على الكابو دطوموبيل .. بقا كيلعب ليها شحال فشعرها و هي غير ساكتة مقالت والو و لا حتى هو ماقال شي كلمة.. خلاها على خاطرها ترتاح .. بقاو شحال تما تا تهدنات عاد ناضت على صدرو ..

ميساء: س..سسمح ليا .. تقلت عليك ..

ناصر : لا مكين باس .. شويا دابا ؟

ميساء( دارت ابتسامة رضاء ) شكرا ..

ناصر : هذا واجب

ميساء: علاش واجب ؟

ناصر : حشومة نعرف خت العدو ديالي كتبكي ومنسكتهاش

ميساء: هههههه امم .. هي دابا انت جاي باش تبان بطل قدام خويا ..

بقا ساكت شحال كيشوف فعينيها ماجوبهاش كاع .. اما هي بشوفاتو لي حرجوها حنات راسها .. عاود هز ليها راسها بيدو من دقنها حيت ماسخاش بعينيها السوداء .. قررات تكسر هاذ الصمت ودوات

ميساء: احم .. فطرتي ولا باقي ؟

ناصر : ( عاد وعا و مسح بيدو على وجهو ) لا.. باقي .. خرجت بكري من دار

ميساء: تا انا عصبوني و خرجت ..

ناصر : خاصني نرد لك العراضة ياك

ميساء: اه بصح .. هي غتعرض عليا للفطور .. امم فشي قهوة زوينة ..

ناصر : لواه فباطو و الشمع و الكيطاريست حدا راسنا .. زيدي زيدي..غنديك لواحد البلاصة حسن

ميساء:هههههه تفو ماللك هاكا ..

ناصر : دابا غتمشي معايا و لا لا..

ميساء: صبر نفكر .. راني عامرة اليوم

ناصر : واخا الالة هاني كنتسنا تا وكان تقرري..

ميساء: صافي قررت واخا مامسالياش انخوي هاذ الصباح على قبلك ..

ناصر : انا كنتاسف حيت الوليدة معلماتنيش نزغرت فاش نفرح

ميساء: هههه ولا انا عارفة

ناصر : زيدي زيدي ههه

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:22

ميساء: غركبو فطوموبيلتي و لا طوموبيلتك..

ناصر : نمشيو فتاعك تا نقول للكارد يجي مور ديالي ..

ميساء:هاك ( لاحت ليه السوارت )

خداهم من عندها و ديمارا طوموبيل .. و رجع باللور و مشا فالطريق المعاكسة تا وصل حدا البلاصة لي تعشاو فيها البارح تاع سي جلال.. داير طربوش على راسو و لابس بلوزة طويلة باش يبقاو حوايجو نضيفين ..

سي جلال : مرحباا مرحباا بولدي ناصر .. بنتي ميساء لباس عليك ..

ناصر : الحمد الله راك عقلتي عليها بعدا ..

سي جلال : عهه حيت معمرك جبتي شي واحد معاك لهنا اكيد نعقل عليها ..

ميساء حساات اول مرة براسهاا مميزة عند شي شخص..وخاا غير شي حاجة عادية و لكن زادت الاعجاب ديالها تجاه ناصر

ناصر : ياله ابا جلال كي العادة راك عارف

جرها و مشاو كلسو فنفس الطاولة دالبارح كانو الكراسا خاويين كاع غير شي بائعين دالورد و كلينيكس و كاوكاو و الزريعة لي دايزين فداك الصباح ..
جاب ليهم سي جلال بلاطو فيه البيض مقلي كيشهي و المسمن مع العسل و الزبدة و الفرماج .. و براد داتاي

ميساء: كتخلي الفطور ددراكم و تجي لهنا

ناصر : علاش ماعجبكش الماكلة دالبارح ؟

ميساء: لا بالعكس زوينة ولكن نتا زعماا عندك شركة معروفةة الا شافوك ماكيهمكش ؟؟

ناصر : هه انت حمقة لا ؟ كولا وحر فحياتو و زيدون غير حيت عندي الفلوس ضروري نمشي الاماكن الراقية لي اصلا مكنلقاش فيهم راحتي

ميساء( غمسات فالبيض) عمرني جيت لهنا و لكن تا انا مكيهمنيش رأي الاخر

ناصر : يعني ميهمكش الى الناس عرفونا كنتلاقاو ؟

ميساء( هزات كتافها ) الناس مكيهمونيش انا حرةة فراسي … انا هي ميساء انا لي معنية بالامر

ناصر : و داركم؟

ميساء: تا هوما ..كول البيض زوين حسن من هذاك لي كتصاوب لينا الخدامة

ناصر :ههه عجبك ..

ميساء: ااه ..

بقاو كياكلو و يدويو تا كملو داكشي و ناضو كيتمشاو حدا البحر.. شويا و قفات و تا هو و قف كيشوف مالها وبدون سابق اندار دوات

ميساء: شنو بينك و بين خويا لي معادين .. و علاش مكيحملكش .. كتبان انسان طيب ؟

ناصر: زيدي و سكتي .. متبقايش تسولي بزاف

ميساء: لا .. قوليا من حقي نعرف

ناصر: دكشي بعيد علك

ميساء:عفاك قوليا

ناصر: ماعندي مانقول عداوتنا عادية مكين لاش نكبرو الهضرة..ورا العداوة لي بيناتنا هي العداوة لي كاينة بين العائلات

ميساء: اه و لكن نتا و خوياا بوحدكم..نتوماا معاديين على شي سبب اخر

مشا و خلاها واقفة كتاكل فجنابها فتالي زادت تبعاتو حيت مالقاتش حل ثاني .. وقف حدا طوموبيلتو تسناها توصل عليه

واصر: هاكي (عطاها سوارتها )

ميساء: شكرا .. و..وسمح ليا لي دخلت فشي حاجة ماشي تاعي

ناصر : ماشي مشكل مرحبا الى بغيتي مرة اوخرى نوليو نخرجو

ميساء: بطبيعة الحال .. ( مدات ليه يديها ) اصدقاء؟

ناصر(جرها عندو تا تخبطات على صدرو ):مرحبا

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:23

تفارقو ناصر و ميساء و كل واحد مشاا لخدمتوو.. ميساء وصلات للشركة و لكن مخلاوهاش الݣارد دخل

الݣارد: سمحيلينا مدموزيل ميساء هادي اوامر سي سفيان

ميساء: حماقيتوو واقيلة را هادي شركتي تا انا

جبداات تيليفونهاا تعيط لسفيان

ميساء: را هادشي كثير لي كدير فيه.. كيفاش تحبس علياا ندخل للشركة

سفياان:اجي للدار

مشاات ميساء للدار و هي معصبة..دخلاات لقاتهم كلهم كيتسناوهاا

ميساء:ها انا جييت دباا نقدر نعرف علااش منعتوني من ندخل الشركة..و لقيت بالصدفة بلي لغيتو ليا ليكارط ديالي..واش حماقيتوو

سفيان: معندناش البنت لي تخرج و تدخل الوقت لي بغاات و تمشي تݣلس مع العدو ديالنا..من اليوم غتݣلسي فالدار مكاين لاا خروج لاا صحابات..و غير نساي الشركة

ميساء: هههه واش حماقيتي ولاا مالك..را عندي النص فالشركة انا مخدماش عندك انا شريكتك هادي اولا و نتاا شكون باش تحكم فياا ندخل الوقت لي بغيت و نخرج معامن بغيت

الباتول:هضرة وحدة قالها ليك خوك هي لي كاينة..غتݣلسي فالدار مكاين خروج و الشركة غدا غيجي المحامي غتكتبي النص فالاسهم ديالك لخوك

ميساء(مصدومة): كنت عارفة عزيز عليك ولدك كثر مني..و لكن ماشي لهااد الدرجةة…بابا عفااك ݣول شي حااجة

الباتول:باباك متفاق معانا هادشي لي كنديرو فمصلحتك

سفيان:اه و بلا متعيطي لصاحبتك حيث مهاا مبقاتش بغاات تشوفك معاهاا

طلعاات لبيتهاا بزعااف و سداات عليها و ݣلساات فالأرض كتبكي..بقاات حتا سالات بكاها..خدات تيليفونها بغاات تعيط لصاحبتهاا و تفكراات خوهاا شݣاليها..وخاا هكاك تاصلات بيها..لقاتها مبلوكياها من النمرة..ملقاات حتا شي حد كتعرفوو تعيط لييه..ماجدة كانت صاحبتهاا من الصغر هي الوحيدة لي عاقلة عليهاا كانت كتوقف معاها فأي حاجة..تفكراات ناصر و لكن مقدراتش تعيط ليه..بقات حايرة مع عقلهاا واش تاصل بييه..فاللخر قررات تاصل..تاصلاات بقاا كيصوني عاد جاوب

ميساء:ألو

ناصر:ميسحابليش كتوحشيني دغياا

ميساء: اه ههه

ناصر(حس بيهاا ماهيااش):مالك واش وقعاات شي حاجة

ميساء: ا..ناصر

ناصر:كنسمعك اميساء

ميساء: واش تقدر تعاوني

ناصر: اه غير قولي

ميساء: حبسوني والديا فالدار حيث عرفو بلي كنتلاقا معااك..اوو انا مغنقدرش نبقاا هناا حيث غدا غيجيبوو محامي باش ننقل الاسهم ديالي لخوياا

ناصر(تفكر ݣاع دكشي لي دار لختوو..و الأنانية لي كانت فيه): كيفااش ماشي من حقهم يتعاملو معاك هكاا..راك بنتهم زعماا..كيفاش غتخرجي من الدار

ميساء: غنخرج من الباب اللوراني دالڤيلاا مكيكون تا واحد تماا ف 6 دالعشية

ناصر: وخاا صافي وجدي راسك مع 6 غتلقايني تماا

ميساء:شكراا ليك بزاااف

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:24

قطعاات ميساء و مشاات جبدات باليزتهاا كانت ديجاا معمراهاا بالحوايج و ماكياجهاا..مشاات للمجر ديالهاا خذاات شي فلوس كانت كتخبيهم تماا..ݣلساات كتسنى..اما عند ناصر فكاان كيدوي مع محمد على هادشي ليوقع و كيشرحلييه

محمد: واش وليتي كتبغيهاا؟؟

ناصر: حماقيتي..را غير غنعاونهاا حيث عندها مشكل..نزيد نذكرك حنا اصدقاء..و هادشي كامل راه فمصلحتي اناا..المهم نخلييك غنمشي

خرج ناصر..ركب فطموبيلتوو باش يمشي عند ميساء حيث قرباات ضرب 6..وصل للڤيلاا..صوناا على ميساء

ناصر:ألو راني وصلت

ميساء: وخاا هاني هابطة

هبطاات كتسلت..مكاديرش الحس تا وصلاات..مشاات كتجري عندوو و عنقاتوو..كان كيتسناهاا متكي على اللور دالطموبيل تا ماعرف باش تبلاا فاش عنقاتوو

ميساء:شكراا لييك

ناصر:هذا واجب الاصدقاء

ميساء: و لكن معرفتش فين غنمشي..لغاو ليا لاكارط مغنقدرش نݣلس فتا شي اوطيل

ناصر:غنخلص اناا

ميساء:وخاا هكاك غيشوفني شي حد غيعيط على واليدياا

ناصر(بدون حيلة):يلااه طلعي..انا عارف فين غنمشيو

ميساء:فيين

ناصر:غير طلعي

طلعاات و بقااو غادين..وصلوو لواحد البلاصة بحال غابة..بقاا داخل و سط الاشجار..اما ميساء خايفة..بقاا غادي تا وصل حدا واحد الكوخ غير هو كبير ماشي صغيير..هبطوو من الطموبيل وهي موراه كتبحلق كي الدري الصغير بعينيها

ميساء:علاش جيناا لهااد البلاصة

ناصر(عرفهاا مامرتاحاش): غادي تبقاي هناا تا نفكروو فشي بلاصة اخرى..يالاه اجي

دخلوو كان كلوو من الخشب..مشاا ناصر يجيب شمعة و شعلهاا..كانت مدفأة فالجنب و لكن مخدماش.. الكوخ كان مفرش على حقو و طريقو و بما انه كيجي ليه مرة مرة فالبرد اذا مفرشو بفراش دافئ
ناصر:من شحال هادي ماجيت لهناا دكشي علااش مكاين والو..انا غادي ندير الخشب فالمدفأة و نتي سيري للبيت بدلي حوايجك لا بغيتي..

هو خرج مشاا جاب الماكلة لي من الكوفر دالطموبيل..كان ديجاا معول غيجيو لهناا..دخلهم حطهم فالثلاجة.. مشاا جاب الخشب لي كيكون احتياطي و دارو فشوميني ..فهاد الاثناء كانت ميساء دخلاات للبيت كتبدل حوايجهاا..لقات فدوك الحوايج غير شورطات قصار مكروزين عليها و لا سوميجات حيت حوايج النعاس هكاك كتنعس بيهم ..ختارت بيجامة بشورط قصير و طريكوها فيه الصدايف بدلات و خرجاات عند ناصر..لقاتو وجد كولشي وكيتسنا فيها

ناصر:(بقا شحال كيشوف فيها كلما دارت شي حركة مثيرة كيتفكر ختو كيفاش كان كيستغلها سفيان و يزيد يحقد):صافي بدلتي يلااه اجي ݣلسي

ميساء:ناصر.. نتا ممضطرش دير هادشي كامل على قبلي..راه كنزيد غير نجبدليك الصداع

ناصر: حنا اصدقاء..اذن من الواجب ديالي نوقف مع الصديقة ديالي.. اجي تاكلي و نساي هادشي

ميساء:(طولات الشوفة فيه ) واش بصح كتحسبني صديقتك لا اقل و لا اكثر

ناصر:حد الان راكي صديقتي وقت اخر منعرف

ميساء:كفاش زعما؟

ناصر: دوزي تاكلي باراكة من الاسئلة

مشااو كيكالو..كان سخن سباغيتي..ديجاا شراها موجودة و دباا غير سخنهاا..كلاو و سالاو.. ناضت هاد المرة ميساء تجمع الطبلة..كتغسل الماعن بطريقة عجيبة لي ضحكاات ناصر

ناصر: ههه واش عمرك مغسلتي طبسيل

ميساء(تحرجاات):لاا ماشي هكاك كنعرف غير..

ناصر:هههه صافي صافي غير سيري ݣلسي

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:25

فبيت مضوي داخلا منو الشمس مسلت بخيوطها الذهبية .. كان جو كيوحي بالتفاؤل و الحياة.. صوت الالات الطبية مخلط مع وشاويش تاع جوج اطباء واقفين بلباس طبي عند رجلين مريضة ممدة فوق ناموسية و معلق حداها السيروم ..

«بسويسرا»

الحوار بالايطالية

الطبيب١: تقدر تفيق عن قريب

الطبيب٢:داكشي لي لاحضت ولات كدير ردود افعال كثيرة و هادشي كيوحي للخير..

الطبيب: نتأملو الخير انشاء الله ..

حطو شي وراق فوق احد الطبلة و خرجو من البيت خلاوها مرتاحة .. ماهي الا ساعات قليلة حتى بدات كتحرك . بدات كتحل عينيها بالشوية حرقها الضوء دالبيت فعينها .. حلات عينيها على كاملهم وهي توضاح ليها الصورة .. غرفة مجهزة من اجهزة طبية حديثة الصنع..و من خلال السيروم لي فيديها فهمات بلي راهي مريضة .. بغات تحرك رجليها لكن كان الامر صعيب عليها .. كتافات غير بالغوت او نقولو لي كان كيتسمع مثل الانين تاع شي مشة صغيرة محتاجة للمساعدة ..
سمعو الاطباء صوت جاي من البيت و هوما يفرحو مشاو كيجريو عندها البيت لقاوها كتحاول دير شي حركة لكن بدون جدوى..بداو كيهدنو فيها و هي كتصدر غير انين لان حتى القوة باش تنتر منهم ماعندهاش ..

الطبيب : انسة كطاليا تهدني من فضلك .. خلينا نفحصوك راكي فأمان ..

كطاليا : شكون جابني للهنا و فين انا .. و شكون نتوما

الطبيب : اوكي غير رتاحي و تنفسي ليا .. جاوبينا على هاذ الاسئلة باش نعرفو الحال تاعك فين وصلات

بقا هاذ الطبيب كيهدن فيها و مشا لاخر على برا كيصوني ل محمد ..

الطبيب: الانسة راها فاقت ..

محمد : اخيييرا .. ماتقولو ليها والو هاني جاي

قطع من عندو و مشا كيوجد راسو باش يرجع لسويسرا اما فالغرفة دالمريضة كان الطبيب كيدير ليها فحوصات على مستوى الجسم تاعها اولا و من بعد بدا كيسول فيها

الطبيب : تقدري تقولي لينا شنو سميتك

كطاليا: سميتي كطاليا

الطبيب: مزياان .. عاقلة شحال عندك من عام ..

كطاليا ( بقات كتغمض عينيها بالم كتحاول ذكر شي حاجة لكن والو .. سدات عينيها وولات حلاتهم):ماعقلتش ..

الطبيب : شي شخص عزيز عليك ..فحال ماماك و لا باباك شنو سميتهم

كطاليا( نفس العملية ووالو) لا والو ماعقلتش .. راسي كيضرني فاش كنحاول نتفكر شي حاجة ..

الطبيب : وكيفاش ذكرتي سميتك بسهولة

كطاليا( شافت فيهم بجوج و دوات) : حيت انت لي قلتيها ليا فالاول باينا اتكون هي سميتي ..

ضارو شافو فبعضياتهم و قال واحد فيهم

الطبيب : ياك كنقولك ماتقولش السمية دالمريض حتى وكان يذكر راسو

الطبيب : نسييت نسيييت ..

خرجو برا و بداو يدويو مع بعضياتهم و الاستنتاج لي خرجو ليه هو انها تمحات ليها الذاكرة .. بقاو كيتسناو تا يجي محمد و يشوفو واش تعقل علييه ولا لا ..

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:26

تحطات الطائرة على الاراضي السويسرية .. بداو كينزلو المسافرين و من بينهم شخصية مهمة فهاذ الاراضي لي هو محمد .. شخصية بارزة فميدان التجارة فهاذ البلاد كلشي كيضرب ليه الحساب و هادشي مكيدفعوش انه يمشي فطائرة خاصة و خطوط خاصة.. قطع من الخطوط العادية واخا كانت تكلفة البيي غاليا لكن هذا لا يضاهي الاموال لي عندو ..نزل لقا شيفور تاعو كيتسنا فيه خدا من عندو واحد صاك كانو فيه شي اغراض تاعو هزو دارو فالكوفر و حل ليه الباب .. طلع و بقا صايك بيه تال واحد الدار كانت فواحد الجبل بعيدة على المدينة .. نزل حل ليه الباب و حل ليه باب الدار .. دخل لقا الاطباء واقفين كيتسناو فيه..

محمد : عاقلة على شي حاجة

الطبيب ؛ لا والو .. كنتمناو الى شافتك تفكر شي حاجة ..

خلاهم كيدويو و مشا للبيت حل عليها الباب لقاها كتشوف فالفراغ و ممددة فحال الميت .. من بعد سنوات كان عندو احساس انها يوما ما غادي تفيق .. و غادي ترجع ليها الحياة ديالها .. كان املو فيها ديما انها تفيق و ترجع و هاذ المرة كان مقرر انه يعتارف ليها .. زدح الباب بيدو و مشا حداها .. دورات راسها ليه بقات كتشوف فيه شحال و حتى هو مابغى يقوليها تاشي حاجة .. خلاها هي دير شي ردة فعل .. بقات كتغمض فعينيها و تولي تحلهم بتعب كتحاول تفكر شكون .. ولكن ملي كتسد عينيها كيجيوها بزاف دالصور مخربقة فبالها .. ماعرفاتش شكون دوك الاشخاص لي كتشوف .. ولا حتى ديالمن دوك الاصوات و العبارات لي كتسمع .. صوت البكا بزاف ماثر ليها على دماغها.. قرر يدوي و يقول شي حاجة ممكن تفكرها هي ..

الحوار بالداريجة

محمد: عرفيتيني شكون ؟

بقات كتشوف فيه شحال .. ردات راسها للور حطاتها على المخدة و جاوباتو بالداريجة

كطاليا: كنشوفك فشي صور فبالي .. لكن ماعقلتش مزيان على سميتك

محمد : شنو الصور لي كتشوفيني فيهم ..

كطاليا : واقف مع شي شخص كبير فالسن .. اووو..او كتهضر معايا و كضحك .. ( عاودات سدات عينيها و حلاتهم ) ماعرفتكش شكون

محمد : واخا ماشي مشكل .. هاني نعيط للطبيب

مشا خرج لبرا .. لقاهم واقفين حدا الباب مافهموش الهضرة لي دواو بيها

الطبيب : عقلات على شي حاجة؟

محمد : قاتليا عقلت عليك و عطاتني شي صور كيجيوها فبالها عليا ..

الطبيب : الحمد الله هذشي مزيان .. كيعني انها ماشي فقدات الذاكرة بمرة خاصها غير شوية ديال الوقت ..و خير دليل انها تكلماات جوج لغاات اللغة ديالنا و ديالكم يعني عاقلة غير خاص ذاكرتهاا تخدم..الى طولات يوماين تبدا تفكر لكن هادشي غيتحقق بالمساعدة تاعك خاصك ديما تكون معاها و تبقا دوي ليها على الناس لي كتعرف هاكا غتساعدها بزااف و طبعا تاكل دواها و غادي نبداو معاها حصص الترويض لان كيف كتعرف مدة طويلة ماحركاتش الجسد ديالها

محمد: وشحال خاصها باش ترجع للطبيعة تاعها

الطبيب : على حساب هي واش كتقبل العلاج و لا ماباغا تفكر والو و تبقا ناسية اما بالنسبة للجسد تاعها غنديرو معاها جلسات و الى كانت كتفاعل بايجابية راه مدة دشهر تكون تقدر تمشا عادي

محمد : اوكي دكتور شكرا ..

نساحبو هوما و خلاوه واقف حدا الباب كيطل عليها من الشقة دالباب و كيتفكر شحال من حاجة دازت معاها تمناها تنساا كولشي و تعقل عليه غير هو.. لكن تمشي السفن بيما تشتهي الرياح

#يتبع

لعب بالقواعد: Playing by the rules

🖋️ Aya El Alami & Dounia El Messaoudi

الجزء:27

فهاد الاثناء لي كان سافر فيهاا محمد لسويسرا.. سفياان و الباتول كانو كيقلبوو على ميساء حيث ملقاوهااش فبيتهاا..لقاو غير تيليفونهاا

سفياان:عرفتي لاا كانت معااه متلوم غير راسهاا

الباتول: هادشي كامل لي وقع بسبابك و نتاا عارف

سفيان(بعدم مبالاة): غنخرج بسلامة

مشاا ركب فطموبيلتوو..و كسيراا لدار الهاشيمي..حبسوه ليݣارد مع البااب..كاان ديجاا عصاام جاا و فااش شافوو..مشاا ديريكت عندوو ضربو تا طاح للارض

عصام:نتاا باشمن وجه جاي لهناا

سفياان(مسح الدم على فمو): جييت كنقلب على خوك..نتاا بلاا مدخل دكشي بيني و بينو

تموو ليݣارد كيجروو فيه باش يمشي بحالوو..اما عصام دخل و تاصل بخوه و لكن مكيجاوبش

عند ناصر و ميساء

ناصر:ميساء غيخصني نمشي نشوف شنو وقعع.. و لكن غير غنسالي غنرجع

ميساء:اه صافي غير سير

بقاات ميساء غير ݣالسة جاها الملل تا تيليفونهاا مجابتوش فاش تلاهاا.. خرجاات كدور فالغابة و تستكشف البلاصة..اما ناصر فغير خرج من الغابة وصلووه بزااف دلينوتيفيكاسيون..وقف الطموبيل و هز تيليفونو لقاا خووه متاصل بيه بزااف دالمرات..عاود عيط ليه

ناصر:شواقع معيط ليا كثر من 10 دليزابييل

سفياان:على السلامة ملي جاوبتي..فين كنتي هاد الوقت كامل

ناصر:ختاصر و قول شنو وقع

عصام:داك الكلب دسفيان جاا للدار كيغوت و كيقلب عليك..درتي لييه شي حاجة؟

ناصر:صافي قطع

كسيراا باش يمشي لعندو للشركة..تلاقاا معاه نيت يلاه جاي ليهاا..كسيراو بجوج فدقة وحدة..هبطوو معصببن و الناس غير كتشوف فيهم

سفيان(بالغوات):فييين هييي ختتييي

ناصر(بهدوء و داير يدو فجيبو):اناا باش غنعرفف فين ختكك..سير قلب عليهاا فين كتباات كول ليلة

سفياان:انا عارف بلي را معااك..غتجيبهاا ولا ميعجبك حال

ناصر:من هادشي لي عادوتليا دباا عرفت بلي كون بغاات تبقاا معاكم كانت غتبقاا..و لكن فاش عرفاتكم ماشي ناس مزيانين قالت غنمشي فحالي

سفيان:غتندم اناصر

ناصر:لاا غير صبر نتاا لي غتندم و عائلة اليحياوي كاملة غتندم

ضرب فيه و ركب فطموبيلتوو و مشاا للشركة ديالوو..

#يتبع

Leave a comment