Skip links

قصة : العدول و بنت الناس ج1

 2,820 عدد مشاهداات

#الجـــديـد
عدنا لكم من جديد بقصة مشتركة ..قصة مزيـج بيـن الكوميـديا و الديــن و الرومنــسيـة ..
تحت عنوان : العـــدول وبــنــت النـــاس 💍
بــقلــم : رجــاء جاكــار و فــرح حــدادي

هــو : شـخص صارم ، حــدودي ، جـدي أكثر من القياس ..

هـي : الفتـاة الحشـومـية أكثـر من اللازم خـصوصا مع الـجنس الخـشن لـكن ضحـوكية أكـثر ..

* تفاعلكم مع الأجزاء و أراءكم و توقعاتكم غيخليونا نعطيو أكثر 💕
* قراءة ممتعة حبيباتي ..

#قراءة_ممتعة🌸

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 1

في بيت من أحد بيوت المسجد لي جا وسط المدينة ، كيتسمع صوت النساء من بعيد ، الظاهر أنهم كيقراو القرأن الكريم ! مركز محو الأمية فهاد البيييت فييه نساء من مختلف الأعمار بنات شابات و عيالات كبار داخلين على السبعينات ! كاين لي جاية من نيتها تعلم و تستافد كتحاول تعوض و متبقاش فيييها كية القراية لي مقراتهاش ، وكاينة لي جاية تلهي لوقت حيت كتقنط فالدار وفنفس الوقت تعلم أو تحفظ أية قرأنية .. مهم متخرجش خاوية !

تبسمات إبتسامة خفيفة وقالت بعفوية :

هداية : تبارك لله عليييكم سورة الضحى حفضتوها تقريبا كلكم حفضتوها ، كاينة نعيمة و خديجة لي مزال كيدخلو و يخرجو فيها غدا إن شاء لله غنبداو سورة جديدة إنتهت حصة اليوم أخواتي ..

شافو فيها كلهم مبتاسمين ليها رغم صغر سنها لكن هي تتحسسهم مكاينش فرق !

نطقات وحدة منهم و إبتسامة كبيرة على وجهها ..

: لله يسر ليييك أبنتي جزاك لله خيرا ..

شافت فيييها وتبسمات معاها دليل على شكرها لكلامها ..

خرجو من تما مجموعين و هيا وسطهم غادين ضاحكين مع بعضهم دخلو لحي فين ساكنة ومعاها جوج نساء من لي تتقريهم نيييت ساكنين في نفس الحي ..

نعيمة : ياله أبنتي هداية بسلامة عليييك وسلمي على ماماك نشوفوك يوم الإثنين

هداية : مرحبا بسلامك ، ومتنسايش تعاودي سورة الضحى مزيان حتا تسديها نييت الإثنين إن شاء لله نعاودها معاك ..

نعيمة : إن شاء لله

دقات في باب دارهم وفتحات ليها الأم ديالها غيثة

غيثة : هديل فيك جووع عطشتي بالشرح ولا لا هههههه واش نحط ليييك تاكلي ؟

هداية : نمشي نبدل حوايجي ونجي واخا ماما

دخلات لبيتها ، حيدات نظارات الشمس من فوق راسها وحيدات كذلك الشال كتحيد كل قطعة وتردها لمكانها حتى لبسات بيجامتها وخلات شعرها مجموع فقط !

غيثة : قولي ليا جات الحاجة يامنة ليوم ؟

هداية : لا أماما مجاتش تقريبا هذا الأسبوع الثاني لي مجاتش فييه لعل المانع خير ..

غيثة : خاص نمشيو نشوفو جوج سيمانات مجاتش إذن شي حاجة تما ولا لا ؟

هداية : واخا نمشيو نشوفو أش بيها على لله تكون بخير !

غيثة : رتاحي شوية ونوضي لبسي عليك غير عباية نخرجو لعندها

غادين في إتجاه منزل الحاجة يامنة عمارة ب 4 د السكنات ، مقادة على حقها و طريقها وباينة طالعة بفلوس صحيحة !

كان الباب مفتوح دقات غيثة بخفوت حتا سمعات دخلو مرحبا بيكم !

كانت الحاجة يامنة جالسة في راس الصالون و مغطية وعلى راسها زيف حياتي عينيها ذابلين بالتعب

سلمات غيثة على بنات يامنة وكذلك هداية و وقفو على راس يامنة

غيثة : الحاجة و من شحال هادي و أنا كنسول عليك بنتي هداية وتقولي والو مجاتش و أنا عارفاها ماشي ديالك حتا قلت نجي نشوف أش بيك ..

يامنة : وطيحتي أنا خايبة …

ياله جات تهضر هديل ، تكلمات بنت يامنة

منال : هداية عفاك أختي هبطي بنتي في الزنقة وأنا ماحيلتي لكوزينة ولا ليها ولا لناس وسمحيلي بزاف ..

هداية ب إبتسامة : لا متقوليش هاكا على الراس و العين

هبطات في الدروج و عينيها كيضورو على لله تلقا بنت منال لي تطيييير من المقلة !

ياله قلبات عينيها تشوف من الجهة الأخرى على لله تبان ليييها ، حتا جات عينيها على واحد عاطيييها بالظهر مكيبانش وجهو ، ياله كيبان لييها داير نظارات د الشمس شعره مقاد مسرح و لحيته كذلك ..
هاز تلفون لي مزيناهم ساعة كيهضر و يديييه الأخرى فجيبو ..

وهي مزالة تتحقق فتفاصيييله سمعات صوت طفولي كيناديها ..

ضارت تشوف كانت بنت منال نيت لي جات عندها هزاتها في يديها ناوية دور تكمل على أش بدات ، حتى لقات الريح و البرد السيد ركب في سيارته و زاد !

دلات شفايفها بطفوولية وقالت : كون غير بقا غا شوية نشوووفو غا وجهو !

‏‎💍العـــدول وبــنــت النـــاس
‏‎بــقلــم : رجــاء جاكــار و فــرح حــدادي
‏‎ج : 2

‏‎بتاسمات ابتسامة ساحرة زاادت ملامحها نور على نور و تحناات كتشووف فهااد الصغيرة الجميلة لي قداامها و قلبها مليء بالفرحة و السرور لرؤية فتاتها الصغيرة ….بنت منال الأميرة لي لطالما هزاتها بين يديها و هي قطعة صغيرة خارجة من احشاء امها

‏‎من التعنيقة الحاارة لي دارو لبعضهم كيبان ليك مدى قرب هاد الشخصين من بعضهم و كأنهم أم و بنتها ….زادت رحاب زيرات على هداية و نطقات بشقاوة مع ضحكتها الطفولية

‏‎رحاب : هههههه زيرتك

‏‎ضحكات على كلامها الجميل و زادت زيراتها عندها كثر و نطقات

‏‎هداية : ههههههه شفتي انا لي زيرتك دبا “جبدات ليها حنكها ” فين كنتي الفنيكيشة كبرتي

‏‎رحاب : ههههه شفت خالو نازل و تبعتو

‏‎هداية : شكون خالو ؟؟

‏‎رحاب : خو ماما جا حتى هو شاف جداتي مريضة حيث هي ماماه

‏‎هداية : العجب !! اول مرة نسمع بلي منال عندها خوها
‏‎و خالتي يامنة عندها ولدها

‏‎رحاب : حيث خالو مكانش فهاد المدينة و لكن دبا قالت ليا ماما ايولي ساكن مع ماماه انبقا نشوف خالو بزااف

‏‎هداية : هي دبا منال خبات عليا خوها هههههه يالاه نشدو فيها

‏‎رحاب ضحكات بشقاوة : ههههه اه خالتو هداية تزوجي بخالو كيما ماما مزوجة ب بابا

‏‎هداية ضحكات على كلام هاد الصغيرة : هههههههه

‏‎يالاه بغات تجاوبها سمعو منال كتعيط و فنفس الوقت رحاب و هداية رخاو يديهم كيحركو فيهم

‏‎هداية و رحاب : قفرناها تعطلنا

‏‎طلعو فالدروج كيتجاراو حتى دخلو لدار و هداية توجهات عند منال بحكم صديقتها عامين دبا بدا تعارفهم من مسجد محاربة الأمية لي كانت منال كتمشي مع مها مرة مرة فاش كتجي لعندها

‏‎دخلو للصالون كيوجدو الاكل فوق الطبلة و تجمعو على كاس د أتاي تيجبدو ذكرياتهم فالمسجد و ذكريات اول لقاءاتهم الاولى و صووت الضحك كيتردد فأرجاء الغرفة

‏‎هداية : هههههه عقلتي فاش كنتي كتوري لخالتي يامنة
‏‎فالامتحان

‏‎منال : ههههه راه هي لي كانت كتقول ليا نوريها و ليني ميتنساش ليا فاش نوضتيني نهز رجلي كدا صبورة و انا قد الجمل

‏‎هداية : ههههههه اوا نتي لي كل مرة نحصلك و تقولي منعاودش نوريها نجحتي ليا العيالات غا بالنقيل داك العام كاملين

‏‎منال : هههههه و لاهيلا شكون كان يقول نوليو دبا بحال العائلة غير من تماك

‏‎هداية : صراحة دوزنا ايام زوينة تما

‏‎يامنة : ههههه انا مقتلاتني غير نعيمة زلقات و جات مكوزة و ليني طيحة هاديك الغد ليه وقفات لينا عند الباب قالت ليك لي مجابش ليا دانون ميدخلش حيث طحت لبارح تموت على كرشها

‏‎منال : هههههه نتي عقلتي غا على هاديك معقلتيش شنو دارت غيثة العام الفايت …
‏‎💍العـــدول وبــنــت النـــاس
‏‎بــقلــم : رجــاء جاكــار و فــرح حــدادي
‏‎ج : 3

‏‎يوم جدييد أشعة شمسو المتساقطة على سطح الارض مزينة الكوكب ببريقها …الشوارع عامرة بالناس ،شي غادي لخدمتو و شي كيقلب عليها ،شي كيشرب و شي كيبيع و شي غير كيدور كل واحد كسب الروتين لي مولف …

‏‎الساعة تشير إلى السابعة صباحا دايز بسيارته بهدوء ، محتارم قوانين السير دازو من قدامه جوج د الشباب فنفس عمرو و ضوبلوه و واحد فيهم طل من الشرجم و كيضحك على سرعتو

‏‎متسوقش كيف عادتو تصرف ببرود تاام و كمل سيااقتو مجا فين يدور باش يتوجه لمكان عملو حتى بانت ليه نفس السيارة ديال الشباب محطمة و هوما داخلين فالحيط و الناس مجموعين عليهم

‏‎اي شخص فبلاصتو كان يا ايما غيبقاو فيه يا ايما غيضحك بسخرية على تصرفاتهم الصبيانية لي وصلاتهم لهاد الحالة و لكن حيث هو شخصيتو بوحدها هادشي لي وقع محرك فيه حتى حاجة بل معطاش حتى رأيو بينو و بين نفسو على الواقعة

‏‎حداء بالاسود تحط حدا الشارع الرئيسي للمدينة و خرج ببدلتو الرسمية منزل نظاراتو الشمسية على عينيه سد صدفة كانت مفتوحة من الكوستيم ديالو و بخطواات رجولية تحرك بكل تباث و رزانة حتى وقف حدا مكتب فلافتتو مكتوبة بالخط العريض
‏‎” مكتب العدول ”

‏‎لقا الكاتبة لي معاه سبقاتو غير شافتو ناضت من بلاصتها و لقات السلام كتافى حرك راسو بالإيجاب فقط و مشا جلس فمكتبو الخاص و الزبائن بداو كيدخلو عندو ….فعملو كان جدي كثر من القياس و لي جا عندو على اساس القسمة او البيع كيشرح ليه بالتفاصيل باش يكون على علم بشنو كيدير كان كولشي مزيان و الى خصات شي وثيقة كتابية كتكلف بيها الكاتبة لي معاه حتى دخلو زوج د الاشخاص على اساس البيع
‏‎_ هاد الارض ديال بنتي كتبتها ليها فاش كانت باقا صغيرة و لكن دبا بغيت نبيعها

‏‎بقا كيشوف فيه بتركيز متبع مع كلامو و تكلم :
سفيان : ميمكنش ليك تبيع شي حاجة فالملك د شخص أخر واخا يكون ولدك ولا بنتك عيط ليها هي و إلا بغات تبيع أنجي تسني راسها أشريف ..

: هي باقا صغيرة دابا داكشي باش بغيييت نوب عليها أنا هي يالاه عندها 13 عام

سفيان ” عقد حواجبه مربع يديييه ” : هادشي ميمكنش البنت باقا صغيرة يالاه 13 لعام ميمكنش ليها تكتب تنلعبو هناا الشريف ولا شنو ..؟
________
هادو كانو أولى أجزاء قصتنا إشهراتكم و تعاليقكم غدا إن شاء لله انحطت أكثر ♥️
العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 4

خبط السيد على البيرو بعصبية و قال :

: شوف شي حل ضروري أسي أنا ماجيت عندك إلا ومتأكد غتشوف ليا شي حل و الناس كيعاودو علييك مزيان !

عقد حواجبه وشاف فيييه بهدوء

سفيان : شي باس مكاين أ شريف ؟

تبسم السيد إبتسامة صفراء وقرب عنده أكثر وقال :

السيد : شوف هاك ” مد ليه 500 درهم ليدو مكمشة ” وقضي ليا السربيس و عيبنا ميخرج

وقف مخنزر معصب شاف فييييه ببرود معوج راسو ..

سفيان : سير الحاج لله يهديييك ويهدينا الرشوة هي لي منشدهاااش سير عند شي خد أخر أنا منخدمش ليييك

خرج من المكتب معصب ماشي أول مرة يوقع هادشي وماشي أول مرة يجي شي واحد ياكل شي حد فرزقو ..

يا مشاااف ناس جاين ياكلو خوتهم في رزقهم و حالات بزاااف ..

وقف جنب السرجم كيتنفس بهدوء وكيخمم

تسنا حتا خرج داك السيد راسو لأرض مزنك من الموقف لي تحط فيييه مع سفيان ..

دخل لمكتبه من جديد وهز لملفات تيشوف المواعد لي عنده اليوم

سفيان : الناس لي غيجيو يعقدو جاو ولا مزال ؟

الكاتبة : مزال موصلوو أسيدي ..

سفيان : داكووووغ

___________

صباح جديد فاقت مبتاسمة كيف كل صباح باش تصبح نشيطة و إيجابية أكثر ..

دخلات لحمام غسلات و جهها و فنفس الوقت كتكسل و كطرطق عضامها مع بعض ..
دخلات على أمها لصالون كانت كتحط النيييت فطور الصباح صبحات عليييها و جلسات تفطر بهدوء حتا نطقات أمها ..

غيثة : الحاجة يامنة البارح قالت ليييا خطبات لولدها ..

يتبع.. أراءكم و توقعاتكم !♥️

#تتمة_الجزء🌸

غيثة : الحاجة يامنة البارح قالت ليييا خطبات لولدها ..

عقدات حواجبها بإستغراب وقالت :

هداية : عاد لبارح قالت ليا رحاب خالها الكبير عاد سكن فالمدينة كان خدام في مدينة أخرى ..

غيثة : قالتها ليا وفرحانة و مقاداها فرحة كتقول ليييا قلبي أخيرااا رتاح

هداية : وليييه خطبات ؟

غيثة : أييييه و معرفت ثاني !

متسوقاتش عادي ، فطرات وغسلات الماعن ومشات خرجات كلسات فوسط الدار جبدات المقرر وبدات تراجع داكشي لي غدير ليييهم فالعشية عندها حصة مع جووج د لعشية ..

تغدات ولبسات حوايجها عبارة عن شوميز طويلة و سروال أسود ثوب دارت ميكاب خفيف ..

هزات صاك خفيف وخرجات بهدوء دازت من الدرب فييين ساكنة يامنة هاديك هي الوجهة لمسجد !

من بعيد قشعات رحاب هازها شي واحد وعاطيها بالظهر كيضحك معاها وهازة لميكة د السقاطة فرحاااانة وضحكنا كيتسمع ..

#يتبع..♥️
العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 5

ضهر عريض و ملابس رجالية بامتياز قاميجة بالبيض مع سروال دجين بالاسود تصميمو عادي و مرتجل ديال شخص بعقلو خاطيه الزواق الخاوي د خرائط الزيزوار لي مطليين بيهم ولاد العصر ولا السراول المبنتين لي كيلبسوهم شباب اليوم قربات ليه رحاب معوجة وجهها باغا تقبل خدو حتى فجأة دورات وجهها لمور ضهرو و بدات كتشير بيديها

رحاب : خالتو هدااااية خاالتو هدااية

بدات كتنثر لخالها فيديه حتى حطها و مشات كتجري لعندها عنقاتها هاد الاخيرة لي بدات كتقبل خدهاا قبلات متتالية حتى بدات كتجر فيها من يديها

رحاب : يالاه تمشي معانا انا و خالو سفيان

بقا سفيان حاضيهم من البعد بلا اي تعبير على وجهو مراقب تصرفات بنت اختو الصغيرة فقط

بالنسبة لهداية عااد كملات صورة فداكرتها فاش طلعات عيونها العسلية فعيونو السوداء القاتمة لي مقدراتش تنزلهم عليه الحاجة لي خلقات الارتباك داخلها عيونها كيهربو لوجهو و هي رافضة الامر و كل مرة تحدر عيونها كتحاول تحكم فراسها

اما رحاب كانت فقمة السعادة و رجعات عند خ
سفيان شدات فيديه اليسرى هو الاخر و يديها اليمنى شادة بيها هداية

رحاب : خالو سفيان هادي هي صاحبت ماما هداية لي قلت ليك عزيزة عليا زوينة ياك ؟؟

خدودها حمرو من الخجل من كلام هاد المشاغبة الصغيرة حسات بحناكها كطلع معاهم السخانة و هي كيتردد فودنيها شنو قالت …

اما بالنسبة لسفيان كتفى غير بالابتسام فقط كجواب لا يحتمل الايجاب او النفي

هزات فيه رحاب وجهها و دغيا حدرات عيونها و نطقات بخفووت : سلام

جاوبها هو الاخر بنفس الكلمة بلاما يكمل فيها الشوفة كأي شخص عادي غيصادفو : سلام

رحاب كملات كلامها و الضحكة مكفياهاش : هههههههه خالو واخا تمشي معانا خالتو نخرجو بتلاثة

تحنى لعندها حتى وصل لمستواها و نطق

سفيان : الناس الكبار مكيكونوش مساليين كتكون عندهم خدمة ولا كيقراو يااك ؟؟

شاف فجهة هداية باش تأكد كلامو الحاجة لي خلاتها تزيد ترتابك كثر و نطقات بزربة

هداية : اه صراحة خاصني نمشي دبا ممسالياش بسلامة عليكم رحاب نشوفك مرة اخرى

بقاات رحاب كتغبن و هداية باستها من خدها قبل متمشي و بداات كتزرب فالمشية كتقول غير انتا تفوت ديك البلاصة و لكن الحاجة لي صدماات سفيان انه محدها كتمشي محد تعابير رحاب كيتبدلوو لملامح طفلة حزينة

نطق بإستغراب : رحاب مالك ؟؟

محس بيها حتى بداات كتبكي : اييي هئهئ هئهئ جريتي ليا على خااالتووو نتا خاايب

دارت لجهة الاخرى عاطياه بالضهر دليل على غضبها مخليااه موسع عيونو بالصدمة

……#يتبع
العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 6

طريق شحاال جااتها طوييلة و كتقول غير انتا توصل للمسجد أمنها و امانها لي غير دخلات ليه حطات راسها على المكتب ديالها لحسن حظها وصلات قبل ميجيو العيالات و تأثير شخصيتو عليها باقي كيدور فعقلها و كتلوم راسها علاش بقات كتشوف فيه ….كون موقفاتش كاع متحطش فبحال هاد الموقف و اكثر حاجة حيراتها هي طريقة هضرتو لي حدودية كثر من القياس بحالا كيخلص على الهضرة سلام بوحدها لي قدر ينطق بيها من ضمن كاع الحديث لي نطقات بيه رحاب ….. شيء محير وكفاش جاوبها أكثر تحييرا ….باش فتاة صغيرة فداك العمر و يتكلم معاها بديك الجدية كاملة ….اكيد غتكون تقلقات من طريقة كلامو و هو كيقول ليها بصريح العبارة بلي ميمكنش ليها تجي معاهم ….معطاهاش حتى الفرصة فين تقول رأيها واش هي باغا تخرج معاهم ولا لا

بدااات كتخبط فراسها فوق المكتب و داخلها عتااب كيدغدغ قلبها بالم طفيف كيخليها تزيد تخبط راسها باش تخلص من داك الاحساس محسااتش غير بالاحساس ديال بصح زوج شادينها من كتافها و متبتين وجهها على المكتب مقدرات تحرك لا لهوك لا لهوك تا من الهضرة بغات تهضر و فين الفم لي يدوي

نعيمة لي شاداها شدت العمة فضلمة :شديها شديها مزيان ا فتيحة ميكونو غا صحاب الحال لي ضربوها

فتيحة : لا لا هادي كبات الماء فالقرقارة مافيهاش و الجن دخل فيها و كيقول ليها خبطي راسك خبطي راسك

نعيمة : شدووها شدووها مزيان باش نقراو عليها

بداات هداية كتهضر معاهم باش يطلقوها و ليني فمها عوج بقوة الضغط لي ضاغطين عليها مفهموهاش اشكتقول و لا كلامها كيترجموه على هواهم

هداية : واا تلكووني

فتيحة : تي اشكتقزل بسم الله الرحمن الرحيم

نعيمة : بسم الله الرحمن الرحيم طلبناكم السمن و العسل طلبنا ليكم الشرع د النبي اما طلقوها الى كنتو مسلمين

هداية : واا تلكوني اشمن تلكووني اشمن الجن

نعيمة : تيي اشساايرة تقول

فتيحة : هااااا؟؟!! قالت الجن

نعيمة : بسم الله الرحمن الرحيم واش هضر معانا مسلميين انا انقرا عليها العيالات جيبو الماء جيبو الماء ندفعو ليها لوجهها

بداات هداية كتركل ليهم و كتحااول تهضر و تفك راسها فنفس الوقت و هوما زاادو زيرو عليها

هداية : اممممممممم

اوا غا تسمعاات ديك أمممم اراك لشدان ديال بصح

نعيمة عاونوني عاونوني العيااالات ياالاه ياالاه : بسم الله بسم الله بسم الله

فتيحة كتولول و ترش عليها الماء حتى تقفزها : تي قرااي خلااص قرااي خلاااص

اوا وااحد الجهد منين جاابتو الله و علم ترطات و دفعاتهم كاامليين

هداية بالغوات و مع صوتها تبح بقوة مكانت كتحاول تهضر بلا فايدة هضرات بصوت مقجووج : واا اناااااا ماااااشي جن

لحظة صمت تعلات المكاان و ميلييها غا غوتة د نعيمة

نعيمة : بيييييبييييي بيييي بييييو الجن هضر معاانا

نوضووها تاني بالغواات و مكتسمعي ليك غا عتاااااق عتاااااااق

اما نعيمة مولات زباايل لي ديما دايرة ليهم شي حاجة كانت هي لولة لي سبقات للباب فهاد لحظة تكون حطمات رقم هجام الكروج فالماراطون و العياالات تابعيينهاا هاربيين و هدااية كتوقف فيهم زعما باش تشرح لييهم

هداية : ابلاتيووو بلاااتييييو

……# بنوي الزوينات 😘😘❤️ كنتمنى تكون القصة عجبااتكم و عندي ليكم تحدي توصل لقصة غدا ل 500 جيم غنحطو 6 ليبارت نشوفوكم واش تقدرو عليها ولا لا ؟؟

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 7

بعد نصف ساعة و بعدما عيات هداية بالجري من وراهم جلسات فوق مكتبها حاطة يديها على خدهاا
و نعيمة و العيالات لوخرين كيطاالو و يحلو الباب غير بشوية و يوشوشو

حادة : تي كحازي لهيه شوية خليني نشوف

نعيمة : شوووت بشوية العيالات خلييوني نشووف

فتيحة : زعما يكون الجن لي ركبها مشاا شفتها زاكية مكتحركش ؟؟

نعيمة : راه هضر معانا قبيلة عندااك يكوون باغي يقولبناا ؟؟

حادة : حتى الى كان بصح خااصنا نعاونوها هداية عزيزة علينا

نعيمة : الله ا بنتي وصال و اجي تشوفي صاحبتك شنو واقع ليها الله

حادة : ياالاه ندخلو تا الى كان الجن باقي خاصنا نجريو عليه

حليمة حطات يديها على قلبها و بدات ترعد : لا اختي انا خفت خفت منقدش ندخل غا دخلو نتوما انا غنتسناكم تا تساليو

فاطمة : حتى انا خفت

جمعانها معاهم نعيمة بزوج قرصات للوحدة : يااكو هادي هي معلمتنا ؟؟ شكون لي علمك تقراي تاءو الفاء لي كنتي كتقولي ليها القاف هدا هو خير الاستاذة ا حليمة ؟ و نتي ا فاطمة شكون لي كان كيخرج ليك التمارين لولدك فاش مكتلقايش لي يخدم معاه و شكون كيشرح ليه هادي هي نتي ؟؟

نعيمة بكل ثقة و عزم غوتات : خاصنا نحاربو هاد الجن

غا كملات جملتها خبطات على الباب لي كان غا مردود محسات براسها تاا تفرع كامل و جات مخبوطة و صحاباتها فووقها

ناضت هداية جات قدامهم و شافت فيهم وحدة بوحدة و نطقات

هداية : ساليتو ولا باقي ؟؟

غا سمعوها كولشي بدا كيجمع الوقفة و شي كيمشي شي كيجي شي كينطق بسم الله الرحمن الرحيم و شي بغا يخرج يهرب حتى غوتات عااد حبساتهم

هداية : السكات

غا سمعوها تصافو قدامها بحال الباط د السردين وحدة حدا وحدة و نعيمة كتشوف فيها بنص عين

هداية : هاادشي لي بغيتو ؟؟

نعيمة : سمحي ليا و ليني بغيت نعرف دبا واش هداية لي كتهضر معانا ولا سي الجن ؟؟

هداية شاافت فيها هي بداات و نطقاات : و الله ا نعيمة و متساليني حلوف اتا كوون شاافك الجن يتووب ، مكاين شي جنون قدكوم ،…. شكون قاليكم انا تسكنت ؟؟؟ …دبا فأخر يااامي وليت ضاربني جن ؟؟

العياالات بقااو غا يبرقو فعويناتهم و يدوروهم بيناتهم حتى نطقات وحدة منهم

حادة : فاش ماشي الجن و علاش مقلتيهاش يالاه ؟؟

هداية : علااش خليتوني نهضر بعداا نتوما غا جيتو شنقتو عليا

نعيمة : و علااش كنتي كتخبطي راسك ؟؟

هداية: ضرني و انا نخبطو باش يفوتني ….

اوا مع كملات هاد الجملة خبطات نعيمة على يديها و نطقاات باستذكار

نعيمة : آاااااااااااااااه !! و لاهيلا كنديرها تنا و كيفووتني

شاافو فيها كااع العيالات و نطقات هداية

هداية : كاملين عندكم عقوبة غتكتبوو سورة الناس 50 مرة يالاه كلسو و غدا نبغيكم تجيبوهم ليا

كولشي بدا كيتحرك لبلاصتو حتى كملات هداية كلامها

هداية : نتي ا نعيمة اتكتبيهم 100 مرة

نعييمة : اشنووو ؟؟؟!!!

هداية : ساسنو يالاه بلاصتك

شاافت فيهاا فاطمة مخنزرة و العيالات تا هوما : غا لي بغا يتبعك ا نعيمة

اوا هنا نعيمة عقدات الحداش و ولات هي سابقاهم

نعيمة : اوا علاه قلت ليكم تبعوني ؟؟ اوا هاا الهباال

مشاات سبقااتهم جلساات فبلاصتها و خلاتهم يبرقو فعويناتهم و بداات الحصة

كانت هداية بدات كتشرح ليهم درس اليوم محشات بالضحكة حتى زلقات ليها و هوما يقلبوها ضحك كاملين

…… # يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 8

قلبوها ضحك بيناتهم ، واخا في الأول تعصبات على الحالة و الشوهة لي دارو ليييها لدرجة الناس لي ساكنين قراب لجامع بداو كيطلو يشوفو اش واقع ! ..و يتسائلو اشواقع هوما الأخرين و هدا حال المغاربة التبركيك يتمشا ليهم فالدم فينما كانو

سالات الحصة .. خارجة كيييف العادة و هوما غادين جنبها كيهضرو حتا نطقات نعيمة مقربة من هداية باش ميسمعوهاش النساء ..

نعيمة : ابنتي ا هداية ياك انا عزيزة عليييك حشومة هاد لعقوبة لي عاطياني بغيتيني نبقا بلا نعاس ليل كامل و انا نكتب و خالتك صحتها على قد الحال !

تنهدات هداية و ردات بحسرة ..

هداية : راك نتي لي تديريها قد راسك أخالني نعيمة وايلي ” ضحكات ” لي شافك هاكا ميقولش عندك الحفايد و الحفيد الكبير قرب يخطب

نعيمة : را ابنتي كنضحكو و نخلقوها و مولاها ربي ، كنبغيو نساو هموم و مشاكيل الدار نفرجو شوية برا و نساو !

هداية : بصح عندك الحق أخالتي ، واحد وصال فين خليتيها ؟

نعيمة : راه فالدار شحال هادي مخرجتو نتي وياها ..

هداية : غا الوقت و صافي سلمي ليا عليييها ان شاء لله نديروشي وقت انا وياها و نخرجو

نعيمة : واخا ، و اجي قربي اش درنا فالعقوبة

هداية : خلي داكشي غدا و نشوف اش ندييير معاكم

نعيمة : وا رطبي قلبك اويلي تي مالك

ضحكات هداية بخفوت و حركات ليها راسها بمعنى من بعد ! حتى صغراات فيها نعيمة عينيها و هي كضور فعيونها

نعيمة : احياني عليك ا شيخة غا كنوصلو للقسم كتسيفي

__________

دخل لدار كيتكسل و يطرطق في عضامو وفي نفس الوقت كيلعب بي سوارت السيارة في يديييه

دخل لصالون تبسم إبتسامة خفيفة منين شاف الأم ديالو تبسمات ليييه هي الاخرى و قرب منها قبل جبينها بحنية ..

سفيان : الواليدة كيف بقيتي شوية ؟

يامنة ” ب إبتسامة ” : شوية الحمد لله اولدي الصحة إلا مشات ماترجع

سفيان ” بثقالة” : بصح الصحة إلا مشات متعوض لا بمال ولا شي حاجة ! راسك شوية مزال تيعطيييك الحريق ؟

يامنة : شوية وصافي

تبسمات من جديد كطبطب على فخذه بحنية سفيان ولدها الأكبر و فرحتها الأولى .. المرضي ديالها على قولتها هي ،
و شاد ليها خاطرها و واقف على صحتها حتا توقف من المرض و تخطاااه هو الحنين العزيز ديالها و القريب لقلبها خلاصة القول سفيان مقطر ليييها من عينيها !

يامنة : كيييف غادي مع لخدمة ؟

سفيان : الحمد لله مزيان ..

يالاه غيكمل كلامه دخلات عنده رحاب من بعد ما سمعات صوته دغيا تعلقات فيييه و بدات كتبوسو !

#يتبع..♥️ أراءكم و توقعاتكم ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 9

رحاب : خااااالو توحشتك جبتي ليا حاجة ؟

ضحك سفيان كيرد ليييها الشعر ورا ودنها وقال كيمسح على شعرها بحنية ..

سفيان : نسيييت أ الأميرة ديالي بلاتي نتعشاو و نمشي نشري لالة لبنات ! شكون تبغي الشكلاط ؟؟

باستووو بوووسة مزيرة لييه على حنكه بعدات و بقا كيشوف في هاد كمية الكياتة لي فيها ..

دخلات أخته منال تضحك منين مرضات أمها وهي مقابلاها

منال :اتجمعو نحط العشا ماما عطيتها لعشا ديالها

سفيان : ياله بسم لله نوض نغسل يدي ونجي

تحط العشا على حقه و طريقه ..

منال ” بمزاح ” : اوا ا سفيان خاصك تنوض تزوج أنا شحال ندوم ليييكم ههههههه ..

شاف فيييها وسكت ضحك إبتسامة خفيفة وقال

سفيان : ان شاء لله مبقاش بزاف هه !

منال : اوا هانتي أ ماما سمعتي

سفيان زرب عليييهم دغيا قبل لاتبدا تدوي يامنة

سفيان : راكم معروضين نهار الأربعاء عند ولد السي عبد الباقي في قاعة خمس نجوم !

يامنة : شكون فيييهم الكبير ولا صغير ؟

سفيان : الكبير ، أنا لي غادي نعقد ليييه إن شاء لله !

يامنة : نشوف إلا وليت مزيانة نمشي ! ماس لله يعمرها دار و جيرانا على الراس و لعييين

__________

الأيام تدوز روتينية كيف العادة من المسجد لدار ومن الدار لمسجد !

دخلات كتحيد الشال من شعرها الصهد قاتلها بالجهد الحرارة شاعلة !

……# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 10

خدماات الكليمة فالبيت و جلسات كتبرد متكية فوق النموسية ترتااح شوية كاانت الخامسة زوالا حتى كتحس بهاتفها كيصوني هزااتو بين يديه و بتااسمات مدوزة الخط

هداية : ماعرت فين مات شي حمار ؟؟

وصال : هههههه و نزلي عندي ا زين انا قدام الباب لبسي حوايجك و يالاه نخرجو توحشت نشوف الكراش

هداية : تي بااغا تشوفيه و انا تجرجريني معاك لا غا سيري اختي بصحتك عيانة

وصال : شووفي غتنزلي ولا نشوهك فداك الدرب تاني

هداية ضحكات على كلامها و كتبات ليها بطنز كيما موالفين : لا عفاك !!!!!!

وصال : ههههه يالاه هي الى نزلتي عندك خمسة دقايق الى تعطلتي تصاورك عندي انشوهك

هداية : لا عفااك ا سيدي الى شرفي متقيسنيش فييه ندير لي بغيتي

وصال : ههههه تلاحي الكمارة غا لي ضحك معاك شوية تعيشي الدور

هداية : هههههه ليعطينا وجهك هاانا نازلة نازلة

مشاات هداية على سعدها و وعدها بدلات حوايجها لبسات دجاكيط طويلة بالاحمر مع سروال دجين بالاسود و سبادري خفيفة قادات زيفها لي كان مزوق باش تكسر الالوان العادية لي لابسة هزات ساكها و نزلات بعدما طبقات مرطب الشفاه على شفايفها

غا نزلات بانت ليها وصال كالسة فواحد الدريجة بنت قصيرة القامة و لكن طويلة اللسان فتاة مميزة ببشرتها الداكنة لي زايداها اشراق على اشراق روحها المرحة ….. غير شاافت هداية وقفات ….دوزات ليها السكانير بعيونها اول حاجة عاد تقدمات عندها بخطوات كل خطوة بايقاع موسيقي محدد و نطقاات بصوت ملحون و هي معنقااها

وصال : صحييييبتيي

هداية : ههههه توحشتيني تال هاد الدرجة حتى انا توحشتك

وصال : حتى انا

هداية : مالك نتي ؟؟

وصال : توحشتو هههههههه

هنا دفعاتها هداية و جمعاتها معاها لضهرها : ليمسخك

وصال : هههه اححح حشومة عليك علاش فيقتيني كنت كنتخيل راسي غير معنقاه هو

هداية هنا رفعاات يديها لسماا بدعاء لي كطلب يكون مستجاب : ياااااا ربي غير هاد البنت دير عقلها شي نهار

وصال : تي سربي سربي ا صحبة لي لقا راحتو فالهبال اشعندو ميدير بالعقل كولشي في سبيل الحب

هداية : واش مخرجاني نبدل الجو ولا نلعب الماراطون نتي غا بشوية هااااه

وصال : سربي مبقاش الوقت انتعطل

اوا طريق كاملين و هوما كل خطوة يديرو فيها زوج وصلو حتى لحدا المحلبة هي تقرصها وصال

وصال : و دبا تبثي و رزني

دفعات ليك الصدر القدام و الشوفات مكاين غير الفوق الفوق من اقوالها الشهيرة بنادم هو لي يتعفر على رزقو و تقولي ماشي هي لي كانت دايرة ديك الحالة كاملة

قداام محلبة فلافتتها مكتوبة ” محلبة عصام ” واقفين و وصال كتهضر مع هداية غير من تحت الدف

وصال : شوفيه واش كاين ؟

ياالاه دورات هداية وجهها تبركك لصاحبتها حتى وسعات عيوونها و هي كتشوفو قدامها حساات بالصدمة و بالخصوص هاد المرة كتشوف الضحكة دياالو الزوينة لي كتبين سنانو البيضين وصال كتسنى جوابها و تنخز فيها باش تجاوبها و لكن هداية مكانت كتقول حتى حاجة حتى نطقات

هداية : كاين هنا

_________
كيجاكم دخول وصال للقصة 😂……. و شكون هااد حب قلبها ؟؟ بنوي زوينات ليوم خسرتو فالتحدي 😑

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 11

“محلبة عصام ” المحلبة تسمات علييه الوالد ديالو سما المحلبة بالإسم ديالو وسبحان لله تكتبات ليييه ! وجات فيييه فالورث منين توفى الأب دياله ..

جات وسط الشارع ، دار ليها بعد التعديلات وعليها الرواج .. معروفة بالتأويل و نقية و الماكلة فيييها بنينة

دخلو مثبتات من ديما كيتصرفو بعقلانية و بشوية لا هداية ولا وصال ..

تقدمات وصال عند الولد لي شاد السربيس وقالت :

وصال : علي راك عارف بحال ديما جوج كيسان د الرايب و جوج طروفة د الحرشة و نص خبزة فيها الفرماج و البيض و الكاشير

رجعات لمكانها وفنفس الوقت كتشوف فييه بنص عينيها دائما فين ما كتجي لهاد المحلبة كتلاقاه بالصدفة وحتا اليوم كاين ! صدفة خير من ألف ميعاد

جلسات أونفاص مع هداية كيهضرو بخفوت ..

هداية : علاش جينا لهنا أوصال تقول غير هاد لمحلبة لي كاينة ..

وصال : هاهوما داخلين شكون هداك لي معاه تتعرفيييه ؟

هداية ” بدون ما دور تشوف تكلمات بصوت خافت .. ” : ولد خالتي يامنة على مقالت ليا رحاب عاد مؤخرا استقر معاهم

واقفين سفيان و عصام برا المحلبة ، أصحاب جمعاتهم الدنيا وقراب من بعض بزاااف ..

سفيان : فكر أ عصام مزيان ماشي حتا تدير العقد و تندم فكر و عاود فكر !

عصام : كنشوف راسي باغي ندير داري تا أنا ندخل من لخدمة نلقا علامن نحط الراس مليت من تازوفريت

سفيان : ناوي تخطب والبنت مكتعرف عليها حتا حاجة ؟ الزواااج هاذا ماشي لعب أ عصام ، غا يولي عندك نصف ثاني خاص تعاود لييه كلشي و تشارك معاها الخصوصيات ديالك ماشي تزوجو ومتفاهموووش و الشمل يتفركت راه تيجيو شي حالات ديال الطلاق عندي تافهة و تلقا المرأة شادة الضد ولا مشاكل العكوزة وداك التخربيق ” ضرب لييه على كتفه ” فكر من جميع الإتجاهات

عصام : يكووون خير يكوون خير ههههه

سفيان ” مسح على وجهه ونطق بحيرة ” : تضحك بحالا مخاصك حتا خييير تهلا أبا عصام نتشاوفو من بعد

عصام : فقاعة الزرقطوني تا أنا معروض !

سفيان : إن شاء لله ” ضحك بثقالة ” فتح عينيك مزيان ما تعرف تلقا نصيبك تما هه !

عصام : نتا متزوجش باغي تبقا باير زوفري ممليتيش من حياة العزوبية حشووومة حتا لمعاودة نتزوج أنا و نخليييك ورايا ميمكنش ههه

سفيان : مسالي قبك هاد ساعة هه تلاح فحالك أسي المهندس

#يتبع..♥️
————
إييييه كراش وصال باغي علامن يحط الراس ههههه ..
العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 12

تم داخل عصام و الضحكة مرسووومة على وجهه البشوش ، شاف وصال تتدوي مع علي يجيب ليها الطلبية حيييت تعطل عليها شاف فيييها وتبسم ..

عصام : هاد علي متيحشمش تعطل عليييك صافي أنبدلو باباه

تفعفعات منين شاف فييها و تكلم معاها حنوكها حمارو بالخجل تبسمات وردات عليييه

وصال : هههههه وا مرة مرة تيدير عاد لفعايل

خرج علي هاز فيديييه بلاطو كيحط ليهم فالطابلة ضرب ليييه على كتفو ويديييه فجيبه ..

عصام : تهلى لينا ف الأنيسات أبا علي نتشاوفو من بعد وراك عارف أخر الشهر داكشي صيفط ليا صافي ؟

علي : كون هاني أسي عصام

شاف ناحية هداية و وصال وتبسم من جديد

عصام : بالصحة ..

وخرج من المحلبة بقات وصال متبعة لييييه الشوفة حتا نغزاتها هداية من رجليها باش متعيقش
الله العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 13

بقااات وصال غير كتشوف قدامها كتحس بحالا شي حاجة واحلة ليها فحلقها شاف فيها هداية باستغراب

هداية : مالك ؟

وصال : هضر معايا

هداية : ههههه هادشي غير هضر معاك و شوفي حالتك

وصال : تجربي الحب و تعرفي فلول كيبدا ليك غير بالاعجاب بالشكل الخارجي و من بعد شوية بشوية كتلقاي راسك طحتي بلاما تحسي و كتولي باغا غير انتا تشوفي داك الشخص واخا غير من بعيد

هداية حطات يديها على حنكها : راك غارقة ا حنينتي و تخيلي دبا يكون خاطب ولا مزوج

هنا وصال عقدات غوباشتها : محنا على فالك انشاء الله تا الى كان ايخطب مغيلقاش محسن مني

هداية : هههههه اوا انشاء الله

وصال : شوفي حتى نتي تزعطي فصاحبو باش نكون فحال فحال نديرو شي عرس اخر جماعي

هداية : هههه بديتي فالاحلام تاني

جا علي حط ليهم الماكلة و بداو كياكلو بشوية عليهم و كيتبننو حتى سالاو على خاطرهم

خرجو من تماك و الوجهة ديورهم و وصال حطات يديها على كرشها

وصال : و لاهيلا كيصرع الماكلة باينة غير غنتزوج بيه انولي كيف البيدوزة تاني

هداية :هههه مالو هو لي كيصاوبو بيديه قالت ليك كيعرف يطيب

وصال : شنو بان ليك منمشيوش لدار يالاه نسرحو رجلينا

هداية : انا بعدا رجلي طيبتيهم ليا الدار ياا ختي الدار

وصال : غا هاد شوية عياك

هداية : نتي شي نهار تقتليني قالت ليك غا هاد الشوية

مسافة ديال طريق و كل وحدة وصلات لدارهم كتستراح من هاد اليوم لي داز كيما ساائر الاياك الشيء الوحيد المميز فيه هو رؤيتهم لاشخاص تعرفو عليهم و اشخاص خلاو صنعو بلاصة فحياتهم بدون استئذان

…….# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 14

يوم جدييد من اياام الاسبوع السبعة ….يوم الاحد كاينين لي كيعتابروه يوم لراحة و كاينين لي كيعتابروه يوم كسائر الأيام و هنا كنكونو كنهضرو على العامل العادي الاشخاص لي كيخدمو بعرق كتافهم و كيجيبو نهارهم بشما عطا الله كيما كاينين لي كيعتابروه يوم منحوس بسبب ان مسلسلهم المفضل مكيبداش فيه و هنا كنهضرو على الامهات ربات البيوت لي نهاهم كاملين كيدوزوه فالاهتمام بمنزلهم من قل ساعة فاليوم لي كيخصصوها لنفسهم يحيدو بيها ستريس
…. و كيبقى الأحد بالنسبة للموظفين هو يوم الرحلات يوم الخروج و تغيير الجو و الاستمتاع بالطبيعة

عند هداية فاقت فصباح بكري بالنسية ليها هي يوم الأحد هو يوم التخمال خرجات السدادر من البيوت و مسحات لي خصو يتمسح و سيقات لي خصو يتسيق زيف د حياتي فراسها على وديت الغبرة و مشمرة على درعانها و مها غيثة فالكوزينة طيب الغداء

الدار رجعاتها كتشعل بالنقاوة و نزلات الماء مع الدروج حتى هو …… خلات فالدار غا ريحة سانيكروا و هنا بدات كترجع كل حاجة لبلاصتها من بعدما نشفات الدار
مجات وقيت الغداء حتى كانت سالات تغدات هي و امها و جلسو يستاراحو شوية حتى تكلمات غيثة

غيثة : وا شفت يامنة كعما صونات عليا من لبارح اوا نصوني ليها انا عنداك تكون واقعة ليها شي حاجة ولا تزاد عليها الحال

هداية : اه سولي عليها ا مي نيت حتى انا نسيت مسولت فيها

بقاا التليفون كيصوني حتى جاوباتها

يامنة : وا كدايرة ا ختي غيثة لباس عليك

غيثة : لباس الحمد الله كدايرة نتي اوا غبرتي قلت نسول فيك كيبقيتي بعدا ؟؟

يامنة : اوا اشغنقوليك الحبيبة غا مع الوقت و صافي الصحة صعيبة و ولدي ليرضي عليه لا هو لا منال غير مقابليني

هداية معرفاتش علاش و لكن غير سمعاتها نطقات بكلمة ولدي حناكها حمارو بدون شعور فاش تفكراتو

غيثة : اوا علاش شحال عندهم من يامنة حتى ميتهلاوش فيك راك نتي عمارة الدار

يامنة :الولاد زينين الى صلحهم ليك الله حتى نتي هداية ليعمرها دار ليخليها ليك و يرزقها من احسن عبادو يا ربي

غيثة : امين لينا و لجميع المسلمين قلت غا نسول عليك بعدا من صوتك الحمد الله جيتيني حسن من ديك المرة

يامنة : اوا نحمد الله على كل حال …..

بقاو هكاك هضرة تجبد هضرة حتى نطقات غيثة موسعة عيونها

غيثة : اويلي ا يامنة متقوليهاش تا بالضحك زوجتي ولدك و معلمتيناش ؟؟

……..# بنوي الزوينات لقائنا يوم غد انشاء الله بالنسبة ليكم نتوما شنو هو نهار الأحد ؟؟
تفاعلكم قدما طلع قدما كيشجعنا نحطو كثر ناهيك على ارائكم غير كنقراوهم كنتحمسو 😂 😍 متبخلوش علينا بيهم

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 15

يامنة : ماشي قلت ليك راني خطبت ليه ؟ ولد ختي لي بحال وليدي أ غيثة لي ربيتو وهو لحيمة ، راك عارف المرحومة خلاتو ليا أمانة

غيثة : صحاب ليا ولدك لكبير ، و مبروك ما دار و لله يكمل عليييه بالخير يارب

يامنة : ياربي أمين ! راه دارو دارهم غير صدقة فيها المقربين حيت البنت دايرة النقاب مبغاتش العرس ولا شي حاجة إوا و عثمان ” ولد ختها ” معرفنا واش يدير صدقة و لا يديها لدار ديالو نيشان ..

غيثة : وا قلت هاد يامنة غبرات علينا قلت نسول عليها فين غابرة

يامنة : يسول فيييك الخير أ لحبيبة د قلبي غتمشي لعرس ياك ؟

غيثة : إييه راه جا عرض علينا نتلاقاو في قاعة الزرقطوني ياك ؟

يامنة : إن شاء الله سلمي ليا على هداية ونتشاوفو تما ..

إنتهت المكالمة ! شافت هداية في غيثة وقالت ..

هداية : ماما غتمشي لعرس و أنا نبقى بوحدي في الدار

غيثة : شكون قالك غتبقاي بوحدك فالدار اتمشي معايا قالاك

هداية : صافي نيت حتا وصال معروضين !

كيف العادة الأيام تدوز روتينية لي درتو ليييوم تعاودو غدا و هاكا تدوز الأيام و ليوم الأربعاء ..

واقفة هداية هي و غيثة عند محل كراء القفطان ، شافت واحد في لون الأحمر حمقها بالإكسسوارات ديالو عطاتو ليها البنت المكلفة ودخلات لبساتو جاها عبار !

غيثة : جاك غزال ابنتي ولله

هداية : صافي هو لي ناخد

كرات القفطان و كذلك غيثة ، متوجهين لدار بعد ما خرجو شرار هدية لعرس ..

هداية : وصال صونيت عليها الصباح مكتجاوبش معرفت علاش

غيثة : دوزي شوفيها ..

في طريقها دازت لدار وصال دقات فتحات ليها الأم ديالها …

هداية : خالتي واحد وصال مكتجاوبش في تلفونها فين هي

نعيمة : يا ودي يا بنتي جاتها حق الشهر راها توجع فالبيت من الصباح ما فطرات ما تغدات ..

دخلات لعندها لبيت لقاتها شادة على كرشها و الدموع على طرف عينيها من حر الوجع لي شادها

وصال : جيتي اححح جات هاد بنت لحرام مبقا عرس مبقا حضووور

هداية : اويلي ! ا صاحبتي متقوليش ليا مغتمشيش حتا كريت القفطان

وصال : منقدرش ا هداية حريق لغيكل تيمرضني و كيفشلني عاد انا نمشي لعرس كيفاش نقاد حالتي و الوجع تيدوزني على يومين

عيات معاها هداية تقنع فييييها والو في الأخير تنهدات وسلمات عليها وخرجات مشات توجد راسها …

#يتبع..♥️
________

وصال ضيعات الفرصة للأسف الشديد ..🙂

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 16

إذن العشاء ! وهذا هو الوقت لي خاصهم يمشيو لعرس ..

خارجة من بيتها بقفطان أحمر دايرة الشال ديالها و الإكسسوارات و ميكاب خفيف كيف العادة و بوشيط هازاها وسط يديها ..

تبسمات في وجهه إمها لي تتشوف فيها وقالت ب إبتسامة خجوولة

هداية : و ماما تتحشميني ..

غيثة : انا لي والدة الزين نعام أسي ! جيتي فنة جا معاك القفطان

تكلم الأب وهو خارج كيقاد الساعة فيديييه شاف فيهم وتكلم بهدوء ..

عبد المجيد : إيييه على الوريدات أنا لي مزوج و والد هههههه زيدو تحركو هذا الوقت

شدو في بعضياتهم كيضحكو على كلام عبد المجيد و ركبوا في السيارة منطالقين ل قاعة الزرقطوني !

___________

واقف جنب المراية رش ريحته ودوز على شعره تيردو لجنب ، لابس شوميز فالون الأبيض و سروال في الأسود وجنبه جالسة رحاب بقفطان متبعة ليييه الشوفة ، قاد ساعته ودار شاف في رحاب ب إبتسامة ..

سفيان : صافي نمشيو أخالو

رحاب ” بسعادة ” : نمشيوا

يامنة و منال بالقفطان من داكشي الرفيع الأناقة و الشياكة و الذهبوات من بعيد ضارب الضو فيييهم !

شد سفيان في رحاب من ليد اليسرى و ليد الأخرى شد بيها يامنة مهبطها جلسها قدامه و رحاب و منال لور

داخلة يامنة ب إبتسامة بشوشة على ملامحها وجنبها سفيان هاز فيديه رحاب و منال و زوجها وراهم رحبو بيييهم أهل العريس أحسن ترحيب و شكروهم على حضورهم !

يامنة شافت من بعيد غيثة و هداية و عبد المجيد و نعيمة ” أم وصال ” وختها وبنتها ماجدة ، جالسين تمشاو لجهتهم سلمو عليييهم ..

متصدماتش منين شافت سفيان داخل حاجة عادة بل كانت متأكدة غيكون حاضر تبسمات ببشاشة وفنفس الوقت حنوكها مزنكييين

شافتها رحاب تبسمات بسعادة و هبطات من يدين سفيان مشات جلسات في حجر هداية ..

رحاب : خالتو توحشتك

هداية : حتا أنا أخالتو بزااف نتي لي مكتسوليش فيا ..

خرج سفيان من القاعة ، لأنهم مفرقين النساء فجييه و الرجال فجيييه توجه لسيارته يشوفو الأوراق و يقاد داكشي باش منين يقرب وقت البعد يكون كلشي واجد ..

#يتبع..♥️

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 17

العرس كان على حقو و طريقو و محطوطة عليييه فلوس صحيحة باينة من التنظيم و الأكل والموسيقى كذلك !

مجمعين البنات مع بعضهم منال شادينها هضرة هي و هداية و رحاب جالسة وسطهم ..

رحاب : بغيت نمشي طواليط أ ماما

منال : واخا أجي نديييك

رحاب : لاء بغيت خالتو هداااية ..

ياله جات تنطق منال وقفات هداية ب إبتسامة شدات في رحاب ..

هداية : بحال بحال أ منال أنا ناخدها

تمشاو جهة الطواليط شادة فيها و واحد متبعها بعينيه منين جلسات غير وقفات تبعها قرب ليها كيتمشى و فنفس الوقت كيدوي ..

~: القفطان و معامن جا ويا لالة على قبل الحمر نقطع أنا كبدتي

~: الزين النمرة راني ناوي المعقول طيحتيني وفين عسل عينيييك غرقت أنا

تمشات هداية بالزربة دخلات لحمام نساء و رحاب ساكتة و تتصنط ! تنفسات بضيييق جنها شي خد يتحرش بيييها تبسمات ل رحاب في وجهها ودخلاتها لطواليط ..

خرجو من تما و هداية غادية حاضية جنابها لا يخرج ليها هداك من الجنب

داخلين للقاعة حتا مشات رحاب تتجري كان سفيان النيت داخل شدات فيديه وشافت ناحية هداية ..

رحاب : انمشي مع خالو أطاتي

شاف سفيان فييين تكلمات تبسم لهداية إبتسامة شكر وزاد داخل ..

سفيان : فين كنتي أخالو وفين ماماك ؟

رحاب : عرفتي أخالو طاتي داتني لطواليط و واحد تبعنا بقا كيقول لييها القفطان و معامن جا على قبل الحمر نقطع أنا كبدتي ، وعاود قال لييها عطيني نمرة بغيت لمعقول طحت فيك أنا و في عسل عينيك غرقت ..
خالو شنو تتعني طحت فيك ؟

#يتبع..♥️
________
سرسبات لييييه كلشي 😂!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 18

عقد حواجبو على إثر كلامها مباغيش بنت ختو تسمع بحال هاد الكلام و فنفس الوقت معرفش

سفيان : كيهضر غير على طيحة العادية

هنا عقدات رحاب حواجبها

رحاب : و لكن خالتو مطيحاتوش ا خالي كدب عليها

سفيان : اه كدب عليها

رحاب : و لكن علاش خالتو معطاتوش النمرة ؟؟

سفيان : يلاه معايا ا خالو نشربو الماء انا وياك فيا العطش

رحاب : اه نشربو و لكن علاش خالتو مهضراتش معاه

سفيان : حيث بنت دارهم

رحاب : و لكن …

يالاه بغات تسولو تاني زرب عليها

سفيان : فيا بزاف د العطش و نتي ؟

رحاب : حتى انا غنشرب بزااف بزااف د الماء

اخيرا نسااها فالموضوع مشااو شربو الماء و وصل لوقت لي غيكتبو فيه كتابهم فالعادة الكتبة كتكون فمكتب العدول الى بعض الاشخاص كيفضلو يكتبو فيوم العرس نيت امام العلن

بعد العشاء الكراسة كاملين دارو لجهة العروسة و العريس و هنا دخلات العروسة لي كانت بلبستها البيضاء و خمارتها لي مغطي حتى وجهها هي و عريسها لي لابس لباس تقليدي رااق ليه و جا معاه
صوت الزغاريت و الصلاة و السلام بدا كيتسمع فالارجاء و مع اخر تزغريتة مع لتازمو العرسان بأماكنهم
و هنا دخل العدول هو الأخر و طلعو حتى زوج من الشهود لي من المفروض يكونو راشدين بالغين و هنا بدااو مراسم الزواج و تجبد الكتاب ةد العدول فوق الطبلة

كان الكل كيسنى هاد اللحظة و اغلب الفتيات حاضيين غير العدول مركزين فزينو و الكاريزما لي عاطية منو
و حديث بعض من هاد الفتيات مشا تال ودنين هداية

_ يا ختي شحاال زوين

_ تاعت غير لي يمشي يتزوج بيه

_ لقيت راسي ضايعة البنات مع داك كحل العفطة شوفو زين ديال بصح

……# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 19

كلامهم كان كيف السم تسلل لعضامها و نهش فداخلها كيف بغا و لكن خارجيا مكان باين عليها حتى حاجة و تطرفاتها عادية

بدا العدول بتقديمو لتعريف الزواج شروطو باش تكون خدمتو متقونة عاد بدة فقرة الأسئلة

سفيان : عثمان الزرقطوني واش قابل تزوج ب سناء مسرار على سنة الله و رسوله فالسراء و الضراء

عثمان : اه قابل

تسمعو تصفيقات الكل عاد داز للعروس ايضا يسولها

سفيان : سناء مسرار واش قابلة تزوجي ب عثمان الزرقطوني بدون اي ضغط من شي حد و توقفي معاه فسراء و الضراء

سناء : اه قابلة

و هنا تسمعو التصفيقات و الزغاريت مجددا و داز سفيان لشهود

سفيان : شاهدين ؟؟

الشهود : شاهدين

وقعو على الوثائق د زواج و وقعو معاهم حتى الشاهدين و ناض سفيان من بلاصتو

سفيان : كنعلنكم زوج و زوجة

قدم ليهم عقد الزواج الخاص بيهم و العريس قرب باس راس مراتو و بدا كيتسمع الصلاة والسلام على رسول الله

و هاكا دااز العرس لي كان بدون موسيقى احتراما لرغبة العروس المنقبة تطلقو غير بعض الامداح النبوية فقط و الآن جا دور التقليد لي كيدار فكل عائلة مغربية و هو د الحليب و التمر

كان اخت العروس هازة فيديها بلاطو فيه الحليب و التمر و العسل حطاتو فوق طبلة العروسين و وكلو لبعضهم التمر لكن العروس من تحت الحجاب فقط

تلتاقطو ليهم صور لذكريات لي غترافقهم طول عمرهم و حلاو ب الحليب و العسل باش يكون جل ايامهم عسلية مليئة بالسعادة و المودة و الرحمة

و بداو كيتلتاقطو صور اخرى لكن مع الحظور و العائلة
و هاكا كمل هاد العرس لي ايجمع بين شخصين فمكان واحد و ايجعلهم جسد واحد صابرين على بعضهم و متشاركين خصوصيات بعضهم

بدا الحضور كيخرجو و لي من ضمنهم هداية و غيثة و منال و يامنة و رحاب بقااو مجمعين قدام باب القاعة كيتسناو رجال يجيبو سياراتهم حتى تكلمات هداية

هداية : ياك ا خالتي يامنة دبا مزيان ؟؟

يامنة : حمدت الله و شكرتو ا بنتي و انشاء الله الى طوال العمر راني غدا عندك فالمسجد

هداية : داكشي لي بغيت نيت ا خالتي الحمد الله على سلامتك اتجيهم مع العقوبة

هنا يامنة ضحكات : هههههه هي دارو شي زبلة تاني ؟؟

……# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 20

هنا هداية ضحكات ضحكات ممتالية و هي كتفكر شنو طرا

هداية : هههههه راكي عارفة فعايل خالتي نعيمة شي نهار اتخرج ليا العقل رداتني مسكونة

كاع لي كان فداك المجمع تكرشخ بالضحك و منهم منال لي شدات كرشها بالضحك شي حاجة بزااف و ميتوقعو غير بحال هادشي نيت من نعيمة صمعتها فالزبايل سابقاها

يامنة : هههههههه لا لا هادشي خاصو نهار نهضرو عليه

منال : هههههههه لا لا بزااف

اوا هنا طلعات نعيمة راسها لفوق : اوا لواه لواه متزيدوش فيه تاني راه غير شفتها كضرب راسها مع المكتب قلت واش تسكنات

يامنة : ههههه بغيت نعرف غير منين كيطيحو عليك هاد الافكار

نعيمة هزات يديها لي كانت شادة فيها ميكة : صافي طلعتو ليا الدم نمشي فحالي انا كاع

منال : و شنو داكشي فيديك ؟؟

نعيمة : حق بنتي هدا

يامنة : ابعدا كتهلاي فيها

نعيمة : هههه اوا اشنو الى متهليت فولدي شكون ايتهلا فيها ؟؟

دورات نعيمة وجهها كان عصام نيت لي سمع حديثهم بالصدفة و كان كيضحك طاح على نعيمة كيف لاص

نعيمة : اولا اولدي ؟؟

عصام ببتسامة : معقول ا خالتي الى متهليتي فبنتك شكون يتهلا فيها

نعيمة : هههههه الرضا

تحنى عصام ليد يامنة باسها : خالتي كيف بقيتي شوية ؟؟

يامنة : ليرضي عليك اولدي الحمد الله

غيثة بمزاح : شحال من ولد مخبية علينا ا يامنة ؟؟

يامنة : هههههه اشغنقوليكم خير الله هدا ولدي عصام صاحب ولدي سفيان

نعيمة طلعات فيه و نزلات فيه : ايهاي هاي تبارك الله لا لا والدة زين ا يامنة ولدي مزوج ؟؟

عصام : ههههههه ببنتك الواليدة بإذن الله

نعيمة : ا رسول الله هههههه اجي اجي شفتي على كلامك زوين هادالحلوى و الله مطيح فكرش بنتي

الكل : ههههههه

عصام : ههههه و لاهيلا يالاه كليتها لداخل غا ديها لبنتك ا خالتي

محسش بنعيمة تا نزلات عليه لكتف

نعيمة : يخوي ليك جناب كااع هاد زين و تقول ليا خالتي و انا من صباح و نشكر فيك ؟؟

عصام : هههههه صافي سمحي ليا ا نسيبتي العزيزة

غيثة : ههههه قتلتي الولد ا نعيمة

نعيمة : نسيبي هدا ا غيثة متحلميش تزوجيه بنتك

غيثة : هههههه

ما هي غا دقائق حتى وقفو السيارات حداهم و بداو ناس كيطلعو مستعدين للمغادرة نعيمة كانت جات غير بوحدها بلا راجلها ا تمشي مع غيثة يوصلوها عاد يمشيو قبل متركب فطنوبيل دوات مع عصام

نعيمة : عنداك تكون تقلقتي اولدي راني كنت غا كنضحك معاك

عصام هنا عقد غوباشتو و دغيا طلع ضحكتو مرة اخرى : حشومة تقولي هاد الهضرة ا نسيبتي العزيزة

نعيمة : هههههه الرضا يلاه بسلامة ….لاهيلا هاد دري طلعات قشابتو واسعة

…….# يتبع

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 21

غير وصلات هداية لدارهم و بدلات حوايجها لبسات بيجامتها …حيدات المكياج الخفيف لي كانت دايرة و زيفها رداتو لبلاصتو و لبسات بيجامة خفيفة د النعاس

غا تكات فبلاصتها دوزات لخط لوصال كتعاود ليها على شنو دارت مها هااد الحاجة لي خلاتها تبقا تولول عليها مرة توسع عيونها و مرة يموتو بالضحك بزوج نعيمة علاام صاافي و شي حاجة لا تعوض

اصبحنا و اصبح الملك لله والحمد لله رب العالمين

لابسة ملابسها كيف العادة مرة كتمشي للمسجد فالصباح من تسعود للعشرة مرة فالعشية من الجوج للخمسة و اليوم كانت عندها حصة صبااحية

غير كتوصل لحدا المسجد قلبها كينفاتح و يرتاح بحال شي زهرة ففصل الربيع طلعات عيونها مغمضاهم فاتجاه الشمس الصافية و ابتاسمات باشراقة وقفات و هي كتشوف سيارتو امامها خارج منها بكل رجولية كيف عادتو طريقتو فلباس شي حاجة مميزة و بسيطة فنفس الوقت تريكو برمادي الغامق و سروال دجين بالازرق مع سبادري سوداء قمة الاناقة و الاهم من هادشي مرضي توجه للباب الآخر فتحو و شد اليد لمو حتى خرجات من السيارة

يامنة : ليرضي عليك ا بنتي

بقا غادي بيها ناحية المسجد بغات تمشي تعاونو و لكن حيث هو بالضبط ترددات فالأول و خافتو لا يفهمها على اساس كتقرب منو ولا كتحاول تاخد اعجابو…..و لكن فنفس الوقت اخلاقها مكتسمحش ليها تبقا تفرج فيهم تقدمات لعندهم و نطقات

هداية : خالتي يامنة !!!

يامنة دارت لعندها : جابك الله ا بنتي نيت طلعي معايا حتى لفوق

هداية : مرحبا علاش لا ” شافت ف سفيان و حدرات عينيها بزربة ” سلام

سفيان : سلام

شدات فيامنة من جهة الاخرى حتى طلعوها دروج مشات جلسوها فبلاصتها كان المسجد مزال مكيجيوش العيالات بحكم مزال الحال شوية حتى تكلم سفيان

سفيان : ختي ممكن واحد الدقيقة من وقتك ؟؟

……# بنوي

حد هنا ا زوينات بصحتكم الاجزاء زعما شنو يكون بغا سفيان من هداية ؟؟ ارائكم كتهمنا بزااف و اكيد تفاعلكم و حضوركم حتى هو 😘

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 22

سفيان : ختي عفاك واحد دقيقة ؟

توترات بالجهد وفنفس الوقت تبتات راسها حنحنات وقالت بهدوء ..

هداية : نعام أخويا خاصك شي حاجة ؟

نضف حلقه و فنفس الوقت كيشتت النظر مكيشوفش في عينيييها

سفيان : متخرجيش من هادشي لي غنقول ليييك متحرجيش حاجة عادية ! العادة الشهرية خرجات ليييك كنضن مرديتيش البال

تمنااات لأرض تشقها و تبلعها ولا تطيييح فهاد لموقف وخصوصا أنها كانت لابسة سروال جينيز و شوميييز طويلة فالون الأبيض وهي من النوع لي نهار الأمر تتجيييهم كثيرة وبلا وجع !

حناكها تزنكووو و عينيها عمرو بالدموووع من الموقف المحرج لي تحطات فييييه تكلم سفيييان بعد ما خطف فيييها الشوفة كانت منزلة راسها وباينة عليييها حشمااانة بالجهد

سفيان : أجي نوصلك لداركم تبدلي إلا مكانش عندك مشكل ” شاف جهة باب منين دخلات يامنة ” ما حد الناس مجاوش بزااف !

كانت غترفض ولكن فالنفس الوقت شوميييز فالأبيض وكيييف قال ليييها خرجات ليييها و غتخدم هاكاك و تخرج من الجامع لدار هاكاك ديييك ساعة كلشي يعرف لالة هداية العادة الشهرية جاااتها ..

عضات شنايفها بخجل وقالت بهدوووء

هداية : واخة وسمحيلي بزااف على الإزعاج

شير لها جهة الطنوبيل باش تركب وفنفس الوقت تيدوي ..

سفيان ” حط يدو على صدرو ” : سمحيلي نتي لأنه حطيييتك فهاد الموقف حسبتك ختي ومنبغيش لي يسوى ولي ميسواش يشوف و يضحك من حاجة عادية و لله عز وجل عطاها لنساء كل شهر ، الحاجة لي عاطيها لنا لله مكاين لاش نحشمو منها ..

سكتات مرداتش عليييه مزيرة على يديييها كتقول غيييير ايمتا نزل من هنا نمشي نغبر وجهي و عمرو لا شافني مزال !

نعتات ليييه الدرب وحطها فالدخلة إحتراما ليها وليييه ب إشمن صفة راكبة معاه وهي متتعرفووش واخة هو وهي نيتهم صافية لأنه هو عاونها فقط ولكن لناس هضرة أخرى ..

ياله جات تنزل حتا تكلم من جديد ..

سفيان : هاكي هادي ” مد لييييها الفيستة دياله ” ستري بيييها حسبيني خوووك و متحشميش كيف قلت ليييك !

هداية : لا لا ماشي مشكل شكرا مرة أخرى على كلشي ..

عقد حواجببببه من جديد وقال ..

سفيان : شدي ستري بييييها !

شداتها من عندوووو بلهلا يطرييييه ليهاا غا من طريقة لي شاف فيييها و العقدة د حواااجبه لي دار فييييها

هداية : واخا صافي وفييين نجيبها ليييك ؟

سفيان : ماشي مشكل صدقيييها ولا لوحيييها ! ماشي تقليل منك ” حط يدييه على صدرو ” ولكن إحتراما لي رباااك منبغيش الا شافها عندك ينوض مشكل

هداية : شكرا أخوييييا بزاااف ربي يخليييك شكرا مرة أخرا

سدات باب الطنوبيل ومشات بالزربة مكتمشا و الفيست مدورة علييييها دخلات نيشان لدار و لبكيييية على طرف عينييييها نسات أنه هذاا لوقت ديالها أما كون تفكرات مكانتش من الأصل غطييييح فهاد الشي !

#يتبع ..♥️
___________
مسكينة عمرها اتساعات فحياتها هههههه!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج : 23

دخلات لدوش حطات الفيست ديالو لي كانت فالأسود بدلات علييييها من الجديد وخرجات غادية و كتفكر و تحلل من جديد و مزالة التزنييكة طالعة مع خدوذها تدوي معاها تبكي لييييك ..

***************

واقفة تتغسل الماعن وفنفس الوقت تدندن ب أغنيييية كتونس بيييها حتا دخلات عليييها نعيييمة لي ممشاتش لجامع بحكم شي شغالات عندها !

نعيمة : من صبح لله ونتي تغسلي فهاد جوووج جوالق و مزال مساليتي ..

وصال ” بسهوة” : ماما أنسولك علاش ختارعو لماعن حنا شكييينا عليييهم ماشي سوقهم ناكلو حتا في لكراطن هااء يدي تحرقو لييا بجافيل و الصابون ..

نعيمة : لله يهديييك لله يهديييك أبنتي ” غوتات ” أتجمعي كملي روييييينة دغييييا نمشيو عند خالتك نعاونها قالت ليييك علاش صنعو لماعن على أنا كنت معاهم باااز ..

وصال : أ صافي صافي أنا نسالي دغيا نمشيو نشوفو هاد كحلة العفطة لي جاااي يخطب ماجدة

ردات علييييها نعييييمة ..

نعيمة : قالك شافها فالعرس ومو دوات مع خالتك قالك نحيو نشوفوها وإلا تفاهمو مع بعضهم لله يكملهم على خييير وداك العرس مكان فييييه غا شكووون وشكون ها الطبيب ها المهندس ها لأستاذ جامعي ..

وصال : تتعرفييييهم أ ماما ؟

نعيمة : و أنا غا قلت لييييك زعما

كملات لماعن الدار ديجا عندهم مجموعة مقادة دخلات لبسات عليييها عباية خفيفة وشالها كانت نعيمة نييييت لابسة خرجو شاديييين فبعضهم ..

دخلو لعند أخت نعيييمة ، دخلات وصال لعند ماجدة لي كانو عينيها منفوخين و السبب علاش ؟ لله أعلم

وصال : جاوك الخطاااب أ لمسخوطة ههههههه و عينيك منفوخييين كييف البومة عنداك متعجبيييش الخطيب

ماجدة : خليني عليييك أوصال لله يرحم ليييك الوالدين

وصال : أنوضي تقادي باركة من الهضرة الخاوية يا هااد البنت

ماجدة : وماااا بغيتش سووووقك ؟

خرجات من عندها واخة شدات في خاطرها منها ولكن قالت عادي مع التوثر بنادم مكيعرف ما يقول .. بدلات العباية بقفطان جوهرة دارت مكياج خفييييف ومشات تدير معاهم يديييها ..

ساعتين بالحساب لي دازو حتا تسمع الدقان فالباب وقفات أونفاص مع الباب و الضحكة على وجهها تشوووف عريس ماجدة !

تفتح الباب و دخلات سيدة في الربعينات أنيقة بجلابة راندة وهازة بين يديها الورد و إبتسامة بشوووشة على شفايييفها ، حتى تم داخل عصام من وراها هاز الشكلاط و إبتسامة خفيفة على شفايفه ..

وصال غير شافت عصام داخل شهقات حاطة على يديييها على فمها خصوصا منين تسد لباب و مادخل من وراه حتا وااحد إذن هو لي جااي يخطب بنت خالتها ماجدة !

#يتبع..♥️

__________
أراءكم و تعليقاتكم البنات ضروري ..

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج :24

حطات يديييها على فمها و عينيها مزال خارجين كتشوووف فيييه هاز في يدييه الشكلاط و عينيييه مبسمييين ..

شهقات و الدموع نزلو من عينيها نيشان دخلات لبيت لبسات العباية ديالها وخرجات بالزربة من الدار و الدموع على خدها !

دخل عصام و من الصواب تبسم و سلم على الناس حتا شاف ناحية الباب كان مسدود عقد حواجبه وشاف ناحية أمه

عصام :لواليدة داك ولدك شفتووو مدخلش فييينو ؟

إبتسام ” أم عصام ” : يكون تلف على الدار مثلا وهو داخل لييييها ” شافت فيييه أنه مخرجة عينيها فييييه زعما سكت الناس غادي تسمع ”

شد الضحكة بزز حتا تسمع الدقان فالباب ومشات فتحات ليييه أخت ماجدة وتم داخل أخ عصام الكبييير ب كوستيييم و سوارت الطنوبيييل فيديييه و الضحكة مرسووومة على وجهه و الفرحة باينة على عينيييه !

جلس جنب عصام و عطاااه ضربة ل كتفووو حتا شاف فيييه عصام مخنزر ..

عصام : مالك شي باس مكاين ياك ما تحمستي أشريييف

جواد : بغيت غير نشووف وجهها منين تشوفيني جالس هنااا هههههههه

عصام : جمع راااسك و تقل راسك شوية ولينا دابا حنا نصحوووك يا ودي يا ودي

مدة قليلة حتا تمات داخلة ماجدة لابسة قميص جوهرة و الشعر مطلوق و جنبها نعيمة لي عاد غتشووف شكون هاد الناس ..

نعيمة لي غير شافت عصام ضحكات وفنفس الوقت تصدمات منين شافته جالس تما

نعيمة : نسيبي هنا جالس ههههه ياكما نتا لي جاي تخطب

عصام ” وقف و الضحكة مرسومة على وجهه باس ليييه يده وقال ” : لا خووويا الكبير لي جينا نخطبووو ليييه هه !

نعيمة : مرحبا بكم لله يا ودي

ماجدة لي غييير شافت جواد قدامها عينيها خرجو بالصدمة وهو لي قال ليييها أنا مزال بعيييد على الزواج و فنفس الوقت الأم ديالها كانت كضغط عليييها تقبل حيت كب مرة رافضة الزواج بسبه ..

******************
دخلات لدارهم و الدموووع على خدها نازلين كتشهق و تنخصص رغم أنه في الأول كان إعجاب و من لأعجاب تتكون مشاعر أخرى

#يتبع..♥️
________
أراءكم و تعليقاتكم !!

العـــدول وبــنــت النـــاس 💍
بــقلــم : رجــاء جاكــار و فــرح حــدادي
ج :25
إنتهت الحصة ، خارجة شااادة في يامنة وصلات معاها شوووية لدار ديالها شافت فيييها يامنة و تبسمات
يامنة : ا هداية عنداك عشية ما تجي لصدقة عندي ها وذني منك
هداية : ان شاء لله يكون خييير ما يدير لله أخالتي وصافي
يامنة : ماشي ما يدييير لله غا تجي هي غا تجي
تنهدات وشافت فيييها من جديد ..
هداية : صافي اخالتي ان شاء لله
دخلات لدارهم كانت غيثة خارجة دخلات نيشان لبيتها تجبدات حاطة يديييها تحت راسها و كتفكر
الموقف لي طرا ليييها مع سفيان مبغاااش يتنسا ليييها وخا تتحاول و والو ! باغية تهرب لا عاود ثاني تشوفو حتا أكدتا ليها يامنة ضروري تجي لصدقة بمناسبة زواج إبن أختها ..
نعسات ليييها مبغاش تزيييد تفكر كثر فين ما تفكر تشدها البكية ..
دازو ساعااات فاقت تتكسل ، كان المغرب علاين يإذن ..
هداية : ماما نعست بزاااف علاش مفيقتينيش ؟
غيثة : قلت نخليييك ترتاحي دخلي وجدي راسك على قبل صدقة دابا نييت نمشيو شوييية بكري
بدلات عليييها عباية خفيفة بشالها أول حاجة دارتها جبدات لفيستة ديالو كانت صبناتها ودارتها تنشف حدداتها و دارتها في بلاستيكة مدام غادية لدارهم تحطها في شي قنت غا يعرفوها دياله
خرجات هازة في يديييها البلاستيكة حتا شافت فيييها غيثة ب إستغراب
غيثة : اش تما ؟
هداية : غير شي حاجة لي رحاب ا ماما ” كتحاول تلفها وهي براسها كدخل و تخرج لي الهدرة ”
غيثة : اممم اوا ياله نمشيووو
حركات ليييها راسها فقط وخرجو شادييين في بعضياتهم حتا وصلو لحي قشعاته من بعيد واقف هو وشي رجال و يدييه في جيابه
حتا تم داخل و تصادفو معاهم نييت هوما داخلين ..
تبسم ل غيثة بترحيب وخلا لييها الطريق باش دوز حتا وقفات غيثة مع الجارة لي كانت نييت داخلة و هداية وراها و سفيان ورا هداية
قرب لعندها شوية و تكلم بهدوء ..
سفيان : كيييف بقيتي ” المعنى على الحريق د ليغيكل ”
________
الأراء و تعالييييق ♥️

Leave a comment