Skip links

قصة : استئثار ج3 و الأخير

 3,815 عدد مشاهداات

Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 22🍷•••

مع الغوتة لي طلق تسمعات اهات من نفس الشخص . اهات مكبوتة بكترة الحريق لي جاه .. فاش كتحرق يدك وكتطلع وتنزل فما بالك الا شي حد حرقك لعينك؟!
بعد عليه مستمتع بغواتو وعينو لي تحولات للون الاحمر.. نثر من سيجارتو ببرود مزال باغي يطفي غليلو.. هو ضريف اه، ولكن فاش كيوصل الموضوع للغدر ..
كـــيجـــهــل !!

قرب للطابلة لي كان حداه، هز لقاط كبير حديدي كان محطوط فديك الطبلة نيت.. قرب ليدو سرحها فوق الكرسي مغدد مفقوص كلشي مخلط فيه باغي غير يتبت راسو مقادرش.. دبا ذوقو غير شوية من داكشي لي كان هادا شحاال !

حدر راسو حداه بالرزانة.. وبدا كيلقط الضفار بالجهالة تا كيطوش الدم، وكرر العملية على جميع صباع يدو.

نقولو بكا؟ نقولو غوت؟ ولكن مابردش .. صوتو وصل وخرج ومابردش من كترة الحريق
شاف فيهم بامر.. هوما بالزربة فهمو وداوه لكرسي اخر تحت ترجيات الشخص وكيحلف ويقسم بلي عمرو يعاود
سيف الدين : لا بقيتي عايش غير عاود..
طفا السيجار بعدما نثر اخر نثرة منها .. تاكايسمع صوت ديال البريز تبرونشا .. وتم تبسم
سيف الدين : بدات الفراجة !

فالبلاصة تسمع صوت صراخ.. داك الصوت فرحو.. حس بالفرحة وفنفس الوقت بالحزن
قلت ليكم بلي كل مرة باحساس هاد خونا؟! وهو ابسط مثال للمزاجية والانفصام.
كان كرسي كهربائي فحال لي كيعتامدو فالسجون ! غير جلسة فيه تخليك تنقز !!!!

خلاهم تم وخرج من الديبو.. اول ما حل الباب ضرباتو ضربة قااصحة من البرد.. تغلغل فنيفو وخلاه يتجمد لدرجة لا باس بيها , قرب للوطو لي كانت Jeep بيضة رياضية

يتبع…

Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 23🍷•••

المغرب…

واقفة برا كتسناهم يخرجو.. من نهار تقطعات الخبار على سيف الدين وهي غير ساكتة.. مباغا تهضر مع حد لي قالوها كديرها بالسكات..
خرجات عتاب مناكرة مع ابراهام وعبير مزال كتبان ليها فشرجم البيت كتدوي ابيل..
•عند عبير•
كتمشي وتجي متوترة.. صوتها فالتيلي نقص من حدتو مور ماسمعات تبريرات الكسندر وبلي مو كانت مريضة فحالة خطيرة
وطبعا هادشي كدوب !
وقفات فنص البيت مور ماسمعات نبرة صوتو المعسلة .. بكلمة فهماتها مزياان
الكسندر : ماتوحشتينيش؟ انا توحشتك، امتا غتجي؟!
عبير : توحشتيني ولا توحشتي لحمي؟
الكسندر : كل حاجة فيك كتخدرني.. شفايفك، عويناتك، فمك.. هضرتك.. مشيتك . كلشي فيك حلو !

حشمات وحدرات راسها اثر كلماتو المعسولة .. مرافقينها خصلات من شعرها.. حاسة بفراشات كتدور فكرشها
نطقات بصوت مترعد : همم زعما ؟
الكسندر : عمرني كدبت عليك ؟
عبير : هههه الاا.. “سكتات لبرهة ” كنبغيك !
الكسندر : وانا كنموت فيك !!!

كملو هضرتهم المعسولة.. وهو كل مرة كيلوح ليها كلمة ج*سية على لحمها او كيجبد لها الموضوع انو فاش كيكون كيبوسها كيحس بلي باغي ي*** فاسرع وقت..
اما هي كتحاول تتهرب من الاجابة او كتدير راسها ماسمعاتش كلمة.. وكلمة مافهماتهاش.. وكلمة بدلاتها لموضوع اخر ! وهادشي كلو حينت مباغاش تخسرو او يتقلق عليها.

فــلاش باك

فروسيا.. غير تفرقات مع صاحبتها ‘وعد’ قلبات الدورة للقهوى لي كتعجبها.. صوت الاغاني الروسية خدامين وهي كتغني معاهم تا حسات بدقة من اللور زعزعاتها تا مشات وجات !

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 24🍷•••

نقصات صوت الاغاني ودورات راسها كتطل من الشرجم.. الحاجة الوحيدة لي بانت ليها هي الماطريكول ديال روسيا واللوطو مزال جديدة.. سبات فخاطرها وعرفات بلي تلاقات مع شي برهوش روسي ولد الفشوش مزال يلاه شراها وكيتمختر بيها
عبير : تفو على نهار..
هبطات من اللوطو مغددة.. خنزرات فالولد لي كان مزال لداخل غير شافت لوطو ديالو.. كانت بورش كحلة مزال جديدة كتبري.. قربات لحدا الزاج ودقات عليه جوج دقات.. وهو بدورو نزل الزاج كيشوف فيه نظرة خايف من نظرة لي كتعطي ليه.. مرة خايف من ردة فعلها وهو شايف وعارف بلي هي بنت كبيرة ومااغاتدوزهاش ليه

قربات ليه .. من جيهة الوقت لي تضرب ليها فالزيرو من جيهة اللوطو لي مزال ما فرحات بيهامشاات…دارت يدها على زاج اللوطو وشافت فيه كتسناه يبرر قبل ماتدوي هي وتدير شرع يدها

الولد بالروسية بصوت مترعد : شوفي اختي والله مابلعاني.. عيطت على خويا الكبير وهاهوا غيجي دبا
حساتو غايكون شي متعجرف ويرجع ليها اللومة وديك الهضرة ديال البراهش.. مي تفاجئات.. سولاتو باستغراب وبشك
عبير : شحال فعمرك؟؟؟
الولد : حلفي متعيطي للبوليس !!!!؟
عبير : واغي قول !
الولد : 14 !! عفاك متعيطيش للبوليس راني خارج بلا خبار تا حد.. ولا شافوني كنسوق وانا فهاد العمر غانمشي فيهاا

شداتها السكتة.. ولد 14 عام كيسوق وهي ماساقت تا شحفاات … بقات ساكتة شوية وهي تسمع صوت لوطو جاية.. ضورات راسها بالزربة لعندها من بعدما حيدات على الزاج ، اما الولد نزل من اللوطو مسرع لعند خوه الاكبر ‘ الكسندر’

يتبع غدا…
يلاه سولتوني على لقاء عبير والكسندر هاني درتو 😹 ( تاوحدة مقالتها ليا بلا كدوب ) المهم شكون بغات خو السكندر 🙄 تيتيز وملعق وعينو زرقين 🙄

.•••الفصل الثاني من رواية اســتــئثـار••بين الـهوس والدم ••البارت 25•••

دورات راسها ليه بالزربة.. طولتو،هيبتو ،وحتا حركة يدو على باب طوموبيلتو وتراتها.. جمالو وملامحو الشهبة خلاوها تحل فمها بلا متحس
اما هو رسم ابتسامة جانبية من ردة فعلها وقرب ليها

السكندر : نقدرو نساويو الموضوع بلا بوليس!!

نهاية الفلاش باك
ايطاليا…

ركن اللوطو فباب عمارة كتبان مهيبة.. السكات لي فعز داك الليل مخلي الوقت تبان كتخلع.. طلع فالاسانسور وفيدو تيليفونو كيلعب بيه.. دخل للشقة ديالو رامي التيلي فوق اول كناب بان ليه
كانت شقة مفرشة بطريقة عصرية 100.. الزليج هو اللخر اخر ماخرج
.. مرتبة بادق التفاصيل..
دخل لبيت كان غالب عليه الابيض والاحمر الدموي، حيد القميجة لي كان لابس وشيرها فوق الناموسية.. خرج من البيت تاني بعضلاتو كيتحركو معاه فخطواتو.. لي واخا بسيطة الا وهي زادتو اثارة،وخصوصا وشماتو.

مشا للتلاجة وجبد منها قرعة دالشراب صغيرة.. حلها وكبها فكاس، زاد عليه التلج وبان لون الشراب الاحمر باقصى حدود فخامتو.. وفاش تحط فيد سيف الدين زاد كمل..

المغرب…

فجردة صغيرة.. كانت جالسة نورة وعتاب و عبير وابراهام واسامة اما وعد جالسة فحالا مجالسة
فيدها كتاب رسم.. عتاب ونورة وعبير غير كيشوفو فيها، حالتها مكاتفرحش نهاائيا.. خايفة ،خوفها من انه يكون خلاها فاش عرف حقيقة باها خلاتها تضرب الف تخميمة وتخميمية.. عقلها كيدي ويجيب والتفكير غيحمقها

يتبع…

.•••الفصل الثاني من رواية اســتــئثـار••بين الـهوس والدم ••البارت 26•••

ايطاليا…

فقصر داخل منو ضو خفيف.. كان جالس بكل هيبة.. فخامة.. ورقي،
هز عينو فالشخص لي حداه.. كان شخص قصير شوية وكيشوف مهبط راسو..

… : واش رجعتي مع السلطان؟ سيد اجاوستینو؟
اجاوستينو رجع راسو ورا الكرسي.. طفا السيجار لي كانت فيدو بعدما نثر اخر نثرة.. علا حاجبو بحدة خفيفة فيه : من ايمتا كتسولني على شغلي؟
تسمع صوت طلقة رصاصة من عندو.. وطاح الرجل سابح فدمو..

………………………………………………………………
المافيا الايطالية هي منظمة اجرامية تأسسات فمنتصف القرن التاسع عشر..وكان هو اول ظهور ليها، وهي تحالف حر بين عصابات إجرامية كتجمعهم بنية تنظيمية مشتركة وقواعد سلوكية موحدة كيمشيو عليها كلهم تحت تنظيم واحد

كلمة مافيا راجعة باللهجة السيسيلية mafiusu ولي كيقولو بلي معناها بالعربية “مرفوض”

كيعتامدو أفراد المافيا قواعد خاصة بيهم متشابهة للتنظيم العسكري دقة وصرامة، واهم أهدافها البعيدة خدمة القضية (العائلية) الواحدة. على رأس تلك القواعد كاينة قاعدة الصمت.. او نقدرو نقولو ماشتي ماسمعتي ما عرفتي.. بحيت انهم عارفين لا مشاو تاهضرو او “علمو بالسلطات المعنية بوحدة من النشاطات لي كيديرو العصابات” غايكون الموت مصيرو او مصير عائلتو وصحابو !

الهياكل التنظيمية ليهم عبارة على هرم تسلسلي.. واهم واحد منهم هو الرأس ولي بدورو كيختار جوج مستشارين وكينوب عليه واحد فيهم فحالة سجن او اي حاجة وقعات للرئيس..
من بعد كاين ملازمان (الكابتن) جوج ولا كتر وعلى حسب كبر العائلة وهما غالباً من أبناء الرئيس، كيترشحو من طرف الرجل الثاني ولكن في الأصل كيختارهم الرئيس بنفسه.

ملاحظة : المعلومات المذكورة اعلاه حقيقية..

يتبع…

•••الفصل الثاني من رواية اســتــئثـار••بين الـهوس والدم ••البارت 27•••

تخطاه ببرود وتم خارج فحالا مدار والو.. دوز الخط لنمرة كانت مسجلة.. ثواني وقطعو على بعضهم وتم خارج ببرود.

ركب فلوطو خاصة بيه.. فجو كلو صمت وسكات، ماهيا الا ثواني ووصل ل مكان فيه شجر كيطل على بحر من تحت.. يتسيب شي حد من تم مايعاودش يشوف حياتو

بان ليه واقف راجع على طوموبيلتو الكحلة.. تبسم بجانبية وبانت غمازتو الخفيفة لي فالخد
ضار عندو الشخص التاني.. تبسمو بخبث ودواو فنفس اللحظة

سيف الدين : الزعييم
اجاوستينو : السلطاان

تسالمو سلام رجولي.. كل واحد رجع على طوموبيلتو كيشوف فالنجوم تا تكسر الصمت
اجاوستينو : اش درتي مع الرواسا؟

ضحك لاخر باستهزاء..
سيف الدين : فاش ساليت ليهم صفيتها لكاع ولاد البو*ا.. فينما كانت شي قح”ة ولا ز”مل ضربت فيه كاع لي جمعت.. “شاف فيه”.. تخيل داك نصر بدا كيلعب فالخوا
اجاوستينو شعل سيجار وعطا تا لسيف الدين.. نثر نثرة وشاف فيه : علاش؟
سيف الدين : المافيا الروسية مارضاتش واحد من تباعها يتهان ويتقتل.. خصوصا من بعدما قتلت داك نصر،بلغ الكابو ديال المافيا الايطالية “شاف فيه” ولي هو نتا هخخ.. “تثر نثرة وساطها فالهوا”
اجاوستينو : راك مقا”د اساط..ماسماوش عليك السلطان غير هاكداك” شداتو الضحكة وحبسها ” منيتو داك النهار دخلوه عندي فحالا كيبكي.. يقسم ويحلف باش ميعاودهاش
شافو فبعضياتهم : لا بقا عايش غير يعاود

طلقوها بضحكة بجوجهم.. وكملو حوارهم بشكل طبيعي وعادي فحالا ماشي يلاه كانو كيدويو على الدم والقتيلة

يتبع غدا..
هادشي لي قديت نكتب مشغولة…

•••الفصل الثاني من رواية اســتــئثـار••بين الـهوس والدم••البارت 28 •••

فالمغرب
التيلي فيدها.. كتشوف فنمرتو باسمو لي مزال مسجل بنفس الاسم.. ماتغير والو من نهار عتارفات ليه باعجابها واخا كانو بزاف دالمشاعر مخلطة فيها.. من حزن.. ارتباك.. خوف، شنو كان غايوقع ليها لو كان حاقد عليها من اخر لقاء ليهم؟

فلاش باك

واقف تحت بالكو مصبغ بالابيض.. الظلام طاغي والوريقات دالشجر طايحين على كتافو.. الصمت ولكن عينيهم كيدويو..
تسمع صوت غوتة قوية جاية من تحت، خلات قلب كل من وعد وسيف الدين ‘ديال الماضي’ يضربو بطريقة مسموعة.. او نقولو بلي وعد هي لي كانت اكتر خوف.. حينت عارفة راسها غاتاكل دقة صحيحة

طلع الاب وفيدو عصا دالخشب قاصحة و غليضة من جنب.. قرب ليها معصب العروق قربو يطرطقو من دماغو وهو كيفكر فهاد البنت.. لي فنظرو مسخوطة وعاصية باها.. وفنظرها هي مدارت تا عيب وتامشكل لي تتحاسب عليه.. وشكون لي عندو الحق فيهم؟ كيبقا سؤال جوابو علامة استفهام.

دورات راسها لعند الولد لي كان كيحاول يطلع عندها لفوق.. غوتات بالجهد وقالت بصوت مرتعش
وعد : عفاك بلا مشاكل غايضربني عاوتاني..
سيف الدين : ماسوقيش.. شحال ما بقيت غانطلع لعندك شي نهار.. وهادا هو داك النهار
شافيه بكمية حقد ماشي طبيعية.. تقول مريض بيه باغي غير يشوفو بعيد عليه وعلى عائلتو : برهوش فحالك فحال باك.. تفرق علللللى بنتي ولا والله متشوف الخير.. حياتك ندمك عليها.. ولد 16 عام يتجابه معايا انا !! ماعلمك باك غير الخلا
سيف الدين : بّاااا مييييييت.. عرف كيفاش كتدوي عليه.. راك كنتي صاحبو يمكننن..
جاوب بصوت عالي كتر من سيف الدين.. اكتر حدة و صرامة : اقسم بلي خلقني اسيف الدين.. ولد سلطااااان تا غانعيط ليك للبوليس وبتهمة التحرش على بنت قاااااصر.. بنت 14 عااام
شافت فيع وعد.. الدموع دايزين شلال ويديها كيترعدو خايفة على راسها وعلى سيف الدين اما باها لهلا يقلب : لا عفاااك ابا.. شافت فسيف الدين : عفاك سيري! كنترجاااااك

يتبع..
كلنا نتجمعو وندعيو على بات وعد.. اه نسيت مات 🙂🚶‍♀️

‘Bella El Filali’
•••الفصل الثاني من رواية اســتــئثـار••بين الـهوس والدم••البارت 29•••

نهاية الفلاش باك
مسحات دموعها فاش سمعات صوت اسامة وراها.. ضارت عندو بالزربة مدهوشة..
اسامة : تفكرتي نهار لقيتك كتبكي سولتك واش كتبكي قلتي ليا ورجعتي كتبكي؟
وعد بابتسامة : هههههه.. تفو كيف كنت
اسامة : “شاف فيها بغضب مصنطع” اول مرة نشوف وحدة كتقول على ماضيها تفو.. برهوشة لخرى
وعد : يااا.. انا كبيرة !!
اسامة: تيقتك!

تسمع صوت فتيح الباب.. تمات داخلة نورة بعجاجتها..
اسامة: برهوشة رقم 2 جات
نورة : نتا هو البرهوش يا البرهوش
اسامة : شتك تحليتي؟تجمعي
نورة : ماسوقكش فيا فمي ونقول بيه بغيت
اسامة : عنداك تلقايه شي نهار مهرس؟!
يلاه جات تنطق نورة هضرات وعد : يااا… باغيين تدابزو خرجو برا
نورة : هاء نتي معايا ولا معاه؟؟؟؟
وعد : مع الحق ابب.. خليتكم

خرجات وخلاتهم كيعطيو لبعضياتهم ديك النظرة ديال والله لا بقات فيك.. اما لخرى فطريقها تلاقات ابراهام واقف حدا باب الفيلا ويلاه غايجبد كارو.. طلقات رجليها للريح ووقفات حداه حيداتو ليه
وعد مخنزرة فيه : اخر مرة قلت ليك ماتبقاش تكمي ايمتا كانت؟
ابراهام ببرود : ماعقلتش…
وعد : متبقاش تدوي معايا ببرود.. انا كبر منك…
ابراهام : كبيرة عليا ب ساعة ندمتيني..
وعد هزات كتافها : ماسوقيش.. مهم كبيرة عليك والله كريم
شافت فيه : متأكد معارفش فين سيف الدين؟
ابراهام : تا لاكنت عارف مغاديش نقول ليك
وعد : يعني عارف؟؟؟؟ يعني عاارف قوووول
ابراهام هز كارو اخر غفلة منها وشعلو..نثر نثرة ببرود : فايطاليا.

يتبع…

‘Bella El Filali’
•••الفصل الثاني من رواية اســتــئثـار••بين الـهوس والدم••البارت 30•••

فايطاليا
بعد حديثهم الرجولي والهضرة لي جمعو.. جمعو فيها غياب كتر من 4 سنين على بعضياتهم.. اللمة معاهم غير.. ولكن فيها الشك والتخلويض
كل واحد ركب فطوموبيلتو وكسيرا لدارو.. بعدما سالاو الهضرة ودقات الساعة 3 صباحا وهوما فالزنقة.. وكانو مزال مطولين!

اجاوستينو راكب فطموبيلتو وداير ليزيات منغم مع الاغاني الايطالية لي كيسمع.. فيدو قرعة دالشراب مزهية الجو.. وهوب.. وقفات لوطو بيه.
دور راسو فين وقفات بيه كيبان ليه البحر والدقة القوية لي جاية من اتجاه الامواج.. وبحكم ان البلاصة لي فيها كان فيها شوية دالمخيمات خلاتو يتحط فموقف لايحسد عليه.. حينت هادو من اكتر البلانات لي مكايحملهممش..
دور راسو كيشوف شكون لي يعاونو.. مبانت ليه غير بنت بلباس اسود وطالقة شعرها الفحمي القصير على كتافها.. دايرة الكيت وكتمشا عادي فحالا ماشي هي لي بنت خارجة ف 3 دالصباح.. وماعندهاش حس الخوف.. هبط عينو بان ليه كلب تابعها بلا متشدو هيا ولا تدير شي حركة باش تخليه متبوع ليها.. حقق فيها كتر شافها كيفاش حاطة يديها فجيابها وقبيتها الكحلة بينات عندها الهيبة

البنت : وقفات بيك ؟. حشومة هاد الفلوس كلهم خاسرهم على هاد الحديدة فاللخر توقف بيك…
اجاوستينو بقا غير كيشوف.. طريقة هضرتها عرفها بلي مرجلة وشخصيتها قاصحة.. واكتر انها سليييطة لسان
اجاوستينو : فاش تلقاي فلوسها شريها…!
حسات بالدم طلع لراسها.. برودتو فالهضرة ستافزاتها لدرجةةة.. ونطقو بالايطالية الغير الرسمية خلاتها تعصب . قلبات هضرتها للهجتها الام “العربية” وبالظبط “الدارجة”

البنت : بزااااف عليك الخانز الكلب.. الفلوس طلعو لينا فراسنا ومادرناش هاد الحالة كلهااا.. يا الكلابي اناااا هدى الصابري تهيني.. تفو عليك الز*مل.. يخخخ على ماركةةة
اجاوستينو : متشرفين اهدى الصابري.. انا اجاوستينو بينيفينتو

يتبع…’Bella El Filali’
•••الفصل الثاني من رواية اســتــئثـار••بين الـهوس والدم••البارت 31•••

تصمكات.. الهضرة ولات كتمشي وتحي فدماغها.. اش هاد البلااان تحطات فيه وعلاش كتحط راسها فمواقف بحال هاكدا وتحرج فراسها
اجاوستينو : شنو.. كلا ليك المش لسانك؟
هدى : هه.. ولد بلادي ها؟ هه اصلا غاكانضحك.. حق الله.. مغريبي ولا غير داي التهمة؟
اجاوستينو : أصول مغربية.. ودبا بيني وبينك شي بلانات.. خاص نتفاهمو عليهم خصوصا ديك ز*مل.. تبغي تجربي ؟
سكتات للحظات كان المش كلا ليها لسانها.. اجاوستينو من عاداتو مكايتطاولش على النساء كيفما كانو.. وهادي كاينة حتا فالمافيا الايطالية ومن عاداتهم احترام النساء.

خنزر فيها بحدة ونطق بصوت فحيح افعى : غانصاوب اللوطو.. ونتي غاتطلعي ليها دبا..

روسيا

فشقة ذات فراش عصري.. جالس مربع يديه بكل فخامة عندو.. شعرو فيه خصلات بيضاء خفيفة..على يدو تيليفون حاطو على ودنو بخفة
… : مايمكنش يتخفا ليه الاتر بهاد السرعة؟
… : المافيا الايطالية غايكون فخبارها هادشي
… : واش نتا حمار؟؟؟ الكابو دالمافيا الايطالية راه صاحبو…

حط يديه على راسو بقلة حيلة..حاس بالصدمة والصدفة تجمعو بجوجهم باش يفاجئوهم.. تم عرفو بجوجهم بلي لي كيلعبو معاه.. مااشي ساهل
… : خااصنا ننلقاوه… عندنا حساب معاه

يتبع..

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 32•••

المغرب
شافت فيه مغددة.. بصوت خفيف قالت

متأكد؟
ابراهام : لا.. ولكن فالغالب غايكون رجع لأعمالنا السابقة
وعد : اشمن اعماال اش هاد الزمر كتدوي فيه تاني؟؟
جرها لكرسي بعيد وجلسها.. جلس تاهوا حداها وشاف فيها معلي حجبانو كيفكر باياش غايبدا
ابراهام : همم.. سيف الدين عندو علاقة بالمافيا الروسية والايطالية.. هو ماشي مفيوزي ولكن كيصدر ليهم السلاح.. يعني عندو جزء كبير منهم.. وحتا المنصب ديالو معاهم وفالمافيا الإيطالية كتر طالعة.. يعني اي حاجة وقعات للمافيات بجوج هو نائب عليها، بحكم انه صاحب البوس دالمافيا الروسية وصاحب الكابو دالمافيا الإيطالية
وعد : اطط كيفاش كابو؟
هز كأس دالما شربو ورجع كيشوف فيها : الكابو هي كلمة إيطالية وكتعني الرأس.. فحال غانقولو بالمغربية راس الحربة وكاع الأعمال كيدوزو عليه..

شدات راسها بصدمة.. ماباغاش تزيد تكمل تسمع حاسة براسها طاحت فحاجة كتر منها
وعد : ك كيفاش دخل معاهم؟؟ بالأصح كيفاش كيدير يصدر ليهم السلاح؟؟
ابراهام : عندو شركة خاصة بيه.. البوليس مقادينش يهضرو معاه حينت كيفما كيصدر للمافيات كيصدر للشرطة.. هادشي غير الديبوات ديال الم*درات والكوكايين.. الحشيش بجميع انواعو.. يعني يدو طويلة ومساهم فبزاف.. واي حاجة عندو دخل ويد فيها.. أما شركة الألماس عندو غير خضرة فوق طعام.. بالأصح دايرها غير باش تنوب وتغطي على السلطة ديالو فروسيا وفانحاء المغرب
وعد : استغفر الله هادشي كلوو…!! علاش دخل لهاادشي واش حياتو ساخية علييه.. هفففف “ناضت من الكرسي كتسوط.. كتمشي وتجي نفسها خانقاها” علاش مشا لايطاليا دبا ؟؟
ابراهام كينثر السيجار فوق : يصفيها لولاد القاف كلهم.

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 33•••

وعد قربات تبكي : واش غايقتلهم؟؟؟؟
ابراهام : هادشي كيبقا ماشي سوقك

بعد مرور 4 سنوات

واقفة حدا القبر.. ملامح ممحية.. صوت تصفار طوموبيل البوليس و الإسعاف مزال فبالها.. منظرها وهي معلقة فالكرسي مزززال فبالها.. غواتها.. ضحكها.. عصبيتها.. كلشي فيها، مقاداش تنساه
كيفاش تقدر تنسا صديقة عمرها؟ اختها الثانية؟ لي كانت بمثابة ام ليها..
حسات بيد وراها وقفزات.. عينيها الزورق ولاو كيبريو بالدموع..
أسامة : الله يرحمها
وعد : امييين
جرها مخرجها على المقابر.. كانو تلاتة طوموبيلات كيتسناوهم تم.. وحدة فيها ابراهام وعتاب ووحدة فيها شخص مجهول بوحدو الظاهر انو كان كيدوي فالتيلي وكيعبر بيدو.. واخرى فيها نورة وغايكون معاها أسامة.
أسامة : طوموبيلة سيف الدين هي لي كاينة احم
وعد فحالا جهلات.. ملامح وجهها تكشرو وعروق راسها وعنقها بانو خوووضر وواضحين : مابغيتش نركببببب معاااه
قفز من ردة فعلها.. خصوصا ان فاش عرفات سيف الدين اعمالو الحقيقية جاتها كريز قاصحة.. هادشي من غير النوبات العصبية لي ولاو كيجيوها.

أسامة : هي لي بقااات
وعد خنزرات فيه وفقدات توازنها طاحت فالارض كتهضر بصراخ وصوت مرتافع : مابغييييييتش نمشي واااش مكاااتفهمش !!!
خرج كل من نورة ابراهام وسيف الدين.. أما عتاب بقات غير كتبكي على حالة ختها
قرب ليها سيف الدين لي غي حسات بريحتو تجننات.. قرب ضمها ليه مزير عليها
سيف الدين : ششش باراكا
وعد بقات غير كتبكي وتضرب فصدرو ماعندهاش القوة لي تدابز معاه
وعد : مابغيتش نمشي.!

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 34•••

قرب ليه ابراهام باش يعاونو فيها يهزها بعدما حس بثقلها عليه..
هز عينو فنورة لي كتبكي على حالة صاحبتها وتنهد.. هزها سيف الدين وركبها فلوطو، كسيرا كل واحد لبلاصة.

الساعة 5 مساءا
مزال سايق.. الاتجاه حدا بحر مهبطة زاج الشرجم لعندها.. كتفكر منظر عبير.. الحبل على عنقها.. وجها زرق.. الدم مسحوب من وجها.. كتحس بروحها كتخرج كتر من لي ماتت بحد ذاتها…!

فلاش باك

فبيت طاغي عليه اللون الوردي والأبيض.. جالسة كتحاول تعيط على صاحبتها ‘عبير’ بعد آخر رسالة صيفطاتها ليها

•عارفة احساسك تجاهي.. غاتبكي.. غايبقا فيك الحال.. غتندمي.. غاتردي الذنب لراسك.. ولكن الموضوع عادي بالنسبة ليا حينت غانكون فبلاصة خرا.. غانكون فبلاصة تخليني نحس بالدفئ.. والأمان.. الشعور بالابدية فحياتي لخرى حسن مانبقا معذبة هنا.. مع كل حبي ليك صديقتي الوحيدة والابدية.. دمتي آمنة سالمة..
••عبير••

بكثرة عصبيتها ردخات التيلي فالناموسية
وعد : غنكويك اعبير لا كنتي غير ضاحكةةةة
هبطات ساقت لوطو بسرعة مفرطة.. يا ما حرقات ضو حمر وياما باراجات وقفوها وكتخليهم.. كتحاول تقنع راسها بلي الموضوع بسيط ومافيه والو.. مغايكون عندها والو وغير وحدة من نكتها البايخة..

وقفات لوطو حدا شقة عبير فروسيا.. الباب كان محلول.. السكات كان طاغي.. كآبة محيطة فالدار كلها.. ولكن فين مولاتها؟!

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 35•••

حلات باب غرفتها بعدما نادات بصوتها عدة مرات بصوت مترعد.. والصدمة كانت عبارة ملامح وجهها

بالشكل لي منتاحرة بيه عبير خلاها تفقد وعيها حداها.

نهاية الفلاش باك

فلاش باك 2

سالات من كتابة المسج لوعد والدموع طايحين من عينها شلاال.. مسحتهم بالخف وشافت فكرشها.. ضورات يدها عليها ونطقات بصوت منكسر.. ضعيف.. شبه ميت.!
عبير : سمحليا اولدي !
طلعات على الكرسي ودخلات راسها فالقنبة لي متاصلة بالسقف.ودفعات الكرسي !

بلا متردد جرات الحبل.. غير حسات بالنفس بدات تقطع فيها ندمات، اه ندمات وحسات بحر الذنب لي دارت.. قتلات راسها اولا.. زن”ات ثانيا.. وهاهوما جوج ذنوب خرجو عليها وعلى حياتها..

بقات كتحاول تدفع فالحبل وتحيدو وهي مخنووقة.. بغات غير تتنفس مقدراتش والنفس لي تقطعات فيها خلاتها تولي حمرةة والعروق يتنفخو

افكار بزاف بقارو كيدورو فبالها فدوك الدقائق المعدودة لي فحياتها.. اولهم
واش ربي غايسمح ليا على هاد الذنوب لي درت؟ هاني غانموت ولكن اش درت فحياتي من غير السهير والمعاصي.. هانا متت وبابشع موتة…!

يتبع..

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 36•••

شكون كان يقول بلي تقدر تموت بديك الطريقة..طريقة هي مكانتش مخططة ليها نهائيا ولا ضرباتها فبالها، لحظة طيش بذنب دارتو كلفاتها حياتها فالدنيا والآخرة.. والسبب؟ ما يسمى بالحب.

نهاية الفلاش باك

شاف فيها سيف الدين بنص عين..
سيف الدين : كيف بقيتي
وعد ببرود : كيف كتشوف
سكتو بجوجهم شوية ونطق هو بصوت خفيف : ماتوحشتينيش ؟
برودها كان طاغي.. سكتات شوية ويلاه جات تهضر قاطعها
سيف الدين : عارف شنو غاتقولي..
يلاه جات تنطق قاطعها للمرة الثانية..
سيف الدين : نزلي راك وصلتي.
نزلات تهيا شاعطة الباب.. 4 سنين غياب فاللخر يجي يدوي عادي؟؟ لا مجاتش وهادي اخر حاجة تفكر تسامحو عليها، خصوصا هاد الموقف لي فيه حياتها !

دخلات للدار كتجمع حوايجها.. بحكم ان عبير تدفنات فالمغرب فبقات تا سالات الكنازة.وليوم يوم عودتهم لروسيا
جمعات حوايجها ولأول مرة كتحس براسها مباغاش تمشي من المغرب.روح صاحبتها كاينة فيه وحاسة بديق كبير.. مباغاش ترجع لسبب من الأسباب

وقفات لوطو ديالو ونزل منها فيدو وراق كيقراهم بينو وبين راسو.. وقتو كلو كيشوف شنو فاتو فاش كان فايطاليا او بالتحديد، فالحبس

قبل 4 سنوات
علا راسو فالمحقق لي حداه بنظرة استهزاء.. عمر فيه الشوفة مزياان وضحك تا بانو سنانو من الجملة لي نطقها المحقق ولي كانت

” اخيرا شديتك السلطان”

جمع الضحكة وشاف فيه مرجع راسو على الكرسي
سيف الدين : اش هاد الظلم اساط ؟؟ تا كيفاش شديتيني ! نن راه انا لي جيت عندكم .. “قرب براسو لعندو” كاين فرق بين جيت برجلي ونتوما لي شديتوني.

خنزر فيه بحدة وشاف فيه بلا مينطق.. تا ضرب بيدو على الطبلة ودوا بصوت مرتفع
المحقق : انااا هناا لي كنقرر ماااشي نتاا.. المهممم ان واحد من أصحاب الأعماااال المشبوووهةة تشددد سواء عتاارف ولا لا.. هادي فهمهاا مزيااان

عض لسانو من داخل.. خنزر فيه ببرود ونطق
سيف الدين : وانا راه داخل للحبس داخل.. ماخفتيش على حياتك ؟!
المحقق : كون كنا كنخافو من الدجاج كاع مانريشوه..

يتبع..

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 37•••

خشا يدو بالحس فالكم ديال يدو.. جبد موس صغير غفلة من المحقق وخشا ليه فعينيه نيشاان

سيف الدين مع تنهيدة ملل خفيفة : وكون كان الدجاج كيخاف كاع مايكون كينقب

خلا الدمايات كيتشرشرو ولاخر بقا شاد على عينيه حابس الدم.. سرعان ما لي برا سمعو الغوات ودخلو كيتجاراو..

نهاية الفلاش باك

دخل مع باب الفيلا.. اونفاص بانت ليه نورة واسامة قراب من بعضياتهم وكيضحكو دار عين ميكة.. ماشاف ماسمع
طلع كيقلب على ابراهام كيلعب فيدو بمربع مكتوب فيها شي حاجات خفاف..
وصل لبيتو وحل الباب.. بانت ليه عتاب فالحيط و ابراهام مكاليها بيديه.. غير حسات عتاب بالباب تحلات بعدات عليه متوترة

سيف الدين : ادوك ولاد ال****.. عندكم الزهر تبت اما كون قنبلت *امل بوكم لي لتحت ولي لفوق !! تا كيفاش لي لتحت كيضحكو ولي لفوق كيتباوسو.. نعلكم الله
ابراهام بابتسامة : ماتخلينا نتباوسو لا دبا لا من بعد.. وابااز
سيف الدين شاف ف عتاب : عتارف ليك ولا مزال ؟

ولات حمرة وحسات بالتزنيكة طالعاها.. كيجيها سيف الدين متبت وبارد هاد المرة لي ماعرفت اش جاه
ابراهام : واش سكران ؟
سيف الدين : انا ؟ لا ماسكرانش !
ابراهام : شكيت فيك !!
سيف الدين كيحلف من نيتو : لا والله مشارب شي حاجة !!

يتبع…
Bella El Filali’
•••الفصل الثاني من رواية استــئــثـار••بيـن الهــوس والــدم••البارت 38•••

ملاحظة : ابراهام وعتاب ونورة واسامة وسيف الدين ماشي أصدقاء عبير لدييك الدرجة باش يحزنو عليها ويتقلقو.. ماعندهمش علاقة كبيرة بيها يعني ماعندهم لاش يحزنو لمدة طويلة.. حزنو غير لمدة مؤقتة ومن بعد تناساو عادي ! يعني بلا منشوف شي كومنتير على هاد القضية !

°°°°°°°°°°°°°°°°°°°°°°°°°°°°°°°°°°°°°°°°°°°°°°
عندها هي جالسة فالبيت… صورة عبير فيدها كتشوف فيه بملامح ممحية.. رافضة فكرة انها صافي ماتت ومغاتعاودش تشوفها.. حقدات على ألكسندر لواحد الدرجة ماشي طبيعية.. لدرجة لو تشوفو قدامها تعدبو بابشع طريقة تطيح على البال
سمعات الصوني فالتيلي كان من عند أسامة.. علمها بلي غايرجعو لروسيا وشوية ويتلاقاو باش يمشيو للمطار مجموعين.. حوار اعتيادي من طرفو وبارد من عندها.

بعد مرور 4 ايام
فالشركة.. كانت جالسة فالبيرو لي كيطل على افخم شركات روسيا.. واكبرهم.. وهي طبعا كانت شركتها وحدة منهم.. بحكم انها كل عام كتطلق عقد بتصميم مختلف على لي سبقو يخليك غير كتشوف فيه.. تشوفو تحماق، نقدرو نقولو عليها ممهدة الطريق لشركات تصميم المجوهرات الأخرى بسبب انها كتبدا وتخليهم هوما يكملو..

يتبع..

‘Bella El Filali’
•••الفصل الثاني من رواية استــئــثـار••بيـن الهــوس والــدم••البارت 39•••

وقفات فيدها كاس دالقهوة كتطل على ديك الطيراسا لي على برا.. مرة تشرب وتحول نظرها لبعيد مرة تشرب و تشوف فالساعة المعلقة على الحيط

تم داخل
من الباب شاب بلباس رسمي عملي.. شعرو زعر و عينيه خضرين.. روسي من الطيارة.
بقات على شكلها ماضارتش عندو.. رشفات من كاسها وشافت فيه.. دوات بروسية رقيقة
وعد :تعطلتي 15 دقيقة.. يعني العمل تلغا،باي باي
ابتاسمات فاخر كلماتها.. حطات كاس القهوة فوق الطبلة واشرات بيدها على باب المكتب بلباقة.. تم عرف الشاب بلي غايضيع معاها الحجرة لا بقا كيدوي او يشرح ليها سبب تأخرو

فمكان اخر بالظبط.. البرازيل
مرجع راسو على الكرسي.. وقتو كلو كيفكر، داكشي لي دارو صحيح او خطأ؟ البنت لي ماتت معندوش دخل فيها.. هو نوعا ما،معتارف بلي لي دار ذنب كبير مغايتغفرش ليه.. وفنفس الوقت حاس بالشمتة وكيقول بلي تستاهل.. صراع بين قلبو وعقلو غايحمقو، ماينكرش بلي تخلع عليها فاش عرف بلي راها فالسبيطار.. وفنفس الوقت فرح وحس بشوية من دمو برد..

فايطاليا
بالظبط.. فالمحكمة، واقفة بلباس المحاماة.. كتدوي مع القاضي وسط الجلسة وتبرر فعلة موكلها، تسمع صوت دخول شخص ما خلا كاع الانظار عليه.. وهي بدورها اول ماشافتو حسات بالما فالركابي
هدى : اجاوستينو !!!

تلفات ليها الهضرة ودخلات الشرق فالغرب.. حسات بالناس كيشوفو فردة فعلها وبؤبؤ عينها لي كيتحرك بالزربة دليل على توترها المفرط.. سمعات صوت القاضي كيدوي بالجهد باش تجاوبو عاد فاقت على راسها.. ولكن التلفة مزاال شاداها
القاضي : آنسة هدى.. تقدي تعطينا اخر كلام عندك ؟
هدى : نظرا لجميع الدلائل والمعلومات لي عندي كنقول بلي موكلي مذنب وخاصو الحبس !
كاع لي فالمحكمة بقا كيشوف فيها مستغرب .. كيفاش تقول مذنب وهي كتدافع عليه ؟؟؟
القاضي : نعام؟؟؟؟
هدى : بريئ !!! كنقصد بريئ.. موكلي بريئ

يتبع غداا ✨
ارااااااااائكم 🙂

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 40•••

سالات المحكمة وخرجات جارة اجاوستينو من يدو
هدى : علاش جيتي عندي؟؟؟؟
اجاوستينو بابتسامة لعوبة : علاش غانجي عندك فنظرك؟
هدى : ورا تلفتيني
قلب عينيه : بشااخ اوليدي على المحامية ديالنا.. غير شافت الزين تلفات
هدى : ستينوووو ! ياا ماشي هاكداك را..
قرب ليها كالاها على الحيط باش تسكت.. شاف فيه بنظرة بورشاتها. ونطق بصوت لي تعودات عليه تسمعو منو.. نبرتو الحنونة وفنفس الوقت القاصحة

_ماسميتيش اجاوستينو.. سميتي سلمان.. سلمااان بينيفينتو !
هدى : كننسا …
طلق منها وهز سوارت فيدو كيلعب بيهم
سلمان : يلاه زيدي حدايا نخرجو؟…
هدى : مزال عندي شغليي !!
خنزر فيها وجرها لبرا : سكتي شوية وزيدي

وقفات لوطو حدا جردة كانت مزوقة بورد ابيض واحمر.. الدنيا ساكتة ولكن الموسيقى دايرة جهدها.. كانت من النوع الكلاسيكي الخفيف.. ريحة عطر الورد كانت بالنسبة لهدى حاجة واو.. وفعلا كانت عاجباها لواحد الدرجة ماتصورش..
لعق شفايفو وشاف فيها..
سلمان مد ليها يدو : ممكن رقصة؟
هدى مدات يدها ليه : طبعا !

رقصها كان ضعيف بزاف ولكن ماخلاتها فقلبها.. نفسها فالشطيح تشطح ولي ليها ليها.. فثواني رقصهم كانت كتشوف فعينو القهوية بتمعن. بغاتو طوال هاد 4 سنين لي دازو. حبو ليها وحنانو حتا لعطفو، رغبتو الكبيرة فعدم ايذائها ولو بشكل بسييط.. من اغرباء حادث سيارة لتطور العلاقة، حتا لقاو راسهم مرميين فالحب بلا سابق إنذار

يتبع..
‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 41•••

نزلات من اللوطو بعدما باركات طوموبيل.. الدار لي كتر من 4 سنين ما خلات ليها
سدات باب الدار وحطات الساروت فالبلاصة ديالهم.حيدات الكاب لي لابسة وعلقاتو تاهوا، غادا بخطوات رزينة
مشات للثلاجة وجبدات قرعة مشروب غازي. بحكم ان الخدامات كانو كيجيو ليها فعادي تكون التلاجة عامرة.
حطاتها فكاس ودارت فيه الثلج. شدات تليفونها، طفاتو وحطاتو حدا راسها. محتاجة تبقا بوحدها وتسنط لراسها لعضامها ومشاكلها
اول حاجة هي علاش سيف الدين مارجع غير فاش ماتت عبير…
زعما تكون غير صدفة؟ ولا يكون عارف بكلشي فحياتها.. واش داز عليها فديك 4 سنين ؟؟

فلاش باك

ففيلا شبه معزولة.. جالس هو هاز كاس ويسكي فيديه.. هادا الكاس اللول ومرة مرة كيشرب منو.. حينت بالزربة كيشد فيه الشراب وهو مزال باغي يبقا يدوي ويفصل فاش غايديرو.
اما لآخر مكتافي بسيجار فيدو كما العادة.
اجاوستينو “غانبقا نكتب سليمان راه سميتو صعيبة” : الحل الوحيد لي عندك هو تعتارف وتدخل للحبس.. اصلا هوما رابحين معاك مايقدروش يعطيوك كتر من 5 سنين
سيف الدين : ديك 5 سنين هي لي مابغيتش..مزال بغيت ندير بزاف دالحاجات ، نتا لي داخل هادشي فيه فريع ال*ر حق الرب !
اجاوستينو : خليني انا دبا وركز فراسك.. شنو غادير لا قلبو الكواري ورجعوها لصالحهم،المافيا الروسية هاديك راه مامعاها لعب
سيف الدين : لا كانو هوما مافيا روسيا انا سيف الدين سلطان.. يمشيو يق*دو الشمتة لي درت ليهم كافية اش بغاوني ندير مزال
سليمان : ساط ! راك مخورهم ف 20 مليار دولار.. فلوس صحيحةةة تما.. ضروري غايرضوها سواء فيك أو سواء فشي حد كتبغيه.. شوف غير ماريا بعدا اولا وعد..

غير ذكر ماريا ووعد القرودة بداو كيشحو ليه فوق راسو.. خلا ملامحو باردة ونطق بصوت بارد كتر
سيف الدين : لا كانو رجال غير يوصلوهم !

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 42•••

تأفافات مع تنهيدة حارة.. رجعات شغلات التيليفون لقات سيف الدين مصوني عليها
مابغاتش تصوني قاصدة تخليه تاتشوف واش غايعاود يصوني ليها ولا لا.. ماهيا غير ثواني قلييلة ورجع صونا،تعطلات باش تفتح المكالمة.. سرعان ما يدها مشاو تلقائيا باش تجاوب عليه
دارت الفون على ودنها بالتقالة.. اول صوت سمعاتو هي صوتو القوي ولي معصب، ترمي وقيدة تشعل العافية
سيف الدين : فييييييييينك ؟؟؟؟؟
وعد : فداري القديمة ! شبغيتي؟
سيف الدين : ماتمشي فين هاني جاي.. منها نيت نوري اصل جدك هاد شبغيتي شناهيا !!
قطع عليها وقلب الدورة لطريق دارها.. الوقت كلو وهو كيضرب فالفولون بكل قوتو.. يدو كاع رجعها حمرة.

بطبعو بارد ولكن لا مشا تا شعل غا عطيه الطريق.. حنين ولكن لا دوا مكايبغيش لي يعكس ليه فهضرتو.. كلمة وحدة ونوض على سلامتك، ما قل ودل.. الوقت عندو كلو فحال بعضو ولكن فاش تكون شي حاجة مهمة مايعقل لا عليك لا على راسو..
عزيز عليه الانظباط، قلة الصبر عنوانو. لو اديتيه ومارجعهاش ليك عرف راسك غتخلصها بالضوبل غاصبر على خبزتك تاتطيب..
وهادي هي حياتو.. الداخل ليها مفقود ولي خارج مفقود أيضا.. حينت لا مشا تاحط عليك عينو، عرف راسك غاتكون تسميتي ديك الساعة بأنك ديال سيف الدين سُلطان .. وبس،ولو على ممــاتك !

وقف لوطو تم ونزل بلباسو الانيق كما العادة.. حل الباب بالخبيط وغير مشيتو تسمعات تا لعند وعد. لي كانت متكية دايرة يدها على عينيها بشكل مستقيم.. رجل فوق رجل والليزيات فودنها
غير حسان بالزايد حيدات الليزيات من ودنها وشافت فيه.. ناضت عندو بملامح باردة
وعد : هنا ماتحركتش.. شنو بغيتي ؟
سيف الدين (فزگ شفايفو وعضهم مغزز عليها.. ينوض يقبرها بلاصتها ويرتاح) : بغيت عزاك؟!

قرب ليها وهي فكل خطوة كقرب ليها كتزيد تبعد.. جنناتو حتا دار فيها
سيف الدين : وقفي فبلاصتك لأصل جدك !!!
وعد : مواقفاش ماشي سوقك فيا !
سيف الدين : لا سوقي فيك عندك شي مانع ؟
وعد : وشكون نتا بالسلامةةة ؟؟ راجليي؟؟ خويا؟؟ با؟؟ شكووون نتا بالسلامة والعافية لي غاتحكم فيا شنو ندير وشنووو لي لااا ؟؟؟؟؟

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 43•••

شافها بدات كتغوت بداك الشكل زاد حقد بالجهد.. كيشوف غير الحيط لي وراها يضربو ليها مع داك الحيط باش تنقص صوتها لي مكايحملوش يترفع..
ماحس براسو الا وهو مقرب ليها.. قرب يدو لعند وجهها على شكل حضن وخدا شفايفها فقبلة عنيفة مخرج فيها كاع غضبو.. قبلة كان هو لي متحكم فيها اما هي بالصدمة فمها بقا مبلوكي..

قطع القبلة تحت ارادتو هو فاش حتاج يتنفس.. شاف فيها كيفاش حمرة بالتزنيكة وحمزة بالخنقة فنفس الوقت.. ضحك عليها فداخلو ولكن مزال هضرة خاصها تتقال
سيف الدين : بغيتي تخاصمي؟ تخاصمي ! باغا تبردي ؟حتا تبردي.. ولكن ديري فبالك.. نتي وعد سلطان، ماشي وعد المرنيسي. نتي لسيف الدين سلطان وسيف الدين سلطان لوعد المرنيسي من اللخر نتي ديااااااالي ” علا حاجبو فيها مخنزر” نتي ديااااااااااااااااالي.. وافهميها ودخليها لدماغك ،من هاد النهار اي حاجة درتيها محسوبة عليا، اي خطوة خطيتيها خاص تقوليها ليا.. حينت نتي بحد راسك ماشي ديال راسك، نتي ديالي.. انا ما راجلك ما باك ما خوك ما تا *لوة ولكن عن قريب غانكون كلهم.. الأخ لي ماكانش عندك والأب لي ماحسسكش بالابوة.. واخيرا راجلك لي مسؤول عليك وكيبغيك..”بعد عليها ورجع قرب بالزربة” بلا متفكري تقولي ماموافقاش حينت هادشي غايكون سواء بغيتي سواء مابغيتيش ! داك الفشوش الهاوي مابقااش غير حيديها من بالك… سينو غاتشوفي الفاص لآخر !

خرج وخلاها شاعط الباب.. هي من كترة الصدمة حتا كتضحك وترجع تجمعها.. هاكداك بقات حتا شدات ففمها كتتلمسو وتضحك
وعد : اييه يا الدق.. شكون كان يقول !

يتبع غدا…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 44 •••

بقات غير كتضور فراسها وتستكشف المكان بعدما وقفات الرقصة.. بالدورة لي غاتدور لقاتو راكع على ركابيه
سلمان : انا سلمان بينفينتو.. كنطلب منك الزواج.. Be with me (كوني معي)

تبلوكات.. كون كان ماشي مسلم كيف اللول وقال اسم اجاوستينو كانت مغاديش تقبل.. ولكن هو ماقال سلمان حتا عارف بلي الديانة عندها شي حاجة مهمة.. علا حاجبو فيها كيتسناها تجاوب.. اما هي بالتلفة بقات غير كتشوف

سلمان : طلقينا راه رجلي ضراتني لأصل جدك !
هدى بابتسامة واسعة : موافقةةةة
ناض على ركابيه وجبد خاتم لي كان حجرة الماس خفيفة فوسط الإصبع.. فرحتها بيه كانت كتر من الزواج ! شخصيتها نقدرو نقولو عليها بلي مرجلة لدرجة غيير.. حنينة.. مهيبة ،والأهم.. انها مغنانة
تقول ليها اه تقول لا.. الغنان لي كتشد تخليك تبقا غير كتشوف فيها بكثرة مكاترصااش للارض، لي قالتها هي هاديك وربي كريم

ركبو ليها فيدها وهي فرقات يدها كتشوف فيه وتتمعن.. حبها الألماس والاحجار الكريمة فوووق الخيال
ماتنكرش بلي جاها غالي،غير من ربي تا سولات
هدى : فين خدام ؟

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 54•••

وقفات لوطو ديالو حدا شركتو.. نزل من لوطو حاقد فلحظة كاع الهضرة لي قال اوعد رجعت لدماغو..
من شحال هادا وهو باغي يقول ليها كلشي، كان عارف بلي حب طفولتو من نهار مشات لفيلتهم زاد تأكد، ولكن اخر لقاء بيناتهم مكانش مساعد
كان وقتو كلو كيحاول ينكر بلي هيا، هو عارف ومعارفش.. باغي وماباغيش.. حبو كلو كيولي حقد وهو داكشي لي مابغاش..

رجع ركب فاللوطو من جديد وساق اتجاه محل مجوهرات كيعرفو..
دوز الخط لوعد لي بالزربة جاوبات.. من صوت الطريق كان باينة بلي سايقة
وعد : نعام اراجلي
سيف الدين : مراتي ! ردي البال للطريق.. “بتاسم” غانصيفط ليك واحد البلاصة سيري ليها.. غانكون تم
قطع عليها بلا ميعطيها راس الخيط.. و تاهيا سرعان ما نصاعت لاوامرو وقلبات الطريق للمكان لي سيفط ليها

كانت بحيرة عليها البط.. الشجر كلو خضر وواقف صحيح.. الأرض كلها مقادة والما كلو نقي.. ولكن المكان كان خاوي.. وهادي احسن حاجة بالنسبة لسيف الدين
وصلو مسج فتيليفونو مكتوب فيه 5 دقائق.. الغريب فالأمر ان ديك الدقايق كينقصو فحال العد العكسي..
ماداهاش فالموضوع وبلوكا النمرة، باغي يعيش بيخير ولو لفترة قصيرة فحياتو.. ولو لبضعة تواني
وقفات طوموبيلتها ونزلات كتشوف فيه بابتسامة، عارفاه مزيان شنو باغي يدير حينت سبقلو عتارف ليها بلي اول حاجة غايدير فاش يبغى يطلب الزواج من لي كيبغي هي يديها لبحيرة. !
وقفات كتشوف فيه بحب.. حاسة براسها طايرة، وماتنكرش بلي خايفة تطرا شي حاجة تخسر عليهم فرحتهم!

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 46•••

شوفتها كانت كفيلة تخليه يتبسم.. ولكن ديك الضربة القوية ديال صوت الرصاص خلاتو يوقف جامد..

هو متعود يشوف الدم والرصاص بطبيعة عملو، ولكن. منظرها وهي شادة على قلبها ويدها عامرين دم كان منظر ااخر.. منظر خلاتو يبقا مبلوكي لمدة حتا طاحت هي فاقدة الوعي!

قلبو تهز.. حرفيا قلبو تهز، مشا عندها كيجري حتا الهضرة ماهضرشش مقادش ينطق حتا.. مجرد انه يسول كيفاش طرا كلشي بالزربة ماقدرش يفكر فيها
بنفس وضعو هزها لطوموبيلتو وساق، وصلو للسبيطار وغير شافو حالة البنت وطريقة غوات سيف الدين بعدو ليه من الطريق وهوما نيت لي عاونوه.. تعاطفو مع البنت بزاف وكلشي مشا كيعيط على الأطباء لي فور ما شافو لونها المتغير فقدو الأمل من انهم يديرو يدهم فيها، شكون غايبغي يتكلف والموت شاداها؟؟
سيف الدين شاف الوضع مامسلكوش بدا كيغوت كتر باش يجيب اكتر طبة ليه..

ماذا لو احبك السلطان وكنتي عائلته ؟

واقفة فشباك المستشفى.. من داك النهار ومعاملة سيف الدين لي تبدلاات.. حبو وخوفو وكلشي، كون مكانتش من “القلب اليميني” كون راه ودعات من شحال هادا

_القلب اليميني عبارة على حالة طبية نادرة كيكون فيها القلب قريب كتر لجهة اليمين كترمن اليسار.. القلب اليميني عبارة عن عيب خلقي، بمعنى أن الشخص كيتولد بهاد العيب من صغرو..

يتبع…

المعلومات أعلاه حقيقة

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 47•••

شافتو داخل ونقزات عليه قرأت تبكي شاداها غبينة
وعد : خرجني العاار
سيف الدين : لا مقالش الطبيب ايمتا تخرجي بلا متحلمي تعتبي الزنقة

بعد صمت من طرفها كان عارف بلي ناوية على شي مصيبة
سيف الدين : وصافي دويت بلا فشوش!
وعد : صافي بعد مني
تمات داخلة بنت صغيرة تكون عندها 6 سنين ولا 5.. شهبة وعويناتها زرقين كي البحر.. غير شافتها وعد تجننات عليها
وعد : وينوووو… شكون هاد الزين
البنت بملل : هاحنا تاني بفف!!
وعد : كيفاش بفف؟؟ “شافت فسيف الدين متسائلة وهو هز يدو بمعنى ماسوقيش”
تجاهلات هضرتها وشافت فيها من جديد بحنية
وعد : شنو سميتك؟
البنت :دينيز!
وعد : سميتك زوينة.. فاش كتقراي
دينيز : انا مكانقراش شادة عطلة.. لا بغيت نقولك فين كنقرا غانقولك لي طالعة ليه ولا لي كنت فيه؟؟ واصلا انا مطالعة ماهابطة انا واقفة فالوسط
وعد رجعات تكات بملل وشافت فسيف الدين لي كان شاد الضحكة بالسييف :
خرج عليا هادي دبا نسيب ديلمها من الشرجم

يتبع غداا

حاولت نكتب علاش ماقديت.. عطيوني ارائكم واشهاراتكم بغيت نقرا توقعاتكم ✨🖤

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 48•••

تمات داخلة نورة بجلابة مخزانية للحوامل كرشها باينة بأنها فاواخر الحمل..
راسها ضرها، كتشوف فيها يلاه خلاتها عادية كيفاش وقع كلشي؟؟؟
شافت فسيف الدين لي بالزربة فهم قصدها.. هضر ببرود واخا داخلو كيتقطع
سيف الدين : راك 6 سنين ونتي غيبوبة

خرجات عينها بلا متحس.. تخيل 6 سنين كلها تمشي من حياتك؟ غاتحس بالصدمة ولا ماحماقيتي هاداك راه فوق بيخير! تخيل تخلي بيئة فشكل وتفيق تلقا راسك فشكل جديد؟ 6 سنين كلها تمشي من عمرك. اكيد غاتكون قاصحة لا عليك لا علا غيرك.
وعد : بلاتي ؟؟ هههههههه ههههههههههههه كيفاش 6 سنين ضاحك عليا؟؟؟
نورة : لا راه داوي بصح! انا واسامة تزوجنا وعندنا دينيز.. “اشرات على كرشها” وحاملة بولد

فهاد اللقطة بالظبط ماعرفاتش واش تفرح؟ ولا تبكي؟ ولا غير تلتازم الصمت وترضى بلي كتب الله، زعما لهاد الدرجة ماعندها زهر فوالو.. لدرجة ان 6 سنين تمشي من حياتها هاكداك باطل؟؟

شافت فسيف الدين ونطقات بخفوت : خرجو برا
ماعاوداتهاش نورة.. خرجات برا والتوتر كان مسيطر عليها.. شافت فسيف الدين لي كان كيدوي ابيل غير سالا دوات هي
نورة : علم الله اش غاتكون ردة فعلها!

كتافا انه يسكت.. هو بقا جالس برا حتا سمع صوت الطبيب وراه كيعيط باسمو
الطبيب : سي سيف الدين.. المؤشرات الحيوية لانسة وعد مزيانة.. تقدر تخرج من ليوم
ضحك بجانبية كلطف منو وناض دخل عندها. هي لي كانت ناعسة.. حاول يفيقها بشوية حتا حس بحركتها دليل انها فاقت

سيف الدين : غاتعاونك نورة تجمعي حوايجك.. ليوم غاتخرجي

حركات راسها بطاعة.. فكرات فبالها فديك المدة انها لازم تتصرف وان الموضوع ماشي شاغل تفكيرها لذاك الحد، بسبب او بدون كان من المكتوب عليها يوقع ليها هاكداك.. وعلى معاود ليها سيف الدين ان حالة قلبها ساعدات بزاف.

يتبع…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 49•••

دخلات نورة كتجمع معاها وشافت حتا أسامة عاطي بظهرو كيدوي مع سيف الدين
وداكشي نيت لي كان.. جمعو كاع داكشي لي ديالها تم وخرجو من المستشفى واخيرا.

بالنسبة لوعد، كانو دوك السنوات لي ضاعو من حياتها هي فقط بالنسبة ليها ضياع،حرمان من بزاف دالحاجات كانت غديرهم فحياتها بين 24 عام تا ل 30 عام، وهاهيا مدارت والو من غير انها بقات هاكداك بين اجهزة طبية كانت كتشوفهم غير فالافلام..
عينيها كانو كيتحركو مع شرجم الطوموبيل لي كان سايقها سيف الدين وهي جالسة حداه. الضواو والدنيا لي ماقدراتش تشوفهم طول 6 سنوات حياتها.

اما بالنسبة لسيف الدين فكان طرف منو ضايع..هي حداه ولكن مامعاهش، منظرها وهي كتذبل نهار على نهار حدا عينيه وهو مكان قادر يدير والو كايحسسو بالضياع مرة مرة،ثانية بثانية.
تخيل كون ماتت ؟تخيل كون خلاتو بينما هو كان كيتخيل منظر ولادو حداهم كيلعبو وهوما جالسين
مكانش قادر يفكر كثر داكشي علاش حاول يدوي معاها تا سبقاتو هي وكانها قرات افكارو

وعد : فين عتاب؟
سيف الدين : تزوجات بابراهام،رجعو بجوج لاسبانيا “تنهد” ماكانتش باغا تشوفك فديك الحالة وقررات تهرب!
وعد : نسميه خوف؟
سيف الدين : ممكن

وقفات لوطو فاقامة اول مرة تجي ليها.. ماعرفاتش علاش ولكن حسات بالفرحة والراحة اول ماحطات رجلها فالارض
وعد : فين جينا؟
سيف الدين شدها من يدها وباسها لفمها بشوية : شوية وتعرفي!

طلعو فالاسانسور كيضحكو مع بعضهم.. بالزربة قدرو يتجاوزو ديك الغمة والكآبة لي كانت محيطة بيهم
دخلو للشقة لي كانت هي اللول مع ليمين. حل الباب وشاف فيها

هاد الإقامات تبناو باسمك.. وتوزعو كلهم على الفقراء والمحتاجين، وهادي بقات ليك وديالك. همم نقدر نقول بلي درتها فالعام الثاني من غيبوبتك وفاش فقدت الأمل انك تبراي.. “قرب ليها وباسها من راسها” وهانتي ليوم حدايا واخيرا
كمل كلامو كيشوف فعينيها نيشان : انا سيف الدين سلطان.. كنطلب منك الزواج على سنة الله ورسوله!
وعد شافت فيه حابسة الضحكة : سمحليا مانقدرش نقبل
سيف الدين : لاغير شوفي وكان
وعد حابسة ضحكتها بزز : حتا نشوف بابا ونرد عليك
سيف الدين : عطيني غير عنوان داركم على الاقل!
وعد : لا منقدرش سمحليا اخويا.
خنزر فيها وهضرتو تقلبات جدية : دوي خلاص.. موافقة تكملي حياتك معايا؟
وعد : موافقةة

يتبع

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 50•••

سيف الدين : كنت قلت ليك بلي غاتكوني ديالي فوقت غايجي قريب..هاهو تحقق واخيرا !
وعد : كنبغيك
سيف الدين : عارف

كملو قصارتهم بشكل عادي. رجعو للفيلا فالليل مع ديك 2 دالصباح و وعد غاتموت بالفرحة.. شكون فحالها،حبيب القلب طلب منها الزواج وهادشي كان مرادها من اول لقاء بينهم!

صبح الصباح والطيور فيقوها.. العمش فعينيها و شعرها طالع للسما.
كان فتفكيرها حاجة وحدة هي فكرة البارح خاصها تطبق ليوم.

مع نزولها من الدروج كانو كاع الأعين عليها،دايرة زيف على راسها وبالشدة ديال الصح.. كان زيف فالابيض فيه حجيرات.. مع كسوة طويلة فالابيض حتا هيا،حنيكاتها حمرين ورموشها طالعين من عند ربي.. عينيها الملونين كانو زايدين المنظر براءة.. حرفيا بانت ملاك!

شوفتها بداك الشكل خلاتو يفرح تلقائيا.. ماعارفش سبب التغيير ولكن لي عارف انه اكتر حاجة فرحاتو فحياتو كلها.
لقات التحية وجلسات معاهم،كتاكل بهدوء خلاتو يبقا متبع ليها العين.. أما هي توترات لأول مرة فحياتها..
كلشي علا راسو فاش سمعو غوات نورة.. ولي كانت كتنطق بكلمة خلات أسامة يتخلع من الرغم انهم ديجا ولدو ولكن شاداه الخلعة
نورة : غانولددددددددد اعباااد الله عتتقققققو

ناض أسامة كيقلب فجوايهو تالف.. مرة مع غوات نورة مرة مع غوات دينيز.
سيف الدين لي حس بلي تاهوا غايطيح فنفس البلان من بعد.. حاول يهدن أسامة باش يتبت ويعرف راسو اش يقدر يدير
نورة : اولاد القاااااف وعاونوني…. “كتغوت وتعصر يد الكرسي” غانولددددددد ديرو شي حركة نعل ت*مل لي يحل رجليه.. اش داننننني اعباد الله “كتنهد وتنفسها ولا بسرعة” والخفةةةة لي فياا.. ياربيييي اش هاد الشيييي واعععصهصهيتتيتيتييتتتتت “كلمات غير مفهومة” أسامة غانووووولددد غايجينا بزغووط اخررر.
أسامة فين أسامة.. ولا غير كيقلب حتا عمر الشنطة ديال الطبيب كلها باش غايحتاجو.. تم خارج مع الباب حتا فيقو سيف الدين

_ نورة ات*ي نسيتيها !!
هز من عندو الصاك وجر فيدو وعد.. بينما أسامة بقا مضارب مع نورة لي غير كيبغي يهزها كتنثر ليه..

يتبع..’Bella El Filali’
•••الفصل الثاني من رواية استــئــثـار••بيـن الهــوس والــدم••بارت 51•••

تعصب بالمزيان وهزها صاعر..
أسامة : صافي صبري قربنا نوصلو ها.. صبري غير شوية وغانوصلو

صوت غوات نورة مزال كاين.. قرجوطتها قربات تخرج،عم الصمت وتسمع صوت بيبي صغير كيبكي.. تما فين رتاح كل من أسامة ووعد و سيف الدين.. اكترية وعد لي حسات بلي سيف الدين غايخرجها منها
شافت فيه ببلاهة مع ابتسامة اكثر بلاهة من نظرتها
وعد : مهم سيف الدين.. اش بانلك مانولدوش
قرب ليها على محياه ابتسامة جانبية : خاص نعيشو هاد اللقطة تاحنا ولا؟ مابقيتش فيك زعما
وعد :مابقيتش باغا نولد مابقيتش باغا نتزوج هادي وتوبة
سكت شوية كيشوف فيها : جا معاك الشال.
سكتات حشمانة.. خدودها غايطرطقو بالحشمة بسبب او بدون

فبيت كلو زواق متكية نورة وجها مزال صفر الدم مكايضور فوجها. دخل عندها أسامة وباسها فراسها
أسامة : عطيتيني أجمل حاجة فحياتي.. الله يخليك ليا
نورة : امين!

الدنيا لتحت عامرة.. الناس كيدخلو ويخرجو.. القريب والبعيد كلهم جاو لسبوع ديال ولد أسامة ونورة.. شخصيات معروفة فالبلاد ضروري كلشي يعرف ويجي يبارك

وعد لي خاطيها هادشي مكاتحملووش كانت جالسة فالبيت بوحدها . قتلها وماتحطهاش فبلاصة عامرة فمناسبة فحال هادي. علات عينها فالباب لي تحل لقاتو غير سيف الدين
نطق بصوت فيه بحة رجولية خفيفة : خاصاك شي حاجة؟
وعد : لا ماخصنيش..
سيف الدين : صافي.. غانخرج نجيب شي حاجات ونرجع
وعد : واخا..

خرج برا من جديد ورجع تكا حداها يدو فيها كاس دالشراب
شافت فيه بضحكة.. خفيفة.
وعد : شبانلك فشي قصارة ؟
سيف الدين مع غمزة : باينا نوع؟
وعد بجرأة اكثر منو : لي بغيتي موجود…

قربها وحطها فوق حجرو.. باسها بوسات مفرقين، مرة فشفايفها. مرة فعينها ومرة فجبهتها.
سيف الدين : ياكما تكوني مزوجة يجي راجلك يصدعنا وسط سهرتنا؟
وعد بعينين معسلين.. ناضتها التبويقة بلا سبب : لا متخافش..نتا غير قضي الغراض وراجلي من بعد ونحلو مشكلتو
سيف الدين بقهقهة رجولية بامتياز : نتعارفو بعدا،انا سيف الدين سلطان.
بابتسامة خفيفة : انا وعد المرنيسي سابقا.. وعد سلطان حاليا.
سيف الدين : متشرفين آنسة وعد
وعد بنفس الشغف.. الحب لي باين من ملامح وجها وحركات فمها بطريقة جريئة : ليا الشرف سيف الدييين

يتبع غدا…

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 53•••

دورات يدها على عنقو ووجها قريب ليه.. عينيها الزورق عاكسين لون عينيه الكحلين.
وعد : ياكما تكون نتا لي مزوج وتجي مراتك تخسر علينا الليلة؟
سيف الدين : كاينة مرا وحدة هاهيا حدايا وبين يديا “غمزها” مكفياني وموفياني!
دار يدو كيلعب فظهرها بطريقة سلسة خلاتها تبورش.. بينما هي رجعات راسها على كتفو، اقل حاجة بغاتها هي تكون معاه طول حياتهم.

فلاش باك قبل ست سنوات

شاف فيها سلمان باستغراب.. اخر حاجة كان متوقعها تسول فيها
سلمان :علاش هاد السؤال؟
هدى : سولت وصافي! فاياش خدام؟
سلمان : بما اننا مزوجين.. نقدر نقول ليك عادي، انا البوص ديال مافيا إيطالية
تصدمات وبلوكات فيها الهضرة.. شافت فيه محاولة تظبط راسها
هدى : ياك نتا سلمتي ؟ولا باغي تدي الاسلام غير بالهضرة؟ باغي تسكر و تقتل بنادم بسبب او بلا بيه.. ونتا مسمي بلي مسلم ؟
سلمان : وشنو بغيتيني ندير بالسلامة؟؟ هادي راه خدمتي!
هدى : خرج منها !
سلمان قرب ليها مخنزر : ياكما حسابليك المافيا ضحك وتفلية؟ راه خدمة صح والصحيح ولي دخل ليها بلا مايفكر يخرج،مغاديش نقولهم سلام وعليكم غانخرج يقولوليا صافي سير!
هدى : منقدرش!!
سلمان : لا غا تقدري محد الموضوع ماعندو علاقة بيك!

نهاية الفلاش باك

وقفات فيدها رضيع صغير فيدها كتراري بيه.. كان باين الليل والظلام طايح.. شاف فيها معلي عينيه مدوخ بالنعاس
سلمان : مابغاش ينعس؟
هدى كتاوب : لا مبغاش.. خاصو يسكت قبل مانخرجو مايمكنش يبقا يغوت هاكدا فالطيارة
سلمان “شاف فالساعة حداه” مزال لحال على موعد الطيارة.. رتاحي نتي.. انا غانوض نعسو.

عطاتو ليه فيدو ورجعات هي تكات.. بجوجهم معاونين على أول ولد عندهم “فاليريو” ماعندهمش مشكل فهاد القضية مرة هو مرة هي وتستمر.. عايشين حياتهم بيس ولكن ولا بد من المشاكل، يكذب عليك الكدااب لي يقولك جوج بلا مشاكل.. واخا يكونو متفاهمين ويبغيو بعضياتهم قدما بغاو.

يتبع..

‘Bella El Filali’
•••الفصل الثاني من رواية استــئــثـار••بيـن الهــوس والــدم••بارت 54•••

فالمطار.. كانو كيستناو لحظة نزول الطائرة.. رحلتهم كانت للمغرب بعدما غادروه بكسر وحزن كبير فعتاب.. بسبب ختها.. وابراهام لي غايفارق خوه “أسامة” بعد معرفتو بولادة نورة.
مكانتش ساهلة عليهم.. ضروف خدمة ابراهام و عتاب لي غاتخلي ختها فديك الحالة، مكانتش قادة تصبر وقررات تبعد.

هاد المرة راجعين بفرحة عارمة.. “مكايسد ربي باب حتا كيحل بيبان”
اولهم نورة لي ولدات وليد.. ووعد لي فاقت من غيبوبة 6 سنين.. ماكانوش متصورين بلي غايجي نهار لي غاترجع ليهم روح غادراتهم بنشاطها وحيويتها.. روح خلاتهم يضحكو مرة ويحزنو مرة، وشوفتها فديك الحالة كانت صعيبة لدرجة كبيرة.

هبطو من الطيارة نازلين لجيهة طوموبيل رونج روفر بيضة.. ركبات عتاب وابراهام لقدام تحت جو صامت مرة وهضرة مرة. واخا تزوجو مزال كتحشم منو شويةة.

_عتاب وابراهام عندهم مشكل فالولادة.. وهوما راضيين بهادشي وكيقولو لا ماكتابش يولدو كااع غايتبناو بنية ويربيوها كأنهم واليديها الحقيقيين..

وقفو حدا جردة الفيلا لي مجموع فيها كلشي.. كانت كلها مزوقة من برا.. الورد الأبيض لي مفرش فالارض والضواو لي حداه عطاو للمنظر راقي بشكل ماشي طبيعي.
دخلو للفيلا وكاميرات الصحافة توجهو ليهم
ابراهام صديق سيف الدين سلطان.. وعتاب اخت وعد المرنيسي
جوج شخصيات تلاقاو باش يعطيو قنبلة.. فكل حركة تحركو ضو الكاميرا كان كيتحرك تاهوا.. منظر تقدر تلقاه حلم ولكن هو مزعج.
دخلو للداخل وتم قدرو يتحركو براحتهم حينت الصحافة كاينة غير برا،طلعو عند نورة لي كانت كتوجد باش تنزل تدير صوابها مع الناس لي جاو.

يتبع…

‘Bella El Filali’
•••الفصل الثاني من رواية استــئــثـار••عالمي أنت••البارت 56 والأخير•••

سالات الحفلة مع 1 دالصباح كلشي خرج وبقاو البنات مع بعضياتهم والرجال مع بعضياتهم

نورة : انا وليت كنقول اش داني كاع لشي زواج.. ولكن بصح الله يحسن عوان لي عندهم توأم، انا غير واحد وخرجها مني
هدى قاطعاتها : تولدي كيفما ولدتي وماتولديش بوحدك تخيلي “ضحكات” ميمتي كنتفكر داك النهار كنموت بالضحك راه سلمان كان مسافر وولدت بوحدي العذاب فكلمة وحدة
وعد :سطوب سطوب ابنات القاف انا راه مزال ماولدت ماتخلعونيش دبا نهرب ليكم
عتاب لي ساكتة وكتسمع ليهم حتا حسات بنغزة من نورة لي كانت حداها
_دوي معانا ماتسكتيش
عتاب فاقت عليهم : بصح عندها الحق راه مزال ماجرباتش دبا تهرب وتخلي سيف الدين بوحدو
كلشي بدا كيضحك وتاهيا بدات كتضحك معاهم.. سرعان ما قلبو الموضوع وبداو موضوع اخر فضحك ونشاط

كل واحد فيدو سيجار من غير سلمان لي تاب مرة وحدة وحلف بلي الشراب والگارو اخر حاجة طيح فيدو..
سيف الدين ببحة رجولية اثر السيجار : فوقاش غترجعو اذن
سلمان : ماعرفتش.. فالغالب غانبقاو هنا!عيينا من الغربة
سيف الدين بابتسامة رجولية : مرحبا بيك اساط

بعد مرور 8 سنوات

داخلة بكسوة قصيرة صيفية كتفرفر فالجو.. شافت فخوها الكبير “اويس” ودوات مخنزرة

نُوار : غانمشي نقولها لمامي
أويس ببرود : سيري قوليها تا لجدك..
سمع صوت حاد جاي من بعيد.. شاف فيهم بجوجهم ونزل عند البنت
سيف الدين : اش درتي تاني ابابا
نوار : مادرت والو هو لي عصبني
أويس : بابا هي لي بدات !
سيف الدين كيلعب فشعر نوار : فخباركم لا جات وعد ولقاتكم مدابزين بسبب غبي فحال ديك المرة غاتعاود ليكم نفس اش دارت ديك المرة؟
نوار تخشات فيه : لا ابابا عفاك
أويس : ! ‘I don’t care’
نزلات من الدروج بعبابية بيضة وحجاب بيض..
وعد : مالهم تانيي
غير شافها أويس تخشا فيها معنقها ونوار لي بدورها طلقات من سيف الدين ومشات عند وعد
سيف الدين : سير نتا ربيهم باش يمشيو عند مهم ويخليوك
وعد بابتسامة بينات غمازاتها.. قربات لعندو وباستو قبلة مطولة لفمو : مايبقاش فيك الحال
نقزو عليه ب 3 بيهم وتاهوا بادلهم العناق.. بينما وعد وسيف الدين كيشوفو فبعضهم بحب داك الحب لي من 8 سنين مانقصش. بل كل نهار وثانية كيكتاشفو شي حاجة جديدة فبعضياتهم كتخليهم هايمين فبعض.

النهـاية
تمت والحمدلله

Leave a comment