Skip links

قصة : استئثار ج2

 3,393 عدد مشاهداات

°اســــــتئـــثار°
الجزء : 21
By : Bella El filali 🍷

|القاعدة 13|اخرجيه منها|

كمش ملامح وجهو باستغراب من اللغة لي ماعرفهاش.. تجاهل هضرة سيف الدين او نقولو مبغاش يحگر كتر.. قرب لورا ظهرو وهنا فين هبطات وعد تشوف اش واقع

ب : خاصك تمشي معانا لمركز الشرطة.. عليك تهمة وخاصنا شوية دالهضرةة اسي سلطان
سيف الدين : غانمشي معاكم ل*بي انااا.. سيرو ت*اااودو فريييع الراااس دالنمممممم

طلق يدو من يد البوليسي بالنتير.. خنزر فيه ونطق بحدة

سيف الدين : سير فخراك غانجي بوحدي..

ركب وجر معاه وعد لي قلبها كيشطح الزامبا .. ركبها وركب تاهوا، كسيرا طاير مخلي العجاج وراه
وعد : س سيف الدين عارف اش وقع ياك؟

كيسوق مكرز على سنانو.. صوتها كيتعاود صداه فودنو ماكرهش ينوض يخنقها ويدفنها فبلاصتها.. استفزازها ليه زااد الحدود وهو صبرو منعدم.. ضربات الطم وهي كتشوف فعروق يدو كيتزيرو.. فبالها بزاااف دالهضرة ولكن مقاداش تنطق .

وصلو لمركز الشرطة.. شي داخل شي خارج شي متوتر.. كل واحوالو تم مخلطة الدعوة،جوج بوليسيين كانو واقفين حدا الباب غير شافو سيف الدين بعدو وعطاوه تحية
ب 2 : مرحبا بالسلطان

مادواهمش، جر معاه وعد من يدها حالف فيها غايمرمدها مزيااان.. دخل لواحد البيرو تم كيشوف زين جالس وشوية دالدم باقي فنيفو
جلس على الكرسي وفرق رجليه.. قصح الشوفة فالبوليسي ونطق بصوت قاصح

سيف الدين : لا مابغيتيش تشوف راسو فبلاصة وهو فبلاصة غبرو على عيني ودباا !!

بلل شفايفو وعطا اشارة لشرطي اخر باش يخرج زين.. و داكشي نيت لي كان، رد راسو على راس الكرسي وشاف فالبوليسي بهدوء : اوا ها حنا جينا اش بغيتي ف*امل بونا؟!
ب : “حمحم بديق.. حاس براسو مقادش يتعامل معاه وهو هيبتو كتحس بيها من بعيد، حول عينو لوعد لي راسمة ملامح الخوف فوجها.. اما هي من الداخل ميتة بالفرحة وهي كتشوف فالمشكل لي صاوبات بيديها.. حاسة بالفخر.. ” انسة وعد.. عندك شي تفاصيل لشنو وقع؟!
سيف الدين : اش دخلها هي دوي معايا انا!!
ناضت بهدوء ورزانة مخلية عينين البوليسي وسيف الدين عليها.. جلسات فكرسي مقابل لسيف الدين ودوات بصوت رطب واثق من اش كيقول : بصراحة!! سيف الدين هو لي بدا.. حينت حس بالشمتة من شافني انا خدامة معاه على مشروع لشركاتنا مع عدوه.. صراحة قاصحة..
” قربات للبيرو ودارت يدها عليه متبتة راسها بيديها ” ونتا اسي البوليسي لو لقيتي مراتك مع عدوك شنو غاتكون ردة فعلك؟!

بجوجهم سكتو.. اتارثهم فالهضرة وخصوصا البوليسي طاح فيها.. بالجهد.. صوتها وفمها كيف كانو كيتحركو خلاتو ينطق بلا ميحس
ب : لا كان المشكل غير عليك.. هانيا والف هانيا مكاين باس..

طلقاتها بضحكة صفرة وهو كي الكلخ ماردش البال.. رد ليها الضحكة وهي جرات صاكها وخرجات..

يتبع..

°اســــــتئـــثار°
الجزء : 22
By : Bella El filali 🍷

|القاعدة 14|اقتليه باناقتك|

خرجو برا المركز وهو داير يديه فجيباو.. عقل كيقول ليه سمعها خل وذنيها وعقل كيقوليه خليها كيفما هيا.. فكرة تديه وفكرة تجيبو حتا كسرات الصمت .. مدات يدها على شكل سلام بينما هو علا فيها حاجب وتنهد بصوت خفيف

وعد : انا لي دخلتك وانا لي خرجتك.. يعني متقدر دير والو!
سيف الدين : واثقة؟
وعد : وبزاف!!
سيف الدين : مكانرجعش دقتي فالبلاصة..

سالا كلامو بابتسامة جانبية.. ضرب فيها وخلاها بوحدها تم.. كسيرا مطير العجاج عليها وهي عاد فاقت بلي مشا وخلاها

وعد : تفوووووو على زهر!!! شكون غايديني انا دبا!!

طلق اغاني خفيفة وهو صايك.. دوز الخط وسرعان ما بانت شبه ابتسامة على وجهو..

سيف الدين : وافين اساط
… : غيبة طويلة واللقاء قريب ها؟!
سيف الدين : ” قهقه بجرولية ” توحشنا الجماعة
… : مابقا قد مافات.. قربت للفيلا القديمة
سيف الدين : نتقاشعو تم!!

قطع عليه وقلب طريقو للفيلا ديالو.. ماهياش بزاف وتحلات الباب الحديدية فاش شافوه داخل من بعييد.. بلاصا لوطو حدا نافورة على شكل شلال حدا باب الفيلا ودخل.

طلع نيشان للبيت وهو كيشوف نورة و ماريا كيف جالسين تم.. ماعبرهمش او تجاهلهم.. راشقة ليه وماباغيش لي يفسد عليه كانتوو

طلع لبيتو لي كان طراز عصري روسي.. بفراش اسود رمادي.. لونو المفضل.. وصباغة رمادية بيضة عطات اناقة بشكل ماشي طبيعي للبيت..
دخل للدوش حيد حوايجو وبان وشم كبير فضهرو .. ومع كل حركة عضلات ظهرو كيتحركو وكيتقصل داك الوشم وكيزيد يبان بمنظر رجولي اكتر…. تخشا تحت الرشاشة مخلي الما هابط عليه.. كان بالو مرتاح تا طاحت فبالو.. ضحكتها.. شكلها.. مصايبها.. تا لخوفها.. نطق بصوت غاضب وخفيف

سيف الدين : استغفر الله مالقيت شكون نتفكر!!

سد الما وخرج لاوي عليه فوطة على جنابو.. جبد كوستيم كحل مع قميجة بيضة وسروال.. دار ساعة نقرية ورتب شعرو.. هز سوارت وهبط لتحت .. بانت ليه ماريا ونورة واجدين لابسين .. نورة لابسة كسوة صيفية فالزرق قصيرة مع صاك صغير وشعرها بوكلي مجموع.. وماريا لابسة تيشرت بيض مخشي فصايا كحلة متقبة من الجناب..
اشر ليهم يطلعو يسبقوه للوطو وهو دار اتصال خفيف و ركب تاهوا..

وعد لي شدات طاكسي ومشات لدارها.. لبسات عليها بالزربة كسيوة حمرة خفيفة بينات طايتها ومع بشرتها جات فنةةةة..
هبطات لتحت وشافت عبير وعتاب مجمعين.. شرحات ليهم فين غادا وودعاتهم.. خرجات ركبات فلوطو ديالها وخرجات مزروبة..

يتبع…°اســــــتئـــثار°
الجزء : 23
By : Bella El filali 🍷

وقفات لوطو ديال وعد للفيلا لي كانت بطراز عصرييي 100 فالمية.. كتطل على البحر..
شافت نورة واقفة بعيد فيدها كاس دالعصير..بكسوتها الزرقة لي كتفرفر مع البرد.. رسمات ضحكة بريئة فوجهها.. حاسات بشي احساس ما فهماتوش كاع..
وقفات كتشوف فالمنظر من برا.. توكلات على الله ودخلات وفلحظة كاع الانظار ولاو عليها.. كاين لي كيشوف بصدمة.. وكاين لي فرحان بوجودها.. وكاين لي حقد اول ما شافها.. ناض عندها صاحب الحفل ‘ اسامة ‘ لي هو رجل اعمال مغربي عندو شركة دالعطور مغربية فاسبانيا هو وخوه ابراهام.. من ام يهودية اسبانية واب مغربي مسلم..

ناض عندها اسامة وهي رسمات ابتسامة جامعة بزااف.. اشتياق وفرحة وحزن ..
وعد ترمات فحضنو : توحشتككككك!!!!
اسامة.. هز يدو كيلعب فشعرها كيخربقو : تنا البرهوشة
وعد : انا ماشي برهوشة عندي 24 عام!!
اسامة : فحال فحال!!
وعد : فين ابراهام؟؟
اسامة : مزال ماخرج من الحبس..

بدلات ملامحها لحزن.. شافت فنورة وماريا سلمات عليهم غير بالعينين وتاهوما فهموها.. ماريا بطيبوبة قلبها ابتسامات ونورة قلبات وجهها لجيهة لخرا..
وقفات فالبلاصة لي فيها سيف الدين وشي صحابو.. دخل ليها منهم الشك وسيرتهم جاتها مشكوك فامرها.. خصوصا وان البلاصة بعيدة على فين هوما.. حداها طبلة محطوط فيها بزاااف دالوراقي وكلهم كيبان فيهم الشك.. توسوسات من داكشي لي كيتقال على سيف الدين ‘ من المافيا ‘ خرجات هادشي من بالها وشافت فيه.. هو لي كان حال صدايف من قميجة وهاز سيگار فيدو ضايرين بيه قراعي دالشراب..ملامح وجهو باردة.. طلع وهبط فيها ونثر نترة طلع فيها الدخان مزياااان اونفاص لوجها..

من الدقائق لي تبادلو فيها نظراتهم حسات بعينيه كيفحصو جسمها لي نوعا ما المغطي كتر من المعري ولكن كتبقا مثيرة لحد..
توثرات من نظراتوو.. اما لي معاه غير كيسرقو الشوفة ويهبطو عينهم فاش كيشوفو نظرات سيف الدين ليها..
واخيرا نطق بصوت غالبة عليه التبويقة.. خفيف مع بحة رجولية
” من ايمتا كتعرفي سيف الدين سلطان.. ا وعد المرنيسي “

وعد : أصدقاء طفولة!!

يتبع..°اســــــتئـــثار°
الجزء : 24
By : Bella El filali 🍷

|القاعدة 15 والاخيرة|اعترفي باعجابك له|

صوت باش خرجات كلماتها كان حنين لدرجة داز فبالو احداثهم ديال شحال هادا.. كانو فحال المش مع الفار.. رغم حبهم الدفين لبعضياتهم تاحد مكان كيبين.. ولا تشك بلي راه كبيغيو بعضياتهم فسن صغير !!

كمل الشوفة فيها ببرود.. ماتحركاتش فيه الشعرة.. قرب كيطفي السيجار فالطفاية.. وهز كاس نبيذي احمر محطوط تم هبط عليه دقة وحدة بطريقة راقية
سيف الدين : فصغرنا كنا 3 .. ابراهام و اسامة وسيف الدين ماشي 4 .. نتي شكووون !!
وعد : واخا تعيا تنكر!!
سيف الدين : من نهار مشيتي بلا خبار مابقاش شي وحدة فجماعتناا سميتها وعد ! حيدي هاد الهضرة من بالك نتي عمرك كنتي مننا !

ناض من تم بهدوء.. عروق يدو بانو وتزيرو.. خرج من الفيلا بعدما حلو ليه الگارد الباب ووعد بقات غير مصدومة لداخل.. ماتخيلاتش ردة فعلو تكون هاكداك نهاائيا.. ديما كيصدمها بردود افعالو..

جا وراها اسامة يدو فاشلة عليه.. كاع الهوس لي كان عندو فالماضي اتجاه وعد نساه؟ مستحيل.. اسامة اكتر واحد كان عارف مشاعر الطفولة لي كانت من سيف الدين لوعد ومن وعد لسيف الدين.. حب بريئ ونقي..! ومستحيل يتنسا بمشكل ..

حط يدو على ظهرها كيطبطب عليها .. عقل كيقولها بكي وخرجي لي فقلبك .. ولكن كرامتها ماسمحاتلهااش تنزل الدمعة قدام شكون مكان.. وتحت اي ظرف
ماباغاش تخسر قوتها وتطيح دموعها.. هضرتو كانت قاصحة بالنسبة ليها هيا.. ابتاسمات بوّد لاسامة لي شاف ابتسامتها كيف تخرج وكتلاشا من جديد.. زيرات عينيها ورسمات ابتسامة خفيفة ودوات بصوت شبه مسموع
” عادي !! “

” بعد مرور شهر “
شهر كلو داز.. الخدمة هي لي كانت وسيلتها.. وقتها كانت كتقديه فالشركة.. وقتها كلوو عامر لدرجة انها كاتنعس بلا متململ.. كتفيق فالصباح وتبقا غير خدامة وفالليل كتسهر مع عتاب لي مشات لاسبانيا ورجعات تاني..ونورة لي سمحات ليها.. وعبير

هبطات عندهم بكسوة بيضة طويلة راقية.. مفتوحة من الجناب مع دانتيل من الفوق منفوخة.. كسوة راقية كتبرز وضعها الاجتماعي الراقي.. مع بوشيط بيضة وصندالة طالون كحلة عالية..كيف سبق وقلت بلي راه وحدة من ملكات الموضة.. ماشي شي حاجة جديدة عليها.

عبير كتخاطب نورة : عرفتي شحال زوين!!
عتاب من الكوزينة : غتبقاي مقابلاه تا تجيبيها فراسك.. مارتاحيتش ليه والله بعدي منو حسن
نورة ‘ جالسة شادة تيلي .. تاهيا كانت بغوب فلون الكراميل.. لا تقل فخامة على ديال وعد ‘ من ناحية الزين راه زوين.. ولكن مارتاحيتش ليه.. خودي حذرك منو
عبير : كلكم تقلبتو عليا دبا !!!
غير دوات طلعو راسهم فيها.. كسوتها البيضة كتبان فحال ملاك بدون اجنحة.. شعرها القصير كيبان فخم بشكل ماشي طبيعي.. : قالو ليك الصح.. تنا مارتاحيتش ليه واخا زوين.. ولكن لا كنتي باغاه هاداك اختيارك ‘ دورات عينها على نورة ‘ يلاه ا انسة راه غانتعطلو
عتاب : ماقلتيلناش لاياش هاد الحفل..!
وعد.. وهي حدا المرايا كتقاد شعرها : سالاو الشهرين .. اليوم موعد اطلاق اول عقد من اللي صممنا

يتبع..°اســــــتئـــثار°
الجزء : 25
By : Bella El filali 🍷

عتاب : ااه مزيان.. حاولو ماتعطلوش
نورة ووعد : انشاء الله.. بسلامة

ركبو فبوغاتي زرقة.. طلقات نورة اغاني و وعد غير ساكتة.. ومركزة مع الطريق.. تا كسرات الصمت بقولها
وعد : مكاتجيكش عبير تعلقات بداك الراجل بزاف؟!
نورة نقصات الصوت كتسمع ليها..
وعد كملات كلامها : يعني هنا روسيا ماشي المغرب.. وعقلية الروس ماشي علقية المغاربة.. شكيت فيه.. حتا اهتمامها الزائد فيه كلشي كلشي
نورة : ويلا كان عاجبها وحنا غير كنتوهمو !!
وعد مع تنهيدة حارة : كنتمنا !

وقفات لوطو ديالها حدا قصر بناءو قديم كيبان من النوع المهيب.. فحال قلعة والوان البناء والديكور لي دايرين كتبان فخمة وراقية مع الطراز القدييم..

هبطو بدقة بهيبتهم.. غير مشيتهم وراسهم العالي فالسما تخليك تطيح فيهم بلا متحس تبقا متبع ليهم العين ..
دخلو لكلوار لي طويل.. ورد ابيض فالجناب مع زواق خفيف من ناحية الحيط..
دخلو للقاعة لي فيها الحفل.. توجهات ليهم الكاميرا وبقات وعد بملامح باردة وواثقة.. اما نورة لا تقل عليها ولو بنتفة !

توجهو لوحدة من الطبالي لي كانو خاويين.. نورة عينيها على الحفلة كلها.. كتفليها مزيان وتشوف واش لقاتها كيف صمماتها..

مشاو عينيها لسيف الدين بدخلة رجولية بالزربة توجهات ليه كاميرا الصحافة بلا انذار.. كان لابس سروال بلومارين عملي مع قميجة بيضة وكوستيم بلومارين.. مع ربطة عنق مرخوفة.. وساعة نقرية غير هي ساوية الملايين..
طلع للمنصة بعد حوار صحفي كان ضمنوا وعد وسيف الدين.. قال كلامو وخطابو وتبعاتو وعد بخطابها تا هيا.. بجرأة وثقة فالنفس كانت متأكدة بلي كلشي غايدوي عليها على غدا..

وقفو بجوجهم فطابل منفردة فبلاصة منها للنجوم.. السما والقمر فوق ضاربين فعينين وعد .. عينيها تلونو بلمحة غريبة .. قلبها كيضرب واول مرة تكون متخوفة لهاد الدرجة ..

نطق سيف الدين ببرود : مغاتدويش؟

تنهدات بصوت مسموع.. وبلا متزيد تفكر خلات نظرها فالسما وقالتها دقة وحدة..

وعد : I like you ‘أنا معجبة بيك’

_نــهايــة الفصــل الاول_`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 1 🍷•••

Whatever you do, do it well.

تحت صوت المطر لي مخلي دقاتو القوية اغنية فمسامع وعد.. بنت فمقتبل عمرها غاتعيش بزاف دالحاجات لي هي ماشي قدهم.. من طبعها فضولية.. انانية.. الحاجة بغاتها،يعني ديالها..
جالسة فطوموبيلتها،البورش.. الزاج فيمي وهي مرجعة راسها على الكوسان ودايرة الكيت فودنها تحت مسامع اغنية Nothing like us.. منقصة الصوت باش يعطيها مزيج من الحان الموسيقى وصوت زخات المطر…

رجعات بذاكرتها فاش كانت فالمغرب.. كانت بنت عادية صغيرة طموحة كل احلامها تكون راسها بعيدة على باها الاناني لي باغي كلشي لراسو.. وفاش سافرات ختها عتاب عاشت بين دلال وحب ورعاية، اثناء كاميرات الصحافة.. ولكن الواقع كانت حاجة مبدلة بزاف..
قرات.. خدمات.. حلمات وتمنات، وياما بكات.

هبطات الزاج فاش سمعات صوت الدقان دالزاج.. هبطات الزاجة باش تبان لها صديقتها الوحيدة الانتيم.. ‘عبير’ كانت مفزكة بسباب الشتا.. و خصوصا الجو فروسيا البارد.. خلاها تبان بشكل لطيف فنظر وعد..
حلات اللوطو وطلعات عبير بلا متهظر شي وحدة منهم..

عبير : كيف بقيتي !
وعد : ماعرفتش واش نمشي للمغرب ولا لا؟!
عبير : باك هاداك.. كيف ما كان خاصك توقفي معاه!
وعد : ماعرفتششش دماغي ترونات!!!

ماهضرات ولا كملات فالهضرة.. قربات ليها حاضناها بقوة عندها وهمسات بلطف

عبير : كوني متأكدة اي اختيار ديتيه غانكون معاك فيه !

يتبع..

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 2 🍷•••

فديبو طاغي عليه الظلام .. صوت الشجر كيتضرب ببعضو بفعل الرياح والشتا القوية خيط من السما، كان واقف حدا صنادق عامرين من جيهة .. بتريكو قطني قهوي طالع على العنق وكاب طويل بيض تا لحد الرجل.. مع سروال بيض .. فالجيهة لخرى كانو رجال ملتمين.. لابسين بدلة كحلة مخططة.. على يدهم اسلحة من العيار الثقيل..

قرب ليه الشخص لي فالطرف بشوية .. مد يدو ليه ولاخر بادلو، تغامز هو والناس لي ورا الشخص ولي كانو بلباس اسود كذلك..

وفوسط داك الصمت.. تسمع صوت خشن من واحد من الاشخاص.. صوت كفيل انو يسمعك دقات قلبك من قوة فخامتو .. كانت لكنة روسية اصيلة..
… : السلعة عندك.. والخبار كيفما تافقنا عليها توصل !

نطق لاخر بصوت خفيف.. قوي.. كما كان صوتو متبدلش نهاائيا.وانما زاد حروشية

سيف الدين : عمرك تخدم مع السلطان وتخيب.. اهم حاجة المافيا الايطالية ماتسيقش لخبار ولا غتنوض صداع م*ودة بيناتكم!

… : كون هاني السـلـطَان !

خرج من تم بعد وداع رجولي بيناتهم .. ركب فطوموبيلتو لي كانت رونج روفر كحلة بزاج فيمي.. كسيرا دقة وحدة للفيلا ديالو مخلي غير العجاج وراه…

•••••••••••••••••••••••••••••••••••••••••••••••••••••••••••

هبطات من لوطو بعدما باركاتها حدا الفيلا ديالها.. فيلا بلون الابيض الناصع.. والرمادي لي كان عاطيها فخامة من نوع اخر..

نزلات منها وملامح وجها مكاتفسرش.. طلعات نيشان للبيت متجاهلة ‘عتاب’ لي كانت معنقة مخدة وحداها شنطة،مظلمة الجو من عندها .. حاسة بالكآبة.. التلف.. والضياع
حلات الباب ودخلات .. جبدات شانطة من جيهة فالماريو مخصصة ليهم فقط،حلات الماريو وبقات كترتب فحوايجها باهمال.. تا الخاطر ليهم ماعندهاش..

بدلات حوايجها بحوايج نقية وجديدة.. دارت نظارات كحلين باش يغطيو سواد عينيها.. ونزلات بلا اي حركة خرا.. تماما فحال لي مبرمجة.
شافتها عتاب ووقفات معنقاها.. عنقاتها وبقوة لدرجة كبيرة.. دموعها سيالين على خدها، فحين ان وعد لي بقات جامـدة.

يتبع..

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 3 🍷•••

بعدات عليها بحرج فاش شافت وعد لي تابتة.. وردة فعلها الباردة خلاتها تنساحب..
هزات شانطتها وعتاب هزات شانطتها.. العمال مكاينيش وعادي لا تصرفو براسهم..

فوسط داك الجو الممطر خرجو من باب الفيلا لي بدورها تسدات بوحدها .
شدات الطريق للمطار بصمت .. مادوات ما تحركات غير مركزة مع الطريق حاسة بغمامة كبيرة على قلبها..

وقفات لوطو حدا مطار روسيا.. نزلات عتاب هي اللولة وبقات وعد لي كان خاصها تباركي لوطو وتعيط لواحد من الخدم يرجع لوطو.

حلات مظلة محمية من زخات المطر وتحركات من تم مسافة فين خلات لوطو تا لحدا باب المطار ..كانت مسافة طويلة خلاتها تفكر وتراجع بزاف دالحاجات .. فلحظة طاح فبالها.. صورتو دازت بين عينها..
وقفات فالبلاصة جبدات تيليفونها ودخلات للابيل.. اسمو كان مسجل بخط عرييض ‘سـلـطان قلبـي’
بلا متفكر جوج مرات دوزات نمرتو ودارت الفون على ودنها باليد لخرى
صوت الشتا القوي ولحظة صمت فحالا كلشي سكت باش يسمع صوتها الرقيق وهي كتنده باسمو فور قبولو للمكالمة ..
وعد : سيـف الديـن !

سكت.. مقادرش يهضر معاها.. مقادرش يجاوبها.. حبو ليها النقي فالماضي فالصغر ماشي هو دبا نهائيا .. بل شي حاجة كتر من الحب.

تاهيا فهماتو.. فهماتو وعاذراه وعاطياه كل الحق، كملات كلامها فاش سمعات صوت انفاسو المضطربة فالفون.

وعد : انـا محـتاجاك !

يتبع..

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 4 🍷•••

كان جوابو هو الصمت.. سمعات تنهيدة حارة من عندو.. فهاد اللقطة اول مرة يكون سيف الدين سلطان تايه وماعارفش اش يدير.. عقلو مخربق بالمعنى الحرفي.

رمات بثقلها على حيط قصير.. حاسة بنفسها فاشلة.

وعد : مغاتهضرش؟

سكتات شوية وهو بقا غير ساكت.. مرة كيسمع صوت تنهيدتها مرة كتسمع صوت انفاسو المضطربة

سيف الدين : فينك نتي دبا؟!
بشبه ابتسامة.. جاوبات وهي متمسكة فيه كانو امل.. محتاجاه بزاف بدعمو ووقوفو معاها ففترة فحال هادي من حياتها : فالمطار.
سيف الدين : متمشيش.. رجعي للاوطيل لي ديتك ليه قبل شهراين وشي ايام.. غاتلقاي تم نورة.. قولي ليها تطلعك للسطح،غانكون تم فطيارة خاصة.

قطع عليها بلا ميكمل الهضرة.. واخا سرات معاها رعشة من برودتو فالهضرة.. هو طبعا مقاصدش يعاملها ببرود ولكن كيبقا هاداك طبعو وطريقة تصرفو.

رجعات ركبات فلوطو غادا لباب المطار.. وفطريقها دارت اجراء بسيط كتعلم فيه العامل يرجع فحالو.. غير سالات وقفات لوطو وعيطات على عتاب باش تخرج لتم بالزربة ويمشيو بلا متشرح ليها شي حاجة كتر.

ركبات لي كانو عينيها حمرين بالبكا.. معاملة اب وعد لعتاب معاملة كتختالف على معاملة وعد .
جلسات ودارت الحزام كتشوف فيها باش تشرح ليها.. بينما وعد دوات بنبرة حادة مافيهاش حس الضحك

وعـد : باراكا من البكا .. راه غير مريض ماشي مات
عتاب بانفعال : واخا تكوني كيف ما كنتي هاداك راه بااك لي مريضض بالس*طااان ومااااشي اي مرضضضضض راه باااك هاداك لي رباك وتهلا فيك وعاملك معاملة اميييرة !!!!

هضرتها شوكاتها .. وقفات لوطو بفران جات عتاب مزدوحة.. دورات وجها لعند عتاب ، عينيها حمرين وغير تقيسها تشعل فيك.

وعد : هاداك باك بوحدك.. با هو لي نعرفو فاش نمرض وانا فبلاد غريبة عليا يصوني ويطمن عليا.. با هو لي يسول فيا كل نهار.. با هو لي يضحك معايا ويقول ليا بنتي كيف داز نهارك.. با هو لي فاش ماتت ماما وخلاتني صغيرة يجي يهضر معايا ويفهمني.. با هو لي يخليني مع الناس لي تكمل معاهم سعادتي.. اما الاب لي كتدوي عليه نتي كيعرفني غير فاش كتكون مصلاحتو.. ‘ قلبات عينيها باستهزاء ‘ وعد هادي شراكة مهمة حمري ليا وجهي.. وعد هادي وعد هادي وعد هادي.. هو كينافقني وانا كنافقو.. بغيتي تبكي صبري تا لجنازتو وبكي..ماعجبكش الحال هبطي ت*ودي .

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 5 🍷•••

فمكان اخر.. تحت ضوء بيت كبير مفرش بطريقة عصرية كانت متكية فاحضانو.. حاضناه بقوة فحالا خايفاه يهرب.. وهو لي كان حاضنها.. يد على كرشها ويد كتلعب فشعرها.. بينما هي كتعاود ليه على الازمة لي طارية فحياة صاحبتها الانتيم ‘ وعد ‘ كتشرح ليه كلشي بينما هو كان مركز على حوارها.. مهتم بكلامها بزاف وابسط موضوع من عندها يدوز كانو موضوع حياة او موت.

تقلبات على كرشها كتشوف بعينيها فحال القطة.. كتطلب منو ينصحها وكيفاش تعامل مع صاحبتها فوضع بحال هادا
عبير : دبا شنو بانلك فهادشي
… : من نظري خاصها تمشي عند باها.. كيف ما كان الحال كيبقا باها..
عبير : وعد طبعها صعيب ا الكسندر .. ما عرفت تا اش دارت.
الكسندر : صوني عليها انا غنوض نكمي شوية.متجيش عندي تا نسالي
عبير : واخا.

ناض هو للبالكو دالبيت.. مسفح من الفوق لابس غير شورط قصير مخلي عضلات صدرو باينة.. بقات متبعة ليه العين تا دخل ورد البال عاد دوزات الخط لوعد لي كانت مزال كتناقش مع عتاب
عبير بخفوت : ماعرت مالها كاع مكاتجاوب

قرابة ربع ساعة وهي كتصوني.. صونات تا عيات وفالاخر وقفات كتحيد الفوقاني دحوايجها تا حسات بيد خشنة كتسارا فضهرها.. مع قبلة فضهرها خلات لحمها يتبورش.. ضارت كتشوف فيه بهيام وهو كذلك.. مغرقها حب وحنان وداكشي لي كانت باغاه لقاتو فيه بزيادة.
قرب ليها بشغف.. بقبلة حنينة سرعان ما تحولات لعنيفة.. كيروي عطشو منها .. يدو تحت خسرها المنحوت.. ويدها هي ورا عنقو.. كتبادلو بحب وحنان كبير فحالا خايفة عليه.
دفعها على السرير وهبط كيكمل شغلو بقبل متفرقة..مخليينها تدوب فبلاصتها .. شافت فيه عينيها معسلين من فرط الشهوة..وهو كتر منها. باستو بقبلة حنينة لفمو ودوات بخيبة امل مصطنعة
عبير : ماشي دبا.. همم !
ناض من على عنقها بخبث مكبوث.. : ف الوقت لي نتي مستاعدة فيه.. ماديريش فبالك !

°قلب الطريق للاوطيل ديالو وجلس فجناح خاص بيه.. فيدو سيجار كينثر منو مرة مرة ويد لخرى كيلعب بالتيلي بيها مضيع الوقت بيها°

•شافت فيها عتاب بالم خفيف .. قنبلة ونفاجرات فيها وخلاص.. كاع لي جمعاتو رداتو ليها كلو.. هزات عينها فيها بمعنى بصح .. اما وعد ردات راسها على الفولون كترد انفاسها.. •
عتاب : اها.. واخا هاني هابطة..
ماخلاتش ليها الوقت فين تهضر هبطات شاعطة الباب.. جاتها فوقت لي ماعندهاش الكانة لراسها حتا .. كسيرات بلا متلفت مزروبة حينت تعطلات او بزيادة..

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 6 🍷•••

خلات عتاب مخرجة عينها.. هي دوات ولخرى قالت شنو بغات

وصلات للاوطيل .. بلاصات لوطو وهبطات كتجري، تلاقات مع نورة اونفاص مع وجها.. لي كانت لابسة تريكو شتوي خفيف مع سروال عملي ديال التوب فاللون الابيض. وكاب خفيف من الفوق.

نورة : كيف بقيتي من جيهة باك؟!
سؤال دهشرها.. حسات بالتلفة.. احساسها ومعارفاش توصفو، واش هي مخلوعة على باها؟ ولا مامسوقاش؟ واش هي راضية على هادشي لي واقع ليه..؟ ولا باغاه يتعافا؟.

وعد : ماعرفتش !
هبطات عينيها باسى وفضلات تدير براسها ماسمعاتش : صعيبة تكون الدقة من جيهة الاب.. دبا يتشافا متخافيش .
وعد : ماشي داك الاب لي نفتاخر بيه .. مديريش فبالك .

بتاسمات ليها نورة بوّد ماباغاش تزيد تحگر عليها..
نورة : مهم سيف الدين كايساينك لفوق.. يلاه معايا نوريك فين.. !
وعد : واخا..
تبعاتها فاتجاهها وفطريقها هزات التيلي ، دوزات الخط لعبير لي كانت فحضن الكسندر.. لي كان مخلي راسو على عنقها كيفرق قبلات حنينة وخفيفة على جسمها.
ناضت بالزربة فاش سمعات صوت التيلي .. وقفات فالبالكو ودارت التيلي على ودنها .. كتهضر بالزربة باغا ترضي فضولها اتجاه مشاعر وعد..

عبير : نتي لباس ياك؟!
وعد : شحال من مرة غانقولك بلي انا ماشي بمشكل خفيف غانتهزم.. تا يكون شي حد عزيز عليا مات عاد خافي ههههه
عبير : تجمعي الكلبة وباراكا من الضحك.. فينك نتي دبا؟
وعد : فالبار كنشرب.. بالله عليك فين غانكون
عبير : عزيز عليك الضحك ها
وعد : اودي راه يلاه قربلتها مع عتاب كي غاندير هاد الضحك..
عبير : ويلي علاش؟
وعد : مهم انا غادية مع سيف الدين للمغرب
عبير : اوااااه
وعد : والله.. نخليك دبا من بعد ونهضرو.

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 7🍷•••

دخلات من الدروج لي كيطلعو للسطح.. بصمت كانو متحكمين فيه كل من نورة و وعد.. الجو مكهرب وتاوحدة مقادة تهضر مع لخرى..
وقفات نورة فاش وصلو لباب السطح .. غمضات بعينيها ونطقات بصوت كَدعم ل وعد
” الله يدير لي فيها الخير.. “
بتاسمات ليها بلطف ودخلات حلات الباب.. بان ليها واقف بلباسو الاسود.. باستقامتو المهيبة.. وحداه طائرة خاصة بيه . وبعض الناس لي مكلفين بالطائرة ..
تبادلو النظرات شوية.. ماكرهاتش تمشي تخشا فيه.. تعنقو وتبكي حتا تفرغ مشاعر قلبها المرونين.. وتعرف الصح من الفالصو.

هبطات لتحت ودخلات لجناح خاص.. لي كدوز من حداه كتضحك معاه وترحب بيه من الشخصيات المعروفة او غير المعروفة

تزدحات مع شخص .. ريحتو عارفاها مزيان وحافضاها .. ولات كتمشى ليها مع العروق..
طلع عينو شاف فيها.. نظرتو حادة معاها وكيعاملها معاملة غيير الناس
اسامة : لا كون غا تخشيتي فيا حسن؟!
نورة : هاء !!!! راه نتا لي دخلتي فيا؟!
اسامة : وكتجاوبي من لفوق؟ اول مرة نشوف شي وحدة لسانها سليط تا لعندك نتي
نورة ‘ قربات ليه معلية حجبانها ‘ نكون كيفما بغيت.. ماشي من سوقك
اسامة ‘ قرب ليها تا هوا مبتاسم بجانبية ‘ خلينا من هاد الموضوع.. عينيك زوينين..

تحرك من حداها .. عارف مزياان كيفاش يلعب على الوتر الحساس عندها.. خلاها حشمانة فبلاصتها كتولول.

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 8🍷•••

جلسات فكرسي تم كتسنا شي طاكسي يردها للمطار.. مع شانطتها التقيلة حاسة بالفشلة من شكلها..الجو بدا كيتخربق والشتا علاين تطيح وتجهدد..

قربات لواحد الكافي كاينة فالجوايه وجلسات عينيها على الشتا مرة و عينيها على الطاكسيات لي حلفو لا يبانو..
دارت املها فالله وقربات للشارع.. دارت يدها ولوطو لي وقفات ليها تركب، وربي كبير..

عتاب : اصلا حياة وحدة لي كاينة ..

وقفات ليها لوطو كحلة عالية.. فرحات من داخلها ولكن جاتها فشكل.. خافت يكون شي حد ماشي مزيان ويدير ليها شي حاجة خايبة.. وعااد فهمات البلان لي خشات فيه راسها .

هبط الزاج وهبط معاها فم عتاب.. بالزربة نطقو دقة وحدة
عتاب : ابراهام !!!
ابراهام : عتاب !!!

صدمة .. صدفة .. غياب كتر من 7 سنين و فاش يتلاقاو يتلاقاو بهاد الشكل.. ماتبدل والو .. نفس النظرة.. نفس الملامح.. ولكن الوقت والزمن مبدلين.. وزعما بدل حتا مشاعرهم ؟!

بقات مجمدة فبلاصتها .. الوقت دار بيها مافاهماش تشرح اش كيدور فبالها..

ابراهام : ماتبدلتيش
عتاب : اه.. حتا نتا
ابراهام : كاين شي جديد على باك؟
عتاب : كنت غانمشي ليوم ولكن وقع شي بلانات بيني وبين وعد وبقيت هنا بوحدي..
ابراهام : طلعي نوصلك .. تنا غانمشي معاك.

ركبات وهو هبط دار شنطة السفر ديالها.. وطلع تاهوا كسيرا فجو صامت.. تا حد مقادر يدوي او يجبد موضوع .. وخصوصا اخر لقاء مكانش مساعد نهائيا..

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 9🍷•••

قربات ليه بخطوات بطيئة.. بينما هو بقات ملامحو جامدة.. واخا فقلبو بزااااف دالهضرة، والمشاعر..
كتافا انو يرسم ابتسامة خفيفة على وجهو فاش ترمات فحضنو مزيرة عليه تارة وتارة حابسة الدموع رافضة تبكي حدا شخص كيفما كان يكون..
سمعو صوت من داخل الطائرة كيعلمهم بضرورة التحاقهم للطيارة .. وتاهوما ماقصروش، طلع سيف الدين هو الاول بعدما وعد فصلات العناق بينهم.. طلعات تاهيا وراه ، متوترة وماقاداش تعاود تزطم فبلاد خرجات منها ضعيفة وماقاداش تفرض شخصيتها .

بعد مرور 3 ايام…

فصالون مغربي مفرش بطريقة مغربية تقليدية.. القرآن مطلوق والناس جالسين.. هالي كيدوي بالتوشويش .. هالي كيهضر بصوت مرتافع مامراعي لا لموت.. لا لاقارباء لي مات..
كانت جالسة جنب عبير وعتاب ونورة .. بعباية كحلة وشال كحل لاوياه على راسها .. عينيها ساهيين.. تحت عينيها كحل..
هضرة بزاف كتضور فراسها .. زعما باها كان كيدير شي حاجة لمصلاحتها هي غافلة عليها؟ زعما مكانش بداك السوء لي راسمة فبالها؟ زعما لو كان باقي حي كانت غتبدل معاملتو ليها؟!
بزاف دالاسئلة كيبقا جوابهم علامة استفهام .
علات عينيها فالدخلة ديال الصالة .. كان ابراهام واسامة .. وحدا الباب ديال الفيلا كان واقف سيف الدين عاطيهم بالظهر.. مادققاتش مزيان ولكن عرفاتو كيكمي غير من داك الدخان دالنثير لي فالسما

قربات ليها وحدة من الناس لي جاو كيعزيو.. قربات ليهم وسلمات عليهم وحدة بوحدة.. وصلات لجيهة وعد وحنات براسها.. دوات بصوت شمالي قح
… : الباراكا فراسك اختي ديالي.. الله يعوط محبتو بالصبر.. متعملشي فبالك ربي بغاه وداه نعاندو..
وعد : مامشا معاك باس..

عطاتها صوابها وناضت من تم.. خارجة لبرا تا وقفاتها يد..
دورات راسها باغا تسب وتبرد غدايدها من تفكيرها انه شي حد باغي يضسر عليها .

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 10🍷•••

علات عينها فيه.. كان ابراهام لي منين جا وهو كيتسنا باش يهضر معاها.
وعد : العشيير
ابراهام : وافين
وعد : ها نتا كتشوف.. ايمتا جيتي؟
ابراهام : يلاه شي 6 دالساعات.. جيت انا وعتاب
وعد : وايلي!! سير رتاح اذن ‘ شافت فاسامة ‘ حتا نتا .. كفاية النهار لي وقفتي معايا فيه. غانقولها لسيف الدين تاهوا وطلعو شدو شي 3 دالبيوت رتاحو فيهم..
اسامة : مكاين مشكل .. اش غاندير لو كنتي فحال دبا وماعاونتكش
بتاسمات ليه بوّد.. هو وسيف الدين دارو بزاااف دالحاجات غير فهاد تلت يام.. تم عرفات راسها بلي معولة على الرجال ولي وقت الصح تلاقهم..

قربات لباب دبرا.. خرجات لعندو مربعة يديها ونطقات بصوت خفيف.
وعد : الهوا دطنجة جا معاك

لتافت ليها.. صوتها تبدل بزاف.. ولا ضعيف وخفيف، تجاهل هضرتها وركز غير فنبرة صوتها المرتعشة وصوتها لي كيبان نوعا ما مجروح . قرب ليها ودار يدو على حلقها

سيف الدين : ضربك البرد؟؟؟
ما حسات براسها غير ضحكات بخفة.. جاوبات بنفس الصوت
وعد : حلقي مجروح.. باش عرفتي

جرها من يدها للفيلا.. طلعو من الدروج بحركة كان هو لي متحكم فيها.. اما هي غير تابعاه.. دخلو لبيت.. كان بيتها.
وعد : متقولش ليا باقي عاقل عليه!!!!!!!
شاف فيها معلي حجبانو وقهقه برجولية : مغانساش شحال وقفت تحت البالكو دبيتك فنصاصات الليل
وعد : مزال نفس المشاعر ليا؟ ولا تبدلو؟`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 11🍷•••

خارج الفيلا وقفات لوطو رانج حمرة.. نزلات منها امرأة تكون فالستينات من عمرها.. دخلات للفيلا وفور لمحها من طرف الكارد دالفيلا ناداو الخدامات باش يعلمو وعد ..

قرب ليها سيف الدين بشوية محاصرها مع الحيط
سيف الدين : كنضن بلا نجبدو هاد الموضوع دبا.
بعد عليها فاش سمع الدقان.. نطقات وعد باش يدخل الشخص ودخلات الخدامة مهبطة راسها
الخدامة : لالة وعد.. يماه دباك الله يرحمو كاينة برا وكتقول خصا تشوفك..
زيرات شوفتها.. حلات الباب دالبيت نازلة لتحت صاعرةة.. القرودة كيشطحو فوق راسها و فاش شافتها زادت كملات.. لقاتها جالسة فالصالة دايرة رجل على رجل و عتاب جالسة حداها كتقفقف.
وعد : اللفعة اش جاية ديري هنا ؟! تقتلي الميت وتمشاي فعزاه ها ؟
الام ‘ حفيظة’ : كيفك كيف مك.. مكاتحتارمو حد
وعد : من تربييييييتكك.. تا شرفتي عاد جاية؟ تا قتلتي ماااااما؟باغااااا تتشفااااي حتا فوللللدك؟ ولكن ولدك يستااااااهل صراحة
حفيظة : يخزييت عليكم لو كنتي من تربيتي كون كان فيكم الخيييير ماشي لي لحتوني نتلاقا بيين الديوورة
عتاب : جدةةةةة !!!!
وعد خنزرات ف عتاب : الصعر الكلبة هادي مايشرفناش تكون من دمنا
اسامة و ابراهام وسيف الدين عاجبهم الحال ولكن مامبينيش : وعد باراكا
وعد : ماباركاش.. ‘ قربات لحفيظة كتضرب بيدها لصدرها ‘ لو كنتي مقاداش تربي ولدك ماشي كلشي فحالك.. دبا ضورييي ت***وديييي علياا باقي نلقاك هنا نوريك النجوم فعز النهار
علات عينيها فسيف الدين لي كان مكالي على حيط قصير فالصالة مربع يدو كيتفرج فيهم ماهضرش نهائيا.. عينو غير على وعد لا تطيح سخفانة وهي يوماين ما كلات النعمة وبهاد الجهد لي هنا كان متوقع بلي غاتجيبها فراسها

حفيظة : ولدي سيف الدين
سيف الدين : ماما تحت التراب..
حفيظة : كنت فمقام ماماك !
سيف الدين : قبل ماتشعلي الصداع بين وعد وباها.
علات وعد عينيها فيه.. حاسة بالفخر وعرفاتو مكايتاهمهاش بشي حاجة ماعندهاش دخل فيها.. رسمات ابتسامة خفيفة
حفيظة بتمسكين : ولكن انا جيت على قبلك دبا .. باش نبين بلي ولدي لي من لحمي ودمي وهاد بنتو اللفعة هوما السباب فموت عائلتك !!

يتبع..

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 12🍷•••

صدمة طلعات فوجه كل من عتاب ونورة واسامة وابراهام ووعد وعبير .. اما سيف الدين بقا راسم ملامح باردة على وجهم
وعد : الشيبة العاصية مابقا ليك غير سيف الدين؟!!!
سيف الدين : وعد سكتي.. ‘ شاف ف حفيظة ‘ شي دليل؟!
حفيظة : كاين.. قربات ليه وحطات فيدو تيليفون.. كان فيه اوديو لاب وعد وهو كيعتارف بلي هو السباب فموت عائلة سيف الدين.. بعدما كانو صحاب !

••فـلاش بـــاك••

فدار متوسطة متكونة من 2 طباقي.. كانت جالسة امرأة فالتلاتينات من عمرها.. دايرة كحُل عربي مغربي بارز عينيها الكبار..لاوية على شعرها شال زرق خفيف جا مع لون عينيها .. فالطرف لاخر.. كانت جالسة بنت صغيرة تكون عندها 6 سنين .. دايرة لعبة فيدها كتلعب بيها.. وغير خرج شخص من البيت حطاتها وناضت عندو.. كانو عندو شيبات فشعرو.. خفيفة ولكن بيناتو بمنظر رجولي
ماريا : بابا خرجني عفاك !
الام ‘ فايزة ‘ : من الصباح وهي باغاك تخرجها هههه.. مهم لا كنتو غاتخرجو قولوها لي باش نقولها لسيف الدين

خرج شاب من بيت اخر بكاسادورة كحلة : لا انا مغاديش.. خارج مع الدراري و وعد
الاب ‘ عبد السلام ‘ : متكترش الجلسة معاهم وتنسا القرايا
سيف الدين : واخا ابّا .. ‘ قرب ليه وباسو فراسو ‘ الله يعاون
الام : الله يعاونك اولدي ويسهل عليك ما صعاب.. تهلا فراسك
لوح ليهم ومشا.. تلاقا معاهم ب 3 .. لي كانو جالسين حدا درجة ديال دار اخرا..
اسامة : تعطلتي اصاحبي
سيف الدين : وا عندي شغلي مالي مسالي ليكم انا ‘ حول عينو لبنت كانت لابسة فالضة حد ركبتها مع تريكو بيض ودوا بصوت حنين ‘ وعد لباس عليك
وعد بابتسامة خجولة : لباس الحمد لله ونتا
ابراهام : وينو على عصافير الحب
خنزرات فيه وعد بشوفة كون كانت قرطاسة كون قتلاتو : شتك تحمستي
اسامة : مالكم تجمعتو على خويا
سيف الدين.. داير يدو كيحل فالقفل ديال بيكالا كانت مربوطة حداهم : زعما هو ساهل

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 13🍷•••

وعد : احم الدراري.. بغيت نقولكم شي حاجة
الدراري ب 3 بجدية : مالك اش واقع؟
وعد : جديتكم كتخلعني .. بغيت غير نقولكم مدخلوش بكري لديوركم وتخليوني.. بابا خرج قبيلة وماعنديش سوارت باش نرجع للدار
ابراهام : ياك كاينة عمتي حفيظة؟
وعد : والله لا حلات ليا هاديك انا لي كنعرفها
سيف الدين : لا بغيتي نبقاو معاك تا ل 6 د الصباح مكاين مشكل..
اسامة : اييه اش فائدتنا لا مدرناهاش

بقاو كيضحكو ب 4 بيهم على وضعهم.. تا تسمع صوت من بعيد كيعيط على سيف الدين.. صوت مرعوب ومرتعش.. جراء الكسيدة لي وقعات .. غير حدا الشارع !
دور راسو عندو.. كيشوفو جاي كيجري مخلوع لجيهتو.. الدنيا ضارت بيه ، فحالا حس بلي شي حاجة ماشي هي هاديك وقعات
سيف الدين : حمزة مالك؟؟
جاوبو وهو كيلهت : ماماك.. ماماك وباك و ‘ كيلهت ‘ و ختك صغيرة.. دارو كسيدة غير دبا..
وقف مصدوم لثواني تا فيقو صوت حمزة : ويلااه اصاحبي.. راه عمو مصطفى داهم للسبيطار.. بالزربةةة يلاه
اسامة شاف فابراهام: دي وعد لدارنا ومتقول والو لماما .. تجي عتاب من المدرسة و ديكساعا رجع عندنا للكلينيك
ابراهام : صافي مشات
وعد : بغيت نمشي معاكم
ابراهام : لا يلاه معايا دبا

شوية تسمع صوت خلا قلب وعد كيزدح.. ضورات راسها لعندو بان ليها باها بتخزيرتو المعهودة.. بعدات على ابراهام بالزربة ووجها ولا صفر
احمد : داكشي لي بقا ليا غير بنتي تعاشر ليا مع الزوافرية ها
وعد : بابا والله ما شي حاجةة
احمد : تهزييي من هنا خلاص . . تبعيييييني للدار الله يقطع حسك
ضورات راسها لاسامة كتهضر معاه غير بعينيها.. ما حسات غير بشعرها مجبووود.. حسات بعروق راسها تقطعو
وعد : بابا طلق والله ماشي حااجة
احمد : سكتييي ماشي نتي لي توريني اش غانديير

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 14🍷•••

بقاو اسامة و ابراهام مصمكين.. ماعرفو واش يدخلو واخا الراجل كبير عليهم ولا يتبتو ويحتارمو الراجل

من صغرهم معودين على الاحترام وكل واحد ومقامو .. جاتهم حشومة يهضرو ومع راجل كبير عليهم باعوااام.

طلق من شعرها وشد فالكوع ديدها مزير عليها.. قرب ليها لودنها ونطق بهمس
احمد : تقولي هادشي لماماك نقتلك ونشرب من دمك
سكتات خايفة.. اما هو وصل لباب الدار حلها ودخل زادحها.. كيسمعو غير غوات وعد لربي لي خلقها.. حلقها خرج من كترة الغوات جراء التعديب لي كتعرض ليه.. مع الرغم من انها مدارت والو .

دخل للبيت لي كانت فيه حفيظة جالسة مقونسة .. حداها محابق بالزهور كيحلو الشهية.. شافت فيه بسخرية ودوات بصوت مستفز
حفيظة : زعما دبا درتي شي حاجة؟ هادشي راه والووو خاصك تزيد تزير معاها.. هادي لا كبرات غاتخرج ليها نيشان.. فحالها فحال مها يخزييت.
احمد : ههههههههه.. الواليدة درت واحد الحاجة
حفيظة : باينة شي مصيبة
احمد : لا.. قتلت صاحبي ومراتو وبنتو.. كنت باغي نصفيها تا لولدو ولكن عندو 7 رواح
حفيظة : ويليييييي على المسخوووووط اوييييييلي وحدييييي
احمد : دبا درتي ليا فيها الشريفة العفيفة.. نتي السباب فهادشي لي انا فيه.. ولا ماماتش انا لي غانمشي فيها ماشي نتي يعني غير سكتي
حفيظة : ا ويليييييي كي درتي لللليهاا اويلي على فقصتي اويلي على المسخوط
احمد.. رد راسو على الكرسي : كريت طوموبيل ودخلت فيهم.. ساهلة
حفيظة : وعنداك تدخل للحبس اوليدي
احمد : ضارب الحساب لكلشي متخافيش

Flash back end

صدمة كبييرة والدقة جاتهم فوقت ماضربوش ليه الحساب
اسامة وابراهام غير كيتبدل لونهم مع كل كلمة من التسجيل.. وعد كلمة شداتها وكلمة لا.. حاسة بالدوخة والضبابة دايزة على عينيها
نورة وعتاب وعبير شداتهم القفقافة.. هادي حياة ولا فيلم؟!
اما سيف الدين.. شداتو الفشلة.. مابقا عارف ما يقدم ولا يوخر.. اول مرة فحياتو يحس بحال هاكدا.. دار يديه على عينيه ماقادش يستحمل كتر..
حيد عينو غير فاش سمع صوت ارتطام قوي فالارض.. طايحة والدم سايل من راسها حينت طاحت على الدروج.. قلبو تزدح، مشا وجا فبلاصتو

يتبع غدا.. يلاه تباتو فراحة الله 🤭😂

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 15🍷•••

قرب ليها اسامة هو اللول.. تحنا لعند راسها تا حس بدفعة.. كانت من طرف سيف الدين
دار يدو تحت راسها ويد على حنكها كيفيق فيها بشوية..
عبير بدات كتبكي بشوية : اويلي مال صاحبتيي
شاف اسامة فنورة باش تحيد البنات من تم وداكشي لي كان
جراتهم ب 3 جيهة الباب خارجين فحالهم كتحاول تهديهم.. اما حفيظة بقات غير كتشوف .. عرفات راسها قود*ها من عند سيف الدين ومغايبرردش
تسلتات مع الباب حتا حسات بيد جراتها من عنقها..
ابراهام : صبري يا الشيبة العاصية.. بربي لا خرجتي منها سالمة.. طلعها لبيت مكانش فيه لا شراجم لا والو.. سد عليها الباب وخلاها منها لراسها وسيف الدين.

علا راسو فاسامة لي بقا معاه بالزربة نطق ويدو كترعد.. خايف عليها بزيادة.
سيف الدين : عيط على شي طبيب بالزربةةة

هزها من راسها بشوية خايف عليها لاقصى درجة.. يدو فيها شوية دالدم من راسها كترعد
طلعها لاول بيت شافو قدامو.. حطها فوق السرير وخرج بالزربة كيهضر مع الطبيب فالتيليفون
سيف الدين : تحضررر دبا توقع ليها شي حاجة ونتا مزال مكاين نقبرك

روسيا 🥀

فبيت مظلم.. كانت فيه بولة صغيرة وخفيفة مضوية البيت بضو خفيف
وسطها كان جالس شخص بلباس قميجة بلون كريمي وسروال اسود. حاط حداه عدة اوراق كيخربق فيهم.. كانو باغي شي حاجة مالقاهاش.. سمع صوت اتصال وهز التيلي جاوب..بلكنة روسية غالبةة
الكسندر : عبير
عبير : توحشتك
الكسندر : مزيان
عبير : كيفاش مزيان؟ كاع ما سولتي فيا من وصلت للمغرب
الكسندر : ماعنديش وقتك
حيد التيلي من ودنو وقطع الخط مخليها عقلها خارج
السكندر : كنقسم بلي غندمك السلطاان

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 16🍷•••

لفبيت قريب للبيت لي فيه وعد.. كانت فيه عتاب و عبير ونورة جالسين مع ابراهام لي بقا معاهم على بيدما ما فاقت وعد
نطقات عبير كاسرة الصمت.. صوتها مترعد والبكا فحلقها لا من القمعة لي عطاها الكسندر وتصرفو المبدل معاها ولا الخلعة على صاحبتها.
: واش غاتوقع ليها شي حاجة خايبة ؟
شافت فيها عتاب واقفة حدا الشرجم
يرحم باك لا ماسكتي مالقيتي ماتقولي دبا

ابراهام : سكتونا بجوج.. يكفي اني جالس حداكم هنا كي الولية تقول وعد غاتنقز عليكم لاخرجتو
قربات ليه عتاب مخنزرة فيه كتر منو : اييه ا سيدي؟؟ وا انا عندي مشكل مع الدم عندك شي مشكل ؟
ابراهام خنزر بحدة كتر منها .. عاض على فكو من لداخل مغدد غير بوحدو كي العافية : نتي يا القزمة بالظبط غير سكتي.. الناس ماعرت منين كتخاف ونتي كتخافي ليا من الدم
مارضاتش نهائيا.. دورات راسها عند عبير ونورة لقاتهم شادين الضحكة عليها
نورة : دوزي حطي طرمتك للارض ..
جلسات تاهيا حداهم فاش شافتو خرج.. قبل مايسد الباب ضار عند عتاب كيشوف فيه مغدد.. وهضر قاصد نورة وعبير
ابراهام : متخليوهاش تخرج.. باراكا علينا غير ختها
عتاب بشوية : نيني تاسير ت*ود

خرج من الباب قاصد سيف الدين لي كان جالس فالكلوار لي بين البيوتة.. رجليه كيحركهم بتوتر ملحوووظ فيه.. غير سمع الصوني خرج برا مزروب فداك البرد ديال الليل.. ولكن هو مامسوقش فبالو حاجة وحدة،هي وعد.

يتبع..

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 17🍷•••

هضرو معاه فالحالة ديالها وهو دخل للبيت.. تبعو حتا سيف الدين واسامة للبيت عاسين عليه
دار خدمتو بشكل طبيعي وعادي.. وصف ليهم كيفاش يتعاملو معاها فاش تفيق وتمنى ليهم الشيفا.

الساعة 2 ليلا

واقف فالبالكو فيدو سيجار.. مد يدو لكاس القهوة لي محطوطة فالحيط ديال البلكونة..كينثر الدخان للسما وكيشرب جغمة.. مقونس وبگانتوو.
سمع صوت تخرشيش ودور راسو.. كانت جالسة كتحاول توقف وتطيح شاداها دوخة.. شافها مالت وقرب ليها بالزربة شادها من خسرها .. جا وجهو اونفاص مع فمها
كمل شوفتو فيها مزالين بنفس الوضعية.. عينو على عينيها مرة وعلى فمها مرة..
قرب ليها بشوية وطبع بوسة خفيفة على شفتيها .. حلات عينيها بالزربة.. واخا دايخة شادة راسها وعارفة اش كدير
سيف الدين : خلعتيهم عليك
وعد : ونتا ؟
سيف الدين : وعلاش غنتخلع ؟ ضارب عليك خيط زناتي وانا مفخباريش؟
وعد : ياك اسيدي !! طلق مني خليني نعس فقت غير نشرب
دور راسو للكوافوز لي كانت حدا راسها من جيهة لخرى كان عليها كاس نبيذي ديال ابراهام باقي ليطراس ديال فمها عليه .. فهم البلان بالزربة وحبس الضحكة عرفها شوية وغايشد فيها الشراب
وعد : مالك كضحك فحالا كيهروك؟
سيف الدين : ونتي مالك.. سكتي يا السنفورة فمك طول منك
وعد : بزاف عليك..
رجع حطها فالناموسية وهي بقات حالة عينيها.. حلاتهم بالخف وشافت فيه
وعد : سيف الدين !
سيف الدين كان مزال كيشرب كاس دالقهوة.. اما السيجار طفاه فاش حس بيها فاقت كاحترام ليها.
” نعام؟ “
وعد : بغيت نجرب نبول واقفة!

يتبع..

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 18🍷•••

حبس الضحكة وبقا كيشوف فيها كاتم ضحكتو..
وعد : علاش كتضحك؟ داوية بصح بغيت نجربها
سيف الدين : اييه جربيها تنا ماقلت والو
وعد : نقولك واحد الحاجة؟
سيف الدين : قولي
وعد : فاش شفتك اول مرة كنت ماعرفتكش بلي راه نتا حب طفولة.. اوا يا سيدي مشيت كنخطط باش ندير طرق وتزعط فيا
سيف الدين : زعطة خايبة بعدا ها
وعد : اصلا نتا خايب.. ماعرت اش عجبني فيك
سيف الدين : سيري تنعسي ابنتي سيري
وعد : سيف الدين.. سميتك طويلة غانبقا نعيط عليك بشي اسم مختصر
سيف الدين : وشناهوا هاد الاسم المختصر؟

دارت يدها فوق راسها فحالا كتفكر
بالزربة نطقات بلا متفكر.. السكرة شدات فيها بالمزياان
وعد : سيفو
ناض لحدا الناموسية .. غطاها وخنزر فيها
سيف الدين : داكشي لي بقا.. نعسي راك مريضة نعسي
وعد : مابغيتش نعس !!
سيف الدين : دويييت لا ؟؟

بالزربة تخشات فالغطا ودارت راسها نعسات .. تا صدقات ناعسة بصح بكترة العيا
سيف الدين : برهوشة !

فبيت الضو ديالو خفيف.. صوت بكاها تاهوا خفيف.. خايفة.. من اش ماعرفاتش.. احساس خايب فجأة جاها وخلاها مكتآبة باغا غير تبكي.. وخصوصا ان الكسندر مابقاش كيف كان.. ولا كايجاوبها ببرود و هضرتو ناقصة.. وهادشي لي مخوفها.

فاقت الصباح بكري .. راسها عاطيها الحريق .. كتسمع صوت الطيور حدا البالكو صدعوها.

يتبع…

`Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 19🍷•••

نزلات للتحت كتشم ريحة الطياب شهاتها.. شافوها الخدامات تم وحطو لها كرسي حداها
خ.د : لالة وعد بغيتي تاكلي؟
وعد : لا بلاش غير طللت
خ.د : على خاطرك الالة

خرجات من تم ودخلات للصالة.. بانت ليها عتاب و عبير جالسين كيدويو .. حداهم كان ابراهام جالس بعيد عليهم كيهضر ابيل.
شافت فيها عتاب هي اللولة جات تهضر وتفكرات البلان لي وقع ليهم فاش كانو جايين.. مابغاتش تدوي نافخة ريشها وحتا وعد قالت ليها والله لا دويتك.
ناضت عندها عبير عنقاتها
عبير : خلعتيني عليييك
وعد بابتسامة : مالي متت
عبير : الله يحفظك..

شاف فيها ابراهام وبقا داوي شوية .. ماهيا غير لحظات وسالا الابيل.. شاف فيها مبتاسم وقرب ليها
ابراهام : على سلامتك
وعد : الله يسلمك .

تمو داخلين اسامة ونورة مدابزين مع بعضهم.. شافت فيهم مبتاسمة حاسة بشي انجذاب بيهم، فلحظة تفكراتو وشافت فيهم مستغربة
وعد : فين سيف الدين؟؟

يتبع غدا..

تنبيه ❌❌
البارتات فيهم وصف عن*ف و د*م.. اي وحدة عندها مشكل مع هادشي متقراش او تدي غير نظرة خفيفة.. اللهم اني قد بلغت !!

Bella El filali`
•••الفصــل الثـاني من رواية اســتــئثـار••بين الـهوس والـــدم••البارت 21🍷•••

ايطاليا ..

فمكان مظلم طاغي عليه اللون الاسود.. السكات والبرد مع الظلام خلا جو كيرعب النفس غير بمجرد تحط رجلك .
كان جالس ففوطوي احمر دموي مع 3 اشخاص كانو واقفين فوق راسو ، فاش كان فروسيا كان مبعد على شغل المافيات.. ولكن فاش رجع رجع باش يصفيها لكاع دوك البيادق لي كانو على يدو .. دور عينو للشخص لي كان جالس اونفاص معاه ولكن بعيد عليه.. يدو مربوطة، على عينيه بانضة حكلة مامخلياه تشوف والو.
ناض كيتكسل وبشوية عليه، هداوتو وبرودتو بوحدها كتخليك تشك فيه.. واش هادا بكامل قواه العقلية والنفسية ؟

كيحسسك بلي هو سايكو قتال ومجرم فلحظة.. ماعندوش شوية دالرحمة فقلبو.. وفنفس الوقت تقدر يحسسك بلي هو ملاك على وجه الارض مايقيس ما يآدي .
وقف فيدو سجارتو لي مكاتفارقوش وكاس قهوة.. كانت مزال سخونة.. قرب لداك الشخص لي كان على الكرسي، يدو كيتخبط بيها وكيحاول يحل القنبة لي مربوط بيها

وقف حدا راسو بهدوء ماحسش بيه الرجل لي حداه.. هبط لمستواه وحل ديك السكوتش لي علا فم الرجل خلاتو يغوت لربي لي خلقو.
هز القهوة على وجه الشخص بشوفة ما كتبشرش بالخير نهائيا.
تعمن فيها للحظات وشاف فيه مستغرب .. نطق ببحة رجولية بلكنة ايطالية مخربقة

سيف الدين : تبغي تشرب القهوة؟

حرك راسو بالزربة بلا.. حاس بلي جابها ف*رو.. السلطان عمرو مكايتناسا.. ولي خايب فيه انو مكايردش دقتو فالبلاصة .. كيدير لك التشويق..كيخليك تسنا فدقتك وتدير الاحتياط حتا تعيا..فاللخر كيغفلك،سربرايز مض*اكر..

سيف الدين : تء تء..غاتشرب

حل ليه عينيه حتا هوما.. بالغفلة لي كان كيحك فعينيه من داك القماش لي كان على عينو باش يحيد الضبابة.. غير حل عينو جاه كوب قهوة ساخن لعينو نيشان.. غوت غوتة وحدة لربييي.. ولكن شكون غايسمعو وشكون يدير بحسابو؟!

يتبع..

Leave a comment