Skip links

قصة : انتقام على أرض المافيا ج 9

 1,431 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت161

جوليا:(جالسة ودايرة رجل فوق رجل وكتهدر بهدوء وابتسامة خفيفة على وجهها) هههه فاللول كنت فسويسرا دوزت واحد المسابقة دالرسم وكانو فيها غير الرسامين المشهورين واساتذة كبار دالفنون كنت انا وبزاف دالمشاركين واللوحات دياولي هما لي تباعو كاملين وربحت جائزة وعطاوني فرصة نشارك فأكبر عرض ديال الرسم فلندن وشاركت فيه وجيت فالمركز الأول وصافي تما زدت تشهرت فالعالم كامل…

ليث:(ابتسم ومفتخر بهدشي لي وصلات ليه ختو)تبارك الله عليك اجوليا العزيمة والاصرار ديالك هما لي نجحوك وخلاوك تحققي حلمك

صباح:(عنقاتها)مبروك ابنتي

نجود:(سمعات تيلي كايصوني لقات لوكاس معندها كيف دير دبا قطع وهي تشوف ميساج فواتسب حلاتو ولقات صورتها خارجة من لڤيلا مسيفطها لوكاس ومسيفط 6 دالأوديو طوال وإيموجي معصب اكيد على اللباس عرفات راسها –و/داتها وكتبات ليه أنها حدى خوها منبعد وتهدر معاه وطفات تيلي كتحك فراسها)

صباح:(ضارت عند نجود ضحكات معاها ونوضاتها)نجود اجي تشوفي شنو وجدتليك (ضارت عند جوليا غمزاتها)

جوليا:(فهمات انها بغات تهضر معاها وقدام هود وليث مقدراتش ابتاسمات معاها وضارت كتهدر مع ليث)

صباح:(مشات معاها لواحد صالون آخر وجلسات كتشوف فكرشها وقاستها بيديها كضحك)شحال عندك دبا..

نجود:(ابتاسمات معاها)طالعة ف3شهور

صباح:(كتفحص جسمها وضحك)غلاضيتي ابنتي جاك معاك الحمل(شافت فيها)فوقاش العرس..?

نجود:بعد غدا إنشاء الله غادي تجي ياكي..?

صباح:ضروري منقدرش نخليك بوحدك فبحال هاد النهار….

نجود:(عنقاتها فرحانة)

ليث:(جى عندهم)الواليدة الغداء راه واجد يالاه

صباح:(ناضت خارجة خلات نجود من موراها تابعاها)

ليث:(شد نجود من يديها محبسها وكيشوف فيديها وفذراعها)واش باقي كيضربك..?

نجود:(حركات راسها بلا)لا اخويا…

ليث:(بحدة)متخافيش منو غير قوليلي الحقيقة..

نجود:(قبطات فيدو وابتاسمات كطمئنو)والله اخويا مكيضربني ولا كيحط عليا يديه بالعكس كيعاملني مزيان…

ليث:(ابتاسم معاها وعنقها بيديه ليمنية)يالاه نتغداو…

#_عند_ابتهال

(كتغدا هي وقسم ريتا مكتخدمش اليوم الأحد سالاو وجمعو الطبلة4 هادي طلعو يوجدو راسهم حيت 7 غيركبو فالطيارة لي حجزوها كاملة حيت غادي يمشيو بزاف لي متكلفين بالعرض وبديكورات والمساعدين المصورين ولي غادي يغنيو وديدجي وجميع الطاقم دالعرض وكل واحد فيهم عطاوه تذاكر فابور ويجيبو معاهم 2اشخاص لوطيل ولماكلة كلشي على حساب شركة ڤيكتور وليث طلعات دوشات هي وقسم وخرجو كتجبد لحوايج للقسم لبساتها شورط تجين فيها تقاطع وتيشورط بيض وفيه كتابة فلكحل كايجي واسع لبساتليها سبرديلة دايرة فحال تقاشر كطلع فلغوز طلقات ليها شعرها خلاتو فازك ودارتليها كاسكيطة فالفوز مكتوب فيها Barbie ودارتليها صاك كايجي فالجنب حد لكرش فلكحل وسنيسلة ورشات ليها الريحة جات فنة)احححح على باربي دياالي وشحال جات زوينة..

قسم:(ضحكات معاها)grazie Il mio amore
“شكرا حبيبتي” مامي بليز ممكن ندي معايا طابليط لي شريتي ديك نهار بليز والله منهرسو ديك نهار طابليط زلقلي من يدي بلا منقصد per favore “أرجوك”

ابتهال:(مشات لماريو جبداتو من نوع Iphone حجمو صغير قريب لتيلي عامر كلو بالألعاب الذكية ودروس إيطالية وألمانية وروسية كذلك ابتهال كل مرة كتبغي تعلمها شي حاجة جديدة دارتليه بوشيط بنفسجية باش تالاطاح ميتهرسش وعطاتوليها )هاكي ديريه فالشكارة ونشوفك جبدتيه فالزنقة اقسم ولا ديتيه معاك للمدرسة شي نهار ولا هزيتيه فالليل غادي نحيدو ليك…

قسم:(قبطاتو طارت عليها كتبوس وتعنق)ياااس مامي كنبغيك كنبغيك بزااااف

ابتهال:(ضحكات معاها)يالاه ديريه فصاكادو ودخلي جيبي شارجور ديالو راه فالمجر(خلاتها كتجمع دكشي فالصاك وبدات تلبس دوبياس فلبيض ولبسات كسوة حد لفخاض خفيفة من لفوق فزرق ولتحت فيها 2 طبقات وحدة قصيرة فلبيض وتوب لي تحت منو جاي طويل عليه فالرمادي لبسات سبرديلة فالأزرق وخلات شعرها مطلوق دارت سنيسلة ورشات من ريحتها هبطات لباليزات لتحت هي وديال قسم وخرجو سدو لباب وركبو فلوطو نيشان للمطار وصلو وهبطو شانطات ابتهاا جاراهم بزوج وكتهضر مع قسم)قسومتي اجي قدامي عفاك الدنيا هنا عامرة(بقاو غاديين وعيط ليها ليث جاوبات وعينيها على قسم خايفة تمشي تلف ليها المطار كايكون مطرطق فلعشية)الو ليث حنا وصلنا فينكم نتوما…..اااه صافي فهمت…..اوكي واخا(جرات لباليزات نيشان للبنت لي كيعطيوها جوازات السفر لقات صف طويل مخاصهاش تسنى حيت طيارة ديالها ديجا محجوزة هي مغتركبش مع هادو لي مشات عند البنت وعطاتهم ليها)

ابتهال:انا غنمشي فالطيارة لي محجوزة للمكسيك

~~~:بلاتي نقلب عفاك(بدات تقلب فلبيسى وهي تحس ابتهال بشي حد قبط فذراعها مزير عليها ودارت مخلوعة من هاد الشدة)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت162

ابتهال:انا غنمشي فالطيارة لي محجوزة للمكسيك

~~~: بلاتي نقلب عفاك(بدات تقلب فلبيسى وهي تحس ابتهال بشي حد قبط فذراعها مزير عليها ودارت مخلوعة من هاد الشدة)

“”””:(معصب)واش مكتعرفيش تشدي النووبة ولا نتوما لي لاباس عليكم كتعرفو غير الرشوة باش دوزو نتوما لولين

ابتهال:(نترات يديها ودفعاتو عليها وجهو كلو موشوم والحلقات ولباسو واسع قوة السناسل ديال النجمة الخماسية عرفاتو ماسوني جابت قسم دارتها موراها واخنزرات فيه)متحطش عليااا يديك الموووووسخ

“”””:(قرب ليها)شنووو قلتي ال—-/ة….?

ابتهال:(ضحكات وزادت قربات ليه)موووووسخ وشمكااار وبسيكوباط

“”””:(مارضاش خصوصا منين سمع دراري صحابو كيضحكو عليه حط يديه على كتفها ضاغط عليها)راك باااقي مكتعرفينيش ابنت ال—-/ة

ابتهال:(زيرات على يديه لي حاطها على كتفها تادخلو ظفارها فلحمو وبدا الدم كيسيل)

“””””:(دغيا حيد يديه كيتوجع)فااااك العاهرة

ابتهال:(كتبتسم ببرودة ودايرة قسم مور ظهرها باش متشوفش شافتو جاي ونطقات)قسم غمضي عينيك وماتشوفي والو(بمجرد مكملاتها قرب ليها هاز يدو وهي تجمع قبضة يديها عطاتهالو لكرشو زواتو وقبطات ليه شعرو كتدي وتجيب فيه وتنتف فحالا كدابز مع شي مراة جمعات رجليها وعطاتهاليه للمعلم طاح على ركابيه كيغوت)انا معرفتكش شكون لكن نتا كنظن بلي عرفيتي شكووون انا اولد ال—/ة (بقات مزيرة على شعرو وكتجفف براسو للأرض والناس كلهم كيضحكو شي مصدوم وشي كيصور دفعاتو بعيد عليها باشمئزاز جبدات من صاكها ليلانجيت ومسحات يديها قربات ليه وهو باقي شاد فحجرو كيتألم حشاتلو ليلانجيت ففمو وبعدات من حداه ضارت عند ديك البنت لقاتها حالة فمها وضربات يديها فداك فالزليج لي فارق بيناتهم)قلبتي ولا مزااال(لاخرة دغيا خداتليها تذكرة وطلات على جواز السفر اخنزرات فيها ابتهال وتمات غادة حطات ليڤاليز باش يتقلبو ودارت عند قسم لقاتها مكمشة فيها هبطات عندها) قسووومتي متقوليش ليا خفتي…

قسم:(حركات راسها بآه)خفت لايدرليك شي حاجة اماما شفتي كون كان عندنا بابا غادي يحامي علينا وميقدر تاحد يقرب لينا…

ابتهال:حنا مامحتاجينوش وأنا منقدرش نخلي شي حد يقرب لا ليك ولا ليا ياك ديما كاتقوليلي بلي أنا البطلة ديالك أو لا…?

قسم:(ضحكات وحركات راسها بآه)

ابتهال:(سمعات النداء الأخير للطائرة دغيا ناضت طايرة وتمات غادة كتجري وقابطة فقسم كيضحكو)قسااام جري ازرغميلة

قسم:(كتجري وضحك وهي تخرج ليها سبرديلتها من رجليها وابتهال كتخرى عليها بالضحك وهربات عليها وقسم كتضحك )

قسم:ماامااااا تسنااااايني (دغيا لبسات سبرديلتها وتمات غادة كتجري وصلات عند ابتهاال وتمو غاديين طلعو فدروج ودخلو للطيارة طلعو للفوق بروميار كلاص وكيضحكو غير بوحدهم تم جاي ليث)

ليث:(كيشوف فابتهال كيفاش كضحك وعينيها كيتغمضو نفس ضحكة ليزا)ههه مالكم شنو واقع

قسم:(كضحك)ضربتيه..ههه

ابتهال:كن..ا (مقداتش تكملها وطرطقات بالضحك هي وقسم ومزال كتفكر فالدري لي ضربات بقات كضحك وكتحس براسها فشلانة وعيينها عمرو بالدموع)

ليث:(بقى كيضحك واخا مافاهم والو لكن منظرهم كيضحك عاد قبط فابتهال هي وقسم وداهم لبلاصتهم كانت قدام نجود وجوليا وسيلينا جالسة اللور بوحدها كيف ديما فحالا معايشاش معاهم..)

نجود:(شافت قسم وضحكات)الكتكووووتة توحشتككك(عنقاتها وجلساتها حداها حيت كيجلسو 3 وقدامهم 3جلسات ابتهال تما حدى صباح وليث وهود ونزار تاهو خدى كونجي ومشى معاهم جلسو موراهم عدة ساعات ووصلو للمكسيك ومشاو ركبو فلباطو هو لي وصلهم للجزيزة)

ابتهال:(هابطة من لباطو وهازة شانطة ديالها وشانطة ديال قسم باش ميتقاسوش بالرملة)

ليث:(عيط لي خدامين فلوطيل يجيو يهزو لباكاج شاف ابتهال هازة بوحدها ومشى كيجري عندها)ابتهال بلاتي عطيني نعاونك..

ابتهال:(برفض)لا اليث قادة نهزهم بوحدي

ليث:(كيشوف فيها كيف هازاهم فحال ريشة)الله يهديك ابنتي عطيني نعاونك…

ابتهال:(شافت فيه مطولة وتفكرت منين كان كيقوليها بنتي غمضات عينيها باش تنفض هاد الذكريات ورجعات حلاتهم)لابغيتي تعاوني هز غير قسم(وتمات غادة داخلة لوطيل خلاتو غي مبلق عينو)

قسم:(كضحك)ماما عنيدة بزااف(هزها ليث وضحك والله مكدبات دخلها للوطيل وخلاها تمشي عند ابتهال)

ابتهال:(طلعات لشومبر حلاتها كان Suite “جناح” كيطل على لبحر دخلات سدات لباب وحطات لباليزات فوق ناموسية جبدات حوايج ستفاتهم فلبلاكار وشمبوان وصابون دياولهم داتهم للحمام للقاتو عامر بباندوشات وصابون حيداتهم وحطات ديالها مكتبغيش تغسل بشي حاجة ماشي ديالها دخلات دوشات هي وقسم شوية وخرجو لبسو حوايهم وتكاو ضربات 8 وخلات قسم ناعسة عارفاها مغادي تفيق من دبا تالغدا وخرجات هي كانت لابسة كسيوة صيفية فالخزي بسميطات حد لفخاض وسندالة بيض سامبل هبطات للجردة للتحت ولقاتهم جالسين تما وعيطاتليها…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت163

جوليا:(كانت لابسة شورط تجين وسوفيطمة قصيرة فلكحل وجامعة شعرها سفنجة مخربقة) ابتهااااال أجي جلسي معانا

ابتهال:(تمات جاية عندهم وجلسات حداهم)

هود:(منين جات جوليا وهو حاضيها تبدلات بزااف الشوفة هي لخرة مكتشوفش فيه واش زعمة تكون نساتو.?ولا ياكما تعرفات علي شي راجل آخر وكتبغيه…شافها هزات تيلي صونا شيحد خلاها تامشات وناض تابعها بلا ماتعيق بيه تاحد بقى تابعها سمعها كتهضر)

جوليا:(كضحك)لا ميمكنش واش بصح هههه ناري والله حتى تصدمت…لا جون حشومة عليك متقولهااش لتيمون…لا غادي يتقلق راه..(يالاه غتكمل هضرتها وحسات بشيحد طيرليها تيلي ضارت وهي تلقى هود اخنزرات فيه)عطيييني تيليفوني

هود:(سمع جون كيهدر وهو يجاوبو)غادي تعاااود اولد ال—/ة تصوني فهاد النمرة غادي ن—/وي خويااا(قطع عليه واخنزر فيها)ياااك قتليك بعدي على هاد ال—-

جوليا:(تعصبات)متخسرش علياااا الهدرة شنو يحسابلييييك راسك بصيفتك شكون كدخل فحياااااتي

هود:(قرب عندها شد فعنقها وبقى غادي بيها تاحبسها مع الحيط ووجهو قريب ليها)بصيفتي الراجل لي كيبغيك وكتبغيه سمعتيييي

جوليا:(قلبها كيضرب 90 معرفاتش علاش حسات بالفرحة ومعدتها لفراشات كايطيرو فيها ولكن مغاديش تستسلم ليه بهاد سهولة ونطقات)شكووون قاليك انا كنبغييييك بععععد مني

هود:(كيشوف فعينيها كيف كيضورو عارفها كتكدب)بلا ماديري عليا ديك هبل تربححح سمعتي حسنليك تقااااادي معايا ولا نعوج —/ل بوك (شاف نجود جاية وكتهضر فتيلي وكضحك وهو يغوت)وااااش لي زمليها قاااعها تجي تهضر وتكركر هناااااا…أخسرتووو أبنات الوهاااابي(قرب لنجود وحيد ليها تيلي لقى لوكاس وجاوبو)منييين تزوجها اولد ال—/ة ارااا متهدر معاهااااا واضور —/د دبااااااا
(قطع عليه وضار تيلي ديالها وديال جوليا فجيبو)زيدوووو
ت—/دو قداامي ولا نعوق شي وحدة

نجود:(الدموع قربو يهبطو بدات تعض فشنايفها وقرسات جوليا)نتي السبب ابنت ال—-ة نتي صعرتيه وانا يبرد فيا غدايدو اانا مااالي فهدشي كاامل اولاد ال—/حاب

هود:(كيتصنت)اديك ربع ميترو سكتي ولانجي نهرسليييك سنانك
(بقاو غاديين قدامو تاوصلو فين جالسين)

ليث:(شافهم كلهم مخنزرين عرف القضية حامضة وقرب عند هود)مالك اصاحبي وازن 90…

هود:(هضر فودنيه)خووتك ت-/حبنو ووحدة لقيتها كتهضر مع داك ز—-ل دلوكاس وتانية كتهضر مع جون

ليث:(ضحك ونطق بشوية)قولي بلي معصب على جوليا أما نجود دايرها غير سبة هه(شافو اخنزر فيه وسكت)

نزار:(جالس كيشرب قهوة وهو ينطق)ابتهال معرفتيناش على راسك واش نتي تولدتي فإيطاليا ولا فالمغرب حيت لغة الإيطالية تاقناها مزيان

ابتهال:(هضرتو نرفزاتها اصلا مكتحملوش ابتسامة صفرة ونطقات)انا تولدت فالمغرب وكنت كانجي مرة مرة لايطاليا عند صاحبتي ومنها تعلمت اللغة حيت هي ايطالية…

صباح:(ابتاسمات)الله وشحال توحشت المغرب كنتفكر غير الذكريات مع إبراهيم الله يرحمو (نطق كلشي بالله يرحمو وضارت صباح عند ابتهال)بنتي ابتهال علاش مجبتيش والديك

ابتهال:(زيرات على سنانها وحسات بغصة فحلقها غمضات عينيها بألم ونطقات)الله يرحمهم ماتو منين كنت باقة صغيرة

ليث:(شاف فيها بقات فيه صعيب تعيش بلا والدين وخصوصا لاكنتي باقي صغير)الله يرحمهم

صباح:(طبطبات على كتفها)الله يرحمهم ابنتي حسبيني أنا ماماك اصلا ولينا دبا حنا عائلة(شافت فيهم)أولا…?

نجود:(ضحكات وعنقات ابتهال حيت جالسة حداها)معلوم اماما ابتهال عزيزة عليا انا بعدا..

صباح:(ابتاسمات)إوا دبا أنا عندي 3دلبنات و2 دراري ههه….

هود:وحفيدة الواليدة..

صباح:(ضحكات عاد تفكرات قسم)الله سعداتي وشحال كنتمنى تانا يكون عندي حفيد…حقا فين هيا قسم ابتهال

ابتهال:راه خليتها نااعسة مغادي تفيق تالغدا ههه

جوليا:(مربعة يديها معصبة وكتخنزر فهود لي تاهو منين جلس وهو كيخنزر فيها)

نجود:(قربات عند ابتهال وهضرات بشوية)ابتهال عفاك ممكن نستعمل تيلي ديالك..

ابتهال:(كانت قابطاه فيديها وعطاتوليها)اهاه هاكي…

نجود:(ابتاسمات)شكراا ليك(ناضت ووقفها هود بهضرتو)

هود:فين غادا وشنو غادة ديري…

نجود:غادة للحمام يالاه معايا تشوف شنو غاندير(طرطقو بالضحك كاملين…وهي دخلات للوطيل وعيطات للوكاس نسات راسها فالهدرة حتى وصلات 10 عاد تمات راجعة عطات لابتهال تيلي ديالها وشكراتها شوية ومشاو تعشاو مجموعين وكل واحد طلع لبيتو باش ينعس)

#عند_لوكاس

(منبعد ماهضر مع نجود هبط لاكاپ وجى لايتون عندو)

لوكاس:(كيشوف فالمخططات قريب غينفذو مهمة)كاين شي جديد

لايتون:عرفنا شكون لي ضربك كانت امراة..

لوكاس:(حل عينيه)كيفاش امراة..

لايتون:(وراه تصاور لي شدو كاميرات المراقبة لي كاينين فالخزنة)
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت164

لوكاس: (وسع عينيه منين شاف ابتهال حيدات لماسك وضرب فالطبلة)هادي كيفااش لفردي ديال المافيا وصل ليهاااا وشنو كانت كادير هنا (بقى كيضور السينتة فراسو)اكيد متافقة مع ڤيكتور وهو لي سيفطها حيت وليت كنشوفهم قراب لبعضياتهم بزاف ونهار هضرت معاه عليها تعصب يعني بينااااااااتهم علاقة وضحكو عليا بزووووج(هز داك لبيرو لي تما لاحو ولي جات قدامو كيهرسها معصب لأقصى درجة عينيه حوومر وهضر مكره)انا تخدعني امراااااة ومن لفوووق ضربني غااادي ندمك ابتهاااااال…..غادي انتقم منك…

أصبحنا واصبح الملك لله🌞🌤

(اليوم هو نهار العرض لي قادوليه بلاصتو فالجردة قادو لبلاصة لي غيمشيو فيها العارضات مزينينها بلوريدات من جناب وقادو لكراسة لي غيجلسو فيهم كانت ابتهال فواحد الخيمة كبيرة يجريو فيها العودان هي لي غادي يلبسو فيها وبقات تشوف فالكساوي وتقيسهم على العارضات باش تشوف شنو ناقص كانت لابسة شورط بيض طايهوت وتيشورت طايح من لكمام فالأصفر قصير وبالغين فالخزي جامعة شعرها كوتشوڤال وقسم حداها كتلعب فطابليط جى عندها ليث ونطق)ابتهال خلي عليك هدشي راه كلنا مجموعين غنمشيو نعومو

قسم:(نقزات فرحانة)يااااس مامي يالاه نمشيو…

ابتهال:(ضحكات معاها)صافي واخا غير سير اليث هاحنا جايين(طلعو لوطيل ولبساتليها ابتهال مايو بياس وحدة فالازرق وفيها دائرات فالأبيض وشي ترييشات من لفوق فالأحمر جمعات ليها شعرها كوتشوفال وزيراتو باش ميتطلقش وميعدبهاش فالعومان دارتليها باندة لكن كتعقد ماشي كتحشى فالراس فلحمر وفيها دائرات زورق وعقداتها الفوق فجنب على شكل پاپيون جاتها فنة وهي لبسات شووط طايهوت تجين ومايو على شكل سوفيطمة كيتسد بحزام من اللور وبحزام آخر من جيهة العنق فلحمر طلقات شعرها وزادت كيمينو مشبك دلبحر قصير حد لفخاض فلكحل وهزات صاكادو دارت فيه لفوطات وVICHU واقي شمسي ودارت تيلي تما وهبطات مع قسم تلاقات مع جوليا ونجود هابطين تاهما وتمشات معاهم وصلو لواحد الدخيلة وتمو داخلين حتى خرجو فممر من الخشب ولتحت كاين الماء داير فحال شكل لاپيسين مكاينش الأمواح لبلاصة دايرة فحال كهف والفوق كاينة فجوة كتبان ليك السماء والشجر من لفوق وفجناب لكهف كاينين صخور جيولوجية وخارجين منهم وريدات وربيع فحالا لاصق فلحيط عاطي واحد المنظر رائع وداليات هابطين من ديك الفجوة بشكل رائع فحال شي تريات بقاو هابطين فدوك دريجات لي بالخشب حتا وصلو لتحت الأرض ولبلاصة تما غاارقة خاصك تنقزي لابغيتي تعوم جلسو فلكراسا لي تما وكيتمنضرو فهاد الطبيعة لي فحال جنة فوق الأرض وهاد الماء دلبحر لي داخل وسط الكهف وهادشي ناتج عن انهيار الحجر الجيري هو لي خلى هاد لبلاصة تولي بهاد الجمالية )

قسم:(كتحيد سندالتها)مامي يالاه

نجود:(لابسة مايو دوبياس فالأحمر وشال خفيف عاقداه فوق نصها وضحكات)فين يالاه الكتكوتة راه غاارق بزاف

قسم:واخا هكاك انا كنعرف نعوم…مامي يالاه انا غادي نمشي

ابتهال:(حبساتها)قسم بلاتي الله يرضي عليك نمشيو أنا وياك(حيدات كيمينو ديالها دارت شافت فقسم لقاتها كضحك)

قسم:(خرجات لسانها وكضحك)يالاه تبعيني(بقات غادة كتجري فحال شي فار ونقزات فالماء)

ابتهال:(ضحكات ومشات تبعاتها كتجري تاهي وتلاحت فالماء على راسها وغاصت فالأعماق هي وقسم تا مابقاوش كيبانو)

ليث:(كان كيهضر مع هود منين شاف قسم تلاحت قلبو تهز شاف ابتهال كتجري صحابلو وقعات شي حاجة وناض طاير نقز وكيقلب عليهم حتى بانولو خرجو من تحت الماء وكيضحكو بزوج)

ابتهال:(رشاتها بالماء)زرغميلة ههه متبقايش ديري هكا كتخلعييني

ليث:(جى عندهم)هدشي كامل ضحك(ابتسم براحة) ناري خلعتوني صحابلي قسم طاحت فالماء(رش قسم بالماء)ساعة صدقتي الكتكوتة كتعرفي تعومي

قسم:(كتعوم وتهضر)مامي لي علماتني…

ليث:(شاف فابتهال)كتعرفي تعومي مزيان عندك التنفس طويل شكون علمك..?

ابتهال:(ضحكات وتفكرات أول نهار دخلات للنادي السباحة فالمغرب كانت باغة تغلب على خوفها مابغاتش تبقى تخوفها تاحاجة فهاد الدنيا وبصح بالإرادة والعزيمة والشجاعة ديالها قدرات تخلص من فوبيا ديالها منبعد مدة طويلة فاللول كانت صعيبة عليها حتى تبقى فالماء واخا لابسة ديك السترة لي مكتخليكش تغرق كتانت كاتخاف لكن منبعد عدة شهور بدات تغلب على خوفها وولات كتعشق شي حاجة سميتها لعومان ابتاسمات ونطقات )كنت كنمشي للنادي السباحة منين كنت حاملة بقسم ومن تما تعلمت بزاف دلحوايج…

جوليا:(لابسة مايو پياس وحدة فلبيض وواقفة كطل عليهم باقا مصدومة من قسم لي كتعرف تعوم)هههه لا ميمكنش…قسم دايرة فحال شي حورية بحر🧜🏻‍♀ (نقزات تاهي عندهم وبقات كتعوم حداهم وابتهال هي وقسم كيطيرو فلعومان يطلعو فدوك لحجيرات وينقزو ويتشقلبو فحالا شي سباحات رابحين البطولة…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت165

ههه بقاو تما شحال ونجود هبطها هود بالسيف عليها وبقات شادة فيه حيت كيشدها كلاكج وسيلينا تاهي هبطات كتعوم لابسة دوبياس سليب سطرينك وسوتيانات صدرها كلو خارج منهم فالقهوي ومخططين بلبيض ولكحل فحال شكل دلغوتشي وصباح جالسة كتشوف فيهم وضحك وتصورهم بقاو تما تاوصلات 3طلعو فحالهم تغداو ومشاو للوطيل يرتاحو حيت فالليل مع 8كاين لعرض وصلات 7 كان كلشي لابس ومقاد ابتهال كانت فديك الخيمة كتقاد للعارضات وتضيف بعض اللمسات كانت لابسة كسيوة فزرق بسميطات مزيرة من الفوق وواسعة شوية من لتحت فيها فتحة فالجنب طالعة تالفخض ولابسة سندالة عالية شوية فضية جامعة جناب شعرها بمقبط خفيف ومخلياه مطلوق اللور سنسلة فضية ومكياج هادئ برزات عينيها كتر جات فنة وقسم كتلعب حداها لابسة فحالها نفس الشكل دالكسوة تاهي فالازرق بسميطات ولكن جاية من لتحت منفوخة مافيهاش فتحة فالجنب وسندالة فضية ودارتليها ظفيرات من الجدر فالجناب جات فنة…)

قسم:مامي غنمشي عند طاتي نجود..

ابتهال:(كتسد السنسلة للعارضة)اوكي قسومتي ولكن ابنتي متبعديش عفاك

قسم:(حركات راسها بآه ومشات عند نجود لي كانت جالسة فلكراسا لي قدام العرض هي وجوليا)

نجود:(شافتها وبقات كادور فيها بيديها)ياختي على الزين(باستها وجلساتها حداها)

جوليا:(كانت لابسة كسوة فلكحل كتلمع كتافها طايحين فيهم بعض مجوهرات مفرقين فالذهبي حد الركبة غزالة وسندالة عالية فلاغجونطي وطالقة شعرها عكار ماط غوز بيبي وفعينيها كتافات فقط بريسي وآيلاينر هزات تيلي ديالها منبعد ما مشات عند ليث وهو جابوليها ليها من عند هود ههه وبقات كتصور مع قسم ونجود لي كانت لابسة كسوة فالأحمر سميطات طويلة ومنفوخة من لتحت مابغاتش تبان كرشها وسندالة بلا طالون فلبيج جالسين كيتصورو ويحطو تصاور فأنسطا)

نجود:(كتصور ومراشقاش ليها مرة مرة كتصوني للوكاس كتلقى تيلي طافي بدات كتخلع عليه هاد الايام كان كيدوز وقتو بزاف فلاكاپ وعرفات بلي كاينة شي مهمة خطيرة مع واحد المافيا بقات ساهية تانغزها شيحد ضورات وجهها لقات هود)ااا هود

هود:(عنقها بيديه ليمنية وكيشوف فيها كيفاش مقلقة)نجود مالكي..واش واقعة شي حاجة..?

نجود:(كتحاول تبتسم وماتبين والو)لا والو اخويا قسم يالاه معايا نمشيو نشوفو ماماك…
(بلعاني باش تخليهم بوحدهم ومشات عند ابتهال لقاتها صافي وجدات العارضات كاملين حيت كل وحدة غتلبس زي مغاديش يلبسو ويعاودو يحيدو ويبدلو غير تضياع الوقت داز العرض رائع والمصورين كيصورو وكيحطو فلاپاج ديال الشركة ودايرين لايڤ العالم كيشوف ازياء ابتهال بانو أجمل على العارضات منين بدا العرض وكلشي حال فمو كانت 40 كسوة وكانو 8 دالمجموعات كل مجموعة فيها 5دلكساوي فنفس اللون وكانو الالوان هما لكحل ولحمر ولGرونة لزرق ولخزي لموطارط الرمادي الأبيض وغوز بيبي كل لون من هاد الألوان فيهم 5كساوي كاين لي طويلة /قصيرة/ ديال لخروج /دالسهرات /وبزاف دالأشكال سالا العرض ودبا وقت اللبسة الرئيسية وخاص ابتهال لي تجي مع العارضة تمو جايين بزوج قابطة فيديها العارضة الرئيسية لي كانت لابسة فستان بلا كمام مزير من الصدر كحل لامع فيه مجوهرات من الألماس فالفضي ومن لتحت طويل ولاصق فيه ريش فلكحل طويل من اللور فيه 2أمتار فستان رائع بكل معنى الكلمة وتاج من الألماس ومزينينو بمجوهرات فلكحل على شكل طائر الغراب صغار ودايرة عقد رقيق من المرجان الأحمر فعنقها كلشي وقف وبقى كيصفق الفستان نال إعجبابهم بشكل مبهر عطات ابتهال كلمتها وكلشي ساهي فيها فجمالها وكلامها وشخصيتها الرائعة والمصورين غير كيصورو فيها شكراتهم و جات جلسات حدى ليث وفيكتور وعائلتو لي بدورهم شكرو فتصاميمها ناضو دخلو لوطيل واحتافلو مع بعضياتهم العرض داز مزيان وتهناو من جيهتو ودبا غيديرو الإفتتاح دالمشروع الجديد)

ابتهال:(منين كانو جالسين فالعرض ونزار كيشوف فيها ويهدر فتيلي عصبها مكرهاتش تنوض تشتف عليه كانو جالسين فالطبلة اعتاذرات منهم وناضت معصبة لبسات كيمينو خفيف فالرمادي حيت الجو بارد فهاد لبلاصة وحيدات سندالتها هزاتها فيديها ومشات لجيهة للبحر كتشم فالهواء شحال كترتاح منين كتكون حداه وريح خفيف كيضرب فوجهها مغمضة عينيها كتبتسم حسات بشيحد عنقها وقبطها فذراعها دورها عندو ضارت مفزوعة وهي تصدم منين شافت ليث كيشوف فيها بحزن وعينيه حومر مدمعين)

ليث:(باقي مامصدقش حاس بقلبو كيضرب بالجهد الفرحة والحزن بزوج مخلطين فيه عنقها من خصرها وكيقيس فشعرها ويشوف فعينيها بشوق لي دايرين فحال لبحر زورق صافيين نطق بنبرة هادئة وبكل حنية زادت برزات بحتو الرجولية الكلمة لي توحش يقولها بزاف)ليزا…

#نهاية فصل عودة لأرض الجحيم🍂

وبداية…

#فصل ندم عشيق…😔

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت166

الكلمة لي توحش يقولها )ليزا….

ابتهال:(حسات بالتبوريشة وقلبها زاد فالخفقان تصدمات ولسانها تعقد تبلوكات بقات غير كتشوف فيه)

ليث:(عنقها ومزال مامصدق أنها ليزا تاشم ريحتها لي مستحيل ينساها حس بيها دفعاتو)

ابتهال:(دفعاتو بعيد واخنزرات فيه)شنووو كتخربق شمن ليزا…

ليث:نتي هي ليزاااا متحاوليش تكذبي حيت عرفت الحقيقة…

#فلاشباك_قبل_نصف_ساعة

(ليث جالس فالطبلة وكيجغم من لكاس دشراب وسمع نزار همسليه فوذنو)

نزار:(كيهدر فودنيه)ليث بغيت نهضر معاك (دارليه اشارة براسو للبرا ومشى تابعو ضار عندو وكيوجد شنو غايقول)ليث عندي ليك خبار مهمة

ليث:(عاقد حجبانو)كنسمعك..شواقع?

نزار:عقلتي نهار عيطتيلي وقلتليك راه نايضة مدابزة فكوميسارية…(حرك ليث راسو بآه)مهم ديك نهار جى واحد الراجل خوه كانت تقتل فالطبيب ولكن ملقيناش دليل بلي تقتل حيت لقيناه مشنوق وسدينا الملف بأنه انتحر منين جى قالينا بلي راه تقتل وعاود شفنا تسجيلات لكاميرة وكنوريه بلي راه مكاين تادليل كيبين انه تقتل وشفت واحد لڤيديو جديد عمري شفتو حيت كنت مشارك فهاد القضية مع واحد لبوليسي هو لي شافو ومنين خدمت لڤيديو شفت(سكت شوية ونطق)ليزا

ليث:(خرج عينيه)كيفاش شفتيها ..مفهمتش

نزار:خليني نكمل كلامي شفت ليزا مدخلينها لغرفة العمليات فوق لپياس وكانو دايرين ليها شي فاصمة فوجهها وعاوتاني شفت تسجيل آخر كانو دايينها لجناح غرف عمليات التجميل وفكاميرة وحداخرا شادة لتحت دسبيطار وهي لي كنت شفت تسجيلاتها بانتلي ابتهال(ليث كيشوف فيه مصدوم ومزال مافهم والو)منين مشيت للطبيب وقلبت فالسجلات لقيت بلي مامقيدة تاحاجة لا بسمية ليزا ولا بابتهال منين وريتهم لفيديو دليزا مدخلينها لغرفة العمليات مافهمو والو يعني فحالا شيحد ماقيدش اسمها فسجلات المستشفى …عطاوني رقم الطبيبة لي كانت متكلفة داك نهار وفديك لوقيتة بالضبط فجهة غرف العمليات فاللول مابغاتش تنطق منين قتليها حنى لبوليس اعتارفات بلي واحد لبنت سميتها ليزا جات فحالة حرجة وكان حنكها كلو مخسر(ليث حل عينو بصدمة)من نهار جات ابتهال وانا كنقول فايت شفتها فشي بلاصة ودبا تأكدت بلي هي لي كانت فالطبيب ونفس لون شعرها ونفس طايتها هما لي عند ليزا يعني….ابتهال هي ليزاا

ليث:(شكوكو كلها دبا فمحلها عينيها وكلامها وحتى نهار لي قاتليه على سمية المزرعة وداك الإسم كان عارفو غير هو وياها ومروض الخيول لي مستحيل يكون قال لشيحد اللقب دالمزرعة حيت مكيهضرش زيزون دازو عدة مروضين لكن هاد الأخير من نهار تعرف على ليزا وهو فالمزرعة وقال ممكن تكون جات قبل مايكون هو معرفش علاش حس بفرحة هاد الوقت كلو وهي حداه ومعرفش ولي زاد من فرحتو هو قسم طلعات بنتو…)

#نهاية_فلاشباك..

ابتهال:(عاودليها هدشي كامل وهي باقة مصدومة ميمكنش صافي السر تفضح..? كرهات نزار فهاد اللحظة كون كان قدامها كون قتلاتو وجاوباتو ببرود)راك غير كتخربق باينة كترتي من الشراب…(ضارت غادة فحالها)

ليث:(شدها من يديها جابها عندو)بلا متكدبي راني عارف كلشي نتي هي ليزا وقسم بنتي..

ابتهال:(حيدات يديها معصبة وشافت فعينيه مخنزرة)قسم بنتي أنااااا سمعتي ماشي بنتك اسي ليث بعد من طريقي حسن ليك

ليث:(هز حاجب)ويلا مبعدتش شنو غادي ديري…غادي تقتليني أ Lioness…

ابتهال:(هضرتو عصباتها يالاه غتهضر وسمعات صوت شي باطو كيقرب عندهم ضارت وهي تلقاه ديال لبوليس تقدم عندهم واحد ونطق بالإنجليزية)

~~~:مدام ابتهال فين نقدر نلقاها

ابتهال:(عقدات حجبانها باستفهام)هي انا ..?

~~~:عندنا بلاغ ضدك نتي متهمة بمحاولة قتل السيد لوكاس ثورن تفضلي معانا لمركز الشرطة ..

ليث:(مصدوم وشد يد ابتهال وضورها مور ظهرو)شنو كتخربق نتا اكيد كاين شي خطأ

~~~:مكاين حتى خطأ(جبد ورقة ديال إلقاء القبض على ابتهال ووراهالو شير لواحد لبوليسي باش يجيبها)

ابتهال:(باقة مصدومة كيفاش عرفها انها هي لي ضرباتو بالسلاح وواش غادي يكون عرف حقيقتها..? قرب عندها واحد باغي يشدها وكحزات منو مخنزرة)غادي نطلع بوحدي ماتقيسنيش (تمات غادة يالاه غطلع فلباطو وجرها ليث)

ليث:(كيشوف فلبوليسي)معندكومش الحق تلقيو عليها القبض هنايا هادي ماشي بلادنا

~~:غنديوها لمركز الشرطة وتما غادي يتكلفو بيها خلينا نديرو خدمتنا اسيدي

ليث:(مزال مامتيق كيفاش ضربات لوكاس..وفوقاش..? شاف فيها بحزن وقبط فيديها بغات تبعد عليه وزاد زير على يدها)غاادي نخرجك سمعتي مغاديش نخليك ضيعي مني منبعد هاد السنين كلها..ماتيقت حتى لقيتك…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت167

ابتهال:(قلبها كلو مع بنتها معارفاش كيفاش غادي تخرج من هاد لحريرة شافت فيه ببرودة)الخير الوحيد لي غادي دير فيا تقابل قسم (هضرات مزيرة على سنانها )ببنتييي على ما نخرج..(بعدات عليه وطلعات للباطو تحركو نيشان للمركز شرطة)

ليث:(مشى كيجري عند نزار لقاه كيكمي فالجردة)نزااار جاو لبوليس وداو ليزااا

نزار:(مصدوم)كيفاش داوها

ليث:(معصب وكيمسح وجهو بغضب)قاليك متهمة بمحاولة قتل لوكاااس مافهمت حتى —-ة خاصنا نمشيو عندها(مشاو نيشان جابو لباسبور حيت ضروري غايديوها لإيطاليا مشى ليث لعند صباح وخوتو كانو جالسين فالقهوة ونطق بغضب)غاادي نمشيو نوضو جمعو حوايجكم(هز سبابتو)بلا مايسولني تااااحد علاش (شاف فهود)هوود وصلهم للدار عفاك…جوليا اجي(جات عندو وبعدها عليهم)جوليا ابتهال وقع ليها مشكل وداوها لبوليس ماتقوليها لتاحد ومتخليش قسم تشك لبسيليها حوايجها وجمعي شانطة ديالها غتمشي معانا..

جوليا:(حركات راسها باه واخا مافاهمة والو مشات نيشان عند قسم وطلعاتها للفوق كتجمع ليها حوايجها وقالت ليها ماماك راه مشات حيت كاين مشكل كبير فالشركة وميمكنش ديها معاها)

ليث:(غادي مع نزار فلباطو تاخرجو من الجزيرة وركبو فطاكسي حيت لوطو خلاوها فإيطاليا طبعا مشاو نيشان للكوميسارية دخل نزار ومع هو مشهور وعندو معارف هنا دغيا عرفوه سلم على واحد لبوليسي ونطق)

نزار:مدام ابتهال هي كتبقى تحت السلطة ديالنا وحتى لي دعاها كاين فإيطاليا وأنا لي خاصني نستجوبها خاصكم تسيفطوها لإيطاليا فأقرب وقت

~~~:كوميسير نزار حنا درنا غير خدمتنا ولقينا القبض على مجرم كان فبلادنا وغادي ونسلموه ليكم نتوما تكلفو بيه…

ليث:(زير على قبضة يديه معصب واخنزر فيه)هي مااااشي مجرمة سمعتي..

نزار:(كيحاول يهدنو ونطق بداريجة)واااش بغيتي يدخلوك حداها تبت أصاحبي كلشي غادي يتحل …(هضر مع لبوليسي وطلبو يخلي ليث يشوفها)

ليث:(داخل وهو يشوفها جالسة قرب ليها وقبط فلحديد لي فاصل بيناتهم)

ابتهال:(جالسة وكتهز فرجليها وتحطهم بتوتر حسات بشي حد دخل وضحكات عرفاتو)

ليث:(كيشوف فيها ونطق)ليزا…

ابتهال:(نطقات ببرودة)سميتي ابتهاااال..ابتهاال رغد

ليث:(تعصب وضرب فديك لحديدة)متصعريييش ل—/ة دمي راني عاااارف الحقيقة كاااملة بلااا ماتزيدييي تكدبيييي علياااا…

ابتهال:(شافت فيه بحدة وناضت وقفات قدامو)ليزاااا مااتت نهار رميتيها فالزنقة…

ليث:(غمض عينو بألم)ليزا سمعيني(دخل يديه باغي يشد فيها)

ابتهال:(رجعات اللور مبعدة منو)فين هيا قسم

ليث:(زير على قبضة يديه)راها مع جوليا غادي يرجعو لإيطاليا حتى نتي غادي ينقلوك لتما…(سكت شوية ونطق)كيفاش وعلاش ضربتي لوكاس..?

ابتهال:(رجعات جلسات فدوك لكراسة لي تما ونطقات ببرودة بلا ماتشوف فيه)الزيارة سالات…

ليث:(غوت)شهاااد التقاارد دال-/ب علااااااش كاديرييييي هكاااااا

ابتهال:(مبردة ودارت سبابتها فوق فمها)شششش

ليث:(ضرب يديه فدوك لحديدات بغضب ونطق)غاااادي نخرجك من هناااا وديك الساعة غاااادي نتواااااجهو معندك فين تهربي أليزااااااااا(طولها مزيان)

ابتهال:(شافتو مشى وهي توقف ضربات برجليها الكرسي بغضب تاتهرس)–/—وي تفوووو(بقات كتنفس بالجهد معصبة وطلعات راسها لفوق مغمضة عينيها وكتمسح فعنقها من اللور بغضب كتحاول تهدن سمعات شيحد دخل ضورات راسها ولقات حارس السجن حل لباب وتم داخل عندها)

~~:(هاز لمينوط وقرب عندها)اري يديك

ابتهال:(ضحكات)غادي نمشي بوحدي متقربش ليااا

~~:(ضحك)واقيلة هادي اول مرة غادي تجي لهنا الغزالة(غمزها)حسن ليك تسمعي الهضرة باش متزيديش تصعبي عليك الأمور(قبط فيديها مقرب ليها نترااتها ودفعاتو عليها)

ابتهال:(مستحيل ورافضة كليا يديرليها لمينوط وتخرج بيه فحال شي مجرمة)قتليك غاااادي نمشي بوحدي متحطش عليا ديك لقزديرة ديالك…

~~:(شدها من ذراعها مزير عليها وتم مخرجها معصب)غادي نديك عند لي غيعرف يتفاهم معاك(خرجها تالبرا كان لبوليسي واقف ليث مع نزار دارليه التحية ونطق)هاد السيدة راه كتخلق فالمشاكل ومابغاتش تخليني ندير ليها لمينوط…

ابتهال:(كتسمع وكتشوف لفوق وكضحك)

لبوليسي:(قرب لعندها ونطق)فخبارك هدشي لي كاديري سميتو عرقلة شرطي أثناء عمله وكيعاقب عليه القانون وهاد الضحك سميتو استفزاز

ابتهال:(شافت فيه بملامح باردة وكلها ثقة وعجرفة) اولا(نطقات بسخرية) هاد الشرطي لي ابتزيتو أثناء عمله تحرش بيا وعرفتي هاد الهدرة إذا وصلات للصحافة ورئيس الدائرة الأمنية نتا وياه غادي دخلو تجلسو حدايا(غمزاتو) وتانيا مكاين حتى قانون فالعالم كيمنعني أنني نضحك(ابتسامة باردة وخفيفة)

ليث:(شاف فنزار وابتسم من الجرأة ديالها)

لبوليسي:(عض فشنافتو معصب من استفزازها ليه ونطق مغدد كيشوف فحارس السجن)نفس هاد التصرف وغادي تلقى راسك برا…لمينوط مقديتيش ديرو ليها واش غلباتك(خنزر فيه)ركبها فسطافيط.
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت168

ابتهال:(شافت داك لكمارة مقرب ليها وكحزات من حداه)متحطش عليااا يديك

لبوليسي:(تم راجع عندها كيغوت )سدييي فمك ومتغوتيششش حسن ليك راااااكي فمركز الشرطة ماااااشي فالسوييييقة…

ابتهال:هاد ساعة نتا لي بنتيلي راك فالسويقة (ليث حابس الضحكة عجبو الحال اصلا محملش هاد لبوليسي بصفة نهائية)

نزار:(تم جاي دغيا القضية بدات كتحماض وهدر معاه)متعصبش رااسك صافي غير خليها أنا غادي نتكلف بيها…(ضار عند لاخر وحيدليه لمينوط باش يديرو لابتهال شاف فيها لقاها كتخنزر فيه ونطق بداريحة)ابتهال عفاك ماديريش الصداع باش ميشدوش معاك الضد فكري غير فبنتك قسم وحاولي تهدني…

ابتهال:(غمضات عينيها ورجعات حلاتهم كتحاول تهدن شافتو دارليها لمينوط وبقات تشوف فيهم زيرات على يديها بغضب مابغاتش تنهزم ويغلبها لوكاس مرة تانية…)

ليث:(عرفها مارضاتش كيعرفها كتر من راسو نفسها عزيزة بزاااف قرب ليها وحط يدو على كتفها نطق بداريحة)هدشي مغيطولش فالقريب غادي تخرجي…(مشات من حداه وطلعوها فصطافيط ديك ساعة ليث ونزار تبعوها فطاكسي وصلو للمطار وطلعو معاها للطائرة لي غادي تديهم لإيطاليا طريق كلها وهو كيشوف فيها وحاضيها من بعيد مابغاش يمشي عندها حيت هذا ماشي وقت مناسب باش يهضرو وصلو وداوها للكوميسارية ليث بقى كيتسنى فلبيرو ديال نزار حيت مشى يحقق معاها)

نزار:(جالس وقدامو ابتهال حيدليها لمينوط ونطق)وصلني التقرير بلي تهجمتي على دار دلوكاس وضربتيه بالسلاح واحد لكاميرة دالمراقبة كاينة فلاكاب شداتك منين كنتي خارجة من واحد لخزنة ولوكاس قال بلي نتي ضربتيه بالسلاح من اللور

ابتهال:(زيرات على عينيها بغضب هاد لقضية نساوها حيت كاميرة لي فلاكاپ ماشي فحال لاخرين عندها سيسطيم بوحدها)معندوش دليل بلي انا لي ضربتو…

نزار:(كيقرى السجل لي فيه اجوبة لوكاس)لكاميرة شداتك منين كنتي طالعة مع واحد دري من لاكاب لتحتاني وكنتي هازة السلاح وضربتي 2 دالرجال…الادلة كلهم ضدك ابتهال من الاحسن تعترفي حيت لوكاس مماتش وهدشي فصالحك العقوبة غادي تكون خفيفة شنو سميت الدري لي كان معاك …

ابتهال:(هدشي مكانتش ضارباليه لحساب مابغاتش تدخل سيمون الدري لي كان معاها حيت هي السبب الأول والأخير فلي وقع حيت بغات بإرادتها تدخل للقصر تاحد ماحط عليها السيف وكيبقى هدا انتقامها)مكنعرفش سميتو…

نزار:(زير على فكرو)رااه كتزيدي ت—/يها على -/-ك إذا اعترفتي العقوبة غادي تخفاااف…

ابتهال:(بملامح جامدة)مكنعرفووش

نزار:(ضرب فالطبلة معصب وخرج مشى لبيرو حل لباب ونطق)مااابغات تنطق بتاااكلمة وباش كملاتها ماااابغاتش تعترف بسمية هداك لي كاااان معاها

ليث:(مسح وجهو بغضب)دبا شنو الحل….?

نزار:(شاف فيه)خاص لوكاس يتنازل على الدعوة

ليث:ويلا متنازلش..?

نزار:(بأسف)غادي دخل للسجن وأقل عقوبة هي 3سنين وتقدر توصل تال10 سنين

ليث:(حل عينيه بصدمة وناض وقف معصب ميمكنش دخل للحبس ماصدق تالقاها ودبا غاضيع منو تاني مستحيييل)ضروررري ميكون شي حل(بقى غادي جاي معصب ونطق)دبا شنو غاديرو معاها

نزار:غادي نديوها للحبس على ما دوز قدام لمحكمة…

ليث:(ديك ساعة جبد تيلي وعيط للمحامي ديالهم عمرو خسر شي قضية وكيتمنى حتى قضية ليزا يربحها…)

#عند_نجود…

(وقفات لوطو قدام لڤيلا ديالها هي ولوكاس وتمات داخلة عيطات لكارد خرجو لباليزات حلات لباب وطلعات لبيت دخلات وسمعات صوت فالحمام ديال دوش عرفات لوكاس كيدوش سمعاتو سد الرشاشة وتخبات فدريسينج تسناتو تاخرج وجات كتسلت موراه وعنقاتو)

لوكاس:(ضار غير شافها تصدم وضحك)ههه ميمكنش

نجود:(تلاحت عليه معنقاه)توحشتك…

لوكاس:(معنقها وباسها فعنقها)انا كتر منك الكبيدة(شاف فيها)ياك كنتو غاتجيو تالغدا فالليل

نجود:(هبطات من عندو وهزات كتافها)معرفتش كنظن كاين شي مشكل فالشركة حيت خويا معصب بزاف سيفطنا مع هود وهو معرفت فين مشى

لوكاس:(ضحك)مشى باش يعتق ابتهال…

نجود:(بعدم فهم)كيفاش..?

لوكاس:(كايقيس فشعرها)ابتهال هي لي ضرباتني بالفردي

نجود:(بصدمة)كيفااااش

لوكاس:كيف سمعتي ابتهال عندها علاقة مع ڤيكتور دخلات للڤيلا مسلتة وسرقات شي وثائق ديالي وضرباتني بالسلاح…

نجود:(باقا مصدومة ماتيقاش)لاا ميمكنش غادي يكون شي خطأ هي معندها تا علاقة بڤيكتور بالعكس مكتحملوش كنشوفها كيفاش كتقمع فيه منين كانت فعيد ميلادي وفالمكسيك لا لا مستحيل تكون هي ألوكاس…

لوكاس:راه شفت تسجيلات لكاميرة وشدوها منين كانت فلاكاب دالقصر….

نجود:(جلسات فناموسية مصدومة ومامتيقاش كانت كاتبان ليها انسانة هادئة ومسالمة ماشي سراقة وفنفس الوقت ضربات لوكاس بالفردي وبقات فيها قسم شنو غادي يوقعليها..?)وقسم بنتها مسكينة شنو غادي يوقع ليها لوكاس واش نتا لي ديكلاريتي بيها…?
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت169

لوكاس:اه انجود شنو واش بغيتيني نخليها حرة…?وهي حاولات تقتلني…(صونا تيلي ديالو وهزو)انا غنمشي للقصر ارتاحي شوية غدا غادي يجيو شي بنات ويجيبو معاهم كساوي دالعرس متنسايش بعد غدا غنتزوجو (غمزها وباسها فحنكها وتم خارج)

#عند_ابتهال

(تحلات باب الزنزانة ودخلات بقات كتشوف فيهم وحدة وحدة كل وحدة قرات شخصيتها كيف دايرة غير من عينيها وشكلها تمات داخلة بشوية عليها وكتشوف فيهم بملامح جامدة وفالداخل كتقول ياربي تهدر معايا شي —-ة ليوم نبرد فيها لغدايد بقات غادة وهي تبانليها بلاصة خاوية قربات وكتشوف فليزار والخدية باش تعرف واش ديال شي وحدة ولا خاوية مابانتليها تاحاجة محطوطة تما وجلسات حاطة ظهرها على لحيط غمضات عينيها وكتفكر فهدشي كامل لي وقع صافي ليث عرف حقيقتها وعرف قسم بلي بنتو السر لي كانت مخبياه سنين هادي صافي تكشف تعاودات فمسامعها هضرتو وجسمها اقشعر منين تفكرات ملامستو ليها منين عنقها منين زير على يديها وقالها غادي نخرجك انا لقيتك منبعد هاد السنين كاملة مغاديش نفرط فيك معرفاتش راسها واش غادي تخرج ولا لا كيفاش غادي تعيش هنا إلا حكمو عليها بالسجن ويلا خرجات كيفاش غتكمل حياتها وقسم كيفاش غادي تقبل الحقيقة قاطع أفكارها غير شي حاجة تحطات على حنكها حلات عينيها لقات امراة كبيرة شوية وصابغة شعرها فالأحمر ملامح مشمكرة وكتمدغ فالمسكة)

~~:الزين هادي بلاصتي

ابتهال:(حيدات الموس بصبعها وناضت كتشوف فالناموسية وكتقلب هزات كتافها وجلسات بلا مبالاة نطقات ببرودة)مالقيتش سميتك مكتوبة…

(لعيالات لي تما ضحكو وهي مارضاتش وغوتات)

~~:سكتووووو أبنات ل—ب ونتياااا(قربات ليها)نوضي ت^^/دي من هنا ولا غادي نخسرليك هاد لوجه لي فرحانة بيه(حطات لموس جبهتها وجرحاتها شوية)

ابتهال:(بخوف مصطنع)لا بعدي مني عفاااك

~~:(ابتاسمات عاجبها الحال تشوف بنادم ضعيف قدامها)علاش احبيبة خايفة على راسك…

ابتهال:لا(ضحكات)خايفة عليك نتي(ناضت عندها قاجاها دغيا طيرات ليها لموس وهزات ركبتها عطاتهالها للكرش زواتها وجابت للموس حطاتو فوق وجهها ونطققات مزيرة على سنانها)سمعيييني ابنت ال—ة غادي ت^^/دي عليا حسن ليك باش منوريكش وجهي لااااخر حيت متأكدة مغاديش يعجبك(باقا قاجاها ولاحتها فالأرض بحقارة وجلسات فبلاصتها بكل هدوء كأن شيئا لم يقع ولبنات لاخرين كلهم بقاو كيشوفو فيها وكيفاش قدرات تضربها حيت حاكمة فيهم دايرة فيها هي صعصع ديال الزنزانة قربات عندها وحدة وابتاسمات معاها)

~~:سلام..انا لينا مرحبا بيك معانا..(مدات يديها)

ابتهال:(كتشوف فيها وتفحص فعينيها وملامحها كتحاول تقرى افكارها بانتليها ظريفة وداخلة سوق راسها مابغاتش تخليها بلاكة وسلمات عليها بلا متكلم)

~~:(شافتها ساكتة عرفات انها من النوع لي مكيهضرش بزاف ناضت ومشات جابتليها غطاء حطاتوليها حداها ابتاسمات معاها ومشات)

ابتهال:(كتلعب بالموس وكتشوف مخنزرة فديك خيتي لي ضرباتها ناعسة قدامها من الجهة الأخرى بانتليها مكمشة وشوفة مكطولهاش فيها عرفاتها خايفة ودكشي نيت لي بغات حطات رجليها فوق ناموسية ومتكية على لحيط ساهية رجعولها جميع ذكرياتها مع ليث محساتش بالوقت تالقات الصباح طلع وهي باقا فايقة تقادات بلاصتها وغمضات عيينها كتحاول تنعس)

أصبحنا وأصبح الملك لله🌞🌤

(فاقت ابتهال على شيحد كينغز فيها حلات عينيها وهي تلقى ديك الحارسة دالسجن ناضت ونطقات)شنو بغيتي

حارسة السجن:(كتقلب فحوايجها وفناموسية)وصلاتنا لخبار أنه عندك موس حسن ليك تجبديه بلا ماتصعبي عليك الأمور

ابتهال:(شافت فديك خيتي دلبارح لقاتها كضحك ونطقات)
معندي حتى موس وكنظن راك قلبتي وملقيتيهش سيري قلبي عليه عند هاديك لي وصلاتليك لخبار…

حارسة السجن:(تمات غادة عند ديك خيتي ونطقات)زوليمااا نوضي وقفي

زوليما:(ناضت معصبة)علاااش جاية عندي انا سيري عند ديك خيتي راه هيا لي عندها لموس

حارسة السجن:(بقات كتقلب فناموسية وهي تلقاه تحت خديتها وهزاتو)شنو هذااا ازوليمااا

زوليما:(بلقات عينيها بصدمة وضارت كتشوف فابتهال)لااا راه هي لي دارتووولي هنا مااااشي ديالي

حارسة السجن:(كتشوف فيهم بزوج)واااش غنبقى لعب معاكم غميضة دياااالمن هاد لموس

زوليما:(شيرات لابتهال)ديااالها

ابتهال:(تقدمات عندها وكتهضر مع السجينة)واش كظني وحدة جات لبارح فالليل غادي يكون عندها موس منين غنجيبو متلا..? وبلا منهدر اكيد غادي تكوني كتعرفيها شنو كتسوى منين جيت هي لي حطات لموس على وجههي وجرحاتني فجبهتي (هزات سبابتها كتوريها)ولبنات هاهما شاهدين(ضارت عندهم كتسنى شي وحدة تهدر وشافتهم كلهم ساكتين حانيين الراس غمضات عينيها بغضب…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت170

غمضات عينيها بغضب….نطقات)حيااتكم كااملة ونتوما كتخااافو منها تشجعو ولو غير مرة وحدة فحياااتكم نتوماااا ماشي عبييييد ديالها باش تخافو منها وطيعوها
(كلهم شافو فبعضياتهم عندها الحق من نهار دخلو للسجن وهي كتحكم فيهم وضربهم وديليهم فلوسهم وحوايجهم كيطيبو ليها تامن حوايجها كيصبنوهوم نطقات وحدة)

“”””:لبارح زوليما هي لي هزاات الموس على هاد لمراة وقاتليها تنوض من بلاصتها واخا هاديك ماشي بلاصتها…(نطقات وحداخرا)

+++:عندها الصح زوليما لي بغات تعدى عليها هاد لمراة جديدة مدارتليها والو

حارسة السجن:(اخنزرات فزوليما اصلا عارفاها شيطانة من نهار جات وهي كتنوض فالمشاكل ونطقات)ديك الخطرة قلتيلي نعطيك فرصة اخيرة ودبا تاهاد الفرصة ضيعتيها غادي نحولك من هاد الزنزانة ولكن قبل غادي دوزي سيمانة فالسجن الإنفرادي(دارتليها لمينوط وخرجاتها وهي كتغوت وتخسر فالهدرة غير تسدات باب الزنزانة ضارو لبنات عندها كيشكروها حيت هناتهم من كابوس حياتهم والعافية لي رضات حياتهم جحيم جلسو فطرو مجموعين وابتهال غير كتنقب قلبها مع بنتها توحشاتها عمرها ما بعدات عليها ولا باتت فبلاصة وحداخرا)

#عند_نجود…

(فاقت نجود على شي حاجة كتهرها فرجليها حلات عينيها منزعجة وهي تضحك فور ماشافتو )لوكاااس هادي هي صباح الخير

لوكاس:(تم جاي حداها كيضحك وقرب لشفايفها باغي يبوسها وهي تهرب من حداه نيشان للحمام ناض تبعها وهي تسد لباب بقى كيضحك وكيدق فالباب)غييير بلاتي علي دين–مك مابقى والو غدا غادي نفدي فيك هدشي كااامل ألالة نجود….

نجود:(كتسمع وضحك عليه طلقات الدوش وغسلات شوية وخرجات بلبينوار وكتنشف شعرها قلبات عليه مالقاتوش تهنات ومشات دريسينج لبسات دوبياس ديالها فالازرق وكسوة بسميطات فلكحل ولبسات سندالتها ديال الدار طلقات شعرها نشفاتو بالفوطة وهبطات تفطر غير سالات وتمو داخلين البنات من محل كساوي دالعرايس عيطات لجوليا باش تختار معاها شوية ووصلات جابت معاها قسم باش تنسيها شوية فابتهال وتفادى اسئلتها لي معندها ليهم جواب بقات نجود كتقيس فوحدة وتحط لوخرى حمقاتهم وهما دايريين ليها فوق الخاطر وعلى شنو راه لوكاس مخلصهم زبابل دلفلوس وهدشي باقي ماشرات نجود لكسوة بقات كتقيس حتا اختارت وحدة غزالة كتافها طايحين ومزيرة من الفوق كلها كتلمع بالأحجار الكريمة والمجوهرات ومن لتحت منفوخة وطويلة من اللور جوليا عجباتها وبقات كتبتسم وتخايلات راسها فديك الكسوة وهود فجنبها وقابطة فيه هذا حلم كل بنت شي نهار تاهي تزوج بحب قلبها وتبني عائلتها الصغيرة ودير وليدات…نغزاتها قسم)

قسم:(مدلية شنايفها)طااتي جوليا بغيت ماما عيطيليها نسمع صوتها عفاااك

نجود:(بقات فيها ونطقات)قسوووم فخبارك بلي غدا العرس ديالي شنو بالك تكوني المرافقة ديالي

قسم:(هزات حجبانها بقلق)متحاولوش تنسيوني بغيييت ماما(بداو عينيها كيدمعو وجوليا كتهدنها)

جوليا:قسم بنتي ماماك سافرات للجزيرة تاني باش تكمل واحد الخدمة غتبقى تما مدة قصيرة حيت وقع واحد لمشكل فالتصاميم وراكي عارفة فديك لبلاصة ريزو قليل مكيشدش منين كنعيط عليها غادي ترجع كنوااعدك اصلا هي ميمكنش تعطل على بنتها الكتكووتة ياك عارفة هدشي…

قسم:(حركات راسها ومسحات دموعها)مامي كتبغيني بزاف وهي واعداتني انها عمر غادي تخلى عليا…

نجود:(قالت لقسم تخرج تلعب برا فالجردة حيت عندهم أرجوحة ووصات وحدة من الخدامات تبقى معاها ونطقات)بقات فيا بزاف فخبارك بلي ضربات لوكاس بالفردي هادي تقريبا شي شهر ونص قبل مايعرفو راه عندي علاقة معاه ودبا راها فالحبس…عليها جينا لبارح حيت جاو لبوليس وشدوها

جوليا:(حلات عينيها بصدمة)لااا ميمكنش شنو كتقولي وشنو بينها هي ولين لووكاس..?

نجود:(هزات كتافها بمنعرف)معندي حتى فكرة على هاد الموضوع حتى نسول ليث دبا واش جاتني هاد الكسوة زوينة صافي نختارها هي..?

جوليا:(حركات راسها بآه)جاتك غزالة هادي حسن من لاخرين

نجود:(ابتاسمات معاها وقاتليهم بلي اختارت هادي خلاوهاليها خرجو تغداو مجموعين ومنبعد مشاو للڤيلا عند مهم)

#عند_ليث

(كان جالس فالسجن وكيشوف فالباب كيتسنى ليزا تخرج)

ابتهال:(قالولها عندك زيارة وتمات غادة وكتسائل شكون واخا قلبها عارف حلولها الباب ودخلات فواحد القاعة كبيرة وفيها قضبان⛓ فاصل بين السجين والطليق شافت ليث زيرات على قبضة يديها وتمات غادة عندو..)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت171

ليث:(بانتليه شي حاجة فجبهتها قرب ليها وحيد شعرها من على وجهها لقى جرحة ولكن مغرقاش وسع عينيه)لييزا ماالكي فجبهتك..شكون ضربك….

ابتهال:(بعدات عليه ونطقات)قسم كيف دايرا

ليث:(باقي كيشوف فجبهتها)منين تقولي مالك فجبهتك ديك ساعة غادي نحاوبك

ابتهال:(اخنزرات فيه)متلعععبش معايا ونطق كييف دااايرة بنتيي

ليث:(قرب عندها)بنتنااا…

ابتهال:(مزيرة على قبضة يديها وضحكات بسخرية)عاد ولااات بنتك ياكما نسيتي نهار نكرتيها وقلتيلي سيري قلبي على شكون بااااهاااااا دباا عاد جااااي كاتقولي بنتك..

ليث:(جبدات عليه الماضي وفكراتو فأكثر حاجة باغي ينساها)

ابتهال:(بسخرية) هاااااديك ماشي بنتك ونتا ماشيي باها انا جبتها من الزنقة…

ليث:(حشى يديه وقبطها من ذراعها مزير عليها بغضب كبير)نقتلككككك لاعاودتي قلتي هاد الهدرة اليزااااا

ابتهال:(نترات يديها ونطقات)علاااش نتاااا مقلتيهاااااش بفمك

ليث:(مزير على لحديدة)ديك الساااعة كنت معصب كيفاش بغيتيني نتيق أنك حاااااملة مني مور ما اكتاشفت بلي نتي كنتي خدااامة فالمافيا مع أعدائي وخوياااا مات قدااااامي بسباااابكم ومن لفوق كنتي دايراااني لعبة باش تبقاااي توصلي ليهم لخباااار كنتي فعيني غدارة….

ابتهال:(كتسمع لكلامو وتغدد ونطقات مزيرة على سنانها)ديك لغدارة هي لي عتقااتك فآخر لحظة كون مكنتش أنا كون كنتي نتا لي مشيتي للحبس ماشي آرثر نقذتك نتا وهود والشركة دياالك ومفكرتش فرااااسي وفشنو غادي يوقع لوحدة خاانت المافيا مصيري كان هو الموت ولكن أنا فكرت غير فيك نتا وفالمقااااابل باش جازيتيني(نطقات بألم وعينيها حومر)مخليتينيش نهدر ضربتيني وجرحتيني بكلامك ووشكيتي فشرفي ولحتيني للزنقة فحال الشياطة (غوتات بألم)فديييييك الأرض لي لحتيني فيهااااا تماااا فين حفرت قبر ودفنت فيه ليزااااا سمعتي ولا لاااااا قسم بنتي انا لي ولدتها وكبرتهاااا وتعذبت عليها ماااااشي نتاااا

ليث:(هي كتهدر وهو كيسمع ومغمض عينيه بألم قلبو كيضرو وضميرو كيأنبو هدشي كامل لي قالت صحيح الندم كياكلو وقبط فيديها مزير عليهم ونطق بحزن)كنت معصب بزاف مقدرتش نتحكم فرااسي ومكنتش عااارف شنو كندير نتي كتعرفيني منين كنكوون معصب كيفاش كنكون…

ابتهال:(هزاه راسها بآه)كنعرفك كتر من راسي ونهار جريتي عليا رجعت لاغدليه وكان عندي امل انك تسمعلي ونحلو مشاكلنا ولكن نتا شنو درتي(سكتات شوية ونطقات)جريتي عليا للمرة التانية

ليث:(حرك راسو بلا بهستيرية)لااا منين جا عندك لكارد وقاليك ديك الهضرة تنادم معايا الحال وخرجت قلبت عليك وملقيتكش تيقيني اليزا مكنكدبش عليييك كنت باغي نسمعليك ونعطيك فرصة ولكن ملقيتكش تيقينيييي..عفاك(قابط فيديها بزوج ومعنقهم)

ابتهال:(بحزن)تيقتك

ليث:(موسع عينو متافجئ)صدقتيني?

ابتهال:صدقتك(حطات يديها على حنكو)كنت كنبغي واحد راجل وكنت كنتيق فيه ومن ديما كنت كنتيق فيه كتر من راسي تقت فيه نهار داني للبحر وحطيت رجلي فالماء واخا عندي فوبيا تقت فيه نهار هبطنا من الطيارة بلاباراشوت فأصعب مخاوفي تقت فيه ولكن هو لا(غمضات عينيها بألم كتحاول تطفي العافية لي شاعلة فقلبها عينيها حومر مدمعين)متيقنيش وخلاني حياتي كاملة كنألف قصص على بنتي منين كتسولني على باباها(بحدة)كون بغيت كون كرهتها فيه ولكن لاا,رسمت فمخيلتها صورة زوينة لدرجة تيقتها فأحلامي وتمنيتها كون كانت بصح…علاش أليث علاش

ليث:(قلبو مزير وحاس بحرقة فيه هاديك نار الندم عينيه بحر من الدم ومدمعين قرب ليها وعنقها من خصرها)خلينا ننساو لي فات اليزا عمرك مشيتي من حياتي من داك نهار…صورتك قدام عينيا ديما حوايجك باقيين فبيتنا عمري بدلت شي حاجة فيه باقي كيف ما خليتيه اليزا عمري نسيتك…وباقي(نطق بألم ونزلات من عينيه دمعة حاملة معاها هموم قد الجبل ووجع قديم تفتح وندم كبير)كنبغيك…

ابتهال:(كتشوف فعينيه وكتحاول تمسك دموعها مسحات دمعتو وابتاسمات بحزن)أنا مالقيت تاحد يمسحلي دمعتي منين كنت نبكي ونتوجع ونتفكر كلامك لي محفور فقلبي عمري نسيتو وعمري غادي نساه…

§|ويبقى أوجع إحساس عندما تكتم دموعك🥀 في الوقت الذي يجب عليك البكاء😔 تحس بغصة مؤلمة في حلقك وكأنك قنبلة ستنفجر في أي لحظة💔…|§
#من مذكرتي أنا آية 🦋

ليث:(زير على عينيه ونطق)خلينا ننساو لي فات أليزا نتي غلطتي وأنا غلطت وكل واحد فينا خلص ثمن أخطائو…

ابتهال:(ضحكات بألم ودفعاتو عليها ونطقات بالغوات معصبة)وأنا لي خلصتوووووووو غاااااالي ومتقدر توصل لدكشييييي لي عشت حتى للتلت منو وعمركككك غاديييي تحسسسس بدكشي لي دززت منوووو عمررررررررك….نهاااار كنت كنولد كنت كنقسم بلي عمرييييي غااادي نساااااامحك ومنين تزااااادت بنتي سميتها قسم وهي القَسَمْ لي عمرو غادي يتخلف ولي غيبقى ديما واااقف فطريقنا وعمريييييي غادي نسااااااامحليك ودنوبي غيبقاو فرقبتتك إلى يوم الديييين
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت172

ليث:(مصدوم من كلامها عاد كانت كتهدر معاه بهدوء لكن أن الظاهر كان هدوء ما قبل العاصفة شافها فحال البركان لي سنين وهو كيغلي ودبا انفجر شاف فعينيها قوة رهيبة وحقد كبير مشافش الضعف ومشافش الحب بانتليه البردوة فعيينها فحال الثلج وشاف كره كبير وجرح عمييق غمض على عينيه بألم منين شافها دقات الباب وخرجات الحارسة داتها للزنزانة ضرب فديك لحديدة بكل قوتو مع غوتة خارجة من القلب كتحمل ألم عميق وندم قد الجبال سمعات لغوتة ودارت ونطقات)مزال غادي تندم مزيان….(داتها الحارسة للزنزانة دوزات نهار كلو وهي متكية وكتفكر فكاع لي جرى من اول وجديد تاوصلات العشية جات عندها ريتا حيت عيطاتليها هضرات معاها ودخلات شوية وجى عندها المحامي باش يشوفها ومخرجاتش عندو من ديما وهي بوحدها وحتى دبا غادي تنقذ راسها بوحدها )

#عند_ليث

(نهار كلو وهو فالجرف دالبحر ضحك نهار تفكر…)

#فلاشباك…

ليث:(خرج ومشى للجرف فين كيرتاح فطريق الغابة شاف لوطو وحداخرا خارجة من تما فلكحل كان غيدخل فيها قلب الدورة دغيا شوية ويدخل فالشجرة مشات من حداه وخرج من لوطو معصب شاف فنمرة ديالها وبدا يسب ويعاير ويخطي)—/وي وااااشوف قدااااامك أز–/ي يحرق أصل مك فهاد النهار(ركب فلوطو وتحرك للجرف هبط وبقا متكي على لوطو كيتسمع غير صوت لمواج لي كتضرب فالحجر وصوت البومة وريح خفيف كيلامس وجهو…)

#الرجوع_للواقع…

(كانت هي لي دازت من حداه ومعرفهاش شاف نمرة دلوطو ديالها قدام الشركة بصدفة وتعجب حيت الأرقام فحال ديال هاديك لوطو لي كانت غادخل فيه وفاللخر نهى النقاش بأنه ممكن يكون تخالطولو الأرقام…كانت قدام عينيه كاع هاد الوقت علاش معرفهاش انها هي ليزا كان ممكن ميخليهاش طيح فهاد المشكل لي هيا فيه..شاف فالساعة لقاها 9دليل وتحرك للڤيلا دخل وهي تجي عندو قسم ابتسم معاها وهزها..)

قسم:(عنقاتو)عمو ليث معيطاتش ليك مامي

ليث:(مكرهش يقولها أن باباك ويسمع من فمها كلمة بابا ولكن معندو مايدير خاصو يصبر هاد الموضوع خاص يهدر معاها فيه هو وابتهال…)عيطاتلي الكتكوتة وقاتلي بوسلي قسم بوسة كبيرة(وباسها فحنكها معنقها وكيشم ريحتها تم مدخلها للصالون لقى نجود واقفة كتسلم عليهم)زنطيط الفار صافي غادة..

نجود:(جات عندو وعنقاتو)خويا…غادي تجي غدا ياك…?

ليث:(غمض عينيه بغضب)نجوووود مستحيل نجي ونشوفك كتزوجي بدااااك الحيوان حيت غادي نقتلك نتي وياااااه

نجود:(تقلقات ونطقات)خويا عفاك هدشي راه فمصلاحتي ومصلاحتنا كاملين…

ليث:(قاطعها)مصلاحتنا تمشي تزوجي بلي قتل خوووووونا….(عيط للخدامة وجات دات قسم)

نجود:(بغضب)بااه لي قتل خوياااا مااااشي هو لوكااس تبدل ماااابقاش كيف كان ومستعد يدييير اي حاااااجة على قبلي

ليث:(بحدة)لهاد الدرجة كتيقي فيه…مخايفاهش شي نهار يغدرك ويخوونك حيت هادي هي خدمتو واحد مراوغ سفاااح وقتاااال نتي وسختي شرفك وشرفنااا وشرف الواااليد وخويا وعايشة معاه بلا زواااااج فين دييييينك انجووود فين إسلاااامك معارفاش هدشي حرااااااام ومن الفوق باغا تزوجي من واحد يهوووودي مكيعترفش بالله

نجود:(بلغوات)نهار مشيتي وخليتيني فالقهوة هو لي وقف فجنبييييي وعاوني ومتخلااااااش علياااا وواخا كنت عااااايشة معااااه عمرني خليتووووو يقرب لياااااا لوكاس بعد على الشراااااب والمخدرااات ومنين غادي نولد غااااادي يبعد حتى على المافيا وغادي يسلم

ليث:ماااااشي انا لي خلييييتك نتي لي تخليتي علياااا وتخليتي على عائلتك خيرتك بيني وبينو ونتي اختاااااريتيه هو واخا منطقتي بتاااااكلمة عينيك قالو كووووولشي…

هود:(تم جاي عندهم)نجود عفاك متزوجيش بيه وبقاي معانا هنا

نجود:(بعينين مدمعين)علاش مااابغيتوش تفهموني وتوقفو معااااياا انا كندير هدشي باش نصلح خطئي مابغيييتش ولدي يكبر بلا أب

ليث:(بسخرية)دغياااا نسيتي شنووو دارليك ياااك كان كيضربك وهرسك فيدييييك واغتااااااصبك وواخا هدشي كامل باقااا كتبغيييييه واش معندكش النفس…

نجود:(غمضات عينيها بألم هدرتو جرحاااتها نزلو دموعها شافت فيه بحدة)على الأقل أنا منين حملت اعترف بيه ومنكرنيش وهزني بسناانو ماشي فحالك جريتي على مرتك فنص الليل وهي حاملة بولدك..

ليث:(هضرتو قاست الجرح لي باغي يداويه ضرب الباب بيديه تاتحفرات تما وغوت بألم)من اليوووووووم نسااااااي شي واااااحد سميتوووووو ليث(مشى من حداها كيف الرعد خلاها كتبكي وتشهق)

صباح:(قربات حداها عنقاتها)متزوجيش بيه انجود الله يعطيك الستر انا مكنتيقش فيه منقدرش نأمنك عليه

نجود:(شافت فيها بعيينن حومر مدمعين)عفااك اماما ماديريش تانتي هكااا فهميني عفااااك

صباح:(بعدات عليها ونطقات)إلا خرجتي من هاد الدار ومشيتي تزوجي بيه…(ببكاء وغصة فحلقها)مانتي بنتي ما أنا مك….
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت173

نجود:(حلات عينيها بصدمة مامتيقاش شنو قالت علاش تاحد ما احترم قرارها علاش تاحد مافهمها كتبغي لوكاس متقدرش تبعد عليه وواخا تبعد هو عمرو غيتفرق عليها غادي يعيشها تاني فالعذاب ومغاديش تعيش حياة طبيعية وتاحد مغادي يقدر يوقفو عند حدو ويلا متزوجاتش بيه شنو مصيرها….صمعتها غاطيح للأرض ومهنتها لي كانت حلمها من الصغر غاطير قدام عينيها غادي تربي ولدها بوحدها ومنين يكبر شنو غادي تقولو…?نتا ولد لحرام…وكيف عائلتها مفهماتش باش كتحس والسلبيات لي غادي ينتجو إذا متزوجاتش بيه تاهي غادير لي فراسها وقفات وشافت فيهم شوفة اخيرة دموعها هبطو هزات صاكها وخرجات بقات كتفحص لڤيلا مزيان اكيد عمرها غادي ترجع تاحد مابقى باغيها فحياتو نزلو دموعها وركبات فلوطو نيشان للدار وصلات ودخلات طلعات نيشان للبيت ودخلات للدوش طلقات الرشاشة وجلسات فلبانيو وكتبكي وتشهق سمعات الدقان)

لوكاس:(كان فالمكتب ديالو حتى قالتليه الخدامة أن نجود جات وكانت كتبكي دغيا طلع سمع صوت بكاها من الدوش وبقى كيدق)نجوود شنوووو واقع ليك علاااش كتبكي….

نجود:(معنقة رجليها وكتبكي)بسبابك خسرت كلشي اهئ اهئ اهئ

لوكاس:(بعدم فهم)نجووود شنو وقع تاني هدريي متصعرينييييش

نجود:(مزيرة على عينيها بالم وكتشهق)ما.ما تبرات مني اهئ اهئ وخو..يا قالي نساه وهود حتى هو اهئ اهئ كلهم كيكرهوني ألوكاس اهئ اهئ انا مابقا..تش عندي عائلة اهئ اهئ

لوكاس:(زير على قبضة يديه)أنا هوو عائلتك دبااااا سمعتي… نساااايهم كيف نساااوك (سمعها مجوباتوش وبقى كيدق فالباب) نجووود حلي الباب نجووووو (مزال مكملها تاشاف لباب تحلات وخرجات بلپينوار وجهها حمر وعينيها منفوخين وكتشهق بقات فيه وعنقها)

نجود:(تحشات فيه وبقات كتبكي وتشهق تافشات قلبها وبعدات عليه كتمسح عينيها)

لوكاس:(باسها فعينيها ونطق)سيري بدلي حوايحك ويالاه نخرجو(شافها ساطت غادي ترفض ونطق مزير على فكو)غاااادي تمشي وتلبسي حوااايجك باش نخرجو (تسناها حتى جات وخرجو مشاو تعشاو برا وتمشاو حدى البحر على الاقل رسم الضحكة على وجهها رجعو للدار ونعسو غدا نهار مهم كاين العرس وكاين المحاكمة دابتهال)

أصبحنا وأصبح الملك لله🌤🌞

#عند_ابتهال…

(فاقت فالصباح فطرات وبدلات حوايجها لي جابتهم ليها ريتا لبارح شوية ودخلات الحارسة دالسجن وعلماتها بلي عندها زيارة)

ابتهال:(تمات خارجة وكتوجد فالسبان والمعيور لليث عارفاه هو لي غادي يكون جى حلوليها الباب وتمات داخلة تاتصدماات منين شافت…)

لوكاس:(كيبتسم شافها قربات ليه ونطق)مدام ابتهال صراحة مجاتش معاك هاد لبلاصة(بسخرية)

ابتهال:(ببرودة ووقفات قدامو ونطقات كتبتسم)جيتي تفاوض معايا ياك…

لوكاس:(هز حاجب)فاش غنتفاوض معاك مثلا…

ابتهال:(قربات لعندو وحطات راسها على لحديد لي فاصل بيناتهم ميلاتو وضحكات تاتغمضو عينيها)إلا قدرتي تسكت ڤيكتور أنا متقدرش…

لوكاس:(ضحك بجهد)هههه الملفات عند ڤيكتور ماشي عندك نتي…

ابتهال:(ابتسامة باردة خفيفة)هو عندو غير النسخ ماشي الوثائق الحقيقيين…(غمزاتو)

لوكاس:(جمع ضحكتو مزير على فكو صدماتو بهاد المعنى حيت هما منين كيسنيو على عقد ولا اتفاقية ديما كايديرو النسخ ولكن هاد القضية سرية وكيعرفها غير هو وارثر و3درجال وحداخرين كاينين فالمافيا نيت نطق مغدد)شكون كيعاونك…

ابتهال:(كتشوف فوجهو كيف ولة حمر عروقو خارجين ومخنزر ابتاسمات وتمات غادة ونطقات)غانقوليك فالمحكمة…(مشات فحالها تسدات الباب خلاتو كيف الثور عينيه بحر من الدم معصب لأقصى درجة للمرة التانية كاديرها بيه لواتليه يدو بهاد المعنى جبد تيلي وعيط لڤيكتور جاوبو ونطق)كنتييييي عارف بلي ابتهال عندها الملفاااااات

ڤيكتور:(بعدم فهم)ككيفاش..شنو كتقول الملفات راه عندي…

لوكاس:(زير على عينيه بغضب)هزات من الملفات النسخ وعطاتهومليك وهي خداااات الحقيقيين

ڤيكتور:(ماحسي براسو منين ابتسم عجبو الحال وفنفس الوقت متفاجئ بهدشي لي دارت مكانش متوقعها ابدا طلع ذكية لهاد الدرجة ونطق)مكاانتش فخباااري ألوكاس كون مدخلتيهاش للحبس مكااانتش غادي تبغي تستعمل هاد الملفات ضددك

لوكاس:(قطع عليه معصب وعيط لكارد لايتون)سيروووو لدار ابتهال بغيتكم تقلبوو على الوثائق لي تسرقو قلبوووو الدار كاااملة سمعتي ولا لاااا…(قطع عليه معصب مستحيل يخلي امراة تلعب بيه كيف لكراكيز..)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت174

لوكاس:( قطع عليه معصب وعيط لكارد لايتون)سيروووو لدار ابتهال بغيتكم تقلبوو على الوثائق لي تسرقو قلبوووو الدار كاااملة سمعتي ولا لاااا….(قطع عليه معصب مستحيل يخلي امراة تلعب بيه كيف لكراكيز مشى للڤيلا سول على نجود قاتليه الخدامة راه مشات للطبيب باش تجيب التحاليل تحرك هو للقصر باش يشوف واش شركة تنظيم الحفلات وصلات حيت غايديرو العرس فالجردة لي قدها قد الخلا)

ابتهال:(دخلات وبقات كضحك هي ماكاتيق فتاحد ونهار سرقات الملفات هزات حتى النسخ ديالهم الحقيقيين طواتهم وحشاتهم فلبووط والنسخ دارتهم فضوسي بوحدهم باش يبانو حقيقيين وعطاتهم لڤيكتور فاللول منين قاليها ميمكنش يبلغ بيه حيت لوكاس هددو مابغاتش تبلغ بيه هي ويصدق ڤيكتور مشدود فالحبس مابغاتش تغدر بيه هكا دايرا هي عندها الكلمة دالرجال بقات ساكتة وكتسنى فيكتور يسرق الدليل من عندو ولكن دبا لا ميمكنش تبقى ساكتة حيت القضية متعلقة بحياتها وببنتها ومنين جات عندها ريتا عطاتها كود دلكوفر وقاتليها تهز السلاح والوراق تخبيهم عندها ونهار المحكمة تجيبهم ليها حيت ضروري لوكاس غادي يهجم على دارها ولبيرو لي فالشركة باش يقلب عليهم )

#عند_ليث

(الليل كامل منعسش كان فبيتو ساهر وكيشوف فلڤيديو لي بانت فيه ابتهال ضربات شي 2 كارد بالسلاح كيحاول يلقى شي حاجة لي تغطي عليها وفنفس الوقت كيفكر فختو لي غادي تزوج بلوكاس حط دكشي لي فيدو ودخل دوش خرج ولبس سروال كحل وقاميجة فالشيبي مفتووح قريب لبيض وصباط فالقهوي رش من ريحتو دار ساعتو وهبط لتحت لقاهم جالسين فالجردة)فين قسم..?

جوليا:(دايرة يدها على حنكها)راها باقا ناعسة…

صباح:(عيانة)ولدي واش ابتهال وقعات ليها شي حاجة..?خلات بنتها هنا ومكتعيط ماوالو…وقسم كتسول عليها مابغاتش تبقى هنا

ليث:(شبك يديه مع بعض ونطق)من اليوم قسم غادي تولي هادي دارها تانية (شاف فصباح)نتي جداتها(شاف فجوليا)ونتي عمتها(شاف فهود لي عاودليه الحقيقة كلها لبارح)ونتا راك عارف….

صباح:(بعدم فهم)كيفااش مفهمتش شنو كتقول اولدي…?

ليث:(تنفس بالجهد ونطق)قسم بنتي…

(صباح وجوليا حلو فمهم بصدمة مامتيقيينش)

صباح:(مزال ماستوعبات)ككي.فاشش عاود شنو قلتي…

ليث:كيف سمعتي الواليدة قسم بنتي…

جوليا:(بصدمة)وااش..كنتي على علاقة مع ابتهال….?

ليث:(سكت شوية ونطق)كانت مراتي را…

صباح:(وسعات عينيها وقاطعاتو)كيفاااااش واش كنتي مزوج بلا خبااااارنا

ليث:الواليدة خليني نكمل هدرتي راه ابتهال هي ليزاا…

جوليا:(بلقات عينيها)

صباح:(دايرة يدها فمها)شنو كتخربق اولدي ليزا كلنا كنعرفوها ماشي هي ابتهال..

ليث:(شاف فيها)ليزا دارت عملية تجميل وبدلات هويتها ورجعات سميتها ابتهال…

صباح:وعلاش دارت هدشي ….?كيفاش خبات علينا هاد الموضوع وعلاش غبرات هاد المدة كاملة

ليث:(هو براسو مفاهمش بزاف دلحوايج)ليزا ضربها شيحد فوجهها عليها دارت عملية تجميل وبالنسبة لقسم(شاف مطول فيها)راكي عارفة شنو وقع فديك الليلة جريت عليها ونكرت دكشي لي فكرشها…كلشي بسبابي

صباح:(بقد ما فرحات حيت قسم حفيدتها بقد ما تعصبات من ليث منين تفكرات لي دار وضربات فالطبلة)فين هي الرجووولة ديالك نجووود كاان عندها الحق فدكشي لي قالت…سمحلي أولد كرشي ولكن لوكاس طلع راااجل عليك…(شافتو غيهدر وحطات سبابتها على فمها)سكككت هدرتك دبا مغاتزيد مغتنقص(سكتات ونطقات)فين ابتهال..زعمة…ليزاا

ليث:(مزير على يديه)فالحبس اليوم غيحكمو عليها…

صباح:(بصدمة)اويليييي وعلااش

ليث:(مزير على سنانو)ضربات لوكاس بالفردي ودعاها..

صباح:(ضربات فحنكها مصيبة تلاحت على راسها تاني ناضت من حداهم بلى حتى كلمة وطلعات نيشان لبيت لي ناعسة فيه قسم وتكات حداها كتقيس فشعرها وتبوسها)

هود:(كيشوف فجوليا)شفتك كاع ماتصدمتي منين عرفتي ابتهال فالحبس…

جوليا:(كضور فعينيها)حيت كنت عارفة نجود لي قالتهاليا مهم انا خارجة (ناضت)

هود:(عاد بدى يطلع ويهبط فيها كانت لابسة سوفيطمة فلكحل فيها كتابة فلبيض من الجنب وسروال طايهوت فلبيض وبالغين فلكحل دايرة عكار ترابي وأيلاينر جامعة جزء الأمامي من شعرها اللور بقى غير مبلق عينو فيها فيين هيا جوليا دشحالهادي لي كانت ديما كتلبس فحال الدري وهو يبتسم بفقصة)لالة جوليا راكي مقادة هاد النهار…

جوليا:(جبدات تيلي من صاكها ونطقات بلا متشوف فيه)ياكما عجبتك اخويا هود(هزات راسها وابتاسمات قاصدة تفقصو دارت نظاظر دالشمس زاجهم فالأزرق ونطقات مع ليث)خويا أنا خارجة…

هود:(مخنزر)فين غادة..

جوليا:(جبدات تيلي كتهدر ومداتهاش فيه تمات خارجة)

هود:لااا زدتي فيه نتيا (تم نايض تابعها وهو يشدو ليث)

ليث:(وقف)راه باغا تعصبك بلعاني تهدن ويالاه نمشيو راه اليوم غايحكمو على ابتهال(غمض عينيه)ليزاا….
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت175

( خرجو وطلعو للوطو مشاو نيشان للمحكمة دخلو وجلسو فلكراسا على ما توصل نوبة شوية ووصلات ابتهال هز عينو لقاها لابسة سوفيطمة بيضة واسعة شوية وفيها شي وريدات صغار مفرقين فالفوز والصفر وسروال تجين طايهوت وسبرديلة بيضة طالقة شعرها ومبتاسمة بقى غير مبلق عينو السيدة مبردة فحالا غادا تسارى ماشي داخلة للمحكمة…بقى متبع ليها العين حتا دخلوها ودخل هو والمحامي شوية تم جاي القاضي جلس وكيتسنى محامي المدعي يتكلم)

المحامي:سيدي القاضي حضرات المستشارين موكلي لوكاس ثورن تنازل على الشكاية ديالو يعني مابقات تادعوة ضد السيدة ابتهال

(ابتهال شافت فريتا وابتاسمات كانت جالسة وقابطة الملف كتسنى ابتهال تعطيها الإشارة ابتهال كانت عارفة غادي يسحب الشكاية وبقات كتسنى قرار القاضي…)

القاضي:حكمت المحكمة حضوريا على السيدة ابتهال رغد بالبراءة (عطى الحكم وناض)

ليث:(ابتسم فرحان وعنق هود باقي مامصدق كيفاش لوكاس سحب الشكاية ??تفكر قبيلة ابتهال كيف كانت مبردة وكضحك يعني كانت عارفة غيحكمو عليها بالبراءة )

ابتهال:(جا بوليسي حيد ليها لمينوط ومشات معاهم للسجن مرة اخرى باش تسني شي وراق ويعطيوها تيلي ديالها وحوايجها لي داوهم ليها وصلات ومشات للزنزانة هزات دوك لحوايج لي جابت ليها ريتا وفرقاتهم على لبنات فرحو ليها بزاف واخا يالاه يوماين باش تعارفو لكن دخلات لخاطرهم تاهي دعات معاهم باش يتطلق سراحهم وخرجات هزات حوايجها وتيلي سنات لوراق حلولها باب السجن وتمات خارجة اول واحد شافتو هو ليث وهي تشوف ريتا جات عنقاتها)

ريتا:الحمد الله على سلامتك احبيبتي

ابتهال:(ابتاسمات)الله يسلمك ريتا شكرا على وقفتك معايا للمرة التانية كتنقديني شكرا بزاف(عنقاتها مزيرة عليها)

ريتا:متقوليش هكا كون مكنتيش عزيزة منديرش على قبلك هدشي مهم(شافت فليث وضحكات)سيري دوي معاه من قبيلة وهو كيتسنى فيك(عطاتها سوارت)جيت بلوطو ديالك باش تمشي فيها أنا خاصني نمشي نطل على ختي (سلمات عليها ومشات)

ابتهال:(تمات غادة ومكتشوفش فيه دازت من حداه وماعطاتو حتى اهتمام قبطها فذراعها مرجعها عندو نتراتها ونطقات)متبقاش تحط عليا يديك(اخنزرات فيه دغيا مشات طايرة وركبات فلوطو..)

ليث:(تبعها وبقى كيضرب فالزاج)ليزااا هبطي خلييينا نهدروووو

ابتهال:(مداتهاش فيه ومشات مكسيرية طايرة للڤيلا ديالو وصلات وهبطات تمات داخلة وهي تلقى قسم فالجردة ابتاسمات وغوتات باسمها حيت بعييدة)قساااااام

قسم:(كانت جالسة فدوك لخديديات لي محطوطين فالربيع مقلقة وكتفكر فماماها غير سمعات صوتها ضارت وغوتات بفرح)ياااس مااامي جيتي(مشات عندها كتجري وكضحك تلاحت عليها معنقاها)

ابتهال:(مزيرة عليها وكضورها وتضحك وتشم فريحتها توحشاتها) اححح وشحاال توحشتك

قسم:(معنقاها ومزيرة عليها فحالا خايفاها تهرب)مامي عفااك متبقايش تمشي وتخليني عفااك

ابتهال:(هزات راسها وقبطاتها من ذقنها كضحك)وعد اقسومتي قطيطتي مغنعااودش..(بقات كتبوس فيها وتعنق تمات داخلة للڤيلا دقات وحلاتليها الخدامة)طلعي جيبيلي حوايج بنتي عفاك

كلارا:مدام سمحيلي ولكن شكون نتي…

ابتهال:(عرفاتها مغاديش تكون عقلات عليها ونطقات)انا الأم دقسم وجيت نديها جيبيلي باليزتها(تمات غادة الخدامة وهي تشوف صباح هابطة)

صباح:(متفاجئة)ابتهال على سلامتك…واخا معرفت نقوليك ليزا ولا ابتهال…

ابتهال:(كانت متأكدة ان ليث عاودليهم الحقيقة ونطقات) سميتي ابتهال رغد ألالة صباح وشكرا حيت قابلتو بنتي فهاد المدة دبا غادي نديها..

صباح:(بغضب)قسم بنتنااا تاحنى فين باغا ديهاااا

قسم:(بعدم فهم)مامي شنو قالت طاتي صباح كيفاش انا بنتهم

ابتهال:(اخنزرات فصباح وضارت عند قسم)قصدات زعما كتعتبرك فحال بنتها(شافت الخدامة هابطة وجارة 2 باليزات ديالها ودقسم مشات عندها وقبطاتهم من عندها وتمات غادة وهي تلقى ليث داخل)

ليث:(كيشوف فيها عرفها غادي تدي قسم)ابتهال خاصنا نهدرووو

ابتهال:(جارة لباليزات وقسم حاشياها فجنبها)انا دبا عيانة وتوحشت بنتي تال منبعد

ليث:(زير على ذراعها وكيهضر مزير على فكو)ابتهااال خاصنااا نهدرو قسم بنتي تا انا(نطقها بالروسية عارفها كتفهمها وفنفس الوقت باش متفهمش قسم وعاود هضر عادي بداريحة)ميمكنش تمشي

ابتهال:(ضرها فدراعها ونترااتها بجهد مخنزرة فيه)قتليك أنا مامسالياش دبا(مشات من حداه وخرجات من لڤيلا طلعات لووطو منبعد مادارت شانطات فلكوفر وتحركات نيشان للدارها وصلات يالاه بغات تدخل وهي تلقا الباب مفروعة عرفات بلي لوكاس غادي يكون جى لهنا كانت متأكدة حيت ضروري غايجي يقلب على الملفات دغيا خبات قسم موراها بلا ماتقشع والو)قسم بنتي غنمشيو للوطيل دبا

قسم:(باستفهام)وعلاش..?

ابتهال:(كتفكر)هييي مقتليكش ريتا لقات طوبة قدها قداش خرجات من لقادوس وباقي ماقتلناها بغيتي ندخلو نباتو هنا..?

قسم:(خسرات وجهها وحركات راسها برفض)لا أمامي مابغيتش يالاه نمشيو….
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت176

ابتهال:(هبطاتها للوطو ودارت ليها لموسيقى)جلسي هنا غنمشي نجيب شي حوايج ونجي…..(سدات للوطو بساروت وطلعات دخلات وهي تلقى الدار كلها مرونة طلعات لبيتها وجمعات لحوايج دياولها كلهم خوات دريسينج ودازت للحمام جمعات مكياجها ودكشي ديالها مشات لبيت قسم جمعاتليها حوايجها كاملين وبدات تهبط فشانطات وصيكان شي حطاتو فلكوفر شي دارتو القدام ومشاو للوطيل)

#عند_نجود

(دغيا وصلات 7 نجود كانت معاها جوليا فالقصر)

نجود:(كانت لابسة كسوة دالعرس ومشيطة خفيفة فشعرها مع مكياج هادئ جات غزالة شافت راسها فالمراية عينيها دمعو)مكرهتش كون كانت مام..ا وخوتي..معايا

جوليا:(غوتات)عرفتييي وتبكييييي تانكوييي ختي من نيييييفها مالكي على هاد لفال تبكي من دبا خلي تاتكوني غادة فالليل مع لعريس(ضحكات وغمزاتها)

نجود:(ابتسامة باهتة)جوليا كنحس بقلبي مزير عليااا ومتوترة..

جوليا:(كتحاول تهدنها)نجود تهدني الخلعة ديال العرس وصافي…(هزات تيلي كتصور فيها)

#عند_لوكاس…

(كان فبيت آخر كيرش الريحة ويضيف لمستو الآخيرة كان لابس قاميجة بيضة حال زدايف لولين وسروال توب فلكحل ولابس جيلي بكوستيم ديالو فلكحل وصباط لامع شعرو دايرو جنب وساعة فضية فيدو كيشوف راسو فلمراية ويبتسم تم خارج غادي عند نجود لقى الباب مردودة يالاه غيحلها وهو يحل عينو بصدمة من دكشي لي سمع)

نجود:باقا مصدقتش أن ابتهال هي ليزا وشكون ضربها فوجهها باش دارت عملية التجميل منين عاوديتلي قبيلة و وانا كنفكر…(ابتاسمات)أنا دبا عمة معرفتش علاش ولكن ديما كنت كنحس بقسم وحدة منا

جوليا:(منين جات عاودات لختها دكشي كامل لي قال ليث وأن قسم بنتو)مشاء الله عليها صراحة ابتهال رباتها احسن تربية لبنت مؤدبة وغزالة وعندها شي هضيرات حلويين ههه

لوكاس:(كيسمع ويحل عينو دبا عاد زاد تأكد هي بغات تنتقم منو نهار خدات الملفاات وحتى القضية ديال النسخ هي لي كانت عارفاها زير على قبضة يديه معصب وهبط للتحت عيط لايتون جى عندو)لكاميرات دلوطيل ممسوحين ياك…?

لايتون:(هادي المرة المليون لي كيطرح عليه هاد السؤال)سيدي راه تخلصت منهم شحالهادي…

لوكاس:(ضربة خفيفة فحنك لايتون وبحدة)فصالحك يكون هدشي بصح…

#عند_نجود…

(بقات كتصور مع جوليا لي كانت لابسوة كسوة فنة فلGرونة من الفوق كتلمع جيهة بلا كمام ولاخرة بلكمام وسندالة عالية فالأسود سمعو لباب تحلات ودخل لوكاس وهي تخرج جوليا)

نجود:(ابتاسمات)حياتي كيف جيت(بقات كاضور وضحك)

لوكاس:(كيشوف فيها شحال فرحانة وكيفاش كضحك ومتحمسة)كيف ديما غزاالة أعمري(قرب عندها وعنقها من خصرها كيشوف فعينيها)

نجود:(بانليها ماشي هو هداك حطات يدها على حنكو وكتلمس وجهو)لوكاس مالك…

لوكاس:(حط يدو على يديها لي فحنكو وباسها من لداخل ونطق بشجاعة قوية)سمحيلي..

نجود:(بعدم فهم)كييفاش سمحيلي…?

لوكاس:(باسها فجبينها وكيشوف فالكسوة دالعرس شحال جاتها فنة)حاولت ومقدرتش…

نجود:(قلبها مزير)شنو لي مقدرتيش…

لوكاس:(بأسف)مقدرتش نبغيك…

نجود:(قلبها كيضرب بالجهد وحسات براسها كيتنمل عليها وجسمها فحالا كبيتي عليه الماء بارد ونطقات)و.علاش..كتقول لي دبا هاد الهدرة..?

لوكاس:(زير على يديها)حيت منقدرش نتزوج بيك

نجود:(ضحكات)ههه براكة من الضحك دياالك ههه(بقات كضحك وشافت فيه لقاتو ساكت وملامحو جدية حركات راسها بلا)ميمكنش لااا كضحك ياك(ضحكة هستيرية)غير كضحك معايا قولي غييييير كضحك معاااايا ألوكاس(شافتو ساكت)هدر قووووول شي كلمة علاااش ساااكت(شافت فيه مطولة ودموعها شلال من عينيها ونطقات بكل ألم حاسة بجمرة تحطات فوق قلبها)علاش…💔

لوكاس:(زير على عينيه بحزن حاس بالندم)

نجود:(كتبكي)علاش…علاش (غوتات)علااااااااااااااااش
تالدبا اهئ اهئ علاااااش تالهاد النهااااار علاااش شريتيلي هاد الكسوة وعلاااااش درتي هاد العرس اهئ اهئ حشوووووومة علييك(كضرب فصدرو)درتيي هدشي كاااااااامل باش تضحك عليا ياااااااك اهئ اهئ رديتيني لعبة بين يديييييييك ال—-/ل المريييييض اهى اهئ 😢 تخلييييييت على ماما لي كبراتني وخوتي لي من دمي ولحمييييي على قبلك وقفت قدااااااامهم وداااافعت عليك اهئ اهئ اهئ قتليهم لووووكاس تبدل لوكاااااس باغي يدير أي حااااجة باش يسعدني اهئ اهئ خسرت عااااائلتي كاااااملة بسبااااااابك اهئ اهئ علاش خنتيني قدااامهم علاش هدااااااااااااااار علاش…(سكتات شوية كتبكي وتشهق وشادة فالطبلة هزات عينيها وكتشوف فيه بعينين حومر ومدمعين)بغيتك واخا مريض نفسي اهئ اهئ ووقفت معاااك واخا كنتي غالط بغيت نعااااونك…ودبا بكل بساطة جيتي تالنهار العرس وقلتيلي منقدرش…?جاتك ساهلة تقولها…مفكرتيش فيااااا(كتبكي بالجهد)
مااابقيتش فيك مفكرتيش فإحساسي كيف غادي يكون…? نهاااار كامل وأنا نوجد وفرحاااانة كنت فحال لهبيلة كنتسنى غير فوقاش نتزوجو اهئ اهئ فحااال الحمارة كنتسنااااك….
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت177

لوكاس:( مزير على قبضة يديه كلامها خلاه يزيد يكره راسو ضميرو كيأنبو والندم كيااكلو هي كتهدر وهو ساكت حيت معندو مايقول…..غلط فحقها بزااف)

نجود:(كضرب فصدرو وتبكي اي حاجة جات قدامها شيراتها عليه)الله ياااااخد فيك الحححححق كنكرهككككك وكنكره راااااااسي وكنكره نهاااار لي جمعني بيييييك اولد ال—ة اهئ اهئ اهئ

جوليا:(سمعات غوات ختها دغيا طلعات وحلات الباب)نجوووود مالكي…

لوكاس:(شاف فنجود باسف كأنو كيحاول يعتذر منها وتم خارج هابط فالدروج وكيسمع غواتها)

نجود:(تابعاه وكتبكي)لووووووووكاااااس فين غاااااادي الحيواااااان غادي هاااارب عاوتاني اهئ حياااااتك كاملة ونتا هارب وقققققف قتلييييك(هابطة فالدروج وهازة كسوتها)مزاااااال ماساليت هدرتي لوكااااااس وقاااااف…(ماحسات غير برجليها تلوات غوتات وطاحت مكركبة من الراس ديال الدروج تال تحت)

لوكاس:(سمع شي حاجة طاحت دار مخلوع غير شاف نجود مليوحة فالأرض تم غادي كيجري عندها لقاها مغيبة)نجووووود

جوليا:(هبطات عندها وشدات راسها معنقاه وكتبكي)نجووود ختي اهئ اهئ(غوتات)نتاااا السبااااب نتا هو ااسبب

لوكاس:(عينو غير على نجود الدم خارج من جبهتها حط راسو على صدرها وسمع دقات القلب عاد ارتاح شوية)

جوليا:(كتشوف تحت منها الدم وغوتات)اهئ هئ الدم الدم عيط لومبيلووووونص شنو كتسنى

لوكاس:(ديك ساعة هزها كيجري وركب فلوطو ركبات حداها جوليا وتم غادي طاير تاوصل لكلينيك هزوها وداروها فوق البياص وجارينها بالزربة وهو يشوف فكسوتها لي مابقاتش بيضة ولات حمرة بالدم دخلوها لغرفة العمليات وهو تابعها)نجوووووود ماتمووووتيش عفاااااك (جا واحد طبيب باغي يخرجو وهو يشنق عليه)إلا وقعاااااات شي حاجة ليهااااا ولا لولدي غااااااادي نقتلك…(رخى منو وخرج كيشوف فيديه عامرين الدم غمض عيينه بألم كلامها وغواتها ومنين كانت كتقوليه وقف باغي كيتعاود فمسامعو حاس بالندم هو السبب)

جوليا:(واقفة قدام باب غرفة العمليات وكتبكي وتشهق دازت ساعة تقريبا وهي باقا حاطة راسها على الباب حتى تحلات ونطقات بلهفة) دكتور ختي كيف داايرة….

لوكاس:(مشى كيجري عندو)نجوووود واش بيخير

دكتور:مدام نجود صحتها مزيان ولكن(بأسف)الجنين مات…

لوكاس:(زير على عينيه بغضب جمع بونية وعطاهاليه لوجهو وشنق عليه تاطلعو سكيريطي فكوهوم جلس فواحد الكرسي وقبط فراسو وكيحرك راسو بلا هو السبب فهدشي لي وقع هو لي قتل ولدو)

نجود:(كتحل عينيها شوية بشوية راسها تقيل بدات تحل فعينيها وبدات تفكر فدكشي لي وقع حسات بكرشها خاوية حطات يدها على كرشها كتحسسها لقاتها ماشي منفوخة كيف ديما هبطات من عيينها دمعة ماباغاش تيق دكشي لي فبالها حيدات سيروم ووقفات بشوية نصها كلو كيحرقها سمعات لباب تح

Leave a comment