Skip links

قصة : انتقام على أرض المافيا ج 7

 1,467 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 121

ابتهال:(قلبها تهز منين سمعات شنو قالت وقبطات فيديها)قسم عمرك تقولي هاد الهدرة ابنتي انا عمري غادي نخليك ومعندي فين نمشي (دارت ليها بيديها اجي وتلاحت قسم فحضنها وبقات معنقاها هدرتها خوفاتها ولات كتخاف عليها بزاف من نهار حطات رجليها هنا فأرض المافيا كيف كتسميها باستها فحناكها ونطقات)فعشية غنمشيو عند دينيريس نباركو ليها

(قسم هزات راسها بآه سالات لماكلة غسلات يديها وبقات كاتراجع معاها ابتهال واخا عارفاها كاطير فيها لكن ضروري تراجع معاها عدة دقائق وسمعات صوت طرونسبور دغيا لبسات قسم سبرديلتها وهبطات وابتهال مشات للشركة بالدخلة لقات لوكاس واقف مع ڤيكتور شافها هاد الأخير وغمزها وتمات جاية عندهم)

ابتهال:(بابتسامة سلمات على ڤيكتور وضارت تسلم على لوكاس وهي مكرهة وعايفة يديه لموسخين يقيسوها دغيا سلمات عليه وحيدات يديها وكتحاول تبتاسم وتبان طبيعية)اهلا موسيو ثورن(كنيتو) مرحبا بيك

لوكاس:(كيبستم)شكرا ليك مدام ابتهال لقائنا الأول مكانش زوين ومتعرفتش عليك مزيان

ابتهال:(تفكرات نهار الأول لي شافتو فيه وغمضات عينيها بغضب وڤيكتور كيهدنها بعينيه ونطقات)اه بصح داك نهار كنت عيانة شوية على أي انا مصممة أزياء والمشرفة على العرض لي مع شركة El Wehabi

لوكاس:(ضحك)صراحة خسارة امراة ناجحة وزوينة(ابتسامة مكر) تخدم مع عائلة الوهابي

ڤيكتور:(كيسمع لمدحو ليها ومزير على سنانو مكرهش يطير عليه وصفيهالو مابقاش قادر يزيد يصبر عليه دغيا نطق وشاف فيه)لوكاس مدام ابتهال غادي تجي معايا للحفلة لي غاديرها

لوكاس:(ڤيكتور وهو كيشوف فابتهال وابتسم)شرف كبير ليا تحضري للحفلة امدام ابتهال

ابتهال:(هو كيضحك وهي كتعصب من لداخل وابتاسمات ببرودة عكس العافية لي شاعلة فيها)شكرا ليك المهم نخليكم بسلامة(وضارت غادة فحالها كارهة لوقوف معاه هي جات دوات غير على قبل الخطة باش ميشكش فيها طلعات لبيرو ديالها وحلات لبيسي كتفكر فأشنو غادي تشري لدينيريس سمعات الدقان وقالت)تفضل(بانليها ليث داخل زيرات على يديها بغضب وتفكرات الهدرة دلبارح ونطقات ببرودة)ياكما نسيتي شي حاجة مقلتيهاش لبارح

ليث:(دخل سلم عليها وجلس)لا متخافيش ماجيتش نقوليك شي حاجة عارف راسي غلطت معاك لبارح وبغيت نعتذر ليك مرة وحداخرا…

ابتهال:(شبكات يديها مع بعض)غادي نسامحليك ولكن مغاديش نسى
ليث:(شاف فيها بتعجب ورجعات بيه الذاكرة للوراء…

#فلاش_باك..

ليث:(قابط يدين ليزا وهي كتحاول تبعد منو)ليزا عفاك سمحيلي مكنتش قاصد نغوت عليك قدامهم كنعتذز(هز يديها وباسها من لداخل وكيبتسم)

ليزا:(كتشوف فجيهة لاخرة مقلقة)

ليث:(ضور وجهها بيدو غفلها وباسها ففمها)واصافي اليزا مغانعاودش

ليزا:(شافت فيه ونطقات)غادي نسامح ليك ولكن مغاديش نسى

#نهاية_فلاش_بلاك

ليث:(بتعجب وحيرة هاد الهدرة ديما كانت كتقولها ليزا فكل مرة كان كيغلط معاها كانت كتقولهاليه بدا كيشك وحاول ينفض أفكارو حاس بعقلو مرون شاف فلبيسي ولقى تصاور شي مجوهرات ونطق)واش باغة تشري شي حاجة

ابتهال:(لقاتو كيشوف فلبيسي ونطقات)اه واحد الصديقة ديالي غادي تزوج وبغيت نشريلها هدية

ليث:(ابتسم)حنا دبا ولينا شركاء وعائلتي كيحسبوك وحدة منا وبغيتي تشري من بلاصة وحداخرا لاا ميمكنش أنا غادي نعيطليهم يوجدوليك Collie من الشركة وبلا ماتحاولي ترفضي نتي صممتي كسوة لختي نجود ومخليتينيش نخلص ودبا غادي تقبلي مني تانتي هاد الهدية حسبيها هدية مصالحة صافي..?

ابتهال:(ابتاسمات)أوكي ليث كنشكرك

ليث:الشركة الجديدة Wehalyan تبنات وبغيت نسولك إنا لون بغيتي نديروهليك فلبيرو ديالك شنو كيعجبك..?

ابتهال:كيعجبني لكحل…

ليث:(تمناها كون قالت الأحمر حيت ليزا كانت كتحماق عليه لكن خاب أملو)صافي أنا غادي نتكلف ويلا معجباتكش شي حاجة ممكن تبدليها…المهم جيت باش نعتاذر ليك وفنفس الوقت باش نشوف فين وصلتي فالتصاميم…

ابتهال:(ناضت باش تجيب الملفات)

ليث:(شافها كتجبدهم من لكوفر ونطق بتعجب)واش كاديريهم تما..?

ابتهال:(سدات لكوفر هزاتهم وجلسات قدامو)مكاينش التقة فهاد المجال حيت يقدرو يتسرقو

ليث:(حرك راسو بآه وبقى كيشوف فالتصاميم ويبتسم بإعجاب وابتهال كتشرحليه وهو حاضي تفاصيل وجهها كيفاش كتهضر وكيفاش كتبتسم لعشية كاملة وهما كيهضرو مرة فالخدمة مرة كيضحكو مرة على حياة ليث خلاها تعرف عليه كلشي ولكن هو ماعرف تاحاجة عليها باقي حياتها غامضة لكن شحال مابقا غادي يعرف شاف فساعتو خاصو يمشي عند نزار ودعها ومشى داز لوقت وهي دخل عندها سكرتيرة )

سكرتيرة:مدام ابتهال ديك المراة لي جات ديك نهار كتسول عليه راه جات تاني

ابتهال:(جالسة فالكرسي وعقدات حجبانها كتسائل شكون هادي)صافي دخليها (دارت بالكرسي كتشوف مور الزاج لي كيطل على المدينة كلها سمعات الباب تحلات وشي حد هضر)

~~:أهلا ليزاا….

ابتهال:(وسعات عينيها دغيا ضارت وحلات فمها بصدمة)
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت122

ابتهال:(جالسة فالكرسي وعقدات عجبانها كتسائل شكون هادي)صافي دخليها (ضارت بالكرسي كتشوف من الزاج لي كيطل على المدينة كلها سمعات الباب تحلات وشي حد هضر)

~~:(بإيطالي)أهلا ليزاا..

ابتهال:(وسعات عينيها دغيا ضارت وحلات فمها بصدمة)لاا ميمكنش ريتااا

ريتا:(جات عندها كتجري وتلاحت عليها معنقاها وكتبكي)اهئ اهئ توحشتك توحشتك بزاف…

ابتهال:(معنقاها ومزال مامصدقة كانت كتقول عمرها غاتعاود تشوفها كانت خدامة فالقصر وكانو صحابات واخا ريتا كبيرة عليها ب4سنين كانو متفاهمين وبلا بيها مكانتش غادي تجيب لفلوس باش دارت عملية التجميل وهي لي جابتليها تا ديپلوم ديال تصميم الأزياء من مور مخرجات من طبيب وبعدها ابتهال هربات من إيطاليا بعداتها عليها وكتشوف فوجهها تبدلات شوية وغلاضت جلسو فليفوطوي حدى بعضياتهم)توحشتك أريتا لباس عليك

ريتا:(فرحانة وقابطة فيديها)الحمد لله اليزا ونتيا كيف دايرا بيخير

ابتهال:(كتبتسم)الحمد لله توحشتك بزاف(رجعات عنقاتها سمعات الباب تحلات دارت ولقات قسم جابتها سكرتيرة حيت هضرات مع طرونسبور يبقى يجيبها للشركة على ما تلقى خدامة تبقى فالدار)

قسم:(جات وباست ابتهال)مامي توحشتك(سلمات على ريتا وكضحك نطقات بداريحة)مامي شكون هادي(كتشير بسبابتها لريتا)

ابتهال:(كتضحك)هادي ريتا الصديقة ديالي كنت كنعرفها شحاالهادي منين كنت ساكنة هنا

ريتا:(باستها وجلسات كضحك معاها واخا مكتفهمش كلشي)

ابتهال:قسم طلعي لفوق شعلي تلفازة وتفرجي اوكي مامي(حركات راسها بآه وطلعات للفوق)

ريتا:(ضارت كتشوف فابتهال)ليزا واش تزوجتي..? بنتك غزالة

ابتهال:(حركات راسها بلا)لا متزوجتش اريتا

ريتا:(حلات عينيها)لاا متقوليش ليا هادي بنت ليث(حركات ابتهال راسها بآه ونطقات)وهو واش عارف..?

ابتهال:(توترات ووقفات)لا معارفش اصلا هو معرفنيش أريتا وعمرو غادي يعرف…

ريتا:ليزا سمعيني…(ناضت عندها)

ابتهال:(قاطعاتها)سميتي ابتهال ابتهاال رغد ليزا مااتت اريتا ماتت نهار بدلت وجهي دفنت الماضي كامل

ريتا:ليزا(نطقاتها وعاودات صلحاتها)سمحيلي ابتهال سمعت بلي هاد الشركة عندها شراكة مع ليث واش كان فخبارك هدشي

ابتهال:مكنتش عارفة المدير لي كنت خدامة معاه دارها بيا ووقعت على العقد باش نخدم هنا تاتصدمت منين لقيت بلي ليث تاهو شريك معاهم…المهم خلينا من هدشي(ابتاسمات)شنو كاديري دبا نتيا

ريتا:(ابتسامة حزينة)أنا مزال كيف خليتيني غير مابقيتش خدامة فالقصر هادي شهرين باش خرجت من تما مابقيتش قادة ديما لمدابزة وصوت السلاح ودبا راني كنقلب على خدمة…

ابتهال:(بقى فيها الحال بغات تخدمها فشركتها لكن ريتا مكملاتش قرايتها يالاه واصلة لسابعة ومغاديش يقبلوها وطاحت عليها فكرة)ريتا شنو باليك تخدمي عندي تقابليلي غير قسم كانت واحد البنت كتعاوني ومشات وخاصني نلقى شي وحدة وتكون ثقة (ضحكات)فحالك حيت كنتيق فيك وبغيت نأمن عليك بنتي موافقة..

ريتا:(فرحات)موافقة ومزيان نيت باش نبقى حداك حيت توحشتك بزاف…
(عنقاتها تاني وبقاو كيهضرو تاضربات6 ووصلا ريتا لدارها ومشات هي وقسم باركو لدينيريس وهداوها Colier سيفطوليها ليث بقاو معاها شوية ومشاو للدار دوشات للقسم وخلاتها تنعس وهي مشات لبيتها )

#عند_ليث…

(كان عند نزار فالكوميسارية جالسين فلبيرو ديالو)

نزار:(هاز ملف)شي حاجة غريبة فهاد ابتهال…

ليث:(بعدم فهم)فحالاش..

نزار:قلبت فضوسي ديالهها حياتها تبدات منين كان فعمرها 20 عام

ليث:مفهمتش.. شنو كتقصد

نزار:أنا براسي مفهمتش جنسيتها مغربية لكن عقد الازدياد ديالها مكاينش فالمغرب يعني مكان الازدياد مجهول ماعارفينش فين عاشت حياتها وتاريخ ومكان الازدياد مجهول يعني ماضي ديالها بحح مكاينش حياتها تبدات منين وصلات ل20 عام فحالا دارت عقد الازدياد تاكبرات هدشي معقد باينة عندها ماضي ومابغات تاحد يعرفو

ليث:(راسو بدا كيضرو باغي يعرف شنو مخبية كيحس بيها فحال شي غار لا حد ليه ونطق)خااصني ضروري نعرفها شكون انزار

نزار:(كيحك ذقنو)القضية صعيبة لكن غادي نحاول

ليث:والقضية دنجود فين وصلات

نزار:يا وجه — وليت خدام غير معاك يلعن دينمك(شير عليه بستيلو)

ليث:(كيضحك)راك عارف انزار نتا الوحيد لي كنتيق فيك غير سمحلي كنصدعك بمشاكلي

نزار:مشاكلك هي مشاكلي أليث متعاودش تقول هكا ومزال غتخلصني(ضحك)

ليث:لي بغيتيها ديالك اش حب الخاطر ههه

نزار:(غمزو)غانقوليك لكن فالوقت المناسب مهم داك بنادم راه قرب يعتارف متخافش مغنطلقوه تاينطق(شاف فيه مطول)هدرتي مع هود..?

ليث:(جمع غوباشة منين تفكر بلي قبيلة ضربو)مهدرتش معاه باقي معصب منو وكنعيط لجوليا مكتجاوبنيش ماعارف عليها والو

نزار:متخافش راه عندي شي صحابي فلبوليس تما فسويسرا غادي يقلبو ويعرفو فين كتسكن ومتخافش جوليا ماشي صغيرة راه كانت عايشة شحالهادي تما…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 123

ليث:( مسح وجهو بغضب مزال كيتفكر الهدرة ديالها باغي غير يهدر معاها ويعنقها مابغاهاش تحس بلي هي وحيدة ومعندهاش العائلة غادي يصلح أخطائو معاها غير ترجع)عارف….عارف لكن باغي عائلتي تبقى مجموعة 5سنين هادي وحنا مشتتين براكة

نزار:سمع راك كتعرف جوليا كتر مني مكتهزش فخاطرها غدا ولا بعدو غادي تعيط وتقدر كاع ترجع

ليث:إن شاء الله مهم نخليك غادي نمشي (سلم عليه ومشى للدار طل على صباح لقاها ناعسة ومشى لبيت دق ماجاوبو تاحد حل الباب لقاها جالسة فلبالكون دايرة لكيت وريح خفيف كيحرك شعرها لابسة كسيوة سميطات قرب لبالكون وشافها كتبكي حط راسو على الباب وبقا كيشوف فيها وهي محاساش بيه مجهدة لكيت وكتشوف بعيد غمض عينيه بغضب قلبو كيضرو منين كيشوف ختو كتعذب قدامو ومقادر يدير والو هز واحد لاڤيست كانت محطوطة وحطها فوق ظهرها وجلس حداها)

§|الكل نائم بينما هي مستيقظة تتعذب وحدها ولا أحد يعرف ذلك 😢❣ستظل وحيدة تبكي على وسادتها مستنجدة ربها حاضنة نفسها متشفقة على حالتها إلى يوم نومها الأبدي⚰ نعم إنها أنا 👑…§|
#من مذكرتي أنا آية

نجود:(تخلعات وبدات تمسح فدموعها بغات تحيد لكيت وحبسها ليث دار سبابتو على فمو بمعنى ششش وعنقها بلا تاكلمة زادت تحشات فيه وعنقاتو شي خطرات كنبغيو غير نعنقو شيحد ونبكيو عليه بلا كلام بلا والو ونخليو غير قلوبنا لي تهضر..معنقة ليث وكتفكر فلوكاس…)

|§أضحك عندما أتذكرك كالبلهاء😓 ونسيت أنك هدمت🍃
كل بنايات السعادة التي بنيتها…🍁§|
#من مذكرتي أنا آية

#عند_ابتهال…

(جالسة فلبالكون وكتشوف بعيد من نهار بدلات هويتها بدلات حياتها كاملة اي حاجة كانت كتبغيها غيراتها باش تنسى الماضي حتى من لونها المفضل بدلاتو جسمها اقشعر حيت كاين ريح بارد ولكن هيا مافيهاش البرد قلبها بارد كتر منو💙 بغات غير شي حد يخاف عليها ويغطيها بغات غير شيحد يعنقها بلا ميسولها مالك بغات غير شيحد يفهم حزنها غير من عينيها جبدات مذكرتها وكتبات…

أنظر لسقف غرفتي المظلمة🖤 كل ليلة وأتذكر جميع ذكرياتي الحزينة🥀 شريط حياتي كله يمر أمام عيني يؤلمني قلبي وأحاول أن أبكي ربما أنسى قليلا لكن بدون جدوى دموعي انتهت…📴

(بغات غير تبكي ومقداتش دموع مابغاوش يهبطو مغتكدبش على راسها حيت هي صريحة مع نفسها باقة كتبغيه وحتى إذا طلب منها السماحة عمرها غادي تسمحليه قلبها مارخيصش عليها تفكرات قبيلة منين كان كيضحك من قلبو مع امراة وحداخرا من غير ليزا حبيبتو ومراتو بصح هي راها ليزا ونفس الشخص لكن هو ماعارفش كانت كظن انه غادي يسد قلبو وميفتحش مجال لتاوحدة من غير ليزا تدخل لحياتو ويضحك معاها لكن خاب أملها أكيد غادي يكون نساها نهار لاحها فالزنقة فنص الليل قلبها ضرها وعاودات كتبات…

|§أصعب شعور أن تنسى💭 وأن لا تترك أي أثر في حياة المرء وكأنك كنت مجرد ذكرى عابرة فقط 🍂💔§|
#من مذكرتي انا آية 🦋

#عند_جوليا

|§كان الوداع وكأني أنزع قلبي من صدري🔥كم هو مؤلم أن تعاقب نفسك بترك من أحببته يوما😔§|
#من مذكرتي أنا آية

(كانت جالسة فناموسية وجامعة رجليها وصوت بكاها كيتسمع من بعيد ماسخاتش بهود وخوتها ومها لكن هذا هو الحل بغات تبعد وترتاح وتعاود ترتب أفكارها هي بالنسبة لهود مجرد ختو باقي كيتعاود مظهرو وهو كيتباوس مع ديك خيتي شحال من مرة بيناتليه حبها ليه لكن هو عمرو تسوق ليها تفكرات هدرتو منين قالها نتي ضعيفة وديما كتهربي وبقات كتبكي…

|§مابك لا تفهم اهتمامي لك و إعطاء كل وقتي لك فضلتك من بين الجميع أحببت شخصيتك احببت اختلافك عن الآخرين غيرت نفسي لأجلك وجدت نفسي بدأت أتحول لكل الصفات التي تريدها في فتاة أحلامك أصبحت أحلم بك واستيقظ في الليل باكية عندما اكتشف أنه كان فقط حلم🙂 أنا أحبك أنا أعشقك لقد أصبحت هوسي حبك فات الحدود تؤلمني تصرفاتك معي تعاملني كأنني شخص عادي بالنسبة لك 💔 كم من مرة بكيت في محادثتنا الباردة
أغار عليك لكن ليس لي حق أتعذب حقا أتألم كل ليلة لم تكلمني فيها أتألم إذا لم تجب على رسالتي أحس أن مكاني في قلبك ليس كمكانك في قلبي…لا ليس مكان !! أنت كل قلبي…نبضي❤
لن أعترف لك كرامتي وكبريائي فوق حبي لك أنتظر اليوم الذي تغهم فيه اهتمامي ان تفهم عيوني التي لا تفارق رؤيتك كل يوم أنتظر أنتظر …لكن لا أظن أنني استطيع أن أنتظر أكثر لأنني متعبة أنت أملي ومنجدي من هذا العذاب الذي أعيشه أرجوك أنقذني💔§|
#من مذكرتي أنا آية 🦋

كلشي مضمر كلشي معذب🙁

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت124

( فاقت ابتهال مع 6ونص على صوت المنبه فتيلي وقفاتو وناضت للحمام قضات حاجتها وخرجات حلات ريدويات وقادات فراشها مشات لبيت قسم وبقات كتفيق فيها باش تراجع للإمتحان عندها فالصباح خلاتها دخلات للحمام وهبطات هي لتحت باش توجد لفطور سمعات صونيط وجاوبات فلانتيرفون لقات ريتا حيت صافي بدات الخدمة حلاتليها الباب وسلمات عليها وبدات ابتهال كتوريها فين لماعن ولماكلة…)

ابتهال:ريتا القصر باقي كيف ما خليتو

ريتا:(كتدهن طوست بلفرماج وكتهدر)كيف ما خليتيه هكاك بقى (شافت فيها)فخبارك واحد نهار جا ليث ونوض الروينة

ابتهال:(بصدمة)واش بصح…?

ريتا:إييه من مور ما تلاقينا نهار خرجتي من طبيب جى وسول عليك قالولو مكايناش ودخل تالقصر كيقلب عليك وضارب من لوكاس وتضرب بالفردي

ابتهال:(وسعات عينيها)كييفاشش واش ضربو لوكاس..?

ريتا:(شافتها كيفاش تخلعات ومتوترة)ياك قلتي نسيتيه دبا علاش كتسوليني..?

ابتهال:(بقات كتحك فراسها)لا والو غير بغيت نعرف صافي بلاش (ضارت غادة فحالها)

ريتا:ضربو لوكاس بالفردي وكان غادي يموت حيت الرصاصة كانت قريبة لقلبو منين تضرب كنت حداه وكنحاول نوقف النزيف على ماتجي لومبيلونص وكان ففمو غير كلمة ليزا من مور مامشيتي كان ديما كايجي عندي وكيسولني عليك وكان مكلف شي رجال ديما واقفين قدام باب القصر إيطاليا كاملة قلبها قنت بقنت عمري شفت شي راجل مضمر اليزا تاشفت ليث 8اشهر وهو مكيمشيش للشركة طاحو اسهمها وكانت قريبة للإفلاس منين كان كيجي عندي ويرغبني ويطلبني باش نقوليه فين نتي كنت كنشوف فعينيه الضعف اليزا ومنين كنت كنقوليه بلي ماعارفة عليك والو كان كيتعصب ويبقى يفوت كايقولي بلي نتي كتكدبي كان ديما مضارب مع ليكارد ومن موراك عمري شفتو مع شي بنت حتى فالحفلات عمري شفت شي بنت معااه(هي كتهضر وابتهال كتسمع ليها وعاطياها بالظهر وكملات ريتا هدرتها)5 سنين كاملة وديما كيسول عليك غير السيمانة لي فاتت عيطلي وسولني واش بصح كنتي حاملة حيت صحابلو كنتي غير كتكدبي..ليزا راه من حقو يعرف بنتو..

ابتهال:(دغيا ضارت عندها ونطقات بين سنانها معصبة)هااديك بنتي بنتي انا بوحدي وعمروو يحلم بيها ولا يقيس غير شعرة منها هاديك طرف من لحمي ومغاديش نخليهاليه غلط فاللول غلط كبير فحقي وغادي يخلصو غالي شك فشرفي ولاحني فالزنقة لذياب مابقاش فيا فخبارك واخا عاودتيلي بلي تعذب بالعكس فرحت ومكرهتوش يزيد يتعذب حيت واخا معرفت شنو يوقع عليه مغادي يوصل تالربع ديال عذابي أنا وعفاك متعاوديش تجبدي هاد الموضوع وانا سميتي ابتهاااال(خرجات من لكوزينة يالاه غطلع فالدروج ولقات قسم تصدمات وحلات عينيها)قسم نتي شنو كاديري هنا…

قسم:(سمعات الهدرة لي قالو لكن فهمات غير كلمات قليلة ودلات شنايفها)مامي شكون هذا لي غادي يديني سمعتك كتقولي لطاتي ريتا أنا بنتك ومغاديش تخليه يشوفني

ابتهال:(بدات تويل فخاطرها)لا ابنتي مقلتش هدشي هي قاتلي علاش مكتمشيش قسم للمدرسة بوحدها وأنا قتليها كنخاف يتعرض ليها شيحد ولا يديرليها شي حاجة وعليها قتليها(باستها فحكنها)انا بنتي طرف من لحمي ومغادي نخلي تاحد يمسها ولا يديها

قسم:(تاقت وبدات كضحك عنقاتها)نتي هي سوپيرمان ديالي

ابتهال:(ضحكات معاها وعنقاتها طلعاتها لبيتها وبدات كتجبد فحوايجها لبساتها سروال تجين مغلوق طايهوت وقاميجة فغوز بيبي طواتليها لكمام وحشاتها فسروال لبساتليها سبرديلة فغور بيبي وفيها شوية دلبيض فرقات ليها شعرها فالجنب وخلاتو مطلوق دارتليها ريحة وسنيسلة خلاتها كتراجع للإمتحان وهي مشات لبيتها ولبسات تيشورت فلكحل صدرو جاي محلول وفالعنق مسدود ولبسات صاية قصيرة حد لفخاض فلكحل وفيها شي زواقات فالأزرق مغلوق حشات تيشورت فيها ولبسات صباط طالون عالي فلكحل خلات شعرها مطلوق ودارت عكار غوز مفتوح دارت ريحتها وسنسلة جبدات صباغة كحلة وبدات تصبغ فظفارها مني نشفو هزات صاك فأزرق مغلوق وهبطات)

ريتا:(شافت فيها ونطقات)ابتهال سمحيلي مغنعاودش نجبد داك الموضوع

قسم:(ابتاسمات ونطقات بإيطالي)مامي كتخاف عليا بزاف عليها تقلقات منك منين قلتيلها نمشي للمدرسة وحدي

ريتا:(مفهماتش شنو قصدات شافت ابتهال غمزاتها وحركات راسها غير بآه)اه بصح عندها الحق

(فطرو وسالاو طلعات قسم تحك سنانها ونطقات ابتهال )

ابتهال:ريتا قسم قبيلة سمعاتنا شنو كنا كنقولو ولكن مفهماتش كلشي متبقايش تجبدي داك الموضوع عفاك

ريتا:صافي كوني هانية ابتهال

(هبطات قسم وودعو ريتا وابتهال تاهي خرجات تسنات طرونسبور تامشات قسم عاد تحركات للشركة )

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت125

#عند_ليث

(فاق مع 8 وعندو بالو راها بكري هه حيت ديما تال 9
هو عاد كيمشي للشركة والاجتماعات كايديرهوم غير فالعشية ولا فالصباح مع 11دخل للحمام ودوش تم خارج بالفوطة وهاز فوطة وحداخرا كينشف بيها شعرو دخل دريسينج لبس ملابسو الداخلية ولبس تيشورت مزير عليه شوية مخطط فلبيض ولكحل وسروال تجين مغلوق سبرديلة كحلة دار ساعتو ونظاظر فالقهوي رش من ريحتو وهبط لتحت باش يفطر مالقى تاحد تعجب وعيط للخدامة وتمات جاية)كلارا واش فطرو قبيلة ولا كيفاش

كلارا:لا أموسيو ليث مزال تاحد ماهبط مدموزيل نجود وصباح باقيين ناعسين

ليث:وهود..?

كلارا:من لبارح ماجا اموسيو مباتش فالدار

ليث:(عرفو غادي يكون مقلق ندم لي ضربو كيبقى هود غير مقطوع من شجرة يتيم وهما بالنسبة ليه عائلتو الوحيدة اكيد غايكون بقى فيه الحال عيطليه لقى طيلي طافي تأفف)

كلارا:نحطليك لفطور اموسيو ليث

ليث:(تم خارج)لا بلاش(ركب فلوطو ومشى مكسيري نيشان للشركة)

#عند_جوليا

(كانت فالمعرض كتقاد لوحاتها حيت اليوم غادي يكون الافتتاح غادي يحضرو غير المشاهير والأساتذة لكبار فمجال الفن وخاص لوحاتها يعجبوهوم ويشريوهم وشحال ما تباعو هاد اللوحات غادي يكون فصالحها حيت فآخر العرض غيعلنو الرسام الفائز لي تباعو لوحاتو بزاف جا جون وسلم عليها وكيتفحصها بعينيه وكيبتسم كانت لابسة سروال كحل طالع وتيشورت قصير حد السرة طايح من لكتاف وفيه شي زواقات فالأصفر والأزرق والأبيض وعدة ألوان شكلو زوين ولابسة كونڤيرصة فلبيض وخلاص شعرها مطلوق كيف ديما وهازة كاس عصير كتشرب منو مرة مرة)

جون:اش هاد الجمال على الصباح الالة جوليا

جوليا:(ابتسامة امتنان)شكرا ليك جون

جون:(كيشوف فيها كتبانليه عيانة)واش واقع معاك شي مشكل

جوليا:لا مكاين والو غير سطريس وصافي

جون:(حط يدو علي كتفها كيطمئنها)متخافيش عندي احساس قوي انه نتي لي غادي تربحي حيت عندك الموهبة اجوليا وكترسمي بدقة واهم شيئ هو الإحساس

جوليا:(هدرتو رفعات من معنوياتها وابتاسمات)كنتمنى والله

جون:واش فطرتي ولا باقي…

جوليا:صراحة لا ومعنديش لگانة باش نفطر

جون:(برفض)لا ضروري تفطري باغا تسخفي قبل ميعيطوليك ههه(مشاو بزوج للقهوة قريبة للمعرض وطلبو فطور وبداو ياكلو)

#عند_ابتهال
(كانت فقاعة الاجتماعات مع ڤيكتور وليث كيتناقشو ويعطيو أفكار على مشروعهم Wehalyan ضربات 12 لارب عاد سالاو وهي خرجات باش تمشي تجيب قسم حيت قربات تخرج وخاصها تمشي تجيبها لأنو ريتا باها شوية عيان وداتو لعند طبيب ديالو دالقلب خرجات وركبات فلوطو يالاه بغات ضيماري وهي تلقى ليصونص تقادى)بففف مالقيتي فوقااش توقفي خرى(هزات صاكها وتمات خارجة كلاكصونات عليها شي لوطو وضارت)

ليث:(كيهضر من السرجم شافها معصبة)ابتهال واش واقعة شي حاجة..

ابتهال:طوموبيل تقادا ليها ليصونص مرديتش ليه البال وخاصني نمشي نجيب قسم تعطلت عليها

ليث:(حلها الباب)طلعي نوصلك

ابتهال:لا بلاش غنمشي فطاكسي

ليث:(ضحك)لا حشومة مدام ابتهال أشهر مصممة ازياء تمشي فطاكسي طلعي نوصلك راه غير كضيعي فالوقت واصلا مغتلقايش دبا طاكسي غير غتسنايه على الخوى

ابتهال:(معندها مادير تعطلات ويلا تسنات طاكسي غير غتزيد تعطل ركبات معاه ومشاو لمدرسة قسم دغيا وصلو حيت ليث كيسرع فالطريق خرجات ابتهال وليث تاهو واخا قاتليه بلا ميخرج فحالا هضرات مع الحيط وتسناوها حدى لباب شوية وشافوها خارجة)

قسم:(شافت ليث وتحلو عينيها بالفرحة مشات سلمات على ابتهال وطارت على ليث معنقاه)عمو ليث مفاجئة زوينة

ليث:(هزها كيبوس فيها)ياكي الكتكوتة

قسم:(شافت فابتهال)مامي دوزت Esame molto buono
“الإمتحان جيد جدا “
والأستاذة عطاتنا النقط دلبارح جبت فالرياضيات 19ونص و Anglais جبت فيها 20(ضحكات وطولات فعشرييين)

ابتهال:(ضحكات وباست يديها)بنتي مجتهدة

قسم:(قبطات فيديها وفيد ليث وبقات غادة معاهم فرحانة كيبانو فحال كأي عائلة أم واب وطفل وهدشي لي باغا قسم باغة تبقى تجي عندها ماماها ويكون حتا باباها وتقبط فيهم فحال كأي بنت صغيرة وفحال جميع التلاميذ لي كيقراو معاها طلعو وتحركو ونطقات)مامي بليز بليز بغيت نمشيو لمطعم دلبيتزا لي مشينا ليه ديك نهار فديك ساحة الدومو لي سميتو(كتفكر)

ليث:(دغيا عرفو حيت واحد لي كاين ومشهور فلبلاد كاملة) مطعم Spontini

قسم:(ابتاسمات)اه هداك مامي بليز بليز

ابتهال:(ضارت عندها حيت جالسة اللور)مامي غتمشي معايا للشركة ونعيطو ليهم يجيبوها ناكلوها تما

قسم:(دلات شنايفها وحنات راسها بقلق)

ليث:(شافها من زاجة دلوطو ونطق)ابتهال خلينا نمشيو لتما تانا شحالهادي ماكليت بيتزا واخا(ضار عندها وابتاسم)

ابتهال:(كتشوف فقسم مقلقة فيها البكية ونطقات وهي كضحك)صافي ربحتوني أوكي

قسم:(ضحكات وباستها)كنبغيك بزاف أمامي بزاف بزاف قد السماء(وكدير بيديها حركة ديال بزاااف)

ابتهال:(ابتاسمات معاها )وانا كنحماااق عليك

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت126

قسم:(ضحكات وباستها)كنبغيك بزاف أمامي بزاف بزاف قد السماء(وكدير بيديها حركة ديال بزاااف)

ابتهال:(ابتاسمات معاها)وانا كنحمااااق عليك

(مشاو طلبو بيتزا وجلسو كياكلو ويضحكو قسم غادير بالفرحة عزيز ليث بزاف ونطقات)أنا فرحانة أمامي كنحس براسي دبا عندي عائلة أم(وشافت فليث)وأب…

ابتهال:(لماكلة وقفاتليها من هدشي لي قالت وبدات تحس بناقوس الخطر كيضرب خافت تقول شي حاجة وتفضح واخا عارفة بنتها مكتعاودش الهضرة)

ليث:(بعدم فهم)علاش واش نتي معندكش باباك..?

قسم:(بدات كضور فعينيها حيت ماماها كاتقوليها الهدرة لي بانتنا خاصها تبقى سر باش ميلقاوهومش الأشرار ضحكات ونطقات)لا عندي غير نتا ظريف عليه(وابتاسمات)

ابتهال:(ضحكات على شنو قالت واخا باقة صغيرة مطورة واخا تعاودي ليها اي حاجة مكتمشيش وتبقى تعاودها هكا علماتها من الصغر الهدرة لي ما بين الأم وبنتها أو ولدها تبقى سر واخة هي مكتبغيهاش تكدب لكن شي خطرات باش نعتقو ونحميو راسنا خاصنا نكدبو سالاو لماكلة ووصلو تاني قسم للمدرسة وليث وصل ابتهال للشركة)

ابتهال:شكرا ليك بزاف اليث هاد نهار شغلتك معايا

ليث:(كيبتسم)بالعكس دوزت نهار زوين وقسم عزيزة عليا الله يحفظهاليك

ابتهال:شكرا ليك يالاه بسلامة(فتحات الباب وخرجات غير طلعات لبيرو عيطات لسيكيريتي باش يديرو ليصونص للوطو ديالها)

#عند_نجود

(4هادي عاد فايقة ناضت كتجري للحمام كترض تاني مسارنها قربو يخرجو تكات ترتاح شوية حاسة بالدوخة ودخلات دوش شوية وخرجات لابسة بينوار نشفات شعرها بسوشوار ومشات لدريسينج لبسات دوبياس فالأزرق وتيشورط قصير حد السرة فيه الوان مخلطين بشكل زوين فحال شي سحابات فلون الأصفر والوردي وأزرق مفتوح وبنفسجي ألوان باردة صيفية ولبسات صالوبيط تجين مفتوح شورط قصير حد لفخاض وسدات سمطة وحدة ولاخرة خلاتها هابطة وكرشها كتبان من جناب جمعات جزء من شعرها القدام بلاستيك فيه لكحل وشوية دصفر صبغات ظفران يديها ورجليها بلحمر جاوها فنين تسناتهم تانشفو ولبسات سندالة بسميطات فنة فشيبي دارت 3حلقات فوذنيها حيت هي تاقبة تلاتة وحيدات السنسلة لي عطاها لوكاس هزات صاكادو فلكحل دارت فيه كلينيكس تيلي لكيت وپاورباند وشي فلوس وكارط كيشي وهبطات لتحت مالقات تاحد ومشات لبيت صباح ملقاتهاش وعيطات)كلاارا

كلارا:(جات عندها)نعام امدموزيل نجود

نجود:(بتساؤل)فين مشات ماما

كلارا:جات عندها قبيلة مدام فيريال صديقتها لي فالجمعية وخرجات معاها

نجود:مم اوكي مهم لا سول فيا شيحد قوليلهم راني خرجت
(وخرجات متقدرش تجلس فالدار ضروري خاصها تخرج ركبات فلوطو ديالها وعيطات لواحد لكليكة كانت كتخرج معاهم شحالهادي لقاتهم خارجين وسيفطولها الموقع باش تلحق عليهم شوية ووصلات كان كلوب لكن غير ديال الناس الهاي منين دخلات وكلشي كيضحك معاها ويسلم عليها فحالا الأميرة لي دايزة كلهم كيعرفوها حيت كانت كتجي بزاف زد على ذلك تاهي مايكب ارتيست وعارضة مشهورة وخت مدير أكبر شركة لصنع المجوهرات فإيطاليا لقاتهم جالسين فواحد القنت ومشات عندهم كانو 2 دراري و2 بنات)

ميليسا:(شافتها وناضت سلمات عليها)نجود فين غبورك توحشناك

فريدي:(شافها بقى غير حالو فمو تبدلات بزاف زيانت وغلاضت ناض سلم عليها بلابيز طبعا) نجود توحشناك غبرتي تاتبدلتي مابقيناش عارفينك

نجود:(كضحك)ماشي بزاف افريدي

ريهانا:(كتسلم عليها وتبجق انسانة متكبرة وعاجبها راسها)اهلا حبيبة لاباس عليك

نجود:(كتشوف فيها كيفاش كتسحتل فحال السحلية🦎 اخر مرة عطاتها نجود سلخ دلكلاب ودبا كتلوى عليها فحال اللفعة ومشات سلمات على دانييل شاب ظريف وجدي وبسيط جلسات حدى ميليسا وهي تسمع صوت شحالهادي مسمعاتو ضورات راسها وضحكات)ستاارك(عنقاتو هاد دري عزيز عليها بزاف هو صاحب ميليسا لكن هي وياه فحال الخوت وديما كيقشبو على ميليسا ويخليوها تغير)

ميليسا:(كتشوف فيهم وضحك عارفاهم عزاز على بعضياتهم عمرها شافت شي حاجة ماشي هي هاديك وكتيق فيهم وأصلا هما فحال الخوت كانو كيقراو مجموعين فالثانوية ونطقات)هااا العفاريت تاني تجمعو

نجود:(كضحك وجلسات حداه على ليمن وميليسا فليسر عنقاتو نجود وكتضحك)هذا لحبيب ديالي أنا

ميليسا:(كتجبد فيه)طلقي منو يالبقرة جيتي ولا باقي

ستارك:(عنقهم بزوج كيضحك)غتسكتو ولا نلاقي ليكم الريوس
( بقاو مجموعين وكيضحكو مع بعضياتهم طلقو أغنية جديدة ديال
6ix9ine & Nicky Minaj TROLLZ
واعرة وناضو كيشطحو مجموعين وستارك قابط فنجود كيضورها ويشطح معاها وميليسا مع دانييل وديك المسمومة ديال ريهانا جالسة وكتشرب معصبة وكتشوف ففريدي لي حال فمو فنجود عارفاه كيبغيها قربات ليه وبقات كتبحلس عليه وتبوس فيه نجود كتشطح وضحك فرحانة حسات بالراحة كانت مخنوقة جات ميليسا وبقات كتشطح معاها شوية خلاتها معاه وبقات كتشطح بوحدها حسات بشيحد عنقها من اللور وضارت مخلوعة حلات عينيها بصدمة منين لقات لوكاس

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت127

لوكاس:(مكلف شي رجال يراقبوها وسيفطوليه تصاورها جالسة ومعانقة مع شي دري تعصب وجا كيطير لعندها معنقها وكيضحك بشرارة)صافي قلبتيها ت—/ن

نجود:(كتحاول تحيد يدو من على ظهرها ومقداتش )

لوكاس:(مزير عليها وكيحرك يدو من فوق ظهرها تالمؤخرتها)وليتي تشطحي مع لمكبوتين وكيقيسو فيك ياكي

نجود:(محملاتوش يبقى يتلمس فيها وبقات كدفع فيه)بعد مني الحيوان ماشي شغلك حياتي هادي

لوكاس:(معنقها قرب لعنقها وعضها فشحمة دودنيها تاغوتات)

نجود:(توجعات وبعدات عليه وهي كتنهج)

فريدي:(شاف لوكاس كيقرب منها وهو يصعر تم جاي عندها كيجري وتلاح على لوكاس بالضرب نجود غير كتشوف مخلوعة عرفات راسها قفراتها دغيا مشات هزات صاكها وخرجات كتجري قبل ما يذبحها..)

#عند_ليث
(منبعد ما وصل ابتهال مشى للشركة والطريق كلها وهو كيفكر فكلام قسم منين قاتليه بلي هي فرحانة وكتحس براسها عندها عائلة بقات فيه ومعرفش راسو على حس منين كان معاهم فحالا جالس مع مرتو وبنتو ضحك على تفكيرو المستحيل لبنت عندها باها وهو حط راسو فبلاصتو سالا خدمتو ومشى عند نزار وصل للكوميسارية ودخل سلم عليه فقاعة الإستجواب وبقا كيشوف فداك الراجل لي شدوه هو لي زور هوية داڤيد مشى عندو وجلس حدى نزار)مزال مابغى يعترف

نزار:(كيشوف فداك الراجل بهدوء)مزااال شنو باليك نجيبو الصدمات الكهربائية(وغمزو)

ليث:(عرفو كيضحك باش يخلعو ونطق بجدية باش ميبين والو)علاش مطلقوش وغير يخرج من لكوميسارية نديوه لاكاب عند صحابي(بقا كيضحك بشرارة)

نزار:(شاف فداك الراجل)صحابو واعرين وظريفين قولي كيعجبوك لحناش(داك الراجل بدا كيترعد ويحرك راسو بلا)

ليث:(بقلق مصطنع)علااش راه ظريفيين اممم الذياب غادي يكونو كيعجبوك ياك (شاف فنزار)الذياب حسن

نزار:(حرك راسو بلا)نونو نشوفو مع العقارب حسن غادي يكونو كيعجبوه(شاف فيديه واشم عقرب وقبط يديه كيوريها لليث)شوف شوف عندي الصح

ليث:صافي مزيان دبا يالاه سير نتا تكلف بلوراق باش يخرج وديك الساعة نديوه يزور صحابو

~~~:(بدا كيترعد)لا لا..انا غادي نهدر صافي غنعترف

ليث:(شاف فيه بحدة)إلا قلتي الحقيقة مغاديش تشد فالحبس…يالاه هضر…

~~:واحد الراجل سميتو ‘سنو ماليوز’ هو لي كلفني باش نزور الهوية هدشي لي عارف اسيدي

ليث:وصفلي هذا لي زورتي ليه الهوية

~~~:بيض وكيدير نظاظر شعرو زعر وعينيه خوضر

ليث:(ضرب فطبلة معصب مكيعرف تاحد بهاد المواصفات)

نزار:(شاف فيه وهضر بداريجة)شنو عرفتيه…?

ليث:(حرك راسو بلا)صافي غير طلقو

نزار: راه متهم بالتزوير اليث

ليث:(وقف)واعدناه بلي يخرج بغيتي تردنا شمايت(تم خارج)

نزار:(شاف فداك راجل وخنزر عطاه ببونية للنيف جابو منشور فالأرض)
نعرفك كدبتي غنجبد ال—- د/مك واخا تكون تحت الأرض
و—/ويك غنقطعهوم ونحطهم قداامك(دفل عليه وتم خارج سنا لوراق باش يخرج ومشى لبيرو ديالو كان ليث تما)خاصنا نقلبو على هاد ‘سنو ماليوز’
هو لي غادي يوصلنا لداك بنادم

ليث:(كيهضر معصب ومزير على قبضة يديه)بغيت غير فوقاش نشد هاد ولد ال—-/ة غانقطعو طراااف طراااف….

نزار:مهم زدت قلبت على ابتهال السيدة راجلها ميت

ليث:(بتعجب وكيفكر فهدرة قسم قبيلة منين سولها على باباها مقاتليهش ميت)ولكن هي قاتلي مطلقة وبنتها قسم مقاتليش بلي باها ميت

نزار: ابتهال من مور طلاقها دازت 3أشهر ومات راجلها ديك ساعة كانت حاملة بقسم اكيد غادي تكون مقاتليهاش أن باها ميت راك عارف البنت باقي صغيرة…

ليث:وعلاش الماضي ديالها مجهول…?

نزار:(شابك يديه مع بعض)راجلها كان مجرم خطير وكان عندو شي حسابات مع عصابات وعليها ابتهال خبات الماضي ديالها باش مايوصلوش ليها هي وبنتها

ليث:(كيحك ذقنو متعجب من هادشي لي قال مكانش كيظن وحدة بهاد الشخصية والذكاء تكون مزوجة مجرم عاد عرف علاش قسم مفخبارها والو اكيد اذا عرفات باها مجرم غادي تعقد)

نزار:صراحة هاد المراة قوية حيت غادي تكون واجهات بزاف ديال الصعوبات تخبات من ديك العصابة وربات بنتها بوحدها وعايشة حياتها بيخير ومصممة ازياء مشهورة(دار تحية)شااپو ليها

ليث:(مزال مصدوم)عندك الحق تانا تعجبت ماصحابليش غادي تكون عاشت هدشي كامل…..

#عند_ابتهال

(فلبيرو ديالها جالسة صوناليها تيلي هزاتو لقات أبيل من واتسب خلاتو بنمرتها لقديمة دالمغرب توترات وجاوبات)
ألووو

~~~:واحد خدام فإيطاليا سول عليك وخدى الملف ديالك

ابتهال:(ببرودة)عرف دكشي لي بغيت ياك

~~~:تماما وراه تيق

ابتهال:شنو سميتو

~~~:كوميسير نزار

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت128

ابتهال:(ضحكات حيت عرفاتو….نهار الحفلة محيدش عينو عليها ونطقات)فلوسك غادي يوصلوك فكونط ديالك وحذاااري تكشف هاد الكدبة (قطعات عليه وبقات كتشوف فنقطة واحدة نهار جات المغرب خدمات وجمعات لفلوس ورشات واحد لكوميسير هو لي زورليها ملفها وكتب فيه بلي كانت مزوجة بمجرم ومات كانت عارفة بلي شي نهار غادي تحتاج هاد الكدبة وبصح دبا هي لي وقفات معاها دبا ونقذاتها نزار صاحب ليث وماشي بعيد يكون ليث بدا كيشك فيها ولكن متأكدة بلي منين غيسمع هاد لخبار مغيبقاش شاك فيها عيطات لريتا)

ابتهال:الو ريتا لباس عليك كيف بقا باباك

ريتا:الحمد الله التحاليل خرجو مزيان عاد وصلتو للدار جات ختي لاخرا وغادي تديه يجلس معاها انا غادة دبا لدارك بغيتيني فشي حاجة

ابتهال:فعشية كاينة واحد السهرة وغادي نتعطل ممكن تباتي فالداو وتبقاي مع قسم

ريتا:صافي واخا ازين

ابتهال:شكرا ليك يالاه بسلامة(قطعات معاها وبدات كتكمل فخدمتها لعشية كاملة تاوصلات 5 ومشات للدار باش تستعد للحفلة)

#عند_جوليا

(كانت واقفة وجون حداها وكتسنى الإعلان على الفائز شابكة يديها مع بعضهم متوترة )ياربي ياااربي يقول سميتي يااربي

~~~:والآن سيتم الإعلان على الرسام الذي تمت شراء جميع لوحاته التشكيلة وحصل على إعجابنا جميعا بفنه الساحر ومدى دقة رسمه والذي سيحصل على جائزة تمكنه من انخراطه في أكبر عرض للفنون التشكيلية في مدينة لندن و هو أو هي

جوليا:(كتڤيبري بالتوتر وجون كيهدنها)

~~~: جوليااا الوهابي مبرووك

جوليا:(نقزات بالفرحة وعنقات جون وكتنقز)ياااس يييس ربحت ربحت ههه

جون:(معنقها فرحان)ياك قتهاليك قتلك غتربحي

~~~:مدموزيل جوليا الوهابي تفضلي للمنصة

جوليا:(فرحات ومشات طلعات للمنصة وهي مبتاسمة سلم ليها داك الأستاذ جائزة عبارة عن تمثال ذهبي فيه شخص هاز فرشاة رسم هزاتو وهي غاطير بالفرحة هذا هو حلمها منين كانت صغيرة باباها ديما كان كيشريليها الصباغة والفرشاة وأوراق الرسم نهار كامل وهي فبيتها كترسم ومنين كتسالي كتمشي توريه وكيعجبو الحال وكيقولها بلي نتي منين غادي تكبري غتولي رسامة مشهورة هو الوحيد لي كان كيعطيها أمل أما خوتها وماماها كيبقاو يضحكو ويقولوليها إنشاء الله حيت مكانوش تايقين فموهبتها عمرهم شجعوها تفكرات نهار رسمات ماماها ومنين عطاتهاليها بقات كضحك وكتعيب فالرسمة وتقوليها رسمتيني عوجة بصح كانت غي كضحك معاها لكن بالنسبة لبنت فعمر 9سنوات هاد الهضرة غادي تجرحها وشحال من هدرة كنقولوها غير بالضحك وحنى معارفينش بلي ديك الهضرة راه كتجرح الإنسان دمعو عينيها وتمنات كون كانت عائلتها معاها وتفرح معاها وتساندها حسات براسها وحيدة شكرات داك الأستاذ وهبطات داك الفرح رجع حرن بقات تما تاوصلات 8 عيات ومشات للدار بلا ميشوفها جون حيت قالها نخرجو نحتفلو وهي ماباغا تشوف تاحد مشات للدار حطات ديك الجائزة فوق الطبلة وبقات كتشوف فيها ونطقات)بابا تمنيت كون كنتي معايا دبا وتعنقني وتقولي(شداتها البكية وبقات كتهجى)بنتي ..أن.أنا فخور بيك اهئ اهئ توحشتك بز..ااف بغي.ت نقوليك بلي الحياة بلا بي..ك مكتسوى والو…اهئ اهئ (مشات لبيتها وبدات كتجمع فحوايجها حيت خاصها تمشي دبا لندن غادي تخدم تما على العرض الجديد لي غادي تكون فيه رسمية سالات لحوايج وتحشات بلاصتها دغيا نعسات واخا باقي الحال)

#عند_لوكاس..

(كيمسح يديه من الدم منبعد مافرشخ فريدي فلكلوپ خرج كيف الرعد كيقلب على نجود ملقاهاش ديك ساعة جبد تيلي وكيقلب عليها حيت دايرليها جهاز المراقبة من شحاالهادي وهي كاع معارفة كيتحكم فتيلي ديالها من ديالو كيف ما بغا فحالا تيليفونها عندو ونهار عيد ميلاد هو لي طفاه وهدشي غير من تيليفونو ونهار جابت دوك دراري يبدلوليها البيت هو عاق بيها بلي غادي تحيد لكاميرات وكلف وواحد من دوك دراري يعاود يغرس كاميرة صغيرة فواحد طابلو مكتبانش فخطرة عرفها فين هيا ومشى مكسيري اليوم يقتلها)

#عند ابتهال…
(فبيتها كادير لمساتها الأخيرة حلقات خفاف كانت لابسة كسوة فلكحل بالسميطات وجاية من العنق مسدودة مزيرة من جيهة الصدر ومن لتحت منفوخة شوية فوق الركبة وسندالة بسماطي فلGرونة طلقات شعرها سامبل ودارت آيلاينر فعينيها وريسيي جاو فنين زادو برزو جمالية عينيها الزورق لي فحال السماء ودارت عكار ماط فلGرونة رشات من ريحتها ودارت سنسلة ذهبية فنة جاية من لتحت على شكل V هزات صاك بوسشيط فلGرونة وهبطات لتحت ريتا وقسم بقاو غير حالين فمهم)

قسم:(يدها على فمها وكضحك )مامي جيتي زوينة بزاف فحال الأميرة

ريتا:(قربات ليها وبقات كتصفر)اووو اشهاد الجمال والأناقة اليوم تنوض المدابزة فهاد السهرة😂

قسم:(كتضحك)مامي ههه عنداك تمشي دابزي وضربي شيحد خليك فحال الآميرات واخا امامي….

ابتهال:(كضحك وباستها)واخا الكبيدة ديال ماماها(شافت فريتا)ريتا سدو لباب عليكم متحلي لحد عفاك..
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت129

ريتا:(كطمئنها بعينيها)كوني هانية
(ودعاتهم ابتهال وخرجات ركبات فلوطو نيشان لقصر غير وصلات هزات عينيها وبقات كتشوف فيه عاشت غير لخايب مزال واقفة حتى جى عندها ڤيكتور)

ڤيكتور:(كيشوف فيها بإعجاب جات زوينة بزاف وأول مرة يشوفها بلمكياج جاها غزال جى عندها مابغي يقولها والو عارف راسو غيتقمع تاني سلم عليها ونطق)واجدة

ابتهال:(كتشوف فالباب لي مفرشة بسجادة حمراء وليكارد كلهم مستفيين ونطقات بكل ثقة)انا واجدة بقيتي غير نتا(ضحكات وتمات داخلة راسها الفوق ملامح باردين وتخنزيرة كذلك ههه كتمشى بخطوات متقونة وبشوية عليها الأنظار كلهم تحولو ليها حيت تشهرات تصاورها ولاو فجرائد ومجلات دالموضة وعرفوها أنها شريكة فالمشروع جديد Wehalyan وانه المشرفة على العرض لي فلمكسيك بانت ليها طبلة خاوية ومشات وقفات تما حطات صاكها كان دايز سرباي هزات كاس نبيذ بطريقة لبقة وبقات كتشرب بشوية وكل حركة دارتها متقونة الشي لي خلا الرجال كلهم حالين فمهم فيها جى ڤيكتور ووقف حداها)لوكاس مبانليش (شافها هازة الشراب وحل عينيه)كتشربي…!!

ابتهال:(شافت فيه مطلعة حاجب ومنزلة لاخر وضورات وجهها شحالهادي مشربات منين كانت خدامة فالمافيا ولكن ماشي بزاف ودبا شربات غير باش تهدن حاسة براسها متوترة بقات كتقلب بعينيها وهي تشوف كمارة آخر واحد بغات تشوفو كان آرثر مابدل فيه الزمان والو باقي بنفس ديك لكرش خارجة لابس كوستيم وسروال توب فالأزرق مغلوق تفاجئات حيت ديما كان كيلبس لكحل شافتو كيسلم على شي رجال وتم جاي جمعات قواها واسترخات)

آرثر:(شاف ڤيكتور جا سلم عليه وضار شاف فابتهال وسهى فعينيها)

ابتهال:(شافتو كيحنزز فيها واحمحمات بمعنى أسبحان الله)احم احم(شافتو مد يدو باش يسلم عليها تفكرات نهار اللول منين شافها فالزنقة ومدليها يديه ونهار تافقات معاه باش تقرب من ليث وعدة مصافحات وكانو جميعهم من موراهم المشاكل وخافت من مور هاد المصافحة تاني يوقع شي مشكل حسات بڤيكتور قاسها برجليه عاد مدات يديها سلمات عليه دغيا وحيداتها)

آرثر:(شاف فيها مطول)عينيك زوينين بزاف كيشبهو لواحد البنت كانت عزيزة عليا

ابتهال:(ضحكات فنفسها وبدات تسب فيه وتعاير فمها مسدود وعقلها نايضة فيه الحفلة ونطقات بابتسامة باردة ومتفاجئة)
بصح! واش كاينة هنا…?

آرثر:(ابتسامة باهتة)للأسف معرفتهاش فين هيا ولكن غادي نلقاها

ابتهال:(ابتاسمات بمعنى غير حلم ونطقات)إن شاء الله

آرثر:معرفتينيش على راسك شنو سميتك..?

ابتهال:مدام ابتهال

ارثر:(ابتسم) متشرفين مدام ابتهال و أنا آرثر كنت ف..

ابتهال:(قاطعاتو)فالحبس..
(ضحك بفقصة حيت منين خرج من لحبس بزاف دالناس كيرفضو يتعاملو معاه ولا نكرة فمجال العمل وحاليا هو رجع للمافيا )

آرثر:للأسف وقعو…

ابتهال:(هزات لكاس بملامح جامدة قاطعاتو)مامظطرش تشرحلي (ابتسامة خفيفة وجغمات من الكاس وكتشوف فجيهة لاخرة خلاتو غير مبلق عينو على هاد الجرأة لي فيها )

#عند_نجود

(جالسة فالبحر وكتبكي وتاكل فظفارها وكتحاول متعصبش باش متوقعش شي حاجة للجنين وشي 2دراري كانو دايزين جى واحد وقرب منها)

~~~1:الغزالة شنو كاديري هنا فهاد الوقت وعلاش كتبكي(قاسها فحنكها وهي تبعد منو)

نجود:(وقفات وعاد ردات الباب الدنيا كتصفر وبقات غادة كتزرب وهما تابعينها وكيضسرو عليها تاحسات بشيحد قبطها من يديها ضارت لقات واحد من دوك دراري وبقات كتنتر منو)بعد مني …طلااق ال—-

~~~2:(كيضحك)أووو الغزالة مشاكسة شنو باليك تمشي معانا ودوزي معانا هاد الليلة (قبطها من يديها وجا دري لاخر تاهو قبطها من دراع تانية كيجرو فيها وهي كتبكي وتحاول تفك منهم تاشافت صاحب دعوتها جاي كيجري ولات تطلب السلة بلا عنب كتقول غير تمشي معاهم وميشدهاش لوكاس)

نجود:اهئ اهئ هالعار نعطيكم شحال مابغيتو دلفلوس غير وصلوني لدارنا العاار ديوني معاكم اهئ اهئ
(هما قابطينها وغاددين وهي كتجر فيهم باش يزربو تاشافت واحد فيهم تضرب بالرصاص وطاح على ركابيه وتاني هرب هيا بقات كتفتف بالخلعة وكتشوف فدري مرمي فالأرض وراسو كيطوش بالدم خافت وعطات رجليها للريح كتجري ومكتشوفش موراها مقاداش تشوف وجهو والرملة كتزيد تعدبها فالجري سمعات صوتو كيغوت)

لوكاس:(كيجري تابعها وصاعر)نجووووووووود أجي لهناااااا

نجود:(كتبكي خايفة بدات كتشوف الحجر قدامها صافي معندها فين تزيد بانليها غير البحر قدامها وتمات غادة جيهتو بلا عقل مفكراتش المهم هي تهرب كتمنى تموت وتغرق ياكلها الحوت وميقربش ليها حيت عارفة تعذيبو كيف داير مغاديش يرحمها تلاحت فالماء وبقات كتعوم)

لوكاس:(زاد صعر وغوت)وااااش ال—- د/مك باغة تصعري دينمي نجوووووود رجعي(تلاح فالبحر تابعها عارفها مكتعرفش تعوم مزيان بقى تابعها حتى شوية مابقاتش كاتباليه بقى كيضور فراسو ووالو مبانتليهش حرك راسو بلا بهستيرية ميمكنش يفقدها لا مستحيل وغوت)نجووووووووووووووووووووووود

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت130

لوكاس:(زاد صعر وغوت)وااااش ال—- د/مك باغة تصعري دينمي نجوووووود رجعي(تلاح فالبحر تابعها عارفها مكتعرفش تعوم مزيان بقى تابعها حتى شوية مابقاتش كاتباليه بقى كيضور فراسو ووالو مبانتليهش حرك راسو بلا بهستيرية ميمكنش يفقدها لا مستحيل وغوت)نجوووووووووووووووود (بقى كيغوت فحال شي حمق والليل طاح مكيشوفش زاد كيعوم لقدام وحس بشي حاجة تحت رجليه عاود غطس لتحت وبقى كيقلب بيديه شد شي حاجة وجبدها لقى نجود وبدات كتكح الماء دغيا بدا كيضرب فوجهها وخرجها من الماء جلسها وهي سخفانة كتلهت)

نجود:(شدها كلاكاج فرجليها الموت شافتها بقات كتكح وكتنفس بجهد بدات تحس براسها شوية شافت فيه عرفات شنو كيتسناها وشداتها البكية دموعها بداو كيهبطو وكترعد بالبرد)

لوكاس:(حيد شعرها على وجهها وهي بغات تنوض من حداه زير على يدها وجلسها حداه)جلسييي واش لهاد الدرجة وليتي كتخافي مني كون مكنتش أنا كون رااه متي واااش مريضة ف— ولا شنو علاش تلاحيتي فالبحر ونتي مكتعرفيش تعووومي كنتي باغة تموتي

نجود:(كتبكي وترعد)اهئ اهئ نموت ومنخليكش تقيصني وضربني تاني

لوكاس:(قرب لوجهها وهي تبعدو تعصب ودور وجهها مزير على ذقنها وطبع قبلة متوحشة وعضها فقنافتها)هدشي لي كيعجبك نكون معاك ولد ال— تهزي (نوضها وبقا كيشوف فجسمها لي كلو كيبان صالوبيط تحلولو سماطي وبقا غير شورط وبقى خنزر فيها)هادو حواااايج خارجة بيهم ال— ومزال غنتفاهمو على داك ت— ديالك لي فلكلوپ(حيد لاڤيست ديالو وغطاها بيها)

نجود:(هزات صاكادوها كان ملاوح فالأرض وتكمشات فديك لاڤيست واخا فازكة مهم مغطياها هو غادي قدامها كيهضر فتيلي لي كيقطر ماوقع ليه والو حيت ديال الماء وهي تابعاه من اللور دازو شي كليكة ديال دراري وبقاو كيتغامزو بيناتهم تعصبات وهي تعطيهم صبعها لوسطاني ونطقات وهي كتخنزر) vaffanculo “اللعنة عليك” ( نطق واحد فيهم)

~~: putta- “-عاهر”
نجود:(وقفات وبقات كتشوف فيه تا مشى)

لوكاس:(ماحسش بيها غادية من موراه ودار لقاها واقفة مشى عندها وشافها كتشوف فشي كليكة)مال دين مك كتشوفي فيهم بانليك لبلان فشيحد فيهم

نجود:(ضارت عندو وعينيها حومر عامرين بالدموع)

لوكاس:(عقد حجبانو)مالك انجود …? واش قالوليك شي حاجة

نجود:(ابتسامة حزينة)قالولي —-ة ههه

لوكاس:(تعصب وزير على ذراعها)وكضحكي عاجبك الحااال

نجود:(ضحكات بسخرية ودموعها هابطين هزات كتافها)
مالهم كذبو أنا غير —-ة وليت كنبان لدراري فحال شي تقبة فين يخويو وسخهم(قربات ليه)لكن أنا مكنتش هكا نتا لي رضيتيني هكا شي خطرات كنحس براسي فحالا مكتوبة فجبهتي عاهر ة…(طولات شوفة فيه ونطقات بألم)شكرا(زادت قدامو ومكمشة فلاڤيست)

لوكاس:(بقى غير كيشوف فيها حس بيها مجروحة غير من عينيها لي كيشوف فيهم الضعف شاف تاني شي دراري جايين ومشى حداها عنقها بيديه ليمنية وكيخنزر فيهم)

نجود:مغاديش تقدر تسد فمهم كاملين(حيدات من حداه ورمات لاڤيست ديالو وصلات لوطو ديالها وركبات…)

لوكاس:(قرب لباب وحلها)هبطي

نجود:(عاودات سدات لباب ورجع حلها)—د عليا مغاااداش معاك

لوكاس:اوكي نتي لي قلبتي عليها (خرجها من لوطو شادها من ذراعها وتم جارها وهي كتنتر منو عصباتو وهزها وبقات كضرب فصدرو حل باب لوطو وحشاها تما سد لباب ومشى جلس فبلاصتو وكسيرا نيشان للقصر)

نجود:(كتبكي)خليني نمشي فحالي الوكاس عفاك خليني نمشي اهئ اهئ

لوكاس:(شاف فيها)مزال ماعاقبتك الالة نجود غادي تبقاي معايا

نجود:(قبطات وجهها بيديها وبقات كتبكي وكتشهق)

لوكاس:(غوت)سكتيييي ال—- مزال مدرتليك والو باش تبكي(تفكر طوف دقبيلة منين كانت معنقة شي دري جن جنونو شدها من شعرها)علااااش يا بنت ال— كنتي مخلية ال—- يقيسو فيك علاااش ولكن أنا غادي ندمك على النهار لي تولدتي فيه غير بلااتي(طلق من شعرها ودفع راسها جيهة سرجم)

نجود:(غوتات بألم حيت منين دفع راسها حاولات تكالي وجرحها الخاتم فجبهتها)آاااي

لوكاس:(كيشوف فالطريق)مزال مدرتليك والو باش تقولي ااآي لكن متخافيش قربت…

#عند_ابتهال…

ابتهال:(واقفة حدى ڤيكتور)بانلي هادي هي لوقيتة ماحد داك الوحش مكاينش

ڤيكتور:صافي غير سيري أنا غادي نحاول نغطي عليك هاكي(مدليها كيت بلوتوت وتفكرات الماضي منين كانت فالمافيا قبطاتها من عندو ومشات دخلات للقصر وبقات تشوف فيه باقي كييف ماهو دغيا طلعات كتسلت لبيرو كان ديال ارثر ولوكاس دازت من حدى بيتها وابتاسمات شحال دوزات ديال الذكريات هنايا دخلات ليه لقات باقي كيف ماخلاتو نفس الآثاث وحوايجها باقيين تما تعجبات…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت131

حيت من المفروض نهار خانتهم يحيدوها من حياتهم فخطرة جبدات واحد نونوس كان تما وحشتت يديها من لور واحد جويب صغير ولقات سوارت لبيرو وضحكات كانت ديما كدخل بلا خبارهم وتقلب فالملفات باش تعرف واش كيخططو من موراها دغيا خرجات من لبيت وهبطات تاني كتسلت لمور الجردة لقات 6 دليكارد قدام الباب وتفكرات فشنو ممكن دير دازو دقائق قليلة وبدا كيتسمع غوات شي مراة كتبكي وشيحد كيضربها مشاو ليكارد كيجريو يشوفو شواقع وخلاو واحد تما قربات عندو ابتهال وهي كتلوى ودارت راسها فيها الدوخة جا عندها كيجري)

~~1:مدام مالك شواقع ليك

ابتهال:(كتقلب فعينيها وتوجع باصطناع )عفاك جيبلي شي كاس دالما كنحس بالسخفة(جلسها فواحد الكرسي ومشى غير شافتو بعد ناضت وحلات واحد سرجم صغير من موراه كاينة بلاصة البصمة حطات صبعها وكتسنى غير فوقاش يقول مرفوض ❌ باش تمشي فحالها تاحلاتهم بصدمة منين شافت الباب تحلات بقات غير حالة فمها سمعات شي صوت دغيا تاني حطات صبعها وعاودات تسدات وجلسات فالكرسي شافتو جاي وعطاها كاس دلماء شرباتو ودارت راسها بيخير)شكرا بزاف عدبتك معايا(ومشات من حداه وهيا تلقى ليكارد لاخرين جايين وفيديهم كيت بلوتوت نطق واحد منهم)

~~~2:شي ولد ل— تفلى علينا الإتصال دايز من لكيت وفيه شي وحدة كتغوت(شاف فابتهال)نتي شنو كاديري هنا(نطق لكارد لي عاونها)

~~~1:غير عاونتها كانت غادي تسخف

~~~2: (كيخنزر)جاتك السخفة تامشينا حنا وجيتي لهنا علاياش كتقلبي

ابتهال:(ببرودة)نتا لي كاتبانلي كتقلب على شي حاجة(جمعات قبضة يديها)

~~~1:(هضر معاه بالتركية حيت تركي وفنفس الوقت باش متفهمش ابتهال)نتا راك باقي جديد هاد الباب كتحل غير بالبصمة معندها كيفاش تحلها

ابتهال:(ابتسمات فهماتو حيتاش كتعرف تهضر بيها)

~~~2:(بقى كيخنزر فيها وشافها باقة واقفة)شنو باقة كتسناي..

ابتهال:(ببرودة)اعتذار

~~~2:(ضحك)معندي علاش نعتذر

ابتهال:اوكي(هزات كتافها)نمشي ندوي مع موسيو آرثر هو يتكلف بيك

~~~2:(بقاو ليكارد كيقفقفو وواحد وشوش ليه فودنيه)

~~~3:اعتذر اصاحبي راه ارثر إذا عرف طيحتي لباطل على واحد من الضيوف ديالو غادي يقتلك راك باقي مكتعرفوش

~~~2:(خاف وعيط لابتهال)مدام سمحيلي كنعتذر منك

ابتهال:(ضارت شافت فيه بابتاسمة خفيفة ومشات فحالها بلا كلام بلا زوج تحركات عند ڤيكتور وهي تشوف لوكاس خارج من لڤيلا وسمعاتو هضر مع واحد لكارد )

لوكاس:(كيهضر مع واحد لكارد)لبنت لي جبتها معايا عندااك تمشي تخرج

ابتهال:(تعجبات شكون غادي تكون هادي مشات وقفات حدى ڤيكتور وكتفكر)

ڤيكتور:شنو وقع

ابتهال:باقة كاينة بصمتي وراه جبت تاسوارت دلبيرو دآرثر ولوكاس

فيكتور:(ابتسم كان عارف وتايق فيها أنها غادي تجيبليه خبار زوينة)مزيااان

ابتهال:(بقات كتفكر واش ممكن تكون نجود?!! تفكرات كلامو مع لكارد يعني هادي لي معاه جابها بزز حيت قاليه متخليهاش تخرج بغات تعيطليها وخافت يكون عندو تيلي وهي تعيط بلانكوني غير شافتو جبد تيلي من جيب لكوستيم شافت تيلي وعرفاتو ديالها حيت دايراليه پوشيط فيها لمايكب استأذنات من فيكتور ودخلات للڤيلا تمات طالعة فدروح وهوا يبانليها آرثر بغات تخبى لكن شافها)

آرثر:(بتعجب)مدام ابتهال شنو كاديري هنا واش بغيتي شي حاجة

ابتهال:(كتقلب على كدبة وابتاسمات)صراحة بغيت نمشي للحمام لي فالتحت(خسرات وجهها)شيحد دخل قبل مني وتخنقت مقديتش ندخل ممكن نطلع للحمام لي لفوق

ارثر:(ابتسم)اه مرحبا راه كاينين لبيوتة دخلي للحمام ديال شي حد فيهم وسمحيلينا أنا غندوي مع الخدامات ينظفوه

ابتهال:(حمدات الله لي سلكات على خير ومشات كتقلب فلبيوتة سمعات صوت لبكى لقاتو جاي من بيت لوكاس بغات تحل لباب لقاتها مسدودة تعصبات وهبطات لتحت فصالون واحد لمجيرات كاينين تما فيهم ضوبل دسوارت هزاتهم وطلعات كتسلت بلا مايشوفها تاحد واخا لابسة طالون تقول واش كيتسمع شي صوت بدات تجرب فسوارت تاحلات الباب وسداتها تمات داخلة فواحد الممر صغير)

نجود:(هازة ڤاز وخايفة مخبعة وكتقول غير تشوف كمارتو غادي ضربو يالاه هزات يديها غتنزل عليه وهي تلقى ابتهال وحلات فمها بصدمة)ابتهال شنو كاديري هنا..?

ابتهال:(مابغاتهاش تشك فشي حاجة ونطقات)نتي لي شنو كاديري هنا انجود شفتك قبيلة كتبكي وكان مدخلك بالسيف مفهمت والو(كتكدب وتزوق فالهدرة باش ماتعيقش بيها)

نجود:(كتفرك فيديها معارفاش شنو غادي تقول)صراحة انا..

ابتهال:(هي عارفة بلي عندها علاقة معاه نهار شافتهم فالمزرعة وعرفاتها حاملة منو ونطقات)صافي تالمنبعد يالاه نخرجو قبل مايجي (يالاه غتكمل هضرتها وهي تسمع ابتهال لباب كتحل دغيا طارت تخبات فدريسينج ونجود كتحاول تبان عادية)

لوكاس:دبا عاد سكتي…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت132

لوكاس:(هز سبابتو فوجهها) سمعي شوية وغادي تسالي الحفلة وغادي نجي مابغيتش نسمع صوووت الكلبة د مك سمعتي..?

نجود:(حركات راسها بآه بغاتو غير فوقاش يخرج بلا متزيد تفرش راسها قدام ابتهال)

لوكاس:(كيشوف فيها بتعجب)ههه شفتك ساكتة كاع مابديتي تعايري وتغوتي اش وقع…
.
نجود:(اخنزرات فيه)حيت واخا ندير لي ندير عمرك غتسمعلي لهدرتي علاش غادي نحفي معاك الحجرة…

لوكاس:(عنقها وباسها فجبينها)منين نجي غادي نهضرو(خرج من تما وسد لباب تاني عاد طلعات النفس وخرجات ابتهال من تما)

انجود:ابتهال يالاه نمشيو دبا(وتمات غادة جيهة الباب)

ابتهال:(شداتها من يديها ورجعاتها)اجي لهنا فين غادة راه سمعتو كيوصي عليك ليكارد باش ميخليوكش تعتبي لباب

نجود:(تعصبات)وكيف غندير دبا

ابتهال:(ابتاسمات وغمزاتها)عندي فكرة…

(دازو عدة دقائق وتمو هابطين قربو لباب اللورانية ونطقات ابتهال)
ابتهال:صافي كيف ما تاففنا ياك(هزات راسها نجود بآه بقات غادة ابتهال تاوصلات حداهم)عفاكم ممكن تخليوني ندوز من هنا حيت الصحافة كاينة فالباب القدامية (بقاو لكارد كيشوفو فنجود لي دايرا فحال دري ڤيست دجين بالقب وبودي فلكحل من لتحت وسروال كحل ودايرة اللحية وموسطاج جامعة صدرها بباندة باش ميبانش والكصة جامعاها بمقابط دايرة القب ودايرة نظاظر بروطيكسيون واقفة مخنزرة فحال شي رجل ههه معاقوش بيها وخلاوهم يخرجو غير بعدو شوية وطلقاتها نجود بضحك)

نجةد:(قابطة فاللحية وكضحك )نااري ابتهال وشحال ذكية هههه بغيت غير نعرف كيف درتي عرفتي راه عندو هدشي فدريسينج ديالو

ابتهال:(ضحكات)ههه انا براسي مكنتش عارفة راك شفتي كنت كنقلب على لحوايج تالقيتهم تما مهم راها لوطو ديالي (مشاو وركباات نجود)سمعيني انا غنرجع للحفلة 5دقايق وغنرجع سمعتي باش ميشكوش فيا ونتي جلسي هنا راه زاج مكيبينش

نجود:صافي واخا شكرا ابتهال بزااف (هزات تيلي ديالها حيدات كارط ميموار وعطاتو لابتهال)رميه ولا هرسيه راه يقدر يلقاني بيه

ابتهال:(قبطاتو من عندها وسدات لباب شافت يمين شمال مابان ليها تاحد وعاودات دخلات بانليها لوكاس جاي وكيشوف فجيهة لاخرة وتمات غادة قاصدة تخليه يدخل فيها ودكشي لي كان)

ابتهال:(دارت راسها غاطيح وشد فيها)

لوكاس:(شادها وكيشوف فعينيها لي كيفكروه فليزا)مدام ابتهال سمحيلي مشفتكش

ابتهال:(دغيا تقادات فالوقفة وكحزات من حداه)ماشي مشكيل موسيو ثورن

لوكاس:(ضحك)علاش مكتعيطيليش بسميتي..?

ابتهال:(زيرات على يديها بغضب هي مكتحملش تاتشوف كمارتو بقا غير تنطق سميتو وابتاسمات)كتعجبني ثورن ولا عندك شي مانع اذا عيطلك بيها..?

لوكاس:ههه لا أبدا مهم واش عاد جيتي حيت جيت قبيلة ومشفتكش?

ابتهال:لا جيت قبيلة وكنت كنهدر مع بعض رجال الأعمال وكنتعرف عليهم…

لوكاس:يالاه معايا نعرفك على شي ناس فنفس المجال ديالك..

ابتهال:(برفض)كنعتذر منك لكن خاصني نمشي بنتي عيانة شوية

لوكاس:(بأسف)ياكما شي حاجة گفاف..?

ابتهال:(ابتسامة صفرة وكتقول غير فوقاش تفك منو)لا ولكن ضروري خاصني نمشي ليلة سعيدة

لوكاس:(ابتسم)بسلامة مدام ابتهال مرة اخرى

(مشات من حداه وسيفطات ميساج لڤيكتور قالت ليه بلي راها غادة ومشات ركبات فلوطو ديالها)واش مشافك تاحد

نجود:لا متخافيش راه كنت متكية فين درتي تيلي..?

ابتهال:(ضحكات وبدات تعاودليها…)

#عند_لوكاس…

(الناس بداو يمشو وهو طلع فحالو لبيتو..)

لوكاس:(حل الباب وتم داخل)
فراااشتي هاني جيت(وسع عينو منين مالقاهاش قلب فالحمام ووالو غوت)لاااا فااااااك بنت ال—- كيفاش دارت ليها
(هبط كيف الرعد عند ليكارد كيضرب ويسلخ فيهم)فيييييين هياااا اولاد ل—- واش بنت وحدة مقديتوش تحضييييوها
ال—– (مسح وجهو بغضب وعينيه حوومر جبد تيلي ديالو باش يشوف فين هيا وهي تبانليه الإشارة كاينة غير حداه وغوت)دوروووو ت—– قلبو عليهاا راها غير هنا…
(تحركو ليكارد وهو تابع الإشارة وكيشوف بلي الإشارة تابعاه قاد واحد لعيبة باش تيلي يبقا يصوني وهو يسمع صوت جاي من لاڤيست ديالو حشى يديه فجيب وهو يلقاه تعصب وغوت بغضب شديد وضربو مع الحيط حتا تشخشخ تفكر قبيلة منين مشى عندها لبيت كان ساكتة يعني راه ديك ساعة كانت كتخطط وشك بلي منين عنقها تكون حطاتو فجيبو)بنت ال—- أنااااا ديريها بيااا غير صبري عليااا لوكاس الوحش نااااااض وغادي يندم ل— دمك على نهاااااار لي عرفتيني

#عند_ابتهال…

(غادين فلوطو ونجود كضحك)

نجود:لاا بزااف نتي خطيرة امراة وحسن من ألف راجل حشيتيه فلاڤيست بلا مايعيق

ابتهال:(وصلو لدار ووقفات لوطو)نجود ليث غايكون قالب عليك الدنيا

نجود:(عضات شنافتها بتوتر)وياه نسيت غادي يكون عيطلي

ابتهال:(جبدات تيلي)متخافيش انا غادي نحل هاد المشكل (عيطاتليه بقى كيصوني ومكيجاوبش عاودات صونات شوية عاد جاوب )اهلا ليث
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت133

ليث:(فجردة كيمشي ويجي معصب)ابتهال بلاتي وعيطي عندي واحد المشكل

ابتهال:واش على نجود….?

ليث:(باستفهام)اه باش عرفتيها?

ابتهال:متخافش نجود راه معايا خرجنا اليوم مجموعين وتيلي ديالها نساتو فريسطو منين كنا كنتعشاو

ليث:(عاد رتاح)ديك ساعة قولها تعلمني مااااشي تخليني كنحماق وكنقلب عليها فسبيطارات ونوصي صحابي فلبوليس…

ابتهال:(ابتاسمات بألم مكرهاتش تاهي كون خاف عليها فحال اختو من اللول مكانش غيوقع معاها هدشي كااامل ونطقات)غلط ومتعاودش مهم هي راها فداري غير خليها تبات معايا قسم عزيزة عليها بزاف نجود…

ليث:(ابتسم)صافي واخا ماشي مشكل ممكن تدوزيهالي

ابتهال:واخا(دارت عطاتها تيلي)

نجود:(بتوتر)خويا

ليث:يخويلك الضروس ماشي حشومة عليك مخلياني فحال لهبيل كنقلب عليك كيصحابلي داااك الجيوان دارليك شي حاااجة ولا تعرضليك ومحدك مقلتيليش شكون هو غنبقاو حياتنا كاملة وحنا خاايفين

نجود:(دموعها هبطو مكرهاتش تقوليه اه راه تعرضلي وكنت غنموت مكرهاتش تقوليه سميتو ولكن خايفة من ردة فعلو اكيد غادي يكرهها)سمحلي اخويا منعاودش وراني قلت لكلارا إذا سول فيا شيحد تقولكم راني خرجت

ليث:منين جيت مالقيتهاش فالدار مهم نتي واش محتاجة شي حاجة

نجود:(كتمسح عينيها)لا اخويا

ليث:(خارج من لڤيلا)يالاه تصبحي على خير أنا غنمشي عند هود

نجود:واخا سلم عليه(قطعات عطاتها تيلي وطلعو للدار لقات ريتا ناعسة فالصالون وقسم فبيتها مشات فيقاتها)

ابتهال:(كتفيق ريتا)ريتا نوضي طلعي واحد البيت فوق خاوي نعسي فيه نتي ونجود(دارت عندها)نجود فيك جوع..?

نجود:(برفض)لا ابتهال شكرا بغيت غير نعس

ريتا:(سلمات على نجود وطلعات هي وياها باش ينعسو وابتهال دخلات لبيتها كدوش خرجات كتنشف شعرها وحشات ساروت دلبيرو دآرثر فلكوفر لبسات شورط بديباردور ديالو فيه Skull جمجمة☠وبقات كتفرج
فواحد سيري فتلفازة سميتو Game Of Thrones
سمعات تيلي كيصوني لقات ڤيكتوررتعجبات حيت 2 هادي وجاوبات)واش حلمتي بيا ولا شنو

ڤيكتور:(كيضحك)فحال دكشي بغيت غير نقوليك شي حاجة ونشوف واش وصلتي بيخير

ابتهال:(عاقت بيه بلي غير باغي يجبد معاها الهضرة)وصلت مع 12دليل عندك لكونكس تقيلة موسيو ڤيكتور

ڤيكتور:(جالس فلبالكون وكيبتسم غير بوحدو)واش ميمكنش تهضري عادي بلا داك لقميع…?

ابتهال:(هزات تيليكومنز ووقفات السيري)دازت 2دقائق ومقلتي تا كلمة مفيدة

ڤيكتور:صراحة مكاين تا موضوع غير…

ابتهال:(قاطعاتو)إوا تصبح على خير…

ڤيكتور:(بقى غير مبلق عينو فتيلي شافها قطعات عليه ونطق وهو كيضحك)نستاهل انا لي معيط

#عند_ليث…

(واقف قدام باب دار ديال هود تاكيهز يديه باش يدق وكيعاود يحيدها مقادرش يواجهو وندمان بزاف وهو يشوف لباب تحلات)

هود:(متكي على الباب ولابس جيلي دلكيطمة داير القب وعينيه زرقة شوية وهاز لكارو فيديه)

ليث:(عاد تفكر راه داير لكاميرة هز عينيه وهو يشوفها)

هود:(شافو كيشوف فلكاميرة وطلع حجبانو بمعنى راه شفتك ودخل خلى الباب محلولة)

ليث:(حك فذقنو ودخل سد لباب لقى الظلام وريحة لكارو كتعطعط شعل الضو وهو يغوت هود)

هود:(غمض عينيه)طفيييي الضووووو أولد ال—-

ايث:(طفاه)هاهو طفا اوجه ال– واش وليتي سحت الليل

هود:(جالس فلبالكون وكيكمي)

ليث:(خرج عندو وجلس حيدليه لكارو وطفاه)

هود:(بقى كيشوف فيه وجبد وحداخر من لباكية)

ليث:(حيدليه لكارو ولباكية ورماهم)

هود:(تعصب)مرررريض ف– ولا شنو

ليث:كاالما أ— مالك شاعل

هود:(كيشوف فجيهة لاخرة طال الصمت بيناتهم تانطق هود)عارف — غالط وبسبابي مشات جوليا حيت شافتني فواحد ديكور خايب مع واحد خيتي تيقني مادرت لا بيدي لا برجلي هي فهمات غلط حاولت نشرحليها ولكن مابغاتش قاتلي انه انا مجرد خوها تسنيتها تقول الحقيقة ومابغاتش معرفتش واش كذبات ولا قالت الصح…اول مرة كنحس بالضعف(شاف فيه)منين كانت فالطيارة وقلعات حسيت بروحي مشات معاها مابغيتش نخسرها مابغيتهاش تمشي حاولت نحبسها ومقدرتش كنعيط ليها مكتجاوبش كنسيفطليها ميساجات فواتسب فلفايس مكتجاوبنيش ههه غير قبيلة دخلت وطليت لقيتها بلوكاتني. شفت فعينيها جرح كبير وشفت حتى الكره…ضيعتها من بين يديا ضيعتها قبل ما تكون حتى ديالي انا صافي خسرتها للأبد…

ليث:(كيسمع عليه وحاس بيه تاهو حب من قلبو وجرب طعم الفراق والخسران)مغادي نقوليك تاحاجة حيت فهاد الحالة ماغادي تنفعك تاحاجة لكن غنقوليك حاجة وحدة الحب الحقيقي عمرو مكيتنسى وجوليا كتبغيك…راني ندمان مكانش خاصني نضربك(وقف وضربو فذراعو)

هود:(تقصح)يلعن دين مك هادي هي سمحلي أوجه ال–

ليث:(كيضحك)صافي سمحتيلي

هود:(ناض وقف وعنقو عناق رجولي)عمري تقلقت منك اصلا ديك الضربة نفعاتني كنت كنستاهلها

ليث:(طبطب على ظهرو)إوا يالاه نوضو نمشيو لشي بلاصة نسهرو فيها نبدلو الجو ونعيطو لنزار راه مراشقاش ليا
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت134

هود:(ناض وقف وعنقو عناق رجولي)عمري تقلقت منك اصلا ديك الضربة نفعاتني كنت كنستاهلها

ليث:(طبطب على ظهرو)إوا يالاه نوضو نمشيو لشي بلاصة نسهرو فيها ونعيطو لنزار راه مراشقاش ليا

هود:(دخل لبيت)علاش شنو واقع

ليث:(بدا كيعاودليه موضوع ابتهال وديال نجود وشنو قاليه نزار)

هود:(كيلبس حوايحو ويسمع ليه) هدشي كامل اولد ال— ومقلتيلي والو

ليث:اصاحبي والله تاكان عقلي مرون زيد تحرك دبا(خرجو ومشاو لبار عيطو لنزار يجي تاهو شدو VIP بلاصة بوحدهم خالية من الصداع تحطو كيسان دالشراب وهو يجي نزار)

نزار:(كيشوف فالطبلة)تبارك الله..الشراب وجوانات يا شماكرية… كومسير على قدو بغيتوه يشارك معاكم فهاد التهمة

ليث:(كيكمي ويسوط الدخان)سد عليا زابورك وحط ك– اولد ال—- زعمة راك مكدير والو

هود:(هز كاس دشراب للمرة 4 وهبط عليه)

نزار:(كيشعل كارو ونطق)شاااا أ— إلا سكرتي والله مكنعرفك

ليث:(كيكمي وهاز كاش دالشراب وكيضحك)هههه عقلتي نهار كان سكران وغادي فالزنقة كيغني…

نزار:(كيضحك)هههه ناري منين جابوه لبوليس وشفتو مقديتش نشد راسي بالضحك كان فحال شي —- مخلصوهاش فالكوية

هود:(طلعات ليه السكرة وبقا كيضحك بجهد وعطاه صبع)
أ فااااكيو

ليث:(تكرشخ بالضحك على الطريقة باش قالها)ديك تصليعة لي داير غير ديال جوني أهود هههه كضبر على راسك خارج اوقات العمل

نزار:(كيشرب ويضحك)ولكن واش كلشي صلع ولا غير راسك ههه(ضرب كفو مع كف ليث وبقاو كيضحكو عليه)

هود:(كيضحك تادمعو عينيه)شحالهادي نيت ما كويت أجي نلعب معاكم شي ماتش هههه

ليث:(ضربو فكتفو وكيضحك)ترجل أعوج ال—

هود:ههه فين شفتيه يا ولد اللدنة يلعن — مك

ليث:(كان كيشرب وهو يكح ضحك)مالها أخطبوط اولد ال—- راه عندها غير واحد…(تفركعو كاملين بالضحك السكرة بدات طلع معاهم ومحاسينش براسهم شنو كيقولو وهود بدا كيغني وهما كيخراو عليه بالضحك)

هود:(هاز كاس شراب وكيغني)مشينا لبركان يامااا مشينااا لبركان مشينا لبركان مع دورة شدات لفران قاتلي نوض ت— يا فلان نوض علق لافوووت ديااالي مشينا لكرسيف ياماااا مشينا لكرسيف مشينا لكرسيف مع دورة جبدات السيف قاتلي نوض ت– بالسيف نوض علق لافووت ديالي…(ليث ونزار كيخراو بالضحك على الطريقة باش كيشطح ويغني ل— لي خدامين تما غير حالين فمهم فيهم شكون مكيعرفهومش صحاب أكبر شركة لصنع المجوهرات ونزار كوميسير مشهور ولباس عليهم بقاو كيتغامزو بيناتهم ومشاو عندهم كيتحلونو عليهم كل وحدة وفين شدات جالسين فحجرهم وكيشطحو)

ليث:(كيشوف فالبنت لي جالسة فوق منو بيضة وزعرة عينيها زورق تيتيزة ولابسة كسوة قصيرة صدرها كلو كيبان ضحك وبدى كيتخايل)ليزا جيتي ههه (لاخرة استحلات الفرصة وبقات كتلمس فيه وتحك مع حجرو تاجهلاتو وناض جارها من يديها)

هود:(كيضحك وشاف فنزار)ههه السيد مشى يطلق المدفع😂

نزار:(ضحك وناض تاهو خرج ومعنق واحد لبنت خلا هود كيشطح مع لاخرة)

ليث:(جرها ودخلها لواحد البيت تما تلاح على شنايفها كيف التور العطشان ويديه كتحيد دوك 2 شرويطات لي لابسة وهي كتحيد ليه فلقاميجة لاحها فوق الناموسية وجرها من شعرها خشا يديه فراسها وتلاح عليها…….بعد مدة كان حاط يدو بزوج تحت من راسو ومغمض عينو شوية ضار لعندها لقاها باقة كتلبس داك ربع ميترو ديال التوب لي كانت لابسة وضارت عندو كضحك…جاب البنات أشكال وأنواع باش ينسى ليزا ويتبت أنها مجرد علاقة عابرة وماشي حب حقيقي وكيلقى بلي تاوحدة ماعمرات بلاصتها ولا قدرات ترسم البسمة على فمو شحال كذب على راسو وقال بلي نساها ومبقاش كيبغيها فكل مرة نعس مع شي وحدة كيتخايلها ليزا فيهم عيط بإسمها مع كل رعشة ونشوة جرات فعروقو لكن غير كيسالي داك الحلم لي كيرسمو فمخليتو كيطير وكيحل عينيه بصدمة منين كضربو الحقيقة المرة دغيابها وبعدها عليه كاينوض كيغوت ويضرب لي جا فقدامو ناض وقف جبد لفلوس وعطاهم ليها وشدها من يديها خرجها برى مقادرش يشوف فعينيها كيحس فكل مرة قرب لشي وحدة أنه كيخون ليزا سد لباب ودخل للدوش طلق الرشااشة حاشي راسو تحت منها وداير يديه على الحيط مغمض عينيه بحزن وتخايلها قدامو…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت135

تفكر ضحكتها لي كانت فحال الموسيقى كتسلل لودنيه فحال نبضات القلب لي عايش بيهم كيتفكر فطعم شفايفها لي كان فحال الماء كيروي عطشو منهم ولمستها لي كانت كتشفي جميع جروحو وآلامو زير على قبضة يديه بغضب باغيها محتاجها توحشها غادي يسامحها باغي غير يشوفها ويعنقها ويشم ريحتها لي توحشها باغي يشوف ولدو ويسمعو قاليه بابا باغي يعنقهم بزوج ويكونو جالسين فأرجوحة فجردة فيها جميع أنواع الأزهار لي كتبغيهم ليزا وتكون كضحك ومعنقاه ويدو لاخرة معنق بنتو ولا ولدو وكيقيس فشعرو…

لقد أصبت بفيروس الإشتياق🦠 ظننته فقط مرض سأشفى منه🎛 لكن اكتشفت أنه وباء ليس له علاج🥀
#من مذكرتي أنا آية 🦋

أصبحنا وأصبح الملك لله🌞🌤

#عند_ابتهال
(فاقت ب66 كشفة عينيها كيتلصقو ومقاداش تنوض بقات ربع ساعة وهي متكية حالة فمها ههه عاد ناضت مشات نيشان للدوش باش تصحصح شوية خرجات من لحمام ونشفات شعرها بسوشوار ودارت زيت الكوك مع كتغسل شعرها كل نهار ضروري دهنو باش مينشفش ليها جبدات كريمات عاد شراتهم للجسم هزات واحد فيه ريحة الكراميل كيحمقها ودهنات بيه لحمها كامل وبقات كتشمشم كتموت علي شي حاجة سميتها كراميل هي نكهتها المفضلة ناضت لدريسينج ولبسات دوبياس فلحمر وتيشورت فلبيض مزير حشاتو فصاية فلكحل فوق الركبة منفوخة شوية وفيها أشكال هندسية فلحمر ولبيض كتبان بشكل رائع لبسات صباط طالون عالي فالأحمر وعكار فغوز مفتوح رشات من ريحتها شانيل دارت سنسلة ذهبية فيها 4دلقليبات صغار وملاصقين مع بعضهم بشكل دائري وحلقات خفاف خلات شعرها مطلوق وهزات صاك بوشيط فلكحل حشات فيه تيلي وپاورباند ولكيت وريحة صغيرة وهبطات لتحت لقات ريتا وجدات لفطور)

ريتا:(كتبتسم)يخليلي العمر لي لابس لحمر كيجي معاك بزااف

ابتهال:(توحشاتو وبغات تلبسو)شكرا اريتا ربي يخليك قسم وقيلة باقي مافاقت

قسم:(عنقاتها من اللور)صباح نور مامي

ابتهال:(جابتها قدامها وبقات كتبوس فيها)احح توحشتك يا لكتكوتة ديالي

قسم:(معنقاها) تانا توحشتك بزااف امامي بليز(دلات شنايفها) متبقايش تمشي وتخليني…لبارح تعطلتي

ابتهال:(جبدات ليها شنايفها)وعد منعاودش اصلا كنتوحشك الخنفوسة ديالي

قسم:(ضحكات وهي دير يدها على فممها بصدمة)طاتي نجود شنو كاديري هنا

نجود:(جاية عندهم)صبااح النووور(مشات باست قسم)انا بت هنا الزوينة

ابتهال:واقيلة فيقناك ماموالفاش تفيقي فهاد لوقيتة

نجود:(جلسات فطبلة)لا ماشي نتوما انا لي درت Reveille باش نفيق حيت خاصني نمشي للخدمة سالا لويكاند

ابتهال:(نطقات بإيطالي)وهداك بنادم عنداك يتعرضلك

نجود:(طمأناتها بعينيها)متخافيش من لوطو للخدمة(عاد تفكراتها)تفووو خليتها حدى لبحر لبارح

ابتهال:ماشي مشكل دبا نوصلك ليها مهم يالاه نفطرو(هزات شي حوايج باقي ناقصين من لكوزينة وجلسات)يالاه اريتا جلسي

قسم:(كتشوف فطبسيل وضحك كان طوست بني مدهون بالشكلاط وفيه ودينات بلفريز ونيف بحبة الشكلاط)ياي ماامي شوفي شنو صاوباتلي طاتي ريتا

ريتا:(باستها)يخليلي الغزال لي كيقول طاتي

ابتهال:(ضحكات)شفتي كون مكنتيش عزيزة عليها متعطيكش للخاطر وتقاد دكشي…
(بداو كيفطرو وقسم مرة مرة تعمر معلقة من القرعة دشكلاط وتاكلها بلا متشوفها ابتهال حيت مكتخليهاش تاكل الشكلاط بزاف سالاو وابتهال طلعات مع قسم لبيتها)قسم سيري غسلي سنانك ودبا نتفاهمو على ديك القرعة دشكلاط لي خويتيها

قسم:(حلات فمها)لا أمامي أنا..

ابتهال:(قاطعاتها معصبة)علااش كتكدبي…?

قسم:(حنات راسها ودلات شنايفها)منعاودش سمحيلي

ابتهال:(شيرات للحمام )سيري غسلي سنانك(مكتحملش بنتها متسمعش ليها الهضرة ولا دير عكس كلامها وخصوصا لكدوب تسناتها تاخرجات ولبساتليها بودي خفيييف فصومو غور باارد فيه شي كتابة فالرمادي وسروال رمادي طايهوت فيه شي خبيشات صغار ومن لتحت هابطين منو خيوطا صغار ديال سروال وگونفيرصة فلبيض دارتليها سنيسلة فضية فيها حبات القهوة صغار وحلقات خفاف خلاتليها شعرها مطلوق وفرقاتو فالجنب بدات تلبسليها فصاكادو ديالها)

قسم:(كتشوف فابتهال مقلقة وعضات شنافتها لتحتانية وتفرك فيديها وطارت عليها معنقاها متقدرش تخليها مقلقة عليها)مامي سمحيلي منعاودش بليز متبقايش غضبانة مني

ابتهال:(ابتاسمات)مغضبتش اقطيطتي ولكن تقلقت شوية منين مسمعتيليش لهضرتي

قسم:(هزات سبابتها وقاست نيف ابتهال )وعد امامي ديما غنسمعليك لهضرتك

ابتهال:(باستها وخلاتها تهبط وعيطات لنجود طلعات عندها)نجود اجي معايا نعطيك شي حاجة تلبسيها(دخلات معاها نجود لبيتها وخلاتها تختار لبسات صاية فلبيض وفيها وريدات فلكحل وبودي خفيف فلكحل حشاتو فصاية فيه شريطات جيهة لكمام مجاوهاش سبرديلات ابتهال من العرض حيت هي رجليها عامرين وجاوها مزيرين لبسات سندالتها الشيبية تاتشري سبرديلة فالطريق ودعو ريتا وهبطو لتحت تسناو طرونسبور قسم وعاد تحركو هما وصلاتها للبحر…)
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت136

نجود:(سلمات على ابتهال) شكرا ليك بزاف ابتهال معرفتش كيفاش نردليك الخير لي درتي فيا غطيتي عليا وعتقتيني من لوكاس عارفاك غادي تكوني كاتسائلي شنو بيني وبينو ولي نقدر نقوليك أنه هو شخص خطير متعامليش معاه ومتقوليهاش لليث بليز غادي يمشي يقتلو ولا يدير فيه شي مصيبة

ابتهال:(دارت راسها مكلخة)اه صافي انجود متخافيش وحتى نتي حاولي تبعدي عليه

نجود:(هبطات من لوطو واتوجهات للوطو ديالها طلعات كسيرات نيشان للمول)

#عند_هود…

(ناعس على كرشو عريان من لفوق لابس غير كارصون وحداه وحدة من ل—- دلبارح مغطية بليزار تاحس بالماء بارد تخوى عليه ناض مخلوع شاف ليث وبقى كيسب ويخطي)يلعن اصل مك اولد ال—-

ليث:(شاف فديك لي حداه قابطة فليزار مغطية بيه جسمها وضحك)هههه لي شافك هكا ميقولش بلي نتي لي كنتي هازة لبارح رجليك…نوضي ت—..(شاف فهود)ونتا بلاتي على زابور مك هدشي كامل غيوصل لجوليا

هود:(جبد لفلوس عطاهم لديك خيتي ونطق)تقوليها شي حاجة ن– خويا

ليث:سير يا وجه ال– غسل جنابتك بعدا عاد اجي نهضرو(خرج من عندو قلب على نزار ملقاهش عرفو غيكون مشى للخدمة)
(دقائق قليلة وخرجو بزوج من البار نيشان للڤيلا بدلو عليهم حوايجهم ومشاو للشركة)

هود:(جالس فلبيرو وكيفكر فجوليا هز تيلي وعيط)كاين شي جديد

~~:سيدي راه مكيناش قلبت عليها مالقيتهاش وسولت قالولي بلي ماجاتش

هود:(حل عينيه بصدمة ياك قاتليهم غادي تمشي لسويسرا يعني غادي تكون جالسة فالدار لي شاريين ليها تما ولكن فين هيا)كيفااااش مكينااااش قلب عليييها راه نمرتها عطيتهااليك

~~~:نمرتها طافية ومشعلاتهاش فخطرة

هود:ماااااشي شغلي بغيتك تجبدها فين مااااا كاااانت ولا عينيييك غنجبدهم ل— دمك من بلاصتهم(لاح تيلي فوق لبيرو معصب وناض كيمشي وجي بغضب شديد بغى يمشي لسويسرا يقلب عليها لكن هاد الأيام الخدمة مزيرة بزاف العرض لي فلمسكيك من جيهة والمشروع الجديد من جيهة هو وليث الخدمة كلها على ريوسهم مكيتيقو فحد كيديرو كلشي بيديهم ولي زاد عصبو أنه معارفش فين هي بالضبط جبد كارو شعلو وبقا كيكمي كيحس بالعجز فين ما كيبغي يوصل ليها كيحس بشي حاجز كيوقف قدامو ولكن عندو إحساس بلي غادي ترجع…)

#عند_ابتهال…

(كانت جالسة و حاطة رجليها على لبيرو ومتكية على الكرسي مغمضة عينيها حاسة بالعيى ومشبعاتش نعاس سمعات شيحد كيدق مداتهاش فيه وبقات مغمضة عينيها دخل شيحد وهي باقا هكاك حسات بيه قرب لوجهها حلات عينيها خلعاتو)

ڤيكتور:(ضحك)ههه يسحابلي ناعسة

ابتهال:(رجعات غمضات عينيها)السحاب فالسماء…علاش جيتي..?

ڤيكتور:(كيحرك راسو بلا حول ولا قوة مكتقاداش من لقميع)جيت ندويو فدكشي دلبارح فوقاش غندخلو لاكاپ خاصنا نجيبو شي حاجة لي ضمر لوكاس

ابتهال(ناضت ضورات راسها يمين وشمال كطرطق عنقها وتقادات فالجلسة شابكة يديها)اجي بعدا مسحتي كاميرات المراقبة دلبارح…

ڤيكتور:متخافيش راه تكلفت بيهم هدشي خاصنا دغيا نفذوه حيت بغيت نلوحو فالسجن كيف ما خدع الواليد ودخلو للحبس

ابتهال:واش تاهو كان فالمافيا..!

ڤيكتور:لا الواليد كان شخص عادي كان خدام حارس أمن فالشركة ديالهم لقديمة ديال تصميم الأزياء تالواحد نهار لي شاف الواليد لحشيش مابين السلعة بغى يبلغ بيهم وهما هددوه واخا هكاك واليد مابغاش يسكت لصقوليه بلي هو كيتعامل مع شي مافيا…حكمو عليه ب20 عام مقدرش يصبر ومات تما ديك ساعة كانت لعمري 10 سنين…

ابتهال:(باسف)الله يرحمو

ڤيكتور:آمين مهم كملي هضرتك كيفاش نقدرو نجيبو شي حاجة لي ضمرو

ابتهال:كاينة واحد الخزنة كايخبعو فيها جميع الإتفافيات والمؤامرات ولبيرو دآرثر ولوكاس كيكون فيه دكشي غير ديال الشركة يعني اي حاجة كتعلق بالمافيا كاينة فلاكاپ

ڤيكتور:(كيحك ذقنو)دبا خاصنا ضروري نجيبو دوك لوراق يعني خاصنا نهجمو عليهم

ابتهال:(ضحكات)معندكش­­­ فقاموسك شي حاجة سميتها الحرب البادرة(شافتو عقد حجبانو بعدم فهم ونطقات)لاكاپ فيه جهاز إلكتروني غير كيتسمع صوت الرصاص كيهبط واحد الباب داير بحال الحيط وكيغطي على الباب الرئيسية يعني إذا هاجمناهم لباب دلاكاپ بححح (شافتو غيقول شي حاجة فهماتو وقاطعاتو)لباب لابغينا نحلوه خاصنا تيلي دآرثر ولا لوكاس(يالاه غيهدر وقاطعاتو تاني)لا ميمكنش نسرقو تيلي…

ڤيكتور:(بقى غير مبلق عينو واش كتقرى الأفكار ولا شنو)وشنو كتقتارحي ابتهال (قاطعاتو)

ابتهال:(بحدة)مدام..

ڤيكتور:(ضحك ونطق)مدام ابتهال شنو هي الفكرة ديالك منبعد ما سديتي علينا جميع البيبان..

ابتهال:(شافت فيه بدون ملامح)وي سديت بيبان الغباء ديالك وغادي نحل بيبان الذكاء ديالولي Soo سمعني وسكت…(😂 هادي قمعة حبيتها)

ڤيكتور:(سرطها فحلقو من نهار شافها مابقى كيفهم فراسو والو ديما مشرشماه وبقى ساكت كيتسنا لالة ابتهال تهدر )

ابتهال:غادي نهاجمو ديپو ديالو ونسرقو السلعة وديك ساعة النص دليكارد فالقصر غادي يمشي لتما والنص لاخر غيبقى فالقصر يعني قدام لاكاب غيبقاو غير 3(بغى يهدر اخنزرات فيه)متقااطعنيش..غادي­­­ تجيب شي رجال يدقو فالباب اللورانية ويدابزو معاهم واكيد دوك 3 تاهما غادي يجيو وفديك لوقيتة انا غندخل

ڤيكتور:(وسع عينو)ككيفاش غادي دخلي تال عرين الأسد….ميمكنش

ابتهال:(شوفات قاصحة كتوعد بالإنتقام)إذا كان هداك عرين الأسد متنساش أنا راه اللبؤة..(ابتاسمات بحقارة)ولا ياكما بغيتي نقطع صبعي ونعطيهلك باش تحل الباب

ڤيكتور:(ابتسم ونطق)فكرة زوينة

ابتهال:(عطاتو صبعها لوسطاني)هاد الساعة كاين غير هذا

ڤيكتور:(ضحك بفقصة)

ابتهال:(بحدة)كيفاش درتي عرفتي حقيقتي..

ڤيكتور:نهار درتي ديك لكسيدة كنت حتانا فالطبيب شفتك وبقيت مراقبك تالدبا وعرفتي علاش تسنيت هاد السنين كاملة باش انتاقم…..

ابتهال:(رجعات دارت رجليها فوق لبيرو وتكات على الكرسي غمضات عينيها ونطقات)حيت مكلخ….(سمعاتو غيهدر وهي دير سبابتها ففمها)شششششش(ودارت ليه بيديها إشارة سير فحالك شوية وسمعات الباب تزدحات بقات كضحك كيعجبها الحال تقمع بنادم لي يستاهل سيفطليها ڤيكتور ميساج كتبليها بلي فالعشية غينفذو العملية وخلاتليه Vu )

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت137

(داز نهار دغيا نجود مشات للمول شرات سبرديلة بيضة ومشات لخدمتها باش تعمر وقتها وتحاول تنسى لوكاس واخا باقة كتبغيه رغم دكشي لي دارليها عاشت معاه الخايب كتر من الزوين لكن كيبقى هو أول راجل فحياتها والحب الأول ليث وهود دوزو نهارهم فالشركة كيخدمو على مشروعهم وجوليا مشات للندن (بريطانيا) عيات فالطريق نهار كامل وهي ناعسة حيت غدا غتبدى تخدم وابتهال دوزات نهارها غير من الدار للخدمة وكتفكر فالعملية ليي غينفذو فالليل وكتدعي ياربي يدوز كلشي بيخير)

#عند_ليث

(كانو جالسين فالجردة كلهم باستشناء سيلينا لي مشات جات كلارا وبدات كتحط فالقهوة ولكاطو وشي كرواصات سمعات تيلي ديالها كيصوني)

صباح:(كتشرب قهوتها)كلارا جاوبي على تيلي وعاد حطي هدشي فالطبلة

كلارا:(حنات راسها)واخا امدام(جاوبات فتيلي ومعرفاتش شكون)ألوو (حلات فمها)جوليااا لبااس عليك

(كلهم وقفو مصدومين وقربو عند كلارا)

هود:(بلهفة)كلارا ديري مكبر الصوت…(دارت مكبر الصوت وتسمع صوت جوليا)

جوليا:(عينيها عامرين بالدموع)كلارا عفاك ماتقولي لتاشيحد بلي عيطتليك مابغيت ندوي مع تاحد(صباح دموعها هبطو لهاد الدرجة مابقاتش حاملة تهدر معاهم)

ليث:(دار ليهم إشارة بمعنى سكتو وبعينيه قال لكلارا تكمل هضرتها وهود جبد تيلي كيخربق فيه باغي يعرف الموقع ديالها)

كلارا:كوني هانية اجوليا توحشتك بزاف فين مشيتي

جوليا:أنا بعدت بزاف ووصلت لدكشي لي باغة

كلارا:فوقاش غادي ترجعي

جوليا:(ضحكات)فين عمر الميت خرج من القبر اكلارا
(ليث كيمسح وجهو بغضب ونجود كتبكي وكتحاول ميتسمعش صوتها)نجود كيف دايرة

كلارا:راها بيخير اجوليا نتي لي كيف دايرة (نجود كتبكي بألم واخا مجروحة منها كتسول عليها)

جوليا:ههه بيخير كيف بغيتيني نكون ليث لاباس عليه

كلارا:(كتشوف فليث لي عينيه حومر)راه غادي

Leave a comment