Skip links

قصة : انتقام على أرض المافيا ج 6

 1,373 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت101

جوليا:(كاتبوس فحنكها وتبكي)توحشتك بزاف اهئ اهئ شنو وقع ليك انجود عاوديلي انا ختك عفاك اهئ اهئ

نجود:(كتمسح ليها دموعها)ماواقع والو غير طحت وتهرست فيدي وجاني نزيف هدشي لي كاين ودبا أنا مزيان بيخير ونتيا لاباس (شافت يديها دايراليها لصقة صغيرة)مالك فيديك….

جوليا:ماواقع والو غير تجرحت بزاج خبشة صغيرة وصافي

نجود:(شافت فيها)مكتعرفيش تكذبي عاوديلي شنو واقع اجوليا

جوليا:(بقات ساكتة وكتشوف فجيهة لاخرة من ديما وهي كتعاود لختها كولشي وكتنصحها وتعاونها واخا هي صغيرة ولكن عقلها كبير بدات جوليا كاتعاود ليها كلشي من اللول وبدات منين كانت فالجردة وزير ليها على يدها منين دوات مع جون والبوسة لي باسها وعاوداتليها على شوهة دالقهوة وبدات كتبكي)اهئ اهئ الحاجة لي بقات فيا وجرحاتني منين قالي غير غلطة حسيت براسي رخيصة

نجود:(كتضحك)اويلي علاش كتبكي الهبيلة دبا

جوليا:(شافت فيها بعدم فهم)واش انا كانقوليك كرامتي ولات جفاف ونتي كضحكي

نجود:(كتمسح ليها عينيها)الهبيلة هذا راه سميتو الحب غار ومابغاش شيحد يكون فحياتك وبالنسبة للبوسة بصح كان غلط حيت هو انجود تربى معانا وليث كيحسبو خوه ومأمنو علينا غادي يكون حس فحالا كيخون تقة ليث حيت هو كيعاملو فحال خوه وهو مشى قرب من ختو فهمتي غادي تجي فشكل وبالنسبة ليديك ادحشة راه مشافكش وطحتي ماشي دفعك وباش كملتيها خليتيه واقف بلاكة منين قاليك نمشيو طبيب ولاخر خليتيه يداويليك يديك سمحيلي لكن هاد لفلاش لي درتي خايب ديبلوكيه ودوي معاه بلعقل

جوليا:(كتسمع وتحلل وهبطات راسها)بصح عندك الحق (عنقاتها)بلا بيك أنا والو (بقات كتشوف فيها)نجود عاوديلي

نجود:(عينيها دمعو مقاداش تعاود حتا لراسها غير كتفكر فلوكاس كتمرض)أنا عيانة اجوليا منبعد

جوليا:(عرفات بلي مابغاتش تعاودليها من ديما وهي صندوق مسدود)صافي واخا نعاونك دوشي

نجود:لا بلاش كنحس براسي عيانة بغيت غير نعس(دخلات الخدامة هازة بلاطو فيه لماكلة ودواء)ما فيا ماناكل بفف

الخدامة(كلارا):موسيو ليث وصاني باش تاكلي ماكلتك كاملة ومنهبط حتا تسالي

جوليا:(هزات لبلاطو)كلارا صافي غير هبطي أنا غادي نعطيها تاكل(ضارت عندها وكترجاها)عفاك غير على قبلي…

(بقات كتوكلها حيت نجود مهرسة من يدها ليمنية كملات لماكلة كاملة وجوليا كتحشي ليها لماكلة ففمها بالسيف عليها😅فحال شي بيبي صغير ماباغيش ياكل)

جوليا:(عطاتها تشرب الدواء)وأخيرا زنطيط الفار كملات

نجود:(عاوناتها جوليا تلبس وتكاتها)شكرا ليك بزاف

جوليا:(قبطات جزء من شعرها جراتو بشوية)ديك شكرا كوليها معندي مندير بيها راكي ختي ماشي صاحبتك باش تشكريني(باستها فجبينها)تصبحي على خير كبيبدة ديالي(خرجات وطفات عليها الضو)

نجود:(غير خرجات دموع لي كانت خازناهم هبطو شلال كتفكر فشنو وقع وصلات بيه الدرجة أنه يهرسها ولي بقى فيها هو أنه خلاها هكاك غارقة فدمها وهرب ونطقات بألم وهي كتشهق)مكيبغي..كش وعمر.و غا..دي ..يبغييك(غمضات عينيها بغات تنعس حيت حاسة براسها مقاداش تزيد دقيقة وهي فايقة غادي تبقى غير كتفكر فيه سمعات شيحد حل الباب وبقات مغمضة عينيها مابغاتش شيحد يشوفها كتبكي)

ليث:(دخل وشافها ناعسة قرب ليها وشاف رموشها وتحت عينيها فازكين مسح دموعها وباسها فجبينها حطليها تيلي ديالها فوق كوافوز وخرج)

نجود:(حلات عينيها شافت شنو حط لقات تيلي ورسمات ابتسامة حزينة واخا دكشي كامل لي دارت باقي كيبغيها وحنين عليها واخا مكيبينش ليها لكن كلشي واضح هزات تيلي لقاتو طافي شعلاتو وحلات عينيها منين شافت 50أبيل من لوكاس زادت تعصبات شافتو كيعيط تاني وقطعات عليه حطاتو وطفات لفايوز وعاود عيط تعصبات وجاوباتو)-/ود عليا الحيواان حماااار الكلب ال-/مل…

لوكاس:(كيسمع ويضحك)الحمد الله دبا عرفتك راكي بيخير

نجود:(زادت تعصبات هي شوف شنو كتقول وهو كيضحك)كنكرهككك متعاودش تعيط عليا بعد مني شوفليك شي —ة فين تبقى ترمي فيها وسخك ولا شي كلبة تصبر ليك على همجيتك نتا حيوان بلاقلب متستاهلش شيحد يبغيك

لوكاس:(كيسمع وابتسم بمرارة)عارف راسي حيوان بلا قلب ههه (سكت شوية ونطق)علاش كنتي كتبكي

نجود:(بعلامة استفهام)كك..يفاش مفهمتش..?

لوكاس:فخبارك بلي حتى فالظلام كتباني زوينة

نجود:(حلات عينيها بصدمة كيفاش شافها بقات كضور راسها بخوف وترعد)للوو..كاس..فين…شفتيني(بدات تبكي الخلعة شاداها من صبعها الصغير وقلبها شوية ويخرج من بلاصتو)

لوكاس:(مابغاهاش توتر)نجود كلشي عارفو عليك دوبياس لي لابساهوم تحت من حوايجك عارف إنا لون(ابتسم)فلكحل اللون المفضل ديالك باش تأكدي بلي نتي مهمة عندي بزاف ماشي بالضروري نكون كنبغيك مهم راه مخاصكش تعصبي ولا توتري باش متوقعش ليك شي حاجة ولا للجنين(نطق بنبرة خافتة وحنينة)تهلاي فولدنا(وقطع عليها)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت102

نجود:(مفهمات والو مرة حنين مرة صعيب مرة وحش بقات كدور راسها فلقنات دبيتها اكيد غادي يكون داير شي كاميرا حطات تيلي ومشات شدات لبيت بالساروت وحشاتو فصدرها رجعات لناموسية وبقات جالسة خايفة لايخرج ليها من شي قنت وجمعات رجليها عندها بقات هكاك كاديها عينيها وترجع تحلهم سمعات صوت تيلي هزاتو لقاتو هو نيت بقات كتشوف واش تجاوب ولا لا فاللخر جاوبات ونطقات بشوية)شنو بغيتي

لوكاس:نعسي مقادة راه غادي يضرك عنقك

نجود:(شداتها التبوريشة دالخلعة قطعات عليه وطفات تيلي مستحيل تيق فيه أبدا وحش ب1000وجه بقات هكاك جالسة ومعنقة رجليها تاشرقات الشمس وطلع الصباح)

#عند_ابتهال…

(يالاه داخلة للدار وكتحيد فسبرديلتها كيف عادتها السبت كتخرج تجري حدى للبحر دخلات ومشات تطل على قسم لقات رجلها فشرق وراسها هابط على ناموسية مشات قاداتها فبلاصتها وكتضحك مشات لبيتها ودخلات دوشات شوية وتمات خارجة بلفوطة لبسات دوبياس ديالها ودارت فوطة صحية لبسات كسيوة بيجامة خفيفة فالرمادي وهبطات كتقاد فلفطور شوية سمعات قسم هابطة)

ابتهال:(كتحط لفطور فوق طبلة ونطقات)قسوووومتي قطيطتي

قسم:(هابطة فدروج مشات عند ابتهال وباستها) buongiorno “صباح الخير”

ابتهال:(جلسات فالكرسي وكتدهن ليها الخبز بالفرماج)صباح الورد يا أجمل وردة فهاد الدنيا

قسم:(دارت يدها على فمها وكتضحك)دبا أنا وردة هه

ابتهال:(قرساتها فحنكها)نتي راه دياموند ديالي (بقاو كيضحكو فطرو وسالاو ناضت ابتهال تجمع الدار وقسم طالقة موسيقى فليباف ولبسات حوايج لبالي وكتشطح وابتهال مرة مرة كتعطيها شي ملاحظة حيت كتفهم فيه شوية قسم منين كانت فعمرها 3سنين دخلاتها ترقص بالي وتعلم السباحة والجمباز ونطقات)
مامي 3ciclo “تلات دورات” وهبطي يديك

(سالات جميع الدار ومشات كطيب الغدا غير وجد تغداو وطلعو يلبسو حوايجهم باش يمشيو للنادي لي تسجلو فيه لبسات ابتهال سروال كيطمة كيجي شوية واسع طايهوت وتيشورت قصير فالأحمر ولكريشة باينة شوية فيه دائرة بنجيمات صغيرة فلبيض فوق الصدر شوية فالجنب ووسبرديلة بيضة وهزات صاكادو دارت فيه فوطة وشامبوان صابون ديالها ودقسم حيت كيدوشو تما ومشات عند قسم لبساتليها جوبة فلكري منفوخة شوية وسوفيطمة بيضة حشاتها فيها وسبرديلة فالرمادي ومخلط معاها لون ازرق وبرتقالي عطاتها كاسكيط فأزرق وبرتقالي وحشات فصاكادو ديالها كسوة دلبالي ديالها وصبيبط وليبة وفوطة ديالها سالاو وهبطو سدات الباب وركبو فلوطو مشات للصالون حيت باقي شوية الحال على لاصال وقطعات الكصة كتعجبها وكتجيها زوينة بغات تقطعها للقسم ولكن مابغاتش واخا كتجيها غزالة خلاتها على خاطرها ومشاو للنادي وصلوو ودخلو كان كبير بزااف فيه عدة فضاءات حيت كيمارسو فيه جميع أنواع الرياضات السباحة ركوب الخيل الرقص والجمباز كرة السلة واليد والقدم والكرة الطائرة وكاين صال عادي وواحد ديال لحديد وقبل ماكادخلي كتوريهم بطاقة الإشتراك وراتهم لاكارط ودخلات قسم لفضاء البالي كانو 4بنات كبار وراجل لي كيعلمو الرقص لدراري الصغار وكاين تالكبار لكن فجهة أخرى )

ابتهال:(دخلاتها للغرفة لي كيبدلو فيها لحوايج ولبساتليها كسوتها وليبة وحزماتليها الصبيبط مزيان ودارت صاكها فالخزانات لي تما كيتحلو بديك البطاقة دالإشتراك)قسومتي أنا غنمشي لاصال منين غاتسالي الحصة ديالك غادي نجي نديك أوكي قطيطتي

قسم:(باستها فحكنها)أوكي مامي

(هدرات مع معلمة الرقص دلبالي ومشات لاصال منين دخلات وكلهم كيشوفو فيها عرفوها جديدة حيت هما كيعرفو بعضياتهم مزيان مداتهاش فيهم وكملات طريقها لڤيستييغ بدلات حوايجها وجمعات شعرها كوتشوڤال دارت صاكادو فالخزانة وخرجات)

#عند_ليث…

(منين فاق فالصباح وهو فالشركة خدام على المشروع الجديد ‘Wehalyan’ من اجتماع لإجتماع وعدة اتصالات حس براسو عيى وخلى هود فالشركة يكمل حيت هود تالعشية عاد جى غير وصل طلع لبيت نجود دق ماجاوبو حد ودخل كيقلب عليها لقاها فلبالكون جالسة فالكرسي جامعة شعرها كوتشوفال ودايرة نايڤية فشعرها فحال باندة وكسوة فلخزي وساهية كتشوف فالسما قرب لباب لبالكون ونطق)نجود كيف بقيتي

نجود:(قفزات من بلاصتها وغوتات)

ليث:(تخلع وقرب عندها)نجود مالكي…

نجود:(شادة فقلبها مخلوعة ولات خايفة غير من خيالها)لاوالو اخويا غيت خلعيتيني وصاف

ليث:(كيشوف فيها كيفاش كترعد)واش واقعة شي حاجة متخبيش عليا

نجود:لا مكاين والو غير كنت ساهية محسيتش بيك منين دخلتي

ليث:(ماعطاش للأمر أهمية)امم صافي…..

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت103

ليث:(كيشوف فيها كيفاش كترعد)واش واقعة شي حاجة متخبيش عليا

نجود:لا مكاين والو غير كنت ساهية محسيتش بيك منين دخلتي

ليث:(ماعطاش للأمر أهمية)امم صافي مهم تغديتي

نجود:اه تغديت وشربت الدوا(سكتات شوية ونطقات)بغيت ناخد منك الإذن بغيت نبدل بيتي وغادي يجيو شي وحدين باش ياخدو لقياس

ليث:(تفاجئ عمرها طلبات منو الإذن ولا استاشراتو فشي موضوع من ديما كادير لي فبالها)آش طرا وجرى تاطلبتي الإذن ألالة نجود

نجود:(هزات كتافها)مابغيتش ندير تاني شي مشكيل ومنين تجي تلقاهوم فبيتي اكيد مغيعجبكش الحال

ليث:(ابتسم)واخا انجود أنا موافق المهم جيت نطل عليك ونمشي نتغدا ونرتاح شوية

نجود:(ابتسامة باهتة)واخا اخويا غير سير

(مشى ليث لبيتو دوش ونعس ونجود بقات جالسة تاوصلو شي دراري خدامين فشركة الديكورات والآثاث المنزلي طلعاتهم الخدامة لبيتها وبقات كتشوف فيهم ونطقات)شكون فيكم سميتو مايك

(تقدم واحد دري ونطق)هو أنا

نجود:(شافت فيه مزيان)راك عارف شنو خاصك دير لكاميرة بغيتك تجبدها واخا تكون مغروسة فالحيط

مايك:متخافيش امدموزيل نجود

نجود:(شافت فدراري لاخرين لي خدامين فشركة الآثاث)ونتوما بداو خدمتكم(خرجات لبالكون وجلسات خاصها ضروري تحيد هاد لكاميرة مابقاتش باغاه يشوفها كرهاتو واخا قلبها باقي كينبض بإسمو ومغاديش تقول أنها نساتو ومابقاتش كتبغيه حيت كيبقى هو الحب الأول لكن دبا هو فحال شي فيروس خطير وخاصها تبعد منو واخا ماتقدرش لكن خاصها تحاول وباش ميشكش فيها خوها ويشك فدري قررات تقول لهاد مايك اختصاصي فالأنظمة المعلوماتية وهاكر مشهور يجي معا دراري لي خدامين فشركة الآثاث حسات بشيحد وقف حداها هزات راسها لقاتو هو)

مايك:(هاز فيديه كاميرة صغيرة قد نملة)هاهي لقيتها صراحة هذا لي دارها خانز فلوس حيت كتباع غالية وماشي من هنا من روسيا

نجود:(قبطاتها من عندو)صافي انا غنتكلف بيها

مايك:مغاديش تعرفي..(مزال ماكمل هدرتو تالقاها حشاتها فمها وبدات تعض فيها وتغزز رضاتها فراتت وكمل هدرتو وهو حال فمو)تطفي..ها

نجود:(جبداتها من فمها مفرتتة)ودبا غانشوفو فين غادي تشوفني أسي داڤيد فلوسك غايوصلوك فحسابك شكرا ليك(مشى فحالو ولاخرين مزالين تما شافتهم تعطلو ودخلات عندهم لقاتهم مزالين كيشدو لقياس)علاش تعطلتو

~~~:سمحيلينا مدموزيل نجود غير راه كنا كنتسناو داك دري حتا يسالي ودبا راه سالينا

(خرجو وعيطات للخدامة باش تشريلها نمرة جديدة بغات تنسى لوكاس فخطرة حيت بالنسبة ليها هو غير سم كيجري فدمها وخاصها تحيدو بقات جالسة فلبالكون لعشية كاملة وطالقة موسيقى فلكيت باغة تبقى غير بوحدها)

#عند_ليث

(7هادي عاد فاق دخل نيشان للحمام وتم خارج سمع تيلي كيصوني هزو لقى نجود وطلب ياربي تكون شي خبار زوينة)افين العشير ههه

نزار:وانتا لي فين من الصباح وانا كنعيط

ليث:(خرج لبالكون وجبد كارو شعلو وبدا كيكمي)اكنت ناعس اصاحبي الخدمة فالمشروع جديد القضية مزيرة..

نزار:اوا هادي هي الخدمة معندك مادير مهم عندي شي خبار معرفت واش غتعجبك ولا لا

ليث:(تقاد فجلستو وكيتصنت)

نزار:داك خينا داڤيد راه ميت

ليث:(عقد حجبانو كيفاش ميت وهو عاد كان عند نجود لبارح)كيفاش ميت ..?

نزار:شوف خاصنا نتلاقاو اجي عندي باش نهدرو مزيان

ليث:صافي واخا هاني جاي..(قطع معاه ودخل دريسينج لبس سروال كيطمة نايك فلكحل ولاڤيست ديالو نص الفوقاني فلبيض ونص لاخر فلكحل ولبس سبرديلة بيضة رش من ريحتو وهز تيلي ديالو ولكونطاك وخرج نيشان للكوميسارية….)

(بقى جالس هو ونزار فواحد الغرفة كيحطو فيها السجلات كيبحثو على السجل ديال داڤيد)

ليث:(تعصب)اصاحبي مفهمتش علاش هاد السجلات مدرتوهومش فالكمبيوتر حماقيت مع هاد ضواسا كلهم قريتهم

نزار:(باقي كيقلب)تامل دمك أنا لي بنيت هاد لكوميسارية وتاريخ لي تزاد فيه هاد بنادم راه قديييم (ضحك)هااااهو لقيتو

ليث:(دغيا طار عندو حيدوليه وبدا يبقشش)

نزار:بشوية عليك لصاحبي مالك مزروب شكون هذا كاع لي باغي تعرفو شكون هو

ليث:(حل عينيه بصدمة)لااا ميمكنش..(عينيه نقطة حمرة ولعروقة برزو فجبينو كيدلو على قمة غضبو ضرب الملف مع الحيط تاطاحو لوراق ليفيه كاملين وغوت)فاااك ميمكااااااانش….

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 104

#عند_ابتهال….

(منبعد مهدرات مع معلمة رقص البالي دقسم مشات هي لاصال العادي كادير حركات تسخينية دارو فقرة الرقص الغربي وفنفس الوقت فيها حركات سالات ومشات جابت قسم من حصة ديال البالي وداتها للحصة ديال الجمباز لبساتليها لبسة دايرة فحال مايو باش كتسهال عليهم يتحركو ويتجبدو ومشات لاصال ديال لحديد بدات كادير فحركات تسخينة قبل ما تهز التقل مع لكوتش باش العضلة تطلق وميتقطعش اللحم ولبنات غياكلوها بعينيهم حيت طايتها واعرة عضلات البطن مرسومين ولفخاض مشدودين وقاصحين كل وحدة فيهم داخلة لهاد لاصال باش تولي عندها فحال هاد لاطاي مشات
La Machine de musculation”لآلة كمال الأجسام”
وتقلاتها بles disques فيهم 25 كيلو وبدات كتريني شوية
ومشات هزات les alters فيها غير 3Kg مابغاتش تهز كتر حيت باقي فيها ليغيكل وبقات كادير بيهم حركات وتلعب بيهم فحالا هازة ريشة منين كانت عندها 17سنة وهي كتهز فلحديد 30 تال 60Kg وكتحاول تخلي طايتها أنثوية ورشيقة ماشي مرجلة…
هي كتريني وواحد دري مابغاش يتفرق عليها بالهدرة والضسارة وكيبقى يقوليها سمية الأجهزة الرياضية صحابلو هي راه جاية من مور الشمس معارفاش دكشي حطات دكشي فالأرض وبقات كتلوي فيديها وتحرك فعنقها ومشات لجهاز الجري)

~~:(عينيه غير على صدرها ومؤخرتها -/ملاتو بهاد المعنى شوية ويجيبو فسروالو)كاديري تمارين لكارديو أجي نعلمك الغزالة…

ابتهال:(ابتاسمات معاه وتحركات من تما مشات لڤيستييغ ودارت ليه حركة بصبعها زعما أجي تبعها وهو حال فمو ريوكو هابطين كايقول صافي طاحت الحوتة فالشبكة حسات بيه وقف موراها وهي تجمع واحد البونية ودارت بسرعة عطاتهاليه لنيف تاتسمع صوت ططق أكيد تهرس جابتو منشور فالأرض عرفات فين تضربو هبطات لعندو وقرساتو فخنكو بدلع ونطقات وهي كتبتسم فحالا تاحاجة ماوقعات)وهادي سميتها الضربة القاضية كيف جاتك

~~:(شاد فنيفو كيتوجع ودمايات كتسيل جاتو الدوخة كيشوف فوجهها كايباليه منو 4 ونطق هو كيتهجى)يلعن دين/مك ال–ة

ابتهال:(ضحكة شريرة تاتغمضو عينيها وقفات ومشات حلات بلاكار ديالها وجبدات صاكادو هزات شامبوان وجابتو هبطات تاني عندو لاحتليه بوسة ونطقات بإسبانية)Adios bastardo
“وداعا أيها الوغد”(كبات شمبوان على عينو وعلى نيفو تابقى كيغوت ويبكي بالحريق دكشي كيوزور ناضت ودخلات للدوش بدات كدوش عادي فحالا ماواقع والو شوية وخرجات لقات الدنية مقربلة وسمعات شي 2بنات كيهدرو)

~~1: ياختي معرفتش شكون هذا لي ضربو

~~2:هذا ماشي بنادم غادي يكون وحش شوفي نيفو كيف ولة بقى فيا كيحمقني هاد دري

~~1:غادي يكون غفلو اصاحبتي حيت راه صحيح شوفي عضلاتو كيف كبار راه كيوزن شي 100كيلو

(ابتهال شداتها الضحكة طزز بقات فالعضلات ولا شحال وزنو بقات فالتركيز والذكاء دبنادم وحتى السرعة ومشات للخزانة جبدات صاكادو ديالها ودخلات تبدل لبسات دوبياس ديالها وكسوة سميطات فالرمادي سامبل مزيرة حد الركبة زادت برزات معالم الأنوثة الصدر والمؤخرة ونشفات شعرها بالفوطة جمعاتو سفنجة مخربقة لبسات سبرديلتها جمعات لفوطة وصاك صغير ليفيه شامبوان..وخرجات مشات عند قسم لقاتها واقفة حدى المدربة حمرة وكتلهت تخلعات وقربات ليها)قسم بنتي ماالك(شافت فالمدربة)شواقع ليها

مدربة الجمباز:(كتبتسم)متخافيش ماوقع ليها والو غير عيات بالتمارين صراحة قسم عجباتني حركاتها متقونة ومرنة أسلوبها فالرقص رائع وقررت أنني ندخلها فالفريق دلبنات لي غادي يشاركو فالبطولة ديال رقص الجمباز لكن إذا وافقتي طبعا

ابتهال:(ارتاحت وابتاسمات)معرفتش كنخاف توقع ليها شي حاجة واخا عمرها طاحت ولا تهرسات ولكن كنخاف عليها بزاف

قسم:(شبكات يديها بزوج وكترجاها ودلي فشنايفها)مامي تيقي فيا غادي نحضي راسي بليز بليز

ابتهال:(قاستها فشعرها)مامي خليني تانفكر أوكي(شافت فالمدربة)عطيني نمرتك غدا نرد عليك وسجليها

مدربة الجمباز:(وافقات وعطاتها النمرة مشات ابتهال بدلات ليها حوايجها متبغاتش تعسل ليها حيت شافتها سخونة غادي يضربها البرد وهي معندهاش المناعة دغيا كتمرض خرجو من النادي نيشان للدار )

#عند_جوليا…

(لي من لبارح وهي كتفكر فكلام نجود زعمة بصح يكون كيبغيها? ومنين ضرب جون كانت هاديك غيرة? وماشي تصرف أخوي? هزات تيلي وديبلوكاتو من فايس ولواتسب وأنسطا وحتى فنمرتو دخلات لواتسب لقات بروفيل ديالو مكاينش ومكيطلع ليها والو قالت صافي بلوكاها تعصبات لقات شي نمرة مسيفطالها ميساج فيه جوليا..? عقدات حجبانها بتساؤل وسيفطاتليه شكون معايا..? شافتو طلع vu ومجابوهاش هزات كتافها بلا مبالاة وحطات تيلي…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت105

#عند_هود…

(كان فالشركة خدام شوية هز تيلي باش يعيط لشي حد ولقا ميساج من جوليا فيه شكون معايا..? مابغاش يجاوبها براكة غير كرامتو لي تمسحات بيها الأرض مانساش اللقطة لي كانت خايفة فيها على جون وهو مداتهاش فيه وقرر أن يبعد عليها شوية باش يشوف كيفاش غادي تصرف ويعرف واش تاهي كتبغيه ولا نساتو بقا خدام تما تاوصلات 8 عيى ومشى للڤيلا دخل مالقى تاحد وتم طالع فدروج وهي تبانليه جوليا هابطة دغيا هبط عينيه مابغاش يهدر معاها حيت باقي مقلق منها وبزااف داز من حداها ماعبرهاش كاع جوليا بقات غير كتشوف فيه تادخل لبيتو مصدومة من هدشي لي دار لا سلام لا كلام شوفة هي لخرة مشافهاش فيها دمعو عينيها ولعنات نيتها وغبائها كانت باغا قالك تمشي وتهدر معاه لكن دبا الحقيقة صدماتها هو عمرو بغاها وعمرو غادي يبغيها وسدات النقاش بفكرة أنه باقي كيبغي مرتو ريماس لولة كانت كتشوفو كيف كان كيضحك معاها ويعنقها ويغير عليها كانت كاتشوف حبهم قدام عينيها صبرات بزاف وخبات مشاعرها ودموعها فقلبها عانات فصمت غير كلمة ختي منين كان كيقولهالها كتحرقها قلبها حسات بيه تزير ودموعها محجرين فعينيها دورات راسها ولقات ماماها طالعة)

صباح:(كتشوف فيها بتساؤل)جوليا بنتي مالك.?

جوليا:(ترمات عليها عنقاتها وبقات تبكي وتشهق)

صباح:(عنقاتها وزادت زيرات عليها)بنتي جوليا شنو واقع

جوليا:(هدرات وهي كتشهق)اهئ اهئ عفا.ك خليني..نعنقك..اهئ اهئ مابغيتش..نهد…رر

صباح:( بقات معنقاها وكطبطب عليها شوية وسكتات بعداتها عليها ومسحات ليها دموعها)يالاه قوليلي مالك واش واقعة شي حاجة.?

جوليا:(دايرة يديها على كتافها ابتاسمات وعينيها منفوخين)والو غير حسيت بضيقة فصدري وكنت باغا نعنقك اصلا توحشتك…

صباح:(فرحات)يعني سمحتيلي ابنتي ياكي

جوليا:(باستها فيديها)انا كنت غير مقلقة أماما وماشي انا لي خاصني نسمحليك…

صباح:(تقلقات)مكتبغي تاتشوف فيا كيفاش بغيتيها تسامحلي

جوليا:(قاستها فحكنها بحنية)متخافيش غادي تسامحليك وأنا غادي ندوي معاها المهم هاني غنخرج

صباح:(قربات لودنيها ونطقات بهمس)هود قالي غادي ديرو ليها مفاجئة عيد ميلاد

جوليا:(حركات راسها بآه)اه..

صباح:(ضحكات)غادي تفرح بزااف وديك ساعة نحاول نتقرب ونهدر معاها..

(خرجات جوليا ركبات فلوطو ومشات لمول باش تشري هدية لنجود وصلات وسمعات تيلي كيصوني جبداتو لقات جون وجاوبات)
الو جون لاباس عليك

جون:الحمد جوليا ونتيا بيخير كيبقات يديك

جوليا:الحمد لله نتا كيف بقات عينيك

جون:حمد الله تفشات شوية فينك..?

جوليا:انا فالمول غنشري هدية لختي نجود

جون:علاش ياكما عندها عيد ميلاد..?

جوليا:اه غدا عندها عيد ميلاد

جون:(ابتسم)هي راني معروض هههه

جوليا:(كتفرنس مابغاتوش يجي وتنوض شي روينة وحداخرا ولكن غير تفكرات التجاهل ديالو وقبيلة مداهاش فيها كاع وهي تنطق)اه مرحبا راك معروض غادي نديروه فواحد لكلوب مع 8 غانسيفطليك الموقع
(هدرات معاه شوية وقطعات سيفطاتليه الموقع وبقات كاضور وكتفكر فشنو غادي تشريليها…)

#عند_ليث

(كان معصب جا عندو نزار)

نزار:(قرب لعندو وحط يدو على كتفو)اماالك ال–/وي شوااقع …?

ليث:(معصب وكيسووط)هاد –ل ديال داڤيد ميت هادي قرن

نزار:(بدا كيفكر)يعني هذا لي كتقلب عليه غادي يكون انتحل الهوية ديال هاد داڤيد

ايث:تماااما هذا باينة عندو حساب معايا حيت هاد الدخلة كان موجد ليها باش نجود متعرفوش على حقيقتو يعني(ضرب فالطبلة)يعني استاااغلها ولد ال—ة باش ينتقم مني أنا

نزار:(بعدم فهم)بلاتي بلاتي كيفاش نجود…?جاب نجود للهدرة

ليث:(سكت ماباغيش يعاودليه شنو غايقولو متلا..?)والو مهم بغيتك تعرف ليا شكون هذا ضروري انزار..?

نزار:(هو بوليسي مغاديش تخفى عليه هاد التسيقة لي دارليه)فخبارك بلي بلا بيا ماغاديش تقدر تلقاه حيت فهاد الوضع خاص ضروري لبوليس لي يعاونوك حيت هما لي يدهم واصلة لكلشي

ليث:(حرك راسو بأه وحط يديه على كتفو زير عليه)نعول عليك اخويا نزار

نزار:(شاف فيه بشوفة حادة)مغادي نقلب عليه حتى تعودلي قصتك معااااه

ليث:(قاطعو ومسح وجهو بغضب)نزاار اذا كنت بصح كتعتابرني خوك متسولنيش

نزار:(تعصب ومشى حط يديه على فعنقو من اللور وقرب لراسو مزير عليه)نتا راك خووويا وحيت نتا خويا انا ماباغيكش طيح فشي حفرة باغي نعاونك وإذا مابغيتيش تعاودلي(طلق منو)هاديك حاجة خرى ونفهم بلي أنا مكنسوى عندك واالو

ليث:(مسح وجهو بغضب حط يديه على واحد طابلة كاينة تما وكيشوف لتحت نزار فحال هود صحاب من الصغر عشرة طويلة وكيتيق فيه كتر من راسو ونهار كيحتاجو كيلقاه نطق)نجود حاملة

نزار:(حل عينيه مصدوم قلبو شعلات فيه لعافية مابغاش يتعامل بغباء ويزيد يحرجو بأسلئتو حيت عارف دبا بلي غادي يكون معصب من هاد الموضوع ونطق مغدد بغضب)يعني هاد الحيوان لي انتحل شخصية داڤيد استاااااغل نجود وضحك عليهاااا…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت106

ليث:(حرك راسو بآه بلا ميشوف فيه)الحيوان كان كيضربها انزار ديك نهار مشيت عندها للمزرعة كانت جالسة تما ولقيتها فجنان…
(غمض عينيه بعصبية وكيفكر فالحالة لي لقاها فيها ضرب فالطبلة بغضب شديد) –/مل دخل تالمزرعة واغتاصبها لقيتها كلها مجروحة وعامرة بالدم ألبااارح عاوتاني لقيت يدها مهرسة مطاحتش هو لي هرسها(رمى ديك الطبلة وغوت)اااااه هااد ولد ال—ة كيآدي ختي وانا مقادر ندير واااالو كيدخل تالدار ومكنشووووفوش واخا كنت داير لكارد فالمزرعة ودخل….

نزا:(باقي مصدوم من هدشي متيقش ان نجود ديك لبنيتة صغيرة كيف كيسميها هو يكون وقع معاها هدشي كلشي ونطق) وسولتيييها عليه

ليث:(شاف فيه)فين مااااا كنسولها كتهرب من لموضوع ولا كتبقى سااااكتة

نزار:اكيد هاد الحيوان غادي يكون كيهددهاااااا(قرب لحداه وكيحاول يهدنو)ليث تهدن خاصنا نفكرو بالعقل حيت هذا لي كنتعاملو معاه ماشي ساهل ذكي قلتي كان كيضربها(حرك ليث راسو بآه)يعني احتمال كبير يكون سادي هادي نقطة مهمة وليكارد لي كنت دايرهم فالمزرعة خاصنا نديرو معاهم استجواب ومتخافش مغنطلقهومش حتى يقولولينا شكون هذا أكيد غادي يكون رشاهم ولا كيعرفهم هادي النقطة 2 وتالتة غادي نقلبو على كاع المزورين المشهورين ونسولوهوم شكون فيهم لي زور اسم داڤيد وضروري غادي يعتارفو

ليث:(ترفعات معنوياتو شوية)بصح انا كنعرف شي دراري هما يعطيونا اسماء رجال لي كيزورو الهويات

نزار:قلبتي فتيلي ديالها

ليث:قلبتو مالقيت والو كلشي ممسوح فحالا عمرها هضرات معاه

نزار:حاول تجيبو هنا كاين لي غادي يجبد منو كاع المعلومات من نهار تشرى

ليث:(كيحك فذقنو)دبا نشوف كيف ندير مهم غدا مع 8 أجي لكلوب لي كنا كنتجمعو فيه شحالهادي

نزار:صافي إنشاء الله

ليث:(سلم عليه سلام رجولي وخرج مشى للجرف فين كيرتاح فطريق الغابة شاف لوطو وحداخرا خارجة من تما فلكحل كان غيدخل فيها قلب الدورة دغيا شوية ويدخل فالشجرة مشات من حداه وخرج من لوطو معصب شاف فنمرة ديالها وبدا يسب ويعاير ويخطي)–/لاوي وااااشوف قدااااامك أ–/ي يحرق أصل مك فهاد النهار(ركب فلوطو وتحرك للجرف هبط وبقا متكي على لوطو كيتسمع غير صوت لمواج لي كتضرب فالحجر وصوت البومة وريح خفيف كيلامس وجهو…)

أصبحنا وأصبح الملك لله🌞⛅

#عند_ابتهال…

(فاقت ابتهال مع 11 دخلات لحمام قضات حاجتها ودوشات وخرجات لبسات دوبياس أزرق وفوطة صحية وشورط بديباردود ديالو فالأحمر دارت فرجليها كلاكيطة ومشات عند قسم بدات تفيق فيها)قسم قساااام وااااقسم (مشات عندها كتبوس فرشها وتهرها عاد فاقت)

قسم:(حالة عين ومغمضة عين)مامي…خليني غير شوية بليز

ابتهال:فخبارك اقسم اليوم فين غنمشيو

قسم:(مغمضة عينيها وجاوبات بلا متحل فمها)امممم

ابتهال:لواحد عيد ميلااد

قسم:(حلات عينيها وجلسات)ديالمن امامي

ابتهال:(ضحكات وناضت خارجة)سيري بعدا للحمام غسلي وجهك وديري پيپي عاد أجي نهدرو باش تمشي لسونطر وانت غنمشي للشركة نكمل واحد الغرض

(ناضت طايرة للحمام وابتهال حطاتليها لحوايج لي غتلبس وخرجات توجد لفطور شوية وهبطات قسم لابسة تيشورت طايح من لكتاف فالشيبي وفيه شوية دلغوز وازرق مغلوق وشورط طالع فبرتقالي بارد سندالة فلغوز ودايرة طربوش مدور فلبيج ديال الشمس كيتسد بسينتة فلكحل جات كيوت💗 فصل الربيع هو هذا…الجو هنا متقلب مرة الصهد مرة البرد جلسات فالطبلة)

قسم:مامي عفاك ديالمن هاد عيد ميلاد

ابتهال:(كتكب القهوة)عقلتي على طاتي نجود لي دايرة قصيصة

قسم:(دارت صبعها ففمها كتفكر🤔)اااه عقلت لي تلاقيناها فديك الحفلة خت عمو ليث(ابتاسماات)

ابتهال:(ضرها قلبها منين قالت عمو ليث وهي معارفاش بلي هداك باباها نفضات افكارها وجاوباتها)اه ابنتي هي اليوم غادي نتلاقاوها وغادي نديوها فين كاينة لحفلة وماتقوليليها واالو أوكي مامي حيت مفاجئة هي معارفاش

قسم:(هزات سبابتها قاستها فنيف ابتهال)متافقين أمامي

ابتهال:(باستها فحنكها)شفتي نتي هي لقليب ديالي(وكتشير لقلبها)

قسم:(كتضحك حتا بانو سنيناتها صغار مستفين فحال دابتهال وبقات كتشير لكرشها)ونتي هي لكبدة وطحال وهادوك لي طوااال(طولات كلمة ديال طواااال وطلعات يديها لفوووق وكتفكر)شنو سميتهم امامي

ابتهال:(كتضحك)لمساارن ابنتي

قسم:(رجعات كتبتسم)نتي هي لمسارن وطحال تاهما والرئة(دارت يدها وبقات تحسب بصباعنها بطريقة كيوت💗 ودارت عندها تاني عنقاتها)نتي هي الزين الكرة الأرضية🌍(وجمعات شنايفها على شكل بوسة وغمضات عينيها)

ابتهال:(نطقات بصوت عالي شوية)الله اسيدي ربي سعداااتي بهاد البنت بهاد الخنفوووسة لي عطيتيني غناااكلها(بقات كتبوسها فحنكها وفكرشها وتزير عليها فحالا غادي تهرب)

اٌنـتقــام💥 علــى أرض المـافـــيا💣🖤

بقلــمي أنـا: آيــة

بـــــــارت107

(فطرو وسالاو خلات قسم لتحت كتلعب بلمونيكات..وطلعات ابتهال لبيتها لبسات تيشورت فلبيض قصير واصل غير تحت من الصدر شوية ساامبل ولبسات فوقو صالوبيط فأزرق سروال جاي واسع وقصير شوية من لتحت وجناب كرشها جاو كيبانو بطريقة رائعة ولبسات بوط فلكحل قصير وعاالي طلقات شعرها مبينة القصة لي جاتها غزالة دارت حلقات فوذنيها طوال شوية ورشات من ريحتها هزات صاك بوشيط فلكحل وهبطات)

قسم:(شافت فيها)أوووو مامي جيتي زوينة

ابتهال:(طفات التلفازة)ونتي جيتي فحال لفريزة🍓الفريزة ديالي

قسم:(دارت يدها على فمها وضحكات بطفولية)مامي هاد السمية حبيييتها(نطقاتها بطريقة كضحك فحال هداك دري لي فلڤيدو ديال شمس زوينة حبيتها😅)

ابتهال:(جبداتليها شنايفها)راه شينهار غاااادي نااااكلك

(خرجو من الدار وصلاتها لسونطر قريب للشركة منين دخلات وهما كلهم كيشوفو فيها ولوك جديد جات غزالة أنيقة طلعات لبيرو ديالها كان عندها شي اضافات تزيدهم على الكسوة مع قصيرة ماخداتش منها وقت بزاف باش تخيطها…)

#عند_جوليا..

(فايقة راشقاليها دخلات تدوش شوية وخرجات لبسات دوبياس فلحمر وسوفيطمة فلكحل فيها سيميطات من لقدام واحد الشكل زوين وحشاتها فسروال بيض طالع طايهوت مزير وبالغين فلكحل طلقات شعرها ودارت نظاظر بووطيكسيون كادر ديالهم على شكل مضلع السدادي🛑 ودارت كاسكيط فلحمر رشات من ريحتها وهبطات كدندن وتحرك فحال شي فراشة ناوية اليوم تفقص هود وطرطق ليه المرارة باش توريه كيفاش يبقى يلعب بمشاعرها منين كتقاد هيا هو كيعواج ولكن لي عواج نقاادو –ل بوه😅 مشات عند نجود حلات الباب لقاتها ناعسة حطات يدها على كرشها وبقات تحرك فيها وكتبتسم)

نجود:(ناعسة وكتحس بشيحد كيلعب فكرشها قفزات وغوتاااات)اااااااااااااا

جوليا:(خلعاتها)اويلي نجود مالكي (دخلات صباح كتجري حيت يالاه كانت طالعة باش طل عليها وتشبع الشوفة فيها ماحدها ناعسة وسمعات الغوتة)

صباح:(شافت فيهم)جووليا شوااقع….

نجود:(قلبها كيزدح دم هرب من وجهها كان يسحابلها لوكاس ولات كتحلم بيه منين شافت ختها ارتاحت نسبيا وبدات تبكي)جوليا متبقااااايش تلعبي معايا هاد اللعب اهئ اهئ

جوليا:(مصدومة)ياك ديما كنديرلك فحالهكا ونتي براسك كتجي عندي فالصباح وتبداي تهري فيا علاش دبا لا..?

نجود:(كتبكي ووقفات)اهئ حيت نجود دشحالهادي ماشي هي دبا اهئ اهئ (دخلات للحمام وبدات تبكي خوفها من أبسط لحاجات ولا كيعصبها الريح لاتحرك كتخاف منو)

ليث:(كان هابط داز من بيت نجود وسمع كلشي زير على قبضة يديه دبا زاد تأكد بلي راه كيخلعها والموقف دلبارح منين عيطليها وغوتات كانت خايفة بزاف زاد أكد شكوكو وهبط لتحت)

صباح:(دايرة ودنها على باب الحمام وكتسمع بكاها)بنتي نجود متبكيش فالحمام الله يرضي عليك

نجود:(كتشهق)اهئ اهئ بعد..مني

جوليا:(شافت فمها)ماما قستليها غير فكرشها والله مدرتلها شي حاجة

صباح:(بقلق)شحالهادي كنتو كضاربو ومكديرش هاد الحالة أكيد هادو غايكونو غير هرمونات دالحمل كيخليو المراة تولي حساسة بزااف

هود:(خارج من بيتو وشافهم حيت بيت نجود قدامو ودجوليا حداه وخلاص بيت ليث حدى نجود وباقي الممر طويل عامر غرف شاف جوليا كضحك وكتقيس فكرشها قرب للباب وهو يسمعها اشقالت)

جوليا:(ابتاسمات)دبا هي عندها كتكوت صغيييور فكرشها(دارت يدها على كرشها وكتضحك)

صباح:(حركات راسها بآه)وتانتي شي نهار غادي تعمرليك ديك لكريشة

جوليا:(خسرات وجهها)غادي نعمرها بالماكلة

صباح:(ضحكات)اممم شنو مغاديش تزوجي زعمة مكتبغي تاحد(غمزاتها)

جوليا:(تمنات كون قاتليها هود وتاهو كيبغيني لكن ماشي كلشي كيمشي كيف كنتمناوه)مكنبغي حد أنا كنبغي غير رااسي

هود:(غمض على عينيه بغضب ندم لي وقف وسمع هاد الهدرة وتأكد بلي صافي جوليا نساتو وخسرها للأبد كون قالت اه كنبغي شيحد كان غادي يكون عندو أمل واخا معارفش واش هو ولا داك جون مهم غيكون أمل)

صباح:(ضارت باش تمشي تحل ريدويات وهو يبانليها)هوود ولدي صباح الخير

جوليا:(مابغاتش ضور وتشوف فيه مزال كتفكر غير فالنخال لي عطاها لبارح)

هود:(كيبتسم بزز)صباح النور الواليدة (ضار عند جوليا لقاها هازة تيلي مداياهاش فيه ابتسم بفقصة)ختي جوليا صباح الخير

جوليا:(زيرات على سنانها بفقصة مكرهاتش تشير عليه بهاد تيلي حسات بيه استفازها ودارت عندو كتضحك)صبااح النور يا احلى أخ فالدنيا كيف صبحتي مزيان

هود:(كايشوف فيها السيدة ناشطة مابغاش يبين وجاوبها)بيخير الحمد الله ونتيا

جوليا:(ضحكات تابانت ضرسة العقل)انا فوق بيخير لهيه

هود:(زير على قبضة يديه على الطريقة باش كتهدر السيدة ناشطة وفرحانة مامسوقاااش ليه غير هو لي هاز الهم عاد زاد سخط ديال بصح…..)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت108

(خرجات نجود لابسة بينوار وضارت عندها)نجود سمحيلي أنا مكنت…

نجود:(قاطعاتها)معندكش لاش طلبي السماحة انا زدت فيه نتي مدرتي والو(شافت هود)صباح الخير اهود

هود:(جا عندها باسليها راسها ومعنقها بيديه ليمنية)زنطيط الفار كيصبحتي مزيان كيف بقات يدك…

نجود:(زادت تحشات فيه عزيز عليها بزاف)شوية باقا كضرني

هود:ضروري شحال دالوقت باش يتحيد الچبص

نجود:(خسرات وجهها)15اليوم ونحيدها

هود:(قرسها فحنكها)15اليوم ماشي بزااف

صباح:(جات عندهم)نجود بنتي راه قلت لكلارا متصايبليكش البيض بصوصيص

نجود:(مابغاتش تقمعها وتقولها بعدي مني كتبقى مها حركات غير راسها بآه)

صباح:(ابتاسمات على الأقل ماضارتش فيها)اوا يالاه نهبطو نفطرو

(تمو هابطين لقاو ليث كيهدر فتيلي مع نزار شافهم وقطع)

ليث:اجتماع بلا بيا الكفار

نجود:(تا ضحكات وهي تندم كرهات راسها مزال حشمانة من فعلتها قدام خوتها وماماها كتحس براسها متستاهلش هاد الحب والعطف لي مزال كيعطيوهاليها واخا شنو دارت جلسات فبلاصتها فجنب ماماها لي فرأس الطابلة حدى جوليا قدامها ليث وحداه هود فطرو وسالاو دراري مشاو للشركة صباح خرجات وجوليا طلعات مع نجود لبيتها هاد الأخيرة سمعات تيلي كيصوني تخلعات سحابليها لوكاس ولكن لقات ابتهال ابتاسمات وجاوبات بداريجة)ألو زين

ابتهال:(جالسة فلبيرو)اهلاا نجود لاباس عليك كيبقيتي مزيان

نجود:حمد الله شوية دبا ونتياا بيخير لكتكوتة لاباس عليها

ابتهال:(كتضحك)ههه حمد الله راها فسونطر مهم نجود فعشية أنا عارضاك قسم عندها عيد ميلاد ودايرا ليها حفلة مفاجئة فلكلوپ

نجود:وايلي بصح ودايراليها حفلة فكلوب..?

ابتهال:اه متخافيش راني حاجزاه كامل غادي يدخلو غير الناس المعروضين

نجود:(كتفكر)اه فهمت ولكن تانسول ليث راكي عارفة كلوب يقدر مايبغيش

ابتهال:لا متخافيش راه طلبت الإذن منو ووافق

نجود:(فرحات) صافي واخاا فوقاش الحفلة حيت معنديش كساوي دالسهرات بزاف خاصني عاد نمشي نشري شي حاجة

ابتهال:(لقاتها فرصة مناسبة)مع 8 فكلوب amicizia
وبالنسبة للكسوة عندي وحدة غادي تجيك غزالة صممتها لراسي ولكن مجاتش قدي غنسيفطلك عنوان دار واجي عندي باش تلبسيها هنا عاد نمشيو

نجود:صافي واخا ازين بوسيلي قسم(قطعات معاها وضارت عند جوليا)جوليا ابتهال المصممة لي عندها ديك الكتكوتة دقسم عرضاتني لحفلة عيد ميلادها تمشي معايا

جوليا:(عاقت بلبلان وهي تنطق)لا انا غادي نخرج عندي شي غرض ضروري غير سيري نتي وبدلي الجو

نجود:اوكي لي بغيتي

#عند_ابتهال…

(منبعد ماسيفطاتليها عنوان الدار فميساج مشات باش تكمل الكسوة دازت تقريبا ساعتين وهي باقا خدامة سالات وبقات كتشوف فيها بإعجاب جات زوينة ناقصاها حاجة بسيطة تاترجع حيت قسم دبا غتخرج مشات جابتها خلاتها كتفرج لفوق ومشات هي تكمل شغلها سمعات دقان نطقات)تفضل(تحل الباب هزات راسها لقات ڤيكتور قلبات وجهها كتشوف فالكسوة واش ناقصاها شي حاجة كتبغي خدمتها تكون متقونة ودكشي لي معروفة بيه ومعندهاش مع الغش كتخدم بنيتها)

ڤيكتور:(بقى ساهي فابتهال الكصة جاتها فنة ولباسها كتر مشى بغا يبوس قسم وبعدات وجهها طلع حجبانو باستفهام)
الغزالة علاش مخليتينيش نسلم عليك

قسم:(جامعة لغوباشة نطقات بإطالي واخا شوية معلكة)حيت نتا لي درتي لينا المصيدة اصلا ماما كاتقولي متسلميش على ناس لي مكتعرفيهومش

ابتهال:(ضحكات عجبها الحال وكملات شغلها بلا متهدر)

ڤيكتور:ولكن أنا كنعرفك وتانتي كتعرفيني وماماك خدامة عندي

قسم:(مزال عاقدة حجبانها مكتبغيهش حيت قاتليها ابتهال هو والمدير لي داروليها المصيدة وطيحو ابتهال يعني هما لي خلاوها تسني على العقد بلا خبارها ونطقات)واخا هكاك أنا مابغيتش نسلم على مصيدة نتا خايب

ابتهال:(ضارت عندها ونطقات بداريجة)مامي حشومة

قسم:(شافت فيه هزات كتافها وطلعات للفوق)

ابتهال:(شافت فيه باقي واقف مانطق بتاكلمة)واش جيتي ترومبلاصي هاد المونيكة لي كنصمم عليها
(ضحكات ضحكة خفيفة بسخرية العصيييير اولدي😂)

ڤيكتور:(ابتسم بمكر وبضحكة جانبية نطق)واحد المتل عندكم بالداريجة كيقول(نطق بدريجة معلكة)متضحكش بزاف باش متهجروش

ابتهال:(كملات ضحكتها عادي باش متبين والو واخا راسها كيضرها باغا تعرف لاياش باغي يوصل هاد خينا شافت فيه ببرودة ونطقات)
كون كنت كنخاف من الحنش كاع مانخليه يدخل لغاري اسي ڤيكتور

(يعني كنت كانت كتخاف تهجر ضحكتها مغاديش ضحك من أصلو جمعات ديك لكسوة فساشي وعيطات لقسم هبطات وهزات صاكها وخرجات قدام ڤيكتور لي باقي مبلوكي معرف باش يجاوبها عمر شي وحدة قمعاتو ولا تحداتو ولكن هادي سالات وجمعات وطوات معاه ضحك ضحكة شريرة ونطق)هاحنا غنشوفو هاد الجرأة ديالك واش غتبقى ديما ولا غادي طير…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت109

ابتهال:(مشات للدار تغدات وعيطات تاني لدينيريس باش تطمأن على ماماها قالتليها راها بيخير طلعات دوشات لقسم ولبساتليها كسيوة بيجامة و مشات تشوف شنو غتلبس فالحفل دغيا داز الوقت وصلات 6 سمعات صونيط جاوبات فلانتيرفون لقات نجود بركات فالزر وتحلات الباب لبرانية شوية وسمعات دقان وحلات سلمات عليها)

نجود:(جات عندها قسم كضحك وعنقاتها)اححح يا لكتكووتة تاعي توحشتك

قسم:(كتضحك وتلعب ليها فالكصة)تانا توحشتك اطاتي نجود

نجود:(باستها فحناكها بزوج)ويخليلي هاد لفيم لي كيقول طاتي
(شافت فابتهال)جاتك الكصة فنة ابتهال

ابتهال:(ابتاسمات)عويناتك ازين يالاه نطلعو لفوق باش نلبسو
(طلعو لبيت ابتهال وعطاتها الكسوة)

نجود:(شافتها وتحلو عينيها كتحماق على لون لكحل)أووو فنة ذوقك واااعر(قلبات فتيكي باش تعرف منين شراتها لقات سمية الشركة دڤيكتور وإسمها تاهو مكتوب تما)سميتك هنا يعني نتي لي صممتيها

ابتهال:اه انا ولكن مجاتش قدي حيت ضعافيت نتي عامرة عليا شوية

(خلاتها كتلبس ومشات لبيت قسم بقات تقلب فلكسيوات لي شراو نهار السهرة ولبساتليها كسوة فازرق مغلوق وفيها دائرات فلكحل صغار واليدين جايين مشبكين توب فحال ليبة موس فلكحل وتاهو فيه دائرات فلكحل مسدودة من اللور بپاپيون وصبيبط فلكحل وجمعاتليها شعرها كوتشوڤال لفوق وهبطاتليها زغيبات لي قصار القدام جات فنة😍 دارتليها رويحة وحلقات خفاف وسنيسلة فضية فيها زوج فراولة حدى بعضياتهم بشكل رائع حيت قسم كتحماق على لغريز خلاتها كتلعب فطابليط ومشات عند نجود لقاتها لابسة لكسوة جاية بسميطات مبينة الفرقة شوية وتحت من الصدر خط عريض مشبك من تحت باطها ليمن تالجيهة لاخرة كيبين اللحم وهابطة تالفخاض بتوب فلكحل سامبل وفوق منو توب مشبك بشكل مورد طول من لي تحت منو ولبسات بوط عالي فلكحل وطالقة شعرها ودايرة مكياج هادئ نطقات ابتهال)جيتي فنة جات معاك الكسوة نيشان

نجود:(عجباتها لكسوة)واياه فحالا صممتيها ليا…تانتي كانت غاتجيك غزالة

ابتهال:(ضحكات معاها)كتابت ليك أزين نمشي نلبس أنا

نجود:(غادة خارجة من لبيت)فين بيت قسم

ابتهال:هذا لي حدايا(مشات نجود عند قسم ولبسات هي فستان لكن على شكل صالوبيط لفوقاني مزير بسميطات كول V وفيه أشكال هندسية رائعة بلمجوهرات فلبيض واصل غير تحت الصدر ومن التحت جاي سروال طويل تالتحت جيهة الكرش مزير وواسع من رجلين فستان رائع لبسات سندالة عالية فلبيض مزينة بمجوهرات فالبني دارت ساعة ديالها وسنسلة خفيفة جمعات شعرها من جناب لور بمقبيطات دلباتشا وخلات لكصيصة هابطة دارت عكار غوز خفيف وريسي صافي ورشات من ريحتها هزات صاك فحال صندوقة فالبني وخرجات عندهم)

نجود:(بدات كتصفر)جيتي كتحمقييي

قسم:أوووو مامي جيتي soo beautiful “جميلة جدا”
فين غنمشيو(احياانا عليك زعمة معرفاش😂)

ابتهال:(جاتها الضحكة قسم طالعة من صغرها مطورة ونزقة)
غنمشيو لواحد لكلوب
(هيا هاديك هزو صيكانهم نجود دارت شال خفيف كحل على يديها حيت فالليل كيتحرك شوية دالريح وهبطو كانت 8لارب سيفطيليها ليث ميساج بلي راه كلهم فلكلوب غير دخليها وصلو تما وهي تدخل هيا وياها من لباب لورانية ونطقات بشوية)نجود طلعي سبقيني الفوق أنا جاية

نجود:(طلعات نجود ودخلات كايبانليها غير ظلام شعلات لفلاش دتيلي شافت فالأرض لقاتها بالخشب عرفات راسها راه واقفة فوق ديك الخشبة لي كيغنيو ويشطحو فيها يالاه غادة كتقلب منين تشعل ضو حسات بشيحد داز من حداها وقفات مخلوعة وكدور فبلاصتها كتقلب شكون لي كاين وزادت تخلعات منين تيلي طفا وهي عاد سارجاتو…?كيفاش طفى حسات بشيحد هزليها شعرها وتحطات شي حاجة فصدرها يالاه غتغوت تاتشعل الضو وطاحو عليها وريقات صغار ملونين دورات راسها حيت كانت عاطية بالظهر لقات لكلوب عااامر بالناس وكلهم نطقو بصوت واحد)عيد ميلااااد سعيييد نجوووود(وهي تم جاية عندها جوليا جارة شاريو وفيه كيك كبير من 4طبقات دشكلاط فلكحل فوق منو وريدات بويض من العجينة السكرية عاطيين منظر رائع ورقم 23 فالقمة ديالو وشافت ليث وهود وصباح عرفات راه داروليها مفاجئة )

جوليا:(قربات عندها وعنقاتها)عيد ميلاد سعيد القردة ديالي

هود:(جا تاهو وعنقها)بنتي لعزيزة عيد ميلاد سعيد عقبال ل100عام إنشاء الله

نجود:(غير كتضحك باقا مامصدقاش)مفاجئة زوينة مكنتش متوقعاها شكون لي وجد هدشي….

(كلهم دارو شافو فليث لي واقف وكيبتسم نجود عينيها غرغرو بالدموع هذا هو خوها القلب لحنين واخا معرفت شنو دير عاد زادت ندمااات وندمات على لي دارت واخا هي كانت ضحية حيت مكانتش عارفاه على حقيقتو بلا شعور مشات عندو كتجري وحبسات حداه باغا تعنقو ولكن باشمن وجه غير حل يديه بمعنى أجي كانت حركة الضوء الأخضر لي خلاتها تلاح عليه وتعنقو…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت110

ليث:(معنقها ونطق)دبا أنا قاديت هدشي كاامل باش فاللخر لالة نجود تبقى تهرنن (طلع راسها وشافيها)ويلي ويلي كيوليتي كتخلعي

نجود:(حلات عينيها)اويلي ماالي

ليث:وجهك كلو مزوق بالألوان لكحول هابط ناري شوهتينا

نجود:(دارت كتشوف فهود وجوليا وكتقيس وجهها)اويلي شنو فيا فين

هود:(مالقى فيها والو يالاه غينطق وغمزو ليث عرف راه بغاو يطوبوها عليا وتفركع بالضحك)هههه نجود تجي معاك كلون

نجود:لااا ميمكنش كتكدبو عليا(كتقيس تحت عينيها مالقات والو)جوليا واش بصح فيا شي حاجة(حركات راسها باه وكتضحك)
لاااااا كتكدبي قولي الحقيقة اديك العزافة(دارت عند ماماها)ماما متكدبيش عليا

صباح:(فرحات حيت هدرات معاها وقربات ليها)
غير كيضحكو عليك جيتي غزالة تبارك الله(شافت فيهم)بعدو ليا على بنتي(وعنقاتها)

نجود:(عنقاتها تاهي توحشاتها واخا باقي مانسات دكشي لي وقع وهي تسمع صوت صغير)عيد ميلاد سعيد طاتي نجود(دارت وهي تلقى قسم مشات عندها وعنقاتها)يااا القملة تانتي كنتي متافقة معاهم

قسم:(كضحك وحركات راسها بآه)

ليث:(ضار يقلب على ابتهال وهي تبانليه داخلة بقى غير حال فمو جات غزالة والفستان لي لابسة مبين تفاصيل جسمها المنحوت كلشي متوسط ماصغير ماكبير طايتها رشيقة نغزو هود)

هود:(كيضحك)اسبحان الله

ليث:(عاد عاق براسو شافها كتسلم على هود وسلم عليها تاهو)
مدام ابتهال كنشكرك بزاف على هدشي لي درتي

ابتهال:(ابتاسمات حتى بانو غمازاتها)مكاين تا مشكل موسيو ليث

صباح:بنتي ابتهال نتي خدامة مع ليث وفالقريب غتخدمي فالمشروع الجديد يعني وليتي دبا من العائلة دبا بلا رسميات(شافت فليث)أو لا أولدي

ليث:(ابتسم)بصح عندك الحق

هود:(شاف قسم وهزها باسها وبقا كيضحك ويهدر معاها)

جوليا:(سلمات على ابتهال)ابتهال لاباس عليك

ابتهال:(بابتسامة)حمد الله اجوليا ونتي بيخير

جوليا:الحمد لله(شافت كسوة نجود)القردة فوقاش شريتيها جاتك غزالة

نجود:لا ماشي ديالي ديال ابتهال

ابتهال:(ضحكات)ألالة راها ديالك أنا لي صممتهاليك كادو ديال عيد ميلاد

نجود:(فرحات وعنقاتها اصلا حمقاتها لكسوة وشكراتها)

جوليا:(كضحك مامسوقاش لهود وهو غير كيخنزر فيها وهي ضور لجيهتو ونطقات)أهلاا جيتي

هود:(مفهم والو ونطق)جيت قبيلة واقيلة مابقيتيش كتشوفي

جوليا:(شقلبات عينيها)ماهدرتش معاك(دخلات فيه ومشات عند جون لي كان جاي من وراه)

هود:(ضار يشوف فين غادة لقى جون تعصب محملش القمعة لي قمعاتو والمجية ديال هاد خينا زادت سخطاتو وزير على سنانو)

نجود:(جات عندهم)إوا يالاه راه غنقطع الحلوة(سمعات صوت من اللور ودارت)

نزار:بلا بياا زعمة..?

نجود:(ضحكات ومشات عندو عنقاتو كتحسبو فحال ليث وهود معرفة من الصغر)ماسحابليش غادي تجي

نزار:(كيشوف فيها جات زوينة عجباتو مزال مامصدق أنها حاملة وواقع معاها هدشي كامل)الأميرة ديالنا عندها عيد ميلاد ومنجيش ههه(تم غادي عند ليث وهود سلم عليهم ونجود مشات كتسلم على الضيوف لي كلهم اصدقاء العائلة)

ليث:(شير لبتهال)نزار هادي ابتهال مصممة ازياء خدامة معانا

نزار:(ضار سلم عليها وبقى كيشوف فيها ومقوس عينيه كأنو كيحاول يتفكر شي حاجة قاطع تفكيرو غير صوت نجود)

نجود:إوا يالاه باش نقطع الحلوة

(طفاو الضواو وبقاو كيغنيو وهي فرحانة طفات الشمع وقطعات لكيك وخلات سرباية يكملو ويفرقو عليهم بعد مدة قصيرة)

جوليا:(واقفة وحداها جون)إوا دبا منين سالينا جا وقت ليكادو أنا وجون شرينالك هدية(هي كتهضر وجون غير كيبستم مافاهم والو حيت كيهدرو بداريجة خسرات جوليا وجهها وتأففات)لاااااا بففففف

نجود:(بعلامة استفهام)مالكي…

جوليا:(قاست عنقها)كنت باغا انا لولة نعطيك لكادو لكن سبقوني بفف

نجود:(بعدم فهم)إنا كادو ههه

جوليا:(هزات سنسلة لي فعنقها فضية وفيها 4فرشات وحدة صغر من لاخرة)هادي اصاحبتي شكون عطاهاليك..?

نجود:(قاست السنسلة وبقات تشوف فيها تصدمات هاد السنسلة ماشي ديالها مادارت تاحاجة فعنقها وهي درب ليها طنننن فالراس قبيلة فالظلام حسات بشيحد قاس عنقها وشيحاجة تحطات على صدرها تفكرات الفراشة وهي تفكر منين لوكاس كان ملقبها بالفراشة ومنين عرفاتو على حقيقتو رجع كيقولها نتي هي الفراشة وأنا القفص وغتبقاي عندي سجينة للأبد..إذن كان هنا تخلعات ومابغاتش تبين ابتاسمات ابتسامة صفرة)لا كانت عندي قديمة

جوليا:يعني أنا لولة ههه(عطاتها كادو حلاتو نجود لقات ساعة مرصعة بالأحجار سويسرية شراتها من تما جون لي اقتارح الفكرة وخلص معاها حيت غالية شوية

نجود:(حلات عينيها)لااا متقوليليش
هادي ساعة ديال(Pere et fille)لي شفناها فالمعرض(حركات جوليا راسها بآه ونقزات عليها كتبوس وتعنق فيها)

هود:(هاز تاهو كادو)وهدا ديالي

نجود:(ضحكات ومشات كتحلو وهي باقا هازة بواطة ديال الساعة لقات سنسلة فضية كتلمع والتعليقة فيها عكار وپانسو ديال لمكياج صغار وكيوت حلات عينيها وبقات كضحك…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت111

نجود:(هدرات بطريقة طفولية)يااااي شحال كيوت شكرا ليك بزاف(عنقاتو وشكراتو)

صباح:(قربات ليها)وهادي ديالي

نجود:(ابتاسمات حطات دكشي لي هازة فوق طبلة وبدات تحل فيها وغوتات)لااااا ميمكنش أماماا لاااا(بقات كتنقز وتضحك وتغوت فحال شي حمقة)

ليث:(كيضحك عليها)ههه نجود غير بشوية عليك وفهمينا شنو تما

نجود:(دموع نزلولها بالفرحة وجبدات Collection ديال لمكياج من شركة Kylie Skin المشهورة لبيع لمايكپ)شوف شوف هادي هي المجموعة الأخيرة لي خرجات من أشهر شركة دلمايكب (عنقات صباح)شكرا اماما بزااف شكرا شكرا ليك بزاف(بقاو كيضحكو من ديما ونجود عزيز عليها شي حاجة سميتها لمايكپ نزار هداليها گورميط رقيق فضي والوسط فيه أجنحة مرصع بحجر فلكحل وكيبري عاطي واحد الجمالية )

ليث:وأنا غادي نختم ليكادو ديالكم كاملين فهدية وحدة

نجود:(ابتاسمات)راك درتيها خويا ليث الحفلة واعرة ودرتيها فلكلوب كيف كنت باغا

ليث:لا باقي الهدية ديالك

نجود:(كتشوف فيديه مالقاتو هاز والو وعقدات حجبانها باستفهام شافتو صفق تطفاو ضواو شوية تسلط الضوء على شي حاجة مغطية بتوب أحمر حيد داك توب داك دري وحلات فمها بصدمة وسعات عينيها بفرحة ولقلوبة خارجين منهم
كانت لوطو من نوع McClaren 720Spider
كتشبه لسيارات السباق لونها فلكحل كتلمع معرية من لفوق قربات ليها كانت من لداخل فلكحل وفيها شوية ديال الأصفر حليها ليث الباب لي مكتحلش فحال لوطويات لاخرين كتحل الباب وكطلعها الفوق ماشي كتجرها عندك ركبات وبقات كضور فعينيها وتكتشف حمقاتها حيت واااعرة خرجات عندو ومشات كتعنق فيه)شكرا شكرا ليك يا أحسن أخ فالدنيا…

(باسها ليث فجبينها وعطاها لكونطاك دازت الحفلة فجو كلو ضحك مع نويطات نجود وقسم لي شافهم يقول راه كايجيو بعضياتهم قسم كتشبه لعمتها نجود بالعفوية ديالها والنشاط نزار محيدش عينيه على ابتهال فين مامشات كيحاول يوقف حداها ويبقى يشوف فيها وهود كيشوف فجوليا لي كتضحك مع جون وتكركر معاه مارضاش هاد التجاهل وهي تجي واحد البنت زعيعرة عوينات زورق فمها معكراه بلحمر ولابسة كسوة فالأحمر قصيرة حد لفخاض بلا يدين باينة فرقة دصدر وطالون عالي فلكحل ونطقات)
~~:هووود

هود:(ضور راسو وهو يحل عينيه)بريييندا

بريندا:(ضحكات وعنقاتو هود كان كيقرى معاها فالجامعة وفنفس الوقت صديقها كانت كتحماق عليه لكن هو كيعتابرها مجرد صديقة)

هود:فين هاد لغبور توحشناك

جوليا:(بلقات عينيها منين شافتو معنق وحداخرا زيرات على يديها بالأعصاب داز الوقت وسي هود وديك خيتي كيكركرو ويشربو تعصبات وجون كيبغي يهدر معاها كاضور فيه جات صباح كتهدر معاها شوية مشات بغات تشوفو لقاتو مكاينش بقات كتقلب عليه ووالو طارت من حدى جون باغا تعرف فين مشى هو وديك خيتي سولات واحد سرباي وقالها راه طلع لفوق طلعات مع دروج وخايفة حيت دنيا خاوية دازت من حدى واحد لبيت كان لباب شوية محلول وسعات عينيها مصدومة من دكشي لي شافت)

هود:(واقف وبريندا معنقاه وغارقة معاه فقبلة)

جوليا:(عينيها عمرو بالدموع وحاطة يدها على فمها شهقات وضار هود)

هود:(المشروب بدا يأتر فيه طلع لبيت باش يمشي لحمام منين خرج لقى بريندا واقفة بدوبياس وكتحرك فمها بإغراء وتحلون عليه محسش بيها فوقاش تلاحت عليه وبدات تبوس فيه تاسمع شهقة دلبكا دغيا دفعها وضور وجهو لقى جوليا تصدم دغيا مشى عندها كانت غادة كتجري وكتبكي شدها من يديها)جوليا عفااك متفهميش غلط خل…

جوليا:(كتبكي وكتحس بالخيانة واخا مابينها وبينو والو لكن هدشي لي شافت فحال صرفقها وقالها نوضي من الGلبة راه السيد عايش حياتو ومدايهاش فيك بدات تحيد يدو عليها وتبكي)بعدددد منييي اهئ اهئ متقربش لياااا(تنترات منو وبقات غادة كتجري وهود تابعها…)

هود:(تبعها دغيا قبطها من ذراعها ودخلها لواحد لبيت ماباغيهاش تاخد عليه فكرة خايبة)جوليا سمعيني وخليني نشرحليك هي لي تقربات مني ماشي أنا طلعت لحمام وهي تبعاتني خرجت وتقربات مني كنت غنبعدها مني قبل مانشوفك والله تيقيني..(هو كيهضر معاها وهي كتبكي وتحرك راسها بلاا قبط وجهها وكيشوف فعينيها لي حومر عامرين بالدموع)جوليا تيقيني أنا ماشي هكا

جوليا:(قبيلة جالس يكركر وكيشرب ويتباوس مع لاخرة ودبا كايقولها انا ماشي هكا كرهات راسها وكرهات نهار لي بغات فيه واحد رخيص فحالو عافتو من المنظر ديالو كيتباوس مع ديك ل—ة وهي كتلوى عليه….دفعاتو من عليها باشمئزاز وضحكات بفقصة)وليت كنعيفك وكنكرهك داك المنظر خلاك طيحلي من عيني سمعتييي (كتشوف فيه بحدة وكتغوت)كنت حاطاك فواحد لمقام ونزلتي منو ودبا حتى ديك علاقة الأخوة مابقاتش مااااااااتعاودش تقرى عليا السلام(تمات غادة خارجة وكتبكي تاوقفها بهدرتو)

هود:(تعصب مكانش باغي يوصل لهدشي حاس براسو فين ما كيبغي يتقرب منها كتبعد منو مابقا عارف مايدير كلشي معكس ونطق بحزن…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت112

هود:(بحزن)ماتيقتش هدشي لي قلتي عينيك كيقولو حاجة وحداخرا اجوليا بلا متكدبي عليا(مشى لعندها وقبط فذراعها بزوج )قولي الحقيقة اجوليا انا شنو بالنسبة ليك

جوليا:(دموعها شلال مكرهاتش تغوت وتقول كنبغييييك 14العام وانا كنبغيك💔 اهود و4سنين وانا كنتعذب على فراقك شوفة فيك كانت كداوي جروحي بغيت نساك بغيت ومقديتش قلبي وروحي وعقلي كلو كيجرني ليك مكرهاتش تخوي لي فقلبها لكن كرامتها متسمحليهاش براكة غير 14عام ديال الدل 14عام وهي كتبغيه وهو مدايهاش فيها)
هود:(كيتسناها تقولها حيت غادي تفتح عليه الحدود وغادي يصارحها باغي يقولهاليها هو ولكن ميقدرش خاف تكون نساتو ويصدق مقموع ومجروح حيت بنى أمل زائف عينيه كيلمعو كيتسناها شنو غتقول فحال شي دري صغير شاف باباه هاز هدية ليه وباغي يعرف شنو فيها تاصدماتو منين قالت)

جوليا:(بغات تبعد عليه حيت قربها ليه كيخليوها بلا عقل تقدر دير شي تصرف لا إراديا وتفضح راسها)بعد مني نتا بالنسبة ليا فحال خويا ليث وبزاف عليك هاد الكلمة طلعتي —ل

هود:(تعصب على كلمة خويا خاب أملو مامتيقش وزاد صعر منين قاتليه —ل محسش براسو تادفعها فوق ناموسية قاجها)متعصبيش عدو ربي ال–/وي وبراكة متكدبي عليااااااا قولي الحقييييقة يلعن ديي/مك

جوليا:(كتنفس بزز وتضرب فيديه وتحاول تحيدهم)اا…ح..يد..يدييييك (صافي السيدة بدات كتزراق وبدات تفركل كتحس بروحها غطلع عينيها تقلبو)

هود:(السكرة مأترة عليه وكمى لحشيش محاسش براسو شكايدير تخلع منين شافها كيف ولات فحالا كان فغيبوبة عاد فاق دغيا طلق منها مخلوع)جولياا…جوليا

جوليا:(غير طلقها جلسات بزربة وحلات فمها وبدات دخل فالهواء وتعمر رئتها لي كتحس بيها تزيرات بدات تنفس بجهد وتكح وهود قابط فيديها شوية وحسات براسها مزيان)

هود:(عاد رتاح وباس جبينها بخوف)تخلعت عليك سمحيلي مكنتش هو هداك منقدرش نآذيك…

جوليا:(حيدات يديه من عليها وشافت فيه بشوفات كون كانو قرطاس كون اختارقوه)بغيت نعرف شنو الفرق بينك وبين هداك لي تفلى على ختي وكان كيضربها..

هود:(هضرتها مواس تغرسو فقلبو وميكة تحيدات من عقلو اه عندها الحق..? ديك لمرة زير على يديها تازراقت والمرة لاخرة فالقهوة دفعها تاطاحت على الزاج ودبا كان شوية ويقتلها حس بندم شديد وضميرو بدا كيأنبو ونطق بنبرة هادئة وحنينة…)جوليا كنت غير معصب والله منقدرش نآذيك أبدا منقدرش حيت أنا…(بقا ساكت وكيشوف فعينيها)

جوليا:(قلبها كيضرب كتسناه شنو غيقول…)

هود:أنا تربيت معاك ونتي كبرتي حدايا وكنت نعيطلك بختي منقدرش نآذيك

جوليا:(بابتسامة حزينة وناضت غادة فحالها بلا كلمة بلا زوج)

§|في كل مرة ناديتني بأختي خلال محادثتنا كانت تتسلل إلى قلبي مثل الخنجر🙂 فأقوم بضم جرحي و أضحك كأن شيئا لم يقع💔|§
#من مذكرتي أنا آية …🦋

هود:(مسح على وجهو بقلة حيلة اول مرة يحس بالضعف)جوليا إذا عتبتي ديك الباب نساي شي واحد سميتو هود

جوليا:(ضحكات بسخرية وقلبها كيتقطع ودارت عندو كتهجى فالحروف)
ساااا…لينا…اخووو..يا…هووو..د نخليك تكمل ليلتك مع لعاهرة ديالك(خرجات وغير زدحات الباب دموعها بداو يهبطو فحال الشلال وشهقات متتالين كتحس بقلبها كيضرها💔 بعدها عليه خلاها تحس فحالا قطعات طرف من قلبها ورماتو…)

(هود غير خرجات هز ديك ناموسية لي تما وقلبها وبقا غير كيهز ويرمي اي حاجة جات قدامو معصب وعينيه حومر…)

|§عجزت عن إفصاح حبي لك🥀 فتركت أمواج عيني تخبرك 🍂§|
#من مذكرتي أنا آية …🦋

#عند_ابتهال…

(كانت جالسة وكتهدر مع جوليا ونجود وصباح وكيضحكو وقسم مع ليث كيلعب معاها حسات براسها وسط عائلتها للمرة تانية من ديما كانو كيعاملوها فحال وحدة منهم)

ابتهال:(كتضحك وتشد فكرشها وكتدعي ياربي يخرج هاد الضحك على خير)هه انا غنمشي للحمام هاهي قسم حداكم
(دازت من حدى نزار لي مارتاحتش ليه أبدا منين جات وهو كيشوف فيها حتى منين سلم عليها بقا كيشوف فيها بطريقة غريبة دخلات لواحد الممر باش تمشي للحمام حسات بشيحد موراها ضارت لقاتو هو نيت وهاز تيلي حل لباب لي كتهبط لاكاب ونزل عقدات حجبانها بتساؤل شنو غادي يكون هبط يدير تما تحركات ويالاه غتحل الباب دالحمام وهي تسمع لي خواليها الما فالركابي)

~~~:(بنبرة خافتة)ليييزااا

ابتهال:(بقات مبلوكية الدم هرب من وجهها ولات صفرة قلبها كيضرب التسعين ورجليها مشللين هاد الصوت مكتحملوش ضارت بشوية وهي تحل عينيها من الصدمة ودارت يدها على فمها ونطقات بتهجي)ه..هذا نتا…لااا…ميمك..نش..

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت113

#عند_ابتهال…

(باقا مصدومة ومامتيقاش صافي تفضحات)

ڤيكتور:(ابتسامة جانبية)ليزا أو Lioness شنو الإسم لي كيعجبك…

ابتهال:(صافي قوادت عليها معندها مادير عرف حقيقتها كاملة ولكن فوقاش? ومن إيمتا وهو عارف?وكيفااش عرف?)

ڤيكتور:(قرب ليها)معندك علاش تصدمي هادي 5سنين وأنا عارفك فين نتي وكيفاش بدلتي هويتك…

ابتهال:(حاولات تكالمي راسها ونطقات ببرودة مابغاتش تبين ضعفها)لاياش باغي توصل..?

ڤيكتور:دبا هضرتي مزيان…سمعي أنا معارفش علاش بدلتي وجهك وحتى علاش هربتي وماباغيش نخلق ليك شي مشكل…

ابتهال:(كتشوف فيه بعدم فهم وابتاسمات ببرودة)وشنو بغيتي..

ڤيكتور:(مصدوم بالطريقة باش كتهدر السيدة مكاالمية ونطق)عندي أنا وياك نقطة مشتركة لي هيا لوكاس

ابتهال:(زيرات على قبضة يديها منين سمعات اسمو)

ڤيكتور:(كمل هدرتو)سمعت بلي عندك دخل فالقضية ديال آرثر وأنه نتي السبب باش دخل الحبس وحتى لوكاس كان غادي يمشي فيها لكن عتق راسو فآخر لحظة(شاف فيها بحدة)أكيد غادي تكوني كتكرهيهم عليها بغيتي ضمريهم…

ابتهال:(بدات تعصب)دبا من اللخر شنو باااغي…?

ڤيكتور:لوكاس ماشي صاحبي تقدري تقولي كنمتل عليه الصداقة بيني وبينو حساب قديم ونتي غادي تعاونيني

ابتهال:(قربات ليه وكتميل بخصرها تاوصلات عندو)وشكون قاليك غادي نعاونك..?

ڤيكتور:هدفنا واحد إذا تعاونا غادي نضمروه ويلا عاونتيني غادي نفسخ العقد وتقدري ترجعي لبلادك

ابتهال:(بقات كتفكر واش توافق ولا لا هي باغا ترجع للمغرب مابغاتش تبقى هنا وكتفكر فالهدرة لي قال ديال الانتقام وإذا ڤيكتور لغى العقد معاها مغتبقاش عندو لكن غادي تبقى شريكة مع ليث وتفكرات العقد لي سناو معاه دالمشروع جديد ديال Wehalyan أنه مافيهش المدة يعني ممكن تحط استقالها فوق مابغات وهكا غتضرب 2 عصافير بحجرة وحدة وابتاسمات)إذا بغيتيني نوافق غادي نديرو عقد ويكون فيه أنه بعد العرض لي فالمكسيك غادي يتلغى عقد شراكتنا أنا وياك …

ڤيكتور:(ضحك وزاد قرب عندها تالصق فيها ووجهو كيبعد على وجهها غير بعض السنتيميترات قلال ونطق بنبرة خافتة)متافقين

ابتهال:(الطريقة باش كيشوف فشفايفها خلاتها تعرف شنو باغي زاد قرب وجهو عندها غمض عينو كيستعد😅مبعداتوش خلاتو تاقرب يحط فمو على شفايفها وهي تبعد عليه وابتاسمات ببرودة قربات لودنيه وبنبرة هادئة نطقات بسخرية)المرة الجاية دير السمطة حيت السرعة كتقتل(بعدات عليه وضحكات نطقات)موافقة على الصفقة ديالك شنو بالك نسميوها(كتفكر)انتقام على أرض المافيا💣 كيف جاك..?(غمزاتو ومشات من حداه)باااي..

ڤيكتور:(بقا كيضحك بفقصة حس بالشمتة لبنات غير كيتلاوحو عليه ومكياديهاش فيهم ومنين بغى يتقرب من ابتهال خوراتو بهاد المعنى 😐 استهزئات برجولتو وجففات بكرامتو الأرض حس بغصة فحلقو مقدرش يسرطها وحلاتلو ديك الساعة خرج من لكلوب وطلع فلوطو كسيرا معصب..)

ابتهال:(دارت بناقص من شي حمام وبغات ترجع عند بنتها يالاه غتخرج من للمر حسات بشيحد قبطها فذراعها دورات راسها)

ليث:(كان كيهدر مع نزار حيت عيطليه شيحد من دوك لي كلفهم باش يقلبو على شكون لي زور الهوية وكان هابط تابع نزار باش يعرف واش كاين شي جديد تاشاف ڤيكتور مقرب من ابتهال وهي غمزاتو وقالت شي حاجة مسمعهاش حيت بعيدة عليه معرفش علاش تعصب وتسناها تاقربات للباب وشدها من ذراعها)شنو كنتي كاديري معاه..?

ابتهال:(خافت يكون سمع الهدرة لي دايرة بيناتهم)مفهمتش..?

ليث:ڤيكتور شنو كاديري معاه بوحدك وجيهة لحمامات

ابتهال:(نترات يديها وبلامح جامدة نطقات)اولا متحطش عليا يديك تانيا أنا مامظطراش نشرحليك تاحاجة وتالتا دير خير فراسك ومتبقاش تحشي نيفك فأمور مكتعنيكش

ليث:(ردة فعلها محملهاش ابدا شكون هيا لي تجاوبو بهاد الطريقة وهضر بين سنانو)انا حياتك مكتهمنيش لي كيهمني صمعة الشركة مابغيتش شي وحدة فاسدة تخرج عليها حيتاش نتي خدامة عندي

ابتهال:(ابتاسمات تاتسدو عينيها ونطقات)
أنا مخداماش عندك أنا شريكة معاك فالمشروع وعندي الحصص ديالي زد على ذلك(شيرات لراسها)بلا بيا وبلا تصاميمي مشروعك وشركتك بححح ويلا بغيت من غدا غنحط الإستقالة ديالي ونتا لي غتخسر ماشي أنا حيت ألف شركة كتمنى نخدم معاها يعني ليك الشرف نخدم معاك…

ليث:(سداتهالو…بصح هو محتاجها ومحتاج افكارها وتصاميمها المشروع لي فلمكسيك قرب ومعندوش الوقت عاد يقلب على شي مصمم آخر واصلا تاحد معجبو حاول يكالمي راسو حيت دبا الشركة ديالو وحتى المشروع الجديدWehalyan فيديها هي..عاق بالغلط ديالو حيت بصح معندوش الحق يدخل فحياتها الشخصية ونطق)
كنعتذر ابتهال متحكمتش فراسي وكنت معصب

ابتهال:(شافت فيه بحدة)تبقى تشرب عصير الليمون راه كيبرد الأعصاب….
(ابتاسمات ومشات من حداه كيف ديما الرعددددد😂 كتعطي العصير وكتخلي البراكين من موراها كيغليو شكون هي?? إنها ابتهال نعاماسي😅….)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت114

ليث:(باقي مصدوم فحالا ماشي هادي لي تلاقاها نهار اللول كانت كتبان ظريفة وداخلة سوق راسها ولكن دبا شاف امرأة جريئة ومتمردة فعينيها قوة كبيرة هي غادة وهو غير كيشوف باقي مصدوم نهار نهار كيزيد يكتشف شي حاجة ولات بالنسبة ليه فحال شي متاهة كل مرة كيخرج فشي قنت هبط عند نزار لتحت ونطق)كاين شي جديد

نزار:(ابتسم)لقيناه

ليث:(ابتسامة عريضة وشاف بعيد)قربت نشدك وديك الساعة غنخليك تمنى لموت ومتلقاهاااش (طلعو لكلوب دنيا بدات تخوى قلب بعينيه مالقاش ابتهال وسول نجود)نجود فين قسم(ههه دارها سبة)

نجود:مشاو اخويا قبيلة حيت نعسات

ليث:(حرك راسو بآه اكيد غادي تكون تقلقات على الهدرة لي قاليها لحظة ندم مكانش خاصو يمسها فشرفها ويحكم عليها)

نزار:(كيقلب بعينيه)فين هيا ديك المصممة….(كيتفكر سميتها)ابتهال اه ابتهال فينهيا..?

ليث:(عقد حجبانو)علاش كتسول

نزار:(شعل كارو وبدا يكمي)فايت شفتها ومعقلتش فين

ليث:(بدا كيفكر)بغيت ضوسي ديالها ممكن تجيبولي..?

نزار:(ابتسم)شاك تانتا فشي حاجة

ليث:(هاز كاس ويسكي وكيجغم منو )لا ولكن جاني لفضول

(عدة دقائق وكل واحد مشى فحالو نجود كانت طايرة بالفرحة كل ساعة كطل على الهدايا وصلو للدار كلشي عيان كل واحد طلع لبيتو باش ينعس)

#عند_ابتهال…

(متكية على يديها فبيتها فالظلام غير ضوء القمر لي كيبان وقسم ناعسة حداها وكتلعب فشعرها وتبوس فيها وتشم ريحتها وكتفكر فالهدرة ديال ڤيكتور كانت عارفة انه من اللول باغيها لشي حاجة من غير الخدمة تفكرات لوكاس ودكشي كامل لي دارليها تعصبات وقررات انها غادي تنتقم منو وتندمو على نهار حط يدو عليها ماشي هي لي كتسمح فحقها هو السبب فكاع الآلام لي عاشتها كدب عليها هو وآرثر كانو كايتاجرو فأعضاء البشر ويخطفو لبنات صغار ويبيعوهوم كانت عايشة وسط الذياب والوحوش ومكانتش عارفة
ارثر استاغلها وخدمها فالمافيا حيت ذكية مطورة ونزقة ومدارش بيها لكن داروها بيها وخلصاتها غالية غمضات عينيها بألم منين تفكرات الهدرة لي قاليها ليث قبيلة أنها فاسدة زادت كرهاتو كانت كتقول غادي يكون تبدل لكن هو غير مازاد كيعطي أحكام مسبقة ومكيتيقش فبنادم بسهولة حسات بقسم زادت تحشات فيها معنقاها ضحكات وعنقاتها باستها وبقات تشوف فيها قسم هي النور لي ضواليها طريقها هي الوردة لي تزرعات فقلبها وخلاتو يرجع للحياة
عينيها دمعو دغيا ناضت خرجات لبالكون وكتشوف فالسما وكتسوط بيديها على عينيها مابغاتش تبكي حيت كتحسبهم ضعف جبدات مذكرة ديالها لي كانت كتكتب فيها شحالهادي جمل معبرة عن كل آلامها وأوجاعها آخر مرة هزاتها كانت نهار ولدات قسم وختمات دوك لكتابات الحزينة بصورة لقسم توحشات تكتب هي طريقة لوحيدة باش كانت كتخوي قلبها شحالهادي حيت ماكان عندها تاحد من غير نفسها هزات ستيلو وكتبات جملة وصفات فيها باش تحس

أكره كل نفس أخرجتها من صدري🥀 كانت تنطق باسمك 🍂

(فاقت ابتهال على صوت المنبه دخلات للحمام قضات حاجتها ودوشات لقات الدم مشات كاتجيها غير 3أيام وقليلة خرجات نشفات شعرها بسوشوار ولبسات دوبياس فالرمادي وبقات تشوف فدريسينج شنو تلبس حتا سمعات شي حاجة تقرقبات لتحت حلات عينيها دغيا لبسات بينوارها طارت لبيت قسم لقاتها باقة ناعسة سداتو بساروت وخبعاتو مشات لبيتها وجبدات السلاح وهبطات كتسلت هي سدات الباب دبرا شكون غيكون..جا فبالها لوكاس وخافت يكون ڤيكتور غير كان كيكدب عليها منين قالها هو ماشي صاحبي سمعات صوت فالحمام وقفات فجنب كتسناه يخرج حسات بالباب تحل يالاه غتوجه ليه السلاح وهي تلقى دينيريس دغيا خباتو وتنفسات براحة)

دينيريس:(يالاه غتمشي لكوزينة ولقات ابتهال واقفة قفزات)ااا مدام ابتهال خلعيتيني

ابتهال:(خبات السلاح مور ظهرها وضحكات)راه نتي لي خلعتيني صحابلي شي شفار مهم كيف بقات ماماك مزيان

دينيريس:(ابتاسمات بامتنان)الفضل كلو كيرجع ليك راها بيخير وختي مقابلاها

ابتهال:معندك لاش تشكريني انا غنطلع نفيق قسم(طلعات لبيتها خبات السلاح فلكوفر وفيقات قسم هبطو يفطرو مجموعين سالاو وطلعو دخلات ابتهال لبيت قسم ولبساتليها تيشورت فالرمادي وفيه كتابة فلبيض وسروال كحل مزير سبرديلة فالرمادي وزادتليها ڤيست من لفوق فلبيج ولكحل دالنمر حيت الصباح كيكون الريح خلات شعرها مطلوق رشاتليها ريحة وخلاتها تهبط ومشات هي لبيتها ولبسات تيشورت بيض كول V كيبين شوية الصدر حاشياه فصاية فأزرق لي طالعة تالكرش وفوق الركبة لبسات سندالة عالية بسميطات فلكحل دارت سنسلة فيها 3 وحدة كتجي مزيرة على لعنق وتانية تحت منها وتالتة قريبة شوية للصدر كتجي غزالة بوكلات شعرها شوية بسوشوار دارت خاتم فضي ورشات ريحتها هزات صاك فلكحل وخرجات هبطات لتحت سمعات صوت طرونسبور وهبطات قسم طلعات باش تهز صاك وهي تعيطليها دينيريس)

دينيريس:مدام ابتهال بغيت نهدر معاك إلا سمحتي

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت115

ابتهال:(جلسات فلفوطوي )واخا تفضلي

دينيريس:(جلسات وكتفرك فيديها ومعارفاش منين غتبدا لموضوع)صراحة معرفتش كيفاش غانقولهاليك

ابتهال:غير هضري ادينيريس واش بغيتي لفلوس انا نعطيهملك

دينيريس:(برفض)لا امدام ابتهال براكة غير دكشي لي درتي مع ماما انا غنتزوج ومغنبقاش كنخدم…

ابتهال:(ابتاسمات)مبروك فرحت ليك ربي مخيبكش جابليك الله لي يهزك من هاد الخدمة ديال تكرفيص واخا غادي تخلي بلاصتك قسم غادي توحشك…

دينيريس:(عينيها غرغرو وعنقاتها)غنتوحشكم بزااف كنتو فحال عائلتي

ابتهال:(معنقاها)حتى نتي كنتي وحدة منا ومرحبا بيك فأي وقت ادينيريس اذا احتاجيتي شي حاجة كيف ماكانت عيطيلي را نمرتي عندك

دينيريس:(بعدات عليها وكتمسح دموعها)شكرا ليك بزااف انا خاصني نمشي دبا فعشية غنديرو حفلة صغيرة اذا كنتي مسالية اجي وجيبي قسم

ابتهال:صراحة معنديش مع المناسبات والله لكن غنجي نبارك ليك ونرجع فحالي(ودعاتها منبعد ماعطات دينيريس سوارت لابتهال وهي هزات صاكها باش تمشي للشركة)

#عند_ليث..

(فاق فالصباح دخل للحمام دوش شوية وخرج باش يلبس حوايجو سروال تجين وقميجة فالخزي طاوي ليها لكمام وسبرديلة بيضة مشط شعرو ودار ساعتو الفضية رش من ريحتو وتم هابط لقى هود خارج كان لابس سروال كيطمة فرمادي وتيشورت فلكحل وكلاكيطة وعينيه منفوخين فحالا بايت كيضرب شقوفة)
ليث:(كيضحك)ههه اتبارك الله على سي النائب

هود:(راسو غيتفرGع بايت كيكمي ويشرب وفعقلو غير جوليا منين قاتليه كنكرهك ودموعها لي خلاوه يحس بتأنيب الضمير)راها م—- عليا غير قلب عليا هاد الساعة(هبط لتحت)

ليث:(شم فيه ريحة لكارو عرفو رجع كيكمي عمرو شافو فهاد الحالة هادي سنين وهبط لتحت لقاهم جالسين كيتسناوه جلس وعقد حجبانو)فين جوليا…?

صباح:خرجات صباح بكري مع شي صحابها كايديرو سبور(سمعو دقان)هاهي جات

هود:(دغيا ضور راسو باغي يشوفها تاحل عينيه منين شافها لابسة شورط كيطمة قصير حد لفخاض فلبيض ولكحل دنايك ولابسة لتحت سليب شورط والسمطة ديالو كتبان عريضة وفيها شي كتابة ولابسة Demi centre فالأحمر مبين لكرش وفيه كتابة فلكحل كيتجمع بواحد للحزام لقدام وسبرديلة فلكحل طالقة شعرها وهازة كورة فيديها العافية شعلات فيه نجود كتلبس قصر منها وعمرو تعصب لكن دبا الجنون بداو يشطحو فوق راسو)

نجود:(بقات كتشوف فهود كيف تعصب وكضحك نطقات)الزين فاق بكري ومشى يدير سپور

جوليا:(لاحت ليها كورة وشداتها نجود بقات كضحك معاها)زنطيط الفار ديالي تعلمات تشد كورة😂

نجود:(خسرات وجهها)بزااف عليك يا العزاافة

جوليا:(خرجات لسانها ودارت عندهم )صباح الخير عليكم

صباح:(ابتاسمات)صباح نور بنتي شحالهادي مشفتك كاديري شي سپور

ليث:(كيضحك)ميسي ديالنا رجع

جوليا:(كضحك وهي ربي لي عالم بيها)توحشت نخرج ونجري ونمشي للنادي لقيت صحابي ديال الثانوي عليها تعطلت مهم نخليكم نمشي ندوش دغيا ونجي…

|§ما وراء تلك الإبتسامة🎼وجعا محفورا💔 لا يعلم مدى ألمه سوى الله☝§|
#من مذكراتي أنا آية 🦋

(طلعات لبيتها ودوشات تحيد العرق خرجات ونشفات شعرها بالغوطة لبسات دوبياس ديالها ولبسات سروال كحل مزير طايهوت وجاكيطة خفيفة كتسد من جناب كتجي مزيرة فلكحل وفيها خطوط خفيفة فرمادي ومروسمة فيها وريدات حومر شاعلة فيهم العافية شكلهم راائع لبسات بوط فلكحل طالع بالسيور وهزات صاكادو ديالها وهبطات جلسات كتفطر وهود غياكلها بعينيه باغي غير يعرف حالتها لكن ماباين والو ماعرفها عادية ولا معصبة ولا مقلقة…)

كلارا:(جارة لباليزة)مدموزيل جوليا راه ساليت(كلشي دار عندها بعدم فهم)

جوليا:(يدها تحت من طبلة وكتفرك فيهم ونطقات)بغيت نهدر معاكم فواحد الموضوع

هود:(مافاهم والو ونطق)هدري شنو كاين..

جوليا:(خنزرات فيه محاملاش تسمع صوتو)انا غنرجع لسويسرا

(كلهم تصدمو وحلو عينيهم هود حس بقلبو تزير عليه ميمكنش جوليا تبعد عليه عرفها دارت هكا على قبل لبارح لهاد الدرجة مابقاتش حاملة تشوفو لهاد الدرجة..?)

ليث:(تعصب)كيفاش مفهمتش واش حماقيتي حتى قلنا صافي تجمعنا وكنشطو ونضحكو مجموعين بغيتي تعاودي تخربي هاد الفرحة

جوليا:(كلامو جرحها كيفاش..?دبا هي لي ولات كتخرب وهي ديما ساكتة حشومية وحانية الراس ودبا يقول هاد الهدرة حسات بغصة فحلقها ونطقات)عندي عرض تما وخاصني نمشي هداك راه مستقبلي

صباح:(بدات كتبكي وناضت عندها)بنتي اهئ جوليا متمشيش عفاك

جوليا:(معنقاها وكاتحاول تهدنها)ماما مغديش نبقى تما بالأعوام غير شي شهور قليلة وغنرجع هاد العرض غادي يحضرو فيه جميع النجوم والمشاهير وأساتذة كبار ديال الفنون التشكيلة من جميع البلدان وهادي انسب فرصة ليا باش نزيد نتشهر

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت116

صباح:(بقات كتبكي غادي توحشها كبدتها ومغاديش تسخى بيها)

هود:(غوت)غادي تمشي مع داك ال— دجون ياك…

جوليا:(مداتهاش فيه صونا تيلي ديالها وجاوبات)
ألو…اه..صافي…واخة..شكرا…(جا هود طيرليها تيلي)

ليث:(كيهضر بحدة)مغاديش تمشي اجوليا سمعتي

هود:(تعصب منين لقى جون لي عيطليها)واااش هاد ولد
ال—ة كيقلب عليااااا نتي علااااش كتهدري وت—- معاه

جوليا:(كتشوف فيه فحالا كاتحاول تحفظ شنو كيقول باش تفكر هدشي كامل منين يرجع يحن قلبها عليه ونطقات وهي كتخنزر فيه)ماشي شغلك

ليث:(جا شدها من ذراعها وضورها عندو كيخنزر)جوليا متعصبينيش مغاديش نخليك تعتبي هاد الباب انا خوووك وخاصك تسمعيلي لهضرتيي ولا غن—دها معاك بلاصتك هنا حدى عائلتك وحدى مك مكتشوفيهاش عيانة بغيتي تزيدي تكملي عليها متكوووونيش اناااانية

جوليا:(عينيها بداو يحمارو والدموع محجرين فعينيها حسات بالخيانة هكا كيحس الإنسان منين كيتظلم وخصوصا إذا كان من شيحد عزيز عليه)دبا أنا أنانية…?ياك اخويا

هود:(قرب وقبط فدراعها كيعصر فيها)اه انانية (باستفزاز)وضعيفة حين فين ما كتوقع ليك شي حاجة كتهربي

جوليا:(دموع لي كانت مخبياهوم طاحو حسات بالعافية شاعلة ليها فقلبها جرحها كتر ماراها مجروحة بالنسبة ليها هود ولة هو الآلم فكل مرة كيجرحها بكلامو لمسموم)

ليث:(كيمسح وجهو بغضب)مغتمشيش وسديييينا هاد الموضوع(يالاه ضار يمشي وهي تغوت جوليا)

جوليا:(هود باقي شاد فيديها مابغاش يطلقها وهي تغوت)طلاااق مني ال—ل(ضارت عند ليث)غاااادي نمشيييي وربي كبيييير

(ليث مشعرش براسو حتى مشى عندها وجمع معاها بتصرفيقة تاجات منشورة فالأرض كلشي تصدم صباح بدات تبكي ونجود شدها لوجع حيت مخصهاش تعصب وجلسات هود بقى غير حال فمو)

جوليا:(جالسة فالأرض ومبلوكية شادة فحنكها مزال مامتيقة اشنو وقع حسات بالحكرة وحسات براسها شحال ضعيفة الدموع شلال من عينيها وجاتها ديك الشهقة لي كتقطع فيك النفس)

ليث:(مسح وجهو بغضب وبقا غادي جاي فبلاصتو ندم منظرها وهي مليوحة فالأرض كتبكي وتشهق فحال شي بنت صغيرة خلاه يتمنى كون تقطعات يديه قبل ما يهزها عليها مشى عندها وهي تكحز من حداه ودارت بيديها سطوب بلا متشوف فيه)

جوليا:(جات عندها صباح وبعدات عليها وحركات راسها بلا وقفات فحال داك الفارس لي خسر الحرب كتحس بالعجز والضعف شافت فنجود ونطقات ودموعها هابطين)خوك ضربني…حيت بغيت نمشي نبني مستقبلي….ونتي لي درتي مصيبة على قدها(غوتات) ومضربااااااااااكش وعلااااااااااش حيتااااااااش جوليااااا X حيتاش جوليا مجهوووولة معنديش قيمة حياتي كااااملة وانا ساااااكتة وحانية الراس واخا بنادم يااااكلني فحقي مكنهدرش وااااخا بنادم(شافت فهود)كيجرحني كنسكت ونمشي نتخبى فبيتي وكنبكي ونعنق راسي عمر شيحد فيكم حن عليا ولا جى قالي واش خاصك شي حاجة اجوليا واش باغة شي حاجة …نجود من ديما وهي كادير لبسالة من صفرها ومن ديما كتغلط وجرحات شحال من واحد فيكم(كتشير بسباتها ليهم)كلكم دارت لي فراسها ومزال كادير لي بغات ونتوما عمركم قلتو ليها لا عمركم رفضتو ليها شي حاجة ولكن جوليا لااااا جوليا مخصهاش تغلط جوليا مخصهاش تهدر خاصها تبقى ساكتة…(شافت فصباح) عمرك طليتي على بنتك فالليل كنتي كتحطي راسك على لمخدة مرتاحة فالوقت لي كنت أنا غارقة فدموعي عمرك جيتي عندي وسولتيني واش عندك شي مشكل ولاعنقتيني ولا سولتيني مالك منين كتشوفيني مقلقة ولا تشريلي شي حاجة زوينة نتباهى بيها قدام راسي ونقول هادي عطاتهالي ماما عمري حسيت بالحب والحنان لي كتعطيه من ديما لبنتك نجود(بعينين مدمعين)كنت كنطيح وكنداوي جرحي بيدي وعمر شي حد شافني نجود غير إلا تقلقات كتقلبو الدنيا كاملة وانا لا شي خطرات كنشك بلي انا غير مربيني ودرت تحليلةDNI كنت كنتمنى كون بصح مكنتش بنتك(كتشوف فصباح) على الأقل غنفهم تجاهلكم معايا ولكن لقيت أنني بنتك والعذر لي صنعتو طار كلكم كتجاهلوني عممممممر شي حد فيكم عاملني بحنان تاحد فيكم من غير(سكتات ونطقات بألم)بابا اهئ اهئ هو لي كاااان كيبغيني ويحس بياااا اهئ اهئ هو لي كاايعرفني واش مقلقة غير من عيني اهئ اهئ كون كان باقي عااايش مغادي يخلي تاااحد يحكرني ويضربني اهئ اهئ من نهار مشى دا معاه تا داك الحضن لحنين لي كنت كنلجئ ليه منين كنحس بالضعف اهئ اهئ أنا وحيدة وضعيفة جناحي مكسور ومالقيت لي يداويه نتوما مكتشوفونيش شي خطرات كنحس براسي فحال شي ديكور شي خطرات كنقرس راسي باش نعرف راسي واش انا إنسان ولا شبح مكيبانش حيت انا مكنبانش ليكم…

(صباح غير كتبكي وهود عينيه دمعو ليث قلبو ضرو حس بالندم بقى فيه الحال)جووليا…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت117

جوليا:(غوتات)سكااااااات(بدات تبكي)عيد ميلادي كان السيمانة لي فاتت فخباركم..?(تصدمو وبقاو غا حالين عيينهم بصح نساوه💔ضحكات بسخرية جوليا ) لا مفخباركومش تاحد ماتفكرني تاحد ولو غير بكلمة وحدة كنت باغا نسمع غير عيد ميلاد سعيد جوليا مابغيت لا هدية لا والو بغيت غير كلمة باش نحس باهتمامكم بيا ولو غير مرة وحدة فحياااااااتكم(هزات سبابتها)
غير خطرة وحدة ولكن نجود لاااا نجود تفكرتوهااا(شافت فيها وعينيها منفوخين بالبكى)وفرحت معاك ومن ديما كنت كنفرح معاك واخا كيعاملوك حسن مني واخا كيشريولك الحاجة وأنا لا واخا كيعنقوك وأنا لا عمري كرهتك عمري كرهتك ونفديك بروحي إلا طلبتيها مني….
(نجود كتبكي وتشوف فيها الهدرة لي قالت صدماتها عمرها حسات بهدشي لي كتحس بيه…جوليا مسحات دموعها ونطقات)انا ماشي حشرة أنا ماشي شبح(شافت فيهم كاملين واحد بواحد وبثقة كبيرة نطقات)أنا جوليا أنا إنسان أنا بنت فعمرها 26 عام غادير دكشي لي باغة وغتوصل لدكشي لي باغة بوحدها كيف ديما…(هزات كتافها وضحكات بألم مشات هزات باليزتها حسات بصباح ناضت من لكرسي وجاية عندها)تاااحد ميقرب ليا(شافت فكلارا لي كانت واقفة وكتبكي حيت عزيزة عليها بزاف)كلارا طبسيلي وكاسي تبقاي تقلبيهم فحال ديال بابا وخويا قيصر(شافت فيهم وضحكات)حيت جوليا ماتت براكة فراسكم(جرات باليزتها وتمات غادة والدموع شلال من عينيها كتبكي وتشهق دازت من حدا ليث وشافت فعينيه بحدة)كنكره السمية لي جامعاني بيك(خرجات وزدحات الباب)

ليث:(بقى مصدوم متوقعاش ابدا تخرج من فمها هاد الهدرة جلس فالكرسي وشاد فراسو وكلامها كلو كيتعاود فعقلو من تاني وجديد هدشي كامل كانت مخبياه..?من صغرها وهي كتعاني26عام وهي مخبية فقلبها هدشي كامل بقا كيمسح وجهو بغضب حاس بالندم جوليا عزيزة عليه بزااف حيت إنسانة طيبة حنينة ظريفة وسكوتية)

هود:(ركب فلوطو وخرج تابع لوطو ديالها تلفات عليه ضرب فلڤولون)فاااااااك (بدا يعيط عليها تيلي ديالها طافي عاد زاد صعر وقلب دورة للمطار تقدر تكون عندها الطيارة دبا)

(فالدار كلشي كيبكي نجود صباح تالخدامات كلهم عزيزة عليهم جوليا الوجه البشوش والعفوية وكضحك مع كلشي كتعاملهم فحال عائلتها)

نجود:(كتاكل فظفارها وعينيها حومر بلبكى ونطقات)اهئ اهئ 16 ف16 كان عندها عيد ميلاد كيفاش نسيناه اهئ اهئ وكيفاش هدشي كامل كنا كنديروه معاها وهي كانت ديما ساكتة علااش..اهئ اهئ

صباح:(شداتها السخفة ناضت جابتليها نجود الدوا لاتمشي تجيها شي سكتة قلبية وهما مقادين على تاشي مصيبة وحداخرا)

ليث:(طلع صباح لبيتها باش ترتاح)الواليدة رتاحي عفاك جوليا راكي عارفاها دغيا كتنسى دبا ترجع

صباح:(كتبكي وتضرب فصدرها)انا السباب اهئ اهئ بنتي ومكنتش كنحس بيها اهئ اهئ انا مناستاهلش نكون أم اهئ اهئ منستاهلش

ليث:(كيبوس فراسها)الواليدة ماشي غير نتي كلنا غلطنا متهزيش فخاطرك عفاك جوليا غادي ترجع متقدرش تبعد علينا راكي عارفاها كيف دايرة(قاد صباح ففراشها وخرج لقى نجود مهبطة راس سييلينا للقدام شادة فشعرها وكتنتف فيها بيد وحدة وهي كتغوت حاكماها مقدات دير والو مشى كيجري وشد نجود)نجووود واش تسطيتي ولا مااالك

نجود:(عينيها شاعلة فيهم العافية)خليني نربي هاد الكلبة لي جالسة تحل عليا فمهااا

سيلينا:(معصبة وكتقاد فشعرها)مالي كدبت ياك تفلى عليك وخلاك حاملة وهرب نتي هي —- دبصح

ليث:(اخنزر فيها وشاد نجود باش مديريش فيها شي مصيبة)على أساس نتي شريفة ياك نهار ومطال ونتي هازة رجليك ابنت —— فلبيران ولكلوبات غير الرح

Leave a comment