Skip links

قصة : انتقام على أرض المافيا ج 22

 1,157 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت421

قسم: (كتمسح دموعها دغيا وتبتسم فحالا ماواقع والو)نعام أمامااا

ابتهال:(حسات بنبرتها فشكل وحلات لباب لقاتها كتغسل وجهها)بنتي قسم قوليلي ماالك(بغات تشوف وجهها وهي تضور قسم كتمسح وجهها بلفوطة حسات بلي كتهرب منها شافتها
خرجات من لحمام وناضت تابعاها وشداتها ضوراتها عندها لقات عينيها حومر وسعات عينيها ونطقات)قسسم علاش كتبكي أبنتي قوليلي علااش)

قسم:(ابتسمات بحزن)مكنبككيش أماما مامالي والوو

ليث:(حنى عندها وشد فيديها)بنتي قسم قوليلي ماالك الله يرضي علييك (كيمسح على وجهها)وااش معجبكش لحال حيت غيوليو عندك خووتك …!?امممم(شافها حانية راسها وهزو بصبعو)هضري عاودي لباباك ياك كتقولي ليا أنه أنا هو صندوق أسراارك يالاه قوليلي

قسم:(شافت فيه مطولة ونزلات من عينيها دمعة)منين كنت صغيرة مكنتيش معايا وملعبتيش معايااا ومكنتيش كتعطيني لهاية وترضعني برضاعة ولكن هماا لااا غادي تكون معاهم نهار يتولدو غتعنقهم وتبووسهم(لعافية شعلات فقلب ليث وابتهال زيرات عليها بحزن بغات تقبط فيها وبعدات عليها قسم ناطقة)نتي ولدتيني بعيد على بابا تانا كنت غنكون فحاااالهم ونكبر حدى بابا كنت ديما كنسولك عليه ومكتبغيييي تقوليلي حتى شنووو سميتو نتي بعدتيني عليه(حيدات يديها من ليث )

ابتهال:(دموع تحجرو فعينيها ونطقات بحرقة)قسم بنتي أنا مكنتش باغا نبعدك على باباك كاينين شي حوايج كبار مغاديش تفهميهم

ليث:(حط يدو فوق حناكها)قسم بنتي لقطيطة ديالي(باسها فخدودها)نتي بنتي لولة ولكبيرة وبلاصتك بووحدها تااحد ماغادي يدي بلاصتك سمعتي واخا يتولدو خوتك غنبغيكم كااملين بنفس لقيااس (كيبوس يديها لحزن)سمحيلي أبنتي حيت مكنتش معااك منين كنتي صغيرة لكن غنعوضك على كلشييي

قسم:(عنقها وطلقات عنان دموعها كتبكي وتشهق)

ليث:(دموعها فحال الجمر فوق قلبو وبقى كيمسح على ظهرها ويبوسها فجبينها)صافي اقسوومتي عفاك متبكييش الله يرضي عليك

ابتهال:(دموعها شلال وناضت من حداهم هابطة لتحت وكتفكر فهدرة بنتها كون مبعداتهاش على باها مكانش غتقول ديك الهدرة حسات بيها فحالا كتعاتبها متكدبش لكن هدرة قسم جرحاتها وجدات لفطور وهي مرفوعة مافاقت غير على غوات ليث وقفزات من بلاصتها شافت فيه لقاتو جاي كيجري وطفى على لحليب لي فاض كلو مسحات على وجهها متنهدة)

ليث:(ضار عندها وقرب منها)ابتهال مالك

ابتهال:عندها لحق اليث أنا لي بعدتها عليك تصرفت بأنانية مكانش خاصني ندير هكا كان خصني نخلي مشاكلي بوحدهم ومنخلطهومش مع حقها(تنهدات)قسم كتومة بزااف أليث وماحدها قالت هاد لهضرة يعني بلي خباات بزاف ودبا انفجرات كانت ديما كتسول عليك اليث كل ليلة قبل ماتنعس كاتقولي فين باب…(شهقات كتبكي وعنقها ليث اصلا هرموناتها على سبة)

ليث:ششش صافي ابتهال متلوميش راسك تانا غلطت وقسم غتبدى تفهم بحبنا ليها غادي تنسى لمااضي ونعوضها على كااع ليفات نتي وياها ابتهاال صافي(حط يدو فوق حنكها)نساي لماضي متعاوديش تجبدييه(مسح دموعها ونطق)شوية وتهبط شيفور جاب شي حوايج دقسم شراتهومليها نجود راه طلعتهم لبيت

ابتهال:واايلي فوقاش عيطات ليك

ليث:لباارح كنتي ناعسة مابغيتش نفيقك ونقولهالك…(هز ساشي من لبلاكار)ها دواء لي عطاتك طبيبة مكملات دلحديد شريتهم شباان ليك نفطرو براا

ابتهال:(جبدات خيزو من تلاجة وكاتاكل)لا بلاش غا خلينا فالداار

ليث:(كيضحك)لقضية فيها خيزوو القنية(قرسها فخذها وعاود جبد لحليب كيصاوبو وهي كتاكل وتمسح لحليب لي فاض قاد قهوتو وهي غير شماتها شهاتها مكرهاتش تشربها لكن معامن ليث قادليها هي وقسم حليب بشكلاط ههه حط لخبز فرماج جبن كوفتير كرواصات وشي ملاوي قاداتهوم ليها كلار وجابوبهوم حيت كتصرع الأكل المغربي وعيطو لقسم لي تمات هابطة ودغيا بانت فيها كانت كتبكي عينيها حومر ومنفوخين هازة چونيش…)

ابتهال:(كتكب لماكلة دلقطة فطبسيل خاص بيها ونطقات)قسم جيبيها تااكل(حطاتها قسم فلرض وخلاتها تاكل مشات غسلات يديها مرة أخرى مسحاتهم وجلسات فطبلة وابتهال بدات تدهن ليها شكلاط فلخبز وعطاتو ليها)كاين دوونات نعطيهليك أقسووم(شافتها حركات راسها بآه ابتسمات وناضت جبداتو من ليساشي وعطاتهم ليها وقبطات لخبز كتدهنو بلكونفيتير دلفريز وتاكل وتبنن نطقات)
فخبارك اقسم بلي منين كنت حاملة بيك كنت كنتوحم على دلاح كنت كنمووووت علييه(شافتها ابتسمات دكشي نيت لي بغات وكملات هضرتها)جااب الله كان ديك الساعة الصيف وكان موجووود ههه واحد نهار تشهيتو بغيت نشريه لكن ملقيتووش نهار كامل وأنا نبكي (بقاو كيضحكو عليها ونطقات)وخرجات فكتف قسم واحد لعيبة مدورة حمرة نقيطة حمرة شكلها بيضاوي فحال دلاح سبحان الله
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت422

ليث:(قلب قسم ولقاها ابتاسم متعجب وقسم كضحك)عندك دليليحة هناا ومخبعاها علينا أممم(كيهر فيها ويضحك)

ابتهال:(عاد ارتاحت منين شافت ضحكة بنتها)

قسم:حتا توماس عندو فحالها فيدو

ابتهال:(ابتسمات )اه شفتها هو عندو 2 نقيطات كيشبهو لحب ملوك ممكن تكون ماماه توحمات عليه وبغات تاكلو ومالقاتوش

قسم:(كتشرب لحليب ديالها حطاتو ونطقات)ماماه ظريفة ماشي كيف ماا كنعاودو عليها

ابتهال:(عقدات حجبانها)باش عرفتيها نتي..?

قسم:هو لي كيعاودلي ديماا عليهاا وفرحاان بزااف

ابتهال:(تنهدات كتدعي يكون هدشي بصح كملو فطورهم طلع ليث يلبس وهي جمعات طبلة ودارت لماعن فآلة غسل الأواني ورجعات قاداتهم فبلاصتهم عاد طلعات لبيتها كان ليث لابس قاميجة فشيبي مفتوح مبين عضلاتو وسروال دالتوب فلكحل وجيلي ديالو جاه فن مع بنيتو الجسدية زاد صحاح تمشات عندو وكتمشم ريحتو)هحححح أناا كنذووب(طبعات قبلة فشفايفو وحيدات من يدو كرافاط فلكحل ودارتهالو هي قاداتها ورخفاتها شوية عارفاه معندوش مع هدشي حشاتها تحت جيلي ونطقات)جيتي زوين احبيي

ليث:(عنقها من خصرها وابتسم)منكوونش فحاالك ابنت قلبي (باسها فحنكها ودخلات لدريسينج لبسات كسيوة فلكحل سخونة شوية بكمام قصار وحدالركبة وواسعة من لتحت فلكحل وفيها شي رشات بلبيض لفوق جهة لكتاف  وسيمطة دشانيل فلوسط فضية وبوط فلكحل عالي بوكلات شعرها وطلقاتو مع سنيسلة داليعسوب لي هداها حب قلبها وكورميط خفيف رشات من ريحتها وهزات صاك صنيديقة فرمادي ودارت مكياج جد هادئ شافت فلمراية لقاتو كيشوف فيها ابتسمات وضارت عندو)

ابتهال:كيف جيت

ليث:(قرب عندها ومدو يدو شدات فيه ونوضها مضورها)سندريلا دياالي كيبانلي مغيبقى فيها لا عرض لاا والو

ابتهال:(ضحكات)العاار أليث ماديرش شي روينة فحال المرة لي فاتت

ليث:(حرك راسو يمين وشمال كيضحك)منظمنش لييك(عنقها من خصرها وتمو خارجين هو هبط لتحت وهي مشات لبيت قسم )

ابتهال:(دخلات عندها لقاتها كتلعب مع چونيش)قسوومتي شنو بغيتي تلبسي

قسم:(هزات كتافها وميلات فمها)لي بغيتي أماماا

ابتهال:(دخلات دريسينج وتبعاتها قسم لبساتها صاية فغوز بيبي كتحمق وطالعين منها 2سميطات فحال شكل ديال صالوپيط وحشات فيها قاميجة بيضة طواتليها لكمام وبوط كحل طالع بسيور ودارتليها چرينات لفوق ونظيظرات دشمس رشات ليها رويحة وباستها فخدها)الأميرة دياالي

قسم:(ابتسمات ونطقات)ماما

ابتهال:نعام احبيبتي(كتقاد ليها شعرها وتشوف واش ناقصة شي حاجة)

قسم:(كتضور فعينيها)دبا نتي عندك 3فكرشك

ابتهال:(ضحكات وشافت فيها)اه 3 تريبليتس أمامي

قسم:(كتلعب بصبعانها)مغتبغيهومش كثر مني ياك

ابتهال:(شداتها من خصرها)اشهاد الهدرة اقسم نتي هي لولة نتي هي والديا وختي وصاحبتي نسيتي شنو كنت كنقول ليك شحالهادي منين كنا فالمغرب أمم ياك كنت كنقوليك نتي هي كلشي فحياتي(عنقاتها وباستها فحناكها قبطات فيديها ونطقات)سمعي اقسم واخا غنولد وليدات آخرين ماشي معناها غنبغيهوم هما ونتي لاا نعطيك سر(ضحكات وقربات من وذنها)غنبغيهم لكن ماشي كثر منك(ابتسمات قسم بخجل ونطقات)نتي ابنتي كنتي النور والأمل ديالي فالحياة بسبابك نتي أنا باقا عايشة سمعتي ولا لاا فأسوء أيامي كنتي نتي هي الحاجة لي كتفرحني (باستها فيديها بزوج)كنبغييك أقطيطتي

قسم:(تلاحت عليها معنقاها كضحك)حتانا أمااما كنبغييييك قد السماء ولبحر سمحيلي حيت قتليك ديك الهضرة قبيييلة مكنتش قاصدة نقلقك(باستها فخذها وابتهال مبتاسمة ومعنقاها)

ابتهال:ساامحتك ولكن بشرط

قسم:(بعدات منها وعقدات حجبانها)شنو هو أمامي

ابتهال:دبا نتي هي ختهم لكبيرة بغيتك تهلاي فيهم وتبغيهم وتقابليهوم تكوني نتي هي الأم التانية ديالهم وتعاونيني فيهم راه 3ماشي واحد هه صافي

قسم:(ضحكات)صافي واخا أمامي متافقين (ابتسامة مجبدة)
دبا أنا غيكونو عندي 3دلخواتات غنبقى نلعب معااهم

ابتهال:(فرحات منين شافتها تقبلاتهم وابتسمات)آيييه غيوليو عندي 4 ههه حسن عوااااني أعباااد الله

ليث:(كيغوت من لتحت)وااااشرفة رااه تعطلنا أشكاديرو تما

ابتهال:(ضحكات)زيدي زيدي دغياااا قبل مايخرجنا فجووورنال(قبطات فيها وتمو هابطين لتحت)

ليث:(شاف قسم وضحك)أووو لبرااانسيسة ديااالي جااات زويينة(هزها عندو لفوق وكيلعب معاها باسها وقبط فابتهال وتمو خارجين ركبو فلوطو ومشاو نيشان للشركة كاينة فيها قاعة كبيرة خاصة بعروض الأزياء وصلو وتمو داخلين غير شافوهم الصحافة تمو جايين كيجريو عااد خرجو ليكارد دالشركة كيبعدوهوم دخلو للشركة ومشاو نيشان للقاعة لي كانت قدها قدااش ممر طويل فلوسط لي كيتمشاو فيه لعارضات وفجنابو لكراسا وشي طبالي قدامو خاصيين غير بالناس المعروفين والمشاهير لقاو جوليا فطبلة الأولى قدام لمنصة وتمشاو عندها سلمو عليها خلاو قسم معاها وليث مشى يشوف واش كلشي هو هداك وابتهال مشات اللور فين كيكونو كيبدلو كان مطرطق وحداه بلاصة لمايكپ لقات نجود
كانت لابسة كسيوة توبها فحال دستان فلحمر حد ركبة بسميطات وسندالة عالية فلكحل جامعة جزء من شعرها لي فجنب بمقيبط خفيف مخلياه مطلوق اللور جات فنة سلمات عليها وضارت ابتهال على لعارضات وكتقاد ليهم لكساوي وتعاود توريهم كيفاش يبينو مظهر الزي كامل عيطلها ليث فتيلي وتمات خارجة عندو وهي تشوف شي امراة مشات عندو)

~~:(مبتاسمة كضحك )نتا هو ليث الوهابي يااااك متخااايلش شحال كتعجبنييي أنا من لي فان دياااااولك ممكن نتصور معااااك

ليث:(كيشوف فيها وفابتهال لي جاية وحمحم)صراحة معنديش مع تصاور

~~:(قبطات فكتفو)عفاااك كنترجااك غير صورة وحدة

ليث:(مقدرش يقمعها ويقولها لا ماشي من طبعو متكبر ونطق)
واخاا

~~:(هزات تيلي سيلفي ومقربة راسها منو وهي تشوف شي وحدة دخلات وسطهم وضارت عندها دغيا عرفاتها وتعصبات)واقيلة رااه كنت كنتصور معااه

ابتهال:(قابطة فمرفق ليث ونطقات ببرودة)تصوري شكوون منعك يالاه سربي حيت خاصنا نمشيو(كتقاد شعرها وتبتسم للكاميرة وليث حابس ضحكة)

~~:(بغضب)ممكن تبعدي من حداه بغيت نتصور معاه بوحدنا

ابتهال:(دارت يدها على فمها كضحك وشافت فليث)سمعتيها شقاالت(ضارت عندها)ههه واقيييلة طايحة على رااسك منين كنتي صغيرة أزوييينة(شيرات لليث)هذا لي باغا تصوري معااه راجلي….أنا ويااه واحد فين ما كان هو كنكون أنااا صوري دغيا لاغتصوري ولا دوري ت-/ودي

~~:(اخنزرات فيها معصبة)خمس سنين كلهاااا ونتي غابرة رجعتي لباارح وباغا ديري فيها زوجة صالحة

ابتهال:(ضحكة خفيفة باردة)وااش أنا معدبااك لهاد الدرجة (بحزن مصطنع وكتدلي شنايفها بشكل مستفز)يخخ بقيتيي فيااا رخفي على قلبك شوبة رااه غادي طرطقي…فخباارك بلي نييفك كبر بقوة ماكتحشيه فالتقاابي لي مااشي ديالك

ليث:(مابغاش يتدخل فسوق لعيالات وجرها مبعدها)ابتهال ماديرييش رااسك فيهااا

ابتهال:(كانت غادة لكن غير سمعاتها قالت كلمة —ة فلتات من ليث ومشات عندها كتجري جمعات كفها طرااااخ لوجهها وشداتها من شعرها هبطاتها لتحت وحشات راسها بين فخاضها)ل—ة هي مك لي كتباات هاازة رجليهااا فعتبة لباااب لي دااخل تقوليييه مرحبا ولي خاارج تقوليه عاود درب الطلة

ليث:(معرف واش يتعصب ولا يضحك كيجر لبنت من ابتهال وابتهال كتعاود ترجعها تحت وكتهز فيديها وتعطيها بلبونيات فظهرها حتى كتسمع لغوتة دلاخرا)ابتهاال طلقي منهااا ابتهااااااال(طلق لبنت ومشا كيجر ابتهال من خصرها وهي حالفة بلحلوف متطلق منها ملوية يديها على شعرها جاب الله لكولوار ماكان فيه حد كون تشوهو عيط لسيكيريطي هما لي جاو كيجرو لاخرة حتا فكوها وهو  مزير على ابتهال)

ابتهال:(كتشوف فيها كيف قابطينها ليكارد فحال شرويطة كسوتها تقطعات من جهة صدر وشعرها نصو طالع لفوق ونصو فيد ابتهال واخنزرات فيها)والله يااااا بنت ل—ة ونشدك فشيييي درب مكيخرجش تااااانتف زغب –/بون مك ابنت اللدنة(ضارت عند ليث معصبة)طلقنيييي طلقني

ليث:(مزير عليها وكيجرهاا)صافي راااك سلختييي لبنت اشبغيتي مزااال خليهااا وزيدي نمشييييو ن-/دو

ابتهال:(كتغدد)ناااري خليتينيييي كنترعد عليهااااا نشدهااا ناااكلها بسنااااني(مزيرة على فكها)نكددهااااا نعجن مهاااا نبجغهااا نبجغ —ل دباهاااا هكااااا غنديرلها(كتحل وتسد قبضة يديها وفمهاا  وليث طرطق بالضحك على آخر كلمة ديال نبجغها والطريقة باش كتهضر خلااص دايرة فحال شي حمقة…)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت423

(كتحل وتسد قبضة يديها وفمهاا  وليث طرطق بالضحك على آخر كلمة ديال نبجغها والطريقة باش كتهضر خلااص دايرة فحال شي حمقة اخنزرات فيه)علااااش كضحك هدشي كااامل بسباابك

ليث:(كيضحك وقابط فيديها لا تمشي ترجع عندها)علااش شنو درت أنااا

ابتهال:(بغضب)كووون لبستي كوستيم عااادي وزدتي خلفة لكن نتاااا لبستي وتقااااديتي وبااااش مكملها كتفرنس وبااغي تصور مع دييييك ل—ة الغداااار(كتضرب فصدرو وشداتها لبكية)حيواااان تفووو علييك (طرطقات كتبكي وتهرنن فحال شي برهوشة صغيرة)

ليث:(حابس ضحكة عارف فلحمل لهرمونات كيكونو مخربقين لكن مظنش تاالهاد الدرجة وعنقها عندو)دبااا علااش كتبكي هااالعاارر (كيطبطب على ظهرها)صااافي الله يساامح منعااودش

ابتهال:(بعدات منو كتخنزر فيه)كطنز علياااااا دبااا بنتلك برهوووشة بقاااليك غير تجيبلييي اللهاااية (دفعاتو باغا تمشي فحالها ورجع شدها)

ليث:(شافها قالبة وجهها وقبطها من شفايفها)وييييتك على زييين مقلق

ابتهال:بعد منيي متهدرش معايااا تفرق علياااا(كتدفعو عليها وهو كيجرها عندو وشداتها الضحكة وبقات تسد ففمها باش متخرجش)

ليث:(كيطل عليها ويضحك)غييير ضحكي رااني قشعتهااا

ابتهال:(اخنزرات فيه)تفوو عليييك

ليث:القنية لمغياااارة ديااالي وشحاال كنموووت عليهااا(كيبوسها فجميع أنحاء وجهها وأخيرا ضحكات)إواا شفتي شحال كتجي معااك الضحكة….هههه ناري تكرفصتي على لبنت مسكينة

ابتهال:(ضارت تشوفها باغا تكمل عليها لكن مالقاتهاش هزات صاكها من الأرض ونطقات)والله ومااا تسكت ياااا ولدييي يا ليث تانكمل فيك دكشي لي بديييتو فيها

ليث:(موسع عينو كيضحك)ناااري صعصع يااااخويا(عنقها من خصرها كيضحكو بزوج دخلات للحمام كتمسح عينيها وتعاود لمكياج وعاد تمو خارجين تاني دقائق قليلة وتجمع كلشي من مشاهير ونجوم كبار وبدى العرض مع أغنية غربية من مغني مشهور…)

ابتهال:(مشات عند لعارضات لقات كلشي هو هذاك وزاد برز جمالهم من بلمايكپ دنجود الرااائع) تبااارك الله عليك أنجوود خدمتك زوييينة

نجود:ش..(يالاه غتجاوبها وشداتها الرضة مشات كتجري للحمام وابتهال بقات كضحك عاقت بيها)

ابتهال:(تسناتها تارجعات ونطقات)نجوود فوقاش آخر مرة جاتك ليغيكل

نجود:(ضحكات)ههه عارفة لاياش باغا توصلي راااني حاملة

ابتهال:(وسعات ابتسامتها وعنقاتها)مبرووك عليك ازييين أنا ويااك قد قد

نجود:(عقدات حجبانها متفاجئة)واايلي واش حتا نتيااا(شافتها حركات راسها بآه ورجعات عنقاتها)ناااري على خباار شحال زوينة مبرووك الحبيبة يتربى فعزكم إنشاء الله

ابتهاا:امين حتا نتي واش مزال مقلتيها لنزار

نجود:(حركات راسها يمين وشمال)لا مقلتهااش ليه حيت لا قتهاليه غاديي يجي وانا مابغيتو يجي حتى يربح ديك القضية ويرجع لخدمتو ابتهال بسبابي دخل راسو فدووك لمشاكل دالعصاابة وتضرب بلمووس مابغيتش يضيع الفرصة باش يرجع تقتو فالنائب بسبابي هضرت معاه قبيلة وقالي مابقاش بزااف تايجي ونقولهاالو

ابتهال:(ضحكات)يعني بغيتي تخليهالو مفاااجئة

نجود:(ابتسمات بخجل)فحاال دكشي

ابتهال:(شافت حنيكاتها حومر ونطقات)أممم إذن لهضرة لي قتليك ديك النهار سمعتيلهااا

نجود:(حركات راسها بآه ونطقات)نزار مختلف بزاف دبا عاد كنحس براسي بلي بصح كنعيش الحب (تنهدات)بصح بغيت لوكاس لكن منين تعرفت على نزاار عن قرب عاد حسيت بمعنى الحب الحقيقي حب نقي وطااهر ااحب لي منين وأنا صغيرة كنتمنى نعيشو نكون أميرة قلب شيحد وتاج فوق رااس ونزار فيه جميع المواصفات

ابتهال:(ابتسمات)كنت تايقة بلي غتبغيه حيت جايين مع بعضياتكم بزااف ونزار شخص مزيان الله يخليكم لبعضيااتكم

نجود:آمين ياربي مقلتيش ليا شحال عندك من شهر

ابتهال:(ضحكات)شهراين عندي تريپليتس

نجود:(دارت يدها على فمها ضاحكة)يااااي الله يخليهووم ليك نااري شحال فرحت ليك اختي ابتهاال تستاهلي كل خير ليث دبااا غيكون غيطير بالفرحة ههه

ابتهال:(ضحكات)غييير سكتي نهار كامل وهو كولي ارتااحي متشربيش هادي خايبة ديري هادي زوينة مغنولد تاايحمقني ولا نحمقو وحدة فالزووج

نجود:ههه تلاقيتو نيت بزووجكم رااسكم قاصح….

ابتهال:وايااه غير خليها على الله… فين هي العارضة الرئيسية راه جبت لكسوة دلعرس

نجود:(نطقات بملامح استفهام)والله معرفت اختي مفخباري والو

ابتهال:(شافت ليث جاي ونطقات)ليث فين هي العارضة الرئيسة باش نعطيها لكسوة تلبسها

ليث:(ضحك)هي نتي أحبي منيتك كسوة دلعرس تلبسها وحدة من غيرك

نجود:أووو سي ليث غيخلي مرتو دير عرض أزياء شي حمار مات ههه

ليث:(ضحك وعنق ابتهال من جنب)منيتك راه غنخرج معاها فآخر العرض باش لي شاف فيها نبرقق لموو العين

ابتهال:(قرساتو فخدو كضحك ومشات تلبس لكسوة تمات خارجة وجلسات باش ديرليها نجود لمايكپ وليث واقف عليهم كينكر عليهم ماتكتروش.لا ماديروش هادي…نقصيلها شوية ونطق)معرفت شكيعجبكوووم فهاد زبل ابتهال نتي زوينة بلا هااد قوة صباايغ بلا مايديريه(شافها اخنزرات فيه ونطق)الله يرضي علييك أبنتييي
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت424

نجود:خويااا سير تقضي شي شغل لاا عندك وخليني نكمل ليهااا هااا العاار

ليث:(زفر)هااهو خارج نلقى شي طعرييييجة فكمارتها غنجمعك نتي وياهااا

ابتهال:(شافتو مشى ونطقات كضحك)نجوود كتريلي فعيني أختي عفااك وجيبيها مع لوقيتة داللبسة الرئيسية نيشان باااش ميبقااش لوقت باش نمسح

نجود:(كضحك)مسخووووطة نتي كتقلبي عليهااا وعليااا

ابتهال:هاا العاار راني باغا نفقصوو ونخرج منو الجديييد ولقديم

نجود:هااديك عطيييه أختيي انا معاااك

ابتهال:(رشقات فكفها كضحك)العز لعيالااات(كملات ليها لمايكپ بارزة عينيها بآيلاينر وريسي مطلع شفارها طوال لفوق وغير مازادو بانو وآيشادو فوق عينيها بألوان متدرجة بنفسجي ووردي مغلوف ومفتوح باارد جاو عينيها فنين مع عكار بارد وخلات شعرها مطلوق اللور جامعة غير شوية من جنااب ودارت شي مقيبطات فيهم وريدات جاوها فنين جات عندهم لبنت لي مقابلة موعد دخول وخروج العارضات وقاتليهم باقا 2دقائق وناضت تمات غادة وهازة طرف دلكسوة من جنب وقفات قدام لباب وعاد شافت ليث جاي وبدات تسنى فالخطاب الملكي)

ليث:(شافها وتصدم مكرهش يقجها)ابتهاااااااااال قلت
لل—ة دمك ماتجخلطيييييييش كماااارتك آشهااااااد
ل–/لاوي درتيييييييي وجهك رجع طاااااااابلو دالألواااااااان

ابتهال:(كتذبل عويناتها وتحرك يدها فوق صدرو حيت عارفة لغوات مغيجيب معاه حتا نتيجة)حياااتي زعمة ماجيتش زوييينة أممم

ليث:(مسح على وجهو كتقتلو منين كادير هكاا)زوييينة زويينة ولكن هدشي ديرييييييه نشوفوووو أنااااا ماشي لدوك
ل–/دة لي برااااا هما أصلاااا حاااالين ك/رهم بلااااا هااادشي

ابتهال:(حطات يدها فوق حناكو)صاافي ليث تهدن راه هادي اللبسة الرئيسية خاص يكون مكياجها خااص وباين تباان الجمالية دلكسوة ما هي غير 10 دقايق وغتكون معايا نخرجو نوقفو حدى لعارضات لاخرين نعطي كلمة بصفتي المصممة ونرجعو فحاالنااا

~~~:لالة ابتهال هذا هو الوقت باش تخرجي

ابتهال:(ضارت عندو وميلات راسها مبتاسمة)

ليث:( تنهد موكلو أمرو لله)صبر أيوووووووووب

ابتهال:(باستو فخذو كضحك وتمو خارجين قابط فيديها لفوق بمجرد ما طلعات للمنصة تضرب ضوء اتجاههم مع أغنية هادئة وكلشي كيصور تمشاو حتى وصلو للأمام وبداو يدورو العارضات لاخرين لآخر مرة والصحافة والمصورين دايرين خدمتهم سالاو مع كلمة آخيرة من ابتهال كتشكرهم على حضورهم إلخ…رجعات بدلات حوايجها وخرجو مجموعين يتعشاو على براا وصلو وتمو داخلين لريسطو ابتهال وليث وقسم مقابلهم هود وجوليا ونجود)

ليث:(كيشوف فلموني)شنوو بغيتو تاكلوو

ابتهال:(تحلو عينيها فداك لموني)أنا بغيت دجاج KFS وبغيت پيتزااا ديال كفتة وطاكوس ميكس وهومبرغر

ليث:(بقا غا حال فمو فيها هو وهود وجوليا ونجود وقسم كيضحكو ونطق)واااش بير عندك ولا كرش تماا أكييد غير كضحكي يااك

ابتهال:(ضحكاات)ههه علااش أحنيني لماكلة فيها الضحك رااه فيا 4دالنااس كل وااحد شنوو بغا

جوليا:(عقدات حجبانها)كيفاش مفهمتش

نجود:ابتهال حاملة بتريپليتس

جوليا:(ابتسمات بفرح)مبرووك عليكم الله يدوز كلشي بيخيير ويتربى فعزكم إنشااء الله

ابتهال:آمين احبيبتي عقبااليك

هود:(ضرب دراع ليث كيضحك)مبروووك أساااط غتولي عندك فرقة(ضحكو كاملين ونطق ليث)

ليث:دير شي فرقة حتا نتااا باش نلعبو ضددكم

جوليا:(ابتسمات بخجل ونطقات كتشوف فنجود)أصلا رااه جاا

نجود:(بلقات عينيها فيهاا وبدات تكح)أنااا جاني جووع يالاه نطلبو لماكلة دغيااا

جوليا:(ضربات الطم نسااات حيت قاتليها ماتقولي لحد لأنهم غيقولوها لنزار طلبو لماكلة كلهم خداو پيتزا ولالة ابتهال لي واخدة كلشي وبداو ياكلو)

ليث:(كاياكل ويشوف فيها كيضحك)غير بشوية علييك

ابتهال:(دغيا سالات لپيتزا وبدات فهومبرغر)خلينييي نااكل بعد مني

ليث:(كيضحك وشاف فقسم)ماماك ابنتي شوية وتاكلنااا غتخلينا تانعسو تقطعنا طراف وتديرنا كوطليط

قسم:(دارت يدها على فمها كضحك)ولكن ابابا راه ماشي بوحدها لي كاتاكل حتى تريپليتس لي فكرشهاا

ليث:وااا مك غولة بلا تواام(سمعاتو وزطمات عليه بطالون دلبوط وزير على عينيه)هححح أميمتي رجلييي ها لي قلنااا مك(بشوية)غولة (قسم تطرطقات بضحك هي وجوليا وهود ونجود غي كتلعب فلماكلة من الصباح وهي تعيط لنزار لكن تيلي طافي وبدات تخلع شداتها الخنقة ليث حس بيها ونطق بينو وبينها بشوية)نجود مالك كوولي

نجود:(كتلعب بصباعها مبتاسمة بزز)والو أخويا أنا كانااكل(بدات تعض فديك لپيتزا وهي ماقاداش شهيتها تسدات وقلبها تزير ناضت ونطقات)غنمشي للحمام ونجي(مشات للحمام وبدات تعيط تاني لنزار ووالو دخلات للفايس وبدات تعيط لصاحبو فؤاد من لمسانجر بعد مدة عاد جاوب ونطقات بلهفة)خوياا فؤاد سمحلي حيت ديرونجيتك ولكن كنعيط لنزار مكيجاوبنيش فين هو

فؤاد:(كيشوف فنزار لي داير يدو على فمو بمعنى ششش اخنزر فيه ونطق)هااهو حدايا أختي راه تيليفون ديالو تهرس
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت425

(يالاه غيعطيه تيلي وهي تقطع رجعات صونات أپيل ڤيديو وجاوب عطى لنزار تيلي غير شاف أپيل ڤيديو رجع ضور ليه تيلي دغيا وكيخنزر فيه وفؤاد عاد عاق نسى وجاوب ماصحابلوش أپيل ڤيديو)

نجود:(شافت شي حاجة ومتيقااتش ونطقات)نزااار فينك علااش ضورتي لكامرة

نزار:(كيتغدد على فؤاد)

نجود:(بغضب)نزااااار جاوبني

نزار:(ضور لكامرة مبين غير وجهو واخا مافيه ميتشاف وبدى كيغطي بيه شعرو)

نجود:(شافت جبهتو فيها لصقة وحنكو شوية مجروح وسعات عينيها ونطقات)نزاااار ماااالك فوجهك شنووو وقع(سمعات شي وحدة ناطقة بإنجليزي كتقوليه خاص نبدلو لفاصمة وهي تخلع وبدات تبكي)نزاار شنووو وقع لييييك

نزار:(كيشوف فيها ويحاول يهدنها)حياااتي مااوقع لياا واالو متخاافيش أناا بيخيير

نجود:(كتبكي)لاا ماشي بيييخير كتكذب إنا جرحة شنوو كتقول(كتشوف شنو موراه عرفاتو فطبيب وعضات شنافتها)فيييينك أنزاار هضر

نزار:نجووود غير تهدني جرح بسيط وصاافي والله بلا متشوشي رااسك موقع ليااا والو

نجود:ضور لكاميرة نشووف 😭

نزار:(زفر ووراها كتفو لي عاري وفيه لفاصمة كانو تابعين دوك الإرهابيين ولاحو عليهم قنبولة وانفجرات تخبع غير مور واحد طوموبيل أما كون ماات وجاتو غير حرقة فكتفو وبعض الجرحات فوجهو لكن شد واحد نجود غير شافت فاصمة ملوية على كتفو وفيه الدم طلقات بكيتها)نجوود متبكييش عفاااك رااه جرحة خفييفة مااوقع لياا والو تيقي فياااا

نجود:(مقداتش تحبس من لبكى وهي كتشوفو كيف مجروح)منقدرش أنزاار كون وقعات ليك شي حاجة شنو كنت غندييير  نموووت والله 😭😭

نزار:(ابتسم)سعدااااتي عندي لي يخااف علياا

نجود:سكت واش دباا وقت الضحك

نزار:صافي هاهو ساكت ولكن تانتي سكتي من لبكى هانا كنهضر معاك وكنضحك صحة سلام ماواقع ليا واالو

نجود:(كتمسح دموعها لا متقدرش تخسرو تقولو على لحمل ويجي لاهما يبقى بلا خدمة ولا يبقى بلا روح)نزار خاصني نقولك شي حااجة

نزار:شناهي احياتي(يالاه غتنطق وشاف النائب داخل وقف احتراما ليه)سي النائب العام فوقاش جيتي

النائب:(تمشى عندو وسلم عليه)غير جلس أنزاار ارتااح على سلاامتك بعدا غير سمعت لخبر جيت متنساش نتا عزيز وكنعتبرك فحال ولدي(طبطب على ظهرو)دبا وليت كنتفتخر بيك ومندمتش حيت عطيتك هاد لمهمة بشجاعتك قدرنا نشدو وواحد من المنظمة تبارك الله علييك براڤو

نزار:(ابتسم بامتنان)شكراا ليك سي النائب العاام

النائب:غنبقى أيام قليلة ونرجع المهم خاصني نمشي زيارة لمريض قصيرة الله يشافيك(سلم عليه وتم غادي وضار)كنتييق فيك هاد لقضية غتربحهاا

نزار:(ابتسم فرحان بهضرتو اخر مرة كان لقاء خايب قاليه فقدت الثقة فيك وبزاف دلحوايج….شاف فنجود ونطق)سمحيلي خليتك كتسناي هذا النائب العام جى يطل عليا(تفكر)كنتي باغا تقوليلي شي حاجة شنااهي

نجود:(سمعات حوارهم كامل ومدح النائب لنزار متقدش تكفس عليه خدمتو من بعد ما بدا يكسب التقة دالنائب ونطقات)بغيت غي نقولك بلي كنبغييك أنزاار

نزار:(ابتسم)وأنا كنموت عليك

نجود:(قربات فمها لتيلي وباستو)نخليك خاصني نخرج أنا فريسطو كنتعشاو كاملين

نزار:معامن…?!

نجود:مع خوتي وابتهال وقسم صاوب تيلي وعيطلي عفااك وحضي رااسك مزيان عفاااك أحبيبي

نزار:(ضحك)عاودييها

نجود:(سدات عينيها ونطقاتها مجبدة)حبيبيييييي

نزار:(حط يدو فوق قلبو كيضحك)الله كنمووت أنااا

نجود:(عقدات حجبانها)الله يستر متبقاااش تقوول هكاا

نزار:(ضحك)واخا الكبييدة ديالي مغنعاودش

نجود:واصاوب تيلي ولا شريه مهم متبقااش هكاا بلييز

نزار:رااه سيفطت دري يشريه متخاافيش هاد ليلة نهضر معاك

نجود:(دارتليه باي باي)يالاه بسلامة خاصني نخرج(لاحتليه بوسة مبتاسمة)

نزار:واخا تهلاي فراسك فصباح غنعيط لييك

نجود:واخااا واعنداااك

نزار:(ضحك)متخاافيش

نجود:باي باي(ابتسمات معاه وقطعات شافت راسها فلمراية وقطعات كلينيكس كتمسح جناب عينيها عاد تمات خارجة عندهم وجلسات لقات ابتهال لحسات كلشي مابقا لا پيتزا لا دجاج لا طاكوس ولا شوراما وبقات كضحك)

ليث:(حاط يدو على ذقنو وكيشوف فابتهال)أنا ما بغييييت والو بغيت غير نعرف ديك لماكلة فين مشاات فين هيا

ابتهال:كلاوهاا ولاادك ياا أفندم

ليث:على قبل هدشي غيتدازو فيهم 10كيلو وماغاتولديهم حتى تكوني خديتي الجائزة فأثقل وزن

ابتهال:(اخنزرات فيه)بزاااف عليك وبسم الله عليااا خمس وخمامس كيف ما شفتيني تخليني تفوووو على گنز كيداير يخخ

ليث:إييه عايريني اختي عااايري أنا لي جاايب ديمنك لهنا باش تحنجريي وفاللخر تعايرينيييني نستااهل

ابتهال:(شداتها الضحكة)غير كنضحك معااك أحبي

ليث:(قالب وجهو)غير كضحكي تيقتك

ابتهال:حق السمااء لحبيبة غير كندردش معاك

ليث:(ضحك)نتي رااك مصيبة وطاحت على رااسي

ابتهال:حمد الله وشكرو منين متهرسش وباقي صحيح الحوووب

ليث:ههه لا حول ولا قوة إلا بالله وماكتقاداش هاد السيدة
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت426

(ضحكو كاملين كملو ماكلتهم خلص ليث وتمو خارجين كل واحد ركب فلوطو ديالو ومشا لدارو غير وصلو تمو خارجين مشادين فليدين ودخلو لڤيلا ديالهم طلعو لبيت كيبدلو حوايجهم حمحمات وضارت عندو عرفها من عينيها باغا تقوليه شي حاجة ونطق)بغيتي تقولي شي حاجة أحياتي(شافها حركات راسها بآه وكتضور فعينيها عرفها متوترة وقبط فيديها طابع قبلة فيهم)قوليها أنا كنسمعك

جوليا:فكرت زعما قبيلة ولكن ضروري القرار ديالك حتانتا

هود:(عنقها من خصرها وكيلعب فشعرها)قرارك هو قراري أمطييشتي

جوليا:لا هذا موضوع ضروري أهود

هود(عقد حجبانو)شناهو

جوليا:فكرت زعما منبقاش نشرب لكينة دمانع الحمل زعمة(بخجل)مغتبغيش حتا نتا يكونو عندك وليدات

هود:(ضحك وعنقها كيبوس جنب راسها)مطيييشة ديااالي كنموت علييك نتي هي بنتي وولدي وعائلتي وكل ما كنملك فهاد الدنيا(طبع قبلة فحنكها وشاف فيها)معنديش مشكل نهائيا اجوليا ديري لي غيريحك نتيي

جوليا:(فرحات ونطقات)ولكن هاد لموضوع خاص ضروري ناخد حتى رأيك فيه يعني نتا مواافق يااك….

هود:(ضحك كتعجبو بهاد الصفة لي فيها مكتخبي عليه والو)مواافق أمراااتي لحبيبة لي كتشاااورني فكلشييي يخليك لياا(شرك شفايفو مع شفايفها ويدو كتفتح سنسلة دلكسوة ديالها من اللور هبطها وبدا ينزل لكتاف حتا طاحت لتحت وبقات غير بدوپياس)

جوليا:(معرفات فوقاش حيدها ضحكات ونطقات)شنو كادير أهود

هود:(دغيا هزها ولاحها فوق ناموسية)غنديير لولااد(ضحكو بزوج وتلاح فوق منها….)

#عند_ابتهال_ليث

(باستها فجبينها مطولة وغطاتها مزيان ضارت عندو ونطقات بشوية)صافي راه نعسات(قبطات فيه وتمو خارجين هبط جاب الماء وطلع لبيت لقاها نعسات على كرشها وكل رجل فين هيا قرب منها أوااه السيدة كتشخر عرفها طاحت دودة قلبها على جنبها حيت النعاس على لكرش راه مامزيانش كيقلل من التنفس وحتى نبض القلب تكى فجنبها غطاها وملوي يدو ورجلو عليها معنقها طبع قبلة فشفايفها طفى ضوء دلفايوز ونعس ساعاااات وهو ينوض على شيحد كينغزو بدى يفتح عينو وبلقها منين شافها كطل عليه ومبتاسمة فحال شي حمقة ضار عندها وشعل ضو)ابتهاال ماالك

ابتهال:عرفتي أليث شنووو حلمت

ليث:(كيتفوه)أممم

ابتهال:(كتشوف قدامها وتبتاسم)حلمت راسي فلبحر وكنعووم وكنت فرحااانة وفقت

ليث:(بقى غي كيشوف فيها حال عين وساد لاخرة)هدشي علااش مفيقااني خرااا(طفى ضو ورجع النعس وهي تعاود تشعلو وبدات تنغز فيه)

ابتهال:واااليث راه محلمتش راسي فلبحر ديال لبحر زعمة

ليث:(حاط يدو فوق عينو حاجب الضو)وفين

ابتهال:(موسعة ابتسامتها)حلمة بلماااكلة بحر دلفرييييييز وتووووووت والدلااح كلشي حمر(كدوز لسانها على فمها)كلشي حلو وكيبري لذييييد

ليث:(بتفاجئ مصطنع)واااااو حلمة زوينة ومحلمتيش بلحوت تاهو

ابتهال:(نطقات بلهفة)كااان خيييييزو (قربات منو كتذبل عويناتها)حياااتي نووض شريلي هدشييي

ليث:(بلق عينو فيها)ابتهال واش طالعة ليك السخاانة نعسي رااه 3دالليل هادي فين غنلقى شي فرييز ف/زك الليل

ابتهال:(اخنزرات فيه)مااشي شغلي موووت ولا عييش فيه جيبلي لفرييييييز دبااااااا

ليث:(بانتليه جدية وناض جلس كيفرنس)ابتهال والزيين دالعالم رااه الليل هذاا شفتي الليل ياك(شير لسرجم)راه الظلام مكاين تاحد حال دباا

ابتهال:وأناااا قتليك ماااشي شغلي تشهييييت لفرييييز والدلاااح نوووض جيبهوووملي دباااا(بدات تبكي وتستعمل فعل تبوحيط)منين كنت حاااملة بقسم كنت كنتوحم ومكنلقى لييييي يشريلييي ونجلس نبكييييي ودباااا لي كاااين نتا ماااابغيتييش ياااااك وعقل (دفنات وجهها بين يديها وكتبكي بتبوحيط وطل عليه بنص عين)

ليث:(كيعض فشنايفو ويمسح على ظهرها)صااافي ابتهاال متبكيييش

ابتهال:(دغيا طلعات راسها فيه مبتاسمة)يعني غتمشي تشريهوملي

ليث:(تنهد مااسح على وجهو)صبر أيوووب واعبااااد الله فييين غنلقى شي -/واد حااااال دبااااا

ابتهال:(هزات سبابتها)شتي ومتنوووض تجيب هدشي والله ماااتبات فهااااد الدااااار

ليث:هاااهو ناااايض السخطططط

ابتهال:(ابتسمااات)الرضااا(غير اخنزر فيها صقرات)

ليث:(لبس سروال دلكيطمة وڤيست كيتفوه وعينيه كيتلصقو)

ابتهال:(شافتو غادي ونطقات)لفريييز يكون حمر عندك يكووون صفر ويكووون حلو فحااال لعسل والدلاااح تاااهو

ليث:بااش غنعرفووو حلو واااش غندخل فيييه

ابتهال:(دلات شنايفها بشكل طفولي وكتمسكن)كتغوت عليا ياك علامن بغيتيني نتوحم أمم نمشي عند خوك ولا ياكما ليكارد لي فلباب أممم مكتبغينييش أليث متقدرش تصبر عليااا

ليث:(مسح على وجهو شوية ويبدى يندب وتمشى عندها قبط حناكها وكيبوس فيهم)توحمي عليااا أحيااتي ولكن ماااشي
ف/زك الليل (تنهد وتم غادي)صافي هدشي لي بغيتي

ابتهال:(حركات راسها باه كتفرنس)اه غير هدشييي(شافتو غادي وتفكرات)خيزووووو جيب لخييزو شي ربعة كيلو

ليث:(ضار عندها كيطنز)تااهو يكوون حمر

ابتهال:لااا يكون ليموووني ويكووون حلوووو جيب لا كان مر غير جلس عليه وبلا مااترجع للدار(غير شافتو اخنزر فيها وهي تدوز يدها على فمها كتضور فعينيها)صممم بكمممم(تم هابط وخرج من لڤيلا يالاه كيتمشى فالجردة باش يخرج براا وهي تعيطلو من لبالكون وضار)

ابتهال:(دايرة يدها جناب فمها وكتبرح)لااااايث واا جيب معااك التووووووووووووت

ليث:(مسح على وجهو وشاف فيها)وااااافين غنلقاااااااه الموووووصيبة عااارفة رااااه قليييييل

ابتهال:هدشيييي ضربلييييه لحساااب قبل مااا تكوي فياااا كل لييييييلة بغيتييي لكواااا ولولااااد واااسير شرييييي هدشيييي ولااا نتعرى على دييييينمك هناااااا

ليث:(شاف فليكارد لي غير شافو فيه حذرو عينيهم جاب الله مكيفهموش داريجة أما كون تشوه ضار عندها ومزير على قبضة يديه كيتغزف عليها وناطق تحت سنانو ماباغيش يغوت حداهم)ناااااري ونشدك ابتهااال

ابتهال:(لاحتليه بوسة كضحك كيعجبها تعصبو)نمووووت على طوااااسل جدك المسخوووط

ليث:(يدو فوق راسو ماعرف يضحك ولا يتعصب)يا ربي تعطيني الصبر(شاف فيها)دخليييي لدااااخل الكاااارثة لي بلاني بيهااااا سيدي ربيييي دخليييييي

ابتهال:(كتحلون وتغني)هااهي غاادة غادة هااهي غااادة

ليث:(بقى حاضيها حتا دخلات وضار غادي)الدلاح والتوت ولفريز وربعة كيلووو دخيزو مزوج بقنية أنااااااا
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت427

(بدا يفيق وكيحس بشي حاجة فوق صدرو حل عينيه ولقاها متكية فوق صدرو ناعسة وفمها وفجناب شوية دلحمورية شداتو ضحكة من منظرها لبارح كيفاش كانت كاتاكل توت ففمها وكتقطع فالدلاح وحرام واش خلاتو ياكل شي وحدة دازت فدكشي طول وعرض بدى يلعب فشعرها وهي بدات تفيق وترمش فعويناتها شافتو وابتسمات وهو شد فكها مقربها وغرق معاها فقبلة وكيدوز على جناب فمها حلوين بالدلاح دلبارح)ديييينمك حلوة

ابتهال:(ضحكات وعنقاتو)روومبو ديالي أنااا وشحااال كنبغيييه

ليث:إييييه عليهااا ذوقتينييي المسموومة

ابتهال:(عقدات حجبانها)عطيييتك وحدة

ليث:(صغر عينو فيها)

ابتهال:(فرنسات)عطيتك نص فريزة براااكة عليك أصلااا أنا لي كنتوحم أحياتي مااشي نتاااا

ليث:(ضحك)أغييير طلبي وتفششي عليااا دباااا لحساب مور لولادة

ابتهال:(ناضت للحمام كترض تاني وغسلات وجهها وفمها)تفووووو قوستي علياااا دكشي كااامل لي كليتو لبااارح رضيتو

ليث:(كيضحك بجهد)ذنووووبي هادووك(تم داخل عندها الحمام لقاها حيدات حوايجها باش تدوش وشدها)القنييية دياالي أنااا(كيبوس فيهم ويهرها طلقو عليهم الرشاشة كيدوشو مع ليبيتيز ضروري كيشدها من هنا كتغلت من هنا حتا شدها وحاصرها فلقنت هزها عندو ملوي رجليها على خصرو وقضى غراضو ماطلق منها حتى خلاها كتنهج كملو غسيلهم وخرجو محشيين فپينوار واحد دليث كبير شوية ابتهال وماقاليها عقلها ليث غير كيضحك على هبالها دخلو لدريسينج ونشفات ابتهال جسمها دهناتو بكريمات نكهة لفراولة ولبسات دوبياس ديالها فأسود سدليها ليث سوتيانات لبس هو تيشورت بيض وفوق منو ڤيست كحلة وفيها شوية دلگري أديداس فحال السروال وسبرديلة رمادية مع نظارات شمسية وشعرو مخليه جنب طوال هو كيضور والشعر كيضور معاه ومع باقي فازك شوية جا فن ضارت عندو ابتهال وكتلعب فشعرو وفلحيتو فحال شي حمقة صافي جاها لوحم عليه)هححح دينمك شحال تيتيييز

ليث:(كيضحك وجبد حناكها)قولي تباارك الله

ابتهال:(اخنزرات فيه)بلا متحلييييك بزاف(شافتو كيسد عينو كيطنز عليها وضرباتو فذراعو وهز يدو قرمعها فمؤخرتها)اااااي تفووو عليييك(عوجها بلسانو وتم خارج وهي جبدات سروال دالجلد فلكحل لبساتو وزادت كبوط كول مونطي فلحمر كيجي واسع قصير من لقدام حشاتو فسروال وخلات اللور لي طويل مطلوق من اللور جلسات فلكرسي دلكوافوز دارت ريسي وعكار حمر مفتوح فاغاجو وفرقات شعرها جنب جات كيوت زادت ساعة فضية DIOR وحلقات طوال رقاق وخلاص خاتم زواج مكتحيدوش فخطرة فحال ليث صبغات ظفار يديها فلحمر قريب لكرونة تسناتهم تانشفو ورشات من ريحتها لبسات سبرديلة عالية فلبيض وصاك جنب فلكحل وتمات غادة لبيت قسم لقاتها يالاه خرجات من لحمام)صبااااح النور قسوووومتي

قسم:(عنقاتها)صباااح الورد ماماتي لحبيبة جيتي فحال لفريزة(شافت ففمها)بابا شافك بلعكار 

ابتهال:(ضحكات على كلامها)لاا ولكن نتي لي غتعتقينيي اقسوومة

قسم:(ضارت يدها على فمها كضحك ودخلات لدريسينج مع ابتهال ولبساتها سروال كيطمة فلكحل وفيه شراطي فجناب فلبيض ولحمر ومن لفوق كبوط ديالو واسع فلكحل وفيه كتابة فلبيض زادت ليها سبرديلة بيضة وفيها لكحل خلات ليها شعرها مطلوق وجمعات حوايج دلبوكس وجيمناستيك فصاكادو ديالو حيت عندها لاصال مع 4 وغتمشي معاهم للشركة تبقى تما تايجي لوقت)

ابتهال:(شافتها فرحانة وغير مبتاسمة ونطقات كضحك)قسسم علاش كضحكي شنو كاين أممم

قسم:(كتلعب فيديها)واالو أماما(سكتات شوية ونطقات)احم ماميطووو نسولك

ابتهال:أممم سولي ابنتي

قسم:غايجي توماس تاهو يااك

ابتهال:(ضحكات)وعلاش كتسوليي

قسم:(هزات كتافها)عاادي غير فضوول وصافي يااك غايجي

ابتهال:(باستها فخذها)اه غيجي هضرت معاه لبارح فتيليفون يالاه زيدي نمشيو(هزات ليها صاكادو وتمو هابطين لقاو ليث خرج كيتسناهم براا تمو خارجين حلو ليهم ليكارد لباب وركبو)

ليث:(ديمارا لوطو وضار شاف فابتهال لي كطل من سرجم قوس عينو ونطق)ابتهال شوفي فياااا

ابتهال:(كتلحس لعكار)خليني نشووف ونخضر عويناتي

ليث:سبحاان الله أول مرة غتشوفي هاد طريق…لاكانتي دايرة شي جلاخة فوجهك غي مسحيهاا باش منخليكش هناا فطريق ونمشي نفطر مع بنتي بوحدنا

ابتهال:(ضارت كتخنزر فيه)غااا شوية دلعكاار تاهو لاااا

ليث:(كيشوف ففمها)باينة غا شوية مسحييي زبل راه مكنحملوووش ديري غي شي واحد خفيف غوز باارد مااشي حمر

ابتهال:نتااا راه مكرهتيييش ندير النقااااب

ليث:(كيصوك ويشوف فطريق وضحك)والله مكرهت ابنت قلبيي(رجع شاف فيها)والله حتا رااك زوينة بلاا بيه وأصلا شنايفك غوز من عند الله لااش كتزيدي داك الزبل أراااك من بعييد

ابتهال:(جبدات لي لانجيت مسحاتو وربعات يديها وساطت بغضب وقسم غير كتشوف فيهم وضحك )

ليث:(طلق موسيقى غربية مزدحة كتعجب ابتهال وكيشوف فيها بنص عين كيف كتهز كتافها وغير كيضور عندها كتحبس شداتو الضحكة وصلو وتمو خارجين قسم لوسط وشادة فيهم بزوج دخلو للقهوة وجلسو)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت428

(طلب ليث قهوة كحلة وابتهال كافي كريم وقسم حليب بشكلاط فطور بجميع مكوناتو وزادت ابتهال طلبات كيك دلفريز ولكريپ وليث غير كيضحك عليها فطرو وسالاو عاد ناضو ومشاو للشركة وتمو داخلين مشابكين بليدين كيف لعادة جلسو فلبيو دليث ودخلات سكرتيرة )

سكرتيرة:(ابتسمات )بونجوغ مدام ابتهال بونجوغ موسيو ليث وصلك إيميل من شركة نيوزان لتصدير الملابس فلبرازيل هادي شي ساعة

ليث:شكرا دبا نشوفو

ابتهال:(جلسات فوق حجرو وفتحات لاپتوب بركات فلإيميل وكتقراه ابتسمات وضارت عندو)عرفتي شحال من طلبية بغاااو

ليث:(ابتسم)واايلي واش بصح

ابتهال:والله شافو لعرض دلباارح وعجبهم لا من ناحية لمااايكپ طابلوات لمجوهرات ولأزيااء خاص نجاوبوهوم بغاو يديرو معانا عقد

ليث:مزيااانة جاوبيهم نتي

ابتهال:أوكي(بدات تكتب ليهم أنهم موافقين وكنتسناو تحددو فوقاش نديرو العقد سيفطاتو دقائق قليلة وجاوباتها سكرتيرة دالشركة ونطقات كضحك)بغااو دبا أليث راهم سياحة فإيطاليا وعمل فنفس لوقت

ليث:صافي حددي معاهم لموعد أنا غنعيط لهود( هود وجوليا كانو فشركة نيت دغيا تجمعو وعيطو لنجود تاهي جات حددو مع لاخرين الإجتماع يكون مع 11 وصلات لوقيتة وتجمعو فقاعة الإجتماعات وارتاحو بزاف لمدير الشركة خصوصا ليث حيت إنسان محترم مثقف واعي ملتزم بمواعدو ومضبوط سناو معاه عقد لمدة 5سنوات قابل للتجديد باش يصدرو ليه كل من الملابس والمجوهرات واللوحات طبعا لماركة ديالهم هيel wehabi  عطى المدير فرصة لنجود تكون مايكپ آرتيست فشركة دمرتو لي كتبيع لمايكپ وهدشي فصالحها غيزيد من شهرتها أكثر ويعاونها دير شركتها بوحدها كلهم شافو فيها كيتسناو قرارها واخا الكل عارفو حيت هذا هو حلمها من وهي صغيرة)

نجود:(شبكات يديها مع بعض وحمحمات مبتاسمة)شرف لياا كبير تعرض عليا أموسيو نيوزان نخدم فشركة مشهورة ديال بيع لمايكپ كنشرري منها ديما وفايتة تلاقيت مع الزوجة ديالك أندريلا ظريفة  وشكرات خدمتي بزاف كون طلبتي مني هاد الطلب هادي سنة كنت غنقبل لكن دبااا (شافت فابتهال وخوتها كاملين مبتاسمة)عائلتي محتاجاني وتانا محتاجاهم لاغابت سارية وحدة
غاطيح العمارة كلها وانا واحد من الأعمدة لي موقفين هاد الشركة ولي جامعة لعائلة كلها ومنقدرش نبعد عليهم(خوتها وابتهال ابتسمو عجبهم لحال بصح تبدلات بزاف كانت تسعى ديما للشهرة وتكون طووب ومكتفكرش فعائلتها ابتسمات ونطقات)شكراا ليك بزاف موسيو نيوزان على هاد الطلب ولكن منقدرش نقبل كنعتذر

نيوزان:(ابتسم)معندك علاش تعتاذري مدام نجود كنت متأكد هذا غيكون هو جوابك حيت العائلة هي كلشي(وقف ومد يدو سلم عليها)كنتمنى ليك مسيرة موفقة

نجود:شكراا ليك موسيو نيوزان وبلغ سلامي لمدام أندريلا

نيوزان:(ابتسم وشاف فليث سلم عليه)نتمنى تعجبك لخدمة معانا موسيو ليث وتشرفت بمعرفتك مرة أخرى

ليث:تانا تشرفت بمعرفتك ونتمنى تاحنا نكونو فحسن الظن ديالك

نيوزان:(سلم على هود وابتهال وجوليا ودعهم ومشى هو والمساعد ديالو)

ليث:(ضار عند نجود مبتاسم وكيتسائل فوقاش نجود كبرات وولات إنسانة واعية مسؤولة وكتعرف تفكر بالمنطق شافتو وضحكات كتسولو بحجبانها مالك وعنقها)زنطيط لفااار ديالي كبرااات وبداات تاخد فقراراتهااا لصالح العااائلة(بعد وجهو ونطق)كنفتخر بيك وهضرتك عجباتني

نجود:(تنهدات وحنات راسها)درت بزااف دالأخطاء فحياتي أخوياا ذنوب ومعاصي كثييرة(دمعو عينيها وهزات راسها)لكن عمري غنسا الشيئ لي درتي معاياا واخا كاااع لي وقع متخليتيش عليا ووقفتي معايا( بألم)واخا حملت فلحرام وبغيت العدو ديالنا مجريتيش عليااا وعمرك جرحتينيي بالعكس ضميتيني عندك ومتخليتيش عليااا واخا ماما تبرات مني لكن نتاا لا واجهتيها بقيتي كتبغيني بأخطائي كلها واخا تخليت عليك فمقابل نتزوج بلوكاس لكن فاللخر عرفت بقيمتك وخوفك عليااا(حطات يدها فوق حناكو بكل حب)كنبغيك أخوياا والله بابا مات لكن نتا خديتي بلاصتو سمحلي على كلشي عفااك على هضرتي لي كانت قاصحة وكانت كتجرحك على تفضيل شخص آخر عليييك(عينيها كيبريو بافتخار)مكاينش شي أخ أحن منك فهاد الدنياااا كلها(عنقاتو وطلقات بكيتها)سمحلي عفااك أخويااااا

ليث:(كيمسح على ظهرها مبتاسم)الأب مكيتقلقش من بنتوو ألكبيييدة دخوهااا نتي هي بنتي لولة كنت عارف غايجي واحد النهار لي تعلمي من أخطائك وهاهو وصل زيدي بدرجة للقدام ورمي لمااضي كلوو أنجود نساايه ورمييه كلووو شمس وغاابت ومشااات حسبيه دفتر وتحرق…واصافي ششش براكة من لبكى(بعدها وكيمسح دموعها ويجبد حناكها لي عمرو)عااد شفتك مزيااان غلااضيتيتييي وزيااانيتي عاد رجعتي نجود لقديييمة
نجود:(ابتسمات)غير لماكلة وراحة لبال أخويا والله

ليث:يااك دبا كلشي مزيان مرتااحة مع نزار ياك

نجود:(بفرح)الحمد الله كلشي هو هدااك أخوياااا

ليث:(رجع عنقها وتنهد)دباا عااد ارتااحيت من جهتك

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت429

ابتهال:(تمات جاية عندهم) ياااكو اجتماع بلا بياا (عيطات لهود وجوليا)أجيييو أشرفة حصلت واحد حالة خيااانة هنااا(تمو جاايين كيضحكو)

ليث:(جرها عندو معنقها بيديه لاخرة ونجود عنقات هود وتحشات جوليا بيناتهم كيضحكو فرحانين كل واحد كيدعي من قلبو باش يبقاو ديما هكا مجموعين وعايشين فسعاادة رجعو لخدمتهم وفوقت لغداء مشاو كلهم عند صباح يتغداو تما ليوم جمعة دايرين كسكسو كلاو حتا شبعو جلسو يرتاحو شوية ورجعو لخدمتهم وصلات ربعة ودات ابتهال قسم للنادي تلاقاو مع توماس فلباب مع موو وسلم عليهم)

ساندي:(شافت قسم وباستها كتضحك)قسم لابااس علييك

قسم:(بخجل)حمد الله أخالتي ونتيااا

ساندي:حتاناا بيخير أزويينة….يالاه دخلو تلعبوو تومااس ولدي قسم ختك الصغيرة حضيها مزيان واخا أولدي

توماس:(ابتسم)متخاافيش أمامااا(قبط فقسم وتمو داخلين)

ساندي:(شافت ابتهال غادة وعيطاتليها)ابتهااال ممكن دقيقة نهضر معاك

ابتهال:(شافت فيها ومربعة يديها مخنزرة)فاااش غنهضروو دوييي أنا عااارفاااك شادة توماس غير على قبل الأملاااك دغياا وليتي مديرة الشركة ودخلتي شمكاااار دراجلك يخدم تمااا

ساندي:ابتهااال نتي أم وغتفهميني توماااس راه ولدييي خوووك خداه مني وهو بااقي ما كمل حتاااا شهر (بعينين مدمعين)سمعتي حرمني منوو وداااه وخلاني غنحمااق عليه كنت كل نهاار كنمشي عندو باش يخليني نشوفو زعمة لكن ديما كان كيعطيني قتلة وشي خطرات كيغتاااصبني قدااام ليكااارد عرفتي شنااهي يعريك ويخلي رجالو كلهم يدوزو فيييك (بحرقة)آااه بصح أنا كنت عاااهرة لكن بااش نصرف على واالديااا وأي وحدة مغتبغييش تدوز من نفس لموقف ديالي واخااا خوك ولكن سمحيلي غنقوولهالك لوكاس كنكرهووو من كل أعماااق قلبي وكل نقطة دم كتجري فعروقي كتكرهوووو….(مسحات دمعتها وابتهال بقات فيها حيت حسات بيها نطقات ساندي)جميع الأملاك دولدي منين يوصل 18 لعام غيتكلف بيهم أنا ماخديت واالو غندير مشروع صغير وراجلي غير كيعاوني معندو حتى حق ولا بوسط فالشركة أصلا مكيفهمش فهدشي….مهم لي بغيت نقوولك أنه ماما مريضة خاصني نمشي نشوفها فطبيب فإسبانيا واش ممكن يبقى معاك تومااس واحد خمسيام على ما نرجع مابغيتش نكرفسو معايا فلكلينيك

ابتهال:توماس فحال ولدي مرحبا بيه فأي وقت وبالشيفة لماماك

ساندي:(ابتسمات)شكرا ليك….صافي مزيان فعشية غنجيبليك حوايجو فالليل عندي الطياارة

ابتهال:غنسيفطلك عنوان الدار حيت مابقيتش ساكنة فلڤيلا دماما صبااح(ودعاتها وركبات فلوطو وتنهدات)أخخخ ألوكااس أخخخ ماخليتي تااحد هااني تااحد الله يرحمك ويغفرليك فهاد النهار دالجمعة ياااربي بففف(ديمارات لوطو ورجعات للشركة….)

بعد مرور 5أشهر…🦋

(تم داخل لبيت كيقلب عليها مالقاهاش دخل لحمام لقاها جالسة فالأرض متكية راسها على طواليط ومغمضة عينيها عرفها كانت كتقيى حملها جاها قاااصح بزااف تقلات وولات غير مرخية وكتنعس بزااف غلاضت شوية وجهها عمر وزادت زيانت ولكريشة تكورات قدامها مقنبلة حط يدو على حناكها كيتلمسهم محلاتش عينيها عرفها غتكون نعسات هكاا تنهد وهزها عندو مخرجها براا وتكاها فوق ناموسية ماصحابلوش لحمل غيكون هكا بنااقص كااع من شي ولاد إلا غيشوفها كتعذب هكا قدامو ولي كيزيد يعذبو هو صبرها هي عيانة وكتقول أنا بيخير كيخليها تبين راسها هكاك وهو عاارف باش كتحس بدى يبوس فيديها بحنان ويفيقها)حيااتي نووضي(بعد مدة عاد بدات تفيق وتحل عويناتها)كيف صبحتي مزياان (بغات تضور وشافها تقصحات ونطق)ماالك شنوو ضرك

ابتهال:(حاطة يدها فوق صدرها)غيير صدري كيضرنيي وصافي متخاافش احياتي

ليث:(هزليها سوميج وكيدوز يدو فوق كرشها وطبع قبلة)معذبييين لياا مراااتي ياكو من دباا ونتوما داايرين فلبساالة (ضحك وشاف فابتهال)ليوم عندك موعد عند الطبيبة غنمشي معاك يقدر ليوم يباانو ونشوفو لجنس دييالهم

ابتهال:(ابتسمات)كنتمنى حوايجهم كلهم فقهوي وبلونكاسي معرفنا شنو ناخدو واش دلبنات ولا ولاد

ليث:كلشي بوقيتو أحياتي يالاه نوضي باش نوجدو راسنا ليوم غنتغداو عند جوليا ندوزو عند الطبيبة هي لولة عاد نمشيو عندها(قبط فيها منوضها وباسها فخذها)نمشي نطل على قسم ونجي عاد نلبسك أحياتي

ابتهال:(كان غادي ورجعات قبطاتو فذراعو مضوراه عندها كتشوف فيه بحب)وقفتي معايا أليث وصبرتي معايااا كتنوض فالصباح وتفطر قسم تلبسها وتوجدها للمدرسة وتقادلي فطوري أنااا وعاد تمشي للشركة وترجع تقابلني تعاوني فتدواش واللباس عذبتك معايا بزاااف فهاد خمس شهور كنبغيك بزاااف

ليث:(حط يدو فوق حناكها مبتاسم)آشهاد لهضرة كتقولي ابتهال عذاابك راه رااحة متعاوديش تقولي عذبتك معايا نتي هي كلشي فحياتي نوقف معاك وتوقفي معايا نتعاونو ونساندو بعضيااتنا ونتي احتاجيتيني كيفاش منكوونش فجنبك احياتي(طبع قبلة فجبينها )وأنا كنموت عليك
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت430

ابتهال:(ابتسمات بحب وعنقاتو واخا ماشي شي تعنييقة مع لكريشة دايرالهم حاجز باسها فجبينها وهبط وهي دخلات للحمام وشادة فكرشها مشية لبانچوان🐧 غسلات وجهها وسنانها وعاودات جمعات شعرها لفوق وتمات خارجة دخلات دريسينج كتشوف لحوايج لي شراو خاصيين دالحاملات حيت حوايجها مابقاوش كايجيوها لبسات كولون كحل سخيخن تحت الركبة وفوق منو كسيوة طويلة بلكمام فلقهوي سخيخنة حيت دبا هما ففصل الشتاء فالشهر الأخير تقريبا جاي عنقها طالع شوية طلقات شعرها الذهبي دارت ريسي وعكار قهوي مفتوح جاها فن رشات من ريحتها ودارت سنيسلة خفيفة وحلقات جبدات صاك صغير كيدار فالجنب فلبيض وسمطتو فضية وجبدات سبرديلة بيضة طالعة مع تقشيرات بغات تلبسهم وكرشها مانعاها تحني دخل عندها ليث وتمشى جهتها)

ليث:ابتهال ديك ساعة عيطيلي علاش تعذبي رااسك(يالاه غيهبط للأرض ونطقات)

ابتهال:لااا ليث غير جلس فوق لكرسي أنا نمد ليك رجليي متحنيش للأرض

ليث:(ضحك وجلس فالأرض)واااش نتي حمقة شحاال من مرة كنقوليك ماديريش النفس علياا ابتهال أنا راه راجلك على قبلك ندييير أي حاجة من بعد نتي ولوالدة مستحيل ندير هدشي لشيحد(هز رجليها عندو وكيلبس ليها تقاشر وهي مبتاسمة وكتشوف فيه بحب لبس ليها سبرديلة ودارليها واحد العقدة فنة لي تعيى تعلمها وماديرش فحالها ضحك ونطق)رجيلات دلبوورطكلي

ابتهال:بزااف عليك

ليث:(ضحك بجهد)وحق الله أعمري حتا كتبااني فحال شي بِطْريق(باسها فعنقها وهو يشوفها توجعاات ونطق مخلوع)ابتهال ماالك

ابتهال:(شادة فكرشها ومزيرة على عينيها)أممم والو والو صافي مشى غير وجع عادي وصاف

ليث:(شاد فيها)وااش نمشييو لكلينيك

ابتهال:(عاد تنفسات براحة)لا الحمد الله مزيان دباا صافي يالاه نهبطو(تمو خارجين لقاو قسم لتحت كتوكل چونيش ونطقات)بنتييي قسوومة

قسم:(ضارت عندها مبتاسمة طوالت وغلاضت وزينها غير مكيزيد وشعير طوال كانت لابسة سروال بويفراند تجين مغلوق فيه خباشي صغار جهة الركبة وكبوط بيض كلو فيه كتابة فلحل بشكل عشوائي ومونطو قهوي محلول طويل حد الركبة سخيخن وسبرديلة فلبيض ولكحل طالقة شعرها ودايرة طربوش حمر جات فنة ليث كيعرف يناسق الألوان عنقاتها وباستها فكرشها ولات حنينة بزااف)مامي لحبيبة صبااح النور

ابتهال:(قبطاتها فيديها وطلعاتها فوق لكرسي باش تجي قدها وعاد عنقاتها مزيان)زرغمييييلة ديالي صباح الورد والياااسمين (كتشمها)هححح على الرويييحة دبنتي وشحااال كنحمااق عليها

قسم:(باستها فخذوذها بزوج)تانااا كنحماااق على ريحتك أمامي لحبيبة

ليث:(تم جاي عندهم)واقيلة نفطرو على برا شحالهادي ماكلينا براا

قسم:(نقزات)ياااااس(عنقات ليث)جوطيم بابااا

ليث:(عنقها كيضحك)القطيييطة دباباها(هزها عندو وتمو خارجين قابط فابتهال ركبو فلوطو وتحركو وصلو للقهوة يالاه تحلات جديدة وااعرة وجلسو طلبو فطور مع واحد تحلية صغيرة دالتوت لابتهال…)

#فمكان_آخر

(شابكة يدها أمام وجهها وكتدعي مغمضة عينيها حلاتهم وتنهدات بحزن كيف كل مرة غير شرطة وحدة هزات تيست ويديها كيرجفو ولاحتو فالزبل شافت فلمراية وكتحاول تمسك دموعها لي ولاو كيحرقو خدها فكل مرة هبطو حلات باب دلحمام وتمات خارجة لقاتو فلبالكون تمشات عندو ونطقات)هووود

هود:(بغضب)شنووو

جوليا:(حسات بغصة فحلقها ونطقات بألم)علاش كتغوت عليااا

هود:(كيشوف بعيد وغوت)حييييت ملييييييت أجووووليااا

جوليا:(دموعها سالو بحرقة ونطقات بصوت كيرجف)مليتي مني يااك أهود

هود:(ضار عندها معصب)ملييييييت من هدرتككككك أجوليا هدرتككككك فكل مرة كتقولي ليااااا هووود تزوج عيييش حياااتك مع امراااة وحداخرا حيت أناااا مكنولدش… (غوت)وامااااااااباغيهووومش أجوليا هاااد لولاد لي يخليوني نطلق لمراااة لي كنبغي معندي مندير بل—ة دمهم  (قرب منها وهز يديها)كنبغييك نتي أجووليا من غييرك ما تحلالي حتى امراااة أخرى ولادي بااغيهم منك نتيااا ويلا ماجاوش معندنا منديرو هدااك مكتااب الله أجوليا واش حنا غنتدخلو فقدرة الله عز وجل الله يعطييك الستر (باسها فراسها)متعاوديش تقولي هاد الهدرة دزواج ولا زبل أنااا ماباغي ولااد نتي هي بنتي(عنقها عندو مزير وهي بدات تبكي بجهد وتنهد بحزن)عفاك أجوليا برااكة عليك….الله يرضي عليك طيبتي دوك لعينين بلبكى(باسها فعينيها بزووج)صافي ششش

جوليا:(كتشهق)زعم.ا  نتا  مابا.غيش   يكو.نو.  عندك.  لولا.د

هود:(صوتها كيف كيرجف موس تغرس فقلبو حط يدو على حناكها ونطق)باغيهم منك أحياتي ويلا مولدتيهومش نتي أناا ماباغيهومش سمعتي اي حاجة تبعدني عليك ماباغيهاش واش نسيتي شحال تعذبنا اجوليا سنييين وحنا مخبيين حبناا وكل واحد كيتألم بوحدو ومنين تجمعنا أخيراااا…نتفارقو علاش..?  بسباب لولاد واش هذا سبب كاافي يخلينا نتفارقو  واش يسحابليك أنا مزوجك باش نولد معاك هادي عقلية دالجهلاء أنا تزوجتك باش نكمل معااك حيااتي (باسها فنيفها)حييت كنبغيك

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت431

(كدوز صونار على كرشها وتشوف فيهم كيف مبلقين عينيهم كيتسناوها شنو غاتقولهم وضحكات بقات كتدوز وتحقق شوفة مزياان وابتسمات)هاا لول بااان وليد

ابتهال:(ابتسمات وشافت فليث بفرحة )وليييد ليث صغييييور هه

قسم:(عقدات حجبانها)مابغيتوووش لااا

ليث:(ضحك وشاف فيها)وعلاش اقسومتي

قسم:(قالبة شنايفها)غيبقى يتحكم فيا وانا مغيعجبنيش لحال وغنضربووو

ابتهال:(ضحكات بجهد وعنقاتها)لااا أحبيبة متخاافيش

طبيبة:(دوزات صونار على الجيهة لاخرة)هااه ها تاني بااان

ابتهال:(بلهفة)وليد ولا بنيتة

طبيبة:بنيتة(قسم نقزات بفرحة وابتهال ابتسمات)

ليث:(ضحك فرحان وشاف فيها)والجنس الثالث…?

طبيبة:(ضحكات)وااالو رااسو قااصح ساد رجليه هاهو(كتوريهم فتلفازة)شفتو كيف ساد رجليه هاهما لوليد ولبنيتة لاخرين هاهماا(كتوريهوم ليهم فتلفازة)

ابتهال:(دموعها هبطو بلفرح)واش معانقين ولا غير كيبان لياا (غير حركات راسها بآه ضحكات وشافت فليث)غيكونو فحالك نتا وجوليا حنان على بعضكم ومكاداابزووش هههه

ليث:(داير ڤيديو وكيصور فصورتهم فتلفازة مبتاسم)هادوك مسالمين فحااالي والثالث كيشبه ليك ولقسم الراااس القاصح

طبيبة:(كتدوز صونار بتدقيق باغا تعرف ضروري وهي تقشعو وضحكات)شفت الجنس ديااالو

ابتهال وليث و قسم:(شافو فيها وكيتسناوها تخبرهم)

طبيبة:مبروك دبا عندكم زوج بنيات ووليد

ابتهال:(دارت يدها على فمها كضحك وتشوف فليث لي غيطير بالفرحة وقسم كثر)

ليث:(قابط فيديها مبتاسم ومعنق قسم)دبااا عندنا قسم وزوج بنيات آخرين ووليد يعني تلاتة دلبنيااات

طبيبة:(ضحكات)شوفو شوفووو(حطات يدها فوق تلفزة)عطات خوتها بالظهر باينة غتكون عنيييدة وقوية فحال ماماها

ابتهال:(دموعها هبطو وعنقات قسم من جنبها)حتى قسم هي لي كانت فخوتها عنيدة وتاهي مابغاتش تبان ليا حتى ولدتهاا واخا تزادت ضعيفة كانت قوية وخرجات من العناية صحتها مزياانة

ليث:(كيمسح دموعها)غيكونو كلهم قويين احيااتي غتولديهوم بيخير وفصحة مزيانة ونكبرو ولادنا مجمووعين إنشاء الله(مسح على يديها لي معنقها عندو وباس جبينها)

قسم:(باست ماماها فحناكها)متبكيش عفاك أماما

ابتهال:(زادت حشاتها فحضنها)يخلييييك ليا يالحبيبة دماماهاااا(جرات يد ليث عندها وباستها مبتاسمة)غتولي دباا أبووو البنات

ليث:(ضحك فرحان)متخاايليش شحال أناا فرحاان ابتهال(قرس قسم فحنكها)دبااا غيوليو عندي تلاتة دلبناات فنكوشات ووليد

قسم:(مبتاسمة)غيوليييو عندي زووج خووت هه زوج بناات خواتاتييي غنبقى نلعب معاااهم

ليث:(كيشوفها كييف غاطير بلفرحة وعنقها عندو كيضحك)

ابتهال:(باست يديها)غاتكوني نتي هي ماماهم التاانية ههه

طبيبة:(عطاتها كلينيكس مسحات لجيل لي فكرشها وهبطات لكسوة وكيعاونها ليث وجلسو فلبيرو حتى نطقات طبيبة)الحمد الله عندك كلشي مزيان بعد غدا ضروري تجي نديرو واحد التحليل ديال الدم

ابتهال:(تنهدات)عاوتاني

طبيبة:راك عارفة ابتهال فاللول قلتهاليك تريبليتس ماشي ساهلين خاص المراقبة كل سيمانة على الأقل باش نحيدو جميع شكوك ونرااقبو صحتهم مهم بعد غدا أجي غير على مايفوت هاد الشهر

ليث:(عقد حجبانو)احمم علاش زعمة واش كاين شي مشكل فصحتهاا ولا فصحة لوليدات

طبيبة:(كتشوف فشي وراق )لا متخافش مكاين والو هاد التحاليل روتينة كاع لي حاملين بالتوام كايقومو بيهم بشكل دوري(عاد ارتاحو رجعات عطاتها شي ڤيتامينات وتمو خارجين مشابكين بليدين وليث هاز قسم كلهم فرحانين ركبو فلوطو وتمو غاددين)

قسم:(جالسة اللور وقربات لوسط عندهم)شنوو غادي نسميوهم

ابتهال:(ضحكات)والله معرفت أبنتي مفكرتش فالأسماء كتفكر فشي اسم أليث

ليث:(ابتسم)كتعجبني سمية لقمان

ابتهال:(باعجاب)زوينة عجباتني صافي نسميو لولد لقمان(شافت فقسم)وأناا وبنتي غنقلبو على شي سميااات لبنيات

قسم:(دايرة يدها على فمها كتفكر)اممم خاص تكون سميتاهم كتشابه تقريبا ويبداو بنفس الأحرف

ليث:(كيصوك وضحك)إوا يالاه العالمة ديالنا حركي داك العقييل لي عندك وآتينااا بما عندك أزرغميلة

قسم:(كتفكر)كتعجبني سمية رتااج وأريج جايين مع بعضياتهم أمامي يااك

ابتهال:(ابتسمات)زوينين عجبووني

ليث:حتا أنا عجبوني

قسم:(عبسات وجهها)ولكن بزااف لي مسمين هاد السمية(هزات كتافها مربعة يديها)مابقاوش عاجبينييي(ضحكو بالجهد ونطقات ابتهال)

ابتهال:نتي لي غادي تسمييهم أبنتي حيت هادو هما خووتك(بحزن)لي ضاعو…

قسم:(دلات شنايفها)غتكون جداتي مهلية فيهم ياك أمامي

ابتهال:(قلبها تزير وغمضات عينيها بألم بمجرد مفتحاتهم سالو دموعها دغيا ضورات راسها للزاجة اشتيااق كبير كتحس بيه كانو دبا غيكونو عندها خمسة دلبنيات ووليد لكن ماكتابش ولداتهم ميتين💔 توحشاتهم بزااف واخا شافت غير جثتهم وماسخاتش بعناقهم لكن معندها مادير مكتاب الله تمنات كون كانو معاها دبا وجالسين اللور حدا قسم وتكون ماماها معاها يكون الراجل لي رباها علاء ويكون دارك
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت432

يكون خوها للأسف كلهم تحت التراب لبلاصة لي تاهي وكلنا غنرجعو ليها يمكن ليوم يمكن غدا فتحات الزاج دلوطو وتكات راسها ليث حس بيها وقبط فيديها طابع قبلة كأنه كيواسيها ويبعث ليها الطاقة ضارت عندو وابتسمات بلا بيه هي والو واخا فقدات عائلتها لكن ربي عوضها برااجل فيه كلشييي وصلو وتمو خارجين دقو فلباب وتحلات دخلو وسلمو على بعضياتهم حطات يدها فوق لكريشة مبتاسمة ونطقات)لحبااايب دعمتهم (باستها فبطنها وضارت عند قسم هزاتها عندها)لكبيييدة دعمتها وشحااال توحشتهااا

قسم:(زيرات عليهاا عزيزة عليها بزاف)عميتوووو توحشتك

جوليا:أنااا كثر العمر الفنووون دعمتهاااا(باستها فحناكها ومعنقاها بقات هازاها وسلمات على ليث)

ليث:فين هي نجوود واش بااقي ماجات

هود:باااقي أخويااا راك عارف ولات مزوجة مع لمرااية(ضحكو كاملين ودخلو)

ليث:(قبط جوليا مضورها عندو وحط يدو فوق حناكها)عوينات خوهاا ماالها (كيشوف عينيها حومر منفوخين ختو وكيعرفها كثر من أي واحد)

جوليا:(ابتسمات وعنقاتو)والو أخويا لحبيب

ليث:متأكدة يااك متكدبييش

جوليا:(كضحك)والله مكاين شي حااجة (سمعات صونيط)غتكون ماما أنا غنمشي نحل…(دخل لصالون وجلس حدا ابتهال)

ابتهال:(شادة تحت ظهرها ومغمضة عينيها)

ليث:(ضار عندها)ابتهال مالك

ابتهال:والو غير وجع خفيف تحت ظهري

ليث:(عاونها تجلس)صافي واش مشى

ابتهال:(حركات راسها باه وشافت صباح وزهرة داخلين ليوم ناويين يتغداو ويديرو كسكروط حيت زهرة غتمشي فحالها كانت هي وصباح فالحج هاد الأخيرة لي صافي اقتنعات 100% ودارت الحجاب بحكم أن جنسيتها الأصلية ايطالية عاشت وكبرات فيها لكن سلمات منين تزوجات بابراهيم وكانت كادير غير شال خفيف دخلو سلمو على ابتهال وليث وقسوومة وجلسو يتعاودو لعيالات لي فرحو بجنس التوام وليث خرج عند هود وجوليا فلكوزينة مع لخدامة كيتعاونو على لغداء شوية وناضت زهرة كتعاونها ونطقات زهرة)معرفت فين هيا نجود شفتها تعطلات

جوليا:(ابتسمات وبدات تعاودليها)

#فجهة_أخرى

(لابسة صالوبيط فالرمادي وفيه خطوط فابيض واسود سميطات من لفوق ومن لتحت سروال وااسع وتحت منو قاميجة بيضة طاويالها لكمام شوية ودايرة سميطة مرخوفة تحت من صدرها فوق بطنها لي مكور باين ولابسة سبرديلة بيضة وصاك فالجنب وردي طالقة شعرها الذهبي ودايرة نظارات كوحل دشمس لاشفتيها متعرفهاش غلاضت والشعر طوال زادت زيانات ولوجه ولفخاض عمرو واقفة قدام لوطو وهازة ساشي قدام كرشها مخبعاها وكتسناه يخرج من ديك لباب وكلشي كيشوف فيها ويبتاسم معاها شهرتها زادت واخا مابقاتش كتبان ولي شافها كيتصدم ويضحك معاها ماعارفينهاش حاملة غير شافتو خارج جار لباليزات قلبها نقز بلفرحة مكرهاتش تمشي كاطير وتنقز لكن الغالب الله ولات فحال لبوطة هزات يدها كتشير ليه غير شافها وسع ابتسامتو وبدى يزرب فخطواتو باغي فوقاش يوصل عندها خلى لباليزات فنص الطريق وتمشى عندها وكيتفحص فوجهها جرها عندو معنقها كيضحك)توحشتك توحشتككككك

نجود:(معنقاه من عنقو بيد وحدة مبتاسمة)حتاا أنااا توحشتك احياااتي بزاااف

نزار:(معنقها وعبس وجهو)حيدي هاد ساشي راه مامخلينيش نعنق دينمك مزيااان

نجود:(ضحكات ورماتو فالأرض)هاااهو

نزار:(سمعو طاح ولكن باقا شي حاجة قاصحة بعد وجهو باش يشوف ناطق)شنو هد..(باقي مكملها حتى تصدم ووسع عينو مامتيقش نطق بتهجي)كيف.اش مفهم.تش(هز يدو وحطها على كرشها كيتفحصها)نجود شنو دايرة فكرشك مفهمتش علاش دايرة هاد لكرش

نجود:(عرفاتو مصدوم حيت ماقاتليه والو بغات تخليهاليه مفاجئة وضحكات حاطة يدها فوق يدو وكتحركها فوق كرشها)نتا لي درتي هاد لكرش (ابتسمات)أنا حااملة

نزار:(حل فمو مصدوم)كيف.اااش كضحكي ياااك أنجود

نجود:(منظرو ضحكها ونطقات)علاش غنكدب أنزاار أنا حاملة باقيلي سيمانة وندخل فالشهر سادس

نزار:(عقد حجبانو)كيفاش ست شهور انا مشيت 6شهور لأستراليا يعني كنتي حااملة(بدى يضحك فحال شي حمق وعنقها مزير عليها)حشووومة عليك علااش مقلتيهااش ليااا وخليتيني بعيييد عليك هاد لمدة كاااملة(كيبوسها فجنب راسها غيطير بالفرحة ورجع كيقيس فكرشها وكيبتسم)دبا هناا كاين ولدناا أنجوود

نجود:(حركات راسها باه مبتاسمة)ااه كنت مخلياها ليك مفااجئة

نزاو:(داير يدو على فمو مامتيقش)ناااري اجمل مفااجئة فحياااتي اجمل فرحة عشتهااا هي هادي(قبط حناكها بيد وطبع قبلة فيهم بكل حب)متخااايليش شحاال أنا فرحااان(رجع عنقها ومزير عليها كيضحك باقي مازال مستوعب انها حاملة غاددي يجيه ولد ولا بنت ومنين…? من لمراة لي كيبغي ويعشق لمراة لي حياتو كلها وهاد الفكرة كانت مجرد خيال بنسبة ليه وشحاال تمناهااا وقال مستحيل لكن الله على كل شيء قدير ونجود كانت فمكتابو وربي كتبهاليه واخا سنين وهو معذب وبعيد عليها لكن جمعهم القدر رجع شاف فيها بكل حب وهز يديها باسهم من برا ولدااخل)كنبغيييييك أنجووووود

نجود:(ابتسمات وحطات يدها على وجهو)وأنا كنموت عليييك

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت433

نزار:(مكرهش يطير عليها دبااا كون ماكانوش فالزنقة)واش عندنا بنيتة ولا وليد

نجود:(ضحكات وهزات كتافها )معرفتش مابغيتش نشوف حتا تكون معايا تا نبض قلبو مسمعتوش بغيت نشارك معااك كلشي(عنقاتو وهو زاد حشاها فحضنو مبتاسم وباس راسها هز ساشي من الأرض وجر لباليزات ويدو مافارقاتش نجود معنقها من خصرها تمشاو جهة لوطو ديالها حشى لباليزات فلكوفر وركبو مشاو نيشان للڤيلا دجوليا ودقو)

ليث:(حل لباب وضحك منين شافو وعنقو عناق رجولي)أ علاا سلاامتك أخويااا نزااار لباس عليك

نزار:(طبطب على ظهرو)الحمد الله الحبيب نتا كيف داير كلشي بيخيير

ليث:(بعد وشاف فيه حاط يدو فوق كتفو)نحمدوو الله ونشكروه(ضار عند نجود سلم عليها وتمو داخلين وضحك)كيف جااتك لمفاااجئة

نزار:ياك المجرم كنت ديما نسولك عليها تقولي بيخيير مزيان هادي هي الخاوة تخبي عليااا

ليث:(ضحك)اخوياا هي لي بغااات ماشي أنا(دخلو للصالون وسلمو كلهم على نزار جلسو وتحط لغداء كلاو فجو مليئ من الضحك كلشي فرحان وكيموت بضحك الرجال خرجو برا وبقاو غير لعيالات)

جوليا:(كتشوف فابتهال ونجود وكتحس بنقص لبكية كتحبسها غير بالصيف مكرهاتش تاهي تكون حاملة وتوحم وتشهى تكبر كرشها وتولد وتربي ولدها ترضعو تلبس ليه للأسف مشات لطبيبة وقالتلها بلي هي لي مكتولدش وخرجات مصدومة مسمعات تاشنو قالت واش كاين شي علاج ولا لا ولكن عارفة راسها بلي معندها زهر غير هود حياتها كاملة وهي معذبة عاد تزوجات بيه وفرحات لكن مادامتش ديك لفرحة وصباح حاسة بيها)

صباح:بنتي جوليا نوضي وريني التلاجة لي بدلتو

جوليا:(ابتسمات)واخا أماما يالااه

صباح:(ناضت هي وياها متبعالها لعين كيفاش مبتاسمة وكتوريها وضوراتها عندها كتشوف فوجهها عنقاتها مزيرة عليها وجوليا دكشي لي كانت محتاجة تطرطقات كتبكي وتشهق ومزيرة على ماماهااا)دبااا ربي يكتبهوومليك ابنتي دعيييت معااك فداك المقااام ربي غيفرجهااا عليك دبا تحملي وتولدي كلها بوقيتو أبنتي جوليا يعطيييك الستر متهزييش فقلبك الله يرضي علييك

جوليا:(كتبكي وتشهق)قا.تلي. طبيب.ة أنا لي مكنو.لدش أماما أناااا اهئ اهئ علاااش أنااا علاااش أماما مكتوب عليا نبكي ونتعذب علاااش 😭

صباح:لي بغاهااا الله هي لي غتكوون ابنتي خااصك ترضاي بقدر الله لحااجة لي فيهاا لخير غيكتبهااليك سيدي ربي الصبر خااصك تصبرييي عارفاك إنسااانة صبااارة صبري وربي كيجازي عبادو ومكينسى تااحد أبنتي صلي ودعييي الله وإنشاء الله يكون خير

جوليا:(بحرقة)منقدش نصبر تا ينفر مني راجلي أماما منقدرش نسمع منوو شي نهار كيقولي نتي مكتولديش ولا شي حاجة فحال هاكا منقدرش نموووت أمامااا منقدش نستحمل قلبي طااايب عيييت😭

صباح:(دموعها هبطو وكتمسح على ظهرها)متقولييش هكا أبنتي خالتك مور12عام دالزواج عاد ولدات سيلينا تاهي كان عندها مشكل وفيها هي وراجلها عمرو تخلى عليها ولا جرحها بشي كلمة ديما كان واقف معاها وفجنبها حيت كيبغيها فحال هوود أجوليا راه كيبغييك وكتبان من عينيه كيفاش كيشوف فيك ويهضر معااك وهازك فوق راسو متعمريش رااسك بداك التخربييق ديك لهضرة مكيقولوهاش الرجااال ولاد الناس وهود رااه ولدي كيف ما نتي بنتييي صافي احبيبتي قلبي كيتقطع عليك منين كنشوفك هكااا متعاوديش تبكيي(كتمسح ليها دموعها وباستها)صافي احبيبتي

جوليا:(هدرة ماماها ريحاتها وابتسمات هزات يديها وباستها)
الله يخليك ليا أماما لحبيبة

صباح:(فرحات منين شافت ابتسامة بنتها)وليا ابنتي الله يرضي عليك ويسهل عليك سيري للحمام وغسلي وجهك

جوليا:(حركات راسها بواخا وتمات غادة وكتمسح وجهها ومانتابهاتش لهود لي كان واقف وسمع هضرتها كلها لي كتألمو فقلبو تنهد وشافتو صباح)

صباح:(شافتو متبع لجوليا لعين حمحمات ونطقات)توحشاتني وكانت كتبكي مزاال ماغادي تكبر ودير عقلها خلاص ههه

هود:(تنهد وتم داخل لكوزية جلس فواحد لكرسي دصالامونجي)اودي كون غير كان هدشي الوالدة راني عارف كلشي قلبي كيضرني منين كنشوفها هكا والمشكل هو أنه هي كتفكر وتبلاني شي حوايج فراسها عليا أناا وأنا دكشي مامسوقش ليه انا قاابل باي حاجة كيعطيهالي الله شكون أنا باش نتدخل فقدرة الله عز وجل جااو مرحبا ماجاوش نحمدو الله ونشكروه فجميع الأحوال عرفت بلي هي لي مكتولدش لكن مستحييل نتخلى عليهااا وهي كظن بلي أنا باغي لولاد كثر منهااا

صباح:(هضرتو عجباتها وعاد زادت ريحاتها وعنقاتو)الله يرضي عليك أولدي ويسهل عليييك راك عارف جوليا حسااسة بزااف مكتبغيش تكون عبىء على شيحد(مسحات على ظهرو شوية وجات جوليا كتجبد السميدة باغا دير لحرشة وخرجات صباح)

هود:(واخا باين فوجهها كانت كتبكي مابغاش يبين ليها بلي عارف لوى يدو على كرشها معنقها)لكبييدة درااجلها حاادكة ههه

جوليا:هه إوا شتييي بااش تعرف رااسك بيمن مزوج

هود:أناا عارف احياتي نتي لي خاصك تعرفي أنه مزوجة براجل كيحماق عليك وكيبغيك وعمرو يتفرق عليك

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت434

يتفرق عليك واخا يتجمع العالم كاامل(باسها فحنكها وميل راسو كيطل عليها ويشوف فحنيكاتها كيف حمارو)مطييييشة ديااالي غناااكل دينمك شي نهااار(عضها فحنكها وبدا يهرها وهي كضحك)

جوليا:(كيهرها فجنابها وكتنقز)هوود رساااا براااكة 😂😂

هود:(كيهرها فكرشها حاشي وجهو فعنقها)مارااسيش مابغيييتش..

جوليا:(كتحاول ضحك بشوية)راااه غيسمعوونا المصيبة رسااا ههه

هود:داااري هادي ندير فيها لي بغيت(كيبوس فحناكها ويهر فيها مادايها فحد وصباح ابتسمات منين شافتهم كيف ضاحكين وفرحانين بصح لولاد زينة الحياة ولكن ماشي فرحة الحياااة بالحب الإنسان كيعيش سعيد هزات كفوفها للسماء وكتدعي بيا ربي خليهم لبعضيااتهم وترزقهم بالذرية الصالحة هكاك دوزو لعشية فرحانين ناشطين ونطقات ابتهال)

ابتهال:الله يدوز هاد الضحك على خير….

ليث:(شاف فيها عاقد حجبانو)كل خير إنشاء الله ابتهال متبقايش تقولي هكا ياهاد لمرااة…

نجود:(عينيها دمعو من الضحك وشادة فكرشها)أففف غنطرطق كنحس براسي غندير بووم

ليث:القنبلة دياال داااعيش أنزاار هاااهي حداااك مشينا فيها ياااولدي(ضحكو كاملين بالجهد عيات فيهم جوليا يتعشاو معاهم لكن صافي الله يخلف لغدا وكسروط الله يجعل شي براكة وصلو زهرة للمطار سلمات عليهم كاملين ووصللات لنجود)

زهرة:(شدات فيديها)بنتي نجوود تهلاي فراسك وفالتربية لي فكرشك وسمحيلي على اي حاجة درتها غالطة فحقك أبنتيي

نجود:(عنقاتها مبتاسمة)سامحتك قبل ما تمشي للحج اعمتي والله لخاطر صفى غير نساي لي وقع دبااا(باستها فراسها)طريق السلامة نتلاقاو إنشاء الله قريب

زهرة:(ابتسمات وعنقاتها جنب وشافت فيهم)سبووع غاديروه فالمغرب والله مانتفااك معاكم فهادي

ليث:كوني هانية أعمتي دكشي لي ناويين نديرو أصلا توحشناا نهبطو للمغرب (ودعاتهم بالدموع ماسخاوش بيها 7شهور تقريبا وهي معاهم خاصها ترجع عند وليداتها واخا كل واحد مزوج وداير دارو لكن تاهما توحشوها راجلها مات من شحالهادي شاف فيهم ليث ونطق)إوا الحااصول تهلاو فرااسكم الشرفة

نزار:الله يعاونك…هود تهلى(جر كل واحد مرتو وصباح ركبات مع هود ونزار عنق نجود وبقاو كيتمشاو جنب لبحر تعشاو برا وعاد رجعو للدار بقى هو فلكوزينة كيصايب قهوة صافي تبلى بيها دبا وتم طالع للبيت دنجود مالقاهاش تما عقد حجبانو وبقى يقلب عليها فلبيت لكن لقاه خاوي حتى حوايجها مكاينينش)نجووووود(تم خارج وسمع شي صوت فبيتو دخل وشافها خارجة من لحمام لابسة پينوار أبيض وملوية على شعرها فوطة مطلعاه للفوق(ابتسم)نتي هناا وأنا كنقلب علييك

نجود:(ضحكات)على فين كنتي باغيني نكون من مور ما مشيتي وليت كنعس هنا ههه نشم ريحتك فلخذادي

نزار:(ضحكاتو حط كاس دلقهوة وتم غادي عندها وكيتفحص ملامحها مزيان وديك لكريشة خارجة)عندااك يضربك لبرد احياتي

نجود:(ابتسمات)متخافش شعلت شوڤو

نزار:(حط يدو فوق بطنها وكيضحك)فنظرك شنو عندناا

نجود:(ابتسمات)معرفتش كنظن وليد حيت حمالتي لولة مكانتش هاكا نتا شنو بااغي

نزار:(عنقها من خصرها كيشوف فعينيها)لي جات من عند الله مرحبا بيها واخا مكرهتش شي نجود صغييورة(قرسها فنيفها كيضحك)

نجود:(لوات يدها مور عنقو مبتاسمة)وأنا باغاا نزاار صغييور شي فنيكييش(جمعات شفايفها بشكل طفولي وهو حمقاتو كثر ماراه حمق وقرب وجهو ودفنو فعنقها كيستنشق ريحتها لي توحشهاا وحيد ليها لفوطة حتى تطلق شعرها الذهبي على ظهرها وبقى هابط بلقبلات من عنقها ويديه كتهبط لپينوار غير بشوية وكيبوس فكتفها وذرعانها دغيا حل لحزام ورما لپينوار فالأرض وبان جسمها كلو حنيكاتها حمارو من الخجل دارت يدها فوق صدرها كتبقى تاني مرة مرة غيشوفو باقا مولفاتو وهو أول مرة حيت من قبل ماكانش صاحي ابتسم وباس حناكها بزوج…)

نزار:(همس حدا وذنيها ويديه طالعة نازلة من ظهرها لمؤخرتها )نتي امراتي حلالي وأنا راجلك معندكش علاش تحشمي مني بغيت نكونو أنا ويااك واحد(ميل راسو لعندها وابتسمات محركة راسها بآه خشى يدو فشعرها من اللور وقرب راسها لعندو ودخل معاها فقبلة عميقة جنونية مابعد منها حتا خلاها كتنهج تكاها فوق ناموسية بشوية طلع فوق منها وراد لبال لكريشة يالاه بغى يقرب منها وهي تحط يدها فوق كرشها مألمة ونطق بخوف)نجود ماالك

نجود:(ابتسمات وهزات يدو حاطاها فجنب دكرشها)

نزار:(وسع عينو)و وا.ش تحرك تحرك يااك

نجود:ههه راه ضربني فكرشي شمن تحرك باين ولد حييت شابع فياا ضرب من ديمااا

نزار:(ضحك وحط راسو على بطنها وحس بيه ضرب كرشها تاني شاف فيها وضحك)كيتعدى علييك ياااك غيكون مابغانيش نقرب منك عليها داير هاد لفضيحة(ضحكات بجهد وسهى فغمازاتها زاد قرب منها وهي توقفو بيديها فوق صدرو وهزات حاجبها نطق بعلامة استفهام)مالك…?

نجود:(ابتسمات)ياك دباا صااحي مغتنوضش فصبااح وتقولي مكنتش فوعييي

نزار:(دوز يدو على شعرو وضحك)صاحي وفاايق وغنسهر دينمك تالصباح ليوم مكاااين نعاس نفدي فيك الجديييد ولقديييم اربع مترو(ابتسم)ملاكي الطاهر(دغيا دفن راسو فعنقها بشوق كبير وهي لوات يدها على عنقو مبتاسمة…)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت435

(كيلعب فشعرها ويشوف فيها مبتاسم حس بيها بدات تفيق وتحل عويناتها وحط يدو مور ظهرها لعاري وجرها عندو طابع قبلة فشفايفها)صبااح النوور احياتي

نجود:(ابتسامة واسعة وحطات يدها فوق لحيتو وكتمسح على حنكو)صباااح الخير العمر ديالي(ضحكات وحطات راسها على صدرو)

نزار:(باس راسها وكيمسح على ظهرها)فخباارك باقي متيقتش بلي نتي حااملة كيف دوزتي هاد لمدة بوحدك أنجوود ما كنتي كتوحمي على والو

نجود:(ابتسمات)حملي سااهل بزااف مكنرضش بزاااف قلييل وحتى لوحم ماجانيش بزااف غير على شي حاجة عادية وصاافي لي كان خطير هو الأعصاب وصافي وكنت كنبات شي خطرات مع ماما

نزار:(شاف فيها ضاحك)وكيفاش عرفتي راسك حاملة فوقاش

نجود:نهاار دابزنا (ضحكات)منين مشيت لكلوپ

نزار:(عقد حجبانو)نهاار لي جاك لوجع ياااك شنو وقع عاوديلييي

نجود:(تنهدات)لاش باغي تعرف دبا

نزار:(حط يدو على حنكها)أي حاجة كتعلق بيك احياتي بغيت نعرفها

نجود:داك نهار جاني نزيف وصلت قسم ولقيت الدم هابط مني ديك ساعة مشيت لكلينيك بوحدي غير خرجت من لوطو ودخلت طحت فالأرض مغيبة

نزار:(وسع عينو)ومنين جااك نزييف علااش مقلتيهاااش لليث منين وصلتي قسم وداك هو كون سخفتي فطريييق ووقعاات ليك شي كسييييدة الله يستر

نجود:(ابتسمات وباستو فشفايفو)ولكن ما وقع والو أحبي

نزار:(ضحك)كتنسينييي دباا ياااك (هبط يدو لمؤخرتها وقرسهاا)

نجود:(هبطات يدها وكتحك مؤخرتها)هححح حشومة علييك علااش

نزار:حيييت صعرتي دييينمي ديييك النهااار ولابسة ليا زوج شرويطات وكتلوزييي ل–ل محشمتيييش(تكرشخاات بضحك تفكرات داك النهار هز حاجبو)كضحكيي يااك واخا فديييينمك(بدى يدوز يدو على جسمها كامل وكيهرها وهي كتموت بالضحك اصلا من طبعها كتهر بزااف وهو نقطة ضعفها ختمها ببوسة طويلة فشفايفها حيد لكوڤرلي وهزها عندو داخل هو وياها للحمام عمرو لبانيو وتحشاو فيه متكية على صدرو وهو ملوي يدو على كرشها كيهضرو ويضحكو بعد مدة عاد تحشاو تحت الرشاشة وشللو كملو غسيلهم عاد تمو خارجين وكيشوق فسراجم واش مسدودين مزيان دخلو لدريسينج وضار عندها)حياتي نخرجو ليووم بغيتي نمشيو لشي بلاصة

نجود:(عنقاتو)بغيت نبقى فجنبك بلا منخرجو نبقاو فالدار غير بوحدنا نفطرو ونديرو شي فيلم ونجلسو نتفرجو(شافت فيه)ونطلبو پيتزاا أممم كيف جاك اقتراحي

نزار:(عنقها عندو كيضحك)أحسن اقتراااح الحب…(صوناليه تيلي حمحم وجاوب)السلام عليكم سي النائب العام….الحمد الله ربي يحفظك…اه…صافي واخة…واخة الله يهنيك…(شاف فنجود)نفطرو ونمشي لكوميسارية نسني شي وراق حيت عطاوني كونجي من بعد ديك لقضية لي ربحناا

نجود:صافي واخا أحيااتي(شافت فساعة)أممم غير سير نجي ونتغداو راه لوحدة هادي مابقا فطور

نزار:(باسها فخدها ولبس حوايجو كيطمة فلكحل دنايك وزاد جاكيط خفيفة فلكحل كذلك مبينة جسمو الرياضي نشف شعرو بلفوطة مزيان ودار طربوش وزاد سبرديلة جا كيحمق كايجيه لكحل فن رش من ريحتو ونجود ريوكها طاحو منين شافتو)

نجود:(لوات يدها على عنقو وكتشمشم فرحتو)هححح أناا أذووب

نزار:رااه أنا لي كندوووب(عنقها دافن وجها فعنقها)غنمشي دغيااا ونرجع صافي نجيبلك معايا شي حاجة

نجود:نووو والو غير متعطلش صاافي(لاحتليه بوسة ومشى وهي دخلات لدريسينج نشفات جسمها مزيان لبسات سوميج فلكحل وپينوار دساتان فلكحل تحت لفخاض بلكمام مافيها متلبس شي سروال ولا كبوط بغات تبقى غير هكا كترتاح هكا وأصلا لبيت سخون نشغات شعرها بسوشوار وخلاتو مطلوق جلسات فلكرسي دلكوافوز كتشوف فوجهها شحالهادي مادارت لمايكپ توحشاتو دهنات فوندوتان بشكل مخفف مابغاتش تكتر دارت آيلاينر وريسي مع آيشادو فوق لعينين فغوز بيبي ودارت عكار وردي جات فنة صونا ليها تيلي لقات جوليا شحال وهي تهضر معاها غير على لخدمة تقريبا حيت مامشاتش تبقى مع راجلها شوية جلسات فدريجة دسرجم كتطل على جردة ولمدينة كتبان بعيدة شوية وطالقة لموسيقى فتيلي كتدندن وتلعب بملامح وجهها فحال شي حمقة مدة جبدات الصباغة وهزات رجليها يالاه توصل ليهم هكا وبدات تصبغ فيهم بصباغة غوز وهي تشم شي ريحة ضورات راسها لقات نزار داخل هاز 4دلبيتزات وديال فواكه لبحر لي كيعجبها نيت وابتسمات وهو كيتجنن على ديك الضحيكة الطفولية جات فنة ةد ناضت عندو كتنقز بلهفة)هححح عطيني دياالي فين هي ديااالي

نزار:(كيضحك عليها)أغيير بشوية علييك كلشي ديااالك

نجود:(وسعات عينيها)حلللف(طارت عليه معنقاه وهزات لبيتزات كلهم وطلعات فوق ناموسية تحشات فبلاصتها وحلات لكارطونة عينيها ماالو بابتسامة وهزات طرف كتاكل وهي تقشعو باقي واقع وهزات لكوڤرلي من بلاصتو بمعنى اجي دكشي لي دار تحشى حداها حاط يدو فوق كتافها جارها عندو وهز تيليكومنط كيقلبو على شي فيلم فنتفلكس وهي كاتاكل وتوكلو معاها ويضحكو)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت436

#عند_ليث_وابتهال….

(الساعة كتشير ل9دالليل وهي شداتها لحالة تاني)ليييث نووض عفاااك

ليث:(كيخدم مع قسم التمارين)ابتهال الله يهديك نسالي مع قسم ونمشي نشري لمراتي 100 كيلو دلخييزو

ابتهال:(دلات شنايفها)واعفاك

ليث:خدمي اقسم تانجي ونصحح ليك لاكانت شي حاجة غالطة هاد مك غتحمقنيي(معبس وجهو وشاف فيها)تا ليكاارد عطيتهم هاد نهاار يرتاحو كون سيفطتهم غير هووما مامرتاحش لهاد لخرجة

ابتهال:(كتجبد حناكو وتبوسو)وااعفااك أحياتي الله يسهل علييك

ليث:(ضحك)نااااري عرفتي منين كتبغي شي حاجة كييف كتولي

ابتهال:(سادة عينيها بافتخااار)كنولي عسسسسسل

ليث:(قرسها فخذها كيضحك)النحيييلة ديالي أنااا نطلع نجيب جاكيط ديالي ونمشي

ابتهال:صافي واخا(طلات على قسم مبتاسمة)برااڤو عليك بنتي مجتهدة تعلمتي للزائد والنااقص دغيااا

Leave a comment