Skip links

قصة : انتقام على أرض المافيا ج 21

 1,361 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت401

نزااااار اهئ اهئ

نزار:(كيحاول يهدنها)نجود شوفي راه مكيعضش باغي غير يلعب معاك متجرييش

نجود:(هازة تيلي كتغوت وتضور على الطبلة دلماكلة وهي تشوفو دخل تحت غوتات وتمات طالعة فوق منها كتسب وتخطي)-/ود تفووو يلعن —- مك خرااااااج ت-/ود براااااا (شافت فنزار)اجي خرجوووو(هزات لكرسي وكتدفع بيه لكلب حتى شافت لحراس جايين عيطليهم نزار وبدات تغوت)هااااد لخرى علااااش ماراااااابطينوش مزياااااان كون كلاااااني دبا

لكارد:(كيشوف فصاحبو ويرجع يشوف فيها)لكلب مكاياكلش امدام

نجود:(بغضب)إيييه وكووووون عضني ولارا طيرلي شي طرف من داااتي

لكارد:متخافيش امدام راه مروض مكيعضش

نجود:(بلقات عينيها)إواااا وكون جاااتني شي سكتة قلبية بهاااد لخلعة(شافتو سكت)ا منها ممم اوا وهضر قووولي رااه مكيخلعش خرجو برااااا برااا…..(شافت فنزار لقاتو كيخرى عليها بضحك)

نزار:فخبارك بلي هاد لأبيل سجلتها هكا بلڤيديو باش تبقي ذكرة(كيضحك بالجهد)

نجود:(هبطات من فوق طبلة يالاه غتهضر وهي تشوف شي يد تحطات على كتفو وعقدات حجبانها….)

~~~: (ضحكات) Captain We have to go
*أيها القبطان بجب علينا الذهاب*

نزار:(ابتسم ونطق بإنجليزي) I’ll come in two minutes
*سآتي بعد دقيقتين*

~~~:(جلسات حداه وكتشوف فتيلي)who is this girl
*من هذه الفتاة*

نجود:(شافت وجهها كانت بيضة بزاااف بلقة عينيها زورق وزعيعرة محملتهاش حسات بلغيرة اخنزرات فيها بغضب ونطقات)
I’m his wife أسفريطة
*أنا زوجته*أ سفريطة….
(نزار بلق عينو ولاخرة مفهماتش لكلمة الاخيرة)

~~~:(عاقدة حجبانها)
I did not understand the meaning of
(نطقات معلكة لحروف)…سفيطة
*لم افهم معنى سفيطة*

نجود:(كتخنزر فيها مبتاسمة)
Its meaning is yellow-body*معناها أصفر الجسم*

~~~:(بغضب)
What is the meaning of this for words
*ماذا ما معنى هذا لكلام*

نزار:(بلق عينو فنجود وحمحم يالاه بغى يهضر وقاطعاتو نجود)

نجود:(كتخنزر فيها وهازة حاجبها)
What it means is that you are yellow-bodied, stinky bitch
* ما يعنيه هو أنك عاهرة صفراء الجسم نتنة*

نزار:(شداتو الضحكة حابسها غير بالسيف)

~~~:(تعصبات معجبهاش لحال خصوصا حدى نزار لي معجبة بيه وهاد القضية تسناتها شحال باش يتجمعو عليها بصفتها بوليسية جنسيتها أمريكية ومستقرة فاستراليا عطاتها صبعها لوسطاني ونطقات)Fuch you

نجود:(جنون طلعو فوقها وكتفكر فكيفاش تعايرها بلونچلي تمناتها كون كانت تفهم داريجة كون عطاتها غير تل ول–وة نطقات)
That finger stick it in your ass, yellow bitch
* ذلك الإصبع ألصقيه في مؤخرتك ، أيتها العاهرة الصفراء*

نزار:(شاف القضية غتحماض حمحم شاف فيها ونطق)
Alice Go, I’ll come shortly
*أليس اذهبي سآتي بعد قليل*

(ناضت معصبة شوية وطرطق)

نجود:(شافت فنزار)شكوووون هاد السفرييييطة

نزار:(كيضحك)بوليسية مشاركة معانا فالقضية ههه مفهمتش مالك معاها بديتي تعايري فيهاا وهي مدارتليك والو

نجود:(قالبة وجهها بغضب وماباغاش تبين)مارتاحيتش ليها معجباتنيش(كتعوجها) Captain We have to go
خرية كي دايرة….

نزار:(منظرو ضحكها وبدا يضحك بالجهد)

نجود:(اخنزرات وشافت فيه كتطلع وتهبط فيه واخا كيبان ليها غير نصو ونطقات)نزااار

نزار:(مبتاسم)نعام اربع مترو

نجود:(شافتو لابس تيشورت كحل مزير ومبين عضلاتو قالب لكاسكيطة جى كيحمق وخصوصا منين كيشوف فيها بدوك النظرات وديك الضحيكة قلبها ذاااب ونطقات)علاش لبستي هدشي

نزار:(بعدم فهم)شنو هو (كيشوف فحوايجو وميل فمو)تيشورت عادي مالو شنو فيه

نجود:(كتفرنس وهمسات بشوية)واراه هداك هو المشكل المسخوط جى زوين

نزار:(كمش وجهو)شنوو قلتي مسمعتش

نجود:(حمحمات)مكنتيش كتلبس هكااا منين كنتي هنااا

نزار:(هز حجبانو بعدم فهم وكيشوف فحوايجو)والله مفهمت راني لابس تيشورت عاادي واش جيت خاايب…!?

نجود:(كتلعب فشعرها وطالعة للبيت)لاا زوين

نزار:(ضحك)اوا دكشي لي بغيت

نجود:(بصوت مرتفع بدون قصد)هذاااا هو لمشكللل

نزار:(شاف ففؤاد لي جاي ووقف)واش وصلوو

فؤاد:لا مزال غير جلس

نزار:(رجع جلس وحط يدو على حنكو شاف فنجود)شرحيلي ألااالة شناهو هاد لمشكل

نجود:(كتضور فعينيها مكرهاتش كون كانت جالسة حداه)المشكل هو جيتي زوين بزااف

نزار:علاش واش خاصني نكون خااايب..!?

نجود:اااه حيت دبااا نتا فبلاد النااس والعين خااايبة(مغمضة عينيها مأكدة كلامها)إيييييه العين العين متلبسش هكاك تستر تستر

نزار:(كيضحك)بنتليييييك عريااان

نجود:(ضربات كف بكف وتحشات بلاصتها طافية الضوء مخلية غير لفايوز)دكشي لي بقى

نزار:(شافها مكمشة بلاصتها ونطق)غتنعسي

نجود:غير متكية مافياش النعاس (شافت ديك لخرية تاني جاية ناطقة بيالاه راه وصلو تم نايض نزار وفؤاد تمو جايين عندهم باقي العناصر ونطقات بلغوات تسمعات بالجهد وكلشي ضحك حيت نزار مدايرش لكيت)
Aliiiice Fuck you yellow bitch
*ألييييس اللعنة عليك أيتها العاهرة الصفراء*

(نزار حابس الضحكة وفؤاد تطرطق بالضحك وكيشوف فأليس لي وجهها رجع حمر)

نزار:(شاف فنجود كيضحك )نعسييي نعسيي راااه نتي غتخرجي علياااا

نجود:(شافتو كايدير ليها باي باي تعصبات ماسخاتش بيه بمجرد ما كتفكر فديك لخرية غتكون حداااه كتعصب ونطقات)نزااار متهضرش معاهااا عفاااك

نزار:ولكن علاااش….

نجود:(كتقلب على شي كدبة)حيت كرامتي غادي طيح فهمتي ماجاتش انا كنعايرهاا ونتا تهضر معاها فهمتيني ياااك

نزار:(كيضحك)ااااه صافي فهمت فهمت مغنهضرش معاها

نجود:(هزات صبعها لكبير)كتواعدني

نزار:(شاف صبعها وابتسم تفكر يامات الصغر منين كانو كيديروها بيناتهم ونطق هاز صبعو)وعد…يالاه تصبحي على خير تغطاي مزيان راه محرك الريح تمااا منين تفيقي نهضرووو

نجود:(ابتسمات وحركات راسها باه)صافي وواخا بسلاامة(دارتليه باي ياي وقطع)

نزار:(يالاه غيهز راسو ولقى فؤاد واقف كيشوف فيه)

فؤاد:(كامش ملامحو بعلامة استفهام)متأكد مكتبغييكش…!?

نزار:(هز كتافو بمنعرف كيضحك)علاش كتسول

فؤاد:(هاز واحد لكانيش وكيضحك)مرتك مغياااارة اخوووويا

نزار:(بعدم تصديق)شناااهو الغيرة علامن غتغير(بسخرية)ههه عليااا

فؤاد:(حرك راسو باه)واش مشفتيش كيفاش كانت كتعاير فلبنت وخي مادارتليها والو وزيد منين قاتلك متهضرش معاها سمع مني أنااا راه امرااتي فحااالها هههه

نزار:(ابتسامة واسعة)كتغير ههه علياا نجوود كتغير عليا انااااا نزااار…(كيضحك بعدم تصديق وضرب فؤاد فذراعو بمرح حيدليه داك لكانيش كيلعب معاه وكيتسائل واش بصح زعمة تكون غارت حيت ردة فعلها كانت فشكل لانو أليس مدارتليها والو باش تعايرها كيتمنى يكون بصح….)

نجود:(كتبقشش فلكونط دنزار فلفايس لقاتو حط واحد تصويرة هاز واحد لكانيش لفوق وكيشوف فيه وعضلاتو مطراسيين وديك اللحية لخفيفة بدات تزومي فيها لقلوبة خرجو من عينيها جى زوين بزاف دارتليه جادوغ وبقات مبتاسمة غير بوحدها حتى ضروها حناكها عبسات وجهها ونطقات)شاااوا هذاا أنجوود شكاديري اويلي صاافي تسطيت نعس حسن ليياااا(يالاه غتسد لفايس وهي تقشع بلاصة ليجيم Alice دخلات ولقاتها دايراليه جادوغ جلسات دغيا مزيرة على فكها بغضب)بنت ل— يلعن
—- مك (دخلات جيهة لميساجات وبدات تفكر باش غتعايرها بلونچلي)تفووو الله يخلي لينااا دااااريجة ديااالنا دبا كيفاش غنقولها يحرق –/بون مك….
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت402

#عند_ابتهال

(فاقت كتكسل وتجبد يديها ورجليها دخلات للحمام كتجر فرجليها دخلات قضات حاجتها وقفات تحت الدوش طالقة عليها الرشاشة وكتحاول تستجمع نفسها سالات تدواش وتمات خارجة وريحة باندوش سابقاها نشفات شعرها بلفوطة مزيان وعاد دارتليه سوشوار غير دافي باش ينشف مزيان دخلات دريسينج دهنات كريمات للجسم لبسات دوبياس ديالها فالأصفر كومبيليزون فلقهوي سروال من لتحت ومن لفوق بلكمام توبها فحال لقاميجة لكن واقف شوية كنسد من لقدام بزدايف وفيها شي تويشيات فلكحل ولصفر عاطيين منظر زوين زادت سميطة غليضة شوية فلوسط فلكحل وفيها زوج شريطات طوال فلبيج ولبسات بوط قصير فلكحل بسيور خرجات برا جلسات فلكرسي دلكوافوز فرقات شعرها جنب ودارت سنيسلة فعنقها وساعة فضية وحلقات خفاف رشات من ريحتها واكتفات فقط بعكار غوز وشوية هايلايتر حشات تيلي فالجيب هو ولكونطاك مع ليكارط كيشي دارتهم فلبوشيط دتيلي وتمات خارجة مشات لبيت قسم لقاتها باقا ناعسة بدات تفيق فيها وتبوسها)قسوومتي لحبيبة ديااالي أنا

قسم:(معبسة وجهها)خليني نعس أمامي پلييييز

ابتهال:(كتبوسها فحناكها وعنقتها)نووضي بااش نفطرو ونخرجو

قسم:(فتحات عينيها)فين غنمشيو

ابتهال:(ضحكات وناضت)نووضي بعدا وغتعرفي منبعد يالاه سيري للحمام ديري پيپي غسلي وجهك على ما نجبدليك لحوايج

قسم:واخا اماما لحبيييييبة(وقفات فوق ناموسية وعنقات ابتهال)مامي مابقيتيييش مريضة ياااك

ابتهال:(ابتسمات معنقاها)لا ابنتي انا بيخيير(باستها)يالاه سيري ازرغميلة….(دخلات لديرسنج ديالها شوية وخرجات قسم حيدات ليها لحوايج ولبساتها كبوط كحل فيه جيهة لكمام رشات خفاف فلخضر مغلوق حشاتو فشورط واسع بلكارووات فلخضر مغلوف ولكحل لبساتليها بوط كحل قصير وتحت منو تقاشر طالعين باينين طلقات ليها شعرها ودارتليها طربوش ضاير كلاص فالرمادي مغلوق رشات ليها رويحة ودارتليها نظارات شمسية شكل دائري وسنيسلة خفيفة قبطات فيديها وتمو هابطين وكتقلب بعينيها على ليث لكن مالقاتوش جلسات قسم فالطبلة ومشات لكوزينة)كلاراا مشفتيش ليث

كلارا:مشى صبااح الخدمة

ابتهال:(تنهدات منين مفيقهاش تمشي معاه باينة غيكون باقي مقلق منها خصوصا لبارح ضارت فيه دورة خايبة لكن بدون قصد منين كيكون نعاسها خااسر هكا كتولي)وماما صباح وزهرة فين هماا

كلارا:خرجو بكري

ابتهال:صافي شكراا انا غنخرج مع قسم

كلارا:بلاتي فطري وعاد خرجي

ابتهال:لا بلاش غنفطر برا مع بنتي…(ودعاتها وخرجات برا قبطات فقسم وتمو خارجين ركبو فلوطو وتحركو وقفو قدام واحد لڤيلا وحبسات)قسم بقاي هنا انا جاية(خرجات وسدات عليها لوطو صونات شوية تحلات لباب برانية وتمات داخلة حلات ليها لخدامة لباب داخلانية ونطقات)خليني غير هناا(شافتها هابطة ولابسة سوميج دونوي فلكحل فوق منها پينوار لي مامغطي والو غير ديكور وصاف شافت فيها ببرودة ونطقات)كنظن راك عارفة علاش جيت

ساندي:تومااااس ولدي يالاه هبط هاهي عمتك جات(شافت فيها)متعطلوش حيت غنخرج

ابتهال:(سمعات لحس موراها لقات واحد راجل تم داخل لداخل باس ساندي من لفم وهي مكرهاتش كون شركاتهم بزوج ونطقات)بغيتي ت-/واي لكلوبااات ولبييران عطاهم الله ماديريش هدشي حدى ولد صغيييير

ساندي:(معنقاه من خصرو وابتسمات مورياها خاتم)هذاا راه راااجلي ماشي صاااحبي ومتجيش تعلميني كيفاش نربي ولدي

ابتهال:(جمعات قبضة يديها وتمات داخلة ناوية تلصقها فشي حيط وهي تسمع صوت توماس)

توماس:(هابط كيجري)عمتيييي

ابتهال:لغزاال دعمتو لاباس عليك(عنقاتو)

توماس:(حرك راسو بآه)فييين هي كسم

ابتهال:راها كتسنانا برا يالاه نمشيو(مدات يديها باش يمشيو)

توماس:(مشى عنق ساندي)بسلامة أماماااا

ساندي:(باستو فحناكو)بسلامة اولدي لحبيب (شافتو غادي ونطقات)توماس ولدي سلم على عموو إدوورد

توماس:(زير على قبضة وشاف فيه بكره)غنتعطل أماما(شد فابتهال وتمو خارجين دغيا)

ابتهال:(شافت فيه)ولدي توماس واش كيتعاامل معاك مزيان هاااد راااجل

توماس:(اكتفى فقط بتحريك راسو باه كيتسنى غير فوقاش يشوف قسم شكيليطتو خرجو من لڤيلا وركب فلوطو غير شاف قسم عنقها بفرح ابتسمات ابتهال وطلقات لموسيقى تمو غاديين شافت فساعة لقاتها ل1 مابقى فطور قلبات ضورة لواحد ريسطو وهبطو شادة فيهم بزوج ودخلو)

ابتهال:(هازة لموني وشافت فيهم)شنو بغييتو تااكلو

قسم:(كتفكر)أنا بعدا بغيت پيتزا بواكه لبحر

توماس:وأناا طااكوس

ابتهال:(عيطات لكارصون طلبات منو دكشي لي بغاو وهي خدات الدجاج بلفريت وكينتاكي 4دلباكيات صغار ولموناضة جابولهم دكشي حطوه كل واحد هز ديالو)

قسم:(موسعة عينيها)ماماا غاتاااكلي هدشي كولووو

ابتهال:(كتاكل وضحكات)إيييه ماماااك فيها لموووت دالجووع ويلا مشبعتش غاناااكلكم بزوووج(ضحكووو وهزات تيلي دارت سيلفي مبتاسمة وقسم جامعة فمها على شكل بوسة وتوماس معنقها ضاحك)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت403

حطات طوف فأنسطا مع صور قسم وتوماس وصورتها بوحدها مصوراها قسم المحترفة ماجابتش من لبرااني كلاو ماكلتهم سالاو ناضو غسلو يديهم وخرجو مشاو نيشان لساحة دومو كاتساريهوم فأكواريو داك النفق لي كدخليلو ومن لفوق لحوت وقفو كيشوفو وقسم كتوريه وتقوليه سميتاهم حيت هو عمرو جى تا إيطاليا هادي اول مرة يجي ليها حياتو كاملة فبلدان مختلفة هزات ابتهال تيلي للمرة لعاشرة ولا منعرف شحاال ومكتلقى تا أپيل من ليث ماسول فيها ماوالو تعصبات وطفات تيلي فخطرة ليوم تخرجها منوو بقات كضورهم تاضربات ل4دلعشية داتهم لحديقة الملاهي لعبو فطوموبيلات وكيتضاربو بيناتهم ابتهال وقسم ضد توماس لي كيطير فيها مقدروش يضربووه كااع سالا لوقت وخرجو ناطقة ابتهال كضحك)اتبااارك الله علييك وصااااف ههه

توماس:(بافتخار)ربحتكم

قسم:(شيرات لواحد اللعبة واعرة كطلع حتى لسمى وترجع تهبط للأرض)مااااامي بليييز نمشيو لهاديك

ابتهال:(شافت فيها)لا ابنتي صعيييبة بزاااف خلي حتى يكون باباك ون…(باقي مكملاتها وسمعات صوت من موراها)هااهو باباها جى(ضارت ولقات ليث من موراه ابتسمات)باااش عرفتينا كاينين هناا

ليث:(عنقها من خصرها بايسها فحناكها)لي بغاهاااا ليث

ابتهال:(زادت عنقاتو)كيوصل ليها…(بعدات عليه عاقدة حجبانها)كيفاش زعما نهار كامل معيطتي مسولتي على امرااتك كيف بقااات واش كلات ولا بالجوووع

ليث:(باس قسم وتوماس كيضحك)وااكلة نص دجاااجة و4دلباااكي دكينتاكي ونص ايترو ديال لموووناضة وماكليتييش نتي راااك شوية وتنوضي تاكلنييي

ابتهال:(هزات كفها)خمسة وخميس علياااا لا تعيني قول تبااارك الله….

قسم:بابا عفااك يالاه نلعبو فهااديك(كتشير لديك اللعبة)

ليث:(هزها عندو)واخا اقسوومة هي لولة(خربق فشعر توماس)قاابلتيهوم فغيابي يااك مضسر عليهم حد

توماس:(مبتاسم نطق بداريجة شوية معلكة)متخاافش اعمو ليث كولشي هو هداااك

ابتهال:(ضحكات ناطقة بإيطالي كيف ديما منين كتكون معاه اما فالدار ومع ليث خلاص وخوتو كيهضرو كلهم بداريجة)أوووو وتوماس براڤو شكون علمك تهضر بداريجة

توماس:(شاف فقسم كيضحك)كسم هي لي علمااتني

ليث:(شاف اللعبة وقفات باش يعمرو لبلايص)يالاه زييدو باش نشدو لبلاصة

ابتهال:قسم اري طربوش ونظاظر

قسم:(عقدات حجبانها)مغطلعيش معانا امامااا

ابتهال:لا ابنتي مافياش واصلا عاد كليت عارفة غتشدني الرضة

ليث:أغير زيدييي شحالهادي ملعبناا انا وياااك ههه

ابتهال:مرة اخرى احياااتي واخا(لاحتليه بوسة ومشاو ركبو وهي شرات پوپ كورن ~ذرة بيضة~ جلسات فواحد لكريسات تما وبقات كتشوف فاللعبة كيف كطلع وتنزل وتضحك وتصورهم سالات وجاو جلسو جنبها وقسم كتميل كون مشدهاش توماس كون طاحت هزاتها ابتهال مجلساها فحجرها هزات زوج صبعانها وكضحك)قسم شحال هادو

قسم:(فيها الدوخة وكتشوف كلشي كيضور بقات كتسد وتحل عينيها فصباع ابتهال ونطقات)4 لا لا 8(تكرشخو عليها بالضحك بقاو جالسين كيرتاحو شراو لاكلاص زريعة اللوز لاكاجو وكاوكاو وقسم وتوماس ناضو كيلعبو بكرة شراولها ليهم فواحد جريدة قدامهم)

ابتهال:(كتقشر الزريعة وتبنن)هححح عرفتي شحااال من عام ماكلين الزريعة ولا لاا

ليث:(معنقها بيد وكياكل لاكاجو ضحك)وعلااش ماكاتكليهااش

ابتهال:غير هاد لجلسة لي جالسين مكانش عندي لوقت ليها بقالي غير نقشر الزريعة

ليث:(رجع شعرها مور وذنيها)من ليوم غيولي عندك لوقت لكلشي ابنت قلبي (ابتسم)فخبارك بلي جيتي ليووم زوينة

ابتهال:(هزات حاجبها)غير ليوووم…!

ليث:(ضحك)ديمااا احيااااتي ولكن زعمة ليوم جيتي زاايدة شوية

ابتهال:(ابتسمات وباستو فخذو)عويناتك احبي لي زوينين(كتلعب فلحيتو)مابقيتيش مقلق مني على لبارح ياك أمم سامحتيني

ليث: بصح أناا كترت علييك ولكن راه كنشوفك مرااتي ماشي مونيكة باش نخوي فيهاكبتي ….(شاف بعيد)هدشي لي معجبنييش فهضرتك دلبارح

ابتهال:(رجعات ضورات وجهو وكتحك نيفها مع نيفو)كنعتذر أرومبو ديالي مكنتش قاصدة راك عارف نعاسي منين كيكون خاااسر

ليث:(ضحك)كنن كنتوقع شي هضرة كتر لاباس لي خرجااات غير فهدشي(هز يديها طابع قبلة لداخل)ألالة أنااا متقلقتش باش طلبي السمااحة عاادي دكشي داز صافي نساااي

ابتهال:(ابتسمات)هحح كنموت على دييينمك

ليث:(باسها فنيفها)أنااا كثر الحووب(بقاو كيهصرو مع بعضهم هضرة تجبد هضرة حتى وصلات 6 ونوضاتو ابتهال يمشيو للمول بغات تشري شي حوايج تمو غاديين ليه فلوطو دليث تالمنبعد ويسيفطو على دابتهال دخلو وبقاو يضورو ابتهال تهز ليها ومرة لقسم مرة ليث حوايج لبرد وشرات شي حوايج كذلك لتوماس طلعو تعشاو لفوق فمول سالاو وشعلات تيلي صوراتو شوية وتمو خارجين هازين ليساشي داروهم فلكوفر ووصلو توماس)

ابتهال:(خرجات من لوطو شادة فيه من بعد ماسلم على قسم وليث هزات ليساشي وصونات…..)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت404

ساندي:( بغضب)اشهااد تعطيلة

ابتهال:(مزيرة على فكها)ولد خويا كنشوفو من لعااام لعاام بغيتي نجيبوليك فسااعة قيلناا براا وهاحناا جينا مغاديش نهرب(هبطات عندو باستو)ولدي لحبيب بسلامة مرة اخرى انشاء الله

توماس:(عنقها وباسها ناطقة بداريجة)إنشاء الله اعمتي(مشات ابتهال ونطقات ساندي)

ساندي:يالاه طلع اولدي لبيييتك نقول للخدامة تقادليك لعشى أممم

توماس:لااا تعشينا برااا(شاف إدوورد داخل وطلع دغيا مكره)

إدوورد:(جرها من خصرها)بغيت نعرف واش جبتيه حيت باغاه ولا غير باش تستغليه

ساندي:تاوااحد من هادو هدااك حقي 8سنين فين ما نخدم فشي بلاصة الحيوان دلوكااس كيقولهم جريو عليهااا وراك عارف املااكو دبا غتولي دتوماس ولكن حيت باقي صغير انا لي غنتكلف بيهم على مايوصل 18عام وغندير بيهم شي مشروع نعيش بيه أنا وولدي

إدوورد:(ضحك بمكر)ولكن هاد لوكاس عندو ختووو راه تقدر هي تاخد املاكو حيت الاسبقية للعائلة

ساندي:(بقهقهة عالية)ختو ديال لبااارح عااد بانت مكاااينة حتى وثيييقة ولا شي عقد كيبين بلي هي ختووو متخاافش

إدوورد:(كيلعب فشعرها)يعني توماس الورقة الراابحة

ساندي:متعاودش تقوول عليه هكا هدااك ولدي شحال تعذبت وتكرفصت باش نرجعو ليا ولوكاس كان مبعدو عليا داااه وهو باقي صغير حرمني منووو كون مماتش كنت غادي نقتلو فالقريييب(بحدة)إدوورد ولدي خط أحمر

جا صباح جديد💛

(كتمشى فوق طاپي غولون لابسة سوتيانات كيتحشاو ديال سپور مبينين صدرها شوية فلكحل مع شورط ديالو قصير واسع شوية فلكحل والرمادي سبرديلة بيضة وجامعة شعرها كوتشوڤال متكية رجليها على كرة مطاطية بشكل مستقيم ويديها فوق طاپي كتهبط وتنزل كادير طراكسيون ودايرة كيت بلوتوت مامسوقاش لعيون لي مراقبينها كل واحد ونيتو كيف دايرة لكن غير على تيتيز على خوه ماشي اي واحد ممكن يجي لهاد النادي سمعات صونيت ضغطات 2مرات على لكيت فوق وذنيها وتفتحات لابيل)ألو شكون معاياا

نزار:(كيشوف الظلام عقد حجبانو ونطق)صافي مسحتي نمرتييي هادي غير يوماين باش مشيت غدا منعرف شغاديري

نجود:(ضحكات)حااشااا منقدرش نديرها غير دايرة لكيت مشفتش فتيلي باش نعرف شكون….لاباس عليك

نزار:وااراه كيباانلي الظلام فين تيليفونك و….(سمعها كتنهج ونطق)وااش كتجري

نجود:20(وقفات كتنهج وتنش على وجهها)واش معيط ابيل ڤيديو (تمشات جهة صاكادو ديالها حاطاه حداها فتحاتو وجبدات تيلي ابتسمات كتشوف فيه مقربة لكاميرة لوجهها)هاااااني

نزار:(عاقد حجبانو كيشوف فينهيا)نجووود فينك

نجود:اناا فلاصاال…ونتا فينك

نزار:اناا فلكوميسارية…(كيمسح على وجهو بتعب وعيط لفؤاد من بعيد)فؤاااد جيبلي قهوة كحلة

نجود:(شافت عينيه كيتغمضو ونطقات)راه 9هادي واش مغترجعوش فحالكم غتنعس جالس لابقيتي هكاا

نزار:مزاال خداامين والنعاس تخربق لياا راني عيااان

أليس:(جاية مع واحد العضو خدام فالاستخبرات وجلسو حدى نزار فواحد طاولة كبيرة فحال دالاجتماعات ونطقات بانجليزي كتوريه فلپيسي)نزاار كاين وااحد الإشاارة كتقول بلي رااهم “””””””””” عنااصر الشرطة راه وااجدين واش نتحركووو

نزار:(عقد حجبانو وبقى كيحقق)لااااا واش حماقيتو هاد المجموعة مكتكتاافيش ببلاصة وحدة فجميع مهماتها كتجمع 5اماكن باش يفجروهوم فدقة وحدة ويقتصدو فالقنااابل وهاد لبلااصة أكيد هي الهدف ديالهم لول شوفو أي سوق ولا مدرسة قريب من لهاد المنطقة شددو المراقبة عليهم وميدخل حد تايتحققو من لبطاقة لوطنية ديالهم….حيت اي بلاصة فيها الناس بزاف غتكون هي الهدف ديالهم

أليس:(شافت فيه مبتاسمة باعجاب)بصح عندك الحق….
النائب مغلطش منين عينك مسؤول على هاد لقضية لياا الشرف نخدم معااك

نجود:(كتسمع وتغدد بغضب وزادت تعصبات منين شافتو كيضحك معاها ويشكرهاا…)

نزار:(ابتسم بامتنان)حتى نتي شرطية فالمستوى أ أليس

أليس:(تحلات ليها منين ضحك معاها وجبدات ملف آخر شافتو كيشوف فتيلي غيهضر وهي تنطق مقاطعاه بلعاني)نزاار هاد الملف ضروري تشووفو عفااك

نزار:(شاف فنجود)نجووود بلاتي نشوف واحد الملف ونهضرو متقطعيش واخاا

نجود:(عاقدة حجبانها مخنزرة وقلبات وجهها بغضب عرفها غتكون تقلقات عيط باسمها وضارت عندو معبسة وجهها لكن غير شافتو جمع فمو ولاحليها بوسة بدات تفرنس ولفراشات كيطيرو فكرشها وكتحاول تسد فمها متبينش ليه شافتو كيهضر مع ديك لخرية وتكرهات…
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت405

سيفطاتليها لبارح واحد لوديو مشحر لكن مجاوباتهااش بقات كتسنى يسالي وشافتو باقي خدام وكيهضر معاها وهي كضحك حطات تيلي فوق واحد لاماشين ورجعات كتلعب وكتسمع لهضرتو فلكيت )

نزار:(سد لملف )صافي منبعد ونعاود نشوفو غنهضر مع مرااتي(ابتسم كيحك ذقنو وهي تقشع لخاتم تكرهات وناضت بلا متبين وهو قلب شوفة فتيلي كيشوف شي بنت عاطياه بالظهر غير ضارت تصدم وغوت)نجووود

نجود:(سمعاتو فلكيت ودارت راسها مسمعاتوش مخلية تيلي واقف وكيتفرج فيها)

نزار:(وقف معصب منين شاف شنو لابسة ومن لفوق واقفين شي دراري حداها)نجووووووود شنووو كادير حدا دوك دراااري
-/ودي من تمااااااا

نجود:(مضورة وجهها مكتشوفش فتيلي وهي تقشعو جاي وضحكات)كوووووتش<مدرب>

~~:(رجل فوسط الاربعينيات عضلات مفتولة لحية خفيفة مخلطة بين لكحل ولبيض فحال شعرو عاطياه جاذبية خطيرة شافها وضحك بفرح تم غادي عندها وعنقها عزيزة عليه كيعتابرها فحال ختو الصغيرة منين كانت فعمرها 12لعام وهي كتجي مع ليث ونطق)السنفووورة دياالنا لباااس علييك

نجود:(ابتسمات معاه وكتسمع غوات نزار فلكيت وحيداتهم مخلياه غيحماق)بيييخير ونتااا لاباس عليك

كوتش:هو هداااك بيخير فين هااد لغبور ديك نهار جا خوك ومرتو وبنتوو (جرها من شعرها بمرح)كبرتي وتزوجتييي

نجود:(ضحكات)ضرووري ونتاا مزاال ماهداك الله

كوتش:(مربع يديه)لاا دكشي مامسلكش معايا…واش عاد جيتي

نجود:قبيلة شوية….

كوتش:(ضربها فظهرها بكفو حتى غوتات ضاحكة ناطق بحزم)يالاه 10 دورااات وزيدي ديري معانا التسخينااات (بقات تحك فظهرها معروف عليه جدي بزااف فخدمتو تمشات جهة تيلي ووقفها واحد دري)

~~(ميل راسو)سنفووورة معقلتيش عليااا

نجود:(كتحاول تذكر)نووو ميمكنش واش دانييل(ابتسمات وسلمات عليه)عرفتي شحاال توحشتك غبرتي والله

دانييل:(مبتاسم)نتي لي غبرتي علينااا ديما كنجبدوك انا ودراري دلاصال حيت مابقيتيش كاتجي

نجود:غير الظروف وصاافي فين همااا(شافتهم من بعيد وشير ليهم دانييل حيت عاد دخلو ابتسمات عزاز عليها من الصغر وهما كيترينيو مع بعضياتهم سلمات عليهم شوية ومشاو هزات تيلي منفخة وشافت فيه لقاتو مربع يدو كيشوف فيها بجمود ونطقات)هاناا شنوو بغيتي

نزار:(تعصب وهضر مبرد)كيفااش شنوو بغيت مخلياااني بلااكة هنااا ومن لفوووق(غوت)كتهضري وتعاااااانقي من رجااااال ولابسة زوووووج شرااااوط

نجود:هانا درت هدشي ومنبعد…شكون نتاا باش تحاسبني!?

نزار:(اخنزر فيها)راااااجلك

نجود:(ضحكات بسخرية)فين هو هاد رااجلي واش مزوجة انا…!?(بغضب وهزات يديها كتوريه لخاتم دزواج)
ماشي هذااا هو لي كيبين انني مزوجة نتا مشيتي لبلاااد اخرة إوا كمل حياااتك فيها اخووويا وقلب علياااا أناااا

نزار:(عاقد حجبانو)دبا شنو هاد لهضرة

نجود:(معصبة من لموقف لقبيلة كيهضر مع لاخرة ويبتسم وهي مخليها بلاكة وحتى مشيتو لديك لبلاد وخلاها بوحدها محملاتهاش ونطقات بلا متشوف فيه كتجمع فصاكادو)هاد الهضرة هي الحقييييقة نتااا مشيتي وخليتيني من موراك وحتى دبااا ماشي شغلك فيااا شنو ندير وشنو لبس….

نزار:(كيشوف وجهها كيف رجع حمر وعينيها مفتوحين بحدة عرفها معصبة ونطق)نجوود نتي عارفة علاش جييت هنا على قبل لخد…..(قاطعاتو)

نجود:(بغضب)دبرر رااااسك صااافي سوووقك هداااك عوووم بحرك ماااشي شغلي الله يعاااونك(قطعات عليه وطفات تيلي بغضب حشاتو فصاكادو الصغير مع لكيت وبقات كاضور على لاصال مع دراري وعقلها مرفوع دكشي لي قالت ممكن يكون جرحو لكن هي قالت غير الصراحة هو لي مشى كون بقى مغيوقعش هدشي…)

#عند_ابتهال…

(خارجة من دريسينج لابسة كسيوة بيضة بخطوط رقيقة فلقهوي حد الركبة وسميطة بنية فلوسط مع سندالة عالية فلبيج شعرها مطلوق وحلقات وكورميط خفاف مع ريحتها هازة صاك فلقهوي وهابطة لتحت لقاتهم كيتسناوها)صباااح النووور(باست صباح وزهرة وجلسات)واش ليث مشى

صباح:لا أبنتي جى عندو لكارد لي فالباب وخرج براا….

ابتهال:(حركات راسها بصافي وبدات تاكل وهي تسمع شي صداع برا عقدات حجبانها وناضت تمات غادة خارجة حلات لباب بانليها ليث شانق على شيحد ومشات كتجري وصلات عندو ولقات آرثر)ليث طللللق طللللق منوووو(كتحاول تفكهم)

ليث:(ضربو فوجهو بغضب)كتقللللللب على موووووتك بيديك أولد ل—ة سييييييير ت-/ود فحااااااالك

آرثر:متخااافش غنمشي ولكن ضروري ندوي مع ابتهاال

ليث::(شنق عليه تاني وابتهال كتحاول تبعدو)مزااااال ما بغيتييييي تمرگ خلي عليييك مرااااااتي ولا غن-/ود معاااااك سواااايع ا آرثر

ابتهال:(كتشوف آرثر كيف مسالم ومامعاه لا سلاح لا كارد لا والو وهادو من الاساسيات لي ضروري خاصهم يكونو منين يبغي يخرج شدات فذراع ليث ونطقات)ليث طلق منوو نسمعو شنوو غيقووول

ليث:(ضار عندها معصب)وااااش عاااارفة هااااد ل-/واد آش داااااار فيك وفعاااااائلتي هذاااا

قتل خووووووياااا سمعتي مغااااديش يعتب هااااد لباب ابتهال:(بترجي)ليث عفااك نسمعو شنو بغى يقوول ويمش…(مزال مكملات هضرتها حتى كان دفع ارثر ومشى بغضب عرفاتو تعصب وتبعاتو)ليث سمعني

ليث:(كيمسح على وجهو وشعرو)صااااافي قلبي عليااااا الله يرحم باااااك

ابتهال:(بغضب)للليث أناااا باغاااا غي نعرف شنوووو غيقوووول حتااااا أنااا كنكرهووووووو علااااش مكتفهمنييييييش

ليث:(ضار عندها بعينين حومر ناطق بسخرية)أنااا مكنفهمكش ابتهاال….!? ياااك……!
أنا لي إيلا فكرتييييي فشي حاااااااجة كنعرفك فااااااش كتفكري لاااااا كنتي مقلقة كنحس بييييييك كنعرفك واااااااش فرحاااااانة ولا مخبية دمووووووعك……فاللخر تقوليلي هااااااااد لهضرة مكنفهمكش هههه عندك الحق….(شافها غتهضر وحبسها معصب)صاااااااافي متزيدي حتى كللللمة سكتي صاااافي سكتييييي الله يرحم باااااك صااافي

ابتهال:(محملاتوش يقمعها وغوتات)متقوووووووووووليش سكتي ماسااااااااااكتاش

ليث:(بحدة هاز سبابتو وناطق بين سنانو)متهزيييش صوتك عليااا احتارميني كيف ما محتااارمك ومغوتش على دييييينمك…

ابتهال:(بلغوات)كون كنتيييي بصح كتفهمني مغااااديش تلوووووووح امرااااتك وهي حااااااملة ومتفهمش من عينيهااااا شنوووو مخبية

ليث:(تزير قلبو منين قالت هاد لهضرة جرح قديم حلاتو تاني لعافية شعلات فيه ضرب واحد ديكور فالصالون حتى تشتت وغوت)سكتيييييييييييييييي سديييييييي فمك(مسحات على وجهها بندم عاد طلعات معاها شقالت ونطق)علااااش واااش مكنتيش كتخونيني هضريييييي مغدرتينييييييش مع لماااااافيا 3سنين ونتي توصلي لييييييهم أخبااااااري مدرتيييييبيهاش فااااش متيقتكش دويييي فااااااش الحااااجة الوحيدة لي مسمعتهااااااش منك هي انه هزيتي دوووك الوثااااائق وعطيتييييهوم لهووود هادي لحاااااجة لوحيدة حتى قسم كنت متيق أنهااااااا بنتي قلبي كااااان متيق فلحظة غضب قلت لديك الهضرة فلحظة غضضضضضضضب واش سمعتي ولا لا(ضرب يدو ليسرية فلحيط بغضب شديد تا تجردات كلها وشد جهة قلبو فلجرحة مقصح وهي الندم بداا ياكل فيها)

ابتهال:(شدات فيديه مزيرة عليه بخوف)ليث صافي ماااديرش هكا قلتهااا بلااا منقصد فحالة غضب والله

ليث:(نتر يديه معصب)فحاالة غضب فحاااااالة غضب قلتييييها حتى أنااااااا فحاااالة غضب مااااابغيتش نسمع لييييك عيني عمااااااااو منظر خووويا هو لي كان كيبان قداامي واش عرفتي شحااال كان صعيب نتقبل 2صدماااااات لوللللللة نعرفك خداااامة فلمافيا لبنت لي كنبغييييي هادي سنين لي ولات امراااااتي وتاااااانية مووووت خوياااا(عينيه حومر ومزير على قبضة يديه ناطق بألم)خوووويا الأب التااااااني من بعد مااااا مات لوااااليد واش عرفتي شحااال كان صعيب نعنقوو وهو عامر دم….شحااال كان صعيييييب نطلع عند لواليدة وخووووتي لي فلبيت كيغوتو ونقولهم خووووويااا مااااات منين رجعتي لاااااغد ليييييه كنت غنخرج خووووويا وهو مكفن مقدرتش نسمع ولاااا نشووووف فيك مشيتي ولكن تبعتتتتتتتك ومالقيتكش قلبت لعااااالم كااامل سمعتي لعااااالم كاااااامل ابتهاااااال 5سنين وانا نقلب علييييك لكن كيبااااانلي منسيتييييش وعمرك غتنساااااي وفكل مرة غتفكريني فحاجة درتها وانا معذووور…..

ابتهال:(بعينين مدمعين ندمات حيت جبدات هاد لموضوع مصدقة كل كلمة وحاسة بيه وعاذراه)ليث صافي عفااك سمحلي مكنتش قاصدة نجبد هاد لموضوع…
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت406

ليث:ماااشي غير هدشي نتي اصلا مدايرااااليش قيييييمة (هاز سبابتو)النفس لاطلعتهاااا كنقوووووولهااااالك أنااا كتاب محلووووووووول ليك بوحدك ولكن نتي كتااااب مسدوووود كتكذبيييي وتخبييييي علياااا مكيهمكش الرأي ديالي(بغضب كيضرب فصدرو) اناااا شنووووووووو دوييييي واااش كنبااان ليك زبل ولا شنوووو هضرتي مكتسمعييييهاش كاديري لي فرااااسك بلا مااااتشاوري معايااااا ولا تسولينيييييي كتخرجي وتدخليييي فووووق ما بغيتيييي وحتى كتقضي غرضضضضك عااااد كتمي جاااية عندييييي وكتقوليلي رااااني تلاقيت مع فلاااان ولا مكتقوولييي وااااالو كتخليني فحااااال لحمااااااااااار

صباح:(جاية كتجري عندهم مخلوعة)أويلي شنو وااقع غواتكم واااصل تاااالفوق هضروووو غير بشوييييية الله يرضي عليكم قسم راه سمعاتكم وتخلعات

ابتهال:(كتمسح دموعها وكتفادى شوفة فيها)غنطلع نشوفها

ليث:أناااا لي غنطلع عندهاااا ونتي سيريييي تهضرييي مع دااك لحيوااااان وقولي للخدامة توجدلييييكم القهوة وجلسو على خااااطركم ورغبيه يجلس يتغدى معانااااااا(ابتسامة سخرية)مرحباااا بيه أمراااتي معنديش مشكل يجلس معايا قتاااال خوياااااا(تم غادي وشدات صباح فيديه)

صباح:(بترجي)ولدي مطلعش عندها ونتا هكا(شافت فيه وفابتهال)حلو لمشكل دياالكم وتصااالحو(طبطبات على ظهرو وهي تشوفو زير على عينيه وجسمو مال دغيا شدات فيه مخلوعة)

ابتهال:(طارت عندو شادة فيه)ليث ماااالك شنووو وقع ليك

ليث:(تنهد ومسح على وجهو قاد وقفتو وشاف فيها مبتاسم)غييير راجلك لي مابقيتيييش ديها فييييه عندو عملية دزرع الصمام بعد غدا(غير كملها وطلع للفوق وهي تحط يدها على جبهتها مزيرة على شنايفها بندم كرهات راسها نسات بلي عندو لعملية دزرع الصمام حيت دازت شهر على اخر عملية وهذا هو الوقت مسحات وجهها بغضب وجلسات فلكرسي باقا مامتيقااش…..15ليوم كاملة لي فااتت كل نهار كتمشي للخدمة وفعشية تخرج مع قسم يدورو يا لمول يا يتساراو وليث كيبقى فشركة مابقاتش داياها فيه بعدات عليه بزااف كتجي فالليل عيانة وتنعس الصباح كتمشي بكري وهو كيكون باقي ناعس حيت كيمشي معطل عندو الحق مكتعاودلو وااالو مكتسولو مكتقولو هانا خارجة ولا يالاه معانااا كتخبي بزاف دلحوايج عليه….وبدات تسول راسها شنو هدشي كاديري فيه ابتهاال العملية هي لخرة مابقيتيش عاقلة عليهااا….!? ساطت بغضب كارهة راسها خرجات عند ارثر مخنزرة)شنوووو بغيتيييييي عجبك لحااااال باغي تنوضلي غييييير الصداااااع مع عائلتييييييي الحيوااااااااان….

ارثر:فاهمة لموضوع غلط تسناااي(خرج للوطو ديالو جبد واحد صندوقة من لكوفر وتم داخل للڤيلا شاف واحد لجليسة ونطق)نمشيو نجلسو تمااا

ابتهال:(زفرات وتمات غادة لتما جلسات وجلس قدامها)طلق دغيااااا شنو كااااين

آرثر:(ابتسم)قليلة الصبر فحال بابااك

ابتهال:(لعافية شعلات فيها)بابااااا ماااات سمعتي هدااااك لحيوااااان لقتااااااااال متبقاااااش تجبدو لياااا

آرثر:(كمش ملامحو)لهاد الدرجة كتكرهيه أليزا

ابتهال:(هزات سبابتها بتحذير)متعاااودش تنطق بهاد السمية ليزاااا لي صنعتيها بيديييك نتا لي قتلتيها وساااااالينا سمعتي ولا لاااااا قووووووووول دكشي لي باااغي وخرج ت-/ود برااااااا

آرثر:(تنهد وجبد واحد صندوقة)كان خاصك تشوفيها شحالهادي ولكن مكنتيش عارفة لحقيقة

ابتهال:(عقدات حجبانها بعدم فهم)إنا حقيييقة…!?

آرثر:(حط يدو فوق الصندوق)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت407

آرثر:(حط يدو فوق الصندوق)غتلقايها هنا أبتهال كنتمنى متصدميش فكرت مليون مرة عاد جيت لهنا على الأقل ندير شي حاجة زوينة قبل ما نمشي

ابتهال:(مقوسة عينيها)شنو فهاد صندوق وكيفاش غتمشي

آرثر:(تنهيدة طويلة)تخليت على كلشي لمافيا ولعصابات غنبدى حياة جديدة بعيد على هاد لبلااد..(دفع صندوق قدامها)حلييه هذا ديال باباك

ابتهال:(جراتو عندها وحطات يدها فوقو وكتسائل شنو غيكون فيه غير حلاتو وبدات تفحص شنو فيه عينيها دمعو….هزات واحد لكبوط دالصوف ومامتيقاش بلي هو لكن غير استنشقات ريحتو لي دخلات فحال لموس لقلبها تأكدات شهقات ودموعها ولاو فحال الشلال تفكرات مها منين كانت تلبسو وكان عزيز عليهااا دفنات وجهها فيه كتستنشق ريحتها وكتبكي بحرقة واشتياق كبير بعداتو عليها تشوف شنو كاين مزال بانولها تقيشرات صغار قد صباعها فلغوز مكتوب فيهم إسمها Liza هزاتهم وكتشوف فيهم بعينين مضببين شافت تحت اسمها لقات علامة صغيرة وهاديك كان فحال امضاء ديال مها حيت كانت كتقاد لحوايج دصوف كادير واحد العلامة شافت فارثر بعينين مدمعين ناطقة بحرقة)و.اش ديا..لي (غير حرك راسو بآه عنقاتهم هما ولكبوط وكتبكي…بانولها بعض صور هزاتهم وكتمسح عينيها باش تشوفهم مصدومة صورتها صغيرة بزااف مع دَارْك معنقها ووحدة بايسها فجبينها شافت فشفايفو ابتسامة غارقة فعينيه لفرحة وصورة اخرة فيها هما ب4 هي ولوكاس وماماها ودَارْك وصورة اخرة فيها هي خارجة من لمدرسة ووحداخرى فلمزرعة غير غفلة تأكدات من شكوكها كانت ديما كتحس بشيحد مرااقبها….بانليها كبوط آخر لي كان اخر حاجة فصندوق وسعات عينيها عاقدة حجبانها وهزاتو باش تأكد بلي هو وبصح طلع هو هذا لكبوط ديالها كان تلف ليها منين كانت فلقصر دآرثر لكن تأكدات دبا بلي ماتلفش ارثر لي عطاهلو….شافت فيه بعينين مدمعين)منين كيبغيني ويبغي ماما لهاد درجة علاش حرمنيي منهااا وقتلهااا

آرثر:(مسح على وجهو بحزن)مقتلهااش واش كاين شيحد اليزا كيقتل روحووو…..(شافها عقدات حجبانها بعدم فهم ونطق)جى لوقت تعرفي لحقيقة باباك كان كيبغي ماماك بزااف بزااف أليزا لواحد الدرجة متقدريش تصوريها لكن للاسف هي خانتو بلغات بيه لبوليس كذبات عليه وقاتليه لاطلقتيني منعطيش للبوليس واحد الادلة وطلقها واخا كان يفضل لموت على انه يطلقها لكن على قبل لوكاس وعلى قبلك مابغاش يخاطر ويتخلى عليكم لكن هي خدعاتو وتحكم ب25عام دلحبس هربات وعاشت حياتها مع علاء فالسعادة ودارك كان فلحبس خدى لوكاس منها وعطاهلي ربيتو مابغاش ياخدك حيت مزاال محتاجة حنان ماماك كان مراقبك غير من بعيد وكنسيفطو ليه تصاورك(تنهد ومسح على وجهو)خاصك تعرفي بلي موت ماماك وعلاء غير حادثة(عقدات حجبانها وكمل)باباك هدد اماندا الام ديالك باش تطلق من علاء ويرجع ليها لوكاس وتعيشو مجموعين لكن مابغاتش طلب مني باش نحرق الدار لي فالمزرعة حيت ديك ساعة مغتلقى فين تمشي وغادي تظطر تقبل لعرض ديالو سيفطت ليكارد يحرقو الدار لي كانو حاضيينها من ديما وعارفين لوقيتة فين كتكون خاوية وفوقاش كيكونو والديك فالإسطبل ولا فجنان شعلو لعافية بدون مايشوفو شكون لداخل حتى فات لفوت عااد عرفنا بلي ماماك وعلاء كانو تما😔….(ابتهال غير كتمسح على وجهها مامتيقاش)دارك منين عرف متخايليش كيفاش كانت ردة فعلو اماندا كانت قلبو نوض الصداع والدباز وضرب لبوليس حتى دخلوه سجن انفرادي شهراين تعذب بزااف أليزا هداك راه صاحبي(بحزن)عانااا كتر منك ومن لوكاس خسر مرااتو لي كيبغي روحو وقلبو ولي كيزيد من الألم انه محبوس غير كيسمع ومكيقدر يمس تاحاجة ولادو كيشوفهم غير فتصاور 25عام اليزاا وهو بوحدو 25عام دالعذاب والحرمااان من ولادو…….(ابتهال بدات تبكي وتفكر فاخر لقاء منين قاتليه نتا قتال هي ظلمااتو كمل ارثر هضرتو)بقى محتافظ بهاد لحوايج سنين فلحبس كانو حتى حوايج لوكاس كيتخايلكم فدوك لحوايج بيهم كان مونس فديك سنين كااملة لي فلحبس…..(تنهد ووقف)كان واحد لحمل وحيدتو من فوق كتافي تمنيت كون قلت ليك هدشي شحالهادي لكن دارك منعني حبت عرف بلي غضمري منين تعرفي ان الاب ديالك لحقيقي رجل عصابة وأن الرجل لي حياتك كاملة ونتي تقوليليه بابا ماشي الاب ديالك وحتى خيانة ماماك مكانش باغيك تعرفي هدشي عليها خبى هاد السر وخلاني نخبيه لكن الوقت كيدوز أليزاا سيري دوي معاه وتسامحو براكة عليه غير العذاب دولدو لي مااات…..وتانا سمحيلي أبنتي حقك عليا💔
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت408

حقك عليا دخلتك للمافيا لكن عمر نيتي كانت خايبة كنت كنبغييك ابتهاال كنحسبك فحال بنتي ومنين مشيتي خليتي بلااصة كبييرة فقلبي(دمعو عينيه)كنتمنى تسامحيني أبنتي وتسامحي باباك خاصني نمشي

ابتهال:(دموعها هابطين بحرقة شافتو غادي)
آرثر…(ضار ونطقات)ساامحتك

آرثر:(ابتسم)فرحة باباك غتكون اضعافي حتى دوزي تشووفيه

ابتهال:(عقدات حجبانها)فين!!?

ارثر:(قوس عينو)واش ماعارفاش مشفتيش الاخبار(شافها مفهماتش وسع عينو ونطق)نهار تشدات عصابة ميچيل هو لي بلغ بيهم ومشى عندهم ضربو شيحد بالسلاح وراه فلكلينيك دبا وراه…(حتى كان غيهضر وسكت)

ابتهال:(شافتو فحالا سرط لهضرة) ورااه شنووو!??

ارثر:هو يفهمك ابتهال راه فلكلينيك “””””””””

ابتهال:(دارت يدها على فمها وتمات داخلة كتجري ومرفوعة حتى دخلات فالخدامة وتهرق عليها لعصير)

كلارا:ابتهال سمحيلييي عفااااك مشفتكش والله سمحيلييي أختي

ابتهال:انا لي مني لخطأ ماشي(كتشوف فلكسوة)ماوقع والو صافي…..(تمات طالعة للبيت دغيا بدلات لابسة كبوط فلكحل سامبل حشاتو فسروال تجين طاي أوت وكيمينو فلكحل وفيه شوية دلكرونة مع سبرديلة عالية فلكحل هزات لكونطاك ديالها وتمات هابطة فدروج تلاقات مع ليث وتم غادي عاطيها بظهر ومشات عندو)ليث غنخرج و

ليث:(قاطعها ببرودة)رااه لباب لهيه….

ابتهال:(ضوراتو عندها وحطات يدها فوق حناكو وهو كيشوف بعيد مقلق منها ونطقات)ليث….(شافتو معبس وجهو وطبعات قبلة فشفايفو وعنقاتو)ليث عفااك جاوبني…..سمحلي بزااف عارفة رااسي غلطت معاك بزااف والله وجرحتك(تنهدات وشافت فيه)عارفة اليث بلي فديك الليلة مكنتيش نتا كان الألم دياالك والغضب لي حاضر وكون ماماتش قيصر الله يرحمو مكنتيش غتجري علياااا وغتبغي تفهم مني الحقيقة كلهاااا عارفة كلشي رااك عارف فمي شنو كيخرج منين كنكون معصبة فلحظة غضب قلت ديك لهضرة والله سمحلي(بعينين مدمعين)مكنبغيش نشوفك مقلق مني غضبك عليا كيعذبني والله….

ليث:(مسح دمعتها لي سالت وعنقها سمعها كتبكي ونطق وهو كيمسح على ظهرها)صافي ششش ابتهال أناا ساامحتك (باس جبينها وباستو فخدو هز يديها طابع قبلة ورجعات يدو تاهي طبعات قبلة فيديه وابتسم)

ابتهال:بغيتك تمشي معايااا

ليث:(عقد حجبانو)فين….!?

ابتهال:(تنهدات وبدات تعاودليه دكشي كلو لي قال ليها آرثر دموعها هابطين ونطقات بحرقة وكتفكر آخر لقاء)قالي بنتييي خليني نشرحليك وقتليه لا(كتبكي)😭 عايرتو وقتليه لاااا نتا قتااال

ليث:(حد يدو على حناكها)ششش متبكيش نتي مكنتيش عارفة الحقييقة أبتهااال يالاه نمشيو عندو دوي معاه وتصالحو(ابتسمات وتمو خارجين بزوج قالت لكلارا طلع الصندوق للبيت وركبو فلوطو ومشاو وصلو لكلينيك وتمو داخلين

ابتهال:(شداتها الدوخة والتقية وقلبها تزير)

ليث:(شد فيها عارفها مكتحملش لكلينيك)ابتهال غير بشوية عليك….

ابتهال:(حركات راسها بواخا وتمشاو لللإستقبال سولو عليه قالولها ميمكنش دخلي عندو حيت فالإنعاش ضارت عند ليث هازة حاجبها فهمها جبد كمشة دلفلوس حطها وهي عينيها خرجو دغيا طلعاتهم للفوق لبلاصة فين تلبس اللباس الواقي لفلوس كيحلو كلشي لبسات ابتهال حيت هي لي غدخل تشوفو ومشاو لجناح دالإنعاش وليث شاد فيديها وصلو ووقفات ابتهال قدام لغرفة كتطرطق فصباعها وتمسح على وجهها وهبطات لكمامة كتنفس متوترة من هاد اللقاء طمأنها ليث بعينيه)

ليث:كلشي غيدوز هو هداك دخلي نتي عندو انا غنمشي نسول عليه طبيب لي دارليه لعملية

ابتهال:(حركات راسها بآه حطات يدها فوق لپواني وقلبها كيضرب فتسعين فتحاتها ودخلات كتسمع صوت تيييت تيييت تيييت تيييت صوت دلماشين دنبضات القلب وضعااف ضورات راسها شافتو ممدد فلفراش ليزار على نصو من لفوق عاري باين جسمو النحيل وعلى صدرو وبطنو فاصمات وداير التنفس الإصطناعي قلبها ضرها منين شافتو فهاد لحالة تمشات جهتو بخطوات بطيئة جرات كرسي وجلسات جنبو هزات يديها لي وقبطات فيديه كتحسسها أصابعو ضعاف ولعروقة كيبانو ليه تبدل بزاف على أول نهار شافتو حسات بيه تحرك شافت دغيا فعينيه لقاتو كيحل ويسد فعينو بثقالة غير شافها رسم ابتسامة باهتة يالاه بانت لابتهال من تحت قناع التنفس الاصطناعي شافتو هاز يديه باغي يحيدو وقبطات فيديه)لا لا متقربش ليه

دارك:(زير على يديها ناطق بتهجي)بنت.ي جي.تي

ابتهال:(ابتسمات بحزن)اه جيت

دارك:وسامح.تيني

ابتهال:(باست جبينو وعينيها عامرين دموع)عرفت الحقيقة أنا لي كنت ديما كنمنعك ومكنتش مخليااك تهضر(باست يديه لي بقاو فيهم غي لعظام)سامحتك

دارك:(ابتسم)أنا فر.حاان(هز يديه لي كيجرفو حطهم مور راسها وجرها عندو حيد التنفس الإصطناعي وطبع قبلة فجبينها)

ابتهال:(هبطو دموعها)متحيدوش عفااك(رجعاتوليه وكتشوف فوجهو كيف عرقان وعينو كيف نايمين شدات فيديه)بابااا وااش كضرك شي حاجة نعيط لطبيييب

دارك:(مبتاسم بفرح)قل.تي بابا

ابتهال:(حركات راسها بآه)اه باباا.. كنواعدك غنبداو صفحة جديييدة (باست يديه مبتاسمة)

دارك:بغي.تك تعر.في أنني كنت كنب.غي ماما.ك بزاااف أبنتي (بعينين حومر مدمعين)منقدر.ش نقتل.ها بغيتها وبغيت خووك وبغيتك حتا.نتي أكثر من أي حا.جة فها.د الدن.يا سمحي.لي حيت ضيعتلك حيااتك عفا.ك أبن.تي سمحي.لي(مزير على يديها حاطها فوق صدرو معنقها)

ابتهال:(ناطقة بحرقة)سامحتك أبابا والله….

دارك:(ابتسم تنفس براحة)دبا غنك.ون مر.تاح (طول الشوفة فيها نطق بألم وانسكبات دمعة حارة من عينو)كن.بغيك أبن.تي تهلا.ي فراسك

ابتهال:(حساتو فحالا كيودعها دخل ليث على ملامحو لحزن وهي كتشوف فباها لي حيد التنفس الإصطناعي وهز جسمو جارها عندو معنقها وهي لوات يديها مور ظهرو مزيرة عليه ودموعها هابطين شلال ترخى بعدات راسها مبتاسمة وكتشوف فعينيه سمعات صوت لكن فحالا مسمعاتوش حيت مقداتش وتشللات كتشوف غير فباها لي كيشوف فيها بدون ميرمش عينو بقات كتسنى ديك ترميشة وهي باقا ملوية يديها عليه حسات بجسمها تنمل عليها قلبها تزير وبدى يضرب فتسعين حاسة بغصة فحلقها وعينيها دمعو بقوة مافاتحاهم بصدمة وعدم تصديق مرمشاتهومش ناطقة مع نفسها
~~غمض عينيك رمشهم عفاك أبابا~~
حطات يدها فوق حنكو كتلمس بشرتو كيف باردة ناطقة بصوت مجروح)با.با (كتمسح على حنكو)بابا كتسمعني…جاوبني عفاك….(شافت فليث لي نظراتو كلها أسف وحزن كأنه أكد دكشي لي قال قلبها ونطقات)عيط لطبيب قولو يجي يشوف بابا علاش مكيرمشش عينيه(رجعات شافت فيه ودموعها بداو يسيلو)مامشيتيش تانتا يااك (باستو فحنكو وفجبينو)قوولي عفاااك بلي حتى نتا مامشيتيش وخليتينييي ابابا (كتقيس فوجهو وتزعزعرو)جاااوبني🥺 بابا عفاك جاوبني(ضورات راسها لاماشين بانليها خط مستقيم طويل مع 0فنبضات القلب حركات راسها يمين وشمال وعنقاتو مزيرة عليها كتبكي بحرقة وغوتات فحضنو)بابااااااااااااااااااا لاااااااا أباباااااا لاااااا نووووووض نووووووض عفاااااك😭 أناااا سامحتك والله أباباااااا ساااامحتك نوووووض عفااااااك متمشييييييش حتاااا نتاااااا متمشيييييييش عفاااااااك(بعدات عليه وكتقيس فوجهو وتشوف فعينيه لي محلولين)رمشهم اباباااا رمشهم عفاااك رمشهم كنترجااااك اباباااااا😭رمشهم(باستو فحنكو وفجبينو ومعنقاه حاشياه فحضنها)عفاااك أبابااااا نووووووض الله يخلييييك منقدرش لاا لااا منقدرش نصبر أبااااابااا عييييييت عيييييييت اهئ اهئ😭💔 علاش كلكم مشييييييتو علااااااش علاااااااااااش(ليث بقات فيه قرب عندها معنقها وهي باقة مزيرة على باها وكتبكي)طلبتي مني ااسمااااحة وساااامحتك اباباااااا قلتليك غنبدااااو حيااااة جديدة 😭 علااااش أبابااااا مشيتي وخليتيني حتا نتا علااااااااااش(هزات يديه وبقات تبوسها بشكل هستيري)نوووض عفااك أباباا😭(كتبوس فحناكو وفجبينو وعينو فحال شي حمقة وقلبها شاعلة فيه لعافية نااار قوية فلداخل ديالها)قولي غي كضحك معاياااااا😭 عفااااك…(شافت فيه بكل ألم صافي مات مشى روحو طلعات عند خالقها وجسمو فحضنها مات فيديها غوتات بوجع حتى تبح حلقها ودموعها هابطين سخاان على حناكها وكتشوف لفوق كأنها كتقوليه ديني معااك نبقى فجنبك ونشوف ماما كرهاتش طلع روحها تاهي غمضات عينيها مزيرة عليهم بألم وكتبكي بحرقة جسمها فشلان حيد ليث دَارْك من حضنها وعنقها مزير عليه)مشى أليث مشاااااا بابا مشاااااااا😭 ومزااااال ماعشت معاااااه والو أليث مشاااا(مزيرة عليه وكتضرب فظهرو بحرقة مع كل كلمة خرجاتها وففمها غير كلمة مشى…..)قااالتهالي مامااااا حلمت بيهاااا عطاااتني إشااارة أن شيحد غيموووووت 😭 قاتلي علااااش كاديري هكاااااا وكااانت مقلقة منيييي اهئ اهئ قصدااااات علاش مكنسمعش منووووو يدييي كانو عامرين بالدم أنااا لي قتلت باباااا أنااااا😭 أنا لي قتليييه سير شد دووووك الحيوانات أنااا أليث (كتبكي بحرقة)كااان كيقولي بنتي سمعينيييي وقتليه بعد منيييي كنكرهك بسبااااابي مااااات 💔

ليث:(كيمسح على ظهرها)ششش متقوليش هكا متلوووميش راااسك ابتهال باباك راه كاان مرييض كان فيه ورم فالرااس من شحاالهادي ودبا وصل أجلووو دعيليه بالرحمة والحمد الله مات ونتوما مسامحين وكان فرحاان الله يرحمو ويغفر ليه (عاد زادت طلقات بكيتها منين سمعات شنو قال وهو معنقها كيحاول يهدنها كان عارفو غيموت حيت طبيب لي قالهالو لأن الورم انتشر ومابقاش عندو لحل…)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت409

بعد مرور عدة أسابيع….🦋

(خارجة ملوية عليها فوطة وكتنشف فشعرها دخلات لدريسينج لبسات لي دوبياس ديالها وكسوة فلزرق مغلوق حد الركبة بكمام قصار وسبرديلة عالية فلبيض خرجات لقاتو باقي ناعس تمشات عندو طابعة بوسة فخذو دغيا شدها وقلبها تحتو كيضحك)

ليث:(معنقها ودافن راسو فعنقها كيستنشق ريحتها)

ابتهال:(كتشوف فصدرو وحطات يديها فوق)ليث بشوية عليك رااك عاد درتي العملية

ليث:(كيضحك)شهر ولا معرفت شحال باش دااايرها ونتي كتقوليلي عاااد درتهااا (عض شفتو لتحتانية)توحشت دييينمك ماشي حرام عليك مخلياني شهر وزايد وانا معلق….

ابتهال:(جبدات حناكو)قريب أحبي يالاه نوووض علياااا دباااا(كتدفعو عليها)

ليث:(عضها فنيفها)عرفتي شحاااال كنجمع لدييينمك ولاا لااا

ابتهال:ههه حسن عواااني

ليث:(ناض ومد يدو منوضها هاز يديها لفوق كيضورها ويصفر)آشهااد الزين عنديييي أناااا أعبااااد الله

ابتهال:(كتضور وتنفخ صدرها بتفااخر)شفتي شفتي ازوجي لعزيييز بيمن مزوج خااصك تزيدني فالصداااق

ليث:(عنقها كيضحك)تستااهلي احياااتي….

ابتهال:(باستو ونطقات)مالين داار معرفتش فين مشاو على الصبااح وكلارا قاتلي مشات معاهم قسم

ليث:(داخل لدريسينج)يمكن عندهم شي غرض ولا خرجو يشريو شي حاجة(لبس سروال توب بلكوستيم ديالو فلكحل وقاميجة بيضة مع صباط فلكحل مسرح شعرو جنب وراش من ريحتو تم خارج كيسد زدايف لكوستم وابتهال شمات ريحتو وضارت مبتاسمة بإعجاب وكطلع وتهبط فيه)

ابتهال:أووو سي ليث أشهااد الأناااقة(تمات غادة عندو وكتدوز يدها على لكوستيم)اممم شنو سر هااد الأناااقة ليوووم

ليث:(ملوي يدو على خصرها مبتاسم)غنتلاقا مع مرااتي تانية

ابتهال:(ضحكات مطلعة حاجبها ويديها كيلعبو مور عنقو)أممم وهاد لمرااة زوينة عليااا(شافتو طلع راسو باه ونطقات)اممم وطايتها فحااالي

ليث:(ابتسم باغي يعصبها)لا حسن من ديااالك

ابتهال:(عقدات حجبانها وجراتو من لقاميجة مقرباه لوجهها ونطقات بنبرة خافتة وأنفاسها سخونة كضرب فشفايفو)ومذااق شفايفها فحال ديالي أمممم(قاست فحجرو بركبتها مطلعاها بشكل مغري حساتو ذاب وقربات لوذنو طابعة قبلة خفيفة وبطيئة وطالعة بظفارها فعنقو لي هو نقطة ضعفو وضعف أي راجل قرب شفايفو لشفايفها وهي تضحك وبعدات منو)سربييي دغيا راااه غتعطل عليييها

ليث:(ابتسامة مجبدة وتبعها شدها فحال شي دجاجة وكيقرص ويهر فيها)ديييييينمك بلعااااني

ابتهال:(كضحك وتحاول تفك منوو)

ليث:(صونا ليه تيلي وطلق منها)عندك الزهر لكن بلاتي على دييينمك(جاوب على الإتصال وهي مشات تقاد شعرها لي تخسر حيدات لاستيك وعاودات جمعاتو كوتشوڤال لفوق وهي تسمع ليث كيغوت وناضت عندو…..نطق بغضب شديد)كيفااااااااش العارضة مكينااااش شهااااد
ل-/لالوي (غادي جاي وكيمسح على شعرو)وشنووووو دبااا التصويييير غيضييع نتوما عاااارفين هاااد الصووووورة مهمة حيت غتكووووون فأول صفحة كيفاااااااش درتووووو هاد لغلط واااااش نغبر نهااااااار ت–/دوهااااا يحرق أصل مكمممممممم(قطع ورمى تيلي فوق ناااموسية)

ابتهال:(عاقدة حجبانها)ليث ماالك

ليث:(كيزفر)العرض لي كناا غنديرو للكسوة دلعرس لي صمممتي لعااااارضة مجااااتش خااا(ضرب رجليه فطبلة)تاااااحاجة ماااااامقااادة -/لاوي

ابتهال:(مسحات على وجهها بغضب حيت لكسوة لبيضة غتكون فأول صفحة من المجلة ديالهم ومن العرض دالأزياء غتكون اللبسة الرئيسية وخاص ليوم يديرو التصوير حيت بعد غدا العرض دالأزياء ديال كولكشن دالخريف ساطت بغضب وهو لي جى قدامو كيهرسها عرفاتو صاعر دبصح بقات كتفكر ونطقات)صافي غنلبسها أنا وندييرو جلسة التصوير

ليث:(بلق عينو فيها)كيفااااش

ابتهال:(تمشات فاتجاهو )نتا عارفني أنني كندير حتى لعروض فالمجلات يعني كنعرف عااادي صافي انا غنكتلف ونقدو الموقق

ليث:(هاز سبابتو بغضب)لا لا لا ميكنش غييير نسااااي هاد لقضية ضرووي نلقى شيحد آخر

ابتهال:لييييث دبا ماشي وقت لعناااااد وأصلا كسوة بيضة عادية ماشي معرية صااافي غير خلينيييي

ليث:(بغضب غادي جاي)لاااااا ابتهاااال

ابتهال:(مشات وعنقااتو كتحاول تقنعو)عفااك احياتي راااه غادي نضيييعو والله فكر فالشررركة بليييز وأصلا راه ماشي شي حاجة خاايبة يعني راك شفتي لكسوة مستوورة(باستو ففمو)بليييز حبي(كتذبل عويناتها)

ليث:(يدو فوق جنابو وكيشووف فيها هاز حاجبو وهي كترغب وترجاه بقى كيفكر وتنهد)صافي واخااا ألاالة

ابتهال:جوطييييييم الحووووب خاااص نجيبو لكسوة من الشركة

ليث:انا غنعيط(اتصل بسكرتيرة باش تسيفطها ليهم وشاف فيها)أناا غنمشي نطل تماااا بلاااصة التصوييير نشوووف واش كلشيييي واجد خاصني نجري على ل—ة دمهم كااااملين…. (كيمسح على وجهو بغضب)

ابتهال:صافي غير تهدن أليث بلييز ماديرش شي صدااع ومتعصبش رااسك واخا احياتي

ليث:(تنهد)صافي واخا (هز سبابتو مصغر عينو فيها)عندااااك ديري شي كااارثة فوجهك نحرررك نحييير الجمل ابتهاال

ابتهال:(ضحكات وقرساتو)متخاااااافش ألحوب(باستو ومشى هو شوية وجات كلارا عطاتليها لكرطونة لي فيها لكسوة وبعض ليكسيسوارات من بعد مدة تمات هابطة لخدامات بقاو غي حالين فمهم فيها جات غزالة هابطة درجة بدرجة ببطئ كانت لابسة سندالة عالية وكلها كتلمع مع كسوة بيضة فحال لحليب كتافها طايحين منبتين بوريدات صغار وشي وحدين كبار منبتين بشكل عشوائي ألوانهم هادئة ومن لتحت منفوخة وفيها وريدات فلبنفسجي مفتوح ولوردي ولبيج وجهة ولفوق جهة لكرش بواحد الشكل رائع خيالي طالقة شعرها ودايرة تاج بيض بلورد الأبيض مكياج هادئ بارزة عينيها الزرقين مع سنسلة وكورميط…المجوهرات الخاصة بهاد اللبسة وهازة بوكي صغير ورد بيض وليد لاخرة هازة أطراف لكسوة باش متعكلش)

كلارا:جيتي زويينة بزااف تباارك الله اختي ابتهال الله يحجبك من لعييين يااربي متشوف فيك تاعوينة خايبة

ابتهال:(شافتها كتقرى المعوذتين وضحكات)شكراا ليك بزااف أكلارااا (ودعاتها وخرجات لقات لوطو واقفة قدام لباب وشي راجل عاطيها بظهر وحال لباب نطقات)شكون نتا(غير ضار تخلعات قدو قد لغول لابس كلشي فلكحل وكوستيم مزير عليه مبين عضلاتو داير فحال شي جثة وفصباعو شي وشامات وجهو كيخلع ديك التخنزيرة وصلع متكدبش على راسها لكن منظرو خلعها حتى نطق بداك صوت لي فحال الديب)

~~~:سي ليث وصاني باش نجيبك ألااالة(ابتسامة ماوصلاش لعينيه)ابتهال

ابتهال:(عقدات حجبانها وكتطلع وتهبط فيه ونطقات)ولكن ماقاالي والو (بقى غير ساكت وكيشوف فيها مربع يدو ودوك العضلات منفوخين شوية ويتطرطق داك لكوستيم لي لابس نطقات)غنمشي نجيب تيليفوني نعيطلو(يالاه غدخل وهو ينطق)

~~~:غاادي نتعطلو فالطريق نعطيك تعيطيليه من تيليفوني(رجعات وبقات تشوف فيه ركبات فلوطو وسدها بقات متبعة ليه لعين حتى ركب وديمارا لوطو وكتشوف فلوشام لي فعنقو بغات تحقق فيه شاف فيها من لمراية وطلع لقاميجة على عنقو مخليها غير كتبلق عينيها حمحمات ونطقات)عطيني نعيطلو

~~~:(كيصوك ونطق)مامشارجيش أمدام ابتهال

ابتهال:(عقدات حجبانها)وعلااش قلتيلي نعطيك تعيطيليه

~~~:نسيت….

ابتهال:(بقات غي مبلوكية وكتشوف فيه وكتهضر مع نفسها لا لا مستحيل مستحيل ليث يخدم فحال هاد الأشكال كتعرفو كاياخد ليكارد من واحد الشركة وكيكونو نقيين لكن هذا كيبان فحال شي واحد خدام فشي مافيا ولا عصاابة ونطقات)شنو سميتك….

~~~:(منبعد مدة وهو ساكت نطق ويا ريتو مانطق)
مورت morte “الموت”

ابتهال:(صافي هنا سالا معاها تبوريشة طلعات معاها معرفاتش علاش خافت ياك هي مكتخاافش الناس لي كيخافو منها لكن دبا هي مابقاتش بوحدها ومخايفاش على راسها خايفة على الروااح لي فجنبها بقات متبعة الطريق وفكرة تديها لفكرة ندمات لي ركبات وصاها ليث متركب ومتهضر مع حد حيت لمافيا لي كان منخارط معاها باها يقدرو يقلبو عليها حيت دارك خلى وصية نقل فيها جميع أملاكو ليها والنص لاخر لحفيدو توماس وقسم الزبابل دلفلوس ولڤيلات وبعض الشركات وأكيد غيكونو باغيين هدشي غير شافتو وقف فبلاصة خاوية قلبها بدى يضرب فالتسعين خرج وحل لباب تمات خارجة وكتضور راسها يمين وشمال وجسمها كيقفق لكن مابينات والو مبردة)فين هي بلااصة التصوير…

مورت<الموت>:(كيشير للغابة)تماا

ابتهال:(قشعات السلاح فسمطة دسروالو صافي هنااا فين قلبها وقف وشكوكها تأكدو ونطقات)نسيت واحد لحاجة ضروري نجيبها رجعني للدار…(بغات تركب وهو يسد لباب دلوطو)

مورت:(يدو فوق لباب سادها)غادي نتعطلو أمدام ابتهال(ابتسم حتى بانو سنانو الفضيين….)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت410

ابتهال:(قشعات السلاح فسمطة دسروالو صافي هنااا فين قلبها وقف وشكوكها تأكدو ونطقات)نسيت واحد لحاجة ضروري نجيبها رجعني للدار…(بغات تركب وهو يسد لباب دلوطو)

مورت:(يدو فوق لباب سادها)غادي نتعطلو أمدام ابتهال(ابتسم حتى بانو سنانو الفضيين…..وهو يشوف وجهها ولة صفر وشنايفها كيترعدو ونطق)عارفك غتكوني خايفة مني ولكن أناا هكا دااير معندك علاش تخافي سي ليث وصاني نجيبك هنا وقالي خليها تدوز من ديك الغابة غير غتشوف طريقها غتعرفها…

ابتهال:(فخاطرها نتا راك تقتل بنادم وهو حي ماشي تخلعو معرفاتش علاش تيقاتو حمحمات ونطقات )صافي واخاا(قلبات دورة غادة للغابة وهي تقشع فأول لغابة فحال فوهة بأغصان الشجر ولورد بيض ووردي دايرة على شكل نصف دائرة دخلات وسطها مبتاسمة الطريق من الجناب كانت كلها ورد أبيض منثور فالأرض وكانت إشارة بعثات ليها الرااحة تمات غادة وكتضور عينيها وتفكر فايتة جات لهاد لبلاصة لكن معقلاتش بانتليها شجرة كبييرة فروعها طوال وتحت منها طبلة طويلة ملكية ولكراسا مستفين جنبها وورد فمختلف الألوان فوقها هزات راسها لفوق وكتلقى فوانيس هابطة من الشجر مدلية بواحد الشكل رائع وفعدة أشكال كاينين لي دايرين فحال الكرة وكاينين لي شكلهم بيضاوي حمقوها كتضور عينيها كان ديزان فحال ديال القصصر كلشي بلون المسك وكل مكيتعلق به وردي وبنفسجي مفتوح اخضر لون الطبيعة…لا من طاولات ولا من ليفوطوي ولا من الكراسي ولا من ديكور وليزاكسييسوار ولا من الشموع وطاقم الصحون تفاجئات وحسات بيدين تلواو على بطنها من ريحتو عرفاتو ضارت مبتاسمة وشافتو)ماسحابليش غتكون بلاصة التصوير هكا فاجئتيني

ليث:(عنقها من خصرها وكيتفحص فلكسوة شحال جاتها فنة وسهى فشفايفها عينيها ابتسامتها ونطق)كل دقيقة كزيد نغرق فيك ونبغيك أبنت قلبي

ابتهال:(ابتسامة مجبدة)حتى أناااا كل نهااار كنزيد نبغييك ونحماااق عليييك أروومبو ديالي(ضارت وكتفحص بعينيها بانتليها فحال خيمة بيضة كبييرة وفالجانب لاخر طبلة فمرتفع عالي شوية كلها مزوقة بالورد وفيها 2كراسا شكلهم فحال عرش الملوك وفجنبهم 3دلكراسااا عاديين ونطقات)ليث ديالاش هاديك الطبلة(يالاه غاضور تشوف فيه وهي تعقد حجبانها مبتاسمة)

ليث:(هابط على ركبتو ليمنية وهاز بواطة حمرة مبتاسم وكيشوف فيهاا ناطق بنبرة وبحة رجولية خطيرة)

§ أحبك…حتى لو كان لقائنا لحظات وقليل من الأوقات
صدفة…..لقائي بك لكنها كان أسعد اللحظات
عشقت……عيناك صوتك كلك يا كل الرجوات
واضطربت……جميع جوارحي للقياك ويبقي بداخلي لك بعض التساؤلات
ماذا فعلت……بقلبي من أول وهلة وأصبحت أنت لقلبي كل الآملات✨ §
(موسعة ابتسامتها وهي كتسمع لهضرتو ونطق)ليوم عيد ميلاد زوااجنا (دارت يدها على فمها بفرح مظناتش غيكون باقي عاقل وكمل هضرتو ميل راسو)هذا أول عيد غنتجمعو فيه لكن ماشي أول عام غنبغيو بعضياتنا عرسنا لول ملبستيش لكسوة لبيضة ومدرناش لعرس حيت مابغيتيش(تفكرات داك نهار دارو عقد وصاف حيت مابغاتش لمافيا تعرف كمل ليث هضرتو) لكن ليوم بغيت نجدد هاد الزواااج واخا بإسم امراة أخرى من غير ليزاا وملامح وجه إنسانة اخرى كلشي تغير لكن (حط يدو فوق قلبها)هذا متغيرش قلبك وقلبي كينبضو بإسم بعضياتهم(حل لبواطة لي كان متوسطها 2خواتم أونسونبل واحد سامبل ولاخر متوسطاه حجرة كتلمع وضاير ببعض الأشكال صغيرة الحجم ومحترفة فنفس الوقت ونطق)تقبلي تعاودي تزوجي بيااا ابتهال نبنيو حياة جديدة…من هاد النهار ونساو لمااضي كلو نعتابرو ليوم كأول يوم لينااا وبداية قصتنااا واخا ماعارفش واش كاين شي راجل كيدير العرس حتى كيدير لولاد(ضحكو بزووج جبد لخاتم وكيشوف فيها هاز حاجبو)تقولي لا نقتل مووك هنااا

ابتهال:(ضحكات بالجهد دايرة على فمها ونطقات)كنبغييييك وموافقة نكمل معاك حيااتي كلهاا

ليث:(ميل راسو)واخا نشرف ونولي نمشي بالعكاز ومنبقااش نسمع مزيان(شافها حركات راسها باه وضحك)أحسن حاجة نيت باش منبقااش نسمع نكيييرك(اخنزرات فيه كضحك ضارت تمشي فحالها بقلق مصطنع ورجعها من يديها مركب ليها لخاتم طبع قبلة فيديها بكل حب وناض عندها وتلاحت فحضنو معنقاه وهما يسمعو تصفيقااات ضارت وهي تلقى صباح وزهرة هود وجوليا نجود كلارا ولخدامات الموظفين لي فالشركة وشي رجال ونساء أعمال ومصوررين حلات فمها متفاااجئة)لاااا ميمكنش ههه(كتشوف فيه وفييهم)يعني كلكم كنتوووو عارفيييين وأنااا لي مقلوووبة عليا الچفة

قسم:(جاية كتجري لابسة كسيوة حد الركبة من لفوق فالرمادي مغلوق وكيلمع ولتحت منفوخة بتوب وردي وفيه دوائر فلكحل طالقة شعرها وصبيبط كحل)ماااامي

ابتهال:(هزاتها وعنقاتها كضحك)يااااك أقسم حتا نتي متاافقة معاهم عليا

قسم:(رشقات فيد ليث)هااادي كانت مفااجئة دياال باباا حبيبي

ابتهال:(حطات قسم وعنقات صباح لي غاطير بالفرحة)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت411

ابتهال:(جلسات ويدها فيد ليث فوق طبلة وقسم جالسة عند صباح فالطبلة لي فجنبهم وهود جلس حدى ليث بصيفتو شاهد وولي أمرو)

هود:(غمزو)الأدوار كتقلب أولديييييي

ليث:(ضحك وطبطب على ظهرو)يحفظك الوااااليد ههه

لعدول:( شاف فيهم)عائلة أو وولي أمر العروس

ابتهال:(حسات بليث زير على يديها كأنه كيقولها متقلقيش ابتسمات وشافت فيه كأنها كتقول ليه نتاا هو عائلتي ونطقات كتشوف فطبلة لي حداهم جالسين فيها هود وصباح زهرة ونجود وابتسمات)هادو هما عائلتي…ماما صباح تبغي تشهدي على زواجي

صباح:(عطات قسم لنجود وناضت دموعها هابطين)من طبيعة الحااال أبنتييي (عنقاتها وباست ابتهال يديها وراسها وكتمسح دموعها)الله يرضي عليييك أبنتي ويسعدك فحياااتك يااربي (حطات يدها على حناكها)متقدريش تصوري شحال فرحانتيني حيت حطيتيني فمقام ماماك والله ابنتي وربي شااهد عليا حتا كنحسبك فحال نجود وجوليا كنبغيك وعزيزة عليااا بزاااف الله يحفظك

ابتهال:(باستها فيديها)حتانا كنبغيك وعزيزة عليااا بزااف ولا مكنتش غنعتابرك فحال ماما(عنقاتها وجراتها للكرسي جلسات جنبها وليث شبك يدو مع ابتهال بايسها عجبو لوجيسط لي دارت حيت من ديما وعلاقتها مع مو زوينة وصباح كتبغيها بزاف)

لعدول:كنشهدو ليوم على زواااج السيد ليث الوهابي بالسيدة ابتهال رغد على سنة الله ورسوله قدام الحضور الكرام من أهل وأصدقاء وأحباب بحضور الأم وولي أمر العروس السيدة الشافعي … وبحضور ولي أمر العريس السيد هود الوهابي….السيدة ابتهال واش موافقة تزوجي بالسيد ليث وبدون إضغاط أو إكراه وتبقاو مع بعضياتكم في السراء والضراء

ابتهال:(هو كيهضر وهي كتشوف فليث مبتاسمة حتى هز حاجبو شافت فالعدول كيف ساكت وكيشوف فيها ونطقات)شنوو قلتي(طرطقو بالضحك وليث عرف الحالة دلحماق شداتها وبقى كيضحك)

لعدول:(ضحك وعاود نطق) واش موافقة تزوجي بالسيد ليث وبدون إضغاط أو إكراه وتبقاو مع بعضياتكم في السراء والضراء….

ابتهال:أممم كيفاش زعما بدون إضغاط

لعدول:يعني يكون هاد الزواج بإرادتك مابزز عليك تاحد

ابتهال:صراحة اسي(مقوسة حجبانها)اش سماك الله

لعدول:(ضحك)خالد

ابتهال:(ضحكات)اه الأخ مغربي

ليث:(مسح على وجهو همس فوذنها)ابتهااال جاوبي الرااجل دغياا

ابتهال:(شافت فلعدول)كيقولي سربي سني هذاا كيتسمى ضغط ياااك…..(تكرشخو بالضحك)

لعدول:(كيمسح على وجهو قايل فنفسو اويلي شهاد لعروسة)إيييه ضغط دباا واش موافقة ولا لا

ابتهال:(عقدات حجبانها)علايااش..!?

لعدول:(تنهد وكيدعي بالصبر وعاود نطق) واش موافقة تزوجي بالسيد ليث وبدون إضغاط أو إكراه وتبقاو مع بعضياتكم في السراء والضراء….

ابتهال:(كتشوف فليث ودايرة يدها ففمها كتفكر)زعما نتيق فيك وندير النية

ليث:(جر شعرو اللور كيمسح على وجهو)صبر يا أيوووب ياااا الله

ابتهال:(شافت فالعدول وكتشير جهة ليث)شفتي أعمي خاالد هااهو الإكراااه واش دبااا أنا نتزوج بوااحد كاره هاد الزوااج

ليث:(جرها عندو معنقها من جنب كيفرنس)الله يهدييك ابنتي شمن إكرااه(من تحت سنانو)جاوبي المصيبة لي بلاني بيها سدي ربي

ابتهال:(بلقات عينيها فيه)ياااك أخويااا أناا مصيبة

ليث:(شوية ويندب حناكو) انااا لي مصيبة انااا ماشي نتييي….نتي الزين ولفنوون والجمااال طلقي السيد خلااص

ابتهال:(ضارت عند لعدول لي حيد داك طربوش وشاد فراسو ضحكات ونطقات)هه صاافي أنااا غنجاوب…احمحم سولتيني أسي خاالد على واش موافقة نتزوج ب….(قوسات عينيها وكتشوف فيه زعما كمل)

لعدول:(همس)لا حول ولا قوة إلا بالله

ابتهال:(قربات وذنها)شنوو قلتي

لعدول:(كيمسح على وجهو ولحيتو)والو أبنتي والو قلت واش موافقة تزوجي بالسيد ليث رغد…زعما الوهاابي(كلشي كيضحك بالجهد مسكين تلفااتو وكمل)بدون إضغاط أو إكراه وتبقاو مع بعضياتكم في السراء والضراء….

ابتهااال:(شافت فصباح)على حسابك أماما

صباح:(كتمسح عينيها من دموع وكتضحك)على حساابي(همسات) غير جاوبي لايصدق قالب هاد لعرس ابنتي

ابتهال:(ضحكات وشافت فليث كي معصب وداير يدو على ذقنو وقربات عندو كضحك)لي بغى لعسل يصبر على قريييس النحل

ليث:(همس فوذنها)نتي راااه حمقتي أصل ميييي ماشي قرستينيييي(شاف فقسم)اجي ابنتي هضري مع مك

قسم:(كضحك)ماماااا جاوبي دغيااا عفاااك

ابتهال:(شافت فلعدول لي شعرو طالع للسماء بقوة ما جر فيه وضحكات يالاه بغات تهضر ونطق)

لعدول:والله منعاودها أبنتي(ضحكو كاملين ونطق)
موافقة ولا لا جاوبي هااالعار أبنتي خليني نمشي فحاالي
(كلشي كيضحك بالجهد كتسمع غير قهقهات عالية جوليا نجود وهود لي كيضحك على ليث مرجعليه الصرف والحضور لي كانو بعض المشهورين ورجال الأعمال وحتى الموظفين فالشركة شي وحدين طالقين لايف والصحافة كتصور ودايرين ڤيديو تحت عنوان… شاهد مصصمة الأزياء ابتهال رغد تثير الجنون في زوجها يوم زفافهم ولا تريد أن تنطق بكلمة موافقة وكل الحضور يمزح على كلامها المضحك ودعوها بالعروس المجنونة….)

ابتهال:(قربات للميكرو كضحك ونطقات بصوت مرتفع)اااااااااه موااااااااافقة(غير كملاتها بدى يصفق كلشي كيصفرووو وفرحانين كثر من ليث لي مسح على وجهو ناطق ب)أخيييييرااا

لعدول:(تنفس بصوت مسموع)السيد ليث الوهابي واش قابل تزوج بالسيدة ابتهال رغد ب…

ابتهال:(قاطعاتو)كيفاااش موااافق راه هو لي وجد لعرس وجاابني تالهنااا لبسني كسوة العرس وانا مفخباااري والو عطيونا نسنيو أبااا خاالد باش تمشي فحااالك منزيدوش نعطلووك
نجود:(كتضحك بالجهد وتضرب فجووليا)واناري مصييييبة هااادي غااادي تقتلني بالضحك

جوليا:(كتحك فذراعها)ويدييي علاااش علااااش الخرية

لعدول:(عيى يصبر لكن طلق ضحكتو عمرو شاف شي عروسة حمقة عطاهم يسنيو وهود وصباح كذلك ونطق)ودبا كنعلنكم زوج وزوجة الله يخليكم لبعضياتكم(ناض وسلم عليهم ناطق مع ليث)الله يكون فعوونك أولدي(ضحك ليث والله مكذب)

ابتهال:(ناضت كضحك وعنقات ليث مزيرة عليه)هححح تزوجناا للمرة الثااانية الحوووب لكن هاد الخطرة(همسات فوذنو)أنا لي غندخل بيك

ليث:(كيضحك)موووصيبة كحلة

ابتهال:(بعدات واخنزرات فيه)طييح على -/رك إنشاء الله(شافتو خرج عينو حيت كيقولها متبقاش تخسر لهضرة وبقات تفرنس)قصدت ترمتك(شافتو خرج عينو تاني حمحمات ونطقات)Tourayima زعمة زكيكة دياالك عجبااتك هادي….
(شافتو غيطير عليها بشي قجة وسلتات بكل لباقة كضحك هازة لبوكي وشافت فالفرقة الموسيقية ونطقات)أشهاااد الأغاني دالكنيسة أخويا بدل بدل…
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت412

( تطلقات أغنية رائعة ديال الزدحة وتمشات عند نجود وجوليا منوضاهم كيشطحو وليث وهود شي كيبلق عينو فشي)

هود:(كيتغزف عليها ويشوفها كيف كتلوز)شفتي ختتك شكادير

ليث:(كيخنزر فابتهال ويحمر عينو فيها ووالو السيدة كتشطح مداياهاش فيه)رااه مرتك هاااديك خليني نقابل غير مرتي دبااا تسناااني أناااا جااي(تمشى عندها وكيفرنس للحضور وهو باغي غير فوقاش يوصل ليها ويشوف فشي رجال لي غياكلوها بعينيييهم شدها من يديهاا وجرها عندو هامس فوذنها)رصاااي رااه نقربل دينمو هاد لعرررس

ابتهال:(عنقاتو من عنقو مبتاسمة وكتشطحو معاها)أممم خلينا فرحااانين احياتي ومتسوق لتاحد….

ليث:(ملوي يدو على خصرها وضور راسو خنزر فواحد رباعة كانو كيحنززو فيها دغيا ضورو راسهم)زعمة رااك مراتي وشااافونا تزوجنااا علاااش كيشوفو فيك هاااد ولاد ل–/حاب

ابتهال:(حطات يدها على حنكو وضورات وجهو عندهاا طابعة قبلة فخذو)خليهوم يشوفو حيت عمرهم غيوصلو ليااا (همسات فوذنو)أنااا ليك وحدك

نجود:(ناضت وتمشات جهة الفرقة الموسيقية همسات فوذن واحد فيهم عطاها لميكرو وحبسات لموسيقى ونطقات)أولااا ااسلاام وعليكم ومرحبااا بيكم فزفاااف خوويا ليث وصديقتي واختي ابتهال مبرووك عليييييكم

ابتهال:(معنقة ليث ولاحتليها بوسة مبتاسمة)

نجود:(ابتسمات)بهااد المناسبة أنااا بغيت نطلب من ابتهال واحد لحاجة وعاونوني حتى نتوما حيت مغتبغيش(ضحكات ونطقات)كيف عارفين كلكم ابتهاال كتعرف تغني

ابتهال:(بلقات عينيها وشافت ليث)ليييث قولي ماغاااديرهااش

ليث:ديك ساعة غنقتلكم بزووج

نجود:(شافت فليث وابتهال وضحكات)تصفيقااات حااارة عليهاااا عفااااكم باااش تغني لينااااا (تعالات التصفيقات وكينتظرو بفارغ الصبر تغني حيت ديجا تشهر ليها ڤيديو فعيد ميلادها كان داروليها ليث كتغني فيه)

ابتهال:(كتشوف فليث لي هاز حجبانو بتحذير ونطقات)غاتجي نااقصة ألي…(مزال مكملات هضرتها وجات نجود قبطاتها فيديها وجراتها للمنصة عارفة ليث مغاديش يخليهاا وشافت فيها)وواخا فيك انجوود عقلي القردة

نجود:(كضحك ووقفات لتحت)

ابتهال:(هزات لميكرو وكتفكر فاش غتغني شافت واحد من الفرقة الموسيقية عندو چيتار هزاتو ابتسمات بشرارة وكتشوف فليث لي كيحرك راسو بلااا وهود ونجود وجوليا وسعو عينيهم كيضحكوو عليه عرفوهااا غاديرها ولكن فرحووو نطقات ابتهال)اليوم من أجمل الأيام فحياتي فحال هاد ليوم تزوجت أنا وليث كتبنا قصتنا بزوج واليوم تجدد زواااجنا غادي نهدي هاد الأغنية لجميع النااس لي كنبغي ولجميع العشاااق لكن ماشي بوحدي غنقدمها ليكم غادي يكون معايا زوجي ورفيق دربي….(مدات يدها ليه وهو معرف يتعصب ولا يضحك)

هود:(ضحك وطبطب على ظهرو)يالاه اعشيري سمعنا داااك صويت لعذب لي كنتي تسمعوو لينا غير منين تكوون ابتهال رخف شوية شوفهاا شحال فرحانة وديرليها خااطرها

ليث:(ساط وشاف فيه)واش متاافقين عليااا

نجود وجوليا:(جاو كيعنقو فيه ويرغبوه استسلم وتم غادي جهة ابتهال طالع للمنصة وهمس)

ليث:بلاتي على ديييينمك ابتهاال

ابتهال:(ضحكات وعطاتو لچيتار جلسو فواحد لكراسا وهز واحد لعيبة صغيرة وكيقاد الأوتار ونطقات)شنو غنغنيو

ليث:(ابتسم)شنو نتي بالنسبة ليا من غير بنت قلبي

ابتهال:(كتفكر ونطقات)الهدية ديالك…!?

ليث:(ابتسم ونطق بالإسبانية)
Eres un regalo que dios me dio
” أنت هدية من الله لي”

(ابتسمات حاطة يدها تحت ذقنها مكرهاتش طير عليه وتغتااصبو حلاوة فوق حلاوة فيه شي حوايج وااعرين لا أفعالو ولا تصرفاتو لا كلامو كلشي فيه وااعر كتحمااق عليه عيط لواحد دري وقال ليه اسم الأغنية هما غير غيعاونوهم شوية حمحم مقرب فمو للميكرو وبدى يضرب لكيتار باحترااف تبدى لحن الأغنية ونطق ببحة خطيرة باللغة الإسبانية أغنية Un Regalo ومعناها “الهدية”)

_Tu vas diciendo a la gente
سوف تقولين للعالم…..

_K me amas de verda
أنك تحبيني حقا……

_y yo muero de alegria aay
وأنا سأموت من الفرح….

_al saber k eso es verda
عندما أعرف أنها الحقيقة….

_te voy a comprar un regalo
سوف أشتري لك هدية…

_para que lo puedas llevar
لكي ترتديها….

_y ka la gente lo vea
ودع الناس لترى

_yo tambien se amar
أنني أيضا أعرف أن أحب

(كيغني ويشوف فيها بكل حب وهي كذلك وكلهم كيشوفو فيهوم مبتاسمين وكيشوفو فكمية الحب لي بيناتهم لي باين غير من عينيهم كيف كيبريو وصل المقطع الرئيسي ورفع صوتو العذب بارزة بحتو الرجولية)
_te comprare
سأشتري لك

_un collar de diamantes
قلادة من الألماس

_ Para que la gente lo vea
ولترى الناس

_yo tambien se amar
أنني أيضا أعرف أن أحب

Ay ay ay ay
Ay ay ay ay
Ay ay ay ay

_Que cada dia yo te quiero mas
كل يوم أحبك أكثر

_este querer que te tengo
معرفتي أنني امتلكك

_no debe de terminar
هذا لا يجب أن ينتهي
_pues los dias van pasando ; y qo te quiero mas y mas
الأيام تمضي وأنا أحبك أكثر وأكثر

_te voy a comprar un regalo
سوف أشتري لك هدية…

_para que lo puedas llevar
لكي ترتديها…

_ y ka la gente lo vea
ودع الناس لترى…

_yo tambien se amar
أنني أيضا أعرف أن أحب…

(هزات لميكرو وغنات معاه آخر مقطع وعينيها مدمعين بفرح بصوت واحد نطقو واحد كيكمل لاخر حيت حتى ابتهال صوتها رائع)

_te comprare
سأشتري لك

_un collar de diamantes
قلادة من الألماس

_ Para que la gente lo vea
ولترى الناس

_yo tambien se amar
أنني أيضا أعرف أن أحب

Ay ay ay ay
Ay ay ay ay
Ay ay ay ay

_Que cada dia yo te quiero mas
كل يوم أحبك أكثر….

(سالات الأغنية وتعالات التصفيقات بالجهد وهما مكرهوهومش مايساليوش يبقااو غير كيغنيو صوتهم رائع والأغنية كثر فحالا كلماتها تكتبو على قبلهم حط لچيتار وشافت فيه)

ابتهال:(قابطة فيديه بزوج مبتاسمة)عجباااتني الاغنية بزااف أولد قلبي(ضحكات وقرسها فحكنها ونطقات كتضور فعينيها)أممم الهدية سمعتها هي أنا….ولكن فين هيا القلادة …

ليث:(ابتسم)وااالو مكتشبعيييش ديما كنشريلييك لكولي مكنشووفكش لابساااهم كااع

ابتهال:(بلقات عينيها)كنلبسهم

ليث:(ضحك وجبد من جيبو واحد لبواطة كحلة طويلة ووسعات عينيها)

ابتهال:ليييث غي كنت كنضحك معااااك(يدها فوق فمها مصدومة حلو وتضرب فيه الشعا كان عقد ماسي خطير ضاير وهابطين منو واحد لعيبات كلو مرصع بالأحجار شكلو رااائع ابتسمات وشافت فيه حيت عمرو جابليها فحال هاد الشكل يعني غير قلادات سامپل ولكن هذا واعر ونطقات بعدم تصديق)هذا ديالي….

ليث:(ضحك)لا ديااال امراة وحداخرا عاد تزوجت بيها(جبدو من لبواطة وضار موراها باش يركبولها وهي حيدات لاخر لي كانت دايرة سدو أمام أنظار لجميع لي حالين فمهم وضارت عندو وبقى مبتاسم)جااك زويين بزاااف أبنت قلبي…..
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت413

ابتهال: (عنقاتو فرحانة وكضحك)ههه زويييين بزاااف شكراا اعمري…

ليث:تستاااهلي ما حسن احياتي(قبط فيديها وتمو هابطين من المنصة وكيرقصو تاوصلات 6دلعشية دغية محسوش بالوقت تجمعو الحضور جلسو فطبلة لي طويلة 100 كرسي على اليمين ونفس العدد قدامو في الشمال جلس ليث فرأس الطبلة على يمينو صباح حداها زهرة ونجود وفيسارو ابتهال حداها قسم جوليا وهود وعاد كلارا وباقي لخدامات جات قالب كبير دالحلوى فشاريو كبير متكون من 5طبقات مزوق من الجناب بالتوت أسود وأحمر لفاكهة لمفضلة دبتهال بإضافة لفراولة وتمثال صغير لفوق فيه ابتهال وليث منحوت بدقة هزات ابتهال لموس وقبط فيها ليث)

ابتهال:(قطعات طرف وعطاتولو كلاه هز طرف صغير حلات فمها وقاسها فنيفها وبقاو يضحكو)غاااعقل اباا ليث (هز كلينيكس كيمسح ليها وقطعات طرف عطاتو لقسم صباح زهرة نجود جوليا هود وكلارا وضحكات)اوا دبااا عاد يتفرق المهم ندشنوه حنا لولين(ضحكو كاملين وعاد تقطع لچاطو وتفرق مع لمشروبات وبداو ياكلو وشافت فليث كتبنن)لذيذ عجبنييي شحالهادي ماكلييت شي حلوة فيها مذااق دالتوت والله

ليث:(ابتسم)إواا كوولي دبااا تايخرجليك من نيييفك

هود:(حال فمو وكيشوف فنجود لي قدامو وينغز جوليا)اويلي مال ختك

جوليا:(مبلقة عينيها وكتشوف فنجود لي سالات طبسيل لول وطلباتو يزيدها وكاتاكل بلهفة نغزاتها من رجليها ونطقات بشوية)نجووود غير بشوية

نجود:(حشات لمعلقة وعاودات عمراتها دغيا)خلي.ني نااااكل شغلك كرشي ها(حشات لمعلقة كتمضغ وكملات)هادي اختشييي

صباح:(قشعاتها وضحكات)نجوود يااك نتي مكيعجبكش التووت

نجود:(بلقات عينيها وشافت فيهم)لااهيها عندك الحق(قطعات طرف دلحلوة وكلاتو)ولا كيعجبني هدشي بنييين(شاافت فليث هازة إبهامها)الله يعطيك الصحة أخويااا لحبيب أحسن حاجة درتيهااا فحيااااتك(شافت فهود)تعلم منووو شوية وفرح ختك لي هي أنااا(مغمضة عينيهااا وكاتاكل وهما كيضحكو عليها ونطقات)ناري هدشي بنيين(بقات كاتاكل تاضراتها كرشها ورجعات اللور)

زهرة:(شافت فيها ونطقات كتحاول تقرب منها)مجبتيش الدواء دياالك أبنتي

نجود:(متكية راسها كترتاح يالاه غتجاوبها وحسات بترويعة ناضت دغيا كاطير وتبعاتها جوليا)

ليث:(تنهد)واش هااد الأعراض دالإرتجاج ولا منعرف ليهم باقي ماغايساليو

زهرة:(ضحكات)هادو أعراض حاجة أخرى أولدييي(عقد حجبانو هو وهود ولعيالات دغيا فهمووو)

صباح:(همسات ليها حيت جالسة حداها)واش زعمة بصح

زهرة:(ابتسمات بفرح)تيقي فياا…الشهية تحلات والحاجة لي ماكاتكلهاش رجعات تاكلها غلاضت وزيانت والرضة ودوخة هادو هما الأعرااض(ابتسمووو كلهم بفرح وعاد شرحو لليث وهود دوزو ديك العشية طووب النشاط والضحك والتقشاب ونجود كتحاول تنسى بلاصة نزار بقات مكرهاتوش كون كان تاهو معاهم عيط اپيل ڤيديو شحال هو يهدر معاها وهي مقلقة توحشاتو بزااف ماسكة دموعها بزز ولاو على سبة هاد الأيام وصلات 10دالليل وبداو يمشيو الحضور وناضت صباح كتودع ابتهال)

ابتهال:(عاقدة حجبانها)ماما صباح راه غنمشيو معاكم

صباح:(ضحكات وشافت فليث)لا ابنتييي…..

ابتهال:(شافت فليث هازة حاجبها)فين غنمشيو…!

ليث:(همس فوذنيها)منبعد وتعرفيي

ابتهال:(ضحكات وسلمات عليهم مشى كل واحد لدارو وهما طلعو فلوطو دليث وقسم تاهي معاهم وبقاو غاديين وسط الغابة حيت كاينة طريق منين يدوزو طوموبيلات وابتهال طالقة لموسيقى لي كان كيغني ليث Un regalo حمقااتها وبقات تاهي كتغنيها وقسم كتقولها شنو هاد لكلمة وابتهال تشرحليها حيت كتعرف ليها)

قسم:(عاقدة حجبانها وربعات يديها)بغيت نتعلمهااا

ليث:(كيضحك)ابنتي بشوية على دااك لعقل لي عندك راه فيه سطووكاج شوية بشوية غتعلمي ليهم كااملين

ابتهال:(كضحك وضارت عند قسم)تاا الإسبانية باغا تزيديها فلكارط ميموار ديالك

قسم:(كضحك)اااه أمامي(شافت فين غاديين وابتسمات)ماماااا هذا هو الجرف لي جينا ليه ديك النهااار

ابتهال:(ضورات راسها كتشوف وابتسمات كضحك وشافت فليث)وأناا كنقول هاد الغااابة فايتة جيت ليها عاد عقلت دبااا الجرف جاي فاللخر دالغابة

ليث:(حرك راسو بآه وقف لوطو وتمو خارجين هاز قسم بيد واليد لاخرة قابط فابتهال ومشاو للحافة كيطلو على لبحر لي لتحت والسماء كي مضوية بالنجوم وهي تقشع ابتهال شي ضواو بعاد شوية على يمينها كيبانو من الغابة وجرها ليث اتجاههم وهي كتشوف وقالت ممكن تكون ڤيلا حيت سوارها عالين متقدريش تشوفي شنو موراها من غير شي أضواء خفاف وباب دلحديد فالأسود كبيرة فلوسط وشي حراس واقفين قدامها ومن لفوق كلها كاميرات وباب عريضة كاينة فجنبها بلاصة فين كدخل طوموبيل غير شافوهم لحراس حلو لباب وتمو داخلين وتما ابتهال فين حلات فمها كتشوف ڤيلا جدرانها كلهم من لحجر شكلهم رائع شي كبير وشي صغير فمختلف القياسات لكن منساجمين وفالزاوية ديال لڤيلا فلقنت هابط من لفوق تالأرض زااج كيبين تقدري تشوفي شنو كاين للداخل بانت ليها لتحت جليسة بليفوطوي ولي فوق منها دايز ريدو كلها بسرجيمات مقوسين لفوق وباب خشبية فالأسود بقات غير ساهية ديزانها خطير وحجيرات مضورين فالأرض كيتمشاو فوقهم فحال شي طريق وعلى ليمن بيسين مستطيل مقسوم على زوج بدوائر حجرية ومشعولين بولات فالألوان لتحت فالماء وفجناب الصوار كلها بالشجر ووريدات فالأرض مع شي جليسة بلكاناپي وأرجوحة بانولها من بعيد)

ابتهال:(مبتاسمة وغير كضور فعينيها)ليث شنوو هاد لڤيلا دياالمن مكاانتش هناا فاخر مرة جيت….

ليث:(ابتسم وشاف فقسم لي عارفة كلشي حيت وراهاليها فتصاور ونطق)هادي دارنا احيااتي

ابتهال:(دارت يدها فوق قلبها وكضحك وتشوف فيه)لااا بزاااف ناااري والله حتى غنمووووت بالفرحة هههه بزاااف هدشي وااش جمعتيلي المفاجئات دحياتي كاملة و

Leave a comment