Skip links

قصة : انتقام على أرض المافيا ج 19

 1,288 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت361

كمشات عينيها كأنها كتحاول تذكر شي حاجة ونطقات)كنتي ديما كتقولي وااحد الكلمة كنتي مسميني بيها مابقيتش عاقلة واش طاهر….ولا…

نزار:(مغمض عينيه مبتسم كيتفكر دوك الآيام قاطعها ونطق)ملاكي الطاهر…

نجود:(وسعات ابتسامتها منين تفكراتها وتذكرات شي حوايج زوينين منين كان يعيط ليها بيها منين كان يقطف ورد بيض من الجردة ديالهم ويعطيهليها دمو عينيها قلبات وجهها ونطقات كتحاول متخرجش ديك الغصة لي فحلقها)كنت ملاك طاهر ولكن مابقيتش هكاك…(ناضت من حداه وطلعات لبيتها سدات لباب وطاحت فالأرض كتبكي ومعنقة جسمها تفكرات باها منين كان يرضي عليها خوها قيصر منين كان يقولها البنت جوهرة خاصها تحافظ على راسها وشرفها باش ميتقاسش حتى شرف عائلتها عضات شنايفها حاسة بالندم والذنب كتحس براسها موسخة وشحال هي رخيصة هي جابت لباها غير الدل كون كان باقي عايش كون سخط عليها حيت كانت عزيزة عليه بزاف هي عويناتو تحلات لباب ودخل نزار شافها جالسة فالأرض وتحنى عندها جلسة القرفصاء هزات راسها وشافت فيه نطقات بألم)بابا باقي راضي عليا يااك مغيكونش سخط علياااا

نزار:(حط يدو على حناكها بحب ونطق)لوالدين مكيكرهوش أنجود اي أب سخط على ولدو كتكون فوق طاقتو وديما فقلبو كيبقى جرح وفراغ كبير باباك كان كيبغيك بزااف غيكون كان كيتعذب منين كيشوفك هكاك ماشي كرهك حيت باباك شاف كلشي أنجود(كيمسح دموعها)باباك شافك شحال كنتي ضعيفة ومحكورة مستحيل يسخط عليك وباش تفرحيه دبا خاصك توقفي على رجليك وترجعي قوية كيف كنتي وتبداي صفحة جديدة واخا(حركات راسها بآه نوضها ونطق)غسلي عينيك راكي وليتي فحال لپاندة(بلقات عينيها وهو قرسها فنيفها وخرج دغيا مشات للحمام شافت راسها فلمراية وتخلعات)أوييييلي على حالة خاصنى نبقى ندير ماسكارا دالماء على هاد لحساااب…(كتشوف راسها)اويلي دبا أنا كنت هكاااغسلات وجهها تاني غسلات سنانها  عاودات لمكياج وتمات هابطة ضار عندها نزار شافتو مبلق عينو ونطقات)نزار مالك

نزار:(عاد قشعها شنو لابسة ومسح على وجهو كيحك فمؤخرة راسو شير بسبابتو لحوايجها)غتمشي للشركة هكاا

نجود:(شافت فراسها وعاودات شافت فيه بعدم فهم)اه علاش…(دلات شنايفها)ياكما ماجيتش زوينة امم(كتقاد شعرها وضور بلاصتها قاست جوپة ونطقات)هاد الصاية هدية من ختي جولياا هي لي شراتهالي من محل معروف وماركة مشهورة (ابتاسماه وشافت فرجليها)وهاد ليبوط عاد شريتو ديك النهار أنا لولة حيت يالاه خرج…(هزات عينيها فيه عاقدة حجبانها)خاصني نكون زوينة باش نمشي للشركة ويعرفوني وقفت على رجليا وأنني قوية وميبقاااوش يطلقو دوك الإشاعات جيت خايبة

نزار:(كيشوفها كيف معبسة وجهها جات غزاالة لكن صاية قصيرة هو عارفها هكا كتلبس يعني لقصير ولمزير مابغاش يخسر ليها فرحتها ونطق)لا جيتي زوينة….

نجود:(ابتسامة عريضة حتى بانو غمازاتها وتسدو عويناتها)شكراا ليك (هزات صاكادو ديالها وتيلي ونطقات)أناا غادي نمشي

نزار:غنوصلك وقبل بغيت نديك لواحد لبلاصة

نجود:(عقدات حجبانها)إنا بلاصة

نزار:غتعرفيها منين توصلي(تمو خارجين هو وياها ركبو فلوطو ديالو نجود طلقات لموسيقى وكتدندن وتميل راسها غادة مع الأغنية ونزار مرة مرة يخطف فيها الشوفة ويبتسم حتى قبطات فذراعو وزيرات عليه منين وقف قدام لبلاصة لي خلات الرعب ينوض فيها ونطقاات)

نجود:شنو جينا نديرو هنا انزاااار غترجعني يااااك(بدات تبكي)كذبتي عليااااا اهئ اهئ

نزار:(ضار عندها وقبط فيديها)شششش نجود شكاتقولي مستحيل نخليك هنااا واش كاتيقي فيااا

نجود:(كتشوف فالمصحة من سرجم وترجع تشوف فيه عبسات وجهها)مترجعنييش عفاك أنزار متخلينيش هناا كنترجااااك

نزار:(حط يدو فوق حناكها)نجووود واااش كاتيقي فيا ولا لاااااا(شافها حركات راسها بآه ونطق)هبطي….

نجود:(شافتو غيهبط وشدات فيدو كتشوف فيه بعينين مدمعين)

نزار:(طمأنها بعينيه وخرج سد لباب ومشى حل ليها وخرجها وصلو للباب لكبيرة وووقفات)

نجود:(كتبكي)والله حتى نقتتتتتل رااااسي إلا خليتيني هناااااا غنكرهك حياااااتي كااااملة عفاااك أنزاااار

نجود:عفاااك متخلينييييش هنااا اهئ اهئ…

نزار:(جرها فحضنو معنقها)نجود راه لاخليتك هنااا فحالااا حيدت قلبي ورميتووو مستحيل نخلييييك تبعدي علياااا تيقيي فيااا ومتخااافيش(شد فيديها وتمو غاديين وهي كتزيد خطوة وترجع زوج خطوات وقفو قدام واحد لمكتب ونجود عبسات وجهها عرفاتو الدكتور ديالها لي كان مختص بحالتها تمو داخلين وهي حاسة براسها جالسة على لعافية حمحم الدكتور ونطق)

الدكتور:مدام نجود مبروك عليك أولا سمعت بلي تزوجتي نتي ونزار..هو كان الصديق ديالي شحالهادي من أيام الجامعة منين طلب مني واحد الطلب مقدرتش نرفضولو

نجود:(يديها كيترعدو وشافت فيه)شناهو هاد الطلب

الدكتور:غادي تكملي علاجك النفسي عبر حصص من أسبوع لأسبوع مع طبيبة مختصة بالأمراض النفسية يعني مغاديش تبقاي هناااا وهكا غادي تكملي علاجك وكوني أكيدة بلي غترتاحي حيت هاد الطبيبة من أحسن الأطباء لي كاينين فإيطاليا

نجود:(بقات غير مبلقة عينيها مامتيقاش حيت كانو قدمو طلب يكون علاج عبر حصص مابغاتش تبقى فالمركز لكن رفضوه حيت كانت مكتستاجبش للعلاج ولابد كان عليها تبقى تما شافت فنزار مبتاسمة )

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت362

نجود:( قبطات فيديه ومبتاسمة فرحانة)شكراااا بزاااف أنزاااار (عنقاتو)شكرا ليك بزااااف كنت باغة نكمل علاجي ونكون مرتاحة ومقتانعة ماشي بالسيف

نزار:(كيمسح على شعرها)غادي ترجعي كيف كنتي وحسن (بعدها عليه)ماشي غير فمك لي غيبتاسم (حط يدو فوق قلبها)حتى هذا غيبتسم وغيعيش السعادة(هز يديها بزوج معنقهم)كنواعدك كلشي غادي يفوت غنداويو جراحك بزوج وغنعاونك توقفي على رجليك وضحكي من قلبك وترجعي لخدمتك ولشهرتك…

نجود:(هضرتو زادت قواتها ورفعات من معنوياتها ودعو الدكتور تادوز 4أيام وترجع غتكون أول حصة ليها مع الطبيبة النفسية تمو خارجين من المركز والإبتسامة متحيداتش من على وجهها ونزار فرحان منين شافها هكا ركبو فلوطو وتحركو وقف قدام باب الشركة وضارت عندو)كنعاود نشكرك انزاار

نزار:ديك شكرا ديريها فالخبز وكوليهااا(ضحكات نجود ونطق)متبقايش تقوليلي شكرا أنجود….اليوم هو لول فالشركة ياك

نجود:(حركات راسها بآه)كيخدمو غير بواحد لكتاب فيه شي أنواع دلمايكپ خاصني ضروري نتحرك هاد الشركة ديالنا كاملين ونهار لول بغيت نخدم فيها منين دزت من دوك المشاكل مقدرتش نجي حتى مرة…

نزار:(شافها كتفرك فصباعها عرفها متوترة ونطق)غادي دخلي وراسك الفوق وريهوم كلهم شحال نتي قوية وغادي تنجحي إنشاء الله…

نجود:يالاه دخل معايا(صوناليه تيلي وشافتو عقد حجبانو ونطق)

نزار:خاصني نمشي لخدمة فلعشية نجي عندك…

نجود:(شافتو ماش هو هداك ونطقات)واش واقع شي مشكل أنزار

نزار:لا مكاين والو انجود…(حيد لكاسكيطة ومسح على شعرو مرجعو اللور وهي هاد لحركة خلاتها تسهى فيه حتى فيقها تيلي لقات هود كيعيط شافت فنزار)

نجود:خويا كيعيط يالاه خاصني نمشي بسلامة(دارتليه باي باي بيديها وخرجات بقى متبع ليها لعين تادخلات عاد تحرك وهي تمات داخلة مبتاسمة وتايقة فنفسها وهما غير شافوها كلهم بقاو كيشوفو فيها بإعجاب ومصدومين مظنوهاش غتكون فهاد الحالة بالنسبة لوحدة مات حبيبها وغابت على عالم سوشيال ميديا….تمات طالعة للفوق دقات ودخلات عند هود هاد الأخير لي شافها وابتسم مشات عندو وعنقاتو)

هود:(كيشعكك فشعرها)اححح زنطيط لفار ديالي توحشتك(هز يديها لفوق وكيضور فيها)هاي هاي…على التبوووكيصة تاااني (قرسها فخدودها)جيتيي فنة الحب

نجود:(كضحك وشداتو من شعرو مهبطاه)بسم الله عليا غااادي تعينييي

هود:(قرسها فنيفها)آش فيك ميتقوس…(سمعو لباب تحلات ودخلات جوليا كتجري منين شافت نجود)

نجود:(عنقات ختها مزيرة عليها)

جوليا:هححح توحشت لكبيدة ديالي فرحت بزاف منين جيتي للشركة وزدتي خطوة للقدام شحال دوينااا معاك ومسمعتيش ليناا بغيت نعرف كيف قدرتي اقتنعتي(قوسات عينيها)

نجود:(ابتسامة خفيفة منين تفكرات لهضرة دنزار مكاينش من غيرها لي وقفاتها على رجليها غمزاتها ونطقات)هدشي سر ألالة جوليا

جوليا:(ضحكات)امممم غنعرف غنعرف ازين يالاه معايا نمشيو نشوفو لمكتب ديالك…

نجود:زيدي(شافت فهود)هاحنا جايين(خرجو مشابكين بليدين فحال شي زوج بنيتات صغار حلات باب لجناح ديالها ومع لباب حلات حتى فمها كان كبير طلاء لجدران فلوردي مفتوح وبنفسجي وواحد لحيط مرسوم فيه عكار وپانسو دلمايكپ بطريقة محترفة لبيرو فلوسط وعلى ليمن طاولة كبيرة مستف فيها جميع أدوات لمايكپ وفليسر جليسة بليفوطوي وعاد كاين لبالكون كيطل على لمدينة والواجهة دالشركة ابتسمات بفرح متوقعاتوش يكون فهاد الجمالية)

جوليا:إوا كيف جاااك

نجود:(مبتاسمة)تمامااا كيف كنت كنتخايل منين كنت صغيرة كيفاش بقيتو عاقلين أجنون(ضحكات)

جوليا:(شافت فيها)صراحة ليث لي بقى عاقل وهو لي قادو واختار الأثاث والالوان وحتى كيفاش محطوطة كل حاجة فبلاصتها…

نجود:(جلسات فلكرسي لي قدام لبيرو وتنهدات مبتاسمة آخر لقاء مكانش مزيان منين كان باغي يديها للمركز قاتليه كنكرهك وبزاف دلكلام جارح هي عارفة أنه باغي مصلحتها وخايف عليها بقى فيها لحال وشافت فجوليا)واش كاين فلبيرو ديالو

جوليا:لا مكاينش خرج هو وابتهال ولولاد للبحر(جلسات قدامها وابتسمات)وجهك نور والله انجووود كيف دايرة علاقتك مع نزار 

نجود:(هزات كتافها)عادي كيف بغيتيها تكون…

جوليا:(ضحكات)اممم مكاين تاحاجة زعماا

نجود:(فهمات شنو بغات تقصد ونطقات)جوليا واش كنبان ليك أنا مسالية لهدشي دبا خليني نجمع غير راسي ونحاول نوقف على رجلي هاد الساعة كنفكر غير فحياتي لي ضاعت فالخوا لخاوي قوليلي لخريف قرب يدخل شنو لموضوع لي غاديرو جيبيلي ملف يكون فيه جميع التفاصيل باش نبدى لخدمة نتي بديتي ترسمي

جوليا:(عيطات لسكرتيرة وطلبات منها تجيب الملفات كاملين ونطقات)اناا قربت نسالي….(تفكرات)فخباارك سيمون ولا خدام هنا

نجود:(تفاجئات)واايلي واش بصح…

جوليا:اه ليث لي خدمو بغى يبعدو على طريق العصابات والإجرام هو لي مقابل السلعة يعني كيقوم بالحسابات وكيقيد السلعة لي خرجات ولي دخلات
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بــــــارت363

نجود:مزيان أحسن حاجة دارها (دخلات سكرتيرة وشدات من عندها الملفات)

جوليا:2هادي يالاه نمشيو نتغداو

نجود:مافيا مانخرج والله غنطلب شي حاجة ونجلس نخدم توحشت خدمتي(ابتسمات وجوليا خلاتها على خاطرها وخرجات مع هود أما نجود طلبات بيتزا دفواكه لبحر وجلسات تاكل وتخدم تادخل عليها سيمون قاتهاليه جوليا..)

#عند_ابتهال_وليث

(متكية لفوق فمقدمة لباطو جامعة يديها تحت عنقها ودايرة نظاظر دالشمس حسات بيه جلس حداها وكيطبع قبلات فكرشها متفرقة وهي كتلوى وتضحك حيت كيهرها)ليث ههه رسى

ليث:(طالع بقبلاتو حتى وصل لفرقة صدرها ودفن راسو تما وهي بعداتو عليها كضحك)

ابتهال:ليث دباا يشوفونا دراري رسى مااشي هناا….

ليث:(تكاها وابتسم)دراري لتحت كيعومو مغيطلعوش هناا (طلع فوق منها وهمس حدى ودنها)معند دينمك فين تهربي…(تلاح عليها بلبوسان ولعضان عيات تدفع فيه وتقوليه راه غيطلعو ويشوفونا وهو مدايهاش فيها حليها لمايو بقات غي بسوتيان مايو نيت كتلبسهم تحت سوفيطمة لي كتسد من اللور حط يدو مور ظهرها باش يحل ديك العقدة دسوتيانات وهما يسمعو شيحد طالع دغيا دفعاتو بعيد وسمع شيحد كيعيط من لتحت)

قسم:بابااااا واابابااا

ليث:(ضرب جبهتو ونطق)مااا بََّاااين حد أناا معنديش لولاد

ابتهال:(ضحكات ونغزاتو)ومنين جبت هادييك لبنت من الزنقة

ليث:(باسها فنيفها كيضحك)عارف معند دينمي زهر خاصني نسافر أنا ويااك لشي جزيرة ونجلسو بوحدنا شوية(حشى راسو فعنقها كيبوسها وسمع قسم وتوماس كيعيطو سخط وناض)هاناااااااا جااااااي (ساط معصب)-/لاويي(شاف فابتهال لي كضحك عليه ونطق)تسنااي هاني جاااي مزال ماسالينااا(تم هابط عندهم ونطق)هانا هبطت علاش عيطتو

قسم:(جراتو من يدو حتى هبط لمستواها ونطق)بابااا بغيت نعومو

ليث:(كيشوف فلابيسين جاي دائري وسط لباطو قبط فيديها ونطق)على دبا شنوو كاديرو أقسوومتي

قسم:بغينا نعومو فلبحر ماشي فلابيسين لي هنا بلييز هبط معانا ابابا حبيبي عفااك(شافت ابتهال هابطة وكتجمع شعرها)
مامي واش غتهبطي تعومي

ابتهاال:على شنو جينا نديرو هنا أحبيبة ماماها(باستها فخذودها  ومشات عند توماس كتبوس وتعنق فيه)روح ماماه غتهبط تعوم فلبحر كتعرف تعوم ياك

توماس(حرك راسو باه مبتاسم)كنعرف مزياان أماما

ليث:(هز قسم)فين شومبرير ديالك اقطيطتي

قسم:(ضحكات)كنعوووم بلا بيه ابابا حبيبي

ليث:(تفكر نهار تلاحو فلبحر منين كانو فالجزيرة ونطق)لبسيه ابنتي باش ميستكتليش هاد لقلب لي مرضااتو مك(شاف فابتهال وضرباتو فذراعو)احح شفتي ابنتي ماماك شنو كادييير كتحكر علياا….(شاف فتوماس)هزنا لماء اولدي غيوليو لعيالات يضربوونا(طرطقو بالضحك كاملين غير حط قسم مشات كتجري طلعات فوق لحديدة وهو بلق عينو)قسم هبطيييي بلاااا(مزال ماكمل هضرتو وهي تلاح فلبحر فحال شي سردينة ههه وتوماس مشى كيجري وتبعها تاهو وضرب ليث جبهتو )تسنااااو تانهبطوووو كاااملين…..

ابتهال:(ضحكات ومشات عندو باستو فشفايفو ونطقات)حيد تيشورت الحب وتبعنا….(تمات غادة وتلاحت فالمااء)

ليث:(طل عليهم عاقد حجبانو)غييير لي يمشي ويخليييكم هنااا تايدوز فيكم شي روكاااان…..(ضغط على واحد الزر ونزل واحد السلوم من لباطو للمااء باش منين يبغيو يطلعو فحالهم يطلعو فيه حيد تيشورت وتلاح وكيشوف فقسم كيف كتعوم ونطق)أجييي البخوووشة ديااالي(مشى عندها وهي هاربة وكيضحكو وابتهال كتغرق فتوماس وهو كيطلع فوق منها شد ليث قسم مطلعها فوق عنقو وكيعوم برجليه ومشى عند ابتهال شدها من شعرها وهبطها كلها تحت الماء وتوماس تاهو متافق معاهم وقسم كتغوت)

قسم:باااااابا براكة راه غتقتلهاا حشووومة عليك….(كتفك فيه حتى طلقها وطلعات ابتهال راسها وكتكح وتحك فعينيها غير شافت ليث تلاحت عليه مغرقااه وطلعات فوق منو وقسم تاهي تحامات عليه هي وتومااس)

ليث:(تحت لماء مغمض عينو وبدى يخور فابتهال حتى بعدات منو وخرج راسو كيضحك جار شعرو اللور)

ابتهال:(اخنزرات فيه وقربات منو وقرساتو فحجرو حتى غوت)

ليث:(شاد فحجرو وكيخنزر فيها)ناااااري ونشدك ابتهااال

توماس:(كيضحك)عمو ليث مااالك

ليث:(شاف فيه وغمزو)اجي لهنااا (جابو حداه معنقو)شباااليك نباليو بهادوو

ابتهال:(قبطات فقسم ونطقات)باباك وتوماس كيهضرو فينا أقسوومتي….(شافتهم جايين ونطقات)هربييييي هربييي(تمو غاديين كيعومو وهما تابعينهم حمقوهوم بقاو كيضورو على لبااطو حتى حاصروهوم ليث وتوماس واحد من جيهة ولاخر من جيهة لاخرة ومشاو عند قسم هي لولة كيهرو فيها ويهزوها تالفوق ويلوحوها فالماء وكيضحكو)

قسم:(كتكح)براااكة أبابا ياااك تانتا كتحااامى معاهم علياااا(اخنزرات فتوماس)مصدقتييييش

توماس:(كيذبل عويناتو)سمحيلي أكسم غير كنت كنضحك معاك

قسم:(ابتسمات بشر)إلا بغيتي نسامحك نلعبو السباق إلا ربحتيني نسامحك

توماس:(كيضور فعينيه)أكيييد غتسامحنيي

قسم:(كمشات عينيها)يعني كتحداني
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت364

ابتهال:(كضحك)أوو تحدي كبير هذاا أقسم حتى توماس ماساهلش

قسم:(بتفاخر)ماشي قسم إلا مربحتوووش

ليث:(ضحك بالجهد وعنقها)البطلة ديااااالي انااا ههه يالاه (قاد بلاصتهم بزوج ونطق)نحسب حد 3 غادي تنطلقو حتى لديك(كيشير لواحد الحجرة بعيدة شوية باينة بوضوح حيت الماء مازال ماطلع عليها ونطق)لي طلع لول هو لي غيكون رااابح

ابتهال:(بقلق)ليث عنداك يكون شي حجر لتحت ويجرحهم….لحوت واش ميكونش تماا….

ليث:متخافيش هاد لبلاصة كلها محمية شحال عمنا صغار انا وهود وحتى مؤخرا جينا لهاد لبلاصة نيت لحجر فالقاع لتحت مغيقيسهومش(شاف فيهم)يالاه ….(هز يدو)1….2…..3(غير كملها وانطلقو فحال صاروخ وابتهال وليث كيضحكو ضار عندها وعنقها من خصرها)هححح هاحنا بقينا بوحدنااا ابنت قلبي

ابتهال:(حاطة يدها مور عنقو وميلات راسها)وهاحنا بقينا بوحدنا شنو زعما أزين

ليث:(جرها ملصقها مع سلوم لي هابط وحط يدو فوق مؤخرتها مبتسم بشر)غنلعبو شوية

ابتهال:(ضحكات)ههه وااااش حماقيتي أليث فلبحر تسطيتي ولا لاااا

ليث:(هز كتافو)عمرناا جربناها نجربوها دبااا احياتي ونسميوها كوية في أعماق لبحااار…(ضحك)كيف جاك لعنوان

ابتهال:هههه مزوجة بسبونجبوب أناااا (رشاتو فالماء)طلق مني المصيييبة (كتفك يدو منها)

ليث:(خشى وجهو فعنقها ويدو طالعة نازلة مع ظهرها وكيبوس فيها قبط يديها بزووج وشدهم ليها اللور وهي كتنتر منو شاف فيها وكيضحك)غوتي والله لاطلقت منك….(سمع قسم كتعيطلو وضار غفلاتو ابتهال وهربات كتعوم…)

قسم:(واقفة فوق لحجرة وكتغوت باش يسمعها)باابااا ماماااااا أنااااا لي ربحت (كتنقز كانت غاطيح كون مشدهاش توماس)

توماس:(شاد فيها)كسم بشوية عنداك طيحي

قسم:(كضحك وخرجات لسانها)متخااافش مغاديش نطيح ههه ربحتك ربتحك….

توماس:(جر شعرو اللور مبتاسم هو خلاها تربح فآخر لحظة حيت كان سابقها مابغاش يشوفها مقلقة ونطق)شنو دبا مسامحتينيش…ياك?

قسم:(دارت صبعها كتفكر وابتسمات)سامحتك(شافتو هز يدو غيسلم عليها ومدات يديها سلم عليها وحط إبهامو فوق إبهامها ولواهم بزوج للتحت حتى رجعات على شكل قلب غير من صباعهم ضاروه قسم عجباتها ودارت يدها على فمها كضحك بعفوية….)زوينة بزاااف

توماس:(ابتسم حتى بانو غمازاتو ونطق)هادي غتكون هي التحية ديالنا منين نتسامحو ومنين نبغيو نواعدو ونقسمو لبعضياتنا نديروها غادي تكون فحال الإمضاء لشي حاجة وفينا بيها وتكون رابط لصداقتنا(ميل راسو)موافقة أشكيليطتي

قسم:(حركات راسها بآه مبتاسمة سمعو لحس وضارو لقاو ابتهال)

ابتهال:(كتنهج وتشوف موراها كضحك لقات ليث تابعها دغيا جلسات حدى قسم)أووو سي توماااس ماشي حشومة تغلبك امراة…

توماس:(مبتسم بخجل)ماشي مشكل اماما لاربحات كسم فحالا ربحت أنااا

ليث:(وصل عندهم ومقوس عينو فابتهال وكيتحلف فيها شاف فقسم وضحك)البطلة دياالنا (كيهرها)كتعومي فحال زرغمييلة (بقاو كيعومو ويغرقو ويلوحو بعضياتهم حتى نطقات ابتهال)

ابتهال:(كتقيس فكرشها)ناااري جااني الجووع

توماس:حتى أناا فيا جوووع(شاف فقسم)ونتي

قسم:(حركات راسها بآه)

ليث:صافي يالاه نرجعو راه من قبيلة وحنا نعومو نسينا راسنااا(حط ليث قسم مور ظهرو وعام بيها وابتهال قبطات فيد توماس وحطات يدو فوق ظهرو وبقاو كيعومو حتى وصلو للباطو وطلعو نشفو جسمهم مزيان وبدى ليث وابتهال يقادو سوندويشات دلاداند مع مطيشة والخس ولاصوص و لموناضة وقسم وتوماس عطاوهم عصير كلاو وجمعو دكشي جلسو تحت الشمس كيتبرونزاو وداتهم عينيهم عياو حتى بدى يظلام الحال وفاق ليث لقاو راسهم وصلو للميناء حيت كان مبروكراميه فيقهم ولبسو حوايجهم وهما مسخسخين وصلو للڤيلا يالاه بغاو يدخلو وبانوليهم لبوليس واقفين قدام لباب شافو فبعضياتهم بعدم فهم ونطق ليث)خليك هنااا(خرج من لوطو وتمشى عندهم مقوس عيينه ونطق)شنووو واقع هناااا…..

~~~:كنقلبو على مدام ابتهال رغد (شافها خارجة من لوطو ونطق)خاصك تفضلي معانا لمركز الشرطة أمدام

ابتهال:(عقدات حجبانها)علاااش….

~~~:نتي متهمة بقضية اختطاف توماس ثورن(دار إشارة للبوليس لي كانو حداه وتمشاو جيهة لوطو مخرجين توماس لي مافاهم والو)

ليث:(بغضب)شنوووو كتقووول نتا شمن اختطااااف ولا زبل تومااااس ولد خوهااا علاش غاادي تخطفوو…

ابتهال:(شافت فيهم معصبة ومشات عندهم كتجر توماس)طلقووو منو ماتقيسوووووهش معندكم فيين تدييييوه

~~~:(مشى عندها)عفاك امدام بلا ديري لمشاكل(وراها لورقة)هذا أمر باش ناخدو لولد ونسلموه لولي الأمر دياالو…

ابتهال:(عاقدة حجبانها)شكوووون هاد ولي الأمررر بااااه ماااات ومو رماااتو وزاااادت خلفة شك.(مزال مكملات هضرتها وسمعات لوطو جاية ضارت وبقات تشوف فيها حتى حبسات حداهم وخرجات امراة تكون فبداية التلاتينات بشرة بيضاء شعر قهوي وعينين فلخضر لابسة كسوة فلموطارد بلكمام وقصيرة حد لفخاض تمات جاية جهتهم وابتهال حسات بتوماس طلق من يديها ومشى)
كيجري عندها….)

توماس:(تلاح عليها معنقها)مامااااااا

~~:(كتشم ريحتو مبتاسمة)ولدي لحبيب……

ابتهال:(بقات مبلوكية مامصدقاش)لا مي.كنش….
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت365

توماس:(تلاح عليها معنقها)مامااا

~~:(كتشم ريحتو مبتاسمة)ولدي لحبيب…

ابتهال:(وسعات عينيها بصدمة)كي..فاش

ليث:(بعدم فهم)منين خرجاات هاد مو تاني…(شاف فلبوليسي)هااااد لمرااااااة لاااحتو وخلاتو عند بااااه من نهاااار تولد دبااا عاد باااان ليها ولدهااااا

ابتهال:(مشات عندها واخنزرات فيها)نهار ولدتيه وعطيتيه للوكاس مقاااابل لفلوووووس مكااااانش عندك ولد دييييك السااااعة دباااا عااااد ولى عندددددك(قربات منها وكتضربها بسبابتها)شحاااال بغيتييي تاااني باش تخلااااي عليه

توماس:(تقلق)عمتي متقووووليش هكا على ماما بابا هو لي ماكااانش كيخليني نشوفها كانت ديما كتجيييي للڤيلا وهو كااان كيضربها ويجري عليها(غوت حتى بانو عروق جبينو وولى حمر)هو كااااان كيضربها وكيغوت علياا منين كنقولو بغيت نشوووووفها وكنا كنهضرو غير فتيلي انا وياهاااا(عنق ماماه وكيحرك راسو يمين وشمال)ماما متخلاتش علياا هو لي بعدها عليااااا هو لي حرمني منهاااا

ابتهال:(زيرات على عينيها بغضب ومسحات على وجهها شافت فيها ونطقات)علااااش داار هكا أمممم عطيني شي مبرر
ساندي:(نزلات عند توماس)ولدي طلع لطوموبيل شوية ونجي عندك(باستو وضار شاف فابتهال بعينين حومر)

توماس:(عنق ابتهال)حتانتي غتبقاي ماما وغنبقى نجي عندك نشوفك نتي وكسم….(شاف فقسم لي هازها ليث ودارليها باي باي ومشى ركب فلوطو)

ساندي:نهار حملت بيه بصح مابغيتوش حيت مكانش عندي لفلوس باش نربيه غير غادي نكرفسو معايا فحياتي لموسخة وبغيت نحيدو لكن لوكاس منعني شرالي دار وبدى يحطلي كل شهر لفلوس فحسابي ولقالي حتى خدمة فواحد الشركة ولدتو دازت ايام بغيت نتزوج بواحد الراجل لكن لوكاس منعني قالي غنحيدليك لولد حيت مابغاهش يتربى مع شخص آخر أنا مابغيتوش يتحكملي فحياتي وتزوجت بداك راجل ولوكاس جى وخدى مني توماس حرمني من شوفتو هاد السنين كاملة(قربات من ابتهال ناطقة بحدة) ولكن دبا مااات وغااادي ندي ولدي معاياااا

ابتهال:(زادت قربات منها ونطقات ببرودة)هاد القصة كلها مدخلاتش ليا لراسي وعارفاك كتكذبي غير من عينيك لي كيضورو فبلاصتهم…

ساندي:(زيرات على فكها وتمات غادة ركبات فلوطو ومشات)

~~~:مدام ابتهال خاصك تمشي معانا لمركز الشرطة باش تعطي أقوالك….

ليث:(تم جاي وقبط فيدين ابتهال)غييير سير نتا حنى غااادي نتبعووكم مع المحامي دياالنا

~~~:(حرك راسو بواخا ومشى)

ليث:(كيعيط لنزار لكن تيلي طافي ركبو فلوطو هو وابتهال وتحركو لكوميسارية وصلو مع المحامي نيشان بقى كيتسناها هي والمحامي قدام غرفة التحقيق شوية وتمو خارجين ومشى عندهم)شنووو وقع

المحامي:متخافش مدام ابتهال سقطو عليها التهمة لأنها كتبقى عمتو وحتى إفادة لولد نفعاتنااا

ابتهال:(شافت فليث)توماس غيمشي معانااا

ليث:(هز حجبانو)كيفاش…??

المحامي:حيت مزال مكاين شي دليل كيبين بلي هو ولد مدام ساندي مكتربطهم لا صورة ولا نسب ولا أي علاقة فهاد لحالة لولد خاصو يبقى مع أحد من افراد العائلة على ما يتأكدو من الأمر وديك الساعة غيديوه

ابتهال:(مسحات على وجهها)واش مكاينش شي حل باش يبقى معانا حنااا

المحامي:للأسف ميمكنش حيت ساندي كتبقى ماماه وهي لي عندها الحق باش تاخذ الحضانة ديالو….

ليث:وبالنسبة للدلائل شنو تقدر توريهم

المحامي:تقدر توريهم مراحل حملها يعني صور الجنين والتحاليل ويقارنو السن بين مرحلة حملها والسن توماس وأقوى دليل هو توماس حيت هو كيعرفها منين كان صغير….

ابتهال:(تنهدات وجلسات شادة فراسها)

ليث: فين هو توماس

المحامي:فديك لقاعة شوية ويجيبوه ليكم….

ليث:شكراا ليك(طبطب على ظهرو ومشى عند ابتهال عنقها)دباا نلقااو شي حل ابتهاال….

ابتهال:(زيرات عليه وحاطة راسها فوق كتفو دقائق وخرج توماس شافتو ومشات عندو كتلمس حناكو)توماس حبيبي مزياان

توماس:(حرك راسو باه ونطق)فين هيا ماما….

ابتهال:مشغولة دبا غتمشي معانااا

توماس:(معبس وجهو)ولكن هي واعداتني أنها غادي تجي ديني منين نحاربو لوحش

ابتهال:(بلقات عينيها وقبطات فيديه)توماس ششش حشووومة هداك باباااك شكون قاليك هاد الهضرة

توماس:(هز كتافو)هو كان ديما كيضرب ماما حتى كيبقى يسيل ليها الدم وواحد النهار ضرب راسها مع لحيط(بغضب)اااه هو وحش

ابتهال:(شافت فليث ورجعات شافت فيه)لا باباك ماشي هكااا أتوماس باباك كان مر…

توماس:(قاطعها)أنا مكنبغيييهش متبقايش تجبديه(ربع يديه)بغيت نمشيو فحاالنااا

ابتهال:(ساطت بتعب)صافي واخا أولدي(قبطات فيه وتمو خارجين ركبو فلوطو ومشاو للڤيلا….)

#عند_نجود

نجود:(هازة واحد الدفتر)هانتا شوف كيف جاااك هذاا ياك حسن من لااااخر

سيمون:(حاط يدو فوق لبيرو وكيشوف فيها)زوين فحااالك

نجود:(ضرباتو فذراعو)براكة من الطنز اسيمون كنهضر معاك دبااا واجااوبني(سمعات شيحد كيدق ونطقات)دخل….
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت366

نزار:(حل لباب وتم داخل حتى كيلق سي سيمون جالس حدى نجود)
وهاز خصلة من شعرها كيلعب بيها زير على قبضة يديه وغير شاف فيه سيمون ضرب ليه واحد تخنزيرة وعينين مقوسين بغضب)

سيمون:(شاف فيه وضور وجهو معندوش معاه من نهار لي شدو بتهمة لقصر دآرثر لي تحرق)

نجود:(شافت نزار وابتسمات)نزاار تعطلتي…..

نزار:(سد لباب وتم داخل وعينو مافارقوش سيمون ونطق)شنو كادير نتا هنااا

سيمون:(ناض من لبيرو وتم غادي عندو)جالس حدى صاحبتي عندك شي مانع….

نزار:(ضحك بالجهد وشاف فنجود كيشير ليه بسبابتو)هذا شنوو كيقوول

سيمون:(هز سبابتو وقاسها فكتف نزار بسخرية)أصلا نتااا لي شنو كااادير هنااا

نزار:(قبط صبعو ولواهليه حتى خرج عينو قرب يهرسو ونطق مغدد)أناااا هو لي غيعاااود ل—بة دمك التربية ملحتش مك فلحبس لمرة لي فاتت حيت ليث رغبني لكن هاد لمرة مغاديش يحالفك الحظ ملفك باقي مفتوح وفأي دقيقة تلقى راااسك فلحبس(نجود قابطة فنزار كتحاول تفكو وهو عاد زاد قرب من سيمون وحط يدو فوق كتف سيمون مزير عليه ونطق بحدة وعينيه حومر الدخان خارج من ودنيه)نعااود نشوفك لكلبة دمك كاضور حداهاااا لساااانك نقطع دينمو من الجذر ونحطو قداامك(زاد زير على صبعو وهو كيتلوى)فهمتي العشييير ولا لاااا

سيمون:(تعصب محملش يبين قوتو قدامو وخصوصا قدام نجود ونطق بغضب)شكووون نتاااا أ-/بي باش تهددني وتعطيني فالأواااااامر

نزار:(شير لنجود)هااااديك امرااااتي(وراه خاتم دالزواج)نشم ريييحت ل—ة دمك حداهاااا غادي نتفاااهم مع خوياااا مزيااان يالاه خرج ت-/ود….

سيمون:(تصدم وبلق عينو شاف فنجود وكيسولها واش بصح بعينيه حتى حركات راسها بآه شاف فيديها ونطق باستهزاء)منين امرااتك علاش مدايراااش لخاتم الدزواااج

نزار:ماااحد هاد لخاااتم فيدي هي امراااتي والشي لاااخر مكيهمش البطل(طبطب على ظهرو بسخرية)

سيمون:(زير على قبضة يديه وضحك)ههه تيقتي راااسك اعشيري نعطيك نصيحة باش متصدمش من بعد(قرب وجهو قدام نزار ناطق بتهجي وكيضغط على لحروف)

“بلا متحلــــم نجود عمرهـــــا غادي تبغيــــك حيت هي كتبغــــــي لوكــــااااااس “

نزار:(العافية شعلات فيه وشدو من كول دلاڤيست قاجو ولصقو مع لحيط جمع قبضة يديه وعطاهاليه لوجهو وحدة مور لاخرة حتى بدى دمو يسيل ونجود كتحاول تفكو وتغوت لكن بدون جدوى نزار تعماو ليه لعينين مابقى كيشوف والو ومكيسمع والو من غير هضرتو….
“بلا متحلم عمرها غادي تبغيك حيت هي كتبغي لوكاس”
هاد الجملة كانت كافية تفتح جرح لي بنى عليه آمال وسدو ترددات فمسامعو مليون مرة وترفع يديه كضرب سيمون ولكن عقلو غايب حتى حس بشيحد جرو من اللور)

هود:(جرو بعيد وكيشوفو مبلوكي غير ساهي بدى يصرفق فوجهو) نزااااار نزاااااار كنهضر معاااااك

نزار:(عاد فاق من سهوتو وكيشوف فسيمون شاد فنيفو وجهو عامر بالدم)

هود:واااااش تسطيتي نتاااا كنتي غتقتل لولد

نزار:ولكن مماتش لمرة جااااية غادي نصفيهااااا ل–ة دمووووو(هز سبابتو فاتجاه سيمون ناطق بغضب)إلا عاااااودت شفتك قريييييب منها رووووووحك نطلعهاااااا(مشى قبط فيد نجود وتم خارج)

نجود:(حالتو خوفاتها وبدات ترعد وكتنتر يدو منها)نزااار طلق منييي عفاااك….خويااااا اهئ اهئ

هود:(تبعو وشد فنجود كيحاول يبعدها عليه)نزاااار نتاااا معصب وراااك عارف رااسك كيف كتولي تمشي تفوت فيها شي دقققققة خلي حتى تهدن وتمشي معااااك راها خاااايفة

نزار:(جرها موراه ونطق بلغوات)واااااش عارف -/رك شكتقووووول فين عمرك شفتيني هزيت يدي على شي بنت لمرااااااة هادي لي كتهضر عليهااااا الدباااااانة لاقاستها نقتل مهاااااااا

هود:(حاط يدو فوق ذراعو كيحاول يهدنو)عااارف انزار لكن نتا عاارف نجود دازت من ظروف خايبة راها خااايفة منك ونتا فهاااد لحالة خليها تمشي معايا تالغداا وتلاقاااو دبا نتا معصب

نزار:(مسح على وجهو بغضب محاملش هاد الهضرة ضار عند نجود لي كتبكي ونطق)ششش متبكيش أنجود واش نقدر نآديك(بغى يمسح دموعها وبعدات وجهها خايفة)

هود:(جى وسطهم وكيشوف فنزار)نزاار صاف خليها تااالغدا

نزار:(ميل راسو باش يشوف فنجود ونطق بألم)بغيتي تمشي معاه واش خايفة مني(خدى سكوتها بآه وهي مخبعة فهود طلق من يديها ببطئ كأنه ماساخيش بيها ومامتيقش….)

نجود:(هاد الحركة وعينيه لي كيشوفو فيها بخيبة كانت كافية تخلي نجود يزيدو يهبطو دموعها بحرقة ندمات وبقى فيها…لأول مرة فحياتها منين كتقول لا يعني لا….مبغيتش نمشي يعني مابغيتش..بغات تهضر معاه وتقولو متفهمنيش غلط أنا مخايفاش منك…لكن دغيا عطاها بالظهر ومشى بسرعة البرق من حداهم وبدات تبكي بالجهد وهود عنقها ندمات على دكشي لي دارت كتسول راسها فين عمرو هز عليها يديه ولا جرحها بشي كلمة باش تخاف منو علاش عاملاتو هكا بعدات على هود كتمسح دموعها ونطقات)غنمشي للحمام…(مشات وغسلات وجهها)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت367

هود:نجود فين غادة

نجود:(بتعب)غنمشي للدار

هود:(كيشوف فالساعة)مشى لحال دبا أنا غادي نوصلك(خرج هو وياها ركبو فلوطو ديالو ووصلها تالقدام لڤيلا وهي غير ساكتة )

نجود:(حلات لباب وخرجات بلا متنطق بحتى كلمة حلات لباب لبرانية دخلات وسداتها وبقات كتمشى فداك للممر جلسات فالجردة شحال وهي تما وطالقة عنان دموعها كتسناه باش يجي  حتى حسات بشيحد حط ملاية خفيفة على ظهرها ابتسمات صحابليها هو غير ضارت لقات سونا الخدامة ونطقات)باش عرفتيني كاينة هناااا

سونا:موسيو نزار لي عيطلي وقالي غطيها بشي حاجة حيت كاين لبرد

نجود:(زيرات على عينيها بحزن وكتقول من إنا نوع هو قبيلة كتقولو كنخاف منك بعد مني ومشى فحالو ودبا خايف عليها هاد لحركات كلهم كيخليو ضميرها يزيد يأنبها ويبينليها شحال هي قاسية وشحال هو حنين عليها ونطقات)فين هو واش فبيتو…

سونا:لا امداام مكاينش فالدار

نجود:(عقدات حجبانها)وكيفاش عرفني بلي أنا فالجردة

سونا:من لكاميرة دالجردة

نجود:(تنهدات ونطقات)صافي غير سيري شكرا ليك(جلسات تاني وتكمشات فديك لملاية جامعة رجليها عندها وهزات تيلي منبعد مدة زعمات وعيطات ليه…..)

#عند_ابتهال_وليث

ابتهال:(جالسة فلبالكون كتشوف بعيد وليث جالس حداها وقابط فيديها منين جاو وهي ساكتة ونطقات)منين كنتفكرو مكنبكيش مكنحزنش……….كنبغي نتفكرو ونبتسم ولا نبكي حيت كنتوحشو لكن مكنقدرش……….بلا منشعر كنلقى راسي كنفكر فشي حاجة أخرى………(شافت فليث)للأسف ماخلى حتى ذكرة زوينة لي نتفكرو فيها بلمزيان خلى ذكريات خايبة…….خااايبة بزاااف…….
خايبة لدرجة كنكرهو منين كنتفكرها مكنحسش بداك طعم الأخوة………سامحتو……😔……..لكن الجرح لي دارو فقلبي مستحيل يتنسى ولا يبرى…..منقدرش…….منقدرش أليث….ريحتو لي كنشمها فتوماس كتخلي التبوريشة تطلع معايا… ديك ريحة وشحال كنت كنكرهها(طلعات راسها للسماء ودموعها هابطين سخان على خدها)منين كنشمها جميع الذكريات لي حاولت سنين نمحيهم من عقلي كيرجعو ويدوزو قدامي واحد مووور واحد…….منين كتفيقني فالليل حيت كنكون كنغوت وكنقوليك معقلتش شنو حلمت……..(سكتات شوية ونطقات بحزن) غير كنكذب عليك……وعلى راسي حيت ذكرى……..(بألم)الإغتصاب ماباغاش تحيد من بالي…….فكل مرة تفكرتها كنحس بجسمي موسخ لدرجة كنبغي نطير الجلدة من بلاصتها……..(كتحرك يدها فوق جسمها وليث مكمش عينو بحزن حطات يدها فوق فمها)قاسني هناااا………
(كتهبط يديها لجيهة عنقها وصدرها)وقاسني هناااااااا………(دموعها هابطين وعقلها كيرجع دوك الذكريات وكتقيس يديها لي كيترعدو فجسمها بهستيرية فحالا كتمسح شي حاجة ودارت يدها فوق أنوثتها ونطقات بحرقة) قااااااااسني هنااااا……بلسانو وبصبااااااعو لعب……….
(مقداتش تكملها ووقفات بدات تبكي بالجهد وكتزير فجسمها وتمسح فيه وتحرك راسها بهستيرية……..)

ليث:(عينيه حومر مدمعين حالتها ضراتو فقلبو كيشوفها كيف مزيرة وكتمسح جسمها وقف وجرها عندو معنقها وكيحس بيها فحال شي خشبة متصلبة) ششش صافي ابتهااال فااات فااات متفكريييش عفاااك……

ابتهال:(مغمضة عينيها وكتفكر دوك الذكريات)شاااف لحمي كلووو شاف لبلاااايص لي ماخاااااص تاااحد يشووفهم من غيري أنا وياااك….خويا شاااااف لحمي كااامل اهئ اهئ خويااااا كان غيغتااااااااصبني لعب بصباعو وبسنانو فلحمي كاااامل أهئ اهئ قاس لحمي كلوو…..
(عنقاتو ومزيرة عليه وعلى جسمها كامل جسمها متشنج وراسها كتحس بيه مزير)زوج مرااات أليث زوووج 😭 وأنا كنكون ديما عبدة ضعييفة قدااامو ومكنقدرش نحبسوو

ليث:(كيشوفها كيف مزيرة عليه قبط فيديها لقاهم كيترعدو وظفارها مغروسين فلحمها حس بتنفسها كيقلال وكتخنق ونطق)ابتهااال تهدني تهدني ششش صافي نسااي لي وقع أنااا حداااك وعمري غنخلي شيحد يقيسك سمعتي أحياااتي أنا حداك شش(هزها دغيا ودخلها للداخل وبدى يقلب على الدواء ديال لكريز ديباكين مهدئ الصرع جبد كينة وعطاهاليها تكى فجنبها وحاشيها فحضنو كيمسح على ظهرها بحنية وهي عاد بدات تحس بجسمها كيترخف مابقاش مزير هزات يديها ببطئ وحطاتها مور ظهر ليث وزادت تحشات فيه معنقاه استحلات يدو لي كتلعب فشعرها ويحرك صباعو فعنقها وفراسها خلى جسمها يرتاح وقبلتو لي كل دقيقة كتقيس جبينها كتحسسها بالأمان والاطمئنان حتى داتها عينيها زاد غطاها مزيان وكيتنهد ماحدها مقدراتش تنسى دكشي لي وقع إلا أنه بصح آلم قوي حيت عارف ابتهال صباارة بزااف وقوية لكن وجعها فاض وفات صبرها ودبا غادي يهزو معاها وميخليهاش بوحدها لي حاملة هاد الحزن فقلبها باسها مطول فجبينها هز تيلي بغى يعيط لنزار وناض بشوية من حداها دغيا حلات عينيها قافزة وشداتو من يدو شافت فيه بترجي وعينيها حومر مدمعين ونطقات بنبرة ضعيفة)متخلينيش بقا حدايا عفاااك🥺
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت368

ليث:(رجع تكى حداها وعنقها)اناا حداك ابنت قلبي معندي فين نمشيي(باسها فحناكها بزوج)عمري نتخلى عليك سمعتي غنبقى ديما معااك(هز يديها باسها من برا ولداخل وتاهي باستو فيدو وزادت زيرات عليه كتحس براسها ضعيفة لكن منين كيكون حداها كيعطيها طاقة وقوة كتزيد تخليها تمسك بالحياة…حس بيها بدات تنعس وهز تيلي كيعيط لنزار ووالو تيلي ديالو طافي تنهد باغي يدوي معاه حيت آخر مرة لقائهم مكانش هو هداك عيط لنجود منبعد مدة عاد جاوبات)ألو نجوووود

نجود~(كتحك عينيها وتفوه عاد شافت راسها نعسات فالجردة ونطقات)خوياا لباس عليك….ابتهال وقسم مالين دار كلشي مزيان

ليث~كون جيتي كنتي غادي تعرفيهوم كيف دايرين(سمع الصقير ونطق)علاش ماجيتيش طلي عليناا أنجود اممم(سمع شهقتها ونطق)ماجيتيش حيت خفتي نرجعك للمركز يااك خفتي مني وغتكوني كتكرهيني كااع

نجود~(كاتمة بكيتها)لا اخو.يا  م..

ليث~(تنهد)كون مكنتش خايف عليك مغااديش ندير هكا سحابليك كنت فرحان منين جاااو داوك وبقيتي كتطلبيني كلاااامك مابغااش يتنسالي مجرحااتنيش هضرتك منين قلتي ليا كنكرهك بقد ماجرحني منظرك منين كنتي فالمركز وكتغوتي وتقولي خرجوني قلبي كان كيضرني تمنيت كون كان دكشي لي كتعيشيه بنادم كنت غادي نقتلو بيديااا(بحرقة) واش عرفتي حاالتيي كيف كانت منين دخلت وشفت بنتي وختي الصغييرة فلبانيو وعاامر بالدم منين بغيت نفيقك ومحليتيش عينييك قلت صاافي مااااتت مشااات للمرة التااانية كنشوفك كتموتي قداااامي انجود للمرة التااانية حيااتك شاايطة عليك لهاااد الدرجة انجوود

نجود:(غير كتبكي ونطقات كتشهق)سمحل..ي   اخويا   عف.اك كنوااعدك مغنعاودش ندير شي حاجة فحالهكاا🥺

ليث:غنسمحليك إلا درتي عقلك ورجعتي نجود لي كنعرف

نجود:كنوااعدك اخوياا

ليث:(ابتسم)هكا نبغيك سمعت بلي رجعتي للشركة فرحت بزااف غدا إنشاء الله نتلاقاو تما وفالغداء نتغداو هنااا

نجود:(كتمسح دموعها)غدا منقدرش نجي للشركة تاللغذاء ونجي عندكم

ليث:علاش مغتجيش

نجود:عندي حصة مع بسيكولوج

ليث:(ابتسم)احسن حاجة درتيها مهم بغيت نسولك على نزار فين هو

نجود:(تفكرات دكشي لي وقع ونطقات)دابز مع سيمون فالشركة منبعد خرج ومعرفتوش فين هو

ليث:(عقد حجبانو)وعلااش دابزو

نجود:(كتعض فشنايفها أشنو غتقوليه مثلا دابزو بسبابي ونطقات)معرفتش اخوياا

ليث:(تافف)المهم منين يجي قوليلو يعيطلي راه من قبيلة وانا نعيط ليه وتيليفونو طااافي

نجود:صافي واخا أخويا…تصبح على خير….(قطعات معاه وساطت)فين غيكون تعطل بففف(بقات كتمشي وتجي بتوتر طلعات لبيتها هزات لكونطاك وتمات هابطة ركبات فلوطو وديمارتها وكتفكر فين ممكن يكون مشى….وصلات للكوميسارية وتمات داخلة وكضور فراسها عمرها جات لهنا وشداتها الخلعة كتشوف شي كمامر مشمكرين جارينهم وشي بنات الليل كيضحكو ولبوليس كيضربو فيهم بقات غادة وقلبها كيضرب تادخلات فشيحد هزات راسها ناطقة)سمحلي مشفتكش….(تمات غادة ووقفها بصوتو)

~~:نتي هي نجوود ياك

نجود:(ضارت عاقدة حجبانها)آاه هي أنا باش عرفتي…

~~:(مد يو سلم عليها)أنا فؤاد صاحب نزار

نجود:متشرفين اخويا فين نلقى نزار…!?

فؤاد:(يالاه غيجاوبها وقاطعو واحد لبوليسي)

~~:كومسير فؤاد القضية لي كان مستلمها كومسير نزار شنو غانديرو فيها كيف كتعرف دبا لكومسير توقف…

نجود:(بلقات عينيها بصدمة)كيف..اش شنوو كتقول كيفاااش متوقف

فؤاد:(عقد حجبانو)واش مكنتيش عارفة

نجود:لا مكنتش عااارفة شنوو واقع ممكن تشرحلي

فؤاد:(تنهد)للأسف نزار توقف على خدمتو لأجل غير مسمى

نجود:(موسعة عينيها)ولكن علااش مفهمتش…

فؤاد:نزار كان شاد واحد لعصابة فسيلون وكيعذب فيهم وكان مخلي قضيتهم مفتوحة يعني فحالا كيلقب عليهم كان كاذب على النائب العام وقالو بلي مزال مالقاهم وهدشي من طبيعة الحال ضد لقانون لخبار وصلات للنائب وتعصب بزاف كان غيوقفو بصفة نهائية لكن حيت عزيز عليه وهو كومسير معروف ومشهور بخدمتو المتقونة بغى غير يعاقبو ويبعدو مدة على لخدمة باش يحس بخطأو

نجود:(دايرة يدها على فمها مصدومة وعينيها دمعو هي سباب حيت قالها بلي غنعاقبهم عرفاتها عصابة ديال ميچيل ونطقات بتهجي)من فوق.اش هدشي?

فؤاد:من لبارح فالليل نتي مراتو حاولي توقفي معاه نزار خدمتو عزيزة عليه بزااف حالتو كانت خايبة منين حيدليه النائب سلاحو والشارة ديالو…(عيطلو واحد لبوليسي ونطق)نخليك خاصني نمشي

نجود:(حركات راسها بآه وهي باقا مصدومة ودموعها هبطو اكيد غيكون مضمر وهي زادت كملات عليه من الموقف دقبيلة هزات تيلي كتعيط ليه ووالو طافي مشات ركبات فلوطو وبقات تفكر طاحت فبالها لبلاصة لي كان داها ليها منين كلاو دوك لكاسكروطات مشات ليها و كتحاول تذكر دروبة لي دازو منهم تلفات وبقات تسوط خرجات من لوطو وكتضور راسها وكتحقق الشوفة)هذا هو الدرب لي دزنا منو اه اه هو هذا(يالاه غاضور باش تحل لباب وحسات بشي يد تحطات )
فوق خصرها دارت مخلوعة وهي تلقى شي 3دراري مشمكرين قلبها بدى يقفقف بالخلعة…)

~1~(قاسها فحنكها وبعدات وجهها)الزوينة شنو كاديري هناا بوحدك فهاد الليل..

~2~(كيضحك)ها باش غندوزو الليلة العشراااان

~3~(كيتفحص فخاضها لي باينين من ديك صاية لقصيرة ومع ليبة متقبة كيبانو سيكسي ونطق)هححح توووتة

نجود:(سمعات شي صوت دغيا ضورات راسها باغا تستنجد من شيحد)

~~:(جاي وكيخنزر فيهم)بعدو منهاااااا أولاد ل-/-اااااب ولا نخرط لشي تبي وجهوووو(دغيا طارو من حداه خايفين على شكون يقدر يهز فيه حتى شوفة شاف فنجود وكيحقق فيها مزيان تفكر ونطق)نتي مرات خويا نزاار

نجود:(عقلات عليه هذا لي كان جاي ووقف عليهم وكانت تخلعات وفلخر طلع نزار كيعرفو ونطقات)اه هي انا…

~~:وشنو كنتي كاديري اختي هناا كون ماجيتش كون تكرفصو عليك هاد لحومة راه كيزعمو على لبراني…

نجود:(كتفرك يديها)كنت باغا نمشي لديك لبلاصة لي فلوسط لي كياكلو فيها نشوف نزار واش كاين تماا

~~:قولي كتقلبي على خويا نزار(حركات راسها بآه ونطق)أنا نديك عندو ليوم بالي ماشي هو هدااك (تمو غاديين وهي موراه وكتضور فراسها بخوف وكتشوف شي أشكال لا حول ولا قوة وصلها لواحد العمارة مهجورة ونطق)غادي تلقايه لفووق فآخر طابق غير طلعي متخافيش هاد لبلاصة مكيجي ليها تاحد

نجود:شكرا ليك بزااف أخويا(ابتسمات معاه وتمات طالعة فالدروج لي كلهم محفرين حتى وصلات لآخر طابق لي فيه غير ساريات والسقف وواحد الجيهة مافيهاش لحيط كطل على لمدينة كاملة شافتو جالس وعضات شنافتها محسرة على حالتو بقى فيها بزااف)

نزار:(شاد فراسو ومغمض عينو وكيتنهد بتعب من جيهة خدمتو لي حياتو كاملة وهو مكرفس باش يوصل ليها ضاعت منو…..ومن جهة لإنسانة لي منين حلات عينيها فهاد لعالم وهو كيبغيها خافت منو ومابغاتش تمشي معاه ماعرف علاياش يحزن لكن لي ضارو فقلبو هو حبو لنجود لي كيكبر كل دقيقة….)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت369

نزار:(شاد فراسو ومغمض عينو وكيتنهد بتعب من جيهة خدمتو لي حياتو كاملة وهو مكرفس باش يوصل ليها ضاعت منو….ومن جهة لإنسانة لي منين حلات عينيها فهاد لعالم وهو كيبغيها خافت منو ومابغاتش تمشي معاه ماعرف علاياش يحزن لكن لي ضارو فقلبو هو حبو لنجود لي كيكبر كل دقيقة…..سمع لحس وعقد حجبانو متسائل شكون حيت هاد لبلاصة مكيجي ليها تاحد من غيرو ضار وهو يتصدم منين لقى نجود ونطق)نجووود شنو كاديري هنا

نجود:(تمشات جهتو ونطقات)تعطلتي وماجيتيش للدار كنعيط ليك مكتجاوبنيش انزاار(قربات منو وكترجع شعرها مور ودنيها وتعاود طلقو بتوتر)كنعتذر على قبيلة مكنتش فوعيي والله(قبطات فيديه وزيرات عليه)نتا هو الشخص لي مستحيل نخاف منو لكن قبيلة قلتها بدون منقصد سمحلي عفااك(كترمش بعينيها كتسنى شنو غيقول)

نزار:(تنهد ونطق)ماشي مشكل

نجود:(ابتسمات وميلات راسها ناطقة بشكل طفولي)سامحتيلي يااك يااك

نزار:(منظرها هكا فحال شي برهوشة صغيرة ضحكو ونطق)إييه سامحتك

نجود:(وسعات ابتسامتها عاد انتابهات ليدها لي باقا قابطة فيه طلقات منو وضورات راسها)المنظر من هنااا زوين بزااف

نزار:(قوس عينو)اجي بعدا شكون وراك بلاصتي

نجود:(تفكرات قبيلة دوك دراري وبدات ضور فعينيها)وراهالي واحد دري

نزار:(كمش وجهو)شكووون هذاااااااا

نجود:(ضارت وشافت فيه هازة حجبانها لفوق)علاش كتغوت

نزار:(مسح على شعرو كيحاول يتهدن)مكنغوتش قوليلي شكون هذاا لي جيتي معاه فهاد الليل وااش مخفتييش على راااسك

نجود:هو لي عتقني من دوووك شماكرية وبغيتيني نخااف منو (بلقات عينيها عاد طلعات معاها شنو قالت)

نزار:(قوس عينو كأنه مسمعش مزيان)كيفاش..شنو قلتي

نجود:(كتحاول تنسيه وضحكات)غير كنضحك جابني داك دري لي كنت ديك نهار خفت منوو ههه لي جا وقف عليناا وطلعتو كتعرفو بعضيااتكم عقلتي عليه ياااك هذاك ل

نزار:(قاطعها بغضب)متحاااوليش تنسينييييي هضري شكووون هادو وكيفاااااش عتقك شنووو وقع أنجوووووود

نجود:صافي عفااك بلا متسولني(شافتو اخنزر فيها عرفاتو معصب وسرسرات ليه كلشي مكتقدرش تخبي)كنت جاية وتلفت وقفو عليا شي شماكرية وهو جى غير شافوه هربو سولتو عليك وجابني لهنا صاافي هدشي لي كاين ماوقع واالو انزار والله

نزار:(زير على قبضة يديه بغضب وقلب الدورة هابط وهي تبعو)

نجود:(خايفة يدير شي كارثة وتبعاتو بخوف)نزاار عفااك الله يرحم لوااالدين بلا صدااع عفاااك(تبعاتو كتجري فالدروج)نزااار بلاتي راه غنطيح نزااااار

نزار:(سمعها وتم ضاير حتى كيلقاها غاطيح كون مشدش فيها كانت غادي تجي على وجهها عنقها من خصرها ووجهو قريب لوجهها فارقينهم سنتمترات قلال ثواني وهما كيشوفو فعينين بعضياتهم حتى قرب نزار شفايفو لفم نجود طابع بوسة طويلة ودار يدو مور عنقها متحكم فقبلاتو لصقها فلحيط وقابط فكها وهي حاسة براسها تبنجات مكانتش متوقعة هاد لقبلة بصفة نهائية حس براسو غرق فشفايفها ولا بقى هكا غيوصلو لشي حوايج لي متأكد هي ماباغاهومش بعد عليها وقاس شفايفها بإبهامو مدوز عليهم وكيشوف فعينيها فصمت ماجات فذهنو غير هدرة سيمون منين قاليه هي عمرها غتبغيك حيت كتبغي لوكاس زير على عينيه وتم هابط مخليها غير كتشوف وكيفاش تقلب بوحدو تمات هابطة تابعاه لقاتو غادي لديك الجيهة لي فالوسط فين ساكنين الناس شافتو وقف مع داك دري لي جابها وبدات تندب وتدعي مايوقع والو)

~~:خويا نزار متخافش راه وصيت شي دراري يقلبو عليهم راه ماشي ولاد لحوومة دوك لكلاب راك عارفنا كيف دايرين مكنحطوش يدينا على امراة وهاد خياتنا عمري شفتهم باينة غيكونو غير كانو كيضورو هنااا

نزار:(جامع تخنزيرتو)نشد ل—ة دمهم نفصل ليهم عظااامهم

~~:المهم هو ماوقع والو لمدام ولاخرين دبا يبانو….

نزار:(ضار وشاف فنجود واقفة وكتهز فجسمها غير قشعاتو وبدات تشير ليه وتم غادي عندها)

نجود:(شافتو وتلف ليها لكلام باقا كتفكر موقف دقبيلة شداتها لمركة ومقداتش طول شوفة فعينيه وقلبات وجهها)

نزار:(شاف حناكها حومر نطق وهو حابس ضحكتو)شنو بغيتي

نجود:(مالقات متقول ليه وبدات تلف فلهضرة)انا…والو..

نزار:(شافها كتشوف جيهة داك راجل لي كيقاد سندويشات ابتسم وقرسها فنيفها)فيك الجوع

نجود:(شافت فيه ناطقة بلهفة)اه اه فيااا الموت دالجوع

نزار:(ضحك)وا نااري مالك غير بشوية غادي تاكليني

نجود:(كتشم ريحت صوصيط ريوكها قربو يهبطو)

نزار:(سد ليها فمها لي محلول ونطق)زيدي زيدي قداامي (جرها من شعرها مزيدها قدامو وصلو لمحل لي كيقاد سندويشات وحاط حداه لباكيط صغير تقريبا النص دلباكيط لكبير ونطق نزار)عطيني واحد دي.

نجود:(قاطعاتو بلهفة)3 عطيني 3 ودير الحار الحااار كتر كتر منو كيعجبنييي(ضارت عند نزار لي حال فمو فيها وهاز حجبانو بصدمة ومول لكسكروط كثر منو نطقات كتفرنس)فياا الجوع متغديتش والله ماكليت من لفطور دالصباح
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت370

نزار:(كيضحك)عطيها عطيها بقالها شوية وتاكلني

نجود:(خرجات لسانها معوجاه دقائق وجلسو نجود كاتاكل ونزار هاز تيلي داير ڤيديو بلا متعيق بيه وحابس ضحكتو)

نجود:(فمها عامر وشافت فيه مكمشة عينيها كتهضر بتلعثم)كتصو..رني يااك كتص.ورني

نزار:(طلق ديك الضحكة ونطق)كتباني فحال مدام نوفيخة

نجود:(كانت كتشرب موناضة وطرطقات بالضحك حتى خرجات ليها لموناضة بششش فحالا شي رشاشة ووحلات ليها بدات تكح ونزار كيخرى بالضحك وناض كيضرب فظهرها وكيشربها الماء وهي وجهها ولى حمر النفس تقطعات فيها هزات قرعة لموناضة كلها هبطات عليها كاملة عاد تسرحليها حلقها ولقات نزار باقي كيصور ضرباتو بلقرعة دلموناضة خاوية بالزعاف هزات لباكيطة لي بقات وتمات غادة وهو ناض تابعها)

نزار:(هاز تيلي باقي كيسجل)ههه نجود أجي

نجود:(غادة وهازة شوكتها)بعد منييي

نزار:وينوووو ربع مترو ديالي مقلقة(تم غادي عندها وقلب لكاميرة سيلفي مصور راسو هو وياها جرها من عنقها حاشيها فحضنو وكيضحك)مدام نوفيخة ديااالي(كيجيب تيلي قدام وجهها وكيصورها وهي كتغطيه بيديها كضحك وهو كيحيدليها يديها)

نجود:(شافت فلكاميرة خرجات لسانها وحولات عينيها بشكل مضحك)

نزار:(خربق فشعرها)حمقة ههه(تمو غاديين ونطق)فين حطيتي طوموبيلتك

نجود:(شيرات لواحد الدرب)راها تما(ضارت عندو)شبان ليك فشي سباق

نزار:(ضحك)كدبري على شي كسيدة ياك

نجود:(بترجي)عفاك عفاك

نزار:واخا الالة يالاه زيدي نوصلك(وصلها لوطو وسبقاتو واقفة فسطوب ركب فلوطو ديالو وتبعها وقف وبقاو كيشوفو فالضوء لحمر ضور راسو فاتجاهها حيت حالين سرجم ونطق)غتخسريييي

نجود:دبااا نشوفو(خرجات لسانها وزادت فلموسيقى كتسمع الزدحة غير شافت الضوء لخضر انطلقات كيف الرعد ونزار تابعها وهي كضحك وتشوف فلمراية كتشوفو كيقرب يوصل ليها كتجي قدامو حتى لواحد لقيطة غفلها وسبقها جى قدامها وماخلاهاش دوز كتجي ليمن كيجي تاهو وفالليسر كذلك حتى تعصبات قلبات دورة من واحد درب وبقات غادة وخرجات من درب آخر وصلها نيشان للشارع لي كانو غاددين فيه وجات هي لولة بقات كضحك وكتشوفو من لمراية اللور)

نزار:(كيضحك وزاد فلڤيطاس حتى وصل حداها وطل عليها من سرجم)مشيتي فيهااااااا loser”خاسر”

نجود:(شافت سطوب آخر ابتسمات بشر وشافو فبعضياتهم مقوسين عينيهم بتحدي وبزوج زادو فلڤيطاس كيتسابقو شكون يوصل لول وصلو وكسيراو تمات خارجة نجود)ربحتك ربحتكككك

نزار:(كيضحك)يهديك الله رااه أنا لي سبقتك

نجود:(عاقدة حجبانها)لاااا أناااا لي سبقتك

نزار:(كيحك فذقنو) صلي على النبي راه أنا لول

نجود:(ضربات رجليها فالأرض بزعاف عارفة هو لي سبقها لكن غير بشوية ونطقات)سبقتيني غير قد هكا(دايرة صبعها على شكل قرسة)انا وياااك قد قد

نزار:(كيضحك)هههه مابقاااتش نتي لي ربحتي ولينا قد قد دبااا

نجود:(ربعات يديها مدلية شنايفها)

نزار:(قرب منو كيلعب فشفايفها فحال شي بيبي صغيور ونطق)ويييتك على لفنكووشة ديال باباهااا

نجود:(ابتسامة حزينة وبقات ساكتة)

نزار:(ميل راسو)نجود مالك

نجود:(بعينين مدمعين)بابا كان كيقولهالي منين كنت كنتقلق

نزار:(مردش لبال عاد تفكرتها تنهد وقبطها فذراعها)الله يرحمو ويرحم جميع المسلمين (ابتسم)لا مات هو أناا باقي حي حسبيني أناا هو وباباك

نجود:(شداتها الضحكة)اععع بابا كان شايب ونتا لاا

نزار:نصبغوو دين مو هاد الشعر غير بقاي ليا على خاطرك واخا

نجود:(كذبل عويناتها)واخا ابابا

نزار:(ابتسم)الرضى….تحرك الريح يالاه زيدي نمشيو (ركبو فلوطو ومشاو نيشان للڤيلا وصلو وتمو طالعين….)

🔱 بعد مرور 4 أيام 🔱

#عند_ابتهال_وليث

ابتهال:(ناعسة على كرشها عريانة كلها منبعد حربة عالمية نويية دامت من 12دالليل تال 5دصباح كيف كل نهار شعرها مغطي وجهها مخربق وبدات تحل فعويناتها وترمشهم بشوية طلعات عليها ليزار جاها لبرد حيت فصباح كيكون الجو بارد حركات يديها فوق لفراش كتفحص مالقاتوش وضورات راسها ناطقة)الليل كاامل وهو يكوي فياااا وفالصبااح علق مسولني حتى كييف صبحتي تفووو يلعن ديييينمك أليث(يالاه كملاتها وتحلات لباب)

ليث:(هاز صينية فيها لفطور لزوج الأشخاص وكيضحك)ماال هاد ليث تاني اشدااار

ابتهال:(شافت لفطور وناضت كضحك)كنبغي دينمو هاد ليث

ليث:(حط الصينية فوق ناموسية وتمشى عندها حاط يدو فوق خذوذها وقبلها فجبينها)كيف صبحتي احياتي

ابتهال:(باستو فشفايفو كضحك)هي هاديك الحب ناشطة سانك سانك

ليث:(تلاح عليها بعضة ويدو كتسارا فجسمها وكيهرها ويقيس فشي بلايص❌)

ابتهال:(شافتو بدى يديماري تاني وبدات تدفع فيه)نوض نووض عليا واش مكتشبعش لفطور غيبرد أخوياا خليني نفطر(دفعاتو عليها وناضت للحمام غسلات وجهها بالصابون ولبسات غير سوميج دلبارح لي كانت فلغوز بانت فيها فحال شي حبة فراولة خرجات من لحمام وجلسات فحجرو حالة فمها زعمة وكلني
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت371

ليث:(دهن لخبز بلفرماج وعطاه ليها)

ابتهال:طليتي على توماس كيف بقى شوية

ليث:(كيشرب قهوتو )لا راه مزيان متخافيش

ابتهال:(ابتسمات)أحسن حاجة درناها هي ختناه ديك موو باينة شي ماسونية تفووو

ليث:(كياكل)قلبت عليها عند شي معارف صحابي قالك كانت خدامة فشي كلوب دكشي ديال Sadism

ابتهال:(وسعات عينيها)اويلي السااادية…?!

ليث:(حرك راسو بآه)بغيت نلقى شي دليل لكن والو السيدة ضاربة حسااابها

ابتهال:(تعصبات)بنت لكلبة تفووو(بحزن)ليوم غيديو تومااس

ليث:(كيمسح على شعرها)غنبقاو نشوفوه راه غيسكنو غير هنا ابتهال…

ابتهال:(معبسة وجهها)ولفتو وقسم ولفاتو….

ليث:حتى هو ولفنا ولكن ابتهال متنسايش هاديك مو والمحكمة عطاتو الإختيار بين حنا و ماماه وهو اختارها

ابتهال:(بغضب)هو ماعاارفش حقيقة مووو أنها سااادية

ليث:(هز حجبانو)كااانت أ ابتهال كتخدم تماا باش تربح لفلوس معرفناهاش واش هي اصلا سادية ولا غير بالسيف عليها بلا منظلمو شيحد

ابتهال:(كتمضغ)بصح عندك الحق المهم هو غادي نبقاو نشوفوه وغيدخل للنادي لي كنمشيو ليه أنا وقسم ودبا نهضر معاها باش تدخلو لمدرسة قسم….(ابتسمات)شفتي نجود كيف ولات

ليث:(ضحك)هادي هي نجود لي كنعرف عجبني لحال بزااف

ابتهال:حتى أنا وجهها تنور وغير كضحك وحتى علاقتها مع نزار مزيانة كيعيط ويسول فيها كل ساعة (جمعات تخنزيرتها)ماشي كيحشي وجهو فلخدمة ومرتو لهلاااا يقلب

ليث:(طرطق بالضحك وجرها عندوو كيبوس ويهر فيها)والمغيااارة ديالي أححح شحال كنبغي طااسيلة مك(شدها من حناكها وطبع بوسة طويلة)راه هاد الأيام والله مكنعقل على راسي منين كنشوف فدوك لوراق وأنا تااالف راك عارفة ديك سيمانة منين كنت فلكلينيك لخدمة تهملات دبا كنقاد غير شي أمور قديمة باش ميبقى حتى مشكل ونرخف على راسي شوية…
ابتهال:(عنقاتو بيد ولاخرة كتشرب بيها لقهوة)عارفة أحياتي وحتى العرض لي تابعنا خاصو لخدمة….(فطرو وابتهال دخلات للحمام دوشات وخرجات نيشان لدريسينج نشفات جسمها وشعرها بسوشوار دهنات شي كريمات فجسمها وديودوغون فباطها لبسات كسوة حد ركابي فلبيض طالعة تالعنق ومخططة بخطوط رقيقة فالخزي ولبيح ولقهوي بشكل رائع وسميطة لوسط فلقهوي لبسات سندالة عالية بسميطات فلخزي خلات شعرها مطلوق ولفرقة فجنب مكياج هادئ رشات من ريحتها ودارت حلقات وكورمسط فضيين خفاف هزات صاك صنيديقة فلقهوي وشافت فليث)ليث سااليتي

ليث:(تم خارج كان لابس سروال توب فلكحل وقاميجة بيضة طاوي ليها لكمام مع جيلي دتوب فلكحل وكرافاط فيها بيض وكحل وصباط جى زوين)ابتهال مخصناش نتعطلو ليوم عرس جوليا

ابتهال:(كتقاد ليه فلكرافاط وتفحص فحوايجو واش شي حاجة ناقصة)صافي احياتي غندوزو لاجتماع ونرجعو فحالنا…

ليث:(قرسها فنيفها)الزين دالكرة الأرضية

ابتهال:(قرساتو فخذو)التبوكيصة دالعالم(باستو فنيفو وتمو خارجين 8هادي وكلشي فايق كيوجد شركة دالحفلات فاللور دلڤيلا كيقادو ديكورات وطبالي غايديرو لعرس غير تما اختيار جوليا سلمو على صباح وزهرة لي واقفين فلكوزينة وكيشوفو واش كلشي هو هداك وتمو خارجين ركبو فلوطو دليث وتحركو للشركة داخلين مشابكين بليدين المشية بشموخ والراس لفوق وملامح جامدة على وجههم كل واحد فيهم نسخة ديال لاخر طلعو نيشان لقاعة الإجتماعات وتمو داخلين جلس ليث لي مترأس الطبلة وابتهال على ليسر وهود فليمن ديالو وعاد المحاسب وأدهم والنائب ديالو وشي موظفين آخرين طالق يديه جناب لكرسي وكيلعب بستيلو وملامح وجهو جامدة مع عينين حادة كيشوف فأدهم لي كيوتروه هاد شوفات ويبدى يضور فعينو…)

أدهم:(حمحم)موسيو ليث عجباتنا الخدمة معاك السلعة الأخيرة كانت متقونة والأسواق ديالنا كتربح أموال طائلة بغينا سلعة أخرى هاد لمرة غنركزو على الأزياء واللوحات الفنية….

ليث:(كيحك فذقنو ومقوس عينو)أي شركة خدمات معانا كيعجبها الحال لكن حنا قليل الشركات لي كيعجبنا نخدمو معاهم

ابتهال:(شدات فيديه مزيرة شاف فيها وبلقات عينيها بمعنى شكتقول)

ليث:(شاف فأدهم ونطق)حنا عندنا عرض فالقريب وكنوجدو ليه منقدر نواعدك او نسني معاك تاشي حاجة حيت الخدمة مزيرة أختي لي متكلفة بقسم اللوحات الفنية غادي تزوج وتغيب على الشركة عدة ايام….

أدهم:ماشي مشكل اموسيو ليث حنا مستعدين نتسناو حتى يفوت العرض…..

ليث:(مفهمش علاش مصر باش يبقى لاصقلو حدى كغو هو باغي يبعدو ساعة غير مكيزيد)

هود:(شاف فليث كيف كيخنزر عارف القضية غتخماض وشاف فابتهال لي كتهز حجبانها جيهة أدهم زعما عتق ونطق)مواافقين أسي أدهم لينا شرف تعجبك الخدمة معانااا

ليث:(شاف فهود شي شوفات غير ديال لقتيل)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت372

أدهم:(ابتسم عاجبو الحال شكون ميبغيش يخدم مع شركة مشهورة فحال دالوهابي ونطق)إذا كان هكاا دبا حنا متافقين مور العرض ديالكم نستلمو سلعة جديدة متكونة من أزياء شتوية ولوحات فنية..غادي نكون فإيطاليا تالداك لوقت منين توجد السلعة غنرجع لألمانيا…نخليكم هاد الساعة ومبروك عليك موسيو هود(وقف ومد يدو جيهة هود لي سلم عليه وشكرو…ومد سدو يسلم على ليث)

ليث:(سلم عليه وبقى ماضيه كيتسناه يشوف فابتهال ولا يبغي يسلم عليها والله حتا يتقب لمو عينيه ساعة لاخر تعلم من الدرس منين جلس ماهز عينو فابتهال غير خرج وسد لباب وضار عند هود معصب)وااااش أنااا باغي فوقاااش منبقااااش نشوف كمااارتو ونتا جااالس عليه مرحبااا لينا الشرف يعجبك تخدم معانااا راه هو لي يحسن ليه الشرف

هود:(عرفو تعصب ونطق)ليث تهدن اصاحبي متنساش راه عندو معانا عقد معانااا لمدة 7 أشهر خاصنا ضروري نلبيو ليه طلباتو وراه كيخلصنا ماشي كنصدقو عليه

ليث:هاد بناااادم ماارتاحيتش ليه كلامو مستفز وشوفاتو كتر وحنى خاصنا نركزو فالعرض ديالنا مااشي تخربيق دياالو وفالعقد سنينا فيه بليي عندو الحق ف3 ديال الطلبات عاد عطيناه لول من دبااا بدى يوجد فلكوموند التااانية

ابتهال:(حطات يدها فوق كتفو كتهدنو)ليث صافي عفااك ليوم عرس جوليا وهود خاصنا نكونو فرحااانين بلا منكدوها على راااسنا بسبب تافه خليه يطلب حتى التالتة كاع باش يتفسخ العقد ويمشي فحالو ونتهنااو منوووو

ليث:(كيزفر ويمسح على شعرو)عندك الحق نعطيوه هاد الطلبية ديك ساعة تبقى وحدة لا تعطل فيها نهطيوه التلت دلفلوس لي عطانا فاللول ديال العقد ونفسخوه (شاف فهود)عمري شفت شيحد عندو لعرس ليوم وجاري يخدم

هود:(ضحك)ياكما بغيتيني ندوز النهار فالصالون (ضحكو كاملين ونطق ليث)

ليث:علاش لا فكرة زوينة خاصنا نمشيو عند الحلاق نقص من ديك شعكاكة زيد قداامي زييد(طبطب على ظهرو وجر ابتهال من خصرها وتمو خارجين مشى ليث هو وهود عند الحلاق وابتهال رجعات للڤيلا بلوطو دليث)

#عند_نجود…

(دقات سمعات الإذن ودخلات بانت ليها امراة فبداية الأربعينيات طايتها رشيقة طويلة ولابسة كسوة فلكحل فوق منها طابلية بيضة شعرها مجموع اللور ودايرة نظارات طبية وقفات وسلمات عليها بابتسامة جلسات نجود وهي تشوف طبيبة جلسات قدامها مبتاسمة معاها وهاد الطريقة خلات نجود ترتاح ليها)

الطبيبة:سلام نجود نعرفك على راسي أنا ختك وصاحبتك وماماك وتقدري تحطيني فالمقام لي بغيتي نتي مهم متحطينيش فهاد المقام ديال أنني الطبيبة ديالك

نجود:(كانت كتفرك فصباعها بتوتر غير سمعات هضرتها ارتاحت وابتسمات)كنشكرك بزااف على هاد الهضرة الزوينة…غنديرك صاحبتي حيت معنديش صحابات أو بالأحرى عمر ماكان عندي وقت باش نتعرف على شي وحدة ونديرها صاحبتي….شنو سميتك

الطبيبة:سميتي كيندل أنا من أمريكا

نجود:وأنا من ل….

كيندل:(قاطعاتها ووقفات)غتعاوديلي على حياتك كلها وبالتفصيل أجي معايا(تمو غاديين جيهة واحد لكرسي وجلسات نجود وتكات حيت لكرسي مايل للتحت هزات كيندل دفتر وستيلو وجلسات فكرسي عادي فجنبها وطلقات موسيقى هادئة ونجود داك التوتر طار وتهدنات نطقات كيندل)شهيق زفير أنجود(سمعاتها كتنفس ونطقات)غادي تعاوديلي من نهار تعرفتي عليه أنجود

نجود:(غير تفكراتو قلبها ضرب وزيرات على يديها)

كيندل:(انتبهات ليها ونطقات)ششش نجود تهدني شهيق زفير وحسبي من 1ل10 فعقلك باش ترتاحي (حسات بيها بدات تهدن ونطقات)كاع دكشي لي فقلبك بغيتك تخرجيه كلشي حطيه براا متخلي تاحاجة وانا غير غنسمع نتي لي غادي تهضري متخبي والو واخا تكون شي حاجة شخصية بزاف ولا حرجة قوليها باش ترتاحي أي سر قوليه متخبي عليا والو تأكدي بلي هضرتك كلها منين غتخرجي غنرميها أنا وياك وغانساوها (قبطات فيديها كطمأنها وعطاتها الإشارة بعينيها)

نجود:(تنهيدة طويلة ونطقات)سميتي نجود فعمري 23عام أصلي من المغرب لكن حياتي كلها عشتها فإيطاليا كنحماق على شي حاجة سميتها مكياج عليها درت هاد التخصص وقررت نكمل قرايتي فروسيا هادي 3سنين لكن عائلتي مابغاوش بالخصوص بابا منين مات الله يرحمو درت لي فراسي حاولو خوتي يمنعوني لكن هزيت حوايجي ومشيت النهار لول تلاقيتو كان أستاذ داللغة الروسية حيت كنت كنزيد سوايع باش نفهمها مزيان تعجبت بيه بشخصيتو جسمو شعرو لون عينيه لكن مكنتش كنبغيه حيت منين كنشوف شي بنت كتهضر معاه مكنغيرش ولا كيبقى فيا الحال دازت الأيام وحسيت بيه كيبقى يشوف فيا ويسولني فالحصة ويقولي لامفهمتيش شي حاجة قوليهالي بدى يتقرب مني طلب نمرتي دخلني فاللول غير على قبل لقراية ولى كيوصلني تالدار لي كنت شارية كان كيبان ظريف وشخص عفوي ديك ضحيكة وديك الهضرة الزوينة لكن مكنتش كنحس بالحب اتجااهو حيت مكنتش كنآمن بشي حاجة سميتها الحب حتى لهنا كنت عايشة مزيان تالنهار لي….(دموع سالو منبعد مدة وهي ساكتة عاد نطقات) جا عندي واحد النهار فالليل وديك ساعة كنت كنشرب واحد المنوم حيت مكانش كيجيني النعاس وحتى لمشاكل لي مع عائلتي زادو أثرو فنفسيتي سمعت الدقان وحليت لباب غير شفتو سولتو علاش جيتي تم داخل وبدى يتقرب مني خفت بغيت نبعدو لكن كنت…فحال النملة قدامو هو طويل وعريض وصحيح كنت لابسة شورط قصير وسوفيطمة قرب مني وطاكاني من لحيط بقى كيبوس فيا وانا مبلوكية كانت هاديك أول مرة يبوسني فيها شيحد حسيت بواحد الإحساس فشكل بدى يحيدلي فسوفيطمة حاولت نبعدو لكن مابغاش بطريقتو الخاصة وكيقيس فلحمي كامل وشي بلايص كيخليو تبوريشة تطلع معايا خلاني نترفع ونعيش معاه داك الإحساس لي واخا كتكوني عارفة راسك بلي غاالطة مكتقدريش تقاوميه مابقيت كنفكر والو وحتى هو عرف كيفاش يخليني مستسلمة مفعول الدواء بدى يخدم وبداو عينو يتغمضو آخر حاجة عاقلة عليها هي منين بدى يحيد فسليب ونعست بديت نفيق فالصباح على شي حريق تحتي نضت وكنلقى لفراش عامر بالدم(دموعها شلال)كان الدم ديال بكارتي الشرف ديالي متيقتش بكيت غوت حتى شفت لباب تحلات غير شفتو تلاحيت عليه بضرب وتصرفيق خسر عليا ضربة وحدة مع لحيط خلاني نغيب حتى بديت نفيق ولقيت راسي فالطبيب من داك نهار(كتمسح دموعها)ولى يجي كل ليلة ويغتاصبني كون غير كان غيغتاصبني كاان كيضربني(بحرقة)كان كيجبد السمطة ويضربني بيها كيكوي لحمي بلبريكة كيطفي فيا لكارو كان كيبقى يغتصب فيا والدم سايل حيت كان تحتي كلو مجروح وطايب لكن مكانش كيهتم كان كيخشي ليا —- ففمي(دارت يدها فوق وجهها حاسة بالإشمئزاز)كان كيعاملني فحال عاهرة كيربط رجلي مع ناموسية ويبقى يلعب فيا كيف بغى نهار كامل كانو عندو شي سماطي فحال دالحيوانات كلهم كان كيديرهم لياا كنت كنحس براسي فحال شي مونيكة كيمارس عليها سااديتو بدلت السكنة مليون مرة لكن ديما كان كيلقاني ويرجع يضرب فيا ويغتاصبني شي خطرات كنت كنقول بلي معندوش قلب حيت ماافيهش الرحمة…..دازت 3سنين وأنا هكا(كيندل حلات عينيها مصدومة كيفاش هاد المدة كاملة قدرات تستحمل هدشي وكملات نجود)3سنين والإغتصاب والضرب كل نهار لاخرجت بلا خبارو يضربني هدرت مع شي دري يضربني كان كيقولي نتي العاهرة ديالي تقبة فين نخوي فيها وسخي منين نسالي منك غنرميك نهار على نهار بديت كنحس براسي كنبغيه اه كنبغيه وولا كيعجبني الحال منين كيضربني(بسخرية)وليت فحالو لحمي ولف لعصى وكل ليلة مكنتش كنعس بالكوابيس لي كنت كنحلمهم كنت فحالا عايشة فشي فيلم دالرعب تخايلي فتلات سنين كاملة عمري نعست بلا منشرب 3دلكينات دالنعااس وواخا هكاك كنحلمو كيضربني ولا كيقتلني كنوض مخلوعة وكنغوت…..تالواحد نهار لي نعس مع وحدة قدام عيني وطلب مني نعس معاها(ضحكات بألم)ماكفاهش يردني سادية بغى يرجعني ليزبيان عفتو وعفت راسي وهربت رجعت لدارنا اكتشفت بلي انا حاملة مشيت للمزرعة نبدل لجو لكن كان كيجي ويدخل تالدار يغتصب ويضرب ويمشي هرسلي يدي لكن مكانتش أول مرة ديجا هرسلي عنقي منين كنت فروسيا رجعت نضعف تاني قدامو بداك لكلام لحلو حسيت بيه بدى يتبدل حيت كان مريض وقفت فوجه عائلتي لكن خانني قدامهم(كتبكي)تخلى عليا نهار العرس خلاني حتى لبست كسوة دالعرس وكنت فرحانة واخا ماكانوش عائلتي حتى بقات ربع ساعة ونهبطو لتحت جى عندي وقالي حاولت نبغيك ومقديتش سمحيلي منقدرش نتزوج بيك….تم خارج وتبعتو كنعيط ليه وماداهاش فياا طحت فالدروج ومات ولدي(كيندل عينيها دمعو بقات فيها بزاف عمر شي حالة فحال دنجود دازت قدامها ولا سمعات بيها) داوني لكلينيك منين فقت لقيت راسي معندي حد خسرت كلشي هو وولدي وعائلتي حسيت براسي فحال شي جثة طلعت للسطح ولحت راسي….(طلقات بكيتها وقلبها كيضرها ناضت شادة فقلبها)منقدش نكمل منقدش اهئ اهئ(تمات غادة جيهة لباب كتجري حلاتها وبقات غادة ماعارفاش فين مهم تخرج باغا تبعد كتحس بالخنقة خرجات من لباب لكبيرة هابطة فالدروج كتجري وتبكي بالجهد قطعات شانطي وهي مرفوعة وغايبة عن الوعي مافيقها غير صوت كلاكصون قوي ضورات راسها بالزربة كتشوف لكاميو جاي جهتها غمضات عينيها وغوتات ماحسات غير بجسمها تهز وتخبط مع الأرض…
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت373

ضورات راسها بالزربة كتشوف لكاميو جاي جهتها غمضات عينيها وغوتات ماحسات غير بجسمها تهز وتخبط مع الأرض…حسات بشيحد معنقها وبدات تفتح فعينيها)

نزار:(كان كيتسناها قدام لكلينيك غير شافها خارجة هكاك خرج من لوطو وتم غادي عندها كون مجرهاش دغيا وتلاحو فالارض كون داز فلكاميو نوضها وكيقلب فجسمها)وااش واقعااات ليك شي حاااجة انجوووود كضرك شي بلاصة هضرييي

نجود:(عاد بدات تفيق من صدمتها وطلقات بكيتها)

نزار:(مخلوع وكيقلب فجسمها)نجووود مااااالك واش تضربتي فشي بلاااااصة

نجود:(حركات راسها بلا وتحشات فحضنو معنقاه وكتبكي)

كيندل:(كانت هابطة وتابعة نجود وهي تشوفها وتمات غادة كتجري)نجووود شنووو وقع ليك

نزار:(كيمسح على ظهر نجود)ششش صافي أنجود مااوقع والو(بعدها عليه كيمسح دموعها وباسها فجبينها)واش كضرك شي حاجة

نجود:لااا(شافت كيندل حاطة يدها على ظهرها)

كيندل:على سلامتك أنجود

نجود:(ابتسمات)شكرا ليك اكيندل

نزار:(رجع عنقها خايف)علاااش انجود قطعتي بلااا متشوفي الطريق هضري كون مكنتش دباااا انااا شنو كااان غيوقع ليك دوييي

كيندل:(كتشوف فنزار وتبتسم عجباتها هضرتو والطريقة باش كيعامل نجود وشحال خايف عليها ونطقات)مكانتش فوعييها كانت فحالة صدمة (شافت فيها)مكاانش خاصك تخرجي أنجود ونتي فديك الحالة(مسحات على راسها)المهم براكة عليك اليوم غدا عاودي رجعي(قبطات فيديها مبتاسمة)باش تقدري تعاودي الماضي ديالك والآلام ديالك من الحصة اللولة شي حاجة عمري شفتها فالمسيرة المهنية ديالي كاملة نتي قوية وشجاعة بزاف كوني أكيدة غتغلبي على هاد المشاكل بكل سهولة…

نجود:(ابتسامة فرحة عجباتها هضرتها ومدحها ليها ونطقات)شكرا كيندل بزااف(ودعاتها وضارت شافت فنزار وهي توسع عينيها منين شافت جبهة نزار فيها دم تخلعات)نزار الدم الدم فيييك الدم شنو وقع ليك(كتقيس فجبهتو جيهة شعر مجرودة مع طروطوار)

نزار:(قاس فلجرحة حاط يدو فوق يدها ونطق)ماوقع والو ماشي شي حاجة…قوليلي علاش كنتي خارجة كتجري أنجود

نجود:(مكمشة عينيها وجبدات كلنيكس كتمسح ليه الدم)

نزار:(عرفها باغا تهرب من سؤالو خلاها كتمسح ليه الدم وتمنى هاد الدم ميحبسش غير باش يبقى يشوف فيها وسهى فملامحها الطفولية كيف كيتعقدو بقلق فشفايفها عويناتها شعرها كيحس بكل نهار كيزيد يغرق فحبها)

نجود:(حشات كلينكس فصاكها)صافي مابقاش الدم واش كضرك(مهبطة راسو وكتسوط على ضربة)

نزار:(شداتو الضحكة من هاد لموقف بعد عليها ونطق)متخافيش راه غير جرحة سطحية وصاف مشينااا….(ركبو فلوطو وتمو غاديين نيشان للڤيلا طلعو دوشو باش يمشيو للدار عند صباح وليث)

نجود:(دخلات لدريسينج لبسات دوبياس ديالها وجبدات كسوة راقية فصومو كتلمع بلكمام كول V كيبان الصدر شوية حد الركبة وسندالة عالية بسميطات من لقدام فلحمر صاوبات شعرها طلقاتو بلبلاك خلاتو مطلوق جامعاه من مور ودنيها ودايرة لفرقة فجنب دارت حلقات صغار وسنسلة فضية فيها قليب بقات كتشوف فخاتم دزواج ديالها لي محيداه لكن هو عمرو حيدو تنهدات ودارتو فصبعها باش تفادى أسئلة عمتها زهرة هدشي لي حاولات تقنع راسها بيه أنها فقط دارتو باش تهنى من الصداع جلسات قدام لكوافوز ودارت مكياج هادئ آيلاينر وريسي وعكار حمر ماط وشوية دلهايلايتر رشات من ريحتها هزات تيلي وتمات هابطة وريحتها سابقاها كان نزار لتحت عاطيها بالظهر ضار منين سمع صوت طالون شافتو وابتسمات جى زوين خصوصا بلكلاص كان لابس بودي فلكحل وكوستيم بسروال ديالو فالرمادي وصباط كحل وشعرو مسرحو اللور عندو طويل شوية حد لعنق ورطب مسبسب كيحمقهاا وديك اللحية خلاص محساتش براسها فوقاش وصلات عندو وبقات ساهية فيه جى وسيم بزااف)

نزار:(بقد ماجات زوينة وخلاتو حال فمو بقد ماكره هاد اللبسة حيت عاطية للعين بزاف مكرهش يخبيها فشي قفص كاره أي واحد هز عينو فيها)

نجود:(ابتسمات وكترجع شعرها مور ودنيها)جيتي زوين

نزار:(ابتسم وقرسها فنيفها)نتي لي زوينة

نجود:بصح واش جاتني اللبسة زوينة?(بقات كاضور وتوريه)

نزار:(كيحك فذقنو ويشوف فصدرها لي باين حتى لابغى يهضر شنو غيقولها مثلا صدرك كيبان هو عارف لباسها هكا داير عائلتها وكانت محمقاهم شحالهادي وبأي صفة غيقولها بدلي هاد لكسوة حيت معرية بصيفتو راجلها دلكذوب استسلم للمنطق ونطق)نتي لي جيتي معاها زوينة ماشي هي ههه

نجود:(ضحكات)ههه كتهضر بصح ولا كطنز عليا

نزار:(هز حاجبو ناطق بجدية)فين عمري كدبت عليك

نجود:(ابتسمات )عندك الحق فهادي يالاه نمشيو باش منتعطلوش(خرجو من لڤيلا ومشاو لعندهم غير على رجليهم حيت راه حداهم بداو يشوفو فالصحافة واقفة قدام لباب وشي رجال أعمال كيدخلو ولوطويات مستفين هدشي غير كانت جوليا باغة حفلة صغيرة لكن معامن ههه نجود لي بززات عليها تفرح براسها ماهي غير ليلة وحدة توترات منين شافتهم ونزار حس بيها ومذ ذراعو فاتجاهها قبطات فيه وابتسمات
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت374

…قبطات فذراعو وتمو غادين غير وصلو حدى لباب وتكبات عليهم الصحافة كتصور وتطرح عدة أسئلة….

~~مدام نجود كاينين إشاعات كيقولو بلي نتي وكومسير نزار على علاقة عطيني شي تصريح عفاك وباش ممكن توضحي لخواتم لي دايرين…

نجود:(جاوباتو بابتسامة وكلها ثقة)حنا مزوجين ماشي على علاقة…

~~لكن علاش مدرتوش العرس وخليتو الأمر سري

نزار:(تعصب ونطق ببرودة وكيخنزر فيه)باش لي فحالكم ميدخلوش فحياتنا…(حط يدو فوق خصر نجود)حنا تزوجنا واحتفلنا غير مع العائلات ديالنا مكيهمش العرس المهم نكونو فرحانين وكنبغيو بعضياتنا

نجود:(قلبها بدى يضرب فالتسعين منين سمعاتو شنو قال خصوصا منين حسات بيديه مور خصرها توترات وبدات تفرك فصبعانها)

نزار:(جرها من خصرها وتمو داخلين)مفهمتش كيفاش كاديرو تعاملو نتي وخوتك مع هاد الصحافة دزبل

نجود:(غادة وكتساري عينيها)عادي ولفنا على صداهم واأسئلتهم لي مكتقاداش….(تمو داخلين لداخل ولقات صباح عاطياها بالظهر ومشات عندها)

صباح:(كتحسب لكيسان حسات بشيحد نغزها من اللور وضارت غير شافتها ووسعات ابتسامتها بفرح وعنقاتها)لحبيييبة دياااالي

نجود:(معنقاها ومزيرة عليها)توحشتك أمامااا

صباح:حتى أنا توحشتك أبنتي(بعدات عليها وكتشوف فوجهها)علاش ماجيتيش ديك النهار تغداي معانا مكتعيطي مكتسولي أبنتي(كتبوس يديها)

نجود:(باست راسها)سمحيلي أماما عفاك ولكن كنت عيانة شوية عليها مقديتش نجي مابغيتش نخليك تشوفيني فديك الحالة(ابتسامة واسعة مبينة غمازاتها وهزات يدين صباح وباستهم من برا ولداخل)

صباح:(مسحات على شعرها فرحانة)جيتي فنة أبنتي الله يرضي عليك(عاد انتابهات لنزار ونطقات)سمحلي ياولدي والله مشغتك

نزار:(قرب عندها وباس راسها)كيف دايرة الحاجة لاباس عليك

صباح:(عنقاتو)الحمد الله أولدي ونتا كيف داير مزيان

نزار:الحمد لله الحاجة

صباح:(كتشوف فيه وفنجود جاو مع بعضياتهم بزاف)راك شاد كونجي أولدي…

نجود:(عضات شنافتها بفقصة مقدراتش تفاتحو أبدا بهاد لموضوع وتاهو ماقال ليها والو حدو قالها شديت كونجي بغيت نرتاح وهي دايرة راسها متيقاه فهاد 4ايام لي دازو كيتشاوفو غير فصباح منين كيفطرو بزوج فالليل منين كتجي مكتلقاهش وكاطيح دودة وعندها شك بلي كيجي عندها حيت ديما كتلقى راسها مغطية ومقادة ففراشها وهي مكتغطاش….شافت فصباح ونطقات)غنطلع عند جوليا….

صباح:سيري أبنتي راه كانت كتسول عليك

نجود:(تمات طالعة لبيت جوليا ودخلات لقاتها جالسة قدام لكوافوز والمختصين بالشعر ولمايكپ حداها شافتها جوليا وناضت فرحانة كانت لابسة كسيوة فشيبي بلا سماطي مسدودة من لفوق من لعنق فيها دونطيل ومن لتحت هابطة سامبل وفيها فتحة لوسط حد ركبة مابغاتش تلبس كسوة بيضة واخا عياو مايرغبو…سندالة عالية فلفضي وجامعة شعرها اللور بشكل زوين مخلية خصلات خفيفة لقدام ومكياج هادئ برزات عينيها أكثر جات فنة نجود دارت يدها على فمها)أححح لكبيدة ديالي وشحال جااااات غزااالة

جوليا:(عنقاتها كضحك)واش بصح جيت زوينة أمممم

نجود:(هزات يدها وكضورها)التوت التوت ليوم هود يطيح على زنافرو كتر ماهو طاايح ههه(نطقات بداريجة باش ميفهموهاش لاخرين)ههحححح ليوم غطرطق لبوشونة

جوليا:(بلقات عينيها)تفووو عليك الدحشة من الصباااح وانا كنحاول نسى جيتييي نتي وعاود فكرتيني (كتسوط وقلبها مزير)نااااري راه فيا لخلعة أنجود

نجود:(جلساتها فوق ناموسية وكتحاول تهدنها)شوفي أجوليا هاد الليلة هي من أجمل الليالي لي غدوزي فحياتك سمعتي غتكوني مع راجلك حلالك متأكدة هود غيعاملك بحنية وغير بشوية نتي حاولي طلقي معاه متزيريش راسك معندك لاش تحشمي هداك راه راجلك وحقو ولا ياكما بغيتيه يمشي يدوز الليلة فلبار

جوليا:الله يستر مالي يانا علاش كاينة(عبسات وجهها)خايفة نتقصح واش كضر…!?

نجود:(ابتسامة حزينة وتفكرات راسها وديك الليلة لي مابقات عاقلة على والو حتى فاقت لقات راسها ضاعت)

جوليا:(قبطات فيديها وعبسات وجهها)سمحيلي انجود مكنتش قاصدة نجرحك ولا ش..

نجود:(قاطعاتها وضحكات)الله يهديك شمن جرحتيني غير سهيت وصافي….غادي تقصحي ولكن غير شوية ودغيا غيفوت لحريق غير شوفة فالإنسان لي كتبغي تنسيك فهموم الدنيا(عاودات قادات ليها مكياج هي بنفسها وكتنكر وتدعي فيهم لاواه ريسي ماقادوهش مزيان آيلاينر عوج وجوليا غير كضحك كملو وتمو هابطين فالدروج لي مزيينين بلورد فالجناب وسجادة حمراء من لفوق تالتحت والمصوررين لتحت جوليا شداتها الدوخة كون ما نجود لي قابطاها كون تكربعات فدروج وصلو لتحت وتم هود داخل كان لابس كوستيم بالأسود وقاميجة فلبيض مع كرافاط فلكحل مسرح شعرو جنب واللحية خفيفة شاف جوليا سهى فيها وفجمالها مراقب جميع تفاصيل جسمها وابتسم بفرحة أخيرا اليوم الموعود جى تم غادي عندها وشد فيديها)

هود:(همس فوذنيها )جيتي غزالة أعمري
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت375

جوليا :(بخجل)حتى نتا جيتي زوين

هود:(حشى يدو فذراعها وتمو خارجين وصلو للور دالجردة فين كاين لعرس طاولات بلكراسا مستفين40 طبلة وحدة جميع النجوم والمشاهير ورجال الأعمال حضرو والصحافة كتصور وفالوسط كاين طبلة لي جالس فيها لعدول مغربي طبعا تمشاو جهتها وجلسو ليث شاهد هود جلس فجنبو كان لابس كوستيم وسروال توب فالاسود الملكي مع قاميجة بيضة وباپيون كحلة من بعد إصرار ابتهال وشاهد جوليا لي هي صباح بقفطان فلكرونة)

ابتهال:(كان جالسة حدى صباح وزهرة فطبلة حداهم لي غيجلسو فيها عير العائلة كانت لابسة كسوة فلكحل طويلة وفيها فتحة تالركبة شكلها فحال لاڤيست حيت كتسد بالسنسلة من جيهة ركبة تالفوق ولكتاف جايين طايحين مع مكياج هادئ وشعرها دارتليه مشيطة اللور وقسم كسيوة غوز مفرفرة من لتحت وتوماس فحال ليث تاهو كوستيم فلزرق وقاميجة بيضة كيلعبو حدى ابتهال لي مراقباهم سكت كلشي كيتسناو لعدول يهضر)

~~~:كنشهدو ليوم على زواااج السيد هود الإسماعيلي… بالسيدة جوليا الوهابي على سنة الله ورسوله قدام الحظور الكرام من أهل وأصدقاء وأحباب بحظور الأم وولي أمر العروس السيدة الشافعي … وبحضور ولي أمر العريس السيد ليث الوهابي(نزار ونجود تكرشخو بضحك وهود غير كيضور فراسو وليث مبتاسم دابا صغير ولا ولي باين الكبير واخا بيناتهم غير سنة)
السيدة جوليا….(هو كيهضر وهي مرفووووعة قلبها بدا كيضرب بجهد مزال مامتيقاش هادشي بلي بصح نطق لعدول)واش موافقة تزوجي بالسيد هود الإسماعيلي على سنة الله ورسوله بدون أي إكراه أو ضغوطات

جوليا:(توترات لسانها تسرط وكتشوف فنجود لي كتهز فحجبانها وتبلق عينيها زعما هضري)

هود:(كيشوفها كيف ساكتة عرفها متوترة شد فيديها كيهدنها ابتسم وهمس فوذنيها)ناااري وتقولي لاا ياجوليا والله حتى نهزك ونهرب بيك(ضحكات وشافت فيه)

جوليا:(مزيرة على يديه ناطقة بنبرة خافتة)هووود واش كتبغيني

هود:(شداتو ضحكة وهمس فوذنيها)واش دبا وقت هاد السؤال كون مكنتش كنبغيك واش غنجلسو هنااا جاوبي الرااجل دغيا

جوليا:(زيرات عليه)لااا حتى تجاوبني أهود

هود:(كيمسح على وجهو ويشوف فليث لي كيضحك ونطق)
كنبغيك وكنحماق عليك وكنموت على ديييينمك اجوليا جاوبي دغيا السيد…

نجود:(كضحك هي وابتهال حيت جالسة حداها ونطقات)اويلي هادي مالها سكتات ماابقى فيها عرس واقيلة نوضو اشرفة نمشيو فحالنا….

نزار:(كيضحك ونغزها بكتفو)شوفي هود كيف داير(طرطقو بضحك بزوج بلغوات وكلشي شاف فيهم حيت السكاات وبدات نجود تسد فمها بالسيف ونزار شاف فيها وشداتو الضحكة وهي عيات تسد فمها وعينيها دمعو رجعات ضحكات وهو شدليها فمها)سكتي سكتي رااه شوهتينا المصيبة….

هود:(كيشوف فنجود ويتحلف فيها وليث كيشوف فابتهال ويضحك ونطق هود)جوليا عتقي هاالعاار راه خليتينا مبلوكيين فحال الشجر

جوليا:(ضحكات وبابتسامة واسعة قربات فمها للميكرو ونطقات)آه موافقة….(هود عاد ارتاح وتعالاو التصفيقات ونجود كتصفر فحال شي زوفري ونزار داير ڤيديو كيصور فيها….)

~~السيد هود الإسماعيلي واش مو…

هود:(قاطعو)موااافق موااافق غير عطينا فين نسنيو دغياا أخويااا(كلشي تكرشخ بالضحك السيد زربان على رزقو سناو وصباح وليث كذلك وتطلقات موسيقى رومانسية هادئة وقبط هود يدين جوليا وقفو لوسط والضوء مسلط عليهم وكيرقصو قرب حدى وذنها ونطق)وليتي مراتي دبااا الحوب

جوليا:(قابطة فيديه ولاخرة دايراها فوق كتفو ونطقات فرحانة)باقا مامصدقاش أهود

هود:(باسها فجبينها)غير تيقي احياتي النهار لي كنا كنتسناوه وصل عمرنا غنتفارقو وغنكملو حياتنا مع بعضياتنا

جوليا:(حطات راسها فوق صدرو مبتاسمة)كنبغيك

هود:(يدو مور ظهرها وكيرقصو ونطق)أنا كثر…

ليث:(تمشى عند ابتهال ومد يدو مبتاسم)هل تقبلين هذه الرقصة

ابتهال:(ضحكات ومدات يدها قبطها وطبع قبلة فوق منها بكل حنية تمشاو للوسط ولوات يدها مور عنقو كيرقصو وكتشوف فعينيه)عقلتي على أول مرة رقصنا فيها

ليث:(ابتسم حتى تسدو عينيه)وشكون ميعقلش على داك النهار (دفن راسو فعنقها ومعنقها من خصرها كيستنشق ريحتها وأ

Leave a comment