Skip links

قصة : انتقام على أرض المافيا ج 12

 1,657 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت221

ابتهال:( شبكات يديها مع بعض ونطقات)كنفكر ندير شركة ديالي بوحدي ولكن ماشي دبا حيت أنا شريكة مع موسيو ليث ووجدنا عدة عروض ميمكنش انساحب على الأقل هاد الشهر….

~~:(كيلعب بستيلو ويشوف فيها بحدة)بعض الأشخاص على مواقع التواصل الإجتماعي كيلقبوك بليزا لأنه كتشبهي لزوجة السيد ليث الوهابي لي اختافات فظروف غامضة هادي 5سنين تماما فحال عمر بنتك…

ليث:(عقد حجبانو يالاه بغى يهدر وهي تنطق ابتهال)

ابتهال:شنو علاقة بنتي بعدد السنين لي اختافات فيهم مرات موسيو ليث…

~~:(بحقارة)نتي عارفة بلا منهدر مدام ليزا…

(كلشي تصدم وحل عينو ابتهال زيرات على سنانها بغضب وجهها فيه ملامح باردة متعرفها مقلقة ولا فرحانة ولا مصدومة تعالات الأصوات وكلشي كيسول واش هدشي بصح حسات بليث همس فوذنيها)

ليث:كانو غادي يعرفو سوا اليوم ولا منبعد ابتهال من الأحسن تعطي شي تصريح

ابتهال:(شافت فيهم بابتسامة خفيفة ونطقات ببرودة)شوية الهدوء غادي نجاوب على أسئلتكم

2:واش بصح هدشي نتي ليزا وعلاش بدلتي هويتك ووجهك واش راجلك ليث عندو شي علاقة…

ابتهال:(كاتحاول تكالمي راسها ونطقات بهدوء)بصح أنا هي ليزا ملكاوي زوجة ليث السابقة افتارقنا لأسباب شخصية هادي 5سنين وبالنسبة لوجهي كانت حادثة سير…ليث معندو حتى علاقة…

3:بنتك شكون باباها واش ليث ولا شي شخص آخر…

~~:(ضحك بسخرية)وممكن تكون بنت لحرام…

ليث:(زير على قبضة يديه وناض عندو كيجري تلاح عليه بالضرب ولبونيات)هااااديك لي كتهدر عليهاااا بنتي يااااولد ال—ة (شنق عليه ونوضو زير على عنقو قاجو)اعتاااااذر من مرااااتي ودباااا ال—ل

2:(عينيه تقلبو حاس بروحو غتخرج رخف عليه ليث ونطق)كنع..تاذر

ليث:(شدو من كول قاميجتو وداه عند ابتهال هبطليه راسو للأرض)مسمعااااتكش عاااااود اعتاااذر ليها

2:(كيكح ويمسح وجهو من الدم)كنعتاذر

هود:(سد لباب دالقاعة منبعد ماخرجو ليكارد الصحافة مخلاوهومش يصورو ليث كيضرب فلاخر وجى كيفك فليث)

ليث:(طلق من لاخر وهز سبابتو)غااادي ندمك على هدشي(شير ليكارد جاو ديك ساعة داوه قلب على قسم مالقاهاش)فينهياا قسم

هود:متخاافش راها بيخير مع جولي

ابتهال:(مزيرة على قبضة يديها وكتشوف فنقطة وحدة) مابيخيرش بنتي ماشي بيخير(ضربات الطبلة بكل مافجهدها ودفعاتها برجليها)بنتككك عندهااااا فوبيااااا من الدبااااااز والصدااااااااع ونتاااااا ماديتيهااااااش فهدشي تلاحيتييييي على داااااك الحيواااان فحااااال الوحش قداااااامها كانت خايفة وكترعدددددددد من قوة الخلعة (شداتو من كول قاميجتو ونطقات بغضب)نتااااا بااااااها لي خاصوووو يحميهااااا ماشي يخلعهااااااا(تيلي كيصوني وهي مداياهاش فيه)

ليث:(نطق بلفوات)واااااش داك ال—ل قااااسك فشرفك وقاااال على بنتي بنت لحرااااام وبغيتي نبقى ساااااااكت واش كنبااااليك شمااااااتة

ابتهال:(كضرب سبابتو فصدرو)علاااش نتا مقلتيهااااش مقلتيش عليااا —بة ودكشي لي فكرشك من الزنقة(شافتو غيهضر وغوتات)سكاااااات مابغيتش نسمع صوتك(عصبها تيلي وجاوبات)ماااالكم فارعين ليااااا -/ري شكاااااين (حلات عينيها بصدمة)كيفاااااش هرب كيفاااااااش واش عااارف شنوو كتقووووول(سمعاتو شنو قال ضربات تيلي فلحيط حتى تشتت هزات واحد الكرسي حتى لسمى وخبطاتو مع الحيط بغضب شديد ضرباتليه طن فالراس وهي ضور عند ليث)نتاااا لي هربتيييه…

ليث:(بتعجب)كيفااااش

ابتهال:(مخنزرة فيها)ماضحكش علياااا كنعرفك كتر من رااااسي (شنقات عليه)فين دييييتيه…

ليث:(قبط فيديها وزير عليهم)ماااااشي أنا لي هربتووووو

ابتهال:(شدات فراسها كتحس بلمسامر كيتحفرو فدماغها جلسات فواحد الدرجة شادة جناب راسها كاتماصيهم وكتشوف وتهز فركابيها بتوتر)

ليث:(همس فوذن هود)فين غادي ديوه

هود:(بنبرة خافتة)لديپو بلاتي غنخرج نعيطلهم

ليث:(كيشوف فابتهال كيف معصبة جلس بعيد عليها وكيشوف فيها مابغاش يمشي عندها عارفها غاطرطق عليه)

ابتهال:(كتهز فركابيها اكيد غادي يكون ليث لي هربو حيت ميمكنش لوكاس يهرب والمستودع كلو بليكارد إلا اذا هجمو عليهم شي وحدين ممكن يكونو زعمة رجال آرثر وشكون هذاك لي فرشها اكيد موراه شي حاجة ناضت كتقلب على تيلي ديالها لقاتو مفرشخ ضربات رجلها فالارض بغضب حشاتو فصاكها وتمات خارجة كتقلب على قسم لقاتهم فالجردة اللورانية قبطات قسم لي كانت كتبكي حاولات تهدنها وهزاتها عندها معنقاها وخرحو شدات طاكسي وصلها الدار دخلات وسدات لباب لبرانية بساروت وساقطة دخلات للداخل تاني سدات لباب بساروت هي وباب لكوزينة وباب لي فصالون كتخرج للجردة وشعلات جهاز الإنذار لوكاس دبا حر عارفاه غيجبدها فين ماكانت ويبغي ينتقم منها على شنو دارت فيه لكن هي مخايفاش منو خايفة على بنتها كتمنى يكون ليث لي خطفو وميكونش آرثر….)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت222

ابتهال:(طلعو لفوق نيشان لبيت ابتهال دوشو بزوج وخرجو لبسات لقسم سليب وشورط پيجامة بسوفيطمة ديالو دميكي ماوس فلخمر ولكحا وهي لبسات سوميج بسيمطات حد لفخاض فزرق نشفات شعرها بسوشوار خلاتو مطلوق مشات سدات لباب بساروت وخلاتو فيه وتحشات فبلاصتها منعسة حداها قسم ومعنقاها كتلعب فشعرها باستها وبقات هكاك حتى بدا يطلع الضو عاد نعسات…)

اصبحنا واصبح الملك لله🌤🌞

(فاقت ابتهال على صوت المنبه اليوم الإتنين نهار اللول فالشركة ناعسة على كرشها رجل فالشرق ورجل فالغرب طفات الساعة وبدات تحل فعينيها شافت قسم لقاتها تاهي منشورة فحال شي زربية ههه قاداتها فبلاصتها وبقات كتبوس فيها دخلات للحمام قضات حاجتها وخرجات هبطات للتحت وبدات توجد فلفطور عيطات لريتا من لفيكس حيت تيلي ديالها تهرس قاتليها بلي راها قربات توصل شوية وسمعات صونيط مشات جيهة لانتيرفون شافتها فاللوحة لي تما مبرونشية مع لكاميرة لي فالباب وحلاتهاليها سمعات الدقان ومشات حلات سلمات عليها ومشاو جلسو فلكوزينة كيفطرو)

ريتا:(هازة كاس دالقهوة)فخبارك بلي كلشي كيهدر عليك بغيت نعرف دااك الصحافي كيفاش دار عرف بلي نتي ليزا…

ابتهال:(كتجغم من لكاس)متأكدة بلي كاينة شي خطة مور هدشي لي وقع لبارح…مهم خلينا من هدشي مالك مع روبيرتو…

ريتا:(عبسات وجهها)تبدل عليا بزاف كنهدر معاه كيبقى يتعصب بوحدو ويفوت عليا…صافي ألبارح تفارقنا لحد الساعة معارفاش علاش

ابتهال:(ابتاسمات معاها)روبيرتو كيبغيك اريتا من نهار جيت للقصر ونتوما على علاقة وتالدبا ومزال مع بعضياتكم 6سنين اريتا ممكن يكون عندو شي مشكل راكي عارفاه كيخبي فقلبو ومكيهدرش…حاولي تعرفي مالو واخا…وانا غنهضر معاه متخافيش هو ديالك ونتي ديالو داابزو وتصالحو تفارقو وتعاودو ترجعو مع بعضياتكم…

ريتا:(طولات شوفة فيها)مزال مابغيتي تسامحي لليث..

ابتهال:(تبدلو ملامحها للبرودة تاني)صعيب نسامحو ويلا سامحتو مغنرجعش ليه سالينا…

ريتا:(عارفة راسها قاصح واخا تهدر وطبل وتغني مغاديهاش فكلامها كملو فطورهم وابتهال طلعات لبيتها دخلات دريسينج جبدات لحوايج ولبسات صالوبيط دالتوب بلا سماطي فلكحل لفوقاني يد بلكمام ويد معرية ولتحت سروال مزير شوية دارت سميطة كحلة عريضة فلوسط وسندالة عالية فضية فرقات شعرها فالجنب خلاتو مطلوق دارت حلقات طوال و2كورميط أونسونبل فضيين خفاف وخاتم رشات من ريحتها وهزات صاك بوشيط فالرمادي هبطات)ريتا متحلي لتااحد من غيري سمعتي تااحد

ريتا:(بعدم فهم)علاش شنوو واقع(عقدات حجبانها)متقووليش ليا رجعتي للمافيااا ابتهال هاااد المرة مغتهربيش وغاتجاوبيني شكون ضربك فوجهك شحالهادي…واش لوكاس عندو شي علاقة واخا منظنش حيت نهار غبرتي كان غيحمااق ويلقاك مغنتفاك معاك حتى تجاوبيني على سؤالي..

ابتهال:(كتفكر فشي كدبة)كانو تعرضولي شي رجال نهار جرى عليا ليث وراكي عارفة مسكتش ليهم هددوني ضربت واحد فيهم وهما يضربوني فوجهي…

ريتا:(عبسات وجهها)الله ياخذ فيهم الحق قوليلي بلي مرجعتيش تخدمي فالمافيا عفااك

ابتهال:ريتا المافيا خدات مني حياتي وسعادتي كظني بلي غنرجع ليها تاني…

ريتا:وعلاش كتوصيني منحل لحد الباب…

ابتهال:(كتشوف فالساعة لي معلقة فلحيط)حيت لوكاس اكيد غيكون شاف دكشي دلبارح وخفت يجي لهنا ويدير شي مشكل راك عارفاه مهم خاصني نمشي دباا تعطلت(سلمات عليها وخرجات ركبات فلوطو شرات تيلي فطريقها ومشات نيشان للشركة دلوكاس وصلات جبدات ملف من لمجر وخرجات تمات داخلة كلشي كيشوف فيها من طبيعة الحال خبر لبارح دغيا تنشر فجميع مواقع التواصل الاجتماعي طلعات لبيرو ديالو حلاتو ودخلات خلات سكرتيرة كتغوت غير بوحدها دخلات لقات آرثر وضحكات)أهلااا شنو جيتي دير هنا ياكما كتودع لبيرو ديالك…

آرثر:(كيشوف فيها مصدوم ونطق)كيفاش مفهمتش…

ابتهال:(وراتو الملف وبالضبط الوتيقة ليفيها أن لوكاس تنازل على جميع حصصو لي كيبلغو 80% وعطاهوم لابتهال الأمر لي كيجعل ابتهال هي المديرة حيت ارثر عندو نسبة قليلة لي هي20%)

آرثر:(زير على فكو بغضب)هدشي مزوررررر ميمكنش مكنتش كنظن هاااد الحقد كااامل غيخرج منك اليزا درت فيك خييير وهزيييتك من الزنقة هكاااا باش كاتجازينيي

ابتهال:(بغضب)تمنيت كووون متعرفتش عليك تمنيت كون ديك الليلة ماوقفتييييش بطوموبيلتك حدايااا من نهاااار عرفتك وانا فالمشاااااكل(بحدة)غااادي ندمك سمعتي غاااادي نكرهك فحيااااتك ونخلييك تندم على النهااار لي فكرتي دخل فيه لحياتي(شيرات للباب)خررررررج…

آرثر:(ضرب الكرسي برجليه وتم خارج زادح لباب بغضب كبير…)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت223

ابتهال:(بحدة)غااادي ندمك سمعتي غاااادي نكرهك فحيااااتك ونخلييك تندم على النهااار لي فكرتي دخل فيه لحياتي(شيرات للباب)خرررررج…

آرثر:(ضرب الكرسي برجليه وتم خارج زادح لباب بغضب كبير…)

ابتهال:(جلسات فالكرسي وهزات تيلي عيطات لسيمون باش يجي عندها شوية وتم داخل)

سيمون:(سلم عليها وجلس)علاش جبتيني لهنا وشنو كاديري فالشركة دلوكاس…

ابتهال:تؤتؤتؤ خطأ الشركة ديالك

سيمون:(ضحك)واااش لباس..

ابتهال:بيخير(عطاتو ورقة ومداتليه ستيلو)منين غادي تسني غتولي نتا المدير..

سيمون:(هز حجبانو بدهشة)مفهمتش كيفاش درتيلها(بدى كيفكر نهار لي عطات للوكاس شي ملف وقاتليه سني ونطق)يعني داك النهار لوراق لي سنا لوكاس ديال تنازل على ممتلكاتو ياك..(شافها حركات راسها بآه)ولكن نتي كنتي غادي تقتليه كون ماسناهومش علاش دبا بغيتي تعطيني الشركة بكل سهولة….

ابتهال:سيمون أنا مطامعاش فأملاكو همي الوحيد كان هو نحيدلو كاع لي كيملك وانتقم منو(عطاتو ستيلو)دبا غتسني ولا لا…

سيمون:(هز راسو بواخا قبط ستيلو وسنى عل لوراق)

ابتهال:مبروك عليك مهم العقد راك كان فيه حتى بعض الڤيلات ولاو تاهما بسميتك..

سيمون:(ابتسم معاها)كنشكرك بزااف ابتهال…(سكت شوية متردد ونطق)دكشي دلبارح واش بصح..?

ابتهال:(حركات راسها بآه)بلا منهدرو فهاد الموضوع…لوكاس هرب

سيمون:(وسع عينو)ككيفااش ياك مضروب كلو كيفاش غااادي يدير يهرب

ابتهال:شيحد ليي عاونو معرفتش شكوون لكن غاادي نعرف(وقفات وهزات صاكها)خاصنا نمشيو للشركة عند ڤيكتور ونهدرو (هزات تيلي وعيطات لروبيرتو باش يتلاقاو تما خرجو من الشركة سيمون ركب معاها)غنقضي واحد الحاجة بعدا عاد نمشيو عندو(ديمارات لوطو وتحركو)

#عند_ليث…

(داخل للشركة طلع فلاسونسوغ لابس تيشورط فالأزرق مزير عليه شوية مبين عضلاتو وسروال تجين مفتوح وسبرديلة فالرمادي فيها شوية دالشيبي مشى لبيرو دهود حل لباب ولقاه واقف كيمشي ويجي ويمسح وجهو باينة معصب عقد حجبانو ونطق)هووود مالك…?

هود:لوكااس…

ليث:(بعدم فهم)مالو?

هود:لبارح ليكارد منين مشاو يخطفوه لقاوه مكاينش

ليث:(زير على قبضة يديه ونطق بلغوات)كيفااااااش مكااااينش

هود:(كيمسح على راسو بغضب)منين مشااااو لقااوه هرب اكيد آرثر عندو دخل فالموضوووووع

ليث(ضرب يديه فلبيرو ولاح كاع دكشي لي تما بغضب شديد دغيا هز تيلي وكيعيط لابتهال مكتجاوبوش عاود عيط ووالو تعصب)-/لااااااوي هادييي باغاااااا تحمق عدو ربييييي

هود:(بعدم فهم)علااش مالها…

ليث:(نطق بلغوات)خاااصها تعرف بلي مااشي حنا لي خطفنااه وان لوكاس حر اكيد غااادي يبغي ينتااااقم منهاااا حيااااتها وحيااااة بنتي فخطر(رجع كايتاصل بيهم ووالو مكتجاوبش زاد سخط وخرج كيف الرعد من الشركة ركب فلوطو وكسيرا للڤيلا ديالها)

#عند_نجود…

(كانت جالسة فناموسية اليوم نقلوها لمصحة وحداخرا ديال إعادة التأهيل الداخلية سمعات لباب تحلات لقات ابتهال فرحات)

ابتهال:(دخلات وسلمات عليها)نجوود لاباس عليك

نجود:الحمد الله بيخير ابتهال ونتيا بيخير قسم مزيانة…شفت دكشي دلبارح واش داك الراجل كتعرفيه ابتهال…

ابتهال:(يالاه بغات تهدر وهي تسمع لباب تحلات)

سيمون:(هاز تيلي دابتهال وكيشوف فيها)ابتهال راه من الصباح وهو كايصوني

نجود:(وسعات عينيها وضارت دارت يدها على فمها وضحكات)سيمووون

سيمون:(عاد انتابه ليها وقرب عندها)ههه لا ميمكنش نجوود اشهاد الصدفة(عنقها ونطق)شنوو كاديري هنا..وفين غبرتي

ابتهال:(بعدم فهم)واش كتعرفو بعضياتكم…

نجود:(عنقاتو بيديها ليمنية)كان كيقرى معايا من الإبتدائي حتى للثانوي ههه كنا مكنتفاارقوش

سيمون:(شاف فيها وابتاسم بفرح)متخايليش شحاال توحشتك وتوحشك لبسالة ديالك ويامات الشغب ديالنا فليسي ههه

نجود:(طرطقات بالضحك ونطقات)عرفتي ابتهال منين كنا كنجلسو حدى بعضياتنا كانو الاساتذة ديما كيجريو علينا

ابتهال:(كضحك)نيت تلاقيتووو الباسل على خوه(شافت تيلي تاني كيصوني لقات ليث جاوباتو وخرجات)

سيمون:(عقد غوباشتو)مالك انجوود شنو وقع ليك…باش جيتي لهنا

نجود:(ساطت بتعب)بزااف دلحوايج اسيمون وقعو لي نقدر نقوليك انه ابتداءا من اليوم غادي نبدا حياة جديدة مابغيتش نرجع نفكر فالماضي(شافت فيه وضحكات)زياانيتي العفريت…

سيمون:(غمض عينو وخرج لسانو كيعوجها)مابغيتش نرجع نفكر فالماضي عاارفك بغيتي تنسيني ولكن متخاافيش غادي تعاوديلي بالسيف عليك(خربق فشعرها)نتي تبدلتي بزاف أبوكيمون…(قرسها فنيفها وبقى كيضحك)

نجود:(ضرباتو فكتفو بزعف)واااالو متبدلتيش باقي كيف ماكنتي…
(بقاو كيهضرو فجميع المواضيع ويضحكو تلاقاو الحمق على خوه مكاين غير قولها وضحك عليها مع سيمون لي مكايتقاداش من النكت نجود حسات براسها فوجات شوية وضحكات من قلبها)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت224

نجود:(ضرباتو فكتفو بزعف) وااالو متبدلتيش باقي كيف ماكنتي..
(بقاو كيهضرو فجميع المواضيع ويضحكو تلاقاو الحمق على خوه مكاين غير قولها وضحك عليها مع سيمون لي مكايتقاداش من النكت نجود حسات براسها فوجات شوية وضحكات من قلبها)

ليث:(شاف سيمون جالس حدى ختو طلعاتليه القردة للسطح هو معصب وزاد سخط دبا مشى عندو وشنق عليه)بغييييت نعرف علاياش كتقلب اولد ل—بة فالمرة لولة امرااااتي ودبا ختي علاياش كتقلببببب…(جات ابتهال وكتحاول تبعدو عليه)

ابتهال:لييثث طلق منوووو راه جى معاياااا

نجود:(كتحاول تنوض وشادة فيد ليث كتفكو)خوياااا طلقووو واش معقلتيييش عليه هداا راه سيمووون سيموون لي كان كيقرى معايا فالصغر وكان كيجي عندنااا للدار

ليث:(عقد حجبانو كيشوف فيه طلق منو وقوس حجبانو) كيفاش..

نجود:هذا سيمون خو ستااارك صاحبك لي كان كيقرى معاك فالجامعة…

ليث:(كيشوف فيه ويحاول يتذكرو حل فمو بصدمة)
لااا ميمكنش نتا هو سيمون ديزل(ضحك وعنقو عناق رجولي)

سيمون:(كيضحك)هدشي خااصو يوصل لخويا ليڤر نقوليك صاحبك نساني وكان غيقتلني..

ليث:(طبطب على ظهرو كيضحك)كنعتذر والله معقلتش عليك اخر مرة شفتك كنتي فليسي باقي صغير كيف داير لاباس عليك واحد ليڤر فين غبر…

سيمون:الحمد الله اخويا ليڤر راه فالنرويج تزوج وخدام تما..

ليث:(ضحك)شكون كان يقول الزهواني دليڤر يتزوج إوا ونتا(قوس حجبانو شدو من قردفادتو وخرجو)وااش كتخدم فالمافيا مع ڤيكتور ولا كيفاش..

سيمون:لا اخويا ليث غير كنديپاني مرة مرة معاه ومع ابتهال

ليث:لوكاس هرب معندكش شي خبار واش كنتي لبارح تما…

سيمون:لا مكنتش تما لقيتيني يالاه كنا غنمشيو عند ڤيكتور ونهدرو فهاد الموضوع

ابتهال:(خرجات من شومبر شافت فليث نطقات)داك الصحاافي دلبارح فين هو..

ليث:(بعدم فهم)علاش بغيتيه…

ابتهال:(اخنزرات فيه)ماشي شغلك قوليا فين هو..

سيمون:(شاف الوضع متوتر ونطق)انا غنهبط لتحت…

ابتهال:(وقفاتو)تسنى غنهبطو أناا ويااك

ليث:(جرها من ذراعها وبعدها من حدى شومبر)خااصنا ندويو ابتهال راه مااشي انا لي خطفتو..اه كنعترف لبارح كنت ناوي نخطفو لكن منين وصلو لكارد للمستودع لقاو لوكاس ديجا هرب (طول الشوفة فيها)واش عمري كدبت عليك ولا خبيت شي حاجة…

ابتهال:(قرات فعينيه الصدق عرفاتو كيقول الحقيقة حيت بصح عمرو كذب عليها وفنفس لوقت حسات فحالا كيدق عليها زعمة نتي لي كتكذبي وتخبي عليا)

ليث:(حط يدو على ذراعها بزوج مزير عليها)خايف لانخسرك مرة اخرى ابتهال نتي وبنتي لوكاس واحد مريض وقتال غادي يبغي ينتقم منك على دكشي لي درتيليه ونتي بوحدك فديك لڤيلا اجي وجلسي معانا فالدار تما كاين الأمان كثر غير على مانشدو لوكاس عفاك(ميل راسو كيترجاها بعينيه)

ابتهال:5سنين وأنااا قادرة نحمي راسي بوحدي مامحتاجاك لا نتا لا غيييرك ودباا قولي فين هو داااك الصحاافي

ليث:(مسح وجهو بقلة صبر ونطق)كاين فالديپو ابتهااال راه اعترف لوكاس لي عطاه المعلومات عليك(بحدة)جيبي قسم وجلسي معانا متخلينيش نتعااامل معاك بشي أسلوب مغيعجبكش

ابتهال:(قربات لوجهو كتشوف فيه بشوفات كون كانو قرطاس كون اختارقوه)جرب(مشات من حداه وهبطات لقات سيمون لتحت ركبات ومشاو للشركة دڤيكتور)

ليث:(زير على قبضة يديه معصب جبد تيلي وعيط)بغييتك تسيفط شي 10دليكارد للموقع لي غنسيفطليييك دبااا سمعتي يحرسو لڤيلا مزيااان الدبااانة مابغيتهاش دخل سمعتيييي وسيفط شي 3دليكارد للطبيب دبااا يوقفو قدام باب شومبر 24/24ساااعة(قطع عليه معصب إلا مابغاتش تجي هي للڤيلا ضروري خاصو يدير شي وحدين يحرسو دارها واخا مغاديش يرتاح غيبقى مشطون عليهم لاهي والا ختو نجود لوكاس جن واحد نمرود وقتال سيفط ليه لموقع دڤيلا ابتهال وديال طبيب دخل عند نجود وبقى كيهضر معاها شوية على ماوصلو ليكارد ودعها وخرج سفطليهم شي تصاور فواتسب)من غييير هااادو لي فالتصاااور تاااحد ميدخل عندها(كان غادي ورجع عندهم)واحد دري سميتو سيمون واشم وعندو حلقة فنيفو ووحدة فوذنو تاهو دخلووه…(تحرك من تما وهبط سيمون كان صديق نجود من الطفولة زد على ذلك خوه كان صاحبو ركب فلوطو ديالو ومشى للشركة)

#عند_ابتهال…

ابتهال:(شافت فيهم)غادي نخطفو آرثر…

روبيرتو:(ضحك)لا بزااف واش حماااقيتي نتي باغا ضبري عليهااا

ابتهال:(بحدة)بيني وبينو حسااب قديم خاصو يخلص ثمن أخطائو

ڤيكتور:آرثر ولا غادي وليكارد تابعينو القضية صعيبة(كيحك ذقنو)القضية دللحشيش حسن أ ابتهال بلا متوسخي فيه يديك

ابتهال:(زيرات على قبضة يديها بغضب شديد منين تفكرات بلي هو لي قتل والديها)مااابغيتش ندخلو للحبس بغيت نعذبووو نخليه يتمنى الموت وميلقاهاش(شافت فيه مخنزرة)لوكاااس كيفاش دااار هرب

ڤيكتور:علموني ليكارد بلي لبارح هجمات عليهم شي مافيا أكيد غتكون دآرثر ماتو بزاف من رجالنا هربو لوكاس ومشاو….
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت225

ابتهال:(قبطات وجهها بيديها وكتماصي جناب راسها حاسة بيه غيطرطق خاصها ضروووري تلقى آرثر وتعذبو على فعلتو وتفهم بزاااف دلحوايج….هزات صاكها وناضت)ڤيكتور إذا عرفتي شي حاجة عيطلي(شافت فروبيرتو)ونتااا يالاه معايا عندي معاك شي هضرة…(تبعها روبيرتو وهبطو لتحت ركبات فلوطو وجلس حداها ضارت عندو)شهااد الخصاايل كادير للبنت أروبيرتو

روبيرتو:(مسح على وجهو بتعب ونطق)ليزا(قاطعاتو)

ابتهال:(بحدة)ابتهااال

روبيرتو:(كمل هضرتو)ابتهال هاد الأيام راني مرون مع الواليدة والله(شاف ابتهال كتجبد شي وراق وعطاتهوملو عقد حجبانو ونطق)شنو هادو..?

ابتهال:الملكية ديال لوطيل وشي ڤيلات ومزرعات كتبتهم بسميتك الشركة عطيتها لسيمون ونتا…

روبيرتو:(قاطعها)هذاا حقك ابتهال هما قتلو والديك علاش دبا كتعطيني هدشي…?

ابتهال:(شوفات قاصحة)هدشي رااه مغاديش يرجع ليااا والديا وزايدون انا مااباغا تاحاجة من عند دااااك الحيوان(عطاتو ستيلو)هااك سني وعيش حياتك بعد على ارثر ولوكاس حيت مابقاش ليهم الأثر لوكاس مابقى عندو والو حتى لفلوس لي فلبنك خديتهم وحطيتهم فحسابك وآرثر باقي عندو غير لوطيل وشي ڤيلات قلال لكن منين غيدخل للحبس غادي يحجزو عليهم حيت عندو كريدي مع البنك شد(عطاتو الملف قبطو وسناه)من هاد اللحظة غتنسى الماضي وتبدا حياة وحداخرا سمعتي…حياة مع ريتا البنت لي كتبغيك

روبيرتو:(ابتسم ليها وطبطب على ظهرها)أحسن بنت تعرفت عليها فحياتي من بعد ريتا هي نتي كنتمنى ليك السعادة ابتهال وترجعي مع ليث داك الراجل والله حتى كيبغيك أنا ماعارفش شنو وقعليك معاه لكن عطيه فرصة وحداخرا على الأقل غير على قبل قسم متخليهاش تكبر بعيدة عليه راكي عارفة معنى الأب فالحياة…كلشي كيغلط وكلشي عندو الحق ففرصة تانية ومتنسايش حتى نتي غلطتي أنا كون عرفت بلي ريتا خدامة فمافيا وبالضبط مع أعدائي وانه كانت دايراني غير لعبة غنحس ب–/ري شماتة رجولتي غتخليني نمشي نقتلها وزيدي قضية خوه لي مات حتى نتي غلطتي ابتهال كان خاصك تقوليليه الحقيقة من اللول 3 سنين ونتي كتكذبي عليه تزوجتو وداز شهر ومعترفتيش ليه كون قلتيهالي فاللول غيتقلق لكن منبعد غينسى حيت كيبغييك لواحد الدرجة بزاااف….مهم راه فهاد لوقيتة كاين خطر كبير علي حياتك نتي وبنتك لوكاس حر وارثر غادي يكون كيكرهك اكثر 2اشرار على وجه الأرض ضددك حضي رااسك عفاك…(طبطب على ظهرها وخرج خلاها كتفكر فهدرتو متكية راسها على الكرسي غمضات عينيها وكتفكر بصح هي غلطات من اللول كان خاصها تقوليه الحقيقة لكن بمجرد مكتفكر فلي وقع ليها بسباتو كتعصب باقا كتبغيه وكتبغيه كتر من اللول توحشاتو بزاف مكرهاتش تعنقو وتبكي فحضنو وتنسى كاع لي وقع ويعيشو مجموعين هي وياه وقسم مابغاتش تبعدها على باباها ومابغاتش تخليها تربى بعيدة عليه لكن الظروف غادة عكس أحلامها حسات بغمة طاحت عليها حلات عينيها طلقات الموسيقى وتحركات للشركة…)

#عند_جوليا…

(جالسة فالجردة كتفطر مع صباح كانت لابسة كسيوة بيضة حد لفخاض كتافها طايحين وفيه 2سماطي من لقدام كيتسدو مور لعنق وصندالة عالية فلكحل طالقة شعرها ودارة مكياج خفيف ريسي وآيلاينر وعكار فغور مغتوح سالات فطورها وسلمات على صباح هزات صاكها وخرجات ركبات فلوطو نيشان للشركة وصلات وتمات غادة كاع لي شافها كيجي يسلم عليها حيت سنين هادي ماجات للشركة ومن طبعها إنسانة عفوية طلعات سولات سكرتيرة على القسم ديالها فين جى لأنو الشرجة قسموها ل3 جناحات واحد ديال الرسم واحد دلمايكب وواحد ديال تصميم الازياء ودالمجوهرات خلاص كاين المعامل لتحت لي كيتكلفو بدكشي وهود كل نهار كيطل عليهم ويشوف دكشي كيف غادي وصلات للجناح ديالها كان كبير بيرو ديالها فالوسط وفالجنب كاين ورشة دالرسم محطوط طابلو باقي جديد مامرسوم فيه والو وحداه بلاكار كبير فيه جميع الألوان كاين اقلام رصاص واقلام ملونة العادية وكاين دالشمع والصباغة اوراق بيضاء ضورات راسها للجيهة لاخرة وهي تحل فمها بالصدمة منين لقات طابلو ديالها معلق فالحيط وهاد طالبو رسماتو منين كانت فلندن فواحد المعرض وتباعو لوحاتها كاملين من عند نجوم وممثلين واساتذة فالرسم من غير طابلو واحد لي معرفاتش شكون شراه ابتاسمات بفرح وبقات كتصفق غير بوحدها عيطات للسكرتيرة وجات)قلبي فالحسابات ديال الشركة واش هاد طابلو تشرى من هناا…(خرجات شوية ورجعات)

سكرتيرة:(هازة فيديها طابليط وكتقرى)بصح امدموزيل جوليا هاد طابلو تشرى من هنا وبالضبط من حساب موسيو هود…

جوليا:(وسعات عينيها بفرح يعني كان حاضيها ماشي ناسيها كيف كانت كظن بلا شعور مشات كتجري تالبيرو ديالو حلاتو لقاتو جالس مشات عندو كاطير وترمات فحضنو معنقاه فحال شي بنيتة صغيرة وكتبوس فيه)كنبغييك كنبغييييك….كنبغيك…
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت226

هود:(معنقها وكيضحك بعدها عليه قرسها فنيفها ونطق)اكيد غادي تكوني شفتي طاابلو ياك…

جوليا:(جالسة فحجرو وملوية يديها على عنقو ابتاسمات بفرح)متخااايلش شحال فرحت شكرااا بزاف…يعني كنتي مرااقبني فداك الاسبوع دالمعرض

هود:(حط يدو على حنكها وكيشوف فيها بحب وحنية)نهار عرفتك بلي كاينة فلندن مشيت وشغتك كيفاش كنتي فرحانة بقيت سيمانة كنمشي لإيطاليا ونعاود نرجع…

جوليا:(قاطعاتو موسعة عينيها)يعني دييك المدة كاملة كنتي حداايا ولكن علااش ماواجهتينيش وهضرتي معايا

هود:(ابتاسم)زعمة كنتي غادي تفرحي ديك الساعة كنتي كتكرهيني حسيت بهدشي غير من هدرتك الباردة ومنين كنصوني عليك مكتجاوبينيش مقديتش نواجهك ونوقف قدااامك…

جوليا:(عينيها دمعو وتلاحت عليه معنقاه)عمري كرهتك أنا كنت غير مقلقة منك…

هود:(معنقها من خصرها وكيسمح على شعرها وظهرها طبع قبلة دافئة فعنقها حتى قفزات ضحك ونطق)ههه مالك

جوليا:(كتضحك)هريتيني…

هود:حلفي بالله(ضحك وجر راسها عندو كيبوسها فعنقها ويعضها وهي تهرب منو عاد شافها شنو لابسة وسع عينو)اشنوووو هدشي لابسة يااااك هدرنااا ديك النهااار على هاد اللبااااس(كيطلع ويهبط فيها مغدد وهي ضربات الطم وكتعض فشنافتها بتوتر ونطق)أجيييي لهنااا

جوليا:(هزات حجبانها)أنا…

هود:(كيعوجها)انااا

جوليا:(اخنزرات فيه شافتو جاي عندها دغيا حلات الباب وعطات رجليها للريح وهو تابعها الموظفين غير كيشوفو فيهم ويضحكو مشات لبيرو ديالها يالاه غتسد الباب وهو يدخل)

هود:(كيضحك وشدها من ذراعها)على خر أيامي ترضيني فحال لبرهوش تابعك كنلعبو كاش كاش (قرسها ففخضها وكيشوف فيها)تعاااودي لمك تعريييي كرااااوعك نقطعهوووم ل—ة دمك من الجدر…

جوليا:(تقصحات وبقات كتلوى غاد بوحدها وشداتها لبكية)اااي احح احح طلق راك ضريتيني اااااي

هود:(ضحك بخبث طلق من فخضها وقرب ليها غامزها)اممم ضرييييتك

جوليا:(حمارت من الحشمة وضرباتو فكتفو)ماااسخ تفوو مكتحشمش خرج براا خرج (بقات كدفع فيه حتى خرجاتو وسدات لباب تكات عليها وكتبتسم)

هود:(حاط يدو على الباب وكيضحك)ابتسامتك شفتها من هناا ازين…

جوليا:(اخنزرات وبدات تعوج سيفتها)

هود:مهم مع 1ونص نجي عندك ونخرجو نتغداو بدلي دوك زووج شراوط باش منجيييش نقطعهووم عليك

جوليا:(بهمس)إنشاء الله

هود:(حاط وذنو على الباب)راااه سمعتك

جوليا:(بلفوات)واااصافي سمعناااا دبا نبدلووو غير سير فحالك دباا

هود:(بقى كيضحك ومشى لبيرو ديالو)

#عند_ليث…

(غادي للفيلا دابتهال طل على ليكارد لقاهم شدو بلايصهم عاود وصاهم وزاد عطاهم لفلوس واخا هود ديجا خلصهم لكن الواحد كل ماعطيتيه كل ماخدم بنتيو صونا وحلاتليه ريتا نطق)ياكما غاتقوليلي تاااني بلي معاارفاش ليزا فينهيااا
(خنزر فيها وزاد لقى قسم كتلعب فالجردة دايرين فالقنت حدى الصور بلكانابي وجليسية بلخديديات فالأرض ومن الفوق دايرين البَاشْ مغطي الشمس وقسم جالسة ودايرين بيها اللعب ولمونيكات غير شافتو تمات جاية عندو )

قسم:(دايرة يدها فجنابها)علاش جيتي…

ليث:(ضحك من الطريقة باش كتهدر ونطق)قالولي كاينة واحد الأميرة كتسكن وبغيت نجي نتعرف عليها…

قسم:مكايناش هنا…

ليث:(داير يدو على فكو ونطق)اممم هي غلطت فالدار ولكن شكون كيسكن هنا…

قسم:كتسكن اللبؤة وبنتها (كتشير بسباتها لراسها)لي هي أنا..

ليث:(هبط عندها بخوف مصطنع)مغاديش تاكليني ياااك

قسم:إلا مابغيتينيش ناكلك يالاه دفع بيا الأرجوحة(ضحك وحنى راسو سمعا وطاعة😂مشى معاها لبلاصة لي جالسة فيها جلسات فالأرجوحة وبقى كيدفع فيها شوية سمع صونيت شافت ريتا غادة تحل وبانتليه ابتهال دااخلة شافتها قسم ومشات طايرة عندها)

ابتهال:(حنات ودارت يديها كتسناها توصل عندها نقزات عليها قسم حتا جاو مليوحين بزوج اللور وابتهال كضحك)هههه واااميمتي قتلاااتني

قسم:(معنقاها ومتكيين فالأرض كضحك)

ليث:(تم جاي عندهم تمنى كنت كانت كتعاملو فحال هكا هز قسم ودار يدو لابتهال باش ينوضها)

ابتهال:(شافت فيه ببرودة تفكرات نهار ضربها ورماها فالأرض نفس المشهد تكرر غير ديك المرة خلاها مليوحة ودبا باغي يعاونها ناضت بوحدها وكتنفض فحوايجها مخلية يديه معلقة)قسم سيري غسلي يديك باش نتغداو(مشات قسم يالاه غتبعها وهو يشدها ليث من ذراعها مضورها عندو)علاااااش كتعاااااملي معايااااا هكاااا ابتهاااااال كنعترف بلي تعذبتييييي بزااااف بسباااااابي لي خاااااصك تعرفي انه فدييييك اللحظة مكنتش عاااارف شنو كندير ابتهاااال فديك الليلة(نطق بألم)مات خوياااا مات واناااا معنقوووووو ديك الساعة مت حتا أناااااا منين عرفت بلي كنتي كضحكي علياااااااا وكذبتييي عليااااااا فهميني(كيحرك فذراعها ويفوت عينيه حومر)فهمينييييي شوية حسييييي بيااااا شنو كنتي باغاااااني ندير نعنقك ونقووووليك ماشي مشكل امرااااتي….لعزيزة لقيييييتك ما مرة مااااا زوج مع ڤيكتور وروبيرتو
وسيمون بوووحدك وسط الرجااااال تعصبت ولكن مجريتيكش بالسيييف عليييييك ورجعتك للدار حيت نتي كتبقاااااي امراااااتي باقاا امرااتي

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت227

ليث: فهمينيييي شوية حسيييي بيااااا شنو كنتي باغاااااني ندير نعنقك ونقووووليك ماشي مشكل امرااااتي لعزيزة لقيييييتك ما مرة ماااشي زوج مع ڤيكتور وروبيرتو وسيمون بوووووحدك وسط الرجااااال تعصبت ولكن مجريتيكش بالسيييييف عليييييك ورجعتك للدار حيت نتي كتبقاااااي امراااااتي باقااااااا امرااااااتي وعندي حقوووووق علييييك سمعتي ولا لااااااا وزيدي هاااادي فرااااسك(كيضرب سبباتو فجنب راسها)نتي ديااااالي وغتبقاااااي دياااالي قلبك كيضرب بسميتيييي وكل نفس خرجتيييييها من فمك كتنطق سميتييييي نتي تخلقتي بااااااش تكوني ليااا لياااا اناا بوحدي نتي ملك لليث الوهااااابي ولي حط يدو علييييك غاااادي نقتلو ولووووكاس غاااادي نلقاااااه ونقتلووو سمعتيي غاااادي نقطعوو طراف طراااف ونلوحووو لكلاااااب ياااااكلوه بلاااا متكدبي عليااااا نتيييي بااااقااااا كتبغينييييي مغااااديش تخبي عليااااا حيييييت كنعرفككككك كتر من راااااسي…(زير على يديهااا)غااااادي طلعيييي وتجمعيييي حواااايجك ودياااال قسم غتمشيييي معاااااياااا للداااار دبااا

ابتهال:(نتراات منو)مغاااادي نمشي معاااك لحتى بلاصة سمعتييييي

ليث:(تم غااادي جارها)وااااخا انا لي غاااادي نجمعهم…

ابتهال:(مدخلها للكوزينة وهي جمعات قبضة يديها عطاتهاليه لكرشو زواتو)

ليث:(غمض عينيه بألم باقي شادها من يديهاا اخنزر فيها وزير على فكها بغضب شديد تاترسمو يديه فحنكها)

ابتهال:(كتحاول دفعو عليها وتغوت)طلللللق منيييي ال–ل

ليث:ويلاااا مطلقتش شنوووو غاديريييي..

(غوتة وحدة كانت كافية تخليهم يبعدو على بعضياتهم مخلوعين)

قسم:(مزيرة على يديها وجهها حمر)ااااااااااااااا اهى اهئ صااااافي برااااااكة مداااااابزوش اهئ اهئ(تمات جاية عندها ابتهاال وهي تهرب منها وطلعات كتجري لبيتها)

ابتهال:(طلعات تابعاها بغات تحل لباب لقاتها مسدودة)قسممم حليييي ابنتيي عفاااك (جى ليث وكيضرب فالباب)

ليث:قسااااام بابا حلي الباااااب نهدرو معاااك كنواااعدك مغنعااودوش ندابزو…

قسم:(جالسة فالارض ومعنقة رجليها كتبكي)بعدووووووو مني اهئ اهئ

ليث:(ضار عند ابتهال)وااش مكاينش ضوبل دسواارت…

ابتهال:(حركات راسها بلا)ساروت لاصق فالباب ماشي فحال لاخرين…(جلسات فالأرض حاطة راسها على الباب بحزن وكدق فالباب بصبعها ونطقات)قسم عارفاني كنبغيك كثر من راسي وكنخاف عليك متبكيش عفاك ابنتي كتعذبيني هكاااا(شافتها مجاوباتهاش وساطت بقلة حيلة غمضات عينيها ونطقات)هبط…

ليث:ابتهال دبا ماشي وقت الدباز قسم حتى هي بنتي..

ابتهال:(شافت فيه بعياء وعينيها حومر مدمعين)هبط عفاك…

ليث:(بقى كيشوف فيها حس بيها ضعيفة ونطق)إلا خرجات علميني..واخا(شافها حركات راسها بواخا وتحرك من حداها هابط فالدروج)

ابتهال:(تكات راسها ونطقات بألم دموعها هابطين)
قسم..قسومتي..بنتي لحبيبة متبكيش عفااك
(سكتات شوية ونطقات)أنا وباباك كنا غير كنتنااقشو مادبزنااش…قسم عفاك جاوبيني ندير أي حاجة بغيتيها غير متبقاايش مقلقة مني…

قسم:(كتمسح عينيها من الدموع ونطقات)أي حاجة…!!

ابتهال:(ابتاسمات على الأقل سمعات صوتها)أي حاجة احبيبتي…

#عند_ليث…

ليث:(جالس فالدروج لتحت وقابط وجهو بين يدو داز لوقت ومزال ابتهال ماقاتليه شي حاجة حس بشيحد عنقو من اللور ضار ولقى قسم وسع عينو بفرحة هزها وعنقها)

قسم:(ضحكات)عرفتي أنااااا غااانطير بالفرحة

ليث:(عقد حجبانو كيضحك)اممم يمكن لي نعرف علااش

قسم:(ابتاسمات)حييت غااادي نعيييشو مجمووعين

ليث:(بعدم فهم)كيفاش…?

قسم:انا سمعتك منين قلتي لماما نمشيو للدار وماما وافقاات يعني غنعيشو انا وياك وماما وميمة وعماتي وعمي هود مجموووعين ديك ساعة نقدر نسامحك(عنقاتو وهو بقى موسع عينو مافاهم والو خلاها تمشي تلعب فالجردة وهو طلع عند ابتهال لبيتها لقاه محلول تم داخل لقاها كتجمع حوايجها وديرهوم فلباليزات نطق)ابتهال واش بصح…(قاطعاتو)

ابتهال:درت هدشي على قبل قسم..(كتهز لحوايج وتطويهم معصبة سالات سداتها وهي توحل بقات كادي وتجيب فيها مابغاتش تعصبات كثر ماراها معصبة حسات بليث جاي دفعاتها بغضب وخرجات لبالكون مزيرة على قبضة يديها هي ماباغاش تمشي لكن منين رغباتها قسم وشافت حالتها كيف دايرة قبلات لكن واعداتها بلي غير مدة وغترجع شافها ليث معصبة بقى كيشوف فيها من بعيد ومشى سد لباليزة بسهولة دخلات شافتو سدها ومشات الحمام كتجمع ماكياجها ودكشي ديالها سالات ومشات لبيت قسم جمعات حوايجها وهبطاتهم لتحت هزهم ليث ودارهم فلكوفر دلوطو ديالو)

ابتهال:(ودعات ريتا وحلات لوطو ديالها وشافت فقسم لي قابطها ليث)قسم تمشي معايا ولا مع باباك…

قسم:(كتشوف فابتهال وتعاود تشوف فليث لي واقف حدى لوطو)ماما بغيت نمشيو مجموعين….عفاك

ابتهال:(زيرات على فكها كتحاول متبين والو سدات لوطو…
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت228

ليث:ابتهال عطيني لكونطاك دلوطو نعطيها لكارد باش يوصلها لڤيلا…

ابتهال:(عاد ردات لبال لليكارد لي مستفين فجناب الڤيلا وعطاتو لكونطاك طلعات القدام ودارت السمطة عطى ليث لكونطاك لكارد دار لقسم السمطة وسد لباب ومشى ركب فبلاصتو وكسيرا نيشاان للڤيلا وصلو دخل لوطو للڤيلا وهبطو ليكارد لباليزات مطلعينهم لفوق دخلو ولقاو صباح فالصالون)

صباح:(ناضت فرحانة حيت ديجا علمها ليث بلي غيجيو سلمات على ابتهال ومشات باست قسم )لغزاالة دجداتها

قسم:(عنقاتها وكضحك)

صباح:الغداء راه واجد يالاه نتغداو(خرجو من صالون غاديين يجلسو فصالة مونجي)

ابتهال:(شافت قسم غتمشي تجلس وهي تنطق)قسم لااا ابنتي متجلسيش تما..

قسم:(عقدات حجبانها)علاش أمامي…

ابتهال:هاديك بلاصة عمو قيصر…

صباح:(ابتاسمات عجبها شنو دارت يعني باقا عاقلة)

قسم:(حلات فمها بابتسامة)يعني عنديي عمووو وحدااخر

ابتهال:(عضات شنافتها ونطقات)لا ابنتي عمو قيصر دبا مع جدك وجداتك…

قسم:(دلات شنايفها وشافت فصباح لي باين فوجهها الحزن مشات عندها باستها)ميبقااش فيك الحال اميمة هما فبلاصة زوينة حسن من هناا جداتي وجدي غايكونو معاه وميخليوهش يحس براسو بوحدو

صباح:(ابتاسمات وعنقاتها مزيرة عليها هضيراتها حللين كتفتخر بيها وبابتهال لي ربات قسم احسن تربية جلساتها فحجرها وكتقيس فشعرها وتبوسها ونطقات)اليوم أنا لي غنوكل حفيدتي لغزاالة ياربي تحفظك ليااا…(هبطات جوليا وسلمات عليهم جلسات بلاصتها وشافت فابتهال لي بقات واقفة ونطقات)

جوليا:ابتهال اجي جلسي حداايا

ابتهال:لا مافياش الجوع غير بصحتكم(خرجات للجردة عيطات لڤيكتور)بغيت شي مستودع آخر

ڤيكتور:(عقد حجبانو)لايااش كتخططي ابتهاال

ابتهال:غتعطيهلي اه ولا لا…

ڤيكتور:صافي قطعي انا غنسيفطليك الموقع راه فيه ليكارد غادي نعلمهوم بلي غادي تجي…

ابتهال:اوكي…(قطعات عليه ودوزات النمرة لآرثر جاوبها ونطقات)أهلا الپوص..

آرثر:شكون معايا…

ابتهال:(ضحكات)واايلي نسيتي يديك ليمنة

ارثر:علااش عيطتي شنو باغااا…

ابتهال:هاد الساااعة باغاااك نتا غنسيفطليك وااحد الموقع وغادي تجي ليه…بوحدك

ارثر:(عقد حجبانو)علااش غادي نجي

ابتهال:(بحدة)حياة ولدك بين يدي فأي وقت نقدر نلوحو فلحبس

آرثر:ولدي باقي مختفي معرفتوش فيننوو شنووو بغيتييي مزااال ياااك خديتي جميييع أملاكووو ونصف املاااااكي حيت كنت كاااتبهم فسميتو ليزااا كنصحك متلعبييييش معاااايا

ابتهال:(بسخرية)ولا شنووو….(شافتو سكت ونطقات)غنسيفطلك الموقع اجي بوووحدك…(قطعات عليه وسيفطاتليه الموقع ديجا سيفطوليها ڤيكتور يالاه غاضور وهي تلقى ليث تسمرات فبلاصتها وبقات كتشوف فيه شنو زعمة يكون سمع دكشي لي قالت)

ليث:(كيشوف فيها كيفاش مبلوكية عقد حجبانو)ماالك..واش واقفة شي حاجة

ابتهال:(عرفاتو ماسمع والو عاد ارتاحت ونطقات)لا والو…شنو كادير هنا

ليث:قسم بغااتك…

ابتهال:واخا(تماة غادة ودخلات مشات عند قسم ونطقات)مامي مالك…

قسم:(شافتهم كلهم كيشوفو فيها وعضات شنايفها حشمانة وهزات صبعها صغير)

ابتهال:(ضحكات حيت عرفاتها بغات تمشي لطواليط غير من داك صبع لي هزاتو هزاتها عندها وتمات طالعة الفوق بانليها الحمام ودخلاتها تسناتها تاسلات ودخلات غسلاتليها بالصابون عاودات غسلات يديها وتمات خارجة)

قسم:(جرات يد ابتهال)مامي فين هو بيتك نتي وبابا هو قالي منين كنتو مزوجين كنتو ساكنين هنا (شافت ليث طالع وهي تمشي عندو)فين هو بيتك نتا وماما…

ليث:(هزها عندو كيضحك)هي لولة أقطيطتي(تم غادي لبيتو شاف ابتهال واقفة استغل الفرصة وعنقها بيديه ليمنية جارها معاه)

ابتهال:(كاتحاول تبعد منو بلا متفرطها قدام قسم وهو مزير عليها بقات كتشوف فيه وتضحك مفقووصة)

قسم:(ابتاسمات ونطقات)ياااي شحاال كاتباانو كيوت

ليث:(ضار عند ابتهال)شفتي بنتك شنوو قالك امراتي لعزيزة

ابتهال:(كتفرنس)سمعت سمعت ازوجي العزيز

ليث:(حل باب بيتو ودخل حط قسم وتمات داخلة)

ابتهال:(دخلات بشوية بمجرد ماشافتو حسات بقلبها بدى كيضرب بشوق بدات تفحص كلشي باقي كيف ماخلاتو ناموسية فالوسط شافت لكوافوز وسعات عينيها بصدمة منين لقات روايحها وماكياجها كلشي باقي كيف ماخلاتو سمعات قسم كتعيط عليها ومشات عندها لقاتها فدريسينج..)

قسم:(كتوريها لحوايج)مااامي هادو واش حواايجك

ابتهال:(كتقلب على ليث لقاتو فلبالكون استغلات الفرصة وبقات كتشوف وتمعن مزيان لقات حوايجها كلهم باقيين تما حلات لمجورة لقات ملابسها الداخلية ولفوطات مجوهراتها صنادلها كلشي باقي تما حسات بقلبها تزير وبدى كيضرب بالجهد معقول 5سنين هادي وهاد لحوايج هنا يعني عمرو نساها خرجات برا كتشوف فلفراش باقي نفس الديكور لي كانت كاديرو كطوي لكوڤرلي من لفوق وتخلي لخدادي بايينين رسمات ابتسامة حزينة منين شافت لخدية لي كينعسو عليها فيها تصاورهم بزوج معانقين كانت هي لي قاداتهم ) شافت فقسم ونطقات)قسم هبطي جلسي حدا جداتك(مشات قسم وهي تخرج عند ليث)كيحساااااب ليك رااااسك إلا رجعتيييي حوااايجي لهناااا غنتيق بليييي راه عمرك نسيتينيييي وتعذبتيييي فهاد السنين كاااااملة…(هزات ساببتها)هدشي لي كندير على قبل على قسم مااااشي حيت معشووووقة نشوف كمااارتك قداااامي كل نهاااار وما هي غير مدة قصيييييرة على ماااا تحسن الحالة النفسية دقسم ديك سااااعة غنفهمهاااااا وغنرجعو للڤيلا….

ليث:(شاف فيها بنظرات منكسرة)لهاد الدرجة كذبتي حبي ليك ابتهال لهاد الدرجة وااااااش كااااظني انااااا مسالي -/ريييي باش نديييير هاااااد لفعاااايل دلبرااااهش انا مكنتش عااااارفك كااااع حتى واااش غااااادي تجي لهناااااا فنظرك واش فمدة نصف ساااااعة لي كنتي كتجمعي فيهاااا حوايجك غانجي نحطهم ولا نعيط للخدامة ونقوليها ترجع حواااايجك للبيت (طول شوفة فيها وحرك راسو بمعنى ياخسارة وخرج خلاها مزيرة على قبضة يديها…

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت229

حرك راسو بمعنى ياخسارة وخرج خلاها مزيرة على قبضة يديها دخلات لبيت لقاتو خرج مشات تاني لدريسينج كتبقشش)
هاااحنا غانشوفو أسي ليث وااش كتكدب ولا كتقول الحقيقة
(حلات لمجورة لقات لفوطات مطويين بنفس الطريقة لي كانت كاديرها حوايجها معلقين بنفس ترتيب الألوان صبابط كذلك حلات لمجر لتحتاني بانولها شي أولويزات دياولها هزاتهم تفاجئات منين لقات تاريخهم تسالا هادي 5سنين يعني بصح ديالها خرجات ومشات لكوافوز كتقلب فلماكياح لقاتو بصح قديم كتجبد فلكريمات لقاتهم قدام وديجا مستخدمين وهماا هادو نيت لي كانت كادير غمضات عينيها بألم حسات براسها بلي بصح ظلماتو وهي لي عمرها ظلمات شيحد عضات شنايفها بفقصة شافت لخدامة طلعات باليزاتها داياهم لدريسينج ونطقات)شوفيلي شي بيت وحدااخر أنا مغاااديش نجلس هنا…(شافت قسم داخلة)

قسم:(سمعات لكلمة لخرة وغوبشات)ماامي وااش دابزتو عاوتاني…علاش مغاديش تجلسي هنا ياك هذا بيتك…

ابتهال:(مسحات وجهها بتعب ونطقات)لا مامدابزينش ابنتي

قسم:وعلاش قلتي مغتجلسيش هنا…

ابتهال:(مشات عندها وقبطات فيديها)هي قاتلي واش نوجدليك شي حاكة تاكليها وانا قتليها بلي مغنجلسش هنا حيت انا غادي نخرج نقضي شي شغال(شافت فالخدامة ونطقات بقلة حيلة)صافي سيري كملي خدمتك…

قسم:مامي فين غادي تمشي…

ابتهال:مغاديش نتعطل عليك كنواعدك(هزات يديها كتبوس فيها)

قسم:واخا امامي(باستها فحنكها ومشات)

ابتهال:(هزات صاكها وهبطات ودعات صباح وجوليا وخرجات ركبات فلوطو كتبات الموقع ديال المستودع وبقات غادة حتى وصلات خرجات شافوها لكارد وجاو)

~~:سميتك…

ابتهال:Lioness كنظن ڤيكتور هدر معاكم

~~:(حنى راسو سمعا وطاعة ومشى حليها المستودع)

ابتهال:بغيتكم ماتباانوش تخباو فشي بلاصة حتى يجي واحد راجل ونعطيكم الإشارة…عطيني شي سلاح(مشى لواحد الخزنة حلها جبد فردي وعطاهليها تحرك من حداها جلسات فواحد الكرسي وكتلعب بسلاح وبقات كتفكر داك الصحافي لوكاس لي عطاه لخبار و ارثر قبيلة قاليها بلي ولدي مختفي يعني ماعارفوش فينهو وماشي ليث لي خطفو يعني يا إما ليث كيكذب ولا آرثر ولكن ليث كون خطفو غادي يعترف ليها وبدات تفكر فهضرة ڤيكتور منين قاليها بلي مافيا لي هجمات عليهم وليث مامنخرط مع تامافيا يعني غادي يكون آرثر ساطت بتعب هدشي دوخها سمعات تقرقيب الصباط هزات راسها ولقات آرثر جاي هزات رجليها دارتهم فوق طبلة رجل على رجل وكتلعب بسلاحها طلقات رصاصة وحدة فالسقف وبداو يتجمعو ليكارد)

آرثر:(عاقد حجبانو بغضب)ماتاافقناااااش على هاااادشي شنوووو هاد لفعااايل دلبراااهش الييزااااا

ابتهال:(شيرات للكارد)جلسوه فشي كرسي وربطووووه…ولكن قبل(هزات سبابتها)حيدوليه حواايحو(شافت فواحد لكارد)خرج براا شوف واش جايب معاه شيحد…(شافت فواحد لكارد اخر)طلبلي شي طااكوس وموناضة(كتشوف فارثر لي كيحيدو ليه حوايحو وكتقيس فكرشها)منين كنشوف شيحد عزيز كتحلي الشهية…

(حيدوليه حوايحو خلاوه غير بشورط جابوليها جهاز تنصت وضحكات كانت عايقة بيه من اللول ونطقات كتهدر فيه)هااااي كاايز لاباس عليكم متأكدة بلي لوكااس كيسمعني بغيت نقولوو حسن ليك تحفر قبرك بيديك حيت مابقى ليك واالو تشاااو(حطاتها فالأرض وعفساات عليها بطالونها فرتتاتها شافت فآرثر ونطقات بسخرية)شنو كيحسااب ليك زعمة غاديرها بيا…(ضحكة شريرة)هاهاهاهاهاها

آرثر:علاااش كاااديري هاكااا بغيت نعرف أناااا فااااش آديييتك يااااك لوكاااس لي فضحك قداااام ليث مااااشي أنا

ابتهال:(قربات عندو بخطوات بطيئة هبطات راسها عندو وابتاسمات)مدرتيلي واالو ياااك..?(شافتو حرك راسو بلا جمعات بونية عطاتهااليه لوجهو وزادتو وحدااخرا حتى كح الدم وشافت ضرسة مليوحة فالأرض ابتاسمات بغل والشرارة خارجة من عينيها…)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت 230

ابتهال:(بعدات عليه مشات عند واحد لكارد شوية وتمات راجعة عندو هازة بريكة وشاعلاها شافت فيه ونطقات)فاااش كتفكرك فهادي….

آرثر:(وجهو كيضرو وكيشوف فيها متوتر)معر….فتش

ابتهال:جواب خطأ(قربات ليه وقاستو ففمو بعد وجهو دغيا كيغوت نطقات بحدة وكتشوف فيه بعينين كون كانو قرطاس كون اختارقوه)فاااااش كتفكرك هااادي(شافتو بقى ساكت وبعدات عليه)

آرثر:(بقى غير كيشوف فيها ولعروقات كتصبصب من جبينو خايف لا تكون عرفات الحقيقة شوية شافها جاية وهازة لحم حطاتو فحجرو فوق لمعلم مافهم والو لكن غير شاف ليكارد مدخل كلب پيدبول لبولة هبطات ليه من الخلعة)

ابتهال:(مشات عند لكارد قبطات من عندو لكلب كان غيعضها وهي تهز يديها لفوق وغوتات)هيييي ششش جلس جلس(خرجات فيه عينيها وكتشير للأرض)جلسسسس(كاع داك الصعر لي كان فيه طار وجلس مخرج لسانو ابتاسمات وبقات كتلعب معاه قبطاتو من سنسلة وجراتو جيهة آرثر لقات شرشور دلبول هابط وخسرات وجهها)أووو اشهاد الشوووهة زعيييم لمافيا باقي كايديرها تحتوو كان خاصني نجيب معاياا ليكووش بنتي صغر منك ومكديرهاش…

آرثر:سميتها قسم ياك…

ابتهال:(خرجات فيه عينيها)متجبدششششش سميتهااااا على فمك (جرات الكلب لعندو هاد الأخير شاف اللحم تما وهو يطير عليه كيااكل ويفترس ارثر كيغوت حيت كيعض ليه تا همو وجهو ولا حمر غاادي يطرطق ابتهال شعلات تاني العافية ونطقات)عقلتي دبا ولا لا…

آرثر:(كيغوت ويبكي من الألم حرك راسو بآه)

ابتهال:(زيرات على فكها وقبطات فسنسلة دالكلب بعداتو عليه لقاتو شرشملو ديك لبلاصة والدمايات كيسيلو عطات لكلب ليكارد وشافت فيه)شنو تفكرتي…(شافتو ساكت وكيبكي غوتات)متبكييييييش حييت مزاااال مدرتليك والوووو
ال–/وااااد يالاه هضااااااااار (قجاتو غارسة ظفارها فعنقو)غتهضر ولا لااا

آرثر:(حاس بروحو غطلع وجع رهيب فحجرو وظفارها دخلو فلحمو حرك راسو بآه خايف ونطق بصعوبة حيت قاجاه)غن..هضر

ابتهال:(رخفات منو وشافت ظفارها عمرو كلهم بالدم مشات مسحاتهم بكلينيكس عاطياه بالظهر ونطقات)كنسمع…

آرثر:(كلام واحل ليه فحلقو)لعافية فكراتني فالقصر لي حرقتيه…

ابتهال:(ضحكات بالجهد وضارت عندو)

آرثر:(شافها جمعات ضحكتها وتحولو ملامح وجهها لمنظر مرعب قلبو بدى كيزدح شوية ويخرج من بلاصتو)

ابتهال:(هزات السلاح سحبات الزناد وضارتولو فوق راسو)

آرثر:(كيحرك راسو بلا بهستيرية)لاا عفاااك ماديريهااااش أليزاا متقتلينيييش

ابتهال:(غوتات)علاااااش نتا مقتلتيييييش ليااااا والديا هضاااااار مااااااشي نتا لي حرقتيهم ومثلتي علياااااا بلي مكتعرفنيييييش وبغيتي دير فياااااا خير ال-/اااااااامل

آرثر:(بدى غير كيضور فعينيه صافي تفرش كلشي تفضح زير على عينيه بغضب ونطق)شنوووو كتخربقيييي أليزااااا وااااش حمااقيتي

ابتهال:(ضرباتو بلتحتاني دالسلاح لراسو جابتو منشور فالأرض هزات رجليها وبدات تعطيه فالركيل لكرشو وتعفس عليه بطالونها سلخااتو ديال المعقول وصلات لماكلة وبعدات عليه خلاتو كيتلوى من الألم مشات غسلات يديها وجلسات فالكرسي كتاكل بهدوء وتشرب موناضتها دوزات لعشية كلها تما كتسلخ فيه بالسمطة رضاتو كلو زرق مكاينش لبلاصة لي مضرباتوش فيها خلاتو مغيب خلات ليكارد يتكلفو بيه وهي مشات البحر حاسة براسها مخنوقة حيدات سندالتها كتمشى حدا لماء وغسلاتها حيت كان فيها شوية ديال الدم منين كانت كضربو برجلها مشات جلسات فوق واحد الحجرة طلقات لموسيقى فلكيت وكتشوف تصاورها مع والديها فتيلي باقا محتافظة بيهم مكرهاتش تغوت وتخرج كاع داك الألم لي فقلبها…)

§| بكثرة ما كتمت في داخلي أشك في أن يوم أصرخ ستخرج روحي مؤنسة صوتي الذي كان سجين جسدي لعدة سنين🥀 §|
#من مذكرتي أنا آية🦋

(بقات جالسة تما وكتشوف فلبحر ساهية وجميع ذكرياتها مع والديها رجعو بقات كتبتاسم غير بوحدها مع كل ذكرة تفكراتها نسات راسها وبقات جالسة حتى شافت الظلام طاح هزات تيلي لقاتو طافي مابغاش يشعل سارج خوى مشات ركبات فلوطو وسعات عينيها بصدمة منين شافت فاللوحة لي تما 12 دالليل وايلي هاد الوقت كامل داز وهي محاساش بيه ديك الساعة كسيرات ومشات نيشان للڤيلا وصلات لقات الضواو مطفيين باينة نعسو تمات داخلة وحيدات طالونها باش ماديرش الصداع طلعات عاد تفكرات بلي خاصها تنعس فبيت ليث ساطت وحلات لباب بانليها الظلام بقات غادة بشوية تالجيهة ناموسية حطات سندالتها وبدات تحيد فداك صالوبيط يالاه غتهبطو من لتحت وهو يتشعل الضو غير داك لخفيف تخلعات وضارت شادة فصدرها لقات ليث جالس فواحد لفوطوي عريان من الفوق لابس غير شورط ومتكي راسو كيحل عينيه ويسدهم بشوية شافت فالطبلة لي قدامها لقات بزاااف دلقراعي دالشراب وشي 30 كارو مطفي فالطفااية)

ليث:(هاز قرعة دالشراب وكيشرب منها كيبتسم وعينيه معسلين نطق بنبرة خافتة زادت برزات بحتو الرجولية بطريقة حنينة ومضمرة فنفس الوقت)بنت قلبي جيتي..توحشتك💔

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت231

ليث:(هاز قرعة دالشراب وكيشرب منها كيبتسم وعينيه معسيلين نطق بنبرة خافتة زادت برزات بحتو الرجولية بطريقة حنينة ومضمرة فنفس الوقت)بنت قلبي جيتي توحشتك…💔

ابتهال:(جلسات دايرة يدها على صدرها وساطت بتعب من الحالة لي شافتو فيها)

ليث:(شعل كارو تاني كيكمي وحل لقراعي لاخرين بنيابو وبدا يكَركَب وحدة مور وحدة ويحبس يكمي ويرجع يشرب حتى خواهم كاملين كمش عينو ومسح فمو وقف وجى عندها كيميل هبط على ركابيه وبقي كيشوف فيها)

ليث:(همس بنبرة خافتة)ليزااا كنبغيك كنتسطا عليك عمري نسيتك ونتي مكتيقينيش(عنقها من خصرها حاط راسو على صدرها وكيحك راسو بطريقة طفولية على صدرها جابلها تبوريشة زير عليها فحالا شي حاجة عزيزة عليه مابغاش شيحد يقيسها ونطق كيتهجى)متمشيش وتخليني سامحيني وخلينا نرجعو كيف كنا انا بلا بيك مكنسوى وااالو…(هي باقا مبلوكية دايرة فحال الجماد وكمل هدرتو)عمري كذبت عليك وتادبا مغنكدبش عليك نعست مع مليون –بة من مور مامشيتي بغيت نساااااك ونخرجك من عقلي ومقدييتش…خنتك أنااا منسوااش انا ولد ال—ة متصوريش شحاال ندمان لكن عمري خليت شي كلبة تحط راسها فبلاصتك حيت نتي لي كاينة ابنت قلبي نتي هي بنتي وامراتي وروحي وكلشي تعذبت فكل مرة شفت بلاصتك فوق ما شميت ريحتك فخديتك فوق ماشفت حوايجك كان قلبي كيضرني توحشتك(باسها ففرقة صدرها حتى بورشها)وتوحشت نشم ريحتك توحشت نعنقك…توحشت نسمع صوتك(ابتسم)توحشت تقوليلي رومبو ديالي…

ليث:(هز راسو شاف فيها عينيه حومر معسلين ونطق بانكسار)سمحيلي عفااك منقدرش نعيش بلا بيك ندير أي حاجة واخا تقوليلي قتل راسك نقتلو غير سمحيلي…

ابتهال:(قلبها كيضرب بتسعين مامصدقاش هدشي لي كيقول كيبان بريئ وهو كيخرج كاع لي فقلبو بصراحة قلبها خفق مع كل كلمة خرجات من فمو معرفاتش علاش تعصبات منين سمعاتو قال نعست مع مليون وحدة قاطع افكارها غير منين جرها وتكاها فوق الناموسية طاح عليها بتقلو كامل معنقها وحاط راسو على صدرها مغمض عينيه وكيهمس)

ليث:كنبغي دينمك نتي ديالي ديالي بووحدي اي —ل شاف فيك غادي نقتلو…غادي تسامحيلي ياكي…

ابتهال:(بغات دفعو مقداتش وبدات تقيس فكتفو)ليث نوض..

ليث:(كيحرك راسو بلا فوق صدرها)لاا حتى تقوليلي كنبغيك…

ابتهال:(مسحات على وجهها ونطقات)ليث نووض عليا راك خنقتيني…(شافتو مجاوبهاش وبدات تدفع فيه وتقرس عارفا دبا بلي السكرة طلعاتلو للنخاع الشوكي مكيحس بتاحاجة ساطت بتعب)
ليث نووض دوش باش تفيق شوية عفااااك نوض(بدات تلمس فظهرو بحنية)نووض عفااك أليث …(عصبها وهي تغوت)واااانوض عليااا ال-/لاوي يحرق ط–/اااابن مك اوجه الت/ب…(شافتو هز سبابتو ونطقات)علااش هزيتي صبعك

ليث:واحد

ابتهال:(بعدم فهم)شنااهو لي واحد

ليث:مي عندها غير -/بون واحد

ابتهال:(ضربات جبهتها بفقصة نطقات مغددة)تهز ت-/وددد علياااا

ليث:(هز راسو كيشوف فيها بعينين نايمين جمع فمو على شكل بوسة مغمض عينيه ونطق)بوسيني ونوض…

ابتهال:(اخنزرات فيه وقراستو فشنايفو غارسة ظفارها فيه)غااااتنوض ولا نطيرهم لدينمك…

ليث:(عبس وجهو وبدا ينوض عليها غير بشوية كيميل ويضحك وكيغني)هاهو نايض..هاهو نااض

ابتهال:(ناضت دغيا طلعات داك صالوبيط على صدرها قبطاتو فكتافو وجلساتو فناموسية هازة سبابتها)غنمشي نبدل حوايجي ونجي متحركشش صاافي

ليث:(كيحرك راسو بآه شوية حركو بلا وبدا يدورو فحال شي طرومبية)

ابتهال:(عضات شنافتها بغضب وضرباتو فجنب راسو)واااافيق اصااحبي راه كنهدر معاك…(هزات سبابتها دارتها فوق فمها)ششش(دخلات لدريسينج وبدات تبدل فحوايجها حيدات صالوبيط ولبسات شورط يالاه غتلبس سوفيطمة وهي تسمع لموسيقى تطلقات ومجهدة خرجات مخلوعة وكتلبس فسوفيطمة وهي دخل فالحيط نطقات معصبة)-/لااااوي تفووو(هزات عينيها لقاتو هاز القرعة كيشرب ويشطح ويغني)

ليث:(كيضحك ويميل غير بوحدو لموسيقى مجهدة ومع غربية وفيها الزدحة ومطلوقة فليباف كتسمع غير دفف دفف فحالا راك فشي بواط)

ابتهال:(ضربات فحناكها)ويليييي على بن ال-/واااد(تمات غادة طفيها وهو يشدها من يديها وبدا يضور فيها كيشطحها معاه😂 هي كدفعو وهو متكي راسو عليها بدات تويل فخاطرها بفات غير طفي لموسيقى عصبها وهي دفعو بكل ما فجهدها جى طايح فالأرض منشور وكيضحك بغات تهزو وهي تسمع الدقان دغيا مشات طفات لموسيقى وبدات تجر فيه داتو للبالكون وسداتو الشوهة إلا شافوه هكا بدات تقاد فشعرها لي طالع للسماء وحلات الباب مخرجة راسها لقات صباح لابسة پينوار وجوليا حداها وهود)

هود:(ضور وجهو عند جوليا وهمس)صاافي هادشي علاش مفيقااني راه مابيهم واالو

ابتهال:(كتعض فشنافتها)سمحوليناا فيقناكم فهاد لوقيتة انا معرفتش كيف دارت تشعلات لموسيقى ومعرفتش نطف..(مزال مكملاتها سمعات الخبطة فالباب ضارت وهي تلقى ليث ناعس فلبالكون وحاط يدو على الباب دلبالكون كيضرب فيها..😂)
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت232

هود:ابتهال واش واقعة شي حاجة

ابتهال:(كتفرنس)لا والو غير لباب(سمعات خبطة وحداخرا زيرات على فكها)لباب ولد لحرام خاصو شي مطرقة للراس باش يتقاد(شافت فيهم لقاتهم مافاهمين والو ونطقات)قصدت لباب دلبالكون كيدير الصداع الريح غير الريح(جمعات قبضة يديها)دبا نقادو متخافوش

صباح:بنتي خلي ليث يتكلف ولا فالصباح دبا نعيط لي يجي يقادو

ابتهال:لا خالتي صباح متخافيش(قوسات عينيها)انا عارفة كيفاش ندير نقادو(سمعات شي حاجة تهرسات ضورات راسها لقات طابلة لي تما فلبالكون مليوحة وشافت فيهم)خاصني نسد الباب راه الريح

هود:(كيشوف فصباح لي مافاهمة والو ونطق)صافي واخا اختي ابتهال تصبحي على خير واش ليث ناعس بغيتو فواحد لموضوع

ابتهال:ليث نعس بكرييي تالغدا ونقولهاليه

هود:(كيشوف فيها كيفاش كتهدر ومزيرة على الباب عرفها مخبية شي حاجة لكن ماشي شفلو)صافي واخا مهم تصبحي على خير…(ضار عند جوليا لقاها جالسة فواحد لكنابي كاين نيت فداك الممر ناعسة وحالة فمها عاد مشى عندها كينوضها حتى فاقت)لمراة جالسة مع راجلها فأمان الله ونتياا جاااية فااارعالي -/ري(هزها جارها لبيتها)

جوليا:(غادة وكتفوه)ياااك هما مفاارقين اشنووو غايكون كيدير معاها خفت يديرليها شيي حاجة عليها عيطت ليك

هود:غيكويهااا نتي مالك هاديك مرتو تانتي جاية نوبتك احياتي غير بلاتي..(ضحك وغمزها ماحس غير بقرصة فذراعو حتى غوت اخنزرات فيه ودخلات لبيتها سداات الباب فوجهو شاف صباح جاية وعوجاتو)

صباح:(هازة يديها بزوج كتحكهم بمعنى عبرات عليك دخلات لبيتها وسدات لباب خلاتو كيهدر بوحدو)

ابتهال:(ديك الساعة مشات لبالكون حلات لباب وهي تلقاه نااعس فالارض والزاج مهرس مشات للحمام عمرات سطل دالماء صغير ومشات كباتو عليه)

ليث:(حل عينو مفزوع وبدا يتهجى فالهدرة)اشاواا هدشي درتي

ابتهال:(اخنزرات فيه)درت لي خاصو يدار نوض تكعد(بداات تنوض فيه ودخلاتو للحمام طلقات الرشاشة وبدات تقاد درجة حرارة الماء خلاتها دافية باش يالاه يصحصح شوية ضارت عندو ولقاتو كَيركَب فقرعة وحداخرا ضربات فجبهتها بفقصة)وااا ميمتييي لحبيبة اشهااااد النهااار لم^/لون آرثر وجه ال-/ب هو السبب فوق مااانشوف كمارتو توقع شي كااارثة(حيداتليه القرعة وخواتها فطواليط جراتو من يديه ودخلاتو تحت الرشاشة)

ليث:(شافها غادة وجرها من يديها حاشيها فجنبو تحت الرشاشة)

ابتهال:(الماء هابط عليها وبدات دفع فيه ووالو مزير عليها)طلق يلعن ل-/حباااايماااك بعد منييي

ليث:(كيضحك فحال شي حمق معنقها وكيشطح)كنحبك كنموت عليك كنحماااق عليك جوطييم اليزاا(عنقها وحط راسو على عنقها)

ابتهال:(عيات تدفع فيه ووالو داير فحال التمثال فاللخر استاسلمات وخلاتو معنقها حسات بإحساس غريب مقدراتش توصفو همس حدى ودنيها بكلمة كنبغيك خلى قشعريرة خفيفة تسري فجسمها كامل خصوصا منين بدى يحرك يديه فوق ظهرها بحنية جاتها تبوريشة الماء هابط عليهم بزوج شاف فيها لقاها مغمضة عينيها حيت لماء هابط على وجهها شاف فشفايفها غوز وكيبانو كيبريو بالماء غمض عينيه وحط شفايفو عليهم طبع بوسة حنينة تبعها بعضة خفيفة فقنافتها زاد جرها عندو من خصرها ودخل معاها فقبلة رومانسية حنينة كيجر ويمص كل شفة بوحدها وكل وحدة عاطيها حقها حس براسو بدى يترخى وسط شفايفها ابتهال بلعات ريقها وسط شفايفو بغات تبعد منو وحط يدو مور عنقها جارها عندو ديك القبلة كانت فحال المغناطيس جاراهم بزوج لعالم آخر عالم نساو فيه شنو دارو لبعضياتهم وشنو المشاكل لي دازو منهم نساو كلشي من غير حبهم وذكرياتهم الزوينة مخليين قلوبهم كيهضرو ويعبرو على اشتياقهم لبعضهم رغم دكشي لي داز عليهم من ابتهال لي جرى عليها ومسمعش منها فليلة وحدة خلاها تخلصها غالية حياتها كاملة واخا مكانش عارف شنو طراليها كان غيحماق باش يلقاها قلب عليها لكن مالقاهاش ماستسلمش5سنين وهو كيبحث لكن ليزا طارت منو فحال شي ضباب كان فالزاج وتمسح واخا خبات عليه انها خدامة فالمافيا واخا خوه مات قدام عينيه بسباب لوكاس وآرثر لي جاو باش ياخذو الملفات من عندها واخا كان حبها ليه مجرد خطة من آرثر باش توصليه معلومات وتسرق الملفات باقي كيبغيها وكيحماق عليها سميتها محفورة فقلبو لداخل وعمرها تمسح واخا دير لي دير فنهار واحد بزاف دلحوايج وقعو فديك الليلة المشؤومة تعذبو أبطالنا بزوج كل واحد وكيفاش قسات عليه الحياة حط راسو فوق صدرها وهمس فوذنيها بنبرة خافتة كتبورش..

§…اصلبيني بين نهديك مسيحا
عمديني بمياه الورد والآس وعطر البلسان…
عانقيني في الميادين فوق الورق المكسور…
وضميني على مرأى الناس…§

غياب محبوبة الشاعر قد أخد منه حبره وكلماته مثل رسام فقد إلهامه ومثل صياد فقد صناراته…
بلسانه:
سأصنع من ترانيم الليل لؤلؤا لأجل عينيك وأغنيه لك وحدك تتحدث عنك
وعن خصل شعرك سأصنع حلما لك كل ليلة حتى تصحي بابتسامة تزين ثغرك يا فتاة قلبي💓
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت233

معرفاتش فوقاش وعلاش ابتاسمات توحشات تسمع الشِعر من فمو كان شااعر فنان هي لي اكتاشفات موهبتو كان كيكتب فواحد المذكرة لكن مكانش تايق فراسو منين قرات كلماتو ومع كل حرف كانت كتبتسم شجعاتو ومن داك النهار ولا يألف عليها الشعر…
حسات بيديه طالعة مع ظهرها كتحيد سوتيان قفزات من بلاصتها ودفعاتو عليها مخلوعة بغى يقرب منها وهي تبعد منو دايرة بيديها حركة سطوب حاطة يدها فوق صدرها لي كيطلع وينزل قلبها كيضرب بالجهد لدرجة شكات بلي راه كيسمع دقاتو هزات پينوار لبساتو وخرجات عينيها مدمعين مشات لدريسينج دخلات ماحساتش براسها فوقاش طاحت على ركابيها حاطة راسها على ديك لبوفة لي تما مزيرة على فمها وكتبكي كلشي تخلط عليها اشتياقها ليه وحبها لي عمرها نساتو وعمرها غتنساه ولا لديك القبلة لي شرحاتليها بزااف دالأحاسيس ولا قربو ليها لي كيخليها تحس بخوف ناتج عن محاولة اغتصاب من طرف لوكااس بمجرد مكيحط عليها يديه فشي بلايص محظورين كتحس برعب خطير كأن داك المشهد غادي يتعاود يتكرر حسات بشيحد جلس فلبوفة وكيقيس فشعرها..)

ليث:(هزليها راسها وباس عينيها بزوج بحنية عينيه معسليين بالتعب والنعاس وحتى السكرة صحصح غير شوية باقي كيطول ويتهجى فهدرتو نطق بنبرة خافتة وببحة رجولية)متبقايش تبكي دموعك كيحرقوني…(عنق راسها حطو على صدرو حيت جالسة فالأرض)

ابتهال:(غمضات عينيها حسات بأمان بإحساس لا يوصف إحساس من زمان ماعاشتو واخا يكون الإنسان قوي إلا بالضروري غيحتاج شي حضن حنين وشيحد يطبطب عليه هزات عينيها لقات عينيه كيتلصقو بالنعاس وقفات وبدات كتنوض فيه داتو للناموسية كان ملوي عليه فوطة مشات جابتلو شورط وكارصون عطاتهوملو وسدات عينيها)يالاه لبس

ليث:(هاز لكارصون كيبعدو عليه ويرجع يقربو كيشوف فيه)شنووو هذاا

ابتهال:(ساطت بتعب هاد الليلة مغاديش تقادا سادة عينيها ومسحات وجهها)لبسو اليث خليني نعس راني عيت عفاااك(هبطات كتافها مدلية شنايفها ومعبسة وجهها فحال شي بيبي صغير حسات بيه جرها من يديها لاوحها فوق الناموسية وسعات عينيها بصدمة خايفة)

ليث:(حطها فالناموسية وتكى حداها عنقها بيديه بزوج ولوى رجليه عليها فحالا معلق فشي جذع دالشجرة نطق ويبتسم)يالاه نعسي…

ابتهال:(يديه ورجليه فحال شي حديدة تلوات عليها معرفات كيدير تسلت منو)ليث طلق منييييي

ليث:(شاف فيها وباسها فحنكها ابتاسم)نتي ديالي معندك فين تمشي هنا غتبقاي يالاه تصبحي على خير ابنت قلبي(غمض عينيه باش ينعس خلاها كتسب وتخطي غير بوحدها)

ابتهال:(معصبة)خرى -/-وي ال-/ب نهااار م-/وي تفووو امييييمتي الزهر منين كان يتفرق فين كنت أنااا(شافت راسها باقا بلبينوار وشداتها الخنقة من الشدة لي دايرليها هي مامولفااش تنعس هكااا جاتها لبكية ضارت كتشوف فيه لقاتو ناعس حاط راسو على الخدية شعرو باقي فازك هابطين خصلات على وجهو وديك اللحية لخفيفة زادت برزات وسامتو وفمو جامعو فحال شي بيبي صغيور سهات فيه وفملامحو الطفولية هزات يديها وحطاتها بشوية فوق حنكو كتلمس وجهو إحساس زوين تملكها بقات كتشوف فيه وتشبع شوقها ليه تاحل عينو خلعها)

ليث:(ماعارف راسو واش فحلم ولا حقيقة راسو تقييل عليه ونطق)ليزا

ابتهال:(كتشوف فيه)اممم

ليث:(ابتسم)كنبغيك

ابتهال:(شداتها الضحكة واناري مكيتقاداش شافت فيه وكطبطب على كتفو)نعس ابا حبيبي نعس..تنعس ماتنوض

ليث:(غمض عينيه شوية وعاود حلهم)تقدري تسامحيلي شي نهار

ابتهال:(لسانها تعقد قلبها وعقلها لي كيهضرو واحد كيقول متسامحيليهش هو غلط معاك بزاف ولاخر كيقول تانتي غلطتي كون مكدبتيش عليه من اللول مغاديش يوقع هدشي بقات مدابزة مع عقلها وقلبها حتى شافتو نعس بغات تحيد يديه لقاتو باقي مزير عليها تأففات بقات هكاك كتسنى فوقاش يترخى باش تفك منو حتى داااتها عينيها أشعة الشمس بدات تدخل جات نيشان فعينين ليث بدى يحك فعينيه وكيحلهم بشوية مخسر وجهو وكيحس براسو كيضرو حس بشي حاجة محطوطة على كرشو لقاها يد ابتهال ضور وجهو وشافها متكية حداه ناعسة على كرشها ومعنقاه بيديها ابتسم زاد قرب عندها حاط راسو حداها فاصل بيناتهم غير سنتمترات قلال كيشوف فوجهها شعرها هابط على عينيها حيدو بصباعو وبقى ساهي فيها دوك الرميشات هابطين وفاتحة فمها شوية غوز مطيبز بقى كيحقق فملامحها ويلعب فشعرها متبدلاتش بزااف من غير حناكها لي كانو داخلين شوية ودبا عمرو نيفها متبدلش طبع قبلة على شفايفها عارف نعاسها تقيل بزاف لي شافها يقول راها فغيبوبة واخا يكويها مغتفيقش😂 تفكر القبلة دلبارح فالدوش هي الحاجة الوحيدة لي عقل عليها من الأحداث دلبارح هز تيلي ديالو حلو وبقى كيصور فوجهها كيبان فحال شي بيبي صغيور وصور راسو هو وياها معنقاه بقى كيبتسم غير بوحدو ماقاداه فرحة كل شوية يبوسها)

ابتهال:(حسات بشي وجع خفيف فكرشها وبدات تفيق تاكتحس بشي حاجة محطوطة على فمها حلات عينيها وهي تلقى سي ليث كيبوسها😂
اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت234

ابتهال:(حسات بشي وجع خفيف فكرشها وبدات تفيق تاكتحس بشي حاجة محطوطة على فمها حلات عينيها وهي تلقى سي ليث كيبوسها..😂 وهي طير عليه بعضة بكل ما فجهدها بعدات عليه خلاتو كيغوت)يلعن —ل لي حطك شنوووو كنتيييي كااادير

ليث:(شاد فشنافتو مغمض عينيه ومعصب ناض وشاف فيها واقفة فالجيهة لاخرة فارقة بيناتهم الناموسية)وااااش من جدر عقللللك عاااضاااني وليتي كلبة…ابنت ل—ة

ابتهال:يخرجووووو فيك فشي درب مكيخرجش إنشاااء الله الحمااري الكَلاَبِي القرد لااخر

ليث:(خرج عينو وكيشير بسبابتو لراسو)أناااا قرد القردة دبصح لي شاااافك دباااا كتغوتيييي يقووول ماااشي نتي لي كنتيييي معنقاااني وانا نااااعس…

ابتهال:(وسعااات عينيه فيه مخنزرة بانليها واحد لڤاز وهي تهزو شيراتو عليه وخوى الطريق جا فالحيط)بزاااااف علييييك ال—ل نتااااا لي لبااارح باااايت تهترف بسميتيييي فحال الكلب(دايرة يدها فجنابها كتعوجو)بنت قلبيي كنبغيييييك سمحيلياااا عفاااك منقدرش نعييش بلا بيك اععععع نانانانانا

ليث:(اخنزر فيها)كنت سكرااااان مكنتش فالوعي ديااااالي زعمااا راني معشوووق فييييك اااش يسحاااب لييك -/رك كاااع ابنتي

ابتهال:يااااااك أبابااااا…أنووووض جمع راااااسك رااااني عايقة بييييك غتمووووت بااااش نرجع لييييك يااااا الشماااتة

ليث:(تعصب)جمعيييي فمك ولا غااااادي نجي نهرسوووووليك معرفت شنووو غاااادي نبغييي فيك منين كنت كنبوووس فيك لباارح كاااان عاااجبك الحااال ديك الساااعة مقلتيش هاد الهدرة…(شافها هازة واحد ديكور وهو ينطق)لااااا متشيريييش(تم هارب باغي يمشي للبالكون وهي ضربو بيه فيدو تقصح وضار عندها يالاه ناوي يبدى يسب ويخطي وهي تجيه صندالة للوجه)اااااي بنت ال—ة اليوووووم ن-/وييييييك(تم غادي عندها كيجري وهي تطلع فوق الناموسية مشات لجيهة لاخرة)لاااا سميييتك مراة أجي لهنااا

ابتهال:(تم جاي وهي ضور للجيهة لاخرة حيت الناموسية جاية فالوسط دشومبر هزات سبابتها)انا فحااالة متمسحلييش نهضر معاااك تسنى نبدل حواااايجي ونجي ونوريييك شكون الراااجل وشكووون لمرااااة الشماااتة

ليث:(جامع قبضة يديه)راااااك جهلتييييي دييينمي هااااد الصبااااح ال–/لاوي راااه غنعطيييييك شي ضربة نخلييييك معوقة حياااااتك كاملة…

ابتهال:إلاااا سميتك راااجل ديرهاااا….(سمعو الدقان وهما يضربو الطم نطقات بشوية)سير حل

ليث:(اخنزر فيها وهمس)سيري حليها نتي لي نوضتي الصدااع

ابتهال:اشداك تبووسني المكبووت…

ليث:نتي لي نااعسة حدايا معرية فحال صحاب الحال شنو بغيييني نديير راني رااجل…

ابتهال:(نطقات مغددة)كنكرهك…

ليث:(ابتسم)حتى أنا كنحماااق عليك احياتي(غمزها وسيفطليها بوسة فاقصها سمعو الدقان تاني ومشاو حلو الباب ليث مخرج راسو وابتهال تحت منو دايرين فحال شي فيران لقاو هود وجوليا)

هود:(شاف ليث عريان من الفوق وابتهال لابسة بينوار حشم وضار عند جوليا كيخنزر فيها وهي كتفرنس)

جوليا:خويا سمعنا الصداع واش واقعة شي حاجة

ليث:ابدااا غير كنا كنهدرو…

هود:(حل فمو فيه)وا حَلُّوووقْ عندك(شافو اخنزر فيه وهو يجمع فمو جر جوليا ضاغط على كتفها)سمحوولينا صدعناكم(تم دايها يالاه غتهدر وهو يقاطعها)شششش حتى كلمة منعست حتى ساااااعة مقادة معاااك سيري ت–/وديييي لبيتك(دخل لبيتو وسد لباب)

جوليا:(كتهدر بوحدها هازة سبابتها)والله حتى كانو كيدااابزو (دخلات لبيتها وتحشات بلاصتها)

ليث:(ضار عندها لقاها شادة فجنبها ومغمضة عينيها بألم مشى عندها مخلوع)واااش وااقعة ليك شي حاجة(شافها مجاوباتوش وهو يضورها فراسو)اليوم عشرين صااافي عرفت(شافها مافهمات والو وهو ينطق)اليوم كتجيك ختناا…

ابتهال:(بعدم فهم)شكوون ها..(باقا مكملاتها وهي طلع معاها اليوم كتجيها ليغيكل مركات وهي ضربو فكتفو)تفووو على كماارة بعد منييي(مشات للحمام شادة فكرشها حيدات لبينوار كانت باقة بشورط وديباردور دلبارح حيداتهم ولقات الدم فسليب جاب الله لبينوار فلكحل كون راه تشوهات حيدات ديباردور وشورط بقات غير بسوتيان هبطات سليب وجلسات فطواليط سمعات الدقان تعصبااات وونطقات بلغواااات)وااااش منخرااااو مااانبولوووو فخاطرنا اوجه التقببببة سييير
ت-/ووود عليا…

ليث:(كيضحك)حلي لباب…

ابتهال:(قبطات وجهها بفقصة تاسمعات لباب تحلات نسات مسداتهاش هزات راسها لقاتو مخرج يدو حيت طواليط جاية مور لباب مكيشوف والو خاصو حتى يدخل قشعات فيديه بكية دالفوطة الصحية كانت عندها فصاكها وبدات تويل فحنااكها)اشداااااك تمشي تخور ليااااا فالزمر دياااااالي

ليث:(مخبي مور الباب)دباااا غتشديها ولا لاااا

ابتهال:(هزات كتافها)مااابغيتش

ليث:واخا مرحبااا(سد لباب)

ابتهال:(ندمات وبدات تعض فشنايفها بفقصة عيطاتليه)
لااااايث(شافتو مجاوبهاااش)وااااااليث…
(سمعات الصقير عرفاتو دايرها بلعاني تعصباات)وااااسي
ت/-بي
.اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت235

ليث:(مخبي مور الباب)دبااا غتشديها ولا لاااا

ابتهال:(هزات كتافها)مااابغيتش

ليث:واخا مرحبااا(سد لباب)

ابتهال:(ندمات وبدات تعض فشنايفها بفقصة عيطاتليه)
لااااايث(شافتو مجاوبهاااش)وااليث….
سمعات الصقير عرفاتو دايرها بلعاني تعصباات(وااسي
ت-/بي….

ليث:(كان مور الباب وكيضحك)فين مشااات دبا ديك كرامتي وعزة نفسي…

ابتهال:(تعصبات)طلق لخرى وبراااكة من الهضرة…(شافتو حل الباب وحطها فالارض سدها وناضت جابتها غسلات نصها مزيان بالصابون بغات دير لفوطة صحية عاد تفكرات سليب خاصها تخرج سااطت معصبة وهي تسمع تاني الدقان نطقات معصبة)شنووو بغيتي تاااني…

ليث:(حل لباب وهي تخبع مواراه)غيييير لي بغى يدييير فيك شي خييير سلعة دالزبل هاااكي شدييي(كان هاز شي حوايج مطويين قبطاتهم وسدات لباب)

ابتهال:(بدات تقلب لقات سروال دلپيجامة بتيشورط ديالو وشورط سليب ابتاسمات حيت مزال عاقل بلي منين كتكون فيها ليغيكل كتلبس سليب شورط ماشي لاخر لبسات حوايجها وهي كتقطع بلحريق معرفاتش علاش جاتها بالوجع عاد تفكرات لبارح الماء بارد كان هابط عليها وبقات بحوايجها فازكين الليل كامل خرجات مالقاتوش هزات تيلي ديالها وشعلاتو وعيطات جاوبها ونطقات)كاين شي جديد..

~~:الليل كامل وهو كيغوت تالصباح عاد سكت ونعس…

ابتهال:سير خوي عليه الماء متخليهش ينعس…(قطعات عليه شافت فالساعة لقاتها 11 ماشي نعسات خمرات جلسات فناموسية بقات كضحك غير بوحدها منين تفكرات أحداث الصباح سمعات لباب تحلات واخنزرات فيه لقاتو داخل هاز بلاطو فيه لفطور د2 دالناس عينيها خرجو منين شافت الخبز مقلي بالبيض كيحمقها ناضت وهزات داك لبلاطو)شكراا حيت طلعيتلي لفطور صافي سير لخدمتك بسلامة(عطاتو بالظهر ومشات لبالكون حطاتو فوق الطبلة خلاتو حال فمو فيها وتبعها)

ليث:اسبحااان الله رااه تانا بااقي مافطرت(جلس وجر لبلاطو عندو وهي تعااود تجرو ابتهال)ابتهااال طلقييي الزمر…بغيتي تفطري هبطي للتحت راه لكووزينة

ابتهال:(اخنزرات فيه وهي تهز كاس دالقهوة والطبسيل لي فيه الخبز بالبيض وتمات داخلة لداخل)مسموووووم…

ليث:(وسع عينو فيها)أنااااا مسمووووم…

ابتهال:(ضارت عندو هازة حجبانها ببرودة)اه مسموم وحيواان ومكبوت وقليل لحيى…

ليث:(هز سبابتو ونطق)غااادي تسكتي ولا هاااد لمكبوووت غادي ينوض يفرعك رااااني من الصباااح وانا صاااابر ليك…(شاف لباب تحلات لقى قسم داخلة هازة نونوس وكتحك فعينيها)

قسم:(مشات عند ابتهال وعنقاتها)مااامي لحبيبة صبااح الخير…

ابتهال:(حطات دكشي لي فيديها فوق طبيلة لي تما وهزاتها معنقاها)صباااح النور قسوومتي كبيدتي(بقات تبوس فيها وتشم ريحتها تم جاي عندها ليث)

قسم:(شافت ليث ونطقات)صباح الخير

ليث:(باس يديها)صباح الورد والياسمين القطيطة ديال باباها نعستي مزيان..

قسم:(حركات راسها باه شافت فابتهال وعقدات حجبانها)مامي علاش وجهك هكاا واش مريضة…

ليث:(شاف فابتهال بانتليه صفرة ونطق)ابتهال سيري تفطري من لباارح..(قوس عينيه ونطق عاد تفكر)لبارح فين كنتي علاش تعطلتي..?

ابتهال:(شافت فيه بدون ملامح)كنت كنقضي شغالي(مشات لجيهة ناموسية بركات فواحد صونيط باش طلع للخدامة شوية وطلعات سولاتها على صباح وجوليا قاتليها مشاو عند نجود وطلبات منها توجد فطور لقسم طلعاتليها لفطور وكلاو مجموعين سالاو مشات ابتهال مع قسم لبيتها باش تبدل ليها حوايجها ولبسات ليها سوفيطمة قصيرة فلكحل وشورط تجين طالع فيها شي خباشي جيهة لفخاض لبساتليها سندالة فضية دارتليه طربوش قهوي دالشمس طلقات ليها شعرها وسنيسلة خفيفة رشات ليها ريحة وعطاتها صاك فلبيض كيتعلق فجنب خلاتها كتلعب باللعب ومشات لبيتها هي وزوجها العزيز😂 لقاتو كيلبس ساعتو كان لابس تيشورت مخطط بلكحل ولبيض وسروال وسبرديلة فلكحل داير نظاظر دالشمس مدورين زاجهم فلقهوي وراش من ريحتو تمات داخلة لدريسنج وسدات لباب بالساروت مافيهش التيقة لبسات شورط قصير مزير على حساب ليغيكل واخا عارفاها مغاديش تخرج لكن الاحتياط واجب لبسات سوفيطمة فالرمادي واسعة كلاص توبها من نيلو حشاتها فجوپةحد لفخاض كتبري وفيها 3الوان وردي الخزي وأزرق جاي لون تحت لون بشكل مدرج وزوين لبسات سندالة عالية فالرمادي خرجات مالقاتش ليث مشات جلسات فلكوافوز وجبدات لمايكپ ديالها ستفاتو تما فرقات شعرها جنب خلاتو مطلوق مع منشفاتوش بسوشوار تبوكلا شوية ولا زوين دارت عكار فلغوز ورشات من ريحتها أو نقولو دوشات بيها هكا كادير هي الريحة دارت كورميط خفيف هزات صاك بوشيط فالخزي وتمات هابطة شافها ليث وسع عينو بصدمة وزير على قبضة يديه….)
.اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت236

ليث:(العافية شعلات فيه وصلات حداه وريحتها سابقاها قبطها فذراعها مزير عليها)أشنووووو هاد ل-/لاااوي لااابسة طلعييي حيديه

ابتهال:(حيدات يديه بابتسامة باردة)عاود شنو قلتي…

ليث:(مزير على فكو وكيحاول يكالمي راسو)متعصبيش دينمي قتليييك طلعي بدليييي حوااايجك

قسم:(خرجات من لكوزينة هازة 2فريزات ودايراهوم حدى وذنها على شكل حلقات كضحك)ماامي شوفي شنو عطاتني طاتي كلارا…

ابتهال:(باستها وضحكات)اناا لي قتليها راه عزيز عليك لفريز(قرساتها فحنكها)الفرييزة ديال ماماها(قبطات فيديها وضارت عند ليث)يالاه نمشيو أراجلي العزيز…

ليث:(مالقى كيف يدير ينطق وقسم كتشوف فيه زير على عينيه كيحاول يتهدن شافتو قسم هكاك ونطقات)

قسم:بابا ماالك معصب…

ليث:(ابتاسم منين قاتليه بابا وهزها عندو وباسها)لا اقطيطتي مامعصبش انا بيخير هواا هدااك(شاف فابتهال وكيفرنس)انا فرحااان

ابتهال:(تمات خارجة وتبعها ليث حاضي غير جسمها شاف فخاضها كلهم معريين ومؤخرتها معزولة زير على فكو بغضب حاس براسو غينفجر شافها غتركب فلوطو ديالها ونطق)

ليث:ابتهال غنمشيو مجموعين فلوطو ديالي…

ابتهال:(حلات لباب)سير نتا وقسم أنا غادي نتبعكم(ركبات فلوطو وديمارات)

ليث:(ركب قسم حداه ودارليها السمطة عطاها تيلي ديالو تلعب فيه ماحد ابتهال مكيناش وتحرك للشركة وصلو قد قد وتمو داخلين الموظفين كلهم كيشوفو فيهم لبارح كان غير ليث ودبا ولاو 3 تزادت مرتو وبنتو استغل الفرصة وقبطها من خصرها واليد لاخرة قابط قسم داخلين كيشوفو قدامهم مدايهينها فحد دخلو فلاسونسوغ وهي تكحز منو ابتهال واخنزرات فيه وصلو وتمات غادة هي وقسم للجناح ديالها دخلات وبقات كتفحص فيه كان كبير طاغي عليه لون الأسود والأحمر جيهة فيها لبيرو ديالها بلكراسا وجليسة بليفوطوي بطبيلة دالزاج وتلفازة قدها قداش وفالجيهة لاخرة كانت كبيرة فيها خزانة شادة لحيط كامل عامرة بجميع أنواع التوابات وبمختلف الألوان ولعقايق والمجوهرات حداهم كاينة مونيكة لي كيفصلو عليها وحداها علبة كبيرة ديال شوكاات ولميترو وشي مسطرات ومثلتات باش كيعبرو وكاين بيرو صغير فوق منو اوراق بيضاء وعدة ملونات فجميع الألوان وفيطرات كذلك لصاق وعدة أشياء….مشات جلسات فلبيرو ديالها وهي تقشع صورة ديالها هزاتها كانت هي هازة قسم وحداها ليث حاط يدو على كتفها وبزوج كيشوفو فقسم مصورين فالعرض لي كان فالمكسيك فوق الخشبة جاو فنين وابتاسمات)

#عند_نجود…

(كانت متكية جوليا خرجات مع هود وصباح مشات للدار باش تجيبلها شي حوايج هزات تيلي كتبقشش فأنسطا بملل صونا بنمرة مجهولة معرفاتش علاش قلبها تهز وجاوبات يدها كيترعدو كتسمع غير صوت التنفس شوية وقطع عليها سمعات الدقان وهي تقفز من بلاصتها حاولات تهدن ونطقات)دخل(تحلات لباب ولقات الممرضة داخلة عطاتها واحد العلبة مغلفة مسدودة بسوينتة عقدات حجبانها ونطقات)شنو هادي..

ممرضة:(هزات كتافها ونطقات)معرفتش واحد الراجل خلاها فالإستقبال وقالي نوصلهاليك…(عطاتهاليها وخرجات)

نجود:(دارتها حدى وذنيها وقرقباتها مسمعات والو بدات تفتح فديك سينتة وحيدات پاپي كادو قلبها كيزدح خايفة من أشنو غتلقى تما وفنفس الوقت قاتلها لفضول بمجردة ماحلاتها خرجو بزاف دالفرشات تخلعات ولاحت ديك لبواطة وسعات عينيها وهي كتشوفهم كايطيرو حداها دموعها نزلو وبدات ترعد غوتات)لااااااااا اهئ هئ اهئ(سمعات لباب تحلات ضارت وهي تلقى سيمون بدات تشير ليه بيديها باش يجي حيت مزال مكتقدر توقف مزيان بداك كتبكي بهستيرية)سيمون اهئ اهئ هو رجع رجع غادي يجي اهئ اهئ غادي يجي غيضربني…

سيمون:(جى عندها مخلوع وكيحاول يهدنها)نجود شكوووون هذا تهدني عفاااك وشرحيلي(كتشوف فالفراشات كيطيرو مافهم والو)

نجود:(كتبكي)غاااادي يجي اهئ اهئ عفااك متخليهش يجي اهئ اهئ…

سيمون:(عنقها)صافي تهدني انجووود واش تبغي نعيط لخوك…(سمع لباب تحلات وتم داخل نزار)

نزار:(غير شاف نجود كتبكي مشى طاير عندها)
نجوود ماالكي شنوو واقع(شاف فسيمون وطار عليه بقجة)شنوووو درتي ليهاااا ال–ل هضر شكووون مسيفطك واش لوكاااس

سيمون:(كيحااول يتفك منو)انااا صديييقها مامسيفطني حتى حد طلللق مني…

نزار:(ضار عند نجود لي كتبكي وتحرك راسها بلا بهستيرية حط يدو على حناكها)نجووود كتسمعيني هضري شنو وقع

نجود:(شافت فراشة جاية جهتها وغوتات)لاااا نزااار خرجهم اهئ اهئ اهئ خرجهووم(تكات وغطات جسمها كامل تاوجهها بليزاار مكمشة فوضعية الجنين وكتبكي)

نزار:(حل سراجم وهما يخرجو مافاهمش اش جابهم لهنا مشى عندها وكيحيد ليزار وهي كترعد وتهرب منو)

نجود:(مغطية بليزار مغمضة عينيها)طلااااق متقيسنيييش بعد مني اهئ اهئ متقييسنيش عفاااك..

نزار:(حيدليها ليزاار وشاف فوجها)نجووووود واااش لوكاس ر…(مزال ماكمل هضرتو وهي تنوض مفزوعة)

نجود:سكااات متنطقش بسميتوووو ماااتقولهاااش اهئ اهئ
.اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت237

نجود:سكاات متنطقش بسميتو ماااتقولهاااش اهئ اهئ اهئ

نزار:صااافي وااخا مغنعااودش(برك فداك صونيط باش تجي الممرضة)نجود شرحيلي واش هو لي سيفط هااد لفراشات فهميلييي شنو وقع بااش نعااونك…

نجود:(كتمسح وجهها وشعرها فحال شي حمقة فكرة ان لوكاس ممكن يرجع لحياتها تاني كتخليها تحماق شافت الممرضات داخلين ووحدة هازة الشووكة وبدات تحرك راسها بلا وتبكي)بعدووووو مني لااا الشوكة لااا ماابغيتهاااش اهئ اهئ غاااادي يجي مخاصوش يلقاااني نااعسة لاااا(شدووها من يديها مزيرين عليها وبدات تركل برجليها كتبكي)انا مااااشي حمقة مادييروش ليا هكاااا اهئ اهئ بعدووووو مني مااابغيتهاش(ووالو مخلاتهومش يضربولها الشوكة جسمها كلو كيترعد)

سيمون:(تعصب وقرب عندهم)ماااديروش ليهااا هكا راها بنااادم ماااشي حيوان حاولو تهدنووهااا ماااشي تزيدو تعصبوووها…

~~:خاصها ضروري ضرب شوكة باش تهدن انهيار عصبي ماشي فصالحها فهاد المرحلة من علاجها…(مزيرة على يد نجود وشافت فنزار وسيمون)ممكن تعااونونا…

نزا

Leave a comment