Skip links

قصة : انتقام على أرض المافيا ج 10

 1,804 عدد مشاهداات

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت181

الحالة الجسدية دغيا غادي تبرى….غتبقى غير نفسيتها لي متضررة يعني لمريضة غادي تعاني بزاف وفترة الشفاء غتوصل بين 3أشهر تال سنة على حسب رغبة المريض فأنه يبرى دغيا…الله يشافيها….(طبطب على ظهر ليث ومشى)

ليث:(بقى واقف وكلام الطبيب كيتعاود فدماغوو تكى على الحيط مغمض عينيه)

جوليا:(شادة وجهها وكتبكي وتشهق حسات بشيحد وقف حداها وحط يدو على ظهرها هزات راسها لقات هود لي تاهو حالتو مابعيداش على حالتها ترمات فحضنو معنقاه وكتبكي وتشهق بقات فيها ختها بزاف متستاهلش هدشي لي وقع)

هود:(معنقها وكيطبب على ظهرها جى ليث عندهم معنق جوليا وكيمسح بكفو ظهرها بمواساة)

ابتهال:(واقفة فالجهة المقابلة ليهم وكتشوف فيهم كيف معانقين بيناتهم علاقة حنينة وزوينة تاهي مكرهاتش يكون عندها لي يمسح دموعها ويعنقها ويطبطب عليها شافتو كيف كان خايف على نجود وكيف كيواسي ويبوس جوليا تمنات كون عطاها حقها تاهي من الحنان ديالو ولو غير جرعة صغيرة شافتو كيشوف فيها ومد يدو ليها حركات راسها بلا مع ابتسامة حزينة وتحركات من حداهم غادة جيهة لاسونسوغ)

ليث:(تابعها)ابتهااال بلاتي تسنااي

ابتهال:(دخلات لاسونسوغ دغيا تسد وهبطات للتحت خرجات وركبات فلوطو نيشان للوطيل طلعات ودخلات كان جناح كبير حيدات سبرديلتها بإهمال ودخلات مرفوعة بدات تحس بالخنقة طفات الضواو لي شعلات حيدات سروال دلكيطمة وديك سوفيطمة بقات غير بدوبياس وكتمشي وتجي وتمسح فوجهها وعنقها من اللور حسات بعافية شاعلة فقلبها دخلات للحمام وتحشات تحت الرشاشة وطلقات الماء بارد وكتشوف راسها فلمراية لي فالدوش شادة الحيط كلو وبقات كدوز صبعها فوق من صدرها لي كيبان شوية من سوتيان فيه ضربة وتحت السرة وفجناب كرشها فيديها من لداخل وففخاضها خباشي صغار وتحت سمطة دسليب بدات كتلمس وجهها غمضات عينيها كتفكر….
∆∆∆∆∆∆∆∆∆
لوكاس:(هاز الزيزوار ومشى لفخضها وكيغرس زيزواو فجسمها جرح فخضها كاامل وطلع لصدرها تاهو كيرسم فيه والدمايات هابطين وهي كتقطع بلوجع طلع حط زيزوار على وجهها وكيهدر بجنون وهيستيرية ويضحك ضحكة الجوكر)هاد الجسم الملكية دياااالي ههه وهاد الوجه ديالي أنااااا سمعتيييي حيت أنا كنبغييبك منهار حطيتي رجلك فلڤيلا ونتي مدااياهش ف
—ن مي ودبا غااااتولي ديااااالي بوحدييي وغادي تزوجيي بياااا سمعتيني ههه…

هي:(جمعات بزقة ولاحتهاليه فوجهو)عمرك تحلم بيها نقتل راسي ومنكونش ليك

لوكاس:(ابتسم ابتسامة شريرة)هتشي لي غايوقع دبا أحياتي نتي لي مسؤولة عليه(شافت فيه بنظرات استفهام قبط الزيزوار وغرسوليها كلو فحنكها من جيهة لوذن تالشنايفها وهي وكتغوت وتبكي من الألم)
∆∆∆∆∆∆∆∆
ابتهال:(لماء بارد كيهبط عليها ضربات راسها بجهد مع الحيط مغمضة عينيها وكتسمع صوتو لداخل فدماغها)سكاااااااااات سكااااااااات

~~~نتي ديالي ديالي بوحدي…

ابتهال:(شادة راسها مزيرة عليه)قتليك سكاااااات الحيواااااان

~~~جسمك الملكية ديالي غندير فيه لي بغيت(ضحكة شريرة) هاهاهاهاها

ابتهال:(بدات تسمع ضحكتو بلغوات وكتسمع بكاها منين كانت كترجاه وعدة أصوات منهم صوت ليث…)

ليث:غدااااارة سككككككتي..سككككتي ال—-ة نتي وحدة مووووووسخة…

ابتهال:(جلسات فالأرض مكمشة فالقنت وجامعة رجليها كتحرك راسها بلا وسادة ودنيها عدة اصوات فعقلها صوت لوكاس صوت ليث صوت بكاها وكتسمع صوت الدقان بدات تحس براسها غيطرطق وغوتات بحر جهدها) سكاااااااااااااااااااااااااات سكتتووووووووووو بعدووووووو منيييييييي ااااااااااااااا(ناضت وقفات وباقي كتسمع دوك الأصوات جايين من مور الباب وبقات كضرب فيها بكل ما فجهدها)سكتوووووو سكتووووووووووووووو(تحلات لباب معقلاتش على راسها حتى طاحت للأرض كلها كترعد مغيبة ومزيرة على يديها وسنانها)

ليث:(منين خرجات من طبيب بقى تابعها وشافها دخلات لشومبر وخلات باب محلولة مافهم والو دخل كيتسلت تابدا يسمع غوات جاي من الحمام ديك ساعة مشى وبدا كيضرب فالباب قلبو غيخرج معارفش معامن كتهدر وشكون معاها فالحمام فرع لباب ودخل تاشافها طاحت كلها كترعد ومغيبة بغى يقبط فيديها لقاها جامعة قبضة يديها ومزيرة عليها جسمها كلو كيترعد بدى كيشوف الدم وكشكوشة بيضة خارجة من فمها تخلع ديك ساعة ناض لواها ففوطة وهزها لقى قسم قدامو معرف شنو يدير)

قسم:(بدات كتبكي)اهئ اهئ ماااما اهئ اهئ

ليث:(هاز ابتهال)قسم بنتي متخاافيش ماماك ماوقع ليها والو يالاه دغيا نديوها للطبيب (تبعاتو قسم وهو هبط كيجري دارها فلوطو اللور ركب قسم حداها ومشى طاير لكلينيك دخلها وهز قسم معنقها وكيحاول يسكتها)بنتي قسم متبكيش ماغادي يوقع ليها والو(شاف جوليا جاية عندو)

جوليا:(شافت قسم كتبكي وعقدات حجبانها)خوويا مالك قسم شنو كادير هناا….?شواقع

ليث:(مخلوع وكيتفكر منظر دقبيلة مافهم والو الحمام كان خاوي معامن كانت كتغوت )
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت182

جوليا:(شافتو ساهي مجاوبهاش ونغزاتو)خووويا…..شنوو واقع….

ليث:(شاف فيها)ابتهال لدااخل معرفتش شنو وقع ليها….(بقاو جالسين وليث معنق قسم وكيبوس فيها ويحاول يهدنها حتى خرجا طبيب دغيا ناض هاز قسم ومشى عندو هو وجوليا)شنو وقع ليها

طبيب:متخافش راه ضربناليها شوكة مهدئة للأعصاب مشرباتش الدواء عليها وقعليها هكا….

ليث:(بعدم فهم)علاش شنو عندها باش مريضة?

طبيب:السيدة لي كاينة لداخل مريضة بمرض الصرع

جوليا:(بعدم فهم)شنو هو?

طبيب:مرض الصرع أو كريز أعصاب هو مرض مزمن كيسبب فنوبات متكررة من التشنجات…العضلات كتولي صلبة من ثواني لعدة دقائق وكتبعها حركات اهتزازية ورغوة زبدية ولعاب كيخرج من الفم وكتستمر هاد الحالة مدة قليلة و كيبدى يهدأ الإنسان منبعد مايضرب الشوكة او عند طريق الإسعاف أو يشرب دواء ديباكين مهدئ للصرع قبل ما يوقع هدشي منين يحس بالأعراض لي هما الدوار وضيق فالتنفس وتسارع فدقات القلب وبعض الأشخاص قبل ماتوقع ليهم هاد النوبة كينتابهم شعور وإحساس مثلا يشوفو شي حاجة مكيناش ويسمعو أصوات غريبة أو يشمو ويتذوقو شي حاجة مكيناش….

ليث:(باقي مصدوم)وشناهو العلاج..?

طبيب:كيف ماقلت فاللول مرض الصرع هو مرض مزمن كاينين أدوية كتساعد فتنظيم والحد من النوبات الصرع نسبيا 81% لي تشافاو منو لكن خاص ضروري الإنسان يحافظ على هدوء أعصابو باش يتغلب عليه نهائيا…

ليث:والدم لي كان ففمها..?

طبيب:متخافش هداك غير لسانها تجرح حيت العضلات كيتصلبو فالنوبة وزيرات فكها عليها تجرح لسانها بالشيفة إنشاء الله

جوليا:(كتبتسم مع قسم)شفتي هاهي ماماك بيخير اقسووم

قسم:(كتمسح عينيها من الدموع)مامي منين كتعصب كيوقع ليها هكا كون كنت فايقة كون عطيتها الدواء(دلات شنايفها)

ليث:(هز حجبانو بتعجب مظنش غادي تكون عارفة وباسها فعنقها)يالاه نمشيو ندخلو عند ماماك(تم داخل عندها خلى جوليا مشات تشري شي حاجة حلو لباب لقاوها متكية ملبسينها كسوة الطبيب هبطات قسم من عندو ومشات كتجري عندها)

ابتهال:(عنقات قسم وبقات كتبوس فيها مزيرة عليها عارفاها كتخاف من هاد المواقف)

قسم:(جالسة فوق فخاضها كتقيس فحنكها بحنية وهازة يديها كتبوس فيها)مامي خفت عليك بزاف

ابتهال:(دارت يدها على فمها متفاجئة)هييي قسم خوافة

قسم:(دلات شنايفها)لا أنا مكنخافش ولكن كنخاف عليك امامي(عنقاتها)

ليث:(كيشوف فيهم وفعلاقتهم كيف دايرة مكرهش تاهو تعنقو وتبوسو وتقوليه كلمة بابا خايف من ردة فعلها كيف غادي تكون واش غادي تقبلو ولا لا..لكن كيف ماكانت ردة فعلها هو غيتحملها حيت هو السبب بقى كيشوف فيهم كيف كيتعانقو ويضحكو وقسم كل دقيقة كاتبوسها شاف ابتهال غادي تنوض ونطق)ليز..(كان غيقول ليزا ونطق)ابتهال فين غادة…

ابتهال:(حيدات ليزار وشافت فيه)غادة فحالي 12 هادي وانا غدا خدامة…

جوليا:(تمات داخلة وهازة ساشي)ابتهال لبسي هاد الكسوة هدشي لي لقيت بالسيف باش لقيت واحد المحل حال راه جبتليك تاسندالة…

ابتهال:(ابتاسمات معاها)شكر ليك بزاف اجوليا

جوليا:ماشي مشكل…(بقات كتشوف فليث لي حاضي ابتهال وحمحمات)احم احم خويا خرج خليها تلبس…

ليث:(ناض خرج كيتسناها حدى لباب)

ابتهال:(بقات كتشوف فجوليا كتسناها تخرج)

جوليا:(فهمات أنها بغاتها تخرج وخرجات شافها ليث ونطق)

ليث:(متفاجئ)علاش خرجتي كون بقيتي معاها وعاونتيها…

جوليا:(هزات كتافها)مابغاتش تبدل حوايجها وبقات كتشوف فيا وخرجت…

ليث:(عقد حجبانو بعدم فهم كيحاول يربط الأحداث قبيلة منين شاف فيديها حاولات تخبيها ودبا مابغاتش جوليا تشوفها كتبدل تفكر سببها باش دارت عملية التجميل كانت عندها ضربة فوجهها وسع عينيه مابغاش دكشي لي فبالو يطلع صحيح دخل عندها كيف الرعد بلا مايدق بلا والو لقاها هازة ليزار مغطية بيه ومخلوعة)

قسم:(وقفات قدام ماماها وكتحاول تغطيها بيديها وجامعة غوباشتها ونطقات)عمو ليث حشوووومة تدخل بلا مادق لباب خرج…

ليث:(زير على عينيه ونطق)قسم انا جيت باش نقوليك تكلمي لجوليا بغات تهضر معاك(ضار وغمز جوليا لي مافاهمة والو واخنزر فيها)

جوليا:(ابتاسمات مع قسم)قسوووم يالاه نمشيو نهبطو للتحت عند عمو هود

قسم:(ضارت كتشوف فليث)واخا ولكن(هزات سبابتها)تايخرج عمو ليث

ليث:(ابتسم من الطريقة باش كتهدر ونطق)واخا هاني خارج (خرج وتبعاتو قسم مشات مع جوليا غير شافهم مشاو ودخل كيف الرعد عند ابتهال لقاها لبسات ديك لكسوة زدح الباب ونطق)حيدي حواااايجك

ابتهال:(خرجات عينيها فيه بغضب)وااااش منيتك

ليث(داير يدو على جنبو واليد لاخرى ضاغط على لعظم دنيفو مزير عليه وكيحاول يتكالما ونطق مزير على سنانو)حيدييي حواااااااايجك ال—/وي

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت183

ليث(داير يدو على جنبو واليد لاخرى بين عينيه فلعظم دالنيف مزير عليه وكيحاول يتكالما ونطق مزير على سنانو)حيدييي حواااايجك ال—/وي

ابتهال:(اخنزرات فيه)خرج ت—/ود عليااااااااا(هزات سبابتها)ولا غادي ندمك على هاد الهدرة….

ليث:(ميل راسو جنب ونطق)نتي لي مسؤولة على هدشي لي غيوقع(مشى كيجري فاتجاهها لصقها مع الحيط وكيطلع كسوتها)

ابتهال:(كتهبط لكسوة وتغوت)بععععععد منيييييي يلعن
الق—ة دمككككككك طلااااااااااق

ليث:(يد حاطها فالحيط ولاخرا قاجها بيها جسمو لاصق معاها هضر وهو كيشوف فعينيها بغضب)سدييييي فمممك ولا غانهرسو ل—-ة دمكككككك…(طلع ديك الكسوة وباغي يحيدها من لفوق وهي تهبطها تاني تعصب زير على دراعها بزوج وتكاها فوق الناموسية)

ابتهال:(بغضب شديد كضرب فيه)بعد منيييي الزاااااامل (ركلاتو هربات ومشات كتجري جيهة لباب وهو يتبعها شادها من يديها)

ليث:(هروبها منو كيزيد يعصبو اذن مخبية شي حاجة وغوت)معند ال—ة دمكككككك فين تهربي دكشي لي مخبيااااااه غانشوفو بسييييف على دينمك (تم جارها لاحها فوق ناموسية طالع فوق منها)

ابتهال:(حلات عينيها بصدمة داز فلاش قدامها….

|ناضت كتجري بغات تحل الباب لقاتو مسدود دغيا طار عندها شدها من شعرها)اجيييي لهنااااااا ال—ة فين عننننك ماااتهربي دويييي ليثث ليييي كتبغييييه وديما فاااارعاالي
ك^^^/ري بييه لاااااحك للزنقة كيف الشياااااااطة ماشي لوكاس ثورن إلا مندمتش —/ن مك على هااااتشي لييي درتييي (مزير على شعرها دفعها فوق الناموسية مشى لدريسينج وجاب معاه بواطة كحلة حلها وجبد مينوط وربط يديها فلحديدة ديال الناموسية وهي كتغوت وتبكي)|

ابتهال:(بدات تغوت خايفة)طلاااااااااق متقربشششش بعد منيي لااااااا متقيسنيش الحيوان بعد منييييييييييييي

ليث:(مزير على ذراعها)مغااااااادي نطلقك حتى نشوف شنووووو مخبية

ابتهال:(شافت وجه لوكاس وذكريات الماضي كلهم رجعو وبدات ترعد )حيد يدييييييييك متقربش لياااااااااااا طلاااااااااااق منيي (كتحرك راسها بهستيرية وخوف وكضرب فصدر ليث)بعدددددد مني مغااااااديش نخليك تحط يديك المووووووسخة عليااااا

ليث:(رخف يدو وكيشوف فيها كيف كترعد وجهها حمر حط يدو على حناكها كيلمسهم)ليزااا تهدني هذا أنا ليث واااش انا نقدر نآذيك..

ابتهال:(وجه لوكاس كتشوفو فليث وديك الضحكة لعريضة حسات بشي حاجة تحطات على وجهها نفس سيناريو كيتعاود وبدات كتنتر منو وتغوت وتبعد حنكها)لااااا متقربش عفااااااك طلقنييي خليني نمشييييييي كنترجاااااك لاااااااااااا

ليث:(مصدوم من ردة فعلها شحال خايفة منو تخلع وقبط فيديها كيحاول يهدنها)ليزااا تهدني هذا أنا ليث تهدنييييي(شافها مزال كترعد وحط جبينو على جبينها)منقدرش نآذيك أليزا نفديك بروحي مديريش هكا تهدني…(عنقها)

ابتهال:(بدات كتهدن وكضور راسها وتشوف واش هذا ليث ولا لوكاس دفعاتو من عليها ناض وصرفقاتو كتغوت)ال—ل الحيوااااان خرج عليااااااا (غوتات بحر جهدها)خرج ت–/ود عليااااااااااا

ليث:(حاط يدو على حنكو ندم لي تعامل معاها هكاك لكن مظنش ردة فعلها غاتكون هكا)ليزا تهدني عفاك راك باقة مريضة انا ليث رااجلك واش نقدر نآذيك..?

ابتهال:(مشات طايرة عندو وكضرب فصدرو)خرج علياااااا برااا بعد مني خراااااااااج(خرجاتو وسدات لباب جمعات قبضة يديها ووبقات كضرب فالباب وكتغوت)غااااادي نقتلكككك غانقتلكووووووووم كااااااملين كلكم غادي نقتلكممممم متبقااااااوش تحطووووووو عليا يدييييكم متمسوووووونيش اولاد ل—/ب غاديي ندمكم على هدشييييي كااااامل لي درتو فيااااا(هزات ديك ناموسية قلباتها وديك لي كتعلق فيها السيروم هرساتها اي حاجة جات قدامها لاحتها ريدو طيراتو ليزار كتعض فيه وتقطع فحال شي حمقة طاحت على ركابيها وحطات جبهتها فالأرض جامعة قبضة يديها وكضرب فالأرض)غااااادي نقتلكم غادييي نقتلكم كاملين…كلكم (لباب تحلات هزات راسها لقات شي ممرضات)خرجوووووو
ت—/دو عليااااا(جات وحدة عندها باغا تهزها وهي تنوض عندها دفعاتها)خرجييييي برااااا (جاو بزوج كيشدو فيها وهي كتنتر منهم وضرب فيهم )

~~~:(شاداها وشافت فليث)موسيو ممكن تعاونا…

ليث:(تم داخل عندهم وهي تهز ابتهال رجليها عطاتهاليه للكرش فرعاتو غمض عينيه بألم وواخا هكاك قرب ليها معنقها مزير عليها)

ابتهال:(كتغرس ظفارها فظهرو باش يطلقها )بعدددددد مني متقربشششش ليااااا بع…(بدات كترخى حيت ضربولها شوكة مهدئة باش متعرضش تاني لشي نوبة ليث جلس فالأرض معنقها وهي كتنطق بتهجي)غنقتل.كوم…بزوج …غنقتلكوم…(بقات هكاك حتى ترخات كليا بقى معنقها وكيمسح وجهها وشعرها وباقي كيتفكر اخر جملة قالتها ديال غنقتلكم بزوج شكون قصدات….شكون هو الشخص الآخر هز يديها شافها كيف حمرة ومجرودة شوية وباسها بحزن

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت184

باسها بحزن وهزها من الأرض لقاهم قادو الناموسية وكيجمعو فدكشي لي غيتلاح حطها وبقى كيشوف فيها ويتفحص ملامحها واخا ناعسة كيبانو ملامحها جامدين كلها تبدلات مابقاتش ليزا لي كيعرف فخطرة ولكن غيدير أي حاجة باش تسمحليه ويرجعو كيف كانو باغي يجمع شمل عائلتو…باسها فجبينها وخرج هبط للتحت عند صباح لقى قسم ناعسة فحضنها وجوليا متكية فوق رجل هود لي ناعس تاهو دخل مشى هز قسم حس بصباح فاقت ونطق بشوية)غنطلعها حدى ماماها(خرج من شومبر وطلع عند ابتهال فغرفة أخرى ديجا هضر معاهم حيت لي كانت فيها صغيرة وكلها شخشخاتها لالة ابتهال حل لباب ودخل شافها ناعسة مشى وحط قسم فلكاناپي لي كاين تما قرب لعند ابتهال ومسح وجهها بيديه بحنية وهمس بنبرة مبحوحة)سمحيلي أليزا….

#أصبحنا واصبح الملك لله🌤🌞

(جالس فكانابي وجوليا متكية وحاطة راسها على رجليها منين فاق قبيلة وهو كيلعب فشعرها ويشبع شوفتو فيها حس بيها كتحل عينيها حيد يديه وشافت فيه)

جوليا:(كتحك عينيها وناضت وسعات عينيها فيه)هوود متقوليش نعستي هكا

هود:(حرك راسو بآه وبدا يضور فعنقو)

جوليا:(شافتو توجع عرفات غيكون كيضرو وكحزات حداه)تانتااا مكتسمعش لبارح قتليك متنعسش جالس ونتا راسك قاصح(قربات ليه وحطات يديها على عنقو كاتماصي ليه)لا ضريتك قولهاليا

هود:(ابتاسم وغوت بألم مصطنع)اااي

جوليا:(عبسات وجهها)سمحلي سمحلي …واش قصحتك

هود:(حرك راسو بآه)

جوليا:(كتقيس فعنقو والظهر شوية)فإنا بلاصة بالضبط…

هود:(هز يديها ودارها فوق قلبو وشاف فعينيها فحال العاشق الولهان)هنا…

جوليا:(دفعاتو)الله يمسخك انا لي دايرا عقلي فيك(بغات تمشي هو يشدها من ذراعها وجلسها حداه معنقها بيديه ليمنية ومزير عليها باش متنوضش همس فوذنها)كنبغيك..

جوليا:(جسمها اقشعر من صبعها الصغير تال شعر راسها ووجهها ولا حمر وكتحاول تفك منو)ويلي ويلي اشهاد المسخ طلق مني…

هود:(ضحك تاتغمضو عينيه وزاد زير عليها)معندك فين غتمشي حتا تقوليها تانتي…

جوليا:(بغباء)شنو غنقول…

هود:(زاد قرب لوجهها حتى مابقا فاصل بيناتهم والو)قوليلي كنبغيك..

جوليا:(متوترة من هاد القرب لي بيناتهم اخر مرة جفف بكرامتها مابغاتش طيح فنفس الموقف وحطات يدها على صدرو كدفعو بعيد)هود راك ماعرفش شنو كادير…

هود:(زاد قربها لعندو)لا عارف وهاد المرة ماشي فحال شحالهادي حيت هاد الخطرة تايق فمشاعري جوليا أنا كنبغيك(قبط يديها بزوج وشاف فيها بنظرة كتذوب)خلينا نساو الماضي ونبداو انا وياك حياة جديدة(ابتسم)غير أنا وياك 2عشاق ماشي 2خوت واش كتبغيني…?

جوليا:(عضات شنافتها بتوتر وكتشوف فعينيه قلبها كيزدح حاسة بالعافية شاعلة فيها ونطقات بتهجي)أن..ا(سمعو لباب تحلات وهي تكحز من حداه)

هود:(شاف ليث عبس وجهو مالقى فوقاش يجي)

جوليا:(شافت خوها احمارت من الحشمة وبقات كتنش فالهواء وتشوف فالجيهة لاخرة وتلعب فظفارها بتوتر)

ليث:(كيشوف فيهم بزوج كيف دايرين عرف شي حاجة شاف هود كيخنزر فيه ونطق)مالكم شفتو عزرائيل…

هود:(كيهضر بين سنانو ويبتسم بفقصة)ياك كنتي حدا مرتك وبنتك لاش جااي

جوليا:(بلقات عينيها فهود ودغيا ناضت كتفتف)انا .خاصني..نخرج..نمشي ناكل الماء زعمة ناكل شي حاجة فيا جوع (كتنش بيديها حاسة بالحرارة وتوترات من شوفتهم فيها بزوج)لعشية هادي خاصني نخرج…

ليث:(كيشوف فيها كيف كدخل وتخرج فالهدرة وحبس الضحكة)راه الصباح هذا اجوليا ماشي لعشية

جوليا:(كضور فعيينها وتقلب على صاكها)راه دكشي لي قلت غير نتا مسمعتيش مزيان مهم(كتقلب على صاكها وهمسات)فين هو هاد لخرى…(كتقلب وهي تلقى هود متكي عليه بقات كتنوضو ودفع فيه)نوض نوض راك جالس عليه

هود:(ضحك بمكر)شنو هو لي جالس عليه…

جوليا:(زادت تزنكات شوية وتغرق فحوايجها من الحشمة دغيا هبطات عينيها مقاداش تشوف فيه وتمات غادة)بلاش مابغيتوش غير بقا جالس عليه…

ليث:إوا وباش غتخلصي الماء لي غاتاكليه(ضحك)

جوليا:(وجهها فحال مطيشة شنو دبا متافقين عليها بزوج ضربات كف بكف)مابقيتش غادة ناكل غنهبط لتحت نشم للهواء (وتمات غادة )

ليث:(غير خرجات ضحك وضار عند هود)متبقاش دير ليها هكا راه كتحشم…

هود:(ناض عندو وضربو فصدرو)مااالقيتي فوقاش تجي اولد ال—ة كنا غادي نصلحو المشكل ونشركو لبيض فلكحل جيتي كيف الرعد أوجه ال–/ب

صباح:الرضى اوليداتي هكا ربيتكم مابقيتوش كتحشمو

هود:(بلق عينو معرفهاش فايقة)الواليدة فوقاش فقتي

صباح:(جامعة حجبانها)اجي لهنا

هود:(تم غادي عندها جلس وهي تجر ليه ودنيه)فوقاش العرس..?

ليث:(كيضحك)

هود:(بغباء)إنا عرس الواليدة…?

صباح:(دورات راسها بمعنى أحياااني عليك)غير نطق راني عارفة كلشي

هود:(وسع عينو)من فوقااش…

صباح:(زادت زيرات على ودنيه وكحزاتو عندها)نجود لي قالتهالي…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت185

هود:( ضحك ونطق)نااري هاديك زنطيط لفار مكتسكتش…

صباح:(طلقات ودنيه ابتسامة حزينة نطقات)احح على بنتي حبيبتي ولمصايب لي طاحو عليها (ضارت عند ليث)كاين شي خبار أولدي…

ليث:(بأسف)باقا فالغيبوبة لكن متخافيش الواليدة طبيب قال بلي فالقريب غادي تفيق….(هضر معاهم شوية وخرج طلع لشومبر دابتهال لقاها باقا ناعسة وقسم تاهي متكية فلكاناپي باقي مافاقت جلس حداها وبقى كيلعب فشعرها وكيبتسم كتشبه ليه بزااف سمع شيحد غوت ضار لقى ابتهال مشى كيجري عندها)ابتهال مااالك

ابتهال:(كتنفس بالجهد نفس الكوابيس كايزوروها تاني شافت ليث ضرباتو فصدرو واخنزرات فيه بغضب كبير تفكرات كاع لي وقع لبارح)خرجججج علياااا كنكرهك عمري غنسمحلييييييييك عمرييييييي نمووووت ومنسمحش لييييك لبارح شفت وحش ماشي ليث لي كنت كنعرفففف كنتي باغي تعدى عليا يلعن
ال—ة دمك…

ليث:(زير على عينيه بغضب وكيحاول يتهدن حط يدو بزوج على حنكها وكيشوف فعينيها)واش كظني أنني نقدر نديرليك شي حاجة فحالهكا انا كنت باغي نشوف الضربة أليزا(زير على عينيه) شكون ضربك فوجهك وفيديك هضري عفاااك شنو وقع ليك…

ابتهال:(ابتسامة حزينة)وقعو بزاف دلحوايج…

ليث:(بعدم فهم)شنو وقع هضرييي

ابتهال:(بحدة)ماشي شغلك وهذا أكبر عقاب غنعطيه ليك…

ليث:(بغضب شديد زير على فكها وكيهدر بين سناانو) متنسايش أنك باقا مرتي وقسم بنتي…وغادي نعرف شنووو وقع بالخاطر ولا بزز…

ابتهال:(حيدات يديه من على وجهها ونطقات ببرودة)نتا مزوج بليزا ملكاوي ماشي بابتهال رغد…

ليث:(بحدة)مكتهمنيش هويتك نتي كتبقااي مرتي فهمتي(ضرب صبعو فراسها ونطق)دخلي هاد الهدرة لرااااسك ألييييزا نتي دياااالي بوحدي وغتبقاي ديالي..

ابتهال:(ابتاسمات ونطقات)متحلمش بزااف باش متصدمش…
ليث:(اخنزر فيها)غترجعي للڤيلا نتي وقسم و..

ابتهال:(قاطعاتو بضحكة هستيرية بقات كضحك وضرب ففخضها تادمعو عينيها كضحك من قلبها مقداتش تسكت)ههه شناهو ههه ضحكتيني هههههههه

ليث:(ضحكتها استفزاتو وزير على يديها)متعصبيش دييينمي باش منورييييكش وجهي لااااخر

ابتهال:(نترات يديها منو ونطقات بملامح جامدة)حتى نتا متعصبنيش باش منوريكش وجهي لاخر ومتأكدة أن هاد لوجه مغاديش يعجبك…

ليث:(سكت شوية ونطق)قسم خاصنا نقولولها الحقيقة…

ابتهال:(ناضت من حداه كتحيد سيروم وكتجمع شعرها مداياهاش فيه)

ليث:(عصباتو)رااااه كنهدر معااك

ابتهال:(كتلبس سندالتها ومخلياه بلاكة)

ليث:(شد ذراعها وقربها عندو معصب)منيين نهدر مع ال—ة دمكككك جاوبيني…

ابتهال:(دفعاتو عليها بغضب عيات صابرة ونطقات بحدة)غاتعاود تحط يديك عليا الحيوان عمرك تحلم تشووووف بنتك سمعتي ولا لااااا كنقسم ليك بحياة بنتي أنه غنخليها تكرهك سمعتي(بحدة وشرارة خارجة من عينيها) غادي ندمك على نهار تزاديتي فيه أسي ليث الوهابي نصيحة(ضربات ودنيها)متلعبش بالعافية…مابقيتيش كتهمني(ضربات صدرو بسباتها)واخا تكون كتحرق قدامي وفيديا كاس دالماء تأكد أنني غنشربو…(ابتاسمات بغل مشات وهزات قسم مخلياه مصدوم مبلق عينو فيها لا مستحيل تكون هادي ليزا حس فحالا شي امراة وحداخرا واقفة قدامو ماشي لمراة لي كان كيبغي شحالهادي تبدلات بزاف لدرجة مابقاش كيعرفها ماشي غير وجهها وسميتها لي تغيرو حتى شخصيتها قلبها وروحها كلهم تبدلو شافها هزاتها وقرب عندها باس قسم فراسها ومشات من حداه زير على قبضة يديه بغضب القضية صعيبة مستحيل تسمح ليه شاف فعينيها الكره قلبها قصاح من جيهتو مابقاتش كتبغيه فخطرة ولكن ماشي هو لي يخسر ولا يتخلى على شي حاجة ديالو غايدير لي فجهدو باش يخليها تسمح ليه ويرجعو كيف الماضي واخا عارف أن هاد الطريق غتكوون طويييلة)

ابتهال:(هازة قسم لي باقا ناعسة شافت فالساعة لقاتها 10 تفكرات بلي اليوم عندها حصة فالجمباز حطاتها فلوطو ومشاو لوطيل طلعات تكات قسم ودخلات للدوش عمرات لبانيو تحشات فيه وكتفكر فدكشي لي وقع لبارح متقدرش تعاودليه مبغاتش تحس بديك الشفقة ديالو مابغاتش تحس بأنه بقات فيه وتفكرات لبارح منين دخلات للدوش كانت بدوبياس واش ممكن يكون شاف دوك ضرابي? ولكن كون شافهم مكانش لبارح غادي يقولها حيدي حوايجك نفس سيناريو تعاود لكن الفرق أن فالمرة اللولة كان عدوها وتانية كان راجلها مكرهاتش تسمح ليه ويرجعو عائلة كيف كانو وقسم تكبر وسط والديها بزوج لكن مستحيل واخا تبغي مستحيل هي انفاردات فعالمها البارد والمظلم تاديك نقطة الضوء مابغاتهاش حيت احتاجتها شحالهادي وملقاتهاش ودبا فات الفوت هو لي ضيعها بين يديه نفسها عزيزة مغاتنساش دكشي كامل لي وقعليها من نهار وصلات المغرب تكرفسات بزاف وقعولها شي حوايج لي حد الآن عمرها فكرات فيهم ولا ذكراتهم حيت غادي تمرض كيف مامرضات منين تفكرات شنو دارليها لوكاس…..
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت186

§| وهل للشمعة🕯 أمل أن تنير مجددا بعدما ذابت🥀 §|
#من مذكرتي أنا آية🦋

( شوية خرجات من دوش بلبينوار ومشات كتفيق فقسم ودخلاتها تغسل ليها )

قسم:(مغمضة عينيها حيت كتغسل ليها شعرها ونطقات)مامي

ابتهال:نعام اقطيطتي

قسم:إلا شي نهار جى بابا وبغا يديني معاه غادي تخليني

ابتهال:(وسعات عينيها ودوراتها عندها غسلات ليها عينيها وبقات كتشوف فيها بخوف نطقات)إلا جى غادي تمشي معاه..?

قسم:(حركات راسها بلا)لااا انا مكنبغيهش حيت هو مشى وخلانا عفاك امامي متخليهش يديني(عنقاتها)

ابتهال:(معنقاها وكتبوس فراسها)نموت ومنخليكش تبعدي مني(هزاتليها راسها وضحكات معاها باستها فحناكها بزوج)على أنا شحال عندي من قسووم

قسم:(هزات سبابتها وابتاسمات)غير وحيدة أمامي كبيدة ديالي

ابتهال:(ضربات فصدرها)الله كندوب أنا كندوب(ضحكات وقرساتها فشفايفها)يخليلي اللسان لي يقول كبيدة(كملاتليها لغسيل وخرجاتها بلفوطة نشفاتليها شعرها ولبساتليها سوفيطمة فغوز بيبي فيها ترييشات وشورط تجين فيه تقاطع القدام وسندالة بسميطات فيها الرمادي ولغوز خلاتليها شعرها مطلوق وعطاتها صاكادو فلبيض ومشات كتشوف فحوايجها هي ولبسات سروال بيض طايهوت وتيشورت قصير حد السرة فيه وريدات فلخضر لحمر ولغوز لبيض ألوان صيفية طايح من لكتاف فيه تريشات جاي زوين لبسات سندالة عالية غوز مفتوح فرقات شعرها فالجنب خلاتو مطلوق دارت سنيسلة خفيفة فعنقها وساعة رقيقة فيديها رشات من ريحتها شانيل قربات حدى لمراية وهزات عكار غوز بارد ودارتو فشفايفها بقات كتشوف راسها فلمراية ابتاسمات بثقة وغرور ونطقات..
انا الانثى التي وضعت للغرور قانون🍁
فلا تحاول حل مسألتي .. ليصيبك كبريائي بالجنون🦋
انا التحضر .. انا الهمجيه .. انا السجن .. و انا الحريه👑
(جات قسم ونطقات معاها محفظاها ليها ابتهال)لا تقدم لي ورده .. فأنا الورد نفسه🌹
أنا اشواكه .. وانا عطره .. انا رحيقه .. و آهات نزعه😌
أنا الحياة بداخلي .. والموت محيط بعالمي 🌊
انا السماء بنجومها .. و الارض بكل شرورها 🖤
انا الحزن عالمي .. انا المطر بكائي🔥
انا لست ككل النساء أنا لست كباقي النساء
انا لست احدى النساء بل انا كل النساء💎
(ابتاسمات بغرور هي وقسم هزات صاك صنيديقة فلبيج وخرجات هي وقسم ركبات فلوطو نيشان للشركة دخلات قابطة فقسم وراسها للفوق ملامح جامدة وكتمايل بخصرها بخطوات موزونة كلهم بقاو كيشوفو فيها حيت شحال ماجات للشركة كلهم غياكلوها بعينيهم هي وقسم لي نسخة طبق الأصل ديالها تاهي كتمشى وراسها للسماء طلعو لبيرو ودخلو قسم طلعات الفوق وابتهال بقات لتحت شوية وجى ڤيكتور)

ڤيكتور:(داخل وابتسم جات اليوم زوينة ومينكرش أنه توحشها وخلات بلاصتها)ابتهال على سلامتك…كاع لي وقع بسبابي كنعتذر منك

ابتهال:(سلمات عليه وجلسات متكية على الكرسي)لي وقع وقع دبا أڤيكتور

ڤيكتور:راه تاحد ماساق لخبار متخافيش

ابتهال:(ابتسامة)شكرا ليك

ڤيكتور:(شاف فالساعة)المهم شركة الوهابي شوية ويوصلو…عندنا اجتماع بخصوص المشروع الجديد

ابتهال:(عاد تفكرات ديك المصيبة)واش ضروري نمشي نخدم معاهم فالشركة

ڤيكتور:ضروري ابتهال حيت نتي المسؤولة على قسم الأزياء فاللول كنا باغيين نديرو شركة ونطبقو فيها المشروع لكن ليث بغى نديروه فشركتو وراكي عارفة هو لي عندو نسبة كبيرة وهو مول المشروع

ابتهال:(كتلعب بيديها فوق الطبلة بظفارها وحركات راسها بآه)صافي ماشي مشكل

ڤيكتور:(ضحك)خاصك تشوفي صوت لوكاس منين عيطلي وعاودلي على النسخ ماسحابليش راك ذكية لهاد الدرجة…

ابتهال:(ابتسامة خفيفة مبينة غمازتها)وعلاش كنتي كظن أنه غنتيق بيك(بسخرية)

ڤيكتور:(جمع الضحكة)راكي عارفة باش هددني ماشي أنا لي كنخوي ببنادم ومنوفيش بوعودي واش مكاتيقيش فيا..?

ابتهال:(بحدة)راسي ومكنتيقش فيه بقيتيلي غير نتا(تيلي كيصوني هزاتو وجاوبات)ألو ريتا لاباس عليك….اه…راكي عارفة قسم غتخلع لاشافت دكشي وأسئلتها مغيتقاداوش…معرفتش….اه صافي واخا…بسلامة(قطعات وشافت فڤيكتور)شفتك باقي جالس هنا بغيتي شي حاجة

ڤيكتور:(وقف)بغيت غير شي نهار تهدري مزيان بلا داك لقميع

ابتهال:(كتشوف فتيلي ونطقات)ماسميتوش لقميع سميتو الصراحة (شافت فيه)ولا ياكما عزيز عليك النفاق…(بقى غير كيشوف يالاه غيخرج وهو يدخل لوكاس تعصبات مابغاتش تبين ونطقات)إنا زريبة تربيتي فيها اسي لوكاس

لوكاس:(ابتسامة مكر ودخل مد يدو باش يسلم عليها)

ابتهال:(قربات يديها لحداه فحالا غتسلم عليه وهزات واحد الملف جابتو قدامها وخلاتو بلاكة بقات كتشوف فالملف بلا مبالاة)

لوكاس:(ابتسم جلس ونطق)الپوص توحشك أليزا

ابتهال:(زيرات على سنانها وابتاسمات ببرودة عكس العافية لي شاعلة فيها شافت فيه ونطقات)أنا كثر وفالقريب غنتلاقاو وهاد اللقاء غادي يتكتب فالتاريخ (ابتسامة باردة)
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت187

لوكاس:(ابتسم جلس ونطق)الپوص توحشك أليزا

ابتهال:(زيرات على سنانها وابتاسمات ببرودة عكس العافية لي شاعلة فيها شافت فيه ونطقات)أنا كثر فالقريب غنتلاقاو وهاد اللقاء غادي يتكتب فالتاريخ(ابتسامة باردة)

ڤيكتور:(رجع جلس وضحك)

ابتهال:(كتلعب بظفارها فوق الطبلة وكتشوف فلوكاس ببرودة)

لوكاس:(كيشوف فصباعها ونطق)رسااي….

ابتهال:(عارفا هاد الصوت كيقلقو وكيجيبليه التوتر وكملات عادي)

لوكاس:(وقف وخبط يديه فالطبلة وشد يديها)قلت لل—ة دمك حبسييييييي…

ابتهال:(وقفات ونترات يديها بقرف)لمرة لي فاتت فالظهر
(دارت يدها على شكل سلاح ودارتها فوق جبهتو)هاد المرة فالراس…(بحدة)راك عارفني شنو كنسوى(سمعات لباب تحلات لقات ليث صافي كملات ونطقات بغل معصبة ضاربة كف مع كف)بغيت نعرففف داك ال—/ل دالباب شنوو كيدير تمااااا منين مغاديش دقو

ليث:(شافها شنو لابسة وشاف لوكاس وڤيكتور صافي العافية شعلات فيه ونطق بغضب)شكاااااديري مع هاااادو بوحدك

ابتهال:(رجعات جلسات بهدوء مخلياه بلاكة)

لوكاس:(ضحك)توحشتها وجيت نشوفها عندك شي مانع

ڤيكتور:(بغضب)لوكاس احتااااارم راسك

ليث:(تم غادي عندو ناوي يقتلو وهو يشدو ڤيكتور)

لوكاس:(ابتسم وشاف فڤيكتور)ڤيكتور تانتى خاصك تحتارم راسك المراة مزوجة ونتا حاط عليها العين(غمزو)

ليث:(ضرب ڤيكتور فوجهو وتم غادي عند لوكاس كيجري وتلاح عليه كيضرب فوجهو وتالاخر مساهلش ومسكتش ليه هو يضرب وليث يضرب ڤيكتور بغا يفكهم ضربو شيحد لعينو جابو منشور إوا ناض تاهو كيضارب دقة فلوكاس دقة فليث)

ابتهال:(دارت يدها على حنكها وبقات كتفرج فيهم حسن الحظ قسم دايرا لكاسك وكتفرج فطابليط دارت رجل على رجل فوق لبيرو وبقات كتشوف فيهم ببرودة دازو عدة دقائق وشافتهم حبسو وكيلهتو ونطقات)ساليتو…?(ناضت بشوية عليها كتقرقب بطالونها وحلات الباب كلها بلا متشوف فيهم هزات يديها جيهة للباب بمعنى خرجو بداو كيخرجو واحد بواحد خرج ليث وضار شافتو غيهضر وهي تزدح الباب بالجهد وسداتو بالساروت طلات عليها قسم)

قسم:(تخلعات)مامي شنو هدشي

ابتهال:(ابتاسمات)والو أمامي غير كانو شي دبانات كيزغنو حدايا وخرجتهم برا وزدحت الباب باش ميعاودوش يرجعو

قسم:(ضحكات ودارت يدها على فمها)ضربتيهم أمامي

ابتهال:(غادة جيهة لبيرو)راه مضروبين من عند الله اش غنضرب فيهم(بقات جالسة فلبيرو تاعيطاتليها سكرتيرة على الاجتماع باقي 5دقائق ونطقات)انا مغنجيش مشغولة…(قطعات عليها وبقات جالسة كتكمل شي خدمة سمعات الدقان ومجاوباتش)

ليث:(كيدق الباب)ابتهال حلي نهدرو…ابتهال(عصباتو مشى طاير عند ڤيكتور)سوااارت لبيرو دياالها أريييهوم

ڤيكتور:(اخنزر فيه)مغنعطيييكش حيت معندكش الحق

ليث:(مشى عندو شانق عليه)هااااديك لي تما راها مرتييييي اولد ال—/ة عطينييييي سوااارت متصعرششش دين-مي

ڤيكتور:(وسع عينو بلي باقيين مزوجين)

ليث:(نطق مزير على سنانو)أرييييي السوااااارت

ڤيكتور:(بعدو عليه وعيط السكرتيرة باش تجيبهومليه)

ليث:(وجه سبابتو ليه)ابتهاااال خط احمر…(جابت سكرتيرة صندوقة فيها سوارت بقى كيقلب حتى لقاهم ومشى لبيرو ديالها دخل ساروت بغا يدورو لقاه محلول حل لباب وملقاهاش ضرب الباب بفقصة ومشى عند سكرتيرة ديالها)فيييين مشاااات

سكرتيرة:معرفتش اموسيو

ليث:(تعصب وهبط ديك ساعة كيجري لاكاب دلوطويات مالقاش ديالها وضرب رجليه فواحد لوطو بغضب تابدات تصوني ركب فلوطو ديالو وتحرك)

#عند_جوليا…

(كانت واقفة هي وصباح قدام الغرفة دنجود كيشوفوها غير من الزاج حيت ممنوع الزيارة)

صباح:(كتشوف فيها وتبكي وجهها كلو مخبوش ودايرين ليها Minerve فعنقها وواحد شبكة طبية فالراس رجلها فيها فتحة حيت داروليها لحديدة ويديها فيها الجبص ومهزوزة بواحد السمطة)

جوليا:(حاطة راسها على الزاج وكتبكي بقات فيها بزاف متستاهلش هدشي لي وقع ليها)

صباح:(مسحات دموعها وضارت عند جوليا)جوليا بغيت نهدر معاك..

جوليا:(ضارت عندها وكتمسح عينيها من الدموع)نعام اماما كنسمعك

صباح:(قربات ليها وباستها فجبينها)نسولك وجاوبيني بصراحة

جوليا:(حركات بآه)

صباح:(شافت فعينيها)واش كتبغي هود…(شافتها سكتات وحنات راسها ضحكات ونطقات)فخبارك بلي كتشبهي ليا بزاف تانا كنت كنحشم بزااف (هزاتليها راسها)باينة من عينيك كتبغيه وحتى هود كيبغيك أجوليا هضر معايا فالصباح هو مباغيش ديك تفلية ديال ولاد اليوم تصاحيب وتخربيق عطيه فرصة وجلسو هدرو بزوج وتفاهمو اذا قاليك شي حاجة حتى دوريها فرااسك مزيان عاد جاوبيه حيت كنعرفك ابنتي كتحكمي على بنادم دغيا صافي متافقين دبا..
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت188

جوليا:(فرحات حيت هضر مع ماماها بين ليها بلي بصح باغيها واخيرا القدر ضحك ليها كتصنت لمها شنو كتقول ونطقات)صافي واخا اماما….

صباح:(فرحات وعنقاتها)مبروك عليك ابنتي غير تفيق ختك نجود اجمل عرس نديرو ليك…

جوليا:(باستها فراسها)يخليك ليا الحبيبة…يالاه نمشيو نشربو قهوة لتحت(مشاو بزوج هبطو للتحت غير مشاو تم داخل واحد للغرفة دنجود كيقرب ويشوف فيها بحزن جلس حداها قبط فيديها وباسها هو السبب فهدشي لي وقع هو لي وصلها لهاد الحالة وقتل ولدو علاش بسباب ليزا حتى قال بلي صافي نساها وغيبدى حب جديد مع نجود وهي ترجع كان كيظن انها ماتت هي كانت اول حب فحياتو حبو ليها مرض لكن مكيهموش نجود ولفها بزاف بدى كيبغيها لكن ماشي بقدر حبو لليزا تمنى كون معرفش حقيقة ابتهال ويتزوج بنجود يعيشو فسعادة هو وياها وولو حس بصبعانها كيتحركو وشاف فيها بلهفة كيتسناها تحل عينيها..)

نجود:(مغمضة عينيها وحاسة برجليها ويديها فحالا مشللين عنقها كيحرقها وراسها فيه الشقيقة بغات تحل عينيها حسات بحريق فوجهها فالجيهة ليمنية بقات كتحلهم بشوية وكتشوف غير الضبابة كتحرك صباع يديها كيحرقوها واليد لاخرة مكتحسش بيها كاع بدات الرؤية كتوضح ليها وأول وجه شافتو هو آخر وجه باغة تشوفو)

لوكاس:(ابتسم)نجود كتسمعيني..

نجود:(الدموع تحجرو فعينيها منين تفكرات كاع لي وقعليها من غدر لوكاس فالعرس وولدها لي مات وفشل انتحارها بغات تنوض ومقداتش راسها مقاداش تحركو بدات كتبكي ونطقات حاسة بلحروف كيخرجو من عنقها)نتا..قت..لتي….ليا..ولدي..خر…ج(كان قابط فيديها نتراتها وهي تحرقها وبدات تبكي)اهئ اهئ خر..ج..عل..يا…خرج..عليا قتلتي ولدي

لوكاس:(كيحاول يهدنها)نجود انا غادي نخرج غير تهدني (قرب لوجهها)

نجود:(شافتو باس جبهتها فحالا ضربتي بالضوء وغوتات غير مبالية بالألم لي فعنقها)بعااااااااااد مني اهئ اهئ اهئ خرج عليااااااااا القتاااال(شافت لباب تحلات وبانليها ليث داخل عاد تنفسات براحة)

ليث:(جى قبيلة وجلس مع جوليا ومو لتحت وطلع يطل عليها تاكيلقى الحيوان دلوكاس تاني مشى شنق عليه)واااااش
ال—ة دم/ك باغيني نقتلككككك علاااااش كتقرب من عااااائلتي الز—/ل (ضربو براسو جابو كاو فالأرض دغيا دخل هود كيجري حيت كان طالع هو وياه وصوناليه تيلي جلس كيهدر وليث سبقو)

هود:(العافية شعلات فيه مشى نيشان عندو وتلاح عليه كيضربو بيديه وكيهز رجليه ويعطيهاليه للكرش)اليوم ن–/وييي ال—ة دمككككك

نجود:(بدات تسمع رنين فودنيها مجهد وغوتات بآلم وكتبكي)ااااااي اهئ اهئ اهئ …

ليث:(جى عندها)نجوود مالكي شنو واقع(كيشوفها مغمضة عينيها وكتبكي صونا فداك الجرس لي تما ديك ساعة تمو جايين وخرجوهوم بقى كيطل غير من ديك الزاجة وكيشوف كيفاش كتبكي وتوجع)

نجود:(كتبكي من الألم لي فجسمها كامل ومزيرة على يديها باغا تنوض هما شاديين فيها وهي كتغوت)طلقوو مني اهئ اهئ بعدو مني اهئ اهئ بغيت ولدي…(شي وحدة قاصت يديها وهي تغوت نجود)ااااااااي يدي اهئ اهئ اهئ

ليث:(حل الباب وتم داخل كيغوت على ديك الممرضة)وااااش مكتشووووفيش راك ضريتيها ال—/وي(شدها مخرجها برا)منعااااودش نشوف ال—ة دمك(مشى عند نجود كيمسح على شعرها)نجووود ختي تهدني عفاااك

نجود:(كتبكي حريق قلبها كتر من لي فجسدها)ولديي بغييييييييت ولدييييييي اهئ اهئ اهئ عفاااااك هئ اهئ علاش مامتش علااااااش عتقتوني مابغيتش نعيييييييش مابغيييييييتش….بغييت نموت اهئ اهئ اهئ مابغيتش نعيش(حسات بشوكة تغرسات فذراعها وبدى جسمها كيفشل)

ليث:(كيقيس فشعرها ويهدر بحزن)ماديريش فراسك هكا عفااك انجود(بقى معاها حتى تهدنات كل شوية يبوس فراسها حمد الله وشكرو لي فاقت ونطق)متخافيش مغاديش يعاود يعمرو غيقرب ليك كنواعدك

نجود:(داك المهدئ جابليها النعاس سمعات هدرة ليث وارتاحت بقات كتغمض وتحل عينيها حتى نعسات)

هود:(تم داخل)ليث شنو وقع نجووود بيخير

ليث:(ناض من حداها وخرجو برا)حالتها خايبة بزااف(بحدة)داك ال—ل فين هو..

هود:(ضحك وغمزو)فلبلاصة ديالنا دشحالهادي

ليث:(طبطب على كتفو)عيط لشي 6 دلكارد جيب 2هنا قدام الباب و2حطهم فالباب لتحت و2 فاللور دلكلينيك داك الحيوان مابغيتش نجود تعاود تشووف خليقتو

#عند_ابتهال…

(كتقلب فلبيسي على شي برطمة هي وقسم تكون قريبة من الشركة وهي تشوف ڤيلا صغيرة شوية عجباتها شافت ثمنها غالي شوية لكن هي ديجا مخبعة فلبانكة لملاين ديال 5سنين دالخدمة فالمغرب شافت بلي غير ربع ساعة وتوصلي للشركة دليث حيت فالقريب غادي تخدم تم واخا محملاش راسها بإمكانها تستقل وترجع للمغرب لكن هدشي كانت مخططة ليه قبل مايتفضح السر ومابغاتش تبعد قسم على عائلتها وتحرمهم منها هي ماشي بنت الحرام وميمكنش تمشي قبل ما تنفذ خطتها لي مخلياها سرية تالوقت المناسب رسماتها فعقلها دبا خاصها التنفيذ سمعات شيحد كيدق
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت189

حلات لباب وهي تلقى ريتا شوية شافت شيحد خرج من موراها حلات فمها بصدمة وفرحة )روبيرتوووووو ميمكنش(خرجات عندو وعنقاتو عزيز عليها بزاف كان خدام فالمافيا شحالهادي ونهار بدلات اسمها فالشهادة ديال تصميم الأزياء هو لي عاونها)

روبيرتو:(قبطها من يديها وكيضور فيها)اشهاااااد الزين كامل(شاف قسم جاية عقد حجبانو)شكون هادي

قسم:(قربات حداه ومدات يديها نطقات بإيطالي)انا سميتي مدموزيل قسم ونتا

روبيرتو:(قبط يديها وباسها كيضحك)أنا روبيرتو تشرفت بمعرفتك آنسة قسم(هزها عندو باسها وابتسم شاف فابتهال باستفهام ونطق)واش بنتك..?

ابتهال:اه وادخلو متبقاوش واقفين على برا…(دخلو لبالكون لي قدو قداش وجلسو فليفوطوي لي تما قسم مشات تلعب وهما جلسو يهدرو)

روبيرتو:واش بنت ليث..?

ريتا:(ضرباتو فذراعو)زعمة معارفش

روبيرتو:(قرسها فنيفها ونطق)بغيت غير نتأكد…

ابتهال:اه بنت ليث ديك نهار قلتي ليا بغيتي تهضر معايا فشي حاجة شناهي..?

روبيرتو:(حمحم وتقاد فالجلسة)مامتأكدش لكن ضروري خاصني نقولك هدشي حيت كنت شاك نتي عمرك عاودتي لينا على الماضي ديالك ولا كنيتك كنتي معروفة غير ب Lioness ولا ليزا ومؤخرا منين شفت تصاورك فالمجلات وكلشي كيهضر عليك عرفتك بلي وصلتي لحلمك لي كنتي باغا تحققيه وهادي شي سيمانة مشيت عند ارثر بغاني فشي مهمة

ابتهال:(قاطعاتو)رجعتي تخدم معاهم..?

روبيرتو:ليزا راكي عارفة كتر مني شناهي قوانين المافيا انا كنت خدام فاليونان غير باش نجيبليهم لخبار

ابتهال:(حركات راسها بآه ونطقات)واخا كمل..

روبيرتو:هبطت لاكاب كنقلب فلبيسي ديالنا لي فيه جميع معلومات اعضاء المافيا وكنت كنبحث على نمرة واحد لكارد كان مساعد ديالي ولقيت بصدفة ضوسي ديالك وشفت كنيتك(بقى ساكت)

ابتهال:(عقدات حجبانها بعدم فهم)ومنبعد..?

روبيرتو:قبل ماتجي المافيا واحد النهار كنت معاهم فلاكاپ وكانو كيتافقو باش يحرقو شي مزرعة(شاف فيها كيف تبلوكات ونطق)والشخص لي كانو قاصدين هو علاء ملكاوي اليزا

ابتهال:(غمضات عينيها بألم كانت حاسة وقفات وزيرات على لحديدة دلبالكون بغضب هزات راسها للسماء وبدات تنفس بالجهد كتحاول تخرج ديك العافية لي شعلات فقلبها شافوها هكاك وخرجو خلاوها بوحدها بقات مغمضة عينيها وهبطات دمعة سخونة فحال الجمرة على خدها..

§|دموعي صارت مثل نقطة لهيب🔥 تحرق وجهي في كل مرة أبكي فيها…🥀 §|
#من مذكرتي أنا آية 🦋

(رجعات بيها الذاكرة للواء…)

#فلاشباك..

(راجعة من المدرسة وطالقة لموسيقى فلكيت شافت دخان كحل طالع من المزرعة حيدات لكيت ومشات كتجري هي كتقرب وكتشوف المزرعة كلها شاعلة فيها العافية قلبها تهز وبقات كتغوت)مامااااااا بابااااااا(دموعها هابطين وكتمنى والديها ميكونوش لداخل حتى سمعات غواتهم بغات تدخل من لباب لقاتها شاعلة فيها العافية وبدات كتبكي وتغوت)عتقوناااااااا اهئ اهئ باباااااا خرج عفااااااااك مامااااا اهئ اهئ اهئ(طلات من سرجم مابانليها والو وكتسمع غير غواتهم بقات كتبكي وتغوت جبدات تيلي عيطات للإسعاف مشات كتعمر سطولة من البير وكتبكي وتشهق بدات تهز وتخوي على الدار ووالو واش بغات تطفى العافية مشات للباب بغات تدخل صافي تقادالها الصبر تمات داخلة وهي طيح عليها خشبة على يديها حرقاتها وبقات كتبكي بغات تزيد دخل ولكن الطريق كلها عافية وخرجات منهارة القوى اش عندها مادير مشات للسرجم وطلات كتبانليها غير العافية دارت من جيهة لاخرة طلات من سرجم لقات العافية شاعلة ولكن كيبان للداخل بدات تعلى برجليها وهو ويبان ليها باباها شاعلة فيه العافية وكيغوت ويدور فبلاصتو ومها مليوحة فالأرض وكتلتقط أنفاسها الأخيرة وبدات تبكي وغوتات)مامااااااااااااا اهئ اهئ متمشيوش وتخليييييوني عفاااااكم اهئ اهئ باباااااااا متخلينيش بوحدي(بقات هكاك كتبكي وضرب فحناكها بفقصة تاتقطع صوتهم بغات طل لقات لعافية طلعات مغطية كلشي سمعات لومبيلونص وصلات ومشات عندهم وكترعد رجال الإطفاء دخلو وهي كتسنى على نار باش تشوف والديها وكتبكي غير شاقتهم مخرجينهم تبلوكات من المنظر لي شافت حطوهم فالأرض وهما غير عظومة كوحل مابقى فيهم والو تقيسهوم يتفرتتو طاحت على ركابيها كتشوف فمها لي مابقى فيها والو فحال شي هيكل عظمي وغوتات بحرقة دموعها شلال)مامااااااااااااااا

(فيقها من سهوتها غير صوت قسم)

قسم:ماامااااا

ابتهال:(مسحات دمعتها ودارت عندها تحنات عندها وقبطات فيديها)الكبيدة دماماها

قسم:(غوبشات)مامي واش كنتي كتبكي…

ابتهال:(باستها فيديها)اه اقطيطتي حيت توحشت ماما وبابا(هي هكا دايرة معاها مكتبغيش تكذب عليها وكتربيها باش تاهي متكدبش عليها وتكون صريحة…)

قسم:(عنقاتها مزيرة عليها)متبقايش تبكي امامي هما دبا فالجنة بلاصة حسن من هنا ياك نتي ديما كتقوليلي هاد الهضرة…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت190

ابتهال:(عنقاتها مزيرة عليها ودموعها هابطين الحضن الوحيد لي عندها فهاد العالم هو حضن قسم كتشبه ليها بزاف فحنانتها وقلبها البيض فشخصيتها وفكلشي ابتهال باغاها طلع فحالها بغاتها تكون نسخة طبق الأصل واخا باقا صغيرة باش منين تكبر ترتاح من جهتها بعدات عليها ونطقات بألم شادة فيديها)شي مرات ابنتي الإنسان كيبغي يبكي باش يرتاح شوية

قسم:(مسحات ليها دموعها ونطقات)ولكن أمامي مكيعجبنيش الحال نشوفك هكا…

ابتهال:(ابتسامة باهتة وباستها فحناكها بزوج)على قبل قطيطتي انا مغنعاودش نبكي(بقات تبوس وتهر فيها شافت فالساعة لقاتها الوحدة خرجات من لبالكون بانليها روبيرتو وريتا ونطقات)يالاه نهبطو نتغداو لتحت(دكشي لي دارو هبطو ريسطو لتحت تغداو وابتهال غير ساهية ريتا مشات فحالها وهي وروبيرتو مشاو يوصلو قسم للنادي وفطريقها هزات تيلي وعيطات..وصلو لواحد القهوة قدام لبحر باش يكملو هدرتهم وبقات ساكتة شوية وهزات راسها لقات ڤيكتور وسيمون دري لي دخل معاها لڤيلا وضربو لوكاس بلموس وعاوناتو جايين وقفات سلمات عليهم وجلسات بقى شي كيشوف فشي كيتسناوها تهدر وتقولهم علاش جمعاتهم حتى نطقات بجملة خلاتهم كلهم يحلو فمهم)غنخطفو لوكاس

روبيرتو:(ضحك)ههه مسمعتش مزيان كضحكي ياكي…ياكي(شافها كتشوف فيه بجدية وجمع ضحكتو)

ابتهال:(جلسات مقادة شابكة يديها مع بعض شافت فڤيكتور)إلا خطفناه غادي تقدر توصل للدليل لي كيهددك بيه(وشافت فروبيرتو)ونتا غتقدر تخرج من المافيا وتعيش حياتك عادي

روبيرتو:(ابتسم)وكيفاش غانديرو لهادي بالسلامة

ابتهال:(كتشوف فنقطة وحدة)أنا ماناوياش غير نخطفو انا ناوية نضمرو هو وارثر نمسح سميتهم من عالم الشهرة غادي يوليو فحال شي حشرة كتمشى فوق الأرض باش نزطم عليهم وديك ساعة غنلوحهم فالسجن انا عندي الملفات لي غيدخلو لوكاس الحبس لكن إلا بلغت بيه دبا غيقدر يخرج انا بغيت نجردو مع فلوسو من القصر من اي حاجة كيملكها باش منين يدخل للسجن مغيلقى لي يخرجو وآرثر(نطقات بحقد وكره كبير مزيرة على قبضة يديها)حسابو معاياا طويييل(بجدية شافت فيهم كاملين)شكون معايا وشكون ضدي

ڤيكتور:(ابتسم)من طبيعة الحال أنا معاك

روبيرتو:(ضحك ونطق)معاك أ Lioness

ابتهال:(شافت فسيمون)عندك الحق ترفض اسيمون…

سيمون:ماحدك وصيتي ڤيكتور باش يجيبني معاه إلا انه بصح باغاني نكون معاكم نتي نقذتيني ديك النهار ودبا جى الوقت باش نردليك خيرك(ابتسم)

ابتهال:(ابتسامة امتنان نطقات)دبا حنا متافقين…

ڤيكتور:ولكن كيفاش غانديرو نخطفوه…?وشنو الخطة ديالك…

ابتهال:أولا خاصنا نعرفوه فينو حيت مكاينش فالقصر وخاصنا نستغلو الفرصة ماحد آرثر مسافر…

روبيرتو:ساهلة انا غنسول عليه اليوم غنبدا الخدمة

ابتهال:مزياان خاصنا شي ديبو ولا مستودع يكون فالغابة شي بلاصة مكيوصلش ليها بنادم(بحقد كبير)شي بلاصة لي واخا يغوت فيها ميسمعو تاحد…

سيمون:(هز حجبانو)باينة بلي كتكرهيه بزاف

ابتهال:(ببرودة)كنكرهو لدرجة تخليك تخاف عليه…

ڤيكتور:(معرفهاش بلي كتكرهو لهاد الدرجة اكيد غادي يكون دارليها شي حاجة خايبة)انا غنتكلف

ابتهال:(ابتسامة شريرة)ودبا غنهدرو على الخطة…

#عند_ليث….

(11 دالليل هادي كان جالس فكرسي وداير رجل على رجل طاوي كمام دالقاميجة وحال زدايف لفوقانيين حداه هود…لي كيضحك فحالا كيتفرج ففيلم كوميدي لكن الحقيقة هو فيلم دالأكشن)

ليث:(هز يدو ودار إشارة للكارد باش يحبسو وناض كيتمشى بالشوية وعلى وجهو ابتسامة ماكرة)كنتمنى يكونو يرحبو بيك مزيان…(هز راسو بصبعو كيشوف فوجهو لي مكيبانش بالدم كلو مضروب عينو منفوخة وزرقة)

لوكاس:(كيشوف ربعة من وجه ليث مقادرش يهز راسو بزق الدم وابتاسم)كنت كنتسنى شي حاجة حسن من هكا بالنسبة لرجل أعمال رجعات حبيبتو من الموت…

ليث:(ضربو بكروشية لوجهو لاحو اللور هو والكرسي لي كان مربوط فيه وغوت بغضب شديد يحرك الجبال من بلاصتها)متعااااااااااااودش تجبد سميتهاااااا ال—ل(جبد موس كيتطوى حطو فعنقو)اليوم نقتلك…(تسمعات طلقة الرصاص دار هو وهود عاقدين حجبانهم من غير لوكاس لي كيضحك)

لوكاس:ودبا أنا لي غنرحب بيك أسي ليث…

ليث:(بغضب نطق مع هود)ولااااد ل—ب عرفوه فين كاين(شاف بزاف دالرجال داخلين كلهم هازين السلاح جى واحد غفلو قبطو من اللور وحيدليه الموس شاف فهود لقى تاهو شادينو 2 دليكارد)

لوكاس:(واحد من دوك الرجال حليه يديه وقف وبقى كيضحك قرب عندو ونطق)ديما كتسبق الفرحة اسي ليث ودبا قولي شكون غادي يفكك مني….(ضحك بالجهد بشرارة حتا وقفاتو ضحكة أكثر شرارة منو)

~~~:(ضحكة شريرة)

(ضارو كلهم مصدومين حالين فمهم آخر واحد توقعوه يجي)

ليث:(كيشوف فيها مصدوم ونطق بغضب)شنو كاديري هنااااااا

ابتهال:(لابسة سوفيطمة كحلة قصيرة وشورط تجين حد لفخاض فيه سمطة كحلة هازة فردي وسلاح كبير نطقات بسخرية)زوجي العزيز شنو كادير هنا…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت191

ليث:(كيشوف فيها مصدوم ونطق بغضب)شنو كاديري هنااااااااا

ابتهال:(لابسة سوفيطمة كحلة قصيرة وشورط تجين حد لفخاض فيه سمطة كحلة هازة فردي وسلاح كبير نطقات بسخرية)زوجي العزيز شنو كادير هنا..

ليث:(زير على فكو بغضب)

لوكاس:(بسخرية)ههه هاهي مراتك جات تعتقك

ابتهال:(ابتاسمات وتقدمات لعندو بخطوات بطيئة مهبطة السلاح)شكون قالك جيت نعتقو….?

لوكاس:(بعدم فهم)وشنو بغيتي…?

ابتهال:بغيتك نتا وغتمشي معايا دبا

ليث:(العافية شعلات فيه ونطق بداريحة)واااااش
ز^^^/ملتيييي ابنت ال—ة

لوكاس:(كيشوف فيها ابتسامة مكر ونطق)كالماا أسي ليث اشهاد العصبية(قرب عندها فاصل بيناتهم سنتمترات قلال وقرب لودنيها وهمس)اخر قرب بيناتنا عارفة كيفاش كانت نهايتو(بعد عليها وغمزها)ويلا مامشيتش معاك شنو غيوقع ا lioness

ابتهال:(ابتاسمات ببرودة هزات سلاح وبقات كتحك راسها بيه بعدات عليه وبقات كتمشى بشوية وكتمايل بخصرها هزات السلاح قدام واحد لكارد ونطقات)إلا تيريت فهذا(شافت فليكارد لي حداه)غيموتو هادوك لي حداك(شافتو مفهمش وتيرات فلكارد لي قدامها نيشان ليدو ديك ساعة تسمعو 2طلقات دالرصاص اختارقو ليكارد لي كانو واقفين حدى لوكاس)

لوكاس:(حل عينو بصدمة هبط عند واحد فيهم وهز من عندو السلاح فديك لوقيتة وقع هجوم هز راسو كيلقى بزاف دالرجال داخلين تم غادي هارب)

ابتهال:(شافت سيمون داخل شيرات ليه جا حداها مخبيين مور واحد صنادق كبار دلحديد وكيتيريو فرجال دلوكاس بانليها هود وليث غاديين كيجريو وواحد من رجال لوكاس موجه سلاح ليهم دغيا جراتهم وخباتهم مور الصنادق شوية وكان شي حد غتجيه فالراس)

هود:(بقى غير موسع عينو فيها ونطق)شكراا بزاف

ليث:(اخنزر فيها وقبط فذراعها)يمكن لي نعرف شنووووو هدشي كاديري(كيطلع ويهبط فيها ونطق بغضب شديد)شنوووو هدشي لابسة ومن الفوق بوحدك وسط
ال–/وامل واااااش مريضة ف^^/رك…

ابتهال:(دفعاتو عليها ودارت السلاح فوق راسو)إلا مسكتيييييش غادي نسكتك فخطرة دباااا ماشي وقت الهدرة…كون مكنتش أنا كان غيخسر عليك زوج رصاااصات وحدة فراسك ووحدة
ف^^^/رك ويسيفطك لداركم فصندوق(اخنزرات فيه وضارت بانليها روبيرتو فالجيهة لاخرة ونطقات بلغوات حيت صوت الرصاص مجهد)دااك —ل فين هو

روبيرتو:(هاز سلاحو كيتيري ونطق)معرفتش(حبس حيت سلاحو خوى ووشاف فيها)خاااصني نعمر…

ابتهال:(جبدات سنسلة صغيرة كيديرو فيها الرصاص ولاحتهاليه)

ليث:(شاف روبيرتو ديجا كيعرفو وشي خطرات كان كيتعامل معاه لأن هاكر خطير وخبير فالأنظمة المعلوماتية شاف ونطق)هذا شكيدير هنا تاهو معااك..

ابتهال:(عمرات سلاحها ونطقات)سيمون غنمشي نقلب على داك الحيوان(تمات غادة)

سيمون:(ضار عندها وشدها قبل ماتمشي)لا غنمشي معاك…

ليث:(اخنزر فيه وحيد يدو من عليها)تعاااااااود أولد ال—ة تحط يديك عليها ن—-وي أصل مك…(شاف ابتهال غادة وتبعها شادها من ذراعها)فين غاااادة بغييييت نعرف علااااش كتقلبي على لوكاس وعلاااش جيتي هنااااا

ابتهال:(بحدة)عندي معاه حساااب ونتا دخل سوق ك^^^/ك شوية….راه نيفك كبر بقوة ماكتحشيه فالتقابي لي ماشي ديالك(كحزات من حداه غادة مهبطة راسها وكاتيري فلي جا قدامها)

ليث:(ضحك بفقسة)بزنااز الحومة واقف حدايا ماشي امراة
(هز كتافو حاط يدو فجنبو)على شنو كتنتظر من مافيوزية اسي ليث(تبعها كيجري)

ابتهال:(حسات بيه وقف حداها وساااطت جبدات سلاح من مور شورطها وعطاتولو)

ليث:(تفقس وابتسم)وهازة حتى سوكوور تبارك الله عليك أمراتي العزيزة

ابتهال:(كتعوجو)امراتي العزيزة نانانا(شافت 2 رجال جايين لجيهتم تيرات فواحد ولاخر تيرا فيه ليث)

ليث:(كيشوف فدوك رجال لي فالأرض ونطق مغدد كيشوف فيها وكيحرك فالسلاح اتجاهها)حتى قلت بعدت على هدشي وجيتي ألالة رجعتيني ليه…

ابتهال:(أسف)ماسحابليش معجبكش كون جبتليك مونيكة (اخنزرات فيه وزادت فحالها)

ليث:(تبعها وشدها من ذراعها مزير عليها)ابتهال علااش رجعتي لهاد الطريق واش مخفتيش على بنتنا قسم راك مبقيتيش بنت وليتي امراة أم مابقتييش لراااسك علاش جيتي لهنااااا

ابتهال:(شافت فيه بابتسامة حزينة)جيت ناخد حقي…(قربات ليه)حقي لي مقدر تاحد ياااخدو وبنتي قسم روحي لاحتاجتها نعطيها ليها…مزال متخلق هذا لي يقدر يآذيها ولا يمس شعرة منها سمعتي(طولات شوفة فيه ومشات خرجات من لباب اللورانية وهي تلقاه غادي فلوطو دغيا تيرات فروايض وهدرات فكيت بلوتوت مع ڤيكتور مشات كتجري للوطو لقات الدم فجبهتو ومغيب حيت تضرب مع لڤولون قلبات النبض لقاتو ونطقات)عمرك عمر الكلب يا ولد الزا/كوفة(شافت ليكارد جايين)هزو هذا ديوه نيشان للمستودع لي فالغابة(دخلات تاني لداك ديبو ديال ليث لقات ليكارد دلوكاس كلهم مضروبين قلبات على سيمون وروبيرتو وخرجو من ديبو يالاه غيركبو فلوطو وسمعات صوت ليث…)
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت192

ليث:(كيشوف فيها غادة مع 2رجال تعصب ونطق)ابتهاااااال أجي لهنا غتمشي معاااايا

ابتهال:(كملات طريقها بلا مبالاة حتى قبط فيها روبيرتو)

روبيرتو:(بعتاب)ليزاا أي راجل مغيبغيش يشوف مرتو والانسانة لي كيبغي غادة مع رجال اخرين من الاحسن تمشي معاه

ابتهال:(ضحكات بسخرية وشيرات ليه)هذاك راجل ليزااا ماشي ابتهااااال سمعتي(قربات ليه نطقات بحدة)سميتي ابتهاال اروبيرتو ابتهااال

ليث:(تم غادي عندها وجرها من يديهااا وهي كضرب فيه لاخرين مشاو خلاوها معاه وهو داها للوطو ديالو حلها وجبد فيستو ديالو وغطاها بيها)هااادي حااالة تخرجي بيهااا ابنت
ال—ة مزااال غنتفاااهم مع ط—/ن دمك غير بلاتي

ابتهال:(حيدات فيستة ديالو رماتها فالأرض)مابغيت تاحاااااجة منك سمعتي لبس نخرج ندخل نتا مااااااشي شغلك فهمتي هاد الحق كااان عندك شحاالهادي ماشي دبا

ليث:(لصقها فلوطو ومزير على فكها اجسامهم ملاصقين وجهو قريب لوجهها ونطق بنبرة خافتة وهو كيشوف فشفايفها)باقي عندي الحق…(زاد قرب ليها ودخل معاها فقبلة جريئة ما حس براسو وإلا وهو شادها من خصرها مزير عليها حس بيها كتبعد منو قبط يديها بزوج دارهم مواراها واليد لاخرا شاد بيها راسها من اللور مزير عليها باش متحركش)

ابتهال:(حسات بضعف قدامو دغيا عضاتو فلسانو ودفعاتو بكل مافجهدها حتى كان غيطيح دفلات فالأرض وبقات كتمسح فمها باشمئزاز)متبقااااش تقرب ليااااا الموسخ(عاودات دفلات)تفوووو

ليث:(تم غادي عندها كيف الثور معصب لأقصى درجة قبط ذراعها بزوج كيشوف فعينيها وكيزعزها)علاااااااش كتعصبي دييينمييييي بغيت ليزاااا فين هيااا ليزاااااا علاااش وليتي هكااااا نتي غلطتي وانا غلطت وحنااا دبا معاااادلين متخلينييييش نقودها معاااااك ابتهااال راه غندمك فحياااااااتك

ابتهال:(كتشوف فيه ونطقات ببرودة)مدفعتيش تمن خطأك نتا دفعاتو ختك ولكن أنا ثمن خطإي(بألم)دفعتو غااالي بزاف ونتا السبااااب…

ليث:(زير على عينيه ونطق)عاااارف ^^/ري غالط ابتهال (قبط فحناكها بزوج)حاولي تفهميني داك نهار كنت فحالة خايبة خويا مات وعرفت بلي نتي خدامة فالمافيا وعند ألذ اعدائي جاني صعيب هدشي نتقبلو فخطرة ندمت على ديك الليلة لي جريت..

ابتهال:(قاطعاتو بابتسامة ونطقات)ولكن جريتي عليا وبسبابك…(حسات بشنو غتقول وسكتات)

ليث:(كيتسناها تكمل ونطق)كملي شنو بسبااابي شنو وقع

ابتهال:(بسخرية)دكشي فالماضي مكيهمش دبا

ليث:(تعصب وضرب رجليه فرويضة دلوطو ومكاليها بيديه ابتسامتها كتستفزو هدرتها كلها ضحك مكاينش الجدية كيشوف فعينيها البرودة واثقة من نفسها بزاف بغى غير يشوف الضعف مالقاهش كاتبانليه قوة كبيرة لكن حاالف يخليها تضعف قدامو وتبكي وهذا بالنسبة ليه ولى تحدي حرك راسو بلا)بغيت نسمع منك هاد الخطرة مابغيتش نسمع من بلاصة وحداخرا عاوديلي الحقيقة متخبيش عليااا شنو وقع فديك اليلللللللة متصعرينيششش

ابتهال:(كتلعب بملامح وجهها وتهز وتحط فحجبانها)بشوية عليك عنداك طرطق(ابتسامة سخرية)

ليث:(طلعاتليه النقطة استفزااتو وطيحات برجولتو جمع تصرفيقة وعطااهالها لوجه بلا ميفكر)

ابتهال:(بدون سابق إنذار جمعات خبطة يديها وضرباتو فوجهو بكل ما فجهدها جبدات سلاح من مور ظهرها ووجهاتو ليه نطقات بغضب عينيها حوومر)غاااادي ندمك(تيرات فيديه وابتاسمات)المرة جاية غتكون فراسك

ليث:(شاد فذراعو مألم وكيشوف فيها غادة مامسوقاش ليه لهاد الدرجة كتكرهو لهاد الدرجة مابقاتش كيهمها…واش ممكن الحب يتنسى شي نهار علاش هو مانساهاش رغم دكشي لي دارت وهي لا ونطق)ليزاااا متمشيش الليل هذا

ابتهال:(قلبها ضرها وخايفة عليه حاولات دير فحالا مسمعاتوش هي ضرباتو غير ضربة سطحية يعني الرصاصة غير قاصتو مدخلاتش فذراعو مغيوقع ليه والو كان خاصها دير هكا باش تبين ليه بلي مابقاتش كتبغيه واخا هي عمرها غتنساه باقا كتبغيه لكن عمرها غتنسى شنو دار ليها ودكشي كامل لي عاشتو من مور ديك الليلة المشؤومة بقات غادة هدرات فكيت بلوتوت وعيطات لڤيكتور باش يجي يوصلها شوية وجى مكانوش بعدو بزاف ركبات اللور حدى روبيرتو وسيمون لقدام بقات كتشوف فالزاجة قاست شفايفها كتفكر ديك القبلة مكرهاتش كون نسات لي وقع وبدات معاه حياة جديدة لكن مستحيل وصلوها للأوطيل حطات السلاح تما وهبطات بلا متنطق بحتى كلمة ساهية غير فعالمها طلعات للفوق لقات ريتا نعسات فوق لكناپي مشات لبيتها بدلات حوايجها ولبسات شورط بديباردور ديالو فالقهوي ولبيج وخرجات لبالكون جلسات فلفوطوي وتكات بفات غير تبكي مابغاوش يهبطو ديما كيخونوها دموعها منين كتحتاجهم

§| عيناي قاحلتان🍂 ولساني كميت داخل تابوت⚰ قلبي كقطعة جليد❄ وعقلي كرمل وسط صحراء🥀 وحياتي كطفل توفى والداه أمام عيناه فلم يتبقى له مكان غير الشارع هكذا أنا…😥 أكتم حزني داخل قلبي وبكائي داخل عيني وكلامي تحت لساني أصبحت مثل البكيمة §
#من_مذكرتي_أنا_آية🦋
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت193

ساطت بتعب ودخلات لبيت تحشات فبلاصتها مسطحة على كرشها كيف عادتها ونعسات….

(اليوم لخميس فاق ليث على صوت المنبه مع8 لبارح مانعس تال5 صباح حيت مشى لكلينيك دخل للحمام شوية وخرج حيد لفاصمة وقف قدام لمراية وشاف فيدو لي غير مجروحة معرفش واش دارتها بلعاني ولا كانت ناوية ضربو دبصح لكن لي تأكد منو انها منين ضرباتو مرمشاتش ليها العين دار لصقة على الضربة اصلا صغيرة لبس تيشورت فالأزرق مدرك الضربة وشورط كيطمة فالرمادي لبس سبرديلة رمادية وهبط لتحت لقى هود كيفطر وجلس حداه)

هود:(ضحك)افين البطل

ليث:(اخنزر فيه)متفكرنيش امراة غلباتنا ومن لفوق دات لوكاس بغيت نعرف شكون هادوك الرجال لي كانو معاها واش منظمة شي عصابة (ضرب بكف بكف وضحك بفقصة)وبااااش كملاتها لابسة ليا حوااايج ل^/حاااااب (زير على قبضة)بنت
ال—ة ليل كلو كنعيط ومكتجاااوبش…(شاف فهود لقاه كياكل مامسوقش ليه دربو فذراعو)اوجه ال^^/ب لمن كنحااااااجي من الصباااااح ال^^/واد

هود:(اخنزر فيه)راااه كنفطر ال^^^/وي خليني نسالي ونهدرو

ليث:(ضرب يد فطبلة وشاف فالسماء)الله الله معااامن أنااا(وقف وهز تيلي خارج تبعو هود)

هود:(هاز طرف دالخبز باقي كياكل ومشى تابعو)خويا تسنى(شافو غادي هضر بالجهد) اداك ولد ال—ة(وصل ليه)

ليث:(ضار عندو قبط داك الخبز وحشاه ليه كلو ففمو)طلقناااا خلاص

هود:(لخبز وصلولو للحلق وبقا كيكح )

ليث:(ضرب جبهتو بفقصة اصلا هاد نهار مراشقاش ليه جمع قبضة يديه وبدا يضربو فظهرو)حلال حلال اولد ال—ة الجياااف

هود:(خرجولو عينو ولا حمر جات خدامة عطاتليه كاس دالماء هبط عليه وشاف فليث)ياااا ولد ال—/ملة راك كويتي/لي ظهري..

ليث:(حشى يديه فجيب شورط)لا مزدتيش قدامي غنوريك كيفاش دايرة لكوية دبصح..

هود:(عقد حجبانو)فين غنمشيو

ليث:(تغصب وغوت)صبر أيووووووووب(اشار بيديه الباب)زيد أولدي قدامي متحمقش دين/مي فهاد الصباح(تمو خارجين غير ركب فلوطو شعل كارو كيكمي وتحركو نيشان للوطيل وقفو تما)

هود:علاش جينا هنا…

ليث:هانتا غتعرف علاش(كيشوف جيهة الباب وهي تبانلو ست الحسن خارجة ولابسة سروال بيض ديال التوب طالع تالكرش ومن لفوق فيه شي تريشات وسوفيطمة فلكحل كلاص مزيرة وحاشياها فالسروال مبينة صدرها شوية وصباط طالون كحل هازة صاك بوشيط فالأحمر وطالقة شعرها ودايرة نظاظر دالشمس فجنبها قسم لابسة سروال بويفراند واسع من لتحت وفيه تقاطع سميطة كحلة ولابسة تيشورت طايح من لكمام وحاشياه فسروال فلكحل وسبرديلةBalanciaga فلكحل لي كطلع فحال التقاشر طالقة شعرها ودايرة ليها مقيبطات ونظاظر مدورين دالشمس فلكحل خرجو عينيه ونطق معصب)
لاااا زادت فيه ضسراااات(تم خارج وهو يشدو هود)طلق
ال—/وي

هود:(مزير على يديه)تهدن ازبل هكاك غير غاتزيد ت^^/ودهااا معاهااا

ليث:(ضرب فلڤولون بفقصة شافها تحركات بلوطو وتبعها بقى غادي تاشافها حبسات قدام الشركة…)

#عند_ابتهال…

(داخلة للشركة وقابطة فقسم وطلعات لبيرو ديالها خلات قسم تما ومشات عند ڤيكتور دقات ودخلات سلمات عليه وجلسات)خليتوه بلا ماكلة ياك..

ڤيكتور:(ابتسم)تمااما عاد دبا عيطت ليهم…فوقاش غنمشيو عندو

ابتهال:فالليل…وخاصنا ندخلو للقصر قبل ما يعيقو بشي حاجة(شافت فيه) ليكاارد دلبارح كلهم عندنا ياك…

ڤيكتور:(غمض عينيه كيطمئنها)متخافيش كلهم معاه فديبو…

ابتهال:(ابتاسمات)مزيااان

ڤيكتور:(هز حجبانو)شنو ناوية ديري معاه?

ابتهال:(ابتسامة شريرة)مفاجئة(ناضت)سيفطلي موقع ديال ديپو (تمات خارجة وعيطليها)

ڤيكتور:ابتهال راه الأحد كاين حفل الإفتتاح دالمشروع الجديد وتنين غتبداي الخدمة فالشركة دليث(هزات راسها بآه وخرجات مشات لبيرو ديالها جلسات كتفكر فشنو غيوقع فالليل وكتخطط فعقلها عيطات للسكرتيرة تجيبليها وراق لي خاصها تسنيهم على قبل المشروع وبدات تجمع فلبيرو هزات دكشي ديالها جمعاتهم فواحد لكريطينة ما سالات تال12 عيطات لقسم وخرجو من الشركة حطات دكشي فلكوفر وتحركو لواحد ريسطو دالحوت قسم ريوكها هبطو وعينيها خرجو منهم لقلوبة..)

قسم:(هبطات من لوطو وبقات كتنقز مشات باست ابتهال)

ابتهال:(قرساتها فحنكها وضحكات معاها دخلو وجلسو طلبات پلا دالحوت ميكس جميع الأنواع وجلسو ياكلو سالاو ومشاو لوطيل حطو ديك لكارطونة دارت تيلي ديالها يتشارجا جلسو وابتهال كتهدر مع قسم بإيطالية فجميع المواضيع باش لسانها يزيد يتطلق وعلماتها شي كلمات قلال بالروسية شافت فالساعة لقاتها 5 ناضو وخرجو بغات تساريها شوية دازت فاللول عند نجود طلات عليها ومنبعد مشاو لمتحف ليوناردو داڤينشي أكبر متحف مختص بالعلوم والتكنولوجيا منبعد مشاو لقلعة سفورزيسكو لي كتعبر من أكبر القلاع الموجودة في أوروبادوق فميلانو وكتواجد حدا قصر الدومو لي مشاوليه ديك الخطرة بقاو كيتساراو تما فدوك لممرات
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت194

ومن بعد داتها سيمبلون بارك من ابرز معالم ميلانو حديقة كبيرة فيها مناظر زوينة وفيها بارك كيلعبو فيه دراري الصغار كلو ضاير بالحراس دخلات قسم خلصاتهم وعطاتهم رقم تيلي وسميتها والعنوان لاوقعات شي حاجة ولا إذا تعطلات عليها حيت دكشي بالوقت دارو لقسم واحد براسلي فيديها وقيدو فيه معلوماتها عطاوها واحد جيلي وفيه واحد الرقم ونفسو عطاوه لابتهال فواحد البطاقة صغيرة حيدات قسم سبرديلتها ونظاظر عطاتهوم ليهم وداروهم فواحد المجر فيه نفس الرقم ودخلات مشات ابتهال جلسات فواحد القهوة وبقات تما تاوصل الوقت ومشات جابت قسم…)

قسم:(كتلبس سبرديلتها وابتاسمات)مامي عجبني الحال بزااف عاودي جيبيني لهنا بليز(جامعة يديها وكذبل فعويناتها)

ابتهال:(كتقاد ليها فشعرها وضحكات)صافي إنشاء الله اقسومتي(هزاتها دغيا باش يمشيو حيت عرقانة وخافت لايضربها البرد مناعتها قليلة ركباتها فلوطو ومشاو لوطيل طلعات دوشات ليها وبدلاتليها حوايجها هزات صاكادو خفيف فيه بيجامتها هي وياها وداتها للدار دريتا غتبات تما ديجا علماتها وصلات ودخلاتها)

ريتا:(عقدات حجبانها)ابتهال هاد القضية ديال كل ليلة مشغولة مابغاتش تفهم ليااا

ابتهال:مكاين والو اريتا(ودعاتها وخرجات من الدار خلاتها كدعي ماتكونش عندها شي علاقة بالمافيا تاني عاشت معاها 3سنين وواخا هكاك مزال مفهماتها حيت انسانة غامضة ومكتبغي تعاود حياتها لتاشيحد)

#عند_ليث_وهود…

ليث:(شافها ركبات فلوطو ودار عند هود لي هاز كرطونة دلبيتزا وكياكل ضربو فقرفادتو ونطق)واااش مكتشبعش ال–/وي سير دوز على راسك واقيلة راك حامل…

هود:(بقى كيضحك حتى بدا يكح دمعو عينيه ونطق)بن ال^^/واد لاخر حالف يقتلني

ليث:(يالاه غينطق وسمع شي حد كيدق فالزاج ضار ومع الظلام مابانش ليه وجهو حل السرجم طل وهو يوسع عينو)

ابتهال:(تحنات وربعات يديها حطاتهم فالسرجم رسمات ابتسامة خفيفة بلا متنطق بحتى كلمة وبقات كتشوف فيه…)

ليث:(زير على فكو بغضب شاف فيها وجات عينو على صدرها لي كيبان غمض عينيه بغضب حل لباب وشدها من ذراعها مزير عليها)شنوووو هاد شراااوط لي لااابسة وفين غاااادة فنص الليل هدريييييي

ابتهال:(ببرودة شافت فيه وضارت كتشوف فالزنقة لي خاوية وضحكات)فخبارك بلي فحال هاد لوقيتة رميتيني فالزنقة (شافت فيه بجمود)

ليث:(ضور وجهو وساط رجع شاف فيها)علااااش ديما كتعاااودي هاد الهضرة أبتهاااال دكشي مااااضي سمعتي خلينا نسااااو الماضي عفاك

ابتهال:(بحدة)إلا بغيت نسى الماضي غنساك نتا اللول..(نفضات يدو)

ليث:(زير على سنانو بغضب لباب لي حلها كتزدحها فوجهو برودها كيزيد يعصبو)شنو بينك وبين لووووكاس ابتهال علاااش لباارح جيتي لتما وعلااش قلتيليه يالاه معاااايا(ضحك بفضب)بينك وبينو شي حاجة…(بحدة)رجعتي الماافيا ياااك…?

ابتهال:(دارت يدها بزوج على جنابها طلعات راسها الفوق استنشقات الهواء وهبطات راسها كتحاول تهدن شافت فيه بنظرة غريية)عمرك غادي تفهمني…نفس الغلط كتعاودو

ليث:(زير علي قبضة يديه بغضب ونطق معصب)إواااا شرحيلييييييي علااااش

ابتهال:(شافت فيه بجمود بعدات عليه وضارت غادة فحالها)

§| عندما لا يفهمك المرء فقط ابتعد🍂 لا تحاول شرح حزنك لأن من لم يفهم صمتك لن يفهم حديثك 💔 ✨§|
#من مذكرتي أنا آية 🦋

ليث:(تم غادي عندها كيجري ضورها عندو وهي دفعو غمض عينيه بألم حيت قاست ليه ذراعو)

ابتهال:(وسعات عينيها وقربات ليه)مقصدتش…

ليث:(كيشوف فيها ضحك ونطق)الحاجة الوحيدة لي متبدلاتش فيك هي طليب السماحة باقا مغرورة ومكتبغي طلبي السماحة من تاحد…

ابتهال:(بحدة)حيت عمري غلطت فحق شي حد قصدا باش نطلب منو السماحة…(تمات غادة وقفها بهضرتو)

ليث:فين هو لوكاس(مشى لعندها وجى قدامها هضر بلغوات)داك الحيواان راه خدع ختي وضمرهاااا تفلى عليهااااا وهو ااسباب باش خسرااات ولدهاااا لعب ليها ودبااا هي مليووحة فلكلينيك انا باااغي ناخد حقي منووووو متصعبيهااااااش عليا ابتهااال….

ابتهال:(ببرودة)كلشي بوقتو(دغيا مشات من حداه وركبات فلوطو)

ليث:(زير على قبضة يديه ومشى كيجري للوطو ديالو تسناها تحركات وقلب الضورة من جيهة لاخرة باش يوهمها بلي متبعهاش وقلب طريق خرج نيشان فالشارع لي غادة فيه هي..)

ابتهال:(ضحكات حيت عاقت بيه زادت فلڤيطاس ونطقات)ودبااا غنلعبو شوية(بقات غادة بسرعة البرق وكدخل وتخرج بين لوطويات بسرعة هائلة ومهارة عالية كتمحاق على شي حاجة سميتها السرعة وشي حاجة سميتها طوموبيل حيت طيارة وكتعرف تصوك مزيان ديما كانت كتصوك منين كيكونو هاربين من شي عصابة ولا لبوليس بقات هكاك حتى بعدات عليه كانت غادة فشارع كبير وطويل ضارت على ليمن ودخلات فواحد الدرب مظلام وقفات تمة وطفات ضواو دلوطو شوية شافت لوطو ديالو دازت من موراها مشاو نيشان من داك شارع رجعات باللور ومشات فالإتجاه لاخر وكضحك بسخرية….)
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت195

(منبعد ماتلفات ليث خلاتو غيحمااق وصلات لواحد الغابة وبقات غادة تابان ليها المستودع وقفات لوطو وتمات هابطة شافت بزاف دليكارد واقفين وضايرين على المستودع تمات غادة وهو يوقف واحد قدامها…)

~~:(كيطلع ويهبط فيها)سمحيلي امدوزيل هذا ماشي مول باش ديري شوپينج رجعي منين جيتي

ابتهال:(ابتاسمات ونطقات)مزيان منين عرفتيها يالاه تحرك معندك مادير هنا(ابتسامة مستفزة خلات كاع ليكارد لي تما كيضحكو عليه)

~~:(اخنزر فيها وقرب ليها فاصل بيناتهم سنتمترات قلال)شنوو كيحساب ليك راسك دوري ت^^/ودي على رجليك باش متمشيش مهزوزة ومليوحة فشي قنت…راك مكتعرفيش معامن كتعاملي
(قرب وجهو وكيخنزر فيها)

ابتهال:(بقات كتشوف فعينيه وتحرك فشفايفها بإغراء خلاتو ساهي فيها وجابت السلاح قدامو كتوريه وهو وسع عينيه هذا سلاحو كيف دارت جبداتو من جيب لفيستة زير على فكو بغضب وضحكات بسخرية)كنتعاامل مع غبي..

(تم جاي واحد لكارد ونطق)lioness الپوص كيتسناك لداخل

~~:(بقى كيشوف فيها ويضور فعينو ماسحابليهش راها معاهم كانت غادة ونطق)معرفتكش فاللول…كنعتذر

ابتهال:(رجعات عندو ونطقات)لابغيتي تكمل فهاد الطريق خاصك تعلم تسد فمك(دوزات يديها فوق فمها وشافت فيه بحدة تمات غادة دخلات للمستودع أول واحد بانليها هو لوكاس جالس فكرسي وسط المستودع ورابطينو مهبط راسو دخلات كتقرقب بطالونها تالعندو طلع راسو ونطقات)هذااا علاش مخلينو فهاد الحالة(ضارت عند ڤيكتور)يااك قتليك تهلى فيه…

ڤيكتور:(مافهم والو شاف لوكاس كيشوف فيه ويبتسم عصبو)را…

ابتهال:(قاطعاتو )ششش(شافت فليكارد وعطاتهم الإشارة يجيو)هاد الشخص عزيز علياا بزاف ونتوما معاملتوهش مزيان…

لوكاس:(كيفرنس ويشوف فيهم تاحس ببونية ضرباتو فوجهو معرفها منين جات وتلاح فالأرض)

ابتهال:(كتشير ليه)هكااا خاصو يتعااامل لكن نتوما متهليتوش فيه (ليكارد بقاو كيضحكو عليه وڤيكتور كيشوف فيه ويبتسم قربات ليه كان طايح فالأرض وهزات الكرسي لي جالس فيه وقفات قدامو هزات راسو بواحد لعصى وابتاسمات)مرحبا بيك أسي لوكاس مرحباااا…(بجدية)كتعرفني معنديش مع الهدرة بزاف إذن غندخل فالموضوع نيشان(بقات كتمشي وتجي قدامو بخطوات بطيئة وكتقرقب بطالونها دايرة يديها وراها)بغيت جميع ليكارد لي فالقصر يمشيو لديبو لي فالخرجة دميلانو…سمعتيني..?

لوكاس:(بقا كيضحك بهستيرية)

ابتهال:(مشات لعندو جبدات موس حطاتولو فوق عنقو وجرحات شوية)سمعتيني شنوووو قلت

لوكاس:(زير على عينو بألم)

ابتهال:(زادت جرحاتو ونطقات)عاود لكلام لي قلت بالتفصيل ولا كنواااعدك وجهي هو اخر حاجة غتشوفهاااا فهاااد الدنيااا هدااااااار

لوكاس:(تعصب ونطق بلغوات)قلتتتي بغيت جميع ليكارد لييي فالقصر يمشيييو لديبووو لي فالخرجة دميلانوووو صافيي حيدييي هاد ال^^^^/وي ابنت ال—ة

ابتهال:(شافت فيه ببرودة تسناتو حتى سالا وهزات رجليها ضرباتو بطالون لوجهو تاتلاح اللور كيغوت بألم رهيب فنيفو قربات ليه وتحنات عندو هزات ديك لعصية وحطاتهالو فوق نيفو فديك الضربة نيت وبقات كتبرك فيها وهو كيتوجع وبقات كتحفر فيها ودمايات سايلين وهي كتبتسم..شافت فيه)مزيااان (بحدة)كنصحك متلعبش معاااايا ودبا (هزات حجبانها)غتعيط اه ولا لا

لوكاس:(اخنزر فيها)مستحيل…

ابتهال:(شافت فيه بنظرة مرعبة موسعة عينيها وكتهدر بصوت كيخلع)غادي نخليك تشوف جهنم بعينيك(بنبرة خافتة فحال فحيح الأفعى)ألوكااس(بحدة)عطيتك فرصة باش تنقذ حياتك ولكن ضيعتيها (وقفات شيرات للكارد)سدووليه فمو (داروليه سكوتش صفقات تصفيقة خفيفة وتطلق واحد الصوت

~~~: (بصوت لوكاس)قلتتتي بغيت جميع ليكارد لييي فالقصر يمشيييو لديبووو لي فالخرجة دميلانوووو صافيي حيدييي هاد ال^^^^/وي

ابتهال:(شافت فروبيرتو)ويلا قادينااه كيفاش غيولي

روبيرتو:(ضحك وعاود طلق التسجيل من لبيسي)بغيت جميع ليكارد لييي فالقصر يمشيييو لديبووو لي فالخرجة دميلانوووو

ابتهال:(ضحكة شريرة خلات الكل يسكت ويشوف فيها شافت فلوكاس بابتسامة نصر ولاحتليه بوسة فالهواء مع ضحكة استهزاء مشات من حداه خلاتو كيڤيبري بوحدو معصب لأقصى درجة شوية ويطرطق داك سكوتش بقاليه شوية وياكلوو قربات ابتهال عند روبيرتو)
خاصنا دبا نعيطو لكارد ديالو واش باقي نفسو لايتون…?

روبيرتو:اه هو نيت

ابتهال:(هزات تيلي دلوكاس وحلاتو حيت ديجا روبيرتو اختارقو وحيد ليه الشيمة شافت فيه ونطقات)مستعد(حرك راسو بآه وعيطات دغيا جاوب وهزات حجبانها لروبيرتو ديك ساعة طلق التسجيل غير سالا وجاوب لايتون)وااخا اسيدي(قطعات عليه وابتاسمات)

سيمون:(دارت تحية دلبوليس ونطق)معلم…

ابتهال:(شافت فڤيكتور)عيط لرجالنا لي تما وقولهم يخبرونا بالجديد(مشات للوطو ديالها وبدلات حوايجها لابسة سروال كيطمة فلكحل مزير شوية وتيشورط وسبرديلة فلكحل دارت ليكات وخرجات…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت196

(دخلات وهدرات مع ليكارد)جيبوليه شي حاجة ياكلها

ڤيكتور:(ابتسم)اووو شنوو زعمة حنيتي فيه…

ابتهال:لا ولكن محتاجاه يكون بصحتو (سمعات تيلي دڤيكتور كيصوني تسناتو جاوب وعطاهم الإشارة ديك ساعة خرجو ركبات فلوطو ديالها هي وروبيرتو وسيمون وڤيكتور فلوطو ديالو وتبعوهوم ليكارد ف2 طوموبيلات رولز رويز كبار كوحل مضاددين للرصاص مشاو نيشان للقصر وصلو وبدا روبيرتو فخدمتو عطل جميع كاميرات المراقبة حيت هو لي متكلف بهاد الجزء من المافيا حليهم الباب اوتوماتيك من تيلي ديالو دخلات ابتهال وفليمن ديالها كاين روبيرتو وفجيهة لاخرة سيمون وحداها ڤيكتور داخلين بشكل مستقيم كلهم لابسين لكحل دايرين فحال المافيا نيت دخلو من اللور دالقصر بانوليهم 2 دليكارد واقفين فالباب الرئيسية مشاو كيتسلتو ضربوهوم وربطوهوم حلات ابتهال لاكاپ ولاحتهم تما منبعد ماحيداتليهم حوايجهم كاملين خلاتهم غير بشورط اكيد غادي يكون جهاز تنصت فحوايجهم ويقدرو يتاصلو بشيحد طلعو نيشان لبيرو دآرثر وليكارد بقاو لتحت حاضيين جبدات سوارت لي كانت خداتهم ديك الخطرة نهار السهرة من نونوس وحلاتو ضارت عندهم ونطقات)غطيو وجهكم

سيمون:(بعدم فهم)علاش

ابتهال:كاينة كاميرة فالخزنة لي غادي نحلو(دغيا تلتمو وهي جبدات نايڤية فلكحل تلتمات بيها مشات لواحد المكتبة تما دايرين فيها لكتوبة وكحزاتها مواراها كانت خزنة دارت إشارة لروبيرتو جى وجبد دكشي لي غيحتاج باش يختارقها عدة دقائق وتحلات بقات كتجبد دكشي لي تما بانليها السلاح عطاتو لڤيكتور)واش هو هذا

ڤيكتور:(ضحك)هو هذااا

ابتهال:(لقات موديم صغيور جبداتو وحشاتو فلبيسي دروبيرتو بانولها تسجيلات لكاميرة دياولها)قلب شوف واش داير ليهم نسخ(بدا كيقلب ويشقلب ونطق)

روبيرتو:هذا هو التسجيل الوحيد

ابتهال:(حيدات لموديم وابتاسمات جبدات لفلوس لي كانو فالخزنة حشاتهم واحد صاكادو وشي وثائق ديال الملكية دشي ڤيلات ومستودعات ومزرعات وعدة محلات خرجو من لبيرو وهبطات لاكاب حلاتو ودازت فوق دوك الرجال لي ملاوحين تما بلعاني جبد روبيرتو دوك الأدوات باش يحل الخزنة لكبيرة تعكسات لوكاس دار نظام جديد لكن تاحاجة ما مستحيلة عند روبيرتو نصف ساعة دازت عاد تحلات دخلات هزات جميع الوثائق دالمافيا والشركة جميع العقود والملفات ماخلات تاحاجة كانو شي فلوس تاهو هزااتو كشطات ليهم كلشي وخرجات عيطات لكارد)خرج هاد الحيواانات من هنا (تسناتهم حتى خرجو ومشات للوطو ديالها حطات داك صاكادو فلكوفر وجبدات 2بيدويات دليصانص عيطات لكارد يهزو معاها 6دلبيدويات لاخرين ونطقات)دورو على القصر كامل سمعتو كااااامل(هزات دوك زوج بيدويات وبدات ترش فالباب)

ڤيكتور:(عقد حجبانو وشاف فيها)مكنااش متافقين على هدشي…?

ابتهال:(مداتهاش فيه كملات خدمتها شافت ليكارد لي سيفطاتهم جاو هزات يديها لسيمون دغيا فهمها وعطاها بريكة شعلاتها وبقات كتشوف فيها بابتسامة باردة رماتها ديك الساعة العافية شعلات وبدات ضور على لقصر كامل نطقات بشرارة وعينيها حومر)هادي هي جهنم لي غنحرقكم فيها كاااملين..(غمضات عينيها وسمعات صوت والديها كيغوتو جى قدامها منظرهم منين كانو كيتحرقو ابتاسمات بألم ونطقات فنفسها هادي يالاه البداية الطريق مزال طويلة غنخليكم تندمو على النهار لي فكرتو دخلو لحياتنا على كل دمعة هبطات من عينين والديا غتهبط عليكم فحال الجمرة على لحمكم غنخليكم تشوفو الموت قدام عينيكم كنواعدكم…)

روبيرتو:(ابتسم)كنتي ديما كاتقوليلي شحالهادي أن شي نهار غادي تحرقي هاد القصر وكنبقى نضحك مامتيقكش واليوم وفيتي بوعدك هادي احسن حاجة درتيها(طبطب على ظهرها)

ڤيكتور:(كيشوف فيها كيف كتبتسم فرحانة عينيها كيبانو حومر عامرين حقد وكراهية)درتي لي ماقد حتى حد يديرو براڤو عليك…

سيمون:(باقي حال فمو فجرئتها وكاريزمتها الخطيرة لي أي راجل كتعجبو ضحك ونطق)لواحد خاصة يخاف منك والله شاپو ليك lioness(طبطبات على كتفو وحركات راسها)يالاه نمشيو الرباعي الخطير(ضحكو وتمو غاديين جمعو لكارد دوك لبيدويات باش يخفيو جميع الأدلة ومشاو لواحد لكلوپ من بعد إصرار كبير من روبيرتو حيت شحالهادي ما تجمعو وفيكتور وسيمون حتى هما مشاو احتافلو بانتصارهم لي ابتهال كتعتبرو فقط البداية وصات ابتهال ليكارد باش يغسلو لوطو ديالها ويجيبوها قدام لكلوپ حيت لكوفر تهرق فيه ليصانص كلهم هبطو على القرعة دالشراب كيشربو ويزيدو وهي باقا مكملات كاسها وكتخرى عليهم بالضحك شدات فيهم السكرة وصلوليها لوطو ودعاتهم وتمات خارجة حتى كتلقى ليث وهود ونزار داخلين شافها ليث دارت راسها مكتعرفوش وزادت عادي

ليث:(جنون ركبو فيه مشى عندها طاير وكيطلع ويهبط فيه زير على ذراعها ونطق بغضب)شنوووو كنتي كاديري هنااايا وفين هما حوااايجك لي كنتي لاااابسة?

ابتهال:(مافيها مادابز مابغاتش فرحتها تخسر نترات يديها وابتاسمات)حيد من قدامي
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت197

ليث:(مابقا فاهم فيها والو هو شو شكايقول وهي كضحك)وااااش كتقلبي على ال—ة دميييي(سمع شيحد كيعيط ليها)

سيمون:(هاز النايڤية)ابتهاااال نسيتي هادي…

ابتهال:(دارت شداتها من عندو)شكرا اسيمون

سيمون:(ابتسم)ماشي مشكل…

ليث:(مشى عندو وقجو من عنقو)يااااك قلت ال—-ة دمكككك قلب عليهااااا

سيمون:(حيد يديه واخنزر فيه)لبااارح سكت ليك ولكن لامامشيتيش —-/دي وبعدتي منهااااا غادي تندم….

ليث:(ضحك ودار شاف فهود ونزار وكيشير بسبابتو لسيمون)ههه سمعتووو شنو قال ياك(ضار عندو وجمع معاه ببونية جابو منشور فالأرض ياالاه غينوض وهو يشدو هود ونزار شاف فابتهال مشى وزير على ذراعها)شنوووووو كنتي كااايري معااه وفهااااد لبلاصة الموووووسخة…

ابتهال:(ضحكات)ههه ونتا شنو كادير هنا ياكما جاي تصلي…

ليث:(اخنزر فيها ودفعها ملصقها فالحيط)أنا راااااجل سمعتي المراااااة بلاصتك فالدار ماشي هناااا

ابتهال:(قربات ليه وشافت فيه بعينين كون كانو قرطاس كون اختارقوه)هاد المرااااة دارت لي مقدرش يديرووو الراجل الشماتة

ليث:(صافي نقطة وفيضات الكاس هز يديه غيضربها)

ابتهال:(بقات كتشوف فيه محيداتش عينيها من عينيه الجفن مرمشاتوش تاشافتو ضرب يديه فالحيط حدى وجهها)

ليث:(ن

Leave a comment