Skip links

قصة : انتقام على أرض المافيا ج 1

 6,152 عدد مشاهداات

السلام وعليكم ازوينات😍 بغيت نذكركم قبل منبدا القصة أنه كاينين 4 فصول فهاد القصة :
الفصل الأول ^رجوع ذكريات الماضي ^
بالنسبة لهاد الفصل غادي يكونو فيه بعض المقاطع من #لفلاش_باك لي غادي يخليو قصتنا غامضة شوية وكل مرة غادي نكتاشفو حاجة جديدة وغادي يرجعونا للماضي ديال البطلة ديالنا حيت القصة غادي تبدا من الحاضر 50 بارت لولين غادي يكونو فيهم مرة مرة فلاش باك
منبعد غاندوزو….
للفصل التاني ^عودة لأرض الحجيم🖤^ منشرحش هاد الفصل بزاف باش منحرقش الأحداث من العنوان باين لعربون..
الفصل الثالث وهو ندم عشيق…😔
الفصل الرابع جنون الحب…💘🔥
قصة رائعة البنات تبعوها معايا وشاركوني آرائكم مع التفاعل ضروري حيت كل ما كان التفاعل كتر غادي نحط بزاف ديال ليبارت
وأخيرا قرائة ممتعة حبوباتي😘….

اٌنـتقــام💥 علــى أرض المـافـــيا💣🖤

بقلــمي أنـا:آيــة

بـــــــارت1

فصل رجوع ذكريات الماضي🍂✨

في داخلي بقايا راحلين🥀وقلب ينادي الغائبين..💭
لطفاً بنا فقد أرهقنا الحنين😔 لا شيء أتمناه في حياتِي🌹 سِوى قُربَك إِلى مَا لا نِهاية∞ إذا لم تجمعنا الأيام💔
جمعتنا الذكريات..✨ وإذا القلب لم يراك فالعين لن تنساك

(فجنب البحر وبالضبط فمدينة الدار البيضاء كانت كتجري لابسة كولون كحل أديداس فجناب فيه زوج خطوطة فلبيض من لفوق هابطين تالتحت وسوفيطمة إكس فالكحل وسبرديلة فبيض وجامعة شعرها على شكل ذيل حصان دايرة ليكيت وممسوقاش للعيون لي شوية وياكلوها بحكم طايتها الرشيقة قصيورة صدر واقف ومهزوز وبطن مسطح ومؤخرة متوسطة فكل سبت كتجي البحر وتجري وكتمشي تجلس فوق الحجر وتشم الهوا دالبحر وتفرغ طاقتها السلبية وتخفف من الألم دالماضي لي كيزورها فكل ليلة و الأحد كتمشي لنادي السباحة وبعدو لاصال تمشات جيهة واحد الحجرة كبيرة ديما كتجلس فوق منها ضرب فوجهها ريح بارد طلقات شعرها البني واصل لوسط ظهرها مبوكلي موج فحال أمواج البحر بقا كيطلع وينزل كيتمايل مع الريح بشرة قمحية حجبان طبيعين مقادين من عند الله أشعة الشمس ضاربينليها فعينيها لي مابين أزرق ورمادي لي ورثاتهم من عند مها بحكم انها أجنبية نيف صغيور فم غوز صغير منفوخ بقات كتنفس بصوت مسموع كأنها كتحاول تخرج شي حاجة تقيلة فالداخل ديالها وترميها للبحر رجعات بيها الذاكرة اللور لهادي 5 سنين …)

#فــلاش_بــاك_قبــل_5_سنــوات

~~~~:غدارة(كيهدر ويشوف فيها بألم)

~~~~:(كتبكي وكتشهق ومقاداش تخرج الحروف مزيان)
لا..أ..نا..م.ماشي..غدا…رة..أهئ..أهئئ.مغدر..تكش…
والله..تي..قني..أهئئ..أهئ

~~~~: (جاوبها وهو صاعر وكيغوت)سككككككتي..سككككتي ال–بة(تم غادي عندها فحال شي ثور والدخان كيخرجليه من ودنيه شدها من وجهها مزير عليها شوية ويطرطق ليها شي عظم وكيهدر بكل غضب وكره وكيشوف فعينيها)ديريها بيااااا أنا آآ دوي الكلبة شحااال خلصوك ها..?دوويييي بلا مديري فيها شريفة عفيفة حيت كوووووولشي تفضح كووولشي بلا مااااتكذبي عليااااا…

~~~~: (كتشوف فيه بعينين مدمعين مع كل كلمة كيقولها كدخل لقلبها فحال الخنجر كيفاش قدر يقولها ماعطاها حتا فرصة باش تهدر وتشرحلو غير مبالية بالألم لي فوجهها طلق منها بطريق مستفزة فحال شي ميكروبة ونفض يديه شافت فيه وهي كتبكي)أهئئ أنا مغدرتكش علااااش مبغيتيش تفهاااام..خليني نشرحليك..أهئ..راه أنا لي….
(مخلاهاش تكمل هدرتها صرفقها تاسمعات طننن فوذنيها مابقات كتسمع حتا حاجة طاحت للأرض وسمعات الهدرة لي مكانتش أبدا كتوقع أنها تسمعها خارجة من فمو )

~~~~: خااارجي ت-/اااااااودي عليااااا العاهرة سيري قلبي على شي ڤيكتيم جديد ماااابغيتش نعااااود نشوووووف خللليقتك قدااااامي…(جرها من شعرها وهي كتبكي وتشهق من الألم تالباب دالفيلا حل الباب ورماها فحال شي زبل ونطق)متعاوديش تجي لهنا هاد الباب نسايها وأنا نسايني (سد لباب فوجهها…)

#الرجــــــوع_للواقـــــــع…

(عينيها دمعو ولكن ماهبطات تادمعة حيت دموعها نشفو شحال بكات وغوتات وجرحات يديها تانشفو ليها عينيها من دموع بقات على داك الحال شي نصف ساعة وتحركات فحالها ركبات فلوطو ديالها ومشات لابارطومون ديالها جات فعمارة جد راقية كتطل على لبحر وصلات جبدات السوارت ودخلات حيدات سبرديلتها وفنفس الوقت عينيها كيقلبو على القطة تاعها نقزات عليها من اللور وهي تقلبها عندها كتهرها وتضحك وغطا شعرها البني وجهها حيداتو ييديها الصغيورين وبانو عويناتها البنيين كبار مجبدين ونييف صغيور وفيم غوز مطيبز بشرة قمحية لي شافها يعطيها 3 سنين ماشي5 سنين بالهضيرات دياولها)

قسم:(كتضحك وتحاول تحيد يدين ماماها)ماما..ههه…براكة..

ابتهال:(كتبوس فيها)قسوومتي أنا كبرات وفاقت راسها وكتسناني

قسم:(قبطات يديها وجراتها لكوزينة)إييه أمامي أنا راني كبرت نتي كتبقاي تقوليلي راكي مزالة صغيرة(ودلات شنايفها)

ابتهال: (جبدات ليها شنايفها وكضحك)وينو يخليلي القطيطة تاااعي أنا غضبات وغتبكي أمامي أنا عارفاك كبيرة ولكن مزال بزاف دلحوايج نتي ماشي قدهم فحال مثلا تمشي للمدرسة بوحدك ولا مثلا تشعلي البوطة وبزاااف ديال لحوايج … واش فهمتي القطة تاعي نتي هيا عيني لي أذاتك أذاتني عليها كنخاف عليك بزاف واخا أمامي..

اٌنـتقــام💥 علــى أرض المـافـــيا💣🖤

بقلــمي أنـا:آيــة🦋

بـــــــارت2

ابتهال: (جبدات ليها شنايفها وكضحك)وينو يخليلي القطيطة تاااعي أنا غضبات وغتبكي أمامي أنا عارفاك كبيرة ولكن مزال بزاف دلحوايج نتي ماشي قدهم فحال مثلا تمشي للمدرسة بوحدك ولا مثلا تشعلي البوطة وبزاااف ديال لحوايج … واش فهمتي القطة تاعي نتي هيا عيني لي أذاتك أذاتني عليها كنخاف عليك بزاف واخا أمامي..

قسم:(كتشوف فيها بكل حب منين بدات ماماها كتهدر وهي كتصنت ليها وكتسمع بيناتهم علاقة زوينة دايرين فحال الصحابات ماشي كأي أم وبنتها)اه امامي فهمتك(باستها فخدها وعنقاتها)نتي أحلى أم فهاد الدنيا كنبغيك بزاف

ابتهال:(بادلاتها العناق وكتبوس فيها)وأنا كتر القطيطة تاع ماماها يالاه نفطرو دبا(جلساتها فالكرسي وبدات كتوجد لفطور)

#فجهة_وحدااخرا_فإيطاليا…

داخل السجن:
الحوار بالأيطالية…
~~~:(كيهضر بعصبية)كيفاااش مقدرتيش تلقاااها كيييفاش سنين سنييين ونتا كتقلب ومقدرتيش تلقاها شنو زعمة تشقات الأرض وبلعاتها

~~~:(معصب كثر منو)معرفتش وصيت كاع المعارف ديالنا والو تاحد معرفها فين مشات آخر مرة منين شفناها كاملين من تما صافي تقطعو أخبارها بححح طارت…

تسمع صوت ديال الحارس…
حارس السجن:تسالات الزيااارة يالاه تحركو..

~~~ : سمع مابقالي والو ونخرج ديك الساعة أنا لي غنقلب عليها وغنرجعها فصفي واخا نحبسها إلا اضطريت…

~~~:(كيهدر معصب وعينيه حومر)غير خليني انا لي غنتكلف بيها

~~~:(نطق بعصبية)وااااياك تقرب ليها سمعتي مادير تاحاجة تانخرج…

#الرجوع_لعند_ابتهال…

ابتهال: يالاه ابنتي غنتعطلو طلقي راسك(كانت لابسة سروال ديال الجلد فالكحل طالع تالكرش وسوفيطمة فالبيض مستيلية فيها زوج خيوط هابطين لقدام بحكم دبا فصل الربيع وبوط فلكحل خلات شعرها مطلوق اللور هابط على ظهرها وجهها خلاتو سامبل دارت غير عكر لون ترابي من طبعها مكديرش المكياج ومكتحملوش بصفة نهائية من غير إذا كانت شي حفلة متعلقة بخدمتها وكتكتفي فقط بعكار خفيف ومسكارة طلات على قسم لقاتها لابسة كسوة فلكحل فيها دائرات بويض حد الركبة وجمعات ليها ابتهال جزء من شعرها لقدام بلاستيك فيه بابيون كحلة وسبرديلة بيضة وعطاتها ساكادو فلكحل)

ابتهال:(صفرات وبقات كضور قسم من يديها)اشهاد الزين عندي فالدار امم لقطيطة تاعي جات فنة

قسم:(كضحك وتشوف فيها) بصح مامي جيت كيوت

ابتهال:ماشي غي كيوت جيتو so beautiful

قسم:(توردو حنيكاتها)نتي جيتي حسن مني

ابتهال:لا نتي كتر

قسم: Noo You Mummy *لا نتي أمامي*

ابتهال:لا نتي

قسم:اععع لا نتي

ابتهال: صافي أنا😌

قسم:لا أنااا

ابتهال(ضحكات)هههه والله حتا أنا لي حمقة دايرة فيك عقلي

قسم: ماميطو العزيزة(قالتها وبقات كذبل فعويناتها وضورهم )

ابتهال:اممم(هبطات عندها وعرفاتها بغات شي حاجة حيت حافظاها غير من ديك ماميطو)قولي اشنو بغيتي..

قسم: دبا أنا بقالي قد هكا(دارت بصبعانها 11)ديال شهورة و15 يوم ونكمل 6سنين ياك

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت 3

ابتهال:(كتضحك)ابنتي عاد هادي 15 اليوم كملتي 5 سنين دغيا وليتي تفكري فالعام جاااي😂 المهم علاش كتسولي اقسوومتي….

قسم:عفاك مامي بغيت عيد ميلادي ديريهلي فلباارك فحال عيد ميلاد صاحبتي رانيا عفاااك ماميطو(كتقولها وكتمسكن وترجاها بيديها وعويناتها)

ابتهال:(قرصاتها فحناكها بزوج وبدات تجبد فيهم عندها حنيكات فحال ديالها وبدات تبوسها فيهم)صافي هتشي لي بغيتي ههه واخا كنواعدك اقطيطتي غنديرليك أحسن عيد ميلاد

قسم:(بدات كتنقز وكضحك)يااس ياااس نتي أغلى أم عندي فالدنيا كنبغيك بزااف

ابتهال:(بادلاتها العناق)تانا كنموت عليك نتي هي قلبي وروحي وكل ما كنملك فهاد الدنيا(شافت فساعة وناضت دغية)نسينا راسنا سربي راه غيمشي عليك الحال
(دغيا هبطو طلعو فلوطو من نوع رونج روڤر فلكحل كتلمع ومن الداخل طاغي عليها لون الأحمر وشوية من الأسود فلكراسا وصلات حدا باب المدرسة ديال قسم كتقرا فالسنة الأولى واخا يالاه عندها 5سنين لكن ابتهال بغات تذخلها بكري ورغم ذلك لي جلس معاها يقول راه كتقرا فثالث ذكية وابتهال كتعلمها الإنجليزية وألمانية فالدار وحتى الإيطالية حيت لغتها الأصلية)قراي مزيان ومديريش بسالة واخا قطيطتي

قسم:واخا أمامي متخافيش يالاه بسلامة

ابتهال: غانجي نديك مع 12 عندي ليك surprise

قسم:(نقزاات بالفرحة)يااااس مامي لاڤيو سوو مااتش

ابتهال:لاڤيو تو قطيطتي يالاه سيري تقراي باي..باي..
قسم:(كديرلها باي باي بيديها ولاحتلها بوسة )

ابتهال:(تسناتها تامشات عاد تحركات لخدمتها شركة Samar لتصميم الأزياء وهي من اشهر وأجمل المصممات لي فالشركة وفالمغرب بكامله بحكم تصاميمها الرائعين والمتقونين دخلات للشركة وكلشي كيشوف فيها غياكلوها بعينيهوم عندها شخصية قوية وكاريزما خطيرة تاحد مكيزعم يهدر معاها من غير الخدمة حيت عندها الهدرة فحدود وقليل فين كيشوفوها مبتاسمة إنسانة صارمة وذكية ومثقفة وجدية بزاااف ومعندها علاقة مع تاحد)

مروى[السكرتيرة ديالها]:مدام ابتهال موسيو عمر قالك بغاك فشي موضوع

ابتهال:أوكي(قلبات الطريق لجيهة مكتب عمر مدير الشركة وصلات حدا لبيرو دقات 2 دقات سمعات الإذن ودخلات)موسيو عمر سمعتك طلبتنيي

عمر [المدير رجل كبير فعمرو 50 سنة شعرو فيه بعض الشيب ووجهو فيه بعض التجاعيد لابس كوستار فاللون الأسود وسروال توب فالأسود وقاميجة بيضة]:دخلي أمدام ابتهال…ااه بغيتك فواحد الموضوع ضروري

ابتهال:آه واخا تفضل

عمر: اليوم غايجيو شي ناس من إطاليا مهمين بزااف غيعقدو معانا صفقة عندهم واحد العرض وكيف ما كتعرفي دبا الصيف قرب يدخل وخاصهم كوليكشن جديدة وبغيتك نتي تكلفي بهاد الصفقة حيت كنتيق فيك بزاف وعارفك قد المهمة

ابتهال:كنشكرك بزاف موسيو عمر على التقة لي داير فيا وكنواعدك غنكون فالمستوى المطلوب …

عمر:هدا واجب مدام ابتهال راكي كتر من4 سنين ونتي خدامة معانا ومصممة ذكية وتصاميمك محتلين ديما المركز الأول وشركتنا ديما فالصدارة

ابتهال:(بابتسامة خفيفة بانو شوية من غمازات)أنا كندير غي خدمتي (ناضت من طبعها معزيش عليها هدرة بزاف)نخليك دبا غنمشي نوجد للاجتماع

عمر:(وقف مدليها يديه وسلم عليها)راه سكرتيرة ديالك غتعطيك توقيت الاجتماع

ابتهال:أوكي موسيو عمر Good-Bye

(خرجات من المكتب ديالو وتوجهات لمكتبها من بعد ماخدات المعلومات من عند مروى سكرتيرة تاعها كان الاجتماع تالعشية بقات خدامة على الإجتماع تا ضربات 12 لارب هزات كونطاك ديال لوطو واتجهات للمدرسة دقسم)

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت4

#فجهة_أخرى_وبالظبط_فإطاليا_فمقبرة…

(كانت امرآة فالستينات من أصول إطالية لكن مسلمة بحكم زوجها مغربي لابسة كسوة فالكحل مبينة تفاصيل جسمها المنحوت عكس عمرها حيت مزالة شادة فراسها لايحة على راسها شال خفيف اسود مبين شعرها البني كيتخللو بعض شعيرات دالشيب كتبكي وتشهق قابطة فولدها شاب فعمرو 30 سنة شعر بني عيون بنية مفتوحة بشرة سمراء لحية خفيفة زعيعرة لابس كوستيم بسروالو فلكحل ولابس قاميجة بيضة وحال 2 زدايف الفوقانيين)
الحوار بالداريجة:

صباح:أهئ..أهيئ..توحشتك أولدي قيصر توحشتك بزااف..أهئ..أهئ…أهئ

ليث:(كيطبطب على ظهرها)لواليدة صافي براكة حرقتي عينيك بهاد البكى راك غير كتحرقيه هكا

صباح:كيندير أولدي أهئ..أهئ..كيندير مزال منسيتو …أهئ..أهئ..الله ياخد فيهم الحق..أهئ

ليث:خداو حقهم خداوه يالاه نمشيو راكي مريضة(جرها وركبها فلوطو من نوع فيراري فالأسود القاتم وصلها لڤيلا طلعها لبيتها عطاها الدوا خرج وسد عليها الباب وخلاها ترتاح عيط للخدامة)
كلاااارا…كلاااارااا

كلارا:نعام أسيدي(كتهدر ومبتاسمة حيت شخص ضحوكي ومرح مع عائلتو والناس لي كيعرف أما الناس لاخرين كيحاول يخلي الحدود شخصيتو قوية كتبين لناس لي مكيعرفوهش انه متكبر ومغرور لكنه عكس ذلك متحكمش على الكتاب من غلافو حتى تقراه)

ليث:منين تفيق لواليدة عطيها تغدا وموراها عطيها الدوا

كلاراا:واخا أسيدي

ليث:(خرج من الڤيلا وتوجه للشركة ديالو El Wehbi إسم النسب ديالو ديال تصميم المجوهرات والساعات الثمينة العقد والخواتم من الألماس والياقوت والمرجان الشركة المتصدرة عالميا بحكم جودة وجمالية ومصداقية المنتوجات كما أنها عندها بزاف دالفروع فسويسرا وروسيا وأمريكا والمغرب لي هو بلد الأم ديال ليث عاش حياتو كلها فإيطاليا قليل فين كيزور المغرب هو والأم ديالو منبعد موت باباه بمرض السرطان مابقاوش كيزوروه بزاف فقط أيام قليلة فالصيف دخل للشركة بكل شموخ كيتمشى وراسو الفوق كاع الموظفين كيلقيو عليه التحية وهو فقط كيهز راسو هادي سنين ماشافوه ضاحك كان صوت قهقهتو الرجولية كيتسمع من الباب وصل مكتب ديالو جلس شوية وودخل عندو نائب ديالو وشريكو وصاحبو وخوه وكلشي )

هود:(شاب فعمرو 31 سنة بينو وبين ليث فقط سنة شعر بني بشرتو سمراء عيون بنية لحية خفيفة زعيعرة لي كيشوفهم مع بعضهم كيقولو خوت حيت ديما مع بعضهم مكيتفارقوش ومزال نزار صاحبهم من الصغر كوميسير عكسهم هما لي خدامين فنفس الشركة)أفين أصاحبي جيتي معطل هاد النهار

ليث:ديت لواليدة للمقبرة راك عارف اليوم ذكرى وفاة خويا قيصر

هود:اه نسيت اخويا الله يرحمو دغيا دازت 5 سنين

ليث:(جبد كارو وشعلو كيكمي)فحالا عاد لبارح مات ماشي سنين هادي لكن الوقت لي كيدوز(كيشوف فنقطة واحدة وكيسوط الدخان)أما الجرح مكيبراش…

هود: (شاف فيه مطول تردد باش يقولهالو ولكن نطق)مزال مانسيتيها…

ليث:(شاف فيه بنظرات غراب وممفهومينش)وحدة غدراتني وبغيتيني نبقا كنبغيها…

هود:(بقا كيشوف فيه هو ماشي غي صاحبو هو راه خوه وكيفهمو عارفو مزال كيبغيها ومقدرش ينساها حيت من موراها تاوحدة مدخلات لقلبو فحالا دات سوارت قلبو معاها)وعلاش باقي خاتم دالزواج ديالك فجيبك ديما

ليث:(نطق بكل ألم وطفى لكارو فالطفاية)باش فين ما نشوفو نتفكر شنو دارت وكيفاش غدراتني أنا لي معمر شي بنت ال–بة دارتها بيا هي ضحكات عليا أول مرة نبغي شي وحدة كانت هي أول وحدة فحياتي ولكن..(سكت مابغاش يزيد يفكر فالماضي)

هود:(فهمو حيت عارفو منين كيتعصب كيكمي ودغياا بدل الهضرة) ميستر سلومونز راه بغا سلعة جديدة على قبل العرض ديال بنتو

ليث:(وقف حتى وصل لحدا الباب ونطق)تكلف نتا أنا عندي واحد الغرض ضروري نقديه تهلا(…وانطلق نحو المجهول)

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت5

#الرجوع_لعند_ابتهال_وقسم…

(غادة فطوموبيل وكتشوف فلمراية اللور لوطو فلكحل منين خرجات من الشركة وهي تابعاها فلحظة تملكها خوف بقات كدخل وتخرج فدروبة مابقاتش تابعاها عاد تنفسات وحسات بالراحة وصلات حدا المدرسة وهبطات كتمايل بخصرها وشعرها البني ضاربة فيه الشمس كيبان زعيعر وعينيها كيبانو فحال لون البحر كتبان فحال شي وحدة عندها 19 عام ماشي25 عام شافت قسم خارجة ومقلقة مشات عندها وتحنات لعندها قاستها فوجهها)

ابتهال:مال لكبيدة ديالي اممم مال القطيطة تااعي مقلقة

قسم:(كتحاول تخبي)نو مامي مكاين تاحاجة

ابتهال:اممم من إيمتا كتكذبي عليا ها?

قسم :مامي مكاينة تاحاجة يالاه فينهيا سوبرايز ديالي

ابتهال:(دارت راسها تيقاتها تالمنبعد وتعرف باستها فخذها وشداتها من يديها) يالاه معايا وغاتعرفي…

(ركباتها فلوطو وتحركات داتها لريسطو حدا البحر تاع الحوت نزلو وقسم كتنقز وتضحك)

قسم: يااااااس يااااس جبتيني لريسطو تاع ليبواسون جوطيم ماميطو (باستها فخذها وتوجهو للطبلة كطل على البحر قسم هزات الموني وبقات كتختار من هنا ولهيه كتبغي الحوت بزااف حيت ابتهال منين كانت حاملة بيها كانت كتوحم عليه بزااف تغدى بيه وتعشى بيه جابولهم الحوت جميع الأنواع وبدات قسم كتاكل بزربة)

ابتهال:مامي غي بشوية عليك…

قسم:(كتهضر معاها وتاكل وتبنن)مممم لذيذ..لذيذ..بزاف بقاي ديما ديرلي سوبرايز فحالهكا

ابتهال:(كتشوف فيها وضحك)صافي غي بقاي على خاطرك هههه(كانو كياكلو ويضحكو مع بعضهم فحال شي 2 صحابات كلشي كيشوف فيهم بنظرات إعجاب لهاد العلاقة لي بيناتهم منساجمة منبعد ما كلاو دازو للحانوت شراو كلوريكس على قبل ريحة الحوت وصلاتها للمدرسة باستها وتوجهات للشركة على قبل الإجتماع لي مع 4 فالطريق شافت ديك لوطو لكحلة تاني تابعاها تأففات وتعصبات كسيرات وقفات لوطو قدامهم هزات شي حاجة ودارتها مور ظهرها هبطات ومشات كدق فزاجة تحلات بانوليها2 رجال لابسين كلشي كحل ونضاظر كوحل وهي تنطق )

ابتهال:يمكن لي نعرف علاش سيادتكم من الصباح ونتوما تابعيني (حل لباب شيحد من اللور وخرج كان رجل فعمر الثلاثينات شعر أسود عيون زرقاء لابس كبوط كول مونطي فلكحل وسروال تجين فلكحل وسبرديلة بيضة توجه لعندها)

ابتهال:(كتهضر وتشوف فيه بعينين ثاقبة)شكون نتا وشنو باغي
عندي هضر…

~~~~: (شافها كتهضر ودايرة يدها مور ظهرها ضحك ضحكة جانبية وميل راسو)مزال مانسيتي الماضي(وغمزها)

ابتهال:(كتشوف فيه بعلامة استفهام ونطقات)سمع معنديش مع الدخول والخروج فالهدرة هدر نيشان…

~~~~:مزال راسك قاصح( توجه لطوموبيلتو ياله غيدخل ونطق )اممم كلشي بالمهل مزال غانتعرفو على بعضنا فالقريب العااجل وغانتعرفو على بعضياتنا مزيان…

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت6

(قال هاد جوج كلمات ومشات لوطو طايرة من حداها مشات لوطو ديالهع طلعات وسدات عليها وبقات كتشوف فنقطة واحدة جبدات السلاح من مور ظهرها وبقات كتشوف فيه دغيا خباتو فلمجر وتحركات للشركة وصلات مشات عند سكرتيرة )

ابتهال:مروى أنا غنمشي نرتاح فلبيرو تاعي منين يقرب الاجتماع علميني

مروى:أوكي مدام

ابتهال:(دخلات لبيرو تاعها حطات صاكها ومشات جلسات فلبيرو وتقابلات مع الزاج لي كيطل على كازا كلها تقريبا ورجعات بيها الذاكرة اللور)

#فلاش_باك_قبل_7_سنوا­ت_فإطاليا…

(فالزنقة جالسة فواحد القنت كتبكي وشعرها هابط على وجهها خاشية راسها بين رجليها وقفات لوطو من نوع ليموزين كحلة وضرب فيها الضو حلات عويناتها الزورق كبار مرمشين وكتحاول تحجب الضو بيديها حيت مجهد خرج رجل لابس صباط كحل سروال توب بكوستيم ديالو فلكحل وقاميجة كحلة فحال الغراب🌚 كان فأواخر الأربعينيات قرع فقط بعض الشعيرات ديال الشيب خفااف عيون بنية بشرة سمراء قصير وعندو شوية دالكرش توجه عندها بخطوات موزونة )

#الحوار_بالإطالية…

~~~~: علاش كتبكي شنو وقع ليك ابنتي..

~~~~:(كتبكي وتشوف فيه)أهئئ أنا خايفة بزاااااف أهئ أهئ

~~~~:(سها فملامحها الطفولية والبريئة عكس عمرها كانت كبيرة فعمر 17 سنة تقريبا قاسها فحنكها وكيطبطب عليها)متخافيش ابنتي انا معاك يالاه معايا…

~~~~:(حسات بالخوف ونطقات)لا ..لا..بلاش..أنا…

~~~~:(عرفها خافت منو وحاول يقنعها)ابنتي راني قد باك مغديش نآذيك راكي بنت وماشي ديال الزنقة والليل قرب يطيح متخافيش يالاه معايا راه مغنآذيكش(مدليها يديه)

~~~~:(قرات فعينيه الصدق ومداتليه يديها وقفها)

~~~~: أنا سميتي آرثر ونتي

~~~~:انا ليزا…سميتي ليزا

آرثر :مزيان متشرفين ليزا
(داها للقصر ديالو منين دخلات وهي حالة فمها طريق كلها عامرة بوديكارد لابسين لبسة موحدة ونفس الوشامات فعنقهم ويديهم نفس الوقفة فحال شي روبوت طريق طويلة مزال مابغات تسالي لا هي لا جردة والشجر لي من الدخلة وهما كيبانو ليها تاضارو على واحد النافورة كانت فالوسط كيخرج منها الماء بطريقة واعرة دخلو عيط الخادمة ريتا باش توريها بيتها وصلات للغرفة غير حلاتها فتحات عينيها بإعجاب سرير دائري فوسط الشومبر غطاء فالبنفسجي فاتح فوق منو خديديات صغار فالبيج كان الحيط مصبوغ بلون البيج وبعض الخطوط فالبنفسجي حداه كوافوز فالبني مفتوح وبعض العطر ومساحيق التجميل فوق منو مقابل معاها باب لبالكون كولو بزاج حلاتو وخرجات كان كبير لقات كرسي فحال المهد كيتحرك وجليسة صغيرة بليفوطوي وطبيلة دالزاج طلات بانوليها أشجار كثيرة لاحد لها و مسبح واقف حداه شاب عاطي بالظهر جسم رياضي كوستيم مزير عليه مبين عضلاتو كيكمي وكيهدر فطيلي معطاتش للأمر أهمية ودخلات لداخل نيشان للدوش كانو فيه جميع أنواع الشومبونات والصابون ومساحيق التجميل أولويز وكل ما كيتعلق بالبنات دخلات تحت الرشاشة بدات غي كتهز شمبوانات وتحط على شعرها وكتفكر فوالديها وتبكي بقات شي ساعتين عيات دغية دارت باندوش وخرجات دايرة فوطة عليها ولقات الخدامة واقفة تما …

ريتا: مدموزيل(شيرات ليها لدريسينج)راه هو دريسينج غتلقاي فيه لحوايج لي غاتحتاجي والماكلة راني حطيتها ليك فوق الطبلة ويلا بغيتي شي حاجة ضغطي على داك الزر راه هو حدا الناموسية وأنا غانجي

ليزا:صافي شكرا أختي عفاك بلا ديك مدموزيل عيطيلي غير ليزا

ريتا :(هدرات بارتباك وخوف)لا منقدرش هادو هما قواعد موسيو ارثر

ليزا:(شافتها كيفاش كتهدر بتوتر وخوف) ممم صافي فهمت انا مغنبغيش نخرج ليك على خدمتك شنو سميتك?

ريتا: انا ريتا

ليزا: متشرفين ريتا

ريتا: الشرف ليا يالاه نخليك هانا غنمشي…

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت7

(مشات وسدات الباب دخلات ليزا لدريسينج تصدمات من كمية لحوايج وطريقة باش مستفين السراول بوحدهم مونطيوات بوحدهم السبابط لتحت وكتسول ديالمن غايكون هاد البيت?حلات لمجورة ولقات جميع انواع واشكال دوبياس هزات وحدين فلكحل لبساتهم دورات وجهها تقلب على شنو تلبس لقات كلشي معري طاحت عينيها على واحد الكبوط فلكرونة مصوف لبساتو ولبسات سروال كحل فيه شي تقاطع صغاار ولبسات بوط فلكحل جمعات شعرها سفنجة مخربقة ومشات كتاكل سالات وبقات دور فالبيت قنطات وبغات تهبط لتحت حلات الباب وخرجات فممر طويل وكتشوف فعدد البيوتة لي كاينين وطاابلويات لي معلقين فيهم صور غريبة كلهم فيهم لون أسود وهي كتشوف تادخلات فشي حاجة قاسحة هزات عينيها لقات هداك الشاب ليكان حدا لابيسين عاطيها بالظهر عقلات عليه غير باللباس لي كان لابس شاب يكون فبداية العشرينات لابس كوستيم بسروالو فأزرق وقميجة بيضة وسبادري فبيض شعر أسود وعوينات فالبني مغلووق نيف مقاد طويل وفم صغيور لحية خفيفة كحلة وبشرة سمراء جاها كيشبه لآرثر فيقها من سهوتها غي صراخو)

~~~~: (نطق بلغوات)وااااش مكتشوفيش قدامك

ليزا:(عاد فاقت من سهوتها)آ سمحلي مشفتكش اخويا مرديتش البال

~~~~:(نطق بسخرية)خوك ههه زوينة هادي من إيمتا الخدم ولاو يقولو خويا وشنو كديري نتي بعدا هنايا بلاصتك فالكوزينة ماشي هنا(لاحلها هاد الكلام لي كيف السم وداز فيها فحال التران دخل لواحد البيت وزدح الباب تعصبات منين قاليها خدامة وطريقة باش غوت عليها )

ليزا:(كتهضر وهي معصبة)الحيواان لاخر مامربيش غير لي عندو لفلوس يحسابليه راسوو هو منعرف شكون تفو على كمارة كيداير بخخخ(هبطات لتحت لقات ريتا وعيطاتليها)ربتااا رييتا

ريتا: (ظارت عندها)نعام لالة بغيتي شي حاجة لاش هبطتي كون غي ظغطتي على الزر انا نطلع عندك

ليزا: لا بلاش انا اصلا مليت عليها بغيت نهبط وريني طريق جردة بغيت نتمشى فيها شوية( وراتها طريق وتمشات كضور وتبركك فهاد القصر لي كانت كتشوفو غير فالأفلام كتمشى وتشم الهوى وتحاول تنسى واخا ميمكنش وتقول هنا غتسالا جردة والو مابغاتش تسالا حسات براسها فحال راها فشي غابة رجعات منين جات قبل ما تلف وتنسى على الطريق وشافت ريتا جاية عندها )

ربتا : مدموزيل ليزا موسيو آرثر بغا يدوي معاك راه هو فالجردة الجيهة لاخرة

ليزا: اويلي هاد الجردة مزال مغتسالي وباقا جيهة وحداخرة

ريتا:(ضحكات وقالت) إييه هاد القصر راه داخل حتى الغابة ويلا جيتي تبعيها تما بقيتي مغتساليش ودبا يالاه معايا راه تعطلنا

ليزا:(حلات فمها من هتشي لي قالت وتعجبات من هاد الناس لي عايشين فهاد الخير كامل ووحداخر مالاقي حتا فين ينعس داتها مور القصر تما منين كيطل بيتها حيت شافت لابيسين وجليسة بليفووطوي وطبيلة دالزاج جالس وعاطي بظهرو ظار عندها وابتسم )

آرثر: اهلا بنتي ليزا رتاحيتي شوية

ليزا:(بادلاتو الابتسامة )اه مزيان حمد الله

ارثر :مزيان دكشي لي بغيت دبا غانعرفك على ولدي لوكاس هو يدي اليمنى فجميع أعمالي(وضار لجيهتو كان جاي بخطوات كل ثقة وغرور ويتمختر فمشيتو )

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت8

لوكاس:(غير ضارت شافها و عقل عليها هادي هي البنت لي دخلات فيه عاد شافها مزيان قبيلة كان معصب بسبب واحد المشكل فالخدمة ومكانش فوعيو منين قال ديك الهدرة حس بالندم من شنو قال )

ليزا:(ظارت تشوف فين كيشوف غي شافتو عقلات عليه تفكرات شنو قال عليها قبيلة محملاتوش وكانت متأكدة أنه ولدو حيت كيشبه ليه بزااف مدليها يديه مع ابتسامة فحال ماشي هدا لي كان غيقتلها قبيلة غير بعينيه)

ليزا:(سلمات عليه بدورها وهي كارها يديه لي كيقيسوها كون ماكان ارثر والله لا جات يديها فيديه دغيا حيدات يديها وجلسات)

ارثر: ولدي لوكاس هادي هي ليزا لي عاودتلك عليها

لوكاس:(كيشوف فيها لحظة سها فعينيها كيبانو فحال لون السما وعندها نظرات جريئة فحال اللبؤة وفمها الصغيور مطبز غوز وبشرتها القمحية ماهي بيضة ما هي سمرة وشعرها البني هابطين بعض خصلات على وجهها دغيا جمع عينيه منين شافها كتخنزر عاد تفكر التصرف ليدار معاها قبيلة )شرف ليا نتعرف عليك آنسة ليزا

ليزا: مم(خنزرات فيه وقلبات عينيها)ليك الشرف تعرف عليا
(ضحك على الطريقة باش قلبات عينيها ارثر كان كيهضر فتيليفون مدا ماجاب قطع ودار عندهم)

لوكاس:(كيشوف فيها وكيهضر)المهم هاني خارج مع صحابي

ارثر:الله يعاونك
(مشى لوكاس ونطق آرثر)

ارثر:(تقلب لعند ليزا)بنتي ليزا عاوديلي كيفاش وقعليك تاتشردتي فالزنقة

ليزا:(غير قال هاد الهدرة طاحو دموعها وتفكرات شنو وقع فحالا شيحد بركلها على الجرح وبدات تعاودليه ودموعها هابطين)أنا ..أهئ ..كنت..عايشة مع والديا…..كنت راجعة من المدرسة ولقيت دارنا كاتحرق😭 وكنسمع صوتهم كيغوتو بغيت ندخل لعندهم لكن الباب كانت شاعلة فيها العافية أهئ أهئ …الإسعاف ورجال الإطفاء..جاو تاولات الدار كلها رماد ومات لي مات😭(بدات كتبكي وتشهق وتفكر فجثة ديالهم لي كانت غير لعظام كلها مشوهة كانت باغا غي تعنقهم وتوادع معاهم)

ارثر:(مدليها كاس دالما)صافي ابنتي متبكيش ولكن كيفاش تحرقات الدار?

ليزا:(كتبكي وتفكر فشنو وقع)
شي..وحدين..أهئ..كيقو­لو..بلي..أهئ..شيحد..­لي..حرق..الدار..معرف­تش..أهئ😭 ..أهئ..أهئ..حنا معندنا..مشا..مشاكل..­مع..تاحد..أهئ..أهئئ😭😭.. (كتهدر بألم )كان خاصني😭نكون تا أنا فالدار ونموت معاهم😭ماتو وخلاوني بوحدي أهئ…أهئ..

ارثر :(بغا يقرب ليها ويعنقها تنترات منو مكتبغيش شيحد يشفق عليها ودغيا نطق)صافي متبكيش دعيلهم بالرحمة والمغفرة..

ارثر:(كيشوف فيها عرف بلي مقصحة وفنفس الوقت معندها متخسر عائلتها هي لي كانت تملك ولكن ماتت تماما هتشي لي بغا ونطق )متقوليش هكا ابنتي القدر ديالك مزال مكتبليك تعيشي باش تنتاقمي ليهم…

ليزا:(شافت فيه بعوينات مدمعين وكتمسحهوم بيديها ونظرات ديال الإستفهام )ككيفاش مفهمتش!!?..

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت9

ارثر:(بغا يلعب ليها على الوتر الحساس باش يوصل لمرادو)من طبيعة الحال نتي غتبغي تنتقمي لهادو لي قتلوليك والديك أو لا غتخليهم عايشين سعيدين فحياتهم وحرين ?

ليزا:(كتشوف فيه وتسمع وتحلل اه بصح خاصها تنتاقم لهادو لي قتلولها والديها بلا شفقة ولا رحمة ومدارو والو خاصها تاخد حقها بيديها)اه بصح بصح خاصني انتاقم منهم خداولي والديا ودمرووولي حياتي غانخليهم يندمو ويبكيو الدم بلااصة الدموع(كانت كتدوي بكل جرءة ولهيب الحقد كيخرج من عينيها والتوعد بالإنتقام حس بقوة رهيبة فهدرتها هتشي لي بغا يوصليه ارثر بغا يشوفها هكا قوية حيت غاتعاونو بزااف…. )

(طلعات لبيتها وبقات كتفكر فكاع لي وقعليها وكتوعد بالانتقام لهادو لي حرموها من والديها)
سدات لبالكون حيت تحرك الريح سدات الخاميات ومشات سدات باب البيت بالسوارت حيت مزال ما كتيق فتاحد تكات فبلاصتها وبقات كاتبكي حتا نعسات…فاقت فالصباح دخلات الحمام دوشات حكات سنانها لبسات سوتيانات فلكحل فيهم السمطة طخونسباغون وسليب ديالهم لبسات كيطمة سروال فالرمادي وتيشورت فلكرونة فيه كتابة فالرمادي وسبرديلة فالرمادي هتشي كامل لي لبساتو ماركة حقيقة ماشي مزورة جمعات شعرها كوتشوڤال وهبطات لتحت لقات ارثر جالس مترأس الطبلة جالس فيمينو لوكاس جلسات فالجهة المقابلة تاع لوكاس)

ليزا:(بابتسامة خفيفة) صباح الخير عليكم

لوكاس :(كيهضر ويشوف فيها مينكرش أنه جات زوينة)صباح النور

ارثر:(بادلها الابتسامة)صباح الخير بنتي ليزا كيف صبحتي مزيان

ليزا:(كتاكل وكتهدر معاه)حمد الله بيخير

(بداو كيفطرو والصمت سيد الموقف كيتسمعو غير صوت الفراشط والمواس سالاو فطورهم لوكاس مشا للشركة وارثر دا معاه ليزا لاكاب كاين تحت القصر بابو من اللور وصلو وحل الباب….)

ليزا:(دخلات لداخل وبقات كتشوف كانت الباب بالبصمة ديال ارثر يعني الشي لي كاين الداخل خطير بزاف دخلات والظلام غير زطمو فالدروج تشعل الضو أوطوماتيك بانليها طابلو مرسوم فيه بالفيطر شي مخططات وحداه طابلو اخر معلقين فيه شي تصاور فيهم كروة حمرة❌ وقدامهم كاينة طابلة طويييلة وفيها كراسي من جناب تقريبا 15 فكل جانب وعاد 2 كراسة لي جايين فرؤوس الطاولة شافت خزنة كبيرة شادة الحيط كلو يدخل فيها بنادم وكاينين درووج لتحت معرفاتش ديالاش وبقات كتشوف فيه وتشوف فلباسو وفدوك المخططات وكاع الحراس لي كلهم لابسين كحل ونفس الوشمة و هو براسو ديما لابس كحل وتاهتشي لي شافتو فهاد لاكاب كيدل على أنهم عصابة خطيرة نطقات وعينيها مقوسين)امم إذن نتوما مافيا ياك?…

ارثر:(تعجب كيفاش دغيا عرفات هو مكانش باغي يقولهالها حتى تيق فيه مزيان ولكن هنا زاد تأكد بلي اختيارو ليها فمكانو ذكية وقلبها ميت وفنفس الوقت صغيرة وزوينة )تبارك الله عليك راكي ذكية هه للأسف هادي هي الحقيقة حنا مافيا

ليزا:(شافت فيه وشافت جيهة الدروج وسولاتو)شنو كاين لتحت?

ارثر :(ضار يشوف فين كتشوف وشيرليها بيديه للتحت)هبطي شوفي بعينيك ….

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت10

ليزا:(شافت فيه وهبطات كان الضو طافي ولكن غي زطمات على الدرجة الأولى تشعل هدا هو سيسطيم جميع الدروج لي كاينين فهاد القصر لقات فحال سجون صغار فيهم كلاب بيرجي , شيان پوليس ,بيدبول,وذياب وشي عصي مليوح فالأرض وكابلات مضفورين و حديدة عريضة هابطة من السقف فيها مينوط فجناب وبرامل فيهم شي حاجة الداخل معرفاتش شناهي وريحة فحال ديال الجيفة وشافت بعض نقط الدم فالأرض تروع قلبها دغيا طلعات الفوق لقاتو جالس فلبيرو ونطق)

ارثر:من غدا غتبداي التدريبات

ليزا:(بنظرات استفهام)إينا تدريبات??

ارثر:(ابتسم ابتسامة جانبية)من طبيعة الحال خاصك تعلمي حركات الدفاع عن النفس والقتال هتشي لابغيتي تنتقمي

ليزا:(شافت فيه بصح عندو الحق)امم صافي فهمت غدا غانكون واجدة انشاء الله

ارثر:(عجبو الحال)مزيان هتشي لي بغيت غدا كوني مع 9 فلاصال لتحت راه غايجي الكوتش لي غادي يدربك(قال هاد الهدرة وزاد غادي فحالو طالع فدروج حتا وصل لفوق وهي تنطق)
بلاتي تسناني راه لا تسدات الباب معندي كيف ندير ليها

ارثر:(ضحك ودار عندها) ههه وكتعقلي مزيان ماشي غير سريعة فالفهم ذكية كل ساعة نكتاشف حاجة فيك جديدة(جات حداه هزلها صبعها وحطو بلاصة البصمة وريكل شي لعيبات)مزيان دبا يالاه نخرجو وتسد الباب)حلي الباب

ليزا:(دغيا فهمات بلي قبيلة خدالها بصمتها دارت صبعها تما وتحل الباب عاود سداتو ابتاسمات ليه)شكراا آرثر

ارثر:(بادلها ابتسامة)راكي وليتي دبا من العائلة وعضوة فأكبر مافيا إيطالية مرحبا بيك معانا…

ليزا:(تحركات من تما وطلعات لبيتها تكات فوق الناموسية وكتفكر فهتشي لي كدير واش الا قدرات تنتاقم لهادو لي قتلولها والديها غاترتاح شوية ديك النار لي شاعلة فيها الداخل واش غادي تطغى دغيا ناضت للدوش طلقات عليها الماء البارد نفضات افكارها خاصها غدا تكون واجدة خرجات من الدوش وجلسات فالبيت نهار كامل كتفكر تعشات فبيتها ونعسات منبعد ماسدات باب بساروت وخلاتو فيه باش تالابغاو يحلوه من برا يلقاو الساروت داخل حيت من طبيعة الحال غايكون عندهم الدوبل وهي مزال ماكتيق فيهم مزيان بنت وسط مافيا كلها رجال من طبيعي تخاف تخشات فبلاصتها نعسات الشميسة بدات تطلع فاقت مع 8 طفات المنبه ودخلات دوشات خرجات لديريسينج لبسات سوتيانات فالكحل إكس من اللور وسطرينگ فأخضر مفتوح عاد لبسات سوفيطمة قصيرة Demi ventre مكتوبة فيها كتابة فالبيض مزيرة وسروال واسع شوية فلكحل جيهة السمطة أخضر مفتوح قريب للأصفر وزادت لبسات ڤيسط فنفس اللون أخضر مفتوح لبسات سبرديلة فلكحل ظفرات شعرها من الفوق تالتحت وهبطات باش تفطر)

ريتا:(شافتها بقات حالة فمها جات زوينة وطايتها رشيقة ومنحوتة رقيقة فحال شي عارضة أزياء)مدموزيل ليزا جيتي زوينة بزاف

ليزا:(شافت فيها بامتنان وابتسامة خفيفة)شكرا ريتا ربي يخليك (شافت فطبلة لقاتها خاوية)واش فطرو ?

ريتا:لا مزال ألالة راه لفطور كاين فالجردة راهم كيتسناوك

ليزا:صافي واخا بسلامة(خرجات للجردة بانولها جالسين توجهات عندهم ونظرة فوجهها باردة وكتمايل بخصرها كلهم ضارو شافو فيها)

لوكاس:(كان جالس تا شافها من بعيد وداك لون كيتير بانتليه فحال شي حوتة جاية كتمايل تا وصلات عندهم)

ليزا:(شافتو ساهي فيها عرفات راسها عجباتو تبسمات بمكر)صباح الخير

ارثر:صباح النور اشهاد النشاط والحيوية على الصباح

ليزا:ضروري نتا قلتيي خاصني نكون واجدة وانا دبا مستاعدة

لوكاس:(كيشوف فيها كيفاش كتهدر بتقة مداياهاش فيه كاع)

ارثر : تبارك الله عليك هكاك نبغيك كوني قوية باش تاحاجة متقدر تهرسك ولاتخليك تكوني ضعيفة….

انـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت11

ليزا:(شافت فيه بكل انكسار) ديجا تهرست أ آرثر ليزا لقديمة ماشي هي هادي دبا لي جالسة حداك

لوكاس:(كيشوف كيفاش كتهدر باينة بلي مقصحة بزااف تعجب بيها وبشخصيتها )صافي خليونا دبا نفطرو مزال تابعانة الخدمة هاد نهار

ارثر: اه بصح ليزا راه الكوتش كيتسناك فطري وهبطي لاصال ليزا:(شافت فيه هزات راسها بآه وبدات تفطر)

(سالاو لفطور ناض لوكاس لشركة تصميم الأزياء هو لي كيهتم بيها ومسيرها هو نائب المدير لي هو ارثر هاد الاخير كايجي غير لاكان شي اجتماع مهم فقط حيت متعلق بزاف بالمافيا والشركة دايرها غير باش تغطي على أعمالو الموسخة)

ارثر:(ناض وتبعاتو ليزا)دبا غاتهبطي لاصال منبعد ونهضرو

ليزا:صافي واخا هانا غادة

(دخلات لقصر هبطات لتحت لقات المدرب شاب فبداية التلاتينات بشرة مبرونزية شعر بني مفتوح عوينات فأزرق فااتح فحال السماء نيف طويل ومقاد فم صغير جسم رياضي بامتياز لابس تيشورت مزير عليه زاد فرز عضلاتو المفتولة وسروال كيطمة ضار عندها وابتاسم)

المدرب :امم نتي هي انسة ليزا ياك?

ليزا:اه هي أنا ونتا ?

المدرب :(عجباتو وخصوصا عينيها وطريقة باش كتهدر وطايتها الرشيقة دغيا غاتعلم ومغاديش تحتاج وقت كتير وأثار فضولو كيفاش بنت فحالها صغيرة وزوينة وفعويناتها واحد البرائة تكون عضوة فأكبر واخطر مافيا إيطالية لكن هو ماشي شغلو مهم يأدي مهمتو)أنا المدرب ديفيد متشرفين(ابتاسم ومدليها يديه)

ليزا:(بادلاتو ابتسامة خفيفة تابانو غمازاتها)الشرف ليا

ديفيد:يالاه غنبداو دبا نضورو شوية على القصر منبعد نديرو حركات تسخينية

ليزا:(خرجو للجردة وبدات كتجري وضور على القصر لي خاصك 3 دقائق باش تكمل الدورة ضارت 5 ضورات مكملاتهم تاسخفات وصلات عندو دخلو لاصال بداو يديرو حركات تسخينية باش ميتقطعش فيها اللحم منبعد مشا جيهة كيس الملاكمة ودارليها بانضات فيديها وعلمها الحركات لي خاصها دير)

ديفيد:يالاه لبسي هادو(مدليها القفازات دلبوكس)

ليزا :(لبساتهم وهو شد الكيس دلبوكس وبدات كضرب بكل قوتها وبطريقة لي وراها)

ديفيد:(كيشوف فيها ويشوف فكيفاش كتضرب والقوة لي خارجة منها كضرب فحال شي راجل ماشي بنت)زيدي ضربي زييدي ..

ليزا:(كضرب وكتخايل دوك لي قتلولها والديها فعاود داك الكيس وكضرب فيهم بكل قوتها وتغوت)آه…آااه…غا­ندمكم كاااملين..اااا.غنحرق­كم…..(كاضرب بكل جهدها والعرق هااابط من جبينها وكتغوت ولات حمرة)

ديفيد:(كيشوفها كيفاش ولات حمرة ومعصبة ودكشي لي كتقول عرف قصتها وعلاش انخارطات فهاد المافيا)صااافي برااكة صاافي بشوية عليك رتااحي شوية…

ليزا:(كتنهج هو كيهدر معاها مكتسمعووش كتسمع صوت وااحد ديال والديها كيغوتو وكيطلبو شيحد يعتقهوم ومنظرهم كيتحرقو قدامها )غاااااااادي…نقتلك­م..آآآآآ…..

(غوتات وطاحت فالأرض كتنهج وكتبكي قرب ليها ديفيد بغا يعنقها وهي دفعو نترات منو حيدات القفازات وخرجات للجردة هي من طبعها مكتبغيش تبين ضعفها لحتى شيحد ونظرات ديال الشفقة مكتبغيش تشوفهم فعينين شي واحد جلسات فكرسي وكتنفس بسرعة هكا كاتولي منين كتعصب دغيا كتحمار وكتحس ببعض الحكة فوجهها بكات تاتفشات مسحات دموعها وتهدنات منبعد رجعات عندو وعاودات لبسات القفازات وتصرفات عادي فحالا ماشي هي لي كانت قبيلة كتغوت وتبكي….)

اٌنـتقــام💥 علــى أرض المـافـــيا💣🖤

بقلــمي أنـا:آيــة 🦋

بـــــــارت12

ديفيد:(كيشوف فيها كيفاش كاتصرف ببرودة تعجب بشخصيتها القوية والمتمردة فحالا ماشي هادي لي كانت قبيلة منهارة وكتبكي )خلي تالغدا ونعاودو نتدربو دبا رتاحي..

ليزا:(مداتهاش فهدرتو وكملات لبس القفازات ومشات كاتضرب فالكيس)

(هكا داز شهر عند ليزا فالصباح كتخرج ضور على القصر ولات من5دورات ل10دورات كايجي عندها ديفيد وكتدرب معاه تا ولات حسن منو علمها فنون القتال والدفاع عن النفس و جسدها أصبح اكثر رشاقة عضلات البطن دغيا ترسمو ليها وذراعها وفخاضها قصاحو وفالعشية كتخرج تمشى تجلس حدا البحر وتخوي طاقتها السلبية وتفكر فوالديها هاد نهار خرجات الصباح كيف العادة كضور لوكاس ديما كيشوفها من لبالكون نهار على نهار كيزيد يتعجب بيها ويبغيها ولكن هي مداياهاش فيه بصفة نهائية كان كيعتقد أنه بسبب المشكل نهار لي دخلات فيه وقالها ديك الهدرة لكن قدملها اعتذارو وسمحات ليه وواخا هكاك ديما دايرة بينها وبينو حدود كيبغي يقرب منها وكتصدرو بقا كيشوف فيها وهبط للجردة)

ارثر:(كان كيفطر وشافها كتجري عيطلها وجات عندو)صباح النور ليزا

ليزا:صباح الخير ارثر

ارثر :(وقف)اليوم غاتعلمي أهم حاجة..

ليزا:(عرفات شنو بغا يقصد من طبيعة الحال منين كتسمع مافيا كتسمع السلاح دارت ابتسامة صغيرة جانبية )اليوم غاتعلمني نستعمل السلاح

ارثر:(ابتسم ليها كتزيد تبهرو كل نهار بذكائها )هههه تماااما يالاه تبعيني…

ليزا:(تبعاتو لمور القصر كان واقف لوكاس هاز فردي فلكحل وكاينين شي قراعي دالشراب محطوطين فوق واحد الطبلة بعيدة شوية ضار وتوجه عندها مدليها السلاح فيديها وكيوريها كيفاش دخل الرصاصة وطريقة سحب الزناد )

ليزا:(كتشوف كيفاش كيدير وكتسجل فعقلها)صافي فهمت

لوكاس :(كيهدر معاها وكيحاول ميشوفش فعينيها)خاصك تحاولي ضربي دوك القراعي النظر ديالك هو لي غايعاونك خاصك تجيبي الرصاصة فيهم ماشي فيا(قالها وضحك ضحكة خفيفة)

ليزا:(ضحكاتليه وهزات السلاح كتوجهو للقرعة مغمضة عين وحال عين وكتحاول تركز النظر ديالها فنقطة واحدة)

ارثر:حاولي تركزي مزيان بنتي ليزا هادي هي أصعب مهمة منبعد غاتولي عضوة رئيسية فالمافيا رسميا وختاريتليك إسم lioness كيف جاك ?

لوكاس :(كيبتسم)lioness اللبؤة فالصراحة جات معاك ا ليزا

ليزا:(نزلات السلاح عجبها الإسم وابتاسمات)ممم عجبني زوين ولكن علاش غانبدل اسمي?

ارثر:فهادي مطلعتيش ذكية انسة ليزا

ليزا:(ضحكات)ههه عارفة بلي فالمافيا كل واحد عندو اسم مخترعو هوا وتاحد مخاصو يعرف الاسم الحقيقي ديال لاخر(ابتاسمات بمكر)غي بغيت نجرب شوية دالغباء ههه ومزال غنعرف حتى شنو باغي مني(غمزاتو)

ارثر:(ارتبك شوية كل نهار كتخلعو بهاد الذكاء ديالها ونطق عادي باش مايبينش)تانا فاللول متيقتش بلي سولتيني هاد السؤال مهم دبا خاصك تركزي ا ليزا بهريني , ههه اللبؤة راه بنظرها القوي كاتصيد فريستها

ليزا:(كتشوف بنص عين والسلاح قدام عينيها موجهاه للقرعة وتسمعات طلقة الرصاص نيشان لوسط القرعة وتهرسات)

#نهاية_فلاش_باك_الرجوع_للواقع

قفزات من بلاصتها منين سمعات صوت الدقان كانت باقا جالسة فوق الكرسي وكتشوف فالبحر لي كيبان بعيد شوية

ابتهال:(كترجع الوعي ديالها وتحاول تبان طبيعية)تفضل

مروى:مدام ابتهال الإطاللين راه وصلو 5 دقايق وغيكونو فقاعة الإجتماعات

ابتهال:صافي واخا …..

♨♨♨♨
بنات لي داخو ابتهال منبعد ما دات قسم للمدرسة مشات للشركة وقالت للسكرتيرة منين يقرب الاجتماع تقولهاليها ومشات جلسات فلبيرو ديالها وبقات ساهية فالبحر مور الزاج كيباان بعيد ورجعات بيها ذاكرتها اللور غير باش متنسااوش وصافي
♨♨♨♨
أرائكم فنظركم شكون ليزا..?
وشنو علاقتها بابتهال..?
وواش ليزا هي ابتهال..?
وعلاش بدلات سميتها…?
معلومة:آرثر ولوكاس هما لي بانو فواحد مقطع صغير فالأول فالسجن آرثر هو لي فالسجن…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت13

(سدات مروى الباب وابتهال بدات كتهضر بوحدها )

ابتهال:اففف مكرهتش نفقد الذاكرة ونسى الماضي كااامل اففف(ناضت من بلاصتها كتقاد فحوايجها باش توجد راسها للإجتماع خرجات من لبيرو مشات القاعة دالاجتماعات حلاتها كان الظلام غير الضوء ديال داطاشو لي كيبان والموظفين كل واحد فبلاصتو كيتسناو المصممة والمشرفة على هاد الإجتماع لي غاتزيد ترفع من المداخيل ديال الشركة وتزيد تشهر حيت الشركة لي غايعقدو معاها الصفقة من أهم وأكبر شركة معروفة بزااف على الصعيد العالمي فمجال تصميم الأزياء وعندها فروع بزاف )

ابتهال:(دخلات بخطوات موزونة وكتهدر بالإطالية بطلاقة كلشي التفت ليها)السلام كنعتذر على التأخير…
(توجهات الكرسي ديالها لي فليمن ديال المدير عمر فور ماهزات راسها تصدمات هدا هو لي كان تابعها قبيلة تفكرات منين قالها مزال غاتعرفيني يعني كيعرفها بدا كيضرها راسها باغة تعرف شكون هذا مابغاتش تبين ونطقات..)
نبداو الاجتمااع….

فيكتور:(الشخص لي كان تابعها بلوطو)احم نعرفك على راسي أنا فيكتور كيليان مدير شركة تصميم الأزياء فإطاليا لي محتلة المراكز الأولى وهذا المساعد ديالي…

ابتهال:(ابتاسمات ابتسامة مصطنعة باش ماتبين تاحاجة وقالت فنفسها شنو دبا هاد الكلب كيعيق علينا راه هو لي يحسن ليه الشرف يخدم معانا ونطقات بالإيطالية)متشرفين ميستر فيكتور وتانتا مرحبا بيك معانا فأهم وأكبر شركة فالمغرب(قالتها بتهجي باش يسمعها ويفهمها مزيان )

فيكتور:(ابتسم بمكر من الطريقة باش هدرات)دبا نقدرو نبداو مدموزيل…?

ابتهال:(بابتسامة خفيفة)مدام ابتهال(بدات كتشرح ليهم وقلبها كتحس بيه مزير وكتقول غير فوقاش تسالي شرحات ليهم تصاميم والأقمشة باش غايتخيطو وفين…إلخ خافية على عيون ڤيكتور لي متبعينها فحركاتها وطريقة هدرتها وجسدها لي كيتحرك وجميع تفاصيل جسمها الاجتماع سالا وتفاهمو مع بعضهم جابولهم لوراق باش يسنيو على الصفقة وعمر(المدير) غير كيشوف ويضور فعينيه ويفرك فصبعانو وكيطلب هتشي يدوز على خير)

ابتهال:(يالاه غاتقرا العقد وهو ينطق عمر)

عمر:(بتوتر)ابتهال بنتي سربي سني دغيا راه ميستر فيكتور معطل بزااف راه ديجا دوينا فشروط العقد….

ابتهال:(كتشوف فيه مالو كيترعد بوحدو شكات يالاه بغات تبدا تقرا العقد وهي دخل مروى مخلوعة كتجري )

مروى:(كتلهت وتنطق بصعوبة)مدام..ابتهال…قسم..

ابتهال:(غير سمعات قسم وقفات وقلبها كيضرب بجهد)ماالها..شنو..وقع….هدريي(كتهدر وكترعد)

مروى:(كتهضر بتوتر)معرفتش..مدير مدرسة عيطليا..وبغا يدوي معاك قتلو راها..فالاجتماع قالي راه قسم فطبيب…سخفات ومعرفوش ماالها….

ابتهال:(غير سمعات هتشي ناضت طايرة باغا تمشي عند بنتها يالاه غاتخرج شدها عمر من يديها)ابتهال سني على العقد عفاك عاد سيري…

ابتهال:(ضارت عندو كتغوت وقابطاه من كول القاميجة وكتغوت)واااش منيتك بنتيي معرفت ماااالها ونتا كتفكر فالعقد طلاااق منيي خليييني نمشييي…

عمر:(خاف يخسر هاد الصفقة وبدا كيرطب معاها)مدام ابتهال عفاك هاد الصفقة مهمة راه غانخسرو بزااف الله يرضي عليك ابنتي

ابتهال:(مافكرات فتاحاجة من غير بنتها هزات ستيلو دغيا وسنات وخرجات طااايرة هبطات للتحت خرجات من الشركة وصلات لوطو ديالها عاد تفكرات طيلي ولكونطاك نساتهم فلبيرو خرجات بلا عقل ورجعات للشركة كتجري كلشي كيشوف فيها عمرهم شافوها فهاد الحالة )

ابتهال :(كتبكي وترعد وتغوت على موظفة الاستقبال)مناااار طلعي جيبيلي لكونطاك وتيليفون ديالي سربيي دغياا….

منار:(تخلعات من الحالة لي هيا فيها) فين هما مدام ابتهال

ابتهال:(كتغوت )هااااهما فجييبي راااااهم فلبيرووو ديااااالي طاالقيي راااااسك…

منار:(طارت من حداها كتجري طلعات جابتليها كونطاك وطيلي عطاتهومليها شداتهم ابتهال وخرجات كتجري عيطات لمدير المدرسة عطاها اسم المستشفى وصلات ودخلات وهي كتبكي وقلبها كيضرب 90 توجهات عند موظفة الاستقبال)عفااك.أهئ.ابن..تي عفاك..جابووها..معرفتش..فينها أهئ أهئ…

موظفة الاستقبال:تهدني عفاك وعطيني اسم بنتك

ابتهال:قسم…قسم…رغد

موظفة الاستقبال:الطابق 3 الغرفة رقم 5 دوري على يديك ليمن كاين لاسونس…

ابتهال:(مخلتهاش تكمل هدرتها مشات طايرة معندهاش الوقت عاد تبقا تسنا فلاسونسوغ طلعات فدروج وكترمي رجليها وتنقز الدروج وصلات دغيا ومشاات الغرفة لقات واحد الممرضة خارجة من الغرفة وبدات كتهدر معاها وكتبكي)عفاك أهئ..أهئ..بنتي عاد دبا جاوبوها ..أهئ😭 شواقع ليها….

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت14

الممرضة:(كاتحاول تهدنها)بشوية عليك مدموزيل راه دبا ناعسة كان عندها تسمم لقينا فحوايجها دوا دالحشرات ودبا راها مزيان نقذناها فأخر لحظة تقدر تخرج منين يسالي السيروم على سلامتها دخلي شوفيها..

ابتهال:(كتسمع وتبكي كيفاش دوا دالحشرات?آش وصلها ليه منبعد وتعرف خاصها دبا تشوف بنتها دخلات عندها لقاتها فايقة ومشات عندها كتبوسها فوجهها وتعنقها )بنتي..😭أهئ لباس عليك مامي😭مكضرك أهئ أهئ تاحاجة😭ياك…

قسم:(كتشوف فماماها وتمسح ليها الدموع )ماما انا بيخير متخافيش عليا

ابتهال:أهئ..كيفاش منخافش ..عليك أهئ نتي هيا كلشي فحياتي

(دازت هدة دقائق وابتهال معنقة قسم وكتبوس فيها دخلات الممرضة حيداتليها السيروم ونطقات)يمكنلها دبا تخرج على سلامتها

ابتهال:شكرا اختي(ضارت شافت فبنتها)يالاه اماما نمشيو نوضي( نوضاتها لبساتها سبرديلة ديالها وهزاتها هبطو لتحت عيطات لمروى باش تخلص المصاريف من حساب الشركة حيت نسات الصاك فلبيرو وخدات التقرير الطبي ومشات لابارطومون ديالها حلات الباب دخلاتها لبيتها مصبوغ بالرمادي فااتح سرير جنب سرجم فوق منو كوفرلي ديالو فالوردي وستائر فالرمادي وزربية مدورة على شكل وردة فالبنفسجي وغوز بيبي ماريو فالرمادي وبنفسجي وحداه فوطوي صغير مدور فبنفسجي فوق منو خديديات صغاار فغوز بيبي حطاتها فوق ناموسيتها دغيا نعسات وباستها بوسة طويلة وحنينة وبدات كتهضر بشوية وفنفس الوقت كتلعب فشعرها)نتي هي كل ما كنملك فهاد الدنيا نتي ماما وبابا وختي وصاحبتي وراجلي(ضحكات بسخرية على آخر كلمة قالتها خرجات من فمها بعدم قصد)ياربي يخليك ليا وميحرمنيش منك لا وقعات ليك شي حاجة نحماق حيت نتي الحاجة الوحيدة لي مخلياني متمسكة بهاد الحياة( ناضت من حداها وسدات السراجم هبطات الريدو ومشات لبيتها سرير فوسط الغرفة فالأسود وخديديات صغار مدورين فلحمر و طابي لتحت فلون أسود مزوق بوريدات حومر كوافوز فلكحل فوق منو مساحيق التجميل وبعض العطر والإكسيسوارات وحداه البيرو ديالها فوق منو اقلام ملونة وبعض اقلام الرصاص وطابعة ورسومات محطوطين بشكل عشوائي خرجات لبالكون ليغيه 2 كراسي وطبيلة دزاج وبقات كتشوف فالبحر وتفكر فداك ڤيكتور والمدير لي كان مصر باش تسني العقد وهتشي لي وقع لبنتها اليوم هزات طيلي وعيطات….)

#نرجعو_عند_ليث….

ليث:(يالاه دخل لڤيلا لقا ماماه جالسة مشا باس راسها)لواليدة كيبقيتي شوية

صباح:(كتشوف فحالتو كيف ولات عينيه ذبلو وكحالو من لتحت بقلة النعاس)مزال ماهداك الله اولدي دير عقلك وتبني حياتك راك كبرتي عندك 30 عام مزال لا زواج لا ولاد…

ليث:(نفس الموضوع ديما كتجبدو ليه)الواليدة الزواج مديروش فبالي دبا أنا ومنين غايجي وقتو انشاء الله ديك الساعة نتي لولة غانقولهاليك

صباح:(يالاه بغات تنطق وهو يسكتها كأنه قرى أفكارها)

ليث:الواليدة صاافي داك الموضوع سديناه شحالهادي (ناض معصب ركب فلوطو شعل كارو ومشا للشركة)

صباح:(كتهضر ومشوشة عليه)اااه اولدي مزال مابغيتي دير عقلك باقي دايرها فقلبك وساد عليها….

ليث:(خرج معصب ديما نفس الموال هوا شي حاجة سميتها الحب وامراة وحداخرا تكون فحياتو عمرها مغتكون صافي سد قلبو شحالهادي توجه للشركة دخل بنفس الهبة وحجبانو عاقدهم الموظفين شافوه هاكاك عرفوه معصب حيت دغيا كتبان فيه توجه لبيرو ديالو غير جلس دخل عندو هود)

هود:افين اصاحبي(دخل وسد الباب جلس حداه)

ليث:(كيهدر عادي)اهلان كيداير لاباس عليك

هود:(كيشوف فحالتو كيدايرا)انا بيخير نتا لي كتبانلي ماشي هو هداك

ليث:(تأفف) لواليدة عاوتاني نفس موضوع الزواج والولاد…

هود:واراه عندها الحق راه العائلة والزواج شي حاجة زوينة

ليث:(بتاسم بسخرية)فحال زواجي لول وفحال زواجك نتا(حتا هدر ولعن راسو على هتشي لي قال)مكنتش قاصد والله راني عيان معارفش شنو كنقول

هود:(تقلق ولكن مابغاش يبين)ماشي مشكل نتا عارف لارا عمرها بغاتني وبصح تخلات عليا وهربات ولكن نتا ليزا كانت كتبغيك تفكر الحاجة الزوينة لي دوزتيها معاها متفكرش غير فالخايب…

ليث:(منين سمع اسمها قلبو بدا كيضرب وتعصب)متجبدش لي سميتهاا سمعتتتتي هاديك وحدة غداارة و—ة خاااانتني مع عدويا وبسبابهااااا مات خوويا وبغيتيني نتفكرهااااا بالمزيان وهي مداااارت تاحااااجة زوينة…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 15

هود:(يالاه غايهدر وشيحد دق فالباب)

ليث:تفضل

السكرتيرة:(جاية كتلوى وحالة زدايف قاميجتها البيضة باينة الفرقة ديال صدرها وعكااار حمر مشعشع قاصدة تغريه من ديما وهي عينيها عليها وهو مدايهاش فيها)موسيو ليث(قالتها وكتلحن فيها)

ليث:(شافها كيفاش كتهدر فحال شي —ة وهو يغوت صااعر) جمعي عليا صدرك ومسحي ديك الروينة لي دايرة فكمارتك وجمعي ك^^/رك راه حنا فالخدمة ماشي فالبار المرة الجاية غااااانقوووليك براااااا(شدها ودفعها مخرجها برا)
^^/لاااودي عليااا دبا (زدح الباب ومشا جالس بلاصتو)

هود:(ضحك على هتشي وقع)

ليث:(شافو كيضحك هو يغوت)نوض ت^^/ود عليا تانتا حالفين تحمقو دينمي فهاد النهار(جبد باكية الكارو وبقا كيكمي)

هود:(ناض دغيا من حداه وكيضحك عارفو منين كيتعصب يريب هاد الشركة كاملة على راسو مشا لعند السكرتيرة شاف فيها بحقارة)حسن ليك جمعي راسك معانا ولا انا لي غنقوليك برا

السكرتيرة:(تمنات الارض تشق وتبلعها منبعد الشوهة لي وقعات وزادت كملات بالهدرة لي قاليها هود دغيا هزات راسها وبدات ترغب وتزاوك باش مايجريوش عليها ويسمحوليها)

هود:المرة الجاية غاتلقاي راسك برااا ودبا هدري علاش كنتي جاية قبيلة

السكرتيرة: ميستر كامب عندكم معاه اجتماع مع 3وبغيت نفكركم

هود:(كايحاول يتفكرو) واش لي خدام مساعد المدير فشركة Avana

السكرتيرة:آه هو هداك اموسيو

هود:صافي انا غانمشي نقولها ليث ونتي وجدي قاعة الاجتماعات وجمعي الأغراض ديالك نتي والسكرتيرة ديالي غاتبادلو حيت ليث إلا عاود شاف وجهك منظمنش ليك شغايدير فيك هاد الايام راه معصب

السكرتيرة:(كترعد مخلوعة)صا.اافي وااخة موسيو هود….

#عند_ابتهال_وقسم…

(مزالا ساهية كتشوف فالبحر لي كايبان بعيد من السرجم و هزات طيلي وعيطات لمروى جاوباتها)

مروى:مدام ابتهال كيف بقات قسم

ابتهال:(يالاه كتهدر حاسة براسها عيااانة)شوية حمد الله مروى عفاك غدا غالصباح بغيت نسخة ديال الصفقة لي عقدناها اليوم مع ميستر فيكتور كيليان

مروى: واش ديال الإطاليين..?

ابتهال:اه…اه..

مروى: صافي واخا مدام ابتهال

ابتهال:أوكي بسلامة(قطعات ومشات عند قسم فيقاتها دوشاتلها وخلاتها كتلبس فحويجاتها العشية هادي صاوبات طارط 2طبقات لتحت مسكوتة والفوق بلفلون دالشكلاط وجبدات عصير البستان ديال الخوخ وحطاتهم فوق الطبلة)

ابتهال:(كتستف وتعيط لقسم)قساااام قسم اجي اقطيطتي شوفي شنو وجدت ليك

قسم :(جاية مبتاسمة لابسة بيجامة دوك لي كيطلعو من لتحت ويتسدو بسنسلة من الوسط فلبيض وفيها رسومات فلغوز وجامعة شعرها كوتشوڤال شافت لاطاغط وفرحات)يااس مامي درتي لاطاغط دشوكولا ولفلون لي كتعحبني

ابتهال:(كضحك وتقطع لاطاغط وتحط فطباسل)ههه عنداك تاكليها كاملة ومتخليليش حقي

قسم:(كتاكل وتبنن وشافت فيها)على تانتي غاتاكلي معايا

ابتهال:(ضحكات)هه لا أبنت كرشي غير ساعتين وانا واقفة فديك الكوزينة باش نوجدها فاللخر نعطيها ليك كلها…

قسم:(كتهضر بطفولية وطلع فحجبانها)هاء ياك أنا لي مريضة إوا أنا لي خاصني ناكلها منين تكوني تانتي مريضة كوليها(وكطلع وتهبط فحجبانها بزوج وكتضحك)

ابتهال:(كتضحك على الطريقة باش كتهدر)هههه..ياكي ومنين غانكون أنا مريضة شكون يوجدهاليا…

قسم:ههه أنا لي غانصاوبهاليك

ابتهال:(باستها وعنقاتها مزالة فيها الخلعة دقبيلة كون وقعات ليها شي حاجة شنو كانت غادير كانت غاتحماق مافيهاش شك سالاو وجمعو الطبلة ابتهال دارت لماعن فآلة غسل الأواني جلسو كتفرجو شوية تاوصلات 10 دات قسم لبيتها غطاتها باستها تسناتها تا نعسات عاد مشات لبيتها غي دارت راسها على المخدة نعسات…)

اٌنـتقــام💥 علــى أرض المـافـــيا💣
🖤
بقلــمي أنـا: آيــة 🦋

بـــــــارت16

أصبحنا وأصبح الملك لله🌤

#عند_ليث..

(فاق فالصباح دخل الحمام دوش دار روتينو اليومي لبس كبوط خفيف فالرمادي مفتوح وكوستيم وسروالو فالرمادي مغلوق لبس سباط فلكحل دار نظارات وساعة فضية ورش من ريحتو المفضلة Sauvage هبط لقا ماماه كتفطر)

ليث:(باسلها راسها)صباح النور الواليدة

صباح:(ابتاسمات ليه)صباح الخير ولدي كيصبحتي

ليث:حمد الله الواليدة بيخير ونتي مزيانة

صباح:حمد الله ولدي بيخير

ليث:(كيقاد فكمام لقاميجة)لواليدة هانا غادي

صباح:ولدي بلاتي فطر ما كليتي والو

ليث:(باسليها راسها)لا عندي اجتماع مهم اليوم مخصنيش نتعطل تانفطر فالشركة

صباح:(ابتاسمات ليه من ديما مقابل الشركة لي خلاها باه أمانة فعنقو حيت خدم وتعذب وتكرفس باش دارها وحتا ليث مامخليش من جهدو مخليها ديما فالصدارة)الله يرضي عليك اولدي ويسهل عليك

ليث:امين الواليدة وتهلاي فراسك شربي دواك فالوقت(باسليها راسها وهز لكونطاك وخرج متاجه للشركة وصل وطلع نيشان لبيرو ديالو عيط للسكرتيرة من تيليفون دالشركة)

ليث:(منزل راسو كيشوف شي تقارير وملفات دخلات السكرتيرة منبعد ماعطاها الإذن)التصرف دلبارح ميتعاودش ولا غاتلقاي راسك برا

السكرتيرة:(بعدم فهم)مفهمتش موسيو ليث شنو درت لبارح?

ليث:(هز راسو كيحسابليه السكرتيرة ديالو لكن لقا السكرتيرة ديال هود ) فينها السكرتيرة توبا..?

السكرتيرة:ولات السكرتيرة ديال موسيو هود

ليث:أوكي وشنو سميتك

السكرتيرة :سميتي لينا

ليث:(كيشوف فيها بنت مرزنة وحشومية ماشي فرفارة فحال لي قبل منها ولكن مافيها والو يعاود يحذرها ونطق بجدية)كنظن راكي عارفة شنو وقع ليها مابغيتش نفس التصرف

لينا:(كتهدر وحادرة راسها لتحت)لا متخافش اموسيو ليث

ليث:المهم لبارح قالي هود جا موسيو كامب واش دار شي موعد

لينا: اه اموسيو ليث كاين اجتماع اليوم مع 5فلعشية

ليث:مافهمت والو انا فهاتشي لي دار هود فينهوا واش فلبيرو ديالو

لينا: اه عاد جا قبيلة

ليث:(حط الملفات من يدو)قوليله يجي عندي ضروري ودبا

لينا :أوكي موسيو ليث(خرجات من لبيرو وسدات الباب )

توقعاتكم فنظركم ابتهال شنو دارت لليث..?
والمدير لاش متوتر علاياش غادي تكون سنات ابتهال…?
وڤيكتور شنو غادي يكون باغي من ابتهال ..?
الأجوبة كاملين كاينين فالأجزاء جاية غادي تكون شاخدة🔥

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 17

#عند_ابتهال_وقسم..

(فاقت فالصباح كتكسل وتجبد فحال شي قطيطة شافت فالساعة لقاتها 6ونص مشات كتسلت بالحفا حلات الباب ومشات تالعندها لقاتها ناعسة ونقزات عليها)

قسم:(كتهرها وتبوسها)بوووع صبااااح النور دبا شكون لي نعاااسة

ابتهال:(يالاه كتحاول تحل عينيها وكتضحك)ههه الناس فايقين بكري (دغيا قلباتها عندها بدات تهرها وتبوس فيها)

قسم:(كضحك وتجبد من تحتها)هه صاافي.ههه..ماما.هههه براكة….

(بقاو كيلعبو ويضحكو عياو وخشاتها ابتهال فحضنها متكيين فناموسيتها)

ابتهال:أنا أسعد أم فهاد الدنيا(باستها وعنقاتها)

قسم: وبابا علاش ماسعيدش بيا وعمرو قلب عليا..

ابتهال:(اتصدمات من الهدرة لي قالت ليها قسم حيت بنتها مكتخبي عليها والو عاوداتليها على كلشي من غير شي حوايج لي إذا عرفاتهم غادي تكره باباها…)انا ابنتي درت حوايج خايبين لباباك ودابزنا وهو معارفكش بلي راكي كاينة(كتكدب وتزوق فالهدرة باش متخليهاش تكره باباها واخا عمرها شافتو )

قسم:(كتشوف فيها وتهدر)واخا هكاك ياك كنتو كتبغيو بعضياتكم بزااف فحال قصة قيس وليلى ديك نهار رانيا قاتلي علاش معندكش باباك وانا معرفتش شنو نقوليها عليها كنت مقلقة ونتي سولتيني ومبغيتش نقولهاليك(كتهضر ودلي شنايفها لتحت وتمسكن فعويناتها)

ابتهال:(جبدات عليها جروح الماضي لي مابغاتش تفكرو وقلبات دغيا الموضوع بلا متزيد تعمق )امممم بعد غدا السبت وغنخرجو انا وبنتي نديرو picnic فالغابة

قسم:(نسات شنو كانت عاد دبا كتقول منين قاتليهاpicnic) ياااس ماميطو پيكنيك كنبغيك بزااف مامي ممكن تمشي معانا رانيا

ابتهال: الا بغات ماماها انا معنديش مشكيل

قسم:(كتهضر وترجاها بعينيها)بليز مامي هدري معاها وطلبيها

ابتهال:(كتعجبها منين كتولي ترغب كتولي حلوة )صافي واخا غي بقاي على خاطرك اقطيطتي يالاه نوضي باش نفطرو(ناضت قسم مشات لحمام وابتهال فالكوزينة كتصايب لفطور وعقلها ساهي وكتفكر فهتشي لي قالت بنتها ضروري واحد نهار غاتبغي تعرف باباها شكون وغاتقلب عليه فيقانها من سهوتها غير شي يد كتقيسها)

قسم :(كتقيسها فيديها)مااما الحليييب….ماااماا

ابتهال:(ضارت تشوف الحليب لقاتو فاض كلو عاد حيداتو من تما مسحات البوطة وعاودات وحداخر دغيا صاوبات لفطور حطاتو فوق طابلة)

قسم:(كتشوف فماماها كيف كتاكل وساكتة عمرها كانت هكا ديما كتهضر وتضحك معاها ندمات لي قاتليها ديك الهدرة حيت فين ما كتجبدليها باباها كتقلق هكا دلات شنيفاتها )أوووف..مامي
آيم سوووو سوري بلييز متبقايش مقلقة مغنعاودش نجبد بابا وعد والله (وقاست بصبعها نيفها من الفوق ووجهاتو لنيف ابتهال )

ابتهال:(ابتاسمات وخلاتها تقيسها فنيفها وتاهي دكشي لي دارت هادي هي الطريقة باش كيتواعدو مع بعضهم كلاو سالاو وابتهال كتحاول تبين راسها ضاحكة باش متقلقش قسم جمعو الطبلة توجهو للبيت باش يلبسو لبسات ابتهال كسوة فلبيج بالعنق حد لفخاض ديال الصوف ودارت سمطة فلكحل فالوسط ديال غوتشي وليبة موس فلكحل ولبسات بوط طالع تالركبة فلبيج و طلقات شعرها سامبل رشات من عطرها LA Belle et vie ضارت ساعة فضية وخاتم سامبل مرصع بالأحجار ومشات لبيت قسم…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 18

ابتهال:قسااام فيينك…اجي باش تلبسي حوايجك(كتقلب فالماريو ديالها)

قسم:(خارجة من الحمام)هاني ماما كنت كنغسل سناني

ابتهال:(لبسات ليها فوقاني فلبيض طايح من جيهة لكتاف وسروال تجين مزير وكونفيرصة بيضة طالعة ودارتليها رويحة وهزات صاكادو ديالها خرجو من الدار طلعو لوطو وتاجهو المدرسة دقسم هبطات معاها ابتهال)

قسم:مامي واش غاداخلي معايا

ابتهال: اه ابنتي ضروري خاصني نفهم شنو وقع لبارح مابغيتش نسولك لبارح حيت كنتي عيانة شنو وقع اقسم وكيفاش الدوا دالحشرات وصل لفمك….?

قسم:(كتفكر وتعاودلها )انا كنت كلعب مع رانيا فاستراحة وطحت فالأرض وبلا منقصد قست فشي غبرة بيضة كانت فالأرض نفضت يدي ومنين بغيت ناكل نسيت مغسلتش يدي مكنتش قاصدة(وكدلي فشنيفاتها فحال شي بيبي صغيور)

ابتهال:(باستها فحنيكاتها)صافي اقطيطتي غير سيري نتي دخلي تقراي انا غاندخل نهضر معاه

قسم:(دايرة يدها على فمها وكتضحك وتشوف فيها)ماما ههه عنداك تمشي دربيه تاني هه🤭🤭

ابتهال:(كتضحك على آخر موقف معاه كانت قسم دابزات مع شي وحدة فلبنات والمدير عيط على ولي أمرهم ومنين جات غوت على قسم وهي طير عليه قجاتو مستحملاتش يفوت عليها هي مها وعمرها غوتات عليها)ههه لا متخافيش مغنقصحوش…

قسم:(كتضحك)غير ضربيه بالجهد اصلا هو خايب ديما كينكر على الأساتذة

ابتهال:(كتضحك وتقرس فحنكها)يااكي تسنااي هانا غاندخل نقولهالو

قسم:(جمعات الضحكة)شتي دباا ها لي مابغيناش

ابتهال:(كضحك عليها) غي كنضحك معاك متخافيش يالاه سيري راه غيمشي عليك الحال(ودعاتها ودخلات عند المدير كان كيشرب القهوة شافها وبدا كيكح وكيتفتف عارف راسو قفرها)احم احم..اهلا اهلا بمدام ابتهال مرحبا تفضلي تشربي شي حاجة

ابتهال:(كتشوفو كيفاش كيهضر عرفاتو خايف حيت بنادم كتفهمو من عينيه وكتعرف الكذاب من الصادق حيت عاشرات بزااف دالناس)مم نشرب علاش لا..

المدير:قهوة ولا عصير

ابتهال:(شافت فيه بنظرات كون كان قرطاس كون ختارقوه)بغيت السم, نشربوه أنا وياك…

المدير:(بدا العرق يتصبصب من جبينو عارف ديرها وتفوتها وخصوصا انها عارفة بلي عندو علاقة مع جارتها لي كتسكن الفوق ومراتو كتعرفها مع ذلك مفضحاتوش)لا حااشة اشهاد الكلام مالنا قاتلين روح

ابتهال:(تعصبات وناضت طايرة عندو شاداه من لكول دقاميجتو وكتغوت)وبنتييي الحيوااان لي كاااانت غاااتموت دوييي ااااش جاب دوا دالحشرااات لمدرسة عااامرة بدراااري صغااار دويييي…المدرسة ب95 ألف ريال يااااك… واااانا كنخلصك130 الف ريال علااااش الحيواااان??(كتهدر وديه وتجيبو من كول قاميجتو)معرفتيش انا غنجاوبك (قربات تال حدى ودنو وغوتات)بااااااااش ترد بالك عليهااااااااا…

المدير :(صمكاتو فودنيه دار يديه فودنو وعاودات جراتو)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 19

ابتهال:(مزالة شاداه من الكول)سمع أدوبل كريشة نقسم ليك بحياة بنتي ونسمع دبااانة قاستها والله حنا نريب ليك هاد المدرسة فووق راسك ونزيد نفضح دين/مك مع مرااااتك إوا متعصبنيييش وتخليني نقلب الوجه لاخر(دفعاتو تاطاح على الكرسي كينهج وجلسات فحالا ما وقع والو )

المدير:(كيهدر فنفسو الله اربي لا كان هدا هو وجهها كيف غايكون وجهها لاخر ورجع يطلب ويزااوك)عفاااك متقولي لمرتي وااالو عطيني فرصة اخييرة راه غي وقع سوء تفاهم واحد من العماال لي دار دوا دالحشرات تما راه مكاانتش فخباري كون فخباري والله منخليه(كيهدر وكيرطب معاها)

ابتهال:(كتهضر وتخنزر فيه)تانا كون فخباري بلي راك عارف نقتلو هو ونشربك دمو ونتبعك ليه(وقفات وجههات سبابتها لحدا وجهو)حسن ليك تبت ودير عقلك أموسيو لوديغيكطوغ(قالتها بسخرية وخرجات زدحات الباب خلاتو كينهج دغيا عيط على جميع ليفام دميناج باش يسيقو وينظفو ويعقمو المدرسة كاملة ومايديرو تاشي حاجة بلا علمو خرجات من المدرسة لاحت شعرها مور ودنيها)

ابتهال:هاد المشكل وحليناه دبا ندوزو لميستر ڤيكتور وعمر نشوفو شنو مخبيين عليا (وصلات للشركة دخلات وراسها الفوق كتمشى وتميل بخصرها وشعرها وملامح جامدة على وجهها كلشي كيشوف فيها فحالا ماشي هادي لي كانت لبارح كتبكي وغاتحماق على بنتها طلعات فلاسونسوغ توجهات المكتب ديالها وقبل مادخل)

ابتهال:(ضارت عند مروى)مروى وجدتيلي دكشي لي وصيتك عليه لبارح ?

مروى:اه مدام ابتهال راه خليتو ليك فوق المكتب

ابتهال:اوكي ميغسي(دخلات لبيرو ديالها حطات صاكها ومشات جلسات هزات العقد وبدات كتقرا لحد الآن مزيان تاقرات لي طيحلها الرجل مع اليد وحلات فمها بصدمة وغوتات)لاااااااااا…

(خرجات كاتجري لبيرو دعمر فتحات الباب لقاتو جالس مشات شنقات عليه )كيفااااش الحيوان كيفااااش قدرتي دير فيا هكاا دوي استغليتي الفرصة حيت كنت مزروبة هدااار….

عمر:(كيهدر ويحيد يديها من على عنقو)تهدني مدام ابتهال انا غانشرح ليك

ابتهال:(طلقات منو وكتحاول تكالما)طلق راااسك

عمر:(كيهدر وكيشوف فيها كيف ولات عرف القضية حمااضت)سمعي ابتهال الشركة خاصها ضروري تعقد شراكة مع شركات مشهورين حيت هما لي غايزيدو بينا لقدام وغانزيدو نتشهرو فالعالم ماشي غير فالمغرب وراه موسيو ڤيكتور هو لي هدر مع الألمانيين باش قبلو أننا نشاركو معاهم فالعرض وهتشي فمصلحة الشركة ونتي غتمشي تخدمي تما بصفتك المصممة المشرفة على لكوليكشن الجديدة ديالهم

ابتهال:(هو كيهضر ومكرهاتش تنوض تلوحو من السرجم)واناااا علاااش مفخبااريش علاش كدبتي علياا هااا ادوي 5 سنين وانا خدامة هنا بنيتي وعمري درت شي حاجة دالعيب مع تاحد وفاللخر تغدرني موور ظهري….

عمر:(كيهدر ويرطب معاها)امدام ابتهال نتي راه غي غاتمشي تخدمي فإطاليا شكون فحالك ألف واحد يتمنى يخدم مع أكبر شركة مشهورة على الصعيد العالمي فمجال الموضة والأزياء كما أنها كتعامل مع بزاف دالشركات ديال المجوهرات والورود وحتا تنظيم الحفلات والسيارات وحتا فمجال التصوير والإشهارات فالمجلات راه غاتربحي بزااف دالفلوس وماشي غير نتي حتا الشركة غاتزيد تشهر حيت لازدتي بالشركة ديالو حتى شركتنا غادي تزيد لقدام حيت راه حنا دبا متشاركين

ابتهال: انا مغنمشيش قلتهاااااليك شحاالهادي نهار عرضتي عليا نخدم فالشركة ديال صاحبك باش نديرو معاه شرااااكة واااش مكتفهمش سيفط علاء تاهو مصمم مشهور وتصاميمو ديما فالصدارة

عمر: إيييه مصمم مشهور وتصاميمو رااائعة ولكن مايوصلوش لتصاميمك واخة غير الربع…(مخلاتوش يكمل هدرتو ونطقات)

ابتهال:(كتهضر معصبة)انااااا مغنمشييييش ساااالينا(دارت غادة فحاالها حتا صدمها بشنو قال)

عمر:إذا مبغيتيش تمشي حطي 17 دالمليون…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 20

ابتهال:(دارت عندو وحلات فمها)ك..كيفااش.17مليوون…واااش تسطيتي..ولا تفورماطاليك العقل

عمر:باش يشري من عندنا الحصص بغى أنه تولي خدامة عندو فالشركة رسميا وأنا قبلت حيت الشركة محتاجا لهاد الشراكة ونتي راه سنيتي على العقد

ابتهال:(ضربات يدها فالطبلة ونطقت بعصبية وتسائل بعينيها)نفهم راسي بلي دبا كتبيع فيا وتشري الحيوان وعلى فين مشاو الفلوس?

عمر:خلصنا بيهم شي كريديات وشي إصلاحات فالشركة راه بداو اليوما العمال كيخدمو على الواجهة دالشركة ولي بقا راه شرينا بيه التوابات والأقمشة وشي مكينات الخياطة..والعقد لي سنيتي فيه مدة عامين منين تسالي لكونطرا ممكن تعاودي ترجعي تخدمي هنا معانا

ابتهال:(بقات ساكتة ومزيرة سناانها وظفارها دخلو فيديها بقوة مامزيرة عليهم وبدا وجهها كيحمار)

عمر:(شافها هكا تخلع من حالتها دايرة بحال شي مطيشة عمرو شافها هكا)

ابتهال:(مشعراتش براسها حتا غوتات ودارت يديها فوق لبيرو ورمات دكشي كاامل للأرض وعمر غير كيشوف فيها رجعات تقادات فوقفتها هزات راسها الفوق استنشقات الهوا مغمضة عينيها هبطات راسها وبدات كدوز على عنقها ووجهها بيديها هكا كدير منين كتعصب وهادي الطريقة الوحيدة باش كتهدن خرجات وزدحات الباب تا قرب يتقلع من بلاصتو الموظفين غير كايشوفو فيها مشات نيشان لبيرو ديالها هزات كونطاك وصاكها وخرجات من الشركة..)

#عند_ليث_وهود_فالشركة…

ليث:(جالس كيقرا فشي ملفات سمع دقان)تفضل

هود:(حل لباب وتم داخل)عاااش من شاافك اسي ليث

ليث:(ناض سلم عليه سلام رجولي)عاد كنت لبارح هنا القرد

هود:(كيضحك)ههه جيتي طليتي ربع ساعة وغفلتي علينا نهاار كامل وداك طيلي لاش شاريه منين مكتجاوبش عليه

ليث:لبارح كنت فالمستودع قربات تخرج السلعة لمكسيك آآه تفكرت كيفاش القضية ديال هاد كامب مافهمتش

هود: لبارح جا كان عندو معانا اجتماع مع 3 ولكن سيادتكم مكنتيش ومكتجاوبش فظطريت نحضرو فبلاصتك راه خاصنا نسنيو عقد الشراكة راك عارف حنا محتاجينو بزاف على قبل العرض لي غنديرو فلميكسيك راه غايجي مع 5

ليث:اامم عرفت صافي خاصنا نسنيو العقد عاودتي سولتي واش الخدمة متقونة 100% انا ديجا شفتها عجباتني لكن ضروري تأكد راك عارف العرض شحال مهم ماشي فحال لي سبقوه و غايجيو نجوم وممثلين مشهورين وشركات معروفين من جميع انحاء العالم مابغيت حتا خطأ…

هود:متخاافش اصاحبي راني سولت مزيان والخدمة متقونة

ليث:صافي فالعشية نسنيو العقد باش نحيدوه علينا اليوم

هود :صافي كون هاني تهلا نمشي نكمل شي خدمة(سلم عليه ومشا لبيرو ديالو وخرج ليث ديك الساعة حتى هو ومشى لكوميسارية عند صاحبو لي صداقتهم من الصغر وهي مستمرة بتلاتة بيهم هود وليث ونزار كلهم من أصول مغربية كانو كيقراو فنفس المدرسة فإطاليا حيت والديهم كانو صحاب ومن تما تعرفو على بعضياتهم رغم فراق صداقة والديهم اب ليث وهود ماتو وأب نزار ساكن فالمغرب حيت هو بوليسي ماشي فحالهم هدا كان حلمو وحققو وحتى ولدو دبا كيكمل مسيرتو فإطاليا دخل لبيرو ديال صاحبو كوميسير نزار مشهور بزاف بذكائو وخفة الدم عمرو مااستلم شي قضية ومشدش المجرم يعني بالنسبة للعصابات كيشكل خطر كبير
عليهم وإذا شد القضية ديالهم نهايتهم غاتكون قريبة….)

فنظركم ابتهال شنو غادير واش غتمشي لإيطاليا ولا غادي تلقى شي حل..?

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 21

نزار:(توجه عندو وسلم عليه سلام رجولي )اهلا بسي ليث مرحبا بيك

ليث:(ابتسم ليه)الله يكبر بيك غبرتي هاد ليام قلت نجي نسول فيك

نزار:اغي شي عصابة جديدة مشوشاني كدرب غير من لتحت لتحت ووالو مكاينش الدليل ولكن مغنتهنى حتى نشدهم(شاف فليث بنص عين)ليث عنداك تكون رجعتي لديك الخدمة

ليث:(شاف فيه بجدية)نزار راك عارف انا ديك الطريق دخلت ليها باش نعاون الشركة لي خلاها لي الواليد امانة فرقبتي كان علينا دين كون مخلصتوش كانت الشركة غاضيع وغانعلنو الإفلاس فهمتي ومنين مات خويا كرهت شي حاجة سميتها العصابات والمافيا حيت خداو مني قيصر

نزار:(كيهدر ويطبطب على ظهرو)الله يرحمو قيصر راه كان خويا تانا انا قتليك هاد الهدرة حيت خايف عليك ماباغيكش ضيع فديك الطريق

ليث:متخافش راه شحالهادي دويت معاك فهاد الموضوع أنا وهاد الطريق عمرنا مغنعاودو نتلاقاو مهم راه…(سكت وشاف فيه مطول فحالة بغا يقولو شي حاجة ومقادرش ينطق)

نزار:(كيشوف فيه كيفاش باغي يهدر ومتردد دغيا فهمو حيت ديما نفس السؤال كيسولو منين كيجي عندو)مزال مكاين تاحاجة تقول تشقات الأرض وبلعااتها اخر مرة بانت فيها فالليل(شاف فيه ونطق بشوية) منين جريتي عليها من تما بححح طارت وأنا (شاف فيه بنظرة أسف)كنظن بلي ماتت أليث سنين وحنا كنقلبو عليها فجميع البلدان ومالقيناهاش راه ميمكنش ملقاوهاش من غير إلا ماكانتش هي أصلا

ليث:(كيدوز على راسو ويتفكر ذكرياتو معاها وأول مرة شافها)

#فلاش_باك_قبل_5_سنوات…

(فجردة كيتمسع صوت قهقهات رجال ونساء كل مجموعة واقفة قدام طوابل عالية وكيسان الشراب كيتوزعو على الضيوف لي أغلبيتهم رجال أعمال مشهوربن وبعض أفراد العصابات ورؤوس مافيا كل واحد وفاش كيهدر كان واقف مع صاحبو هود )

ليث:(كيجغم من كأس شراب ويهدر)داك الشيباني دآرثر مبانليكش

هود:(كيسمع ليه ويتمنظر فلبنات لي غادة ولي جاية كل وحدة كيدايرة ها الغليضة ها الرقيقة ها الشهبة ها السمرة حال فمو فيهم تانغزو صااحبو )

ليث:(كيحرك يدو قدام وجهو )العماالة والشرييف واتبي

هود:(عاد ضار شاف فيه)امالك ال^^/لاوي راه كنسمعك(يالاه غيهدر وشافو جاي ضحك) هاااهو جاي عمرو طويل فحال الكلب بيييخ على قرطاسة معاه

ليث:(ضار شاف فين كيشوف لقا بنت آية فالجمال عيون ممزوجة بلون الأزرق والرمادي بشرة قمحية طالقة شعرها سامبل واصل لتحت كتافها شوية دايراليه ليميش و دايرة عكر حمر كيتير الإنتباه لابسة كسوة حمرة سماطيها هابطين على ذراعها وكتبان شوية فرقة دصدرها مزيرة من خصرها ومطلوقة تالتحت طويلة وفتحة تال ركبتها كايبانو رجليها والخلخال لي دايرة وسندالة عالية فالأسود وبوشيط فأسود بقا كيشوف فيها ماحدها كتقرب ليه وهو كيزيد يغرق فالجمال ديالها دغيا جمع راسو منين وصلات حداه كان حداها آرثر لي هو رئيس مافيا والعدو ديال ليث فنفس الوقت ليث شريك معاه فشركتو ديال تصميم الأزياء بنسبة 30% حيت كان غيدير إفلاس كون ماشراهومش هو ولكن ارثر ديك ساعة مكانش عارف بلي شركة ليث غاتولي محتلة المراتب الأولى وكدخل الملاين فالنهار وشركة دآرثر أسهمها ولاو كينزلو فالسوق وكان قريب للإفلاس ماستحملش يجي شيحد موراه ويولي فوق منو حيت من ديما باغي يكون هو نامبر وان وحاول أنه يقتل ليث لكن الخطة فشلات وتكشفات ودبا كيهددو ليث باش يتنازل ليه على 20% من الشركة ويولي واخد النص فيها ولا غادي يديكلاري بيه لبوليس حيت حاول يقتلو وماشي غير هتشي عندو حتى بعض السندات لي غادي تضمر آرثر وتخليه يدخل الحبس حيت فيها جميع الاتفاقيات والعقود الغير قانونية والجرائم لي دارهم آرثر)

ارثر:(مبتسم)اهلا بموسيو ليث شرفتينا(مدليه يديه باش يسلم عليه)

ليث:(شاف فيه ورجع كيجغم من الكاس بشوية خلاليه يدو معلقة…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 22

ارثر:(مبتسم )اهلا بموسيو ليث شرفتينا(مدليه يديه باش يسلم عليه)

ليث:(شاف فيه ورجع كيجغم من الكاس بشوية خلاليه يدو معلقة)

ارثر:(محملش التصرف ليدارليه ولكن مزال غايخلصها غاالية)

هود:(كيشوف فالبنت لي معاه) مغتعرفناش على الآنسة لي معاك

ارثر:(كيبتسم ابتسامة خبيثة)وايلي على مكتعرفوهاش

ليث:(كيشوف فيها كيفاش واقفة مزيرة راسها باينة مامتعوداش على هاد الحفلات)لا عرفنا عليها

ارثر:هادي مدموزيل ليزا خدامة معانا فالشركة يالاه جديدة(ضار عندها وقدمليها هود وليث) هدا موسيو هود وهادا موسيو ليث خدامين فالشركة ديال صناعة المجوهرات راه عندهم معانا شراكة

هود:(كيشوف فيها ويبتاسم مد يديه باش يسلم عليها)متشرفين مدموزيل ليزا

ليزا:(سلمات عليه وكتشوف فليث صحيح أنه عجبها خصوصا زعوريتو وكوستيم لي لابس مزير عليه وفاتح بعض الزدايف الفوقانيين) ضارت عند هود ابتاسمات ابتسامة خفيفة)الشرف ليا موسيو هود

ارثر:(وجه كلامو لهود)موسيو هود ممكن تفضل معايا خاصني نهدر معاك فشي موضوع

هود:(شاف فليث ودارليه براسو هانا جاي )

ليث:(هز راسو بغير سير وتقلب عند ليزا مد يديه مع ابتسامة)متشرفين مدموزيل ليزا

ليزا:(سلمات عليه وابتاسمات حتا بانو غمازاتها)تانا تشرفت بمعرفتك

ليث:(سها فغمازاتها وابتسامتها تا نطق)شنو البوسط ديالك فالشركة

ليزا:انا مصممة أزياء

ليث:(ابتسم وشاف فكسوتها من لتحت تا وصل لفرقة صدرها دغيا جمع عينو وحول نظرو لوجهها عاد مازاد غرق فجمال عينيها ماعرف فين يشوف فين ما طاحت عينيه كتعجبو شي حاجة فيها ونطق )عندي حدس بلي هاد الكسوة لي لابسة نتي لي صممتيها

ليزا:اه بصح كيفاش عرفتيها?

ليث:حيت فحالا مخيطة عليك(بابتسامة خفيفة)

ليزا:(ابتاسمات تابانو غمازاتها)

ليث:على كل حال جاتك زوينة(بنظرة إعجاب وابتسامة جانبية وسهى فغمازاتها والضحيكة ديالها)

ليزا:(كتهضر وتشكرو بامتنان)شكرا ليك موسيو ليث

ليث:ليث بلا ديك موسيو أوكي ليزا

ليزا: هه أوكي ليث….

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 23

( جلسو كيهدرو فجميع المواضيع ويضحكو كانو كيهدرو بطلاقة من بعيد كيبانو فحال شي عصافير الحب ليث زاد عرف بلي أنها بنت بسيطة قلبها بيض وضحوكية وليزا زاد تعرفات عليه مزيان ماشي ديك الشخصية الشريرة لي رسماتها فعقلها منين كان آرثر كيعاودليها عليه بالعكس كيبان قدامها شخص ظريف مرح وضحووكي وصريح ومن الفوق شخصيتو رائعة وزوييون تبادلو النوامر وودعاتو بحكم أنها عندها لخدمة غدا ولوكاس منين وقفات ليزا مع ليث وهو حاضيها كيفاش كيشوف فيها ويضحك معاها وهي كيفاش منساجمة معاه وكتهدر عكسو هو لي مداياهاش فيه بيناتهم غير الخدمة وقليل فين كادوي معاه شافو آرثر وجا عندو عارفو كيبغيها بل مهووس بيها هادي عامين ونص تقريبا وهي ساكنة معاهم وكتقوم بجميع العمليات فالمافيا ولات هي اليد ليمنة ديال آرثر ولا كيتيق فيها بزاف حيت ذكية وقاصحة وفنفس الوقت اي حاجة بغاتها كاتوصل ليها)

ارثر:(كيهضر معاه ويحاول يهدنو)ولدي تهدن راك عارف بلي هاتشي غي كدوب

لوكاس:(كيشوف فيهم مزير على يديه وكيهضر مغدد)كيفاش بغيتيني نتهدن وانا كنشوفهم كيفاش كيضحكو ويهدرو فحال كايعرفو بعضياتهم هادي 10 سنين

ارثر:(زيرليه على كتفو)لوكاس دير عقلك
(سالات الحفلة ارثر ولوكاس مشاو القصر ديالهم وليزا مشات لڤيلا الصغيرة ديالها مبقاتش ساكنة معاهم وليث تاهو مشا فحالو ليل كامل وهو كيفكر فيها وفضحكتها فعويناتها لي يخليوك تغرق فيهم وعفويتها وهضرتها الحلوة ماحس براسو تا ابتسم لاشعوريا دغية جمع ضحكتو ونطق)

ليث:أشكندير أنا صافي داكشي لي بقا غير نفكر فيها(نفض أفكارو ونعس…)

#نهاية_فلاش_باك_الرجوع_للواقع…

عند ليث لي منين جلس فلبيرو وهو كيفكر فأول لقاء ديالو بيها

نزار:(كان كيهضر فتيلي مرة مرة كيرمي الشوفة كيلقاه ساهي سالا وقطع الاتصال)اسبحااان الله ليث…لاااايث

ليث:(عاد سمعو دغيا دار عندو)ومالك راني كنسمع ماشي طرش(ناض وقف)يالاه نمشيو نتغداو راه عندي اجتماع مع 5

نزار:(ناض وقف هز سوارت لبيرو خرجو وسدوه مشاو لريسطو طلبو لغدا وتغداو وكل واحد مشا لخدمتو)

#عند_ابتهال…

(منبعد ماخرجات من عند عمر معصبة طلعات لوطو وبقات جالسة تما وبدات كتهضر فنفسها)

ابتهال:اشهاد المصيبة طحت فيها بففف منقدرش نرجع لديك البلاد منقدرش(دارت يديها على وجهها وكتفكر فشي طريقة ووالو معندها تاحل يالاه عندها 11 مليون فالحساب ديالها 5 سنين وهي خداامة وكتجمع الفلوس حيت ناوية دير مشروع بوحدها ديال تصميم الأزياء وهي متيقنة أنها غاتنجح حيت تصاميمها هما لي مخليين شركة عمر ديما فالصدارة وديما متشبت بيها حيت لا خسرها فحالة خسر الشركة وديجا عندها معارف غايعاونوها شافت فالساعة لقاتها 12 تحركات باش تمشي تجيب قسم دقايق ووصلات حدى المدرسة كانو عاد خارجين خرجات ومشات عندها)

ابتهال: (باستها فحناكها بزوج)قسوومتي قطيطتي

قسم: (كتهضر وتفشش)وهاد قطيطة تااعك راه فيها الجوع(كاذبل فعويناتها…..)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت24

ابتهال:(ضحكات على هدرتها من ديما وهي كرشها لولة)شي نهار تاكليني يالاه نمشيو نتغداو أنا وقسومتي

قسم:مامي اليوم الجمعة واش مدرتيش كسكس…

ابتهال:(كتهضر وتبسم بزز مزال كتفكر فحريرتها)قطيطتي اليوم كانت عندي خدمة بزااف مقدرتش نمشي للدار بكري ونصاوبو آيم صوري(وكذبل فعويناتها زعما سمحيلي)

قسم:(باستها فحنكها)ماشي مشكيل مامي تال جمعة جاية

ابتهال:(على إتر الكلمة الأخيرة تفكرات العقد لي سنات بعد غدا خاصها تمشي لإيطاليا)ما بقات فيها لا جمعة لاهم مِحزنون

قسم:(جمعات حواجبها)مامي شنو كتقولي

ابتهال:(كتفكر فالطريقة باش غاتقولهالها )مامي خاصني نهدر معاك فواحد الموضوع ولكن ماشي دبا خلينا نمشيو نتغداو منبعد ونهدرو

(جراتها وطلعو فلوطو ومشاو للدار طيبات دغية غير مطيشة والبيض كلاو جمعو طبلة رتاحو شوية ووصلاتها حدا باب المدرسة)

قسم: مامي شنو كنتي باغا تقوليلي قبيلا

ابتهال: ماشي دبا تالغدا إنشاء الله يالاه سيري دغيا باش متعطليش
(ودعاتها قسم ودخلات المدرسة ومشات ابتهال للشركة)

ابتهال:(وصلات للشركة لقات كلشي واقف وكيبتسم ليها شوية شافت مروى جايبة فيديها كيك كبير)

مروى:(جاية وهازة لكيك)مبرووك مدام ابتهال عرفنا بلي غاتولي خدامة مع موسيو ڤيكتور فإطاليا وبغينا نهنئوك بهاد المناسبة

ابتهال:(كتبتسم بزز كارها هاد الموضوع بكاامله)شكرا مروى ربي يخليك
(كلشي تقدم ليها وكيهنئوها شي حاسدها شي كارهها شي فارحان ليها حيت تستاهل مصممة موهوبة وكافحات بزاف كلاو لكيك لي سرطاتو غي بزز مراشقا ليها لتاحاجة وتاجهات لبيرو لقاتو مجموع عقدات حواجبها وتاجهات عند مروى )

ابتهال: مروى!!شكون جمع بيرو ديالي..?

مروى: موسيو عمر لي قالهالينا حيت خبرنا بلي غادي تاخدي يوماين راحة باش تستاعدي للسفر ديالك…

ابتهال:(عقدات حواجبها وتاجهات لبيرو ديالو دخلات بلا مادق)شفتك دغيا سخيتي بيا بقاليك شوية وتجري عليا بالعلالي

عمر:(تأفف فخاطرو ودعى ياربي مايوقع تاشي مشكيل فحال صباح) حاشا مدام ابتهال غير قلت بلي غاتبغي توجدي راسك وأصلا معندك تا خدمة هنايا دبا كل الأعمال ديالك غاتولي فإطاليا…

ابتهال:(مزال واقفة وكتهضر وتبرك على الأحرف وتحاول تكالمي راسها)وشكوون قاااليك أناا غاددددة

عمر: معندك تاشي خيار ويلا بغيتي تبقاي هنا حطي 17 لمليون وهانتي تفكيتي غانعطيوه فلوسو وغيتلغا العقد حصصنا غيرجعو ونتي مغتخدميش عندو

ابتهال:(طلعلها القردة لصطاح)اسمع اداك بنادم متزيدش تحمقني فراسي فخبارك هتشي لي درتي كيعاقب عليه القاانون حيت هدا كيتسما تزوير قلتيلي فلول أنا غتكلف بكولكشن دالصيف ديال العرض ديالو وماشي باش نمشي نخدم عندو فشركتو ودبا خليتيني نوقع على خروجي من هاد الشركة ونمشي نخدم فشركة وحداخرا هذا سميتو ابتزاز (بدات تغوت)لعبتيييي بحياااتي وبمستقبليييي وتخللليت على خدمتيييي وهااااااتشي كاااامل وبلا خبااااري الحيوااااااان نتا ويااه تافقتو عليااااا…..

اليوم عرفتو كيفاش ليث كيفاش تلاقا مع ليزا فنظركم علاش تفارقو..?وشنو غاتكون دارتليه ..?

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 25

ابتهال:(طلعلها القردة لصطاح) اسمع اداك بنادم متزيدش تحمقني فراسي فخبارك هتشي لي درتي كيعاقب عليه القاانون حيت هدا كيتسما تزوير قلتيلي فلول أنا غتكلف بكولكش دالصيف ديال العرض ديالو وماشي باش نمشي نخدم عندو فشركتو ودبا خليتيني نوقع على خروجي من هاد الشركة ونمشي نخدم فشركة وحداخرا هذا سميتو ابتزاز (بدات تغوت)لعبتيييي بحياااتي وبمستقبليييي وتخللليت على خدمتيييي وهااااتشي كاااامل وبلا خبااااري الحيوااااااان نتا ويااه تافقتو عليااااا…..

عمر:(خاف وبدا العرق يتصبب من جبينو)ابتهال الله يرضي عليك واخا معرفتش شنو ديري نتي معرفاش سي ڤيكتور شكون هو والمعارف لي عندو راه يخرجني كيف الشعرة من العجينة ونتي لي غاتبقاي حاصلة لا مشا دعاك مشيتي فيها وخصوصا أنه مصر بزااف باش تكوني نتي المصممة لي متكلفة بالعرض لي قرب يدير حاولي تفكري بإجابية ومتنسايش العقد فيه غير عامين دوزي هاد العامين تما ومنبعد رجعي تاحد مايقوليك لا

ابتهال:(راسها ضرها بقوة التفكير خرجات من لبيرو ديالو بلا مادير تا ردة فعل خرجات من الشركة طلعات لوطو ديالها وتاجهات لواحد الجرف كيطل على لبحر وبقات فلوطو كترعد وفيها الدوخة دغيا جبدات باكية الدوا شربات 2 كينات عاد بدات تهدن…)

ابتهال:(كتهدر مع راسها وتحلل وتناقش)عامين عامين غتخدمي تما ابتهال وترجعي فحالك ويلا فكرت من الناحية الإجابية كلشي غايكون مزيان وهاد الخدمة غاتكون فصالحي غانزيد نتشهر وتصاميمي غايوصلو لجميع المجلات وغنربح بزاف دالفلوس ديك ساعة غندير شركة ديالي بوحدي وغنتهنى من هاد الشارف دعمر

(مزالة كتهظر تاوقف عليها واحد خينا باينة فيه شمكار غير من حوايجو لمسخين وريحة الكارو كتعطعط منو )

الشمكار:الله القمر طاح من السما…مال القوقة كتهدر بوحدها أنا هنا باش نسمعك..دردشي معايا الغزالة(كتسمع ليه وتغدد مابغاتش تنوض باش متلوحوش من هاد الجرف)

الشمكار:(كيشوف فعويناتها ويقرب ليها باغي يقيسها)
تبوكيصة. متمشيش معايا..ندوزو وقيتة..نعجبك..
(مازال مكمل هدرتو تاحلات لباب ضرباتو بيها لكمارتو وخرجات شنقات عليه…)

ابتهال:(قابطاه فعنقو قاجاه)بنتليكق—بة من طحاب الطروطوار صحاب ربعمية مكمشة ال–ل يلعن ال^^/بون دمك أولد الزاا/كوفة

الشمكار:(كيتنفس بزز ويحاول يتفك منها)
لمي..مة..طل..قي..ال-..لا..وي..طلقي..لمي…مة

ابتهال:(مزالة قاجاه باغا تخرج فيه الأعصاب ديال هاد نهااار كااامل)شنو باليك تمشي معايا للدار وندرب لخويا شي كوية عمرو ينساااها أدوي الطحيبة تمشي معايا(كيحرك راسو بلا وكيحاول يحيد يديها ووالو ما حيلتو ليديها لي قاجينو ومقادرش يتنفس السيد ولا زرق الدم بدا يهرب منو وظفارها دخلو فعنقو والدمايات هابطين)

ابتهال:يا سلعة ال^^/حوب وال–/وا تحت الدروج تريكة
الط^^/بن الماارجة سمع ال–/ويمل غانطلقك نحسب حد 3 ملقاش —ل بوك قدامي (وقبل ماطلقو هزات رجليها وعطاتهالو لمعلم السيد ولا يحمار ويزراق ويخضار شاد فحجرو وكينقز غير بوحدو)

ابتهال:وااااااااحد…..

الشمكار:(غادي وكينقز وكيقول غير فوقاش يتحرك من حداها)

ابتهال:زوووووووووووج…….تلاااااتة(غير نطقاتها لقاتو غادي هارب شاد فحجرو وحال رجليه)

ابتهال:(جامعة غوباشتها وكتخنزر)السلعة دال–/حاب تفوو
(جلسات فوق واحد الحجرة وكتفكر فهتشي لي دارت فحال عاد فاقت وقبيلة كان شي حد آخر كيفاش كيفاش قدرات دير هتشي كيفاش سمحات للوحش لي فداخلها ينوض عاوتاني ورجعات بيها ذاكرتها للوراااء….)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 26

#فلاش_باك_قبل_5_سنوات…

(لابسة سروال جلد كحل مزير وجاكيطة مزيرة عليها وبروطكال فلكحل وجامعة شعرها كوتشوڤال و هازة فردي وواقفة مور واحد الشجرة وكتشوف فلوكاس لي مور الشجرة لي قريبة ليها)

ليزا:(كتهدر فكيت بلوتوت بشوية )أنا واجدة منين تسمعو صوت القرطاس ديك ساعات دخلو(دارت عند لوكاس ودارت بصباعها 1..2..3)

(فور ما وصلات ل3 خرجات من مور الشجرة هي ولوكاس موجهة الفردي لواحد من الحراس لي واقفين فباب مستودع)

ليزا:(كتقرب ليه وهازة السلاح قدام وجهو وبدات تغوت)حط السللااااح دوييييت معااااك سربييي حط السلاح ولا غانفركع
ل–ل بوك داك الراس(الحراس حطو السلاح للأرض وجراتو برجليها لعندها ودارت حركة لوكاس باش يربطهم خلاتو كيربطهم وفرعات باب مستودع برجليها ودخلات لقات تقريبا شي 8 درجال كيحلو كارطونات ويجبدو كوكايين هزات السلاح وطلقات رصاصة كتعلن على بداية الحرب دغيا تمو داخلين الرجال كلهم هزو عليهم السلاح كيهددوهم باش يحطو السلاح الأرض ويرميوه لجيهتم دكشي لي دارو )

ابتهال:(تمات غادة عند واحد فيهم ومهبطة السلاح) هاد السلعة لي هنا ديالنا ونتوما سرقتوها منا ودبا لي بغيت نعرف(دارت السلاح فوق راسو)شكون لي قاليك على التوقيت لي غاتخرج فيه سلعتنا

~~~: إنا سلعة كتهدري عليها شكاتخربقي

ابتهال:(ضحكات ضحكة شريرة وضرباتو بكروشية لوجهو تاطاح الأرض شاد فنيفو ودمايات كيشرشرو ومقادر يدير والو حيت لي معاها كلهم موجههين السلاح ليه ولأفراد عصابتو)

ليزا:(وقفاتو وكتهضر ببرودة فحالة مادارت والو)معزيش عليا نعاود السؤال 2 خطرات ولكن ماشي مشكيل نعطيك فرصة وحداخرا(قربات لحدا وجهو كتشوف فعينيه بنظرات شريرة ومزيرة السلاح على راسو)شكون قاليك على التوقيت لي غاتخرج فيه السلعة ديالنا من المستودع

~~~:معا..رفش..قتليك..ماعرفش…

ليزا:جوااب خطأ (وقبل ما يكمل هدرتو هبطات السلاح وضرباتو فرجلو لتحت جيهة صبعانو)

~~~:(طاح للأرض شاد فرجليه كيبكي ويتألم)اااااااااي….اااي

ليزا:(هبطات تالعندو وقردات هزاتليه راسو دسلاح وكتشوف فيه وتبسم)شتي أنا شحال حنينة مابغيتش نقتلك حيت عارفة بلي بنتك لينا كتسناك اليوم فالعشية لعيد ميلادها ودبا غنعطيك آخر فرصة ولا غانخليك تلاقا معاها فالجنة…شكوووووون لي قااليك على الوقت لي غاتخرج فيه السلعة…

~~~:(عرف بلي هادي هي لخرة ليه خاصو يهدر ولا غاتصفيها ليه وتبعليه بنتو) ها..هانا…غااانقوليي.ك ..ول.كن وااعديني..مغايوقع…لي…والو..

ليزا:(بدات تفقد أعصابها سحبات الزناد وموجها السلاح لراسو)وااااااحد…

~~~:(قلبو بدا يشطح بالخلعة هدر وهو كيتفتف)ويليام ويليام لي خدام معاكم …هو لي..قالهالي…

ليزا:(كانت حاسة من نهار لول أنه جاسوس كيوصل هدرتهم لكن مالقات حتا دليل ملموس ناضت واقفة غادة فحالها حتى وقفها صوت واحد من رجاال)

₪₪₪: شكون نتي

ليزا:(باقة عاطياه بالظهر ونطقات)lioness (ضحكات ضحكة شريرة وتمات خارجة)

لوكاس:(كيشوف فيها نهار على نهار كيزيد يبغيها ويعشق فشخصيتها وذكائها وسولها)علاش مقتلتيهش..?

ليزا:(ضارت عندو كتخنز فيه)نضرب ونسلخ ونعذب ولكن عمري نقتل خليتليك نتا هاد الخدمة والنهار لول هدشي لي تافقنا عليه أمووووسيو لوكاس(وبركات على موووسيو وغمزاتو باش يعرف حدودو حيت عارفاه كيبغيها ولكن الحب آخر حاجة تفكر فيها وخصوصا من شخص مريض نفسي وسادي….)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 27

#نهاية_فلاش_باك_الرجوع_للواقع..

(مزالة جالسة فوق الحجرة وكتفكر فهتشي لي وقع وتقنع راسها بلي أي واحد كان غايدافع على راسو بهاد الطريقة شافت فالساعة لقاتها 3 تحركات من تما مشات للدار طلعات بدلات حوايجها لبسات بيجامة خفيفة سروال فلحكل وتيشورط فشيبي وخملات الدار كاملة من راسها لرجليها ودارت السفة طيب عزيزة على قسم بزاااف شافت فالساعة لقاتها 5 واليوم جمعة كيخرجو تال 5 ونص بقات بلبيجامة وزادت فيستة خفيفة فلكحل ولبسات كلاكيطة وهزات طيلي ولكونطاك طلعات فلوطو وعيطات لمامات رانيا لي هي صاحبت قسم هي كتعرف ماماها ولكن غير من بعيد حيت مكتبغي تربط علاقة مع تاحد بنتها دايرة فيها كلشي صاحبتها وختها وماماها وكتعاودليها كلشي جاوباتها وقالت)

ابتهال: ألو ليلى

ليلى: اهلا ابتهال لباس عليك

ابتهال: حمد الله بيخير ونتي كلشي مزيان

ليلى: حمد الله اختي لباس على قسم عاد قاتلتهالي رانيا

ابتهال: شكرا بزاف ليلى مهم انا غدا غانخرج انا وقسم للغابة نديرو بيكنيك لابغيتي يالاه معانا نتي ورانيا

ليلى:أوو غدا غير سمحيلي منقدرش عندي شي شغل ولكن غي دي رانيا معاك هملتها مؤخرا مابقيتش كنخرجها راكي عارفة المشروع الجديد واكل لي العقل ديك نهار….(مزال ماكملات هدرتها قاطعاتها ابتهال حيت من طبعها ماعزيش عليها الهدرة بزاااف)

ابتهال: صافي غدا إنشاء الله ندوز عليها مع 1 غنتغداو فالغابة واخا

ليلى: صافي كوني هانية

ابتهال:(ودعاتها وتاجهات لللمخبزة خدات باكيط مكرص بالزرع وشي بتيبان وليماكارون خلصات ومشات جابت قسم من المدرسة ومشاو للدار دارو كوطي وجلسو يتفرجو)

#عند_ليث_فالشركة…

(منبعد ما تفارق مع نزار توجه للشركة حيت عندو اجتماع مع 5 وصل وطلع لبيرو ديال هود ودخل)سي هود بنتيلي ولفتي الخدمة نهار كامل خاشي كمارتك فدوك لوراق بقالك غير دير معاهم عقد الزواج

هود:(كيضحك ويهدر)ومكتقااداش صحابلك انا فحالك كاتجي ضرب طلة وتهرب

ليث:(وصل عندو وكمش ورقة كانت تما ضربو بيها )جمع راسك ابنادم اجتماع باقيلو 5 دقايق ونتا مفرش هنا تجي معاك تبيع رباطي دالقزبور(قالها وكيضحك)

هود:(كيضحك)ونتا غاتكون حدايا كتبيع ديطااي (كيهدر ويقلدو)اجيو قربو 2 بياس..بربعمية مابقاش..(قبل مايكمل كان ليث شير عليه بواحد ستيلو للوجه كيضحك شوية جمع ضحكتو ونطق)اجمااا.ااع براكة…

هود:(كيخبي ضحكتو)صافي أوكي كابتن(وكايدير ليه تحية دلبوليس سمعو دقان سكرتيرة عرفو سي كامب جا توجهو لقاعة الاجتماعات وسناو عقد صفقة وشراكة فالعرض الجديد لي غايتعرض فالمكسيك سالاو لاجتماع تم خارج هو وهود)

ليث:هود يالاه معايا للدار راه الواليدة ديما كتسول فيك

هود:(عزيزة عليه بزاف كتعتبرو فحال ولدها وهو كيعتبرها فحال مو حيت هو يتيم ماتو والديه هادي 16 سنة كان فعمر 15 عام باقي صغير وجابو ابراهيم الأب ديال ليث ورباه فحالا واحد من ولادو مكيفرقش بيناتهم وحتا ليث كيعاملو فحال خوه)

هود:يالاه زيد نيت توحشتها بزاف (ركبو فلوطو ديال ليث وتوجهو لڤيلا تمو داخلين وكيشوف بنت عاطياه بالظهر شعرها بني مفتوح قريب للرمادي شوي ضارت عندو وهو يتصدم حل عينو بدهشة قلبو كيضرب ومشاعر الشوق والحنين …)

اٌنـتقــام💥 علــى أرض المـافـــيا💣🖤

بقلــمي أنـا: آيــة🦋

بـــــــارت28

(ركبو فلوطو ديال ليث وتوجهو لڤيلا تمو داخلين وكيشوف بنت عاطياه بالظهر شعرها قصير بني مفتوح قريب للرمادي شوي ضارت عندو وهو يتصدم حل عينو بدهشة قلبو كيضرب ومشاعر الشوق والحنين )

(كانت فتاة فعمر 26 سنة لابسة تيشورت فلبيض هابط من جيهة الصدر وفوق منو جاكيطة دلكوير فلكحل وسروال فلكحل مزير وسبرديلة فالبيض وقابطة نظاظر فلكحل فيديها عيون فلون أحضر مفتوح بشرة بيضاء شعر قصير فلكحل طويلة شوية كتشبه لخوها قيصر الله يرحمو بزااف )

ليث:(كيهضر ويضحك)جووووليا…هادي نتي لااا مامصدقش

جوليا:(تمات جاية كتجري وعنقاتو تعلقات فيه وكتبوس فحال شي بنيتة شحال ما شافت باباها)خويااا توحشتك مووح..موح(كتبوس وتعاود وتبكي وتنخصص)توحشتك بزااف…أهئ..أهئ

ليث:تانا توحشتك بزاف(بدا كيعيف فوجهو وكيمسح فكتفو وهرب منها)الواليدة شدي عليا بنتك وععع لصقات فيا خنونتها تفو عيشة دميييعة…

جوليا:(كتضحك وتجري عليه وهو هارب منها وكيدورو على ليفوطوي ويتضاربو بلخدادي فحال شي دراري صغار وصباح كتشوف فيهم وضحك وتفكر ايام الماضي منين كان ابراهيم راجلها باقي حي وكانو ديما ناشطين ومجموعين من نهار مات حسات بعائلتها تشتتات ولدها قيصر لي كان هو لكبير مات الله يرحمو ومنبعدو ليث لي واخا كاين فحالا مكاينش ديما فالخدمة ولا مسافر دافن حياتو كاملة فالشركة وموراه بنتها جوليا 26 سنة لي قررات تمشي تقرا فمعهد ديال الرسم والفنون التشكيلية وتخرجات منو ولات رسامة تشكيلية وكدير عروض وتبيع طابلوات ديالها فالمزاد العالمي وحتى للممثلين والنجوم وبعض الشركات 4سنين وهي تما كيشوفوها غير فسكايب وآخر العنقود الخنفوسة الصغيرة نجود 22 سنة عامين وهي كتقرا فهوليود فاغلى مدرسة فالعالم لتعليم لمايكب وخدات الشهادة ديالها ومشات تخدم فروسيا ورغم سنها الصغير إلا أنها دغيا تشهرات وصورها على كل مجلات المايكاب لأنها كتمتل وجه مثالي للماكياج وفنفس الوقت مايكب أرتيست مشهورة وكاتجي مرة فالعام وغير 3 ايام ولا 4 بحكم خدمتها مزيرة صباح كتحس بلي عائلتها تشتات وغاتموت وتخليها مشتتة كل واحد فبلاد من نهار مات خوهم قيصر وبدات تحس بالوحدة ولكن باغا دير كل ما فجهدها باش ترجع شمل العائلة )

ليث:(بقا كيجري تاسخف وهي تنقز عليه)

جوليا:(كتهضر وتنهج)شدييتك شدييتك أرومبو ديالي

ليث:(كان كيضحك غير سمع الكلمة الأخيرة تزير قلبو وتفكر توأم روحو منين كانت تقولهاليه حاول يتبسم بزز ولكن ختو عاقت بلي زبلاتها وحاولات تبدل الموضوع)

جوليا:شنو زعما دبا مغتقوليش لوك الجديد ديالي كيف جاك وتقولي توحشتك(كتهضر ومربعة يديها ومدلية شنايفها وكتشوف لفوق زعما راني مقلقة)

ليث:(قبط جزء من شعرها وكيجرو لعندو)واش البرهوووشة مزال مابغيتي تكبري

جوليا:(كتحاول تحيد يديه من شعرها)آآي ماما..اآي..قولي لهاد الصفريط دولدك يبعد مني

صباح:(كتشوف وضحك)بيناتكم ماشي شغلي

ليث:زعز زعز أنا ماشي صفريط المغيااارة

هود:(كيشوف فيهم للحظة حس الحزن كيتفكر حتا هو كيف كان يلعب مع خوه والدفئ العائلي لي كان يحس بيه لكن طارو من حداه فرمشة عين دارو كسيدة نهار نجاح ديالو فلباكالوريا كانو فالدار دالجبل مخيمين وتمو جايين عندو ليسي حيت عيطليهوم وخبرهم بأنه نجح كانو باغيين يحتافلو بيه لكن فرحتو مطولاتش ديك الساعة كانت الشتا والثلج كيطيح زلقات الطوموبيل وخرجات من الطريق وتكركبات لتحت جبل وتفركعات مابقا فيهم ما يتجمع لكن منبعد تكلف بيه ابراهيم اب ليث حيت كان صاحب باباه وعاملو فحال ولدو حتى من صباح وليث وجوليا ونجود كلهم عاملوه فحالا واحد من العائلة وعطاوه الحب والحنان لي كان محتاجو وبحكم عائلة هود كان بيناتهم مشاكل مع باباه لذلك عمر شيحد سول فهود وحتا هو نساهم ودبا ولات هادي هي عائلتو دمعو عينيه دغيا حاول يحبسهوم ومايبين والو وبدا كيضحك )

هود:أدوك عفاريت راكم شارفين زعماا….

كيف جاتكم الشخصية الجديدة?
وكيجاكم الوجه الآخر ديال ابتهال(ليزا)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت29

هود:أدوك عفاريت راكم شارفين زعماااا

جوليا:(دارت وعاد انتبهاتليه مشافتوش قبيلة حيت منين طاحت عينيها فخوها وهي مشبطة فيه للحظة ضرها قلبها هي كانت كتبغيه بل كتعشقو وهو مكانش عارف وللأسف مكانش من نصيبها تزوج وحداخرا كانت كتقرا معاه مؤخرا عاد سمعاتو طلق والسفر لسويسرا كان غير سبب باش تبعد وتحاول تنساه لكن فحال كبات الماء فالرملة مزال كتحس بنفس الإحساس توجهات لعندو وكتبتسم عنقاتو حيت كيبقا تربى معاهم منين كان فعمرو 16 وهي 11 سنة
15سنة وهو ساكن معاهم فالدار ومن تما وحبو ليه كيكبر كل نهار)

هود:(ابتسم وخربق ليها فشعرها)لالة جوليا فين هوا شعرك صافي غي مشيتي لسويسرا قطعتيه ياك كنتي كاتقولي عمرك تقطعيه

جوليا:(فكرها فجروح الماضي آخخخ شحال من حاجة كنعشقوها ونموتو عليها لكن ضروري خاصنا نتخلاو عليها حيت ماشي من مكتابنا هكا دارت لشعرها قطعاتو باش تبين لراسها بلي راها قادرة تخلى على أي حاجة واخا تكون تبغيها والرجوع لبلادها كانت هادي أول خطوة دارت أنها تواجه لماضي ديالها ماتبقاش هاربة منو )

جوليا:(يالاه غاتجاوبو تا نطق ليث)إوا نتي جيتي وديك زنطيط الفار مزال…(مزال ماكمل هدرتو حتا نطق صوت أنثوي جاي من الباب)

~~~:بزاااف عليك اجبهة الطوبيس

(كلهم ضارو مصدومين من غير جوليا حيت كانو متافقين يديروها مفاجئة سيمانة هادي باش نجود مشات لعند جوليا لسويسرا وجلسات معاها باش يهبطو مجموعين لإيطاليا)

ليث:(ضار شاف جيهة الباب لقاها واقفة ودايرة يدها على خصرها فتاة فعمر 22 سنة عينين فلون بني وشعر زعيعر متوسط الطول ودايرة القصة بشرة بيضة فم متوسط عندها خالة صغيرة فوق فمها كتبان فحالا دايرة حلقة لابسة كبوط غوز بيبي مزغب وسروال تجين مقطع من الركابي وكونفيرصة فالبيض طالعة وطربوش فلبيج وخارجة القصيصة كتشبه ليث بزاف عكس جوليا لي كتشبه لقيصر الله يرحمو )
ليث:(مصدموم من شكلها حيت تبدلات بزاف)لااااا مااايمكنش شكون نتي

نجود:(ضحكات) أووو سمحولي غلطت فالدار (دارت راسها فحالا غتمشي بحالها)

ليث:(ابتاسم ومشا تالعندها جرها وعنقها)فين غااادة يا زنطيط الفاار أدوي…

نجود:(معنقة خوها ومزيرة عليه)توحشتك بزاااف أخوياا

ليث:(طلق منها وبدا كيشوف فيها من رجليها تالراسها)هاي..هاي زنطيط الفار كبرات تبدلتي بزااف الشعر طوال ودرتي القصة غلاضيتي وزيانيتي اشهاتشي

نجود:(كتشوف فيه بافتخار)إيييه قول تبارك الله غادي تعيني بعينيك المنحوسين اجبهة الطوبيس العور…

صباح:(مشات كتجري عندها عنقاتها وبدات تبكي )أهئ..أهئ..بنتي نجود توحشتك..

نجود:(كتعنق ماماها وكتبوسها عام مشافتها)ماما متبكيش هاني جيت دبا صافي..

جوليا:(تمات جاية عندهم وعنقاتهم بزوج)اوووف انا غرت بلاتي خليولي بلاصة…

ليث:(كيشوف فيهم وكيضحك )بلاااتي بلاتي كحزو خليولي بلاصة(كيداحز معاهم ومعنق ماماه)

هود:(سها وكيشوف فيهم كيفاش مجموعين وفرحانين)

صباح:( دارت كتقلب على هود حيت هي معتابراه واحد من ولادها وديما كتقول عندي 5 دلولاد واخا قيصر مات إلا أنه باقي عايش فالداخل ديالها هو وراجلها ابراهيم حتى فطبلة دلماكلة باقا كتحط ليهم طباسل ديالهم والكيسان حتى من لكراسا ديالهم عمر جلس فيهم شيحد )

صباح:(مداتليه يديها وكلهم ضارو عندو وكيعطوليه باش يجي عندهم دكشي لي دار مشا وعنقاتو صباح بقات كتبوس فيهم كلهم وكتخايل حتى ابراهيم وقيصر معنقاهم دبا نزلت من عينيها دمعة يتيمة…)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت30

#عند_ابتهال

(منبعد ما جابت قسم من المدرسة مشاو للدار كلاو وجلسو كيتفرجو على ما طيب السفة منين طابت ناضت كتحط فطباسل)

قسم:(كانت جالسة كتفرج شوية بدات كتشمشم وتابعة الريحة تاوصلات الكوزينة ونقزات بالفرحة)ياااااس ماااامي السفة درتيي السفة

ابتهال:(كترش سكر گلاصي وكضحك عليها)ههه بشوية عليك عنداك طيحي

قسم:( مشات عندها وكتعنقها مع قصيورة يالاه واصلة لفخذها )اووو مامي وشحال كنجوطيمك أنا

ابتهال:(كضحك بصوت مرتفع)شنو قلتي ههه عاودي نسمع…

قسم: كنجوطيمك امامي ههه

ابتهال:(جمعات ليها شنايفها وبقات كتجبد فيهم)ويخليلي هاد الفم لي كيقول كنجوطيمك حتانا كنجوطيمك وتنحبك القطيطة تاعي

قسم:(كتهضر وتشوف فطباسل)مامي وحطيلي دغيا
I’m hungry “أنا جائعة”
ابتهال:(حطات طباسل فوق الطبلة وبداو كياكلو ويضحكو سالاو دكشي جمعو الطبلة ومشات كل وحدة لبيتها تنعس)

أصبحنا واصبح الملك لله🌤

(فاقت ابتهال كتكسل مع 11 اليوم السبت مكاين خدمة فاقت دخلات الحمام دوشات خرجات كتنشف شعرها بالفوطة لبسات بيجامة تيشورت خفيف وسروال وخرجات توجد لفطور طلات على قسم لقاتها ناعسة بالعرض ورجليها هابطين على ناموسية منظرها كيضحك حتى ابتهال كتنعس هكا قاداتها فبلاصتها وصاوبات لفطور ومشات تفيق قسم )

ابتهال:قسم قسوووم…….قسووومتي..فيقي..النعااااسة…
(حلات عليها الباب ومشات عندها كتهرها فرجليها وتبوس فيها)اقسوووم وقسم والعمالة والشرفا(من بعد مدة وهي كتفيقها حتا بدات كتزعزع فيها عاد بدات كتفيق نعاسها تقييل بزااف واخا طبلي وتغني حداها متفيقش فلول كانت كتخلع ابتهال ولكن دبا ولفات حيت مجابتوش من لبراني غير من ماماها لا كانت ابتهال هي وابنتها ناعسين يدخلو السراقة يكشطوهم ويهزوهم يرميوهم فشي خلا وميفيقوش)

قسم:(كتكسل فحال شي قطة وكتحل عويناتها)مامي..اليوم مكاينش ليكول بليز..خليني ناعسة….

ابتهال:صافي اقسومتي غير نعسي تانا نيت مافيا لي يخرج يدير شي picnic

قسم:(غير سمعات بيكنيك ناظت قافزة حالة عينيها)لا مامي هاني فقت مافياش النعاس(دغيا ناضت ومشات لحمام)

ابتهال:(كضحك عليها)يالاه سربي دغيا باش نفطرو ونوجد الغدا لي نديو معانا
(فطرو وجمعو الطبلة دارت لماعن فآلة غسل الأواني وبداو يوجدو فسندويشات لي يديو معاهم دارت فيهم لاداند وشي وحدين الكفتة وداو معاهم مونادا وبطاطا مقلية قادو دكشي ومشات ابتهال لبيتها باش تلبس فصل الربيع بدا كيدخل لبسات سروال تجين بويفراند طالع ودارت سمطة فلكحل وسوفيطمة بيضة كتجي من العنق مسدودة وسبرديلة فيها بنفسجي والوردي خلات شعرها مطلوق ودارت نظاظر كوحل صاكادو صغير فلكحل ومشات عند قسم باش تلبسها)

#عند_ليث…

(فاق فالصباح ناشط علاش لا وخوتو جاو بزوج بيهم من بعد عدة سنين وخصوصا لبارح كانو فالجردة مجموعين وصوت ضحكهم واصل تالباب من شحال ماجلسو فحالهكا مجموعين وناشطين دخل لحمام دوش وخرج كينشف شعرو لبس بودي فلكحل وكوستيم فالرمادي بسروالو ودار نظاظر بروطيكسيون رش من ريحتو sauvage ودار ساعتو الفضية وهبط لتحت لقا ماماه جالسة فرأس الطبلة وجوليا ونجود على ليسر ديالها وحدة حدا وحدة كيتسناوه اما هود مساكنش معاهم)

{الحوار طبعا بالداريجة منين كايكونو مع بعضهم كيهضرو بالمغربية والإطالية كيخليوها منين كيكونو كيهدرو مع الإطاليين}

ليث:(باس ماماه فراسها وجلس فيمينها)الواليدة كيف صبحتي مزيان

صباح:(شداتليه فيديه وكتشوف فجوليا ونجود)أنا الحمد الله اولدي متقدرش تصور شحال أنا فرحانة بهاد الجلسة مكرهتش نبقاو هكا ديما منتفرقوش…

نجود:(شافت فماماها)غنبقاو هكا اماما عمرنا غانعاودو نتفرقو

صباح:احيااني عليك العفريتة ديما كتقولي هكا وكتهربي عليا اجي شحال غاتجلسي يوماين ولا 3 (تقلقات)ولا فالليل نلقاك جامعة حوايجك وتقوليلي الخدمة الخدمة….

نجود:(قبطات يديها وباستها من برا ومن لداخل)متخافيش يالحنينة تاعي انا غانبقى حدا راسك للأبد حتى نطلع ليك فراسك وتجري عليا

صباح:(حلات فمها من الصدمة)لا كتكدبي عليا…

نجود:(خرجات عينيها)انااا ويلي فين عمري كذبت عليك
(ليث وجوليا كايكحو ويضحكو زعما نتي اخر واحد يهدر على لكدوب)

نجود:(شافت فيهم هزات منديل كان حداها ورماتو على ليث وضارت عند جوليا)ونتي العزافة غير بلاتي عليك

جوليا:(كضحك)اشدرتليك تاني يا على كمارة(كتعوج فشنايفها)

ليث:(كيشوف فيهم ويضحك)اهنيونا اشنيولات

صباح:(ضارت عند نجود)نجود بنتي مكتكدبيش عليا واش بصح صافي مغتعاوديش ترجعي لروسيا….

نجود:(كضحك)والله اماما مكنكدب عليك صافي قررت نرجع لهنا عيت منبقا غير بوحدي تما أصلا شديت ديبلوم دياالي شحالهادي يعني معندي لاش نبقا الشركة لي خدامة معاهم ديال الإشهارات دلمايكب راه عندهم فرع هنايا غانخدم فيه منها نكون قريبة ليكم وفنفس الوقت منبعدش على خدمتي…..

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت31

نجود:(كضحك )والله اماما مكنكدب عليك صافي قررت نرجع لهنا عيت منبقا غير بوحدي تما أصلا شديت الشهادة ديالي هادي شهرين يعني معندي لاش نبقا تما والشركة لي خدامة فيها راه عندهم حتا فرع هنا غانخدم فيه منها نكون قريبة ليكم وفنفس الوقت منبعدش على خدمتي

صباح :(ناضت عندها كتعنق فيها وتبوس)اااه ابنتي هدا احسن خبر سمعتو واحسن حاجة درتي(ضارت لعند جوليا)شفتي ختك شنو دارت وجلسي نتي بوحدك فديك سويسرا تا تسرسر ليك حياتك

جوليا:(شافت فيها وبقات كتشوف الفوق وتضور فعينيها)

نجود:(كضحك)ماما راه جوليا لي قنعاتني حيت تاهي صافي غاتهبط لهنا

صباح:(كتشوف فيها وضحك)حلفي بالله حلفي ابنتي

جوليا:والله اماما هتشي لي قاتليك نجود هو لي كاين

ليث:(كيهضر ومعوج وجهو )بففف رجعتو تاني ترونولي حياتي حتا قلت صافي تهنيت منكم

صباح:(ضارت عندو)بسم الله عليهم بعد عليهم هادو هما عينيا(مشات عندها كتعنق فيها وتبوس)

ليث:واصافي براكة من قوة البوسان راني حداكم زعما الوالدة اشهاد الفرزيات(دار راسو تقلق)

صباح:(ضرباتو فقرفادتو وعنقاتتو كتبوس فحناكو )

ليث:واش بنتليك باقي صغير الواليدة بقاليك غير ديريلي ليكوش

صباح:واخا تكبرو وتشرفو غاتبقاو ديما صغار فعيني

ليث:(باس يديها)

نجود:(كضحك)وععع جوليا عقلتي منين كان كيبول تحتو

جوليا:(كتفكر وكتضحك)ههه ناري عمري نسا

ليث:(ضار كيخنزر فيهم)كنت مريض اديك زنطيط الفار وكنت باقي صغير ونتي اديك العزافة سكتي ولا نوضليك

جوليا:(عقدات حواجبها)عزافة هي لي غانجي نخشيهاليك فنييفك

نجود:جبهة الطوبيس العور تفرق عليا ولا نوض لخويا صحابلك انا هي جوليا

جوليا:(حلات عينيها)يااك اربع ميترو وليتي تعايري

ليث: شفتي اجوليا حتا رابعة داللحم ولات كتهدر

نجود:(غوتات بطريقة طفولية)ماااااما شدي ولادك عليا

جوليا:(كتعوج وجهها)قردة كيدايرا

نجود: دويتي معااايا نتي اطويلة المعاكل

ليث:(كيحرقليهم السلوكة)شوفي انجود الزرافة كتعايرك والله منرداهاش ليك اختي

صباح:
(كتشوف فيهم كيفاش كيتناكرو ويدابزو فحالا عمرهم5 سنين )
إوا شغانقول ليكم اولادي الله يعطيكم اللقوة اسكتو فرعتولي راسي
(كلهم ضربو الطم رغم سنها لكبير وظرافتها إلا أنها صعيبة عارفينها منين كتعصب كيف كتولي فطرو فجو من الضحك والمعيور كذلك سالاو فطورهم ليث مشا للشركة وجوليا ونجود خرجو يضورو ويتغداو على برى الحاجة الوحيدة لي كايتفاهمو فيها)

ليث:(وصل للشركة غادي بكل ثقة وهبة وطلع لبيرو ديالو كان عندو اجتماع سالاه تال 11 وكان معاه هود)

هود:(كيتكسل)

ليث:(كيشوف فعينيه منفوخين)امالك ال^^/لاوي واش مناعسش

هود: وتقوول واش رمشث بايت خدام على داك العرض دالخرا

ليث: متشوشش راسك بزاف باقي شهراين

هود:(كيهضر مسخسخ)عيط عيط يطلعو قهوة ولا غانعس ليك هناا

ليث:(عيط للسكرتيرة تجيبليه قهوة)داك خينا فوقاش غيبدا الخدمة

هود:راه كاينة واحد السهرة من بعد يوماين و ضروري نمشيو ليها حيت غادي نتعرفو على المشرف ديال هاد العرض وبعدها غانبداو رسميا

ليث:صافي مزيانة كل ما زربنا كل ماحسن

(دقات السكرتيرة دخلات وعطات لهود القهوة )

هود:(كيجغم من القهوة وكيهدر)فوقاش غايمشيو الفراشات ديالنا

ليث:(كيضحك)الفراشات تقطعولهم جنيحات…

هود:(بنظرات تساؤل)

ليث:(عرفو مافهمش وبدا يشرحليه)لي بغيت نقصد انه صافي مغايعاودوش يمشيو غايبقاو هنا راك عارف الوالدة بدات تكبر وخاصنا نكونو فجنبها وديك نهار عيطت لجوليا راك عارف هي لي متبتة وغتفهمني اما نجود انا كنشرق وهي كتغرب وصافي قنعتها باش تجي تكمل خدمتها هنا وهي قنعات نجود والباقي راك عارفو

هود:(محسش براسو حتا ابتسم وحس بفرحة جوليا تربات معاه وعزيزة عليه بزااف معارفش الإحساس ديالو من جيهتها شنو سميتو واش حب أخوة ولا حب صداقة ولا حب العشاق المهم خاص جوليا تبقا حدا عينيه)أحسن حاجة درتيها فحياتك الكيدار(بدا كيضحك)ههه باينة بديتو المناكرة تاني

ليث:(كيضحك ويتفكر المدابزة ديال الصباح)ههه ويليك متفكرنيش صبحنا عليها لالة صباح شوية وتجري علينا عقل على هادي

هود:ههه متخافش اجيو عندي مرحبا بيكم

#عند_ابتهال…

(كتعيط لقسم)
قسااام اجي لهنا ونتي شي نهار غاتحماقي مع ديك لمراية

قسم:(باقة فلحمام وكتشوف فلمراية وكتهدر)مااامي

ابتهال:(كتجبد ليها لحوايج من لماريو)واااقسام ياك قتليك متبقايش تهدري فلحمام

قسم:واغي نسيت مامي واش أنا كنشبه لبابا حيت انا كاع مكنشبه ليك فلوجه

ابتهال:(قلبها تزير ولسانها تعقد معرفات ماتقول اكثر موقف كتكره أنها تحط فيه)

قسم:(خارجة من لحمام وهي تشوف لحوايج لي حطات ليها)أوووو مامي كتعجبني هاد اللبسة لاڤيو…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 32

قسم:(خارجة من لحمام وهي تشوف لحوايج لي حطات ليها )أوووو مامي كتعجبني هاد اللبسة لاڤيو

ابتهال:(جاتها من الجنة والناس)يالاه لبسي أنا غنمشي نهبط الماكلة واللحاف لي غنجلسو عليه ولبيسيكليط ديالك نجي نلقاك ساليتي(دكشي لي دارت ابتهال هبطات دكشي لكوفر ديال لوطو وزادت حطات كرة طلعات باش تجيب طيلي وقسم )

ابتهال:(كتعيط لقسم)قساااااام قسومتي سربي دغيا (جات عندها قسم كانت لابسة كسيوة فلحمر سميطات وسبرديلة فلبيض ولحمر وطالقة شعرها خرجو وسدات الباب ومشاو عند رانيا وصلات وهبطات تحل لكوفر حيت رانيا جايبة تاهي بيسيكليط وصلو الغابة كانو شي عائلات جالسين تما فرشات داك اللحاف فيه مربعات بالحمر والبيض ديال بيكنيك نيت وديك الشبيكة لي كدار فيها الماكلة وواحد الكرسي كيتجمع بداو لبنات كيلعبو ويجريو وابتهال هازة طيلي كتشوف الدار لي غاتسكن فيها فإطاليا حيت ديجا حجزوليها هما نيت شقة راقية مرة مرة كتشوف فلبنات شكايديرو وفنفس الوقت كتشوف العائلات لي جالسين تما تمنات كون كانت جالسة مع عائلتها وتحس بداك الدفئ العائلي لكن هذا هو القدر معندنا كيف نديرو نبدلوه ولكن إذا بغا الله كلشي ممكن)
(رانيا وقسم جايين وكيلهتو حيت كانو كيجربو)

رانيا:طاتي حنا فينا الجوع

ابتهال:واخا احبيبتي اصلا هادي هي لوقيتة ولكن قبل هاكو(عطاتهم معقم ديتول باش يديروه فيديهم حيت مكاينش شي بلاصة تغسلي فيها يديك كاينة عوينة لكن بعيدة عقمو يديهم وجلسو كياكلو مع هظيرات قسم لي كيبقاو يضحكو على كلامها واخا صغيرة ولكن الهدرة لي كاتقول تحلفي عليها غير شي شارفة ماسخة😂)

رانيا:(سالات وناظت هزات بيسيكليط باش تلعب بيها)قساام يالاه نلعبو

ابتهال:(حسات بلي هادي الوقيتة)بنتي رانيا غير سيري تلعبي نتي قسم هاهي شوية وتجي واخا حبيبة

رانيا:واخا اطاتي(مشات رانيا كتلعب وقسم دارت عند ماماها)

قسم:ماما علاش مخليتينش نمشي

ابتهال:(هزاتها جلساتها حداها)لبارح ياك قتليك بلي خاصني ندوي معاك فموضوع مهم?

قسم:(دايرة سبابتها فوق فمها وتحاول تفكر)ااااه عقلت امامي شنو هو هاد الموضوع?

ابتهال: قشومتي قطيطتي أنا مغنبقاش خدامة فالشركة

قسم:(دارت يدها على فمها)وعلاااش امامي ياكما المدير تاهو خايب فحال المدير دالمدرسة ديالي

ابتهال:إييه خايب وأنا طحت فالمصيدة ديالو(وكدلي فشنايفها)

قسم:مصيدة فحال هاديك لي كيشدو بيها الفار(عقدات حواجبها باستفهام)هااء ماما من إمتا وليتي فار

ابتهال:(كضحك على هدرتها وبدات تهرها)إيه أنا فار ونتي هي الطوبة لكبيرة

قسم:(كضحك)ههه ماما هههه براكة

ابتهال:(حبسات وبدات تهضر بجدية )بنتي سمعيني انا بصح مابقيتش خدامة هنا ولكن غانمشي نخدم فإطاليا غدا إنشاء الله عندنا الطيارة

قسم:(غير سمعات إطاليا حيت عارفة ابتهال كانت كتسكن فيها وفنا وعاوداتليها حتى على آرثر ولوكاس لكن بطريقة سطحية وصافي معمقاتش ليها تاتكبر وتعاودليها كلشي حيت مكتخبي عليها والو باش تولف الحقيقة من دبا ماشي حتى تكبر وتصدم بداو عويناتها كيدمعو تاولات كتبكي وتشهق وتشبط وتعنق فماماها )أهئ…أهئ..نتي غتمشي.ياكي..وغتخليني..أهئ..

ابتهال:(عنقاتها بكل قوتها وكتمسح فدميعاتها )لا واش نتي حمقة على الانسان يقدر يعيش بلا هواء

قسم:(كتبكي وتنخصص وتحرك راسها بلا)

ابتهال: إوا راه نتي هي الهواء ديالي منقدرش نعيش بلا بيك غتمشي معايا وغتكملي قرايتك تما

قسم:(ضارت كتشوف يمين وشمال وبدات تهدر بشوية)ماما ودوك الأشرار مغديش يشدونا

ابتهال:(عرفاتها كتهدر على ارثر ولوكاس)لا حيت هما مغاديش يعرفونا(قرساتها بشوية فنيفها وكضحك)وحتى إذا لقاونا حنا غانحاربوهوم ياكي

قسم:(كتهز راسها بآه)اه مامي حنا اقوياء غنضربوهوم فحال نهار ضربتي المدير(دارت يدها على فمها كضحك هادي هي طبيعتها منين كضحك)

ابتهال:(كضحك)هه تمااما

قسم:(جمعات حواجبها تاني بقلق)ورانيا انا غنتوحشها بزاااف امامي والنادي ديال السباحة ومدرسة الرقص ديالي والجمباز..

ابتهال: مامي حنا مغنكلسوش تما Forever “للأبد”
وغنبقاو نعيطولها apeel vidio وحتى فإيطاليا كاين بزاف ديال مدارس الرقص والسباحة حسن من ديال المغرب, واخا قسومتي?

قسم:صافي واخا مامي

ابتهال:(هزات سبابتها) إذا دبا اتفقنا

قسم:(هزات تاهي سبابتها)اتفقنا مامي وغادي نغلبو دوك الأشرار(ضربات قسم سبابتها نيف ابتهال بشوية وكذلك ابتهال هادي هي الإمضاء ديالهم ديال اي اتفاق او وعد قطعوه على بعضهم)

ابتهال:يالاه ابنتي سيري تلعبي دبا(مشات قسم كتلعب وابتهال حاضياهم من بعيد)

#عند_ليث_فالشركة…

ليث:(باقي جالس هو وهود فلبيرو ديالو )هاد السهرة ضروري نمشيو ليها زعما(خسر وجهو)راك عارف معنديش مع هاد الزمر قوة النفاق والبروطوكولات الخاويين

هود:(يالاه صحصح شوية منين شرب القهوة)ضروري راك عارف الصحافة وكدا وتا كامب والمدير ديالو غايكون تما جيب لبنات ولواليدة حتى هما…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 33

هود:(يالاه صحصح شوية منين شرب القهوة)ضروري راك عارف الصحافة وكدا وتا كامب والمدير ديالو غايكون تما جيب لبنات ولواليدة منها نيت نحيدو الملل

ليث:(طيلي ديالو كيصوني لقا نجود)زنطيط الفار

نجود:(كتهضر وضحك)افين العشير

ليث:(كيضحك)بزناز الحومة فين شادها

نجود:حدا كمارتك(دخلات عند ليث)
مفااااجئة

ليث:(شافها قدامو)قولي مصييبة ماشي مفاجئة

هود:(كيضحك)ها زنيطيط الفار جا

نجود:(دخلات سلمات عليهم وجلسات بزعف)بففف وانا لي جاية عند خويا حبيبي ونتا كتقول لي مصيبة كتحكرو عليا بزااااف والله تانهز حوايجي متعرفوني فين زدت(وتقلقات)

ليث:(كيضحك على تصرفاتها الطفولية واخا كبيرة ولكن جسمها الصغيور والقصير وحركاتها ديال دراري الصغار)فين عندك ماتمشي راكي خت ليث الوهابي نجبدك نجبدك ديك الساعة غانعلقك فشي بوطو ديال الضو(كيضحك هو وهود عليها)ولا نرميك فشي قادوس عند صحابك الفيران

نجود:(وقفات مقلقة)صافي انا غادا فحالي بففف

هود:صافي تقلقتي وغاتمشي إذن مغتمشيش للحفلة ديال بعد غدا

نجود:(ضارت كتشوف فيه وعينيها محلولين عزيز عليها السهرات والحفلات والموسيقى )لااااا حلف بالله

هود:والله هاهو ليث سوليه

نجود:(تمات غادة عند خوها وكتبحلس عينيها)خويا الحبيب الزين ديال العالم خليني نمشي معاك

ليث:(كيميق فيها وينفخ صدرو ويشوف فيها بنص عين)لاءح مابغيتش

نجود:(كترغب وتزاوك)عفااك عفااك الله يعطيك مانويتي بلييز وحياة خويا قيصر عفااااك

ليث:(غير جبداتليه قيصر دغيا وافق حيت المرحوم كان عزييز عليه بزاف مكيتفارقوش ومتفاهمين بزااف)صافي صافي واخا ولكن(كيحرك راسو يمين وشماال)ديري هاكا ولا هاكا نسيفطك للدار

نجود:(فرحات وبقات تبوس فيه)شتي انا كنبغيك تنحبك موووح (ومشات هزات صاكها من فوق لفوطوي)انا غنمشي نوجد شنو غلبس باش مانحشمش بسي ليث الوهابي(كتهضر وتضحك)

هود:اه نجوود قوليها تالجوليا

ليث:(شاف فيه وهبط راسو كيسني شي وراق)

(خرجات نجود ونطق ليث)

ليث:(باقي كيسني فلوراق وكيهدر)ناوي المعقول ولا غير كتفلى

هود:(مافهمش شنو بغا يقصد)كيفاش شكتقول?

ليث:(هز راسو)راك عارف علامن كنهدر جوليا ختي

هود :(مالقا مايقول مكانش باغي ليث يعرف تايتأكد من المشاعر ديالو )ليث عنداك تفهم شي حاجة غلط

ليث:(خنزر فيه)واش منيتك أتبي راك خويا وعارفك شنو كتسوى أنا قصدت واش باغيها المعقول ولا غي مجرد صداقة

هود:(كيتأفف)والله معرفت راني دايخ خاصني تانشوف شنو تحت راسها هي ديك الساعة غادي ندير الحل

ليث:هي كتبغيك وبكثرة مابغاتك منين تزوجتي مشات لسويسرا ودارت لقراية غير سبة مابقاتش باقة تجي كاع غير باش متشوفكش(جبد باكية لكارو وبدا كيكمي ويسوط الدخان وضار جيهة السرجم لي قد الحيط كلو بالزاج كيطل على المدينة كاملة)كنت كنشوفها كتبكي فالليل كنت كنسمع شهيقها وبكاها لي كانت كتحبسو باش منسمعوش صوتها ومنين كنسولها كاتقولي لا غير دخلات شي حاجة لعيني(ضار شاف فيه)فاللول كنت كنلومك صحابني كنتي مواعدها بشي حاجة ولكن منبعد عرفت بلي نتا مكنتيش عارف ودبا اهود مابغيتش تعطي لختي أمل زائف وتعاود تضمرها تاني

هود:(كيسمع ليه من واحد جيهة فرح حيت عرف بلي راها كتبغيه وحزن منين عرف شنو لي مرات منو وتخلات على كلشي ومشات لسويسرا وسنين وهي كاتمة الحب ديالو ليه شاف فليث ونطق)لا اليث انا كنت كنحس بشي حاجة لكن مكنتش عارف بلي هي كتبغيني وكنت باغي نعترف ولكن خفت نطلع غالط ونخسرها للأبد حيت غانهدم ديك العلاقة ديال الإخوة والصداقة لي بيناتنا ودبا منين عرفت الحقيقة(ابتسم)غادي نصلح كااع ليفات

ليث:(ابتسم ابتسامة عريضة)هي نقول ليك نسيبي دبا

هود:ههه فالقريب إنشاء الله غانهدر معاها

(فرح بزاف هود معتابرو خوه ماشي صاحبو فحال قيصر و جوليا ونجود وغيرتاح من جيهة ختو حيت غاعطيها لأيادي أمينة بقاو جالسين تما وكيخدمو على المشروع ديالهم حيت ماباغيين يكون حتى خطأ وصلات5 وهما باقيين خدامين)

هود:(كيتأفف)أ^^/بي عيت عقلي شوية ويطرطق حتى الغداء متغديناهش(حيدليه لوراق من يديه)نوض خلينا نمشيو فحالنا تالغدا

ليث:(حط دكشي وناض)عندك الحق أنا براسي عيت يالاه للدار معايا نتجمعو على كارطة فحال شحالهادي

هود:(كيتفكر يامات الصغر ويضحك)ههه لكليكة ديالنا يالاه زيد
(مشاو لڤيلا لقاو لبنات كاينين فالجردة مشاو جلسو حداهم عيط للخدامة كلارا باش تجيب كارطة جابوها وبقا شي كيشوف فشي)

نجود:(كتحمم)احم احم عمر شيحد فينا ربح لكن هاد الخطرة معرفتش شكون(وكتشوف فليث بنص عين)المهم شكون غيضمس كارطة ويفرق

ليث:(شاف فيها سها ورجعات بيه الذاكرة اللور)

#فلاش_باك_قبل_5_سنوات

(جالسين فالجردة ديال الڤيلا فوق خديديات فالربيع)
نجود:(جاية كتجري وهازة كارطة)الحب ديالي لولو هاكي

ليزا:(شداتها من عندها وكضحك)واش غانبقا ديما أنا نضمس ونفرق براكة عليا غير كنربحكوم ديما(وابتاسمات ابتسامة فخر)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت 34

ليزا:(شداتها من عندها وكضحك )واش غانبقا ديما أنا نضمس ونفرق براكة عليا غير كنربحكوم ديما(وابتاسمات ابتسامة فخر)

ليث:(خربق ليها فشعرها)بغيت نعرف غير كيف كديري

ليزا:(غمزاتو)سر المهنة

ليث:(جرها من شعرها بشوية كيلعب معاها وعضها فحنكها)

ليزا:(كتمسح حنكها)أعوو..يخخخ..بزقتيني

ليث:(كيضحك)غير بزاق حبيبك هدا

جوليا:احم احم احم راه حنا حداكم البشار لولو فرقي اصاحبتي

هود:(ضار شاف فجوليا)خلييهم يتحابو نتي مالك مغيااارة

جوليا:دبا أنا مغياارة القرد من شكون غانغير لولو راه فحال ختي نجود وليث

قيصر:(شير عليها بمخدة)وانا يا العزافة فين رميتيني

جوليا:(ناضت كتعنق وتبوس فيه)نتا راه الكل فالكل الحب تاعي

#نهاية_فلاش_باك_الرجوع_للواقع…

نجود:(كتشوف فليث وعطاتو كارطة)ليث هاك فرق نتا

ليث:(ناض وقف)بلاش غير لعبو نتوما(مشا وقف حدا لابيسين وجبد كارو شعلو ونتر نترة طويلة وساط الدخان وتفكر وجهها قدامو دوك الغمازات ودوك العينين الزورق لي يخليوك تبقا كتشوف فيهم ومتحيدش عينيك عليهم صحيح انه باقي كيبغيها بل كيعشقها باغي غير يشوفها واخا غير من بعيد كيحس بلي باقي مماتش عايشة حاس بهتشي ولكن مكاين حتا دليل بلي باقا عايشة باغي يلقاها يشدها ويعذبها حيت غدراتو ولكن ميخليهاش تمشي تبقا فجنبو )

نجود:(كتشوف فخوها من بعيد)مزال مانساها باقي كيبغيها وهي ماتستاهلش ضيعاتو بيديها

جوليا:(ضارت لعندها)متبقايش تقولي هكا انجود هادي لي كتقولي عليها ضيعاتو خوك جرا عليها من الڤيلا فنص الليل ومن تما بحح طاارت وواقيلة كانت حاملة

نجود:(خنزرات فيها)نتي سكتي وباش عرفتيه من خويا ديك خيتي راه كانت خدامة فالمافيا وعايشة وسط الرجال بوحدها بنت ومن الفوق هي السباب فموت خويا قيصر وتقدر تكون غير كدبات باش ميفرطش فيها

جوليا:(شافت فيها وسكتات من طبيعتها ماعزيش عليها تناقش وتزايد فالهضرة سكوتية بزاف واخا تاكليها فحقها متهدرش عكس نجود لي صعيبة وكلامها قاصح وكيجرح بنادم ماكتعمدش ديرها ولكن هدرتها هكا دايرة واي حاجة بغاتها كاديرها بسيف على كلشي ومكاتبغي تاحد يفرض عليها الرأي ديالو فحال أن صورها يكونو فجميع مجلات المايكاب فالعالم باها مكانش باغي ولكن منين مات دارت دكشي لي فراسها واخا ليث حاول يعارضها ولكن هزات حوايجها ومشات لروسيا تادازت عدة شهور عاد خدات عطلة وجات لدارهم فاللول كانو مقلقين لكن منبعد كل واحد دخل سوق راسو وخلاوها تعوم بحرها)

هود: لبنات سكتو دبا يسمعكم ليث هاد الايام راه معصب غير مع خيالو

نجود:إوا قولها لهاد خيتي..

جوليا:(تقلقات وناضت غادة فحالها)

هود:(ضار خنزر فنجود وناض تابع جوليا ولكن دغيا خرجات من لڤيلا وركبات فاللوطو)

نجود:(بقات بوحدها وجالسة تغوت)خرى مالكم على سبة غي كنضحكو معاكم…

هود:(تم راجع عند نجود)صافي عجبك الحال فوقاش غاتعلمي تجمعي داك اللسان القاصح فاللول ليث حرمتي عليه الجلسة حتى ناض معصب ومشا كيكمي تاني ومنبعد جوليا جالسة تقمعي فيها حتا خرجات مقلقة

نجود:(تعصبات وناضت)حيت نتوما خبز ربي فطبكو مافاهمين تازفتة راه باينة لعمى كانت كتخونو ونتوما ديما فصفها..(وسكتات شوية ونطقات)واصلا شكوون نتا بالسلامة لي كاتحاسبني بصيفتك شكون

هود:(تعصب وخنزر فيها)بصيفتي خوك

نجود:خوياا?(ضحكات بسخرية)منيتك كتهدر ياكما منين جابك بابا وحطك فدارنا سحابليك راك وليتي واحد منا وخونا من دمنا ولحمنا
نتا غير ملقط

هود:(متعصبش ولكن حس بألم وحزن حس بخذلان كيفاش البنت لي كان ديما يدافع عليها قدامهم وعزيزة عليه ومعتابرها فحال ختو تقول عليه هاد الهدرة)

ليث:(كان جاي لعندهم وسمع شنو قالت نجود لهود وغوت)
نجوووووووود (بغا يهز يديه يضربها وشد ليه هود يدو)

هود:(كيشوف فعينيها وقابط يد ليث)مغنخليكش تحط عليها يدك من ديما وانا كنقبط يديك منين كتبغي تضربها وحتا دبا هتشي لي غاندير هي مكدباتش(شاف فليث وعينيه حومر)
انا ماشي خوكم من دمكم ولحمكم ولكن(ضار شاف فنجود)الأخوة ماشي بالدم الأخوة بالأفعال والأخوة هي تبغي خوك ومتجرحوش وتبغيليه دكشي لي كتبغي لراسك وتخاف عليه وتحميه(طلق يد ليث ومشا كيف الرعد وخرج من لڤيلا)

ليث:(ضار شاف فنجود)اخخخ انجود فوقاش غاتبدلي فوقاش غاتعلمي بلي راه الإنسان عندو قلب وكيحس ماشي جماد(شاف فيها بشوفات كايخلعو)حياتك كااملة ونتي كتجرحي فبنادم وفخوتك وعمر شيحد فينا جرحك عرفتي علاش حيت قلبنا بيض وكنخافو عليك من الهوا لي كيدور حداك ولكن مزال غايجي شيحد وغادي يعدبك ويجرحك وغاتجربي الشعور ديال هود وديال جوليا وديال بابا الله يرحمو منين كنتي كتعصي كلمتو وديال خويا قيصر لي كنتي كتكرهيه…(مشا من حداها خارج من لڤيلا وخلاها طايحة فالأرض كتبكي حسات بالندم وكل كلمة كان كيقولها ليث كدخل لقلبها فحال الموس بصح راه اي حاجة قالها عندو الحق فيها ولكن هي مقصداتش مقصداتش تجرحو بديك الهدرة…
اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت35

(مشا من حداها خارج من لڤيلا وخلاها طايحة فالأرض كتبكي حسات بالندم وكل كلمة كان كيقولها ليث كدخل لقلبها فحال الموس بصح راه اي حاجة قالها عندو الحق فيها ولكن هي مقصداتش مقصداتش تجرحو بديك الهدرة وحتا ختها جوليا مابغاتش تقمعها هكاك هي مكتحسش براسها منين كتخرج الهدرة من فمها ناضت وهي عارفة دبا بلي تاحد مابقا كايحملها لاهما تمشي فحالها دخلات لڤيلا طلعات لبيتها وبدات تجمع فحوايجها سالات وهبطات شافتها صباح)

صباح:(كتشرب فالقهوة ديالها شافتها جامعة باليزتها وكتبكي مشات لعندها)نجود بنتي مالك فين غادة

نجود:(كتبكي وتشهق)ماما خليني نمشي فحالي انا خايبة اماما خايبة انا من ديما كنجرح خوتي بهدرتي منستاهلش نكون بيناتكم عفاك خليني نمشي فحالي

صباح:(كتعنق فيها وتبوسها وتبكي)لا ابنتي أهئ..الله يرضي عليك..أهئ..أهئ عفاكي ابنتي متمشيش وتخليني😭نتي قاصحة ابنتي أهئ اهئ ولكن قلبك بيض ومكتحقديش عفاك ابنتي

نجود:(كتبكي وتحاول طلق من مها)
عفاك..أهئ..ماما..خليني..نمشي…أهئ..أهئ..(فلتات من يديها وتمات خارجة تا سمعات شي حاجة طاحت ضارت لقات ماماها سخفانة مشات كتجري لعندها لقاتها شادة فقلبها مزيرة عليه شوية غيبات)
ماما…أهئ..فيقي..أهئ..مغنمشيش.أهئ..والله..مغنمشي😭
(كضرب فحناكها والو)لااااا…ماما….(بدات تقلب على طيلي وعيطات لخوها ليث)

نجود:(كتبكي وتشهق)خوويا…اهئ…أهئ..ماما

ليث:(كان جيهة البحر غير سمع نجود كتبكي وقالت ماما بدا قلبو يضرب)ماااالها..نجووووود…مال…الواليدة

نجود:معرفتش😭مالها…أهئ…عفاااك…أجي…

ليث:(ركب فلوطو غادي بسرعة البرق خايف بزاف لايخسرها نفس المشهد كيتكرر حتا باه قبل مايموت عيطاتليه ماماه كتقوليه اجي عتقو معرفتش مالو لكن منين وصل لقا دا مول الأمانة أمانتو وصل لڤيلا ورجليه فاشلين وكيدعي ياربي مايتكررش نفس المشهد تاني سمع بكا ديال نجود دغيا دخل لڤيلا لقا مو سخفانة )
ليث:(هزها )ماالها …شنو…وقع…ليهااااااااااا

نجود:(تابعاه وباقة مصدومة مكتهدرش ركبو فلوطو ومشاو لسبيطار عيطو على جوليا وهود جاو كايجريو )

جوليا:(كتبكي)خوياا ماما…اهئ…أهئ..شنو..وقع…ليها..أهئ

ليث:(خايف على ماماه)معرف..تش..كانت..مع..(ضار شاف فنجود لقاها واقفة وكتشوف فالفراغ مشا لعندها وكيهضر صااعر)نجووود شنو وقع للواليدة ….دوي اشدرتي ليها تاني(نجود مصدومة مكتحركش مكتهدرش كيدويو معاها والو مكتسمع تاحاجة غير السكات)

ليث:(تعصب منين مجاوباتوش وصرفقها ديك الساعة طاحت سخفانة)

هود:(كيغوت على ليث)واااااش مسطييييي ال–/لااااوي ولا ماااااال دييينمك جهلتيي..

جوليا:(هبطات عند نجود كتفيقها ووالو وبدات تبكي وتعيط لطبيب)

ليث:(شاف حنكها حمر وسخفانة ندم لي ضربها هبط لمستواها وهزها شاف واحد طبيبة عيطليها ودخلوها لواحد الغرفة)

جوليا:(كتبكي ما حيلتها لماما لي معرفت شنو وقع ليها ولا لختها لي سخفانة)اشهاااد..المصاايب..ياسيدي..ربي..أهئ..أهئ
(كتبكي وتشهف ومتكية على الحيط شادة راسها بزز مشا عندها هود وعنقها دكشي لي كانت محتاجاه عنقاتو وبدات كتبكي دازت 2 سوايع ومكاين حتى خبر)

ليث:(مشا كيضرب فغرفة العمليات فين دخلو ماماه وخرج ليه دكتور ديالها حيت هي ديجا فيها القلب)

الدكتور:(شافوه هود وجوليا جاو كيجريو ونطق)تهدنو راه وقعتلها أزمة قلبية باينة سمعات شي خبر خايب دبا راها لاباس عليها غير هو خاصها تبعد على أي حاااجة ممكن تعصبها راكم عارفين ديجا عندها مرض القلب

ليث:(عاد تنفس وارتاح وكيفكر فشنو غادي تكون سمعات وخلاها تعصب)وفوقاش يمكن لينا نخرجوها

الدكتور:غدا فالصباح إنشاء الله تخرج غانديرو ليها شي تحاليل بساط وغانبدلوليها الدوا ديالها وخاصها الراحة ثم الراحة وميعصبها حتاحد

جوليا:(فرحات)صافي واخا دكتور شكرا بزااف ممكن ندخلو نشوفوها
(عطاهم الدكتور الإذن دخلو عندها كانت فايقة مشاو حداها شي كيبوس يدها وشي كيبوس راسها)

صباح:(كااتبتاسم ليهم باش ميتخلعوش عليها وكتهدر بشوية حيت باقي كايجيوها شي نغزات فقلبها)أنا لا.باس.متخلعوش..عليا

هود:(كيبوس فراسها)كيفاش منتخلعوش عليك راه نتي هي لعوينة باش كانشوفو

جوليا(كتبكي وشادة فيديها)خلعتيني عليك أماما

صباح:(ضارت كتقلب على نجود)فينها ..نجود مشات ياك(وبدات كتبكي)

ليث:الواليدة تهدني عفاك راها غير فالحمام(وكيشوف بتسائل)على هي فين كانت غادة?

صباح:(يالاه كتهدر ولكن رتاحت منين قالها راها غير فالحمام)كانت هابطة فدروج وجارة باليزتها كانت كتبكي وقاتلي بلي غاترجع لروسيا

ليث:(تعصب وتفكر اخر هدرة قالهالها فالڤيلا خلاها كتبكي باينة هذا هو السبب باش بغات تمشي)
(دخلات الفرملية خبراتهم بلي غايديرو ليها التحاليل وبلي خاصهم يخرجو خرج هود وجوليا وليث يالاه كان غادي حتى عيطاتليه ماماه)

صباح:ليث عفاك…نجود….

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت36

(دخلات الفرملية خبراتهم بلي غايديرو ليها التحاليل وبلي خاصهم يخرجو خرج هود وجوليا وليث يالاه كان غادي حتى عيطاتليه ماماه)

صباح:ليث عفاك..نجود

ليث:(رجع لعندها وباس يديها)متخافيش الواليدة نتي رتاحي دبا منين تفيقي غاتلقايها حداك(باسها فراسها وخرج مشا لعند نجود حل الباب لقا هود وجوليا كيهدرو مع واحد طبيبة)

الطبية”كلوفر”:(كانت كتهضر تاشافت ليث تحلو عينيها كتشوفو غير فالمجلات ودبا قدامها كايبان زوين حسن من الصور)موسيو ليث واش هادي ختك

ليث:(كيهضر وكيشوف فنجود لي باقا مغيبة)اه شنو وقع ليها

الطبيبة”كلوفر”:(كتشوف واتبتسم)متخافش راه غير صدمة ومشرباتش الدوا عليها سخفات….

جوليا:(ضارت عند الطبية وكتشوف فيها باستغراب)كيفاش إنا دوا?

ليث:(تخلع)

الطببية”كلوفر”:نجود مريضة فيها فقر الدم مكاتكلش مزيان وحتا الطاقة معندهاش خاصها تبقا تشرب بعض الڤيتامينات بانتظام وتاكل العدس أي حاجة فيه لحديد وإذا بقات هكا(شافت فيهم مطولة)

هود:(قلبو كيضرب واخا قبيلة جرحاتو بديك الهدرة لكن كتبقا ختو واخا ماشي من نفس الاب والام لكن راه مربية حداه وعزيزة عليه بزااف)هضري دغيا?شنو غايوقع لختي

الطبية”كلوفر”:(بنظرة أسف)للأسف ممكن تموت حيت عندها نقص بزاف فالتغدية خاصها تاكل الحاجة لي فيها الحديد وشوية دالسكريات باش يزودوها بالطاقة درتليها شي تحاليل من دبا يوماين غادي يخرجو..(حطات التقرير الطبي ديالها)المهم غانخرجليكم شي دوا غايعاونها بزاف وحاولو تقربو منها

ليث:(مزال مصدوم ختو هتشي كامل واقعلها وهو مفخباروش)

جوليا:(كتبكي كتبقا ختها الصغيرة وبنتها هي لي رباتها)كيفاش زعمة نتقربو منها?

الطبيبة”كلوفر”:(كتشوف فهاد الخوت لي معارفين عليها والو و مفهماتش)واش نتوما ?خوتها

هود:(مخنزر وكيغوت)كيفااااش واااااش خوتها وااااش كتسطااااي علينااااا….

الطبيبة”كلوفر”:(محملاتوش يغوت عليها وتعصبات)متغوتش عليااا الله يخليك حنااااا فطبيب وحداناا مريضة بغيتي تفوت راااها الزنقة(شيراتليه بسبابتها للباب)

هود:(تعصب وتم غادي عنها شدو ليث)واااش عااارفة –/رك معااامن كتهدرييي راه نمحيييك نتييي وهادد السبيطااار وهادي لي حدانا راااها ختيي..

الطبية”كلوفر”:(كتغوت وتحرك فيديها)ختك لا بااااينة منين ماعارف عليها وااالو ختك اسيدي راه كتشرب دوا الإكتئاب وكينات ديال النعاس عايشة غير بالدوايات معدتها تفرعات وهتشي كامل عندو أثر سلبي على صحتها الجسدية والنفسية وفنظرك علاش هتشي حيت كون كانت كتحس بالحب ديالكم من جيهتها والقرب العائلي كانت غادوز من هاد المرحلة لكن هي كتحس بالوحدة تموت ولا تعيش هي ماهاماهاش حياتها وفقر الدم كيشكل خطر كبير على صحتها

(كلهم تصدمو كيفاش وعلاش وشنو هتشي وعلاش مقاتهاليهومش هتشي كامل كاتدوز منو وهما مفخبارهم والو كيفاش.? وهي ديما كضحك…وابتسامتها واصلة حتى لضرسة العقل بصح واخا تشوف الإنسان سعيد وكيضحك نهار كامل راه كيخلصها دموع وحزن فالليل والليل يا صديق الكئابة والوحدة…😔
خرجات الطبيبة خلاتهم كلهم مصدومين وحالين فمهم بصح هي قاصحة وكلامها كثر لكن كتبقا ختهم وهي شخصية ضحوكية وكلامها على لسانها صريحة والحاجة لابغيتيها تحيدها من لحمها وتعطيهاليك وعمرهم حاولو يتقربو منها بزاف حيت هي كتخلي الإنسان ينفر منها بشخصيتها لكن هدا طبعها منين كانت صغيرة ومحاول تاحد يصلحوليها من ديما وهي كتخبي اي حاجة عليهم زوينة وخايبة وكتجرح بنادم واخا هي معارفاش بلي ديك الهدرة راه كتخلي الانسان يكرهها معندها لا صديقات لا تاحد من الصغر وهي عندها هاد المشكل ومكاينش شيحد كيتقبلها بعيوبها دغيا كاتسالي صداقتها مع أي واحد فنهار ولا يوماين)

جوليا:(كتبكي وتشوف فختها لي باقي ناعسة)هتشي كامل انجود..أهئ..أهئ..هتشي كاامل ومخبياه..أهئ..علاااش…أهئ..علاش…أختي

ليث:(كيحمل المسؤلية ليه حيت من ديما عاطيها لي بغات موفرليها كلشي ومكيقلبش فيها ولا يسول عليها دايرليها فوق الخاطر خرج من الغرفة ومشا للجردة ديال المستشفى)

#عند_ابتهال_وقسم

(منبعد ماتغداو جلسو كيلعبو شوية حتا عيطات أم رانيا حيت عندهم شي عراضة وخاص رانيا تمشي معاهم جمعو دكشي ركباتهم فلوطو ووصلات رانيا لدارهم هبطو معاها دقات وخرجات ليلى)

ليلى:(كتبوس قسم ورانيا)سمحيلينا على الصداع غايكونو دارو لبسالة راكي عارفة منين كايتجمعو

ابتهال:(كتضحك)ههه لا متخافيش ماشي غير هما تانا درت معاهم البسالة راهوم صغاار عادي فالسن ديالهم يتحركو بزاف…

قسم:(كتعنق فرانيا وتبوسها)غنتوحشك أرنونة

رانيا:(معنقاها بعينين مدمعين)حتا أنا وبزااف تبقا تعيطيلي عفاكي

ليلى:(كتضحك)الحماق هذا راه غاتلاقاو تنين مالكم على هاد التعانق تقول راه غاترحلو لبرا

رانيا:(كتمسح دموعها)اه اماما بصح

ليلى:(ضارت عندها)واش بصح اابتهال?

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت37

ابتهال:اه بصح غانمشي نخدم فإيطاليا عندي واحد الخدمة تما فواحد الشركة ديجا دايرة معانا عقد شراكة

ليلى:(عنقاتها )ياختي غنتوحشوك طريق السلامة(عنقات قسم)انا غاتوحش هاد القميلة

(توادعو معاهم بالبكى والتنواح قسم ورانيا عزاز على بعضياتهم بزاف وقسم طريق كاملة وهي كتبكي حيت معندهاش صحابات من غير رانيا ودبا غاتمشي لواحد البلاد مكتعرف فيها تاحد وصلو للدار وقسم حيدات سبرديلتها ومشات للبيت ديالها كتبكي شافتها ابتهال ومشات لعندها)

ابتهال:(حلات لباب لقاتها متكية ومعنقة الخدية مشات لعندها كتبوس فيه)مامي..قسومتي(ضارت عندها قسم بعوينات حومر مدمعين وعنقاتها)
قسم:(معنقة ابتهال وكتبكي)ماما أهئ أهئ انا مابغيتش نمشي عفاك أهئ بلا منمشيو..

ابتهال:(كتشوف فيها هي براسها كارهة هاد الشي ولكن معندها مادير هدا هو القدر كتبليها انها ترجع للبلاد لي تهانت وتجرحات وبكات فيها)ابنتي الله يرضي عليك غنمشيو مغنتعطلوش بزاف ضروري غانرجعو كون بيدي منمشيوش(كتمسح عويناتها)ولكن انا قتليك طحت فالمصيدة ودبا خاصني ننقد راسي ونتي غاتعاونيني ياكي

قسم:(ابتاسمات ليها وهي كتمسح دموعها)وعد مامي

ابتهال:(هزات سبابتها ضربات نيف قسم ضربة خفيخة وقسم حتى هي)وعد قسومتي يالاه نوضي باش ندوش ليك وعاد نجمع لحوايج(داتها للحمام وغسلاتلها مزيان وخرجاتها لبساتليها بيجامة فبنفسجي نشفاتلها شعرها بالفوطة وخلاتها تنعس حيت عيات بزااف هاد النهار باللعب مع رانيا)

ابتهال:(مشات لبيتها كتجمع حوايجها وكتفكر فحياتها جديدة كيف غاتكون فإطاليا واخا راه غير عامين لكن نهار تما غايدوز عليها بألف عام جمعات حوايجها لي غاتدي معاها فباليزتها مشات لبيت قسم كتجمع حوايجها فباليزاتها مهزاتش كلشي حتا تمشي لتما وتشري ديك الساعة لحوايج وجبدات لحوايج لي غاتلبسهم غدا وهي ناعسة طبلي وغني والله لافاقت ليك😂جمعات دكشي وخرجاتو برا ومشات تكات بلاصتها باش تنعس لكن والو نعسات تال 4 بقوة التفكير فاقت مع 6 حيت الطيارة عندهم مع 8 خدات تذاكر نهار جمعة وقسم ديجا عندها جواز السفر حيت كيسافرو فالصيف لأمريكا أو ألمانيا…)

ابتهال:(مشات لبيت قسم وكتفيقها مافاقت حتا حمقاتها مشات لحمام غسلات وجهها وقضات حاجتها وخرجات عند ابتهال لبساتليها قاميجة ديال تجين بلكمام وضارتلها بابيون فالخزي وخشاتها فجوبة قصيرة مفرفرة فالخزي وبالغين فالتجين دارت ليها نظيظرات ديال الشمس مدورين وطلقات ليها شعرها ورشات ليها رويحة)وهاحنا سالينا لمادموزيل قسوووم(كتبوسها فحنيكاتها)

قسم:(كتضحك)مامي فيا جووع

ابتهال:(ضارت راسها تخلعات وناضت من حداها هاربة)هيييي فيها جووع غاتاكلني(وتمات غادة كتجري وكتضحك)

قسم:(كتضحك وتابعاها)غناكلك غناكلك اعع(قبطات ابتهال فيديها وكدير راسها كتاكلها فكرشها)

ابتهال:(كتضحك)اعععع صافي قتلتيني(هزاتها كتبوس فيها وحطاتها فالكرسي باش يفطرو سالاه فطورهم غسلو لماعن ومشات ابتهال لبيتها خلات قسم مشات تغسل سنانها وهي لبسات كسيوة الفوقاني جيهت الصدر فلكحل مشبك كيبين صدرها شوية ومن لتحت فيها لكحل ولبيض طويلة ومسدودة فالوسط بخويط فلحمر رقيق لبسات سندالة عالية فلكحل وصاك فلكحل طلقات شعرها سامبل ودارت نظاظر فلكحل فحال عينين القطة وساعة فيدها جرات لباليزات ديالها وديال قسم وخرجات بقات كتشوف فالدار وتفحص جميع لبلايص هاد الدار دوزات فيها الحزن ولكن غير شافت عوينات قسم دخلات لدارها الفرحة والسعادة دارت عندها قسم)

قسم:(قابطة فيد ابتهال)مامي حنا راه غانرجعو مغنبقاوش تما forever “للأبد”

ابتهال:(ابتاسمات حيت بصح عندها الحق سدات الباب وهبطات لوطو طلعو واتجهو للمطار توجهو للطائرة من بعد ما فحصوهم وفحصو ليڤاليز وتحققو من الهوية ديالهم خبراتهم المضيفة باش يديرو حزام الأمان )

قسم:(مزيرة على يد ابتهال ديما كتخاف منين كتكون الطائرة غاتقلع)

ابتهال:(معنقاها بديها ليمنية وشادة فيديها)مامي متخافيش ثوااني دغيا وتسالي

(قلعات الطيارة شوية وقسم نعسات 3ساعات وهبطات طيارة فمطار إيطاليا بالضبط فمدينة ميلانو دارت روطار فيقات ابتهال قسم خرجو من الطيارة خداو ليڤاليز ديالهم وخرجو)

ابتهال:(غير خرجات من المطار بقات كتشوف يمين وشمال ماتبدلات تاحاجة من غير شي بنايات قلال لي تزادو وسهات…)

#فلاش_باك_قبل_5_سنوات….

ليزا:(جارة باليزتها واقفة فلباب ديال المطار وكتشوف فالناس والشارع والمحلات كأنها كتحاول تحفظ هاد لبلايص عاشت حياتها هنا تولدات هنا واخا هي مغربية الأصل ولكن باباها كان متكلف بواحد المزرعة فيها إسطبل الخيول وأراضي فلاحية تربات هنا بكات وفرحات وحزنات هنا حياتها كاملة كانت هنا لكن اليوم هاد البلاد جرات عليها كأنها كتقوليها هربي باش ميشدوكش نزلات من عينيها دمعة تبعوها شلالات ديال الدموع سمعات بلي الطيارة شوية وغاتقلع هزات باليزتها ودخلات مزروبة لا تمشي عليها….)

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت38

#نهاية_فلاش_باك_رجوع_للواقع…

قسم:(كتقيس فيها)ماما..ماميي

ابتهال:(عاد انتابهات لراسها باقا واقفة فالباب ديال المطار )نعام اقسومتي يالاه نمشيو نشدو طاكسي(مشاو ركبو فواحد طاكسي عطاتو العنوان وصلو وهزليهم ليڤاليز دياولهم ودخلو ديجا الشركة لي غاتخدم فيها سيفطوليها سوارت وكونطاك طوموبيل جديدة ولكن فحال ديالها لقديمة حيت ولفات هاد النوع دخلو كانت لكوزينة فليسر مفتوحة فيها كونطوار وحداه كراسا طوال مجهزة بجميع دكشي لي غاتحتاج وفليمن كاينة جليسة بليفوطوي فلبيج والرمادي وطابي فالأزرق وطبيلة وحيط كلو بالزاج كيطل على قصر الدومو طلعو للطابق الفوقاني لي فيه بيوتة ديال النعاس دخلو لبيت قسم كان فلون البيج والقهوي حتى تقادو هي باختيار قسم حطات باليزتها تما ودات ديالها لبيت وحداخر كان طاغي عليه لون الرمادي والخزي دخلات حيدات حوايجها وعيطات لقسم باش تدوش معاها سالاو الدوش ديك ساعة نعسو باش يرتاحو شوية حيت فاقو بكري)

#عند_ليث…

(بايتين فالمستشفى جوليا حدى نجود وليث وهود عند صباح ليث بايت فايق كيفكر فهاد لمصايب لي طاحت عليه وكيفكر فحالة نجود خاصو يتقرب منها ويعرف مالها دخلات الفرملية باش تبدل السيروم لصباح دغيا فاق هود مخلوع)

ليث:(كيشوف فيه ويهدنو)تهدن اصاحبي راه غير الفرملية لي دخلات

هود:(العرق كيصبصب منو حلم خايب)اففف مقادر على حتا شي خبر خايب وحداخر(شاف فصباح لقاها باقة ناعسة)نوض يالاه نمشيو نشوفو نجود(ناضو ومشاو لغرفة ديال نجود لقاو جوليا ناعسة على لفوطوي وراسها عوح)

هود:(شافها فديك الحالة بقات فيه مشا كيقادليها راسها وغطاها بالفيستة ديالو)

ليث:(كيشوفو كيفاش كيقاد عنقها وكيغطيها ابتاسم لاشعوريا حس بنجود بدات كتفيق وقرب ليها شاد فيديها من لبارح وهي ناعسة عطاوها منوم باش اعصابها يرتاحو شوية)

ليث:نجوود..نجود..

هود:(قرب لعند نجود لقاها كتحل عينيها دغيا فيق جوليا لي ناضت طايرة وعينيها باقي مامحلولين مزيان كانت غاطيح كون مشدهاش هود)

نجود:(كتحل عينيها بشوية وكتحس بالعيا والدوخة ثوااني عاد وضحات ليها الصورة شافتهم كلهم واقفين عليها ومخلوعين عليها ليث قابط يديها كيبوسها وجوليا فاليد لاخرا وهود كيقيس راسها للحظة حست بالندم من رغم شنو قالتليهم كاملين جرحاتهم وواخا هاكا واقفين بجنبها وخايفين عليها وبدات كتبكي)

ليث:(مخلووع)نجود مااالك شنو واقع

هود:(كيقيس فعينيها ويمسح دموعها)ختي مالللكي واش كاضرك شي حاجة

جوليا:(كتبكي)نجود..قولي…شي.حاجة..أهئ..أهئ

نجود:(كتبكي وتشوف فيهم)سمحولي..أهئ..أهئ..عفاكم..أهئ

ليث:(كيبوس فيديها)علااش غانسامحوك ازنطيط الفار شنو درتي لينا

نجود:(ابتاسمات منين قاليها زنطيط الفار وضارت تشوف فهود)هود…خويا..نتا..راه..خويا..أهئ..أهئ.ماشي…..
بالضروري..تكون..ولد..ماما..وبابا..أهئ..أهئ..حيت.الأخوة..بالأفعال..ماشي..بالدم..سمحلي..عفاك…أهئ..أهئ..
جرحتك….راك..عارفني..انا..منين..كنتعصب..أهئ.
.مكنعرفش..شنو..كنقول..😭

هود:(عارفها واخا قاصحة ولسانها خايب لكن قلبها طيب ماشي شي وحدة قلبها كحل ويلا دارت الغلط كتطلب السماحة غير كل غلط وحجم ديالو على قلب الانسان لكن كتبقى ختو يتقلق عليها وينسى شنو وقع ويرجع يدوي معاها عاادي)نتي ختي وعمري نتقلق منك(كيبوس فعينيها)

نجود:(ضارت كتشوف فجوليا لي عينيها حومر باينة بكات تاطابو عينيها من طبعها بكاااية وحتى على ابسط الأمور)أهئ..أهئ..العزافة…ديالي..أهئ..كنتي..كتبكي..عليا.
سامحتيني..ياكي

جوليا:(قربات لعندها وعنقاتها وكتبكي)زنطيط الفار ديالي..أهئ..أهئ…نتي ختي..الصغيرة..وبنتي..مستحيل..نتقلف..منك

ليث:(معنق يديها)ودبا انا لي غانطلب السماحة منك مكانش خاصني نقول ديك الهدرة وكنتي غاتمشي وتخلينا ياااك

نجود:سمحلي..أهئ..اخويا..انا..بغيت نمشي..أهئ..حيت..حسيت..براسي أهئ منستاتهلش نكون معاكم 😭🥺

هود:متقولييش هكا انجود نتي راه هي النويويرة ديال الدار لامشيتي شكون يضوي علينا(قرسها فحنكها بشوية)

ليث:نتي بلاصتك معانا وفوسطنا معندك..فين..تمشي

جوليا:(كتهرنن)خرا..أهئ..أهئ..براكة..ماتمدحو..فيها….قدامي…أهئ..أهئ..راه..كنغير..

(بقاو كيضحكو عليها)

ليث:(كيعوج فيها)أهئ أهى كنغير انوضي تكعدي اديك العزافة

نجود:(كتضحك)مسحي وجهك راه دموعك وخنونتك مخلطين الخانزة ههه

هود:(جبد كلينيكس وكيمسح عينين ونيف جوليا بطريقة مضحكة)مسحي مسحي شوهتييينا…

اٌنـتقــام💥 علــى أرض المـافـــيا💣🖤

بقلــمي أنـا: آيــة 🦋

بـــــــارت39

هود:( جبد كلينيكس وكيمسح عينين ونيف جوليا بطريقة مضحكة)
مسحي مسحي شوهتييينا اعيشة دميعة

(بقاو كيضحكو عليها حتا دخلات لفرملية)
الفرملية:(بابتسامة)ماماكم فاقت وصحتها مزيانة راه بغات تشوفكم
(نجود ناضت واخا مخلاوهاش لكن بغات تشوف مها وتطلب منها حتى هي السماحة حيداتليها الفرملية السيروم من بعد إلحاح وإصرار من نجود دخلو عندها تجمعو عليها وكيبوسو فيها)

صباح:(كتشوف فنجود)بنتي حبيبتي كنتي باغا تمشي وتخليني تاني بوحدي

نجود:(كتبوس يديها من لداخل وبرا)غي كنت كنضحك معاك واش انا نقدر نمشي ونخلي الكبيدة ديالي هنايا

صباح:(كتقيس فوجهها)بنتي مالكي صفرة هارب منك الدم
(بقا شي كيشوف فشي مابغاوش يقولولها شواقع باش متخلعش عليها حيت مخاصها حتى توتر ومخصهاش تعصب )

نود:والو اماما غير حيت من لبارح ماكليت وصافي

ليث:(باس فراسها)الواليدة على سلامتك انا دبا غنمشي باش نهدر مع الطبيب حيت غاتخرجي دبا

صباح:(فرحات)الحمد الله اولدي اصلا مكنحملش السبيطارات
(خرج ليث وتبعو هود لعند طبيب عطاهم نتائج التحليل وخبرهم الطبيب أن كلشي مزيان غير فهاد السيمانة خاصها تبعد على أي حاجة تعصبها وتشرب دوا بانتظام خرجوها من المستشفى وركبوها فلوطو ومشاو لڤيلا طلعوها لبيتها باش ترتاح ولاخرين مشا كل واحد لبيتو يرتاح على مايطيب الغداء وجوليا تكات حدا ختها معنقاها ومزال مخبراتها بلي راه عارفة باش مريضة )

#عند_ابتهال…

(فاقت كتكسل كانت 12كتحس براسها مدكدكة ناضت من حدا قسم لي ناعسة بالعرض وكل رجل فقنت قاداتها ودخلات للحمام عمرات البانيو بالما ودارت شي زيوت وباندوشات تخشات فيه وتكات باش ترتاح كتحس براسها مسخسخة شوية خشات راسها كلو ورجعات ليها واحد الذكرة…)
ليث:غدااااااااارة خرجي ت–/ااااودي عليااااا
ليزا :لا أهئ…عفاك..متيقش..بيه..أخئ مغدرتكش..
ليث:(قاجها بيديه)سكتييييي مااااتهدرييييييش
ليزا:(تقطع فيها النفس وكتحاول تحيد يديه من عليها)

(خرجات راسها بسرعة من البانيو وكتحاااول تنفس وتكح حيت شربات بزاف دالما غير حطات رجليها فهاد البلاد بداو كيزوروها الذكريات دغيا وقفات مشات للدوش دغية غسلات شعرها ودارت الصابون وخرجات حاسة بالخنقة لقات قسم يالاه كتفيق مشات عندها وكتحاول تبتسم باش متبينش ليها)صباح نور قطيطتي

قسم:(باقا كتكسل وتجبد فيديها ورجليها فحال شي قطة وكتحل عويناتها)

ابتهال:(كتبوس فيها)يخليلي القطووووووطة تاعي نموت فيك وهاد الرويحة ديال بنتي(كتشم فعنقها)الله على رويحة ديال قشووومتي

قسم:(كتضحك)

ابتهال:يالاه نوضي اماما ناكلو شي حاجة باش نخرجو فعشية

قسم:فين غانمشيو امامي

ابتهال:غانخرج بنتي تشوف ميلانو كيف دايرة ونتساراو حيت غدا غانبدا الخدمة

قسم:(دغيا ناضت كتنقز فوق السرير)ياااااس مامي ياااااس غانخرجو….

ابتهال:(كتضحك)ولكن لابقيتي كتنقزي هكا مغنخرجوش

قسم:(دغيا هبطات كتجري مشات للحمام)

ابتهال:قسااام غير بالشوية (هبطات لكوزينة كاتقاد غير
pain demi
“خبز محمص” دارت فيه لفرماج مع عصير ديال الليمون هتشي لي لقات فالدار خاصها عاد تقدا(جلسو كياكلو مع بعضياتهم وجلسو كيتفرجو تاوصلاتل5 وناضو يلبسو حوايجهم)
قسم:(فالبيت ديالها )مامااااا…انا غانخرج بهاد اللبسة مابغيتش نبدلها واااخاا…

ابتهال:(كاتجاوبها من بيتها حيت حداها)واخا اقسوووم
(لبسات سروال تجين وتيشورت فلبيض وزادت الفوق فيستة فالبيض ديال الصوف واسعة من لكمام جاية مستيلية حيت غايتعطلو فالليل كيتحرك الريح ولبسات سبرديلة بيضة طلقات شعرها ومشات لعند قسم لقاتها كتلبس سبرديلتها هزات لكونطاك وهبطو لكاراج للتحت كبير فيه جميع سيارات ديال العمارة ضغطات على لكونطاك باش تسمع صوت لوطو شافتها شعلات الضو ومشات ركبات وحطات قسم اللور ودارتليها السمطة مشاو لساحة الدومو ساحة كبيرة كاتكون ديما عامرة بالناس والسياح حداها مطاعم ومقاهي ومعلمة تاريخية لي هي قصر الدومو دخلو ليه كبير وعالي بزاف فيه135 متر ويسمى كذلك بقصر الكاثوليك ميلان فيه 3400 تمثال فيه لداخل توابيت زجاجية فيها أجاثمة ديال أساقفة الكاثوليك نوافذ ديالها ملونة كتعطي واحد الجمال وفيها حتا لوحات فنية معلقة والأرض من الفسيفساء الملونة مزينة برسومات منظر مدهش كيخليك تبقى غارق فالجمال ديال هاد القصر
من بعد مشاو لسوق غاليريا فيتوريو وهو أشهر وأفخام سوق فالعالم حيت ممتد من ساحة الدومو حتى لساحة أخرى ‘ديل سكالا’ وهاد السوق عبارة على ممر تسوق مغطي بالزجاج شراو شي حويجات خفاف وقسم غير حالة عويناتها وكتفرج اما ابتهال عادي راه هنا فين كبرات مولفة هتشي ولكن توحشات هاد لبلايص من بعد مشاو ‘لأكواريو سيفيكو دي ميلان’ فالمدخل كاين تمثال لنبتون إله الماء والبحر الروماني وفالداخل كاين حوض مائي فيه أكثر من 100 نوع ديال الأسماك والحيوانات البحرية والمخلوقات المائية

💥 علــى أرض المـافـــيا💣🖤

بقلــمي أنـا: آيــة 🦋

بـــــــارت40

من بعد مشاو ‘لأكواريو سيفيكو دي ميلان’ فالمدخل كاين تمثال لنبتون إلاه الماء والبحر الروماني وفالداخل كاين حوض مائي فيه أكثر من 100 نوع ديال الأسماك والحيوانات البحرية والمخلوقات المائية كايبان فحالا راكي غادة تحت البحر وكاين فيه مكتب للعلوم البحرية منين حطو رجليهم من لوطو وهما كايتصورو ويتسيلفاو فأي بلاصة حتى عيات قسم وجاها الجوع داتها لمطعم spontini من أشهر المطاعم فميليانو ديال بيتزا عندهم بيتزا رائعة وديما عاامر بالسياح)

ابتهال:(طلبات لبيتزا وجلسو كياكلو هي وقسم)

قسم:(كتاكل وتبنن)اممم ماما بنينة هاد لبيتزا ماشي فحال لي كاينة فالمغرب

ابتهال:(كتاكل وتضحك)ههه هادي راه احسن بيتزا فالعالم وهاد المطعم من أشهر المطاعم فإطاليا ديال البيتزا

قسم:صافي بقاي ديما تجيبيني هنا

(كتضحك عليها سالاو وناضو كانت 10عياو خرجو من المطعم راجعين لبلاصة فين خلاو لوطو وكيهضرو)

ابتهال:مامي انا عيت يالاه نمشيو دبا تالنهار

Leave a comment

  1. باديين الجزء بالبارت 21 !!؟؟
    المرجو التصحيح رجاء 🌹

    1. تم التصحيح… شكرا بزاااف لك على المتابعه الطيبة

      1. على واجب العمدة ..وبالتوفيق..
        الموقع رجع غزال وسهل التصفح مقارنة مع الاول ..غير خايلاه بغينا قائمة ديال القصص بتوتيب ابجدي باش ندخلو مباشرة للقصة اللي بغينا نقراوها
        وشكرااا