Skip links

قصة : حطام جزء 4

 6,863 عدد مشاهداات

🔥حُطِـــــــــام🔥
🖤الكـــــــــابوس🖤
الجـــــــــزء46
مارية رجعات باللور هادي شكا تقول عاود:كيفاش مراتو ولا مزوجين..انا مامرات حد
وشافت فيه مخنزرة :نموت ومانكوش مرات هاد الوحش هدا
وشافت فنارة لي شاداه لخدامة:يلاه نمشيو بحالنا انارة
نارة تمات غادة لعندها
وليد بصوت خاد مخاطب لخدامة:هزي لبنت وطلعيها للجناح ديالي داابة
لخدامة داك ساع هزاتها مازادتش تانية وطلعات بيها لفوق..
مارية بغات تبععها وهو يوقف ليها فطريق:اتزيدي خطوة وحدة غنخرج على طوعي امارية
الحاجة مافاهمة والو:اشنو وااقع هنااا
مارية شافت فيها:لي واقع انه حفيدك ماباغيش يعطيني لبنت نمشي بحالي
الحاجة شافت فوليد:شكون هدي ملي ماشي مراتك ولبنت بنتك وحفيدتنا هدي مافيهاش الشك فهمني اش واقع
مارية:لبنت مابنت حد لبنت عندها عائلتها بعيد على هاد العائلة هادي
وشافت فيه:ناارة غتمشييي معايااا مستحيل نخليها معااك
الحاجة قربات عند وليد باغة تفهم:شكون هدي واش مها فهمني اش واقع
هز راسو باه وعنيه على مارية لي ولات كترجف:اه مها
الحاجة شافت فمارية:وكيفاش مامزوجينش كي درتو جبتو هاد البنت
ورجعات شافت فوليد:شنو واقع
وليد:الحاجة ماشي وقت هاد الهضرة ومن الاحسن ما دخليش
الحاجة:كيفاش مادخليش هاد الموضوع راه كبير فيه بنية صغيرة من دمنا وصلبنا..
مارية:لا عاود ليها ولا نعاود ليها انااا نيت

وشافت فالحاجة وقربات لعندها:الالة حفيدك هدا لي قدامك قبل ست سنين غتاصبني كيشي وحش تكرفس عليا بلا رحمة بلا شفاقة خرج ليا على حياتي ورماني قدام صبيطار وغبر ..ودابة عاد جاي باغي بنتو وباغي ياخدها منيي باشمن حق بعدة ماكنتش باغاه يعرف راه عندو بنت كنت باغة نحمقوووو ولكن ماكتابش..واحد حقير وشماتة بحالو مايستاهلش يكون اب يستاهل يتعدم ويكون عبرة لاي واحد كيتعدا على بنات الناس

ماجات فين تكمل كلامها حتى حسات بصقلة على وجها تا دار وجهاا كانت الحاجة
الحاجة مخنزرة فيها :مازال ماعاش هدا لي يقلل من واحد من عائلة سردار ويقول عليه بحال هاد لكلام ويكون هاد.السبب كيفما بغة يكون لسانو يتقطع🔥التتمة🔥

الحاجة مخنزرة فيها :مازال ماعاش هدا لي يقلل من واحد من عائلة سردار ويقول عليه بحال هاد لكلام ويكون هاد.السبب كيفما بغة يكون لسانو يتقطع

وليد تنهد وهو كيمسح على راسو ها لي مابغاش وقف وسطهم :الحاااجة قلت ليك مادخلييش
الحاجة:كلامها راه ستتفزني اولدي ..
مارية صافي وصلات بيها العضم كاع داكشي لي قالت ليها سمعات غا فاش سبات ليها حفيدهااا :شهاد العائلة لمرييضة واش مافقلبكم رحمة..مديتي عليا يديك غير حيت قلت داكشي لي كااين ما سمعتيش راه حفيدك غتاصبنيييي
شافت مع جنابها هزات واحد الديكور وزدحاتو فالارض تا تشخشخ خلاتهم غا كيشوفو:شكاا نتسننى اصلااا من عائلة حكاارة
زادت لديكور تانييي وشخشخاتو تاهوو:جيتني كبيير فالسن الحاجة اما راه تشوفيي اخرة اي واحد مد عليا يدييه
شافت فولييد وغوتات:جييب ليااا الببببنت دااابة
وهزات ديكور تاني وشيرات فتيجاه ديالو تا طاااح قدامو :جيييب ليااا نااارة
الحاجة كتشوففيها عرفاتها من هادوك لي دوز معاهم دوك الليالي فديييك الفترة لي داز منها قبل يسافر لامانيا هي كانت دايرة لي يراقبو وعرفات انه كان كيطفي لغضاب ديالو فبنات ليل ادن هدي وحدة منهم شافت فوليد:لبنت ماخاصش تمشي من عندنا ماغانفرطوش فيها
وشافت فمارية:عطيها حسابها كلشي كيتحل بلفلوس اما قضية الاغتصاب تا واحد ماضربك على يديك وقالك اجي عندو..المهم نطلع نشوف حفيدتي
ومشات وخلاتهم ..
مارية بصوت مرتافع:والله لاكانت لييييكم
وقربات لعندو كيشي بركاان وجها مقابل مع وجهو كدوي وهي عاضة على سنانها وهو كيشوف فيها ومراقب ملامحها لحادين متبع حركاتها لعنفوانية الشرسة :غننقتللك سمعتينييي والله لا خليتها لييكم واخة نعرف نحرقكم ونحرق راسيي معاكم راك مازال ماعارف شنو ممكن نديير اسردار ..مابقيتش داك لبنت صغيرة لي حكرتي عليها هادي سنينن وزطمتي على حياتها ومشيتي بلا ضمييير هادي لي قدامك راه تبعك تا الاخر دنياا دابة غتجيب ليا نارة
وسكتات وهي كتلهت حلقها نشف كتشوف فيه كيف كيشوفف فيها بجمود بحاليلا كيقرا ليها افكارها ولا كيقيم أعصابها نطق بجمود:ملي نتي باغاها هكا ولهاد الدراجة لاش مكبراها على اساس ختك وحارماها منك
مارية هي كتلهت :ماشي سوقك
تبسم بسخرية:وزايداها بقصوحية راس لي اتخرج عليك
وتم غادي فتجاه الدروج:فين غادي
وليد:تبعيني
طلعو فدروج وهي موراه باغة تعرف لاياش كيخطط عاود ..تا وصلو للجناح ودخلو..كان صوت نارة مسموع بلبكة:بغيت مارية مابغيتش نبقة هنا
وقفو بجوج كيشوفو فيها..دار اشارة للخدامة باش تخرج نساحبات وخلاتهم..نارة غير شافت مارية ناضت كتجري لعندها شادة ليها فيديها وكتمسح فدموعها:ماتخلينيش هنا ديني معاك عفاك ..
وتخبات من موراها وهي كتشوف فوليد بخوف
مارية شافت فيه:صافي ماتخافيش بلاصتك معايا
وليد كيشوف شحال هاد لبنت متشبتة بيها بزاف دلافكار كيدورو فراسو منهم هو واش ايدوم لهاد…البنت بعدة وايبقة معاها تا تكبر .
نطق:اجي معايا لاتيراس..
مارية تحنات عند نارة لي مزيرة عليها:هانتي جلسي هنا صافي انهضر انا وياه فداك لاتيراس ونرجع ومسحي عليا هاد الدموع
نارة كتمسح فدموعها:واخة اختي
وناضت تبعاتو للتايراس..لقاتو شاعل سيجار وكيشوف لبعيد وقفات من موراه:اش بغيتي
وليد مازال عاطيها بالضهر:بامكاني نديها وعمرك تعاودي تحلمي تشوفي وجها وعارفاني نديرها امارية..
سكت وهو كينتر نترة طويلة من داك السيجار عاد كمل كلامو:جيتيني فواحد الوقت كلشي مرون وماناقصش روينة كتر وهدشي لي انقول راه ماكايعنيش اني غنسة هدشي لي درتي لا بالعكس كلشي ايولي محسوب من ليوم وايمشي على هوايا
دار وشاف فيها:بغيتي بنتك تبقة حداك اتبعيها فين ما ماشات
مارية:كيفاش
وليد:بنتي اتبقة بلاصتها معايا وانا راجع بعد غدا لامانيا بغيتيها اجي معاها مابغيتيش نسايها عليك وهانتي هنا عيشي بلا بيها بحاليلا عمرها كانت …

#يتبع_تعالقكن🔥🔥حُطـــــام🔥
🖤الكـــابوس🖤
الجـــــــزء46
جا نهار جديد

ليل كامل ماداهاش النعاس كتفكر فكلامو دلبارح غير كتديها عنيها شوية وترجع تفيق تا صبح الصباح
كانت متكية فوق الفطوي ونارة قدامها ناعسة فوق داك سرير لكبير..بقات كتشوف فيها وافكار كتديها وافكار كتجيبها..لبارح لاح ليها داك لقرار وختمها:فكري مزيان عندك ليل كامل تا لغدا وردي عليا باش نشوف كيف اندير نتصرف هانتي هنا قدام عنيا تا تقوليلي اش كاين
وخرج من الجناح كامل وخلاها بين هاد الافكار تنهدات وناضت كتقلب فهاد الجناح تا بان ليها لفيكس هزاتو ودوزات نمرة دمها بقة كيصوني تا جاوبات:الو ماما
حليمة:الله ابنتي فينكم واش راكم بيخير داك عدو الله اش دار معاكم
مارية:حنا بخير اماما ماتهوليش
سوسن كانت حدا حليمة:ديري اخالتي لهوط باغلوغ نسمع
خدموها وهضرات:اش درتي معاه
مارية:صافي عرف كلشي
سوسن:قلت ليك راه ماساهلس وتاحاجة ماكتفوتو
حليمة عاودات ليها سوسن كلشي ولات عارفاه شكون :ودابة اش اديري ابنتي قوليلي فينك نجي عندكم مايمكنش نخليكم مع داك الهماجي
مارية كتفكر كلامو مسحات على وجها:مايمكنش اماما غيديها معاه لامانيا فمرا
شهقو بجوج
حليمة:كيفاش مايمكنش
سوسن تنهدات:راه بنتو اخالتي راه يعطيوها ليه وهو عندو كلمة فاي بلاصة تاحاجة ماصعيبة عليه
حليمة:الله ياخد فيه لحق وشغانديرو دابة نارة مسكينة ماتقدش على هدشي مامولفاش بلبراني وشافت بعنيها اش دار راه بزاف عليها ماتقوليليش اتخليها ليه يديها واتسخاي بيها
سوسن:مارية تا لهنا وحبس لبنت بنتك تانتي ماتفرطيش فيها
مارية :قل ليا لابغيتيها اجي معاها
بقاو ساكتين شي كيشوف فشي عارفين اش معنى يتجمعو هاد جوج فبلاصة وحدة وخصوصا مارية لي كتكرهو
سوسن:تبعيها امارية كون كنت فبلاصتك ماغانترددش وندير اي حاجة باش مانخليهاش ليه حيت من بعد اتكبر لبنت وغتندمي لا فرطتي فيعا دابة حيت اتكرهك وماتنسايش راكي ضالماها بزاف ملي كبرتيها على اساس ختك غير هدي راه محال تقبلها منك
وسكتات مخلية هاد الهضرة كتلعب عليها وخلاتها تفكر لبعيد نهار تكبر نارة وهي بعيدة عليها وعاد هو موحال يحببها فيها ايزيد يخليها تكرها..مسحات تاني على وجها متوترة ومعصبة همسات:ماما ماقلتي والو
حليمة تنهدات:سوسن عندها الصح هدشي مايبغيه لاربي لاعبدو نارة طرف منك واتحاسبي عليها قدام الله يكفي هاد سنين لي حرمتيها منك ماتزيديهاش دابة وتخليها تربة بعيدة عليك
تنهادت:صافي يلاه بسلامة دابة
خلاوها على راحتها قالولها اش خاص تسمع
وقفات كتقاد شالها فوق راسها وعبايتها..وهي تشوف نارة حلات عنيها قربات لعندها:انا غنزل لتحت ونتي خليك هنا شوية انرجع
نارة:ما اتخلينيش هنا ياك
مارية هزات راسها بلا:لا
وخرجات من لجناح وهبطات لتحت ماعارفاش فين اتلقاه تلاقات لخدامة:فين هو
لخدامة فهماتها:راه فجردة كيشرب قهوتو اجي معايا
تبعاتها لهاد الجردة حتى كيبان ليها من لبعيد جالس كيشرب فقهوتو مشات فتيجاهو غير شافها ميل راسو كيشوف فيها وقفات حداه..بقة كيشوف فيها ونطق:شنو قررتي
مارية:ماغانخليكش تفرح بيها
وليد:ادن اتمشي لامانيا معاها
مارية:غادي تندم حيت خليتيني قريبة ليك اسردار
وليد كيدوز شي نمرة:قاد داكشي لي قلت ليك غدا يكونو عندي لجوازات ولوراق
وقطع وشاف فيها:سمعيني مزيان ألمانيا ماشي هي المغرب ماغانقبل تاشي غلط كيفما بغة يكون امارية ماغانتراحمش معاك تماك اتشوفي وجهي تاني واتفهي علاياش داوي
ووقف :ماغاتعتبيش باب هاد لقصر تانبغي انا وخليك دايرة عقلك من لهنا لغدا قبل ماغانبدل رأيي
وتم غادي وهي توقفو:وماما مانقدش نخليها بحدها
وقف وشاف فيها:نجيبوها من بعد
وكمل طريقو..تنهدات وهي عاضة على سنانها:كنقسم ليك ايلا غتندم حيت قربتيني ليك كتر غنقلب ليك حياتك سفاها على علاها
سمعات صوتها من موراها:نتي مازالة هنا
ضارت وشافت فيها وخنزرات:ومازال اتزيدي تشوفيني بزاف الحاجة
الحاجة:وليد راه غيلوحك كوني هانية ومستحيل يعيطك لبنت بلا ماتحفي راسك فمن الاحسن تاخدي فلوسك ودردبي بحالك
مارية قربلت تا لعندها ودوات:من نيتك الحاجة غير نتوما مافقلبكم رحمة يحساب ليكم كلشي نارة ماغغنتفرقش عليها غادة معاها لامانيا ونزيدك حقي راه اناخدو بيدي من ولدك الشماتة غنرون ليه حياتو وحياتكم كاملين
هزات يديها بغات ضربها وهي تشدها ليها:ماتعاوديهاش حيت حيت غا نسا راك كبة من شيب ومابقة ليك والو وتموتي وندير فيك شرع يديا
ونترات ليها يديها
ومشات وخلاتها مصدومة تمتمات:شهاد اللفعة جبتي لينا اسردار

#لبنات حد هنا المانيا تنادي أرئكن
#تصبحو_على_خير❤🔥حُطِـــــــــام🔥
🖤الكـــــــــابوس🖤
الجـــــــــزء47
داز الوقت

كانت فداك الجناح هي ونارة ماخرجوش منو فمرا ..هي غير جالسة فوق لفوطوي ماكاتحركش منو وكتفكر فهاد لمشيا لامانيا وكلامو لي مازال خاص تفهمو انه تماك اتشوف وجه اخور وماغايقبل تاشي غلط ..شافت فنارة لي مرة مرة كتخرج لداك لاتيراس تمشى فيها شوية وترجع تاني تجلس حداها
نارة :ختي
مارريا:همم
نارة:جاني جوع مافطرناش
مارية شافت فساعة بصاح لوقيتة دلغدا هادي نسات لماكلة كاع ..وقفات:تسناي هاني جاية لبسات صباطها وخرجات من داك الجناح..وهبطات لتحت كتقلب على الكوزينة ..
مارية كتشوف مع جنابها وتمتمات بهمس:هاد لقصر قدو قد حومتي فين هاد المرض
حتى كتسمع شي صوت من موراها:شكون نتي
دورات وجها يلاه ادوي وهي تسكت قوصات حواجبها متفاجأة تقول نارة وهي كبيرة نفس الملامح نفس لعنين نفس لجمال سبحان الله
ليالي كتشوف فيها شكون هادي لبارح كانت فالجناح ديالها وسمعات لغوات خرجات طلات وشافت داك اامنضر وداك ساع رجعات لجناحها ماسوقهاش وهاهي دابة مازالة هنا
مارية عرفاتها كتسناها تجاوب:نتي اتكوني ليالي
ليالي:اه
بغات تكمل طريقها وهي تحبس ورجعات شافت فمارية:لا كنتي مازال باغة تبقاي بعقلك وتنجاي بروحك سيري بحالك هاد العائلة كدمر حياة بنام هاد العائلة كقس مما كتخيلي
مارية جاوبتها قبل تمشي:خديت نصييي من هاد الدمار كوني هانية
ليالي بقات كتشوف فيها:وشنو مازل كديري هنا
مارية:ناخد حقي
ليالي بتاسمات بسخرية:هاد سردار ماغايتساعش فقبرو
مارية:زعمة راه خوك
ليالي:ماخوياش
على كلامهم هدا
تخل باب لقصر ودخلو لخدامات هازين شي كراطن وشي صاشيات تا وقفو حدا ليالي:هادو صيفطهم السي ادام
داك ساع خنزرات:حطو هدشي وخلو نشوف اش فيهم
دارو داكشي لي قالو وتحناو كيحلو داكشي..تلاتة دلكرطان كل واحد فيه كسوة مختالفة على لوخرا باينة ماركات وغاليين وأشكالهم فخمة ..حلو صاشيات لوخرين فيهم بزاكات كل وحدة فيها عقد الماس مناسب لكل كسوة ..لخدم كيشوفو فداكشي مبهوورين
ليالي لمحات واحد الورقة تماك هزاتها كتقراها:هانتي امراتي لعزيزة شوية وغنجي باش نضربو لاكط ..دوك لكساوي ختاريتهم بنفسي ماعارفش دوقك داكشي علاش ختاريت كل وحدة مختالفة على لوخرا بلا مانوصيك بغيت نشوفك زوينة باش نبداو حياتنا الزوجية السعيدة..راجلك أدم❤

عضات على سنانها كتورك على داك الورقة شافت فلخدامات وغوتات:جمعوووو عليااا هدشي ورجعوه منين جاااا دابة..حقييير
قفزو داك ساع وتحناو كيجيمعو داكشي وخرجوه لبراا عطاوه للشيفور يرجعو لادم
ليالي رمات داك ااورقة وشافت فمارية لي واقفة ومافاهمة والو وكملات طريقها للجناح ديالها معصبة وكارهة راسهاا

مارية بقات كتشوف فداك الورقة و تحنات هزاتها وقرات داكشي لي فيها فهمات نص دلبلان انخ ليوم اصرب لاكط وعلى مابان ليها ماحاملاش هاد الزواج ..كمشات داك ااورقة وشافت فوحدة من لخدامات:اجي عفاك
الخدامة:نعام الالة
مارية:بغيت شي حاجة تكال ليا وللبنت صغيرة
لخدامة:هي لولا فين تبغي نجيب ليك
مارية:طلعيه لي للفوق لاماكانش مشكل
الخدامة:هي لولا شوية ويكون عندك
مارية:شكرا
ورجعات باللور على صوت لحاجة لي خارجة من المصعد وكدوي فطليفون:اه مانبغي تاشي حاجة تكون ناقصة غا ضريب لاكط بين العائلة
مارية دازت من حداها..الحاجة شافت فيها وخنزرات وقطعات :شفتك واخدة راحتك كتساراي
مارية ماجاوبتهاش وكملات طريقها طالعة فالدروج خلات الحاجة غا كتشوف

دورات وجها وشافتو داخل مع لباب وعنيه على هديك لي طالعة فالدروج داك ساع قربات لعندو:ولدي واش بصاح اتديها معاكم لامانيا
سردار وعنيه مازال عليها وهي طالعة فدروج لي مسافتهم طويلة بقة مراقبها تا ختافات عاد شاف فالحاجة لي مراقبة شوفاتو من لول:اه الحاجة
الحاجة:وبأشمن صيفة بسلامة
#يتبع_تعالقكن🔥التتمة🔥
سردار وعنيه مازال عليها وهي طالعة فدروج لي مسافتهم طويلة بقة مراقبها تا ختافات عاد شاف فالحاجة لي مراقبة شوفاتو من لول:اه الحاجة
الحاجة:وبأشمن صيفة بسلامة
وليد:كيفاش
الحاجة:وليد ولدي راك فهمتيني نتوما بيناتكم بنت وغاتديها معاك لامانيا تعيش معاكم هدشي شكا يعني انا مانبغيش حفيدي الوحيد يتزوج بوحدة بحال هديك ولا تكون قريبة ليه باي طريقة
وليد:شكون قالك انتزوجها
الحاجة:ادن لاش اتديها معاك
وليد:الحاجة هاد الموضوع بالدات مادخليش فيه سمعتيني
الحاجة:نت ماسمعتيهاش كيف كانت كتوعد وتحلف تا ترون هاد.العائلة..ماعندنا مانديرو ببنات الزنقة بيناتنا عطيها شي مبلغ هو هداك وخليها تمشي بحالها وشوف لا ما غبراتش من لهنا ونسات بنتها وماجا منها ..بنات ليل وزناقي خاصهم غا لفلوس ويبيعو راسهم ماشي غا ولادهم
وليد:شكون قالك هي بنت زنقة ولا بنت ليل منين جبتي هاد الهضرة
بلعات ريقها من نبرة صوتو:باينة
وليد :الحاجة سيري قابلي صلاتك وشغالك وخرجي سوق هاد الموضوع
وداز وخلاها مخرجة فيه عنيها تا غبر من قدامها
الحاجة:لا هاد اللفعة خاص يتخاف منها

لفوق
كلات شوية وتكات تاني فوق لفوطوي مخلية نارة كتامل بشوية عليها..قنطاتها لعباية وداك شال من لبارح وهي للبساهم ماعرفاتش تخدم تا لكليمة ..حيدات داك الشال وتطلق شعرها على كتافها وهزات داك لعباية تا لفوق فخادها مع لابسة غا شورط قصير تحت لعباية ورجعات تكات فوق لفوطوي مطلعة رجيلاتها فوق داك تكاية دلفوطوي وشعرها مدلي من موراها..غمضات عنيها تتكة شوية
سردار دخل للجناح بشوية سد لباب وعنيه كتقلب عليهم زاد دخل لداخل بخطوات تقال حتى كيلمح نارة كتاكل وتهضر بحدها وقف شحال كيتأمها..كتهضر بحاليلا شي حد عندها ضيف وجالسين كياكلو ..كتهز لفورشيط بحال شي وحدة كبيرة وتمسح فمها بلمنديل ملي كتمضغ زعمة راها مولات الدار عايشة لجو بشكل طفولي وتضحك مرة مرة وتحرك داك شعير ولعوينات..ماحس براسو تا كان مبتاسم متكي على جنب الحيط ساهي فهاد الطرف منو ..تنهد وهو كيفكر فداكشي لي مخطط ليه فاش ايمشيو لامانيا هداك هو الحل الوحيد باش يقدر يحمي هاد البنت لي من دمووو ..فلحضة ما كرهش يقرب ويمسح ليها على داك الوجيه الملائكي ..تقاد فالوقفة كمل طريقو لعندها وعنيه كتقلب على داك العنيدة على قولتو ..حتى كيلمحها متكية فوق الفطوي مغمضة عنيها وناعسة بهدوء..زاد قرب وعنيه ماافارقوهاش كيطلعها ويهبطها..شعرها مدلي من موراه هابط على الارض ..وداك لعباية طالعة على فخادها تا لفوق وباين داك.الشورط لي مطراسي ليها ليهونش مزيان …هدشي كامل وهي ماجايبة خبار..وقف عند راسها..نارة غير شافتو ناضت قافزة همس ليها : ششش ماتخافيش
رجعات جلسات فبلاصتها قلبها ولا كيضرب فلمية بلعات ريقها مراقباه ..هو رجع كيشوف فهدي لي قدامو وتحنى على ركابيه ميل راسو كيشوف فهاد الملاامح الهادئين بحاليلا ماشي هي هديك لي كتحداه وطول لسانها وتعاندو ..وهو عمر شي حد دارها تا بانت هادي فحياتو ماعرفش شنو لي ماخلاهش يجبد فرديه شحال هدا ويتيري فيها ويغبر ليها الاتار بحالها بحال غيرها..فخدمتو وعمرو رحم شي حد ..زعمة يكون بسباب داكشي لي دار ليها ..ولا حيت هاد لعناد جديد عليه..زاد ميل راسو تا تقابل وجهو مع وجها وهز يديه كيبعد واحد لخصلة من وجها وعنيه كتسارا على وجها سهاا غارق وسط هاد الوجه وبدون شعور لقة راسو كيدوز اطراف صبعانو على خدودها نازل مع عنقها و يرجع يطلع جيهة شفايفها.تا بدات كتحرك فعويناتها اتحلهم بقة مراقباها كيتسناها تحلهم ويشوف داك اللون لخضيضر ..تواني وحلات عنيها بشوية تا جات عنيها فعنيه قريب ليها بزاف مازال مامستوعبة اش واقع وهو مراقبها بهدوء شوية بوشية بدات كيتحول داك الهدوء لي على وجها لحقد تاني ونضرات كيف لقرطاس ناضت كتنتر يديه من على وجها :شكا ديير بعد علياا
وبدات كتهبط فلعباية على فخادها ماعاجبهاش لحال وكتسوط وترجع فشعرها اللور مقاتلة معاه ومعاندها كينعكش فيها وينزل على وجها
ضارت وشافت فيه:شحال من مرة خاص نقولك ماتعاودش تحط يديك عليا
#يتبع_تعالقكن🔥حُطِـــــــــام🔥
🖤الكـــــــــابوس🖤
الجـــــــــزء48
بدات كتهبط فلعباية على فخادها ماعاجبهاش لحال وكتسوط وترجع فشعرها اللور مقاتلة معاه ومعاندها كينعكش فيها وينزل على وجها
ضارت وشافت فيه:شحال من مرة خاص نقولك ماتعاودش تحط يديك عليا
تقاد فالوقفة كيشوف كيف نارة ناضت طايرة وتخشات فيها مخبية فحضنها
وليد خاص يديو معاها على شي تفاصيل ضارورين ملي يمشيو لالمانيا :اجي
وخرج للاتيراس كيتسناها
ناضت كتسوط وتلوي داك الشال على راسها باهمال وتبعاتو معصبة دخلات للاتيراس :راه كندوي معاك يديك ماتعاودش تحطهم عليااات ولا تقيسنييي
ضار كيشوف فيها كيف مازل كتهضر عاضة على سنانها تقول ماشي هي لي كانت ناعسة قبيلة بهدوء
مارية:واش كتسمعنييي راه كنعيفنيي فاش يديك كيجيو علي..
شافها ماغاتسكوتش وهي ماعارفاهش راه كيدير غا لي فراسو زرب عليها جارها من شال ديالها لعندوو تا تضربات فيه عاد حط يديه على خصرها كيتحسس فيه وعنيه على شفايفها نطق بهمس:ماتخلينيش نتمادا كتر امارية داك ساع عيفي وشماأزي مني ديال بصاح
ماتوقعاتش منو هاد لحركة بلعات ريقها كتشوف عنيه على شفايفها لي قراب لشفايفو بزاف لدرجة حركة وحدة يتلاصقووو ..عاد يده لي على خصرها كيتحركو بشوية
ميل راسو باتسامة مستفزة:شتي دابة مزيان ونتي ساكتة
حس برجفتها بين يديه وانه شوية واتنفاجر فاي لحضة خدودها تزنكو وهي خايفو لا يتلاقلو شفايفهم خصوصا انه حاكمها فالشدة وكيزيد يكمل عليها بلمساتو على خصرها وجنابها .
مارية مالقات تاشي حل من غير تهزات شوية وزطمات ليه على رجليه بالجهد ولكن محاولة فاشلة هي بلحفة وهو لابس صباطو نطقات :رخييي منييي رخيييي
..رحم حالها غير هادي تكفيها رجع باللور مخليها مبلوكية..قاد سوميجتو من لكول
مارية رجعات تاهي باللور مبعدة علييه :هادشي كامل اندمك عليه غا صبر عليا
وليد يلاه ايدوي وهو يصوني ليه طليفونو جاوب كان ادم:ادم..هاني نازل
شاف فيها:جيتيني مشغول
وخرج من الجناح مخليها مازال كتغلي ..دخلات للداخل وجلسات فوق الفطوي كتكالمي فراسها:صافي امارية هدشي كامل ايخلصووو
نارة كانت كتشوف فيها :ختي واش أداك ضربك عاود ياك
مارية:سكتيييي
نارة نزلات راسها:سمحي لياا
مارية تنهدات وهي كتمسح على وجها وهزات لفيكس تدوي مع مها وتطمنها عليهم وتعاود ليها اش واقع

فجيهة خرا..كانت فلبالكون ديالها وشافت داك المنضر كامل..رجعات دخلات لبيتها:مايمكنش نخلي حفيدي تديه وحدة مسخة بحال هادي عائلة سردار تستاهل كنة فالمستوى ما انخليهش يعاود لغلطة دلماضي
مشات للمجر ديالها وحلاتو وجبدات جواز السفر ديالها حلاتو كتاكد منو ورجعاتو لبلاصتو:هاحنا انشوفو
وخرجات من بيتها ونزلات للتحت..
كان ادم وختو لعدول ووليد جالس معاهم ..سلمات عليهم وجلساات تاهي كيدييو ويجيبو فالحديت والحاجة عطاهم صوابهم وكيتافقو على التفاصيل ديال هاد الزواج حتى جا وقت التوقيع ادم وقع وسلا شغالو بقات ليالي لي ماكلافتش راسها تنزل وصيفطات ليهم لخبار مع لخدامة انه مستحيل تنزل ولا تشارك معاهم هاد الجنازة بنسبة ليها
لعدول:دابة خاص لعروس توقع
ادم :لعروس عيانة غنطلعو ليها توقع فبيتها
ختو شافت فيه مافاهمة والو وفاش كتسولو كيتهرب ويقولها كتحشم وطبعها هداك وهو قابل عليها تا مابقات قادرة تقولو والو
الحاجة:انا ناخدو ليها
خدات لكتاب وطلعاتو ليها
#يتبع_تعالقكن🔥التتمة🔥
الحاجة دخلات عندها للجناح لقاتها جالسة ببجامتها ديال النعاس كتمشط فشعرها مامسوقاش لهدشي لي واقع
حطات حداها لكتاب:محشمانا مع الناس
ليالي:مازال نزيد نحشمكم
الحاجة:وقعي الناس كيتسناو تانشوفو هاد لحماق ديالك فين ايوصلك
شافت فداك لكتاب وتنهدات وهي كتشوف التوقيع ديالو خدات ستيلو وقعات:مازال نوقع تاني على طلاقي
الحاجة هزات داك لكتاب:وتوقعي تاني على دخولك لسبيطار دلحماق
وخرجات وخلاتها مراقباها تاخرجات نزلات دمعة حارة من عنيها شافت فالمراية:الله ياخد فيكم الحق ..
وسهات فالمراية وهي كتفكر كيف كانت فرحانة نهار لاكط ديالها هي وراجلها كان اسعد يوم فحياتها لبسات وقادات كانت بحال شي اميرة..
مسحات دموعها دغية وهي كتسمع لباب كتحل دوات بلا ماتشوف شكون:شكون عاود جاي يعطيني شي محاضرة
دورات وجها وهي تصدم فاش شافتو واقف ومتكي على لحيط وكيشوف فيها وهو مبتاسم..وقفات داك ساع مخنزرة:شكا دير نت هنا
ادم :جيت نبارك لمراتي
وورك على داك مراتي
ليالي:تبارك على زواج الكئييب لي دخلتي ليه راسك
أدم كيطلعها ويهبطها وفداك لبجامة دنعاس كيف جياها وشعرها لمطلوق تا لنص دضهرها ..قرب لعندها :خلينا من هادشي ماحسابليش مراتي فورمتها زوينة هكا
ميل راسو بحاليها كيقيمها:واخة كنت باغي نشوفك فوحدة من دوك لكساوي ولكن لبيحامة وتاتك حسن ..انا لي خاص نقول واخد الزين صراحة
ليالي :خرررج عليااا يلاه
قربات لعندو:خرج
ماتزعزعش من بلاصتو وداك الابتسامة مازال على وجهو:تا ونتي معصبة زوية
بغات دفعو وهو يشدها ويلصقها مع لحيط:دابة وليتي حلالي ديالي كلشي مباح
وشاف فخدها وطبع قبلة بلوكاها:هاد العصبية ديالها غنبردها بطريقتي انردك رطيطبة مع الوقت غا تسناي كيعجبني نتعدب باش نوصل
ليالي بدات كتنتر منو وتغوت:رخيييي منيي وخرج علياااااا خررج
زاد حكمها:غنمشي ولكن وجدي راسك فالمانيا راه ماغانتفارقوش
ورجع باسها تاني على خدها وبعد وهو مخليها كتغلي وكتنتر منو غا بحدها لعب ليها على الاعصاب
ادم:يلاه هاني مشيت
وصيفط ليها بوسة فلهوة وخرج من جناحهاا هزات داك لمشطة وزدحاتها مع لباب:حيواااااااان
وبدات كتمسح فخدهااا بالجهد تا قرب يسيل بالدم وجلسات فوق النموسية كتلهت
نخرجو شوية على المغرب

كانت فصالة جالسة هي ومها
تيريزا:ماما بغيت غدا يكون كلشي هو هداك فليل بغيت هاد لقاء لي ايكون بيني وبين سردار يدوز هو هداك
روزي(الام):كوني هانية ابنتي انققف بيدي على هاد العراضة ديال ليل
تيريزا:ماعرفتش شغادي نلبس
روزي:كلشي كيواتيك لبسي لحمر كيجيك جداب
عضات على شفايفها:تانشوف
شافت باها داخل ناضت ستقبلاتو بالاحضان:اجي جلس
لوكاس:مالك على هاد الحماس
روزي:غتحمقها لعراضة دغدا لي انديرو لسردار
تيريزا:بابا واش قولتيهالو بعدة ياك
لوكاس:مازال خليه بعدة يوصل مالك مزروبة اصلا مايقدش يرفص عراضتي
تيريزا:ايوا صافيي المهم نوض نشوف شغا نلبس غدا
وناضت طلعات لببتها
روزي:لوكاس عنداك تبقة لبنت كتحلم فتالي مايصدق والو من هدشي نت عارفها كيف دليرة متولي مهووسة بلحاجة وانا هاد التعلق ديالها بسردار راه خالعني
لوكاس كيرخف فلكرفاط:روزي انا عارف شكا ندير اجي ديري ليا شي مصاج
نتهدات وناضت دير المصاج
داز هاد النهار وجا نهار جديد

جابهم تا لعندها للقصر..سوسن كتعنق فيها وتبوس وتبكي:غنتوحشك بزاااف اصاحبتي عنداك تنسايني وتهلاي فراسك ونارة
مارية وهي مبتاسمة:شكون يقدر ينسا سوسن ماغانمشيش فمرا غنرجع وغنهضرو فطليفون
سوسن:فوجي مع راسك غتانمي الفرصة
مارية شافت فيها داك الشوفة ديال واش من نيتك
سوسن تحنات كتبوس عنقات نارة وكتبوس فيها
مارية قربات عند مها:غيوجدو ليك لوراق وغتجي لعندنا صافي
حليمة كتمسح فدموعها:صافي ان شاء الله
عنقات مها وباست ليها يديها ..بقاو غا هوما كلشي ركب فطائرة لخاصة لي فالجردة فيها ليااي وادم والحاجة لي قررات تاهي تمشي دوز معاهم شي يامات فالمانيا باش كلشي يكون على عنيها..شافتو واقف حدا باب طائرة وكيشوف فتجاهم رجعات سلمات على سوسن ومها وجرات نارة ومشات فتجاه طائرة ركبات ولحقهم تاهو دقايق وقلعات فتجاه المانياا باش ايبداو حياة جديدة واحدات مختالفين ..
#بناتي حد هنا أرائكن وتعاالقكن..
#تصبحو_على_خير❤🔥حُطـــــام🔥
🖤الكـــــابوس🖤
الجـــــــزء49
دازو سعات
فالطائرة الخاصة
كانت جالسة فالفوطوي هي ونارة مراقبة سحاب وسما اول مرة اتركب فطيارة وتشوف هاد المنضر الزوين ملي ركبات وهي مراقبة سما ونارة حداها تاهي عا٠بها لحال هدشي كانت كتشوفو غا فتلفازة
واونفاص معاهم الحاجة لي مخنزرة ومرة مرة كترمق مارية بشي شوفات يا لطيف وتسابيح فيديها كتمتم بالتسبيح والاستغفار..نزلات عنيها لنارة وميلات راسها مبتاسمة:اجي جلسي حداية
نارة زيرات على مارية ماباغاش
مارية :نارة نوضي جلسي حداها
نارة هزات راسها بلا وخشات راسها فصدرها:خليني معاك اختي عفاك
الحاجة:كيفاش ختي هدي راه..
قاطعها صوت من موراها:الحاجة شوية و انزلو
وشاف فمارية ونارة ..مارية تنهدات براحة وشافت فيه عرفاتو تعمد يعتق الموقف
قرب لعندهم فاش ركبو ماعرفاتش مارية تربط لحزام بحكم اول مرة اتركب فطيارة ….
مارية:راني عارفة بلا ماتقرب
جرات داك لحزام او والو ماعرفاتش بدات كتعنتت معاه تنهدات معصبة حتى كتحس بيديه على يديها هزات راسها وجات عنيها فعنيه كيشوف فيها بجمود ويديه خدامة مع داك لحزام كيقادو فبلاصتو بغات تبعد يديها ولكن هو زاد ضغط عليهم.تا دخل لحزام فبلاصتو على خاطرو ماعرفش علاش هاد الشوفات لحادين لي فعنيها وداك النضرة الشرسة لي كترمقو بيها فاش كيقرب ليها كطربو كتولي بحال شي قطة متوحشة وهدشي قليل فين كيشوفو كيلقة لمتعة فاستفزازها واللعب على اعصابها..كاع نسا لي دوز شوفاتهم مختالفين عليها نضرات اعجاب وجرأة فوق اللوزم و كلهم باغين رضاه وهدشي هو مل منوو
مارية من تحت سنانها:ماناويش تبعد ولا شنو
نزلات عنيها لنارة لي شادة فيها غير كتشوفو كتبدا ترجف ورجعات شافت فيه بنفس النبرة :بعد
ميل راسو وهمس ليها قدام ودنيها:عنيك امارية
رمشات بيهم بزربة:شكا تخربق
وليد:نهار يرطابو ما انبقاش نقرب منك هكا
وبعد خلاها مافاهمة والو شافتو نزل لمستوى نارة:اجي معايا
هزات راسها بلا:لا مابغيتش
شاف فمارية :غنديها معايا
مارية:فين
وليد شاف فنارة:لواحد.لبلاصة اتعجبها
وتحنة هزها بلا متيزيد تاشي كلمة عارف ما اتبغيش فجميع الاحوال..نارة نزلو دموعها وهي كتشوف فمارية تنقدها قلبها ايوقف
مارية:نارة قلنا لبكة لا هانتي اترجعي
نارة وهي بين احضانو كتهز راسها بواخة كتقاوم دموعها ولخوف لي فقلبها
غير مشاو نطقات لحاجة:انا عارفاك نتي لي كتعمري لبنت علينا باش ماتقربش لجيهتنا كنعرف مزيان النوع ديالك اللفعة ولكن كوني هانية انا هنا غتلقايني ديما فوجهك
مارية شافت فيها ببرود ونطقات وهي كتحول نضراتها للشرجم كتشوف فسما:لبنت باقة صغيرة وملاك…والملائكة كيحسو بشياطين لي ضايرين بيهم سي نورمال ماتبغيش تجي عندك نتي وولدك مانحتاجش نعمرها
الحاجة خرجات فيها عنيها :كتعايريني فوجهي
مارية هزات كتافها بمعنى حسبيها كيف بغيتي..خلاتها كتغلي:واخة هنا غنوريك شياطين ديال بصاح..

تم غادي بيها تا دخل لغرفة طيران فين كاين لبيلوط..شاف فيها لقاها كتبكي بصمت وشفايفها كيتهزو بحدهم خدودها دغية حمارو..
حطها قدام لبيلوط وجلس حداها كيشوف فيها بعد شعرها على وجها:ماتخافيش انا ماغاديش ناديك شوفي سما من لهنا
هزات راسها بتردد كتشوف منضر اخور من لقدام كيدخلو وسط سحاب نزلات عنيها كتشوف بزاف ديال لي بوطون ملونين وعاد دريكسون لي كيسوك بيه لبيلوط ..
لبيلوط شاف فيها بابتسامة:حطي يديك هنا جربي تسوكي تانتي
رمشات بعنيها فيه وبتردد حطات يديها تماك وحركاتو بشوية
لبيطلوط:اووه برافوو هانتي تعلمتي
بتاسمات ليه وهي كتحركو تانيي عنيها كيبريو بالفرحة وكتشوف اونفاص معاه كيف كيدخلو وسط سحاب جاب ليها الله بصاح هي لي كتسوك وبدات كتبتاسم وسط دموعها ..كان مراقبها وترسمات تاهو على وجهو ابتسامة فاش بتاسمات هي

نمشيو لجيهة لوخرا من طائرة الخاصة
وبالضبط من مور جيهة لي جالسة فيها مارية والحاجة
كانت مرجعة راسها اللور ومغمضة عنيها وناعسة بهدوء..جلس حداها ملي طلعو لطيارة ماقرب ليها حيت كانت باينة شحال واصلة ليها للعضم وتقدر تنفاجر فاي لحضة شدات بلاصتها مادوات مع حد نعسات داك ساع هاربة من كلشي عليها خلاها على راحتها .تقاد فالجلسة وهو مبتاسم ….قرب كتر كيربط ليها داك لحزام.وربطو تا لنفسو.وقرب لوجها كيتأمل فيه بكل أريحية عارف انه مستحيل تخليه ياخد راحتو وهي فايقة.. صافي هاد الانسانة ديالو ودخلات لدامغو ..وماغايرتاح تا يربح داك لقلب ديالها ويبغيها وتبغيه..تحدي بينو وبين نفسو وغيربحو حيت عمرو خسر فشي حاجة واخة هاد التحدي من نوع اخور ماشي مهمة ولا قضية ولكن هدشي داخل فيه لقلب والحب شي حاجة جديدة عليه ماغايمنعش راسو يبغيها حيت صافي 36عام وهو شاد على داك القلب جا الوقت فين يعطي لراسو فرصة..زاد بتاسم فاش بدات كتهز طيارة باش اتنزل..وملاميحها بداو كيتعبسو تديرونجات..ماقاومش هاد تعابير لي زادو غا جدبوه قرب طبع قبلة طويلة على خدها..تختمات فاش حلات عنيها داك ساع تبلوكات ..شاف فيها وهمس ليهل بابتسامة:صباح لخير امراتي
وبعد مخليها مازال تحت تأتير الصدمة كيسمع لبيلوط كيعلن انهم وصلو على خير..غمزها بخفة وناض قبل تبدا تسب .. فعلا سمعاتو لي خاص يسمع:حقييييير شكا تحساب راسك اخر مرة تعاود تقرب ليا ولا كنقسم ليك غنقتلك
زادت تعصبات وهي كتشوفو كيضحك راشقة ليه غادي جهة غرفة لبيلوط
مسحات خدها:حيووان
#يتبع_تعالقكن_ممنوع_سكات❤🔥التتمة🔥
فغرفة لبيلوط
لببلوط:ايوا هانتييي وصلتينا على خير البيلوطة صغيورة ديالنا
هزات راسها باه فرحانة حتى كتسمع صوتو:يلاه نمشيو
شافت فيه ورجع داك الخوف تاني ليها وهي كتشوفو ماد ليها يديه..تحنى لمستواها:سمعيني عمري غنأديك ماتبقايش تخافي مني.
نارة:نت أديتي مارية
وليد:مارية كدير علاش
نارة:لا مارية ماكاتغلطش ..
بتاسم بتسامة خفيفة عرفات كيف تخلي هاد البنت فصفها واخة كتعاملها بالقاصح :مابغيتيش نرجعو عند مارية
ورجع مد ليها يديه..بقات كتشوف فيه شحال عاد حطات يديها فيديه قرب وباس يديدتها صغيورة عاد تقاد فالوقفة داخل للوسط دطيارة
نارة غير شافت مارية رخات من يديه ومشات كتجري لعندها شدات فيديها عاد رجعات فيها الروح
نزل هو لول وخلاهم كينزلو واحد بلواحد كانو سيارات كيتسناوهم على برى..ركب وركبات حداه الحاجة

هي كانت كتقاد لتامها وكتشوف هي فين وتقرا دوك لوحات كانو فوحدة من لمحطات لخاصين بطائرات الخاصة….دورات وجها كتسمع شي أصوات ..كانت ليالي وآدم
ليالي:ماغغنمشيش معاك انمشي مع جدة
آدم:عندك انا امراتي بلاصتك معايا زيدي قدامي بلا مانيدرو لفرطة
تنترات منو:شوف لكانة لي نتجمع بيها معاك فدار وحدة ماعنديش خليني نبدل ساعة بخرا..
آدم بقة كيشوف فيها شحال :على هاد لعوينات غندير بخاطرك وسيري مع جداك وخوك ولكن انجي موراك اليالي مانبغيش هاد لعكس حيت داك ساع كنقسم ليك انهزك بين يديا ونديك
ماجاوباتوش دازت فيه ومشات ركبات اللور مع وليد ولحاجة
الحاجة:فين مخلية راجلك
أدم طل عليهم من شرجم دلوطو:مراتي ضيفة عندكم تانجي موراها عندي مايتقضى
وليد عنيه كانت على هديك لي مازال واقفة هي ونارة كيدويو :صافي أدام
ادم:يلا نتشاوفو راه عندنا شلا مايتقال
ومشا ركب فطموبيلتو وقلع
الحاجة:هديك اتخلينا كنتسناو ولا شنو
كلاكسونا عليهم….
مارية:زيدي نمشيو
ومشات ركبات اللور هي ونارة حدا ليالي لي مدورة وجها للشرجم وساكتة
وديماراو داك ساع للدار..طريق كاملة وهي كتشوف فطرقان وتشوف فلبلايك وتشوف منين داز وتعقل منين دازو..وعجباتها المانيا بزاف ..حتى كتوقف الطموبيل حدا واحد لفيلة ماشي بكبر القصر لي فالمغرب ولكن كبيبرة..حلو ليهم لحرس لباب ونزلو ..ودخلو للداخل.ليالي نيشان طلعات لبيتها لفوق.
مارية دورات وجها على هاد لفلة زوينة بزاف وتصميم عصري مية فلمية بحال داكشي دلافلام الوان هادئة منساجمة ومضوية ….تنهدات بعدة حسن من داك القصر لي كيدير الكأبة بداك لكبر ديالو وأجواؤو..ستقبلوهم جوج خدم باينة اجنبيين تا لباسهم ميني جيب لزرق ولبيض وزعيعرات
الحاجة بالانجلش:لبيوت بعدة مقادين
لخدامة:بيوت هوما هادوك تفضلو ترتاحو

وليد دوة مع وحدة من الخدامات بالالمانية ..شافتهم كيشوفو فيها مافهمات تا حرف
وليد شاف فنارة:نارة اطلعي معها للبيت وانا غندوي مع مام..
وسكت عاد كمل:مع ختك
مارية شافت فنارة:سبقيني دابة نتبعك
الخدامة قربات لعند نارة بابتسامة ودوات بدارجة معكلة:سمهيلي ابرينسيسة نطلعو لفوك انا وياكي
نارة عجباتها كتبان بحال شي مونيكة باربي شدات ليها فيديها وطلعات هي وياها للبيت..
الحاجة:بغيت نفهم شنو قصة هاد ختي ها كيفاش وهي بنتها
وليد:هاد الكلام لي غنقول دابة موجه ليكم بجوج ومانبغي تاشي غلاط من موراه سمعتوني حيت كنقسم ليكم ماغانضمنش راسي شنو ممكن ندير
سكت كيشوف فيهم بجوج دوك شوفات ديال دخلو هضرتي فراسكم مزيان

رجع اللور وهو كيدوي:مارية نتي هنا بصيفتك من العائلة قدام الناس بنت خالي الله يرحمو ونارة بنتك
وسكت شحال عاد كمل:وراجلك الله يرحمو
رجع شاف فيهم بجوج: ..كيف قلت حياتي هنا ماشي هي حياتي لي فالمغرب عندي اسرار ..حاليا مانقدش نعلن عندي بنت
مارية بابتسامة سخرية:يحسابلي غير انا لي ..
قطعها بحدة:انا عندي اسبابي امارية لي تخليني نخبي عندي بنت ..نتي لي ماعندك تاشي عذر يشفعلك قدامها نهار تعرفك كبرتيها على اساس ختها غتكرهك امارية
وقرب لعندها:اما لا بغيتي نارة تعرف لحقيقة هاديك حاجة خرا
شافت فيه بالزربة:داكشي بيني وبينها نهار انبغيها تعرف راه اتعرف ولا مابغيتش ما اتعرفش سمعتنيي نت بقة بعيد
وليد:ديري واحد الحاجة فبالك امارية نهار لي انبغيها انا تعرف الحقيقة كاملة راه اتعرفها ماشي نتي لي غتحددي الوقت ….وحاجة خرا نتي هنا على وجها هي فقط اما كون جات عليا عمرها تعاود تشوف وجهك ولا تجي عنيك فعينها ..كنتمنا ديري عقلك ماحدك هنا تحت جناحي وطبقي كلامي حيت هاد اامرة كنقسم ليك انمحيك من هاد الدنيا ماشي غير انرجعك للمغرب بيديك خاويين
بغات تدوي وهو يقاطعها بصرامة وبصوت زعزعها:باقي ما كملت كلاميي
#يتبع_ارائكن هاد سردار علاياش ناوي😳🔥حُطــــام🔥
🖤الكــــابوس🖤
الجــــزء50

قرب تا لوجها ودوة:تحركاتك خرجاتك كلشي ايكونو بخباري اي حاجة ادار تا نعرفها انا اي حاجة اتقال تا نوافق عليها انا ……ممنوع الغلط امارية ولا تعصي كلامي ..عتابري راسك هنا مربية لبنتي لي تقدري باي غلط تخسري خدمتك وهاد.الغلاط ايكلفك حياتك وزني افعالك وديري بحساب اني تغاضيت على افعالك فالمغرب وجبتك لهنا ولكن هنا راه ماغانقبلش الغلاط امارية كنقسم ليك ..

الحاجة عارفة طبع لخدمة ديالو وعارفة واخة تسول علاش هدشي كامل ماغايجاوبهاش:انا معاك احفيدي ولي قلتيها اتطبق
وشافت فمارية:ولي ماطبقهاش يتعاقب

مارية دماغها خدام كيفكر علاش هدشي كامل ضاروي اتكون شي حاجة
خطيرة لي تخليه يأكد على كلامو ويقسم انه ماغايغفرش للغلط شافت فيه بهدوء:هدشي كامل ماكيهمنيش انا هنا عندي اسباب تا انا ماغاندخلش فيك نت وبنتك وتانت مادخلش فيا انا وناررة ..وحاجة خرا ..
وليد:ما اكيناش حاجة خرا اامارية كاين كلامي يتطبق نتي هنا غير كتنفدي

قاطعو صوت طليفونو كيصوني شاف فالمتصل ودغية تخصرو ملاميحو كتر من لي كانو..شاف فمارية نضرة اخيرة كيحدرها بعنيه.. وخرج مع لباب مخليها واقفة مراقباه بعينها..وكلامو كيتردد فدماغهاا ..ماعارفاش كيف غدوز معاه يامها هناا
الحاجة:مانصحكش تغلطي مع سردار حيت غيندمك ونزيدك ماشي غا هو لي غيحط عليك تانا اصلا انا هنا على قبلك اللفعة

مارية شافت فيها ببرود وقلبات الدورة منخلاها كتبقة مرة كبيرة ولمعاطية معاها بحاليلا كتكتب لما فرملا اللهوما تفكر فالاهم..شافت فوحدة من لخدامات طلباتها توصلها لبيتها ترتاح وتماك تفكر مزيان فهضرتو وتحللها حيت باينة كان كيعنيها

وليد..

ركب فطموبيلتو وديمارا..عاد جاوب على طليون بالالمانية:الو لوكاس
لوكاس بابتسامة وصلو ليها راه وصل لامانيا دابة عاد رجعات فيه الروح:على سلامة واخة جيتي وماعلمتينيش
وليد:كنا انتشاوفو فالخدمة
لوكاس:حنا مابيناتناش غير الخدمة ماتنساش هدشي كنعتابرك فمتابة ولدي
وليد فاخر لحضة تراجع باش يقولو مايشرفنيش نكون فمتابة ولدك نطق بهدوء:عارف
لوكاس كيشوف فهديك لي جالسة حداه وكتسناه يدخل فالموضوع كانت تريزا:هاد ليلة راك معروض للعشا عندي فدار مع عائلتي عندهم لفضول يتعرفو عليك نتمنى تجي
سردار قوص حواجبو وهو كيشوف فطريق:غنشوف
لوكاس:هاد المرة ماعندك تاشي عذر كلشي واجد على قبلك خاص غا تجي
سردار:صافي غنجي
لوكاس:يلاه نخليك نتشاوفو فليل
سردار قطع وهو كيتمتم:غندمرك الوكاس
وزاد.فالسرعة فاتجاه الشركة لخاصة ديالو للاسلحة المرخصة بأنواعها عالمية
#يتبع_ارائكن شتكم بديتو تنعسو اسميتكم فيقو راه غنحط كتر من تلاتة غا فرحو😌🔥التتمة🔥
غير وصل ودخل كلشي ستقبلو وهو كيعطي التحية غا براسو تا وصل للمكتب ديالو……جلس فالكرسي لخاص بيه وتنهد مرجع راسو اللور كيفكر ..فهاد لمطارق لي تزادو دابة لراسو خاص يخلي بنتو بعيدة على هدشي ماعارفش شنو ممكن يوقع فالمستقبل بعدة يحميها ومايدخلهاش فهاد الانتقام عارف انه تاهو دابة غيضلمها ملي ماغاديش يعتارف بيها ولكن هو علاقل باغي يحميها وهي غتفهم هدشي ملي غتكبر سوا كان معاها سوا ماكانش معاها جات فبالو مارية هو بصاح كان قادر يبعدها على نارة ويخليها كتشوة هدا كان اكبر عقاب ليها ولكن نارة شنو دنبها….غيخليها تحت عنيه ويشوف واش اتشد معاه طريق وتبت و ايلا دارت العكس داك ساع ايبدل معاها التعومل ويووريها الوجه تاني ديالو لي غتندم عليه ..كيعطي فرص وخيارات باش مايتسماش ضالم ولكن فالمقابل كيبغي لي يطيعو ويحددر معاه الراس وايلا وقع لعكس صافي غيتسيف ….وهدشي لي داير دابة مع مارية
فيقو من افكارو صوت دقان فلباب شوية تحلات كانت سكريتيرة وفيديها طابليط:سي سردار جبت ليك ضوصي كامل على تغيرات وتطورات لي وقعو فغيابك
دار ليها اشارة باش تقرب ..خدا منها طابليت كيشوف وهي كتشرح ليه..صدرو مجموعة كبيرة من الاسلحة متنوعة خارج المانيا ..وبزاف ديال الطلبات مسجلين على ود شي اسلحة..تا الاسهم طالعين من المراتب الاولى
هز راسو فيها:مزيان وصيهم يوجدو ليا المجموعة لي وجدات من الاسالحة شوية ونكون تماك
خدات من عندو طابليط:هي لولا..
وخرجاات..وقف كيشعل سيجار ديالو وكيدوز شي نمرة حتى سمع الجواب:سي سردار
سردار:شنو تماك
دوات بالمغربية وهي كتشوف مع جنابها واش كيتصنت عليها شي حد :راهم كيوجدو للعشا كيف قلت ليك اسي سردار وكيخططو كيف ايكون هاد اللقاء وشنو خاص يديرو باش توافق على الانسة تيريزا هدا هو الموضوع ديالهم فهاد ليام..
وسكتات عاد كملات:غطير بالفرحة شرات اغلا ماكاين ومن صباح وهي تلبس وتقيس.. ..سي سردار الانسة تيريزا من اانوع لي كتولي مهووسة ودابة دخلتي ليها لدماغها وتا قلبها حيت من هضرتها ولات كتشوف لبعيد معاك
وليد :صافي خليك مراقبة كلشي واي حاجة عرفتيها كيفما بغات تكون توصلني
هزات راسها باه:كون هاني اسي سردار
وقطع
وليد:واخة الوكاس بغيتي دخل بنتك فللعبة ماشي مشكل
وخرج من المكتب فتجاه واحد الغرفة دخل لقاهم حاطين ليه فوق واحد طابلة طويييلة جميع انواع الاسلحة لي تتصممو بحلة جديدة وهادو غير شونتيو كيتحقق منهم هو عاد كيعطي الموافقة باش يتصنعو منهم نسخ خرين…بدا كيهز واحد بواحد ويفحصو مزيان ..ويتأكد منو..دار اشارة باش يعطيوه واحد لكاسك دارو على ودنيه وكاع هادوك لي فالغرفة دارو بحالو..قرب لواحد اللوحة معلقة فالحيط وبدا كيتيري فيها كيجرب الاسلحة بالترتيب..حتى تأكد منهم كاملين عاد حيد لكاسك….وشاف فيهم:صافي يمكن ليكم تبداو تصنعو النسخ منهم ونبغيهم من نفس الجودة بلا زيادة بلا نقصان
هزو راسهم باه احتراما ليه..وخرج من داك الغرفة

داز الوقت
كانت فكامل أنتقتها لابسة احسن ماعندها
ونزلات التحت كتشوف فداك الطبلة لكبيرة لي فيها ألد وماطاب من المأكولات ولخدم واقفين جنب طبلة
شافت فماماها وهي مبتاسمة:كيف جيت
روزي:كتحمقي
تيريزا:غنعجبو ياك
روزي:شكون هدا لي ماكايشوفكش وماكاتعجبيهش
تيريزا:ولكن هدا سردار اماما مختالف عليهم
روزي:سردرا براسو ايطيح فيك
تيريزا:بسيف عليه اماما خاص يطيح فيا حيت صافي انا طحت وغراقيت
روزي كتافات بابتسامة

تيريزا:فين بابا
سمعات صوتو من موراها:هنا ابنتي اش هاد الجمال
شافت فيه:هي هديك ياك
قرب وشد يديها وباسها:كيف الاميرات
تنهدات وهي عاضة على شفايفها وكتشوف جيهة لباب:خاص يجي خلاص
شاف فساعة:يلاه دويت معاه راه فطريق على وصول
تيريزا هزات راسها باه وهي مبتاسمة فرحانة
#يتبع_أرائكن انزيدكم واحد دلفابور يطير نعاسكم هاء بغيت نقول تحليو بيه نعاسكم وجدو راسكم 😌🔥حُطــــــــام🔥
🖤الكـــابوس🖤
الجــــزء51
عند سردار..

كان جالس هو وآدم ..داو وجابو فالهضرة وحكا ليه اش واقع كيبقة صاحبو والوحيد لي كيتيق فيه ويأمنو على أسرارو
آدم: هدشي لي درتي هو لي خاص يكون نت حياتك وماضامنهاش عاد بنت صغيرة ماخاصش المنضمة تسيق ليها لخبار وتزيدها تاهي فالحساب
وليد هز راسو باه وهو كيمسح على راسو..

ادم:كون عرفتيها قبل ماكنتيش اتوافق على داك السم يتزرع فجسمك ياك
شاف فيه ونطق:ماعرفتش ولكن يقدر كانو ايتبدلو شي حوايج
أدم:كان داك ساع ايكون عندك سبب علاياش تبقة انا متأكد ماكنتيش اتوافق
وليد تنهد:ماكنتش انحرم بنتي مني ..
سها وهو كيتفكرها:خاص تشوفها كيف كتخاف مني وهي ماعارفانيش انا باها ..خاص تشوف داك النضرة لي فعنيها لبنت كتعاني وهي صغيرة ..
تفكر مارية:لا ام لا اب
ادم:الام باقة مجروحة وجرحها صعيب ..صعيب تنسى توقع منها اي حاجة ..على ماعاودتيلي مارية …
قاطعو داك ساع ملي نطق سميتها:شنو درتي نت وليالي
ادم:خليها تتأقلم مع الوضع وانجي موراها
هز راسو باه
أدم كان كيعمر ليه لكاس شاف فوليد:نقاد ليك
وليد كان محتاج لشي كاس حيت دماغو حس بيه ضرو بتفكير بهاد التغييير لي وقع فهاد الايام ومن داكشي لي جاي :قاد كاس
ادم قاد ليه كاس مخلط مع تلج ومدو ليه كيجغم منو بشوية ..من نوع لي كيتنغم على لكاس كيشربو بلكانة وماخاصش يكتر حيت كيخدم عليه دغية..حيت ماكايشربش بزاف
شاف طليفونو كيصوني كان لوكاس..جاوبو:الو
لوكاس:فينك تعطلتي
وليد شاف فأدم؛مايمكليش نجي فاخر لحضة ادم دار كسيدة هاني معاه دابة ..مرة خرا
لوكاس قوص حواجبو وتنهد وهو كيشوف فبنتو لي مبتاسمة هز راسو باه:هو بيخير بعدة
وليد:اه بيخير يلاه نخليك
وقطع
ادم شاف فيه وبتاسم عارف صاحبو شكا يسوة لا حط سي حد فدماغو يمرضلو ليام :شي كاس اخور
ميل راسو كيشوف فكاسو لي خوة مدو ليه:اخر كاس

فجيهة لوخرا
كانت كتشوف فباها ومخرجة فيه عنيها من بعد ماقالها ما ايجيش ماخلاتوش تا يقولها راه صاحبو دار كسيدة:كيفاااش ما ايجيشش..
بلعات ريقها كتشوف فحالتها كيف لابسة ومقادة وطبلة..وداك لفرحة لي كانت حاسة بيها وداك لحماس باش تشوفو وتلاقة بيه وكيف شحال وهي كتسنة هاد اللقاء باش فتالي مايجيش ولات كلها كترجف :كااان خاص يجي ابابا شووف كلشيي واااجد
وقربات لداك طبلة جرات داك لمنديل لي تحت طباسل وزدحات كلشي مع الاررض ..بلماكلة بكلشي..:علااااش مايجييش علااااااااش
روزي قربات ليها كتهدن فيها:صافي اتيريزا ماديريش هاد الحالة فراسك واش حماقيتي
تيريزا تنترات منها جهلات صافي:ماشي اناا لي نوجد على شي واحد باش فتالي مايجيش ..انا هداك درتو فدماغي سمعتونييي
لوكاس كان غير كيشوف فيها بهدوء عارف بنتو كيف دايرة فاش كتفقد اعصابها
تيريزا كتمسح على شعرها وشافت فيه:قوول شي حااجة
لوكاس قرب ليها وشدها من دراعها وزير عليها:ايلا ماجاش ليوم ايجي من بعد وغابقو هاد.اللقاء وغيكون ليك سمعتنيي تهدني تيقي فباباك
بقات كتشوف فيه:اه غيكون ليا ابابا حيت من شحال هدا وانا دايراه فباالي وكنخطط باش يكون ليا ..
قدات شعرها:ماجاش ليوم ايجي من بعد
هز راسو باه وهو كيبوسها على جبينها:طلعي ترتاحي فبيتك
هزات راسها باه وطلعات لبيتها
روزي بغات تهضر وهو يقاطعها:قلهم يجمعو هاد روينة ويطلعو لينا لعشة للجناح لفوق
ومشا وخلاها
#يتبع_ارائكم_تعالقكن مازال انزيدكم قولو ندى خايب 🙄🔥التتمة🔥

داز الوقت كانت تلاتة دصباح….

كان مرجع راسو اللور مغمض عنيها وداتو
النعسة..كيشوف غا عويناتها لخضيضرين وداك النضرة لحادة لي فيهم كتميزهم من تحت لتام مد يديه ونزلو ليها كيحقق فملاميحها وهي كتشوف فيه بصمت حتى كترسم على شفايفها ابتسامة خلاتو يسهى فيها ويحط يديه من مور عنقها ويجرها لعندو….همسات ليه بصوتها لي منغم بداك لبحة يميزها بين الف صوت :ولييد
قرب لشفايفها وهمس ليها:مارية
قرباتو ليها كتر وهي مدورة يديها من مور عنقو وكتشوف فشفايفو

حل عنيه فاش حس بشي حاجة تحطات فوقو..كان ادم كيغطيه بلحاف..
بعد داك لحاف بيديه وهو كيمسح على شعرو وداك لحلمة لغريبة كدور فراسو جمع الوقفة:خاص نمشي
ادم:بات هنا اصاحبي راك شربتي خمسة دلكيسان
وليد:هاني مشيت
هز لفيسط ديالو وسوارتو وبورطابلو وتم غادي حل لباب وخرج
ادم تمتم وهو مبتاسم:كتنطق سميتها ونت ناعس اصاحبي.
وليد ركب فطموبيلتو فتجاه لفيلة..ماعرفش كيف دار تا وصل ليها..نزل ودخل بخطوات تقال يلاه ايطلع مع الدروج وهو يلمح ضو خافت جاي من لكوزينة ..رجع اللور فتجاه المطبخ

كانت كتعمر لما فلكاسرونة وشعلات لبوطة ودارتها فوقها ووقفات كتسنى لما يغلي ماداهاش النعاس ليل كامل وهي كتقلب فبلاصتها قهرها التفكير ماخاصش تبقة هكا خاص دير سي حاجة ماخاصش يتحكم فيا ويدير هو لي بغة خاص هي لي تلوي ليه دراعو وغتلقة كيفاش خاص غير الوقت وتعرف كيفاش ضاروي تلقة شي حاجة..هدشي لي طير نعاسها وخلاها تنزل تقاد لويزة ترخي ليها اعصابها باش تنعس..
ماحساتش بهداك لي واقف ومراقبها كيشوف فيها عطاه بالضهر..لابسة بيجامة دنعاس قصيرة بزاف شورط لنص دلفخاد وتيشيرط سميطات طالعة على لكرش ورامية فوقهم بينوار شفاق ماساتر والو رجيلاتها حفياين وشعرها مطلوق على راحتو من مور ضهرها ومخدمة غا ضو خافت عاطي واحد الاجواء 🔥 ..تمتمات بهمس:ايوا غلي خلاص عييت بسهير..
وبقات كتهز فرجليها بنفاد صبر وجسمها كامل كيتهز معاها..ميل راسو مراقبها كيطلعها ويهبطها وداك لحلمة كتعاود فراسو وداك لاحساس رجع ليه وهمسها بسميتو ..ماحسش براسو تا كان قريب ليها مامقاوم والو حط يديه على خصرها ملاصق ضهرها مع صدرو ونزل راسو غاطس راسو فعنقها وهمس ليها كينطق سميتها:مارية
تبلوكات وطلعات معاها سخانة ماعرفاتش راسها باش تبلات ..شهقات فاش طبع قبلة دافية على نحرها وهو كيزير على كرشها وخصرها ورجع تاني نطق سميتها كيتنغم عليها:مارية

#بناتي حد هنا حطيت كتر من تلاتة دلاجزاء ..وايلا لقيت غدا شي حضور زوين غنعاود نحط كتر من تلاتة ونزيدكم احدات ديال غدا ناار خاص غا تفيقو معايا قصتنا غادة وكتزيان ..بغيت اكتر عدد ديال تعاليق والتوقعات وحضور قوي سطرو عليها ..سردار شتو زعم زعمة خايبة على مارية ليلة وشمن ليلة هادي وتيريزا المهووسة ولياالي وأدم وكون تشوفو التتمة ديال غدا غا الله يلطف😳
#تصبحو_على_خير❤🔥حُطِـــــــــام🔥
🖤شـــــــــرارة انتقام🖤
الجـــــــــزء51
ماحسش براسو تا كان قريب ليها مامقاوم والو حط يديه على خصرها ملاصق ضهرها مع صدرو ونزل راسو غاطس راسو فعنقها وهمس ليها كينطق سميتها:مارية
تبلوكات وطلعات معاها سخانة ماعرفاتش راسها باش تبلات ..شهقات فاش طبع قبلة دافية على نحرها وهو كيزير على كرشها وخصرها ورجع تاني نطق سميتها كيتنغم عليها:مارية
غمضات عنيها ساخطة صافي وحطات يديها على يظيه لي على كشرها وزيرات بضفارها فوقهم غارياهم تماك بالجهد تا طيرات ليه جلدة ونطقات بشراسة:رخيييي منيييي
دورها لجيهتو بالخف تا تقابلات معاه وهو محاوط خسرها ووجهو مقابل وجها كيشوف فداك لعوينات وفدوك لملامح الشرسة كيف مخنزرة فيه وكتشوف فيه..عنيه حميمرين وشوية نايمين تا التنفس ديالو مسموع ..طلع يديه من خصرها طالع مع جنابها دراعها كتافها تا لعنقها وليد لوخرا مازال مفكسية على خصرها لتحت..كيزير مرة مرة..قرب وجها من وجهو كتر مستمتع بهاد لقطة الشرسة لي كتبان قدامو فهاد اللحضة غاضبة وشفايفها كتهزو..نزل راسو لييهم ورجع قابل عنيها وهمس:نتي خاص تشدي معايا طريق
وسكت فاش حس بيها اتنتر منو حكمها مزيان وعنيه على شفايفها نازل ليهم ومامعولش يوقف وفنفس الوقت كينطق:شمن نوع من النسا نتي بالضبط..
مارية لي صافي وصلات ليها للعضم شمات فيه ريحة شراب واخة ماشي مجهدة ولكن ميزاتو سكران فهاد الاتناء مدات يديها لواحد لبلاكة ديال لمواص كانت محطوطة فالجنب حداها خدات اقرب واحد حسات بيه جا على يديها وهزاتو وبدوون سابق اندارر كتحطو ليه على عنقو وكتضغط حتى شافت الدم نزل من راس دلمووص..حبس فاخر لحضة قبل يلتاهم شفايفها فاش حس بداك لوجع لي فعنقو .
مارية رجعات راسها اللور ومازال منزلة لموص فعنقو وهضرات:ميات مرة قلت ليك الشماتة أ لحيواااان ماتقربش ليا ولا غنقتللللك
زادت ضغطات ودم نازل مع عنقوو :راه فاش كنقول انقتلك الحقير راه كنعنيييها يديك كنحس بيهم بحال شي عافية كتحرق فيا كنحس بييك كتوسخنييييي ..
حل عنيه وشاف فيها وملاميحو مابقاوش كيف كانو قبيلة هاد اامرة تخربقووو وداك تخنزيرة ماكاتبشرش بالخير..وهي مازال كتغرس فداك جنوي فعنقوو ناوية دبحوو وكتلهت مكرهة نيت مايقيسهاش فهاد اللحصة قادرة تقتلوو وحاطة يديها على صدرو ومزيرة على تريكو ديالو..طلع يديه بهدوء وحطها على يديها لي فيها لموص فعنقوو وهمس وهو كيبعد يديها وهي معافرة معاه:شماتة..حقير..حيوان..هااا قلت ليك سردار لي هنا ماشي هو لي فالمغرب امارية قلت ليك يديك انقطعها ليييك لا ترجأتي وعاودتيها
مارية بتحدي ومزيرة على داك الموص وكتغرس ضفارها فصدرو:وغانعاودها لارجعتي قربتيييي منييي
شهقات فاش نتر داك الموص من عنقو تا طاح فالارض..ويديه فيديها مزير عليهاا …….شهقات تاني فاش زرب عليها وغطس ليها يديها فداك لكاسرونة لي بدات كتسخن واخة ماازل ماوصلات للغليان ولكن فاي لحضة اتبدا تغلييي
#يتبع_تعالقكن❤🔥التتمة🔥
كان صدرو ملاصق مع ضهرها حكامها مزيان ومزير على يديها وسط داك لكاسروون حط راسو على كتافهاا ونطق وهو كيمد يديه ويزيد فلبوطة:حدرتك شحال من مرة امااارية
مارية كتحس بلمااا بدا كيسخن وبدات كتحس بسخونية ضراتهاا ..بغات تبعد يديها ولكن هو مزير علييها تمتمات:حقيييير
رجع زاد فالبوطة تا لاخييير حتى شهقات فاش بدا لماا يغلييي بشوية وحرقها فيديهاا …تاوهات بصوت مرتافع من شدة لحريييق لي فيديها عضات على سنانهااا ورحعات راسها اللور حاطة راسها على صدروو ولات كلها عرقانة..وقلبها كيصرب فلمية غمضات عنيها كاتبة دموعهاا مايمكنش تبكيي حدااه مايمكنش يشوف دموعها وانكسارها قدامووو ..سمعات صوتو تاني قدام ودنيها:هدا هو الجحيم لي كيتسناك معايا لما طبقتيش كلامي امارية
مابقاتش قادرة تستحمل داك الوجع همسات ليه:صا..في براكة
ميل راسو كيشوف فملامحها المتوجعين ولما صافي بدا يوصل لاقصى درجة من السخونية زرب عليها ..وبعد ليها يديها من وسط داك لكاسرونة وطفا داك لبوطة وقربها نيشان للفابو وطلق لما وحط ليها يديها تحت روبينيي ..هي داك ساع نترات يديها من يديه :بعااااد
وخلات يدها تحت روبيني كتشوف فيها بلا تاشي كلمة غير ساكتة ..وهو واقف ومراقبها نزل عنيه ليديها حمرة بزاف ..
وليد وهو كيحل واحد.لبلاكار وجبد علبة الاسعافات وقرب لعندها ونطق:المرة جاية يديك انقطعها
وبعد ليها يديها من روبيني رجعات تنترات منو وشافت فيه واحد شوفة كفيلة تبين ليه شحال كارهاه فهاد اللحضة بلا ماتنطق شوفة لخصات كلشيي..هزات داك علبة الاسعافات ويديها كيرجفو
دور وجهو بغة يشعل الضو باش يشوف مزيان ..لمحاتو وهي تقاطعو:ماتشعلووش
دور وجهو لقاها كتلوي عليها لبينوار كتر هزات داك علبة الاسعافات ودازت من قدامو وقبل تخرج نطقات:عقل على هدشي مزيان سردار..
وليد:ماتخلينيش نزيد نكمل عليك تحركي من قدامي
ماجاوباتوش كملات طريقها وخرجات..
تنهد ومسح على راسو هز يديه وحطها على عنقو كينزفف وتريكو عمر بالدم وعاد يديه لمقموشة..شاف فداك لموص لي فاللرض عامر بالدم..سمح فكلشي هكاك وخرج تاهو من لكوزينة وطلع لبيتو حيد داك تريكو ودخل للحمام طلق عليه ما باارد نازل مع صدرو مخلط مع الدم ضرب يديه مع لحييط بالجهد وهو كينفكر داك اللحضة لي حاول يتقرب منها:شنوو هدشي كدير اسردااار ..
هز راسو للرشاش كينزل عليه داك لما وهو كينهج هدشي ماداخلش فحسابو هدشي ماخاصش يكون ..تفكر كيف كانت كتوجع بصمت تسناها تبكي ولا تغوت وطلبو باش يبعد يدها ولكن لا قاومات وتاداك صافي براكة نطقاتها فوق جهدها..طفا داك ااما وخرج لبس عليه وتخشا فبلاصتو هدشي علاش ماكتيبغيش يشرب وهدشي عاد ماشربش بزاف..غمض عنيه وداك ساع نعس….

مارية..
دهنات يديها بواحد لبوماضة ديال لحروق لقلتها مع علبة الاسعافات..ماشي شي حرقة ولكن يديها حمارت بزاف ويقدر تنفخ ليها بداك لبوايقات دلما.شربات ظوة ظلوجع حيت كدرها.سمعات صوتها:ختي مالك
نطقات بحدة:نعسييييي مانسمعش حسسسك ..
داك ساع حطات راسها فوق المخدة وغمضات عنيها مخلوعة
مارية طفات الضو ونعسات فوق الفطوي …..اي حاجة فهاد.اللحضة عندها علاقة بيه مايمكنش تقرب منها ونارة راه جزء منو ..غمضات عنيها كتكابر فدموعها وتمتم:ماتبكيش امارية ماتبكيش غتاخدي حقك….
ولكن غلباتها ونزلات دمعة دغية مسحاتها..بقات شحال تا داتها عنيها ونعسات….
#يتبع_تعالقكن🔥حُطِـــــــــام🔥
🖤شـــــــــرارة انتقام🖤
الجـــــــــزء52
جا نهار جديد

كانت فلحمام واقفة حدا لفابو وكتشوف فيديها عتقاتها داك لبومادا دلبارح باينة شي حاجة ايفيكاس للحروق حيت توقعات تصبح منفوخة ولكن بقات حمرو واخة كضرها ..رجعات دهنات داك لبوماضة ولوات عليها ولحد لفاصمة تنهدات ماشي هي لي يكسرها طال الزمان زلا قسار هي لي غتكسرو خاص غا تعرف منين تشدو..تنهدات خاص تشوف شنو دير فحياتها..خاص تخدم ماتبقاش جالسة هنا ..وخرجات من الحمام شاف فنارة:يلاه نهبطو
دارت حجابها فوق راسها ولباسها المستور وحلات لباب
مع الخرجة تحلات لباب لي اونفاص معاهم كانت ليالي وقفات شافت فيهم ونزلات عنيها لداك صغيورة لي واقفة حدا مارية بلا ماتحس بتاسمات عاد اول مرة اتركز فيها وتشوفها مزيان ..تمتمات:واش هادي انا ملي كنت صغيرة
ليالي كتشوف هاد.الشبه كامل رجعات شافت فمارية:شكون نتوما
وتحنات لعند نارة:سبحان الله شكون نتي
مارية:سولي خوك ولا جداك يقولو ليك
ليالي قوصات حواجبها عرفات الموضوع فيه ان وماخاصش يتعاود قدام نارة باستها على خدها وهي كتسمع صوت طليفونها لداخل شافتف نارة:خاص نجلسو ونهضرو
مارية:ان شاء الله
وكملات طريقها هي ونارة للتحت نزلو مع الدروج
نارة:زوينة بزاف اختي
مارية:بحالك
نارة فرحانة:كتشوفيني زوينة اختي
مارية يلاه اتنطق وهي تشوفو قدامها قرب وزرب على نارة هزها بين يديه بخفة ونطق:عاد كتسولي نتي زوينة واميرة ديري هادشي فبالك..
مارية غير كتشوفو ملامحها بحدهم كيتخصرو
نارة كتشوف فمارية باش تعتقها منو..
وليد:شنو بانزلك نسجلك فوحدة من المدارس هنا
نارة خرجات فيه عنيها وشافت فمارية :ختي واش بصاح
مارية هدشي ماكانش فخبارها
وليد:كنسولك نتي شوفي فيا
شافت فيه وهي مترددة من ديما كتحلم تقرا فلمدرسة وسط تلاميد فسنها..بغات تشوف فمارية وهو يشد ليها راسها:جاوبيني نتي لي غتقراي ماشي هي
نارة :بغيت نقرا ولكن تاتقولي مارية اه
وليد شاف فمارية:مارية ماعندها ماتقول من غدا انشوف ليك مدرسة خاصة
نارة :واخة تنزلني
داك ساع نزلها وتحنى لمستواها ماكايحملش يشوف هاد الخوف فعنيها:قلنا ماغاناديكش حيدي هاد الخوف منك
كتافات بالصمت وقربات عند مارية
رجع تقاد فالوقفة وشاف فمارية ونزل عنيه ليديها وكمل طريقو بهدوء حتى كيوقفو صوتها:بغيت ندوي معاك وقف وشاف فيها بمعنى شنو
مارية شافت فالحاجة فصالة كتفطر وعنيها عليهم من قبيلة:نارة سيري جلسي تفطري مع الحاجة شوية ونجي
هزات راسها باه ومشات عند الحاجة لي ستقبلاتها بابتسامة وجلساتها حداها كتفطرها..
مارية تقابلات معاه وجات عنيها على داك لصقة لي فعنقو تفكرات فاش غرسات ليه لموص تماك كون زاد شوية وماتدخلش كانت غتكمل وعلم الله شنو كان ايوقع
مارية بجمود:خاص نخدم مامولفاش بلجلاس..
بقة كيشوف فيها شحال خشا يديه فجيابو وعطاها بالضهر وتم غادي وهو كينطق:تانشوف واش مسلكاني
مارية كتشوف فيه بحقد مراقباه تاخرج:هاحنا انشوفو
ومشات جلسات تاهي فصالة تفطر ماداياهاش فشوفات الحاجة وتخنزيراتها….لمحات الجريدة فوق طبلة هزاتها وبدات كتقلب فيها نص مافهماتوش حيت بالامانية حتى كتجي عنيها على اعلانات طلب موضفات مكتوب بالانجلش هدشي لي محتاجة نيت….شربات قهوتها بالخف وناضت والجريدة فيديها وطلعات للبيت لفوق تشوف اشنو تماك
#يتبع_تعالقكن واحد دلفابور واخة وليتو سقرامات😏🔥التتمة🔥
عند ليالي

من قبيلة وهو يصوني ماجاوباتوش خلاتو تماك ..قرات غير الميساج لي صيفط كيقول يها ايجي موراها توجد.راسها..ورجع صونا تاني
جاوبات:بلا ماتجي من مورايا حيت ماغانمشيش معاك
وقطعات ليه فوجهو ..
ليالي تنهدات :من نيتو هدا

نهبطو للتحت
كان نازل من الطموبيل ضغط على الجرس وخلات ليه الخدامة دخل نيشان سلم على الحاجة وتحنى باس نارة على خدها:الميرة ديالنا للباس عليها
هزات راسهل باه..بقة كيتامبها شحال وحات فبالو هاديك لي لفوق:الحاجة جيت من مور ليالي
الحاجة:اهاه اولدي هاد لخدامة توصلك تا لبيتها
هز راسو باه وهو كيسمعها كتهصر مع لخدامة توصلو لعندها تبعها وكلعو لفوق ودار بيهل لسارة باش تمشي..حل لباب بالشوية شافها كتلوي على سعرها حجابها باش غادي تنزل للتحت للجردة ترسم كيف لعادة قرب بشوية مادايرش الحس وزرب عليها وهزها بين يديه تا شهقات :قلن ليك واخة نترف نهزك بين يديا ونديك معايا
بدات كتنتر منوو:نزلنيييييي شكا دير
تم خارج بيها:داي رزقيي معايا لدار مراتيي هنا ونا فدار بحدي ماجاتش
بدات كضربو على صدرو وتغوت:نزلنييييي ماغانمشيش نزلنيييي
تم نازل بيها فالدروج وهي مازل كصرب فصدرو وتخاول تنزل وهو هازها كيشي ريشة بين يديه..دازو من حدا صالة شاف فالحاجة:هاحنا مشينا ..قلهم عفاك يجمعو ليها كاع حوتيحها ويصيفطوهم
الحاجة مادارت تاشي ردة فعل:واخة هي دابة يكونو عندكم الله يعاونكم سير اولدي
وخرج بيها لعلى برى نزلها حدا الطموبيل بغات تحرك وهو يشدها من خصرها:بلاثتك معايا امراتي خلبتك على راحتك وتانا خاص نبقة على راحتي وراك ما اتعتبيش داك لباب غا كوني هانية
تنترلت منو شافت جداها كيف تصرفات وماعبراتهاش ماعندها لاس ترجع لتماك اصلا:رخييي دابة
رخى منها وحل باب طموبيل:ركبي
ركبات وسد من موراها لباب وقلع نيشان للاباغطمو ديالو لي جاية وسط لمدينة ..مسافة طريق وكانو تماك .نزلو وكلعو للفوق حل الباب يلاه ادخل وهو يوقفها:برجليك ليمنيو امراتي باش نعيشو ايام زوينة
خنزرلت فيه وتعمدات نسبق رجل ليسرية ودخلات وهي كدوي:غنشوف الجحيم معايا
تبعها وهو مبتاسم وسد لباب:ماعنديش مشكل
دورات عنيها على لاباغطومو كبيرة وزوينة وعصرية تصميمها راقي
ادم:لا ماعحباتكش شي حاجة نبدلها المهم علميني باي حاحة نتقصة ولا مديرونحياك
لياالي:مايحتاجش حيت ماغغديش نطول
ادم:مالك مزروبة شتي لي ديما مزروب هو لي كيتعطل ماغايدوز الوقت تا تلقاي راسك بشي جوح ولاد فهاد الدار
خنزرات فيه :ماتفكرش تافيهااا سمعتيني
ادم:هاحن انشوفو
ليالي:فين بيتي
ادم: راه هو اللول على يديك ليمنية
لياالي:انا باغة حوايجي وداكشي ديالي يوصلني دابة
ادم:واخة الالة غيوصلك كلشي غا كوني على خاطرك..انا انمشي للخدمة دابة وشوية اتحي لخدامة لي لتكلف بدار تشتوفو بليل غنتوحشك صراحة
لياالي كيعصبها ماجاوباتوش ومشات كتقلب على لبيت..هو بتاسم وخل لباب وخرج

فجيهة خرا
دخل للدار لي شحال ما جا ليها لقاهم مجمعين كيفطرو ..تيؤيزا غير شافتو ناضت عنقاتو:خوليا لعزيز توحشتك
بتاسم ليها:تانا
تحنى سلم على باه لي باينة مقلق منو :هكا كيسلمو الناس على ولدهم لي شحال ماشتيه
لوكاس:ولكن اخبارك كلها عندي وتاحجاة ماكتحمر الوجه
تيريزا:صافي ابابا كريم راه دار عقلو وخدام على مشروعو وغادي مزيان
كريم:خليه عمرو ايتيق فيا
لوكاس:مشاريعك ديما فاشلين كون درتي بكلامي وتبعني ضومين ديالي كي راك بيخير
كريم:نت عارف ماعنديش مع لبوليس وداك التخربيق
لوكاس تنهد:طلعتي كتشبه لمك المغربية غبي بحالها الولد الوحيد لي عندي ماشبهني فوالو
)محمد ولد مراتو لولا ماتت هدي سنين)
محمد:الوليد ماتندمنيش حيت جيت
تيريزا شدات ليه فيديه:لا عفاك خليك بابا صافي براكة
لوكاس تنهد :كتبقة ولدي واخة هكاك غير كنقد اعصابي وكنبغي مصلاحتك اولدي بغيت نشوفك فشي حاجة زوينة
كريم:غتشوفني كيف بغيتي ولكن بداكشي لي بغيت انا
تيريزا:فين وصلتي فالمشروع.
كريم:مازال خدام عليه وكنقلب على موضفين باش من بعد ندير الافتتاح
تيريزا:شفت الاعلان فالجريدة غينجح انا متأكدة

#حد_هنا زدتكم جزء رابع كادو لمتتبعاتي الوفيات❤ بغيت أرائكم بالتفصيل فهاد الاحدات مارية علاياش ناوية وسردار جبروتو فين ايوصلو…كريم عندو دور مهم فالقصة 😌بلا داك اب اب كنكرها
#بنوي❤🔥حُطـــــام🔥
🖤شـــــرارة انتقام🖤
الجـــــــــزء53
لوكاس تنهد :كتبقة ولدي واخة هكاك غير كنفقد اعصابي وكنبغي مصلاحتك اولدي بغيت نشوفك فشي حاجة زوينة
كريم:غتشوفني كيف بغيتي ولكن بداكشي لي بغيت انا
تيريزا:فين وصلتي فالمشروع..
كريم:مازال خدام عليه وكنقلب على موضفين باش من بعد ندير الافتتاح
تيريزا:شفت الاعلان فالجريدة غينجح انا متأكدة
كريم:داكشي لي بغيت
تيريزا:جلس تفطر
هز راسو بلا:بغيت نطلع ندوش عليا ونرتاح باقي مانعست لحد الان
تيريزا شافت فلوكاس لي كيهز راسو يمين وشمال بحسرة :اوكي طلع ترتاح
نساحب بهدوء طالع لبيتو لفوق
تيريزا:بابا اشنو درنا فموضوع سردار
لوكاس جمع الوقفة وهو كيقاد لكرفاط:هاني غادي للمنضمة وانتلاقاه تماك ونرجع نأكد عليه فعراضة خرا
تيريزا:صاف ابابا غدا خاص يجي صافي
لوكاس باسها على خدها :مايكون غا خاطرك
وباس روزي تاهي وخرج

نرجعو عند مارية
كتقرا فداك الجريدة وتعاود بزاف لي عيطات ليهم لقاتهم لقاو موضفين..وقفات على اخر طلب لقلتو تماك فصفحة تانية فيها صورة صاحب المشروع بقات كتشوف فيه شحال باقي جون نزلات عنيها كتشوف نوع الخدمة وباقي التفاصيل..هو مشروع على شكل رياض مغربي ايقدم فيه كاع داكشي دالمغريب من مؤكولات وديكور وبيوت ..يعني خاصو فريق عمل مغربي مع اشخاص معدودين اجنببيين..ودابة طالب اي مغربية فألمانيا كتعرف طيب الاكل المغربي تتاصل واخة بلا ضيلوم .ووحدة تكون فريسبش كتقن اللغة الانجليزية.والهدف التاني يعاون لمغاربة لعاطلين عن العمل فالمانيا ويعطيهم فرصة..كانو تماك تا صور رياض عجبها بزاف وباينة ايكون شي حاجة زوينة

مارية عجبها التقرير داك ساع سجلات الرقم عندها ..وطابات سمية مول هاد.رياض تبحت عليه (كريم لوبيز)..لقات انه من ام مغربية ميتة واب الماني لاباس عليه رئيس قسم الشرطة الفدرالية الالمانية..حياتو شخصية مرونة سهرات وبنات ونص دفلوسو كتمشي فهادشي وسيم وجانتل مان وهدشي لي مخليه محبوب عند الجنس اللطيف..وشحال من مشروع خسر فيه فلوسو وماكاينجحش حيت هو من النوع لي ماكاياخدش الامور بجدية ..شي لي خلاه ديما مدابز مع باه..
مارية قوصات حواجبها:هي تاهاد المشروع مامنوش سيد مامسوقش
تنهدات عجبها المشروع فتالي قررات تطلقها فيد الله وتزعم وتعيط :الو
كان يلاه اينعس صوتو خاتر عيان:الو
مارية :شفت الاعلان ديالكم كتبحتو على شي موضفات مغربيات يخدمو واتاصلت عجباتني الخدمة
كريم تنهد وهو كيتمتم:ندمت وحطيت نمرتي بغينا نعسو
مارية مافهمات والو:كيفاش
كريم مسح على راسو:والو شحال فعمرك
مارية:23
كريم:عندك مع الانجلزية والامانية
مارية:غير الانجليزية ولكن راسي خفيف دغية نتعلم للامانية
كريم:خليك معايا
وحيد تيشيرت ورجع تكة جار عليه اللحاف ايطيح بنعاس:شحال فعمرك
مارية تنهدات:عاد سولتيني وقلتلك 23
كريم كيتفوه:اه نسيت امم عندك مع طياب وشكا تعرفي طيبي
مارية:اي حاجة مغربية كنعرف نطيبها ما اتلقاش مشكل معايا حاجة انا محجبة ومانقدش نحيد لحجاب
كريم بهدوء مركز مع صوتها لي فشكل وهي كدوي وغمض عنيه:ماشي مشكل ..شنو جيتي كديري فالمانية وشنو سميتك
مارية:ضرووف وصافي حاليا انا مستقرة هنا.سميتي مارية لوطفي .دابة قوليا شنو ادير معايا..
كريم:لا رد
مارية:الوو…
كريم فسابع نوومة نعس وخلاها كدوي
مارية يلاه ادوي وهي تسمع صوت انفاسو كيدلو راه ناعس:لا مايمكنش نعس هدااا وخلاني كندوي ..
وقطعات وهي كتمتم:تانا حمقة دايرة راسي فواحد عاطيها للزهو ونشاط
وناضت تشوف اش دير وتكتاشف هاد الفلة
#يتبع_تعالقكن كترو منهم اش بان ليكم فهاد كريم🤦‍♀️🔥التتمة🔥
دازو ساعات بدات كطيح الضلمة

جمع الوقفة ما بعد مانساحبو اعضاء المنضمة كان عندهم اجتماع كيناقشو فيه القضايا لي ايخدمو عليها

وليد:هاني مشيت
لوكاس:تسنى
وليد شاف فيه:باقة شي حاجة
لوكاس وقف وحط ديه على كتافو:ياك فقلنا ماكاتجمعناش غير الخدمة نت فمتابة ولدي ومابغيتش تبقة بيناتنا هاد الرسمية ..مازال لعراضة تابعاك بغيتك غدا تشرفني فداري مع عائلتي راه مامفاكش معاك
وليد بهدوء وهو كيفتح صضافة لفيسط ديالو:ماعنديش مشكل نمشيو دابة نشربو قهوة عندك
لوكاس:دابة
وليد:دابة نيت
لوكاس :اهاه مرحبا علاش لا نيت هدا وقت القهوة
وخرجو بجوج من المنضمة..لوكاس ركب مع وليد ومشاو نيشان للدار

عند ليالي..
كانت فلبيت وهي ولخدامة كيقادو فحوايجها ويعلقو لي ايتعلق ودير كل حاجة فبلاصتها..وقفات اونفاص مع لبلاكار كتشوف فحوايجو ولخدامة من موراها..دوات بالانجلش:كاين شي بيت اخور ياك
الخدامة:اه امدام
ليالي بدات كتهز ليه فحزايجو وترميهم فالارض:صافي اتهزيهم واتنقليهم للبيت لاخور واي حاجة ديالو هنا ديها تاهي
لخدامة بقات غا مصدومة ومخرجة عنيها فيها
ليالي مازال كترمي فحوايجو فالارض وهاد المرة كدوي بالمغربية:قالك زواج ها زواج لي غتشوف معايا الكدار غندمك على نهار لي فكرتي تزوج بيااا
كان واقف وكيشوف فيها دار اسارة للخدامة تخرج نساحبات بهدوء
ليالي خوات لبلاكار كامل وحوايجو مشتتين فالارض .تنهدات براحة وهي كدور باش تدوي مع لخدامة حتى كتلقاه فوجها شهقات ديما كيدخل بلا حس
ادم وهو كيقرب لعندها:بسم الله عليك تخلعتيي
ليالي وهي راجعة باللور:داير كي جن
ادم كيشوف فحواجيو فالارض مشتتين :الجن هو لي غيسكنك دابة اليالي
ليالي بتاسمات كتستافزو كتر وتزطم ليه على حوايجو برجليها :خرج من بيتي لخدامة اتنقل ليك حوايجك للبيت لاخور
زررب عليها وجرها لعندو مخاوط خصرها بين يديه ودافن راسو فعنقها وطبغ قبلة تماك ودوة:مامزوجش بيك باش يفرقونا لبيوت اليالي
بغات تبغد وهو يحكمها كتر مازال غاطس راسو فداك لعنق:غتبتي معايا اليالي حيت انا صافي معتابرك مراتي سمعتيني
وستنشق ريحة غنقها بصوت مرتافع وبعد كيشوف فعنيها :غنعسو فوق سرير واحد بغيتي ولا كرهتي ودابة غتحناي وغتجمعي ليا حوايجي وترجعيهم لبللاصتهم كيف كانوو خلينا زوينين معاك
ليالي وهي كتنتر وتحالو صربو على صدروو معصبة:كتحللم سمعتينيي ماغغنشرك معاك تاشي حاجة واخر مرة تقرب لياا الحيوان وحلم نجمع ليك حوايج..
قبل تكمل كلامها كان كيلتاهم فشفايفها ملصقها مع الحيط ويده مور عنقها كينزل يها داك لحاجب تا طاح فالارض ونزل معاه شعرها ..ليالي فهاد اللحضة مصدومة ماتوقعاتهاش منووو حتى كتستوعب اش واقع وحاولات تبعدو ولكن قوة منها..كيجر فشفايفها بشراسة ويد مور عنقها لوخرا كتسارا على جسمها ..ادم فلول بغة غير يسكتها ولكن فلحضة ستحلا دوك شفايف وهاد الجسم المنحوت لقة راسو رخف من شدة قبولاتو وولا دابة كيستمتع بيهم على خاطرو مامسوقش ليها كيف كتهز من بين يديه باغاه يبعد..تابعد على خاطرو شاد راسها بين يديه ونطق بهمس وهو مزير عليها:ليالي هدشي لي غتبقاي تشوفي مني لما تبتيش معايا ويقدر فهاد ليومان نجيبو شي بي بي لاقصحتي راسك معايا
ليالي كتلهت ربي لي عالم بيها:اشنو هدشي درتييي رخيييي رخييي مني.وبدات كتغوت وضرب فيه وهو مبتاسم بحاليلا كتهرو ماشي كضربو:غنقتللللك والله تا غانقتلك
وجراتو من تريكو لعندها تا تضرب فيها شانقة عليه:نت ماكاتسوااش
ميل راسو كيشوفها قريبة ليه داك ساع خطف ليها بوسة تاني لشفايفها ونطق:-نتي لي جريتيني
دفعاتو عليها وهي معصبة لعب ليها على الاعصاب شافت فلباب وتمات غادة ليها تخرج من هاد لبيت كاع سبقها وسدها ودوز ساروت وحيدو من بلاصتو :غتجمعي حوايجي وتطويهم وترديهم لبلاصتهم ولا انكمل داكشي لي بديت وراه نديرها نيت راني ديماريت اليالي
شهقات وهي كتشوفو كيحد فتريكرو بقة بصدرو عاري وكيحل فسمطة دسراول:اويلي شكا دير
ادم:غنطبق هدشي لي كنقول دابا لما رجعتيش لحوايج لبلاصتهم
شافتو كيقرب ليها وهي لصقات مع لبلاكار ..بدا كيحل فصدافات سروال .وفلمحة بصر كان اونفاص معاها بدا كيلعب بشعرها لي نازل على كتافها رطيطب :شنو نبدا
ليالي قلبها ليي قف وهي كتشوف صدرو عريان وسروال محيد ليه صمطة سيد ماكيحشمش تمتمات:بعد يعطيي..
ادم قاطعها:ماتسبييش راه نتهور
وقرب لشفايها وهي تقلب وجها:صافي بعد
بتاسم وبعد وهز فوطة من موراها:ندخل ندوش ونخرج نلقة كلشي فبلاصتو
ودخل للحمام وخلاها كتغلي بلفقصة بدات كتشتف على دوك لحوايج برجليها….تا عيات عاد تحنات كتجمع وطوي فيهم
#يتبع_تعاليقكن❤🔥حُطــــــــام🔥
🖤شـــــرارة انتقام🖤
الجــــــزء54
وصلو للفلة نزلو ودخلو للداخل

جلسو فالصالة ….مجية دلغفلة كانت دنيا خاوية
لوكاس شاف فلخدامة:فين روزي وتيريزا وكريم
الخدامة :كل واحد فبيتو اسيدي
هز راسو باه:قلهم يوجدو لينا قهوة وضيافة وعيطي ليهم
هزات راسها باه:واخة اسيدي
وليد هز راسو دور عنيه على الدار ورجع شاف فلوكاس كيف فرحان بيه حيت جا عندو لدار:هاد المجية مامحسوباش اسردار
وليد :مازال ليام قدامنا
لوكاس:بصاح نت ماشي غريب
هز عنيه فهاديك لي هابطة من دروج ببجامة ديال دار عبارة عن تيشيرت طويل حد لفخاد س وشعرها جامعاه سفنجة لفوق معنكشة وعنيها على طليفونها تا دخلات لعندهم للصالة مامنتابهاش لهداك لي جالس حدا باها :بابا بغيتيني
وهزات راسها وهي تصدم كان ايطيح ليها طليفون من يديها عنيها تبلوكاو وهي كتشوف فيه قدامها مامتيقاش ..روزي من موراها تاهي متفاجأة:كون علمتينا حشومة عليك الوكاس علأقل نستقبلوه
وقربات باش نسلم عليه وقف ومد ليها يديه سلم عليها :كيف قال لوكاس انا ماشي غريب
روزي بتاسمات ليه اول مرة اتشوفو مباشرة فعلا هيبة وشخصية نيت :مرحبا بيك لوكاس كيضل يشكر فيك متصوررش شحال كيعزك
ميل فمو بشبه ابتسامة:شعور متبادل
تيريزا كانت واقفة ومتشوف فيه متخرتها تفرح حيت جا وتندب على زهرها شافها فهاد الحالة ولبيجامة وشعر منكوش…كون غا علمها لوكلس تقاد حالتها بعدة بدات كتقاد فشعرها وديرو مور ودنيها وكتشوف فباها بعتاب
لوكاس قرب لعند تيريزا :هدي بنتي عنيي باش كنشوف واغلى مكانملك اتكون لمحتيها عندي شي مرات فالمكتب
هز راسو باه وشاف فيها :شي مرات
مدات ليه يديها وعنيها فعنيه بكل وقاحة:واخيرا شفناك شحال وحنا باغين نتعرفو عليك مرحبا بيك
وليد:شكرا
روزي:تفضلو تجلسو
جلسو فصالة ولخدمات حطو لقهوة وضيافة وبداو يشربو فقهوتهم ويتبادلو فالحديت وتيريزا دايبة مبلقة فيه عنيها غتاكلو..كتشوفو كيف كيهصر وميف كيجاوب سيدة كتزيد طيح حتى حسات بسخانة طالعة معاها وهي اونفاص معاه دارت رجل فوق رجل تا زادت طلعات داك البيجامة باغة تلفت انتباهو باي طريقة حيت ملي جلسو وهو يدوي مع لوكاس وهي هدشي ماعجبهاش لدرجة بدات تشك فراسها واش مازويناش
لوكاس:شحال ما زرنا المغرب
وليد:خلص تزورو
تيريزا كتخاطب وليد:بصاح كنت مشيت مع خويا عجبني بزاف من تماك ماوليناش مشينا..شنو بان ليك نمشيو ليه مجموعين طبعا ملي تكونو عطلة
شرب من كاسو شوية وشاف فيها ودوة بهدوء:مرحبا خاص غا باك يعيطنا هاد العطلة
ختمها بابتسامة خفيفة بغات توقف لبها القلب مامتيقاش كيمازحها شافت فلوكاس:بابا ضاروري تاخدو عطلة
لوكاس ظ نقدر نقولكم لا خلي بعدة نقادو امور دلخدمة عندنا شلا قضاايا خاص يتحلو داك ساع ناخدو عطلة مجموعين ونمشيو
تيريزا زادت تقادات فالجلسة كتشوف فيه :صافي بابا على حسابي خاص غا نت تكون عند كلمتك
طلعها وهبطها عاد دوة:مرحبا
بتاسمات ليه
قطع عليهم حوارهم كريم لي نازل من بيتو بصدرو لعاري ومخنفش بنعاس يلاه فايق دوة بصوت تقيل :تيريزا قاديلي قهوة
وتلاح فوق لفوطوي عاد نتابه للضيف لي عندهم ..شاف فباه كيف مخنزر فيه
لوكاس:هدا ولدي كريم من ام مغربية اتكون عارف بهاد الموضوع
وشاف فكريم:هدا وليد سردار ضابط فديرالي معانا فالمنضمة
كريم خاسر بالنعاس:مشرفين ..الوليد بكترة ماكايدوي عليك عارفينك بلا مايحتاج يعرفنا عليك
وليد:تانا كنعرفك بكترة ماصحافة ماكاتدوي عليك
كريم حاجبو وشاف فيه
وليد جمع الوقفة:فين لحمام نغسل يدي
ناضت معاه تيريزا بالخف:انا نوصلك ليه
هظ راسو باه ومشات قدامو وهو موراها..كتمشى بواحد طريقة وتحرك فداك المؤخرة متعمدة وداك تيشيرط طالع هابط قصير مبين مافاتينها..وليد مراقب هاد الحركات وفاهمهم مزيان ..حول نضرتو من جسمها للدار كيتفحصها بعنيه ويشوف اش فيها ودورات ولقناتي منين كيدوزو ..حتى كيلمح واحد لباب عرفو ديال المكتب لخاص بلوكاس .لخدامة لي دايرها كجسوسة هنا كان سبق ووصفات ليه فين كاين المكتب ادن غيحتاجو مع الوقت حيت فيه شلا حوايج ايحتاجهم..وصلو للحمام
وقفات وشافت فيه وهي متكية على الحيط :هاهو
وليد:شكرا
دخل كيغسل فيديه وهي واقفة عليه غير شافتو سلا مدات ليه لفوطة يلاه ياخدها منها وهي تتعمد تخلي يديها تلمس يديه ..خدا منها الفوطة وهو كيشوف فيها داك شوفات لي كيدوبو لقلب عارف هاد النوع كيف داير ماصعيبش عليه يطيحها وهي ديجا طايحة
سلا ورجعو تاني للصالة على صوت لوكاس:حشمتيني معاه بهاد الحالة لي نازل بيها
وليد:احم يلاه نخليكم
لوكاس:وليد غدا راك معروض للعشا نت وعائلتك كاملة الواليدة وضياف لي جاو معاك هاد لجلسة دلقهوة مامحسوباش بغينا نرحبو بعائلتك
تيريزا:اه ونتعرفو عليهم
روزي:غنتسناوكم
وليد:صافي واخة
وشاف فساعة:يلاه نخليكم
سلم عليهم وخرج مشا بحالو ..ودماغو خدام على داك وضياف لي جاو معاك يعني لوكاس مراقب كلشي وعارف راه جاب معاه مارية ونارة وباغي يعرف شكون فهمها طايرة ادن هاد لعراضة خاص تقام باش نيت يبعد شكوك عليه ويزيد يدخل وسط هاد العائلة

#يتبع_تعالقكن بنتو ليا بديتو تنعسو واش نكمل ولا نمشي نعس كترو الاراء اناري🔥التتمة🔥
وليد..
وصل للفيلة لقاهم كيحطو لعشا..ولحاجة جالسة شادة بلاصتها..جلس تاهو باش يتعشى.شاف فالخدامة:عيطي ليهم يهبطو يتعشاو
لخدامة:واخة اسيدي
طلعات داك ساع تعيط لمارية ونارة

الحاجة:كضل شادة حداها داك لبنت حداها باينة كتعمر ليها فراسها علينا البنت ماكاتبغيش تجي عندنا وانا هدشي ماعاجبنيش هي حفيدتي الوحيدة لي عندي
تنهد وشاف فيها:لبنت باقة صغيرة وحنا باقين جداد عليها طبيعي تهرب منا وحيدي هاد الافكار من راسك
الحاجة:وليد انا لحد الان ساكتة وكنتفرج نشوفك شغا دير ..قلتي نخبيو انها بنتنا من دمنا ولحمانا قدام ناس وتاحد مايسيق لخبار وانا ماسولتش علاش حيت عارفة كاين شي سبب ولكن انا غنقولهالك من دابة هاد.اللفعة انا مامرتاحاش ليها ادير لينا شي موصيبة
ماررية جات على هاد الهضرة جلسات هي ونارة
وليد شاف فمارية كيف ماتسوقاتش لهضرة جداه
الجدة كانت مازال باغة تدوي ولكن رمقها وليد بنضؤة خلاتها تسكت وتشوف فنارة:كولي ابنتي كولي الله يخرج هادشي على خير.
نارة هزات راسها بلا:ختي كتقولي حتى يبداو لكبار بالماكلة كنحتارموهم
الحاجة بقات غير كتشوف مالقات ماتقول..وهزات لفورشيط وبدات كتاكل .
وليد:غدا معروضين لعشا وجدو راسكم وداكشي لي قلت داك النهار هو لي غنمشيو عليه غدا مانبغي تاشي غلط
الحاجة:عندمن معروضين
وليد:دار لوكاس
الاحاجة:ايول صافي علاش لا
مارية كانت غير كتصنت مابغاتش تقول لا حيت بغات تعرف شكون هادو ولاش ماباغيهمش يعرفو ونيت مايمكنش تبقة محبوسة هنا خاص تخرج وتكتاشف اش كاين
كانو كياكلو فهدوء حتى كيتسنع صوت الرعد خفيف كيعلن على شتا غطيح
الحاجة:الله محتاجين طيح الشتا تخفف علينا هاد لبرد لقاصح
مارية فهاد اللحضة قلبها مشا وجا من هاد.الرعدة لي ضربات ولات عندها فوبيا من اي حاجة عندها علاقة بشتا والرعد من داك ليلة..بلعات ريقها وكملات ماكلتها بهدوء
كان مراقبها كياكل ويشوف فيها كيف مهدنة مايكرهش يعرف شنو كيدور فراسها عارف هاد الهدوء ديالها موراه شي حاجة ..نزل عنيه ليديها مازال فيها لفاصمة..هو ماشي من النوع لي كيبغي يحكر على الواحد ولكن ماكايبغيش لي تنهد هو لي تقرب منها ردة فعلها كانت طبيعية..ولكن ماشي هو لي يتسب ويتعاير وتمد عليه يديها ويسكت.. راسو وهو كيشوف فيها وفلحضة جات فبالو اللقطة لي كانو قراب بزاف وكانت بين يديه احساس فشكل فداك ساع معاها هي بحاليلا كان مستمتع بداك اللحضة .ماعرلس تلاس كلشي فيها مختالف واقلة حيت مامزلفش بالبنت لقلصحة الشرسة ….هزات راسها لقاتو كيشوف فيها نزلات عنيها ورجعات شافت فيه لقاتو مازال كيشوف
وليد حس على راسو نزل عنييه وجمع الوقفة حس براسو تخربق نيت فهاد اللحضة :الحمد الله
وناض طلع لبيتو ماحاملش هاد ااافمار لي بداو كيجيوه خاص يمحيهم ويتحكم فافكارو
الحاجة ناضت تاهي وشافت فنارة وبتاسمات:بصحتك ابنتي وتصبحي على خير
وخنزرات فمارية وطلعات تاهي لبيتها
مارية قفزات على صوت الرعد لي تضرب تاني بالجهد وقفات داك ساع كلها كترجف:يلاه انارة نطلعو نعسو
جراتها وطلعو للبيت ..قفزات تاني على صوت الرعد لي ولا كيضرب واحد مور واحد وشتا ولات خيط من سمااا صوتها مسموع من لبالكون..شافت فالناموسية حلات لفراش وتخشات وسطو قلبها كيضرب فلمية تغمات بلحاف كاملة ..
نارة عارفاها كتخاف من الرعد ياما حضرات ليها كيف كتولي فكل ليلة كيضرب فيها رعد بحال هكا وطيح شتا شي مرات كتبدا تغوت كاع ويرجع عليها داكشي لي عاشتو فداك ليلة وطيح مريضة ليلة كاملة
نارة قربات ليهها:ختي هاني معاك ماتخافيش
مارية خرجات يديها من تحت لحاف وهمسات ليها:شدي ليا فيدي
ناررة شدات ليها فيديها وزيرات…ولكن الرعد مازال ماناوي يحبس غا مازايد فيه ويجهاد بحال شي كابوس بالنسبة ليهااا
مارية غمضات عنيهل كلها كترجف وتمتم:صافيي حبس ..حبس عفااك.برااكة
وكتزير على يد نارة
مارية غوتات مخلوعة وهي كدفن راسها تحت لمخدة :صافييي حبس حبسسسس
نارة بدات كتبكي وهي كتشوفها فهاد الحالة مولفة رحمة كتكون معاهم وكتعرف تصرف معاها وتبقة معاها
نارة:ختي بديت مخاف واش نتي بيخير
مارية ولات كلها عرقانة كتقطر مزيرة على يد نارة وكترجف تحت لحاف فقدات الشعور وبدات كتمتم:بعد عفااك لاا…قتلنييي..ماتقربلييش..لا لا..
نارة عقلها ايخرج بلبكة وزيد مارية كتورك ليها على يديها تا كتوجعهاا
مارية:ماماا..بغيت ماما
نارة:ماما ماكيناش عفاك انا خايفة
مارية :بببعد عفاك ماديرش فياا هاكة
نارة رمات ليها من يديها:انمشي نقولهم يجيبو ماما صافيي
وناضت كتجري حلات لباب كتمشى فداك لكولوار بخوف ماعارفاش فين تمشي وصلات للدروج بغات تهبط وهي تلمحو طالع وفيديه قرعة دلمشربو لغازي غير شافتو زادت فلبكا :عفااك جيب ماما لمارية عفااك ..ختي مارية كتخاف من الرعدة
#بناتي حد هنا الله على مارية مسكينة🥺 رأيكم وتوقعاتكم فالاحدات الماجيين بالتفصيل راه كنبغي نلقة مناقشة فتعاليق 🥺ونزيدكم كلما كان حضوركم مجهد غنزيد فالاجزاء..الاحدات جايين نااااار غا وجدو راسكم😌 كي جاكم هدشي🔥
#تصبحو_على_خير❤🔥حُطـَــام🔥
🖤شَــــرارة انتقام🖤
الجــــزء55
قرب لعندها مافاهم والو :مالك لاش كتبكي شنو واقع
نارة وهي كتشهق:ختي بغات ماما ختي كتغوت كتخاف من الرعدة جيب ماما عفاك
تحنى لعندها وهزها بين يديه:صافي ماتخافيش
نارة كتهز راسها بلا وكتبكي ودير اشارة لجيهة بيت مارية:هي خايفة بزاف خاصها ماما جيب ليها مااما عفاك…..مارية كتخاف من الرعدة..ختي كتخاف من الرعدة….هي بغات ماما
خرجات من بيتها على صوتهم :اش واقع ياك لاباس مالها حفيدتي
وقربات لعندهم..
وليد مد ليها نارة:الحاجة شدي لبنت وهدنيها نمشي نشوف اش واقع
خدات من عندو نارة وعنقاتها كتهدن فيها:صافي ابنتي صافي هاني معاك
نارة هزات راسها فيها بعويناتها الدامعين:هي بغات ماما مارية كتخاف من شتا والرعدة
الحاجة كتمتم وهي داخلة بيها للبيت:داك لفعة بقا ليها غا الرعد تخاف منو تبوحيط

وليد….
تاجه نيشان لبيت مارية كيفاش اتخاف من الرعد وهاد الجو مادخلاتلوش لدماغ وكيتفكر حالة نارة كيف كانت ..دخل للبيت نيشان عنيه مشات للنموسية ماكايبان منها والو مغطية كلها باللحاف لي كيتهز مع جسمها لي كيرجف على الجهد وصوت انينها مسموع مع شي همسات مامفهومينش..عقد حواجبو ومد يديه شعل ضواوات دلبيت كاملين وقرب لعندها:مارية
مارية لا جواب من تمتمات:بعدد..حبس حبس..ماما
نزل لعندها متكي بيده على النموسية وبعد لحاف من على راسها زاد قوص حواجبو كيف دافنة راسها تحت لمخدة ومزيرة عليها ماباغاش تسمع اصوات الرعد وشتاا….حس بيها اتخنق راسها..رجع دوة:ماارية مالك
بغة يبعد لخدية ولكن هي مزيرة عليهااا :لااااا لااا ماتقربلييييييييش بعد منييييي مامااا
وليد بقة غير كيشوف مافاهم والو من هاد الحالة لي هي فيهاا..
تنهد وزير على داك المخدة ونترهاا منهاا وفهاد اللحضة تضربات رعدة بالجهد لي خلاها تغوت وتحط يديها على ودنيهااا:لااااا حبببس حبببس
وليد حط يديه على كتافها ودورها لجيهتو بالخف تا تقابل وجهو مع وجها مغمضة عنيها وكلها عرقانة كتقطر شعرها فازك تصدم من هاد الحالة لي هي فيها غي بسباب الرعد وشتا المجهدة وهي لي ديما واقفة فوجهو صامدة وقوية ماكايحركها والووو :مارية شوفي فياا حلي عنيك ماواقع والو
مارية فعالم اخور بحال شي كابوس هاد.الاصوات كيرجعوها غا لداك ليلة لي تابعاها فين مامشات :ماديييرش فيا هكاا…قتلنيي مانقدش نعيش هكاا قتلنيي
مسح على راسو هدي شكا تقول ماباغيش يفكر فداكشي لي جا فبالو داك ساع حطا يديه على وجها يبعد شعرها لقاها طاايبة لعافية شاعلة فيها :ماارية حليييي عنييك ماواقع والو حلي مادريش بحال لبراهش
هز ليا راسها لعندو وغوت ليها فوجها:حليي عنيييك
شهقااات بصوت مرتافع مع الرعدة قد قد غاطسة راسها فصدروو بلا ماتحس مزيرة على تيشيرط لي لابس بصبعانها وكتمتم:خااص يحبس ..انا خايفة
بقة مبلوكيي وهو كيحس بحرارة انافسها على صدرو وكيف متشبتة بيه ..بقة كيشوف فنقطة وحدة شحال وهو كيحس بيها كترجف وتنخصص بين احضانوو..ماحسابليهش الرعد قادر يوصلها لهاد الحالة
رجعات تمتمات:خلينيي نمشي بحالي عفاك بابا ايقتلنيي ماديرش فيا هكااا ..عفاااك
غمض عنيه عاض على سنانو وكلشي كيوضاح قدامو ودماغو كيرجع للور لداك لليلة بنفس هاد الاجواء بالضبط هكا كترجاه وتبكي وهو لغضب عامي ليه عنيه ماعارفش شكا يدير ..زاد.كرز على سنانوو وحل عنيه وهو مازل كيسمع انينها لي يهرس لحجر ..مامولفش يشوفها هكا ..هدشي لي هي فيه دابة هو نتيجة داك.ليلة الملعونة..حس بواحد الاحساس فشكل هو واخة قاسي لواحد الدرجة كبيرة حاقد من واحد النحية ولكن ضلم خايب ..تنهد وهز يديه لي كان مبعدهم عليها وغاطسهم وسط شعرها كيحرك صباعو بوشوة وسطو وزاد قربها ليه كتر خاشيها بين احضانو وهمس ليها:ششش ماتخافيش
كيحس بجسمها طايب بزاف سخانة طلعات ليها بزاف وكلها كتهز تنهد وهزها بين يديه..نيشان للحمام لابقات هكا اتوقعوليها شي حاجة خاص ترخى ايما تنعس ولا اتفيق من هادا الكابوس لي هي فيه.وقفها تحت رشاش كانت مرخية لا بعد طيح او.واخة هكاك مازال متشبتة بيه ..تكاها مع لحيط بشوية وطلق رشاش بما بارد عليهم بجوج وهي كتمتم :بعد.بعد..انا خايفة
غير وصلها لما بارد شهقات شدها مزيان كانت اطيح وحاوط خصرها مع لحييط مزيان هز راسها لعندو كيبعد شعرها من على وجها:صافي مابقة والو
حلات عويناتها لخضيضرين بشوية وشافت فيه شوفة دابلة بقات كتحقق فيه شحال ونطقات بهمس :دمرتينيي..
ورجعات غمضات عنيها ترخات كتر بقة غير كيشوف فيها وداك الكلمة كتردد فودنيه:دمرتيني..دمرتيني
مسح على راسو وشدها مزيان وهي كيف ريشة بين يديه….شاف فداكشي لي للابسة كلو فزك خاص يحيد ليها هاد لفوقاني تقيل..سلتو ليها بقات غا بسوفيطمو كول vمن صدر..هز عنيه فيها وهو يتبلوكااا من اامنضر لي قدامو وداك سيكاتريس لي نزلة من عنقها وهابطة مع صدرها وباينة هابطة تا لتحت واتار طفيات لكارو لي فعنقهاا..ماقدرش يرمش مازال مايمكنش يكون هو مول هاد الوحشية..هز يديها لعندو كيشوف فدراعها وصبعانها كلشي مطراسي بطفيات دكارو..رجع شاف فيها مصدوم مغمضة عنهيا وجسمها باقي كيتهز… ..ماحس براسو تاهز يديه تا لسما وضربها مع لحييط تا تجرحات جعر من لمزيان تمتم بحقد على راسو هاد امرة:ماشيي لهاد الدراجة اولييد نت شنو درتييي..
#يتبع🥺 تعالقكن نشوفكم بناتي🔥التتمة🔥
رجع شاف فيها مصدوم مغمضة عنيها وجسمها باقي كيتهز ..ماحس براسو تاهز يديه تا لسما وضربها مع لحييط تا سالت بالدم جعر من لمزيان تمتم بحقد على راسو هاد المرة:ماشيي لهاد الدراجة اولييد نت شنو درتييي…..
رجع شاف فيها وهزها بين يديه مخرجها من لحمام ..تكاها فوق النموسية ووقف ساخط حيد تيشير لي لابس بالخف دور وجهو ومشا حل لبلاكار وجبد فوطة ورجع لعندها تحنى نشف ليها شعرها وهو كيحاول مايشوفش جيهة دصدرها حيت غيزيد يتعصب.. .. تسمع تاني الرعد وشهقات كتمتم تانييي مخلوعة..رمى داك الفوطة معصب تمنى فهاد اللحضة كون يقدر يحبس هاد الرعد وشتااااا لي دايرة فيها هاد الحالة..مشا شد لبالكون ودوز ريدو..وسد كاع شراجم مهبط ليهم الريدوو ورجع لعندها من بعد ما خدم التدفئة..خشاها فبلاصتها وغطاها يلاه ايبعد لقاها شادة ليه فيديه ومزيرة وشفايفها كيتهزو ..بغة يسحب يديه بهدوء ولكن كانت مزيرة..تنهد وهو كيشوف فيها تا لقا راسو متكي حداها وعنيه على وجها هز يديه كيدوز اطراف صبعانو غا بشوية على ملاميحها عاد عرف منين جابت هاد القساوة كاملة وهاد ااحقد لي فيها صعييبة بزاف .. .ميلات راسها وغطساتو وسط عنقو وترخات ناعسة بهدوء ويديها فيديه..زاد جرها لعندو محاوط خسرها بيديه شكون كان يقول هاد الجوج ايتجمعو فسرير واحد..مابغة يفكر فوالوو غمض عنيه ونعس تاهو..

فبلاصة خرا

دخل للدار معطل ..كان سهات كيف لعادة..سد لباب ومشا نيشان لبيتو حل لباب ودخل شعل ضو خافت شاف فسرير مالقاهاش فين اتكون وهو سد لبيت لاخور بساروت باش ماتمشيلوش..دور وجهو شافها ناعسة فوق لفوطوي..ميل راسو بابتسامة..وقرب لعندها وتحنى لعندها كانت ناعسة بهدوء بدا كيلعب بشعرها وهمس:قلت ليك بلاصتك حدايا
تقاد فالوقفة حيد.صباطو وتجاكيط وتريكو بقة بصدرو لعاري..حل لبلاكار جبد سروال دلكيطة لبسو ورجع لعندها هزها بين يديه غير بشوية نعاسها تقيل وحطها فوق النموسية وتكة حداها والابتسامة مافارقاتوش وجهو تقابل مع وجها كيتامل فهاد الجمال ومرة مرة كيحرك يده على شعرها ..شي لي خلاه يتهز ويقرب لشفايفها ويطبع قبلة خفيفة ورجع تكة تاني عارف غايجي واحد النهار لي اتولي فيه ديالو بايرادتها وغيخرجها من هاد المرض النفسي لي هي فيه ..
ليالي كتمتم:مرااد..توحشتك امراد..
خرج عنيه فيها وبعد يديه من شعرها عاض على سنانو..حتى كتحل عنيها ..فلحضة يحساب ليها اتلقة مراد راجلها ناضت جالسة:شكا دير هنااا لاش جبتني لهناا
ناض تاهو جالس معصب:رجعيي لبلاصتك قلت ليك قبيلة ماتزوجتش بيك باش يفرقونا لبيوت ولا فطزيات
ضرب بيديه فوق لمخدة:هناا بلاصتك حدايا سمعتيني نتي مراتي انااا بوحديي دخلي هدشي فراسك
لياالي بغات تنوض وتزطم على كلامو بلا تاشي كلمة ولكن جرها تا جات طايحة فوق النموسية وتحنى فوقها مكالي بديه فوق لكادر:راه كندوي نيشان اليالي ماتخلينيش نتصرف معاك شي تصرف ماغايعجبكش بحال قبيلة وهاد المرة كتر..
ليالي بلعات ريقها وهي كتشوفو فوقها مقابل معاها وهاد المرة ماكايضحكش بحال قبيلة مخنزر
أدم:ديريني انا فبالك حيت انا لي اتبقاي تشوفيني وتلقايني ديما حداك انا لي اتكملي معايا حياتك انا لي اتولي تنطقي سميتوو سمعتينييي انا لي انعمر هاد القلب ديالك
ليالي:شكا تخربق بعد دابة علياا
بعد عليها وهو كيمسح على راسو:غير حاولي تحركي من بلاصتك وتشوفي شغا يوقع
ليالي بقات كتشوف فيه شحال وهي مخززرة فتالي جرات عليها اللحاف وعطاتو بالضهر:دابة تشوف واش انكملو بجوج وتا قلبي راه عامر وعمرك اتاخد بلاصة فيه
قفزاات مخلوعة فاش غوت بصوت حاد:سكتييييي الياليي ماتخلينيش نفقد اعصابي
سكتات وهي كتبتاسم المهم سمعاتو لي خاص يسمع ..حسات بيه تكة تاهو بقة كيتشقلب فبلاصتو شحال..غمضات عنيها ونعسات هو بقة شحال عاد نعس تاهو..

جا نهار جديد
كانت ناعسة بهدوء ماعارفاش راسها فاينا حضن راها محشية وهداك لي محاوط خصرها بيديه وناعس تاهو ..حلات عنيها بشوية ورجعات سداتهم كتكسل ..رجعات حلاتهم هاد المرة بالزربة وهزات راسها فيه مامتيقاش هدشي لي كتشوف ودماغها كيقول مايمكنش قلبها ولا كيضرب فلمية وهي كتشوف صدرو لعاري نزلات عنيها لابسة غا داك سوفيطمون ومغطين بلحاف واحد وحاسة بيديه على خصرها ..تمتمات:لا مايمكنش
داك ساع هو حل عنيه لقاها كتشوف فيه بصدمة همسات ليه:اشنو درتي ليااا
#يتبع_تعالقكن❤

Leave a comment