Skip links

قصة : حطام جزء 3

 6,558 عدد مشاهداات

🔥حُطِـــــــــام🔥
🖤الكـــــــــابوس🖤
الجـــــــــزء31
مشا وجلس فوق لكرسي داير رجل فوق رجل وحكيمة قربات ليها كتشوف فيها وطلعها وتنزلها وشافت فوليد:ومنقبة

ورجعات شافت فمارية:انا مديرة السجن هنايا لحبس عندو قوانين خاص تمشي عليهم غتعرفيهم مع الوقت ولي خاص تعرفي انه لداخل عالم اخور
وبتاسمات:عالم خايب اتكتاشفيه لراسك..ودابة اتحيدي هاد الخمار ونقاب باش ايتسجل الضوصي ديالك
مارية كانت غير كتصنت حتى كتمسع كلامها لاخير شافت فوليد:كيفاش
حكيمة:كيف سمعتي حيدي نقابك ولخمار نتي فسجن دلعيالات ماغاتحتاجيهش

مارية:هدشي مفهوم ولكن علاش انا دايراه ملي انحيدو قدامو
حكيمة بتاسمات وشافت فسردار:السي سردار اش بان ليك

وليد زاد تقاد فلجلسة بمعنى كملو
حكيمة:اتحيديه ولا نعيطو لي يجي يعاونك
مارية :يخرج نحيدو لما خرجش بلا ماتحلمو
رجعات اللور وهي كتشوفها هازة لفيكس وكتعيط لجوج كارديانات حتى كتشوفهم داخلين كل وحدة يا وحدة اجسام ضخمة بحال شي رجال
حكيمة:بغينا نضايفوك وماتشوفيش من نهار اللول شي حاجة خايبة ولكن نتي مزروبة

وشافت فدوك لكارديانات :عاونوها تحيد هادشي
قربو ليها بجوج وهي راجعة باللور تا لسقات فلحيط كتشوفو كيف كيتفرج فيها ببرود داير رجل فوق رجل وداك النضرة دعنيه مفيكسين عليها زادت كرهاتو فهاد اللحضة..حكيمة مربعة يديها والابتسامة على وجها كتفرج تاهي
وحدة من لكارديانات شداتها من يديها وهي كتنتر منها:رخيييي منيييي
دفعاتها بحهدها كامل تا كانت اطييح كوما شداتش راسها..ماساهلاش كيف يحساب ليهم اضطرات تتدخل لكارديانة تانية لي يحساب ليها غير عشيرتها قاضية لغراض قربات تاهي وهاد المرة حكموها بجوج ونززلو ليها اللتام من وجهااا ولخمار لي فوق راسها ونزل شعرها على وجهاا ..غمضات عنيها كارهة راسها وهي كتحس بلعباية تحلات تاهييي ..ماقدراتش تشوف لجيهتووو ولا تجي عنيها فعنييه ماحسات براسها تا نزلات على وحدة من لكارديان بكروشييي للكمارة تا ضار وجها جوج ضورات كلشيي الا هاد الاهانة لي دايرو ليها قدامو ..
#يتبع_تعاليقكن روينة مع هاد سردار🔥التتمة🔥
حكيمة كتشوف هاد المنضرة وهي واقفة ماتحركاتش دارت اشارة للكارديانات يحبسو نطقات:وليني ماسويهلاش مع رااسك
مارية كتغلييي صافيي وصلات بيها للقارعة :ماعندكمش لحق سمعتينييي عرفناه حبس ولكن باش تعريو بنت قدام لي مايسوااش هدي راه ماداخلاس فقاوانين لحبس او لا لا
وضارت لجيتو تسمعو تاهو لي خاص يسمع معصبة وعاضة على سنانها:ونت الحقييييير
سكتات فاش مالقاتوشش قوصات حواحبها كان هناا كيفاش
شافت فحكيمة مافاهمة والو
حكيمة:السي سردار خرج فاش كنتي بخمارك ولتامك
بلعات ريقها كتلهت وصدرها طالع هابط ولات كلها عرقانة وشعرها لاصق على وجها ..دوزات يديها على وجها كلها كترجف ماكانتش حاملاه يشووفها ماعرفاتش كيف دار فوت عليه فرصة يشوفها فهاد الحالة
حكيمة قربات لعندها وقفات اونفاص معاها :هاد المرة دازت حيت باقة جديدة ولكن كنقسم ليك المرة الجاية غتشوفي داكشي لي عمرك شتيه ودابة تحركي توقعيي على ضوصي
تبعاتها كتلهت ودازت فداك لكارديانات لي كيشوفو فيها وماحاملينهاش ولوخرا كتمسح فمها من الدم
تحنات وقعات ومدات ليها وراق خرين خاصهم طبيع بلبصمة ..وقرات شي قوانين دلحبس ووقعات عليهم
شافت شي وحدة دخلات وفيديها لكاميرة ..
حكيمة:جليسي هنا تاخد ليك صورة ديال الضوصي
جلسات فواحد لكرسي بعدات شعرها من وجها وشافت فكاميرا وخداو ليها شي تصاور عاد ناضت
حكيمة:وصلوها للسيلون ديالها

خرجات من داك المكتب تمشاو فواحد لكولوار طويييل تا وصلو لواحد لباب دحديد كبيرة غير تحلات تسمع ااصداع مجهد ديال لمحباسات شي كيضحك شي كيهضر لغوات روينة بحال شي حمام مبقات غير كتشوف اشكال وانواع ها لي كلها ضرابي ها لي كتكمي ها لي كضحك كلا وهيتهااا..حتى كتحس بشي حد دفعها كانت لكارديانة لي ضرباتها:تحركييي قدامي للسيلون ديالك وهاد الضربة غنتحاسبو عليها ازوينة
مارية:هي باغة تجربي حوايج خرين
لكارديانة:هانتي غتشوفي زيدي دابة
تبعاتها للسيلون دخلات كتشوف فيه ستة دنوامس جوج فوق جوج
ورات ليها بلاصتها وقبل تخرج نطقات:حضييي راسك
وخرجات
مارية بقات غير كتشوف مازال كلها كتلهت وجسمها كيرجف جلسات فوق النموسية كتمسح على وجها وتجمع عليها لعباية شافت واحد.لقرعة دلما تماك داك ساع هزاتها هبطات عليها كلهاا ريقها كان نااشف وعطشانة بزاف ..تنهدات وهي كتكة فوف النموسية نزلات دمعة حارة من عنيها دغية مسخاتها وهي كتنطق:ماتبكييش هدشي غيسالييي وغتندميه عاود دوزتي ماكتر تحمليي عاود

سردار
كان سايك وكيدوي فطليفون:حكيمة كيف وصيتك مانبغيش نسمع شي حاجة ماتعجبنيش
حكيمة:كون هاني اسي سردار
قطع وهو كيتفكر حالتها قبيلة كيف كانت ماباغاهش يسوفها وميف دافعات على راسها بحال قدام دوك الحجثث الضخمة بحال شي قطة متوحشة .خرج داك ساع قبل يشوف باقي الاحدات.. ميل فمو بابتسامة لا سعورية وتمتم:ها حنا انشوفو صلابتك كاملة فين اتوصلك

#بناتي حد تعاليقكن وتوقعاتكم للاحدات الجاية بغيتكم تفيقو معاية راه فاش كنشوفكم محيحين معايا راه كنتحمس نكتب كتر وفاش كتنعسو كنعكز المهم نتلاقاو غدا تصبحو على خير❤🔥حُطــــــام🔥
🖤الكـــــــــابوس🖤
الجـــــــــزء32
مارية..

بقات شحال متكية فوق داك النموسية وكتفكر دابة غتعيش تجربة جديدة فهاد الحبس وخاص تكون قوة كتر وكتر حيت هدشي لي شافت ليوم بين ليها راه ماساهلاش لجلسة هناا وماخاصش طول هنا ..
ناضت جالسة وهي كتشوف وحدة من لكارديانات داخلة لعندها وفيديها واحد شاكوش كبير وعاد وحدة معاوناها ساشية ديال لملاية ولخدية ..حطاتو ليها حدا رجليها وهي مخنزرة:تهزي وقعي هنا
مارية:علاياش انوقع
تحنات لعندها :وصلني خبارك داخلة سخونة مانصحكش ازوينة ديري فيها عايقة حيت هنا غيتحدو ليك
مارية كتشوف فيها بجمود نطقات:علايش انوقع
لكارديانة تقادات فالوقفة وعنيها فعنين مارية شوفاتها لحادين وتروها:اي حاجة كتوصلك من برة كتوقعي انك توصلتي بيها
مارية مدات يديها:اري نوقع
خدات داك لورقة قراتها ووقعات ..وتحنات لداك الشاكوش هزاتو وحطاتو فوق النموسية..لكارديانة بقات غير كتشوف فتالي خرجات مافاهمة والو
مارية لقات سوسن ومها جامعين ليها حوايجها وداكشي لي اتحتاج..شافت تماك واحد طاسة عرفات فيها لماكلة وحليب فلقرعة..تنهدات وهي حاطة يديها على كرشها اتموت بجوج ..كلات هو لول ..خوات داك طاسة كاملة وهبطات على داك لحليب بارد ..عاد حسات بالروح كترجع ليها..دورات وجها على هاد سيلون مافيه لا بلاكار لا والو شافت شواكش محطوطين فالارض حدا نوامس وشي علاقات فلحيط..لحيوطة مقشرين ومكتوب فيهم ولعنكبوت ولغبابر..تنهدات سيلون كيجيب الكأبة ..ناضت حيدات داك لعباية ولبسات بيجامة طالعة مع لعنق كيف ديما شافت فيديها لاطراس ديال لحروق دلكارو تنهدات وخدات شال لواتو على راسها بطريقة تقليدية اللور .. وجلسات فوق النموسية كتسنة شغا يوقع ..ماعارفاش فين هاد لمحابسيات سيلون خاوي..ونيت ماعندهاش كانة تشوف شي وجوه جديدة وماباغاش تخرج …
هزات راسها وتنهدات وهي كتشوف نفس لكارديانة لي تضاربات معاها :جاية سياحة ولا شنو تهزيي اجي معاياا
مارية وقفات ببرود :فين
لكاديانة:لجاهنام
وقربات لعندها:هدشي ديال هاد النهار ماغانساهش
مارية:وراه ماخاصش تنسايه باش تفكريني ملي تبغي تاني تمدي يديك على لالياتك
لكادريانة وسعات عنيها فيها كتغليي يلاه اتهز يديها وهوما يسمعو شي صوت من موراهم:طلقينا خلاص
كانت رئيسة لكارديانات دايزة من حدا سيلون:وي شاااف
وشافت فمارية وجراتها من دراعها:زيييديي ها حنا انشوفو هدشي ديالك
وخرجو سيلون مارية بعدات عليها كدور عنيها على هاد لحبس بحال شي خربة كبييرة كلها بيبان دلحديد ..كتشوف كلشي كيشوف فيها عرفوها جديدة كيطلعوها ويهبطوها ويتهامسوو وشي وحدات كيديويو بالجهد كاع:هاي هاي على الجديد هدشي زيييين وليتو تجيبو لينا التييز ههههه
لوخرا:قالك ارهابية
وحدا خرا:هاد زيين كامل ارهابييي
وصصلو للمكان المطلوب
لكارديانة:عطي لهاد القحبة شي حاجة ديرها عطيها لحمامات لقيتها جالسة مكرشخة فوق النموسية مرتاحة
كانت وحدة وحداها واحد دفتار كتقيد فيها مهام كل سجينة طلعاتها وهبطاتها:هدي هي صاحبة دعوتك
لكارديانة:هي هديي
قيدلت فداك دفتار:هاهوما لحمامات حكي على قلبك ازوينة
مارية غا الصمت وكدور فعنيها مجمدة ملاميحها بحال شي علامة استفهام قدامهم
لكارديانا:اجي نوريك لحمامات لي غتحكيي كل نهار
تبعاتها ودخلو لداك لحمماات عالم اخور تقول دايزة فيه لحرب لفابويات النص فيهم مهرس اما لمرايات لوحة فنية بلكتابة ومشقفين وطواليطات حالتهم حالة وشي داخل وشي خارج..
لكادريانة كتشوف سطل لي فالارض:بداي نبغي نرجع نلقاااه كيشعل
ماجاوبتهاش وتحنات هزات السطل كتشوف منين غتبدا
لكارديانة قبل تخرج غمزات وحدة من لحباسات فهماتها وبداو شي كيغمز فشي ويتهامسو.
#يتبع_تعالقكن🔥🔥التتمة🔥
عند سردار

كااان فطريقو للقصر دوز نمرتو داك ساع جاوبو:الو
وليد وعنيه على الطريق:مرحبا بيك من دابة ساعة فدار
آدم كان جالس ناض واقف كيمسح على راسو :هي لولا سردار نت عارف عندي غير ختي هي لي هنا والواليدة فالمانيا وماكنتش داير بحساب هدشي
وليد:عارف غير نت وختك فلكافية
أدم ترسمات على وجهو ابتسامة دلفرحة:من دابة ساعة تلقاني عندكم
وقطعوو..
وليد دخل للقصر شاف فالحاجة:الحاجة قلهم يوجدو ضيافة ادم من دابة ساعة ايكون هنا
الحاجة:هي لولا اولدي
وليد:فين هي
الحاجة:فالجناح ديالها
هز راسو باه وطلع لعندها للجناح حل باب ودخل شافها فلاتيراس واقفة ..مشا خرج لعندها ووقف حداها دوة بجدية:وجدي راسك غيجيو من دابة ساعة
شافت فيه:غتندم على هدشي لي كدير الله ياخد فيك الحق وهادا لي باغي يتزوح بيا غير اضلموه حيت عمري نكون ليه الزوجة لي كيتسنى
وليد ببرود وهو خارج من لاتيراس:غنصيفط من موراك لخدامة ملي يجيو مانبغي تاشي مشكل اليالي سمعتيني
وخلاها كتغليي من ديما قراراتو كيتطبقو ….تا نهار قلل يشرك مراتو مع راجلها ويقتلهم ماراعاش ليها كيعرف غا ينفد

داز الوقت

عيات بلحكان فداك طواليطات حالتهم حالة غير كتسالي شي طواليذط كدخل ليها تاني شي وحدة وكتجي لكارديانة تقولها عاوديها ..تحك لفابو يرجعو يوسخوه بحاليلا مادرت فيه والو وترجع تعاودو تكرط الارض وتنشفها ويرجعو تانيي يفزكوها بلمااا…تنهدات ماخاصش تعصب ولا تنفاعل ادوز هدشي باش ما عطا الله ماخصها صدااع ماجاتش باش دابز عارفة انه هدشي كيديروه بلعاني ولكارديانة لي محرشاهم..خرجات من طواليط من بعد ماحكاتها..يلاه اتحط السطل وهي تشوف وحدة داخلة ليها بصندالتها كلها مسخة وكتغني وتصفر وهي حاطة جفاف حدا لارض مامسحاتش رجليها..عضات على سنانها ونطقات:يلاه دخلتي عاد دابة وراجعة عاود داخلة..خلي لارض تنشف غا شوية
سجينة :شناهواااا
وقربات لعندها:عاد جاية ليوم وباغة تحاسبي معايا
وهضرات بصوت مرتافع باش يسمعوها:أسمعوووو سمعوو اش كتقول هديي
كلسي شاف فيها كيضحكوو ويغوتو:اشنووو مال هاد زين اش قال
السجينة:باغة تحاسب معايا شحال من مرة دخلت لطواليط وخاص نتسنة تانشف الارض مال هادي علاياش كتقلب
كلشي بقة كيضحك:تغطسي ليها راسها فتقبة دطوالييط
شافت فمارية وقربات لعندها حطات يديها على كتافها وبدات كديها وتجيبها:قدي شغالك وحكي طواليطات ونتي ساكتة ولا غنخشي ليك هاد لكامرة زوينة فتقبة دطواليط ازيين
وبصوت مرتافع:يلاه العيالات ولبنات ولعاهرات لحمام حمامناا ديرو لي بغيتووو خويو صطولة دلما فالاض هاد خيتي غتكلف واتعاود بتكراط وتجفاف
كلشي بقة كيضحك ودارو داكشي لي قالت ليهم…مارية كتشوف فيديها لي على كتافها وكيف كتديها وتجيبها وكيف ستافزاتها صافيي حد هناا وحبس ..شدات ليها داك ليد ولواتها لهيا تا شهقات وزدحاتها ما لحييط تاحسات بضهرها تهرس وطاحت فالارض كتوجع وتحنات عندها شاداها من شعرهاا :غنجفف بييك هاد الارض المسسخة
لحمام تقلب بلغوات شافتهم باغين يتحاماو مالقات غا لكراطة قدامها هزاتها وشيرات على واحد جوج للراس تاشافو النجوم ورجعو اللور صافيي خرجوها على طوعهااا حتى كتشوف لكارديانات داخلين كيتجاراو وصلوها ليهم ..رمات داك الكراطة فالارض ..وداك سجينة وقفات ماراضياش بدات غير كتسب وتهلل غا من لبعيد ماتقدش تقرب ليها :والله تاندمك يا بنت لقحبة والله تا نحررها عليييك
لكاردياانات كيشوفو جوج بدماياتهم وهاد سجينة مشنتفة:اش واقع هنايا
ناض كلشي كيغوت:هادي تهجمات عليناا شوفو اش دارت ..كتحك لحمامات بجميل كتقولنا مادخلوش لطواليطات ماتخدموش لفابويات..ديرو معاها شي حل
ضارو بيها لكارديانات والشاف ديالهم :هدشي باقي تاماسخنتي بلاصتك
وجمعات معاها بصقلة تا طاحت فالارض كتحس بدم ففمها حيت تضرب مع الارض وزيد يديها لي لواها ليها سردار تاهي كلات ضقتهاا حسات بيها صافي تهرسات
الشاف:تهزي تقودي ضصارة هدييي ..خويو عليا هاد لحمام
ودفعاتها برجليها:نووضي تكملي هاد لحماام ونتفاهمو من بعد
ناضت من الارض بصعوبة وهي كتشوف ساجينات كيخرجو
مسحات فمها من الدم وهي كتشوف فداك الشاف
شاف:اتبقاي كتشوفي فيا
مارية ماجاوبتهاش وبدات كتنشف فداك الحمام
وشاف ولكارديانات واقفين عليها
الشاف:عقوبتك ليك اتغسلي بوحدك لماعن ديال لعشا
وخرجو وخلاوها فحريرتها كتنهج وكلها كترجف صافيي ماخاصش تبقة هنا هدشي غير لبدية علم الله باقي الايام شغا يوقع مايمكنش كل شوية دابز وتعاقب باينة ماغايبعدوش منها خاص تلقة لحل فأقرب وقت ممكن ..جا فبالهاااا عضات على سنانها زااادت كرهاتو
وكتزيد غتحقد عليه
#تعالقكن_يتبع هااح على مارية🤨🔥🔥حُطـــــــام🔥
🖤الكـــــــــابوس🖤
الجـــــــــزء33
فقصر سردار

كانو فصالة جالسين ومعاهم الحاجة قايمة بالواجب قادات كلشي وضيافة ديال التدخيم
خت آدم زينب:ربي يكبر بيك الحاجة ونهار كبير هدا لي انتناسبو فيه معاكم
الحاجة:ادم ولدنا قبل يكون نسيبنا
زينب:ايوا الحاجة خاص نشوفو لبنت لامان ممكن
شافت فلخدامة:عيطي ل ليالي
مشات لخدامة تعيط ليها

أدم كان جالس غير سمعهم تيعيطو ليها حط كاس دلقهوة من دييه وتقاد فالجلسة مراقب المصعد منين اتخرج ..فكر مزيان ولقا راسو باغيها مراتو ديالو لي تكون فجنبو ومستاعد لداكشي لي غيحيه منها حيت عارف حالتها شحال صعيبة وعارف راسو قادر يخرجها من ديك لحالة حيت تجربتو فالحياة ماشي قليلة داي وجايب فهاد الدنيا مزيان ومستاعد يدخل فهاد المعراكة معاها…
دقايق حتى كتخرج من المصعد..كلشي شاف فيها جاية بلباسها لكحل فكحل وداك شال فوق راسها مبين خصلات من شعرها..ومع بياض وجها وحروفها ..داك سواد لي لابسة بان كتر وكتر…
الحاجة تنهدات هدي ماناوياش التوب..وليد كيشوف فيها بهدوء
زينب شافت فخوها ورجعات شافت فيها ماعرفاتش لاش لابسة هاد لكحل نهار خطبتها..اما سي ادم ماهمو لا كحل لا بيض مراقبها ومراقب داك الهدوء ولواقار لي كيبان على وجها كترمش بعويناتها زريرقين بشوية ..وعاد جمالها كوم تاني بدون ولا مسحوق دلماكياج ..جلسات حدا جداها بلا تاشي كلمة ونزلات راسها كتلعب بصبعانها
الحاجة شافت فزينب:حفيدتي كتحشم هدي هي عروستكم
زينب بابتسامة:ماشاء الله كتحمق
وشافت فأدم:خاص تهلا فهاد الياقوتة سبحان الله اية من الجمال
لياالي غير ساكتة ومنزلة راسها
الحاجة:ربي يحفضك ابنتي
زينب:ايوا دابة خاص موافقتها وصافي كيف عارفين أدم ووليد ايرجعو لامانيا وادم خاص يدي مراتو معاه ادن لاكط ايتضرب فهاد الايام ان شاء الله ياك الحاجة
الحاجة شافت فوليد:شنو بان لك اولدي
وليد:لا تافقو هوما ماعندي مانقول ونيت مور لاكط خاص تمشي معاه
ليالي مزيرة على يديها بضفارها تا حسات بيهم تغرسو فلحمهاا
ادم حمحم:احم كيف قالت ختي لاكط يتضرب فهاد الايام حيت انرجعو لامانيا وتفاصيل ديال الصداق وداكشي لي باغة كلشي ايتنفد هي غير تقول اش باغة
زينب:هدشي خاص تدوي فيه نت وياها
الحاجة وقفات:بصاح ونيت نخليوهم شوية بحدهم اجيو معايا للثابة لوخرا
وقف وهو كيشوف فواليد لي هز ليه راسو بمعنة هد راحتك
ليالي بقلت جالسة على نفس الوضعية لداخل ديالها كيغلي
وليد :ليالي
شافت فيه بدوك ديال لقرطلس
وليد:تفضلي للصالة لوخرا
وقفات وهي عاضة على سنانها وتبعات الاحاجة وأدم دخلو للصالة والحاجة نساحبات

بقات غير واققة عنيها ماهزاتهاش فيه..ادم كيشوف فيها غياكلها بعنيه مامتيقس انه هدي اتكون ديالو حلالو وانه فمدة قصيرة ومن جوج شوفات خلاتو يفكر فزواج لي ماكانش من مخطاطاتو..
قرب لعندها باغي يدي ويجيب معاها فالهضرة ويعرف اش تحت راسها:عارف غنزربو فهاد زواج ولكن من موراه انتعرف عليك وتعرفي عليا كتر ..
قاطعاتوو :سمعني عنداك يحساب ليك زواجنا ايكون عادي..لا راه ايكون اتعس زواج سمعتيني حيت انا مازال كنبغي راجلي الله يرحمو
بقة كيشوف فيها شحال ميل راسو وبتاسم :المهم لاكط ايكون فهاد السمانة
خرجات فيه عنيها هدا شكا يقول
ادم:انا كنسمع غا لهضرة لي كتعجبني والهضرة زوينة ..اما شي لاخور كيدخل منا ويخرج منا..ومبروك علينا
ليالي :شكا نتسنى من صاحب سردار غيكون بحالو
ادم:ايوا راك محضوضة ..المهم تافقنا
خنزرات فيه:غير اضيع وقتك معايا فهاد الزواج ..من الاحسن تراجع وتمشي تشوف ليك شي واحدا خرا
أدم:ماكانتراجعش على شي حاجة باغيها..وهاد الزواج ايكمل
ليالي قدات شالها فوق راسها مزيان وتمات غادة وهي كتنطق:ماكاتسواوش
وخرجات من صالة ورجعات لبلاصتها..خلاتو واقف ومراقبها :غنشوفي اليالي لا ماخليتكش تبدلي راني ماشي ادم..غنسكن فداكظلقلب غا تسناي
وخرج تاهو ورجع لعندهم
زينب:صافي تافقتو
ادم:صافي كلشي ميزان
زينب بفرحة جبدات لخواتم ووقفات وقوقف معاها ادم وقربو ليالي
الحاجة:مدي يديك ابنتي
وقفات كارهة راسها ومدات يديها ركب ليها لخاتم دغية جمعات ديها..مابغاش يضغط عليها كتر ركب لخاتم ديالو بوحدو
زينب:مبروك عليكم
وعنقات ليالي:فرحانة بزاف واخيرا خويا ايتزوج اعوام وحنا كنحاولو فيه تا فقدنا الامل..ولكن مزيان صبر وربي جزاه بيك
ليالي جاملاتها بابتسامة فقط
ليالي:سمحولي راسي ضرني نطلع نرتاح
ماتسناتش جوابهم ومشات وخلاتهم
الحاجة:غير عيانة شوية ومع لحشمة
زينب:ماشي مشكل الحاجة عادرينها..تاحنا نيت خاص نمشيو ولدي يلاه تزاد خليتو مع لخدامة مازال نتجمعو فالخير ان شاء الله
الحاجة:الله يخليه ليك ومبروك علينا الله يكمل ليهم بالخير
زينب:امين الحاجة تانهضرو على فوقاش لاكط وتفاصيل
الحاجة:ان شاء الله
ادم سلم على الحاجة وسبق ختو هو وليد موصلو للباب
وليد:مرحبا بيك فعائلتنا
ادم بابتسامة:الله يخفضك
وليد:خاص شوية دصبر
ادم فهم قصدو:كون هاني
وشاف زينب جاية:تاندويو
وليد هز راسز باه ورجع اللور مخلي زينب تركب..ادم ديمارا ومشاااا
#يتبع انزيدكم واحد الجزء كيف قلت يلاه كنكتب ولي كتبتو كنلوحوو واحد العداب صبرو معايا🥺 #تعاليقكن🔥التتمة🔥
دااز الوقت وطاحت الضلمة

كان فالمكتب ديالو تا كيجيه اتصال شاف المتصل وتنهد ..جاوب بالامانية:الو
لوكاس:شتك نسيتينا كتوصلنا اخبارك غا من صاحبك
وليد:راك عارف اش وقع
لوكاس:المغرب فيه غير المستكيل مامانش خاص تمشي دابة فوقاش اترجع ياك سلات القضية لي مشيتي عليها
وليد كيشوف فداك تصويرة لي فضوصي وهي مازال صغيرة ومراهقة ملاميحها صغار ولكن جمالها باين..ميل راسو كيف غتكون دابة وهي فالعشرينات
لوكاس:واش كتسمعني
وليد:بقالي واحد لغراض خاص يتقضى وغنرجع
لوكاس:سردار كتر من خمسة دلقضايا واقفين عليهم ومهمين بزاف ونت عارف هاد النوع دلقضايا ماكاينش من غيرك لي كيفهم فيهم
سردار قوص حواجبو :لوكاس لقاضايا وصلوني فالايمايل راني عارف
لوكاس:ادن خاص تكون هنا فأقرب وقت اسردار المنضمة عطاك حريتك ومخلياك تصرف كيف بغيتي فما تنساش هدشي تايقين فيك
وليد:وسردار ماكيلعبش وغايرجع
لوكاس:فهاد سيمانة
وليد عض على سنانو ماخاصش يتحابد معاه كتر حيت غيصدق قايل شي حوايج وهو مازال محتاج للتقة ديالهم :غنعلمك فاقرب وقت يلاه نخليك
لوكاس:بسلامة
وقطع
وليد:غيجي واحد النهار هاد المنضمة ادمر على يديا
وسكت كيشوف فصورة باه لي حداه :حقك اناخدو ليك الواليد واخة نعرف روحي تمشي مع هاد الحق

عند مارية

صافي كتحس بضهرها تقسم ماحسابليهاش المطبخ دلحبس داير بحال هكا واتلقة هاد الكم الهائل من لماعن وطناجر لكبااار ..وغير بحدها ماعاونها تا واحد شافت فيديها كيف زراقت وبدات كضرها…مسحات على وحها ولات كلها عرقانة ..راه خاص يكونو خمسة دلمحابسية كيتعاونو عليهم…تهداات صافي غسلات يديها من بعد ماسالات….باغة غير فوقاش تحط راسها وتنعس داز نهار طويل بزااف مهلوكة..
لكارديانة طلات عليها:ساليتي
مارية:اه
تأكادات واش كلشي هو هداك:زيدي قدامي
وخرجو من لكوزينة وصلاتها للسيلون..وقفات فلباب كتشوف هاد روينة..طالقين شعبي وشديح ورديح فين كانو هادو قبيلة..وريحة دلكارو وجوانات عاطية تخنقات..شافت فناموسيتها ومشات ليها نيشان وتكات ..شافو فيها :لا سلام لا كلام
مارية دورات وجها للحيط وتغطات ماناقصة دباز فهاد ليل ناعسة بحوايحها فازكين
سمعات صوت ضحاكتهم وزادو جهدو فداك الموسيقى بلعاني وكيغنييو ..هي عيانة وباغة غير تنعس حشات راسها تحت لمخدة وغمضات عنيها وهي كتمتم:ماارية صبريييييي صبري
دازت ليلتها هكااا ماداها النعاس تا جاو لكارديانات طفاو ليهم لموسيقى وكل وحدة شدات بلاصتها ..عاد ستسلمات للنعاس ونعسات
#يتبع تاني جزء دلفلبور قولو ندى خايبة😌🔥حُطِـــــــــام🔥
🖤الكـــــــــابوس🖤
الجـــــــــزء44
بعد مرور يومان

كان راكب فطمزبيلتو ومدوز لابيل مع حكيمة لي كتعاود ليه اش وقع من نهار دملات حتى ليوم عاودات ليه تا لمطايفة لي دازت فلحمام وكيف فرشخات دوك لمحابسية :شوية ونكون تماك عندك غنشوفها
حكيمة:واخة اسي سردار
وقطع

عند مارية..
كانت فساحة دلحبس جالسة على واحد لكرسي كتشمش دازت يوماين بحال عماين حاولات مادابزش وتهرب من صداع تاهو من مور داكشي دلحمام عاكينها شوية تيقار واخة كيفديوها فحوايج خرين فشقاا وتمارة كطيح فليل مهدودة ولكارديانات حاطين عليها فين مامنت شي حاجة فيها تنارة كيزيدوها ليها..وهي غير مايقربوش ليها ولا يأديوها شي لاخوور هاانية..تنهدات ماجاها تاشي خبار منوو واش ايخليها هناا وينفيها فهاد الحبس لي خنقهااا يلاه يوماين وحسات بيهم طوال بزااف حراك باقي الايام ..تنهدات جا فبالها حل ولكن تا تزيد تشوف شغا يوقع حيت مايمكنش تبقة هنااااا هداك هو لحل الوحيد..شهقات وهي كتحس بشي حاجة طاحت حداها ..دورات وجها كانت واحد لبنت طايخة فالارض وشي جوج كيضربو فيها ضرب دلموت ويجروها من شعرها وهي كتبكي حاكرين عليها وكلشي كيتفرج تاواحد مادخل ..دورات وجها ماشي شغلها..صوت لغوات جهاد ولبنت كتبكي ولوخرين ماراحمينهاش:قلناااا ليك اري لفلووس بالتي هي احسن
لبنت:والله مابقاولي لي
عندي خديتوو
جمعات معاها بصقلة:كتكدبييييي كانت عندك زيارة ليوم وشافوك كتشدي لفلوس من عند مك كتخيمقي علينااا فيين هوما ارييهم
لبنت:هومااا لي عندييي حراام علييكم
جروها من شعرها:زيدييي غتجبديهم وغنتحاسبوو مازال هاد الوجه شخال من مرة قلت ليك ايتخسر ايوا حات الفرصة لمناسبة دابة
مارية شافت فداك البنت مزيونة وباينة غا نية وحات بين يديهم..ودابة غيرزيوها فوحها..وقفات ومشات لعندهم دفعات وحدة فيهم ووقفات وسطهم:قالت لك هوما لي عندهاا بعدي منها
خنزرات فيها:نتييي اش دملللك بغيتي نشركك معاها ولا شنووو
لبنت كتخبا فيها مخلووعة
مارية:صافيي ميكيي عليها ماكاتشوفيش حالتها
كلشي تجمع عليهم لقاو فين يتفرجوو..لخرا غير شافت حقلة تزادت فيها ضلعة ودفعات مارية تاطاحت هي ولبنت فالارض وجراتها من شال لي دايرة حيداتو وشداتها من شعرها:كيحساب لييك انا بحال هادوك انا راه نزطم علييك انا هي كلشي فهاد الحبس
مارية هاد النهار ماغايدوزش على خيير ولي ليها ليها..هزات رجليها وطلعاتها معاها للكرش تا حسات بيها اتقيى نترات شعرها من يديها وقلبات عليها لعبة ولات هي لي كتضرب فيها وتنتف لوخرين كيغوتوو لقاضية شاخدة ..ناضت داك البنت :بعدييي بعديي راه مشاو يعيطو للكارديانات ماخاصش يجيو يلقاوك كضربيها
دفعاتها تا طاحت فالارض وهزات شالها قاداتو فوق شعرها وتحنات لعندها:هضرت معاك بفمي ماشي بيدي نتي لي بديتي
ورجعات اللور كتلهت كتسمعها كتوعد فيها وتهدد ماغادوزهالهاش على خيير نوضوها وبدات كتنفض فحوايجها..
جاو لكارديانات :اش واقع
مارية:والوو
لكارديانة:فرقوو علينا هاد جقلة تحركووو
كلشي دخل لداخل
لكارديانة:اجي نتي للمكتب
مارية كتقاد شالها:علاش
لكارديانة:زيدي قداامييي

#لبنات حد هنااا عييت والله غدا التتمة هانا زدتكم على تلاتة ..بغيت غا نقولكم غدا كاينين واااحد الاحدااات ناااااغ 🔥 انا ومتحمسة ليهم بزاف غيعجبوكم بغيت ارائكم كترو منهم وتوقعاتكم باش نتهلا فبناتي راه بدين نعكزززززز💋
#تصبحو_على_خير❤#بناتي كاين غلاط لفوق فترقيم 34 ماشي 44
🔥حُطــــــــام🔥
🖤الكـــــــــابوس🖤
الجـــــــــزء35
تبعات لكارديانة للمكتب وفبالها حكيمة ساقت لخبار للمطايفة وموجدة ليها شي عقاب ولا شي حاجة

غير دخلات للمكتب وقفات مبلوكية كتشوف فداك الشخص لي جالس تماك وهو التاني مصدوم مخرج عنيه فيها ..بلعات ريقها كتشوف فيه هدا اش جابو لهنا
وقف داك ساع عنيه اياكلوها اول مرة ايشوفهاا بلا لتام
مارية مقوصة حواجبها:السي توفيق شكا دير هنا
توفيق :مارية لاباس عليك

هزات راسها باه مازال مستغربة:بييخر ولكن شكا دير هنا
توفيق كيدقق فملاميحها لي متوقعهاش تكون بهاد الجمال كامل ملامح زوينين بزاف وحادين جمال مواتي شخصيتها لقوية وصوتها لي ولف بيه
شافتو طول باش يجاوب:السي توفيق جاوبني اش كدير هنا

توفيق مسح على راسو:سمعت بداكشي لي وقع ليك سوسن قالتلي تاهموك ققضية ارهابية وانا عارفك مضلومة ومايمكنش نخليك هنا ..ودرت ليك جوج دلمحاميين لمعروفين فلبلاد شوية وغيكونو هنا يشوفو قضيتك..وجيت نشوف واش محتاجة شي حاجة ولا راكي بيخير هنا
مارية:وكيف دارو خلاوك دخل للمكتب ووافقو على زيارة ونت ماشي من العائلة
توفيق:لمعارف امارية ولفلوس كدير كلشي مايمكنش نخليك هنا
بقات غير كتشوف فيه عاد نطقات وهي كتقرب لعندو:السي توفيق نت ماشي مجبر باش دير معايا هدشي فجميع الاحوال انا مضلومة وهاد تحقيق ايسالي ببرائتي
توفيق:نتي عارفة هاد.لقضية صعيبة وتحقيق كيطول وحنا مابغيناكش تزيدي طولي هنا علأقل تحقيق دوزيه على برى علامن يصدر الحكم

تنهدات فعلا مابقاتش قادرة تزيد فهاد.لحبس تا نهار عاد تزيد طول فترة تحقيق كاملة شافت فيه:مصاريف لي غتخسرها كلها انرجعها ليك اسي توفيق
توفيق كيشوف فيها دايب مرفوع سيد :شحال من مرة قلنا بلا ديك السي توفيق..والمصاريف وهدشي ماشي وقتو حتى يدوز هدشي على خير

مارية:لا من دابة نتافقو كلشي ايرجع ليك راك عارفني اسي توفيق
خافها لا تصدق رافضة كلشي:صافي مايكون غا خاطرك اجي نجلسو علامن يجيو لمحامين وعاوديلي كيف غادة مع لمحابسيات لداخل
تنهدات وهي غادة جهة دلكرسي باغة تجلس عيانة وهو مراها كيطلعها ويهبطها مع لابسة سيرفيت مبينة تفاصيل جسمها مزيان وهو هادشي ماموالفش يشوفو عليها كيزيد غيتفاجأ ويلصق فيها كتر
مارية قبل تجلس شافت فيه لقاتو مبلوكي فيها مافهماتش مالو..عاد سرات معاها راه مادايراش لا لتام مالابسة نيقاب دايرة غا شال وسيرفيت مزيرة ….كانت مرفوعة ومع لمطايفة ودماغها مشغول وهاد روينة لي هي فيها نسات كلشيي..بلعات ريقها كتقاد شال وتنزلو على كتافها وتزيد تغطي شعرها مع شال طويل

على برى

كان فتجاه المكتب حتى كيشوف حكيمة خارجة من واحد لمكتب اخور وفيديها لقهوة شافت فيه:السي سردار جيتي
وليد هز راسو باه كيشوف فجيهة لمكتب:اه راها لداخل
حكيمة:اه ولكن عندها زيارة
قوص حواجبو:كيفاش ومعامن
حكيمة:شي واحد من لمعارف ديالها واقلة كانت خدامة عندو هو لي غيتكلف بمصاريق لمحاميين لي غيكلف ليها
وشافت فساعة:دابة وهوما وصلو
قرل لعندها كيدير فيها داك شوفة ديال من نيتك:وانا اخر من يعلم احكيمة
بلعات ريقها وهي خايفة من دوك شوفات لي دار فيها بدات غا كتمتم:كنت ..ماحسابليش..
قاطعها بحدة:قلت شادة ولفادة تكون عندي ماشي ديري لي فراسك ودخلي مصلاحتك فشي حاجة كتخصني
حكيمة لكاس ايطيح ليها من يديها بلخلعة:سمحلي اسي سردار ماحسابليش …
كمل طريقو عاقد غوباشتو فتجاه المكتب مخليها واقفة بلاكة كتلتاقط انفاسها
#يتبع_تعاليقكن❤🔥التتمة🔥

فالمكتب

جلسات فوق لكرسي وجلس اونفاص معاها وهي شادة داك شال مرة مرة كتلويه على نص دوجها ويرجع يطيح ..اصلا هي من لول ماكنتش ديرا لتام كانت غا بلحاجب ولباس مستور فضفاضي وفاش بدات كتخطط للانتقام دارتو ورتاحت فيه ومن بعد تفكير وباش تقدر تزيد بحايتها للقدام كيف سبق وقالت وتبدا خدمة جديدة حسن من لمكتابة خاص تحيد لتام وتبقة بحجابها ولباسها لمستور..غير ماكانش خاص يشوفها فهاد لحالة ولباس مزير وهي فورمتها عاطية للعين وهازة ماكاترتاحش شي حد يشوفها هكا ولفات بلمستور ولعباية ساتراها

توفيق مرة مرة كيخطف ليها شوفات باقي مامتيقش شافها بلا لتام وانه هدي هي مارية نزل عنيه ليديها وبدون شعور شد ليا يديها كانت زرقة وشوية منفوخة وعاد داك لحروق دلكارو:مالك من يديه ياك لاباس شنو وقع لييك
تحلات لباب بالجهد وقفزو بجوج
وليد وقف هاز حاجبو كيشوف فهاد المنضر كيف شاد ليها فيديها:جيت واقلة فوقت غير مناسب
عرفاتو من صوتو دورات وجها للجيهة لوخرا كتقاد شال على نص دوجها هدشي لي بقة غا هو يجي يشوفها..بعدات يديها من يد توفيق وجاوباتو بحاليلا وليد ماكاينش:غير طحت عليها ماشي شي حاجة

توفيق هز راسو باه وهو كيشوف فوليد ووقف :شكون نت
وليد مخنزر فيه :نت لي شكا دير هنا
توفيق:كيفاش شكا ندير هنا انا فزيارة
ميل راسو كيشوف فهديك لي مازال جالسة وماكاتشوفس لجيهتوو لمحها كيف فير سمعات صوتو دورات وجها وتلتمات بداك الشال رجع شاف فتوفيق:زيارة للعائلة وفقط ونت باشمن صيفة جالس هنا
توفيق مافاهم والو :شكون نت باش تحاسب معايا
وليد:انا المحقق لي مكلف بقضيتها وغنزيد تا قضيتك لما تحركتيش من لهنا وغبرتي من قدامي
مارية شافت الموضوع ايكبر وقفات كدوي مع توفيق:السي توفيق شكرا بزاف على زيارة صافي غيجيو لمحاميين وانعطيهم تفاصيل غير سير عفاك
توفيق:ولكن..
قفزو صوتو :بلا ماتخليني نعاود الهضرة
مارية:عفاك سير
توفيق هز ليها راسو باه وشاف فوليد وتم قاصد لباب وخرج
وليد غير خرج زدح داك لباب من موراه بالجهد وعنيه مفيكسيين عليها كيف واقفة وكتشوف فيه بحدة

قرب لجيهتها كيطلع ويهبط فيها وفلباسها وكيفاش كانت قدام توفيق ..هكاا.وغير سمعات حسو هو لتمات وجها :شتك واخدة راحتك هنايا ونقابك فين هو
فدماغها كتقول شمن راحة فهاد الحبس:ماحسابليش تاهدشي كدخل فيه
ليد شدها من دراعها وزير تا توجعات:عند بالك هاد ميخي ايخرجك من لهنا لا راه انا لي كنقرر هنا فوقاش اتخرجي بكانتي وبرشوقي واخة يدير ليك عشرين محامي امارية سمعتيني راه باقي ماه
خلاق هدا لي ايفكك مني

نترلت دراعها من يديه ورجعات باللور :رخيي منيي وماتعاودش تقيسني
ميل فمو بابتسامة استهزاء تفكر فاش دخل ولقاه شاد ليها فيديها وهو كيطلعها ويهبطها بطريقة مستفزة خلاتها تبدا تهبط فلفوقاني دسيرفيت :كتبيني لعفة ولواقار حدامن ما بغيتي
مارية لهضرة واحلو ليها فحلقها تقولو ماكنتش عارفاه هنااا ولكن شكون هو اصلا لي اتشرح ليه :زيارات دياولك ايوليو تحت مسؤوليتي الالة مارية من غير مك تا واحد ماغايعتب باب هاد لحبس ونساي شي حاجة سميتها محاميين حيت انا لي كنقرر هنا ونتي مازال مطولة هناا غا هني راسك تانشوف هاد راس ديالك فوقاش ايتهرس
عضات على سنانها كتزيد تكرهو كيفاش مطولة هنااا نطقات بحدة:راسي عمرو ايتهرس ولا يتحنى ليك ولا كان على لخروج من لحبس راه انخرج ها نت غتشوف وغنبين ليك مارية علاياش قادة
جرها لعندو زادحها معاه تا تضربات فيه وعنيها فعينيه كيشوف فيها بتبات انفاسهم لحارة تخالطو..همس ليها :ماتحداينيش امارية
مارية باغة تبعد ولكن حاكمها مزيان مامخليلهاش فين تفنفن لدرجة كتحس برجليها ايتهزو من الارض وكتحس بدقات قلبو على صدرها تمتمات ماحاملاش هاد.القرب:رخيي..رخي منيي
هز راسو بلا وعنيه على هاد شال لي حاجب عليه رؤية باقي تفاصيل وجها .مارية من شوفاتو عرفات فاش كيفكر نطقات وهي كتنتر منو عاضة على سنانها:رخيييي منيي ماتبقاش تقربلييي كنقسم ليك شي نهار انقتلك
تبتها مزيان :قلتي اتخرجي من لحبس بيني ليا كيف اديري
مارية:هانت غتشوف على عنيك
ونترات دراعها من يديه ورجعات اللور كتفكر فداكشي لي كيدور فراسها صافي خاص طبقوو حيت لابقات هنا راه بصاح ايتهرس ليها راس وسط هاد الجحيم لي لداخل
#يتبع_تعالقكن❤🔥حُطـــــــام🔥
🖤الكــــــابوس🖤
الجـــــــــزء36
وليد:كيعجبني لي كيتحداني ولكن غا ديري فراسك ماحدك مازال مقصحة راسك هنا اتبقاي
مارية:واخة ها حنا انشوفوو
وليد:وبان ليا جبتك لبلاصة لي جاية معاك شبعانة مطايفات مع راسك
مارية ببرود:بغيت نمشي
وليد:تحركييي
قلبات الدورة غادة وهو مراقبها كيطلعها ويهبطها ميل راسو كيحقق ففورمتها تا حلات لباب وخرجات..تنهد :ها حنا انشوفو امارية
تحلات لباب كانت حكيمة
شاف فيها وجلس:اخر مرة يوقع هدشي زيارات ممنوعة عليها من غير مها وبعلمي سمعتيني
حكيمة:واخة اسي سردار كون هاني هدشي ماغاديش يتعاود
وقربات جلسات اونفاص معاه عارفة عندو مايقول شعل كارو ونتر منو وشاف فيها:مالهم معاها لكارديانات
حكيمة:راك عارف من داك نهار لي مدات يديها عليهم مارضاوش وتاهي راه ماكاتخليش من حقها
وليد دار رجل على رجل:عاوديلي بتفصيل ولا غا سامعة ما حاضية والو
بلعات ريقها

نمشيو عند مارية
لي مشات للحمامات تصيبهم دغية وترجع للسيلون تكة بحالها…سالات طواليطات وحكات لافابويات وحنات كتكرط فالارض ودماغها كيفكر فهدشي لي قررات ديرو هو لحل باش تخرج من لهناا بلا ماتحني راس ليه وهو بيديه ايبغي يخرجها وتهنا من هاد لحبس لي ماتبغيهش لعدوك..كانت مرفوعة مع افكارها ومامنتابهاتش للحركة لي كدور حداها..حتى كتحس بشي ضربة جاتها للضهر طيحاتها فالارض بالجهد جات مزدوحة يلاه اتهز وهي تحس بضربة وحدا خرااا دارت ليها دوخة..حتى كتحس بشعرها مزير وهزو ليها راسها لفووق وجمعات معاها بصقلة كتحس بجوج شادينها وحاكمينها مزيان..حلات عنيها كتشوف كلشي كيتفرج فيها ولبنات ملوين عليهم لفوطات وخارجين من دوش كيتفرجو وشي وحدات عريانات كاع..دورات وجها كانت هديك لي ضرباتها فساحة وهازة فيديها واحد لموص
سجينة:واش كيحساب ليك اندوزهاا ليييك يا بنت لقحبة غنخليك عبرة لاي وحدة حاولات دخل فشي حاجة ماسوقهااش
غوتات:شدوو داك لباب دلحمام وبربييي ونعرف شي وحدة وصلات لهضرة لكارديانات نحرهااا
دارو داكشي لي قالو ليها وشدو باب لحمام ….وكلشي كيتفرج عارفينها مجنونة ومارية كبتاتها معاها دابة ..مارية كتشوفهم كيقربو واحد بانيو دلماا عامر حاولات تنتر منهم وماقدراتش..قرباتوليها وخشات ليها راسها فداك لبانيوو تا تغطس لدااخل وبدات كتخنق فيهاا :شوفيي لمووت بعنيييك وتفكرينييي
مارية لما كيدخل ليها فنيفها وفمهااا تخنقاات مابقاتش قادرة تنفس وهوما شادينها حسات بلموت صافييي ..حتى كتهز ليها راسها بدات كتشهق وتكح وتحاول تنفس ماخلاتلهاش لفرصة فين تزيد تنفس ورجعات غطسات ليها راسها تماك ومزيرة ليها على شعرهاااا كتقتلها بلبطيئ

على برى دلحمام
كانت واقفة كتاكل ضفارهاا ودموع فعنيها كتفكر كيف عونتها ولكن خايفة توصل لهضرة راه تقتلهااا ولكن مارية غامرات وعونتهاا خاص دير شي حاجة..مشات كتجري ماخصش تكون انانية .دازت من حدا لكارديانات لي عارفاهم ضد مارية وماكايحملوهاش..وصلات للباب لكبير لي كيوصل للمكتب مقفول بلقفل ودقات بالجهد كتشوف مع جنابها لايشوفها شي حد.طل عليها سكيرتي:مالكي
همسات ليه بخوف:قول لمدام حكيمة راه ايقتلو مارية لمحابسية جديدة فلحمام عتقها عفاك راه سادين عليها..عفاك ماتقولهاش انا غادي يقتلوني ولكارديانت باغينها فيها عتقها الروح اطييح ايديرو فيها شي مصيية الله يخليييك
وبدات كتبكي هز راسو باه:صافي صافي سيري هنا انوصلها ليها
ورجعات تاني كتجري..تنهد ومشا نيشان للمكتب دق حتى كيسمع صوتها:دخل
دخل لداخل
كان واقف باش ايمشي بحالو من بعد ما ركب فحكيمة الرعب لا عاود سمع شي حاجة ماشي هي هديك
حكيمة:اش واقع
الراجل:شي وحدة سميتها مارية لمحابسية جديدة شادين عليها فلحمام ايقتلوها امادم حكيمة
حكيمة بلعات ريقها وهي
كتشوف فوليد كيف ملاميحو تبدلو:وفين هوما لكارديانات
وليد:زيديي قدامييي
هزات راسها باه وتمات خارجة من المكتب وهو تابعها تا دلخلو للسجن لداخل لمحابسبات كلشي بقة كيشوف فيه هدا شكا يدير هنا اول مرة يدخل عندهم شي واحد هكااا لدرجة بداو كيصفرووو ويصفقوو:هكاااك امادام حكيييمة بداي تجيبي لينا لفسوورية
هز راسو فهادي لدوات رمقها بنضرة سكتاتها وتكومنات فبلاصتهاا وهضر بصوت زعزع حكيمة:فيين هاد لحمااام
زادت فخطاواتها ولحبس مقلوب :هاااهوو هنااا
لكارديانات تجمعو كاملين ..هو شاف باب داك لحمام مسدود رجع اللور وهز رجلييه تا لسما وفرعو تا حلات لباب بجهد مهرس ليها لبلاجة ..وتم
داخل هكاك عليهم لحمام غير كي شي عجاجة شافوه لبنات لي عريانات و خارجين من دوش كيتفرجو بداو كيغوتوو ماهمو تاوااحد هامو هاديك لي فالارض محاميين عليها كيخنقو فيهااا وداك لموص لي فيد سجينة نازية تكمل بيه..قرب ليها وهز رجليه تا ليما وخشاها لبها فحنبها تا طاحت الارض هي وموصهاا داك ساع رخاو من مارية دوك جوج هاربيين ..وهي طاحت فالارض على كرشها كترد غا لماا وتكح بصوت مرتافع وتخاول تنفس ..روحها واقفة فنيفها كلها فازكة وشعرها لاصق على وجهاا

#بناتي حد هنا تلاتة .لاجزاء دياولي أرائكن
تصبحو_على_خير❤🔥حُطــــــــام🔥
🖤الكـــــــــابوس🖤
الجـــــــــزء37
داخل هكاك عليهم لحمام كي شي عجاجة شافوه لبنات لي عريانات و خارجين من دوش كيتفرجو بداو كيغوتوو ماهمو تاوااحد هامو هاديك لي فالارض محاميين عليها كيخنقو فيهااا وداك لموص لي فيد سجينة ناوية تكمل بيه..قرب ليها وهز رجليه تا لسما وخشاها ليها فجنبها تا طاحت الارض هي وموصهاا داك ساع رخاو من مارية دوك جوج هاربيين ..وهي طاحت فالارض على كرشها كترد غا لماا وتكح بصوت مرتافع كلها فازكة وشعرها لاصق على وجهاا

..هضر بصوت مرتافع خلا شي كيدخل فشي:تحركوو تقودووو غنشرك دلمكم كاملييين

سجينان خارجين كيتجاراو عريانين من لحمام كاينة لي زلقات كاع وطاحت ورجعات جمعات الوقفة
حكيمة كتشوف فلكارديانات مخنزرة:جمعو لياا هدوك كامليين كلشي ايتحاسب وتانتومااا غنتفاهم معاكم.. دايرين لي روييينة هناياااا
هو تحنة لعندها على ركابيه كيشوفها كيف طايحة على كرشها ومازال كتكح وضرب فالارض بيديها ماقادراش تنفس مخنوقة ولما عمر ليها ريتهاا تخنقات..شدها من دراعهااا حاط يديه على جنابها كلها كترجف ..قلبها على جنبها بالخف عاطياه بالضهر وزاد تحنى لعندها كيميلها باش يخرج لما لي خانقهااا شوية بدات تاني كترد غا لماا:ماررية تنفسييي
هزات يديها بتعب كتبعد يديه من جنابها حتى فشلات وترخات مغمى عليهااا..تنهد وهو كيقلبها على ضهرهااا ..شعرها لبنيي لفازك مخبي ملامح وجها لاصق عليه..داك ساع بدا كيضغط بديه بجوج على صدرهاا ولما كيخرج من فمهااا..قاص ليها النبض ديالها وتحناا هزها بين يديه
دوة بصوت حااد:تحركيي قدامي فين غرفة طبية
حكيمة تابعاه كتجري:ملهنااا
وسبقاتو وهو موراها هازها بين يديه كيشي ريشة مرخية ..بخطوات صراع عاقد داك لغوباشة بحال شي نار خامدة ..لحبس تخوة وكلشي دخلوه للسيلون ديالو..تا وصلو للغرفة طبية
دخلها وحطها فوف لباياص ..
حكيمة كتشوف فطبيب لي تماك:تكلف بيها
شاف فيه كيف مقرب ليها وعنيه عليها رجع شاف فمارية كلها فازكة وسيرفيت لاصقة على جسمها بطريقة متيرة مبين مافاتينها مزيان
جا قدامو حاجب عليه شوف وشاف فلباب:مايحتاجش انا غنتكلف
حكيم:صافي غير خرج
وليد:تبعيه
تبعاتو وسدات عليهم لباب
دور وجهوو كيشوف فيها كيف ملقية فوق داك سرير وراسها لجيهة لوخرا وتنفسها بدا كينتاضم شوية بشوية صدرها طالع هابط .. قرب لجيهتها..وتحنى لعندها دور ليها راسها لجيهتها وحط يديه على شعرها كيبعدوو بشوية ويرجعو اللور تا بان وجها قدامو وملاميحها واضحين..ميل راسو وعنيه كتسارا على وجها براحة ساهي فيها كيدقق فكل جزء من وجها ..ماحس براسو تا هز يديه كيدوزها على وجها بشوية تا وصل لشفايفها فين كاينة واحد ضريبة تماك كتسيل بشوية ديال الدم ديرونجاتو خصرات ليه شوفة ديال هاد الجمال لقاصح ولجداب لي قدامو مسح داك دم باطراف صبعانو بشوية وعنيه مافارقوش ملاميحها لي كيجدبو فريدين بنوعهم وجمال من نوع اخور..حتى كتحل عنيها لخوضر مايلين لزيتي بشوية وجات عنيها فعنيه هنا كملات الصورة لي كان باغي .من بعد ماكان كيشوف غا عويناتها وديك نضرة لحادة هي هي قدامو كاملة..كان حاني ومايل بجسمو لعندها..كتشوف فيه بتعب ورجعات غمضات عنيها كتمتم:ب..عد..
وفقدات الوعي تاني
همس ليها :عنييدة
#يتبع_تعالقكن بانوووو❤🔥التتمة🔥
وليد:عنيدة
لقة راسو ماساخيس يبعد عنيه من عليها وهدشي ماخاصش يكون مسح على راسو هدا مجرد فضول حيت من لي وقع لي وقع وهو كيشوفها غا بلتام لا اكتر اما راه لعداوة لي بيناتهم فوق هاد لخوزعبلات على قولتو..هدشي باش كان كيفكر..بعد عليها وهو كيلقي نضرة اخيرة عليها..شاف جسمها كيرجف ومبلوول وجامعة يديها على شكل لكمة بحاليلا كتوجع منها..قرب ليدها وشدها بين يديه وفتحهم كيشوف الورك ديالها شوية منفوخ وزرق وعاد اتار طفيات لكارو على صبعانهاا واحد بواحد بقة شاد يديها شحال بين يديه كيشوف فداك لي طراس ..ومرة مرة كتجي ليه لقطة من ديك ليلة وبعض من صوت اهاتها فاش كانت كتوجع..ناض واقف كينفض هاد الافكار من راسو وبانت ليه علبة الاسعافات مجهزة طبية فتحها وخدا معقم وقرب لشفايفها عقم ليها داك الضربة وهو كيحاول مايحققش فملاميحها.وقرب ليديها وهزها تاني كيماصيها بشوية حتى كيلويهاا بالجهد تا حلات عنيها كتشهق..رجع ليها لعضم لبلاصتو..غير شافتو ناضت جالسة كتلهت وتشوف مع جنابها مقوصة حواجبهها ونزلات عنيها لحوايجها وكتشوف فين هي عاد رجعات شافت فيه وهي كترجع شعرها اللور وبصوت فيه داك لبحة لخاصة بيها:شكا دير هناا انا فين
بقة كيشوف فيها كيف كترمش بعنيها وباينة قلبها كيضرب فلمية حيت صوت انفاسها مسموع..تأملها شحال عاد نزل عنيه كيقاد لفاصمة فيديها وكيجر يديها لعندو ودوة ببرود وعنيه على يديها:راك باقة فالحبس كوني هانية
بغات تنتر يديها من يديه وتبعدها ولكن زير عليها تا توجعات:ماغاتبتيش
مارية عاضة على سنانها كتشوف حالتها كيف دايرة وهو واخد.راحتو :كنقولك يديك ماتعاودش تحطها عليا كنشمأز منننك سمعتيني رخيي
وليييد شاف فيها وهو كيعقد داك لفاصمة زير داك الحزمة بالجهد تا عضات على شفايفها متوجعة وخرجات داك آآه منها..خلاتو يسهى فهاد الحركة وتعبير لي على وجها..
جمعات يديها لعندها وهي كتشوف واحد ليزار فوق لبياص جراتو عليهاا وشافت فيه مخنزرة ماعندهاش الجهد حاليا لي تعافر معاه مازال جسمها مهدود ومازال كتحس برية ديالها تقيلة عليها وكضرها تفكرات داك اللحضة لي دخل للحمام كانت كتسمع غا صوتو كيفاش غوت على السجينات وكتلمح غا شوية من ملاميحو ولمساتو فاش كان كيعاونها باش تنفس وترد داك لما لي بلعاتو..نطقات بحدة وهي كتزيد تلوي داك ليزار عليها وتستر راسها وتخبي لي ايتخبة :اخر مرة تدخل فشي حاجة ماخاصاكش نموت كاع ماشي شغالك وماتبقاش تقرب لجهتي ولا يديك يجيو عليا حيت كتزيد غتكرهنيي فييك كتر ملي كنكرهك كنشمأز منننك فهمها
ميل راسو كيشوف فيها بهدوء وكيف كتهضر وكيف كتحرك شفايفها وتميلهم مع كل حرف كتنطق وكيف كترمش وتورك على لحرووف..شهقات فاش نزل بكامل جسمو لناحيتها مكالي بيديه فوق لبياص زرب عليها تا لصقات مع لكادر .لباياص راجعة براسها اللور..نطق وعنيه فعنيها مفيكسيين جامدين:ماشي بهاد سهولة خاص تموتي امارية راه تا لموت ماغاتفككش مني..وماكاينش هدا لي ليه الشرف تموتي على يديه من غيري ديري هادي فراسك..انا مازال كنتسنى داك تحدي لي قلتي اتخرجي من لحبس ..راه ماشي حبا فيك عتقتك راه حيت باقي لحال باش تموتي ولا توقع ليك.شي حاجة باغيك بهاد صلابة هادي بالضبط وهاد القوة لي كنشوف فعنيك باش نتنغم على ديك اللحضة لي انشوفك حانية فيها الرااس
بلعات ريقها وجهو قريب ليها بزاف لدرجة كتحس بريحة عطرو رجولية تغلغلات لداخل ونازلة مع حلقها وزايدها كيديوي بواحد تقالة وواحد صوت بارد
قوص حواجبو وكمل كلامو:وراه قلت ليك قصوحية راسك وكلامك هوما لي غيجيبولك لفان معايا
مارية قلبات وجها لجيهة لوخرا مامستحملاش قربو ليها :كتحلم هدشي لي عمرو يكون
ورجعات شافت فيه بتحدي:عمري نحني ليك الراس ولا كان غا على الحبس غنخرج منو هانت غنشوف غير تسنى..
تقاد فالوقفة وهو كيحيد لجاكيط فزكات ليه بلما بقة بتيشيرط بيض مبين تفاصيل جسمو رياضية وهضر:انشوف
وشاف فيها :امارية
ماجاوباتو نزلات من فوق لبياص ماقادراش تبقة معاه هنا يلاه حطات رجليها فالارض وهي تشدها الدوخة تا دارت بيها دنية ..حسات براسها اطيح كوما شدهاش محاوط خصرها وراسها على صدرو مغمضة عنيها الارهاق والضغط ديال هاد الايام وزيد هدشي لي وقع اليوم رجع عليها دابة
#يتبببع_أرائكم❤🔥حُطـــــــــام🔥
🖤الكـــــــــابوس🖤
الجـــــــــزء38
مارية حسات براسها اطيح كوما شدهاش محاوط خصرها وراسها على صدرو مغمضة عنيها الارهاق والضغط ديال هاد الايام وزيد هدشي لي وقع اليوم رجع عليها دابة ..كتسمع نبضات قلبو فودنيها وجهد لي تقولو بعد ماكاينش ..هز ليها راسها لعندو وحط يديه على وجها كيشوف فيها:تبتي فبلاصتك قصوحية راسك اترجع عليك بلخايب
حلات عنيها وشافت فيه:غا خليني

حطها فوق لبياص وتكاها ..ورجع اللور كيشوفها كتقاد فبلاصتها وتزيد تلوي عليها ليزار ..دور وجهو كيشوف كيس ديال المدي محطوط هزو وقاد ليه داك تيو ديالو وقرب شاد يديها لعندو طلع ليها كم سيرفيت وهو يحبس كيشوف داك سيكاتريسات كيف طالعين مع يديها..شافت فيه بعنيها دابلين عرفاتو فاش كيشوف بغات تبعد يديها وهو يحكمها :بببعد عليااا
عضات على شفايفها وهي كتحس بداك نغزة فاش دخل ليها لمغدي فلحمها وقادو فبلاصتو..عاد رجع اللور :اتبقاي هناا حتى نقولهم اش يديرو معاك
ماجاوباتوش هز جاكيتو وخرج وهي ترخات وغمضات عنيها مستسلمة للنعاس

غير خرج من داك الغرفة طبية لقة حكيمة واقفة كتسنى هي وطبيب..شاف فيهم مخنزر :اتبقة لداخل تاتولي بيخير ماتخرجش من تماك تا نقولها انا
وشاف فداك طبيب:وتا حد مايدخل لعندها من غير شي وحدة توصل ليها لماكلة
حكيمة:واخة اسي سردار وهادوك كاملات خداو عقابهم خدمت معاهم اقصى لعقوبات
سردار:نتي بان ليا هنا حاطنك غا ديكور احكيمة خاصك واقلة تمشي ترتاحي فدارك
بلعات ريقها:لا راه غير
قاطعها:انا غنمشي واي حاجة وقعات ولا اتوقع توصلني..غدا عندها زيارة دمها خليها دخل تشوفها
حكيمة:واخة كون هاني
ومشا مخليها واقفة كتنهد

طبيب:ماندخلش نفحصها ونشوف حالتها
خنزرات فيه:واش من نيتك داك لغرفة ماتعتبلهاش سمعتيني
ومشات وخلاتو واقف

نمشيو لجيهة خرا
فدار مارية
كانت سوسن عندها هي ونارة كتجي هي وياها لعند حليمة كل نهار
حليمة:غدا انمشي عندها للزيارة
سوسن:انمشي معاك على الله يخليوني ندخل نشوفها
حليمة:صافي انرغبوهم
سوسن جبدات من ساكها واحد لفلوس ومداتها ليها:هادي صيفكها ليك ااسي توفيق قالك باش تعاوني بيها..وتعاوني بيها فلقفة لي انديو لمارية
حليمة شدات داك لفلوس كتحسبها:هدشي بزاف
سوسن بتاسمات:سيد اخالتي عنيه فمارية وباغيها لزواج هدشي كيف والو
حليمة:ايوا بنتي ماعندها زهر مسكينة
سوسن:مالها اش ناقصها ماشي اول ولا اخر وحدة اتعرض للاغتصاب
وسكتات نسات راسها فالهضرة
نارة:شنو هو الاغتصاب
سوسن عضات لسانها على هاد لكلاخ ديالها:والو شي حاجة ديال لكبار خاص تنسايها صافي واا مارية ماغايعجبهاش لحال
نارة:واخة..فزقاش اتحي ختي توحشتها وبغيت نشوفها
حليمة:دابة تجي ابنتي
نارة:خليوني تانا غدة نمشي معاكم لعندها
حليمة:حبيبة مرة خرا هاد.لبلاصة غير ديال النتس لكبار خليها تاتجي هي حسن صافي
نارة:واخة اماما قلها نارة توحشاتك وراني كنراجع دروصي واخة هي ماكايناش واني كنبغيها بزاف عفاك
حليمة:هي لولا ابنتييي نقولهالهاا
وتنهدات كتشوف فهاد لملاك لي ماجايب للدنيا خبار
#يتبع_أرائكن❤ كنتعطل حيت مازال كنكتب البنات🔥التتمة لجزء 38🔥
داز الوقت وطاحت الضلمة..

وهاد المرة فقصر سردار..
كان فلاتيراس جالس فوق لكرسي بصدرو لعاري مغطي بلفاصمة على داك ضربة لي مازال مابرات..ريح بارد كيضرب فيه بالو سارح لبعيد ودخان خارج من فمو كيسوطو بشوية ويتنغم عليه..عنيها ملاميحها تفاصيلها صوتها كلامها عنادها كلشيي فهاد اللحضة كيتعاود فدماغو..اللحضة لي شافها لاول مرة كتمشي وتجي فبالو..ساط داك اادخان هاد المرة بالجهد ووقف كيطفي داك لبونتة :هانا انوريك هاد قصوحية راس ديااك وشوفي كيف اديري تخرجي من داك لحبس
مسح على راسو ودخل للجناح ديالوو وهو كيمسح على شعرو وكينفضها من بالو وكيقول مع راسو فقط وحدة مختالفة اول مرة يصادف شي وحدة بحالها وتزعم عليه بهاد زعامة كاملة وهدشي لي داير ليه هاد الفضول ..وقف حدا لمراية كيشوف فداك لفلصمة حط عليها يديه ونترها من بلاصتها كيشوف داك علامة ×لي مطارسة تماااك:هدي ماغاديش نساها امارية

وهز فوطة ودخل للدوش طلق عليه لما بارد ماهموش لجرح لي مازال مابرة مزيان لموهيم هو يبرد وصافييي

فنفس القصر

كانت متمية فوق ناموسيتها وصورتو بين يديها همسات:عمر قلبي يكون لشي واحد من غيرك وهاد زواج غيسالي ماغانسمحش ليه ياخد بلاصتك
دورات وجها على صوت ميساج فطليفونها هزاتو ودخلات قراتو وخنزرات كان منو هو مكتوب فيه:ليالي مابقاش بزاف وغتولي مراتي ونبداو فحياتنا زوجية
عضات على سنانها منين جاب نمرتها كتبات ليه دااك ساع:زواج لجحيم لي اتشوف معايا

ادم…
جغم من كاسو وهو مبتاسم وكتب ليها :اول ميساج من زوجتي لمستقبلة انسكرينيه ونخبيه تانفكرك فيه مع ليام ملي يوليو عندنا وليدات

ليالي..
خرجات عنيها فداك الميساج على وقاحتو وكتبات ليه:حلم مع راسك وتسنى مني غا ليام لخايبة وماتعاودش تصيفطلييي

ادم..
زاد بتاسم :واخة وسيري تنعسي سهير مامزيانش

ليالي..
رمات طليفون بلا ماتجاوبوو كتمتم بحقد:غادي نوريييك زواج شكا يسوة يعيطك موصيبة

ادم..
رجع كتب ليها:مادعيش فيا راك مازال محتاجاني
بقة شحال كيتسناها تجاوب او والوو..بغة يزيد يعصبها بقة..كيصوني باغي تقرا لميساج ليالييي تعصبات هزات طليفون جا نيشان على داك ااميسلج..قطعات عليه وطفات طليفون..وتغطات وهي كدعي فيه ونعسات
ادم حط داك لكاس من يديه وتكة فبلاصتو:ليالي مازال ماكتعرفينيش كيف داير
وبتاسم وهو كيتهتيل شكلها وهي معصبة ونعس تاهوو
#يتبع_أرائكن❤🔥حُطـــــــام🔥
🖤الكـــــابوس🖤
الجـــــــزء39
جا نهار جديد بأحدات مختالفة🔥

كانو على برة
حليمة:راها بحال ختها خليوها تشوفها عفاك اولدي
لكارديان:لا اشريفة عندي اوامر غير مها وصافي و

سوسن:حرام عليك والله كيف بغيتني نبقة هانية ونت كتقول راها فلغرفة طبية مافيها باس لا خليتني نشوفها
حليمة كدعي معاه:الله يرضي عليك اولدي راحنا ساكنين بعاد ومسكينة جات تا لهنا على ودها باش فتالي ماتشوفهاش
تنهد:تسناي اشريفة
ودخل لداخل لعند حكيمة قالها اش واقع
حكيمة:انشوف مع سي سردار
داك ساع دوزات نمرتو
جاوبها:اش واقع
حكيمة:جات مها وشي صاحبتها سميتها سوسن كطلب باش نخليوها دخل تشوفها قلت نتشاور معاك
وليد:خليها دخل
حكيمة:واخة اسي سردار..واحد لحاجة
سردار:شنو هي
حكيمة:مارية بغات تشوفك قالتلك عندها ما تقولك
قوص حواجبو اش بغات:صافي
وقطع مغير تيحاه سيارتو لطريق السجن النسائي

على برة..رجع عندهم لكارديان:عندك زنر خلاوك دخلي
فرحات:الله يحفضك اخويا
وتبعوه لداخل و موصلهم للغرفة الطبية رحمة باغة غا فوقاش تشوفها وتطمن عليهاا ماعارفينش اش وقع ليهاا

مارية
كانت متكية من لباارح ماعتبات هاد لبياص ونيت كانت عيانة ومهلوكة وناقصة نعاس رتاحت شوية تا لماكلة كتوصلها تا لبلاتها وجابو ليها حوايجها بدلات عليها وثلاتها لي كانت كتحمعها دنهتر كامل دابة صلاتها فالوقت تهنات من صداع دلحباسة وتمارة لي كانت كضرب وفليل ماكيخليوهاش تنعس

..قدرات ترتب شوية افكارها وتقتانع بالفكرة لي جات فبالها وغطبقها هاد نهار نيت حيت مستحيل طول فهاد الحبس كتر من هكااا..ضربات حساب كلشي وخططات اش ادير خاصها دابة سوسن دوي معاها..همسات بينها وبين نفسها:هانت اتشوف عاود مارية كيف اندوخك اسي سردار🔥تتمة الجزء 39🔥
همسات بينها وبين نفسها:هانت اتشوف عاود مارية كيف
ادوخك اسي سردار
دورات وجها على صوت لباب كيتحل حتى كتشوف مها وسوسن داخلين قلبها مشا وجا بالفرحة ناضت جالسة..حليمة طارت عليها عنقاتها نازلين دموعها:الله ابنتي اش وقع بيك اش وصلك لهنا
مارية:والو اماما غير طحت فلحمام
حليمة شادة ليها راسها بين يديها :ماكانعس ماكانشوفو ابنتي ونتي هناا بالي كلو معاك باغة غا فوقاش ترجعيي لياا
مارية:غنرجع اماما كوني هانية مابقاش بزاف غير ماتبكيش عفاك هدشي مايستاهلش راني قادة براسي وازمة وغدوز
وباست ليه يديها وشفت فسوسن لي قربات لبها وعنقاتها:مارية حبيبتي كي بقيتي
مارية:انا بيخير كي بقيتو نتوما
سوسن:حنا بيخير بالنا معاك كي دايرة مع ناس لي لداخل
مارية تنهدات:مزيان راكي عارفاني..كي بقات نارة
حليمة كتمسح فدموعها:كتسول عليك مسكينة وقالتلك توحشاتك وبغات غا فوقاش تشوفك وقالتلك راها كتحفضك واخة نتي ماكايناش
هزات راسها باه وشافت فسوسن:سوسن مازال خاص تبقة عندك نارة خصوصا فهاد الايام ماخاصش تبان غنعول عليك اه وكاع حوايحها وداكشي ديالها لي فدار فاش تمشيو دابة جمعيهم وديهم عندك
سوسن مافاهمة والو:صافي واخة ولكن اش واقع
مارية تعاود هدشي قدام مها:غير هكاك وصافي راكي عارفة تحقيق
سوسن فهمات:صافي واخة
حليمة:عرفتي السي توفيق مسكين مامخليش من جهدو مسكين هو لي مكلف بتقدية ديالك وصيفطلي لمصروف ووصلنا تا لهنا مسكين وراه كيتسنى برا يرجعنا عاود
تنهدات:ماغايساليش من هدشي
سوسن:مالو مسكين ماتعرفي يكون هو زمانك ولي ينسيك فهاد الليام
مارية شافت فيها بمعنى واش من نيتك:سوسن انا فين ونتي فين
سوسن شدات ليها فيديها:شنو فيها والو هو بان ليا انسان متفهم كون كان شي واحد اخور ملي عرف انك متاهمة فقضية ارهابية ماغايتسوقش وماغايتبعكش تا لهنا ويدير لمستحيل باش يدخل عندك ولمحاميين وواقف معنا..راه قلتها لخالتي ماشي نتي اخر وحددة ول اول وحدة اتعرض للاغتصاب السي توفيق متفهم انا متأكدة غا يه فرصة
مارية كتشوف فيها وتصنت لكلامها يلاه اتجاوبها وتقولها ماتعاوديش تجبدي هاد الموضوع وهي تشوفو داخل تقادات فالجلسة كتلوي على راسها شال وخنزرات..هو لي فاش كان داخل سمع كلام سوسن الاخير
سردار مقوص:سلات الزيارة
مارية شافت فيه تبعها حديت طويل معاه:غنتشاوفو قريب ان شاء الله
سوسن وقفات عنقاتها :تهلاي فراسك
حليمة عنقاتها تاهي:بنتي تهللي فراسك عفاك وردي لبال والله يدوز هدشي على خير
باست ليها يديها:امين اماما
وقفات وصلات معاهم للباب تا مشاو..ودارت لقاتو واقف وكيشوف فيها .لابسة لعباية وشال فوق راسها
وليد:عائلتك ماعرفينش راكي مازل مطولة هنا ودغية كيفكرو فوزاجك
مارية:هدشي ماسوقكش فيه اما على لخروج راه انخرج
قرب لعندها:منين كتجيبي هاد تيقة لي لي اتخرج عليك
بتاسمات:سمع اش انقول بعدة
هز راسو باه:هاني كنسمع
مارية :اندخل فالموضوع نيشان
وليد:هضري
مارية بدون مقدمات:عندك ولد اسردار فعمرو ست سنين
بقة كيشوف فيها شحال وفعنيها باغي ياخد تصحيح واش لعبة هادي ولا شي خطة ولا ..هنا حبس زعمة بصاح
مارية هزات راسها باه:اه عندك ولد جا نتيجة داك ليلة لملعونة ..
شهقات فاش جرها من دراعها لعندو عاض على سنانو:عرفتي امارية اكره حاجة عندي هي شي واحد يلعب بأعصابي جيني نيشان شمن خطة هدي
بتاسمات كتقاوم وجع دراعها:كيف سمعتي عندك ولد فعمرو ست سنين وهاد الولد اسردار عمري بغيتوو ولا حسبتو ولدي من لحميي حيت مايشرفنيش يكون يكون عني ولد منك عمري ربيت عليه لكبدة..عرفتي علاش خليتو ومادرتش الاجهاض باش نطعننك بيه ونقتلوو ملي تعرف راه عندك ولد ولكن دابة انا لي غنخيرك بين جوج دلحوايج يا اما تخرجني من لهنا فاقرب وقت ونعطيك ولدك لي ديما كيسول عليك..ولا راه لا زدت نهار واحد هنا ايصبح مقتول وعندي لي ايطبق هدشي حيت مابقالي مانخصر حياتي ضايعة بلا والو قلبي مات شحال هداا لهوما نظير علاش ديال بصاح ونبقة هنا..ولا بغيتي تأكد كاين طبيب يدير فحص واتعرف سبق ليا وولدت وكاينة لقابلة..ها شنو قلتييي
خلاتوو مصدووم وميشوف فبهل وفداك الابتسامة وداك الحقد لي بين كلامها لي كتقول ومن عنيها باينة كتعنيييه

#بناتي حد هناااا عرفيتو لا بقة تفاعول زوين و تعاليقكم كتيرة ديما بحال هكااا وحضوركم قوي انبدا نمتب كتر من تلاتة دلاجزاء ونزيد.فلادوز دلحماس ديالي راه بييكم كنتأنسبيرا ونعطي كتر
المهم رأيكم وتوقعاتكم كتروو منهم حيت جايين مجهدييين وشاعلين من لمزيان ايعجبوكم وايوقع تغيير فالاحدات واندخلو لاحدات خرين زوينين ايعجبوكم ..كترو من جادوغ
#تصبحو_على_خير❤🔥حُطـــــــــام🔥
🖤الكـــــــــابوس🖤
الجـــــــــزء40

خلاتوو مصدووم وكيشوف فيها وفداك الابتسامة وداك الحقد لي بين كلامها لي كتقول ومن عنيها باينة كتعنيييه..وحدة دارت هدشي كامل وتسناتو ست سنين باش تنتاقم وزعمات عليه وختاطفاتو ودارت فيه داك لحالة ومازال صامدة قدامو واخة دخلها للحبس ماحناتش الراس..راه يتوقع منها اي حاجة .. من عنيها وكلامها وخبرتو هو فبنادم كضابط ميز كلامها مافيهمش لكدوب انه حملات منو وولدات…هنا حبس تفكيرو حملات منو ووللدات يعني هو اب يعني عندو ولد فعمرو ست سنين من صلبو ومن دمو..عندو طرف منو فهاد الدنيا ….
فهاد اللحضة بالضبط رجع بذاكيرتو باللور قبل ست سنوات وشي شهورة
كان واقف حدا النموسية وطبيبة قدامو كتفحص فيها من بعد ما سخفات..مراقبها بقلق هاد الايام مابقاتش هي هديك..شافها طولات فهاد الفحص نطق:اش واقع
طبيبة وقفات والابتسامة على وجها:كل الخير اسي سردار مبروك عليك المدام حاملة فالاسابيع الاولى
وليد نزل عنيه لمراتو كيف فتحات عنيها على هاد الجملة بتاسم فرحان ايولي اب من لمرا لي كيبغي
شاف فطبيبة :تسناي برا
هزات ماطريالها وخرجات
وهو تحنى لعند مراتو لي كتشوف فيه وفعنيها الخوف شد ليها فيديها وباسها:مبروك علينا..وشكرا حيت فرحتيني ماتصوريش شحال كنت باغي هاد الولد جا فوقتو
من بعد تردد بتاسمات وهي حابسة دموعها
مسح ليها على شعرها:وعلاش لبكى اسارة
سارة:غير بالفرحة

رجع للواقع

..ونزل عنيه كيشوف فمارية لي وجها مقابل وجهو وفداك الابتسامة المستفزة لي على وجها ماحس براسو تا لصقها مع لحييط خانقها من عنقها ومزير بالجهد كيهضر وهو حاقد وكافر من لمزيان :كنقسم ليك امارية وهااني كنقسم ..ايلا كانت شي لعبة هادي وكلامك فيه تخلويد غتقلب عليك وهاد لمرة ماشي لحبس امارية هاد لمرة لقبر غنقتلك بالبطيئ
مارية خنقها ولات كضربو على يديه باش يرخي وهو غا مازايد فيه كيشوف فيها وعنيه دغية تقلبو عروقو ولاو بارزين على جبينو كمل كلامو:ونزيدك لا تقاست شعرة وحدة منووو غندمرررك وندمر اي حااجة عندها علاقة بيييك..
ودفعها تا طاحت فالارض كتكح وهو واقف كيشوف فيها جامع يديه على شكل لكمة تحنى لعندها حاط يديه على ركابيه..هز ليها راسها لعندو :فيين هوو نطقيي
مارية بعدات يديه من وجها ورجعات باللور كتلتاقط انفاسهاا :ماغاتعرف بلاصتو تا تسحب الضوصي ديالي وطلعني برائة ونكون فدارنا ونتاكد انه كلشي هو هداك داك ساع نعطيك عنوانو..لما وقعش هدشي راه واخة تقتلني ماشي غا تخنقني ماغاتعرفش بلاصتو وقبل 24ساعة باااح ايكون مات
وقفات وهي كتقاد فشالها وعبايتها:تصدمتي يااك عندك ولد اسردار .ولد نتيجة الوحشية ديالك بغيت نعرف كيف غدير تشوف ليه فعنيه وتقولو انا لي غتاصبت مك وجبتك لهاد الدنيا ..
جرها من دراعها لعندو وغوت ليها فوجها تا غمضات عنيها:سكتيييييييييي كلمة وحدة خرا غنفرشخ دلمك تا مايلقاو مايجمعوو فييك
حلات عنيها وشافت فيه كيف معصب قررات الصمت حيت عارفة راه بصاح لازادت كلمة وحدة يقدر يدير فيها شي مصيبة يكفي انها وصلاتو لهاد الحالة ومازال تزيد توريه مزيان هدشي غير لبدية
جرها من دراعها:زيديي قداامييي
تنترات منو وهزات لتامها قاداتو على وجها وهي مخنزرة
حتى كيرجع تاني يجرها
#يتبع_تعالقكن❤🔥التتمة🔥

جرها من دراعها لعندو وغوت ليها فوجها تا غمضات عنيها:سكتيييييييييي كلمة وحدة خرا غنفرشخ دلمك تا مايلقاو مايجمعوو فييك

حلات عنيها وشافت فيه كيف معصب قررات الصمت حيت عارفة راه بصاح لازادت كلمة وحدة يقدر يدير فيها شي مصيبة يكفي انها وصلاتو لهاد الحالة ومازال تزيد توريه مزيان هدشي غير لبدية
جرها من دراعها:زيديي قداامييي
تنترات منو وهزات لتامها قاداتو على وجها وهي مخنزرة حتى كيرجع تاني يجرها

خرجو من داك لغرفة طبية فتجاه مكتب حكيمة
دخل كيشي عجاجة زادح داك لباب تا ناضت قافزة
وليد:سجليي ليها لخروج ديالها وسحبي الضوصي
ناضت طافجة تنفد داكشي لي قال سجلات لخروج ودخلات للبسي سحبات ضوصي ديالها ومسحاتو..بقة ليها ضوصي لمكتوب هزاتو من لمجر ومداتو ليه:هاهو اسي سردار
خداه من عندها وقطعوو قدام عنيها وهي كتشوف:هانتيي امارية

رجع داك الضوصي فراتت صغار وعنيه عليها:كنتمنى ماتكونش تخرويدة حيت ماغانرحمكش امارية
مارية غير كتشوف فيه نطقات:الضوصي دلمحاكة وديال الكوميسارية

رجع جرها معاه وخرجو من داك المكتب ومن السجن كامل ركبها فالطموبيل وديمارا بالجهد….وهي راكبة حداه مازال كتخطط وتبلاني خاص خطتها تمشي هي هديييك وماتغلطش
وليد كان ساايك واصلة ليه العضم .معنى يكون عندك ولد فعمرو ست سنين راه فشكل ونت ماسايقلوش لخبار..هاد الفكرة خربقاتلو كاع حسباتووو خصوصا فهاد الضروف وهو لي كان ضارب حساب ماتابعو حد ..ضرب يديه مع دريكسوون ونطق وهو عاض على سنانو رمقها بنضرة حاادة:علااااش عاد كتقوليها علااش..حتى لدابة
مارية شافت فيه:باش نشوفك فهاد الحالة
جرها لعندو مامهتمش راه سايك ولا شاد طريق بسرعة مجهدة :ماتصوريش راسك اش درتي ولكن غير صبرييي هدشي كامل انتحاسبو عليه
مارية دورات وجها كتشوف فطريق عامرة بطموبيلات وسايك بالجهد بلا مايشوف فطريق :هي باغي تقتلنا قبل تشوف ولدك
زاد زير عليها داك.ليد غيهرسها ليها غا بهاد لفعايل:راه لموت لي هي لموت وماغاتفككش مني.ودفعها تا تضربات مع باب الطموبيل وكمل سوكان
تقادات فلجلسة كتماصي دراعها..

مسافة طريق كانو حدا واحد طبيب
نزل ونزلها تاهي جارها معاه وهي كتعتر من موراه فداك لعباية ومع غادي بالزربة ..عاقد غوباشتو وغيير كيدخل فعيباد الله وكلشي كيخوي ليه طريق كيشي عجاجة دايز
تا وصلو لمكتب طبيبة..دخل لعندها ودفعها قدامها:بغيت تحاليل وصور نعرف واش فايت ليها والدة ومن شحال دالوقت ودابة
طبيبة كتعرفو مزيان من اعواام شافت فمارية:ولكن هدشي خاصو الوقت
ضرب فوق المكتب تا قفزاات:دااابة
الطبيبة:وااخة دابة غنقولهم يوجدو غرفة الفحص
هز راسو باه كيشوف فمارية ..وكيسمع فطبيبة كتوصيهم يوجدو لغرفة
شافت فمارية:تفضلي معايا
تبعاتها وهو موراهم تا وصلهم لغرفة الفحص
..وسدو لباب عليهم..
هو بقة على برى كيتسنا

#يتبع_تعاليقكن🔥 ها سردار تعصب لينا غا الله يستر🔥حُطـــــــــام🔥
🖤الكـــــــابوس🖤
الجـــــــــزء41

داز الوقت
حتى كيشوفهم خارجين
شاف فطبية بمعنى شنو
طبيبة:شوية ويوصلوني تصاور لايكو وتحاليل وتقرير كامل غيسبقوهم هوما لولا باش ناخدو تأكيد..تفضلو معايا للمكتب

هز راسو باه وهو مخنزر ودخلو تاني للمكتب..جلس داير رجل فوق رجل وهي مقابلة معاه جالسة فوق لكرسي بهدوء ماكاتشوفش لجيهتو..عكسو هو لي عنيه مفيكسيين عليها مراقب كاع حراكاتها وكيف كتحرك عنيها وسط داك لتام معزولين ..باغي يعرف شنو كيدور ليها فداك الراس عارف شي حاجة فيها ان وشي حاجة ناقصة خاص يعرفها..حيت هو ماشي من النوع لي كيتيق مية فلمية..ديما 50فلمية..و 50فلمية لوخرا كيخليها يتوقع فيها اي حاجة ويبلاني ليها قبل توقع شي حاجة..

مسح على راسو وهو كيسوط فكل مرة كتجي فبالو فكرة راه عندو ولد خاص يلقاه بعدة وشي لاخور يفكر فيه من بعد ..رجع شاف فيها زعمة لهاد الدراجة.قلبها قصاح تقتل ولدها..تفكر كلامها لحاقد وكاع تصرفاتها فهاد.الايام يقدر لماضي اتر عليها بمرض نفسي شي لي يخليها ديرها وتحقد حتى على ولدها كبدتها
شاف فطبيبة:هدشي تعطل
طبيبة:كياخد شوية دالوقت انعيط نسول
ودوزات نمررة:الوو..وجدو ولا مازال..صافي جيبيهم
وقطعات:هاهي اتجيبهم الممرضة

دقايق وهي تحل لباب حطاتهم فالمكتب ومشات
الممرضة خدات لغلاف قرات اش فيه ومداتو ليه وهي كتهضر:من خلال تحاليل اكدو لينا انه سيدة فايتة والدة من هادي فترة طويلة بين داك 6سنين ولا سبع سنين تماك اتلقة كلشي ..
كان كيقرا فداك الوراق ويتاكد بنفسو مسجل كلشي حتى من المهبل ديالها والوالدة اش فيهم وانه ماكاينش ممارسات جنسية الى اخره..المهم تقرير شامل و التفاصيل كاملة عندو تماك..

هز راسو شاف فيها شحال شوفات مامفوهومينش ..هي كانت غارقة فأفكارها مامنتابهاش لشوفاتو ليها وتاداك التحاليل ماهامينهاش عارفة اش فيهم ..حولات نضراتها ليه لقلتو كيشوف فيها وباينة كيفكر بين داك النضرات..نطق وعنيه فعنيها:تهزي نمشيو
وقفات وخرجو من داك الطبيب كامل
ركبو فطموبيل
شافت فيه:فين انمشيو دابة
ماجاوبهاش كيفكر فداكشي لي جا فبالو
رجعات شافت فطريق:قلت ليك فين انمشيو
وليد بهدوء عكس كيف كان قبيلة:سكتي امارية
#يتيع_أرائكن🔥التتمة🔥
شافت فيه:فين انمشيو دابة
ماجاوبهاش كيفكر فداكشي لي جا فبالو
رجعات شافت فطريق:قلت ليك فين انمشيو
وليد بهدوء عكس كيف كان قبيلة:سكتي امارية
قوصات حواجبها منين نزل عليه هدا عاد الهدوء المفاجئ..مابغاتش تزيد معاه لهضرة قالت لي عندها صافي..داز الوقت..حتى كتشوفو حطها حدا دارهم
وليد:نزلي

بقات كتشوف فيه زعمة بهاد السهولة
وليد:ماسخيتيش ولا شنو هاداركم
ماريية:باقي ضوصي دلمحكة ولكوميسارية
وليد:نتي عارفاني ماشي دتخلويد امارية كلشي غيتسحب خليك غا نتي عند كلمتك باش ماتزيديش تخسري معايا كتر ملي راكي خاسرة انا دابة لي كنعطيك الوقت لكامل من لهنا لغدا فصباح غيكون عندي و ..
وسكت جاتو فشكل ينطق داك ولدي
مارية:كملها ولا تانت ماقدرتيش تقول ولدي

وليد:نزلي دابة وطلعي لداركم وفكري فهاد روينة لي دايرة وشوفيها فين اتخرجك عتابريها فرصة نجاة من عندي حيت امارية ماغاندوزهالكش لا كنتي باغة تلعبيها عليا
وقرب تا لعندها :راسي حفة فهادشي
وزرب عليها ونزل داك لتام كيشوف فوجها وتعابير ديالو ميل راسو كيحقق فيها مزيان :ديري هدشي فبالك
دغية تنترات منو وطلعات اللتام على وجها:تانت ماعارفش راسك معامن وهاني قلت ليك ولدك اتاخدو تايتسحب كلشي ويوصل تا لعندي لدار
ونزلات كتقاد فلتامها وعبايتهاا
بقة واقف مراقبها تا دخلات عاد ديمارا وهو كيدوز شي نمرودة:ها حنا انشوفو امارية

طلعات لدار ..دقات فلباب ..شوية وتحلات
حليمة غير شافتها شهقات:الله ابنتيييي جيتيي
وطارت عليها بتعنيقة:الحمد الله اربييي
مارية جرات مها ودخلو لداخل:ياك قلت ليك انرجع هناني رجعت
حليمة كتبوس فيها وتعنق:عااد رجعات فيا الرووح الحمد الله..كيف درتي خرجتيي دغية عاد خليناك تماك..وقبيلة جاو شي وحدين قالولي من لبوليس قلبو دار كلها
مارية:ومالقاو والو على نارة
حليمة:لا ودابة عاوديلي اش واقع
مارية:ماما داكشي طويل بزاف سمعي المهم
حليمة:ياك لاباس اش واقع
مارية:انمشيو من لهنا انا ونتي ونارة
حليمة:كيفاش وفين انمشيو شكا تقولي
مارية:بات نارة رجع وباغي ياخدها وانا مستحيل نعطيها ليه يفرح بيها بغيتو يحماق ويتكوة ..وعمرو يلقاها نخليه هكا معلق
حليمة:المجرم رجع الله ياخد فيه لحق
مارية:اه اماما مازال نعاود ليك شلا حوايج نتي جمعي لينا داكشي لي خاص يتجمع غا خفيف ..خليني نمشي ندوي مع سوسن فطليفون
حليمة:وفين انمشيو
مارية:انمشيو لمدينة خرا المهم نتي ماتفكري فوالو
باست ليها راسها ودخلات لبيتها وسدات عليها حيدات داك لخمار..جبدات طليفون دسكور وصونات لسوسن فطليفون خاص بيهم دغية جاوبتها:ماارية خرجتي
مارية:اه
سوسن:كيف درتي ليها..وعرفتي جاو قبيلة شي وحدين من لبوليس قلبو دار ..جاب الله وصيت نارة قلتلها تقولهم راها ختي فهميني اش وتقع
مارية:كنت عارفاه ماغايزكل تاواحد..من بعد دابة سمعيني شغا نقولك
شرحات ليها اش خاص دير
سوسن:صافي واخة
مارية شافت فساعة:يلاه نخليك مابقاش بزاف شي سعتاين دلمكانة واطيح الضلمة
وقطعات..وتكات فوق النموسية كتفكر فهادشي لي كدير خاص تزرب عليه قبل يزرب عليها عارفاه دابة كيخطط بشي حاجة وماتايقش بيها وماخاصش تخليلو لفرصة فين يزيد يفكر اللهوما تخوي قبل يصبح صباح وتخليه ايحماق تعدبو نفسياا وعمرو يلقاهاا

#يتبع_تعالقكن🔥🔥حُطـــــــــام🔥
🖤الكـــــــــابوس🖤
الجــــــزء42

عند سردار

كان موقف الطموبيل حدا البحر وكيفكر فهدشي لي واقع فهاد التغيير لي جا لحياتو لي ماكانش على لبال مسح على راسو كيفكر فهاد الولد شغا يدير معاه..مستحيل يخليه معاهاا من بعد هدشي كامل لي وقع..ايوا وزعمة ايكون فأمان وهو معاه هز براسو حياتو فخطر وبين لموت..تنهد وهو كيسمع طليفونو كيصوني شا فشاشة زاد عقد غوباشتو وخنزر كتر وكتر حاقد وهو كيشوف اسم لوكاس كيصوني فهاد اللحضة كون كان قدامو كون قتلو بلا مايتردد ..ماجاوبوش..وصلو ميساج من عندو مكتوب فيه :هاد المرة كندوي معاك بصفتي رئيسك فالخدمة حيت المنضمة تساهلات معاك فوق لقياس ..عندك يوماين تكون هنا فألمانيا وترجع للخدمة ولا راك عارف قانون المنضمة
عض على سنانو وهو كيضغط على داك الطليفون شوية ويتهرس بين يديه ولا كيغلييي كلشي جاا فدقة ولا بحال شي بركان فهاد اللحضة
دوز النمرة دأدم داك ساع غير جاوبو دوة:شتكم طولتو باش ضربو هاد لاكط
ادم:كنت انعيط ليك على هدشي
وليد:غدا فريو عليا هاد المنامة حيت غنرجعو لامانيا من دابة يوماين
ادم:كلشي واجد ماعنديش مشكل وقولي بعدة اش واقع.
وليد مسح على راسو :من بعد نت قاد امورك ديال غداا
وقطع..وهو كيدوز شي نمرة:شنو تما..صافي ماتحركوش وخليو عنيكم على دار
وقطع :ها حنا انشوفو امارية واش مخرويدة
شعل سيجارو ..هدشي لي وقع خلا الماضي يرجع ليه بذاكرتو ويفكرو بلي فات..لقة راسو كيفكر فداك.ليلة الملعونة
قبل سنين
لقصر مقلوووب سفاه على علاه صالة كلها دمايات وصوت لبكا ولغوات مسموع بالجهد صرخة موور صرخة حتى كيتهز لقصر
لياالي طايحة فالارض كلها دمايات وكتشوف فراجلها مقتوول بابشع الطرق صدرو كلو طلقات نارية كتعنق فيه وتبكيي صوتها بح بلغوات ولبكة مازال ماكملو لعام على زواجهم تزوجات بيه عن حب وعشق وهاهو دابة جثة حداها ميت بحاليلا عمرووو كان..وحداها بالضبط صوت بكا من نووع اخوور فيه ترجي وااخوف كلها دمايات تاهي ولكن من لعصا لي كلات من عندوو ملامح وجها تخربقو من لكمات وصقل لي جاو من عندوو..كان شادها من شعرها ومزير وعنيه فعنيها بركان قدامها كيحرق فيهاااا:اناااا اسارة تلعبيي بيااااا اانااااا تغدريني فداري مع راجل ختيييي انا يتلعب عليااااا..ستحمرتينييي وحملتي منوو فقلب داري وكتشوفو ليا فعنيااا على اساس ولدي انااا.وانا فرحاان بيييه وكنوجد لييه.كرهت نهار لي بغيتك فيه وتقت فيييك
سارة كلها كترجف:سمحلييي عفاك سمحلييي هو هو لي تقرب منييي هو لي..
قاطعها بصقلة للوجه تا طاحت فالارض ورجع هزها من شعرها لعندو:سكتيييييييييييي غنقتلك باش تكوني عبرة لاي قحبة غنزطم على هاد القلب لا عاود دار تيقة فشييي قحبة من ليوووم
شهقات وهي كتشوف داك لموص فيديه :عفااك لاااا نمشي بحالي وعمرك تشوف وجهيي انا حاملة حرام عليييك ماتقتلش جوج درواااح
شهقات فاش غرس ليها داك المزص فكرشها وهو شادها من شعرها…ماجات فين تحس بداك الطعنة تا زادها وحدا خرا..وتبعها بتالتة ورابعة ورماها فالارض بدماياتهاا كتلتاقط انفاسها الاخيرة

فاق من ذاكرتو وهو كيسووط داك دخان ويتنهد بغضب ويمسح على راسوو اش فكرو فهادشي..شاف لخال ضلام ماحسش بالوقت..شاف فساعة وركب فطموبيلتوو..وجبد طليفونو وديمارا
#يتبع_تعااقكن🔥🔥التتمة🔥

داز الوقت..كان ليل

كانت دايرة حالة بلبكاا فالبيت ملي وصلها ميساج من عندو انه غدا لاكط جمعات كاع تصاورها هي وراحلها وستفاتهم حداها كتفرج فيهم :كنقسم ليك عمرو يكون راجليييي هاد زواح ماغايكملس انعيشو فالجحيييم تا هو يطلب الطلاااق ووليد انا لي غنتاقم منووو غناخد حقي وحقك منووو
عنقات تصويرة من عرسهم ضاماها على صدرها وهمسات ليه بحاليلا كيشوفها:توحشتك بزااف

فجيهة خرا فالمانيا بالضبط

دخلات عند باها للمكتب وكيف لعادة جات من موراه وبدات كدير ليه فالمصاج :بابا
لوكاس:نعام ابنتي
تريزا:ماوليتيش جاوبتيني فداكشي لي كنت قلت ليك
لوكاس:فاش
تيريزا:بابااا راك عارف…زعمة ماتبغيس يكون سردار نسيبك
لوكاس بتاسم وهو كيفكر..هاد فكرة دورها فدماغو مزيان ولقاها مناسباه واحد بحال سردار شكون يكره يكون راجل بنتو ولا ولدو..منها يبان قدام الناس ويزيد يهز بسميتوو ومنها يزيد يضمنو يبقة معاهم فالمنضمة ومايوقع تاشي مشكل ويبقة ديما تحت عنيهم:الفكرة عجباتني
بتاسمات وهي عاضة على شفايفها :ايوا خاص يجي ابابا
لوكاس:راه غيجي فهاد سيمانة بقات فكيفاش انخليوه يطلبك مني ويدخل فهاد الزواج
تيريزا:خليه يجي وانا نتكلف ابابا ياك كيحتارمك ايوا غنديرو واحد لحفلة هنا فدار وخاص يحضر ليها وانديرو لقاء بيني وبينو
وتنهدات وهي كتخايلو:وانا ماكاينش لي كيشوفني وماكايتمنانيش
لوكاس بتاسم: بنتي ماكاينش بحالها اميرتي ذكية وشيطانة ديال باباها
بتاسمات فرحانة هي بصاح شيطانة ولا دارت شي حجاة فراسها ماكاترتاح تا كتوصل ليها وهدفها دابة هز سردار كملات ليه لملصاج وهي كتسنى هاد اللقاء بفارغ الصبر

نرجعو للمغرب..
مارية..

كانت لابسة عبايتها ومها جلابتها وجامعين حوايجهم
حتى كتشوف طليفونها كيصوني جاوبات:وي توفيق
توفيق:هاني مور لحومة ديالك ونارة معايا
مارية:صافي مزيان خليك تماك شوية ونكونو عندك
وقطعات..هي عارفة انه مراقب الدار ومراقب حتى سوسن عليها دخلات توفيق فالخط لي جاب نارة من دار سوسن يكملو خطتهم..

مارية:يلاه نمشيو اماما
خرجو من دار حليمة كانت غادة فتيجاه الدروج تا جراتها مارية:لاا اماما انطلعو لسطاح
حليمة:كيفاش السطاح
مارية:دابة اجي
طلعو للسطاح كان واحد طبيلة تماك حطاتها على سور:طلعي اماما نعاونك مايمكنش نخرجو من لباب لعمارة راه مراقبينا
حليمة:الله يخرج هدشي على خير
وطلعات فداك الطبلة ومارية معاونها نقزو للسطح لاخور..وحلو باب داك سطاح لي لباب الرئيسية ديالو جاية من جيهة لوخرا كطل على حومة لوخرا..هبطو مع الدرووج وخرجو على لباب ..تمشاو شحال تا لخرجة دلحومة وهي تشوف توفيق من لبعيد واقف ونارة حداه لابسة كابيتشو ودايرة للقبية ديالو فوق راسها كيبان غا وجها ..نار غير شافت ماريو بدات كضحك وتنقز فرحانو غير وصلات لحداها طاىت عنقاتها من رجليها مع صغيورة:ختيييي توحششتك بزاااف بزاااف انا فرحانة
مارية نزلات عنيها كتشوف فيها مسحات ليها على راسها وبتاسمات ليها بقات كتشوف فيها شحال ونطقات:خاص نمشيو
نارة هزات راسها فيها وهي مبتاسمة:تانتي توحشتيني اختي ياكي
مارية شدات ليها فيديها وشافت فتوفيق:شكرا بزاف اتوفيق عمري نسا خيرك
توفيق:الله اودي اختي مارية لخير لي درتي فيا كتر
مارية:صافي اخويا سير دابة بحالك مابقة ليك مادير هنا
توفيق:لا لكنتي مازل محتاجاني خلنيي تانوصل معاكم فين اتمشيو
هزات راسها بلا:لا صافي كلشي هو هداك
هز راسو باه وسلم عليهم ومشا
حليمة:دابة فين انمشيو
مارية:لمحطة تران اماما
ووقفات متشير لتاكسي تا وقفات ليهم وحدة ..:طلعووو
مع لحلة .لباب مع كتسمع داك الصووت لي زعزعها هي ومها وبنتها:مــــــــــــــــارية
نارو بلخلعة تخشات فيها مزيرة ليها على يديها
مارية حلات باب تاكسيي مايمكنش توقف :ركبوو دغية
هاد المرة صوت اخوور صوت رصاص لي تضرب فسماا قبل تاينزل من طموبيل:وقفيييييي
مول تاكسي مازادش تانية قلع بالجهد هارب مخليهمم واقفين جامدين فبلاصتهم..دورات وجها كتشوف فيه نازل من طموبيل كيشي عاصفة ..خبات نارة من موراها لي اتموت بلخلغة ..وحليمة كتر منهم مافاهمة والوو

#لبنااات حد هناااا هادشييي شاااخد وقولو ندى ماكاتهلااش فيناااا ..الاحدات جاين اكتر حماسا واشتعالااااا خاص غا تبقاو بحال هكاااا كتفاعلووو راه كنقولكم كنجيب لحماااس من حماسكم وكنتحمس نكتب كتر 🤩..بغيت ارائكم بناتي وتوقعاتكم بتفصيل فكاع لاحدات ..اش غيوقع دابة لقصة اتاخد اتجاه اخور واحدات جداد زوينين كترو من ارائكم كنقرا كلشي..وكترو من جدوغ
#تصبحو_على_خير❤🔥حُطــــــــام🔥
🖤الكـــــــابوس🖤
الجـــــــــزء43

ووقفات كتشير لتاكسي تا وقفات ليهم وحدة ..:طلعووو
مع لحلة .لباب مع كتسمع داك الصووت لي زعزعها هي ومها وبنتها:مــــــــــــــــارية
نارو بلخلعة تخشات فيها مزيرة ليها على يديها
مارية حلات باب تاكسيي مايمكنش توقف :ركبوو دغية
هاد المرة صوت اخوور صوت رصاص لي تضرب فسماا قبل تاينزل من طموبيل:وقفيييييي
مول تاكسي مازادش تانية قلع بالجهد هارب مخليهم واقفين جامدين فبلاصتهم..دورات وجها كتشوف فيه نازل من طموبيل كيشي عاصفة ..خبات نارة من موراها لي اتموت بلخلعة ..وحليمة كتر منهم مافاهمة والوو

كان جاي فاتيجاهم وداك لفردي فيديه ورجالو وقفو داك ساع تاهوما بطموبيلات ونزلو من موراه تابعينوو .
مارية كتشوف فهاد المنضر وكتفكر اشنو غيوقع كان كلشي غادي هو هداك كي دار جااا لهنااا..
كتشوفو جاي فاتجاهم كي شي عاصفة ملاميحو ماكايبشروش بالخير
حتى كيوقف عليهم كيشي عزرائيل اول حاجة دار نتر من من موراهاا داك الولد (هكا فبالو) جر نارة لعندو
مارية رجعات شداتها من يديها وجراتها تاني :رخيييييي
وهنااا ردة فعلو كانت مختالفة فاش نزل عليها بصقلة تا دار وجها جوج ضورات وقبل طيح كان شادها من دراعها وجرها لعندو كيدوي على سنانو بواحد لهمس بحال شي فحيح دشي حنش سام:قلت ليك ماتلعبيش معاياا يحساب ليك اتهربي منيي
خرجات فيه عنيها مصدومة ضربهااااا كتحس بحنكها كيوزوز وودنيها تصمكووو..مافيقها غا صوت حليمة
حليمة كتحاول تفك مارية مني بين يديه:رخييي من بنتيي رخييي اشنو بغيتي من بنتي وحفيدتييي..خليونا نمشيو بحالااا
وليد بقوة لي مرفوع فهاد.اللحضة ماركزش فكلمة حفيدتيي..شاف فحليمة ودوة:حسابي مع بنتك كبييير..بغيتو تخويو ..خوييو ولكن ماتديوش معاكم شي حاجة كتخصنييي
ونزل عنيه لداك طفل لي ايموت بلخلعة وكيبكي بصمت عمرو شاف بحال هاد المنضر ولا عاشووو ..نارة تبلوكات بقات غير واقفة فبلاصتها وكتشوف فمارية كيبان غا شوية من وجها من تحت داك القبية ومع ضلام رؤية قليلة
دور وجهو على صوت واحد من رجالو:السي سردار ماقدرناش نلحقو علي..
رخة من مارية وضار لعندو بكامل جسمو سااخط كون ماجاش فالوقت المناسب كون ماقفلش عليهم..بقة كيتيري فالارض ويغوت وهو عاض على سنانو:مانشووف تاشي قوااد هناا تحركووو من قدامييي كلشيي غنتحاسب معااه كاملين
بقة شي كيدخل فشي هاربين من داك رصاص لايجي فيهم ركبو فطموبيلات وديماراو بالجهد مابقة تاشي واحد كيدور تماك..مخليينو كيلهت فاقد الشعور
دار لعندها تانيي حالتو هادي خلاتهم يبقاو غا كيشوفو مايتحركوش..نزل عنيه للبرهوش لي واصل ليه للنص درجليه كيشوف منو غا لقبية تنهد وهو كيمسح على راسو اكيد ايكون خاف خشا داك لفردي من مور ضهرو ..وشاف فمارية جرها من داك لعباية لعندو:اجيييي
مارية كتنتر منو عاد فاقت على راسها ورجعات تاهي لوعيها:رخييي منيييي رخيييي كيفاش تجرأتي تمد عليااا يدييييك
بدات كضرب على صدروو وتغوت :بعديييي منييي الشماااتة يديك ماتقيصنييييش رخييي
زادت عصباتو كتر وكتر الشي لي خلاه يرجع يجمع معاها بصقلة وهاد المرة قووة من لولا تا حسات بدنيا ضارت بيها ولات كتشوف غا ضبابة….وقبل طيح سخفانة كان شادها بين يديه
هزها بخفة وركبها فاللور ديال الطموبيل ..وداك ساع رجع للنارة لي مخشية فحليمة جرها من بين يديها
حليمة:اويلييي فين غادي بيهم
وليد:من الاحسن ترجعي لدارك

#يتبع_تعالقكن❤🔥التتمة🔥

حليمة بقات تابعاه :الله اولدييي ما تاديهمش هوما لي عندييي ..راها ام مسكينة ماديرش فيها هاكا لا كدبات عليك راه غير حيت خايفة
وليد ركب نارة حدا مها وشد لباب
وشاف فحليمة:رجعي لدارك بنتك عطيتها فرصة فين تبت ودير عقلها لكن هي مابغاتش
وركب فطموبيل وديمارا خلاها غتحماق مافاهمة والو وماعارفاش بنتها فاش ورطات راسهااا
حليمة بصوت باكي:الله ابننتي اش درتي عااود كنت حاسة بشي حاجة ماشي هي هدييك
خرجات طليفونها من ساكها وعيطات داك ساع لسوسن جاوبتها:اجيي دابة عندي لدار شرحولي اش وااقع غادي تحمقونيي لياش كتخططي نتي وياها غا قولولييي
سوسن:خالتي تهدني شنو واقع
حليمة:داك لبوليسي جا ودا معاه مارية ونارة
سوسن شهقات:لا مايمكنش..صافي اخالتي هاني جاية وانشرح ليك كلشي
حليمة:دااابة
وقطعات وهزات شواكشهم ورجعات تاني لدار

كان سايك ومرة مرة كيشوف فلمراية كتجي عنيه على داك ليديدات صغار كيرجفو لي كيمسحو على وجه مارية بصمت من غير مرة مرة كتسمع داك شهقة عرف انه كيبكي بصمت..
وليد تنهد وهو كيشوف فطريق شي احاسيس فشكل مخلطين عليه دابة الغضب وزيد فضولو يشوف ولدو ويجلس معاه وشلا حوايج منهم شغا يدير مع مارية لي بغات تلعب علييه..
وقف حدا لقصر وتحلات لباب اوتوماتيكمو دخل لداخل حلو ليه باب طموبيل
نزل مخنزر حل لباب اللوراني هزها بين يديه وشاف فلبرهوش كيف شاد ليها فيديها ومزير
وليد بصوت كيحاول يخليه هادئ باش مايزيدش يخلعو منو:تبعني تانت صافي
نزلات معاهم وهي مازال شادة فيد مارية …دخلو للقصر لداخل مشا نيشان فاتجاه المصعد حتى كيوقفو صوتها الحاجة:وليد اش واقع شكون هادو
وليد دخل للمصعد بلا مايجاوبها وطلع للجناح ديالو
حطها فوق النموسية رمقها بواحد نضرة كيتوعد فيها خاص تفيق ويتفاهمو مزيان على هدشي ووقف كيمسح على راسو..وكيشوف فولدو ..ماعارفش كيف غيتصرف معاه .كيشوفو كيف كيبوسها على راسها ويشد.ليها فيديها ويبوسها تاهي باينة متعلق بيها بزاف..

وليد بغة يعيط ليه ولكن ماعارفش سميتو تحنى لعندو وحط يديه على كتافو..داك ساع نارة شهقات مخلوعة وحطات راسها على راس مارية كتاخد الامان من عندها وبدات كتبكي وتمتمات بصوت شبه مسموع :فيقي عفاك غيقتلني..
قدر يفرز اش قالت :ماغانقتلكش شوف فيا
هزات راسها بلا وتحنات كتبكي دافنة راسها فصدر مارية لي مازال مغيبة….
#يتبع_تعالقكن❤🔥حُطِـــــــــام🔥
🖤الكـــــــــابوس🖤
الجـــــــــزء44
قدر يفرز اش قالت :ماغانقتلكش شوف فيا
هزات راسها بلا وتحنات كتبكي دافنة راسها فصدر مارية لي مازال مغيبة
تنهد:شنو سميتك
ماجاوباتوش غير كتبكي
وليد ررجع جرهت من كتافهت واخة بغات تنتر منو ولكن حكها تا وقفها على رجليها وجرها معاه كيحس بيديها كيرجفو بلخوف خرجو للاتيراس وشعل ضواو كاملين ديال تماك وجلس فوق لكرسي ووقفها اونفاص معاه وشا فيها ..يلاه ايدوي وهو يسكت كيشوف فهاد ملاميح سهاا فيها هز يديه وحيد داك لقبية تا نزل شعرها لمدهب طويل على كتافها ..زاد تصدم بنت هادي لقدامو ماشي وللد عض على سنانو كتر ..نارة كتشوف فيه بعنيها منفوخين بلبكة وسنانها كيتقرببو بلخوف وقلبها كيضرب فلمية

وليد مخرج فيها عنيه كيحقق فملاميحها عنيها لملونين شفايفها خدودها كلشي فيها هدشي ماغريبش عليه لا هادي راه صورة طبق الاصل لختو ليالي بالضبط خصوصا فاش كانت صغيرة هي تماما وعمتو الله يرحمها تاهي وجداتو كاملين نفس الملاميح ..ميات فكرة فهاد.اللحضة بدات كدور فبالو .حتى بدا كيوضاح ليه لبلان ويفهم اش واقع كيزيد يتكره من جيهتها كتر وكتر نطق بهمس:شنو سميتك
نارة كترجع باللور وتهز راسها بلا:بغيت ختي
نزل عنيه للتحت كيشوف داك سائل لي نازل من تحت رجليها بالت فحوايجها بالخوف
نارة زادت فلبكة:بغيييت ختي بغيت ختي مارية
وليد كيشوف فيها مافاهم والو يقدر من لخوف شد ليها يديها:ماتخافيش ماغاديش ناديك
نارة كتشوف فداك سائل لي فالارض وزادت فلبكة:مارية ما ايعجبهاش لحال غضربنيي
ورتافع صوت بكاها
وقف كيشوف فيها ماعارفش كيف ايتعامل معاها ولا شنو يدير غير كيبغي يقرب ليها هي كتبعد وتزيد فلبكة
تحنة لعندها:ماتخافي من والو راه ماغغنديرلك والو حبسي من لبكة
هزات راسا بلا:بغيت ختي مارية نت شرير ضربتيها شتك بعيني
وليد:هي دارت علاش
نارة:لا ختي مارية ماكاتغلطش
وليد قوص حواجبو كيشوف فهاد الملاك لي قدامو طرف منو ومن صلبو وحامل نفس الدم ديالو تنهد ونطق:وعلاش كتقولي ليها ختي
هزات كتافها:حيت هي ختي

لداخل فالجناح
حلات عنيها بشوية كتشوف فين هي كتسمع صوت لبكا ..ناضت طافجة كتشوف فين هي وكدور وجها على لجناح نزلات من فوق النموسية راسها كيضرها بزاف..لجناح كبير بزاف بقات كتمشة فيه وتبع صوت لبكة تا شافت فلاتيراس وبانو ليها تماك بلعات ريقها ….قربات كتر وجات على حوارهم
وليد:وعلاش كتقولي ليها ختي
هزات كتافها:حيت هي ختي بغيت ختي نت شرير
وليد:كيفاش ختك هي راه..
مارية دخلات دغية لعندهم :نارة
نارة غير شافتها تلاحت عنقاتها من رجليها كترجف:ختي انا خايفة بزاف خلبنا نمشيو بحالنا غادي يقتلنا عندو لفردي وضربك قبيلة انا شتو
مارية كتشوف فيه وتبلع فريقها وهو كيشوف فيها دوك شوفات ديال لقرطاس وقف وهي رجعات اللور كتدوي :ماتخافيش ماعندو مايوقع حنا انمشيو من لهنا
ميل راسو بمعنى واش من نيتك
نارة علات راسها عند مارية:يلاه دابة
مارية:صافي حبسي من لبكة
نارة داك ساع حبسات من لبكة وبدات كتمسح فدموعها وتمتمات:ختي عفاك ماتخاصميش عليا انا وسخت حوايجي كنت خايفة ما حسيتش انا..
مارية نزلات عنيها كتشوف فداك المنضر شافت فيه وخنزرات زعمة بسبابك: صافي ها حنا انمشيو بحالنا
وليد :فين غتمشيو بسلامة
شاف راسو عوتاني ايفقد اعصابو قدام البنت ..زرب على نارة وهزها وتم خارج بيها وسط غواتها وبكاها ومارية تابعاه:فيين غادي بيهاااا رخيي منها
بغات تجرها وهو يدفعها :اتزيدي خطوة وحدة امارية اتجعريني كتر
وخل باب لجناح وخرج سورتو من موراه..بانت ليه لخدامة:اجي لهناا
جات كتجري:نعام اسيدي
وليد:بدلي ليها هاد الحالة وردي ليها لبال
الخدامة:هي لولا اسييدي
وليد شاف فنارة
ورجع دخل للجناح..كانت واقفة غير شافتو قربات لعندو:حل داك لباب نمشي بحااليي
بقة كيشوف فيها حيد تريكو لي لابس من لفوق تقاس بلبالات ديال نارة..بقة بصدرو لعاري من غير لصقة على شكل اكس مغطية جرحة
وليد:علاش لبنت كتقولك ختي وماشي ماما
شافت فيه:شكون قالك انا مها
هز حاجبو مع واحد الابتسامة ساخرة وحط يديه على خصرها وجرها لعندو وضغط فداك جيهة مزيان تا عضات على شفايفها متوجعة:مارية راه وليد.سردار لي قدامك ماشي لبرهوشة
#يتبع_تعالقكن❤🔥التتمة🔥

هز حاجبو مع واحد الابتسامة ساخرة وحط يديه على خصرها وكرها لعندو وضغط فداك جيهة مزيان تا عضات على شفايفها:مارية راه وليد.سردار لي قدامك ماشي لبرهوشة
سكت كيشوف فيها شحال عاد كمل وفكل كلمة كينطق كيزيد يضغط على خصرها بين ديه مرتقب تغيرات ملامحها:بغيتي توهميني انه عندي ولد ماشي بنت باش نمشي غالط ياك..ونتي تهزي لبنت وتباتي ماتصبحي وتخليني كنقلب ياك هادي هي الخطة ديالك امارية
مارية مابقاتش قادرة تستحمل داك الوجع لي فخصرها مع قاصحين كتحس بيهم بحال الضو عضات على سنانها ونطقات:قلت هاديك ماشي بنتي رخييي منيي
بغات دفعو ولكن لصقها مع لحيط وتكا عليها مزيان لدرجة انفاسهم تخالطو ..وكلع يديه للشال لي على شعرها ونزلو تا نزل شعرها على وجها..دور يدو على عنقها وشدها من شعرها وزير معلي راسها لفووق كترر:كنقولك نتي لفعة سامة وطحتي بين يدين واحد لي كيلوي راس لفاعييي ويقتلهم بسمهم امارية ..دابة قوليلي شنو قصة هاد ختيي ..
مارية كدفع فيه:ماسوووقكش سمعتيني قلتوليك ماشي بنتيي وعمرها كانت بنتييي سمعتنييي..بعد علياااا
كيشوفها كيف كدويي معصبة:واش كتحيمقي علياا مازل باغة توهميني راه عندي ولد ولا شنو راك عمرك تلعبي بيا
مارية ماحامللس هاد القرب لي بيناتهم:بعد عليااااا راك خنقتينييي بعدد راه كنكررهك
وليد حط يديه على فمها :اتعاوديلي اش كاين وايلا اتشوفي شي حاجة كتر من لحبس والاغتصاب (وورك على الاغتصاب) امارية عمرك تعاودي تشوفي ضو سما كيف داير …لبنت بنتيي وبنتك قضية ختي شنو معناتهاا دويي
تنترات منوو معصبة مايقيسهاش ومايقربش ليها وزاد فكرها فديك ليلة شعلها مزيان:قلت لك ماشيي بنتيييي هديك ماشي بنتييييي هديك بنت داك ليلة لملعونة لي كتخليني بلا نعاس هديك بنتك الوحش ..عمري عتتبرتها بنتيييي ديما كنشوفك فيهاا وكتفكرني فييك وكنزيد نحقد عليك ونكرهك كتر وكتر ومايشرفنيش نقول لوحدة بنتيي نت باهااااا..انا ويااك مستحييل تجمعنا شي حاجة ولا تربطني بييك واخة تكون طرف منييي …كبرتها على اساس ختيي باش مانسمعش منها كلمة ماما..نستحمل نسمع كلمة ختي على ماما ..شفتييي وحشيتك فين وصلاتنييي قلتلتي ليا قلبي الله ياخد فيك لحق
وبدات كضرب ليه على كتافو:كنكررررهك وماكرهتش نقتتلك
بقة غير كيشوف فيها كيف كتلهت وكلها كترجف ..شد ليها يديها بجوج :عرفتي لحل لي غندير معاك على وجه داك لبنت لب شفت فعنيها شحال كتبغيك ونتي ماتستاهليهاش
كانت كتشوف فيها وكتلهت
وليد:غنخليك تمشي وتغبري فمرااا سمعتيني فمرااا وجهك مانعاودش نشوفو قداميي
نترات يديها من يديه وبعدات عليه وهي كطلع شالها على شعرها:ادن جيبلي لبنت وخليني نمشي
قرب ليها كيقاد ليها شال مزيان فوق شعرها ودخل ليها الخصلات لي على وجها تحت شال ودوة ببرود:غتمشي بلا بيها نسايها لبنت اتمشي معايا لالمانيا….

لتحت..
لخدامة بدلات ليها داك لحالة من حوايج ليالي لقدام كانو مخبيين وجلسات كتهدن فيها..حتى كتسمع صوتها:شكون هاد البنت
الخدامة:ماعرفتش الحاجة
الحاجة قربات كتشوف فيها وقفات شحال مبهورة فيها:واش هادي ليالي ملي كانت صغيرة ولا كدبت
الخادمة:سبحان الله تقول هي تانا قلتها راه بزاف على هاد الشبه نفس لعنين زورق ديالكم نفس الجمال
الحاجة زاد قربات ليها وبتاسمات:مايمكنش هاد الشبه كامل وماتكونش من عائلة سردار..عاد عرفت علاش حفيدي كيتهرب من زواج صدق عندو عائلة ..مرحبا بحفيدتي
وجرات نارة كتعنق فيها ….

#بناتي حد هنااا سمحولي على التعطال لي كتبتو كنحطو ليكم..المهم رأيكم وتوقعااتكم بناتي بالتفصيل وشي حضور زوييين ومجهد باش غدا نتهلا فبناتي بأحداات زوينين ممنوع نعاس فهاد القصة حيت لي جاي راه فشكاااال😌😎
#تصبحو_على_خير❤🔥حُطـــــــــام🔥
🖤الكــــــابوس🖤
الجـــــــزء45
وليد:غنخليك تمشي وتغبري فمرااا سمعتيني فمرااا وجهك مانعاودش نشوفو قداميي
نترات يديها من يديه وبعدات عليه وهي كطلع شالها على شعرها:ادن جيبلي لبنت وخليني نمشي
قرب ليها كيقاد ليها شال مزيان فوق شعرها ودخل ليها الخصلات لي على وجها تحت شال ودوة ببرود:غتمشي بلا بيها نسايها لبنت اتمشي معايا لالمانيا..

مارية بقات كتشوف فيه هدا شكا يخربق:ألمانيا كاع
هز راسو باه وهو جارها من كتافها فاتجاه باب لجناح:كيف سمعتي ودابة غتمشي بحالك ومانعاودش نشوف الاتار ديالك سمعتي لخيال ديالك مايدورش قدلمي ولا داك ساع ماغاندير بوجه تاشي حد وغنفدي فيك لقديم وجديد
حل لباب وخرجها وهي مازال كتستوعب هدا شكا يقول
وقف بيها فلكولوار كيكمل كلامو بواحد لبرود كيلعب على الاعصاب: لبنت من ليوم اتعيش معززة مكرمة مع باها غتنسايها عليك..
رجعات اللور كتهز راسها بلا:شكا تخربق راه ماغانتحرك من لهنا غير رجلي على رجليها واخة تحلم اسردار عمري نعطيها ليك
ميل راسو فيها :مستحيل نخلي بنتي مع وحدة بحالك مريضة نفسيا ومكبراها على اساس ختك شهاد المرض تحركي دابة ماحدي متحكم فراسي من جيهتك امارية
مارية :هادشي ماسوقكش فيه سمعتنيي نارة كتخصني انا بوحدي نربيها كيف بغيت وندير بيها لي بغيت سمعتينيي ونت اخر واحد يهضر على الابوة حيت ماجاياش معاك الوحش

زدحها مع لحيط ضاغط على عنقها:هاد الوحش لا زدتي تانية هنا قدامو غيدفنك هنا فهاد.القصر

وجرها من دراعها غادي بيها وهي كتنتر منو:رخييييي منيي جيب لييي لبنت رخيي
شاف فدروج ونزل كيجر فيها وهي موراه كتجرجر وصوتها مسموع فأرجاء لقصر

تا وصل بيها للتحت..كانو باقين جالسين فصالة وهي حاضنة نارة لي غير كتبكي عيات تسول فيها مانطقات ليها تاشي حرف ..تا كيقفزو كاملين على صوت مارية

الحاجة وقفات كتشوف فهاد المنضر
وليد دفعها تاجات طايحة وسط الصالة :ها لباب قدامك سيري اتمشي بلا لبنت وحمدي الله عطيتك هاد.الفرصة فين تغبري..

الحاجة ناضت:اش واقع اسردار مالك معاها لاكان شي مشكل نحلوه دابة
وتحنات لعندها حاطة يديها على كتافها ونوضاتها كتشوف فيها وبتاسمات:اش واقع ابنتي مالكم خليوني بعدة غا نفرح بحفيدتي
ودورات وجها شافت فوليد لي واقف ومخنزر جامع يديه على شكل لكمة:مزوج وعندك بنت وماتقولهاليش عارفني شحال انفرح لهدشي وشحال كنت باغة شي حفيد يعمر علينا لعائلة ويكبر بيها….
دورات وجها كتشوف فمارية ومسحات ليها على وجها:غزالة تبارك الله ..المشكل ايتحل وليد شوية عصبي
#يتبع_تعالقكن❤

Leave a comment