Skip links

قصة : حطام جزء 2

 7,013 عدد مشاهداات

🔥حُطـــــــــام🔥
🖤الكــــــــابوس🖤
الجـــــــــزء16
جا نهار جديد

دخلات لداك الكوخ سدات من موراها لباب وقربات ليه بخطوات تقال كتشوف فحالتو كيف دايرة..قربات يديها وحطاتها على جبينو حيت كان كلو عرقان ..كان سخون بزاف حرارتو مرتافعة..وراسو محدور ومغمض عنيه شافت فداك جرحة لعميقة لي على صدرو × نزفات مزيان وماازل كتنزف وشكلها كيخلع..ميلات راسها كتشوف فيه هكا بغات تشووفو ..تنهدات وهي كتسمع دقان فلباب..مشات داك ساع حلات لباب كان زكرياء وفيديه واحد سطل:هاهو كيف طلبتي
خداتو منو :شكراا
ورجعات دخلات وسدات لباب وصلات تا لحداه وهزاتو تالسمااا وخواتوو علييه تا فاق وهو كيشهق كان لما مخلط بالملحة حس بداك الجروح كيشوطوه وضربة لي فصدرو كتوزوز..وعاد الجو بارد ولماا بارد ..رجعات اللور كضحك كتستافزو وهي كتشوفو كيف كيلهت وكيوجع عاض على سنانووو وكيشوف فيها بعنيه الدابلين بلعية والتعب ..نطق بصوت عيان بالسيف باش كيخرجولو الحروف:كنقسم ليك أجلك ايكون على يديي
هزات راسها بلا وقربات لعندو وتحنات شادة لفك ديالو بين يديها وزيراات بالجهد على داك الضربة لي جيهت فمووو تا سالت بالدم ونطقات بحدة وعنيها فعنيه :دابة راك بين يديا هاد تهديداتك كوولهم ..
ودفعاتو تا تضرب راسو مع تكاية دلكرسييي بالجهد
وتقادات فالوقفة كتنفض فيديها جرات لكرسي وجلسات اونفاص معاه كتشوف فيه كيف كيكح وصدرو طالع نازل ملي خوات عليه داك لما باالملحة رجع تاني كينزف وباينة كيوزوز لييه
مارية دارت رجل فوق رجل مقابلة معاه:باش فادتك مكانتك كضابط فالمنضمة الفدرالية الامانية ولا فلوسك ولا هيبتك قدام الناس هااا قولي بواالووو هانت كتخلص داكشي لي درتي هانت ببن يدين مرا لي حكرتي عليها ومارحمتيهاش
هز راسو كيشوف فيها وفداك لعنين مركز فيهم وفكلامها وهاد الصوت ولبحة لي فيه بحاليلا كيسجلهم فلميموار ديال عقلو وكيحفرهم مزيان …كيشوف داك اللون دعنيها لمخلط بين زيني والاخضر وشوفتهم صارمة وفشكل ..تمعن فيهم مزيااان خااص يتفكرهااا خاص يعرفها شكون دازو اعوام من مور داكشي لي وقع من بعد ما قتل مراتو دوز سيمانة خايبة بزاف تبدل فيها هو براسو مابقاش عارف راسو فداك الساع بحاليلا ولا وحش ماواعيش على نفسو وماكانش متحكم فراسو ماشي بسباب شراب ولا شي حاجة لا بسباب لحرقة لي كانت فقلبو داك ساع.. داك الشمتة لي تشمت من اكتر وحدة بغاها فحياتو وتاق بيها وعطاها قلبو وسميتو ورجعها مراتو باش فتالي تغدرو فدارو مع راجل ختو هنا حياتو تقلبات ونفسيتوو تدمرات تا ولا ماواعيش من داكشي لي كيدير ..فاش فاق على نفسو ورجع دماغو لبلاصتو لقة فات لفوت حيت هو ماشي من داك النووع..عليها هز راسو وخوة لبلاد فمراا وماولاش رجع تا لدابة كاره راسو وكلشيي..شاف راسو ايتعمق بزاف وايرجع للماضي لي دفنو شحال هداا نفض كلشي من بالو ورجع شاف فيهاا ..دوك لبنات لي دوزهم فداك سيمانة مشاو معاه بخاطرهم وكانو من بنات ليل قطع عليه افكارو وتخطيطو صوتها وداكشي لي هازة فيديها
مارية وفيديها لفردي ديالو لي كان فطموبيلتو كتلعب بيه:شنو بان لييك نبدلو اللعب بداكشي لي كيعجبك نت
#يتبع_تعاليقكن_ليكاتكن❤
مارية حالفة تاتسكت ليه القلب ها اللعب لباسل خخخ🤦‍♂️🔥التتمة🔥
قوص حواجبوو كيشوف فداك لفردي بين يديها ويرجع يشوف فعنيها وداك التقة لي فيهم
مارية وقفات:غا هو ماكانعرفش نتيري بحالك امم ماشي مشكل نتعلم فييك اش بان ليك
وصوباتو فاتجاهو بخفة وضحكاات داك الضحكو لي كتلعب على الاعصاب كتخليه كيغلي ومالاقي ليها جهد:زيدي ضحكييي حيت داكشي لي كيتسناك معاياا غيهجرو ليك
قفز فاش تيراات من مورااه وتسمع صوت رصاص :ششش قلت ليك تهديداتك ماعندهم باش يفيدوك اممم فين نتيرييي قوليي شي بلاصة ختارها نت
وليد غير عاض على سنانو وكيشوف فيها كتقرب ليه وكينهج ..قربات تا لحداه :دوييي ختااار ولا نختار انااا
ولييد كيتمتم بتهديداات وسبااان ..هزات رجليهاا بخفة وزطمات لييه بين رجليييه تا تسمع صوتو متوجع ضغطاات كتر وكتر وهو مغمض عنيه كيتوجع نطقاات:ملييي ماختاريتيش فين نتيريي ادن انختار اناااا….وهاد لبلاصة هي لي غنرزييك فييهااااا
صافي مابقااش قادر يصبرر زاطمة بالجهد ولمعلم ماكايستحمملش الضغوطات نطق كاره راسوو:صاافي حبسيييي حبسيييي
بتاسمات وهي كتحس بصوتوو مهزوز ضغطات لاخر مرة تا حسات بيه اينفاجر وهي تبعد رجليها مخلياه كيلهت بصوت مرتاافع وينازع..عطاتو بالضهر كضحك بالجهد:ههههه وليد سردار شكون كان يقول شي نهار طيح هاد الطيحة كاع داك الهيبة ولكاريزماا وشخصية لقوية وكلشي كيتهاتف بسميتك تحدو لييك دابة هااا
ضارت لجيهتوو :نسيتي راه لمراا لدارتك فراسها راه طيحك طيحة خايبة واخة تكون كطير مع طيور..اممم ماعلينا نكملوو اللعب ..
ورجعاات صوبات لفردي فتجاهوو:واحد اللعبة زوينة انحسب حد عشرة من راسك تا نوصل للمعلم لا ما قلتيليش حبسييي غنتيري فروجولتك
وبدات كتحسب وهي مصوبة على راسو:1…2…3…
شاف فيها نازلة ديال بصاح عبر بعنيه فين واصلة بالفردي حدا عنقوو …وهي مازال وعارفها ديرها وتيريي …
مارية وصلات لحهة كتفووو:7..8..
وهو ينطق:حبسيييي
بتاسمات وماعطلاتووش تيرات داك ساع جات الضربة فكتافووو شهق فاش ختارقات لقرطاسة لحمو وبدا كينزف وكيحس بداك لوجع كينهش فييه لدرجة بدا كيكح الدم
مارية كتشوف فيه بدون شفقة :شتيي اللعب دلعيالات شحال زوييين
تمتم بصوت مهلوك مزل راسو :مازال كنقسم ليك ماغانرحمكش تمناي نموت حيت لابقيت عايش راك قودتيها
ضحكاات وقربات لييه حطات لفردي على لفك ديالو وهزات ليه راسو لعندها جات عنيه فعنيها وقبل تدوييي هزات داك لفردي تا لسما وكتجمع معاه للوجه تا ضار وجهو :باقي لحال على الموت من بعد ونقرر انااا
وليد كيشوف فيها وفعنيها لي ولا كيحس بيهم ماغرابش عليه خاص غا يركز بالو مشوش..شوية ديال التفكييير وتركيييز مايمكنش مايعقلش عليهااا
رجعات اللور وهي كتخبي داك لفردي فبلاصتوو
مارية:انا غنمشي عندي مايتقضاا ولكن خاص نداويو هاد جراحي راه واخة هكاك قلبي حنين
جبظات واحد لبوماضة غير شافهاا عض على سنانوو كيهز راسو بلا
ضحكات بالجهد:هدشي لي لقيت
كانت بوماضا ديال فلييوو ونعناع خاصة بحريق راس كتدهن ..ولا دارت على الجرح كيولي يوزوز بزااف
جرات لكرسي وجلسات حدااه وبدات كتهدن لييه وهو كيقفز من بلاصتوو مقصح كيغمض عنيه ويحلهم وهي مستمتعة بأنيينوو تا سلات وناضت هزات ساكها وخرجات كضحك بلعانيي وهو ربي لي عالم بيه من الوجع لي كيحس بيه
ولييد بصوت حاااد مخلط بالوجع والحقد وكلشيي خايب:فييين تعطلتي أ ادم فييين …هدشي كامل اتخلصيه
ولا كلو عرقان وجسمو سخوون بزاف وكيرجف ولجروح كيضروه بزاف نفسيتو مزفتة وكلو مهلوك لا ماكلة لا شراب راه الموت بالبطيئ هدا
#يتبع_تعاليقكن❤🔥حُطـــــــــام🔥
🖤الكـــــــــابوس🖤
الجـــــــــزء17

خرجات لقات سوسن على برة كتسنا
سوسن:ماتقوليليش قتلتيييه
مارية:مايستاهلش الموت هاد العداب ديال دابة كتر من المووت
سوسن:ايوا شنو اديري معاه من دابة
مارية:ايبقة هكاا تا نشوف شغا ندير
ودورات وجها لزكرياء:رد البال الله يحفضك تانرجع
زكرياء:كوني هانية اختي مارية
مارية:يلاه نمشيو
وركبات هي وسوسن فطموبيل ومشا
نبدلو لبلاصة
كان فطموبيل ديالو مانعس ماشاف النوم ليل كامل وهو يبحت او والوو لا بصمات لا كاميرات مالقة والوو هدشي لي محمقوو ..وصل لحدا لقصر نزل خاص يدخل للمكتب ديالو يشوف شي حوايج بقات هدي اخر محاولة يديرها داك ساع يدوز للحل التاني.رجال الامن غير شافوه ربطو لاتصال مع لحاجة لداخل..داك ساع تحلات لباب ودخل ستقبلاتو وعلى وجها لقلق تحنى باس يديها تمتمات:الله يرضي عليك
أدم:كيف بقيتي الحاجة
الحاجة:كيف انكون ووليد مابانش
ادم:كوني هانية الحاجة غنلقاه وغيرجع على خير
الحاجة:دير جهدك وكتر
ادم:كوني هانية..الحاجة فين المكتب ديالو خاص نشوف شي حوايج
الحاجة ركب فالمصعد الطابق تاني لباب ديالو تاني على يديك ليسرية
هز راسو باه وطلع للمكتب دخل شاف فلبيسي فتحو داك ساع وبدا كيخنتش فيه دخل لضوصي كلشي هو هداك اخر واحد دخل لداك الضوصي هو وليد وهدي خمسيام يعني فاش كان فألمانيا شد داك لبيسي وتقاد فالوقفة ..غيدوز للحل التاني دوز النمرة درمزي:االو رمزي شوية ونكون فالولاية لقيت الحل
وقطع وتم خارج من المكتب ودماغو مرفوع كيفكر حتى كيحس براسو دخل فشي حاجة دغية تدارك الامر وشدها قبل طييح …حلات عنيهااا كانت صافي غطيح..يلاه ايدوي وهو يسكت فاش جات عنيه فعنيها الزورق كيف سماااا صافييي تكهرب بلع ريقوو وهو كيشوف ملاميحها جمال رباني ..تقدات فالوقفة وهي كتبعد عليه وتقاد شالها لي زلق مع شعرها وبانو خصلاتو نازلين على وجها.وهو مراقبها ماقدرش يقاوم هاد الجمال كامل لي قدامو.
رجع تاهو اللور وهو كيحم حم ومنزل عنيه الارض من بعد ما ستوعب هو فين وعندمن:احم سمحيلي كنت مزروب ماشفتكش
ليالي وهي مكملة طريقها:مرة جاية بدا ترد لبال
ومشات ركبات فالمصعد
تنهد وهو مازال كيشوف فالارض تا حس بالمصعد تسد عاد هز عنيه ومشا نزل من الدروج كيحاول يزول صورتها من بالو..خرج من لقصر كامل فتجاه لولاية
مسافة طريق وكان تماك
نزل ودخل نيشان للقاعة الاجتماعات كان غير رمزي كيتسنا سد لباب وجلس
رمزي:بحتنا ومازل كنبحتو حتى نلقاوه دابة شمن حل عندك
ادم مسح على راسو رمزي خاص يعرف:رمزي انا واعدت وليد باش هدشي يبقة سر بيني وبينو ولكن تانت خاص تعرف
رمزي:دوي كنسمع اصلا كنت حاس بيكم مخبين شي حاجة
ادم:اصبار
جبد طليفونو ودوز واحد النمرة وخدمو على الهوط باغلور بقة كيصوني من سمعو صوتو بالمانيا:المحقق ادم مرحبا
ادم:السي لوكاس
لوكاس(رئيس الشرطة لفدرالية الامانيا:):من صوتك كاينة شي حاجة
ادم مسح على راسو ودخل نيشان فالموضوع:سردار من لبارح وهو مختافي ونت الوحيد لي تقدر تعرف فين هو
لوكاس قوص حواجبو:كيفاش مختافي واش كضحكو عليا ولا شي تمتيلية هدي
ادم:هدشي لي كاين ماكانضحكو عليك ماوالو..وكيف قلت نت لي تقدر تعرف فين هو بداك السم لي زرعتو ليه فجسمو باش ايلا حاول يخون ولا يغدر بضغطة من عندكم ايتخوة داك سم ويموت كنضن هدا سبب كافي ياكد ليه انه ماكانمتلوش عليك…دابة بغيت تحدد ليا فين هو بالضبط حيت عارف هاد السم منساجم مع جي بي اس
لوكاس تنهد بالجهد:ماكانش خاص يمشي لهاد المغرب سردار عنيد بحال ديما تسنااا انقطع شوية وتوصلك الاشارة
وقطع
داك الساع جبد لبي سي
كانت داخلة للدار على صوت كلامو غير سمعات سميتو مشات جلسات حدا باها كتشوف فيه:بابا شنو واقع مال سردار
لوكاس مركز:بلاتي
تيريزا سكتات كتسناه يسالي باش تعرف
لوكاس حدد بلاصتوو وداك ساع صيفطها لادم ورجع صونا ليه:راه وصلاتك الاشارة ورد عليا باش ماكان سمعتينيي وغير تلقاه قولو لوكاس خاص يددوي معاك
وقطع
تيريزا:بابا شنو واقع
لوكاس تنهد:سردار ختافة ماعرفتش اش وقع ليه المهم دابة نعرف
تيريزا بقلق:ياك ما وقعات ليه شي حاجة خايبة
لوكاس:لاا ماكانضنش كنتمنى مايكون واقع والووو
تيريزا:شوية ورجع عيط اباباا نتأكدوو
لوكاس:صافي واخة

نرجعو للمغرب
كان جالس وكيشوف فيه كيف صاعر وكيغوت:كيييفاااش دارهاا كيفاش وافق يديرر هادشيي كيفاش عرض حياتو للخطر هو هكاا راه حكم على راسو بلمووت شنوو هدشي داار علااش ضحة برااسووو الالمانيين ماكايرحمووش نهار يحسو بشي حاجة ماشي هي هديك يقتلووه لوكاس مافيهش التقة
ادم:دابة فات لفوت ارمزي نت عارف وليد شحال راسو قاصح قال ماعندو مايخصر لا ولاد لاعائلة يخاف عليهم بقات ليه غا حياتو هاهو قمر بيها باش ينفد انتقامو من المنضمة الالمانية
رمزي جلس حاط يديه على راسو:راسوو قااصح قاصح كتر من بااااه
ادم وقف:دابة خاص نلقاوه لوكاس حدد لينا بلاصتو
رمزي:انمشي معاك
ادم:خليني انا نتكلف
رمزي:لا نمشي انا وياااك
#بناتي حد هنا غد االتتمة مع احدات جداد وتقلبات شاااااخدة فالقصة…كيف تافقنا على سيستيم دقصتنا تلاتة دلاجزاء يوميا وايلا كان حضوركم قوي انتهلا فيكم اكتر واكتر تحركو ترزقو 👌 بغيت ارائكم وتحليلكم للاجزاء الجاية من بعد ماتوضحو بعض الامور وشنو مصير مارية مع وليد سردار..كترو جادوغ❤
#كنحبكم❤🔥حُطـــــــــام🔥
🖤الكـــــــــابوس🖤
الجـــــــــزء18
جا نهار جديد

فجيهة خرا

نزلات من طموبيل هي وسوسن ..
زكرياء رما سيجار ديالو وقرب لعندها:كلشي هو هداك اختي مارية
مارية:الله يحفضك واش محتاج شي حاجة
زكرياء:لا مامحتاج والو اختي
مارية:ماشفتش طموبيلتك فين هي
زكرياء:حتاجها مولاها ووصلتها ليه تانرجع ناخدها
مارية:صافي مزيان عمر ليا داك سطيل الله يحفضك
بتاسم:هي لولا مع شوية دلملحة ياك
مارية:زيد كتر
ضحك ومشا يدير داكشي لي قالت ليه
سوسن:ياختيي نتي راه خاص يخدموك معاهم فلبوليس فالقسم ديال تعديب المجرمين اتناء الاتسجواب اجيي خليني نطل عليه عفاك
مارية را الشرجم طليي وشوفي اللوحة الفنية غطي غا كمارتك
سوسن دارت شال على وجها ومشات كطير حلات الشرجم وطلات عليه وشهقات حاطة يديها على فمها ورجعات باللور شوية وطيح تا وصلات عند مارية:الله ياربييي ويليي سيد كلو دمايات وضرابي راه موحال يعيش امارية شنو درتيي فيييه
مارية:ماشفتيش حالتي انا فداك ليلة
سوسن سكتات وشدات ليها فيديها:عارفة وها النتيجة ديال داك ليلة قدامي قلبك قصاح تا ولا المنضر ديالو جايك عادي ..مارية خايفة عليك فشنو ممكن يوقع من مور هدشي لا عاش وفلت منها راه ماغايفوتكش
مارية شافت زكرياء جايب السطل:المهم تمرمد على يدياا
خدات داك السطل ودخلات تاني للكوخ وشدات لباب ووقفات كتشوف فيه وفحالتوو هكا بغات تشوفووو لقرطاسة كتنزف من دراعو بلاصتو ولات كلها دمايات صدرو وجهوز كلشييي حالتو حالة…منزل راسوو وصوت انفاسو حارين مسموعين كيتنفس بصعوبة بحاليلا كيقاوم…قربات لجيهتو بلا مادير الحس وهزات داك السطل وكباتوو علييه وهي كتشوف فيه كيف قفز كيتوجع..رمات داك السطل وتقابلات معاه:شتي شحال الموت بالبطيئ صعيب ..
شاف فيها بعنيه نايمين صافي جهدو تسالاا كتافة بالصمت وشوفاتو لحادين ليها بحال شي قرطاس…
مارية:وليد سردار كتعرف شنو معنى الاب ديالك يموت بالفقصة بسبابك ..انا بابا مات وهو غضبان منييي
قربات لعندو :بسبابك نت خسرت بابااا اعز ماكانملك
وهزات يديها تا لسما وجمعات معاه:بسبابك حياتي دمرات وهانت دابة كتخلص شوف حالتك شووووف بين يديا وتا واحد ماغايفكك من بين يديا عرفتي شنووو كنفكر ندوز ليك لعائلتك تانت شنو بان ليك فختك ليالي تعيش هدشي لي عشتو انا شنو
عض على سنانو وهمس ليها:حاااولييي ديريها وأتشوفييي شغا ندير فيك
ميلات راسها:نت راك فوضع مايسمحلكش تهدد اسي سردار
مارية :هدشي مازال انفكر فيه ولا بغيتي نبين ليك باني قادرة نوصل لعائلتك ماعنديش مشكل..دابة قولي ماجاك لا عطش لا جوع ..واقلة جاك لعطش تسنااا هاني جاية
خرجات ورجعات بكاس كبير دلما..وقربات لعندو هزات ليه راسو لعندها :شرب مازال باغاك تعيش
كان غيموت بالعطش بدا كيشرب ولكن سرعان ما بدا كيكحح وبزق داك لمااا لي كلوو كان ماالح بزاااف زادت كملات على العطش
رجعات اللور كضحك بالجهد :من نيتك باغي تشرب
وليد نزل راسو وفدماغو كيفكر هو حافض ادم مزيان وعارف كيف غيفكر ولما خانوش ذكاؤو هاد المرة راه ليوم يوصل ليه هدشي لي مخليه كيقاوم هدشي هز راسو شاف فيها بعنيه لحومر جمرة وفلداخل ديالو كيتوعد ليها بأيام ماكايبشروش بلخير وصوت ضحكاتها لي كيزيدو يستافزوه كيخليوه يزيد يكفر من جيهتها غيعرف شكون هي طال الزمان ولا قصار وغتخلص بالضوبل

مارية قربات ليه:يلاه نمشي عندي مايتقضى وغنرجع ليك كون هاني
وخرجات وخلاتوو
مارية:سوسن يلاه نمشيو
ركبو فلوطو ومشاو
نبدلو لبلاصة

كان سايك وطليفون فيديه متبع لايشارة وحداه رمزي كيشوف فطريق داخلين وسط لغابة :ها حنا قربنا
رمزي:اش جابو لهنا
أدم :ها حنا انشوفو
وقف الطموبيل بعيد شوية على كوخ ونزل وهو كيقاد السلاح بين يديه ورمزي معاه تاهو هاز السلاح وكيتمشاو فتيجاه لكوخ …
فجيهة لوخرا كان زكرياء كيعمر لما من لبير لي حدا الكوخ سمع شي اصوات ديال زفير طموبيل رجع اللور وهو كيحط سطل وتم غادي بشوية لجيهة لكوخ وقف مور واحد الشجرة كيشوف فداك جوج لمسلحين تحنة دغية قبل يشوفوه وتبت مزيان النفس ماكايطلعهاش..قلب وجهو كيشوفهم كيحلو لباب جمع الوقفة ورجع باللور مبعد من المكان وداك ساع جبد الطليفون صونا ليها:ختي مارية عنداك ترجعي للكوخ ..جوج مسلحين دخلو للكوخ واقلة البوليس..
مارية:صافي غبر من تمااك سمعتيني ماتشوفش من موراك
زكرياء عطا رجلو للريح بجرا:كوني هانية
وقطع وهو كيجري
#يتبع ها العافية بدات تشعل🔥
#تعالييقكن🔥🔥حُطـــــــــام🔥
🖤الكــــــــابوس🖤
الجـــــــــزء19

فالكوخ…
ادم زدح داك لباب برجليه تا تحل بالجهد وسلاح فيديه عاد دخل كيقلب بعنيه ماحس بتاشيي حس ولا شاف شي حد حتى كتجي عنيه على صاحبوو تصدم خبا السلام من مور ضهرو :ولييييد
مشا طاير لعندو وليد هز راسو شاف فيه ونطق بتعب:عاد جاي القوااد..تعطلتي
أدم تحنى لعندو كيمسح ليه على وجهو ويشوف فحالتو وهو مشوكي:اشنو وااقع شكون دار فيك هاد الحالة
رمزي من موراه من بعد ما تأكد انه ماكاين تاشي حد برى:كتسولوو حل عليه نمشيو للطبيب
ادم كيشوف فداك لكرسي كيف متبت مزيان مع الارض باحكام وعاد كيف مربوط ..داك ساع قشع واحد الموص هزو وبدا كيقطع داك لحبل باش مربوط بسيف باش تقطع
وليد يديه ورجليه ضروه وتجرحو مع داك لحبل ..قرب رمزي وعاون ادم باش يوقف
ولييد كيدور عنيه على الكووخ وشاف فادم:مالقيتو حد
أدم:لا دنيا خاوية
وتمو خارجين بيه بسيف باش كيتمشى غير عتب باب لكوخ عنيه ضروه بضو الشمس وقف كيشوف فين هو فعلا وسط لغابة نطق تاني بتعب:خلي هنا شي جوج يجيو دابة يراقبو لبلاصة
ادم:وااخة دابة خلينا نمشيو للطبيب
وليد:ديني للقصر شمن طبيب
ادم كيشوف انه جسمو بدا كيتقال وحرارتو مرتافعة وداتو كتررجف :ولييد بلا قصوحية راس حالتك خصها طبيب كلك كتنزف وضربة دلقرطاس وزيد جرحة لخايبة لي فصدرك
وليد عض على سنانوو :ماتزيدش تكفر دلمييي وديني للقصر
رمزي:دابة خلينا غا نتحركووو
وصلو للطموبيل ركبوه اللور تكا ورجع راسو اللور كينهج ..ركبو تاهوما وديماراو
وليد وهو مغمض عنيه بصوت يلاه كيتسمع:دير داكشي لي قلت ليك.ومايدخلوش لبوليس فهدشي
وتمتم بتعب بصوت مامسموعش وهو كيفقد الوعي:غنقتلهااا..غنلقااك
وغاب
ادم داك ساع عيط لجوج درجال يجيو للكوخ يراقبوه ويشوفو اش يديرو فيه..شاف فيه من لمراية لقاه مغمض عنيه:واقلة فقد الوعي
رمزي:شد طريق للسبيطار
ادم تنهد:ماغايبغيش لا فاق
رمزي:حالتو ماشي ديال الدار ديه لصبيطار
ادم:بغيت نعرف شكون تجرأ ودار هاد الحالة
ضور وجهو وشاف فيه:ماغايتفاكش معاهم من دابة خاص يشهدو على روحهم
رمزي:المشكلة ماعنظوش شي عداوة مع شي حد هنا فالمغرب
ادم:مافهمتش شكون مول هاد الجراة كاملة
وزااد فالسرعة فتجاه سبيطار
قل من ساعة دطريق كانو حدا سبيطار ستقبلوهم بالبياص نيشان لغرفة الطوارئ

داز الوقت وادم ورمزي كيتسناو على برة تا خرجات ااممرضة وقفو عليها
الممرضة:نزف بزاف دبال الدم ولكن لحسنزالخص لقينا الفصيلة ديال الدم ديالو متوفرة..جسمو مهدود بزاف ودوك ضرابي كون زاد شوية كون ماات خرجنا ليه لقرطاسة ودابة كنخيطو ليه الضربة لي فصدرو..جسمو يوماين وهو لا ماكلة لا شراب كان ايدخل لحالة يبسو فيها كلاويه ويموت كاع…المهم نساليو هدشي ونشوفو نتائج خاص نتاصلو بالبوليس
ادم جبد بطاقتو:معاك الشرطة شخصيا حنا انتكلفو
هزات راسها باه :واخة اسيدي
ورجعات دخلات
ادم شاف فرمزي:هدشي راه ماكايبشرش بالخير
رمزي:كوغا خلانا نديرو شرع يدينا
ادم:كنضن عارف شكون وراه اكد بوليس مايدخلوش خليه يفيق ونعرفو اش كاين

نبدلو لبلاصة
مارية…
سوسن غادة جاية مخلوعة:الله اربيي الله مشينا فيهاا صاااافي لقاااوه لبوليس صافي غيلقانا امارية وغيقتلناااا…مارية باقة داك الكلمة لي قال لينا فطموبيل ديال قودتوها كتردد فودنيييي دابة شغا نديرو المشكلة راه مرمدتيه انا لي شفت حالتو راه ايحقد صافيي مشينا فيهاا
مارية بهدوء:سكتي صدعتيني
سوسن:وراه مشينا فيها سيد يدو طويلة وكيقول لطير طير ولا نطير وبلويسي وصعيب اختي صعييب راه لا شدك ماغايرحمكش
مارية:ماعندو منين يلقانا ماكايعرف علينا والوو ماخلينا مورانا والوو غير ايحمق راسو بتقلاب
سوسن:واش متأكدة
مارية:ااه واصلا تا ايلا لقاني نتي ماعندو باش يأديك هو غراضو بيا انا
سوسن:ومالك رخيصة عليا خايفة عليك تانتي اصاحبتي
مارية:انا قادة براسي كوني هانية ماعندك مناش تخافي..المهم هاني مشيت سيري لدار
سلمات عليها ومشات بحالها..وافكار كتديها وافكار كتجيبها عارفة انه وليد سردار دارها فبالو وماغايدوزهالهاش بالساهل خاص ماتسهلش الامور دابة وتفكر اش دير

#يتبع_تعاليقكن_هادشي_ماكايبشرش_بالخير😌🔥حُطـــــــــام🔥
🖤الكــــــابوس🖤
الجـــــــــزء20

دازو يوماين بالضبط

كانت فخدمتها رجعات ليها فهاد اليوماين .علامن تشوف اش ايوقع خلات داكشي كيف ما هو توفيق رجع للعسى تاهو وكأن شيئا لم يكن
كانت كتسجل فالكتوبة لي داخلين وخارجين هزات راسها وهي تشوف مول لمكتابة نازل من رونج روفر ديالو نزلات عنيها تاني تكمل خدمتها حتى كتحس بيه وقف عليها :مارية لاباس
هزات عنيها فيه:الحمد الله اسي توفيق
توفيق :شحال من مرة قلت ليك بلاش داك سي توفيق.
..غا توفيق براك
تنهدات وهي كتضغط بالجهد على لكلافيي دلبي سي بصبعانها:هدي هي لخدمة اسي توفيق
توفيق جلس على الكرسي لي مقابل معاها:مارية انا عارفك فاهمة قصدي من شحال هدا غير كتميكي انا نيتي حسنة
وسكت وكمل:وباغيك على سنة الله ورسوله تكوني مراتي
هزات فيه عنيها ها لي مابغاتش عيات هاربة منو باش مايفتحش معاها هاد الموضوع
توفيق:هادي اعوام ونتي خدامة معانا عمري شفت منك شي حاجة خايبة بنت دارهم وداخلة سوق راسك ملتازمة ومحتارمة راسك وهدشي لي حببني فيك باغي موافقتك وماغايخصك معايا تاشي خير
مارية:السي توفيق عفاك مابغيتش نتحط معاك فهاد الموقف ولكن الزواج ماكانفكرش فيه وخيرك سابق عليا مابغيتش هاد الموضوع يخسر بيناتنا
توفيق:فكري مالك مزروبة الزواج ماشي عيب وانا اي حاجة بغييتها نديرها ماانمنعكش من الخدمة وكلشي ديالك
تنهدات:ولكن نت مزوج تلاتة دلعيلات وماعنديش مع هاد القاضية
توفيق:تكوني الرابعة وتالية ولعزيزة فيهم
قبحات وجها تحت داك لتام:السي توفيق مايمكنش ومن الاحسن تنسى الموضوع
ووقف:المهم فكري مزيان ماتصرعيش
ومشا دخل للمكتب ديالو
داك ساع جات عندها سوسن لي سمعات النص دلحديت:مال السي توفيق
مارية:قالك باغيني الرابعة
سوسن:ههههه وشكون بحالك راه تعيشي فالنعيم ااسيد بخيرو وخميرو وعيالاتو بتلاتة يديروك فعنيهم هههه
مارية:سعداتك راشقة ليك
سوسن:ونتي لي سعداتك كيجيو فيك لخطاب وهدشي بلتام ولخيمار كيتي انا كيجيو غا لكوفرات نضل نتقاد ونزوق
مارية:شلاااا غايبعدوو منيي نوضي نمشيو عييت
سوسن:نوضي ههههه هاد السي توفيق علاام اش بان ليك لا طلع لينا الدم نختاطفوه تاهو
مارية ضحكات:ههههه زوينة هدي نفكرو فيها

نبدلو لبلاصة
فالطبيب
حل عنيه بتقالة .كيشوف فالسقف ويرجع يغمضهم..مدة عاد ستوعب حل عنيه مزيان كيحس بداتو مهدودة هز راسو كيشوف راسو فطبيب هبط عنيه ليديه فيهم سيرو رجع تكاا كيدور سينتة فدماغو وكاع داكشي لي وقع عض على سنانو جامع يديه على شكل لكمة وهمس:دابة نوبتي تسناينيي
سمع لباب تحلات كانت الممرضة
يلاه اتدوي وهو يقاطعها:شحال وانا هنا
الممرضة:يوماين اسيدي
زاد زير على يديه:شكون على برى
الممرضة:صاحبك ادم واقلة
وليد:قولو يدخل
الممرضة:ولكن خاص ندير ليك فحص ونعيط للطبيب..
قاطعها:تحركييي
خرجات طايرة صوتو زعزعها..دقايق وكان ادم قدامو:على سلامة
وليد تقاد فالجلسة كينتر داك سيروم:قلت ماتجيبنيش للطبيب
ادم:هي كان خاص نخليك تموت
وليد كيشوف فداك لفاصمة لي على صدرو وكتافو:لي بحالي ماكايموتوش
ادم عارف واخة يقولو خاص تبقة مازل فطبيب ماغايبغيش مشا حل واحد لبلاكار وجبد ليه حوايجو..وليد نزل من فوق داك النموسية داتو كلها مدكدكة كان غا بالشورط وقف على رجليه كيتمشى جيهت لحوايج هزهم ودخل للحمام لي تماك
ادم وقف كيتسناه باغي يعرف اش واقع وباينة وليد من ملاميحو ماناويش الخير..شافو خارج كيمسح وجهو بالفوطة لابس عليه وكيحاول يتمشى بالشوية :يلاه نمشيو
تبعو بصمت وخرجو من صبيطار ركبو فلوطو ادم لي كان سايك ديمارا بلا تاشي وجهة كيتسناه يديوي ويقول شي حاجة..دور وجهو لقاه حل مجر طموبيل وجبد واحد لوراق تماك وعلبة الاقلام خاصة بيه وبدا كيرسم فوحدة من لوراق ماباغيش ينسى عنيهاا ماباغي ينسى تاشي حاجة اصلا داكشي باقي محفور فدماغووو..ربع ساعة وهز داك الورقة لفوق كيشوف فيها ..تماما نفس عنيها بالضبط مرسومين تماك نفس اللون نفس النضرة مرسومة باتقان بحكم خدمتو فالشرطة كيحتاجو شي مرات لرسم ملامح المجرمين ادم كيشوف فداك الرسمة:شنو هدشي وليد قولي اش واقع وشكون لي لعب معاك هاد اللعب لخايب
وليد بصوت كلو حقد :هي هديي ..كنقسم ليك أ ادم غنلقاهااا وفأقرب وقت وايلا ماندمتهاش راني ماشي وليد سردار لي كلسي كيتهز ملي كتسمع سميتو ماغانرجع لامانيا تانفريها معاها
أدم:بغيتي نقول مراا هي مولات هدشييي
#بناتي حد هنا دابة عاد ايبدا اللعب دبصاح🔥 والاحدات اتزيد تزيان ملي سردار ولا حر طليق خخخ هااح لقاضية شاخدة وماكاينش الملل خاص غا بناتي يوريوني لحيوح ديالهم فتعاليق وارائكم كلهم كنقراهم واحد بواحد بغيت توقعاتكم بالتفصيل وماتنساوش كترو من جادوغات باش نبرع بناتي ونحط كتر نيت ترخف عليا الامور راني مرونة
#تصبحو_على_خير_كنحبكم❤🔥حُطـــــــــام🔥
🖤الكــــــابوس🖤
الجـــــــــزء21

جبد واحد لوراق تماك وعلبة الاقلام خاصة بيه وبدا كيرسم فوحدة من لوراق ماباغيش ينسى عنيهاا ماباغي ينسى تاشي حاجة اصلا داكشي باقي محفور فدماغووو..ربع ساعة وهز داك الورقة لفوق كيشووف فيها ..تماما نفس عنيها بالضبط مرسومين تماك نفس اللون نفس النضرة مرسومة باتقان بحكم خدمتو فالشرطة كيحتاجو شي مرات لرسم ملامح المجرمين ادم كيشوف فداك الرسمة:شنو هدشي وليد قولي اش واقع وشكون لي لعب معاك هاد اللعب لخايب
وليد بصوت كلو حقد :هي هديي ..كنقسم ليك أ ادم غنلقاهااا وفأقرب وقت وايلا ماندمتهاش راني ماشي وليد سردار لي كلسي كيتهز ملي كتسمع سميتو ماغانرجع لامانيا تانفريها معاها
أدم:بغيتي تقول مراا هي مولات هدشييي
وليد كيشوفف فداك رسمة وفداك.لعنين بكل حقد بحاليلا هي لي قدامو:هادي حرباء مستحيل تكون من نسا
شاف فأدم:بحال هاد النوع عمري جربتو
أدم:واش كتعرفها دابة نحضروها ونوريوها اللعب مع لي كبر منها
وليد:هدشي بيني وبينها مانبغي تاشي حد يتدخل
أدم:وعلاش هدشي كامل وكيف وقع
وليد كيشوف فطريق:قلت ليك لفعة وانا لي انعرف ليها
أدم راسو زاد ضرو من كلام صاحبو :وليد شكون هدي وعلاش دارت هكا
وليد:غنعرف
أدم:كيفاش غتعرف علاه ماشفتيها ماعرفتي علاش
وليد دور وجهو وشاف فيه وفداك الورقة لي فيديه:ها لي غيوصلني ليها كنعرف غا عنيها
آدم:شاف فداك لعنين وطول الشوفة وليد جمع داك الورقة وادم كمل كلامو:دابة هاد الرسمة دلعنين هي لي اتوصلك ليها..شحال من وحدة عنيها خوضر بحال هكا
وليد :مازال ماكاتعرفنيش أ ادم راه نقدر نخرجها من بين الف وحدة بنفس عنيها واخة تكون تحت الارض
ودار ليه اشارة للسيجار لي تماك..ادام مد ليه واحد مع بريكة..خداه وشعلو داك ساع نتر منو نترة طويلة وساط دخان جيهة الشرجم خاصو ينفارد براسو ويفكر مزيان وغيعرف كيف يجبدها حاس بانه كلشي واضح غا دماغو مشوش:وصلني للقصر
أدم:نيت الحاجة مشوشة عليك
مسافة طريق وكانو تماك
وصل لخبار لداهل راه وصلو تخلاتولباب ودخل هو وصتخبو والحاجة فاستقبالهم مبتاسمة وفرحانة..فتحات يديها ليه قرب لعندها وعنقاتو كتبوس ليه فكتافو:على سلامة حفيدي الله يحفضك ليا..ماتصورش شحال خفت عليك
بعد كيطبطب ليها على كتافها ويجرها معاه تجلس:ماعندك مناش تخافي هنا قدامك بيخير
جلس تاهو وشاف فادم باقي واقف:جلس
الحاجة: هدشي ماكايدخلش لدماغ عمر هدشي وقع ليك تا فبلاد لكفارة بالله عمر شي حد تجرأ على حفيدي
وليد كيتفكرها ويتفكر كلامها وكاع داكشي لي دارت معاه وداك القوة كاملة لي تحداتو بيها فعلا ماشي اي وحدة عادية خاص تكون باش تجرأ وديرها :دابة نساي هدشي كلشي عندو الحل كي بقيتي نتي
الحاجة:انا بيخير اولدي
وشافت فأدم:سمحلي اولدي ما رحبتش بيك بالفرحة بحفيدي..لاباس عليك
ادم:الحمد الله الحاجة ربي يحفضك
شافت فالخدامة:جيبي الضيافة
داك ساع لخدامة مشات تجيب ضيافة وهوما كملو كلامهم..تا جاو لخدامات بصوانيي عامرين متنوعين ستفوهم فوق الطبلة والحاجة قايمة بالواجب مع آدم كترحب بيه
فهاد اللحضة
كانت داخلة من الجردة بلباسها لكحل منزلة راسها ولوختها فيديها دايزة من الصالة بلا ماتسوف تا لجيهتهم ..لمحها هو لول ماقدرش مايشوفش فيها حاول ينزل عنيه ولكن ماقدرش .مازال صورتها بين عنيه وداك الجمال لي قليل فين كيشوفو ..فيقو من سهوتو صوت الحاجة:ليالي ماغاتقوليش لخوك على سلامتك
ادم نزل عنيه داك ساع فاق على راسو
ليالي مكملة طريقها ولكن دوات:ليالي ماعندهاش خوها الحاجة
وكملات طريقها لجناحها
ادم وقف مابقالو مايزيد يدير :انا غتسمحولي عندي مايتقضى وعلى سلامتك اصاحبي..دوة ديالك ايوصلك مع شيفور كونت بغيت نصيفط ليك ممرضة ولكن عارف راسك قاصح
وليد وقف معاه:انا بيخير مايحتاجش
ادم تحنى سلم على الحاجة وخرج هو ووليد موصلو للباب
وليد:كيف دازت المداهمة
ادم:دازت كيف خططتي ليها بالضبط داكشي لي قلتيه هو لي وقع ودابة راحنا على تواصل مع الشرطة الروسية باش تشد لعصابة كاملة
وليد:مزيان
ادم:طليفونك فالمكتب ديااك لوكاس باغي يدوي معاك
وليد هز راسو باه
ادم:هاني مشيت

#يتبع_تعاليقكن_وأرائكن❤
هااح الشخدة🔥🔥حُطــــــــام🔥
🖤الكـــــــابوس🖤
الجـــــــــزء22
دااز الوقت

كانت جالسة هي وسوسن جيهة لبحر
سوسن:شتك ماوليتيش جبدتيه ياك ما مات اصاحبتي ولبوليس كيقلبو علينا.
مارية بهدوء وعنيها على لبحر مع شميشة ضاربة ليهااا فعويناتها لخضيضرين كيبانو جناب ديالهم صفيفرين لون فشكل ونضرات فشكل خاصين بيها:راه خرج ليوم من طبيب
سوسن:هووف فخبارك شي مرات كنقول كون غا مات حسن والله حيت ايبغي يلقاك باي طريقة امارية ..ونرجع نقول لا مات عاد انزيدو نغراقو ولبوليس دالمانيا والمغرب وكاع لقارات ايقلبو علينا ونصدقو معدومين راه فجميع لحالات قودناها خلاها هو
مارية شافت فيها:كنقولك الافلام كياترو عليك شمن فلم هدا لعب بدماغك هاد المرة
سوسن كتمسح على شعرها:وراحنا ففليم نيت ياك فكرتي كيف تخطفيه وتنتاقمي منو ودابة فكري الله يخليك فشنو اديري معاه نهار يوقف علينا كي عزرائيل قباض لرواح
مارية :شحال فيك دلهضرة خليه يلقاني بعدة
وشافت فساعة:نوضي نمشيو تعطلنا
سوسن:يلاه طموبيل دخويا كانت عاتقانا انرجعو عاود للتاكسيات
تمشاو بجوج :وحمدي الله ضيبانانا بيها
سوسن كتشير للتاكسي:قولي امارية نتي كنتي دايرة غا لحجباب وفاش قررتي تنتاقمي درتي لخمار ولتام باش بنادم ينسى وجهك دابة واش اتحيديه ولا شنو
مارية:صراحة ولفتو ولقيت راحتي فيه كيبعد عليك عنين الناس وكترتاحي وتحسي براسك مستورة..ولكن مازل باغة نخدم فبلايص خرين ماكايقبلوش نقاب ولتام وعاد مابقيتش مرتاحة فالمكتبة من مور داكشي دتوفيق وصالير ماكافينيش وزيد مانقدش نقولو زيدني اينويها فشكل يعني لقضية مرونة..المهم تانشوف هاد لحريرة عاود ونفكر فيها
سوسن:بصاح عندك الحق الخدمة متبقاتش ساعلة وولاو عندها مطالب ااحاجب وشي مرات كيقولوك حيديه..المهم نتي تعرفي وراه تا لحجاب سترة وفيه الوقار الله يهديني تانا ونديرو
مارية:اميين
ووقفو تاكسي وركبو فيها وصلات كل وحدة لدارهم

عند سردار
كان فالمكتب ديالو قدامو وقهتو كحلة بين يده باقي جسمو مهلوك وفاش كيتحرك صدرو كيضرو هو وكتافو .. حداه لبي سي خدام عليه من ليوم ماغايتهنى تا يلقاها وحلف ماتكمل 24ساعة تايعرفها شكون وايلا ماغايكونش وليد سردار لي حل كتر من 100قضية خطيرة ولي معضم الدول كيلتاجؤو ليه فاش كيوحلو فقضياهم…كيفكر ويتمعن مزيان فكلامها لي قالت ليه فهم انه قضية انتقام وانها وحدة من هادوك لبنات لي دوزهم فدوك ليام قبل يسافر..ادن شكون فييهم..فداك الوقت تفكيرو كان حابس خاصو غا فين يبرد النار لي كانت شاعلة فيه لدرجة نسا ملاميحهم كاملين ولكن هادييي لا ماخاصش يكون نساعا عنيها ماشي عاديين..زعمة وحدة من بنات ليل فايت فيها لفوت وكل همها لفلوس عاد اتفكر فالانتقام وبهاد الطريقة بحال شي وحدة شريفة عفيفة وقف على هاد النقطة مقوص حواجبوو وقف كيجغم من قهوتو وهو كيرجع بداكيرتوو اللور

كان فداك الدار متكونة من طبق واحد سفلي تصميمها كلاس وراقي وجاية معزولة من غير ديور من نفس ستايل قلال..من لي وقغ لي وقع وزهق روح مراتو وراحل ختو وهز كيجي غا ليها خوا لقصر ..كان حدا الشرجم مراقب داك الشتا كيف كطيح بالجهد وسيجار فيديه كيشوف فنقكة وحدة ودماغو حابس على فكرة ومشهد واخد مراتو خانتو مع راجل ختوو وانه كاع نسا مافيهم تيقة من طرف ..صونا ليه طليفونو جاوب بلا مايشوف المتصل غير كيتصنت:سمحلي اسي سردار ولكن وصلنا ليوم للكوميسارة تبليغ ضضدك من طرف شي وحدة كتقول تعديتي عليها بغيت غير نعلمك
تمتم بلا مايتسوق :تكلف
هز راسو باه بحاليلا كيشوف فيه:كوني هاني
قطع ورجع لافكارو ماهاموش شكون هادي لي بلغات بيه
رجع للواقع
كيفكر ويفكر هز طليفون داك ساع:شوية وانكون عندك فالمكتب نبغيك تكون حاضر
وقطع ووقف هاز داك الرسمة بين يديه شاف فيها ودارها فجيبو يلاه ايخرج وهو طليفونو يصوني كان لوكاس ماجاوبوش خرج من المكتب ومن القصر كامل فاتجاه الكوميسارية

#يتبع راه كنتعطل مع لكتبة وتصحيح البنات
أرائكن هدشي كيشعل 🔥🔥🔥🔥🔥حُطـــــــام🔥
🖤الكــــــابوس🖤
الجـــــــــزء23
داز الوقت
عند مارية

كانت جالسة فصالة ونارة قدامها كتفرج فالرسوم محددة ليها الوقت ..
نارة شافت فمارية ورجعات شافت فتلفازة:ختي
مارية شافت فيها:نعام
نارة:بغيت تانا نمشي الحديقة ونلعب مع لبنات لي قدي
مارية شافت فالتلفازة وروسوم لي بادي فيهم دراري صغار كيلعبو فالحديقة وداكشي طفولي
مارية:نارة كاين وقت محدد كنخرجو فيه ونهار يجي الوقت المناسب انديك للحديقة
نارة هزات كتافها ورجعات شافت فتلفازة:واخة
حليمة كتشوف فمارية نطقات:لبنت شحال ماخرجات وقنطات ماغاتبقاش محبوسة فدار تا يقولهالك راسك
نارة شافت فحليمة وناضت جلسات حداها:اه اماما هادي تلات اشهر واسبوعين وتلات ايام ما خرجت
قالتها باللغة العربية بطريقة طفولية كتحسب بصبعانها وترمش بعويناتها زورق كيفتنو وعاد شعيرها لمارو لحريري كتحمق..حليمة داك ساع عنقاتها كتبوس فيها:هاااح غناكلك نتي شي نهار يخليلي تلاتة اشهر ضياماند لي عطانا الله
شافت فمارية:غا لا بغيتي تخسري ليها خاطرها
مارية وقفات:طفي داك التلفزة واجي تبعيني انديرو كنطرول دابة وايلا ماجبتي تا غلاط غدا نخرجك وايلا كان العكس ماكاينش لخروج ..راه راجعت معاك يوماين
نارة ناضت كتجري تابعاها :ماغاندير تا غلاط اختييي
حليمة تنهدات:الله يهديك على بنتك هدا ما انقولك

دخلو للصالة لوخرا وجلسو ….مارية خدات ورقة وكتبات الاسئلة وحطاتهم قدامها:عندك 45دقيقة
نارة:ولكن بزاف دلاسئلة وفيهم لمواد كاملين
مارية:نارة
نارة سكتات:سمحيلي
بدات كتقرا فالاسئلة وتعاود وتفهم ومارية مراقباها كيف متوترة وباغة تخرج كلشي عارفاها شحال ذكية ونيفو ديالها وخصوصا دابة باغة تخرج يعني نسبيا تقدر ماتجيب تاشي غلاط

داز الوقت
مارية:خمسة دقايق
نارة هزات راسها باه وهي كتحك راسها بستيلو وتشوف فالاجوبة وتأكد ..وتشوف لي باقي ماجاوبات عليه حتى نزلو دموعهااا
مارية :مالك
نارة بصوت باكي:سؤال صعيب من قبيلة ومابانش لجواب
مارية:عاودي قرايه
نارة كتمسح فدموعها وتقراه:قريتو والو مابغاش يجي الجواب
مارية:تلاتة دقايق مسحي دموعك وركزي سؤال خدمناه لبارح
نارة مسحات دموعها وشافت فالسؤال كان سؤال من رياضيات عبارة عن مسألة
مارية:كتعرفي غير تحسبي شحال ماخرجتي وهداك السؤال وحلتي فيه
نارة شافت فيها ورجعات شافت فالسؤال وبتاسمات حالة عنيها على الجهد:صافيييي الجواب جااااا فهمتووو هي تلاتة اشهر مريم تغيبت عن المدرسة تلاتة اشهر
داك ساع تحنات كتكتب العملية الحسابية مع الحل
مارية:تسالا الوقت
نارة :ساليت
مارية خدات الورقة وستيلو حمر وبدات كتصحح ونارة مراقباها بعويناتها وكتردد بهمس:ياربي مانجيب تا غلاط ياربي بغيت نمشي للحديقة ياربي ياربي
مارية كتبات النقطة نهائية ودورات عليها وشافت فنارة لي كتشوف فيها بلهفة حطات حداها الورقة ووقفات….نارة داك ساع غوتات بالفرحة علامة كاملة مكمولة مناقص والو ادن كلشي صحيح
مارية:غدا وجدي راسك انمشيو لهاد الحديقة
نارة ناضت كتجري تابعاها وتلاحت عنقاتها:كنبغيييييك بزاف اختيي ايلوفيووووو سو ماتش ماي سيستر
مارية وقفات شحال وبلا ماتحس ترسمات على وجها ابتسامة:بالانجلزية كاع
نارة هزات راسها باه:اه كيف علمتيني
مارية:مزيان نمشي نصلي صلاتي
ودخلات لبيتها ونارة مشات كتجري عند حليمة ولورقة فيديها:ماما شوفيييي ماجبت تاشي غلاط غدا انمشيو للحديقة
حليمة:تبارك الله على بنتيي نوارتي هكا نبغيك

وليد سردار..
كان جالس فالمكتب وكاع ضواصا لقدام قدامووو وعاد ضواصا لي فلبيسي رون ليهم المكتب
الشرطي:سي سردار راه فاش تسدات الكوميسارية لقديمة وجينا لهنا شلا ضواصا غبرو قدام ايكونو بقاو فالارشيف فالكوميسارية لقديمة
وليد كيقرا ضوصي بضوصي ويشوف فتصاور لبنات لي فضواصا:كنتي عيطتي لي عمتيني بااشكوة خاص تخدم دماغك معايا وتركز فين كاين ضوصي
ااشرطي كيقول مع راسو دازت كتر من ست سنين اش جا مافكرو ولكن ايكون مع لارشيف لقديم:انا متاكد ايكون فلارشيف دلكوميسارية لقديمة حيت انا من مور ماسحبت الضوصي ماسجلتوش فلبيسي
وليد:ادن اليوم خدمتك مضوبلة انمشيو للكوميسارية لقديمة
ووقف مفورصي على راسو ناسي راه ملو ضرابي تا تبلوكة مع الجهد لي دار غمض عنيه كيسب ويلعن من الوجع لي شدو فصدرو حط يديه على الضربة لي فصدرو عاض على سنانو:غا تسناي مابقاش بزاف
وخرجو من المكتب فاتجاه لكوميسارية لقديمة
#يتبع ها تلاتة دلاجزاء دياولي ولكن غنزيدكم واحد كادو قولو ندى خايبة ❤ ..تعالييقكم كتروو منها راه لي جاي غا لعوافي مع هاد سردار🤦‍♀️🙆‍♀️🔥التتمة🔥
داز الوقت

بالضبط فالكوميسارية لقديمة
كانو وسط دوك رفوف دلارشيف سيجار فيديه وشرطي كيبحت ساعة دلماكنة ومزال مالقة والو ووليد بدة كيتعصب ماحس براسو تا شنق عليه زادحو مع الحيط وعاض على سنانو:ضووصي خاص يبان سمعتيني خدم معايا هاد الدماغ
الشرطي كيهز راسو باه مخلوع منو:واخة اسيدي كوني هاني الضوصي غيحضر دابة
بعد عليه وهو كيسوط دخان فجيهة لوخراا وحاط يديه على الضربة كينسا ويفورصي عليها
الشرطي رجع لبين رفوف كيقلب ويعاود ومركز مزيان كيقرا فتواريخ …خايف مايبقاش الضوصي حيت غيكبتها معاه…حتى كيشهق فاش جات عنيه على الضوصي بنفس التاريخ المطلوب ومكتوب فيه شكوة اعتداء..داك ساع سحبو من الرف وحلو كيتأكد منو بتاسم وشاف فوليد:هااهو اسيدي لقييتو هو هداااا
وليد خطفو من يديه :متأكد
الشرطي:اه مية فلمية بليمارة توقيعي وسميتي مسجل فيه
وليد زير على داك الضوصي مزيان بين يديه رما لبونتة دسيجار فالارض وزطم عليها بالجهد وخرج من داك الكوميسارية ركب فطموبيل وفتح داك الضوصي اول صفحة فيها اقوال الضحية ..قراهم مزيان..فيه كيفاش تعرضات للاغتصاب وفقدات شرفها وجروح خطيرة وتشوهات فجسمها واتعداءات وزيد وزيد ..كيقرا وهو مقوص حواجبو ..حتى وصل للمعلومات عليها فين كتسكن و سميتها كنيتها نطق بهمس مارية لوطفي السن 17لسنة تلميدة سنة تانية باكالوريا..قلب الصفحة وهو تحت تاتير الصدمة..الصفحة لوخرا فيها شهادات طبية على حالتها لخطيرة لي وصلات ليها جسميا ونفسيا بالدليل ولبرهان وشهادة عذريتها لي مشات فداك ليلة …قلب الصفحة تانيي وهنا وقف كيتأمل فداك الصورة ديال لبنت المراهقة باقة صغيرة فعز شبابها وبرائتا ملامح صغار ..حقق فيها مزيان هيي من عنيها نفس لعنيين لخوضر نفس النضرة اه هيييي .جبد الرسمة كيزيد يتأكد رجع راسو اللور كيشوف للقدام ذاكرتو كترجع اللور عقل عليهاا ولكن اش جابها لعندو فداك ليل …

فنفس الوقت شخص اخر كيرجع بذاكرتو اللور كانت مارية واقفة حدا لمراية من بعد ماخدات دوش طويل كتنشف فشعرها تنهدات وهي كتشوف فملاميحها وجمالها ..هدشي ماغايفيدها بوالو هي ماشي بحال لبنات لا شرف لا حياة مقادة لا جسم كامل..بعدات لفوطة من جسمها كتشوف دوك سيكاتريسات شكون يقبل بوحدة بحالها..رجعات بداكرتها اللور..

خرجات كتجري من داك الدار لي كلها عامرة ليزبيانات وناس لا علاقة لهم بالمنطق كيديرو شي حوايج لي مايتقبلهمش لعقل عمرها شافت هدشي..كانت تابعاها مولات لحفلة ومعاها لعساس باش يشدها قبل دير ليهم الشوهة..كتجري وهوما موراها لابسة كسيوة ميني مبينة مافاتينها نسات تا مونطوها سمحات فيه شعرها مطلوق ومكياج مبين ملاميحها الزوينين..دورات وجها مازال تابعينها وكيعيطو ليها..شافت مع جنابها بانت ليها واحد الدار قريبة قصداتها طايرة تخبة فيها ..من حسن حضها كان لكراج محلول حيت شي طموبيل يلاه دخلات….دخلات قبل يتسد لكراج اوطوماتيكو..وتنهدات براحة المشكل ليل وشتا اتبدا طيح بعيدة على الدار بزاف خاص تشوف شي حد يعاونها..كملات طريقها كتشوف فهاد الدار لي كتمون من طبق واحد وضو خافت كتشوفو شاعل..دقات وهي تشوف لباب محلولة دفعاتها ودخلات :واش كاين شي حد هنااا عفاكم
زادت دخلات بخطوات مترددين كتدور عنيها على دار واخة صغيرة زوينة ضو حمر خافت هو لي مشعول رؤية قليلة…حتى كتقفز فاش وصلات للداخل على صوت زديح وتفرشيخ وقفات كتشوفو كيشي وحش لي لقاها حداه كيهرسهاا ويغوت ويسب ويلعن كلشي تهرس ومزرع فالارض..قلبها بغة يوقف من شكلوو لدرجة ماقدراتش تحرك ولات كلها كترجف يلاه بغات ترجع اللور وتخرج وهي تحس بشي يد جراتها بالجهد زدحها معاه تاتضربات مع صدرو وهمس ليها بصوت حاد عنيه جمرة مفيكسيين عليها:جيتي ابنت القحبة كلكم بحال بحال
مافهمات والو وهي كتشوفو جارها للبييت بدات كتهز راسها بلا:طلق منيييي خليني نمشي بحالييي
ماحسات براسها تاكانت فوق النموسية وهو فوقها كيقطع فحوايجها

رجعات للواقع مع دمعة حارة نازلة من عنيها:الله ياخد فيك الحق عمري نسمحلك

وليد سردار…
رجع للواقع تاهو وهمس:مارية لوطفي شهاد روينة درتي ودخلتي راسك فيها معايااا ..
مسح على راسوو بغضب هدشي فشكل هاهو لقاها دابة وعرف كلشي عليها ولكن هي اش جابها لعندو لداار ملي هي بريئة وماشي بنت ليل لي كان خاص تكون تماك وفوق هادشي كانت قااصر .خاص يعرف اش كااين …عاد يدوز للحساب معاها لي ماغايدوزش هو هدااك دابة دارها فدماغو وماغايرتاح تايتحطو النقط على الحروف ويرد الصرف بصرفوو ..ديمارا الطموبيل وهو كيدوز شي نمرة :غيوصلك واحد واحد العنوان اتبحت على وحدة سميتها مارية لوطفي ساعة دلماكانة يكون كلشي عندي
وقطع
#بناتي حد هناا التتمة غدا بأحدات نااارية عااود راه كنقولكم مع مارية وسردار ماكاين غا التشويق..دابة توضحو شلا امور ومازل سلا صدمات بغيت توقعاتكم بالتفصيل وشنو كيدور فداك الراس كلشي كنقراه ممنوع سكوت..وشي حضور زوييين باش نتهلا فبناتي غدا..كترو من داك جادوغ
#تصبحو_على_خير_كنحبكم❤🔥حُطــــــــام🔥
🖤الكـــــــــابوس🖤
الجـــــــــزء24
دازت ساعة دلمكانة بالضبط
حتى كيجيه اتصال من الشخص المطلوب جاوب داك ساع:شنو
الشخص:مشيت للحي لي فالعنوان من بعد ما توفى الاب ديال مارية لوطفي باتو ماصبحو تاواحد ماعرف فين رحلو..وعلى ما عاودو ليا لبنت تعرضات للاغتصاب شي لي خلا الاب ديالها تجيه سكتة قلبية بالفقصة ويموت المهم لهضرة كتيرة اسيدي لا بغيتي نعطيك التفاصيل
وليد عرف لي خاص يعرف:عرفتي دابة شغا دير
الشخص:أمر اسيدي
وليد:اتعرف ليا عنوانها الجديد بلا تعطال
الشخص:ساهلة اسيدي كون هاني خاص غا شوية دالوقت
وليد قطع وهو داخل للقصر
ستقبلاتو الحاجة جلس حداها
الحاجة:يلاه خرجتي من طبيب خاص تعطي الراحة لراسك
وليد:مرتاح الحاجة
الحاجة :وليد حالك ماعاجبنيش
وليد:مالو حالي
الحاجة:ماعرفتش قلبي ناغزني
وليد:كلشي هو هداك
الحاجة:ملي جيتي ماجلسنا وهضرنا كي ناس ..وفاش كنجي عندك لالمانيا كتكون ديما مشغول
وليد بهدوء:هاني دوي الحاجة شنو كاين
الحاجة:دازت ست سنين اولدي العمر كيدوز ماشي طولتي بزاف باش تشوف تانت حياتك وتنسا لماضي لي صافي تنقة على يديك
وليد ميل راسو:كيفاش زعمة
الحاجة شدات ليه فيديه:الف وحدة تمناك شنو فيها لا عمرتي ضارك ودرتي وليداتك وسميت سردار تزيد تكبر نت غير وافق ونشوف ليك لي تجي مع مقامك
قوص حواجبو كيشوف فالحاجة طول شوفة فيها هو فين وهي فين..هو صافي شي حاجة سميتها زواج ولولاد ماخاصش يفكر فيها كيفاش يدير عائلة ولموت لاصقة فيه ..ماوافق يتزرع داك السم فجسمو تا كان متاكد انه ماغيخلي حد من موراه ماعندو ولاد يخاف عليهم يبقاو من موراه ولا زوجة يخليها بحدها بين دياب..ماعندو ما يخصر من غير حياتو.اما تا ختو وجداه قادين براسهم ويقدرو يعيشو بلا بيه .ودابة كتقولو يدير عائلة ويتزوج لفكرة لي محاها من بالو ودفنها هدي سنين..نطق بجدية بمعنى راه لا كلام يتزاد فوق كلامي:الحاجة حيدي هاد الموضوع من بالك
سكتات عارفة راه مستحيل تقنعو بشي حاجة هو ماباغيهاش..ورجعات نطقات:والموضوع لاخور
شاف فيها مطولا ونطق:موافق عليه
بتاسمات فرحانة:ليالي مع الوقت اتشكرنا حيت انخرجوها من ضلام لي عايشة فيه ..شحال من وحدين طلبوها مني ورفضاتهم دابة جا الوقت تزوج وتجمع راسها ماحدها مازال صغيرة 26عام براكة عليها
وليد :فبالك شي واحد
هزات راسها بلا:مازال ولكن ملي وافقتي انشوف شكون فهادوك لي طلبها يستاهل يكون نسيبنا
وليد:الحاجة هادي راه ليالي مانحتاجش نفكرك
الحاجة:كتبقى مرا ونت خوها وكلمتك فوق كلامها ولي قلتيها ليها بسيف عليها ديرها ويديها فوق راسها اولدي
وليد ماباغيش يدخل فمشادات مع ختو حيت ماعندوش لكانة ولكن جداه عندها الحق شحال قدها تبقة عايشة على ذكرى واحد ماكايسواش خاص يضمن ليها حياتها مع شي واحد يستاهل كتبقة ختو ودنيا وزمان هادي لا قدر الله ووقعات ليه شي حاجة تكون بدارها ومع راجلها وقف:الحاجة انا غنشوف هاد لبلان
وناض طلع للجناح ديالو يرتاح جسمو بدا كيضرو حيت ملي خرج من طبيب وهو كيتحرك من بعد يكمل داكشي لي بداه وعاد موضوع المنضمة الامانية لي تابعو
#يتبع_تعاليقكن❤🔥حُطـــــــام🔥
🖤الكـــــــــابوس🖤
الجـــــــــزء25
جا نهار جديد

دخلات للدار هي وسوسن ..خدمو غا نص نهار على قبل لخرجة ديال نارة..وسون اتمشي معاهم باش مايديروش الشبوهات حيت تاواحد ماعارف انه كاينة فدار بنية صغيرة
نارة كانت لابسة مقادة وكتسنا فيها
سوسن:وينوو على زين دلعلام اجييي نبوسك اجي
نارة مشات كتجري عنقاتها:خالتو سوسن توحشتك
سوسن كتبوس فحنيكاتها:وانا كتر منك احبيبة هاي هاي على لاغوب وشعير ولعوينات نتي راه فاش اتكبري اتولي خطار على المجتمع
نارة فرحانة كتشوف فلكسيوة لي لابسة:تانتي اتمشي معانا
سوسن:تانا انمشي معاكم
مارية كانت واقفة وكتشوف فيهم
نارة:ختي واش انمشيو دابة
سوسن:وي حبيبة انهبط انا وياك ومارية اتبعنا
شدات ليها فيديداتها:يلاه هاحنا مشينا
نارة كدير باي باي لحليمة:بسلامة اماما هاحنا مشيناا
وخرجو
مارية دخلات لبيتها خدات شي فلوس وخرجات
حليمة:تهلاي فيها خليها مسكينة تفوج
مارية:مالي فين داياها دابة
حليمة:وغا قتلك لك مالك
مارية:يلاه اماما هاني مشيت
وخرجات لحقات عليهم شدو تاكسي نيشان لواحد لبارك كبير فيه جرادي والعاب دراري صغار ومطاعيم
غير وصلو ونزلو من تاكسي نارة عنيها ولاو كيبريو وهي كتشوف دنيا عامرة بدراري صغار وناس وجرادي ولالوان وروسمات :وااااو زوينة هاد لبلاصة بزاف
سوسن:عجباتك
نارة:بزاااف
زادو دخلو للداخل ختارو مطعم كيطل على واحد جريدة فيها الالعاب..جلسو
مارية:نوضي لابغيتي تلعبي علامن يجبو لماكلة
نارة ناضت فرحانة:واااخة
ومشات كتجري لدوك زلايقاات وزحلولات لقات بنات فسنها كيلعبو
نارة:سميتي نارة
شافت فيها لبنوتة لوخرا:وانا ياسمين
نارة:نلعب معاك
ياسمين:ااه واخة جلسي ندفع بيك
جلسات وهي فرحانة وياسمين كدفع بيهاا وهي كضحك بالجهد هي وياها وكيتقالبو الادوار وحدة كتدفع بلوخرا وصوت ضحكاتهم مسموع بالجهد ويبدلو لعبة ويمشيو لزلايقات ويجرييو..نسات كلشي وهي كتلعب وكتعيش طفولتها لي مرة من فوقاش فاش كتحضا بهاد الفرصة حيت كاع ايامها كدوزهم فدار ولقراية وتلفازة بالوقت
سوسن تنهدات وهي كتشوف فنارة:مسكينة شتي شحال فرحانة
مارية مراقبة نارة وكتشوف فيها كيف كتلعب هزات راسها غير باه
سوسن:راها فالسن ديال لمدراسة اصاحبتي خاص دخل تقرا
مارية:سوسن هدشي انا لي كنقررو وعارفة شكا ندير
سوسن:راسك قاصح اجي نقولك لنفترض وليد سردار ساق ليها لخبار تعطيهالو
مارية شافت فيها:سوسن غتشدي هاد الموضوع وفخطرااا
سوسن بلعات ريقها وهي كتشوفها بصاح بدات كتعصب:هاهي سااكتة
جاب ليهم سيرفور لماكلة
سوسن ناضت عند نارة:نارة حبيبة اجي تاكلي ورجعي كملي اللعب
جات كتجري عندها شدات ليها فيديها وجلسو كياكلوو..ونارة غا كضحك وفرحانة وكتهضر وسوسن عاطاها لخاطر وكضحك معاها تاهيي ويهضرو

نمشيو لبلاصة خرا
ادم..
كان فلبكلو ولكاس دلويسكي فيديه كيجغم منو كيفكر ماعرفش من نهار شافها مامشات من بالو عنيها زورق تحفرو فدماغو وداك ااهدوء والجمال ديالها وكاع تفاصيلها ماقدرش ينساهم عارف وليد سردار عندو ختو وداكشي لي وقع فالماضي ولكن عمرو شافها ماجابتهاش الفرصة ..تنهد عارف ماخاصش يفكر فيها حيت صاحبو ولكن عمر شي وحدة دارت فيه هكا من اول نضرة هو زهواني بزاف وحياتو كلها مشات بين لبنات والخدمة تا نسا راسو فالزواج هاهو دابة كمل 36عام شيب بدا كيغطي شعرو ..دخل للشمبر لداخل وحط داك لكاس باغي يحيدها من بالوو حيت لا علاقة هو وياها ماخاصش يمشي بعييييد
داز الوقت..
كانو خارجين من لبارك سوسن شادة ليها فيديداتها
سوسن:هاا عاجبك لحال مازال نعاودوها ان شاء الله
نارة:عجبني لحال بزاف لعبت تاعييت مع لبنيتات
وشافت فمارية لي سابقاهم:انعاودوها ياك اختي
مارية:ان شاء الله
وشيرات للتاكسي وقفات ليهم ركبو نيشان للدار
وصلو لباب لعيمارة نزلات هي لولا هزات عنيها فدوك جوج طموبيلات لي واقفين حدا لباب بلعات ريقها وقبل تنزل نارة سوسن دخلات راسها من الشرجم:سوسن دي معاك نارة للدار
سوسن:كيفاش
مارية:ديها تا نهضرو من بعد هاهي معاك
سوسن مافاهمة والو ولكن عرفات شي حاجة ماشي هي هديك
مارية شافت فنارة ورجعات شافت فسوسن:ردي ليها لبال عفاك
سوسن:كوني هانية
وتقادات فالوقفة وقلعات تاكسي..دورات وجها بهدوء بخطوات تابتين ودخلات للعمارة وطلعات مع الدروج فتجاه دارهم وميات فكرة وفكرة كدور فراسها
#يتبع هااح طرح كيشخد قلعو اش ايقوع تعالقكن🔥🔥التتمة🔥
جبدات الساروت من ساكها وحلات لباب ودخلات
شدات لباب
وضارت لقات مها فوجها..باين على وجها الخوف والتوتر ويديها كيرجفو:مالك اماما
حليمة شافت من موراها فداك جوج لي واقفين فصالة:لبوليس
مارية شافت فيهم:صافي اماما ماتخافيش
حليمة:جاو موراك كيفاش مانخافش
مارية شدات ليها فيديها:ماما قلت ليك ماتخافيش
قرب عندها واحد فيهم:خاص تمشي معانا للكوميسارية
مارية:وعلاش بالسلامة ماعندي فين نمشي معاكم
لبوليسي وفيديه بطاقة الشرطة:تفضلي معانا واتعرفي ومن الاحسن بلا مشاكيل وشوهة
بلعات ريقها خاص تبت ماناقصة شوهة فالعمارة وهوما كلشي كيحتارمهم يكفي شوهة لي فحومتها لقديمة تزيد تاهنا تمشي معاهم وتشوف اش كاين

مارية:ماما هاني نمشي نشوف اش كاين عيطي لسوسن صافي
حليمة بدات كتبكي وهي كتشوفهم كيجبدو لمينوط:اويليي فين ايديوك بنتي مادارت والوو الله يهديكم اولديي

لبوليسي:اشريفة لبكة ماعندو باش يفييد
مارية كتشوف فداك لمينوط:من نيتك اديرلي المينوط وتهبطني بيه فلحومة وهدشي باقي تاماعارفة علاش جمع عليا داك المرض غنمشي بخاطري ولحد الان راني متسهلة معاكم
لبوليسي شاف فصاحبو هز راسو باه ورجع لمينوط لبلاصتو:يلاه راه تعطلنا
حليمة شادة فمارية:ماعندك فين تمشي
مارية شدات وجه مها بين يديها وكتمسح ليها فدموعها:ماما ماتخافيش غادي نرجع كوني هانية ايكون غا شي سوء تفاهم تيقي بيا جلسي وعيطي لسوسن صافي
وباست ليهت يديها:غنرجع كنواعدك
حليمة كتبكيي:ماغانقدرش نخصرك ابنتي عاود هدشي بزاف عليا
لبوليسي:واش انبقاو هنا
شافت فيه وخنزرات بدوك شوفات لحادين ديالها تا بلع ريقو وحنا راسو ودازت من حداه وحلات لباب وتبعوها

.من حسن حضها لعشية ولحومة خاوية .خرجو ركبات معاهم فطموبيل فيها لبلاكة دلبوليس..وقلعوو نيشان للكوميسارية

مسافة طريق وكانو تماك
نزلات وهي كتقاد فلتامها طريق كاملة وهي كتفكر وتفكر خاص تعرف اش واقع بعدة
لبوليسي:زيدي
دخلو للداخل وبالضبط لواحد المكتب كان خاوي
لبوليسي:جلسي
مارية:بغيت نبقة واقفة سوقك وطلقني خلاص بغيت نعرف اش واقع

لبوليسي كيشوف هاد بنادمة كيف دايرة خرج وخلاها..بقات واقفة شحال حتى كيرجع ولكرسي لي كان تماك هزو ورجع خرج
تنهدات وهي غير ساكتة ودماغها خداام كتسناه فاي لحضة يباان ولا شي حاجة توقع وتعرف اش كاين بزاف دلافكار كيدورو فراسهاا ماشادة تاخط
داز الوقت ..ساعة..ساعتااين..تلاتة دسوايع..ربعة…خمسة..ستة دسواايع
صافيييي عياااااااتت وهاد لمكتب نزل فيه ضلام من غير ضو لي داخل من الشرجم دلبولات..رجليها فشلو عليها بالوقووف ولبرد وزيد ماقدراتش تجلس فالارض مارضااتش عياات بزاف من لمزيان والانتضار قتلهاا ماعارفة والووو ..كتسمع غا االاصوات لي على برة مع لكوميسارية ديما عامرة
#يتبع ها تلاتة دلاجزاء دياولي ولكن نزيد لبناتي الرابع على وجه وفياتي وحيت لويك اند ماكانحطش ديروها فبالكم نتعشا وهنا معاكم ..تعاليييقكن وتوقعاتكم شاااااخدة 🔥🔥حُطــــــــام🔥
🖤الكـــــــابوس🖤
الجـــــــــزء26
داز الوقت ..ساعة..ساعتااين..تلاتة دسوايع..ربعة…خمسة..ستة دسواايع
صافيييي عياات وهاد لمكتب نزل فيه ضلام من غير ضو لي داخل من الشرجم دلبولات…رجليها فشلو عليها بالوقوف ولبرد وزيد ماقدراتش تجلس فالارض مارضااتش عياات بزاف من لمزيان والانتضار قتلهاا ماعارفة والووو ..كتسمع غا االاصوات لي على برة مع لكوميسارية ديما عامرة …صافي مابقاتش قادرة تصبر كتر مشات جيهة لباب لي مقفول بساروت وبدات كدق:واش كاين شي حد هنااا.
ماجاوبها حد زدحات لباب بالجهد ولي ليها ليها:واااش انبقة هنااا ولا شنوووو شي حد يجييي يفري معايا هدشييي

زدحات لباب كتر وكتر تا عياات وتهد حيلها..رجعات اللور متكية على الحيط كتلهت عيات ستة دسوايع دلوقوف ماساهلاش وعطشات وحلقها نشف ..
حتى كتقفز وهي كتشوف لباب كتحل تقادات فالوقفة مراقبة شكون ايدخل..غمضات عنيها ملي دخل الضو لي على برااا ضرها فعنيها مع هي من قبيلة وهي فضلام..

رجعات حلات عنيها كتشوفو داخل بخطوات تقال ومع ضلام ماكايبانش مزيان جسمو الضخم مغطي لباب كاملة وريحة لباغفان ديالو مخلطة بسيجار سابقاه حتى كيسد لباب وداك ساع تشعل الضو..تقادات فالوقفة وجات عنيها فعنيه ..واقف بتبات وكيشوف فيها دوك شوفات لي يدوبو لحجر .هو بلا والو ديما مخنزر ودابة ملي هي قدامو صاحبة دعوتو ولي دوز معاها يوماين ديال الويل زاد خنزر هاهي بين يديه دابة
مارية كتشوف فيه تاهي شوفات قتالين هدا هو لي دمر ليها حياتهااا جامعة يديها على شكل قبضة وقلبها دغية ولا يضرب فلمية

وليد ميل راسو بطريقة مستفزة كيطلعها ويهبطها ونطق :مارية
وقرب لعندها وهي رجعات اللور:هانتي بين يديا وجا وقت لخلاص
زاد قرب تمتمات عاضة على سنانها كتقاد فلتامها:ماتقربش
قوص حواجبو وزاد جوج خطوات ليها وهي لاصقة مع لحيط .حط يديه بجوج على لحيط وكانت هي فالوسط لدرجة كتحس بحرارة انفاسو على وجها كتشوف فيه بتحدي وعنيه فعنيها ..كمل كلامو :باقي ماعارفة المشكل لي طيحتي راسك فيه معايا
وقرب تا لودنيها وهمس:كون تعرفي شكا يتسناك
وهز راسو تاني لعنيها كيشوف فيها بحدة ميل راسو هاز يديه للتامها حط يديه عليه باغي ينزلو
مارية ماحملاتوش يقرب ليها ماحملاتش حرارة انفاسو لي كتحس بيها شمئزات منوو.وزايدها باغي ينزل للتاام.ماحساتش براسها تا هزات يديها وحطاتها على صدرو وضغطات على داك الضربة تا تطبع الدم فتيشيرت لي لابس ودفعاتوو بكامل قوتها ونطقات عاضة على سنانهاا:ببببعد الحقيييير ماتقيسنيش الحيوااان
وليييد وصلات معاه للقارعة جاي يدي ويجب معاها فالهضرة عاد يدوزو لشي لاخور..ماكاملاش تا تانية شهقات وهي كتحس بيديها بيد يديه لواها ليها تا حسات بيها اتهرس وقلبها لجهة لحييط ويديها مور ضهرها شوية ويهرسها..عضات على شفايفها فاش زدحها مع لحييط تا شافت النجوم.وجها لاسق مع لحيط وهو من موراها لاصق مع ضهرهاا كتحس بيديها كتقطق من بين يديه حط راسو على كتافهاا ونطق بصوت كتحسي بيه واصل لقمة الاعصاب كيسكت لقلب بداك لبحة ديال لحقد لي فيه الروجولية:هاد صلابة كاملة انا لي غنحدها ليييك ..لا باقي ماعرفتي راسك معامن ليام جاية لي كتسناك اتبين ليك شكون هو وليد سردار لي طحتي معاه انخليك تندمي على نهار لي نويتي تلعبي معايااا وجدي راسك دابة
#بناتي حد هناا دابة من دابة لفوق اندخلو لاحدات جداد خاطفين للانفس ماكين غا تشويق وتفرشيخ من جميع الاطراف داكشي لي كيعجبكم😌 سردار ومارية مايخليولكمش فين ترمشو 😁لقصة دخلات للصح ولمعقول بغيت أرائكم وتوقعاتكم بالتفصيل كلشي كنقراه وشي حضور زويييين زوين❤
#بون_ويك_اند_كنحبكم❤🔥حُطـــــــــام🔥
🖤الكـــــــابوس🖤
الجـــــــــزء27
عضات على شفايفها فاش زدحها مع لحييط تا شافت النجوم.وجها لاسق مع لحيط وهو من موراها لاصق مع ضهرهاا كتحس بيديها كتقطق من بين يديه حط راسو على كتافهاا ونطق بصوت كتحسي بيه واصل لقمة الاعصاب كيسكت لقلب بداك لبحة ديال لحقد لي فيه الروجولية:هاد صلابة كاملة انا لي غنحدها ليييك ..لا باقي ماعرفتي راسك معامن ليام جاية لي كتسناك اتبين ليك شكون هو وليد سردار لي طحتي معاه انخليك تندمي على نهار لي نويتي تلعبي معايااا وجدي راسك دابة
كانت مقصحة من يديها بزاف وماحاملاش قربو ليها كتحاول تفك يديها من يديه رغم كاع هدشي بتاسمات بصوت مرتافع سمعاتو داك هاااه باستهزاء كتستافزو :لا جات لفرصة نعاودها غتعاود سمعتيني ومازال كنقولها كلامك كولوو ما كياترش فياا
شهقات فاش قلبها لعندو زادحها مع لحيط وهو اونفاص معاها محاوط لحيط بيديه كيشوف فعنيها وفداك التقة لي ماتزعزعاتش وهو كيحس بجسمها كيرجف وانفاسها متسارعين دليل انه قلبها كيضرب بالجهد لدرجة اللتام كيتحرك مع انفاسها جامعة يديها عندها وكتماصي فيها كضرها هادشي كامل قدر يحللو ويعرف انه كتقاوم وباغة تبقة صامدة قدامو باي طريقة قوص حواجبو ساهي فداك لعنين والنضرة لي فيهم فشكل نطق :غتشوفي التطبيق دكلامي امارية وننزيدك عزيز عليا لي كيتحداني غنخليك بفمكك تقولي ياندامتي على نهار لي طيحت راسي مع سردار
مارية كتشوف فيه بجمود :عمرك تسمعها مني
بغات تهز يديها ودفعو عليها ولكن كان سبق منها شاد يديها وضاغط عليها تا عضات على سنانها كاتمة داك ل اااه:راني مازال لحد الان معاك زوين وماهرستش ليك هاد ليدين وفرشخت لديلمك هاد الراس تا تنساي سميتك
بغات تدوي:جررب…
قاطعها حاط يديه على شفايفها فوق النقاب وضاغط دوة بجدية ونضرة حادة كيتوعد فيها:كنقسم لييك كلمة وحدة ماشي تا لتم انقلب فوق راسك هاد المكتب وتخرجي منو بدماياتك مايلقاو مايجمعو فيك خليني هكا ماتشوفيش وجهي تانيي
بلعات ريقها كتفكر ديك ليلة وكيف كان معاها نزلات عنيها هاد الشوفات ديالو بالضبط كيفكروها فداك ليلة وبعدات يديه من على شفايفها ونطقات:بعد علياا
..هو رجع اللور وعنيه مازال مفيكسيين عليها.كيشوفها كيف كتقاد لتامها وكتحاول ماتشوفش فعنيه تكة على لحيط وجبد سيجار شعلو وبدا كينتر منو وهو مازال كيشوف فيها بتبات وكيتنخوة على داك السيجار بالكانة وهي واقفة حاسة بيه كيشوف فيها ومراقبها باغيها توتر ..
هزات عنيها وشافت فيه :دابة شنو بغيتي مني كتسناني نعتادر ماغانعتادرش بغيتيني الندم ماغاندمش حيت كاع داكشي لي درت ليك ومازال ماطفات النار لي فقلبي من جيهتك
حطات يديها على قلبها:مازل النار هنا شاعلة كلما كنتفكر لماضي لي تابعني لحد الان وشتي غير هاد الوقفة معاك وهاد المكتب لي جامعني معاك خانقني وحاسة براسي مشمأزة منك لواحد الدراجة ماتصورهاش ..كنكرهك لدرجة تجي لفرصة نزهقك روحك ماغانفلتهاش
هو كان كيسوط الدخان وكيتصنت ليها وما تلى وجهو تاشي تعبير ملامح جامدين ونضرات حادين فقط ..حتى كترجع اللور فاش شافتو كيقرب ليها وكيحد تجاكيط علقو فواحد لمسمار تماك بقة غا بتيشيرط مطبوع فيه شوية دم على صدرو..زاد كمل طريقو لعندها وهي راجعة باللور كتشوفو نتر اخر نترة من سيجار ورماه فالارض ماعارفاهش علاش ناوي او لا ماباغاش تفكر فداكشي لا مايمكنش نطقات بهمس وهي كتشوفو قرب كتر:كنقسم ليك انقتلك
وغمضات عنيها فاش هز يديه فتيجاهاا :مااتقربش ..
قلبها كان ايوقف وهي كتسمع كلامو بلهجة باردة وهادئة:اش جابك ليا فداك ليل دوي
هزات راسها لعندو كتشوف فيه قلبها كان ايوقف ماتوقعاتش هاد السؤال
#يتبع_بناتي_تبتو_حضوركم_بأرائكن 🔥🔥التتمة🔥
هي راجعة باللور كتشوفو نتر اخر نترة من سيجار ورماه فالارض ماعارفاهش علاش ناوي او لا ماباغاش تفكر فداكشي لا مايمكنش نطقات بهمس وهي كتشوفو قرب كتر:كنقسم ليك انقتلك
وغمضات عنيها فاش هز يديه فتيجاهاا :مااتقربش ..
قلبها كان ايوقف وهي كتسمع كلامو بلهجة باردة وهادئة:اش جابك ليا فداك ليل دوي
هزات راسها لعندو كتشوف فيه قلبها كان ايوقف ماتوقعاتش هاد السؤال
ميل راسو بمعنى دوي
مارية ماباغاش تزيد تفكر داك.ليلة ومستخيل تشرح ليه ولا تعاود ليه تش كاين شكون هو اصلا:ماشي سوقك سمعتيني خليني نمشي بحالي تخنقت
فعلا تخنقات من هاد الاجواء لي كلها كتفكرها فالماضي..تمات غادة جيهة دلباب بغات تخرج وبس يلاه اتحط يديها على لبواني وهي ترحع اللور فاش جرها بالجهد تا رجعات اللور شادة راسها لا طيح
وليد:ماعندك فين تمشي
مارية:كيفاش ماعندي فين نمشيي بغيت نمشي بحالي ماعندي مانزيد ندير هنا مازال
وليد:مازال مابغيتي تفهمي انه صافي جا وقت لخلاص ومن ليوم نتي تحت رحمتي وكاع زعامتك ماغادوزلكش بالساهل
مارية فعلا عيات بزاف وتخنقات ومها علم الله كيف دايرة حالتها وماحملاش تبقة معاه:راه قلت ليك دير لي فجهدك مانادماش وعمري ندم ولاجبتها لفرصة انعاودها وماعندك تاشي دليل عليا ومادايرة تاشي حاجة باش نكون هنا ادن ماخاصش نبقة هنا مازل حل ليا لباب خليني نمشيي
وليد شاف فجاكيتو لمعلقة هزها ولبسها بخفة وشاف فيها كيف كتسناه يجاوبها ولا يقول شي حاجة ماعبرهاش ولا دواها قلب الضورة لجهة دلباب مخليها واقفة كتشوف فيه حل لباب
مارية تبعاتو:فين غاديي
وليد:غتشوفي التطبيق دابة وراسك على يدي ايتهرس امارية لوطفي
وخرج وسد.لباب خلاها واقفة مصدومة عاد ستوعبات ومشات كتجري كدق فلباب :حلللل علياااا مامحقكش تخليني هنااا حلللل
والوو ماجاها تاشي جواب رجعات اللور كتلهت وكلها كترجف ماعارفاش علاياش ناوي بلعات ريقها يوقع لي يوقع ماغاتحضرش راسها ليه واخة تموت خصرات كلشي ماعندها ماتزيد تخصر تنهدات هو صافي دارها فراسو وملي دابة لقاها راه ماغايدوزش ليها بالساهل داكشي لي دارت ليه..خاص تفكر اش ديير مايمكنش تخلي راسها بين يديه حيت راه باينة ناوي غا لخايب فلخايب وهدي غير لبدية وفنفس الوقت ماباغاش تنازل هدشي صعييب ..هزات راسها فاش تطفا الضوو تمتمات:لا مايمكنش..
رؤية قليلة من ضو دزنقة لي داخل وغا الارض باردة ماعندهاش علاياش تجلس مايمكنش الدوز ليلة هكاا..تفكرات مها علم الله اش واقع فيها دابة وهي ماعندها عليها تاشي خبار كورا قلبها ايسكت
مارية :الله ياااخد فيييك الحق
#بناتي_كترو_من_تعاليقكن❤ هدا علاياش ناوي نتسناو الصدمة
#يتبع🔥حُطـــــــــام🔥
🖤الكـــــــــابوس🖤
الجـــــــــزء28
على برى لكوميسارية
غير خرج من داك المكتب دغية جاو عندو رجال الشرطة لي تماك كلشي واقف ماعارفينوش اش كيدير هنا ولا هديك لي لداخل شكا دير تماك وعلاش وماقدروش يسولو ماحدو ماقالهم والو وماحدو ماقالهمش يدخلو ولا يديرو شي حاجة
وليد:مانبغي تاشي واحد.يقرب لداك المكتب سمعتوني يوقع لي يوقع تا واحد ميحل داك لباب ولا يحاول يقرب لهاديك لي لداخل اي حاجة وقعات عيطولي
كلشي هز راسو باه
واحد فيهم:السي سردار الام ديالها راه لهيه كتبكي باغة تشوف بنتها مابغاتش تمشي ومادخلناش تاتقلنا نت اش نديرو
وليد دور وجهو شافها من لبعيد جالسة فوق واحد لكرسي ويديها على حنكها كتبكي
وليد :سير عندها وصلوها للدار وعلمها انه بنتها تحت تحقيق حاليا وغدا تجي للكوميسارية عندي لغراض بيها ضاروري
البوليسي:واخة اسيدي
يلاه ايمشي وهو يوقفو:عرف دوي معاها بلا صداع
لبوليسي :كون هاني اسيدي
وليد قلب الدورة وخرج من الكوميسارية ركب فطموبيلتو حتى كيجيه اتصال منو جاوب:الو
ادم:من صباح وانا نصوني
وليد كيديماري طموبيل:كان عندي مايتقضى شنو تمى
ادم:هاني فلبلاصة المعلومة اجي بدل الجو
وليد :هاني جاي
وقطع وهو كيزيد فالسرعة نيشان لنفس لجليسة ديال داك النهار
غير وصل تلقاه واحد من رجال كيحل ليه باب طموبيل دخل.على انغام هادئة وجو من مفي الهدوء كيشوف فادم جالس ولكاس دلويسكي فيديه كيجغم منو ..قرب وجلس حدا
ادم:مرحبا بالسي سردار وليتي كتغبر تخليتي على خدامتي ولا شنو
سردار كيفتح بكيتو ويشعل واحد:قلنا كان عندنا مايتقضى
ادم:لقيتيها ياك حيت شفتك بحاليلا راشقة ليك
شاف فيه:ماشي راشقة ليا تقدر تقول لقيت فاش نخيد
ادم كيزيد يعمر فكاسو:من دابة حسن عوانها معاك فين هي دابة
وليد:ماكايهمش
ادم عمر كاس اخور دلويسكي قاد فيه التلج ومدو ليه
وليد ميل راسو بلا وهو كيسوط دخانو كيشرب بكانتو وفالوقت المناسب وعلى حساب الوضع لي هو فيه ماشي من النوع لي مبلي بشراب ويشربو فاي وقت عكس ادم لي ضاروري يجغم مرة مرة فنهار
ادم بتاسم وهو كيحط لكاس ويشوف فداك الراقصة لي دخلات :هاهي جات
هز راسو فيها هي نفسها ديك راقصة ديال داك النهار غير شافتو دارت واحد الابتسامة فرحانة ..كيفاش ماتفرحش وهي كانت معاه داك.ليلة ..كانت ممارسة من نوع اخور شرسة وفنفس الوقت كتلبي الرغبة الجنسية مرات كتحس بيه حنين حتى كيتقلب تاني ولكن كلشي يهون فسبيل هاد الشخصية لي قدامها وتاهي ماخلاتش من حقها ستسلمات ليه كلياا مخليا جسمها بين يديه دار فيه مابغة .ودابة هاهو تاني قدامها (عارفاكم سافلات دابة تشهدو على سفالة سردار غا تسناو😌)..بدات كتمايل بجسمها وكتشطح على انغام الموسيقى
وليد بعد عنيه من عليها ببرود وهو كيشوف طليفونو كيصوني كانت الحاجة تنهد وجاوب :الحاجة
الحاجة:ولدي سردار فينك
وليد:ياك لاباس
الحاجة:باقي معطل
وليد:شوية
الحاجة دخلات فالموضوع:صافي غدا ايجيو يخطبو ختك من عندنا سيد ماكايتعابش راجل يستاهل يكون منا بشركاتو وبخيرو طلبها كتر من مرة ودابة عطيتو جوابي يزورنا غدا
مسح على راسو :الحاجة زربة بلاش منها ياك قلت انا غنتكلف
الحاجة:حتى تمشي لالمانيا عاود غدا جلس معاه وشوف اش تحت راسو غيعجبك
وليد:زواج ليالي انا غنتكلف بيه وغنشوف هدا لي نعول عليه تكون معاه اما داكشي دشركات ولفلوس ماعنديش معاه
الحاجة بلعات ريقها:ودابة شنو اتحاشمني مع الراجل
وليد:وعلاش كاينة شي حاجة سميتها الشوار كيف ما هزيتي دابة طليفون باش تعلميني كان عليك تعيطي قبل ديريها المهم تانهضرو فهدشي
الحاجة:واخة اولدي لي درتيها انا معاك
وقطع وهو كيسوط
ادم فهم لكلام كامل ما حس براسو تانزل على داك الكاس فدقة وزاد اخور كيدور داك الهضرة فراسو او انه هديك لملاك لي شافت عنيه وخطفات نعاسو بليل كيفكر فيها ويحلم بدوك لعنين اتزوج دابة ..بلع داك الجغمة بمشقة لانفس وهو كيقنع راسو انه لا علافة بهدشي
ولكن ماقدرش يصبر نطق وهو كيجغم من كاسو كيتصنع لا مبلاة:ليالي ختك اتزوجها
وليد شاف فيه .ادم غير جات عنيه فعنين وليد نزل عنيه لكاسو هارب من شوفاتو
وليد:اه
آدم:مزيان على مافهمت شي حد طالبها ونت بحاليلا رفضتيه فين كاين لمشكل
وليد:الحاجة كيهموها لمضاهير وانا باغي واحد راجل لي نتيق فيه ونكون متأكد ايصون ختي ماشي بفلوسو
بهدا وحط صبعو على قلبو وكمل:ويديرها فعنيه وختي طبعهت صعيب وداكشي لي دازت منو ماشي ساهل ماشي اي واحد غيعرف ليها
أدم كيشوف فيه ويهز راسو باه وكيتصنت لكلامو ويدورو فراسو لدرجة فلحضة كان ايقول هنا قدامك وهو يتراجع عاض على سنانو
وليد كيشوف فيه وحاس بلكلام لاصق فحلقو :مالك
ادم مسح على راسو عارف صاحبو تاحاجة ماكدوزو تقاد فلجلسة ووليد مراقبو نزل راسو للارض وووة لي ليها ليها:ماعرفتش واش هدشي ايروق بيك ولا يناسبك ولكن نت صاحبي وخويا وراك عارفني عمري نويت معاك لخايب وعائلتك هي عائلتي .ليالي ختك لا بغيتي انا طالبها
وهز راسو كيشوف ردة فعلو ويتسنى جوابو
#يتيع🔥🔥التتمة🔥
وليد بقة كيشوف فيه شحال بتركيز عارف انه ادم هو الشخص المناسب لختو حيت عاشرو سنين وعارفو شكا يسوة وانه راجل بميات راجل تعول عليه فاي حاجة واخة حياتو مخربقة بين زهوو والويسكي لي ماكايفارقوش ولكن فوقت الجد والخدمة كيتسيف كيولي واحد اخور صارم وانفعالي شحال من مهمة كانت عندهم ومداهمات وقعو فيها مشادات كيلقاه غا هو لي فجنبو قادر يلوح راسو للعافية على ودو علاش لي ما ايوافقش عليه ماينكرش فاش قتارحات عليه الحاجة فكرة يزوجوها وبدا كيفكر فشكون هدا لي يصلاح لختو ويتيق يعطيها ليه جا فبالو هو ولكن مايمكنش يقولو تزوج بختي.وزيد خاص يعرف انه ختو ماشي عادية ونفسيتها مزفتة عايشة على لماضي ومازال تحت تأتير داك الصدمة لا عرف ليها راه يقدر يخرجها من داك الحالة
وليد :سمعني ادم عارف معزتك عندي ومكانتك بحدها كيف قلتي حنا كتر من صحاب عشرة اعوام
ادم هز راسو باه :كاينة
وليد:ماغنلقاش ماحسن منك لختي ولكن نت عارف الضروف لي دازت منها ليالي والماضي كامل
ادم:عارف كلشي
وليد:هي مازال متاترة بلماضي ومازال ماقدرات تخرج من داك الصدمة وكيبان ليها داك الحيوان مضلوم ..هدا شبه مرض نفسي مانحتاجش نشرح ليك
ادم فاهم هاد لحالات مزيان الضومين ديالهم عرفو فيه كلشي:عارف
وليد:خاص تفكر مزيان وتشوف راسك واش قادر دخل فعلاقة من هاد النوع او واش قادر تخرجها من هاد الصدمة
ادم يلاه ايدوي وهو يقاطعو وليد:فكر مزيان كيف ما هي ختي تانت صاحبي وغدا هنا معاك دابة ماتقول والو
ادم هز راسو باه دايرلو خاطرو:صافي واخة
وليد وقف :يلاه نخليك
ادم:صافي غتمشي
وليد:عيان يلاه تهلا
ادم:تانا انتحرك
ووقف معاه
تمو خارجين حتى كتوقف ليه فطريقو ديك راقصة
ادم بتاسم:هاني سبقتك
وخرج
الراقصة :باقي لحال مازال ماضيفتك
فهم كلامها قرب لعندها وحط يديه على سميطات لكسيوة كيلعب بيهم باطراف صبعانو ونطق:لي غنشوفو شتو ولحاجة كتجرب مرة وحدة ماعزيزش عليا نعاودها
ورجع اللور لجهة لباب مخليها واقفة وكتشوف فيه يلاه ايخرج مع لباب وهو يوقفو كلامها:نبدل داكشي لي جربتيه غنعجبك غا خليك معايا
شاف فيها بحاليلا كيقولها من نيتك وكمل طريقو وخرج مخليها بلاكة ..ركب فطموبيلتو ودار بيديه باي باي لادم لي تاهو راكب فطموبيلتو وكل واحد تحرك لدارو

نبدلو لبلاصة
نزلات من طموبيل الشرطة وهي كتبكي ماعارفاش اش دير ولا كيف التصرف شافت فداك الشرطي:بنتي مادايرة والو وماتستاهلش تكون تماك كيفاش ادوز هاد.ليلة تماك بحدها وسط المجرمين
الشرطي:غدا اجي الالة للكوميسارية كيف قلت ليك ويكون خير دابة طلعي لدار وبنت راه فامان ماعندك مناش تخافي
حنات راسها كتمسح فدموعها ودخلات للعمارة وهو مراقبها تا مابقاتش تبان عاد تحرك..حليمة من النوع لحنينة ونية ماكتعرفش فدنيا بزاف ديما غا الدار من يامات المرحوم ديما هو لي مكلف بكلشي وديما كانت عوالة عليه..وملي مات ولات مارية هي لي مكلفة بكلشي الدخول ولخروج ولخدمة ولوراق لا حتاجو شي حاجة…
دخلات للدار ودموع شلال من عنيها قلبها كيضرها على بنتها بايتة فكوميسارية ماعارفاش اش واقع ليها ولا علاش راها تماك :ياربي لحببيب بقات ليا غا بنتي رجعها ليا سالمة مابغيتش نترزة فيها تاهي ياربي لحبيب قلبي كيتقطع ماعارفاش اش ندير ولا شنو نوخر ولا نقدم
تنهدات كتشوف فصورة رجلها:هانا حتاجيتك ومالقيتكش ماعرفتش نتصرف ابرهيم ماعرفتش
سمعات دقان فلباب ناضت داك ساع حلات لباب كانت سوسن :الله اخالتي خليتيي انحماق جيت ومالقيتكش ماعرفتش اش وقع حدك قلتي ليا مارية داوها
دخلو لداخل وحليمة كتبكي وتعاود ليها
سوسن غا مصدومة تمتمات:دارها ولد لحرام
ناضت جلسات حدا حليمة:خالتي ماتخافيش هاني معاك غدا نمشيو للكوميسارية وبسيف عليهم يخرجوها مالنا عايشين فزريبة مارية مادايرة والو وداخلة سوق راسها وكلشي كيشهد على هدشي
حليمة:قلبي ماهانيش اسوسن
سوسن:هاني معاك اخالتي غدا يصبح ويفتح ومارية اترجع
حليمة:بنتي بايتة فلكوميسارية علم الله كيف دايرة حالتها
سوسن:غدوز هاد.ليلة باش ما عطا الله
حليمة كتمسح فدموعها:ونارة فين هي
سوسن:خليتها ناعسة ماقدرتش نفيقها نيت ماعندها ماتجي دير هنا تقاد الامور
حليمة:هزات راسها باه
سوسن:انبات معاك اخالتي ما انخليكش بوحدك
حليمة:الله يرضي عليك ابنتي
سوسن:نوضي اخالتي تكاي بحالك كلشي ايتحل
عوناتها تنوض ودخلاتها للبيت كتهدن فيها عاد خرجات تكات فصالة كتفكر فهاد المصيبة لي واقعة اكيد هو مول هادشي كامل تنهدات:الله يخرج هادشي على خير

عند مارية..
كانت جالسة فالارض ومتكية على لحيط عضامها تهدو لارض قاصحة وباردة وتخنقات فهاد المكتب وحاسة بليل طويل ونعاس غلبها غمضات عنيها اللهوما تبزز على راسها النعاس ولا تبقة فايقة يقتلها التفكير فشنو غيوقع وعلاياش ناوي ليها ويطوال عليها الليل والعطش والجوع لي ايقتلهااااا
#يتبع لبنات كنبغي نشوف تعاليقكم ونقراهم مابقيتوش تبانو كاملين فيقو شوية 🙆‍♀️🔥حُطـــــــــام🔥
🖤الكــــــابوس🖤
الجـــــــــزء29
جا نهار جديد

كانت 8دصباح..كيشرب قهوتو فالجردة والحاجة حداه كيتقهواو بجوج مارجعاتش فتحات معاه الموضوع مخلياه هو يدوي حيت عارفاه ايقولها علاش تصرفتي بلا خباري..جاه ميساج فطليفونو طل عليه كان من إدم:فكرت اصاحبي وماتبدل والو مازال طالب فختك لا قبلتي وتحدد ليا الوقت لي نزوركم فيه
شاف فساعة تمنية دصباح وهو عارفو فيامات ماكاتكونش فيهم لخدمة كيصبح ناعس ودابة مصبح عليه..ميل راس فمو بابتسامة خفيفة..هز راسو بانت ليه داخلة للجردة وادوات الرسم فيديها..شاف فلحاجة:صافي لقيت لي ايناسب ليالي
بتاسمات فرحانة:وأخيرا شكون هدا
وليد:ادم
بقات شحال كتشوف فيه:ادم صاحبك
هز راسو باه وهو كيوقف ودوة بجدية:اه صاحبي
الحاجة :ماشي راه كل والهيت ديالو ختك راه لا علاقة بادم
وليد:الحاجة عارف شكا ندير
ومشا لجيهة ليالي لي بدات كترسم بعيدة عليهم وسارحة بمخيلتها وعالمها لخاص بيها حتى كتحس بيه وقف عليها زيرات على داك لقلام غتهرسو بين يديها ماشافتش لجيهتو غير نطقات:قلت ليك شحال من مرة لبلاصة لي فيها انا ماتخطاش رجليك فيها
وليد:جيت نسمعك واحد لقرار
ليالي باستهزاء:اتمشي فمرا وغنتهناو منك
وليد ميل راسو تا طل عليها وبهدوء نطق:انزوجوك أ ليالي
لقلام طاح ليها من يديها ومابقاتش كترمش
وليد:وجدي راسك قبل نرجع لامانيا اتكوني كاتبة كتابك
ضارت لعندو بالعرض البطيئ شافت فيه مقوصة حواجبها نطقات:واقلة كتحلم شكون نت لي دخل فحياتي
وليد بنفس الهدوء:ماجيتش نتشاور معاك جيت غا نعلمك هدشي قررتو والموضوع تسد
يلاه ايمشي وهي تهضر منفاعلة كتعرفو مزيان لا دار شي حاجة فراسو:ماغانتزوجش سمعتيني هانت غتشوف ماشي نت لي اتحكم فيا عندي راجل واحد ساكن هناا وايبقة هنا
شاف فيها:ليالي غتزوجي يا بالسيف يا بلخاطر ولا بغيتي ترجعي للطبيب النفسي عاود عندك جوج حلول الزواج وتخرجي راسك من هاد الحالة دلمرض لي نتي فيها وتعيشي حياتك ك أيها الناس ولا ترجعي للطبيب وهاد المرة ماتسنايش مني نحجز ليك جناح بحدك لا هاد المرة وسط لحماق نيت بلا وصاية وشوفي داك الساع المرض ديال بصاح
سكتات مصدومة كتشوف فيه من بعد داك لكارتة لي وقعات دخلات فازمة نفسية حادة كانت اتديها لطريق لحماق وتفقد عقلها واضطرو يدخلوها تعالج لمدة عماين حاجز ليها جناح مجهز وممرضات تحت تصرفها ودكتور نفسي خاص بيها وواخة هكاك ماكانتش حاملة داك لبلاصة وباغة فوقاش تخرج منها …عنيها تغرغرو بالدموع وهي كتشوفو غادي مخليها كتشوة فلداخل ديالها..
الحاجة لي سمعات الهضرة كاملة قربات ليها:من الاحسن تحني راسك لخوك وتسمعي لكلامو حيت راه دارك فراسو لا قال ايرجعك للطبيب راه ايرجعك وماتسنايش مني نوقف معاك حيت انا فصفو ..ولي دارها انا معاه ..وراك زدتي فيه وبساليتييي بهاد المرض ديالك طلع فراس..اللهوما تزوجي وشوفي حياتك
ومشات وخلاتها تحت تاتير الصدمة كلها كترجف وقلبها بدا كيضرب فلمية وبدات قواها كتلاشة خاصها دوة عااود دورات وجها كتشوف الممرضة جاية لعندها تمتمات:كنكرهكم كاامليييين ..
الممرضة شدات فيها:مدام ليالي واش نتي بيخير
ليالي:حيديي من حدايا
دفعاتها وتمات داخلة للدار والممرضة تابعاها عارفة راه خصها الدوة باش تهدن عاود
#يتبع ها لي قلنا حسن عوان ادم من دابة🤦‍♀️🔥التتمة🔥
عند سردار
نزل من لوطو فيديه واحد الملف داخل للكوميسارية وكلشي كيعطيه فالتحية ويوقفو ليه احتراما …
سردار كيخاطب الشرطي لي وقف عليه:ما وقع والو
الشرطي:بقات كتغوت شحال وضرب فلباب فتالي سكتات وكيف قلتي تاواحد ماقرب لجهتها
سردار:ومها
الشرطي:وصلناها تا لدار اسيدي وقلنا ليها تجي ليوم
هز راسو باه:دخلها للمكتب ملي تجي
وهو غادي فكولوار فاتجاه المكتب جر معاه واحد الكرسي لقاه فطريقو تا وصل للمكتب
حلو ودخل وشد لباب من موراه ووقف كيشوف فيها كيف جالسة فالارض ومتكية على حيط وناعسة..قاد الكرسي اونفاص معاها وجلس مراقبها من صوت انفاسها لي مامنتاضمينش باينة ناعسة معدبة تحنى لمستواها كيشوف فداك اللتام حط يديه عليه يلاه اينزلو وهي تحل عنيها قافزة بعدات ليه يديه وجمعات الوقفة :ماتحااولش ديرهاا
رجع اللور بداك الكرسي كيشوف فيها بجمود
مارية شاداها الدوخة مانعساتش مزيان وعضامها كيضروها لاماكلة لا شراب ..دماغها مشقلب شافت فيه بعنيها دابلين ونطقات بداك صوت ديالها لمتميز بداك البحة باينة عيانة:دير الحل وقولي علاياش ناوي
طلعها وهبطها من وقفتها باينة مهلوكة تا من صوتها فيه الارهاق:شنو بان ليك تزيدي هاد نهار هنا حتى ترشق ليا ونقولك قراري حيت هدشي لي غتسمعي مانضمنش ليك تبقاي واقفة على رجليك مازال ها شنو قررتي
مارية بقات شحال كتشوف فيه وبهاد البرود لي كيديوي بيه وعاد كلامو لي باينة جاي من موراه عاصفة
مارية بلعات ريقها ماتقدرش تزيد فهاد المكتب نهار اخور تخنقات صافي:قول نسمع
هز راسو باه ووقف وهي مراقباه بعنيها كتحاول تقرا ملاميحو وتعرف علاياش ناوي ولكن والو ماتعرفيش شنو متحت راسو ولا شنو ناوي..حتى كينزل عليها كلامو كيف صاعقة:نتي مشتبه بيها فقضية ارهابية وصلنا بلاغ عليه ونتي دابة تحت تحقيق وغيتم النقل ديالك للسجن النسائي حتى نتأكدو من التهم المنسوبة ليك
خرجات فيه عنيها:كيفاش شكا تقول
وليد:كيف سمعتي
جبد واحد الورقة من داك الملف موقعة من وكيل الملك شخصيا باش تبقة تحت تحقيق وهاد الفترة ادوزها فالحبس النسائي حتى تتبت ادانتها ..نزلات عنيها كتقرا التهمة وشي شهود وشي سميات عمرها سمعاتهم
شافت فيه منداهشة ومصدومة …وهو كيشوف فيها بجمود
مارية:هدشي راه مايمكنش شكا تخربق
وليد:مازال ماعرفتي راسك معامن امارية قلت ليك اتشوفي معايا يام خايبين وها حنا بدينا وداك اليوماين لي زعمتي فيها داك الزعامة معايا وتجرأتي لداك الدراجة غتخلصيها وبطريقتي..جربي لحبس وماغا يسالي هاد التحقييق تا ترشق ليا انا وكلما قصحتي راسك معايا انزيد نطول دلمها تا طيبي مزيان وتولي تقولي كون غير مت ومالعبتش معاه قلتي مانادماش ها حنا انشوفو دابة
مارية صافي وصلات لحدها هدا شكا يقول زاد فيه بزاف هزات يديها تالسما بغات تصرفقو ولكن معامن هدا راه ماشي سردار لي كان مربوط شد ليها يديها قبل توصل ليه ومن سوء حضها هي نفس ليد لي لوا ليها لبارح ضغط عليها تا تسمع صوت عضم يديها طرطق بالجهد شوية ويسحقها ليها وجرها لعندو عاض على سنانو كيشوف فيها بشراسة:مابغيتش نخدم معاك هاد الطريقة ديال الضرب ولكن لا بغيتيها
وزاد ضغط على يديها:راه نصفيها ليك امارية
ودفعها تا تزدحات مع لحيط وتم خارج وهو كينطق:وجدي راسك شوية وغتهزي للحبس النسائي
غوتات وهي عاضة على سنانها:والله مانحدر الراس ولا تسمع مني كلمة ندمت واخة تنفيني لجهنام
وقف وشاف فيها:ها حنا انشوفو
وخرج وخلاها كتغلييي غير كتفكر انها اتمشي للحبس قلبها كيبغي يوقف نطقات بهمس:مارية فكري فكرييي شغا ديريييي
وغوتات الجهد:كنكررررررررررررررررهك
حسات بدموعها اينزلو وهي تحبسهم:لاا ماتبكيش غتلقاي الحل امارية..الله ياخد.فيك الحق الحيواان

#بناتي حد هنا ااتتمة غدا ان شاء الله باحدات زوينين مارية غراقت مع سردار حلف ووفا بحلوفو ودابة خاص تخدم دماغها وتخرج راسها من هاد الوحلة لخايبة وزيد ليالي وأدم بداية قصة جديدة شرسة..بغيت توقعاتكم بالتفصيل البنات وبزاف ديال تعاليق ..وشي حضور زوين وكيفما تهليت فيكم ليلة لا كانت غدا لقاضية زاهية تعاليق ولايكات زايدين على ليام لي فاتو غنتهلا فيكم تاني ومانعكزش نكتب كتر من تلاتة دلاجزاء تحركو ترزقووو❤وراه لقصة مزال فمراحل الاولى من لبداية داكشي لي جاي راه فين يبان هدشي😌
#تصبحو_على_خير ❤🔥حُطــــــــام🔥
🖤الكـــــــــابوس🖤
الجـــــــــزء30
خرج من لبيرو وشاف فداك الشرطي:جات
الشرطي:مازال اسي سردار
وليد وهو داخل للمكتب لاخور:غير تجي دخلها لعندي
الشرطي:هي لولا اسيدي

على برة
كانت داخلة هي وسوسن غير شافهم الشرطي مشا عندهم
حليمة:فين هي بنتي بغيت نشوفها
الشرطي:لي مكلف بقضيتها كيتسناك فالمكتب اجي معايا
سوسن:شمن قضية عاود
وتبعاتهم دخلات هي وياها ..غير شافتو قلبها مشاا وجاا وشداتها الدوخة ماتوقعاتش تلقاه هو حسات برجليها فشلو عليها وهي كتشوفو جالس فداك المكتب وكيشوف فيهم بلعات ريقها
وليد:جلسو
جلسو اونفاص معاه
حليمة كتشوف فيه وجهو مألوف ليها ماخافيش عليها نطقات:بغيت نشوف بنتي ماعرفتش اش كديرر هي هنا انا متاكدة بنتي مادايرة والو
وليد:بنتك حاليا تحت التحقيق متورطة فقضية ارهابية وهاد تحقيق كياخد شوية دالوقت وايلا كانت بنتك فعلا مادايرة والو وماعندها تاشي دخل راه غتخرج منها سالمة
شهقات وهي حاطة يديها على فمها:كيفاش لا مايمكنش بنتي ماشي هكا شمن قضية ارهابية بنتي راه من لخدمة لدار من دار لخدمة داخلة سوق راسها ما كاتادي حد بقة ليها غا دخل راسها فالارهاب لا اولدي ماتقولهاش
وليد كيشوف فمها كيف نية وباينة مافراسها مايتعاود :هدشي لي كاين اشريفة دابة غير تحقيق التهم ما مأكداش عليها حنا كنديرو خدمتنا وبحتنا ويقدر تخرج فاي وقة كيف قلت ليك غير تحقيق كياخد الوقت
حليمة بدات كتبكييي:كنقولك بنتي ماشي دهدشي الله اربي شهاد الموصيبة اولا غير محيت دايرة نقاب اتلبقوها ليها حرام عليكم بغيت نشوفها اولدي عفاك ..راه كبدتي هديك شوف سول عليها فخدمتها والحومة كلشي كيعرفها داخلة سوق راسها خليها تمشي
سوسن عنيها تغرغرو بدموع شافت فيه ونطقات:مارية ماشي من هاد النوع ماتلبقولهاش شي حاجة مادايراهاش
شاف فيها كيلعب بستيلو:نتي صاحبتها
بلعات ريقها وهي كتشوفو كيحقق فيها وداير فيها واحد شوفات خوفوها
حليمة بصوت باكي:اه صاحبتها وماكايتفارقوش قوليلوو اسوسن مارية كيف دايرة
سوسن ماقادراش تشوف فيه:اه راه باينة مارية ماشي من هاد النوع حنا انوكلو ليها محامي اخالتي كوني هانية
وليد ميل راسو كيشوف فيها: نوضي خرجي
شافت فيه:كيفاش
وليد شاف فلباب:خرجي
وقفات وهي كتشوف فحليمة وخرجات وخلاتهم بجوج
وليد شاف فحليمة:لبكة ماعندو باش يفيدك راه قلت ليك مجرد تحقيق ولاكان بصاح ماعندها تاشي دخل راه اتخرج
حليمة كتمسح فدموعها ويرجعو ينزلو:راه غير هي لي عندي اولدي هي لي معولة عليها هي عكازي بلا بيها راه والو وكنحلف ليك بنتي بعيدة على هدشي يكفي داكشي لي عاشتو وتزيد دابة تا بلحباسات
وليد جبد ضوصي ديالها:لقينا هنا ضوصي ديالها ليه ست سنين قضية اغتصاب
حليمة:اه تكرفسات بنتي بزاف فحياتها وحقها ماخداوهش ليها باها مات بالفقصة وخلاني انا وياها كنتقاتلو مع الزمان
هز راسو باه :بغيتك تجاوبيني بصراحة
هزات راسها باه:غنجاوبك اولدي
وليد:بنتك اش خرجها فداك ليل باش يوقع ليها هدشي وهي باقة قاصر بزاف دلحوتيج ناقصين فهاد الضوصي
حليمة:قلة لعقل اولدي وطيش دلمراهقة بنتي كانت غا نية عرضات عليها صاحبتها لعيد ميلاد كانت اول مرة اتمشي لشي عيد ميلاد خافت باها ما يبغيش وكدبات وقالت اتمشي تحفض عمرها كدبات تا لداك النهار
تنهدات بحصرة وكملات كلامها: مشات على نيتها حتى كتلقة راسها فحفلة استغفر الله ديال سحاقيات ..ماعجبهاش الحال وهربات وهوما تبعينها بغاو يبززو عليها
وسكتات وهو فهم كلامها
مالقات فين تخبة ودخلات لدار داك الوحش لي تكرفس عليها ووقع لي وقع تا جانا خبارها راها فسبيطار..من تماك حياتنا تقلبات خسرات بنتي كلشي شرفها وحياتها
كان كيتصنت ليها داك ليلة بقوة ماكن معصب ونار كتحرق فيه مارحمهاش حيت جات فطريقو وفوقت مامناسبش لدرجة يحساب ليه داك الدم لي نزل منها غير بسباب شدة الممارسة ..دابة عاد كيسترجع بعض من دوك لقطات لي باقي عاقل عليهم شاف فحليمة وهي مازال كدوي:بنتي ماتستاهلش هدشي
هز راسو باه:شوفي نتي ماديريش فبالك هاد القضية انا لي مكلف بيها تا لمحامي من الاحسن ماديروهش
حليمة:وشنو نخلي بنتي كتجرجر فلحباسات بغيت غير نفهم شكون هدا لي نزل عليها هاد الباطل
وسكتات كتمسح فدموعها:بغيت نشوفها علم الله كي راها دايرة
وقف :غتشوفيها ملي تكون اتنقل
وقفات معاه تابعاه ودموع شلال فعنيها ماعارفاش منين نزلات عليهم هاد المصيبة
#يتبع_تعااليقكن❤🔥التتمة🔥
خرجو من لبيرو
سوسن داك ساع مشات عند حليمة وشدات فيها :اش قالك شنو كنتو كتقولو اخالتي
خايفة تكون عاودات ليه على نارة وجبد ليها لسانها
حليمة:قالي غير تحقيق وايلا كانت بصاح مادايرة والو اتخرج ادن راه اتخرج بنتي مادايرة والو
سوسن:اه بسيف عليهم يخرجوها.. ..خالتي ماقلتي ليه والو على نارة زعمة عندها بنت
حليمة:كوغا قلتهالو يحن فيها شوية على وجه داك لبنية فين هو نقولهالو دابة نيت
سوسن :اويلي اخالتي ويااااك تقوليلو شي حاجة على نارة مارية خباتها على العلام تا تسجيل فمكتب الولادات ماسجلاتهاش راه انزيدو غانغرقوها
حليمة كتهز راسها بلا بخوف:لا لا مانقول والوو
سوسن:دابة خاص نشوفوها
حليمة:هاهي اتخرج قالك باش ينقلوها
سوسن هزات راسها باه واقفين كيتسناو

عند مارية..

كانت متكية على الحيط ملي خرج وهي كتفكر وتفكر كاع لحلول لي كيجيو لبالها كتلقاهم ماصالحينش ….ولكن ضاروي خاص تلقة لحل لراسها..دابة تفكر فلحبس لي كيتسناها عاود ..سامعة بلحبس كيف داير وخاص تكون واجدة لاي حاجة تماك ماشي وقت تضعاف ولا تنهار دازت بما كتر من هدشي خصرات لي اتخصر ادن دابة خاص تقوة ..سمعات لباب كتحل كان هو دوة بجمود:زيدي قدامي
تقادات فالوقفة بلا تاشي كلمة ولا شي ردة فعل ماشافتش تا لجيهتو وتقدمات لناحيتو..رجع اللور باش يخليها دوز ..
وليد:لحبس راه ماشي بحال داركم ديريها فبالك
مارية ببرود:نجربوه مافيها باس
علا حاجبو كيشوف فيها:زيدي
وخرجو من داك المكتب عاد رجعات فيها الروح كانت مخنوقة تماك شافت مها جاية لناحيتها وعنقاتها:الله ابنتيي كي بقيتيي وكيف داير حالك
مارية:ماما انا بيخير ماتخافي من والو غيسالي هاد تحقيق وانرجع
شافت فسوسن:ردي ليها لبال الله يخليك بلا مانوصيك
سوسن:كوني هانية وراحنا معاك انشوفو شغا نديرو حوايجك دابة انجيبوهم ليك انمشي لدار ونجمع ليك داكشي لي اتحتاجي
هزات راسها باه وشافت فيه فاش دوة:زيدي مشا الوقت
باست لمها يديها ومشات وهو حداها غاديين فنفس طريق كتشوف كيف كيلقيو ليه التحية ويحنيو راسهم ليه احتراما وهو عاقد غوباشتو كيكتافي غير يهز راسو ..
خرجو لعلى برة ضرب فيها واحد الريح خلاها توقف وتشتنشقوو مزيان حتى كتحس بدوخة خفيفة قوات راسهااا وشافت فيه واقف كيشوف فيها نطقات:ماخفتيش نهرب لا مينوط لا بوليس لا حراسة
وليد ميل راسو وهو كيفتح باب طموبيل :ماعندك فين تهربي مني تا لا هربتي انجبدك واخة تكونييي تحت الارض
مارية خنزرات فيه غا بشوفاتها وركبات وركب تاهو وديمارا داك ساع فتجاه السجن النسائي
كانت ساكتة وكتشوف فطريق ودماغها خدام كتفكر فشكا يتسناها فهاد الحبس وكيف خااص تخرج منو .
وليد شاف فيها ورجع شاف فطريق:لحبس صعيب امارية
وضغط على داك مارية
مارية :ماشي صعب من لي فات
جملة كافية ترجم ليه كلشي ….عارف داكشي لي دازت منو صعيب ولكن ماشي هو لي تلعب عليه مرا واخة يكون السببب كيف ما بغة يكون ضاروري يدوقها من لعبو تاهو وتعرف راسها معامن ويهرس ليها هاد الراس لقاصح ولعناد لي تحداتو بيه ومن بعد ..وقف هناا ومن بعد شنو..
لقا راسو وصل للسجن حدا لباب لكبيرة تحلات ودخلو ..ستقبلهم لكارديان حل ليه باب طموبيل نزل :حكيمة لداخل
لكارديان:كتسناك اسيدي
هز راسو باه ومشا حل ليها باب طموبيل:تهزي تنزلي
نزلات ووقفات كتشوف هي فين هزات راسها صور عالي تا لسماا حسات بيديه على دراعها وجرها بالجهد:انبقاو هناا
بغات تنتر منو:رخيي..
قاكطعها وهو كيزيد يزير:ششش ماتنسايش راسك نتي هنا حباسة
عضات على سنانها بغات تدوي ولكن كان جارها وهو غادي بخطوات سريعة تا دخلو لداخل ..ودخلو لواحد المكتب كبير عاد رخة منها جمعاتزيديها لعندها كضرها بزاف وهزات راسها كتشوف فهديك لي فالمكتب :مرحبا بالسي سردار
وشافت فمارية:هدي هي الارهابية
هز راسو باه وهز كيشوف فمارية:هي هدي
حكيمة :ايوا مرحبا بيها دوز لحبس ديالنا مع خواتاتها
#يتبع_تعااليقكن❤

Leave a comment