Skip links

قصة : حرة بلا سلاح 2

 4,059 عدد مشاهداات

🖤حرة بلا سلاح💔
#الجزء_26

ضياء تخلعات على قاسم بدات كترش عليه الما علاه يفيق .
ضياء ( كتسرفقو بشوية): عمي قاسم عمي بترجاك قوم .
قاسم بدا كيحل عينيه بشوية و فيه السخفة ،مشات جبدات ليه دوا مهدئ للأعصاب ديالو شرباتو ليه تا بدا كيسترجع و فاق شاف فيها و حدر راسو .
ضياء : شو في عمي مين اتصل فيك و ليش عم تعتذر مني .
قاسم : جاسر اتصل فيني و قلي انو (سكت مقدرش يكمل ).
ضياء : عمي انت عم جد عم بتخوفني شو هالخبر السيء لي قلك جاسر ؟؟
قاسم : بدي ياك توعديني بالأول انو تمسكي أعصابك .
ضياء : انا ما بضمن لك شي خلص بقى قول .
قاسم : التصميم لي بالمكتب تبعي انسرق .
ضياء (بدات كضحك بهستيرية )هاهاهاهاها لالا ما بقدر ههههههه .
قاسم (استغرب من ردة فعلها): ضياء ليش عم تضحكي ؟؟
ضياء حبسات الضحك و شافت فيه : كنت فاكرتك ذكي اكتر من هيك .
قاسم :شو قصدك .
ضياء :اوك فتح لي مخك منيح أنا رح اشرحلك .
قاسم : و الله و انا كلني آذان صاغية .
ضياء: قبل اربع ايام لما رجعت على فلسطين رحت أول شي على بيتنا ضليت واقفة بعيد عنو بمسافة حتى ما يشوفني حدى ، لاحضت انو البيت مراقب من أربع جهات من طرف جنود صهاينة متخفين بس انا عرفتهم فجأة مر من جنبي شاب ممكن يكون بعمرو 30 سنة كان عم يحكي بالتلفون و سمعتو عم بيقول .
الشاب : اي سيدنا أنا هلأ قدام بيت الرئيس ايه ،شو التصميم بس أنا ما بقدر جيبو ، خلص متل ما بدك سيدنا انا رح جيب تصميم القنبلة .
قرصانات ايلا عقلتو ملي خرج الجاسوس من عند دايفيد و جايكوب و قال جايكوب ل دايفيد يعيط ليه باش يقول ليه يجيب تصميم القنبلة ديك الساع دور ليه دايفيد و هي فاش سمعاتو ضياء و تبعاتو باش تأكد واش فعلا هو عضو فالمنضمة و فعلا تبعاتو تال مقر المنظمة و شافتو دخل ليها ديك الساع عاد عرفات الجاسوس لي وصل لليهود بلي هي كتصنع قنبلة و كان السباب فموت ماماها و ختها و ديك الساع قررات شنو دير .🖤حرة بلا سلاح💔
#الجزء_27

قاسم : الخاين هو احمد لي بعتبروا متل ابني يخوني و يخون أرضو لك رح اشرب من دمو انا طيب كملي شو ساويتي بعدين.
ضياء : في تصميمين بس للقنبلة واحد عندي و واحد عطيتو للزعيم .
قاسم تصدم : طيب و شو مشان التصميم لي عطيتيني و قلتيلي حطو بالمنظمة .
ضياء : كان مجرد فخ و هداك تصميم مزيف يعني كلو غلط بغلط و عملت هيك لحتى اعرف لصالح مين عم يشتغل هالجاسوس .و حطيتلو جهاز تتبع بسيارتو و هيك رح نعرف كل تحركاتو .
قاسم : ايه حرام و الله لما سمعت الخبر من جاسر كنت رح روح فيها و الله .
ضياء : هههه لا تخاف مدامني عايشة على وش هالارض ما رح خلي حدى يأذيها بأي تمن كان .
و حلات البيسي باش تشوف الجاسوس فين مشا.
*عند جايكوب*
كان جالس فقصرو لي فتلأبيب و حداه واقف دايفيد و قدامو داك الجاسوس احمد .
( الحوار بالعبرية )
احمد (بفرحة) سيدنا انا جبت لك التصميم .
جايكوب (بشك ) : بهاد السرعة ؟
احمد : ايه سيدي هن كانو حاطينو بمكتب الرئيس قاسم اضاهر انو نسيه هنيك و المنضمة انقلبت كلها و هن عم بيدورو عليه .
دايفيد : اوك عطيني التصميم .خداه من عندو و عطاه لجايكوب .
جايكوب حلو شافو و عاود سدو و غمز دايفيد لي جبد ضرف عامر فلوس و عطاه لاحمد : صافي سير دابا ملي نحتاجوك غنعيطو ليك .
مشا احمد فرحان حيت خدا مبلغ كبير ديال الفلوس و بقا دايفيد مع جايكوب فالمكتب .
جايكوب : كنشم شي ريحة ماشي هي هاديك .
دايفيد : كيفاش اسيدي .
جايكوب : بحال هاد المشروع الضخم ميمكنش يحطوه فالمكتب بلا حراسة بلا والو .
دايفيد : مستر جايكوب راه امكن نساوه و احمد ستاغل الفرصة و هزو .
جايكوب بشبه ابتسامة : نتمنى ، سير جيب ليا داك المعتقل يجي يشوف هاد القنبلة و من دابا ساعة نضم ليا اجتماع فالمقر بغيت كاع اعضاء الموساد يكونو موجودين و حتى رئيس الوزراء نتنياهو خصو يكون .
دايفيد : حاضر مستر جايكوب .🖤حرة بلا سلاح💔
#الجزء_28

مشا دايفيد لواحد من السجون أو المعتقلات الاسرائيلية و ودخل عند مدير السجن .
دايفيد : بغيت السجين *********** رقم 1040.
مدير السجن : واخا ا سيدي دابا يكون عندك .
مشا مدير السجن حل واحد الزنزانة فيها تلاتة ديال الناس جوج مجمعين و واحد كيصلي .
مدير السجن : السجين رقم 1040 ينوض عندي .
شاف دوك الجوج سكتو و كيشوفو فداك لي كيصلي .
مدير السجن : هيه نتا وقف ديك العبادة الخاوية لي كدير و نوض تكعد .
الشخص ساجد و مخشع فصلاتو .
مدير السجن : اداك الجويم مكتسمعنيش .
الجويم كتعني القطعان البشرية جمع قطيع و هو سرب ديال الحيوانات و هي كلمة كيقولوها اليهود على اي اشخاص كيتابعو ديانة خرى من غير اليهودية
مثلا الاسلام او المسيحية ….
تعصب مدير السجن و تم غادي فاتجاه داك الشخص تا وصل عندو و هو يعطيه دقة لكرشو تا طاح كيكحب .
المدير :هاد المرة ملي يعيطو ليك سيادك عود جاوبهوم يالاه تهز تبعني .
ناض الشخص بقلة حيلة تبعو و داه للمكتب عند دايفيد .
دايفيد : أهلا أهلا بسي جوزيف متوحشتيناش .
الشخص :شحال من مرة غنقول ليكوم مسميتيش جوزيف .
دايفيد : هاد الهضرة كولها و دابا تبعني موسيو جايكوب بغاك .
جرو دايفيد داه بزز لوطو ركبو و سد البيبان باحكام و ركب حتى هو و مشاو .
بعد مدة وصلو لمقر شبكة الموساد .
جرو دايفيد و دخلو معاه بزز وصلو لمكتب الاجتماعات لقاو كولشي كاين حتى رئيس الوزراء من بعد ما وقف الشخص قدامهوم مشا دايفيد و سد البار وراه .
جايكوب : مرحبا مرحبا نورتينا اموسيو جوزيف . و دابا غتجي لهنا و تشوف هاد التصميم بغيت هاد القنبلة النووية لي فيه تصنعها ليا فأقل وقت ممكن .
جوزيف : كيشوف فيه باستهزاء: قتلني و قول لجتتي تصنعها ليك .
جايكوب : ديك قسوحية الراس معندها مدير ليك متنساش بلي عائلتك تحت المراقبة .
جوزيف قرب بزز منو باش يشوف التصميم حيت خاف على عائلتو .
هي شاف التصميم لي فالورقة و هو يتصدم .🖤حرة بلا سلاح💔
#الجزء_29

شاف جوزيف التصميم لي فالورقة و هو يتصدم بدا كيضحك بهستيرية لدرجة الدموع خرجو ليه و هو يقول : من نيتكوم اش هادشي ؟؟
جايكوب(تعصب مي مبغاش يبين ): جوزيف متلعبش معانا .
جوزيف : ملي يكون هاداك تصميم ديك الساع نصايب السلاح ، آش هاد التخربيق مصممين هنايا شكون هاد الغبي لي تعدى على الفيزياء .
واحد من الاعضاء :كيفاش اش كتقول نتا وضح كلامك ؟؟
جوزيف : هادشي لي مصمم هنا غير تخربيق لا علاقة ليه بأي نوع من الأسلحة هههه (شاف ف جايكوب ) ياكما طلعو بيكم 😂😂و رجع كيضحك .
صافي هنا جايكوب تعصب ناض ضرب الطبلة بيديه و قال : الاجتماع سالا خرجوا عليا دابا .
و خرج كلشي بقا غير جوزيف و جايكوب .
جايكوب : غنتأكد من الهضرة لي قلتي و قسما بالله و نعرف كتخدعنا تا نوريك شنو غندير فيك .
جوزيف : اكتفى بالصمت في حين جا عندو دايفيد عاود سد ليه عينيه و داه باش يرجعو للمعتقل .
في حين جايكوب ركب فاللوطو و الوجهة كانت غزة .
*عند ضياء*
أصبحنا و أصبح الملك لله
فاقت ضياء دوشات و لبسات عباية كحلة مع جاكيت تالكوير كحلة و الشال لي كدير على وجهها و ركبات ليلونتي فالقهوي و خرجات كتمشى بين الدروب و كتشوف البسمة على وجوه الناس اه البسمة لي تحرمات منها البساطة ديالهوم رغم الاوضاع لي عايشين فيها كيحاولو ينسيو و يخبيو الخوف ديالهم من المستقبل .🖤حرة بلا سلاح💔
#الجزء_30

فهاد الاثناء لي هي كتمشى شافت الشانطي خاوي و ديرين ممنوع المرور بالعبرية يعني شي شخصية مهمة غدوز و لكن فنفس الوقت سمعات صراخ قوي ديال شي طفل صغير تلفتات شافت وليد صغير جالس فالشانطي كيبكي و شي ربعة ديال الطموبيلات كحلين جايين مكسيريين و مو كتبكي و تغوت و كتقول الحقوه يا ناس بترجاكم الحقوه .
الناس ماشي مقدروش يعتقوه و لكن تا حد ميقدر يقرب للشانطي ولا غيقتلوه الجنود بتهمة خرق القوانين .و أكيد الطموبيلات مغيوقفوش ايلا شافو الدري صغير غيدوزو علية بدون رحمة او شفقة .
ضياء شافت هاد المنضر مقدراتش تحمل ولو على جتتها عتعتق الدري صغير كفضات عبايتها و هزات حجرة كبيرة فيديها و تمات غادة كتجري جيهة الشانطي و فلحضة هزات ديك الحجرة نيشاتها على اللوطو الولة جابتها فالجاجة و تلاحت على الدري الصغير حضناتو و مع ذلك اللوطو باقا جاية مكسيرية صافي ضياء فقدات الأمل فأنها تعيش على الاقل غتموت شهيدة .
يتبع …
فنظركم أقرصاناتي شنو غيطرا واش هادي هي نهاية ضياء و شكون ديك الشخصية المهمة لي دايزة من الشانطي 😉 .
آرائكم تهمني خليو ليا توقعاتكم ❤💔حرة بلا سلاح 🖤
#الجزء_31

فهاد الأثناء و هي حاضنة الدري و مزيرة عليه اللوطو باقي جاية مكسيرية و فلحضة تسمع فران سيك هزات ضياء راسها باش تشوف لقات لوطو مفرانية عند رجليها لوكان زادت شوية كون دازت عليها هي و الدري نوضات الدري الصغير و سيفطاتو عند ماماه و ناضت حتاهيا كتسوس حوايجها و الشرارة متطايرة ليها فعينيها تعصبات لاقصى درجة مفكراتش فالعواقب اولا شكون ديك الشخصية المهمة لي كاينة فلوطو و بدات كتسب و تعاير و كضرب اللوطو من القدام و مع لوطو زاجها فيمي مكيبينش لي لداخل .
ضياء (بعصبية و صراخ و كضرب بيديها فلقدام ديال لوطو) : و لك يا كلاب انتو ما عندكم ضمير شو لو دعستو هالولد المسكين اخص عليكم جنس وسخ ما في بقلبكم ذرة رحمة يا وسخين اتفو عليكم .
فهاد الاثناء بداو لي كارد لي فلوطو لور كيخرجو واحد مور واحد و دارو بيها كاملين .
و بداو كيهضرو بالعبرية هي ماشي مكتفهمش العبرية و لكن مبغاتش تبين بلي فاهمة بدات هي كتشوف .
الكارد1:(بالعبرية) بلاما تعيي معاها الحجرات مغتفهمكش سير عتاقلها قبل ميخرج سيدي من لوطو .
جا واحد الكارد بايشدها و هي تعطيه تبربيقة لوجهو تا دار مبقاش كيحس بحنكو و هزات صبعها بتهديد فيهم :الي رح يقرب لي رح انحرو بإيدي يا صهاينة يا كلاب (و دارت كتشوف فالناس كيتفرجو فهاد المسرحية تا واحد مقادر يتدخل بطبيعة الحال مساخيينش بروحهم و بدات كدوي معاهم .
ضياء : هلأ انتو لي عم تتفرجو فيني هيك بتسمو حالكم رجال و لك اخص عليكم بسببكم انتو و بسبب سكوتكم هالأوغاد الصهاينة تمادو و لك تفو عليكم يا عرة الرجال .
هضرات مامات داك الوليد لي عتقات ضياء : ولك حرام عليكم روحو الحقو البنت رح يقتلوها هالصهاينة و لك وين الرجولة و الانسانية بدمكم ها .🖤حرة بلا سلاح 💔
#الجزء_32

تلقات الام من ولدها و مشات وقفات حدى ضياء و هضرات : اذا بدكم تلمسو شعرة منها اقتلوني انا بالأول .
شافو الرجال الفلسطينيين فبعضهم البعض حشمو من راسهم كيفاش مرا مشات وقفات فوجه الجنود و هوما لا فبداو كيمشيو فاتجاههم واحد بواحد و عمرات الشانطي بالرجال .
راجل فلسطيني: طالما نحن عايشين انتو ما رح تأذو البنت .
راجل آخر: ايه معو حق ورجونا شو رح تساوو .
شافو لي كارد فبعضياتهم معرفو ميديرو خصوصا الرجال الفلسطينيين كتار .
كان جايكوب كيتفرج من لوطو فهاد المسرحية السخيفة امتا غتسالي نزل الجاج لي حداه و ضرب فلوطو باش يتكلمو ليه ليكارد لي غير سمعوه مشا واحد كيجري جهتو .
الكارد : وي مستر جايكوب .
جايكوب: واش غنباتو هنا تصرفو دغيا يالاه .
الكارد : حاضر مستر جايكوب .و مشا الكارد جبد مسدسو و هزو الفوق .
الكارد : لي ساخية عليه روحو يبقى فالشانطي .و ضرب قرطاسة فالسماء في حين الناس تخلعو و كولشي ولا هربان و تفرقات الجقلة شخص واحد فقط لي بقا واقف فالشانطي لي هي ضياء و كتشوف فيهوم بنظرات تحدي و حتى جايكوب كيشوف فيها بنضرات غريبة زعما واش لهاد الدرجة ساخية بروحها و شكون هاد البنت لي عندها هاد الشجاعة كاملة .
ضياء كتشوف فيهوم بحقد و هزات صبعها فوجههوم و نطقات فتحدي .
ضياء : اذا خوفتوهم هن بطلقة من الرصاص فأنا ما بخاف الا من لي خلقني انا بفرجيكم يا كلاب رح تشوفو شو رح ساوي فيكم كلكم يا صهاينة .💔حرة بلا سلاح🖤
#الجزء_33

بعد ما كملات جملتها بنبرة التهديد بنبرة كتزرع الخوف فالنفوس دارت باش تمشي في حين تاواحد من لي كارد ما قدر يوقفها او يعتقلها لانه بطبع اليهود و الصهاينة جبناء لذلك غنكدب ايلا قلت ليكم مخلعاتهومش لا فعلا خلعاتهم و خصوصا من بعد التبربيقة لي عطات لصاحبهوم و الشجاعة باش بقات واقفة مورا ما الناس كاملين هربو في حين هي غاديا باش تمشي فحالها و لكن شي حاجة كتقوليها تلفتي موراك دابا اضياء و فعلا تلفتات و ماجات عينيها غير فعينين جايكوب لي كيشوف فيها من لوطو بنبرة غريبة كيتفحصها كاملة و تاهيا بادلاتو نظرات عامرين حقد و غل تقول لهيب الشرارة قرب ينقز منهوم كون كانو قرطاس كون ضربوه بقاو كيتبادلو فالنظرات لمدة جوج دقائق كاملة عاد دارت ضياء باش تكمل طريقها و هو بتاسم نصف ابتسامة و غمز لواحد الكارد بمعنى تبعها و مشا الكارد تبعها اما جايكوب لبس نضاضرو و طلع الجاجة و أمر السائق باش يمشي.

عند ضياء لي غاديا و حاسة بلي شي واحد مراقبها او غادي موراها مي مبغاتش دور موراها باش ميعيقش بيها عاقت بيه تا تستفرد بيه فشي خلا و هي متأكدة بلي غيكون شي واحد من دوك لي كارد بقات غاديا تا صونا ليها التيلي كان قاسم لي كيدور غير فتحات الخط و هو يدوي قاسم .
قاسم : الو ضياء انتي جنيتي شو هاد الي عملتيه انتي ما بتعرفي مين الي كان بالسيارة ؟؟
ضياء ببرود :ما بيهمني .
قاسم : طيب ضياء بعدين بنتفاهم هلأ سمعي لي رح قلك عليه اوعي تجي على البيت لانو في شخص من هدوك الحراس لاحقك .
ضياء : بعرف حسيت فيه لهيك انا هلا رايحة باتجاه الغابة .
قاسم بصدمة : غابة شو ضياء انتي جنيتي خليكي بين الناس لحد ما توهي عنو .
ضياء : لا انا بدي علمو درس .
قاسم : ضياء الحارس لي لاحقك مسلح يعني بالغابة هو لي رح يستفرد بيك و يقتلك لا تتهوري بترجاك .
ضياء : مع السلامة عمي و قطعات عليه الخط .
كانت قد وصلات للغابة و كتسمع الخطاوي موراها بخفة منها تعلقات فواحد الشجرة طوييلة و بقات طالعة فيها تا وصلات للفوق في حين الكارد لي كان تابعها تلف عاد كانت قدامو فين ممكن تمشي جبد المسدس من جيبو و ضياء مترقباه كتسناه غير امتا يوصل تحت الشجرة لي هي فيها .💔حرة بلا سلاح🖤
#الجزء_34

وصل الكارد تحت الشجرة و من زهرها وقف تحتها نيشان كفضات ضياء العباية لي لابسة و نقزات عليه من الفوق تعلقات ليه فكتفو و قاجاه برجليها تا طاح للأرض .
بنات ملي تسمعو كارد راه ماشي شي واحد لي ضعيف و لا .لالا متمشيوش غلط السيد راه كتافو قد الخلا و طويل كي العمود يضرب من ضياء تلاتة فصحتها و لكن تا بطلتنا مساهلاش حياتها كاملة و هي كتدرب و ملي كطيح فشي خصم بحال هاكا قوي عليها كتركز على نقاط الضعف ديالو لانه اي مباراة ديال المدابزة راه مكيربحهاش القوي لا كيربحا الذكي و ضياء هنا خدمات ذكائها لذلك دهشراتو بديك الطيحة لي دارت ليه و هي طاح فالأرض طيرات ليه السلاح من يدو لاحتو بعيد ناض الكارد عندها و هو كيكحب مخلاتش ليه الفرصة فين يجمع قوتو دغيا عطاتو لمعلم نيشان طاح كيتوجع هي فاش نهالت عليه بالبونيات لوجهو عمر كلو دم مرضاش و ناش غادي ليها يالاه هز يديه باش يبونيها شداتها و لواتها ليه لضهر تا هرساتها ليه من الكتف غوت لربي لي خلقو و طاح للارض غيب في حين هي دفلات ليه على وجهو و مشات هزات السلاح ديالو مسحات منو بصماتها و دارتو ليه فجيبو و مشات كتجري لدارها حيت الطريق بعيدة و قرب يضلام الحال و هي فالغابة .
بعد مدة وصلات ضياء لدارها هي دخلات لقات قاسم جالس فالصالون ناض عندها كيجري .
قاسم : ضياء انت جنيتي شو لي ساويتيه بالحارس انت هيك رح تلفتي الانتباه و هاد لي ما بدنا ياه هيك رح يحطوك براسهم و يقلبو الدنيا كلها لحتى يلاقوك .
قاسم : اطمن ما حدى شاف وشي حتى هداك الحارس لي ضربت و حتى عيوني عاملتلهم عدسات و مسحت بصماتي كيف رح يعرفوني لكن .
قاسم : انت ما بتعرفي هداك الحارس لصالح مين بيشتغل ؟
ضياء باستهزاء : يعني لصالح مين رح يكون عم يشتغل أكيد شي جبان متلو.
قاسم : يؤسفني قلك انو لي كان بالسيارة و لي عم يشتغل لصالحو هداك الحارس لي ضربتي هو رئيس شبكة الموساد الاسرائيلي شخصيا .
ضياء بصدمة : كييف ؟
قاسم : ايه هو جايكوب آل سمحون نفسو لي عم بيدو على رئيس المنظمة لي هي انت .
ضياء: هداك الكلب لي كان بالسيارة و لي كان عم بيطلع فيني هو هو لي قتل امي و اختي صح ، احكي يا عمي صح ؟؟
قاسم: ايه هو هو نفسو و هو لي عم بيشتغل لصالحو هداك الخاين أحمد.💔حرة بلا سلاح🖤
#الجزء_35

ضياء (طاحت على ركابيها بصدمة ): الي عمل بعيلتي هيك كان قدامي ايه ايه كان قدامي و أنا ما قدرت اعمل شي و لك الحيوان كان قدامي اععععع.
قاسم : اهدي بنتي اهدي الصراخ ما رح يفيدك هلأ بشي انت لازم تطلعي من غزة فورا لانو اذا لاقو الجنود هداك الحارس مقتول اول واحد رح يشكو فيه هو انتي و ساعتها رح يقلبو غزة كلها بالتفتيش و اذا مسكوكي بلا ما قلك ما قلك شو رح يساوو فيكي انت غلطتي بهالحركة لي ساويتي لانك لفتتي الانتباه .
ضياء : طيب و وين رح روح هلأ أنا .
قاسم : ما بعرف ما فيكي ضلي بغزة و لا ترجعي عالقدس بس لقيتها انا لاقيت لك مطرح تروحي عليه .
ضياء : وين ؟
قاسم : رح تروحي على رام الله بالضفة الغربية شمال القدس هيك رح تكوني قريبة منا و في ناس هنيك بيقربوني رح تقعدي عندهم يومين لحد ما تهدى الاوضاع هون .
ضياء : طيب خلص انا رح روح ضب غراضي هلأ لحتى نروح .
قاسم : ايه انا عم بستناك .
خرجات عندو ضياء من بعد ما تنكرات كاملة كانت داهنة للحمها كامل كريم قهوي باش بدلات اللون ديال بشرتها و لبسات زي بدوي ديال فلسطين و رسمات وشام فذقنها و دارت شوية ديال التجاعيد فوجهها باش تبان كبيرة فالعمر و هزات عكاز فيديها و خرجات عند قاسم لي تصدم ملي شافها هكاك ولات كتبان أكبر منو هو شخصيا في حيت تاهوا كان ملسق لحية طويلة فوجهو و داير عمامة و لابس زي بدوي . سالاو من جميع الحوايج و كولشي او بالاحرى ضياء لي سالات اما قاسم كان بغا غير يوصلها لرام الله و صافي .
سالاو و ركبو فلوطو و نطالقو لرام الله .

عند جايكوب لي رجع ل تل أبيب و مشا لمقر المنظمة باش يسالي خدمو .كان جالس فبيروه تا دخل عندو دايفيد .
جايكوب : اش كاين .
دايفيد : سيدي هداك الكارد لي سيفطتيه يتبع ديك الفلسطينية فالصباح لقاوه شي جنود مضروب و فحالة حرجة فواحد الغابة فغزة .
جايكوب : امممم دارتها .
دايفيد : شكون اسيدي .
جايكوب : هداك الجواب خدمتك نتا تقلب عليه .
دايفيد : واخا اسيدي سمح ليا .
جايكوب: بغيت الملف ديال ديك البنت يكون عندي اليوم قبل غدا سمعتي و سدو حدود غزة بغيتكوم تجيبوها ليا من تحت الأرض يالاه .
دايفيد : حاضر أوامرك أسيدي و خرج .
عند ضياء لي كانو غاديين فالطريق تا شافو الجنود الاسرائيليين حابسين الطريق و كيفتشو أي سيارة دايزة .
قاسم : شفتي شو قلتلك أكيد هن لاقو الجندي مضروب بالغابة و عم يقلبو الدنيا عليك .
ضياء : خلص امسك حالك و اضبط أعصابك لحتى ما يشكو فينا .
دازو الطوموبيلات لي كانو قدامهوم و وصلات نوبتهوم وقفهم واحد الجندي فلسطيني و هضر معاهم من الجاجة .
الضابط : اعطيني هويتك و رخصة السياقة .
عطاه قاسم داكشي لي بغا . و بقا الضابط كيشوف فالاوراق و يشوف فيهم بشك ، لاحضات ضياء دوك الشوفات لي كيدير ليهم و لكن حاولات تبقا هادئة فلحظة هضر الضابط بصرامة .
الضابط : اركنو سيارتكم على جنب هلأ …
يتبع ..
فنظركم واش الضابط عاق بيهم ويلا كان معاقش بيهم شنو السبب لي على قبلو قاليهم يوقفو السيارة فجنب الطريق .
توقعاتكم و آرائكم تهمني 🥰🖤حرة بلا سلاح💔
#الجزء_36

قاسم شاف فيه و تنهد بقلة حيلة : طيب سيدي .
و ساق شوية و وقف فجنب الشانطي في حين جا عندو داك الضابط و دق عليه فالزاجة و قال ليه انزل ، نزل قاسم و وقف مع الضابط :ايه سيدنا في مشكلة .
الضابط: ايه طبعا في مشكلة بطاقتك الوطني انتهت صلاحيتها شهرين من هلأ يعني رح تنحسبلك مخالفة .
قاسم (تنهد فارتياح ) : طيب سيدنا أنا كتير آسف بكرة بروح عالمركز و ببلش الاجراءات لساوي وحدة تانية.
يالاه بغا يجاوبو الضابط و هو يجي عندو واحد الجندي اسرائيلي .
الجندي الاسرائيلي (بالعبرية): واش نتا مخلي الصف عامر ديال الطموبيلات و جاي واقف ليا هنا مع الشراف .
الضابط هبط راسو و عتاذر و عطا لقاسم وراقو و مشا في حين قاسم ركب فلوطو و كسيرا تا بعدو و هو يشوف ف ضياء و طلقوها بواحد الضحكة تاتحبس فيهم النفس .
ضياء : و الله بحياتي ما شفت أغبى منهم هههههه .
قاسم : ايه قولي الحمدلله انو فلتنا هالمرة .
ضياء: أصلا هن ما عندهم علي دليل و لا شافو وشي و لا بصماتي يعني كيف رح يتعرفو علي ..
قاسم: ايه بيطلعوك وين ما كنتي حتى لو شافو خيالك بس انت ما بتعرفي هالناس على شو بيقدرو .
ضياء تنهدات واحد التنهيدة لي حاملة فطياتها معاني كتيرة و تكات على الجاجة كتشوف المناضر .
#عند الزعيم .
كان جالس فبيرو ديالو هو و الاعضاء لخرين و كيعاودو الفيديو ديال شرح القنبلة .
الزعيم: ملاحضتوش بلي دبدبات الصوت ماشي هوما هادوك يعني الرئيس مستعمل تطبيق تغيير الصوت .
العضو أ: وي زعيم عندك الحق و لكن علاش هاد السرية كاملة .
العضوة ب : زعيم أنا ممرتاحاش لهاد المنظمة نهائيا حاسة بلي موراهم شي حاجة .💔حرة بلا سلاح🖤
#الجزء_37

العضو ج: اه عندك الصح تا أنا معرفتش علاش ختاريتي هاد المنضمة بالضبط لي نديرو معاهم شراكة و هوما حتى الرئيس ديالهم معارفينوش .
الزعيم : نتوما معارفينش مقدار الذكاء ديال الرئيس غير من خلال الطريقة باش صمم القنبلة و الخطوات لي تابع عندو أفكار رائعة و يمكن يكون عالم فيزياء . و هدا هو السبب لي خلاه يتخفى لانه اي عالم فيزياء بان و تشهر بأبحاثه كيتخلصو منو بسرعة يا اما يقتلوه أو يخفيوف .
العضوة ب: تفكرت غير عمي يوسف الله يرحمو هاد النهار كان من أذكى الناس عندنا فالمنظمة .
الزعيم :سي يوسف مماتش و أنا متأكد بلي بافي عايش و علقاوه باذن الله .
العضو ج :انشاء الله يا رب .
عند ضياء لي وصلات ل رام الله و هوما غاديين فالطريق هضر قاسم .
قاسم : بنتي أنا حكيت مع الناس و هن رح يعاملوك معاملة حسنة و يعتبوك مثل بنتهم ، شافها مجاوباتوش : ضياء ضياء .
ضياء : ايه عمي قلت شي .
قاسم : نن الصبح و أنا عم بحكي وين كنتي شاردة .
ضياء : كنت عم فكر انو حتى لو صنعنا القنبلة شو رح نعمل فيها .
قاسم : شو قصدك .
ضياء : انت فاهم قصدي منيح ، القنبلة لي صممت مو عادية هي نووية يعني بتقدر انو تدمر مدينة كاملة و نحن ما بنقدر نطلقها عليهم لانو آلاف الضحايا و الناس الأبرياء.💔حرة بلا سلاح🖤
#الجزء_38

قاسم : يعني رح تتراجعي
ضياء : أكيد لا بس أكيد ما رح اقتل ناس أبرياء لهيك نحن لازم نخلي القنبلة كسلاح تهديد فقط بوجههم و ندور على خطة تانية أنا بدي دمر جهاز الموساد بدي كون كابوسهم بدي انذكر بالتاريخ كأول امرأة فلسطينية وقفت بوجه الاحتلال الاسرائيلي ولو على جتتي بدي انتقم من لي قتل امي و اختي و شوف بعيونو نظرة الانكسار و الخوف مني بعدين رح اقتلو بأبشع الطرق رح خليه عبرة لكل صهيوني فكر انو ياذي شخص بريء ذنبو انو انولد فلسطيني .
قاسم : طيب انتي عندك خطة ؟؟
ضياء : بكرة بنلتقي بشي محل و بقلك الي بدماغي بس أول شي بدي ياك تجبلي كل المعلومات عن مقر الشاباك الاسرائيلي بدي اسماء العملاء و الرؤساء و خططهم بدي كل التفاصيل .
قاسم : انت من كل عقلك عم تحكي من وين رح جبلك انا هالمعلومات السرية مستحيل .
ضياء: الي بعرف انو ما في كلمة مستحيل بقاموسك صح .
قاسم : بس الي طلبتيه كتير صعب.
ضياء : امممم كنت قلتلي انو الجاسوس احمد عندو مرتو صح .
قاسم : ايه صح ليش ؟
ضياء بابتسامة خبيثة : كل شي بوقتو حلو .
قاسم وقف السيارة قدام واحد الدار كبيرة .
قاسم : وصلنا .
نزلات ضياء من اللوطو و نزل معاها قاسم خرج ليها فاليزتها و جرها في حين كان كيتسناهم واحد الراجل كبير تكون عندو ديك 60 سنة كتبان فملامحو الطيبة و معاه مرتو تكون فالخمسينات تاهي كتبان ضريفة و حنينة .
الراجل (عبد الله): اهلين اهلين بابن عمي قاسم كيفك .
تعانقو عناق رجولي .
المرأة(زهرة): اهلين اخي قاسم ايه و الله الك مدة ما زرتنا .
قاسم : الشغل آخد كل وقتي و الله و شير ليهم جيهة ضياء هي بنتي عبير لي حكيتلكم عنها هي متنكرة هلأ لانو في خطر على حياتها .
عبد الله : مرحبا فيك بنتي .
زهرة :اهلين بنتي تفضلي لا ضلك واقفة عالباب .
دخلوهم و ضيفوهوم صدقو ناس طيبين و الليعمرها دار عطاوها بيت لي غير دخلات ليه و تلاحت نعسات كتحس براسها عيانة و نهارها كان طويل و شاق ..💔حرة بلا سلاح🖤
#الجزء_39

أصبحنا و أصبح الملك لله
فاقت ضياء بكري مع الستة ديال الصباح ناضت دوشات و خرجات لبسات حوايجها و صلات الصبح و صاية كحلة طويلة مع تريكو كحل مزير و كويرة فالكحل و سبرديلة كحلة تاهيا و الشال على وجهها و ليلونتي قهويين و هزات ساكها و خرجات كان باقي تا واحد فالدار مفاق خرجات و مشات لواحد البلاصة فالجبل بعيدة شوية على الدار بقات كتمشى تا وصلات لديك البلاصة لي وصف ليها قاسم لقاتو كيتسناها نيت تما .
قاسم :صباح النور بنتي
ضياء : صباح الخير عمي
قاسم : كلشي منيح ؟
ضياء الحمد لله . على أي خلينا نفوت بالموضوع دغري أنا عندي خطة كتير منيحة اول شي رح تلزمني *******
قاسم تصدم : شو ؟؟و بعدين شو رح تعملي فيها .
ضياء : *******************
سي قاسم بحالا كبيتي عليه كاس تلما بارد تصدم و بدا كيتفتف .
فنضركم شنو هي خطة ضياء لي خلات قاسم يتصدم ؟؟؟
آرائكم و توقعاتكم تهمني.🖤حرة بلا سلاح💔
#الجزء_40

قاسم مورا ما سمع خطة ضياء تصدم لدرجة كبيرة من المخاطرة لي غدير .
قاسم: ضياء بنتي لي عم بتقوليه خطير كتير و أنا ما رح اسمحلك تعملي هالخطوة ابدا.
ضياء: و الله اذا عندك حل تاني ممكن تفيدنا .
قاسم : في كتير حلول نحن بس لازمنا شوية وقت بحتى نفكر منيح و ما نتسرع .
ضياء : انا ما عندي وقت لحتى فكر .
قاسم: لا تكوني عنيدة بترجاك يعني حتى لو ما لقينا حل فينا نطلب مساعدة الزعيم .
ضياء : شو مساعدة مين ؟ انت عم بتهزر معي صح أنا يا عمي ما عدت اوتق بحالي فما بالك بالناس لهيك اذا بدك تساعدني اهلا و سهلا ما بدك على راحتك .
قاسم : أكيد انتي متل بنتي و أكيد رح ساعدك بأي شي رح تساويه بس انت هيك عم ترمي حالك بالنار .
ضياء : لا تخاف عمي أنا قدها و قدود و المهم عندي انو جيب حق امي و اختي و حق هي الأرض الشريفة.
قاسم : لكن هذا هو السبب لي خلاك تطلبي مني معلومات عن الشاباك الاسرائيلي .
ضياء : ايه
قاسم : طيب و كيف رح جيب لك ياهم .
ضياء :من أحمد ، نحن رح نخطف مرتو و نهددو ان اذا ما عطانا كل المعلومات لي بيعرف رح نقتلها .
قاسم : طيب و اذا ما رضي يعطينا شي ؟ رح تقتليها عم جد .
ضياء : أكيد لا بس هو بيحب مرتو كتير لهيك ما رح يخاطر فيها .
قاسم : طيب و امتى رح تبلشي خطتك .
ضياء : بالوقت المناسب هلأ صار لازم روح أنا رح يكون عمتي و خالتي فاقو هلأ .
تا كانت غاديا و تفكرات شي حاجة و رجعات عند قاسم .
ضياء :عمي قاسم تلفونك مو مراقب صح .
قاسم : لا ليش .
ضياء : بدي احكي مع صباح و سيف .
عطاها قاسم التيليفون خداتو و تاصلات بقا كيرن شوية عاد هزات صباح التيليفون.
صباح : ألو وي
ضياء : صبوحتي كيدايرة هادي انا ضياء .
صباح ناضت وقفات بالفرحة: ضياء فين كنتي علاش مكتجاوبيش على اتصالاتي خلعتيني عليك بزاف .
ضياء : أنا هي مشغولة شوية و صافي اصلا لكارت سيم ديال المغرب مكتخدمش هنا و مساليتش نشري وحدة خرى هدا غير تلفون صاحبتي .
صباح :اوى شريها ابنيتي باش نعود نتطمأن عليك .
ضياء : غير كوني هانيا دابا نشريها قولي ليا كي دايرة نتي و كيداير سيف أموركم هانيين .
صباح : الحمدلله ابنتي متشغليش راسك بينا حنا كي دايرة نتي ؟
ضياء : لاباس هاد الساعة الحمد لله مهم أنا خصني نقطع دابا تهلاي فراسك و فسيف .
صباح :واخا احبيبة ديالي تهلاي فراسك تانتي.
قطعات ضياء التيلي و رجعاتو لقاسم و مشات و هي كتدوي فخاطرها : يا ترى فينك ابابا فينك عييت منقلب والو بغيت غير راس الخيط لي اوصلني ليك محتاجاك بزااااف معايا يا ترى فينك دابا و معامن واش واكل واش شارب مريض ولا لاباس آخ كون تعرف شحال توحشتك يا ريت يرجع بيا الزمان عمرني كنت نسلك هاد الطريق لي حرماتني منك و من ماما و ختي ياريت تخليت على عنادي ديك الوقت ها أنا دابا تبعت داكشي لي بغيت و بقيت وحيدة لي درتها محسوبة عليا ( هزات كفوفها للسماء): يا ربي تعاوني نلقا بابا أنا متأكدة بلي مزال عايش و غلقاه طال الزمان و لا قصار غلقاك ابابا فينما كنتي دابا دعي معايا يوفقني الله يااااا رب.💔حرة بلا سلاح🖤
#الجزء_41

رجعات ضياء للدار لقات عبد الله و زهرة فاقو و وجدو الفطور و معاهم واحد البنت تكون قد ضياء فالعمر .
ضياء : أنا كتير بعتذر اذا تأخرت عنكم كنت مع عمي قاسم .
زهرة : ما في مشكلة بنتي تعي افطري يلا . ايه صح نسيت عرفك هي بنتي ياسمين لي حكيت لك عنها امبارحة كانت بايتة عند عمتها .
سلمات ضياء على ياسمين و جلسو كاملين كيفطرو فجو عائلي لي فتاقداتو ضياء شحال هادي . من بعد ما سالاو الفطور جلسات معاهم جمعو الماعن و جرات ياسمين ضياء لبيتها و دخلاتها .
ياسمين : شالوم (كتعني السلام بالعبرية)عبير تعي عرفيني عحالك شوي .
ضياء : انت مسلمة ؟
ياسمين : ايه طبعا شو هالسؤال .
لبنات راه عبير سميت ضياء المزورة لانها ماتقدرش تقول سميتها لتاواحد حيت هي ميتة فنظر الجميع .
ضياء : على حد علمي المسلمين بيقولو السلام عليكم مش شالوم .
ياسمين : صراحة أنا كتير بحب العبرية بموت فيها .
ضياء (كتحاول تخفي عصبيتها): انت من صدقك عم تحكي ، بتحبي لغة أعدائك الصهاينة لي مستولين على أرضنا .
ياسمين : ايه خلص شيلينا من كلام الإعلام هاد ما بياكل معي .
قاطعاتها ضياء فغضب : كلام الإعلام ؟؟ هلأ انت بتسمي حالك فلسطينية عم جد وين غيرتك على وطنك .
تأفأفات ياسمين فملل : ايه خلص خلص لا تبلشي بالمواعض قوليلي انت من وين .
ضياء : أنا من غزة .
ياسمين : اووه طيب من شو انت هربانة .
ضياء فخاطرها : ناري على قاسم شوهني : امم صراحة عيلتي كان بدهم يجوزوني غصب عني لهيك هربت .
ياسمين بشك : طيب و ليش كنتي امبارح متنكرة ؟
ضياء : لانو ابي عندو نفوذ بالسلطة فخفت يشوفني حدى لهيك اجيت متنكرة .
ياسمين : اممم شو هالصدف هي .
ضياء : صدفة شو
ياسمين :لانو امبارحة بالضبط كان في جنود اسرائيليين عم بيدورو على بنت بعمرك قال ضربت الحارس الشخصي لرئيس الموساد نفسو .
ضياء دارت راسها متفاجأة : شو ؟ مين هي لي عندها كل هالشجاعة لتوقف بوجهم .
ياسمين : بس بتعرفي شي عم جد نيالها حضها كتير حلو .
ضياء :شو ؟؟
ياسمين : ايه انت ما بتعرفي رئيس الموساد جايكوب آل سمحون آاااخ يا قلبي شو وسيم عن شو بدي احكيلك عن وشو ولا عضلاتو و لا شخصيتو و لا الكاريزمة تبعو و لك كلو على بعضو حلو .💔حرة بلا سلاح🖤
#الجزء_42

ضياء تفاجآت من هادشي لي قالت ليها ياسمين كيفاش تقدر توصف مجرم صهيوني يهودي متعصب بهاد الطريقة و اللهيلا عاد عرفات السبب لي مخلي الصهاينة طاغيين أمثال هاد خيتي نيت بقات ساهية شحال كتفكر تا فيقاتها ياسمين من سهوتها .
ياسمين : هيه انت وين شردتي عم حاكيكي .
ضياء (وصلات بيها لطوب ديال الأعصاب): شوفي لو لسا جبتيلي سيرة هدوك الصهاينة مرة تانية ما رح تشوفي وشي هون ف خليني منيحة معك أحسن لك .
ياسمين بغات تلطف الجو : طيب طيب خلص لا تتعصبي انسي الموضوع كلو . قوليلي ليش ما بدك تتزوجي .
ضياء كتحاول تمالك أعصابها حيت معندهاش مع كترت الهضرة خصوصا حيت مدخلاتش ليها هاد ياسمين لخاطرها نهائيا : لانو كان كتير كبير علي بالسن بس هيك لو سمحتي هلأ بدي روح على غرفتي لازم إرتاح شوي .
ياسمين: لا وقفي خلينا نطلع نتفسح شوي بليييييز لا ترفضي أنا كتير حبيتك و بدي تكوني صديقتي .
ضياء : لا خليها يوم تاني ماني قادرة اليوم .
ياسمين : لا أبدا اليوم يعني اليوم بترجااااك .
ضياء :اوووووف طيب طيب.
ياسمين : استني اعطيك تياب تلبسيهم بدل ما انتي هيك دافنة حالك بالأسود .
ضياء : لالا ما رح غير تيابي أبدا انا بحب اللون الاسود كتير .
ياسمين : ايه لاا طيب عالقليلة غيري هالتياب الفضفاضة ما بيليقولك انت جسمك كتير حلو .
ضياء فخاطرها(بصح ايلا بقيت لابسة هاكا غيعيقو بيا خصوصا الجنود كينين فكاع البلايص ): طيب اوك بس ما رح غير اللون الأسود أبدا .
ياسمين جبدات ليها سروال ديال الجلد مزير فلكحل مع شوميز قصيرة و معرية فالكل و بالغينة كحلة .🖤حرة بلا سلاح💔
#الجزء_43

ياسمين: خدي هدول رح يلبقولك كتير .
شافت فيها ضياء و فداكشي لي عطاتها بتاسمات بسخرية و مشات خارجة :عندي تيابي مو محتاجة .
مشات ضياء لبيتها حلات لفاليز ديالها و جبدات سروال دجين طاي هوت فالكحل مع تريكو ديال الصوف كحل معري شوية من الصدر و كيبري لبساتهوم و لبسات بوتيو طالون طالع حتى لفخاظ و كويرة فالاسود كذلك جات كتحمق طلقات شعرها البني الحريري لي فايت المؤخرة و دارت ليلونتي مارون و نضاضر فالبني مادارت تا حاجة فوجهها رشات ريحتها و خرجات عند ياسمين لي كانت لابسة لمعري كتر من المغطي و كيلو ماكياج و مع ذلك متوصلش و لو ربع فجمال ضياء شافت فيها ياسمين و بدات كتلون هي بوحدها .
ياسمين : انت حاطة شعر مزور .
ضياء : من صدقك عم تحكي .
ياسمين :هه لالا خلص و لا شي خلينا نروح يلا .
خرجو البنات كيدورو فشوارع رام الله مشاو فوسط المدينة فينما دازو العينين تابعاهم او بالاحرى تابعة ضياء حتى وقفهوم واحد الشاب اسرائيلي ملامحو زوينة و طويل مكدر .
الشاب (كيشوف فضياء و هضر بالعبرية ) : هاي هاي هاد الزين كامل فين غادي بوحدو .
ضياء مكرهاتش تشدو تنحرو مكتحملش جنس اليهود كاملين . دارت راسها مفهماتش اش كال حتى نغزاتها ياسمين .
ياسمين : و لك الشب عم يتازل فيك معقولة ما فهمتي شو قال .
ضياء :لا فهميني انت انا ما بفهم العبرية .
ياسمين: قلك ليش كل هالحلو ماشي لوحدو .
ضياء : خلينا نروح ياسمين. جراتها و مشاو في حين الشاب باقي تابعهوم من لور وقفو فواحد الساحة كبيرة كانو فيها كراسا بزاف جلسو فواحد الكرسي و بقاو كيتفرجو فالناس كل واحد و شنو كيدير .
ياسمين : استني هون رح روح اشتري بوضة و ارجع .
ضياء : ماشي لا تتأخري .
مشات ياسمين و بقات ضياء جالسة تا صونا ايها التيليفون كان قاسم لي كيتاصل جاوباتو .
ضياء : الو عمي قاسم
قاسم : الو ضياء انا عندي الك خبر كتير حلو لقيتلك طريقة لتبلشي خطتك .
ضياء : عم جد طيب قلي شو هي الطريقة ؟🖤حرة بلا سلاح 💔
#الجزء_44

يالاه بتسمع قاسم شنو بيقول و هو يطير ليها التلفون من يديها سحابها فاللول شفار و لكن غير دارت شافت داك الشاب لي كان تابعهم طير ليها التيلي من يديها و قطع الخط .
ضياء وصلات بيها للطوب فالأعصاب مبقاتش قدرات تحمل و لكن مبغاتش تهور هاد المرة .
الشاب (بالعبرية): مالكي متكبرة زعما منستاهلش تهدري معايا .
جاوباتو عبير هاد المرة بالعبرية : شوف ايلا بغيتي ترجع لداركم بعضامك صحاح غترجع ليا التيليفون دابا و تمشي فحالك .
الشاب :وايلي على التوت بيضربني .
ضياء بديك النبرة الباردة لي كتسبق الهيجان :دابا مبغيتيش ياك .
الشاب : لا
ضياء : واخا .
هزات يديها حكات ذقنها و هي تهزها تالفوق نزلات عليه بيها للكمارة تا طاح للارض رعف ، كلشي الناس تصدمو في حين حتى ياسمين لي كانت جاية طيحات البوضة ملي شافت المنضر و تخبات مورا الناس حيت شافت الجنود الصهاينة غاديين جيهة ضياء .
ضياء شافتهوم و هادشي لي مبغاتش هاهيا تاني غتلفت الانتباه . جاو دوك الجنود وقفو الشاب لي كان مزال دايخ اثر الصفعة لي خدا و هضر واحد فيهوم بالعبرية .
الجندي 1 : هي شكون نتي لي تجرأتي ديري هاد الفوضة .
الشاب : نتي معارفاش شكون أنا غندمك .
ضياء ستاغلات الوضع أنها كتبان اسرائيلية حيت ملابساش بحال الفلسطينيين و هضرات بالعبرية .
ضياء : الواضح نتوما لي معارفينش شكون أنا .
الجندي 2: شكون غتكوني كاع .
ضياء: أنا بنت أكبر القضاة فاسرائيل و بكلمة مني نصيفطكوم فين ترباو هزات تيلي ديالها من الأرض و دارت راسها غدور لشي واحد باش تخلعهوم زعما .
الجندي تخلع حيت من لباسها كتبان من الناس الهاي : عافاك صافي صافي مدوري لتاواحد حنا كنعتادرو و غناخدو ليك حقك من هادا و داو الشاب من بعد معتادرة ليها و مشاو.🖤حرة بلا سلاح💔
#الجزء_45

جات عندها ياسمين كتجري
ياسمين : عبير انت شو عملتي للشب حرام عليك و بعدين شو قلتي للجنود حتى سامحوك و راحو هيك بسرعة ؟
ضياء تعصبات و مافيها لي يبدا يتناقش مع ياسمين .
ضياء : ياسمين روحي انت عالبيت و أنا بعد شوي بلحقك و هزات صاكها و مشات دغيا مخلاتش لياسمين فين تستوعب هضرتها تا غبرات عليها ، و مشات ياسمين هي الأخرى فحالها .
#عند جايكوب
جالس فالمكتب كي ديما خدام فشي وراق تادق عليه شي واحد الباب و دخل كان دايفيد .
جايكوب : جبتوها ؟
دايفيد : سمح لينا بزاف اسيدي حنا حاولنا و لكن هي مخلات موراها تا دليل لا وجهها كان باين و لا بصماتها مخلات موراها تا أثر .
جايكوب : ممم و انا مالي خدمتكم هاديك ، يعني غتجبدوها من تحت الارض فهمتي .
دايفيد : واخا اسيدي .
جايكوب : بالنسبة لديك الدكتورة امتى غتجي ؟
دايفيد: قالو يا اما غتجي اليوم أو نهار الاحد .
جايكوب : قوليهم يحددو موعد واحد بالضبط .
دايفيد : واخا اسيدي .

نرجعو عن ضياء لي مشات لواحد البلاصة خاوية قدام واحد الشلال و جلسات تما باش تهدئ أعصابها ، بقات جالسة تا ستاراحات عاد اتاصلات بقاسم لي جاوبها ديك الساع .
قاسم : الو بنتي شو صار ليش سكرتي الخط .
ضياء : ولا شي تعال عمي شو كنت بدك تقلي .
قاسم :لا ما فيني قلك شي عالتلفون .
ضياء: طيب لعندي هلأ بنفس المكان لي لتاقينا فيه الصبح .
قاسم : طيب أنا جاي .
بقات كتسنى شي نصف ساعة عاد جا عندها قاسم .
قاسم : بنتي عندي الك خبر كتير حلو و رح يسهل عليك خطتك كتيير .
ضياء :شو في قلي حمستني .
قاسم :************
غير قاليها قاسم الخبر و دايا بانت الفرحة فوجهها و أخيرا غتقدر تحقق داكشي لي فبالها و أخيرا .
فنظركم شنو هو هاد الخبر لي غيسهل على بطلتنا خطة الانتقام ديالها ؟؟؟
آرائكم و توقعاتكم ضرورية بالنسبة ليا متقراوشو تهربو 😘🖤…يتبع💔حرة بلا سلاح🖤
#الجزء_46

من بعد ما سمعات ضياء الخبر لي قالها قاسم دغيا بانت الفرحة فوجهها .
ضياء: طيب نحن لازم نرجع هلأ للقدس لحتى نرتب أمورنا و نروح على تل أبيب ساعتها .
قاسم : قدس شو و تل أبيب شو انت جنيتي بنتي اضاهر نسيتي انو الدنيا مقلوبة عليك بغزة .
ضياء: طيب و شو رح نعمل هلأ .
قاسم : بالأول لازم ننفذ الخطة الاولى لي قلتيلي الصبح .
ضياء :قصدك نخطف مرت أحمد ؟
قاسم :ايه و بعدين رح نهددو فيها و هيك رح يقلنا كل التفاصيل عن الموضوع و ساعتها رح نعمل خطة محكمة لحتى ما يشك حدى بشي .
ضياء :اممم طيب اسمع انت هلأ رح ترجع على القدس و تخطف مرت أحمد عالقليلة 3 ايام ما نعطيه عنها خبر بعدين رح يروح حدى فينا متنكر يبتزو لاحمد و بعد ما يقول كلشي لازم ساعتها نرتب أمورنا و فورا نروح على تل أبيب .
قاسم : طيب ماشي لكن خليني هلأ ارجع عالقدس .
ضياء: انشاء الله توصل بخير اي جديد وصلك اتصل فيني و قلي ياه .
قاسم :طيب بنتي لا اله الا الله .
ضياء: سيدنا محمد رسول الله .
مشا قاسم في حين ضياء بقات جالسة تما شوية حتى رتبات أفكارها مزيان عاد ناضت باش تمشي فحالها .
أصبحنا و أصبح الملك لله .
#عند قاسم.
مع التمنية ديال الصباح كان قد وصل للقدس و واقف قدام دار أحمد ، بان ليه أحمد خرج و مشا لخدمتو و بقا شحال كيتسنى تا وصلات العشرة عاد بانت ليه مرتو جواهر خارجة على الأغلب بتقدا بقا تابعها بلوطو تال واحد الشارع خاوي عاد خرج و دا معاه زيف راش فيه مادة منومة بقا تابعها تا شاف الشارع خاوي مكاين تاحد عاد جا موراها و دارها ليها على نيفها و ما هي إلا تواني حتى غيبات دغيا هزها و دارها فلوطو اللور و مشا ،بعد دقائق وصل لواحد الدار صغيرة جات فواحد الغابة تما دخلها لتما و طلعها لواحد البيت عادي فيه ناموسية و ماريو و تلفازا و طواليت خطها تما و خرج سد عليها الباب بالساروت حيت مغتفيق تا دوز 8 سوايع .
من بعد ما خرج من البيت مشا للصالون تاصل بضياء .
ضياء جاوبات : ايه عمي قاسم طمني .
قاسم : بنتي المهمة الاولى نجحت الحمدلله .
ضياء : الحمد لله طيب شوف عمي بدياك تعاملها متل الضيفة بها التلات ايام و ما تحسسها انها مخطوفة .
قاسم :شو عم بتقولي ضياء جواهر بنتي و على راسي من فوق .
ضياء : طيب ماشي و أنا انشاء الله بعد 3 ايام رح اجي لعندك عالقدس .
قاسم : انشاء الله بنتي ديري بالك على حالك .
و قطعات الخط و جات خارجة من البيت تا سمعات الهدرة فبيت ياسمين ، مشات تكات على بابها كتصنت و هنا كانت الصدمة🖤حرة بلا سلاح💔
#الجزء_47

كانت ياسمين كتهضر بالعبرية و المشكل كانت كدوي مع نفس الشاب لي صرفقاتو ضياء البارح عرفات هدشي غير من خلال الهدرة ديالهم .
ياسمين (بالعبرية): واش نتا تصطيتي ا مايكل راه غتعيق بيا .
الشاب(مايكل) : شوفي ماشي شغلي ايلا بغيتي تكوني حبيبتي و نتزوج بيك خاصكي تجيبيها ليا نتاقم منها .
ياسمين : عافاك انا راح بغيتك من أول نظرة و الله و مستعدة ندير لي بغيتي .
مايكل :هاكا نبغيك و دابا عرفتي شنو غديري و لا نعاود.
ياسمين : غنقوليها نخرجو ليوما و غنجيبها تال عندك و دير فيها لي بغيتي ديك الساع صافي غير بقا على خاطرك . و قطعو المكالمة في حين ضياء بقات واقفة فالباب .
ضياء فخاطرها : آااااه يا الكلبة تفو مدللة راسك لواحد صهيوني هه لا و الواعرة باغا ديرها بيا تفو خسارة نتي بنت هاد الناس و الله اوما كون قتلتك من زمان .
دقات ضياء الباب و دخلات لقات ياسمين كتمشي و تجي فالبيت هي شافتها وقفات .
ياسمين كتفتف :ا ام ا عبير شو في ؟
ضياء : صراحة مليت شوي هون بالبيت شو رأيك نطلع نتمشى شوي .
ياسمين (فخاطرها : الحمد لله هي من حالها بدها تطلع بدون نا إقنعها ): ايه ايه يلا نروح كنت بدي قلك ياها اصلا.
ضياء : طيب استني لغير تيابي و بجي معك .
مشات ضياء لبسات كولون ديال السبور كحل مع تيشرت كحل و فوقهم عباية كحلة و سبرديلة اديداس كحلة و جمعات شعرها سفنجة مهملة و دارت ليلونتي فلقهوي لي أصلا مكتحيدهومش ملي جات عمرهوم مشافو عينيها الخضرين و هزات نضاضر مع شال كحل دارتو فوق كتافها و خرجات عند ياسمين لي متحفة على راسها تاني بحالا غادية لشي سهرة .
ياسمين (كطلع و تنزل فضياء): عبير شو هالتياب لي لابستيهم ؟
ضياء : نا عندي خلق البس شي خلينا نروح قبل ما غير رأيي .
ياسمين : لالا شو تغيري رأيك خلينا نروح يلا .
خرجو البنات و ياسمين لي كتقول ليها يالاه من هنا و لا من هنا يعني باينة داياها لشي بلاصة شوية شدو طاكسي و عطاتو ياسمين العنوان .
ضياء : عنوان شو هاد لي عطيتيه للسواق .
ياسمين : هاد عنوان مكان كتير حلو هون برام الله خليها مفاجأة لما نوصل بتعرفي .
بعد نصف ساعة وصلو البنات و نزلو من الطاكسي و شافت ضياء حواليها لقات راسها فخلا .
ضياء : شو هالمكان ياسمين و وين المفاجأة .
ياسمين : استني شوي و رح تعرفي كل شي .
بعد خمس دقائق دازت واحد لوطو كحلة وقفات حدى رجلين ياسمين ، حلات الباب و يالاه جات تركب تا وقفاتها ضياء : ل وين رايحة؟
ياسمين : أنا آسفة ضياء بس انتي بتستاهلي .
و ركبات دغيا و كسيرات لوطو و بقات ضياء بوحدها فداك الخلا .
ضياء كضحك :هههههههههه اودي باقي مكتعرفينيش ا مدموزيل ياسمين واخا بغيتو اللعب أنا مولاتو .سلتات ضياء العباية و حيدات النضاضر و دارت داك الشال على وجهها و بقات غادية و رادة بالها لأي هجوم شوية تحط زيف على نيفها مي حاولات تحبس النفس باش متشمش المنوم و خشات يديها بشوية فجيبها جبدات موس و جرحات ديك اليد لي محطوطة على نيفها تا غوت الشخص و تلق منها عاد بدات كترد النفس و دارت تشوف شكون لقاتو راجل مكدر و طويل لابس لباس ديال الكارد للحظة شكات واش يكون من رجال جايكوب و مشات عندو شداتو من قرفادتو .
ضياء بالعبرية : شكون نتا ؟
الكارد بالعبرية: عافاك متقتلينيش أنا راه غير عبد مأمور .
ضياء: لصالح من خدام ؟؟
الكارد : موسيو مايكل.
عاد رتاحت ضياء ملي سمعات جوابو و عطاتو دقة للراس غتخليه مغيب ساعتاين للفوق و بدات كتمشى فالغابة …💔حرة بلا سلاح🖤
#الجزء_48

شوية سمعات صوت الهدرة مشات لمصدر الصوت لقات ياسمين واقفة مع مايكل و معاهم شي 4 ديال الكارد مسلحين وقفات شوية كتصنت لهدرتهوم و كتفكر فشي طريقة باش تهجم عليهم و لكن المشكل هوما مسلحين .
(الحوار بالعبرية )
مايكل : فين تعطل داك البهيمة نص ساعة و حنا مصيفطينو يجيبها .
شير لواحد الكارد آخر .
مايكل : سير عندو شوف فين تعطل .
مشا الكارد و هنا ستغلات ضياء الفرصة و طاحت فبالها فكرة هو أنها تبقى تسناهم تا يقلالو و تبعات داك الكارد تاهو هزات حجرة كبيرة عطاتها ليه للراس تا طاح مغيب .
في حين مايكل سيفط واحد آخر يتبعهوم تاهو دارت ليه نفس الشي و خدات مسدسو (ضياء راه مكتقتلهومش هي كضربهوم باش يغيبو ). دابا بقا مايكل و ياسمين و جوج ديال الكارد بقات كتفكر كي دير ليهم .
مايكل : هادو مالهم كيمشيو و مكيعاودوش يرجعو بفففف شوف سير نتا من هاد الجيه و نتا من هاد الجيه وأخيرا بقا مايكل غير بوحدو هو و ياسمين أما داك الكارد لي كان جاي جيهتها تاهو عطاتو دقة خلاتو مغيب هزات ليه مسدسو تاهو و خباتهم مزيان عاد حيدات الشال من وجهها و طلاتو بالتراب و قطعات تريكوها شوية و دارت بحالا كتبكي و مشات كتجري جهتهم .
ضياء كتهضر بحالا سخفانة و مخلوعة : الحقوني ياسمين و أخيرا لقيتك الحقيني في رجال عم يلحقوني و شافت ف مايكل دارت بحالا تصدمات .
هاد انت شو عم تعمل هون تلاحت عليه دارت بحالا بتعنقو و كتبكي .
ضياء : بترجاك ساعدني (خشات يديها فجيبو و طيرات ليه المسدس عاد دفعاتو و رجعات لور كضحك .)
ضياء (بالعبرية) : ههههههههههه و اللهيلا نتوما أغبياء طيرتوني هههه للأسف مكتعرفونيش شكون أنا هههه و دوك رباعت عضلات البونج لي مسيفط ليا سحابليك غيغلبوني هههههه.
ياسمين مصدومة منها حيت أولا كتهضر بالعبرية و تانيا هي لي سلخات دوك الرجال كاملين : عبير خليني نشرح ليك عافاك راه هو لي كيهددني و الله عافاك متسرعيش .
ضياء تيرات ليها حدا رجليها شوية و ضربها تا نقزات كتغوت .
ضياء : ماشي وقتك نتي دابا خليني هو الاول نتفاهم مع هاد الأمور لاحت السلاح بعيد و تمات غادية عندو كتجري هبطات عليه بدقة لنيفو تا داخ مبقاش قادر ينوض عاد بدات كضرب فيه كضرب فيه تا غيب و شدات ليه رجليه لواتها و ترتقاها تا تسمعات الطرطيقة دارت ليه عاهة مستديمة صافي هو غوت لربي لي خلقو تحدرات عندو و شداتو من شعرو و قالت : هادي باش وقتنا بغيتي توقف على رجليك تفكر كمارتي مزيااان .و ناضت مشات عند ياسمين لي مصدومة من داكشي لي شافت بقات كطلب و ترغب ف ضياء باش تسمح ليها في حين ضياء عطاتها تبربيقة تا دار ليها الحنك و شداتها من شعرها : كل هاد ساويتيه كرمال واحد صهيوني ها بعتي أرضك مشانو هه عم جد أشفقت عليك بس ليك هاد الدرس لحتى تتعلمي تفكري منيح قبل ما تساويلي شي و تعرفي مين أنا و عقابك هو انك ضلي هون لوحدك بهالغابة .
مشات ضياء هزات لكونطاكط ديال لوطو تاع مايكل يالاه جات بتركب فلوطو تلاحت عليها ياسمين كطلب فيها متخليهاش بوحدها فهاد الخلا شداتها ضياء تاني من شعرها : احمدي ربك انو ما قتلتك و لاحتها للارض و هي طلعات فلوطو و كسيرات ديريكت تا قربات تخرج من الغابة عاد وقفات و جبدات المسدسات دياول لي كارد مسحات منهم بصماتها و لاحتهم و عاودات كسيرات تا خرجات من الخلا عاد هبطات من لوطو و مسحات بصماتها و لبسات عبايتها و مشات للدار .🖤حرة بلا سلاح💔
#الجزء_49

غير وصلات ضياء للدار جمعات حوايجها ف الفاليزة ديالها و صايبات وراقها كاملين باش انشاء الله غير يصبح الحال تمشي فحالها فهاد الأثناء دخلات عليها زهرة .
زهرة : بنتي ليش عم بضبي غراضك لسا ما الك كم يوم اجيتي لعندنا .
ضياء: و الله عندي شغل لازم روح ضروري
زهرة: طيب بنتي متل ما بدك ، امم ياسمين وينها شفتها الصبح طلعت معك .
ضياء : ما بعرف خالتي هي طلعت معي بس راحت من طريق و انا من طريق .
زهرة : طيب بنتي شكرا الك .
صونات الدار و مشات زهرة تحل فاذا بيها كتشوف ياسمين حالتها دايرة كي جرتيلة حوايجها مسخين و مقطعين و عامرة تراب .زهرة تخلعات على بنتها .
زهرة بخوف: بنتي شو صار فيك مين ساوا فيك هيك .
ياسمين بتعب :و لا شي ماما تخانقت بالشارع .
زهره :اففففف رجعت تاني لخناقات الشارع .
ياسمين : امي وين عبير .
زهرة : طلعت عندها للغرفة لقيتها عم بضب غراضها اضاهر خلص رح تروح .
ياسمين : طيب امي انا رح روح ارتاح بغرفتي .
أصبحنا و أصبح الملك لله .
فتقت ضياء مع الصباح بكري كعادتها واخا راه كاعما نعسات بكترة التفكير دخلات دوشات و خرجات صلات و لبسات سروال ديال التوب كحل مع تريكو سامبل و مونطو فالكحل كذلك و سبرديلة جمعات شعرها كعكة مهملة و دارت ليلونتي ديالها و نضاضرها و رشات شوية من ريحتها و خرجات من البيت جارة فاليزتها و صاكها لقات عبد الله و زهرة فاقو توادعات معاهم و من الصواب قالت ليهم سلمو على ياسمين و خرجات يالاه وقفات طاكسي باش تركب عيطات ليها ياسمين .
ضياء: شو بدك ؟
ياسمين: بترجاك عطيني خمس دقايق من وقتك كرمال الله .
ضياء : شو احكي بسرعة ماني فاضيتلك .
ياسمين : أنا صدقيني تغيرت و عرفت غلطي أنا كتير بعتذر سامحيني لو سمحت عبير انا عم جد حاسة بالذنب .
ضياء : مو مهم أنا سامحك المهم انتي تسامحي نفسك و تغيري شوي على وطنك .
ياسمين : صدقيني انا رح اتغير كليا بس انت تسامحيني .
ضياء : اذا كان هالشي عم جد رح يغيرك فانا مسامحتك بس اوعك تعيدي لي ساويتيه .
ياسمين : بوعدك .
تعانقو و توادعات معاها و ركبات فطاكسي و مشات قالت ليه يديها لاقرب اوطيل دوز فيه بعدا هاد تلتيام قبل ماتمشي للقدس .
بعد مرور تلات أيام .
فلوطيل كانت ضياء جالسة كدور لقاسم .
قاسم : الو بنتي كيفك .
ضياء : الحمد لله عمي لازمني سيارة توصلني عالقدس .
قاسم : قدام الاوطيل في سيارة و سواق ركبي فيها و رح يوصلك لعندي هون .
ضياء : طيب شكرا عمي مع السلامة .💔حرة بلا سلاح🖤
#الجزء_50

ركبات ضياء فلوطو لي قاليها قاسم و بعد سويعات قليلة وصلات للقدس قدام الدار لي قال ليها قاسم نفس الدار لي خاطفين فيها جواهر .
قاسم حل ليها الباب : اهلين فيك بنتي كيفك .
ضياء : الحمد لله و انت
قاسم : الحمد لله بنتي شو صار ليش رحتي عالاوتيل
ضياء : و لا شي كان لازمني راحة ايه صح وين جواهر .
قاسم : فوق بغرفتها لا عم تاكل و لا تشرب .
ضياء حطات صاكها : طيب أنا رح اطلعلها .
طلعات ضياء للبيت و حلات بالساروت و دخلات عند جواهر لي كانت جالسة فالناموسية و خايفة .
جواهر : مين انتو و شو بدكم مني .
ضياء: اهدي جواهر نحن ما رح نأذيك كل الي عم بنساويه لمصلحتك اسمعي شو رح قلك منيح .
زوجك أحمد مشترك بمنظمة بتقاوم الاحتلال بتعرفي هالشي ؟
جواهر: ايه بعرف
ضياء : بس لي ما بتعرفيه انو احمد بنفس الوقت خاين .
جواهر تصدمات : شو و لك زوجي أشرف منك ما بسمح لك تحكي عنو هيك .
جبدات ضياء تيلي من جيبها و شعلات واحد الفيديو مصور فيه أحمد و هو كيمخر تصميم القنبلة .
جواهر : مستحيل لا لا مستحيل كيف قدر يعمل هالشي .
ضياء : هو عم يشتغل لصالح اسرائيل و عم بيبيع الهم معلومات المنظمة ، و نحن ما رح نسمح بهالشي لهيك خطفناك انت بدنا نهددو انو اذا ما قلنا كل المعلومات لي بيعرف عن الموساد رح نقتلك بس اطمني نحن مستحيل نقتلك
انت مثل اختي صدقيني .
جواهر : مكدويش باقي مصدومة من داكشي لي سمعات ربتات ليها على كتفها و ناضت.
ضياء : البيت بيتك مارح نسكر عليك مرة تانية .
مشات ضياء جلسات مع قاسم فالصالون .
قاسم جبد شي وراق من جيبو و عطاهم ليها : خدي بنتي
شداتهم قراتهم و هي تفرح كانو عبارة عن باسبور و بطاقة وطنية و وراق ديال الخدمة بهوية اسرائيلية .
ايلا باقي كتعقلو على ديك الدكتورة لي سول عليها جايكوب امتى غتوصل سميتها سيلينا بنيامين و هي دكتورة و باحثة فالفيزياء و هي رئيسة واحد من أكبر المختبرات الأمريكية المتخصصة فمجال الفيزياء النووية فعمرها 26 سنة و جايكوب طلب الحضور ديالها لاسرائيل باش تشوف التصميم و يتأكد من هضرة جوزيف و سيلينا ديجا دايزة من التجنيد فالصفوف الاسرائيلية بحكم هوما عندهم التجنيد إجباري و هادي هي خطة ضياء أنها تنتاحل شخصية الدكتورة باش دخل للموساد و تعرف خططهم .
ضياء : ايه صح وين هي الدكتورة .
قاسم : أحمد اعترف لي بكل شي و كمان قلي انو معاد الطيارة اليوم المساء يعني نحن رح نخطفها من المطار و انتي تروحي عالمطار دغري منشان ما يشكو بشي .
ضياء : بتمنى انو كلشي يمر على خير ..
قرصانات شنو بان ليكم فخطة ضياء و واش غتقدر تنفذها و لا عوتاني القدر غيكون ليه رأي آخر .
آرائكم تهمني

Leave a comment