Skip links

قصة : حرة بلا سلاح 1

 7,598 عدد مشاهداات

♨قصة حصرية♨..
💔
نحن في زمن طبق فيه قانون الغابة حيث القوي يأكل الضعيف حيث تستحوذ الألقاب و يموت الضمير نحن في زمن غابت فيه ضلال الرحمة لتخيم على سمائه ضبابة تأخذ بيدنا الى عتمة حالكة وسط دوامة مرعبة ليس لها نهاية ، تسمى غاب الحياة🖤
فماذا لو أصبح الانتقام نارا تحرق فؤادك💔 يوما بعد يوم ماذا لو لم ينطفئ لهيب الحقد في قلبك بل اعتلت عيناك غشاوة من نار♨ لتحرق الأخضر🌍 و اليابس🔥 و مع كل هذا لا يظهر على محياك سوى أنك كالجليد❄…

جيت 🥰و جبت معايا قصة بوم🔥 رمضانية حصرية و قررت نلوحها فهاد الكروب بالذات لانه قرييييب لقلبي كنحس كأنكم عائلتي مهم حبيباتي القرصانات أنا كاتبة كنكتب باللغة العربية روايات لانه اللغة العربية هي عشقي الوحيد و لكن للأسف 😔ملقيتش لي اشد بيديا حتى نشرهوم لذلك قررت نجرب حظي و نكتب رواية بالدارجة المغربية 🤭و فعلا كتبتها
رواية من طراز آخر رواية بطعم الانتقام كتجمع كل من #الحب #الحرب و لكن ماشي حرب الحب لا لا لا حرب حقيقية حرب على الوطن لي كيسفكو فيها الدماء 😜و كذلك #الاكشن #الغموض #النرجسية و #حب_الذات #الهوس #الغيرة #الانتقام #المخابرات #الذكاء و التعايش مع الاديان يعني من كل فن طرب و اهم حاجة البطلة قوية يعني ماشي من داك نوع ديال كلمة جوج تبكي و البرائة و اللطافة هههههه😅 غير سمحو ليا ماكين هي التفرشيخ👊🏻 كتعطي لبنادم العصير🧃 حيت اعدا حاجة عندي هي داك العنف و السادية من طرف البطل و البطلة ضعيفة سلاحها هو دموعها معايا انا غير نساو هادشي حيت بطلتنا قاسية و مكترحمش و بالنسبة ليها الدموع غير للضعفاء اما هي كتاخد حقها بيديها احححح تنحبها 😂ههه. هادشي كامل في قصة #حرة_بلا_سلاح و معايا أنا الكاتبة أسيل نور..
قرصناتي الجميلات ❤مغديش نقعد نشرط عليكم شنو ديرو و كدا نتوما بعقلكوم و عارفين و غير طلب ماشي شرط :
♡ بليز ايلا قريتو روايتي خليو ليا غير آرائكم و كنتقبل حتى الانتقادات و لكن باحترام و بلاش من اب بليز🙄 كتعقدني ههههه.
♡ و ثاني حاجة باش كاملكوم تقراو تعليق ايكون داخل رد فقط ماشي شي حاجة صعيبة .
♡أحلل النشر و لكن بعد أخد اذني
و صافي تقدرو تعتابروهوم غير طلبات ماشي شروط . بالنسبة ليا فغنحط ليكوم 5 أجزاء في اليوم ويلا كان التفاعل و التحفيز غيوليو 10 و غنبرعكوم و يوم الاحد غيكون روبو اوك الزوينات و اخيرا كنجوتيميكوم و قراءة ممتعة .
الكاتبة أسيل نور ..
موعدنا في فاتح رمضان انشاء الله.
شكر كبييير للكاتبة المتألقة Nezha El Filali على الكوفر الرائع …🖤حرة بلا سلاح 💔
#الجزء_الأول
بقلمي : أسيل نور

غتسافروا معايا كلكم لواحد البلاد مكاينش شي مسلم على وجه الارض مكيبغيهاش كلنا كنحبوها و كنحسو براسنا كنتاميو ليها لي هي الارض الجريحة وجهة الديانات الثلاث الاسلام و المسيحية و اليهودية و قبلة المسلمين الاولى ،فلسطيين و من لا يعرفها .
بالضبط فمدينة القدس فغرفة جد صغيرة و باينة فيها قديمة من الاثات ديالها و حيوطها المغبرين فهاد المكان ساجدة بطلتنا و مخشعة فصلاتها كان الفجر فديك الوقيتة كملت صلاتها و تكات على نافذة صغيرة كانت تما مستمتعة بمنظر شروق شمس يوم جديد و لي حامل فطياتو أحداث جديدة مع أنه مبقاش عندها أمل واحد يخليها تعيش بين ليلة و ضحاها صبحات وحيدة حتى الموت مبغاتهاش كتحس بلي كلشي البيبان تسدو فوجها يا ترى علاش الدنيا لعبات معاها هاد اللعبة القذرة كانت ولو تقدر تعطيها غير ذرة امل صغيرة تخليها تشبت بالحياة و لكن للأسف تمشي الرياح بما لا تشتهي السفن ،فهاد الأثناء بطلتنا صافنة او شاردة فالتفكير كتشوف حياتها لي تقلبات الابتسامة لي ختافات من محياها فقدات أعز الناس على قلبها و سندها فالحياة يا ترى غتقدر تكمل مشوارها بوحدها ياترى غتقدر تحقق داكشي لي فبالها .
خارج الغرفة واقفين امرأة اربعينية تدعى فاطمة باين من وجهها التعب و قلة الحيلة و راجلها قاسم خمسيني كيبان عليه الوقار.
♡ ملاحظة : بطلتنا مغربية و لكن دابا هي في فلسطين اذن الحوار غيكون باللهجة الفلسطينية.♡

¤فاطمة : لسه على حالها صح ؟
¤قاسم : بنحمد الله و نشكروا انو عالقليلة تجاوزت هديك الصدمة النفسية و طلعت من المشفى .
¤فاطمة : الحمد لله بس هي لا عم تاكل منيح و لا عم تحكي مع حدا و كل الوقت شاردة و قافلة على نفسها بالاوضة ايه ولا قطعتلي قلبي المسكينة مابتستاهل حرام وردة مثلها تذبل
¤قاسم : لا تنسي انو هي عم بتمر بفترة كثير عصيبة هلأ🖤حرة بلا سلاح💔
#الجزء_الثاني
بقلمي : أسيل نور

و الوقت بيداوي الجروح شوي شوي رح تتحسن انشاء الله .
¤فاطمة : ايه انشاء الله
¤قاسم : انا حجزت لها تذكرة سفر عالمغرب لازم تروح لهنيك هالفترة لحد اما تهدا الاوضاع هون شوي .
¤فاطمة (بغضب) انت جنيت البنت ما عد إلها حدا بالمغرب بعد لي صار.
¤قاسم : اضاهر انتي لي نسيتي انو البنت مغربية و كل حياتها بالمغرب دراستها بيتها أملاك ابوها كلشي و بعدين في خطر عحياتها هون يا فاطمة المغرب أئمن لها .
فاطمة هزات راسها باستياء و تحسرات على حالة بطلتنا ضياء .بينما قاسم ناض دخل عندها و هي على حالها و قال فألم و حسرة
¤قاسم : بنتي ضياء صار لازم تروحي أنا جهزت لك تذكرة السفر و كل شي رح تحتاجيه .
¤ضياء ببرود : ماني رايحة
¤قاسم : بنتي في خطر على حياتك عالقليلة سافري هليومين لحتى تهدا الاوضاع .
¤ضياء : ما عد عندي شي لاخسرو و انا قررت و خلص
¤قاسم : و شو قررتي
ضياء بثقة هزات عينيها لي كانو حمرين و فيهوم شعلة من نوع خاص و نطقات : رح ضلني هون لحتى انتقم
¤قاسم: هاد الشي لي كنت خايف منو بنتي هالناس مو قدك لا تلعبي بالنار .
¤ضياء (فلحظة فقدات السيطرة على راسها و ناضت غوتات فوجهو ) : نار شو ؟؟هاه عن أي نار عم تحكي ها ؟ ما في أخطر من النار اللي عم تغلي جوات قلبي و ما عمتنطفي و لا رح تنطفي لحد ما اوصل لهدفي ، عمي تأنيب الضمير عم ياكل فيني كل ما بتذكر هداك المنظر البشع لو ما أنا لي سلكت هذاك الطريق لكانت امي و اختي هلأ عايشين .
¤قاسم : لا تقولي هيك بنتي انت عم بتجاهدي في سبيل أرضك هاي ارضك يا بنتي و في ملايين الناس عم بيموتو يوميا .
¤ضياء : ( ببرود ) هدوك الجنود كان بدهم ياخدوني أنا لكن ليش سووا هيك بعيلتي و بعدين من وين عرفو اللي أنا عم ساويه .
¤قاسم : (بصوت خافت )أنا متأكد انو في بينا خاين على أيي بنتي أنا مثل أبوك صدقيني و رح وقف معك بكلشي بس نصيحة روحي هالفترة لبينما تهدى الاوضاع و كمان تكوني جاهزة نفسيا و جسديا لتنتقمي و صدقيني أنا معك بكل قرار أخذتيه .رح خليك تفكري الحين .
و خرج من الغرفة في حين بقات ضياء جالسة دوراتها فراسها مزيان و شافت بلي فعلا هي دابا مامستاعداش لا نفسيا و لا جسديا و الانتقام خاصو ضروري خطة محكمة و بناء على هادشي خدات قرار و خرجات في الحين عند قاسم
¤ضياء ببرود : امتى معاد الطيارة ؟🖤حرة بلا سلاح💔
#الجزء_الثالث
بقلمي: أسيل نور

نمشيو لاسرائيل و بالضبط فمدينة تلأبيب و في قصر من أكبر القصور في العالم جالس واحد الشخص يدعى جايكوب آل سمحون و من لا يعرفه هو رئيس شبكة الموساد الاسرائيلي ( المخابرات ) في عمره 30 سنة اشمنك يا طولة و اشمنك يا عضلات و بحال الفراكة ههه عويناتو خضرين و فنفس الوقت عميقين حاملين غموض كبير و ملامح وجهو الباردة كتعكس شخصيتو الغامضة و المخيفة بحال البحر متعرفو امتى يتقلب عليك جالس لابس كوستيم اسود قاتم و فيدو ثلاتة حجرات زمرد غاليين من بعد و نعرفو قصتهم
جالس بكل فخامة على الكرسي فالمكتب ديالو و قدامو الكارد كيقفقف بالخلعة .
¤جايكوب ( بنبرة جامدة و فنفس الوقت كتزرع الرعب فداك لي قدامو ) : امدرا جبتوه ؟
¤الكارد : ميستر جايكوب حنا قتلنا عائلتو و سحابلينا راهو معاهم و لكن للأسف مكانش تما و منقدرناش نجيبوه
¤جايكوب (ببرود عكس النار لي شعلات فيه فهاد اللحضة ) :انا شنو أمرتكم تجيبوه من تحت الارض ياك و مقلتش قتلو عائلتو اذن فنضرك شنو عاقبة لي كيخالف اوامري
¤الكارد (مبقالو والو و يموت بالخلعة ) : ميستر جايكوب سمح لين…
جايكوب فهاد اللحضة جبد مسدسو و تيرا فالكارد فنص جبهتو : كنكره الاعتذار
و خرج مخلي الكارد غارق فدماياتو فالنهاية هادا هو جزاء لي يخالف أوامر جايكوب آل سمحون🖤حرة بلا سلاح💔
#الجزء_الرابع
بقلمي : أسيل نور

نرجعو عند ضياء لي وصلات المغرب و شدات طاكسي ديريكت لفيلا ديال باها .
بعد نصف ساعة كانت قد وصلات اه شحال توحشات ريحة بلادها و ريحة مدينتها كازا و هي داخلة مع الباب تلقى ليها الحارس شد من عندها الفاليزة
¤الحارس: آنسة البركة فراسك و مرحبا بيك فدارك من جديد .
كانت ضياء سارحة كاتفكر ايام طفولتها كتشوف راسها و هي بنت 6 سنين كتجري و باباها تابعها خافت يشدها و يهرها كتشوف راسها راكبة فوق ضهرو و غادي بيها و هي كتقول هيا يا حصاني كتشوف ماماها كتعيط ليها باش تغدى كتشوف و كتشوف شافت بزاف ديال اللقطات لي توحشاات كتمعن فالدار لي تربات فيها منذ نعومة أضافرها و هاهيا تاني رجعات ليها من بعد تلت سنين غياب .
فهاد الاثناء خرجات امرأة اربعينية زوينة و رقية من لباسها شافت ضياء و جات كتجري عندها عنقاتها
¤ضياء : مكنتش كنضن بلي توحشتيني لهاد الدرجة امرت با العزيزة
¤صباح : الله يسمح ليك ابنتي راك بمثابة ولدي سيف
¤ضياء (باستهزاء) : الله يجعلني نتيق
¤صباح : جراتها و جلسو فالجردة : ضياء البركة فراسك ابنتي عاد عرفت لي وقع لبارح أنا عارفاها قاسحة عليك و لكن معندك مديري احبيبتي هي صبري
¤ضياء كتشوف فيها بطريقة غريبة : عرفتي شنو كنت متوقعاك ديري ملي نجي، كنت متوقعا تجري عليا ههه
¤صباح : الله يسمح ليك ابنتي انا راني فمثابة المرحومة ماماك
¤ضياء : بعصبية شوفي آخر مرة تقارني راسك بماما سمعتي و متبقايش تقولي ليا بنتي
¤صباح كتمات الغصة فقلبها : تهدني ا ضياء انا مقصدت والو احبيبة ملي مات. باباك تبدلتي مكنتيش هكا .
¤ضياء : سمعي نقوليك بابا ماماتش سمعتي انا متأكدة بلي ماماتش و غلقاه فينما كان غلقاه .
فهاد اللحظة خرج سيف كيجري سيف دري فعمرو 4 سنوات خو ضياء من باباها
¤سيف : ختي ختي توحستك بذاااااف..🖤حرة بلا سلاح💔
#الجزء_الخامس
بقلمي: أسيل نور

ضياء لمعو عينيها ملي شافت سيف و مشات كتجري هزاتو كتعنق و تعاود حيت هو فنضرها آخر حاجة بقات عندها فالدنيا
¤ضياء : توحشتك احبيب ختو هاني رجعت ليك احبيبي كنواعدك عمري نخليك احبيبي عمري
¤سيف مسح ليها دموعها : ختي هاد الملة اينا مسيتي نتخاسم معاك
¤ضياء : لا احبيبي لا انا ديما غنبقا معاك نتا آخر حاجة بقات ليا من ريحة الغاليين
صباح حطات يديها على كتف ضياء و قالت : متقوليش هاكا احبيبة تانا ديما معاك
ضياء تلقات خوها يمشي العب و دارت عند مرت باها حيدات ليها يديها من كتفها و قالت ف صرامة : حنانك المزيف و تمثيلك شحال ما طال غيبان هي هو حسن ليك متخدميش معايا ألاعيبك و خصوصا فهاد الوقت .
طلعات ضياء لبيتها و سدات الباب و مباشرة تكات على سريرها و كتشوف ف بيتها لي رغم هاد السنين كاملة متبدل فيه والو اول ماجات عينيها عليه هو صورة باباها و ماماها و هي و هنا رجعات بيها ذاكرتها للوراء بأربع سنوات .بقرار واحد منها كانت تقدر تبدل قدرها و لكن للأسف هكا هي الدنيا دايرة كتوضع قدامنا بزاف ديال الطرقان و كتوهمنا بلي عندنا الحق نختارو طريقنا و لكن فالاخير كنكتاشفو بلي هي لي ختارت لينا طريق داتنا ليه رجلينا باختياراتنا حنا .
*يتبع*🖤حرة بلا سلاح💔
#الجزء_السادس

#فلاش_باك

قبل 4 سنوات
¤ضياء : (كتهضر مع ماماها فالتيليفون و كتشوف فالبيسي ) ياربي ياربي اوف ناري ماما غنموت بالخلعة ياربي نجح يا ربي
¤الام ( بلهجة مغربية مخلطة بالفلسطينية ) : لا تخافي ابنتي انشاء الله رح تنجحي انا واثقة فيك .
و فلحظة طلعات نتيجة الباك فالموقع و نجحات بطلتنا ب 19.23 فالباك شعبة علوم فيزيائية و جات الاولى على صعيد الوطن
¤ضياء (غوتات غوتة تاصمكات مها و جيران لي فالفيلات لخرين سمعوها )واااااااع واماااما وا نجحت واااو ماما ممتيقاش راسي ماما ماما الو كتسمعيني ماما علاش كتبكي
¤الام : ما في شي حبيبة غير فرحت لك كتير كنت ديما بتمنى نشوفك هكا انا فخورة بيك كتييييرر يا حبيبة
¤ضياء ( تاهيا كتبكي بالفرحة ): اوك ماما صافي بلاما تبكي هانتي بكيتينا معاك تهنيتي دابا 😂 .
و فهاد الاثناء دخل سي يوسف أب ضياء لي غير شافتو ضياء طارت عليه بتعنيقة قجاتو ههعع
¤سي يوسف : مبروك عليك ابنيتي النجاح
¤ضياء : علاه شكون قالها ليك
¤سي يوسف : عارف امشتي بلي اليوم غيطلعو نتائج الباك و باينا من فرحتك بلي نجحتي
¤ضياء : ( بثقة و فخر ) تماما ا موسيو المخترع ديالنا و جبت 19 ابابا واو ممتيقاش
¤سي يوسف :(تدهشر ملي سمع النقطة لي جابت بنتو تخلطات ليه الفرحة مع الصدمة مع الافتخار هههه كولشي ) عنقها او نقولو عصرها بيديه كدليل على فرحتو .
دخلات صباح (هازا فيديها كادو و جات عند ضياء كتبارك ليها النجاح ): ضياء حبيبة كنت عارفاك غتنجحي و جبت ليك معايا كادو ، قربات ليها صباح باش تعطيها الكادو مي ضياء وقفاتها بيديها و قالت : شكرا امرت با كادو ديالك خليه ليك .
تدخل سي يوسف: ضياء عيب هادشي لي كديري صباح كبرات بيك و جابت ليك كادو حشومة ديري ليها هاكا راها فمتابة ماماك
¤ضياء : عندي ماما وحدة ابابا لي هي جوري.🖤حرة بلا سلاح💔
#الجزء_السابع

تفكرات المكالمة ديالها مع ماماها و هزات التيلي مي لقات ماماها قطعات عاودات رداتو و شافت ف مرت باها لي قريبة تبكي معارتش للموضوع اهتمام و جات بتمشي و هو يوقفها باباها بكلماتو
¤سي يوسف : ضياء تبعيني لبيرو بغيت نهضر معاك
هزات ضياء راسها موافقة و تبعات باباها لبيرو دخلات و سدات الباب و جلسات قدام باباها
¤سي يوسف بملامح جدية و صارمة : ضياء دابا ابنتي خديتي الباك ديالك و ماشاء الله بنقطة ممتازة دخلك لاي جامعة بغيتي فجبتك دابا هنا باش نسولك ابنتي شنو ناويا ديري
¤ضياء (بفرحة ): بابا نتا عارف بلي مني كنت صغيرة الحلم ديالي هو نقرا الفيزياء النووية كنحماق على أي حاجة كتعلق بالذرة و التفاعلات و داكشي بابا راك عارف زعما هدا راه الدومين ديالك.
¤سي يوسف :كنت متوقعك غتقوليها (ناض من كرسيه و جا كلس قدامها ) بنتي هاد الميدان خطر عليك لانك كتولي مطلوبة دوليا و بزز منك خصك تلبي نداء هاد الدولة و هاد الدولة وديك الدولة هادا ايلى مشراتك شي دولة لصالحها فهاد الميدان ابنتي غير كيكتاشفو شي نابغة كيطيرو بيه يا اما يخدموه لصالحهم ويلا رفض كيقتلوه .
¤ضياء : و لكن ابابا انا الدومين لي غنخدم فيه بعيد على هاد المخاطر
¤سي يوسف : ضياء بنتي متسحابينيش ناعس على ودنيا أنا مجيتش هي هكاك و قلت هادشي
أنا مغنمنعك من والو لي بغيتي ديري ديريه و لكن يكون فحدود .
¤ضياء باستغراب : كيفاش ابابا فحدود مفهمتش
¤سي يوسف : راكي عارفاني علاش كندوي أنا وافقت ليك على أساس الخدمة الوحيدة لي غنسمح ليك بيها من بعد متشدي الديبلوم هي أستاذة في جامعة او معهد فقط لا غير يعني أنك تكوني عالمة او تمارسي ابحات علمية فممنوع عنداك يقول ليك داك الراس تحاولي تختارعي شي حاجة مورايا انا ماشي مبغيتكش تحققي أهدافك و لكن خايف عليك حيت هاد الدومين كله أخطار .
¤ضياء : بابا أنا عارفاك عارف كلشي و لكن سمحلي منقدرش نتخلى على حلمي
¤سي يوسف : جرها من يديها و وقفها قدام واحد المكتبة كاينة فالمكتب و ورك على واحد الزر و فورا تحلات المكتبة و دخلها لداخل و هي مصدومة
¤ضياء : بابا شنو هادشي
¤سي يوسف (وقفها قدام واحد الحيط عامر تصاور فيهم لائحات و أسماء و صور و بدا كيوريها واحد بواحد)🖤حرة بلا سلاح💔
#الجزء_الثامن

☆ ملاحظة : جميع المعلومات و الأحداث و الشخصيات لي غنذكر حقيقية و من مصادر مؤكدة.
هدا ابنيتي الدكتور نبيل القليني من أكبر علماء الذرة من بعد ما دار العديد من الأبحاث العلمية و الدراسات على الذرة و غير كتاشفو العبقرية ديالو خفاوه من سنة 1975 نهار دق شي واحد دارو خرج و مابقاش رجع الى يومنا هذا و ( اشار ليها لواحد الجهة اخرى ) : و هذا الدكتور نبيل احمد فليفل قرا على الطبيعة النووية و ولا عالم ذرة و غير خرج على برا باش يكمل دراساته و أبحاته على ود باش يعاون الوطن ديالو كيما بيديري نتي قتلوه و سدو القضية ديالو يعني متحققش فيها نهائيا و هاذي الدكتورة السعودية سامية عبد الرحيم ميمني لي قلبات موازين عمليات جراحة المخ و الأعصاب عرضو عليها مبلغ هائل زائد جنسية أمريكية مقابل أنها تنازل على بعض اختراعاتها ملي رفضات شنو دارو ليها ها قتلوها بدم بارد و عندك هنا العالم اللبناني رمال حسن رمال لي كيتعتابر من أهم علماء العصر في فيزياء المواد و كانت كتعتابرو فرنسا مفخرة ليها قتلوه ابنتي قتلوه في المختبر ديالو و فوسط الابحات العلمية لي دار و الغريب انه تقتل مباشرة من بعد العالم حسن كامل الصباح و بنفس الطريقة و هادو كاملين تقتلو بنفس الطرق ا ضياء كتفهمي ابنيتي شنو بغيت نوصل ليك .🖤حرة بلا سلاح💔
#الجزء_التاسع

و لحد الآن المشتبه الوحيد فالقتل ديالهم هما الدول الصهيونية و لا الشاباك الاسرائيلي حيت كيخافو من المفكرين و الباحثين لايديرو اختراعات علمية تكنولوجية عسكرية تقدر تطيح قوة بني صهيون .
¤ضياء غير ساهية مصدومة لدرجة كبيرة من هادشي لي سمعات شد ليها باباها يديها بحنان و قال : نتي هي عمري منقدرش نتخيل حياتي بلا بيك نتي هي نوارتي عافاك مديريش شي حاجة لي تعرض حياتك للخطر
¤ضياء شافت فيه و قالت : بابا هدشي لي قلتي ليا راه سبب كافي باش نجيب حق هاد الناس الأبرياء لي ماتو فنضرك شكون غيجيب ليهم حقهوم ايلا انا خفت و واحد آخر خاف .
¤سي يوسف : ضياء بعدي من المشاكل ابنتي هاد الناس راه ماشي قدك راه مغتجيهوم فوالو ايلا قتلوك بحال لخرين خدمي عقلك اضياء عقلك انا وريتك هادشي باش تتراجعي على قرارك ماشي تأصري عليه .
خرجها من داك البيت و سد الخزنة ،جلسها فالبيرو و جاب ليها سيدية .
¤ضياء ( باستغراب) : اش فيها هاد السيدية ابابا
¤سي يوسف : هادا ابنتي فيلم تسجيلي مدة ديالو 45 دقيقة تصور بالتعاون مع الجيش الاسرائيلي و تعرض فقناة ديسكفري الامريكية الوثائقية و سميت هاد الفيلم (غارة على المفاعل) كيهضر على تفاصيل ضرب المفاعل النووي العراقي سنة1981 و كيفاش هوما اختارقو مفوضية الطاقة الذرية الفرنسية و حددو شخصية العالم المصري يحيى المشد لي كان كيخدم لصالح صدام فباريس. عرضات عليه المخابرات الاسرائيلية الجنس و الفلوس والسلطة مقابل يعطيهوم معلومات على المفاعل و ملي رفض قتلوه مهم تفرجي فهاد السيدي ضروري باش تعرفي على شوية من جرائم الموساد لعل و عسى تراجعي على قرارك و غمزها و خرج.🖤حرة بلا سلاح💔
#الجزء_العاشر

سي يوسف المالكي هو الاب ديال بطلتنا ضياء عنده شركة ف كازا لصنع الادوية و اللقاحات و جميع أنواع العلاجات (و فينك ابا يوسف عتقنا من كورونا😂😂 )
و فنفس الوقت سي يوسف عضو فمنضمة سرية كتصدر السلاح لسوريا و العراق و فلسطين و الدول المحتاجة و هو من أكبر مخترعين لي كيصنعو أسلحة نووية و بيولوجية فالمنضمة طبعا هادشي بلا خبار بنتو ولا مرتو ضياء فراسها غير بلي باها كيصنع ادوية و لقاحات و صافي. هو عندو الماستر في الفيرياء النووية و الذرية و هو باش خدام فالمنضمة و عندو ديبلوم آخر في الكيمياء و اختراع الادوية و اللقاحات .
#عند بطلتنا
خرجات من البيرو فرحانة غطير معارتش نهائيا اهتمام لكلام باها بالعكس زادت أصرات على قرارها معارفاش بلي هاد الخطوة لي خدات في حياتها غدفعها ثمن كبير ثمن أرواح ناس غالية عليها في حين سي يوسف ملي خرج من الفيلا و ركب فلوطو و كسيرا ما وقف حتال البحر كان
خاطرو مقبوض عليه مباغيش بنتو الوحيدة تبع طريقو لانه هو نفسو مهدد بالخطر فاي لحظة بنتو ضياء لي بالنسبة ليه هي الضوء ديال حياتو ميقدرش يعيش بلا بيها ابدا و هو واقف قدام البحر المتنفس الوحيد ديالو و نسيم البحر كيضرب فوجهو صوت الامواج كينباعت لمسامع ديالو خلاه اتفكر نهار تولدات ضياء كان أسعد يوم فحياتو ملي حملها اول مرة بين يديه و أذن ليها فوذنيها و عطاها سمية كترمز للنور و للضوء ملي كان كيعلمها كيف تمشي و هي فرحانة و تفكر أول مرة ملي ضاربات فالمدرسة و جات عندو قالت ليه بابا دخلني لكاراتيه و دخلها لاحسن اكاديمية للفنون القتالية باش تعتامد على راسها من صغرها كان كيحملها المسؤولية فاتخاذ قراراتها من صغرها باش طلع امرأة بألف رجل و هاهي الآن بعد 18 سنة اصبحت شابة فاتنة قوية بدنيا و نفسيا شخصيتها جدية و صارمة و ذكية و وقفات قدامو و قالت ليه بلي باغا تكمل فالدومين ديالو مع أنه تايق فيها و عارفها قدها و قدود الا انه كيبقى اب و خايف على بنتو ، هو عارف الغاية ديالها تعاون بلادها فلسطين مهما كان كتبقا فلسطينية مهووسة
🖤حرة بلا سلاح💔
#الجزء_11

مهووسة بالوطن ديالها الثاني بعد المغرب و مستعدة تفديه بروحها ايلا طلب الامر هادشي كامل عرفو من كتاب المذكرات ديالها الا ان الصدمة لي تلقاها ملي قراه هي ان بنتو ذكية لدرجة مكتصورش عبقرية
لقاها حلات واحد الشيفرة كان حاطها فالمكتب ديالو و هزاتها ليه هاد الشيفرة كانت هي الاختبار لي عطاوه ملي كان بغا يدخل للمنظمة للتأكد من الذكاء ديالو و كبار العلماء و المخترعين مقدروش يحلوها و هنا عرف بلي بنتو ماشي كأي بنت عادية و لي زاد أكد ليه هو الاوراق لي لقا فبيتها عبارة عن رسومات لأسلحة جد متطورة كانت هي راسماهوم و لقا شحال من بحث على طريقة صنع القنابل و بزاف ديال الحوايج و هنا عرف السبب الحقيقي وراء الاصرار ديالها أنها تعيش في فلسطين من بعد متسالي قرايتها ، هو ميقدرش يمنعها و لكن كيبقا أب و خايف على بنتو عقلو كيقول ليه دخلها للمنضمة منها غتكون تحت عينيك و غتعلم بزاف ديال الحوايج و قلبو كيقول ليه لا غتكون فخطر كبير ايلا تكشفات هويتها و هنا بقا حاير شنو يقرر .
#بعد مرور سنة

فهاد السنة متبدلوش بزاف ديال الحوايج غير أن صباح حملات و ولدات وليد سماه سي يوسف سيف و مامات ضياء جوري حتاهي تزوجات و حملات من بعد و غتعرفو سبب طلاق ديال جوري و سي يوسف ، أما بالنسبة لضياء فاليوم غترجع المغرب من بعد سنة دراسة فأمريكا فجامعة هارفارد و فنفس التخصص لي بغات لي هو الفيزياء النووية . بعد عدة ساعات حطات طيارة ضياء فالأراضي المغربية و تلقى ليها باباها بعناق حار كيترجم احساس الاشتياق و الحنين لبعضياتهم .
تسريع للأحداث.
بعدما رجعات ضياء للدار بحكم عنها عطلة صيفية دازو أيام عادية كتعمر وقتها مع سيف الصفيور و لكن أعضم وقتها فالبيت كتقرا بزاف هادشي لي لاحظو باباها كانوا الايام روتينية حتى جا داك النهار لي غيقلب موازين القصة و غيبدل بطلتنا العفوية لامرأة قاسحة مكترحمش .
كانت جالسة كتلعب مع سيف حتى سمعات باباها كيعيط ليها و الغريب ان صوت باباها جاي من بيتها مشات طلعات و هنا الصدمة الكبيرة ليها و لسي يوسف .
¤سي يوسف (كان هاز ملف كبير عامر اوراق هاداك الملف كانو فيه أبحات و دراسات خطيرة على الآثار المحتملة للمفاعلات النووية ) : اش هادشي اضياء ها ؟؟
¤ضياء (بارتباك ):بابا شوغ هي سمعني ان
¤قاطعها سي يوسف بصراخ :اش غنسمع اش واش اضياء عارفة خطورة هاد البحث لي درتي و لالا ضياء واش عارفة شنو ممكن يوقع ليك الا وصل هاد البحث لاسرائيل .
¤ضياء : بابا عافاك هي شوف انا مقصدتش
¤سي يوسف قاطعها بيديه : ضياء قبل متمشي لتما واعدتيني انك تقراي بحالك بحال الطلبة لخرين و تجي بشهادة و لكن نتي خالفتي وعدك .
¤ضياء : بابا هي سمعني
¤سي يوسف : ضياء ايلا كملتي فهاد الطريق ما أنا باباك مانتي بنتي .و خرج و ردخ الباب خلى ضياء كتبكي حيت من جهة خالفات الوعد لي عطات لباباها و من جهة اخرى كلمات باباها كانو قاسحيين عليها .
و لكن للأسف ملي خرج سي يوسف مبقاش رجع و بعد عدة أيام وصلاتهوم جتة كاملة مشوهة و محروقة قالت ليهوم الشرطة بلي هاديك الجثة ديال سي يوسف لقاوها في سيارة ديالو من بعد مادار حادثة شنيعة و هنا دخلات ضياء فصدمة ما بعدها صدمة خصوصا انه مات و هو مخاصم معاها .
بعد الحادثة ب 40 يوم ..
طق طق طق
صباح : نعيمة سيري حلي الباب .
نعيمة (الخدامة) : واخا الالة
حلات الباب و كان المحامي ديال العائلة هو الطارق
¤المحامي : السلام مدام المالكي ايلا سمحتي خاصني نشوف الآنسة ضياء ضروري عندي ليها أمانة من المرحون
¤صباح : أهاه مرحبا و لكن هي فحالة نفسية خايبة باقي مخرجات من الصدمة هدا علاش مغتبغيش تنزل عندك تقدر نتا طلع لبيتها .
المحامي من بعد ما دخل للغرفة عند ضياء .
¤ضياء باستهزاء : صافي دغيا جابتك مرت با بغات الورت ياك .
¤المحامي : لا آنسة ضياء أنا مجيتش على قبل الورت أنا جيت على ود نعطيك واحد الأمانة خلاها ليك المرحوم قبل مايموت .
جبد المحامي واحد السيدي و عطاه لضياء و خرج .
ركباتو ضياء فالبيسي كان عبارة عن شريط فيديو و هنا غتلقى ضياء صدمة جديدة صدمة كل ما كتشوف فالشريط كتصدم كتر و الدموع كينزلو من عينيها شلال … هاد الشريط غيقلب حياة ضياء و غتولد ضياء قاسية بلا رحمة …
فنضركم أقرصاناتي شنو ممكن يكون فهاد الشريط يا ترى ؟؟؟
تعاليق داخل الرد 😘
ميعادنا غدا انشاء الله ..🖤حرة بلا سلاح💔
#الجزء_12

ملي سالا هاد الشريط طاحت ضياء على ركابيها كتبكي ، واخا نعيا نوصف ليكم منقدرش نقول ليكم الشعور باش كتحس هي فديك اللحظة من بعد ماعرفات ديك الحقيقة و بلي حتى باباها وقع ضحية لمؤامرة خبيثة ، الشريط كان فيه سي يوسف كيهدر و كيقول :
السلام عليكم ضياء بنتي المشيشة ديالي أنا متأكد بلي ملي نتي دابا كتشوفي هاد الفيديو أنا مغنكونش معاك يا إما غنكون عند الله فدار الحق أو اختفيت مهم راه بجوج وجهان لعملة واحدة لي بغيت نقول ليك ابنتي فهاد الفيديو هو واحد السر كنت مخبيه عليك و على ماماك و على صباح حتى شي واحد معارف أبنتي مهم كيفما كتعرفي أنا عندي ديبلوم فالفيزياء الذرية و الفيزياء النووية و لكن أنا متخليتش عليهم كيما قلت ليكم باش نقرا الكيمياء لا أنا كملت فهاد الدومين و السر هو أنني عضو في منضمة كتصدر السلاح لجميع الدول المحتاجة بما فيهم فلسطين و سوريا… آه داكشي لي منعتك منو أنا كنديرو و لي مكتعرفيش ا ضياء هو أنه هذا هو سبب طلاقي أنا و ماماك جوري. هو سوء تفاهم فقط سمعتني كندوي فالتيلي بالعبرية و صحابليها بلي أنا عميل سري فالشاباك الاسرائيلي هدشي و معطاطنيش حتى فرصة نشرح ليها فالصراحة حتى لو سمعاتني مكانش عندي الحق نهائيا نقول ليها هاد الحقيقة ، ماكنتش كنضن أن علاقتنا ضعيفة لهاد الدرجة أما صباح يا ريت تبدلي معاملتك معاها ابنتي حيت هي مدارت والو بالعكس هي وقفات معايا من بعد ما تخلات عليا ماماك . بنتي كنتمنى تقولي هاد الهضرة لجوري بغيتها تسمح ليا و دعي معايا فينما كنت ، أما بالنسبة لحلمك أبنتي (مسح سي يوسف دمعة نزلات ليه من عينيه و كمل) ههه راه هي دخلات ليا شي حاجة فعيني امشتي مهم أنا كنت غير خايف عليك من دوك الناس ابنتي مبغيتش نتحرم منك و لكن فلسطين كتبقا أرضك لذلك مغنمنعكش أنك تحققي حلمك و تعاونيهم مغنقولش ليك كيفاش نتي ذكية و عارف راسي مخلي راجل مورايا تهلاي فصباح و سيف و جوري هوما دابا أمانة فرقبتك و أنا راضي عليك دنيا و آخرة و مع أنني ممعاش دابا الا انني فينما كنت غنراقبك و ندعي معاك تحققي مناك و أخيرا كنبغييك بزااااف امشيشة ديالي .🖤حرة بلا سلاح💔
#الجزء_13

كانت لحظات مؤثرة بزاف بالنسبة لضياء كتحس بقلبها كيتقطع من الداخل اكيد مكاينش ماصعب من فقدان الأب فهو الضهر الحامي و السند لولادو هو الحصن ليهم من العواصف و لكن آش نفعو الدموع كيما كيقولو البكا مورا الميت خسارة لذلك خدات ضياء عهد على نفسها أنها تكون قوية و تنسى الدموع خاصها تاخد حق باباها فينما كان و حق أرضها حيت هي متأكدة بلي باباها مماتش آه باباها باقي عايش و فينما كان غتلقاه غتلقاه و غتاخد حق كاع دوك العلماء الابرياء لي تقتلو بدم بارد.
رجعات بطلتنا لدراستها فجامعة هارفاد الامريكية و خدات الماستر ديالها بعد أربع سنوات بحيت عمرها باقي حطات رجليها فالمغرب بحكم أنه كيفكرها فماضي أليم هي أصلا منساتوش و كانت فقط كتاصل من حين لآخر باش تطمأن على سيف و صباح لي مسكات الشركة بعد وفاة المرحوم و عتقاتها من السيزي أما بالنسبة لجوري فكانت ضياء كتمشي عندها كل عطلة و لانها هي الاخرى مات ليها زوجها بعد سنة زواج فقط بسبب السرطان فبقات غير هي و بنتها جنات لي هي أخت ضياء من ماماها أما ضياء فكيفما وصاها باباها عاودات لماماها الحقيقة لي خلات جوري تندم أشد ندم و تقول يا ريت كان بيديها ترجع الماضي لكانت الآن هي و ضياء و سي يوسف تحت سقف واحد و لكن للأسف كان للقدر رأي آخر فهاد السنين لي دازت تولدات ضياء جديدة امرأة قاسية معندهاش كلمتا الثقة و الرحمة فقاموسها بحيت كملات هي الأخرى دراساتها و أبحاتها و انضمات لمنضمة فلسطينية للمقاومة ضد بني صهيون بدون علم أحد و باشرات بأول خطوة ليها و لي هي صممات قنبلة هيدروجينية و لي كتعتابر من أخطر أنواع القنابل النووية و لي تقدر تدمر مدينة كاملة بحيت القوة ديالها كتعادل أضعاف من القنابل التقليدية.
و هاد الخطوة لي دارت بالذات هي السبب وراء فقدانها ماماها جوري و ختها جنات .

*نهاية الفلاش باك*
عودة للحاضر.
ناضت ضياء من السرير بعدما تفكرات كل لحضة دوزات فهاد السنين جات هزات تصويرة لي كانت محطوطة تما ديال ماماها و باباها و هي بقات كتأملها لدقائق عاد نطقات فصوت حزين : آاااااه ا بابا كون تصنت ليك اااااه بقرار واحد مني كنت غنبدل قدري كامل يا ريت متبعتش هاد الكريق ابابا ياريت كنت انا الضحية يا ريت (بعيون باكية ) بابا حبيبي عقلتي ملي قلتي ليا ردي البال لماماك هي أمانة فرقبتي اه اه اه بابا أنا ضيعتها ابابا غتاصبوها و قتلوها هي و ختي علاااااش ادنيااا علاااش كدفعيني تمن غالي علاش انا منستاهلش كاع هادشي فاللول نتا ا بابا و دابا ماما (و صرخات صرخة من أعماقها فالتالي مبقاتش عاقلة على راسها دخلات من جديد فحالة هستيرية ناضت كتغوت و تهرس لي جات قدامها و كتردد جملة وحدة ) يا ريت سمعت نصيحتك ابابا اهاهاهاه انا ضيعت ماما و ختي انا ضيعتهم انا اهاهاه
فهاد الأثناء دخلات صباح لقات ضياء فحالة هستيرية مشات بجرى جابت كاس ديال الما رشاتو عليها و هي باقا كدوي كيف الحمقة : أنا لي ضيعتهم من يدي انا انا قتلت ماما و ختي انا
صباح: تهدني اضياء احبيبة تهدني ما وقع والو تهدني
بدات صباح كتقرا عليها القرآن لعل و عسى تخرج من حالتها في حين ضياء تهدنات و طاحت فالارض فاشلة تحدرات عندها صباح حطات ليها راسها فوق رجليها و كدوز ليها على راسها بحنان و كملات قراية القرآن أما ضياء كانت كتردد جملة وحدة بصوت باح : انا لي قتلتهم ابابا أنا لي قتلتهم انا لي قتلتهم انا و داتها عينيها فوق حجر صباح لي بقات حداها فديك الوضعية حتى صبح الحال.🖤حرة بلا سلاح💔
#الجزء_14

أصبحنا و أصبح الملك لله
تسللات خيوط أشعة شمس ذهبية لعينين ضياء لي بدات كتفيق و كتشوف راسها ناعسة فحضن صباح دغيا تلقات منها الشي لي خلا صباح تنوض مفزوعة .
¤صباح : بنتي حبيبة كي صبحتي دابا شويا نجيب ليك كاس ديال الما و لاعرفتي غيكون كيضرك راسك انا نجيب ليك الدوا نوضي بعدا من الارض نوضي غتكوني تعدبتي فالنعسة نوضاتها و جلساتها فالسرير و مشاتجابت ليها الدوا و كاس ديال الماء شرباتو ليها و غطاتها و ناضت بتمشي ز هي تشدها ضياء من يديها
¤ضياء : اشنو سر هاد الاهتمام المفاجئ ؟؟
¤صباح (جلسات فطرف السرير و قالت ) : أنا من ديما كنهتم بيك و لكن نتي لي كتكرهيني و كرهك عماك و مخلاكش تشوفي اهتمامي و لا حتى تعطيني فرصة نعوضك فيها على حنان الام لي فقدتيه .
¤ضياء : أنا لي قتلتها انا
¤صباح : لا متقوليش هكاك ابنتي هداك قضاء الله و قدره و حنا غير عباد عنده سبحانه و تعالى و خصنا نرضاو بالمكتوب .
¤ضياء ( ناضت جلسات القرفصاء ) نتي ماعارفة والو ا صباح انك تشوفي ماماك متغتاصبة قدامك و ختي اه ختي جنات لي يلاه ملائكة عندها 3سنين حتاهي مغتاصبينها و قاتليها و كلها دم صباح انا تأنيب الضمير كياكلني نهار بعد نهار مقادراش نعيش مقادراش قلبي عمر بيتفركع.
¤صباح : بنتي أنا ديما معاك و فجنبك و فوقما حتاجيتي تخوي قلبك أنا كاينة عاودي ليا اي حاجة كضرك متهزيش الحمل بوحدك ابنتي .
¤ضياء (شافت فيها بعيون دامعة و قالت ): شكرا على كلشي
¤صباح (دوزات على راس ضياء بحنان ) نتي راك بنتي مكاين لاش تشكريني رتاحي دابا . و خرجات من الغرفة من بعد مانعسات ضياء .
نمشيو عند سي قاسم ففلسطين لي داير اجتماع مع أعضاء المنظمة لي خدامة معاها ضياء .
¤قاسم ( بجد و صرامة ) : رئيس المنظمة هلأ عن بيمر بفترة كتير عصيبة لهيك رح نستنى لحد ما يرجع لنكمل خطتنا .
¤شخص آخر : حاضر سيدي بس انا عندي أخبار كتير حلوة . ( و عطاه جوا )
¤قاسم : شو فيه هالضرف ؟؟
¤الشخص : هي رسالة من إحدى أكبر المنظمات المناهضين (الرافضين) للمشروع الصهيوني و هن وافقوا يمولونا و يدعمونا لحتى نقدر نصنع القنبلة لي صممها الرئيس .
¤قاسم : طيب لا تفرح كتير نحنا لازم نعرف أول شي أصل و فصل هالمنظمة لايكون شي فخ من اليهود .
¤الشخص : اطمن سيدي أنا عملت بحت عن هي المنضمة هي منظمة اصلها مغربي و رئيسها بيطلقو عليه اسم الزعيم بس ماحدى بيعرفو لهلأ و هو أكبر مصنع أسلحة بافريقيا و بيقولو انو ذكي كتير ، مؤخرا هالمنظمة عملت شراكة مع ايران و هاد يلي زاد كبرها و وسعها أكثر بحيت الكل صار يخاف منها ،هالمنظمة هدفها هو إنهاء المشروع الصهيوني و بتصدر أسلحة لفلسطين و العراق و سوريا و كل البلدان المحتاجة ، و لما سمعو انو نحنا عم بنصنع قنبلة نووية و لازمنا تمويل لنوقف ضد اسرائيل وافقوا انهم يساعدونا بس على شرط.🖤حرة بلا سلاح💔
#الجزء_15

¤قاسم :و شو هو هاد الشرط ؟
¤الشخص : بدو يعرف تفاصيل القنبلة كلها و شو الشي لي بيميزها عن غيرها و بدو انو الرئيس بنفسه هو لي يشرح له هالتفاصيل .
¤قاسم : بس الرئيس ما بيحكي مع حدى و مصر انه هويته ما تنكشف .
¤الشخص : بس سيدي هاد العرض ما بيتفوت ابدا
¤قاسم (ناض من الطبلة ) : خلص انا رح لاقي حل الاجتماع انتهى .

#بعد مرور أسبوعين
عند ضياء .
كانت كعادتها جالسة فالجردة قدام لابيسين و كتأمل المناضر تما حتى جات عنها الخدامة .
¤نعيمة : لالة ضياء شي واحد فالباب بغاك .
¤ضياء: شكون هاد الواحد
¤نعيمة : مقالش ليا سميتو الالة ضياء.
ناضت ضياء مشات عندو لقاتو واقف قدام باب الفيلا كان دري فالعشرينات من عمرو زوين و لابس سبور .
¤ضياء : نعام اسيدي شكون نتا ؟؟
¤الولد ( بلهجة فلسطينية) : أنا جاسر من فلسطين بدي شوف الآنسة ضياء لو سمحتي .
¤ضياء : انا هي ضياء.
¤جاسر (كيشوغ فيها بنضرات شك )
¤ضياء : ياكما نوريك لكارط ناسيونال
¤جاسر : رح نحارب الظلم لآخر نفس فينا.
¤ضياء : صديقكم وصل .
¤جاسر (تنهد بارتيح ملي سمع جوابها ) :هاد الظرف بعتولك سيدي قاسم و قال انو ضروري يوصل للرئيس بأسرع وقت و ما لازم حدى غيرو يفتحو لانو بغاية السرية .
¤ضياء (شدات من عندو الظرف ) طيب شكرا أنا رح اعطيه للرئيس لا تاكل هم و بلغ سلاماتي للرئيس قاسم .مشا جاسر و سدات ضياء الباب و طلعات لبيتها باش تشوف الضرف شنو فيه .
بالنسبة لديك الجملة لي قال جاسر و جاوباتو عليها ضياء بصديقكم وصل هي شيفرة او كلمة سر كيعرفوها غير أعضاء المنظمة كيستعملوها باش يكشفو الغريب او الدخيل او الجاسوس بيناتهم .
الضرف كان مكتوب بواحد الحبر مكيبانش بحيث ايلا حليتي الورفة غتبان بيضة و لكن هي فالحقيقة مكتوبة و ديك الكتبة كتبان من تحت العافية .
مشات ضياء شعلات بريكة و بدات كدوزها من تحت الورقة بلاما تحرقها و بدات كتبان ليها الكتبة .🖤حرة بلا سلاح💔
#الجزء_16

السلام عليكم بنتي ضياء بعتت لك هاد الظرف لقلك انو ضروري تجي على فلسطين بأقرب وقت ممكن المنظمة محتاجتك عندي الك اخبار كتير حلوة بس ما فيني قلك شي بالضرف لانو انت بتعرفي انو في بيناتنا خاين يعني ما لازم نوتق بحدا لهيك تعي لفلسطين بأقرب وقت . أنا بانتظارك …
سدات ضياء الظرف و مشات كتجمع حوايجها في الباليزا في حين دقات صباح الباب و دخلات .
¤صباح : بنتي شفقك كتجمعي حوايجك فين غاديا ؟؟
¤ضياء: راجعة لفلسطين
¤صباح : يلاه جيتي منها ابنتي باقي مكملتي تا شهر و زايدون مبقاش عندك عند من تمشي .
¤ضياء (بقات كتشوف ف صباح بطريقة غريبة )
¤صباح : سمحي ليا ابنتي عارفة معنديش الحق نتدخل فيك و لكن راه نتي و سيف لي بقيتو عندي فالدنيا و انا غير خايفة عليك .
¤ضياء (سدات الفاليز و حطاتها جنب ) : أنا غادية نكمل شي حوايج خليتهم ناقصين و غنرجع .
¤صباح قربات عندها و حطات يديها على وجه ضياء بحنان : واخا ابنتي ردي البال لراسك عافاك
ضياء بلاما تحس عنقات صباح كأنها كتستمد منها القوة : غنبات معاكم هاد الليلة و غدا انشاء الله نمشي .
¤صباح : واخا ابنتي لي باليك
ضياء تلقات من صباح و قالت :كنتي قلتي ليا فاش نبغي نخوي قلبي نجي عندك كنضن جا الوقت مستعدة تسمعيني ؟؟
¤صباح (فرحات حيت و أخيرا بدات كتصلح علاقتهم ): اه ابنتي مرحبا بيك فأي وقت .
جراتها ضياء من يديها و جلساتها فالسرير و بدات كتهضر :
أنا السباب فداكشي لي طرا لماما و ختي . قبل شهر من دابا ملي رجعت من أمريكا كنا عايشين حياة هادئة و زوينة كانت ماما هي النور لي كيضوي ليا حياتي من بعد مامشا بابا ملي كتعيط ليا و نتكلم ليها ملي كتخاسم عليا ايلا درت شي زبلة عمرني تصورت نعيش بلا بيها و ديك الخنيفيسة الصغيورة جنات كانت هي الجنة بالنسبة ليا ضحكتها فرحتها هضرتها باقي لحد الآن كنسمع صوتها بودنيا و هي كتعيط ليا ديا ديا و كتعنقني و ملي كتبكي (مسحات دمعة خانتها و كملات ) لحد داك النهار لي خرجت فيه مشيت نقدي واحد الغرض هي رجعت كنشوف الناس بزاف قدام الدار و البوليس و الدنيا مرونة طاح ليا قلبي فرجليا بالخلعة بديت كندفع لي لقيت قدامي حتى دخلت و يا ريت مدخلت والا شفت داك المنضر اصباح اهاهاه شفت ماما عريانة و مغتاصبينها ، مضروبة بجوج رصاصات فالقلب و ختها لي مازال مكملات حتى تلت سنين حجرها عامر دم و مقتولة (بدات ضياء كتبكي و صباح كتسكتها ) حتى نعسات في حضنها .
قرصاناتي 😘تعاليق داخل الرد ❤
آرائكم كتهمني ..🖤حرة بلا سلاح💔
#الجزء_17

أصبحنا و أصبح الملك لله
فاقت ضياء لقات راسها فحضن صباح و حسات بشي حاجة غريبة جيهة هاد سيدة نفس الاحساس لي كتحسو ملي كتكون فحضن جوري الله يرحمها ابتاسمات لا إراديا و ناضت ،فاقت صباح تاهيا .
ضياء : صباح النور صبوحة
صباح ( بفرحة) : وينو شحال طالعة زوينة من فمك بحال العسل صباح الورد و الياسمين أكبيدة
ضياء : يالاه نوضي نوضي صايبي ليا شي فطور فاعل تارك من يدياتك
صباح(تفكرات بلي ضياء غتمشي و تقلقات ):واخا احبيبة نتي لبسي حوايجك و غتلقاي فطورك وااجد
ضياء :لهلا يخطيك و شوفي فيقي ليا معاك سيف نكلس معاه قبل منمشي.
صباح : واخا ابنتي .
خرجات صباح مشات تفيق سيف في حين دخلات ضياء دوشات و نشفات راسها و لبسات دجين كحل طاي هوت عريض شوية مع تيشرت كحل حتى هو خشاتو فيه و تجاكيت ديال الكوير كحلة مع سبرديلة اديداس كحلة هاكا حالها ملي مات ماماها و ختها عمرها بدلات الاسود في حين نشفات شعرها بسيشوار هو أصلا رطب و خلاتو متلوق مع نضاضر ديال الشمس حطاتهوم فوق راسها و ساكادو صغير فيه وراقها و فلوسها و خدات فاليزتها و نزلات .
صباح : باقي مناويا تبدلي الكحل ابنتي .
ضياء : ملي ترتاح روح ماما و ختي ديك ساع نبدلو .
صباح :كيفااش ؟؟
ضياء : والو والو متشغليش راسك بهادشي (و دارت كتشوف ف سيف شحال بتمعن تا شافها )
سيف :حتي مالكي كتسوفي فيا.
ضياء (ضحكات و قالت فراسها يا ريت نرجع قدك ا سيف عيييت من هم الدنيا ): والو احبيبي هي غنسافر شي يامات و بغيت نشبع منك قبل منمشي .
سيف (غوبش): حتي حسومة عليك نتي عاد جيتي ياك واعدتيني ماباقيس تخليني .
ضياء : حبيب ختو أنا راه مسافرة ضروري غير شي يامات و نرجع و نجيب ليك معايا بزااااف ديال الالعاب صافي .
سيف (ببرائة ):صافي واخا و لكن اينا تعطلتي نتحاسم معاك .
ضياء:صافي تافقنا .
و حانت لحضة الوداع هي براسها معارفاش امتا غترجع او واش غترجع اصلا غير كتصبر راسها و صافي ناضت عنقات خوها عناق حار..🖤حرة بلا سلاح💔
#الجزء_18

و عنقات صباح حتى هي و قالت :صبوحة تهلاي فراسك و فسيف عافاك .
صباح: بنتي كون غير درتي بناقص من هاد السفر أنا قلبي ممهنينيش عليك ،علاش كتوصيني بحالا آخر مرة غنشوفك ؟
ضياء :لالا والو غير انا معارفاش شحال نقدر نبقا داكشي باش قلتها ليك مهم أنا راجعة و هاد المرة غنرجع و أنا مرتاحة .
صباح :سيري يا بنيتي الله يسر ليك فهادشي لي بيديري و يبعد عليك ولاد الحرام يا ربي و الله يرضي عليك .
تعانقو عناق حار بحال الام و بنتها و مشات ضياء للمطار حجزات اول طيارة لفلسطين و مشات .
أجي نضربو طليلة على جايكوب نسيناه ههه .
#عند جايكوب .
جالس في المكتب ديالو مربع يديه و قدامو واقف دايفيد هو النائب ديالو و دراعو ليمن مركزين نضراتهم على واحد الشخص .(الحوار بالعبرية)
جايكوب :واش غنبقى نتسنا تال الصباح و لا آش هضر سربينا ؟
الشخص لي كالس قدامو هو نفسو الجاسوس لي كيسرب أسرار المنضمة لي خدامة معاهم ضياء و هو نفسو لي عطاه معلومات على دار الرئيس.
الشخص : سيدي أنا كتير آسف بس ماحدى بيعرف هوية الرئيس و نحن بحياتنا ما شفناه الواسطة لي بينا و بينو هو الرئيس قاسم .
دايفيد : و منين عرفتي عنوان دارو .
الشخص: سيدي بمرة كان قالنا الريس قاسم انو رح يروح لعند الرئيس أنا بوقتها لحقتو و جبت عنوان البيت صدقوني .
دايفيد : و علاش هاد الرئيس ديالكم مبغاش يكشف على الهوية ديالو .
الشخص :و الله يا سيدنا انو ما حدى بيعرف السبب .
جايكوب :سميتو تاهي مقايلهاش ؟
الشخص :لا سيدنا نحن ما بنعرف عنو ولا شي غير انو هو لي صمم القنبلة و مو أكثر .
دايفيد : صافي سير دابا و وياك تم وياك تعرف شي حاجة و تخبيها علينا ديك الساع غير ترحم على راسك .حدر الشخص راسو و مشا
جايكوب : جبتي المعلومات لي طلبت منك .
دايفيد : وي مستر جايكوب عرفت بلي ديك الدار كانو ساكنين فيها تلاتة ديال الناس الام جوري و بنتها جنات لي قتلناهم و كان عندها بنت أخرى سميتها ضياء فعمرها 22سنة و لكن انتحرات من بعد الحادثة لي وقعات لماماها و ختها و دابا تاواحد مساكن فديك الدار و لكن حنا باقي حاطين جنود مراقبين ديك الدار اسيدي .
جايكوب :(دوز يديه على ذقنو): اممم قلتي ليا عندها بنت اخرى و ماتت .
دايفيد :وي سيدي و تدفنات فنفس المقبرة .🖤حرة بلا سلاح💔
#الجزء_19

جايكوب :عيط ل**** و قول ليه يجيب لينا تصميم القنبلة و يحاول يتعرف على الرئيس بأي وسيلة كانت .
دايفيد : مفهوم مستر جايكوب .
بالنسبة للبنات لي مفهموش كيفاش حتى ضياء ماتت ، انا انشرح ليكم مزيان .
الجاسوس ليكان جالس مع جايكوب هو لي وصل لجايكوب الخبار بلي المنظمة كتصايب قنبلة هيدروجينية ضد اسرائيل و نفس الجاسوس هو لي تبع قاسم و عرف دار الرئيس و ديك الساع جايكوب صيفط رجالو باش يجيبو الرئيس حي من دارو لي هي دار ضياء و ديك الساع ضياء مكانتش فالدار كانت فالمنضمة هي فاش جاو رجال جايكوب و دخلو على ماماها و كيقولو ليها فين ولدك هي معارفاش علاش كيدويو حينت معندهاش ولد كتحلف ليهم بلي معارفة والو و معندهاش الولاد ملي بائت محاولتهم بالفشل غتاصبو ليها جنات قدام عينيها كانو 5 ديال الرجال و قالو بيناتهم جينا جينا منقتلوها تنديو غرضنا هادي هي حالة الصهاينة و غتاصبوها حتى هي عاد قتلوها برصاص مع أنه أوامر جايكوب كانو واضحين يجيبوا الرئيس فقط و لكن خالفوهم لذلك جايكوب قتل الكارد ديالو ليكان معاهم و صيفطهوم فين يترباو ، ملي شافت ضياء الحالة لي كانت فيها ماماها و ختها متحملاتش و دخلات فصدمة عصبية هي فاش حاولات تنتاحر و لكن عتقها قاسم فآخر لحظة و لكن حيت عارف ضياء غتبغي تنتاقم دار أول خطوة من راسو و خرجها من المستشفى على أساس ميتة و تسجلات بلي ماتت فحادثة انتحار و خرج ليها شهادة وفاة للعلم فقط ضياء راه عندها جنسية فلسطينية و مغربية و بهاكا ضياء ماتت بالنسبة لفلسطين و ملي بغات ترجع لفلسطين رجعات بهوية فلسطينية مزورة تحت اسم عبير القاسمي. حيت لو كانت ضياء مزال عايشة فنظرهم غيشكو فيها و يخطفوها تاهي .

نمشيو لبلاصة أخرى من العالم و بالضبط فايران مقر المنضمة لي بغات تمول منظمة قاسم .
جالس الشخصA و الشخص B .
(الحوار بالمغربية ):
الشخص A(الزعيم): باقي موصلاتكم الموافقة .
الشخص B : لا اسيدي مزال كيقولو بلي باقي موصل رئيسهم باش يعطيهم الموافقة .
الزعيم : عطيهم مهلة أسبوع آخر فقط ايلا تعطلو لغي العرض.
في هاد الأثناء دخلات شابة في التلاتين من عمرها زوينة و لابسة لباس المنظمة .
البنت : زعيم شي واحد من فلسطين جا و جاب هاد البرية معاه .
خداها الزعيم و قراها و ابتسم و عاود سدها .
الزعيم : وافقو و قبلو حتى الشرط لي عطيناهم .
البنت :و لكن عندهوم شرط
الشخصB: شنو؟؟
البنت: بغاو أنه همها كان متكشفش الهوية ديال الرئيس و بالنسبة للشرح لي طلبتي ليهم فراه غيشرحو الرئيس ديالهم عبر شريط فيديو و يصيفطوه لينا مع شي عضو أمين .
الزعيم: مفهمتش علاش كاع هاد السرية و زعما راه حنا غنخدمو لصالحهم .
البنت : معرفتش ا موسيو غير هوما راه كيأكدو على هاد الشرط .
الزعيم : واخا على بركة الله هاحنا كنتاضرو الفيديو .
عند ضياء لي وصلات لفلسطين و مباشرة مشات لواحد الدار في غزة لان الدار ديال قاسم غتكون مراقبة حاليا ،تلقا ليها قاسم لي كان متنكر تحسبا للمراقبة و قالها على الامر ديال المنضمة و بلي وافقو على شروطهم و حتى هي وافقات .
ضياء :و أخيرا يا قاسم صار الوقت لحتى انتقم رح اشرب من دمهم كلهم واحد واحد بوعدك بشرفي و بحق هي الأرض لخليهم يدفعو الثمن غالي كتيير .🖤حرة بلا سلاح💔
#الجزء_20

قاسم: و أنا يا بنتي رح ساعدك بكل خطوة رح تعمليها و رح كون متل ضلك ، هلأ صار لازم نصور الفيديو يلي رح تشرحي فيه القنبلة .
ضياء: طيب خلينا نبلش .
عطاها قاسم لباس رجالي عريض لبساتو و دهنات وجهها بكريم صمر باش ميبانش لون بشرتها الحقيقي و دارت ليلونتي قهويين باش تضرق عينيها الخضرين و ماسك كحل على وجهها بحيت غير عينيها لي كيبانو و أخيرا صباعات سوداء و ختافات ضياء مبقاتش كتبان نهائيا و بالنسبة للصوت راه غيغيروه بلابليكاسيون باش ميعرفوش بلي راه بنت و دابا ولات بطلتنا جاهزة تصور الفيديو .
قاسم :ايه تذكرت قبل ما إنسى فيكي تحكي باللهجة المغربية لانو الزعيم مغربي .
ملاحظة: ضياء هي رئيس المنظمة و لكن تاواحد معارف هادشي من غير قاسم و معمر شي واحد آخر من المنظمة شافها و هي العقل المدبر و صاحبة الخطط و الاختراعات فالمنضمة و دارت هاكا باش تحمي عائلتها و لكن للأسف تاواحد ملقاها كي بغاها.
*ضياء فالفيديو*
السلام عليكم و رحمة الله و بركاته ،أولا كنشكر المنظمة ديالكم حيت وافقات تمولنا و قبلات بشروطنا و بصفتي رئيس المنظمة و المصمم ديال هاد السلاح غنشرح ليكم طريقة التصميم مزيان باش التنفيذ يكون ليكم . أولا
القنبلة لي صممت هي من نوع الأسلحة النووية الانشطارية من فئة قنابل الكتلة الحرجة (Critical Mass) . القوة ديالها كاينة فعملية الانشطار النووي بحيت دمجت فيها عنصر اليورانيوم لي الكتلة الذرية ديالو هي 235 و عنصر البلوتونيوم لي الكتلة الذرية ديالو هي 239 . و بجوج بيهم هاد العناصر تقال و هاد التقل هو لي كيحفز على الانشطار بواسطة تسليط واحد الحزمة معينة من النيوترونات على النواة ديالها و لي كتأدي لانشطار ها لعدة أجزاء و كل جزء من هاد الانشطار عندو ما يكفي النيوترونات ديالو لي كيحفز على انشطار آخر و كتستمر هاد السلسلة من الانشطارات في المفاعلات النووية و كل عملية انشطار كتولد كميات كبيرة من الطاقة الحركية و هادو هما المكونات لي ستعملت فالتصميم بحيت هاد السلاح هو من أخطر الاسلحة الفتاكة لي كيتستعملو في التفاعل النووي حيت كتركز القوة ديالو فالانشطار او الاندماج النووي و نتيجة لهاد العملية كتكون انفجار قنبلة نووية صغيرة أكبر من انفجار أضخم القنابل التقليدية و ممكن تدمر مدينة كاملة.🖤حرة بلا سلاح💔
#الجزء_21

لبسات عباية كحلة طويلة مع جاكيت ديال الجلد فالأزرق و دارت الشال الفلسطيني على راسها و غطات بيه حتى وجهها ولاو كيبانو غير عينيها و حجبانها و خلات شي خصلات من شعرها طايحين على كتفها و خرجات عند قاسم .
قاسم(باستغراب) :توقعت انك رح تتنكري بزي رجالي .
ضياء : لا هيك راح ثير الشك أكثر على أي رح قلهم انو أنا بنتك اوك و انت عطيتني هالأمانة لحتى وصلها للزعيم .
قاسم :طيب ماشي بنتي .
ضياء :ايه صح ماقلتلي كيف رح اعرفو و يعرفني ؟
قاسم :ايه صح ذكرتيني هو رح يكون جاي بسيارة سودة من نوع مرسيديس و وراه سيارتين عاديين بلون أبيض فيهم الحراس يلي بيحميوه رح يكونو قدام المسجد مباشرة .و رح يكون لابس أسود و حاطط مثل هالشال لي حاططتيه انت على وشو .فور ما تتعرفو على بعضكم قوليلو شيفرة المنظمة و رح يجاوبك (صديقكم وصل) و بعدين اعطيه الامانة .بنتي خلي بالك عحالك .
ضياء حركات راسها بمعنى موافقة و مشات قبل ماتخرج دارت عندو و قالت :لا اله الا الله
قاسم : محمد رسول الله .
ركبات ضياء فلوطو لي جاب ليها قاسم و نطالقات .
بعد مدة معينة وصلات كان باقي الضلام باقي مشرقات الشمس وقفات لوطو ديالها و شافت لوطو ديال الزعيم ومتكي عليها شاب طويل و عريض كتبان البنية الجسمانية ديالو قوية و داير الشال الفلسطيني على وجهو و راسو و موراه دوك جوج طموبيلات لي وصف ليها قاسم .
خرجات ضياء من لوطو و تمشات جيهتهم تحت نضرات الزعيم لي كيتسناها و نظرات خرى من جهة أخرى .
الزعيم باستغراب قال فخاطرو(زعما مسيفطين مرا لي تعطيني الفيديو)
ضياء وصلات و وقفات قدامو كتشوف ف عينيه بطريقة غريبة و حتى هو هام فجمال عينيها الخضرين لي كيبينو الصرامة و الغموض فيقو من سهوتو الجملة لي قالت ضياء .
ضياء: رح نحارب الظلم لآخر نفس فينا .
جاوبها الزعيم بصوتو الرجولي : صديقكم وصل .
ضياء : (بلهجة فلسطينية ) أنا بنت قاسم و جبتلك معي أمانة بعتلك ياها الرئيس .
يلاه خشات يديها في جيبها تجبد داكشي و هي تجي عينيها فجهتها ليمنة و شافت الشي لي غيخليها تصدم و تدفع الزعيم تا طاحو بجوج فالأرض .
قرصانات فنضركم شنو الشي لي شافت و خلاها تصرف هاكاك ؟؟
يتبع
آرائكم كتهمني خليو ليا تعلييقاتكم و توقعاتكم 😘
مديروش جيم و تهربو خليو ليا كمنتير زوين افرحني و جمجمو ليا لي بارت
موعدنا غدا انشاء الله🖤حرة بلا سلاح💔
#الجزء_22

دخلات ضياء يديها فالجيب باش تجبد الأمانة و هي تجي عينيها فجهتها ليمنية شافت مسدس كبير خارج من واحد تقيبة صغيرة و مصوب جهتهم ما قدراتش تميز شكون المستهدف واش هي ولا الزعيم بالأحرى مكانش عندها الوقت تفكر كتر لذلك دفعات الزعيم تا طاحت هي وياه و جات الرصاصة فالجاجة ديال طموبيلتها فلتو منها بشوية هزات عينيها تشوف لقات داك القناص ختافى بخفة يد جبدات موس من جيبها حلاتو و حطاتو على عنق الزعيم و هما باقيين فنفس الوضعية .
ضياء (بعصبية و بدون ما تحس هضرات بالدارجة) :بربي و تكون نتا لي موراها تانقلع ليك عينيك من بلاصتهوم و نلعب بيهم البي .
الزعيم (كيشوف فيها باستهزاء ): طلعتي مغربية .
ضياء عاد تداركات راسها بلي دوات بالدارجة .ناضت من فوقو و باقي موجهة ليه الموس .
ضياء :متحاولش تبدل الموضوع ، و رب الكعبة و طلع نتا لي درتيها تا نشرب من دمك .
الزعيم : من نيتك ،واقفين فالليل و غير بوحدنا و نتي بنت و حنا تمنية تالرجال و غنجيب قناص يتيري فيك ،فين اللوجيك عندك .🖤حرة بلا سلاح💔
#الجزء_23

ضياء : هاد البنت لي كتستخف بيها هي لي غتجيب روحك ايلا عرفتك نتا لي درتيها.
فهاد اللحضة جاو شي رجال مسلحين حاوطوهم من جميع الجهات و هنا تأكدات ضياء بلي ماشي الزعيم لي دارها و هي دابا عندها أمانة خطيرة تفضل تموت و متسلمهاش .
واحد من الرجال لي محاوطينهم قال : انتو من بني صهيون صح و لك يا كلاب شو عم بتعملو هون .
ضياء (بغات تلطف الجو باش ميتيروش الشكوك حولهم): اسمع اخي نحن من فلسطين مو من اسرائيل لو سمحت نزلو سلاحكم ما بدنا مشاكل.
الراجل: اسكتي يا عاهرة انتي لو فلسطينية ما كنتي رح توقفي مع مجموعة رجال بنص الليل لوحدكم .
ضياء (صافي تعصبات ): اخرس يا كلب انا أشرف من اللي جابوك يا عرة الرجال لو كنت رجال بحق و حقيق ما كنت رح تحمل سلاح بوش ولاد وطنك و أرضك كنت رح تحملو بوجه الصهاينة الكلاب يلي سلبوك وطنك و حريتك بدل ما تجي تتمرجل علينا هون .
الراجل مرضاش قدام صحابو : ايه أنا بفرجيكي الرجال شو بيساوو يا عاهرة .
يلاه كان جاي جيهتها و هوما يهزو رجال الزعيم السلاح و هنا عم السكوت للحضات شي كيشوف فشي ،ضياء مكانتش باغيا هاد الروينة و خصوصا هي دابا عندها الفيديو و التصميم .
ضياء : طيب اهدو بلا ما نعمل دوشة بالسلاح اذا كنتو رجال عم جد فرجونا شو بتقدرو تعملو من دون سلاح .
شافو الرجال فبعضياتهم و لاحو السلاح للأرض .
ضياء بلعاني استفزاتهم باش يحطو السلاح حيت مبغاتش تثير الانتباه خصوصا دابا الفجر قريب يأذن و ينوضو الناس يصليو.
يالاه هزات عينيها فالزعيم باش تهضر غمزها بمعنى فهمتك و أمر رجالو يحطو السلاح .
الزعيم : خليك نتي لور .
ضياء شافت فيه بمعنى من نيتك يالاه جات تهاجم وقفها بيديه : هي خليك بلاصتك حنا غنحميوك .
مشاو الرجال كيدابزو مع بعضهم ،
الزعيم بضربة وحدة كيعوق داك لي هاجمو في حين كان جاي واحد بيغفلو مورا ضهرو هو كان حاس بيه مي مبغاش يضور حتى يشوف اش فيديه يدير كاع ضياء شافتو و هنا تعصبات عدوها و جنونها لي يغدر و يجي من لور صافي عصبيتها وصلات لطوب مشات كتجري جهتو تعلقات ليه فضهرو و طرطقات ليه عنقو لجنب مات فالبلاصة (هاد الضربة راه معروفة كتقتل فالبلاصة )شافها الزعيم من جهة فرح حيت عتقاتو و من جهة تصدم من الطريقة باش هجمات عليه كتبان متدربة . ضياء صافي جهلات ملي شافت عدد رجال العصابة كيتزاد و رجال الزعيم هي 8 هنا تجننات صافي جهلات حيدات التجاكيط و سلتات العباية مي بلاما تحيد الشال مبغاتش يتكشف وجهها نهائيا .🖤حرة بلا سلاح💔
#الجزء_24

زادت زيرات الشال على وجهها كانت لابسة كولون كحل لاسق بين ليها المفاتن ليهونش و المؤخرة تباركالله و اكس كحل تاهوا بين ليها ليزابدو فالكرش و سبرديلة سبور ملي شافوها رجال العصابة بداو كيضحكو و يتغامزو بيناتهم الزعيم مرضاش حيت كيما كان الحال كتبقى بنت و خصو يحميها غوت بلاما يحس : لبسي حوايجك و رجعي لبلاصتك .
ضياء معارتش اهتمام لكلامو مشات ديريكت عند داك لي قال ليها عاهرة فالاول شداتو عطاتو بونية تا تلفات ليه القبلة زادتو بونية خرى و تهزات لفوق كاملة و عطاتو برجليها لوجه تا طاح صافي غيب جا عندها لاخر جمعاتو فالبلاصة بنص و تحدرات كتعطيه فالبونيات تا غاب جاو عندها جوج فدقة وحدة مشات عند اللول تعلقات فيه و تهزات ضربات لاخر لي طاح فالبلاصة و تلقات من لاخر عطاتو بونية و ترتقات ليه عنقو ،شافها الزعيم سها فيها اول مرة يشوف بنت بقوتها و شخصيتها شي حاجة كتقوليه لداخل بلي هاد البنت ماشي عادية و موراها شي قصة خصوصا الشرارة لي شاف فعينيها رجع كمل ضريب ديالو و تاهيا هكاك تا سالاو و بقى واحد كدابز معاه ضياء غفلها و عطاها دقا لنيفها تا رعفات صافي هنا وصلات بيها للطوب ناضت طيحاتو و جلسات عليه كتعطيه فالبونيات كتعطيه كتعطيه تا خسرات ليه الملامح ديالو السيد مات و هي باقي كضرب للحضة شافت فيه شي واحد اسرائيلي من دوك لي اغتاصبو ماماها :غندمكوم غنقتلكوم كاملين و نشرب من دمكوم اعععععع.صهاينة كلاب .
جا الزعيم كيجري كيجر فيها و تكول واش بغات تتلق منو صافي فقدات السيطرة على راسها جرها جرة وحدة و غوت فوجهها : صافي هداي هداي راه مات مات صافي تهدني . تهدنات ضياء و بقات كتشوف فالفراغ لمدة تا فيقها الزعيم من سهوتها🖤حرة بلا سلاح💔
#الجزء_25

الزعيم :تهدني هاكي شربي الما .
خنزرات فيه و هزات عبايتها لبساتها و لبسات تجاكيطها و قادات الشال على وجهها .
ضياء (شافت يمين و شمال و جبدات ضرف كبير فيه شريط الفيديو و التصميم ديال القنبلة )
ضياء: هاك ها الأمانة ديالك هاد المرة تأكد من البلاصة قبل ماتجيبنا ليها .
الزعيم (خدا من عندها الضرف و تأكد بلي كلشي هو هاداك و سدو ) : شنو سميتك.
ضياء : واش خديتي شغلك اوى السلام عليكم .
الزعيم : غتجيبيها فراسك بديك قسوحية الراس لي فيك و مشا و خلاها.
في حين تاهيا ركبات فلوطو واخا الزاج مهرس و رجعات لغزة .
*بعد مرور يومين*
عند ضياء لي كانت جالسة في الصالون كتخدم شي حاجة و دق الباب ناضت حلات كان قاسم دخلاتو و جلسو فالصالون .
ضياء: عمي قاسم تشرب شي .
قاسم : لا بنتي انا بس جيت قلك انو وصلتنا برقية من الزعيم قال انو وافقو يصنعو القنبلة .
ضياء : طيب منيح ما قالو قد ايش رح يستغرقو بالوقت .
قاسم : لا و الله ماقالو بس على الأغلب رح ياخدو شوية وقت .
ضياء : طيب و ما عرفتو مين لي هاجمنا هداك اليوم .
قاسم : هدوك يا بنتي مجموعة من قطاع الطرق عم بيسمو حالهم مقاومين .
ضياء (ابتاسمات في استهزاء و كتافات بالصمت ).
قاسم فهاد اللحضة صونا ليه التيليفون و جاوب .
قاسم : ايه شو في .
شخص من المنظمة : ******************
قاسم :شو انت شو عم بتقول مستحيل لا لا طيب دورو منيح ممكن تلاقوه .
الشخص :**********
قاسم طاح ليه التيليفون و جاتو السخفة .
ضياء : عمي عمي شو في شو صار . عطاتو الماء و هزات التيليفون شافت اتصال من المنضمة مي متقدرش تهدر قطعات و شافت فقاسم لي قريب يسخف شاف فيها و قال : ضياء أنا آسف بنتي و غاب .
فنضركم أقرصاناتي شنو الحاجة لي قالها الشخص لقاسم و دارت ليه هاد الحالة و شنو علاقتها بضياء حتى يعتادر ليها 🤭 .
آرائكم تهمني …

Leave a comment

  1. فين هي التتمة ديال حرة بلا سلاح

    1. رانا حطينا الاجزاء جديده