Skip links

 1,904 عدد مشاهداات

عتق عتق عتق ها نتا رفيع كيغرق😂 ها نتا كولشي تورق 🙂 شافاك المدير ها نتا 🏃‍♀️ بداك البندير ها نتا💃💃

ماتخافوا ما تخلعوا هادي غير انا تحمست 😂 هلاووو سيدي لاواااه💃💃💃
ها انا ساكتة😐😂😂

حصرياااااا على أميراات ديزني👑

جبت ليكوم قصة كوميدية مكاين غير الضحك و النشاط😂💃💃💃 و مولاها ربي

كتبت ليك برية و حبيبي مجاوبتيش عوجوك عليا💃💃💃 سير على الله صافي و الله تا نسكت 😂😂

قصتنا بعنوان:
♨️هبيلة و قالوا لي زغرتي ♨️
ها انا نزغرت يوووويوووو😂😂

بقلمي:كنزة✨❤

لا احلل النشر بدون اذن نهائيا⛔⛔⛔

كيما كتشوفوا القصة كوميدية غضحكوا معايا مزييان وجدوا كنينكس باش تمسحوا دموعكوم😂 ولا ماشي دموع الحزن 🙂

قصدت انكوم اضحكوا ختى يسيلوا عينوكم بالدموع 😂😂 مدويش عليا❤😂

قصتنا كدوي على بنت مفروحة و هبيلة عندها كولشي بالضحك مكاينش المعقول التفاهة مخلطة ليها مع الدم بحالي😅😅

قصة كتحمل فطياتها.
😂الكوميديا
❤الحب
💣الدراما
🔞السفالة بجرعة قليلة

💦القصة كاملة و غنقسمها ليكوم💜

💦بغيت ارااءكوم باش تحفزوني سواء كان سلبي ولا ايجابي انتقبلو بكل فرح😍

و اخيييرااااا كنتمنى القصة تنال اعجباكوم

و متنساوش ديما النشاط و الزهو😅💃💃💃💃
كنحبكوم😍❤
‏— with Kanza Bou Kir.

الجزء 1

انا سهيلة عندي 21عام
بنت كتبغي شي حاجة سميتها الرعب متتخافش وجريئة… فيما كان شي لغز ولا عجب انا لولة لتنسبق ليه
مخليت ديور مسكونين مخليت مقابر مهم غا لينسيت…. ايوا يا لالياتي بعد مقريت شلا قصص على الجن والزواج من الجن والحب بينهم ها “حبيبي الجني” ها”زواجي من جني” ها عشقت جنية “وتيتز طبعا ما هوا هذا لمشجعني على هادشي 🙂
قررت ندير حل راسي شفت القضية طولات اه نبورو حنا ممسگداش مع البشر نشوفو مع نوع آخر المهم منفقدش الامل…. منبقاش بايرة وربي كبير الليجعلني نتزوج بعجل انا مهم منبورش…..
معلينا قريت شلا مواضيع على الجن واستحضارهم وخشبيشاتهم
نخشفت طرق بعيدة كل البعد عن الشرك بالله وداك تخلويض…
معلينا خرجت فصباح تنضور فزنقة غاانا ولمشاش مشيت جبت شي بخور وكدا… رجعت لقيت ماما عاد فاقت ودايرة الما يطيب باش توجد الفطور لبابا
ماما حجيبة:هاي هاي منين جيتي عاللصباح
أنا :والو احجيبة غير شمية الهوا تخنقت انا 😐
حجيبة:رغانخنق جدك هنا دوي منين جيتي
انا :واش مبقا حد يخرج يقضي شغالو…. الالة مشيت جبت تباخير
حجيبة:هاه ناوية على شي زمر عاود…. لا نتي اتبقاي دوري عليهم تيبربقها معاك شي قمقوم
انا:تف تف تفايلي علينا عاللصباح…را غا بغيت ناسس مستقبلي
حجيبة:تينوضي على سلامتك 😒 ماطي ليا البراد وسيري فيقي باك… را بانتي لي اخرتك تولي بحال فتيحة
انا:تي مال فمك لاحسو كلب… مالنا عال هاد حشيان الهضرة 😑
حجيبة:(حيدات سندالتها) تي غبري ليغبر لمك شقف
انا:(طالعة فالدروج وتنهضر) وديك هاه بحالا تتعايري ليا الوليدة ردبنن
حجيبة:ويلي 😳 دعيت على راسي….

الجزء 2

طلعت لفوق فيقت بابا وتجمعنا تنفطرو

٧ تغدينا وتكيت شوية بيما ودن العاصر… فيقتني ماما حيت وصيتها هبط شربت معاهم كاس دالقهوة ورجعت لبيتي وجدت كلشي بخرت البيت بداك الشي لجبت ورجعت كلست جرحت ايدي صغير وكتبت دوك الكلمات لكانو فداك الكتاب كانو سمياتهم…
دورت العشوب وكملت داكشي لبقا وربقيت تنتسنى يشرفوني
بقيت تنتسنا تعيت والو مبان شي جمعت زمر وانا مغددة مسحت الارض وضرت فاصمة صغيره لجرحة ٦طززز ضيعت دمي على والو 😑

الجزء3

هبط لتحت نعاون ماما فالعشا
حجيبة:كيطرا تا جيتي تاعونيني شنو تاهما مقبلوكش بغاو مرا حادگة شتي رجعتي تال هضرتي 😏
انا:غابغيت نعرف فاش تكوني تتهضري فين تيمشي المنطق 😐
حجيبة :نتي اخر وحدة تهضر على المنطق راك حرگتيه
انا:دب علاش زهري مكوز تا مع جنون طف
حجيبة :وتقاديتيء نتي بقا غا زهرك 😏جيبي الگرعة لهنا وزميه

ضربات 09:00 دخل بابا لدار دوش ورجع تجمعنا على طبلة باش نتعشاو…
تعشينا بابا طلع يرتاح بقيت انا وخويا وماما لتتنقي جلبانة
انا:وباز لك اختي باز
حجيبة :عا بقاي حضياني انا معد مك ميدار
انا:خليني نتفرج الليرحم والديك
حجيبة :وحيدي زمر را خوك تيتخلع فليل
انا:😒
وبقينا كالعادة شد ليا نقطع ليك تا قطعنا صوت دقان فالباب….
ثلوج انا:ها الله اكبر
حجيبة :12:00دليل هادي ياكو
انا:هيا هيا 😑
حجيبة :علي نوض حل
علي:طاح ليا سكار 😶
انا:سير الليطيح لمك ط.. (خنزرات فيا ماما) هيهي واللله الى كانت دعوة خير
ماما:نوضي حلي لباب😑
بفف نضت على وعدي وسعدي نحل لباب
انا:شكون… (مامن مجيب) اوا شكون 😑
والو مجاوبني حد يلاه انرجع تسمع الخبيط عاود

الجزء4

انا:توما بربي تا تتقلبو عليا شهاد التبرهيش
حليت الباب وبقيت تنبقلل فعيني ملقيت والو وزنقة خاوية رجعت سديت الباب
حجيبة :اشكووون دق
انا:(بملل) نسابك 😒
ماما:ومسمعت والو
انا:اش بغيتي تسمعي
حجيبة :الدفوع🙄
انا:ولا زربة على صلاح صبري نشوفو كيدار واش قابلة ولا لا 😑
ماما:ايه وزيدو تفضلو مرحبا بيكم
انا :غاتبقاي متبعاني تيسيفطونا لبويا عمر بجوجات

مع گلست سمعت تحنحين وقفت بلاصتي وشفت فماما لتتنقي وممسوقاش خويا تيتفرج
نعلت الشيطان يلاه بغيت نحط قزيبتي تا حنحن عاود
وقفت درت تنشوف مبان لي والو ورجعت گلست وحاضية نشوف
رجعت تنتفرج
ضربات 1 ناض كلا مشا لبيتو ينعس وخويا تينعس معايا…

الجزء5

نعس خويا غطيتو ورجعت لمكتبي صغير تنقلب فمواضيعي كالعادة… تا دخلات عليا ماما…
انا:باسم الله الرحمان الرحيم تف تف… تي ديري الحس
حجيبة :عطيني نشرب
انا:لا منيتك 😕 طالعة من حدا الكزينة باش نهبط انا نجيب لك الما 🤦‍♂️
حجيبة :بغيت نشرب
انا:حمار الليل 😒… ورجعت خدامة فالبيسي سمعت حسها مقطوع درت نشوف مالها ملقيت والو…
انا:🙂اعوذو بالله
… بقيت تنشوف تا عييت ونضت لبلاصتي نعس طفيت وضو ويلاه غانتكا تا قرصني شي حد
انا:اعععععع احح… شعلت ضو ومبان لي حد 😑
هاه دب فهمت.. قول جيتو وغا علمونا نعمرو لكم كويس داتاي
طفا ضو
انا:والله لانعستو يلاه با كاملين ياتاحد..
شعلت ضو… بان لي الغطا تجر لفوق بحالا تغطا شي حد وعاود طفا ضو
انا:تتحداني سير عالله… جريت الغطا وقلست عليه…
… :خليني نعس
انا:دار باك هادي نوض تگعد لهيه
…. :را انعوج حسك 😡
انا:حرررربش وقرب… اجي بعدا علاش متنشوفكش 😑
…. :اش بغيتني ولاش جايباني اصلا
انا:ابشوية عليك ابب لا طرطق… وغا بان بان عليك لمان

الجزء6

…. :خصك تسني على الشروط عاد انبان لك 😒
انا:تانتوما تتشرطو 😐… ايه مگلتي عيب ارا لهنا نشوف
تحطات ورقة قدامي و صمغ مع قلم
انا:اش اوا هاد الكتبة 😐
… :غا تسني ولانقود فحالي
انا:هاني هاني سنيت وعطيتو الورقة…
هزيت عيني
انا:وااااااااااااااااع….
سد ليها فمها
انا:عمممننعمنن
…. :سكتي الليقطع لبوك الحس…
انا :حركت راسي باه وحيد ايدو
ناري خارج بكمارتك هكا صفرة… حرفي 😐
…. :😒
انا :سديت عيني وحليتهم وياااااااا لالهول😍…. رجع تيتيز تيبري
بغيتي تسكتو ليا لا بغيتي تسكتو غا گولها من لول علمني…
…. :ليدرنها وحلة معاك…. خليني نرگد(تخشا تحت المنطا ديالي ونعس
انا:زااا الشريف تا كحوز لهيه خلي لي بلاصة

الجزء 7

تكيت حداه..
انا:احمم دب شنو سماك الله اسميتك 🙄
…. :(تافف)كورهان
انا:هييح شحال غزالة
انا سوهيلة 😌
… وشحال فعمرك اكورهان🙊
كورهان :150
انا:نعااام😳
كورهان :الحلاقم خليني نعس 😡
انا:ويلي على شارف وتيبان بحال ولدي 😐…
اجي هانتا اخر سؤال ونسكت
دار عندي
كورهان :شنو 😑
انا:احمم قول ليا اش داكشي سنيت قبيلة
كورهان :نتي وليتي مرتي وقابلة گاع شروط وديري هاه ولا هاه نخلط طاسيلتك
انا:ويلي 😳 على زواج اعععع اعنننن ماماااا 😭😭
كورهان :(وقف) مال مك دب 😕
انا:ضحكتي عليا 😭😭
كورهان :انا
انا:ايه نتا فين دفوع فين العرس وسولتني بعدا واش قابلة ولا لا هنننن 😭 😭 🤧
كورهان :😒هادشي كان خصك تفكري فيه قبل متعرضي عليا الزواج
انا :شناهوا 🤨 انا عرضت عليك زواج ايمتا بسلامة ايوا ها الباطل 🤨
كورهان :ملي متتعرفيش اش تتكتبي لاش مدخلة كرك فهاد السوق
انا:دب انا لطلبتك لزواج ونتا وافقتي😐
كورهان :اه مزيان دب فهمتي وبعدي مني خليني نعس 😡
انا:نعس احنيني نعس جاتك

الجزء8

تكيت تانا وجبدت عليا الغطا… يلاه انسد عيني جر عليا الغطا وبقيت هاكاك…
جمعت الوقفة وجريتها من فوقو..
سهيلة :ايوا هاه عالبسالات 😑
كورهان :تي طلقي وهنينا
سهيلة :وغطايا هدا سير فحالك..
كورهان :ها طلقي لا
سهيلة :الاء 😑
بداو تيتجابدو كورهان من جهة وسهيلة من جهة
علي مسكين دوخوه مخشي تحت المانطة وتيتفرج…
سهيلة :واااااااااااااااا طلق النم طلق
حجيبة سمعات الغوات وجات طايرة حلات الباب وبقات تبقلل فعينيها جا علي وقف حداها
وتيشوفو البنت تضارب مع راسها 😐

حجيبة :لا تشيرات ديال بصح 😐
علي:واتكون غير تتحلم 🙄
انا :وطلللق لهنا…. (تخشا فالمانطة انا نجر هوا يجر) هننننن 😭 😭 وطلق علاش تتحگرني
كورهان :😈طلق المنطا
وجيت مفرشة وترمتي تتبزبز
حجيبة :ا الحفيظ الله 😐
انا:ماما (جمعت الوقفة… درت تنشوف فيها هيا وعلي واقفين حدا الباب وتيشوفو فيا
انا:اش كاين
حجيبة :نتي من صباح ونتي تهرنطي مخليتي حد انعس… وباقي تتسولي
انا:انا 😯
حجيبة :(خنزرات فيا وجرات علي خرجو وسدات الباب)
كورهان :نسيبتي مشاء الله عليها
انا:نعام نعام 😑
كورهان :زيدي تنعسي
انا :هنا جاية ازماني🙊
فقت صباح تنشم ريحت المسمن والقهوة تيضربو..
انا:هااح البارح تزوجت بطيطيز 🙈كون غا كان بصح 🙂 💔
هبط لتحت تكايبان ليا راجل فالكوزينة عاطيني بضهرو وتيطيب لابس شورط وتيشورط
انا :ها 😕
كورهان :صباح النور
انا :بصح طلع بصح 🙂… اععع
كورهان :دوزي حطي طباسل فوق طبلة را قريب عمي أحمد يفيق
انا:عمك 😑منين جاك
كورهان :نسيبي
انا:اجي واش تايشوفوك
كورهان :كلشي تيشوفني عاد
انا:😳… ويلي… شتي صافي متخرجش طلع لبيتي وريح تنجي
كورهان :وخا 😈

الجزء 9

انا:هححح على راجلي تيعرف اطيب 😌
كورهان :ماشي بحالك
انا:بزاف على مك… را ندير لك بغرير ادوب فيدك 😐
كورهان :فيدي 😂😂
انا:زعما فمك 😒
كورهان :هزي طباسل حطيهم..
انا:حطيت طباسل ورجعت هزيت صينيا وهوا طلع لفوق
طلعت تانا فيقتم يفطرو
هبطو كلهم وانا غير تنفرنس
حجيبة :الله يابنيتي واش جرا لك
انا:هادي هيا تبارك الله عليك الليعطيك صحة 😑
حجيبة :وسبحان الله 🙂
… ريحو تيفطرو وكلشي تيشكرو لماكلة لحت طرف دالمسمن وتبعتو القهوة جيت نصرطو تنشوف السيد هابط فالدروج…
انا:😳حك اعع كح احمكح احنكك اححك
حجيبة :اويلي بسم الله عليك ابنتي
علي:بشوية عليك الهيشة
انا:(تنشوف فبابا ونرجع نشوف فيه هوا لهابط فالدروج) هوا دب… انا ولكن
بابا:ولدي جيب لهادي تشرب
انا:بابا هوا را…. ماشي… دب
بابا:سهيلة الليهديك مالك
بابا:علي نوص خلاص
انا:هاا علي… وانا…(درت لجيهتو مخنزرة وهوا تيتمرغ بضحك)
كورهان :وااااا مي 😂😂🤣🤣هوا.. انا… هي اععع 😂
انا:تهجرو
بابا:كيفاش
انا:ها هيهي 😁 ماشي معاك ابابا غير هضرت
حجيبة :حالك معاجبني 😑
انا:وبقاي حضياني 🙄

الجزء 10

وصلات العشية عاود طلعت لبيتي لقيتو مكسل فوق ناموسية رجل هنا ورجل لهيه… ملي حس بيا دخلت جمع الوقفة
انا:اش ديك الفرشة🙂
كورهان :متفكرينيش😂😂😂
انا:تفو عليك كن نطقت بشي حاجة
كورهان :هانية هانية 😂
انا:بااز… مشيت رجعت لبيسي ديالي نقلب تكنحس بانفاسو سخونة على راسي 😑
انا:اش تم
كورهان :شفتك مصلتي مطاحت جبهتك لارض
انا:احمم وا هوا غير 😅
كورهان :سهيلة
انا:نعام 🙄
كورهان :نوضي صلي ورجعي نهضرو

نضت صليت ورجعت گلست حداه
كورهان :شوفي الصلاة هيا عماد الدين قال الرسول عليه الصلاة والسلام
العهد الذي بيني وبينكم الصلاة فمن قطعها فقد كفر
… هادي نقطة النقطة الثانيه علاش تتقلبي فهادشي
انا :غير تيعجبني نجمع معلومات 😐
كورهان :ربي كون بغاكم تشوفونا كعما يحجبنا عليكم من لول… را بهكا تتشركي بالله وكل ما تعمقتي فهادشي تتبعدي من ربي كتر وهما تيستاغلو فرصة يسيطرو عليك… فخبارك فاش كنتي غاطيحي راسك 🙂
انا:فاش 🙄

الجزء 11

كورهان :دوك الاسماء لكتبتي كانو يهوديين وهما تياخذو اي فرصة استاغلو بنادم كنتي غاتعدبي ومعاك تا عائلتك… داكشي باش سبقت انا قبل
انا:ايه وعلاش مجاوش، 🙄
كورهان :😑حيت الالة سبقت انا وملي وقعتي ديك الوثيقة وليتي ديالي وحنا بنتنا الاحترام تحد متيقرب من شي حاجة خاصه بلاخر وخا هما يهود وحنا مسلمين فهمتي دب 😑
انا:فهمت اراجلي فهمت 😇
كورهان :اتفاقنا بقا ليه نهار واحد ويتلغا
انا:كيفاش اتلغى
كورهان :يعني غاتولي مرتي لمدة يوماين وكل واحد يشد طريقو غالبا انا متنلبيش بحال هاد الدعوات وخا تنتكرفسو
انا:وعلاش لبيتي ديالي 😌
كورهان :حيت كنتي غاتغرقي طاسيلتك معاك 😒
انا:دب بقا لك نهار واحد وتمشي🥺
كورهان :ايه بقات 6دسوايع باش نمشي
انا:اجي وعلمني نطيب الليحفظك 😁
كورهان :مرحبا
انا:بلاتي نجيب شي دفتار نكتب فيه 😑
نضت جبت دفتار وستيلو ورحعت گلست حداه
انا:نبداو بالحريرة اش تديرو فيها
كورهان :هانتي بول لفار ليتيم وذنين جرادة كحلة زغب نسر عزب وجوج ذبانات بريات وزيدي الما والاقامة😒
انا:🙂و زيدك جرانة بالغة ونصدقو ففتيحة شوافة 😒
كورهان :😂… ايوا منيتك نتي لبغا تعلمي مني
انا:واش فيها لوريتني المسموم 😑
كورهان :اري نعطيك عنوان المرا لوراتني
انا:حلف😍هاك
كورهان :شد دفتار وكتب وردو ليها
انا:(شديتو بفرحة تكنتصدم) مطبخ حليمة الفيلالي 🙂💔
كورهان :تماما ☺️
انا:اليوتيوب🙃
كورهان :ايه ضروري
انا :(شيرت عليه بالدفتار) لمك كون كانت عندي الكوني واش غانجي نحاشيها لمك
(هوا يجري فالبيت وهيا تابعاه بصندالة)
كورهان :ايوا اش ندير لك انا… خمسة دراهم وصنعي العجب
انا:لا غا قرب لهنا لمعوجت لمك الحنك
كورهان :(وقف ودار عندها) حبس حبس…. انا لتنعوج ياك 😑
انا:ايه🙄
كورهان :اذن خص انا لنتبعك ياك
انا:اه… ها لا لا زعما شوف… هانتا…. نتفاهمو.. غابلعقل… الى عوجتني شكون يتزوجني باك.. زعما تاحد ميقبل بيا
كورهان :تنكون طلقتك عاد تزوجي 😐
انا:(وقفت وربعت ايدي) طلقني

الجزء 12

كورهان :نعام
انا:قلت لك طلقني
كورهان :و مشينا ل لالة لعروسة بعدا 😑
أنا :حلف 😯 انمشيو
كورهان :😏
انا :عافاك الليحفظك شو غا جيب نسيبتي ونمشيو..
كورهان :نسيبتك غاتشتف علينا بزوج لعرفات 🙂
انا :اه اه تنتا مك مسمومة 😒
كورهان :غاتجمعي لا
انا:هاهيا
كورهان :بقات ساعه دوزي گلسي باش نقادو زمر نمشي فحالي
(گلسنا بزوج فالارض رسم واحد الدائرة وگلس وسطها)
كورهان :اتكمل ساعه غانمشي صافي والعقد لبناتنا غايتلغا ولكن عنداك ترجعي لهادشي واعدني
انا:(دمعو عينيا) كنواعدك 😥
كورهان :يلاه بسلامة تهلاي فراسك البجغوطة 🙂
انا:كورهان
كورهان :نعااام
أنا :غانتوحشك 😢
كورهان :😂😂متخفيش مرة مرة نطل عليك
انا:وخا
كورهان :(يلاه ايدخل ديك البوابة عيطات عليه)
انا:كورهاااان
كورهان :نعام
انا:ايوا سلم عليا
كورهان :رجع باسها بزربة فخذها ورجع يلاه ايخظي خطوة عيطات عاود
انا :كورهاااان😭😭
كورهان :نعااام
انا:مبستنيش مزيان… زعما مسلمتش عليك انا
كورهان :تبسم ورجع
كورهان :(رجع حداها حيا لكانت مهبطة راسها لارض وتتبكي… هز ليها راسها بصبعان ايديه وبقا تيشوف فعينيها لمبللين بالدموع)
كورهان :مقدرتش نقاوم راسي تلقيت شفايفي على شفيفها…. ههه هيا مع صدمة متحركات تا ساليت على خاطري 😂😂
انا :ببب… بست… يني، 😳
كورهان :دب مزيان
انا:اه.. لا.. لا.
كورهان :نعاود
انا:الا اقليل الترابي علاش قربتي مني 😒
كورهان :لحد الان باقي راجلك 😏 يلاه باي… لاح رجلو ودخل وختفات البوابة
وبقيت تنبكي تشبعتهم ونضت غسلت وجهي وهبط عند ماما

الجزء 13

حجيبة :طلقوك😏
انا :ها عار ربي باش تتعرفي 😑
حجيبة :تي دوزي تسيقي را رتيلة قربت تطلع معاكم وسدي دلقوشك… ايسمعك شي حد ايقول عا بصح نيت 😒
انا:ومنعرف ليك 🙄
حجيبة :ها دوزي لا 🤨
هزيت سطولت دوزت على دار كاملة بتسيبة فاعلة تاركة ه تفو… كون كان كورهان كن عاوني🥺
حجيبة :اش تتبرگمي تم
انا:حجيبة فرقيني عليك الليرحم الوالدين انا طالع نتكا تا يجي بابا
طلعت لبيتي وتكيت على ناموسية تا كنشوف خيال مورايا…
اتا:كو كو كورهااااااان😍
…. :يعطيك حلاقم صمكتني..
انا:🙂 وانا يصحابني غا راجلي رجع…
… :را غانخبط مك زمتي..
انا:هاي هاي على الشيبانية اشتك تفروحتي ياه 🤨
… :نعام 😑
أنا :كككورهاني 😍
كورهان :مسمعتش اش قلتي دب
انا :(حدرت راسي حشمانة) كورهاني🤭
كورهان :لي قبل😒
انا :انا بلعما اش قلت شي حاجة
…. :وبغيتو لك نيت
كورهان :الليجعلني نتيق 😑… الواليدة زيدي ونعلي الشيطان
انا :نعام نعام… الواليدة… دب هاد الرابوز زعما قصدي هاد الخير هوا لوالد هاد التوت…
…. :رابوز وكلا من جيب باك 😑
أنا :الله مرحبا بنسيبتي😁
كورهان :😐
…. :اشنو 😑

الجزء 14

…. :تا كيفاش راجلي..
كورهان :الواليدة صافي زيدي لدار ونشرح لك…
سهيلة :هاااحاي تانتوما عدكوم دار وداكشي 🙄
…. :وفين ساكنين قزيبة باك مثلا 😒
كورهان :الواليدة زدتي فيه سيري لدار انا جاي
…. :دب..
كورهان :قلت سيري لدار…
…. :غافرنسي دب جاتك (رجعات ختفات)
انا:كورهاااااااااان😍دافعتي عليااا وو
كورهان :بغيت لمك البكم
انا :هامالك على الدعاوي غا فرحت يااه 😒
كورهان :الليخليها قاعدة… عرفتي الليعاونك (قلب الدورة غادي لباب نضت نتبعو طيحت الكأس لكان فوق الكوافوز ودخل لي جاج فرجلي) اعععععع
كورهان :😤
انا:عننن رجلي هوف هننن 😭 😭
كورهان :سرك عالله تبركي اللارض 😒
انا :ياك ياك ومرتك ياحصرة 😥
كورهان (گلسها على الناموسية وجمع زاج لواحد الجهة وجاب علبة الاسعافات
انا :هيحح گلسني وجاب علبة الاسعافات وانا عقلي السافل ولد الكلبة مشا كيف العادة 🙂💔

الجزء 15

هز واحد الملقط صغير احيد به زاج…
انا :مدخلوش بزااف را غاتقصحني🤒
كورهان :وزگاي باش منقصحكش…
انا:اي او بشوية، 😭
كورهان :هانتي تكاي على يديك وهزي رجليك الفوق را متنشوف والو… 😑
انا:بحال هكا 😶اععععع دخل خرجو خرجو قسحتني 😭😭
كورهان :صبري شوية هاه صافي قربت 🙄

تحل الباب على كدو وانا نشوف السيدة ماما هزا كراطة وناوية على خزيت، 🙂💔
حجيبة :خرجتوه ولا باقي 😑
كورهان :باقي شويه مبغاتش تهز رجليها مزيان 😐
حجيبة :ها تا نوض تگعد لا نجمع بوك بهادا…
انا:ماما هانتي حق مولانا الا غير زاج 🙂
حجيبة :زاج ابنت كرشي كون زدت شوية يولدك هنا نيت 🤨
كورهان :خالتي را غا طاحت فزاج 🙄
انا :يخوي لك جناب على خالتك نتا لحگتي200وكتگوليها خالتي 😑
حجيبة :ها اجي نتا منين دخلتي 😐
كورهان :(نيش بتجاه السقف)
حجيبة :انبي الرسول الله… قول نتا من هادوك 🙄هييه العفريتة مامشيتي تاديتيه… ها ومدبريش لمك على شي حد فحالو 🤭
انا:هاويلي تتقولها وحشمانة اتي تجمعي والوليد اتبرعي بيه 😑
حجيبة :سكتي يسكت لبوك الحس…. ها گول ليا اوليدي عندك شي عمك بوك تهوا عندك 🙂
كورهان :جدي تقبلي بيه 🙄
حجيبة :لهلا يحييك 😑على جدك.. را بقا صغيرة هاه شباب مزيناتي 😌

الجزء 16

انا:تي نوضي على سلامتك 😒 ونتي زغبة كحلة لبقات فشعرك… لا زوينة هادي عاود 😏
حجيبة :مجاوبتنيش نتا 😑 اش تدير هنا
كورهان:جيت نشوف سسهيلة😊
حجيبة :يا حليلي… اييه واشنو تتجيها..
كورهان :خوها🙄
حجيبة :مشاركيين البزولة ووو
….. :شتكم دورتوه بيناتكم ياك لباس
كورهان :الواليدة اش قلت 🙂
حجيبة :هادي مك..
…. :ايه مو هادي كاين منقضيو..
حجيبة :وشنو سميتك 🙄
انا:زعطوطة ولا فرقوشة هكا سمياتهم هما ياك 😁
…. :نتي غاديال تعاوج بربي
انا:مشرملة مع راسك… صافي اتكون سميتها عقوش المريولة…😂😂
حجيبة :اسكتي الليسكت لبوك الحس.
…. :تف على تربية
حجيبة :ايدفلو عليك
انا:حجيبة راها منهم زعما 🙄
حجيبة :المشاش المشاش يدفلو عليك…هاجمين عليا فداري وتدوي على التربية كيدرتي لها
…. :دار باك انوضي على سلامتك 😒
حجيبة :وديالمن دي…
كورهان :سكتووووونا عاود…. جيت طليت على هاد الهيشة ندمتونا مي زيدي لدارك… لالة حجيبة سمحلينا على هاد الصداع
انا:🤭ها 😕 بلاتي بلاتي غاتمشي…
حجيبة :ناوية تكري له بيتك
كورهان :يلاه مع السلامة…
حجيبة :تا اجي لهنا…بعدا فين داكشي لدوينا عليه
كورهان :شمن داكشي 🙄
انا(خنزرت فالواليدة) سير احنيني سير هادي را تلاگاو ليها الفيزيبلات…
مشاو هبطات مي لتحت تهضر مع عمتي لي في ففرانسا وانا بقيت فبيتي تنتكونيكطا
حجيبة من لتحت : سووووهيلة وااااا سوهيلة…
حولي الباب را غايفرعوه…
انا:اني جايه….
حليت لباب لعقروش دخويا وجيت گلست حداها…

الجزء 17

حجيبة :ايه هاهيا مريحا حدايا…. اشمن متهز متحط وطول نهار تتشاشا
انا:حجيبة سميتها تشاطا…
حجيبة :احمم هيهي (من تحت سنانها) بلعي لسانك الهيشة بغا تشوهيني) ها لا لا ايسول فك الخير توووموند صافا صافا….
انا:هااحاي الواليدة
حجيبة خمزرات فيها ورجعات تهضر…
…. :ايوا وعلي كغادي مع قرايتو..
حجيبة :اييه ولدي الليرضي عليه… را جاو البارح يزاوگو ويعاودو قالك يديوه يقرا ففرانسا… قلت لهم والو منتفارقش مع كبيدتي كيشتي نيقاطو مكاين غا 20 – 21
انا: الواليدة تاقي الله فالكدوب گهمتي السيدة
حجيبة :هاه ومالي كدبت وو
انا:داك المشعوط دولدك يلاه لاحگ الرابع شمن فرانسا ولا هولندا 😒
حجيبة :احمم اه ايوا بسلامة ربي يخليك ايسول فك الخير غوفواغ غوفواغ شيغي…
قطعات معاها ودارت عندي تقرص وتعاود…
حجيبة :ها لتشوهني قدام ليسوا وليميسوا… (قرصة) هاااالي نقوليها سوكتي وطرطق فيا عينيها(قرصة) هاااا لمك تصححي ليا راك حسن مني وو (قرصة ودبزة) نوضي تجمعي لنجمع بوك بشي مقراج لراس تريكة ناقصه….
انا: غير تنبرد فالضرابي وساكتة…

الجزء 18

داز شهر دازت فيه خطوبتي بولد عم بابا لمتنعرفوش 😐نرجعو فلاش باك لقلب الحدث 😂😂

🍁 🍂

كنت لابسة قفيطين سامبل فالبيج وطالون عالي مكياج خفيف ودايرا زيف مفيا ليصوب شعري… ايوا وگلست تنتسنى السي راجلي يوصل تا داني نعاس… مفقت غا على الغوات والصداع ومع يلاه فقت معقلت على والو…
حجيبة :اويلي حااااي الهيشة مجاك النعاس تال اليوم… اسييييرييي بغييييييييت مك تنعسي متنوضي…
بابا: تكون هربات ولا كيفاش… ياك قلتو بغات وموافقة…
علي: تكون نتحرات 😯
حجيبة :اسكت ياسلگوط ماهوا فالها…
فهد: الليرحم لكم الوالدين غابشوية تقدر تكون نعسات ولا داخلة لدوش…
ام العريس: تانتا منيتك دوش 2سوايع…
حليت الباب هما تصمرو وانا كتتر منهم…
انا: حجيبة عدنا ضياف ومفخباريش 😯
(سلمت على العريس) سلام خويا لباس عليك (وسلمت على ماماه) اهلا خالتي مرحبا بك تفضلو لصالون اش تديرو هنا… الواليدة جيبي شي كويس داتاي…
فهد :خوووك!
حجيبة جمعات معاها بقرصة وهضرات فوذنها : هدا راجلك ينعل بوك واليوم خطوبتك الكلبة ولكن والله لداوزتها لك الهيشة
انا: احااااي على راجلي توما ايمتا هادشي…
حجيبة :بالشوية تعطاك فالقلب 😑…
انا:احمم هه سمحوليا غاتنتمازح معاكم… ههه تفضلو لصالون…
بابا داهم لصالون ودارت عندي الواليدة…
حجيبة :درتيها بلعاني
انا:حق مولانا مبلعاني… ناري هدا راجلي وكنت كنصحبو شي بوكريشة بموسطاشو طلع توت…
حجيبة :اجمعي ريوگك ازمر طليتيني… مسحي كمارتك وهودي الناس تيتسناو…

⚠️

ايوا و اليوم عرسي كلشي هوا هداك القاعة برا والماكلة واجدة العيالات تيتجاراو من هنا لهيه وانا بارزة حدا راجلي 😌 سلا العرس وتوادعت مع مالين دار…
انا:حجيبة شتك تتعصري شكاين
حجيبة :هانتي تشوفي بغيت نطيح جوج دمعات زعما وتقول واش بغاو اهبطو…
انا:ورا تايانا مبغاوش شغاندير صافي نقزو هاد اللقطة بسلامة الليعاونكم…
ركبت فلوطو دراجلي وهوا باقي تيسلم شحفت وجاني العطش درت هك وهك بانتلي قرعة لور جبدت مها گرگبتها ورجعتا لبلاصتها وتكيت بما جا….ايوا شدينا طريق لدارنا
الالة كنا مبينا معلينا مريحين وهانين تا السيد سخن عليه راسو وبدا يتلمس فيا… حليت عيني على جهدهم ودرت عدو..
انا: اشوف اه شد مكافشك…
فهد:ها 😕
انا :وتا جمع مكافشك ازمر… سخن علك راسك اوو…
فهد: مكاين لاش تحشمي راني راجلك دب 😉
انا:تا إنا راجل وانا زعطوط ياك تا عامول طاكسي… ها صبر صبر فين غادي بيا…
فهد :سهيلة واش نتي بخيير..
انا:حمد الله اسول فيك الخير… ودب ردني لدارنا..
فهد:كليتي شي حاجة…
انا:واكلة الفگيع تاحطني يازمر رغانجمع علك أمة محمد…
فهد :(دور راسو للقرعة بانتلو خاوية عاد فهم البلان وبدا يسايس معاها تارجعات تنعس دازت 4دقايق وناضت ليه عاود)
انا:بوسني..
فهد :نعااام 😳
انا:قلت بوسني 😯
فهد :احمم ماماشي دب تانوصلو راني صايگ..
انا:احااااي وانا بغيت حقي يااو اتبوسني ولا لا…
فهد قرب باسها بزربة فخذها ورجع تيشوف قدامو… وهي تحط عليه بواحد العضة فالحنك تا مشات بهم لوطو ورجعات…
ةنا: وهاك لمك تبوسني فخذي ختك انا…
فهد يلاه ايدور يهضر معاها وقف عليهم بوليسي..

الجزء 19

البوليسي :السلام عليكم..
فهد خنزر فيا نسكت ورجع دار عدو :وعليكم السلام
البوليسي:كاين شي مشكل
فهد : الا الا مكاين بومشكيل
انا:كاين قالاك هء اش تتنغز فيا بربي تنشوه مك…
البوليسي: اش كاين الالة ياك لباس.
انا:احمم كيشتي هء هدا راجلي قلت لو بوسني هء هداك حقي ومبغاش عتاقلو نعام اسي 😐
البوليسي :احمم داكشي بيناتكم.. يلاه تحركو من هنا…
انا:تا كيفاش ازمر بيناتنا هء را تنقولك مبغاش اوو هء … اشمن قانون هدا ليتنعرف هء خصك تعتاقلو حضرة الشرطي…
البوليسي :تتفرج فالافلام بزااف (خاطب فهد) مبرووك عليكم يلاه تفضل (ونعت ليه الطريق باش يتحرك)
انا:شوفلك بوكريشة لاخر هء تف تنتفرج فجوني يانا عرفتيه..
البوليسي: حتارمي راسك اشريفة..
انا: تاشوفلك هاد البطاطة قصبية تيتعوج عليا 😑
فهد :هيهي احمم سهيلة صافي سوكتي… يلاه مع السلامة…
البوليسي:احبااس قالاك مع السلامة هادي را اهانة اسي محمد..
انا:اشوف اداك راس هء طنجية شتك ساير تقابح معانا هء ولا كيفاش..
البوليسي :لاوزدتي فيه هبطو بجوج..
انا:انا هابطة لحسك هء نيت مال جد بوك تغلبني ولا هء داير كدجاجة معمرة بروز… حيد لاموريتك هء وتاطلقني لاش شادني هء طلق
البوليسي1:دخل هاد الزمر لبنيقة
الشاف :كمال شدارو هادو شتهم لابسين لبس العرسان…
البوليسي:اسيدي كن…
انا:اسمع سمع انا نعاود لك… دب كيشتي اليوم عرسنا وقلت لهاد الزمر بوسني ومبغاش وجا داك الزمر لاخر قلنا لو هضر مع زمر لول حلف لهضر وقال بيناتكم واش محشوماش را حقي هداك ياء
الشاف : ايه احمم وشنو هادشي علاش جايبكم..
نطقات البوليسية لكانت مع بوكرشة
البوليسية: احمم سيدي هيا لقللات احترام عليه…
انا:اسيري الليقلل حياك تانتي وليتي تهضري… اشوف لك الكروفيتة الاوية تاهي زعمت..
فهد: سوهيلة بصح زدتي فيه متسكتيش تخلينا نفكوها
انا: اش غتفك بنا لك مطايفين وو..
الشاف :ضريتوني فراسي
انا: ودب نتا دير راسك بلاصتي تمشي تكول لمرتك بوسيني ومتبغيش ميبقاش فك الحال… ها
الشاف: احمم اا اه اه
انا: ايوا الليعزك 😌 وخوذلي حقي من هدا..
الشاف : ( هضر مع فهد لوضح لو سوء تفاهم) احمم دب خوذ مرتك وسيرو ليلة سعيدة…
انا: (مع فهد) والله وتعكس تنديكلاري بيك انا علمتك… وتقن خدمتك..
الشاف : احمم اه انا هنا في الخدمة يلاه تفضلو…
ايوا رجعنا للوطو انا تكيت على زاجة وضربتها بنعسة هو دخل كان ناوي يعرعر لقاها ناعسة ورجع سكت وشدو الطريق لدار…
الشاف: جيبولي شي كاس دالما بارد… شي يتكوى ويبوس وحنا نتشواو هنا لعنة الله وعليكم…

الجزء 20

فهد مع وقف قدام دارو فرانا وفاقت سهيلة…
فهد :اعلى سلامتك رجعتي لنا 😏
سهيلة :وييييلي حاااي قفرتها يفهد…
فهد :(تگعد من بلاصتو) اش كاين مالك كضرك شي حاجة
سهيلة :معرضتش على كورهان لعرسي والله تغايشتفني هننن 😭 😭
فهد :كيفاش شكون هدا دوي 😑
سهيلة :راجلي 😌
فهد:نعام
سهيلة :ها هيهي غير تنتمازح معاك ابب غا خويا هداك…
…. :يخوي لك الضراس وجناب ابنت حجيبة هادي هي والله مننساك.
سهيلة :كوووووورهااان😍🤭
فهد :(قلب راسو لور ببالعرض البطيء لقاه مكسل لور شاد قرعة خرا مندوك لشربات منهم سهيلة وتيشرب من الكاس….) ااااش هادشي لا لا غير تنحلم والله تكنحلم…
كورهان :تبت راسك اصاحبي ونتا قربتي تبول 😒
فهد :منين دخلتي نتا وشكادير هنا
كورهان :أودي غاجيت نحضر العرس لقيتهم كلشي گفض 😑
سهيلة :لهلا يحوجك انا نصوب لك عشا تاكل عليه صباعك..
كورهان :را بان لي راجلك لغاياكلني قبل منهبطو…
سهيلة دارت عند فهد : فهدوش غير مصدوم وصاف يلاه هبط هبط…
سهيلة هزات سوارت دار هبطات ومشات دخلات لدار.. كورهان قبل ميهبط طل على فهد وتيشوف ليه فحجرو…
كورهان :يكما طلقتيها 😂ومشا تابع سهيلة
فهد :سبحان الله وبحمده سبحان الله العظيم….
سبحان ربك رب العزة عما يصيفون وسلام على المرسلين والحمد لله رب العالمين… صافي هنا غير كنت تنحلم… (صونا ليه تيليفون)…
فهد :الو الواليدة
الام:ايوا كيغادين حاول على البنت…وتكايس
فهد :وقوليلها هي تكايس 😭😭
الام:احااي على الولد اش بيك…
فهد :احمم اودي 🙂 والو والو غاضاحك…
الام:يلاه خليت لكم الراحة تهلا فالبنت…

الجزء 21

كورهان :زيديه الخبز..
فهد :باركة شبعت حمد الله..
سهيلة :على كليتي بعدا 🙄
كورهان :عندو فقدان الشهية
فهد: عندي الكلاوي بالقاف..نوض سير فحالك..
كورهان :كتجري على ضيف الله..
فهد :شوف لمك اليوم ليلة عرسي مكويت منعست متنهيت سير فحالك ازمر قيلني عليك 😑
كورهان :والله مانا محرك لك منهنا وها الحلوة لغاتاكل 🖕🏻
فهد :سير ليلگيها لك الگنس القصيف… تفو نوضي نتي زيدي قدامي..
سهيلة :هاهيا…
كورهان :لاش تتغوت عليها 😑
فهد :(رجع) شوف راني معصب بيما فيه كفايه سو خليني عليك…
كورهان :اطرطق اسي وانا مالي البنت متغوتش عليها…
سهيلة :مهم غابشوية متغوتوش بغيت نعس…. (وطلعات لبيت تنعس)
كورهان :اسيري تنعسي ماتنوضي يالعوجة…
فهد: شتك تتعاير فمرتي صافا..
كورهان : حمد لله ونتا..
فهد :اليز…
كورهان :تشرب كافي… نجيب لك معايا..
فهد: اوكي… وتبعني نشربوها فجردة حسن

قبلو عليا البنات غا زربت عليه😂😂😂

الجزء 22

دخلنا لداك الريسطو مريحين فطابلة تاجا وقف علينا داك الشينوي معرت مو منين نزل…
فهد ختار طبق لبغا وجاب لي على دوقو ايوا ياسيادنا گاعدة نتسنا ومصارني كيهرنطو تا حطو ليا طبسيل 💔🙂
سهيلة :اش هدا 🙂
فهد :كولي محدو سخون…
سهيلة :اجي اخاي اجي..
السيرفور :نعام الالة
سهيلة :تغالطنا لكم مع الكلاب وو 😑
فهد :سهيلة رجوع الله… صافي غاسير اخويا…
سهيلة :تا شمن سير فين غايسير ينعل بوك وبوه…حاطين ليا سراق زيتات هنا بنت لمكم جراااانة يانا…
فهد :سهيلة هدا كروفيت شمن سراق زيت
سهيلة :ويكون تا كوفيد حيدو عليا زمر
فهد :حق مولانا متزيدي تنوري طاسيلتك…
سهيلة :تاعت الله شحال مخلص فهادشي
فهد :50درهم لطبسيل…
سهيلة :اويلي حاااي على بهلول شتي هدا را سراق زيت ديال امريكا….
فهد :نعام 😐
سهيلة :وهانتا شوف غا تاعهم محسن رجليه وتاعنا باقي محافظ على تقاليد ☺️غا مضيع فلوسك كو مشينا غا عد عمي المعطي نشبعو لوبيات غا ب 20درهم
فهد :زيدي قدامي گهمتيني..
سهيلة :عرفتي انا نطيب لزماني عشا مزيناتو هك
فهد :وخا الالة غا زيدي… نشوفو عشاك
سهيلة :ومالك حاگرني اززمر تا سول كورهان
فهد :انا بالله والشرع مخرجتو منداري غابزز..
سهيلة :احاااي تتخاف منو ووو 😯
فهد :زمر لواه زيدي قدامي…

الجزء 23

مهم درت طاجين تحرق كلينا لفوق ولتحت تلاح 😐 💔جمعت طبلة وطلعنا نعسو عاتا وسوس ليه شيطان وتفكر دخلة…ايوا ياالاخوات السيد كان يلاه شد لميزان وقفاتو
فهد :مالك
سهيلة :تا شفكرك فهادشي استغفرت الله العظيم 😐
فهد :حقي هداك وبغيوتو دب
سهيلة :ولا زربة على صلاح طريق عندي ممسكداش تمشي تا دخل وتفشو لك الروايض نصدقو فشي طايب وشي مطايب 🙄
فهد :وياك انا لغاذي فيها 😐
سهيلة :اييه ونخاف عليك را عدي كترت الفيراجات تمشي دخليا فنبولة يااو 😑
فهد :عندي بيرمي متخافيش ورا غادي غابشوية عليا

فاق فهد الصباح حل عينيه مسخسخ دار جهتها لقا غاريح….ناض طلع بوكسور وطل للحمام ملقاهاش هبط لتحت ولقاها گالسة على الكنابي حالا رجليها وتتنش والقرعة حداها….
سهيلة :هء واااااااااااااااا بيبيشتي هننننن بشونتي مشات احجيبة اللياخذ فيك الحق وعنننن بيبيشتي بيبيشتي مشات هننن واااااااا با مبقيت غانبول طارة بشونتي هء هء
فهد :شهاد الفضيحة عالصباح..
سهيلة :سكت لمك محاس بوالو
فهد :واش مقسحة بزااف نمشيو لكلينيك
طن طن…. فهد استغرب شكون غايجي مع صباح حل الباب وضرب فمو وحجيبة وباه …
فهد:الواليد الواليدة.. عمتي حجيبة
حجيبة :يتعماو لك ان شاء الله بنتي مالها شدرتي ليها يالمسلگط…
فهد :شمن بنت 😐
عتيقة:ضربتيها يولد الكافر
غا سمعاتهم زادت فتهرنيط
سهيلة :وااااااا خالتي عتيقه فرعني فرعني
عبدالله :😳😳
حجيبة دخلات عندها :ويلي ويلي على حالة
سهيلة :وااااااااااااااااع واوليت محطة بلقاسم اشيخي مشا شرفي مشا اعنننن
عتيقه :اويلي البنت واكلة شي حاجة
فهد ضرب على راسو ملي تفكر قرعة لكانت حدا راسو
سهيلة :عرفتي احجيبة سي تهامي عدو منقولكش هء هء
حجيبة :والله يابنيتي كون تشوفي تاع بوك كانا يابنتي نتكواو والبصل حدانا
عتيقه :اويلي على السيدة تي حشمي رجال هنا..
حجيبة :ايه فالحين غا فلكوا ياخزيت…. ايوا هانتا عطبتي ليا بنتي شنو المعمول 😑
فهد :الكلينيك
حجيبة :هو لغنصيفطك ليه معوق ليا البنت
عتيقه :تي تقاي ربي ها العار
عبدالله :احمم فهد دي البنت لصبيطار اولدي..
سهيلة :ميديني منديه يسخن عليه راسو يشدني فلومبلونص رانا لنعرفو ميحشم مايرمش

الجزء 24

فهد هزها تتركل وحطاها فلوطو داها لكلينيك عطاتها الطبيبة شي بومادا دهن بيه البيبيش😂
خرجو من عندها و ستدعات الطبيبة فهد لمكتب تشرح ليه شي أمور فالكواء 😂😂وبقات سهيلة برا عاتا بان ليها الكوميسير دداك نهار واقف تيهضر فتيليفون طارت عندو…
الكوميسير :وي قريب ان شاء الله…
سهيلة :ساموعليكم.
الكوميسير :وعليكم آل… (دار ضرب فيها معرف راسو باش تبلا) ههه هادي نتي
سهيلة :ايه انا 😌
الكوميسير :كغادية مع راجلك مزيان هه
سهيلة :لا لا داكشي باش جيت لعدك.
الكوميسير:ايه خبار الخير شكاين
سهيلة :مكاين بو خير نعاماس البارح فرعني
الكوميسير :😳
سهيلة :ايه حق مولانا منكدب عليك داكشي عدو كدنجال وانا بيبيشي على قد الحال 😥
الكوميسير :احم هاه وشنو بغيتوني انا
سهيلة :هضر معاه ينقص داكشي نعاماس
الكوميسير :😂😂😂
سهيلة :تا تهجرو واش انا كنعاود لك همي ونتا ساير ضحك فيا
الكوميسير :ههه عمرك زرتي بويا عمر
سهيلة :لا شنو هذا
الكوميسير:انا نقاد لك الوراق ونخلص كلشي
سهيلة :هييح لهلا يكتر خيرك، 😇
الكوميسر:ههه دب فينو راجلك..
سهيلة :را مع طبيبة تتقاد ليه المسائل
الكوميسير:شمن مسائل
سهيلة : تتبرضو ليه
الكوميسير :شناهوا
سهيلة :مولاي سليمان التهامي طالبين بركتو
الكوميسير:ها 😕
سهيلة :وهيا ناري مشا ينقص من داكشي لي تحتو وتحتك 😒اربي دب داكشي ممتقلش عليكم انا بعدا هازة الهم لفهدوشي مسكين
الكوميسير (ملقا ميقول طيراتو) :ههه سيري ها راجلك خرج

الجزء 25

فهدكان خارج جاي جهة سهيلة وحجيبة عاد حطها طاكسي جاو نيشان
فهد :شنو كنتي كديري مع الكوميسير
سهيلة :والو عا مسكين قالي عندو شي مشاكل
فهد :مشاكل؟!
سهيلة :كشتي هو بغا يتزوج ياكا وعدو داكشي صغير وبغاك تعطيه لوصفة لتتستعمل باش كبرتي داك الخير تحتك
فهد :كييفاش
سهيلة :متكونش مسموم
حجيبة :لهلا يحوجو انا نعطيه 😇
فهد :اش تعطيه
حجيبة :نعطيه باش اكبر الخير
حجيبة تمات قاصدة الكوميسير تا وقفات عليه…
حجيبة :احمم السلام عليكم اسيدي
الكوميسير :وعليكم السلام الالة
حجيبة :هانتا اخوويي هز الزعتر والخزامة واللويزة سكينجبير خضر والقرفة عود طبخهم مزيان وبقا تشربهم على الريق
الكوميسير كان جا لكلينيك حيت ضاربو البرد قال
الكوميسير :هادو ديال البرد الليكتر خيرك قتلني الرواح
حجيبة :لواه البواسير شمن رواح هادو باش اتگعد ميمونك
الكوميسير :شنو هدا
حجيبة :اش اوا باغي تجاهد فسبيل الله ولا لا
الكوميسير (منيتو مسكين) :اه
حجيبة :ايوا شربهم ورد عليا دقة بطلة
الكوميسير :اش جاب الجهاد للعشوب
فهد عرفها كتتر من بنتها غاتخنز لو دواصا يصدقو مدخلينهم البنيقة كلهم
فهد :احمم خالتي حجيبة تكلمي لبنتك را بغاتك
حجيبة :مبقاش عاطيها الحريق
الكوميسير :شناهوا
فهد :😑😑سيري عند بنتك الليهديك..
حجيبة :خليت لكم الراحة… وجرب داكشي لقلت لك 😉 اتشوف لموقف على مزيناتو هك يشعل
فهد :خالتي يهديك الله سيري فحالك
حجيبة :هاني غادة غاليبغا يدير فيكم الخير
الكوميسير :شنو هاد العشوب
فهد :(بلما يحس) ديال خلا عشتك
الكوميسير :شنو
فهد :والو والو الليعاون

الجزء 26

ركبو فلوطو سهيلة لقدام وحجيبة لور
فهد :مبروك علينا
سهيلة :لاياش 😐
فهد :راك حاملة نلقاك مقربة جهة ديك القرعة نهرسها عليك
حجيبة :اه اه حاملة وخا يكون عندك نواوي
سهيلة :ايوا تبارك الله ضربيه لي بالعين…. تاواش بصح ساير دوي
فهد :مالي نكدب عليك…
حجيبة :عاونك كورهان ولا كيفاش 😐
فهد :نعام
سهيلة :ولواه لواه احجيبة..خلي عليك راجلي
حجيبة :اسيري الليحفر لبوك جدر نتي وياه..
فهد :واش مكاين لا فرحة لا والو معاكم 😑
سهيلة :اش غانفرح وانا عاد غرزوني غنعاود نتشرگ تاني هننننن 😭 😭 🤧
حجيبة :را فمك لمشرگ ابنتي 😐
فهد :نتي مطفراه
حجيبة :احتارمني الليقلل حياك 😑
سهيلة :ياه غاتولي جنة تحت رجلي..
حجيبة :تحت خرزتك أجمعي كرك ازمر طف اعوذو بالله
سهيلة :امالك حاگراني
فهد :اسكتو الليرحم والديكم فرعتو ليا راسي…
سكتو شوية ونطقات سهيلة
سهيلة :حجيبة سمعتي اش سمعت
حجيبة :سمعت والله تا سمعت
سهيلة :قالك فرعناه 😂😂😂😂
حجيبة :😂😂ياولدي كون كان عندي باش گاع متلقاني هنا
سهيلة :فين غا تكوني 😐
حجيبة :زبانيا 😌
سهيلة :سبانيا الليهديك شمن زبانيا استغفر الله
فهد :هبطو بجوج 😑
سهيلة :نمشي على رجلي مجاتش راني حاملة..
حجيبة :وانا قد مك
فهد :ايوا سكتو ها عار ربي…
سهيلة :اييه فكرتني الواليدة
حجيبة :شكاين
سهيلة :دب غانعس ناكل بحال عباد الله عادي ياكا
حجيبة :ومالك
سهيلة :كشتي انا حاملة 😌
حجيبة :غاتعاودي تهضري والله يابنتي تتولديه هنا قبل وقتو ومتساليني حلوفف…

الجزء 27

كانت سهيلة ناعسة وفهد غير مخنزر ومكره عاد خرج من دوش… تا لقاه گالس فوق الكرسي وداير رجل على رجل
فهد :بسم الله الرحمن الرحيم تف تف واش لمك باغي تسكت ليا القلب اش جاي دير هنا
كورهان :بالشوية سهيلة ناعسة
فهد (زاد غوت) مكيهمني حد شنو كدييير فدااااري(محس بيه غير واقف قدامو و عينيه حمرين كيخلعو فهد رجع خطوة لوور بخوف وكورهان هضر بتوعد)
كورهان :كنحضرك افهد
فهد (ولا طالب غاسلة بلا عنب وهو شاف لون وجهو تايرجع كحل)شنو ب غي تي دب
كورهان (شافو هكاك ورجع گلس فالكرسي وشار لسهيلة بعينيه) مرتي
فهد :كيفاااش عفوا
كورهان (سد عينيه وعاود حلهم) قلت بالشويييية
فهد :واش تسطيتي باغي مرتي
كورهان :اه مرتي وولادي..
فهد :شمن ولاد
كورهان :وشنو صحاب لمك عندك الناواوي تحمل من دخلتها صافا
فهد :كنتو كتلعبو مور ظهري
كورهان :لوك لوك لوك….. شد سني هادو وقود فحالك
فهد :لفين بسلامة
كورهان :اقسم لك وعزتو وجلالو تغانصفيها لك متختابرش صبري قود محدي مبرد
فهد :واش ضاربك حمار ليل
كورهان :داك الحمار غايركلك غازيد تعاند
كورهان ولا لونو كيولي كحل وحجمو تضاعف على حجمو تيشورط تقطع عليه وخرجو ليه بحال لگرون فجبهتو وعينيه ولاو حمرين ولا نقطة بيضة

الجزء 28

فهد بزز باش شاد بولتو وهو تيقول هانا غانفيق…
كورهان :عندي يالكلب مدوبل ديالك على جوج وعمري ديتها لصبيطار ولا رديتها فديك الحالة كون متدخلتش علم الله فين وصلنا دب
فهد :اا وو ان ا ش نو در ت ليها هنن
سهيلة :الله اكبر تف… تنقول لمك متخرجش لعدي مسلوت
كورهان شافها فاقت وبدا يرجع لطبيعتو تولا كيكان وصدرو عريان
سهيلة :احمم اش سمعت انا
فهد (شاف فيها بغضب) :موسخة
سهيلة :عاد قبيلة دوشت😯
كورهان :ااااخر مرة
فهد :دار عندو ورجع تكمش
سهيلة :تا قولي ايمتا هادشي
كورهان (تيهضر ويعوج فيدييه) :معقلتيش على اححح اوح ايح هوه هيه اييح برك حبس طلع هبط.
سهيلة :انا احمم والله معقلت
كورهان :تانكون حمار ونخليك تعقلي…. دب نتا سني هنا وسير فحالك
سهيلة :شنو هدا
كورهان :نتي غا لبدي
فهد هز الوراق تيترعد ومرة مره يشوف فسهيلة تيخنزر فيه كورهان سناهم وحطهم
كورهان تقدم من سهيلة هزها وزاد خارج

الجزء29

سهيلة :نتا باقي راجلي هييييح
كورهان :ومالي حماقيت نخليك مع داك سكاي ي
سهيلة :تا قولي
كورهان :امم
سهيلة :واش ولادي مغيبانوش بحالك
كورهان :لا عندك توأم واحد بحالي ولاخر غيتزاد طبيعي
سهيلة :الله يا عيني ايوا ايمتا لعرس
كورهان :شمن عرس
سهيلة :باغي تزمتني كالخطرة الفايتة والله لا كانت لك
كورهان :غانديرو عرس غير عندنا نكملو طقوس وغانرجعو هنا
سهيلة :احح عليك شحال تيتيز
كورهان :تعاوديها نقلب مك هنا..(دب سدي عينك)
وصلها كورهان لدارو لكانت فخمة وتصميمها رائع كانت بعيده على بنادم جات فجبل وتقريبا كلها زاج تتبري والجردة متشبعش من شوفة فيها
سهيلة :واااااا هيا حجيبة طولي تشوفي بنتك ولات تسكن فكيسان دزاج
كورهان :شنو
سهيلة :والو هيهي….. فين لالة زعطوطة
كورهان :شكون هادي
…. :داوية عليا ابنت حجيبة
سهيلة :ايه نتي توحشتك
…. :امم اتوحشك الخير…
كورهان :ماما دخليها لبيتها ترتاح غانتكلف بلمسائل ونرجع
سهيلة :ناري اش تشهيت اخالتي
…. :شنو بغيتي
سهيلة :هانتي كتعرفي دوك الكيسان دطين بغيت نشرب منو
…. :واخا زيدي تكاي انا نجيب لك
سهيلة تكات تتسناها ترحعات هازة كاس متوسط وعطاتها ورجعات خرجات قضات شي شغل ورجعت تطل عليها
…. :وهي مي اش دارت المسلگطة اليوم غايصليو عليك احنينتي
سهيلة :مسحات فمها) مالني شدرت 😐
… :مدرتي والو دار لك ابنت حجيبة واكلة كاس على قدو
سهيلة :عجباتني ريحتو
… :كاس زوريخة هداك اليوم تشتف عليك
سهيلة :زليخة قلتي
…. :لواه نيفرتيتي زوريخة
…. :اش هاد الصداع….. اللللله على كاسي الله
سهيلة :هاك (عطاتها داكشي لبقا فيه) حق مولانا غا الوحم يجي كورهان يجيب لك واحد بحالو
زوريخة:اش يجيب بغيييت كاااااااسي
سهيلة :ابشوية يعطيك دقة ياك غاتراب هداك تف مسمومة
زوريخة :انا نوريك البرهوشة.. (قربات منها)
سهيلة وقفات وشمرات على يديها :قربي نشوف لا غاقربي تشوفي
زوريخة قربات منها
سهيلة :وااااااااااااااااع قل ياايها الكافرون لااعبد متعبدون واااااااااا مي الله لا إله إلا الله هو الحي القيوم ووبعديييي لهيييه كووووورهاااااان وجي شد عليا هنننن الحمد لله رب العالمين هنننن خاااالتي

الجزء 30

كورهان :واش لمك نتي باغا طرطقي ليا شي عرق عاد تهناي
سهيلة :وشد عليا هاد بوبريصة ونهضرو هنننن
كورهان :زوريخة اخر مره تقربي جهتها سمعتي
زوريخة :را كلات ليا كاسي اويلي
سهيلة :تاكلي جنابك على مزيناتو كاسك تف
زوريخة :وباقا زايدة فيه..
سهيلة :هننن الحگرة تفو ردني نتا لدارنا اللهم سكايري رداير لك عتبار ولا جن والحگرة تفو تفو
كورهان :خرجو نتوما برا..
سهيلة :اويلي فين غايخرجو لا لا اجي زوليختي اجي احبيبتي نجمعو قنطت خالتي زعطوطة نجي نعاونك فتسياق را تنعرف نخمل حق مونانا 😌
كورهان :(دار خارج والله ومدرتي عقلك تغاتشوفي الوجه لاخر)
سهيلة :زوليختي نخرجو ندورو
زوريخة :(مصغرة فيها عينيها) نتي لباس
سهيلة :شوف زمر غا لبغا يدير فيكم عقلو طف دوزي قدامي نخرجو
زوريخة زادت معاها كتسوط خرو على برا كان جو مغاير تماما لعالمها
سهيلة :اويلي حاااي اش هاد السنافر 😂😂
زوريخة :(جمعات معاها بقرصة) سوكتي يسكت لك الحس…. (دارت سلمات على دوك الجماعة لدازو كانو قصااارين بزااف ورجعات دارت عندها)هادو من عشيرة خرى جاو على قبل عرسك نتي وخويا
سهيلة :وعشيرتي يانا ممعروضاش ولا اش بلانكم
زوريخة :شوفي مع راجلك هو لعارض وداير هادشي… تبغي تشوفي الحكيم ديالنا
سهيلة :هيييه تانتوما داكشي ديال الحكيم والحكيمة احح وريني وريني
دخلات معاها لواحد الكوخ كان معزول على ديور لخرين لقاو راجل قصيور تاهوا ولونو خضر لابسة جلابة وبلغة وشاد تسبيح فيديه وگالس فوق واحد الحجرة مغمض عينيه
سهيلة :وااااااا عندكم تا بابا سنفور فالخضر كاع 😐
زوريخة :لواه كونان تي جمعي دلقوشك شوية هاناري
سهيلة :ومالو لابس جلابة وبلغة عاد ختنتوه😒
زوريخة :والله غا تاع تبربيق سكتي… احمم السلام عليكم
الحكيم :(بلا ميحل عينو) وعليكم السلام ورحمة الله وبركاته
زوريخة :كيف حالك ابي
سهيلة :هااااناري واش هدا باك اععع 😂وحجيبة مسكينة تزرفات قاتلك بغات باباه وتي طولي تشوفيه تخراي تحتك بالضحك..
زوريخة :(غير كتولول فخاطرها ناحمم حشمي قدامو ينعل بوك
سهيلة (دفعتها وقربات جيهتو) تاقولي علاش راجلي مشبهكش فالخضورية تشهيتو خضر
زوريخة :را متيفهمش لغتك الخرا هضري معاه بالعربية
سهيلة :ومالي تنهضر بجابونية الويل
زوريخة :العربية الفصحى يعطيك دقة
سهيلة :هاه وقوليها من صباح…
زوريخة :هانا غادة ماما تتقلب عليا نرجع نلقاك هنا(مشات)
سهيلة :اكحز هناك لاحط ترمتي هنا.
الحكيم (مهضرش حدو بعد شويه خلى لها بلاصة)

الجزء 31

سهيلة:قل ليا لماذا زوجي لم يطلع أخضر مثلك
الحكيم :الجميع يدعوني بالاب لاني اكبرهم سنا
سهيلة :هاه قول نتا شارف فيهم داكشي علاش صبغوك بالخضر باش تبان…
الحكيم :ماذا!!
سهيلة :ايه والو والو قل ليا لماذا كورهاني تيتيز عليهم..زعما زويين
الحكيم :لانه نصف ادمي ونصف جني
سهيلة :الله اكبر… تا قول الزين من عندنا.. وانا نقول…
الحكيم :(حط يدو على كرشها)
سهيلة :ها… جاتك زملة….. لا اعمي والله تنكركبك خليني محتارماك على شيبك الخضر هاناري على مكابيت
الحكيم :انت حامل بتوأم ذكرين
سهيلة :احااا 😐 تا واش تضرب الخط
الحكيم :لا أفهم جل كلامك
سهيلة :كيف عرفتي بلي لدي جوج قصدي توأم
الحكيم :هبة من عند الله
سهيلة :هاي هاي على الإمام البخاري…. احمم أين مراتك
الحكيم :توفيت منذ ازل
سهيلة :سمحليا الله ارحمها
الحكيم :اللهم امين

الجزء32

سهيلة (تتشوف فيه) عرفتي اعمي ينقصك زنطيط وتصبح كعازم
الحكيم :ما هذا
سهيلة :عا واحد الرسوم كنت نتفرج فيه… معلينا ماذا كتاكلو انتم هنا
الحكيم :اتشعرين بالجوع
سهيلة :اموت اعمي مصارني تيبقبقو هك..
الحكيم :الحقي بي
سهيلة دخلات موراه لداك الكوخ كانت طبلة خاوية والكراسا دايرين بها وخا الكوخ صغير الى انو فقمة الروعة… جلسات سهيلة على الكرسي وهو مشا لطنجرة كانت فوق العافيه عمر منها زلافة وحطها قدامها وحط ليها خبز ضرب بيه كلب تقتلو ومعيلقة معوجة كتتر من زهري..
سهيلة :اشوا خبز هدا
الحكيم :تفضلي
سهيلة لاحت دغمة لولة عجبها المداق وبدات كتشرب ديك الحريرة بلمعلقة الخبز ملقات كدير ليه
تا كملات زلافتها زادها تانيه كركباتها عاد رجعات لور حاطا راسها على الكرسي
سهيلة :الله يخلف عليك تتعرف٧ طيب اشويرف..اجي متقولش ليا الوصفه..
الحكيم :(مفهمش كلامها بزااف) اتريدين تذوق الحلوى
سهيلة :الله ياودي علاش لا أرى باش ما سخاك الله 😌
مشا جاب واحد العلبة بحال سوبييرة فيها ديك الحلوة وحطها قدامها…
الحكيم :تفضلي..
سهيلة :وتا مال هادشي معلك ولكن المذاق احح الليعطيك الصحة اعمي…
الحكيم :انه الدود المجفف
سهيلة :اييه وسميية هادي دايرين ليها
مع كلات 2 حبات دخل كورهان وزوريخة.
زوريخة :ويلي ويلي على القحبة…
كورهان :سد ليها فمها
كورهان :احمم سهيلة من الاحسن تحطي ديك طاسة ودوزي قدامي
سهيلة :شوفلك المسموم حاگرني والله لا حطيتها…
الحكيم شاف فكورهان وديك الكلمة لقالت سهيلة لصقات فعقلو :كورهان ابني ماهي الزملة
كورهان حل عينيه على جهدهم ومرگ دار مخنزر فسهيلة وهضر:زملة هي لشداتني وتزوجت هادي
سهيلة ضحكات ضحكة بلهاء وحطات ديك لعيبة وزادت خارجة
سهيلة :بسلامة عليك اعمي سنفور
الحكيم :الى اللقاء يا قحبه
كورهان دار عندو مخنزر :شنو قلتي
الحكيم :اوليس هذا اسمها… هذا ما نادته بها زوريخة
كورهان :رجع خنزر فزوريخة :احمم الى اللقاء ابتلاه

الجزء 33

كورهان :واش محيتي لسهيلة زدتي نتي وااه
زوريخة :والله منعاود را كتعصبني
كورهان :اديك هاه فين غادا مگدمة
سهيلة :تشهيت تراب احح
زوريخة :ها المعقول
كورهان :والله ومدوزي ساكتة تندفنك تم
سهيلة تغبنات :دب مالك على هاد الحگرة كولها
كورهان ساط مغزف وهزها وزاد موراهم زوريخة…
وصلات العشية جات زوريخة وشي بنات سگدو لسهيلة حالتها وشي لباس وخا جاها داكشي غريب ولكن عجبها كملو لها وخرجوا من تم لجردة فين كانو گاع العشائر دالجن معروضين وكلشي فرحان وكيصفقو دازو المراسم وحطو لهم كيكة كبيرة وكانت تاهيا خضرا بحال الحلوى دالصباح… هز واحد فيهم هو لكيصور كيعطيخم الإشارة
…. :1. 2. جا يقول 3 قلب راسو لقا عندو غا جوج صبعان😂😂😂🙊…. خذاو تصاور وجاو كباركو ليهم وكل واحد اش عطاها كهدية…
سهيلة :كورهاني نبقاو هنا حسن
كورهان :تنكون مسخوط .
كملات الحفلة وطلعوا لبيتهم وتزلعات الجوقا كلا رجع لقبيلتو كورهان دخل دوش وخرج تكا حدا سهيلة ونعسو…صباح حل عينيه كيسمع صداع برا ناض ملقاهاش حداه عرفها مولات الزبلة هز تيشورط لاحو عليه وخرج لبرا
كورهان :اش كاين تم لاش هاد الصداع على الصباح
… :سيدي مرتك
كورهان :مالها
…. :كلات لينا محصول التوت كولو
كورهان :نعااام
…. :ايه نعام اسيدي تبعني تشوف بعينك
تبعوو كورهان من لور تكتبان ليه سهيلة مريحة وسط شجر كتقطف منهنا ولهيه وتخشي فوجها..
سهيلة :هاه والله تسنافر وانا هو شرشبيل 😂😂خصني غا هرهور لاهيلا
كورهان :سهههههههههيلة
سهيلة معرفات راسها باش تبلات بغات تخبا ملقات فين داكشي عندهم صغيير
سهيلة :وهي لميمة قفارت عليا ولي حاااي اليوم يدوز وني فناسيونال جيوغرافي حوادث غريبه لا لا تم العثور على جيفه افتارسوهاا جنون هنننن 😭
كورهان :عتاذر من صاحب المزرعة وعوضو على داك الخراب بارض اكثر خصوبة وقريبة للما مشا داك السيد فرحااان

الجزء 34

سهيلة :دب لاش رديتني لهنا لاش
كورهان :هدا هو عالمك
حجيبة :تي مال امك تصنگعتي
سهيلة :مالي انا مالي
حجيبة :ولدي كورهان هبط تتغدا لزدت دقيقه هنا حق مولانا تاغاتهزوها كومة لمستعجالات
سهيلة :تحلك الفم احجيبة وانا لكنت نقول نزوجك الحكيم تاعهم
حجيبة قلشات:حللفي احمم زعما بصح بصح
كورهان :احنا غا نبقاو بلا غدا عاود…
سهيلة :دوز اراجلي قرة عيني نحطلك تاكل
حجيبة :ياك امخلات كرشي هدا المضمون فيك
سهيلة :بغا ديري فيها التاتر وداكشي مجاش معاك غا نوضي تجمعي
حجيبة :بغيت كاميو يجمع مك ميلقاو ميهزو فيك
سهيلة :تف تف مهوا فالي انااري على فم عدك

وهكا دازو هاد 8شهور ونص غير فلهبال وتحرميات ديال سهيلة وزادت عليها مها كملات كورهان بقا لو غايضرب بالحجر

الجزء35

كان كورهان ناعس مبيه معليه عتا حس بودنيه تتوزوز بحرق الغوتة
سهيلة :وااااااااااااااااع والعدااااااو
كورهان :تي مال اصل مك جهلتي
سهيلة :وتانوض غانولد اللليعطييك جهل عنننن
كورهان :غاديماري
سهيلة :هااا سير بغيت لبوك الصريرة ونتا وسط ناسس نتا غادي وهي هابطة مع رجليك….. بغيت لك البلا وقلة الهنا والعيشة فالخلا واااااااااااااااا حجيبة بغيت لمك يوماين فالفراش وتالت فالانعاش يعطيك مرض الرواوي والحجر فالكلااااااوي ديني لصبيطار بغيت عزرائيل يوقف عليك عووووك عووووك الحق هووووف
كورهان وصلها لصبيطار وهي طول طريق كتعاير جات حجيبة تبعتهم بالحوايج وزوريخة وممات كورهان تاهما جاو بقاو برا تيسمعو غا غواتها ودعاوي مرة على طبيب مرة فكورهان وحجيبة… تاسمعوها سكتات وسمعو غوات دراري عاد تهناو

كورهان دخل قرب لولادو هزهم بأسهم ودن لكل واحد فيهم وسماهم عاد عطاهم ليها ترضعهم وحيت عيانة رضعاتهم شوية وردوهم لكونة…
حجيبة :وعلى سلامتك الهيشة فين ولاد بنتي بغيت نشوفهم
كورهان :أشار لكونة ومشات ليها
حجيبة :هاااااااحااااي واحد كاين لاخر بقا غا ليكوش فبلاصتو تو ماااا فين رديتو دري
زوريخة:عادي واحد شبه خويا ولاخر بحال مو…
حجيبة :هانااااري يا سهيلة على خر يامك تولدي ليا جننني تي دوي شهاد شي فين غاتعرفي ترضعيه تخشي لو البزولة فقزيبتو والكوش لراسو توما شهادشي…
كورهان :انا وماماه تنشوفوه عادي بيما كبر شوية هو غايبين لكم راسو….
حجيبة :انا غسلت يدي عليكم…
سهيلة :شنو نسميهم
…. :بلبوط وصعلوك…
سهيلة :لواه سلگوط تي سيري فحالك تحمستي اشعيبية
…. :ومالهم را ولاد ولدي
سهيلة :وراهم ولادي
كورهان :هنيونا سميتهم ياد غاهنيو سووق
سهيلة :نعااااام
كورهان :جان 🧝‍♂️ ومعاد
سهيلة :سميات كي ترمتك تفو
كورهان :را غا نجمع مع مك بشي ركلة
حجيبة :هاني اولدي جمع على خر يامي يضربوني جنون
سهيلة :هي لكانت خاصاك نيت….
رجعو لداارهم وداز سبوع كالعادة فمملكة كورهان عاد رجعو وعا دو سبوع اخر دايزو لكلام…

ايوا هنا غاتكون نهاية قصتنا نتمنى تكون خفيفه على قلوبكم ومتكونش تقيله…
نتمنى كذلك تكون نالت اعجابكم شكر خاص لگاع لتبعاتها معايا تاسلات وشكرا على تعاليقكم لفرحوني نتلاقاو في القريب ان شاء الله مع قصة أخرى جديدة 🙊 😍 كنحبكم
كنزة Black 🖤 🖤
– [ ]