قصص حصرية قصص كاملة قصص قصيرة قصص رومانسية قصص كوميدية قصص دينية دراما وتشويق أكشن و رعب قصص واقعية(حكي لي) قصص بالعربي قصص جريئة


الجزء 49 من - قصة:الملتزم السادي الاخير
قصة:الملتزم السادي

جزء 49

780❤️❤️❤️💓الاجزاء الاخيرة💓💓 فاش ولدت فارس تحسنت شوية العلاقة بينها وبين فءاد لكن عمرها نسات وكتعامل ببرود مرة مرة ثلث سنين فيها تزوج جبران بكوثر وداهم معاه لدارو لي كانت عبارة على فيلا صغيرة مكبيراش بزااف الى انها زوينة والاهم عجبات الوليدات واربع سنوات اخرى مرت كبرو فيها الدراري والبنات وعهد قنع جبران باش يمشي معاه حسام لكولومبيا فين استقرو مءقتا غي على ود الخدمة لكن كيهبطو بزاف للمغرب فالمناسبات حسام لي كان كل ما كبر وذكريات طفولتو كتراودو وكيبات يحلم بنهار مات باه وخلاهم لا حنين لا رحيم وجبران لي جاهم بحال الشمعة ضوا ظلمتهم عمرو ينسا ليه خيرو وكيعاملو بحال باه شي مرات كيقوليه بابا شي لي كيفرح جبران بزاف فكل مرة كيحاول يبين ليه انه يستاهل انه خداهم كعاءلة ليه وباغي يرد ليه خيرو باش ماكان .حالة ملاك مع عهد ومرضو كان فقط انها تولفو وعيات معاه بالعلاج وبشوية وبالتعامل الى انه كيهدا سيمانة وكيهيج شهر وكان رافض فكرة انه يتعاطا اي دوا وصلو لحل واحد انهم خصصو نهار اي ليلة ليه يدير ما بغا فحدود وليامات لخرى واخا كيكون عنيف ولكن كيحاول يتحكم فراسو ما امكن عارف راسو ايفديها فواحد ليلة لي كتكون زاهيا عندو غير كينعسو الدراري كيطلع ليها كيلقاها موجدة كلشي وكتسناه كل ما كدير انها كتسايسو وكتحاول تخليه بلا شعور منو انه ينقص من حدة عنفو حبو ليها لي زاد خلاه انه شوية يبقا محضر عقلو وميتجاوزش الخطوط الحمرا ومياذيهاش طبعا هاد ليام ميك عليها على دك ليلة غير على ود قمر كتبات معاهم .(نهاية الفلاش باك يالله تالهنا مزيان ياكو فهمتو شنو طرا فديك التنقيييزة الكبيرة لي مكتصبروش على رزقكم هانتوما عرفتو يالله دابا ندوزو للبارتيات النهاءية وحدث الصلح لي انختم بيه القصة🥺).ملاك قفزت فاش الغالية مدت ليها الكاس داتاي:اسبحان الله ابنتي فين سرحتي. ملاك:لا هاني معاكم. الغالية:شدي باسملله.خدات الكاس وبقات كتشوفيه تاسمعت قمر بدات كديماري للبكية جاها الجوع وناض فءاد عطاها ليها ونطق:كتشبه ليك تاهي بزاف.تبسمت وشدتها منو وناضت مشات طلعت لبيتها باش ترضعها فخاطرها بقات شاداها كترضها وبقات كضور عينيها فالبيت مبسمة تاحاجة متبدلات باقي هو هو تسللو ذكريات بزاف لفكرها بالرغم من انهم حزينين كل بكية فكل قنت من قناتو وفكل مرة تخبات تحت السرير ولا فالماريو آملة انهم صفي غينساوها وتختفي وتهنا تبسمت فاش تفكرت خوتها لي كانو كل مرة كيجيو يدخلو عندها بالحس وكيونسوها تبسمت لبلاهتها فداك الوقت لي كانت كضن انه عندها الجن العاشق لي هو نفسو باها نفضت افكارها بتنهيدة طويلة خاوية الطاقة السلبية لي تفكرت فلحضة وانها الان تبدلت حياتها بزاف ضورت راسها لجهة الطبلة لي حدا السرير تاكتلقا كادر فيه تصويرتها فاش كانت صغيرة هي وختها دايرنهم حدا حدا فنفس الكادر وتنهدت مدت يديها شدتها عندها وتبسمت كتمرر صبعانها عليها:تمنيت كون كنتي حدايا اختي (دمعو عينيها)كون شحال من حاجة هانت عليا .قربتها عندها وباستها:الله يرحمك .جبدت تيليفونها وصورتها ورجعت الكادر بلاصتو كملت لبنتها الرضاعة وهبطت جلست معاهم داز النهار فالتقشاب والجماعة حتا ضلم الحال .وناضو مشاو بحالهم.فءاد:جيو تاغدا. عهد:انشاءلله وراه باقين هنا بااااقي منرجعو لكولومبيا. فءاد:اه ايوة صفي مزيان. عهد:وجي عندنا تانتوما . فءاد:انشاءلله.مشاو بحالهم للدار باه💗💓تتمة الاجزاء الاخيرة💓 وازر كانو طالعن فالدروج غي هو واسر ونغزو:شوف شوف.اسر شافيه وهو يمشي وتعلق فالحديدات لي فدروج تهز وداز لجيهة لخرى بقا مدلي كيفرنس آسر خرج عينيه:عنداك طيح. آزر:اتا سير قالاك نطيح شوف ههه.طلق يد بقا شاد غي بيد وحدة واسر ايسكت ليه القلب سمع الحس وبانو ليه جاين ايطلعو:ناري الوليدة.آزر خرج عينيه وطلع دغيا رجع للدروج وهربو للبيت وسمعو ملاك كتغوت:آزر آسر.خرجو طلو عليها:نعام اماما. ملاك:علاش هربتو شكنتو كديرو.بقاو كيضورو عينيهم.آزر:والو. ملاك:وعلاش هربتو شتكم كتجريو. آسر:اههه اهه اغي كنا لاعبن. ملاك:وحبيبي متبقاوش تجريو فالدروج لاطيحو ليا .تحنات عندهم وهازا قمر ومخرجة شنيفاتها بطفولية:بغيتو طيحو ليا ونبقا نبكي عليكم. آسر شاف فآزر:شتي متبقاش تجري فالددددرووووج. آزر:وصفي.قربو باسوها وباسو قمر:اخر مرة اماما.باستهم تاهي:يالله اماما سيرو رتاحو فيكم النعاس ولا والو. هوما:لا مفيناش. ملاك:وحفضو نيت. بالزربة:لااا فينا النعاس انعسو. ملاك:غي كنضحك معاكم راكم فعطلة يالله سيرو ولكن راغي شي نص ساعة ونسيفطو ليكم ياخد ليكم ليطابليط. آزر:اوكايي. آسر:غراسياس ماما. ملاك ضربتو في راسو بشوية:متبقاش تلوك فالهضرة فاش نهبطو المغرب غدوي بالعربية . آسر:واغي معاك والله. ملاك:تسحبني مسمعتكش قبيلة بارك تهضر بيها نتا وآزر. آسر:صفي اخر مرة. ملاك:هاااحنا انشوفو هاد اخر مرة .مشاو دخلو للبيت. آسر شافيه:واش نتا مسطي معلق تما. هز كتافو:مولف بما كثر. آسر عوج فمو:سير سير يسحبليك صفي تعلقتي فالدروج صفي غتعلق فدوك الجبال لي كتقيل تفرج فيهم. آزر:ومالك فاش غنكبر غنمشي ليهم وهانتا غتشوف. آسر:وديني معاك. آزر:اه نمشيو بجوج صفي. سمعو صوتو:فين اتمشيو بجوج. شافو فيه ووجهم ولا صفر:بابا. عهد:فين اتمشيو همم. آزر:ففف (طلقها بالزربة)فاش انكبرو بغينا نمشيو نطلعو الجبال. آسر:انا قتليك غي ديني معاك منطلعش معاك . آزر:مالك غا سكت نتا يه على خواف. عهد جلس حداهم:هاكاك فاااش تكبر ماشي من دابا ونتا كتعلق فين تفلق آسر سير اولدي خليني نهضر مع خوك. آزر شد آسر:غي خليه مكنحشمش منو. عهد:هايهاي اوك واخا نيت ملي ترجلتي وهضرتي . قاطعو:كفاش ترجلت . عهد بقا كيرمش فيه زعما من نيتك عاد تفكر راه مخلطة عليه الدعوة لغات مشادش كلشي:هي وليتي راجل زعما. هز يدو مراضيش وحاني راسو:نو انا راجل قالاك عاد وليت راجل. عهد:اه صفي صفي سمحليا راجل يالله خلينا نهضرو فالمعقول وراجل لراجل. ازر قاد الوقفة واسر تاهو قادها:واخا. عهد شافيهم:جلسو اوجوه الويل ونتوما وقفتو عليا كيالزمان. جلسو تقابلو معاه وهو شابك يديه:اول حاجة داك التعلاق غنحبسك حيت بنتي ليا غادي كتبسل.جا ينطق وعهد زاد فنبرت صوتو زعما سكت راباقي مكملت كلشي تصنت:فاش اتكبر شوية غندخلك لشي صال ولا شي مدرسة ولا نضبر لك على مدرب مهم شي حاجة فهادو باش اتعلم لهادشي لي باغي ياك . آزر نقز:واو شكرا ابابا بزاااف. عهد:جلس للارض باقي مكملت مالك كطير كيالزواق. رجع جلس💗💓تتمة وكمل كلامو عهد:لاكنتي باغي تدير هدشي مكيعنيش انك تخلي مستقبلك وباش غتعيش.عهد سكت هنا بالضبط باش يشوف شغيقول وفعلا الجواب لي كان فبالو قالو بهزان الكتاف بلا مبالات:لاش انفكر فمستقبلي رانتا موفر ليا كلشي. عهد حرك راسو:اه موفر ليك ماشي طول الحياة تاواحد مضامن عمرو لنفترض غنموت قبل متكبرو شنو غتقوليا مك غتسير كلشي لا سمحلي نقولك مغتقدش على دكشي كامل على الاقل غيدخلو معاها شركاء وتقد غع يمشيو دوك الشركات غتبقا شركتها بحدها مكافياش ها وهاهيا كبرات ونتوما كبرتو ومعولن عليها هي حيت موفرن ليكم كلشي اه ومن بعد فاش غيسالي هاد التوفير وهاد الرفاهية شغديرو. اسر:نعيشو فالغابة. عهد شافيها:ياك اماوكلي. اسر بلمعة فعينيه:اه ونزرعو الفواكه والخضرة ونربيو الحيوانات ونتسناو الدجاجة تبيض باش ناخدو ليها البيض. عهد:ايه باك هو طرزان الغابة ديالو تمشي نتا تسكن فيها وتزرع فيها. اسر:اه ابابا والله زوينة كنتفرج فشي وحدين ساكنن فيها هادوك تاهوما باهم طارزانات؟. عهد:اودي واش كين شي طرزان قدك (ضرب يديه فوق ركابيه وضور وجهو مغيدد)هاويلي على لي عوال عليهم يهزوني فاش نشرف واحد باغي يولي ليا سبيدر مان يتعلق ليا فالجبال ولاخر يسكن فالغابا لا مزيان تبركلله(صغر عينيه وشافيهم)دابا نتا فاش تكبر باغي تسلق الجبال ونتا شباغي. آسر:انا بغيييت تكون عندي غاابة كبييرة ونسكن فيها. عهد بقا كيضورها فدماغو:اههممم عرفتو لابغيتو ديرو هدشي شنو خصكم خصكم تقراو وتقراو مزيان وبغيت نقولكم غي حاجة وحدة اوليداتي. هوما:شنو. عهد:عمركم تبقاو عوالن عليا هي اه عمرني انشاءلله نخليكم مخصوصن لاطول الله فعمري ولكن خاص تانتوما ديرو مجهودكم .شاف فآزر:نتا لابغيتي توصل للقمة خاصك تخدم حيت لابقيتي عوال عليا غتكبر غتقوليا بابا عطيني هيليكوبتير تطلعني داك الجبل.شاف فاسر:ونتا رامغتقدش تاخد الغابة كاملة ولكن تقد تبنيها فواحد الارض لي مغاديش تاخدها فابور غيخصك تدمر عليها.شافيهم بجوج:فهمتوني. هوما حانيين راسهم:اه . عهد:دابا متفكروش فهدشي بزاف يكفي فهمتوه ومع الوقت راكم اتطبقوه ياك حيت نتوما ولادي الزوينين لي اتخليوني ديما مفتاخر بيكم.حركو راسهم بايجاب ضاحكين وهو ناض خرج من عندهم طل على هاجر وفارس لقاهم كيتفرجو فطابليط:رادابا شوية انجي نحيدها ليكم. هاجر:واخا ابابا.رجع رد عليهم الباب ومشا لبيتو لقاها كتبدل لقمر وسد لباب وراه وقرب عنقها من لور:هممم حبيبتي. ملاك:هه كحاز هاد الخراية بحالا معرت شواكلة. عهد باسها فعنقها:ههه راك نتي لي كترضعيها شوفي شواكلة. ملاك:هههه مالي شكناكل غاع. عهد:وااالو هبط يدو لكرشها لي خارجة شوية:شتك هادي بحالا نسيتيها. ملاك:شوف مديرش ليا عفاك بحال الولادات لي فاتو خليني تانرتاح عاد نحيدها. عهد:شناهوا ماشي شغلي انا اتحيديها من غدا اترجعي تهبطي معايا لاصال زوينة هادي . ملاك:واحبيبي والله هانتا علاقل خلي غاتنفطمها ركنعيا وكيخصني نقابلها. عهد:الولادة لولة كانو عندك ثلاااثة وكنتي كتهبطي معايا وكتحطيهم حداك غاع ودابا هاد البزيقيلة لي مكتحرك غاع غتحيري فيها هيهاااي تاتفطمها قالك عامين وديك الكرش غتبقا غادا وكتدلا تاتولي تجفف معاك. ملاك:افف حشومة علك والله. عهد:شوفي انعطك شهرين غاع واترجعي لصبور ديالك. ضورت وجها باستو:كنموت علك. عهد:احح زيدي شي وحيدة.باستو تاني كتفرنس.دازو غي شي يومين ومشاو لدارهم لي فافران الدراري كل واحد جرا لبيتو توحشو بيوتاتهم وملاك توحشت ديك الخضورة تمشاتتتمة 💓💓 هازا قمر لورا الفيلا فين كانو بناو اسطبل صغير للخيل لي كانو شراو وولدو ليهم عهد بقا واقف مع الرجال شوية عاد مشا عندها جلس معاها :نخرج الخيل. ملاك:مكرهتش . ناض مشا خرجهم وداك الصغير كان متوسط الحجم مقارنة مع والديه وغي كيطير غا حل عليه عهد خرج كيجري وكيضور فالسياج بينما الفرسة قربت لعند ملاك بشوية كتشمشم فيها ملاك مدت يديها كتحكليها وجها بشوية مبسمة:اشنو توحشتيني ها. سمعت صوت بنتها كتخرج صويت شافت فيها لقاتها مخرجة عينيها فالفرس:اعووهووو هووو. ملاك:هههه شوفي شوفي زوينة يك.قمر بدات كتريكل باغا تقيسها وهزتها قربتها ليها وهي ثبث صقرات خافت وتكمشت فملاك:هههه صفي صفي. الفرس جلست جنبهم بينما جاو الدراري وعهد ركبهم كيضور بيهم تابدا كيطيح الضلام حيت اصلا وصلو فالعشية ودخلو كانو بعض المساعدات قادو ليهم العشا حتا سمعو ااصونيت عهد جر الخامية طل بانليه جايمس ومرتو وايزابيلا عهد شاف فملاك:جايمس ديري شالك. ملاك لوات شالها وعهد ناض حل تسالمو ودخلو اناستازيا كانت تشافات وبدات كتمشى عادي بينما ايزابيلا رجليها ميءوس منهم مشلولن فخطرة من غير يديها وهضرتها لي تسرحو بالترويض والادوية اناستازيا قربت لملاك بتلعثيمة:توهااشتك باززف. ملاك سلمت عليها:تانا توحشتك جلسي. جلست حداها:ويينو الى زويينا. ملاك مدتها ليها وشدتها وشافت فديانا ودوات بالاسبانية:ديانا لاباس. شافت فيها وتخشات فمها حشمانة كتفرنس:بيخير. ملاك:ههه اجي بوسيني.قربت عندها كان شعيرها كحل بحال باها تافلعينين من غير الملامح كتشبه لمها ملاك شدتها عندها باستها وجات عندها هاجر:يالله لعبي معانا واخا نخرجو للجردة اماما . ملاك:واخا وعنداكم لبيسين.قالو ليها واخا ومشاو خرجو كيجريو كلهم بقاو كيلعبو حتا عياو ودخلو كيتفوهو .ملاك:هاجر ديانا اتبات معاك ياك اماما. هاجر عنقت ديانا:يااااي اه اه . ملاك:ههه يالله سيرو .طلعو الضغار بينما الكبار بقاو مجمعين لتحت ملاك جبدت تيليفونها مبسمة وورات لايزابيلا التصويرة:هاهي لي قلت لك حقا. ايزابيلا:اه هادي معنديش تاتسيفطيها ليا نخرجها. ملاك:واخا.وبقات كتشوف فالصورة مبسمة.ايزابيلا:باقي متصالحتي مع باك. ملاك باغا تجاهل الموضوع:راه مصالحن لاش شكون قالك مخاصمن. ايزابيلا:ايوة رك مكدويش معاه من داك النهار. ملاك:لا كنهضرو. ايزابيلا:لا مكتهضروش شوفي ابنتي تالامتا اتبقاي هاكا ها معرفتي امتا مول الامانة يدي امانتو وهو هادشي لي خايف منو كيشوف راسو كبر وعيا وماباغيش يموت ونتي هازا فقلبك من جيهتو. عينيها غرغرو:صعيبة عليا والله صعيبة حيت كنشوف راسي مكان عندي تاشي ذنب فدكشي لي دار فيا واخا ماشي لخاطرو تانا ماشي ذنبي يعاملني هكاك وليت تانتمنى كون غي معرفتش السبب الرءيسي لي خلاه هاكاك. ايزابيلا طبطبت على يديها:حاولي تنساي شوفي شحال ديال الوقت داز حاولي ابنتي عفاك. ملاك تنهدت:معرفتش معرفتش. ايزابيلا:قاليا غدا ايجيو . ملاك:اه فخباري تانا معرت كيغندير تاني. ايزابيلا:معرفتي تصالحو فنفس البلاصة لي تخاصمتو فيها . ملاك:انا مسامحا ليه ولكن كتبقا فيا الحرقة ديال انني عشت بلا بيه بينما هو قدامي وعايش . ايزابيلا:قولي استغفر الله العضيم .ملاك بقات ساهية:مكرهتش كون غي ننسا ويحسسني بلي راني بنتو. ايزابيلا:طبعو هداك وكنضن راك ولفتي عليه غانتي تالدابا عاد غضبتي ها مالك ماكون درتي هاد الغضبة فاش كنتي صغيرة نتي تاكبرتي عاد بغيتي تفششي. ملاك:ياك ياك تانتي حرشك عليا رديتوني انا لي مني لافوت. ايزابيلا:محرشني محرشتو بنتي ليا عيقتي وقلت نهضر معاك. ملاك:ومنعدرهم كيقولو مرت البو كتكون شريرة. ايزابيلا ضربتتتمة 💓💓 على صدرها:يااك انا مشرارة دابا. ملاك هزت كتافها:اه. ايزابيلا:ايلا باقي دويت معاك راني من.ملاك طارت كتبوس فيها:صفي صفي اكنضحك معاك والله.ايزابيلا زعما كدفعها:بعدي مني قالاك. ملاك:واصفي صفي نتي الزين والضرافات . ايزابيلا:لا صفي خرجتي العيب. ملاك:والله مقصدت وصفي أيْزّا. ايزابيلا ميقت فيها:يْيْزّزاا سيري سيري سميتي ايييزابيلا ديك يْزّا خليها لمك لي مكترضاش تقوليا سميتي كتبغي زعما تفقصني. ملاك:ومالك رايزا تدليع لايزابيلا ههه. ايزابيلا:سير سيري تسحابيني معارفاش راديك السمية كتكون عند الجدات والعيالات الشارفين ديالكم. ملاك:ومالك نتي صغيورة. ايزابيلا شافت فاناستازيا لي غا كتفرنس معارفاهمش شنو كيقولو شي كتشدو شي لا مع كيهضرو بالزربة هي عندها ثقيل دكشي بزز كتفهم:شدي عليا هادي غنتفها. اناستازيا:االاش مالها. ايزابيلا:والو غا بعديها مني.ملاك عنقتها قجاتها:لاااا هههه.قلبوها ضحك وعهد وجايمس ممسوقينش ليهم ديما فاش كيتلاقاو كيترفعو مكيبقاوش معاهم بحالا ممعاهمش جل هضرتهم الخدمة او كيتفكرو يام زمان جايمس لي كيحاول بشوية بشوية يتفك من المافيا واخا صعيب عليه بحيت كان هو لبوص حاليا مخلي زمام الامور فيد انتوني (يدو ليمنة لي ولا بعد عهد فاش خرج من المافيا)باش يتعلم وناوي يخلي ليه كلشي ويعيش عادي بالشركات لي دار.عياو وطلعو نعسو . جا صباح جديد (🥺🥺🥺🥺 وجدو راسكم)فاقت على لمسات فضهرها كانت لابسة غي دوبياس وهي تقفز:شنو شنو فاقت. عهد قرفدها:غالي بغا يترومانسا معاك علصباح .خشات وجها فالمخدة؛حشومة علك والله سحبلي فاقت ومسمعتهاش. عهد طاح حداها وكيخشي وجهو معاها باغي يبوسها:حبيبة ديالي افف ونوضي هانتي فقتي فقتي عطيني شوية دالوقت قبل متفيق دك البخوشة. ملاك:عفاك اعهودي والله مفيا. عهد كيبوس فكتفها:شوييييية.عضها:واااغاشويا اعباد الله. نقزت جلست على ركابيها كتحك كتفها ضرها:احح حشومة علك. عهد:باسملله الرحمان الرحيم شكون نتي . ملاك:اويلي مالك. عهد:جمعي شعكاكتك خلعتيني. قلبت شعرها كان مشنتف شوية وقاداتو بصباعها:بزاف علك راعاد فايقة كيبغيتيني نكون بحالا نتا مطفرو. عهد:اودي بغينا انشدو فيك طلعي طلعي. ملاك:فين. عهد:للكار تي طلعي تهزيه باراك من الهضرة . ملاك:عاهد ااءء. عهد:وطلعي دابا غا كتضيعي فالوقت غتفيق غنصخط تاني.جات غترمي رجلها فوقو باش طلع وهوما يسمعو تبجغيط ديالها هي تصمرات بلاصتها مخرجة فيها عينيه وهو سد عينيه مفقوص فيه البكية:لا لاخاصني نشري بروكطيكس باش نحبسو البز مالي على حالتي.حل عينو شافيها:واتي نوضي عليا زعما راك كنتي طالعة سيري سيري هاهي غاطلق زواكتها. ملاك:والله تاكنت جايا هاهي ساكتة نرضعها ونديها عند ختها تلاهيها واخا. عهد:لا صفي بلاش عاااد نتسنا تاترضعيها صفي ولكن بربي ومبقيتي نضتي تانشدك هاكاك ناعسة ماشي شغلي. باسها بجهة:واااكنموت علك .قمر بدات كتغوت:صاااافي هااانا جاية.مشات عندها:صفي صفي البخيخيشة ديالي.شدتها عندها كترضعها وهو ناض للدوش دوش وخرج ملقاهاش ومشا صلى وخرج كيضور على ولادو كيفيقهم ودق على بيت جايمس وخرج عندو:فقتو يك. جايمس:اه قبيلة رااناستازيا هبطات عند ملاك هي وماما. عهد:صفي يالله نهبطو تاحنا(تنفس)الله الله على ريحة. جيمس:موروكان فود هههه. عهد:اييه غضرب المسمن والبغرير والحرشة هههه.هبطو كيضحكو لقاوهم باقن كيوجدو الفطور وهوما خرجو زعما يعاونوهم قادو الطبلة فالجردة فين يجلسو والدراري كيلعبو وايزابيلا شادة قمر عندها تاصيبو الفطور وحطوه فطرو بالضحك والنشاط تاكملو وناضو جمعو دكشي ومشاو جلسو وخرجو الخيل حتا جا واحد من الرجال قاليهم بلي جاو عاءلاتهم ومشاو .تتمة 💓💓 ومشاو استقبلوهم ودخلو لداخل ملاك لمها:فيناهوما الدراري. الغالية:راقالك عندهم شي شغل يكملوه ويجيو. ملاك:اه صفي وشكون جابكم. الغالية:راجلك سيفط لبارح واحد الدري باش يجيبنا. ملاك:اه مزيان.بقاو جالسن غي شوية وملاك ناضت باش توجد الغدا الغالية وشمس شافوها تعطلت عرفوها كتشقا وناضو يعاونوها شمس:واش مكيننش لي كيعاونوك. ملاك:لا تاكنكون عيانة عاد كنعيط عليهم مي خديجة الله يرحمها كانت ديما معايا. شمس:الله يرحمها مسكينة ونيت حسن تقادي شغلك بحدك. ملاك:اه وعاد عهد كيعاوني شي مرات قمر عندمن. الغالية:عند باك علاه هو كيبغي يطلقها. شمس:ههه مسكين عزاز عليه ولادك. ملاك:امم عارفا.طيبو الغدا وكيهضرو تاكملو كلشي وداوه قادوه فالطبلة وتجمعو على الغدا في جو عاءلي ملاك خدات قمر من عند باها باش ياكل فخاطرو تاسالاو الغدا وخداها ليها تاني وناض كيتمشى بيها فالجردة وتاهي ساقلة كتريمش فيه ملاك بقات كتنغزها ايزابيلا :نوضي هضري مع باك وتصالحو. ملاك:اويلي واش من نيتك رامصالحين. ايزابيلا:يالله هي لانضتي . ملاك:ههه لا ويلي. ايزابيلا:نوضي غا نوضي راك غي خايفا غي سيري رامكين ما حسن من رضات الوالدين. ملاك:علاه تانتي وليتي تعرفي الرضا. ايزابيلا:كنعرف لي مكتعرفيش نوضي بغيتك تنوضي وتعنقيه. ملاك:ههههه عندي سبعة وعشرين عام عمري عنقتو بغيتيني نوض دابا ويعنقني. ايزابيلا:نوضي واخا ديري مية عام اتبقاي بنتو الصغيرة عمري شفت بنتي اينجل الله يرحمها وهي كبيرة معنقاه . ملاك حنات راسها:يعني معنقاه وهي صغيرة. ايزابيلا:ايوة نوضي غيوصل واحد الوقت اتندمي املاك على هاد الوقت لي كان بامكانك تعيشي معاه لحضات زوينة كاي اب وبنتو ونتي ضيعتيهم نساي وحاولي .ملاك تنفست وبقات كتشوفيه وناضت بشوية مشات وقفت كتمشى جنبو شافها وتبسم:جايا لبنت مغنعطيهاش ليك غا سيري جلسي. ملاك بتلعثم:جا عندك نتا. فءاد شافيها:شنو بغيتي. ملاك باقي لدابا كتخاف منو واخا كيهضر عادي:والو صفي. فءاد:غا قولي. ملاك:احم ددابا انا راماشي انا لي قلت غي ايزابيلا معرت مالها ديما كتبقا تقولي سيري تصالحي معاه كترت عليا وجيت نتصالح معاك واخا انا ممخاصماش معاك معرفتش مالها. فءاد:صفي جايا تصالحي معايا غاعلى قبلها مبغيتش مصالحتك لاكان بزز منك. ملاك خرجت فيه عينيها زعما من نيتك:اويلي علاه امتا تخاصمنا. فءاد:سبع سنين هادي من نهار عاود لك ونتي هازا زنافرك عليا تريكت الويل . ملاك:والله مكنت مخاصمة معك. فءاد:اه ممخاصماشغي كتبيني ولكن عارفك فلداخل ديالك معمرك سمحتي ليا ولا غتسمحي ليا .شاف قدامو وهضر بشوية:على الاقل متعامليش معايا بحال هاكا فهاد العوام لي باقن ليا. ملاك:استغفر الله ابا معرفنا شكون السابق. فءاد:هانتي قلتيها كيسبقتي كيسبقت غنبقا ديما عايش العذاب ونتي باقا مسمحتي ليا. ملاك بتوتر وشدتها البكية:وامسامحا لك ابا مالكم كتزيدو فيه. فءاد شافيها:مسامحة نيت ولا غا باش نتهنى. ملاك:والله . فءاد:والله شنو. ملاك:صفي ابا عفاك. فءاد:هي ممسامحاش من نيتك. بدات كتغبن:والله تاسمحت لك . فءاد :ومالك تتبكي. ملاك:اهء حيت حيت اهء راك عارف شداير. فءاد:وشبغيتي ندير طلبت السماحة وعاودت ليك غاع دكشي لي خاصك تعرفي وندمت شنو بقات غالموت لي غتغفر ليا. ملاك غطات وجها❤️💓الجزء الاخير💓💓💓💓 كتنخصص:اهء اهء مالك ديما اهء قاصح معايا اهء اهء غي مرة فحياتك بغيت نحس راك كتبغيني اهء ساع نتا والو اهء غي مزايد فيه اهء ومنك لافوت وانا لي كنطلب السماحة بحالا انا لي دايرا كلشي.مجات فين تكمل هضرتها تاحساتو جرها لكتفو معنقها وكيطبطب عليها حست باحساس فشكل كانت تاني تعنيقة كتتذكرها حنينة بعد زواجها فاش كان مودعها :واصافي ياه على بكاية شوفي بنتك كضحك عليك.ملاك طلت على قمر لقاتها كطلطل عليها وحالة داك الفم كتكركر:اهء اهء بعدي مني. فءاد:بعدي من بنتي البخوشة ياه تاحد مبقا يبكي.ملاك زادت كتبكي مكرهتش يخشيها فيه ناقصة حنان فءاد معندوش مع هدشي غا مسلك لا عل وعسى تنسا وميبقاش يشوف ديك النضرة لي كتبقا دير فيه والو مبغاتش تسكت من لبكا هو كيطبطب عليها وكيسكتها وهي عاد مزيدا ونطق:واصافي شوفي كيعمرتيني بخناينك.ملاك بعدت:اهء كدير السبة مباغيش تعنقني. وراها كتفو:شوفي شوفي.شافت كان نيت مفزغاه ليه:واخا هكاك اءه كون صبرتي غا شوية مالك عهد مكيقول والو. فءاد ميق فيها مخنزر:لوالديك مبقيتيش تحشمي انا هو عهد. ملاك:اه هو كيخليني كنبكي عليه تاكنتفش.دفعها بشوية:ايوة سيري عدو تاتفشي. ملاك كتمسح خناينها:لا نبقا معاك. فءاد بقا ساكت وكيتمشى وهي حداه تاسمعو عهد كيغوت عليهم ضارو قاليهم يجيو ومشاو رجعو للفيلا دخلو لقاو خوتها جاو سلمت عليهم وايزابيلا كتشوفيها وجات ملاك حداها:شنو شتك تعطلتي تصالحتو. ملاك حركت راسها بالايجاب وايزابيلا ضحكت:شتي هانتي شنو طرا دابا ممتيش. ملاك:كنحس مرتاحة دابا. ايزابيلا:اه باينا فيك ههه كنتي كتبكي. ملاك:اه.فهد جا عندها كيجري وهضر فودنيها:فيناهي علياء. ملاك شافت فيه بشر:هايهاي على عالياء مسولتي على عماد مسولتي على حسام بانتلك غا علياء. فهد:وشغندير بيهم هوما كبر مني. ملاك:وهي صغر منك وكتقتلك عصا سير ترافق مع خوتها لي كبار باش تكبر تانتا متبقاش تحغر عليك. عوج فمو:واغيي خليها تحغر عليا.ومشا هرب خلاها كضحك عليه . في مكان اخر كان طفل ذو سبع سنوات جالس فالسطح وعيونو دامعة تاحس بغطا تحط عليه مدفيه شافيها وزاد عندها:خالتي بغيت ماما. نسرين:دابا نمشيو عندها اعهد دابا نمشيو عندها. عهد:ولكن علاش هي تما علاااش غاع لي كاينن فدك لبلاصة كل مرة كنسمع وحدة خرجات الا هي عفاك قولي شنو دارت ماما. نسرين:هي مدايرا والو هوما لي دارو ليها ونتا خاصك فاش تكبر تنتاقم ليها . عهد:شكوناهوما. نسرين:واحد الناس فاش غتكبر غنوريهم ليك نتا خاصك تجيب حق ماماك وتخليها تفتاخر بيك.حرك راسو بايجاب وجراتو عنقاتو عندها .نرجعو عند الابطال داز النهار وجا ليل كل واحد تفرق فبيت وعهد مع كان عارف مغيقدوش الغرف كرا فيلا حداه نيت مشاو ليها الدراري وعيالاتهم وتا خوه ومرتو حيت تاهوما كانو جاو مشاو ليها باش يباتو عهد شاف فملاك لي كتراري بقمر:نعسات. ملاك:اه هاهي كتنعس.نصل تريكوه:وجدي راسك. ملاك:ويلي اعهد باغي طبعني والناس كينن. عهد:وانا نطرطق من الصباح وانا صابر.ملاك خرجت عينيها:ويلي قلشات صفي هدشي لي بغيتي هاهي ناضت مبقاش فيها النعاس.عهد نتف شعرو:الخرا واكواك اعباد الله. ملاك:وانتا لي كتغوت.مشا كيتنتر للدوش بقا غالس تما شحال طالق عليه الما بارد وهي كدق عليه والو مبغاش يحل ليها تابردو وخرج لقاها داها النعاس جالسة ومتكية ضهرها على الكادر دالسرير مشا طل على قمر:واخا علك البخيخيشة وهبط باسها بشوية باش لتفيقش تاني ومشا تخشا حدا ملاك وهي تقفز وجرها عندو تمخششات فيه باستو فصدرو:حبيبي. هز ليها راسها باسها ففمها:ملاك النور ديالي كنحماق عليك. ملاك مبوقة بالنعاس:تانا.عنقها عرفها فيها النعاس مبغاش يزيد يعييها باينا عيانة وعاد كيبغيها تكون موغضة معاه وقادها وغمض عينيه خاشي نيفو فشعرها:الله يخليك ليا املاكي.تبسمت زادت تخشات فيه .ونامو عصافير الحب ديالنا وهنا نبغي نقول ان قصتنا هي ماشي النهاية وانما بداية لحياة اخرى وقصة اخرى غتكون افضل انشاءلله من هادي وهنا غيكون ليا شرف انني لاول مرة غنكتب هاد الكلمة في عالم القصص ولاول قصة ليا لي نتمنا انها تكون نالت اعجابكم ولي هي ❤️النهااية❤️💜 بزاف ديال الكلمات متضاربة في الداخل ديالي وكلهم باغن يخرجو لدرجة تاوحدة مقديت نكتبها بكثرتهم ولخبطتهم نلخصهم بكلمة شكراا ليكم ولتتبعكم وتشجيكم،انتقاداتكم ،انتضاركم،حبكم.سندكم ليا فاوقات كنت محتاجة ليكم ياريت لو انني نشوف كلمة من كل بنت متبعة قصتي سوا زوينة او خيبة مبغيتش اي وحدة كتبت تعليق مبغيتهاش تعاود تكتب باش منتحمسش فاش نشوف تعاليق بزاف وفاش ندخل نلقا غي شي وحدة او جوج معلقين بزاف لا بغيتي تقولي شي حاجة جمعيها فكومونط عفاك وكنطلبكم بغيت اي وحدة ايييي وحدة تبعات قصتي تكتب رايها




صفحة القصة


اخر التعليقات
Wiam

Wiam


براااافوا عليك قصة طوووب وأسلوب رائع تابعي حبيبتي ❤❤❤❤

Asmae warkay

Asmae warkay


الققصة زوينا بزاف احداتها مندضمين ا وأسلوبها رائع القصة اكتر من روعه احببتها واش غتكمليها نشوفو شنو غيوقع ل أزار و اسير افكارك زويييينين بزاااف استمري

Asmae warkay

Asmae warkay


الققصة زوينا بزاف احداتها مندضمين ا وأسلوبها رائع القصة اكتر من روعه احببتها واش غتكمليها نشوفو شنو غيوقع ل أزار و اسير افكارك زويييينين بزاااف استمري