قصص حصرية قصص كاملة قصص قصيرة قصص رومانسية قصص كوميدية قصص دينية دراما وتشويق أكشن و رعب قصص واقعية(حكي لي) قصص بالعربي قصص جريئة


الجزء 2 من - قصة رمضانية: العقدة
قصة رمضانية: العقدة

جزء 2

#قِصَّة_اَلْعُقْـــــــــدَة ❤ #by_beti ❤ #الجزء_2 و هربو للعروبية اللي كانت بعيدة ب جوج مدن .. قالو ل عائلتهم بلي هاديك بنتهم و بقاو تما عايشين ... سناء وعلي كانو حالتهم حالة داز شهر دازت شهرين داز عام داز عام و نص و البوليس مخلاو فين قلبو على سيلينا و على فاطمة وراجلها ولكن مالقاوهومش كانو إعلانات فالجرائد ف التلفازة صور سيلينا اللي معلقة فكل مدينة فكل درب فكل حومة .. ولكن بدون جدوى البوليس فقدو الامل وسدو الملف و حتى من علي اللي فقدان الامل خلاه يظن بلي بنتو ماتت ولكن سناء لا كان عندها إحساس بلي بنتها حية وغتتجمع معاها فشي نهار من بعد عامين من اختطاف سيلينا . فاطمة جاها سرطان ف الدم و حيت مكانش عندهم إمكانيات باش تمشي ل الطبيب و تداوا ف ماتت .. سيلينا كانت عندها 5 سنين و كان كيسحبليها بلي فاطمة و راجلها هما واليديها ... راجل فاطمة مبقاش مور مراتو بزاف و تزوج .. ولكن مراتو قالتليه يا انا يا سيلينا فالدار و طبعا حيت سيلينا ماشي من دمو و لحمو قرر ياخدها ل واحد الخيرية ف مدينة أخرى ... بقات عايشة تما .. ف الاول كانت غير كتبكي و تعيط ماما .. مكتبغي تاكل مكتبغي تنعس ولكن الوقت كينسي و كيخليك تتعود على كلشي من بعد دارت صحااب و دخلات للمدرسة و الحياة مشا هيدا عام مور عام اما سناء فمن بعد ما مشات ليها بنتها قررات باش تجلس من الخدمة و تقابل لينا و مازن بنفسها كانت كتخاف عليهم من أي حاجة و تجيبليهوم اللي بغااو ... قراتهم ف احسن مدارس ف المدينة و تلبسلهوم احسن لباس واخة نقطة كحلة فقلبها من جهة سيلينا حيت بغات غير تشوفها و تعنقها وتشم ريحتها كانت كتصبر راسها ب الامل اللي كان عندها ب أنها غتلقاها شي نهار ... من بعد م دازت 13 عام على هاد الوضع سيلينا ولينا اللي عملو 18 عام السن اللي غيبدل بزاف د الحاجات .. وغتتبدل حيات كل وحدة فيهم




صفحة القصة


اخر التعليقات