قصص حصرية قصص كاملة قصص قصيرة قصص رومانسية قصص كوميدية قصص دينية دراما وتشويق أكشن و رعب قصص واقعية(حكي لي) قصص بالعربي قصص جريئة


الجزء 61 من - قصة رمضانية: العقدة
قصة رمضانية: العقدة

جزء 61

#قِصَّة_اَلْعُقْـــــــــدَة ❤ #by_beti ❤ #الجزء_61 ⬇️نرجعو لعند سيلينا اللي من بعد ما خرجات من دانييل مشات ل الدار اللي كانت فيها فتحات الباب و دخلات كان الضلام وصلات ل الصالون فتحات الضو و هيي تتفاجئ بجود اللي جالس فوق سداري وكيكمي 🚬 / سيلينا: بسم الله الرحمان الرحيم خلعتيني / جود: (زول الكارو من فمو و هو مكيشوفش فيها)فين كنتي / سيلينا: كنت ففف / جود: شكون هاداك اللي خداك البارح / سيلينا (فكرات تكدب وتقول شي حد من الكليان القدامين و تربط فيها ولكن خافت يكون عارفو دانييل وتمشي فيها فمشات جلسات حداه): هئ هئ هئ هاداك دانييل الشاف البارح خداني لواحد الدار مهجورة و بقاكيستجوب معايا باش نقوليه فين الفلوس ولكن ضربتو لراسو وهربت / جود: ممم وكيفاش حتى رجعتي لهنا / سيلينا: بقيت غادة ف الغابة هئ هئ هئ حتى شفت واحد الطوموبيل طلبتو يوصلني ل وسط المدينة و شديت طاكسي / جود: ومنين جبتي فلوس طاكسي / سيلينا(بغات تخدم تحلوين ديالها و شداتليه فيديه وقالت بصوت خافت ) : الله يخليلي السي جود اللي معمرليا جيبي و ممخليني ناقصة حتى شي حاجة / جود: (عجبو الإطراء و دغيا داخ): وا نوضي دوشي و قادي حالتك و نخرجو نتغداو بجوج باش فالعشية تخدمي / سيلينا: حاااضر يا سيد الرجال / غير مشات من حداه و قالت : تفو عليك ا كمارة الويل اوووف كون غيير بقيت حدا دانييل واخا نبقى غير نشوف فيه ... ف من بعد ما دوشات وقادات حالتها خرجو هي و جود تغداو ورجعها ل الدار قاليها بلي مع 9 غيدوز من موراها بالطوموبيل يوصلها معاه ل البار .. طلعات نالدار مشات فتحات تيليفون اللي عطاليها دانييل خلاتو طافي منزل مع حوايها غير تفتح وهي تطلعليها ابيل من عند دانييل جاوبات / سيلينا: الو ؟ / دانييل: فيين كنتي من الصبح وانا كنعيطليك / سيلينا: راه لقيت جود بالدار و خرجنا تغدينا مع بعضنا مقدرتش / دانييل: جوود ؟ كيفاش لقيتيه ف الدار و شنو جا يدير عندك ؟ / سيلينا: جا سول فبا وقالي بلي غيجي من مورايا ف 9 باش نمشي نالبار / دانييل: وااش كتلعبي عليا واش كتديني على قد عقلي ياك قلتليك مباقاش تخدمي ف داك الشي / سيلينا: ولكن / دانييل: ماكاين نا ولكن مهمتك من اليوم تلقاي قمر والفلوس اللي كتسديهم ف داك الشي انا نعطيهملك و بالدوبل / سيلينا: اووف واخة انا مشوف كيف ندير / دانييل: تيليفون يبقا فاتخ و نصونيلك جاوبي واها يكةن واقف حداك ترامب / سيلينا : هاهاها / دانييل: مكنضحكش / سيلينا(جمعات الضحكة): واخة




صفحة القصة


اخر التعليقات