قصص حصرية قصص كاملة قصص قصيرة قصص رومانسية قصص كوميدية قصص دينية دراما وتشويق أكشن و رعب قصص واقعية(حكي لي) قصص بالعربي قصص جريئة


الجزء 45 من - قصة :رغبات محرمة الاخير
قصة :رغبات محرمة

جزء 45

💜تتمة💜 الطبيبة تنهدات و حطات داكشي لي فيديها: الصراحة شكك طلع فمحلو نتي عاقم وئام نزل عليها كلامها بحال شي سطل دلما بارد ماتحركاتش اكتافات تحرك راسها بلا ويديها ولاو كايرجفو شافت فيها بعيون دامعين: متأكدة الطبيبة هزات راسها بالايجاب وئام ماجاوباتهاش هزات ساكها وناضت خارجة حاسا براسها مرفوعة لعالم آخر ماعلى بالهاش بالناس لي متبعين ليها العين من منظرها خرجات من لوبيطال غادا طالقا رجليها للريح ماعارفاش للوجهة ديالها غير غادا و عينيها نازلين شلال بالدموع رجليها فشلو عليها غادا وكاتتمايل كل مرة كاتبغي تطيح وكاتتسند على الحيط بنادم غادي جاي حداها هي كاتبان ليها غير الضبابة كاتسمع غير اصواتهم لي حداها "ختي واش نتي بيخير" هزات راسها فالناس لي كايشوفو فيها وهزات يديها بمعنى ماكاين والو وكملات طريقها بزز باش محافضة على توازنها #يتبع.... احح اقلبي😥😥🍷رغبـــــــــات محرمــــــــة🍷 بقلـــــم🖊: 🍫نـــــور العلـــــوي🍫 ❤°...نهـايـــة المحطــة...°❤ 🍒البــــــــارت 209🍒 دخلات للدار كاتسمع صوت الضحكات من راس الدرب يلاه حطات سباطها تا وقفات عليها شمس شمس: صاحبتي من الصباح وانا نصوني ليه فين كنتي وئام نطقات وهي كاتهرب بعينيها: والو راه قلت ليكم غانمشي ندوز على المسران شمس: هادشي كامل باش تدوزي على المسران وئام: علاه اش بغيتيني بعدا شمس بحماس: عندي ليك مفاجأة وئام ببرود: شناهي شمس عرفاتها واقعا ليها شي حاجة من نبرتها ماموالفاش ليها تتصرف هاكا: صاحبتي مالك اش واقع وئام: وااواالو شمس طولات فيها الشوفة من بعد نطقات وهي كاتصفق بيديها بفرح: سدي عينيك وئام: علاش شمس: واتي غا سدي وئام سدات عينيها شداتها شمس من يديها وداتها للصالة شمس: يلاه حليهم وئام حلات عينيها تا كاتلمح سمر گالسة فحضن صهيب لي كايلعب معاها وئام حلات فمها بصدمة: مايمكنش كانحلم حطات يديها على فمها مامتيقاش شكاتشوف قدامها تلاحت دغيا كاتعنق فيها وتبوس وئام: لا مايمكنش واش هادي سمر نزلو دموعها بالفرحة وهي كاتعنق فيها وتشم فريحتها وئام: توحشتها شمس: كاملين توحشناها گلسات حدا صهيب وهي هازا سمر بين يديها شوية بانت ليهم شمس جايا هازا شي صينية شمس: احح هاني قاديت الطارت لي كاتعجب بنتي الحبيبة مشات گلسات حدا وئام وخدات من عندها سمر ومدات ليها الطبسيل كاتوكلها وتلعب معاها الدنيا ماواسعاهاش من الفرحة شمس شافت فوئام: ماغاتكليش؟ وئام: مافياش الجوع ضارني راسي بغيت غير ننعس ناضت من حداهم متاجهة للغرفة خلياهم متبعين ليها العين مستغربين من تصرفها ماموالفاش ليها #يتبع... هاد الأجزاء الأخيرة بالذات بغيت آرائكم على الجهد😍🍷رغبـــــــــات محرمــــــــة🍷 بقلـــــم🖊: 🍫نـــــور العلـــــوي🍫 ❤°...نهـايـــة المحطــة...°❤ 🍒البــــــــارت 210🍒 دخل عندها للبيت وهو كايسمع صوت شهقاتها وسط لي خاشية فيها راسها وقف للحظة كايشوف فيها وفحالتها عاد قرب گلس حداها غير حسات بيديه فوق كتافها مسحات دموعها دغيا وخشات راسها فالوسادة كثر بلا تا كلمة مهدي: اش واقع وئام بصوت باكي: والو مهدي: وئام دويت معاك جاوبيني شنو واقع وئام هزات فيه راسها وقربات تخشات فيه طالقا العنان لدموعها مهدي: علاش الدموع دابا جرها گلسها مقابلة معاه كايمسح ليها فدموعها مهدي: عاودي ليا اش كاين وئام هبطاات راسها بأسى: بغيت نقول ليك واحد الحاجة ولكن واعدني ماغاتتعصبش مهدي هز فيها حاجبو: شنو وئام بدات كاتشبك فصباعها وشفتها التحتانية كاتترعد تا كاتبغي تدوي وتعاود تتراجع مهدي: دوي وئام: مهدي انا اليوم مامشيتش ندوز على المسران مشيت دوزت ولقيت راسي عاقم امهدي انا ماكانولدش غير قالتها بدات كاتبكي بصوت عالي قرب لعندها كثر مسح ليها دموعها وجرها عنقها: وعلاش غانتعصب بالسلامة وئام: مهدي انا عمرني غانقدر نولد يعني ماغاديش نجيب ليك الولاد اكيد تانتا غاتكون باغي تولي اب ولكن انااا... (سكتات وتخشات فيه كثر) خايفا خايفا بزاف شي نهار تتخلا عليا مهدي: ششش سكتي من البكا وئام: واعدني ديما غاتبقا معايا واخا ماعرت شنو يوقع مهدي ابتاسم وباسها على راسها: شتك باغا تتهناي مني دغيا ااا حصلتك بدا كايهر فيها وهي كاتضحك وسط دموعها وتترطا بين يديه بحال شي درية صغيرة مهدي: ملي عندي نتي لاش غانبغي شي بنت ولا ولد اخر غا نتي كافياني قرب باسها على راسها: قالك تتخلا عليا هاي هاي هاي هاديك هي لي عمرها تكون ليك ماغاتتهنايش مني تعلقات فيه معنقاه وتنهدات براحة وهي مبتاسمة: داكشي لي بغيت انا #يتبع... قلبي الصغير لا يتحمل😪💔 🍷رغبـــــــــات محرمــــــــة🍷 بقلـــــم🖊: 🍫نـــــور العلـــــوي🍫 ❤°...نهـايـــة المحطــة...°❤ مجموعين على العشا كايتعشاو وصوت ضحكاتهم مسموع فالأرجاء شمس ابتاسمات: احح شحال توحشت هاد الاجواء واخيرا فاجاها علينا ربي زهرة طبطبات على كتافها: الحمد لله ابنتي الله سمع دعواتنا ورجع لينا سمر وئام قربات لعند سعاد ونطقات: هادو هوما العگوزات والا فلا سعاد خنزرات فيها: نتي تاتشقاي فحال شمس تاتطيبي فحال شمس ايوا زميه مهدي: يلاه تلقّاي نتي لي كاتقلبي عليها وئام خنزرات فيه تا بانت ليها شمس ناضت للكوزينة ومشات تبعاتها وئام: نعاونك؟ شمس شافت فيها باستغراب: نتييي وئام: اه انااا شمس: العجب واخا اجي عاونيني قربات وئام حداها كاتغسل فالديسير وشمس كاتقطع فالبطيخ وئام: سمر دابا ولفات صهيب باباها شمس تنهدات: يمكن هاد فقدان الذاكرة جا من صالحنا وئام: ولا شي نهار عرفات الحقيقة شمس: هنا تاحد ماكايعرفنا ماكاينش منين تعرف وئام ابتاسمات: مانعرف شمس: ماعلينا دابا مابغيتش نفكر فهادشي ان شاء الله ماغايوقع والو وئام: ان شاء الله فالصالة.... شاد فحضنو سمر من جهة وبلقيس من جهة كايلعب معاهم سمر: بابا بابا صهيب: هاه سمر قربات لعند ودنو وهمسات: بغيت ناكل صهيب: ها الماكلة حداك سمر: سمعت ماما قالت بلي كاتعجبها الرفيسة بغيت ندوقها صهيب طلع فيها حاجبو: نعااام سمر: عفااااك صهيب: سيري عند مك تقادها ليك سمر: لا بغيتك نتا لي تقادها ليا صهيب: واش محرشاك عليا مك سمر دلات شفايفها بحزن صهيب: واخا واخا غا بلاما تبداي تبكي تانتي بحالك بحال مك ماقدوه فيل زادوه فيلة 💜°...النهـــــايـــــــــة...°💜




صفحة القصة


اخر التعليقات