قصص حصرية قصص كاملة قصص قصيرة قصص رومانسية قصص كوميدية قصص دينية دراما وتشويق أكشن و رعب قصص واقعية(حكي لي) قصص بالعربي قصص جريئة


الجزء 5 من - قصة : لعبة القدر الاخير
قصة : لعبة القدر

جزء 5

5/1 الاجزاء الاخيرة شكيب بقى ايام وهو كيدرس الخطة ديالو كيفاش يقدر يسزي داك عادل ويخليه على ضس وكيفاش يرجع حق واليده وحق ولاد سيلين للي ضاع وهدشي بلا مايشعرو وهنا طاح ليه فبالو مشروع وهمي عادل والينا كيموتو على الفلوس وغادي يضرب ضربة القاضية عصفورين بحجر واحد للي غادي تقضي عليهم فتانية وحدة توقيع واحد غادي ارميهم فشاريع وجد شكيب كاع الوراق ديالو والملفات اللازمة شريكة الوهمية للي غادي تربط صفقة مع شركة عادل ويقدرو يحطو فيها ملايير بلا ميتعدب شكيب درس الخطة مزيان وفهم السيلين شنو خاصها دير بالحرف انها خاصها تلعب العادل على المشاعر ديالو وتدكرو فنورة فاي حركة اي حاجة تصرفي حيت نتي نورة ماشي سيلين خليه يحس راكي معاه ومازال مامتيش باش هكا غادي نردوه الصفر سيلين عجبوها افكار شكيب وطبقات اي حاجة كيقولها ليها بالحرف وبلا متناقشو ............دازت مدة شهر كلها مخطاطات وتصالات مع اعوان شكيب والمحامين للي غادي يساعدوه سمية واخة خايفة تخسر بنتها من بعد مالقاتها كانت ديما كتوصيها بحاجة وحدة عفاك ابنتي متوسخيش يدك فيهم خليهم العدالة تاخد حقك وديمة كتطلب من الله انصر ليها بنتها ويبين الحق المظلوم حيت بنتها تظلامات فالحياة ديالها ناس مارحموهاش وللي بغاتهم ضحكو عليها وادوها واخة هي عمرها ادات شي حد ، طلبات من الله يحفظها من شر عادل والينا للي ماكيخافوش من الله ..وصل الوقت للي شكيب وسيلين وجدو كولشي شدو طيارة الامريكة .... طريق كلها وسيلين كتطلب من الله تقضي عليهم وتنتاصر فاخر الماطاف ... شكيب درس الخطة ديالو والمحامين ديالو واعوانو تاصلو بشريكة ديال عادل وخبروه بللي اغنى رجل فروسيا غادي يوصل عندهم هو وزوجة ديالو من اجل المشروع للي غادي يعاقدوه مع شريكة الوهمية شريكة ديال عادل وشريكة ديال شكيب وشريكة روسية الوهمية للي كان فيها صديق ديال شكيب هو المدير الوهمي خطة جد مدروسة مللي حطات طيارة فامريكة تبسم شكيب وصلات الوقت اسيلين شافت فيه وتبسامات شدات فيديه ولبسات المونطو ديالها فوق من ديك الغوب زرقة نزلات من طيارة شالها ريح كتديه والحجاب زايدها جمال على جمال ويدها فيد شكيب هدا كيدل على انها كتحس بلامان مللي كيكون جنبها حسات بللي صافي علنات على وقت الحرب ........ 5/2 .....تلقاء شكيب بكاع دوك المحامين ديالو وصديق ديالو روبير للي هو فالاصل عندو جنسية روسية وهو للي غادي يساعدو فهاد المهمة ... شكيب:روبير جاستاك انا جد سعيد بللقاء ديالك روبير: شكيب ارطغل نت راك غالي عندي انا سمحت فكلشي وجيت على قبلك لهنا ..شاف فسيلين وسلم عليها مرحبا مدام ارطغل سيلين: شكرا بزاف مسيو روبيير انا سعيدة مللي شفتك .. ستمر الحوار مابين روبير وشكيب للي كانو كيتفقو على الخطة ديالهم ركبو فسيارة للي كانت فالانتظار ديالهم ونطالقو الفيلا للي كراو .. عادل والينا فرحانين انهم مابقا ليهم والو ويرجعو يحتل رتبة الاولى العالمية لشركة ديالهم ... طمع طاعون للي بغاها كلها غادي يخلليها كلها اوا غير فرح اعادل حتى تشبع .... تاصل بيه المحامي ديال روبير وعلمو بللي هما موجودين كينتظرو غير الموعد اللازم الينا تحمسات مابقاتش قادرة تصبر قالت ليهم الاثنين المقبل غادي نوقع العقد ديال هد صفقة يعني اسبوع وغادي يتواجهو من جديد ... سيلين: ماعرفت مالهم على هد زربة كاملة ماعرفينش اش كيتسناهم شكيب : طمع عماهم ماعندنا منديرو ليهم روبير : ولكن خاصنا نردو بالنا مزيان هداك اكبر غدار لاهو ولا مراتو ... شكيب : كيفاش شنو كتقصد روبير: الينا هي للي كانت سبب فموت باها خلصات واحد العصابة باش يقتلوه ويتهناو منو شكيب : هد سيدة خطيرة روبير : ونزيدك تاداك راجلها طلع ماسهلش تاهو كان مزوج وعلى مسمعت بللي مراتو وولادو ماتو فالحريق للي خططات ليه الينا وهرباتو من المغرب ودبا عايش معها ونزيدك عندهم ولد فعمرو14 سنة سميتو سام سيلين: كيفاش ميمكنش الينا وعادل هما للي خططو الداك الحريق وعندهم ولد من الفوق واو هادو عصابة شكيب : بلا متخافي غادي نقديو عليهم فرمشت عين خاص غير صبر روبير : تانا كنتسنى بفارغ صبر .... روبير رجع كيجب ليهم كاع تقرير للي كتعلق بالينا وعادل وولدهم سام ... دازت اسبوع وصل النهار المنتظر سيلين فاقت بكري وجدات راسها لبسات واحد لباس يستحيل الينا تعرف تلبس بحالو شكيب لبس للباسو الانيق كيف العادة طلعو كيفتنو اي واحد غاني تما بانو هما اغنى منهم ركبو فالفيراري روبير جات مراتو رولا تاهي جمالها فاتن واخيرا وصلو الشريكة ديال عادل والينا ومعاهم المحامين فتحو الحراس الباب ديال روبير ورولا عادل شاف رولا ريوقو سالو سحراتو اما الينا حسات بالفقصة حيت هي زوينة عليها لامنحيت شكل ولا من حيث المظهر روبير دار يدو فيد رولا ودخلو وفاخر للحظة وصلات الفاتنة سيلين هنا عادل غادي يطيحو ليه الكواري ديالو.... 5/3 نزلات سيلين الفاتنة ودارت يديها فيد شكيب .. عادل: شوف الناس اش مزوجين ونت اسي عادل داي كوفرى بخسة تفو على زهر الينا: ويلي ويلي اش كيديرو هادو مالهم زوينين الهاد درجة اخخخ .... الينا بقات كتفقص وعادل كيتفقص وهنا سيلين غادي تخرج نورة وتكلسها فطابلة مع عادل .. سيلين بدات فللعب ديالها رجاعات كتصرف وتحرك وتعامل مع شكيب على اساس انها نورة عادل بقاو كيتحركو فيه كاع دوك المشاعر مللي كيشوف فتصروفا سيلين الاجتماع كولو وهو حاضيها مانزلش عينو عليها وهي ماخلات حتى فرصة مافكراتوش فنورة ماخلات حتى طريقة مافكراتوش فيها الينا بقات كتشوف فعادل كيفاش مركز فسيلين ومباغاش يحيد عينو عليها وهي تنطق وتكلم وسط الاجتماع مع عادل: مدام سيلين ساحرة انا كنت كنتخيلها عادية ولكن عاد عرفت علاش توزج بيها ارطغل حيت هي فعلا مراة فاتينة ولكن رد بالك راه راجلها جنبها شوف شحال كيبغيها وهنا غادي يتفكر عادل كاع دكرياتو مع نورة وكيفاش حتى قتلها بلا شفقة ولا رحمة سد عنيه واحظ اللحظة دخلو كاع المحامين ديال شكيب وروبير ومعاهم الوثائق الينا صافي حلمنا غادي يتحقق سمعاتها سيلين ورولا وهما يتبسمو بجوج ونطقات سيلين: حتى انا الحلم ديالي غادي يتحقق.... وصلات الوقت اللي غادي يتشرد فيها عادل والينا وقع عادل والينا على العقد بلامايقراوه وقع شكيب وسيلين على العوقود المزيفة وقعات رولا وروبير على نفس العقد تبسمو شكيب وروبير بمعنى نتصرنا واخيرا الينا وهي بغات طير من الفرحة ماعرفاش اش كيتسناها : مبروك مبروك علينا سيلين وهي كتبسم : هدشي كلو بفضلكم حتى نتوما شكرا بزاف ... المحامين هزو العقد وخرجو من شريكة ديريكت البنكا كدالك روبير ورولا وشكيب وسلين جمعو حوايجهم وشدو طيارة كل واحد لحق البلاد ديالو بسرعة المحميين ديال شكيب حولو كاع الاموال ولاملاك للي بسميت عادل والينا الحساب سيلين .... 5/4 سمية : مبروك عليك ابنتي مبروك عليك ههههه سيلين: ههههه واو كون تشوفيه هو ومراتو بغاو اطيرو بالفرحة مازال ماعرفوش اش كيتسناهم ههه شكيب انا نمشي نتاصل بروبير نتافق معاه على الخطة تانية دوز شكيب الاتصال ديالو : الو روبير واش وجدتي كاع تسجيلات ديال قتل المافيوزي روبير كولشي موجود وحتى الفيديو مسجلا فيه الينا وهي كتخلص دوك رجال شكيب : مزيان رسلهم الادوارد باش يقدمهم البوليس روبير: كون هاني اصاحبي عادل فرحان وكيحتافل هو مراتو فاخر لحظة جاه اتصال منعند الخباراء المالين : مسيو عادل خاصك ضروري ترجع الكريدي البنكا عادل : مرحبا عطيوني ساعة نكون عندكم الخبير: سمحلينا اسيدي حنا غادي نحجزو ليك على الفيلا ديالك عادل: كيفاش انا نخرج الفلوس من الحساب ديالي ونخلص الخبير : لا اسيدي حنا بحثنا ولقنا الحساب ديالك نت ومدام الينا خاوي فيه0 دولار نتوما مابقى عندكم حتى حاجة باش تخلصو واخاص ضروري الفلوس عادل تصدم بقى كيضحك بقوة صدمة حتى كيبكي سمعاتو الينا: عادل شنو واقع مالك عادل : ههههههههه ضحكوا علينا حنى تسيزينا مبقى عندنا والو هههههه حنى سالينا هههههههههنننننن الينا: لا مايمكنش مايمكنش لاالالللالالال ميمكنش كضحك عليا ميمكنش فالوقت للي الينا كتغوت وتضحك وتبكي جاو البوليس : الينا نتي متهمة بقتل الاب ديالك الينا : كدابين هما نصبو علينا لالا البوليسي: زيدي معانا الالة بلا ماشكل عفاك الينا :لا انا بغيت فلوسي ردو ليا فلوسي .. خلاوها كتغوت دارو ليها المينوط وخداوها الكومسارية من تما المحكمةودوزها الحبس ..... شحال طارت انعيات ولكن الروح عزيزة على للي خلقها ......حكمو عليها بالاعدام ... عادل خرج من الفيلا هو وولدو سام للي رجع معقد منبعد ماتزلطو ولكن طماع سرو كداب كولشي حجزات عليه البنكة مابقى عندو والو ... 5/5 عادل بقى فامريكا ماعرف مايدير تالف حاير دايخ من الفوق ماعندو لمن يعطي راس وفين يمشي تشرد هو ولدو فامريكا عادل فكر مزيان وقرر يرجع عند واليديه اعند مو وباه للي ماحمدش الله على شي نعمة كيشتاق ليها فتالي .... تسلف عادل الفلوس عند واحد صاحبو خرج هو ولدو من امريكا مشاو مباشرة المغرب نزل فالمطار ديال رباط حالتو حالة وجهو مساخ وهو فطريقو الدارهم تلقى بواحد شاب يخلق الله مايشاء رجع جلابة ولحية ونور ديال القرأن وصلاة نازل عليه شافو داك شاب ومشى العندو .. عادل عادل دار العندو شكون نت اخويا شنو بغيتيني الشاب: انا براهيم اصاحبي ماعقلتيش عليا واش نت مازال حي مامتيش عادل شاف فيه سبحان مبدل الاحول عنقو توحشتك اصاحبي من امتى عفا عليك الله براهيم : من نهار درتي كسيدة عرفت بللي دنيا صغيرة وكلشي فيها غير شهوات الفلوس ممكن تجي وتمشي وللي زاد كملي هو مللي مات الحاج عبد الغفور كحالت دنيا فعني وعرفت اخيرتها موت ورجعت الطريق الله عادل : كيفاش كيفاش با مات لا لا عافاك متقولهاش براهيم: قضاء الله وكيتصرف اعادل باك تصدم نهار ماتت مراتك وولادك وللي زاد كمل عليه يحساب ليه بللي نت متي .... عادل: وممتي فينها براهيم: خالتي فاطمة عانات بزاف على فراقكم ونهار مات الحاج دازها شوف وعمات طاح عادل على ركابيه كيبكي انا سباب انا سباب خرجت على راسي ودمرت عائلتي انا سباب اهئاهئ براهيم: البكا مورى الميت خسارة اصاحبي سير شوف ميمتك وختك راهم غير بوحدهم خوتك فرتكو شمل وسمحو فيهم... عادل:كيفاش فرقو شمل مي وختي بقاو بوحدهم ابراهيم:هدشي للي واقع اصاحبي الله اصبركم يالله دبا تمشي تشوفهم ووقف معاهم اصاحبي راه كيتسناوك ... مشاو بجوج كيهضرو براهيم تعرف على سام عادل طريق كولها وهو كيلوم راسو كيفاش دمر حياتو وخسر باه والمراة للي بغاتو وولادو قتل الفرحة للي كانت فديك دار ولكن طمع ديالو والغرور للي فيه حرق كاع دكريات زوينة للي عاش ..... 5/6 عادل وصل قدام باب دارهم وهو متشوق تفتح ليه نورة الباب وتعنقو بحال كيف كان شحال هادي بغا هديك للقطة بضبط بغا يشوفها كيما كان موالف ولكن للاسف حلم عمرو يتحقق ... تفتح الباب مليكة : سلام خويا برراهيم.. مازل ماكملات هضرتها حتى شافت عادل خويا بقات كتغوت وتعنق خوها وكتبوسو فكاع القنات وهي كتبكي: فين خليتنا اخوياا حرام عليك توحشناك اخويا ماوقع ليك والو الحمد الله باقي فالحياة ياك اعدل الحمد الله... بقات كتبوسو وكتبكي فاطمة سمعت صوت ولدها وبقات مسكينة فرحانا وخارجة كتدهسس فالحيوط ولدي ولدي دموع كينزلو من عنيها خيوط شافها وشاف الحالة للي رجعات فيها بسبابو لعن نهار للي عرف فيه الينا وميجي من جهتها طاح ليها عند رجليها: مي سمحلي عفاك عفاك امي سمحلي عفاك امي انا سباب المشاكيل انا سباب فاطمةكتبوس ولدها وتعنقو بداك الحر ديال الفراق: توحشتك اولدي توحشتك احبيبي عنقاتو صراحة كان لقاء حار بيناتهم ... عادل كل دقيقة كيدور عنيه فدار كيتسنى تبان ليه ولا تخرج ليه فشي قنت ولكن مللي كيتفكر بلي قتلها عنيه كيبغو اخرجو .. تغداو وهما مجموعين جنبو ماشبعوش منو مليكة: خويا شكون هد الكتكوت للي معاك عادل من بعد سكوت طويل: هدا ولدي سام مليكة مصدومة: كيفاش كيدرتي ليها 8 سنين ونت غابر وتجي تقولي ولدك عادل : قصة طويلة بقى كيعاود ليهم على الينا ولكن ماجبدش ليهم موضوع الحريق فاطمة تنهدات بعياء : من الخير اولدي من الخير الله يرضي عليك وعلاش عمرك ماسولتي فينا خليتينا كنتعدبو على فراقك عادل:امي انا معنديش الوجه باش نجيكم مليكة:عادراك اخويا حتى حنى منهار سمعنا ولادك ومرتك ماتو محروقين قلبنا تحرق معاهم عادل عنيه تغرغرو بدموع : نخليكم دبا نمشي نرتاح....طلع عادل البيتو مع دخلة شم ريحة ديال نورة باقي كيفماهو ماقاسو فيه والو شاف تصاورها هي وولادو وبقى كيبكي عليها : عفاك سمحلي انورة سمحلي احبيبتي عفاك خسرتك نتي وولادي هئهئهئ نورة ياريت نكون كنحلم عفاك اجي فيقيني عفاك اهأهأه😢😢😭😭 شاف تصورتها كون راك دبا معايا كون كاع منوصلو الهادشي شيطان ضحك عليا ولعب بيا عمري ماعرفت قيمتك حتى اليوم ... سمحلي نتي وولادي سمحولي بززااااف عفاك سمحولي😭😭😭😭😭 ماتحافيونش ماشي الخاطري هز تصويرة عنقها وكيبكي .... مليكة دخلات العندو لقاتو كيبكي بحال شي ولية وهو شاد القنت ومعنق تصاورهم كيبكي قربات العندو: صافي اخويا ربي بغاهم وخداهم ماعندكش علاش تقلق راسك عفاك اخويا وكنواعدك غدا نشاء الله نمشو الروضة نزورهم دعي ليهم برحمة اخويا بقى عادل كيبكي ويلوم راسو انا سباب انا سباب خرجت عليهم وعلى حياتي وعائلتي حط راسو على كتف مليكة وكيتحصر على داكشي للي دار غلاتو عينو ضميرو بقى كيعدبو كل ساعة كيشوف نورة كدور عليه وشادة فيدها ولادها وحالتها محروقة كاملة وكتقول كلمة وحدة: مامسامحاكش ماعمرنا نسامحوك دعيتك الله المجرم دعيتك الله الله يخد فيك الحق عادل بقى كيعرق وكيغوت عافاك عفاك نورة نورة وهو دربو الفيقة ......... 5/7 الفجر كيودن هو يتفكر بللي بعد على الله بزاف تبع وسخ دنيا وفرط فالمهم ناض توضى وصلى وبقى كيبكي تاني حتى بانت شمس بدل حوايجو ونزل عند مليكة لقاها موجودة وخرجو المقبرى يزور ولادو للي قتلهم بيده مشى حتى وصل القبر باه وولادو ولكن القدر حكم عليه اكون هو سباب موتهم طاح عليهم كيبكي ندم بززاف تبع طريق شيطان وخسر الناس للي كيبغي دمر حياتو وحياة ناس للي عزاز عليه بيدو .... داز شهر عادل مكيقدرش اشوف نعاس فينما يسد عنيه تبان ليه نورة فالمنام فالوقت للي هي عايشة حياتها فتركيا عوضها ربي بسيد رجال وحضن حنين يدفيها مها واقفات معاها حتى نسات كولشي وكاع المعانات للي عيشها فيهم طاهر و عادل ... وصل نهار للي رجعو فيه الروسيا لقاو سومية كتنتاظرهم بفارغ صبر : بنتي توحشتك احبيبة ... عنقاتها كتبكي سيلين : مالك اماما سومية : بنتي خاصنا نمشو المغرب صافي خاصهم اعرفو بللي نتي باقة حية مامتيش سيلين : لا اماما واش حماقيتي انا اصلا منقدرش لا شكيب: كنضن بللي جا الوقت احبيبة باش اعرفو ناس بللي نورة مزالة حية سيلين منبعد تفكير طويل : اه مرحبا صافي للي بغيتو سومية: بنتي اي حاجة كتخصك مابغيتش نبززها عليك ولكن ريحة لي بقات لينا من باك راه عند ولاد طاهر خاصنا نرجعو ناخدوها سيلين تبسمات لمها : انا ديما معاك عنقتها ... شكيب .هي نرتاحو اليوم وغدا نمشو سيلين اه مرحبا بصح نمشي نزور ولادي سومية مرحبا احبيبة ديالي ... 5/8 فعلا داز داك نهار فجو عائلي مستقر ملي صبح الحال جمعات سيلين حوايجها ووراقها وكاع الوثائق للي كتبت بللي هي سيلين بنت المكي وسومية وكدالك تحاليل ديال الادين ديال سيلين وسومية للي هما منطبقين ... شكيب :حبيبة موجودة سيلين : اه اعمري موجودة سومية: يلاه خلونا نمشو ركبو فطوموبيل ومشاو حتى المطار طلعو الطيارة ونطلقات رحلة دبالهم باش يتكشف كلشي وصلو المغرب دخلو خرجو من المطار كراو دار كبيرة باش يلقاو راحتهم ويرتاحو داز داك نهار كل واحد فيهم شد قنت ناعس بالعيا حتى طلع نهار فاقت سيلين وسومية وشكيب فطرو جمعو الوراق ديالهم صوناو على واحد المحامي كبير باش يقدمو دعوة المحكمة مشاو العند وكيل الملك قدمو الوثائق للازمة وهنا خصهم وراق الملكية قررو يمشو عند الحاج عبد الغفور مشات سومية وسيلين وشكيب المحال الحاج ولقاو سماعيل عزاتو سمية فباه: ولدي اسماعيل انا خليت الحاج واحد الامانة الى ممكن تسول صحاب دركم عليها اسماعيل: شكون نتي الالة سومية: انا سومية مامات نورة وهادي ببببنتي نوورة سماعيل خرجو عينيه وبقى كيتف تف مصدوم: ننننننورة نتي هااادي مامتيش مممازال حية سيلين: اه انا مازالة حية كاع مامت والفضل كيرجع لله هو للي كتب ليا عمر جديد دبا عفاك جيناك على ديك الامانة اسماعيل والفرحة مسكين : مرحبا مرحبا الحاج قبل مايموت مسكين خلى ليا ديك الامانة وراه عاود ليا كولشي انا نجيب ليك وراق الملكية سومية الله يرضي عليك اولدي بقات سيلين وشكيب كيهضرو بصوت خافي :عنداك تعاودي ليهم الحقيقة كيف دارنا نقدناك سيلين. كون هاني جاب ليهم سماعيل الوراق: هاهما اختي نورة امتى غادي تجي تشوفي مي شكيب ماعجبوش الحال ولكن سيلين ضحكات معاه : ضروري نشوفها نشاء الله ... هزو الوراق ومشاو قدمو كاع الوثائق الوكيل الملك.. سرعان مارسل اعوان القضائية الدار طاهر خرجو حوايج طاهر الزنقة وسدو المحالات للي هما فالاصل ديال المكي سومية حسات بالفخر مللي شردات ولاد طاهر وخلاتهم الله كريم مارحماتهمش ...... 5/9 دخلات سيلين لديك دار للي دوزات فيها العداب الدار للي حرموها من حقها دار للي عاشت فيها بحال الخدمة مقهورة .... دارت شافت مزيان فديك دار مالقات حتى شي حاجة فيها كتخليها سعيدة خرجات منها وعطاتها بدهر هي ومها باعوها وخداو رزقها نص تبرعو بيه ونص لاخر حتافظو بيه هما وو فلوس الماحالات حيت باعو كولشي ماعندهم حتى دكرى زوينة تما ....خلاو كلشي موراهم وبغاو امشو لتركيا سيلين رفضات قررات تمشي تزور ولادها قبل كولشي عادل كل نهار كيمشي لروضة ولكن هد نهار القدر غادي يلاقيهم هو وشكيب وسيلين ..... سيلين مشات المقبرة بقات كتبكي وتشكي حدى قبر ولادها حتى تنفخو عينيها .... عادل كيف العادة غادي المقبرة يزور قبر باه ومراتو وولادو ... دخل عادل هو وسماعيل مع باب رودة بانت ليه واحد المرة كلسة حدى قبر وولادو دخلو شك خاف لاتكون شي سحارة جاية دير شي موصيبة قرب ليها : شكون نتي الالة اش كديري هنا وهي دور هدعندو عينها حومر بالبكى عادل : نتي هادي انصابة اش كديري حدى قبر ولادي اشفارة هز يديه بغى يصرفقها وهو يتعرض ليه سماعيل عنداك تغلط اخويا تبسمات سيلين ولاول مرة تهضر بالعربية: غير خليه اسماعيل خليه يكمل داكشي للي دار ... عادل بقى مصدوم فيها . شكون نتي سيلين. واو ماعرفتينش القتال المجرم سماعيل :اش كتقولي اختي نورة حشومة عليك تاهو للي داز عليه ماشي ساهل سيلين : كداب هههه كدب عليكم هو كان عايش حياة ثراء ورفهية وباش منبقاش فعنقو انا ولادو حاول اتهنى مني قتل ولادي حرق ليا قلبي ماعرفتيش شكون شعل ديك العافيا ماعرفتيش شكون هاهو هد البريئ للي واقف قدامك... سماعيل بقى مصدوم عادل:لا مايمكنش نتتتتي نورة مازال حية مايمكنش لا لا عفاك واش بصح ........ 5/10 نزلو دموع من عنيه بغى يعنقها وهي تهرب: ماعمرك باقي تحاول تحط عليا يديك الموسخين القتال المجرم سماعيل : عفاك انورة ووواش كتقولي صح عافاك ماتكدبش علينا سيلين شافت فيه بعنها عامرين بدموع: ياريت كنت نقدر نكدب عليك ولكن راني تغدرت اخويا سماعيل هد خوك غدرني وطعني وقتل ليا ولادي وكمل حياتو عادي مع حبيبت قلبو الينا وولدو... سماعيل طاح حدى قبر باه كيبكي سمع الوليد هئهئهى ولدك ريب لينا حياتنا ولدك خرج على حياتو 😭😭😭😭😭😭 ولدك قتل ولادو للي حنا كنتمناوهم ومالقيناهمش الحاج ولادك الحاج قتلهم 😭😭😭😭😭 عادل صدمة شداتو : نورة سمحلي عافاك سمحلي الله اخليلك للي عزيز عليك 😭😭😭😭😭 سمحلي الله ارحم خليصة وقصي سمحي ليا راني كنتعدب شافت فيه نورة وهي حاسة بللي جبل كان على كتافها حطاتو : لوكان اديتيني انا كنت نقدر نسامحك ولكن نت اديتي ولادك حرقتيهم حين سولهم الى سمحوليك وسمح ليك للي خلقك تا انا غادي نسامحك خرجات سيلين من المقبارة ودموعها مابغاوش افارقو عينيها تبعها عادل وصلات حدى باب المقبرة ولقات شكيب كيتسناها عنقاتو وبقات كتبكي عادل شافهم بجوج نار شعلات فقلبو بلا مايحس طاح الارض كيبكي ويغوت حتى فقد الوعي هزو شكيب واسماعيل وخداوه الدار... مللي فاق لقى راسو فدارهم دور عنيه لقى سومية و شكيب ومليكة ومو وخوه حداه سماعيل ماحملش حتى يشوف فوجهو مليكة من وجها بينا فيها عرفات كولشي وفاطمة مسكينة ماقالو ليها والو باش مايخسروهاش نطقات سومية : الحمدالله على سلامتك دبا نخلوك طيارة كتسنى خاصنا نمشو نزلات سومية وتبعها شكيب ونزلات معهم مليكة .عافك الالة سومية شوفي الحال ميمتي ماتخليش نورة ديكلاري بيه راكي عارفة حالتنا الله افرحك اخالتي سومية غير كوني هانيا اصلا هي ماغديش تادي مك بنتي قلبها بيض وخا ادها خوك فحياتها هي ماغديش تاديه للي فيه يكفيه الله هو للي غادي يحاسبو مليكة: سمحو لينا الالة عفاك سومية: الله اسامح على الجميع نزلو لقاو نورة واقفة فصالون التحت جبدات واحد جوا من ساك. مليكة هدا فلوس ليك كنت بغيت ندير بيهم عزا الولادي ولكن نتوما محتجين ليهم كتر مني تهلاي فخالتي وتهلاو فراسكم تعنقة عناق حار وبقاو كيبكو نزلات عندها فاطمة: بنتي نورة سمحي لي عافاك متمشيش وتخليني الله يرضي عليك ابنتي ولدي غادي يحماق الى خليتنا تاني الله يرضي عليك ابنتي نورة شدات ليها يدها بجوج وباستهم ليها : سمحلي اخالتي ولكن منقدرش نخلي ماما وراجلي كنواعدك نبقى نجي نشوفكم عنقاتها نورة وعطوها البكا 😭😭😭😭 الم الفراق اشد مرارة ... دارت يدها فيد شكيب وسومية ورجعو بحالهم الروسيا ولدات وليد سماتو المكي على سميت باها باش يكون خليفة ديالو انشاء الله دازت سنوات ولدات بنيتة سماتها بثينة على سميت مامات شكيب سمية عمرات عليها دار بأحفدها سيلين وشكيب رجعو خدامين بجوج عادل دخل فكتيئاب وعاش حياتو كولها كيتعدب شحال من مرة حاول انتحار مللي كيتفكر كلام نورة وكيفاش خسرها وولادو للي قتل بلارحمة اما الينا نتحرات فالحبس حيت ماقدراتش تحمل طاهر خرج ليه العقل وحبسوه فسبيطار الحماق اما عيشة مولات المصائب ضربها مرض خبيث عزلوها بوحدها فحبس انفرادي باش متعديث الاخرين وانتصار تفارقات مع حمد حيت بكل بساطة ضحك عليها كيما ضحك على ختها بديعة مابقالها باش تعيش خدمات فالبار شيخة كيما كانت مها من قبل متزوج سميرة بنت ناس ربي ماخيبهاش عاشت مستقرة ومهنية براهيم تزوج بمليكة وعاش مع فاطمة مهلي فيها بحال مو نورة ستقرات حياتها مع شكيب و وليدات للي عمرو حياتها وحيات مامها شكيب حافظ على سيلين ودارها فعينيه🌷🌷🌷🌷🌷🖊🌷 وانا كنقول ليكم هنا سلات قصة نورة وعادل والحاجة للي خاص الانسان يستافد منها هو ميكونش طماع حيت طمع طعون وللي بغاها كلها كيخليها كلها وكنشكرم بزاااف حيت صبرتو معايا وشجعتوني قصة🌷لعبة القدر🌷 بقلم🖊🖊 مروى بنشقرون




صفحة القصة


اخر التعليقات