قصص حصرية قصص كاملة قصص قصيرة قصص رومانسية قصص كوميدية قصص دينية دراما وتشويق أكشن و رعب قصص واقعية(حكي لي) قصص بالعربي قصص جريئة


الجزء 47 من - قصة : عذاب العشق الاخير
قصة : عذاب العشق

جزء 47

🔥عذاب العشق🔥 🍃Rah Ma🍃 ج:101 🍂قلوبٌ أنهكها العشق🍂 👑ميرال👑 حبسات لوطو بجهد حاسة بألم فظيع فقلبها حطات يديها عليه وبدموع:يحيى دمارات مرة خراا وشافت فتلفونها لكان كيصوني بنمرة دفادي غير شافتو وهي تعصب:فين هو يحيى فادي:اذا عرفتي الحقيقة مهم بلامتعيى راسك حيت راجلك غايكون دابا ودع ميرال بصراخ:غااااانقتلك الاأديتيه كنقسم ليك بالله تاغانقتلك فادي:باش تعرفيني حنين راجلك كاين ف**** اجي باش تاخدي الجثة ديالو باي قطع عليها مخليها مصدومة ودموعها نازلين بسرعة صيفطات مساج لينيس فيه العنوان ودمارات لوطو غادة لعنوان لعطاها فادي وفقلبها تتمنى ميوقع ليه والو.. ✖فادي✖ ركب فلوطو وهو حاس بالفرحة حيت نفد انتقامو لكان كيتسناه هادي سنين وهو مركز فطريقو مردش لبال لصوت سيارة شرطة لكانت تابعاه اوقفات قدامو فرانا بجهد وشاف فيهوم بخوف:شنو كاين نزل لعقيد أحمد بنفسو غير شافو وهو يسرط ريقو بصعوبة نزل عندو وحاول يرسم ابتسامة ويلاه بغا يهضر وهو يحبسو العقيد وبصرامة:الظابط فادي السعداوي نتا رهن الاعتقال بتهمة تزوير مستندات مهمة وتستر على عدة مجرمين ومساعدتهوم وماشي غير هكاك نتا عاونتي جبل يلماز وتشاركتي معاه شاف فواحد البوليسي:لقيو القبض عليه فادي بصراخ:طلقو مني ااااع انا مدرت والو هاااادشي كدوب طلقوووو مني ااااع بقا تيغوت وتيحاول يفك راسو مكانش متوقع ان الشرطة تعرف حقيقتو ولكن معرفش ان.. 🌸لدار ذنب يستاهل لعقوبة🌸 👑ميرال👑 غير حبسات لوطو وهي تخرج منها كتشوف فالمكان بعيون مصدومة وجامدة حاسة بروحها شوية وغاتزهق من المنظر لقدامها رجليها مبقاوش هازينها طاحت على طولتها ونظراتها مزال مفارقوش المكان حطات يديها على قلبها وصرخات صرخة وجع وألم......🔥عذاب العشق🔥 🍃Rah Ma🍃 ج:102 🍂قلوبٌ أنهكها العشق🍂 واقفة فالبالكون وشعرها الاشقر كيطير مع ريح نظراتها كانو تيحملو الحزن الاشتياق مع دموع كتنزل بهدوء سمعات بكاء بنتها وتوجهات لعندها لقاتها فاقت ومادة يديها باش تهزها بتسمات ليها ميري بحب وبدات تتبوس فيها:حبيبة دمامها باغا ترضعي هممم شوق شداتها من شعرها:با با هوووو با با ميرال غير سمعات بنتها شنو قالت ودموعها بداو ينزلو مع شهقات اما شوق دلات شفايفها بحزن تاهي وبدات تتبكي عنقاتها ميرال وبدات تتسكت فيها وترضعها وشوق مزال تدمع.. مور مرضعاتها ونعسات حطاتها فبلاصتها وخرجات من البيت فتجاه غرفة جوري حلاتها وبانت ليها ناعسة سدات الباب بهدوء ومشات لمكانها المعتادة.. غير حلات الباب وهي ضربها ريحتو لكتحمقها توجهات لبيروه وجلسات قدام لبيسي ودارت فيه clé لعطاها ينيس وماهي الادقائق وهي تبان صورتو فشاشة زادت volume وبدات تتسمع بتركيز.. 🌸ملاكي عارف بلي فاش غاتكوني تتشوفي هاد الفيديو مغانكونش معاك وعارفك دابا غاتكوني تتبكي وانا مباغيش هادشي أول نهار شتك فشركة ملي كنت تتعايريني عقلتي ههه داك نهار حسيت بشي حاجة غريبة من جهتك معرفتش شنو هي فاش عرفت بلي نتي مخطوبة حاولت ماأمكن نبعد عليك ولكن مقدرتش كنت تتسيطري على تفكيري.. مكنتش عارف بلي لقدر ديالنا غادي يخلينا نتجمعو مع بعظياتنا وتولي مراتي عارف بلي فلول نتي كنت تتكرهني حيت شي لدرت فحقك صعيب تنسايه تانا تيقيني كرهت راسي حيت تسببت ليك فالألم ولكن دابا انا متأكد بلي نتي تتبغيني كما كنبغيك وكتر قررت نسجل ليك هاد الفيديو باش نقول ليك فيه لحاجة لمقدرتش نقولها فوجهك نقول ليك بلي انا قررت نواجه جبل ونوضع حد لهاد المهزلة حيت طول ماهو عايش طول ماانا ونتي مغانقدروش نعيشو حياتنا عليها انا قررت نتواجه معاه عارفك غاتقلقي مني ولكن ماشي بخاطري الاجاب الله وقعات ليا شي حاجة ومرجعتش فعرفي بلي انا كنعشقك بجنون ونبغيك تهلاي فراسك وفبناتنا بتاسم ليها بعشق وبهمس نطق:أعشقك ياامرآة قلبي....🌸 رغم مشاهدتها دائمة لفيديو الا انها متتقدرش تحبس دموعها حطات يديها على شاشة وببكاء يألم:تانا كنبغيك بزاف بصح دازت 2 سيمانات على الإختفاء ديالك وكلشي فقد الأمل وظن انك متي ولكن انا عارفة بلي نتا مزال عايش وغاترجع لعندنا باش تسمع بنتك شوق تتعيط ليك بابا ولجوري وليا توحشتك بزااااف ايحيى هزات لبيسي وعنقات صورتو ودموعها نازلين بصمت.. 🔙🔙🔙 فاقت من صدمتها على صوت رجال الشرطة لجاو مع رجال الإطفاء ناضت بزربة متوجهة لمعمل باش دخل ولكن مخلوهاش وشدوها رجال الإطفاء اما هي بدات تتغوت بسميتو:يحيييييى لااااا طلقوني هئ هئ ااااع يحييى جا ينيس ورضى لتصدمو من المنظر وتوجهو عند ميرال لكانت مزال تتغوت وتعيط باسم حبيبها.. خرجو رجال الاطفاء هازين جثة شي لخلاها تصدم ووتوجه لعندها وبتردد حلات السنسلة وشافت فالجتة لكانت كلها محروقة عينيها توجهو نيشان ليديه تتقلب على شي دليل باش تأكد واش هادي جثة جبل شوية بانت ليها لبراسلي عاد رتاحت وقفات وشافت فرجال الاطفاء لعاود دخلو وبقاو مدة تما عاد خرجو خاليين الوفاض شافتهوم ميرال وبصراخ:يحييييى فين هووووو راجلي ر.إ:حنا قلبا المكان كامل وملقينا تاشي حد لداخل الجثة للقينا راه خرجناها ميرااال بهستيرية:كيفاش خرجتوها هممم واش حماقيتو راه راجلي لدااااخل هئ هئ وبترجي:شوف عفاااك غير رجع وشوفو كنترجااااك شاف رجل الاطفاء فينيس ورضى:انا عارف بلي هادشي صعيب ليكوم مي للأسف حنا ملقينااااهش والجثة لكانت تما راه خرجناها........🔥عذاب العشق🔥 🍃Rah Ma🍃 ج:103 🍂قلوبٌ أنهكها العشق🍂 🔙🔙🔙 مور هضرت رجل الاطفاء لقال ميرال جاتها نوبة غضب وهسترية توجهات لعندو وبدات تضرب فيه وتغوت:فين هو رااااجلي جيبببوه ليااااا هوووو راه لداااخل سيررررو عتقوه هئ هئ ااااااع يحييى شدها ينيس وجاو الممرضين باش يعطيوها مهدئ ساعة هي رفضات وشافت فينيس:بعدو مني مبغيتش مهدئ اناااا بغيت غير يحيى وصااافي طاحت الأرض تتبكي وتشهق منظرها كان كيألم مقدرش ينيس ورضى يتحملو دموعهوم نزلو وتامن لخرين لكاينين تما تأثرو اما ميرال عينيها كانو غير على المعمل لكان كلو محروق واصبح لونه أسود.. 🔚🔚🔚 مسحات دموعها ورجعات شافت فلبيسي وباست الشاشة:تصبح على خير احياتي حيدات لclé وخرجات من البيرو غادة لبيتها.. 🌸اشتاق لحنيتك..اشتاق لعتابك..اشتاق لجنونك..لمساتك تديب فؤادي...وابتسامتك تنور حياتي...وعشقك لي يشعل النار في جوفي... اشتقت نوم في حظنك....واستنشاق رائحة عطرك....اشتقت لقبلاتك الحنونة... ولمساتك المجنونة...عنادك يثير جنوني...وصوتك ينير روحي...البعد عنك يحطم فؤادي...والقرب منك يحي حياتي... فالامتى سأعاني من بعدك...والامتى سأتحمل غيابك...فقلبي أنهكه عشقك..🌸 🔙🔙🔙 كان جالس فالكوميساريا دايرين ليه لمينوط معمرو ظن بلي غايجي نهار لغايتفضحو فيه گاع الجرائم لدار طلع راسو فاش سمع حديت شرطيين شي لخلاه يركز بتمعن ش1:عاد دابا عيط لينا العقيد أحمد وقال بلي هوما ملقاوش يحيى التازي فمكان الجريمة ش2:اواه وشنو وقع ش1:معرفتش حنا خصنا ناخدو الأقوال دفادي باش نعرفو شنو وقع مرات يحيى تتقول بلي فادي ضربو وحرقو ش2:اذا خلينا نديرو خدمتنا قبل مايجي العقيد ومتنساش راه هاد القضية مهمة بزاف فادي بقا تيسمع ليهوم بصدمة ممتيقش بلي هوما ملقااوش يحيى.....🔥عذاب العشق🔥 🍃Rah Ma🍃 ج:104 🍂قلوبٌ أنهكها العشق🍂 🔙🔙🔙 طلع فادي راسو فاش بان ليه دوك لبوليسين جايين عندو وشدوه غادين بيه لغرفة التحقيق وهما فطريقهوم وقفهوم فادي:انا بغيت نمشي لحمام ش1:باركة من الفشوش وزيد قدامنا فادي:راني مزير واش بغيتيني نديرها هنا ش2:صافي انا غانديك غير سكتنا شاف فداك البوليسي:سير نتا سبقنا هاحنا جايين شدو شرطي وداه لحمامات شاف فيه فادي:حل ليا حل ليه لمينوط ودخلو لداخل وبقا واقف على برا اما فادي فكان تيقلب على شي بلاصة يهرب منها فاش ملقاش لحل قرر ينفد خطة جاتو فبالو توجه لجهة الباب وحلو بهدوء بدون ميرد ليه لبوليسي البال وبسرعة سد ليه فمو وجرو لداخل وبدون رحمة هرس ليه عنقو مخليه جتة حيد فادي حوايجو ولبس حوايج البوليسي ودار كسكيط وخرج من الحمامات متوجه الباب الرئيسي وهو راسم ابتسامة ماكرة غير خرج من الباب وهو يزرب فمشيتو باش يهرب قبل مايعيقو بيه... 🔚🔚🔚 أصبحنا وأصبح الملك لله🌝 🌈غرفة ريحانة ورضى🌈 فاق رضى مخلوع على صوت ريحانة لكتستفرغ فالحمام توجه عندها وبخوف:حبيبة مالكي ريحانة بتعب:معدتي مقلوبة عليا والدوخة رضى:خليني نديك لطبيب ريحانة:مكاين لاش احبيبة هادشي عادي خصوصا فهاد الفترة رضى:كيفاش؟ ريحانة بابتسامة:انا حاملة رضى بقا واقف مصدوم تيشوف فيها وسرعان مابتاسم وعنقها بجهد:واااش نتي حاملة بصح ريحانة:اه كنت فلول تنحس بالدوخة وقلت عادي مي فاش تعطلات ليا ليغيگل شكيت وقررت ندير تيست ولبارح درتو وخرج ايجابي رضى بحب:الله يخليك ليا هادا أحسن خبر نسمعو ريحانة بحزن:مكرهتش كون كان خويا معانا شافت فيه:واش بصح خويا غايرجع ارضى همم رضى عنقها وبأمل:نتمناو اريحانة نتمناو 👑غرفة ميرال👑 فاقت ودارت روتينها صباحي وبدلات لبنتها ورضعاتها ونزلات لتحت ولقات لوران جالسة وحداها جوري لشافتها وبتاسمات بحب:مامي جيتي ميرال باستها فحنكها:اه جيت فين لخرين لوران:ينيس خرج فالصباح معرفتش فين مشى اما لعرسان مزال مفاقو جوري:راه مبقاوس عرسان صافي قدامو ضارت عند ميرال:مامي واس بابا مزال مغايرجع من سفر ميرال سكتات ودموعها تجمعو فعينيها وبصوت مبحوح:مزال معطل حيت عندو خدمة بزاف جوري:علاش منهضرش معاه باش يجي دغيا حيت توحشتو مامي ميرال بألم:تانا توحشتو ولكن حنا خصنا نصبرو تايسالي خدمتو وغايرجع صافي جوري:صافي ميرال ضورات وجهها وسمحات لدموعها ينزلو دموع ألم وتعب دموع إشتياق وحنين مسحات دموعها فاش سمعات صوت رضى وريحانة شافت فيهوم:صباح الخير ريحانة:صباح النور قولي ليا باش كتحسي ميرال:حمد لله خليونا نفطرو ريحانة:احم قبل منبداو بغيت نقول ليكوم واحد الحاجة شافت فيها ميري ولوران:شنو؟ ريحانة بفرح:انا حاملة قريب غاتوليو خالات ميرال بتسمات ليها:مبروك احبيبة لوران:مبروك اريحانة جوري بفرح:غايولي عندنا موميات بزاف هنا ميرال بتسمات ورجعات تتاكل وعقلها مرفوع.. 🌼ينيس🌼 خارج من الكوميساريا وهو حاس بخيبة أمل توجه لوطو ديالو وجلس كيتفكر حديتو مع العقيد:سمعني اولدي حنا راه تنديرو كل مافجهدنا باش نلقاوه ولكن هو مليه أتر مختافي ينيس:يعني شنو صافي يحيى مغايرجعش سكت العقيد مخلي ينيس تايشوف فيه بحزن وتيلوم راسو ناض من البيرو بلاميتكلم وخرج.. ينيس ضرب الڤولون بعصبية:ااااع علاش ممشيتش معاااه علاااش كون غير مخليتوش يمشي دمارا لوطو فتجاه الڤيلا وهو حاس بالحزن وخيبة الأمل.. 👑ميرال👑 جالسة فالحديقة وهازة فيديها سنسلة لعطاها يحيى نهار لڤلانتاين حسات بشي حد جلس حداها طلعات راسها لقاتها ريحانة:ميرال نتي بخير....🔥عذاب العشق🔥 🍃Rah Ma🍃 ج:105 🍂قلوبٌ أنهكها العشق🍂 ميرال بألم:ماشي بخير اريحانة طول ما يحيى مزال مرجع فأنا غانبقا حاسة بألم هنا(أشارت لقلبها) قلبي تيضرني بزاف مسحات دموعها ورجعات تتهضر بحزن عميق:كنت دائما تنقول غايجي نهار لنعيشو فيه مرتاحين وغانكونو انا وياه ومغادي يفرقنا حد شافت فريحانة:زعمة انا مغانقدرش نفرح مزال واش انا مكتاب ليا نعيش هاد الألم تيقيني اريحانة انا عييت عييت بزاااف باغا نعس ونفيق نلقا هادشي مجرد كابوس نفيق ونلقاه حدايا وفجنبي بابتسامتو لكتخليني نفرح ونرتاح حطات يديها على وجهها وتفرگعات بدموع اما ريحانة عنقاتها بجهد وتاهي تتبكي بحزن وألم.. 🌷#نهار_جديد🌷 💠فمدرسة جوري الخاصة💠 ليوم حفل تقديم الجوائز لطلاب كانت ميري جالسة مع جوري لغاتحماق بالفرحة حيت غاتاخد الجائزة ديالها شافت فيها ميرال بابتسامة:الفردة ديالك مغاتجيش جوري:لاغاتجي اماما اصلا لبارح عيطت ليها وهوما جاو من السفر بتسمات ليها ميرال اما جوري ناضت اوقفات قدامها:واش بابا خدمتو مغاديش يجي ليوم ميرال بابتسامة حزن:مزال ولكن دابا يجي جوري بحزن:كونت بغيتو يسوفني وانا غانسد الجائزة ميرال عنقاتها وحاولات ماأمكن تكبت دموعها بعدات عليها فاش سمعات صوت لمار لجات تتجري لعند جوري وعنقاتها وتوجهات معاها لجهة الخشبة اما ميرال بقات جالسة فبلاصتها تابانو ليها لخرين داخلين وجلسو حداها لحظة صمت فاش طلعات المديرة لقات لكلمة ديالها وبدات تتعيط لطلاب الأوائل باش يستلمو الجوائز ديالهوم ومن ظمنهوم جوري ولمار وصلات نوبة دجوري ونزلات لمديرة باستها وعطاتها شهادة تقدير مع جائزة ونزلات تتجري فرحانة لعند ميرال لعنقاتها وبدات تتبوس فيها. داخل لابس كلشي فلكحل وداير كاسكيط ونظاظر دشوف ولحية بقا واقف تيقلب عليها بعينيه كالصقر تاشافها واقفة مع ينيس ولوران ضحك بشر وتوجه لعندها تاوصل موراها وفلحظة انشغال ميرال غفلها وحط السلاح فوق راسها شي لخلا الحظور يغوتو بخوف وهلع فادي:تاحد ميتحرك ولانتيري فيها ينيس بغضب:فادي طلق منها نتا شنو باغي منها ياك يحيى وقع ليه هادشي بسبابك وحنا معارفينش واش هو حيي ولاميت؟ فادي بسخرية:ههه نبغي نقول ليكوم بلي غايكون مات حيت الرصاصة جاتو حدا القلب يعني واخا يخرج من الحريق فأكيد غايكون مات فشي بلاصة وممكن الحيوانات ياكلو الجثة ديالو دخلو لبوليس والحراس وهوما موجهين ليه سلاح فادي زير على ميرال وبصراخ:تاحد ميتحرك راه برب ويتحرك شي ز*** تاغادي نتيري فيها ميرال بشجاعة:الاكنت راجل تيري يلاه قتلني حيتاش الامدرتيهاش انا لغانقتلك فادي:سكتينا تيرا فادي فسقف مخلي ناس تيغوتو ومخلوعين اما هو شاف فدوك البوليسين:تاحد ميقرب زير عليها وهمس فودنيها:شبان ليك نحقق ليك أمنيتك لهي تمشي لعند حبيبك هممم يلااااه ترحمي على روحك ازين وجه ليها سلاح على راسها وفجأه تسمعات صوت رصاصة....🔥عذاب العشق🔥 🍃Rah Ma🍃 ج:106 🍂قلوبٌ أنهكها العشق🍂 تسمع صوت رصاصة خلات لجميع يغوت اما ميرال سدات عينيها مستسلمة لقدرها ولكن الغريب فالأمر انها محساتش بالرصاصة حلات عينيها وشافت فالشخص لقدامها بصدمة لكان موجه السلاح لفادي لطاح فالأرض غارق فدمياتو مبعد مجاتو رصاصة فراس... تمشى يحيى لعند ميرال لكانت مزال أثار الصدمة على وجهها وعنقها بجهد وتاهي بادلاتو العناق وبدات تتبكي بصوت عالي يحيى:شووو نتي بخير ياك بدا تيقيس وجهها بخوف ميرال حسات بدوخة شدات فيحيى لشاف فيها بخوف:ميرراااال ودنيها تصمكو ومحسات براسها الاوهي طايحة بين ييدين يحيى لصرخ بسميتها بخوف:ميرااااال حياااااتي عطيوني الماااا جاب ليه رضى قرعة دلماء وخوا شوية على يديه وبدا تيرش ليها بانت ليه بدات تتحل عينيها بتتاقل شافت فيه وبرجفة مدات يديها لحنكو تتقيسو وتتأكد واش نيت هو لجالس حداها ولا مجرد تهيأت يحيى غمض عينيه مستسلم لمساتها الحنينة لتحولو لصفعات حل عينيه وبانت ليه ميرال معصبة وتضرب فيه بيديداتها خلاها دير لبغات وممنعهاش اما هي بدات تضرب وتغوت بصوت مخنوق بالدموع:هئ هئ فين كنت هممم خفت عليك بزاف هئ هئ علااش خليتيني علاااش انا تنكرهك تنكرهك يحيى جبدها عندو وخشاها فيه وبصوت هامس:شووو صافي تهدني تهدني ميرال كانت مزال تضرب فيه وتبكي يحيى:انا معاك صافي تهدني احياتي ميرال زيرات عليه فالعناق وبدات تتبكي ناض يحيى وهزها وهي مزال معنقاه وخرجو لبرا مخلين الكل تيشوف فيهوم باستغراب وصدمة جلسها فلوطو وجلس حداها وشد وجهها بين يديه وطبع قبلة فشفايفها خفيفة بعد عليها وبصوت هامس:توحشتك بزاف ميرال ومزال كتنخصص:خفت عليك بزاف كلشي قال بلي ممكن تكون متي ولكن انا كنت حاسة انك عايش وغاترجع هئ هئ يحيى عنقها وستسلم لتفكيرو لمشى بيه لبعيد... 🔙🔙 حل عينيه بألم فاش حس بشي حد هازو على ضهرو حاول يشوف شكون ولكن رؤيا كانت مضببة عندو وشوية بدا كيغيب تاسخف مرة خرا.. فاق على صوت الممرضة لكانت تتغير ليه السيروم شاف فيها بتعب ورجع تيشوف البلاصة لمتواجد فيها كانت غرفة عادية مجهزة بالأجهزة الطبية دار يديه على الجرح لقا الفاصمة بغا ينوض وهو يبان ليه الباب تحل ودخل منو الشخص لخلا يحيى يتصدم:نتا شاف الشخص فالممرضة:ممكن ليك تمشي خرجات الممرضة ورجع شاف الشخص فيحيى بابتسامة:اه انا حمد لله على سلامتك يحيى:الله يسلمك جر الشخص لكرسي وجلس:كتسأل انا شنو كندير هنا ياك يحيى:اه مستغرب بزاف حيت اخر حد كنت متوقعو هو نتا ابدر بدر:وي عندك الحق فالحقيقة مور متلقينا اخر مرة خاطري مهنانيش خصوصا انني عارف جبل كيفاش تيفكر عليها قررت نراقبك تا.. يحيى:كمل بدر:تاشتك نتا وياه غاديين تما عرفت بلي نتا قررتي توضع حد ليه عليها تبعتكوم وبقيت بعيد عليكوم تابان ليا فادي هنا عرفت بلي شي مؤامرة كاينة بقيت تنتسنى تابان ليا خرج ومشى عاد قدرت ندخل وتما تصدمت فاش شفت العافية وملي دخلت لقيتك طايح وغارق فدمياتك وبلامنفكر خرجتك من تما وجبتك لهنا لداري وعيط لطبيب صديق عندي دار ليك العملية والحمد لله نتا دابا بخير يحيى بقا غير كيشوف فيه:وعلاش مديتينيش لسبيطار بدر:مديتكش حفاظا على سلامتك يحيى:مفهمتش؟ بدر:البوليس شدو فادي ولكن هرب ليهوم يحيى بصدمة:كيفاش بدر:كيما سمعتي انا أول حاجة فكرت فيها هي نحميك حيت فادي كون عرف مكانك فأكيد مغاديش يرحمك وغايدير كل مافجهدو باش يكمل عليك يحيى:وميرال فين هي بدر:تاحد معارف المكان ديالك كلهوم تيظنو بلي نتا مختافي يحيى بغا ينوض:انا خصني نمشي عندها بدر:معندك فين تمشى ايحيى ومتنساش راه الامشيتي غادي تعرض حياتك لخطر.....🔥عذاب العشق🔥 🍃Rah Ma🍃 ج:107 🍂قلوبٌ أنهكها العشق🍂 🔙🔙🔙 يحيى بعصبية:منقدرش نبقا جالس هنااا مربع يدي وداك ز*** باقي مشدوهش راه حياة عائلتي معرضة للخطر ابدر بدر:عائلتك تتحميها الشرطة لدلك مكاين لاش تخاف سمعني راه تانا خليت رجالي تيراقبو الوضع تيق فيا ايحيى.. 🔚🔚🔚 يحيى شاف فميرال بأسف:عارفك مقلقة مني ومخاصمة معايااا حيت مجيتش عندك ولكن تيقيني هادشي لدرت على قبلنا ميرال ببكاء:كنت حاسة بلي نتا غاترجع يحيى:وهانا رجعت على قبلك ميرال:كيفاش عرفتي بلي فادي غايجي لهنا يحيى:كنت عارف بلي غايستغل الفرصة باش يكمل نتقام ديالو.. 🔙🔙🔙 جالس فبيتو الجديدة كيشوف فالتصاور لصور ليه بدر ديال ميرال وجوري وشوق هز تصويرتها وباسها:توحشتك بزاف احياتي تحل لباب ودخل بدر:يحيى ممكن نهضرو يحيى:نعام شكاين بدر:عارف بلي غدا غايديرو حفلة فمدرسة جوري يحيى:اه غايعطيو الجوائز لطلاب المتفوقين بدر:نتا عارف بلي فادي غايستغل الموقف اولا يحيى:عارف عليها انا غدا غانمشي لتما بدر:مزيان تانا غانمشي معاك يحيى:شكرا بزاف ابدر معمري غانسى المساعدة ديالك ليا بدر:العفو هادا واجب خرج بدر مخلي يحيى جالس تيفكر:جا نهار لغانوضعو حد لهاد اللعبة افادي.. 🔚🔚🔚 جات الشرطة وخدات الإفادة ديحيى لخبرهوم بكلشي رجع عند ميرال لكانت واقفة مع ينيس ورضى ولوران وريحانة لمشات تتجري معنقة خوهااا تتبكي اما جوري مشات تاهي عنقاتو هزهاا وباسها:الفارة ديالي مبروك النجاح جوري وراتو شهادة تقدير:انا مجتهيدة بزاف يحيى:اه بزاااف جوري:وتانتا بطل جيتي وقتلتي شرير ابابا يحيى شاف فميرال لبتسمات ليه بحب وتاهو بادلها الابتسامة.. 🍂بعد معاناة وعذاب عشقٍ اجتمعت قلوب عشاقنا النابضة بعشق جارف....🍂 وصلو أبطالنا لڤيلا وميرال قررات توجد گاع دوك الأكلات لتيبغي يحيى ويديرو حفلة شواء بيناتهوم.. ⌛الحديقة⌛ واقفين شباب لتكلفو يشويو لحم والكفتة والصوصيص اما لبنات فبداو تيوجدو فالشلايظ والأطباق المرافقة محنى على شواية وريوگو سايلين شاف فيحيى بترجي:غير طريف ايحيى غير طريف يحيى:لا رضى بضحك:ههه بقيتي فيا اينيس ينيس مخنزر:والله تاحرام راني تنتوحم اعباد الله يحيى هاز حاجبو:مكنتش عارف بلي رجال تيتوحمو شهق بصدمة:ياك مانتاااا شاف فرضى وبضحك:بحال عدي هههه ينيس بتقزز:ييييع الله ينجيني جات جوري تتجري وشافت فباها بابتسامة:بابي فيا جوع يحيى هز طبسيل ودار فيه طريف دلحم وعطاه ليها:هاكي ابابا سدي جوعك تايوجد هادشي جوري:شكرا ينيس بصدمة:شوفو الفرزيات عطى لديك الشيخة وانا لا يحيى:كنت غانعطيك مي مور هاد الكلمة حلم اسي ينيس سمعتي حلم ينيس:ههه غار ضاحك انا لشيخة يلاه عطيني يحيى:لا ينيس:عفاك يحيى:نو ينيس:احمباك يحيى:يوك ينيس:غير سوية يحيى:اوهوووو مد ينيس شفايفو وشاف فيحيى بنظرة ديال تبحليس خلات يحيى ورضى يتكرشخو بصحك جاو لبنات وجابو الشلايظ والاطباق وتوجهو لطبلة ستفو داكشي وعيطو ليهوم اما يحيى هز الطباسل هو ورضى مخلين ينيس تيبركم بوحدو:انا محگور فهاد الدار توجهو لطبلة وكل واحد جلس حدا حبيبتو وبداو تياكلو ويضحكو شافت ميرال فريحانة:گاعمة قلتي ليحيى الخبر يحيى:انا خبر ريحانة بخجل:احم انا حاملة يحيى بصدمة فرح:ههه مبروك هي غانولي خال ناض عنقها وبارك لرضى شاف فيه ينيس وهو تيخشي فمو:وانا متباركش ليا يحيى:علاش غانبارك ليك ينيس:حيت غانولي عم يحيى:كول وهنيناااا ههههه دازت الوليمة فجوء أسري رائع خالي من أي حقد وكره.......🔥عذاب العشق🔥 🍃Rah Ma🍃 ج108 🍂قلوبٌ أنهكها العشق🍂 💞عشاقنا💞 خرج من الحمام ملوي عليه فوطة وتيمسح شعرو بفوطة خرا توجه لدريسينغ ويلاه بغا ياخد تيشورت وهو يحس بيديها ملوين على الخصر ديالو وطبعات قبلة على ضهرو بتاسم وضار عندها:اممم مدام التازي شتك تتحرشي بيا ميرال بضحك:ههه اه شنو غادير يحيى بصرامة مصطنعة:غانعاقبك ميرال بدهشة مصطنعة:ومغانبقاش فيك زعمة يحيى:نو نو نو نتي خصك تعقبي ميرال بهمس:وشنو هو العقاب يحيى بهمس مماثل:انك تبقاي فحظني حياتك كاملة ميرال بحب:عجبني العقاب مدات يديها لجهة الجرح وتحنات باستو:كيضرك؟ يحيى:شوية ولكن الابستيها مغايبقاش يضرني بتسمات ليه ميرال وهو قرب منها وشد شعرها:ناااري كون تعرفي شحال توحشتك ميرال:تانا تحنى يحيى على شفايفها بغا يبوسها وهو يسمع لصوت شوق تتبكي شافت فيه ميراال:خصني نمشي خرجات من الدريسينغ مخلياه واقف تيشوف فالأثر ديالها بضحك وغيض لبس حوايجو وخرج لبرا لقا لالة شوق تترضع غير شافتو وهي تسمح فمها ومدات يديها ليه بفرح:هووو با با يحيى بقا تيشوف فيه وفميرال وبصدمة:قالت بابا ميرال بضحك:اه ولات تتقول بابا اسيدي يلاه هزها هزها يحيى تيبوس فيها ومع كانت لابسة بيجامة غوزة دلأرنبة حمقاتو بقا تيلعب معاها تانعسات ليه حطها فالكونة وشاف فميرال بحب:جا وقت العقاب طلع لنموسية وجرها عندو دافن راسو فعنقها تايبوسو اما هي بدات تتلعب ليه بشعرو بحب طلع راسو تحنى على شفايفها يبوس فيهوم باشتياق وحب جارف يديه كانو خدامين تيحيد ليها البيجامة وهي مساعداه خلاها غار بسوتيان وشورط رجع تيبوس فعنقها تاوصل لعظيمات وبقا تيبوسهوم ويعض ومييرال لا إراديا تطلق آصوات تتخليه يزيد يتعمق فالقبلات ديالو نزل لفرقة دالصدر وغطس راسو فيه ضور يديه وحل ليها سوتيان بحركة متقونة لاح سوتيان فالأرض ورجع تيبوس شفايفها يديهوم مشابكين وصوت آهاتهوم تيتسمعو لمساتو ليها تتحرقها وتتخليها تحس بالنشوة بدا تيفرق فالقبل على جسمها ومحلي طابع ملكيتو فيه طلع راسو وشاف فيها بهمس:كنعشقك بتسمات ليه بحب وكملو ليلتهوم كلها عشق وسعادة... أصبحنا وأصبح الملك لله🌝 فاقت ميرال ودورات وجهها مبتاسمة وفجأة ناضت بخوف فاش شافت فبلاصتو فارغة هاد اللحظة رجعات ليها نهار لمشى يواجه جبل يلاه بغات تنوض وهو يبان ليها داخل هاز صينية دلفطور وبابتسامة:صباح العشق حياتي ميرال:فين كنت يحيى:مشيت نجيب لفطور مالكي ميرال عنقاتو بخوف:كنت خايفة بزاف فاش فقت وملقيتكش يحيى فهم شنو بغات تقصد بتاسم ليها:متخافيش معمري غانخليك ميرال بضحك:اممم الفطور كيشهي شاف يحيى فالصينية لكان فيها الكريب بالشكلاط والبنان مع العصير والفواكه خدات الصينية وبدات تتاكل بشراهة وهو تيشوف فيها مبتاسم.. 🌈لوران وينيس🌈 شافت فيه بابتسامة:امم هادشي زوين بزاف ينيس:هادشي خصو يتم بسرية لوران:واخا كون هاني ينيس:مهم دابا انا غانمشي ونتي تكلفي بالباقي ينيس باسها فشفايفها:كنبغيك لوران:تانا....🔥عذاب العشق🔥 🍃Rah Ma🍃 ج109 🍂قلوبٌ أنهكها العشق🍂 كانت تتنعس شوق فاش دخلات عليها لوران وريحانة كالعجاجة شافت فيهوم ميري باستغراب:مالكوم لوران:ميرال محتاجينك؟ ميرال:فاياش لوران:ينيس قرر نديرو لخطبة ليوم ودابا حنا خصنا نمشيو نتقداو ونوجدو راسنا ميرال بصدمة:ليوم اواه مغاديش يقدنا لوقت نتقداو وونوجدو ريوسنا ريحانة:معندنا مانديرو من غير نمشيو دابا ميرال:ولكن يلاه نعست شوق ومعندي كندير نديها معايا ريحانة:شوق غادي تبقا مع المربية هي وجوري نمشيو نقضيو غارضنا بزربة ونرجعو اولا ميرال:صافي لوران:يالااااهو خرجات ميرال من بيتها مور مطمأنات على شوق ومشات مع لبنات لمول.. ✖المول✖ وصلو لبنات وتوجهو لمحل ديال الفساتين وبداو تيعزلو ويتخيرو تاخداو الفساتين لبغاو ريحانة فستان كحل ولوران رمادي وميري زرق فاتح عاد مشاو يشريو الصباط والأكسيسوارات دلفستان ميرال شافت فساعة:غاتكون شوق فاقت يلاه نمشيو لوران:ولكن حنا خصنا نمشيو لأوطيل فين كاين الحفل دلخطوبة حيت البنات لغايصايبو لينا المك اب غايكونو تما ميرال:نتوما سيرو انا خصني نمشي نجيبها عاد نلحق عليكوم ريحانة:عرفتي شديري نخليو يحيئ يجيبها هي وجوري ميرال:داكوغ نعيط ليه دوزات الأبيل وماهي الادقائق جاوبها:حبي ميرال:حياتي صافا يحيى:حمد لله ونتي ميرال:صافا مهم غاتكون عرفتي بلي داك المتخلف قرر يدير الخطبة ليوم يحيى:اه صدمني ولد لعبد ميرال:مهم انا مشيت مع لبنات لمول ودابا خصنا نمشيو لأوطيل لغايديرو فيه الخطبة وخليت شوق وجوري بوحدهوم واش ممكن تجيبهوم ليا يحيى:اه بطبيعة الحل نتي غير سيري وجدي ليا راسك ميرال بابتسامة:شكرا كنبغيك يحيى:تانا قطعات معاه ومشات لعند لبنات لنطالقو لأوطيل على قبل حفل الخطوبة......🔥عذاب العشق🔥 🍃Rah Ma🍃 ج110 🍂قلوبٌ أنهكها العشق🍂 وصلو الفتيات لأوطيل وتاجهو الغرفة فين غايوجدو ريوسهوم لقاو المصففين دالشعر ودلمك اب رجال شافت ميري فلوران:ياك قلتو بنات ريحانة:مكيهمش دابا مهم زيدو نوجدو ريوسنا جلسات ميرال وجا عندها المصفف لبدا تيصايب ليها شعرها وتاريحانة ولوران نفس الشيء.. سالاو لبنات الشعر والمك اب وناضت لوران جابت ديك البلاستيكة لتيديرو فيها الفساتين هزاتها وعيطات لميرال لضارت تتشوف فيها بصدمة لوران وريحانة بصوت واحد:مفاجأة ميرال كانت مزال تتشوف فالفستان لكان عبارة عن فستان الزفاف دموعها نزلو اما لبنات شافو فيها:نو غاتخسري لمك اب ومبقاش لينا الوقت ميرال بدموع تتعبر على الفرح:هادي اجمل مفاجأة شكرا ليكوم لوران:متشكريناش شكري سي يحيى هو لختار تصميم دلفستان وعطانا هاد الفكرة مهم هاكي لبسي واجي يكملو ليك دارت ميرال شي لقالت ليها ومشات تلبس الفستان وهي حاسة بسعادة... كانت تتشوف فالفستان لكان منحوت على الخصر ديالها ملي كانت صغيرة كان حلمها تولي عروسة وتلبسو والحلم ديالها هاهو تحقق بفضل حبيبها وراجلها سمعات لباب تحل ضورات وجهها وبان ليها عشقها واقف بكوسطار نواغ مع بابيون تيشوف بنظرات حب وعشق تمشى لعندها وبهمس:جيتي تتحمقي بزاف ميرال بحب:شكرااا يحيى:انا لخصنيي نشكرك حيت دخلتي لحياتي ونورتيه وخليتيني نعرف المعنى لحقيقي دلحب جبد بواطة من جيبو وتحنى على ركابيه وبحب:ميرال تقبلي تزوجي بيا؟ ميرال بدموع فرح:اااااه لبسها الخاتم وباس شفايفها بحنية مد ليها دراعو وبابتسامة:مدام التازي خلينا نمشيو راه ناس كيتسناونااا قبطات فيه وتوجه لخارج لغرفة وابتسامتهوم مرسومة على شفايفهوم ابتسااااامة عشق..... 🔥عذاب العشق🔥 🍃Rah Ma🍃 ج111 🍂قلوبٌ أنهكها العشق🍂 💞الجزء الأخير💞 واقفين قدام السلالم لكانو مزينين بوردو فالأبيض ودك الشعالات نازلين تحت تصفيقات الحضور لكانو فرحانين ليهوم ومنهوم ريحانة ولوران ورضى وينيس وتاجوري لكانت لابسة فستان(الصورة)وشوق لكانت ملبسينها لبيستها تاهي.. مزال يديهوم مشابكين ونظراتهوم كافيلين يوصلو لحظور كمية المشاعر لتيحسو بيها وصلو لطاولة لكانت مزينة ليهوم وجبد الكرسي بجنثلمانية ليها ورجع جلس حداها شاف فيهوم العدول بابتسامة:نبداو على بركة الله بسم الله الرحمان الرحيم والصلاة والسلام على أشرف المرسلين ومن تبعهم بإحسان الى يوم الدين ليوم تجمعنا باش نعقدو قران ديال يحيى وميرال شاف فيحيى:واش نتا موافق تزوج بميرال على سنة الله ورسوله يحيى تحنى على البوق وبجهد:مواااااافق العدول:ميرال واش نتي موافقة تزرجي بيحيى على سنة الله ورسوله ميرال بصراخ:موااااااااااافقة تسمعو تصفيقات الحضور اما العدول:بيما انكم موافقين فمعليا غير نقول بارك الله لكما وجمع بينكوم فخير عطاهوم يسنيو وغير سناو وهو ينوض يحيى سلم مع العدول وضااار عند ميري باسها فجبهتها:وأخيرا ميرال مبتاسمة:وأخيرااا ههه مشى ينيس ورضى ولوران وريحانة تيباركو ليهوم وهوما فرحانين وعلاش لا وهوما تجمعو بعد عناااء طويل... شد يديها وتوجه بيها لحلبة الرقص حط يديه على خصرها واليد الثانية فيديها كيرقصو مع أنغام الموسيقى ديال تامر حسنى "الله يبارك لي فيك" وبدا كيغنيها يحيى بصوتو الجميل 🎵ياحبيبي من حبي فيك لا هتكلم ولا غني لك من اليوم دا هحبك حب جديد يخليني حبيبي أدعيلك.. الله يبارك لي فيك ياأغلى من عنيا الله خليني ليك وجيب لك الدنيا ديااا الله الله حبيبي اللله الله يحميك حبيبي ياعمري ياغالي ويخليك ليا.. 🎵انا هو أدامك وبين إيديك انا كلي على شانك وملكي ليك أنا هو قدامك وبين إيديك انا كلي على شانك وملكي ليك.. سألتي ئلبي بحبك قد إيه وئالي ئلبي دا حب جديد عليك سألتي ئلبي بحبك قد إيه وئالي ئلبي دا حب جديد عليه الله يبارك لي فيك ياأغلى من عنيا الله خليني ليك وجيب لك الدنيا ديااا الله الله حبيبي اللله الله يحميك حبيبي ياعمري ياغالي ويخليك ليا..🎵 بقا معنقها وتيرقصو وبصوت هامس نطق:ويخليك ليا كلشي بدا تيصفق بفرح وميرال طبعات قبلة على شفايفو وشافت فديدجي لدار أغنية سلمى رشيد "سمعني نبضك" 🎵سمعني نبضك دفيني بنار حظنك ابيك الليل وحدك اليا تكووووون گرب عليااا حس نار لفيا ابي إيدك بديا لي فلكون.. انا ويش أگول ونتا معايا ويش أگول انسى هوايا ويش أگول انتا غلاااااي ويش أگول ونتا معايا ويش أگول انسى هوايا ويش أگول انتا غلاااااي سمعني نبضك دفيني بنار حظنك ابيك الليل وحدك اليا تكووووون گرب عليااا حس نار لفيا ابي إيدك بديا لي فلكون.. يافرح عمري معك الوقت يجري من شوفك ليه مادري تدوب الرررروح انسى لفيني من حظنك بين يديني ياحبي وكل سنيني فداااك الروووح... كلشي نسيته معك عمري بديته نسيت الكون كل معاااك لوعمري تاني غيرك ماحب تاني الك كل لحظة انا شتااااق ويش أگول ونتا معايا ويش أگول انسى هوايا ويش أگول انتا غلاااااي ويش أگول ونتا معايا ويش أگول انسى هوايا ويش أگول انتا غلاااااي...🎵 طبع قبلة فجبينها وعنقها وبداو تيتمايلو على انغام الموسيقى همس ليها:عجباتك المفاجأة؟ ميرال:بزااف تانا عندي ليك مفاجأة يحيى:شنو هي؟ ميرال:انا حاملة يحيي بصدمة شاف فيهااا وغوت بجهد:غااااانولي أب ههههه انا غاااانولي أب هزها وبدا كيضور بيها تاحطها ودار جبهتو على جبهتها وبهمس:رفقااا بقلبٍ أنهكه عشقك #الــنــهـايـة سطرنا جميع على نهاية قصتنا عذاب العشق لعشنا معاها الأحداث بحلوها ومرها شفنا قصة عشق يحيى وميرال لدوزو معاناة وعذاب وفالأخير تجمعو مع بعضياتهوم كنتمنى قصتى تنال إعجابكم ويكون المساج وصلكوم نتلقاو فقصة جديدة بأحداث جداد ومن تما غانقول ليكوم "أستودعكم الله الذي لاتضيع ودائعه"❤️ #تمت__بحمد__الله




صفحة القصة


اخر التعليقات