Skip links

قصة : بنات الخضار ج 2 و الاخير

 10,968 عدد مشاهداات

⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــسادس والعــــشــــرون♠️⁩

أصـبــحــنـا وأصــبــح الـمـلـك لــلــه

غادا هابطة من الدروج تا تلاقات مع سليمة فالطريق ونطقات

فتون: صباح الخير

سليمة باستها: حبيبة صباح النور كيصبحتي (ضورات راسها: مكاينش فاروق

فتون هزات كتافها معرفط مبانش ليا واقيلة خدام ولا منعر

سليمة بشك: راجلك ومعارفاش فين مشا العجب

فتون : بديتي عوتاني (خبطاتها الرأس بشوية : متبقايش تنساي البرهوشة راني كبر منك. ب3 سنين قدامي يلاه

سليمة كضحك: وراه تتحكريني

هبطو التحت وهيا تشوفهم زهرة وعيطات ليهم

زهرة: عروساتي كيصبحتو لباس عليكم

سليمة: بيخير اخالتي مهم انا انخليكم نمشي نوجد الفطور

زهرة بامتناع: ها كيفاش توجدي الفطور واش نسيتي انك عروسة فهاد القصر

سليمة : واخا هكاك اخالتي هذا كيبقا الواجب ديالي عاد انني مشفتش خالتي زاينة توحشتها (شافت ففتون: انا غنعرفك عليها متأكدة غادي تفاهمو راها مرأة ضريفة وحتى عمي عباس

فتون: تبارك الله عليك هي خاصك تعرفيني على العائلة كاملة

يلاه اتدوي وهي تسمع صوت كاميليا وراها وهي ضور كاميليا قدامها وهي تنطق مغزفة وطالع ليها الدم

كاميليا: ياك الحقيرة مامشيتي حتى خديتي ليا خطيبي من بين يديا واش عارفة فين لحتي راسك ولالا راك دخلتي الجحيم بيديك نتي معارفة والو على هاد العائلة ولكن انا آه عارفة كولشي

( شافت فزهرة: ونتي امدام زهرة انا تقت فيك فاش قلتي ليا غتزوجيني لولدك ولكن نتي خنتيني كوني أكيدة حقي غناخدو منكم وكااع اسرار هاد العائلة غيبانو مع الوقت ديرو فبالكم كاميليا مكتسامح مكتنسا وغنرجع باش ننتاقم كونو اكيدين وخاصة نتي اسليمة بنت الطبقة الفقيرة

فتون دفعاتها تا رجعات للور وهزات صبعها فوجها ونطقات مخنزرة فيها بتحدي كبر: شوفي اديك عضم التييو من الأحسن تمشي ولا مغاديش يعجبك الحال عمرك تفكري انك تهددي ختي من الأحسن ليك يلاه ديگاج الباب

كاميليا راجعة باللور وهي تنطق: دابا تشوفوني علاياش قادة بربي حتى غتندمو (وهي ضور غادة بحالها طالع ليها الدم

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــسابع والعــــشــــرون♠️⁩

#فـــي مــكــان اخـــر #شـــركــة الســبـاعــي ومن لا يعرفها الموظفين بعدما سمعو ان يوسف وفاروق جاينين للشركة يطلو على الأوضاع كولشي ترون عندهم كولشي غادي جاي وهازين اوراق وملفات متوترين

من غيرها هي اللي كانت هازة مراية وكتعكر بعكر حمر وتماصيه بين شفايفها وابتسامة شبه خبيثة مزينة وجها شعر أسود لحد الحصر طاي منحوثة وصدر مشدود ذراع موشومة كل شوية كتشوف جيهة الباب تشوف واش وصلو ما إن بانو ليها الموظفين وقفو قلبها بدا بالخفقان عرفات محبوبها كيف سماتو هي جا

إبتسمات بإثارة وهي تنوض من كرسي الإستقبال غادا كتمايل حتى وصلات حتى الموظفين اللي متوترين حين عارفينهم صعاب قلبها بدا كيضرب بجنون فاش شافتو داخل بمشيتو الرجولية والتخنزيرة اللي زايداه هبة فوقمن هيبة إبتاسمات عاضة على شفايفها كيشي حمقة

غمضات عينيها بهوس فاش شمات ريحتو دازت من حداها اللي خلات حواسها كاملين يخدمو فهاد اللحظة محسات غير بنغزة من عند صاحبتها مخاطباها

“جنان توقضي وعيقي براسك اش كديري واش نسيتي الأخبار سيد مزوج نعلي الشيطان

جنان عضات على فمها من الداخل بغيض وهي تجرها من يديها تمشات بيها للكلوار خاوي وهي تشدها من شعرها مزيرة عليها ونطقات: واش ساخية بعمرك ولا شنو هو ديالي انا فهمتيني فاروق ديال جنانا وجنان ديال فاروق يعني ديك مرتو معندها تا أهمية

(طلقات منها بالنتير وشافت فيها ناطقة: وزيدون واش شفتي اللي كيتزوج بالليل كيصبح فالشركة هو وخوه تزوجو بجوج البارح إذا هادشي خارج عن إرادتهم حيت كون كانو كيبغيو عيالاتهم غيديوهم لشهر العسل ولكن هادشي موقعش ولكن متخافيش انا غندخل لديك العائلة بحال اللفعة فالاول غنكون غير مسكينة معندها الي يعاونها وهانتي غتشوفي أهجر ونتي الى قلتي شي حاجة نساي انك عندك صاحبتك سميتها جنان عاد انني غندمك فهمتيني ولالا

بقات كتشوف فيها هجر مصدومة من هضرتها فعلا خوفاتها للدرجة حسات بلسانها تشلل من هضرتها عرفاتها راه ولات مهووسة مريضة عقليا وممكن تأدي بحياة شحال من واحد للموت مفاقت من سهوتها الا فاش حسات بجنان ضرباتها بكتفها وزادت وراها وهي كتحك عنقها بتوتر كتحاول تهدن

كلسات فوق كورسيها الهضرة ديال هجر نيرڤاتها بالمعقول بدأت كتهزز رجليها بعصبية حتى سمعات التليفون هزاتو معصبة يلاه اتدوي وهي تسمع صوتو حسات بقلبها غيخرج ممتيقاش بلي كيدوي معاها مفيقها من سهوتها غير صوتو اللي علا وهو ناطق :

جوج دقايق نلقاك عندي

(وقطع وبدون متسنا هزات مرايتها عاودات عكرها من لول وناضت قادات كسوتها وتمشات جيهة البيرو تلاقات مع هجر وهي تجاهلها متاجهة البيرو ديالو دقات جوج دقات سمعات الإذن بالدخول وهي تفتح الباب وهي توقف مصدومة من داكشي اللي كتشوفو

#يتبع_يــوم_الــإثــنيـــن⁦❤️⁩⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــثامن والعــــشــــرون♠️⁩

#بــدايـة_الـفُـــــلـاش_بــــاك دخل كل من فاروق ويوسف للمكتب ديالو كلس فاروق فالكورسي تاعو حتى غمض عينيه متذكر أنه نسى الملف اللي خاص بالمناقصة تاع اليوم مجابوش هز تيليفونو وهو يصوني لزهرة

فاروق بعدما فتحات الخط: الو الوليدة معنديش الوقت صيفتي ليا واحد الملف خليتو فبيتي راهو كحل مع الشيفور

زهرة : تبغي نصيفطو ليك مع مراتك

فاروق بابتسامة: احياني عليك ازهيرو تاعي صيفتيه معاها ولكن متجيش بوحدها

زهرة: كون هاني

قطعات معاه وهي تنوض من بلاصتها مشات لبيت فاروق وهزات الملف بعدما تفقدات واش هو وتمشات كتقلب على فتون حتى لمحاتها فالجردة كالسة هي وسليمة ومعاهم حتى جنات كيتحدثو تمشات تا وقفات عليهم ونطقات: فتون حبيبة انا محتاجلك

وقفات فتون وحات قدامها باستغراب ونطقات: فاش اخالتي

زهرة: ولدي نسا هاد الملف فالدار وخاصني نديه ليه ولكن انا ممسالياش تقدري تمشي نتي راه الشيفور غيوصلك

فتون: واش ضروري نمشي

سليمة: صافي سيري افتون راه الشيفور معاك عاد انك غادا تمشي تشوفي راجلك ماشي شي حد غريب عليك.

فتون باستسلام: انا انلبس مونطويا ونجي

مشات هزات صاكها ومونطوها وخرجات لقات الشيفور مخرج الطونوبيل خدات الملف من عند زهرة وودعاتهم وركبات معاه

بعد مسافة طريق كانت وقفات الطونوبيل قدام مبنى كبيير نزلات من الطونوبيل وهي معليا راسها وكتشوف فالشركة شحال كبيرة ونطقات فنفسها: “فين غنعرف انا المكتب ديالو دابا انا” هزات الملف وقالت الشيفور غير يمشي وهي دخل وهنا بانت ليها الأجواء مخربقة عندهم بدأت كتمشى بتوتر وحاسة كولسي كيشوف فيها باستغراب

مشات لمكتب الإستقبال ملقات تاحد وهي ضور بانت ليها واحد لوحة معلقة فيها بالخط العريض “FAROUQ SEBBAİY” عرفاتو المكتب ديالو دقات جوج دقات وهي دخل

هز عينيو فاش حس بشي حد حل الباب وهنا توسعات ابتسامتو اللي حسات بيها فتون كيستفزها بيها سدات الباب وهو ناض من بلاصتو حطات ليه الملف بالزعاف فوق البيرو ونطقات:

فتون: علاش مديتيش الملف تاعك ولا عزيز عليك تدير ليا الشغل ولا كيفاش

فاروق ببرود متجاهل هضرتها ونطق: مراتي الحبيبة بغيتي قهوة ولا اتاي

فتون بعصبية : فاروق متعصبنيش تاني

هز الفيكس ونطق فيه: جوج دقايق نلقاك عندي (وقطع…

شاف فيها وتوجه لعندها مقرب ليها كيشوف فعينيها ونطق : باين ليا توحشتيني داكسي علاش جيتي عندي

رجعات جوج خطوات اللور وهي تعكل محسات باديه الا وهو جارها معنقها من خصرها وهنا تفتح الباب

#نــهــايــة_الـٕفلــاش_بـــاك

هزات مرايتها عاودات عكرها من لول وناضت قادات كسوتها وتمشات جيهة البيرو تلاقات مع هجر وهي تجاهلها متاجهة البيرو ديالو دقات جوج دقات سمعات الإذن بالدخول وهي تفتح الباب وهي توقف مصدومة من داكشي اللي كتشوفو بقات مبلوكية وهي كتشوفهم قراب لبعضياتهم لواحد درجة كبيرة ضغطات على يديها بغضب اما فتون بعدات على فاروق كتحك عنقها بتوتر حسات بالإحراج حيت شافتهم فهادك الموقف عكسو هو الي متجاهل الأمر ونطق وهو كيشوف ففتون: حبيبة اش تشربي

فتون شافت فجنان لقاتها باقا مصدومة ونطقات: اللي كان

هز عينيه فيها و مكملش فيها الشوفة ونطق: جيبي جوج كيسان دالقهوة وجوج كيسان دالما اه ومتكتريش السكر (شافها باقا واقفة وهو يعلي صوتو: واش غتبقاي كتفرجي فينا سربي جيبي اللي قلت ليك

قفزات على إثر هضرتو وهي ضور كارهة الوضعية وبين عينيها كيفاش كانو قراب من بعضياتهم لديك الدرجة

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــتاسع والعــــشــــرون♠️⁩

قفزات على إثر هضرتو وهي ضور كارهة الوضعية وبين عينيها كيفاش كانو قراب من بعضياتهم لديك الدرجة ركباتها الفقصة من رجليها تال راسها وهي كتقول فراسها

“ياك مكيبغيهاش ومعلنش على زواجو جا غا صدفة من الصحافة ول ولكن علاش هوما قراب لبعضياتهم لديك الدرجة كيفاش هادشي مستحيل نخليهم يكملو هكا مستحيل فاروق ديالي بصعوبة باش قدرت نقنع بابا يدخلني على أساس سكرتيرتو الخاصة ميمكنش جهدي كامل يمشي غا هكك… “

تمشات لواحد الغرفة خاصة بالأطعمة والقهوى للعمال فالشركة جهزات جوج كيسان ديال القهوة وجوج كيسان دالما دارتهم فبلاطو وتمشات للمكتب ديالو وهي تنطق مغددة

جنان مفقوصة: على آخر يامي نتسخر على مراتو غا تسناو العاصفة اللي غتجيكم مني مزال مكتعرفو جنان اش كتسوى

دقات جوج دقات حتى سمعات الإذن بالدخول عاد دخلات كانت فتون كالسة فوق الفوتوي بعدما رغمها فاروق وهو كيراجع شي ملفات حطات ليهم البلاطو ونطقات من فوق خاطرها ولكن ملامحها كيبانو عاديين

جنان وهي كتسنا منو يطلع راسو فيها: باقي محتاج شي حاجة اسي فاروق

دار ليها إشارة بيدو باش تخرج بدون ميهز راسو الشي اللي استافزها رجعات باللور وخرجات سادة الباب موراها

فتون شافت ففاروق ونطقات : مبيانش ليك بلي راك مغرور ووقح بزاف

فاروق باستفزاز: واو مراتي العزيزة عاد بدات كتكتاشف شخصيتي تبارك الله عليك

فتون قلبات عينيها بعصبية وهي تهز صاكها ونطقات : انا غادا بحالي مستحيل نبقا مع مختل بحالك فنفس البيرو

فاروق مهزش فيها راسو ونطق: جربي تخرجي وديك ساعة نتي الوحيدة اللي غتحملي المسؤولية تاع داكشي اللي غيوقع

فتون ربعات يديها: لكنتي كتقصد سليمة فراك مبقيتيش غتهددني بها أولا هي دابا مرات خوك تانيا خت مراتك لذلك نتا اكيد مغتوصلش بيك الحقارة باش تآديها حيت غتلقا يوسف فالمواجهة ديالك

فاروق ناض عندها داير نصف ابتسامة وداير راسو متعجب : وشكون قاليك انا كنقصد ختك انا البارح ملي شفتها لابسة الكسوة البيضة وجنبها واقف خويا حيدتها من بالي حيت كتهمني علاقتي بيوسف كتر انا وياه راه توأم واخا مكنتشابهوش ولكن عندنا نفس القلب وبالنسبة لأشنو غندير جربي ديري شي حركة من ورا ضهري وديك ساعة غتشوفي علاياش قاد

ضربات بداك الصاك فوق الفوتوي ورجعات كليات ونطقات بهمس: واحد حقير

فاروق رجع لبلاصتو ونطق: سمعتك

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــــتــلاثـــــون♠️⁩

#السابعة مساء خارج فاروق من الشركة وجنبو فتون اللي كتحك فراسها ضرها بزاف بقوة الكلاس والضجر اللي شدها وهي كالسة فداك البيرو الممل هبطو للبارك وركب وركبات حداه ضيمارا الطونوبيل وهو يضيماري تا حس بشي ترما قدامو خرجات فتون عينيها بالخلعة وحيدات السمكة وخرجات لقات بنت طايحة قدام الطونوبيل سخفانة

فتون : اش درتي ناري يكما وقعات ليها شي حاجة

فاروق خنزر فيها: راه مدرتهاش بلعاني هي اللي خرجات قدامي

تحنا عندها وحيد الشعر على وجها شافتها فتون وهي تعقل عليها ونطقات

فتون: فاروق هادي السكرتيرة تاعك هزها يلاه نديوها للسبيطار بالزربة

تحنا عندها وهزها حطها فاللور تاع اللوطو وركبو هوما القدام بعد نصف ساعة كانو قدام المستشفى

هزها وتم داخل بها وفتون تابعاه وهي خايفة عليها جاو الممرضين حطوها فالباياص ودخلوها وهوما بقاو على برا كيتسناو الأخبار عليها

فالداخل غير دخلوها وخرج كولشي وجا الدكتور كيفحصها عاد فتحات عينيها حتى خلعات الدكتور

د.ك بتوتر: نتي بيخير إذا لاش دايرة راسك سخفانة

جنان هزات واحد المشرط حداها وهي تحطو على وجها: الى كتخاف على روحك غتخرج عندهم وتقول ليهم هاد الكلام اللي غنقول ليك دابا

بعد دقائق خرج من عندها وجا قدامو فاروق متسائل على حالتها

فاروق: دكتور كيفاش دايرة حالتها

د.ك متوتر : صراحة المريضة تهرسات من رجليها ودرنا ليها الجبيرة ولكن خاصها الراحة والعناية على الأقل مدة شهر وكما فهمت منها أنها يتيمة معندها تاشي حد فالعائلة واش غتكلفو بها نتوما

فتون جاوبات بالزربة : آه آه انا انتكلف بها متخافش المهم هي تكون بخير

فاروق: جهز الوراق المطلوبة كيما قالت ليك مراتي غتكلف بها

فتون: انا غندخل عندها

خلاتهم كيتناقشو وهي دخل عندها فتون لقاتها حالا عينها كتشوف فالسقف

فتون: انسة نتي بيخير

جنان: آه انا بيخير شكرا

فتون: كنعتاذر منك بسبابي انا وراجلي طرا ليك هكا

جنان بفقصة: ماسي مشكيل متحتاجيش تعذبي راسك

فتون: راه دويت مع الدكتور انا غنتكلف بحالتك تا تصحي

جنان: ول..

فتون مقاطعاها: مكاين موالو غنبقا معاك تا تصحي كوني أكيدة

جنان بابتسامة: شكرا ا

فتون مدات ليها يديها ونطقات: فتون

جنان بابتسامة خبيثة صافحاتها ونطقات: متشرفين انا جنان

#يتبعع…
#غداا
حطيت ليكم 3 اجزاء اليوم حيت كتبتهم فوقت ضيق بزاف والأفكار هربانين من مخي حاسة براسي غير خربقتهم حيت مكنبغي نحط البارت تا نكون مقتانعة بيه زائد محطيتش كيف العادة دائما كنحط فو 5 الأجزاء ولكن اليوم مقدرتش نتلاقاو غدا نحاول ندير كل ما فجهدي باش نحط شي حاجة فالمستوى
#لافيو⁦❤️⁩⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــواحــد و الـأربعــــــون♠️⁩

هبطات من اللوطو. ضربات بالباب بالجهد خلاتو كيعرعر على ديك الخبطة اللي خطباتو بيه طلعات معصبة لبيتها اما هو كان يلاه هابط من اللوطو بانت ليه الخدامة ونطق

يوسف: واش مكاين تاحد فالدار

الخدامة: عاد أسيدي كاين الجد وعمك وكاينة فتون وديك الضيفة وجنات كل وحدة فبيتها أما لالة زهرة علماتني نقول ليكم غا تعشاو حيت هي غتعطل مع لالة ليلى وسي فاروق مزال مجا

يوسف مشافش فيها وتمشا ناطق: واخا جيبي ليا كاس دالما لبيتي انا طالع ليه

الخدامة: واخا أسيدي

تم طالع منيرفي تا طلع الطابق الفوق عاد تلاقا بفتون حانية براسها على تليفونها هزات راسها وهو يبان ليها جاي

فتون: مساء الخير يوسف

يوسف : الحمد لله امرات خويا نتي بيخير

فتون ضحكات : انا بيخير نخليك دابا انا هابطة للتحت

تمشات نازلة تا سمعاتو ناطق

يوسف: مرات خويا واخا نسولك

فتون ضارت عندو: تفضل

يوسف: واش باينة فيا شخص كبير فالعمر لهاد الدرجة

فتون مفهمات والو ولكن جاوبات على قد السؤال : بالنسبة ليا كتبان ليا شخص جدي وناضج علاش؟

يوسف: واش كنبان كبير على سليمة لدرجة كبيرة؟

فتون ضحكات: لا راه سليمة اللي كتبان صغيرة بزااف بالمقارنة للطول ديالها وعمرها

يوسف: شحال عندها

فتون: مراتك ومعارفاش عمرها…أسيدي عندها 18عام

يوسف خرج عينيه ونطق: واقيلة مسمعتش مزيان ياك ميمكنش

فتون: علاش مكيمكنش…اجي سمعت انك نتا وفاروق توأم ولكن غير مطابق شحال تقريبا فعمركم

يوسف شاف فيها ونطق: تلاثين…تلاثين عااام

فتون بصدمة: واااط؟ (بهمس: دابا عاد عرفت علاش كيسول (نطقات بصوت عالي: اصلا العمر ماشي محدد بالنسبة ليا فاش القلوب كتختار بعضياتها مكاين لاش نركزو فهاد الحاجات التافهة

حرك ليها راسو ونطق: صافي شكرا…نخلييك دابا عطلتك

حركات راسها اما هو ضار داخل لبيتو وهي ضارت نازلة تا كيبان ليها فاروق داخل للقصر بدأت كتهبط فالدروج بالزربة باس توصل لعندو وفنفس الوقت جنان خارجة من بيتها تا كتبان ليها فتون كتمشا بالزربة شافها فاروق جايا عندو بالزربة وبدأ كيضحك

فاروق: عمري تخايلت بلي غنجي للدار ونلقا شي مرأة كتسناني ندخل وخصوصا نتي

فتون حكات عنقها بتوتر ونطقات: ت تعطلتي مموالفاش ليك

ضور فاروق يدو على خصرها وتم طالع بيها تاني ونطق: كانت عندي الخدمة كتيرة… ومساليتها حتى تهدييت راجلك خاصو سي مساج تديريه ليه

ضورات يديها على ضهرو ونطقات مبتاسمة: راجلي كيطلب مني وأنا نرفض

فاروق: احح موتي غيكون على يديك اقتالة العيون
بدات كضحك معاه

وهوما طالعين اما جنان التحت كانت مزيرة على يديها ومخنزرة وهي تنطق

جنان: هادشي مبقاش مسلك خاصني شي خطة قوية باش نقدر نفارقهم (إبتاسمات بخبث ونطقات: وأنا عارفة أش غندير

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــثانــي و الـأربعــــــون♠️⁩

جنان: هادشي مبقاش مسلك خاصني شي خطة قوية باش نقدر نفارقهم (إبتاسمات بخبث ونطقات: وأنا عارفة أش غندير

تحركات بالكرسي المتحرك متاجهة للجردة بدأت كتضور عينيها وهي تمشي حدا لابيسين سمعات شي صوت وراها وضارت كتقلب بعينيها

جنان: كاين شي واحد هنا… شكون كاين تما ؟؟

شوية بانت ليها شي بنت خارجة من ورا واحد الشجرة لابسة كولشي فالكحل ودايرة كاسكيطة قريات منها اما جنان جمعات حجبانها ونطقات

جنان: شكون نتي واش كديري هنايا فالجردة … علاش مخبية ؟؟

حيدات البنت الكاسكيطة ونطقات: ان أنا سميتي كاميليا

جنان: واش كتجي شي حاجة لهاد العائلة

كاميليا مخنزرة فالقصر: كنت كنت غنكون عروسة ولدهم يوسف ولكن ديك الحقيرة خدات ليا بلاصتي ونهار عرسي مزال

جنان ضورات عينيها للقصر ونطقات: وا واش سليمة

كاميليا: متذكريش ليا سمية ديك الفقيرة قدامي

جنان: تانا عندي عداوة معاهم يمكن الا تفاهمنا نوصلو لشي حل ونتهناو منهم بجوج

كاميليا: نتي معامن عندك عداوة

جنان بغيض: فتون ختها الكبيرة تاهي خدات ليا فاروق قدرت أنني نوصل للشركة تاعو بمشقة الأنفاس ولكن ضربات ليا بزواجها منو كولشي فزيرو

كاميليا: انا مبقاش عندي هذف أنني ناخد يوسف ولا عندي طموح أنني ندمر مابين هاد القصر كاملين ونعذبهم

جنان ابتاسمات ليها بخبث ونطقات: إذا توصنا لشي حل

كاميليا مدات يديها: واش موافقة تديري يدك فيديا ونتعاونو ؟

جنان: أوف كورس طبعا أنا موافقة (عكاتها تيليفونها: فيديو ليا نمرتك باش نتافقو حيت باين ليا بلي نتي ممنوع دخلي لهاد القصر

خداتو من عندها وهي كتسجل الرقم نطقات: يوسف منع الحراس يدخلوني (عطاتها التليفون ومشات كتسلت باش تخرج من القصر

بدات جنان كضحك حيت لقات عدو اخر للهاد العائلة وخا منقدرش تيق فكاميليا كليا حيت معاشراتهاش مزيان ولكن غتفيدها تا سمعات صوت من حلات عينيها وهي كتمنا متكونش سمعاتها كتدوي مع كاميليا

زهرة من وراها: جنان؟؟

جنان ضارت بالكرسي المتحرك ونطقات بتوتر: نعام اخالتي زهرة

زهرة بهمس: يخوي لمك الضراس اللفعة الزرمومية خانـــزة البيطان (نطقات بصوت عالي: زيدي دخلي راه البرد عليك

جنان تنهدات براحة: وخا اخالتي غا سيري نتي سبقيني

تمشات زهرة كتمشا بالزربة وهي كتهضر مع راسها وشادها القلق

زهرة :خاصني ندوي مع سليمة وفتون باش ميديروهاش بيهم هاد اللفعات خاصني نحدرهم

خارجة من الدوش بان ليها واقف قدامها كيشي عزراين تخطاتو حتى حسات بيديها تجرات بالجهد ضارت عندو مخنزرة اما هو سبقها ناطق

يوسف: مال مك على هاد التخنزيرات تقولي واكل ليك حقك فالورث

سليمة: ونتا شغلك (قلبات عينيها قدامو كتقلي ليه سم: عيني هادو وندير بيهم اللي بغيت

يوسف : شوفي غتبقاي ضوري ليا بجنابي اديك البرهوشة تانصدق مفلعصك منشئ قنت

سليمة: حررررربش جرب لمزغرتة علييك خالتي زهرة سبع زغاريت جرببب تححط عليا يدك يامن ندير ليك شوهة

يوسف: أستغفر الله رولي(غبري) من قدامي قبل من نفوت فيك شي دقة دفعها بكتافو

سليمة: يوسف

تلفت لعندها مزال مكمل الضورة تاحس بكاس دالماء مكبوب عليه من طرف سليمة حتى عمرو ليه حوايجو ووجهو خنزر فيها ونطق

يوسف ابتاسم بالفقصة اللي كتاكل ريتو: الى عزيزة عليك روحك اسليمة هربي

سليمة بعدم فهم: ها؟؟

شافتو جاي لعندها لاحت الكأس وخرجات كتجري شادة الباب على وجهو غمض عينيه بغضب ومشا للحمام اما هي هابطة كتجري تا تلاقات مع زهرة شافتها هكاك كتجري ونطقات

زهرة: بسملاه عليك ابنيتي مالكي

سليمة كتلهث: ولدك.. هفف كبيت عليه كاس دالما كون مهربتش كون راكم كترحمو عليا دابا

زهرة بدأت كضحك: ومالكي كابة على ولدي الماء

سليمة خنزرات: هو اللي بدا ماشي أنا

#يتبع⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــتالــث و الـأربعــــــون♠️⁩

#فتون… متكي فاروق على كرشو عاري من الفوق وحداه سليمة اللي كتمسد ليه على ضهرو وهو مستحلب كل لمسة فيديها تا حسات براسها تجرات ووبات تحتو وهو كيشوف عينيها حسات براسها كاع مكاينى فهاد العالم

فاروق وهو كيشوف فعينيها: اوا امرأتي الحبيبة مزال مبديتي كتحسي بشي حاجة

فتون عضات على شفايفها ونطقات وهي مهبطة راسها: شوية وصافي

فاروق: واخا تزيدي تقولي ليا اش هاد الشوية ديالك

فتون : يعني بديتي كتعجبني ويمكن غنبدا نبغيك

فاروق : صريحة مع راسك انا كنت كنتسناك تقولي ليا شي حاجة خرا ونتي مزنگة بحال كاع البنات ساعة لا الحشمة ونتي خطان موازيان لايلتقيان

فتون خنزرات فيه: اوا ها لعب البراهش راني حمارة اللي كالسة تنعبر ليك حيد عليا خليني نوض

فاروق كيحاول يرصيها وهي تتنتر: اويلي الحبيبة هداي شوية راه غير تنضحك معاك اصلا كنبغيك كيفما نتي… ونتي ممنكش جوج

فتون بتكبر: إوا هكاك اصلا كاينة غا فتون وحدة وهي أنا

فاروق تحنا عندها مقرب ليها كيشوف فعينها ونطق: إوا اش بان ليك

فتون تتلعب فشعرو ونطقات: فاش

فاروق: فكلام جدي عندو الحق خاص نجيبو ليه شي حفيد لهاد العائلة ولالا

فتون بجرأة حطات يديها على كتافو ونطقات: وعلاش لا أراجلي العزيز

فاروق زاد قرب: نقدر نذوق طعم شفايفك

بدون متخليه يكمل هضرتو حطات شفايفها على تاعو تاباستو بالجهد صدماتو بنت العبد وخرج عينيه اما هي حيدات شفايفها من شفايفو رجعات كتشوف فيه وهي مبتاسمة زعما حشمانة

فتون: غا بوسة صغيرة

فاروق: مكاين لا صغيرة لا كبيرة اليوم ناخد حقي

ونهامر على شفتيها بالقبل مرورا بجسمها كامل وفديك الليلة توحدات أجسامهم اللي كان شاهد عليها النسيم والقمر اللي كيطل من على النافدة ومشاعرهم اللي كبرات فديك اللحظة أصبحت رسميا مراتو حلالو وماشي غير فالوراق وإنما رضوه حقيقة

غمضات عينيها وهي تطيح منها دمعة دليلى على أنها تقسحات تاحسات بقبلة على جبينها

فاروق وهو معنقها: سمحي ليا أحبيبة ديالي يمكن فورصيت عليك ولكن نتي اللي بنينة

فتون بادلاتو العناق: ماشي موشكيل أحبيبي

فاروق: عوديها

فتون: اش هي

فاروق : بلا بهلان تاني

فتون كضحك: صافي أحبيبي هاني عاودتها

فاروق راسها ففمها ونطق: من فمك حلوة

فتون: شتك ولفتيها

فاروق: اش هي

فتون: البوسة

فاروق: ونتي شغلك مراتي ونبوسها واللي معجبو الحال راه الحيط قدامو

فتون: حيد عليا نمشي نوض ندوش

فاروق: اجي نعاودو نجيبو واحد اخور وديك ساعة دوشي

فتون: عنداك يقول ليك مخك تقرب ليا براكا عليا حاسة براسي مفروعة

تحنا فاروق لبس عليه شورط ولواها فليزار

فتون: اويلي اش كدير

فاروق هازها داخل بها للحمام: اندوش لمراتي عندك شي مانع

فتون دارت براسها لا: ابدا خود راحتك كولشي ديالك

فاروق: وهكاك..

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــرابــع و الـأربعــــــون♠️⁩

#تسريع_الأحداث داز شهر على قدو علاقة فتون وفاروق. زادت قوات والثقة بيناتهم زادت كبارت وولات سكرتيرة تاعو الخاصة داير البيرو تاعها قدام البيرو تاعو بحجة هو باغي يشوف وجها كل ثانية

أما بين سليمة ويوسف العلاقة بيناتهم متوترة شوية كل مرة خالقين مشكل لبعضياتهم خصوصا خرج ليهم آدم من الجنب اللي ولا فينما يشوف سليمة يمشي عندها وهي معتابراه فقط كصديق وهادشي اللي معصب يوسف حيت طايشة ومتتفهمش اش كيوصيها

اما بالنسبة لجنان وكاميليا فباقين كيخططو الخطوة تاعهم الجاية وجنان مهدنة وهادشي اللي موتر فتون

الشمس داخلة من النافدة الشيء اللي زعج النوم تاعها تقلبات على ضهرها حلات عينيها وبالزربة

ناضت لطواليت كتجري بدأت كترض حتى حسات بحلاقمها غادي يخرجو غسلات وجها وخرجات كتلهث من الحمام ضورات عينيها فالبيت ملفات حد لقات فقط ورقة صغيرة هزاتها وهي تقرا المكتوب فيها اللي كان كالتالي

“فتون حبيبة انا خرجت بكري كانت عندي الخدمة كتيرة داكشي علاش خرجت بلا متجي اليوم للشركة حيت ماشي ضروري نتلاقاو فالعشية”

إبتاسمات بحب ومشات بدلات حوايجها عاد هبطات لقات زهرة وسليمة وحتى ليلى وجنات وجنان كيفطرو

فتون بابتسامة : صباح الخير

زهرة: بنتي صباح النور تعطلتي اليوم فالنعاس مموالفاش ليك

فتون : والو اخالتي غا البارح منعستش مزيان(قالتها وهي تتشوف فجنان عاد كملات كلامها: جنان كيبقيتي لباس اليوم غانمشيو الطبيب باش نحيدو ليك الجبيرة عارفة ياك

جنان بتوتر: آه آه عارفة

سليمة: كلسي افتون فطري

ضورات فتون عينيها على الطبلة كولشي كيشهي ولكن تاحاجة معجباتها حاسة بمعدتها مروعة رجعات تتجري تبعاتها سليمة وكولشي يشوف مالها بدأت كترض تاني حتى عيات

سليمة بخوف: حبيبة مالكي اش ضارك

فتون كتلهث: والو والو أحبيبة غير قويت البارح من الماكلة داكشي علاش كنرض دابا المعدة ديالي مستحملاتش كامل داكشي اللي كليت

زهرة إبتاسمات وشافت فليلى وغمزاتها وهي كتدعي فخاطرها يكون بصح داكشي اللي فبالها هو اللي كاين

وهادشي مخفاش على جنان جمعات حجبانها كتفكر وهي تتشوف فيهم حتى فجأة خرجات عينيها بالصدمة وهي تتنطق فنفسها: لالا ميمكنش زعما تكون حاملة…ولكن كيفاش ميمكنش تكون حاملة…مغنخليهاش غندمها اكيد خاصني نتحرك بالزربة

سليمة: حبيبة طلعي لبيتك رتاحي شوية

فتون: ولك..

سليمة مقاطعاها: مكاين ما ولكن غتمشي ترتاحي يلاه زيدي

فتون: غا كملو فطوركم انا طالعة

طلعات فتون مع الدروج وجنان بقات متبعة لها العين عاد نطقات: انا شبعت غير بصحتكم

زهرة بهمس: كاع متستاهليه اللفعة

طلعات جنان عينيها فالدروج تابان ليها كولشي مشا الصالون وخوات تما عاد هي ناضت من الكرسي المتحرك متاجهة لجهة الدروج وعينيها حمرين

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــخامــس و الـأربعــــــون♠️⁩

طلعات جنان عينيها فالدروج تابان ليها كولشي مشا الصالون وخوات تما عاد هي ناضت من الكرسي المتحرك متاجهة لجهة الدروج وعينيها حمرين

وصلات لبيت فتون وهي تحلو بالجهد وسدات الباب

فتون اللي كانت يلاه اتكلس فوق الناموسية قفزات على إثر الباب اللي تخبط ضارت وهي تلقا جنان قدامها واقفة على رجليها

فتون: جنان اش كديري فبيتي؟…عاد واش مبقاتش كتضرك رجليك ؟..

جنان قربات ليها وهي تشدها من شعرها بالجهد: نتي الحقيرة اش درتي لحبيبي تا خليتيه يقيسك قولي لا هاه

خنزرات فيها فتون وهي تنتر منها هزات يديها تال الفوق وهي تسرفقها ونطقات: ياويلك اجنان ياوليك اللعب معايا غتجني على راسك لانتي لفعة انا كتر منك واش يسحاب ليك انا معارفاش لاياش تتخططي

خنزرات فيه هي الأخرى ونطقات: معندك مديري انا باغا فاروق واكيد غادي ناخدو هو ديالي بصعوبة باش دخلت لهاد القصر مستحيل نتي تاخديه ليا

فتون: عرفتي شنو كنت معولة نخليك تاتعتارفي بالجرائم تاعك ولكن دابا صافي طفح الكيل انا غنقول كولشي اليوم

خرجات بالزربة من البيت معصبة

جنان: مستحيل مستحيل نخليك

خرجات من البيت تابعاها كتجري يلاه اتدير اول خطوة لها فالدروج حسات يديها تجبدات

جنان كتغوت: مغادي تقولي والو واش فهمتي نتي غتسكتي ولا غادي نقتلك نتي وولدك

فتون خنزرات فيها: اشمن ولد ولا نم طلقي مني الخـــريــة اليوم كولشي يعرفك اش ساوية وفاروق كان وغيبقا ديالي

الغوات علا حتى جاو مالين القصر خرجو عينيهم فالدروج حيت كتبان ليهم فتون بقا ليها غاش شوية وغادي تطيح.

سليمة كتغوت: فتون رضي بالك

ضارت عندها فتون وبالزربة جنان استغلات الموقف دفعاتها حتى جات مكركبة مع الدروج ومع كل درجة قلب سليمة كان كيضرب بالزربة رجليها فشلو عليها وهي تتشوف ختها كطيح مع الدروج

رجعات جنان جوج خطوات للور وهي مصدومة

جنان : قتلتها لالا ميمكنش انا غندخل الحبس…ميمكنش انا قتلتها… انهرب اه خاصني نهرب

ضارت تتجري تتقلب منين تخرج اما عند #فتون فكانت وصلات لآخر الدروج سليمة وزهرة كيغوتو بالخلعة وزادو تخلعو فاش بان ليها الدم خارج من تحتها
.

زهرة: ف فتون عتقوها راه تقدر تكون حاملة

سليمة كتبكي: هء كيفاش هءهء فتون عفاك حلي عينيك متخلينيش عاوتاني بوحدي الله اخليك

ليلى هزات تيليفونها بدأت كتصوني على فاروق ولكن تيليفونوو طافي حاولات عدة مرات حتى عيات وهي تصوني للسائق

ليلى كتدوي بالزربة: جهز السيارة دابا وعيط على شي كارد باش يجي يعاوني

شوية تم داخل كارد حجمو كبير

الكارد: اوامرك امدام

ليلى: هز هز فتون طير بها لسبيطار سربي

تحنا عند فتون اللي كنات شبه مغيبة وهزها اما زهرة وسليمة تبعوه وحوايجهم عامرين بالدم

بقات ليلى تتصوني وتعاود حتى يأسات حاولات لآخر مرة عاد سمعات صوتو وقبل متخليه ينطق نطقات جملتها

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــسادس و الـأربعــــــون♠️⁩

بقات ليلى تتصوني وتعاود حتى يأسات حاولات لآخر مرة عاد سمعات صوتو وقبل متخليه ينطق نطقات جملتها

كان عاد خارج من مكتب الاجتماعات هز تيليفونوو لقاه طافي شعلو باش يصوني لفتون توحشها بزاف خصوصا انه مشافهاش من فاش خرج بقا بزاف دالمكالمات الفائتة من. عند مرات عمو ليلى جمع حجبانو باستغراب حتى كيشوفها كتصوني تاني جاوب وقبل ميبدا يستفسر على سبب مكالماتها الكثيرة ليه على غير المعتاد صدماتو بكلام دخل لقلبو كيف شي خنجر حس بقلبو غيوقف وركابيه بداو يفشلو عليه

“فتون فالسبيطار عفاك اولدي سربي اجي”

فاروق بهلع: م مرات عمي اش متقوليش ف فتون مراتي ياك هي بيخير

ليلى : لا اولدي ديك اللفعة دجنان دفعاتها من الدروج تالاحتها التحت وراه نزفات بزاف عفاك اولدي سير لحق عليهم عفاك حاول تكون مع مراتك دابا (وقطعات….

حيد تيليفون من وهو يطيح ليه من يديه حتى وقف عليه يوسف

يوسف: خويا مالك

فاروق حس بالنفس تقطعات فيه وعينيه رحعو حمرين وغرغرو بالدموع يوسف شاف حالتو وهو يزيد قلقو عليه

فاروق: خ خويا مراتي فالخطر مراتي كتموت

يوسف: مالها اش طرا ليها مراتك

فاروق: طاحت من الدروج وداوها للسبيطار اش غنظير دابا

يوسف جرو: زيد نمشيو عندها نشوفو اش طاري ليها

خرجو من الشركة وركبو فاللوطو وزادو مكسيرين ماقفو تال قدام المستشفى اللي قالت له عليه ليلى

نزل فاروق بالزربة بلا ميسد الباب ومشا كيجري للسبيطار وقف على موضفة الاستقبال

فاروق كيلهث: م مراتي طاحت فالدروج وجابوها لهنا في إنا غرفة كاينة

م.ة كتقلب السجلات: آه هي فالإنعاش ضور على اليمين وسير نيشان

بلا ميجابوها مشا كيجري نيشان ويوسف تابعو حتى لقا زهرة وسليمة كالسين فوق الكراسا كيبكيو مشا عندهم كيجري

سليمة وقفات فاش شافتو: خخويا ف فاروق ختي ختي فالخطر اش غنظير دابا

فاروق: كيفاش طرا هادشي اش وقع

سليمة كتبكي وتشهق وتدوي بهضرة مقطعة : هء اليوم جنان لاحتها من الدروج

يوسف: ياك هي مهرسة من رجليها

سليمة: غا كتكذب كانت كتمثل هي دخلات للقصر على قبل خويا فاروق وكتبغيه داكشي علاش دارت هكاك ودخلات للقصر .

فاروق زير على يديه بغضب وبدا كيلوم فراسو كون غير داها معاه للشركة كانت غتكون بيخير وهوما فعز تفكريهم ففتون قاطعهم خروج الطبيب وهو كيحيد الكمامة

سليمة مشات تتجري عندو: دكتور اش طرا لختي ياك هي بيخير

فاروق: مراتي بيخير ياك ادكتور

د.ك تنهد وهو ينطق:…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــسابع و الـأربعــــــون♠️⁩

هوما فعز تفكريهم ففتون قاطعهم خروج الطبيب وهو كيحيد الكمامة

سليمة مشات تتجري عندو: دكتور اش طرا لختي ياك هي بيخير

فاروق: مراتي بيخير ياك ادكتور

د.ك تنهد وهو ينطق : المريضة بيخير ولكن حالتها مزال حرجة شوية وخصوصا ان الجنين تحرك من بلاصتو

فاروق: ج جنين

د.ك: واش مفراسكمش المدام ديالك حاملة هادي اسبوعين …وددابا خصوصا ان الحمل باقي فبدايتو داكشي علاش الحمل ولا خطير… يعني خاصها العناية الكاملة خاصكم تهتمو بكولشي… شكون يمشي معايا للمكتب باش نقول ليه طريقة العناية بها

يوسف: انا انمشي معاك…

د.ك: تفضل …

فاروق: واش نقدر نشوفها

د.ك: حاليا لا هي خاصها الراحة لمدة 8 الشوايه متتاليين ضروري لصحتها ولصحة جنينها خاصكم تجيبو ليها حوايج جداد

سليمة: انا غنمشي نجيبهم ليها خالتي يلاه تبدلي حوايجك باش نرجعو

زهرة برفض: ابدا انا هنا غنبقا حدا عروستي حتى تصح مستحيل نتحرك من بلاصتي

سليمة:ولكن…

فاروق: غا خليها اسليمة راه انا معاها سيري واجي مع الشيفور متمشيش بوحدك

سليمة : واخا

خارجة كتجري من القصر هربانة تا خرجات منو غادا وسط الشجر اللي حداه وقلبها كيضرب بالجهد حتى حسات بشي يد شداتها

جنان قفزات : كيفاش نتي هنا ؟؟

كاميليا: اش يصحاب ليك مالكي هربانة علاش تتجري من القصر

جنان: كاميليا انا درت واحد الغلط كبير يمكن انا قتلت فتون ودابا اكيد البوليس كيقلبو عليا اكيد

كاميليا بغضب: كيفاش قدرتي تديري شي حاجة غبية بحال هادي واش نتي حمقة واش عارفة اش درتي واش باغا تعفني فالحبس حياتك كاملة

جنان كترعد: انا مقصدتش هي بغات تعاود ليهم حقيقتي وكنت معصبة ا انا خايفة بزاف عفاك عاونيني

كاميليا: غبية ضيعتي ليا خطة شهر وانا كنرسم فيها الحقيرة ودابا سمعيني فتون غتموت غنقتلوها

جنان: هي حاملة

كاميليا بغضب: مكيهمنش غير تموت فتون وولدها نتكلف بسليمة حتى هي ونتي هربي متبانيش حتى نقول ليك امتا تجي

جنان خرجات عينيها كتشوف ورا كاميليا حتى جمعات حجبانها باستغراب حتى ضارت كتبان ليها سليمة واقفة قدامهم ومعصبة

جات لقدام جنان وصرفقاتها: الحقيرة نتي كنتي باغا تقتلي ختي وولدها

جنان بغضب: البرهوشة كيفاش تجرأي تحطي عليا يديك كيفاش

سليمة: غتشوفي كتر تيقي بيا غتمناي الموت ومتلقايهاش (قجاتها بغضب وعينيها عامرين بالدموع : موتي نتي وهاد الحقيرة كنتو غتحرموني من ختي

جنان خرجات عينيها كتحس بظفار سليمة كيتخشاو فيها حتى كتشوف سليمة طايحة سخفانة قدامها على إثر ضربة عطاتها ليها كاميليا بالعصا بالجهد لراسها

جنان: اش درتي

كاميليا بخبث : دابا قدرت نوصل لسليمة مبقيتش محتاجة ليك حيت أصلا مفدتيني بوالو

جنان: كيفاش…

خرجات جنان عينيها وهي كتشوف كاميليا موجهة سلاحها بالإتجاه ديالها

جنان: اش كديري الحمقة واش تسطيتي كاميليا شوفي…

مزار مكملات هضرتها طاحت ودمياتها سايحين حداها بسباب الرصاصة اللي تلقاتها من كاميليا

كاميليا شافت جهة سليمة ونطقات لشخص وقف قدامها ملتم : هزها من هنا وديها لفين غنقول ليك

#يتبع..
#غداا…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــثامن و الـأربعــــــون♠️⁩

بدات كتحل عينيها راسها كيزدح بقوة ديك الضربة عاد وضاحت ليها الرؤية الخوف تسلل لقلبها وهي تتشوف راسها فبيت مضلم وحيوطو موسخين والريحة تتجيب تقيا غمضات عينيها وحلاتهم وهي كطلب من الله تكون غير كتحلم

بدات كتحاول تنوض جراات رجليها وهي تمسع تخرسيس فرجليها لقات سنسلة ديال الحديد شادين بيها رجليها وصلات لباب وبدأت كدق بالجهد والخوف متسلل بقلبها بشكل كبير

سليمة كتغوت :واش كاين شي واحد هنا عتقووووني حلوو عليياا

فغرفة اللي جنبها كالسة فوق البيرو وجوج دليكارد واقفين على راسها هزات عينيها فالشاشات تاع المراقبة وهي تبتاسم بخبث

كاميليا: اووه الأميرة النائمة فاقت نمشيو نطلو عليها

تحركات وهوما تابعينها وصلات لبيت ودوزات ساروت

كاميليا بأمر: بقاو هنا حتى نعيط ليكم عاد دخلو

حناو راسهم ونفدو الأوامر اما هي دخلات وسدات الباب وتقابلات مع سليمة اللي خرجات فيها عينيها. ضغطات على واحد الزر وهو يتشعل الضو

كاميليا: تعطلتي بزاف فالنعاس الأميرة الصغيرة

سليمة: ك كاميليا

كاميليا: بشحمها ولحمها

سليمة: نتي..نتي اشنو باغا عندي لاش خاطفاني الا عرفو راه مغاديش يدوزوها ليك بالساهل نتي عارفة

كاميليا: عارفة…ههه وهادشي اللي باغا انا باغا نحرق قلبهم وندمرهم كيما دارو ليا ليلة خطبتي هوما راه خداو مني روحي واش عارفة هادشي ولالا

سليمة: شوفي انا عاذراك وفاهماك ولكن راه يوسف عمرو مغيبغيك واش يسحاب ليك الى خطفتيني غترجعي معاه

كاميليا: واش مسمعتينيش اش بيت نقول ليك انا مبقيتش باغا يوسف انا باغا ننتاقم لكرامتي اللي لعبتو بيها

قربات منها وشداتها من فكها وزيرات عليها عاد كملات كلامها : وغنبدا بيك نتي حيتاش هنا فين غتموتي معفنة… بالجوع والبرد والعطش …مغنرحمكش غنعذبك تتمناي الموت ولكن مفتلقايهاس فالوقت اللي فتحسي برايك كتموتي انا غنعتقك حتى تعذبي مزيان هادشي اللي باغا

سليمةغرغرو عينيها: ول ولكن انا باش آديتك نتي اللي كنتي حاقدة عليا من الأول

كاميليا: حيت كنت عارفة نواياك نتي كنتي مصممة تاخدي يوسف وخديتيه وصلني لمبتغاك ونسيتي نهار خليتيني نعتاذر قدام كولشي ونقول ليك سمحي ليا نسيتي نهار ذليتيني قدام كاع الحضور انا اليوم غنذلك قدام كاع هاد ليكارد اللي خدامين عندي شتي الصالون مستفين فيه ليكارد من القنت تال لقنت ونتي غتكوني خدامتهم وغعبديهم اللي قالوها ليك غاديريها بالحرف الواحد سمعتيني ياك

سليمة كتحرك راسها بالنفي وفنفس الوقت خايفة : لا لا مبغيتش انا باغا نمشي عفاك طلقيني نمشي

كاميليا بدأت كضحك: تيقي بيا نتي الخاسرة حيت إلا حاولتي تذاكاي ختك غتآدى رجالي فالمستشفى اللي فيه ختك كيتسناو فقط الأوامر تاعي وهاهي ختك ميتة هي وولدها اللي باقي متزاد يلاه قدامي نتي غتولي الخدامة تاعي

وركات على واحد البوطونة وهي تحيد السنسلة من رجليها وتمات كاميليا سابقها عاد ضارت عندها : يلاه تبعيني الخدامة

سرطات سليمة ريقها حاسة بالخلعة والفشلة فنفس الوقت

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الــتاسع و الـأربعــــــون♠️⁩

غادي جاي فالكولوار ومتوتر بالو كلو معاها كيغاتكون واش هي بيخير أسئلة كتيرة تراكمات على راسو حتى كيصوني تيليفونوو

فاروق دوز الخط: عمي عباس ياك لباس ش واقع

عباس خايف: سي فاروق عتق لا لقيتي متعتق السائق تاعكم فارق فدمو وسط الطونوبيل وكاينة بنت مقتولة حدا القصر جهة الغابة

فاروق تفكر سليمة: كيفاش اش طرا واش سليمة واش وقعات ليها شي حاجة

زهرة ويوسف سمعو سيرة سليمة وهوما يقربو ليه باس يعرفو اش واقع

عباس: لالا أسيدي سمح ليا ولكن بقوة الخلعة مشيت الكاميرة لالا كاميليا قبل ساعتين قتلات هاد الآنسة وخطفات سليمة

فاروق معصب: وفيناهوما ليكارد اللي انا معين اش هاد الإستهثار تاعهن

عباس: أسيدي خاصك تجي نتا وسي يوسف باش تعرفو اش غديرو راه القضية ولات خطيرة والبوليس محاصرين كاع القصر

فاروق: قطع قطع احنا جايين

فاروق شاف جبهة يوسف : كاميليا قتلات جنان وخطفات سليمة

زهرة شهقات بالصدمة: استغفر الله العظيم اش طرا لبنتي مسكينة

يوسف خرج عينيه معصب: اش كتقول اخويا كيفاش سليمة تخطفات كاميليا راه وحدة مريضة نفسيا واش عارف اش كتقول

فاروق: الواليدة نتي بقاي مع فتون وانا غنصيفط ليكم اللي يحضيكم …يوسف يلاه نمشيو سربي خاصنا نلقاو سليمة

خروجو كيجريو من المستشفى وضيمارا متاجهين للقصر يوسف بدا كيحس بقلبو كيضرب بالجهد وحس بالخوف عليها خصوصا هي باقا صغيرة اكيد غادي تخاف وعاد شخصيتها ماشي شخصية اللي تقدر تدافع على راسها قدام وحدة بحال كاميليا

قاطعوا فاروق: خويا هبط راه وصلنا

هبطو من اللوطو لقاو سيارات الشرطة امام القصر ومضورين الشريط الأصفر حدا واحد الشجرة قربو ليها ولقاو جثة جنان حالا عينيها والرصاصة مختارقة جبهتها

الشرطي: سي فاروق سي يوسف هاد الجريمة طرأت قدام داركم والخادم ديالكم كيقول بلي مراتك اسي يوسف تخطفات فيمن شاكين

يوسف: ك كاميليا هي اللي غديرها هي اللي كتكره عائلتنا عاد الكاميرات واش مكاين تاشي أثر لسليمة

الشرطي : متخافش اشي يوسف مراتك غنلقاوها ونرضوها لدارها سالمة إنشاء الله دابا عطيني تصويرة مراتك باش نوزعها على الفريق باش يتكفلو انهم يقلبو عليها

يوسف حس بالڤيبرون فتليفونو حلو وهو يحل عينيه على وسعهم زير على فمو وهادشي للحصول فاروق طلوعلى التليفون وهو يخرج عينيه مصدوم تاهو كانت سليمة كالسة على ركابيها وكتمسح ليكارد صبابطهم حتى كيصوني تيليفونوو جاوب والغضب كياكل فيه : كاميلياااااا موتك علىى يدييي أقليلة الحيا

كاميليا كضحك: اوه ماي بب تهدن كالم كالم طوا عرفتي شنو جاتني فكرة فراسي علاش منخليهمش يدوزو عليها واحد بواحد اش قلتي

يوسف مكشكش : والله القسم وتقيسيها نتي وكلابك حتى غتعيشو العذاب الآليم انا كنحذرك تقيسي مراتي

كاميليا تعصبات: اوووه بلا بلا بلا مكتسالاش ماشي نتا اللي غتعلمني اش غندير حاجة أخرى دابا انا لويت ليك دراعك اللي هي سليمة وريني اش غادي دير
#يتبع⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـخمــــــــــــســون♠️⁩

كاميليا تعصبات: اوووه بلا بلا بلا مكتسالاش ماشي نتا اللي غتعلمني اش غندير حاجة أخرى دابا انا لويت ليك دراعك اللي هي سليمة وريني اش غادي دير دابا سمعني اش غنقول ليك لابغيتي مراتك تبقا فالحفظ والأمان

يوسف: نطقي…

كاميليا كتلعب بضفارها وهي كتشوف فسليمة اللي فمها مربوط وفنفس الوقت كتدوي معاه : غادي نعطيك البلاصة اللي خاصك تجي ليها غادي يستغرقك الوقت ساعة على الأقل باش توصل لعندي انا وسليمة

يوسف: واخا عطيني العنوان

كاميليا: ركب فطنوبيلتك عاد نهضر انا راه عندي عيني وكنشوف كولشي

يوسف شاف ففاروق: انا خاصني نمشي نقلب على سليمة

فاروق: نمشي معاك

يوسف بهمس: طالباني بوحدي غير رتاح انا غنكون بيخير

مشا ركب فاللوطو ونطق: يلاه نطقي

كاميليا: انا فالدار اللي فالجبل

يوسف: ساعة وهاني عندك وديك ساعة نتواجهو

كاميليا كضحك كالحمقة:: كنتسناك أحبيبي…

قطع عليها مغزف تفكر حالتة سليمة قلبو ضرو عليها وعزات عليه الطريقة باش كانت كتمسح ليهم رجليهم وهوما كيستحقروها مستحملهاش ضيمارا اللوطو بسرعة وهو كيتحلف على كاميليا كيتوعد ليها بالجحيم اللي غتعيشو

فاروق شاف فالشرطة: زيدو خاصنا نتبعو يوسف ولكن بلا ميعيق بينا حيتاش المختاطفة مهدداه

الشرطي: واش هضرات معاكم

فاروق: آه خاصنا نتحركو ختي الصغيرة مخطوفة خاصني نعتقها ضروري

الشرطي: يلاه ركبو فالسيارة باش نتبعوه

كتاكل فالعنب ودايرة رجل فوق رجل وهي كتشوف فيها كيفاش كتهان ومقاداس تدافع على راسها غمزات واحد من ليكارد وهو فمهمها

ليكارد : مدام كاميليا منين جبتي هاد الخدامة

كاميليا كضحك: لقيتها فطارو دزبل

حنات سليمة راسها هي كارزة على يديها

ليكارد: واخا جايا من زبل(دوز لسانو على شفايفو: ولكن زوينة وحلوة …(هبط لعندها: الزوينة اش بان ليك تمشي معايا غيعجبك الحال

سليمة بهمس كترعد: ب بعد بعد مني

ليكارد شدها من معصمها ونوضها بالجهد ضور يدو على خصرها وزير عليها حتى تخنقات ونطق: تاحد مكيقول ليا لا غتمشي معايا بغيتي ولا كرهتي(رمقها بنظرة شهوة: غتمتعيني تشهيتك وبغيت ندوقك وندوق حلاوتك

سليمة كتبكي: ع عفاك بعد مني… مبغيتش (شافت جهة كاميليا اللي كضحك: كاميليا عفاك عتقيني نتي بنت بحالي كيفاش قادرة تديري فيا هادشي واش مفقلبكش الرحمة

كاميليا: ديها وطهلا فيها راها من النوع الحشومي تقدر تمراس عليها ساديتك وهي غتطيعك وهادسي على قبل ختها

زير عليها وهو جارها وهي تتنتر منوو كتبكي : لا لا مبغيتش (كتغوت: يوووسف عتقني كاميليا عفاك مديريش فيا هكا الله اخليك

كاميليا دارت بيه إشارة بيديها باش يديها عصباتو حيت كتنتر ليه صرفقها بالجهد تا طاحت مغمى عليها هزها فديها وداها معاه

كاميليا: غابشوية على الأميرة الصغيرة مزال مولفات ولكن غتولف يلاه ايوسف بين ليا ووريني كيفاش غتعتق مراتك من انها تفقد شرفها ههه اللعب بدا يزيان وانا فرحانة بهادشي

عند سليمة اللي كانت مغيبة حتى بدات كتستاعد وعيها بغات تحرك لقات راسها مربوطة فوق الناموسية هزات عينيها بان ليها داك ليكارد جاي لعندها وكيحيد فحوايجو شافت الموت جايا ليها وبدأت كتغوت

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـواحـد و الـخمـــــــســون♠️⁩

عند سليمة اللي كانت مغيبة حتى بدات كتستاعد وعيها بغات تحرك لقات راسها مربوطة فوق الناموسية هزات عينيها بان ليها داك ليكارد جاي لعندها وكيحيد فحوايجو شافت الموت جايا ليها وبدأت كتغوت بالجهد وهي كطلب شي حد يعتقها حتى خرجات عينيها على إثر يديه اللي قجاتها

ليكارد: سكتي سكتي الكــلـــبـة واش باغا تجني على راسك من الأحسن ليك تخليني نقضي اللي غنقضيه ولا غنضطر انني نستخدم العنف وديك الساعة غتندمي

سليمة كتبكي بالجهد: عفاك اخويا لما طلقني خليني نمشي الله ارحم ليك الواليدين راه ختي مريضة بين الحياة والموت منقدرش نخليها متديرش ليا هكا وطعني فشرفي اكيد نتا عندك ختك الله يرحم ليك واليديك

ليكارد خنزر فيها وقرب ليها إما هي غير شافتو كيقرب وهي تغمض عينيها كتبكي ومقهورة على حياتها كيولات وفين وصلات حتى حسات بديها كيتفكو حلات عينيها بصدمة وقبل ماتنطق هضر هو

ليكارد مكيشوفش فيها: غير شفقت عليك ماشي شي حاجة أخرى انا غنعاونك تهربي حيت الى مشيتي تا طحتي فدين شي حد اخر مستحيل تخرجي عايشة

سليمة كضحك: شك شكرا اخويا كنشكرك بزاف نتا معارفش اش درتي معايا دابا

ليكارد مد ليها تليفونو: هاطي صوني على راجلك

هزاتو عندو وهي تصوني ليوسف اللي غير شاف رقم غريب وهو يجاوب تا سمع صوتها

يوسف: س سليمة نتي بيخير

سليمة: ي يوسف عتقني هادي راها مريضة عفاك عتقني ايوسف

يوسف: سليمة متخافيش 5 دقايق وهنا…

مزال مكمل هضرتو سمع صوت القرطاس قوي خرج عينيه بخوف ونطق سليمة سليمة واش نتي بيخير سليمة

جاوباتو كاميليا كضحك: منضمنش ليك الوقت كيضيع تيك توك تيك توك (وقطعات

يوسف غوت بعصبية وهو يضرب فالفولون وهو يزيد السرعة مخلي موراه العجاجة

عند سليمة اللي كانت كدوي مع يوسف حتى تفتح الباب ودخلات كاميليا

كاميليا كتصفق: واو الخدام تاعي ولا عندو ضمير

هزات المسدس وتيرات فراسو حتى غوتات سليمة بالخلعة وكاميليا صرفقاتها وهزات التيليفون سمغلت صوت يوسف كيهضر وهي

تنطق:منضمنش ليك الوقت كيضيع تيك توك تيك توك (وقطعات

شدات سليمة من شعرها ونطقات: واش باغا تموتي الحقيرة صيفتك معاه باس تطيعي اواميرو وتقصي معاه الوقت ماشي هو اللي يطيع اوامرك

سليمة كتألم: اش غندير ليه انا هو اللي قلبو كبير ماشي بحال شي وحدين السم والحقد طغا على قلبهم

زيرات على فمها وهي توجه مسدسها ليها وهي تنطق: صافي استافزيتيني كتر من القياس وجدي راسك حيت غتموتي

غمضات سليمة عينيها وبدأت كتشهد يلاه اتضغط على الزناد وهي تسمع صوت سيارات الشرطة برا

كاميليا: حقير جاب معاه البوليس

شداتها من مرفقها وحطات ليها المسدس على راسها ونطقات: نتي وسيلتي باش نهرب زيدي قدامي زيدي

تمشات قدامها وهي وراها ودايرة السلاح على راسها حتى خرجو من الدار شافت فيهم وشافت فيوسف كتحلف عليه هو اللي كان معصب على فاروق حيت جاب الشرطة وهكا غيكون عرض حياة سليمة للخطر

يوسف كيشو فيهم: ك كاميليا شوفي طلقي منها وخلينا نتفاهمو صافي خلينا نتفاهمو وخودي لي بغيتي

كاميليا بغضب وعينيها حمرين : بغيت حياتك وحياتها وحياتكم كاملينن

يوسف: شوفي خودي حياتي انا ولكن طلقيها

كاميليا: خايف عليها شنو فيها ومفياش علاش مبغيتينيش انا من صغري وانا معاك كبرت معاك ايوسف علاش هاد التناقض علاش عمرك بادلتيني نفس المشاعر اللي كنحس بيهم من جيهك

يوسف: حيت كنبغيها …

هزات سليمة عينيها فيه وهي كتبكي وهو كمل كلامو كيشوف فيها: كنبغيها هي حياتي وروحي كاملة ملي شفتها تعلقت بها ميمكنش نخليها تزيد تعاني كتر من الأول حياتها من أولوياتي الى مكانتش هي فحياتي انا غنموت عرفت راسي منقدرش نعيش بلا بيها

كاميليا كتبكي بالجهد وطلقات رصاصة فالسماء وهي تتغوت ونطقاتت: سكووووت سكوووت متدييكش تهضررر سكوووت نتااا ظلمتيني ايوووسف ظلمتيييني

يوسف: نتي اللي ظلمتيني راسك اكاميليا نتي عارفاني مكنبغيكش

كاميليا دفعات سليمة لعندهم وهزات المسدس باتجاهمم: نتو نتوما وحدين انانين عمري غنسامح ليكم ذنوبي فوق رقبتكم

دارت المدسدس على راسها ونطقات موجهة كلامها لسليمة: سليمة مبروك عليك ربحتيني فالمعركة ولكن انا ربحت الحرب تحملي عذاب الضمير كل ليلة وتعذبي ليا مع راسك …

مع كملات هضرتها طلقات رصاصة جات ليها وسط دماغها وهي هكا غتكون نهات حياتها ووضعات ليها حد ولكن خلات سليمة مصدومة وغارقة فدموعها حبها ليوسف وهوسها بيه خلاوها تكون وحدة أنانية ومتفكر فوالو منغيرو وهادشي اللي. خرج عليها وجاب ليها التهلكة

يوسف تحنا عند سليمة وعنقها اما هي مصدومة بعدات منو منترة ونطقات: ه هي ماتت ماتت بسبابي قالت ليا تحملي عذاب الضمير ياك هي ماتت بسبابي انا…

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـثانـي و الـخمـــــــســون

يوسف تحنا عند سليمة وعنقها اما هي مصدومة بعدات منو منترة ونطقات: ه هي ماتت ماتت بسبابي قالت ليا تحملي عذاب الضمير ياك هي ماتت بسبابي انا…

يوسف: لالا نتي مدرتي والو هي اللي بغات تنهي حياتها

سليمة كتغوت: إذا علاش حملاتني انني سبب موتها علاااش دارت هكا باس تعذبني

يوسف: سليمة قربي مني مالكي خايفة مني

سليمة كتبكي: حيت عييت يوسف انا عييت مبقيتش قادة على شي حاجة جديدة انا اللي فيا كافيني حياتي معاك معندهاش مستقبل انا مبقيتش باغا نبقا معاك منقدرش مزال(سكتت شوية عاد نطقات بجدية: بغيت طلاقي

يوسف بصدمة: سليمة اش كتقولي واش كتهضري بصح …واش عارفة اش كتقولي واش مسمعتينيش هضرتي قبيلة بلي راني كنبغيك ومحتاجك جنبي مديريش فينا هكا انا عارف بلي تانتي كتبغيني وعاد غا شهر هذا باش تزوجنا عطيني فرصة انا عارف انني معاملتكش مزيان فالأول ولكن راني ندمان عفاك

سليمة كتبكي: مبقيتش باغا نبقا معاك ايوسف نتا مكتيقش فيا ومكتبغينيش وبعد المرات كتاهمني انني مكنحتارمش العلاقات صافي عييت… ممستعداش يخرج ليا شي شخص اخر فحياتي ويرونها ليا يكفي اشنو داز عليا

تخطاتو مخلياه مصدوم وقلبو وكينزف بدات كتبكي وهي دير ديها على فمها وقفات قدام فاروق ونطقات

سليمة: خويا فاروق واخا تديني لعند ختي نشوفها اكيد غتكون فاقت

فاروق: ركبي فاللوطو هاني جاي

حركات راسها ومشات ركبات وهي تتبكي

فاروق تقدم لعندو: يوسف كولشي غيكون بيخير مديرس فبالك اكيد غتصالحو

يوسف: انا خسرتها اخويا

فاروق: متقولش هكا انا غنديها تشوف ختها اكيد غير تهكن وتنضم افكارها غادي تدوي معاك وتصالحو نخليك دابا

يوسف تنهد وهو يضور كيشوف فيها كيفاش مقهورة وكتبكي وحالتها كتقطع فالقلب حتى اختافات عن أنظارو عاد تلفت لكامليا لقاوهم كيهزوها باش يدييوها تمشا وركب فسيارتو وديمارا

#زهرة هزات عينيها بانت ليها سليمة داخلة وعيانة ناضت. بالزربة مشات كتجري لعندها وعنقاتها

زهرة: الله الله على عروستي مسكينة اش دارت ليك ديك المسطية

سليمة ببرود: هي ماتت

زهرة شهقات: شتي افعالها فين وصلاتها

سليمة: هي ماتت بسبابي

زهرة: اويلي ابنتي قولي استغفر الله هي ليدارتها لا نتي مدرتي والو

سليمة: لا انا السباب

بدات كتبكي عوتاني حتى تضببات الرؤية قدامها وطاحت مغمى عليها

زهرة : بسم الله عليك ابنيتي فاروق ولدي ديها لسي غرفة هنا ترتاح اللي داز عليها ماشي ساهل

تحنا عندها وهزها متاجه بها لشي غرفة باش ترتاح اما يوسف عاد داخل شافها سخفانة وهو ينطق : مالها اش طرا ليها ..

فاروق: غير عيات. وهي طيح انديها ترتاح ونجي باش نهضرو

يوسف كيشوف فيها قبل جبينها بقوة ونطق: رد ليها البال اخويا

فاروق : راها ختي حتى انا

#يتبع…
#غداا⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـثالـث و الـخمـــــــســون♠️

كتاكل فالعنب ودايرة رجل فوق رجل وهي كتشوف فيها كيفاش كتهان ومقادراش تدافع على راسها غمزات واحد من ليكارد وهو فمهمها

ليكارد : مدام كاميليا منين جبتي هاد الخدامة

كاميليا كضحك: لقيتها فطارو دزبل

حنات سليمة راسها هي كارزة على يديها

ليكارد: واخا جايا من زبل(دوز لسانو على شفايفو: ولكن زوينة وحلوة …(هبط لعندها: الزوينة اش بان ليك تمشي معايا غيعجبك الحال

سليمة بهمس كترعد: ب بعد بعد مني

ليكارد شدها من معصمها ونوضها بالجهد ضور يدو على خصرها وزير عليها حتى تخنقات ونطق: تاحد مكيقول ليا لا غتمشي معايا بغيتي ولا كرهتي(رمقها بنظرة شهوة: غتمتعيني تشهيتك وبغيت ندوقك وندوق حلاوتك

سليمة كتبكي: ع عفاك بعد مني… مبغيتش (شافت جهة كاميليا اللي كضحك: كاميليا عفاك عتقيني نتي بنت بحالي كيفاش قادرة تديري فيا هادشي واش مفقلبكش الرحمة

كاميليا: ديها وطهلا فيها راها من النوع الحشومي تقدر تمراس عليها ساديتك وهي غتطيعك وهادشي على قبل ختها

زير عليها وهو جارها وهي تتنتر منوو كتبكي : لا لا مبغيتش (كتغوت: يوووسف عتقني كاميليا عفاك مديريش فيا هكا الله اخليك

كاميليا دارت بيه إشارة بيديها باش يديها عصباتو حيت كتنتر ليه صرفقها بالجهد تا طاحت مغمى عليها هزها فديها وداها معاه

كاميليا: غابشوية على الأميرة الصغيرة مزال مولفات ولكن غتولف يلاه ايوسف بين ليا ووريني كيفاش غتعتق مراتك من انها تفقد شرفها ههه اللعب بدا يزيان وانا فرحانة بهادشي

عند سليمة اللي كانت مغيبة حتى بدات كتستاعد وعيها بغات تحرك لقات راسها مربوطة فوق الناموسية هزات عينيها بان ليها داك ليكارد جاي لعندها وكيحيد فحوايجو شافت الموت جايا ليها وبدأت كتغوت

ناضت قافزة والعرق كيتصبب من جبينها بدأت كتلهث وهي خايفة داز كولشي بين عينيها حتى لحظة موت كاميليا تنهدات وهي ضور راسها فالغرفة تاع المستشفى حيدات عليها العطل وبسرعة تمشات خارجة من الغرفة متاجهة لعند فتون لقاتهم قدام الغرفة تاعها كيتسناو فتون تفيق
شافتها زهرة وهي تجي عندها

زهرة: سليمة بنتي كيبقيتي

سليمة عينيها على الباب: بييخير شوية مزال مفاقتش ختي بيت نشوفها..

زهرة : لا راه قال لينا الطبيب خاصها الراحة فهاد 6 السوايع اللي بقاو ضروري خاصها العناية ويوسف راه وصا على ممرضة باش تبقا مقابلاها طول مدة حملها ملي ترجع القصر

سليمة شافت جيهة يوسف لقاتو كيشوف فيها وهي تحيد عينيها منو ونطقات: واخا اخالتي ازهرة

تمشات تاكلسات فوق الكرسي وهو مقابل معاها حاضيها باغيها تشوف فيه عارفة راسو غلط فحقها شحال من مرة ولكنه ندم بزاف تنهد مبقاش قادر على هادشي توحش صداعها ولكن دابا كتعاملو ببرود بحال اي شخص عادي مكيعني ليها والو ضار خارج من المستشفى مخليها متبعة ليه العين

تنهظات بضيق وهي ترجع باللور على الكرسي وغمضات عينيها كتسنا يدوز الوقت

#بعد_عدة_ساعاات

بدات كتحرك عينيها وهي كتستاعد تفيق حتى بدات كتوضاح ليها الرؤية عينيها كيضورو وحجبانها تجمعو باستغراب ضورات عينيها فالغرفة الظاهر انها فوسط المستشفى بدأت كتذكر كاع اللي وقع تدريجيا من مدابزتها مع جنان لحتى وقوعها من الدرج بدا راسها كيضرها شافت واحد البوطونة حدها وهي تضغط عليها ثواني قليلة حتى كانت الممرضة فتحات الباب ودخلات عندها

الممرضة: مدام نتي بيخير كتسمعيني مزيان

فتون بغات تدوي ولكن لسانها ثقيل نطقات بصوت متقطع: ف فا فار فارو ق

الممرضة: انا انعيط للدكتور

خرجات الممرضة وهي تلقا سليمة وزهرة ومعاهم حتى فاروق ونطقات: المريضة الحمد لله راه فاقت شكون فيكم فاروق

فاروق جبد عينيها ونطق بالزربة : ا انا انا فاروق

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـرابـع و الـخمـــــــســون♠️

خرجات الممرضة وهي تلقا سليمة وزهرة ومعاهم حتى فاروق ونطقات: المريضة الحمد لله راه فاقت شكون فيكم فاروق

فاروق جبد عينيها ونطق بالزربة : ا انا انا فاروق

ممرضة: غنعيط على الطبيب يجي يفحصها تقدر تدخل لعندها راه كتسناك

حرك ليها راسو وتوجه بسرعة حل الباب ودخل ضور عينيه عليها كتبان صفرة وتحت عينيها غادي للزروقية تنهد وقلبو كيضرب بالجهد

فتون شافتو كيشوف فيها وهي تنطق مبتاسمة: مغتقربش مني ا فاروق

توجه لعندها وفور وصولو لعندها ضمها ليه بكل قوتو حتى تعكرات

فتون: اي

فاروق خرج عينيه وطلق منها ناطق والخوف ظاهر على ملامحو: ف فتون نتي نتي بيخير اش ضارك سمحي ليا مقصدتش نآديك

فتون: فاروق تهدن أنا بيخير غير تعكرت وصافي ماشي شي حاجة انا اكيد بيخير

فاروق شد يديها باسها: كنت خايف نفقدك فاش عرفت اش دارت ليك جنان. مشيت نحماق

فتون ضحكات : خفتي عليا هي خاصني كل مرة نطيح من الدروج باش تبقا ديما خايف عليا

فاروق: الله ينجيك افتون انا خايف عليك ديما بهاد الطيحة ولا بلا بيها

فتون تنهدات: كنت عارفة حقيقتها من اول نهار كون غير مجبتهاش للقصر درت ليكم المشاكيل يااك

فاروق: لا أحبيبة متقوليش هاكا نتي مدرتي والو انا عارف كولشي سليمة عاودات ليا

فتون: فيناهي بعدا

فاروق: كاينة قدام الغرفة تاهي خافت علييك بزااف

يالله اتهضر وهو يتحل الباب ودخل الطبيب بدا كيفحصها

الطبيب: الوغ صحتك مزيانة وكولشي بيخير ولكن كيما قلت قبل لراجلك نتي خاصك الراحة بزاف ومخاصكش تخرجي من الدار الا بالكرسي المتحرك حيت الجنين باقي ممستقرش فبلاصتو

فتون خرجات عينيها: ج جنين

الطبيب: مبروك عليك امدام راكي حاملة اسبوعين دابا

فتون ضارت عند فاروق: ف فاروق واش هادشي اللي كنسمع بصح وا واش انا حاملة غنولي ام ياك

فاروق باس راسها: آه أحبيبة ديالي غتكوني أم انشاء الله واحد 9 شهور وها حنا هازين بيبي صغير بين يدينا

فتون الفرحة غتخرج من عينيها: ممتيقاش افاروق انا وياك غيولي عندنا ولد صغير عرفتي شحال فرحانة مقاداش نوصف الشعور ديالي

الطبيب بابتسامة: مبروك عليك امدام ومرة أخرى كنصحك تهتمي بصحتك مزيان واخا نتي بيخير ولكن جنينك مزال حياتو فخطر كنتمنا تاخدي هضرتي بجدية تامة اي تهور منك يقدر يضيعو

فتون : لالا كون اكيد غادي نهتم بولدي مزيان

الطبيب: السي فاروق نخليكم دابا ولكن راه خاصها الراحة مزال تقدر اخليها ترتاح شوية

فاروق قرب منها وباسها فوق راسها ونطق: امتا تقدر تخرج

الطبيب: غدا فالصباح تقدر تخرج

فاروق: حبيبة غدا غتخرجي من هنا رتاحي شوية دابا وانا غنبقا غير هنا متافقين

فتون : متافقين

خرجو من عندها وخلاوها ترتاح اما فاروق غير خرج انهامرو عليه زهرة وسليمة كيتسائلو على حالتها

فاروق: هي راها بيخير غدا فالصباح غتخرج

سليمة: نقدر نشوفها

فاروق: الطبيب وصا على راحة فتون وهي دابا كترتاح غدا غتجي للقصر وشوفيها دابا الشيفور كيتسناكم برا سيرو للقصر ورتاحو حتى نجيو غدا

زهرة: ولكن اولدي….

فاروق: عفاك الواليدة بلا عناد خاصكم ترتاحو راه الحال ضلام والنهار كامل مدقتو النعمة دابا هي بيخير وكيما قلت غدا غنجيبها وتشوفوها

سليمة: واخا اخويا

جراات زهرة وتمو خارجين من المستشفى حل ليهم الشيفور الباب وهوما يطلعو وديمارا اللوطو لحضات حتى وصلو للقصر هبطو وكل وحدة توجهات الغرفة تاعها سليمة كانت غادا بيئتها حتى شافتها جنات

جنات: سليمة كيبقات فتون لباس عليها

سليمة: هي بيخير خاصاها الراحة علاش مجيتيش عندها

جنات: ولله تا كنت بغيت نجي ولكن يوسف مخلانيش حيت كان عندي امتحان واصر عليا انه خاصني نحفض ليه سمحو ليا بزاف

سليمة: ماشي موشكيل قرايتك اهم أحبيبة نخليك دابا نعس عييت بزاف

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـخامــس و الـخمـــــــســون♠️

سليمة: ماشي موشكيل قرايتك اهم أحبيبة نخليك دابا نعس عييت بزاف

تمات طالعة لبيتها وهي توقف فالنص كتقول مع راسها واش كاين هنا ولا مكاين بقات مداربة مع عقلها حتى حلات الباب واللي ليها ليها اكيد شي نهار غيتواجهو تنهدات بان ليها البيت مضلهم شعلات الضو وهو يبان ليها ناعس فوق الناموسية حمدات لله حيت ناعس هزات حوايجها وهي تمشي تبدلهم ولاحت هادوك فالشبكة تاع الحوايج اللي خاصهم يتصبنو وخرجات وهي تكا حداه ولكن مبعدة غمضات عينيها تا بدأت كتفكر اي حاجة دازت عليها حاسة براسها بحال الى مكتوب عليها المشاكل وكل حاجة كتوقع بسبابها حتى انها ضنات ان كاميليا هي اللي جابت جنان وبسبابها هي كانت ختها غتموت هي وولدها بداو دموعها كيهبطو وهي حاسة بالقهرة وكتافها كيتهزو معاها محسات غير بيوسف ضورها لعندو وضمها ليه حاولات تفك ولكن ممخليش ليها فين تحرك

سليمة: يوسف طلق مني راك زيرتي عليا

يوسف: علاش باغا طلقي مني علاش هادشي كامل غا قولي ليا

سليمة: حيت انا كنجيب غير المشاكل داكشي علاش بغيت نبعد

خنزر فيها وناض من بلاصتو وهو ينوضها معاه ونطق

يوسف: واش نتي حمقة ولا غير كديري راسك هكاك

سليمة خنزرات فيه: انا حمقة صافي يلاه خليني نعس

يوسف شدها من مرفقها: سليمة شوفي هادشي اللي كديري فيه غلط تاحاجة موقعات بسبابك راه ماشي ضروري تعيشي حياتك هانية بلا حتى مشاكل اشنو الهدف الى تزاديتي ومعندك تاشي مشكيل فحياتك

سليمة: يوسف انا…

يوسف مقاطعها: مغاديش نسمح ليك ديري هادشي نتي مراتي وانا كنبغيك وعمري غنفرط فيك وانا عارفة بلي تانتي تاتبغيني علاش راسك قاسح ومكتسمعي من تواحد

سليمة: حيت هاكا كبرت ايوسف هاكا كبرت مكنسمع لحد حيت تاحد ميكدوي معايا اصلا نتا معارف والو اش داز عليا

يوسف مقاطعها: عارف….عارف كولشي الله اخليك اسليمة مديريش فينا هكا وتخسري لينا حياتنا بعنادك وتفكيرك السلبي غادي يخرج كولشي كولشي جا بسباب القدر خاصك ترضاي باي حاجة وقعات ليك

شد ليها يديها وحطها فوق قلبو مقربها ليه ونطق وهو كيشوف فعينيها: مغترحميهش همم تيقي بيا انا كنت حمار ولكن انا شخص مكيعرفش يعبر على مشاعرو كنعتارف بلي بغيتك من أول نهاار شفتك فيه

سليمة: اول نهار؟؟

يوسف ابتاسم: واش هادشي اللي شديتي من هضرتي البرهوشة كنقول ليك كنبغيك ونتي اول واخر بنت فحياتي كاملة كنواعدك وانا عارف تانتي كتبغيني

سليمة: يوسف انا خايفة يخرج لينا شي حد اخر باغي ينتاقم ولا شي حاجة ويتآدى شي واحد من العائلة

يوسف: غنوقفو مع بعضياتنا تانحلو جميع مشاكلنا هادشي علاش حنا عائلة نتي ربي دارك فطريقي باش متبقاش حياتي منحاصرة بين الخدمة وصافي باش نعرف راه عندي مراتي فالدار كتسناني يمكن فهمت مشاعري فآخر لحظة ولكن تيقي فيا راني كنبغيك

هزات فيه عينيها وهي تعالا على صباعها وعنقاتو بالجهد تامبقاتش حاسة برجليها قايسين الأرض

سليمة: شكرا بزاف ايوسف حيت نتا فحياتي بغيتك تسمح ليا فالصباح غوت عليك ولكن من كترث الصدمة مبقيت عارفة مندير كانت هضرت كاميليا كاملة كضور فدماغي وحملاتني سبب موتها

يوسف شاف فيها: هادشي علاش هي قتلات راسها باش تخليك تحملي راسك مسؤولية موتها وهي كولشي دارتو بيديها

تنهدات وهي تشوف فيه المدة عاد نطقات: يوسف كنبغيك

يوسف: ضور يدو على خصرها وعنقها ناطق: وأنا كتر

سليمة: مبغيتكش تخليني شي نهار تافقنا واعدني بلي الموت اللي غتفرقنا

يوسف: تاحاجة مغتفرقنا كوني أكيدة

سليمة إبتاسمات وهو ينطق: عييتي بزاف يلاه نعسو تال الصباح

سليمة رجعات تخشات ففراشها وتخشا حداها معنقها حطات راسها على سدرو حتى غفات براسها ولا تقيل شوية على صدرو عرفها نعسات ضمها ليه وغمص عينيه تاهو منتاظرين غد أفضل

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـسادس و الـخمـــــــســون♠️

بدات كتحل عينيها على أشعة الشمس اللي داخلة من الشرجم ناضت من بلاصتها ضارت مبان ليها حد غوبشات وهوما يغرغرو عينيها يصحاب ليها كانت كتحلم وموقع والو من داكشي اللي وقع البارح بينها وبين يوسف حتى سمعات الباب ديال الحمام تحل وهي تنوض بالزربة مع خرج يوسف مع تلاحت عليه معنقااه

يوسف : سليمة مالكي اش وقع لييك

سليمة: تخلعت يصحاب ليا مبتيش معايا ويلي كنت غا كنحلمم

يوسف: ولكن انا عاد دخلت للبيت مبتش هنا

سليمة هزات فيه عينيها مغرغرين شافها وهو ينطق بالزربة: اتنضحك معاك لاش كتبكي دابا

سليمة: واش مكتشوفش حالتي كيدايرة ولا راه يصحاب لي مبتيش معايا

يوسف: سليمة حبيبة انا البارح ليل كامل كنتو معاك ومكنتيش كتحلمي صافي

سليمة حركات راسها بإيجاب وهو ينطق: انا غنبدل حوايجي ونتي بدلي عليك وكلي على ختك راها فبيتها

سليمة: واش جات

يوسف: آه جابها فاروق فالصباح بكري

حركات راسها ومشات غسلات وجها وبدلات حوايجها عاد تحركات لعند فتون مخلية يوسف فالبيت كيقاد شي ملفات دقات جوج دقات

فاروق اللي كان خدام مع فتون كيبوس فيها سمع صوت الدقان وهوما يقفزو

فاروق خنزر ففتون: واش هاد ختك غتبقا مقابلانا مغنديرو والو

فتون: حشومة عليك باش عرفتيها هي

فاروق: حيت هي اللي كتفسد اي لحظة رومانسية بيني وبين مراتي

فتون: غتكون غير جات تطمئن عليا حل ليها الباب

مشا حل الباب ولقاها سليمة نيت واقفة مبتاسمة تكا على الباب ونطق

فاروق: شي مشكيل ا انسة كتباني ليا ضاحكة وغا البارح كنتي كتخنني علينا هنن بينطلق صافي ضحك عليك بجوج كلمات المدلولة

سليمة خنزرات فيه ونطقات: هاداك ماشي دل هداك سميتو التضحية من أجل الحب اساط حيد من قدامي ندوز

فاروق تنحا للجنب تا دخلات ونطق: فتون انا غادي لعند يوسف شوية ونجي

فتون: واخا

مشا اما سليمة مشات كلسات حدا فتون وعنقاتها

سليمة: متخايليش الخوف اللي حسيت بيه عليك

فتون: متخافيش عليا أحبيبة ديالي هانا وليت بيخير وغنولي ام من الفوق

سليمة ضحكات: فرحت ليك اختي بزاف

فتون: العقبة ليك أحبيبة

سليمة تزنكات وهي تكمل فتون هضرتها: مال حناكك حمرين

سليمة بهمس: البارح يوسف عتارف ليا بمشاعرو ليا

فتون: وينو وشنو جاوبتيه

سليمة: قلت ليه تاناتتــمة💙
•••••••••
••••••••
سليمة: قلت ليه تانا

محسات غير بختها قارصاها

سليمة: احح مال مك واش جهلتي ولا شنو

فتون: واش حمقة لمك مالك مدلولة

سليمة خنزرات فيهم: سيري راه دل ساكنك نتي وراجلك نتي باتي هازا رجليك السما وانا حراميها عليا

فتون: اويلي واش نتي دغيا تحليتي ليه واخا راجلك هداك ماشي مشكيل الله اكمل بالخير إيوا؟؟؟

سليمة: ايوا شنو

فتون ندبات حناكها بالفقصة: ايوا فيناهو السروال ؟؟

سليمة: تي اينا على سروال كتدوي اديك ختنا

فتون: كــواك واش دخل بيك

سليمة حدرات راسها: اويلي استغفر الله العظيم اش هاد الهضرة استغفر الله العظيم اش الكلام الفاحش

فتون: اسمعي اديك متقوليش ليا كاينة مع راجلك فتفس البيت اكتر من شهر ومزال مقاسك

سليمة: م مزال مكتاب

فتون تنهدات بعصبية: واش غتولدو نتوما راه غير دخلة هادي غير دخلة ابنادمة غيبيير دخلة غتعطي لراجلك حقو ولا راه غيخونك

سليمة : يخوني؟ منيتك

فتون: واش انا غنقريك ولا شنو محدكم عايشين بحال الخوت اكيد غيخونك شكون كيبقا مع شي بنت فنفس البيت وميقيسهاش وايلا تعرضتو لشئ موقف محرج اش غديرو متلا دخل للبيت بالصدفة لقاك عريانة كتبدلي ولا العكس متلا اسيري نوضي على سلامتك

سليمة: فتون واش بغيتي نقول ليه سلام يوسف ممكن تـكويــني

فتون: لاجابتها الضرورة قوليها مالكي كتقزدري غا معانا حنايا هو لا معليهش الله العشية تعطي الراجل حقو ولا راني مبرية منك

سليمة جمعات حجبانها كتفكر اش دير

#يتبع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـسابــع و الـخمـــــــســون♠️

الساعة التاسعة والنصف مساءا كتمشي وتجي فالبيت ومتوتر باقا هضرة فتون فعقلها خايفة لمعطاتوش حقو يخونها ولا شي حاجة حتى حسات بالباب تفتح وقفات وبلعات ريقها بتوتر اما هو كمش حجبانو وقرب منها

يوسف: سليمة نتي بيخير واش واقعة ليك شي حاجة

حركات راسها بالنفي وهي ساكتة

يوسف: متأكدة؟؟

عاودات حركات راسها بالنفي تارجعات كتحركو بايجاب

يوسف: سليمة هضري نيشان واش بيك شي حاجة

سليمة بهمس خفيف: و وخا نسولك

يوسف : هضري

بقات واقفة كتشوف فيه وهي كتبلع ريقها كيغادي دير تهضر

يوسف: سليمة دازت 2 دقائق كتشوفي فيا من الصباح ومزال مقلتي لييا والو هضري يلاه

سليمة نطقات بالزربة وهي مغمضة عينيها: قالت ليا ختي فتون الى ما عطيتكش حقك غادي تخوني مع مرأة وحدة أخرى واش بصح هادشي الا كان بصح (فتحات بينواراها ونطقات بعد تردد: يوسف تقدر تــكـوينـي

حلات نص عينيها كتشوف فيها صدماتو بكل معنى الكلمة بقا واقف كيشوف فيها حتى تفرگع عليها بالضحك تامبقاش قادر يوقف بالفشلة كيضحك ويسكت تا كيتفكر اش عاد قالت ويرجع يهضر عاوتاني

سليمة: ويلي الراجل تشير ليا اعوذ بالله من الشيطان الرجيم تف تف تف اش هادشي نمشي نعيط على خالتي

يالله اتحرك وهو يشدها من يديها وكلسها فوق ناموسية وكلس حداها عاد نطق وهو كابح ضحكتو

يوسف: غير تهدني انا متشيرت ما والو انا بيخير غير ضحكاتني طريقة هضرتك العفوية واللي خرجيتها من فمك

سليمة جمعات شفايفها: دابا نتا غتخوني

يوسف: واش كاين اللي كايخلي مولات العيون الخضرين بحالك ويمشي عند شي وحدة خرى زيدون انا كنبغيك نتي ماشي جسدك وممزوجش بيك شهوة فيك مزوج بيك حيت نتي معششة ليا فقلبي

سليمة: بنت اللذين ضحكات عليا وبدأت كتخلع فيا

يوسف: خاصني نشكرها

سليمة: علاش واش حيت خلعاتني

يوسف شاف فيها ونوضها ونطق وهو مضور يدو على خصرها وعينيه فعينيها : تؤتؤ حيت اليوم غندوق مراتي

يالله اتهضر وهي تحس بشفايفو لامسو شفايفها خرجات عينيها ممتيقاش كانت اول قبلة ليها خداها يوسف واللي هو راجلها جرها معاه تا تلاحو فوق الناموسية وباشر في تجريدها من ملابسها

أصبحنا وأصبح الملك لله حلات عينيها عينها وهي تنوض كالسة فوق الناموسية حدرات عينيها لقات راسها عريانة خرجات عينيها حتى بدات كتفكر كولشي داز البارح وهي تضرب جبهتها

سليمة: بنت الحرام هاد فتون ويلي ويلي على شوهتي ويلي على يوسف ممكن تــكويـنــي اويلي على الفاســـقة اويلي فين نحط وجهي

بدات كتندب وجها وهي حشمانة سمعات صوت باب الحمام تحل وهي تخشا تحت المانطا مراضياش تخرج بقوة الإحراج اللي حاسة بيه دابا

كل عليها يوسف لقاها كتحرك شوية عرفها فاقت وحشمانة مشا بدل حوايجو وتحنا عندها ناطق

يوسف: غير خرجي تحت المانطا انا خارج من البيت ونتي خودي راحتك والحشمة غير حيديها من عقلك حيت اتولي تعيشي ديما هاكا وناض خارج من الغرفة مخلي ليها الفرصة باش تخرج من تحت الغطا

سليمة: ولد الحرام حشمني (بدأت كضحك: ولكن زوين احح اقلبي انا اللي خديت زين

#يتبعع…⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـثامــن و الـخمـــــــســون♠️

#بعد_مرور_تسعة_أشهر اليام كدوز وكذلك بنادم كيكبر فتون اللي ولات كرشها لفمها ووقت ولادتها هذا وطول هاد المدة عمرها خرجات من القصر ومالين القصر اللي دايرين ليها كيالما القليل سليمة اللي حبها ليوسف كيكبر نهار على نهار ولكن غبائها هو هو ويوسف مسايرها على هبالها وهادشي كامل حيت كيبغيها بزاف ونهار تلاقاها مع آدم اخر مرة كان غادي ليه ولكن هدناتو وطمأناتو انهم مبيناتنا والو حتى انه عرض عليهم لعرسو اللي قبلو الدعوة وحضروها وهاكا هو يقدر يقول راه تهنا من آدم اما جنات فسافرات برات البلاد عند خوها باش تخدم

ناعسة وحاطة يديها على كرشها كتشخر وكل رجل فين كاينة بجنبها فاروق اللي هالكو العيا فاقت حالا عينيها على الجهد وغوتات

فتون: ف ففاروق غنولد غنولد

فاروق ناض طافج : كيفاش غتولدي صبري تال غدا

فتون قجاتو: واش منيتك جري عتق عتقي راه غنوولاااد عووووك عوووك اعباد الله اخر مرة أخر مرة تقيسي ولا تخشي فيا زمرك انا بالله وبالشرع معاااك

فاروق: فاش كنتي هازا رجليك السما وكتوحوحي ديك الساعة كان عاجبك

فتون كتلهث: واش اولد الحرام انا كنتوجع ونتا كتفلسف عليا عتقني

ناض بالخلعة لابس غا الشورط والضوني هزها ولواها فليزار

فتون: واش اولد الهم وقت ليزار دابا

فاروق: سدي فمك شوفي راه لحمك شوية ويطير عليا

هزها وتم نازل بيها كيتغوت يوسف وسليمة اللي كانو خدامين على ولادهم قفزو بالغواات

سليمة: وييلي ويلي وقلية فتون غتولد

يوسف خنزر وهو ينوض: ولاد الهم هي تولد وانا تحرمها عليا

سليمة: نوض نوض خلينا نمشيو نتبعوهم

فتون كتغوت تا فيقات القصر كامل وهو غادي بيها حفيان ركبها فاللوطو وركبات حداها سليمة ومشاو مكسيرين اما يوسف ركب الباقين وتبعهم

كيجري بيها و تيغوت جابو البياص وتمو جارينها معاه

بغا يدخل ولكن منعاتو الدكتورة: عفاك بقا هنايا وسير عمر الإستمارة حنا غنتكلفو بها كون هاني أسيدي

فاروق كيترعد : عفاك امدام رضي البال راه حملها ممستاقرش

الدكتورة: كون اكيد

خلاتو ودخلات لعندها هي اللي كانت كتوجع وصوتها واصل لبرا بداو عملية التوليد وهي كتغوت بقوة الوجع

د.ك.ة: مدام وخا تدفعي راه خاصك تعاونينا باش نقدرو نولدوك

بقات فتون كتزير وكتدفع حتى كتعيا ولكن كتكابر باي طريقة بغات تولد وتهز ولدها بين يديها

والعائلة برا مجموعين سليمة خايفة على ختها وماشي اقل من فاروق اللي كامل كيترعد

متهناو حتى سمعو صوت بيبي صغير بداو كيضحكو وكيعنقو بعضياتهم وفاروق كيضحك وعينيه على الباب

الدكتورة: مدام زيري مزال راه خاصنا مخرجة التاني

فتون: اويلي على التاني ولله لابقات فيك افاروق

بدات كتزير عواتاني وتعصر كتر من الأول

والعائلة كضحك برا فرحانين حيت تولد اول حفيد حتى كيسمعو صوت بيبي اخر

سليمة: واش ولدات جوج

فاروق: معرفتش واقيلة كنا مبغيناش نعرفو جنس المولود داكشي علاش حنا كنمشيو نديرو غير فحوصات عادية وصافي

دقائق حتا خرجات عندهم الممرضة ونطقات:

الممرضة: مبروك عليكم تزادو عندكم جوج بنات زوينات مشاء الله

فاروق بالفرحة هز 800 الدرهم وعطاها ليها ونطق: هذا كادو من عندي كيبقات مراتي

الممرضة فرحات حيت ضور معاها: هي بيخير خاصاها الراحة شوية وتفيق بينما غسلنا للبنات ونجيبهم ليها ترضعهم

مشات اما هو ضور عينيه كيبانو ليه جوج بنيتات صغغااار بزاافف فالكونة جارينهم. دمعو عينيه وهو كيشوف فكبدتو هادو بناتو ممتيقش راسها عنق يوسف بالفرحة

يوسف: مبروك عليك اساط جايب جوج عطيني وحدة

فاروق ضحك: بيتيهم ولدهم هادوك بناتي معاطيهم بتاخد انا

يوسف: بلاش اصلا مراتي عندها واحد فكرشها

زهرة بفرحة: بصح ابنتي الله عروساتي بجوجهم جايبين ليا الحفايد الله اخليكم ليا
#يتبع⁦♣️⁩ بــــــنــــــات الـــــخــــضـــــار⁦♣️⁩

بــــأنـــامل: imane Talẞi

♠️الـــــبــــارت الـتاســع و الـخمـــــــســون والـأخــــيـــر♠️

بدات كتحل عينيها عيانة وهي تلقا كاع العائلة مجموعين عليها إبتاسمات بعياء ونطقات: ف فيناهوم بناتي

فاروق: هاهوما احياتي شوية ويجيبهم لينا

مزال هو كيهضر وهي دخل الدكتورة

الدكتورة جارة الكونة فيها البنات ونطقات: ها حنا جينا

فتون شافتهم وهي يغرغرو عينيها بالفرحة عاونها فاروق تا تكلسات وهي تمد ليها البنت الأولى عطاتها ليها : خاصكم تودنو ليها فودنها عاد رضعيها

فاروق شاف فجدو وهو ينطق : جدي تقدر تودن لبناتي

الجد بافتخار: الله على راحة نودن لحفيداتي وعلاش لا

مشا عند الأولى وودن ليها وداز عند التانية تاهي نفس الشيء

ووخرجو من عندها باش تقدر ترضعهم على خاطرها

بدات الدكتورة كتعلمها كيفاش تهزهوم وترضعهم حتى رضعو عاد دارتهم فالكونة حداها وخرجات

فاروق كيشوف فيها بحب : ايوا اش غنسميوهم

فتون: ياقوت وجوهرة زوينين ياك

فاروق: نتي كتر كنشكرك حيت نتي فحياتي كنشكرك بزاف

فتون: تانا كنشكرك حيت واقف فجنبي ومساندني نتا هو حياتي كنبغيك

فاروق عنقها وهو كيشوف فبناتو بفخر اما هي حاسة بواحد الفرحة لا توصف

#بعد شهرين

دخلات طونوبيلة كبيرة للدرب وكولشي حاضيها وكيشوف شكون غينزل منها حتى كيتصدمو باكتر وحدات كانت حالتهم المادية تدهور هبطات فتون وتبعاتها سليمة من اللوطو كيبانو انيقات بكل معنى الكلمة

تمشاو تا قربو للدار اللي كانو ساكنين فيها كيدقو ولكن ما من مجيب

فتون: واقيلة مكاينش يلاه نرجعو

سليمة:بلاتي شوية

بدات كدق حتى جات عندهم واحد البنت كيعرفوها

فتون: أمينة واش مكاين تاحد فالدار

أمينة كتشوف فيهم: لا اختي مكاين تاواحد فالدار اللي فراسي مول هاد الدار راه مات الله ارحمو
(ومشات

سليمة شافت ففتون وهي تنطق: وخا كاع هادشي اللي دار فينا ولكن مسامحاه

فتون إبتاسمات ليها وهي تنطق كتشوف لبعيد: حتى انا سامحت ليه كيبقا بابا

#تــــمـــت_والـــحـــمد_لـــله⁦
موسم التاني انحطَو ليكم من بعد ما يكمل… مدير موقع قصص ستار

Leave a comment

  1. سلام عليكم بغيت ناخد إذن ديالك بغيت ناخد قصصك نعاود نشرهم في قناتي أتمنى رد جزاكي الله خيرا